, ,(DPAL DUS KYI 'KHOR LO'I BSNYEN YIG GI BRJED THO RDO RJE'I PHRENG RGYAN ZHES BYA BA BZHUGS SO, ,)
, ,NA MO GU RU SHR'I A'A DI BUDDH'A YA, 'DIR DPAL DUS KYI 'KHOR LO'I DBANG DANG RJES GNANG MAN NGAG RNAMS THOB CING DAM TSIG DANG SDOM PA BSRUNG BA'I GANG ZAG GIS LAS RUNG GI BSNYEN PA JI LTAR BYED PA'I RIM PA THO TZAM DU 'GOD NA, DAM PAS BYIN GYIS BRLABS SHING YID DANG MTHUN PA'I GNAS SU, BRIS 'BUR GYI SKU CI RIGS DGRAM, DKYIL 'KHOR PA LA 'BUL RGYU'I GTOR MA GCIG, SRUNG MA DRUG CU, MKHA' 'GRO, ZHING SKYOD RNAMS LA GTOR MA RE RE, MCHOD PA TSOGS ZHING LA DRI CHAB, ME TOG, SPOS, MAR ME, KHAMS STAR SOGS 'BRAS BU, ZHAL ZAS, DAR GOS BCAS DANG, DKYIL 'KHOR LA LA DE DAG DANG CHU BZHI BCAS BSHAMS, MTSAMS LA 'JUG PA'I THOG MAR SRUNG MA SDE DRUG, MKHA' 'GRO, ZHING SKYONG RNAMS LA 'BUL RGYU'I MCHOD GTOR DANG, BGEGS GTOR, GUL YUNGS, 'THOR 'BRU, NANG MCHOD, RDOR DRIL, CANG TE'U, BGRANG PHRENG RNAMS 'DU BYA'O, ,DE NAS GZHUNG LTAR SKYABS SEMS SNGON DU BTANG LA, SKAD CIG DKRONG BSKYED BYAS TE BGEGS GTOR BTANG, DE NAS NANG MCHOD, MCHOD PA, GTOR MA RNAMS BYIN GYIS BRLABS, PHYI ROL MCHOD CHOG GAM SGRUB THABS LTAR SRUNG MA SNGE DRUG, MKHA' 'GRO, ZHING SKYONG RNAMS LA MCHOD GTOR PHUL TE 'PHRIN LAS BCOL, THO BSKYED CHOG SPYI LTAR BYA, DE NAS, RANG NYID BCOM LDAN 'DAS DUS KYI 'KHOR LO ZHAL GCIG PHYAG GNYIS PAR GSAL BA'I ZHES PA NAS, RDZOGS PA'I BYANG CHUB SGRUB PAR BGYI, ZHES PA'I BAR TSAR GCIG BRJOD RJES, MAndAL PHUL NAS, BLA MA DANG BCOM LDAN 'DAS DPAL DUS KYI 'KHOR LO DBYER MI PHYED PA'I LHA TSOGS RNAMS KYIS BDAG GI RGYUD BYIN GYIS BRLABS
, ,TE, BSNYEN SGRUB KYI LAS RNAMS MTHAR PHYIN TE, 'JIG RTEN DANG 'JIG RTEN LAS 'DAS PA'I DNGOS GRUB THAMS CAD BDE BLAG NYID DU STZAL DU GSOL, ZHES GSOL BA BTAB PAS TSOGS ZHING RNAMS BDAG NYID LA THIM PAR BSGOM, DNGOS GZHI'I NYIN THOG MAR BDUD RTZI RIL BU 'AM BYIN GYIS BRLABS PA'I NANG MCHOD LCE THOG TU BZHAG PAS KHA NGAG PAR BYAS, BRGYUD 'DEBS BTANG, SKAD CIG DKRONG BSKYED, NANG MCHOD BYIN RLABS RDOR DRIL BYIN RLABS, MCHOD PA BYIN RLABS, MAndAL, RDOR SEMS BSGOM BZLAS, BSRUNG 'KHOR BSGO PA? RGYAS BSDUS GANG MOS BYA, BSRUNG 'KHOR BSTAS PA TSO? LAS MA LCOGS TSO SNGON 'GRO'I GTOR BYAS NA LEGS GSUNGS DE NAS SNGON 'GRO TSOGS GNYIS BSAG PA, DNGOS GZHI RNAL 'BYOR BZHI BSGOM PA RNAMS DKYUS LTAR, BGRANG PHRENG BYIN RLABS BYAS NAS, BZLAS DMIGS GSAL GDAB, SNGAGS 'KHOR GSAL GDAB TSUL NI, GTZO BO'I THUGS KAR SNYING BO'I SNGAGS BZLAS SKABS ZLA DKYIL GYI DBUS SU RNAM BCU DBANG LDAN GYI YI GE'I MTHAR, AOm A'A: HUm HO H'Um PHAt KYIS BSKOR BA BYA BAR PAn CHEN KUN GZIGS KYIS GSUNGS, RNAM BCU DBANG LDAN KYANG KHAMS SO SO'I KHA DOG CAN NAM, SKU MDOG DANG MTSUNGS PAR SNGON PO 'AM, LAS THAMS CAD PA'I DON DU LJANG KHUR BSGOM KYANG RUNG LA, BSNYEN PA'I SKABS YUM GYI SNGAGS LOGS SU BZLA DGOS PAR BSHAD DO, ,BZLAS PA'I MJUG TU YIG BRGYA BRJOD, MCHOD BSTOD BDUD RTZI MYANG BA DKYUS LTAR LA GSANG MCHOD BYA DGOS, DKYIL 'KHOR NYER BSDU BYA ZHING, SKAD CIG GIS LHA'I SKUR LANGS TE BSNGO SMON SHES BRJOD SOGS BYA'O, ,THUN MTSAMS SU DKYIL 'KHOR PA LA GTOR MA 'BUL BA SKABS DANG BSTUN, THUN GNYIS PA SOGS LA
RDOR DRIL BYIN RLABS, MAndAL, RDOR SEMS BSGOM BZLAS, BSRUNG 'KHOR, 'PHRENG BA BYIN RLABS RNAMS BZHAG, THUN BZHI KAR SGRUB THABS RGYAS PA MI LCOGS NA THUN PHYI MA GSUM MAM, BAR BA GNYIS LA SGRUB THABS BSDUS PA BYA, GTOR 'BUL THUN THOG MTHA' GNYIS SAM, THUN BZHI PA'I MJUG NYID DU BYAS KYANG RUNG NGO, ,BSNYEN PA'I GRANGS NI, DBANG BSKUR RAB GNAS SBYIN SREG SOGS KYI LAS RUNG TZAM LA GTZO BO'I SNYING PO 'BUM, YUM DANG THUGS DKYIL GYI LHA RNAMS LA KHRI PHRAG RES CHOG PAR RJE YAB SRAS KYIS BZHED PA LTAR RO, ,BSNYEN PA'I GRANGS SKYEL BA'I GO RIM KYANG, GTZO BO'I SNGAGS GRANGS BSAGS TSAR NAS 'KHOR RNAMS LA RIM BZHIN GSOG PA DANG, DE TSAR NA YE SHES PA 'BEBS PA'I SNGAGS GRANGS GSOG PA DANG, YANG NA THUN GCIG LA GTZO BO'I SNGAGS STONG BZLAS NA 'KHOR RANG YE SHES 'BEBS SNGAGS BRGYA PHRAG RE BZLAS TE, GTZO BO'I SNGAGS RDZOGS PA'I TSE 'KHOR DANG YE SHES 'BEBS SNGAGS KHRI PHRAG RE 'GRO BA'I PHYAG LEN GNYIS 'DUG PA LAS GANG BDE BYA'O, ,YE SHES PA 'BEBS SNGAGS BZLA TSUL NI, RANG GI THUGS KA'I H'Um GI 'OD ZER GYIS PHYOGS BCU'I SANGS RGYAS THAMS CAD BCOM LDAN 'DAS DUS KYI 'KHOR LO'I DKYIL 'KHOR GYI LHA TSOGS KYI RNAM PAR SPYAN DRANGS PA NAM MKHA'I KHAMS GANG BA THAMS CAD RANG GI LUS KYI NANG DU ZHUGS PAR GYUR BAR BSAM LA, AOm A'A: HUm HO HKSHMLWRYAm H'Um PHAt, AOm A'A: RA RA RA RA, LA LA LA LA, BADZRA AA BE SHA YA H'Um, ZHES PA 'DI KHRI TSO RE BZLA BA PHYAG BZHES SU 'DUG GO, THUN MTSAMS SU KHA ZAS KYI RNAL 'BYOR SOGS SGRUB THABS NAS 'BYUNG BA LTAR BYA ZHING, BSNYEN MTSAMS MA GROL GYI BAR SKYID SDUG CI BYUNG YANG KHYED SHES SNYAM DU BLA MA LHA
, ,LA BLO LING GIS 'GEL BA SHIN TU GNAD CHE BAR GSUNGS SO, ,MJUG TU TSOGS MCHOD PHYAG LEN BZHIN DANG, BSNGO SMON SHIS BRJOD RGYAS PAR BYA'O, ,KHA SKOR GI SBYIN SREG NI, DUS 'KHOR RANG LUGS LTAR BYED MI NUS NA, BSNYEN PA'I KHA SKOD LA SLOB DPON AA BHY'A KA RA'I SBYIN SREG 'OD KYI SNYE MA LAS BSHAD PA BZHIN, YI DAM SPYI 'GRO'I SBYIN SREG GI CHO GAS 'BUL NA 'JUG PA BDE BAR MNGON NO, ,DE YANG BSNYEN MTSAMS LA 'JUG PA'I SNGOM ROL NAS, YI DAM SPYI DANG SGOS KYI BSNYEN YIG SOGS KYI GZHUNG LA BLTA RTOG, BLA MA LA DOGS ZHU, GROGS MCHED DANG GROS BSDUR SOGS KYI SGO NAS, BSNYEN PA'I SBYOR DNGOS RJES KYI CHO GA MTHA' DAG GI DMIGS GNAD DANG PHYAG BZHES KYI RIM PA THAMS CAD ZHI BA MOR NAD BYAN CHUD PA NI, CIS NAS KYANG MED DU MI RUNG BA'I MAN NGAG GI GNAD KYI NGON PO YIN LAGS SO,, (ZHES PA 'DI NI ^ BTZUN GZUGS SNYOMS LAS PA 'JAM DBYANGS DGYES PA'I BSHES GNYEN ZHES BYA BAS, DUS 'KHOR GYI BSNYEN YIG GI NANG NAS SNYING BO BTUS TE RANG GI BRJED BYANG DU BKOD PA ZHIG STE, YUL DANG DUS MTHAR DPAL DUS GYI 'KHOR LO'I BSTAN PA'I ZHABS 'DEGS SU GYUR CIG, ,,SARBA MANGGA? LAm,,)
[BLANK PAGE]