S12232E · GMLW-006178

A Collection of Pieces in Supplication and Praise of a Variety of Gods of Wishes

'DOD LHA SNA TSOGS KYI BSTOD TSOGS GSOL 'DEBS KYI SKOR

מחברauthor

PANCHEN LAMA KUTRENG SUMPA PELDEN YESHEPAN CHEN BLA MA SKU PHRENG GSUM PA DPAL LDAN YE SHES1738-1780

נמצא בfound inEULOGIES (STOTRA)

מהדורהrecensionnot applicable - a collected works, not a canon edition

כניעה לhomage to'PHAGS PA SPYAN RAS GZIGS DBANG PHYUG LA PHYAG

פוליוfolios1a–28a

צורהformverse

מצב תרגוםtranslationno English of the text

כיסוי המילון לכותרתdictionary coverage of the title100%

הקבציםThe files

S12232E_'DOD LHA SNA TSOGS KYI BSTOD TSOGS GSOL 'DEBS KYI SKOR_A Collection of Pieces in Supplication and Praise of a Variety of Gods of Wishes_PAN CHEN BLA MA SKU PHRENG GSUM PA DPAL LDAN YE SHES (1738-1780).TXT/BSTOD PA_EULOGIES (STOTRA)/'DOD LHA_ANGELS WHO GRANT WISHES

S12232E_'DOD LHA SNA TSOGS KYI BSTOD TSOGS GSOL 'DEBS KYI SKOR_A Collection of Pieces in Supplication and Praise of a Variety of Gods of Wishes_PAN CHEN BLA MA SKU PHRENG GSUM PA DPAL LDAN YE SHES (1738-1780).TXT/NYAMS LEN_PERSONAL PRACTICE/GSOL 'DEBS_PRAYERS OF SUPPLICATION/PAN CHEN BLA MA SKU PHRENG GSUM PA DPAL LDAN YE SHES_PANCHEN LAMA KUTRENG SUMPA PELDEN YESHE (1738-1780)

הטקסטThe text

טיבטיתTibetanS12232E_'DOD LHA SNA TSOGS KYI BSTOD TSOGS GSOL 'DEBS KYI SKOR_A Collection of Pieces in Supplication and Praise of a Variety of Gods of Wishes_PAN CHEN BLA MA SKU PHRENG GSUM PA DPAL LDAN YE SHES (1738-1780).TXT74,811 תוויםcharacters

*, ,'DOD LHA SNA TSOGS KYI BSTOD TSOGS GSOL 'DEBS KYI SKOR BZHUGS,

, ,SA PHYOGS 'DI YI RI DANG KLUNG LA SOGS, ,THAMS CAD LAG MTHIL LTAR MNYAM RGYAN GYIS MDZES, ,RIN CHEN DU MAS SPRAS PA'I KHRI STENG DU, ,PADMA NYI ZLA BRTZEGS PA'I GDAN GYI KHAR THUGS RJES RTZOD PA'I DUS KYI GDUL BYA RNAMS, ,THAR PA'I LAM LA 'GOD MDZAD 'PHAGS PA CHE, ,THUB PA MCHOG DANG GNAS BRTAN CHEN PO RNAMS, ,'KHOR DANG BCAS PA GNAS 'DIR GSHEGS SU GSOL,, THUB PAS BKA' BSGOS BSTAN PA'I RGYAL MTSAN 'DZIN, ,BHA RA DHVA DZA BSOD SNYOMS LEN DANG NI, ,GSER GYI BE'U BHA RA DHVA DZA DANG, ,LAM PA SGRA GCAN 'DZIN DANG KLU YI SDE, ,ZUR GYIS SHES DANG NAGS GNAS MA PHAM PA, ,MI PHYED SHING SHUN CAN DANG BZANG PO STE, ,NAG PO BAD SA'I BU DANG BA LANG SKYONG, ,GTZUG GI LAM PA KUN TU DGRA BCOM PA, ,TSE YI RIG 'DZIN THOB RNAMS GNAS 'DIR GSHEGS, ,BDAG GIS

, ,KUN BZANG MCHOD SPRIN RGYA CHEN PO, ,THUB PA MCHOG DANG GNAS BRTAN BCU DRUG LA, ,GUS PAS 'BUL GYI BZHES LA BYIN GYIS RLOB, ` ,MTSUNGS MED BLTA BAS MI NGOMS SHING, ,GSER GYI MDOG CAN MDZES PA'I SKU, ,ZHAL GCIG PHYAG GNYIS SKYIL KRUNG BZHUGS, ,SA GNON MNYAM GZHAG MDZAD PHYAG 'TSAL, ,BLA MA'I SKU TSE BRTAN PA DANG, ,BSTAN PA RGYAS PAR BYIN GYIS RLOB, 1 ,SHAR GYI LUS 'PHAGS GLING NA NI, ,BHA RA DHVA DZA BSOD SNYOMS LEN, ,DGRA BCOM STONG DANG SUM BRGYAS BSKOR, ,GLEGS BAM LHUNG BZED 'DZIN PHYAG 'TSAL, ,BLA MA'I SKU TSE BRTAN PA DANG, ,BSTAN PA RGYAS PAR 'GYUR BA DANG, ,YUL 'DIR PHUN TSOGS LO LEGS SHING, ,NAD YAMS 'KHRUG PA ZHI BA SOGS, ,DGE LEGS 'BYUNG BA'I 'PHRIN LAS MDZOD, 2 ,GNAS MCHOG KHA CHE'I YUL NA NI, ,'PHAGS PA GNAS BRTAN GSER BE'U, ,DGRA BCOM CHEN PO LNGA BRGYAS BSKOR, ,RIN CHEN ZHAGS PA 'DZIN PHYAG 'TSAL, ,BLA MA'I SKU TSE BRTAN PA DANG, ,BSTAN PA RGYAS PAR+, ,YUL 'DIR +, ,NAD YAMS +, ,DGE LEGS, 3 ,NUB KYI BA LANG SPYOD

NA NI, ,BHA RA DHVA DZA GSER CAN MCHOG ,DGRA BCOM CHEN PO BDUN BRGYAS BSKOR, ,PHYAG GNYIS MNYAM GZHAG MDZAD PHYAG 'TSAL, ,BLA MA'I SKU TSE BRTAN PA DANG, , ++++, 4 ,LHA GNAS SUM CU RTZA GSUM NA, ,'PHAGS PA GNAS BRTAN LAM PHRAN BRTAN, ,DGRA BCOM CHEN PO DGU BRGYAS BSKOR, ,CHOS 'CHAD MNYAM GZHAG MDZAD PHYAG 'TSAL, ,BLA MA'I +++++, 5 ,PRI YANGKU YI GLING NA NI, ,'PHAGS PA GNAS BRTAN SGRA GCAN 'DZIN, ,DGRA BCOM STONG DANG CHIG BRGYAS BSKOR,, RIN CHEN PHROG ZHU 'DZIN PHYAG 'TSAL, +++++, 6 ,RI YI RGYAL PO NGOS YANGS LA, ,'PHAGS PA GNAS BRTAN KLU YI SDE, ,DGRA BCOM STONG DANG BDUN BRGYAS BSKOR, ,BUM PA 'KHAR GSIL 'DZIN PHYAG 'TSAL, +++++, 7 ,GANGS RI CHEN PO TI SE LA, ,'PHAGS PA GNAS BRTAN ZUR GYIS SHES, ,DGRA BCOM STONG DANG SUM BRGYAS BSKOR, ,SPOS PHOR RNGA YAB 'DZIN PHYAG 'TSAL, +++++, 8 ,LO MA BDUN PA'I RI PHUG NA, ,PHAGS PA GNAS BRTAN NAGS NA GNAS, ,DGRA BCOM STONG DANG NYIS BRGYAS BSKOR, ,SDIGS MDZUB RNGA YAB 'DZIN PHYAG 'TSAL, +++++, 9 ,AU SHI RA YI DOGS NAGS NA, ,'PHAGS PA GNAS BRTAN MA PHAM PA, ,DGRA BCOM BRGYA PHRAG GCIG GIS BSKOR, ,PHYAG GNYIS MNYAM GZHAG MDZAD PHYAG 'TSAL, +++++, 10 ,GANGS CAN RI YI RGYAL PO LA, ,'PHAGS PA GNAS BRTAN MI PHYED PA, ,DGRA BCOM STONG DANG NYIS BRGYAS BSKOR, ,BYANG CHUB MCHOD RTEN 'DZIN PHYAG 'TSAL, +++++, 11 ,BYANG GI SGRA MI SNYAN NA NI, ,'PHAGS PA

, ,GNAS BRTAN SHING SHUN CAN, ,DGRA BCOM CHEN PO DGU BRGYAS BSKOR, ,PHYAG GNYIS NE'U LE 'DZIN PHYAG 'TSAL, +++++, 12 ,CHU BO YA MU NA'I GLING NA, ,'PHAGS PA GNAS BRTAN BZANG PO NI, ,DGRA BCOM CHEN PO NYIS BRGYAS BSKOR, ,CHOS 'CHAD MNYAM GZHAG MDZAD PHYAG 'TSAL, +++++, 13 ,'DZAM BU GLING GI ZANGS GLING NA, ,'PHAGS PA GNAS BRTAN K'A LI KA, ,DGRA BCOM CHEN PO SUM BRGYAS BSKOR, ,GSER GYI RNA SKOR 'DZIN PHYAG 'TSAL, +++ ++, 14 ,SINGGHA LA YI GLING NA NI, ,GNAS BRTAN BAS SA LI YI BU, ,DGRA BCOM STONG DANG SUM BRGYAS BSKOR, ,SDIGS MDZUB RNGA YAB 'DZIN PHYAG 'TSAL, +++++, 15 ,RI YI RGYAL PO BI HU LAR, , 'PHAGS PA GNAS BRTAN BA LANG SKYONG, , DGRA BCOM CHEN PO LNGA BRGYAS BSKOR, ,PHYAG GNYIS GLEGS BAM 'DZIN PHYAG 'TSAL, +++++, 16 ,BYA RGOD PHUNG PO'I RI BO LA, ,'PHAGS PA GNAS BRTAN GTZUG LAM PA, ,DGRA BCOM STONG DANG DRUG BRGYAS BSKOR, ,PHYAG GNYIS MNYAM GZHAG MDZAD PHYAG 'TSAL, +++++, 17 ,'PHAGS PA DGE BSNYEN DHA RM'A TA, ,RAL PA'I THOD BCINGS GLEGS BAM KHUR, ,SNANG BA MTHA' YAS MDUN NA BZHUGS, ,RNGA YAB BUM PA 'DZIN PHYAG 'TSAL, +++++ ,YUL 'KHOR BSRUNG DANG 'PHAGS SKYES PO; ;SPYAN MI BZANG DANG RNAM THOS SRAS, ,YAB YUM SRAS DANG G-YOG BCAS LA, ,PHYAG 'TSAL BSTOD DE MCHOD PA 'BUL, ,BLA MA'I SKU TSE BRTAN PA DANG, ,BSTAN PA RGYAS PAR 'GYUR BA DANG, ,YUL 'DIR PHUN TSOGS LO LEGS SHING, ,NAD

YAMS 'KHRUG PA ZHI BA SOGS, ,DGE LEGS 'BYUNG BA'I 'PHRIN LAS MDZOD, ,THUB PA MCHOG DANG GNAS BRTAN BCU DRUG LA, ,BDAG GIS GUS PAS MCHOD PA RGYA CHER 'BUL, ,DGYES SHING BZHES NAS BDAG DANG SEMS CAN RNAMS, ,TSE RING NAD MED DAM CHOS 'PHEL BA DANG, ,TSUL BZHIN BSGRUB PA'I GROGS RNAMS ZHABS BRTAN SOGS, ,MTHUN RKYEN MA LUS YID BZHIN 'GRUB PAR MDZOD, CES BSTON PA RIN PO CHE'I RGYAL TSAB 'PHAGS PA'I BRTAN BCU DRUG LA MCHOD CING GSOL BA 'DEBS PA RDZOGS SO,, MANGGA LAm,, ` 'PHAGS PA SPYAN RAS GZIGS DBANG PHYUG LA GDUNG BA'I DBYANGS KYI SGO NAS GSOL BA 'DEBS SHING YANG DAG PA'I DON RNAMS LA SMON PAR BYED PA THUGS RJE BSKUL BA'I GLU DBYANGS ZHES BYA BA BZHUGS SO, ` NA MO A'ARYA LO KE SHVA RVA YA, RGYAL BA THAMS CAD KYI SNYING RJE'I RANG GZUGS BDE LDAN ZHING GI MGON PO 'OD DPAG TU MED PA'I SPYAN GYI CHU MTSO LAS LEGS PAR 'THON PA BCOM LDAN 'DAS LHA GCIG PAD DKAR 'CHANG BA 'PHAGS PA SPYAN RAS GZIGS DBANG PHYUG LA GDUNG BA'I DBYANGS KYI SGO NAS GSOL BA 'DEBS SHING YANG DAG PA'I DON RNAMS LA SMON PAR BYED PA THUGS RJE RAB TU BSKUL BA'I GLU DBYANGS ZHES BYA BA, 'PHAGS PA SPYAN RAS GZIGS DBANG PHYUG LA PHYAG LA PHYAG 'TSAL LO, ,KEE LA SHA YI RI BO ZLA 'OD 'BUM, ,RNAM PAR RGYAS PA'I MKHYUNG MOS BCINGS 'DRA BA'I, ,SKU YI MCHOD SDONG MTSAN DPE'I 'DI TSOGS KYIS, ,RAB SPRAS PAD DKAR 'DZIN LA PHYAG 'CHAL LO, ,RGYAL BA KUN GYI MKHYEN DANG BRTZE BA YI, ,RANG GZUGS LHA YI RNAM PAR SHAR BA KHYOD, ,SDUG BSNGAL 'KHOR BA'I RGYA

, ,MTSOR BYING BA'I TSOGS, ,SGROL BA'I KHUR CHEN 'DZIN PA MA YIN NAM, ,DE LTAR DAM BCA' BRTAN PA'I LHA KHYOD KYIS, ,CUNG ZAD TZAM YANG G-YEL BA MA YIN MOD, ,'ON KYANG BDAG CAG NYON MONGS MES GDUNGS PAS, ,RTZE GCIG GSOL BA 'DEBS PA 'DI DGONGS SHIG ,SNGON CHAD MA RIG LCAGS KYI SBUBS SU CHUD, ,DE LTA'I DBANG GIS DUG GSUM CHER 'PHEL BAS, , YUN RING BZOD DKA'I SDUG BSNGAL SNA TSOGS KYIS, ,DAN 'GRO'I GNAS SU GTZES LAS SKYOB TU GSOL, ,DMYAL DANG YI DVAGS DUD 'GRO LHA MIN SOGS, ,LOG PAR BLTA BAS BSREG BKRES PHAN TSUN BZA', ,'THAB DANG RTZOD SOGS MYA NGAN DPAG MED KYIS, ,RAB TU GZIR BDAG LAS SKYOB TU GSOL, ,LAS NYON SHUGS DRAG STOBS LDAN CHU BO YIS, ,BAR MA CHAD PAR KHYER ZHING RING DU 'KHYAMS, ,MNAR MED LA SOGS SDUG BSNGAL CHU SRIN GYIS, ,NYAMS NYES GYUR PA 'DI LAS SKYOB TU GSOL, ,RJE BTZUN THUGS RJE'I PHYAG RING LEGS BRKYANGS TE, ,NGAN SONG MI BZAD SDUG BSNGAL 'DAM RDZAB CAN, ,THAR MED GNAS SU LHUNG BA'I LUS CAN TSOGS, ,DE LAS PHYUNGS NAS LAM BZANG LA 'GOD MDZOD, ,DENG NAS TSE RABS KUN TU BCOM LDAN 'DAS, ,THUGS RJE'I GTER CHEN KHYOD KYI ZHABS PADMO, ,BSTEN DANG SKAD CIG TZAM YANG MI 'BRAL ZHING, ,YE SHES SNANG BA MCHOG TU RGYAS PAR SHOG ,DE YI MTHU LAS RDZU 'PHRUL MNGON SHES DANG, ,GZUNGS SPOBS TING 'DZIN SHES RAB BGRANG YAS PA, ,BSAM GYIS MI KHYAB RGYUD LA RAB SKYES NAS, ,NAM MKHA'I

MTHAR 'GRAN 'GRO RNAMS 'DREN PAR SHOG ,MIG DANG RNA BA LA SOGS DBANG PO YI, ,MNGON PAR SHES PA RNAMS LA DBANG 'BYOR ZHING, ,YUL SNANG KUN GYI GNAS LA THOGS MED PAR, ,RAB DPYAD CHOS TSUL RGYA MTSOR MNGA' 'BYOR SHOG ,MIG 'DZUM TZAM GYI YUN TSAD RE RER YANG, ,DPAG YAS ZHING KHAMS RNAMS SU LEGS PHYIN CING, ,BDE BAR GSHEGS PA'I ZHAL MTHONG CHOS THOS NAS, ,DGA' BDE'I DPAL GYIS YID RAB TSIM PAR SHOG ,DE LTAR MGON PO KHYOD KYI BKA' DRIN LAS, ,LEGS TSOGS YON TAN THAMS CAD KHONGS CHUD CING, ,NYON MONGS SHES BYA'I SGRIB PA KUN BCOMS TE, ,MTHAR THUG GO 'PHANG MCHOG DE 'GRUB PAR SHOG ,DE LTA'I GO 'PHANG MCHOG DE MA THOB BAR, ,GSANG BA'I BDAG PO LAG NA RDO RJE SOGS, ,MTHU STOBS LDAN PA KUN GYIS NYIN MTSAN DU, ,G-YEL BA MED PAR BSRUNG ZHING SKYOB PAR SHOG, CES RGYAL BA THAMS CAD KYI SNYING RJE'I RANG GZUGS BDE LDAN ZHING GI MGON PO 'OD DPAG TU MED PA'I SPYAN GYI CHU MTSO LAS LEGS PAR 'THON PA BCOM LDAN 'DAS LHA GCIG PAD DKAR 'CHANG BA 'PHAGS PA SPYAN RAS GZIGS DBANG PHYUG LA GDUNG BA'I DBYANGS KYI SGO NAS GSOL BA 'DEBS SHING YANG DAG PA'I DON RNAMS LA SMON PAR BYED PA THUGS RJE RNAM PAR BSKUL BA'I GLU DBYANGS ZHES BYA BA 'DI NI YONGS RDZOGS BSTAN PA'I GSAL BYED DAM PAR GYUR PA KUN TING PHU'U SHAN KVANG TSI T'AKOO SHR'I LCANG SKYA MCHOG GI SPRUL PA'I SKU RIN PO CHE NAS 'DI LTA BU ZHIG DGOS ZHES BKAS NYE BAR BSKUL BA LA BRTEN NAS ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` NA MO GU RA WE, PHYAG CHEN GSOL 'DEBS KYI THAMS CAD

, ,MKHYEN PA BLO BZANG YE SHES DPAL BZANG PO'I GSOL 'DEBS KYI MJUG TU, GNAS DBEN PA'I RI SUL KHYAD 'PHAGS PAR, ,SNANG BA KUN SGYU MA LTAR GZIGS TE, ,BLO BZANG GRAGS BSTAN LA CHER DGONGS PA, PHYOGS LAS RNAM RGYAL LA GSOL BA 'DEBS, ,RGYUD BDAG 'DZIN 'KHRI BA SOGS, DE'I GSUNG LAS DON 'DI CHER DGONGS PAS, ,ZUNG 'JUG PHYAG CHEN GYI LAM BZANG MCHOG ,YANG DAG PAR THUGS KYIS LEGS RTOGS PA, ,YE SHES MTSAN LDAN LA GSOL BA 'DEBS, + ,RJE BLA MA'I BKA' SROL MTHAR THUG PA, ,SNGON GZHAN GYIS MA MYANGS ZAB MO'I GNAD, ,PHYOGS KUN TU NYI LTAR GSAL MDZAD PA, ,DPAL DAG DBANG BYAMS PAR GSOL BA 'DEBS, + ,TSUL 'DI DANG GSANG SNGAGS BLA MED KYI, , BDE CHEN PO CHU LA CHU BZHAG BZHIN, , MTHAR PHYIN PAR MNGON DU MDZAD GYUR PA, ,BLO BZANG DPAL LDAN YE SHES LA GSOL BA 'DEBS, ,RGYUD SOGS BYA ZHING GZHAN PAn CHEN GONG MA RNAMS KYI GSUNG BZHIN NO,, ZHES PA 'DI NI MGON KHANG DBU MDZAD DKA' BCU ZHABS DRUNG BLO BZANG DPAL 'BYOR GYIS BLA MA MCHOD PA'I SKABS 'DON RGYUR 'DI LTA BU ZHIG DGOS ZHES BSKUL BA LA BRTEN NAS DPAL LDAN BLA MA DAM PA'I GSUNG NGAG NYAMS SU MYONG BA'I BKA' DRIN LAS LAM 'DI DANG, SNGAGS KYI ZAB GNOD RNAMS RTZE GCIG TU BSGRUB PA'I DGE SLONG SPONG BA PA BLO BZANG DPAL LDAN YE SHES KYIS BGYIS PA'O,, ` PHYAG 'TSAL GYI SKABS, SH'AKYA'I RGYAL PO DANG GNAS BRTAN BCU DRUG DANG RGYAL CHEN BZHI SOGS NAM MKHAR DMIGS NAS, DE RNAMS LA PHYAG 'TSAL BAR MOS SHING, KHYOD

RNAMS KYIS BDAG 'KHOR BA DANG NGAN SONG GI SDUG BSNGAL LAS SKYOB CING SDUG BSNGAL GYI RGYU DKOR GYI NYES LTUNG SOGS DANG BRAL BAR BYIN GYIS RLOB TU GSOL SNYAM DU MOS PAR BYA, TSA TSA'I SKABS, SDIG LTUNG RNAMS BYANG BA'I PHYIR BDAG GIS TSA TSA BZHENG SNYAM PA BYA, MJUG TU RDZOGS BYANG GI RGYUR 'GYUR BA'I BSNGO SMON GYI RGYAS 'DEBS KYANG BYA, ZHES PA 'DI NI GNAS BRTAN PHYAG MCHOD DANG 'BREL BA'I PHYAG 'TSAL TSUL DANG TSA TSA 'DEBS SKABS DMIGS PA BYED LUGS BCAS MDOR BSDUS PA ZHIG DGOS ZHES SRAD RIN CHEN RTZE'I RDZONG DPON TSANGS DPAL GYIS BSKUL BA BZHIN ^ SH'AKYA'I DGE SLONG BLO BZANG DPAL LDAN YE SHES KYIS BKOD PA'O,, ` GCOD KYI GSOL 'DEBS SKABS, SLAR YANG DE YI GNAS MCHOG NA, ,SANGS RGYAS YE SHES BYIN RLABS CAN, ,BYIN RLABS CAN LA GSOL BA 'DEBS, ,BKRA SHIS LHUN GRUB PHO BRANG NA, ,CHOS KYI RGYAL MTSAN BYIN RLABS CAN, ,BYIN RLABS CAN LA GSOL BA 'DEBS, ,DAM PA CHOS KYI BRAG PHUG NA, , BRTZON 'GRUS RGYAL MTSAN BYIN RLABS CAN, ,BYIN RLABS CAN LA GSOL BA 'DEBS, ,RANG BZHIN LHUN GRUB GZHAL YAS NA, ,SANGS RGYAS RDO RJE BYIN RLABS CAN, ,BYIN RLABS CAN LA GSOL BA 'DEBS, ,SER RTZE YI SGRUB KHANG NA, ,DGE LEGS RGYA MTSO BYIN RLABS CAN, ,BYIN RLABS CAN LA GSOL BA 'DEBS, ,PHUR BU LCOG GI PHO BRANG NA, ,NGAG DBANG BYAMS PA BYIN RLABS CAN, ,BYIN RLABS CAN LA GSOL BA 'DEBS,

, ,BKA' GDAMS PHO BRANG GZHAL YAS NA, ,RTZA BA'I BLA MA BYIN RLABS CAN, ,BYIN RLABS CAN LA GSOL BA 'DEBS,, ZHES BYA'O, ZHES PA 'DI NI RANG GI SLOB MA GCOD KYI NYAMS LEN DON DU GNYER BA 'GA' ZHIG GIS BSKUL BA LTAR ^ BDAG MED PA'I RNAL 'BYOR SPYOD PA ^ SH'AKYA'I DGE SLONG BLO BZANG DPAL LDAN YE SHES KYIS BGYIS PA'O,, ` SHAMBHA LA'I YUL GYI CHOS RGYAL RIGS LDAN RNAMS LA BSTOD PA'I RAB TU PHYE BA DNGOS GRUB RNAM PAR 'BYUNG BA'I SGRA DBYANGS ZHES BYA BA BZHUGS, ` NA MO GU RU MANYDZU GHO sh'A YA, DAG PA'I ZHING MCHOG 'OG MIN SAR SPYOD PA, ,DPAL LDAN SHAMBHA LA YI YUL MCHOG TU, ,'GRO BA RNAMS KYI 'DREN PA MCHOG GYUR PA'I, ,RDO RJE'I RIGS LDAN RNAMS LA GUS PAS 'DUD, ,RIGS LDAN KUN GYI THOG MA 'JAM DPAL DBYANGS, ,'KHOR LOS BSGYUR BA'I ZOL 'CHANG GRAGS PA'I DPAL, ,RAB MNGA' CHOS 'CHAD AUTPAL GLEGS RAL 'DZIN, ,'JAM DPAL GRAGS PA'I ZHABS LA GSOL BA 'DEBS, ,DE YI SRAS MCHOG SPYAN RAS GZIGS SPRUL PA, ,PHYAG G-YAS MCHOG SBYIN SHEL 'PHRENG G-YON PAD DKAR, ,'DZIN CING 'GRO KUN 'KHOR BA LAS SGROL BA, ,PADMA DKAR PO'I ZHABS LA GSOL BA 'DEBS, ,GSHIN RJE GSHED PO MI YI GZUGS 'CHANG BA, ,BZANG PO'I MTSAN CAN PHYAG G-YAS 'KHOR LO DANG, ,G-YON PA DUNG 'DZIN LHA YI DPAL 'BYOR CAN, ,CHOS KYI RGYAL PO'I ZHABS LA GSOL BA 'DEBS, ,SA SNYING SPRUL PA RNAM RGYAL PHYAG G-YAS NA, ,LCAGS KYU 'DZIN

CING G-YON PA ZHAGS PA BSNAMS, ,'GRO BA RNAMS LA DBUGS DBYUNG SBYIN MDZAD PA, ,MGON PO KHYOD LA BDAG NI GSOL BA 'DEBS, ,RMUGS BYED SA SKYONG GZUGS 'DZIN BSHES GNYEN BZANG, ,MDA' DANG GZHU 'DZIN SNYING RJE'I BDAG NYID CAN,, LUS CAN KUN LA LAM BZANG SBYIN MDZAD PA, ,STONG GZUGS SKU BRNYES KHYOD LA GSOL BA 'DEBS, ,SGRIB SEL SPRUL PA PHYAG DMAR ZHES GRAGS PA, ,RDO RJE DRIL BU 'DZIN CING RNAM PAR 'GYING, ,MTHA' DAG 'GRO LA BDE SKYID STZOL BA PO, ,CHOS KYI RGYAL PO'I ZHABS LA GSOL BA 'DEBS, ,KHENG BYED SA SKYONG TSUL 'DZIN KHYAB 'JUG SBAS, ,PHYAG G-YAS RTZE GSUM G-YON PA 'PHRENG BA 'DZIN, ,STONG GZUGS PHYAG RGYA'I ZLOS GAR RAB BSGYUR BA, ,'KHOR LOS BSGYUR BA'I ZHABS LA GSOL BA 'DEBS, ,NAM SNYING SPRUL PA NYI MA GRAGS PA ZHES, ,RAB GRAGS PHYAG G-YAS RAL GRI G-YON NA PHUB, ,LEGS 'DZIN GDUG PA'I TSOGS RNAMS SKRAG BYED PA, ,CHOS KYI RGYAL PO KHYOD LA GSOL BA 'DEBS, ,BGEGS DGRA'I SPRUL PA SHIN TU BZANG PO CHE, ,SNGO MDANGS KHROS PA'I NYAMS CAN GRI PHUB 'DZIN, ,MA RUNGS LOG 'DREN MTHA' DAG 'JOMS MDZAD PA, ,SA SKYONG CHEN PO'I ZHABS LA GSOL BA 'DEBS, ,PHYAG RDOR MI DBANG TSUL GYIS SHMBHA LAR, ,RAB ROL RIGS LDAN RGYA MTSO RNAM RGYAL CHE,, PHYAG G-YAS DGRA STA G-YON PA TSANGS MGO 'DZIN, ,STONG GZUGS RNAM PAR ROL LA GSOL BA 'DEBS, ,GSHIN RJE MTHAR BYED RGYAL PO'I RNAM ROL CAN, ,RGYAL DKA' PHYAG GNYIS DBYUG PA LCAGS SGROG 'DZIN, ,STONG GZUGS PHYAG RGYA'I ROL

, ,PAS DUS 'DA' BA, ,CHOS KYI RGYAL PO'I ZHABS LA GSOL BA 'DEBS, ,RIGS LDAN NYI MA PHYAG G-YAS LCAGS KYU DANG, ,G-YON PA ZHAGS PA DKUL RAB BRTEN CING, ,G-YON BRKYANGS G-YAS BSKUMS GZI BRJID CHER RGYAS PA, , SA SNYING RNAM PAR ROL LA GSOL BA 'DEBS, ,RMUGS BYED SA SKYONG BKOD PAS YONGS ROL PA, ,RIGS LDAN SNA TSOGS GZUGS NI LCAGS KYU DANG, ,ZHAGS PA RAB 'DZIN GRAGS PA'I DPAL MNGA' BA, ,SA SKYONG DAM PA'I ZHABS LA GSOL BA 'DEBS, , SGRIB PA RNAM SEL ZLA BA'I 'OD 'CHANG BA, ,PHYAG GNYIS CHOS 'CHAD PADMA AUTPAL STENG, ,'KHOR LO DUNG 'DZIN THUGS RJE'I GTER CHEN PO, ,'GRO LA DBUGS DBYUNG SBYIN LA GSOL BA 'DEBS, ,KHENG BYED RGYAL PO'I ZOL 'CHANG MTHA' YAS CHE, , PHYAG G-YAS MCHOG SBYIN THO BA G-YON PAD DKAR, ,LEGS 'DZIN SEMS CAN RNAMS LA BDE LEGS TSOGS, ,LEGS SBYIN CHOS KYI RGYAL POR GSOL BA 'DEBS, ,NAM SNYING MI YI TSUL 'CHANG SA SKYONG ZHES, ,YONGS GRAGS MNYAM GZHAG GRI GUG THOD PAS MTSAN, ,NAG PO'I PHYOGS KUN 'JOMS LA THOGS MED PA, ,RIGS LDAN CHEN PO'I ZHABS LA GSOL BA 'DEBS, ,BGEGS DGRA RIGS LDAN RNAM ROL DPAL SKYONG CHE, ,PHYAG G-YAS RTZE GSUM G-YON PA KHA tV'Am 'DZIN, ,MA LUS 'GRO BA KUN GYI SKYABS GCIG PU, ,CHOS KYI RGYAL PO'I ZHABS LA GSOL BA 'DEBS, ,PHYAG RDOR SPRUL PA SENGGE'I PHYAG G-YAS PAS, ,RDO RJE DKUR BRTEN G-YON PA DRIL BUS BRGYAN, ,RNAM RTOG THA MAL LUS KUN YONGS ZAD PA, ,CHOS KYI RGYAL PO'I ZHABS LA GSOL

BA 'DEBS, ,GSHIN RJE GSHED SPRUL RNAM GNON G-YAS PA YIS, ,DBYUG PA 'PHYAR ZHING G-YON NA LCAGS SGROG BSNAMS, ,MA RUNGS KUN 'JOMS 'GRO BA'I SKYABS GCIG PU, ,RIGS LDAN CHEN PO'I ZHABS LA GSOL BA 'DEBS, ,SA SNYING SPRUL PA RIGS LDAN STOBS PO CHE, ,d'A MA RU DANG NOR BU PAD STENG 'DZIN, ,BYIN RLABS GZI 'OD PHYOGS BCUR RAB 'PHRO BA, ,STONG GZUGS SKU YIS ROL LA GSOL BA 'DEBS, ,RMUGS BYED RGYAL PO'I SKUR BSTAN MA 'GAGS PA, ,PHYAG G-YAS BRKYANGS PAS LCAGS KYU RAB 'DZIN CING, ,G-YON PA RDO RJE ZHAGS 'DZIN GDAN LA BRTEN, ,CHOS KYI RGYAL PO'I ZHABS LA GSOL BA 'DEBS, ,SGRIB SEL MI YI ZOL 'CHANG MI'I SENGGE, ,PHYAG GNYIS 'KHOR LO BUS STENG THUGS KAR 'DZIN, ,'GYUR MED BDE BA'I NGO BOR RTAG BZHUGS PA, ,RIGS LDAN CHEN PO'I ZHABS LA GSOL BA 'DEBS, ,DBANG PHYUG CHEN PO PHYAG G-YAS GRI GUG DANG, ,G-YON PA PADMO'I STENG NA THOD PA 'DZIN, ,MCHOG TU MI 'GYUR BDE BAS YID MYOS PA, ,NAM SNYING SA SKYONG GZUGS 'CHANG KHYOD LA BSTOD, ,PHYAG RDOR SPRUL PA MTHA' YAS RNAM RGYAL CHE, ,PHYAG G-YAS RDO RJE G-YON PA PAD DKAR STENG, ,DRIL BU 'DZIN PAS 'GRO KUN DBANG DU SDUD, ,CHOS KYI RGYAL PO'I ZHABS LA GSOL BA 'DEBS,, ` DGE LEGS DPAL BZANG NAG PHYOGS RGYUN GCAD PHYIR, ,KA L'A PA YI GRONG DU RIGS LDAN CHE, ,DRAG PO 'KHOR LO ZHES GRAGS MDUNG THUNG DANG, ,RDO YI PHUB 'DZIN KLA KLO 'JOMS LA BSTOD, ,MGON KHYOD RDO YI RTA MCHOG LA CHIBS NAS, ,PHYAG GI MDUNG THUNG BYIS PA'I BLO YI SNYING, ,NYON MONGS

, ,BCAS PA GZHOM PHYIR RAB BSNUN TSE, ,BDAG KYANG 'KHOR GYI THOG MAR RJES SU BZUNGS, ,KLA KLO'I TSOGS RNAMS RMEG MED DRUNGS PHYUNG STE, ,CHOS DANG NOR DANG 'DOD PA'I BDE BA SOGS, ,RDZOGS LDAN BZHIN MDZAD CHOS 'KHOR BSKOR BA'I TSE, ,BDAG NI NGES PAR KHYOD KYIS RJES SU BZUNGS, ,'DI LTAR BGYIS PA'I DGE TSOGS CI MCHIS PA, ,DE KUN BYANG CHUB SEMS MCHOG RTZIS ZIN NAS, ,RING POR MI THOGS DPAL LDAN SHMBHA LAR, ,LEGS SKYES CHOS LA SPYOD PA'I RGYU RU BSNGO, ,DE DUS KHYOD GSUNG BDUD RTZI'I RO MYANGS PAS, ,BDAG BLO'I NYON MONGS MUN TSOGS KUN BSANGS TE, ,MI 'GYUR BDE BA CHE LAS MA G-YOS BZHIN, ,STONG GZUGS PHYAG RGYA CHEN PO'I SKU THOB SHOG ,DE TZAM MA ZAD TSE 'DI'I LUS KYI RTEN, , 'GAGS MA THAG TU BYANG PHYOGS SHAMBHA LAR, ,LEGS SKYES RIGS LDAN BLA MA'I GSUNG GI TSOGS, ,MYANGS LAS BDE BA'I DPAL LA REG PAR SHOG, ,RDO RJE RIGS LDAN MTHU STOBS MTHA' YAS PA, ,BKRA SHIS GLU LEN LHA MO'I TSOGS DANG BCAS, , DGE LEGS ME TOG CHAR CHEN RAB PHAB NAS, ,PHUN TSOGS DPAL GYIS ROL PA'I BKRA SHIS SHOG, CES BYANG PHYOGS SHAMBHA LA'I YUL GYI CHOS RGYAL RIGS LDAN RNAMS LA BSTOD CING GSOL BA 'DEBS PA'I RAB TU BYED PA DNGOS GRUB RNAM BAR 'BYUNG BA'I SGRA DBYANGS ZHES BYA BA 'DI NI SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO d'A KI KU RU KULLE YE, BCOM LDAN 'DAS MA KHAMS GSUM DBANG SDUD KYI LHA MO RIG BYED MA KU RU KULLE LA BSTOD PA'I GLU DBYANGS SRID GSUM 'GUGS PA'I LCAGS KYU ZHES BYA BA, BCOM

LDAN 'DAS MA DPAL KU RU KULLE LA PHYAG 'TSAL LO, ,RAB 'BYAMS NYI 'OD RTZE DGAS RAB RGOD PA, ,CHU LHA'I NGOGS SU PHYOGS PA'I LHUN PO'I BZHIN, ,DPER MTSON ME LONG NANG GZUGS SHAR BA'I DBYIBS, ,JI BZHIN SGYU 'PHRUL GAR GYIS ROL DER 'DUD, 1 ,MTHA' BRAL MKHA' DBYINGS 'DRA BA'I 'OD GSAL LAS, ,'ONGS PA'I GSAL RDZOGS DBYINGS SU DAG PA YI, ,SKYE 'GAG GNAS GSUM BRAL BA'I CHOS NYID LAS, ,CHU LAS CHU WUR TSUL GYIS NYE BAR MTSON, 2 ,NANG GI PHAG MO ZHAL GCIG PHYAG BZHI PA, ,LDEM KYOG SGEG PA'I ZHI 'DZUM BZHIN RAS KYIS, ,SRID GSUM 'DI DAG YID KYI BRTAN PA YANG, ,CIG CAR 'PHROG PA'I SBYOR BAS RNAM PAR 'GYINGS, 3 ,AUTPAL NYAG PHRAN CHAGS BYED RGYUD LDAN LA, ,THABS SHES GO BA'I RNA YI PHYIR SBYAR NAS, ,LHA MI GNOD SBYIN KLU DANG GRUL BUM SOGS, ,GANG SNYING BSNUN DE ME YIS BUNG BA BZHIN, 4 ,'DAB LDAN LCAGS KYU ZHAGS PAS REG TZAM GYI, ,TSANGS DANG BRGYA BYIN THOS SGROGS LA SOGS KYANG, ,RLUNG GI SHUGS KYIS RINGS PAR 'ONG BA NI, ,RGYA MTSO'I RLABS BZHIN DUS LAS YOL BA MIN, 5 ,CHE ZHING 'GYING BAS DREGS PA MTHA' DAG KYANG, ,KHYOD KYI MTSAN TZAM YID LA DRAN BYED PA'I, ,DBUL PO'I MDUN SAR RIM GRO'I SBYOR BA DAG ,BGYID PAR 'GYUR LA MYONG LDAN THE TSOM BRAL, 6 ,DE LTA MOD KYI TSUL 'DI PHRA MO'I GTAM, ,HE RU KA DPAL SNYOMS 'JUG BDE BA'I ROS, ,DGYES DGUR 'GUGS PA'I RNAL 'BYOR SNYING GI DBUS, ,KHRAG 'THUNG DPAL DE CI DGAR 'ONGS MIN NAM, 7 ,ZHI DANG RGYAS

, ,DBANG MNGON SPYOD LAS RAB 'BYAMS, ,GRUB CHEN BRGYAD DANG ZUNG 'JUG PHYAG RGYA CHE, ,MA LUS BDE BLAG STZOL MDZAD BCOM LDAN MA, ,KHYOD LA YON TAN BRJOD NAS BSTOD PA LAGS, 8 ,MGRIN PA CHOS KYI MGUR LAS CHAD MED PA'I, ,YAN LAG DRUG CU'I DBYANGS KYIS 'GRO KUN RNAR, ,SNYAN 'JEBS PHEEm KA RA YI SGRA SKAD KYIS, ,KHAMS GSUM MA LUS MKHA' 'GROR BCAS TE BSDU, 9 ,SGRUB PO'I LAM GYI MAN NGAG CHA TSANG BAR, ,DBUGS DBYUNG TSIG DANG BCAS TE STON MDZAD PAS, ,LHAN SKYES BDE CHEN STONG NYID MNYAM SBYOR BA'I, ,DGA' BA'I RO LA KUN NAS SBYOR BAR MDZAD, ,10 ,ZAB MO STONG NYID SNYING STOBS CHES DPA' BAS, ,LHAN SKYES BDE CHEN G-YU YI RAL PA GZINGS, ,MI ZHUM ZHI BA SKYE MED NGA RO YIS, ,LOG RTOG BDAG 'DZIN WA TSOGS SKRAG PAR MDZAD, 11 ,GANG GI SNYID LA CHA SHAS ZHUGS PAS KYANG, ,THOG MA MED NAS 'PHUNG ZHEN 'GONG PO'I DPUNG, ,SNYING GAS STONG PA'I DBYINGS SHI MGU DKA'I SEMS, ,DBANG DU SDUNG GSUNG RE BA'I YID KYIS BSTOD, 12 ,RGYA MTSO LTA BU'I GTING LDAN SHES BYA DANG, ,GANGG'A'I RDUL SNYED CHOS TSUL MA LUS PA, ,LAG MTHIL SHING TOG JI BZHIN MNGON SUM DU, ,DUS MTHA'I SKAD CIG YUN LAM 'DRES GZIGS, 13 ,MTHAR THUG DBYINGS LAS MA G-YOS RTZE GCIG TU, ,MNYAM PAR BZHAG BZHIN SEMS CAN KHAMS SNA TSOGS, ,MA 'DRES GSAL LER GZIGS PAS RANG RANG GI ,BSAM PA JI BZHIN GANG 'DOD CHOS RNAMS STON, 14 ,NAM MKHA'I MTHA' LTAR RGYA CHE ZLA BA'I MA,

LTA BUR GTING YANGS RDZING BU RNYOG MED LTAR, ,DVANGS PAS CHOS TSUL RGYA MTSO'I GZUGS BRNYAN KUN, ,CIG CAR GSAL RDZOGS 'CHAR LA MKHA' RLUNG 'DRA, 15 ,SHES DANG NYON MONGS RMONGS BYED MCHU RING BUNG, ,SNYING RJE STONG PA NYID ZHUGS SIL G-YAB KYIS, ,RING DU BSKRAD KYANG BRTZE BA'I ZHAGS PA YIS, ,'GROL NGAM DU 'KHYUD PAS YANG DAG ROL, 16 ,CHAGS PA MIN KYANG BRTZE CHEN CHAGS PAS MYOS, ,KHRO DANG BRAL YANG NYON MONGS DGRA MGO GCOD, ,GTI MUG KUN BCOMS 'OD GSAL DANG DU GZIMS, ,YA MTSAN SGYUMS SA BCU PA YANG RMONGS, 17 ,DE LTAR SKU GSUNG THUGS KYI NGO MTSAR BA'I, ,GSANG GSUM MI BZANG RGYAN GYI 'KHOR LO LA, ,BDAG GI LUS DANG NGAG YID RAB GUS PAS, ,LEGS PAR BSTOD KYI DGYES PAS SNYAN DU BZHES, 18 ,DE LTAR BDAG GIS BSTOD PA'I NUS MTHU LAS, ,RAB DKAR DGE BA ZLA LTAR DKAR BA DES, ,MAR GYUR DON DU STOBS BCU MNGA' BA YI, ,GO 'PHANG TSE 'DIR BDE BLAG THOB PAR SHOG 19 ,DPAL LDAN RIG BYED LHA MO'I BSKYED PA'I RIM;;RNAL 'BYOR BSAM GTAN LA GZHOL YE SHES MES, ,THA MAL SNANG ZHEN BUD SHING MA LUS PA, ,RING POR MI THOGS MYUR DU BSREG PAR SHOG, 20 ,TING 'DZIN SGYU 'PHRUL 'OD ZER KYO BA YI, ,DBANG DU BYA BA'I BSGRUB BYA RLUNG DKYIL STENG, , BSIL ZER BYED DMAR LA BKOD 'THOR BYED SHUGS, ,DRAG POS SKAD CIG DE LA 'GUGS PAR SHOG 21 ,MDUN DU 'ONG SNYING AUTPAL MDA' RNON GYIS, ,PHUG PAS DPA' BRTAN SNYING STOBS SROG SHI STE, ,RAB MYOS GOS BRAL BDAG GI RKANG PA'I

10a

, ,MTHIL, ,LCE YIS 'DAG CING CI SMRAS SGRUB PAR SHOG 22 ,KHYAD PAR BSTAN DANG 'GRO BA'I DON CHEN GYI, ,RTZA LAG MTHAR THUG RGYAL DBANG RDO RJE 'CHANG, ,GANG SKU'I SPRUL PA'I ROL GAR GSAR 'DZUM LA, ,CHE PHRA'I 'GRO BA MA LUS 'DUD PAR MDZOD, 23 ,DBYAR GYI LANG TSO DAR BA'I KU SHA'I MDANGS, ,RAB BKRA LO MA'I KHUR GYIS LCI BA'I MDA', ,'DAB LDAN DHA NU'I SHUGS KYIS PHA ROL PO'I, ,YID KYI KHYI'U MYOS BYED ZUG RDUS CHOMS, 24 ,GTING DPAG DKA' ZHING MTHA' BRAL GSUNG BSTAN BCES, ,SA BCU LAM LNGA'I GROGS 'GUGS DGA' MA GANG, ,ZUR PHUD LNGA PA DGE SLONG GZUGS 'CHANG BA'I, ,SNYING LAS 'DOS DE 'DI YI MDZA' BOR KHUG 25 ,BRTZE DANG GZHAN PHAN RAL GRIS BRJID PA YI, ,DAM BCA'I GO CHA SRA BA'I BO DANG, ,RNAM DAG TSUL KHRIMS GROGS MCHOG MKHAS BTZUN BZANG, ,G-YOG 'KHOR BCAS PA SROG NI GCIG TU SGRUBS, 26 ,LAS 'BRAS RTEN 'BREL BSLU BA MED PA DANG, ,RIG BYED MDZOS MA MTHU STOBS THOGS MED PAS, ,JI LTAR RE BA'I 'BRAS BU BDE BLAG TU, ,GEGS DANG NYER 'TSO MED PA'I RGYAN 'PHRENG DO SHAL 'DI, ,TSUL BZHIN LHA MO KHYOD KYI MGUL PAR CHONGS, 27 ,LAS 'BRAS RTEN 'BREL BSLU BA MED PA DANG, ,RIG BYED MDZOD MA MTHU STOBS THOGS MED PAS, ,JI LTAR RE BA'I 'BRAS BU BDE BLAG TU, ,GEGS DANG NYER 'TSE MED PAR 'GRUB GYUR CIG, CES KHAMS GSUM DBANG SDUNG LHA MO RIG BYED MA LA BSTOD PA 'DI NI CHOS SMRA BA'I SNYOMS LAS PA BLO BZANG DPAL LDAN YE SHES KYIS DON CHEN PO LA DMIGS NAS SUG BRIS SU BGYIS PA'O,, ` NA MO MEE TRI, GUR KUM BZANG PO NYIN BYED BYE BA'I 'OD, ,'BUM

10b

GYIS 'KHYUD BA'I GZI BYIN 'BAR BA YIS, ,MA RIG MUN PA DRUNGS NAS 'BYIN MDZAD PA'I, ,ZHE SDANG BUNG SHING BSREG PA KHYOD LA BSTOD, ,ZHAL GSUM PHYAG BZHI SANGS RGYAS SPRIN MANG SPRO, ,CHOS 'KHOR SKYABS SBYIN KLU SHING ME TOG CAN, ,RAB MDZES SER SDO 'BAR PA'I 'DZUM ZHAL GYIS, ,DNGOS GRUB STZOL MDZAD BYAMS MGON KHYOD NYID DGONGS, ,BDAG GIS MCHOD CING BSGRUB DANG BSNYEN PA'I TSOGS, ,LEGS PAR BGYIS PA'I MTHU LAS RJES BZUNGS TE, ,TSE 'DI'I SNANG BA 'GAGS TSE MCHOD SPRIN GYIS, ,NYER BSUS DGA' LDAN GNAS SU 'KHRID PAR SHOG ,ZHING KHAMS MCHOG DER THEG PA MCHOG GI GNANG, ,RJE BTZUN KHYED DANG KHYAD PAR RDO RJE 'CHANG, ,'JAM DPAL SNYING POS DGE BA'I BSHES MDZAD DE, ,YANG DAG GDAMS NAS TSUL BZHIN 'DOMS PAR MDZOD, ,DE NAS THEG PA MCHOG GI GSANG BA KUN, ,JI LTAR GSUNG BZHIN RTZE GCIG BSGRUBS PA'I MTHUS, ,DPAG BSAM SHING LTAR 'GRO BA'I DON BYED SHOG, CES PA 'DI NI 'JAM DBYANGS GONG MA BDAG PO CHEN PO'I BKA'I MTHAR PHYIN PA'I MTHU LAS THEG MCHOG GI ,SA LAM BGROD PA THAMS CAD MTHAR PHYIN TE, ,NAM MKHA' JI SRID YID BZHIN NOR BU DANG, ,DPAG BSAM SHING LTAR 'GRO BA'I DON BYED SHOG, CES PA 'DI NI 'JAM DBYANGS GONG MA BDAG PO CHEN PO'I BKA'I LUNG GIS MNGAGS PA'I PHU YAN BLA MA AA RKYA KHO THOG THU'I THUGS BZHED BZHIN ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` RAB 'BYAMS RGYAL BA'I MKHYEN PA MA LUS PA, ,GCIG BSDUS 'PHAGS MCHOG RJE BTZUN 'JAM DBYANGS KYIS, ,PHUL BYUNG

11a

, ,BLO DANG SHES RAB MCHOG STZAL NAS, ,BDAG GI BLO GROS MA LUS RGYAS PAR SHOG ,ZHING RDUL JI SNYED RGYAL BA'I MKHYEN PA KUN, ,BYIN RLABS BDUD RTZI'I GZEGS MA LEGS THOB NAS, ,ZAB GSAL MYUR BA'I SHES RAB SPOBS PA DAG ,THOB STE CHOS KUN THOGS MED RTOGS PAR SHOG ,'CHAD RTZOD RTZOM PAS RGYAL BSTAN RGYAL MTSAN MCHOG ,PHYOGS BRGYAR BSGRENGS LA GZHAN DRING MI 'JOG CING, ,BLA MAR DAD GUS BRTZE LDAN RIGS GZUGS BZANG, ,NGA RGYAL DANG BRAL BDE LA GNAS PAR SHOG ,NGES 'BYUNG BYANG SEMS YANG DAG LTA BA DANG, ,KHYAD PAR BDE GSANG 'JIGS GSUM RIM GNYIS LAM, ,DBU PHAR 'DUL MDZOD GNAD KYIS BRGYAN PA'I TSUL, ,RTOGS NAS ZUNG 'JUG RDO RJE'I LAM THOB SHOG ,DPAL LDAN DUS KYI 'KHOR LO'I SROL CHEN LAS, ,GZHAN LAS NGO MTSAR CHE BA'I STONG GZUGS SKU, ,'JA' TSON LTAR BKRA RNAM MED PHYAG RGYAS 'KHYUD, ,RIGS LDAN BZHED PA JI BZHIN MNGON GYUR SHOG ,LHA DANG BLA MA YI DAM BDEN CHEN GYIS, ,BDAG GA RE 'BRAS 'DI RNAMS DON LDAN ZHING, ,RE 'BRAS 'DIS KYANG RGYAL BSTAN CHER RGYAS PA'I, ,BKRA SHIS DGE MTSAN RGYA MTSO 'BAR GYUR CIG, CES SHES RAB SMON LAM 'DI NI RAB 'BYAMS PA BLO BZANG RGYAL MTSAN GYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR ZHING SUG BRIS SU BGYIS PA'O,, ` NA MO GU RU PAndA RA BHEE, DUS GSUM BDE GSHEGS SANGS RGYAS KUN, ,GCIG BSDUS RGYAL BA RDO RJE 'CHANG, ,'JAM DPAL DBYANGS DANG DBU MA PA, ,GSOL BA 'DEBS SO 'CHI MED STZOL,,

11b

HE RU KA DANG BLO BZANG GRAGS, ,DGE LEGS DPAL DANG BSO RJE, ,CHOS KYI RDO RJE DBEN SA PA, ,GSOL BA 'DEBS SO 'CHI MED STZOL, ,SANGS RGYAS YE SHES CHOS KYI MTSAN, ,RDOR 'DZIN DKON MCHOG RGYAL MTSAN DANG, ,BLO BZANG YE SHES DPAL BZANG POR, ,GSOL BA 'DEBS SO 'CHI MED STZOL, ,GRUB DBANG BLO BZANG BZOD PA'I ZHABS, ,'KHOR LO'I BDAG PO YAB YUM DANG, ,BLO BZANG DPAL LDAN YE SHES LA, ,GSOL BA 'DEBS SO 'CHI MED STZOL, ,DE LTAR GSOL BA BTAB PA'I MTHUS, ,GNAS SKABS TSE RING BSOD NAMS 'PHEL, ,'CHI MED HE RU KA'I GO 'PHANG, ,RING MIN MYUR DU THOB PAR SHOG, CES PA 'DI NI TSE SGRUB CHOG GRVA PA RNAMS KYIS 'KHOR LO SDOM PA DKAR PO TSE 'PHEL GYI BLA BRGYUD GSOL 'DEBS 'DI LTA BU ZHIG DGOS ZHES BSKUL BA LTAR ^ DPAL 'KHOR LO SDOM PA'I RNAL 'BYOR SPYOD PA SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, STON PA THUGS RJE MTSUNGS PA'I ZLA DANG BRAL, ,MNYAM MED BU RAM SHING PA'I RIGS LAS 'KHRUNGS, ,LNGA BDO'I 'GRO BA KUN GYI SKYABS GCIG PU, SH'AKYA'I RGYAL PO'I ZHABS LA GSOL BA 'DEBS, ,RGYAL BA'I RGYAL TSAB BYAMS PA MGON PO DANG, ,SA GSUM BRNYES PA 'PHAGS PA THOGS MED DPAL, ,'GRO DON CHER MDZAD SLOB DPON DBYIG GI GNYEN, ,BLO GROS BRTAN PA RNAMS LA GSOL BA 'DEBS, ,GRUB PA'I DBANG PHYUG MKHAS DBANG SH'ANTI PA, ,SLOB DPON CHEN PO SA RA HE TA DANG, ,LNGA BRGYA'I GTZUG RGYAN D'I PAm KA RA'I ZHABS, ,'BROM STON CHOS RGYAL RNAMS LA GSOL BA 'DEBS, ,LEGS PA'I SHES RAB BLO LDAN SHES RAB DANG, ,

12a

, ,BLO GROS 'BYUNG GNAS CHOS KYI SENGGE'I ZHABS, ,THUGS RJE SENGGE GRO STON BDUD RTZI GRAGS, ,NAM MKHA' GRAGS KYI ZHABS LA GSOL BA 'DEBS, ,SMON LAM TSUL KHRIMS RGYANG RO PAn CHEN DANG, ,MCHIMS STON BLO BZANG GRAGS DANG KUN DGA'I MTSAN, ,DPANG STON GRUB PA SHES RAB MCHOG GRUB ZHABS, ,CHOS RJE DPAL 'BAR RNAMS LA GSOL BA 'DEBS, ,DPAL LDAN DON GRUB KUN DGA' RGYAL MTSAN DANG, ,THEL BRAG LCOG PA BLO GROS RGYAL MTSAN DPAL, ,SHANGS BSTI DGE 'PHEL PHYOGS LAS RNAM RGYAL MTSAN, ,KUN MKHYEN BSOD NAMS RGYA MTSOR GSOL BA 'DEBS, ,BRAG DGON SPYAN SNGA GZHON NU CHOS DPAL DANG, ,'KHON STON DPAL 'BYOR LHUN GRUB ZUR DBANG RJE, ,THAMS CAD MKHYEN DNGOS BLO BZANG RGYA MTSO'I SDE, ,YON TAN SENGGE RNAMS LA GSOL BA 'DEBS, ,BLO BZANG 'PHRIN LAS BLO BZANG DON GRUB DANG, ,RGYAL BA KUN DNGOS BLO BZANG YE SHES ZHABS, ,MKHAS PA'I DBANG PHYUG BLO BZANG DON GRUB STE, ,DPAL LDAN BLA MA RNAMS LA GSOL BA 'DEBS, ,KHYAD PAR LHA CIG SENG LDENG NAGS SGROL DANG, ,GRUB PA'I DBANG PHYUG BLO BZANG BZOD PA'I DPAL, ,RTZA BA'I BLA MA DPAL LDAN YE SHES ZHABS, ,GSOL BA 'DEBS SO BDAG RGYUD BYIN GYIS RLOB, ,DE LTAR RTZA BA BRGYUD PA'I BLA MA LA; ;RTZE GCIG GUS PAS GSOL BA BTAB PA'I MTHUS, ,DENG NAS BZUNG STE BYANG CHUB SNYING PO'I BAR, ,'BRAL MED THUGS RJE'I SPYAN GYIS BSKYANG DU GSOL, ,'JIGS CHEN SDUG BSNGAL BRGYAD DANG 'BYUNG PO'I TSOGS, ,SHA ZA SRIN PO RO LANGS

12b

GNOD SBYIN DANG, ,NAD DANG DAL YAMS TSUL KHRIMS BAR GCOD KUN, ,MYUR DU ZHI ZHING BZLOG PAR MDZAD DU GSOL, ,SKYE BA KUN TU RGYAL YUM SGROL MA YIS, ,RJES SU BZUNGS NAS MI MTHUN KUN ZHI ZHING, ,MTHUN RKYEN TSE DANG BSOD NAMS DPAL 'BYOR KUN, ,YAR ZLA DBYAR GYI MTSO LTAR 'PHEL BAR MDZOD,, CES BLA BRGYUD DANG, SMON LAM NI, ` DE LTAR RGYAL YUM SENG LDAN NAGS KYI KHROD, ,RAB DGYES LHA MO MAR GAD MDOG CAN MA, ,MCHOD BSTOD GSOL 'DEBS RIM PA 'DI BYAS PAS, , RDZOGS SANGS RGYAS KYI GO 'PHANG MYUR THOB SHOG ,MTSAN BCAS MTSAN MED LHA MO'I TING 'DZIN 'PHRUL, ,GOMS PAR BYAS PAS MU MTHA' MED PA'I ZHING, ,BGROD DE RGYAL BSRAS DANG BCAS PA'I ZHAL, ,BLTA ZHING THEG CHEN CHOS LA SPYOD PAR SHOG ,DE NAS SA DANG LAM GYI RIM PA RNAMS, ,RGYAL BA'I DGONGS PA JI BZHIN MYUR BGROD DE, ,STOBS BCU'I DPAL MNGA' RDZOGS PA'I SANGS RGYAS DER, ,'GRO BA MA LUS MYUR DU 'GOD PAR SHOG, CES DANG, BKRA SHIS NI, ^ NAM MKHA'I KHYON KUN GANG BA'I 'PHAGS MA'I TSOGS, ,DGE LEGS ME TOG CHAR CHEN 'BEBS PA DANG, ,MTHUN PA'I GLU DBYANGS RNGA CHEN BRDUNG BA'I DON, ,SHES PAR GYIS SHIG SHIS BRJOD DBYANGS 'DI SGROG ,MAR GANG LHUN PO 'JA' TSON 'BUM RIS CAN, ,RNAL 'BYOR BDE STER NU 'BUR RIN CHEN 'KHROL, ,SKYABS SBYIN GSUM MTSON PHYAG RGYAS 'JIGS LAS SKYOB, ,YUM GYUR AUTPAL BSNAMS MA LA PHYAG 'TSAL, ,GANG GI THUGS RJE RGYA MTSO'I RLABS BZHIN DU, ,YOL MED KUN NAS 'JUG PA'I SNYING RJE'I GTER, ,RTZA BA BRGYUD

13a

, ,PA'I BLA MA THAMS CAD KYIS, ,BDAG CAG DUS 'DIR DGE BA'I BKRA SHIS STZOL, ,BCOM LDAN 'DAS MA 'OD ZER CAN MA DANG, ,KHRO GNYER 'KHRIGS MA NYER GCIG LHA YI TSOGS, ,RTAG TU SGRUB PA PO LA DGYES RNAMS KYIS, ,BDAG CAG SOGS, DE NYID SGRUB THABS LA SOGS STON PA'I TSIG ,PHYOGS BCU'I RAB 'BYAMS ZHING GI RNGUL SNYED NA, ,DE SNYED BZHUGS PA'I CHOS KYI BDUD RTZI YIS, ,BDAG CAG SOGS TSUL 'DI NYAMS SU LEN PA'I 'PHAGS PA'I SDE, ,BSLAB PA GSUM LDAN TSUL KHRIMS GOS KYIS KLUBS, ,'DUS PA'I DBANG PO JI SNYED MCHIS PA YIS, ,BDAG CAG DUS 'DIR DGE BA'I BKRA SHIS STZOL, ,SDE 'DIR BYIN RLABS SOGS BYA'O, ,ZHES DUS GSUM RGYAL BA KUN GYI YUM GCIG 'PHAGS MA SGROL MA LA GSOL BA 'DEBS PA'I RIM PA MAndAL BZHI PAR GRAGS PA'I CHO GA'I YAN LAG, BLA BRGYUD GSOL 'DEBS, SMON LAM, SHIS BRJOD DANG BCAS PA 'DI NI TSE DANG LDAN PA DGE SLONG PHUN TSOGS CHOS 'PHEL GYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'I YI GE PA NI DGE TSUL BLO BZANG RAB BRTAN NO,, ` NA MO GU RU T'A RE YA, DUS GSUM BDE GSHEGS KUN GYI NGO BO NYID, ,RGYAL BA KUN GYI YUM GCIG SNGO LJANG CAN, ,RTZA BA'I BLA MA MCHOG DANG DBYER MED LA, ,GSOL BA 'DEBS SO BDAG RGYUD BYIN GYIS RLOB, ,BKA' GDAMS RNAM THAR GTZANG MA'I LUGS SROL MCHOG ,GLING BZHI NYI ZLAR BCAS PA BZHI BSHAMS TE, ,BLA MA YI DAM KUN 'DUS SGROL MA LA, ,PHUL BA'I DGE BA'I RTZA BA 'DI YI MTHUS, ,PHAN BDE'I 'BYUNG GNAS BSTAN PA DAR BA DANG, ,SDUG BSNGAL RGYA MTSO MA LUS RAB SKEMS SHING, ,SRID

13b

PA'I RTZA BA MA LUS DRUNGS PHYUNG NAS, ,RDZOGS PA'I SANGS RGYAS THOB PAR MDZAD DU GSOL, ,KHYAD PAR BDAG NYID TSE RABS THAMS CAD DU, ,BLA MA RJE BTZUN SGROL MA DBYER MED KYIS, ,DGYES BZHIN RJES SU BZUNGS TE 'GRO BA KUN, ,SGROL BA'I DED DPON MCHOG TU 'GYUR BAR MDZOD,, CES PA 'DI NI TSE DANG LDAN PA DGE SLONG PHUN TSOGS CHOS 'PHEL GYIS MAndAL BZHI PA'I CHO GA'I YAN LAG TU BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'I YI GE PA NI DGE TSUL BLO BZANG RAB BRTAN NO,, ` AOm SVASTI, THUGS RJE'I RANG BZHIN RGYAL BA SRAS BCAS DANG, ,BYANG CHUB SEMS DPA' NYAN RANG 'PHAGS PA'I TSOGS, ,KUN LA BDAG NI DAD DANG 'DUN PA YIS, ,GSOL BA 'DEBS KYI BYIN GYIS BRLAB TU GSOL, ,SNGON TSE THOG MA MED NAS BSAGS PA YI, ,LAS NGAN SDIG SGRIB BAG CHAGS BCAS PA KUN, ,SNYING NAS 'GYOD PA DRAG POS BSHAGS BGYID NA, ,BYANG ZHING DAG LA 'BRAS BU MED PAR MDZOD, ,BDAG NI MA RIG MTHUG POS RAB BSGRIBS NAS, ,RTAG TU SKYON GYI DBANG DU GYUR PA LA, THUGS RJES DGONGS TE THUGS RJE'I LCAGS KYU YIS, ,DAG PA'I ZHING KHAMS RNAMS SU DRANG DU GSOL, ,GDOD NAS LHUN GRUB SKYE 'GAG GNAS GSUM BRAL, ,SMRA BSAM BRJOD MED BDEN PA'I BYIN RLABS KYIS, ,SDIG DANG DE YI 'BRAS BU ZAD 'GYUR BA'I, ,DNGOS GRUB DAM PA'I CHAR CHEN DBAB TU GSOL,, BRTZE BA SNYING RJE CHEN PO'I GZHAN DBANG GIS, ,'GRO BA KUN LA MA BU LTAR BRTZE BA'I, ,THUGS RJE'I PHYAG RING SKYONG BAR MDZAD NAS NI, ,SDUG BSNGAL RGYA MTSO CHE LAS BSGRAL DU GSOL, ,DE NAS DAG PA'I ZHING DU SKYES NAS NI, ,GZUNGS DANG SPOBS PA

14a

, ,MNGON SHES RDZU 'PHRUL RNAMS, ,MNGON DU BYAS NAS 'GRO BA MA LUS PA, ,SGROL BA'I DENG DPON MCHOG TU 'GYUR BAR SHOG, CES PA 'DI NI MI RI NI RDZANG KI'I DPON MO MKHA' 'GRO SKYID KYIS 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA BHE RA W'A YA, BCOM LDAN 'DAS 'JAM DPAL GSHIN RJE'I GSHED LA BSTOD PA'I RAB BYED BDUD DPUNG PHYE MAR 'THAG PA'I GNAM LCAGS ZHES BYA BA, 'JAM DPAL GSHIN RJE'I GSHED KYI LHA TSOGS, LA PHYAG 'TSAL LO, ,DGU YI ZHAL GYIS KHAMS GSUM ZA BAR BYED, ,SO BZHI'I PHYAG GIS BDUD DPUNG RTZAD NAS GCOD, ,BCU DRUG ZHABS KYIS GSHIN RJE'I GNAS 'DZOMS PA, ,DPAL LDAN RDO RJE 'JIGS BYED LA PHYAG 'TSAL, ,CHOS DBYINGS MKHA' LAS DMAR SER 'JAM DPAL DBYANGS, ,PHYI NANG GSHIN RJE CHOS KYI NGO BO'I SKUR, ,BSTIM PHYIR MI BZANG DRAG SHUL BSKAL PA'I ME, ,RAB 'BAR DPA' BO CHEN PO KHYOD LA BSTOD, ,KHRO GNYER CHA SHAS G-YO BAS SKABS GSUM PA, , MDA' LNGA DGA' MAR BCAS PA 'CHOS BAR MDZAD, ,HR'I: sht'I:'I GSANG SNGAGS GAD RGYANGS GDONG BZHI PA, ,LOG 'DREN KUN 'GYED GZHON NU ZHU BAR GYUR, ,SMIN MA 'KHYOG PO'I RI MO LI LI BA, ,'KHOR LO'I LAG PA LAG PA'I MKHRIG MA LHUNG, ,AAG TSOM ME STAG 'PHRO BA KHYUR RU RU, ,BDE 'BYUNG ZLA GTZUG GROG MA'I KHUNG DU ZHUGS, ,RAL PA KHAM NAG 'BAR BA 'KHRUGS PA YIS, ,RMUGS 'DZIN RENGS PA'I LUS PO SHING 'DRA ZHING, ,RVA RTZE RING PO SNGO BSANGS MKHAR GDENGS PA, ,TSANGS PA

14b

PA'I 'JIG RTEN YUL SA RTZE NAS GNON, ,'BAR 'PHRENG 'KHRUGS PA'I SHANGS KYI DBUGS BZANG PO, ,NOR 'DZIN CHU GTER SKE RAGS BCAS BA 'DAR, ,LJAGS KYI GLOG 'PHRENG KHRAG GI RGYUN 'KHRUG PA, ,GNOD SBYIN SRIN PO'I SHA RUS CHIL LI LI, MCHE BA 'BAR BA TSA ZER 'PHRENG BA 'KHRIGS, ,KHAMS GSUM SNOD BCUD THAMS CAD PHYE MAR BYED, ,BDUD DANG RO LANGS RIMS KYI BDAG PO'I KHRAG ,SHA TSIL BCAS PA'I TSEMS NI GANGS RI 'DRA, ,LCAGS KYU'I SEN MO KLANG PAS SBAGS 'JIGS PA; ;SDIGS MDZUB MDZAD PAS KHRO BO'I RGYAL RNAMS DNGAGS, ,RAKTA RLON PAS MTHIL DAG DMAR BA YIS, ,LHA DANG LHA MIN GSHIN RJE KHA SPUB 'GYEL, ,SNA TSOGS MTSON CHA MTSAN MA MANG PO NI, ,BSTAN PA BSHIG PA'I DGRA BGEGS MGO LA ZAS; ;G-YAS BSKUMS G-YON BRKYANGS GAR STABS RUS RGYAN 'KHROL, ,LHA CHEN THAMS CAD KHA SPUB DU ZHING BRGYAL, ,YE SHES SEMS DPA' 'OD 'PHRO H'Um YIG H'Um, ,SGRA SGROG BETT'A LI MA LHAN SKYES STER, ,BCU GSUM LHAR BCAS BDAG MED DUR KHROD DBUS, ,'GYING MDZAD BDAG GI SKYABS GCIG KHYOD LA BSTOD, ,YANG NA DPA' BO GNYIS MED LINGGA BSGRENGS, ,'DAS DANG MA 'DAS KUN LA DRAG SHUL SPYOD, ,HA HA HI HI HO HO HU HU HE, ,SA 'DZIN DBANG PO LHAR BCAS YER RE RE, , 'KHRUL 'KHOR 'BAR BA GDUG PA KHRAG TU SKYUG ,ZOR CHEN 'BAR BA SROG GI RTZA LA GZIR, ,BSREG BLUGS 'BAR BAS DGRA PO CHOS PAR BYED, ,'BAR BA'I RNAM 'GYUR RNAMS LA PHYAG 'TSAL LO, ,DE LTAR RGYAL BA'I YAB GCIG 'JAM

15a

, ,PA'I DBYANGS, ,CHOS KYI RGYAL PO BLO BZANG GRAGS PA'I DPAL, ,KHAMS GSUM ZA BYED RTZA BA'I BLA MA DANG, ,DBYER MED RDO RJE 'JIGS BYED BSTOD PAR BGYI, ,BDAG GIS BLA MA LHA KHYOD BSTOD PA'I MTHUS, ,TSE RABS KUN TU DGE BA'I BSHES MDZAD DE, ,ZUNG 'JUG RDO RJE 'CHANG DBANG GSHIN RJE'I GSHED, ,'GRUB PA'I MCHOG GI DNGOS GRUB STZAL DU GSOL, ,DGAG BYA BDEN PA BKAG PA'I MED DGAG DBYINGS, ,DON DAM SPROS BRAL KUN RDZOB SNANG BA DANG; ;ZUNG DU 'JUG PA'I LTA BA'I RGYAL PO YI, ,RANG ZHAL MTHONG BA'I DNGOS GRUB STZAL DU GSOL, ,RAL GRI MIG SMAN RKANG MGYOGS MI SNANG BA, ,GRUB CHEN 'KHOR BSGYUR RGYAL PO GANG YIN GYI, ,DNGOS GRUB DBEN PA'I BYIN RLABS GANG DE YANG; ;DENG 'DIR BDAG LA STZOL BAR MDZAD DU GSOL, ,BAR CHAD GDON BGEGS GNOD PA CI MCHIS PA, ,DE KUN THUGS KA NAS SPROS 'OD ZER DKAR, ,STONG GSUM ZLA BA GZHON NUR BYED PA YIS, ,ZHI BA'I DNGOS GRUB DAM PA STZAL DU GSOL, ,H'Um YIG N'A DA LAS 'PHROS 'OD ZER NI, ,GSER GYI MDOG CAN GANGG'A SER BO 'BAB, ,BDAG GI SPYI BO'I GNAS NAS STZAL BA YIS, ,TSE DANG BSOD NAMS THAMS CAD RGYAS PAR MDZOD, ,GLOG GI ZHAGS PA LTA BU'I 'OD ZER DMAR LCAGS KYU'I DBYIBS 'BAR DRIL BU'I SGRA SGROG PA, ,BSGRUB BYA RLUNG DKYIL RKANG BRGYAD STENG BZHAG NAS, ,BDAG GI RKANG PA'I DRUNG DU DBANG DU BSDUS, ,BYA RGOD MI BZAD RDO RJE KHVA TA DANG, ,'UG PA KHRA CHEN SENGGE GSHIN RJE'I DPUNG, ,BDAG GI DON

15b

LA BAR GCOD CI MCHIS PA, ,THAMS CAD SHA KHRAG RUS PA CHEMS SE CHEMS, ,GNAS LNGA RIG PA'I BLO GROS BZANG PO YIS, ,BDAG GI BSAM PA DBYINGS SU RDZOGS PA DANG, ,'GRO BA RNAMS LA PHAN BDE'I RGYUN BZANG PO, ,NAM MKHA' MA ZAD BAR DU STER BAR SHOG, CES 'JAM DPAL GSHIN RJE'I GSHED LA BSTOD PA'I RAB TU BYED PA BDUD DPUNG PHYE MAR 'THAG BA'I BZHAD SGRA ZHES BYA BA 'DI NI ^ LHA MCHOG 'DI NYID LA GSOL BA 'DEBS PA'I ^ DGE SLONG BLO BZANG DPAL LDAN YE SHES KYIS SBYAR BA'O,, ` NA MO BADZRA BHEE RA W'A YA, BDE CHEN 'OD GSAL ZUNG 'JUG PHYAG RGYA CHE, ,DPA' BO'I GAR GYIS DUR KHROD DBUS SU ROL, ,KHAMS GSUM BDUD DPUNG BZA' BA'I MCHE BA DKAR, ,GTZIGS PA'I 'OD CAN KHYOD KYIS RTAG TU SKYONGS, ,RAB 'BAN DUS KYI ME LCE'I 'PHRENG BA'I DBUS, ,CHU SKYES NYI MA LHA CHEN GDAN GYI KHRIR, ,DGU DANG BCU DRUG SUM CU BZHI LDAN GYI, ,'GYING MDZAD BDUD BZHI'I DGRA 'DZOMS KHYOD LA BSTOD, ,KUNDA'I 'OD ZER 'GYED PA'I BSIL BYED KYIS, ,NYON MONGS BDUD DANG GSHIN RJE'I BAR GCOD KUN, , CHOS KYI DBYINGS SU RNAM PAR ZHI MDZAD PA, ,ZHI BA'I MGON PO KHYOD LA BSTOD PAR BGYI, ,GSER GYI KHU BA BZHU BA'I 'OD 'PHRENG LAS, ,TSE DANG BSOD NAMS BSLAB GSUM DPAL 'BYOR DANG, ,SHES RAB GRUB CHEN BRGYAD KYI DNGOS GRUB KUN, , RGYAS MDZAD RGYAS PA'I MGON PO CHE LA BSTOD, ,KYO BA ZHAGS PA MDA' RNON DMAR 'OD KYIS, ,GANG LA REG PA 'DU ZHING 'BUGS 'GYUR BA'I, ,DBANG GI LAS MDZAD DBANG GI GZI BRJID CAN, ,DBANG SDUD MGON PO KHYOD LA BSTOD BAR BGYI, ,

16a

, ,BDUD DANG DGRA BGEGS 'BYUNG PO GDUG PA CAN, ,SKAD CIG NYID LA GNAM LCAGS KYIS SHING BZHIN, ,'JOMS MDZAD DRAG PO'I MGON PO DRAG SHUL CAN, ,RDO RJE 'JIGS BYED CHEN POR BSTOD PAR BGYI, ,RAL GRI RIL LU MIG SMAN RKANG GI MGYOGS, ,BUM BZANG SA 'OG LA SOGS GRUB CHEN BRGYAD, ,DBANG PHYUG BRGYAD SOGS YON TAN MA LUS PA, ,DRAN PA TZAM GYIS STZOL MDZAD KHYOD LA BSTOD, ,SNYING DBUS NYON MONGS GSHIN RJE'I LCAGS MKHAR CHE, ,PHUG PAS PHYAG RGYA CHEN PO MCHOG GI BDE, ,ZHAL DGUS BRJID PA DPAL LDAN GSHIN RJE'I GSHED, ,KHYOD LA RE BA'I YID KYIS BSTOD PAR BYA, ,MGON PO KHYOD KYIS RTAG TU SEMS CAN KUN, ,THUGS RJES MA BOR BYAMS PA'I PHYAG GIS BZUNGS, ,KHYAD PAR RNAL 'BYOR BDAG GI RE BA KUN, ,RGYA MTSO'I 'DUS RLABS BZHIN MDZAD DE'I PHYIR BSTOD, ,THUGS RJE'I MNGA' BDAG BLA MA MCHOG RNAMS DANG, ,DBYE BA MED PA DE'I PHYIR BDAG GIS NI, ,RTZE GCIG GSOL BA BTAB NAS BSTOD LAGS KYI, ,DA DUNG RE BA MA LUS LHUN GYIS SGRUBS, ,BSHAD DANG SGRUB PA'I RGYAL MTSAN SRID PA'I RTZER, ,BSGRENGS TE BLO BZANG RGYAL BA'I BSTAN PA MCHOG ,RANG GI RGYUD LA SPEL BAR BYED PA LA, ,BAR DU GCOD PA'I LAS KUN ZHI BAR MDZOD, ,BDAG LA BLTOS SHING BSRUNG BA'I SKYE BO RNAMS, ,TSE RABS KUN TU MGON PO KHYOD NYID DANG, ,MI 'BRAL KHYED DANG BLA MA DBYER MED DU, ,LEGS PAR BLTAS NAS RDZOGS SANGS RGYAS GYUR CIG, CES BCOM LDAN 'DAS 'JAM DPAL GSHIN RJE'I GSHED LA BSTOD PA DGOS 'DOD BUM BZANG ZHES BYA BA 'DI NI 'JAM

16b

DPAL GSHIN RJE'I GSHED KYI RNAL 'BYOR PA ^ SH'AKYA'I DGE SLONG BLO BZANG DPAL LDAN YE SHES KYIS DON ZHIG LA BSAMS NAS DPAL BDE CHEN DBEN SA CHOS KYI PHO BRANG DU SUG BRIS SU BYAS PA'O, ,SHUBHAm,, ` NA MO BADZRA BHEE RA W'A YA, AYEE KYEE GSHIN RJE GSHED NAG BLA, ,SRIN PO'I GZUGS CHEN RANG BZHIN KHYOD, ,BDAG GIS KHYOD MTHONG SHIN TU 'JIGS, ,KHROS PA'I RANG BZHIN 'DI MTHONG MDZOD, ,MTHO RIS SA STENG SA 'OG BCAS, ,KHYOD KYI GAR GYIS G-YOS PAR MDZAD, ,AA DZA NAG PO BCAG 'DRA YI, ,KHRO KHYOD RO LANGS BZHIN GAR MDZOD, ,RNAM PA SNA TSOGS SPRUL BYA ZHING, ,MDANGS GNAG TSAD NI THUNG BA LA, ,BDE CHEN NGO BO KHYOD GAR MDZOD, ,RDO RJE DBYANGS CAN MA GSOL 'DEBS, ,HR'I: shtR'I: 'I SNGAGS DANG GAR GYIS KHYOD, ,SRID PA GSUM GYI 'KHRUL PA CHOD, ,SNYING RJES KHROS PA'I DAD SGROL GAR, , 'GRO BAS MTHONG NA NGO MTSAR 'GYUR, ,DE PHYIR KHYOD GAR BLTA BA DANG, ,BDUD KYI DKYIL 'KHOR BSREG PA'I PHYIR, ,SHES RAB SNYING RJE KHROS PA KHYOD, ,RAB TU 'BAD PAS BSTOD PAR BGYI, ,LAS BZHI GRUB CHEN BRGYAD PO DANG, ,PHYAG RGYA CHEN PO'I GO 'PHANG MCHOG ,SGRUB DANG SGRUB PHYIR BSTOD LAGS KYI, ,DNGOS GRUB MA LUS STZAL DU GSOL, ,DBYANGS CAN LHA MO'I GLU DBYANGS DANG, ,LHAN CIG ME TOG CHAR BSNYIL TE, ,PHYOGS DUS RAB 'BYAMS JI SNYED PA, ,BKRA SHIS RGYA MTSOS KHYAB PAR MDZOD,, CES ^ DPAL RDO RJE 'JIGS BYED KYI BSTOD PA RNGAMS PA'I 'BRUG SGRA ZHES BYA BA 'DI NI SA'I STED NA MTSUNGS PA'I ZLA THAMS CAD DANG BRAL BA GSANG SNGAGS RGYUD PA GRVA TSANG GI RIG PA 'DZIN PA'I 'DUS SDE CHEN PO'I THUGS DAM RTEN DU ^ DPAL RDO RJE 'JIGS BYED CHEN PO'I SKU ZHIG LCAGS GSUM LAS BZHENGS TE PHUL SKABS, SNGAGS

17a

, ,PA MCHOD DPON PA DKA' BCU BLO BZANG SBYIN PAS DE'I BSTOD PA 'DI LTA BU ZHIG DGOS ZHES BSKUL BAS MTSAMS SBYAR ZHING, ^ RANG NYID KYANG MOS PA CHEN POS BSKUL TE 'GRO BAS MTHONG NA NGO MTSAR 'GYUR ZHES PA YAN CHOD DGRA NAG GI RGYUD DANG, ^ CHOS KYI RGYAL PO TZONG KHA PA CHEN PO'I GSUNG RIN CHEN 'BAR BA SOR BZHAG CING MJUG TU SMON TSIG GSAR BSGRIGS DANG BCAS TE ^ GSHIN RJE GSHED KYI RNAL 'BYOR PA SH'AKYA'I DGE SLONG BLO BZANG DPAL LDAN YE SHES KYIS SBYAR BA DON 'GRUB, BKRA SHIS,, ` NA MA: SHR'I K'A LA TZAKR'A YA, MI 'GYUR BDE CHEN PHYAG RGYA CHEN PO DANG, ,LHAN CIG MNYAM PAR SBYAR BAS STONG GZUGS SKU, ,MTSAN DPE'I DPAL 'BAR 'JA' TSON LTAR BKRA BA'I, ,DANG PO'I SANGS RGYAS KHYOD KYIS DGE LEGS STZOL, ,'OD ZER STONG PHRAG BYE BA BRGYA 'BAR ZHING, ,'JIG RTEN 'JIG RTEN 'DAS PA'I DNGOS GRUB KUN, ,SKAD CIG DRAN PA TZAM GYIS STZOL MDZAD CING, ,GNAS SKABS RIGS BZHI'I SGRIB LAS SKYOB LA BSTOD, ,PHYI DANG NANG DANG GZHAN GYI DUS 'KHOR LO, ,YONGS RDZOGS RGYU SKAR BDAG PO'I DKYIL 'KHOR SNYING, ,SKU GSUNG THUGS KUN GCIG TU BSDUS PA'I LHA; ;BCOM LDAN GNYIS MED DUS 'KHOR LA PHYAG 'TSAL, ,DE LTAR KHYOD LA BSTOD CING MCHOD PA'I MTHUS, ,DGRA DANG GLANG CHEN SENGGE LA SOGS DANG, ,KHYAD DGA' LA SOGS PHYI NANG 'JIGS PA KUN, ,BDAG LA YONGS SU BSKYAB PAR MDZAD DU GSOL, ,'OG MIN MTHAR THUG DNGOS GRUB THAMS CAD DANG, ,'JIG RTEN LAS 'DAS MCHOG MI 'GYUR BA YI, ,BYE BA PHRAG BRGYA'I DNGOS GRUB MA LUS PA, ,BDAG LA THOGS PA MED PAR STZAL DU GSOL, ,RNAL 'BYOR MA SOGS SRUNG MA'I TSOGS

17b

KYIS SRUNGS, ,KHRO BA BCU YIS RTAG TU SKYONG BA DANG, ,BDUD DANG 'BYUNG PO MA LUS RTZAD NAS CHOD, ,ME TOG CHAR DANG LHAN CIG BKRA SHIS STZOL, ,GZHAN YANG RDO RJE'I RIGS LDAN THAMS CAD DANG, ,BYANG CHUB SEMS DPA' BTZUN MO'I TSOGS DANG BCAS, ,KUN GYIS BKRA SHIS ME TOG DANG BCAS TE, ,SHIS PA RGYA MTSO CIR YANG BZHAD PAR MDZOD,, CES BCOM LDAN 'DAS DPAL DUS KYI 'KHOR LO LA BSTOD PA 'DI NI DUS 'KHOR GYI SNANG BRNYAN GSAR BZHENGS BGYIS TE CHOG GRVA PA RNAMS LA PHUL SKABS DE LA GSOL BA 'DEBS BA 'DI LTA BU ZHIG DGOS ZHES DUS 'KHOR MCHOD DPON PA DRUNG RAM PA BLO BZANG RNAM RGYAL GYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, BSLU MED SKYABS GNAS MCHOG GYUR DKON MCHOG GSUM, ,DPA' BO MKHA' 'GRO CHOS SKYONG BSRUNG MA'I TSOGS, ,BYANG SEMS NYAN RANG DGRA BCOM MA LUS PAS, ,BDEN PA'I BYIN CHEN CHAR DU BSNYIL BAR MDZOD, ,BDAG SOGS RNAMS KYIS THOG MA MED DUS NAS, ,BSAGS PA'I SDIG LTUNG SPYI DANG KHYAD PAR KUN, ,SNYING NAS 'GYOD PA DRAG POS BSHAGS LAGS KYI, ,MA LUS BYANG ZHING DAG PAR MDZAD DU GSOL, ,BDAG GIS TSE RABS THOG MED NAS BSAGS PA'I, ,SDIG PA SGRIB PA BAG CHAGS BCAS PA KUN, ,BYANG ZHING DAG STE TSOGS GNYIS YONGS RDZOGS NAS, ,BLA NA MED PA'I BYANG CHUB LA REG SHOG ,TSE 'DIR BSAM DON MA LUS CHOS BZHIN DU, ,LEGS PAR 'GRUB CING PHYI MA'I DUS SU'ANG, ,DAG PA'I ZHING MCHOG BDE BA CAN SKYES TE, ,BLA MED CHOS LA SPYOD PA'I SKAL LDAN SHOG ,DE NAS MA DAG ZHING KHAMS MU MED DU,,

18a

, ,'PHRUL SGYUR BYE BA PHRAG BRGYAS RAB PHYIN TE, ,RMONGS PA'I SKYE BO KUN GYI SDIG LTUNG KUN, ,LHAG MA MOD PAR BYANG BA'I BKA' DRIN STZOL,, ZHES PA 'DI NI MTSO SNGON PHYAG RDOR PAS SE'I NI SNA SBA'I THAN T'A PHUN TSOGS KYIS BSKUL BA LTAR ^ SH'AKYA'I BTZUN PA BLO BZANG DPAL LDAN YE SHES KYIS SBYAR BA'O,, ` NA MO GU RU MEE TRI W'A GANDR'I YA, DPAL LDAN BLA MA DAM PA RIGS DANG DKYIL 'KHOR RGYA MTSO'I MNGA' BDAG BKA' DRIN GSUM LDAN RDO RJE 'CHANG CHEN PO RJE BTZUN NGAG DBANG BYAMS PA RIN PO CHER BSTOD PA'I RAB TU BYED PA THUGS RJE'I PADMO RGYAS PAR BYED PA'I NYI MA ZHES BYA BA, RJE BTZUN BLA MA DAM PA DE NYID KYI ZHABS KYI PADMO DRI MA MED PA LA SKYE BA THAMS CAD DU GUS PAS PHYAG 'TSAL ZHING SKYABS SU MCHI'O, ,RJES SU BZUNG DU GSOL, ,THUGS RJE'I 'OD ZER BYE BA PHRAG BRGYA'I DPAL, ,KUN NAS 'GYED LA MTSUNGS PA'I ZLA KUN DANG, ,RAB BRAL RGYAL BA KUN DNGOS RDO RJE 'CHANG, ,DPAL LDAN BLA MA KHYOD NI RGYAL GYUR CIG ,NAM MKHAS KHYAB PA'I ZHING KHAMS JI SNYED PAR, ,THUGS RJES KHYAB PA'I GNAS SU SPRUL PA'I SKU, ,STON CING KHYAD PAR BDAG CAG RNAMS KYI MGON, ,DAM PAR SPRUL MDZAD KHYOD LA GSOL BA 'DEBS, ,KHYOD NI YUM GYI MNGAL LAS SHAR PHYOGS YUL, ,'KHRUNGS TZAM NYID NAS 'JIG RTEN RGUD PA KUN, ,CIG CAR BRAL ZHES SNYAN PA'I NGA RO YIS, ,RAB TU KHYAB PAR MDZAD LA GSOL BA 'DEBS, ,MI GTZANG RUM DANG LHAN CIG BAG MED KYI, ,SPYOD PA THAMS CAD BAG YOD BDUD RTZI'I CHUS, ,BKRUS NAS BRTUL ZHUGS YONGS RDZOGS GOS BZANG GIS, ,RAB KLUBS MGON PO KHYOD LA GSOL BA 'DEBS, ,SNYING RJE CHEN PO LAN

18b

BRGYAR GOMS PA'I NOR, ,SNYING GI MDZOD DU BCANGS PAS DUS DER YANG, ,RGYAL SRAS SPYOD DANG 'GRO BA'I SDUG BSNGAL LA, ,CHER G-YO'I THUGS MNGA' KHYOD LA GSOL BA 'DEBS, ,TSUL KHRIMS SPYOD PA DRI MA MED PA DANG, ,LAN BRGYAR 'GROGS PA'I CHUNG DU'I GNAS SKABS NAS, ,KHYIM GYI BDE 'BYOR ME 'OBS LTAR GZIGS PAS, ,RGYAL BA'I BSTAN PAR ZHUGS LA GSOL BA 'DEBS, ,RAB TU BYUNG TZAM NYID NAS RNAM DAG GI ,SDOM MCHOG GIS BSDAMS GNAS BRTAN NYE BA 'KHOR, ,GANG GI BRTUL ZHUGS 'DZIN KHYOD RGYAL BA'I BSTAN, ,BDAG POR 'GYUR ZHES BSNGAGS LA GSOL BA 'DEBS, ,DKYIL 'KHOR KUN GYI SPRO BYED GSHIN RJE'I GSHED, ,BCU GSUM 'KHOR LOR YONGS SMIN DUS DE NAS, ,BDUD SDE'I DPUNG TSOGS MA LUS DRUNGS 'BYIN PA'I, ,MTHU STOBS CHER BRNYES KHYOD LA GSOL BA 'DEBS, ,DBUS GTZANG LJONGS KYI YUL DU BKRA SHIS RIS, ,MNGON PAR BKRA BA'I ZHABS SE NA NYER BKOD DE, ,MKHAS MANG RGYA MTSO'I DBUS NA RNAM DPYOD DANG, ,TSUL KHRIMS DPAL GYIS PHYUG LA GSOL BA 'DEBS 'PHAGS NOR BDUN GYIS KUN NAS SPRAS BZHIN DU, ,RANG GZHAN GRUB MTHA' SPYI DANG KHYAD PAR BA, ,KUN GYI BKA' GNAD RIGS LAM PHRA MO NAS, ,'BYED LA ZLA BRAL KHYOD LA GSOL BA 'DEBS, ,PHA ROL PHYIN DANG DBU MA'I GZHUNG LUGS DANG, ,'DUL MNGON TSAD MA'I LEGS PAR BSHAD RGYA MTSO, ,BRGAL BRTAG SKYOR NGAG RIGS PA BRGYA PHRAG GIS, ,'BYED MKHAS RJE BTZUN BLA MAR GSOL BA 'DEBS, ,GRUB PA'I DBANG PHYUG DGE LEGS RGYA MTSO'I DPAL, ,RIGS KYI COD PAN DU BZUNG BDE GSHEGS DANG, ,RGYAL

19a

, ,SRAS KUN GYI THUGS DAM MTHIL MCHOG SEMS, ,RTAG TU GOMS PAR MDZAD LA GSOL BA 'DEBS, ,RGOL NGAN TSAR BCAD LEGS BSHAD DBYANGS BSGRAGS NAS, ,CHOS KUN RMI LAM DRI ZA'I GRONG LTA BUR, ,RAB GZIGS DPEN PA'I GNAS SU GNAS LUGS DON, ,RTAG TU BSGOM PAR MDZAD LA GSOL BA 'DEBS, ,SNYING RJE'I SKYA RENGS KHA LOS NYER DRANGS PA'I, ,BYANG SEMS BDEN STONG GIS ZIN KUN RDZOB DANG, ,DON DAM ZUNG 'JUG LAM LA RTAG GOMS PA'I,, RTZE GCIG TING 'DZIN BRNYES LA GSOL BA 'DEBS, ,RIM PA DANG PO'I MNYAM GZHAG TING 'DZIN RGYAR, ,CHOS KUN BSDOMS PAS DAG PA'I SNOD BCUD GZIGS, ,NAG PHYOGS KUN BCOM BSTAN SRUNGS BRAN DU 'KHOL, ,RDO RJE 'DZIN PA'I GTZO LA GSOL BA 'DEBS, ,RDZOGS RIM LHAN SKYES DGA' BA'I ROL MO'I SGRAS, ,BDE GSHEGS MA LUS DBU MA'I MKHA' YI DBYINGS, ,YONGS DAG 'OD GSAL LAS 'ONGS MTSAN DPE'I SKU, ,RAB 'BAR GRUB PA'I DBANG POR GSOL BA 'DEBS, ,CHOS KYI RGYAL PO BLO BZANG GRAGS LA SOGS, ,SANGS RGYAS BYANG SEMS BYE BA BRGYA SNYED KYIS, ,LAN CIG MIN PAR ZHAL GZIGS BYIN GYIS BRLABS, ,DBANG BSKUR MCHOG BRNYES KHYOD LA GSOL BA 'DEBS, ,DAM CHOS 'DUL BA'I PHYAG LEN PHRA MO NAS, ,MI SLOB ZUNG 'JUG RDO RJE 'CHANG GI BAR, ,NYAMS LEN GNAD DU DRIL NAS 'DOMS MDZAD PA, ,SNYIGS DUS BSHES GNYEN DAM PAR GSOL BA 'DEBS, ,ZHING KHAMS 'DI LAS GZHAN DU BYON NAS KYANG, ,MTHA' YAS SPRUL PAS GDUL BYA 'DREN PA LA, ,ZLA DANG BRAL

19b

PA'I DPAL GYUR DRIN CAN RJE, ,ZLA MED BLA MA MCHOG LA GSOL BA 'DEBS, ,DUS 'DI NAS BZUNG RDZOGS SANGS RGYAS KYI BAR, ,MGON KHYOD DGE BA'I BSHES SU NYER BZUNGS NAS, ,ZAB DANG RGYA CHE'I CHOS KYI BDUD RTZI CHE, ,LEGS PAR THOB STE DE DON NYAMS LEN SHOG ,NGES 'BYUNG BYANG SEMS YANG DAG LTA BA RNAMS, ,MTHAR PHYIN DE DANG RIG PA 'DZIN PA'I LAM, ,NYAMS SU LEN PA'I RAB TU BYUNG BA DANG, ,DGE SLONG DPAL GYIS MDZES PA'I RTEN THOB SHOG ,RTEN MCHOG DE LA LAM BZANG DE DAG RNAMS, ,RAB GOMS MTHU LAS SKU BZHI YE SHES LNGA'I, ,BDAG NYID CAN GYI BYANG CHUB MYUR THOB STE, ,'GRO BA MA LUS TSUL DER 'GOD PAR SHOG ,DE DAG RNAMS LA BAR DU GCOD PA YI, ,PHYI NANG NYE BAR 'TSE KUN DRUNGS PHYIN CING, ,BSAM PA MTHA' DAG DPAL DANG LDAN 'GYUR BA'I, ,'PHRIN LAS BKRA SHIS DMAG ZOR RGYAL MOS STZOL,, CES DPAL LDAN BLA MA DAM PA RIGS DANG DKYIL 'KHOR RGYA MTSO'I MNGA' BDAG BKA' DRIN GSUM LDAN RDO RJE 'CHANG CHEN PO RJE BTZUN NGAG DBANG BYAMS PA RIN PO CHER BSTOD PA'I RAB TU BYED PA DAD PA'I PADMO RGYAS PAR BYED PA'I NYI MA ZHES BYA BA 'DI NI RJE BTZUN BLA MA BKA' DRIN MTSUNGS MED DAM PA DE NYID LA MI PHYED BA'I DANG BAS RANG NYID KYANG RTZOM 'DUN CHE BAR MA ZAD, GANG GI ZHAL SLOB SKYID GRONG BLA MA DGE BA'I BSHES GNYEN DGE SLONG YE SHES RGYAL MTSAN NAS KYANG BSKUL BA LTAR RDO RJE 'CHANG CHEN PO DE NYID KYI SLOB MAR GYUR BA ^ SH'AKYA'I DGE SLONG BLO BZANG DPAL LDAN YE SHES KYIS DANG BA CHEN POS SUG BRIS SU BGYIS PA'O, ,MANGGA LAm,, ` AOm SVA STI, PHUN SUM TSOGS KUN 'DUS PA YI, ,BLA MA LHA TSOGS THAMS CAD DANG, ,KHYAD PAR MAN NGAG SNYAN BRGYUD KYI, ,DRIN CAN RNAMS LA PHYAG 'TSAL LO, ,RGYAL KUN SPRO DANG BSDU BA'I GZHI, ,KHYAB

20a

, ,BDAG RDO RJE 'CHANG DBANG DANG, ,ZUNG 'JUG MNGON GYUR BLO BZANG GRAGS, ,GSOL BA 'DEBS SO BYIN GYIS RLOBS, ,MKHAS GRUB CHOS KYI RGYAL PO DANG, ,SRAS KYI THU BO BA SO RJE, ,SGYU LUS MCHOG BRNYES CHOS RDO RJE, ,GSOL BA 'DEBS SO BYIN GYIS RLOBS, ,GRUB DBANG BLO BZANG DON YOD GRUB, ,MKHAS MCHOG SANGS RGYAS YE SHES DANG, ,RJE BTZUN BLO BZANG CHOS RGYAN LA, ,GSOL BA 'DEBS SO BYIN GYIS RLOBS, ,DKON MCHOG RGYAL MTSAN GRUB PA'I RJE, ,BLO BZANG YE SHES RDO RJE 'CHANG, ,GRUB DBANG NGAG DBANG BYAMS PA LA, ,GSOL BA 'DEBS SO BYIN GYIS RLOBS, ,RJE BTZUN BLO BZANG BZOD PA DANG, ,KHYAD PAR DRIN CAN BLA MA MCHOG ,BLO BZANG DPAL LDAN YE SHES LA, ,GSOL BA 'DEBS SO BYIN GYIS RLOBS, ,DE LTAR GSOL BA BTAB PA'I MTHUS, ,TSE 'DIR ZUNG 'JUG RDO RJE 'CHANG, ,SKU BZHI'I DBANG PHYUG LEGS THOB NAS, ,'GRO KUN 'DREN PA'I DPAL 'GYUR SHOG, CES PA 'DI NI KHRON PA SPUGS DKA' CHEN BLO BZANG DPAL 'BYOR DANG DRUNG RAM PA BLO BZANG RAB RGYAS GNYIS KYIS BLA MA MCHOD PA'I BLA BRGYUD GSOL 'DEBS ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RU, DON DAM SKYE BGAG GNAS GSUM BRJOD BYA DANG, ,YONGS BRAL YE SHES LAS 'ONGS MTSAN DPE'I SKU, ,RAB RDZOGS LONGS SPYOD RDZOGS DANG SPRUL PA YI, ,BDAG NYID RIGS KUN BDAG KHYOD GTZUG NA RGYAL, ,GSANG GSUM SGYU 'PHRUL RNAM PA'I KHYAD PAR KUN, ,RANG RANG LHA YI ROL PAR SHAR BA'I MDANGS, ,CIR YANG 'CHAR LAS CHO 'PHRUL BKOD PA'I

20b

TSOGS, ,GZUGS SU 'DU MDZAD BLA MA LHA YIS SKYONGS, ,MKHYEN BRTZE MTHU STOBS 'CHI MED LHA YI TSOGS, ,GCIG TU RGYAL BA KUN LAS YONGS BSDUS PA, ,'JAM PA'I DBYANGS DANG DPAL LDAN GSANG BA'I BDAG ,BLA MA TSE DPAG MED LA GSOL BA 'DEBS, ,SANGS RGYAS KUN GYI 'PHRIN LAS LHA MO DANG, ,BKA' GDAMS SKYABS KUN LHA BZHIR DRIL BA'I DPAL, ,BDUD DPUNG 'DZOMS MDZAD BLO BZANG GSHIN RJE GSHED, ,DBYER MED RJE BTZUN BLA MAR GSOL BA 'DEBS, ,DE LTAR LHA MCHOG SPRUL PAR BCAS PA LA, ,GSOL BA BTAB PAS KHYAB BDAG RDO RJE 'CHANG, ,RJE BTZUN BLO BZANG DPAL LDAN YE SHES ZHABS, ,SKU TSE RAB BRTAN 'PHRIN LAS YAR RGYAS MDZOD, ,SPYAN RAS GZIGS DBANG SPRUL PA'I RNAM ROL LAS, ,RAB SHAR BKRA SHIS LHUN GYIS GRUB PA'I ZHING; ;MI SHIGS RDO RJE'I KHAMS SU RAB BSGRUBS NAS, ,CHOS KYI RNGA CHEN RTAG TU SGROG PAR SHOG ,'DUL BA'I KHRIMS BZANG RNAM RIG DBU MA'I GZHUNG, ,CHOS KYI GRAGS PA'I RIGS LAM BZANG PO YIS, ,RAB BRGYAN ZLA DANG BRAL BA'I BSHAD RTZOD KYI, ,GDUGS DKAR 'OG MIN MTHAR THUG BSGRENG BAR SHOG ,DE DANG LAM BZANG RDO RJE THEG PA'I BCUD, ,SNYING POR DRIL BA'I RDO RJE'I LAM BZANG GIS, ,SKU GSUM GO 'PHANG TSE 'DIR BDE BLAG TU, ,THOB PA'I BKRA SHIS DGA' STON CIR YANG STZOL,, CES RGYAL BA KUN GYI BDAG NYID 'JAM ,DPAL ZHI KHRO, MGON PO TSE MTHA' YAS PA, ,SENG LDENG NAGS KYI SGROL MA, BKA' GDAMS LHA BZHI, GSANG BA'I BDAG PO RNAMS LA GSOL BA 'DEBS SHING BDEN TSIG BRJOD PA 'DI NI ME PHAG LO LHA DE DAG GI SNANG BRNYAN BYIN RLABS LAS BSGRUBS TE DGE 'DUN 'DUS PA RGYA MTSOR PHUL SKABS DGE SKOS CHEN MO RAB 'BYAMS PA BLO BZANG

21a

, ,BRTAN PAS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` CHOS RGYAL BDUN GYI BSTOD PA NI, PHYAG NA RDO RJE SHAMBHA LA'I YUL DU, ,CHOS KYI RGYAL POS RNAM ROL ZLA BA BZANG, ,RDO RJE DANG NI DRIL 'DZIN NAM MKHA'I MDOG ,RAB 'DZIN THUGS RJE CAN LA GSOL BA 'DEBS, ,CHOS KYI RGYAL PO LHA YI DBANG PHYUG CHE, ,SKU MDOG DKAR GSAL PHYAG GNYIS PAD DKAR 'DZIN, ,BLO GROS MI BZAD NAM MKHA'I MTHA'I DANG MTSUNGS, ,STOBS DANG LDAN PA KHYOD LA GSOL BA 'DEBS, ,GZI BRJID MTHA' YAS CHOS KYI RGYAL PO CHE, ,SKU MDOG DMAR SER MNYAM GZHAG PHYAG RGYA CAN, ,'GRO BA KUN LA DES LEGS MCHOG STZOL BA, ,STONG GZUGS 'GYUR MED MNYAM SBYAR KHYOD LA 'DUD, ,ZLA BAS BYIN ZHES YONGS GRAGS RGYAL PO CHE, ,HA HA BZHAD CING DGRA STA THOB THOGS SNGO NAG MDOG CAN SKYIL KRUNG GIS BZHUGS PA, ,CHOS DANG RAB LDAN KHYOD LA GSOL BA 'DEBS, ,LHA YI DBANG PHYUG CES GRAGS STONG GZUGS KYIS, ,RAB ROL THO BA PADMA DKAR PO THOGS, ,DKAR DMAR MDANGS CHAGS 'GRO LA DBUGS DBYUNG DAG ,SBYIN MKHAS CHOS KYI RGYAL POR GSOL BA 'DEBS, ,BYANG SEMS SA BCU'I DBANG PHYUG STOBS DANG LDAN, ,DBYUG BA RTZE GSUM SPRUL GYIS DKRIS PA 'DZIN, ,'GRO BA KUN LA PHAN PA'I LAM STON PA, ,CHOS KYI RGYAL PO SNA TSOGS GZUGS LA 'DUD, ,LHA YI DBANG LDAN ZHES GRAGS CHOS KYI RGYAL, ,NOR BU PAD 'DZIN 'GRO LA DBUGS DBYUNG STZOL, ,MTHA' DAG 'GRO LA LAM BZANG SBYIN MDZAD PA, ,CHOS KYI RGYAL PO'I ZHABS LA GSOL BA 'DEBS,, ZHES CHOS RGYAL RIGS LDAN BDUN GYI BSTOD PA 'DI NI DUS 'KHOR CHOG GRVA BA DKA' CHEN YE SHES RNAM RGYAL GYIS BSKUL BA

21b

LTAR ^ DPAL DUS KYI 'KHOR LO'I RNAL 'BYOR PA ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` GNAS LUGS KYI SNYING PO MTHAR THUG 'DI, ,SANGS RGYAS KYI DGONGS ZAB GRAGS PA'I DPAL, ,MAN NGAG BZHIN KUN LA 'DOMS MDZAD PA, , BLO BZANG DPAL LDAN YE SHES LA GSOL BA 'DEBS,, ZHES PA 'DI NI SNGAGS RAM PA BLO BZANG BZANG POS PHYAG CHEN GSOL 'DEBS KYI BLA BRGYUD GRAS SU 'JUG RGYU 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` AOm BDE LEGS SU GYUR CIG ,'DIR BLA MA LA BKA' DRIN DRAN PA'I SGO NAS GSOL BA 'DEBS PAR 'DOD PAS, YID DANG MTHUN PA'I GNAS SU, SEMS CAN THAMS CAD LA DMIGS PA'I BYAMS PA DANG SNYING RJE'I DMIGS RNAM LEGS PAR GSAL BTAB LA 'DI LTAR 'DON TE, MDUN GYI NAM MKHAR RIN CHEN 'BAR BA'I KHRI, ,PADMA ZLA NYI DAR ZAB KYIS SPRAS PA, ,DE YI STENG DU RTZA BA'I BLA MA MCHOG ,RANG GIS JI LTAR MJAL PA'I TSUL BZHIN BZHUGS, ,BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG BSRUNG MA'I TSOGS DANG BCAS PA 'DUS PA'I BDAG NYID RTZA BA'I BLA MA RIN PO CHE LA GSOL BA 'DEBS SO, ,BYIN GYIS BRLAB TU GSOL, ZHES JI LTAR RIGS PAR GSOL BA BTAB RJES, SNYING THAG PA NAS GSOL BA 'DEBS TSUL 'DI LTAR BRJOD DE; DUS GSUM BDE GSHEGS KUN GYI NGO BO, ,BRGYAD KHRI BZHI STONG CHOS PHUNG 'BYUNG GNAS, ,RAB 'BYAMS 'PHAGS TSOGS 'DUS PA'I BDAG NYID, ,THUB DBANG BLO BZANG RDO RJE 'CHANG DNGOS, ,SNYIGS DUS 'GRO BA BDAG 'DRA RNAMS KYI, ,SKYABS

22a

, ,KYI PHUL GYUR RTZA BA'I BLA MA, ,RJE BTZUN BLO BZANG DPAL LDAN YE SHES, ,BKA' DRIN DRAN PAS GSOL BA 'DEBS SO, ,DRAN DANG SHES BZHIN BAG YONG THABS KYIS, ,TSOGS DRUG KUN GZHI DAM CHOS 'DUL BA'I, ,DRA BAS BSDOMS PA'I GNAS BRTAN CHEN PO, ,RJE BTZUN BLO BZANG DPAL LDAN YE SHES, ,GUS PA'I YID KYIS GSOL BA 'DEBS SO, ,BDAG CAG NYON MONGS CHU BO DRAG POS, ,RAB TU KHYER BA'I NGANG TSUL DGONGS LA, ,TSUL KHRIMS DNGOS GRUB MYUR DU STZOL CIG ,RTEN 'BREL BCU GNYIS MKHYUD MOS BCINGS PA'I, ,'GRO BA THAMS CAD SGROL BA'I KHUR CHEN, ,PHYAG TU BSNAMS PA'I SAR GNAS DPA' BO'I, ,MNGA' BDAG CHEN BA RTZA BA'I BLA MA, ,RJE BTZUN BLO BZANG DPAL LDAN YE SHES, ,RTZE GCIG GUS PAS GSOL BA 'DEBS SO, ,BYAMS DANG SNYING RJE BYANG CHUB SEMS KYI, ,DNGOS GRUB BYIN RLABS BDE BLAG STZOL CIG, ,PHYI NANG DE NYID BCU YI MNGA' BDAG ,GANG SNA DKYIL 'KHOR NGO BOR BSDOM ZHING, ,DRI BZHIN DH'U T'IR BSDUS PA'I SGYU MA, , 'OD GSAL ZUNG 'JUG RDO RJE 'DZIN PA, ,RJE BTZUN BLO BZANG DPAL LDAN YE SHES, ,GSOL BA 'DEBS SO BDAG CAG RGYUD LA, ,SNYIGS DUS TSE 'DIR SANGS RGYAS THOB PA'I, ,BYIN RLABS DNGOS GRUB DGA' STON STZOL CIG ,KHYAD PAR RGYAL BA NAS BZUNG SNGON GYI, ,SKYABS GNAS THAMS CAD MI SNANG BZHUGS TSE, ,SKU YI BKOD PA NYE BAR BSTAN NAS, ,'GRO RNAMS 'DUL MDZAD BKA' DRIN MTSUNGS MED, ,RTZA BA'I BLA MA DPAL LDAN YE SHES, ,GSOL BA 'DEBS SO DGYES PA'I SPYAN GYIS,

22b

LEGS BAR GZIGS LA BYIN GYIS RLOBS LA, ,DNGOS GRUB BDE BLAG NYID DU STZOL CIG ,MGON KHYOD BKA' DRIN CHEN PO DRAN NAS, ,LUS KYIS THAL SBYAR DAG GIS BSTOD BRJOD, ,YID KYIS SKU GSUNG THUGS KYI YON TAN, ,LEGS PAR DRAN PAS GSOL BA 'DEBS SO, ,KHYOD MIN RE SA SKYABS GZHAN MED PAS, ,'DI DANG PHYI MA BAR DO KUN TU, ,THUGS RJE CHEN PO'I LCAGS KYUS BZUNGS NAS, ,'KHOR BA'I RGYA MTSO CHE LAS SGROL CIG ,'DAS DANG MA 'ONGS DA LTAR DUS GSUM, ,BGYIS DANG BGYID 'GYUR SDIG PA MA LUS, ,BSHAGS PAR BGYID KYI DMIGS PA MED PA'I, ,DBYINGS SU SBYONGS SHIG RJE BTZUN BLA MA, ,'DI LTAR BGYIS PA'I DGE BA'I RTZA BA, ,DE YI MTHU LAS BDAG DANG MAR GYUR, ,'GRO BA THAMS CAD KUN GYI MGON DU,, ZHABS PAD SRID MTHA' BAR DU BZHUGS SHIG ,DE YI THUS LAS RING POR MI THOGS, ,MGON PO KHYOD KYI GO 'PHANG THOB NAS, ,NAM MKHA'I MTHA' KLAS 'GRO BA THAMS CAD, ,GO 'PHANG MCHOG DER 'GOD PAR SHOG CIG ,CES GSOL BA BTAB PAS BDAG NYID LA THIM PAR BSGOM MO,, TSUL 'DI NI MNGA' DPON PAD TSAL BA PHUN TSOGS RNAM RGYAL GYIS BSKUL BA LTAR G-YAR KHRAL TZAM DU ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ` NA MO GU RA WE, NA MO BUDDH'A YA, NA MO DHARM'A YA, NA MO SANGGH'A YA, SRID ZHI'I 'CHING BA'I DRA BA KUN BCAD NAS, ,SRID LA LHAG PAR BRTZE BAS ZHI MTHA' GNON, ,RDO RJE 'CHANG DNGOS GRUB DBANG MCHOG GYUR PA, ,MKHAS GRUB LEGS PA DON GRUB SBYI BOR MCHOD, ,MGON KHYOD CHU NANG MKHA' YI ZLA GZUGS BZHIN, ,CIR

23a

, ,YANG 'CHAR PA'I SGYU 'PHRUL MTHA' YAS PA, ,SAR GNAS DPA' BOS BRJOD KYANG NGAL 'GYUR NA, ,BDAG CAG RNAMS KYIS CI ZHIG LTAR TU BRJOD, ,'ON KYANG DAD PA'I DBYANGS SNYAN DANG BCAS TE, ,DPAL LDAN YON TAN BYE BA'I BDAG NYID KYI, ,BSTOD TSIG ME TOG 'THOR 'DI BDAG GIS NI, ,SGRUB PA'I MCHOD SPRIN GDUGS DKAR SLAD DU LAGS, ,BDE GSHEGS SH'AKYA'I RGYAL PO MI MDZED 'DIR, ,DGE LEGS CHO 'PHRUL SNANG BYED 'BUM 'GYED TSE, ,BLO BZANG PADMA'I NGAD KYI ZIL MNGAR BCUD, ,RAB 'THUNGS SAR GNAS DGA' BA'I TOG LA 'DUD, ,DRI BZHON GSAL RIG GOD BU'I RMONGS BYED LKOGS, ,GNYIS SPANGS GRONG DU STONG NYID KUN TU RU, ,LHAN CIG CHU GRIS BREGS PA'I ZUNG 'JUG BDAG ,RNAL 'BYOR DBANG PHYUG DPAL 'BRAS RDO RJER 'DUD, ,RIN CHEN SEMS MCHOG DON DAM KUN RDZOB GNYIS, ,RTAG TU GOMS PAS SNANG SHAS ZIL MNAN TE, ,CHOS KUN SNYING RJE'I RGYA YIS THEBS GYUR PA, ,BKA' GDAMS SROL 'BYED SGOM PA LA 'DUD, , MAN NGAG BDUN GYI BDUD RTZI'I CHU RGYUN MNGAR, ,GCIG TU RNAM DPYOD SNYIM PAS 'THUNGS PA'I LUS, ,RAB RDZOGS YE SHES STOBS KYI DPAL 'BAR BA, ,KE'U 'BYUNG GNAS MTSAN CAN KHYOD LA 'DUD, ,'DU 'DZIS DBEN BA'I NAGS KHROD SMAN LJONGS SU, ,BYANG CHUB SEMS LA MNGA' 'BYOR TING 'DZIN GYIS, ,'GRO LA LAM MCHOG CIR YANG GSAL MDZAD PA, ,ZLA BA RGYAL MTSAN ZHABS LA GUS PAS 'DUD, ,SLAR YANG RLUNG SEMS DBYER MED CHES PHRA'I KHAMS, ,LHAN SKYES BDE

23b

CHEN CHAB KYIS RAB SPANGS NAS, ,SGYU 'OD ZUNG DU 'JUG PA'I LAM MCHOG CHE, ,MNGON GYUR GZHON NU GRUB LA GSOL BA 'DEBS, ,RGYAL BA KUN GYI BDAG PO 'JAM PA'I DBYANGS, ,BLO BZANG DUR SMRIG GOS CAN GANG GI SRAS, ,GSUNG LAS SKYES PA'I GRUB MCHOG RDO RJE 'CHANG, ,NGAG DBANG GRAGS PA'I ZHABS LA GSOL BA 'DEBS, ,KHYAD PAR BLO BZANG SNYAN BRGYUD GDAMS PA YI, ,BDUD RTZI'I BUM BZANG THUGS KYI ZA MA TOG ,LEGS PAR BCANGS TE BSTAN PA YONGS RDZOGS PA'I, ,MNGA' BDAG LEGS PA DON GRUB ZHABS LA 'DUD, ,SDE BZHI'I RGYA MTSO'I PHA ROL SON PA YIS, ,RNAM DAG SPONG BDUN NOR BU'I DPYA MANG PO, ,SNYING GI BANG MDZOD CHU LON MCHOG BRNYES PA, ,'DUL 'DZIN KUN GYI MCHOG GYUR KHYOD LA 'DUD, ,SRID GSUM SRIN MO'I BZHAD GANG MTSAR RIG NAS, ,MNAR BYED GSUM GYI ZHAGS PA 'DZIN BYED BCAS, ,SEMS MCHOG LHAN CIG G-YO MED RAL GRI YIS, ,GCOD PHYIR SHIN SBYANGS BRNYES PA KHYOD LA 'DUD, ,CHOS RNAMS KUN GYI GNAS TSUL DE KHO NA, ,NAM MKHA' LTA BUR SPROS PA KUN BRAL YANG, ,KUN RDZOB RGYU SKAR NYI ZLA'I THIG LE'I SGEG ,DON DAM SEMS MCHOG RGYAL PO KHYOD LA 'DUD, ,THUN MONG MIN PA'I LHAG MTHONG GRUB CHEN BRGYAD, ,BYA SBYOD RNAL 'BYOR RGYUD SDE'I RIM PA BZHIN, ,LEGS PAR MTHAR PHYIN DNGOS GRUB RAB BRNYES PA, ,RDO RJE 'DZIN PA KHYOD LA GSOL BA 'DEBS, ,THA MAL SNANG ZHEN NGAN RTOG BUD SHING KUN, ,SNGAGS KYI LHA SKU'I ME YIS SBYANGS PA'I MTHUS, ,PHRA RAGS DRAN DANG RTOG PA'I RNAL 'BYOR KUN, ,PHUL DU BYUNG

24a

, ,BA'I SLOB DPON KHYOD LA 'DUD, ,KHYAD PAR GSHIN RJE GSHED PO'I TING 'DZIN GYIS, ,GNOD SBYIN LCAM BRAL DAM CAN SRIN POR BCAS, ,BKA' BSGOS DAM TSIG KHAS BLANGS BRAN DU BKOL, ,MTHU STOBS DBANG PHYUG CHEN PO KHYOD LA 'DUD, ,ZHUM MED LCAGS SGROG BRTAN PO'I SGRA GCAN NANG, ,G-YO BYED KUN TU RTOG BYA'I DGRA SDE'I DBUNG, ,BCINGS PAS DNGANGS BYAS RDO RJE 'DZIN PA YANG, ,THAL MO SBYOR BA LHUR LEN KHYOD LA 'DUD, ,DGA' LDAN GNAS SU 'JAM DPAL SNYING PO'I DRUNG, ,NGES DON HE RU KA RU RDZOGS PA'I GAR, ,CIR YANG BSGYUR BA'I PHYOGS BCU'I SANGS RGYAS RNAMS, ,LEGS SO'I PHYAG RING SKYONG BA KHYOD LA 'DUD, ,MTHU STOBS SGYU 'PHRUL ROL PA'I RNAM 'GYUR GYIS, ,DPAL LDAN DUS KYI 'KHOR LO'I RDO RJE 'DZIN, ,GSER GYI MYU GU'I KHRI LA DA LTA'I DUS, ,'KHOR LOS BSGYUR RGYAL RNAM GNON CHE LA 'DUD, ,MGON KHYOD NOR BU'I GRONG KHYER SHAMBHA LAR, ,'JAM DPAL SNYING PO'I CHOS 'KHOR BSKOR BA YI, ,MDUN SAR PHYIN TE THEG CHEN CHOS KYI BCUD, ,RNAM DPYOD SNYIM PAS LEGS PAR 'THUNG DU STZOL, ,LEGS BSHAD ZLA BA'I 'OD DKAR SHAR RI'I RTZER, ,'PHAGS PA KUN GYI DBUS NA 'GRAN ZLA DANG, ,YONGS SU BRAL BA'I GRVA TSANG CHE 'DI YANG, ,SRID MTHAR MI NUB BSHAD SGRUB GONG 'PHEL SHOG ,MI SHIS RGUD PA THAMS CAD RING BSKRAD NAS, ,SHIS PA RGYA MTSO PHYOGS DUS KUN NAS BKUG ,CHOS KYI RNGA SGRA'I BDE LEGS DANG BCAS PA, ,BKRA SHIS DON GRUB KUN NAS 'BAR GYUR CIG, CES MKHAS GRUB

24b

RDO RJE 'DZIN PA KUN GYI GTZUG GI NOR BU RNAL 'BYOR GYI DBANG PHYUG KUN MKHYEN LEGS PA DON GRUB KYI PHYI NANG GSANG BA DE KHO NA NYID KYI GSOL 'DEBS 'DI NI SHAR RTZE ZHAL SNGA NAS YON TAN RGYAL MTSAN GYIS BSKUL MA MDZAD PA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, BKRA SHIS, ` AOm SVA STI, DE BZHIN GSHEGS PA'I NGES GSANG MA LUS PA, ,GCIG TU BSDUS PA RDO RJE MI BSKYOD LHA, ,ZHAL GSUM PHYAG DRUG SUM CU SO GNYIS KYI, ,DKYIL 'KHOR LHA TSOGS RNAMS LA PHYAG 'TSAL LO, ,MGON KHYOD RGYUD SDE'I GNAS TSUL RAB 'BYAMS RNAMS, ,GANGS CAN KHROD DU LEGS PAR GSAL MDZAD PA, ,SKAD GNYIS SMRA BA DPAL LDAN 'GOS KYI ZHABS, ,BYANG CHUB SNYING PO'I BAR DU SBYI POS MCHOD, ,GNAS LUGS DE NYID DENG GI DUS 'DI NA, ,GSAL MDZAD BKA' DRIN MTSUNGS MED CHOS KYI RJE, ,RJE BTZUN BLO BZANG DPAL LDAN YE SHES ZHABS, ,GSOL BA 'DEBS SO BYIN GYIS BRLAB TU GSOL, ,KHAMS GSUM KHYON LA DBANG BA'I BDUD KYI DPUNG, ,CIG CAR ZA BYED DUS KYI SRIN PO'I SKUR, ,STON MDZAD LHA CHEN DRAG PO GDONG BZHI PA, ,YUM BZHI BSHAN PAR BCAS LA BSTOD PAR BGYI, ,GDOD NAS RNAM DAG RTEN 'BREL GNAS LUGS RNAMS, ,G-YO MED DH'U T'I'I DBYINGS SU LEGS RTOGS NAS, ,BRGYAD KHRI BZHI STONG BDUD KYI DPUNG TSOGS RNAMS, ,CIG CAR BCOM PA'I DGA' STON MYUR DU STZOL,, ZHES PA 'DI NI ZHAL GZIGS RI KHROD PA DKA' CHEN DAM CHOS RGYAL MTSAN GYIS 'DI LTA BU ZHIG DGOS ZHES BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BYA'O,, ` NA MO GU RU AA MI DE W'A YA, DPAL LDAN

25a

, ,MCHOG TU DGE BA'I ZHING GI CHAR, ,BDE CAN MGON ZHES RGYAL PA KUN GYIS BSGRAGS, ,TSE DANG YE SHES 'OD RNAMS GZHAL DKA' BA, ,LHA YI LHA MCHOG TSE DPAG MED LA 'DUD, ,GANGG'A'I KLUNG GI BYE SNYED MTHA' YAS ZHING, , DE NYID CHU YI RDUL GYI GRANGS KYI YANG, ,TSAD DU MI SPOB BSOD NAMS YE SHES KYIS, ,PHUNG PO RDZOGS SMIN SBYANGS GSUM YONGS SU DAG ,DE PHYIR PHYOGS BCU'I RGYAL BA THAMS CAD KYIS, ,TSE MTHA' YAS ZHES BSNGAGS LA BA DAG GI NI, , BSTOD PA 'DI YIS CI ZHIG DE LTA YANG, ,CUNG ZAD BSTOD PHYIR BDAG LA BSOD NAMS STZOL, ,THA MAL RNAM RTOG KUN DANG RI BRAG TSOGS, ,LHAN CIG DAG PA'I ME LONG YE SHES CHA, ,ZHING DU SHAR BA YON TAN DPAG MED KYI, ,DON DANG DE YI YON TAN 'DI LTAR BRJOD, ,KUN RTOG SNA TSOGS DAG PHYIR RAB TU ZLUM, ,KHRO BA'I SKYON KUN ZAD PHYIR SA GZHI 'JAM, ,TING 'DZIN PHA MTHAR PHYIN PHYIR REG NA BDE, ,TSUL KHRIMS GTZANG MA'I ME TOG TSOGS KYIS KLUBS, ,SBYIN LAS BYUNG BA'I CHU KLUNG DAL GYIS 'BAB, ,BRTZON 'GRUS BRTAN PAS 'DAM SKYES DAG GIS MDZES, ,SHES RAB MTHA' RU SON PA'I BYA YI TSOGS, ,STONG NYID STON PA'I MGRIN PA'I RDZA RNGA SGROG ,SMON LAM LAS BYUNG DPAG BSAM LJON PA'I SHING, ,BSDU BZHI LAS BYUNG DGOS 'DOD CIR YANG STER, ,THABS KYI PHA ROL SON PA'I THE GU YIS, ,'BREL LA CHOS PHUNG DRIL BU G-YER KHA 'KHROL, ,GNAM SNGON ZHU BAR DOGS PA'I NOR 'DZIN KHYON, ,SA YI ZLA BA MIG MANG RIS BRES PA, ,KUN GSAL DBYINGS

25b

NAS BLTA BA'I LHA YI BU'I, ,GZUGS BRNYAN RIN CHEN THIG LE'I TSEM BU BZHIN, ,GNYIS KYIS LHAG PA'I BCU PHRAG DPAG TSAD 'PHANG, ,KUN TU MTSUNGS SHING G-YAS DANG G-YON GYI CHAR, ,RGYANG PHRAG BRGYAD DU BSAGS PA GCIG NAS NI, ,'BUM GYI BDAG NYID NYAL 'GRO DAL GYIS RGOD, ,KE KE BEE d'UR GSER DANG AANDA SNYIL, ,SBUG DANG RDO YI SNYING PO LAS BYAS PA'I, ,'JUG DOGS THEM SKAS BKRA BA'I LTAS MO 'DI, ,MTHONG PHYIR DBANG PO MIG STONG BGRAD DANG MNYAM, ,BDE PHYIR 'KHYIL BA'I KLONG LA RAB RTZE BA'I, ,DANG PA KA RAN TZA DANG DUR PA SOGS, ,DUD 'GRO'I SKAD LTAR BCOS PAS TING 'DZIN GYI, ,SGO BRGYA 'BYED 'DI'I DPE RU SU ZHIG 'OS, ,DPAG TSAD DU MA'I KHYON LAS BRGAL BA YI, ,LJON SHING GSER GYI SIL SNYAN DBYANGS PA LA, ,DRI BZHON REG BYAS BSAM GTAN BZHI PA YI, ,DGA' BA SKYENGS BYED DAG GIS DKROL BAR BYED, ,RDZING LAS RDZING GI YON TAN MANG 'BYUNG DANG, ,DE LAS DE NYID STON PA'I THABS MKHAS DANG, ,ROL LAS ROL PA KUN GYI RTZER SON PAS, ,'DI LA 'DI YIS BSGRUN ZHES SU ZHIG 'CHAD, ,'DAB BRGYAD 'DAB MA LNGA DANG 'DAB BRGYA'I BAR, ,NYIN BYED GANG LAS 'ONGS PA'I PHYOGS DE LAS, ,DUS BZHIR BKRAMS PAS SA KUN KHYAB BYED PA, ,KUN TU BZANG PO'I RDZU 'PHRUL DAG LA 'GRAN, ,BAR BAR CHU SKYES 'DAB MA MANG GROL BA, ,KHONG NAS 'DZUM PA'I GE SAR RGOD PA NI, ,RGYAL SRAS SAR GNAS DPA' BO BSKYED PA LA, ,SHES RAB PHA ROL PHYIN MA'I NGANG TSUL 'DZIN, ,KUN GSAL NGOGS LA RIN CHEN CHU 'DZIN TSOGS, ,BKRA

26a

, ,LAS BDUD RTZI'I CHU RGYUN 'BAB PA DANG, ,CHOS KYI 'BRUG SGRA ZAB MO RGOD PA YANG, ,DER GNAS BYANG SEMS RNAMS KYI DGE BA'I BSHES, ,ZHING 'DI'I RLUNG GIS REG PA TZAM GYIS KYANG, ,MI BDE'I GO SKABS RING DU BSKRAD GYUR NA, ,'DI YI YON TAN KUN LA SPYOD PA LA, ,ZAG MED BDE KUN GCIG TU BSDUS PA 'DRA, ,DE LTAR DAG PA'I ZHING GI SNOD BCUD KUN, ,GCIG TU 'KHYIL BA'I YON TAN PHUNG PO CAN, ,ZHING DE'I MGON PO 'OD DANG TSE MTHA' YAS, ,RAB TU 'BAD PAS BDAG GIS BSTOD PAR BYA, ,RIN CHEN RIN THANG BRAL BA'I DPAG BSAM SHING, ,RIN CHEN KHA DOG MI 'DRA SNA TSOGS CAN, ,RIN CHEN LO 'DAB NGAG GIS SPUD PA LA, ,RIN CHEN 'BRAS BU BZANG POS YONGS SU MDZES, ,DE YI MDUN NA RAB BKRA'I 'DAB MA CAN, ,GTZUG PHUD 'DZIN PA BRGYAD KYIS NYER BTEG PA'I, ,NOR BU'I KHRI MCHOG 'OD ZER 'BAR BA NI, ,PADMO'I GNYEN GYI GZI BRJID BYE BA 'PHROG ,THUN MTSAMS MDANGS LA MTSAL GYIS BYUGS PA YIS, ,CHU SKYES BRGYA PHRAG 'DAB MA'I GRANGS LDAN PA, ,TSA ZER CAN DANG BSIL ZER BYED PA YI, ,LCI YANG RNYING PA MED PA'I BKA' DRIN STZAL, ,DE NA BZHUGS PA'I STON PA MTSUNGS MED DE, ,CHOS KYI SKU LA SNANG BA MTHA' YAS SHING, ,LONGS SPYOD RDZOGS SKU TSE MTHA' YAS PAR BSGRAGS, ,SPRUL PA'I SKU NI 'OD DPAG MED DU NGES, ,DE KUN NGO BO'I SGO NAS RO GCIG PAR, ,MNYAM MED SH'AKYA'I RGYAL POS TSE YI MDOR, ,JI LTAR GSUNGS PA DE BZHIN TSE DPAG MED, ,BSTOD PAR GYUR NA MCHOG TU

26b

BSNGAGS PA LAGS, ,KHYOD SKU 'OD ZER BYE BA BRGYA PHRAG GIS, ,GRANGS MED ZHING MCHOG MA LUS 'GENGS MDZAD PA, ,'OD ZER RE RER KHYOD KYI SPRUL PA RES, ,ZHING KHAMS MA LUS BDAG TU BZUNG BA LAGS, ,MTHON MTHING KHUG PA LNGA RU BCINGS PA YIS,, GSER GYI MKHYUNG MO NOR BU'I PHRA CAN GYI, ,GZI BRJID BZOD PA'I GO SKABS DANG BRAL BAS, ,ZHING 'DIR NYI MA'I BGRONG PA KUN TU SPANGS, ,NAM MKHA'I MTHA' 'DI GZHAL BAR MI NUS ZHES, ,SMRA BA'I LCE DE GYI NA'I NGANG TSUL CAN, ,MIN NA MGON PO KHYOD KYI GTZUG TOR MTHAS, ,KUN 'KHOR NGAL BAR BYAS 'DI RGYU GANG ZHIG ,MYU KHYUD RTZIBS DANG BCAS DANG GCOD BYED DANG, ,RUS SPAL DBYIBS CAN KUN TU 'BREL GYUR PA, ,BSOD NAMS GRANGS MED ZONG GIS BSGRUB CES PA, ,DRANG DON LAS BRGAL BDEN PA'I TSIG GI BDAG ,LUNG BSTAN SBYIN PAR BYA BA'I SAR GNAS KYI, ,DPA' BO'I MGO LA NYUG PAR MDZAD PA DANG, ,GANG DU BRIS PA'I SA KUN BKRA SHIS PA, ,'DI YI REG BYA'I DPE NI NAM MKHA'I RTZA, ,SKU YI MDUN PHYOGS MNGON PAR MTHO BA DANG, ,PHYAG SOR RING BA 'OD ZER DRA BA CAN, ,GTING YANGS SKU CHE GANG BA'I DKYIL 'KHOR NI, ,RGYAL BA MA LUS GCIG TU BSDUS PA BZHIN, ,ZHABS LA SOGS PA'I LONG BU'I TSIGS 'BUR RNAMS, ,MI MNGON SBAS PA'I MNGON RTOGS RIM PA DANG, ,SKU YI BA SPU RE RE GYEN PHYOGS SU, ,GNAS PAS THAR LAM CI BDER STON PAR MDZAD, ,AE NA YA LTAR BAGS KYIS ZHOL BA'I BYIN, ,GNYIS 'THUNG SNA ZHAGS LTA BUR MDZES PA'I PHYAG ,MI MNGON SBAS PA'I TSUL GYI BRTUL ZHUGS CAN, ,

27a

, ,'DI DAG SHER PHYIN SLAD DU BSTAN PA LAGS, ,GSER 'OD LTA BUR SNANG YANG GSER GYI 'OD, ,LCAGS KYI KHAMS DANG MTSUNGS BYED MTSAL ZHUN CAN, ,SNUM ZHING G-YAS SU 'KHYIL BA'I THIG LE BKRA, ,LHA BRGYA'I GTZUG RGYAN KHENGS PA CIG CAR 'PHROG ,KHYOD KHRU'I BDAG NYID SMIN MTSAMS TSOM BU DKAR, ,BDUD RTZI'I CHU RGYUN MANG PO 'DZAG PA DANG, ,RO STOD SENGGE LTA BUR 'GYINGS PA'I DPAL, ,BRJOD PAR MI SPOB THUB PA'I CHIG GIS BRJOD, ,DPUNG MGO ZLUM ZHING THAL GONG RGYAS PA DANG, ,BSKA BA'I RO YANG BDUD RTZI'I RO LTAR DANG, ,N+YA GRO TA LTAR MCHU ZHENG GAB PA'I SKU, ,'OD ZER DBANG BSKUR THOB PA'ANG ZHUM PAR BYED, ,STONG GSUM BLA RER BRES PA'I LJAGS KYI KHYON, ,TSANGS PA GDONG LNGA PA YI SGRA DANG BCAS, ,SENGGE LTA BU'I 'GRAM PA GZI BRJID CAN, ,BDUD KYI DKYIL 'KHOR GZHOM SLAD BSTAN PA BZHIN, ,RAB DKAR THAGS BZANG 'DZUM PA'I 'OD ZER CAN, ,BZHI BCU'I GRANGS LDAN SPYAN NI AUTPAL MDANGS, ,BA MCHOG 'DRA BA'I RDZI MA'I RGYAN GYIS SPRAS, ,KHYOD KYI SNYING RJE CHEN PO MTSON PA BZHIN, ,DE NYID DPE YI MTSON BYED BYAD BRGYAD CU, ,GNYIS LHAG SUM CUS SPRAS PA RE RES KYANG, ,BRLAN GSHER TSA REG STOBS LDAN GYIS KHYAB PA'I, ,BCO BRGYAD GNAS SOGS RUS SBAL SPU YI 'CHING, ,KHYOD SKU'I ZER DANG BDUD RTZI PHYOGS GCIG PA, ,DE YI THIGS PA RE TZAM 'THUNG BAS KYANG, ,NYI MA'I BU YI LDANG BYED DBYUG PAR BCAS, ,GCOG KYANG RNAM PA KUN TU KHRO DANG BRAL, ,NGES PAR 'CHI DANG NAM 'CHI NGES MED

27b

PA'I; ;GSUNG DE'ANG MGON KHYOD BYIN RLABS THOB DE LA, ,DRANG BA'I DON DU NGES PAR 'GYUR BA STE, ,'CHI BA MED CES GSUNGS PA BDEN PA'I TSIG ,SPYAN RAS GZIGS DBANG MTHU CHEN THOB PA DANG, ,SAR GNAS NYAN RANG GRANGS MED DGE 'DUN RNAMS,, NYE BA'I SRAS BRGYAD BCAS PAR BSTOD LAGS KYI, ,BSTOD PA'I 'BRAS BU NGES PAR BDAG GIR STZOL, ,KHYOD KYI YON TAN TSAD 'DI PHYOGS BCU YI, ,RGYAL BA KUN GYIS BRJOD KYANG ZAD MIN PA, ,DES NA BDAG GIS BRJOD PA'I CHA SHAS KYANG, , DPOG PAR MIN NA DE TZAM ZHIG DU BAS, ,DE SLAD MGON KHYOD THUGS RJES NYER DGONGS LA, ,NYAM CHUNG BDAG DANG 'DRA BA'I 'GRO BA KUN, ,RAB TU BSKYABS TE JI LTAR SMON PA'I DON, ,BDE BLAG NYID DU 'GRUB PAR BYIN GYIS RLOBS, ,DE BZHIN GSHEGS PA THAMS CAD KYI NGO BO, DKYIL 'KHOR RGYA MTSO SPRO BA DANG BSDU BA'I GZHI GCIG PO, THUB DBANG RDO RJE 'CHANG BLO BZANG TSE DPAG MED, SHIN TU RNAM PAR DES PA GZI BRJID KYI RGYAL PO'I LHA TSOGS 'KHOR DANG BCAS PA BDAG LA DGONGS SU GSOL, BDAG DGE SLONG BLO BZANG DPAL LDAN YE SHES ZHES BGYI BAS RANG NYAMS LA DPAGS TE TSUL KHRIMS KYI PHUNG PO YONGS SU DAG PAR BYAS PA DANG, TING NGE 'DZIN LA RNAM PAR BSLAB PA DANG, SHES RAB LA 'BAD PA BTON PA'I DGE BA'I RTZA BA DANG, BDEN PA'I MTHU LA BRTEN NAS BSTOD PA'I RGYAL PO 'DI GANG GIS 'DON PAR BYED PA'I GANG ZAG DE RNAMS KYI 'DOD CHAGS KYI CHU BO RAB TU BSKAM PAR GYUR CIG ,ZHE SDANG GI MA RAB TU ZHI BAR GYUR CIG ,GTI MUG GI MUN PA KUN TU SANGS PAR GYUR

28a

, ,CIG ,RTZA BA DANG NYE BA'I NYON MONGS PA THAMS CAD RGYUN CHAD PAR GYUR CIG ,LAS KYI CHU PO MI 'BAB PAR GYUR CIG ,SDUG BSNGAL GYI RGYA MTSO MI 'KHYIL BAR GYUR CIG ,SRED PA THAMS CAD YONGS SU ZAD PAR GYUR CIG , SRID PA PHYIS MI 'BYUNG BAR GYUR CIG ,SKYE RGA NA 'CHI'I RGYUN CHAD PAR GYUR CIG ,SA BCU DANG LAM LNGA'I RTOGS PA THAMS CAD RING POR MI THOGS PA MNGON DU BYED PAR GYUR CIG ,RIM PA GNYIS KYI RTOGS PA TSE 'DI NYID LA MNGON DU BYED PAR GYUR CIG ,DPAL LDAN BLA MA DAM PA RNAMS KYIS DGYES BZHIN DU RJES SU 'DZIN PAR GYUR CIG ,MI MNYES PA SKAD CIG KYANG MI SGRUBS PAR GYUR CIG ,GZHAN YANG BSTOD PA'I RGYAL PO 'DI 'DON PAR BYED PA'I GANG ZAG DE'I LUS LA, RLUNG MKHRIS BAD KAN GYI NAD MI 'BYUNG BAR GYUR CIG ,LHA DANG KLU DANG GNOD SBYIN DANG SRIN PO LA SOGS PA'I GDON RNAMS KYIS GLAGS MI RNYED PAR GYUR CIG ,SO SOR THAR PA'I TSUL KHRIMS DANG LDAN PA'I SKYE BO RNAMS KYI TSUL KHRIMS KYI PHUNG NGO YONGS SU DAG PAR GYUR CIG ,RGYAL PO DANG BLON PO DANG DMAG MI DANG BRAM ZE LA SOGS PA RNAMS KYANG BDE BA DANG LDAN PAR GYUR CIG ,BSTOD PA 'DI GANG DU 'DON PAR BYA BA'I YUL PHYOGS DER DUD 'GRO RNAMS KYANG BDE BA DANG LDAN PAR GYUR CIG ,YUL PHYOGS RNAMS LO LEGS SHING SKYE BO RNAMS RTAG TU SKYID PAR GYUR CIG ,BSTOD PA 'DI GANG GIS 'DON PAR BYA BA'I SKYE BO DES BCOM LDAN 'DAS MGON PO TSE DPAG MED MTHONG BAR GYUR CIG ,MTHONG NAS KYANG DBUGS DBYUNG

28b

BA STZAL TE BDE BA CAN GYI ZHING DU 'KHRID PAR GYUR CIG ,GZHAN YANG TSE MDO LAS GSUNGS PA'I PHAN YON THAMS CAD THOB PAR GYUR CIG ,GNAS SKABS SU BSAM DON THAMS CAD 'GRUB PAR GYUR CIG, CES BCOM LDAN 'DAS MGON PO TSE DPAG MED LA BSTOD PA 'CHI BA MED PA'I RGYAL PO ZHES BYA BA 'DI NI NYE 'KHOR BA YE SHES BSTAN 'DZIN GYIS BSKUL BA LTAR ^ SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, MANGGA LAm,,

*, ,'DOD LHA SNA TSOGS KYI BSTOD TSOGS GSOL 'DEBS KYI SKOR BZHUGS,

10a

10b

11a

11b

12a

12b

13a

13b

14a

14b

15a

15b

16a

16b

17a

17b

18a

18b

19a

19b

20a

20b

21a

21b

22a

22b

23a

23b

24a

24b

25a

25b

26a

26b

27a

27b

28a

28b