*, ,DUS KYI 'KHOR LO'I BLA MA'I RNAL 'BYOR DANG 'BREL BAR BSDUS RGYUD SNYING PO 'DON THABS STONG GZUGS MYUR LAM ZHES BYA BA BZHUGS SO,,
, ,NA MO GU RU SHR'I K'A LA TZAKRA'A YA, ('DIR DUS KYI 'KHOR LO'I BLA MA'I RNAL 'BYOR ZAB KHYAD CAN DANG 'BREL BAR BSDUS RGYUD SNYING PO KHA 'DON DU BYA BAR 'DOD PAS, YID MTHUN GYI GNAS SU RTEN DKRAM ZHING MCHOD PA BSHAMS LA, SKYABS YUL GSAL BTAB CING DGE SEMS KHYAD PAR CAN GYI NGANG NAS,) SANGS RGYAS SLOB DPON DBANG MCHOG THOB, ,DES BSTAN THABS SHES DBYER MED CHOS, ,DER GNAS DGE 'DUN RNAM GNYIS LA, ,RAB TU DAD PA'I SKYABS SU MCHI, ,DUS 'DI NAS BZUNG BYANG CHUB BAR, ,BYANG CHUB SEMS NI BSKYED BGYI ZHING, ,BSAM PA RNAM PAR DAG PA BSKYED, ,BDAG DANG BDAG GIR 'DZIN PA SPANGS, (,ZHES SKYABS SEMS SNGON DU BTAB,) BDE CHEN NGANG NAS RANG NYID BLA MA LHAR, ,GSAL PA'I SKU LAS 'OD 'PHROS SNOD BCUD KUN, ,DAG PA'I 'KHOR LOR GYUR ZHING MCHOD RDZAS RNAM, ,KHYAD PAR GSUM LDAN MCHOD SPRIN RGYA MTSOR GYUR, (,ZHES SNOD BCUD BYIN GYIS BRLABS,) DMIGS MED BDE BA MCHOG GI MKHA' DBYINGS SU, ,STONG GZUGS PHYAG RGYA'I CHEN PO SGYU 'PHRUL GAR, ,DPAL LDAN BLA MA MCHOG DANG DBYER MED PA'I, , NAD PO'I SANGS RGYAS BCOM LDAN DUS 'KHOR LO, ,NAM MKHA'I MDANGS DANG 'DRES PA'I MIG SMAN MDOG ,NAG DMAR SER DANG DKAR PA'I ZHAL BZHI BA, ,PHRAG PA DRUG DANG DPUNG PA BCU GNYIS DANG,,
, ,NYER BZHI'I PHYAG RNAMS NAG DMAR DKAR BAS PHYE, ,SNA TSOGS PHYAG MTSAN 'OD ZER RAB TU 'BAR, ,THOR TSUGS ZLA PHYED SNA TSOGS RDO RJES BRGYAN, ,RNAM MANG RDO RJE'I RGYAN GYIS KUN NAS KLUBS, ,DAR DPYANGS STONG G-YOGS STAG LPAGS SHAM THABS MDZES, ,DMAR DANG DKAR PA'I ZHABS NI G-YAS BRKYANGS GIS, ,BDUD DANG DRAG PO'I SNYING GAR RAB TU BRDZES, ,GSER MDOG SNA TSOGS YUM NI ZHAL BZHI PA, ,PHYAG BRGYAD LANG TSO'I DPAL DANG LDAN PAS 'KHYUD, ,PAD ZLA NYI MA SGRA GCAN DUS ME'I STENG, ,BRTAN PAR BZHUGS PA'I SKU LAS 'OD ZER TSOGS, ,RAB TU 'BAR PA'I THUGS KAR NYI MA STENG, ,RNAM BCU DBANG LDAN KUN NAS 'BAR BA'I BRGYAN, ,SPYI BO MGRIN PA SNYING GA LTE BA RU, ,AOm A'A: H'Um HO'I YI GES MTSAN PA YI, ,HAm LAS 'OD 'PHROS RGYAL BA SRAS DANG BCAS, ,SPYAN DRANGS BLA MA TSOGS LA THIM PAR GYUR, (,ZHES TSOGS ZHING BSKYED BSTIMS BYAS NAS,) DMIGS MED BDE BA MCHOG DANG STONG GZUGS SKU, ,AE WAm ZUNG 'JUG THABS SHES ROL PA LAS, ,DKYIL 'KHOR RGYA MTSO SPRO DANG SDUD PA PO, ,KHYAB BDAG BLA MA MCHOG LA GUS PHYAG 'TSAL, ,CHU BZHI LHA MO BCU GNYIS 'DOD YON LNGA, ,RDZAS BCU SBYANGS RTOGS SPAR BYAS BDUD RTZI'I MTSO, ,ZAG MED
BDE PA'I DGYES BSKYED PHYAG RGYAR BCAS, ,BDEN GNYIS ZUNG 'JUG YE SHES ROL PAR BZHES, ,THOG MED NAS BSAGS SDIG LTUNG THAMS CAD DANG, ,KHYAD PAR DANG PO'I SANGS RGYAS RGYUD CHEN LAS, , RAB TU BKAG PA'I RTZA LTUNG SPOM PO SOGS, ,NYES BYAS MTHA' DAG SNYING NAS MTHOL ZHING BSHAGS, ,SKYE 'PHAGS KUN GYI DGE LA RJES YI RANG, ,MDO SNGAGS CHOS KYI 'KHOR LO CHAD MED DU,, BSKOR BZHIN SRID MTHA'I BAR DU BRTAN PAR BZHUGS, ,DGE KUN DANG PO'I SANGS RGYAS THOB PHYIR BSNGO, (,ZHES LAN LAG BDUN PA DANG,) GLING BZHI RI RAB NYI ZLA SGRA GCAN DANG, ,DUS ME DANG BCAS RAB 'BYAMS ZHING KHAMS KUN, ,LHA MI'I PHUN SUM TSOGS PAS RAB BKANG STE, ,BLA MA DANG PO'I SANGS RGYAS MNYES PHYIR 'BUL, (,ZHES MAndAL 'BUL,) LHO PHYOGS 'BRAS SPUNGS MCHOD RTEN CHEN PO RU,, STON PA MNYAM MED SH'AKYA'I RGYAL PO NYID, ,THUGS GSUNG SKU YI DKYIL 'KHOR 'KHOR LO YI, ,BKOD PA MCHOG TU SHAR LA GSOL BA 'DEBS, ,RGYUD RGYAL BSDU MDZAD ZLA BA BZANG PO SOGS,, BYANG PHYOGS K'A LA PA YI PHO BRANG CHER, ,CHOS KYI RGYAL SRID SKYONG PA'I RGYAL PO DANG, ,RIGS LDAN RIM PAR BYON LA GSOL BA 'DEBS, ,LHO PHYOGS LJONGS 'DIR DUS ZHABS CHE CHUNG SOGS,
, ,MKHAS DANG GRUB PA'I SKYES BU RIM BYON DANG, ,KHYAD PAR DANG PO'I SANGS RGYAS TZONG KHA PA, ,YAB SRAS BRGYUD PAR BCAS LA GSOL BA 'DEBS, ,KHYAD PAR DUS MTHAR DANG PO'I SANGS RGYAS NYID, ,THA MAL BSHES GNYEN RNAM PAR 'DIR BYON TE, ,DBANG BSKUR RGYUD BSHAD MAN NGAG STZOL MDZAD PA'I, ,DRIN CAN BLA MA MCHOG LA GSOL X BSHES GNYEN BSTEN CING RGYAL BSTAN RNAMS, ,SPROS TE RANG GI SNYING GAR THIM PA LAS, ,RGYUD KYI BSRUNG, ,NYAN BSHAD BSNYEN 'GRUB 'BAD SOGS RGYUD DON KUN, ,DA LTA MNGON DU GYUR BAR BYIN GYIS BRLOBS, ,DE LTAR GSOL BA BTAB PAS BLA MA LHA, ,THUGS KA'I RNAM DBANG DE LAS RGYUD TSIG RNAMS, ,SPROS TE RANG GI SNYING GAR THIM PA LAS, ,RGYUD KYI TSIG DON MNGON GYUR NUS BA BZHAG ,RANG GI MGRIN PA'I LAM NAS RGYUD TSIG RNAMS, ,SPROS PA'I RANG SGRA MKHA' KHYAB TU BSGRAGS PAS, ,'GRO KUN STONG GZUGS PHYAG RGYA CHEN PO'I SKU, ,'GRUB PA'I SA BON RGYUN LA BSGRUB PAR GYUR, (,PAR BSAMS LA, TSIG DON DRAN BZHIN PAS BSDUS RGYUD SNYING PO DAG CING GSAL BAR DAL PAS 'DON TSAR TE,) RGYUD RIN PO CHE 'DI NYID KHA 'DON DU BYAS PA'I DGE BA 'DI LA (ZHES PA NAS) RGYUN GYUR CIG (,CES KLONG RDOL RJE'I SMON TSIG DANG,) BLA MA LHA YI THUGS KA'I SNGAGS PHRENG LAS, ,BDUD RTZI'I RGYUN BABS
SPYI BO NAS ZHUGS PAS, ,LUS KYI NANG GANG SDIG SGRIB KUN BYANG ZHING, ,GSANG GSUM BYIN RLABS THAmS THOB PAR GYUR, (ZHES DMIGS PA BCAS,) AOm A'A: GU RU BADZRA DHA RA SU MA TI KIRT'I SIDDHI H'Um H'Um, (ZHES MTSAN SNGAGS,) AOm A'A: H'Um HO HKshMLBRYAm H'Um PHAt, (CES SNYING PO CI GRUB BZLAS) DPAL LDAN BLA MA DUS KYI 'KHOR LO YIS, ,BDAG LA CHU SOGS DBANG BDUN BSKUR DU GSOL, ,DE LTAR GSOL BTAB BLA MA'I THUGS KE NAS, ,SPROS PAS YUM LNGAS CHU YI DBANG BSKUR ZHING, ,SANGS RGYAS LNGA YIS COD PAN DBANG RAB BSKUR, ,DE BZHIN NUS MA BCU YIS DAR DBYANGS DANG, ,GTZO BO YAB YUM GNYIS KYIS RDOR DRIL DANG, ,SEMS DPA' SEMS MA RDO RJE BRTUL ZHUGS DANG, ,KHRO BO KHRO MOS MING GI DBANG RNAMS BSKUR, ,GTZO BO NYID KYIS CHOS BSHAD 'DOGS BCAS DANG, ,DAM TSIG GSUM SBYIN RJES GNANG DBANG BSKUR PAS, ,DAM TSIG SDOM PA'I NYAMS CHAGS THAmS SBYANGS, ,BLA MA LHA LAS RANG 'DRA ZHIG CHANG NAS, ,RANG LA THIM PAS SGO GSUM BYIN RLABS GYUR, (,ZHES TING NGE 'DZIN GYI LAN BDUN BLANGS,,) DE RING NYID NAS MI BZOD 'KHOR BAS 'JIGS PA BDAG NI RGYAL BA RNAMS LA SKYABS SU LHAG PAR MCHI, ,KHYOD KYI ZHABS KYI CHU SKYES NGES PAR SRID PA'I 'JIG 'PHROG DAG LAS LUS NGAG
, ,SEMS NI DAG PAS SO, (,ZHES GSOL BA BTAB NAS,) DKON MCHOG GSUM LA BDAG SKYABS MCHI, (ZHES PA NAS,) YID KYIS BZUNG, (,ZHES BYANG SDOM DANG,) SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, PA DAG (MING 'DI ZHES BGYI BA) DUS 'DI NAS JI SRID BYANG CHUB SNYING PO LA MCHIS KYI BAR TU, JI LTAR DUS GSUM MGON PO RNAMS, (,ZHES PA NAS,) BZUNG BAR BGYI, ,'DOD PA'I RDO RJE LA NI DRIL BU PHYAG RGYA BLA MA DAG KYANG SPYI BOS BZUNG PAR BGYI, ,RIN CHEN LA NI SBYIN PA SBYIN BGYI 'KHOR LO 'DI LA RGYAL BA MCHOG GI DAM TSIG BSKYANG BAR BGYI, ,RAL GRI LA NI MCHOD PA BGYI STE GSAL BAR CHU SKYES RIGS LA SDONG PA DAG NI BSKYANG BAR BGYI, ,SEMS CAN RNAMS NI THAR PA'I SLAD DU RGYAL BA BSKYED MDZAD RIGS LA BYANG CHUB BDAG GIS BSKYED PAR BGYI, ,MA BSGRAL BA RNAMS BSGRAL BAR BGYI X X X 'DAS LA DGOD, (,CES SNGAGS SDOM DANG,) SRID PA'I 'JIGS PA 'JOMS MDZAD PA'I, ,BRTUL BZHUGS NYI SHU RTZA LNGA PO, ,SNA TSOGS GTZO BO'I GSUNG JI BZHIN, ,BDAG GIS RTAG TU BSKYANG PAR BGYI, (,ZHES RTUL ZHUGS NYER LNGA BZUNG,) DPAL LDAN RTZA PA'I (SOGS KYIS BLA MA SNYING GIS BSDU PA DANG,) DENG NAS BRTZAMS TE TSE RABS THAmS DU, (ZHES PA NAS) MCHOG TU 'GYUR PAR SHOG ,
NAM ZHIG 'DI SNANG 'GAG TSE BLA MA LHA, ,SPRUL PA'I LAM STON ZHING MCHOG SHAMBHA LAR, ,SKYES NAS RIGS LDAN BLA MAS RJES BZUNG PAS, ,SMIN CING GROL PA'I SKAL BZANG MNGON GYUR SHOG ,MA 'ONGS RIGS LDAN 'KHOR LOS BSGYUR BA YIS, ,DUM BU BCU GNYIS SA LA DBANG BSGYUR TSE, ,'KHOR GYI THOG MAR GYUR TE DUS 'KHOR LO'I, ,ZAB LAM RIM GNYIS RNAL 'BYOR MTHAR PHYIN SHOG (,CES BSNGO SMON BYA ZHING 'DIR SPRO NA SHAMBHA LA'I SMON LAM SOGS 'DON KYANG CHOG LA,) PHYI RU 'JIG RTEN YONGS DAG GZHAL YAS KHANG, ,NANG DU BCUD RNAMS RNAM DAG YE SHES LHA, ,GZHAN DU AE WAm ZUNG 'JUG DGE MTSAN GSUM, ,JI SNYING MCHIS DES DENG 'DIR BDE LEGS SHOG (,CES SHIS BRJOD BYA'O,, GZHAN YANG 'DIR GONG GI BSDUS BRGYUD SNYING PO'I TSAB TU 'JAM DPAL MTSAN BRJOD DAM BSDUS RGYUD CHEN MO LTA BU BCUG STE 'DON KYANG RUNG NGO,,) ,, RANG NYID SKAD CIG 'OD GSAL CHOS SKU DANG, ,BCOM LDAN DUS KYI 'KHOR LO ZHAL GCIG PA, ,PHYAG GNYIS SNA TSOGS YUM LA 'KHYUD PA YI, ,MTSAN DPE'I GSAL RDZOGS 'BAR BA'I BDAG NYID GYUR,, ,,