, ,BZANG SPYOD STONG PHRAG SOGS SU 'DON THABS BZHUGS SO, ,
, ,BZANG SPYOD 'DON THABS RGYAS BSDUS SNA TSOGS YOD KYANG, 'DIR TSOGS SU NYIN RANGS 'DON PA'I DBANG DU BYAS NA, DANG POR DMIGS BRTZE MA LAN GSUM, BDE CHEN NGANG NAS X RGYA MTSOS MCHOD, ,TSOGS MCHOD YOD NA MOR 'DIR BYA, YID 'ONG LANG TSO X THOB PHYIR BSNGO, ,GNAS BRTAN PHYAG MCHOD, RTEN 'BREL BSTOD PA, DPAL LDAN SA GSUM MA, PHUN TSOGS SKU GSUM MA, DAG PA GNYIS LDAN MA, YON TAN 'BYUNG GNAS X BZHUGS SU GSOL,, SKYABS 'GRO PHYOGS BCU DUS GSUM GYI X 'PHRO LA PHYAG 'TSAL LO,, THAMS CAD DU NI X GNAS GYUR CIG ,MCHOD SPRIN GYI GZUNGS LAN GSUM DANG ROL SGRA BYA SPYAN DRONG KHRUS GSOL MCHOD PHRE MAndAL LA 'DOD GSOL BCAS, LHUNG BSHAGS, GZHI BDAG GTOR 'BUL, DE NAS, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA SENG GE DAM TSIG GSUM BKOD PA'I RGYAL PO LA SOGS PA PHYOGS BCU'I 'JIG RTEN GYI KHAMS RAB 'BYAMS NA 'TSO ZHING GZHES PA'I SANGS RGYAS BCOM LDAN 'DAS RNAMS DANG, RGYAL SRAS KUN TU BZANG PO SOGS BYANG CHUB SEMS DPA' SEMS DPA' CHEN PO RNAMS DANG, NYAN RANG 'PHAGS PA'I TSOGS THAMS CAD BDAG CAG RNAMS KYI DBANG POR BZHUGS SHING SMON LAM 'GRUB PA'I THUGS DGONGS GTAD PAR MDZAD DU GSOL, BDAG DANG SEMS CAN THAMS CAD KYI RGYUD LA BSHES GNYEN LA MA GUS PA SOGS PHYIN CI LOG GI BLO SNA MTHA' DAG GTAN DU 'GAG PAR BYIN
, ,GYIS BRLAB TU GSOL, BSHES GNYEN LA GUS PA SOGS PHYIN CI MA LOG PA'I BLO SNA MTHA' DAG BDE BLAG TU SKYE BAR BYIN GYIS BRLAB TU GSOL, KHYAD PAR DU YANG 'PHAGS PA KUN TU BZANG PO'I THUGS BSKYED DANG SMON LAM GYI BDEN PA'I MTHU ZAB MO DA LTA NYID DU MNGON SUM DU GYUR PAR BYIN GYIS BRLAB TU GSOL, ZHES PA LAN GSUM, NA MA STREE YA DHI K'A NAm, TA TH'A GA T'A N'Am, SARBA TRA PRA TI HA TA BA BHI, DHARMA T'A B'A LI N'Am, AA SMA SA MA SA MANT'A PAPTI SHA SA NI HA RA HA RA, SMA RA SMA RA nA BI GA TA RA GA BUDDHA DHARMA TE S'A RA S'A RA, SA MA BA LA, HA SA HA SA, TR'A YA TR'A YA, BHA GA B'A NA MAH'A BA RA LOKshA nE, DZVA LA DZVA LA SA GA RE SV'AH'A, (ZHES DE BZHIN GSHEGS PA'I YIG BRGYA DANG, NA MA STREE YA DHI K'A N'Am, TA TH'A GA T'A NAm, SA MARGHA G'A ME NAm, AU DZV'A LA YA SV'A H'A, (ZHES KUN BZANG GI ZHAL MTHONG BA'I GZUNGS DANG,) NA MA STREE YA DHI K'A NAm, TA TH'A GA T'A NAm, AOm AA STA BA RA BHO GI SV'AH'A, (ZHES KUN BZANG SMON LAM 'GRUB PA'I GZUNGS RNAMS LAN BDUN RE BZLA,) RMAD BYUNG SRAS BCAS X GNAS KUN 'GRUB GYUR CIG ,CES BRJOD LA BZANG SPYOD GDANGS BCAS CI 'GRUB RE 'DON PAR BYA'O, ,DE YANG THUN GCIG GIS STONG PHRAG SOGS SU BTON NA DE KAS 'THUS LA, THUN GSUM MAM BZHIR BYED NA, THUN RJES MA RNAMS LA, SANGS RGYAS CHOS TSOGS MA LAN GSUM, SEMS CAN THAMS CAD SOGS LAN GCIG ,BCOM LDAN 'DAS DE BZHIN GSHEGS PA X GNAS KUN 'GRUB
GYUR CIG ,BAR SNGA MA LTAR BTANG LA BZANG SPYOD CI 'GRUB RE 'DON PAR BYA DGOS SO,, GANG LTAR MJUG TU, BYAMS SMON SOGS DANG, 'DI LTAR BGYIS PA'I X CHED DU BSNGO,, BSNGO BA, BSTAN 'BAR MA, TSOGS GLANG YOD NA MTSAMS 'DIR BYED, TSOGS ZHING RNAMS 'OD KYI RNAM PAR RANG LA THIM PAS JI LTAR SMON PA LTAR MYUR DU 'GRUB PA'I BYIN RLABS ZHUGS PAR GYUR, (CES BRJOD CING BSAM,) RGYAL MTSAN RTZE MOR SOGS SHIS BRJOD KYI TSIGS BCAD BCU DANG, DMIGS BRTZE MA LAN GSUM GYIS MTSAMS SBYOR BAR BYA'O, ,CHO GA 'DI'I GDANGS DBYANGS GZHAN RNAMS NI CHOS GRVA'I DUS MCHOD LTAR DANG, BZANG SPYOD LA SER BYES PA'I 'DUR SGRA THUN GCIG TU BYED NA THOG MTHA' GANG RIGS MAS RGYUS GCIG DANG, THUN BZHIR BYED NA TSAN PA BZHIR BCAD NAS RDZOGS PAR BYAS SROL YOD, BLA MCHOD DANG 'BREL BAR MI BYED TSE BLA MCHOD KYI SKOR BZHAG PAS CHOG ,DENG SANG BZANG SPYOD CHO GAR MING BTAGS NAS CHOS SPYOD KHA SHAS LA MU LTO'I RGYANG 'BOD DU SGROGS PA MANG BO MTHONG MOD, SHES LDAN RNAMS KYIS CHOS LA DBANG ZA BA'I NYES PA LA 'DZEM NAS DAM PA RNAMS KYI PHYAG BZHES LA BRTEN PA GAL CHE'O,, ZHES PA 'DI REG NA TSOD GZHON DUS GZHIS DGON RDO RJE BRTAN PA'I DBU MDZAD ZHIG GI NGOR BRIS