, ,BLA MA RTA MGRIN GYI RNAL 'BYOR GYIS DAL 'BYOR LA SNYING BO LEN TSUL SKAL LDAN SNYING NOR ZHES BYA BA BZHUGS SO, ,
, ,NA MO GU RU HA YOTTA MA LA LI T'A YA, BLO BZANG RGYAL BA'I THUGS RJE NYID, ,DREGS LDAN GNYEN POR KHROS PA'I GAR, ,BLA MA RTA MCHOG ROL BA YIS, ,BDAG GI SGO GSUM BYIN GYIS RLOBS, ,('DIR DPAL DBEN SA SNYAN BRGYUD KYI BLA MA LHA'I RNAL 'BYOR GYI MAN NGAG DANG RJES SU MTHUN PAR YONGS GRAGS KYI RTA MGRIN GSANG SGRUB LA BRTEN PA'I BLA MA LHA'I RNAL 'BYOR GYI SGO NAS DAL 'BYOR LA SNYING BO LEN PA'I TSUL LA GSUM (SNGON? DU JI LTAR BYA BA DANG, BAR DU JI LTAR BYA BA DANG, THA MAR JI LTAR BYA BA'I TSUL LO, ,DANG BO NI,) YID MTHUN GYI GNAS SU BDE BA'I STAN LA LEGS PAR 'DUG STE, DGE SEMS KHYAD PAR CAN GYI DANG NAS, RANG MDUN THAD DRANG NAM MKHA'I GNAS SU BLA MA DKON MCHOG GSUM NAM MKHA' KHYAB PAR BZHUGS PA GSAL GDAB CING,) BDAG DANG MAR GYUR SEMS CAN THAMS CAD DPAL LDAN BLA MA DAM PA RNAMS LA SKYABS SU MCHI'O, ,SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,YI DAM DKYIL 'KHOR GYI LHA TSOGS 'KHOR DANG BCAS PA RNAMS LA SKYABS SU MCHI'O, ,DPAL MGON DAM PA'I CHOS SKYONG BA'I SRUNG MA YE SHES KYI SPYAN DANG LDAN PA RNAMS LA SKYABS SU MCHI'O, ,(ZHES SKYABS 'GRO CI MANG DANG,) SANGS RGYAS CHOS TSOGS MA (LAN GSUM GYIS SEMS BSKYED SPYI DANG, KHYAD PAR,) MA SEMS CAN THAMS CAD KYI DON DU MYUR BAR RDZOGS PA'I SANGS RGYAS THOB PAR BYA, DE'I PHYIR DU BLA MA LHA RTA MGRIN GYI RNAL 'BYOR GYI SGO NAS ZAB PA DANG RGYA CHE BA'I LAM GYI SNYING PO NYAMS SU BLANG BA LA 'JUG PAR BGYI'O, ,(SNYAM PA LAN GSUM SOGS BYA'O, (GNYIS PA LA GSUM, BLA MA LHA SPYI BOR BSGOMS NAS YAN LAG BDUN PA 'BUL BA DANG, GSOL BA BTAB NAS NYAMS SU BLANG BA DANG, RANG DANG DBYER MED DU BYAS TE SNGAGS BZLA BA'I TSUL LO,) ,(DANG PO NI,) RANG NYID LHAR GSAL SPYI BO'I STENG, ,SNA TSOGS PAD ZLA NYI DKYIL KHAR, ,RGYAL BA KUN DNGOS BLA MA LHA, ,KHRO RGYAL RTA MGRIN SKU MDOG DMAR, ,DMAR LJANG DKAR BA'I ZHAL GSUM STENG, ,RTA MGO LJANG ZHUR RTA
, ,SKAD 'TSER, ,PHYAG DRUG RDO RJE KHA dVAm GRI, ,SDIG MDZUB MDUNG THUNG RGYU ZHAGS 'DZIN, ,GAR DGU'I NYAMS RDZOGS DUR KHROD KYI, ,CHAS CAN ZHABS BRGYAD G-YAS BZHI BSKUMS, ,G-YON BZHI BRKYANGS PAS KLU BRGYAD BRDZIS, ,ME DPUNG DBUS BZHUGS MGRIN PA NAS, ,LONG BU'I BAR KUN KHRO CHUNG GTAM, ,GNAS GSUM YI GE GSUM GYIS MTSAN, ,THUGS KA'I H'Um GI 'OD ZER GYIS, ,PHYOGS BCU'I ZHING KHAMS RAB 'BYAMS NAS, ,RGYAL BA ZHI KHRO'I LHA YI TSOGS, ,THAMS CAD SPYAN DRANGS SPYI BO'I LHAR, ,DBYER MED THIM PAS DE NYID NI, ,SKYABS KUN 'DUS PA'I NGO BOR GYUR, ,(DE LTAR GSAL BA'I NGANG NAS,) BLA MA KHRO RGYAL RTA MGRIN LA, ,SGO GSUM GUS PAS PHYAG 'TSAL LO, ,DNGOS DANG YID SPRUL MCHOD PA'I TSOGS, ,NAM MKHA' GANG BAS MCHOD PAR BGYI, ,SDIG LTUNG SO SOR BSHAGS PAR BYA, ,RANG GZHAN DGE LA RJES YI RANG, ,SRID MTHA'I BAR DU BRTAN BZHUGS LA, ,CHOS 'KHOR MA LUS BSKOR DU GSOL, ,'DIS MTSON DGE BA MA LUS PA, ,BYANG CHUB MCHOG GI RGYUR GYUR CIG ,(CES YAN LAG BDUN PA DANG, MAndAL DMIGS LA DANG BCAS NAS DBUL BAR BYA'O,, GNYIS PA NI,) BDAG DANG MA NAM MKHA' DANG MNYAM PA'I SEMS CAN THAMS CAD, RGYAL KUN MKHYEN BRTZE GCIG BSDUS SPYAN RAS GZIGS, ,THUGS RJE'I DBANG GIS DRAG PO'I SKUR BSTAN NAS, ,MA RUNGS GDUL DKA' MA LUS 'DUL MDZAD PA, ,BLA MA LHA MCHOG KHYOD LA GSOL BA 'DEBS, ,(CES MANG DU BRJOD PA'I MTHAR,) RANG GIS RANG MA RIG PAS 'KHOR BAR, SKYES NAS SPYI DANG BYE BRAG GI SDUG, BSNGAL BSAM GYIS MI KHYAB PA ZHIG MYONG 'DUG STE, DA DUNG DE LTA BU'I SDUG BSNGAL GYI GTING DANG MTHA' MNGON PA DKA' BAR 'DUG, DE YANG
LAN CIG RNYED PA'I DAL 'BYOR GYI RTEN KHYAD PAR CAN 'DI NAM 'JIG LA NGES PA GANG YANG MI 'DUG PA DANG, ZHIG PA'I 'OG TU RTEN 'DI 'DRA SHIN TU RNYED DKA' BAR GSUNGS 'DUG, DES NA DA LTA NAS LAS 'BRAS LA YID CHES KYI DAD PA BSKYED NAS, DGE SDIG GI LAS LA BLANG DOR TSUL BZHIN BSGRUB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, (ZHES BRJOD PAS, SPYI BO NA BZHUGS PA'I BLA MA LHA'I SKU LAS BDUD RTZI'I RGYUN BAB, RANG LA THIM PAS DE DANG DE'I GEGS BYED SBYANGS, DE DANG DER GYUR PAR BSAM PA DANG, KHYAD PAR BLA MA LHAS BYIN GYIS BRLAB TU GSOL, ZHES BRJOD PA'I TSE BLA MA LHA LAS RANG 'DRA GCIG CHAD NAS RANG NYID LA THIM PAR BSAM MO,,) DE LTAR BLANG DOR TSUL BZHIN BSGRUBS PAS MNGON MTHO'I LUS RTEN KHYAD PAR CAN THOB PAR NUS MOD, DE DANG DES MTSON 'KHOR BA MTHA' DAG SDUG BSNGAL GYI RANG BZHIN BZOD DKA' BA ME 'OBS LTA BUR MTHONG BA DANG, MTHONG NAS 'KHAR BA LAS GROL BA ZHIG CI NAS KYANG THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, (ZHES BRJOD CING, BDUD RTZI 'BEBS SBYANG SNGAR? BZHIN BYA'O,,) DE YANG, RANG KHO NA'I SDUG BSNGAL ZHI BA TZAM DON DU GNYER BA RGYAL BA SRAS DANG BCAS PAS SMOD PA'I GNAS SU GSUNGS PAS, BDAG GIS DRIN CAN GYI SEMS CAN THAMS CAD SDUG BSNGAL GYIS MNAR ZHING, BDE BAS PHONGS PA LAS BSGRAL BA'I PHYIR DU, 'KHOR BA'I SDUG BSNGAL GROL BA'I GO 'PHANG ZHIG THOB PAR BYA, DE YANG BLA MA LHA RTA MGRIN GYI GO 'PHANG THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, (ZHES BRJOD CING, BDUD RTZI 'BEBS SBYANG SNGAR BZHIN BYA'O, ,GSUM PA NI,) SPYI BO'I BLA MA LHA DE NYID DGYES BZHIN DU RANG LA THIM PAS, RANG NYID DPAL RTA MCHOG ROL PA SKU MDOG DMAR PO
, ,ZHAL GSUM PHYAG DRUG ZHABS BRGYAD PA, PHYAG MTSAN DANG RGYAN LA SOGS PA YONGS SU RDZOGS SHING, YE SHES KYI ME RAB TU 'BAR BA'I DBUS NA SNA TSOGS PAD NYI'I GDAN LA (ZHABS) G-YAS BSKUMS G-YON BRKYANG GIS KLU BRGYAD BRDZIS TE BZHUGS PAR GYUR (PAR BSAM ZHING,) THUGS KA'I HR'I: DANG SNGAGS 'PHRENG LAS, ,'OD 'PHROS RGYAL BA SRAS BCAS MCHOD, ,BYIN RLABS NUS MTHU RANG LA BSDUS, ,RIGS DRUG 'GRO BA'I SDUG BSNGAL SBYANGS, ,SLAR YANG ME MTSON KHRO BO'I TSOGS, ,SPROS TE GNOD BYED BSAD CING BSKRAD, ,BCAD GTUBS BSREGS TE THAL BAR BRLAG ,SNOD BCUD LHA YI 'KHOR LOR GYUR, ,AOm HR'I: PADMA NTA KRID BADZRA KRO DHA HA YA GHRI WA HU LU HU LU H'Um PHAt, (CES RTZA SNGAGS GTZO BO DANG,) AOm BADZRA DUN BHYO: TRIG NA NA, DZA: DZA: SA MA YASTVAm, (ZHES DBANG BSDUD KYI SNGAGS DANG,) SA MA YA DZA: SA MA YA BZLOG, SA MA YA BHYO, SA MA YA GTUBS, SA MA YA BYER, SA MA YA RBAD, SA MA YA RBAD RBUD PHAt YA, 'BYUNG PO M'A RA YA DZA: DZA: (ZHES LAS SNGAGS BCAS GANG 'GRUB SO SOR BZLA BA 'AM, DMIGS SKOR SNGA MA RANG DON BYIN RLABS DANG GZHAN DON 'PHRIN LAS KYI DMIGS PA GNYIS DANG BCAS RTZA SNGAGS BRGYA STONG SOGS CI MANG DANG, PHYI MA GNOD BYED TSAR GCOD KYI DMIGS PA DANG BCAS SNGAGS GSUM PO SBREL NAS NYER GCIG SOGS BZLAS PA'I MTHAR,) AOm PADMA SA TVA SA MA YA, MA NU P'A LA YA, PADMA SA TVA TE NO PA, (NAS,) PADMA MA ME MUNYTZA, PADMA BHA WA MAH'A SA MA YA SA TVA A'A: H'Um PHAt, (CES PAS LHAG CHAD KHA BSKANGS, 'DI'I LAS BZHI'I SGO NAS SNGAGS BZLA TSUL NI MAN NGAG GI RGYUN LDAN GYI BLA MA'I ZHAL LAS SHES PAR BYA'O, ,GSUM PA NI,) DGE PA 'DI YIS MYU RE? DU
BDAG ,BLA MA RTA MGRIN 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,GO 'PHANG DE NYID TSE 'DIR MA THOB KYANG, ,'CHI TSE BLA MA LHA MCHOG 'KHOR BCAS KYIS, ,YID 'ONG MCHOD SPRIN SNYAN PA'I ROL MO SOGS, ,NGO MTSAR LTAS BZANG MANG POS BSU BAR SHOG ,DE NAS ZHING KHAMS MCHOG TU LEGS BGROD NAS, ,SKU GSUNG THUGS KYI BYIN RLABS MCHOG THOB STE, ,PHYI NANG BDUD SDE'I G-YUL LAS RGYAL GYUR NAS, , BLA MA LHA MCHOG NYID DANG MTSUNGS PAR SHOG ,(CES DGE BA'I RTZA BA RNAMS BSNGO BAR BYA'O,, DE YANG RTA MGRIN GYI SNGAGS BZLA BAR MOS PA DAG GIS MAN NGAG 'DI LTA BU LA BRTEN NA, ZAB CHOS TSE 'DI'I LAG CHAR MA SHOR ZHING GNAD DU 'GRO TSABS CHE STE, 'DI'I RTZA GZHUNG LAS, DE LTAR THUN BZHI 'AM THUN GCIG TZAM ZHIG NYAMS SU BLANGS NA YANG, BLA MA LHAS RJES SU BZUNG NAS BDUD DANG MI MTHUN PA'I PHYOGS LAS RGYAL BA DANG, MTHAR THUG BLA MA RTA MGRIN GYI GO 'PHANG THOB NAS PHYOGS DUS GNAS SKABS THAMS CAD DU BKRA SHIS DANG BDE LEGS KYI DPAL RGYAS PAR BYED PA YIN NO, ,ZHES GSUNGS PA'I PHYIR, DBEN SA'I MAN NGAG 'DI NYID RTA MGRIN GSANG SGRUB LA SBYAR CHOG PAR NI, DE'I DBANG GI BRGYUD PAS SHIS PAR NUS TE, GRUB DBANG DHARMA BADZRA DANG DRAN DBANG DRUNG YIG CHOS RJE GNYIS KYI'ANG DGONGS PAR 'BYOR RAM SNYAM MO,,) ,,'DIR 'BAD DGE BAS BDAG GZHAN KUN, ,SKYE ZHING SKYE BAR BLA MA LHAS, ,'BRAL MED RJES BZUNG SNYAN BRGYUD KYI, ,GDAMS PA'I NYID DGOS GRUB GYUR CIG ,(CES BLA MA RTA MGRIN GYI RNAL 'BYOR GYIS DAL 'BYOR LA SNYING PO LEN TSUL SKAL LDAN SNYING NOR ZHES BYA BA 'DI NI, RANG GIS GZHON DUS RTA MGRIN GYI DBANG CHEN THOB PHYIN MOS 'DUN TZAM GYIS BSGOM BZLAS 'DI LTA BUR 'DON KHRUL YIN PA LA, RGAS DUS RANG GI BRJED BYANG DANG MOS LDAN GZHAN LA'ANG PHAN PA'I LAM DU 'GYUR RAM SNYAM NAS, ^ BLA RGAN BHU SU KU PA ZHIG GIS DPAL RI DGE RGYAS KYI BSTI GNAS BRAG SER KHROD DU BRIS PA RNAM KUN BKRA SHIS DGE LEGS 'PHEL,, ,,)