, ,DPAL DUS KYI 'KHOR LO'I SBYIN SREG 'OD SNYE LTAR 'BUL BA'I NGAG 'DON 'KHRIGS CHAGS SU BKOD PA 'PHRUL GYI MCHOD SBYIN ZHES BYA BA BZHUGS SO, ,
, ,NA MO GU RU SHR'I K'A LA TZAKRA YE, MCHOG TU MI 'GYUR BDE CHEN YE SHES KHAMS, ,RO GCIG DU MAR SHAR BA'I SGYU 'PHRUL GAR, ,DUS KYI 'KHOR LO'I DKYIL 'KHOR LHA TSOGS KYIS, ,DENG 'DIR DNGOS GRUB BDUD RTZI'I CHAR RGYUN PHOB, ,('DIR DPAL DUS KYI 'KHOR LO'I BSNYEN PA'I KHA SKONG GI SBYIN SREG GSANG BA SPYI'I CHO GA 'OD KYI SNYE MA'I STENG NAS BYA TSUL BLO DMAN GYIS NYAMS SU BLANG BDE BAR 'GOD NA THAB DANG RDZAS LA SOGS PA THAMS CAD BDE GSANG SOGS KYI SBYIN SREG DANG 'DRA LA, 'DON CHA'I RIM PA NI, SBYOR DNGOS MJUG GSUM LAS, DANG BO NI, SGRUB PA POS CHO GA'I YAN LAG THAMS CAD 'TSOGS PAR BYAS NAS, PADMA'I 'DUG STANGS KYIS KHA SHAR DU PHYOGS TE BDAG BSKYED RDZOGS PAR BSGOM ZHING, LHA RNAMS LAS 'OD ZER DKAR PO 'PHRO BAR BSAM,) RANG GI THUGS KA'I H'Um LAS 'OD ZER 'PHROS PAS, PHYOGS BCU'I SANGS RGYAS THAMS CAD KYI BYIN RLABS DANG NUS MTHU THAMS CAD BKUGS NAS BSANG CHU LA THIM PAR GYUR (PAR BSAM LA,) AOm A'A: H'Um HO HAm KshA: (ZHES 'BRU DRUG BZLAS TE BSANG CHU SGRUB, DE NAS SMRA BA GZHAN BCAS DE,) RDO RJE NI THABS DANG DRIL BU NI SHES RAB STE, (ZHES PA NAS,) HO HO HO SV'AH'A, (ZHES PA'I BAR RDOR DRI LA BYIN RLABS SBYI LTAR BYA, DE? NAS LAS SNGAGS 'BRU DRUG BRJOD CING G-YAS ?LAS KU SHA'I RTZE MOS BSANG CHU'I SNOD NAS CHU BLANGS TE RAB GI G-YON NGOS NAS G-YAS BSKOR DU THAB DANG, RDZAS THAMS CAD DANG, DGANG BLUG DANG, RANG LA'ANG BSANG GTOR LAN GSUM, YANG LAS SNGAGS BRJOD CING G-YON PA'I MTHEB SRIN GYIS NANG MCHOD BLANGS NAS SNGA MA LTAR BSANG GTOR LAN GSUM BYA, DE NAS ? MCHOD RDZAS RNAMS LA 'BRU DRUG DANG NANG MCHOD KYIS BSANGS,) SVA BH'A (WAS STONG PAR SBYANGS,) STONG PA'I NGANG LAS SPHAm LAS BYUNG BA'I RIM PO CHE SHEL GYI SNOD (CES SOGS DUS 'KHOR LTAR LA,) AOm AARGHAm A'A: H'Um, (NAS,) AOm SHAPTA A'A: H'Um, (ZHES PA'I BAR GYIS ?RDZU BZHI NYER SPYOD ROL MO DANG BCAS PA SNGAGS DANG PHYAG RGYAS BYIN GYIS BRLABS, RDZA SA SBYOD BA'I PHYAG RGYA BCINGS LA,) AOm SV'AH'A, (ZHES PAS SREG RDZAS RNAMS SPYIR BKRUS BAR BSAM,)
, ,AOm A'A: SV'AH'A (SA YAM SHING,) AOm SHR'Im SV'AH'A (SA ZHUN MAR,) AOm DZRIm SV'AH'A (SA 'BRU,) AOm KU RU KU RU SV'AH'A (SA RDZAS GZHAN RNAMS TE MDOR NA,) RDZAS RNAMS KYI MTSAN NYID DANG MI LDAN PA'I NYES SKYON THAMS CAD BYANG ZHING DAG NAS NANG GI BDUD RTZI LNGA'I NGO BOR GYUR, (PAR BSAM, DE NAS 'BRU DRUG BRJOD LA 'O MA CAN GYI SHING LA ME SBAR, 'BRU DRUG BRJOD CING BSANG CHU DANG NANG MCHOD KYIS ME DE LA? G-YAS BSKOR DU LAN GSUM GSUM BSANGS, DE NAS ME DE GTZANG ZHING SHIN TU SGAM PA'I RTZVA'I CHUN PO DANG BCAS THAB KYI NANG DU BCUG LA,) AOm DZVA LA DZVA LA H'Um (DANG,) H'Um (ZHES BRJOD CING RLUNG YAB KYIS ME SBAR,) AOm A'A: H'Um HO HKshMLWRYAm SV'AH'A, (ZHES BRJOD CING MAR ZHU BLUG GZAR BDUN GYIS ME GSO, DE NAS KU SHA RNAMS LAG TU BZUNG LA,) AOm BADZRA SATVA A'A: (ZHES LAN GSUM DANG,) AOm KU SHA 'DI NI GTZANG ZHING DGE ,TSANGS PA'I LHA RNAMS DAG BYED YIN, , DKON MCHOG GSUM PO MNYES BYED PA, ,SA LAS SKYES PA'I 'DEB MA'I SNYING, ,BDAG GI BGEGS RNAMS THAMS CAD NI, ,ZHI DANG BKRA SHIS MDZAD DU GSOL, ,(ZHES BRJOD NAS; SNGAGS SNGA MA LAN SNGA BRJOD CING KU SHA DGRAM LA, RDOR DRIL 'DZIN PA'I LAG PA THAL MO SBYAR TE,) BCOM LDAN 'DAS RDO RJE SEMS DPA' BGEGS THAMS CAD ZHI BA DANG BKRA SHIS PAR MDZAD DU GSOL, (ZHES GSOL BA GDAB, GNYIS PA DNGOS GZHI LA GSUM, THOG MAR 'JIG RTEN PA'I ME LHA MCHOD PA, BAR DU 'JIG RTEN LAS 'DAS PA'I ME LHA MCHOD PA, MTHAR 'JIG RTEN PA'I ME LHA MCHOD PA'O, ,DANG BO LA GSUM LAS, THAB DANG ME LHA BSKYED CING YE SHES PA DANG BSRE BA NI, 'BRU DRUG DANG BSANG CHUS THAB BSANGS,) SVA BH'A WAS (STONG PAR SBYANGS,) STONG PA'I NGANG LAS H'Um DKAR PO ZHU BA LAS BYUNG BA'I YE SHES KYI THAB KHA DOG DKAR ZHING DBYIBS THLUM? PA, MU RAN KHA KHYER DANG BCAS PA, KHA KHYER LA RDO RJE'I PHRENG BAS BSKOR BA, GRVA BZHIR ZLA PHYED RDO RJES MTSAN PA, DVANGS SHING THOGS PA MED PAR GYUR, THAB KYI NANG DU RAm LAS
SKYES PA'I ME GRU GSUM GYI DBUS SU SNA TSOGS PADMA DANG NYI MA'I LTE BAR RAm LAS BGRANG PHRENG, DE YONGS SU GYUR PA LAS ME LHA SKU MDOG DKAR PO DKAR NAG DMAR BA'I ZHAL GSUM PHYAG DRUG PA, GNYUG MAR GNAS PA'I RANG 'OD KYI RIG MA DANG GNYIS SU MED PA'I SKU, PHYAG DANG PO GNYIS KYIS RANG GI RIG MA LA 'KHYUD CING, LHAG MA G-YAS ? GNYIS MI 'JIGS PA'I PHYAG RGYA DANG BGRANG PHRENG, G-YON GNYIS DBYUG GU DANG RIL BA 'DZIN PA, RNAM SNANG GI DBU RGYAN CAN, SMIN MA DANG RAL BA'I TSOGS 'BAR ZHING LTO BA 'PHYANG BA, SPOM ZHING THUNG LA GZI BRJID CHE BA, G-YON BRKYANG GIS BZHUGS PA'I THUGS KAR ME GRU GSUM PA RAm GYIS MTSAN PAR GYUR, DAM TSIG PA'I THUGS KA'I SA BON GYI 'OD ZER LAS SPROS PA'I KHRO BO 'DOD RGYAL GYIS, SHAR LHO NAS BSGOMS PA DANG 'DRA BA'I ME LHA DRANG SRONG GI TSOGS KYIS BSKOR BA SPYAN DRANGS (PAR BSAM LA PHYAG RGYA BCA' ZHING,) AOm TSUR BYON TSUR BYON 'BYUNG PO CHE, ,LHA YI DRANG SRONG BRAM ZE MCHOG ,SREG BAGS ZHAL ZAS BZHES SLAD DU, ,'DIR NI YANG DAG BSNYEN PAR MDZOD, ,AOm tAKKI H'Um DZA: (ZHES PAS SPYAN DRANGS LA,) THAB KYI KHA KHYER GYI KU SHA'I GDAN LA BZHUGS PAR (BSAM, LAS ??LA BRJOD CING BSANG CHU GTOR LA PHYI 'BRANG GI BGEGS BSKRAD, SBRO? MCHU BZHI DBUL ZHING ??LAS LA MOS NA MA PHUL KYANG RUNG,) DZA: H'Um BAm HO: HI, RO MNYAM DU GYUR, (ZHES GZHUG PA SOGS BYA'O, ,MCHOD CING BSTOD DE DAM TSIG, BSGRAGS PA NI,) AOm A'A: HR'I: PRA WA RA SAD K'A RAm PROKshA nAm PRA T'ITZTSA H'Um SV'AH'A, (ZHES DANG, DE BZHIN DU PROKshA nAm GYI TSAB? TU;) A'ANYTZA MA nAm, AARGHAm, P'ADYAm (RNAMS BCUG PAS CHU BZHI DANG, ME LHA'I SNGAGS,) AOm AAGNA YE A'A DI BYA A'A DI BYA A'A BI SHA A'A BI SHA MAH'A SHRI YE HA BYA KA BYA BA HA N'A
, ,YA, (ZHES PA LI,) AOm BADZRA PUshPE A'A: H'Um (ZHES SOGS DANG,) AOm A'A: H'Um (BTAGS PAS ?LTER SPYOD ROL MO NANG MCHOD DANG BCAS PAS MCHOD,) 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO tAKKIS DBANG BSKUR BA, ,SHES RAB MCHOG GIS NYON MONGS THAMS CAD BSREG ,'DZIN BYED ME LHA NYID LA RNAM PAR 'DUD, ,CHANGS PA 'JIG RTEN MGON GYI SRAS, ,ME LHA'I RGYAL PO DRANG SRONG MCHOG ,'BYUNG PO YONGS SU BSKYANG BA'I PHYIR, ,THUGS RJE'I DBANG GIS SKUR SPRUL PA, ,RIG SNGAGS GRUB PA'I DRANG SRONG TSUL, , NYON MONGS BSREG PA'I SHES RAB 'OD, ,BSKAL BA'I ME BZHIN GZI BRJID 'BAR, ,MNGON SHES RDZU 'PHRUL ZHABS DANG LDAN, ,THABS KYIS SPRUL PA'I THEG PA BCINGS, ,RIG SNGAGS GSUNG ZHING BGRANG PHRENG 'DZIN, ,BDUD RTZI'I BCUD LDAN GHUndI BSNAMS, ,CHOS KYI BDUD RTZI YONGS LA BSIL, ,NYES PA'I SKYON BRAL TSANGS PAR SPYOD, ,'JIG RTEN GNAS KYANG MYA NGAN 'DAS, ,DE BAS BSTOD DE PHYAG KYANG 'TSAL, ,(ZHES DRIL BSIL DANG BCAS PAS BSTOD, BSDU NA SHO LO KA DANG PO GCIG GIS CHOG,) AOm BADZRA AA NA LA MAH'A BHU TA DZVA LA DZVA LA YA SARBA BHASMIm KU RU SARBA DUshtAN H'Um PHAt TRI SHYA DZA: H'Um BAm HO: SA MA YA STVAm, SA MA YA HO, (ZHES LAN GSUM GYIS DAM TSIG BSGRAGS, BSREG RDZAS PHUL NAS SLAR YANG MCHOD PA NI,) ME LHA'I LJAGS RDO RJE'I RNAM PA CAN DKAR PO LA RAm YIG DANG, DGANG BLUGS KYI KHA LA H'Um YIG 'OD ZER DANG BCAS PAS MTSAN PAR GYUR (PAR BSAM LA, BYANG CHUB MCHOG GI PHYAG RGYAS DGANG BLUGS MAR GYIS GANG BA BZUNG NAS, KONG GI ME LHA'I SNGAGS,) AOm AAGNA YE (NAS) BA HA N'A YA, (NGES PA LA?) BDAG CAG DPON SLOB 'KHOR DANG BCAS PA RNAMS KYI (TSE 'KHOR BA) THOG MED NAS BSAGS PA'I SDIG SGRIB NYES LTUNG GI TSOGS
THAMS CAD DANG, KHYAD PAR DU YANG TING NGE 'DZIN MI GSAL ZHING SNGAGS MA DAG PA DANG CHO GA CHAD LHAG LA SOGS PA'I NYES PA THAMS CAD SHANTIm KU RU YE SV'AH'A, (ZHES PA'I SPEL TSIG BTAGS PAS MAR KHU BLUGS GZAR BDUN PHUL NAS 'PHRIN LAS BCOL, SKABS 'DIR ME LA BGEGS YOD NA SIL BA'I THABS GZHUNG DU GSAL BA LTAR BYA'O, ,DE NAS RDZAS CHEN BCU GNYIS LAS, YAM SHING LA,) YAM SHING RNAMS BYANG CHUB KYI SHING GI RANG BZHIN GYI BDUD RTZIR GYUR (PAR MOS TE,) AOm AAGNA YE (NAS) BA HA N'A YA, AOm BO BHI PRiKshA YA, BDAG CAG DPON SLOB (ZHES PA NAS,) SHANTIm KU RU YE SV'AH'A, (ZHES ME LHA'I SNGAGS DANG, RDZAS SNGAGS, SPEL TSIG GSUM KA SBYAR BAS GRANGS JI LTAR 'TSAMS PA RE 'BUL, DE BZHIN DU MAR KHU LA,) AOm AAGNA YE (NAS) BA HA N'A YA, AOm AAGNA YE, BDAG CAG DPON SLOB (ZHES SOGS DANG, TIL LA,) AOm AAGNA YE (NAS) BA HA N'A YA, AOm SARBA P'A PAm NGA HA NA BADZRA YE, BDAG CAG DPON SLOB (SOGS DANG, DUR BA LA,) AOm AAGNA YE (NAS) BA HA N'A YA, AOm BADZRA A'A YU shE, BDAG CAG DPON SLOB (SOGS DANG, 'BRAS MA GRUGS LA,) AOm AAGNA YE (NAS) BA HA N'A YA, (AOm BADZRA PUshtA YA) BDAG CAG DPON SLOB (SOGS DANG, ZHO ZAN LA,) AOm AAGNA YE (NAS) BA HA N'A YA, (AOm SARBA SAm P'A DE, BDAG CAG DPON SLOB (SOGS DANG SKU SHA LA) AOm AAGNA YE NAS BLTA N'A PA, AOm AA PRA TI HA TA BADZRA YE, BDAG CAG DPON SLOB (SOGS DANG, YUNGS KAR LA,) AOm AAGNA YE (NAS) BA HA N'A YA, AOm SARBA AARTHA SIDDHA YE, BDAG CAG DPON SLOB (SOGS DANG, SO BA LA,) AOm AAGNA YE (NAS) BA HA N'A YA, AOm BADZRA BI DZ'A YA, BDAG CAG DPON SLOB (SOGS DANG, NAS LA,) AOm AAGNA YE (NAS) BA HA N'A YA, AOm MAH'A BE G'A YA, BDAG CAG DPON SLOB (SOGS DANG, SPAN MA LA,) AOm AAGNA YE? NAS? BA HA N'A YA, AOm MAH'A B'A LA YA, BDAG CAG DPON SLOB (SOGS DANG, GRO? LA) AOm AAGNA YE (NAS) BA HA H'A YA, AOm BADZRA GHASMA RE, BDAG CAG DPON SLOB (ZHES PA NAS,) SHANTIm KU RU YE SV'AH'A, (ZHES CI RIGS PAR PHUL NAS,)
, ,(RDZAS KHYAD PAR BA LA,) AOm AAGNA YE (NAS) BA HA N'A YA, BDAG CAG DPON SLOB 'KHOR DANG BCAS PA RNAMS KYI TSE 'KHOR BA THOG MED NAS BSAGS PA'I SDIG SGRIB NYES LTUNG GI TSOGS THAMS CAD DANG, KHYAD PAR DU YANG TING NGE 'DZIN MI GSAL ZHING SNGAGS MA DAG PA DANG CHO GA CHAD LHAG LA SOGS PA'I NYES PA THAMS CAD SHANTIm KU RU YE SV'AH'A, (ZHES LAN GCIG 'BUL, 'DIR BSNYEN PA'I KHA SKOD LA STABS BDE BA'I DBANG DU BYAS TE SPEL TSIG DKYUS LTAR GYIS 'KRUS PAR BYAS KYI, SO SO'I SPEL TSIG KHYAD PAR BA SKYOD BAR 'DOD NA GZHUNG DU GSAL BA LTAR GDON KYANG, CHOG GO ,GZHAN YANG LAS SO SO'I SKABS KYI SPEL TSIG SBYOR TSUL KYANG SHES DGOS SO,, DE NAS,) AOm A'A: HR'I: (SOGS LA) AANYTZA MA nAm (DANG,) PROKshA nAm BCUG PAS ZHAL BSIL DANG BSANG GTOR DBUL, GNYIS PA 'JIG RTEN LAS 'DAS PA'I MI LHA MCHOD PA NI,) ME LHA'I THUGS KAR ME GRU GSUM RAB TU 'BAR BA'I DBUS SU, BHRUm YONGS SU GYUR PA LAS GZHAL YAS KHANG GRU BZHI SGO BZHI GSER GYE RAB BZHIN GYI RTA BABS BZHI DANG BCAS PA, (ZHES PA NAS,) AA LAS ZLA BA'I DKYIL 'KHOR RE RE, ZHES (PA'I BAR SGRUB THABS LDAR LA) DBUS KYI GDAN GYI STENG DU H'Um DANG RDO RJE LAS SKYES PA'I DPAL DUS KYI 'KHOR LO DRI MA MED PA'I 'OD ZER LNGA 'PHRO BA SKU MDOG SNGON PO, (ZHES PA NAS,) DPAG BSAM GYI SHING SER PO, AA DANG RDO RJE LAS SKYES PA'I MI BSKYOD PA LJANG KHU, (ZHEG PA NAS,) SHER PHYIN MAS 'KHYUD PA GTZO BO'I LUS LA DBYER MED DU ZHUGS, A'A DANG RDO RJE LAS SKYES PA'I RDO RJE DBYINGS KYI DBANG PHYUG MA LJANG KHU, NAS, RDO RJE SEMS DPAS 'KHYUD PA SNA TSOGS YUM LA ^ BYER MED DU ZHUGS, SLAR YANG RDO RJE SEMS DPA' LA RDO RJE DBYINGS KYI DBANG PHYUG MAS 'KHYUD PA GTZO BO LA ZHUGS SHING, SHER PHYIN MA LA MI BSKYOD PAS 'KHYUD PA SNA TSOGS YUM LA DBYER MED DU
(ZHES PA NAS,) TZA SDE RING THUNG BRTZEGS PA SOGS LAS SKYES PA'I MCHOD PA'I LHA MO RNAMS DKYIL 'KHOR GYI 'DOD SNAM LA 'KHOD PAR GYUR, (ZHES PA'I BAR LHA RNAMS KYI MNGON RTOGS NI LAS RGYAL MCHOG GI SKABS) LTAR LA SPROS TE ZHES PA'I TSIG 'DOR, RANG GI SNYING GAR H'Um DANG RDO RJE LAS SKYES PA'I RDO RJE SHUGS (ZHES PA NAS) MDUN GYI NAM MKHAR SPYAN DRANGS, RDO RJE SHUGS RANG GI SNYING GAR THIM, GANDHAm (SOGS KYIS MCHOD,) BADZRA BHEE RE WA AA KARshA AA DZA: DZA: H'Um BAm HO: HI, YE SHES LA RNAMS DAM TSIG PA SO SO DANG RO MNYAM DU GYUR, RANG GI SNYING GA'I H'Um GI 'OD ZER GYIS (ZHES PA NAS,) ZHES DBANG BSKUR BAS GTZO BO LA MI BSKYOD PA DANG, YUM LA RDO RJE SEMS DPA' SOGS RANG RANG GI RIGS KYI BDAG PO MCHOG GI SPRUL SKU'I RNAM PA CAN GYIS RGYAS BTAB PAR GYUR CING, SKU LAS 'OD ZER DKAR PO'I TSOGS 'PHRO BAR GYUR (PAR BSAM LA,) DAG CING DRI MED YID 'ONG BA'I, ,SNGAGS KYI BSANG GTOR TSOGS 'DI DAG ,BDAG GIS DAD PAS DBUL LAGS NA, ,BZHES NAS BDAG LA BKA' DRIN SCOL, ,AOm A'A: HR'I: (SOGS LA) PROKshA nAm, AANYTZA MA nAm, AARGHAm, P'ADYAm (SBYAR BA SA CHU BZHI,) LHA YI ME TOG DAM PA 'DIS, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYER DGONGS TE, ,MGON POS MCHOD PA 'DI BZHES SHIG ,AOm SHR'I K'A LA TZAKRA SA PA RI W'A RA PUshPE PRA T'ITZTSA NA MA: (DE BZHIN DU SHAPTA'I BAR SBYAR BAS NYOR SPYOD,) GANDHAm (SOGS KYIS LHA MO BCU GNYIS KYIS MCHOD,) AOm SHR'I K'A LA TZAKRA MAndA LA SA PA RI W'A RA BHYA: NA MA: (ZHES PAS NANG MCHOD 'BUL,) MCHOG SBYIN RDO RJE (SOGS 'DUD NYI SHUS BSTOD,) LHA RNAMS KYI LJAGS RDO RJE'I RNAM
, ,PA CAN DKAR PO LA H'Um YIG GIS MTSAN PAR GYUR, AOm A'A: H'Um HO HKshMLLBRYAm H'Um PHAt, (LAN 'DUN GYI MTHAR,) BDAG CAG DPON SLOB 'KHOR DANG BCAS PA RNAMS KYI TSE 'KHOR BA THOG MED NAS BSAGS PA'I SDIG SGRIB NYES LTUNG GI TSOGS THAMS CAD DANG, KHYAD PAR DU YANG TING NGE 'DZIN MI GSAL ZHING SNGAGS MA DAG PA DANG CHO GA CHAD LHAG LA SOGS PA'I NYES PA THAMS CAD SHANTIm KU RU YE SV'AH'A, (ZHES MAR KHU DGAD BLUGS BDUN PHUL NAS GSOL BA BTAB PAS 'PHRIN LAS MDZAD PAR ZHAL GYIS BZHES PAR BSAM, DE NAS YAM SHING NAS KHYAD PAR BA'I RDZAS KYI BAR LA, GTZO BO LA SNYING PO LAN BDUN DANG,) PHRAm BI SHVA MA TA (DANG,) AOm AA A'A AAm AA HA H'A HAm HA SV'AH'A, (ZHES DANG,) AOm AA A'A AI A'I Ri R'i AU A'U Li L'i AAm AA SV'AH'A, (ZHES DANG,) AOm AA A'A AE AEE AAR A'AR AO AOO AAL A'AL AAm AA SV'AH'A, (ZHES DANG,) AOm HA H'A YA Y'A RA R'A WA W'A LA L'A HA H'A SV'AH'A, (ZHES LAN GSUM GSUM GYIS RE RE'I MTHAR THEL TSIG SNGAR LTAR SBYAR TE 'KHOR LA PHUL,) LHA RNAMS KYI THUGS KA NAS SPROS PA'I SANGS RGYAS RNAMS KYIS BUM PA DKAR PO BDUD RTZI DKAR POS BKAD BA THOGS NAS, SGRUB BYA ZLA BA'I DKYIL 'KHOR LA GNAS PA LA KHRUS BYAS PAS SDIG SGRIB NAD GDON SOGS MI MTHUN PA'I PHYOGS THAMS CAD DAG NAS LUS SHEL LTAR GYUR, (ZHES BRJOD CING, GTZO BO'I SNGAGS KYIS MAR KHU DGANG BLUGS BDUN NAM GSUM 'BUL, DMIGS PA 'DI GONG GI RDZAS KYI SKABS THAMS CAD DU NAN TAN DU BSAM DGOS GSUNG,) AARGHAm, PROKshA nAm, AANYTZA MA nAm (GSUM SNGAGS RKYANG GIS 'PHUL,) SRAB 'JAM YANG BA LHA YI GOS, ,(SOGS DANG,) AOm BADZRA WA SA SYA SV'AH'A, (ZHES PAS GOS ZUNG,) AOm BADZRA TAMBU LA YE SV'AH'A, (ZHES PAS SO RTZIN DBUL,) AOm SHR'I K'A LA TZAKRA SA PA RI W'A RA PUshPE PRA (SOGS NYER SPYOD,)
GANDHAm (SOGS LHA MO BCU GNYIS, GONG LTAR NANG MCHOD 'BUL,) STONG NYID SNYING RJE (SOGS SHO LO KA BZHIS BSTOD, GTOR MA 'BUL NA, NANG MCHOD LTAR BYIN GYIS BRLABS TE,) AOm A'A: H'Um HO: DPAL LDAN DUS KYI 'KHOR LO NI, ,'KHOR DANG BCAS LA GTOR MA ?DRI, (ZHES SOGS LAN GSUM GYIS PHUL, MCHOD BSTOD MDOR BSDUS BYA, GTOR MA MA PHUL KYANG CHOG GSUNG,) AOm PRA NA MA MI SARBA TA TH'A GA TAN (GYIS PHYAG RGYA,) AOm A'A: HR'I: (SOGS KYIS MCHOD YON 'PHUL LA, ME TOG DANG BCAS PA'I THAL MO SBYAR NAS,) GANG YANG BDAG BLO (SOGS DANG,) MA RNYED YONGS SU (SOGS KYIS NONGS BA BZOD PAR GSOL,) BDAG LA DNGOS GRUB (MAS 'DOD DON LA GSOL BA GDAB, CHAD LHAG GI NYES PA ZHI BAR BYA BA'I SEMS KYIS,) AOm BADZRA SATVA A'A: (ZHES PA GSUM MAM BDUN DANG, YIG BRGYA BZLAS RJES,) AOm KHYER KYIS SEMS CAN (SOGS DANG,) AOm A'A: BADZRA MU: YE SHES PA RNAMS RANG BZHIN GYI GNAS SU GSHEGS SHING, DAM TSIG PA RNAMS BDAG NYID LA THIM PAR GYUR, (CES GSHEGS BSDU BYA'O, ,GSUM PA MTHAR 'JIG RTEN PA'I ME LHA MCHOD PA NI,) AOm AAGNA YE (SOGS ME LHA'I SNGAGS LA,) PUshPE (SOGS DANG 'BRU GSUM BTAGS PAS PHYI NANG GI MCHOD PA, AOm A'A: HR'I: (SOGS KYIS BSANG GTOR DANG ZHAL BSIL,) TAMBU LA (SOGS GYI,) WA SA SYA (SA GOS, ME LHA'I SNGAGS LA RDZAS SNGAGS DANG SPEL TSIG BTAGS PAS, YAM SHING NAS RDZAS KHYAD PAR PA'I BAR DGYE SREG RDZAS RNAMS PHUL LA, DRIL BU DKROL ZHING,) 'JIG RTEN DBANG PHYUG TSANGS DBANG MGON GYI SRAS, ,(ZHES SOGS SHO LO KAS BSTOD, DE NAS,) AOm A'A: HR'I: (SOGS KYIS ZHAL BSIL DANG BSANG GTOR, ME LHA'I SNGAGS LA,) PUshPE (SOGS BTAGS PAS NYER SPYOD DANG ROL MOS MCHOD, (GTOR MA SNGAR LTAR BYIN GYIS BRLABS TE,) AOm AAGNA YE (NAS) BA HA N'A YA AA K'A RO MU KHAm SARBA DHARM'A nAm AA DYA NU TPA NAN TVAD AOm A'A: H'Um PHAt SV'AH'A, (ZHES PA LAN GSUM GYIS PHUL, ME LHA'I SNGAGS LA) PUshPE (SOGS SBYAR BAS MCHOD, DRIL SKABS DANG BCAS PAS,) ME STE SREG BYA ZA BA'I LHA, ,
, ,DRANG SRONG RGYAL PO GDON GYI BDAG ,SHAR LHO MO LHA'I TSOGS BCAS LA, ,MCHOD CING BSTOD DE PHYAG KYANG 'TSAL, ,MCHOD SBYIN GTOR MA 'DI SNOMS LA, ,RNAL 'BYOR BDAG CAG 'KHOR BCAS LA, ,(ZHES PA NAS,) YID LA 'DOD PA KUN 'GRUB SHOG ,(CHOS 'PHRIN MAS BCAL? PA'O) A'A: HR'I: (SOGS KYIS MCHOD YON PHUL,) GANG YANG BDAG BLO (NAS) BZOD MDZAD RIGS, ,(CES? 'GO PAR GSOL) AOm BADZRA SATVA A'A: RANG GI DON DANG GZHAN GYI DON, ,SGRUB BYED SREG BYA ZA BA GSHEGS, ,JI BZHIN DUS SU TSUR SBYON CING, ,BDAG GI DNGOS GRUB THAMS CAD SGRUBS, ,(ZHES BSKUL NAS,) AOm BADZRA MU: YE SHES PA RANG BZHIN GYI GNAS SU GSHEGS NAS, DAM TSIG PA ME 'BAR BA'I RNAM PAR GYUR (PAR BSAM, GSUM PA MJUG GI CHO GA NI, LO THUG SGRUB NA GZHUNG LTAR BYA ZHING, LONG YOD NA ME MA SHI BAR DU MA DKRUG PAR BYA, MED NA DRI CHAB DKAR POS ME GZHIL BAR BYAS LA THAL BA CHU BO LA SOGS PAR BSKUR RO,, BDAG BSKYED NYER BSDU DANG THIS BRJOD BYA'O, ,SBYIN SREG 'DI NYID KHUNGS GANG LA BRTEN PA DANG, YUL GANG LA GNANG BA'I KHYAD PAR NI MKHAS GRUB CHIN PO TH'U BKVAN YONGS 'DZIN GYI ZHAL GDAMS THAm YIG LAS, SLOB DPON AA BH'A KA RA'I SBYIN SREG 'OD KYI SNYEL NI RDO RJE 'PHRENG BA'I DKYIL 'KHOR THAMS CAD KYI KHA SKOR DU BRTZAMS LA YIN LA DUS 'KHOR YANG DE'I GRANGS SU YOD PAS, 'DI LTAR BYAS CHOG PA LA THE TSOM MED DO, ,RJE THAMS CAD MKHYEN PA NAS BZUNG DGE LDAN PA'I MKHAS GRUB THAMS CAD KYIS SBYIN SREG GI CHO GA 'DI NYID GZHIR BZHAG PA LA RANG RANG GI SOGS CHOS RNAMS BSNAN NAS MDZAD 'DUG PA BZHIN 'DIR YANG DE BZHIN DU BKOD PA YIN, MKHAS GRUB RIN PO CHE'I GSUNG BKOD BZHIN DU DPAL 'KHOR BDE CHEG GYI TSOGS 'DON DU YANG DUS 'KHOR GYI SBYIN SREG 'OD SNYE LTAR TSUGS YOD PAR, GSUNGS 'DUG GO, RGYAL DBANG BSKAL BZANG RGYA MTSO'I DRIS LAN ZHIG CHU SBYIN SREG, 'OD SNYE LAS BSHAD PA BZHIN YI DAM SPYI 'GRO'I SBYIN SREG GI RDZAS CHEN BCU GNYIS DANG, CHO GA YANG DMIGS GSAL LHA SNGAGS KYI KHA SGYUR DGOS RIGS MA GNYOGS GZHAN LA 'OD SNYE BZHIN BYAS KYANG MI RUNG
BA MED PAS, DE BZHIN BYA BAR 'DOD NA BA SO LHA DBANG CHOS KYI RGYAL MTSAN GYIS MDZAD PA'I DUS 'KHOR THUGS DKYIL GYI SBYIN SREG LAS SHES PAR BYA'O, ,ZHES GSUNGS, 'DI NI GRVA RKYANG RDZAS SA DANG YE BYAD MI 'DZAM PA RNAMS LA MKHAm BAR MTHONG NAS BRIS PA YIN GYI, BLA CHEN BSTAN PA SPYI LA DGONGS MKHAN DANG BLA CHUNG DBANG GIS BRJE TSOD BYED 'DOD RNAMS KYIS LUGS 'DI'I THUN MONG MA YIN PA'I SBYIN SREG LTAR BYAS NA LEGS SO, ,ZHES STZAL 'DUG STE THUGS SHIN CHU MAD CING BKA' DRIN, MCHOG TU CHE BAR SNANG NGO,,) SMRAS PA, RGYUD DON SGO LCAGS MAN NGAG LDE MIG GIS, ,LOGS DGROL SREG CHOG 'PHRUL GYI MCHOD SBYIN 'DIS, ,DAM LDAN RNAL 'BYOR 'DOD LHA MNYES BYAS SHING, ,DNGOS GRUB NAM MKHA'I MDZOD LA DBANG 'BYOR SHOG ,(CES DPAL DUS KYI 'KHOR LO'I BSNYEN PA'I KHA SKOR GI SBYIN SREG 'OD SNYE LTAR 'BUL BA'I DAG 'DON 'KHRIGS CHAGS SU BKOD PA 'PHRUL GYI MCHOD SBYIN ZHES BYA BA 'DI NI, ^ TH'U BKVAN YONGS 'DZIN GYI ZHAL GDAMS THO MIG LTAR GYI NGAG 'DON BKAGS CHOG MA ZHIG YOD NA, SPYI 'GRO ,SBYIN SREG GI CHO GA BLO LA MA BYANG BA DAG LA PHAN THOGS CHE BAR 'DUG CES DPYOD LDAN 'GA' ZHIG NAS MOL MCHOD BYUNG BAR BRTEN, MANG THOS RIG SMRA'I BRTUL ZHUGS 'CHAD PA'I BTZUN GZUGS 'JAM DBYANGS DGYES PA'I SHES GNYEN ZHES BYA BAS, DPAL RI DGE RGYAS KYI MDUN SHOD CHOS 'GRVA BKRA SHIS CHOS 'BYOR GLING CHU SBYAR BA DGE LEGS 'PHEL,, ,,