Instructions for Performing the Confession of Negative Deeds, and the Resolution to Restrain Oneself from them in the Future, by Working with a Variety of Gods and Wishes

*, ,'DOD LHA SNA TSOGS LA BRTEN PA'I SDIG LTUNG BSHAGS BSDAMS BYA TSUL GYI SKOR BZHUGS,, @1 #, ,BCOM LDAN 'DAS DE BZHIN GSHEGS PA MI 'KHRUGS PA LA PHYAG 'TSAL LO, ,SDIG PA BYANG BAR BYED PA LA, THOG MAR SDIG PA LA 'GYOD PA GAL CHE BAS RANG GIS SNGAR BYAS KYI SDIG PA RNAMS LA DUG KHONG DU SONG BA LTA BU'I 'GYOD SEMS DANG BCAS TE, DE NYID BYANG BAR 'DOD PAS, SKYABS 'GRO SEMS BSKYED TSAD MED BZHI BSGOMS PA SNGON DU BTANG NAS, RANG GI MDUN GYI NAM MKHAR GLANG PO CHE BRGYAD KYIS BTEG PA'I BEE d'U RYA'I RIN PO CHE'I KHRI'I STENG DU SNA TSOGS PADMA DANG ZLA BA'I STENG DU H'Um LAS RDO RJE H'Um GIS MTSAN PA YONGS SU GYUR PA LAS BCOM LDAN 'DAS RDO RJE MI 'KHRUGS PA SKU MDOG BEE d'URYA LTA BU ZHAL GCIG PHYAG GNYIS PA, PHYAG G-YAS SA GNON GYI PHYAG RGYA GDAN LA GTAD CING, G-YON MNYAM GZHAG GI STENG NA RDO RJE RTZE LNGA PA LANGS STABS SU 'DZIN PA, ZHABS RDO RJE SKYIL KRUNG GIS BZHUGS SHING RAS BZANG PO'I CHOS GOS GSOL

, ,ZHING MTSAN DPE'I 'OD 'BAR BA'I SPYI BOR AOm, MGRIN PAR A'A: THUGS KAR H'Um GIS MTSAN PA, THUGS KA'I H'Um LAS 'OD 'PHROS, BLA MA YI DAM SANGS RGYAS BYANG SEMS DPA' BO MKHA' 'GRO BSTAN SRUNGS RGYA MTSO'I TSOGS SPYAN DRANGS, RDO RJE MI 'KHRUGS PA LA THIM ZHING, RANG DANG 'DRA BA'I YE SHES PA'ANG THIM NAS, SKYABS GSUM KUN 'DUS KYI BDAG NYID DU GYUR PAR MOS LA, MAndAL PHUL NAS PHYAG 'TSAL DANG BCAS NAS, SNGON CHAD MA RIG MUN PAS BSGRIBS PA YIS, ,SDIG LTUNG PHUNG PO BGRANGS LAS 'DAS PA BSAGS, ,DE YI 'BRAS BU RNAM SMIN BRNAG DKA' BA, ,MTHONG BAS BDAG NI SHIN TU SKRAG BAR GYUR, CES RNAM PAR SUN 'BYIN PA'I STOBS DANG, MGON KHYOD SPANG RTOGS YON TAN MTHAR PHYIN CING, ,SDIG LTUNG 'BRAS BU SBYONG BA'I MTHU STOBS CAN, ,SNYING NAS GSOL BA 'DEBS SO BDAG GI NI; ;SDIG PA'I 'BRAS BU MA LUS ZHI BAR MDZOD,, CES RTEN GYI STOBS DANG, DE PHYIR SNGAR BYAS SDIG BA MA LUS PA, ,RAB TU 'GYOD PA'I SEMS KYIS SNA DRANGS TE, ,SNANG YANG 'JA' TSON LTA BUR STONG PA YI, ,

DMIGS PA MED PA'I DANG DU BSHAGS PAR BGYI,, ZHES PA DANG, SKABS 'DIR LTUNG BSHAGS DANG SPYI BSHAGS, SDOM PA GSUM SO SO'I BSHAGS PA RNAMS BLO LAS JI LTAR THON PA BTON NAS BSHAGS PA BRJOD PA GNYEN PO KUN TU SPYOD PA'I STEBS DANG, DENG NAS BZUNGS TE SLAN CHAD DUS KUN TU, ,SROG GI PHYIR YANG MI DGE SDIG BA'I LAS, ,BGYID PA MI 'TSAL BLA MA LHA KHYED KYIS, ,LEGS PAR BSRUNG BAR NUS PAR BYIN GYIS RLOB,, CES SDOMS PA'I STOBS TE STOBS BZHI TSANG BA'I BSHAGS PA NAN TAN DU BYAS NAS, SA LA 'DUG STE BO DHI TZI'I 'PHRENG BAS 'DREN CING, NA MO RATNA TRA Y'A YA, AOm KAm KA NI KAm KA NI, RO TZA NI RO TZA NI, TRO tA NI TRO tA NI, TR'A SA NI TR'A SA NI, PRA TI HA NA PRA TI HA NA, SARBA KARMA: PA RAm PA R'AnI ME SARBA STV'A N'A NYTZA SV'A H'A, ZHES MANG TZAM 'DREN CING, DE'I DUS SU BCOM LDAN 'DAS RDO RJE MI 'KHRUGS PA'I THUGS KAR ZLA BA'I DKYIL 'KHOR GYI STENG DU RDO RJE RTZE LNGA PA H'Um GIS MTSAN PA'I MTHAR SNGAGS 'PHRENG GIS BSKOR BA LAS BDUD RTZI'I RGYUN DPAG TU MED PA BABS RANG GI LUS LA ZHUGS PAS TSE RABS 'KHOR BA THOG MA MED PA NAS BSAGS PA'I SDIG SGRIB THAMS CAD BYANG ZHING DAG ,LUS SHEL SGONG LTAR DAG PAR MOS NAS BZLAS PA BYA, DE LTAR NYIN RE BZHIN MA CHAG PAR BZLAS NA LAS KYI SGRIB PA LCI ZHING MTHUG PA RNAMS BSRABS SHING ZAD PAR 'GYUR ZHING MDUN GYI NAM MKHA'I LHA RANG GI SBYI BOR BZHUGS PAR BSAMS, ZHES PA 'DI NI KHAL KHA MKHAN PO BLO BZANG CHOS 'PHEL GYI DGE SGRUB PA GNYER PA BSTAN PA YAR 'PHEL GYIS STOBS BZHI'I BSHAGS BSDAMS BYED TSUL 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA 'DI'I MTSAN NI ZLA BA RI 'OD ZER CAN ZHES BYA'O,, ` 'PHAGS TSOGS 'DUS PA'I SDE CHEN PO'I SNYAN DU GSOL PA, GZHUNG TSES BCO LNGA BKRA SHIS KYI GSO SBYONG GI SKABS, DGE 'DUN GYI SDE CHEN PO NAS YUL PHYOGS

, ,'DI NYID SHIN TU BKRA SHIS PAR 'GYUR BA'I THUGS 'DUN DANG BCAS TE, DGE TSUL GYI SNYING PO'I SKABS, BSTAN PA RIN PO CHE'I GSAL BYED DAM BAR GYUR PA MKHAN PO'AM, SLOB DPON NAM, GNAS BRTAN 'DUL BA 'DZIN PA CHEN PO BKRA SHIS KYI GSO SBYONG GI CHO GA LA THUGS GTAD PAR ZHU, DENG DGE 'DUN GYI BKRA SHIS KYI GSO SBYOD LAGS TE, BDAG DGE TSUL MING 'DI ZHES BGYI BA'I YANG BKRA SHIS KYI GSO SBYONG LAGS NA, ZHES SOGS DANG, 'DUL TSES NYI SHU'I NYIN GNOD PA BZLOG BA'I GSO SBYONG GI SKABS, BSTAN PA RIN PO CHE'I GSAL BYED DAM PAR GYUR PA MKHAN PO'AM, SLOB DPON NAM, GNAS BRTAN 'DUL BA 'DZIN PA CHEN PO GNOD PA BZLOG PA'I GSO SBYONG GI CHO GA LA THUGS GTAD PAR ZHU; DENG DGE 'DUN GYI GNOD PA BZLOG PA'I GSO SBYONG LAGS TE, BDAG DGE TSUL MING 'DI ZHES BGYI BA'I YANG GNOD PA BZLOG PA'I GSO SBYONG LAGS NA, ZHES SOGS BAR GCOD THAMS CAD BZLOG PA'I SPYAN DMIGS SNANG, NYER LNGA LA DBYEN BSDUM GYI GSO SBYONG SKABS, GZHAN RNAMS 'DRA BA LA, DBYEN BSDUMS PA'I GSO SBYONG GI CHO GA LA THUGS GTAD PAR ZHU, ZHES SOGS DANG, DENG DGE 'DUN GYI DBYEN BSDUMS PA'I GSO SBYONG LAGS TE, SOGS BYA ZHING, DA LTA DBYEN GYI GNOD PA MED MOD MA 'ONGS PA'I DUS SU 'BYUNG NYEN YOD PA THAMS CAD ZHI BA'I DMIGS PA MDZAD DGOS, ZHES BKA' GDAMS PHO BRANG NAS ZHUS,, ` NA MO GU RU MU NI AINDR'A YA, GANG GI MTSAN SNYAN SGRA 'DZIN BU GA'I NANG, ,SON

PA YIS KYANG SDIG LTUNG TSAD NAD KUN, ,SEL BAR BYED LA 'GRAN PA'I ZLA BRAL BA, ,DE BZHIN GSHEGS PA KUN GYIS RTAG TU SRUNGS, ,KHYED RNAMS MCHOD CING GSOL BTAB BGYIS PA LAS, ,SDIG PA MI DGE'I DRI MA RAB GNAG PA, ,'KHRUNG BYED GANGG'A GSAR PA'I CHU YI KLUNG, ,'BEBS PAR BYED LA SPRO BA SHIN TU BRTAS, ,DE YANG STON PA YANG DAG PAR RDZOGS PA'I SANGS RGYAS GANGG'A'I KLUNG GI BYE MA SNYED KYI GRANGS DANG MNYAM PA'I PHYOGS BCU'I 'JIG RTEN GYI KHAMS NA 'TSO ZHING GZHES PA THAMS CAD KYIS, GANG GIS STON PA YANG DAG PAR RDZOGS PA'I SANGS RGYAS SUM CU SO LNGA'I MTSAN 'DZIN PA DANG, NGAG TU BRJOD PA DANG, SKU GZUGS BYED PA DANG, PHYAG 'TSAL PA DANG, YID LA BYED CING PHUNG PO GSUM PA'I MDO KHA TON DU BYED PA DE RNAMS LA NI LAS KYI SGRIB PA JI TZAM LCI BA THAMS CAD BYANG ZHING DAG PA DANG, RING POR MI THOGS PAR BLA NA MED PA YANG DAG PAR RDZOGS PA'I BYANG CHUB LA REG PAR 'GYUR RO, ZHES LAN GRANGS DU MAR BSNGAGS PA'I DBYANGS MGRIN GCIG TU SGROG PAR MDZAD DO, ,DE YANG LTUNG BA BSHAGS PA'AM PHUNG PO GSUM PA'I MED LA KHA 'DON DU BYED PAR 'DOD PAS, GNAS GTZANG MA SDIG CAN GYI SKYE BOS DBEN PA'I GNAS SU PHYAG DAR DANG SKYANG NUL LEGS PAR BYAS, ME TOG SIL MA GCAL DU BKRAM, BDUG SBOS GTZANG MAS BDUG , STON PA SH'AKYA'I RGYAL PO'I SNANG BRNYAN GTZO BOR BZHUGS PA'I SANGS RGYAS SO LNGA'I BRIS 'BUR GYI SKU GANG YANG RUNG BA'I MDUN DU ME TOG ,BDUG SPOS, MAR ME, DRI CHAB, ZHAL ZAS, ROL MO RNAMS BSHAMS SHING, SANGS RGYAS DANG BYANG CHUB

, ,SEMS DPA' THAMS CAD DANG KHYAD PAR DU SANGS RGYAS SUM CU SO LNGA LA SDIG PA DE DAG ZHI ZHING, SDIG 'BRAS LAS SKYOB PA'I NUS PA YOD PAR YID CHES BRTAN POS, RANG GIS SNGAR BYAS KYI SDIG PA RNAMS YID LA GSAL BTAB NAS 'GYOD SEMS DANG BCAS TE, 'DI LTAR NGAG TU 'DON PAR BYA STE, THUGS RJE'I GZHAN DBANG BTZAN POS 'GRO KUN LA, ,SDIG KUN SEL PHYIR THUGS RJE'I GZI BYIN 'BUM, ,BZHAD MDZAD THUB DBANG SANGS RGYAS SO LNGAR BCAS, ,THUGS RJES 'DIR GSHEGS BDAG LA DGONGS SU GSOL, ,RIN CHEN SENG KHRI PADMA ZLA NYI'I STENG, ,SH'AKYA'I RGYAL PO SANGS RGYAS SO LNGAR BCAS, ,THUGS RJES 'DIR GSHEGS BDAG DANG 'GRO KUN LA, ,PHAN PA'I DNGOS GRUB BDE BLAG STZOL PHYIR BZHUGS, ,DE LTAR GSOL BA BTAB PAS 'GRO KUN DANG, ,KHYAD LAR RANG GI SDIG LTUNG SEL BA'I PHYIR, ,DGYES PA'I 'DZUM DANG THUGS RJE'I 'OD ZER BCAS, ,LHAM ME LHAN NE LHANG NGER BRTAN PAR BZHUGS, ZHES GSOL BA BTAB PAS DGYES BZHIN DU SENGGES BTEG PA'I RIN PO CHE'I KHRI'I STENG DU PADMA DANG ZLA BA DANG NYI MA'I STENG DU SKU LAS 'OD ZER 'PHRO ZHING DGYES BZHIN DU BZHUGS PAR BSGOMS LA, BDAG LUS GRANGS MED SPRUL TE MGON RNAMS LA, ,LUS DANG NGAG YID DVANG BAS BSTOD BGYID CING, ,LUS KUN PHAB DANG LNGA LDAN SGYID 'KHRIL PHYAG ,'TSAL GYI DGYES PA CHEN POS BYIN GYIS RLOBS, ,ME TOG BDUG SPOS SNANG GSAL DRI CHAB DANG, ,ZHAL ZAS ROL MO GNGG'A'I BYE SNYED DANG, ,GLING BZHI RI RAB NYI ZLAR

BCAS PA YI, ,MCHOD PABLA NA ME DPA KUN BZANG 'BUL, ZHE PHYAG DANG MCHOD PA BYA, DE NAS LTUNG BA BSHAGS PA LAN JI TZAM 'OS PA PHYAG DANG BCAS NAS BRJOD RJES, MGON PO KHYOD RNAMS SKU GSUNG THUGS KYI NI, ,YON TAN BLA NA MED PA THAMS CAD DANG, ,KHYAD PAR RANG DANG GZHAN GYI DGE BA'I LAS, ,KUN LA BSAM PA THAG PAS YI RANG NGO, ,NYON MONGS SHES BYA'I SGRIB PA MA LUS PA, ,SPONG PHYIR SDIG PA MA LUS BYANG BA'I PHYIR, ,BDAG CAG RNAMS KYI KHAMS DANG BSAM PA BZHIN, ,CHOS KYI 'KHOR LO RGYA CHER BSKOR DU GSOL, ZHES CHOS 'KHOR BSKOR BA DANG, DENG NAS 'KHOR BA'I SDUG BSNGAL RGYA MCHO LAS, ,'GRO KUN BSGRAL BAR MA BYAS DE SRID DU, ,SPRUL PA'I SKU MCHOG MYA NGAN MI 'DA' BAR, ,RTAG TU BRTAN PAR SENGGE'I KHRI LA BZHUGS, ,DGE BA 'DIS MTSON JI SNYED DGE BA YIS, ,BDAG DANG MAR GYUR 'GRO BA MA LUS PA, ,DON GNYIS LHUN GRUB RDZOGS PA'I SANGS RGYAS KYI, ,GO 'PHANG DAM PA THOB PHYIR BSNGO BAR BGYI, ZHES YAN LAG BDUN PA BYA, DE NAS YANG, LTUNG BSHAGS LAN JI LTAR RIGS PA PHYAG DANG BCAS PA BYAS NAS, DENG NAS BZUNG STE BYANG CHUB SNYING PO'I BAR, ,SDIG DANG NYES LTUNG PHUNG PO JI SNYED PA, ,DE DAG MA LUS YONGS SU BYANG BA DANG, ,YONGS SU BSDOM PA'I DNGOS GRUB BLA MED STZOL, ZHES GSOL BA BTAB PAS, DE BZHIN GSHEGS PA RNAMS KYI SKU LAS BDUD RTZI DKAR PO DRI MA MED PA'I RGYUN BABS, RANG DANG RANG GI MTHA' SKOR NA GNAS PA'I SEMS CAN RNAMS KYI LUS LA PHOG PAS SDIG SGRIB THAMS

, ,CAD BYANG, SANGS RGYAS RNAMS KYI SKYABS 'OG TU CHUD PA'I MOS PA BYAS LA, SANGS RGYAS SO LNGA'I RTEN RNAMS LA BRTAN BZHUGS BYA'O,, ZHES PA 'DI NI RAB 'BYAMS PA MER KHAN CHOS RJE SKAL LDAN RGYA MTSOS 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, BSLAB PA KUN LAS BTUS PA LAS, 'DI DAG RTZA BA'I LTUNG BA STE, ,SEMS CAN DMYAL BA CHEN PO'I RGYU, ,RMI LAM 'PHAGS PA NAM SNYING PO'I, ,MDUN DU 'DUG STE BSHAGS PAR BYA, ZHES GSUNGS PA'I MAN NGAG NYAMS SU LEN TSUL PAn CHEN BLO BZANG CHOS KYI RGYAL MTSAN GYIS MDZAD PA 'DI NYID LAG LEN GYI RIM PAR BSGRIGS NA, DE YANG, BYANG CHUB SEMS DPA'I RTZA LTUNG SOGS BYUNG NA, DE BSHAGS PAR 'DOD PA'I GANG ZAG GIS, SDIG BA'I 'BRAS BU DMYAL BA MI BZAD PA RNAMS LA 'JIGS ZING DE BA DANG BCAS SHING 'GYOD SEMS DANG BCAS TE, GNAS KHANG LA BYI DOR BYAS, SKU GSUNG THUGS KYI RTEN BKRAM, DE YANG, SHAR PHYOGS KYI LOGS SU 'PHAGS PA NAM MKHA'I SNYING PO'I BRIS SKU BKRAM PAR BYA STE, 'DRI TSUL JI LTAR BYA NA, NYI MA BZANG PO LA BKRA SHIS KYI RAS NYOS NAS, KHA TSAR MA BCAD PA RAS 'DUL BYAS TE RI MO MKHAN MKHAS PA GTZANG ZHING GZHUNGS PAS SKAR MA RGYAL LA BABS PA NA RAB TU BYUNG BA MIN TSE BSNYEN GNAS KYI SDOM PA LA GNAS PA'AM, YANG NA, GSO SBYONG LA GNAS BAS RDZOGS PAR 'DRI BAR BYA STE, DE YANG 'OD KYI DKYIL 'KHOR DKAR PO'I DBUS NA PADMA DANG ZLA BA LA GNAS PA,

SKU MDOG SNGON PO DAR DANG RIN PO CHE'I RGYAN GYIS BRGYAN PA, PHYAG GNYIS NAM MKHA' MDZOD KYI PHYAG RGYA'I DBUS NA YID BZHIN GYI NOR BU 'DZIN PA'AM, YANG NA RGYUD SO SO NAS 'BYUNG BA LTAR BRIS LA, SPYAN DBYE ZIN MA THAG RAB GNAS SOGS BYAS LA; DE NAM MKHA'I SNYING PO DNGOS SU MOS NAS BKRAM PA'I MDUN DU MCHOD PA BZANG PO BSHAMS, BDAG NYID KHRUS BYAS BDUG SPOS GTZANG MAS BDUGS, SKYABS 'GRO SEMS BSKYED TSAD MED BZHI BSGOMS PA SNGON DU BTANG, 'PHAGS PA NAM MKHA'I SNYING PO LA SOGS PA'I SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,JI SNYED SU DAG PHYOGS BCU'I 'JIG RTEN NA, ,DUS GSUM GSHEGS PA MI YI SENGGE KUN, ,BDAG GIS MA LUS DE DAG THAMS CAD LA, ,LUS DANG NGAG YID DVANG BAS PHYAG BGYI'O, ,BZANG PO SPYOD PA'I SMON LAM STOBS DAG GIS, ,RGYAL BA THAMS CAD YID KYI MNGON SUM DU, ,ZHING GI RDUL SNYED LUS RAB BTUD PA YIS, ,RGYAL BA KUN LA RAB TU PHYAG 'TSAL LO, ,RDUL GCIG STENG NA RDUL SNYED SANGS RGYAS RNAMS, ,SANGS RGYAS SRAS KYI DBUS NA BZHUGS PA DAG ,DE LTAR CHOS KYI DBYINGS RNAMS MA LUS PAR, ,THAMS CAD RGYAL BA DAG GIS GANG BAR MOS, ,DE DAG BSNGAGS PA MI BZAD RGYA MTSO RNAMS, ,DBYANGS KYI YAN LAG RGYA MTSO'I SGRA KUN GYIS, ,RGYAL BA KUN GYI YON TAN RAB BRJOD CING, ,BDE BAR GSHEGS PA THAMS CAD BDAG GIS BSTOD, ,ME TOG DAM PA PHRENG BA DAM PA DANG, ,SIL SNYAN RNAMS DANG BYUG PA GDUGS MCHOG DANG, ,MAR ME MCHOG

, ,DANG BDUG SPOS DAM PA YIS, ,RGYAL BA DE DAG LA NI MCHOD PAR BGYI, ,NA BZA' DAM PA RNAMS DANG DRI MCHOG DANG, ,PHYE MA'I PHUR MA RI RAB MNYAM PA DANG, ,BKOD PA'I KHYAD PAR 'PHAGS PA MCHOG KUN GYIS, ,RGYAL BA DE DAG LA NI MCHOD PAR BGYI, ,MCHOD PA GANG NA BLA MED RGYA CHE BA, ,DE DAG RGYAL BA THAMS CAD LA YANG MOS, ,BZANG PO SBYONG LA DAD PA'I STOBS DAG GIS, ,RGYAL BA KUN LA PHYAG 'TSAL MCHOD PAR BGYI, ,'DOD CHAGS ZHE SDANG GTI MUG DBANG GIS NI, ,LUS DANG NGAG DANG DE BZHIN YID KYIS KYANG, ,SDIG PA BDAG GIS BGYIS PA CI MCHIS PA, ,DE DAG THAMS CAD BDAG GIS SO SOR BSHAGS, ,PHYOGS BCU'I RGYAL BA KUN DANG SANGS RGYAS SRAS, ,RANG RGYAL RNAMS DANG SLOB DANG MI SLOB DANG, ,'GRO BA KUN GYI BSOD NAMS GANG LA YANG, ,DE DAG KUN GYI RJES SU BDAG YI RANG, ,GANG RNAMS PHYOGS BCU'I 'JIG RTEN SGRON MA DAG ,BYANG CHUB RIM PAR SANGS RGYAS MA CHAGS BRNYES, ,MGON PO DE DAG BDAG GIS THAMS CAD LA, ,'KHOR LO BLA NA MED PAR BSKOR BAR BSKUL, ,MYA NGAN 'DAS STON GANG BZHED DE DAG LA, ,'GRO BA KUN LA PHAN ZHING BDE BA'I PHYIR, ,BSKAL PA ZHING GI RDUL SNYED BZHUGS PAR YANG, ,BDAG GIS THAL MO RAB SBYAR GSOL BAR BGYI; ;PHYAG 'TSAL BA DANG MCHOD CING BSHAGS PA DANG, ,RJES SU YI RANG BSKUL ZHING GSOL BA YI, ,DGE BA CUNG ZAD BDAG GIS CI BSAGS PA, ,THAMS CAD BDAG GIS BYANG CHUB CHEN POR BSDO, ZHES YAN LAG BDUN PA BYA, DE NAS

RANG LA SDIG PA GANG YOD RNAMS DRAN PAR BYA ZHING, DE DAG LA 'GYOD SEMS DRAG PO DANG BCAS PAS, NAM MKHA'I SNYING PO LA DE LAS SKYOB PA'I NUS PA YOD PAR YID CHES PAR BYAS NAS, SHAR PHYOGS LOGS SU BLTAS TE, PHYAG LAN GSUM BTZAL NAS, 'DI SKAD BRJOD DE, SKYA RENGS, SKYA RENGS, SNYING RJE CHEN PO, LEGS PA CHEN PO, KHYED 'DZAM BU'I GLING DU SHAR MA THAG TU, SNYING RJES BDAG LA KHEBS PAR MDZAD DU GSOL, NAM MKHA'I SNYING PO SNYING RJE CHEN PO DANG LDAN PA LA YANG BDAG GI TSIG GIS MYUR DU BSKUL TE, THABS GANG GIS BDAG GI LTUNG BA 'CHAGS PAR 'GYUR BA DANG, THEG PA CHEN PO'I 'PHAGS PA LAS THABS DANG SHES RAB THOB PAR 'GYUR BA'I THABS DE BDAG GI RMI LAM DU BSTAN DU GSOL, ZHES GSOL PA GDUNG SHUGS DRAG POS LAN GSUM DU BTAB NAS, SHAR GYI LOGS SU SDAS BCUG STE NYAL BAR BYA'O, ,DE'I TSE RMI LAM DU BYANG CHUB SEMS DPA' NAM MKHA'I SNYING PO CI RIGS PA'I GZUGS SU SPRUL NAS LTUD BA BSHAGS SU 'JUG PAR 'GYUR RO, , DE YANG SKYA RENGS LA DE LTAR BRJOD PA LA BRTEN NAS, BYANG CHUB SEMS DPA' NAM MKHA'I SNYING PO'I SMIN LAM GYI MTHU LA BRTEN NAS, SKYA RENGS KYIS SNA DRANGS TE RMI LAM DU NAM MKHA'I SNYING PO'I SPRUL PA RANG GI SKAL BA DANG 'TSAMS PAR STON TE, MTHA' NA BYA DANG RI DVAGS TSUN CHOD DU SPRUL BAR MDZAD DO, ,DER RMI LAM DU YANG THABS SNA TSOGS KYI SGO NAS SBYONG BAR MDZAD LA, RMI LAM DU GANG BSTAN PA'I GDAMS NGAG RNAMS NYIN PAR DU YANG NYAMS SU BLANGS NA SHIN TU LEGS PAR 'GYUR RO,, ZHES

, ,'PHAGS PA NAM MKHA'I SNYING PO'I MDO NAS 'BYUNG BA'I BSHAGS PA 'DI NI, TSE DANG LDAN PA DGE SLONG BLO BZANG RAB RGYAS KYIS BSKUL BA LTAR RDO RJE 'CHANG CHEN PO BLO BZANG CHOS KYI RGYAL MTSAN DPAL BZANG POS MDZAD PA'I CHO GA LAS CUNG ZAD GSAL ZHING GO BDE BAR BCOS TE ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, SKYABS 'GRO SEMS BSKYED TSAD MED BZHI BSGOMS PA SNGON DU BTANG, AOm A'A: H'Um, LAN GSUM GYIS MCHOD PA BYIN GYIS BRLABS, DMIGS PA BRTAN POS, MDUN GYI NAM MKHAR RIN CHEN SENG KHRI DANG, ,PADMA NYI ZLA LA SOGS GDAN GYI KHAR, ,BLA MA YI DAM SANGS RGYAS BYANG SEMS DANG, ,DPA' BO MKHA' 'GRO CHOS SKYONG SRUNG MA'I TSOGS, ,MA LUS BDAG LA DGYES BZHIN BRTAN PAR BZHUGS, ,DNGOS SU BSHAMS DANG YID KYIS SPRUL PA LAS, , BYUNG BA'I PHYI DANG NANG DANG GSANG BA YI, ,MCHOD PA'I SPRIN PHUNG NAM MKHA' GANG BA'I TSOGS, ,DGYES PA BSKYED PHYIR 'KHOR DANG BCAS LA 'BUL, ,THOG MED DUS NAS BSAGS PA'I LAS NGAN DANG, ,BCAS DANG RANG BZHIN KHA NA MA THO BA'I, ,NYES PA'I PHUNG PO JI SNYED MCHIS PA KUN, ,MA LUS GNONG ZHING 'GYOD PAS MTHOL LO BSHAGS, ZHES GSOL BA BTAB PAS, MDUN GYI NAM MKHA' NA BZHUGS PA'I BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA'I TSOGS THAMS CAD KYI SKU LAS BDUD RTZI'I RGYUN BABS LUS LA ZHUGS PAS SDIG SGRIB THAMS CAD BYANG ZHING DAG ,LUS DVANGS GSAL 'OD KYI RANG BZHIN CAN DU GYUR PAR MOS NAS, YIG BRGYA CUNG ZAD BRJOD, DE NAS 'DI LTAR GSOL BA GDAB STE, SKYABS GNAS KUN 'DUS BLA MA KHYED RNAMS KYIS,

BYANG CHUB SNYING POR BDAG NYID MA REG PA, ,DE SRID THUGS RJE'I LCAGS KYUS NYER BZUNGS TE, ,BDAG GI RGYUD LA BYIN GYIS BRLAB TU GSOL, ,NGES PAR 'BYUNG DANG BYANG SEMS YANG DAG LTA, ,RIM PA GNYIS KYI RTOGS PA KHYAD PAR CAN, ,MA LUS MYUR BA NYID DU SKYES NAS KYANG, ,RDZOGS PA'I SANGS RGYAS MYUR DU THOB PAR SHOG ,LAM GYI RTZA BA MTHAR THUG BSHES GNYEN LA, ,MNYES PA GSUM GYIS LEGS PAR MNYES BYAS SHING, ,DE YI GSUNG LAS JI LTAR 'BYUNG BA BZHIN, ,DAL 'BYOR DON CHE RNYED DKAR SHES PAR SHOG ,'CHI BA MI RTAG NGAN 'GRO'I SDUG BSNGAL DANG, ,DKON MCHOG GSUM DANG SKYABS 'GRO LAS 'BRAS LA, ,YID CHES DAD PA BRTAN PO RNYED PA DANG, ,'KHOR BA'I SDUG BSNGAL MA LUS RIG PAR SHOG ,DE NAS RNAM DAG BSLAB PA RIN CHEN DANG, ,BYANG CHUB SEMS MCHOG PHYIN DRUG SPYOD PA RNAMS, ,YANG DAG LTA BA RIM GNYIS KYIS ZIN TE, ,RDZOGS SANGS GO 'PHANG TSE 'DIR THOB PAR SHOG ,DE LTAR GSOL BA BTAB PAS LHA TSOGS RNAMS, ,THAMS CAD 'OD DU ZHU NAS RANG LA THIM, ,LUS DANG NGAG DANG YID RNAMS MA LUS PA, ,RDO RJE GSUM GYI NGO BOR GRUB PAR GYUR, CES BRJOD CING BLA MA LHA RDO RJE 'CHANG GI NGA RGYAL DANG MA BRAL BAR BYA'O,, ZHES PA 'DI NI SNGAGS RAM PA BLO BZANG BSTAN 'DZIN GYIS 'DI LTA BU ZHIG DGOS ZHES BSKUL NGOR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,