*, ,CHAB SHOG SKOR BZHUGS, @1 #, ,YE SHES LNGA YI KUN GSAL NGOGS LAS 'ONGS, ,DON GNYIS LHUN GRUB RANG MDANGS LNGA RU BKRA, ,DKYIL 'KHOR MA LUS SPRO DANG BSDU BA'I GZHI, ,GANG NGES KHYOD LA RTAG TU BSRUNG GYUR CIG ,DPYAD PA RNAM PAR DAG PA'I MI BSLU'I SHES, ,PHRA ZHIB RNO BA'I RAB TU RNAM 'BYED RGYAR, ,KUN NYON RNAM BYANG RI DVAGS KUN BCINGS NAS, ,CI DGAR RGYU BA'I BLO GROS DPA' RTZAL CAN, ,KHYOD KYIS RING NAS MDZA' BA'I ZHAGS 'OD DMAR, ,GTAM GYI GZUGS LA SKYES KYI DROD LDAN ZER, ,SPROS PA GANG GIS BDAG BLO'I YID KYI RDZING, ,DGA' BA'I PADMO BZHAD PA CIR YANG SPRO; ;'DI NA KUN RMONGS DAG DANG 'DOD YON 'DAM, ,MTHUG POR GNAS PA'I GNYIS 'THUNG MANG PO'I KHA, ,GYEN DU 'DREN PA'I KHUR CHEN MI THEG BZHIN, ,KHYER DANG LHAN CIG KUN GZHI'I A'A NGA RshA,,
, ,RDZOGS BYANG LAM GYI RGYAL PO RTZE MO CAN, ,GZUGS BRNYAN MOS NGO'I RNAM 'GYUR MI GTONG ZHING, ,SKU GSUM BZO YI RANG BZHIN CHER BSKYED PA'I, ,BLO GROS KUN TU GOMS PAR BYED CING MCHIS, ,DE YANG, RJE NYID SKU 'TSO MCHOG TU DGE ZHING RGYAL BA'I BSTAN BA SPEL BA DANG, CHOS SRID KYI GDUGS DKAR PO GYEN DU 'DEGS PA LA GZHAN GYI DRING MI 'JOG CING, RNAM PA KUN TU DGE BA'I LEGS BSHAD KYI BDUD RTZI'I CHU MNGAR PO RANG GI GDUL BYA'I ZHING SA LA 'BEBS PA'I CHAR SPRIN STUG PO'I NGANG TSUL DU BZHUGS BZHIN PA NAS, RTOGS PA'I YON TAN GONG NAS GONG DU KHYAD ZHUGS PA'I GLENG GZHI'I GLEGS BU MNGAGS PAR MDZAD PA'I DON LA 'DI LTAR ZHU BAR BYA STE, RNAM SNANG ZLA BZHU BA'I GZUGS CAN GANG, ,RTAG TU GNAS PA DE LAS MUN PA'I KHANG, ,DRI BZHON SBYOR BAS BKANGS PA'I DBYINGS KYI MKHAR, ,SNANG STONG GNYIS TSOGS CHOS KUN KHYOD KYIS BSNGAMS, ,DE'I PHYIR RLUNG KHAMS YONGS DAG MTSAN DPE'I SKU, ,MTSAN MO'I DPES MTSON MGRIN PAR 'KHYUD PA YI, ,'KHOR LO SDOM
SDOM PA MNGON DU GYUR PA LA, ,GRUB ZIN SGRUB PA'I GLENG MO'I SPROS PAS CI, ,'ON KYANG NYID THUGS BLO GROS GZEB KYI NANG, ,LEGS BSHAD NOR BU'I DPYA YIS 'GENG BA LA, ,SPRO BA BRTAS PA'I DGE SLONG SPONG BA PA, ,GANG GI TSIG NI 'DI SKAD GLENG BAR BYA; ;LA LA NA DANG R'A SA NA DKAR DMAR, ,SGRA GCAN GYIS ZOS ME LONG GSAR PA'I NANG, ,KHRAG 'THUNG DPAL GYI GZUGS BRNYAN SHAR BA'I DPAL, ,KHYOD THUGS RING POR MI THOGS RDZOGS PA'I PHYIR, ,LHA DANG MKHA' 'GRO'I MKHYEN BRTZE'I 'KHAR PA'I RDA, ,BSKUL BA'I GSOL 'DEBS DBYU GU YANG DANG YANG, ,BDAG GIS BSKUL BA'I BYED LAS REM PAR SPRO, ,NYID KYANG PHYI NANG RKYEN GNYIS THABS MKHAS LA, ,BRTEN PA'I RAL GRI RNON POS KUN RTOG MGO, ,CIG CAR BREGS PA'I RU T'I RAR ROL PA'I; ;TING 'DZIN NAM YANG LHOD PA MED PA NAS, ,'GRO BA KUN DANG KHYAD PAR NUB PHYOGS KYI, ,SKYE BO KUN LA RAB TU SMAN PA'I PHYIR, ,MANG POS BKUR BA GANG GI CHOS SRID KHRIMS, ,'JAM POS SKYONG BA'I 'PHRIN LAS CIR YANG ZHU, ZHES ZHU BA YIN CING DA DUNG YANG KUN NAS DGE BA'I BKA' MA CHID PAR MA CHAD DU YOD PA ZHU, ZHES, RTEN SNGAGS MDUD, NGOS KYI ME TOG 'THOR 'BUL BGYIS PA'I SNANG BRNYAN ZUNG, DAM RDZAS LE TSAN, RAB DKAR LHA RDZAS, SNAM SBU PHRUG GI SGOM ZHA, CHOS GOS, SNAM BUBS BZHI, SHA KHANDA TZI GU MED PA LTANG BCAS, TSES DGE BA LA, ZHES PA 'DI NI ^ RJE BTZUN BLO BZANG DPAL LDAN YE SHES DPAL BZANG POS LCANG SKYA MCHOG SPRUL RIN PO CHER ZHU YIG GI BKA' LAN DU ME KHYI LO DBO ZLA BA'I GRAL TSES DGE BAR STZAL
, ,BA'O,, ` BLO GROS MIG STONG BGRAD PA'I RNAM DPYOD KYIS, ,BZANG PO'I RGYAL SRAS SBYOD TSUL LEGS PAR SMRA, ,RIM GNYIS RNAM PAR RGYAL BA'I KHANG BZANG LA, ,GNAS BCAS MTHU STOBS RDO RJE GDENGS DE LA, ,KHA DOG DKAR BA'I DPE YIS MI BSGRUN CING, ,ZLA BA LTA BUR MIG TU MI SNANG YANG, ,GANG DU BSIM BA'I KUN GZHI DKAR BYED TSIG ,DBYANGS CAN PHANG 'GRO'I DBYANGS BZHIN 'DI NA SGROG ,KHYOD KYI LEGS PAR BSHAD PA'I 'KHAR BA'I RNGA, ,YI GE'I GZUGS KYI DBYUG GUS BSKUL BA'I SKANG, ,SKYES KYI RNAM 'GYUR CIR YANG 'CHAR BZOD PA, ,RNA BAR THOS SHING YID LA BSIM BAS SPRO, ,'DI NA THOS BSAM SGOM 'BRAS LEGS BSHAD KYI, ,MU TIG GE SAR KHONG NAS 'DZUM NA YANG, ,SNYIGS DUS RANG MTSANG NYA PHYIS KHOG PA YIS, ,BSGRIB PA'I MUN NAG RNAM PA CI YANG 'CHAR, ,'ON KYANG BLO BZANG RGYAL BA'I LEGS BSHAD KYI, ,CHU GTER SHIN TU BSIL BA'I NGAD PA LA, ,BAG YANGS SPYOD PA'I SKYAL GYI NGANG TSUL LAS, ,GSUNG RAB RGYA MTSOR SBYOD PA'I RNAM THAR BKRA, ,YANG DAG DON GYI SNYING PO 'DRI 'DOD PA, ,KHYOD LA GNAD KYI GDAMS PA'I BDUD RTZI'I BCUD, ,'THOR BA'I GZEGS MA DANG LDAN BUM PA BZANG, ,'DI YIS DBANG BSKUR BSIL BA'I RANG BZHIN LAGS, ,NGES 'BYUNG YANG YANG BSGOMS PAS SEMS BSKUL NAS, ,NYAM CHUNG 'GRO KUN SNYING RJES SGROL 'DOD BLO, ,YANG DAG LTA BA'I GNAD KYIS BRGYAN BYAS NAS, ,NYAMS SU LEN PA RGYAL SRAS NGANG TSUL YIN, ,DE YANG SNYIGS MA'I TSE THUNG 'DI NYID LA, ,MNGON PAR RDZOGS PA SANGS RGYAS
THOB 'DOD PAS, ,RDO RJE THEG PA'I BSKYED DANG RDZOGS PA'I RIM, ,NYAMS SU LEN PA DPA' BO'I SPYOD TSUL LAGS, ,GNAS SKABS BDUD KYI G-YUL LAS RGYAL BA DANG, ,MTHAR THUG LAM GYI BAR CHAD SEL BA'I PHYIR, ,RDO RJE'I SRUNG MA SPYI DANG BYE BRAG GI, ,BSNYEN DANG SGRUB PA'I LAS LA 'BAD PA GCES, ,DE LTAR CUNG ZAD GDAMS PA'I LEGS BSHAD 'DI, ,KHYOD KYIS LAM MCHOG BSGRUB PHYIR BSKUL BA LTAR, ,BDAG GIS TSIGS SU BCAD PA'I DBYANGS KYIS BSDEBS, ,SMON PA'I GNAS KUN 'GRUB PA'I SKYABS 'JUG BGYING, CES MANG DU THOS PA'I RNAL 'BYOR PA LHA MGON SPRUL SKUR LAG BRIS SU GDAMS SHING, SROG MTHU'I MAN NGAG SOGS KYI DPE SHIN TU LEGS, DA DUNG SLAR MJAL 'PHRAD SO SOR ZHIB CHA BYED, CES PA 'DI NI LHA MGON SPRUL SKUR GNANG BA'O,, ` SNGON DU GSUNG MOL BYUNG RIGS LTAR YI GE KLOG PA'I BYA BA LA MYONG BA RNYED PA DE RIGS SHIN TU LEGS SNANG, DA PHAN CHAD KYANG KLOG PA'I BYA BA YANG LEGS PAR TSAGS SU 'DZIN DGOS PAR MA ZAD, DA CHA MDO SNGAGS GNYIS KA'I GNAD DANG KHA 'DON GYI RIGS THUGS SU 'CHAR GANG BDEN NAS TSIG BLO DANG NGAG THOG TU LEN PA DANG, DON GYI GNANG LA DPYAD PA ZHIB MOR 'JUG PA LA 'BAD PA MDZAD NA MCHOG TU LEGS, BDE GSANG 'JIGS GSUM GYI KHA TON DANG RNAL 'BYOR MDZAD PA DE SHIN TU LEGS 'DUG PAS DA DUNG YANG DE KHA'I RGYUN CHED GNYER GYIS GLANG LCOGS SKYONG BA DANG, KHYAD PAR 'JIGS BYED DANG MGON CHOS KYI SGOM BZLAS GTOR BSNGOS RNAMS LA 'BAD PA MDZAD PA GAL CHE BAR 'DUG ,GRVA SA ZHIG
, ,TU SLOB GNYER LA MA BYON GONG DU CHOS SPYOD KYI RIGS RNAMS 'DZIN PA DANG, RJES GNANG MKHO CHE RIGS DANG LUNG GI RIGS RGYA GANG CHE GSAN PAR MDZAD, DE NAS GRVA SA CHEN PO ZHIG TU BZHUGS TE, DRANG BA DANG NGES PA'I DON RNAM PA GNYIS KYI GZHI LAS BRTZAMS PA'I KUN NAS NYON MONGS PA DANG RNAM BYANG PHYOGS KYI GNAD ZHIB MO THAMS CAD BRGAL BRTAG GI SGO NAS GTAN LA 'BEBS PA DANG, SNGAGS KYI RGYUD SDE 'OG MA GSUM DANG BLA MED KYI SKOR RNAMS LA MYONG BA THON NGES MDZAD PA DANG, DE YANG MDO PHYOGS KYI GNAD DGA' RAB RTOGS NAS DKYIL 'KHOR CHEN PO RNAMS KYI DBANG DANG KHRID GAS NA NA GNAD RNAMS RTOGS PA LA KHYAD BSAM GYIS MI KHYAB PA YOD, MDOR NA RDO RJE 'CHANG GONG MA DE JI LTA BA BZHIN DU 'JAM MGON BLA MA TZONG KHA PA CHEN PO'I BSTAN PA YONGS SU RDZOGS PA'I BDAG MDZAD NAS, RGYAL DBANG MCHOG GI SPRUL PA'I SKU 'DI NYID KYI ZHABS 'DEGS SU 'GYUR NGES PA CIS KYANG MDZOD MDZOD MDZOD,, CES PA 'DI NI RVA SGRENG SPRUL SKU YE SHES BSTAN PA RAB RGYAS KYI BKA' LAN DU STZAL BA'O,, ` DGE SLONG RI KHROD 'DZIN PA'I YI GE RTEN LDAN 'BYOR PA YID SPRO ZHING, SDOM PA GSUM GYI BSHAGS PA MI 'GYANG PAR BRIS NAS BSKUR RTZIS BYED, SGOM GYI GNAS TSUL DE RIGS LEGS PA 'DUG CING; 'ON KYANG RLUNG THIM PA'I RTAGS MI 'BYUNG BA DER RANG NYID LHAR GSAL BA'I LUS KYANG DBU MA'I NANG DU ZHUGS PA LTAR BSGOM ZHING, SNYING KHAR GNAD DU BSNUN PA RE ZHIG LHOD NAS LTE BAR GNAD DU BSNUN PA LA RTZAL 'DON BYAS NA LEGS PAR SNANG,
ZHUGS GNAS KYI RTAGS GNYIS DAL GYIS 'CHAR ZHING RTOGS PA PHYI MA RNAMS DAL GYIS 'CHAR BA 'DI 'PHUL LEGS PO ZHIG 'ONG BA'I RTAGS SU RJE YAB SRAS RNAMS KYI BZHED PAR 'DUG ,SKYABS 'JUG DGOS DON LTAR DKON MCHOG GSUM LA GSOL BA BTAB NAS KHYED RANG GI RGYUD LA LAM GTZO GSUM DANG RIM GNYIS KYI RTOGS PA KHYAD PAR CAN SKYE BA'I SMON 'DUN YANG DAG BYED, RTEN SNGAGS MDUD, DAM RDZAS DANG BCAS, TSES LA, ZHES PA 'DI NI SKYID GRONG ME TOG MDANGS CAN NAS DKA' CHEN RJE DRUNG YE SHES DPAL 'BYOR GYIS DOGS PA 'GA' ZHIG ZHUS PA'I BKA' LAN DU STZAL BA'O,, ` DENG YANG, RGYAL PO CHEN PO SKU 'TSO DGE ZHING RANG GI SRID CHEN PO YAR LDAN NAS, PHYAG BRIS RTEN LDAN PHO NYA BA CHED MNGAGS KYI MDUN DU GNANG BAR YID SHIN TU SPRO, 'DI NA NGED KYANG BLA MA DANG LHA CHEN PO RNAMS KYI DRIN LAS LUS KYI 'TSO BA DGE ZHING RANG GI CHAS KYI SRID KYIS SKYONG BA'I 'GRO BA THAMS CAD BSAM GTAN DANG SHES RAB DANG TSUL KHRIMS KYI DGA' BA CHEN POS SKYONG BZHIN PAR YOD, RGYAL PO CHEN POS YI GE MDZAD PA'I BRJOD BYA LA BLTAS NAS BSAM MNO ZHIB MOR BTANG NA, LHA KHYOD KYI RGYAL SRID LA RGYAL PO GZHAN GYI DPUNG GIS RGOL BA DANG, CHAB 'BANGS KYI GRONG KHYER GZHAN GYIS PHROGS PA DANG, YE RANG DANG KHO KHOM GYI RGYAL POS KYANG GROGS MI MDZAD PA DE RGYAL PO NYID KYI MDZAD PA LA RAG LUS PAR 'DUG STE, RGYAL PO KHYOD KYIS RANG GI CHAB 'BANGS RNAMS LAS NOR DNGOS MANG DU 'PHROG CING, GAL TE 'BUL RGYU MED PA RNAMS KYI SROG LA CHAD PA SNA TSOGS GTONG BA DANG SDON GYI BLON PO CHEN PO RNAMS LA YANG DE
, ,LTA BU'I 'TSE BA MANG PO MDZAD 'DUG CES THOS PAS, DE LA BRTAN NAS 'BANGS RNAMS RGYAL PO GZHAN GYI DPAL 'BYOR LA SPRO BA SKYES NAS KHYED KYI GSUNG DANG DU MI LEN PA DANG RGYAL PO CHEN PO KHYOD KYANG RTAG TU SEMS PHRAL MDZAD DGOS PA DE BYUNG BAR 'DUG ,DE LTAR NA, LHA KHYOD NYID 'BANGS DANG BCAS PA BDE SKYID LA SPYOD PAR BZHAD NA, RANG GI MNGA' 'OG GI BLON PO DANG DMAG MI DANG MI SER RNAMS BYAMS PAS BSKYANGS TE DE RNAMS KYI SEMS RGYAL PO CHEN PO KHYOD NYID LA GUS PAR GYUR PA'I TSE DPUNG TSOGS YAN LAG BZHI GO BGOS NAS PHYIR RGOL PA RNAMS PHAM PAR BYAS RJES RANG GI SRID BDE BAR BSKYANGS NA, LHA KHYOD KYANG BDE BA LA REG PA DANG CHAB 'BANGS RNAMS KYANG 'BYOR ZHING LO LEGS PA DANG RGYAL PO GZHAN GYI DPUNG GI NYER 'TSES MI GOS PA SOGS YONG BAR 'DUG ,DE LTA MIN PAR RANG GI 'BANGS KHRIMS SNA TSOGS KYIS MNAR BZHIN DU RGYA NAG GI RGYAL PO SOGS LA ZHU BA MDZAD KYANG, RGYA NAG GI RGYAL PO CHEN PO'I DPUNG TSOGS PHYOGS DER 'ONGS TSE RGYAL PO KHYOD NYID KYI MDZAD PA RNAMS KYANG MKHYEN NAS, DANG POR LHA KHYOD NYID KYI LONGS SPYOD DANG MNGA' THANG RNAMS LEN PAR GDON MI ZA BAS CI NAS KYANG SHOM RA 'DI DAG MI LEGS SHING, RGYAL PO KHYOD KYI BYA BA'I CHED DU BYANG GI YUL 'DI DAG KYANG DPUNG GI TSOGS 'GRO 'ONG GI SDUG BSNGAL SNA TSOGS 'ONG BAS CI NAS KYANG BAG YOD PA MDZOD, TSIG 'DI RNAMS, BYANG GI PHYOGS KYI PAndI TA CHEN PO ^ SH'AKYA'I RGYAL PO THUB PA CHEN PO'I RGYAL TSAB ` CHOS KYI RGYAL PO TZONG KHA PA CHEN PO'I CHOS
KYI SRID SKYONG BA'I DGE SLONG BDEN PAR SMRA BA'I DRANG PO'I GTAM YIN PAS RGYAL PO CHEN PO KHYED THUGS KHRO BA MI MDZAD PAR ZHU, RTEN DANG MDZOD KHA BTAGS CHE LEGS BCAS, TSES DGE BA LA, ZHES PA 'DI NI BAL YUL GYI RGYAL KHAG RNAMS NANG MA GSHIN PAR BRTEN YAB BU RGYAL PO NAS ZHU YIG PHUL BA'I LAN DU ` RJE BTZUN THAMS CAD MKHYEN GZIGS CHEN PO BLO BZANG DPAL LDAN YE SHES DPAL BZANG POS STZAL BA'O,, ` MNYAM MED SH'AKYA'I RGYAL PO'I RING LUGS 'DZIN SPEL GYI SNYING STOBS MI DMAN PA ^ SH'AKYA'I DGE SLONG BLO BZANG DPAL LDAN YE SHES DPAL BZANG PO'I YI GE ,'DZAM BU'I LJON PAS MTSAN PA'I GLING CHEN GYI GZHIR 'KHOD PA'I SKYE 'GRO SBYI DANG, BYE BRAG BAL PO GOR KHA LA SOGS PA'I YUL GRU RNAMS DANG KHYAD PAR DU SKYID GRONG GI SAR 'KHOD PA'I SKYE 'GRO THAMS CAD NAS DGONGS SHING MNYAN PAR BYA BA LA, CHOS KYI RGYAL PO TZONG KHA PA CHEN PO'I BSTAN PA'I YANG RTZE DPEN SA SNYAN BRGYUD KYI MAN NGAG RNAMS NYAMS SU BSTAR BA'I DGE SLONG GI DGE 'DUN GYI SDE'I RI KHROD PHUG PO CHE BKRA SHIS BSAM GTAN GLING, BRAG KHA THEG CHEN GLING RNAMS SU SNGON DUS RNAL 'BYOR PA DGE SLONG DKA' BCU BLO BZANG RNAM RGYAL GYIS SGRUB PA'I RGYAL MTSAN BTZUGS NAS SNYAN BRGYUD KYI TING NGE 'DZIN RNAM PAR DAG PA SROL BTOD CING, DA LTAR GYI DUS SU BLA MA DGE SLONG YE SHES RGYAL MTSAN GYIS SROL RGYUN ZAB MO YAR RGYAS SU SBEL BA'I THOG NYAN BSHAD KYANG MANG DU MDZAD 'DUG PA 'DI RNAMS JI SRID RGYAL BA'I BSTAN PA GNAS KYI BAR DE SRID DU ZLA BA YAR GGYI NGO'I GANG BA'AM DBYAR GYI MTSO'I 'PHEL BA LTAR GYUR NA LEGS TSOGS RMAD DU BYUN BAR 'GYUR BA NI, PHYOGS BCU'I SANGS RGYAS SRAS,
, ,DANG BCAS PA THAMS CAD KYI DGONGS PA GCIG TU GYUR PA YIN PAS, GONG SMOS TSANG MAS LEGS PAR DGONGS TE SGRUB GRVA 'DI RNAMS YAR RGYAS SU 'GYUR THABS KHO NA LA 'BAD CING, KHYAD BAR DU SGRUB SDE 'DI RNAMS BLA MA YE SHES RGYAL MTSAN JI SRID 'TSO'I BAR DU KHONG RANG NAS KHUR LEN GYIS BSTAN PA SPEL ZHING, SLAD KYI KHONG RANG GI SLOB BRGYUD DBEN SA PA'I RING LUGS LEGS PAR SHES PA RNAMS KYIS SKYONG BA LAS, RJE BDAG NYID CHEN PO'I LUGS LAS PHYI ROL TU GYUR PA SU THAD NAS SGRUB GRVA 'DI RNAMS 'DZIN SKYONG BYED PA LTA ZHOG LOG PA'I SEMS KYIS 'GRO 'OD TZAM BYAS KYANG LUGS SROL PHAN TSUN 'DRES PAS CHOS LUGS RNAMS TSONG 'DUS KYI 'O MA LTAR 'GYUR NYEN CHE BAS GONG SMOS TSANG MAS LEGS PAR BRTAG 'TSAL, DE TZAM DU MA ZAD DAM NYAMS DANG 'DRES KHYER DANG 'CHAL BA DANG ZOG PO DANG BAN MO DANG BUD MED SOGS SGRUB SDE'I NYE SKOR TZAM DU BSDAD KYANG MI THUS SHING, SGRUB SDE RNAMS SU 'KHOD PA'I DGE SLONG BSOD SNYOMS SU 'GRO BA DANG LJONGS RGYU BA DANG, BKRA SHIS LHUN POR 'ONG BA SOGS GANG SAR PHAN GROGS SU GANG 'GRO LAS GNOD 'GAL RIGS MED PA DANG, SGRUB SDE'I NYE SKOR DU RI DVAGS BRDOD PA ME 'DEBS PA CHAS DNGOS RKU 'PHROG BYED PA SOGS GTAN NAS MED PAR BSAM GTAN GYI BDE BA BAG YANGS SU SGRUB CHUG, BSGO BA BZHIN BSGRUB PA RNAMS LA 'DI PHYIR DGE BA'I SKYABS 'JUG BGYID CING, TSUL LAS 'DAS PA RNAMS LA DAM CAN CHOS SRUNGS RGYA MTSO'I CHAD BA DRAG POS MNAR BAR GDON MI ZA BAS BAG YOD BSTEN 'TSAL, ZHES GO BAR BYA BA'I YI GE ME PHAG ZLA TSES DGE BAR CHOS GRVA CHEN PO BKRA
SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING GI GZIMS KHANG RGYAL MTSAN MTHON PO NAS BRIS,, ` RIG GROL GYI YON TAN BRGYAD DANG LDAN PA'I 'PHAGS TSOGS 'DUS PA RGYA MTSO'I SNYAN DBANG DU ZHU BAR, DE BZHIN GSHEGS PA RJES SU DRAN PA DANG ,DKON MCHOG LA LEGS PAR MCHOD PA'I PHYIR SA 'JIM BZANG PO LA, RDO RJE 'CHANG CHEN PO RJE BTZUN BLO BZANG CHOS KYI RGYAL MTSAN DPAL BZANG PO DANG, BKA' DRIN MTSUNGS MED RJE BTZUN BLO BZANG YE SHES DPAL BZANG PO RNAMS KYI NA BZA' DANG DBU SKYES MANG BA, BLA MA DAM PA RNAMS KYI GDUNG RUS DANG, DE BZHIN GSHEGS PA NAS BYIN RLABS KYI GTA' MA CHAD PA'I BDUD RTZI SKYE BDUN GYI RIL BU, MGON KHANG CHEN MO'I LHA RNAMS KYI ZHAL LA GZAN DRIL BYAS PA'I BYIN RLABS RIL, BU; PAn CHEN GONG MA'I BYANG SEMS DKAR PO DANG SHANGS MTSAL LA SOGS PA'I BYIN RLABS MANG DU BZHUGS PA'I RTEN 'DUS RIL BU, DKYIL 'KHOR MANG PO'I RDUL TSON, ,MOS LDAN GYI NGO DANG BSTUN PAR NGOS KYI GON PA DANG MGO SKYES SOGS SBYAR BA LA LAG BSTAR GYIS 'JIM PA BYIN RLABS BGYIS PA LAS GRUB PA'I, BCOM LDAN 'DAS DPAL RDO RJE 'JIGS BYED CHEN PO'I SNANG BRNYAN RVA PAR MA, RJE BTZUN 'JAM PA'I DBYANGS KYI SNANG BRNYEN, BCOM LDAN 'DAS MGON PO TSE DPAG MED LHA DGU DANG LHA GCIG MA, DPAL PHYAG NA RDO RJE'I SNANG BRNYAN, BKA' GDAMS LHA BZHI, SENG LDENG NAGS KYI SGROL MA GTZO 'KHOR GSUM GYI SNANG BRNYAN RNAMS DANG, YANG BYIN RLABS KYI TSOGS DE DAG MED KYANG 'JIM PA BYIN BRLABS NGOS CAG GIS BGYIS PA'I SNANG BRNYAN BDUN RE BCAS
, ,PHUL BA YANG DAG PAR BZHES NAS BSHAD RTZOD GNYIS KYIS MTSON PA'I LEGS TSOGS MANG POS SANGS RGYAS KYI BSTAN PA NYI ZLA LTAR SPEL BA'I THUGS KHAR RGYA CHER SPEL BZHU ZHU,, ` BYANG KHA BA CAN GYI YUL GYI PAndI TA CHEN PO RNAL 'BYOR PA DGE SLONG BLO BZANG DPAL LDAN YE SHES KYI YI GE ,RGYAL PO CHEN PO KARNA SING LA BSKUR BA, RGYAL PO CHEN PO NAS BLON PO DMAG MI DANG BCAS PA LA YI GE BSKUR BA NGES BYUNG, RGYAL PO CHEN PO SKU KHAMS BZANG BAR YOD DAM,, NGAD KYANG BDE BAR YOD, NGED BYANG PHYOGS PA RNAMS KYI RGYAL PO RGYA NAG GI RGYAL PO CHEN PO, NGED RNAMS DMAG 'KHRUG MED PAS, 'KHRUG PA'I LAS KA CHEN PO MI SHES SHING, 'KHRUG BA BYED NA RGYA NAG GI RGYAL PO LA ZHU DGOS, DE LTA NA DMAG 'BUM PHRAG MANG PO SLEB NAS RANG GZHAN THAMS CAD BRLAG 'GRO, LAS KA 'DI SDUG BSNGAL CHEN PO KUN LA YONG BAS GTAN NAS MI LEGS, GCIG TU BLA MA NGED KYI BSAM PAR, BAL BO RGYAL PO GSUM, GOR KHA RGYAL PO, NUB DANG SHAR GYI RGYAL PO THAMS CAD BDE BAR BZHUGS NA SEMS DGA', SU MA BDE YANG SEMS MI DGA', GAL TE DMAG 'KHRUG MDZAD NA YANG, RGYA GAR DANG RI BRAG GI YUL GYI RGYAL PO SO SO GSUNG BGROS MDZAD NAS G-YUL BKYEN KHYED RNAMS DPA' BO MANG BAS YAGS PO 'ONG BAS DE LUGS ZHU, RTEN RGYA NAG GI KHA BTAGS, GSER SRANG GSUM, RGYA NAG GI DNGUL SRANG BCU, RIN PO CHE'I BUM PA BCAS, ZHES PA 'DI NI ^ RJE BTZUN THAMS CAD MKHYEN GZIGS CHEN PO NAS 'PHAGS BOD GNYIS KA'I SKAD DOD KYI SGO NAS KA RNA SA'I R'A DZ'A LA
CHAB SHOG TU STZAL BA'O,, ` RGYAL BA KUN GYI NGO BO RJE BTZUN PHYAG NA PADMO'I ^ ZHABS KYI PADMA SRID ZHI'I RGUD PA YONGS SU 'PHROG PA GANG GI DRUNG DU, RNAM PA DANG DNGOS PO KUN GYIS BTUD DE RAB TU DANG BA DRI MA MED BAS ZHU BA, STOBS BCU MNGA' BA'I SHER PHYIN KHO LAG BYON, ,YANGS BOR GROL BA'I SPAR MO'I KHYIM GYI KHAMS, ,BDEN 'DZIN LAG LDAN MYOS BUM BRAL BA YI, ,BDEN MED SER SKYA'I BRLAN GYIS KUN TU SPAGS, ,LHA YI RDZING GI KHYON LA RAB MGONG PA'I, ,ZHING GI MTHAR SPYOD DPAL STUG SENGGE'I DBYANGS, ,GCIG TU MGUL PAR SMRENG BA'I DPA' BO CHE, ,LNGA YI MCHE BA MUN RDO'I DUG CAN LAS, ,KUN TU RGYAL BA'I DPA' RTZAL RAB RDZOGS PA, ,SNGON MED THUGS RJE'I 'DREN BYED DMAR BA'I 'OD, ,KHA BA'I LJONGS LA RAB MCHOG CHAGS PA YI , ,MI I GDONG LNGA KHYOD KYIS DENG GI DUS, ,^ SH'AKYA'I MGON PO'I YE SHES KYI, ,SGYU 'PHRUL ZLA RIS 'PHAS PA BLTA'I, ,DBYINGS KYI BRNYAN RNAMS RDZOGS PA YI, ,NYE BAR SBYOD PA'I RDZING BU'I NGOGS, ,DH'I: YIG 'OD KYI KUN BZANG SPRIN, ,KUN GSAL DOG POR BYED CHAS PA, ,GLANG CHEN STONG THUB RGYAL BA YI, ,CHO 'PHRUL GNYIS PA BZHIN DU SNANG, ,'DAS PA'I DUS KYI A'A DARSHA, ,RGYAL SRAS SBYOD PA'I GZUGS SHAR BA'I, ,GANGS KYI NGA RO BSGRAGS PA LAS, ,'OG MIN MTHAR THUG SNYAN RDA GRAGS, ,MGON KHYOD LANG TSO'I RNAM PA DANG, ,GSAR PA'I ZLA BA 'GRAN MOD KYI, ,KHYOD KYI BLO GROS LEGS BSHAD DANG, ,'GRAN 'DONG MKHA' DBYINGS CHU 'DZIN 'BOD, ,KHYOD KYI SNYING STOBS DOR NA, ,GZUGS NAS RNAM
, ,MKHYEN BAR GYI CHOS, ,BRE NANG YUNGS 'BRU'I TSUL 'CHANG NA, ,RGYU MTSAN DE LA CI NGO MTSAR, ,DE BZHIN GSHEGS SRAS BCAS KUN GYI, ,MDZAD PA'I RIN CHEN MA LUS PA, ,KHYED LAS GZHAN GYIS JI LTAR 'CHANG,, DES NA DE LA SU ZHIG RGOD, ,RAB KYI MTHAR SON DPAG BSAM 'DI'I, ,RNAM 'GYUR YAL GA'I G-YAB MO YIS, ,BOS PA'I DO MTSAR LDONG ROS KYIS, ,BYUGS RNAMS DGA' BA'I NYAMS RTZAL 'GRAN, ,THUGS RJE'I ME GHA RGOD PA'I SKAD, ,BSKAL PA'I 'JA' RIS SGRO LDAN GYIS, ,THOS PA'I GAR GYI KHA BA'I GOS, ,GYON PA'I NOR 'DZIN DOG POR BYAS, ,PHYOGS KYI BRDA YIS 'BYED PA'I ZHING, ,TIL GYI GANG BU'I RNAM 'GYUR CAN, ,BDE BAR GSHEGS KUN MGUR DANG PHYAG ,NGA STOD BSNGAGS CHED DU 'DI NA BREL, ,^ MGON PO KHYOD KYI MDZAD PA RMAD DU BYUNG BA'I SNYAN BA 'DI THOS PA'I TSE, NUB KYI PHYOGS NA GNAS PA'I DGE SLONG RNAL 'BYOR SBYOD PA BDAG ,AE MA HO, DUS KYI MTHA' 'DI LTA BU NA GYUR PA'I DUS SU YANG RGYAL BA'I MDZAD PA 'DI LTA BU BYUNG BA NI THUB BSTAN YONGS SU RDZOGS PA NI SROG SHING DANG BCAS, CHOS KYI RGYAL MTSAN NI MI NUB PA'I MGON DANG BCAS, CHOS KYI NYI MA NI SGRIB PA'I SPRIN DANG BRAL, CHOS KYI LANG TSO NI SHIN TU NGAR BA'I DBU BSNYENGS SO SNYAM DU SEMS SHING, DUS KYI MTHAR SKYES PA'I 'GRO BA THAMS CAD MGON DANG BCAS PAR MTHONG STE, SOR MO BCU SBYAR BA SBYI BOR BTUD CING, NGAG GIS BSTOD PA'I DBYANGS DANG, YID KYIS MOS PA RAB TU BSKYED NAS, RJES SU YI RANG BA'I BSTOD PA'I LEGS SO BRJOD PAR BYED BA LAGS NA THUGS
BRTZE BA CHEN POS NYE BAR DGONGS TE SBYAN RAS KYIS MA KYUNG BA'I BKA' PHEBS TSOGS KYANG SBYI BOR STZOL BA MKHYEN MKHYEN MKHYEN LAGS, GSOL BA 'DEBS RTEN LHA RDZAS DRI BRAL, GSER SRANG 'KHOR LNGA, DNGUL BRE CHEN, GOS YUG CHEN GNYIS, LING SMAN YUG RE BCAS, GUS PAS PHUL, ZHES PA 'DI NI RJE BTZUN BLO BZANG DPAL LDAN YE SHES DPAL BZANG POS RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO LA PHUL BA'O,, ` KUN RDZOB SNANG BA DE BZHIN GSHEGS PA DANG, ,LHAN CIG 'OD GSAL DBYINGS SU ZOS PA'I KHOG ,BCU GNYIS BSHAD BYA'I MDANGS KYIS BKRA BA'I 'JA', ,KUN NAS KLUBS PA RDO RJE 'DZIN PA'I DRUNG, ,KHA BA'I RDUL MANG MTHOR BRTZEGS KHOR YUG CAN, ,YUL GYUR SNANG SBYAR RGYAL MA TSAN 'CHAD RNAMS KYI,, SO SO THAR PA'I SGRA DBYANGS SGROG PA POR, ,RLOMS PA'I DGE SLONG BDAG NI 'DI LTAR GSOL, ,CHOS KUN YONGS DAG CHOS DBYINGS NGO BO LA, ,MNYAM PAR BZHAG BZHIN DU KUN RDZOB DPAG BSAM SHING, ,RAB BKRA KHYOD KYI BLO GROS DO RA NAS, ,LEGS SKYES 'BRAS BUS 'DIR NI YONGS SU TSIMS, ,KHYOD SKU THA MAL SNANG BA'I SDUG BSNGAL GYIS, ,MA GOS SRID ZHI LAS BRGAL BDE BA LA, ,SPYOD DANG LHAN CIG RGYAL BSTAN GNAM BSKOS SRID, ,'DEGS ZHES GRAGS SNYAN 'OG MIN KHONGS LAS BRGAL,, NGANG TSUL DE DANG KHYOD KYI YI GE RIGS, ,CHABS GCIG KHO BO'I KUN GZHIR BAS MIS PA YIS, ,DGA' DANG SPRO BA'I RANG BZHIN DE NYID NI, ,BSAM GTAN BZHI BA'I TSOR BAS BSGRUN PA MIN, ,DKON MCHOG RIN CHEN BYIN RLABS CHAR GYI KHRUS, ,CI
, ,DGAR MYONG BA'I MTHU YIS BAR GCOD DRI, ,KUN DAG DE'I PHYIR DENG DUS LUS NGAG YID, ,BDE BA'I RANG BZHIN GO SKABS SHIN TU YANGS, ,SLAR YANG MKHAS DANG GRUB PA'I SKYES MCHOG KHYOD, ,LEGS BSHAD SKYES KYI MCHOD PA BGYID PA'I PHYIR, ,BDAG NI BSGRIMS TE BTUD PA'I NGANG TSUL LA, ,MGON KHYOD YANG YANG DGONGS PA'I TSUL GNAS 'TSAL, ,SHES BYA'I GNAS KUN YID SHES DRA BA'I NANG, ,BSDAMS PAS DE NGAG RANG MTSANG RIG PA'I DBYING, ,DPAL DU SHAR BA'I LEGS BSHAD ME TO GA GSAR, ,'GREMS MKHAS KHYOD LAS GZHAN PA DE SU ZHIG ,SNYIGS DUS LNGA BDO GNYER MA BKRA BA'I MTSO, ,NYES SPYOD BA TSVAS KHYAB PAR RGYAL BSTAN GYI, ,RIG BYED LHUNG BA PHYIR YANG 'BYIN PA YI, ,SNYING STOBS 'KHOR LO'I LAG CAN KHYOD NYID DO, ,RIGS TSUL PHRA ZHING BRTAN PA'I DHA NU DANG, ,BDE GSHEGS GSUNG RAB GNAD GSANG SGRO LDAN SBYAR, ,MTHAR LHA'I SNYING RTZAR BSNUN BYED DPA' KHYOD DRUNG, ,CHOS KYI GRAGS PA BYOL THABS LHUR MDZAD SNYAM, , GNAM, SKOS SRID KYI GDUGS DKAR 'DEGS PA YI, ,'JIG RTEN BLO GROS MTHA' LA MKHAS GTUGS KYANG, ,'PHAGS PA'I RIGS BZHI'I DBYINGS LAS MI 'DA' BA, ,CI 'DI NYE BAR 'KHOR GYI SGYU 'PHRUL BLTA, ,SNONG KUN RNAM PAR SNANG MDZAD NGO BO'I MDANGS, ,BCUNG KUN MI BSKYOD LHA YI RNAM PAR ROL, ,DE KUN 'OD GSAL DBYINGS SU MNYAM GZHAG PA, ,RIGS LNGA'I BDAG NYID MGON DER KHYOD NYID GRUB, ,DE'I PHYIR DENG DUS THUB PA'I RING LUGS MCHOG ,RGYAL BA GNYIS PA'I GSUNG
GSANG ZLA MED PA, ,'DI NYID SPEL PHYIR MGON KHYOD SKU GSUNG THUGS, ,RDO RJE'I KHAMS SU BRTAN PA'I THUGS BSKYED MDZOD, ,'DI NA DPAL STUG GSUNG GSANG KHUR CHEN PO, ,KHYER TE 'GRO KUN SGROL PHYIR 'BAD 'DOD KYANG, ,LNGA BDE'I SRONG MDANGS MTHUG POS BSKYAB PA'I 'DRE, ,MANG ZHIG 'KHUN PA'I RANG SGRA CIR YANG SGROG ,BZHAD GANG DE LA 'GRO KUN SKRAG PA DANG, ,DBANG BSGYUR GNAS KYI BYIN RLABS MTHU BTZAN PAS, ,BDAG GI 'BAD PA NGAL BA'I RANG BZHIN GYI, ,ZLOS GAR TSUL LAS GZHAN PA'I YA MTSAN GANG, ,'ON KYANG RGYAL SRAS SAR GNAS CHEN PO'I GO ,THOGS PA RANG MA BCAS YID LA RAB 'CHANG BAS, ,KHYOD KYANG DENG 'DIR BDAG GI GROGS BGYID LA, ,PHYI BSHOL MA LUS RI BONG RVA BZHIN MDZOD, ,CHOS KUN BDEN GRUB ZHIG PA'I CHOS NYID DE'I, ,'BRAS BUR KUN RDZOB RNAM PAR BKRA BA GNAS, ,KUN RDZOB DE YI 'BRAS BU'ANG CHOS NYID DE, ,DE NI STONG NYID RGYU 'BRAS 'CHAR TSUL LO, ,DANG PO'I LAS CAN MNYAM GZHAG NGO BO NA, ,'KHRUL SNANG BDEN GRUB BSHIG PA'I STONG SANGS NGOR, ,DMIGS YUL STONG RGYU'I KUN RDZOB SNANG BA DE, ,MA SHOR CHAD LHA'I G-YANG LAS GROL LAM SNYAM, ,'ON KYANG BLA MED THEG PA'I LUGS SROL MCHOG ,SEMS LA PHYI NANG RKYEN GYIS BSDUS BLTAS NAS, ,SEMS KYI CHOS NYID SEMS KYIS MTHONG BA DE, ,CHOS SKU MNGON GYUR THABS MCHOG BLA NA MED, ,KHYOD KYIS GNAS LUGS 'DI DAG MA LUS PA, ,RANG LUS 'KHOR LO BZHI LAS RTOGS ZIN PAS, ,DE LA BUS PA'I RDOL GTAM 'DRA NA YANG, ,BDAG LA DRIS PHYIR TZAL
, ,GTAM TZAM DU ZAD, ,PHYI NANG BDUD BZHI 'JOMS PA'I RDO RJE YI, ,RNAL 'BYOR ZAB MO G-YO BA MED PA NAS, ,MNYES GSHIN DGE BA'I GSUNG MCHID BSIL BA'I CHAB, ,BSANG GTOR DE YANG LAN CIG MIN PAR MDZOD, ,BDAG NI SGRA SNYAN RIG BYED MA SBYANGS SHING, ,TSAD MA'I DON LA RNO BA'I BLO MED KYANG, ,BLA MA'I DRIN GYIS GO BA'I TSIG GI RIS, ,BSTAN BA'I SROG SHING CHE KHYOD DGYES PHYIR PHUL, ,YI GE LA GZIGS PA'I RTEN DU SDAGS MDUD, NGOS KYIS ME TOG 'THOR 'BUL BGYES PA'I SNANG BRNYAN ZUNG, DAM RDZAS LE TSAN RNAMS DANG, SGOM ZHVA, CHOS GOS, ,SNAM BUBS BZHI, MDA' RIS KHAM BU LTANG BCAS SA BYI LO DBYAR ZLAR BA'I DKAR TSES DGE BA LA, ZHES PA 'DI NI RJE BTZUN BLO BZANG DPAL LDAN YE SHES DPAL BZANG BOS LCANG SKYA ROL PA'I RDO RJE LA PHUL BA'O,,
[BLANK PAGE]