, ,RANG GI TSE 'DI'I BYED SPYOD RAGS BSDOMS 'DI SNANG ZA ZI'I RJES GCOD CES BYA BA BZHUGS SO, ,
, ,DON DAM THA SNYAD SKYABS GNAS DKON MCHOG GSUM, ,BDAG CAG NYON MONGS 'GRO LA THUGS RJES GZIGS, ,DON GYI SNYING BOS DBEN PA'I BYUNG RGYAL GTAM, ,CAL COL SMRA LA DGONGS TSOMS MI MDZAD GSOL, ,THOG MED DUS NAS NGAN SONG 'KHOR BAR 'KHYAMS, ,DA RES STES DBANG DAL 'BYOR RTEN RNYED KYANG, , LHA CHOS MA BYAS LANG TSO YOL ZIN PA, ,BDAG 'DRA'I GTAM RGYUD MKHAS BLUN BZHAD GANG YUL, ,DE LTAN YANG 'BREL LDAN BCOL CHUNG 'GAS, ,BLA RKAN KHYOD KYI TSE 'DI'I KUN SPYOD KYI, ,LO RGYUS RAGS RIM CI 'DRA SMROS SHIG CES, ,KHA LCE 'THEN PA'I LAN DU 'DI SKAD LO, ,'DZAM GLING BYANG PHYOGS KHAL KHA'I DBUS RU SMAD, ,GHO BI AUS DZING GUNG GI SA
, ,CHA'I MTHIL, ,DAR LCOG CAN RI'I MDUN SHOD BRAG DKAR DE, ,KHO BO AA MA LAS THON SA CHA YIN, ,RIGS RUS YA RABS TSE NOR CHOS LDAN YANG,, PHA MA MI GZHI LEGS SHING SHES RIG GSAL, ,SKYES KHYIM MTHA' GNYIS BRAL ZHING DGE MTSAN LDAN, ,SPUN ZLA MING SRING BCU YI BZHI BAR SKYES, ,MIR CHAGS SKABS SU AA MA'I RMI LAM DU; ;BLA MA ZIL CHE RTZE ZHVA CHOS GOS CAN, ,GSUNG RAB PO TI MANG BO BSNAMS KYIN PHEBS, ,BYIN RLABS ZHUS PAR CHOS DES MGO NAS GNON, ,DE LA SOGS PA'I MCHIN LTAS BZANG PO DANG, ,SKYES PA'I GZA' SKAR DUS SBYOR BRTAGS DPYAD KYIS, ,BU 'DI CHOS LDAN ZHIG TU LOS 'GYUR ZHES, ,PHYI NANG RTOG LDAN MI RNAMS MTHUN PAR GLENG, ,ZHAG GSUM LON CING
BTZAS STON BYUNG BA'I SKABS, ,SLOB DPON RJE DANG AA KHU BLA MA YIS, ,CHOS BRGYAD GSUNG SGROG BSANGS DANG KHRUS CHOG GIS, ,GTZANG BAR BSGRUBS SHING BKA' BSKO BYIN RLABS GNANG, ,DE DUS KHYIM MTSES AA NE RGAN MO ZHIG ,BU 'DI RGYUN PAR NAM MKHAR BLTA SOGS KYIS, ,MCHOG GI BSOD NAMS CAN DU NGES SO ZHES, ,MCHOD ME LI TING CAN ZHIG SKYES SU STER, ,NAM YANG DU SKAD MI 'DON NYIN DUS SU, ,GNYID LOG MI SPRO RGYA MTHONGS NAM MKHAR RAM, ,LHA RTEN PHYOGS LA CER RER BLTA BA'I RGYUS, ,AA MAS LKUGS PA MIN NAM HA LAS ZER, ,RING MIN MES MO AA NES MTHONG NAS SLAR, ,BANYTZA RAKshA'I GLEGS BAM BSNAMS YONG STE, ,NGED LA BU TSA MANG RUNG BU 'DI LA, ,PHA MES RTEN 'DI GTAD CES STER NAS SONG, , BAR BAR SNA CHAM THEBS 'DRAR AA KHU NAS, ,MNOL BSANGS BTANG BAS BSAL ZHING MI GSOS NA'ANG, ,SLOB DPON PAKSHIS SHO MO RGYAB NAS NI, ,YA MTSAN GSUNG ZHING SKE LA GZAN PHRAN DKRIS, ,AA MAR CHO GA RJES BZLOS DGE BSNYEN GYI, , SDOM PA 'BOGS TSUL BYAS PAS YANG YANG GSOS, ,LO GNYIS YAN GYI BYA SPYOD DRAN RGYU MED, ,GSUM THOG DBYAR THAR RAL BA BREG TSUL DANG, ,STON DGUN MING SRID RTZED MO RTZES PA DANG, ,KHYIM MTSES SA CHA'I RNAM PA DENG YANG GSAL, ,KHO BOS HO SHO'U CHOS SDE'I SA RU PHYIN, ,KHRI BLAR SDOD CING DRIL t'AM 'KHROL BA LAS, ,KHA BTAGS MANG BO BSNAMS YONG KHYED TSO LI, ,STER CES AA MA NYID LA YANG YANG LAB, ,LO DE'I DGUN KHA SRING MO ZHIG BCAS PAS, ,BTZOG GO ZER
, ,ZHING AA MA LAS BROS NAS, ,AA KHU BLA MA'I SKU DRUNG NYIN MTSAN DU, ,BCAR BZHUGS SONG ZHES NANG MI KUN GYIS ZER, ,NA TSOD BZHI THOG YIG KLOG SLOB PHRUG ZHIG ,MTHONG NAS AA KHU NYID LA AU TSUGS KYIS; ;MGO YIG BRIR BCUG SLOB DPON PAKSHI NAS, ,DBU TSUGS NYI MA GSUM RING BYANG BAR SLOB, ,DE NAS GANG BLO SKYABS 'GRO DGA' LHA BCAS, ,AA KHUR YIG KLOG ZHUS PAS BLOR 'DZIN CING, ,DE PHYIN PHAL CHER RANG NYID YIG KLOG DANG; ;AA KHUS KLOG MTSAMS 'JOG NGOS CHOS SPYOD DANG, ,BSKANG GSO BCU SKOR KUN RIG BDE GSANG SOGS, ,HU RE'I 'DON CHA YONGS RDZOGS BLOR CHUD BYAS, ,DE YI ZHOR LA GZAB GSHAR YIG 'DRI DANG, ,RTZIS SKOR CHANG CHUNG CHOS SKAD BSGYUR BA SOGS, ,BSLAB CING GANG MTHONG LHA SKU'I NGOS 'DZIN LA, ,CHUNG NAS BZANG BAS MI RNAMS NGO MTSAR 'DZIN, ,LO BZHI LNGA'I THOG RIM BZHIN BEG GE DANG, ,'BRUM LAS DKON MCHOG THUGS RJES BDE BAR THAR, ,LO DRUG LON CHE BRO 'TSAL ZHIG BYUNG BAS, ,ZHVA GOS LHAM GSAR GRI DANG SKED RGYAN SOGS, ,RIM GRO'I RDZONGS CHAR BZHAG DUS AA MA LA, ,KHO BOS TSOGS LA 'GRO TSE GZAN DGOS PAS, ,DE YI RGYU RAS MA BTANG ZHIG ZER BAS, ,THAMS CAD DGA' ZHING LA LAS DU BA'ANG BYUNG, , GSOS TE BYAMS PA GLING BSKOR LA PHYIN PAS, ,DKA' BCU RNAM GNYIS TSOGS GLENG BYED PA MTHONG, ,SHIN TU NGO MTSAR SKYE ZHING DE PHYIN CHAD, ,RKANG LAG BRDEB NYID 'KHOR GSUM BSKOR BA SOGS, ,DE YI LAD MOS SPUN ZLA RNAMS DANG RTZED, ,KHO BOS DA LTA HU RE CHEN MOR PHYIN, ,DGE BSHES DKA' BCU 'GYUR ZHES LAB BRDOL SMRA, ,AA PHAS BU 'DI HU RE'I DGE BSHES GCIG ,CHOS MTSAMS RING LA THON NAS YONG 'DRA BAS, ,CHOS MTSAMS BLA MAR 'BOD CES KU RE BYED, ,RTZED MO'I SAR YANG LHA KHANG
RTEN BZHENGS DANG, ,KHRI 'DON MCHOD STON LTA BU BYED DO SKAD, ,LO BDUN LON TSE GZHIS DGON TSOGS SU ZHUGS, ,DE TSE MI PHRUG MANG POS KHO BO LA, ,DUNG KHU CHOS RJES MNYAM ZHUGS GCIG SHOS LA, ,DU HA SMAN RAMS PA ZHES MING 'DOGS TE, , RJES SU GNYIS KA'ANG DON MTHUN LTA BUR SONG, ,DER YANG 'DU KHANG BYI BDAR SKU BRNYAN RNAMS, ,DGRAM DANG MCHOD GTOR BSHAM SOGS BYUNG RES KYIS, ,DGE G-YOG DGON GNYER RNAMS LA GROGS DAN DANG, ,TSOGS GRAL NANG DU'ANG BLA MA DBU MDZAD SOGS; ;GANG YANG LAS ROGS SGRUB LA GO CHOD CES, ,MCHOG DMAN BAR MA YONGS KYIS SKYABS 'JUG BZANG, ,PHYUGS SKYONG LAS LA HA CANG ME SPRO BAS, ,PHA MAS BSGO YANG RANG GI SPUN RNAMS LA, ,GLA RNGAN CI BDER BSTABS SHING 'BYOL THABS 'TSOL, ,KHYIM MTSES BZANG NGAN GANG DU PHYIN NA YANG, ,LHA RTEN CHOS GSUM GANG YOD 'DRI RMED CING, ,NGA LA BLTA RU BGYI ZHES SLONG BA NA, ,TSANG MAS BSTAN CING NYAMS SAD YA MTSAN BYED, ,GNAS BSKOR PA 'DRA 'ONGS TSE 'GRO 'ONG GI ;GNAS DANG RTEN SOGS ZHIB PAR 'DRI RMED DANG, ,MGUL RTEN MCHAN DPE YAN CHAD SLONG DKRUGS BYED, ,KHONG TSOS KUN BSTAN BSNGAGS BRJOD BYAS NAS SONG, ,RJES SU RES 'GA' AA MAS RTZIG RTZIG BTANG, ,DE TSE LHA LDAN SE 'BRAS DGE SOGS KYI, ,GTAM RGYUD THOS TSE TSOGS CHOS RNAMS 'DRA, ,SNYING LA 'CHAR ZHING MIG NAS MCHI MA BA RNANG, ,'ON KYANG LAS SMON SHUGS NI ZHAN PA'I RGYUS, ,GNAS MJAL RGYU RKYEN MA 'DZOM NA TSOD RGAS, ,BCU GSUM LON TE HU RER PHYIN BYAS KYANG, ,AA KHU BLA MAS BRTZE GDUNG CHE BA'I STABS, ,HA CANG CHUNG ZER LO 'GA' 'GROR MA BCUG ,DE BAR SLOB DPON DKA' BCU PA YI DRUNG, ,RNAM THAR BLO SBYONG THOR BU MANG BO GSAN, ,HO SH'UR L'i THO GZA' LNGA'I RGYUGS
, ,SPROD SONG, ,BYIS PA'I DUS SU BSAM MED DU G-YENGS PA'I BYED SPYOD DRAN PA'I YUL DU GYUR PA RNAMS SO, ` ,DE TSE HO SHO'U SPYI SO'I CHOS GRVA RU, ,BLA DPON RNAM PAS DBANG MED 'BED BYUNG STE, ,RE ZHIG DER PHYIN MKHAN CHEN DAM PA YI, ,ZHAL MJAL GSUNG GI BDUNG RTZI MANG DU NOD, ,DER NI THO YON DKA' BCU LAGS MJAL ZHING, ,RTING BSKUL DGONGS ZHUS LEN ROGS GNANG BA'I RGYUS, ,HU RE CHEN MOR PHYIN PA'I GO SKABS RNYED, ,'PHRAL DU GDAN SAR 'BYOR TE LAS SMON GYI, ,SHUGS KYIS BLO GLING CHOS GRVAR BZHUGS PAR GYUR, ,SMRA DBANG 'JIGS BYED MTSAN CAN GUS PAS BSTEN, ,KHA DOG SGRUB BYED DANG PO BRTZI GI NANG TSE, ,GZHAN RNAMS RANG GIS RIG PA BSGRE BYAS NAS, ,BRTZIS THUB PHYUNG BAS BLA MA'ANG THUGS MNYES SHING, ,BSDUS TSAN PHYI MA PHYI MA BRTZI GNANG BAS, ,CHOS THOG GSUM RING 'DZIN GRVA GSUM PAR SON, ,DE TSE LA BA RJE SKYABS MGON MCHOG DANG MJAL, ,CHOS 'BREL ZHUS PAS SHAMBHA LAR 'KHRID GSUNG, , DE SKABS GRVA TSANG CHOS SPYOD SKOR RNAMS DANG, ,RGYAN 'JUG SDUD GSUM BLOR 'DZIN RGYUGS SPROD BYAS, ,BRTZI? BZHIG SKYOR SKABS SHOG RING TSAR GSUM TZAM, ,BKLAGS TE BLOR 'DZIN THUB PAS MNGON RLOMS KYANG, ,RJES SU BSAMS NA SPOBS PA MYUR BA DANG, ,MANG BA'I BDUD LAS DE NAS 'JUG PA 'DRA, ,GZHAN YANG DGE RGAN BLO BZANG BKRA SHIS DANG, ,DPAL LDAN RDO RJE LAS KYANG SBYOR BRTZI SGOS, , SA GRVA'I SLOB GNYER SONG ZHING BLO RTAGS YANG, ,BSHES GNYEN NGAG DBANG RIN CHEN ZHABS LA GTUGS, ,DPE KHRING RTAGS GSAL ZHIB SMIN LHUG PAR STZAL, ,BLA MA RNAMS KYI ZHABS TOG GANG BABS DANG, ,SGOS SU DRIN CAN 'JIGS BYED MTSAN CAN GYE, ,PHYAG G-YOG CHANG CHUNG LO LNGA'I BAR DU BSGRUBS, ,KHONG LAS 'JIGS
BYED DPA' GCIG DBANG CHEN DANG, ,CHOS RGYAL RNAM GSUM RJES GNANG BKA' DRIN NOS, ,GZHUNG GSAR DGUN KHA LEGS BSHAD SNYING PO YI, ,SEMS TZAM SKOR NI SKU DRUNG MDZUB KHRID DANG, ,SBRAGS TE BLOR 'DZIN BYAS PAS THUGS DGYES MDZAD, , GZHUNG GONG DPYID KA DBU MA'I DRANG NGES KYI, ,ZHIB BSHAD STZAL NAS DBYAR RAR SKU GSHEGS PAS, ,MYA NGAN KHANG BUR BZHUGS SHING 'DAS MCHOD BSGRUBS, ,DE NAS DGE RGAN LHAG MA RNAMS GSUM DANG, ,KHYAD PAR SKYOR DPON RJE YI BKA' DRIN GYIS; ;GZHUNG GSAR LO GNYIS RTZOD GRVAR BLO GZHOL RGYUS, ,NYEN KOR 'DZIN GRVAR AANG DANG THON NO LO, ,GZHUNG GONG NAS BZUNG LO NI BZHI LNGA'I RING, ,BKA' 'GYUR MDO PHYOGS 'DUL BA MA GTOGS DANG, ,BYAMS PA DANG 'BREL CHOS SKOR NYI SHU SOGS, ,RTZA 'GREL SBYAR TE KLOG PA'I DAL BA'ANG BSTEN, ,SGOS SU NYI KHRI DAG GTUGS NYI SNANG DANG, ,GSER 'PHRENG RNAM BSHAD GUNG BSGRIGS BLTA RTOG GIS, ,MDO RGYAN RTZA 'GREL YIN TSUL RAGS RIM GO ,GRVA TSANG BDUN GYI PHAR PHYIN CHE KHAG BKLAGS, ,DE DAG BAR DU'ANG PHA CHOS BU CHOS DANG, ,BSTAN RIM CHA CHUNG LAM RIM CHE CHUNG SOGS, ,BKA' GDAMS GSAR RNYING LAM RIM BLO SBYONG SKOR, ,DPE CHA GANG ZHIG 'BYOR TSAD BLTA RTOG SONG, ,YUL DU GCIG THON MKHAN PO RJE DANG MJAL, ,DPA' GCIG DBANG CHEN MGON CHEN BCU GSUM DANG, ,CHOS SKYONG DGU SKOR RJES GNANG SOGS BCAS NOD, ,YOS LO'I SOS KA AA KHU BKA' DRIN CAN, ,SKU GSHEGS SKAD CHA GLO BUR BYUNG BA LAS, ,SEMS NGAL CHER SKYES DGE RTZA RGYUN RING BSGRUBS, ,LO DER PHAR PHYIN STON MOR TSOGS BZHIN PAS, ,DPE CHA'I 'GRO GLENG 'DZIN MTSAMS GO BSDUR LA, ,NAN TAN BYAS STABS DGUN GYI GRVA BSKOR LA, ,MKHAS MANG KHROD DU PHAR BSDUS DAM BCA' NI, ,THOGS MED 'JOG
, ,PAS KUN KYANG NGO MTSAR SKYES, ,DBU MA'I LO GNYIS CHOS GRVA 'GRIMS PA'I MUR, ,DPE KHRID BGRO GLENG HOR KHONGS MED KHUL DANG, ,'PHAGS PA YAB SRAS DRUG GI GZHUNG RNAMS DANG, ,'JAM MGON YAB SRAS GSUM GYI LEGS BSHAD RNAMS, ,SO SOR SBYAR TE BLTA RTOG CI LCOGS DANG, ,TSAD MA'I SKOR LA'ANG BLTA RTOG DANG BCAS PAS, ,YIG CHA SPYI DANG KUN MKHYEN BLA MA YI, ,DBU MA'I SKOR NI RGYUN DU KLOG PA'I RGYUS, ,DE SKABS RTOG GE'I GRAL DA 'TSANGS NA YANG, ,RUNG TZAM YOD KYANG TSOGS BSAGS SGRIB SBYANGS GYI, ,RGYAB BRTEN ZHAN PAS YIN NAM DA LTA NI, ,SEMS DRUG NANG NAS MING GI SEMS TZAM LUS, ,RTZA SHIS t'IKA CHEN MDZUB KHRID ZHU RTZIS KYIS, ,BSHES GNYEN SA MU DRA YA ZHABS LA GTUGS, ,DBU TSUGS GNANG NAS KHYOD RANG BLTA RTOG BYED, ,GSUNG STE BZHAG PAS RTZI SHES SBYOR t'IKA DANG, ,SBYAR TE LO PHYED BLTA RTOG BYED KHUL BYAS, ,DBU MA'I SA LAM BLO RIG SOGS KYANG BRIS, ,GZHON DUS SLOB DPON SANGS RGYAS MTSAN CAN DRUNG, ,LO BDUN BCO LNGAR RIM BZHIN DGE BSNYEN DANG, ,RAB BYUNG BSGRUB CING DBU MA RNYING PA'I LOR, ,SA GA ZLA BA'I YAR NGO'I TSES BRGYAD NYIN, ,KHU RE MKHAN CHEN DGON GSAR SKU ZHABS LAS, ,DGE BSNYEN RAB BYUNG BSKYAR THOG DGE TSUL DANG, ,BSNYEN RDZOGS SDOM PA DKYUS GCIG GSAR DU NOS, ,SO MAR SHEL DANG RNYINGS TSE RJE'I DPER SONG, ,'ON KYANG BSLAB GZHI LNGA PO BSRUNG KHUL STENG, ,DUS DRAN BSHAGS BSDAMS BRLABS SOGS BKHYID LOR GNAS, ,DGE SBYOR RIM PA'ANG DA LTA'I TSUL BSAMS TSE, ,NA TSOD PHRA DUS DGA' MOR YOD SNYAM SEMS, ,GANG DE'I DRUNG NAS GSANG BDE 'JIGS GSUM SOGS, ,LHA SRUNG MANG BO'I DBANG RJES SNGA PHYIR NOS, ,SHRI THU BLA MAR GRUB RGYAL TSE DBANG DANG, ,SNYAN
BRGYUD 'PHO KHRID ZAB MO'I CHOS 'BREL THOB, ,LHA RAMS BLA MAR DUS 'KHOR DBANG CHEN DANG, ,BKA' BOD LNGA SOGS CHOS BKA' MANG BO NOS, ,'DUL BAR SON PHYIN MDO RTZA RTZOD GRVA YI, ,THAD SO BZHIN DANG SDOMS TSIG GCES GCES RNAMS, , BLOR 'DZIN BYED NGOS MTSO t'IKA 'DUL t'IKA DANG, ,YIG CHA GSUM NI DGE RGAN RE RE'I DRUNG, ,MDZUB KHRID ZHUS SHING RGYA CHER t'IKKA DANG, ,GLENG 'BUM CHEN MO LA SOGS RGYA BOD KYI, ,'DUL BA'I GZHUNG CHEN KHAG NI BLTA RTOG BYED, ,LO NI GNYIS PAR MDZOD RTZA GUNG THANG SDOMS, ,'DZIN BCAS MCHIMS t'IKA THAR LAM GSAL BYED KYI, ,MDZUB KHRID DANG 'BREL MU BZHI'I 'GRO LUGS SBYANGS, ,RANG 'GREL 'GREL BSHAD RNAM PA GNYIS BCAS DANG, ,YIG CHA SO SO'I MDZOD RNAMS BLTA RTOG BYAS, ,GZHON NU'I DUS SU SLOB GNYER GYIS G-YENGS PA'I BYED SPYOD DRAN PA'I YUL DU GYUR PA RNAMS SO, ` ,'DZIN GRVA DANG POR 'DRES PHYIN LO BRGYAD RING, ,BKA' RAMS DKA' BCU'I DAM BCAR GTONG RGYU YI, ,RIG LUNG SKABS THOG BLTA RTOG TZAM GYI MUR, ,DGE PHRUG RNAMS LA RTAGS GSAL BRTZI BA DANG, ,DPE CHA 'KHRID PA'I LAS KHUR DANG BLANGS RGYUS, ,MDZOD 'DUL SBYANGS LONG MA BYUNG BAR DER NI, ,'DUL BA LUNG SDE BZHI PO SO SO YI, ,RGYA 'GREL RE DANG SBYAR TE ZHIB MOR BKLAGS, ,DE SKABS DKA' CHEN BLA MAS HU RER PHEBS, ,RIGS TSOGS SPYOD 'JUG BKA' GDAMS GLEGS BAM SOGS, ,ZAB RGYAS DAM CHOS MANG BO ZHUS YOD THOG ,GLO BUR BOD GYI PHYOGS SU BGROD RKYEN BYUNG, ,AA LAG SHA YI DGON PA NUB MAR PHYIN, ,'JAM DBYANGS BZHAD SPRUL MCHOG DE MAR PHEBS DANG, ,PHYOGS GNYIS NAS 'DZOMS 'DUS TSOGS BYINGS DANG LHAN, ,MJAL ZHUS DAM CHOS BDUD RTZI'I BGO SKAL THOB, ,Y'A MAN DU YANG 'DOD CHOS GANG STZAL NOS, ,MI
, ,RING YAR BGROD SKU 'BUM CHOS SDER 'BYOR, ,GSER SDONG GTZO BYAS 'GANGS CHEN RTEN RNAMS LA, ,PHYAG MCHOD BSKOR SOGS BSAGS SBYANGS CHA TZAM SGRUBS, ,'JAM MGON BLA MA ZHVA DMAR RJE DANG MJAL, ,THUN DRUG RNAL 'BYOR DGA' LDAN LHA BRGYA MA'I, ,NYAMS KHRID LA SOGS ZHAL GYI BDUD RTZIS TSIMS, ,TSE RABS RJES 'DZIN SKYABS 'JUG ZHAL BZHES GNANG, ,GRO TSANG ZHAL SNGA LAS KYANG CHOS 'BREL THOB, ,THUGS BRTAGS MANG ZHUS DGYES GZIGS DPE MED STZAL, ,RGYA YAG SPRUL SKU'I DRUNG DU DBYANGS CAN MDO'I, ,MCHIMS SBYOR LNGA PA SA RIS DANG BCAS SLOB, ,ZI LING DGON LUNG BRGYUD NAS CHU BZANG DU, ,LCANG SKYA YONGS 'DZIN MCHOG GI ZHAL DKYIL MJAL, ,SUM RTAGS SKOR DANG SNYAN NGAG RTZI 'GREL GYI, ,MDZUB KHRID RTZOM RGYUGS MTSON TZAM RE BCAS ZHUS, ,DE NAS SKU 'BUM NYID DU SLAR PHYIN NAS, ,GSER TOG RDO RJE 'CHANG LAS GSANG 'DUS RGYUD, ,'GREL PA BZHI SBRAGS BSHAD LUNG YONGS RDZOGS NOS, ,MI RING GRO TSANG RJE YI BRTAGS LAN BZHIN, ,MAR BABS SLOB DPON BRAG PHUG ZER BA DANG, ,RANG YUL BRGYUD KYIN GDAN SA CHEN MOR 'ONGS, ,'GRO 'ONG LAM DU 'JIGS SNANG CI BYUNG YANG, ,BLA MA DKON MCHOG GSUM LA GSOL BTAB TSE, ,RANG SAR ZHI BAS GZHAN DAG NGO MTSAR ZHING, ,RANG YANG GANG GI THUGS RJER CUNG YID RTON, ,DE TSE BSHES GNYEN DGE PHRUG CHOS GROGS TSOS, ,DGYES TSOR DPE MED BYUNG ZHING CHOS 'GRIMS DANG, ,DPE KHRID LA SOGS KUN SPYOD 'PHRO MTHUD KYIN, ,YOD THOG PAndI TA ZHABS PHEBS DANG MJAL, ,ZUR RGYAN BRGYA RTZA SOGS KYI BKA' DRIN NOS, ,SOS KA MKHAS DBANG BSTAN DAR MTSAN CAN PHEBS, ,GRUB MTHA' CHEN MO RTZA 'GREL MCHAN GSUM KA ,SBRAGS PA'I ZHIB BSHAD ZLA GCIG NYE BAR MNYAN, ,DBYAR KHA YUL
DU THON NAS PHA MA DANG, ,MJAL ZHING MKHAN PO BKSHIR GTUGS PA'I PHYIR, ,CHOS GRVA'I SAR PHYIN KUN RIG DBANG SOGS NOD, ,GZHIS SU PHA MA'I SGRIB SBYONG BYED MUS SU, ,GNAS TE ZLA GCIG BSKOR BAR KHONG GNYIS KYIS, ,BU KHYOD DA LTA HU R'E NYID DU SONG, ,DKON MCHOG THUGS RJER NYE RING MI MNGA' BAS, ,KHYOD RANG SLOB GNYER BYED BZHIN DER BSDAD NA, ,NGA TSO'I DGE RTZI DE KAS LOS CHOG CES, ,KHA CHEMS GNANG TSUL DA LTA BSAM NA YANG, ,SNYING RLUNG LDANG ZHING MIG NAS MCHIM BRNANG, , 'ON KYANG DGUN KHA SLAR NI 'KHOR RTZIS KYIS, ,GRVA SAR 'ONGS TE STON GZHUG 'KHOR BA DANG, ,DGUN THOG TRE BO BLA MA RIN PO CHE, ,BURY'AD PHYOGS NAS GDAN 'DREN BYAS TE BYUNG, ,NGA TSOS SPYAN DRANGS PHAR PHYIN SPYI DON DANG, ,LEGS BSHAD SNYING PO'I BSHAD LUNG SOGS KYIS GTZOS, ,RGYA BOD MDO SNGAGS GZHUNG MANG BSHAD KHRID RNAMS, ,ZLA GCIG RING DU NOD CING DGA' MGU RANGS, ,NYIN GCIG GLO BUR AA MA GSHEGS SONG BA'I, ,SKAD CHA 'ONG BAS MYA NGAN GYIS GZIR BZHIN, ,BDUN TSIGS DGE RTZA CI NUS SGRUB KHA ZHUGS, ,DE NAS DPYID KA DRO DUS BYUNG BA DANG, ,YUL DU THON RTZIS YOD THOG AA PHA YANG, ,GSHEGS PA'I GTAM YONG SNGAR BZHIN BDUN TSIGS KYI, ,BSNGO SMON RIM PA RANG 'KHOS DANG BSTUN BSGRUBS, ,DBYAR KHA YUL DU THON NAS GZHIS DGON GYI; ;RTEN RNYING RNAMS LA NYAMS GSOS SRI ZHU SOGS, ,LEGS PAR BSGRUBS NAS SLAR NI YONG BA DANG, ,DAR BA PAndI TA NAS BOS BYUNG STE, ,KHONG GI HU RER PHYIN NAS SKU ZHABS KYI, ,CHOS GROGS BGYID MUS GRVA PA RNAMS LA NI, ,'DUL BA'I DPE KHRID BYED KHUL DGUN BZHUGS BYAS, ,DE TSE MCHA NI MO MAR ME'I 'OD LA BRTEN, ,'DUL BA BSDOMS KYI MCHAN 'GREL RDZOGS PAR BRIS, ,DPYID KA GRVA PA RNAMS LA BKA' POD LNGA, ,'GREL PA DON GSAL BCAS KYI LUNG PHUL NAS, ,'GRUL PA TSO DANG LHAN
, ,DU 'KHOR DGOS BYUNG, ,'GRO 'ONG GNYIS KAR SNGAGS RAMS ZHABS DANG MJAL, ,RE ZHIG RTZIR BZHUGS BSAMS KYANG STABS MA 'GRIGS, ,GRVA SAR 'BYOR NAS CHOS GRVA 'GRIMS YOD THOG ,'BRAS SPUNGS BDE YANGS 'BUL SDUD DGE BSHES GCIG ,RTEN RNYING MANG BO BSNAMS KYIN YONG BA LAS, ,YAB RJE'I SKU BRNYAN 'BUM THER MAS GTZOS PA'I, ,SKU 'DRA CHE CHUNG GRAGS CAN MANG BO ZHIG ,NOR RDZAS LAG TU GANG YOD BZLUMS PA'I RIN, ,DNGUL SRANG BRGYA PHRAG PHUL TE GDAN 'DREN 'GYID, , RANG GI BLA MA BLO BZANG BKRA SHIS LA, ,MI LA'I RNAM MGUR SOGS KYI LJAGS LUNG ZHUS, ,STAG LOR DPYID KA DKA' CHEN CHOS RJE LAS, ,RJES GNANG ZUR BKA' BRGYA RTZA'I BKA' DRIN NOS, ,SOS KA GSER TOG RJE NYID HU RER BYON, ,ZHAL MJAL GSUNG GI BDUD RTZI CHA TZAM NOD, ,DBYAR KHA SU NYID RDO RAMS GNAS BRTAN MTSAN, ,HU RER PHEBS BYUNG DKA' BCU YE GRAGS DANG, ,BSDONGS TE GDAN 'DREN ZLA BA GNYIS LHAG RING, ,ZHABS TOG BSGRUB CING MDO SNGAGS GZHUNG MANG BO'I, ,BSHAD BKA' 'KHRID BKA' ZAB GSANG SNA TSOGS ZHUS, ,STON GZHUG KHAMS GSENG PHYIR DU DAR PAn DANG, ,LHAN DU HER LEN KLUNG BRGAL HU THOG THO'I, ,DGON PAR PHYIN NAS TSUR LA YONG BA'I TSE, ,RGYAL PO RI LA ZHAG BCU SKOR BSDAD CING, ,RTZER BGROD BSANG GSOL BTANG NAS GRVA SAR 'BYOR; ;CHOS GRVA 'GRIMS BZHIN GNAS THOG CHU YOS LO'I, ,SOS KA DKA' BCU'I DAM BCA'I LO NGES BABS, ,DE NAS RANG YUL CHOS GRVA'I SAR THON NAS, ,MKHAN CHEN RJE DANG LHAN DU DBYAR GNAS LA, ,BSDAD NGOS 'JAM MGON BLA MA YAB SRAS KYI, , GSUNG 'BUM LJAGS LUNG RGYUN BZHUGS RDZOGS PAR NOS, ,GRVA SAR LOG DUS BLA MA MCHOG NYID NAS, ,LAR NI KHYOD 'DRAR DGOS PA'I BGYI SGO NI, ,MANG ZHIG 'BYUNG PHYIR DKA' BCU'I GRVA BSKOR NI, ,'PHAR TE BTANG NA LEGS PA 'DRA ZHES GSUNG, ,STON GZHUG
'ONGS NAS TSOGS LA BGROD MUS SU, ,YOD THOG GLO BUR SHING SBRUL CHO 'PHRUL ZLAR, ,DAM BCA' BTANG BA'I STABS RANG 'GRIGS BYUNG STE, ,RTAGS RIGS BRIS BZHIN YOD PA'ANG 'PHROR BZHAG NAS, ,LO BSKOR PA YI CHOS KHRAL 'KHOR DGOS BYUNG, , DE TSE MDZOD 'DUL LO MANG SBYANGS SONG BA'I, ,DGE BSHES RNAM PA'I DO ZLAR MA CHOD NAS, ,RANG NYID SKYENGS SHING GROGS 'GAS GNONG TSIG SMRA, ,DGUN CHOS TSAR NAS MDZOD LA ZLA PHYED DU, ,LTA RTOG 'DZIN SKYOR RTZAL DU BTON BYAS TE, ,CHO 'PHRUL DAM BCAR 'GRIMS PAS GZHAN TSO DANG, ,MDZOD KYI SKOR LA AA NA MA NAR SONG, ,DPYID THA'I DAM BCA' GROL RJES ZLA GCIG RING, ,'DUL BAR LTA RTOG 'DZIN SKYOR RTZAL BTON BYAS, ,SOS KA GZHAN TSO'I DO ZLA CHOD THUB NAS, ,RANG YANG SPRO BRTAS GZHAN TSO'ANG YA MTSAN SKYES, ,DBYAR STON LO BSKOR BA RNAMS DPE CHA YI, ,GO BSDUR BRGAL BRTAGS 'DZIN MTSAMS BGRO BA NA, ,PHRAN LA GROS THAG GCOD PA'I KHUR YANG 'GEL, ,DGUN KHA SKYABS MGON T'A LAS BLA MA NYID, ,HU RER BYON PAS RGYA BONG HOR GSUM GYI, ,LEGS SO COG NI GRVA SAR 'TSOGS 'DRA BYUNG, ,SKYABS MGON MCHOG LAS DPE 'KHRID BGRO GLENG DANG, ,SEMS BSKYED DBANG RJES LUNG RNAMS CI DGAR NOS, ,DE TSE NYE RING YUL PHYOGS SO SO NAS, ,JA DNGUL MAR SOGS TSEGS MED 'DZOMS BYUNG STE, ,SMON LAM CHEN MOR DKA' BCU'I GRVA BSKOR NI, ,MCHOG GSUM MTHUR BSTEN CHOS SRID GNYIS CHAR YANG, ,NYES MED PHUN TSOGS GRUB CES RIS BRAL GYI, ,RTOG LDAN RNAMS KYIS BSTOD BSNGAGS CA CA? SGRAGS, ,LAS SMON DGE 'BRAS DUS SU SMIN PAR KHUMS, ,LANG TSO'I DUS SU DPE KHRID KYIS G-YENGS PA'I BYED SPYOD DRAN PA'I YUL DU GYUR PA RNAMS SO, ` ,DE NAS 'JAM DBYANGS BLA MA BSTAN DAR GYI, ,GSUNG BZHIN RDO RAMS 'OD ZER MTSAN CAN? LA, ,GTUGS TE DBYANGS CAN SGRA MDO'I
, ,DPE 'KHRID NI, ,SA RIS DANG BCAS ZLA BA GSUM RING ZHUS, ,SOS KA RGYA SER SHRA W'ASKHI DANG MJAL, ,PHYI NANG CHOS TSUL MOL BAS DGA' BZHIN SONG, ,DBYAR KHA YUL DU THON NAS GZHIS DGON DU, ,MKHAN CHEN RJE DANG MJAL ZHING BDE MCHOG GI ,DBANG DANG LHA MO BKA' CHEN NYER GCIG GI ,RJES GNANG NOS SO STON GZHUG BLA MA NYID, ,GRVA SAR PHEBS DRUNG BKA' GDAMS GZHUNG DRUG GI ,BSHAD LUNG DGE BSHES MANG DANG LHAN DU ZHUS, ,RGYAL DBANG MCHOG GIS HOR SHO CHING LPANG? GI ,HU RER BYON TSE YI DAM DPA' GCIG GI ,NAG THANG SNGAR PHUL SONG LA RAB GNAS DANG, ,PHYAG SPAR STZAL TE KHONG LA SPROD CIG CES, ,MI NYAG DGE RGAN NYID LA GNANG BA'ANG 'BYOR, ,DE DGUN GSANG SNGAGS GZHUNG GI BGRO GLENG LA, ,SBYANGS TE DPYID KA RGYUD GRVA'I DAM BCAR BGROD; ;DBYAR KHA SKYABS MGON T'A LAS BLA MA LA, ,MJAL ZHUR SA 'IN DPON GYI HU RER PHYIN, ,ZHAL DKYIL MJAL ZHING GSUNG GI BDUD RTZI NOD, ,GSO SPYONG MGON DU PHEBS TSE ZHABS GRAS SU, ,CHUD NGOS CHOS BSGRAGS SO THAR MDO GNYIS GSAN, , THON PHYAG ZHU DUS THUGS DGONGS DGYES NYAMS KYIS, ,PHYAG GNYIS MGOR NYIL LEGS SO ZHES GSUNG ZHING, ,'JAM MGON BLA MA'I SKU BRNYAN BYIN CHEN STZAL, ,DE DAG BSAM TSE SHES PA SNYING NAS 'PHYO, ,SNGON NAS GRVA BSKOR SONG TSE BOD YUL DU, ,GNAS MJAL CHED DU BGROD RTZIR YOD PA BZHIN, ,LHA DANG BLA MAR THUGS BRTAGS ZHUS NA YANG, ,PHYIN NA LEGS KYANG SLEB PAR DKA'O ZHES, ,BKAG CHA BYUNG BAS DON DE BSHOL DU BTANG, ,SNGA PHYIR LHA LDAN JO BO RNAM GNYIS DANG, ,'PHAGS PA RNAM GNYIS DGA' LDAN GSER GDUNG LA, ,SNYAN SHAL MCHOD MI KHRUS GSOL 'BUL DU BCUG ,BLO GLING CHOS GRVAR GRVA JA SKYABS 'JUG ZHUS, ,STON KA GRVA SAR SDOD MUS PHYING GUR DANG, ,BCA' LAG RNAMS BTZONGS RANG YUL LA BRGYUD DE, ,'JAM DPAL ZHING MCHOG RI BO RTZE LNGA YI, ,
LAM DU PHYIN PAS LNGA MCHOD SNGON TZAM SLEBS, ,'JAM DBYANGS CHOS 'KHOR GLING DU BABS DGOS BYUNG, ,GZHUNG SA GNAS CHEN LNGA YI MCHOD MJAL LA, ,'GRIM PAS 'JAM DBYANGS RTZAM ZHAL MTHONG MA THAG ,SNANG BA BSGYUR ZHING MIG CHU BABS PA LAS,, BSTOD PA RNAM GSUM 'DON RING GCOD MA THUB, ,LNGA MCHOD NUB MO GRVA RNYING RNAMS DANG LHAN, ,KHANG STENG 'DZEG NAS 'OD SGRON MANG BO MTHONG, ,SPRUL BA'I 'OD SNANG YIN ZHES KHONG TSOS SMRA, ,RIM GYIS NYE RING GNAS GZHAN DAG KYANG 'GRIM, ,SNGON CHAD 'JAM DBYANGS DBU SKRA'I MCHOD RTEN NI, ,MNGON CHUNG SONG BA BTZAL GYIN NGES RNYED NAS, ,SKYA SER DAD LDAN YONGS LA DRIL BSGRAGS BYAS, ,SHER PHYIN LHA KHANG SPUGS NAS 'PHRUL YIG GIS, ,BZHENGS PA'I MCHOD RTEN NGO MTSAR CAN GNYIS BTON, ,RKYEN NGES NYAMS RGUD SONG BA'I GNAS RNYING DER, ,DNGUL SRANG KHRI PHRAG ZLA BA GCIG NANG 'BYOR, ,PAndI TA MCHOG SHR'I AA SHRA KA'I, ,DMAR GDUNG SNGON CHAD SUS KYANG MA RNYED PAR, ,PHRAN GYIS LAN KAN NANG GI SA STUG PO, ,BRUS NAS ZHAL BYANG RDO LEB DKAR BO LA, ,SKAD BZHI SHAN SBYAR BRKOS PA ZHIG BTON PAS, ,DER GNAS RGYA BOD HOR KUN NGO MTSAR BA'I, ,LTAD MOR LAB PA'I 'UR SGRAS SA KUN KHYAB, ,MCHOD RTEN DE YANG 'PHRIN LAS DAR RO SKAD, ,SU NYID RDO RAMS PAKSHI BZHUGS DANG MJAL, ,GNAS 'DIR SNGON BYON RGYA GAR PAn CHEN RNAMS; ;PHAL CHEN KLOG SROL YOD STABS KHYOD RANG GIS, ,DANG BOR PHAL CHEN KLOGS SHIG GNAS 'DI LA, ,RTZA RGYUD NYID LAS GRUB PA'I ZHING MCHOG SOGS, ,LUNG BSTAN PHYIR NA BSNYEN SGRUB BYED DGOS ZHES, ,BKA' SLOB GNANG BZHIN MDO SDE PHAL PO CHE, , SNYING RJE PAD DKAR DANG BCAS KLOGS TSAR NAS, ,'JAM DPAL ZHI KHRO'I BSNYEN PA TSE SGRUB BCAS, ,BYED MUR NYER GCIG ZHAG SDOD SBYIN SREG 'BUL, ,DE 'PHROR RTEN GTZO MCHOD RTEN DKAR PO LA, ,MU NE BZLA BZHIN BSKOR BAS ZHAG NYER GCIG ,
, ,KHONGS SU SNGAGS GRANGS 'BUM DANG BSKOR GRANGS 'GRIGS, ,BSNYEN PA'I SGANG LA THUN THOG NYI GRIB DANG, ,BSKOR BA'I SGANG LA ZLA GRIB 'GRIGS BYUNG STE, ,MCHOD RTEN NYID LA MTSAN RIL BSKOR BA'ANG GRUB, ,DGU GTOR NYIN GUNG MCHOD RTEN DKAR PO LA, ,'OD DKAR 'JA' 'DRAS ZLUM POR BSKOR BA NI, ,BOD SOG? MANG BOS MTHONG STE YA MTSAN GYUR, ,DE TSE GNAS BSTOD ZHIG KYANG BRTZAMS SONG LAGS, ,PHU SA TING DU CHO 'PHRUL SMON LAM SKABS, ,DAM BCA' TSUGS PAR LANGS TE SHER PHYIN MDO'I, ,DON LAS BRTZAMS PA'I RIGS LUNG GTONG BA'I RJES, ,BYAMS SMON 'DON CING MTSAMS SBYOR SMON LAM 'DEBS, ,DE NAS RGYAL KHAB PEE KYING PHYOGS SU BSKYOD, ,TENG JU MKHAR NAS ME YI SHING RTAR SDOD, ,'PHRAL DU SLEBS NAS YUNG HE GUNG DU BABS, ,DGON GNAS RNAMS SU MYUL BA'I LAM ZHOR LA, ,PHO BRANG PHYI NANG BKOD PA NGO MTSAR MTHONG, ,MCHOD RTAN DKAR POR BGROD PA'I LAM BAR DU, ,GRONG TSOMS DBUS SU KONG JE ZI ZHES PA'I, ,LHA KHANG SHIN TU BGRES SONG ZHIG 'BYOR BAR, ,HVA SHANG GTZANG MA DGE PHRUG BDUN BRGYAD BCAS, ,BSUS BYUNG RTEN RNYING MANG BOR MJAL DU BCUG ,KHA BTAGS PHUL LA MA BKAG DONG TZE LA, ,MI RUNG GNAS 'DIR BDAG PO MED DO ZER, ,GNA' DUS GNAS BRTAN BCU DRUG 'DIR BYON NAS, , GCIG GIS BYANG CHUB SHING GI YAL GA ZHIG ,SA LA BTZUGS NAS GSHEGS PA 'DI YIN ZHES, ,'DAB MA BDUN PA'I SHING STON YAL 'DAB STER, ,PHYIS SU PEE KYING MKHAR DU DBYAR STON RING, ,SDOD MKHAN DAG LA YAL 'DAB LJANG BA DAG ,BCOL TSUL JI BZHIN KHONG TSOS RTZAR GCOD KYANG, ,PHYOGS DER LHA KHANG DE 'DRA GTAN MED CES, ,MKHAR GYI RGYA SOG SMRA ZER MA RNYED 'ONGS, ,'GA' ZHIG SPRUL PA'I LHA KHANG AE YIN ZER, ,YUNG HE GUNG GI THUB DBANG TSUL KHRIMS MA'I, ,MDUN SAR DUS 'BREL GSO
SBYONG NYAMS SU MYONG, ,ZUNG CU ZI NAS DPE CHA MANG BO ZHIG ,GDAN 'DREN BYAS NAS RI BO RTZE LNGAR 'ONGS, ,GNAS DER LO GCIG BSKOR BA'I RTZIS YIN KYANG, ,RKYEN DBANG GCIG GIS PHYIR 'KHOR DGOS BYUNG STABS, ,DBUS RI'I RTZE BSKOR CHED DU BGROD PA LAS, , CHID LYANG? KHYO'U ZHES PAR NYIN GCIG 'GOR, ,RTZER PHYIN RING BSREL MCHOD RTEN MANG DU BSKOR, ,'JAM DBYANGS RIGS LNGA'I PHYAG MCHOD GSOL 'DEBS 'DON, ,TH'AS BSKOR LAN GSUM BYED BZHIN MAR BABS YONGS, ,RDO RAMS RJE LA LUNG KHRID CI RIGS ZHUS, ,TSUR THON LA MDUN RING BSREL MCHOD RTEN SOGS, ,MJAL BSKOR BYED NGOS RIM GYIS MKHAR SNGON DANG, ,RANG YUL BRGYUD BZHIN SOS KA GRVA SAR 'BYOR, ,DPE 'KHRID SBYOR BA BRTZI BA'I LAS MTHAR ZHUGS, ,SA SPREL DPYID KA HAL HA G-YAS RUR PHYIN, ,NO MONG HAN GYI DGON PAR PAndI TA, ,SKU ZHABS DANG MJAL CHOS BKA' CI RIGS DANG, ,AI LA GVOG SAN BLA MA NYID LA YANG, ,LAM RIM BLO SBYONG MANG BO'I LJAGS LUNG ZHUS, ,DBYAR KHA GRVA SAR 'ONGS NAS ZLA GSUM BSDAD, ,STON KA SLAR YANG HAL HA G-YAS RUR PHYIN, ,SKU ZHABS PAndI TA YI ZHABS DRUNG NAS, ,DBANG CHEN ZUR BKA' BRGYA RTZA YONGS RDZOGS NOS, ,YIL GVOG SAN LAS KHRID BRGYA LA SOGS ZHUS, ,DE SKABS PHRAN KYANG CHOS BKA' CI RIGS SPEL, ,DGUN KHA GRVA SAR LOG YONGS GSANG SNGAGS KYI, ,GZHUNG LA LTA RTOG 'DZIN SKYOR BYED MUR BZHUGS, ,SA BYA'I 'GO NAS MANG THOS SNGAGS RAMS RJE'I, ,DRUNG NAS SPAS DON KUN GSAL BSHAD LUNG DANG, ,GSANG BDE 'JIGS GSUM RIM GNYIS DMAR KHRID DANG, ,SMAD RGYUD KHRID BRGYAD RDO LAG BRGYUD MA GSUM, ,SRAD RGYUD KHRID DRUG LA SOGS SNGAGS PHYOGS KYI, ,KHRID BSHAD RNAMS DANG SGRUB THABS RIN 'BYUNG NOS, ,DGE RGAN DPAL LDAN RDO RJE NYID LA YANG, ,LAM RIM MCHAN BZHI BLA KHRID CHEN MO SOGS, ,LAM BLO DU MA'I BSHAD LUNG SNGA PHYIR ZHUS,,
, ,DBYAR KHA TH'U LA'I GUNG GI HU RER BRGYUD, ,YUL DU THON NAS STON KHA GRVA SAR 'BYOR, ,DGUN KHA SNGAGS RAMS RJE LAS DPAL MGON ZHAL, ,RNAM 'GYUR BCU BDUN DUG RI NAG PO YI, ,RJES GNANG SOGS DANG CHOS RGYAL CHOS SKOR NOS LCAGS KHYI'I DPYID KA SNGAGS RAMS RJE NYID LAS, ,RVA POD DPAL POD MGON PO'I BE BUM DANG, ,MGON CHEN BCU GSUM LHO BRAG SNYAN BRGYUD DANG, ,STAG PHU'I GSANG CHOS SOGS KYI DBANG RJES NOS, ,DBYAR KHA DGE SLONG ZLA BA PHU NU YIS, ,GSER ZANGS BYAMS PA GTZO 'KHOR GSUM GYI SKU, ,BZHENGS PA'I BDAG BYED PHYI LOR GZUNGS 'BUL BSGRUBS, ,STON KHA TH'U LA'I GUNG GI HU RER YONGS, ,SNGAGS RAMS RJE LAS DUS 'KHOR BSDUS RGYUD DANG, ,'GREL CHEN DRI MED 'OD GNYIS MTSAN BCAS KYI, , BSHAD LUNG BU STON BSDUS DON JI BZHIN NOS, ,DE NAS GRVA SAR 'ONGS TE DGUN BZHUGS BYAS, ,LCAGS PHAG DPYID KA BRAG RI BLA MA YI, ,DGON PAR PHYIN NAS GNAS BRTAN RJE DANG MJAL, ,LAM RIM BLO SBYONG DU MA'I NYAMS KHRID ZHUS, ,THUGS SRAS MI 'GYUR MTSAN CAN NYID LA YANG, ,BKA' BRGYAD STONG BA'I BSHAD LUNG GIS GTZOS PA'I, ,CHOS BKA' MANG BO ZLA GCIG NYE BAR NOS, ,DBYAR KHA RANG YUL GZHIS DGON NYID KYI SAR, ,'JAM MGON BLA MA'I GSER SKU BZHENGS PA YI, ,GZUNGS 'BUL RAB GNAS BSGRUBS NAS GRVA SAR 'ONGS, ,DGUN GZHUG PAndI TA ZHABS HU RER PHEBS, ,'JIGS MDZAD MAN NGAG GSUM GYI ZAB KHRID GNANG, ,CHU BYI'I DPYID KA PAndI TA RJE LAS, ,'JAM DBYANGS CHOS SKOR GSER CHOS BCU GSUM DANG, ,MGON CHEN BCU GSUM SOGS KYI RJES GNANG DANG, ,'JAM DPAL ZHI KHRO BKA' SDOD BCAS PA DANG, ,DPAL MGON ZHAL BZHI'I BE BUM LUNG SOGS NOS, ,'BRAS SNGAGS CHOS MDZAD BLA MA PHEBS DANG MJAL, ,DMIGS BRTZE MA YI CHOS SKOR KHA SKOD BCAS, ,SMAD RGYUD RGYUD t'IKA DMAR PO SKOR
GSUM DANG, ,RNAM SRAS LCAM SRID DUR BDAG DAM CAN GYI, ,BE BUM RNAMS DANG BKA' 'BUM RNAM BZHI DANG, ,'BRONG RTZE NA BZA' SGYU MA'I BE BUM DANG, ,MAN NGAG BKA' RGYA SOGS KYI LJAGS LUNG DANG, ,'JIGS BYED BSKYED RIM CHEN MO'I BSHAD LUNG ZHUS, , DBYAR KHA GNAS BRTAN RJE NYID HU RER PHEBS, ,'BRUG LUGS TSE DPAG MED MGON ZHI KHRO YI, ,DBANG DANG TSE DBANG RNAM BZHI MANG BOR BSKUR, ,SNGON CHAD LJONGS 'DIR ZAB CHOS DE YI RGYUN, ,NUB LA KHAD KYANG 'DI LTAR RGYUN 'THUD PA'I, ,THABS NI KHO BO NYID KYIS BSGRUB PA'I RGYUS; ;BLA MA YAB SRAS GSUM KA'I BKA' BABS TE, ,CHO GA NAG 'GROS BZHI YANG GSAR BSGRIGS SONG, ,STON KHA TH'U LA'I GUNG GI HU RER PHYIN, ,DPE KHRID SPYOR BA BRTZI SOGS CHANG CHUNG BGYID, ,DGUN KHA GRVA SAR CHOS MDZAD BLA MA LAS, ,GSUNG 'BUM CHE CHUNG MANG PO'I LUNG NOS SHING, ,CHU GLANG DPYID KA BSTAN 'GYUR LUNG SOGS ZHUS, ,SOS KA PHRAN GYIS CHOS MDZAD BLA MA DANG, ,SBYIN GLING SPRUL SKUS GTZOS PA'I GRVA MANGS LA, ,RJES GNANG ZUR RGYAN BRGYA RTZA LA SOGS PHUL, ,SNGAGS RAMS RJE LAS GRUB BRGYA'I RJES GNANG DANG; ;'JIGS BYED DUG DBANG RNAM SRAS BKA' BCO LNGA, ,LA SOGS DBANG RJES LUNG KHRID PAR BAR NOS, ,DBYAR KHA TH'U LA'I GUNG GI HU RER PHYIN, ,MDO SNGAGS 'CHAD NYAN GROGS DAN CI RIGS BSGRUBS, ,STON KHA GRVA SAR SBYIN GLING SPRUL SKU LA, ,MAN NGAG BE BUM SOGS KYI LUNG 'BOGS SHING, ,CO NI STAG TSANG DPON SLOB SKU ZHABS LA, ,TSE LHA ZHI KHRO'I DBANG RJES LUNG RNAMS PHUL, ,DGUN KHA RDO RAMS SKAL LDAN MTSAN CAN PHEBS, ,SNGAGS RIM CHEN MO RIM LNGA GSAL SGRON DANG, ,BSKYED RIM CHEN MO SOGS KYI BSHAD LUNG ZHUS, ,GSANG 'DUS BSNYEN PA BTANG STE DBANG BSKUR BYAS, ,SHING STAG DPYID KA SNGAGS RAMS RJE NYID LAS, ,KHAM RIM CHUNG DU SDE KHRI'I MCHAN SBRAGS DANG, ,LAM RIM BDE LAM MYUR LAM GSER ZHUN DANG, ,'JAM DPAL ZHAL LUNG RNAMS
, ,KYI KHRID BSHAD NOS, ,SOS KA SLAR YANG LAM RIM CHUNG DU NYID, ,THE BO'I ZIN BRIS BCAS KYI BSHAD LUNG NOD, ,DE RJES RJES GNANG SPYI BKA' RNAM GSUM ZHUS, ,LCAGS KHYI NAS BZUNG LO 'GAR DBYAR GNAS SKABS, ,DGE SLONG KHRI PHRAG 'DUS BYUNG DANG 'BREL BAR, ,YONGS 'DZIN RJE LAS BSTAN 'GYUR KHA SKOR DANG, ,RDO RAMS RJE LAS RTA MGRIN CHOS SKOR DANG, ,DUS 'KHOR BSKYED RDZOGS KHRID SOGS CHOS BKA' DOD, ,PHRAN KYANG BKA' GDAMS GZHUNG DRUG MDO RTZA DANG, ,SDUD PA 'GREL PA DON GSAL SBYAR BA DANG, ,PHAR PHYIN SPYI DON 'GREL CHEN DRI MED 'OD, ,SOGS KYI BSHAD LUNG BSHES GNYEN MANG POR SPEL, ,STAG LO'I STON KHA GUNG GI HU RER THON, ,AER TE NA JO BO CHEN POR MJAL DU PHYIN, ,DKA' BCU'I DAM BCAR TSOGS NAS SLAR 'KHOR YONGS,, GRVA SAR NYAN BSHAD DKYUS MAS DGUN BZHUGS BYAS, ,YOS LO'I DPYID KA RDO RAMS PAKSHI LAS, ,BSTOD PA DON LDAN RTZA 'GREL PHAR PHYIN MTSAN, ,DRANG NGES MCHAN DANG KYE RDOR BSKYED RDZOGS DANG, ,DBYANGS CAN SGRA t'IKA SOGS KYI BSHAD LUNG DANG, ,KUN MKHYEN BLA MA'I GSUNG 'BUM LUNG SOGS NOS, ,SO SO KA LHA BCU NI SKU ZHABS PHEBS DANG MJAL, ,THA 'OG BE BUM ZHUS PAR DGYES BZHIN GNANG, ,DBYAR KHA YUL DU THON NAS BYAMS SKU DANG, ,RNAM RGYAL MCHOD RTEN GZUNGS 'BUL RAB GNAS BYED, ,GSANG 'DUS DBANG SOGS CHOS BKA' CI RIGS BTANG, ,DGUN KHA GRVA SAR BDE MCHOG YAB YUM NI, ,LUS DKYIL BCAS PA'I BSNYEN PA BYED KHUL DANG, ,LHA BCU NI RJE LA BZHED CHOS PHUL BZHIN BZHUGS, ,LO GNYIS MTSAMS SU SNGAGS RAMS RJE'I GSUNG BZHIN, ,DBU MA'I SPYI DON MCHAN 'GREL 'BAD PAS BRIS, ,ME 'BRUG DPYID KA LHA BCU NI SKU ZHABS LA, ,RJES GNANG ZUR RGYAN BRGYA RTZIS THOG DRANGS PA'I, ,DBANG RJES MANG DU PHUL NAS HVA CIR THA'I, ,CHU TSAN LA BRGYUD SKYABS MGON SKU GONG MA'I, ,SGRUB KHANG AE WAm DGA' 'KHYIL GNAS
MJAL BYED, ,GRVA SAR LOG YONGS BSHES GNYEN RIS BRAL LA, ,SNGAGS RIM CHEN MO'I BSHAD LUNG BTANG KHUL BYAS, ,DBYAR KHA DGON GSAR MKHAN CHEN BLA BRANG DU, ,BSE KHRAB SKU BRTEN BSTAN RGYAS GLING PA SOGS, ,BOD SOG RNAMS LA GSER CHOS BCU GSUm DANG; ;MGON CHEN BCU GSUM STAG PHU'I CHOS SKOR SOGS, ,DBANG RJES CI RIGS BTANG NAS YUL DU THON, ,NO YON GZHIS KAR MA nI'I 'KHOR LO BZHENGS, ,STON KA ZHI NE ZHA WI'I? SPYI SO'I SAR, ,TA LA'I CHOS RJE BLA MA NYID DANG 'DZOMS, ,KHRO PHU BRGYA RTZI YANG GSANG CHOS SKOR DANG, ,GRUB BRGYA'I THUN MONG MIN PA'I RJES GNANG SOGS, ,CHOS BKA' MANG PO ZHUS SHING PHAR LA YANG, ,TSE LHA ZHI KHRO'I TSE DBANG SKOR SOGS PHUL, ,STON GZHUG GRVA SAR YONGS NAS SMAD RGYUD KYI, ,LHA RAMS DGE 'DUN CHOS DAR LA SOGS PAR,, SNGAGS RIM CHEN MO RIM LNGA GSAL SGRON DANG, ,BSKYED RIM CHEN MO DAG GI BSHAD LUNG BKLAGS, ,DGUN KHA 'CHAD NYAN CHAR CHUNG MA CHAD DOS, ,CHOS GRVAR 'JAM DBYANGS SKU CHEN 'BYOR THABS SGRUB, ,ME SBRUL DPYID 'GOR SNGAGS RAMS YE GRAGS LA, ,RJES GNANG ZUR RGYAN BRGYA RTZA BSKUR YOD THOG ,'BRAS BLO LDAN MA DGE BSHES CHEN PO PHIBS, ,KHONG GI SKU DON SGRUB ROGS DANG 'BREL BAR, ,LAM RIM BE BUM SNGON PO RTZI 'GREL DANG, ,SPYOD 'JUG SHER LE RTZA 'GREL BSHAD LUNG NOS, ,TZANDRA SGRA MDO'I DPE KHRID SA RIS BCAS,, ZHU MUR YOD THOG SKU BSNYUNG SONG BAS BZHAG ,SOS KA KHO BOS SNYING GI ZE 'BRU GCIG ,'BRUM LA BSHOR TE MYA NGAN GYIS GZIR CING, ,PHYING GUR BCA' LAG PHAL CHER DGE RTZAR PHUL, ,DBYAR KHA YUL DU THON NAS KUN RIG GI ,BSNYEN PAR BSDAD NGOS RTZA RIG 'BUm PHRAG BZLAS, ,PHYAG RDOR 'CHI BDAG 'JOMS PA'I BSNYEN PA'ANG BTANG, ,HO RIN SPYI SOR TSANGS PA'I RTEN MDOS BZHENGS, ,DPON SLOB TSANG MJAL CHOS SKYONG BKA' LUNG STER, ,STON GZHUG GRVA SAR LOG DUS RGYAL RI'I RTZAR, ,THA 'OG SKU BRTEN HU RER YONG DANG
, ,MJAL; ;GDAN SAR BABS RJES THUGS BRTAGS CI RIGS ZHUS, ,DGUN KHA 'CHAD NYAN DKYUS MA BYED BZHIN GNAS, ,SA RTA'I DPYID KA LDAN MA DGE RGAN LAS, ,RDOR PHRENG DBANG BSKUR NOS TE YUL DU THON, ,DAR YOL BA'I DUS SU BKA' CHOS KYIS G-YENGS PA'I BYED SPYOD DRAN PA'I YUL DU GYUR PA RNAMS SO, ` ,CHOS GRVA GNAS SPOR BYUNG BA'I BKOD KHYAB BGYID, ,DPAL RI DGE RGYAS ZHES PA'I ZHOL DU BTAB, ,SA BRTAG SBYANG BSLANG LTO 'PHYE'I THIG BCAS DANG, ,DGE 'DUN 'DU BA'I 'KHOR LO SGRUB SOGS BYAS, ,GRVA SAR PHYIR LOG LHA SKU'I NANG GZHUG SKOR, ,GSOG NAS THON BYUNG TSOGS GRVA KHAMS TSAN GYI, ,'DU KHANG RTEN GSUM RNAMS LA RAB GNAS BYAS, ,'JAM DBYANGS DGE 'DUN 'PHEL GYI SKU BRNYAN NI, ,GZUNGS 'BUL RAB GNAS SOGS BCAS LEGS PAR BZHENGS, ,GZHI GSUM LAS DANG 'BREL BAR PHAR PHYIN GYI, ,GRVA BSKOR 'DZUGS PAR DGE 'DUN MANG 'DUS SHING, ,SHER MDO'I TSIG DON BGRO GLENG SKOR BA LAS, ,GNAS GZHI SNOD BCUD YONGS LA BYIN PHOB MDZAD, ,STON KHA HO RIN SPYI SOR SKU SKYE YI, ,KHRI 'DON LA PHYIN DPON SLOB TSANG DANG MJAL, ,DE NAS CHEG THI'I BKA' 'GYUR SPYI SOR PHYIN, ,SNGAGS RIM CHEN MO'I BSHAD LUNG BTANG NAS SLAR, ,CHOS GRVA BRGYUD DE GRVA SAR PHYIN PA NA, ,SNGAGS RAMS RJE YIS SENG GDONG GTZO 'KHOR GSUM, , GSAR DU BZHENGS NAS CHOS GRVAR GNANG BA BYUNG, ,TZAN DAN JO BO'I SKU BRNYAN NGO MTSAR BA'I, ,GZUNGS 'BUL BYAS NAS SPYAN DGYE RAB GNAS RNAMS, ,LHA BABS DUS CHEN DANG BSTUN LEGS PAR BSGRUBS, ,DGUN 'GOR HAL HA G-YAS RU STOD PHYOGS SU BSKYOD PAR BRTZAMS THOG NO YON SLEBS BYUNG STE, ,CHOS GRVA NYID NI MKHAN POS BOR SOD BAS, ,KHYOD RANG MI PHYIR KA MED GYUR 'DUG ZER, ,BYA THABS ZAD NAS BLA MA TSOR ZHUS PAS, ,CHOS GRVA'I DON DU CIS KYANG SONG ZHIG GSUNG, ,LAS DBANG YIN SNYAM
GANGS GRANG BRGAL BZHIN YONGS, ,CHOS SDE GZHI NAS GSAR 'DZRAGS LAS PHU BA'I, ,DKA' LAS LO MANG SGRUB TSUL ZUR DU GSOL, ,SA LUG DPYID GZHUG GRVA SAR KHOG SONG STE, ,SNGAGS RAMS RJE LA MI TRA BRGYA RTZI ZHUS, ,DE NAS SLAR YONGS CHOS GRVAR DBYAR GNAS BYED, ,TSOGS CHEN CHOS GRVA'I 'DU KHANG GTZANG KHANG DANG, ,RTEN GSUM KUN RVA KHRI DANG MCHOD RDZAS RNAMS, ,CHA RI DU DNGAR ZHING DANG BA 'DREN PAR BSGRUBS, ,STON KA THA BIN SPYI SO'I SAR PHYIN TE, ,LAM RIM CHEN MO'I BSHAD LUNG BTANG MA THAG ,HU RE'I SA NAS BOS PA BZHIN PHYIN PAS, ,HOR YUL RTOGS BRJOD BRIS PA'I BKA' BABS BYUNG, ,DE TSE SNGAGS? ? THAMS RJE NYID SKU GSHEGS SONG, ,LHA BTZUN SKU ZHABS RGYA YUL CHIBS BSGYUR MDZAD, ,PHRAN GYIS DGUN KHA CHOS GRVAR LOG YONGS NAS, ,DGE PHRUG RNAMS LA YIG CHA'I DPE KHRID DANG, ,SBYOR BA BRTZI BZHIN GNAS PA'I NAR BYUNG DU, ,SH'A STRA'I STOD DANG BSDUS GRVA'I RTZA TSIG BRIS, ,LCAGS SPREL SOS KA GRVA SAR PHYIN PA DANG, ,LHA BTZUN RJE YANG RGYA YUL NAS YONG ZHING, ,BKA' BRGYAD STONG PA'I GLEGS BAM CHEN PO BYUNG, , KHONG GIS PHRAN LAS LAM RIM CHEN MO YI, ,BSHAD LUNG SEMS BSKYED CHO GA DANG BCAS BZHES, ,DE TSE NGO MTSAR LTAS ZHIG BYUNG BA NI, ,CHOS DANG SKYES MCHOG KHONG GI BYIN MTHUR KHUMS, ,SNGAGS RAMS RJE YI ZHAL CHEMS GNANG TSUL BZHIN, ,BE BUM BSGRIGS PHYIR SMYUNG GNAS SPRUL SKU LAS, ,RGYAL CHEN RDO RJE SHUGS KYI SGRUB SKOR NOS, ,DBYAR KHA SLAR YONGS 'JAM DBYANGS LHA KHANG NI, ,DNGUL SRANG STONG RTZIS BZHENGS BA'I RGYU RKYEN BSGRUBS, ,DUNG PHYUR MA nI'I RIL SGRUB SROL YANG 'BYED, ,STON KHA CHIG THI'I BKA' 'GYUR SPYI SO'I SAR, ,LAM RIM CHEN MO'I BSHAD LUNG BTON NAS SLAR, ,GRVA SAR PHYIN NAS DGUN BAR SDOD SNYAM KYANG, ,RGYA SOG NANG 'KHRUGS LANGS DOGS RANG GSHAG GI ,NANG RTEN RNAMS SLANGS RTAB BOR THON TE YONG, ,DUS GZIR THOG TU P'A THAR WANG GI RTZAR, ,
, ,DZAS SANG DKA' BCU MNGAGS TE KHA BTAGS PHUL, ,NAG CAN GNYIS DANG RGYA MI SUM STONG GI ,SROG SLONG BYAS PAS KUN KYANG 'CHI LAS THAR, ,DGUN DPYID GNYIS KAR MCHOG GSUM THUGS RJER BRTEN, ,CHOS SDE LTOS BCAS NYE 'O MED PAR LUS, ,DBYID KA LAM RIM CHEN MO'I BSHAD LUNG BKLAGS, ,BLA BRANG DGE BSHES CHOS GRVAR LAN GNYIS 'ANGS, ,SOS KA TA LA'I CHOS RJE PAKSHI LA, ,MJAL DU PHYIN SKABS BLA BRANG DGE BSHES LA, ,RANG SAR CHAR SONG BSHAD LUNG CHANG CHUNG 'THUD, , DBYAR KHA DRAN DBANG DE NYID SLEBS BYUNG BAR, ,GANG BZHED DBANG RJES LUNG KHRID 'BOGS SONG NAS, ,GRVA ?SAR PHYIN KYANG MI RING 'KHYOR YONG ZHING, ,DUNG PHYUR MA nI'I RIG SGRUB GNYIS BSTUD BYUNG, ,DE SKABS REB SKOR LHA BZO CHOS GRAGS KYIS, ,BYABS SKU MCHOG ZUNG CHOS SKYONG RNAM GNYIS BZHENGS, ,T'A LA'I LHA BZO 'CHI MED RDO RJE YIS, ,CHOS GRVA'I DBUS STOD GA BA RNAM GNYIS SU, ,BYAMS PA 'JAM DBYANGS SRAS ZUNG RE BCAS BZHENGS, ,STON KA GRVA SAR PHYIN NAS RANG GSHAG TU, ,DPE CHA BZHUGS SO COG NI 'KHYER NAS YONG,, DGUN KHA DKYUS MA'I 'CHAD NYAN SPOR MUS NAS, ,RGYAL BA RGYA MTSO NYI SBAS SGROL MA DANG, ,THIG LE BCU DRUG RNAMS KYI BSNYEN PAR BSDAD, ,DGUN KHA RTAG TU DU DANG NOR BZANG GI ,SKU BSNYAN BZHENGS TE GZUNGS 'BUL RAB GNAS BYAS, ,CHU KHYI DPYID BAR DUS 'KHOR BSNYEN PA BTANG, ,BSHOL ZLA'I 'GO NAS RGYUD GRVA GSAR DU GCUGS, ,DPYID KA RGYUD KHANG BRTZIG PA'I LAS MTHA' SGRUB, ,SOS KA GRVA SAR PHYIN TSE SKYOR DPON RJES, ,GSANG 'DUS SKU THANG DKYIL THANG DRIL t'A MA BCAS, ,GTAD NAS LEGS SO STER ZHING THUGS MNYES MDZAD, ,RGYAL BA SING GE NGA RO'I ZHING BKOD BZHENGS, ,MCHOD CHAS NYER SPYAD SNA TSOGS BLANGS NAS YONG, ,DE TSE LHA LDAN SPRUL SKUR SAR TH'U LA'I, ,SA NAS RGYAL CHEN RDO RJE SHUGS LDAN GYI, ,SKU THANG DBU GTUMS NGO MA BCAS
BSKUR ZHING, ,SBYIN GLING SPRUL SKUS AU CUM CHEN SHOG NAS, ,RGYA SPAR GNAS BRTAN BGRES PO BCU DRUG DANG, ,DGRA BCOM LNGA BRGYA'I SNANG BRNYAN RGYUD KHANG GI ,GANYDZIR RGYAL MTSAN 'KHOR LO RI DVAGS DANG, ,RNAM DBANG SOGS BCAS BSKUR BA'ANG MNYAM DU 'DZOMS, ,SPYI SO'I MDZOD GUR BCA' LAG DKOR NOR DANG, ,SU REG RKANG 'GROS RIGS BZHI MANG PO RNAMS, ,YUL PHYOGS NYE RING KUN NAS NGANG GIS 'DUS, ,STON KHA RGYUD KHANG BZHENGS TSAR RTEN GSUM BKRAM, ,MCHOD RDZAS TSAR DU DNGAR ZHING KHRI STAN BSHAM, ,GRVA MANGS TSOGS SHING RAB GNAS DGA' STON MDZAD, ,DE KUN RGYU RIN SUG GLA KHYON BSDOMS NA, ,DNGUL SRANG STONG PHRAG BRGAL ZHING PHRAN GYIS GZHAL, ,STON KHA RDZING BU SNGON PO'I SPYI SO'I SAR, ,LAM RIM CHEN MO'I BSHAD LUNG BTANG NAS 'ONGS, ,DGUN KHA KHO BOS RGYUD GRVA'I DGE BSHES TSOR, ,'DUS PA'I SA LAM BSKYED RDZOGS RGYUD t'IKA GI ,DPE KHRID DANG 'BREL SNGAGS KYI BGRO GLENG GI ,SROL KA 'BYED TSUL BSGRIGS YIG NANG NA GSAL, ,GSANG 'DUS RTZA BA'I RGYUD KYI MCHAR 'GREL DANG; ,BSDUS DON ZUR BKOD SOGS KYANG RIM PAR BRIS, ,CHU PHAG DPYID KA RTZIS GRVAR ZLA RE BZHIN, ,BCO LNGA'I BSDUS RGYUD SNYING PO TSOGS SROL TSUGS, ,DE NAS MI SHIG GUNG GI HU RER PHYIN, ,DUS 'KHOR RDUL TSON DKYIL 'KHOR BZHENGS PA YI; ;LAS KHUR NAG ZLA'I NYA DANG SGO BSTUN NAS, ,DUS 'KHOR DBANG CHEN SKYA SER STONG PHRAG LA, ,BSKUR BAR BYAS NAS 'PHRAL DU LOG YONG ZHING, ,SA GA'I YAR NGO 'JAM DBYANGS LHA KHANG DU, ,NYIN LTAR CHU MCHOD STONG PHRAG 'BUL SROL 'BYED, ,GRVA SA'I SDOD GNAS KHANG PA RIB MAR BCAS, ,RIN DU SPRAD NAS BOD SPAR GSUNG 'BUM SKOR, ,GLEGS BAM BRGYA PHRAG GDAN 'DREN BGYI SGO BSGRUBS, ,DBYAR KHA GRVA SAR CUNG ZAD BSDAD NAS SLAR, ,'ONGS TSE DUNG PHYUR MA nI'I RIL SGRUB BYUNG, ,RGYUD KHANG PHYI NANG TSON RTZIS
, ,MDZES PAR BYAS, ,STON KHA RDZING BU SNGON PO'I SPYI SOR PHYIN, ,DRI MED RNAM GNYIS MCHOD RTEN BZHENGS CHOG DANG, ,'BREL BAR SPYOD RGYUD PHYAG RDOR BSNYEN PA BTANG, ,RAB GNAS GRUB RJES DBANGKHRID CI RIGS 'DON, ,DE NAS BRAG CHU'I SPYI SO'I SAR PHYIN CING, ,MI TRA BRGYA RTZA'I DBANG BSKUR BYAS NAS 'ONGS, ,DGUN KHA NAR MA'I BGYI SGO SGRUB KYIN BZHUGS, ,SHING BYI DPYID KA CHOS SDE 'DI NANG DU, ,BKA' 'GYUR LUNG GI BRGYUD PA RMA MED ZHIG ,RGYUN 'DZUGS BYA PHYIR BLA BRANG DGE BSHES LA,, BKA' 'GYUR LJAGS LUNG KLOGS PA'I RGYU RKYEN SGRUB, ,SOS KA TH'U LA'I GUNG GI HU RE LA, ,BRGYUD DE GRVA SAR PHYIN NAS DBYAR KHA YONG, ,STON KHA SLAR YANG GUNG GI HU RE LA, ,BRGYUD DE TH'U LA'I SHAR NUB 'GRIMS 'GRIMS 'ONGS, ,SHING GLANG DPYID KA RGYUD GRVAR SNGAGS RAMS PA'I, ,GRVA BSKOR TSUGS SHING BSHOL ZLAR KHAMS TSAN LNGAR, ,BSDUS GRVA'I DAM BCA' LO LTAR BSDAD SROL 'BYED, ,SPYI SO LNGA KAR CHA RKYEN THEBS 'JOG SONG, ,SOS KA RGYUD GRVA'I DGE BSHES RNAM PA TSOR, ,GSANG 'DUS 'GREL PA BZHI SBRAGS BSHAD LUNG BKLAGS, ,DE NAS HAS RA HAN GYI SPYI SOR PHYIN, ,LAM RIM CHEN MO'I BSHAD LUNG BTON BAR BYAS, ,DBYAR KHA GRVA SAR PHYIN NAS RJE BLA MA, ,YAB SRAS GSUM GYI BKA' 'BUM GDAN 'DREN YONG, ,STON KHA GUNG GI HU RER DAM BCA' LA, , 'TSOGS NAS TH'U LA'I NUB NGOS WANG GI SAR, ,LAM RIM CHEN MO'I BSHAD LUNG BTANG STE 'ONGS, ,DGUN KHA 'CHAD NYAN DKYUS MA GYIS YOD THOG ,RGYAL ZLAR MKHAN PO'I LAS KA 'KHUR DGOS BYUNG, ,ME STAG NAS BRTZAMS CHO 'PHRUL SMON LAM LA, , SKYES RABS SO BZHI'I BSHAD PA BTANG SROL 'DZUGS, ,DPYID KA RI KHROD BKA' GDAMS CHOS SDINGS BTAB, ,DBYAR KA GRVA SAR BSHES GNYER DU MA LA, ,'GREL PA BZHI SBRAGS BSHAD LUNG BKLAGS NAS YONG, ,STON KHA TH'U LA'I GUNG GI HU RER PHYIN, ,
SMAN CHU BSTEN CING BDE MCHOG DBANG SOGS 'DON, ,TSA KHIR LAM RIM BZHIS BRGYUD WANG GI SAR, ,KUN RIG DBANG SOGS BTON NAS TSUR 'KHOR YONG, ,STON KHA GRVA SAR SLAR PHYIN RJES GNANG DANG, ,BSHAD LUNG CI RIGS BTON TE DGON SDER 'ONGS, , DGUN KHA YAB SRAS GSUM GYI GSUNG 'BUM ZHIG ,DNGUL SRANG BRGYA PHRAG YON GYIS GDAN 'DREN BYUNG, ,ME YOS DPYID KHA RGYUD GRVAR BDE MCHOG GI ,PHYI NANG DKYIL 'KHOR DBANG BSKUR LUS DKYIL TSUGS, ,BKA' 'GYUR SPYI SOR DAR HAN BLA MA LA, , BSNYEN RDZOGS 'BOGS NAS SOS KA GRVA SAR PHYIN, ,PUR Y'AD LJONGS NAS BRGYAD STONG MCHAN 'GREL BYUNG, ,GSANG 'DUS RGYUD KYI MCHAN GYI BSHAD LUNG SOGS, ,BTON NAS TSUR THON CHOS GRVAR 'BYOR MA THAG ,BRGYAD STONG PA YI BSHAD LUNG KLOG DGOS BYUNG; ;DE SKABS THOG LI CHU SRIN GDONG CAN RNYED, ,NGO MTSAR RTEN 'BREL 'GRIG CES MI RNAMS GLENG, ,STON KHA TA LAS AE CI'I SPYI SO'I SAR, ,LAM RIM CHEN MO'I BSHAD LUNG KUN RIG GI ,DBANG BCAS BTON NAS 'ONGS TE RGYUD GRVA RU, , GSANG 'DUS 'JIGS BYED GNYIS KYI DBANG BSKUR BYAS, ,RTZIS GRVAR DPAL LDAN 'BRAS SPUNGS MCHOD RTEN BZHENGS, ,DGUN KHA SMAN RAMS BLO BZANG SHES RAB 'ONGS, ,SMAN GZHUNG 'CHAD NYAN BGRO GLENG SBOR DU BCUG ,DED KYIS SGO MANG CHOS GRVA GSAR DU TSUGS, ,RTEN GSUM NYER SPYAD NOR PHYUGS MANG PO PHUL, ,SA R'BRUG DPYID KA G-YU THOG SNYING THIG GI ,DBANG KHUNG BTANG ZHING BDUD RTZI SMAN SGRUB DANG, ,SMAN RAMS PA YI GRVA BSKOR BTANG SROL 'BYED, ,SOS KA DRI MED RNAM GNYIS MCHOD RTEN GTZOS; ;MCHOD RTEN BRGYAD DANG LAM RIM 'DU KHANG SOGS; ,BRTZIG PA'I LAS MTHA' SGRUB NAS GRVA SAR PHYIN, ,RGYA SER THU LV'E SKHI ZHES MJAL DU 'ONGS, ,TSAD CHEN RIGS THIGS SOGS KYI RGYA DPE STER, ,HOR YUL RTOGS BRJOD 'PHRO RDZOGS
, ,GYIS SHIG ZER, ,MCHOD RTEN NANG GZHUG RIGS RNAMS BLANGS NAS YONG, ,LHA BZO DKA' BCU LAG GI BLA RU BSGOS, ,DBYAR THOG MTSAN PHUD LAM RIM DAM BCA' TSUGS, ,STON KHA MCHOD RTEN RAB GNAS SOGS BYAS NAS, ,GVA CHEN SPYI SOR PHYIN TE KUN RIG DANG, ,DUS 'KHOR SPYI BKA'I DBANG BSKUR SNGAGS RIM DANG, ,'GREL CHEN DRI MED 'OD KYI BSHAD LUNG SOGS, ,SEMS BSKYED CHO GA BCAS PAR BTON NAS YONG, ,DGUN KHA PHAR PHYIN SA LAM ZHIG BRIS SHING, ,DON BDUN CU YI MTHA' DPYOD 'PHRO RDZOGS BYAS, ,SA SBRUL SMON LAM CHEN MOR NYIN GCIG GI ,MANG JA TSAB RA 'GYED THUG SOGS SBYOR BA'I, ,SROL KA 'BYED PAR DNGUL SRANG SUM BRGYA SONG, ,RI KHROD THOG TU BKA' 'GYUR RGYUN KLOG DANG, ,NYA STONG BRGYAD KYI SMYUR GNAS NYIN LTAR GYI, ,MAnI KHRI PHRAG RNAMS NI RGYUN 'DZUGS BYAS, ,DE SKABS SKYOR DPON RJE NYID SKU GSHEGS RGYUS, ,BLA MA SPYI 'GRO'I 'DAS MCHOD RGYUN 'DZUGS SONG, ,SOS KA RI KHROD BKA' 'GYUR LHA KHANG BZHENGS,, DBYAR KHA MI SHIG GUNG GI HU RER PHYIN, ,TSVA CHU BSTEN CING 'JIGS BYED DBANG BSKUR BYAS, ,DPE CHA RGYUR DKON MANG PO BSNAMS KYIN YONG, ,TSOGS CHEN MGON KHANG DNGUL tAM LNGA BRGYAS BSKRUN, ,JO BO BYAMS BA DNGUL tAM STONG RTZAS BZHENGS, , GZUNGS 'BUL RAB GNAS DGE SBYONG CHAS PHUL BYAS, ,STON KHA AE CI GNYIS KYI SPYI SOR 'GRIM, ,CHOS LDAN BYA BA CI RIGS SGRUB NAS YONG, ,DGUN RING MTSAMS SU BSDAD NGOS 'KHOR CHEN SOGS, ,'DOD LHA CI RIGS BSNYEN SGRUB BYED KHUL BYAS, , LCAGS RTA'I TSES GCIG SMON LAM DUNG 'BUD MNYAM, ,RJE 'BUM THER MA SNAR THANG BKA' 'GYUR BCAS, ,NGANG GIS BYON PAR SER SBRENGS KHRUS GSOL BYED, ,BKA' 'GYUR GSAR RNYING GNYIS KAR SRI ZHU SGRUB, ,SOS KA DBEN GNAS GSAR
RNYING BSRE DGOS BYUNG, ,JI LTAR 'DRES PA'I YI GE ZUR DU BRIS, ,DE TSE LAM RIM CHEN MO'I BSHAD LUNG BTANG, ,DBYAR KHA RI KHROD BSTAN 'GYUR LHA KHANG BZHENGS, ,DGON RNYING RTEN GSUM NYAMS GSOS SRI ZHU SGRUB, ,STON KHA RI KHROD DBU MA'I DAM BCA' DANG, ,DGON RNYING SRUNG MA'I BSKANG 'PHRIN TSOGS SROL 'BYED, ,RTZIS GRVA BSDUS RGYUD SNYING BOR RGYUD 'GREL GYI, ,DON LAS BRTZAMS PA'I TSOGS GLENG BYED SROL TSUGS, ,DGUN KHA LNGA MCHOD STON MOR RGYU SBYOR ZHING, ,LO LTAR LNGA MCHOD NUB MO MAR ME STONG, ,SBAR TE YAB RJE'I PHYAG MCHOD TSOGS SROL 'BYED, ,DE RJES DUS 'KHOR SA LAM RNAM GZHAG DANG, ,BSDUS RGYUD KHAMS LE'I MCHAN 'GREL GSAR DU BRTZAMS, ,LCAGS LUG DBYED RAR DPAG BSAM 'KHRI SHING GI ,BKLAG LUNG STENG NAS SKYES RABS BSHAD PA BTANG, ,DPYID KA CO NI BSTAN 'GYUR GDAN DRANGS SHING, ,HOR YUL RTOGS BRJOD 'PHRO NI RDZOGS PAR BYAS, ,DBYAR KHA AER TEN JO BOR MJAL BA'I ZHOR, ,MI SHIG GUNG GI TSVA CHUR KHUMS NAS YONG, ,LAS SNA'I GOS GTZOS BCA' LAG RING THANG CAN, ,PHAL MO CHE NI TSOGS GRVA KHAMS TSAN GYI, ,RGYUN TSOGS THEBS SU SOR BGOS NAS PHUL, ,GLING KHA STON MO MA nI'I RIL SGRUB BCAS, ,CHAD RGYUR SONG STABS SNGA PHYIR CHA RKYEN SBYOR, ,STON KHA TH'U LA'I GUNG GI HU RE RU, ,BSKYOD PAR BRTZAMS KYANG RMI LTAS KYIS BSHOL BAR, ,CHOS GRVA'I NYEN KOR 'GO BA'I NAD NGAN BYUNG, ,NYIN MTSAN RIM GRO GNAD SMIN SGRUB ROGS BYED, ,DKON MCHOG THUGS RJES 'GAL RKYEN RANG SAR ZHI, ,DGUN KHA NYE RING SA NAS 'GA' ZHIG GIS; ;YIG 'JOG DGOS ZHES KHA BTAGS STER BA YI, ,BU LON BSAL THABS CHANG CHUNG BGYID MUR BZHUGS, ,DNGUL tAM NYIS BRGYAS SPAR KHANG ZUR DU BSKRUN, ,RTZIS PA GRVA TSANG NYID DU DUS 'KHOR GYI, ,GRVA BSKOR SROL 'BYED GROS MTHUN
, ,MDZAD DU BCUG ,DGUN THA NYER LNGA'I MDO SNGAGS TSOGS GLENG TSUGS, ,CHU SPREL SMON LAM TSAN M'O GSUNG CHOS SU, ,BKA' GDAMS GZHUNG DRUG BSHAD SBYAR LUNG 'BOGS SHING, ,DPYID KA PHYING GUR YAGS PO BTZONGS PA'I RIN, ,SHOG tAM LNGA BRGYA RGYUN 'DZUGS MAR ME LNGAR, ,BRGYA BRGYAR PHUL ZHING LUS GSO'I DGONGS PA BLANGS, ,LUNG STONGS SHONG BUR SPYIL BU 'BUBS NAS SDOD, ,MA nI BGRANG BZHIN 'CHI BA BSGUG DGOS BYUNG, ,SNGA SOR GRVA SA'I MING BTAGS PA YONGS LA, ,KHA BTAGS LAN GNYIS 'GYOD CING GRVA TSANG DU, ,KHRE YI GSOL PHOGS PHUL ZHING SKYABS 'JUG ZHUS, ,KHAMS TSAN TSOGS SU SHOG tAM BRGYA CU 'PHUL, ,RANG YUL CHOS GRVAR SMAN YON SGRUB TSUL NI, ,'BYUNG KHUNGS BCA' BSGRIGS BRIS SONG RNAMS SU GSAL, ,SKU GSUNG THUGS RTEN GSAR DU BZHENGS PA DANG, ,RTEN RNYING GDAN 'DREN DKAR CHAG LOGS SU BZHUGS, ,RGA BA'I DUS SU DGON SKYONG GIS G-YENGS PA'I BYED SPYOD DRAN PA'I YUL DU GYUR BA RNAMS SO, ` ,SPYIR DMIGS SGROL MA BTZON 'DON BSNYEN PA BTANG, ,DBYAR KHA SMAN CHU BSTEN RTZIS RLUNG PHYOGS BSKYOD, ,RGYAL KHAMS BSKOR BZHIN BSDUS RGYUD NANG LE YI, ,MCHAN 'GREL BRIS LA STON KHA CHOS GRVAR YONGS, , RTZIS GRVAR DUS RTZIS RAMS PA'I GRVA BSKOR TSUGS, ,'GREL CHEN DRI MED 'OD KYI BSHAD LUNG 'DON, ,DE RJES BSDUS RGYUD DBANG LE'I MCHAN 'GREL BRIS, ,DGUN KHA GSANG 'DUS DUS 'KHOR RIG BYED MA'I, ,SPYI ZUR DBANG RJES KHA SHAS BSKUR KHUL BYAS, , DE PHYIN CHOS BKA' SPEL BA'I KHUR 'GEL BA'I, ,YON DU KHA BTAGS tAM SOGS BYUNG NGO COG ,CHOS SPAR BRKO BA'I RGYU RU GTZO CHER STER, ,BYA LO'I DPYID KA NGAG RTZOM SKOR GYIS GTZOS, ,LUNG BSHAD DBANG RJES SPEL ZHING DBYAR KHA RU, ,GUNG GI
HU R'E BRGYUD DE GRVA SAR PHYIN, ,GRVA SLOB RIS BRAL MANG BOR 'KHRID BSHAD RIGS, ,SNA TSOGS SPEL DGOS BYUNG ZHING RNYED DGA' BA'I, ,RTEN GSUM MANG 'BYOR MI RING SLAR 'KHOR YONGS, ,RTZIS GRVAR GLO BUR DAM BCA' SDOD THABS BSGRUBS, , STON KHA SPYI SO 'GAR 'GRIM DBANG RDZAS BSKUR, ,GTZUG LAG KHANG CHED DNGUL tAM STONG LHAG PHUL, ,DGUN KHA RANG SPYI LA BRAG SER KHROD DU RGYAG ,G-YAS RU CHOS GRVA'I TSOGS BLA 'ONGS PA LA, ,BSKYED RIM CHEN MO RIM LNGA GSAL SGRON GYI; ;BSHAD LUNG KLOG CING SGRUB LE'I MCHAN 'GREL BRIS, ,KHAMS TSAN LNGA RU SHOG tAM BRGYA PHUL TE, ,NYER LNGA BCU BZHIR SKU RIM 'TSOGS SROL 'BYED, ,GTUGS SROL 'BYED RGYUR SHOG tAM SUM BRGYA PHUL, ,RGYAL DBANG MCHOG SOGS BLA MA SO GNYIS KYI, ,'DAS MCHOD DGONGS RDZOGS TSOGS SU MGO BYAS BSGRUBS, ,KHYI LOR CHO 'PHRUL ZLA BA'I TSES BRGYAD NAS, ,YE LE'I MCHAN 'GREL DAB TSUGS NA RANG GI ,SPYI SOR PHYIN NAS LAM RIM CHEN MO YI, ,BSHAD LUNG BDE MCHOG LHA LNGA'I DBANG BCAS BTON, , SLAR YONGS MCHAN 'GREL 'BRI LA 'JUG MUS NAS, ,AER TEN JO BOR MCHOD PA KHRI PHRAG 'BUL, ,GDAN SA CHEN MO'I BDE CHEN KA L'A PAR, ,NAG ZLA'I NYA YI DUS 'KHOR SGRUB MCHOD ZHUS, ,RGYUD MCHAN LA SOGS PAR BRGO'I ZHAL 'DEBS BCAS, ,SHOG tAM STONG LHAG RNGA MO GNYIS BCAS RDZONGS, (SKYOR DPON PAKSHI'I NYE GNAS TSOS BZHENGS PA'I, ,RNAM RGYAL MCHOD NYEN ZHAL CHEMS STZAL BZHIN BYUNG,,) ,DE NAS SA GA ZLA BA'I TSES GCAG LA, ,BSDUS RGYUD MCHAN 'GREL MJUG NI GRUB PAR BYAS, ,DKA' BCU YON TAN SOGS KYIS GRVA SLOB TSOR, ,ZLA BA GNYIS SU PHYAG SROL SLOB BCUG NAS, ,PHAR PHYIN 'DZIN GRVA GTUGS PAR BGYID PA NA, ,GNAD SMIN BYUNG STABS KUN KYANG NGO MTSAR SKYES, ,RI KHROD LAM GRVAR LAM RIM CHUNG NGU YI, ,RGYUGS SPROD TSUGS NYIN MGON PO'I THUGS RTEN YONGS, ,NGED KYIS DKA' BCU YON TAN DPON SLOB TSOR, ,MGON CHEN BCU GSUM CHOS RGYAL GSUM BCAS KYI, ,RJES GNANG
, ,LA SOGS BTON PA'ANG SBREL MAR BYUNG, ,HO RIN SPYI SOR SEMS BSKYED CHO GA BTANG, ,CHOS GRVA RNYING PA'I GZHUNG GI 'DZIN GRVA TSOR, ,SPYIR BTANG DUS TSIGS DBU MA'I SROD CHOS TSUGS, ,GSAR RTZOM BSDUS RGYUD MCHAN 'GREL BSHAD LUNG SPEL, , PHYOGS PHYOGS NAS 'ONGS BSHES GNYEN RNAM PA TSOR, ,'JIGS BYED DUS 'KHOR BSKYED RDZOGS BSHAD KHRID DANG, ,LAM RIM BLA MCHOD 'KHRID BKA' DAG KYANG SPEL, ,CHOS SPAR BRKO RGYUR SHOG tAM LNGA BRGYA STER, ,CHOS SDE'I RTEN TSOR MCHOD PA KHRI LHAG 'BUL,, SGRUB KHANG MA nI BRAG RDZONG BRTZIG TU BCUG ,RANG SPYIL RTEN GSUM NYER SPYAD RNAMS DER 'JOG ,'DI PHYIR CHOS SPYOD MTSAMS SBYOR RTEN 'BREL DANG, ,SGRUB BRGYUD BSTAN PA'I ZHABS 'DEGS NYID DU SMON, ,NANG 'JUG MKHAN LA MA nI BZLAR BCUG PAS, ,CHOS SDER DUNG PHYUR MA nI ZHU BA PO, ,MANG BSTUD BYUNG STE KUN GYIS NGO MTSAR SKYE, ,RGYUD MCHAN SPAR THEBS GRVA TSANG LO RGYUS DANG, ,BZANG MO'I RTOGS BRJOD 'DIR BCUG YON DANG BCAS, ,SHOG tAM STONG DANG LNGA BRGYA RIM PAR SONG, ,DGUN KHA HU RE'I NANG RTEN BYAMS CHEN LA, ,MCHOD ME STONG PHRAG 'BUL ZHING 'DOD DON GSOL, ,RAB RGYAL ME YOS RTZIS GZHUNG LA SOGS BRIS, ,SPYI SO GNYIS LA SDIG 'BREL GCOD YIG SPRINGS, ,PHAG LOR CHO 'PHRUL TSES LNGA'I SMON LAM LA, ,MANG JA THUG PA 'GYED PHUL SKYABS 'JUG ZHUS, ,DPYID KA GO BHI'I ZHU RTEN NUB MAR PHYIN, ,LAM RIM CHEN MO'I BSHAD LUNG KUN RIG DANG, ,DUS 'KHOR SPYI BKA'I DBANG BSKUR DRI MED 'OD, ,BU'I MCHAN BCAS KYI BSHAD LUNG SOGS 'DON ZHING, ,RTEN LA STONG MCHOD TSOGS SU MANG 'GYED DANG, ,SPYI SO DAG LA THEBS 'JOG CI 'BYOR BTANG, ,AUR GE AUL GE'I RTEN GTZO SO SO LA, ,KHRUS GSOL MCHOD ME STONG PHUL SKYABS SMON ZHUS, ,TSUR YONG LAM DU KHVO THU LE'I DGON PAR, ,GSANG 'DUS DBANG BSKUR
YUL MI'I 'DOD MOS BZHIN, ,BLO GLING YIG CHA'I CHOS GRVA GSAR DU 'DZUGS, ,SKYABS RIM SGRUB PA'I CHA RKYEN NGED NAS GTONG, ,RTEN GSUM NYER SPYAD NOR PHYUGS GANG 'BYOR PHUL, (,BSDUS PHAR BKA' RAMS 'DZIN GRVA GSUM BSGRIGS NAS, ,RTZI BZHAG BTANG ZHING RTZOD PA SPOR DU BCUG ,GANG CING RTEN 'BREL MA 'GRIG RANG 'GRIGS BYUNG, (RAB SKYES 'BYOR PHYIN GZUGS PO ME BDER GYUR,,) ,RTZIS GRVAR GNAS BRTAN CHO GA'I MCHOD RDZAS SU, ,RGYU BZANG CHOS GOS GSUM DANG GDING BA PHUL, ,CHOS SDER BYAMS PA GLING BSKOR SROL 'DZUGS CHED, ,DNGUL tAM STONG RTZAS MCHOD RDZAS BZOS SU BCUG ,RTZOM NGAG BOD BCU'I LUNG NI TSAR GNYIS BTON, (,LEGS BSHAD RIN CHEN LI THANG PAndI TA'I,) ,BRGYAD STONG MCHAN 'GREL DNGUL SRANG STONG PHRAG (GIS,) ,SPANG DU BSKRUN PA'I LAS KHUR DANG DU BLANGS, ,CHOS SDE'I RGYAB TU 'BUM KHANG BRTZIG TU BCUG ,NANG GZHUG SA TZTSA'I SKU BRNYAN 'BUM PHRAG BZHENGS, ,STON THA CHOS SDER BYAMS PA GLING BSKOR GYI, ,SROL 'BYED TSOGS KYI CHA RKYEN SBYOR PAR BYED, ,RANG GZHAN BYAMS MGON ZHAL MTHONG BSNGO SMON ZHUS, ,DGUN KHA TSOGS SU NYIN RANGS BZANG SPYOD ZHUS, ,JA THUG SBYOR ZHING BSOD BTAGS RE'I 'GYED BTANG, (,BLA MA'I PHYAG SROL 'DIR 'JOG DGOS DBANG GIS, ,BLA MCHOD MKHA' 'GRO BRTAN BZHUGS BLANG KHUL BYAS, ,BYI LO'I CHO 'PHRUL GSUNG CHOS DANG 'BREL BAR, ,MA GCIG GZHUNG DANG RIM GRO'I SKOR SOGS DANG, ,BSDUS RGYUD MCHAN 'GRIL BSHAD LUNG NGAL GYIN 'DON, ,T'AS PHU'I SMAN DPYAD ZLA GNYIS NYE BAR BSTEN, ,GRVA PA'I MING BTAGS PA TSOR KHA BTAGS DANG, ,TSOGS GOS BZANG 'DAMS TSOGS GRVA KHAMS TSAN DU, ,PHUL TE SMON LAM MA nI BSTAN 'BAR MA, ,ZHUS THOG GRVA MNGAS PHOGS YANGS SKYABS 'JUG ZHUS, ,BCA' LAG LHAG RNAMS CHOS SPAR BZHENGS RGYUR PHUL, (RANG RJES DMIGS BRTZE MA DANG 'JIGS BYED KYI, ,BSNYEN SGRUB LO GSUM GSUM GYI KHA CHEMS BCAS,,) SDOD GUR SKOR NI LO MTSAMS PA LA BSNGOS, ,
, ,TSE GZHUG GI DUS SU NGES MED KYI BGYI SGOS G-YENGS PA'I BYED SPYOD DRAN GSOR BKOD PA RNAMS SO, ` ,DE LTAR NA TSOD BDUN PHRAG BCUR SLEB RING, ,SGO GSUM 'DU BYED DGE SNYAM MTHA' KLAS KYANG, ,'BRIR MI LANGS SHING MANG ZHIG BRJED DE THAL, ,GCIG TU DKAR BAR GYUR PA'ANG NGOS 'DZIN MIN, ,'ON KYANG SRIN BU DAG GIS ZOS PA'I RJES, ,YE GER BYUNG YANG YIG MKHAN MIN TSUL LTAR, ,MI PHAL BYED SPYOD AA LONG SGOR MO NI, ,LAG RJES DKAR RUNG DAM PA'I RNAM THAR MIN, ,ZHING GI MTHUR BRTEN THAR PA CHA MTHUN GYI, ,DGE RTZAR 'GRO 'GA' MCHIS NA SKAL BA BZANG, ,SHOG RIS 'DI RU DGOS GTAM 'GA' BYUNG NA, ,BLOR NGES BYAS NAS ME LHAR PHUL NA 'GAB, ,SH'AKYA'I BSTAN PA LNGA BRGYA'I THA MAR SKYES, ,CHUNG NAS DGE SBYONG RTAGS 'CHANG DGON GNAS 'GRIMS, ,NYAN BSHAD RTEN GSUM BGYI SGOS MI TSE BSKYAL, ,BYED SPYOR MTHUN SNANG 'DI TZAM SU LA MKHO, ,RNAM SHES SKYES BUS PHYI MAR 'GRO BA'I TSE, ,MI DGE 'KHRUL SNANG 'JIGS SKRAG DANG BRAL NAS, ,MA PHAM THUGS RJE'I PHO NYAS LAM BSTAN TE, ,THOGS MED DGA' LDAN GNAS SU SKYE BAR SHOG, ,,
[BLANK PAGE]