Writings on the Subjects of the Catalogs to Newly Constructed Shrines; Descriptions accompanying Images; Colphons to Newly Printed Books, and the Like

*, ,RTEN GSAR BZHENGS KYI DKAR CHAG DANG RGYAB YIG ZHAL BYANG SOGS KYI SKOR BZHUGS, @1 #, ,NA MO GU RU, RIG DANG GROL BA'I YON TAN GYIS PHYUG PA, ,TSUL KHRIMS GTZANG MAS BRGYAN PA'I 'DUS PA'I SDER, ,ZAG MED BDUD RTZI'I BTUNG SNOD 'DI PHUL BAS, ,'GRO KUN DAM CHOS RO YIS TSIMS PAR SHOG ,SARBA DZA GA TAm,, ZHES PA 'DI NI SHING PHAG ZLA TSES 12 LA, TSOGS GDAN GSAR SPOS THOG ZANGS LTIR BRGYAD CU GYA DRUG PHUL BA'I ZHAL BYANG DU ^ SH'AKYA'I BTZUN BA BLO BZANG DPAL LDAN YE SHES KYIS SBYAR BA'O,, ` SVASTI, GANG GI MTSAN TZAM DRAN BAS SDIG MUN KUN, ,ZHI MDZAD BDE GSHEGS SO LNGA'I LHA TSOGS DANG, ,GSUNG RAB YANG RTZE BDE GSANG LA SOGS PA'I, ,CHO GA'I RIM PA RAB TU GNAS BYED SOGS, ,BLO BZANG CHOS GRAGS LHAG BSAM RAB DGE BAS, ,LEGS BRKOS 'DUS PA'I RGYUD GRVA CHER PHUL BAS, ,TSE RABS KUN TU DAM PAS RJES 'DZIN CING, ,BLA MED RDZOGS BYANG MYUR DU THOB PAR SHOG, CES PA 'DI NI RGYUD SMAD SNGAGS RAM PA BLO

, ,BZANG CHOS GRAGS KYIS BSKUL BA BZHIN ^ SH'AKYA'I DGE SLONG BLO BZANG DPAL LDAN YE SHES KYIS BGYIS PA'O,, ` AOm SVASTI, RNAM RGYAL GRVA TSANG MKHAS MANG 'DUS PA'I SDER, ,LHA RDZAS RNAM PAR BKRA BA'I DAR GYI 'PHAN, ,NGAG DBANG YE SHES SEMS DGES LEGS PHUL PAS, ,BDUD BZHI'I G-YUL LAS RNAM PAR RGYAL BAR SHOG ,GZHAN YANG 'DIS MTSON DGE BAS SKYE BA KUN, , RGYAL DBANG MCHOG GI GZIGS PAS BCA' BA DANG, ,LAM BZANG SGOM DANG SGRUB PA MTHAR PHYIN TE, ,ZUNG 'JUG GO 'PHANG RING MIN THOB PAR SHOG, CES PA 'DI NI RGYAL DBANG MTSUNGS MED DAM PA DE NYID KYI GRVA PA NGAG DBANG YE SHES KYIS RNAM RGYAL GRVA TSANG DU DAR GYI 'PHAN BZANG PO PHUL BA'I DGE BA RDZOGS BYANG DU BSNGO BA'I SMON TSIG 'DI LTA BU ZHIG DGOS ZHES BSKUL NGOR ^ SH'AKYA'I BTZUN PA BLO BZANG DPAL LDAN YE SHES KYIS DGA' LDAN RNAM PAR RGYAL BA'I GLING KHRI THOG KHANG GI GZIMS CHUNG 'OD GSAL PHUG TU SBYAR BA'O,, ` NA MO GU RU MANYDZU GHO sh'A YA, SGRIB DANG LHAN CIG MI GNAS BLO BZANG GRAGS, ,RJES ZHUGS LEGS BSHAD NOR PHU'I SGRA DBYANGS

DAG ,DPAG MED SGROG PAS GANG BA'I THOS BSAM GLING, ,KHRI 'DZIN BLO GROS LHUN POR MDZAD BZANG GI ,BKRA SHIS RI DBANG MTSO BDUN GYIS BSKOR BA'I, ,SKYES BU GANG DES DGE 'DUN 'DUS PA'I SDE, ,CHOS GRAGS GZHUNG LUGS LA SOGS BSTAN BCOS KYI, ,'BEL BA'I GTAM GYIS 'DA' BYED GTZUG LAG KHANG, ,RNAM PAR RGYAL BYED KHANG BZANG LTAR BSGRUBS DANG, ,DER GNAS MTHAR PHYIN SHES DANG BLO GROS KYI, ,'JUG PA GSAR BUR GYUR RNAMS MTHA' DAG LA, ,RIG TSOGS 'CHAD PA'I DGA' STON STZAL BA SOGS, ,MA LUS PA DANG KHYAD PAR SKU TSE 'DI'I, ,MDZAD PA NYER BTANG DE YI ZHABS 'BRING PAS, ,DGONGS PA RDZOGS BYED MCHOG GSUM BSNYEN BKUR DANG; ;MCHOD RTEN BZHENGS SOGS DGE BA BGYIS BA RNAMS, ,'BRAS BU CHU SHING JI BZHIN ZAD MIN PAR, ,RDZOGS PA'I BYANG CHUB THOB PA'I RGYUR BSNGO BAS, ,RGYAL DANG SRAS TSOGS KUN GYIS DAR 'GYUR MDZOD,, CES PA 'DI NI DBON PO DRUNG RAM PA YE SHES DKON MCHOG GIS 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG RDO RJE 'DZIN PA BLO BZANG DPAL LDAN YE SHES KYIS SBYAR BA'O,, ` AOm SVASTI RASTU, GANGS CAN 'GRO BA'I SKYABS GCIG PAD DKAR 'DZIN PA THAMS CAD MKHYEN GZIGS RDO RJE 'CHANG CHEN PO DE NYID KYI THUGS KYI DGONGS PA YONGS SU RDZOGS PAR BYA BA DANG, 'KHRUL BA MED PA'I YANG SRID RIN PO CHE BSTAN 'GRO'I DPAL DU GSAL BAR BYA BA'I PHYIR GYI RIM GRO SOGS SU DMIGS NAS MNYAM MED YANG DAG PAR RDZOGS PA'I SANGS

, ,RGYAS SH'AKYA THUB PA DE NYID KYI BKA' RIN PO CHE MTHA' YAS PA ZHIG BZHUGS PA'I NANG NAS, GANGS CAN GYI LJONGS 'DIR SNGON GYI LO PAn SKU DRIN CAN RNAMS KYIS BOD KYI YUL DU JI LTAR GRAGS PA'I BRDA SKAD DU BSGYUR BA RNAMS NAM MKHA'I KHA DOG YUL YUL POR BYED PA'I MDANGS CAN GYI MTHING SHOG BZANG PO'I NGOS LA RIN CHEN DANG PO RAB TU SBYANGS PA'I KHU BAS BU STON THAMS CAD MKHYEN PAS ZHUS DAG LEGS PAR MDZAD PA'I RGYAL RTZE THEM SPANGS MAR GRAGS PA LA PHYI MO BYAS TE, LEGS PAR BRIS PA'I DBU KHANG DANG PO RNAMS SA RTZEGS 'BUR DOD DANG, DE PHYIN GAR BRIS ZHE CIG GI MDO SDE BSKAL PA BZANG PO'I DBU LHA G-YAS G-YON GNYIS 'BUR BZO DANG, DE 'PHROS RAS BRIS LAS BLA MA YI DAM SANGS RGYAS BYANG SEMS CHOS SRUNG DANG BCAS PA'I SNANG BRNYAN, BZANG GOS SHA STAG GI ZHAL KHEBS DANG GDONG DAR RTZEGS LDAN BA TON SKUD KYI BAR PHYIN KA THO CAN, GLEGS SHING RNAMS RGYA BZO, SE TA HU KHRA LHAS KYI GLEGS THAG LJON DMAR TSA GSER MA'I CHAB HRAL GNYIS MA, NA BZA' MDZOD GOS SER POS BYAS PA ZHE MTSUNGS KHYON PU STA KA BRGYA PHRAG GCIG DANG BCU GCIG GI GRANGS LDAN PHUN SUM TSOGS PA THAMS CAD KYI GZHI RTEN DU GSAR BSKRUN GYI DO DAM RTZE DRUNG GZHI SDE BA NOR BU RGYA MTSO, ,SKYID SBUG PA DKA' BCU YE SHES RGYAL MTSAN, LAS RGYAB PA DGE SLONG BYAMS PA YAR 'PHEL, DKA' BCU BLO BZANG 'PHRIN LAS, BLO BZANG YON TAN, BLO GROS MCHOG LDAN SOGS DANG, BRIS PA LTO GAR BA AE SER NANG BSTAN 'DZIN BAG GRO, STOD SRIB

CHOS BSTAN 'DZIN, SNYE MO BA CHI BAS BSOD NAMS DBANG PO, ZHUR LEGS BSOD NAMS CHOS 'PHEL, BYINGS GRAS, AE RI BSOD NAMS TSE BRTAN, DZAM LA, GNYAN BSOD NAMS TSE RING, SUM SGRIL BSOD NAMS NOR BU, GONG 'PHRIS, SNYE MO BA CHIBS BSTAN RGYAL, SHAG DAR RGYAS TSE RING, CHU DON YOD PHUN TSOGS, BZANG RAB BRTAN RDO RJE, KHYUNG RDO RJE PHUN TSOGS, GNYAN 'JAM DPAL SOGS MI GRANGS BRGYA DANG BZHI BCU SKOR, SHOG LAS PA AE PHU LHA MO TSE RING, STOD SRIB LHA RGYAL, SNYE MO BA DGON BKRA SHIS RAB BRTAN, BZANG BGRO SOGS MI GRANGS BDUN CU SKOR, ZHUS DAG PA, 'BRAS SPUNGS SGO MANGS PA BSAM BLO DKA' BCU BLO BZANG DBYIG GNYEN, RAB 'BYAMS PA YE SHES RGYA MTSO, HAR GDONG DKA' BCU BLO BZANG DGE 'DUN, BLO GSAL GLING PA, HRE BO RAB 'BYAMS PA BLO BZANG SHES RAB, DKA' BCU SKAL BZANG SANGS RGYAS, TSA BA RAB 'BYAMS BA RGYAL MTSAN DON GRUB, BDE YANGS PA RAB 'BYAMS PA NGAG DBANG PHUN TSOGS, SNGAGS PA SNGAGS RAM PA GRAGS PA PHUN TSOGS, SE RA BA BYES BRAG RI DKA' BCU KUN DGA' DPAL 'BYOR, BSAM BLO RAB 'BYAMS PA BLO BZANG KUN DGA', SMAD YER PA DKA' BCU BLO BZANG DON GRUB, SPO 'BOR RAB 'BYAMS PA SKAL BZANG RNAM RGYAL, SNGAGS PA DGE SLONG SKAL BZANG DON LDAN, DGA' LDAN NAS, BYANG RTZE GTZANG PA RAB 'BYAMS PA YE SHES DPAL 'BYOR, TRE BO RAB 'BYAMS PA BLO BZANG SKAL BZANG, SHAR RTZE BA, RDO KHANG RAB 'BYAMS PA SKAL BZANG MGON PO, THE BO RAB

, ,'BYAMS PA BLO BZANG YAR 'PHEL, GSER RGYAB PA, 'BRAS SGO MANGS PA BLO GROS RAB 'BYOR, BLO GLING RAB 'BYAMS PA RGYA MTSO CHOS 'DZIN, RAB 'BYAMS PA NGAG DBANG 'BYOR LDAN, SER BYES NGAG DBANG BZANG PO, SMAD RAB 'BYAMS PA BYAMS PA YON TAN, SNGAGS RAM PA SKAL BZANG BSTAN 'DZIN, LAG G-YOG CHOS 'KHOR RGYAL GZHIS KHUL, LAS RGYAB PA LHAS BYIN SOGS 'UL MI BRGYA DANG NYI SHU RTZA GCIG BCAS NAS LAS RGYUN ZLA BA GCIG DANG ZHAG NYI SHU RTZA BRGYAD KYI KHONGS SU LEGS PAR GRUB PAR MDZAD PA'I DGE TSOGS DANG LAS BYED DANG DO DAM PA LA SOGS PA THAMS CAD KYIS 'DIR 'BAD PA'I DGE BA RNAMS KHYAB BDAG 'KHOR LO'I MGON PO DE NYID KYI DGONGS PA ZAB MO RDZOGS SHING MCHOG GI SPRUL SKU 'KHRUL BRAL MYUR GSAL GYI CHED DANG BLA NA MED PA'I RDZOGS BYANG DU BSNGO BA NI 'DI LTAR, ` RGYAL BA'I GSUNG RAB GANGS CAN 'GYUR RO COG ,RIN CHEN DANG POS LEGS BRIS CHA TSANG BA, ,DVANG BAS BSKRUN PA'I MTHU LAS RDO RJE 'CHANG, ,ZLA MED DE YI DGONGS PA YONGS RDZOGS SHING, ,YANG SRID 'KHRUL PA'I SKYON BRAL MYUR GSAL NAS, ,RGYAL BSTAN GSAL BYED DAM PAR 'GYUR BA DANG, ,LEGS PAR SGRUB BYED GTZO BO DO DAM PA, ,LAS BYED G-YOG DANG BCAS PA THAMS CAD KYIS, ,TSUL 'DIR RING DU 'BAD PA'I DGE BA'I TSOGS, ,JI SNYED MCHIS KUN MTHU LAS SEMS CAN RNAMS, ,'KHOR BA'I GNAS LAS SGROL PHYIR BLA MED KYI, ,RDZOGS PA'I BYANG CHUB THOB BYED THABS SU BSNGO,, ZHES PA 'DI NI SKYABS

MGON RDO RJE 'CHANG CHEN SRID ZHI'I GTZUG RGYAN CHEN PO ZLA MED BLA MA MCHOG GI THUGS KYI DGONGS PA YONGS SU RDZOGS PAR BYA BA'I CHED SOGS SU RGYAL BA'I RGYAL TSAB MCHOG SPRUL BA'I SKU RIN PO CHE SOGS NAS BKAS MNGAGS TE MNYAM MED THUB PA'I DBANG PO'I BKA' 'GYUR RO 'TSAL LEGS PAR BZHENGS PAR MDZAD PA'I RNAM DKAR GYI PHUNG PO RNAMS DMIGS YUL SO SOR BSNGO BA'I TSIG RTZOM ZHIG DGOS ZHES RGYAL TSAB SPRUL SKU RIN PO CHE NAS BSKUL MA MDZAD PA BZHIN ^ SH'AKYA'I DGE SLONG BLO BZANG DPAL LDAN YE SHES KYIS BGYIS PA'O,, ` AOm SVASTI, BLO BZANG BSTAN PA'I NYI MA KUN MKHYEN CHE'I, ,RING LUGS 'DZIN LA MKHAS PA'I MCHOG GYUR PA, ,ZHI BAR GSHEGS PA'I DGONGS ZAB RDZOGS PA'I CHED, ,SHAR RTZE GRVA TSANG MKHAS MANG 'DUS PA'I SDE, ,DER BZHUGS DGE 'DUN THUGS DAM MDZAD PA'I RTEN, ,BLA MA'I SKU 'BAG THANG SKU DANG BCAS PA, ,LEGS PAR PHUL BAS DGONGS PA LEGS RDZOGS NAS, ,BYANG CHUB DAM PA MYUR DU THOB PAR SHOG ,KHYAD PAR MYUR BAR GNAS 'DIR YANG SRID PA, ,GSAL BAR GYUR NAS GDUL BYA DBUGS PHYUNG ZHING, ,KHAMS GSUM CHOS KYI RGYAL BO'I BSTAN PA LA, ,PHAN THOGS BYA BA CHES CHER MDZAD GYUR CIG, CES PA 'DI NI DKA' BCU YE SHES RGYAL MTSAN DANG DKA' BCU YON TAN RGYAL MTSAN GNYIS KYIS BSKUL BA BZHIN ^ SH'AKYA'I BTZUN PA BLO BZANG DPAL LDAN YE SHES KYIS BGYIS PA'O,, ` NA MA: SHR'I TZA KRA SAm BA R'A YA, BDE CHEN YE SHES RANG BZHIN RDO RJE 'CHANG, ,MTHU STOBS DBANG PHYUG RGYAL SRAS GSANG BA'I BDAG ,SA RA HA DPAL KLU SGRUB SHA BA RI, ,L'U AI PA DANG D'A RI KA PA DANG, ,RDO RJE DRIL BU PA DANG RUS SBAL ZHABS, ,DZ'A LANDHA RA BA

, ,DANG NAG PO PA, GU HE PA DANG RNAM RGYAL ZHABS DANG NI, ,TEE LO N'A RO LA SOGS BLA MA'I TSOGS, ,SPYI DANG KHYAD PAR BLO BZANG YAB SRAS LA, ,GSOL BA 'DEBS SO RIM GNYIS MTHAR PHYIN CING, ,RJE BTZUN BLO BZANG DPAL LDAN YE SHES ZHABS, ,ZHABS PAD BSKAL BRGYAR BRTAN PA'I BYIN CHEN STZOL, ,MCHOG GSUM RGAL DANG RGYAL SRAS NUS MTHU DANG, ,CHOS SRUNG DAM CAN RGYA MTSO'I MTHU STOBS LAS, DRIN CAN RTZA BA'I BLA MA THAMS CAD MKHYEN, ,SRID MTHA'I BAR DU ZHABS PAD RTAG BRTAN SHOG ,KHYAD PAR BDAG NYID LHAG BSAM RAB DGE BAS, ,GRUB PA'I DBANG PHYUG DBEN GNAS 'DUS PA'I SDER, ,DPAL LDAN 'KHOR LO SDOM PA'I DKYIL 'KHOR CHER, ,'JUG PA'I CHAS GOS PHYOGS KYI GRANGS BCU LDAN, ,PHUL BA'I DGE BAS CHES PHRA'I GNYUG MA'I LUS, ,DPE DON 'OD GSAL BYED PO'I 'DU BYED KYI, ,BYED POS NYER BSKRUN SGYU 'PHRUL DRA BA'I GAR, ,MTSAN DPE'I DPAL 'BAR TSE 'DIR 'GRUB PAR SHOG ,GZHAN YANG DENG NAS SKYE DANG SKYE BA KUN, ,DAM PA KHYED KYI ZHABS ZUNG LEGS BSTEN NAS, ,KHRAG 'THUNG DBANG PO'I RIM GNYIS BDUD RTZI'I CHU, ,NGOMS MED RTAG TU BTUNG BA'I BKRA SHIS SHOG, CES PA 'DI NI MKHAR NUB AEM CHI BLO BZANG DPAL 'BYOR GYIS DBEN DGON 'DUS SDER BDE MCHOG SGRUB MCHOD SKABS DBANG CHAS CHA TSANG BRGYA PHRAG DANG 'DIR YANG DE'I PHUD CHA CHANG RNAMS PHUL NAS DGE BA RDZOGS BYANG DU BSNGO BA'I TSIG 'DI LTA BU ZHIG DGOS ZHES BSKUL BA LA BRTEN NAS 'KHOR LO SDOM PA'I RNAL 'BYOR PA BLO BZANG DPAL LDAN YE SHES KYIS SBYAR BA'O,

` NA MO GU RU, PHUN TSOGS GZI BYIN 'BUM GYIS 'KHYUD PA'I SKU, ,DMAR SER CHAB KYIS SBAGS PA'I MDANGS LDAN PA, ,'JAM MGON LHA YI BLA MAS SHIS PA'I TSOGS, ,RING MIN DENG 'DIR BDAG CAG RNAMS LA STZOL, ,MGON KHYOD KHA BA CAN LJONGS MI YI ZOL, ,NYER BZUNGS BLA GOS KYIS KLUBS TZONG KHA PA'I, ,NGO MTSAR MDZAD PA BRGYAD CU'I BRIS SKU 'DI, ,BZHENGS PA'I RNAM DKAR PHUNG PO CI MCHIS PA, ,DE YI MTHU LAS TSE RABS KUN TU BDAG ,MTSUNGS MED 'JAM MGON BLA MAS RJES BZUNG STE, ,ZUNG 'JUG RDO RJE 'CHANG DBANG MYUR 'GRUB NAS, ,'GRO BA MA LUS 'DREN PA'I DPAL GYUR CIG ,KHYAD PAR GANGS LJONGS BSTAN 'GRO'I PHAN BDE'I GZHI, ,SPYAN RAS GZIGS DBANG BDE CAN MGON PO RNAMS, ,BSHES GNYEN GZUGS 'CHANG YAB SRAS ZHABS BRTAN CING, ,CHOS KYI 'KHOR LO RAB TU BSKOR BAR SHOG ,SOR MO'I 'DU BYED LAS BSKRUN BRIS SKU 'DI, ,GANG DU BZHUGS PA'I SA PHYOGS MA LUS PA, ,BKRA SHIS DPAL GYI 'BYOR PAS RAB GANG STE, ,BDE LEGS RGYA MTSO PHYOGS BRGYAR 'BAR GYUR CIG ,BLO BZANG RGYAL BA GNYIS PA'I MDZES SKU 'DI, ,BZHENGS PAS BSTAN LA RAB DGA'I LHA TSOGS DANG, ,CHOS SRUNG RGYA MTSOS BDAG GI GROGS MDZAD NAS, ,RE BA'I 'BRAS BU MTHA' DAG GEGS MED SHOG, CES PA 'DI NI 'BRONG RTZE NAS KYIS 'JAM MGON TZONG KHA PA CHEN PO'I RNAM THAR THANG KA TZONG KHA BRGYAD CU MA NANG BZHIN GSAR BZHENGS KYI RGYAB YIG TU BRIS CHOG PA'I SMON TSIG DGOS TSUL BYUNG BA BZHIN ^ SH'AKYA'I DGE SLONG BLO BZANG DPAL LDAN YE SHES KYIS SUG BRIS SU BGYIS PA'O,, ,,

, ,DPAL LDAN DANG PO'I SANGS RGYAS DKYIL 'KHOR CHE, ,MIG GI BDUD RTZI SPUNGS 'DRA LEGS BRIS PA'I, ,DGE BA'I RTZA BAS MAR GYUR 'GRO BA KUN, ,'GYUR MED BDE BA MCHOG LA GNAS PAR SHOG ,NYI ZLA RGYU SKAR LA SOGS PHYI'I DUS KYI, , 'KHOR LO'I TSUL LAS NANG GI RLUNG 'PHO BA'I, ,DUS 'KHOR RNAM GZHAG SHES PAS GZHAN DUS 'KHOR, ,RGYUD LA SKYE BA'I THABS LA 'BAD PAR SHOG ,GNYIS SPANG DBUS SU DKAR DMAR YUNGS 'BRU'I RDZAS, ,MTHON POR BRTZEGS PA'I NUS MTHUS BEM PO'I CHOS, ,ZOS PA'I PIR GYIS LEGS BRIS STONG GZUGS SKU, ,PHYAG RGYA CHE DANG SNYOMS PAR SBYOR GYUR CIG ,BRIS SKU 'DI NYID BZHENGS PA'I LAS BYED DANG, ,LEGS BSHAD GTAM GYIS GSAL BAR STON BYED SOGS, ,KUN KYANG MA 'ONGS BYANG PHYOGS SHAMBHA LAR, ,RIGS LDAN GSUNG LA SPYOD PA'I SKAL BZANG SHOG, CES PA 'DI NI DUS KYI 'KHOR LO'I RNAL 'BYOR BA BLO BZANG DPAL LDAN YE SHES KYIS DUS 'KHOR GYI DKYIL THANG GSAR BZHENGS KYI RGYAB YIG TU SBYAR BA'O,, ` AOm SVA STI, SKYABS GSUM KUN 'DUS RTZA BA'I BLA MA YI; ;SKU BRNYAN GSER ZANGS LAS SBYANGS 'OD 'BAR BA, ,BZHENGS PA'I DGE BAS MAR GYUR 'GRO BA'I PHYIR, ,RDZOGS SANGS RGYAS KYI GO 'PHANG MYUR THOB SHOG ,SARBA DZA GA TAm,, ` NA MO GU RU, GANG ZHIG MTHONG THOS DRAN PAS MI SHES PA'I, ,MUN TSOGS SEL ZHING MCHOG THUN DNGOS GRUB KUN, ,STZOL MDZAD BLA MA YI DAM CHOS SRUNG GI ,'DOD DGU'I DNGOS GRUB CHAR DU BSNYIL DU GSOL, ,RIGS LAM PHRA MOS RMONGS PA'I MUN NAG RNAMS, ,LEGS PAR BCOM NAS RTZOD PA'I NGA RO YIS, ,BYANG CHUB

LAM BZANG RAB TU MTHONG 'GYUR BA'I, ,CHOS KYI DGA' STON RGYAS PAR BYIN GYIS RLOBS, ,TSUL GSUM RTAGS KYIS RGYU 'BRAS DMIGS MA DMIGS, ,RANG BZHIN LA SOGS YANG DAG KUN RTOGS NAS, ,CHOS KYI GRAGS PA'I LEGS BSHAD RGYA MTSO LA, LEGS BRGAL SNYING PO'I NOR BU LON PAR SHOG ,MTHA' BRAL DBU MA'I RIGS LAM PHRA MO DANG, ,SBAS DON MNGON RTOGS DON STON PHA ROL PHYIN, ,PHRA RGYAS RI BO 'JOMS BYED MDZOD KYI SDE, ,RANG SEMS 'DUL BYED LUNG RIGS RGYAS PAR MDZOD, ,BSKYED RIM RIM PA GNYIS PA DANG BCAS PA, ,BSGOMS PAS MNGON DU GYUR TE RDO RJE 'CHANG, ,TSE 'DIR THOB CING BDE CHEN BLA MA LHA, ,SKU BZHI MNGON DU BYED PAR MDZAD DU GSOL, ,DE LTAR 'GYUR BA'I 'GAL RKYEN BAR GCOD KUN, ,DPAL LDAN LHA MOS BSAL ZHING MTHUN RKYEN RNAMS, ,DE YIS BSGRUB STE BKRA SHIS BRGYA PHRAG GI ,SHIS PAS PHYOGS BRGYAR KHYAB PAR BYIN GYIS RLOBS, ,BKRA SHIS,, ZHES PA 'DI NI RI KHUD MI TSAN 'DUS SPYIS DGE 'DUN BLO BZANG GI SKU BRNYAN BZHANGS PA'I RGYAB YIG TU 'DI LTA BU ZHIG DGOS ZHES BSKUL BA'I NGOR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO LO KE SHVA R'A YA, PHYOGS DUS KUN GYI RGYAL BA'I SNYING RJE'I GTER, ,'PHAGS MCHOG PHYAG NA PADMA BCU GCIG ZHAL, ,DKYIL 'KHOR TING NGE 'DZIN DANG CHU TSON GYIS LEGS PAR BZHENGS PAS DE YI MTHU MCHOG LAS, ,'PHAGS MCHOG YAB SRAS ZHABS PAD BSKAL BRGYAR BRTAN, ,CHOS KYI 'KHOR LO NYI ZLA'I BGROD PA BZHIN, ,BAR MA CHAD PAR BSKOR ZHING BDAG CAG RNAMS, ,SKYE BA'I 'PHRENG BA KUN TU RJES SU

, ,BZUNGS, ,'DI NAS SHI 'PHOS GYUR NAS DAG PA'I ZHING, ,BDE BA CAN DANG PO TA LA LA SOGS, ,GEGS MED SKYES NAS 'PHAGS MCHOG ZHAL BZANG MTHONG, ,THEG MCHOG CHOS LA SPYOD PA'I SKAL BZANG SHOG, CES PA 'DI NI BA SO MI TSAN GYI GRVA PA GRANGS NYI SHU RTZA DRUG GIS SMYUNG GNAS BSRUNG ZHING BRIS THANG BZHENGS PA'I DGE RTZA BSNGO BA'I TSUL 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS BKYIS PA'O,, ` NA MO GU RU, DGE 'DUN KUN GYI DBUS NA RAB BRJID CING, ,BLO BZANG GRAGS PA'I BSTAN PA'I RGYAL MTSAN 'DZIN, ,YONGS KYI DGE BA'I BSHES GNYEN MKHAS PA'I GTZO, ,DPAL LDAN BLA MA KHYOD LA SNYING NAS 'DUD, ,KHYOD SKU LEGS PAR BSKRUN NAS MCHOD PA'I MTHUS, ,MGON KHYOD RJES 'BRANGS DGE 'DUN 'DUS PA'I SDER, ,BSHAD DANG SGRUB PA'I RGYAL MTSAN LEGS TSUGS NAS, ,SNYAN PA'I GRAGS PA PHYOGS BCUR RGYAS PAR MDZOD, ,RIGS LAM PHRA MOR ZHUGS RNAMS BSDUS SBYOR GYI, ,LDE MIG BZANG POS PHYE NAS DON KUN RTOGS, ,GNAD KYI SNYING PO MTHONG BAS LEGS PA'I LAM, ,MCHOG RAB DE NI GSAL BAR MTHONG GYUR CIG ,DE YIS SGO MO PHYA BA'I LAM MCHOG LAS, ,CHOS KYI GRAGS PA'I GZHUNG BZANG KUN RTOGS TE, ,RANG DANG GZHAN DON DE DAG MNGON SUM GYIS, ,GRUB DANG LAM GYI RIM PAR DES RNYED SHOG ,SBAS DON MNGON RTOGS PHA ROL PHYIN PA'I LAM, ,BYAMS MGON THOGS MED DGONGS BZHIN LEGS PAR NGES, ,MTHA' BRAL LAM BZANG RGYUD LA RTOGS GYUR CING, ,'KHOR BA'I RGYA MTSO'I PHA MTHAR BRGAL BAR SHOG ,RANG SEMS 'DUL BA'I SDE

SNOD CHOS MNGON MDZOD, ,RDO RJE THEG PA'I LAM MCHOG LA SOGS PA, ,KUN KYANG LEGS PAR MTHAR PHYIN DE DAG GI ,'CHAD NYAN RNAL 'BYOR RIM PA MCHOG RGYAS SHOG ,DON 'DI RNAMS LA BAR GCOD CI MCHIS PA, ,DAM GZOR RGYAL MOS RTZAD NAS 'BYIN PA DANG, ,MTHUN RKYEN MA LUS LEGS PAR BSGRUB PA YI, ,STONG GROGS GNYAN PO'I BKRA SHIS STZAL DU GSOL,, ZHES PA 'DI NI RI KHUNG MI TSAN NAS MI TSAN 'DUS SPYI'I ZHAL 'DON DU BTZUGS CHOG PA 'DI LTA BU ZHIG DGOS ZHES BSKUL BA'I NGOR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` PHYOGS BCU'I RGYAL BA KUN GYI NUS MTHU KUN, ,GCIG TU 'DUS PA GANG GI SKU GZUGS 'DIR, ,RJE BTZUN BLO BZANG DPAL LDAN YE SHES ZHABS, ,NYER BZHUGS BDAG CAG RNAMS LA BYIN GYIS RLOBS, ,JI SRID 'BYUNG PA'I GNOD PAS GZUGS BRNYAN 'DI, ,'JIG PAR MA GYUR DE SRID 'DIR BZHUGS LA, ,LEGS BSHAD CHOS KYI BYA BA MTHAR PHYIN NAS, ,BSAM PA'I DON KUN LHUN GYIS 'GRUB PAR MDZOD, ,CHOS SKYONG DREGS PA LCAM SRING 'KHOR BCAS KYIS, ,SKU 'DI'I GNYER MDZOD 'PHRIN LAS THOGS MED DU, ,BSGRUB CING BDAG CAG RNAMS KYI MTHUN PA'I RKYEN, ,MA LUS YID BZHIN 'GRUB PA'I STONG GROGS MDZOD,, CES PA'ANG NA SHU KHUNG PA DKA' CHEN BLO BZANG RGYAL MTSAN GYIS 'DI LTA BU ZHIG DGOS ZHES BSKUL NGOR ^ SH'AKYA'I DGE SLONG BLO BZANG DPAL LDAN YE SHES KYIS BGYIS PA'O,, ` BLA MA YI DAM CHOS BSRUNG RNAMS LA PHYAG 'TSAL LO, ,RDO RJE 'CHANG DANG MNYAM MED DON KUN GRUB, ,RGYAL BA GNYIS PA BLO BZANG GRAGS PA'I DPAL, ,DGE LEGS DPAL BZANG LA SOGS DNGOS

, ,BRGYUD KYI, ,DPAL LDAN BLA MA THAMS CAD DENG 'DIR DGONGS, ,GSANG BA KUN 'DUS DPAL LDAN HE RU KA, ,'JIGS MDZAD RDO RJE PHYAG NA BADZRA SOGS, ,BDAG GIS BSTEN CING BSGRUB PA'I YI DAM LHA, ,DKYIL 'KHOR RGYA MTSOR BCAS TE DGONGS SU GSOL ,MYUR MDZAD MGON PO LAS GSHIN PHYI NANG GSANG, ,'DOD KHAMS DBANG PHYUG ZHAL BZHI RNAM THOS SRAS, ,CHOS SKYONG LCAM SRING LHA CHEN TSANGS PA CHE, ,NE SER JO BO CHE SOGS BDAG LA DGONGS, , RGYAL BA'I ZHING KUN SKU YI BA SBU RER, ,BYE BA PHRAG BRGYAR BZHUGS PA'I MGON PO'I SKU, ,NYE BAR BSKRUN PA'I DGE BA'I RTZA BA YIS, ,'GRO BA'I DON DU BYANG CHUB THOB BAR SHOG ,DGE 'DI'I MTHU LAS RTZA BA'I BLA MA MCHOG ,RJE BTZUN BLO BZANG DPAL LDAN YE SHES ZHABS, ,'GYUR MED RDO RJE'I KHRI LA RTAG BZHUGS NAS, ,ZAB RGYAS CHOS KYI 'KHOR LO BSKOR BAR SHOG ,KHYOD GSUNG CHOS KYI BDUD RTZI'I RO DANG BCUD, ,LEGS PAR MYANGS PAS ZUNG 'JUG RDO RJE 'CHANG, ,SKU GSUNG THUGS KYI RDO RJE CAN THOB NAS, ,'GRO KUN DE YIS LA 'GOD PAR SHOG ,KUN PHAN RDO RJE SNANG BA'I 'OD ZER 'BUM, ,SPRO MDZAD RGYAL BA YAB SRAS SGYU 'PHRUL LAS, ,BSKRUN PA'I CHOS GRVA CHE DANG GSANG SNGAGS KYI, ,'DUS SDE SRID MTHA'I BAR DU RGYAS PAR SHOG ,KHYAD PAR RIG SNGAGS 'CHANG BA'I GRVA TSANG 'DI'I, ,BLA SLOB DGE 'DUN SDE RNAMS 'PHRIN LAS BZHI, ,GRUB CHEN BRGYAD DANG PHYAG RGYA CHEN PO YI, ,DNGOS GRUB DAM PA BDE BLAG THOB PAR SHOG ,ZHI BA'I LAS KYIS BAR GCOD

KUN SEL ZHING, ,RGYAS PA'I LAS KYIS LEGS TSOGS THAMS CAD SPEL, ,DBANG GI LCAGS KYUS KHAMS GSUM DBANG DU SDUD, ,DRAG POS DAM NYAMS MA LUS SGROL BAR SHOG ,RAL GRI MIG SMAN RKANG MGYOGS SA 'OG RIL, ,BUM BZANG LA SOGS GRUB CHEN BRGYAD GRUB NAS, ,LEGS TSOGS MA LUS SPRO ZHING BSDU PA YI, ,RIG 'DZIN DRANG SRONG BDEN TSIG GRUB PAR SHOG ,RIM PA DANG PO BDEN GSUM SGYU 'OD GNYIS, ,MTHAR PHYIN ZUNG 'JUG DBANG RGYAL SKU BZHI'I BDAG MNGON GYUR RDO RJE 'CHANG GIS DE LA, ,'GRO BA MA LUS RING MIN 'GOD PAR SHOG, CES PA 'DI NI RJE ZHAL SNGA NAS RIG PA 'DZIN PA BLO BZANG DPAL 'BYOR GYIS MNYAM MED THUB PA'I DBANG PO DANG, PAn CHEN THAMS CAD MKHYEN PA BLO BZANG YE SHES DPAL BZANG PO, NGOS BCAS KYI SKU NANG GZHUG BYIN CAN GYIS SBA BA BZHENGS NAS GSANG SNGAGS RGYAL BA GRVA TSANG GI THUGS DAM RTEN DU PHUL SKABS TSUL DE'I DGE BA RDZOGS BYANG DU BSNGO ZHING, 'DOD DON BSGRUB TSIG 'DI LTA BU ZHIG DGOS ZHES BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, MKHYEN RAB DBANG PHYUG BLO BZANG GRAGS PA DANG, ,DBYER MED RJE BTZUN BLA MAR GSOL 'DEBS KYI, ,BDAG GIS SMON CING BDEN PAR BRJOD PA'I TSIG ,'DI DAG MA LUS 'GRUB PAR MDZAD DU GSOL, ,GSANG GSUM SGYU 'PHRUL SKYES RABS MU TIG GI ,PHRENG BA STAR DU BRGYUS 'DRA BRIS PA YI, ,DGE BA'I RTZA BAS 'GRO BA KUN GYI PHYIR, ,RNAM MKHYEN RGYAL BA'I GO 'PHANG THOB PAR SHOG ,GZHAN YANG DGE BA 'DI YI MTHU STOBS LAS, ,MI DGE SDIG PA'I SA BON RGYUN CHAD

, ,CING, ,RIM GNYIS LAM GYI RTOGS PA MTHAR PHYIN NAS, ,SKU GSUM GO 'PHANG BDE BLAG THOB PAR SHOG ,MGON PO KHYOD DANG TSE RABS THAMS CAD DU, ,MI 'BRAL GSUNG GI BDUD RTZI LEGS BTUNGS NAS, ,KHYOD KYI GO 'PHANG MYUR BA NYID THOB STE, ,'GRO BA MA LUS GNAS DER 'GOD PAR SHOG, CES PA 'DI NI SNGAGS PA NOR GNYER RNYING PA DRUNG RAM PA BLO BZANG DGA' BA DANG TSA BO BLO BZANG BSTAN DAR, BLO BZANG DBANG PHYUG BCAS NAS ^ 'KHRUNGS RABS BCU GNYIS KYI BRIS THANG BZHENGS PA'I DGE BA'I RTZA BA RDZOGS BYANG DU BSNGO BYED 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG RIGS PA SMRA BA BLO BZANG DPAL LDAN YE SHES KYIS SBYAR BA'O,, ` SVA STI, DGA' LDAN LHA BRGYA'I MGON PO BLO BZANG GRAGS, ,YAB SRAS DANG BCAS GSAL LER BKRA BA'I SKU, ,BZHENGS PA'I MTHU LAS MGON KHYOD 'DIR BZHUGS TE, ,BDAG LA BYIN GYIS BRLAB PAR MDZAD DU GSOL, ,'DI YI DGE BAS BDAG DANG MKHA' MNYAM GYI, ,'GRO BA THAMS CAD BYAMS CHEN GO 'PHANG LA, ,'KHOD PAR BYA BA'I DAM BCA'I KHUR CHEN PO, ,BDAG GIS RING BOR MI THOGS 'KHYER BAR SHOG ,DE NAS RJE BTZUN GO 'PHANG MNGON BYAS TE, ,MTHA' YAS SKYE BO THAMS CAD SA DE LA, ,LEGS PAR BKOD NAS 'KHOR BA'I GNAS CHEN PO, ,YONGS RDZOGS STONGS PA'I DGA' STON SPEL BAR SHOG, MANGGA LAm, ,ZHES PA 'DI NI TSUL KHRIMS BYAMS PAS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm BDE LEGS SU GYUR CIG ,THABS DANG SHES RAB LEGS PAR ZUNG 'BROL BA'I, ,RGYAL BA KUN GYI

SNYING PO GCIG BSDUS PA, ,SNGA RABS 'PHRUL GYIS BSKOR BA'I 'PHRUL 'KHOR GYIS, ,'KHOR BA'I 'CHING THAG MA LUS GCOD PAR SHOG ,NYER 'TSEM LUS SH'ANTI DKU RU YE, ,TSE DANG BSOD NAMS DPAL 'BYOR PUshtIm AOm, ,SANGS RGYAS GO 'PHANG MNGON DU BYAS NAS KYANG, ,'GRO KUN DE YIS LA 'GOD PAR SHOG ,DE YI MTHU LAS TSE RABS THAMS CAD DU, ,SPYAN RAS GZIGS KYIS DGE BA'I BSHES MDZAD DE, ,JI LTA JI SNYED CHOS KYI GNAS LUGS KUN, ,'GRO BA'I DPAL DU LEGS PAR RTOGS PAR SHOG, CES PA 'DI NI JA SAG THA'I JI DPA' BZANG DBANG 'DUS KYIS MA nI KHRI SKOR BZHENGS PA'I SPEL TSIG 'DI LTA BU ZHIG DGOS ZHES BSKUL BLTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA BHEE RA WA YA, LHA CHEN MTHU STOBS DBANG PHYUG 'KHOR DANG BCAS, ,BRIS PA'I SKU 'DIR BRTAN PAR BZHUGS NAS KYANG, ,GSOL BA'I 'DEBS PA'I RNAL 'BYOR BDAG CAG GI ,RE BA MA LUS YID BZHIN 'GRUB PAR MDZOD, ,SARBA DZA GA TAm, ,ZHES PA 'DI NI DPAL LDAN NO MON HAN NGAG DBANG 'JAM DPAL BDE LEGS KYI BKAS BSKUL BA LTAR ^ GSHIN RJE'I BSHED KYI RNAL 'BYOR PA BLO BZANG DPAL LDAN YE SHES KYIS SBYAR BA'O,, ` SVA STI, RAB 'BYAMS RGYAL BA KUN GYI NGO BO NYID, ,BKA' DRIN GSUM GYI BDAG NYID BLA MA LHA, ,SKYABS KUN 'DUS PA'I BDAG NYID BRIS SKU 'DIR, ,DBYER MED RO GCIG BRTAN PAR BZHUGS SU GSOL, ,BDAG GIS MCHOD BSTOD BGYIS PA'I DGE BA LAS, ,TSE RABS KUN TU RJE BTZUN BLA MA YIS, ,MNYES BZHIN RJES SU BZUNGS NAS MA RNAMS KYI, ,DON

, ,DU STOBS BCU'I GO 'PHANG MNGON BYED SHOG ,RGYAL BA THAMS CAD NGO BO BLA MA LHA, ,MCHOD PA'I MTHU LAS BLA MA LHA'I GO 'PHANG, ,MNGON DU BYAS NAS MYUR DU RDZOGS SANGS RGYAS, ,THAMS CAD MKHYEN PA BDE BLAG 'GRUB PAR SHOG ,MANGGA LAm,, ZHES PA 'DI NI MDA' DPON PHU LUNG BA ZIL GNON RDO RJES RGYAL DBANG THAMS CAD MKHYEN GZIGS CHEN PO'I 'KHRUNGS RABS THANG SKU BZHENGS PA'I RGYAB YIG TU SBYAR CHOG PA 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, LHUN GRUB BDE CHEN CHOS SKU'I MKHA' DBYINGS LAS, ,GZUGS SKUR BZHENGS PA'I BLA MA LHA TSOGS SKU, ,BZHENGS PA'I RTEN 'DIR PHYOGS BCU'I RGYAL BA KUN, ,LEGS PAR BZHUGS NAS BYIN GYIS BRLAB TU GSOL, ,'DI YI MTHU LAS TSE RABS KUN TU BDAG ,BLA MA LHA TSOGS RNAMS KYIS RJES BZUNGS NAS, ,ZUNG 'JUG SKU BZHI'I GO 'PHANG THOB PA DANG, ,SKYES BU MCHOG RNAMS ZHABS PAD BRTAN PAR SHOG ,DGE 'DIS SKYES CHEN RGYAL BA YAB SRAS RNAMS, ,ZHABS PAD BSKAL BRGYAR BRTAN CING CHOS 'KHOR BSKOR, ,TSE RABS KUN TU 'BRAL MED RJES BZUNGS NAS, ,DGE BA'I BSHES GNYEN RTAG TU MDZAD DU GSOL, ,MANGGA LAm,, ZHES PA 'DI NI RNAM RGYAL GRVA TSANG PA DGE SLONG SKAL BZANG CHOS RGYAL DANG SKAL BZANG YE SHES GNYIS KYIS BSKUL BLTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` KHAMS GSUM ZA BYED BCU GSUM LHA'I 'KHOR LO, ,LEGS PAR BRIS 'DIR MGON PO KHYOD BZHUGS LA, ,BDAG GI 'DOD PA'I DON RNAMS MA LUS PA, ,'BAD PA MED

PAR LHUN GYIS 'GRUB PAR MDZOD, ,BKRA SHIS,, ` AOm SVA STI, DE BZHIN GSHEGS PA'I MDZAD PA RMAD BYUNG BA, ,BSOD NAMS ZHING DU LEGS PAR BSKRUN PA'I MTHUS, ,TSE RABS KUN TU DE BZHIN GSHEGS PA YIS, ,'BRAL BA MED PAR RJES SU 'DZIN PAR SHOG ,DE LTAR GYUR NAS RGYAL PA'I DAM CHOS KUN, ,PHYOGS BCU'I ZHING DU SPEL BA'I KHUR 'KHYER TE, ,'JAM PA'I DBYANGS DANG KUN TU BZANG PO LTAR, ,RGYAL DANG RGYAL SRAS SPYOD LA BRTZON PAR SHOG ,DE NAS 'GRO BA'I DON DU RDZOGS SANGS RGYAS, ,MNGON DU BYAS NAS SEMS CAN MA LUS PA, ,BLA MED RDZOGS PA'I BYANG CHUB LA BKOD DE, ,ZAG MED BDE BA'I DPAL LA SBYONG PAR SHOG ,SARBA MANGGA LAm,, ` NA MO, PHUN TSOGS GZI BYIN STONG GI 'OD 'BAR BA'I, ,DPAL LDAN STOBS BCU MNGA' BA'I SKU'I 'PHRENG BA, ,TSAR DU BRGYUS PA'I PHRENG BA SPEL LEGS 'DI, ,PHYOGS BCU'I SANGS RGYAS RNAMS KYIS BYIN GYIS RLOB, ,DGE BA 'DI YIS BDAG GZHAN 'GRO BA KUN, ,RGYAL BA MCHOG GIS TSE RABS THAMS CAD DU; ;MNYES BZHIN RJES SU BZUNGS NAS MGON KHYOD KYI, ,GSUNG GI BDUD RTZI NGOMS MED 'THUNG BAR SHOG ,KHYAD PAR BLO BZANG RGYAL BA RGYA MTSO YI, ,BSTAN PA'I DBANG PHYUG 'JAM DPAL RGYA MTSO'I DPAL, ,ZHABS PAD BSKAL PA RGYA MTSO'I BAR BZHUGS TE, ,CHOS KYI 'KHOR LO YUN RING BSKOR BAR SHOG ,SARBA DZA GA TAm,, ZHES PA 'DI GNYIS DAR HAN MKHAN PO SKAL BZANG YON TAN GYIS DE BZHIN GSHEGS PA'I 'KHRUNGS RABS KYI BRIS THANG RMAD DU BYUNG BA DANG ^ SKYABS MGON RGYAL BA'I DBANG PO'I 'KHRUNGS RABS GRA THANG

, ,BCAS GSAR BZHENGS KYI RGYA BA YIG TU 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYI SBYAR BA'O,, ` AOm SVA STI, MI 'GYUR BDE CHEN 'GYUR MED RDO RJE'I KHAMS, ,RNAM BKRA DBANG PO'I GZHU BZHIN GZUGS KYI SKUR, ,SHAR BA BKA' DRIN MTSUNGS MED DRIN CHEN RJE, ,GZUGS KYI SKU 'DIR BRTAN PAR BZHUGS SU GSOL, ,NAM MKHA'I KHAMS KYI MTHAS KLAS 'GRO BA KUN, ,MI GNAS ZAG MED BDE LAM BZHAG PA, ,DE SRID DGE BA 'DIS NI MGON KHYOD KYI, ,ZHABS PAD MI 'GYUR RDO RJE LTAR BRTAN SHOG ,GZHAN YANG DGE BA 'DI YIS BDAG GIS MTSON, ,SKYE BO MA LUS BYANG CHUB MA THOB BAR, ,DAM PA KHYOD KYIS 'BRAL MED RJES BZUNG STE, ,ZUNG 'JUG RDO RJE 'CHANG DBANG 'GRUB PAR SHOG, CES PA 'DI NI RTZIS PA YANG GRONG PAS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` SVA STI, RGYAL DANG RGYAL SRAS THOS SGROG RANG RGYAL SOGS, ,KUN GYIS BGROD PA GCIG PA'I LAM GCIG PU, ,THEG PA MCHOG GI LAM MCHOG SHER PHYIN DON, ,BCOM LDAN 'DAS KYI ZHAL LAS 'ONGS PA RNAMS, ,GLEGS BAM GZUGS SU GNAS PA'I MCHOD PA'I RTEN, ,BZHENGS TE DGE 'DUN 'DUS PA'I SDE RNAMS KYIS, ,KLOG PA THOS BSAM 'KHOR LO'I BYA BA YI, ,CHED DU PHUL BA'I DGE BA'I RTZA BA LAS, ,THOG MA MED NAS 'KHOR BA'I RGYA MTSO CHER, ,KUN NAS 'KHOR BYED BDAG 'DZIN BAG CHAGS BCAS, ,ZAB MO RTEN 'BYUNG RIGS PAS DRUNGS PHYUNG STE, ,THAR PA'I BDE BA MYANG 'DAS MCHOG THOB SHOG, CES PA 'DI NI RGYA

RAB 'BYAMS PA BLO BZANG DPAL LDAN GYIS MI TSAN 'DUS SDER SHER PHYIN RGYAS PA'I GLEGS BAM PU STI BCU DRUG PHUL BA'I DGE BA RDZOGS BYANG DU BSNGO THABS SU BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, GANG THUGS NYON MONGS SHES BYA'I SGRIB KUN YONGS ZAD CING, ,GANG GSUNG 'GRO KUN RANG RANG SKAD KYIS YANG DAG 'JUG ,GANG SKU MTSAN DANG DPE BYAD GSAL RDZOGS RE KUN SKONGS, ,LHA YI LHA KHYOD BRIS PA'I GZUGS 'DIR BRTAN PAR BZHUGS, ,KHYOD SKU MTHONG BAS DON LDAN PA, , BLO BZANG SMON LAM ZHES BYA BA'I, ,DGE SLONG BDAG GIS BZHENGS PA LAS, ,'DOD PA'I DON KUN 'GRUB PAR MDZOD, ,YUL PHYOGS BDE LEGS PHUN TSOGS SHING, ,BKRA SHIS DGE MTSAN DPAG MED 'PHEL, ,CHAR CHU RGYAS SHING NAD YAMS MED; ;BSAM DON THAMS CAD 'GRUB PAR MDZOD,, CES PA 'DI NI DGE SLONG BLO BZANG SMON LAM GYIS BZHAD BKRA SHIS DGE 'PHEL GYI DGON PAR ^ THUB PA'I GOS SKU GSAR BZHENGS KYI SMON LAM DU DGOS TSUL LTAR ^ SH'AKYA'I DGE SLONG BLO BZANG DPAL LDAN YE SHES KYIS BRIS PA'O,, ` NA MO GU RU MU NI AINDR'A YA, ,RNAM MAD RGYU SKAR DO SHAL LA 'KHU BA'I, ,RAB MDZES RIN CHEN MANG PO'I 'OD ZER CAN, ,RIN THANG DPAG PAR DKA' BA'I PHRENG MDZES 'DI, ,MAR GYUR SEMS CAN KUN GYI DON GYI CHED, ,PHYOGS BCU'I RGYAL BA SRAS DANG BCAS PA DANG; ;RIG GROL GNYIS LDAN 'PHAGS TSOGS 'DUS PA'I SDE, ,DPA' BO MKHA' 'GRO CHOS SKYONG BSRUNG MA'I TSOGS, ,KUN LA DVANG BA'I YID KYIS DBUL BAR BGYI, ,LEGS BSHAD DAM CHOS SGRA DBYANGS GSUNG SNYAN PO, ,SGROG CING BSAM

, ,GTAN TING 'DZIN SGOM BYED PA'I, ,KUN DGA' RA BA 'OD ZER DRA BA YIS, ,MDZES PA'I DGA' TSAL CIR YANG MDZES GYUR CIG ,DE YI DGE BAS BDAG GZHAN 'GRO BA KUN, ,SO GNYIS MTSAN GYIS GZI BYIN 'BAR BA DANG, ,DPE BYAD BRGYAD CU'I PHRA TSOM 'BAR BA YIS, ,'GRO BA 'DREN PA'I SANGS RGYAS 'GRUB PAR SHOG ,RNAM MANG 'DUS PA RGYA MTSO'I TSOGS RNAMS KYANG, ,BSHAD SGRUB 'KHOR LO GSUM GYI BYA BA YIS, ,NYIN MTSAN RTAG TU 'DA' BA'I BRTUL ZHUGS KYIS, , 'JAM MGON BLA MA'I RING LUGS RGYAS PAR SHOG ,GZHAN YANG LEGS TSOGS BYA BA JI SNYED PA, ,KUN KYANG 'BAD PA MED PAR LHUN GRUB CING, ,PHA ROL PHYIN DRUG SPYOD PA ZAB MO RNAMS, ,'JAM PA'I DBYANGS BZHIN PHA MTHAR PHYIN PAR SHOG , SPANGS PA KHYAD PAR GSUM GYIS BDE BAR GSHEGS, ,RTOGS PA'I YON TAN BLA GOS KYIS KLUBS PA, ,GSER MDOG SNANG BYED DRA BA'I KHOR YUG CAN, ,RDZOGS SANGS RGYAS KYI SKU BZHI 'GRUB PAR SHOG, CES PA 'DI NI CHU LUG 'DUS PA RGYA MTSO'I 'DU KHANG MJES PAR BYED PA'I RIN PO CHE'I DRA BA DANG DRA BA BYED PA'I RGYAN MANG PO PHUL BA'I DGE BA'I RTZA BA RNAMS RDZOGS BYANG DU BSNGO BA'I PHYIR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, 'OD MTSAN MTHA' YAS SPRUL PA'I ROL GAR 'PHRENG, ,'PHAGS YUL BOD SOGS YUL GRU SNA TSOGS SU, ,RNAM PAR SPRUL PA'I SKU YI BKOD PA NI, ,TSON GYIS PHYE BA'I GZUGS SU 'KHOD PA YI, ,BRIS PA'I SKU 'DIR YE SHES LHA YI TSOGS, ,LEGS PAR BZHUGS NAS BDAG DANG SEMS CAN LA, ,MCHOG DANG THUN MONG DNGOS GRUB MA

LUS PA, ,DA LTA NYID DU MYUR DU STZAL DU GSOL, ,DGE BA'I RTZA BA 'DI YIS 'GRO BA KUN, ,'KHOR BA'I RGYA MTSO CHEN PO LEGS BSGRAL TE, ,RNAM PA THAMS CAD MKHYEN PA'I YE SHES CHE, ,MYUR BA NYID DU 'GRUB PAR MDZAD DU GSOL, ,SARBA DZA GA TAm, , ZHES PA 'DI NI 'GAG PA NGAG DBANG BKRA SHIS KYIS 'KHRUNGS RABS BCU GSUM SOGS KYI BRIS THANG BZHENGS PA'I RGYAB YIG TU BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, DPAL LDAN YON TAN RIN CHEN BYE BA'I GTER, ,KUN GYIS PHYUG PA'I MDZAD BZANG SNANG BRNYAN 'DIR, ,YE SHES LHA TSOGS BZHUGS LA SHES NYON GYI, ,SGRIB PA MA LUS BYANG ZHING DAG PAR MDZOD, ,'DI NYID BSKRUN PA'I RNAM DKAR DGE BA YIS, ,TSE RABS KUN TU RJE BTZUN BLA MA RJES, ,DGYES BZHIN RJES SU BZUNGS TE MA RGAN KUN, ,SKU GSUM GO 'PHANG CHE LA 'GOD BAR SHOG ,PHYOGS DUS KUN NA BKRA SHIS JI SNYED PA, DE SNYED DGE BAS DPAL LDAN BLA MA YI, ,ZHABS PAD BRTAN CING BDAG GI 'DOD PA'I DON, ,'BAD MED LHUN GYIS 'GRUB PA'I BKRA SHIS SHOG ,MANGGA LAm,, ZHES PA 'DI NI MA nI BSKOR DPON PA YE SHES RGYAL MTSAN GYIS JO BO RJE'I LAM YIG SOGS THANG SKU 'GA' ZHIG BZHENGS PA'I RGYAB YIG 'DOD GSOL DU BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, PHYOGS BCU'I RGYAL BSRAS DANG BCAS PA DANG, ,YI DAM LHA TSOGS DPA' BO MKHA' 'GRO'I TSOGS, ,CHOS SKYONG BSRUNG MA 'KHOR DANG BCAS PA YIS, ,DENG 'DIR DGE LEGS SNANG BA RGYAS PAR MDZOD, ,MI MTHUN RGUD TSOGS MA LUS YONGS ZHI ZHING, ,MTHUN

, ,RKYEN CHOS DANG NOR GYI LEGS TSOGS KUN, ,YAR NGO'I ZLA DANG DBYAR GYI CHU BO BZHIN, ,GONG NAS GONG DU 'PHEL ZHING RGYAS PAR MDZOD, ,KHYAD PAR 'DIR BZHUGS RNAL 'BYOR SPYOD PA YI, ,DGE SLONG DGE 'DUN 'DUS PA'I SDE CHEN PO, , KHRIMS GTZANG THUGS MTHUN BSHAD SGRUB 'PHEL BA DANG, ,RTZE GCIG TING 'DZIN 'PHEL BAR BYIN GYIS RLOB, ,SARBA DZA GA TAm,, ZHES PA 'DI NI NGAR RGYAS SGRUB SDE'I BLA GRVA MTHUN MONG GIS DBYEN BSDUMS MCHOD RTEN GSAR BZHENGS KYI SROG SHING BRTAN PA'I BDEN TSIG TU DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, ZAG MED YE SHES BDUD RTZI'I BCUD CHEN PO, ,GCIG TU 'KHYIL BA'I RIN CHEN SNOD YANGS 'DI, ,BYANG RTZE GRVA TSANG 'DUS PA'I SDE CHEN POR, ,LEGS PAR PHUL BAS DGE BA'I RTZA BA 'DIS ,BSTAN PA'I RTZA LAG SKYES CHEN DAM PA RNAMS, ,ZHABS PAD SRID MTHA'I BAR DU BRTAN PA DANG, ,'DUS SDE 'DIS MTSON DGE 'DUN SDE MTHA' DAG ,BSHAD SGRUB YAR NGO'I ZLA LTAR 'PHEL BAR SHOG ,YUL PHYOGS 'DI DANG 'JIG RTEN KHAMS KUN TU, ,NAD MUG 'KHRUG RTZOD LO NYES KUN ZHI ZHING, ,CHAR CHU RTAG PHEBS LO LEGS BDE SKYID KUN, ,DBYAR GYI CHU BO LTA BUR RGYAS PAR SHOG ,'DIR NI 'BAD PA BYED PA'I YON BDAG DANG, ,GRVA 'DIR 'CHAD NYAN BYED PA'I DPON SLOB KUN; ;TSE RABS KUN TU THEG PA MCHOG GI NI, ,LAM BZANG RNAMS DANG 'BRAL BA MED GYUR CIG ,SARBA DZA GA TAm,, ZHES PA 'DI NI DGA' LDAN BYANG RTZE GRVA TSANG DU 'CHAD NYAN SLOB DPON SANGS RGYAS CHOS 'PHEL GYI DUS SDE PA RAB 'BYAMS PA SKAL BZANG 'JAM DPAL GYIS DGE 'DUN GYI TSOGS

KHRO GSAR DU BSKRUN PA'I ZHAL BYANG DU BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO MEE TRI YE, SRID GSUM BLA MA KUN MKHYEN TZONG KHA PA'I, ,BSTAN PA'I SROG SHING RJE BTZUN BYAMS PA'I MTSAN, ,GANG GI ZHABS KYI PADMO BYANG CHUB BAR; ;BDAG GI SPYI BO'I GTZUG TU GUS PAS BSTEN, ,MGON KHYOD THUGS KYI ZAB MO'I DGONGS PA KUN, ,YONGS SU RDZOGS PAR BYA DANG ZHING 'DI RU, ,SLAR YANG GSAR SKU'I SGYU 'PHRUL 'GYED PA'I PHYIR, ,LHAG BSAM RNAM PAR DAG PA'I 'DU BYED KYIS, , BSKAL BZANG DE BZHIN GSHEGS PA STONG GI SKU, ,MDA' YI GRANGS LDAN 'KHOR TSOGS DANG BCAS PA, ,MCHOG TU SMON PHYIR DVANG BA DANG BCAS TE, ,BSOD NAMS ZHING DU LEGS PAR BSKRUN PA'I MTHUS, ,RGYAL BA ZLA MED THUB PA'I DBANG PO'I GSUNG, ,KUN GYI SNYING PO BLO BZANG RGYAL BA YI, ,BSTAN PA YONGS RDZOGS MNGA' BDAG MGON DE YI, ,THUGS DGONGS MA LUS CHOS DBYINGS RDZOGS PAR SHOG ,KHYAD PAR SLAR YANG BSTAN 'GRO MA LUS PA'I, ,PHAN BDE PHYOGS DUS KUN TU SPEL BA'I PHYIR, ,GSAR DU BZHAD PA'I SPRUL PA'I ROL GAR MCHOG ,'KHRUL MED NGOMS PA'I DGA' STON CIR YANG STZOL, ,SPRUL PA'I ROL GAR GSAR DU BSTAN DE'ANG, ,THA MAL SNANG NGO'I KUN RDZOB DANG BRAL TE, ,MGON PO DE NYID JI BZHIN BSTAN 'GRO YI, ,RLABS CHEN BYA BA MDZAD PA ZLA MED SHOG ,GZHAN YANG CHOS KYI RGYAL PO TZONG KHA PA'I, ,BSTAN PA RIN CHEN SROG SHING DU GYUR NAS, ,DE YI GSUNG GSANG MDO SNGAGS GNYIS KYI GNAD, ,MI NUB 'DZIN PA'I DGA' STON CIR YANG STZAL, ,'OD MTSAN DPAG MED SPYAN RAS GZIGS

, ,DBANG PHYUG ,MI YI SRID BA'I ROL GAR BSGYUR MDZAD MKHAN, ,LA SOGS BSTAN PA'I RTZA LAG SKYES CHEN RNAMS, ,ZHABS PAD BRTAN CING 'PHRIN LAS RGYAS PAR SHOG ,YUL PHYOGS 'DIR YANG NAD YAMS MU GE SOGS, ,MI MTHUN NYER 'TSE MA LUS RAB ZHI ZHING, ,'BRU RNAMS DUS SMIN RGYAL PO CHOS BZHIN SPYOD, ,'JIG RTEN BDE LEGS THAMS CAD 'GRUB BAR SHOG ,RJE BTZUN BLA MA 'DI YI THUGS RJE YIS, ,'JUG PAS KHYAB CING DAD PA'I 'BREL THOGS PA, ,KUN GYIS MTSON PA'I MAR GYUR SEMS CAN KUN, ,RTAG TU MGON DES RJES SU 'DZIN PAR SHOG ,DE NAS GSUNG GI GSANG BA MA LUS PA, ,LEGS PAR RNAM DPYOD BLO GROS KYIS GZUNG STE, ,THOS BSAM SGOM PA'I BLO GROS ZAB MO YIS, ,RING MIN RDZOGS PA'I BYANG CHUB LA REG SHOG, CES BDAG GI DPAL LDAN BLA MA DAM PA BKA' DRIN MTSUNGS PA MED PA ^ RJE NGAG DBANG BYAMS PA GANG GI DGONGS PA YONGS SU RDZOGS PAR BYA BA'I PHYIR GANG GI ZHABS 'BRID RNAM DPYOD PHUL DU BYUNG BA RAB 'BYAMS PA DGE SLONG BLO BZANG DAR RGYAS NAS ^ RDZOGS PA'I SANGS RGYAS STONG GI SNANG BRNYAN GRAS THANG DU 'ZHENGS PAR MDZAD PA'I RGYAB YIG TU BSKUL BA LTAR ^ DPAL LDAN BLA MA GANG GI SLOB MAR GYUR PA ^ DGE SLONG BLO BZANG DPAL LDAN YE SHES KYIS BRIS PA'O,, ` DGE 'DUN 'DU BA'I 'KHOR LO'I SPEL TSIG NI, AOm HR'I: shtR'I: WI KRI T'A NU NA H'Um PHAt, PHYOGS BCU'I DGE 'DUN THAMS CAD SA MA YA DZA: ZHES PA DANG DBYEN BSDUMS PA'I 'KHOR LO NI, AOm HR'I: shtR'I: WI KRI T'A NA NA H'Um PHAt, 'DIR BZHUGS PA'I DGE 'DUN GYI SDE RNAMS KYI MI MTHUN PA'I PHYOGS DBYEN GYI GNOD PA THAMS CAD SH'ANTIm KU RU YE SV'A H'A, ZHES BYA ZHING 'DI GNYIS

KA'I 'KHOR LO LA GZHI'I SNGAGS 'GOD PA DANG, SNGAGS BTU BA DANG, SNGAGS DRANG BA DANG, SNGAGS BSRE BA DANG, 'KHOR LO SPOB DANG, TSUL BZHIN DU KHA SBYAR BA DANG, 'KHOR LO BSGRUB PA DANG, SBA BA'I GNAD RNAMS LEGS PAR SHES PAR BYA ZHING 'DI DAG GI GONG 'OG TU TSOGS KYI 'KHOR LO DANG LAS KYI GSHIN RJE DANG PHYOGS SKYONG LA GTOR MA 'BUL PA SOGS PHYAG LEN RNAMS PHRA LA ZHIB PA MA B CHOL BA GAL CHE, ZHES PA 'DI NI SER SMA GRVA TSANG GI DKA' BCU NGAG DBANG CHOS GRAGS KYIS GRVA TSANG GI DGE 'DUN THUGS MTHUN ZHING KHRIMS GTZANG BAR BYA BA'I PHYIR DBYEN BSDUMS MCHOD RTEN BZHENGS PA'I NANG DU BZHUGS PA'I SPEL TSIG TU DGOS ZHES BSKUL BA LTAR ^ GSHIN RJE'I GSHED KYI RNAL 'BYOR PA SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, DUS GSUM RGYAL BA'I NGO BO RDZUS TE SKYES, ,AU RGYAN PADMA K'A RA'I THANG SKU 'DI, ,BZHENGS PA'I DGE BAS DGA' LDAN RNAM RGYAL GYI, ,THUGS DGONGS MA LUS YONGS SU RDZOGS PAR SHOG ,SARBA DZA GA TAm,, ` AOm BDE LEGS SU GYUR CIG ,BLO BZANG DGA' LDAN RNAM PAR RGYAL BA'I SKU, ,BRIS TE LEGS PAR BZHENGS PA'I DGE BA'I MTHUS, ,DE YI DGONGS PA MA LUS YONGS RDZOGS SHING, ,TSE RABS KUN TU 'BRAL BA MED PAR SHOG ,BKRA SHIS, ZHES PA 'DI NI ^ RJE BTZUN BLO BZANG DPAL LDAN YE SHES KYIS SBYAR BA'O,, ` AOm BDE LEGS SU GYUR CIG ,DPAL LDAN BDE CHEN KHRAG 'THUNG MGUR GYI DPAL, ,BZHAD PA'I DBYANGS KYI YI GE GSANG BA'I GLU, PAR DU BSGRUBS PA'I DGE BAS 'GRO BA KUN, ,ZUNG 'JUG PHYAG RGYA CHEN PO'I SKU THOB SHOG, CES PA 'DI NI RGYUD SMAD SNGAGS RAM PA BLO BZANG CHOS GRAGS

, ,KYIS 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS BRIS PA'O,, ` AOm SVA STI, NGAG GI DBANG PHYUG BLO BZANG GRAGS PA'I DPAL, ,GANG GI NGO MTSAR MDZAD PA'I BRIS SKU SOGS, ,LEGS PAR BZHENGS 'DIR RGYAL BA SRAS DANG BCAS, ,LEGS PAR BZHUGS LA BYIN GYIS BRLAB TU GSOL, ,DGE BA 'DI YIS RGYAL BA'I BSTAN PA MCHOG ,MI NUB PHYOGS DUS KUN TU DAR PA DANG, ,DPAL LDAN BLA MA'I SKU TSE RAB BRTAN CING, ,RNAM DKAR 'PHRIN LAS PHYOGS BCUR RGYAS PAR SHOG ,BDAG CAG RNAMS KYANG SKYE BA THAMS CAD DU, ,RJE BTZUN BLA MAS 'BRAL MED RJES BZUNGS TE, ,ZAB LAM RIM GNYIS LAM GTZO RNAM PA GSUM, ,MTHAR PHYIN ZUNG 'JUG RDO RJE'I SKU THOB SHOG ,SARBA DZA GA TAm,, ZHES PA 'DI NI SNGAGS CHEN ZHAL SNGA NAS BLO BZANG DPAL 'BYOR GYIS CHOS KYI RGYAL PO TZONG KHA PA CHEN PO'I RNAM THAR MDZAD PA BRGYAD CU'I BRIS THANG SOGS BZHENGS PAR MDZAD PA'I RGYAB YIG TU BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, DE BZHIN GSHEGS PA KHRO DANG RGYAS PA'I TSUL, ,GANG GI SKU MCHOG BZHENGS PA 'DI DAG LA, ,YE SHES LHA RNAMS RAB TU BRTAN BZHUGS NAS, ,BAR GCOD KUN SOL MTHUN RKYEN CHOS BZHIN SGRUBS, ,LEGS SMON GSOL BA BTAB PA'I RE BA KUN, ,BAR GCOD MED BAR LHUN GYIS 'GRUB PA DANG, ,TSE DANG BSOD NAMS DPAL 'BYOR SNYAN GRAGS 'KHOR, ,RAB TU RGYAS PAR MDZOD CIG BLA MA LHA, ,'DI YI DGE BAS 'GRO BA MA LUS PA, ,MYA NGAN 'DAS PA'I LAM LA BKRI BA'I PHYIR, ,STOBS BCU MI 'JIGS BZHI YI

MNGA' BDAG CAN, ,RDZOGS PA'I SANGS RGYAS GO 'PHANG THOB PAR SHOG, CES PA 'DI'ANG LHA MGON SPRUL PA'I SKU BLO BZANG RNAM RGYAL GYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, PHYOGS BCU'I ZHING KHAMS RAB 'BYAMS GRANGS MED NA, ,BZHUGS PA'I BLA MA LHA DANG RGYAL BA'I TSOGS, ,YI DAM MKHA' 'GRO CHOS SKYONG SRUNGS MA RNAMS, ,THUGS RJE'I DBANG GIS DENG 'DIR DGONGS SU GSOL, ,SEMS CAN BSAM PA LAS DANG MOS PA KHAMS, ,SNA TSOGS SPYOD PA'I DBANG GI NYAL 'GRO LA, ,RGYU BA'I SROG CHAGS 'CHI BDAG KHAR SONG BAR, ,MI 'JIGS SKYABS KYI SBYIN PA BYIN PA'I MTHU'I, ,DGE BA'I RTZA BA DE YIS 'GRO BA KUN, ,NGAN 'GRO'I 'JIGS PA CHE LAS SGROL BA YI, ,DED DPON SANGS RGYAS MCHOG TU 'GYUR BAR SHOG ,'DI LA MTHUN RKYEN BGYID PA'I SKYE BO KUN, ,GNAS SKABS TSE RING LONGS SPYOD DBANG THANG DANG, ,BSOD NAMS 'PHEL ZHING CHOS KYI 'BYOR BA RGYAS, ,MTHAR THUG RDZOGS SANGS RGYAS KYI GO 'PHANG MCHOG ,RING POR MI THOGS MYUR DU THOB PAR SHOG , SNGON CHAD SDIG LAS SPYOD PA'I NYA PA KUN, ,DENG NAS BRTZAMS TE LAS NGAN SPYOD DANG BRAL, ,RTAG TU DAM PA'I CHOS LA LONGS SPYOD CING, ,MYA NGAN 'DAS PA'I SA LA REG PAR SHOG, CES PA 'DI NI AA MA DRUNG NAS CHU LA RGYU BA'I SROG CHAGS MANG PO LA SROG GI SBYIN PA STZAL TE DE'I DGE BA RDZOGS BYANG DU BSNGO THABS 'DI LTA BU ZHIG DGOS ZHES BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA P'A nI YE, DUS GSUM RGYAL BA KUN GYI MTHU STOBS KUN, ,GCIG TU BSDUS PA DPAL LDAN GSANG BA'I

, ,BDAG ,BRIS PA'I SKU 'DIR BRTAN PAR BZHUGS NAS KYANG, ,DNGOS GRUB MA LUS BDAG LA STZAL DU GSOL, ,SARBA DZA GA TAm,, ZHES PA 'DI NI BZHAD PA YE SHES RGYAL MTSAN GYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm BDE LEGS SU GYUR CIG ,DUS GSUM RGYAL BA KUN DNGOS RDO RJE 'CHANG, ,BLO BZANG GRAGS PA'I DPAL DANG DBYER MED PA'I, ,RTZA BA'I BLA MA SKU 'DIR BRTAN BZHUGS LA, ,BDAG CAG BLTOS PAR BCAS LA BYIN GYIS RLOB GNAS SKABS TSE RING DPAL 'BYOR DBANG THANG RGYAS, ,NAD MUG 'KHRUG RTZOD NYER 'TSE MA LUS ZHI, ,CHOS DANG CHOS LDAN RE BA MA LUS PA, ,'BAD MED LHUN GYIS 'GRUB PA'I DGE LEGS STZOL, ,GZHAN YANG BYANG CHUB SEMS DPA'I CHOS KUN LA,, RAB TU 'BAD PAS SBYANGS NAS MTHAR PHYIN TE, ,'GRO BA MA LUS RDZOGS PA'I SANGS RGYAS KYI, ,SA LA 'GOD BYED BYANG CHUB MCHOG THOB SHOG, CES PA 'DI NI BZHAD SPEL DKAR BA'I DGE BSNYEN BSTAN 'DZIN TSE RING NAS ` CHOS KYI RGYAL PO TZONG KHA PA CHEN PO'I SKU BRNYAN LEGS PAR BZHENGS TE DE LA GSOL BA 'DEBS PAR BYED PA'I GSOL 'DEBS 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm BDE LEGS SU GYUR CIG ,SRID DANG ZHI BA'I MTHA' LA MI GNAS SHING, ,NYON MONGS KUN GROL BYANG CHUB DAM PA BRNYES, ,RGUD MUN MTHAR MDZAD SH'AKYA'I RGYAL PO YIS, ,DENG 'DIR DGE LEGS BYE BA CHAR DU PHOB, ,MGON PO KHYOD KYIS GSUNG RAB GSER RI'I DBUS, ,LHUN PO LTAR BRJID ZAB MO RTEN 'BYUNG DON, ,LEGS PAR 'DOMS

MDZAD YUM CHEN GLEGS BAM RNAMS, ,BYANG CHUB SNYING PO'I BAR DU SPYI BOS MCHOD, ,GSUNG RAB SGYU 'PHRUL GZUGS SU SHAR BA DANG, ,BDE GSHEGS SMAN GYI BLA MA'I SNANG BRNYAN 'DI, ,SANGS RGYAS CHOS RNAMS RJES SU DRAN PA'I PHYIR, ,'DUS PA'I SDE LA PHUL BA'I DGE BA'I MTHUS, ,TSE RABS KUN TU STONG NYID LTA BA'I DON, ,LEGS PAR RTAGS SHING NYON MONGS NAD KYI SKYON, ,MA LUS DRUNGS NAS PHYUNG STE RDZOGS SANGS RGYAS, ,STOBS BCU MNGA' BA'I GO 'PHANG MYUR THOB SHOG ,GNAS SKABS SU YANG 'DUS PA'I SDE 'DI NYID, ,MI NYAMS BSHAD SGRUB DPAL 'BYOR LEGS TSOGS KUN, ,YAR NGO'I ZLA DANG DBYAR GYI MTSO LTA BUR, ,GONG NAS GONG DU 'PHEL BA'I BKRA SHIS SHOG, CES PA 'DI NI LUNG DGA' LDAN GYI BLA SPYI THUN MONG GIS SBYIN BDAG RNAMS LA DGE BSKUL BGYIS NAS YUM RGYAS 'BRING BSDUS GSUM GYI GLEGS BAM RNAMS DANG, TZANDAN DMAR PO LAS GRUB PA'I SMAN RGYAL GYI SNANG BRNYAN KHRI RGYAB DANG BCAS PA SPYI SOR SBYOR 'JAGS SU PHUL BA'I DGE BA RDZOGS BYANG DU BSNGO BA'I SMON TSIG 'DI LTA BU ZHIG DGOS ZHES LUNG DGA' LDAN GYI BLA SPYI THUN MONG NAS BSKUL NGOR ^ CHOS SMRA BA'I DGE SLONG BLO BZANG DPAL LDAN YE SHES KYIS SBYAR BA DGE LEGS 'PHEL BAR GYUR CIG, ` NA MO GU RU MANYDZU GHO sh'A YA, 'CHI MED BDUD RTZI'I BCUD KYIS KA LA SHA, ,RAB TU GANG BA'I BYIN GYI CHAR CHEN GANG, ,KUN NAS 'BEBS LA MTSUNGS PA'I ZLA BRAL BA,, TSE DPAG MED KYIS DGE LEGS BYE BA PHOB, ,'OD MTHA' YAS PA DUR SMRIG SGYU 'PHRUL GAR, ,MI YI ZOL GYIS RTZEN PA YID KYI DOR, ,RJES SU DRAN PHYIR BSKRUN PA'I SNANG BRNYAN 'DIR, ,BLA MA PHYOGS BCU'I RGYAL BA SRAS BCAS BZHUGS,,

, ,DGE BA 'DI YIS DENG NAS TSE RABS KUN, ,RJE BTZUN BLA MA GANG GIS DGYES BZHIN DU, ,RJES SU BZUNGS NAS THEG PA MCHOG GI CHOS, ,RGYUN CHAD MED PAR LEGS PAR STZAL DU GSOL, ,MI 'JIGS RDO RJE G-YUNG DRUNG RTAG BRTAN KHAMS, ,MI SHIGS NGO BOR MGON KHYOD BRTAN BZHUGS NAS, ,BSTAN PA SPYI DANG KHYAD PAR 'DUS SDE 'DI, ,SRID MTHA' JI SRID RGYAS PA'I BKA' DRIN STZOL, ,RAB DANG PHUL DU GYUR PA'I RGYAL BA'I GSUNG, ,KUN GYI RTZE MOR SON PA RDO RJE'I THEG ,GANG GI MAN NGAG BCUD KYI BYIN CHEN POS, ,GNYUG MA'I LUS SEMS BYIN RLOB SKAL BZANG STZOL, ,CHES PHRA'I LUS DBANG RIM GNYIS PHAN BDE'I GOS, ,GSAR PAS KLUBS PA'I 'JA' TSON SGYU MA'I DPYID, ,NAM YANG 'GYUR MED BDE BA'I RGYAS THEBS TE, ,STOBS BCU MI 'JIGS BZHI YI CHOS THOB SHOG ,GNAS SKABS SU YANG MI MTHUN MA LUS ZHI, ,TSE RING NAD MED BSAMS PA LHUN GYIS 'GRUB, ,BAR GCOD GDON BGEGS DGRA TSOGS DRUNGS PHYUNG BA'I, , BKRA SHIS RGYA MTSO CHAR DU BSNYIL GYUR CIG, CES BKRA SHIS SHING DON 'GRUB PA'I BDEN TSIG DGE LEGS 'DOD RGU'I CHAR 'BEB CES BYA BA 'DI NI RDO RJE SLOB DPON CHEN PO SNGAGS CHEN ZHAL SNGA NAS BLO BZANG DPAL 'BYOR NAS NGOS KYI 'DRA 'BAG BZHENGS TE RGYUD GRVA'I 'DU KHANG DU SBYOR 'JAGS MDZAD SKABS DE'I DGE BA RDZOGS BYAD DU BSNGO THABS 'DI LTA BU ZHIG DGOS ZHES BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS G-YAR PHRAL TZAM DU BGYIS PA'O,, ` AOm SVA STI, PHYOGS BCU'I RGYAL BA SRAS DANG BCAS PA DANG, ,BLA MA YI DAM CHOS SRUNGS RGYA MTSO

YIS; ;BDAG GI 'DOD PA MA LUS 'GRUB PA'I PHYIR, ,BDEN PA CHEN PO'I BYIN RLABS STZAL DU GSOL, ,DGE BA'I BSHES GNYEN GANG GI TSOGS GNYIS PO, ,RDZOGS PAR BYA PHYIR BDE GSHEGS MCHOD RTEN CHE, ,BZHENGS PA'I DGE BA'I RTZA BA 'DI YIS NI, ,GANG DES RDZOGS PA'I BYANG CHUB THOB GYUR CIG ,SGRIB GNYIS BAG CHAGS BCAS PA DRUNGS PHYUNG ZHING, ,TSOGS GNYIS YON TAN MA LUS RAB RDZOGS TE, ,SKU GNYIS ZUNG 'JUG GO 'PHANG MNGON BYAS NAS, ,RDZOGS PA'I SANGS RGYAS THOB PAR BYIN GYIS RLOB ,DAG BA'I ZHING KHAMS RNAMS SU ROL GYUR NA, ,SANGS RGYAS BYE BA'I ZHAL MTHONG CHOS KYANG THOS, ,GZUNGS SPOBS MNGON SHES TING 'DZIN RAB THOB STE, ,'GRO BA MA LUS SGROL BA'I DPAL GYUR CIG ,GAL TE MI YI KHROD DU SKYES GYUR NA, ,MKHAS PA KUN DANG GRUB PA'I DPAL GYUR TE, ,THEG PA CHEN PO'I DGE BA'I BSHES MDZAD NAS, ,KUN LA PHAN PA'I LAM BZANG SBYIN PAR SHOG ,'DOD PA'I DON RNAMS 'DI DAG THAMS CAD LA, ,BAR DU GCOD PA'I NYER 'TSE MA LUS KUN, ,DMAG ZOR RGYAL MOS LEGS PAR BSAL BYAS TE, ,MTHUN RKYEN YID BZHIN 'GRUB PA'I BKRA SHIS STZOL,, CES MTHO LDING MKHAN ZUR DKA' CHEN BLO BZANG 'PHRIN LAS GSHEGS PA'I DGONGS RDZOGS SU DNGUL LAS BYAS PA'I GDUNG RTEN BZHENGS TE DGE BA RDZOGS BYANG DU BSNGO THABS 'DI LTA BU ZHIG DGOS ZHES NYE GNAS DRUNG RAM PA BLO BZANG NGAG DBANG GIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SMRAS BA'O, ,SARBA MANGGA LAm,, ` THUB DBANG LA, AOm SVA STI, THUB DBANG GNAS BRTAN BCU DRUG 'KHOR DANG BCAS, ,RTEN

, ,'DIR BRTAN PAR BZHUGS LA BLA MA YI, ,SKU TSE SRINGS SHING BDAG CAG 'KHOR DANG BCAS, ,TSE RING BSAM DON CHOS BZHIN 'GRUB PAR MDZOD, ,SARBA DZA GA TAm,, ZHES DANG BCU GSUM GYI GTZO THAD DU, DPAL LDAN BLA MA'I SKYES RABS 'PHRENG BAR BCAS, ,BZHENGS PA'I DGE BA'I RTZA BA'I MTHU LA BRTEN, ,DPAL LDAN BLA MA SKU TSE BRTAN PA DANG, ,BDAG CAG RTAG TU BDE ZHING SKYID PAR MDZOD, ,SARBA DZA GA TAm,, ZHES PA 'DI NI BZHAD THUB BSTAN SKYID SPUG PA'I 'TSO BYED DGE BSNYEN RTA MGRIN BLTOS BCAS KYIS THUB DBANG GNAS BRTAN BCU DRUG DANG SKYES RABS BCU GSUM GYI THANG SKU BZHENGS PA'I RGYAB YIG 'DI LTA BU ZHIG DGOS ZHES BSKUL BLTAR ^ SH'AKYA'I DGE SLONG BLO BZANG DPAL LDAN YE SHES KYIS BRIS PA'O,, ` AOm SVA STI, NA MO MA H'A K'A L'A YA, TZANDAN RKANG GCIG DRUNG NA BZHUGS PA YI, ,NAG PO CHEN PO BGEGS KYI STENG DU 'KHRAB, ,SDANG BA'I DGRA DANG BGEGS LA MCHE BA GTZIGS, ,BLA MA MGON PO SKU 'DIR BRTAN PAR BZHUGS, ,MA H'A K'A LA 'KHOR DANG BCAS RNAMS KYIS, ,GTZUG LAG KHANG 'DI RGYAS PAR BYED PA DANG, ,DGE 'DUN SDE RNAMS BSHAD SGRUB 'PHEL BA DANG, ,BGEGS KYI BAR GCOD MA LUS BZLOG PAR MDZOD, ,DPAL LDAN BLA MA'I SKU TSE BRTAN PA DANG, ,BAR GCOD GDON BGEGS MA LUS BZLOG PA DANG, ,BSAM PA THAMS CAD CHOS BZHIN 'GRUB PA DANG, ,NYER 'TSE MA LUS DBYINGS SU ZHI BAR MDZOD,, SARBA DZA GA TAm,, ZHES PA 'DI NI 'KHOR BZANG DGON PA'I GRVA RGYUN RNAMS KYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm BADZRA HE

RU KA NA MA: KHA SBYOR BDE STONG RO YI BDAG NYID CAN, ,DPAL LDAN KHRAG 'THUNG DBANG PO 'KHOR DANG BCAS, ,BRIS PA'I SKU 'DIR BRTAN PAR BZHUGS NAS KYANG, ,RNAL 'BYOR BDAG GI RE BA MA LUS SGRUBS, MANGGA LAm,, ` AOm SVA STI, DE BZHIN GSHEGS PA SMAN BLA 'KHOR BCAS KYI, ,BRIS SKU BZHENGS PA'I MTHU LAS TSE RABS KUN, ,NGES 'BYUNG BYANG SEMS YANG DAG LTA BA DANG, RIM GNYIS LAM GYI RTOGS PA MTHAR PHYIN SHOG ,DZA GA TAm,, ` NA MO GU RU WE, DNGOS GRUB KUN 'BYUNG THUB DBANG RDO RJE 'CHANG, ,'GRO LA RJES BRTZES MI YI ZLOS GAR CAN, ,'JAM MGON BLO BZANG GRAGS PA YAB SRAS LA, ,GSOL BA 'DEBS SO BYIN GYIS BRLAB TU GSOL, ,'OD GSAL MKHA' DBYINGS LA MA LAS DBANG PO'I GZHU, ,GSAL LA DVANGS LTAR BKRA BA'I LHA YI TSOGS, ,NAM MKHA' GANG BAS ME TOG CHAR PHAB STE, ,DGE LEGS RGYA MTSO DBYAR GYI MTSO LTAR SPEL, ,DPAL LDAN BLA MA'I MDZES SKU LEGS BSKRUN TE, ,'BRONG RTZE CHOS SDE DGE 'DUN TSOGS RNAMS KYIS, ,RJES SU DRAN PA'I RTEN DU PHUL BA LAS, ,BSAM PA THAMS CAD CHOS BZHIN 'GRUB PAR SHOG ,CHOS DANG ZANG ZING 'BYOR PA'I LEGS TSOGS KUN, ,THUGS RJE'I SHUGS KYIS GNAS 'DIR RAB BKUG NAS, ,JI LTA JI SNYED CHOS TSUL RGYA MTSO LA, ,RNAM DPYOD BLO YI 'JUG PA RGYAS PAR MDZOD, ,BSTAN SRUNG RGYA MTSO'I TSOGS RNAMS MA LUS PA, ,KUN GYIS BDAG GI RE BA'I 'BRAS BU KUN, ,'BAD PA MED PAR LHUN GYIS 'GRUB PA DANG, ,BKRA SHIS RGYA MTSO KUN TU 'PHEL BAR MDZOD,, CES PA 'DI NI

, ,SNGAGS CHEN ZHAL SNGA NAS SENG CHEN BLO BZANG DPAL 'BYOR GYIS 'BRONG RTZE CHOS SDER ^ NGOS KYI 'DRA 'BAG BZHENGS NAS DAD RTEN DU SBYOR 'JAGS MDZAD DE DE'I DGE BA RDZOGS BYANG DU BSNGO ZHING, CHOS SDE DE NYID NGAR ZHING RGYAS PAR BYED PA'I SMON TSIG 'DI LTA BU ZHIG DGOS ZHES BSKUL BA LA BRTEN NAS ^ SH'AKYA'I DGE SLONG RDO RJE 'DZIN PA BLO BZANG DPAL LDAN YE SHES KYIS SBYAR BA DZA GA TAm,, ` NA MO GU RU, SPROS BRAL BDE CHEN YE SHES ROL PA'I DPYID, ,PHYI NANG MCHOD PA'I GZUGS SU SHAR BA GANG, ,RAB YANGS MTSAN LDAN SNOD 'DIR LEGS 'KHYIL NAS, , BDE STONG YE SHES MCHOG LA ROL PAR SHOG ,SARBA DZA GA TAm,, ZHES PA 'DI NI GSANG SNGAGS RGYUD PA GRVA TSANG GI TSOGS KHRO'I ZHAL BYANG DU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA BHEE RA W'A YA, BCOM LDAN THUGS RJE'I MNGA' BDAG CHE, , RIG PA'I RGYAL MCHOG KHRO BO'I GTZO, ,KHAMS GSUM ZA BYED MTHU STOBS CAN, ,GAR MDZAD KHYOD NI RI RAB G-YO, ,AA DZA NAG PO'I DUM BU 'DRA, ,SOL PA BCAG PA'I MDOG LTAR GNAG ,HR'I: shtR'I: 'I SNGAGS KYIS KUN 'JOMS PA'I, ,KHRO KHYOD SPRUL GDUG LTA BUR 'JIGS, ,GDUG PA'I KHA RLANGS SA GZHI 'THOR, ,NAM MKHA'I MDOG CAN SPRIN NAG 'DRA, ,DBYANGS CAN MA DANG MNYAM ROL BA, ,BDUD KYI LO LA SER DRAG 'DRA, ,KHRAG 'DZAG DBU BRGYAD 'BAR BA LA, ,DMAR SER MTHON MI THANG ZUR PHUD CAN, ,HA HA HE HE HO HO HAm, ,HA: YIS BZHAD KHYOD RO LANGS 'DRA, ,BDAG GI SKYABS GCIG KHYOD NYID LA, ,BSTOD DANG SKU YI 'DU BYED 'DI, ,SNGON GYI DON BSGRUBS GTANG RAG DANG, ,PHYIS NAS DON BSGRUBS GSOL 'DEBS LAGS,, ZHES PA 'DI NI

GSANG SNGAGS RGYUD PA GRVA TSANG GI RIG PA 'DZIN PA'I 'DUS SDE CHEN PO'I THUGS DAM RTEN DU ^ DPAL RDO RJE 'JIGS BYED CHEN PO'I SKU ZHIG LCAGS GSUM LAS BZHENGS TE PHUL SKABS RGYAB YOL GYI RGYAB YIG TU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ~ 'DREN PA MNYAM MED THUB DBANG THUGS RJE'I GTER, ,GANG GI MDZAD BZANG PHA MTHA' DANG BRAL BA, ,BYANG CHUB MCHOG GI SPYAD PA SPYOD PA'I TSUL, ,LEGS PAR BZHENGS SHING MCHOD PA'I DGE TSOGS KYIS, ,PHYOGS BCU'I RGYAL BA RGYAL SRAS MA LUS PA, ,RTEN 'DIR BZHUGS NAS BDAG DANG 'GRO KUN LA, ,PHAN DANG BDE BA'I LAM BZANG MA LUS PA, ,SBYIN PA'I DGA' STON DAM PA STZAL DU GSOL, ,KHYAD PAR DGE BA 'DI YIS 'GRO BA KUN, ,BYANG CHUB DAM PA MCHOG LA 'GOD PA'I PHYIR, ,DE BZHIN GSHEGS PA KHYOD DANG RNAM KUN TU, ,MTSUNGS PA'I RDZOGS SANGS RGYAS KYIS THOB SHOG ,MANGGA LAm, ZHES PA 'DI YANG LCAGS RA SPRUL PA'I SKU AER TE NI PAndI TA KHO THOG THUS BSKUL BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` NA MO GU RU, RGYAL BA KUN DANG STON PA SH'AKYA'I RGYAL, GANG GI GTZUG TOR LAS 'ONGS GDUGS DKAR MO, ,NYER GCIG PHYAG RGYA'I TSOGS BCAS RTEN 'DI LA, ,BRTAN PAR BZHUGS LA CHOS GRVA CHE 'DI SKYOBS, BCOM LDAN 'DAS MA GDUGS DKAR MO CAN, GZHAN GYIS MI THUB PA PHYIR BZLOG PA CHEN MO, PHAS KYI RGOL BA THAMS CAD 'JOMS PAR MDZAD MA, DBU STONG MNGA' BA CHEN MO, PHYAG STONG MNGA' BA CHEN MO, SPYAN BYE BA BRGYA STONG MNGA' BA CHEN MO, MI PHYED 'BAR BA'I MTSAN RTAGS CAN, RDO RJE YANGS PA CHEN PO'I SA GSUM GYI DKYIL

, ,'KHOR LA MNGA' MDZAD PA, NYER GCIG PHYAG RGYA'I TSOGS DANG BCAS PA, KHRO BO DANG KHRO MO DANG, MNGAG GZHUG PA DANG MNGAG GZHUG MA DANG, LEGS LDAN MCHED GSUM, TSANGS PA DANG BCAS PA THAMS CAD RTEN 'DI LA BRTAN PAR BZHUGS LA, CHOS GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING CHEN PO 'DI NYID NA BZHUGS PA'I DPON SLOB DGE 'DUN GYI SDE DANG BCAS PA THAMS CAD LA DUS KUN TU BSRUNG BA DANG; BSKYAB PA DANG SPA BA DANG, SPEL BA'I 'PHRIN LAS MDZOD CIG ,PHYOGS 'DIR DPAG TSAD BCU GNYIS KYI NANG TSUN CHAD DU 'BYUNG PO DANG, RO LANGS DANG, SHA BZA' DANG, RIMS DANG, RGYAL PO DANG, GZA' DANG, RGYU SKAR DANG, GNOD SBYIN DANG, MKHA' 'GRO DANG MKHA' 'GRO MA DANG, 'BYUNG PO'I BDAG PO DANG, RMI LAM NGAN PA DANG, MTSAN MA NGAN PA DANG, LTAS NGAN PA DANG, LCE 'BAB PA DANG, SA G-YO BA'I 'JIGS PA THAMS CAD LAS BSRUNG DU GSOL, ,BSAD DU GSOL, BSRUNG DU GSOL, AOm SARBA TA TH'A GA TA AUshn'I shA SI T'A TA PA TRE BDAG CAG DPON SLOB DGE 'DUN GYI SDE DANG BCAS PA THAMS CAD LA R'A KshA R'A KshA, ZHES PA 'DI NI GZIMS KHANG DANG NGO MTSAR KUN 'DUS LHA KHANG PHUN TSOGS BKRA SHIS 'KHYIL BCAS KYI STENG DU GSER ZANGS LAS GRUB PA'I RGYA PHUBS DANG RGYAL MTSAN BCAS GSAR SKRUN SKABS 'DOD GSOL DU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA BHEE RA W'A YA, MTHU STOBS KYI DBANG PHYUG CHOS SKYONG DREGS PA'I RGYAL PO SROG BDAG BEG TZE CHEN PO,

SRING MI SRID PA'I BU MO GDONG DMAR MA, LAS MKHAN PA SHAN PA SROG BDAG MAR PO LA SOGS PA THAMS CAD RTEN 'DI LA BRTAN PAR BZHUGS LA, RNAL 'BYOR BA BDAG DGE SLONG BLO BZANG DPAL LDAN YE SHES KYIS JI LTAR BSAM PA'I DON THAMS CAD THOGS PA MED PAR 'GRUB PAR MDZOD CIG ,THEG CHEN THUN MONG DANG THUN MONG MIN PA DANG, CHES THUN MONG MIN PA'I LAM BSGOMS PA THAMS CAD MTHAR PHYIN PA'I 'PHRIN LAS MDZOD CIG ,RNAL 'BYOR PA BDAG LA LOG PAR SMRA BA DANG, GNOD PAR SEMS PA DANG, BAR DU GCOD PA'I TSIG SMRA BA DANG, RBOD GTONG LA SOGS PA'I NYER 'TSE BYED PA BYUNG SRID NA, RTEN 'DI NYID PHYAR BA TZAM GYIS KLAD PA KHRAG DANG BSRES LA DKRUGS SHIG ,SNYING SROG RTZA DANG BCAS PA SHOGS SHIG ,GLO BA KHRAG DANG BCAS PA SKYUGS SU CHUG CIG ,MCHIN PA MKHRIS PA DANG BSRES TE 'THUR DU PHOB CIG ,GRI RNON BRANG DMAR DU GSOD CIG ,MDUNG RNON RGYU LUG TU GSOD CIG ,THAG 'CHING LAG NYAG TU GSOD CIG ,MDA' RNON MJID DMAR DU GSOD CIG , RTA GRI SHAL THAG TU GSOD CIG ,KHYI GRI BYIN DMAR DU GSOD CIG ,RNAM PAR SHES PA CHOS KYI DBYINGS SU DRONGS SHIG ,SA MA YA STVAm, ZHES PA 'DI NI CHOS SKYONG BEG TZE LCAM SRING GI PHYAR DAR BZHENGS PA'I RGYAB YIG TU BRIS PA'O,, ` NA MO GU RU, STON PA MNYAM PA MED PA ZAS GTZANG SRAS, ,GANG GI GSUNG RAB CHU YI GTER CHEN PO, 3,BLO BZANG RNAM DPYOD 'KHOR LO'I LAG LDAN PAS, ,LEGS BSHAD LHUN PO'I SRUB SHING BRTAN BTZUGS TE, ,BSRUBS PA'I GSUNG RAB AA MRi TA CHEN PO, ,MING TSIG GZUGS

, ,KYI BUM PA'I NANG 'KHYIL BA, ,BKRA SHIS BANG RIM BRTZEGS PA'I LHUN PO LA, ,RAB GNAS LHA DBANG KHYOD KYIS NYER BDAG MDZOD, ,NGES 'BYUNG STEGS BU CHEN PO'I KHRI'U LA, ,BYANG SEMS BZANG PO'I 'GYING STABS KYIS GNAS PA, ,YANG DAG LTA BA'I COD PHAN G-YO BA YI, ,RGYAL SRID DE NI KHYOD KYIS CI DGAR SKYONGS, ,SRID DE LAS NI G-YO BA RAB SPANGS KYANG, ,BDE CHEN SGYU MA'I ROL MO DRAG DKROL BAS, ,STONG NYID DGA' MA'I GROGS LA RTZE BA YI, ,RIM GNYIS RNAL 'BYOR NOR BU KHYOD KYIS CHONGS, ,LEGS BSHAD MCHE BA RING DKAR GTZIGS PA YI, ,BSAM GTAN BZOS PA'I SNYING RJE'I SKOM RKYEN GYIS, ,GSUNG RAB GANGG'A KUN BTUNG SLAR SKYUGS PA'I, ,RI sh'I KHYOD KYIS DAG BYED NYAL 'GRO PHOB, ,CHOS SKU MTHA' BZHI'I RDUL SPRIN KHUG RNAS DBEN, ,LONGS SPYOD LHA GZHU BKRA BA'I RNAM 'GYUR LA, ,SPRUL PA'I KHA DOG SNA LNGA BKRA BA'I DPYID, ,CIR YANG 'CHAR PHYIR 'DI YANG GZUGS LTAR SNANG, ,RANG SNANG CIR YANG BSGYUR BA'I 'KHOR LO LA, ,GZHAN SNANG YANG DAG 'DREN PA'I SROG SHING CAN, ,THABS MKHAS THUGS RJE'I KHANG BUS LEGS 'DREN PA'I, ,SHING RTA'I BYIN MCHOG 'DIR YANG NGES PAR PHOB, ,ZHI RGYAS DBANG DANG MNGON SPYOD BSHAD RTZOD SGRUB, ,RTZOM DANG THOS BSAM SGOM PA'I DGE LEGS KYIS, ,GSER DNGUL RIN CHEN GOS DAR 'BRU SNA MANG, ,DRONGS SHIG THUGS RJE CHEN POS NYE BAR GZIGS, ,MANGGA LAm, ZHES PA 'DI NI SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` RJE BTZUN BLO BZANG RGYAL BA GNYIS PA YI, ,BSTAN PA'I DPAL

LDAN YE SHES 'JUG PA MCHOG ,GDUL BYA KUN GYI 'DREN MCHOG DPAL BZANG PO, ,RTEN MCHOG 'DI LA BRTAN PAR BZHUGS SU GSOL, ,DGE 'DIS BDAG DANG MAR GYUR 'GRO BA KUN, ,KHYOD KYI SKU MCHOG 'DI 'DRA MA THOB PA, ,DE SRID 'BRAL PA MED PAR RJES BZUNGS NAS, ,GSUNG GI BDUD RTZI LEGS PAR 'THUNG BAR SHOG ,MANGGA LAm,, ZHES PA 'DI NI ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVASTI, DUS GSUM BDE BAR GSHEGS PA THAMS CAD KYI, ,SKU GSUM YE SHES RDO RJE GCIG BSDUS PA, ,SKU MCHOG 'DI LA BRTAN PAR BZHUGS NAS KYANG, ,BDAG GI 'DOD DON 'GRUB PAR BYIN GYIS RLOBS, ,DGE BA'I RTZA BA 'DI YIS BDAG CAG LA, ,PHAN BDE'I DPAL GYUR BLA MA DAM PA KHYED, ,BSTAN PA'I DPAL DU YUN RING ZHABS BRTAN NAS, ,CHOS KYI 'KHOR LO RGYUN CHAD MED PAR STZOL, ,BDAG KYANG BYANG CHUB SEMS DANG MI 'BRAL ZHING, ,THEG PA CHEN PO'I CHOS KYI BDUD RTZI MCHOG ,LEGS PAR MYANGS PAS BDAG CAG 'KHOR DANG BCAS, ,MYUR DU RDZOGS SANGS RGYAS KYI SA THOB SHOG ,MANGGA LAM, ZHES PA 'DI NI MGRON GNYER RAB 'BYAMS PA BLO BZANG DGE LEGS KYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU MNYADZU GHO sh'A YA, GANG GI MTSAN SNYAN SGRA 'DZIN BUG PA'I NANG, ,'PHOS PA'I MOD LA NYON MONGS DGRA SDE'I DPUNG, ,RTZAD NAS 'BYIN BYED THUB DBANG LHA YI LHA, ,'JAM MGON SRAS DANG BCAS PAS DGE LEGS STZOL, ,YANG DAG LAM STON BLA MA DAM PA DANG, ,SANGS RGYAS DBYER MED MOS PA'I MCHOD PA'I SBRIN, ,SPRO BA DE NI RGYAL BA

, ,DGYES PA YI, ,LAM MCHOG YIN ZHES MKHAS KUN CA CO SGROG ,DE LTA NA YANG DANG PO'I LAS CAN PA, ,SNYOMS LAS MAL DU 'DU 'JI'I ZAS NOR LA, ,SPYOD PAR BYED PA'I RNAM THAR RING SKYONG BA, ,BDAG LA BYIN RLABS NUS MTHU TZI LA SRID, ,TSUL KHRIMS MCHOG TU 'CHAL BA'I MKHAN PO LA'ANG, ,STON DANG 'DRA BAR 'DU SHES BSKYED CIG CES, ,GSUNGS PA'I RNAM THAR BZANG PO RJES SKYONG BA'I, ,DAM PA RNAMS LA NGES PAR RJES YI RANG, ,DE PHYIR RIG SNGAGS 'CHANG BA'I 'DUS SDE YIS, ,RJES DRAN BYA PHYIR ME KHYER NYI 'OD LA, ,'KHU DANG 'DRA BA NGED KYI SNANG BRNYAN 'DI, ,BSGRUB PA'I 'DU BYED RDO RJE 'DZIN PAS MDZAD, ,DE LA DANG POR RIN CHEN 'OD DMAR CAN, ,KHAG GNYIS NYAG BCU DRUG GI BDAG NYID LAS, ,BSGRUBS PA'I NGOS LA BYUGS BA'I TSA GSER LA, ,ZHO GRANGS BCU BDUN RAB TU BKRA BA SNANG, ,LAG GNYIS CHOS 'CHAD MNYAM GZHAG PHYAG RGYA YIS, ,BRTEN PA'I LAG G-YON STENG NA SBUR LEN LAS, ,GRUB PA'I TSE YI BUM PA KHA DANG MTHIL, ,DNGUL GYIS BRGYAN LA G-YU GSER MU TIG SPA, ,HOR SHEL 'PHRENG BRGYAN LAN LAG SPRAS SHING, ,GOS BZANG JUS SER BER GYIS KLUBS PA LA, ,GONG PAR RTA KLAD MU TIG BYU RU G-YU'I, ,PHRA YIS SPA BAS RGYU SKAR NYI ZLAR 'KHU, ,BYANG CHUB SHING GZUGS SNYE 'BOL SENG KHRI DANG, ,NYER DPYAD STEGS BU BCAS PAR LJON DMAR KHAL, ,ME DANG CHA SHAS PHYOGS KYI GRANGS LDAN LA, ,RDUL CHUS BCINGS PA'I GSER SBYANGS ZHE BRGYAD ZHO, ,BYUGS PA'I SHING STENG DNGUL DKAR SRANG CHEN GRANGS, ,NYI SHU LAS

GRUB TSE DPAG MED MGON BZHUGS, ,DE YI PHYAG NA BYU RU'I TSE YI BUM, ,G-YU BZANG PHRA YIS RAB TU SPAGS PAR LDAN, ,RGYA YI SKAD DU COG TZE ZHES GRAGS PA, ,MDUN DU 'KHOD STENG RNAL 'BYOR BA'I YO BYAD, ,d'A DRIL RDO RJE BUM BA KA P'A LA, ,RNAM RGYAL BUM PA KHA RGYAN BCAS PA DANG, ,BLA CHEN YO BYAD DKAR YOL STEGS BCAS DANG, ,BZED ZHAL SPYI BLUGS BCAS PAS RAB TU BKRA, ,G-YU BZANG PAD DAB DANG NI 'DAB BRGYAD GZUGS, ,PHYOGS SKYONG GRANGS KYIS RAB TU MDZES PA DANG, ,SHING DANG KHRI SOGS KUN LA RIN CHEN GYI, ,PHRA YOD BSDOMS GRANGS SPOS DKAR SHEL BCU BZHI, ,BYE MA SKYES GRANGS SUM CU SO DGU DANG, ,DE NYID DKAR PO'I GRANGS 'DZIN MIG GI GRANGS, ,MU MAN SHEL DMAR RDOG RIL BDUN GRANGS DANG, ,SHEL GYI PAD 'DAB GNYIS BCAS SHIN TU MDZES, ,DE YI KHYAD GZHI KHYAD CHOS NYER BSDUS TE, ,BSHAD NA ZANGS KHAL DRUG ZHO BCO LNGAS 'DOMS, ,RDUL CHU ME DANG 'PHRAD PA BCOS PA'I GSER, ,ZHO GRANGS PHAR PHYIN 'KHOR SGYUR SRID YON TAN, ,BZO BO MGO BYED DNGUL SRANG DGU BCU BDUN, ,BCAS KYIS LEGS PAR BSGRUB NANG GZHUG PA'I RDZAS, ,JI 'DRA BZHUGS PA'I RGYU MTSAN 'DI LTA STE, ,GNOD SBYIN 'KHOR LO ZHAL SBYOR TSAD LDAN DANG, ,CHOS SKU'I RING BSREL NGED KYIS BRIS PA YI, ,YI GE DBU CHEN GZUGS KYI YI DAM GZUNGS, ,SHIS BRJOD YIG RIS SNA TSOGS BCAS PA BZHUGS, ,GZHAN YANG GZUGS 'DI GANG GI YIN PA YI, ,THOD PA'I NANG GNAS MU TIG LO MA DANG, ,LAG BRIS BRJOD BYA SNA TSOGS LEGS BSHAD CAN, ,PHYAG TSA SNA

, ,TSOGS RGYA YI LTA SNOD CIG ,BGRANG 'PHRENG LAG THOGS SPOS DANG SNYUG BU'I SHAS, ,AA TI SHA YI GDUNG THAL TZONG KHA BA'I, ,DBU ZHVA'I TSAL BU GRUB DBANG DBEN SA PA'I, ,DBU LO RJE BTZUN CHOS KYI RGYAL MTSAN GYIS, ,PHYAG 'PHRENG LUNG THAG BLO BZANG YE SHES KYI, ,DBU SKYES SHANGS MTSAL RIL BU BCAS PA BZHUGS, ,KHYAD PAR RIGS KUN KHYAB BDAG RDO RJE 'CHANG, ,RJE BTZUN BLO BZANG BSKAL BZANG RGYA MTSO YI, ,DBU SKYES 'BRU SNAN DAR ZAS GNAS CHEN GYI, ,SA SNA RDO SNA BCAS PAS RAB TU BRJID, ,DE NI RGYUD GRVA'I RDO RJE'I GZHAL YAS KYI, ,NANG DU RIG 'DZIN 'DUS PA'I SDE CHEN PO'O, ,THUGS DAM RTEN DU GNAS LA LHA TSOGS KYIS, ,SHIS BRJOD SGRA DBYANGS DBYAR RNGA LTA BUR SGROG ,GZHAN YANG RIN CHEN SNA TSOGS SBYANGS PA'I KHAMS, ,LEGS GRUB THUB DBANG RDO RJE 'CHANG DBANG DANG, ,RJE BTZUN BLO BZANG YE SHES DPAL BZANG PO'I, ,SNANG BRNYAN 'GRO KUN BSOD NAMS ZHING DU BZHUGS, ,MANG LAm,, ` NA MO GU RU, SA CHEN STENG NA MDO DANG 'DUL BA YIS, ,BRGYAN PA'I RIG SNGAGS NYAMS SU STAR BA YI, ,SANGS RGYAS BSGRUB LA 'GRAN ZLA DANG BRAL BA'I, ,RGYUD GRVA'I TSOGS KHANG CHEN MOR NGED KYI GZUGS, ,DNGUL DKAR SRANG CHEN NYIS BRGYA LNGA BCU LAS, ,GRUB PAR PAn ZHVA NA BZA' GLEGS BAM LA, ,TSA GSER ZHO NI BCU DRUG SBYAR BA YI, ,BZHUGS 'BOL PADMA BCAS LA ZANGS NI KHAL, ,RTZE MO ZHO GRANGS MA 'DRES CHOS TSOGS DANG, ,LDAN LA GSER GYIS BYUGS SHING DE DAG KUN, ,BSDOMS LA TSA GSER ZHO NI BDUN CU GCIG, SONG ZHING RDUL CHU LHA GSOL

BZO BO'I YON, ,BSDOMS BAR DNGUL SRANG BDUN CU DON LNGA DANG, ,BCAS LA RIN CHEN KHRA TSOM SNA TSOGS 'BAR, ,NANG GZHUG RED KYI NYER DPYAD SNA TSOGS DANG, ,MGO SKYES NYAG LNGA CHOS KYI RGYAL MTSAN GYI, ,DBU LO NYAG LNGA BLO BZANG YE SHES KYI, DBU LO'ANG DE YI GRANGS DANG MTSUNGS PAR BZHUGS, ,GZHAN YANG MKHAS GRUB THAMS CAD MKHYEN PA YI, ,DBU SKYES NYAG LNGA RJE BTZAN TZONG KHA PA'I, ,DBU ZHVA'I TSAL BU MGO YI NANG DU NI, ,KLAD PA MTSON BYED MUKTI BZANG PO GSUM, ,NGED KYIS RTZOM PA'I BRTAN BZHUGS SNA TSOGS DANG, ,GZUNGS CHEN SDE LNGA GSANG BDE 'JIGS GSUM GYI, ,RTZA RGYUD YONGS RDZOGS DUS 'KHOR BSDUS BA'I RGYUD, ,MTSAN BRJOD GZUNGS BSDUS DBU PHAR 'DUL MDZOD RTZA, ,'DUL BA RGYA MTSO'I SNYING POR BCAS PA DANG, ,RNAM 'GREL LE'U DANG PO SNYING KHA RU, ,SMRI TI'I PHYAG TSA RDO RJE 'CHANG DBANG GI, ,SNANG BRNYAN THUB DBANG 'JAM DBYANGS BCAS PA YI, ,SKU 'DRA SGROL MA 'JIGS BYED RVA PAR MA, ,GZHAN YANG NGED KYI CHA LAS BYUNG BA YI, ,YO BYAD 'GA' ZHIG SMAN SOGS TSANG PAS GTAMS, ,LAG TU GLEGS BAM BZHUGS NANG GSANG BDE 'JIGS, ,RTZA RGYUD LE'U DANG PO RE RE NI, ,BRTAN BZHUGS BCAS PAS RAB TU BRJID CING SPRAS, ,BDER DANG SKU SNYE GDUGS SOGS MDZES PA LA, ,RAB TU GNAS PA LA SOGS RGYA MTSO YIS; ;BYIN RLABS PHAB PAS 'GRO BA MA LUS LA, ,PHAN BDE YANG DAG BSGRUB PA'I RTEN DU BZHUGS, ,MANGGA LAm,, ZHES PA 'DI NI SNGAGS CHEN ZHAL SNGA NAS BLO BZANG DPAL 'BYOR GYIS GSANG SNGAGS RGYUD PA GRVA TSANG GI DGE 'DUN RNAMS KYI THUGS DAM RTEN DU DMIGS NAS, GZIMS CHUNG

, ,RDO RJE PHO BRANG DU NGOS KYI 'DRA 'BAG GSER ZANGS LAS GRUB PA KHRI RGYAB CAN DANG, ,RJE BTZUN BLO BZANG YE SHES DPAL BZANG PO'I SNANG BRNYAN GSER ZANGS LAS GRUB BA DANG LI LAS GRUB BA'I THUB DBANG RDO RJE 'CHANG CHEN PO'I SNANG BRNYAN NA BZA' DANG BCAS PA PHYIN CAN RE, 'DU KHANG DU DNGUL LAS GRUB PA'I NGOS KYI 'DRA 'BAG BCAS SBYOR 'JAGS MDZAD PA'I DKAR CHAG 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` SVASTI, RJE BTZUN BLA MA GANG GI SNANG BRNYAN 'DI, ,LEGS PAR BZHENGS PA'I DGE BAS BDAG CAG LA, ,DNGOS GRUB RLAB 'PHRENG BYE BA BRGYA 'KHRIGS TE, ,DON GNYIS LHUN GYIS 'GRUB PAR MDZAD DU GSOL, ,'OD MTSAN DPAG TU MED PA'I SNANG BRNYAN 'DI, ,LEGS PAR BZHENGS BA'I DGE BAS BDAG CAG LA, ,DNGOS GRUB RLAB 'PHRENG BYE BA BRGYA 'KHRIGS TE, ,DON GNYIS LHUN GYIS 'GRUB PAR MDZAD DU GSOL, ,MGON PO SPYAN RAS GZIGS KYI SNANG BRNYAN 'DI, ,LEGS PAR BZHENGS PA'I DGE BAS BDAG CAG LA, ,DNGOS GRUB RLAB 'PHRENG BYE BA BRGYA 'KHRIGS TE, ,DON GNYIS LHUN GYIS 'GRUB PAR MDZAD DU GSOL, ,MANGGA LAm,, ZHES PA 'DI NI SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, SRID PA GSUM NA CHE ZHING 'GYING BA YI, ,TSANGS DANG BRGYA BYIN THOS SGROGS THAMS CAD KYIS, ,ZHABS LA LEGS BTUD THUB PA SRAS BCAS PAS, ,DENG 'DIR BDAG CAG RNAMS LA BYIN GYIS RLOBS, ,KHYED RNAMS MCHOD CING GSOL BA BTAB PA'I MTHUS, ,RJE BTZUN BLO BZANG DPAL LDAN YE SHES ZHABS, ,ZHABS KYI PADMO SRID MTHA'I BAR BRTAN CING

CHOS KYI 'KHOR LO DBYAR GYI RNGA LTAR SGROGS, ,DE YI MTHU LAS TSE RABS THAMS CAD DU, ,MGON PO KHYOD DANG 'BRAL BA MED SKYES SHING, ,GSUNG GSANG MYANGS LAS ZUNG 'JUG RDO RJE 'CHANG, ,GO 'PHANG BLA NA MED PA MYUR THOB SHOG ,KHYAD PAR DGE SLONG YE SHES BSTAN 'DZIN GANG, ,SA LAM BGROD BA'I BAR GCOD KUN ZHI ZHING, ,LAM GYI RTOGS PA MA LUS RAB SKYES TE, ,MYUR DU SANGS RGYAS SA LA REG PAR SHOG ,DE NAS NAM MKHA' JI SRID YID BZHIN NOR, ,BUM PA BZANG DANG DPAG BSAM SHING LTA BUR, ,'GRO BA KUN GYI RE BA MA LUS PA, ,BSAMS PA JI BZHIN YONGS SKU SKONG GYUR CIG ,CES PA 'DI NI BZHAD GNYER PA YE SHES RGYAL MTSAN GYIS 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` BLO GROS SHES RAB RIN CHEN SNOD YANGS BOR, ,TSUL KHRIMS RO BDA'I BCUD MANG 'KHYIL BA 'DI, ,'PHAGS CHOGS 'DUS BA RGYA MTSO'I SDE CHEN PO'I, ,LEGS BSHAD SGRA DBYANGS MNGON PAR 'PHEL GYUR CIG ,SARBA DZA GA TAm,, ZHES 'DUS TSOGS SU ZANGS LTIR GSAR SBYOR BYED RGYU'I ZHAL BYANG DU ^ SH'AKYA'I DGE SLONG BLO BZANG DPAL LDAN YE SHES DPAL BZANG BOS SBYAR BA'O,, ` DPAL LDAN YI DAM CHOS BSRUNG RGYA MTSO'I TSOGS, ,BRIS PA'I SKU 'DIR LEGS PAR BRTAN BZHUGS LA, ,DPAL LDAN BLA MA'I SKU TSE BRTAN PA DANG; ;BDAG GI 'DOD DON MA LUS LHUN GYIS SGRUBS, ,GNAS SKABS TSE RING MNGA' THANG LONGS SPYOD RGYAS, ,RE BA MA LUS YID BZHIN NOR LTAR SKONGS, ,BAR GCOD DGRA BGEGS 'BYUNG PO CHER BCAD NAS, ,BSAMS PA 'GYUR BA MED PA'I

, ,'PHRIN LAS MDZOD, ,PHYOGS DUS BYE BA SNYED KYI BKRA SHIS PA, ,DE SNYED BKRA SHIS RGYA MTSO 'DIR PHAB NAS, ,G-YANG DANG BDE LEGS BKRA SHIS RGYA MTSO YIS, ,KUN TU SHIS PAR GYUR CIG SA MA YA, ,ZHES PA 'DI NI JA SAG DPA' BZANG DBANG 'DUS KYIS BSKUL BA LA BRTEN NAS ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` NA MO GU RU, PHUN TSOGS TSUL KHRIMS RIN CHEN BDUD RTZI'I BCUD, ,KUN NAS 'KHYIL BA'I 'CHI MED SNOD YANGS PO, ,GSAR DU BSGRUB 'DI DGE 'DUN 'DUS PA'I SDER, ,LEGS PAR PHUL BA'I DGE BA'I RTZA BA YIS, ,PHYOGS BCU'I ZHING KHAMS MU MTHA' YAS PAR NI, ,LHA KLU GNOD SBYIN LHA MA YIN GYI TSOGS, ,GANG LA 'DOD DGU'I BZA' BCA'I DPAL MANG PO, ,MCHIS PA THAMS CAD SNOD BZANG 'DI RU KHUG ,'DI LAS DGE 'DUN 'DUS PA'I SDE CHEN POR, ,MCHOD PA'I YO BYAD SPRO BAR BYED PA RNAMS, ,TING 'DZIN BZAS KYIS SKYE BA THAMS CAD DU, ,LEGS PAR SPYOD PA'I SKAL BZANG THOB GYUR CIG ,RNAM MANG 'DUS PA'I SDE MCHOG THAMS CAD KYANG, ,'KHOR LO GSUM GYI BYA BAS DUS 'DA' ZHING, ,TSUL KHRIMS YON TAN RIN CHEN PHUNG PO YIS, ,RANG RGYUD PHYUR BUR GTAMS PA'I DGE LEGS STZOL, ,'DI NYID BZAS KYIS JI LTAR 'GENGS PA BZHIN, ,RANG GI RGYUD RNAMS PHYEN DRUG GIS 'GENGS SHING, ,'DI NAS BZAS LA LONGS SPYOD BYED PA LTAR, ,THEG PA MCHOG GI DPAL LA SPYOD PAR SHOG ,CHOS SKYONG DGRA LHA'I RGYAL PO LCAM SRING GIS, ,'DI YI GNYER KHA LEGS PAR MDZAD NAS KYANG, ,KHRIMS

GTZANG BSHAD DANG SGRUB PA'I LEGS TSOGS RNAMS, ,YAR ZLA LTA BUR 'PHEL BA'I 'PHRIN LAS MDZOD, ,STOBS BCU'I DPAL DANG MI 'JIGS BZHI LA SOGS, ,RGYAL BA'I BYA BYED 'PHRIN LAS MA LUS PA, ,'DREN BYED DRAN PA NYE PAR BZHAG PA KUN, , YANG DAG DON BZHIN RTOGS PA'I BKRA SHIS STZOL, ,MANGGA LAm,, ` AOm SVA STI PRATDZA BHE, LEGS TSOGS DGE LEGS BYE BA'I BDUD RTZI KUN, ,GCIG TU 'KHYIL BA'I RIN CHEN YOL GO CHE, ,DGE 'DUN 'DUS PA RGYA MTSO'I SDE CHEN POR, ,LEGS PAR PHUL BA'I DGE BA'I RTZA BA YIS, ,'DI NYID BGYID DANG LAS BYED SKYE BO KUN, ,TSE RABS KUN TU THEG PA MCHOG GI SNOD, ,BYANG CHUB SEMS KYI BDUD RTZIS YONGS GANG BA, ,DE DANG NAM YANG 'BRAL BA MED GYUR CIG ,LEGS PAR BSHAD DANG ZAB MO STONG PA NYID, ,KUN NAS ZUNG DU 'JUG PA'I YANG DAG LAM, , 'CHAD RTZOD RTZOM PA'I SA MKHAN GYIS DRANGS PA, ,GANG DER MAR GYUR 'GRO BA KUN 'KHRID SHOG ,THEG CHEN CHOS KYI BDUD RTZI'I BGO SHA CHE, ,KUN LA 'CHAD PA MED PAR GRIMS PA YIS; ;RGYAL BA'I SRAS PO G-YO MNGAGS MKHAN GYUR TE, ,'GRO BA KUN LA DAM CHOS BDUD RTZI STER, ,RIG PA'I GNAS LNGA LA SOGS YON TAN KUN, ,'JAM PA'I DBYANGS BZHIN BLO GROS 'OD ZER GYIS, ,RANG GI RGYUD DU BKUG PA'I BTUD PA DES; ; 'GRO BA'I NYON MONGS SKOM NAD SEL BAR SHOG ,TSUL DANG TSUL MIN LEGS PAR 'BYED PA YIS, ,BLO GROS SPOBS PA'I 'OD ZER SNANG BA BRGYA, ,'GYED BYED GZI BYIN BYE BA 'BAR BA'I LUS, ,KUN TU BRTAS PA'I SKAL BZANG CIR YANG STZOL,,

, ,BKRA SHIS RAB 'BYAMS MU MTHA' MED PA YI, ,RGYUD MANG JI SNYED MCHIS PA DE SNYED KYIS, ,PHYOGS 'DIR DGE LEGS BKRA SHIS BRGYA PHRAG DAG ,RAB TU BYED PA'I BKRA SHIS STER GYUR CIG ,SARBA DZA GA TAm,, ZHES PA 'DI NI 'DUS PA RGYA MTSO'I TSOGS KHRO GNYIS GSAR BLUG BGYIS BA'I ZHAL BYAD DU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` BYANG CHUB SEMS KYI NGO BO BCUD DBANG GIS, ,LEGS PAR BKANG BA'I RIN CHEN BUM BZANG 'DI, ,'DUS SDE RGYA MTSOR PHUL BA'I DGE BA YIS; ;BYANG CHUB SEMS KYIS BDAG RGYUD GANG BAR SHOG, CES PA 'DI NI GRVA TSANG GRVA RIGS NGAG DBANG BSKAL BZANG GIS RNAM RGYAL GRVA TSANG DU BUM PA PHUL BA'I DGE PA RDZOGS BYANG DU BSDO BA 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, DUS GSUM BDE BAR GSHEGS PA THAMS CAD KYI, ,MKHYEN BRTZE MA LUS DRAG PO'I SKUR SHAR BA, ,'JAM DPAL GSHIN RJE GSHED PO BRIS SKU 'DIR, ,BRTAN PAR BZHUGS LA DNGOS GRUB MA LUS STZOL, ,SARBA DZA GA TAm,, ` PHYOGS BCU'I RGYAL BA SRAS BCAS MA LUS PA, ,BRIS PA'I SKU 'DIR LEGS PAR BRTAN BZHUGS LA, ,BDAG CAG KUN LA MCHOG DANG THUN MONG GI ,DNGOS GRUB MYUR BA NYID DU STZAL DU GSOL, ,MANGGA LAm,, ZHES PA 'DI NI DRUNG YIG BKRAS MTHONGS PAS BSKUL BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` NA MO GU RU, BDE LDAN ZHING MGON 'OD DPAG MED PA DANG, ,DGA' LDAN GNAS MCHOG RJE BTZUN BYAMS PA MGON, ,THUGS RJE'I MNGA' BDAG

'PHAGS MA SGROL MA RNAMS, ,BDAG LA THUGS RJE'I DBANG GIS DGONGS SU GSOL, ,MGON PO KHYED RNAMS GDUL BYA'I BSAM PA BZHIN, ,RANG RANG BRIS PA'I SKU 'DIR BRTAN BZHUGS NAS, ,ZHI RGYAS DBANG DRAG MCHOG DANG THUN MONG GI ,DNGOS GRUB MA LUS MYUR DU STZAL DU GSOL, ,KHYAD PAR DMIGS YUL BSGRUB BYA GANG DE YI, ,NYES LTUNG SDIG SGRIB MA LUS YONGS ZAD CING, ,SGRIB GNYIS BYANG ZHING TSOGS GNYIS YONGS RDZOGS NAS, ,RDZOGS PA'I SANGS RGYAS THOB PAR BYIN GYIS RLOBS, MANGGA LAm,, ZHES PA 'DI NI RGYAL YUM PHUN TSOGS DBANG MO'I BKAS BSKUL MA MDZAD PA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` SVASTI, BEM CHOS RDUL PHRAN MA LUS YONGS ZAD PA, ,STONG GZUGS RNAM MED PHYAG RGYAS DAM 'KHYUD PA'I, ,DPAL LDAN BLA MA'I BDAG NYID DUS 'KHOR LO, ,BRIS SKU 'DIR BZHUGS BDAG LA BYIN GYIS RLOBS, ,DZA GA TAm,, ZHES PA 'DI NI RNAM RGYAL GRVA TSANG GI DUS 'KHOR CHOG GRVA BA DGE SLONG RIN CHEN RGYA MTSOS DPAL DUS KYI 'KHOR LO'I BRIS THANG BZHENGS PA'I RGYAB YIG TU 'DI RGYU 'DI LTA BU ZHIG DGOS ZHES BSKUL BA LTAR SH'AKYA'I BTZUN BA BLO BZANG DPAL LDAN YE SHES KYIS SBYAR BA'O,, ` AOm SVASTI, BDE GSHEGS KUN 'DUS MI PHAM MGON PO YI, ,SNANG BRNYAN ZHING KHAMS BKOD PA DANG BCAS PA, ,LEGS PAR BZHENGS PA'I DGE BAS BDAG CAG RNAMS,, DGA' LDAN CHOS KYI MDUN SAR SKYE BAR SHOG ,MANGGA LAm,, ZHES PA 'DI NI LCAGS RI RIG BYED GLING GI MKHAN ZUR AE MA CHI BLO BZANG 'JAM DBYANGS KYIS BSKUL BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYOR BA'O,, ` SVASTI, MKHYEN BRTZE'I DBANG PHYUG 'PHAGS PA

, ,SBYAN RAS GZIGS, ,MA RUNGS 'DUL PHYIR KHRO BO'I SKUR BSTAN PA, ,MYUR MDZAD MGON PO BRIS PA'I SKU 'DI LA, ,BRTAN PAR BZHUGS LA MCHOG MTHUN DNGOS GRUB STZOL, ,MANGGA LAm,, ZHES PA 'DI NI MKHAR RDO SPRUL SKU BLO BZANG CHOS LDAN DBANG POS BSKUL BA LA BRTAN NAS ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` SVASTI, MTHU STOBS NUS PA'I DBANG PHYUG DPAL RTE MGRIN, ,BRIS SKU 'DIR BZHUGS GDON BGEGS TSAR BCAD NAS, ,MCHOG DANG THUN MONG DNGOS GRUB MA LUS PA, ,DA LTA NYID DU BDAG LA STZAL DU GSOL, ,MANGGA LAm,, ZHES PA 'DI NI DGE TSUL BSKAL BZANG RIN CHEN GYIS BSKUL BA LA BRTEN NAS ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` BDE GSHEGS SRAS BCAS KUN 'DUS BRIS PA'I SKU; ;GANG 'DIR DE BZHIN GSHEGS KUN BRTAN BZHUGS NAS, ,MCHOG DANG THUN MONG DNGOS GRUB MA LUS PA, ,BDAG LA MYUR BA NYID DU STZAL DU GSOL, ,MANGGA LAm,, ZHES PA 'DI NI GSOL THAB PA RONG PA BLO BZANG BSOD NAMS KYIS BSKUL BA LA BRTEN NAS, ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` MNYAM MED CHOS KYI RGYAL PO TZOD KHA PA'I, ,RNAM THAR BRIS THANG 'DI BZHENGS DGE BA YIS, ,SRID ZHI'I GTZUG RGYAN RGYAL DBANG YAB SRAS KYI, ,SKU TSE ZHABS PAD SRID MTHAR BRTAN PAR SHOG ,GZHAN YANG 'DI YI MTHU LAS TSE RABS KUN, ,KHYOD KYIS LAM STON DGE PA'I BSHES MDZAD DE, ,THEG CHEN THUN MONG THUN MIN PA YI, ,LAM GYI RTOGS PA MCHOG RNAMS 'DOMS PAR SHOG ,MANGGA LAm,, ZHES BA 'DI NI BRGYAL

DBANG MCHOG SBRUL RIN PO CHE'I SKA'I RIM GRO PA GSOL DPON RJE DRUNG YE SHES RAB BRTAN GYIS BSKUL BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` DUS GSUM 'KHOR LO GCIG BSDOMS DANG PO YI, ,SANGS RGYAS DPAL LDAN RGYU SKAR DKYIL 'KHOR CHE, , BRIS PA'I SKU 'DIR BRTAN PAR BZHUGS NAS KYANG, ,'DAS DANG MA 'DAS DNGOS GRUB MA LUS STZOL,, ZHES PA 'DI NI RNAM RGYAL GRVA TSANG GI DBU MDZAD KHRI PA DGE SLONG BSKAL BZANG 'BYOR RGYAS NAS ^ DPAL DUS KYI 'KHOR LO'I DKYIL THANG GI RGYAB YIG TU BSKUL BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` DUS GSUM RGYAL BA KUN 'DUS RDO RJE 'CHANG, ,BRIS PA'I SKU 'DI RLEGS PAR BRTAN BZHUGS NAS, ,BDAG LA DNGOS GRUB BYE BA'I CHAR BAB STE, ,DON GNYIS LHUN GYIS GRUB PAR MDZAD DU GSOL, ,GZHAN YANG SKYE BA KUN TU TZOD KHA PA'I, ,BSTAN PA RIN PO CHE DANG MI 'BRAL ZHING, ,'KHOR LO SDOM PA'I RIM GNYIS MTHAR PHYIN TE, RDZOGS PA'I SANGS RGYAS GO 'PHANG LHUN GRUB SHOG ,MANGGA LAm,, ZHES PA 'DI NI SKAL BZANG LEGS GRUB KYIS BRIS THANG BZHENGS PA'I RGYAB YIG TU 'DI LTA BU ZHIG DGOS ZHES BSKUL BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` NA MO BADZRA BHEE RA W'A YA, BDUD BZHI'I DGRA 'JOMS PHYUGS BDAG GOO RI MA, ,RTAG CHAD MTHA' GNYIS SPANGS PA'I KHRO BO CHE, ,AA DZA NAG PO GDUG PA'I SBRUL GYI MDOG ,KHRO BO'I RGYAL PO KHYOD KYIS RTAG TU SRUNGS, ,MGON KHYOD BRIS PA'I SKU 'DIR RTAG BZHUGS NAS, ,BDUD KYI LO LA SER BA'I DANG TSUL BZHIN, ,MDZOD CIG BDAG GI BAR GCOD KUN BSREG PA'I, ,YE SHES ME YI RANG BZHIN

, ,KHYOD KYES MDZOD, ,ZHI RGYAS DBANG DGRA GRUB PA CHEN PO BRGYAD, ,PHYAG RGYA CHEN PO MCHOG GI DNGOS GRUB RNAMS, ,JI LTAR 'DOD PA'I RE BA MA LUS PA, ,DA LTA NYID DU BDAG LA STZAL DU GSOL,, CES PA 'DI NI ZHVA SER BSTAN PA 'DZIN BYED DPAL LDAN NO MIN HAN DE MO SBRUL PA'I SKU NGAG DBANG 'JAM DPAL BDE LEGS RGYA MTSOS ^ DPAL RDO RJE 'JIGS BYED CHEN PO'I BRIS THANG GSANG BZHENGS GNANG BA'I RGYAB YIG TU ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` NA MO BADZRA DH'A R'A YA, KHA SBYOR RO YI DBYINGS LAS 'ONGS, RDO RJE SEMS DPA' 'JA' LTA BU, ,REG BYA RDO RJES MGUL NAS 'KHYUD, ,LHAN SKYES BDUD RTZI'I NGO BO KHYOD, ,BRIS PA'I SKU 'DIR CHU LA CHU'I, ,RANG BZHIN JI BZHIN JI BZHIN RAB 'DRES TE, ,DNGOS GRUB RO MNGAR BDUD RTZI BRGYAS, ,BDAG YID BUM BZANG RAB TU SKONGS, ,SGYU LUS MCHOG GI CHA LTAR BKRA ,'OD GSAL NAM MKHA'I DBYINGS LTA BU, ,ZUNG 'JUG DBANG GI RGYAL PO DE, ,BDAG GI YID KYI PAR BUR STZOL, ,MANGGA LAm,, ZHES PA 'DI NI ZHVA SER BSTAN PA 'JIN BYED DPAL LDAN NO MIN HA NA DE MO SPRUL PA'I SKU NGAG DBANG 'JAM DPAL BDE LEGS RGYA MTSOS DPAL GSANG BA 'DUS PA'I BRIS THANG GSAR BZHENGS GNANG BA'I RGYAB YIG TU ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` DUS GSUM BDE GSHEGS SRAS DANG DAM PA'I CHOS, ,'PHAGS TSOGS DGE 'DUN KHYAD PAR RANG RANG LHA, ,BRIS PA'I SKU 'DIR BRTAN PAR BZHUGS NAS KYANG, ,DNGOS GRUB BYE BA PHRAG BRGYA'I DGA' STAN STZOL, ZHES PA 'DI NI SGRUB KHANG SPRUL SKU NGAG DBANG 'JAM DPAL RGYA MTSOS BRIS THANG GSAR BZHENGS KYI RGYAB YIG NA ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,

` DUS GSUM BDE GSHEGS SRAS BCAS MA LUS PA, ,LHAN SKYES BDE CHEN DRA BAR YONGS SDOMS PA'I, ,DPAL LDAN KHRAG 'THUNG LHA YI TSOGS THAMS CAD, ,'DIR NI BRTAN BZHUGS DNGOS GRUB RNAM GNYIS STZOL, ,DGE 'DIS RJE BTZUN BLO BZANG BSTAN PA YI, ,DPAL DANG LDAN PA'I YE SHES ROL PA CAN, ,GANG GI ZHABS KYI PADMO SRID PA'I MTHA', ,JI SRID BAR DU BRTAN PA'I DNGOS GRUB STZOL, ,SA STENG 'GRAN ZLA KUN DANG YONGS BRAL BA'I, ,RIG SNGAGS 'CHANG BA'I DGE 'DUN SDE 'DI NYID; ;SRID MTHA'I BAR DU MI NUB RAB DAR ZHING, ,RIM GNYIS TING 'DZIN DPAL LA SPYOD PAR SHOG, CES PA 'DI NI SNGAGS CHEN ZHAL SNGA NAS RDO RJE 'DZIN PA BLO BZANG DPAL 'BYOR GYIS GSANG SNGAGS RGYUD PA GRVA TSANG DU ^ BDE MCHOG LHA DRUG CU RTZA GNYIS DANG, ^ PAn CHEN THAMS CAD MKHYEN PA CHEN PO'I 'KHRUNGS RABS THUN MONG DANG THUN MONG MIN PA BCAS KYI PHAN SKOR 'BUL GNANG GI RGYAB YIG TU BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SPYAR BA'O,, ` DPAL LDAN RDO RJE 'JIGS BYED BKA' SDOD BCAS, ,BRIS PA'I SKU 'DIR BRTAN PAR BZHUGS NAS KYANG, ,DGE 'DUN SDE 'DI DAR ZHING RGYAS PA DANG, ,CHOS MTHUN RE BA MA LUS 'GRUB PAR MJOD, ,DPAL LDAN MA H'A K'A LA 'KHOR DANG BCAS, ,CHOS SKYONG BSRUNG MA BRIS SKU 'DIR BZHUGS LA, ,BSTAN DGRA DAM NYAMS RTZAD NAS GCOD PA DANG, ,BLO BZANG GRAGS BSTAN PHYOGS BCUR RGYAS PAR MJOD, ,MA H'A K'A LI 'KHOR BCAS LA SOGS PA, ,BRIS SKU 'DIR NI BRTAN PAR BZHUGS NAS KYANG, ,DNGOS GRUB RLABS 'PHRENG BYE BA'I CHAR PHAB STE ,'DOD PA MA

, ,LUS LHUN GYIS 'GRUB PAR MDZOD,, CES PA 'DI NI GRVA TSAD GI GRVA RIGS BLO BZANG NYIMS THANG KA BZHENGS PA'I RGYAB YIG TU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm BDE LEGS SU GYUR CIG ,THUB DBANG RDO RJE 'CHANG DANG BLO BZANG GRAGS, ,RGYAL TSAB RJE DANG MKHAS GRUB DGE LEGS DPAL, ,KHYAD PAR PAD DKAR 'CHAD BA LA BTUD NAS, ,'GRO BA'I YID MUN SEL BYED DKAR CHAG 'CHAD, DE YANG BRAG 'GO CHOS SDE DGA' LDAN RNAM RGYAL GLING GI RTEN GSUM RNAMS JI LTAR BZHUGS PA'I RIM PA CUNG ZAD BRJOD NA, GTZUG LAG KHANG GSAR BZHENGS KYI RTEN GTZO BYAMS CHEN ZHAL TSAD 'DOM GANG GIS GZHAL BA'I SKU BRNYAN, DE'I G-YAS G-YON DU SANGS RGYAS 'OD SRUNG DANG, THUB DBANG, DE'I RGYAN SNA DRUG GI PAN TSUN SPRIN DANG, ME TOG GI STENG DU RJE RTZONG KHA PA, GONG SA SKYABS MGON RIN PO CHE, PAn CHEN RIN PO CHE, RJE NGAG DBANG BYAMS PA RIN PO CHE RNAMS KYI SNANG BRNYAN, LOGS BRIS LA KHRI CHEN NGAG DBANG MCHOG LDAN, DON GRUB RGYA MTSO'I YANG SRID, RIGS GSUM TSAR GNYIS, SGO LOGS SU RGYAL CHEN SDE BZHI RNAMS BZHUGS PA'I 'BUR SKU RNAMS KYI NANG GZHUG TU SKU GSUNG THUGS RTEN BYIN RTEN SOGS JI LTAR BZHUGS PA NI, DANG BO SKU RTEN DU THUB DBANG BAD SKOR MAS GTZOS GSER SKU BCU BZHI; PAn CHEN SMRI TI'I PHYAG TSAS DBUS RJE BTZUN DAM PA RNAMS KYIS BTAB PA'I PHYAG TSA LNGA BCUNG DGU ,SKU ZHABS GONG MA RIN PO CHES GTZOS YONGS 'DZIN DAM PA RNAMS KYI PUR TSVA DGU ,AA RTAGS MA BCO LNGA, SKU THANG BRGYA DANG NYI SHU RTZA GSUM,

GNYIS PA GSUNG RTEN LA, BKA' 'GYUR RIN PO CHE TSAR GCIG GZHAN YANG RGYUD 'BUM CHA TSANG, YUM RGYAS PA TSAR GCIG ,BSKAL BZANG TSAR BZHI, GSER 'OD TSAR GNYIS, GRVA LNGA TSAR LNGA, TOG GZUNGS, RGYA CHE ROL PA, TING 'DZIN PADMA DKAR PO, THAR MDO RNAMS TSAR RE, MDO SDUD PA TSAR BZHI, NYI KHRI TSAR GNYIS, RDOR GCOD TSAR BRGYA DANG DRUG ,KHYON PU STI BZHI BCU THAM PA, RGYUD SDE GONG MA'I SKOR LA GSANG BDE 'JIGS GSUM DANG SNGAGS RIM CHEN MOS GTZOS BLA MED SKOR CHOS TSAN BRGYAD CU GYA DRUG DANG, KUN RIG RNAM BSHAD KYIS GTZOS RGYUD SDE 'OG MA'I SKOR CHOS TSAN LNGA BCUNG GSUM, LAM RIM CHEN MOS GTZOS LAM RIM SKOR CHOS TSAN LNGA BCU NGA DRUG ,'JAM DPAL ZHAL LUNG GI GSHAM DU GONG SA RIN PO CHE'I PHYAG RJES 'BYAR BA, PHAR PHYIN SKOR CHOS TSAN NYER DRUG ,SANGS RGYAS BYANG SEMS SOGS KYI BSTOD TSOGS GSOL 'DEBS SKOR CHOS TSAN BDUN CU, YANG DE DAG GI RNAM THAR CHOS 'BYUNG SKOR CHOS TSAN NYI SHU RTZA LNGA, 'DUL BA'I SKOR CHOS TSAN NYER GSUM, CHOS SKYONG SKOR CHOS TSAN DGU ,KHYON CHOS TSAN SUM BRGYA DANG BZHI BCU ZHE BRGYAD, GSUM PA THUGS RTEN LA, GSER ZANGS LAS GRUB PA'I MCHOD RTEN GCIG ,GZHAN YANG, SANGS RGYAS KYI 'PHEL GDUNG GSUM, SH'A RI BU'I RING BSREL, DAR MA MDO SDE'I DBU THOD, RAS CHUNG RDO RJE GRAGS KYI DBU THOD, RJE RIN PO CHE'I TSEMS DANG NA BZA' SNAM SBYAR, RGYAL DBANG LNGA PA CHEN PO'I TSEMS SOGS PHAB RGYUN DU BTANG BA'I RTEN BSDUS RIL BU, DON YOD MKHAS GRUB PA'I DBU SKRA, NA

, ,BZA', GDUNG RUS, SEMS BSKYED MCHOD PA'I ME TOG ,'PHAGS PA LHA SKU THOG GNYIS KYI DBU SGRA, NA BZA', ZHAL PHYIS, BSOD NAMS BZANG PO'I DBU SKRA, NA BZA', RJE NGAG DBANG BYAMS PA RIN PO CHE'I DBU SKRA, NA BZA', SKU RAGS, PHYAG SEN ZHABS SEN, SKU KHRUS GSOL BA'I RIL BU, PHYAG RJES, MKHAR RDO GONG MA'I NA BZA', RGYAL SRAS GONG 'OG GI NA BZA', BKRA SHIS LHUN PO, PO TA LA, PHUR BU LCOG RNAMS KYI RTEN BSDUS RIL BU, RGYAL DBANG BSKAL BZANG RGYA MTSO'I DBU SKRA, GDUNG RAS, SHANGS MI TSAL, DBU ZHVA, NA BZA' CHA TSANG, SKU RAGS, ZHABS LHA MA, ZHAL PHYIS, GSOL LHAG ,BZHUGS GDAN, PAn CHEN SKU THOG GSUM GYI NA BZA', DBU SKRA, STONG 'KHOR ZHABS DRUNG GONG MA'I DBU SKRA, NA BZA', KHRI CHEN NGAG DBANG MCHOG LDAN GYI GDUNG RUS, DBU SKRA, NA BZA, DE MO SPRUL SKU'I DBU SKRA, NA BZA', MDA' RIS ZHAL SNGA NAS KYI DBU SKRA, NA BZA', GRUB DBANG RIN PO CHE'I DBU SMRA, NA BZA', PAn CHEN THAMS CAD MKHYEN PA'I PHYAG RJES, GNAS BRTAN BCU DRUG GI ZHABS CHAGS, JO BO RIN PO CHE'I STONG KHEBS, RGYAL DBANG LNGA PA CHEN PO'I PUR TSVA, GDUNG RAS, NA BZA', BZHUGS GDAN, TSANGS DBYANGS RGYA MTSO'I SHANGS PHYIS, RJE BTZUN GRAGS PA RGYAL MTSAN GYI SKU BER, RJE BSOD NAMS RGYA MTSO'I TSOMS, NA BZA', 'GRO MGON CHOS RGYAL 'PHAGS PA'I SKU BER TSAL BU, RGYAL BA DGE 'DUN RGYA MTSO'I SNAM SBYAR, RDO RJE 'CHANG NAM MKHA' BZANG PO'I NA BZA', GDUNG RUS, KHRI DON GRUB RGYA MTSO'I YANG SRID KYI PHYAG SEN ZHABS SEN, NA

BZA', DBU SKRA, PHYAG 'PHRENG, PHYAG PHUR, SEMS DPA' GONG MA'I GDUNG TSVA, NA BZA', DBU SKRA, ZHI BA LTA'I DBU SKRA, CHOS SKU'I RING BSREL, GZUNGS CHEN SDE LNGA RGYAS PA TSAR BCU GSUM DANG BSDUS PA MANG BA, BYAMS PA DAM BCAS KYI GZUNGS MANG BA, BYIN RTEN, GZHAN YANG BKRA SHIS LHUN PO'I BDUD RTZI RIL BU DRUG ,SA SKYA'I BDUD RTZI BRGYA RDO BCU BDUN DANG GSIL TSOGS MANG BA, SKYE BDUN RIL BU, MA nI RIL BU, RGYUD SMAD PA'I TSE RIL DANG MA nI RIL BU, RGYUD STOD PA'I TSE RIL, SER 'BRAS DGE LDAN PHUR BU LCOG BZHI'I SMYUNG GNAS BUM CHU'I RIL BU, DGE LDAN RTEN BSDUS PHAB RTA MA nI RIL BU, GZHAN YANG 'OD SRUNGS DANG THUB DBANG GNYIS KYI NANG GZHUG LA, 'BUM TSAR GSUM, MDO MANG, NYI KHRI TSAR GNYIS, BRGYAD STONG PA GNYIS 'DUL BA, DRI MED 'OD, DKON BRTZEGS, BSKAL BZANG TSAR BDUN, GSER 'OD GNYIS, MTSAN BRJOD GNYIS, RDOR GCOD, RGYA CHE ROL PA, GLANG RU LUNG BSTAN, GZHAN YANG, SGROL MA'I SKU LUGS MA GCIG ,SMAN 'DAM LAS GRUB PA'I SNANG BRNYAN SNA TSOGS BZHI BCU, PHYAG TSA BCU DGU, MCHOD RTEN GCIG ,AA RTAGS MA GNYIS, ZHAL THANG SANGS RGYAS STONG SKU, TSE DPAG MED DANG SMAN BLA, BYAMS PA, SBYAN RAS GZIGS, RNAM RGYAL MA, SGROL MA DKAR MO, SGROL LJANG BCAS KYI STONG THANG RE, YANG ZHAL THANG BRGYA DANG LNGA BCU NGA DGU ,GZHAN YANG, PAn CHEN CHOS KYI RGYAL MTSAN GYI GSUNG AE WAm PU STI GCIG ,LCANG SKYA RIN PO CHE'I GSUNG 'BUM PU STI LDAS MTSON CHOS TSAN DGU BCU GO GSUM, BYAMS PA'I KHRI GZUNGS LA, GNOD SBYIN PHO MO DANG

, ,TSOGS BDAG GI 'KHOR LO RNAMS CHA TSANG, BUM GTER LA DKAR YOL DANG RIN PO CHE LAS GRUB PA'I GTOR SNOD SUM CU SO BRGYAD RIN PO CHE DANG, DRI BZANG GIS BKANG BA, GZHAN YANG ,GONG MTSON JA DNGUL DAR GOS SOGS DGOS CHA'I RIGS RNAMS RGYAS PAR BZHUGS SU GSOL, RGYAN SNA DRUG SKOR GYI 'DOD LHA, RJE RIN PO CHE'I NANG GZHUG LA, BKA' GDAMS LHA BZHI, 'JIGS BYED, TSE DPAG MED, PHYAG DRUG PA RNAMS DANG, GONGS RIN PO CHE'I SKU BRNYAN GYI NANG GZHUG TU, RJE'I SKU, SMAN BLA, PHYAG RDOR, LHA MO RNAMS DANG, PAn CHEN RIN PO CHE'I SKU BRNYAN GYI NANG GZHUG TU, BKA' GDAMS LHA BZHI, PHYAG RDOR, SMAN BLA RNAMS DANG, RJE NGAG DBANG BYAMS PA RIN PO CHE'I SNANG BRNYAN GYI NANG GZHUG TU, 'JIGS BYED PHYAG RDOR, SMAN BLA, PAn CHEN RIN PO CHE'I SKU BRNYAN RNAMS DANG, GZHAN YANG GZUNGS GZHUG CHA TSANG RE BZHUGS SHING, DE DAG GI PHYI ROL TU MA nI KHRI PHRAG MANG PO BCAS BSOD NAMS KYI ZHING DU BSKRUN PA LA RAB GNAS SOGS 'DU BGYIS TE, YUL PHYOGS DE DAG GI BSTAN 'GRO'I BDE THABS BLA NA MED PAR BZHUGS SU GSOL PA YIN PAS, ,GTZUG LAG KHANG RTEN DANG BRTEN PAR BCAS PA 'DI LA GANG GIS PHYAG 'TSAL BA DANG, MCHOD PA 'BUL BA DANG, RIM GRO BYED PA DANG, KHYAD PAR DU SKOR BA LAN KHRI TSO DGU'AM 'BUM PHRAG GCIG TU BYED PA NI DON DANG LDAN PA YIN NO, ,DE LTAR 'DIR 'BAD DGE BA GANG THOB PA, ,DER NI ZHI BA GSHEGS RNAMS DGONGS PA RDZOGS, ,NGAG DBANG DON GRUB TSE BRTAN NOR BU DANG, ,DBANG RGYAL TSE BRTAN

BSOD NAMS DPAL 'DZIN SOGS, ,DE LTAR 'KHONG RNAMS TSE BSOD DPAL 'BYOR DANG, ,DBANG THANG LONGS SPYOD MA LUS CHER RGYAS SHING, ,SDIG SGRIB NYES LTUNG MA LUS DAG GYUR TE, ,RDZOGS PA'I SANGS RGYAS GO 'PHANG THOB PAR SHOG ,BKRA SHIS RGYA MTSO JI SNYED MCHIS PA YI, ,BDEN PA GANG DES 'GRO BA MA LUS DANG, ,KHYAD PAR SA PHYOGS 'DIR 'KHOD SKYE BO KUN, ,BKRA SHIS RGYA MTSO'I DPAL LA SPYOD PAR SHOG ,MANGGA LAm, ZHES BRAG 'OG CHOS SDE DGA' LDAN RNAM RGYAL GLING GI RTEN GSUM RNAMS JI LTAR BZHUGS PA'I DKAR CHAG HOR BRAG 'GO'I DGON DANG BLA MA NGAG DBANG DON GRUB MCHOD YON SOGS NAS BSGRIGS 'DUG PA RNAMS DKAR CHAG NGO BO LA BZO BCOS PHRAN BU LAS SBYIN BDAG RNAMS KYI 'DOD PA LTAR SOR BZHAG THOG MGO MJUG GI SHIS BRJOD DANG SKOR TSAD BCAS ^ SH'AKYA'I DGE SLONG BLO BZANG DPAL LDAN YE SHES KYIS BGYIS PA'O,, ` AOm K'A LA R'U PA H'Um PHAt, AOm TZ'A MUndI H'Um PHAt, AOm K'A LA R'U PA YA MAR'A DZA H'Um PHAt, AOm K'A LA R'U PA YA MAR'A DZA SARBA SIDDHI DZA: AOm K'A LA R'U PA YA MA R'A DZA BHEER WA SATVA H'Um PHAt, DAM CHEN GSHIN RJE CHOS KYI RGYAL PO 'KHOR DANG BCAS PA RTEN 'DI LA BRTAN PAR BZHUGS LA, KHAMS GSUM CHOS KYI RGYAL PO RGYAL BA TZONG KHA PA CHEN PO'I BSTAN PA BSTAN 'DZIN DANG BCAS PA'I STONG GROGS GNYAN PO MDZOD, KHYAD PAR DU CHOS GRVA CHEN PO BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING 'DIR BZHUGS PA'I DPON SLOB DGE 'DUN GYI SDE DANG BCAS PA'I BSAM PA THAMS CAD SGRUBS, DGRA BGEGS THAMS CAD THUL, NYIN MTSAN KUN TU BSRUNG ZHING SKYONGS SHIG ,BSDUS SBYOR DANG TSAD MA RNAM

, ,'GREL DANG DBU MA DANG PHAR PHYIN DANG 'DUL BA DANG MDZOD RNAMS KYI BSHAD RTZOD CHER RGYAS PAR MDZOD CIG ,RGYAS PAR MDZOD CIG ,RGYAS PAR MDZOD CIG ,GSANG BDE 'JIGS GSUM GYI BSHAD SGRUB KYANG DANG BAR MDZOD CIG , DAR BAR MDZOD CIG ,DAR BAR MDZOD CIG ,SA MA YA STVAm,, ZHES PA 'DI GZIMS KHANG GI THUGS LA ZHIG GSOS BGYIS SKABS NANG GZHUG TZA KA LI'I RGYAB YIG TU ^ 'JAM DPAL GSHIN RJE GSHED KYI RNAL 'BYOR PA ^ SH'AKYA'I DGE SLONG BLO BZANG DPAL LDAN YE SHES KYIS SUG BRIS SU BGYIS PA'O,, ,, ` DUS GSUM PHYOGS BCU'I RGYAL BA THAMS CAD DANG, ,KHYAD PAR RANG RANG GNAS KYI RTEN RNAMS LA, ,SNYAN DAR 'DI PHUL LEGS BZHES DAM BA DE'I, ,DGONGS PA RDZOGS SHING THUGS BZHED LHUN GRUB SHOG ,MANGGA LAm,, ZHES PA 'DI NI BU PO DAM PA DGA' LDAN RNAM RGYAL GYI DGONGS RDZOGS SU 'BRUG CHOS 'DZOMS KYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, SKYABS GSUM KUN 'DUS RDO RJE 'CHANG DBANG CHE, ,RJE BTZUN BLO BZANG DPAL LDAN YE SHES ZHABS, ,SKU MCHOG 'DI LA BRTAN PAR BZHUGS NAS KYANG, ,MCHOG DANG THUN MONG DNGOS GRUB MA LUS STZOL, ,DAL 'BYOR DON CHE'I GNAD NAS MI SLOB PA'I, ,ZUNG 'JUG MNGON DU BYED PA'I LAM GYI BAR, ,KHYOD SKU MNGON DU MA GYUR DE SRID DU, ,LEGS PAR 'DOMS PA'I DGE BA'I BSHES GNYEN MDZOD, ,GZHAN YANG 'DI LTAR BSKRUN PA'I DGE BA'I MTHUS, ,BDE LDAN ZHING DU PADMOR LEGS SKYES TE, ,GZUNGS DANG SPOBS PA MNGON SHES RDZU 'PHRUL RNAMS, ,THOGS PA MED PAR 'GRUB PAR BYIN GYIS

RLOBS,, ZHES PA 'DI NI DRUNG RNAM PA BYAMS PAR BRGYAS KYIS DED KYI SNANG BRNYAN BZHENGS PA'I DGE BA RDZOGS BYANG DU BSNGO BA'I SMON TSIG 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, DUS GSUM PHYOGS BCUR BZHUGS PA'I RGYAL BA DANG, ,YI DAM RGYAL SRAS NYAN THOS RANG RGYAL TSOGS, ,'PHAGS PA'I DGE 'DUN MKHA' 'GRO CHOS BSRUNG GIS, ,BDEN PA CHEN PO'I BYIN RLABS DENG 'DIR PHOB, ,DGE BA GANG BYAS SPYI DANG KHYAD PAR DU, ,BYANG CHUB RGYUR BSDOS ZAD PA MED GSUNGS PAS, ,'DIR YANG DE YI THABS MKHAS BLA NA MED, ,YANG YANG SPEL PHYIR GSOL BA 'DI LTAR 'DEBS, ,BKRA SHIS LHUN GYIS GRUB PA'I SPO CHEN PO, ,MTHONG NA MNGON PAR DGA' PA'I SBYIN PA'I BDAG ,BDAG CAG 'KHOR DANG BCAS PAS DGE BA'I LAS, ,JI LTA JI SNYED BGYIS PA THAMS CAD DANG, ,KHYAD PAR BKRA SHIS LHUN PO'I DGE 'DUN SDE, ,DKON MCHOG GSUM DANG BCAS PA BSNYEN BKUR DANG, ,GSANG SNGAGS RGYUD PA GRVA TSANG BSNYEN BKUR BA, ,GZHAN YANG BLA MA SANGS RGYAS BYANG SEMS DANG, ,YI DAM DPA' BO MKHA' 'GRO'I SKU BZHENGS PA, ,LA SOGS DGE BA'I RTZA BA JI SNYED PA, ,DE DAG THAMS CAD GCIG TU BSDUS PA DANG, ,YANG SGOS DENG 'DIR TZANDAN DMAR PO LAS, ,BLA MA RGYAL DBANG YAB SRAS SNANG BRNYAN DANG, ,DPAL LDAN RDO RJE 'JIGS BYED 'DOD KHAMS MA, ,GDONG GNYAN GNYIS BCAS BE GTZE MTHU STOBS CAN, ,TSE DPAG MED MGON RJE BTZUN SGROL MA CHE, ,TZANDAN DKAR LAS KHA SARP'A nI DANG, ,CHOS KYI RGYAL PO'I GSUNG RAB GLEGS BAM

, ,GZUGS, ,BZHENGS PA LA SOGS DE DAG RNAMS KYI MTHUS, ,DENG NAS PHA BU BA LTOS BCAS BYANG CHUB BAR, ,MGON PO KHYOD DANG 'BRAL BA MED 'GYUR ZHING, ,BSLAB PA GSUM LDAN SH'AKYA'I SRAS SU SKYES, ,GSUNG GI GSANG BA MA LUS YONGS GZUNGS NAS, ,'GRO BA KUN GYI 'DREN MCHOG BGYID PAR SHOG ,KHYAD PAR DGE 'DIS KHYAB BDAG RDO RJE 'CHANG, ,RJE BTZUN BLO BZANG DPAL LDAN YE SHES DBANG, ,SRID MTHAR ZHABS BRTAN THEG CHEN CHOS KI GNAD, ,RGYUN CHAD MED PAR LEGS PAR PHAB TU GSOL, ,GNAS SKABS BDAG CAG THAMS CAD RE BA MTHUN ZHING, ,TSE DANG BSOD NAMS DPAL 'BYOR ZLA LTAR 'PHEL, ,BSAM PA MA LUS CHOS BZHIN RAB 'GRUB STE, ,RTAG TU BDE SKYID DPAL LA SPYOD PAR SHOG, CES SBYIN BDAG BKRA SHIS MTHONG SMON PA RNAMS KYI 'DOD DON YID BZHIN DU 'GRUB PA'I SMON TSIG 'DI LTA BU ZHIG DGOS ZHES PA DKON MCHOG TSE BRTAN DANG RIN CHEN RNAM RGYAL, RJE DRUNG NGAG DBANG SNYAN GRAGS DANG BLO BZANG SBYIN PA, NGAG DBANG RNAM RGYAL, PHUN TSOGS BSAM 'GRUB, DKON MCHOG BKRA SHIS BCAS KYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, BKRA SHIS,, ` NGED KYI GZUGS BRNYAN BZHENG TSUL LAG G-YAS CHOS 'CHAD KYI PHYAG RGYA, G-YON MNYAM GZHAG GI STENG NA BDUD RTZIS GANG BA'I LHUNG BZED THOGS PA DGE SLONG GI CHA BYAD CAN BER DANG PAn ZHVA SER PO SNE RINGS DANG BCAS PA 'DRI, DE'I RGYAB TU 'DRI BA'I SMON TSIG NI, AOm SVA STI, DUS GSUM SANGS RGYAS BLA MA SRAS DANG BCAS, ,BRIS PA'I SKU 'DIR RTAG TU BRTAN BZHUGS NAS, ,MCHOG DANG THUN MONG DNGOS GRUB

TSE BSOD DANG, ,LUNG RTOGS YON TAN MA LUS STZAL DU GSOL, ,MANGGA LAm,, ZHES PA 'DI NI RAB 'BYAMS PA MDO RGYUD BDE LEGS KYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS BGYIS PA'O,, ` AOm SVA STI, GANG ZHIG 'KHYUNG PA TZAM GYIS 'KHOR BA'I MUN, ,RTZAD NAS PHYUNG BA'I RTZE DGA' DANG 'GROGS PA, ,CHOS KUN SNANG BYED BDEN GNYIS BGROD PA CAN, ,KUN GSAL LHA MCHOG DUR SMRIG GOS CAN RGYAL, ,MGON KHYOD GSANG MTHA'I BKOD PA BYE BA BRGYA, ,SANGS RGYAS BYANG SEMS KUN DANG RO GCIG PA, ,BRIS SKU 'DIR BZHUGS BDAG NI TSE RABS KUN, ,'BRAL BA MED PAR RJES SU BZUNG DU GSOL, ,TSE 'DI'I BAR GCOD KUN ZHI TSE BSOD RGYAS, ,GNAS SKABS BSAM PA THAMS CAD CHOS BZHIN 'GRUB, ,NGES 'BYUNG BYANG SEMS LTA BA MTHAR PHYIN NAS, ,RDZOGS SANGS GO 'PHANG RING MIN THOB PAR SHOG, CES PA 'DI NI RJE DRUNG BSKAL BZANG CHOS DBANG GIS ^ 'JAM MGON BLO BZANG GRAGS PA'I MDZAD PA BRGYAD CU'I GRVA THANG BZHENGS PA'I RGYAB YIG SMON TSIG 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, PHUN TSOGS YON TAN BDUD RTZI'I BCUD MANG PO, ,GCIG TU 'KHYIL BA'I RO BDA'I SNOD YANGS 'DI, ,'DUS SNGER PHUL BAS DGE 'DUN THUGS MTHUN ZHING, ,KHRIMS GTZANG BSHAD SGRUB GONG DU 'PHEL BAR MDZOD,, CES PA 'DI NI RGYAL CHEN RTZE PI MTSAN GYIS TSOGS KHRO GSAR BLUG GI KHA BYANG DU DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS BRIS PA'O,, ` DUS GSUM RGYAL BA MA LUS PA, ,GCIG BSDUS LHA TSOGS 'DIR BZHUGS LA, ,

, ,BDAG LA MCHOG DANG THUN MONG GI ,DNGOS GRUB MA LUS STZAL DU GSOL,, ZHES PA 'DI NI DKA' BCU YE SHES BSTAN 'DZIN GYIS BSKUL BA LTAR ^SH'AKYA'I DE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU MNYDZGHOsh'A YA, PHUN TSOGS YON TAN KUN GYI 'BYUNG GNAS MCHOG ,DUS GSUM RGYAL BA KUN 'DUS NGO BO CHE, ,SKYABS GSUM GCIG BSDUS BLA MA LHA TSOGS RNAMS, ,SNANG BRNYAN 'DI LA BRTAN PAR BZHUGS SU GSOL, ,'DI LTAR BSKRUN PA'I DGE BA'I RTZA BA LAS, ,SKU BZHI'I BDAG NYID ZUNG 'JUG RDO RJE 'CHANG, ,LEGS PAR THOB NAS 'GRO BA MA LUS PA, ,DE YIS LA 'GOD PA'I BKA' DRIN STZOL, ,JI LTAR SMON PA'I RE 'BRAS MA LUS PA, ,'BAD PA MED PAR LHUN GYIS 'GRUB PA DANG, ,DE LTAR 'GYUR BA'I BGEGS DANG BAR GCOD KUN, ,RGYAL PO CHEN PO BZHI YIS RTAG TU SRUNGS,, ZHES PA 'DI NI KHRON PA SPUG PA DKA' CHEN BLO BZANG DPAL 'BYOR DANG DRUNG RAM PA BLO BZANG RAB RGYAS GNYIS KYIS BLA MA MCHOD PA'I BRIS THANG GSAR BZHENGS KYI RGYAB YIG TU DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` DUS GSUM RGYAL BZHI DANG KHRO BO'I TSOGS, ,'OD GSAL DANG DU THIM LAS BZHENGS PA'I LHA, ,YONGS SGRUB RNAL 'BYOR ROL BA'I TING NGE 'DZIN, ,SGRUB MDZAD RIG BA 'DZIN PA'I 'DUS PA'I SDER, ,RO BDAR 'KHYIL BA'I BCUD LDAN JA BZANG RO, ,LA SOGS BRIMS BYED SNOD KYI YOL GO 'DI, ,PHUL BAS DGE 'DUN SDE RNAMS THUGS MTHUN CING, ,RTAG TU RNAL 'BYOR MCHOG LA ROL PAR SHOG ,BDAG KYANG DGE BA 'DI YIS BYANG CHUB SEMS, ,RIM GNYIS KYIS BRGYAN RDO

RJE'I RNAL 'BYOR GYIS, ,NYON MONGS BUD SHING MA LUS DRUNGS PHYUNG NAS, ,SKU GSUM GO 'PHANG BDE BLAG NYID THOB SHOG, CES PA 'DI NI SNGAGS PA NOR GNYER BA DRUNG RAM PA YE SHES DKON MCHOG GIS 'DI LTA BU ZHIG DGOS ZHES BSKUL BA LTAR ^SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RA WE, DUS GSUM PHYOGS BCU'I RGYAL BA MA LUS PA, ,YONGS RDZOGS LONGS SPYOD RDZOGS PA RDO RJE 'CHANG, ,SNA TSOGS SGYU 'PHRUL DUR SMRIG GAR 'DZIN PA'I, ,KHYAB BDAG RDO RJE 'CHANG DBANG KHYOD LA 'DUD, ,RJE BTZUN DPAL STUG MA LUS 'OD GSAL GYI, ,DRA BAR BSDOMS PA'I DBYINGS KYI BZHIN RAS 'DZUM, ,BLO BZANG GRAGS BSTAN DPAL DU 'KHYIL BA'I MDANGS, ,BSKAL BZANG RGYA MTSOR 'GYED MKHAS KHYOD LA BSTOD, ,KHA SBYOR BDE STONG DMIGS MED LHA'I RDZING BUR LNGA LDAN NYI ZLA'I BGROD PA MU MED BAS, ,GDUL BYA'I GNAS KUN TSAD MED THUGS RJE'I 'OD, ,SNUM POR SPRO MDZAD MGON PO KHYOD LA 'DUD, ,DE LTAR GSOL BA BTAB PAS TSE RABS KUN, ,KHYOD KYIS 'BRAL BA MED PAR RJES BZUNGS NAS, ,GSUNG GSANG MYANGS PAS ZUNG 'JUG RDO RJE 'CHANG, ,MYUR THOB 'GRO KUN DE YI SAR 'GOD SHOG ,KHYAD PAR MGON KHYOD GANG DU SANGS RGYAS PA'I, ,'KHOR GYI THOG MA NYID DU BDAG GYUR NAS, ,GNAS SKABS MTHAR THUG DGOS 'DOD MA LUS PA, ,'BAD MED LHUN GRUB BKRA SHIS KYIS KHYAB SHOG, CES ^ RGYAL BA MA LUS 'DUS PA'I BDAG NYID BKA' DRIN MTSUNGS ZLA MA MCHIS PA RGYAL BA KHYAB BDAG RDO RJE 'CHANG CHEN THAMS CAD MKHYEN CING GZIGS PA CHEN PO RJE BTZUN BLO BZANG BSKAL BZANG RGYA MTSO'I BRIS SKU LHAN THABS SU BYAS PA 'DI NYID BZHENGS TE GSOL BA 'DEBS PA'I TSIG 'DI RNAMS GANG GI

, ,SLOB BU'I THA SHAL BA ^ DGE SLONG BLO BZANG DPAL LDAN YE SHES KYIS DVANG BAS PHUL BA'O,, ` AOm SVA STI, DUS GSUM BDE BAR GSHEGS BAM LUS PA, ,LEGS BSGRUB SKU 'DIR BRTAN PAR BZHUGS NAS KYANG, ,MCHOG DANG THUN MONG DNGOS GRUB DAM PA RNAMS, ,MYUR BAR MYUR BA NYID DU STZAL DU GSOL, ,'DI LTAR BZHENGS BA'I DGE BA'I RTZA BA LAS, ,DPAL LDAN BLA MA'I SKU TSE BRTAN PA DANG, ,DGE 'DUN SDE RNAMS THUGS MTHUN KHRIMS GTZANG ZHING, ,'GRO KUN BDE ZHING SANGS RGYAS THOB PHYIR BSNGO, ,MTHU STOBS DBANG PHYUG DMAG ZOR RGYAL MO LA, ,RTEN GSUM MCHOD RDZAS BCAS PA GNYER GTAD KYIS, ,RTAG TU G-YEL BA MED PAR BSRUNG BA DANG, ,MI MTHUN PHYOGS LAS RGYAL BA'I 'PHRIN LAS MDZOD,, CES PA 'DI NI RONG PA MI TSAN GYI GRVA RIGS DGE SLONG BLO BZANG BSTAN 'DZIN BLO BZANG KUN DGA' BLO BZANG DPAL 'BYOR BCAS NAS MI TSAN GYI 'DU KHANG DU ^ BLA MA SANGS RGYAS BYANG SEMS SOGS KYI SKU BRNYAN LDEBS BRIS SU BZHENGS PA'I DGE BA RDZOGS BYANG DU BSNGO ZHING GNYER GTAD DANG BCAS PA 'DI LTA BU ZHIG DGOS ZHES BSKUL NGOR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` MNYAM MED THUB PA'I DBANG PO'I SNANG BRNYAN GSER RAB TU SBYANGS PA THUR SRANG NYIS BRGYA BDUN CU DON BDUN DANG ZHO BZHI LAS GRUB PA, 'PHAGS YUL DU DBUS KYI BZO RGYUN NGO MTSAR CAN PADMA NYIS BRTZEGS DANG BCAS PA DBANGS LA SOR BZHI BCU PHYED ZHE GNYIS YOD PA, BDUD 'DUL CHEN PO'I CHA BYANG DU BZHUGS PA 'DI NYID KYI NANG GZHUG TU GTZO BOR RDO RJE 'CHANG CHEN PO RJE BTZUN BLO BZANG YE SHES DPAL BZANG PO'I DBU LO BUBS DANG PHYAG SEN ZHABS

SEN SHANGS MTSAL RNAMS DANG, DE BZHIN GSHEGS PA'I 'PHEL GDUNG CHOS SKU'I RING BSREL 'GAL 'KHRUL GYIS SKYON GYIS MA GOS PA BZANG PO DANG, THUGS KAR DE BZHIN GSHEGS PA SH'AKYA THUB PA'I DNGUL SKU DANG, BCOM LDAN 'DAS DPAL DUS KYI 'KHOR LO'I SNANG BRNYAN PAn CHEN GONG MA RNAMS KYIS THUGS DAM RTEN YUN RING GNANG PA, GDUNG RTEN LCAGS RTZE MA GCIG DANG SHEL LAS GRUB PA'I MCHOD RTEN GCIG ,YANG BDUD 'DUL MCHOD RTEN CHUNG DU GCIG ,CHAB MDO LI MA'I SPYAN RAS GZIGS KHA SARP'A nI GTZO 'KHOR GSUM, MGON KHANG CHEN MO'I LHA RNAMS KYI ZHAL LA GZAN DRIL BYAS PA'I BYIN RLABS RIL BU, BSIL BA TSAL GYI RDO NAG LAS GRUB PA'I DPAL MGON PHYAG BZHI PA'I SNANG BRNYAN BYIN RLABS KYI GZI 'OD 'BAR BA, 'DI KHA'I PHYAG TSA'I RIGS MANG PO, BDUD RTZI RIL BU DANG SKYE BDUN, RTEN BSDUS RIL BU BCAS MANG TZAM SHIN TU 'DZOM PA, NGOS KYI MGO SKYES BUBS DANG RKANG LAG GI SEN MO SOGS LUS KYI CHA SHAS, SMAN SNA, 'BRU SNA, BSANGS SNA DAR SNA RIN PO CHE'I RIGS LA SOGS PA MA TSANG BA MED PA'I GNOD SBYIN 'KHOR LO TSAD DANG LDAN PA BZHUGS SHING, NA BZA' GOS MNGAGS BTAGS SER PO GSER 'BRUG GIS SPRA BA BAR RNAMS SNGON PO'I BCAD THIG LE'I RIS YOD PA, GONG PA JUS RNYING DMAR SNGO LJANG GSUM BRTZEGS PA BZANG GOS DMAR PO'I NANG LDAN, SHEL PHREN SPUS LEGS BYU RU'I RGYAN GSUM YOD PA, RGYA BA YOL RIN PO CHE GNYIS PA THUR SRANG DRUG CU RE BRGYAD DANG ZHO LNGA LAS GRUB PA BZO BKOD PHUL DU PHYIN PA'I DE BZHIN

, ,GSHEGS PA'I 'KHRUNGS RABS SO BZHI PA DANG THUB PA'I DBANG PO LUNG BSTAN MA'I SNANG BRNYAN, GLANG PO CHE NOR SKYONG DANG, SENGGE, SPRE'U, GNOD SBYIN 'PHROG MA RNAMS BA NYUL BA'I BKOD PA, YANG DAG PAR RDZOGS PA'I SANGS RGYAS DANG CHOS SKYONG DREGS PA LCAM SRING GNYIS KYI SKU TSE SNGON MA'I RNAM THAR, LCAM SRING LAS MKHAN DANG BCAS PA'I SNANG BRNYAN THOD MKHAR GYIS BRJID PAS MDZES PAR BYAS PA'I RGYAB YOL NYIS RIM DANG, DE'I PHYI ROL TU KLU'I RGYAL PO BTANG ZUNG GIS SBRUL GYI GDENGS KA BDUN GYI GDUGS PHUL BA'I BKOD PA, DE'I PHYI ROL TU BYANG CHUB SHING GI BKOD PA LA BYU RU NYI SHU RTZA BZHI, G-YU'I PAD 'DAB GZUGS BDUN, MU MEN GNYIS, SPOS SHEL DRUG RNAMS KYIS SPRAS PA, BZHUGS KHRI'I KHA KHYER GYI NGOS LA KLU'I RGYAL PO BTANG ZUNG GI GNAS CHU'I SROG CHAGS KYIS GANG BA'I RGYA MTSO CHEN PO'I BKOD PA DANG, DE'I 'OG TU SENGGE, GLANG CHEN, RTA MCHOG ,GYAD MI RNAMS KYIS BTEG PA'I BAR DU GZHAN 'PHRUL DBANG BYED KYI BDAG PO SHI NAS MDA' GZHU CHAG PA'I TSUL DANG, DBANG PHYUG CHEN PO PUS MO BTZUGS TE THAL MO SBYAR BA, BZHUGS KHRI'I SA 'DZIN GYI NGOS LA RDO RJE GDAN GYI BKOD PA BRAG RI'I DBYIBS DANG BCAS PA RNAMS KYI BTANG ZUNG GI LUS KYI BKOD PA MAN CHAD GSER ZANGS TSA GSER MA LUS GRUB PA 'DI NYID NI MTHONG BA DANG, THOS PA DANG, DRAN PA DANG, REG PA TZAM GYIS SDIG PA RNAMS YONGS SU DAG NAS THAR PA'I SA BON KHYAD PAR CAN BSKRUN PAR BYED PAR 'GYUR RO,, ` BCOM LDAN 'DAS

'PHAGS MA GDUGS DKAR MO ZHAL GSUM PHYAG DRUG MA'I SNANG BRNYAN DGOS PA KHYAD PAR CAN GYI GDUGS DANG BCAS PA, DBU RGYAN GYI NGOS SU RIN PO CHE PUshshA R'A GA GCIG ,PADMA R'A GA RDOG GCIG ,G-YU DMAR GYI PAD 'DAB GZUGS BCU GSUM DANG G-YU'I PHRA TSOMS LNGA, GTZUG TOR GYI STENG DU G-YU GNYIS DANG BYU RU GCIG BCAS KYI NOR GZUGS, SKU'I DBYINGS SU G-YU'I PHRA SUM CU SO DGU ,PADMA R'A GA RDOG BCU DGU ,MU MEN GNYIS, BYU RU BRGYAD RNAMS KYIS MDZES PA'I SKU RGYU RIN GNYIS THUR SRANG NYIS BRGYA DANG BCU GCIG DANG ZHO BRGYAD LAS GRUB PA, DPANGS LA SOR SUM CU SO BRGYAD YOD PA'I NANG GZHUG TU PAn CHEN BLO BZANG YE SHES DPAL BZANG PO'I DBU LO DANG, PHYAG SEN, ZHABS SEN, SHANGS MTSAL SOGS SKU'I CHA SHAS, CHOS SKU'I RING BSREL DPAG TU MED PA, DE BZHIN GSHEGS PA'I 'PHEL GDUNG GCIG ,'PHAGS YUL LHO PHYOGS KYI LI LAS GRUB PA'I BYAMS PA'I SNANG BRNYAN, RJE BTZUN MA 'PHAGS MA SGROL MA'I SKU BRNYAN CHUNG DU GCIG ,RJE RIN PO CHE'I PHYAG CHA AA RTAGS MA GCIG ,GZHAN MA PHYAG TSA GCIG ,PAn CHEN BLO BZANG CHOS KYI RGYAL MTSAN GYI DNGUL SKU GZIMS CHUNG DU YUN RING BZHUGS PA GCIG ,YANG GONG MTSUNGS KYI 'PHAGS PA DZAMBHA LA DANG, TSE DPAG TU MED PA'I DNGUL SKU RE, BSIL TSAL RDO NAG LAS GRUB PA'I DPAL MGON PHYAG DRUG PA'I SKU BRNYAN BZHUGS KHANG DANG BCAS PA BYIN CAN GCIG ,BKA' GDAMS GDUNG RTEN GCIG ,NGOS KYI LUS KYI CHA SHAS SNA TSOGS PA, PAn CHEN BLO

, ,BZANG CHOS KYI RGYAL MTSAN GYI YIN ZER BA'I RDO LA PHYAG RJES BYAS PA GCIG ,RIN PO CHE, SMAN SNA, 'BRU SNA, DAR SNA SOGS MA TSANG BA MED PA'I GNOD SBYIN 'KHOR LO KHUNGS LDAN DANG, LDONG ROS LAS GRUB PA'I RGYA NAG GI MI TSE RING GI GZUGS RNAMS BZHUGS SHING, DE NYID KYI RGYAB YOL GSER ZANGS LAS GRUB PAR ME RIS, SHING GI SENG KHRI DANG BCAS PA, KHAnd'A RA PA CHA'I YUL GYI GOS DKAR PO'I NA BZA' 'JA' BCAS, SHEL GYI PHYAG 'PHRENG RGYAN BYU RU GSUM YOD PA BCAS, 'DI NYID NI DRAN PA TZAM GYIS BDUD DANG MI MTHUN PA'I PHYOGS THAMS CAD LAS RGYAL BAR 'GYUR BA'I RANG BZHIN DU GYUR, THUB PA'I DBANG PO'I BZHUGS KHANG GI SGO KHYIM TZANDAN DMAR PO LAS GRUB PA KHRI DRUG 'DEGS PAt DANG BCAS PA THOG TSAD MA GRANG GSER GYI RI MOS PHYUG CING BZO BKOD PHUN SUM TSOGS PA, BZHUGS KHANG GI GNAM RGYAN GAN GOS SER PO MDAGS BTAGS GSER 'BRUG GI RI MO CAN, DBU THOG TU BLA RE MTHONGS GAN GOS SE HU SNGO SKYA MTHA' TSOS GNYIS MAS BYAS PA SMAN RNYING GI SHAM BU YOD PA GCIG DANG, 'PHAGS MA GDUGS DKAR MO CAN GYI BZHUGS KHANG GI SGO KHYIM SHING LAS GRUB PA'I G-YAS G-YON GYI NANG NGOS ME TOG RKANG 'KHOR GYI GSEB TU BKRA SHIS RTAGS BRGYAD KYI RI MO DANG, DE'I PHYI RIM DU DUNG DANG, SENGGE, GLANG CHEN SOGS KYI GZUGS BRNYAN CAN GYI BRAG RI'I BKOD PA THOD SPRIN 'BRUG GIS SPA BA'I DBUS LHA'I BU BDUD RTZI'I BUM PA 'DZIN PA ZUNG BCAS 'BUR BRKOS SU YOD PA'I RTZI TSON KHRA GSER RIS KYIS PHYUG PA, SGO KHYIM NANG NAS 'PHYAD PA'I RIN PO CHE BYU RU MU MEN, SHEL DKAR SER SDO LJANG SOGS LAS GRUB PA'I DRA BA DRA PHYED DBUS MAR BYU RU

SRAN SBOS TZAM RDOG BDUN CU DON GNYIS YOD PA MU MEN KHAM BU TZAM GYIS BRGYAN PA'I SNE LA DRA PHYED RKANG GSUM DBUS MAR BYU RU RDOG BCU DRUG YOD PA G-YU'I SNE 'DOGS CAN, MTHA' GNYIS SU MU MEN RDOG BCU GNYIS RE DANG SNE 'DOGS BYUR CHUNG SPOS SHEL DANG BCAS PA DE'I NANG SKOR DU MU MAN SRAN SBOS TZAM RDOG SUM CU SO BZHI 'DZOM RGYAN BYU RU BZHI, MU MEN GNYIS MTHA' BKAG SHEL LJANG GI PHA WANG GZUGS RE BCAS YOD PA'I DRA BA'I NANG DU DRA PHYED RKANG GSUM DBUS MAR BYU RU RDOG BCU GSUM, MTHA' GNYIS SU SHEL SER RDOG BCU RE YOD PA'I SNER G-YU RDOG RE BCAS LA MGO BSDEMS BYUR 'DRA, G-YU, MU MEN, BYU RU; SHEL LJANG RDOG RE BCAS YOD PA, DE'I G-YAS G-YON GNYIS SU SHEL SNGON RDOG NYI SHU RTZA BDUN DANG, SPOS SHEL DANG BYU RU RDOG GNYIS RE'I RGYAN LDAN GYI DRA PHYED RKANG GSUM DPUS MAR MU MEN RDOG BCO LNGA DANG SPOS SHEL BYUR CHUNG BCAS KYI SNE 'DOGS CAN, MTHA' GNYIS SU SHEL SER RDOG BCU GSUM YOD PA, MU MEN, BYUR CHUNG, SHEL LJANG BCAS KYI SNE 'DOGS CAN RE, MTHA' GNYIS SU KHYON BSDOMS SHEL DKAR RDOG BRGYAD CU GYA BRGYAD, BYU RU RDOG BRGYA DANG BDUN CU DON GNYIS, MU MEN RDOG NYI SHU RTZA BRGYAD, RIN PO CHE LJANG KHRA RDOG BCU DGU, SPOS SHEL DGU, SHEL SNGON BZHI RNAMS YOD PA'I SHEL DKAR DANG BYU RU'I DRA BA NYIS RIM DRA PHYED RKANG GSUM PA BZHI BCAS YOD PA MTSAR DU DNGAR BA DANG, 'OD DPAG MED KYI MGUL RGYAN DU, BLUG SHEL DKAR PO'I 'PHRENG BA BRGYA RTZA BRGYAD PA GCIG DANG, RTEN KHRI'I STENG DU BLA BRE MTHONGS GOS LI SE HU MA, MTHA' SE HU SNGON POS BYAS PA SMAN RNYING GSHAM BU DANG

, ,BCAS PA RNAMS KYIS MTSAR DU DNGAR BA'O,, ZHES PA 'DI NI ME PHAG LO ^ THUB PA'I DBANG PO'I SNANG BRNYAN GSER SBYANGS PA 'BA' ZHIG LAS GRUB PA DANG 'PHAGS MA GDUGS DKAR MO CAN GYI SNANG BRNYAN DNGUL LAS GRUB PA GNYIS BZHENGS TE BKA' 'GYUR LHA KHANG DU PHUL BA'I DKAR CHAG TU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, DPAL LDAN BLA MA THUGS RJE'I MDA' BDAG CAN, ,SKU GSUNG THUGS KYI RNAM 'GYUR DANG BCAS PA, ,BRIS SKUR BZHENGS PA'I DGE BA'I RTZA BA YIS, ,RDZOGS PA'I SANGS RGYAS GO 'PHANG THOB PAR SHOG ,TSE RABS KUN TU MI 'BRAL RJES BZUNGS NAS, ,LEGS PAR BSHAD PA'I GSUNG GI BDUD RTZI LA, ,MYANGS PAS SDIG SGRIB MA LUS RAB BYANG STE, ,'GRO BA MA LUS 'DREN PA'I DPAL GYUR CIG ,GZHAN YANG GNAS SKABS BAS MDON THAMS CAD 'GRUB, ,BAR GCOD MI MTHUN PHYOGS RNAMS MA LUS ZHI, ,BKRA SHIS DGE LEGS RGYA MTSOS KHYAB GYUR TE, ,SHIS PA STZOL PHYIR RTEN 'DIR BRTAN PAR BZHUGS, ,MANGGA LAm,, ZHES PA 'DI NI RJE DRUNG YE SHES CHOS 'PHEL NAS 'KHRUNGS RABS BCU GSUM GYI BRIS THANG BZHENGS PA'I RGYAB YIG TU 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA BHEE RA W'A YA, SRID BZHI BDUD DANG BCAS 'JOMS PA, ,DPAL LDAN RDO RJE 'JIGS BYED NI, ,SKU MCHOG 'DI LA DUS MYUR BAR, ,BRTAN PAR BZHUGS LA CHOS 'KHOR BSKOR, ,DPAL LDAN BLA MA'I SKU TSE BRTAN, ,'PHRIN LAS YAR ZLA LTA BUR 'PHEL, ,BDUD DANG MU STEGS LA SOGS PA, ,TSAR CHOD DNGOS GRUB MA LUS

STZOL,, ZHES PA 'DI NI RGYUD 'DON PA YONGS KYI DGE BA'I BSHES GNYEN DKA' CHEN BLO BZANG BSHES GNYEN GYIS BSKUL BA'I NGOR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` RAB 'BYAMS NAM MKHA'I RGYAN GYUR BLA BRE NI, ,KHOR YUG MDZES PA'I DAR GYI SHAM BU CAN, ,MCHOD PA'I SPRIN GYI PHUNG PO MTHA' YAS PA, ,BCOM LDAN THUB PA'I DBANG PO MNYES PHYIR 'BUL, ,DGYES BZHIN LEGS PAR BZHES NAS SKU DANG GSUNG, ,THUGS KYI DNGOS PO'I BYIN RLABS MTHA' YAS PAS, ,BDAG GI RGYUD LA LEGS PAR BYIN BRLABS NAS, ,THABS SHES BLA BRES KUN TU KHYAB PAR MDZOD, ,LEGS BSHAD CHOS KYI SGRA DBYANGS MTHA' DAG GIS, ,'GRO BA KUN GYI NYON MONGS MUN PA BSANGS, ,THOGS MED BLO GROS DPAL GYI GTER CHEN POS, ,THUB DBANG GO 'PHANG BDE BLAG THOB PAR SHOG, CES PA 'DI NI BKA' DRIN MTSUNGS MED DAM BA DON GYI SLAD DU MTSAN NAS SMOS TE RDO RJE SLOB DPON CHEN PO BLO BZANG CHOS 'PHEL DPAL BZANG PO'I ZHAL SNGA NAS KYIS DKYIL KHANG LEGS BSHAD SGROG PA'I GRVA TSANG CHEN PO'I THUB DBANG GI SNANG BRNYAN CHEN POR BLA BRE BKOD PA RMAD DU BYUNG BA'I MCHOD SPRIN MDZAD SKABS ZHAL BYANG DU DGOS TSUL GNANG BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, PHYOGS BCU'I RGYAL BA SRAS DANG BCAS PA YI, ,MKHYEN DANG BRTZE BA MA LUS GCIG BSDUS PA, ,RJE BTZUN BLA MA'I SKUR SHAR MGON PO KHYED, , BDAG GI DGE BA MA LUS BYIN GYIS RLOBS, ,MGON KHYOD MDUN GYI NAM MKHA'I DBYINGS BZHUGS NAS, ,NGES 'BYUNG BYANG SEMS YANG DAG LTA BA DANG, ,RIM PA GNYIS KYI RTOGS PA MA LUS PA, ,BDUD RTZI'I TSUL GYIS BDAG LA STZAL DU GSOL, ,AOm

, ,A'A: GU RU SU MA TI SHR'I M'A NA DZNY'A NA SIDDHI H'Um H'Um, ZHES GSOL BA BTAB PAS RTAG TU BYIN GYIS BRLABS PAR BSAM MO, ZHES PA 'DI NI DGE SLONG PHUN TSOGS CHOS 'PHEL NAS NGOS KYI 'DRA COG GSAR BSKRUN BGYIS PA'I DGE BSNGO ZHING RGYUN GYI KHA BDON DU KHYER CHOG PA DGOS TSUL LTAR ^ SH'AKYA'I DGE SLONG BLO BZANG DPAL LDAN YE SHES KYIS BRIS PA'O,, ` AOm SVA STI, PHUN TSOGS YON TAN KUN GYI 'BYUNG GNAS CHE, ,DPAL LDAN BLA MA'I SKU GZUGS 'DI BGYIS PA'I, ,DGE BA'I MTHU LAS DENG NAS TSE RABS KUN, ,'BRAL BA MED PAR RJES SU BZUNG DU GSOL, ,MKHAS DANG GRUB PA'I YON TAN MA LUS PA, ,DNGOS GRUB RNAM GNYIS DANG BCAS 'DIR STZAL TE, ,MGON KHYOD GO 'PHANG THOB NAS 'GRO BA KUN, ,SGROL BAR BYA BA'I PHYIR TU DGE 'DI BSNGO, ,GZHAN YANG 'DIS MTSON DGE BA MA LUS PAS, ,'GRO 'DI SDUG BSNGAL RGYA MTSO LAS SGROL PHYIR, ,THAMS CAD GZIGS PA'I THOB BYA MTHAR THUG PA, ,TSE 'DI NYID LA THOB PAR BYIN GYIS RLOBS,, ZHES PA 'DI NI NOR BU DGA' LDAN PA BLO BZANG DGE 'DUN GYIS NGOS KYI 'DRA 'BAG BZHENGS PA'I DGE BA RDZOGS BYANG DU BSNGO ZHING RJES 'DZIN GYI SMON TSIG 'DI LTA BU ZHIG DGOS ZHES BSKUL DOR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` LHAN SKYES BDE CHEN STOD NYID SBYAR BA'I MDANGS, ,ZHAL PHYAG RNAM PAR SHAR BA'I YI DAM LHA, ,KHYOD KYI SKU MCHOG BZHENGS PA'I DGE BA'I MTHUS, ,KHYOD NYID MNGON DU 'GYUR BAR BYIN GYIS RLOBS,, ZHES PA 'DI NI LEGS BSHAD GLING PA DKA' CHEN BLO BZANG 'BYUNG GNAS KYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, PHYOGS

BCU'I RGYAL BSRAS DANG BCAS PA DANG, ,YI DAM LHA TSOGS DPA' BO MKHA' 'GRO MA, ,LA SOGS BLA MA YI DAM MCHOG GSUM LA, ,KUN BZANG MCHOD PA'I SPRIN GYIS 'BUL BAR BGYI, ,LEGS PAR BZHES NAS ZHI BAR GSHEGS GYUR PA, ,BLO BZANG CHOS KYI SGROL MA ZHES BYA BA'I, ,DGONGS PA YONGS RDZOGS SA LAM MTHAR PHYIN NAS, ,SANGS RGYAS GO 'PHANG MYUR DU THOB PAR MDZOD, ,MANGGA LAm,, ` AOm SVA STI, 'GRAN BLA KUN DANG BRAL BA'I SANGS RGYAS CHE, ,SH'AKYA'I DBANG PO GNAS BRTAN BCU DRUG DANG, DGE BSNYAN RGYAL CHEN BZHI DANG SKYABS YUL KUN, ,BDAG GI RTEN LA BRTAN PAR BZHUGS SU GSOL, ,DE BZHIN GSHEGS PA THUGS RJE CAN GYI BKA', ,BYANG PHYOGS YUL DU LEGS 'GYUR MA LUS PA, ,SRI ZHUS MCHOD CING KLOGS PA'I DGE BA'I TSOGS, ,RAB DKAR BDAG GIS BGYIS PA GANG DE YIS, ,PHA MAS THOG DRANGS MKHA' MNYAM SEMS CAN KUN, ,SRID PA'I SDUG BSNGAL RGYA MTSO CHEN PO LAS, ,RAB TU BSGRAL NAS THAMS CAD GZIGS PA YI, ,GO 'PHANG CHE LA RING MIN 'GOD PAR SHOG ,BSTAN PA YONGS RDZOGS MNGA' BDAG BLA MA RNAMS, ,ZHABS KYI PADMO SRID MTHA'I BAR BRTAN CING, ,CHOS DANG SRID KYI MDZAD BZHED MA LUS PA, ,DGONGS PA JI BZHIN LHUN GYIS 'GRUB PAR MDZOD, ,'DIR 'BAD BDAG DANG ROGS LAM BYED PA KUN, ,GNAS SKABS TSE RING BSAM PA MA LUS 'GRUB, ,MTHAR THUG SGRIB GNYIS BAG CHAGS KUN BYANG STE, ,SKU GSUM GO 'PHANG BDE BLAG NYID THOB SHOG, CES PA 'DI NI AU CU MU CHIN PA'I LE'I TSA BO SE CHEN CHOS RJE GU SHR'I THON BLO BZANG SNYAN GRAGS KYIS 'DI LTA BU ZHIG DGOS ZHES

, ,BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, SRID DANG ZHI BA'I MTHA' LA MI GNAS KYANG, ,SRID ZHI GNYIS LA RNAM PAR DGYES PA YI, ,BLA MA YI DAM CHOS SRUNG DAM CAN TSOGS, ,KUN GYIS DNGOS GRUB MA LUS CHAR DU PHOBS, ,SARBA DZA GA TAm,, PHAN SKOR GYI RGYAB YIG GO, ` LHA CHEN TSANGS PA DUNG GI THOR TSUGS CAN, ,'KHOR DANG BCAS PA GNAS 'DIR RTAG BZHUGS LA, ,BDAG DANG RDO RJE SLOB MA'I TSOGS RNAMS KYI, ,BSHAD SGRUB BYA BA GONG DU 'PHEL BAR MDZOD, ,SARBA JA GA TAm,, ZHES PHAN SKOR DANG THANG SKU'I RGYAB YIG 'DI LTA BU ZHIG DGOS ZHES SHAR RTZE ZHAL SNGA NAS YON TAN RGYAL MTSAN GYIS BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm SVA STI, MA H'A K'A L'A YA, BLA MA MCHOG DANG DBYER MED SRIN PO'I GZUGS, ,MH'A K'A LA PHYAG DRUG LHA MO DANG, ,GNOD SBYIN BZHI DANG GTZANG RIS MGON PO'I TSOGS, ,SNGON GYI KHAS BLANG DAM BCA' MA G-YEL CIG ,RDO RJE 'CHANG SOGS RTZA BRGYUD BLA MA DANG, ,KHYAD PAR CHOS KYI RGYAL PO TZONG KHA PA'I, ,BSTAN PA RIN CHEN RGYAS PAR ZHAL BZHES BZHIN, ,DENG 'DIR SRUNG DANG SKYOB LA MA G-YEL CIG, CES PA 'DI NI SNGAGS RAM PA BLO BZANG SHES RAB KYIS THANG KA'I RGYAB YIG ZHIG DGOS TSUL LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,

[BLANK PAGE]