/THA\ *, ,RAB BYUNG BCU DRUG PA'I RTZIS GZHI GSAR DU SPEL TE LNGA BSDUS SGRA GCAN SOGS KYI RI MO BYA TSUL BKOD PA RTZIS RIG SGO 'BYED CES BYA BA BZHUGS SO, ,
, ,NA MO SHR'I K'A LA TZAKR'A YA, DANG PO'I SANGS RGYAS SH'AKYA'I TOG ,CHOS RGYAL RIGS LDAN LO PAn TSOGS, ,RGYAL BA GNYIS PA YAB SRAS DANG, ,BLA MA MCHOG GI ZHABS LA 'DUD, ,YAN LAG LNGA DANG SGRA GCAN SOGS, ,RTZIS GZHI SPOS TE RI MO YI, ,CHO GA LAG TU LEN PA'I TSUL, ,DGE LDAN RTZIS GSAR LUGS SU DGOD, (RTZA RGYUD DNGOS BSTAN GRUB MTHA'I RTZIS,,) ,DE LA RAB BYUNG RGYAL PO YI, ,ME YOS LA SOGS 'DAS PA'I LO, ,NYI MAS BSGYUR LA NAG PA SOGS, ,'DAS ZLA BSRES LA GNAS GNYIS BZHAG ,'OG MA MIG BSGYUR MKHA' MTSOS BRGYAN, ,MDA' ROS BGOS THOB STENG MAR BYIN, ,ZLA BA RNAM PAR DAG PA'O, (GZUGS DANG MIG NI LDE MIG STE, ,PHYI MA PHYI MA'I ZLA DAG 'GRUB,,) ,ZLA DAG GNAS LNGA STENG RIM BZHIN, ,GZUGS DANG GZUGS ME MKHA' 'BYUNG THIGm ,MKHA' NOR CHU BOS RIM BSGYUR LA, ,THIG LE STONG PA DE NYID MIG ,DUS ME MDA' RNAMS RIM BZHIN BSNAN, ,RI MKHA' RI DANG DUS MKHA' RO, ,THIG MTSAMS THUB PAS DOR BA'I LHAG ,GZA' RNAMS KYI NI DHRU BA'O, ` ,ZLA DAG GNAS GNYIS STENG MA LAG ,'OG MA GZUGS KYIS BSGYUR BA YI, ,STENG MAR 'DOD DANG 'OG DUS PHYOGS, ,BYIN LA 'OG MA DUS KHYIM DANG, ,STENG MA NOR LAG GIS PHUD PAS, ,RIL CHA'I DHRU BA YANG DAG 'CHAR, ` ,ZLA DAG GNAS LNGA STENG RIM BZHIN, ,MIG PHYOGS KLU DBANG GZUGS DANG NI, ,GZA' ZLAS BSGYUR LA DE NYID DANG, ,RTZA ME RGYAL BA GZUGS MDA' RNAMS, ,BYIN LA RIR DUS DANG NI, ,MKHA' RO GNYIS DANG 'KHOR LO YIS, ,PHUD PAS NYI MA'I DHRU BA DAG ,SNGA DHRUR RANG RANG SGYUR BYED BYIN, ,PHYI MA'I DHRU BA TSEGS MED 'CHAR, ` ,NYIN RE'I RTZIS LA 'JUG PA NI, ,GZA' DHR'UR CHU TSOD BUG MDA' DANG, ,SRANG ME DBUGS MTSO
, ,CHA MI BDAG ,NYI DHRUR DBYUG MTSO SRANG ZLA MIG ,DBUGS 'BYUNG ME CHU CHA SHAS TE, ,TSES GRANGS JI BZHIN BSGYUR BA NYID, ,BYIN PAS GZA' NYI'I BAR BA 'GRUB, ` ,RIL POR TSES BSRES MA NUS BGO ,RNYED NOR GZUGS ME MI MNYAM ZHING, ,THIG MIG MTSO RNAMS MNYAM PA'O, ,LHAG DES ZLA BA'I RKANG BA GZUNG, ,DBANG 'BYUNG MDA' CHU YON 'KHRIG GZUGS, ,LDOG PA DANG BCAS YID KYI GNAS, ,SNGA RKANG ZOS ZIN SDOM BYA ZHING, ,PHYI RKANG LA NI ZA RGYU SDOM, ,DE YANG THOG MAR GO BDE'I PHYIR, ,G-YON PHYOGS GRANGS KYI RI MO STE, ,BSE RU 'DOD PA DAG LA MDA', ,ZUNG DANG KHYIM LA PHYOGS SDOM ZHING, ,ME DANG DRAG POR TSES SDOM LA, ,RGYA MTSO PHYOGS LA BU GA GZUGS, ,MDA' DANG BU GAR LAG MIG YIN, ,RO DANG NOR LA RGYAL BA STE, ,DRANG SRONG DE NYID STONG LA STONG, ,RKANG GZUNG GDONG MAS CHA SHAS BSGYUR, ,MA ZIN RKANG PA DANG POS BSGYUR, ,DUS NYIS THOB PA YANG DAG RGYU, ,LHAG MA MKHA' ROS BSGYUR THOB SRANG, ,YANG LHAG ROS BSGYUR THOB PA DBUGS, ,SLAR LHAG RI MKHA' RIS BSGYUR THOB, ,CHA SHAS YIN TE LHAG MED 'CHAR, ,YANG DAG RGYU BA'I CHU TSOD DE, ,SNGA RKANG LA BSNAN PHYI RKANG PHRI, ,DE NI GZA' BAR LONGS SPYOD DU, ,NOR MNYAM BSNAN LA MI MNYAM PHRI, ,DE YANG NYI DANG SHED MNYAM PHYIR, ,CHA SHAS RI ROS BSGYUR BA LA, ,RI MKHA' RIS THOB NOR LNGA PA, ,LHAG DE CHA SHAS DRUG PA YIN, ` ,NYI BAR GNAS GNYIS GCIG LA NI, ,SKAR MTSAMS CHU TSOD ZHE LNGAS SBYANGS, ,MA LDANGS 'KHOR LO BSNAN LA SBYANGS, ,SBYANGS SHUL 'DOD PA MKHA'
ME NI, ,LONGS NA DOR LA LHAG MA NI, ,MKHA' ROS BSGYUR LA CHU TSOD BCUG ,MDA' YON ZLAS THOB NYI RKANG GZUNG, ,RO MTSO BSE RU SNGA RKANG STE, ,LDOG PA DANG BCAS DUS KYI GNAS, ,SNGA PHYI ZOS DANG MA ZOS SDOM, , G-YON GRANGS GZUGS MDA' DAG LA DUS, ,MIG CHU PHYOGS LA ME DRAG SDOM, ,STONG LA STONG PA RNAM PAR DAG ,RKANG GZUNG GDONG MAS LHAG RNAMS BSGYUR, ,MA ZIN TSE NA DANG POS BSGYUR, ,MDA' YON ZLAS THOB YANG DAG RGYU, ,LHAG MA MKHA' ROS BSGYUR BA LA, ,'OG GI CHU SRANG GZHUG THOB SRANG, ,LHAG MA ROS BSGYUR RANG CHA BCUG ,BGOS THOB DBUGS YIN DE'I YANG LHAG ,RI ROS BSGYUR LA CHA BCUG PA, ,CHA SHAS YIN TE RNAM DAG 'CHAR, ,YANG DAG RGYU BA'I CHU TSOD DE, ,SNGA RKANG BSNAN LA PHYI RKANG PHRI, ,GZA' DANG NYI MA'I LONGS SPYOD DU, ,SNGON DU 'KHOR PHYED DOR BA NA, ,BSNAN LA MA DOR PHRI BA YIS, ,GZA' NYI'I LONGS SPYOD DAG PAR 'CHAR, ` ,ZLA SKAR CHED LA NYI DAG DER, ,YANG GCIG MTSO DBANG TSES BSGYUR BYIN, ,TSES 'KHYUD ZLA SKAR RES GZA' YI, ,LONGS SPYOD KYIS SBYANGS RES GROGS SKAR, ` ,NYI ZLA BSRES PAS SBYOR BA 'GRUB, ` ,BYED PA TSES GRANGS 'KHRIG PAS BSGYUR, ,GZUGS DMAN RI YIS BGOS PA'I LHAG ,PHYI CHA'I BYED PA SHAR BA STE, ,GZA' TSES NYI SKAR ZLA SKAR SBYOR, ,BYED PA YAN LAG LNGA RU BSHAD, ` ,BSDUS PA'I RGYUD KYI RJES 'BRANGS NAS, ,BYED PA'I RTZIS NI BSHAD PAR BYA, ,RAB BYUNG BCU DRUG PA YI NI, ,ME YOS LA SOGS 'DAS PA'I LO, ,NYI MAS BSGYUR LA NAG PA SOGS, ,'DAS ZLA BSRES
, ,LA GNAS GNYIS BZHAG ,'OG MA MIG BSGYUR GTER MDA' BYIN, ,MDA' ROS BGOS THOB STENG LDAN PA, ,ZLA DAG YIN TE 'PHAR NA BSHOL, ` ,ZLA DAG GNAS GSUM STENG RIM BZHIN, ,GZUGS DANG ZLA ME MKHA' MDAS BSGYUR, ,STENG NAS DUS DANG RTZA YON DANG, ,PHYOGS PHUL MKHA' RO GNYIS DANG NI, ,THUB PAS DOR LHAG GZA'I DHRU BA, ` ,ZLA DAG GNAS GNYIS STENG MA LAG ,'OG MA GZUGS KYIS BSGYUR BA YI, ,RIL POR 'DOD DANG CHAR GZA' DRAG ,BYIN LA DUS NYI NOR LAG GIS, ,DOR BAS RIL CHA'I DHRU WA KA ` ,ZLA DAG GNAS LNGA STENG RIM BZHIN, ,MIG PHYOGS KLU DBANG LAG KHROS BSGYUR, ,RIM BZHIN DE NYID THUB DBANG DANG, ,RTZA ZUNG BSE RU 'BYUNG BAS BRGYAN, ,'DOD PA RO DANG MKHA' RO GNYIS, ,'KHOR LOS DOR LHAG NYI DHRU STE, ,SGYUR BYED BYIN PAS PHYI DHRU 'CHAR, ` ,GZA' NYI'I DHRU BAR BYED RTZIS KYI, ,RTAG LONGS BYIN PAS BAR BA 'GRUB, ,RIL BOR TSES BSRES MA NUS BGO ,NOR GYIS MNYAM DANG MI MNYAM BRTAG ,LHAG MAS ZLA RKANG GZUNG BSUBS SDOM, ,SNGON MAS CHA BSGYUR DUS NYIS THOB, ,YANG RGYU'O LHAG MA MKHA' RO DUS, ,'DOD BSGYUR DUS NYIS RIM BZHIN THOB, ,SNGA RKANG BSNAN LA PHYI RKANG PHRI, ,DE NI GZA' DBYUG MAN CHAD DU, ,CHA BSNAN YA PHRI GZA' PHYED GRUB, ` ,NYI BAR GNAS GNYIS GCIG LA NI, ,SKAR MTSAMS CHU TSOD ZHE LNGAS SBYANGS, ,'KHOR PHYED LONGS NA DOR BA'I LHAG ,MKHA' ROS BSGYUR LA CHU TSOD BCUG ,MDA' YON ZLAS THOB NOR GYIS NI, ,NYI RKANG GZUNG SDOM GDONG MAS LHAG ,KUN BSGYUR RANG RANG 'KHOR LOS
BSGRIL, ,MDA' YON ZLAS THOB YANG RGYU STE, ,SLAR LHAG MKHA' RO DUS 'DOD KYIS, ,RIM BSGYUR 'OG BCUG 'BYUNG 'DOD THOB, ,SRANG DBUGS CHA SHAS 'CHAR BA 'DIS, ,SNGA RKANG BSNAN LA PHYI RKANG PHRI, ,GZA' NYI'I DBYUG MAN PHYED DOR PHUL, ,MA DOR PHRI BAS GZA' NYI DAG ` ,RES GROGS SKAR SOGS GRUB RTZIS KYI, ,SKABS MTSUNGS BYED PA'I LNGA BSDUS TE, ,GZA' LA GNAS GSUM NYI MA YI, ,CHA SHAS 'DOD PA 'DI'I KHYAD DO, ` ,GZHAN YANG SGRA GCAN RI MO NI, ,RAB RGYAL ME YOS ZLA DAG LA, ,KLU NOR ZLAS BRGYAN MIG GIS BSGYUR, ,NYA LA GZUGS DANG STONG LA MIG ,BYIN LA MKHA' DUS CHU BOS DOR, ,LHAG MA 'KHOR LOS BSGYUR BA LA, ,MKHA' DUS CHU BOS BGOS THOB SKAR, ,DE LHAG MKHA' ROS BSGYUR THOB DBYUG ,YANG LHAG THIG ROS BSGYUR THOB SRANG, ,DUS BSGYUR DBUGS DANG ME MIG GIS, ,BSGYUR THOB CHA STE LHAG MED 'CHAR, ,DE YIS SGRA GCAN RTZA BA DAG ,RTZA BAS 'KHOR LO LA SBYANGS GDONG, ,GDONG LA 'KHOR PHYED STER RAM DMAN, ,DUS ME'I LONGS SPYOD RNAM DAG 'CHAR, ,THIG RTZE GZUGS YON ZLA BUG GZUGS, ,RTZA BA SNGA MAR STER BA DANG, ,GDONG MJUG LA PHRI PHYI MA 'CHAR, ,BYED RTZIS LA NI 'BYUNG 'DOD BYIN, ,GZHAN RNAMS GONG BZHIN BYAS PAS 'GRUB, ` ,GRUB RTZIS LO BDAG GZA' SKAR NI, ,NYI MAS LUG KHYIM SLEBS PA DANG, ,ZHAG KHYAD MA ZHUGS NYIN DE'I GZA', ,RNAM DAG GRUB PA'I LO BDAG DANG, ,LUG KHYIM ZLA BA'I BDAG PO'ANG YIN, ,DE BZHIN GLANG SOGS SHES PAR BYA, ,LUG KHYIM NYIN DER GZA' PHUR BU, ,GNAS PA'I SKAR MA LO DE'I BDAG ` ,BYED PA'I LO BDAG GZA' SKAR NI, ,RAB RGYAL ME YOS
, ,LA SOGS PA'I, ,'DAS LO GNAS LNGA BZHAG STENG NAS, ,GZUGS TSES ZLA ME GZUGS ZLA NYIS, ,BSGYUR LA STENG NAS LAG ZUNG RTZA, ,NOR YON 'BYUNG BA BUG RTZA MIG ,BSNAN LA 'OG NAS RI ZLA ME, ,DUS DANG MKHA' RO GNYIS DANG GZAS, ,BGOS LHAG LO BDAG GZA' YIN LA, ,BYED PA'I LO 'PHO RNAM PAR DAG (` DE YANG JI TZAM DBANG BA NI, ,GO PHYIR STENG NAS RTZA GBANG DANG, ,BUG MDA' DBANG PO MI BDAG YON, ,GNAS BZHI DE LAS DA LTA'I LO'I, ,LONGS SPYOD MAN GYIS RIM BZHIN SBYANGS, ,SBYANGS LHAG CHU TSOD MKHA' ROS BSGYUR, ,SRAD BCUG ROS BSGYUR DBUGS BSRES LA, ,SLAR YANG RI ZLA ME YIS BSGYUR,, RTZA? BCUG MKHA' STENG LAG PA SKYON, ,THUB PAS BGOS NOR NAG PA NAS, ,GANG SONG ZLA GRANGS LHAG MKHA' CHES, ,BSGYUR LA BGOD BYED KYIS THOB BZHAN? ,LHAN MA MKHA' RO THIG BRO DANG, ,ROS BSGYUR BGOS THOB NOR DE RNAMS, ,RDZOGS NAS BDAG GZA' PHYI MAR SLEB, ,RANG 'KHOR PHRI NA PHYI LO'I 'CHAR, ` ,) ,ME YOS 'DAS LO BZANG POS BRGYAN, ,'KHOR LOS PHUD LHAG LO SKAR YIN, ` ,'DAS LO MES GSRE GNAS GNYIS BZHAG , STENG MAR MIG DANG 'OG MAR MDA', ,PHUL LA THUB PAS SO SOR DOR, ,LHAG MA RIM BZHIN RGYAL BLON GZA', ` ,BAL PO'I YUL DU DAR BA'I LUGS, ,KA RA'I RO MYANG LTA BU'I RTZIS, ,GTER MTSO KLU GZUGS LO TSOGS LA, , ME YOS LA SOGS 'DAS LO BSRES, ,DE NI SH'A KA'I LO ZHES GRAGS, ,DE NYID MES BSGYUR THUB PAS BGO ,THOB NOR LOGS BZHAG LHAG MA DE, ,CHAR GYI DON DU MIG GIS BSGYUR, ,'BYUNG BA BSNAN PA CHAR 'BRAS YIN, ,SNGON GYI THOB NOR ME YIS BSGYUR, ,RIS BGO LA SOGS LAN BRGYAD BYA, ,'BRU RTZVA SIL DROD RLUNG 'PHEL ZAD, ,'KHRUGS RNAMS RIM PA BZHIN DU SHES, ,MANG MTHA' RI ZLA NYUNG MTHA' MDA', ,KHYIM 'BRING 'BRAS BU DE BZHIN 'BYUNG, ,SH'A KA'I LO DE DRAG POS SBYANGS, ,LHAG MA MTSOS BGOD GZUGS SHAR NA, ,RDZING BUR 'JUG CES THAN PA CHE, ,MIG SHAR YAN LAG 'JUG CES PA, ,LA LAR CHAR 'BAB LA LAR MIN, ,ME SHAR KUN TU 'JUG CES PA, ,LA LAR MA YIN YUL KUN 'BAB, ,THIG LE SHAR TSE ZHOD CES PA, ,CHER 'BAB CHU BO RAB TU RGYAS, ` ,DBANG PHYUG MJAL PHRAD RTZIS LA NI, ,BYED PA'I LO BDAG GZA' DBYUG GNYIS, ,GNAS NI BCU GNYIS BGOD
BYAS TE, ,GZA' LA ZLA BA RI DBANG PO, ,LUG KHYIM DON DU SBYIN PAR BYA, ,CHU DANG ME MDA' GLANG LA BYIN, ,RI BONG RI GZUGS 'KHRIG PA STE, ,RGYA MTSO ME MDA' KARKA tA, ,ZLA BA MIG BGROD SENG GE LA, ,CHU GTER RGYAL BA BU MO STE, ,DUS DANG GZUGS DBANG SRANG GI DON, ,BSE RU RI MTSO SDIG PA LA, ,ME DANG MI BDAG GZHU LA STE, ,RIG BYED RI RTZE CHU SRIN YIN, ,RO DANG CHU GTER BUM PA LA, ,THIG LE LAG MDA' NYA LA BSRES, , SO SOR MA NOR BSNAN PA LA, ,MKHA' RO THUB PAS BSGRIL BA'I LHAG ,GANG SHAR KHYIM GZA' BCU GNYIS YIN, ,NYI KHYIM 'PHO BA'I TSES GZA' DANG, ,KHYIM GZA' MANG NYUNG BRTAG BYAS LA, ,KHYIM GYI GZA' MANG BZHUGS TE MJAL, ,'BRAS BU LO 'KHRUGS SDUG BSNGAL 'ONG, ,TSES KYI GZA' MANG BZHENGS TE MJAL, ,CHAR CHU DUS 'BAB LO THOG 'PHEL, ,MNYAM NA GZIMS TE MJAL BA'I 'BRAS, ,SA G-YOS CHOM RKUN TSAD NAD DAR, ,RLUNG CHE THOG SER RGYAL 'BANGS 'KHRUGS, ` ,GRUB MTHA'I LO 'PHO 'DAS LO DAG ,GNAS DRUG BZHAG LA GZUGS MI BDAG ,YID GZUGS KHYIM DANG ZLA NYIS BSGYUR, ,STENG RIM BDUD PHYOGS RI MTSO THIG ,MDA' DANG RTZE STONG LAG BYIN LA, ,RI MKHA' RI 'DOD DUS MKHA' RO, ,MKHA' RO THUB LAS DOR LHAG MA, ,GRUB MTHA'I LO 'PHO 'GRUB PA YIN, ,SGYUR BYED BYIN PAS PHYI LO'I 'CHAR, ` ,DE NAS LNGA BSDUS MYUR RTZIS NI, ,RTZIS YUL LO GANG NAG DHRU 'AM, ,ZLA BSHOL YOD TSE DBO ZLA YI, ,NYI DHRUR GANG 'OS TSES KYI NI, ,RTAG LONGS BYIN PAS ZHAG GCIG GI ,LONGS SPYOD CUNG ZAD MA LONG NA, ,RTZIS YUL LO DE'I NYI RAGS ZIN, ,
, ,DE DANG ZHAG KHYAD MA ZHUGS PA'I, ,GZA' TSES RTAG LONGS GZA' DHRUR BYIN, ,GZA' RAGS ZHAR LA 'GRUB PAR 'GYUR, ,NYI RAGS DE NYID MDA' YON ZLAS, ,BGOD PAR BYA ZHING SKAR DBYUG LA, ,THOB PA MI SRID CHU TSOD NI, ,MKHA' ROS BSGYUR LA CHU SRANG BCUG ,MNGA' 'DOD BGOS THOB SRANG YIN LHAG ,DUS BSGYUR DBUGS DANG RI RO YIS, ,BSGYUR THOB CHA STE LHAG MED 'CHAR, ,BYED PAR CHA SHAS 'DOD PAS BSGYUR, , DE NYID GNAS GSUM DGOD BYAS LA, ,ZLA CHU DUS KYIS RIM PAR BSGYUR, ,RANG RANG 'KHOR LOS STENG DU BSGRIL, ,SKYES BU GSUM GYI RTAG LONGS 'GRUB, ,GZA' DANG NYI MA RAGS PA GNYIS, ,GLING DRUG LA BKOD GLING RE LA, ,KHYIM NI GNYIS GNYIS MING BRIS LA, ,LUG DANG BU MO ZLA 'BRAS KYIS, ,PHRI ZHING SRANG DANG NYA LA BYIN, ,GLANG SENG GNYIS LA CHU 'BRAS KYIS, ,PHRI ZHING SDIG BUM GNYIS LA BYIN, ,'KHRIG PA KARKAR DUS 'BRAS KYIS, , PHRI ZHING GZHU SRIN GNYIS LA BYIN, ,DE YIS KHYIM ZHAG SPYI NOR 'GRUB, ` ,DE NAS NYIN RES RTZIS 'JUG PHYIR, ,NAG ZLA LA SOGS NYI DHRU LA, ,GANG 'DOD TSES KYI RTAG LONGS BYIN, ,DE LA NYI MA RAGS PAS PHRI, ,NYI BAR BYA RA GANG MTHUN 'DZIN, ,DE YI BAR 'OG RE MIG LA, ,KHYIM DRUG SPYI NOR GANG MTHUN BYIN, ,GZA' PHYED NYI MA DAG PAR 'GYUR, ` ,RIL POR TSES BSRES CHU ZLAS BGO ,LHAG MAS ZLA BA'I RE MIG GZUNG, ,DE NI GZA' BAR LONGS SPYOD DU, ,NOR MNYAM BSNAN LA MI MNYAM PHRI, ,DE YIS GZA' DE DAG PAR 'GYUR, ` ,NYI DAG GNAS GNYIS GCIG LA NI, ,CHU TSOD MTSO DBANG TSES BSGYUR BYIN, ,TSES 'KHYUD ZLA SKAR 'GRUB PA SOGS, ,YAN
LAG LNGA PO RIM BZHIN 'CHAR, ` (GZA' GCIG GNYIS BSDAB DBYUG MANG CHAD, ,GZA' 'PHAR DBYUG NYUNG TSES LHAG STE, ,DE TSE SNGA MA'I BSGRUB LUGS NI, ,CHAD GZA', ,DE LTAR SHAR BA'I RI MO LAS, ,GZA' TSES LONGS SPYOD MA 'ONGS PA, ,ZLA SKAR SBYOR? BA DNGAS? PAR BSHAD, ,RES GZA' NAM LANGS DUS SU 'PHO'O,, TSU TSOD DRUG CU STONG CHOS GRA'I NYI DAG ZLA CHOS KYI RTAG LONGS BSTOS? LA MKHA' ROS SBYANGS ROS GROGS? LA SOGS PHYI? LTAR SGRUB,) ,SGRA GCAN MYUR BA SGRUB LUGS NI, ,GONG GI THIG DUS CHU BO YIS, ,DOR BA'I LHAG MAS BYA RA BZUNG, ,NYA STONG RE'U MIG 'DZIN PAS 'GRUB, ` ,DBUGS THOB KHYIM SLEBS SGANG TSAD NI, , GANG BRTZI ZLA BA'I MDA' RO YI, ,LHAG MAS RE'U MIG BYA RA 'DZIN, ,DE YANG RI MOS RTOGS PA'I TSUL, ,MDA' RO'I LHAG MA MKHA' MES BSGYUR, ,DBUGS THOB TSOL PHYIR MKHA' NOR NYI, ,KHYIM SLEBS THIG DANG RTZIS BYA THIGm ,DE TSE MKHA' DBANG BUG ZLA DANG, ,SGANG TSAD DBANG YON RTZE BYIN NAS, ,MDA' ROS BGOS PA LHAG 'BYUNG NA, ,NOR LA ZLA STER TSES GRANGS BZUNG, ,LHAG DES MDA' ROR PHRI BA'I LHAG ,DBANG THOB NOR GYIS 'DOD CHA BZUNG, ,GZA' NYIR SBYANG BAS TSAD RNAMS SHAR, ,MDA' RO'I LHAG MA THIG YIN NA, ,STER BYA DE RNAMS BGOS SOGS 'DRA, ,TSES GRANGS SUM CU LAS LHAG NA, ,MKHA' MES PHUD NAS LHAG DES BZUNG, , DBUGS THOB TSES GRANGS MAR DOR BYUNG, ,ZLA SNGA'I TSES GRANGS DE NYID LA'O, ,SGANG TSAD ZLA BA RANG NGES CAN, ` ,PHAG ZHAG HOR ZLA LNGA PA YI, ,MDA' RO'I LHAG MAS BYA RA BZUNG, ,DE NYID RI MOS RTOGS TSUL NI, ,MDA' RO'I LHAG MA MKHA' MES BSGYUR, ,DE LA NOR THIG RGYAL POS BRGYAN, ,MDA' ROS THOB NOR TSES GRANGS YIN, ,LHAG MA MDAS THOB NOR 'DOD CHA, ,LUS PAS LNGA CHA GZUNG BYAS TE, ,NYIN DE'I NYIN MOR BYIN PA YIS, , SKAR DBYUG SRANG TSAD JI BZHIN SHAR, ,Ri shI BRGYAD PA'I DBUGS NYIN 'CHAR, ,LNGA PA BCU GCIG SGANG LA NI, ,DBYAR DGUN NYI MA LDOG PA DANG, ,GNYIS PA BRGYAD PA'I SGANG LA NI, ,DPYID STON NYIN MTSAN MNYAM PA 'ONG,
, ,NYIN DE'I GZA' LONGS ZAD TSE 'PHO, ,ZHIB PAR GZA' NGAG LDE MIG LTOS, ,SGANG TSAD NYER BDUN LA BYUNG TSE, ,BYED RTZIS ZLA BA SHOL BYUNG BAR SHES, ,SGANG TSAD GNAM GANG LA SHAR NA, ,ZLA BA DE NYID GNYIS BRTZEGS DANG, ,TSES GCIG DAG LA SHAR 'GYUR NA, ,ZLA BA DE NYID PHYI LA BSHOL, ,MDOR NA TSES GCIG LA SHAR SGANG, ,ZLA BA SNGON MA'I SGANG DANG NI, ,GNAM GANG LA SHAR SGANG DE NI, ,ZLA BA RANG GI SGANG YIN NO, ` ,DUS BZHI MI 'GYUR GZER BZHI DANG, ,NYIN MTSAN 'PHEL 'GRIB TSAD SOGS NI, ,RGYA BOD LA SOGS YUL GZHAN GYI, ,SHAR TSAD RGYU MTSAN LA BRTEN NAS, ,HOR YUL SA CHA SO SO LA, ,YID RTON NGES PA'I RI MO RNAMS, ,SHAR NYIN DE DER 'OS SO SKAD, ` ,GTZUG LAG SPOR THAD SER RTZIS NI, ,ME YOS LA SOGS 'DAS PA'I LO, ,NYI MAS BSGYUR LA STAG ZLA SOGS, ,'DAS ZLA BSRES LA GNAS GNYIS BZHAG ,'OG MA MIG BSGYUR ME MTSAMS BYIN, ,MDA' ROS THOB BSRES ZLA DAG GO ` ,ZLA DAG ZHAG GSIL TSES GRANGS BSRE, ,GNAS GSUM BAR DU YON DANG 'OG ,RI ZUNG RTZE BYIN RI MKHA' RIS, ,THOB BYIN PAR BA SDE BROS THOB, ,STENG SBYANGS LHAG MA SPYI DHRU YIN, ,CHU ROS PHYE BA'I LHAG THIG SHAR, ,TSES DE CHAD PAS ZLA CHUNG ZER, ` ,SPYI ZHAG GNAS DRUG BZHAG PA LA, ,DANG BOR ME BYIN RI YIS DOR, ,LHAG MA RES GZA' GNYIS PAR RGYAL, , STER LA KLU LAG GIS DOR LHAG ,SMIN DRUG NAS BRTZAMS RGYU SKAR RO, ,GSUM PAR YON PHUL LHAS DOR LHAG ,SPAR KHA LE NAS ZON PAR RIM, ,BZHI PAR NOR STER RTZiS DOR LHAG ,DE YIS PHYOGS SBYANGS
MED NA NI, ,PHYOGS LA RTZiS SBYANGS SME BA DGU'O, ,LNGA PAR 'DRAG BSNAN NYIS BGOS LHAG ,'BRUG NAS YOS PAR BCU GNYIS SO, ,DRUG PA ZLAS BRGYAN KHROS NGOR LHAG ,GCIG GNYIS ME LA GSUM BZHI SA, ,LNGA DRUG LCAGS TE BDUN BRGYAD CHU, ,DGU THIG SHING KHAMS RIM PAS SHES, ` ,GNAM LO'I KHAMS NI 'DAS LO DER, ,MTSE MAS BRGYAN LA STOBS KYIS BGOS, ,GCIG GNYIS ME SOGS SNGAR BZHIN NO, ` ,ZLA BA'I KHAMS NI ME YOS SOGS, ,'DAS LO NYIS BSGYUR RIN CHEN PHUL, ,SOR MOS BGOS PA'I LHAG MA NI, ,HOR ZLA DANG PO STAG ZLA'I KHAMS, ,BUS DED LO ZLA ZHAG DUS BZHI, ,THAMS CAD LO RGAN DRUG CUR 'KHOR, ` ,GNAM LO'I SME BA 'DAS PA'I LOR, ,SME BYIN RTZiS BGOS PHYOGS LA SBYANGS, ,THIG NI SOR MOR GTER GYIS SBYANGS, ,DE YIS SME BA RTOGS PAR 'GYUR, ` ,ZLA SME 'DAS LO NYI MAS BSGYUR,, MIG BYIN RTZiS DOR PHYOGS LA SBYANGS, ,THIG LA SNGAR BZHIN STAG ZLA'I SME'O ` ,SE ZHIG SOGS NI GANG BRTZI'I LO'I, ,SROG KHAMS DBANG KHAMS GCIG KHA YAN, ,SROG GI BUR 'GYUR SE ZHIG DANG, ,SROG GI DGRA SHAR 'DUN KHUR DANG, ,SROG GI GROGS BYUNG KHA RAL DANG, ,SROG GI MA LA KHO NONG ZER, ` ,SROG LUS DBANG RLUNG SME KHAMS LNGA, ,MI 'DRA'I LO NI 'BYUNG LDAN ZER, ` ,GZA' YI DAR GUD SOGS BRTZI TSUL, ,GANG TSES DE DAR BU YANG DAR, ,MA ZHUD DGRA GUD GROGS GYOD ZER, ` ,GRUB RTZIS GZA' NYI'I DHRU SOGS LA, ,SGRUB TSUL NGO MTSAR GZHAN YOD KYANG, ,GONG DU LAG LEN BDE KHYAD KYIS, ,SPYI LTAR SGRUB TSUL TZAM ZHIG SMRAS, ,
, ,'DI DAG DPYIS PHYIN SHES PA LA, ,RGYU MTSAN RTZIS KYI GO BA DAG ,LAG LEN RTZIS DANG RAB SBYAR TE, ,MKHAS PA'I MDUN SAR LEGS PAR SBYONGS, ,DGE BAS BDAG GZHAN TSE RABS SU, , BA SHES GNYEN MKHAS PAS RJES BZUNG ZHING, ,GSAL RGYUD BSHAD SGRUB BSTAN PA MCHOG ,RNAM KUN 'DZIN SKYONG SPEL BAR SHOG ,MA DAG PHYI NANG DUS SBYOR NI, ,CHOS MTSUNGS LAM GZHAN BSGOMS STOBS KYIS, ,YONGS DAG DUS KYI 'KHOR LO YI, ,DKON MCHOG GSUM GYI BKRA SHIS SHOG,, ,,(CES RAB BYUNG BCU DRUG PA'I RTZIS GZHI GSAR DU SPOS TE LNGA BSDUS SGRA GCAN DUS GZER BRTAG THABS 'BYUNG RTZIS NYER MKHO SOGS DANG BCAS PA MDOR BSDUS SU BKOD PA 'DI NI, ` GDAN SA KHU RAL CHEN MO'I DKA' BCU DUS RAMS PA BLO BZANG RIN CHEN DANG, 'DI KHA'I RTZIS RAMS PA NGAG DBANG BRTZON 'GRUS GNYIS KYIS RAB DKAR LHA RDZAS KYI ME TOG DANG BCAS TE NAN TAN DU BSKUL BA'I NGO MA CHOG PA TZAM DU, ^ SH'AKYA'I BTZUN GZUGS 'JAM DBYANGS DGYES PA'I BSHES GNYEN DU 'BOD PAS TSA HAR DGE BSHES BLA MA'I LNGA BSDUS RNAM BSHAD KYI RTZA TSIG DANG SGO BSTUN PA LHUR LEN GYI SGO NAS, RAB RGYAL DNGOS PO LO'I BRTAN BZHUGS GSOL TSOGS KYI SKABS SU DBEN PA'I BSTI GNAS BRAG SER KHROD DU SBYAR BA BKRA SHIS DGE LEGS 'PHEL,, ,,)