` ZHAL GDAMS SNYING GI THIG LE ZHES BYA BA BZHUGS SO, ,
, ,NA MO GU RU, RNAM 'DREN GZHAN GYIS 'DUL BAR MA NUS PA'I, ,LHAG PAR LNGA BDO SNYIGS MA'I BDAG SOGS LA, ,LHAG PAR SNYING STOBS THUGS BSKYED LHUR BZHES PA'I, ,RNAM 'DREN SH'AKYA SENGGER MGOS PHYAG 'TSAL, ,RAB 'BYAMS DUS GSUM RGYAL BA LAS LHAG PAR, ,RAB TU BSNGAGS PA GANG GIS BA SPU TZAM, ,RAB DKAR LHAG BSAM DAD PA'I ZHING GI MCHOG ,RAB 'BYAMS RGYAL BA'I SPYI GZUGS BLA MAR 'DUD, ,SNYING PO MED PA'I MI GTZANG 'DU PHUNG LAS, ,SNYING PO DON GYI NOR BU LEN PA'I THABS, ,SNYING NAS CHOS BZHIN BYED LA MKHO BA YI, ,SNYING PO'I GNAD RNAMS 'GA' ZHIG RJOD LA SPRO, ,THUB DBANG ZHAL SKYIN BSHES GNYEN DAM PA LA, ,BSAM SBYOR TSUL BZHIN BSTEN PAS MNYES BYAS SHING, ,BKA' BZHIN BSGRUB PA'I MCHOD PAR BRTZON PA YIS,, THOG MA'I RTEN 'BREL MA PHYUGS GNAD DU GCES, ,MI BYED MI RUNG GSUNGS TSAD THAMS CAD BYED, ,BYED DGOS BSGRUB DGOS THAMS CAD YAL BOR NA, ,DUS GSUM SANGS RGYAS GCIG TU BKA' BGROS BYAS,, DGONGS PA GCIG TU GTAD KYANG SKYOB TSUL MED, ,BSTEN TSUL DE YANG PHYAG G-YOG SGRUB PA DANG, ,DRUNG DU BSDAD DANG 'BUL BA PHUL PA DANG, ,ZHABS PHYIS MING DU BTAGS TZAM MA YIN PAR, ,DAD PA SBYANGS SHING DAG SNANG SBYONG LA ZER, ,DAL 'BYOR RTEN BZANG MANG RUNG GZHAN GYI YIN, ,RANG LA GCIG PO 'DI LAS GZHAN DU MED, ,GZHAN LAS G-YAR DANG RIN GYIS BLU BA DANG, ,NYO TSONG BYED LUGS MED PA
, ,KUN GYIS SHES, ,PHYIN CHAD YOD MED NANG GI RGYUD BSDUS KYI, ,RGYU 'BRAS GSHIS LUGS BSAM NA HA GO YONG, ,DPYID KA SA BON DUS SU MA BTAB PAR, ,STON THOG LO TOG RE BA LTOGS 'GONG YIN, ,RIN CHEN GLING DU PHYIN PA'I TSONG PA GANG, ,ZONG ZAD KHYIM DU SLAR YANG LOG PA LAS, ,LHAG PA'I STONG LOG DON MED MA BYED PAR, ,RANG DBANG YOD DUS 'JU? SA 'CHANG SA DGOS, , RING DU MI GNAS 'DI PHYI GNYIS KYI BAR, ,YUD TZAM YOD MED KHA TSON GCOD DKA' TSUL, ,ZHIB TU BSAM NA NAM 'CHI NGES MED DANG, ,TSE LA LONG MED YUR CHU LTA BUR 'ONG, ,SHING BAL RLUNG GIS (DED) BZHIN 'GRO BA'I TSE, ,GNA' DUS BSAGS PA'I SDIG PA'I GAN MDZOD LAS, ,ZHO GANG PHUN GANG DBRI BA MI BYED KHAR, ,SHAR NUB RI BO'I GTOS TZAM CHAD MED SNON, ,MA BLANGS ZER BA'I SDOM PA GCIG KYANG MED,, 'DI GTZANG SING NGE BSRUNGS SO ZHES PA YANG, ,MED PAR MA ZAD DGE DANG MI DGE LAS, ,RBAB RDO GYIN THUR DRANGS PA'I TSUL BSAM NA, ,STONG PHRAG NYI SHU'I 'OG TU DBANG MED 'GRO ,DE'I TSE DMYAL BSRUNG 'BAR PA'I LCAGS SKAM GYIS, ,PHAR 'JOG TSUR 'JOG BYED DUS CI ZHIG BYED, ,BU YUG 'TSUB PA'I MUN NAG 'KHYAG ROM NANG, ,DAR LA 'BYAR ZHING DUM BUR GAS PA'I TSE, ,MYUR DU 'CHI BAR SMON KYANG GA LA 'CHI, ,DE BZHIN YI DVAGS DUD 'GRO'I RTEN LA YANG, ,PHYI NANG SGRIB CAN GSOD BRTUNG BKOL SPYOD SOGS, ,JI SRID MI DGE MA ZAD DE SRID DU, ,GZHOM MED RDO RJE'I NGO BOR GRUB PA BZHIN, ,DE LA SEMS
SDUG TZAM GYIS CI LA PHAN, ,MCHOG GSUM STON PA DNGOS DANG ZLA GROGS SU, ,SHES NAS BLO GTANG 'GEL BAR PHUR TSUGS GCES, ,SKYABS 'GRO'I NGO BO SHES PA YIN PA'I PHYIR, ,TSIG TZAM GNAD DU MI 'GRO BLA MAS GSUNGS, ,RGYA MTSOR G-YENGS PA'I GNYA' SHING REG TZAM GYIS, ,PHAN THOGS MI 'BYUNG BU GAR MGRIN CHUD DGOS, ,MNGON PA GONG 'OG TSAD MA'I GZHUNG LUGS LA, ,SBYANGS PA'I 'BRAS RTAGS RTZAL DU 'DON DGOS GSUNGS, ,DE YIS? BSLAB BYA TSUL BZHIN MA BSLAB NA, ,BCOS DGOS NAD PA SMAN PA MKHAS PA YI, ,TSIG MI NYAN BZHIN NAD GSO RE BA LTAR, ,THABS ZAD LAS LA BYED DU YOD RE SKAN, ,DE'I (PHYIR) YID CHES BLANG DOR DKAR NAG LAS, ,MA NOR SPANG BLANG TSUL BZHIN BYED DGOS SO, ,GSOD RKU RDZUN SOGS MA BYAS ZER NA YANG, ,MI TSE GANG POR 'O MA BZHOS NAS BTUNGS,, ZHON KHAL BKAL BAR MA ZAD GSOD SAR SPRAD, ,PAGS PA BGON SHING SHA KHRAG ZAS SU BYED, ,RANG GIS LAG DAR MIN YANG GSOD DU BCUG ,BTZONG BA'I SROG RIN ZOS PA SOGS GZHAN DANG, , 'BREL BAS SDIG PA LHAG PAR CHE BAR GSUNGS, ,NGAG LAS BZHI PO PHAL CHER KHA TON LOBS, ,YID KYI LAS GSUM DE BAS RANG SHUGS BYUNG, ,YID KYI 'GYUR TSUL RTAGS SHING DPYAD PA'I TSE, , YI RANGS TZAM GYIS MI BSAD SDIG CHEN YANG, ,GRANGS MED BDE BLAG SKAD CIG NYID LA GSOG ,SO THAR SKABS SU NYES BYAS PHRA MOS KYANG, ,RNAM SMIN LCI BA AE LA'I 'DAB KLU BZHIN, ,BYANG SDOM SKABS
, ,SU RANG DON LA SRED PAS, ,ZAS KHAM GANG TZAM SPYAD PA'I NYES DMIGS KYANG, ,PHAM PA BZHI CHAR LAS KYANG LCI BAR GSUNGS, ,LHAG PAR RANG CAG MDO SNGAGS ZUNG 'BREL DU,, RLOM NAS GSANG SNGAGS CHOS LA HAB THOB BYED, ,DE YI NANG NAS YANG RTZE MTHO SHOS SNYEGS, ,RDO RJE SLOB DPON DAM LA BZHAG PA'I TSE, ,BDE BA CAN GYI CHU ZHES MA GSUNGS PAR, ,DMIGS KYIS DGAR NAS 'DI NI KHYED KYI ZHES, ,MA THUB MA BSRUNGS KHRO CHU KHOL MA YIN, ,DMYAL BA'I CHU ZHES MNA' CHU 'GREM PA'I TSE, ,'TSANG KA RGYAB NAS CI THUB SKOM DU BTUNG, ,SDOM PA KHA RAL SNA RAL BDAG LTA BUS,, RANG GIS RANG LA BSAM BLO GTONG RAN RED, ,RGYAL BA'I BKA' LA DRANG NGES PHYE BA'I TSUL, ,SNA TSOGS GSUNGS KYANG DAM TSIG SDOM BSRUNG LA, ,DRANG NGES KHYAD PAR GANG ZAG MCHOG DMAN DANG, , RTOGS PA MTHO DMAN GANG ZAG SU LA YANG, ,KHYAD PAR MED PAR SANGS RGYAS THAMS CAD KYIS, ,MGRIN GCIG DBYANGS GCIG MTHUN PAR NAN TAN GSUNGS, ,BDE LEGS KUN GYI RTZA BA LAS 'BRAS LA, ,YID CHES DANG PAR GSUNGS PA 'DI LA THUG ,SGA LA SGAL BA MI YONG RTA LA YONG, ,ZHES PA'I 'JIG RTEN GTAM DPE YOD TSUL LTAR, ,RANG GI RGYUD LA BSKOR TE LEN TSUL NI, ,RGYA YI BSHAN PA KLA KLO NGED GNYIS LAS, ,SDIG PA MI DGE GANG CHE BSAM PA NA, ,SDOM PA MA BLANGS PA LA LTUNG BA MED, ,MNA' CHU MA 'THUNGS KHAS BLANGS MED PA'I PHYIR, ,KLA KLO ZER KYANG DE YI SDIG PA YANG, ,BDAG NI
MA TSANG MED PAR THAMS CAD BLANGS, ,MA TSANG MED PA'I SDIG PAS BGOS BZHIN DU, ,DGE SLONG DGE BSHES BLA MA'I NGA RGYAL 'DZIN, ,DE'I PHYIR SHIN TU LCI BA'I NYES SKYON GYI, ,GONG BUR BSAM NAS RANG GI SNA RTZE LA, ,MDZUB MO BTZUGS NAS RANG GI MTSANG BRUS NA, ,RANG LA PHAN THOGS NYAMS MYONG MNGON SUM GRUB, ,GZHAN GYIS BSHAD NA KHONG KHRO LANG NYEN YOD, ,ZHAL GDAMS 'DI YANG BRTZE BA CHEN POS GNANG, ,DES NA MKHYEN PAS MI GZIGS THUGS RJES DOR, ,NUS PAS SKYOB PAR MA THUB MI SRID PHYIR, ,BLO RTZE GCIG TU GTAD NAS 'DAG PA'I THABS, ,BYANG CHUB LTUNG BSHAGS MTSAN DANG GZUNGS SNGAGS BZLA, ,SMYUNG GNAS YIG BRGYA MKHA' 'GRO SBYIN SREG DANG, ,SKYABS 'GRO SEMS BSKYED STONG NYID BSGOM PA SOGS, ,GANG SHES GANG THUB 'BAD PAS BRTZON PA GCES, ,RANG RANG PHYIR BCOS BSHAGS BSDAMS TSUL BZHIN GYIS, ,'DAG TSUL RGYAL BAS GSUNGS PHYIR YID CHES DGOS, ,BCAS 'GAL NYES LTUNG 'BYUNG TSUL GSUNGS BDEN NA, ,'DAG THABS TSUL BZHIN BYAS PAS DAG PA BDEN, ,BDEN NA BDEN MNYAM RDZUN NA RDZUN MNYAM ZHES, ,YONGS 'DZIN YE SHES RGYAL MTSAN GYIS GSUNGS GSUNG, ,SNGON CHAD BDE SDUG CI 'DRA MYONG NA YANG, ,MTSAN MO RMI LAM THUN GCIG RMIS PA BZHIN, , DRAN PA'I YUL TZAM THA MAR MING TZAM YANG, ,LUS PA MED LA DON MED MGO BO THOMS, ,GO SA RIGS RUS JI LTAR CHE YANG RUNG, ,BLO RIG RTZAL GSUM JI LTAR 'DZOMS YANG RUNG, ,STOBS 'BYOR
, ,MNGA' THANG RNAM SRAS 'GRAN YANG RUNG, ,KHANG BZANG DGA' 'TSAL LHA'I GNAS 'GRAN YANG RUNG, ,KHYI PHAG LTA BUR SKYE BA BLANGS PA'I TSE, ,SNGA MA'I DE LA SA RDO'I 'DU SHES GYUR, , MI GTZANG GSHANG GCI DE LAS MCHOG TU MTHONG, ,'BAD PAS BSGRUBS KYANG DBANG MED 'DOR DGOS PA, ,SBRANG MAS BSAGS PA'I SBRANG RTZI SU YIS SPYAD, ,MNGON SUM MTHONG BZHIN 'DIR SEMS MED DU ZAD, ,BSE SBUR GYANG 'DZEGS GAN BUB 'GYEL BA LA, ,SUN DUS MED BZHIN MTHONG MAN NGES MED DU, ,DAR RGUD SKYE 'CHI 'DU BRAL TSUL BSAMS NA, ,SNGA NAS DA BAR RANG GROL MA BYUNG BAS,, PHYIN CHAD JI LTAR RANG LOG RANG GROL 'GYUR, ,DES NA DE LAS LDOG PA'I THABS TSUL RNAMS, ,TSAD MA'I SKYES BUS GSUNGS BZHIN YANG DAG PA'I, ,BSLAB PA GSUM LA SLOB NA RANG SAR GROL, , DE'I TSE DRIN CAN MA RGAN YAL BAR DOR, ,GCIG PUR THAR PA'I TSUL SEMS 'KHREL BA'I GNAS, ,DE'I PHYIR RIN CHEN BYANG CHUB SEMS MCHOG BSKYED, ,STON PA'I RDZU 'PHRUL SHES RAB MCHOG GYUR PA'I,, GSER GYI RI BO LTA BU'I NYAN THOS LA, ,SPANGS RTOGS JI TZAM YOD KYANG THEG CHEN GYI, ,MING TZAM MED CING DMAN PA'I GRAL DU CHUD, ,DE BAS RGYAL SRAS SMAN GYI MYU GU DANG, ,NYA GANG LA MIN ZLA TSES LA PHYAG DPER, ,MDZAD TSUL RGYAL SRAS ZHUGS PA'I SHING RTA YANG, ,BDER GSHEGS DBU LA BKUR 'OS MDO LAS GSUNGS, ,GZHAN YANG SLOB DPON SHANTA DE BA YIS, ,PHAN YON RIGS PA BRGYA
PHRAG GSUNGS PA BZHIN, ,'DI LA NAN TAN BSKAL PAR 'BAD PAS SGRUB, ,RKYANG LA BZHON DUS GLU DBYANGS MI LEN NA, ,ZHES PA'I DPE LTAR 'JAM MGON BLA MA YI, ,BSTAN PAR MJAL DUS ZAB MO LTA BA DANG, ,'BREL BA'I GSANG SNGAGS CHOS SGOR CIS KYANG ZHUGS, ,THE TSOM TZAM GYIS SRID PA HRUL POR BYED, ,'OL SPYI'I NGES PA TZAM GYIS BDE BA MCHOG ,BSTER BAR GSUNGS PA'I DBU MA'I LTA BA LA, , CI RTZAL NUS PAS BAG CHAGS THEBS PA DGOS, ,PHYIN CHAD BSKAL BA BRGYA PHRAG DU MAR YANG, ,'DI YI TSIG TZAM THOS PA'ANG DKA' BAR GSUNGS, ,DBU PHAR GZHUNG LA SBYANGS PA'I DGOS DON GRUB, , NYAN THOS SPYOD PAS ZHI ZHING 'DUL BAR GNAS, ,SHES BZHIN BSRUNG BAS DGAG SGRUB GNANG GSUM GYI, ,BCAS PA'I MTSAMS LAS 'DA' BAR MI BYED NA, ,'DUL BA'I GZHUNG LA SBYANGS PA'I LAG RJES GRUB, ,DE NAS GSANG CHEN THEG PAR 'JUG PA'I SGO, ,SMIN BYED DBANG BZHI CHU BOS THA MAL GYI, ,SNANG ZHEN DRI MA MTHA' DAG KHRUD PA YI, ,ZUNG 'JUG SKU BZHI'I SA BON GRUNG PO BZHAG ,DE LTAR SKU GSUM LAM 'KHYER TSANG BA DANG, ,RDO RJE LUS LA GNAD DU BSNUN PA YI, ,RIM PA GNYIS KYI RNAL 'BYOR ZAB MO LA, ,THUN BZHIR CHU BO'I RGYUN BZHIN BRTZON PA NA, ,DAL 'BYOR THOB PA DA GZOD DON LDAN GYUR, ,THUN MONG LAM GYI RMANG GZHI MI BRTAN PAR, ,BSGOM PA'I GZHAL YAS KHANG GIS KHA CHAR THUB, ,LHA YI ZHAL GZIGS REG MTHONG MTSAN MA BRTAN, ,SA LA 'DZUL DANG NAM MKHAR
, ,'PHUR BA DANG, ,GANGS KYI KHROD DU DGUN DUS RAS RKYANG THUB, ,BDE DROD 'BAR BA'I NYAMS DROD TING 'DZIN DANG, ,MNGON SHES RDZU 'PHRUL THOGS PA MED NA YANG, ,THAR PA LTA ZHOG PHYI MA'I SKYE BA LA, ,PHAN THOGS RDUL TZAM MED PA 'KHYAG ROM BZHIR, ,KHANG BRTZEGS BRTZEGS PA 'DRA ZHES YANG YANG GSUNGS, ,DE'I PHYIR THUN MONG LAM GYIS RGYUD SMIN NA, ,MA TSANG MED RGYU'I 'BRAS BU GANG GIS BZLOG ,CES GSUNGS LTAR (LA DE? LTA) MA YIN PAR, ,SA BON SKAM POR MYU GU RE BA DANG, ,CHU LUD 'DZOMS YANG DGUN DUS MI SKYE ZHING, ,DROD GSHER 'DZOMS NAS STON 'JUG SKYES KYANG SKAM, ,DPYID DUS SKYES KYANG ME TOG KHA 'BUS LA, ,BTZAN THABS SOR MOS 'DABS KHA PHYE ZHING, ,YAL 'DAB SKYED PHYIR LAG PAS ('A) THEN NA CHAD, ,DE BZHIN RGYUD SMIN SKABS SU MA BAB PAR, , BTZAN THABS DBANG GIS RTOGS PA SKYE TSUL MED, ,ME TOG GANG BU DROD GSHER RIM GYIS SMIN, ,DUS LA BAB TSE NYI 'OD PHOG MA THAG ,ME TOG GE SER RNAM BKRA LHAN CIG TU, ,DRI ZHIM SBRANG RTZI BCUD DU CI YANG 'DZAG ,DE LTAR RIN CHEN SEMS KYI RTZA BRTAN LAS, ,PHYIN DRUG SDONG PO BSDU BZHI'I YAL 'DAB RTZER, ,SKU GSUM 'BRAS BZANG RO BCUD CHES MNGAR BA, ,LEGS PAR SMIN PAS PHAN BDE'I DPYID DU 'GYUR, ,SMRAS PA, RGYAL BA'I GSANG GSUM SGYU 'PHRUL 'PHRIN LAS KYIS, ,SEMS MED LNGON SHING RLUNG GIS BSKUL BA DANG, ,RNGA SGRA LAS KYANG CHOS KYI SGRA GYUR NA, ,
SEMS LDAN BDAG LAS MED CES SU ZHIG GSHUNG, ,'CHAL GTAM RDZUN GYIS STONG PAR ZANG PA'I LCE, ,BYA KHYI GCAN GZAN ZAS SU MA GYUR SKABS, ,'BA' SGRA DUR SGRA'I SKAD KYIS SGROG PA'I GONG, ,BLA MA'I GSUNG LA RJES BSLOS SKAL BA BZANG, ,RMONGS PA'I MUN NAG YID KYI NAM MKHA' LA, ,PA SANGS LTAR DKAR SHAR 'DI BLA MA'I DRIN, ,'ON KYANG THUGS GONGS JI BZHIN MA LON PAR, ,TSIG DON PHYIN CI LOG TU BRIS PA DANG, ,DUG GSUM DRI MAS DPEN PA'I SKABS MED PA, ,TSUR MTHONG GSHIS LUGS YIN PHYIR BYIS PA YIS, ,MA YI GAM DU CAL COL SMRA BA BZHIN, ,GZUR GNAS MKHAS RNAMS KUN LA BZOD PAR GSOL, ,'DIR 'BAD DGE BA'I LEGS BYA NYAL 'GRO'I RGYUN, ,KUN BZANG SMON LAM GANGG'AR RO GYI GCIG TU, , 'DRES PAS KUN MKHYEN YE SHES RGYA MTSO CHER, ,GZHOL ZHING BABS PAS KUN LA KHYAB PAR SHOG ,CES PA 'DI NI T'A LU RE CHEN MO THOS BSAM GLING LAMS TSAN (GYI) GRVA RIGS RGYAL BA'I GSUNG RAB LA BLO GROS KYI 'JUG PA MCHOG TU YANGS BA DGE BSHES RTA MGRIN SKYABS KYIS CIS BYANG 'DI LTA BU ZHIG DGOS ZHES BSKUL PA'I DON, SKYES SBYANGS KYI YON TAN ZHAD TZAM YANG MI BRO BAR KHA KHRAL PHOG PA BZHIN BRIS PA 'DI LA, TSIGS BCAD DBANG GIS TSIG 'PHRAD TZAM BSGYUR LAM GTOGS PHAL CHER THU'U KVAN YONGS 'DZIN RDO RJE 'CHANG 7 MTSAN BRJOD PAR
, ,DGA' BA 7 RJE BTZUN BSTAN PA RGYA MTSO'I ZHAL SNGA NAS KYIS SNGA PHYI LAN GRANGS MANG POR GNANG BA'I GSUNG GZHIR BZHAG CING, RNAM PA GCIG TU SEMS DGE BA LA NYES PA MED PAR BSAMS NAS DAM PA GANG GI ZHABS RDUL SPYI BOR BLANGS PA'I BKA' 'BANGS THA SHAL YONGS 'DZIN MING CAN GRAGS PA MTHA' YAS BSTAN 'DZIN GYIS CHU BZANG LCANG SKYA BLA BRANG GI NYE 'DABS SU BRIS PA'O,, ,,
[BLANK PAGE]