S12233E · GMLW-006179

Writings on the Subject of Advices in General; Monastic Constitutions; and Similar Topics

BSLAB BYA SPYI DANG DGON SDE KHAG GI BCA' YIG SOGS KYI SKOR

נושאיםTopics:Vowed MoralityMoralityVowsFreedomthe Buddha

מחברauthor

PANCHEN LAMA KUTRENG SUMPA PELDEN YESHEPAN CHEN BLA MA SKU PHRENG GSUM PA DPAL LDAN YE SHES1738-1780

נמצא בfound inOFFICIAL DOCUMENTS

מהדורהrecensionnot applicable - a collected works, not a canon edition

כניעה לhomage toTHAMS CAD MKHYEN PA

פוליוfolios2a–24a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

אנשים ומקומותpeople and places namedPanchen Lama III Palden Yeshe (1738-1780) · Horchen Ta Lama Yeshe Jungne · Nagarjunathe author; the man whose urging the colophon says prompted it; and the master quoted at the head for the principle that discipline is the ground of every good quality as the earth is of what moves and what does not

רמת קושיlevelintermediate

הכותרת אומתה מול הטקסטtitle verified against the textyesthe head gives the title and ends BZHUGS rather than BZHUGS SO

הקבציםThe files

S12233E_BSLAB BYA SPYI DANG DGON SDE KHAG GI BCA' YIG SOGS KYI SKOR_Writings on the Subject of Advices in General; Monastic Constitutions; and Similar Topics_PAN CHEN BLA MA SKU PHRENG GSUM PA DPAL LDAN YE SHES (1738-1780).TXT/BCA' YIG_OFFICIAL DOCUMENTS/BKRA SHIS LHUN PO_TRASHI HLUNPO MONASTERY

S12233E_BSLAB BYA SPYI DANG DGON SDE KHAG GI BCA' YIG SOGS KYI SKOR_Writings on the Subject of Advices in General; Monastic Constitutions; and Similar Topics_PAN CHEN BLA MA SKU PHRENG GSUM PA DPAL LDAN YE SHES (1738-1780).TXT/NYAMS LEN_PERSONAL PRACTICE/BSLAB BYA_PERSONAL ADVICES/SKU PHRENG GSUM PA DPAL LDAN YE SHES_KUTRENG SUMPA PELDEN YESHE (1738-1780)

הטקסטThe text

טיבטיתTibetanS12233E_BSLAB BYA SPYI DANG DGON SDE KHAG GI BCA' YIG SOGS KYI SKOR_Writings on the Subject of Advices in General; Monastic Constitutions; and Similar Topics_PAN CHEN BLA MA SKU PHRENG GSUM PA DPAL LDAN YE SHES (1738-1780).TXT64,114 תוויםcharacters

*, ,BSLAB BYA SPYI DANG DGON SDE KHAG GI BCA' YIG SOGS KYI SKOR BZHUGS,, @1 #, ,AOm BDE LEGS SU GYUR CIG ,THAMS CAD MKHYEN PA LA PHYAG 'TSAL LO, ,DE LA 'DIR BKRA SHIS CHOS 'BYOR RNAM PAR RGYAS PA'I GRVA TSANG 'DIR BZHUGS PA'I DGE 'DUN BTZUN PA RNAMS KYI SGRIGS LAM KUN SPYOD KYI SPANG BLANG MDZAD RGYU NI, RANG CAG RNAMS GZHON NU NYID KYI DUS NAS MNYAM MED YANG DAG PAR RDZOGS PA'I SANGS RGYAS KYI RJES SU ZHUGS NAS, SKRA DANG KHA SPU BREGS SHING GOS DUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG STE, GRVA TSANG 'DI LTA BUR TSOGS PA'I DGOS PA NI, 'KHOR BA SPYI DANG BYE BRAG NGAN SONG GSUM GYI 'JIGS PA LAS BSGRAL TE MYANG 'DAS KYI SKAM SAR PHYIN PA'I CHED DU YIN LA, DE LTA BU'I DON DE 'GRUB PAR BYED PA'I THABS KYANG, JI SKAD DU, DPAL MGON 'PHAGS PA KLU SGRUB KYIS, ,KHRIMS NI RGYU DANG MI RGYU'I SA

, ,BZHIN DU, ,YON TAN KUN GYI GZHI RTEN LEGS PAR GSUNGS, ZHES GSUNGS PA LTAR, RANG GIS JI LTAR KHAS BLANGS PA'I TSUL KHRIMS MIG GI 'BRAS BU LTAR GCES SBRAS SU BSRUNG BA GZHIR BYAS TE, RGYAL PA'I GSUNG RAB RNAMS LA THOS BSAM GYI SGO NAS LEGS PAR 'JUG PA NYID YIN PAS, 'DIR BZHUGS BGRES GZHON TSANG MAS DON DE NYID NGES PAR MDZAD DE, SDOM PA GSUM GYI BCAS MTSAMS LAS SKAD CIG KYANG MI 'DA' BA'I NGANG NAS SANGS RGYAS KYI BSTAN PA SPYI DANG KHYAD PAR KHAMS GSUM CHOS KYI RGYAL PO BLO BZANG GRAGS PA'I DPAL GYI BSTAN PA RIN PO CHE YAR RGYAS SU 'GRO BA'I ZHABS 'DEGS SU CI 'GYUR GYI THOS BSAM LA 'BAD PAR MDZAD DGOS PA YIN CING, RJE BDAG NYID CHEN PO SOGS NAS, SNYIGS DUS SU TSUL KHRIMS RNAM PAR DAG PA'I TSAD GSUNGS PA BZHIN, CHOS GRVA 'DIR BZHUGS PA THAMS CAD NAS RTZA BA BZHIS MTSON PA'I 'DUL KHRIMS DANG 'GAL BA'I NYES PA CHE TSIGS KYIS MA GOS PAR BYA ZHING, PHRA MO'I RIGS BYUNG BA RNAMS 'CHAGS PA'I LAS LA BRTZON PAR BYA, RTZA BA

BZHI CHANG DANG BCAS PA LA SANGS RGYAS KYIS JI LTAR BCAS PA'I BCAS KHRIMS DANG 'GAL NA KHA NA MA THO BA MED CING, CHOS DANG MTHUN PA'I KHRIMS LUGS SANGS RGYAS KYIS KHRIMS SU BCAS PA LAS 'BYUNG BA LTAR, GNAS NAS DBYUNG BA LA SOGS PA RNAMS BLA MA DANG DGE SKOS SOGS KYIS 'OS BLTAS JI LTAR RIGS PA BYED PAR BCAD, RGYUN DU ZHAL 'DON BLA MA MCHOD PA, SMAN BLA, RGYAL BA YAB SRAS KYI GSOL 'DEBS DANG ZHABS BRTAN, SMON LAM GYI RIM PA SOGS CHOS SPYOD KYI RIGS GANG LCOGS, SBYIN BDAG SOGS NAS DMIGS BSAL BYUNG TSE SO SO'I 'DOD PA BZHIN DANG, CHO 'PHRUL DUS CHEN SOGS DUS CHEN GSUM, DGA' LDAN LNGA MCHOD CHEN MO BCAS KYI ZHAL 'DON SKABS THOG GANG BABS DANG, LHAG DON BDE GSANG 'JIGS GSUM, KUN RIG RNAM PAR SNANG MDZAD SOGS KYI CHO GA CHA LAG TSANG BA, MGON CHOS, LHA MO, RNAM SRAS, TSANGS PA ZHI DRAG GI BSKANG GSO BCAS PHYAG LEN RTA DBYANGS SOGS SER 'BRAS KYI SNGAGS GRVA DANG RGYUD SMAD SOGS LA CHA 'JOG MDZAD PAS 'JAM MGON BLA MA'I BSTAN PA'I ZHABS 'DEGS SU 'GRO NGES YONG BA DANG, BLA MA BSKO BZHAG SKOR, GONG GI DPON MI CHEN GRVA DMANGS BCAS TSANG MA SEMS MTHUN GYI BSKO BZHAG BYED PA LAS GLO BUR GYI DBANG GSHED DANG G-YO 'PHRUL GYI BLA MA 'DOD MI BYUNG TSE DE RIGS BLA MAR MI 'KHUR, DE PHYIN GRVA TSANG NANG 'KHOR GYI DBU CHOS GNYER PA SOGS LAS SNE BA RNAMS BLA MA DANG GRVA PA RGAN RIGS RNAMS GROS MTHUN THOG NAS BSKO BZHAG BYED, PHYI NANG GI GRVA PA GSAR 'JUG RNAMS DBU CHOS LA

, ,ZHUS NAS 'JUG BABS YOD PA RNAMS GSAR JA DANG, BLA MA DANG LAS SNE RNAMS LA 'BUL BA 'OS 'TSAMS RNAM GZHAG DANG BCAS 'JUG ,PHYIR DON SKABS SU YANG BLA MA DBU CHOS LA GNANG BA ZHUS THOG GRVA TSANG LA SBYI 'JOG GANG LCOGS BZHAG NAS 'GRO, GRVA TSANG LA PHYI NAS 'GYED MANG JA SOGS GTONG BA'I SBYIN BDAG DRAG ZHAN GANG BYUNG GNYER TSANG MA GTOGS GRVA PA GZHAN MA RNAMS KYIS SNE LEN BSTEN SGOR BYAS MI CHOG ,GRVA TSANG KHU RAL THOG TU BLA BRANG GNYER TSANG MA GTOGS GZHAN MA SUS KYANG CHANG GI NYO TSONG LAG LEN SOGS MI BYED, GLU GAR BRO BRDUNG, BZHAD GAD, KHYIM PA SUN 'BYIN SOGS GTAN NAS MI BYED, DUS DANG RNAM PA KUN TU BLO DPON, PHYI NANG GI YON BDAG ,GRVA PA RGAN GZHON SOGS KYI BAR DU DGE 'DUN GYI DBYEN DANG 'THAB RTZOD 'KHRUG LONG SOGS KYI RGYUR 'GRO BA'I DKRUG SHING RIGS SU THAD NAS BYAS PA BYUNG TSE 'GAL TSABS DANG BSTUN PA'I NYES CHAD GCOD PA DANG CHOS SRUNG RNAMS KYIS KYANG DE RIGS LA TSAR GCOD RJES 'DZIN MDZAD DGOS SHING; MDOR NA GANG CI'I MTSAMS NAS BKRA SHIS LUGS MTHUN SKAL LDAN DANG BA 'DREN PA'I MIG RGYAN, 'BYOR LDAN BSOD NAMS GSOG PA'I ZHING SAR 'GRO BA ZHIG TSANG MA NAS YONG PA CIS KYANG 'TSAL,, ZHES YUL DUS DANG BSTUN PA'I KHRIMS SU BCA' BA 'DI NI ^ SH'AKYA'I BTZUN PA BLO BZANG DPAL LDAN YE SHES KYIS LEGS SBYAR GYI SKAD DU PRA M'A D'I STE GANGS CAN GYI LJONGS SU MYOS LDAN DU 'BOD PA'I SA YOS LO KHRUMS ZLA'I DKAR PHYOGS KYI TSES DGE BAR BGYIS PA'O,, ` NGED KYI ZHABS BRTAN LA SOGS PA'I, ,BSTOD RA MANG

PO BSKUL BYED KYANG, DON LA KHEL BCANG MI 'DUG ,RGYA CHE MTHIL RDOL KHO NA RED, BSTAN BCOS CHEN PO BLTA BYED CING, ,DE DON DPYOD PA LA SOGS PA, ,DE 'DRA BYED MKHAN DENG SANG DKON, ,G-YUM LA RGYUG PA MANG PO 'DUG ,NGA YIS BYAS PA'I BSTAN BCOS KYANG, ,CHEN PO 'PHRAN BU 'PHRAN BU YOD, ,DAD PA BYED MKHAN YOD NA BLTOS, ,ZHABS BRTAN MANG PO 'DZIN PA GEGS, ,PAt KHA THAL LAS KA YIN, ,SANGS RGYA BSTAN LA'ANG MI NGA LA, ,BSTOD RA BTANG BAS CANG MI PHAN, ,SNGON GYI 'DI TSOS CHOG PAR GYIS, ,YANG YANG RNA BA TSA MA 'JUG ,JA 'THUNG 'GYED 'DREN BYA BYED LAS, ,THOS BSAM REMS PA 'DI PHYIR PHAN, ,GYIS ZER BYA BYED MI BYED KYANG, ,MA BYED ZER BA BYAS MI CHOG ,'DI RU LTO BZAR TSOGS PA MIN, ,CHOS KYI BYA BAR TSOGS PA YIN, ,ZLA BA PHYED RER CHOS BSGRAGS MDOR, ,LONGS SPYOD DAG NI 'BAB CHU BZHIN, ,GRU CI 'DRA BAR KHYIM DE 'DRA, ,ME TOG CI 'DRAR GZUGS DE BZHIN, ,SROG NI CHU LPUR 'DRA BA YIN, ,DE SKAD BSHAD DE DE BSHAD PA'I, ,DGOS PA BSAM MKHAN NYIN SKAR TZAM, ,NGA YANG 'DI LTAR SMRA BA 'DI, ,DON MED CHAL CHOL KHO NA YIN, ,CI PHYIR ZHE NA SNGON GYI NI, ,DAM PAS GSUNGS RNAMS MI NYAN PAS, ,NGA YIS BYAS LA CI LA NYAN, ,ZHABS BRTAN BKA' RTZOM MANG PO 'DI, ,NGA YANG DPE CHA CHAG ROGS YIN, ,DGOS PA MI 'DUG GO BAR GYIS, ,KHO BO BSAM TSOD GZHAN YANG SMRA, ,KHA CIG DENG SANG GRA PA RNAMS, ,TSE THUNG TSE DBANG DGOS ZHES ZER, ,CHA PHYED TSE DBANG BUL BAS KYANG, ,YIN MOD 'ON KYANG ZHIB BSHAD NA, ,MI DGE SNA TSOGS

, ,BYED PA DANG, ,LHAG PAR CHANG 'THUNG THA MI KHA, ,'THEN 'DUG DE DAG SPANGS NA RING,, ` AOm BDE LEGS SU GYUR CIG ,THAMS CAD MKHYEN PA LA PHYAG 'TSAL LO, ,DE LA DGON GNAS DGA' LDAN DGE RGYAS GLING 'DIR BZHUGS PA'I DGE 'DUN RNAMS KYIS 'PHRAL GYI KUN SPYOD SPANG BLANG JI LTAR BYA BA LA, ,KUN SPYOD LEGS PA BSGRUB PA DANG, DE DANG 'GAL NA CHAD LAS JI LTAR BSGRUB PA'O, ,DANG PO NI, BSTAN PA RIN PO CHE 'JIG RTEN GYI KHAMS 'DIR YUN DU GNAS MI GNAS NI SO SO THAR PA'I BSLAB PA LA NAN TAN SNYING POR BYED PA'I GANG ZAG YOD MED LA RAG LUS PAS 'DIR 'KHOD PA'I DGE 'DUN THAMS CAD KYIS RANG RANG GI BSLAB PA LA GCES SPRAS SU BYED PA LA GTZO BOR GZUNGS PA'I THOG ,'DON CHOS SPYOD KYI RIM PA RNAMS SHIN TU BYANG BA DANG, DE YANG GDANGS ROL MO LA SOGS PA THAMS CAD 'JIG RTEN DVANG BA 'DREN NGES PA 'ONG BAR BYA BA'I THABS LA NAN TAN DU MDZAD DGOS, DE YANG ZLA BA NGO RE'I TSES BCO LNGA DANG GNAM STONG GI DUS SU GSO SBYONG BCU BZHI PA DANG, BCO LNGA PA GANG YANG RUNG BA MNGON DU GYUR PA DE'I TSE DGE SKOS NAS BSKOS PA'I GANG ZAG GIS GAndI'I BRDA SBYAR BA DANG MNYAM DU DGE SLONG RNAMS KYIS SPYOD LAM BAG YOD PA DANG BCAS PAS 'DUS NAS RANG RANG GI RGYUD LA BRTAGS TE LTUNG BA BSHAGS BSNGAMS RNAMS BYA ZHING, BYANG CHUB SEMS DPA'I BSHAGS PA DANG SNGAGS SDOM GYI BSHAGS PA'ANG BYA, DE NAS YANG GAndI'I BRDA DANG BSTUN NAS DGE TSUL RNAMS DANG LHAN CIG 'DUS NAS SKABS GSUM

PA LA SOGS PA'I CHOS SPYONG TSAR RJES SHES RAB SNYING PO DANG, GTOR MA CHA BZHI, PHYAG 'TSAL SOGS GZHI GSUM LAS 'BYUNG BA BZHIN LEGS PAR MDZAD NAS, CHOS BSGRAGS KYI MDO BTON RJES DGE TSUL RNAMS KYIS GSO SBYONG GI SNYING PO BYA, DE YANG DGE SLONG RE RE'I MDUN DU GSUM MAM, GNYIS SAM, GCIG GANG RUNG GIS BYA ZHING, DGE TSU RNAMS PHYIR THON RJES, ,SO THAR GYI MDO 'DON PA SOGS RNAM PAR DAG PA DANG, DBYAR SNGA MA ZHAL GYIS BZHES PA'I DBANG DU BYAS NAS, ZLA BA DRUG PA'I TSES BCO LNGA'I PHYI DRO'I TSE DBYAR KHAS LEN PA'I PHYIR GNAS BRTAN BSKO BA, STA GON GYI TSUL SHING 'GRIM PA, GNAS KHANG DANG GDAN STER BA, KHRIMS SGROG PA SOGS SNGON DU 'GRO BAS, TSES BCU DRUG GI SNGA DRO BA BSKOS PA'I GNAS BRTAN RNAMS KYI DRUNG DU GSUM GSUM DU BCAD NAS 'KHOD PAS KHAS LEN PA DANG, ZLA BA BDUN PA'I GNAM GANG GI NYIN LTUNG BA BSHAGS BSNGAMS SNGON DU 'GRO BAS RTZVA CHOG BYA BA DANG, DE'I RJES SU GNAS LA SRED PA SPONG BA'I PHYIR TU LJONGS RGYU BYA BA SOGS GZHI GSUM GYI CHO GA LAS 'BYUNG BA BZHIN BYA DGOS SHING, GZHI GSUM GYI PHYAG LEN DE MA NYAMS PA GTZO BOR GZUNGS PA'I THOG ,DUS KYI MCHOD PA SO SO DANG SBYIN BDAG GI SNANG NGO DANG BSTUN PA'I SKU RIM BYED DGOS GANG DAG BYUNG PA RNAMS LA TSOGS 'DU SOGS GANG SPYIR SPYOD LAM RNAMS BAG YOD PAS TSOGS TE, TSOGS SU'ANG BAG YOD PA KHO NAS 'KHOD CING, DE DAG GI TSE NA BZA' SOGS KUN SPYOD LEGS PAR BSTUN NAS 'JIG RTEN DVANG BA 'DREN NGES PA DANG, DBU MDZAD

, ,KYIS JI LTAR BSKUL BA'I ZHAL 'DON RNAMS THUGS BSAM RTZE GCIG PAS CHAL CHOL DU MA SONG BAR MDZAD, TSOGS 'DU'I TSE ZHAL 'DON MI MDZAD BAR KHA ROG 'DUG PA DANG, LONG TAM BYED PA DANG, PHYOGS SU BSKYOD DGOS DANG SPRO SPRO'I RIGS MDZAD PA'I TSE MDA' DANG ME MDA' SOGS 'PHEN PA DANG, RI DVAGS BRNGOD PA, CHANG 'THUNG BA, DGOS MED DU RTA'I PANG GTONG BA SOGS KHYIM PA'I KUN SPYOD KYI RIGS DANG, SROG CHAGS SOGS KYI TSONG KHE SPOGS BYED PA DANG, CHOS LDAN GYI DGOS PA MA YIN PAR TSONG GI RIGS BYED PA SOGS GTAN NAS MI BYA, LAS BYED SO SO NAS KYANG ^ DKON MCHOG RIN PO CHE RNAM PA GSUM DPANG DU BTZUGS TE KHRIMS KYI BYA BZHAG DANG, DGE 'DUN GYI GTONG SGO SOGS GANG SAR SEMS YA YOR CUNG ZAD KYANG MA GYUR PA LA 'BAD CING, KHRIMS DRANG POR BCAD PA LA GZHAN NAS PHYOGS 'THEN BYED PA DANG, GZHAN YANG PHAN TSUN GYI PHYOGS 'THEN BYED PA DANG, 'BAB KHUNGS DANG BSNYEN BKUR GYI CHED DU RTZOD PA LA SOGS PA GTAN NAS MI BYA, ,DE LTA BU'I SPANG BLANG LAS 'GAL BA'I RIGS BYUNG TSE, CHAD LAS JI LTAR BYA BA YANG, BCOM LDAN 'DAS THUGS RJE CAN GYIS, PHAM PAR GYUR BA'I CHOS BZHI LA SPYOD PA DE DGE SBYONG DU MI RUNG ZHING, ^ SH'AKYA'I SRAS KYI RA MI RUNG BAR GSUNGS PAS BUD MED DANG LUS 'BREL BA DANG, MI'AM MIR CHAGS PA'I GANG ZAG BSAD PA DANG, ZHO GANG DU LONGS PA'I DNGOS PO BRKUS PA DANG, YI DAM LHA SOGS ZHAL MA GZIGS BZHIN DU GZIGS PAR SMRA

BA SOGS PHAM PAR GYUR BA'I NYES PA GANG YANG RUNG BA BYUNG BAR GYUR PA NGES SHES 'PHROD PHYIN NYES PA DGE 'DUN GYI DBUS SU BSGRAGS TE GNAS NAS DBYUNG ZHING, DE YANG NYES PA KHAS LEN NA NOR DNGOS RNAMS CI BDER STE LA, KHAS MI LEN NA 'TSO BA'I YO BYAD PHRAN BUM GTOGS DGE 'DUN GYI SPYI RDZAS SU BYAS TE BGO SHA BYA, GSO SBYONG DANG DBYAR GNAS, DGAG DBYE LA SOGS PA'I DUS SU DGE SKOS LA GNANG BA MA NOS PAR RANG DGAR BSDAD PA SOGS BYUNG TSE, LAN RE GNYIS LA DGE SKOS KYIS BRDA SBYOR ZHING, DE NAS KYANG MI 'ONG NA THUB PA'I SNANG BRNYAN GYI DRUNG DU NYIN ZHAG GCIG NGES PAR THUB PA'I MAR ME LNGA 'BUL DU BCUG NAS TSOGS SU PHYAG BRGYA BYED DU GZHUG ,DUS RGYUN TSOGS SU KUN SPYOD MI MDZES PA'I RIGS BYUNG TSE DGE SKOS NAS SKABS SU GANG BABS KYI BRDA BYED, CHANG 'THUNG BA BYUNG TSE TSOGS SU PHYAG LNGA BRGYA BYED DU GZHUG CING, LAN GSUM GYI BAR DU DE LTAR BYAS NAS KYANG MI NYAN PAR YANG YANG BTUNG NA, BCOM LDAN 'DAS KYIS CHANG 'THUNG BA RNAMS STON PA RANG NYID KYI NYAN THOS MA YIN PAR GSUNGS PAS SBYOR BA 'JAM POS GNAS NAS DBYUNG ZHING, NAD PA LA SOGS PAS NI DGE SKOS LA GNANG BA NOD, MDA' SOGS MTSON CHA 'PHEN PA DANG, CHOS LDAN GYI DGOS PA MA YIN PAR TSONG SOGS BAG MED DU BYED PA BYUNG NA MTSON CHA'I RIGS RNAMS BLANGS TE BA SHIG CING, TSOGS SU PHYAG NYIS BRGYA BYED DU 'JUG ,RI DVAGS BRNGOD NA GNAS NAS 'BYIN, 'BAB KHUNGS PHAN TSUN GYI RTZOD GLENG DANG BSNYEN BKUR GYI PHYIR RTZOD PA SOGS BYAS NA ZHAG

, ,BDUN GYA RING DGE 'DUN GYI KHROD DU 'ONG BA BKAG NAS TSOGS SU PHYAG BRGYA BYAS TE SGRIGS 'GRIM DU GZHUG ,LAS TSA NA PA SO SO NAS KHRIMS 'KHYOG POR SPYOD PA SOGS BYUNG NA GRVA RIGS BGRES GRA NAS LEGS PAR GO BAR BYA, GZHAN YANG BYA BA BYED DGOS KYI RIGS THAMS CAD CHOS KHRIMS PA SOGS LAS BYED RNAMS NAS LEGS PAR BRTAGS TE, GTZO BOR CHOS 'DUL BA'I KUN SPYOD DANG MA 'GAL BA DANG, YUL DUS KYI KHRIMS RNAMS DANG BSTUN TE HA CANG LHOD PAS BAG MED PAR SPYOD PA DANG, HA CANG GIS TSA NGAD CHES PAS RGYAL KHRIMS LTA BUR SPYOD PA MA YIN PAR, THANG LHOD RAN PAR SPYAD DE SBYIR SANGS RGYAS KYI BSTAN PA DANG SGOS SU CHOS KYI RGYAL PO RGYAL BA GNYIS PA'I BSTAN PA RIN PO CHE YAR RGYAS SU 'GYUR BA'I THABS LA BRTZON PAR BYAS NA 'DI PHYI'I BDE LEGS THAMS CAD KYI RTZA BA TSUGS PAR 'GYUR RO, ,'DUL KHRIMS LEGS BSHAD RIN CHEN NOR BU'I 'PHRENG, ,RNAM DPYOD SRAD BU DAG LA BRGYUS PA 'DIS, ,BYANG PHYOGS YUL GRUR LEGS BSHAD BDUD RTZI'I CHAR, ,'BEBS PA'I DBYAR GYI SPRIN LTAR 'GYUR BAR NGES,, ZHES DGA' LDAN DGE RGYAS GLING GI KHRIMS SU BCA' BA'I GTAM 'DI NI, KHAL KHA'I YUL GRU NAS DZ'A YA PAndI TA KHO THOG THUS BSKUL MA MDZAD PA LTAR, BKRA SHIS LHUN GYIS GRUB PA'I CHOS GRVA CHEN PO'I SPO LA CHOS KYI SENGGE'I SGRA DBYANGS SGROG PA'I SH'AKYA'I DGE SLONG BLO BZANG DPAL LDAN YE SHES DPAL BZANG POS NYI SGROL BYED CES BA SHING PHO SBRE'U'I LO DGUN ZLA THA CHUNG GI TSES BCO LNGA LA CHOS GRVA CHEN PO BKRA SHIS LHUN BO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING CHEN PO'I GZIMS KHANG RGYAL MTSAN MTHON BO NAS BRIS,, ` AOm BDE

LEGS SU GYUR CIG ,'DIR GRUB PA THOB PA DANG RIG PA 'DZIN BA RNAMS KYI 'KHOR LOS BSGYUR BA'I RGYAL PO CHEN PO, LHA DANG BCAS PA'I 'JIG RTEN THAMS CAD KYI SKYABS GCIG PU, TSANGS PA DANG BRGYA BYIN DANG GU LANG LA SOGS PA'I DREGS LDAN THAMS CAD KYI GTZUG GI NOR BU 'ONG 'BAR BAS ZHABS MTHIL GYI RDUL LA KUN TU RTZE BA THOB PA'I RNAL 'BYOR GYI DBANG PHYUG DAM PA ^ DBAL BLO BZANG DON YOD GRUB PA'I SGYU 'PHRUL GYI RAL PA LAS BYUNG BA'I DBEN GNAS CHEN PO DBEN SA CHOS KYI PHO BRANG NA BZHUGS PA'I DGE 'DUN RNAMS KYI NANG KHRIMS LA SLAR YANG BSNYEL GSOS KYI RIM PA CUNG ZAD CIG 'DIR GLENG BAR BYA'O, ,DE YANG RJE ^ BLO BZANG DON YOD GRUB PA NYID KYIS, 'DUL BA DANG BYANG SEMS DANG GSANG SNGAGS KYI BSLAB BYA CHEN MO RNAMS LA SLOB PA'I KUN SBYOD KYI GZHI PHYOGS GCIG TU BSDUS PA'I BCA' YIG MDZAD PA DANG, MKHAS GRUB DAM PA SANGS RGYAS YE SHES KYIS MDZAD PA DANG, RNAL 'BYOR SPYOD PA'I DGE SLONG BGRES GRA RNAMS BGROS GLENG GI SGO NAS MDZAD PA'I BCA' YIG DANG, DE LA'ANG RGYAB SNON GYI TSUL DANG DUS DBANG GIS YUL SROL 'GYUR RIG SA LA BRTEN PA'I 'BYIN 'JUG 'OS RIGS LEGS PAR MDZAD PA'I BCA' YIG ^ PAn CHEN CHOS KYI RGYAL MTSAN GYIS MDZAD PA RNAMS NI, GZHI BCU BDUN DANG, LUNG RNAM 'BYED DANG, LUNG PHRAN TSEGS DANG, GZHUNG DAM PA RNAMS LAS 'BYUNG BA'I SO SO THAR PA'I KHRIMS KYI GZHI GTZO BOR GZUNGS PA'I STENG RGYAL SRAS KYI SNGOM PA'I BSLAB BYA DANG RIG PA 'DZIN PA'I BSLAB BYA SOGS KYANG LEGS PAR TSANG BA DANG,

, ,'JIG RTEN DVANG BA 'DREN PA'I MI CHOS DGOS NGES KYI RIGS KYIS KYANG LEGS BAR BRGYAN TE, RJE RGYAL BA GNYIS BA NAS BZUNGS RTZA BA'I BLA MA'I BAR, RANG RE'I SNYAN BRGYUD KYI BSTAN PA RIN PO CHE 'DI LA SLOB PA'I 'DUS SDE RNAMS KYI THUGS RGYUD LA YOD PA'I YON TAN CHE PHRA THAMS CAD RDZING NA YOD PA'I PADMO LTA BUR YAR RGYAS SU GYUR PA DANG, BAG MED PA'I BLO'I CHU BO MA LUS PA'I 'GOG BA'I CHU LON BRTAN PO LTAR BZHUGS PAS, SBANG BLANG BYA BA'I GZHI DE LAS KHYAD PAR DU 'PHAGS PA CUNG ZAD KYANG BRJOD DU MED MOD, BAR SKABS SHIG BDUD KYIS NGES PAR BYIN GYIS BRLABS PA'I SKYE BO 'GA' ZHIG NAS, DGE SBYONG GI CHOS BZHI LA GNAS DGOS PA LA SOGS BA RANG GIS MKHAN SLOB KYI SPYAN SNGAR KHAS BLANGS PA'I BSLAB BYA THAMS CAD MI GTZANG BA PHYIS PA'I RDO BZHIN DU BSKYUR NAS KHA ZAS DANG, DNGOS PO'I RNYED PA BZANG NGAN CUNG ZAD LAS GZHI SLENGS TE, DGE 'DUN PHAN TSUN DKRUG SHING GI RTZOD GZHI CHE TZAM BYUNG BAR BRTAN, GAN LA BAB PA'I THE'U 'JOG DGOS PA BYUNG BAR SNANG, 'DI THAMS CAD KYI RTZA BA GANG LA THUG BRTZAD DPYAD PA NA, RGYU GNYIS TE 'GNAM BAB PA'I GANG ZAG RNAMS KYIS SGRIGS LAM KUN SBYOD DANG, BSNYEN BKUR BZANG NGAN SOGS KYI 'GAN CHEN PO LEN PA DANG, 'GAN BAB PA'I GANG ZAG RNAMS KYIS RANG GI ZA SGO DANG CHEN PO'I NGO 'DZIN 'GA' ZHIG LA BRTEN NAS, DGE 'DUN GYI NANG KHRIMS BTANG SNYOMS SU BOR BA'I SKYON LAS BYUNG BAR GDA', DES NA DANG PO DE'I GNYEN PO NI 'DI LTAR BYA STE, DE LA'ANG RANG CAG

RAB TU BYUNG BA RNAMS NI, CHOS KYI RGYAL PO SANGS RGYAS BCOM LDAN 'DAS KYI CHOS KHRIMS RNAM PAR DAG PAS 'TSO BA YIN PAS, RANG GIS CHOS DANG MTHUN PA'I BSAM MNO GTANG BA DANG RGAD PO BSLAB BYA LA DBANG BA LA SOGS PA THOS PA DANG NA TSOD KYIS RGAN RIM GYIS BLO GROS NGAN PA DANG GZHON NU'I RIGS LA BSLAB BYA LEGS PAR BRJOD DE, SO SO THAR BA GTZO BOR GYUR PA'I KHRIMS KYI GZHI LA BYANG BA DANG, KHYAD PAR DU DBEN GNAS SU BZHUGS PA YIN STABS, DGE SLONG RNAMS KYIS RANG NYID GNAS SHING DRUNG BA DANG, ZAS BSOD SNYOMS PA DANG, 'TSO BA STAN GCIG PA DANG, GOS PHYAG DAR KHROD PA DANG, SMAN BGUS TE POR BA RNAMS KYIS 'TSO BAR BYA BA YIN PA DANG, GSHE YANG SLAR MI GSHE BA DANG, BRDEG KYANG SLAR MI BRDEG PA DANG MTSAD BRUS KYANG SLAR MI 'BRU BA LA SLOB PAR KHAS BLANGS PA DANG, DGE TSUL RNAMS KYIS KYANG PHAL CHE BA DE DANG RJES SU MTHUN PAR SLOB PAR KHAS BLANGS PA RNAMS THUGS LA NGES PAR BYAS NAS SLOB PAR MDZAD NA BCA' YIG RNAMS KYI DGONGS DON DANG 'GAL RIGS 'ONG DON CUD ZAD KYANG MED, DE YANG DA LTA DUS KYANG RAB TU SNYIGS MA LA THUG PA DANG, CHOS BYED RNAMS LA PHYI NANG GI BAR GCOD MANG BA SOGS KYI RKYEN LA BRTEN NAS, DE LTA BU JI BZHIN 'GRUB PA DKA' DKA' LTAR SNANG MOD, MGON PO ZHI BA LHAS, GOMS TE SLA BAR MI 'GYUR BA'I, ,DNGOS DE GANG YANG YOD MA YIN, ,DE BAS GNOD PA CHUD GOMS SHING, ,GNOD PA CHEN PO'ANG BZOD PAR BYOS, ZHES GSUNGS BA LTAR, PHAN TSUN MI MTHUN PA DANG BCA' YIG RNAMS KYI DGONGS DON

, ,DANG 'GAL RIGS GONG DU BSHAD PA DE DAG GI GZHI RTZA CHOS KYI PHYIR TU DKA' BCUNG ZAD KYANG SBYOD MA NUS PA LA THUG PAS, DGE 'DUN SO SO NAS CUNG ZAD BSNYEN BKUR BZANG NGAN DANG, LAS BYED SO SO'I BYED SBYOD THUGS YUL DU 'BAB MIN LA KHRO BA MI MDZAD BAR RANG RGYUD 'DUL BA'I THABS LA GTZO BOR BSLAB PAR MDZAD NA, DGE 'DUN CHE PHRA TSANG MA THUGS MTHUN PA DANG ,PHAN TSUN DAM CHIG LA SEL LHAD MA ZHUGS PA'I MTHU LA BRTEN NAS YON TAN GYI TSOGS GONG NAS GONG DU 'PHEL BAR 'GYUR BA YIN, GNYIS PA DE'I GNYEN PO NI, LAS BYED SO SO NAS KYANG NGA 'DIR ZA RU 'ONGS PA YIN SNYAM PA MI BYA ZHING, DGE 'DUN YUL GNYAN PA'I MTHAR THUG PA YIN PA YID LA BZHAG NAS, GTZO BOR KHRIMS KYI LAS RNAMS BCA' YIG DANG GAN RGYA SO SO'I DGONGS DON LTAR SBYOD PA LA NGO DGA' DANG NOR RJES SOGS SU 'BRANG BA MA YIN PAR GZHUNG SRONG BA DANG, GTONG SPO DGOS RIGS THAMS CAD ZHA CHAG MED BAR DKON MCHOG GSUM THUGS MA KHREL BAR 'GYUR NGES BYED PA GAL CHE, TSUL 'DI GNYIS LA GNAS NA DGE 'DUN RNAMS THUGS MTHUN PA DANG KHRIMS GTZANG BA'I RTZER SON PA 'ONG BA YIN, MDOR BSDU NA, BYAMS PA SENGGE SGRA'I MDO LAS, BYAMS PA 'PHAGS PA'I CHOS 'DUL PA 'DI LA DUG CES BYA BA DE NI 'DI LTA STE, BSLAB PA'I GZHI JI LTAR BCAS PA DAG LAS 'DA' BAR BYED PA YIN PAS, KHYED CAG GIS NI DUG ZA BAR MI BYA'O, ZHES GSUNGS PA LTAR, RAB TU BYUNG BA RNAMS KYIS SO SOR THAR PA'I BSLAB BYA SBYI

DANG, KHYAD PAR DU DGE 'DUN THUGS MTHUN PA'I GZHI LAS 'GAL BAR BYED PA NI DUG ZA BA DANG MTSUNGS PAR SHES PAR MDZAD NAS RNAM PA KUN TU SPONG BAR MDZOD, DANG TSUL DE LA GNAS BZHIN PA NAS LAM GYI GTZO BO GSUM GZHUNG SHING DU BYAS PA'I LAM GYI RIM PA DANG, SNYIGS DUS KYI TSE 'DI NYID LA RDO RJE 'CHANG CHEN PO'I GO 'PHANG BDE BLAG TU STER BAR BYED PA'I LAM RIM PA GNYIS LA BLO SBYONG BA GTZO BOR GZUNG ZHING, 'DON CHOS SBYOD DBYANGS ROL GAR THIG LA SOGS PA THAMS CAD BSTAN PA RIN PO CHE DBU 'PHANG MTHO NGES PA 'ONG BA CIS KYANG MDZAD DGOS DGOS DGOS, BSLAB PA NOD PA'I DGE SLONG DAG ,DBEN PA DAG KYANG THOB PAR SHOG ,G-YENG BA THAMS CAD SPANGS NAS NI, ,SEMS NI LAS RUNG BSGOM GYUR CIG ,'DUL BA BYANG SEMS GSANG SNGAGS KYI, ,SBYOD BZANG SNYING PO'I GNAD BSDUS PA, ,'DI NI THUB PA'I BSTAN PA LA, ,SLAR YANG NYIN BYED LTA BUR 'GYUR, ,TSIG 'DIR YID BRTAN BYAS GYUR NA, ,'DI PHYI'I BDE LEGS THAMS CAD 'GRUB, ,CHOS DANG 'JIG RTEN LUGS GNYIS KA ,GSAL PAR STON PA'I ME LONG NGO, ,SNGON GYI KHRIMS YIG DE DAG DANG, ,DON 'DI LAS NI 'GAL BA RNAMS, ,SRIN PO DRAG TU KHROS 'DRA PA'I, ,DPAL MGON LHA MOS BSGRAL TE DRONGS,, ZHES GRUB PA'I GNAS MCHOG DPEN SA CHOS KYI PHO BRANG PA RNAMS KYI BCA' YIG LE TSAN DANG GAN RGYA'I YI GE BCAS KYI RGYAB SON DU BRJOD PA'I GTAM GNAD KYI KHONG GZER LTA BU 'DI NI SNGAR GYI DUS SHIG GRVA PA RE GNYIS NAS BCA' YIG LE TSAN GYI DGONGS DON DANG 'GAL BA'I DKRUG SHING BYAS PAR BRTEN, SLAN CHAD MTHA' NGES BAR 'DOMS PAR 'GYUR BA'I CHED DU RGYAL KHRIMS KYI CHA SHAS

, ,GAN RGYA'I YI GE BCAS BZHAG 'DUG KYANG, DA DUNG DUS DBANG GIS MI RNAMS DMU RGOD PA DANG, NYE SKOR GYI GZHIS DGON 'GA' ZHIG TU'ANG PHAN TSUN DKRUG SHING GIS 'THAB RTZOD BYUNG BAS RKYEN BYAS, 'GA' ZHIG NAS BRGAL RTZOD KYI GLENG MO CHAL CHOL SMAS SKAD DANG, KHRIMS KYI BYA BA RNAMS 'PHYUGS PA 'GA' RE BYUNG BAS RKYEN BYAS, SLAR YANG DGE 'DUN RNAMS LA BSNYEL GSO LTA BU'I RGYAB SNON GYI BCA' YIG 'DI LTA BU ZHIG DGOS ZHES DBEN DGON DRUNG CHEN DKA' CHEN DGE SLONG BLO BZANG DPAL 'BYOR GYIS BSKUL LTAR, SKYON GYI GNAD RNAMS LA PHAN PA'I SEMS KYIS DUS DRAN PA NYE BAR BSTEN TE MTSAD NAS BRUS TE BRJOD BA 'DI NA MANG DU THOS PA'I DGE SLONG SPANG PA PA ^ BLO BZANG DPAL LDAN YE SHES KYIS SA SKYONG ZHES BA SHING MO BYA'I LO'I DBYID ZLAR BA'I TSES DGU CHO 'PHRUL GYI DUS SU SBYAR BA 'DI'I GNYER KHA DPAL MGON SDE LNGA LHA MO RNAM GSUM DANG BCAS PAS MDZOD LA 'GAL BYED RNAMS KYI SNYING KHRAG DANG BCAS PA ZHAL DU GSOL ZHIG ,MANGGA LAm,, ` AOm BDE LEGS SU GYUR CIG ,LHA MI'I RNAM 'DREN SH'AKYA'I RGYAL PO DANG, ,DBYER MED CHOS KYI RGYAL PO TZONG KHA PA, ,YAB SRAS BRGYUD PAR BCAS LA GUS BTUD NAS, ,RNAM DAG BSLAB PA'I BCA' KHRIMS BRJOD PAR BYA, ,DE YANG BZHAD 'BRUD PHU CHOS SDINGS DGON GRVA TSANG 'DIR TSOGS PA'I GRVA RIGS RNAMS KYIS SPANG BLA JI LTAR BYA BA'I RIM PA NI, ^ RGYAL BA YAB SRAS KYI ZHABS BRTAN DANG, THUB BSTAN SPYI DANG BYE BRAG ^ 'JAM MGON CHOS KYI RGYAL PO TZONG KHA PA CHEN PO'I LUNG RTOGS KYI BSTAN PA RIN PO CHE THA GRUR RGYAS PA'I CHED DU ^ PAn CHEN THAMS CAD MKHYEN CING GZIGS PA CHEN PO RJE BTZUN BLO BZANG YE SHES DPAL BZANG PO NAS, 'BRUNG PHU DGON GRVA RIGS

RNAMS LA GRVA KHANG, GRVA ZHING GI GZHI RTEN SOGS THUGS RJE CHEN POS BSKYANGS PA'I BKA' DRIN CHEN PO CHUD ZOS SU MA SONG BA 'CHAD NYAN THOS BSAM GONG 'PHEL DGOS RGYUR, GTZO BOR RTZA BA BZHI'I BSRUD SDOM GLENG MED 'GAD GTZANG DOS, BSLAB PA YONGS SU SBYONG BA'I THABS GSO SBYONG, DBYAR GNAS, DGAG DBYE GSUM GYI PHYAG LEN MI NYAMS PAR SKYONG, DE'I STENG NAS BSLAB PA GSUM GYI BCAS MTSAMS STON PA'I SO THAR BYAD SEMS SNGAGS KYI BSLAB BYA RGYAS BSDUS CI RIGS PA RNAMS LA BLTA RTOG BYED CING, PHAN YON NYES DMIGS RNAMS LEGS PAR BSAMS NAS BLANG DOR LA BLO GROS KYI RTZAL CI YOD KYIS 'BAD PAR BYA ZHING, DE YANG DGON 'DI NYID SNGAGS GRVA YIN GSHIS BSKANG BSGRUB MCHOD KYIS MTSON CHOS SBYOD 'DON CHA'I RIGS 'DZIN SKYOR LA RANG BRTZON DANG, MGO YOD NAS BSKUL MA THEM NAN BYED PA GAL CHE ZHING, GSAR BU BA RNAMS LO BDUN LON PHYIN RAB BYUNG 'PHRAL SGRUB BYED PA DANG, RGYUN GTAN 'DU TSOGS KUN SPYOD SGRIGS LAM BYA LUGS, DUD THENG GSUM BTANG BA'I GNYIS PA'I THOG TSANG MA BSDEBS 'TSOGS GRUB PA DANG, GSUM PAR CHOS SPYOD KYI MGO TSUGS PA BYED CING, DUNG GNYIS PA LAS 'GYANGS TSE PHYAG GSUM RE BYAS RJES GRAL LA BSLAB GRAL DANG, DGE BSHES YON TAN CHE BA'I RIGS LA BKUR ZOS GANG CHE BYED DGOS, DANG PO TSOGS PA NAS MA GROL RING LA LUS GNAD BSRANGS NAS SDOD PA LAS, GZHOGS BSNYES, GNYID LOG PA, BZHAD GAD, LONG GTAM BYED PA, CHAB MA BTANG BAR DGOS MED DU 'GRO

10a

, ,BA DANG, GOS PHU THUNG CAN DANG KHA MA BSGYUR BA GYON PA SOGS KHYIM PA DANG 'DRA BA'I SPYOD LAM MI MDZES PA GTAN NAS MI BYED, RGYUN PAR 'DON CHA SKYABS 'GRO SEMS BSKYED, SA LAM, RGYAL BA YAB SRAS KYI ZHABS BRTAN, GNAS BRTAN PHYAG MCHOD, SMON LAM GYI RIGS, SKU RIM RNAM GSUM DANG, SHER SNYING ZLOG BA SOGS CHOS SBYOD GANG 'TSAMS RNAMS CHAG MED STAR CHAGS BYED, DA PHYIN SBYIN BDAG SO SO'I 'DOD SBYAR RIM GRO BSKANG BA SMON LAM SOGS GANG LA CI DGOS 'GRO GANG CHE BYED, STON PAS CHANG SROG GI PHYIR YANG MA GNANG BAS, DGE TSUL SLONG SUS KYANG BTUNG MI CHOG ,YUL DUS GNAS SKABS GANG DU'ANG PHRENG BA CHAB BLUG ,GZAN CHEN SOGS RAB BYUNG GI RTAGS CHA LUGS DANG MA BRAL BA BYED DGOS, RNAM RGYAL SGRUB MCHOD GROL SKABS NYIN PHYED GNYIS MA GTOGS MTHO MTSAMS TSUN LA CHANG MI GTONG, DON GNYER LA YONG MI RNAMS KYANG STED GYON MED BAR MTHO MTSAMS TSUN LA 'ONGS MI CHOG ,SBYI SA MI KHROL MED NGES YIN NA CHOS THOG GI RING CHU SHING LEN MI BUD MED GCIG NYIN PAR YOD DGOS BYUNG TSE DBU CHOS GNYIS KAR GNANG BZHU BA DANG, CHOS THOG GROL NAS NYIN GCIG KYANG 'ONGS MI CHOG ,GZHAN MA G-YUL DANG, THAL 'DON, RNAM RGYAL GROL SKABS MA GTOGS MTHO MTSAMS TSUN LA DRAG ZHAN SUS KYANG CHANG DANG BUD MED RIGS GTONG LEN MI BYED, KHYIM PA RNAMS BSOD NAMS GSOG PA'I PHYIR GTONG BA'I GNAS SKABS BUD MED DANG CHANG SOGS DGON NANG DU 'ONG BA'I DUS SU CHANG RA RO NGES SU 'THUNG BA

10b

DANG; NYE DU MA YIN PA'I BUD MED DANG LHAN CIG DBEN PA SKYABS YOD DU GNAS PA SOGS GTAN NAS MI BYED, DBYAR GNAS ZLA BA PHYED GNYIS KYI RING BDAG BZUNG DUD 'GRO'I RIGS GLING NANG DU MI BSTEN CING, DGON NANG DU RGYUD 'BOD BYED PA, MDA' DANG RDO SGOR RGYAG PA, BZA' BTUNG RE MOS LA BSNYAD PA'I GNYIS GSUM TSOGS NAS DAG 'CHAL SMRA BA SOGS 'DUL KHRIMS DANG 'GAL BA'I RIGS BYAS NA MI THUS SHING, 'GYED TSA RA GTONG LUGS BLA BRANG LA GSUM SKAL, DBU CHOS SBYIS BCAS SO SOR NYIS SKAL RNAMS SPROD CING, RTZA BA BZHI DANG 'GAL BA'I GNAS DBYUNG BYED DGOS BYUNG TSE BLA BRANG LA SNAM DKAR BUBS KYIS MTSON PA'I DGU TSAN, CHAD LAS GSAR ZHO GANG NAS DO'I BAR 'GAL TSA BA DANG BSTUN PA 'GEL ZHING, ^ CHOS SKYONG LA SNYAN SHAL; DBU CHOS LA RNAM GZHAG ,SDER KHA TSA RA SOGS SNGAR SROL LTAR BYED DGOS, NAG CHAD BSRUNG MTSAMS TSUN LA RA LUG KYANG MI GTONG, SBYI SO NAS GSER TSOD LA 'GRO YANG GRVA RIGS NAS DGONGS PA ZHUS KHROL GYI BLA MA MJAL BA, CHES ZHU BA; GNAS BSKOR YANG DAG YIN NA 'GRO BA LAS, DER KHA G-YAR GYI TSONG SOGS KUN SBYOD SNA TSOGS KYI 'GRO 'DUG BYAS MI CHOG ,GRVA KHANG SO SOR PHRIN SBYOR BYED TSE RDO TING NGAL BUS BRDUNG BA LAS, RGYAD SKAD KYIS 'BOD BA SOGS MI BYED, GAL SRID GONG GSAL SGRIGS LAM KUN SBYOD LAS 'GAL RIGS CHE PHRA CI BYUNG YANG SKU TSAB DANG DBU CHOS SOGS MGO YOD RNAMS NAS NYE RING SPANGS PA'I DRANG BZHAG DBYIBS BLTAS KYI CHOS 'DUL BA'I PHYAG LEN GTZO BOR BZHAG PA'I NYES CHAD 'GEL BKOD

11a

, ,BYED, GZHAN YANG CHOS SPYOD CHO GA, THOS BSAM SGOM GSUM SOGS KUN SPYOD TSAD MA BSTAN BA RIN PO CHE'I GSAL BYED MIG LTOS LA GANG PHAN BYAD DGOS PA BCAS MGO YOD NAS YUL DUS GNAS SKABS DANG BSTUN BABS 'BREL DANG MTSUNGS PA'I BKOD KHYAB KHUR BSAM CHE BA BYED DGOS, MGO YOD LAS SNE BA RNAMS NAS NGA STAN PA DANG GRVA TSANG GI LA RGYA BSAMS PA'I 'DZIN SKYOD BYED SGO TSANG MA PHYOGS LHUNG, NYE 'GYANGS, RANG 'DOD SBANGS PA'I LHAG BSAM RNAM DAG BYED CING; DE LTAR BYAS RJES GRA RIGS BYINGS NAS MGO 'OG TU LUS MI TSUD PA'I GZUMS BKOD, KHA SLOG BYAS RIGS LA NYES TSAB DANG BSTUN PA'I CHAD PA GTONG, LAG SLOG PA SOGS TSAB CHE BYUNG NA CHAS DNGOS LEN CING, DE 'PHRAL GNAS DBYUNG BYED, SPYI SA NAS KYANG BABS DANG BSTUN PA'I ZHABS 'GYUR GANG 'GRUB ZHU BA LAS, GLING NANG DU LAG LAS BYED PA, STENG GYON MED PAR GLING GSEB TU 'GRO BA, KU CO SKAD SMRA BYED PA SOGS KHYIM PA SUN 'BYIN GYI RIGS GTAN NAS BYAS NA MI THUS; SO NAM BAS KYANG SPANG BLANG RNAMS SPYI SA JI LTA BA BZHIN BYED DGOS, MDOR NA LAS SNE GRVA DMANGS TSANG MAS ^ MCHOG GSUM RIN PO CHE DANG, LAS 'BRAS DBANG DU BTZUGS PA'I BYA BZHAG DANG RANG GZHAN GYI MTHO RIS DANG THAR PA'I RGYUR 'GRO BA'I MIG LTOS YAR 'GRAN GYIS SANGS RGYAS BSTAN PA'I CHU BO DBYAR GYI CHU KLUNG LTAR RGYAS PA'I BLANG DOR BGYI 'OS TSUL BZHIN YONG PA GAL CHE, GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHOG, RTAG TU DGE 'DUN MTHUN PA DANG,,

11b

DGE 'DUN DON YANG 'GRUB PAR SHOG ,BKRA SHIS, ZHES BZHAD 'BRUD PHU CHOS SDINGS DGON GRVA TSANG GI KHRIMS SU BCA' BA'I GTAM 'DI NI, AER TE NI NO YON MKHAN PO BLO BZANG SBYIN PAS 'DI LTA BU ZHIG DGOS ZHES BSKUL BA LA BRTEN NAS SGRIGS RNAMS KUN SPYOD SNGAR SROL GZHIR BZHAG THOG BSGYUR BCOS CUNG ZAD DGOS RIGS KYANG BGYIS TE ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` THAMS CAD MKHYEN PA LA PHYAG 'TSAL LO, ,SO SOR THAR PA'I MDO'I GLENG GZHI LAS, TSE DANG LDAN PA DAG RGA BA DANG 'CHI BA MNGON PAR 'ONG ZHING, STON PA'I BSTAN PA YANG 'JIG PAR 'GYUR BAS, TSE DANG LDAN PA DAG GIS BAG YOD PA LA RNAL 'BYOR DU BYA'O, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB DANG GZHAN GANG DAG DE LTA BU'I DGE BA'I CHOS BYANG CHUB KYI PHYOGS DANG MTHUN PA RNAMS KYANG BAG YOD PAS 'THOB BO ZHES GSUNGS PA LTAR, BSTAN PA'I RTZA BA SO SOR THAR PA'I SDOM PA'I MCHOG DGE SLONG GI SDOM PA RGYUD LA LDAN PA'I GANG ZAG RNAMS KYIS, RANG RGYUD KYI SDOM PA RNAM PAR DAG PAR BYA BA'I PHYIR RTAG TU BAG YOD PAR GNAS PA'I CHED DU 'BAD PA BYED DGOS, BAG YOD LA GNAS PHYIN RANG RGYUD KYI TSUL KHRIMS RNAM DAG NGES PAR 'ONG, DE YANG STONG PA THUGS RJE CAN SH'AKYA'I RGYAL PO DES DGE SLONG RNAMS LA BSRUNG RGYU'I KHRIMS NYIS BRGYA LNGA BCU RTZA GSUM GSUNGS SHING, THAR PA THOB 'DOD PA RNAMS KYIS DE THAMS CAD SROG DANG BSDOS TE BSRUNG DGOS PA NGES PAR YIN, DE LTA NA'ANG DUS SHIN TU SNYIGS PA'I TSE DBANG PO RTUL PO BSLAB BYA RGYA CHER MI SHES PA DANG, YUL DUS KYI SROL DANG MTHUN PAR 'JUG

12a

, ,DGOS PA 'GA' ZHIG LA, CI PHYIR ZHE NA SKYOB PA DUS LA GZIGS ZHES GSUNGS PA LTAR, BSLAB PA'I CHA 'GA' ZHIG BAG YANGS SU SPYOD PAR GSUNGS SHING, BAG YANGS SU SBYOD PA'I TSE YANG TSUL KHRIMS KYI PHUNG PO YONGS SU RDZOGS PAR BYED DGOS PAR GSUNGS PAS, LAM 'DI LA SLOB PA'I GANG ZAG GIS THOG MAR DGE SBYONG GI CHOS BZHI LEGS PAR SHES PAR BYA'O, ,DE GANG ZHE NA, KHROS KYANG SLAR MI KHRO BA DANG, GSHE YANG SLAR MI GSHE BA DANG, BRDEG KYANG SLAR MI BRDEG PA DANG, MTSAD BRUS KYANG SLAR MI 'BRU BA STE, BZHI PO DE LA GNAS PA LA BRTZON 'GRUS BSKYED DGOS, DE LAM BSLAB NA KHONG KHRO BA'I BDAG NYID DU 'GYUR ZHING, KHONG KHRO BA'I BDAG NYID DU GYUR NA NYON MONGS PA JE 'PHEL DU 'GYUR RO, , DES NA THOG MAR DGE SLONG RNAMS KYIS RANG GI KHONG KHRO SPONG BA'I THABS KHO NA LA 'BAD PA 'DON DGOS, DE LTAR BZOD PA NGES PAR GOMS PAR BYAS NAS CHOG SHES PA LA BSLAB DGOS TE, CHO GA MI SHES PA NI 'DOD PA LA DON GNYER SKYE BA'I GZHI YIN PAS, RANG GIS DGE SLONG BSGRUB PA'I DUS SU GNAS MAL SHING DRUNG TZAM DANG, ZAS BSOD SNYOMS TZAM DANG, GOS PHYAG DAR KHROD PA DANG, SMAN BKUS TE BOR BA DANG, 'TSO BSTAN GCIG PA RNAMS KYIS 'TSO BAR KHAS BLANGS PA DANG 'BAD RTZOL LA MI LTOS PAR RNYED NA, GOS KARshA PA nA 'BUM RI BA DANG, KHANG BA BRTZEGS PA LNGA BRGYA PA'ANG LONGS SPYOD DU GNANG LA, DE DAG KYANG YID BRTAN MI RUNG ZHING, SDUG BSNGAL BSKYED PA'I GZHIR SHES PAR BYAS NAS, DKON MCHOG

12b

GSUM LA MCHOD PA'I PHYIR DANG RANG GI MKHAN PO DANG SLOB DPON LA MCHOD PA'I CHED DU LONGS SPYOD PAR BYA BA LA SLOB PAR KHAS BLANGS PA DRAN PAR BYAS LA, CHAS DNGOS DANG LONGS SPYOD KYI RIGS LA CHAGS ZHEN SPONG GANG THUB DANG, RANG GI SHUGS LA BYUNG BA'I LONGS SPYOD RNAMS LA SRED PA MI SKYE BAR BDAG GI 'DI NI CHOS BSGRUB PA'I CHED DU LUS RTEN 'DI 'TSO BA'I PHYIR LONGS SPYOD SNYAM PA DANG, BDAG GIS SNYING PO MED PA'I LONGS SPYOD 'DI DAG DKON MCHOG GSUM MCHOD PA'I RDZAS SU BSGYUR TE SNYING PO LEN SNYAM PA BYA, BSLAB PA 'JIG PA'I GZHI NI PHAM PAR GYUR PA'I CHOS BZHI YIN PAS, DE BZHI DANG, DE'I NYE BA'I CHA LHAG MA'I SDE TSAN 'GA' ZHIG SROG SDOS BYAS TE SRUNG DGOS PAS, PHAM PA BZHI PO 'DI NGOS ZIN PAR BYAS NAS SRUNGS, DE YANG GANG ZHE NA, SKYES PA'AM BUD MED GANG YANG RUNG BA'I KHA DANG BSHAD LAM DANG, MO'I DBANG PO RNAMS SU 'KHRIG PA SPYOD 'DOD KYI BLOS RANG GI DBANG PO MA NYAMS PA BCUG STE KHU BA PHUNG ZHING, REG PA'I TSOR BA LA BDAG GIR BYAS TE DGA' BA BSGOM PA DANG; SEMS CAN DUD 'GRO'I RIGS GANG YANG RUNG BA LA DE LTAR BYED PA NI MI TSANGS SPYOD DANG, MI'I NOR ZHO GANG DU LONGS PA TSUN CHOD LA BA RNAB SEMS KYIS KUN NAS BSLANGS TE BRKUS NAS THOB PA NI MA BYIN LEN DANG, MI 'AM MNGAL DU CHAGS MA THAG PA'I MI GSONG 'DOD KYI BSAM PAS RANG GIS BYAS SAM, GZHAN BYED DU BCUG STE MTSON CHA'AM DUG GAM, LOG PA'I RIG SNGAGS KYI SBYOR BAS RTZOL BA BYAS TE RANG GI SNGON DU PHA ROL PO SHI PA NI SROG GCOD PA, PHA ROL GYI GANG ZAG SMRA SHES DON GO

13a

, ,PAR SHES SHING, DE BSLU BA'I BSAM PAS RANG LA YON TAN DE DAG MED BZHIN DU, NGAS DGRA BCOM PA THOB BO ZHES SAM, NGAS SANGS RGYAS DANG MJAL TE CHOS 'DI LTA BU NYAN NO ZHES PA LTA BU'AM, NGA LA TSANGS PA DANG BRGYA BYIN DANG DBANG PHYUG LA SOGS PAS PHYAG 'TSAL ZHING CHOS KYANG NYAN LA, NGAS KYANG GDAMS DAG 'DI LTAR BSTAN TO ZHES PA LTA BU SMRAS NAS, PHA ROL GYIS DON GO BA NI, MI CHOS BLA MA'I RDZUN SMRA BA STE, PHAM PA BZHI PO GANG RUNG BYUNG MA THAG TU DGE SLONG GI SDOM PA NYAMS NAS, DGE SLONG GI GRAL NAS BUD DE TSE 'DIR KHYIM PA'I RIGS MA RUNGS PA'I GRIB LTA DANG KLU RNAMS RAB TU NYAMS BAR BYED PA DANG LDAN PAR 'GYUR ZHING, SKYE BA PHYI MA RNAMS SU NI DMYAL BA MI BZAD PA RNAMS SU BSKAL PAR BSREG PAR 'GYUR RO, ,'DOD CHAGS KYI BSAM PAS KUN NAS BSLANGS TE, SKYES PA'AM BUD MED GANG YANG RUNG BA'I BRLA DANG, LAG PA SOGS DANG, RANG GI LUS KYI CHA DANG, RA DANG RI DVAGS KYI SDE TSAN 'GA' ZHIG DANG, RGOD MA LA SOGS PA'I LUS KYI CHA SHAS LA RTZOL BA BYAS NAS BON YUNGS KAR GYI 'BRU TSAD TZAM TSUN CHAD PHYIR BTON PA DANG, BUD MED LA CHAGS SEMS KYIS REG PA DANG, BUD MED LA 'KHRIG PA'I GTAM GSAL BOR BRJOD PA'AM, DE LTA MIN YANG CHU STER CIG ,KHYOD NYID CHU YIN NO ZHES PA LTA BU SMRAS TE PHA ROL POS DON GO BA DANG, BUD MED KYIS SMRAS PA RANG GIS BDAG GIR BYED PA DANG, BUD MED GANG YANG RUNG BA LA BDAG LTA BU'I DGE SLONG LA 'KHRIG BA'I BSNYEN BKUR BYED NA BSNYEN BKUR GYI

13b

MCHOG YIN NO ZHES SMRAS PA LTA BU DANG, BAG MA 'DUN SGRIGS KYI BYUS BYAS TE PHO MO SMYAN DU GYUR PA DANG, GZHI MI RUNG BAR DGE 'DUN LA GNANG BA MA ZHUS PA'AM, DGE 'DUN GYIS MA GNANG BAR RANG GIS KHANG PA CHEN PO RTZIG GAM RTZIG TU BCUG PA DANG; RGYAL BOS MA GNANG BA DANG RTZOD PA DANG BCAS PA DANG, GAD KHA DANG CHU 'GRAM DANG BCAS PA DANG, GROG SBUR LA SOGS PA'I SROG CHAGS YOD PA'I GNAS DGE 'DUN GYIS MA GNANG BAR GTZUG LAG KHANG RTZIG PA DANG, MTHONG THOS DOGS GSUM MED PAR DGE SLONG LA PHAM PA GANG RUNG GI SKUR BA 'DEBS PA DANG, DE LTA BU'I SKUR PA MI GSAL BA'I TSUL GYIS 'DEBS PA DANG, DGE SLONG BRGYAD YAN CHAD LA PHRA MA'I TSIG SMRA BA DANG, DGE 'DUN DKRUG SHING BYED PA'I PHYOGS BYED CING, DE BZLOG KYANG MI NYAN PA DANG, KHYIM PA RNAMS MA DAD PA SKYE BA'I SBYOD PA MDA' 'PHEN PA SOGS BYAS SHING, DE GZHAN GYIS BZLOG PAR MI NYAN PA DANG, RANG GI TSUL KHRIMS RNAM PAR DAG PAR BYA BA'I PHYIR GZHAN GYIS BSLAB BYA BYED PA BZLOG PA RNAMS NI LHAG MA'I LTUNG BA STE DE DAG SPYI DANG, KHYAD PAR 'DOD CHAGS KYI SDE TSAN DE DAG NAN TAN GYIS SRUNGS, DE LTAR BYED PA GZHIR GZUNG BA'I THOG SPANG LHUNG SUM CU DANG, 'BA' ZHIG PA DGU BCU, SO SOR BSHAGS PA BZHI, BSLAB BYA'I NYES BYAS BRGYA DANG BCU GNYIS SOGS KYANG LEGS PAR SHES PAR BYA, GONG GI DE DAG BSRUNG BA LA NAN TAN DU BYAS PA'I THOG DGE 'DUN DANG 'DU BA RNYED PA'I TSE GSO SBYONG DANG DBYAR GNAS DANG, DGAG DBYE'I LAS RNAMS LA SPRO BA CHEN POS 'DU BA DANG, GSUNG

14a

, ,RAB KHA TON DU BYED PA DANG, DE DAG GI DON SEMS PA DANG, TSUL KHRIMS KYI PHUNG PO YONGS SU RDZOGS PA'I GDENG TSAD MA THOB KYI BAR DU GROGS BZANG PO TSUL KHRIMS LA NAN TAN DU BYED PA DANG LHAN CIG 'KHOD PA DANG MKHAN PO DANG SLOB DPON DANG BSLAB BYA'I YI GE 'DI DAG LA BRTEN NAS GNAS NA MI LUS THOB PA DON DANG LDAN PAR 'GYUR RO, ,DGE SLONG BSLAB PA DON GNYER BA, ,DE DAG TSUL KHRIMS PHUN TSOGS SHOG ,G-YENG BA'I DGRA LAS GROL BYAS TE, ,SEMS NI LAS RUNG BSKOM GYUR CIG, CES DGE SLONG GI BSLAB BYA MDOR BSDUS MED MI RUNG 'GA' ZHIG BRJOD PA GNAD KYI NYI ZER ZHES BYA BA 'DI NI, 'OR TU SU PA DGE SLONG NGAG DBANG LHUN GRUB KYIS 'DI LTA BU ZHIG DGOS ZHES BSKUL BA LTAR KHA BA CAN GYI GNAS BRTAN CHEN PO DGE SLONG BLO BZANG DPAL LDAN YE SHES KYIS SBYAR BA'I YI GA PA NI RJE DRUNG BLO BZANG DGE LEGS SO, ,MANGGA LAm,, ` NA MO GU RU, KUN RTOG BZHON BCAS GNYIS SPANGS MKHA' YI DBYINGS, ,YONGS DAG KUN GSAL LAS 'ONGS MTSAN DPE'I SPRIN, ,KHA SBYOR BDE STONG CHAR CHEN 'BEBS BYED PA, ,MI BSKYOD DBYAR RNGA'I BDE CHEN DAL GYIS RGOD, ,REG BYA'I LCAGS KYU RNON PO RI RAB RDUL, ,BDE GSHEGS RNYOG MED DBYINGS SU 'JU BYED MA, ,BDE CHEN SBRANG RTZI'I KHUR LDAN LHA MO YIS, ,SKYONGS SHIG RIG PA 'DZIN PA'I DGE 'DUN RNAMS, ,PHUNG LNGA DBYINGS LNGAR DAG PA'I RGYAL BA LNGA, ,SKYE MCHED LA SOGS RNAM DAG RGYAL BA'I SRAS, ,RGYAL SRAS DGA' MA TSOGS DANG BCAS PA YIS, ,LONGS SHIG SHIS PA BRJOD PA'I KLU YI TSOGS, ,MUN NAG BYUGS PA'I LHUN PO MCHE BA'I RI, ,KHRAG GI ROL

14b

MTSOS BSKOR BA SBRUL GDUG GYON, ,HA HA RGOD PA'I KHRO BO'I TSOGS RNAMS KYIS, ,'DIR NI BGEGS TSOGS RGYA MTSO'I PHA MTHAR SKROD, CES BRJOD NAS, MA H'A K'A LA LAS KYI SRIN, ,'DOD KHAMS DBANG MOR BCAS PA YIS, ,YI GE 'DI YI GNYER KHA MJOD, ,MTHU DANG DPUNG TSOGS RAB TU BSKYED, ,GAL TE CHA LAS 'GAL GYUR NA, ,DE YI SNYING KHRAG RGYU RLON BCAS, ,ZO ZHIG RUS PA KHAG LA 'JIB, ,SGYU MA'I DBYINGS SU SGROL TE DRONGS,, ZHES PA 'DI NI DPAL LDAN SRAD RGYUD GRVA TSANG GI BCA' YIG YONGS KYI DGE BA'I BSHES GNYEN BSAM GTAN PAS MGO BYAS DGE 'DUN RNAMS THUGS BSTUN TE LEGS PAR BSGRIGS 'DUG PA LA BZO BCOS MA BYAS PAR SOR BZHAG GI THOG MGO MJUG GI SHIS BRJOD DU ^ SH'AKYA'I DGE SLONG BLO BZANG DPAL LDAN YE SHES KYIS SBYAR TE BYIN RLABS BYAS PA'O,, SARBA RDZA GA TAm,, ` NA MO GU RU MU NI AINDR'A YA, SRID GSUM CHE 'GYING KUN GYI RAL PA'I KHRI, ,KHYOD ZHABS BA RTEN PA'I 'DAB BRGYA'I GOS KYI STAN, ,CIR YANG RTZE BA THOB PA'I LHA YI LHA, ,THUB DBANG KHYOD KYIS DENG 'DIR DGE LEGS STZOL, ,MTSAN BZANG RGYU SKAR PHRA TSOM RTZE DGA' BRGYA, , KUN NAS 'PHRO BA'I KUN GSAL CHA SHAS KUN, ,SKU BZHI'I RNAM 'GYUR GZUGS CAN SNANG BA 'BUM, ,'GOG MED 'CHAR BA'I SKU LA BSTOD PAR BGYI, ,DRUG CU'I NYAMS 'GYUR RDZOGS PA'I 'JO SGEG RMAD, ,NYON MONGS DGRA SDE BCOM PA'I DPA' BA'I RTAGS, ,GANG DE MNYAN BYED KUN GZHIR RAB BSRE BA'I, ,GSUNG DBYANGS 'GRUB PHYIR GSUNG DBYANGS DE LA BSTOD, ,ZAB DANG RGYA CHE DBYER MED GCIG GYUR PA, ,BDE STONG ZUNG 'JUG NGO BOR RAB GROL BA'I, ,GNYIS SNANG KUN ZAD KHYED KYI THUGS

15a

, ,MCHOG LA, ,BSTOD PAR BGYI YI KHYOD THUGS 'GRUB PAR MDZOD, ,DMAR SER RI BO MTHON MTHING COD PAN GSAR, ,KUN NAS G-YO BA DUR SMRIG BLA GOS CAN, ,BLO BZANG GRAGS DBYANGS PHYOGS BCU MU MED KUN, ,SGROG MDZAD KHYOD KYIS DENG 'DIR DGE LEGS STZOL, ,RAB RMONGS TSAD BAS GDUNGS PA'I SKYE BO LA, ,SNYING RJE'I CHU THIGS SPRO BA'I CHU 'DZIN CHE, ,SPYAN RAS GZIGS DBANG MI YI ZOL 'CHANG BA, ,GANG GIS RTAG TU SHIS PA'I CHAR CHEN PHOB, ,'JIG TSOGS LTA BA'I RI BO NYI SHU NI, ,MTHAR BYED RTZE BRGYA RGYAS PA'I RDO RJE YI, ,GDENGS STABS GCIG GIS STONG GSUM KUN 'GENGS PA, ,DPAL LDAN GSANG BA'I BDAG PO KHYOD KYIS SRUNGS, ,RNAM PA KUN TU SNYING RJE LAN GRANGS BRGYAR, ,GRANGS MED GOMS PA'I BYED LAS RANG MDANGS GSAR, ,RKANG PA BZHI YI RNAM 'GYUR GYIS RGYU BA, ,DE BZHIN GSHEGS PA KUN GYIS CIR YANG STON, ,KHYAD PAR PHYOGS BCU MU MED MTHA' YAS KYI, ,RGYAL BA SRAS DANG BCAS PAS YANG DANG YANG, ,BSNGAGS PA'I ME TOG GIS MCHOD DE BZHIN GSHEGS, ,DE LA THUB DBANG SH'AKYA'I RGYAL POR SNYAN, ,DE YI CHO 'PHRUL 'GRAN ZLA KUN GYIS DBEN, ,BCO LNGA'I GRANGS LDAN GANG GI DUS KYI TSE, , MCHOD BYED KUN GYI BSOD NAMS ZLA MED PAR, ,SPEL PHYIR SKAL LDAN KUN GYIS 'DIR 'JUG SPRO, DE YANG STON PA BLA NA MED PA SNYING STOBS NI RGYAL BA SRAS DANG BCAS PAS 'GRAN PAR MI BZOD CING, THUGS RJE CHEN PO DUS SKAD CIG KYANG YOL BA MED PAR GDUL BYA KUN LA BYAMS PA'I PHYAG RING DU SKYONG BA SANGS

15b

RGYAS BCOM LDAN 'DAS SH'AKYA'I RGYAL PA DE NI, MGON BO BYAMS PAS, NGO BO NYID LONGS RDZOGS BCAS DANG, ,DE BZHIN GZHAN PA SPRUL SKU NI, ,CHOS SKU MDZAD PA DANG BCAS PA, ZHES GSUNGS PA LTAR, DON DAM PA'I BYANG CHUB KYI SEMS GOMS PA MTHAR PHYIN PA LAS, SKYE 'GAG GNAS GSUM GYIS STONG PA'I CHOS KYI SKU MNGON DU MDZAD DE, GLO BUR GYI DRI MA THAMS CAD DANG BRAL BA'I DBYINGS DE LAS RNAM PAR MI RTOG BZHIN DU, YAN LAG BDUN DANG LDAN PA'I NGES PA LNGA LDAN GYI LONGS SPYOD RDZOGS PA'I SKU MNGON DU MDZAD CES THOS SO, ,DE YANG, DON DAM PA'I BYANG CHUB KYI SEMS DE NI, KUN RDZOB BA'I BYANG CHUB KYI SEMS BDUD RTZI LTA BU'I THABS KYIS ZIN PAS LONGS SPYOD RDZOGS PA'I SKU CHOS KYI SKU DANG DBYER MED PA DE NI RANG GZHAN GYI DON THAMS CAD 'GRUB PA MTHAR PHYIN PA STE, YANG DAG PAR RDZOGS PA'I SANGS RGYAS ZHES BYA'O, ,DE LA YANG STON PA MTSUNGS PA MED PA DE NYID KYIS, SPANGS RTOGS KYI YON TAN THAMS CAD MTHAR PHYIN TE CHOS KYI SKU DANG LONGS SPYOD RDZOGS PA'I SKU MNGON DU MDZAD ZIN NAS, MA DAG PA'I ZHING GI 'GRO BA SPYI DANG KHYAD PAR DU SNYIGS MA LNGA'I RANG MDANGS 'GAG MED DU 'CHAR BAR 'GYUR BA'I 'GRO BA RNAMS 'KHOR BA DANG NGAN SONG GI 'DAM LAS DBYUNG BA'I CHED DU 'DZAM BU'I GLING DU GANGS KYI NGOS DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I BSTI GNAS DANG HA CANG MI RING BAR SH'AKYA'I RNAMS KYI GRONG KHYER CHEN POS SKYA ZHES BYA BAR MANG POS BKUR BA'I GDUNG DRI MA MED PA GCIG NAS GCIG TU BRGYUD PA YANG RGYAL PO ZAS GTZANG MA DANG, YUM SGYU 'PHRUL GYI SRAS SRAS SU

16a

, ,DGA' LDAN GYI GNAS BZANG PO NAS GZIGS PA LNGAS GZIGS TE DRI MA MED CING YON TAN GYI TSOGS THAMS CAD DANG LDAN PA'I MNGAL YONGS SU BZUNGS NAS BLTAMS PA LA SOGS PA GZHON NU'I MDZAD PA RNAMS KYIS GANG GIS GDUL BAR BYA BA RNAMS SMIN PA NA, KHAB NAS BYUNG ZHING DUR SMRIG GI NA BZA' BZHES NAS RDO RJE GDAN GYI SPO LA SROD KYI DUS SU BDUD KYI DMAG DPUNG MA LUS PA PHAM PAR MDZAD CING, THO RANGS KYI DUS SU MNGON PAR RDZOGS BAR SANGS RGYAS PA'I TSUL BSTAN TE, RIM PA BZHIN DU GDUL BYA RNAMS THAR PA DANG THAMS CAD MKHYEN PA'I SAR BKRI BAR MDZAD DO, ,DE YANG BCOM LDAN 'DAS MNGON PAR RDZOGS PA SANGS RGYAS PA'I TSUL BSTAN NAS RING PO MA LON PAR BDUD SDIG CAN GYIS, MYA NGAN LAS 'DA' BAR GSOL BA NA; CHO 'PHRUL CHEN PO BSTAN PA DANG CHOS KYI 'KHOR LO RIM PA GSUM DU BSKOR BA SOGS KYI MDZAD PA RNAMS MA BSTAN PAR MYA NGAN LAS MI 'DA' BAR GSUNGS PA LTAR, GANG GI TSE TSANGS PAS GSOL BA BTAB PA NA, YUL LNGA RAn SER 'KHOR LNGA SDE BZANG PO GTZO BOR GYUR PA'I 'KHOR RNAMS LA BDEN PA BZHI'I CHOS 'KHOR BSKOR BA DANG, GANG GI TSE BYA RGOD KYI PHUNG PO'I RI BO LA MI 'JIGS PA'I SENGGE'I KHRI SKYIL MO KRUNG GIS MNAN TE, STONG NYID ZAB MO'I SGRA DBYANGS SGROG PA DANG, GANG GI TSE BDUD SDIG CAN GYIS, MU STEGS KYI STON PA DRUG BSLAD PA LA BRTEN NAS, GSAL RGYAL GYIS GSOL BA BTAB PA LTAR, MNYAN YOD KYI GNAS SU CHO 'PHRUL CHEN PO BSTAN PA DANG, GANG GI TSE YAB BDEN PA LA BKOD BA DANG, GANG GI TSE DGE SLONG

16b

SKYID DE BA RNAMS BSKUL BA'I PHYIR LHA'I GNAS SU GSHEGS TE YUM BDEN BA LA BKOD NAS, 'DZAM BU'I GLING DU SLAR 'BAB PA STON PA DANG, GANG GI TSE LHAS BYIN GYIS DGE 'DUN PHYE BA SLAR SDUD PA DANG, GANG GI TSE YANGS PA CAN LA SOGS PA'I GNAS RNAMS SU LEGS PAR RNAM PAR PHYE BA'I CHOS 'KHOR BSKOR BA RNAMS NI, MDZAD PA'I GTZO BOR STON CING, MDZAD PA DE RNAMS MDZAD MA ZIN PAR MYA NGAN LAS MI 'DA' LA, MDZAD PA DE DAG BSTAN PA'I DUS RNAMS SU, SKYES BU GANG GIS SBYIN PA BYIN PA DANG, TSUL KHRIMS BSRUNGS PA DANG, BZOD PA BSGOMS PA DANG, BRTZON 'GRUS BRTZAMS PA DANG, BSAM GTAN BSGOMS PA DANG, SHES RAB BSGOM PA DANG, KLOG PA DANG KHA TON SOGS BYED PA DANG, KHYAD PAR DU DE BZHIN GSHEGS PA THUGS RJE CAN DE NYID LA SOGS PA'I DKON MCHOG RJES SU DRAN PAS ZANG ZING DANG, ZANG ZING MED PA'I MCHOD PAS RIM GROR BYED PA NI, BSOD NAMS KYI TSOGS RLABS PO CHE SKAD CIG NYID LA SDUD PA DANG, DGE BA GANG BYAS PA DE DAG BYE BA 'GYUR DPAG MED DU 'PHEL BAR 'GYUR BA NI, STON PA BLA NA MED PA DE NYID KYI THUGS BSKYED RMAD DU BYUNG BA KHO NA'I 'BRAS BU STE, NGANG TSUL DE LA 'JUG PA'I SKYE BO RNAMS NI, BLO GROS PHUL DU BYUNG BA'I NGANG TSUL CAN 'KHOR BA'I GNAS LAS MTHO RIS DANG THAR PA'I GNAS SU GDONG GYEN DU PHYOGS PA STE, BDAG LEGS SU 'DOD PA RNAMS KYIS NI, TSUL DE LA 'BAD PAS 'JUG PAR BYA'O, ,MDZAD PA DE KUN GYI NANG NAS KYANG CHO 'PHRUL CHEN PO BSTAN PA NI, CHES PHUL DU BYUNG BA'I MDZAD PA STE, CI'I PHYIR CHO 'PHRUL BSTAN CE

17a

, ,NA, RGYAL BA'I BSTAN PA LA 'JUG PA'I SGO DAM PA NI, STON PA DANG DE'I BSTAN PA SKYON MED DU GRUB PA LA RAG LUS LA, STON PA MNGON PAR RDZOGS PAR SANGS MA RGYAS PA'I GONG ROL NAS, RANG GI SEMS KYIS LOG PAR BTAGS PA'I LTA BA NGAN PA'I RA LA GCIG TU CHAGS PA'I MU STEGS KYI STON PA, 'OD SRUNGS RDZOGS BYED DANG, YANG DAG RGYAL BA CAN DANG, MI PHAM SKRA'I LVA BA CAN DANG, KA TYA'I BU NOG CAN DANG, GNAG LHAS KYI BU DANG, GCER BU PA GNYEN GYI BU DAG GIS BDAG TU BLTA BA'I 'PHRENG BA RNAM PAR SPEL ZHING, BDAG NYID STON PAR KHAS 'CHE BA DANG, RDZU 'PHRUL DANG LAM DRI MA MED PA RNAMS YOD PAR BRDZU BAS SKYE BO RNAMS LOG PA'I LAM DU BKRI BA DANG, BDAG CAG GI STON PA THUB PA'I DBANG PO GANG GI BYIN RLABS KYI MTHU DANG, SKYE BO RNAMS KYI BSOD NAMS YONGS SU SAD PA DANG, STON PA DRUG BDUD SDIG CAN GYIS BSLUS BA LA BRTEN NAS GSAL RGYAL GYIS GSOL BA BTAB PA LTAR, 'KHOR GYI TSOGS YONGS SU 'DUS PA'I DBUS SU RGYU SKAR DBOS NYA BA'I ZLA BA DPYID ZLAR BAR BYAS PA'I TSES GCIG NAS BRGYAD KYI BAR DU STON PA DRUG GI LTA BA DANG KHENGS PA DANG SPOBS PA DANG, GZI BRJID RNAMS RMEG MED PAR 'GYUR BA'I CHO 'PHRUL MNGON PAR 'DU MDZAD NAS GDUL BYA RNAMS LOG PA'I LTA BA LAS YANG DAG PA'I SAR KHRID CING, TSES DGU NAS BCO LNGA'I BAR DU NI 'KHOR RNAMS YONGS SU SMIN PAR 'GYUR BA'I CHO 'PHRUL BSTAN TE, NGANG TSUL DES LTA BA DANG STON PA LOG PA RNAMS SUN DBYUNG BA DANG, YANG DAG PA'I STON PA DANG LTA,

17b

BA RNAMS SKYON MED DU SGRUBS PAS THAMS CAD MKHYEN PA'I 'JUG SGO DANG, THAR PA'I SHUL LAM GYI DAD PA DANG 'DUN PA DANG MOS PA DANG YID CHES DANG, SPRO BA DANG, BRTZON 'GRUS RNAMS SHIN TU 'PHEL ZHING RGYAS PAR MDZAD PAS SO, ,MDZAD PA DE NYID GDUL BYA KUN LA SHIN TU SMAN YON DU GYUR PAR MDZAD PA'I PHYIR, DUS DER DGE BA'I LAS BYED PA RNAMS KYANG KHYAD PAR SHIN TU CHE ZHING, DE YANG BCOM LDAN 'DAS KYI MDO SDE'I MTHA' LAS CHO 'PHRUL GYI DUS STON BYA TSUL RGYA CHER GSUNGS PA LTAR, 'PHAGS, YUL GYI PAn GRUB DANG, CHOS KYI RGYAL PO THAMS CAD KYIS THUGS NYAMS SU BSTAR ZHING, KHYAD PAR DU GANGS CAN GYI LJONGS 'DRIR NI JI SKAD DU, BKA' CHEMS LAS, DE NAS SLAR YANG BSNYEN BKUR CHER MDZAD PA, ,DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'CHANG ZHING RNAL 'BYOR CHEN PO YI, ,SNYING PO'I MTHA' RTEN SKYES CHEN DAM PAS NI, ,ZHAL YANG BSGYUR ZHING BSNYEN BKUR DAM PA MDZAD, CES DANG, GLEGS BAM RIN PO CHA LAS, LHAG PAR CHAGS MED BSOD SNYOMS PAS; ;SNYAN PA'I DBYANGS KYIS GSOL BA 'DEBS, ,PHYOGS BZHI'I LAS CAN DBANG DU 'DU, ,RING POR MI THOGS GNAS 'DI RU, ,MCHOD TSOGS RGYA MTSO 'DU BAR 'GYUR, ZHES GSUNGS PA LTAR, CHOS KYI RGYAL PO TZONG KHA PA CHEN POS, THOG MAR RGYA SOG PHUR CHO 'PHRUL GYI DUS CHEN DANG BSTUN NAS PHYOGS BCU'I SANGS RGYAS THAMS CAD LA MCHOD TSOGS RGYA MTSO LTA BUS MCHOD CING, DE NAS LHA LDAN SPRUL PA'I GTZUG LAG KHANG CHEN POR RGYAL BA NYID DANG DBYER MED PA'I SPRUL PA'I SKU JO BO

18a

, ,SH'AKYA MU NER DBU RGYAN GSOL ZHING, MCHOD PA'I SPRIN GYI PHUNG PO KUN TU BZANG PO'I MCHOD SPRIN LA 'GRAN BZOD PAS MCHOD PAR MDZAD CING, SMON LAM GYI MTHU RLABS PO CHES MTSAMS SBYOR RMAD DU BYUNG BA MDZAD PAS SANGS RGYAS KYI BSTAN PA LO LNGA BRGYAR SLAR YANG 'PHEL ZHING, CHO 'PHRUL GYI DUS STON CHEN PO DANG THAR PA DANG THAMS CAD MKHYEN PA'I LAM KUN GSAL GYI NGOS LTAR PHYE BA RNAMS KYI MDZAD PA'I RJES SU LEGS PAR ZHUGS TE, DENG GI DUS SU, ZHES PA 'DI NI BKA'I BLON PO CHEN PO NO YON GUNG PAndI TA NAS DBO ZLA BA'I DUS CHEN DANG BSTUN RANG GI GRONG DANG NYE BAR RTEN GSUM GYI BKOD PA RMAD DU BYUNG BA BZHENGS PA'I MDUN SAR CHO 'PHRUL GYI MCHOD PA LEGS PAR BSGRUB SKABS DGE 'DUN RNAMS KYI BCA' YIG TU DGOS ZHES BSKUL MA MDZAD PA LTAR, TSIG RIGS PHUL CHER SBYIN BDAG RANG NYID KYI ZIN BRIS SOR BZHAG CING, BCO 'OS PA RNAMS LEGS PAR BCOS PA'I MGO BRJOD DU ^ MANG DU THOS PA'I DGE SLONG SPONG BA BLO BZANG DPAL LDAN YE SHES KYIS MI BZAD KYI LO CHO 'PHRUL ZLA BA'I GRAL TSES DGU'I NYIN GZIMS CHUNG NYI 'OD 'KHYIL PAR RDZOGS PAR SBYAR BA'O, ,DGE LEGS 'PHEL,, ` AOm BDE LEGS SU GYUR CIG ,'DIR CHOS SDE LUNG DGA' LDAN GYI KHRIMS SU BCA' BA'I YI GE'I ZUR 'DEBS CUNG ZAD 'DRI BAR BYA STE, 'DI'I GNYER KHA NI CHOS SKYONG SRUNG MA MTHU LDAN RNAMS KYIS MDZAD PAR RIGS SO, ,DE YANG BCA' YIG GI CHINGS SBYI NI NGED KYI SLOB DPON RIN PO CHE RJE ZHAL SNGA NAS BLO BZANG BKRA SHIS KYIS MDZAD PA SOR BZHAG GI THOG ,YANG BSKYAR NAN TAN GYIS SPANG BLANG BYA TSUL NI 'DI LTAR BYA STE, DE YANG, RJE ZHAL SNGA NAS BLO BZANG BKRA SHIS RIN PO CHER GRVA

18b

RIGS RNAMS KYIS ZHUS GNANG LA LO BYUNG NGO COG GI ZLA BA GNYIS PA'I TSES BCO LNGA NAS 'CHAMS SBYOD TSUGS PA'I ZHAG BDUN GYI RING SPYI SO NAS JA RE GTONG ZHING, DE YANG, 'CHAMS SBYONG SKABS RGAN BYIS DANG NAD PA YIN NGES KYIS MI PHER PA MA GTOGS TSAD MA YONG DGOS SHING, NYIN RE TZAM LA BLA MA DANG 'CHAMS DPON GNYIS LA GNANG BA ZHUS GNANG DANG, DES MED RE GNYIS NAS CHA CHAD KYIS MA YONG NA 'CHAMS SBYOD BA RNAMS LA JA RE RGYAG ,'CHAMS DPON NAS KYANG 'CHAMS TSIGS SOGS KHUNGS THUB KYI SGO NAS YANG DAG PAR SLOB CING, 'CHAMS SBYONG BA RNAMS NAS KYANG 'CHAMS DPON GYIS JI LTAR BSGO BA BZHIN SPANG BLANG TSUL BZHIN BYED RGYU DANG, TSES NYER GNYIS KYI NYIN GTOR GSHOM DANG GTOR MA BYIN RLABS BCAS GNANG BAR GTOR GSHOM PA RNAMS LA SPYI SO NAS JA RE GTONG, TSES NYER GSUM NAS BZUNGS ZHAG BDUN GYI RING LA SNGA JAR DPAL RDO RJE 'JIGS BYED KYI BDAG BSKYED SNGON SONG GIS, MGON PO PHYAG DRUG PA, MGON DKAR, CHOS RGYAL BCAS KYI SPYAN 'DREN DANG, TSA RTING MAR LHA MO, ZHAL BZHI PA, RNAM SRAS, LCAM SRING, LA MO, NE SER BA, SKU LNGA BCAS KYI SPYAN 'DREN DANG, MGON DKAR NAG CHOS RGYAL BCAS KYI BSKANG BA DANG, GUNG JAR DE 'PHROS RNAMS KYI BSKANG BA, DGONG JAR GSER SKYEMS BSKUL BZLOG DGONG RTING MAR BSTOD PA YONGS RDZOGS DANG, DRUG CU PA'I DBYU GU'I BSDO CHOG TSAR BZHI RE, NYIN RJES MA GSUM LA SPYI SO NAS GSOL TSIGS NYIN GNYIS DANG, CHOS KHRIMS PAS GSOL TSIGS NYIN GCIG ,TSES NYER DGU'I NYIN THO RANGS SNGA BAR

19a

, ,LANGS TE, NYI MA PHYED YAN LA TSOGS SKOR YONGS RDZOGS TSAR BA GSANG SNGAGS RGYUD PA GRVA TSANG GI PHYAG SROL BZHIN BYA DGOS SHING, DE NAS ZAB MCHOR ZHVA GOS SOGS SPYOD LAM RUNG ZHING MTHUN PA DANG, RNGA SBUG SOGS ROL CHA RNAMS GRVA 'GRIG CING RNGAM BRJID DANG, 'JIG RTEN DVANG BA 'DREN NGES KYI RNAM 'GYUR NGES PAR MDZAD DGOS, DE YANG, DGU GTOR GYI NYIN DGE SKOS KYIS SPYOD LAM GRA 'GRIG DGOS PA'I TSOGS SKAD MTHAR PHYIN GTONG ZHING, 'CHAMS KYI SKABS ROL YAN SOGS BYUNG NA GANG BYUNG SAR SPOS BRDA BYED CING DBU MDZAD KYIS ROL MOS BCUN, PHYI ROL TU 'BYON KHAR 'DU KHANG NANG DU THAMS CAD BZHENGS NAS BZHUGS THOG ,DBU MDZAD KYIS ZUR RDEB DANG BSTUN PHYAG MTSAN RNAMS 'PHYAR ZHING ,DE NAS ROL MO'I TSAM RNGAMS RNAMS DANG BCAS NAS SGO DBYE 'PHRENG SGROL TSAR RJES RDO GCAL DU DGRA BGEGS DPUNG CHOMS MA DANG BCAS TE BYON NAS, 'CHAMS KYI RIM PA RNAMS SHIN TU 'GRIG PA, BSTAN PA BSTAN 'DZIN DANG BCAS PA LA SDANG ZHING LOG PAR 'KHU BA'I DGRA BGEGS THAMS CAD TSAR GCOD PA DANG, BSTAN PA RIN PO CHE RGYAS PA DANG, 'GRO KUN BDE BA'I SPYAN DMIGS YANG DAG PA MDZAD DGOS RGYU YIN, GTANG RAG BSKANG GSO NYIN GNYIS LA ZHAL 'DON BSNGO CHOG MA GTOGS GONG 'DRA, TSES NYER BRGYAD DGU GNAM GANG BCAS LA LTAD MO DANG MCHOD MJAL SOGS LA YOD MI RNAMS LA, CHOS KHRIMS PAS BLA BRANG LA DGONGS PA ZHU GNANG, BSKAD GSO TSUGS PA NAS GTOR RGYAG MA GRUB KYI BAR LA, SKYA SER SHI GSON GYI CHO GA BYED DU PHYIN

19b

PA; PHAM DANG DGE DGE GZHON YIN NGES KYI NAD G-YOG LA BSDAD RIGS MA GTOGS PHYOGS 'GRO BA CHE PHRA TSANG MA 'DI SKABS SU 'KHOR PA YONG DGOS RGYU DANG, NGES MED MA 'KHOR NA 'CHAMS JA RE RGYAG TU 'JUG ,'CHAMS CHAS ZHAL 'BAG RNGA SBUG SOGS MCHOR CHAS RNAMS ZOM LUS SU MA SONG BAR BLA SPYI DBU CHOS RIM CAN GYIS RTZIS LEN RTZIS SPROD BYAS PA'I DO DAM YANG DAG BYED DGOS, 'DI DAG GI BSNYEN BKUR GYI THEBS SNGAR YOD DEB GSAL GYI THOG ,GSAR DU BSKRUN PA MO 'BRUG CHOS 'DZOMS KYIS DNGUL SRAD LNGA'I SBYOR 'JAGS BYAS PA RNAMS KYI STENG NAS LAS BYED PA SO SOS RANG GI BZA' BED DU MA SONG BA'I GTONG SGO LHAG BSAM RNAM DAG DANG, PHYIN CHAD KYANG SBYIN BDAG DAD CAN RNAMS KYIS 'TSO BA NAR MA'I THEBS SU GSAR SBYOR BYED RIGS BYUNG BA THAMS CAD KYANG 'DI DANG CHA MTSUNGS SU BYA, BYA BA 'DI DAG LA 'GA' ZHIG NAS DBANG PO CHE'I LAS BYED RIGS BYUNG TSE DGE 'DUN SPYI NAS MDO SGRUB BYED PAR BCAS, MDOR NA 'DIR BZHUGS BGRES GZHON TSANG MAS GZHI TSUL KHRIMS RNAM PAR DAG PA LA BRTEN TE, ZHAL SNGA NAS BLO BZANG BKRA SHIS KYIS MDZAD PA'I BCA' YIG DANG, BCA' YIG 'DI NYID LA NAN TAN MDZAD PA GAL CHE, KHRIMS KYIS TSUL KHRIMS SKYON MED CING, ,TSUL KHRIMS RNAM PAR DAG DANG LDAN, ,RLOM SEMS MED PA'I TSUL KHRIMS KYIS, ,TSUL KHRIMS PHA ROL PHYIN RDZOGS SHOG, CES PA 'DI NI SNGAGS PA NOR GNYER BA DRUNG RAM PA YE SHES DKON MCHOG DANG DBU MDZAD DGE SLONG BLO BZANG SNYING PO GNYIS KYIS 'DI LTA BU ZHIG DGOS ZHES BSKUL BLTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,

20a

, ,THAMS CAD MKHYEN PA SANGS RGYAS BCOM LDAN 'DAS KYI ZHABS KYI PADMO LA LAN BRGYAR PHYAG BGYI'O, ,DON THAMS CAD LHUN GYIS 'GRUB PAR GYUR CIG ,DE YANG, PHAN BDE 'BYUNG BA'I GNAS GCIG PU, ,BSTAN PA YUN RING GNAS PA DANG, ZHES GSUNGS PA LTAR, PHAN BDE MA LUS PA 'BYUNG BA'I SGO DAM PA NI RGYAL BA'I BSTAN PA NYAG GCIG YIN LA, DE 'JIG RTEN GYI KHAMS SU YUN RING DU GNAS PA NI BSTAN PA DE LA TSUL BZHIN DU SLOB PA'I DGE 'DUN GYI SDE DANG, DE LA CHOS STON PA'I GNAS BRTAN DANG, DE DAG MCHOD PA'I SBYIN PA'I BDAG PO RNAMS KYI MDZAD PA BZANG PO LA RAG LUS SHING, DE YANG, DGE 'DUN GYI NANG KHRIMS RNAM PAR DAG PA LA BLTOS DGOS PAS RGYU MTSAN DE'I PHYIR BKRA SHIS MI 'GYUR GLING ZHES PA'I DGON GNAS 'DIR BZHUGS PA'I DGE 'DUN RNAMS NAS KYANG, 'DI LTAR NYAMS BZHES SU MDZAD DGOS TE, RANG RGYUD KYI YON TAN GONG 'PHEL DU 'GYUR BA NI LAM BSLAB PA RIN PO CHE GSUM LA NYAMS LEN BYAS PA LA RAG LUS PA DANG, DE GSUM GYI RTZA BA YANG TSUL KHRIMS KYI BSLAB PA LA RAG LUS PAS, 'DIR BZHUGS KYI DGE 'DUN THAMS CAD NAS RANG GIS JI LTAR KHAS BLANGS PA'I BSLAB KHRIMS BSRUNG BA LA NAN TAN DU MDZAD PA GAL CHE, YUL DUS DANG BSTUN PA'I GRANG REG DANG CHAR RLUNG LA SOGS PA'I NYES PA SHIN TU CHEN POS REG PAR GYUR NA MA GTOGS, DGE 'DUN GYI GNAS BRTAN NAS GSAR BU RNAMS KYI BAR YAN CHAD KYIS RAB TU BYUNG BA'I CHA LUGS LA BRTEN CING, CHOS THOG BRGYAD PO SO SO'I SKABS SU, DGE SKOS KYIS LEGS PAR BRTAGS

20b

NAS DGE 'DUN 'DU BA'I BRDA BYAS BA DANG DUS MNYAM DU DGE 'DUN RNAMS CHA BYAD BSTUN ZHING SPYOD LAM DAL BUS 'DU BA'I GNAS SU TSOGS TE, SKABS SU GANG BABS PA'I THUGS DAM CHOS SPYOD KYI RIM PA RNAMS LEGS PAR GSUNG ZHING, SBYIN BDAG RNAMS KYIS GSOL BA'I BSNYEN BKUR DANG RNYED PA RNAMS BDAG GIR MDZAD PA LAS BAG MED KYI RIGS GTAN NAS MI MDZAD, CHOS THOG BRGYAD KYI RING SNGA DRO'I CHAL BDE MCHOG GI BDAG MDUN GYI SGRUB MCHOD KHUNGS LDAN DU MDZAD CING, PHYI DRO'I DUS SU LAM RIM GSOL 'DEBS SNGON DU 'GRO BAS BYANG CHUB BDE LAM GYI 'CHAD NYAN NAR MAR MDZAD, ZLA BA BDUN PA'I DUS SU RNAM SNANG GI SGRUB MCHOD DANG MTSAN BRJOD, DUS CHEN GNYIS LA SPANG BLANG GZHAN RNAMS GONG LTAR LA 'TSO BA DKAR LA BRTEN NA SHIN TU LEGS, GZHAN YANG 'DIR BZHUGS PA'I DGE 'DUN RNAMS KYIS CHANG 'THUNG BA DANG, KHYIM PA SUN 'BYIN PA'I LAS BYED PA DANG, MDA' SOGS MTSON CHA'I LAS BYED PA DANG, 'KHRUG RTZOD BGYID PA DANG, CHOS LDAN GYI NYER MKHO BSGRUB PA MA GTOGS HA CANG GIS BUN BSKYED SPEL BA SOGS GTAN NAS MI BYA, DGE 'DUN RNAMS NAS KYANG SBYIN BDAG GIS DAD PAS BYIN PA CHUD MI ZA BA'I PHYIR LTA SPYOD THAMS CAD BAG YOD PA DANG, RIM GRO RNAMS LA NAN TAN BYED PA SOGS DAD BA DANG RANG GI YON TAN SPEL BA LA GTZO BOR BYA ZHING, SBYIN BDAG RNAMS NAS KYANG SO SO SKYE BO'I RAB BYUNG BA DAG GI SKYON THAN THUN LA MI DAD PA MI BYED PA LA NAN TAN MDZAD NA BZANG, GRVA RIGS 'GA' ZHIG NAS KUN SPYOD DE RNAMS DANG MI MTHUN PA'I 'GAL BA BYAS TSE, DGE 'DUN GYI BLA MA DANG

21a

, ,DGE SKOS NAS DO DAM BYA STE, DE YANG, BSLAB PA NYAMS PA RNAMS NI GNAS NAS DBYUNG ZHING, KHO RANG GIS BSLAB PA NYAMS PA KHAS LEN NA NOR RNAMS STER ZHING, KHAS MI LEN NA NOR RNAMS BLANGS TE DGE 'DUN GYI RNYED PA BYA, CHOS LDAN MIN PAR MTSON CHA'I RIGS KYIS LAS BYED PA DANG RI DVAGS LA SOGS PA'I SROG LA RGOL ZHING, GLU GAR SOGS BYED NA YO BYAD RNAMS BLANGS NAS KUN GYIS MTHONG SAR BSHIG STE, GANG ZAG DES DGE 'DUN RNAMS KYI DBUS SU DKON MCHOG GI RTEN LA MAR ME BRGYA PHUL TE, PHYAG LNGA BRGYA BYED DU GZHUG ,CHANG 'THUNGS NA LAN GCIG GNYIS TZAM LA PHYAG LNGA BRGYA RE DANG MAR ME GONG BZHIN 'BUL DU BCUG NAS PHYIN CHAD MI BYED PA'I DAM BCA' BYED DU GZHUG CING, LAN GSUM BRGAL TE 'THUNGS NA GNAS NAS 'BYIN, TSOGS KYI DBUS SU KHA TON MI BYED PA DANG, GTAM SOGS BAG MED PA BYED PA DANG, HA CANG GNYID DU YUR BA SOGS LA LAN GCIG GNYIS LA DGE SKOS KYIS BRDA DANG TSIG GIS BZLOG CING, DE LAS KYANG THAL NA JI LTAR 'OS PA'I PHYAG DANG MCHOD PA SOGS BYED DU GZHUG ,KHRAG THON PA'I BRDEG RES BYAS NA GNAS NAS 'BYIN CING, 'KHRUG PA PHAL PA RNAMS LA ZHAG BDUN DGE 'DUN GYI NANG DU 'ONG BA BKAG NAS PHYAG BRGYA BYED DU GZHUG ,'DI DAG NI YUL DUS DANG BSTUN PA'I BSLAB BYA MDOR BSDUS SU BRJOD PA YIN PAS 'DI TZAM LA NAN TAN BYAS KYANG, SNYIGS DUS 'DIR RGYAL BA GNYIS PA TZONG KHA PA CHEN PO'I BSTAN PA'I ZHABS 'DEBS SU 'GYUR BAS KUN GYIS NAN TAN DU BYA ZHING, KHRIMS KYI BDAG PO RNAMS NAS KYANG DO DGA'

21b

DANG YA YOR MA SONG BAR DRANG POR BSRONG BA GAL CHE ZHING, DGON GNAS 'DI NYID KHRIMS DANG BCAS PA'I GNYER KHA NI BSTAN SRUNG SPYI DANG KHYAD PAR 'DOD KHAMS DBANG MOS NAN TAN DU MDZOD CIG, CES BKRA SHIS MI 'GYUR GLING ZHES BDE MCHOG GRVA TSANG GSAR BA'I KHRIMS SU BCA' BA'I YI GE GO BDE ZHING MDOR BSDUS PA 'DI NI GRVA SLOB RNAMS DANG SBYIN PA'I BDAG PO PAS SE RNAM RGYAL RDO RJE BCAS KYIS BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` GZUGS DANG BEM CHOS RNAMS ZAD NAS, ,GZUGS SKU 'JA' TSON BZHIN BKRA BA'I, ,STONG GZUGS YAB YUM LA BTUD NAS, ,PHAN PAR BYED PA CUNG ZAD 'DRI, ,'DIR BYANG GI PHYOGS KHA BA'I KHOR YUG GIS KUN TU KHYAB PA, SEMS CAN MUN NAG GI NANG DU CHUD PA DANG 'DRA BA RNAMS KYI KHROD DU GNAS PA'I DGE SLONG DUS KYI 'KHOR LO PA BLO BZANG DPAL LDAN YE SHES ZHES BYA BAS, MA RIG PA'I SMAG RUM DU CHUD PA'I 'GRO BA RNAMS KYI MUN PA YONGS SU BSAL BA'I PHYIR THUB DBANG RDO RJE 'CHANG BLO BZANG DUS KYI 'KHOR LO'I DGONGS PA YONGS SU 'BYED PA'I PHYIR DPAL MNYAM MED RGYUD PA GRVA TSANG GI RIG SNGAGS 'CHANG BA'I DGE 'DUN LAS GRANGS BCU DRUG ZUR DU BKOL BA LA, BCOM LDAN 'DAS DPAL DUS KYI 'KHOR LO'I BDAG MDUN BUM GSUM DBANG GI CHOG SBYIN SREG DKYIL 'KHOR 'DRI BA DANG BCAS PA THUB PA'I RING LUGS MTHAR THUG PA RJE BDAG NYID CHEN POS MDZAD PA'I SROL RGYUN GYI PHYAG BZHES DRI MA MED PA MA NYAMS PAR BTZUGS PA 'DI NYID GONG NAS GONG DU SPEL BA'I PHYIR PHRAL GYI KUN SPYOD SPANG BLANG BYA TSUL 'DI LTAR BRJOD PAR BYA STE, DE YANG MDZAD SPYOD RIGS PHAL MO CHE MDO SNGAGS KYI

22a

, ,BCA' YIG DANG 'DUL BA'I KUN TU SPYOD PA LAS ZUR SPROS MA DGOS SHING, THUN MONG MIN PA'I NYAMS BZHES MDZAD RGYUR, 'DI NYID GRVA NYUNG ZHING TSOGS 'DU'I BYA BA LCI STABS DGE 'DUN RNAMS THUGS MI MTHUN PA'I NYES PAS GOS NA SHIN TU MI LEGS PAS THUGS MTHUN PA GAL CHE, DE YANG TSOGS 'DU'I BAR RNAMS DANG, DGOS PA SKABS DON GYIS TSOGS 'DU MDZAD DGOS SOGS GANG SAR PHAN TSUN SPRO BA 'PHEL BA'I GSUNG GLING LAS MTSANG DU 'PHOG PA'I GLENG RTZOD DANG, ZHAL 'KHRUG GI RIGS GTAN NAS MI MDZAD, SPYI RDZAS SU BYAS PA'I RIGS BYUNG BA RNAMS LA DGE 'DUN RANG GI SPYI'I BYA BYED DANG RNYED PAR BYA BA LAS, LAS BYED SOGS GSHED CHE RIM NAS BDE SPYOD PA SOGS GTAN NAS MI BYA, ZLA BA BYUNG NGO COG GI TSES LNGA BRGYAD NYER LNGA RNAMS LA RAS BRIS LA BRTEN PA'I GSUNG CHOG NAR MA DANG, NAG PA ZLA BA'I SGRUB MCHOD CHEN MO, ZLA BA GNYIS PA'I RGYAL DBANG MCHOG GI DUS MCHOD NYIN GSUM SOGS DUS TSOD SO SO LAS MA 'PHYUGS PAR MDZAD PA SKU GAL CHE ZHING, SPYIR CHO GA'I DUS THAMS CAD DANG, KHYAD PAR SGRUB MCHOD CHEN MO'I DUS SU GSUNG CHOG SBUGS 'GRIG CING SNYAN PA DANG, DAL BREL RAN PA LA GTZO BOR 'BAD, 'DIR CHO GA MI NYAMS PA'I THUGS KHUR BSKYED PA'I PHYIR DGE 'DUN GYI GRANGS BCU DRUG LAS GONG DU MI SPOR BAS, DGE 'DUN TSANG MAS CHO GA 'DI NYID BYAD BA LA NAN TAN MDZAD CING, 'DI NYID STOBS CHE BA LA BSNYAD NAS CHO GA THUGS SU CHUD ZIN PA'I MJUG TU SNGAGS GRVA'I GSUNG CHOG RNAMS LA LE LO MI MDZAD, BSNYEN MTSAMS MDZAD BZHED DANG TSA

22b

CHU'I 'PHROD BSTEN DGOS RIGS DANG NAD KYIS THEBS PA SOGS LA RDO RJE SLOB DPON LA SPRO BA DRIS NAS GNANG ZHU MDZAD, SLOB DPON GYIS 'DI GAR 'PHROS PA RE GTONG, GRONG CHOG TU 'BYON PA RNAMS KYIS KYANG CHO GA'I DUS GSUM LA BYON NA LEGS SHING, SHIN TU GAL CHE'I RIGS LA RDO RJE SLOB DPON LA 'PHROS PA RE MDZAD NA LEGS, NAG ZLA'I SGRUB MCHOD CHEN MO'I DUS SU NAD KYIS BTAB NA MA GTOGS CI LA THUG KYANG BREL BA GSHOL NAS 'BYON DGOS, SBYIN BDAG DANG CAN GYIS CHOG PA YONGS RDZOGS SA MCHOG GRVA BA GRANGS BCAD SPYAN 'DREN MI SOGS LA PHEBS SKABS KYANG PHYAG LEN RNAMS SLA CHOS SUM SONG BAR MDZAD, GRVA 'DIR 'JUG SKABS LAS TSAN PA RNAMS KYI MDUN DU RGYUGS GTZANG SING GIS 'PHROD NA MA GTOGS MI 'JUG ,'DIR BZHUGS MI BZHED PAR DGONGS PA ZHU BAR MDZAD 'DOD NA RDOR SLOB LA ZHUS SHING ,RDOR SLOB KYIS BRTAG PA BYAS NAS 'DIR 'PHROS PA BYED, 'DI DAG LAS LEGS RIGS LA RDO RJE SLOB DPON DANG DBU MDZAD SOGS NAS TSIG GI GLENG MOS LEGS PAR BRDA SPROD CING, DE LA GZHAN GYIS RE 'KHANGS MI BYED, 'DI LAS MANG BA'I YIG RIS KYANG GTAN NAS MI BZO ZHING; TSAD LAS KYANG GZHAN MI BYED PAS, ,ZLA BA NANG RES KYI NYER LNGA'I TSOGS SKOR RTING MA DANG, SGRUB MCHOD CHEN MO'I GSHEGS GSOL GYI NYIN KHO BOS SBYAR BA'I BDEN BDAR GYI BZLOG PA RE KHRIMS 'GAL BA RNAMS LA DMIGS NAS MDZAD, DE LTA BU'I SGO NAS LEGS PAR SPYAD PA GONG NAS GONG DU SPEL BAR BYA BA LA THUGS KHUR BSKYED PAR ZHU, ZHES DUS 'KHOR CHOG GRVA BA RNAMS KYI KHRIMS SU BCA' BA 'DI NI RDO RJE SLOB DPON PA DKA' CHEN TSE RING CHOS 'PHEL GYIS BSKUL MA MDZAD PA LTAR ^ DPAL DUS KYI 'KHOR LO'I RNAL 'BYOR SPYOD PA ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,

23a

, ,THAMS CAD MKHYEN PA LA PHYAG 'TSAL LO, ,DE YANG, PHAN BDE 'BYUNG BA'I GNAS GCIG PU, ,BSTAN PA YUN RING GNAS PA DANG, ,BSTAN 'DZIN SKYES BU DAM PA RNAMS, ,SKU TSE'I RGYAL MTSAN BRTAN GYUR CIG ,CES PA'I SMON YUL DAM PA SANGS RGYAS KYI BSTAN PA RIN PO CHE'I SNYING PO CHOS KYI RGYAL PO TZONG KHA PA CHEN PO'I BSTAN PA RIN PO CHE 'DI NYID MI NYAMS SHING DAR RGYAS SU 'GYUR BA DANG, DE 'DZIN PA'I SKYES CHEN RNAMS ZHABS PAD BRTAN PA NI DGE 'DUN GYI SDE CHEN PO RNAMS 'DUL KHRIMS RNAM PAR DAG PA'I KUN SPYOD KYIS TSUL KHRIMS KYI PHUNG PO RAB TU RGYAS PA LA RAG LUS PAS, DES NA DGA' LDAN DAR RGYAS GLING 'DIR BZHUGS PA'I DGE 'DUN RNAMS NAS DAM PA'I CHOS 'DUL BA'I KHRIMS RNAMS RANG RANG GI SKABS SU GANG BABS PA BZHIN SLOB DPON SOGS LA BRTEN NAS LEGS PAR BSLAB DGOS, DE YANG DGE TSUL RNAMS KYIS DGE TSUL GYI GNAM RTZE LDENG MA DANG DGE SLONG RNAMS KYIS DGE SLONG GI BSLAB BYA RGYAS BSDUS JI LTAR RIGS PA RE'I DPE CHA MED MI RUNG DU 'CHANG ZHING DE LA BLTA RTOG GIS NYAMS LEN GANG LCOGS BYED PAR BCAD, GRVA 'DIR ZHUGS PHYIN RAB TU BYUNG BA DANG DGE TSUL GYI DNGOS PO MA SGRUB PAR ZHAG BDUN TSUN MI 'KHOD PAR BCAD, GRVA 'DI NYID KYI ZHAL 'DON GYI RIGS JI SNYED PA THAMS CAD BYANG ZHING DAG PA 'ONG BA LA NAN TAN BSKYED, TSOGS SU BZHUGS PA DANG 'DU BA'I TSE BAG YOD PA'I KUN SPYOD KYIS 'DU BA LAS BAG MED KYI BYA BA BRGYUG PA DANG 'DZING BA DANG THA MI KHA 'THUNG BA SOGS GTAN NAS MI MDZAD, TSOGS SU GANG SKABS SU BABS PA'I ZHAL 'DON RNAMS NAN TAN DU MDZAD

23b

CING TSOGS GROL NAS RANG RANG GI GNAS SU YANG BAG MED PA'I MDA' 'PHEN PA SOGS MTSON CHA'I LAS BYED PA DANG MIG MANG DANG SHO RTZE BA SOGS DANG CHANG 'THUNG BA SOGS GTAN NAS MI BYA, RI DVAGS BRDOD PA DANG RA LUG GSOD PA SOGS LA THE DOGS KYI RIGS GTAN NAS MI BYED, DGE TSUL SLONG SKABS SU GANG BABS KYI YO BYAD TSANG BA RE NGES PAR TSAGS BYED, DGE 'DUN GYI SPYI RDZAS RIGS GANG ZAG RANG RANG GI GSHED MOD GIS LONGS SPYOD PA SOGS MI BYA, 'DI DAG DANG 'GAL NA CHAD LAS JI LTAR BSGRUB PA'ANG BUD MED KYI SKYON DANG, MI'AM MIR CHAGS PA BSAD PA'I SROG GCOD DANG, RKUN MA BYAS PA SOGS SDOM PA NYAMS PA'I RIGS BYUNG TSE DGE 'DUN GYI DBUS SU NYES PA BSGRAGS NAS GNAS NAS 'BYIN CING, NYES PA KHAS MI LEN NA DNGOS PO RNAMS DGE 'DUN GYIS LEN; CHANG 'THUNG BA LA'ANG DON GO NGES KYI SKAD CHA LABS TE TSOGS SU MAR ME PHUL NAS PHYAG LNGA BRGYA BYED DU 'JUG CING, GAL TE DA DUNG 'THUNG NA GNAS NAS 'BYIN, MTSON CHA'I RIGS CHOS LDAN GYI DGOS PA MED PAR 'CHANG ZHING 'PHEN PA SOGS BYED TSE MTSON CHA RNAMS PHROGS NAS DGE 'DUN GYI DBUS SU MAR ME NYIS BRGYA PHUL TE PHYAG NYIS BRGYA BYED DU GZHUG ,GZHAN YANG RAB BYUNG SOGS MA SGRUB PAR RING DU 'KHOD PA DANG YO BYAD RNAMS MA BCANGS PA DANG TSOGS SU 'DU BA'I TSE BAG MED BYAS PA SOGS LA BLA MA DANG DGE SKOS KYIS LEGS PAR BRTAGS TE TSIG GIS TSAR BCAD NAS 'PHRAL DU SGRIG TU 'JUG ,'KHRUG PA'I RIGS KYI RMA KHRAG BTON PA'I BRDEG RES BYAS PA GNAS NAS 'BYIN CING, BRDEG RES MIN PA'I 'KHRUG PA RNAMS LA DGE 'DUN LA NYE BAR

24a

, ,MKHO BA'I YO BYAD KYI RIGS THAG RING NAS LUS KYIS LEN DU 'JUG ,DGE 'DUN GYI SPYI RDZAS GANG ZAG GIS DBANG GSHED KYIS LONGS SPYAD TSE NYIS 'GYUR DU SGRIG ,'DI DAG NI CHE LONG TZAM ZHIG BRJOD PA STE, GTZO BOR DGE 'DUN THUGS MTHUN PA'I THABS LA NAN TAN BYAS NGOS DAM PA'I CHOS 'DUL BA'I KUN TU SPYOD PA LA NAN TAN GYIS BSLAB PAR BYA'O,, ZHES DGA' LDAN DANG RGYAS GLING GI KHRIMS SU BCA' BA'I YI GE 'DI NI, HOR CHEN T'A BLA MA YE SHES 'BYUNG GNAS KYIS BSKUL BA LTAR YUL DUS DANG BSTUN PA GTZO BOR BZUNG STE ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,

24b

[BLANK PAGE]

10a

10b

11a

11b

12a

12b

13a

13b

14a

14b

15a

15b

16a

16b

17a

17b

18a

18b

19a

19b

20a

20b

21a

21b

22a

22b

23a

23b

24a

24b

[BLANK PAGE]