, ,'PHAGS PA'I GNAS BRTAN BCU DRUG GI RNAM PAR THAR PA BZHUGS SO,,
, ,AOm SVA STI, 'PHAGS PA RNAMS KYI RNAM PAR THAR PA BRJOD PAR BYED PA LA, DANG POR 'PHAGS PA SO SO'I BZHUGS GNAS BSHAD PA, BZHUGS GNAS KYI BYUNG KHUNGS BSHAD PA; RIGS RUS BSHAD PA, 'KHRUNGS YUL BSHAD PA, DANG POR GANG LAS RAB TU BYUNG SOGS BSTAN PA'O, ,DANG PO 'PHAGS PA SO SO'I BZHUGS GNAS BSHAD PA NI, DE YANG 'PHAGS PA'I GNAS BRTAN BHA RA DHVA DZA BSOD SNYOMS LEN NI, SHAR GYI LUS 'PHAGS GLING GI LAG NYA'I RI DRANG SRONG 'BYUNG BA'I GNAS KYI DBUS BDE BA 'BYUNG BA'I PHUG NA BZHUGS SO, ,'PHAGS PA GNYIS PA GSER GYI BE'U NI RGYA GAR NUB PHYOGS KHA CHE'I YUL RI BO GUR KUM CAN GYI RTZE MON GUR KUM GYI DRI NGAD LDANG BA'I PHUG NA BZHUGS SO, ,'PHAGS PA GSUM PA BHA RA DHVA DZA GSER CAN MCHOG NI NUB KYI PA
, ,LANG SPYOD KYI RI BO RDUL CAN GYI RTZE MO BKRA BA'I PHUG NA BZHUGS SO, ,LHA'I GNAS SUM CU RTZA GSUM GYI DBEN GNAS ME TOG GI SNYING PO NA 'PHAGS PA LAM PHRAN BRTAN BZHUGS SO, ,PRI YANGKU'I GLING NA 'PHAGS PA SGRA GCAN 'DZIN BZHUGS SO, ,KLU YI SDE RGYAL PO'I KHAB KYI RI BO NGOS YANGS LA BZHUGS SO, ,'PHAGS PA YAN LAG 'BYUNG NGAM YAN LAG SKYES SAM ZUR GYIS SHES GANGS RI CHEN PO TI SE LA BZHUGS SO, ,NAGS NA GNAS NI MNYAN YOD KYI LO MA BDUN PA'I RI PHUG NA BZHUGS SO, ,MA PHAM PA DRANG SRONG AU SHI RA'I PHUG NA BZHUGS SO, ,PI LING TA SRUNG DBANG GI BU'AM MI PHYED PA NI YUL DBUS NAS BYANG PHYOGS LA CHES NYE BA SHAMBHA LA DANG NYE BA'I RI'I RGYAL PO GANGS CAN NA BZHUGS SO, ,SHING SHUN CAN NAM BA KU LA NI BYANG GI SGRA MI SNYAN GYI RGYAL DGA'I RI BO'I PHUG SPOS BRTZEGS NA BZHUGS SO, ,'PHAGS PA BZANG PO NI CHU BO YA MU NA'I GLING NA BZHUGS SO, ,DUR KHROD PA 'PHAGS PA K'A LI KA'AM DUS LDAN NI RGYA GAR NUB PHYOGS KYI 'DZAM BU GLING GI ZANGS GLING NA BZHUGS SO, ,'PHAGS PA BAS SA'I BU'AM RDO RJE MO'I BU SHA RA nA SKYABS
'OS SINGGHA LA YI GLING NA BZHUGS SO, ,NYE BA'I LNGA SDE'I GRAS KYI SBED BYED DAM BA LANG SKYONG DU GRAGS PA RI BI HU LAR BZHUGS SO, ,'PHAGS PA LAM CHUNG BA'AM GTZUG GI LAM BA BYA RGOD PHUNG PO'I RI BO LA BZHUGS SO, ,DE LTAR 'PHAGS PA SO SO'I BZHUGS GNAS BSHAD NAS, SPYI DON GNYIS PA 'PHAGS PA SO SO'I BZHUGS GNAS KYI BYUNG KHUNGS BSHAD PA NI, DE YANG DANG PO GNAS BRTAN BHA RA DHVA DZA BSOD SNYOMS LEN GYI BZHUGS GNAS LAG NYA'I RI DRANG SRONG 'BYUNG BA'I GNAS DE'I BYUNG KHUNGS NA; SNGON GANGS KYI NGOS DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I BSTI GNAS DANG HA CANG MI RING PA NA SH'AKYA RNAMS KYI GRONG KHYER YOD PA DER RGYAL BA SH'AKYA THUB PA'I YANG MES SH'AKYA HA NUS TA ZHES PA BYUNG, DE'I MNGA' RE LA YANG DPAG TSAD GSUM YOD DO, ,DE 'DZAM BU'I GLING DANG SHAR GYI LUS 'PHAGS PO GNYIS KA LA DBANG BSGYUR BA'I RGYAL PO'I, ,DE RE SHIG NA SHAR GYI LUS 'PHAGS GLING NA BZHUGS PA'I TSE SKU GSHEGS TE PUR BSREGS NAS PHYI RABS KYI GDUL BYA RNAMS LA STOBS STON PA'I CHED DU LAG NYA'I RUS PA DE NYID MA BSREGS PAR BZHAG STE, DE LA DRANG SRONG MANG PO GNAS BCAS TE RGYAL PO'I LAG NYA'I RUS PA YIN PAS LAG NYA'I RI DANG, DRANG SRONG 'BYUNG BA ZHES PA NI DRANG SRONG MANG PO GNAS PAS SO, ,RI DE'I DBUS NA PHUG PA ZHIG YOD PA DER SUS BSGOMS KYANG BSAM GTAN GYI BDE BA THOB PAR 'GYUR PAS, BDE BA 'BYUNG BA'I PHUG PA ZHES GRAGS BA'O, ,DE'I NANG NA 'PHAGS PA'I GNAS BRTAN CHEN PO BHA RA DHVA DZA BSOD SNYOMS LEN BZHUGS PA LA GSOL BA 'DEBS SO
, ,'PHAGS PA GSER BE'U'I BZHUGS GNAS, RGYA GAR NUB PHYOGS KHA CHE'I YUL MI GRONG 'BUM TSO SUM CU RTZA DRUG GI BDAG NYID CAN GYI YUL GYI DBUS NA GUR KUM GYI RI ZHES PA DPAG TSAD GSUM GYI BDAG NYID DANG LDAN BA GUR KUN GYI RTZVA GUR KUM GYI DRI NGAD LDANG BA PHUN SUM TSOGS PA BSAM GYIS MI KHYAB PAS GANG BA, GUR KUM DE DAG NI SNGON BCOM LDAN 'DAS KYIS NAM MKHA' LA 'PHUR NAS YUL DER BYON TE SKU GZUGS KYI GRIB MA RI DE LA BABS PAR MDZAD NAS, SKU'I GRIB MA GANG BABS SAR GUR GUM DPAG TU MED PA SKYES TE, GUR KUM DE DAG BYIN RLABS CAN DU GRAGS SO, ,RI DE'I DBUS NA GUR KUM GYI SNYING PO RIN THANG DANG BRAL BA'I DRI NGAD LDANG BA'I RTZVA BSAM GYIS MI KHYAB PAS GANG BA'I BRAG PHUG NA BZHUGS PA'I 'PHAGS PA'I GNAS BRTAN GSER BE'U LA GSOL BA 'DEBS SO, ,'PHAGS BA BHA RA DHVA DZA GSER CAN MCHOG GI BZHUGS GNAS RI BO RDUL CAN NI, NUB BA LANG SPYOD KYI YUL HAR TA'I DBUS NA RI BO RDUL CAN ZHES BYA BA DPAG TSAD LNGA BA RGYA'I BDAG NYID CAN YONGS SU 'OD CHE ZHING DAG BA, RI DE'I DBUS NA BRGYA BYIN GYI KHANG BZANG RNAM PAR RGYAL BA YANG ZIL GYIS GNON NUS PA'I 'OD ZER GYIS RAB TU BKRA BA'I PHUG PA ZHIG YOD DO, ,PHUG PA DER SNGON DRANG SRONG LNGA BRGYA TZAM BZHUGS SHING BSGOMS PA'I TSE LHA RNAMS KYIS KHYED DRANG SRONG RNAMS BYI PHRAG PHUG DE DAG GDUG PA NA ZHES BRJOD PAS, DRANG SRONG RNAMS KYIS NGED KYI BRAG PHUG GI PHA BONG RES KYANG KHYED RNAMS KYI RNAM PAR RGYAL BA'I KHANG BZANG ZIL GYIS NON PAR GYUR CIG CES BRJOD PAS, DE MA THAG RNAM PAR RGYAL BA'I KHANG BZANG BRGYA STONG GIS
KYANG BRAG PHUG DE'I ZUR CHA GCIG KYANG MI NON PAR GYUR TE, BKRA BA'I PHUG CES GRAGS SO, ,DE NA BZHUGS PA'I GNAS BRTAN BHA RA DHVA DZA GSER CAN MCHOG LA GSOL BA 'DEBS SO, ,'PHAGS PA'I GNAS BRTAN LAM CHEN PA DE'I BZHUGS GNAS KYI BYUNG KHUNGS NI, SNGON LHA DANG LHA MA YIN GNYIS YUN RING DU 'THABS PA LAS LHA RNAMS RGYAL BAR GYUR NAS, LHA MA YIN RNAMS BROS TE AA SU RA'I PHUG TU ZHUGS NAS 'JUG GO ,DE NAS LHA RNAMS KYIS GROS BYAS TE, BDAG CAG RNAMS LHA MA YIN LAS RGYAL BAR 'GYUR BA NI LHA'I DRANG SRONG RNAMS KYI BKA' DRIN YIN PAS DRANG SRONG RNAMS LA BZHUGS GNAS LEGS PA ZHIG BZOS LA DRANG SRONG RNAMS LA DBUL BAR BYA'O, ZHES SMRAS NAS, BLTA NA SDUG GI BYANG PHYOGS SU ME TOG GI SNYING PO ZHES BYA BA'I DBEN GNAS RNAM PAR RGYAL BA'I KHANG BZANG DANG MNYAM PA DPAG TU MED PA'I RGYAN GYIS BRGYAN PA'I BRAG PHUG PHUN SUM TSOGS PA BCOS TE DRANG SRONG RNAMS LA PHUL BAS DRANG SRONG RNAMS DGA' STE BDEN TSIG BRJOD PAS, RNAMS PAR RGYAL BA'I KHANG BZANG LAS KYANG LHAG PAR GYUR TO, ,DE LTA BU'I KHANG BZANG DAM BRAG PHUG DE NA BZHUGS PA'I 'PHAGS PA'I GNAS BRTAN LAM PA CHEN PO LA GSOL BA 'DEBS SO, ,'PHAGS PA'I GNAS BRTAN SGRA GCAN 'DZIN GYI BZHUGS GNAS BRI YANG KU'I BYUNG KHUNGS NI, SNGON DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD SRUNG GI DUS SU YUL DE NA RGYAL PO SGRA SGROG CES BYA BA MI GRONG 'BUM PHRAG BDUN DANG SUM BRGYA'I BDAG NYID CAN GCIG YOD DO, ,DE NAS RE ZHIG NA YUL DER GANGS LA GNAS PA'I SENGGE KHA DOG SNGON PO RAL PA DMAR
, ,SER DANG LDAN PA STOBS BSAM GYIS MI KHYAB PA DANG LDAN PA GCIG YOD PA DE LA RNGON PA DAG GIS ZAG PA BSAGS PA LA BRTEN NAS DRAG TU KHROS TE RNGON PA THAMS CAD BSAD GRONG KHYER RNAMS BSHIG ,MI THAMS CAD BSAD, RGYAL PO SGRA SGROG GI PHO BRANG RIN PO CHE SNA LNGA LAS GRUB PA PHUN SUM TSOGS PA GCIG YOD PA DE LA SENGGE KHO PHANGS SEMS SKYES TE, MA GSHIG PA BZHAG PAS LHA RNAMS KYIS MYUR BAR SENGGE KHOS KHANG BZANG MIG GIS MI MTHONG PAR BYIN GYIS BRLABS PAS SENGGE YUL GYI PHUL LOG NAS SONG NGO, ,DE NAS RE ZHIG NA DUS KYI DBANG GIS KHANG BZANG DE SA 'OG TU NUB NAS 'DUG GO ,DE NAS RGYAL BA SH'AKYA THUB PA'I BSTAN PA SHAR NAS SLAR YANG SA'I STENG DU DON PAR GYUR NAS 'OD 'PHRO ZHING 'DUG GO, ,DE LHA RNAMS KYIS RNAM PAR RGYAL BA'I KHANG BZANG DANG MNYAM PAR BYIN GYIS BRLABS SO, ,DUS DER 'PHAGS PA'I GNAS BRTAN CHEN PO SGRA GCAN 'DZIN GYIS YUL DE'I MI BYANG MI ZHES PA MANYDZIS SKA RAGS BYED PA, BYI LA DPA' BO'I SHA KHRAG ZAS SU BZA' BA MANG PO YOD PA RNAMS LA THUGS BRTZE BAR DGONGS TE YUL DER BYON NAS SROG CHAGS MANG PO BDEN PA LA 'GOD PAR MDZAD DO, ,DE LTAR BYANG MI BYUNG BA'I LO RGYUS SOGS MANG BO SNAR THAD PA CHEN POS MDZAD PA'I RTOGS BRJOD NA YOD DO, ,'DIR NI YI GE NYUNG BA'I PHYIR MA BRIS SO; ;DE LTAR KHANG BZANG DAM PA DE NA BSTAN PA SKYONG ZHING BZHUGS PA'I 'PHAGS PA'I GNAS BRTAN CHEN PO SGRA GCAN 'DZIN BZANG PO LA GSOL BA 'DEBS SO, ,'PHAGS PA'I GNAS BRTAN CHEN PO KLU YI SDE'I BZHUGS GNAS KYI BYUNG KHUNGS NI, SNGON DRANG
SRONG MANG PO SNGOD GNAS 'DOD DE, MES PO TSANGS PA LA GSOL BA BTAB PAS, TSANGS PAS LAG PA GNYIS SA LA BRDABS PA'I BRDAB BSHUL DU RI DPAG TSAD BRGYAD KYI BDAG NYID CAN GCIG BYUNG STE DE'I NGOS LA JI TZAM PHYIN KYANG NGOS RTOGS PAR DKA' BAS NGOS YANGS SU GRAGS SO, ,DE LTA BU'I RI'I NGOS LA BZHUGS PA'I 'PHAGS PA'I GNAS BRTAN CHEN PO KLU YI SDE LA GSOL BA 'DEBS SO, ,'PHAGS PA'I GNAS BRTAN CHEN PO ZUR GYIS SHES SAM YAN LAG 'BYUNG GI BZHUGS GNAS KYI BYUNG KHUNGS NI, SNGON SANGS RGYAS 'OD DPAG MED DAM MAR ME MDZAD KYI BSTAN PA'I DUS SU 'JIG RTEN THAMS CAD KYI BSOD NAMS LAS GRUB PA'I YID BZHIN GYI NOR BU ZHIG SA STENG DU BYUNG BA DE LHA RNAMS KYIS GTUMS NAS BZHAG PAS GANGS RI ZHIG TU GYUR, SANGS RGYAS MAR ME MDZAD KYIS GANGS RI DER BYON NAS LHA KLU MANG PO SANGS RGYAS LA 'GOD PAR MDZAD PA'I GNAS BYIN RLABS CAN DU GYUR, DE RJES SU SANGS RGYAS JI TZAM BYON PA THAMS CAD KYIS BYIN GYIS BRLABS PAR MDZAD DO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PAS KYANG GANGS RI CHEN PO DER BYON NAS 'JIG RTEN GDAGS PA'I MDO LA SOGS PA MDO SDE DPAG TU MED PA GSUNGS SHING BYIN GYIS BRLAB PAR MDZAD DO, ,DE LTAR YID BZHIN GYI NOR BU'I BDAG NYID CAN GYI RI BDE MCHOG GI PHO BRANG DNGOS SANGS RGYAS DPAG TU MED PAS BYIN GYIS BRLABS SHING ZHABS KYIS BCAGS PA'I GNAS RDO RJE GDAN GNYIS PA LTA BU'I GANGS RI DE'I YANG SNYING GNOD SBYIN 'BYUNG BA'I PHUG NA BZHUGS
, ,PA'I 'PHAGS PA'I GNAS BRTAN CHEN PO ZUR GYIS SHES SAM YAN LAG 'BYUNG LA DUS THAMS CAD DU GSOL BA 'DEBS SO, ,'PHAGS PA'I GNAS BRTEN CHEN PO NAGS NA GNAS SAM SENG LDENG NAGS KYI BZHUGS GNAS KYI BYUNG KHUNGS NI, SNGON DRANG SRONG LO MA BDUN PA ZHES PA LO 'BUM PHRAG BDUN LON PA LUS LA NAD MED PA RAL PA DMAR SER DANG LDAN PA GCIG YOD PA DE 'DUG GNAS 'DOD DE MNYAN YOD KYI SHAR BSTAN GYI RI LA BDEN TSIG BRJOD PAS BRAG PHUG SKYID PA GCIG BYUNG STE, DER DRANG SRONG LO MA BDUN PA NYID GNAS BAS LO MA BDUN PA'I PHUG TU GRAGS, RE SHIG NA DRANG SRONG DE GNAS BRTAN NAGS NA GNAS LA DAD DE BRAG PHUG DE NYID DANG RIN THANG DANG BRAL BA'I SHING TOG GSUM DANG BCAS TE PHUL NAS GNAS BRTAN GYIS CHOS BSTAN PAS DRANG SRONG DE RAB TU BYUNG DGRA BCOM PAR GYUR TO, ,DE LTA BU'I BDEN TSIG LAS GRUB PA'I BRAG PHUG NA BZHUGS PA'I 'PHAGS PA'I GNAS BRTAN CHEN PO NAGS NA GNAS LA BDAG DUS THAMS CAD DU GSOL BA 'DEBS SO, ,'PHAGS PA'I GNAS BRTAN CHEN PO MA PHAM PA'I BZHUGS GNAS KYI BYUNG KHUNGS NI, SNGON DRANG SRONG AU SHIR ZHES PA 'KHOR LNGA BRGYA'I BDAG NYID CAN GCIG YOD PA DE 'KHOR RNAMS 'DUG GNAS KYIS PHONGS PAR SHES TE BDEN TSIG BRJOD PA'I DBANG GIS DRANG SRONG DE NYID KYI LUS RI CHEN PO GCIG TU GYUR NAS 'KHOR RNAMS LA BYIN PAS 'KHOR RNAMS KYIS PHUG PA MANG PO BCOS NAS 'DUG PAS BSAM GTAN 'PHEL BAR GYUR NAS MNGON SHES LNGA THOB BO, ,RI DE'I MING LA
KHA CIG NI DRANG SRONG AU SHI RA'I PHUG ZER, KHA CIG NI DRANG SRONG AU SHI RA'I NGOGS ZER, KHA CIG NI DRANG SRONG RI ZER TO, ,DE LTA BU'I RI'I NGOGS LA BZHUGS PA'I 'PHAGS PA'I GNAS BRTAN CHEN PO MA PHAM PA LA GSOL BA 'DEBS SO, ,'PHAGS PA'I GNAS BRTAN CHEN PO PI LING TA SRUNG DBANG GI BU'AM MI PHYED PA'I BZHUGS GNAS KYI BYUNG KHUNGS NI, SNGON SHAMBHA LA'I YUL GYI GRONG KHYER GNYIS PA PAD KHANG NA RGYAL PO DANG MI ZHES PA YOD DO, ,DE'I YUL GYI PHUN GANGS CAN GYI RI ZHES PA'I GANGS RI CHEN PO RIN PO CHE SNA TSOGS KYI 'BYUNG GNAS ZHIG YOD PA DE LA SENGGE MO ZHIG BYUNG STE, YUL DE'I RTA DANG GLANG PO CHE SOGS SROG CHAGS KYI RIGS THAMS CAD BZAS PAS YUL KHAMS DE LA GONG KHA CHEN PO BYUNG, SENGGE MO DE SHI BA DANG YUL DE'I MI THAMS CAD 'DUS NAS GROS BYAS PA NI, SNGON GYI RGAN RABS RNAMS KYI GTAM LA YUL KHAMS 'DI SENGGES 'JIG PAS 'JIG RKYEN YANG GANGS RI 'DIS BYED ZER BA BDEN PA 'DRA BAS JI LTAR BYA ZER BA LA, RGAN PA KHA CIG NA RE YUL GYI PHU'I DRANG SRONG LA ZHUS NA YONG ZHES SMRAS PAS THAMS CAD KHA MTHUN TE YUL GYI PHU NA BZHUGS PA'I DRANG SRONG SMRA BA'I KHYU MCHOG LA ZHUS PAS, DRANG SRONG GIS BDEN TSIG BRJOD PA'I DBANG GIS GANGS CAN GYI RI DE NAM MKHA' LA 'PHAGS NAS SHAMBHA LA DANG NYE BA'I PHYOGS RGYA GAR GYI YUL BYANG PHYOGS SU BABS NAS 'DUG GO ,DE NAS RI DE LA GLANG PO CHE MANG PO GNAS BCAS TE, GLANG PO CHE DE DAG KYANG SHIN TU RGYU DGA' BA SHA STAG STE GANGS CAN RI YI GLANG PO ZHES GTZIGS CHE BAR BYED DO, ,DE LTA BU'I GANGS RI'I DBUS KYI RIN PO CHE 'BYUNG BA'I PHUG NA BZHUGS PA'I
, ,'PHAGS PA'I GNAS BRTAN CHEN PO MI PHYED PA LA GSOL BA 'DEBS SO, ,'PHAGS PA'I GNAS BRTAN SHING SHUN CAN NAM BA KU LA'I BZHUGS GNAS KYI BYUNG KHUNGS NI, SNGON BYANG SGRA MI SNYAN NA DPAG BSAM GYI SHING MANG PO DANG LDAN PA'I RI, RGYAL DGA' RI ZHES 'BOD PA GCIG YOD PA DE LA DRANG SRONG GCIG GNAS PA DES PHUG PA BRUS NAS BSGOMS PAS MNGON SHES LNGA THOB BO, ,PHUG PA DE'I DBYIBS NI SPOS RENG BRTZIGS PA 'DRA ZHING SBOS NGAD LDANG BAS SPOS BRTZEGS KYI PHUG TU GRAGS SO; ;DE LTA BU'I GNAS MCHOG NA BZHUGS PA'I 'PHAGS PA'I GNAS BRTAN CHEN PO SHING SHUN CAN NAM BA KU LA LA GSOL BA 'DEBS SO, ,'PHAGS PA'I GNAS BRTAN CHEN PO BZANG PO'I BZHUGS GNAS KYI BYUNG KHUNGS NI, SNGON CHU BO YA MU NA LA GNAS PA'I KLU RNAMS KYI GROS BYAS TE, NGED RANG RNAMS DBYAR DUS SU CHAR SUS 'BEBS LA SHO BRGYAG PAR BYA BA'I GNAS CHU'I DBUS SU THANG GSHONGS BCO BAR BYA'O, ZHES GROS BYAS NAS YUL KONG PHYOGS SU CHU'I DKYIL NA GLING ZHIG TU KHANG BZANG PHUN SUM TSOGS PA ZHIG BCOS TE DER DBYAR GYI DUS SU KLU RNAMS TSOGS NAS SHO BRGYAG PAR BYED DO, ,DE NAS KLU RNAMS DAD DE 'PHAGS PA BZANG PO LA KHANG BZANG DE RIN PO CHE MANG POS BKANG STE PHUL BAS 'PHAGS PAS KYANG BZHES TE GNAS DE NYID DU KLU RNAMS LA CHOS BSTAN NAS KLU MANG PO THAR LAM LA 'GOD PAR MDZAD DO, ,DE LTA BU'I KHANG BZANG DAM PA DE NA BZHUGS PA'I 'PHAGS PA'I GNAS BRTAN CHEN PO BZANG PO LA GSOL BA 'DEBS SO, ,'PHAGS PA'I GNAS BRTAN CHEN PO K'A LI KA'AM DUS LDAN GYI
BZHUGS GNAS KYI BYUNG KHUNGS NI, SNGON DBUL PO ZHIG GIS RANG LA NOR GANG YOD KYIS DRANG SRONG GCIG LA MCHOD PA PHUL BAS DRANG SRONG DGA' STE, KHYOD CI 'DOD CES BRJOD PAS DRANG SRONG CHEN PO BDAG YUL KHAMS CHEN PO GCIG GI RGYAL PO 'DOD DO ZHES ZHUS PAS, DRANG SRONG GIS SA STONGS CHEN PO GCIG TU BDEN TSIG BRJOD PAS SKAD CIG NYID LA SA STONG DE GRONG KHYER CHEN PO GCIG TU GYUR, MI GRONG 'BUM GYI BDAG NYID LONGS SPYOD DPAG TU MED PA DANG LDAN PA MING ZANGS GLING ZHES 'BOD PA GCIG BYUNG STE DE 'DZAM BU GLING GI CHAR GTOGS YIN ZHING 'DZAM BU GLING DANG GLING DE GNYIS KYI BAR DU MTSOS KYANG MA BCAD, RGYA GAR GYI GRONG KHYER CHEN PO DRUG GANG GI YANG KHONGS SU MI 'DU ZHING, SHAMBHA LA'I GRAS LA YANG MI THI, RGYA GAR NUB PHYOGS DANG NYE BAS RGYA GAR NUB PHYOGS 'DZAM BU GLING GI ZANGS GLING ZHES BRJOD, DE NAS DBUL PO DE YUL KHAMS DE'I RGYAL POR GYUR CING LONGS SPYOD PHUN SUM TSOGS PA DANG LDAN PAR GYUR TO, ,DE NAS BDEN TSIG GI DBANG GIS YUL DE'I PHU RU STAG DANG RI DVAGS BGAS LA SHA MANG PO GNAS PA'I RI ZHIG YOD PA DE'I DBUS NA RIN PO CHE MANG PO 'BYUNG BA'I PHUG RIN PO CHE SNA LNGA LAS GRUB PA GCIG YOD PA DE YUL KHAMS DE'I MI THAMS CAD 'PHAGS PA'I GNAS BRTAN CHEN PO DUS LDAN LA DAD NAS BRAG PHUG DE RIN PO CHE MANG POS BKAD STE PHUL LO; ;DE LTA BU'I BRAG PHUG DAM PA NA BSTAN PA SKYONG ZHING BZHUGS PA'I 'PHAGS PA'I GNAS BRTAN CHEN PO K'A LI KA LA GSOL BA 'DEBS SO, ,'PHAGS PA'I GNAS BRTAN CHEN PO BAS SA LA'I BU'AM RDO RJE MO YI BU SHA RA nA SKYABS 'OS KYI BZHUGS
, ,GNAS KYI BYUNG KHUNGS NI, SINGGHA LA ZHES PA'I YUL DE NA SNGON SRIN PO RNAMS KYIS BZUNGS PA STE, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA SNGON BYANG CHUB SEMS DPA'I SPYAD PA SPYOD PA'I TSE DED DPON SENGGE 'DZIN DU GYUR PAS YUL DER SRIN MO THAMS CAD 'DUL BAR MDZAD DE, MDZAD TSUL RGYAS PA 'DUL BA LUNG LAS 'BYUNG NGO, ,YUL 'KHOR SRUNG GIS ZHUS PA'I MDO LAS KYANG, DED DPON SENGGE 'DZIN DU GYUR PA'I TSE, ,SNYING RJE MED CING MI BZAD RAB GTUM PA, ,SRIN MO BRGYA DAG SHIN TU TSAR BCAD NAS, ,RGYA SHUG GLING DU MI DAG BKOD PAR BYAS, ZHES PA LAS KYANG SHES SO, ,DE LTA BU'I GLING GI DBUS SHIN TU SKYID PA'I RI LA BZHUGS PA'I 'PHAGS PA'I GNAS BRTAN RDO RJE MO YI BU LA GSOL BA 'DEBS SO, ,'PHAGS PA'I GNAS BRTAN CHEN PO SBED BYED KYI BZHUGS GNAS KYI BYUNG KHUNGS NI, SNGON LHA RNAMS KYI DBANG PO BRGYA BYIN GYIS 'BRUG LA SOGS PA'I GNAS KYI CHED DU RI SHIN TU NAS CHE BA GCIG BCOS TE DE'I MING NI RI BI HU LA ZHES GRAGS SO, ,DE LTA BU'I RI'I DBUS NA SENGGE 'BYUNG BA'I PHUG NA BZHUGS PA'I 'PHAGS PA'I GNAS BRTAN CHEN PO SBED BYED DAM PA LANG SKYONG LA GSOL BA 'DEBS SO, ,'PHAGS PA'I GNAS BRTAN CHEN PO GTZUG GI LAM PA'AM LAM CHUNG BA'I BZHUGS GNAS KYI BYUNG KHUNGS BSHAD PA NI, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB BAS MDO SDE THAMS CAD LAS BSNGAGS PA'I RI YIN TE, DE YANG SNGON
BCOM LDAN 'DAS KYIS RI DE'I LDEBS SU SKU KHRUS MDZAD PAS, SKU CHOS BDUD SDIG CAN GYIS BYA RGOD GCIG TU SPRUL NAS KHYER BAS, BCOM LDAN 'DAS KYI BYIN RLABS KYIS BDUD KYI LUS BYA RGOD DU SPRUL PA DE NYID SA LA LHUNG SA TE RI BO BYA RGOD KYI GZUGS SPUNGS PA 'DRA BA ZHIG TU GYUR TE BYA RGOD SPUNGS PA'I RI ZHES GRAGS SO, ,DE LTA BU'I RI DE NI YON TAN DPAG TU MED PA DANG LDAN PA STE, BCOM LDAN 'DAS KYIS KYANG MDO SDE THAMS CAD LAS BSNGAGS SHING KHYAD PAR DU DKON BRTZEGS LAS BSNGAGS PA'O, , DE LTA BU'I GNAS DAM PA YI PHUG BYA RGOD 'BYUNG BA NA BZHUGS PA'I 'PHAGS PA'I GNAS BRTAN CHEN PO GTZUG GI LAM BA LA GSOL BA 'DEBS SO,, ` DE LTAR 'PHAGS PA SO SO'I BZHUGS GNAS KYI BYUNG KHUNGS BSHAD NAS SPYI DON GSUM PA 'PHAGS PA SO SO'I RIGS RUS BSHAD PA NI, DANG POR BHA RA DHVA DZA BSOD SNYOMS LEN NI RIGS BRAM ZE, BRAM ZE LA RUS GSUM DU YOD PA NI, KO SA'I RUS DANG, BAS SA'I RUS DANG, BHA RA DHVA DZA'I RUS RNAMS SU YOD PA LAS 'PHAGS PA 'DI NI BHA RA DHVA DZA'I RUS YIN NO, , 'PHAGS PA GSER GYI BE'U NI RIGS KHYIM BDAG RUS KHYIM BDAG CHEN PO'I RUS YIN NO, ,'PHAGS PA BHA RA DHVA DZA GSER CAN NI RIGS BRAM ZE RUS BHA RA DHVA DZA YIN NO, ,'PHAGS PA LAM CHEN PA NI RIGS BRAM ZE RUS NI KO SA LA'I RUS YIN, 'PHAGS PA SGRA GCAN 'DZIN NI RIGS SH'AKYA'I RIGS RUS RGYAL PO'I RUS YIN NO, ,'PHAGS PA KLU YI SDE NI RIGS RGYAL PHRAN RUS YANG DE NYID YIN, 'PHAGS PA GNAS BRTAN ZUR GYIS SHES NI RIGS KHYIM BDAG RUS KHYIM BDAG CHEN PO'I RUS YIN NO, ,'PHAGS
, ,PA NAGS NA GNAS NI RIGS BRAM ZE, RUS KO SA LA PA YIN, 'PHAGS BA MA PHAM PA NI RIGS KHYIM BDAG RUS KHYIM BDAG CHEN PO'I RUS YIN, 'PHAGS PA MI PHYED PA NI RIGS PAS SA'I RIGS RUS BAS SA CHEN PO'I RUS YIN, 'PHAGS PA BA KU LA NI RIGS BRAM ZE RUS BA KU LA YIN, 'PHAGS PA BZANG PO NI RIGS SH'AKYA RUS SH'AKYA'I KHA LO PA'I RUS YIN, 'PHAGS PA K'A LI KA NI RIGS BRAM ZE RUS SPYI 'BAB YIN, 'PHAGS PA RDO RJE MO'AM BAS SA'I BU NI RIGS RGYAL PO RUS BAS SA YIN, 'PHAGS PA SBED BYED DAM PA LANG SKYONG NI RIGS KHYIM BDAG RUS KHYIM BDAG CHEN PO'I RUS YIN, 'PHAGS PA GTZUG GI LAM PA NI RIGS BRAM ZE RUS KO SA LA PA YIN, DE LTAR 'PHAGS BA SO SO'I RIGS RUS BSHAD NAS, SPYI DON BZHI BA 'PHAGS PA SO SO'I 'KHRUNGS YUL BSHAD PA NI, BHA RA DHVA DZA BSOD SNYOMS LEN NI GRONG KHYER SER SKYAR 'KHRUNGS, 'PHAGS BA GSER GYI BE'U NI YUL RGYAL PO'I KHAB TU 'KHRUNGS, BHA RA DHVA DZA GSER CAN MCHOG NI 'KHRUNGS YUL SER SKYA BA YIN, 'PHAGS PA LAM CHEN NI YUL MNYAN YOD PA YIN, SGRA GCAN 'DZIN NI 'KHRUNGS YUL GRONG KHYER SER SKYA BA YIN, KLU YI SDE NI GRONG KHYER GSEG MA BAR 'KHRUNGS, 'PHAGS PA YAN LAG 'BYUNG NI YUL RGYAL PO'I KHAB PA YIN, 'PHAGS PA NAGS NA GNAS NI YUL KO SA LA PA YIN, 'PHAGS PA MA PHAM PA NI YUL MNYAN YOD PA YIN, 'PHAGS PA MI PHYED PA NI YUL MNYAN YOD PA YIN, 'PHAGS PA BA KU LA NI YUL MNYAN YOD PA YIN, 'PHAGS PA BZANG PO NI GRONG KHYER SER SKYA BA YIN, 'PHAGS PA DUS LDAN NI
YUL MNYAN YOD PA YIN, 'PHAGS PA BSAS LA YI BU'AM RDO RJE MO YI BU'AM, SHA RA nA SKYABS 'OS NI YUL KHU NU BA YIN, 'PHAGS PA SBENG BYED NI YUL WA RA nA SE BA YIN, 'PHAGS PA GTZUG GI LAM BA NI YUL MNYAN YOD PA YIN NO, ,DE LTAR 'PHAGS PA SO SO'I 'KHRUNGS YUL BSHAD NAS, SPYI DON LNGA PA DANG POR GANG LA RAB TU BYUNG BSHAD PA NI, 'PHAGS BA BHA RA DHVA DZA BSOD SNYOMS LEN DANG GSER GYI BE'U DANG BHA RA DHVA DZA GSER CAN MCHOG RNAMS SANGS RGYAS LAS RAB TU BYUNG, LAM CHEN PA NI DGE SLONG ZHIG LAS RAB TU BYUNG, SGRA GCAN 'DZIN NI SANGS RGYAS KHO NA LAS RAB TU BYUNG, KLU YI SDE DANG YAN LAG 'BYUNG, NAGS NA GNAS, MA PHAM PA, MI PHYED PA, SHING SHUN CAN, BZANG PO RNAMS KYANG SANGS RGYAS LAS RAB TU BYUNG, NAG PO 'PHAGS PA MA 'GAGS PA LAS RAB TU BYUNG, SANGS RGYAS KYIS CHOS BSTAN PAS DGRA BCOM PAR GYUR, RDO RJE MO YI BU DANG, SBED BYED, GTZUG GI LAM PA RNAMS KYANG SANGS RGYAS LAS RAB TU BYUNG BA'O, ,'PHAGS PA'I GNAS BRTAN CHEN PO RNAMS KYI ZHABS 'BRING PA DGE BSNYEN DHA RM'A TA NI BYANG CHUB SEMS DPA'I SPYAD PA SPYOD PAR MDZAD PA YIN NO, ,SNGON RGYA NAG TU RGYAL PO THANG JU ZHES PA BSNYUN PA'I DUS SU SANGS RGYAS BYANG SEMS RNAMS LA GSOL BA BTAB PAS 'PHAGS PA'I GNAS BRTAN BCU DRUG PHO BRANG DU BYON, BYON MA THAG TU RGYAL PO SNYUN DVANGS SHING GNAS BRTAN RNAMS GLING GZHAN DU BYON, YANG THANG GCIG RGYAL PO BSNYUN PA'I TSE BLON PO RNAMS KYIS SNGAR YANG GNAS BRTAN RNAMS BYIN RLABS CHE BAR BYUNG, DA YANG GDAN DRANGS NA ZHES ZHUS PAS RGYAL BLON THAMS
, ,CAD KHA MTHUN NAS HVA SHANG GA DAN 'DREN DU BTANG, GNAS BRTAN RNAMS CHU DKYIL LA RUS SPAL DANG SBAL BA DANG, CHU SRIN DANG CHU GZIG SOGS LA CHIBS NAS BYON TE PHO BRANG BKRA SHIS KHRI SKOR DU RGYA'I BAN SMUG CHAS SU BYON RGYAL PO SNYAN DVANGS GNAS BRTAN RNAMS DBYAR GNAS PAR ZHAL GYIS BZHES, BYAMS PA LUNG BSTAN PA'I MDO LA SOGS PA MANG PO GSUNGS, GNAS BRTAN RNAMS NYIN RE BZHIN RGYA HA LA SHAN GYI RIL BYON PHYAG BDAR LA SOGS BA MDZAD PA LA DGE BSNYEN DHA RM'A TA 'BYON PA LA RI DVAGS DGES LA SHA DANG GZIG DANG RNGA MO'I RI DVAGS DANG PAR MA SDING RTZI SOGS KYIS 'TSE BA LA DGE BSNYEN DHA RM'A TAS PUS MO G-YAS BA LAS STAG GCIG SPRUL TE SROG CHAGS DE DAG GIS 'TSE BA MED PAR MDZAD, DBYAR GNAS GROL NAS GNAS BRTAN RNAMS RANG RANG GI GNAS SU BYON, RGYAL BOS GNAS BRTAN BCU DRUG GI SKU 'BAG RE BZHENGS, RGYAL PO LA GNAS BRTAN RNAMS KYI SPRUL PA'I SRAS RE BYUNG, HVA SHANG GIS BU RDZI BYAS PAR GRAGS SO, ,DUS DA LTA'I BAR LA YANG RGYA NAG MNGA' THANG CHE ZHING LONGS SPYOD CHE BA'I RGYU MTSAN DUS DER GNAS BRTAN RNAMS KYIS BYIN GYIS BRLABS PA LAGS SO, ,DE LTAR 'PHAGS PA'I GNAS BRTAN CHEN PO BCU DRUG LA MCHOD CING GSOL BA 'DEBS PA DANG, 'PHAGS PA'I GNAS BRTAN BCU DRUG GI RNAM PAR THAR PA SPYI DON DU MA'I BDAG NYID CAN 'DI NI 'PHAGS PA'I GNAS BRTAN RNAMS LA GUS PAS RDZUN DANG BZOG MA 'DRES BAR RTZOM PA'I KHUL LAGS, GAL SRID RDZUN BZOG 'DRES NA, STON PA RIN PO CHE DANG 'PHAGS PA'I GNAS BRTAN BCU DRUG, ,RGYAL PO CHAN PO BZHA LA SOGS PAS BZOD PAR MDZAD PA DANG MKHAS BA RNAMS KYIS SKYON 'CHOS PAR MDZOD CIG,
` BDAG GIS 'DI BGYIS DGE BA GANG THOB PA, ,DES NI DENG 'DIR 'GRO BA MA LUS PA, ,GNAS BRTAN GO 'PHANG MCHOG DE MYUR THOB NAS, ,THAMS CAD DE YIS LA 'GOD PAR SHOG ,GO 'PHANG MCHOG DE TSE 'DIR MA THOB NA, ,'CHI TSE GNAS BRTAN BCU DRUG 'KHOR BCAS KYIS, ,YID 'ONGS MCHOD SPRIN SNYAN PA'I ROL MO SOGS, ,NGO MTSAR LTAS BZANG MANG POS BSU BAR SHOG ,DE TSE'ANG GNAS BRTAN BCU DRUG ZHAL MTHONG NAS, ,BU BU TSUR SHOG DAG ZHING 'GRO'I ZHES, , GSUNG GIS DBUGS 'BYIN SNANG BA THOB PAR SHOG ,DE NAS 'CHI BA 'OD GSAL ZIN MDZAD CING, ,LAM MCHOG BSGRUB LA RIG BA 'DZIN PA'I GNAS, ,DAG PA'I ZHING KHAMS RNAMS SU 'KHRID PAR SHOG, ,ZHING DE'I SANGS RGYAS ZHAL YANG MTHONG BAR SHOG ,DE NAS SKAD CIG DE NYID KHO NAL; ;MU MTHA' YAS PA'I TING 'DZIN TSOGS THOB NAS, ,ZHING KHAMS BYE BAR RGYAL RNAMS BLTA BA'I PHYIR, ,DPAG MED LUS KYI BKOD PA STON PAR SHOG ,DE NAS RGYAL BA KUN LAS CHOS NYAN CING, ,RGYAL BA KUN NI MCHOD PAS MNYES BYAS TE, ,MYUR DU SANGS RGYAS GO 'PHANG THOB PAR SHOG, ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANGGA LAm,, ,,