*, ,RTEN GSUM RNAMS LA SNYAN SHAL SPYAN GZIGS NA BZA' SOGS PHUL BA'I 'DOD GSOL GYI SKOR BZHUGS @1 #, ,LCAGS RTA DGU GTOR SKABS CHOS BSRUNG RGYA MTSO'I TSOGS LA GTANG RAG 'PHRIN BCOL GYI SNYAN SHAL PHUL BA'I ZHAL YIG TU, ` MGON KHANG CHEN MO'I 'JIGS BYED DANG SNGAGS KHANG GI MGON KHANG DU 'JIGS BYED GNYIS, 'DU KHANG GI LOGS BRIS, GZIMS KHANG MGON KHANG GI 'JIGS BYED RNAMS SO SO LA, H'Um; MA RUNGS DGRA BGEGS 'BYUNG PO SKRAG MDZAD PA'I, ,BCOM LDAN GSHIN RJE GSHED PO KHYOD NYID LA, ,SNYAN SHAL YID 'ONG LHA RDZAS 'DI PHUL BAS, ,ZLA MED STON PA THUB PA'I BSTAN PA DANG, ,KHYAD PAR RGYAL BA GNYIS PA TZONG KHA PA'I, ,BSTAN LA GNOD BYED DGRA BGEGS GDUG PA'I TSOGS, ,THAL BA'I RDUL PHRAN BZHIN DU BRLAG PA DANG, ,'GRO KUN BDE LDAN RNAL 'BYOR BU BZHIN SKYONGS,, ` MGON KHANG CHEN MO DANG, SNGAGS KHANG MGON KHANG, 'DU KHANG GI LOGS BRIS BCAS KYI MGON
, ,PO LA, H'Um 'GRO BA'I MGON PO 'PHAGS MCHOG SBYAN RAS GZIGS, ,GDUL DKA' 'DUL PHYIR KHRO BO'I SKUR BSTAN PA, ,MYUR MDZAD YE SHES MGON PO 'KHOR BCAS LA, , BEE d'URYA YI MDANGS LDAN LHA RDZAS 'DI, ,PHUL BAS SANGS RGYAS BSTAN PA DAR ZHING RGYAS, ,BSHAD SGRUB YAR NGO'I ZLA LTAR 'PHEL BA DANG, ,MAR GYUR 'GRO BA'I SDUG BSNGAL MI BZAD PA, ,CHER DGONGS THUGS RJE'I SHUGS KYIS RAB BCIL NAS, ,BLA MED RDZOGS BYANG MYUR DU THOB PAR MDZOD,, ` GNYER GTAD DANG GZIMS KHANG GI MGON PO LA, H'Um SANGS RGYAS KUN GYI MTHU STOBS MA LUS PA, ,GCIG TU BSDUS PA MYUR MDZAD THUGS RJE CAN, ,'KHOR DANG BCAS PA MNYES PAR BYA BA'I PHYIR, ,BKRA SHIS RE KHAS MTSAN PA'I SNYAN SHAL 'DI, ,LHAG BSAM RNAM PAR DKAR BAS 'BUL LAGS NA, ,DGYES SHING BZHES LA MKHA' MNYAM 'GRO BA KUN, ,BLA NA MED PA'I GO 'PHANG SGRUB PA'I GEGS, ,MTHA' DAG SEL ZHING MTHUN RKYEN 'GRUB PAR MDZOD,, ` MGON KHANG CHEN MO DANG, SNGAGS KHANG GI MGON KHANG, 'DU KHANG, GZIMS KHANG GI
MGON KHANG RNAMS KYI MGON DKAR LA, H'Um 'CHI MED 'DOD DGU'I MCHOG STZOL YID BZHIN NOR, ,'KHOR BCAS DGYES PHYIR SNYAN SHAL 'DI PHUL BAS, ,'GRO DRUG PHA MAR GYUR PA'I SEMS CAN RNAMS, ,TSE THUNG DBUL PHONGS DU: KHA LAS BSGRAL TE, ,JI LTAR BSAM PA'I DON RNAMS 'GRUB PA DANG, ,MKHA' SPYOD THAR PA'I GLING DU 'KHRID PAR MDZOD,, ` MGON KHANG CHEN MO DANG, SNGAGS KHANG MGON KHANG, GZIMS KHANG GI MGON KHANG BCAS KYI MGON PO'I YUM LA, BHYOO: 'DOD PA KHAMS KYI DBANG PHYUG MKHA' 'GRO'I GTZOR, ,BKRA SHIS RTAGS KYIS MTSAN PA'I SNYAN SHAL 'DI, ,PHUL BAS MI MTHUN RGUD PA ZHI BA DANG, ,BSHAD SGRUB BSTAN PA DAR ZHING RGYAS PAR MDZOD,, ` MGON KHANG CHEN MO, SNGAGS KHANG GI MGON KHANG DANG 'DU KHANG, GZIMS KHANG GI MGON KHANG BAS KYI CHOS RGYAL LA, DZA: GSHIN RJE'I RGYAL PO 'KHOR DANG BCAS PA LA, ,GNAM SNGON MDANGS CHAGS RAB BKRA'I LHA RDZAS 'DI, ,PHUL BAS DGON GNAS DGE 'DUN SDE BCAS LA, ,GZHAN GYI BSAM SBYOR NGAN PA ZHI BAR MDZOD, ,NYI MA'I GNYEN DANG KHYAD PAR TZONG KHA PA'I, ,BSTAN PA MI NUB PHYOGS BCUR DAR ZHING RGYAS, ,DE 'DZIN SKYES CHEN DAM PA'I SKU TSE BRTAN, ,'PHRIN LAS MNGA' THANG YAR ZLA LTAR 'PHEL MDZOD,, ` MGON KHANG CHEN MO DANG, SNGAGS KHANG MGON KHANG, GZIMS KHANG GI MGON KHANG BCAS KYI CHOS RGYAL GYI YUM LA, BHYOO: GSHIN RJE'I RGYAL PO MNYES BYED MKHA' 'GRO'I GTZOR, ,YID 'ONG MDZES PA'I LHA RDZAS 'DI 'BUL GYIS, ,MA RUNGS BDUD RIGS 'BYUNG PO TSAR CHOD LA, ,BSAM DON MA LUS YID BZHIN 'GRUB PAR MDZOD,, ` MGON KHANG CHEN MO
, ,DANG, GZIMS SER, BYAMS KHANG STENG GI LHA MO LA, BHYOO: DAM NYAMS 'DUL MDZAD DMAG ZOR RGYAL MO LA, ,MAR GA TA YI MDANGS LDAN LHA RDZAS 'DI, ,DGYES PA BSKYED PHYIR 'BUL GYI BZHES MDZOD LA, ,BDAG CAG 'DUS SDE 'KHOR 'BANGS BCAS RNAMS LA, ,GZHAN GYIS LOG LTA'I BSAM NGAN SBYOR RTZUB DANG, ,MNAN GTAD NGAN SNGAGS DRAG PO'I ZOR 'PHEN SOGS, ,BYED PO RANG GI STENG DU SMIN PA DANG, ,BDAG CAG BSRUNG SKYOB LAS BZHI'I 'PHRIN LAS SGRUBS,, ` SNGAGS KHANG MGON KHANG DANG 'DU KHANG GI LHA MO LA, BHYOO: SRID GSUM DBANG BSGYUR MKHA' 'GRO'I GTZO MO LA, ,MAR GAD MDANGS CHAGS SNYAN SHAL 'DI 'BUL GYI, ,RGYAL BSTAN SPYI DANG KHYAD PAR TZONG KHA PA'I, ,BSTAN PA DAR ZHING RGYAS PA'I 'PHRIN LAS MDZOD, ,'JIG RTEN KHAMS 'DIR MI SHIS RGUD PA KUN, ,MA LUS ZHI ZHING BDE SKYID DBYAR MTSO LTAR, ,CHES CHER GONG 'PHEL BDAG CAG 'KHOR BCAS KYI, ,LAS BZHI'I 'PHRIN LAS THOGS MED 'GRUB PAR MDZOD,, ` GNYER GTAD DANG GZIMS KHANG MGON KHANG GI LHA MO LA, BHYOO: DUS GSUM RGYAL BA'I YUM GCIG MKHA' 'GRO'I GTZO, ,SRID GSUM MA RUNGS 'DUL PHYIR DRAG MO'I SKU, ,KHAMS GSUM 'GRO BA'I GNYEN GCIG RE MA T'IR, ,SGO GSUM DANG BAS SNYAN SHAL LHA RDZAS 'DI; ;'BUL GYI BZHES LA 'JIG RTEN KHAMS RNAMS SU, ,NAD YAMS LO NYES MI MTHUN KUN ZHI ZHING, ,BDAG SOGS 'DUS SDES RNAM DKAR CI BGYIS BA, ,BSTAN 'GROR PHAN BDE 'BYUNG BA'I RGYUR GYUR CIG, ` SNGAGS KHANG GI MGON KHANG
DANG, 'DU KHANG, GZIMS KHANG MGON KHANG GI DPAL MGON ZHAL BZHI BAR, H'Um N'A GA RDZU NA'I BSTAN BSRUNG ZHING SKYONG CHE, ,'KHOR DANG BCAS LA LHA RDZAS 'DI PHUL BAS, ,DGYES SHING BZHES LA DAM NYAMS DGRA BO'I TSOGS, ,THAL BA'I RDUL PHRAN BZHIN DU BRLAG BAR MDZOD, ,RGYAL KHAMS YONGS LA NAD YAMS MU GE DANG, ,'THAB RTZOD LO NYES SANG SER DMAG 'KHRUG SOGS, ,MI MTHUN KUN ZHI TSE BSOD DPAL 'BYOR RGYAS, ,'GRO RNAMS ZHING MCHOG BGROD PA'I GROGS MDZOD CIG, ` SNGAGS KHANG MGON KHANG DANG, 'DU KHANG, GZIMS KHANG MGON KHANG BCAS KYI RNAM THOS SRAS LA, BEE, DBUL PHONGS SEL MDZAD RGYAL CHEN RNAM THOS SRAS, ,DZAMBHA LA DANG RTA BDAG BRGYAD LA SOGS, ,'KHOR BCAS DGYES PHYIR GSER SBYANGS BTZOM YI, ,MDANGS LDAN SNYAN SHAL MDZOS BYED 'DI PHUL BAS, ,'GRO BA'I DBUL PHONGS MA LUS SEL BA DANG, ,DPAL 'BYOR LONGS SPYOD MTHA' DAG RGYAS PAR MDZOD,, ` MGON KHANG CHEN MO, SNGAGS KHANG GI MGON KHANG DANG, 'DU KHANG, GZIMS KHANG GI MGON KHANG BCAS KYI BEG TZE LA, KYEE: DAM NYAMS DGRA BGEGS PHYE MAR 'THAG MDZAD PA'I, ,GNOD SBYIN DREGS PA'I RGYAL PO 'KHOR BCAS LA, ,RAB DMAR BYU RU'I MDANGS LDAN SNYAN SHAL 'DI, ,'BUL GYI BZHES LA BSTAN DGRA RTZAD NAS CHOD, ,KHYAD PAR CHOS GRVA CHEN PO 'DI NYID KYI, ,DGON GNAS 'DUS SDE BDAG CAG 'KHOR 'BANGS BCAS, ,GNYER DU GTAD KYI 'GAL RKYEN ZHI BA DANG, ,MTHUN RKYEN LEGS TSOGS THAMS CAD 'GRUB PAR MDZOD,, ` DKYIL KHANG GI LCAM SRING LA, KYEE: RGYAL BA'I BKA' SRUNGS BEG TZE LCAM SRING DANG,,
, ,BKA' NYAN LAS MKHAN GRI THOGS BSHAN PA SOGS, ,'KHOR DANG BCAS PA DGYES PA SKYED BYED DU, ,PADMA R'A GA'I MDANGS 'PHROG SNYAN SHAL 'DI, ,DANG BAS 'BUL GYI CHOS GRVA CHEN PO 'DI'I, ,DGE 'DUN THUGS MTHUN KHRIMS GTZANG BSHAD SGRUB 'PHEL, ,PHYI NANG MA DAD LOG LTA'I SEMS 'CHANG RNAMS, ,NYER ZHI 'PHRIN LAS G-YEL MED BSGRUB PAR MDZOD,, ` MGON KHANG CHEN MO DANG, SNGAGS KHANG GI MGON KHANG, GZIMS KHANG GI MGON KHANG BCAS KYI GDONG DMAR MA LA; BHYOO: MA RUNGS BSGRAL MDZAD SRING MO GDONG DMAR MAR, ,SHUGS DRAG DANG BAS DGYES PA BSKYED BA'I PHYIR, ,YID 'ONG LHA RDZAS 'DI PHUL SDANG DGRA SOGS, ,NAG PHYOGS BDUD RIGS MA LUS THAL BAR RLOG, ` SNGAGS KHANG GI MGON KHANG DANG GZIMS KHANG MGON KHANG GI LA MO LA, H'Um BLANG DOR GSAL STON LAS BZHI'I 'PHRIN LAS RNAMS, ,BSGRUB MDZAD TSANGS BA CHEN PO 'KHOR DANG BCAS, ,DGYES PHYIR MDZES PA'I LHA RDZAS 'DI 'BUL GYIS, ,BZHES NAS BDAG CAG 'DUS SDE 'KHOR BCAS LA, ,GZHAN GYIS BSAM NGAN BYED DANG BYED 'GYUR RIGS, ,MA LUS DRAG PO'I CHAD PAS SKAD CIG LA, ,TSAR CHOD LAS BZHI'I 'PHRIN LAS BSGRUB PA DANG, ,RTAG TU BSRUNG SKYOB G-YEL MED GROGS MDZOD CIG, ` MGON KHANG CHEN MOR; KshE TRA P'A LA LA, H'Um MGON PO'I BKA' NYAN KshE TRA P'A LA CHE, ,'KHOR DANG BCAS LA LHA RDZAS 'DI 'BUL GYI, ,BDAG DANG MAR GYUR 'GRO BA MA LUS PA, ,THAR LAM BGROD PA'I 'GAL RKYEN ZHI BAR MDZOD,, ` DZI NA MI TRA LA, H'Um DBANG PHYUG DZI NA
MI TRA 'KHOR BCAS LA, ,DGYES PHYIR YID 'ONG LHA RDZAS 'DI 'BUL GYI, ,SANGS RGYAS BSTAN DANG SEMS CAN BDE SKYID KUN, ,DBYAR GYI MCHO LTAR CHES CHER RGYAS PAR MDZOD,, ` tAKKI R'A DZ'A LA, H'Um GSHIN RJE tAKKI'I RGYAL PO 'KHOR BCAS LA, ,MNYES PHYIR MDZES PA'I SNYAN SHAL 'DI PHUL BAS, ,RGYAL KHAMS YONGS KYI MI MTHUN KUN ZHI NAS, ,RTAG TU DGA' BDE'I DPAL LA SPYOD PAR MDZOD,, ` TRA KAshAD LA, H'Um TRA KAshAD CHEN PO 'KHOR BCAS DGYES BYA'I PHYIR,, RAB MDZES LHA YI NA BZA' 'DI 'BUL GYI, ,DGYES SHING BZHES LA BDAG CAG 'KHOR 'BANGS BCAS, ,RTAG TU BSRUNG SKYOB 'PHRIN LAS RNAM BZHI SGRUBS,, ` SNGAGS KHANG GI MGON KHANG DANG, 'DU KHANG, GZIMS KHANG GI MGON KHANG BCAS KYI NE SER PA LA, H'Um LNGA BRGYA'I GTZUG RGYAN JO BO YAB SRAS DANG, ,RGYAL BSTAN GSAL MDZAD DGE 'DUN GRUB DPAL GYI, ,BKA' BSRUNG DGE BSNYEN CHEN POR SNYAN SHAL 'DI, ,'BUL GYI BZHES LA CHOS GRVA CHEN PO YI, ,DGE 'DUN THUGS MTHUN KHRIMS GTZANG MDO SNGAGS KYI, ,GZHUNG LUGS MA LUS GSAL BAR MYUR RTOGS NAS, ,PHYI NANG NYER 'TSE'I BSAM SBYOR ZHI BA DANG, ,'DUS SDE DGON GNAS BCAS PA'I MTHUN RKYEN SGRUBS,, ZHES PA 'DI NI SH'AKYA'I BTZUN PA BLO BZANG DPAL LDAN YE SHES DPAL BZANG POS BKA' GDAMS PHO BRANG DU SBYAR BA'O,, MANGGA LAm,, ` DGRA BGEGS MGO BO GCOD BYED RAL GRI 'DI, ,BCOM LDAN 'JIGS MDZAD DPA' BO LA PHUL BA'I, ,DGE BAS SKYE DANG TSE RABS THAMS CAD DU, ,SHES RAB RAL
, ,GRIS NYON MONGS G-YUL 'JOMS SHOG ,BCOM LDAN 'DAS 'JIGS MDZAD DPA' BO 'KHOR DANG BCAS PA DANG, CHOS SKYONG SRUNGS MA RNAMS KYIS SANGS RGYAS KYI BSTAN PA'I SNYING PO KHAMS GSUM CHOS KYI RGYAL PO SHAR TZONG KHA PA'I BSTAN PA, MKHAS GRUB THAMS CAD MKHYEN PAS RGYAS PAR MDZAD PA 'DI MI NYAMS SHING PHYOGS BCUR RGYAS PA'I 'PHRIN LAS MDZAD DU GSOL,, ZHES PA 'DI RI BO MDANGS CHEN GYI 'JIGS BYED LA SNYAN SHAL MDZOD BTAGS SNA LNGA DANG RAL GRI, CHOS SRUNGS RNAMS LA SNYAN SHAL MDZOD BTAGS RE BCAS 'BUL SKABS BGYIS PA'O,, ` 'JIGS BYED DPA' BO GCIG PA SLE'U MAR, H'Um; RAB 'JIGS MA HE'I ZHAL GYIS DGA' MA'I BDAG ,BDUD DPUNG BYE BA PHRAG BRGYA BCAS 'JOMS SHING, , ZHAL LHAG BRGYAD DANG BCU DRUG SO BZHI YIS, ,MA RUNGS 'DUL MDZAD BCOM LDAN GSHIN RJE GSHED, ,GDUG PA'I KHRAG DRON BTUNG BAS RAB MYOS MA, ,BETT'A LthIS 'KHYUD BCU GSUM 'KHOR LO'I TSOGS, ,DGYES PA SKYED BYED LHA RDZAS 'DI 'BUL GYI, ,BZHES LA RNAL 'BYOR BDAG GI RIM GNYIS KYI, ,BGROD TSUL MA LUS LEGS PAR MTHAR PHYIN NAS, ,RDO RJE 'CHANG GI GO 'PHANG MCHOG STZOL MDZAD,, ` MGON PO PHYAG DRUG PA LA, H'Um; SHIN TU ZHI BA'I RJE BTZUN THUGS RJE CAN, ,LOG 'DREN 'JOMS PHYIR DRAG PO'I SKUR BSTAN PA, ,PHYAG DRUG YE SHES MGON PO 'KHOR BCAS LA, ,DGYES PA SKYED PHYIR LHA RDZAS 'DI 'BUL GYI, ,MAR GYUR 'GRO BA'I SDUG BSNGAL KUN BCOM NAS, ,MYUR DU SANGS RGYAS GO 'PHANG THOB
PAR MDZOD,, ` DAM CAN CHOS RGYAL LA, DZA: RGYAL BA GNYIS PA RJE BTZUN TZONG KHA PA'I, ,BSTAN BSRUNG KUN GYI GTZOR GYUR SDIG CAN GSHED, ,CHOS KYI RGYAL PO GSHIN RJE'I TSOGS BCAS LA, ,MIG SMAN MDOG CAN LHA RJAS 'DI 'BUL GYI, ,DGYES SHING BZHES NAS BLO BZANG GRAGS BSTAN LA, ,GNOD CING 'TSE BYED DGRA BGEGS TSAR GCOD MDZOD,, ` CHOS SKYONG LCAM SRING LA, AOm SVASTI KYEE PRAm, BYU RU'I LHUN PO BSKAL PA'I ME LCE NI, ,STONG PHRAG GIS 'KHYUD 'DRA BA'I GZI MNGA' BA, ,BSTAN BSRUNG LCAM BRAL 'KHOR DANG BCAS PA LA, ,RNAL 'BYOR BDAG CAG 'DUD KYI RE SKONG MDZOD, ,PADMA R'A GA'I MDANGS LA CO 'DRI BA'I, ,LHA YI GOS BZANG BKRA SHIS RI MOS MDZES, ,CHEN PO LA 'OS DAR ZAB 'DI 'BUL GYI, 'DOD PA'I DON RNAMS MA LUS 'GRUB PAR MDZOD,, ` NA MO GA RU dA YE, RNAM PAR 'THOR BYED RLUNG NI 'BUL PHRAG TSOGS, ,GCIG TU BSRES PA'I SHUGS KYIS BSGRUN MED PA'I, ,STOBS MNGA' BSKAL BSREG BYIN ZA'I 'OD 'CHANG BA, ,MKHA' 'GRO'I BDAG PO ME YI SPU GRI DANG, ,YANG SPRUL LAS MKHAN GNAM SA'I KHYON GANG BA, ,MTHONG BA TZAM GYIS GZA' DANG SA KLU'I TSOGS, ,DANGS SHING RAB TU BRGYAL ZHING MYOS BYED CING, ,PHYE MAR MDZAD PA THAMS CAD 'DIR BZHUGS LA, ,BKRA SHIS LHUN KYIS GRUB PA'I DGON GNAS CHE'I, ,DGE 'DUN RNAMS LA SDANG BA'I YID 'CHANG BA, ,GZA' DANG KLU DANG BTZAN DANG RGYAL PO SOGS, ,MING GI LHAG MA TZAM DU BRLAG PAR MDZOD, ,KHYAD PAR BDAG NYID YID KYIS DOGS LDAN PA'I, ,SNGAGS 'CHANG RAL PA
, ,CAN GYI TSOGS RNAMS DANG, ,GZHAN YANG NUS PA YOD PAR RLOM PA 'GAS, ,RDZAS NGAN SNGAGS NGAN BSAM NGAN 'PHRUL BSGYUR GYIS, ,RBAD PA'I GZA' KLU SHA ZA BTZAN LA SOGS, ,GANG ZAG RANG DANG DE DAG BYAS PHAB PA'I, ,NAD DANG GNAM LCAGS 'JIGS PA THAMS CAD KYANG, ,BYED PO RNAMS KYI STENG DU BZLOG PAR MDZOD, ,SNYING ZO KHRAG 'THUNG RUS MUR RGYU MA CHOD, ,GSHOG PA'I RLUNG GIS RAB TU 'THOR BAR MDZOD, ,RDO RJE GNAM LDING ME'I SPU GRI SPRUL PA YANG SPRUL DANG BCAS BA THAMS CAD GSOL BA 'DEBS PA'I RTEN KHYAD PAR CAN 'DIR BZHUGS LA BDAG GZA'I 'JIGS PA DANG BTZAN DANG RGYAL PO DANG SA BDAG DANG KLU LA SOGS PA DANG KHYAD PAR DU YANG YID LA DOGS PA DANG LDAN PA'I GANG DAG 'DI RNAMS KYIS RBAD PA'I GNOD 'TSE MTHA' DAG BZLOG PAR MDZOD, DE DAG THAMS CAD KYI SHA ZO KHRAG 'THUNG, RUS PA MUR RGYU MCHOD DON SNYING PHYUNGS LHAG MA MED PAR MDZOD CIG, ` 'JIGS PA MTHA' DAG 'JIGS MDZAD BHEER WA'I, ,BKA' SDOD GTZO BO LAS GSHIN CHOS KYI RGYAL, ,PHO BRGYAD MO BRGYAD 'KHOR BCAS 'DIR BZHUGS LA, ,DGON GNAS 'DIR GNAS RNAL 'BYOR DPON SLOB KUN, ,MI DANG MI MIN NYER 'TSE MTHA' DAG LAS, ,LEGS SKYOB BSAM DON YID BZHIN 'GRUB PA DANG, , KHRIMS GTZAN BSHAD SGRUB 'PHEL ZHING RGYAS GYUR TE, ,MTHAR THUG SANGS RGYAS GO 'PHANG THOB PAR MDZOD,, CES PA 'DI NI HOR CHIN THON BSOD NAMS BSTAN 'PHEL GYIS DAM CAN CHOS RGYAL GYI THANG SKU'I ZHAL KHEBS LA 'PHRIN 'CHOL THAM 'BYAR DGOS TSUL BYUNG BA LTAR ^ SH'AKYA'I
DGE SLONG RDO RJE 'DZIN PA BLO BZANG DPAL LDAN YE SHES KYIS BGYIS PA'O,, ` AOm SVASTI, KYEE: SH'AKYA'I RGYAL PO'I GSUNG GI BCUD BSDUS PA, ,KHAMS GSUM 'GRO BA'I BLA MA TZONG KHA PA'I, ,BSTAN PA RIN CHEN PHAN BDE'I 'BYUNG GNAS MCHOG ,BSRUNG ZHING SKYOD BA'I MCHOG GYUR CHOS SKYONG CHE, ,GNOD SBYIN DREGS PA'I DBANG PO BEKTZE DANG, ,SRID GSUM ZA BYED SRID MO GDONG DMAR MA, ,SGROL GYING LAS MKHAN GRI THOGS BSHAN PA BRGYAD, ,ROL BSHAN NYER GCIG MA MO THE'U RANG SOGS, ,SNA TSOGS SPRUL PAS ROL CING BZHUGS RNAMS LA, ,PADMA R'A GA'I MDANGS LDAN LHA RDZAS DANG, ,NYER SPYOD GTOR MA PHYI NANG GSANG RTEN TSOGS, ,DNGOS BSHAMS YID SPRUL NAM MKHA' BKANGS TE 'BUL, ,DGYES DGUR BZHES LA BLO BZANG GRAGS PA'I BSTAN, ,BSTAN 'DZIN BCAS PA TSUL BZHIN SKYONG BA DANG, ,KHYAD PAR BLO BZANG DPAL LDAN YE SHES CHE'I, ,SKU TSE MDZAD 'PHRIN YAR ZLA LTAR RGYAS MDZOD, ,GZHAN YANG BDAG GI CHOS LDAN BSAM DON KUN, ,NYER 'TSE MED PAR MTHAR DPYIS PHYIN PA DANG, , DBEN GNAS 'DIR BZHUGS DGE 'DUN SDE THAMS CAD, ,'KHOR LO GSUM GYI BYA BAS DUS 'DA' ZHING, ,ZUNG 'JUG RDO RJE 'CHANG DBANG MYUR THOB NAS, ,'GRO RNAMS 'DREN PA'I DPAL DU 'GYUR BA LA, ,BGEGS DANG NYER 'TSO MTHA' DAG RAB ZHI NAS, ;MTHUN RKYEN LEGS TSOGS 'PHEL BA'I 'PHRIN LAS MDZOD, ,'DI LTA BU YI DON TSOGS 'GRUB PA LA, ,LOG LTA'I SEMS 'CHANG GZUGS CAN GZUGS MED KUN, ,TSAR CHOD SHA ZO KHRAG 'THUNG DON SNYING KLAD, ,THAL BAR RLOG LA RNAM SHES
, ,CHOS DBYINGS DRONGS,, ZHES PA 'DI NI RDO RJE 'CHANG BLO BZANG CHOS KYI RGYAL MTSAN DPAL BZANG PO'I SHANGS MTSAL LAS GRUB PA'I CHOS SKYOD DREGS PA LCAM SRING GI SNANG BRNYAN PHYAR DAR GZUGS CHOS SKYONG DNGOS KYI RANG BZHIN DU DBEN GNAS RGOD TSANG RI KHROD DU BZHUGS PA LA 'PHRIN 'CHOL 'DI LTA BU ZHIG DGOS ZHES GNAS BLA MA DKA' BCU BLO BZANG 'JAM DBYANGS NAS KYANG BSKUL ZHING, RANG NYID KYANG 'DI LTAR BYUNG NA LEGS PAR MTHONG NAS, GSHIN RJE'I GSHED KYI RNAL 'BYOR BA SH'AKYA'I BTZUN PA BLO BZANG DPAL LDAN YE SHES KYIS SUG BRIS SU BGYIS TE GSOL BA RTZE GCIG TU BTAB PA'O,, MANGGA LAm,, ` H'Um; 'JIGS PA MTHA' DAG 'JIGS MDZAD GSHIN RJE'I GSHED, ,DE YI BKA' SDOD SRIN PO'I ZHAL CAN DANG, ,MA HE'I ZHAL CAN PHYI SGRUB GSANG SGRUB LA, ,LHA STENG DGON GNAS MI NOR LONGS SPYOD RNAMS, ,BCOL LO BLTOS SO 'PHRIN LAS RNAM PA BZHI, ,G-YEL MED SGRUB CING KHYAD PAR DRAG PO'I LAS, ,SANGS RGYAS BSTEN PA'I CHED DU BSGRUB PA LA, ,GEGS MED MTHAR PHYIN BSAM DON 'GRUB PAR MDZOD,, CES PA 'DI NI LHA STENG 'DUS SPYI RNAMS NAS 'DI LTA BU ZHIG DGOS ZHES BSKUL BA LTAR GSHIN RJE'I GSHED KYI RNAL 'BYOR PA ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU LO HI TA, BYU RU'I LHUN PO RTA LJANG CAN GYI GZI, ,BGRANG YAS KYIS 'KHYUD 'DRA BA'I 'OD ZER CAN, ,SANGS RGYAS BSTAN PA SKYONG MDZAD DPA' BO CHE, ,DREGS PA LCAM SRING 'KHOR DANG BCAS LA BSTOD, ,KHYOD KYI BRIS SKU GDUG PA CAN GYI TSOGS, ,SKAD CIG TZAM GYIS DNGANGS BAR BYED NUS 'DIR, ,CHU LA CHU BZHAG TSUL DU KHYOD BZHUGS
LA; ;DPE THUB CHOS SDE DPON SLOB DGE 'DUN SKYANGS, ,KHYAD PAR 'JAM MGON BLA MA'I BSTAN PA LAS, ,PHYI ROL 'GYUR DANG KLA KLO'I RGYUN RNAMS KUN, ,LO ZLAR MA LUS DRAG POS TSAR CHOD LA, ,SHA KHRAG RUS PA SNYING SOGS CHEMS CHEMS ZO;; ZHES PA 'DI NI DPE THUB BLA MAS BSKUL BA LA BRTEN NAS SH'AKYA'I DGE SLONG GSHIN RJE'I GSHED KYI RNAL 'BYOR PA BLO BZANG DPAL LDAN YE SHES KYIS SUG BRIS SU BGYIS PA'O,, ` AOm SVASTI, NYI ZLA'I 'OD ZER MDANGS 'PHROG LHA YI GOS, ,'DI NYID DVANG BAS SH'AKYA'I RGYAL PO CHER, ,LEGS PAR 'BUL GYIS DGYES BZHIN BZHES NAS KYANG, ,SBYIN BDAG 'KHOR BCAS CHES CHER DAR BAR SHOG ,MCHOG GSUM BSLU BA MED PA'I BDEN MTHU DANG, ,CHOS SRUNG DAM CAN RGYA MTSO'I MTHU STOBS KYIS, ,MI DBANG CHING DBANG SKU TSE BSOD NAMS DANG, ,LONGS SPYOD DPAL 'BYOR MTHA' DAG RGYAS GYUR CIG ,DE LTAR GYUR NAS CHAB SRID RAB BRTAN CING, ,KHAMS GSUM CHOS KYI RGYAL PO'I BSTAN PA 'DI, ,RGYUN DU MCHOD LA BRTZON PA MI LHOD CING, , BSAM DON MTHA' DAG GEGS MED 'GRUB GYUR CIG, CES PA 'DI NI MKHAS GRUB 'JAM DBYANGS BZHAD PA'I SKU SKYE DKON MCHOG 'JIGS MED DBANG PO DANG MTSO SNGON CHING DBANG DPAL LDAN BSTAN 'DZIN DAR RGYAS KYI MI SNA NO YON CHOS RJE GNYIS KYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA BHEE RA W'A YA, RNAM DAG YE SHES 'OD GSAL MKHA' DBYINGS LAS, ,SNA TSOGS GDUL BYA'I MOS BZHIN SGYU MA MKHAN, ,'PHRUL BSGYUR SRIN MO'I TSUL BZHIN RAB SHAR BA'I, ,CHOS
, ,SRUNG DAM CAN RGYA MTSO GNAS 'DIR GSHEGS, ,MA H'A K'A LA PHYAG DRUG DKAR NAG GNYIS, ,DGYES MDZAD LHA MO LAS BYED GNOD SBYIN BZHI, ,GTZANG RIGS MGON PO BDUN CU LA SOGS PA, ,GNAM SA BAR SNANG KHYON KUN GANG BA DANG, ,SDIG CAN KUN GYI GSHED PO CHOS KYI RGYAL, ,PHYI NANG GSANG GSUM PHO BRGYAD MO BRGYAD BCAS, ,'DOD KHAMS DBANG MO DMAG ZOR LAS LA DGYES, ,GZI LDAN DBANG PHYUG LAS MDZAD YUM CHEN BZHI, ,BYAD PHYOGS SKYONG BA RTA BDAG BRGYAD DANG BCAS, ,CHOS SKYONG SGROL GYING CHEN PO SROG BDAG DMAR, ,LHA CHEN TSANGS PA BZHI DRAG 'PHYID DKAR BA, ,BRGYA BYIN TSANGS PA 'JIG RTEN SKYONG BA BZHI, ,THUGS KYI RGYAL BO LA SOGS SKU LNGA DPON, ,RANG RANG BLON PO LAS BYED CI DMAR BA, ,BSE YI KHRAB CAN LA SOGS CHOS SKYONG BA'I, ,MTHU LDAN SRUNG MA BSTAN SRUNG RGYA MTSO'I TSOGS, ,'KHOR BCAS RTEN DANG BZHON PA LA SOGS PA, ,DGYES PA'I GZHI LA LEGS BZHUGS SGRUB PA PO'I, ,BCOL BA'I BSAM DON PHRA RAGS MA LUS PA, ,'BAD MED LHUN GYIS 'GRUB PA DENG 'DIR MDZOD, ,BDEN 'DZIN GZUGS SU SHAR BA'I DGRA BGEGS MGO ,BDEN MED DUG KHRAG NGAR BLUD GRI LCAGS KYIS, ,BCAD PA'I SHA KHRAG RUS TSOGS AA MRi TA, ,RAB YANGS THOD SNOD PHYUR BUR BKANG STE 'BUL, ,PHYI NANG NYER SPYOD BSKAD RDZAS NYER SPYAD DANG, ,DNGOS BSHAM YID SPRUL MCHOD SPRIN BYE BA PHRAG ,NAM MKHA' BKAD STE 'BUL GYIS LEGS BZHES NAS, ,ZAG MED BDE CHEN DPAL LA SPYOD PAR MDZOD, ,
RGYAL BA'I BSTAN DANG DE 'DZIN SKYES MCHOG KUN, ,SRID MTHAR GNAS SHING LEGS PA'I BZHED DON RNAMS, ,MA LUS 'BAD PA MED PAR LHUN GRUB NAS, ,THUB DBANG LEGS BSHAD PHYOGS BCUR RGYAS PAR MDZOD, ,KHYAD PAR RGYAL BA KUN 'DUS RDO RJE 'CHANG, ,BKA' DRIN MTSUNGS MED GANG DE DUS KYI MTHAR, ,SPRUL BA'I ZLOS GAR GYIS ROL BLO BZANG GRAGS, ,BSTAN PA'I DBANG PHYUG 'JAM DPAL RGYA MTSO YI, ,SKU TSE NYI ZLA'I BGROD PA DANG MNYAM ZHING, ,'PHRIN LAS CHOS KUN DBYAR GYI MTSO LTAR 'PHEL, ,LOG PAR LTA BA'I DGRA BGEGS TSAR BCAD DE, ,BZHED PA MA LUS LHUN GYIS 'GRUB PAR MDZOD, ,DE LA BLTOS PA'I SKYE 'GRO 'KHOR TSOGS KYI, ,BSOD NAMS RLUNG RTA DBANG THANG CHER BSKYED CING, ,SNYAN PA'I GRAGS PA PHYOGS BCUR RGYAS BA YI; ;'PHRIN LAS LHUN GYIS 'GRUB PAR MDZAD DU GSOL, ,'DOD PA'I DON RNAMS MA LUS LHUN GRUB CING, ,RE PA'I 'BRAS BU MA LUS LHUN RDZOGS TE, ,BKRA SHIS BDE LEGS PHYOGS BRGYAR RAB 'BAR PA'I, ,PHUN TSOGS CHAR CHEN BSNYIL BAR MDZAD DU GSOL, ,CES PA 'DI NI RIGS KUN KHYAB BDAG BKA' DRIN MTSUNGS MED MTSAN BRJOD PAR DKA' BA GANG GI ^ MCHOG GI SPRUL BA'I SKU RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO'I DPAL GYI ZHABS BRTAN DU DMIGS CHOS SRUNG DAM CAN RGYA MTSOR 'PHRIN 'CHOL GYI SNYAN DAR SOGS 'BUL BAR BRIS CHOG PA 'DI LTA BU ZHIG DGOS ZHES RJE DRUNG BLO BZANG PHUN TSOGS NAS BSKUL MA BYUNG BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` AOm A'A: H'Um, RGYAL KUN MKHYEN BRTZE ZUR PHUD LNGA PA CAN, ,MA RUNGS BDUD DANG GSHIN RJE RO LANGS KUN, ,
, ,'JOMS PHYIR KHAMS GSUM SROG GI GANGG'A'I RGYUN, ,CIG CAR 'THUNG BA'I KHRO BO CHER STON PA, ,KHAMS GSUM ZA BYED 'JIGS MDZAD DPA' BO CHE, ,BCU GSUM LHA YI 'KHOR LO 'KHOR BCAS LA, ,BDAG MED SHES RAB YE SHES MTSON RNON PO, ,'GRUB PHYIR 'PHAGS YUL DPUNG TSOGS MTSON CHA LA, ,GSANG SNGAGS YI GES BSKUL BA'I TSIG LDAN PA'I, ,NYE BAR MKHO BA'I YO BYAD PHUL BA YIS, ,'GRO KUN MA RIG 'PHRUL 'KHOR RGYUN BCAD NAS, ,NYON MONGS BDUD SDE'I G-YUL LAS RAB RGYAL MDZOD, ,KHYAD PAR SH'AKYA'I RGYAL PO'I RING LUGS MCHOG ,'JAM MGON CHOS KYI RGYAL PO YAB SRAS KYI, ,BSTAN DANG DE 'DZIN SKYES CHEN DAM PA DANG, ,DE DAG MCHOD PA'I BSTAN PA'I SBYIN BDAG RNAMS, ,RTAG TU BDE BA'I DPAL GYIS PHYUG PA DANG, ,MGON PO KHYOD DANG NAM YANG MI 'BRAL ZHING, ,ZAB DANG RGYA CHE'I RIM PA GNYIS KYI GNAD, ,BSGOMS PAS KHYOD NYID MYUR DU 'GRUB PAR MDZOD, ,SARBA MANGGA LAm,, ZHES PA 'DI NI CHOS BSRUNG RNAMS LA SPYAN GZIGS 'BUL SKABS ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO H'A YA GR'i W'A YA, ZLA BA 'BUM GYI KHU BA BYUGS PA'I SHEL, ,SA 'DZIN SKYE BA LNGA PA'I THOR TSUGS CAN, ,DKAR PO GSER GYI DRA BA'I 'OD ZER 'PHRO, ,LHA CHEN KHYOD NI DGA' BA'I LAG PA KHYONGS, ,RAB RNON SI TA'I MDANGS CAN SHAKTI CHE, ,GING DANG R'A DZ'A BTZAN GYI ZER 'KHYUG PA, ,REG GCOD SPU GRI LTA BU'I MTSON CHA 'DIS, ,KHYOD KYI THUGS NI DGYES PA BSKYED GYUR CIG ,SHEL DANG LCAGS KYI YU BA DAR DKAR GYIS, ,LHAB LHUB PHYOGS
KYI 'KHOR LO 'GENGS PA'I GZI, ,KUN NAS 'PHRO BAS DPAL NGAG 'GUGS BYED PA, ,'DIS KYANG KHYOD NI SHIN TU DGYES GYUR CIG ,RLUNG DANG SPRIN GYI SHUGS CAN BAD MO DANG, ,KHAB KUNDHA NAM MKHA'I KHA DOG CAN, ,MDZES PA'I RIN CHEN BKRA BA'I SGA SRAB KYIS, ,BRJID PA'I MGYEGS 'GRO 'DIS KYANG DGYES GYUR CIG ,'PHRIN LAS BCO LA BA'I LAS RNAMS THOGS MED PAR, ,SGRUB PA'I SNGAR BCOL LEGS PA'I GTAD RAG DANG, ,DA DUNG PHYIS KYI 'PHRIN LAS 'CHOL BA'I PHYIR, ,'DI RNAMS SNGAGS DANG TING 'DZIN PHYAG RGYAS BRLABS, ,NAM MKHA'I KHYON KUN GANG PA SPRUL BYAS TE, ,MCHOD PA THOGS PA'I LHA MO'I TSOGS RNAMS DANG, ,LHAN CIG BDE STONG DBYER MED TING 'DZIN GYIS, ,DBYINGS SU 'BUL PHYIR DGYES BZHIN BZHES SU GSOL, ,BTZAN PA'I RDO RJE'I GO CHA SHEL GYI NI, ,SRID GSUM GSAL BA'I ME LONG DAR SNA CAN, ,'DI YANG BKRA SHIS 'PHEL ZHING RGYAS PA'I PHYIR, ,'BUL GYIS DGYES PA CHEN POS BZHES SU GSOL, ,MANGGA LAm,, ZHES PA 'DI NI LA MO CHOS SKYONG CHEN POR SPYAN GZIGS 'BUL SKABS KYI DGYES TSIG 'PHRIN 'CHOL DU ^ GSHIN RJE'I GSHED KYI RNAL 'BYOR PA BLO BZANG DPAL LDAN YE SHES KYIS DVANG BAS PHUL BA'O,, ` NA MO GU RU, STOBS DANG MI 'JIGS DRAN PA NYE BAR BZHAG ,YAN LAG BDUN GYI DPUNG GIS NYON MONGS DGRA ,RTZAD NAS PHYUNG BA'I STON PA BLA NA MED, ,GANG GI SKU MCHOG LEGS PAR MNYES BYED PA'I, ,LHA YI GOS BZANG NA BZA' 'DI PHUL BA'I, ,RNAM PAR DKAR BA DUNG DANG KUNDA LTAR, ,RAB DKAR GANG GI MTHU LAS BDAG NYID KYI, ,'DOD DON MTHA' DAG LHUN GYIS 'GRUB PAR
, ,SHOG ,KHYAD PAR MGON PO KHYOD KYI GSUNG RAB KUN, ,ZAB DANG MYUR DANG GSAL BA'I BLO GROS KYIS, ,LEGS PAR DPYAD CING PHYE BAS LEGS GZUNG STE, ,'GRO KUN SRID PA'I MTSO LAS SGROL BAR SHOG ,CES PA 'DI STON, MCHOG GNYIS PA ^ SH'AKYA MU NE LA 'BUL ZHING, GZHAN RNAMS LA, DBANG PO'I GZHU DANG GSER MNGAL REG BYA LA, ,SKYENGS PA STER PA'I LHA GOS DAM PA 'DI, ,DAD DANG MOS PA'I DBANG GIS 'BUL LAGS KYIS, ,DGYES BZHIN BZHES TE BYIN GYIS BRLAB TU GSOL, ,BDAG GI LUS NGAG YID KYI BYA BA KUN, ,SANGS RGYAS BSTAN PA'I RGYAL MTSAN 'DZIN PA LA, ,ZLA DANG BRAL BA'I BRTUL ZHUGS NYER THOB STE, ,SPYOD PA MA LUS RMAD DU BYUNG BAR SHOG ,MKHAS BTZUN BZANG PO'I RNAM THAR GTZANG MA YIS, ,MNYAM MED CHOS KYI RGYAL PO'I RING LUGS MCHOG ,SPEL BAR BYED LA GZHAN DRING MI 'JOG PA'I, ,MTHU STOBS NUS TSOGS PHUL DU PHYIN PAR MJOD,, CES PA 'DI NI DUS GSUM RGYAL BA KUN GYI MKHYEN BRTZE'I RANG GZUGS PHYAG NA PADMO SPRUL PA'I RA'I GAR GYIS RTZEN PA ^ RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO LHA LDAN SBRUL BA'I GTZUG LAG KHANG DU CHIBS BSKYOD GNANG SKABS ^ MNYAM MED THUB PA'I DBANG PO SOGS LA GSER GOS KYI NA BZA' RMAD DU BYUNG BA 'BUL GNANG GI ZHAL BYANG 'DI LTA BU ZHIG GYIS ZHES GNANG BA LTAR ^ DGE SLONG BLO BZANG DPA' LDAN YE SHES KYIS SBYAR BA'O,, ` DAM TSIG BDUD RTZI'I 'BRAS BU G-YUR ZA BA'I, ,LHA CHEN DPAG BSAM SHING NGOS LEGS 'KHRIL TE, ,SKYES PA'I LHA PHRAN BYE BA DE SNYED KYANG, ,SLAR BRJOD LEGS SO'I SKYES 'DIS TSIM GYUR CIG, CES PA 'DI
NI LA MO CHOS SKYONG CHEN BOR STZAL BA'O,, ` LHA REG LA 'GRAN DAR DKAR YID 'ONG 'DI, ,PADMA 'BYUNG GNAS RNAL 'BYOR TSOGS BCAS LA, ,PHUL BA'I DGE BAS GRUB DBANG GANG DE YI, ,DGONGS PA MA LUS YONGS SU RDZOGS GYUR CIG ,MANGGA LAm,, ZHES PA 'DI NI AA MA DRUNG NAS GRUB DBANG RIN PO CHE BLO BZANG DGA' LDAN RNAM RGYAL GYI DGONGS RDZOGS SU DMIGS ZAB PHUR 'PHAN DAR CHA GCIG SBYOR 'JAGS GNANG BA'I KHA BYANG SMON TSIG TU DOGS ZHES BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU MU NI AINDRA YA, LHA YI GOS BZANG LA 'GRAN NA BZA' 'DI, ,MNYAM MED THUB PA'I DBANG POR LEGS PHUL BAS, ,DGYES PA CHEN POS SKU LA LEGS GSOL NAS, ,BDAG LA BYIN GYIS BRLAB PAR MDZAD DU GSOL, ,LHA RDZAS 'DI PHUL DGE BA'I RTZA BA YIS, ,BDAG NYID SKYE BA 'DI DANG TSE RABS KUN, ,RAB TU BYUNG BA'I PHAN YON CHER MTHONG ZHING, ,MTHUN RKYEN DGE BA'I BSHES DANG MJAL BAR SHOG ,KHYAD PAR RJE BTZUN BLO BZANG RGYAL BA'I BSTAN, ,'DZIN PA'I DPAL LDAN YE SHES DBANG POS MTSON, ,RGYAL BSTAN 'DZIN DANG 'JAM MGON BLA MA'I GSUNG, ,'CHAD PA MED CING PHYOGS BRGYAR DAR BAR SHOG ,DGE 'DUN SDE DANG DKYIL KHANG 'DUS PA'I SDE, ,SRID MTHA'I BAR DU CHER RGYAS BSHAD SGRUB 'PHEL, ,'KHOR LO GSUM GYI BYA BAS DUS 'DA' ZHING, ,BSTAN PA'I RGYAL MTSAN PHYOGS BCUR BSGRENG BAR SHOG ,SKYE BA KUN TU BSLAB GSUM RNAM PAR DAG ,DGE 'DUN SDE DANG LHAN CIG SPYOD DAR, ,CHOS KYI BYA BAS NYIN MTSAN KUN 'DA' ZHING, ,ZUNG
, ,'JUG RDO RJE 'CHANG DBANG MYUR THOB SHOG ,DE LTAR 'GYUR BA'I MTHUN RKYEN MTHA' DAG KYANG, ,CHOS SKYONG LCA MA SRING 'KHOR DANG BCAS PA YIS, ,LEGS PAR BSGRUBS NAS BKRA SHIS RGYA MTSO'I DPAL, ,PHYOGS BRGYAR 'BAR ZHING DGE LEGS KYIS KHYAB MDZOD,, CES PA 'DI NI DON GYI SLAD DU MTSAN NAS SMOS TE MKHAN RIN PO CHE BLO BZANG CHOS 'PHEL GYI BKAS BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` 'JIGS PA MTHA' DAG 'JIGS MDZAD LTER WA'I, , BKA' SDOD GTZO BO LAS GSHIN CHOS KYI RGYAL, ,PHO BRGYAD MO BRGYAD 'KHOR BCAS 'DIR BZHUGS LA, ,DGON GNAS 'DIR GNAS RNAL 'BYOR DPON SLOB KUN, ,MI DANG MI MIN NYER 'TSO MTHA' DAG LAS, ,LEGS SKYOB BSAM DON YID BZHIN 'GRUB PA DANG, ,KHRIMS GTZANG BSHAD SGRUB 'PHEL ZHING RGYAS GYUR TE, ,MTHAR THUG SANGS RGYAS GO 'PHANG THOB PAR MDZOD,, CES PA 'DI NI HOR CHIN THON BSOD NAMS BSTAN 'PHEL GYIS DAM CAN CHOS RGYAL GYI THANG SKU'I ZHAL KHEBS LA 'PHRIN 'CHOL THAM 'BYAR DGOS TSUL BYUNG BA LTAR ^ SH'AKYA'I DGE SLONG RDO RJE 'DZIN PA BLO BZANG DPAL LDAN YE SHES KYIS SBYAR BA'O,, ` DUS GSUM BDE GSHEGS GCIG BSDUS SH'AKYA'I RGYAL, ,GANG GI SNANG BRNYAN SH'AKYA MU NE CHER, ,PHUL BA'I DGE BAS BDAG GIS 'GRO BA KUN, ,THAR BA'I GO 'PHANG CHE LA 'GOD PAR SHOG ,'GRO BA KUN GYI MGON PO BYANG CHUB CHER, ,SNYAN SHAL LHA RDZAS 'DI PHUL DGE BA YIS, ,NAM MKHA'I MTHA' DANG MNYAM PA'I 'GRO BA KUN, ,THAR PA'I GO 'PHANG CHEL 'GOD PAR SHOG ,THUGS RJE CHEN PO BCU GCIG
ZHAL NYID LA, ,SNYAN SHAL 'DI PHUL DGE BAS 'GRO BA KUN, ,SPYI DANG KHYAD PAR BDAG NYID PAR GCOD DANG, ,BRAL NAS RTAG TU BDE LA SPYOD PAR SHOG, CES JO BO SH'AKYA MU NE DANG THUGS RJE CHEN PO BCU GCIG ZHAL BCAS LA SNYAN SHAL PHUL PA'I SMON TSIG 'DI NI AA MA DRUNG NAS BSKUL MA MDZAD PA LTAR ^ SH'AKYA'I BTZUN PA BLO BZANG DPAL LDAN YE SHES KYIS BGYIS PA'O, ,MANGGA LAm, ` H'Um, AOm HRA'I: shtA'I: WI KRI T'A NA NA H'Um PHAt, DPAL RDO RJE 'JIGS BYED ZHI DANG KHRO BO THUB DBANG RDO RJE 'CHANG BLO BZANG GSHIN RJE GSHED PO KHYOD KYIS, BDAG 'KHOR DANG BCAS PA LA DNGOS GRUB KYI BKA' DRIN BLA NA MED PA MYUR DU STZAL DU GSOL,, ` AOm BADZRA MA H'A K'A LA KHRIm KHRE TA BI GHA NA BI N'A YA KAm H'Um PHAt, DPAL MA H'A K'A LA MYUR MDZAD YE SHES KYI MGON PO PHYAG DRUG PA 'KHOR DANG BCAS PA RNAMS KYIS, CHOS GRVA CHEN PO 'DIR BZHUGS PA'I DGE 'DUN RNAMS KYI THUGS RGYUD LA, RNAM 'GREL DBU PHAR 'DUL MDZOD, GSANG SNGAGS LA ZHUGS PA RNAMS LA RGYUD SDE RGYA MTSO LTA BU RNAMS KYI BSHAD SGRUB KYI BLO GROS DBYAR MTSO LTAR RGYAS PA'I 'PHRIN LAS MDZOD CIG, ` HRA'I: AOm GU RU MA H'A K'A LA HA RI NI SA SIDDHI DZA: MGON PO NYI MA LTA BU YID BZHIN GYI NOR BU'I LHA TSOGS 'KHOR DANG BCAS PA RNAMS KYIS, CHOS GRVA CHEN PO 'DIR BZHUGS PA'I DGE 'DUN RNAMS KYI THUGS RGYUD LA, RNAM 'GREL DBU PHAR 'DUL MDZOD RNAMS DANG, RIG SNGAGS 'CHANG PA RNAMS LA BDE STONG DBYER MED PA'I RTOGS PA SOGS, LUNG RTOGS KYI YON TAN KHYAD PAR CAN SKYE BA'I 'PHRIN LAS MDZOD CIG, ` H'Um KshE TRA P'A LA KHYOD KYIS
, ,DGRA THAMS CAD GSOD,, ` DZAm: DZI NA MI TRA KHYOD KYIS RIMS THAMS CAD SRUNGS,, ` tAm, tKKI R'A DZA' KHYOD KYIS GDON THAMS CAD THUL,, ` TRAm; BDUD MGON TRA KshA NAG PO KHYOD KYIS BDUD THAMS CAD SRUNGS,, ` DZA: DAM CAN GSHIN RJE CHOS KYI RGYAL PO'I LHA TSOGS 'KHOR DANG BCAS PA KHYED RNAMS KYIS, THUB DBANG RDO RJE 'CHANG BLO BZANG BLO GROS NAM MKHA'I MTHA' DANG MNYAM PA GRAGS PA'I DPAL MNGA' BA GANG GI MDO SNGAGS KYI BSTAN PA RIN PO CHE DGON GNAS 'DIR RGYAS PA'I 'PHRIN LAS MDZOD CIG, ` BHYOO: DPAL LDAN LHA MO KHYOD NI BDAG GI MA, ,KHYOD KYIS RTAG TU DGON 'DI'I MA MDZOD CIG ,BSHAD DANG SGRUB PA'I LUS STOBS CHER RGYAS PA'I, ,'PHRIN LAS NU ZHO STZOL ZHIG AA MA LAGS, ,DPAL LDAN LHA MO KHYOD NI BDAG GI SRID, ,KHYOD KYIS RTAG TU DGON 'DI'I SRING MO MDZOD, ,DUS KUN SHIN TU SNYING NI NYE BA YIS, ,DGRA RNAMS SHIN TU THUL CIG SRID MO LAGS, ,DPAL LDAN LHA MO LHA KLU KUN GYI DPON, ,GNOD SPYIN BDUD DANG SRIN PO'I DMAG DPON TE, ,NAD KYI KHA RLANGS 'GYED BYED DMAG ZOR MA, ,G-YOG MO DMAG TSOGS BCAS PA GNAS 'DIR SPYON, ,KHYOD KYIS BKRA SHIS LHUN PO'I DGON GNAS 'DIR, ,BZHUGS PA'I MDO DANG SNGAGS KYI DGE 'DUN KUN; ;THUGS MTHUN TSUL KHRIMS RNAM PAR DAG PA DANG, ,BAR DU GCOD PA'I TSOGS LAS RGYAL BAR MDZOD, ,'BRUM NANG RGYU GZER GAG LHOG BAL TSAD DANG, ,SI BU RIMS CHA MA MNAN GTAD KHE MA CHU SOGS, ,NYE BAR 'TSE BA MA LUS ZHI BA DANG,
BSDUS GRVA RNAM 'GREL DBU PHAR 'DUL MDZOD DANG, RGYUD SDE BZHI YI BSHAD SGRUB RGYAS PAR MDZOD,, ` BHYOO: DPAL LDAN LHA MO KHYOD KYIS DGON GNAS 'DI TSUL BZHIN DU SRUNGS SHIG, ` BHYOO: 'DOD KHAMS MA KHYOD KYIS DGON GNAS 'DI SRUNGS SHIG, ` KYEE: CHOS SKYONG DREGS PA LCAM SRING GIS, ,RNAL 'BYOR DPAL LDAN YE SHES KYIS, ,JI LTAR 'DOD PA'I DON THAMS CAD, ,'BAD PA MED PAR 'GRUB PAR MDZOD,, ` H'Um, CHOS SKYONG BSRUNG MA MTHU DANG LDAN PA KHYED RNAMS KYIS, RDO RJE 'CHANG DANG MNYAM MED THUB PA'I DBANG PO NAS NYE BAR BZUNG, THUB DBANG RDO RJE 'CHANG BLO BZANG GRAGS PA'I BAR GYI DPAL LDAN BLA MA DAM PA RNAMS DANG, KHYAD PAR DU YANG PAn CHEN PHYOGS THAMS CAD LAS RNAM PAR RGYAL PA DGE 'DUN GRUB PA DPAL BZANG PO DANG, PAn CHEN BLO BZANG CHOS KYI RGYAL MTSAN, RJE BTZUN BLO BZANG YE SHES RNAM KYI DGONGS PA JI LTA BA BZHIN DU, CHOS GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING 'DIR BZHUGS PA'I DGE 'DUN RNAMS KYI THUGS RGYUD LA, RIGS PA'I GZHUNG LUGS TSAD MA RNAM 'GREL, RGYA CHEN SPYOD PA'I GZHUNG LUGS PHA ROL TU PHYIN PA'I GZHUNG MNGON RTOGS RGYAN, YANG DAG PA'I LTA BA'I GNANG PHYIN CI MA LOG PAR STON PA DBU MA'I LTA BA, KHRIMS NYIS BRGYA LNGA BCU, SNOD BCUD KYI RNAM GZHAG STON PA'I GZHUNG LUGS, GSANG BDE 'JIGS GSUM, DUS KYI 'KHOR LO RNAMS KYI LUNG DANG RTOGS PA'I YON TAN THAMS CAD YAR NGO'I RGYAS PA'I CHU DRUG THAMS CAD
, ,GANG BA'I ZLA BA BZHIN DU RGYAS PA'I 'PHRIN LAS MDZOD CIG, CES PA 'DI NI ME KHYI LO MGON KHANG CHEN MOR SNYAN SHAL 'PHAR MA 'BUL GNANG GI 'PHRIN BCOL DU STZAL BA'O,, ` CHOS KYI DBYINGS KYI NGO BO NYID, ,CHOS KYI DBYINGS LAS YANG DAG BYUNG, ,SKYE 'GAG GNAS GSUM KUN TU BRAL, ,RGYAL YUM KHYOD DU BDAG SGRUB MDZOD, ,NGO MTSAR CHE MCHOG LHA LAM LAS, ,SPRUL BA'I RANG MDANGS GSAL BA'I SPRIN, ,DPE MED SANGS RGYAS MANG SPO BA, ,MGON PO KHYOD DU BDAG SGRUB MDZOD, ,NAM MKHA'I MTHAR THUG RGYAL BA KUN, ,LHAN CIG ZHU BA'I BUM PA'I NANG, ,CIR YANG SPRO BA'I BSANG GTOR GYI, ,GAR MKHAN MKHYOD SNYING LA STZOL,, ZHES PA 'DI NI SHER PHYIN LHA KHANG DU RGYAL YUM SHES RAB KYI PHA ROL TU PHYIN MAR SNYAN SHAL MGUL 'BRENG SOGS 'BUL GNANG GI ZHAL BYANG DU STZAL BA'O,, ` NA MO BADZRA BHEE RA W'A YA, 'DIR CHOS KYI RGYAL PO LA BDEN PA 'DI LTAR BDAR BAR BYA STE, H'Um, DAM CAN GSHIN RJE CHOS KYI RGYAL BO, MTHU STOBS KYI DBANG PHYUG ,MI BZAD PA'I GAD MO HA HA RGOD PA, DRAG SHUL GYI STOBS 'CHANG BA, MCHE BA 'BAR BAS SKYE 'GRO THAMS CAD BZA' BAR BYED PA, NAG PO CHEN PO DUS KYI MTHA'I SPRIN DANG MTSUNGS PA, LJAGS GLOG LTAR 'KHYUG PAS KHAMS GSUM PO HU BA KYIS RDUB PA, RKANG BA BRDABS PAS STONG GSUM GYI KHAMS KUN NAS G-YO BAR BYED PA, THOD DBYUG DANG ZHAGS PAS BRLAG PAR BYED PA, MA HE LA ZHON NAS BRGYUG PAR BYED PA, GU LANG DANG NYE DBANG DANG SKABS GSUM PA RNAMS DNGANGS PAR BYED PA, BDUD KYI DBUNG MA LUS PA SPA BKOD BA, RNAL 'BYOR PA LA 'DOD PA'I DNGOS GRUB THAMS CAD
BDE BLAG TU STZOL BAR MDZAD PA, YUM MCHOG TZ'A MU NdI LA SOGS PA'I 'KHOR GYI BSKOR BA KHYED RNAMS LA, MNYAM MED ^ SH'AKYA'I RGYAL PO'I BSTAN PA SPYI DANG KHYAD PAR BSTAN PA'I SNYING PO KHAMS GSUM CHOS KYI RGYAL PO RTZONG KHA BA YAB SRAS KYI BSTAN PA BSTAN 'DZIN DANG BCAS PA GNYER DU GTAD PA YIN PAS SRUNGS SHIG, SKYOBS SHIG, SKYONG SHIG, DON NA THAMS CAD SGRUBS SHIG, DBU 'PHANGS BSTOD CIG, DGON GNAS 'DI NYID KYANG NGES PAR GNYER DU GTANG BA YIN PAS SRUNGS SHIG ,SKYOBS SHIG ,SPA BAR MDZOD CIG ,SPEL ZHIG ,BSTAN PA BSTAN 'DZIN DANG BCAS PA DANG, KHYAD PAR DU DGON GNAS 'DI NYID LA GNOD CING 'TSE BAR BYED PA DANG, BDUD KYI RIGS SU GYUR PA DANG, TSUL KHRIMS NYAMS PA DANG, LTA BA NYAMS PA DANG, SPYOD PA NYAMS PA DANG, BAR DU GCOD PA THAMS CAD TSAR CHOD CIG ,BZA' BAR GYIS SHIG ,RMONGS PAR GYIS SHIG ,RENGS PAR GYIS SHIG ,BCINGS PAR GYIS SHIG ,GSOD PAR GYIS SHIG ,M'A R'A YA PHAt, CES PA 'DI NI LUNG DGA' LDAN GYI BLA MA SKU SKYE BLO BZANG RGYAL MTSAN GYIS 'DI LTA BU ZHIG DGOS ZHES BSKUL BA LTAR ^ GSHIN RJE GSHED KYI RNAL 'BYOR BA ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO A'A RYA MEE TRI YE, BYAMS CHEN YE SHES 'OD KYI RTZE MO TZAN, ,GANG GIS PHYI NANG BDUD KYI DPUNG CHEN SHING, ,RAB SREGS 'GRO KUN THUGS RJE'I BSIL CHAB KYIS, ,KUN TU BDE MDZAD RGYAL TSAB MCHOG LA 'DUD, ,DGE SPYONG YO BYAD MCHOG 'DI MGON KHYOD LA, ,BYANG CHUB SEMS MCHOG MI G-YOS RAB PHUL BAS, ,THUGS RJES BA ZHES LA BDAG DANG 'GRO BA KUN, ,NYON MONGS SDUG BSNGAL
, ,KUN LAS BSKYAB TU GSOL, ,KHYAD PAR MGON KHYOD THUGS RJE'I PHYAG RING MCHOG ,LEGS PAR BRKYANGS NAS BDAG GI MGOR BZHAG STE, ,NYON MONGS RNAM GSUM GANG GI GNYEN PO'I MCHOG ,TSANGS PA'I DBYANGS KYIS LEGS PAR GDAM DU GSOL, ,NYES SPYOD MA LUS 'GOG PA'I CHU LON CHE, ,RNAM DAG TSUL KHRIMS ZAB MOS BDAG GI RGYUD, ,KHYAB PA'I BRTUL ZHUGS BLA NA MED PA YI, ,DGA' BDE DAM PA MYUR DU STZAL DU GSOL, ,CHO YI SNANG BA 'GAGS PAR GYUR TSE YANG, , THUGS KA'I 'OD ZER LCAGS KYUS NYER DRANGS TE, ,CHOS KYI MDUN SA YID DGA' CHOS 'DZIN DU, ,THOGS PA MED PAR 'DREN PAR MDZAD DU GSOL, ,MA 'ONGS RDO RJE GDAN GYI SBO MTHO LA, ,BDUD SDE BCOM NAS RDZOGS SANGS RGYAS PA'I TSE, 'DUS PA DANG BOR RAB TU RJES BZUNGS TE, ,BYANG CHUB MCHOG GI GNANG BA STZAL DU GSOL, ,'JIG RTEN KHAMS 'DIR NAD YAMS MU GE DANG, ,'THAB RTZOD LA SOGS MING YANG MI GRAG CING, ,RGYAL BA'I BSTAN PA G-YO BA MED PA YIS, ,RTAG TU DGE LEGS 'BAR BA'I BKRA SHIS STZOL,, ZHES PA 'DI NI ME PHAG LO DUS KHYAD PAR CAN DANG BSTUN KHRO PHU'I BYAMS CHEN GYI SNANG BRNYAN LA SNAM SBYAR DANG ZHAL GSAR SPYI BLUG BCAS MCHOD SPRIN SBROS SKABS SMON CHIG TU ^ SH'AKYA'I DGE SLONG BLO BZANG DPAL LDAN YE SHES KYIS BUL BA'O,, ` NA MO GU RU MU NI AINDRA YA, CHOS DBYINGS LHA LAM NGOGS LAS GDUL BYA'I GZHIR, ,DGE LEGS GSER 'OD 'BUM DU 'KHYIL BA YI, ,MTSAN DPE'I THIG LES KUN NAS RAB BKRA BA'I, ,DPAL LDAN STOBS BCU MNGA' BA KHYOD LA BSTOD, ,KUN GSAL PHA MTHA' JI SNYED SKU'I SNANG BA
RDZU 'PHRUL 'GOG MED ZHABS KYIS BGROD GYUR PA, ,SKU YI RDO RJE THUB DBANG LHA YI LHA, ,THUGS RJE'I GTER CHEN MNGA' BA KHYOD LA BSTOD, ,RDZOGS SANGS GSANG BA JI SNYED PA MTHA' RU, ,GSUNG GCIG DBYANGS KYIS RAB TU GO BAR MDZAD, ,GSUNG GI RDO RJE THUB DBANG 'GRO BA'I MGON, ,PHAN PAR MDZAD PA KHYOD LA BSTOD PAR BGYI, ,SHES BYA'I PHA MTHA' THAMS CAD MNYAM GZHAG GCIG ,BSGOM PA G-YO MED DRA BAR BSNGOMS PA YI, ,THUGS KYI RDO RJE THUB DBANG RDO RJE 'CHANG, ,MKHYEN BRTZE MNYAM NYID MNGA' BDAG KHYOD LA BSTOD, ,MGON KHYOD THUGS RJE'I KYI BAS BDAG CAG RNAMS, ,BZUNGS PHYIR LHA YI GOS BZANG 'DI PHUL BAS, ,DGYES BZHIN BZHES TE GNAS SKABS MTHAR THUG GI, ,DGOS 'DOD MA LUS LHUN GYIS 'GRUB PAR MDZOD, , KHYAD PAR KHYOD KYI GSUNG GSANG LAM GTZO DANG, ,RIM GNYIS BLO BZANG THUB DBANG DGONGS BA BZHIN, ,RTOGS NAS THUB PA'I DBANG PO RDO RJE 'CHANG, ,KHYOD KYI GO 'PHANG BDE BLAG NYID THOB SHOG ,CES; SA BYI LO CHOS GRVA CHEN PO BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING GI RTEN GYI GTZO BO DRI'I GTZANG KHANG GI THUB CHEN GYI SKUR, RGYA MTSO'I GLING BAR THI K'A LLA'I YUL GYI GOS BZANG PO RIN PO CHE'I RANG BZHIN CAN GYI NA BZA' PHUL SKABS ^ MNYAM MED THUB PA'I DBANG PO GANG GI RJES SU 'JUG PA'I DGE SLONG BLO BZANG DPAL LDAN YE SHES KYIS SMON LAM DU BGYIS PA'O, ,MANGGA LAm,, ` DMAG ZOR RGYAL MO LA SOGS PA, ,BSTAN SRUNG DAM CAN RGYA MTSO YIS, ,SRID NA DKON PA'I NA BZA' 'DI, ,BSRUNG BAR
[DD] ! DPAL MGON ZHAL BZHI PA LAN MO, *, ,MDZAD LAM G-YEL ZHIG, CES PA 'DI'ANG NA BZA'I GNYER GTAD DU SBYAR BA'O,, ` AOm SVASTI, DUS GSUM BDE BAR GSHEGS PA THAMS CAD NI; ;SNYIGS DUS GDUL BYA YONGS SU BSKYABS PA'I PHYIR, ,DENG 'DIR GZUGS KYI SKU RU LEGS SHAR BA, ,DKON MCHOG RIN CHEN RNAMS LA SNYING NAS 'DUD, , DENG 'DIR LHA RDZAS LAS GRUB NA BZA' 'DI, ,PHUL BA'I DGE BAS DAG DANG 'GRO BA KUN, ,GNAS SKABS MI MTHUN RGUD PA LAS GROL NAS, ,'CHI MED TSE YI DPAL LA SPYOD PAR SHOG ,JI LTAR BSAM PA'I DON RNAMS MA LUS PA, ,'BAD MED LHUN 'GRUB BKRA SHIS PHYOGS BCUR RGYAS, ,CHOS DANG TING 'DZIN TSUL KHRIMS KYIS PHYUG CING,, LEGS TSOGS YAR NGO'I ZLA BZHIN 'PHEL BAR SHOG ,MANGGA LAm,, ZHES PA 'DI NI SA BYI LO LHA KHANG RNAMS KYI RTEN LAN BZA' PHUL BA'I SMON CHIG TU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ,, [DD] *, ,BSTAN SRUNG GTZO MO DMAG ZOR MA LAN MO,
[BLANK PAGE]