The Sun that Opens a Hundred Blooms in the Hearts of Those with Faith: A Biography of that Lama who is the Very Essence of All the Buddhas of the Past, Present, and Future; Absolute Lord over an Ocean of Enlightened Kind and Secret Worlds; He Whose Kindness is Without Equal, that Holy Lord, Ngawang Jampa Rinpoche

*, ,DUS GSUM SANGS RGYAS THAMS CAD KYI NGO BO RIGS DANG DKYIL 'KHOR RGYA MTSO'I MNGA' BDAG BKA' DRIN MTSUNGS MED RJE BTZUN NGAG DBANG BYAMS PA RIN PO CHE'I RNAM PAR THAR PA DAD PA'I 'DAB BRGYA BZHAD PAR BYED PA'I NYI MA ZHES BYA BA BZHUGS SO, , @1 #, ,NA MO GU RU MANYDZU GHO sh'A YA, RJE BTZUN BLA MA DAM PA RIGS DANG DKYIL 'KHOR RGYA MTSO'I MNGA' BDAG BKA' DRIN GSUM LDAN RJE BTZUN NGAG DBANG BYAMS PA RIN PO CHE'I SKU CHE BA'I YON TAN GYI RNAM PAR THAR PA LAS CUNG ZAD BRJOD PAR BYED PA DAD PA'I 'DAB BRGYA BZHAD PAR BYED PA'I NYI MA ZHES BYA BA, DUS GSUM RGYAL BA THAMS CAD KYI NGO BO RJE BTZUN BLA MA DAM PA DE NYID KYI ZHABS LA SKYE BA THAMS CAD DU PHYAG 'TSAL LO, ,NGES 'BYUNG BYANG SEMS YANG DAG PA'I LTA BA KHYAD PAR CAN RGYUD LA SKYE BAR BYIN GYIS BRLAB TU GSOL, ,RTAG TU SNYING RJE'I GZHAN DBANG DU GYUR PA'I, , RGYAL BA GZHAN GYIS BTANG SNYOMS LA GZHOL BA, ,'DUL MDZAD SNYIGS MA'I MGON PO THUGS RJE CAN, ,SH'AKYA'I RGYAL PO'I ZHABS RDUL SBYI BOS LEN, ,DE YI MGRIN PA CHOS KYI MGUR YANGS LAS,

, ,LEGS BSHAD PHAN BDE'I GANGG'A'I KLUNG CHEN PO, ,RNAM DPYOD RAL PA'I ZLA BA LA BKOD NAS, ,'BEBS MKHAS BRGYUD PA'I BLA MA'I TSOGS RNAMS RGYAL, ,DMAR SER RAB BRJID LHUN PO MTHON MTHING GI ,COD PAN RIN CHEN DO SHAL MU TIG RGOD, ,THUN MTSAMS KHA DOG BLA GOS LHAB LHUB CAN, ,KHAMS GSUM CHOS KYI RGYAL PO LA PHYAG 'TSAL, ,RGYAL BA KUN GYI DAM CHOS MA LUS GCIG TU BZUNG BA'I BLO GROS KYIS; ;ZAB YANGS CHU 'DZIN THUGS RJE'I MKHAR 'KHRIGS 'GRO LA BRTZE BA'I KHUR CHEN PO, ,GCIG TU BSNAMS PA'I THUGS RJE'I SHUGS KYIS 'GRO BA KUN LA PHAN BDE'I DPAL, ,SBYIN MDZAD RJE BTZUN NGAG DBANG BYAMS PA'I ZHABS KYI PADMO SBYI BOS MCHOD, ,'O MA'I CHU RGYUN NGOGS SU 'GYING, ,ZLA BA'I BZHIN RAS ZUR MIG GI ,RI DVAGS G-YO BA 'PHANG 'GRO CAN, ,NGAG DBANG LHA MOS SPOBS PA STZOL, ,RJE BTZUN NYI MA THUGS RJE YI, ,PHYI GZIGS 'OD DMAR DANG BCAS TE, ,CHOS DBYINGS NUB RI'I PHAG NGOS SU, ,'CHEL BAR GYUR KYANG LEGS BSHAD KYI, ,BSIL SBYIN CHA SHAS YONGS RDZOGS PA, ,RNAM THAR GSAR PA'I 'OD

DKAR CAN, ,SNYAN TSIG SHAR RI'I PHRAG PA LAS, ,'PHAGS PA 'DIS NI MGON PO GANG, ,CHOS SKU STONG NYID RTZE MO CAN, ,ZHI BA'I DBYINGS SU RIL MING PAS, ,TSA BAS GDUNG LA BSIL BA CHE'I, ,BDUD RTZI'I ZER DKAR 'GYED PAR 'GYUR, ,DE YANG BDAG CAG GI DPAL LDAN BLA MA DAM PA RJE BTZUN NGAG DBANG BYAMS PA ZHES SNYAN PA'I BA DAN SRID PA GSUM NA GRAGS SHING, DAM PA'I CHOS KYI BDUD RTZI'I BGO SKAL BZANG PO KUN LA CHAD PA MED PAR SPEL BA LA TSANGS PA'I DBYANGS THOB PA, GCIG TU RGYAL BA DGYES PA'I LAM BZANG LA THUGS GZHOL BAS BAS MTHA' DANG, NAGS KYI SMAN LJONGS DANG GANGS KYI KHROD RNAMS SU THEG PA CHEN PO'I LAM NYAMS SU LEN PA'I BSAM GTAN GYI BDE BA LA CHU LA CHU BZHAG PA BZHIN DNGOS PO KUN GYI RANG BZHIN STONG PA'I NGO BO LA MNYAM PAR BZHAG PAS, CHOS BRGYAD KYI SPROS PA'I ROL GAR THAMS CAD SMYON PA'I ZLOS GAR LTAR GZIGS PA BKA' DRIN MTSUNGS ZLA MA MCHIS PA GANG GI RNAM PAR THAR PA RGYA MTSO LTA BU'I CHA SHAS LAS CHU'I THIGS PA TZAM ZHIG BLANGS TE DAD PA'I GSOS SU 'GOD PAR BYA'O, ,DE LA BDAG NYID CHEN PO DE YUL PHYOGS GANG DU SKU'I SKYE BA BZHES PA'I GNAS NI, MDO STONG ZAL MO SGANG GI CHAR GTOGS PA CHAB MDO DANG NYE BA'I YUL THAM KHA GRONG SNO ROM ZHES PAR YIN LA, DE YANG CHOS RGYAL KHRI SRONG LDE'U BTZAN GYI BLON PO RLANG KHAM PA GO CHA ZHES PA'I RIGS PA RGYUD RIM PAR BYUNG BA RNAMS LAS SNE'U GDONG PA'I ZHAL NGO GDONG BRAG NAG ZER BA 'GRO MGON CHOS RGYAL 'PHAGS PA'I ZHABS PHYIR KHAMS PHYOGS SU BYON PA YUL DER CHAGS PA'I

, ,RIGS BRGYUD LA, RGYA MKHAR AA NU, SA SGANG SDE BA, DBYI MDA' SDE BA, GNAS MDO SDE PA RNAMS BYUNG ZHING, GNAS MDO SDE PA DANG RUS GCIG PA LA, BRAG DMAR AA NU, MGON BRTAN, KLU MGON RGYAL, LHA DBANG, LHA DBANG GI SRAS LA AA NU 'PHAGS PA DANG LHA 'BUM GNYIS BYUNG BA'I CHE BA AA NU 'PHAGS PA ZHES BYA BA YON TAN RIN PO CHE DU MAS RGYUD PHYUG CING, DPA' MDZANGS BRTUL PHOD DANG LDAN PA DE NI YAB RJE DANG, YUM NI BKRA SHIS 'TSO ZHES PA STE, 'DI'ANG BUD MED KYI SKYON LNGA DANG BRAL ZHING YON TAN GYI RNAM PA BRGYAD DANG LDAN PA'I RNAL 'BYOR MA CHEN MO ZHIG STE, YAB YUM DE GNYIS KYI SRAS SU RJE BTZUN BLA MA DE NYID BSAM BZHIN DU MI'I SRID PA'I SGYU 'PHRUL GYIS ROL PAR MDZAD DE, CHU PHO KHYI LOR 'DAM GYI KHROD LAS BYUNG BA'I 'DAB BRGYAB 'DAM GYI SKYON GYIS CUNG ZAD KYANG MA GOS PA BZHIN DU 'JIG RTEN THAMS CAD KYI MGON SKYABS DAM PAR SKU BLTAMS PA'I MDZAD PA NYE BAR BSTAN PAR GYUR TO, ,CHU 'DZIN KHROD LAS GLOG PHRENG NGAM, ,SHAR RI'I NGOS LAS NYI ZER BZHIN, ,'JIG RTEN KUN GYI MUN PA NI, ,'JOMS BYED SGYU 'PHRUL 'OD ZER 'GYED, ,DE'I TSE BDAG NYID CHEN PO 'DI LA SKU MCHED BDUN YOD PA'I NANG NAS ^ RJE 'DI NYID NI LNGA PA YIN LA, SKU BLTAMS PA'I SNGA ROL TU GCEN MO BU RIL MA BYA BA'I RMI LAM NA DUNG GI TZA KA TI MANG PO RNYED NAS SMYUG SNOD CHEN PO KHENGS PAN NANG DU SLEB PA DANG, YUM GYI MNAL LAM DU ZHI KHRO'I DKYIL 'KHOR GYI DRUNG NAS SGO NGA NGO MTSAR CAN ZHIG RNYED PA RMIS PA RNAMS LA GZHIGS NA SRAS 'DI NI SKYE BO SHIN TU BZANG

BA ZHIG 'BYUNG NGO ZHES GLENG ZHING, SRID PA SGRUNG MKHAN ZHES PA'I MO MA ZHIG GIS, SRAS 'DI GRVA PA BYAS NA PHUN SUM TSOGS PAR 'ONG ZHING, KHYIM DU GNAS NA NOR GYI DBANG PHYUG CAN ZHIG TU 'GYUR ZHES LUNG BSTAN PAR SNANG, SKU BLTAMS ZIN PA'I RJES DER BKA' RGYUD KYI BSTAN PA 'DZIN PA'I BLA MA GRAGS PA PHUN TSOGS ZHES PA ZHIG YOD PA DE LA, YAB NAS SRAS KYI MTSAN ZHUS PAR, CHOS RJE BAS, BDE MCHOG BSRUNG ZHES BYA BAR GSOL, DE'I TSE GRONG PA'I SKYE BO 'GA' ZHIG GIS GNAS MCHOG BSRUNG ZHES KYANG GLENG, 'KHRUNGS NAS RING POR MA LON PA'I DUS SHIG PHYAG GNYIS KYIS THAB LA BZUNG BAR MDZAD DE, GLO BUR DU BZHENGS NAS YUM LA 'BOD PAR MDZAD PAS SKYE BO MANG PO SHIN TU NGO MTSAR BAR GYUR, DER DGUNG LO BDUN PA LA BABS PA'I TSE DAM PA DE NYID KYI PHU BO MTHU STOBS KYI DBANG PHYUG CHOS SKYONG RGYAL ZHES PA ZHIG YOD PA DE'I DRUNG DU YI GE KLOG PA'I SBYOR BA NYE BAR MDZAD PAS 'BAD RTZOL LA MA LTOS PAR SHIN TU BYANG BAR MKHYEN TE DUS DE TZAM NYID NAS SKABS 'GAR GRONG PA'I SKYE BO'I CHOS 'DON PA'I BYA BA SOGS KYI PHAN PA'ANG MDZAD, NA TSOD KYI LJON SHING SHIN TU PHRA BA'I DUS 'DI LTA BU'I SKABS NA'ANG SNGON GYI GNAS MANG PO ZHIG NAS DAM PA'I SPYOD PA SBYI DANG KHYAD PAR RGYAL BA'I SRAS KYI SPYOD PA BSAM GYIS MI KHYAB PA RNAMS LA GOMS PA'I MTHUS RANG CAG RNAMS KYIS BSAM MA NO TZAM YANG BYA DKA' BA'I BYANG CHUB SEMS DPA'I BSLAB BYA RNAMS LA NGANG PA'I RGYAL PO PADMO'I RDZING DU 'JUG PA BZHIN SPRO BAS 'JUG PA'I THUGS STOBS KYI GO CHA BTZAN PO DANG LDAN PAR GDON MI ZA STE, DE'I TSE KHANG PA

, ,SKYA SBREL MANG PO'I THOG BRGYUD NAS PHEBS PAR KHANG THOG CIG NA GSER 'OD DAM PA'I GLEGS BAM ZHAL PHYE 'DUG PA LA GZIGS PAS, RGYAL BU SNYING STOBS CHEN POR DE BZHIN GSHEGS PA SKU'I SKYE BA BZHES PA'I TSE STAG MO BU DANG BCAS PA BKRES PAS NYAM THAG PA LA BYANG CHUB KYI PHYIR SNYING RJE CHEN POS KUN NAS BSLANGS TE, SKU LUS BYIN PA'I LO RGYUS RNAMS GZIGS PA NA DE BZHIN GSHEGS PA GANG GI BYANG CHUB KYI MDZAD PA LA MI PHYED PA'I DAD PA DANG, RGYAL SRAS KYI SPYOD PA LA SPRO BA'I DGA' BA GNYIS PHAN TSUN 'GRAN PA BZHIN DU GYUR NAS SPYAN CHAB RGYUN MI 'CHAD PA LTA BU BABS PAR 'DUG ,DUS PHYIS RJE NYID KYI BKA' LAS KYANG, DGE BA'I BAG CHAGS NI BYIS PA CHUNG DU DE TZAM GYI DUS NAS CUNG ZAD YOD PA 'DUG CES GSUNG BA THOS TE, TSUL 'DI NI GONG DU SMOS PA LTAR GYI YON TAN MNGA' BA'I 'BRAS RTAGS SO, ,GZHAN YANG 'KHRUNGS GZHIS KYI NOR RDZAS MDZO MO MDONGS SGRON ZER BA ZHIG YOD PA DE YAB KYIS GZHAN LA TSONG BA'I PHYIR KHRID PA NA MDZO MO'ANG RANG NYID TSONG PAR SHES NAS KHANG PA'I PHYOGS LA YANG YANG 'THEN GYIN 'DUG PA GZIGS PAS RKYEN BYAS, MDZO MO 'DI NGED RANG LAM LTAR DRIN CHE BAR 'DUG PA 'DI 'DRA GZHAN LA TSONG PHOD AANG SNYAM DU DGONGS NAS SPYAN CHAB MANG DU BSIL ZHING KHONG RNAMS TSONG BSGRIG PA'I SKABS SU'ANG THUGS SKYO BA DANG SPYAN CHAB KYI RGYUN MA CHAD PAS GNAS DE LAS LKOG CIG TU BYOL TE BZHUGS DGOS PAR BYUNG BA DANG, 'KHRUNGS GZHIS DE LA MNGA' 'BANGS DUD KHA BDUN TZAM ZHIG YOD PA LA, YAB KYIS DE RNAMS NAS

KHRAL 'BAB PA ZHES SA ZHIG GI SAR BYON PA'I TSE MI TSANG ZHIG LA 'BRU SPUS NGAN NYUNG ZHIG LAS GTANG RGYU MI 'DUG PAR YAB KYIS KHRO TSIG BRJOD PA GSAN PAS, DAM PA 'DI SNYING RJE 'KHRUNGS NAS SPYAN CHA BA DANG BCAS TE YAB LA ZHU BA MDZAD PAS YAB KYIS KYANG DNGOS PO DE KAS 'ONG BAR MDZAD NAS BZHES PAR SNANG STE, MDZAD PA 'DI DAG KYANG SNYING RJE CHEN PO LAN CIG MIN PAR YANG YANG GOMS PAR MDZAD PA'I BAG CHAGS YONGS SU SAD PA'I MDZAD PA DAM PA'O, ,DE DAG LA 'DI SKAD CES BYA STE, 'DZAM GLING CHA SHAS BOD KHAMS YUL GYI CHA, ,GANG DU 'GRO BA'I MGON PO SRID 'DZIN PA, ,DER NI 'JIG RTEN PHUN TSOGS JI SNYED DANG, ,CHOS KYI 'BYOR PA PHAN TSUN 'GRAN BZHIN 'PHEL, ,NAM MKHA'I NGOS LA CHU YI KHUR CAN NAM, ,ZLA BAS 'PHEL LAS NOR BU RIN CHEN BZHIN, ,BSAM BZHIN SGYU 'PHRUL DRA BA'I ZLOS GAR GYIS, ,SRID PA GSUM 'DI SKAL BZANG CIR YANG BYAS, ,CHOS DBYINGS SNGO SANGS MDZES ME'I PHANG PA LAS, ,MI YI 'PHRUL BSGYUR DRI BZHON 'DI 'PHRO TSE, ,RGUD TSOGS MA LUS SPRIN GYI PHUNG PO'AM, ME YI 'BRAS BU DRAG PO'I RLUNG GIS BZHIN, ,NGAG GI GZUGS BRNYAN LA SOGS PA'I, ,SNANG BA TZAM GYI RIG BYED KUN, ,'DI YI RNAM DPYOD LCAGS KYU YIS, ,'KHYOG PA MED PAR SKAD CIG DRANGS, ,BRTZE BA SNYING RJE CHE'I RIN CHEN, ,RTAG TU GOMS PA'I RGYA MTSO LAS, ,'ONG BA'I 'BRAS RTAGS 'OD ZER NI, ,RGYA MTSO'I 'DUS RLABS BZHIN MI YOL, ,'GRO BA'I SNANG BYED GSAR PA YI, ,GZI BYIN 'BAR BA 'DI MTHONG BAS, ,RANG RIGS NYAMS PAR 'GYUR ZHES TE, ,MDA' LNGA PA YIS 'GRAM PA SKYOR,,

, ,PHYOGS BCU'I RGYAL BA RANG GI 'KHOR BCAS PA, ,GCIG TU DGYES PA'I 'DZUM PA CHER BZHAD CING, ,LAG NA RDO RJE STONG PHRAG GSUM CU DAG ,'DI YI PHYIN RTAG TU 'BRANG ZHING BSRUNG, ZHES BYA'O, ^ RJE BTZUN BLA MA DAM PA BKA' DRIN MTSUNGS PA MED PA GANG GI RNAM PAR THAR PA RGYA MTSO LTA BU LAS CHA SHAS TZAM BRJOD PAR BYED PA'I GTAM DAD PA'I 'DAB BRGYA BZHAD PAR BYED PA'I NYI MA ZHES BYA BA LAS SKU BLTAMS SHING KHYIM GYI GNAS SU JI LTAR MDZAD PA'I 'OD ZER TE DANG PO'O,, ,, ` DE NAS DGUNG LO YA TSAD DU 'PHAGS TE BGRANG BYA BCU GNYIS LON PA NA, YAB KYIS RGYAL BA 'PHAGS PA LHAR RANG RIGS KYI SRAS SHIG SKU ZHABS GRVA TSANG DU CHOS SGOR ZHUGS CHOG PA DGOS PAR GSOL SKABS, 'PHAGS PA LHAS AA NU BANDE SHAS RAB RNAM RGYAL TSAB RI 'KHRUG SKABS BYAS PA CHE BAS KHYOD RANG GI BU'I KHROD NAS LO BCU DRUG MAN BCU GSUM YAN CHAD CIG KHRID SHOG GSUNGS PAR BRTEN, YAB KYIS NYE 'BREL THAMS CAD BSDUS NAS, GANG ZHIG RAB TU BYUNG BAR BYA ZHES BGROS PA NA, ^ RJE 'DI YAB YUM GYIS MNGAGS CHA MDZAD PA'I BYA BA THAMS CAD LA MCHOG TU GRIMS PA ZHIG YOD PA'I DBANG GIS, YUM NAS BDE MCHOG BSRUNG 'DI GO CHOD PA'I MTHAR THUG CIG YOD PAS KHYIM GYI SO TSIGS BYED PAR 'OS SHING BU GZHAN ZHIG RAB TU BYUNG BAR BYA'O ZHES GLENG BAS, BDAG NYID CHEN PO 'DI NI THOG MA MED PA NAS KHYIM GYI GNAS GANG YIN PA DE SDUG BSNGAL GYI 'CHING BA SNA TSOGS PAS GAR BA ME 'BAR BA'I KLONG LTA BU DANG, KHYIM NAS KHYIM MED PAR RAB TU BYUNG STE DGON PA'I GNAS SU GZHOL BA NI ZHI

BA DANG BSIL BA'I DNGOS PO THAMS CAD KYI GNAS SU MKHYEN PAS RAB TU BYUNG BA'I BRTUL ZHUGS LA GZHOL BA NI DPER NA RI BO SHIN TU GZAR BA'I NGOS LA 'BAB PA'I CHU KLUNG LDOG PAR SLA BA MA YIN PA BZHIN DU RAB TU BRTUL PHOD PA'I DAM BCA' BRTAN PO MNGA' BA'I MTHUS, DER TSOGS PA THAMS CAD KYI DBUS NAS BZHENGS TE PHYAG G-YAS PA BRKYANGS NAS NGA BTZUN PA BYED DU MI 'JUG NA KHYIM 'DIR SNGOD NA SDONG RI ZHES MI LDOG PA'I RDO RJE'I TSIG LTA BU DBYANGS SU BSGRAGS PAS SKU'I GNYEN BSHES THAMS CAD 'JIGS PA DANG NGO MTSAR BA DANG DPA' ZHUM PA RNAMS PHAN TSUN 'GRAN PA BZHIN GYUR NAS HAD DE LUS SHING YAB YUM GNYIS KYANG NGANG TSUL DE DGONGS NAS ZHAG GNYIS PA'I DUS DAM PA 'DI'I DBU LA ZHVA SER SGRON PA SOGS RAB TU 'BYUNG BA'I RTEN 'BREL BSGRIGS PAS MCHOG TU DGYES TE, DGUNG LO BCU GSUM PA'I DUS SU SHING PHO KHYI LO LA PHU BO TSE DBANG BKRA SHIS ZHES PA ZHIG YOD PA DES SNA DRANGS NAS CHAB MDO BYAMS PA GLING GI GNAS SU TSES BCO LNGA LA PHEBS TE, MDO KHAMS BSTAN PA'I SGRON ME DAM PA 'PHAGS PA LHA RGYAL BA RGYA MTSO'I DRUNG DU SKRA DANG KHA SPU RING PO LA SOGS PA KHYIM PA'I RTAGS THAMS CAD MCHIL MA'I THAL BA BZHIN DOR NAS NA BZA' DUR SMRIG GSOL TE, BCOM LDAN 'DAS KYIS LEGS PAR GSUNGS PA'I DAM PA'I CHOS 'DUL BA LA RAB TU BYUNG BAR MDZAD DE DGE TSUL GYI DNGOS PO YANG DAG PAR BZHES PAS TSUL KHRIMS RIN PO CHE'I PHUNG PO CHEN POS THUGS KYI BANG MDZOD PHYUR BUR GTAMS PAR GYUR TO, ,LHA YI DBANG PO YID BZHIN NOR BU DANG, ,TSANGS PA RIN CHEN RGYAN GYI PHUNG POS KYANG, ,'DI NI BLA GOS DRA BAS MDZES PA LA,

, ,BSKRUN PAR MI NUS SKYENGS TE ZHUM PAR GYUR, ,DE'I TSE BSTAN PA'I SGRON ME DAM PA RGYAL BA 'PHAGS PA LHAS KYANG BSTAN PA YONGS RDZOGS KYI SROG SHING DAM PA ZHIG TU 'GYUR BAR DGONGS NAS NGAG DBANG BYAMS PA ZHES BA'I MTSAN SHOG TSAR LA BRIS PA SKU NGOS KYI PHYAG NAS GNANG STE GSOL ZHING, BSGRUB BYA GZHAN NYI SHU TZAM YOD PA RNAMS KYI MING SHOG TSAR LA BRIS PA MGRON GNYER GYIS BRIMS, DER BDAG NYID CHEN BO'I THUGS LA 'DI LTAR DGONGS TE, KHYIM NAS KHYIM MED PAR RAB TU BYUNG BA'I DGOS PA NI GNYIS TE BDAG DANG GZHAN GYI DON BSGRUB PA'I CHED DU'O, ,DE'ANG THABS GANG GIS BYA NA, KLOG PA THOS BSAM GYI BYA BA DANG, SBONG BA BSAM GTAN GYI BYA BAS SO, ,DE LA'ANG SPONG BA BSAM GTAN GYI BYA BAS YID 'DUL BAR BYED PA NI DANG POR THOS PA NYID LA RAG LUS SO SNYAM DU DGONGS SHING, 'KHRUNGS GZHIS NAS PHEBS KHAR YAB KYIS KYANG, RANG RE THAM KHA BA'I MIS CHA BA MDOR BO SKYES PA'I LO RGYUS MED PAS KHYOD KYANG TSUL MTHUN MA BYUNG NA MIG GIS MTHONG SAR MA 'ONGS SHIG ,CES PA'I MNGAGS CHA RUS PA CAN MDZAD PA'ANG THUGS LA BCANGS TE, CHAB MDO'I GRVA TSANG DE KHA'I 'DON CHA JI SNYED PA THAMS CAD RING POR MA LON PAR THUGS SU BZHES SHING GAR 'CHAMS DBYANGS ROL LA SOGS PA THAMS CAD CHUB PAR MDZAD NAS DUS GTOR GYI SKABS DRAG BO'I 'CHAMS SOGS KYANG MDZAD, KHYAD PAR DGUNG LO BCU BZHI BA'I DUS SU BSTAN PA'I SGRON ME 'PHAGS PA LHA RGYAL BA RGYA MTSO'I DRUNG DU ^ BCOM LDAN 'DAS DPAL RDO RJE 'JIGS BYED LHA BCU GSUM MA'I DBANG BZHI YONGS SU RDZOGS BA SKU BZHI'I SA BON THEBS NGES SU BZHES PAS RDO RJE'I RIGS

KYI SRAS CHEN BOR 'KHRUNGS SHING, GSANG MTSAN SER SNA RDO RJE ZHES GSOL, DBANG CHEN DE KHA'I MJUG TU CHOS KYI RGYAL PO PHYI SGRUB KYI RJES SU GNANG BA'ANG GSAN CING CHAB MDO'I SKU ZHABS GRVA TSANG GI RDO RJE SLOB DPON PA 'PHAGS PA BSAM GTAN ZHES BYA BA LAS SNAR THANG PA'I LUGS KYI 'JAM DKAR GYI RJES GNANG YANG GSAN, DE LTAR PHYOGS DER ZHABS SEN 'KHOD PA'I SKABS THAMS CAD DU CHOS DANG CHOS KYI GNAS LUGS THAMS CAD LA THOGS PA MED PA'I BLO GROS KYIS 'JUG PA'I BYA BA GANG DANG GANG LA'ANG THOGS PA MED PA'I RNAM DPYOD KYIS GZUR GNAS THAMS CAD KYI BLO 'PHROG PA DANG, BSTAN PA'I SGRON ME RGYAL BA 'PHAGS PA LHAS KYANG SPYAN GYI 'BRAS BU LTAR BRTZE BAS SKYONG BZHIG YONG BAR SNANG, CHAB MDO'I SKU ZHABS GRVA TSANG GI PHYOGS DE GAR BZHUGS BA'I SKABS SHIG DBYAR GNAS KYI DUS SU RAB 'BYAMS PA BSAM GTAN ZER BA ZHIG GIS THAL SKAD BZANG PO DANG BCAS TE BGRO GLENG BYAS PA GZIGS MA THAG SKU LUS KYI BA SPU THAMS CAD GZING, ZHES BYED CING SPYAN CHAB 'KHRUG STE DGA' BA BRJOD DU MED PA ZHIG 'KHRUNGS SHING CI NAS KYANG NGANG TSUL 'DI LTA BUS RGYAL BA'I GSUNG RAB RGYA MTSO LTA BU'I PHA ROL TU SON PAR BYA'O SNYAM PA THUGS LA SHAR TE RGYAL BA 'PHAGS PA LHAR DBUS PHYOGS SU THUGS GNYER LA PHEBS CHOG BA'I GNANG BA ZHUS PAR, RGYAL PA 'PHAGS PA LHA'I ZHAL NAS KYANG, LO GZHON PA'I RING LA DBUS PHYOGS SU SONG STE SLOB GNYER BYAS PA SHIN TU BZANG ZHES GNANG BAS DBUS PHYOGS SU PHEBS PAR THAG BCAD NAS PHEBS KHAR THON PHYAG LA BYON PAR 'PHAGS PA LHAS, SNGAR LHA THOG SBYIN PA ZER BA'I GRVA PA LEGS TSAD CIG YOD PA

, ,GRVA SAR SLOB GNYER LA SONG YANG SDUG BSRAN CHUNG BAS BYANG DU GRONG CHOG 'DED PAR PHYIN MTHAR CHOS MGO TZAM YANG MA THON PA ZHIG BYUNG, DE 'DRA YONG NYAN CHE BAS GRVA SAR 'DUG RING LA SNYOMS GANG CHUNG DANG SNGOD GANG TSUGS BYAS PA'I STENG NAS, SLOB GNYER MTHAR PHYIN PA RE BYAS, SLAR YANG YUL DU 'ONGS NAS THAMS CAD KYI MIG RGYAN LA PHAN PA ZHIG GYIS GSUNG BA'I BSLAB BYA STZAL ZHING, GRVA TSANG GI RDO RJE SLOB DPON 'PHAGS PA BSAM GTAN PAS KYANG ZHAL TA MANG PO DANG KHYAD BAR GRVA SAR SLOB GNYER BYED DUS KHANG TSAN DANG MI TSAN TSO GROS ZER BA ZHIG BYED RGYU 'ONG BA'I SROL YOD, DE 'DRA BYUNG DUS SU KHYED KYIS SHES YONG CHE MDOG DANG PHER MDOG MA BYED PAR DMANGS KYIS THAG GANG BCAD CIG GIS YONG GYIS LA KHA BTZUMS NAS MA BSDAD NA, SPYIR CHOS BA DANG DE'I NANG NAS SLOB GNYER LA BAR GCOD DE LAS CHE BA YONG RGYU MED CES MNGAGS CHA PHUL BA RNAMS THUGS LA GZUNG, LHA'I DBANG PO SKABS GSUM PA NYE DBANG GI TSOGS KYIS MDUN DU GDAR TE RNAM PAR RGYAL BA'I KHANG BZANG DU 'JUG PA'AM, DED DPON CHEN PO TSONG PA'I TSOGS KYIS BSKOR TE RIN PO CHE'I GLING DU BGROD PA'AM, TSANGS PA TSANGS RIGS KYI TSOGS KYIS BSKOR TE TSANGS CHEN GYI GZHAL YAS KHANG DU 'JUG PA LTA BUR DGYES PA'I 'DZUM ZHAL ZLA BA RGYAS PA LTA BU DANG BCAS TE, GANG DU ZHABS KYIS 'DEGS 'JOG RNAM PAR BKOD PA'I SA THAMS CAD LA BKRA SHIS PA'I DPAL DAM BA STER BZHIN PAR GYI BZHIN 'BRANG BA BDUN TZAM DANG LHAN CIG DGUNG LO BCO LNGA'I DUS SU NUB PHYOGS DBUS GTZANG GI SA'I CHAR RNAM PAR BSKYOD PAR GYUR TO, ,DE RNAMS SLAR YANG

TSIGS SU BCAD PA'I DBYANGS KYIS BSGRAG PAR BYA STE, TSUL KHRIMS BRTUL ZHUGS RING NAS GOMS PA YIS, ,SE RAL PHRENG DKAR MI 'GYUR DAM BCA'I RIS, ,GSUM 'DZIN DRANG SRONG RDO RJE'I DMOD TSIG GIS, ,'CHING BA'I DPUNG TSOGS BYA GAG 'DAB MA LHUNG, BLA GOS GSAR PA'I SBRANG RTZI'I DOG PAS NI, ,KUN TU SPYOD TSUL MNGAR BA'I RGYAL MTSAN CAN, ,NYES SPYOD RING DU SPANGS BA'I DRI BSRUNG LA, ,BLO GROS LDAN PA'I RKANG DRUG DI RI RI, ,CHOS SPYOD TSIG PHRENG 'DAB MA'I SPU SDUG MANG, ,MI SHES TSA BA SKYOB PA'I TSAL CHEN NA, , LUS NGAG YID SPYOD BZANG PO'I KHA DOG GSUM, ,BKRA BA'I MGRIN CAN DBYANGS KYIS MKHAS RNAMS MGU, ,RNAM DAG DBANG GI BDUD RTZI'I CHU BO'I KHRUS, ,SPYI BO NAS BSKUR GNYIS SPANG RDO RJE'I DPYID, ,DGA' CHEN RIS SU SMIN PA'I RDZOGS SANGS RGYAS, ,SER SNA 'DZOMS PA'I RDO RJER PHYOGS BCUR BSGRAGS, ,RANG SRID THOG MA MED NAS 'GROGS PA YI, ,MDZA' BA MI GTONG GCUGS PA'I THAL SKAD SGRA, ,RING NAS 'BOD PA'I PHO NYA JI BZHIN DU, ,DBUS KYI SA YI THIG LER SKAL BZANG BYED, ,RAB DKAR CHU 'DZIN CHU THIGS PHRENG BA CAN; ;NA BUN KHUR GYIS LCI BA GLAL GYUR PA, ,DE LA MJUG RTZE MDONGS LDAN GAR BGYID LTAR, ,DER NI DGA' BA'I CA CO CIR YANG SGROG ,SKYES DANG SBYANGS PA'I RNAM DPYOD 'DAB MA DKAR, ,LEGS SPYAD MKHA' DBYINGS NGOS LA G-YO BYED CING, ,SKAL LDAN DUR PA'I TSOGS KYIS MDUN BDAR TE, ,NUB PHYOGS CHOS GRVA'I PAD MTSOR SGRO BZHIN ZHUGS, ,RJE BTZUN BLA MA DAM PA BKA' DRIN MTSUNGS PA MED PA GANG GI RNAM PAR THAR PA RGYA MTSO LTA BU LAS CHA SHAS TZAM BRJOD PAR BYED PA'I GTAM DAD PA'I 'DAB BRGYA BZHAD

, ,PAR BYED PA'I NYI MA ZHES BYA BA LAS RAB TU BYUNG NAS DBUS GTZANG GI PHYOGS SU ZHABS SEN BKOD PA'I 'OD ZER TE GNYIS PA'O,, ,,` DE NAS BDAG NYID CHEN PO 'DI DBUS KYI PHYOGS SU PHEBS NAS THOG MAR SE RA THEG CHEN GLING GI RTEN MJAL ZHIG MDZAD DE DE GONG KHAMS GSUM CHOS KYI RGYAL PO'I GDAN SA CHEN PO 'BROG RI BO CHE DGE LDAN RNAM PAR RGYAL BA'I GLING DU CHOS GRVA MDZAD SNYAM PA THUGS LA YOD PA LAS RTEN 'BREL GYI CHE BA ZHIG LA BRTEN SER BYAS GRVA TSAD GI MCHOD MJAL MDZAD SKABS ZHAL RAS LA RLUNG BSIR GYIS PHOG PA DANG DUS MNYAM DU ^ BCOM LDAN 'DAS 'KHOR LO BDE MCHOG GI LDEBS BRIS GZIGS PAS RKYEN BYAS, CI LA BABS KYANG GRVA TSANG 'DI NAS GZHAN LA MI 'GRO DGONGS PA THUGS LA SHAR NAS, BYES MKHAS MANG GRVA TSANG DU BZHUGS PAR MDZAD, THOG MAR THUN MONG MA YIN PA'I 'DON CHA RNAMS THUGS LA GZUNG STE CHUNG ZIN PAN, BYES ZHAL SNGA NAS MKHAS PA'I DBANG PO NGAG DBANG RGYA MCHO ZHES PA DANG YONGS KYI DGE BA'I BSHES GNYEN BLO BZANG RGYAL MTSAN ZHES PA YONGS 'DZIN DU BSTEN PA GNYIS LAS GSUNG RAB KYI DON LA DPYOD PA LA BLO GROS KYI SGO MO BRGYA PHRAG 'BYED PAR BYED PA'I THABS MCHOG TU GYUR PA BSDUS GRVA'I SBYOR BA YID KYI MUN SEL GYI BYE BRAG KHA DOG DKAR DMAR, YOD RTOG MED RTOGS, YIN LOG MIN LOG ,SPYI BYE BRAG, MTSAN MTSON, RGYU 'BRAS CHUNG BA, KHYAB PA SGO BRGYAD, GRUB SGRA, RDZAS LDOG LA SOGS PA'I GNAD RNAMS KYI CHIG GI SBYOR BA THUGS LA GZUNG BA DANG, DON DANG DKA' BA'I GNAD RNAMS LA BRGAL ZHING

BRTAG PA DANG, 'DRI ZHING LAN 'DEBS PA SOGS KYIS ZHIB TU DPYOD PAR MDZAD PAS THOG MA NYID KHO NA'I DUS NAS MKHAS SHING BAG YOD DANG LDAN PA'I DGE 'DUN GYI DBUS SU MI 'JIGS PA'I SBOBS PA KHYU MCHOG GI GNAS RLABS PO CHE THOB NAS, RTZOD PA'I THAL NGAG GI SBYOR BA 'GOD PA LA THOGS PA MED PA'I GANG BRGYANGS CHEN POS, PHA ROL LOG PAR SMRA BA RNAMS KYI SNYING NI LKOG MAR PHYIN TE RO 'DZIN MI G-YO BA'I TING NGE 'DZIN LA 'GOD PAR GYUR LA, GZUR GNAS BLO GROS DANG LDAN PA'I SKYE BO NGAG NI 'DI LTA BU'I RIG TSUL RMAD DU BYUNG BA THOG MA NYID NAS PHUL DU BYUNG BA DANG LDAN PA NI, NGES PAR SA LA GNAS PA'I SEMS DPA' CHEN PO ZHIG GAM SNYAM DU YID THE TSOM GYI DPYAD THAG KYANG 'DZIN TO, ,RIGS TSUL 'KHYUNG MO RIG TSUL GYIS, ,'BYED PA'I LDE MIG MA LUS PA; ;'DI YI BLO GROS SKED PA LA, ,BCANG STE CHOS KYI SGO BRGYA 'BYED, ,DE LTAR BSDUS GRVA'I GNAD RNAMS LA BLO GROS RMAD DU BYUNG BA BRNYES PAS DGUNG LO BCU DRUG GI DUS SU RGYAL BA'I GSUNG RAB MA LUS PA'I SNYING PO MTHAR THUG PA YUM RGYAS 'BRING BSDUS GSUM GYI SBAS DON MNGON RTOGS KYI RIM PA RNAMS GANG ZAG GCIG GIS GRANGS DANG GO RIMS MA 'CHOL BAR NYAMS SU LEN TSUL STON PAR BYED PA'I BSTAN BCOS CHEN BO MNGON PAR RTOGS PA'I RGYAN GYI TSIG DON RNAMS LA LEGS PAR BRTAGS TE PHA ROL TU PHYIN PA'I GZHUNG LUGS LA SBYONG BA'I DBU TSUGS, DER BYA BRAL DGE BSHES BLO BZANG CHOS 'PHEL BSTEN TE DGUNG LO BCU BDUN LA BABS PA'I DUS SU RIG CHUNG GI TSOGS LANGS SHIG MDZAD PAS MKHAS PA THAMS CAD SHIN TU NGO MTSAR BAR GYUR, DUS DE'I STON

, ,LA BABS PA NA GRUB PA'I DBANG PHYUG DAM PA RJE SGRUB KHANG PA DGE LEGS RGYA MTSO'I SKU CHE BA'I YON TAN GYI SNYAN PA GSAN PAS THUGS PHROGS TE RJE'I SGRUB KHANG DU MJAL BAR BYON PAS, RJE BTZUN 'DI PA'I AA KHU 'PHAGS PA SKAL LDAN ZHES PA'I DKA' BCU PA ZHIG RJE SGRUB KHANG PA CHEN PO'I ZHABS 'BRING DU YOD PA NGES, DE RING BLA MA'I MJAL KHA MI 'ONG, SANG NYIN ZHAL LUNG GI KHRID KYI SEMS BSKYED MCHOG PA YIN PAS, KHROM NAS ME TOG MANG PO NYOS LA KHYER NAS SHOG ,CES PA'I ZHAL TA MDZAD PA GSAN MA THAG SHIN TU DGYES NAS, ME TOG MANG PO BSGRUBS TE NYI MA SHAR MA THAG BYON PAS SGRUB KHANG GI DGE SLONG DUL BA'I DPAL GYIS RNAM PAR BRJID PA RNAMS DANG LHAN CIG TU BYANG CHUB KYI SEMS RIN PO CHE ZHES BYA BA GANG GI RGYUD LA LDAN PA TZAM GYIS SKYES BU DE DE BZHIN GSHEGS PA'I RIGS SU NGES PAR MDZAD CING, DUS GSUM GYI RGYAL BA THAMS CAD KYIS GSHEGS PA'I LAM GCIG PUR GYUR PA DE JO BO RJE DPAL LHA GCIG D'I PAm KA RA'I MAN NGAG KHAMS GSUM CHOS KYI RGYAL PO TZONG KHA PA CHEN PO'I LEGS BSHAD DAM PAS GSAL BAR MDZAD PA LTAR GYI CHO GA KHYAD PAR CAN GYI SGO NAS BYANG CHUB TU SEMS BSKYED PAR MDZAD PAS DAM PA 'DI'I THUGS KYI BANG MDZOD MA LUS BA RIN CHEN SEMS MCHOG DAM PA'I NOR BU RIN PO CHES PHYUR BUR GTAMS TE RGYAL BA'I SRAS KYI SPYOD PA RMAD DU BYUNG BA RGYA MTSO LTA BU RNAMS KYI MNGA' BDAG CHEN POR GYUR, GSUNG CHOS KYI TSOGS GROL MA THAG DKA' BCUS KHRID NAS SGRUB KHANG DU ^ RJE DGE LEGS RGYA MTSO DPAL BZANG PO DANG NANG LUGS KYI ZHAL 'DZOM MDZAD PA NA SGRUB KHANG PA CHEN POS THUGS DGYES PA DPAG TU MED PA DANG BCAS PAS

LO GZHON GZHON 'DI LTA BU NAS BYANG CHUB SEMS DPA' BYAS PA SHIN TU LEGS, SLOB GNYER BZANG PO RGYOB, SKABS SKABS SU 'DIR SHOG ,BSLAB YA BYED CES GSUNG ZHING, RTA MGRIN GSANG SGRUB KYI BKA' BSGO ZHIG KYANG STZAL, DE NAS SE RANG PHYIR LOG PHEBS PA'I LAM RI KHROD KYI GSHAM SE PHUNG ZHIG GI 'GRAM DU, DKA' BCU PAS, DE RING BLA MAS GSUNG BSHAD GNANG BA RNAMS SKYOR DANG GSUNGS PAR, RJE 'DIS, SGRUB KHANG PA CHEN PO'I GSUNG THAMS CAD LHAG MA MED PAR DVANG SING GIS SKYOR BAR MDZAD PAS DKA' BCUS KHYED BAG CHAGS BZANG PO ZHIG 'DUG CES GSOL, DGUNG LO BCO BRGYAD LA BABS PA'I TSE MKHAR RDO DBON SLOB RIN PO CHE 'OL KHA NAS SKYID SHOD DU PHEBS TE, LHA SA NAG TSANG BYANG DU TSOGS MCHOD KYI DUS SLOB MA'I TSOGS DU MA LA BYANG CHUB LAM GYI RIM PA'I KHRID PAn CHEN CHOS KYI RGYAL PO BLO BZANG CHOS KYI RGYAL MTSAN DPAL BZANG PO'I MAN NGAG DAM PA BYANG CHUB BDE LAM GYI STENG NAS STZAL BA GSAN PAR PHOBS PAS LAM GYI NGO BO DANG, GRANGS DANG, GO RIMS DANG, DBYE BA SO SO'I DON RNAMS LA NGES PA GTING TSUGS PA 'KHRUNGS TE, RGYU 'BRAS MAN NGAG BDUN GYI DANG PO MAR SHES KYI SKABS NAS 'BYUNG BA LTAR DE PHYIN CHAD NAS BZUNG STE SEMS CAN GZIGS SO COG LA 'DI NI BDAG GI DRIN CAN GYI MA'O SNYAM PA 'BAD MED DU THUGS LA 'CHAR BA BYUNG BA 'DI NI, GZHAN GYIS YI RANG BTZAM YANG BYA BA DKA' BA'I GNAS RNAMS LA MYONG BA MTHAR PHYIN PA MNGON DU MDZAD PA'O, ,GZHAN YANG RJE GRUB PA'I DBANG PHYUG DGE LEGS RGYA MTSO DPAL BZANG PO DANG MKHAR RDO RJE BTZUN 'DI GNYIS RJE 'DI PA'I BLA MA BKA' DRIN CHE SHOS SU 'DZIN PAR MDZAD CING, KHYAD PAR RJE SGRUB KHANG PA DANG NAM MJAL RES KYIS THA

, ,MAL PA'I SNANG BA THAMS CAD 'GAGS NAS THUB DBANG RDO RJE 'CHANG DU DNGOS SU GZIGS TE DAG PA'I SNANG BA 'BYAMS SU KLAS PA ZHIG GI ROL PAR KHYUR GYIS 'GRO BA ZHIG YOD PAR SNANG, 'O NA'ANG GLEGS BAM RIN PO CHE LAS, RANG SKYON BSGRAG CING YON TAN SBA BAR GSUNGS PA'I RNAM THAR DAM PA LHUR BZHES PAS BDAG CAG LTA BUS TSUL DE ZHIB PAR CI LA RTOGS, DE LTA MOD KYI RJE BTZUN BLA MA'I GSUNG LAS SGRUB KHANG RIN PO CHE DANG MJAL BA'I DUS SU RJE'I BYIN RLABS KYIS ZHAG LNGA DRUG TZAM RE MI DGE BA'I RTOG PA RANG 'GAGS SU 'GRO ZHING, SEMS LA DGA' BA DANG BDE BA'I NYAMS BRJOD DU MED PA RE NAR MAR 'ONG GIN YOD CES YANG YANG THOS PA LAS SHES SO, ,DER PHAR PHYIN GYI GZHUNG LUGS LA BRGAL BRTAG GI SGO NAS DPYAD PA MDZAD SKABS, SNGAR BSDUS GRVA LA THUGS GNYER MDZAD SKABS DANG MI 'DRA BAR CUNG ZAD DKA' TZAM BYUNG PAR BRTEN, ^ RJE SGRUB KHANG PA CHEN POR GSOL BA BTAB STE RIGS GSUM SPYI SGRUB KYI BLA MA'I RNAL 'BYOR LDAN MA DGE BSHES NGAG DBANG RIN CHEN DANG LHAN CIG 'DZIN CHOS DANG BCAS PA'I NYAMS KHRID DU ZHAG GSUM GYI RING BZHES SHING, NYI MA DE NYID NAS BZUNG BLA MA'I RNAL 'BYOR DE'I NYAMS BZHES NYIN RE BZHIN 'CHAG MED DU MDZAD PAS, CHOS RAB TU RNAM 'BYED KYI SHES RAB ZAB CING GSAL LA MYUR ZHING PHRA BA'I BLO GROS DBYAR GYI CHU BO LTAR 'BAD MED DU RGYAS LA, KHYAD PAR DU BYE GZHUNG GI SGROL MA'I RDO SKU'I MDUN NA PHAR PHEBS PA'I TSE GLO BUR NYID DU SNGAR DANG YE MI 'DRA BA'I GSUNG RAB KYI DON LA GO BA LEGS PAR CHAGS NAS, SKABS DANG PO NAS GSUNGS PA'I SEMS BSKYED SOGS CHOS BCUS MTSON PAR BYA BA'I RNAM PA THAMS CAD MKHYEN

PA'I YE SHES DE NYID LAM SHES DANG SBYOR BA BZHI'I GNAS TSUL ZHI SHES SPANG BLANG DANG BCAS PA'I MAN NGAG GIS STAN THOG GCIG TU NYAMS SU BLANGS PAS, GANG ZAG RANG NYID SKU MTSAN BZANG PO SUM CU RTZA GNYIS DANG DPE BYAD BRGYAD CUS BRGYAN PA'I YANG DAG PAR RDZOGS PA'I SANGS RGYAS YE SHES CHOS SKU'I BDAG NYID CAN GYI GO 'PHANG MNGON DU BYED TSUL PHRA LA ZHIB PAR MKHYEN NAS, MGON PO BYAMS PA'I MAN NGAG DAM PA DANG DE GSAL BAR BYED PA'I RGYA BOD KYI BSTAN BCOS THAMS CAD GDAMS NGAG TU SHAR BAR GYUR, SKABS DER BLA MA'I RNAL 'BYOR DE DANG 'BREL BA'I SGO NAS DMIGS BRTZE MA KHRI PHRAG GCIG TZAM SONG MTSAMS SU MKHAN PO DPAL 'BYOR GRAGS PA DANG LHAN CIG RA KHA BRAG TU SKU MTSAMS SHIG MDZAD NAS, ZHAG NYER LNGA'I RING MKHAN PO DPAL 'BYOR GRAGS PA BSNYEN PA BYED PA'I DUS SU LTUNG BSHAGS SO LNGA RE DANG BRKYANG PHYAG SBRAGS TE MDZAD PA'I 'OG TU, AAR PA TZAN DANG DMIGS BRTZE MA'I LJAGS BZLAS BLA MA'I RNAL 'BYOR GYI TING NGE 'DZIN SHIN TU GSAL BAR MDZAD BAS, ^ CHOS KYI RGYAL PO TZONG KHA PA CHEN PO'I BYIN RLABS KHYAD PAR CAN ZHUGS PA'I MTHU LA BRTEN NAS, SKU LUS LA SNGON CHAD TSOR MA MYONG BA'I DRI ZHIM PO YANG YANG LDANG BA DANG MNAL LAM DU SPRUL MER BSREGS PA DANG RAL GRI RNYED PA RNAMS YANG YANG BYUNG GSUNG STE, DE YANG SNOD MIN RNAMS KYI DOR DE TZAM LAS BKA' MI STZAL MOD, DAG PA'I SNANG BA CAN SKAL LDAN GYI SKYE BOS LEGS PAR BRTAGS NA DUS DE TZAM NAS TING NGE 'DZIN DANG GZUNGS DANG SPOBS PA DANG, MNGON PAR SHES PA MTHA' YAS PA LA MNGA' 'BYOR TE CHOS KYI RGYAL PO TZONG KHA PA CHEN PO LAS THEG PA CHEN PO'I CHOS KYI BDUD RTZI'I BGO SKAL MANG DU BZHES

, ,PAR GDON MI ZA, DE DAG GI DUS KUN TU AE MA HO, ,'JIG RTEN GYI GNAS LUGS DANG GROGS BSHES SRID PA'I PHUN TSOGS DANG BCAS PA 'DI DAG THAMS CAD NI MI RTAG CING BSLU BA'I CHOS CAN 'BA' ZHIG STE, DE BAS NA DE DAG LAS NI RING DU BYOL NAS BAS MTHA'I GNAS BSAM GTAN DANG RJES SU MTHUN PAR SONG LA, THOS DON MA LUS PA YID LA SEMS PA'I SGRUB PA LA GZHOL BAR BYA BA NI, JI SKAD DU, MGON PO ZHI BA LHAS, KHANG STONG SHING DRUNG PHUG DAG TU, ,GANG DU JI SRID 'DOD GNAS SHING, ,YONGS 'DZIN BSRUNG BA'I SDUG BSNGAL DAG ,LTOS PA MED PAR BAG YANGS SPYOD, ,RANG DBANG SPYOD CING CHAGS MED LA, ,GANG DANG YANG NI 'BREL MED PAR, ,CHOG SHES BDE SPYOD GANG YIN PA, ,DBANG POS KYANG NI DE RNYED DKA', ZHES GSUNGS PA LTAR, 'DU 'DZI'I G-YENG BA THAMS CAD RING DU SPANGS NAS GCIG TU DBEN PA'I RI KHROD DU RANG GI SEMS RGYUD KUN TU 'DUL ZHING, RJE BLA MA RNAMS KYI ZHAL GDAMS BDUD RTZI'I SNYING PO LA NYAMS LEN DU BYAS TE RANG GI MI LUS DON LDAN DU BYED PA NI DAM PA'I SPYOD PA RMAD DU BYUNG BA'O SNYAM DU DGONGS NAS DING RI BRGYAD CU DANG KHRO PHU'I SNYING GTAM SUM CU PA, PAn CHEN CHOS KYI RGYAL MTSAN GYIS NYAMS MGUR DU BZHES PA DBEN PA LA DGA' BA'I GTAM RNAMS YANG YANG GZIGS SHING DBEN GNAS LA THUGS SBYONG MDZAD, DE LTAR RTZOD GRVA LA BRTZON PAR MDZAD PA'I DUS DER 'TSO BA'I YO BYAD LA CHED DU GNYER BA'I RTZOL BA CUNG ZAD TZAM YANG MED PAR RAS SU BOR TE, DAM PA'I CHOS KYI DON LA THOS BSAM GYIS NAN TAN LHUR MDZAD PA KHO NA LA GZHOL BAR MDZAD PAR BRTEN, GSOL ZAS KYI RIGS SHIN TU DKON PAR GYUR TE GSOL

JA SKOL BA SOGS KYI YO LANGS LHA ZHOG ,GSOL ZHIB GSOL RGYU TZAM YANG MED MOD KYI, NGANG TSUL DE LA CUNG ZAD TZAM YANG MI DGONGS PAR DBE MTSAMS SOGS MDZAD DE PHAR PHYIN GYI THAL PHRENG ZUR BKOL BZHI DANG BCAS PA DANG, DBU MA SKAL BZANG MGUL RGYAN YONGS SU RDZOGS PA RNAMS THUGS LA SHIN TU BYANG BAR GZUNGS NAS TSOGS GSOG KYANG GNANG, GZHAN YANG PAn CHEN BDE LEGS NYI MA'I 'DUL BA GZHI STOD GZHI SMAD, MDZOD RTZA BA, KUN GZIGS LNGA PA CHEN POS MDZAD PA'I MDZOD KYI DKA' 'GREL CHOS MNGON RIN CHEN 'DREN PA'I SHING RTA RNAMS THUGS LA GZUNGS TE RTZOD GRVA SHIN TU SMAR BAR MDZAD, DER GSOL ZAS SKYA LA NA BZA' HRUL BA CHOS BRGYAD LA DGA' BA RNAMS KYIS BLTAS NA YANG LA, GNAS LUGS RTOGS PA RNAMS KYIS BRTAGS NA MCHOG TU MOS PA BSKYED PAR BYED PAR BZHUGS TE, GUNG TSIGS KYI CHOS GRVA GROL NAS GZIMS SHAG TU RE PHEBS PHYAG DPE DAG LA GZIGS TE DGONGS CHOS LA PHEBS, DE GROL NAS KYANG ZHVA ZLA MA GSOL BZHIN PAR SPYI KHANG GI DKYIL DU THOS BSAM LA BRTZON 'GRUS SU BZHUGS PAS, LHO PA TSANG LA GTZANG PA CHOS GRAGS ZER BA ZHIG YOD PA DES SEMS KYIS MA BZOD NAS, ^ RJE 'DI PA BSOD NAMS KYI ZHING DU SPYAN DRANGS NAS, KHO PA RANG LA'ANG CHA RKYEN BZANG PO MED MOD JA RO SKOL BA LA ZHAG BTAB PA'I GSOL JA YANG YANG ZHUS SHING, BDAG NYID CHEN PO 'DIS KYANG CHA RKYEN DANG MTHUN PA'I BSNYEN BKUR BDAG GIR MDZAD DE THOS BSAM LA NYIN MTSAN KHOR YUG TU GZHOL BAR BZHUGS, SKABS SHIG SGROL 'DON LA PHEBS PA'I YON LA RTZAM BA ZHIG BYUNG BA DES TSOGS RTZAM MDZAD DE GSOL ZHAG LA

, ,ZAN BSGRIL BA GSOL TSIGS SKABS CHU'I NANG DU BSHIG STE DE LA THUG PA ZHIG SKOL BA MDZAD NAS BZHES GRABS MDZAD KYIN YOD PA'I DUS SU SGOM BDE RAS CHUNG SKU SKYE ZHES BYA BA ZHIG BYUNG NAS 'GRO MNYAN PAR KHO LA'ANG BZHES 'JAM DE PHANGS PA MED PAR STZAL, DE DAG GI TSE LHO PA RAB 'BYAMS BA BLO BZANG SBYIN PA ZER PA CHAS KA DGA' RAB BYAS PA ZHIG YOD PA DES KYANG BSOD NAMS KYI PHYIR GSOL JA YANG YANG ZHUS, SKABS SHIG MANG JA LA PHEBS NAS KA BA'I DBRAG GCIG TU BZHUGS PAR, TSOGS PA RNAMS KYIS; DKON MCHOG GSUM LA BDAG SKYABS MCHI, ZHES SOGS GDANGS RING PO DANG BCAS TE MDZAD PA DANG TSOGS PA RNAMS KYIS RTZAM PA BZHES PA'I DRI GSAN PAR BRTEN, LAS 'BRAS LA YID CHES KYI NGES PAR CHEN PO 'KHRUNGS NAS SPYAN CHAB MANG DU MDZAD PAS; BSTAN 'DZIN CHOS 'PHEL ZER BA ZHIG YOD PA DES ZHIB KHUG BLANGS NAS GSOL ZHIB PHUL, SKU SHAM SHIN TU HRUL BAR GYUR TE RGYAL BYED DGE SLONG RIG 'DZIN ZER BA ZHIG GIS SHAM THABS RNYING SE BA ZHIG PHUL BA DES RE ZHIG THUB CING, DBU MA'I 'DZIN GRVAR PHEBS SKABS DE'ANG ZAD NAS BGRO GLENG MDZAD SKABS ZHABS PUS GNYIS SNGO HRENG HRENG BYED PAR GYUR DUS, BSAM BLO DKA' BCU BSAM GTAN LHUN GRUB ZER BA'I MKHAS PA ZHIG YOD PA DES NANG DU SPYAN DRANGS NAS JA BZANG PO DANG SKU SHAM BCAS PHUL ZHING, ^ RGYAL DBANG TSANGS DBYANGS RGYA MTSO SE RAR PHEBS SKABS GRVA PA RNAMS LA DNGUL ZHO GSUM RE'I SDUD MO BYUNG BAR RJE 'DI PA'I PHYAG NA DNGUL YUNGS 'BRU TZAM ZHIG KYANG MED STABS SOGS PHRUG NGAG DBANG GRAGS PA ZER BA ZHIG YOD PA DES KHO RANG

GIS GZHAN LA SLONGS PA'I BALtAM GSUM PHUL NAS GNYIS BSDU BYA MDZOD, GCIG ZHIB NYO RIN DU 'TSAL ZHES PHUL, DE LTAR YO CHAS KYI RNAM PA SHIN TU BKREN PA DE LTA BU'I DUS DANG, PHYIS SU SRID PA GSUM GYI CHE DGU MA LUS PAS ZHABS KYI PADMOL BTUD DE 'JIG RTEN GYI DNGOS PO GYA NOM BA RI BO BZHIN DU SPUNGS PA GNYIS KA LA CHAGS SDANG GI KHYAD PAR CUNG ZAD KYANG MED PAR, BZANG NGAN GYI KHYAD PAR DE THAMS CAD MI RTAG CING SDUG BSNGAL BA'I RANG BZHIN CAN DU GZIGS TE, NGES PAR 'BYUNG BA'I THUGS SKYO SHAS CAN 'BA' ZHIG GIS 'NGA' BAR MDZAD DE, NYID KYI BKA' LAS, SLOB GNYER GYI TSE, YOD DUS MI DGOS PA'I BZA' CHE DANG TSOGS 'DU SOGS BYAS PA RANG NI MED, 'ON KYANG LAS DBANG GIS BKREN SE RANG BYUNG BA YIN, DENG SANG GI DUS SU DNGUL RDO TSAD GNYIS GSUM RE MDUN DU SPUNGS BYUNG BA LAS, SLOB GNYER BYED DUS JA RO BTZOS PA JA PHOR RE BYIN BYUNG BA DE TSOL DGA' TSOR BRGYA 'GYUR TZAM GYIS CHE BA YONG GIN 'DUG ,DE DUS KYI PHAN 'DOGS BYED MKHAN DE TSO BKA' DRIN CHE BAR BSAMS NAS, DA DUNG SEMS LAM BRJED BAR BYED KYIN YOD CES BYAS PA GZO BA'I GSUNG DANG BCAS PA THOS SO, ,DUS DER KUN GZIGS RGYAL DBANG TSANGS DBYANGS RGYA MTSO SE RAR CHIBS BSKYOD MDZAD SKABS SER SMAD DGE BSHES RGYAL RONG DBON CHUNG DANG MNYAM DU BZHUGS GRAL CHEN MOR TSOGS LANGS MDZAD PAS RANG BZHIN TSIG 'KHRI TZAM G-YAM RGYUG MA YIN PAR GZHUNG LUGS KYI DGONGS DON PHYIN CI MA LOG PAR RIGS PA DRI MA MED BA'I LAM NAS DRANGS TE GTAN LA 'BEBS PA'I LEGS BSHAD KYI NGA ROS

, ,KUN GZIGS RGYAL BA'I DBANG POS GTZO MDZAD DER TSOGS THAMS CAD KYI YID KYI KHYE'U RNAM DPYOD KYI LCAGS KYUS CIR YANG DRANGS PAR GYUR, DBU MA LA THUGS SPYOD MDZAD PA'I DUS SHIG TU BSAM BLO DGE BSHES BSAM GTAN LHUN GRUB LAS RE RJE BTZUN PA'I DBU MA'I STENG NAS MDZUB KHRID TSAR GCIG GSAN PAS STON PA BLA NA MA MCHIS PA THUGS RJE 'GRAN PA'I ZLA THAMS CAD DANG BRAL BA ^ SH'AKYA'I RGYAL PO GANG GI GSUNG GSAD MA LUS PA'I GNAD KYI DON PO MTHA' BRAL DBU MA'I GZHUNG LUGS LA SGRA SPYI TZAM GYI RJES SU 'BRENG BA'I TSIG G-YAM MA YIN PA'I GO BA SHING RTA CHEN PO DPAL MGON 'PHAGS PA KLU SGRUB DANG DPAL LDAN ZLA BA GRAGS PA'I DGONGS DON CHOS KYI RGYAL PO RGYAL BA GNYIS PA BLO BZANG GRAGS PA YAB SRAS KYI BZHED PA JI LTA BA BZHIN 'KHRUNGS NAS CHOS GRVAR RTZOD PA BYED PA LA SOGS PA'I BYA BA RNAMS PHA ROL GYI SMRA BA LAN MED DU BYED PA TZAM GYI CHED MA YIN GYI, PHYOGS SNGA'I SKABS SU JI LTAR 'BYUNG BA LTA BU'I LOG LTA RNAMS RANG GI RGYUD LA 'DUG MI 'DUG LEGS PAR BRTAGS TE, GAL TE SNANG NA LEGS PAR BSHAD PA'I RANG LUGS SU JI LTAR 'BYUNG BA LTAR GYI RIGS PA DRI MA MED PAS SUN PHYUNGS NAS SNANG BAS YOD PA'I MTHA' MA LUS PA SAL ZHING, STONG BAS MED PA'I MTHA' RNAM PAR GCOD PA'I 'DZIN STANGS KYI RGYAL PO SHES RAB KYI CHA DANG DES ZIN PA'I RGYAL BA'I SRAS KYI RGYA CHE BA'I SPYOD PA RMI LAM GYI YUL LTA BU'I BDEN MED KYI RANG BZHIN CAN THABS KYI CHA RNAMS ZUNG DU 'JUG PA'I LAM LAS RGYAL BA'I GO 'PHANG LA BGROD PAR BYA BA'I CHED YIN PAR LEGS PAR

GZIGS SHING NGES PA 'KHRUNGS, SKABS SHIG MAN LA LAM DU RJE NYID PHA YUL DU PHEBS 'DUG PAR GZIMS KHANG GI STENG NA BYES ZHAL SNGA NAS BLO BZANG NOR BU DE KHRI ZHIG GI STENG NA BZHUGS 'DUG PA'I MDUN COG GI KHAR GLEGS BAM GNYIS DANG SDER MNAS 'BRU DKAR POS GANG BA GCIG BCAS BZHAG 'DUG PA LAS BYES ZHAL SNGA NAS KYIS NAS 'BRU 'THOR ZHING SHIS PA MANG DU BRJOD DE, GLEGS BAM GNYIS PHUL NAS 'DUL BA DANG MDZOD KYI PU STI YIN ZER BA ZHIG BYUNG BAR CI YIN SNYAM DU DGONGS PAR, DE NAS RING POR MA LON PAR BYES ZHAL SNGA NAS KYIS GLING BSRE DKA' BCU'I MTSAN 'DOGS PHUL BYUNG BDE LA BLTAB 'DUG GSUNGS, DER GLING BSRE'I GRVA BSKOR MDZAD SKABS BSHAD RING GZHUNG JI LTA BU ZHIG LA RGYAB PA LEGS SNYAM DU DGONGS NAS, RJE GRUB BA'I DBANG PHYUG DAM PA SGRUB KHANG RIN PO CHER JI LTAR 'THAD CES ZHUS PAR, 'JAM DPAL ZHAL LUNG LA RGYAB NA RJES SOR KHRID GTONG BA LA KHYAD CHEN PO 'ONGS ZHES MA 'ONG LUNG BSTAN DANG BCAS PA'I BKA' PHEBS, RJE BTZUN BLA MA 'DIS MKHAN PO DPAL 'BYOR GRAGS PA'I SHAG TU DPE MTSAMS MDZAD NAS BSHAD PA MDZAD RGYU RNAMS THUGS LA GZUNGS TE, DGUNG LO NYI SHU RTZA GCIG PA CHU PHO RTA'I LOR SER THEG CHEN MKHAS MANG 'DUS PA'I GLING GI GLING BSRE'I GRVA BSKOR MDZAD PAS, BSHAD RTZOD DE DAG THAMS CAD KYI SKABS SU MKHAS RMONGS MA LUS PA SHIN TU NGO MTSAR BAS DGA' BA'I CA CO CA RI YANG SGROG PAR GYUR, GLING BSRE TSAR NAS PHUR BU LCOG TU SGRUB KHANG RIN PO CHE GRUB PA'I DBANG PHYUG CHEN PO MJAL BAR BYON PAS, RJE SGRUB KHANG PA CHEN PO SER RTZER PHEBS GRAB 'DUG PA DANG MJAL, DER BYIN RLABS ZHU BA MDZAD

, ,PAS GRUM RTZE RNYING SE BA ZHIG 'DUG PA DE'I KHAR 'KHOD LA 'DI RNAMS LONGS SPYOD CES LHA BSHOS DANG BYIN GYIS BRLABS PA'I NANG MCHOD RNYING PA'I CHA SHAS CUNG ZAD RE STZAL TE, NGA SGRUB KHAD DU 'GRO BAS 'DI KHYER SHOG GSUNGS NAS LCI BA SOGS ME SHING GIS GANG BA'I SGYE MO SHIN TU LCI BA ZHIG BSKUR BAR MDZAD PA NA, RJE 'DI PA'I THUGS LA DE RING BLA MA'I ZHABS TOG LA SHI BAR GYUR KYANG SHIN TU NAS 'TSENGS SNYAM DU SBRO BA TSED MED PA ZHIG 'KHRUNGS TE SNYING RUS BSKYED NAS KHYER PHEBS PAS, RJE GRUB PA'I DBANG PHYUG SGRUB KHANG PA CHEN POS KYANG BAR BAR DU SKU NGAL MDZAD BZHIN PAR GRUB PA'I DBANG PO DE NYID KYIS SNGAR DVAGS PO GRVA TSANG DU THUGS GNYER MDZAD LUGS THO RE BA ZHIG GSUNG BAR MOS GUS BRJOD LAS 'DAS PA RE 'KHRUNGS, SGRUB KHANG DU PHEBS SKABS SGRUB KHANG GI PHAN TSUN NA RGOD THANG SMUG RE BABS 'DUG PA RJE SGRUB KHANG PA CHEN POR CUNG ZAD KYANG MI BROS PAR SNANG BAS, 'DI RNAMS MKHA' 'GRO PHO MO JI LTA BU ZHIG GI SPRUL PA YIN SNYAM BA THUGS LA SHAR ZHING, SGRUB KHANG DU PHEBS ZIN NAS GRUB PA'I DBANG PHYUG CHEN POS RJE 'DI PA LA DE KHYOD RANG CHOS LEGS PO ZHIG BYAS NA 'ONG BAR 'DUG GSUNGS, RJE 'DI PAS, LAGS CHOS JI LTAR BYED ZHUS PAS, SGRUB KHANG RIN PO CHE'I ZHAL NAS, CHOS LEGS PO ZHIG BYED NA RI KHROD LA 'GRO DGOS, DE KHYOD KYIS YONG NGAM MI YONG BLTA'O GSUNGS NAS RNAL 'BYOR GYI DBANG PHYUG MI LA RAS PA'I MGUR 'BUM ZHIG LA DPE MO LAN GSUM 'DEBS PAR MDZAD PA THAMS CAD BZANG PO 'BA' ZHIG BABS, RJE BTZUN BLA MA 'DI BAS BLA MA'I ZHABS LA YAN LAG

MCHOG GIS BTUD DE, 'JIG RTEN 'JIG RTEN 'DAS PA'I DGE LEGS KYI, ZHES SOGS BKA' BZHIN BSGRUB PA'I MCHOD PAS MNYES PAR BYED NUS PA'I SMON LAM RGYA CHER 'DEBS PAR MDZAD DE, DE NAS SLAR YANG SER THEG PA CHEN PO'I GLING DU PHEBS NAS THOS BSAM GYI BYA BA LA NYIN MTSAN KHOR YUG TU GZHOL BA 'BA' ZHIG GIS DUS 'DA' BZHIN BA NAS, PHYI LO DE LA PHUR BU LCOG TU SLAR YANG RJE GRUB PA'I DBANG PHYUG DGE LEGS RGYA MTSO MJAL BAR BYON NAS, ,GSOL TSIGS THON TE DPON SLOB GNYIS KAS SA CHA RNAMS LA ZHABS BCAGS MDZAD CING SGRUB KHANG RIN PO CHES GNAS DE DAG TU SNGAR DGON PA CHAGS TSUL 'GA' ZHIG GSUNGS TE, DE DUS BAR KHANG MA GTOGS PHUR BU LCOG GI SGRUB SDE RNAMS CHAGS MA ZIN PA'I GNAS SKABS SU SNANG, DE NAS SER RTZER DKA' BCU 'PHAGS BA SKAL LDAN GYI DRUNG DU RE SHIG BZHUGS NAS, RGYAL BA'I DGONGS PA THAMS CAD KYI GNAD DAM PA SHING RTA CHEN BO KLU SGRUB DANG THOGS MED KYI GDAMS PA'I CHU BO GCIG TU 'DRES PA DPAL LHA GCIG D'I BAm KA RA'I BZHED SROL SKYE BO MCHOG GI CHOS LUGS BYANG CHUB LAM GYI RIM PA BLO BZANG RGYAL BA GNYIS PA'I LEGS BSHAD KYI SNYING PO BSDUS PA KUN GZIGS RGYAL MCHOG LNGA PA CHEN PO'I ZHAL GYI BUM BZANG LAS BYUNG BA 'JAM DPAL ZHAL LUNG YONGS SU RDZOGS PA THUGS LA GZUNGS, DE DAG GI TSE DKA' BCU LA MANG JA NAS ZHOGS JA RE SKYEL BA DE LA CHU RE BSRES NAS SKOL SKYAR MDZAD NAS GNYIS CAR GYIS GSOL, BKA' BCU BAS PHUG GZHAN ZHIG TU YUN RING DU THUGS DAM MDZAD, RJE 'DI PAS GNAS KHANG DE NYID DU 'DZIN SKYOR MDZAD DE 'JAM DPAL ZHAL LUNG TSANG MA

, ,THUGS 'DZIN MDZAD GRUB STE THUGS SU CHUD NAS PHYIR LOG PHEBS SKABS, RJE SGRUB KHANG PA CHEN PO'I DRUNG DU MJAL BAR BYON PAS, SGRUB KHANG PA CHEN POS KHAMS TSA BA'I BLA MA MA nI BA DANG MNYAM DU 'JAM DPAL ZHAL LUNG GI BLA MA'I RNAL 'BYOR SGOM TSUL BSLAB BYA DANG BCAS PA GNANG BAS THUGS SEMS LA SHIN TU 'PHROD PAR GYUR TE, GRVA SAR BZHUGS RING THUGS GNYER HUR THAG PA ZHIG BYAS TE, PHUGS SU DBEN PA'I RI SUL NAS RI SUL DU RGYU ZHING, RJE GRUB PA'I DBANG PHYUG SGRUB KHANG RIN PO CHE'I RNAM THAR LA MIG YAR BLTAS KYIS TSE 'DI BLOS BTANG BA'I SGRUB PA SNYING POR MDZAD PA'I DAM BCA' DRAG PO ZHIG THUGS LA 'KHRUNGS, LO DE'I DGUN KA'I DUS SU GLING BSRE'I BSHAD RING 'JAM DPAL ZHAL LUNG LA MDZAD PAS, 'DUS PA RGYA MTSO KUN GYI THUGS PHROGS SHING, DGE BA'I BSHES GNYEN MANG POS BZANG PO'I DPE RANG BZHAG BYUNG BAS SHIN TU LEGS ZHES GZENGS BSTOD PA'ANG MANG PO BYUNG GSUNGS, DE NAS BDAG NYID CHEN PO 'DIS, JI SKAD DU, DGE SLONG LA RAB TU GCES PA'I MDO LAS, DGE SLONG ZHES BYA CHOS KYI RGYAL MTSAN TE, ,DGE SLONG ZHES BYA RDO RJE'I SROG SHING YIN, ,DGE SLONG ZHES BYA SDUG BSNGAL SPONG BA YIN, ,DGE SLONG ZHES BYA RGYAL BA'I SRAS PO'O, ZHES GSUNGS PA LTAR, RGYAL BAS GSUNGS PA'I DAM PA'I CHOS KYI RGYAL MTSAN DAM BA GANG DU GNAS NA BSTAN PA RIN PO CHE MI NUB PA'I RDO RJE LTAR PAR BRTAN PAR BYED PA'I SROG SHING, RANG RGYUD LDAN GYI GANG ZAG GI RGYUD KYI NYON MONGS PA DANG BAG MED PA'I 'DOD PA MA LUS PA 'GOG PAR BYED PA'I CHU LON GYI MCHOG ,RGYAL BA SRAS DANG BCAS PAS BU

GCIG PA LTAR DGONGS PAR 'GYUR BA'I DPAL YANG DAG PAR STER BA, SO SO THAR PA'I SDOM PA THAMS CAD KYI YANG RTZE DGE SLONG GI DNGOS PO'I NOR BU RIN PO CHES THUGS KYI BANG MDZOD YONGS SU GANG BAR MDZAD PAR BZHED DE, DE YANG DE BZHIN GSHEGS PA THUGS RJE CAN DE NYID KYIS BSTAN PA RIN PO CHE 'DI THUN MONG BA'I GDUL BYA RNAMS KYI SNANG NGOR LO LNGA STONG LNGA BRGYA'I BAR DU GNAS PAR GSUNGS SHING, TSUL DE LA'ANG SEMS CAN BSOD NAMS MA YIN PA'I LAS CAN DAG GI LAS KYI MTHU LAS, 'DZAM BU'I GLING GI CHU BO S'I TA'I LHO PHYOGS KYI CHA RNAMS SU LOG PAR LTA BA'I KLA KLO'I CHOS DAG GIS SANGS RGYAS KYI BSTAN PA LA GNOD PAR GYUR PA NA, BYANG PHYOGS RIG PA 'DZIN PA'I GNAS SHAMBHA LA'I YUL DU RIGS DANG DKYIL 'KHOR RGYA MTSO'I MNGA' BDAG SANGS RGYAS SNANG BA MTHA' YAS DUR SMRIG GAR GYIS RNAM PAR ROL PA PAn CHEN THAMS CAD MKHYEN PA, YAB RGYAL PO PHYAG NA RDO RJE'I SPRUL PA MTHA' YAS RNAM RGYAL GYI SRAS, RIGS LDAN DRAG PO 'KHOR LO CAN DU 'KHRUNGS NAS 'JIG RTEN GYI GNAS LUGS THAMS CAD KUN NAS RMONGS PAR BYED PA RTA MCHOG GI TING NGE 'DZIN PHYI ROL PAS KLA KLO'I RGYUN MA LUS PA DRAG POS TSAR BCAD DE, DE BZHIN GSHEGS PA'I BSTAN PA MA LUS PA SLAR YANG RDZOGS LDAN GYI DPAL DU BYED PAR GSUNGS PA DE'I TSE'ANG BSTAN PA LA BYA BA LHAG PAR MDZAD PAR BZHED CING, DON DE LA DGONGS NAS PAn CHEN THAMS CAD MKHYEN PA CHEN PO LAS BSNYEN RDZOGS KYI SDOM PA BZHES NA RTEN 'BREL GYI GNAD RMAD DU BYUNG BA DAG YOD PAR GZIGS TE, ZIN DPON CHUNG ZHES PA ZHIG LA GROGS BCOL NAS GTZANG GI PHYOGS SU ZHABS KYI PADMO NYE BAR

, ,BKOD, GONG DU SMOS PA'I RGYU MTSAN 'DI RNAMS KYANG 'OL TSOD MA YIN GYI, RJE BTZUN BLA MA GANG GI GSUNG LAS THOS PA RNAMS BRIS PA YIN, DE LTAR CHOS SDE CHEN PO BKRA SHIS LHUN POR PHEBS NAS RJE NYID DGUNG LO NYER GSUM PA SBRE'U LO'I ZLA BA DANG PO'I TSES BCU DGU'I PHYI MA RE DA KYI CHA LA BABS PA NA, CHOS GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI LTE BA BLA BRANG RGYAL MTSAN MTHON PO'I GZIMS CHUNG YID DGA' CHOS 'DZIN DU, RIGS DANG DKYIL 'KHOR RGYA MTSO'I MNGA' BDAG SANGS RGYAS SNANG BA MTHA' YAS DUR SMRIG GAR GYIS RNAM PAR ROL PA 'DUL BA 'DZIN PA RNAMS KYI GTZUG NA MNGON PAR BRJID PA'I PAn CHEN PHYOGS THAMS CAD LAS RNAM PAR RGYAL BA RJE BTZUN BLO BZANG YE SHES DPAL BZANG POS MKHAN SLOB ZUNG 'BREL DANG, MKHAS PA'I DBANG PHYUG YONGS 'DZIN BSOD NAMS GRAGS PAS GSANG STE STON PA'I SLOB DPON MDZAD CING, GZHAN YANG 'PHAGS PA'I RIGS BZHI LA SOGS PA GNAS BRTAN DU 'OS PA'I YON TAN GYIS RGYUD PHYUG PA'I DGE SLONG DAG GIS KHA SKONG BAR MDZAD NAS, DGE 'DUN GRANGS TSANG BA'I DBUS SU DE BZHIN GSHEGS PA MNYAM MED SH'AKYA'I RGYAL PO'I BSTAN PA LA ZHUGS PA YONGS SU RDZOGS PA DGE SLONG GI DNGOS PO YANG DAG PAR BZHES TE, SBYANGS PA'I YON TAN BCU GNYIS LA SNYING STOBS KYI CHA KUN NAS MI DMAN PA DANG, 'PHAGS PA'I RIGS BZHI LA GNAS PA DANG, LHA DANG BCAS PA'I 'JIG RTEN KUN GYIS GTZUG NA BKUR BA DANG, TSUL KHRIMS KYI PHUNG PO YONGS SU RDZOGS PA'I GNAS BRTAN GYI GO 'PHANG MNGON DU GYUR PA LA

SOGS PA GZHI BCU BDUN DANG, LUNG RNAM 'BYED DANG, LUNG PHRAN TSEGS LA SOGS PA DAM PA'I CHOS 'DUL BA RANG GZHUNG GI SKABS LAS JI LTAR BSTAN PA'I YON TAN RIN PO CHE PHRA RAGS DU MA'I NYI ZLA SKAR GSUM GYI TSOM BUS BDAG NYID CHEN PO 'DI'I SKU GSUNG THUGS KYI KUN GSAL KUN NAS KHEBS SHING BKRA BAR GYUR TE, DE NAS BZUNG DUS KUN TU 'DUL BA'I PHYAG LEN GYI CHA PHRA MO RNAMS KYANG MA NYAMS PAR PHYAG LEN DU BTAB CING, RGYAL GZHAN DON GYI DGOS PA 'GA' ZHIG GI PHYIR NYAMS PA RNAMS KYANG ZHAG TU MI 'GROGS PAR PHYIR BCOS PA SOGS RGYAL BA'I BSTAN PA'I RTZA BA SO SO THAR PA LA BYA BA BYED PA'I PHYIR 'PHAGS PA RTA THUL LAM NYE BA 'KHOR SLAR YANG BYON PA LTAR MDZAD DO, ,SMRAS PA, SNAM SBYAR RGYAL MTSAN 'OD KYI DRA BA YIS, ,KUN NAS BRJID PA'I DGE SBYONG NYI MA 'DIS, ,BDAG BSTAN PAD TSAL RGYAS PAR 'GYUR RO ZHES, ,DPAL STUG GANG DE ZHAL GYI MCHU SGROS BZHAD, ,'PHAGS PA'I RIGS BZHI'I BRTUL ZHUGS SE RAL PHRENG, ,NGA RGYAL MED PA'I TSUL KHRIMS SRAD BU YIS, ,BAG YOD PHRAG PAR 'CHANG BA'I DRANG SRONG ZHIG ,SDE BZHI'I NAGS TSAL STUG POR CI DGAR RGYU, ,LHUNG BZED BUNG BA'I 'PHUR LDING MDZES GYUR CING, ,RNAM GSUM LO 'DAB DUL BA'I BSER BUS G-YO, ,'CHAL SPANGS DRI NGAD PHYOGS BRGYAR 'PHRO BA YI, ,'DAB BRGYA PA 'DI THUB BSTAN RDZING BU'I RGYAN, ,BYI DOR MA BYAS GZI BRJID 'BAR, ,RGYAN RNAMS SPANGS PAS RAB TU BKRA, ,SPOS DANG BRAL BAS DRI ZHIM CAN, ,SGYU MA 'DI NI SU YIS SPRUL, ,SHING DRUD GNAS MCHOG PHYAG DAR KHROD, ,GOS DANG SLONG MOS 'TSO GYUR KYANG, ,MIG STONG LDAN PAS BLTA

, ,BYED CING, ,TSANGS PA'I GTZUG GI NOR BUS GTUGS, ,MTHO RIS MYA NGAN 'DAS PA YI, ,LCAGS KYI KHAMS RNAMS MA LUS PA, ,ZHI DUL DUR SMRIG KHA BA LEN GYIS, ,DA LTA NYID DU 'DREN PA 'DRA, ZHES BYA BA NI BAR SKABS KYI TSIGS SU BCAD PA'O,, DE NAS DBUS PHYOGS SU PHYIR PHEBS TE SLAR YANG THOS BSAM LA BRTZON PAR MDZAD NAS RJE BDAG NYID CHEN PO KHAMS GSUM CHOS KYI RGYAL PO SHAR TZONG KHA PA CHEN PO'I YE SHES KYI ROL PA DANG SMON LAM GYIS BSKRUN PA, RGYAL BA'I SPRUL PA'I SKU RGYAL BA SH'AKYA MU NE'I MDUN SAR CHO 'PHRUL GYI DUS CHEN PO'I SKABS SU MCHOD CING, SMON PA LHA SA SMON LAM CHEN MOR GRAGS PAR GRVA BSKOR MDZAD PA'I SKABS MNGON DU GYUR PA NA, TSUL DE LEGS PAR BSGRUBS TE BSHAD RTZOD GNYIS KYI SGO NAS RGYAL BA'I BSTAN PA RIN PO CHE'I ZHABS 'DEGS SU 'GYUR BA ZHIG BYA'AM, YANG NA CHOS BRGYAD KYI SPROS PA RNAM PAR DGAG PA'I PHYIR BSHOL BAR BYA SNYAM DU DGONGS TE, RJE SGRUB KHANG PA CHEN POR JI LTAR RIGS ZHU 'PHRIN GYIS GSOL BAS, LAN DU PHYAG BRIS SHIG STZAL TE, LAGS MING BTAGS MI MDZAD NA SMOS DGOS MED CING, DE MIN DA LAM RANG MING BTAGS BZANG BA 'DRA BAS DGONGS, ZHES PA ZHIG STZAL BAR BRTEN DGUNG LO NYER LNGA PA ZLA BA DANG PO'I CHO 'PHRUL MCHOD PA SMON LAM CHEN MO'I DUS SU LUNG DANG RIGS PA DRI MA MED PA'I YON TAN GYIS RGYUD PHYUG CING TSUL KHRIMS RNAM PAR DAG PA LA BRTEN PA'I MKHAS MANG 'DUS PA RGYA MTSO'I DBUS SU SMON LAM GRVAR SKOR MDZAD PAS, BYANG CHUB SEMS DPA' RDZOGS PA'I SANGS RGYAS SU BGROD PAR BYED PA'I ZAB PA DANG RGYA CHE BA'I LAM RNAMS

PHUL DU PHYIN PA 'CHAD PAR BYED PA'I BSTAN BCOS CHEN PO DBU PHAR GNYIS KYIS MTSON, RANG DANG GZHAN GYI GRUB PA'I MTHA' RGYA MTSO LTA BU RNAMS KYI DKA' BA'I GNANG MTHA' DAG LA DGAG BZHAG SPANG GSUM GYI CHA MA LUS PA RGYAL BA'I DGONGS PA RJE YAB SRAS KYI MAN NGAG LAS 'BYUNG BA BZHIN TSIG LA MI BRTON DON LA BRTON, GZHAN GYI SMRA BA LAN MED DU BYED PA'I PHYIR MA YIN GYI, RANG GI SEMS 'DUL BA'I PHYIR YIN ZHES BSHAD PA'I LEGS BSHAD KYI NGA RO'I SGRAS, STON PA MNYAM PA MED PA SH'AKYA'I RGYAL POS GTZO MDZAD PHYOGS BCU'I RGYAL BA SRAS DANG BCAS PA THAMS CAD LEGS PAR MCHOD CING, DER TSOGS KYI DGE 'DUN THAMS CAD MCHOG TU MOS SHING DVANG PA DANG 'DUN PA DANG SPRO BA RNAMS PHAN TSUN 'GRAN PA BZHIN DU GYUR, DE SKABS RJE GRUB PA'I DBANG PHYUG DGE LEGS RGYA MTSOS KYANG PHA ROL PO LA KHRO SEMS MA SKYES PA GAL CHE BA YIN ZHES GSUNGS PA THUGS LA BRNAGS PAR MA ZAD SLOB GNYER GYI DUS KUN TU, RJE SGRUB KHANG PA DE LA SANGS RGYAS DNGOS YIN SNYAM PA'I 'DU SHES 'BAD RTZOL LAM LTOS PAR RANG SHUGS KYIS SKYA ZHING, DE'I STOBS KYIS RANG GI DGON PA DANG SLOB GNYER BYED PA'I GROGS DANG, DPE CHA DANG MTHUN RKYEN ZAS GOS LA SOGS PA THAMS CAD LA BLA MA'I RNAM 'PHRUL DANG RANG NYID 'DUL BA'I DON DU SPRUL PA SHA STAG YIN SNYAM PA NAR MAR 'ONG GIN YOD PA'I STABS KYIS, DE'I TSE'ANG KHRO BA LA SOGS PA SKAD CIG KYANG MA BYUNG ZHING, GSANG PHU SOGS SU RNAM 'GREL LA CUNG ZAD SBYANGS PA BYAS PA'I DGE BSHES ZHIG NAS RIGS PA LTAR SNANG MANG PO KHYER TE LEGS PAR BSHAD PA SUN DBYUNG DU BYUNG BA LA'ANG

, ,LUNG RIGS DRI MA MED PAS SUN PHYUNG BA LAS MI BDE BA'I RNAM PA CUNG ZAD KYANG MA BYUNG GSUNG STE, 'DI DAG NI DE BZHIN GSHEGS PA'I GSUNG RAB LA NYAMS MYONG CAN GYI SKYE BOS BRTAGS NA RGYAL BA'I SRAS KYI SBYOD PA DPAG PAR DKA' BA ZHIG YIN NO, ,DE LTAR SMON LAM GRVA BSKOR GRUB NAS SKABS SHIG RJE SGRUB KHANG RIN PO CHE MJAL DU SER RTZER PHEBS PAS, SKAL LDAN GYI GDUL BYA MANG PO LA SMON SEMS CHO GA'I SGO NAS 'BOGS PA'I SKABS SU PHEBS, DE DUS RJE SGRUB KHANG PA'I ZHAL NAS, SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I BLO SHUGS CAN ZHIG BSKYED NAS, BLO DE SANGS RGYAS MA THOB KYI BAR DU MI GTONG SNYAM DU DAM BCA'I TSUL GYIS 'DZIN CING, SMON SEMS KYI BSLAB BYA LA SLOB MI NUS PA RNAMS KYIS DAM BCA' CAN BZUNG NA NYEN CHE BAS SEMS BSKYED PA TZAM BYA'O GSUNGS BYUNG BAS, RJE 'DI'I THUGS LA SNGON SKYE BA THOG MA MED PA ZHIG NAS 'DOD YON LA CHAGS PA'I DBANG GIS NGAN 'GROR SKYES PA CI TZAM ZHIG BYAS TE SEMS BSKYED DAM BCA' CAN BZUNGS NAS BSLAB BYA LA SLOB MA NUS, PAS NGAN 'GROR SKYE MA MYONG BA'I TSOD DU 'DUG NA, DA NI SEMS BSKYED KYI DAM BCA' NYAMS PA'I DBANG GIS NGAN 'GROR LHUNG YANG SHIN TU 'TSENGS SNYAM NAS SEMS BSKYED DAM BCA' CAN MDZAD DE, DKA' BCU 'PHAGS PA SKAL LDAN GYI GSUNG NAS, DE RING SEMS BSKYED LUGS JI LTA BU BYAS GSUNG BA LA, SEMS BSKYED JI LTAR MDZAD LUGS RNAMS RGYAS PAR GSUNGS PAS DKA' BCU NAS KHYOD SNYING STOBS CHEN PO ZHIG YIN 'DUG GSUNGS, ZHES HA LAS 'DUG GSUNG STE TSUL 'DI YANG DPAG PAR DKA' BA'I RNAM PAR

THAR PA'O, ,DUS TSOD 'DI TZAM GYI DUS SHIG SE RA RTZER THE BO DKA' BCU BRTZON 'GRUS SENGGE ZER BA ZHIG YOD PA DES THUGS DKRUGS PA'I DBANG GIS RJE GRUB PA'I DBANG PHYUG DGE LEGS RGYA MTSO DE 'OL KHA PHYOGS LA PHEBS, RI KHROD 'DZIN PA'I DGE SLONG RNAMS NAS TSUR GDAN 'DREN GYI THABS MANG PO ZHIG BYAS KYANG PHEBS MA BZHENG PAS, DE'I RKYEN GYIS DKA' BCU 'PHAGS PA SKAL LDAN SROG RLUNG ZHUGS PA LTAR BYAS TE, RJE 'DI PA'I DRUNG DU BYUNG NAS, KHO DE BYAMS PA BLA MA SGRUB KHANG RIN PO CHE DE KHONG RE GNYIS KYIS THUGS DKRUGS PAS BZHUGS ZOS MA BDE BAR 'OL KHAR BYON, CI BYAS KYANG 'BYON MNYAN KHYOD LA KHA BTAGS SHIG YOD NA TSUR THONGS, DE ZHU RTEN BYAS NAS TSUR PHEBS DGOS PA'I ZHU YIG 'BUL RGYU YIN ZHUS PAR BRTEN KHA BTAGS DBANG LDAN ZHIG PHYAG NA YOD PA DE SMON LAM GYIS MTSAMS SBYOR NAN TAN DU MDZAD NAS STZAL BAS, DKA' BCUS KYANG DE DANG PHYING PA DKAR PO ZHIG ZHU RTEN DU BCUG STE SPYAN 'DREN GYI ZHU 'PHRIN PHUL BAS SBYIR RTEN 'BREL KHYAD PAR CAN 'GRIG CING, YANG SGOS SU RJE BYAMS PA'I MTSAN CAN 'DI BA'I THUGS SMON DRI MA MED PA'I MTHU LA BRTEN NAS 'BYON PAR ZHAL GYIS BZHES TE, DE SKABS RJE 'DI PA SDE BZHI'I GZHUNG DU DEB MTSAMS LA BZHUGS YOD PA'I DUS SHIG MNAL LAM DU SGRUB KHANG RIN PO CHE SER RTZER PHEBS KYIN 'DUG PA LA RI KHROD PA RNAMS KYIS CHOS GOS GSOL, MCHOD RDZAS THOGS NAS CHOS LA SGANG DU GRAGS PA DE NAS BSU BA DANG SER PHRENG MDZAD NAS PHEBS SONG BA ZHIG BYUNG BAR TSES GRANGS BZUNGS NAS RJES SOR DRI BA MDZAD PAS MNAL LTAS LA JI LTAR BYUNG BA BZHIN PHYI NYIN DGE

, ,SLONG RNAMS KYIS BSU BA MDZAD NAS PHEBS 'DUG GSUNGS, RJE SGRUB KHANG PA CHEN POS 'OL KHAR PHEBS RING LA AA BO KHRA 'BUR SOGS LA ZHAL BKOD GNANG STE, PHUR BU LCOG GI RIGS GSUM LHA KHANG BZHENGS PAR CHED DU BGYIS PA MIN YANG ZLA GAM GZUGS SHIG BYUNG BA SGRUB KHANG RIN PO CHES DBANG GI RTEN 'BREL 'GRIG CES GSUNGS PA PHYIS SU RGYA HOR BOD SOGS KYI BLA DBON SOGS MCHOG DMAN GRANGS MED PA 'DU ZHING DE DAG GIS BSNYEN BKUR GRANGS MED PA 'ONG BA'I RTEN 'BREL DU SNANG ZHES RJE BTZUN BLA MA 'DI PA YANG YANG GSUNGS, LAN CIG KHAMS NAS SGRUB KHANG RIN PO CHER 'BUL RGYU'I GRI RKANG ZHIG BSKUR BYUNG BA 'BUL BAR RJE 'DIS PHEBS, DE'I TSE RJE SGRUB KHANG BA CHEN PO SPO 'BOR BA'I GRVA PA GNAS BSKOR BA ZHIG LA GCOD KYI DBANG GNANG GRABS 'DUG PA DANG RTEN 'BREL 'GRIG NAS GRVA PA DE DANG MNYAM DU RJE BYAMS PA RIN PO CHER YANG GCOD DBANG NAM MKHA' SGO 'BYED KYI BYIN RLABS SHIN TU RGYAS PAR STZAL TE, GNAS LUGS NGO SPROD KYI SKABS, NYON MONGS SKYON RNAMS MA LUS 'JIG TSOGS LA, ZHES SOGS 'JUG PA'I LUNG LA BRTEN NAS BDAG MED PA RNAM PA GNYIS KYI TSUL GTAN LA 'BEBS PA'I GSUNG BSHAD SHIN TU RGYAS PA ZHIG STZAL BAS DBYINGS DANG RIG PA DBYER MED DU BSRE BA DANG, THABS SHES ZUNG 'JUG GI NYAMS LEN LA BRTEN NAS BDAG 'DZIN BTZAN THABS SU GCOD BA'I MA GCIG LABS KYI SGRON MA'I CHOS RNAMS LA NGES PA GTING TSUGS PA 'KHRUNGS, DE SKABS NYI MA PHYI MOR SONG BAS PHYIR PHEBS MA THUB STE SGRUB KHANG RIN PO CHES DKA' BCU PA'I THAD DU SDOD LA SANG SNGA

BAR SHOG GSUNG BLTAR, RJE NYID KYI KHU BO DKA' BCU 'PHAGS PA SKAL LDAN GYI DRUNG DU DE NUB BZHUGS NAS SANG NYIN SNGA MO ZHIG PHEBS PAS THUGS DAM MA GRUB PAR SGO DRUNG DU CUNG ZHIG BZHUGS, MTSAMS SHIG LA SHES RAB SNYING PO DANG LAM RIM BRGYUD PA'I GSOL 'DEBS SHIG MDZAD PA'I RJES SU GZIMS KHANG GI SGO PHYE BYUNG BA DANG NANG DU PHEBS PAS, DER ZHABS PHYI SU'ANG MI SNANG ZHING SGRUB KHANG RIN PO CHE NYID KYIS ME LCAGS BTAB STE ME GSOS NAS MCHAN NYID PA ME GTONG BA MKHAS PO YONG BAS ME THONGS SHIG GSUNGS ME'I BYA BA MDZAD KYIN YOD DUS SGRUB KHANG PA CHEN PO'I ZHAL NAS SENG LDENG NAGS KYI SGROL MA'I RJES GNANG AE THOB GSUNG BAR MTHOB ZHUS PAS, 'O MTSAN NYID PA'I LHAG PA'I LHA SENG LDENG NAGS KYI SGROL MA 'DI YIN PAS RJES SOR BRDA ZHIG GTONG BAS DE DUS SHOG DANG, 'DI'I RJES GNANG ZHIG BYED GSUNG BAR, BLA MA 'DIS BKA' DRIN CHE ZHES GSOL, YANG SGRUB KHANG RIN PO CHE'I ZHAL NAS KHYOD RANG SLOB GNYER LEGS PO ZHIG GYIS LA, DE NAS DA'I THAD DU SHOG DANG LAM RIM GYI KHRID LEGS PO ZHIG BTANG GI DE NAS KHYOD RANG GIS LAM RIM LA SHA CHOD RUS CHOD DU SBYANGS NAS RANG NYID MGO BO DKAR POR SONG, LUS 'KHYOR ZHING NA TSOD KYANG GTUGS, LTO SKYAL GOS HRUL BA GZHAN GYIS MTHONG NA SNYING RJE SKYE BA, RANG NYID NANG DU CHOS KYI DGA' BA DES TSIM PA, GZHAN DAM PA'I CHOS MI DRAN PAR TSE 'DI'I STOBS 'BYOR GYIS DREGS PA TSOL PHAR SNYING RJE SKYE BA ZHIG BYED DGOS GSUNGS SHING, RGAS PA'I GSUNG 'PHROS RNAMS MDZAD PA'I TSE JA DKRUGS SHIG LA PHYAG 'KHAR LTAR GNANG STE SKU LUS 'KHYOR BA LTAR MDZAD PAR

, ,BRTEN SKU TSE RING RAB YONG BA YIN NAM SNYAM PA THUGS LA SHAR ZHING, DUS PHYIS SHIG 'JAM DBYANGS DMAR SER DANG SENG LDENG NAGS KYI SGROL MA'I RJES GNANG GNYIS KYANG DGYES PA CHEN POS STZAL, DE LTAR SE RA THEG PA CHEN PO'I GLING GI BYES MKHAS MANG GRVA TSANG DU THOG MAR THUGS GNYER LA PHEBS PA NAS BZUNGS TE, SPYIR DAL 'BYOR RNYED DKA' BA DANG DON CHE BA DANG 'JIG SLA BA'I GNAS TSUL DANG SRID PA'I PHUN TSOGS 'DI THAMS CAD NAM MKHA'I GLOG GAM CHU'I LBU BA RDOS PA LTAR SKAD CIG KYANG MI BRTAN PA'I RANG BZHIN CAN DU LEGS PAR DGONGS NAS, THOS BSAM GYI BYA BAS RANG GIS LAN CIG TZAM RNYED PA'I DAL 'BYOR DON YOD PAR BYA BA DANG, RGYAL BA'I BSTAN PA RIN PO CHE'I GNAD RNAMS LA MA RTOGS PA DANG LOG PAR RTOG PA DANG THE TSOM GYI DRI MA MA LUS PA DRUNGS PHYUNG STE RGYAL BA DGYES PA'I LAM BZANG GIS SANGS RGYAS KYI BSTAN PA NYIN MO LTAR GSAL BAR BYA BA DANG, RANG GZHAN GYI RGYUD LA NYON MONGS PA'I DBANG GIS RANG 'KHRUNGS SU YOD PA'I GRUB PA'I MTHA' LOG PAR RTOG PA CAN RNAMS SUN DBYUNG BAR BYA BA RNAMS KYI CHED KHO NAR GSUNG RAB KYI TSIG DON KHONGS SU CHUD PAR BYA BA DANG, DE DAG GI DON LA SEMS PA DANG, MTHA' YONGS SU GCOD PA'I PHYIR BRGAL ZHING BRTAG PA'I BYA BA RNAMS NGES 'BYUNG BYANG SEMS YANG DAG PA'I LTA BA STE LAM GYI SROG GSUM GYIS LEGS PAR BRGYAN NAS, RANG RGYUD 'DUL BA'I THABS SU 'GRO NGES PAR BRTZON PA DRAG POS NYAMS SU BZHES PA 'BA' ZHIG LAS, TSE 'DI'I RNYED BKUR SNYAN GRAGS SOGS DON DU GNYER BA DANG CHEN PO DAG GI

YID 'DZIN PAR BYA BA'I CHED DANG, BDAG NYID RGYAL 'DOD DANG GZHAN DMA' DBAB PA'I SBYOR BA LHUR LEN PA SOGS RING DU SPANGS PA KHO NAS DUS 'DA' BAR MDZAD DE, NYID KYI GSUNG LAS, NGED GRVA SAR SDOD RING LA ZHOGS KA GCIG KYANG CHOS GRVA'I DGONGS PA ZHUS NAS DGON PA'I KHROM LA 'GRO MA MYONG, DGOS PA CHEN PO MED PAR TSOGS THENG GCIG BCAG NAS SHAG TU KHA YANGS BYAS NAS LAN CIG KYANG BSDAD PA MED, SKABS 'GAR RLUNG SENG GI STABS KYIS DPE CHA MA BYUNG BA LAN RE GNYIS MA GTOGS PHA YUL NAS YONG DUS RANG GI BLA MA'I ZHAL CHEMS DANG, PHA RGAN POS BSLAB BYA BYAS PA RNAMS SNYING LA BCUG STE GRVA SA DANG RI KHROD SOGS SU SDOD BA'I SKABS GANG DU'ANG BAG MED KYI LONG GTAM DANG TSOGS 'DU SOGS LA 'DZEM PA CHEN PO BYAS, SHAG MTSES PAS BYANG LA GRONG CHOG RGYUG PAR PHYIN, TSUR YONGS NAS JA DKRUGS ZHOB RANG ZER GYIN JA SKOL, SHA BTZOS NAS TSOGS 'DU KHO NA BYED MKHAN 'GA' ZHIG YOD DE, DE 'DRA LA SMON PA SKYE MA MYONG, DBYAR GYI DUS SU CHOS GRVA'I NANG DU SHING GI BSIL GRIB LA 'DUG TZAN, STENG NAS DPON POS SDUG GTONG MKHAN NI MED, 'OG NA G-YOG GI MGO 'DON BYED DGOS SOGS NI MED PAR, RANG GCIG PU'I BSAM BLO DANG DBE CHA'I BSAM BLO BTANG NAS SNANG BA GANG BDER BSDAD CHOG PA 'DI B'DRA GZHAN LA BLTOS NA BDE BA CAN DU SLEB PA'I TSOD DU 'DUG SNYAM NAS DGA' SPRO SKYE BA DANG, YANG SKABS 'GAR LHO GZHOL BA, BYANG SKYABS PA MI MTHO MI DMA' BA'I RI'I NGOGS SHIG TU BRAG PHUGS DRI CHING DE BA'I NANG DU LTO SKYA LA GOS HRUL BA BYAS, LTOGS PA DANG SKOM PA BYUNG YANG SDUG BSRAN BSKYED NAS DKON

, ,MCHOG LA SKYABS 'GRO BYED KYIN MI TSE CHOS LA SKYEL BA ZHIG NAM 'ONG NA SNYAM PA'I BLO RE CHOS GRVA'I NANG DU 'DUG PA'I SKABS PHAL CHE BAR YOD CING, LAN CIG KHANG TSAN GYI GRVA PA GRONGS PA ZHIG GI CHAS KAS TSOM JA BZANG PO NYIN MANG PO SBREL NAS BTANG BYUNG BA NA PHAL CHER ZAS LA DGA' BA BZHIN DU LONGS SPYOD CING, 'CHI BA MI RTAG PA DE KHO GCIG BU'I STENG DU 'ONG BA LAS GZHAN DU RANG RANG GI STENG DU 'ONG SNYAM PA YE MED PAR GSHAGS RGYAG DANG GAD MO DI RI RI 'DUG PAS DE DAG GI SNANG TSUL MTHONG BA DANG RANG YANG NAM 'CHI NGES PA MI 'DUG SNYAM MCHI MA MANG PO SHOR ZHING DE'I RING LA BZA' BTUNG GI BRO BA MI TSOR BA BYUNG, RGYAL PO LHA BZANG GIS BOD LA LUNG THOB NAS NYANG BRAN SKOR DANG KHYAD PAR SDE SRID KYI KHANG KHYIM GRONG SMAD GZHIS KA LHA BZANG GIS GRVA PA RNAMS LA BYIN PA YIN ZER NAS, GRVA PA 'DOD PA CHE BA MANG PO KHYIM PA'I CHAS KA LEN PAR 'GRO GIN 'DUG PA LA GROGS 'GA' ZHIG GIS NGA LA'ANG CHAS LEN PAR 'GRO ZER BYUNG YANG, 'GRO BA DAG HA CANG CHE STE GRVA PA GZHAN GYIS KHYIM PA'I CHAS KHA KHYER 'ONGS PA MTHONG TZAN, RAB TU BYUNG BA'I CHA LUGS 'DI 'DRA BZUNGS NAS KHYIM PA DAG GIS 'BAD RTZOL GYIS DKA' BA DU MAS BSGRUBS SHING, RANG GIS KYANG SPYONG MI NUS PA RNAMS KHYER 'ONGS PHOD PA 'DI 'DRA GA LA RIGS SNYAM DU SEMS LA MA BZOD PA SNYING RLUNG LANGS PA LTA BUS, RANG GI SHAG TU BZHUGS TE SGO GTAN BCAD NAS 'DUG KYANG NYIN GANG POR 'CHI MA RGYUN MI CHAD PAS LUS SEMS HA CANG THANG CHAD PA ZHIG BYUNG GSUNGS TE, DE DAG NI DAM PA'I SPYOD PA RMAD DU BYUNG BA BSTAN PA'I GZHI MA DAM PA'I CHOS 'DUL

BA NGANG RGYAL BA'I SRAS KYI SPYOD PA'I CHA GNYIS KA DANG MTHUN ZHING, SNGON GYI BKA' GDAMS PA'I DGE BA'I BSHES GNYEN NGES PA DON GYI BYA BTANG BA RNAMS DANG RJE BTZUN BLA MA KHAMS GSUM CHOS KYI RGYAL PO BLO BZANG GRAGS PA YAB SRAS KYI MDZAD PA DANG LEGS PAR MTSUNGS PA'I MKHAS PA MGU BAR BYED PA'I RNAM PAR THAR PA'O, ,DE DAG LA 'DI LTAR BSGRAG STE, ,'JAM DPAL RDO RJE RNON PO DUR SMRIG CAN, ,YE SHES 'OD ZER SPRO BSDU RTZE GCIG PA'I, ,RNAL 'BYOR KYO BA GANG GI KHA RNON LA, ,ZAB GSAL MYUR BA'I GNYIS 'THUNG CI DGAR DRANGS, DE SLAD BLO GROS MCHE BA DKAR PO DRUG ,BRTZON 'GRUS STON GYI BSIL BYED DAR BA'I DPAL, ,YANG YANG 'THUNGS PA'I 'TSER 'OD CAN GYI PHRAG ,THABS SHES TSONG ZONG MANG PO KHUR DU THOGS, ,GSAL BA'I SA LE SBRAM DANG MYUR BA YI, ,KHANG+GA ZAB PA'I NOR BU'I PHUNG PO'I TSOGS, ,GZHUNG TSIG KHYIM BDAG GIS BYIN RIN GYI DBYA, ,NGO MTSAR SNA TSOGS SNYING DBUS MDZOD DU 'KHYIL, ,LEGS BSHAD BZA' DANG BCA' BA'I 'BYOR PA YIS, ,PHONGS PAR GYUR LA BSHAD RTZOD RO ZHIM DPAL, ,CI DGAR BYIN PAS LUNG RIGS LUS BRTAS TE, ,SHES BYA'I GNAS LA BLO GROS GYAD RTZAL 'GRAN, ,THOG MA MED NAS BAG YOD GROGS PO DANG, ,MA BRAL MDZA' BAS GCUGS PA'I DBEN PA'I GNAS, ,GCIG TU 'DOD PA'I KHUR GYIS NON PA NI, ,SO KA'I NYI MAS GLANG CHEN PAD MTSOR BZHIN, ,RGOL BA LTA NGAN SGROG PA'I WA SKYES DANG, ,LEGS BSHAD NGA RO BZHAD PA'I MCHE SDER CAN, ,KUN KYANG RGYAL BA'I GSUNG GI GAD BRGYANGS NI, ,CI DGAR BSGRAGS PAS SKRAG DANG DGA' BA STER, ,STONG NYID NAM MKHA'I NGOS YANGS

, ,KUN RDZOB KYI, ,NYI ZLA BSNYON MED 'CHAR BA BDEN STONG BA'I, ,SHES RAB SGRA GCAN LTO BAR 'THUNGS PAS NI, ,'JIG LTA'I 'OD NGAN MTHA' BRAL DBYINGS SU BROS, ,DUR SMRIG DUL BA'I RLUNG GIS LHA BA LHUB TU, ,G-YO BA'I MDZES PA GCIG TU 'DUS PA 'DIS, ,RTA THUL SKYENGS NAS NAGS KHROD STUG PO'AM, ,ZHI BA'I DBYINGS SU KHA ROG MI MNAL LAM, ,RGYAL SRAS RGYA CHEN SPYOD DANG ZAB MO'I LTA, ,PHAN TSUN GROGS SU KHYER BA'I DKA' BA'I GNAD, ,TSIG GI GZUGS SU BKOD PA'I MCHOD SPRIN LA; ;RGYAL BA SRAS BCAS RTAG TU GZIGS PAR GYUR, ,'DI DAG KUN GYI GNAS SKABS SU, ,GRUB DBANG ZHAL GYI BUM BZANG LAS, ,BYANG SEMS BDUD RTZI 'THUNGS PAS NI, ,'GRO LA SPYAN RAS GZIGS LTAR BRTZE, ,'KHOR BAS SKYO BA'I SE MO DO, ,PHAN SEMS MTHAR THUG DO SHAL DANG, ,NAM MKHA' SGYU MA ZUNG 'JUG PA'I, ,DRA PHYED BKRA BA'I RGYAN GYIS BRJID, ,YON TAN RGYA MTSO LTA BU LAS, ,'DIR NI CHA SHAS TZAM ZHIG STE, ,YONGS SU RDZOGS PAR BRJOD PA LA, ,SH'A RI'I BU'ANG MI NGAL LAM, ZHES RJE BTZUN BLA MA DAM PA BKA' DRIN MTSUNGS PA MED PA GANG GI RNAM PAR THAR PA RGYA MTSO LTA BU LAS CHA SHAS TZAM BRJOD PAR BYED PA'I GTAM DAD PA'I 'DAB BRGYA BZHAD PAR BYED PA'I NYI MA ZHES BYA BA LAS, DKA' BA'I GNAD RNAMS LA BLO GROS KYI 'JUG PAS THOS BSAM GYIS SGRO 'DOGS BCAD PA'I 'OD ZER TE GSUM PA'O,, ,, ` DE LTAR BDAG NYID CHEN PO 'DIS GZHI TSUL KHRIMS RNAM PAR DAG PA LA BRTEN NAS RGYAL BA'I GSUNG RAB RGYA MTSO LTA BU DAG GI DON 'PHAGS YUL GYI SHING RTA CHEN PO RNAMS KYI LUGS

SROL LAS 'BYUNG BA RNAMS RJE RGYAL BA GNYIS PA YAB SRAS KYI DGONGS PA RMA MED PA BZHIN BSHAD RTZOD GNYIS KYI SGO NAS LEGS PAR THUGS SU CHUD PAR MDZAD DE, BSLAB BTUS SU, BZOD BYA THOS PA BTZAL BAR BYA, ,DE NAS NAGS SU GNAS PAR BYA, ,MNYAM PAR BZHAG STE BRTZON PAR BYA, ZHES DANG, SKYES RABS LAS, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR PAR 'GYUR, ZHES GSUNGS PA LTAR, 'DI LTAR DGONGS TE, AE MA HO, BDAG GIS THOS BSAM GYIS RGYAL BA'I GSUNG RAB KYI DON DE TZAM ZHIG KHONG DU CHUD PAR BYAS ZIN MOD, DAM PA RNAMS KYI NGANG TSUL NI, DANG POR THOS BSAM GYIS GTAN LA BAB PA'I DON RNAMS GCIG TU DBEN PA'I RI KHROD RNAMS SU BSGRUB PA'I SGO NAS RANG GI RGYUD 'DUL BA LA GZHOL PA YIN PAS, MA LA DA NI BDAG GIS KYANG GNAS DBEN PAR SONG STE BLA MA'I ZHABS RDUL SPYI BOS NONG NAS, RTAG TU BYA LTAR GSOG PA SPANGS NAS KYANG, SENG+GE LTA BUR GNAS SHING DGRA LAS RGYAL, ZHES PA'I DON BZHIN DU TSE 'DI NANG GI BYA BA MA LUS PA BLOS DOR TE, THOS DON SGRUB PA SNYING POR BYAS PAS RGYAL BA SRAS DANG BCAS PA THAMS CAD LA TING NGE 'DZIN GYI ROS LEGS PAR MCHOD PAR DGONGS NAS, GRVA BSKOR GRUB STE RJE NYID KYI YONGS 'DZIN BYA BRAL DGE BSHES BLO BZANG CHOS 'PHEL DANG MNYAM DU RI KHROD DU 'BYON PAR THAG BCAD NAS SGRUB KHANG RIN PO CHE MJAL BAR BYON ZHING, BYA BRAL DGE BA SHES KYIS NGED GNYIS RI KHROD DU 'GRO RTZIS YIN PAS PHYIN NA JI LTAR YOD ZHUS PAR, RJE SGRUB KHANG PAS KHYOD GNYIS LA NGAS LUNG STON MI SHES RGYUD SMAD DU RDO RAB 'BYAMS BZER

, ,BA'I RGYUD RGAN ZHIG YOD PAR, GZHAN RNAMS KYIS KHYED RI KHROD DU 'GRO RAN 'DUG BYAS PAR NGA RI KHROD LA SONG NA CI BZA' CI 'THUNG BYAS PA RED, RI KHROD LA SONG BAS BZA' RGYU DANG 'THUNG RGYU MED PA'I NGES PA CI YOD GSUNG ZHING BZHAD MO ZHIG MDZAD NAS BU RAM GYI GSOL RAS SHIG GNANG BA LAS LAN CI YANG MI GSUNG, KHYED TSO'I RIGS KYIS RI KHROD MI 'ONG, NGA SONGS GSUNG BA LTAR DPON SLOB GNYIS PHYIR PHEBS, DE NAS BYA BRAL DGE BSHES PA'I GSUNG NAS, NGA DA 'OL KHA PHYOGS KYI RI KHROD CIG TU 'GRO RGYU YIN, KHYOD KYIS NGA'I DGE PHRUG RNAMS SKYONGS SHIG CES RJE 'DI PAR MNGAGS BYA MDZAD PAS, RJE BYAMS PA RIN PO CHE'I THUGS LA DE LTAR DGE PHRUG SKYONG BA SOGS PHYI BSHOL GYI LAS NA BAR GCOD KYI NGO YIN PAS DANG PO NYID DU RI KHROD DU PHYIN PAR BYA'O SNYAM DU DGONGS NAS, DGE BSHES PAR DE KHA BYED, NGED RANG GNYIS RI KHROD LA SU MGYOGS BYA, KHYED RANG SNGON LA THON NA NGAS DGE PHRUG RNAMS SKYONG ZHES GSUNGS NAS SLAR YANG BRTZON PA DRAG POS DKA' BCU 'PHAGS PA SKAL LDAN BRGYUD DE, RJE SGRUB KHANG PAR ZHU BA MDZAD PAS, LAN DU RJE GRUB PA'I DBANG PHYUG GIS PHYAG BRIS SHIG STZAL 'DUG PA'I NANG NA, 'O DANG POR GRAL CHE BA PHA YUL DANG GNYEN BSHES BLOS DOR, BAR DU GAL CHE BA RGYUD DANG RI KHROD GANG RIGS SHIG TU THOS BSAM GTZO BOR THON; MTHA' MAR GAL CHE BA TSE DANG SGRUB PA MNYAM PAR BYA BA THEG PA CHEN PO'I LAM GYI RTZA BA TSUGS PA'I SGRUB PA SNYING POR MDZOD MDZOD, 'DI BLO LA ZIN NAS YI GE MER PHUL ZHES GSUNGS 'DUG PA DE'I DON LA GZHIGS NAS RJE BTZUN BLA MA KHAMS GSUM

CHOS KYI RGYAL PO'I GDAN SA 'BROG RI BO CHE DGE LDAN RNAM PAR RGYAL BA'I GLING MJAL BAR PHEBS, PHYIR 'KHOR NAS PHUR BU LCOG TU SGRUB KHANG PA CHEN PO MJAL BAR BYON PAS BAR KHANG DU SKU MTSAMS MDZAD PA DANG THUG NAS ZHAL DNGOS SU MA 'DZOM KYANG, NYE GNAS DGE SLONG BYAMS PA BRAG PHUG PA BRGYUD DE RI KHROD DU PHEBS BZHED YOD LUGS, KHYAD PAR BLA MA NYID KYI SKU LA BCAR NAS BZHUGS CHOG PA DGOS TSUL RNAMS ZHUS PAS, BLA MA'I BKA' NGAG BSGYUR BA KHYOD TSO'I RIGS KYIS RI KHROD MI 'ONGS DE BAS RGYUD LA SONGS GSUNG BA LA, RJE 'DI PA SGRUB PA'I RGYAL MTSAN 'DZUGS PA LA MCHOG TU RINGS PAR YOD PAS GSUNG DE'I LAN DU RGYUD LA 'GRO BA'I SHES 'DOD MED CING, LO GCIG GNYIS KYIS RGYUD DON LA GO BA MI CHAGS, RGYUN RING PO 'DUG PA LA NI SNYUG SRING MI NUS SHING, LO GCIG GNYIS PO DER YANG DAM BCA' 'JOG DGOS PAS SNGAGS LA SLOB GNYER ZHE GZHUNGS PA ZHIG BYED RGYU MI 'ONG BAR 'DUG SOGS RGYU MTSAN GYI BSED BKROL ZHUS PAR, 'O NA CIS KYANG RI KHROD LA 'GRO NA 'OL KHA PHYOGS KYI RI KHROD CIG TU SONG GSUNG BA LA NGA BLA MA LA BLO RTZE GTAD NAS RI KHROD DU 'DUG BSAM PA MIN PA BLA MA DANG RGYANG CHAD NAS 'GRO DGOS NA BLA MAS NGA LA CI BYED PA, SKYID RUNG SDUG RUNG NGA LA BLA MA MIN PA BLO RTZE GTAD SA MED PAS 'DI KHAR BLA MA'I ZHABS LA GTUGS NAS BSDAD CHOG PA DGOS ZHES NAN ZHUS MDZAD PAS, GRUB PA'I DBANG PHYUG CHEN PO DGE LEGS RGYA MTSO LEGS PAR DGYES NAS, DA 'O NA 'DI KHA RANG DU SDOD, KHRID SKYONG BAR BYED PA LA SPYIL BU RANG DBANG 'DUS PA ZHIG DGOS PA YIN PAS BRTZIGS SHIG GSUNGS NAS DE'I MTHUN RKYEN PHRAN BU'ANG

, ,STZAL, RJE 'DI PA'I GROGS RAB 'BYAMS PA BLO BZANG SBYIN PAS MDZAD NAS, 'DUL BA'I GZHUNG DANG MTHUN PA'I RANG SHONG SPYIL BU ZHIG BRTZIGS TE, KHYI LO'I MJUG STON GYI LANG TSO DAR LA BABS PA NA 'CHING BYED KYI ZHAGS PA MANG PO BLO GROS KYI MTSON RNON POS DUM BUR BCAD DE, PHUR BU LCOG TU PHEBS NAS GCIG TU DBEN PA'I RI KHROD DU LUS SEMS RTZE GCIG PA'I TING NGE 'DZIN GYIS ZAB PA DANG RGYA CHE BA'I LAM GYI RIM PA MTHA' DAG LA GZHAN DRING MI 'JOG PA'I BSAM GTAN DAM PA NYE BAR BSGRUB PA LA BZHUGS SO; ;SNGO LJANG RTZVA YIS BYUGS PA'I SA GZHI LA, ,NA BUN CHU YIS LCI BA'I GOS DANG LDAN, ,BAG PHEBS RGYU BA'I RI DVAGS DAL RGYU BA, ,DBEN PA'I GNAS 'DI 'PHAGS PA'I TSUL DANG MTHUN, ,DE NAS RJE GRUB PA'I DBANG PHYUG CHEN PO SGRUB KHANG PA DGE LEGS RGYA MTSO'I DRUNG NAS LAM RIM DMAR KHRID BDE LAM GYI LJAGS KHRID CHOS THUN BRGYAD LA TSANG BA ZHIG GSAN, LO DE'I NANG DU RJE GRUB PA'I DBANG PHYUG CHEN POS LJAGS BKOD MDZAD NAS PHUR BU LCOG TU DGE SLONG BRGYAD GRVA ZHIG THOG MAR TSUGS PA'I 'DU KHANG KA BA BZHI SGO MCHOR DANG, RUNG KHANG, STENG DU GZIMS CHUNG DANG BCAS PA BTAB PA ZLA BA GSUM GYI RING LA PHAL CHER GRUB, DE'I TSE RJE SGRUB KHANG PA CHEN POS RJE BTZUN BYAMS PA RIN PO CHE 'DI PAR BCOM LDAN 'DAS KHAMS GSUM BZA' BAR NUS PA DPAL RDO RJE 'JIGS BYED LHA BCU GSUM MA'I SGRUB THABS ZA MA TOG GI BSHAD LUNG SBRAGS PA ZHIG DANG, KHYAD PAR SNGAGS GNYIS KYI DON LAS 'CHI BA CHOS SKUR 'KHYER BA'I LAM KHYER SGOM TSUL SHIN TU RGYAS PA BCAS GNANG NAS RJE BTZUN 'JAM PA'I DBYANGS DRAG PO'I SKUR BZHENGS

PA 'DI NYID YI DAM DU BZUNG STE RGYUN DU BSNYEN SGRUB LA BRTZON PAR MA BYAS NA, SNYIGS MA'I DUS CHOS BYED PA LA BAR CHAD SDANG BA'I SKABS 'DIR RI KHROD ZIN PA DANG, SGRUB PA MTHAR 'KHYOL DKA' BAS DGUN THOG 'DIR 'JIGS BYED KYI BSNYEN SGRUB THOD PA TSA CHIL LI BA ZHIG GYIS GSUNGS PA LTAR, DGUN DUS DER DPAL RDO RJE 'JIGS BYED CHEN PO'I BSNYEN MTSAMS MDZAD DE, YI DAM LHA'I NGA RGYAL DANG GSAL SNANG BRTAN POS NAG PHYOGS BDUD DANG BAR GCOD KYI RIGS THAMS CAD NYI 'OD KYI DRUNG DU ME KHYER LTAR ZIL GYIS MNAN CING; THUN GYI NGO BO LA BDE STONG DBYER MED KYI BLO'I GZUNG RNAM LHA'I 'KHOR LO RTEN DANG BRTEN PAR SHAR BA'I NUS MTHUS THUN MTSAMS KYI GNAS SKABS THAMS CAD DU'ANG DBANG PO DRUG GI YUL DU SHAR BA'I SNANG BA THAMS CAD LA LHA'I RNAM ROL DANG BDE STONG GI RGYAS THEBS PAR GYUR, DE NAS BZUNG STE RNAM PA THAMS CAD DU LHA MCHOG 'DI NYID LA THUGS DAM GYI MTHIL DU MDZAD, NYID CHOS GRVAR BZHUGS PA'I DUS SU RGYAL DBANG TSANGS DBYANGS RGYA MTSOR LHAG PA'I LHA SOGS ZHU BA MDZAD PAR 'JAM DBYANGS DMAR SER RAM 'JIGS BYED LA YI DAM GYIS GSUNG BA DANG, PAn CHEN THAMS CAD MKHYEN PA RJE BTZUN BLO BZANG YE SHES LA ZHU BAR MDZAD PAR YI DAM 'JIGS BYED DANG CHOS SKYONG PHYAG DRUG PA BSTEN GSUNG BYUNG BAS RDO RJE 'JIGS BYED CHEN PO DANG TSE RABS SNGON MA ZHIG NAS 'BREL LAM CHE BAR YOD 'DUG GSUNG, RJE NYID DGUNG LO NYER DRUG PA ME MO PHAG GI LO'I NANG DU RJE DGE LEGS RGYA MTSO LAS BLO SBYONG DON BDUN MA'I KHRID RGYAS PA ZHIG DANG BE'U BUM SNGON PO'I 'GREL BA'I LUNG DANG RA KHA BRAG GI PHUG MO CHER SEMS BSKYED MCHOD PA ZHIG GI TSE

, ,LAM RIM BSDUS DON GYI THOG NAS MDO SNGAGS YONGS SU RDZOGS PA LA DMIGS RNAM SKYONG TSUL SBYOR DNGOS RJES GSUM TSANG BA RNAMS GSAN CING, BSDUS DON GYI GSUNG BSHAD SKABS RJE SGRUB KHANG PA CHEN POS BSTAN PA'I GNAD THAMS CAD YONGS SU RDZOGS PA'I GDAMS PA TSANG LA MA NOR BA RJE BDAG NYID CHEN PO'I THUGS KYI NYID KHU 'DI LTA BU RANG GIS THOS SHING SHES KYANG DA DUNG SNYING MI CHIM PAR 'TSANG RGYA BA'I THABS BYA SLA LA KHYER BDE BA ZAB PA ZHIG GZHAN NA YOD DE 'ONGS SNYAM PA BYED PA DE DAM CAN CHOS RGYAL GYIS BSTAN PA 'DI'I KHYU NAS PHUD PA YIN GSUNGS PA LA BRTEN, RJE RGYAL BA GNYIS PA'I GSUNG LA MI 'GYUR BA'I NGES PA CHER 'KHRUNGS, LO SNGA RTING GNYIS LA RUNG BA TSED DANG MTHUN PA'I MKHAR LAN MDZAD PA RNAMS DANG, 'DU KHANG DU BZHUGS PA'I BRIS 'BUR GYI SKU BZHENGS PA MTHA' DAG LA MDO SNGAGS KYI DON KHONG DU CHUD PA'I RAB 'BYAMS SMRA BA YIN SNYAM PA'I NGA RGYAL SPANGS NAS BLA MA MNYES PAR BYED PA'I THABS 'BA' ZHIG TU DGONGS TE, SA RDO DANG CHU LEN PA, 'JIM PA SKYEL BA, TSON BSNUR BA, DRES 'DAM BRDUNG BA, SOGS THAMS CAD LA 'BAD PAR MDZAD DE, LUS KYI RIM GRO'I SGO NAS BLA MA'I ZHABS TOG YANG DAG PAR MDZAD PA YIN GSUNG, 'JAM DPAL ZHAL LUNG GI KHRID DANG SE RA RTZER STOD PA BLA MA PHUN TSOGS BKRA SHIS KYIS ZHUS PA LTAR LAM RIM BSDUS DON GYI THOG NAS KHRID SKYONG LUGS KHRID YIG GSER GYI YANG ZHUN NAS 'BYUNG BA LTAR CHOS THUN GSUM GNANG BA DANG KHRID YIG GSER GYI YANG ZHUN GYI LUNG BCAS GSAN, LO 'DI'I DGUN MTSAMS LA 'JUG KHAR SGRUB KHANG RIN PO CHE'I GSUNG NAS, KHYED RANG TSO LAM RIM GYI RTOGS PA

ZHIG RGYUD LA SKYE 'DOD PA YIN NA SNGON LA YIG BRGYA 'BUM THER RE'I BSNYAN PA GYIS GSUNG PA LTAR, RJE 'DI PA SOGS DGE SLONG RNAMS KYIS RDO RJE SEMS DPA'I SGOM BZLAS LA BSNYEN MTSAMS MDZAD NAS BZHUGS YOD SKABS RJE SGRUB KHANG PA CHEN PO 'OL KHA PHYOGS SU CHAB TSAN LA PHEBS RGYU YIN SKAD DANG, RDO RJE BRAG TU KUN MKHYEN LNGA PA CHEN PO'I THUGS SRAS DAM PA RDO RJE BRAG SPRUL SKU RIG 'DZIN PADMA 'PHRIN LAS KYIS, RJE BLA MA KHAMS GSUM CHOS KYI RGYAL PO TZONG KHA PA CHEN PO'I GSUNG 'BUM GYI LUNG GNANG SKAD CIG KYANG GSAN PAS DE GNYIS KYIS RKYEN BYAS NAS SKU MTSAMS GROL TE, RJE SGRUB KHANG PA'I DRUNG DU BYON NAS BLA MA RIN PO CHE 'OL KHAR CHAB TSAN LA PHEBS SKABS RDO RJE BRAG TU RJE'I GSUNG 'BUM GYI LUNG ZHU BAR PHYIN NA YONG NGAM MI YONG ZHUS PAR, SGRUB KHANG PA CHEN POS 'GRO 'DOD YOD NA SONG GSUNGS, DE MA DGYES PA'I GSUNG DU MKHYEN NAS CI'ANG ZHU MA NUS PAR CUNG ZAD BZHUGS PAS SLAR YANG DA SONG GSUNGS, DER RJE 'DI PAS NGA'I 'DOD PAR YOD TSAD BYED RGYU YIN NA 'DOD PA LA CI YANG 'DOD YONG, DE BYED RGYU YIN NA BLA MA LA BLO SNYING BRANG GSUM GTAD NAS SDOD DGOS DON MI 'DUG ,NGA'I BSAM PA LA DE 'DRA ZHIG SHAR BYUNG BA BLA MA'I THUGS LA BABS NA 'GRO RGYU YIN, MA BABS NA 'GRO RGYU MIN ZHUS PAR, BLA MA MNYES NAS 'O KHYED RANG TSO'I MI'I RIGS 'DI NYAMS LEN BYED BSAM PA MED PAR MANG PO RANG THOS DGOS MKHAN ZHIG 'DUG PA YAGS PO BYED NA 'JAM DPAL ZHAL LUNG LA SBYANGS NAS RANG GI SEMS 'DI KO BA MNYED MNYED BYED RGYU YIN, DE'I STENG DU N'A RO CHOS DRUG GI KHRID CIG YIN NA MA THOB PA'I THABS MED GSUNGS PA LA RJE BYAMS PA RIN PO CHES BKA' DRIN CHE ZHUS NAS SKU MTSAMS KYI MU MTHUD DE YIG

, ,BRGYA 'BUM THER DANG, BRKYANG PHYAG 'BUM THER, YAN LAG LNGA LDAN GYI PHYAG KYANG GRANGS KYI MTHA' MI MNGON PA'I SGO NAS BSAGS SBYANGS LA 'BAD PAR MDZAD, SA PHO BYI BA'I LO DGUNG LO NYER BDUN DU PHEBS SKABS SGRUB KHANG RIN PO CHE'I ZHAL NAS, SNGAR BLA MA RTA PHUG PA'I MNAL LAM DU PAn CHEN BLO BZANG CHOS KYI RGYAL MTSAN DPAL BZANG POS THOG MA'I BLO SBYONG GI LUNG YONGS RDZOGS GSUNG BA ZHIG RMIS PAS DE ZHU DGOS RGYUR 'DUG DGONGS NAS, BKRA SHIS LHUN POR BYON NAS 'DI YI LUNG GNANG DGOS ZHUS PAR PAn CHEN RIN PO CHES LUNG BYAS ZIN PA YIN MOD GSUNGS, DE LTA NA'ANG DA DUNG LAN CIG ZHU BYAS NAS TSAR GCIG GSAN PA YIN 'DUG ,BLA MA RTA PHUG PA'I DRUNG NAS NGAS KYANG THOG MA'I BLO SBYONG DANG KHONG RANG GIS MDZAD PA'I BDE LAM GYI LHAN THABS GNYIS KA'I LUNG ZHUS PA YIN, 'DI GNYIS LAM RIM LA BLO SBYONG MKHAN LA GAL SHIN TU CHE BA ZHIG YIN GSUNGS NAS DE GNYIS KA'I LUNG GNANG BA DANG, SLAR YANG SE RA RTZER BE'U BUM SNGON PO'I 'GREL PA DANG 'JAM DPAL MTSAN BRJOD KYI LUNG BCAS GSAN, DGUNG LO NYER BRGYAD PAS MO GLANG GI LOR LHA RI BLA MA SOGS KYIS RJE GRUB PA'I DBANG PHYUG LA ZHUS NAS, 'JAM DPAL ZHAL LUNG GI KHRID RA KHA BRAG TU DBU TSUGS NAS PHUR BU LCOG TU MJUG RDZOGS PA ZHIG DANG, GCOD KYI KHRID RJE MI LA'I RNAM MGUR GYI LUNG SOGS STZAL BA RNAMS GSAN, 'DI'I SKABS SU KHAMS KYI YUL NAS RJE 'DI PA SKU MCHED GNYIS KHAMS PHYOGS SU PHEBS DGOS ZHES GDAN 'DREN PAR BYUNG BAS, RJE SGRUB KHANG PA CHEN POR KHAMS LA PHEBS PA LEGS MIN ZHUS PAR DA LTA KHAMS LA PHYIN NA 'PHRAL

LA LEGS PO 'ONG YANG PHUGS LEGS PO MI 'ONG, BDE LAM NAS 'BYUNG BA LTAR BLA MA'I RNAL 'BYOR GYI SGO NAS BSAGS SBYANGS LA 'BAD PA GYIS DANG LAM GYI RIM PA LA BRTEN NAS GSUNG RAB THAMS CAD GDAMS NGAG TU 'CHAR BA ZHIG DA GZOD 'ONGS DE BYUNG TZAN GAR 'GRO YANG SONGS ZHES PHEBS, DE NAS SKABS SHIG ZHOGS KA'I TSOGS SU SGROL 'DON GYI SKABS THUGS BSAM LA KHAMS PHYOGS LA PHEBS DGOS BYUNG NA CI 'DRA 'ONGS DGONGS NAS BLA MA LA PHYAG DBANG DANG SKYABS 'JUG ZHUS TE SKU MDUN NAS PHYI 'GROS KYIS PHEBS NAS GZIMS CHUNG GI PHYI ROL TU SON PA'I RNAM PA THUGS LA MDZAD PA'I TSE THUGS SKYO NAS SNYING 'GAS PA TZAM GYI TSOD 'ONG BAR SNANG ZHING, DE NAS KYANG RIM GYIS LAM SO SOR ZHUGS TE RI RE'I RTZER PHEBS PA'I RNAM PA MDZAD NAS PHI GA'I THAD DU BLA MA BZHUGS PA'I LUNG PA DANG BLA MA'I SKU'I RNAM PA 'DI 'DRA YOD SNYAM PA SOGS BSGOM PAR MDZAD PAN SPYAN CHAB DBANG MED DU YONG GIN 'DUG PA DANG, NUB GCIG MNAL LAM DU 'KHRUNGS YUL GYI JO JO'I KHANG PA'I PHYI SGO ZHIG YOD PA'I NANG DU PHEBS NAS SBUG GI KHANG PA GZIGS KYIN 'DUG PA LAD NGA 'DIR SLEB PA LEGS PO GTAN NAS MA BYUNG, BLA MA KHYAD PAR CAN DANG SGRUB SDE'I GROGS BZANG PO DE RNAMS DANG BRAL NAS 'DI 'DRAR SLEB PA 'DUG DGONGS NAS SBYAN CHAB MANG PO BTON TE, DA NGA 'DI KHA RANG NAS YAR LOG MA PHYIN PAR KHYIM DU 'GRO RI SHI SNYAM NAS LOG PHEBS PA'I LAM DU, ZHING GCIG GI KHAR BLA MA SGRUB KHANG RIN PO CHE BYON 'DUG PAS DGYES GRAGS BLA MA'I DRUNG DU BRGYUGS PHEBS PAN MI MANG PO ZHIG GIS SGROL DKAR YID BZHIN 'KHOR LO 'BYON GYIN 'DUG ZER BAR GZIGS PAS, BYANG PHYOGS KYI NAM MKHA'

, ,NAS KHA DOG SHIN TU SER BA'I 'OD KYI PHUNG PO GSUM RIM PA BZHIN DU 'ONG GIN 'DUG PA LAS ZHAL PHYAG GI RNAM PA CAN NI MI SNANG ZHING, DE RNAMS RIM GYIS NAM MKHA' LA YAL SONG BA'I MOD LA MAN LAS DA PAS THUGS SEMS LA SPRO BA CHEN PO ZHIG 'KHRUNGS, DE NAS DES RKYEN BYAS PHA YUL DU MI PHEBS PAR THAG BCAD DE'I NYIN ZHOGS KA'I TSOGS GROL NAS RJE GRUB PA'I DBANG PHYUG GI SKU DRUNG DU SHOG GSUNG BA LTAR PHEBS PAS SGRUB KHANG RIN PO CHE SKU STOD GCER BUR MDZAD, SKU 'GAG LA SHIG MED KYANG SGRUG PA LTAR MDZAD KYIN 'O NGED RANG TSO'I SGRUB SDE 'DIR BZHUGS PA'I DGE SLONG THAMS CAD KYIS BSTAN PA SPYI'I RIM GRO LA DMIGS NAS SA RUB PA'I SKABS SU GCOD DUS MNYAM DU BTANG RKANG DUS DUS MNYAM DU BUS BYED DGOS RGYU YIN, PHUR BU LCOG GI RI 'DI DPAL 'KHOR LO SDOM PA'I PHO BRANG YIN, PHYOGS BZHIR SGO BZHI'I RNAM PA SOGS GSAL PO YOD, GNAS 'DIR 'KHOR LO SDOM PA'I RNAL 'BYOR NYAMS SU BLANGS NA SGRUB THAG NYE BA YIN PAS DRIL BU LHA LNGA'I SGRUB THABS THAMS CAD KYIS GZUNGS LA TSOGS SU TSUGS 'JAM DPAL ZHAL LUNG THAMS CAD KYIS GZUNGS NAS RGYUGS SPROD DGOS RGYU YIN GYIS LA TSOGS GTAM THONGS GSUNG BAR, DE DUS MA DANG GI MNAL LTAS RNAMS ZHUS PAS SGRUB KHANG RIN PO CHES 'O DE RED, KHYOD PHA YUL NAS PHYIR LOG PA RMIS BA DE RE ZHIG YUL DU MI SLEB PA'I LTAS SU 'DUG ,YI DAM GYI LHA DMIGS NAS YAL BA DE LTA BA LHAS STON BYA BA'I BRDA RU 'DUG ,KHA DOG SER PO 'ONG BA DE BLA MA DANG YI DAM THA MI DAD PA'I BRDAR 'DUG PAS SGROL DKAR GYI RJES GNANG ZHIG DGOS PAR 'DUG STE SLAR BYED GSUNGS, RJE 'DI PA'I

THUGS LA YI DAM DANG BLA MA NYID DBYER MI PHYED BAR ZHAL GYIS BZHES 'DUG SNYAM PA'I NGES SHES KHYAD PAR CAN 'KHRUNGS, PHYIR PHEBS NAS DGE SLONG RNAMS LA'ANG BKA' STZAL BA BSGYUR, DE'I RJES SHIG RJE GRUB PA'I DBANG PHYUG CHEN POS RJE BTZUN SGROL DKAR GYI RJES GNANG SHIN TU RGYAS PA ZHIG DGYES BZHIN DU STZAL ZHING, DE DUS LTA BA'I 'DZIN TSUL KLU SGRUB KYI BZHED SROL RJE BDAG NYID CHEN PO'I MAN NGAG BZHIN SHIN TU RGYAS PA CHOS THAMS CAD RTOG PAS BZHAG PA TZAM YIN PA'I TSUL LA NGES SHES 'DREN TSUL ZHIB PAR GSUNGS NAS; DENG PHYIN CHAD RJE BTZUN YID BZHIN 'KHOR LO 'DI LA YI DAM DU GYIS SHIG CES STZAL BA LTAR RJE BYAMS PA'I MTSAN CAN RIN PO CHES KYANG DE NAS BZUNG STE, RJE BTZUN MA SGROL MA DKAR MO'I RNAL 'BYOR LA THUGS DAM GYI MTHIL DU MDZAD NAS ZLA BA GSUM TZAM GYI RING RJE BTZUN MA'I BSNYEN SGRUB LA 'GRUS PAR MDZAD PAS CHOS RAB TU RNAM 'BYED KYI SHES RAB SNGAR LAS KYANG JE RGYAS SU SONG BAS SNYAN NGAG GI TSIGS BCAD MANG PO THUGS LA 'BAD MED DU LAM LAM 'CHAR BA BYUNG GSUNG STE, RJE DGE LEGS RGYA MTSO'I LUNG BSTAN DANG RJE 'DI PA'I MNAL LTAS SOGS GONG DU BSHAD PA RNAMS LA GZHIGS NA DUS DE'I TSE RJE BTZUN YID BZHIN GYI 'KHOR LO'I ZAB GSAL GNYIS MED KYI LHA'I RNAL 'BYOR RTZE GCIG PA LA BRTEN NAS, CHOS THAMS CAD SNANG BA TZAM GYI DBANG GIS THA SNYAD KHO NAR BZHAG PA DON DAM DPYOD BYED KYI RIG SHES YANG DAG GIS DPYAD BA'I TSEM BRTAGS NYAMS DGA' BA'I SNANG BA LAS, BDEN PAR GRUB PA RDUL PHRA RAB KYI CHA SHAS TZAM YANG MED CING, DE LTA NA'ANG KUN RDZOB TU BYA BYED LAS GSUM BSNYON MED PAR 'JOG TU RUNG BA'I GNAS TSUL GYI LTA BA KHYAD PAR CAN RGYAL BA'I

, ,YUM GYI DGONGS DON THUGS LA 'KHRUNGS NAS LHAG PA'I LHAS ZHAL DNGOS SU GZIGS TE BYIN RLABS KYI CHAR PHAB PAR GDON MI ZA'O, ,SKU MTSAMS GROL ZIN PA'I RJES SHIG RGYAL YUM BLO BZANG CHOS SGRON GYIS ZANGS RIR GTZUG LAG KHANG BZHENGS PA'I RAB GNAS LA RJE SGRUB KHANG PA CHEN PO GDAN 'DREN ZHUS PAR BLA MA PHEBS MA BZHED NAS PHUR BU LCOG GI DBU MDZAD RJE BTZUN BYAMS PA RIN PO CHE DANG, RA KHA BRAG GI DBU MDZAD GNYIS SKU TSAB TU SONG GSUNGS PA LTAR ZANGS RIR PHEBS, PHAR LAM NAG PHYOGS KYI 'TSUB LHONGS LTA BUS LHAS NAS GZHUNG KO LA PHEBS DUS SKU MKHRIS RLUNG GI BSKYOD NAS SNYUN GZHI DANG BSAM YAS KYI THAD DU KO BA RLUNG GIS BUB PA'I GRAB SOGS BYUNG BAR BLA MA LA GSOL 'DEBS MDZAD PAS NYER 'TSES CUNG ZAD KYANG MA GOS, ZANGS RI KHAR DMAR DU PHEBS NAS GTZUG LAG KHANG RTEN DANG BRTEN PAR BCAS PA LA RAB TU GNAS PA RGYAS PAR MDZAD NAS RGYAL YUM 'OL KHA CHU CHEN LA PHEBS PA'I RIM GRO'I CHED DU GSOL BA BTAB PA BZHIN CHIBS BSKYOD GNANG NAS, RDZING PHYI DANG MA GAR PHUG CHOS LUNG, LHA SDINGS, RGYA SOG SOGS RJE'I SGRUB GNAS RNAMS MJAL TE TSUR ZANGS RIR 'KHOR TE GDAN SA MTHIL GYI MCHOD MJAL ZHIB PAR MDZAD, DE NAS RGYAL YUM CHIBS RAGS DANG BCAS PA RDZONG NAS PHEBS PA'I RTA GRAL GYI GSEB TU PHEBS DGOS BYUNG BAR RJE 'DI PA'I THUGS LA, LONGS SKU RNAMS KYI 'KHOR DU BYANG SEMS 'PHAGS PA SHA STAG YOD, STON PA SANGS RGYAS KYI 'KHOR DU DGRA BCOM PA 'KHOR BA LAS GROL BA BSAM GYIS MI KHYAB PA YOD, NGA DE DAG GI GRAL DU MI TSUD PAR DE RING BTZUN RGAN MA ZHIG GI RTA GRAL LA 'GRO DGOS PA SNYAM

DU THUGS SKYO SHAS DANG BCAS NAS SBYAN CHAB KYANG BABS PAR SNANG, DE NAS BSAM YAS PHEBS PA'I NUB MO RTA SNGON PO RI BONG TZAM LA ZHON PA'I RGYAL 'GOD ZHIG MNAL LAM DU GZIGS SHING, DE NYIN GEGS 'TSUB KYI RNAM PAS CHIBS 'GYEL NAS SKU'I G-YON PHYOGS KYI SGROG RUS LAGS CHAG GIS BSNYUN GZHI CHE TZAM BYUNG YANG, BLA MA'I BKA' SGRUB PA'I CHED DU BYUNG BA YIN DGONGS NAS SPRO DGA' DANG GSOL 'DEBS MDZAD PAS LAS SGRIB DAG PA'I RTAGS KYANG 'GA' RE BYUNG GSUNG, DE SKABS GZHAN GYIS BKUR STI DANG NGO 'DZIN LA GTING NAS ZHE KHREL BA'I SKYO SHAS KYANG 'KHRUNGS, TSUR BLA MA'I DRUNG DU PHEBS NAS THUGS BZHED LEGS PAR 'GRUB STE RJE GRUB PA'I DBANG PHYUG LA GRUM MDA' MKHAN CHEN NGAG DBANG RGYAL MTSAN GYIS ZHUS NGOR STZAL BA'I BYANG CHUB BDE LAM, GCOD, SNYING PO DON GSUM, RDOR SEMS SGOM BZLAS SOGS KYI KHRID RNAMS GSAN, DGUNG LO NYI SHU RTZA DGU PA STAG GI LO MNGON DU GYUR PA'I SKABS JO BO RJE'I LAM YIG SOGS KYI LUNG DANG THABS SHES GCOD KYI ZAB KHRID RNAMS GSAN CING, LO DE'I STON GYI DUS LA BABS PA NA RI KHROD 'DZIN PA'I DGE SLONG RNAMS BSOD SNYOMS LA PHEBS KHAR, RJE SGRUB KHANG PA CHEN POS RJE BYAMS PA RIN PO CHER BSOD SNYOMS KYI TSAB GYIS GSUNGS NAS BALtAM BDUN GNANG STE, DA LO BSOD SNYOMS LA MA THENGS PAR 'DI KHAR 'KHOD CIG GSUNGS PA LTAR BZHUGS NAS, SKU MTSAMS DAM PO ZHIG GI NGANG LA THUGS DAM MDZAD DGOS SNYAM DU DGONGS TE GNAS KHANG RNAMS BYI DOR DANG, MCHOD PA PHUN SUM TSOGS PA'I GRABS MDZAD NAS MTSAMS MTHO 'DZUGS GRABS YOD SKABS DGE SLONG DNGOS GRUB BYA BA RJE SGRUB KHANG PA CHEN PO'I NYE GNAS SHIG

, ,YOD PA BYUNG BAS, DE NA RE, BLA MA'I BKA' LUNG GIS NGA DANG MNYAM DU LHA SAR YO BYAD 'GA' RE LEN DU SONGS GSUNGS BYUNG ZHES ZER BAS, SKU MTSAMS BSHOL TE LHA SAR PHEBS LAM DU DGE SLONG NAS KHYED RANG HUR THAG BYED DGOS PAR 'DUG ,SGRUB KHANG RIN PO CHES KHYED LA KHONG RANG GI SNYING DANG KHYAD MED BA'I THUGS GTZIGS BSAM GYIS MI KHYAB PA MDZAD 'DUG KYANG GSAL PO BSHAD MI RUNG, NGED KYIS SNGA MO ZHIG NAS BKA' GDAMS THIG LE BCU DRUG GI DBANG ZHIG SNYAN GSAN PHAB YOD PA BLA MA'I ZHAL NAS, DA LAM RAB 'BYAMS PA BYAMS PA DANG KHYED GNYIS LA BSKUR BA YIN, YO BYAD KYANG KHYED RANG GNYIS SONGS LA LHAS NAS SGRUB SHOG GSUNG BA YIN ZER BAS SHIN TU DGYES SHING DPON SLOB GNYIS BOS LHA SA NAS YO BYAD TSANG BA 'DU MDZAD NAS SGRUB KHANG DU PHEBS PAS, RJE GRUB PA'I DBANG PHYUG SGRUB KHANG PA DGE LEGS RGYA MTSOS GZIMS CHUNG GI SBUG TU SHIN TU DBEN PAR MDZAD NAS, DPAL AA TI SHA'I BZHED SROL DAM PA 'BROM RGYAL BA'I 'BYUNG GNAS KYI ZAB CHOS RMAD DU BYUNG BA NGES DON STONG NYID SNYING RJE DBYER MED PA'I THIG LE GDUL BYA'I KHAMS DANG 'TSAMS BAR BZHIN LAG CAN GYI LHA SKU'I RNAM PAR SHAR BA BKA' GDAMS THIG LE BCU DRUG GI DBANG DGYES BZHIN DU STZAL BA LEGS BAR GSAN CING RA KHA BRAG TU CHOS KYI LUNG YANG BZHES, DE'I TSE RJE 'DIS SGRUB KHANG PA CHEN POR RANG GIS THOB PA'I DAL 'BYOR GYI MI LUS RIN PO CHE SHIN TU RNYED DKA' BA 'DI CHUNG ZOS SUM SONG BAR SNYING PO LEN RGYU'I GTZO BO BYANG CHUB KYI SEMS DANG, LAM GZHAN RNAMS DE'I YAN LAG TU 'GRO TSUL SOGS THUGS LA

NYAMS MYONG JI LTAR 'KHRUNGS PA RNAMS KYI RGYU MTSAN ZHUS PAS THUGS MNYES NAS DE RNAMS GO BA LEGS PO YIN, 'ON KYANG GTING PHA GI MA GROL BA 'DUG CES PA ZHIG GSUNGS, DER RJE 'DI'I THUGS LA NGA RANG GIS DE RNAMS LA GO BA TZAM MIN PA NGES 'BYUNG SOGS LA MYONG BA TSAD THUB MED PAS GTING MA GROL BA THUGS BDEN SNYAM PA BYUNG ZHING, NUB GCIG MNAL LAM DU RJE SGRUB KHANG PA CHEN PO PHYAG NA RTA RUS KYI THE GE ZHIG BSNAMS NAS, MI GZHAN LA YIN NA GSER DNGUL SOGS RIN PO CHE LAS GRUB PA'I THE GE RE SNYING NANG DU 'JUG RGYU YONG, DE KHYED LA SKAL BA MI 'DUG BAS 'DI KHYOD KYI SNYING NANG DU CHUG GSUNG BA RMIS PAS, NGED KYIS RIN PO CHE LAS GRUB PA LTA BU LAM GYI GTZO BO RNAM GSUM LA RTZOL BCAS DANG RTZOL MED KYI MYONG BA THON PA LA ZER, DE'I SKAL BA MI 'DUG ,'ON KYANG BLOS MA GTONG SNYING RUS BSKYED CIG CES PAR GO BA BLANGS PA YIN ZHES GSUNG MOD, TSUL DE NI RANG CAG THOS PA CUNG ZAD CAM YOD PA LA RANG NYID MCHOG TU 'DZIN PA'I NGA RGYAL CAN RNAMS KYI NGA RGYAL GZHOM BA'I PHYIR BKA' STZAL BAR SNANG, SKABS SHIG GI TSE DKA' BCU 'PHAGS PA SKAL LDAN SKU MDUN DU BYUNG NAS BSHAD RGYU ZHIG 'DUG STE NGA RGYAL SKYES YONG NGAM ZER, NGA RGYAL SKYES MI YONG NGAM GSUNGS PAR, 'O NA, SGRUB KHANG RIN PO CHE'I MNAL LAM DU RAB 'BYAMS PA BYAMS PA 'DI NGA'I PANG DU BZHAG PAS KHO RANG SDOD PA LA 'TSER PO BYED 'DUG ,'ON KYANG KHO NGA'I PANG DU BSDAD MA THAG NYI MA SHAR BA LTA BU'I 'OD ZER 'PHROS PAS MUN PA THAMS CAD BSANGS SHING NAM MKHA'I KHAMS THAMS CAD KHYAB SONG BA ZHIG BYUNG, 'DI LEGS PO ZHIG 'ONG BA 'DUG

, ,CES GSUNG GIN 'DUG ZHUS PAR, SLAR YANG BLA MA LA GSOL 'DEBS DRAG TU MDZAD, DPAL MYUR MJAD YE SHES KYI MGON PO PHYAG DRUG PA'I RJES GNANG DKA' CHEN SKAL LDAN GYIS NAN TAN CHEN POS ZHUS KYANG MA GNANG BA LA, RJE 'DI BAS ZHU BA SOGS CI YANG MA MDZAD PAR LAN CIG SKU MDUN DU PHEBS GSUNGS NAS MGON PO BAR GCOD KUN SEL GYI RJES GNANG LEGS PAR STZAL, KHYAD BAR DU SER RTZE'I SGRUB KHANG DU RJE GRUB PA'I DBANG PHYUG CHEN POS RJE BTZUN BYAMS PA RIN PO CHER, DPAL 'DOD PA KHAMS KYI DBANG PHYUG MA LHA MO DMAG ZOR RGYAL MO'I RJES GNANG STZAL TE, LHA MO 'DI DANG DAM CHIG GI PHYAG SBREL NAS BSRUNG MAR GNANG BA DE PHYIN CHAD NAS LHA MO LA GTOR BSNGOS BSNYEN SGRUB SOGS MA CHAG PAR MDZAD CING, DE NAS GZUNGS DPAL LDAN DMAG ZOR GYI RGYAL MOS BZHED DON 'PHRIN LAS MA LUS PA TSUL BZHIN DU BSGRUB BAR MDZAD, DGUNG LO SUM CU PA LCAGS MO YOS KYI LOR, RJE SGRUB KHANG PAS GRUB PA'I DBANG PO RGYUD SMAD MKHAN PO NGAG DBANG MCHOG LDAN DANG BSAM BLO DGE BSHES DRAG RIM SOGS DGE BA'I BSHES GNYEN MANG PO LA RA KHA BRAG TU 'JAM DPAL ZHAL LUNG GI ZAB KHRID SMON SEMS CHO GAS 'DZIN PA DANG BCAS PA STZAL BA DANG, BYANG CHUB LAM SGRON, NOR BU'I PHRENG BA, ZHAL LUNG, CHOS SPYOD RAB GSAL GYI LUNG BCAS GSAN, DGUNG LO SUM CU SO GCIG PA CHU PHO 'BRUG GI HOR ZLA LNGA PA'I NANG DU MNGA' RIS GRVA TSANG GI DPON SLOB CHOS GRAGS, GRUB DBANG BLA MA 'JAM DBYANGS SOGS LA 'JAM DPAL ZHAL LUNG GI BKA' KHRID SMON SEMS KYI CHOG DANG BCAS TE GNANG SKABS, PHUR BU LCOG GI

GZIMS CHUNG DOG PAS RI KHROD PA SNGAR KHRID THOB PA RNAMS MA 'ONG ZHES PHEBS PAS SKYES BU CHUNG DU'I RING LAM PHEBS SHING, 'BRING TSUGS NAS RGAN PA DRUG PHEBS GSUNG BAS RJE BTZUN 'DI SOGS RI KHROD 'DZIN PA DRUG PHEBS, RJE SGRUB KHANG RIN PO CHE DE SNGAGS LA SHIN TU DAM DOG CHE BAS SHO PA MDO'I DGE SLONG RGYAL PO ZER BA GROGS MCHED GNYIS LA 'JIGS BYED KYI BSKYED RDZOGS LAN CIG TZAM MA GTOGS GZHAN LA GNANG SKAD CHER MED PAS BSKYED RDZOGS KYI GTAM TZAM YANG GZHAN GYIS ZHU MI SPOBS PA LA, RJE 'DI LA SGRUB THABS ZA MA TOG GI BSHAD LUNG ZHIB PAR LAN KHA YAR STZAL ZHING, LAN CIG GZIMS CHUNG DU RJE 'DI PA GCIG PU LAS MED SKABS 'OG TU TSOGS PA RNAMS KYIS RJE RGYAL BA GNYIS BA'I GSOL 'DEBS TZONG KHA BRGYAD CU MA GSUNGS TE, 'OD KYI RANG BZHIN AE WAm YI GE GNYIS, ZHES SOGS KYI TSIG GI THAD DU SLEB PA NA, RJE SGRUB KHANG PA CHEN POS, 'O; DE LTA BU'I YON TAN MNGON DU BYED BA LA THOG MAR LAM THUN MONG BAS RGYUD SBYANGS TE, ZHES SOGS DPAL RDO RJE 'JIGS BYED KYI RIM PA GNYIS KA'I GNAD CHA TSANG BA ZHIG GSUNGS, RJE BTZUN 'DI MCHOG TU DGYES TE BLA MA RIN PO CHE BLA MA RIN PO CHE SNGAGS LA DAM DOG CHE BAS ZHU MA NUS KYANG BDAG LA 'DI LTAR GNANG BA BKA' DRIN CHE ZHES ZHUS BAR MDZAD, LAN MANG PO ZHIG KHAMS PHYOGS LA PHEBS DGOS GRAGS BYUNG BAR, SGRUB KHANG RJE'I ZHAL NAS, LAM RIM CHEN MO'I BSHAD LUNG TSANG MA ZHIG MA THOB BAR KHAMS LA 'GRO DGOS BYUNG NA MI LEGS GSUNGS NAS, NYIN RE BZHIN GSOL TSIGS KYI RGYAB LA RGYAL BA KUN GYI BGROD PA'I LAM GCIG PU BYANG CHUB LAM GYI RIM PA CHE BA NAS NYUNG DUS

, ,SU SHOG BU BRGYAD RE TZAM DANG, MANG DUS SU SHOG BU BCO LNGA RE TZAM MA CHAG PAR MDZAD DE, LO GSUM GYI KHONGS SU GSUNG BSHAD ZHIB LA RDZOGS PAR STZAL BA LEGS PAR GSAN NAS THUGS NYAMS SU BSTAR, DE NAS SGRUB KHANG RIN PO CHER DA DUNG CI BYAS KYANG KHAMS PHYOGS LA THENGS DGOS PA BYUNG NA JI LTAR BGYI ZHES RAB 'BYAMS PA DAM CHOS LA ZHU BRGYUD BCOL NAS ZHU BAR MDZAD PAS, SGRUB KHANG RIN PO CHES RANG LA GANG DGA' BYUNG NA KHAMS LA CI BYED DU 'GRO ,LHA MO'I BSNYEN PA TSAD DU THEM PA ZHIG DANG BAR BAR DU SGROL DKAR GYI TSE SGRUB RE'ANG GYIS, GANG DU 'DUG KYANG LAM RIM LA BLO SBYONG BA DANG MA BRAL BAR GYIS, KHA CHEMS DE KHA YIN GSUNGS PAS, ZLA BA LNGA'I RING GSUNG NGAG BCAD CING DPAL LDAN DMAG ZOR RGYAL MO'I BSNYEN SGRUB LA 'GRUS BAR MDZAD PAS 'DOD PA'I KHAMS KYI DBANG MOS BZHED BCI MCHIS PA THAMS CAD THOGS PA MED PAR SKAD CIG LA BSGRUB PA'I RANG DBANG MNYES, LAN CIG KHAMS PHYOGS KYI SA CHAR GDAN 'DREN MI NAN TAN SHIN TU CHE BA ZHIG BYUNG NAS CI BYAS KYANG LOG MI 'GRO BA ZHIG BYUNG BAS, SGRUB KHANG RJER KHA BRAG TU BZHUGS PA'I SKU MDUN DU PHEBS TE, GNAS TSUL RNAMS ZHUS PAS KHYED LA BAR GCOD CHE BA ZHIG 'DUG ,SKU RIM GYIS GSUNG PA LA, RJE 'DIS DA CI BYAS KYANG SDANG MI 'JUG PAR 'DUG PAS LA KHAR SHIN BYA RO DANG CHU KHAR SHIN NA BYA RO BYAS NAS GNAS NGES MED LA THENGS 'GRO ZHUS PAR, GRUB PA'I DBANG PHYUG NAS, DE KA BAR GCOD YIN, BLO MA MANG BAR SKU RIM GYIS DANG DE NAS GSAL PO 'ONGS ZHES GSUNGS PA LTAR

SKU RIM MDZAD PAS GDAN 'DREN ZHU MI RNAMS PHYIR LOG ,YANG LAN CIG RGYAL BA 'PHAGS PA LHA'I DRUNG NAS, KHAMS LA PHEBS DGOS GSUNG BA'I BKA' SHOG BYUNG BAR, RJE SGRUB KHANG RIN PO CHER JI LTAR BYA ZHES ZHUS PAR DO NUB NGED KYIS BRTAG PA BYED PAS SANG NYIN SHOG GSUNGS, SANG DE PHEBS PAR SGRUB KHANG RIN PO CHES MDANG NGAS RMI LAM BRTAGS PAS KHAMS LA 'GRO MI DGOS PAR 'DUG ,'ON KYANG RMI LTAS GSUM BYUNG STE, RANG RE GNYIS LHA SAR 'ONGS 'DUG PA'I LAM DU ZHING MANG PO LA LO TOG BZANG PO SKYES 'DUG PA LAS BSRUS MANG PO BTOGS NAS NGED KYI AAM PHRAG TU BCUG PA DANG, NAM MKHA' NAS SGRA ZHIG LA LO TOG 'DI RNAMS BSKAMS 'GRO BAR 'DUG PAS KHYOD KYIS CHU THONGS ZER BA BYUNG ZHING, ZAM PA ZHIG LA 'GRO 'DUG PAS KHO BO BRGAL NAS KHYOD MA BRGAL BA'I BAR DER ZAM PA DE RDIB SONG BA ZHIG BYUNG, DE KHYOD LA BAR GCOD YONG BA'I LTAS SU 'DUG ,DE NAS PHUR BU LCOG GI CHU MIG BYANG DU RANG RE 'GRO 'DUG PA LA LAM G-YAS G-YON DU BA LANG GI PAGS PA DMAR PO MANG TZAM BTING 'DUG PA BYUNG, DE KHYOD LA BAR GCOD 'ONG BA'I LTAS SU 'DUG ,BYANG GI CHU MIG NAS CHU SER PO ZHIG GI RGYUN RDOL NAS LUNG PA 'DI GANG 'GRO BA RMIS, DE KHYOD KYIS BSTAN PA LA PHAN PA'I LTAS SU 'DUG ,YANG KHYOD KYI LAG PA G-YAS SU SBYAN RAS GZIGS BCU GCIG ZHAL 'DRA BA ZHIG KHYER, LAG PA G-YON DU MAR ME ZHIG KHYER NAS MAR ME DES SKU DE GSAL BAR BYED RGYU'I RTZIS LA, MAR ME RLUNG GIS LAN GSUM DU BSANG PAS SKU DE GSAL BAR BYED MA THUB PA SKU SMAD YUM DANG BCAS PA SKYIL KRUNG BCAS PA ZHIG 'DUG ,KHYED YUL DU 'GRO

, ,DGOS RGYU MA RED, DKON MCHOG LA GSOL BA THOB LA ZHU SHOG BZOS NAS 'DIR KHYER SHOG GSUNG PA LTAR, RJE 'DI PAS RGYAL BA 'PHAGS PA LHAR 'BUL RGYU'I ZHU YIG BCO BAR MDZAD NAS, SGRUB KHANG RIN PO CHER PHUL BAS RJE GRUB BA'I DBANG PHYUG GIS KYANG PHYAG BRIS PHYAG TU BZHES NAS THUGS SMON GSOL 'DEBS NAN TAN DU MDZAD PA'I ZHU SHOG KHAMS LA 'BUL BA MDZAD PAS BRTUL ZHUGS KYI NUS PA DON DANG LDAN PA'I BDEN TSIG GI MTHU LA BRTEN NAS, MDO KHAMS BSTAN PA'I SGRON ME 'PHAGS PA LHAS KYANG DGONGS PA KHROL NAS THUGS KYI BZHED DON GEGS MED PAR GRUB, GZHAN YANG DE DAG GI SKABS SU RJE GRUB BA'I DBANG PHYUG CHEN PO SGRUB KHANG PA CHEN PO'I DRUNG NAS DMIGS BRTZE MA'I LAS TSOGS KYI LUNG, MKHAS GRUB RIN PO CHE NAS BRGYUD PA'I BLA MA'I RNAL 'BYOR CHIG BRGYUD MA SHIN TU ZAB PA'I KHRID LUNG, KUN MKHYEN LNGA PA CHEN BOS MDZAD PA'I THIG LE BCU DRUG GI CHO GA'I LUNG RNAMS DANG THABS SHES GCOD KYI KHRID, GCOD THAR 'DOD DED DPON DANG SKAL LDAN 'JUG NGOGS KYI LUNG, RGYAL BA DGE 'DUN RGYA MTSOS MDZAD PA'I SNYING PO DON GSUM GYI KHRID YIG DGA' LDAN DU BGROD PA'I THEM SKAS KYI STENG NAS KHRID LUNG, DGE LDAN BKA' BRGYUD RIN PO CHE'I PHYAG CHEN GYI KHRID CUNG ZAD MA TSANG PA DANG DE'I LUNG, DGE SLONG MA DPAL MO LUGS KYI BCU GCIG ZHAL GYI RJES GNANG, GRUB RGYAL LUGS KYI TSE DBANG DANG RTA MGRIN ZUNG 'BREL GYI DBANG, BLO SBYONG LEGS BSHAD KUN 'DUS KYI LUNG RNAMS DANG GZHAN YANG GONG DU SMOS ZIN PA'I BYANG CHUB LAM GYI RIM PA'I KHRID LE TSAN SOGS ZAB PA

DANG RGYA CHE BA'I CHOS TSUL MTHA' YAS PA'I LEGS PAR BSHAD PA GSAN CING, RJE SGRUB KHANG PA CHEN PO'I SKU TSA DGE SLONG LUNG RIGS KYI DRUNG NAS SNGAGS RIM CHEN MO DANG LAM RIM CHUNG BA, BLO SBYONG SNYAN BRGYUD CHEN MO, RJE GRUB PA'I DBANG PHYUG LAS RNAL 'BYOR GYI DBANG PHYUG MI LA RAS PA'I RNAM THAR MYA NGAN LAS 'DA' MTSAMS BAR DANG MGUR 'BUM KHYIR RAS PA MAN CHAD GSAN PA'I 'PHRO RNAMS KYI LUNG BCAS GSAN, BRTUL ZHUGS GRUB PA MKHAR RDO MKHAN RIN PO CHE'I DRUNG NAS THAMS CAD MKHYEN PAR BGROD PA'I LAM RIM BDE LAM GYI KHRID RGYAS PA DANG, BLA MA MCHOD PA'I KHRID SHIN TU RGYAS PA, BLA MA MCHOD PA'I t'IKKA MKHAR RDO BLA MA NYID KYIS MDZAD PA'I LUNG, BYANG SEMS RVA SGRENG PAS MDZAD PA'I BLO SBYONG DANG BLO SBYONG NYI MA'I 'OD ZER GYI LUNG, GCOD DBANG GCOD KHRID DANG BCAS PA RNAMS GSAN, BLA MA 'DI'ANG LAM GYI GTZO BO RNAM GSUM THABS SHES GCOD KYI NYAMS LEN DANG BCAS PA DANG, RTZA RLUNG GI GNANG RNAMS LA RTZOL MED KYI MYONG BA THON PA DANG, TING NGE 'DZIN GYI MTHU LAS RNAL 'BYOR GYI DBANG PHYUG MI LA RAS PAS GDAMS NGAG DNGOS SU STZAL BA'I SKYES MCHOG YIN GSUNGS NAS, RJE GRUB PA'I DBANG PHYUG DGE LEGS RGYA MTSO'I 'OG NAS BKA' DRIN CHE SHOS SU 'DZIN PAR MDZAD, BAR SKABS SHIG DAM SEL GYI RNAM PAS MNAL LAM DU STENG GDON GYI RNAM PA ZHIG BYUNG BAN RJE GRUB PA'I DBANG PHYUG CHEN POR GSOL BAS, PHYAG NA RDO RJE 'BYUNG PO 'DUL BYED KYI RJES GNANG STZAL TE 'DI'I BSNYEN SGRUB GYIS ZHES GSUNGS PA LTAR 'BYUNG 'DUL GYI SGOM BZLAS DANG, KHYAD PAR RIGS GSUM SPYI SGRUB KYI BLA MA'I RNAL 'BYOR SKABS RJE BDAG NYID CHEN

, ,PO'I THUGS KAR PHYAG NA RDO RJE 'BYUNG PO 'DUL BYED BSKYED DE BZLAS SGOM MDZAD PAS MI MTHUN PHYOGS DE DAG LAS RNAM PAR RGYAL ZHING, KHRO PO'I RGYAL PO RTA MGRIN GSANG SGRUB KYI LJAGS BSNYEN ZLA BA BZHI'I BAR DU GSUNG NGAG BCAD NAS MDZAD DE, 'DI SKABS ZHAL GZIGS SOGS NGO MTSAR CAN GYI SNANG BA 'BYAMS SU KLAS PA GDON MI ZA YANG, RJE BTZUN BLA MA 'DI NYID BKA' GDAMS PA'I DGE BA'I BSHES GNYEN GONG MA RNAMS KYI MDZAD PA KHO NA THUGS NYAMS SU BSTAR BAS YON TAN GYI RIGS 'DI LTAR MNGA' ZHES BDAG NYID GSAL BAR MDZAD PA'I DANG TSUL RING DU BSRING STABS 'DIR GSAL BAR MA BRIS LA, CHA SHAS RNAMS NI 'OG NAS RIM GYIS 'BYUNG BAS RTOGS PAR 'GYUR, GZHAN YANG DE'I TSES KYE BO 'GA' ZHIG LA SGRUB KHANG RIN PO CHE'I SKU TSAB MDZAD DE RDO RJE RNAM 'JOMS KYI BYABS KHRUS MDZAD PAS SKYE BO DE DAG NYER 'TSE LAS GROL ZHING, DE DUS RJE GRUB PA'I DBANG PHYUG NAS BA RI LUGS KYI RNAM 'JOMS KYI RJES GNANG DANG BKRU BYABS KYI MAN NGAG BCAS RGYAS PAR STZAL, RI KHROD DU PHEBS ZIN NAS KYANG BAS MTHAR GNAS PA'I DGOS PA NI TSE 'DI'I BYA BZHAG RNAMS RES SU BOR TE RANG GI SEMS RGYUD 'DUL BAR BYED PA'I SPONG BA BSAM GTAN GYI 'KHOR LO NYID LA GZHOL BAR BYED PA'O SNYAM DU DGONGS NAS 'TSO BA'I YO BYAD SOGS BYA TSOL BYI TSOL LAS DON GNYER CUNG ZANG TZAM MDZAD CING, LAN CIG BLtAM GCIG PHYAG TU BYUNG BA LA'ANG TING CHUNG DU ZHIG SGRUB 'TSOL MDZAD NAS YON CHAB CHAG MED 'BUL BAR MDZAD PA DANG, YANG BAL tAM GCIG BYUNG BA LA'ANG MAR BSGRUBS TE ZHAL DU MA GSOL BAR MCHOD ME

'BUL BAR MDZAD PA SOGS 'TSOG CHAS PHRAN BA BYUNG BA RNAMS KYANG 'TSO BA'I YO BYAD DU MA BSGYUR BAR DKON MCHOG MCHOD PA KHO NA LA BRTZON PAR MDZAD PAS 'PHRAL SNANG GSOL ZHIB SOGS DKON SE BA'I NYAMS BYUNG BAR, RJE SGRUB KHANG PA CHEN POS PHYE KHAL GCIG LAS MI NYUNG BA LA GTOR MA GYIS LA LHA MO'I BSKANG BA THONGS GSUNG BA LTAR, ZHIB KHAL GCIG LHAG TZAM LA GTOR MA MDZAD NAS SKU MTSAMS MDZAD DE LHA MO'I BSKANG BA LA BRTZON PAR MDZAD, DE NAS BZUNG STE 'TSO BA'I YO BYAD KYI NYER MKHO RNAMS 'BAD MED DU 'GRUB, GZHAN YANG RJE NYID KYI GSUNG LAS, DANG PO 'TSO CHAS DKON PA'I DUS SU SNYING KHAM BSKYED NAS DKON MCHOG GI MCHOD PA LA BRTZON PAR BYAS PAS MAR ME NYIN 'BAR MTSAN 'BAR SOGS MCHOD PA RNAMS KYANG JE BZANG DU 'GRO BA SOGS MYONG GRUB TU BYUNG GSUNG, DER RJE RGYAL PA GNYIS PA'I SNYAN BRGYUD KYI MAN NGAG DAM PA BYANG CHUB LAM GYI RIM PA LA BSHAD PA TZAM MA YIN PAR, RJE GRUB PA'I DBANG PHYUG GI GSUNG GI BDUD RTZI BZHIN MYONG BA THON NGES PAR DPYAD SGOM DANG 'JOG SGOM GNYIS BLA MA LHA LA GSOL BA 'DEBS PA'I GNAD DAM PA DANG BCAS TE NYAMS MYONG LA BKAR NAS BSGOM PAR MDZAD PAS, BSHES GNYEN DAM PA SANGS RGYAS DNGOS SU MTHONG BA, RANG GIS THOB PA'I DAL 'BYOR DON CHE ZHING RNYED DKA' BA, 'CHI BA MI RTAG PA, NGAN SONG GSUM GYI SDUG BSNGAL, DE LAS THAR PA'I THABS DKON MCHOG LA SKYABS 'GRO DANG SDIG SPONG DGE BA BSGRUB PA, MTHO RIS KYI BDE BA THOB KYANG SDUG BSNGAL GYI RANG BZHIN LAS MA 'DAS SHING MI BRTAN PA, DER 'KHOR BAR BYED PA'I RTZAB 'JIG LTA LA SOGS PA'I NYON

, ,MONGS RNAMS YIN PA, DE SPONG BYED KYI THABS LAM BSLAB PA RIN PO CHE GSUM YIN PA, RANG NYID 'KHOR BA'I SDUG BSNGAL LAS GROL KYANG SEMS CAN GZHAN 'KHOR BA'I SDUG BSNGAL GYIS MNAR BA RNAMS DRIN CAN GYI MA SHA STAG YIN PAS, DE RNAMS LA BYAMS PA DANG, SNYING RJE DANG, DRIN DU GZO BA DANG, BDAG GZHAN BRJE BA'I 'KHRUL KHYAD PAR CAN LA BRTEN NAS BYANG CHUB DAM PA SANGS RGYAS BCOM LDAN 'DAS KYI GO 'PHANG LA DMIGS PA'I SMON SEMS DANG 'JUG PA'I BLO GROS YANG DAG PAR BSKYED NAS SBYIN SOGS PHA ROL TU PHYIN PA DRUG DANG, BSDU BA RNAM BZHI LA LEGS PAR BLO SBYONG BA DANG, LUS SEMS SHIN SBYANGS DANG BCAS PA'I ZHI GNAS DANG, GNAS LUGS STONG PA NYID KYI DON LA DMIGS PA'I LHAG MTHONG RNAMS ZUNG DU 'BREL BA RNAMS LA RDO RJE THIG PA'I LAM GYIS SNON PA BTAB NAS NYAMS SU LEN TSUL RNAMS RGYAL BA THUGS RJE DANG BKA' DRIN MTSUNGS PA'I ZLA THAMS CAD DANG BRAL BA SH'AKYA'I RGYAL PO'I GSUNG RAB KYI DGONGS DON RGYAL BA NYID KYIS RANG GI RGYAL TSAB DAM PAR DBANG BSKUR BA MI PHAM MGON PO DANG, SHING RTA CHEN PO RNAMS KYIS LEGS PAR BSHAD PA'I GDAMS PA'I CHU BO GCIG TU 'DRES PA DPAL LHA GCIG D'I PAm KA RA'I BSHAD SROL RJE RGYAL BA GNYIS PA YAB SRAS KYI GSUNG LAS 'BYUNG BA BZHIN DU THUGS RGYUD LA RTOGS PA'I YON TAN 'KHRUNGS PAS BYANG CHUB KYI YAN LAG DE DAG GANG DANG GANG GI DON LA MNYAM PAR BZHAG PA'I TSE, MNYAM GZHAG GI DUS SU DE DANG DE'I GNAD KYI DON BCOS MA MA YIN PA'I TING NGE 'DZIN LA KHYUR GYIS 'GRO ZHING, RJES THOB TU YUL YANG KUN LA DES

RGYAS THEBS NAS RANG DGA' BA'I SNANG BA BZLOG NUS PAR BZHUGS TE, DE'I RGYU MTSAN YANG, TSUL DE LTA BUS LAM RIM GYI GNAD KUN LA BRTZON PA DRAG POS MYONG BA 'DON PA'I DUS SU TSUL KHRIMS RNAM PAR DAG PAS GZHI BZUNG, BLA MA LHA'I RNAL 'BYOR LAM GYI SROG TU BYAS SHING SBYOR BA SNA TSOGS PA'I SGO NAS NYAMS MYONG LA BKAR NAS GRANG DMYAL GYI SDUG BSNGAL BSGOM PAR MDZAD PA'I TSO, DGUN 'KHYAGS SGANG LA NA BZA' SKU G-YOGS TZAM LAS MED PAR SPYIL PO'I 'GAG TU BZHUGS NAS MYONG 'DON MDZAD PAS, DANG POR SER NYAMS SHIN TU CHE BA LA RGYUN RING DU SONG SKABS DAM SBRING DE BA ZHIG LAS, SNYUN GZHI CHER MED CING, NANG DU PHEBS NAS NA BZA' BZHES TE SKU LUS DROS PA NA PHYAG SEN SOGS KYI BAR NA GZUGS GZER CHE DES DANG SKU LUS 'DAR BA MI NON PA LTA BU 'DUG CES GSUNGS PAS RTOGS PAR GDA', DE SKABS RJE GRUB PA'I DBANG PHYUG SGRUB KHANG PA CHEN PO DE GSUNG RIGS GANG LA BLTAS KYANG YUN RING MI BZHUGS PAR 'DUG SNYAM DU DGONGS NAS, CHU 'BRUG GI LO 'DI'I NANG DU SEMS BSKYED MA CHOD PA BYUNG RES KYI GSUNG BSHAD RNAMS ZIN BRIS SU MDZAD DE, SGRUB KHANG RIN PO CHE ZHING GZHAN DU GSHEGS PA'I THUGS 'DUN CHER MNGON PA'I TSE, SNGAR ZIN BRIS SU MDZAD PA'I GDAMS NGAG RNAMS RJE GRUB PA'I DBANG PHYUG CHEN POR SPYAN 'BEBS ZHU RGYU PHUL NAS, BLA MAS LONG BA THANG SKYUR 'DI 'DRA ZHIG MDZAD PAR 'DUG ,DE DUS RANG GI SNYING LA BCANG RGYU BLA MA'I SKU TSAB CIG DGOS PAR 'DUG BSAMS NAS, GSUNG 'GA' ZHIG ZIN BRIS SU BTAB PA 'DI LA BLA MAS PHYAG GI BYIN RLABS SHIG GNANG DGOS ZHES GDUNG SHUGS DRAG POS

, ,GSOL 'DEBS DANG BCAS TE GZIGS 'BUL ZHU RGYU SNYUN G-YOG TSUL KHRIMS RGYAL MTSAN LA 'CHOL BAR MDZAD PAS, BLA MAS DE NAS SHOG BU KHA SHAS SHIG LJAGS KLOG GNANG NAS MTHAR THUGS SMON RGYA CHER STZAL TE, PHYAG MTHE BONG KER NAS 'DI 'DRA MO BYUNG 'DUG GSUNG ZHING RAB 'BYAMS PA BYAMS PA KHO SNYING RJE PO RANG YIN, KHO LA LAG RTAGS SHIG STER DGOS PA YOD PA YIN TE GSUNGS, NYE GNAS DGE SLONG TSUL KHRIMS RGYAL MTSAN GYIS, RJE GRUB PA'I DBANG PHYUG CHEN POR SKU GDUNG GI BSLAB DON ZHUS PA DANG, DE'I LAN BKA' STZAL ZHING, RJE GRUB PA'I DBANG PHYUG CHEN POS BKA' STZAL BA LTAR, RJE BLA MA NYID KYIS RJE GRUB PA'I DBANG PHYUG CHEN PO'I SKU GDUNG ZHUGS 'BUL GYI RDO RJE SLOB DPON MDZAD PA SOGS NI, RJE BTZUN BLA MA BKA' DRIN MTSUNGS PA MED PA DE NYID KYIS MDZAD PA'I RJE GRUB PA'I DBANG PHYUG GI RNAM PAR THAR PA BYANG CHUB GZHUNG LAM DU GSAL BA LTAR YIN LA, DE LTAR ZHUGS 'BRAL MDZAD ZIN MTSAMS SU BLA MA DAM PA'I BKA' DRIN DRAN NAS SKU LUS BZHIG 'GRO BTZAM GYIS THUGS KHRAL TSAD MED PA 'KHRUNGS SHING, BLA MA DRAN PA'I GDUNG DBYANGS DRAG PO'ANG MDZAD NAS DGONGS RDZOGS KYI RTEN BZHENGS RNAMS KYI GZUNGS 'BUL SOGS KYANG, RJE GRUB BA'I DBANG PHYUG NYID KYI PHYAG LEN LTAR RJE BLA MA DAM PA 'DI NYID KYIS PHYAG LEN LA BSTAR, DE NAS RJE GRUB PA'I DBANG PHYUG DAM PA DE NYID KYI GDAN SA PHUR BU LCOG BYANG CHUB GLING NYID DU SGRUB PA'I RGYAL MTSAN GYI GZHI BTZUGS TE, ZLA BA LNGAR GSUNG DAG BCAD NAS DPAL LDAN DMAG ZOR GYI RGYAL MO'I BZLAS SGRUB LA BRTZON PAR MDZAD PA'I TSE LHA MO'I SKU

GSUNG THUGS KYI SNANG BA BSAM GYIS MI KHYAB PAS NYIN MTSAN KUN TU 'DA' BA DANG, LHAN SKYES KYI BDE BA CHEN BO DANG STONG PA NYID ZUNG DU 'JUG PA'I BDE STONG DBYER MED KYI YE SHES CHEN BO'I ROL PAR RNAM PA KUN TU BRTZON PAR MDZAD, DE SKABS RJE GRUB PA'I DBANG PHYUG CHEN PO'I GDUNG RUS RNAMS PHAL CHE BDRI BZANG DANG BSRES TE, KUN GZIGS RGYAL MCHOG LNGA PA CHEN PO'I PHYAG BAR LAM RIM BLA BRGYUD, GNAS BCU, YI DAM, SANGS RGYAS BYANG SEMS KYI SKU BRNYAN DU MA RAB 'BYAMS PA RGYAL MTSAN 'OD ZER SOGS DGE SLONG RNAMS KYIS BTAB PA'I 'JIM PA BYIN RLABS SOGS RJE NYID KYIS STZAL, DE NAS RTA YI LO MNGON DU BZHAD PA NA RJE BLA MA BKA' DRIN MTSUNGS PA MED PA MTSAN BRJOD PAR DKA' BA DE NYID KYI 'PHRIN LAS YANGS PO'I SGO 'PHAR THOG MAR BYE STE, SKAL LDAN GYI GDUL BYA 'GA' RE LA MAN DAG DAM PA BE'U BUM SNGON PO SOGS KYI LUNG KHA SHAS KYI BSHAD PA DANG BCAS PA STZAL, DER YID SRUBS BDAG PO SNYING LA ZHUGS SHING PHRAG DOG GI DUG CHUS YID MYOS PA'I SKYE BO MI BSRUN PA, RJE BLA MA DAM PA NGAG GI DBANG PHYUG 'DI NYID KYI 'PHRIN LAS BYE BA LA MI BZOD PA'I PHRAG DOG CAN 'GA' ZHIG GIS, RJE 'DI NYID KYIS BKA' CHOS SOGS STZAL BA LA DGAG BYA SNA TSOGS PAS THUGS ZOS MI BDE BAR MNGON PA'I TSUL CUNG ZAD BYUNG BAN THUGS MI BDE BA'I RNAM PA RNAMS LA CUNG ZAD KYANG JI SNYAM DU MI DGONGS PAR SKU MTSAMS DAM SE BA MDZAD DE, RJE BDAG NYID CHEN PO'I LEGS BSHAD DAM PA 'JAM PA'I DBYANGS KYI DGONGS GSAL ZHES BYA BA THUGS LA CHA TSANG BAR GZUNGS NAS, RJE BTZUN 'JAM PA'I RDO RJE'I BSNYEN SGRUB ZAB MO'I TING NGE 'DZIN GYI

, ,ROL PAS SANGS RGYAS KYI MCHOD SPRIN DPAG TU MED PA PHYOGS BCU'I ZHING THAMS CAD KHYAB PAR SPROS TE, JI LTAR PADMA CHU MIS CHAGS PA BZHIN, ,NYI ZLA NAM MKHAR THOGS PA MED LTAR SPYAD, CES PA'I BYANG SEMS KYI SPYOD PA GSANG BA BSAM GYIS MI KHYAB PA RMAD DU BYUNG BA NGES DON GYI MAm YIG LAS SPRO PA DANG SDUD PA'I RNAM 'PHRUL GYIS LTAD MO SNA TSOGS PA 'BYAMS SU KLAS PAR GYUR CING, KHYAD PAR DU BDAG GZHAN BRJE BA'I BYANG CHUB KYI SEMS DANG GTOD LEN GYI DMIGS BA ZAB MO LA 'BAD PA RTZAL DU BTON PA'I NYAMS BZHES LHUR MDZAD PAS PAR GCOD KYI RNAMS KYANG RIM GYIS ZHI BAR GYUR, BYA LO'I NANG DU YONGS KYI DGE PA'I BSHES GNYEN DAM BA DGA' LDAN KHRI RIN PO CHE BLO BZANG DAR RGYAS KYI BKAS BSKUL NAS, KHRI CHEN BLO BZANG DAR RGYAS NYID KYI SKU TSA BSOD NAMS RAB BRTAN LA ZHAL LUNG GI KHRID GNANG DGOS PAR GSOL BA BTAB PAS, RJE BTZUN DAM PA NYID KYIS RE SHIG SKU MTSAMS MDZAD NAS BRTAG PA ZHIG MDZAD DE, SKABS SU BABS PA'I MTSAN MA BRTAN PO GZIGS NAS ZHAL GYIS BZHES PA'I ZHU 'PHRIN 'BUL BAR MDZAD PAS, KHRI RIN PO CHE NAS, LAN DU, KHO BO BDE MCHOG L'U AI BA'I BDAG 'JUG LEN PA'I GSANG DBANG GI SKABS SU 'PHRIN YIG 'BYOR BYUNG BA DE GSANG DBANG GSUNG GI BYIN RLABS KYI SKABS YIN PAS NYID KYI KHRID 'GRO DON CHEN PO YONG BA'I RTEN 'BREL 'GRIG ,DES NA DA LAM SHIN TU NAS THONGS, 'ON KYANG DGOS ZER TSAD LA BTANG NA CHOS GTZIGS CHUNG DU 'GRO BAS LO RE LA KHRID ZLA BA LONGS PA RE THONGS, ZHES ZHUS PAS MTSAMS SBYAR NAS, BYA YI LO SA GA ZLA

BA'I TSES BRGYAD NAS BZUNGS TE DBON CHUNG BSOD NAMS RAB BRTAN, BLA MA DKON MCHOG RDO RJE GNYIS KYIS GTZO BYAS PA'I SKAL LDAN GYI GDUL BYA DGE 'DUN BZHI BCU'I GRANGS SU LONGS PA LA DUS GSUM RGYAL PA'I BGROD PA GCIG PU BYANG CHUB LAM GYI RIM PA'I KHRID 'JAM DPAL ZHAL LUNG GI ZAB KHRID, SHING RTA CHEN PO RNAM GNYIS DANG RJE RGYAL BA GNYIS PA'I LEGS PAR BSHAD PA NYAMS MYONG MAN NGAG GIS BRGYAN TE STZAL BAS DAM PA'I CHOS KYI RNGA BO CHE'I DBYANGS MI BZAD PAS SKYE BO DE DAG MA RIG PA'I GNYID LAS RNAM PAR BSLANGS TE, RNAM PA THAMS CAD MKHYEN PA'I YE SHES LA BGROD PA'I THUN MONG DANG THUN MONG MIN PA'I LAM NI KUN 'KHOR GYI NGOS YANGS LTA BUR STZAL ZHING, SEMS BSKYED MCHOD PA'I SKABS GLO BUR DU CHAR GYI RGYUN BZANG PO BABS PAS CHOS KYI BDUD RTZI'I CHAR CHEN POS 'GRO BA RNAMS KYI NYON MONGS PA'I TSA GDUNG SEL BA'I RTEN 'BREL LEGS PAR 'GRIG ,LO DE'I ZLA BA LNGA PA'I NANG DU JUN SGAR GYI DMAG DPUNG TSAN CHE BA BOD DU 'BYOR NAS LHA SANGS RGYAL PO'I DPUNG DANG PHAN TSUN 'KHRUG GZING SNA TSOGS PA BYAS TE, MTHAR ZLA BA BCU PA'I TSES NYER DGU LA LHA SANGS KHANG 'KHOR DANG BCAS PA G-YON RU'I DBUNG GIS BCOM STE LHA SANGS RGYAL PO MTSON GYI KHAR SHI BAR GYUR, DE DAG LA SOGS PA MI'I SHA TSUGS LA GCAN GZAN MA RUNGS PA'I SEMS DANG LDAN PA'I SKYE BO GLANG SPYOD CAN RNAMS KYI NGANG TSUL LA THUGS LHAG PAR SKYO BA 'KHRUNGS NAS, LO DE'I ZLA BA BCU GCIG PA'I TSES GCIG NAS BZUNGS PHAG LO ZLA BA GNYIS PA'I BAR THEM PA PHYIR MI 'DA' BA'I SKU MTSAMS DAM PAR BCAD NAS NYIN MTSAN KHOR YUG TU BDAG GZHAN MNYAM BA RJE'I BYANG CHUB

, ,KYI SEMS DANG YI DAM LHA'I RNAL 'BYOR GYI ROL PA ZAB MOS DUS 'DA' BAR MDZAD, DE DUS LO GSUM GYI RING JUN SGAR PA RNAMS KYIS BOD KHAMS LA DBANG BSGYUR TE, SKYA SER GYI TSOGS DPAG TU MED PA LA LUGS GNYIS KYI KHRIMS LAS BRTZAMS TE DBYE 'BYED SNA TSOGS PA BYAS NAS, GRVA PA 'DUL KHRIMS LAS CUNG G-YEL BA DANG, MI NAG GI GRONG DGON PA'I NYE 'DABS SU YOD PA RGYAD RING DU PHUD, GRVA PA BGRES PA DGE BA LA SBYOR MI BZOD PA DANG RNYING MA'I BLA DGON RNAMS LA'ANG DRAG SHUL GYI SPYOD PA SNA TSOGS BYAS PA'I BYA BA 'GA' ZHIG BZANG YANG, PHAL CHER RANG GZHAN KUN SDUG BSNGAL LA SBYOR BA'I NGANG TSUL 'BA' ZHIG TU SNANG BAS RJE 'DI PA THUGS LHAG PAR SKYO STE BLA MA LHA LA GSOL 'DEBS DRAG TU MDZAD PAS DPAL MGON ZHAL BZHI PA BU CHUNG MGO BZHI PA 'PHRED NYAL DU GNAS PA ZHIG GI TSUL DU BYON NAS RNAL 'BYOR PA KHYOD KYI BYA BA THAMS CAD NI MTHAR PHYIN PA'O ZHES GSUNG GI SNANG BA STZAL PAS THUGS BDE 'BOL GYIS 'GRO BA ZHIG BYUNG, LCAGS BYI LO'I NANG DU 'JAM PA'I DBYANGS GONG MA CHEN PO BDE SKYID RGYAL PO'I LHA SRAS CHEN POS GTZO MDZAD PA'I DPUNG CHEN 'BUM PHRAG DU MAR LONGS PA DANG BCAS TE, RJE BTZUN BLA MA DAM PA BKA' DRIN MTSUNGS PA MA MCHIS SHING MTSAN BRJOD PAR DKA' BA RGYAL DBANG THAMS CAD MKHYEN PA BLO BZANG BSKAL BZANG RGYA MTSO DPAL BZANG PO SKU 'BUM NAS, PHO BRANG GRU 'DZIN CHEN PO'I GZHAL MED KHANG CHEN POR GSER GYI KHRI LA MNGA' GSOL BA'I PHYIR SPYAN DRANGS PA'I DBUNG GI TSOGS KYI GZI BRJID LAS G-YON RU'I DPUNG RNAMS RANG GI YUL DU PHYIR LDOG CING, THAMS CAD MKHYEN PA PHYAG

NA PADMO DUR SMRIG GAR GYIS RNAM PAR ROL PA'I ZHABS SEN BKRA SHIS KYI RI MO RNAM PAR BKRA BA MI 'JIGS GDONG LNGA'I KHRI 'PHANG MTHON POR BKOD PA'I DUS SU, RJE 'DI BA'ANG THUGS SHIN TU SPRO ZHING PO TA LAR MJAL PHYAG LA PHEBS SKABS SHIG RA BSTOD DU BRAG G-YAB SPRUL SKU CHE BA BLO BZANG RNAM RGYAL DANG, BYAMS MDUN MKHAN PO RIN CHEN RGYA MTSO SOGS KYIS GDAN 'DREN ZHUS PA LTAR CHIBS BSKYOD NAS GONG SMOS GNYIS KYIS MTSON DGE 'DUN BRGYA PHRAG LONGS PAR RJE BDAG NYID CHEN PO'I LEGS PAR BSHAD PA RMAD DA BYUNG BA BYANG CHUB LAM RIM CHEN MO'I BSHAD LUNG DANG BDE LAM GYI ZAB KHRID, BLO SBYONG SNA TSOGS KYI LUNG, BYAMS MDUN MKHAN PO DANG RAB 'BYAMS PA SHES RAB GRAGS PA SOGS BCU SKOR LA GCOD DBANG DANG GCOD KHRID BCAS ZHIB PAR STZAL, TSES BCO LNGA'I NYIN SNYE THANG 'OR LHA KHANG DU SKAL LDAN GYI GDUL BYA DE DAG DANG LHAN CIG GSO SBYONG GI BYA BA DANG, PHYI DRO SEMS BSKYED CHO GAS 'DZIN TSUL GSUNG BSHAD SHIN TU RGYAS PA DANG BCAS TE BKA' DRIN GYIS STZAL, RMOG LCOG DANG CHOS RDZONG RNAMS SU'ANG GNAS GZIGS ZHIB RGYAS DANG RMOG LCOG TU MKHAS GRUB KHYUNG PO'I GZIMS PHUG TU MCHOD PA SNYAN SHAL SOGS BZANG BA DANG BCAS NAS THUGS SMON RGYA CHE BA MDZAD, DE SKABS SHAR PHYOGS 'JAM DBYANGS GONG MA CHEN PO'I RGYAL KHAB TU PHEBS BSKYOD DGOS PA'I MTSAN MA GLENG GZHI DANG BCAS PA SHIN TU MNGON CHE BA BYUNG PA NA, GONG MA CHEN PO'I RGYAL KHAB TU CHIBS BSKYOD NA PHYOGS DER BSTAN 'GRO'I MGON PO BLA NA MED PAR 'GYUR NA'ANG, RJE NYID KYI GDUL BYA'I GTZO BO PHAL CHE PA BSIL LDAN GYI LJONGS 'DI NYID NA 'KHOD PA DANG, BOD

, ,LJONGS 'DI NYID DU BZHUGS PA BSTAN 'GRO LA LHAG PAR SMAN PAR GZIGS NAS DPAL LDAN 'DOD PA KHAMS KYI DBANG PHYUG MAR 'PHRIN LAS DRAG TU 'CHOL BAR MDZAD PAS SHAR PHYOGS SU CHIBS BSKYONG PA'I BYA BA LAS PHYIR YOL ZHING D'A CHINGS SP'A DUR PAS SE NAS SNAR THANG MKHAN POR PHEBS DGOS KYI GSOL BA BTAB PA'ANG ZHAL GYIS MA BZHES, DE LTAR PHUN SUM TSOGS PA'I 'KHOR LO GSUM GYI MDZAD PA DE LTA BUS BSHAD PA DANG SGRUB PA'I RGYAL MTSAN GNYIS KA DANG KHYAD PAR SGRUB PA'I RGYAL MTSAN NYID BZUNG STE, MDO SNGAGS KYI LAM CHA TSANG LAM NOR BA KUN SANGS RGYAS KYI GO 'PHANG SNYIGS DUS KYI TSE THUNG 'DI NYID LA THOB PAR 'GYUR PA'I CHA RKYEN DU KHYER PAR MDZAD PA NA PHYOGS BCU'I RGYAL BA SRAS DANG BCAS PA THAMS CAD KYIS JI LTAR MA YIS BU GCIG PA BZHIN DU SKYONG BAR MDZAD DO, ,SMRAS PA, DBEN GNAS PADMO'I RDZING BU LA, ,CHAGS PA'I RKANG DRUG BSAM GTAN GYI, ,SBRANG RTZI'I BTUNG BAS MYOS PA LAS, ,ZHI LHAG TING 'DZIN BDUD RTZI SKYUG ,GRUB PA'I DBANG PHYUG LHA'I DBANG PO'I; ;YE SHES ZHO 'THUNG MTSON CHA YIS, ,MTHAR LTA'I SBYIN SKYES BCOM PA LAS, ,LTA BA'I 'CHI MED BTUNG BA LEN, ,PHA KHOL BZHIN DU BSHES LA GUS, ,KUN TU BZANG LTAR MCHOD SBRIN SPRO, ,'JAM PA'I DPAL LTAR ZAB GSAL GYI, ,BLO GROS RMAD DU BYUNG BA BRNYES, ,BAR GCOD NAG PO'I RTZA LAG KUN, ,BLA MA LHA YI THUGS RJE'I ZHUGS, ,'BUM PHRAG DAG GIS BSREGS SBYANGS PAS, ,RNAM PAR RGYAL PA'I RU MTSON BSGRENGS, ,BSHES GNYEN LEGS BSHAD TSEMS DKAR SPRIN, ,ZAB YANGS LJAGS

KYI GLOG PHRENG DAG ,'KHRUGS LAS 'ONGS PA'I ME TOG RGYUN, ,LTA BU'I LEGS CHU SBYI BOR BSTEN, ,'ONGS SPYOD RDZOGS PA'I THUGS KYI DBYINGS, ,GRUB PA'I DBANG PHYUG THIM PA NA, ,MCHOD DANG RIGS KYI RGYAL TSAB TU, ,DBANG BSKUR DAM PA CIR YANG THOB, ,RGAN THIG BKRA PA'I SRAD PU LA, BEEd'U DO SHAL RING BRGYUS NAS, ,KUN GSAL MDZES LAS 'ONGS 'DRA'I NGOGS, ,LEGS BSHAD RIN CHEN CIR YANG STZAL, ,SANGS RGYAS SPRIN MANG SPRO BA DANG, ,TSE DANG YE SHES MCHOG SPYIN MA, ,'JAM DPAL KHROS DANG RE MA T'I, ,PADMA DBANG GI RGYAL PO SOGS, ,KUN KYANG CHOS KYI 'KHOR LO'I DBUS, ,RLUNG SEMS MI SHIGS PAR ROL PAS, ,DAG DANG NGO MTSAR SNANG BA NI, ,RGYU SKAR BDAG LA GZUGS LTAR BKRA ,CHOS KYI CHU YIS KUN TSIMS DANG, ,NYER 'TSE MA LUS ZHI BA DANG, ,DA DUNG BDUD RTZI'I RNGA BRDUNG BA, ,'DI DAG PHAN TSUN 'GRAN BZHIN 'PHEL, ,RJE BLA MA DAM PA BKA' DRIN MTSUNGS PA MED PA GANG GI RNAM PAR THAR BA RGYA MTSO LTA BU LAS CHA SHAS TZAM BRJOD PAR BYED PA'I GTAM DAD PA'I 'DAB BRGYA BZHAD PAR BYED PA'I NYI MA ZHES BYA BA LAS GCIG TU DBEN PA'I RI KHROD DU RGYAL BA DGYES PA'I LAM BZANG LA GZHOL PAS JI LTA JI SNYED KYI CHOS KUN LA MNGA' 'BYOR ZHING GZHAN DON 'PHRIN LAS KYI SGO 'PHAR THOG MAR BYE PA'I 'OD ZER TE BZHI PA'O,, ,, ` DE NAS RJE BTZUN BLA MA 'DI NYID KYI GZHAN DON 'PHRIN LAS KYI RIM PA JE RGYAS SU SONG BAR BRTEN LO RE BZHIN DPYID KYI DUS SU LAM RIM 'JAM DPAL ZHAL LUNG GI LJAGS KHRID SEMS BSKYED MCHOD PA DANG BCAS PA SKAL LDAN GYI GDUL BYA RNAMS LA STZAL BSAD MA PA'I CHOS KYI BDUD RTZI'I BKA'

, ,DRIN NOD BA JE RGYAS SU SONG STE, DANG POR PHUR BU LCOG GI 'DU KHANG CHUNG BAR SHONG TZAM DANG, DE NAS PHYI'I RA BA GNYIS KYANG KHENGS BAR GYUR CING, THOG MAR MA DAD PA'I RNAM PA CUNG ZAD BGYID PA RNAMS KYANG RIM GYIS 'GYOD PA'I MES GDUNG BZHIN PAS MCHOG TU DAD PAR GYUR, DUS DER BLA MA GRUB DBANG DON YOD MKHAS GRUB PA SER BYES TSA BA KHANG DU PHEBS SKABS GCUNG PO RAB 'BYAMS PA RIN CHEN LEGS PAR MNGAGS PAR MDZAD NAS, SLAR ZHIG DPAL GSANG BA 'DUS PA'I BSKYED RDZOGS KYI KHRID BSDUS PA ZHIG GNANG DGOS ZHES ZHU PA MDZAD PAR, BLA MA MKHAS GRUB PA RIN PO CHES KHYOD TSO DGE BSHES CHOS BSDUS PA RANG DGOS ZHES RGYAS BSUS BYED KYI YIN BSTAN PA RANG BSHIG PA'I SKAD CHA RED RGYAS PA ZHIG NYAN NA SLAR YONG GSUNG BA BSTAN PA THUGS LA BZHAG PA'I GSUNG DU MKHYEN NAS MCHOG TU DGYES TE BKA' DRIN CHE ZHES GSUNGS, DE LTAR CHOS GRVA LA PHEBS DUS NAS BZUNGS SKABS 'DI BAR DU SNGA PHYI MA NGES PAR YONGS KYI DGE PA'I BSHES GNYEN MANG PO LA DAM PA'I CHOS KYI BDUD RTZI'I RIM PA JI LTAR BZHES PA NI, BLO GLING SLOB DPON BLO BZANG SPYIN PAR MGON PO SNYING ZHUGS KYI BYIN RLABS RTA MGRIN GSANG SGRUB KYI RJES GNANG, BLA MA LNGA BCU BA'I RNAM BSHAD, GNAM RTZE LDENGS MA, BYANG CHUB GZHUNG LAM, RTZA LTUNG RNAM BSHAD KYI LUNG DANG, 'BRAS SPUNGS SU BLA MA 'JAM DBYANGS NAS, SNAR THANG BRGYA RTZI'I RJES GNANG, SMAN MCHOG RGYA MTSO 'JUG DOGS KYI LUNG, SNGAGS RIN CHEN MO, BSLAB BTUS, RGYAL BA LNGA BA'I GTOR MA SNA TSOGS KYI LUNG, KHYAD PAR DU RNAL 'BYOR MA RGYUD DUNG PHYUR PHRAG

GCIG DANG BYE BA PHRAG DRUG GI NANG NAS RGYAL MTSAN GYI TOG LTAR 'PHAGS PA DPAL 'KHOR LO BDE MCHOG L'U AI PA'I LUGS KYI BSKYED RDZOGS KYI DMAR KHRID MCHOG TU RGYAS PA DANG, M'A RO MKHA' SBYOD MA'I DBANG DANG BSKYED RDZOGS KYI KHRID, GDUGS DKAR LHA SO BDUN MA'I DBANG, THUB PA DAM TSIG GSUM BKOD KYI DBANG, BSNYEN DUS KYI DPAL MGON ZHAL BZHI PA DANG, MGON PO PHYAG BZHI PA, DUR KHROD BDAG PO RNAMS KYI RJES GNANG DANG, DPAL MO LUGS KYI BCU GCIG ZHAL, MKHA' 'GRO SDE LNGA'I RJES GNANG, RNAM SRAS MDUNG DMAR CAN GYI RJES GNANG RNAMS DANG, YER PA RDO RJE PHUG TU RDO RJE 'CHANG PHUN TSOGS RGYA MTSO'I DRUNG NAS BCOM LDAN 'DAS DPAL 'KHOR LO BDE MCHOG L'U AI PA DANG DRIL BU LUS DKYIL KYI DBANG DANG BSKYED RDZOGS KYI KHRID RNAMS GSAN CING, 'DI SKABS 'TSO BA DKA' THUB LA BRTEN NAS DKA' DPYAD KYANG DRAG TU MDZAD PA YIN GSUNG, RTEN 'BREL GYI CHOS RNAMS CHU NANG GI ZLA BA LTAR GZIGS PA GRUB PA'I DBANG PHYUG KHRI CHEN RDO RJE 'CHANG NI MIN HAN NGAG DBANG MCHOG LDAN PA RGYUD SMAD MKHAN PO MDZAD SKABS, RGYUD THAMS CAD KYI RGYAL PO DPAL GSANG BA 'DUS PA'I DKA' GNANG THAMS CAD DPAL LDAN ZLA BA'I ZHABS DANG, SNYIGS DUS KYI RGYAL PA GNYIS PA RJE BDAG NYID CHEN PO GNYIS KYIS LEGS PAR BSHAD PAS MTHA' DRUG TSUL BZHI'I SGO NAS THUB DBANG RDO RJE 'CHANG GI DGONGS PA JI LTA BA BZHIN GTAN LA 'BEBS PA'I LEGS BSHAD 'GREL PA BZHI SPRAGS SU GRAGS PA'I BSHAD LUNG SHIN TU ZHIB PA DANG, RJE RGYAL BA GNYIS PA'I SNYAN BRGYUD 'JAM DBYANGS CHOS SKOR DU GRAGS PA'I RJES

, ,GNANG DANG LUNG CHA TSANG, SNYING ZHUGS MA GTOGS PA'I MGON CHEN BCU GSUM GYI DBANG BKA' YONGS SU RDZOGS PA, MGON PO'I BE'U BUM GYI LUNG YONGS RDZOGS, RNAM SRAS SER CHEN DANG DPAL MGON ZHAL BZHI PA'I RJES GNANG RNAMS DANG, KHRI CHEN BLO BZANG DAR RGYAS LA DPAL GSAD BA 'DUS PA MI BSKYOD PA'I DBANG, DPAL RDO RJE 'JIGS BYED KYI LAM RIM PA GNYIS SMON LAM GYI SGO NAS 'CHAD PA'I 'GREL BA RIG 'DZIN KUN DA'I DGA' STON GYI LUNG, DPAL RDO RJE 'JIGS BYED BCU GSUM MA DANG BDUD LAS RNAM PAR RGYAL PA'I DBANG CHEN, DPAL RDO RJE 'JIGS BYED KYI SNGAGS BTU'I RJES GNANG DANG DE'I BSKYED RDZOGS GNYIS KYI KHRID, CHOS RGYAL PHYI NANG GSANG GSUM DANG BEKTZE, ,SGROL DKAR, KHYUNG NAG ,KHYUNG KHRA, BCU GCIG ZHAL RNAMS KYI RJES GNANG DANG, TSE DPAG MED 'JAM LUGS KYI TSE DBANG, KHRI CHEN DE NYID KYIS MDZAD PA'I 'JIGS BYED KYI BSKYED RIM DANG YI DAM SGRUB SKOR NAS 'GA' ZHIG GI LUNG BCAS ZHU BA GNANG, BLA MA BSOD NAMS BZANG PO'I SKU ZHABS NAS, RJE BDAG NYID CHEN PO'I LEGS BSHAD RTZA 'JUG GI tA'IKA CHEN SOGS RJE'I DNGOS RTZOM PHAL CHE BA DANG, RIGS TSOGS DRUG DANG, BYAMS CHOS SDE LNGA, BKA' GDAMS PHA CHOS, RNAM BSHAD GSER 'PHRENG, 'DUL tA'IKA RIN CHEN 'PHRENG BA RNAMS KYI LUNG DANG, RGOD TSANG BLA MA BLO BZANG RAB RGYAS LAS, PAn CHEN BLO BZANG CHOS KYI RGYAL MTSAN GYI GSUNG 'BUM BU STI LNGA BKA' RGYA MA DANG BCAS PA'I LUNG, AE PA CHOS MDZAD NGAG DBANG RGYAL MTSAN RIN PO CHE'I DRUNG NAS RGYAL BA'I BKA' GANGS CAN GYI LJONGS SU 'GYUR RO

'TSAL GYI LUNG, BSAM BLO NGAG DBANG BRTZON 'GRUS PA'I DRUNG NAS BSLAB SPYOD DANG SKYES TSOMS RNAMS KYI LUNG, KHRI RIN PO CHE RGYAL MTSAN SENGGE'I SKU ZHABS NAS GRUB CHEN MI TRA DZO KI'I LUGS KYI THUGS RJE CHEN PO RGYAL BA RGYA MTSO'I DBANG CHEN, GONG MA CHEN PO'I PHU YAN T'A BLA MA BKA' 'GYUR BA BLO BZANG TSUL KHRIMS PA'I DRUNG NAS, SLOB DPON CHEN PO AA BHY'A KA RA'I LUGS KYI RDO RJE 'PHRENG BA'I DKYIL 'KHOR CHEN PO DGE LEGS SU BYED PA'I DKYIL 'KHOR GSUM DANG BCAS PA'I DBANG SBYOR DNGOS RJES GSUM YONGS SU RDZOGS PA, DGE SLONG 'JAM DBYANGS GRAGS PA'I DRUNG NAS RTA MGRIN YANG GSANG GI DBANG CHEN, DE'I SGRUB THABS SNYING PO GCIG BSDUS KYI LUNG, RGYAL SRAS RIN PO CHE'I DRUNG NAS JO BO'I CHOS 'BYUNG BRGYA RTZA'I LUNG, CHU BZANG DPON SLOB BLO BZANG RIN CHEN GYI DRUNG NAS DPAL 'KHOR LO BDE MCHOG LHA LNGA'I DBANG CHEN DANG, BCOM LDAN 'DAS KYI DGYES BA RDO RJE'I MAN NGAG LUGS KYI DBANG CHEN, 'OL KHA RJE DRUNG GI DRUNG NAS GSANG BDAG SNYAN BRGYUD LAS PHYAG RDOR SKU LNGA'I GCES 'PHRENG BDUNG RTZI'I THIGS PA, DON DAM SEMS BSKYED, TSE DPAG MED LHA BCU BDUN RNAMS KYI RJES GNANG, RNAM 'JOMS SNUR LUGS KYI DBANG CHEN, LHO BRAG BKA' 'BUM PU STI GNYIS KYI LUNG, RGYUD STOD DBU MDZAD MTHU STOBS KYI DBANG PHYUG DGE 'DUN YE SHES KYI DRUNG NAS, BCOM LDAN 'DAS DPAL RDO RJE 'JIGS BYED CHEN PO LHA BCU GSUM GYI 'KHRUL 'KHOR GYI RTOG PA'I RGYA CHER BSHAD PA KHAMS GSUM LAS RNAM PAR RGYAL PA'I NYI 'OD KYI STENG NAS LAS BZHI'I 'PHRIN LAS THOGS PA MED PAR SGRUB PA'I 'KHRUL

, ,'KHOR GYI PHYAG KHRID SHIN TU ZHIB PA DANG, MKHAS GRUB CHOS KYI RGYAL PO'I LEGS BSHAD DE GA'I LUNG RNAMS SHIN TU ZHIB PAR GSAN TE, PHYAG LEN LA'ANG JI LTAR 'TSAMS PAR BTAB, PHAR YANG KHRI CHEN RDO RJE 'CHANG NGAG DBANG MCHOG LDAN LA BLA MA MCHOD PA BDE STONG DBYER MED MA DANG, BLO SBYONG DON BDUN MA DANG, DRIL BU LUS DKYIL GYI BSKYED RDZOGS KYI KHRID DANG, 'OL KHA RJE DRUNG LA BDE MCHOG LUS DKYIL GYI RDZOGS RIM GYI KHRID RNAMS STZAL, DE SKABS SKYABS MGON THAMS CAD MKHYEN PA CHEN PO GONG MA G-YUNG tING RGYAL POS BOD DBUS GTZANG ZHOD MA 'JAGS KYI BAR LA MGAR THAR PHYOGS SU PHEBS DGOS PA'I BKA' BYUNG BA LTAR, PHEBS PAR MNGON DU PHYOGS PA'I TSE RJE 'DIS KYANG MJAL BAR PHEBS, RGYAL DBANG THAMS CAD MKHYEN PA CHEN PO MGAR THAR PHYOGS SU PHEBS ZIN NAS ZLA BA GNYIS TZAM SONG BA'I RJES SU, RJE 'DI PA'ANG RGYAL BA 'PHAGS PA LHA'I RIGS KYI COD PAN DU BZHES PAR BZHED PA'I GSUNG GIS BSKUL NAS PHEBS PAR MNGON DU PHYOGS SHING, SPYAN 'DREN PA RNAMS KYANG 'BYOR PA'I TSE BOD KYI SRING SKYONG BA PHO LHA BA BSOD NAMS STOBS RGYAS KYANG, DAM PA 'DI NYID KYI SKU'I GZI BYIN GYIS NGA RGYAL DBAL GZHOM NAS PHUR BU LCOG TU BYUNG SKABS RJE BTZUN BLA MA 'DI NYID KYIS CHAB MDOR PHEBS RGYU YIN TSUL GYI BKA' GNANG BAR PHO LHA BAS KYANG GUS PA CHEN POS MAR LAM GYI RTA KHAL SOGS TSANG MA NGED RANG GIS 'GAN LEN BYED CING, LO GCIG NAS PHYOGS 'DIR NGES BAR PHEBS DGOS ZHES ZHUS, KHAL KHA RJE BTZUN DAM PA'I DGONGS RDZOGS PA BLA DPON KHAG,

GI ROGS LAM DU PHO LHA BA DGA' LDAN DU BYON PA DANG RJE NYID GZIMS CHUNG MNGON DGAR MJAL DUS PHO LHA BAS RANG NYID KYIS SNGON GSANG SNGAGS RNYING MA'I CHOS SKOR LA CUNG ZAD SBYANGS PA BYAS PA'I YON TAN LAS PA RTZAMS TE LTA BA DANG RLUNG GI 'PHROS PA MANG PO ZHUS PAR, MDO RGYUD DGONGS 'GREL GYI LUNG TSAD MA'I RGYAB RTEN DANG BCAS PA ZHIB PAR STZAL BAS CI'ANG ZHU MA SPOBS, ZLA BA DRUG PA'I DUS SU ZHOGS LA PHEBS, BLA MA DAM PA NGES DON GYI MKHAS GRUB CHEN PO DON YOD MKHAS GRUB PA DANG ZHAL MJAL MNGON DU GYUR TE, SNGAR RJE NYID NAS GSOL 'DEBS GNANG BA BZHIN RJE NYID KYIS DBU MDZAD, DVAGS PO RAB 'BYAMS PA DANG BLA MA MKHAS MCHOG SOGS RIN PO CHE LTA BU'I GANG ZAG DRUG CU SKOR LA, ZLA BA GCIG DANG ZHAG NYI SHU'I BAR DU STON PA BLA NA MED PA THUB DBANG RDO RJE 'CHANG DE NYID KYI GSUNG GI GSANG BA DANG SNYING PO GCIG TU BSDUS PA RGYUD THAMS CAD KYI RGYAL PO DPAL GSANG BA 'DUS PA'I LAM RIM PA LNGA DANG, DPAL MGON 'PHAGS PA KLU SGRUB DANG ZLA BA'I ZHABS KYI MAN NGAG LAS 'BYUNG BA'I SNYING PO MA LUS PA GCIG TU BSDUS PA, RJE RGYAL BA GNYIS PA BLO BZANG RDO RJE'I CHANG CHEN PO'I LEGS PAR BSHAD PA 'GRAN PA'I ZLA THAMS CAD DANG BRAL BA RIM PA LNGA GSAL BA'I SGRON ME'I BSHAD LUNG SHIN TU ZHIB CING PHU THOG CHOD PA GSAN TE, BLO CHEN SA LA GNAS PA'I RGYAL SRAS CHEN PO RNAMS KYI YID KYANG 'PHYANG MO NYUG TU 'GYUR BA'I LAM RIM PA LNGA LEGS PAR BSHAD PA'I BDUD RTZIS THUGS KYI BUM BZANG PHYUR BUR GTAMS SHING, DE'I TSE GRUB DBANG DON YOD MKHAS GRUB

, ,PAS RJE BLA MA 'DI CHOS GRVAR SENGGE'I KHRIL BZHUGS SU GSOL NAS TSE DPAG MED KYI SKU DANG, ZHAL DKAR YU RING ZHOS BKANG BA BCAS PHYAG TU PHUL NAS, RJE DON YOD MKHAS GRUB PA SKYA BTZUN DU MA'I 'KHOR DANG BCAS PA LA; RGYAN 'JUG DANG RTZA SHE SPYOD 'JUG RNAMS KYI LUNG GSUNG BAR GSOL BA 'DEBS PAR MDZAD PA BZHIN RJE 'DIS KYANG LEGS PAR STZAL, RJE DON YOD MKHAS GRUB PAS 'KHOR RNAMS LA LUNG BZHI PO DE RNAMS LAS RANG RANG GIS JI LTAR 'DOD PA RE 'DON DGOS PA'I KHAS LEN SKOR BAR MDZAD NAS, RJE BTZUN BLA MA 'DI BSTAN PA YONGS SU RDZOGS PA'I MNGA' BDAG CHOS KYI RGYAL SRID CHEN POR MNGA' GSOL BAR MDZAD DO, ,LO ZLA ZHAG DUS LA DBANG BA'I, ,BLO GSAL 'CHI MED TSOGS RNAMS KYIS, ,SBYIN SKYES BCOM TSE LHA DBANG LA, ,NYE BAR MCHOD CING MNGA' GSOL LO, ,DE NAS SLAR YANG BZHUGS GNAS SU PHEBS TE SER RTZER DGE BSHES DRI MED SOGS DGE 'DUN BRGYA PHRAG SKOR LA BDE LAM GYI LJAGS KHRID THAR PA'I SA BON THEBS NGES PA DANG THABS SHES GCOD KYI DBANG BCAS GNANG, DER RJE BTZUN BLA MA 'DI NYID KHAMS PHYOGS SU PHEBS PAR MNGON DU PHYOGS PA'I TSE SER BYES SMAD KHANG TSAN 'GA' RE SOGS DAD LDAN GYI SLOB MA MANG POS ZHABS PAD YUN RING DU BRTAN PA'I RTEN 'BREL MANG DU BSGRIGS SHING, BOD LJONGS 'DIR MYUR DU PHEBS DGOS PA'I GSOL BA NAN TAN CHEN POS 'DEBS PA RNAMS LA ZHAL BZHES KYANG LEGS PAR STZAL, PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG POS MDZAD PA'I

BLA MA'I RNAL 'BYOR DANG GSOL 'DEBS RI KHROD DU BTZUGS PAR MDZAD PA PHYOGS THAMS CAD DU SHIN TU 'PHEL BAR GYUR PA'I RTEN 'BREL RMAD DU BYUNG, DE RJES LHA SAR PHEBS NAS, MI DBANG PHO LHA PA DANG MNYAM DU ` JO SH'AKA RNAM GNYIS SOGS MCHOD MJAL THUGS SMON GYIS MTHA' BRGYAN PAR MDZAD NAS, RTZE MO SKU GNYER GYIS JA ZHUS DUS SU MANG POS BKUR BA'I GDUNG BRGYUD DRI MA MED PA GU GE CHOS KYI RGYAL PO DANG PHO LHA BA GNYIS RJE BLA MA 'DI PA'I SKU MDUN DU GUS PA DANG BCAS PAS 'KHOD, DE'I PHYI NYIN DGA' LDAN KHANG GSAR DU SRID SKYONG PHO LHA BAS BSOD NAMS KYI ZHING DU SPYAN DRANGS TE BSNYEN BKUR PHUN SUM TSOGS PA DANG, RJE NYID CHAB MDOR PHEBS RGYU'I SKU'I NYER MKHO RDZONG BA SNA TSOGS PA PHUL ZHING, DE NYIN GU GE CHOS RGYAL SOGS DANG MI DBANG PHO LHA BA BCAS LA TSE DBANG LEGS PAR STZAL, DE SKABS SER 'BRAS KYI TSOGS CHEN DU MANG JA RE DANG BYES PA'I 'DUS TSOGS SU MANG JA BCU THAM PA 'GYED DNGUL SKAR LNGA RE DANG BCAS PA STZAL ZHING, DNGUL DANG GOS CHEN GYI RIGS 'GA' ZHIG MI DBANG GI LAG TU PAn CHEN THAMS CAD MKHYEN PA CHEN POR SKYABS ZHU'I RTEN DU 'BUL RGYUR 'JOG PAR MDZAD, DE NAS ZLA BA BRGYAD PA'I TSES DGU'I NYIN PHUR BU LCOG BYANG CHUB GLING GI GDAN SA NAS MDO KHAMS BSTAN PA'I SGRON ME RGYAL BA 'PHAGS PA LHA'I RIGS KYI COD PAN DANG, MDO KHAMS PHYOGS KYI SKYE BO MANG PO LA PHAN PA'I PHYIR CHI BAS KYI KHA LO BSGYUR TE THOG MAR ZHOGS SU PHEBS, MKHAS GRUB CHEN PO DON YOD MKHAS GRUB PA DANG NYIN GCIG GI RING LHAN RGYAS SU MDZAD DE, DAM PA'I CHOS KYI BKA'

, ,MCHID SHIN TU ZHIB PA DANG, KHYAD PAR DU BLA MA MKHAS GRUB PA'I GSUNG GIS MDO KHAMS BSTAN PA'I SGRON ME RGYAL BA 'PHAGS PA LHA LA RJE RIN PO CHE'I BZHED SROL GYI BSTAN PA YONGS SU RDZOGS PA'I GNAD LEGS PAR PHUL LA YID CHES KYI RKANG TSUGS PAR MDZAD DGOS ZHES GSUNGS SHING LI DMAR LAS GRUB PA'I BDE MCHOG GI SKU SOGS STZAL, RJE 'DIS DE'I TSE THAG RING POR PHEBS DGOS PA DANG BLA MA NYID KYANG SKU NA BGRES PA BCAS THUGS KYIS MI BZOD PA CHEN POS SPYAN CHAB MANG DU BSIL BAS, DON YOD MKHAS GRUB BA CHEN PO NAS, SEMS SKYO BAR BYED MI DGOS, NYID KHAMS SU 'GRO DON CHEN PO 'ONGS SHING 'DIR MA 'KHOR BAR DU NGED RGAS KYANG MI 'CHI, YAR 'KHOR NAS GSANG BA 'DUS PA'I DBANG CHEN YANG BSKUR RGYU YIN GSUNGS PAS RJE 'DI SHIN TU DGYES, DE NAS RIM GYIS LA MO BYANG CHUB LCOG TU PHEBS, GTZANG KHANG DU SKU RTEN PAS BZHES PA GDAN NON PA PHUL ZHING, CHOS SKYONG LA SNYAN SHAL THUGS SMON YANG DAG GIS BRGYAN PA BCAS MDZAD, DE NAS RIM GYIS PHEBS LAM DANG TSA ZHAG GANG DU GNANG BA'I PHYOGS KYI SKYE BO RNAMS LA PHAN PA DANG BDE BA'I DPAL BLA NA MED PA STZAL ZHING, ZHABS SEN BKRA SHIS KYI DOG PA RNAM PAR BKRA BAS SA PHYOGS THAMS CAD BDE LEGS KYI DPAL LA 'GOD BZHIN PAS BSKYOD CING, LHA RIR MCHOD MJAL ZHIB PA DANG ZHAG GNYIS BZHUGS TE TSOGS PAR CHOS KYI 'BREL PA STZAL, LCAGS RAR ZHAG GSUM BZHUGS TE TSOGS PAR BDE LAM GYI BKA' KHRID GNANG, DPAL 'BAR DU DPAL 'BAR SPRUL SKUS DAD GUS BLA NA

MED PA DANG ZHABS BRTAN DU GDUGS DKAR MDZAD DGOS BAR GSOL, SHO PA MDOR ZHAG GSUM BZHUGS TSOGS PAR BDE LAM GYI LJAGS KHRID MDOR BSDUS STZAL, CHOS KHRI MAR BLA MA DKAR RGYAL 'ONGS TE SGOM GYI NYAMS MYONG DANG SA LAM GYI BRTZAD GCOD MANG PO BYAS PAR LEGS PAR BSHAD PA'I GNANG SBYIN GYIS YID CHIM PAR MDZAD, KHANG GSAR DU RTA TSAG RJE DRUNG SPRUL PA'I SKU DANG LHAN RGYAS TE BSTOD CHEN BZHI'I LUNG STZAL, DE DAG TU BSNYEN BKUR 'BUL BA RNAMS KYANG LEGS PAR BDAG GIR MDZAD, ZLA LHAG GI DBANG GIS CHAB MDO'I ZLA BA BCU PA'I LNGA MCHOD KYI NYIN CHAB MDO PHYAG MDZOD GTZO BOR GYUR PA'I CHE BGRES RNAMS DANG GRVA TSANG LNGA'I BLA MA SOGS KYIS CHIBS BSU PHUN SUM TSOGS BA DANG, SHA PHO KHAR TSOGS CHEN GYIS, SER PHRENG RGYAS PA DANG PHU DUD BLA NA MED PA RGYAL DBANG THAMS CAD MKHYEN PA DBUS NAS PHEBS SKABS JI LTA BA BZHIN MDZAD, GZIMS CHUNG DU MJAL MA THAG RJE BTZUN BLA MA 'DI NYID KYIS, RGYAL BA 'PHAGS PA LHAR, RGYA GAR SHAR LI PHUN SUM TSOGS PA LAS GRUB PA'I SGROL MA GTZO 'KHOR GSUM GYI SKU BRNYAN ZHIG PHYAG RTEN DU 'BUL BAR MDZAD PAS SHIN TU DGYES PAR MDZAD, DE NAS GZIMS CHUNG DU BLA MCHAN LHA DBANG, BLO BZANG DON GRUB, BLA MA KUN RDOR, BLA MA YE SHES LA SOGS PA RI KHROD PA 'GA' ZHIG DANG BCAS PA LA THOG MAR LAM RIM CHEN MO'I BSHAD LUNG SHIN TU ZHIB PA RJE RGYAL PA GNYIS PA'I MAN NGAG BLA NA MA MCHIS PAS BRGYAN PA STZAL BA SA MDO KHAMS BSTAN PA'I SGRON ME RGYAL BA 'PHAGS PA LHA 'KHOR DANG BCAS PA'I THUGS LA BYANG CHUB KYI SEMS KYI SA BON

, ,BRTAN PO THEBS, DE'I TSE CHAB MDOR SA 'GUL SHIN TU CHE BA LAN BDUN TZAM BYUNG BA NI RJE 'DI NYID KYI GSUNG LAS SKYES BU RNAMS KYIS RGYUD LA RTOGS PA KHYAD PAR CAN SKYES PA'I SNGA LTAS SU SNANG, 'DI SKABS CHAB MDOR SKOR BA LAN BDUN BYAS NA SKOR BA 'BUM THER 'GRO ZER BA'I GTAM GRAGS SHIG BYUNG BA LA BRTEN MNGA' 'OG RGAN RGON RNAMS KYANG RGYAGS KHUR NAS SKOR BA NYIN MTSAN MED PAR BSKOR BA ZHIG BYUNG, DE SKABS RJE BYAMS PA'I MTSAN CAN 'DI NYID KYIS RGYAL BA 'PHAGS PA LHAR RGYUD KYI RGYAL PO DPAL GSANG BA 'DUS PA'I RTZA BA'I RGYUD LEGS PAR BSHAD PA 'GREL PA BZHI SBRAGS RJE BDAG NYID CHEN PO'I MAN NGAG SNYAN BRGYUD KYIS BRGYAN PA DANG, RJE BLA MA TZONG KHA BA CHEN PO'I SNYAN BRGYUD 'JAM DBYANGS CHOS SKOR, SGROL MA NYER GCIG ,SNAR THANG BRGYA RTZA, DBYANGS CAN MA DMAR MO RNAMS KYI RJES GNANG, GSANG 'DUS 'JAM PA'I RDO RJE'I DBANG CHEN, MGON CHEN BCU GSUM GYI BYIN RLABS RNAMS LEGS PAR STZAL ZHING, TSOGS CHEN DU ZHAL LUNG GI KHRID SHIN TU RGYAS PA, BDE MCHOG SGRUB MCHOD PA RNAMS LA LUS DKYIL GYI BSKYED RDZOGS RNAMS BKA' DRIN GYIS BSKYANGS, RGYAL BA 'PHAGS PA LHAR BCOM LDAN 'DAS DPAL RDO RJE 'JIGS BYED CHEN PO'I 'PHRUL 'KHOR KHAMS GSUM CHOS KYI RGYAL PO YAB SRAS KYI BZHED SROL DANG, RVA CHAN RDO RJE GRAGS KYI LUGS BCAS MAN NGAG SNYAN BRGYUD ZHIB BSHAD KYIS BRGYAN PA'I BDUD RTZIS SKYES CHEN DE DAG GI THUGS KYI BUM BZANG PHYUR BUR GTAMS, DE DUS RJE NYID LA DNGOS 'BUL GYI RIGS BYUNG BA YOD DO COG 'BUL BAR MDZAD DE

TSE CHOG DANG 'BREL BA'I BRTAN BZHUGS KYANG GNANG, MDO KHAMS BSTAN PA'I SON ME NYID NAS KYANG DGA' STON GYIS SPRO SPRO SHIN TU GZABS PA DANG, 'BUL NOD GYA NOM PA DANG BCAS PA KHA YAR MDZAD CING, LHA KHANG RNAMS LA RJE NYID KYIS RAB GNAS MDZAD DGOS ZHES RGYAL BA 'PHAGS PA LHAS BSKUL MA MDZAD PA LTAR, DAM CHIG PA SO SO LA YE SHES PA RO MNYAM DU BSTIM PAR MDZAD, PHYOGS DE'I DANG LDAN MANG POS DNGOS PO PHUL BA'I RIGS RNAMS LA BKA' DANG BSTAN BCOS KYI PU STA KA MANG PO GSER DNGUL LAS BZHENGS PAR MDZAD PA'I LHAG RNAMS 'PHRAL CHAS SU MKHO BA 'GA' ZHIG MA GTOGS KHANG PA ZHIG TU BZHAG NAS LDE MIG RGYAL BA 'PHAGS PA LHA'I PHYAG TU PHUL TE, GZHUNG BZHI'I 'DON BA GRVA JE RGYAS SU MDZAD PA'I BKA' KHYAB KYIS BSTAN PA RIN PO CHE LA SMAN YON BLA NA MA MCHIS PAR STZAL, DE NAS SLAR YANG PHYOGS 'DIR PHEBS PAR BZHED DE KHYI LO ZLA BA LNGA PA'I TSES NYER GNYIS LA PHYAG MDZOD SOGS KYIS CHIBS SKYEL DANG BCAS TE GRU GU THANG DU PHEBS, DER CHOS BKA' CI RIGS PA STZAL, GRU GU THANG NAS LA SGANG BRGYUD RI BO CHER PHEBS NAS MCHOD MJAL THUGS SMON GYIS BRGYAN PA ZHIB PAR GNANG ZHING, LA GONG G-YAM RDZONG MNGAR GSOL CHIGS MDZAD SKABS G-YAM RDZONG GI SGOM CHEN GNYIS KYIS SKU MDUN DU BCAR NAS RMI LAM GYI NYAMS MYONG SOGS SGOM BSHAD MANG PO BYAS PAR, RJE BTZUN BYAMS PA RIN PO CHES RIM LNGA DMAR KHRID NAS 'BYUNG BA'I RMI LAM RLUNG STOBS DANG, 'DUN STOBS KYIS 'DZIN PA SOGS RJE RGYAL BA GNYIS PA'I LEGS BSHAD KYI CHA SHAS RE'I BSHAD PA MDZAD PAS, SGOM CHEN PA GNYIS SNGAR

, ,MING TZAM YANG MA THOS PA'I LEGS BSHAD THOS BAS SHIN TU HA LAS PAR GYUR, DE NAS BYANG LAM BRGYUD DE RIM GYIS DGA' LDAN DU PHEBS, RJE RGYAL BA GNYIS PA'I SKU GDUNG RIN PO CHE SOGS KYI MCHOD MJAL ZHIB BA DNGOS BSHAMS YID SPRUL GYI MCHOD TSOGS MTHA' YAS PAS BRGYAN PA DANG, SKU SKYOS KYI TSUL DU CHAB MDO NANG MA'I MANG 'GYED BCAS GNANG, DE NAS STAG RTZE RGAN PO'I NANG DU GSOL TSIGS MDZAD SKABS LA MO CHOS SKYONG CHEN PO'I LUNG BSTAN SKU RTEN PAS BSKUR BAR GZIGS PAS, RJE BTZUN BLA MA NYID SA BCU PA'I GO 'PHANG LA GNAS PA'I BYANG CHUB SEMS DPA' YIN TSUL SOGS 'DUG PAR, RJE NYID BKA' GDAMS PA'I BLA MA GONG MA RNAMS KYI PHYAG SROL BZHIN, RANG GI YON TAN SBED PA NYID GTZO BOR BZHENG PAS LUNG BSTAN DE ZHUGS LA SBYANGS TE MI MNGON PAR MDZAD, DE NAS ZHOGS GUR SMON DU RJE DON YOD MKHAS GRUB PA DANG ZHAL MNGON DU GYUR TE, THEG PA CHEN PO'I CHOS KYI DKA' BA'I GNAD BSAM GYIS MI KHYAB PA LAS BRTZAMS PA'I GSUNG GLENG SHIN TU ZHIB PA DANG, DON YOD MKHAS GRUB RIN PO CHES BSANGS DUNG DANG DAR PHYAR SOGS BKUR STI PHUN SUM TSOGS PA BSTAR ZHING, RJE NYID NAS KYANG PHYAG RTEN DANG 'PHAGS PA LHA GONG MA'I SHEL 'PHRENG DANG RJE RIN PO CHE'I PHYAG DRIL KANG DRA'I RTZE LNGA PA GCIG RTZE JA 'KHOR DRUG BCAS 'BUL BAR MDZAD PA SOGS CHOS DANG ZANG ZING GI DGYES STON RMAD DU BYUNG BAR GYUR, DE SKABS DON YOD MKHAS GRUB RIN PO CHES GSANG BDAG SPRUL BA'I SKU'I MDZAD SBYONG RNAMS LA THUGS SKYO BA'I GSUNG YANG PHEBS SHING, RJE BTZUN 'DI NYID KYANG THUB PA'I BSTAN PA RIN

PO CHE'I RTZA BA SO SO THAR PA DANG MDO SNGAGS KYI LAM RIM GYI GNAD MA LUS BA NYAMS PAR 'GYUR DOGS KYI THUGS MI BZONG PA MNAN DU MI BZOD PA 'KHRUNGS NAS, BUR BU LCOG TU RI KHROD 'DZIN PA'I DGE SLONG GI DGE 'DUN GYIS SER 'PHRENG RMAD DU BYUNG BA DANG BCAS TE PHEBS, DE RJES DGA' LDAN KHANG GSAR DU PHEBS PAR MI DBANG PHO LHA BAS BSNYEN BKUR DANG DAD GUS PHUN SUM TSOGS PA ZHUS SHING, RJE BTZUN BYAMS PA RIN PO CHE NYID KYIS KYANG DNGUL DANG GOS DAR JA LCAGS SOGS KYI DNGOS PO SPAM MTHO BA SKU SKYES KYI TSUL DU STZAL, DE SKANGS MI DBANG PHO LHA BAS BYA SLA LA DON CHE BA MYUR DU 'TSANG RGYA BA'I THABS SHIG DGOS ZHUS PAR, BKA' LAS, YANG DAG PAR RDZOGS PA'I SANGS RGYAS KYI RNAM BAR THAR PA NA TSOGS GSOG SGRIB SBYONG DANG DKA' LAS MA SPYAD PAR 'TSANG RGYA BAR GSUNGS MI 'DUG ,DE 'DRA NGED KYIS MI SHES GSUNGS PAS, PHO LHA BAS, 'O NA JI LTAR BYED CES ZHUS PAR RGYAL BA BYAMS PA'I SKU 'DRA BZHENGS TE DE'I BSTAN PA DANG MJAL NAS RGYAL SRAS KYI SPYOD PA LA SLOB PA'I SLOB PA'I SMON LAM BYAS NAS BZANG ZHING, BLA MA GONG MA RNAMS KYANG DE LTAR MDZAD 'DUG CES PHEBS, DE NAS SLAR YANG PHUR BU LCOG NYID DU PHEBS NAS SGRUB SDE PHAN TSUN GYI RI KHRONG 'DZIN PA'I DGE SLONG RNAMS KYIS MTSON DON GNYER CAN BRGYA PHRAG BRGAL BAR BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI KHRID CHOS THUN NYI SHU RTZA LNGA GSUNG BSHAD SHIN TU RNO BA LUNG TSAD MA'I RGYAB RTEN DANG BCAS PA DANG, MJUG TU BYANG CHUB KYI SEMS RIN PO CHE BSKYED PA'I CHO GA MCHOD PA DANG BCAS PA SHIN TU RGYAS BAR MDZAD DE, SKAL LDAN GYI GDUL

, ,BYA DE DAG GI RGYUD LA RMAD DU BYUNG BA'I NGES 'BYUNG BYANG CHUB KYI SEMS YANG DAG PA'I LTA BA RNAMS LA MYONG PA KHYAD PAR CAN BSKYED PAR MDZAD PAS, RGYAL BA'I BSTAN PA RIN PO CHE LA RMAD DU BYUNG BA'I BKA' DRIN GYIS KHYAB PAR MDZAD, KHAMS NAS PHEBS PA'I SKU SKYES SU SER TSOGS CHEN DU MANG JA SBYOR SPREL DANG 'GYED SKAR LNGA RE, BYIS MKHAS MANG GRVA TSANG DU GRVA JA SBYOR SPREL DANG 'GYED ZHO RE STZAL, SKABS DE NAS BZUNGS SKAL LDAN GYI GDUL BYA MANG PO LA RAB BYUNG BSNYEN RDZOGS SOGS STZAL BAS BSTAN PA'I RTZA BSO SO THAR PA'I SROG RTZA NAS BZUNG STE STON PA LA STON PA'I BYA BA PHUN SUM TSOGS PA DANG DRIN DU GZO BAR MDZAD, LNGA MCHOD CHEN MO'I DUS SU SGRUB SDE GSUM GYI DGE SLONG RNAMS ZHAL 'DZOMS PA'I DUS SU ZHABS TOG PHUN SUM TSOGS PA DANG SEMS BSKYED KYI MCHOD PA RMAD DU BYUNG BA DANG BCAS PA MDZAD, DE NAS DGUN GYI DUS SU BCAD RGYAR BZHUGS NAS BYANG CHUB KYI SEMS DANG BDE STONG DBYER MED PA'I NGES DON GYI LHA'I RNAL 'BYOR LA SHIN TU GZHOL PAS THA MAL GYI SNANG BA CUNG ZAD KYANG MI RGYU BAR BZHUGS, LCAGS MO PHAG GI LO'I GNAM LO'I RANG ZHAL GSAR DU TSES PA'I DUS SU RGYAL BA'I YUM GCIG DBYANGS CAN LHA MO DRAG PO'I SKUR BZHENGS PA MA GCIG 'DOD PA KHAMS KYI DBANG PHYUG MAR TSES GTOR SHIN TU GZABS PA DANG RJE GRUB PA'I DBANG PHYUG CHEN PO'I DUS KYI MCHOD PAR SEMS BSKYED SHIN TU RGYAS PA BCAS MDZAD CING, DUS KYI MCHOD GTOR 'DI RNAMS 'DI LO NAS BZUNG STE TSAG MED MDZAD, MNYAN YOD CHO 'PHRUL MCHOD PA'I DUS SU LHA SA SMON LAM CHEN MOR

MANG JA DANG, JO SH'AKA RNAM GNYIS KYIS MTSON RTEN GTZO RNAMS LA MCHOD 'BUL SMON LAM GYIS MTHA' BRGYAN PA SNYAN SHAL DANG BCAS PA 'BUL BAR MDZAD, ZLA BA GSUM PA'I TSES BRGYAD NAS SER 'BRAS DGE GSUM RGYUD STOD SMAD SOGS PHYOGS 'DUS KYI DGE 'DUN SUM BRGYA SKOR LA BYANG CHUB LAM GYI RIM PA 'JAM DPAL ZHAL LUNG GI BKA' KHRID SEMS BSKYED MCHOD PA DANG BCAS ZAB BSHAD BLA NA MA MCHIS PA RGYAL BA'I DGONGS PA BDE BLAG TU RTOGS PA'I BKA' DRIN STZAL, GZHAN YANG 'JAM DPAL ZHAL LUNG SOGS CHOS TSAN 'GA' ZHIG GI LJAGS LUNG DANG, SA ZLA'I TSES BCU GSUM LA THUGS RJE CHEN PO'I DBANG CHEN SBYOR DNGOS RJES GSUM TSANG BA, BCU BZHI DANG SA GAS NYA BA GNYIS KYI DUS SMYUNG BAR GNAS PA'I TSOGS SKYE BO MANG PO LA SMAN PA DANG 'JIG RTEN NA BDE BAR 'GYUR BAR MDZAD, ZLA BA LNGA PA'I DUS SU PAn CHEN THAMS CAD MKHYEN GZIGS CHEN PO DANG DAM PA'I CHOS KYI DGA' STON GYIS ROL PA'I PHYIR MJAL BAR BZHED PA DANG, GTZANG PHYOGS KYI SKYE PO RNAMS LA'ANG PHAN PA NYE BAR BSGRUB PAR BZHED NAS CHIBS KYI KHA LO BSGYUR TE RIM GYIS PHEBS NAS NYANG GZHUNG BRGYUD DPAL 'KHOR CHOS SDER ZHABS SEN BKOD, MKHAN PO KLU 'BUM ZHABS DRUNG LA BLO SBYONG DON BDUN MA'I KHRID BSDUS PA ZHIG STZAL ZHING, CHOS KYI GSUNG GLENG MDZAD BZHIN PA DANG MCHOD MJAL RGYAS PAR GNANG, PAD TSAD BA RNAMS KYIS BSOD NAMS KYI ZHING DU SPYAN DRANGS PA LTAR DER CHIBS BSKYOD NAS BYANG CHUB KYI SEMS RIN PO CHE BSKYOD PA'I CHO GA DANG, RGYAL BA'I BKA' 'GYUR RIN PO CHA LA RAB TU GNAS PA BSDUS PA BCAS

, ,MDZAD, 'BI LUNG RI KHROD PA RNAMS LA SNYING PO DON GSUM GYI KHRID BSDUS BA ZHIG KYAR STZAL, DE NAS CHOS GRVA CHEN PO BKRA SHIS LHUN POR PHYAG PHEBS, PAn CHEN THAMS CAD MKHYEN PA CHEN PO DANG ZHAL 'DZOM MNGON DU GYUR TE PAn CHEN RIN PO CHE NAS DGYES PA'I GSUNG GIS BKA' 'DRI YANG 'GA' RE MDZAD, KHYAD PAR DU BSTAN 'GRO'I DPAL DU PAn CHEN THAMS CAD MKHYEN BA NYID ZHABS PAD 'GYUR BA MED PAR YUN DU BRTAN PA'I GSOL 'DEBS SHUGS DRAG PO MDZAD PAS, PAn CHEN BSTAN PA'I BDAG PO BLO BZANG YE SHES NAS KYANG SHIN TU DGYES PA'I BKA' BA ZHES BZANG PO STZAL, DE'I TSE BDE LEGS KHANG GSAR DU BZHUGS GNAS MDZAD PAR SRAD BA DGE SKOS SMAD NAS ZHES BYA BA MKHAS PA ZHIG KYANG GNAS DER YOD BA DES, THOG MAR MKHAS PA'I NGA RGYAL GYIS RTZOD GLENG 'GA' ZHIG ZHUS PAR LUNG RIGS DRI MA MED PA'I LAM NAS DRANGS PA'I BKA' LAN RGYAS PAR STZAL PAS, DAD PA'I SHUGS KYIS MCHI MA PHYUNG STE ZHABS KYI PADMO LA MGO BOS GTUGS SHING, GZHAN YANG BKRA SHIS LHUN PO'I DGE BA'I BSHES GNYEN MANG POS THOG MAR NYAMS SAD PA'I GLENG MO 'GA' ZHIG ZHUS NAS GSUNG GI GSANG BA ZAB MO RNAMS THOS MA THAG TU DAD PA'I SPU LONG G-YOS PAR GYUR TE DANG BA CHEN POS ZHABS SPYI BOS BLANGS, DE LTAR KUN GYI DAD PA'I GSOS SU GYUR PA'I SKAL BZANG NYE BAR THOB NAS DGE BA'I BSHES GNYEN MANG POS BYANG CHUB LAM GYI RIM PA'I GSUNG CHOS BKA' DRIN GYIS BSKYANGS DGOS PA'I GSOL BA DRAG TU BTAB PAR MA ZAD, PAn CHEN THAMS CAD MKHYEN GZIGS CHEN PO NAS KYANG

CHOS GRVA CHEN PO BKRA SHIS LHUN PO'I DGE 'DUN 'DUS PA RGYA MTSOR BYANG CHUB LAM GYI RIM PA CHEN MO'I BSHAD LUNG ZHIB PAR 'CHAD DGOS, DE YANG DED KYIS SNGAR BSHAD LUNG ZHIB PAR PHUL BA YIN KYANG DA CHA CUNG ZAD MI THOG 'PHOS PA LTA BU'I NYAMS SU SNANG, ZHES GSUNG GI SNANG BA STZAL BAR BRTEN, DGE 'DUN LNGA BRGYA SKOR LA RGYAL BA GNYIS PA'I LEGS PAR BSHAD PA ZLA MED PA BYANG CHUB LAM RIM CHEN MO'I BSHAD LUNG NYAN PO'I GANG ZAG RNAMS KYI SNYING LA LCAGS GZER BTAB PA LTA BU'I TSE THAM THAM 'GRO BA'I GSUNG BSHAD RUS BCAN DANG, BYANG CHUB BDE LAM DANG, BLA MCHOD BDE STONG DBYER MED MA, PHYAG CHEN, SNYING PO DON GSUM RNAMS KYI LJAGS KHRID DANG, THABS SHES GCOD KYI DBANG NAM MKHA' SGO 'BYED GCOD KHRID DANG BCAS PA RNAMS STZAL, PAn CHEN THAMS CAD MKHYEN PA CHEN POS LJAGS RTZOM MDZAD PA'I RJE BLA MA NYID KYI BLA MA'I RNAL 'BYOR RMAD BYUNG KUN BZANG MA DANG ZHABS BRTAN RNAM 'DREN THUGS RJE MA'I LUNG GNANG, DE NAS SLAR YANG DBUS PHYOGS SU PHEBS PAR BZHED DE THON PHYAG ZHU BAR PHEBS SKABS PAn CHEN THAMS CAD MKHYEN PA CHEN PO'I PHYAG NAS RGYAL BA TSE DPAG MED KYI SKU DANG DBU SKYES PHYAG SEN BCAS STZAL NAS, KHYED KYIS CHOS BSHAD PA 'DI RNAMS KYIS MI LA PHAN THOGS CHEN PO 'DUG PAS DA DUNG YANG BSTAN 'GROR SMON PA'I 'CHANG NYAN 'PHEL PO MDZOD GSUNGS SHING SHIN TU THUGS MNYES PA'I TSUL BSAM GYIS MI KHYAB PA MDZAD, DE NAS RIM GYIS BKRA SHIS LHUN PO NAS PHEBS TE DBEN SA CHOS KYI PHO BRANG DU PHEBS, ZHAG GNYIS KYI RING BZHUGS NAS BDE STONG DBYER MED PA'I YE SHES

, ,KYI ROL PA ZAB MO'I NGANG NAS DER BZHUGS PA'I DGE 'DUN NYIS BRGYA MA LONG TZAM LA BYANG CHUB BDE LA MCHOS THUN GCIG LA TSAR BA GNANG, RGYAL BA DBEN SA BA GRUB PA'I DBANG PHYUG BLO BZANG DON YOD GRUB PA'I SKU 'DRA RIN PO CHES DBUS DE KHA'I RTEN GSUM RNAMS KYI MCHOD MJAL SHIN TU ZHIB PA DANG, SNYAN SHAL THUGS SMON GYIS MTHA' BRGYAN BA, DGE BDUN RNAMS LA MANG JA SBYOR SBREL DANG, 'GYED KHA BTAGS, tAM RE BCAS STZAL, DE NAS RONG BYAMS CHEN DU PHEBS, RGYAL BA BYAMS CHEN GYI SPYAN SNGAR MCHOD 'BUL CHOS SPYOD SMON LAM GYI RIGS MANG PO DANG BCAS PA DANG, TSOGS PAR MANG 'GYED DANG DGE TSUL GYI SNGOM PA YANG MANG TZAM BCAS GNANG, DE NAS RIM GYIS LHA SAR PHEBS, MI DBANG BSOD NAMS STOBS RGYAS KYIS DGA' LDAN KHANG GSAR DU BSNYEN BKUR GZHIS LEN GZABS SHING RI KHROD PHUR BU LCOG TU PHEBS NAS DBYAR GNAS KYI BYA BA LEGS PAR MDZAD, 'DI LO SER 'BRAS DGE GSUM GYI TSOGS CHEN DANG GRVA TSANG KHAG SOGS LA GRVA JA DANG MANG JA GANG THON RE'I THOG DNGUL DANG DNGOS PO SNA TSOGS KYI SKU 'GYED CHOS THOG SO SO DANG BSTUN NAS GNANG, ZLA BA BRGYAD PA'I NANG DU RVA SGRENG 'DUS SPYIS MI DBANG BRGYUD NAS GSOL BA BTAB PA DANG, MI DBANG PHO LHA BA BSOD NAMS STOBS RGYAS NAS KYANG NAN TAN CHEN POS GSOL BA BTAB PA BZHIN, RVA SGRENG GI GTZUG LAG KHANG BZHIG GSOS KYI RAB GNAS LA PHEBS BSKYOD GNANG STE, ZLA BA BRGYAD PA'I GNAM GANG LA PHUR BU LCE GNAS CHIBS KHA BSGYUR BA'I GRVA BSGRIG SNE SHAN DGOS CHA LA SOGS BA THAMS

CAD PO LHA BA NYID KYIS DANG BA CHEN POS KHUR LEN BYAS SHING, RJE BTZUN BLA MA NYID GSUNG CHOG PA DGE SLONG BRGYAD GRVA DANG BCAS PAS PHAR LAM STAG LUNG GI MCHOD MJAL ZHIB PAR GNANG, DE SKABS SRA BTZAN PA'I 'TSUB LHONGS LTA BUS SER BA SHIN TU DRAG PA BABS, DE KHAR MANG JA'I BSNYEN BKUR YANG STZAL, BCOM MDOR RVA SGRENG SPYI SO LAS SNE DANG BCAS PAS CHIBS BSU DANG, DGON PA NAS DGE 'DUN RNAMS KYIS SER 'PHRENG, BLA BRANG DANG GRVA SHAG RNAMS SO SO'I STENG NAS DAR PHYAR DANG BSANGS DUD SOGS BKUR STI PHUL DU BYUNG BA DANG BCAS TE RVA SGRENG RGYAL BA'I GTZUG LAG KHANG CHEN POR PHYAG PHEBS, MCHOD KHANG THOG LA BZHUGS PAR MDZAD, DE NAS GNAS DER MCHOD MJAL ZHIB PAR MDZAD DUS JO BO 'JAM PA'I RDO RJE'I SKU MDUN NAS KHA BTAGS DKAR PO SHIN TU DVANGS PA ZHIG SKU MDUN DU BABS PA 'DI NGAS ZHU ZHES SKU PHAG TU 'JUG PAR MDZAD, TSES LNGA DRUG RNAMS LA DGE SLONG GSUNG CHOG PA BRGYAD KYI STENG DU RVA SGRENG NAS BRGYAD GRVA DANG BCAS PAS RAB TU GNAS PA SBYOR DNGOS RJES GSUM TSANG BA ZHI RGYAS KYI SBYIN SREG DANG BCAS PA MDZAD, DE NAS NYIN GCIG DPAL LDAN AA TI SHA DANG GNYIS SU MED PA'I JO BO DBU YON MA CHE CHUNG GNYIS SER 'PHRENG DANG BCAS TE KA GNYIS MA NAS GTZUG LAG KHANG DU GDAN 'DREN MDZAD, ZHAL PHYE BA DANG MNYAM DU RVA SGRENG GI TSOGS DUNG BTANG BA SOGS 'GRIG PAS RTEN 'BREL BLA NA MED PA 'GRIG ,GZHUNG SAR BSLAB DON MDZAD NAS GONG GSHAM GSAR BRJES DANG ZHAL GSER PHUN SUM TSOGS PA PHUL ZHING BZHUGS SGAM YANG GSAR BZO DANG BCAS BSNYEN BKUR BLA NA MED PA

, ,MDZAD CING, DE GONG GZHUNG SA NAS PHYAG THAM GYIS MNAN NAS MJAL KHA GTONG SROL CHER MED PA LA 'DI SKABS NAS GRVA TSANG RANG LA GNANG STE DUS MCHOD SO SO DANG GAL CHE RNAMS LA ZHAL PHYE STE MJAL CHOG PA'I BKA' DRIN BLA NA MED BA STZAL, DE NAS RVA SGRENG PA RNAMS NAS GRVA MDAS LA THIG LE BCU DRUG GI DBANG GNANG DGOS PAR GSOL BA BTAB PA BZHIN ZHAL GYIS BZHES TE, JO BO YAB SRAS KYI PHYAG SROL THUN MONG MA YIN PA BKA' GDAMS THIG LA BCU DRUG GI DKYIL 'KHOR BSGRUB PA'I CHO GA RGYAS PAR MDZAD NAS DGE 'DUN GYI SDE LA DBANG LEGS PAR STZAL BAS, STA GON GYI NYIN DPAL MGON LHO NUB PA DANG KLU CHEN GNYIS PHYID DKAR BA DANG BCAS PA'I CHO 'PHRUL GYIS, LHO NUB PHYOGS NAS CHAR SPRIN NAG PO LAG PA 'DRA BA 'BRUG SGRA MI BZAD PA DANG BCAS 'ONGS SHING SER BA DRAG PO BABS PAR, RJE BTZUN 'DI NYID KYIS BYAMS PA'I TING NGE 'DZIN LA SNYOMS PAR ZHUGS NAS JO BO YAB SRAS LA GSOL 'DEBS MDZAD KYIN RNAM PAR MI RTOG PA'I DANG DU GZHOG PAR MDZAD PAS CHO 'PHRUL RNAMS RANG ZHIR GYUR TE, MTHAR LHO RGYUD KYI SBRAN GCIG LA THOG MDA' BABS PAS KHYI'U ZHIG BSAD PA TZAM LAS 'TSUB 'GYUR GYI RNAM BZHI BAR GYUR, GNAS DER RJE BLA MA NYID BZHUGS RING STONG NYID SNYING RJE DBYER MED PA'I THIG LE'I RNAL 'BYOR ZAB MO LAS CUNG ZAD KYANG MI G-YEL BAR BZHUGS SHING, ZHABS PHYI BYINGS PHYIR LOG NAS RJE BLA MA NYID ZHAM RING NYUNG BSDUS DANG BCAS NAS ZLA SHAS BZHUGS PAR, RVA SGRENG NA BZHUGS PA'I DGE 'DUN RNAMS KYIS BCOM LDAN 'DAS 'JAM PA'I RDO RJE'I DBANG CHEN GNANG DGOS

BAR GSOL BA BTAB PA LTAR, RJE BTZUN NYID NAS PHYAG BA DAR GYIS DPAL GSANG BA 'DUS PA 'JAM PA'I RDO RJE'I DKYIL 'KHOR CHEN PO RDUL TSON GYIS BRI BAR MDZAD DE DKYIL 'KHOR GYI DBUS SU JO BO 'JAM PA'I RDO RJE'I SKU 'DRA MANYDZI'I STENG DU BZHUGS SU GSOL BA'I DKYIL 'KHOR CHEN PO'I MTHAR MCHOD PA BZANG ZHING GYA NOM BA BSHAMS PAR MDZAD, DE'I TSE 'JAM PA'I RDO RJE'I SKU DKYIL 'KHOR GYI DBUS SU GDAN 'DREN MDZAD MA THAG CHAR GYI RGYUN BZANG PO 'JA' SPRIN DANG BCAS PA BABS PA SOGS LHA DANG DPA' PO'I TSOGS SPRIN GYI PHUNG PO BZHIN 'DUS PA'I LTAS BZANG PO MNGON DU GYUR CING, LNGAGS DANG PHYAG RGYA DANG TING NGE 'DZIN RMAD DU BYUNG BAS DKYIL 'KHOR CHEN PO SANGS RGYAS KYI SPRIN MANG PO SPRO BA'I RANG BZHIN DU BSGRUB CING MCHOD PA'I BYA BA LEGS PAR 'DU MDZAD DE, DBANG BZHI RDZOGS PAR STZAL BAS DER TSOGS KYI SKAL BA DANG LDAN PA'I GDUL BYA RNAMS KYI RGYUD LA SKU BZHI'I SA BON THOBS NGES PA DANG, DKA' BA'I GNANG RNAMS LA ZHI BA BSHAD PHUL DU BYUNG BAS NYAN PA'I GANG ZAG RNAMS KYE MA TO 'DI LTA BU'I LEGS PAR BSHAD PA THOS PA NI TSE RABS DPAG TU MED PA NAS DAM PA'I MGON PO 'DI LTA BU'I GSUNG GI BDUD RTZI MYONG BA'I BSOD NAMS KYI ZONG GIS BSKRUN PA'O, ZHES DGA' BA'I CI TZA SNA TSOGS PA SGROG PAR GYUR CING, DE DANG GI SKABS NAM MKHA'I DBYINGS SHIN TU DVANGS PA LAS 'JA' SPRIN KHA DOG SNA TSOGS PA RAB TU BKRAB DANG KHA CHAR ME TOG GI RNAM PA CAN BABS PA SOGS, GROL BA'I THIG LE'I BCUD KYI SNYING PO DPAL ZUNG 'JUG RDO RJE SEMS DPA' GDUL BYA DE DAG GI RGYUD LA MNGON DU 'GYUR BA'I

, ,RTAGS RAB TU GSAL BAR GYUR PA NI, RJE RGYAL BA GNYIS PA'I GSUNG RAB RIN PO CHE'I LEGS BSHAD KYI SNYING PO DUS KYI MTHAR YANG MI NYAMS PA'I BKA' DRIN STZAL, RVA SGRENG RGYAL BA'I GTZUG LAG KHANG CHEN PO DER SNGA MO ZHIG BCOM LDAN 'DAS 'JAM PA'I RDO RJE'I CHO GA CHA LAG TSANG PAR BZHUGS PA BAR SKABS SU NYAMS CHAGS SU GYUR BA THUGS KYIS MA BZOD NAS, BCOM LDAN 'DAS RJE BTZUN 'JAM PA'I RDO RJE'I BDAG MDUN, SBYIN SREG ,DBANG CHOG DANG BCAS PA'I CHOG CHA LAG TSANG BA DANG KHYAD PAR DU LHAG PA'I LHA 'DI NYID KYI BSKYED PA'I RIM PA DANG RDZOGS PA'I RIM PA'I GNAD GSAL BAR STON PA 'JAM PA'I DBYANGS KYI ZHAL LUNG DANG, GROL BA'I THIG LE GNYIS KYI DKA' BA'I GNAD THAMS CAD RJE BLO BZANG RGYAL BA'I MAN NGAG GIS LEGS PAR BRGYAN TE MTHA' CHOD PAR STON PA'I LEGS BSHAD GSAR RTZOM MDZAD PAS, RJE 'JAM DPAL SNYING PO'I BSTAN PA DRI MA MED PA'I ZHABS 'DEGS PHUL DU PHYIN PAR GYUR LA, BOD KYI SRID SKYONG DANG RVA SGRENG RANG GI LAS 'DZIN PA SOGS LA BKA' GNANG STE CHO GA GSAR 'DZUGS MDZAD CING, SGRUB MCHOD KYI THEBS DNGOS PO'I RIGS PHON CHE BA SBYIN 'JAGS MDZAD DE TSUL 'DI NI RJE BLO BZANG GRAGS PA'I BSTAN PA RIN PO CHE LA GZHAN DRING MI 'JOG PA'I BKA' DRIN BLA NA MED PA YIN NO, ,GZHAN YANG; GNAS DER TSOGS YONGS LA BKA' GDAMS BU CHOS, RJE'I GSUNG THOR BU BA, BE'U BUM SNGON PO'I 'GREL PA, RJE BTZUN 'JAM PA'I RDO RJE'I CHO GA'I CHOG BSGRIGS RJE NYID KYIS MDZAD PA'I LJAGS LUNG, BLO SBYONG LEGS BSHAD KUN 'DUS DANG

RANG RGYUD BSKUL MA'I LUNG, 'JAM DBYANGS LA BRTEN PA'I BLA MA'I RNAL 'BYOR DANG 'PHO BA DPA' BO G-YUL 'JUG GI KHRID, BCU GCIG ZHAL GYI RJES GNANG DANG BYANG CHUB BDE LAM GYI KHRID SEMS BSKYED MCHOD PA DANG BCAS PA, SKAL LDAN GYI SKYE BO NYUNG SHAS LA 'JIGS BYED KYI BSKYED RDZOGS KYI KHRID, BOD 'BROG STONG PHRAG BRGAL BA LA TSE DBANG DANG 'BREL BA'I GSUNG CHOS BSLAB BYA RGYA CHER STZAL BAS SKYE BO THAMS CAD LA BKA' DRIN GYI PHUNG PO GZHAL DKA' BA DANG, MTHO RIS DANG THAR PA'I LAM PO CHE SHUL SHIN TU YANGS PAS GDUL BYA RNAMS KYI 'DOD DON BDE BLAG TU 'GRUB PAR MDZAD, GZHAN YANG BOD KYI BDE THABS SU RIGS GSUM MGON PO DANG SGROL MA RNAMS KYI SKU MI TSAD TZAM RE BZHENGS NAS RVA SGRENG DANG BCOM MDOR BZHUGS RGYU DANG, 'BROM STON PA RGYAL BA'I 'BYUNG GNAS KYI GZIMS CHUNG DU RDO RJE 'CHANG GTZO BOR GYUR PA'I THIG LE BCU DRUG GI BLA BRGYUD MI TSAD TZAM NYI SHU SKOR GRANG SER RJIBS BYUGS DANG, GZUNGS 'BUL RAB GNAS SOGS PHUN SUM TSOGS PAR MDZAD DE BZHUGS SU GSOL, DE NAS NYIN GCIG RTZE NYAR PHEBS, 'DU KHANG GSAR PAR PHYAG NAS GNANG, NYIN GCIG YANG DGON DU PHEBS, CHOS KHRI'I STENG NAS LAM RIM DANG GSER ZHUN MA'I LJAGS LUNG STZAL, YANG BSAM GTAN GLING DU PHEBS NAS BTZUN MA RNAMS LA SMYUNG GNAS KYI LUNG GNANG ZHING, GNAS MCHOG KHYAD PAR CAN RVA SGRENG RGYAL BA'I DBEN GNAS DER BZHUGS RING MANG JA RGYUN MAR GNANG GZHING, SKU 'GYED SNGA PHYIR PHON CHER STZAL BA SOGS CHOS DANG ZANG ZING GNYIS KA'I SGO NAS BKA' DRIN 'GRAN ZLAS DBEN PA DANG KHYAD

, ,PAR DU CHOS KYI BKA' DRIN TSAD MED PA'I THUGS RJES SKYONG BAR MDZAD PAS, DER 'KHOD KYI DGE 'DUN TSANG MAS KYANG JO BO RJE YAB SRAS DANG KHYAD BAR MED PA'I 'DU SHES DANG GUS 'DUD CHEN POS BSNYEN BKUR BLA NA MED PAS MCHOD CING, MDOR NA GANG DANG GANG DU ZHABS KYI 'KHOR LO BKOD PA'I SA PHYOGS DE'I RDUL RNAMS KYANG BKRA SHIS RMAD DU BYUNG BA'I RANG BZHIN DU BYIN GYIS BRLABS TE, ZLA BA BCU PA'I TSES BCU GSUM LA PHEBS SKYEL RIM CAN DANG BCAS NAS CHI BAS KHA BSGYUR, RJE BTZUN BLA MA 'DI NYID DPON G-YOG NYUNG BSDUS KYIS ZHOGS GUR SMON DU GRUB PA'I DBANG PHYUG DON YOD MKHAS GRUB PA RIN PO CHE MJAL BAR PHEBS, ZUNG 'JUG LAS BRTZAMS PA'I DAM PA'I CHOS KYI GSUNG GLENG SHIN TU ZHIB PAR MDZAD NAS RIM GYIS PHUR BU LCOG TU PHEBS, RVA SGRENG DU BZHUGS RING LA GZIMS CHUNG GSAR BSKRUN MDZAD PA'I ZHAL GROR DGONGS NAS RJE RGYAL BA GNYIS PA'I DUS CHEN LNGA MCHOD KYI NYIN, SGRUB SDE GSUM GYI RI KHROD 'DZIN PA'I DGE 'DUN THAMS CAD TSOGS NAS SEMS BSKYED KYI MCHOD PA SHIN TU RGYAS PAR MDZAD NAS DGUN GYI RING BCAS RGYAR BZHUGS TE, THUGS DAM RIM GNYIS KYI TING NGE 'DZIN LAS SKAD CIG KYANG MI G-YEL BAR BZHUGS, LO 'DI NAS BZUNGS DGUN DUS RNAMS SU LO RE BZHIN MI DBANG BO LHA BA STOBS 'KHOR TSANG MAS MJAL KHAR 'ONGS SHING, RJE BTZUN BLA MA GANG GIS KYANG TSE'I DBANG BSKUR ZAB MO LA SOGS PA CHOS DANG ZANG ZING GNYIS KA'I BKA' DRIN STZAL, CHU BYI'I GNAM LO GSAR DU BZHAD PA'I DUS SU 'DOD PA KHAMS KYI DBANG PHYUG SRID

GSUM RGYAL MOR TSES GTOR GYI RIM PA SHIN TU ZAB PA DANG SGRUB SDE PHAN TSUN GYI DUS MCHOD SOGS SNGAR BZHIN SHIN TU RGYA CHE BA DANG, LHA LDAN SMON LAM CHEN MOR DGE 'DUN NYI KHRIR NYE BAR MANG JA DANG SKU 'GYED DNGUL DRUG tAM RE BCAS STZAL, ZLA BA GSUM BAR KOR PO 'BRU LA BLA MA MKHAN CHEN SPRUL SKU, KHRI CHEN YANGS SDINGS SPRUL SKU SOGS GTZANG DBUS KYI DGE BSHES DRUG BRGYA SKOR LA BYANG CHUB LAM GYI RIM PA'I BKA' KHRID SHIN TU RGYAS PA SEMS BSKYED MCHOD PA DANG BCAS PA DANG SMYUNG GNAS KYI CHO GA SOGS RGYAS PAR STZAL TE THAR PA DANG THAMS CAD MKHYEN PA'I LAM PO CHE SHIN TU YANGS POR MDZAD, DE NAS BOD KYI SRID SKYONG BAS GSOL BA BTAB PA BZHIN, NGES PA DON GYI MKHAS GRUB CHEN PO RJE DON YOD MKHAS GRUB RIN PO CHE DANG LTAN DU LHA SAR PHEBS NAS JO SH'AKA SOGS RTEN GSUM BYIN RLABS KYI GZI 'OD 'BAR BA RNAMS LA BRTAN BZHUGS KYI RAB GNAS RGYAS PA DANG, DGA' LDAN KHANG GSAR DU GNAS BCU'I SMAN SKU GSAR BZHENGS SOGS LA RAB GNAS KYI BYIN RLABS RGYAS PAR STZAL BA'I DUS NAM MKHA' LA 'JA' 'OD KYIS KHYAB PA LA NYI ZLA SKAR GSUM 'OD DANG LDAN PA DUS CIG CAR DU KUN GYI MIG LAM DU SNANG BA SOGS NGO MTSAR BA'I LTAS DPAG TU MED PA BYUNG ZHING, SRID SKYONG PHO LHA BA NAS KYANG DNGOS PO'I 'BUL NOD DANG RAB STON SOGS BSNYEN BKUR GYA NOM PA BSGRUBS, ZLA BA DRUG PA'I NANG DU DPAL LDAN BLA MA DAM PA DON YOD MKHAS GRUB RIN PO CHE DANG RJE BTZUN BLA MA DAM PA NYID, GRUB PA'I DBANG PHYUG LO SEMS DPA' CHEN PO, MI RJE PHO LHA BA 'KHOR DANG BCAS PA RNAMS GDAN SA CHEN PO RI BO DGE LDAN PHYOGS

, ,THAMS CAD LAS RNAM PAR RGYAL BA'I GLING DU GAD NA 'DZOM NAS 'DU KHANG YANGS PA CAN DU SEMS BSKYED PA'I CHO GA RGYAS PAR MDZAD PA'I TSE NAM MKHA' NAS ME TOG GI CHAR PHUN SUM TSOGS PA BABS TE, LHA RNAMS KYIS MNGON PAR MCHOD CING, GSHIN RJE CHOS KYI RGYAL PO'I SKU LAS BDUD RTZI'I RGYUN MANG DU BABS PA SOGS BYUNG, DE YANG DPAL LDAN BLA MA DAM PA BKA' DRIN MTSUNGS MED RJE NGAG DBANG BYAMS PA RIN PO CHE CHA BA MNGOR CHIBS BSKYOD PA'I DUS DE TZAM NAS BZUNGS, JE DRUNG RIN PO CHES DRANG NGES KYI MDZAD PA CI LA DGONGS KYANG TSANGS PAR SPYOD PA RLUNG SEMS LA DBANG MA 'BYOR BZHIN DU PHYAG RGYA MA GTOD PA, RDZAS KYI DUD PA SNA TSOGS LA BRTEN NAS 'DRE DANG SROG RLUNG BAB STE YE SHES BABS PAR SGROG PA, DBON PO YAB SRAS SOGS SKYE BO MANG PO'I SKYE BRGYAD SNGA PHYI MI MTSUNGS PA MANG POR LUNG STON PA SOGS BYA SPYOD SNA TSOGS PA'I LAS MDZAD CING PHO LHA BA 'KHOR DANG BCAS PAS KYANG LUGS DE LHAG PAR GZENGS BSTOD DE, TSUL DE LA BRTEN NAS SKYE BO PHAL CHE BA PHYOGS DE LA NGANG GIS 'JUG PAR GYUR LA, RJE DRUNG SPRUL PA'I SKU'I BYA BA DE YANG KHUNGS BYAS BCOM LDAN 'DAS DPAL 'KHOR LO SNGOM PA'I RGYUD SDE RIN PO CHER BCOL BAS, RJE RGYAL BA GNYIS PA YAB SRAS KYI MDO SNGAGS KYI BSTAN PA RIN PO CHE LA SHIN TU GNOD PAR GYUR CING, BYA BA DE RIM GYIS JE RGYAS SU SONG BA RJE BLA MA NYID KYI THUGS KYIS CHER MA BZOD NAS MAL BDAG GIS LOG PAR ZHUGS PA DE RNAMS MYUR DU RTZAD NAS DRUNGS PHYUD BAR BYA'O SNYAM DU THUGS LA DGONGS NAS NAN TUR TSER ZHUGS PA'I DUS, LO DE'I ZLA BA BDUN

PA'I NANG DU DGA' LDAN KHANG GSAR DU GRUB PA'I DBANG PHYUG DON YOD MKHAS GRUB RIN PO CHE DANG RJE BLA MA 'DI NYID, RJE DRUNG RIN PO CHE, DPON PO PHO LHA BA YAB SRAS SOGS LHAN RGYAS PA'I DUS SU RJE DRUNG RIN PO CHE NAS, BLA MA MKHAS GRUB PA RIN PO CHE DANG RJE BLA MA 'DI GNYIS LA BRTAN BZHUGS KYI RNAM PA RE MDZAD NAS, BLA MA KHYED RNAMS ZHABS BAD BRTAN CING CHOS KYI 'KHOR LO BSKOR DGOS ZHES SOGS KYI ZHU BA 'GA' ZHIG DANG, KHO RANG GI BYA SPYOD RNAMS KYANG MKHA' 'GRO'I LUNG BSTAN LA BRTEN NAS BON PO'I CHOS LUGS TSUN CHOD BYED DGOS PA BYUNG TSUL SOGS ZHUS PAR, RJE BLA MA DON YOD MKHAS GRUB RIN PO CHES RJE BLA MA CHOS KYI RGYAL PO TZONG KHA PA CHEN PO'I BSTAN PA LA GCES PA'I BKA' PHEBS SHING, ^ BLA MA RIN PO CHE RJE BTZUN 'DI NYID NAS GRAL GSHAM DU PHEBS TE, BRKYANG PHYAG GSUM SNGON DU 'GRO BAS 'BUL BA ZHIG YOD PA'ANG PHUL BAR MDZAD NAS, BSTAN PA 'DZIN PA LA LUNG GI BSTAN PA SDE SNOD GSUM DANG, RTOGS PA'I BSTAN PA BSLAB BA GSUM DU YOD TSUL DANG, DE'I GZHI RTZA DAM PA LHAG PA TSUL KHRIMS KYIS BSLAB PA LA RAG LUS TSUL SOGS KHOR PA'I BYA SPYOD RNAMS RE RE NAS SUN PHYUNG BA'I GSUNG BSHAD RDO RJE'I SGRA DBYANGS ZAB MO THUGS RIG DAR DANG LDAN PAS SGROG PAR MDZAD PAS, RJE DRUNG SPRUL SKU YUL YUL POR GYUR PAS RANG GI KHYIM THABS LA MIG GIS BRDA SBYAR TE, DE'I KHOG TU MO 'DRE BRLAM PA'I 'UR LANGS KYI GZI LONG LANGS SHING, MI DBANG BSOD NAMS STOBS RGYAS NGO TSA BA DANG DPA' ZHUM PA DANG NGO MTSAR BA SOGS PHAN TSUN 'GRAN PA BZHIN DU GYUR TE, MIG

, ,MCHIMS GANG BZHIN DU GRAL DBUS NAS LANGS TE, RJE BLA MA RNAMS LA THAL MO SBYAR NAS, 'O BKA' DRIN CHE, NGED RNAMS KYIS SPRUL PA'I SKU LA ZHAL TA ZHU BSAM YANG ZHU MI SHES PAR 'DUG ,DED PA AA KHU RNAMS SHI DUS DANG DBUS GTZANG GI SDE GZAR RNAMS KYI DUS SU'ANG MCHIM 'BYUNG MA MYONG STE, KHYED BLA MA RNAMS KYI GSUNG JO BO YAB SRAS KYI PHA CHOS BU CHOS 'DRA BA 'DI RNAMS THOS PA'I TSAM CHIM RANG DBANG MED PAR 'ONG BAR 'DUG ,CES SOGS DAD GUS BLA NA MED PA'I TSIG GIS MNGON PAR MCHOD CING, DE YANG RJE BTZUN BLA MA DAM PA DE NYID KYIS GRUB PA'I DBANG PHYUG DON YOD MKHAS GRUB RIN PO CHE'I RNAM THAR DU JI LTAR GSUNGS PA LTAR, RJE BLA MA 'DI NYID KYI THUGS RJE DANG THUGS BSKYED LHAG PAR DUS SU BOD BAS RJE RGYAL BA GNYIS PA BLO BZANG GRAGS PA'I BSTAN PA THUGS KYI YUL DU BCANGS TE, SPYIR SANGS RGYAS KYI BSTAN PA RIN PO CHE LA MA RTOGS PA DANG LOG PAR RTOG PA DANG THE TSOM GYI DRA BA MA LUS PA RTZAD NAS DRUNGS 'BYIN PAR MDZAD CING, KHYAD PAR DU SKABS 'DI YANG; KYE MA HO BSTAN PA'I RTZA BA SO SO THAR BA GZHIR BYAS TE, MDO SNGAGS KYI GNAD YONGS SU RDZOGS PA GANG ZAG GCIG 'TSANG RGYA BA'I CHA RKYEN DU GTAN LA PHAB PA'I KHAMS GSUM CHOS KYI RGYAL PO TZONG KHA PA CHEN PO'I GSUNG RAB DRI MA MED PA 'DI NYID KYI CHA LA LOG PAR RTOG PA'I SMRA BA NGAN PA MA LUS BRTZAD NAS DRUNGS PHYUNG STE, 'JIG RTEN GYI KHAMS 'DIR MI NUB CING SRID PA'I MTHA'I BAR DU RGYAS PAR BYED BA LA BDAG GI LUS DANG SROG LAN BRGYA STONG PHRAG DU MAR YAL BAR DOR KYANG BLA'O SNYAM DU

THUGS LA BRNAGS NAS GSANG SNGAGS LTAR BCAS PA'I LOG RTOG RTZA BA DANG BCAS PA DRUNGS 'BYIN PA LA, CHEN PO RNAMS KYI NGO 'DZIN DANG BAR GCOD KYI RIGS DAG LA YANG BA DANG BAG TSA BA'I RNAM PA CUNG ZAD TZAM YANG MED PA'I BRTUL ZHUGS LHUR BZHES PAS, GSANG BDAG SPRUL PA'I SKU BLTOS PAR BCAS PA SPOBS PA DANG BRAL NAS YUL YUL POR GYUR CING, SRID SKYONG PHO LTA BA SOGS PHYOGS DER MOS PA'I SKYE BO RNAMS KYANG NGO TSA BA DANG ZHUM PA DANG 'GYOD PA SOGS PHAN TSUN 'GRAN PA BZHIN DU GYUR NAS 'DRE PRA 'BEBS PA SOGS KYI RTZING SPYOD SNGON DU DAR BA RNAMS MYUR DU 'GEGS BA'I SBYOR BA LHUR BYAS TE, LOG RTOG DE DAG RMEG MED PAR GYUR TE BSTAN PA'I RTZA BA SO SO THAR PA GTZO BOR GYUR PA'I RGYAL BA'I BSTAN PA RIN PO CHE 'JIG TU NYE BA'I SROG RTZA NAS 'DZIN PAR MDZAD PAS RJE RGYAL BA GNYIS PA BLO BZANG GRAGS PA'I BSTAN PA LA RJE RGYAL BA 'JAM DPAL SNYING PO NYID DANG BKA' DRIN MNYAM PAR GDON MI ZA BA'O, ,DE'I TSE SE LUNG BA SOGS GZHAN PHYOGS PA RNAMS KYIS RANG GI 'DOD PA MA GRUB PAS BYA THABS GZHAN ZAD DE, RJE BLA MA 'DI LA DMIGS PA'I RDZAS SNGAGS KYI NGAN BYED SNA TSOGS PA BRTZAMS TE RANG NYID NYAMS PAR BYED PA'I BYA BA LA ZHUGS SHING, DE LA BRTEN NAS RJE BTZUN 'DI NYID KYI MNAL LTAS LA SOGS PAR YANG, 'TSUB 'GYUR GYI RNAM PA MNGON CHE TZAM BYUNG BA'I DUS BCOM LDAN 'DAS DPAL 'KHOR LO BDE MCHOG GI BSNYEN SGRUB RDO RJE'I RNAL 'BYOR LA BRTZON PAR MDZAD PAS NAG PHYOGS SDE DANG BCAS PA RTZAD NAS DRUNGS PHYUD BAR GYUR TE, DE'I 'BRAS RTAGS SU RJE BTZUN BLA MA GANG GIM NAL LTAS SU THOG MAR SEMS DPA' CHEN

, ,PO YIN PA LTA BU LA RJES SU DAM CAN RDOR LEGS PA YIN PA ZHIG GIS ZHABS KYI PADMO LA GTUGS PA DANG, KHYAD PAR DU NAG PHYOGS KYI LHOD TSAD SHIN TU CHE BA ZHIG GI SKABS SU BCOM LDAN 'DAS THUB PA'I DBANG PO SKU SHIN TU BRJID PA ZHIG BYANG PHYOGS KYI NGOS LA GZIGS PA LA YAN LAG BDUN PA MDZAD PAS NAG PHYOGS KYI 'TSUB 'GYUR DE RNAMS SKAD CIG KYANG MI MNGON PAR GYUR CES GSUNGS, LO DE'I NANG RI KHROD DU RAB BYUNG BSNYEN RDZOGS DANG DBANG RJES GNANG, KHRID LUNG SOGS BKA' CHOS SHIN TU RGYA CHE BA DANG, ZLA BA BCU PA'I LNGA MCHOD LA SGRUB SDE GSUM GYI DGE SLONG RNAMS LA MANG 'GYED TSOGS 'KHOR SOGS SHIN TU RGYA CHE BA, MCHOD 'BUL SEMS BSKYED KYI GSUNG BSHAD RNOL ZAB PA BCAS STZAL, DGUN GYI RING SKU'I BCAD RGYA SHIN TU DAM PA LA BZHUGS TE, RIM GNYIS ZAB MO'I TING NGE 'DZIN LAS SKAD CIG KYANG MI G-YEL BAR BZHUGS, CHU GLANG ZLA BA DANG PO'I TSAS GCIG LA DPAL LDAN DMAG ZOR GYI RGYAL MO'I TSES GTOR ZAB MO SNGAR RGYUN DANG SGRUB SDE GSUM SO SO'I SEMS BSKYED MCHOD PAR PHEBS, CHOS KYI 'KHOR LO RMAD DU BYUNG BA BSKOR, RGYUD SMAD MKHAN PO BLO BZANG DRI MED SOGS DON GNYER CAN NYI SHU SKOR LA RAS BRIS KYI DKYIL 'KHOR DU DPAL RDO RJE 'JIGS BYED KYI DBANG BZHI RGYAS PAS SKU BZHI'I SA BON THEBS NGES PAR MDZAD CING, LTA LDAN SMON LAM CHEN MO'I TSOGS LA MANG JA DANG, SER 'BRAS DGE GSUM, BKRA SHIS LTUN PO SOGS DGON SDE RNAMS LA MANG JA DANG, DNGOS PO SNA TSOGS DANG DNGUL GYI 'GYED, JO SH'AKA RNAM GNYIS KYIS MTSON PA'I RGYAL

BA'I RTEN GSUM RNAMS LA MCHOD RDZAS DANG MCHOD 'BUL SOGS BDE STONG DBYER MED PA'I TING NGE 'DZIN GYI RGYAS THEBS PAR MDZAD, ZLA BA GNYIS PA'I TSES BRGYAD LA LHAS RTZE MOR BLA MA DAM PA DON YOD MKHAS GRUB RIN PO CHE DANG LHAN DU DPAL RDO RJE 'JIGS BYED KYI CHO GA'I SGO NAS GTZUG LAG KHANG RTEN DANG BRTEN PAR BCAS PA LA RAB GNAS KYI CHO GA RGYAS PAR MDZAD CING, DE NAS RGYUD KHANG LCANG LO CAN DU SER 'BRAS DGE GSUM BKRA SHIS LHUN PO SOGS DBUS GTZANG GI DGON SDE PHAL CHE BA NAS MKHAS BSDUS KYI DGE 'DUN BRGYAD BRGYA TZAM LA PHYI DRO'I DUS SU BLA MA DAM PA MKHAS GRUB RIN PO CHES SKYE BO MCHOG GI CHOS LUGS BYANG CHUB LAM GYI RIM PA CHE BA'I BSHAD LUNG CHOS THUN RE DANG, SNGA DRO'I DUS SU RJE BTZUN BLA MA NGAG DBANG BYAMS PA RIN PO CHES BYANG CHUB LAM GYI RIM PA 'JAM DPAL ZHAL LUNG DANG BYANG CHUB BDE LAM, BLO SPYOD DON BDUN MA BCAS KYI BKA' KHRID ZHIB PAR STZAL ZHING, DE DAG GI SKABS BSTAN PA'I RTZA BA SO SO THAR PA CHES NYAMS DAMS PAR BYED PA'I CHOS LOG RNAMS KYIS MTSON, MDOR NA RAB TU BYUNG BA DANG YA RABS KYI KUN SPYOD PHRA MO TZAM LAS 'GAL BA'I BYED SPYOD RNAMS LA'ANG THUGS BRTZE BA SNYING RJE CHEN POS KUN NAS BSLANGS TE LUNG RIGS DRI MA MED PAS SUN DBYUNG BAR MDZAD PAS THUB BSTAN RIN PO CHE LA BKA' DRIN GYI MDZAD PA ZLA MED PAR GYUR PA NI KUN GYI MTHUN SNANG DU GRUB PA YIN, GZHAN YANG DE'I TSE DBEN SA BKA' BUM GYI LJAGS LUNG, PAn CHEN THAMS CAD MKHYEN PA'I GSUNG 'BUM SHR'E YA, BLO SBYONG LEGS BSHAD KUN 'DUS, BLO SBYONG MTSON CHA 'KHOR LO, SNYAN BRGYUD CHEN MO, NYI MA'I

, ,'OD ZER, 'JAM DPAL MTSAN BRJOD, MYUR LAM, LAM RIM CHUNG BA, THOG MA'I BLO SBYONG RNAMS KYI LJAGS LUNG ZHIB BSHAD DANG BCAS PA STZAL, DE SKABS SHIG RJE BTZUN BLA MA DAM PA 'DI NYID NAS CHOS LUGS 'CHOL PAR SPYOD PA RNAMS LA DGAG PA MANG DU MDZAD PAS, RNYING MA BSRE LHAD CAN SOGS LA MOS PA CHE BA'I SKYE BO 'GA' ZHIG NAS DE LTAR DGAG BYA MDZAD NA, DENG DUS RNYING MA'I BLA MA 'GA' ZHIG MTHU STOBS PHUL DU BYUNG BAR YOD PAS DE DAG GIS NGAN SNGAG SA SOGS BYAS TSE SKU TSE LA MI LEGS, ZHUS PAR BRTEN DGE 'DUN THAMS CAD TSOGS PA'I DBUS SU KHO BO LA 'DI LTAR ZER BA SNANG YANG KHO BO CAG RJE RGYAL BA GNYIS PA'I BSTAN PA RIN PO CHE'I SLAD DU LOG CHOS LA DGAG PA BYAS PAR KHYOD MTHU STOBS CAN RNAMS KYI NGAN NUS KYIS DA LTA RANG SROG DANG PHRAL KYANG BSTAN PA'I DON DU SHI BA YIN PAS NGED KYI DON 'GRUB PA YIN, KHYOD RNAMS LA MTHU STOBS YOD NA DA LTA RANG KHRI 'DI'I STENG DU DBUGS PHROG GIS 'GRO BAR GYIS, DE LA 'GYOD PA'ANG MED CING 'DI KHAR GNAS PA'I DGE BA'I BSHES GNYEN RNAMS KYIS BYAMS PA'I SMON LAM ZHIG THON, DE KHO NAS CHOG PA YIN, DE LTA MIN NA KHYOD RNAMS KYI LOG PA'I CHOS 'DI LUNG RIGS DRI MA MED PAS MTHAR PHYIN PAR SUN DBYUNG BA YIN ZHES PA'I RDO RJE DBYANGS ZAB MO'ANG SGROG PAR MDZAD, DE TZAM DU MA ZAD RJE BTZUN BLA MA DAM PA 'DI NYID NAS RJE BLO BZANG GRAGS PA'I BSTAN PA DRI MA MED PA 'DI NYID THUGS KYI YUL DU BCANGS NAS TSUL 'DI LA MA RTOGS PA DANG LOG PAR RTOG PA DANG THE TSOM GYI DRI MAS SBAGS PA SPYI DANG KHYAD PAR DU STONG NYID KYI LTA BA LOG

PAR BZUNG STE CHOS THAMS CAD YOD MIN MED MIN GYI RANG BZHIN DU 'DZIN PA DANG, SANGS RGYAS RNAMS YE NAS SANGS RGYAS SU 'DZIN PA SOGS LAS 'BRAS DANG CHOS NYID KYI CHA LA RAB TU SKUR BA 'DEBS PA RNAMS DANG, CHOS SGOR ZHUGS NAS RLUNG SEMS LAS SU RUNG BA SOGS RTOGS PA'I GDENGS CI'ANG MED PAR GSANG SNGAGS LA BSNYAD DE NAG CHANG BAG MED DU LONGS SPYOD PA SOGS KYIS MTSON THAN PHYAG LEGS PAR MI 'TSAL BA TSUN CHAD LA CHOS DANG 'JIG RTEN GNYIS KA'I BKA' RNON POS TSAR GCOD RJES 'DZIN DU MDZAD CING, TSUL DE LA BRTUL ZHUGS KYANG BLA NA MED PA LA MNGA' BRNYES PAS SDE DPON CHEN PO RNAMS NAS, GRVA RKYANG GI BAR TSUN CHOD RANG GIS SPYOD PA BYED 'DOD PA RNAMS KYANG BYAS PA DGONGS TSE BKA' BKYON GYIS TSAR BCAD KYIS DOGS PAS 'JIGS PA DANG BAG TSA BAS BAG YOD LA NGANG GIS 'JUG PAR 'GYUR TE, MDOR NA MKHAS BTZUN BZANG GRUB BZHI TSOGS KYI SGO NAS RGYAL BA'I BSTAN PA RIN PO CHE LA BKA' DRIN GZHAN 'GRAN MED PA YIN NO, ,NGER ZHAL LUNG GI SEMS BSKYED MCHOD PA'I NYIN BLA MA GRUB PA'I DBANG PHYUG MKHAS GRUB RIN PO CHE GLO BUR DU PHEBS, GSUNG BSHAD LA THUGS SHIN TU DGYES NAS GROL SKABS BLA MA BYAMS PA'I RNAL 'BYOR PA YAGS PO BYUNG, NDA MI RGAD PO SHI'ANG BLO BDE GSUNGS, DE DAG GI SKABS 'GAR RAB BYUNG BSNYEN RDZOGS KYANG BRGYA PHRAG BRGAL BAR STZAL, 'DI SKABS KHRI CHEN RGYAL MTSAN SENGGE GSER KHRI RIN PO CHER PHEBS MTSAMS SU SLEB PAR, MI DBANG BSOD NAMS STOBS RGYAS NAS BLA MA RIN PO CHE GSER KHRIR PHEBS DGOS PAR GSOL BA BTAB PAR, 'DI NANG GI CHOS BRGYAD KYI

, ,SPROS PA LA MI MNYES PAS THABS SNA TSOGS KYIS BSHOL BAR MDZAD, RGYUD KHANG DU BKA' CHOS GNANG RING LA PHUR BU LCOG GI GZIMS CHUNG DU BZHUGS RGYU'I STON PA, 'OD DPAG MED, SMAN RGYAL, MI 'KHRUGS PA, SENGGE SGRA, JO BO YAB SRAS BCAS KYI SKU CHE BA RE BZHENGS PA GNANG BA RNAMS LEGS PAR GRUB PA LA RAB GNAS RGYAS PAR GNANG STE, JO BO YAB SRAS GSUM RVA SGRENG DBU RTZE KA GNYIS MAR SBYAN DRANGS, 'DI'I MJUG NAS MI DBANG GIS THUGS KHUR BZHES TE, PHUR BU LCOG TU CHOS GRVA CHEN MO'I GZHI BTING BA PHAL CHER GRUB, MI DBANG GI LCAM PA SANGS SKYID PA TSE'I DUS BYAS PA'I PHUNG PO BSREG SBYANG GI RDO RJE SLOB DPON DU BLA MA MKHAS GRUB RIN PO CHE PHEBS PAR GSOL BA BTAB CING, DE DANG MNYAM DU RJE BLA MA 'DI NYID KYANG GDAN 'DREN ZHUS PA LTAR PHEBS BZHUNG MDZAD, DE'I TSE TSE LAS 'DAS MA GANG GIS TES 'KHOR BA THOG MA MED PA NAS BSAGS PA'I NAD GDON SDIG SGRIB THAMS CAD BYANG ZHING DAG PA'I THUGS DAM SKYABS KYIS 'JUG PA'I BYIN RLABS ZAB MO STZAL, MI DBANG NAS PA SANGS SKYID KYI DGE RTZAR BZHANGS PA'I BKA' 'GYUR RIN PO CHE LA RAB TU GNAS PA'ANG MDZAD, DE DUS BLA MA MKHAS GRUB RIN PO CHE DANG RJE BLA MA GNYIS KA LA 'BUL NOD RGYA CHER PHUL, GZHAN YANG BKA' CHOS KYI RIGS BSAM GYIS MI KHYAB PA STZAL ZHING, DGUN GYI DUS THUGS DAM ZAB MO LA RTZE GCIG TU BZHUGS, SHING STAG LO GSAR DU TSES PA'I GNAM LO DANG PO LA DPAL LDAN DMAG ZOR GYI RGYAL MO'I TSES GTOR, SGRUB SDE PHAN TSUN GYI SEMS BSKYED SOGS SNGAR BZHIN MDZAD, LHA

SA SMON LAM CHEN MOR MANG JA DANG, JO SH'AKA RNAM GNYIS KYIS MTSON PA'I RTEN GSUM RNAMS LA MCHOD 'BUL SMON LAM SOGS KYANG RGYA CHER STZAL, NAG PA ZLA BA'I NANG DU DUS GSUM RGYAL BA THAMS CAD KYIS BGROD PA GCIG PA'I LAM DAM PA BYANG CHUB LAM GYI RIM PA 'JAM DPAL ZHAL LUNG GI BKA' KHRID SHIN TU ZHIB CING RGYAS PAR STZAL BA LA, CHOS KYI BDUD RTZI'I BGO SHA ZA BA MO DON DU GNYER BA'I DGE 'DUN DRUG BRGYA LHAG TZAM 'DUS SHING, DE DAG THAMS CAD KYI RGYUD LA BYANG CHUB KYI SEMS KYI SA BON BRTAN PO LEGS PAR BTAB PAS GDUL BYA RNAMS NI 'KHOR BA'I RTZA BA DRUNGS PHYUNG BLTAR GYUR, DE'I TSE CHOS GRVA GSAR BA'I ZHAL GROR DMIGS NAS RJE BLA MA NYID KYI NYE GNAS RAB 'BYAMS PA BYAMS PA YE SHES KYIS ZHABS BRTAN PHUL BAR RTEN 'BREL SHIN TU LEGS PA'I LTAS SU LO DE'I 'BRUG SGRA THOG MAR BSGRAG PAR GYUR, DE SKABS GZHAN YANG ZHABS TOG 'BUL MI SHIN TU MANG ZHING, STA GON GYI NYIN DGE 'DUN LA BSNYEN BKUR BRGYA MCHOD BKA' 'GYUR GSUNG SGROG DANG, GZHAN DON DON GNYER DANG BYANG CHUB DON GNYER GYI GSUNG BSHAD SHIN TU ZHIB PA DANG BCAS TE BYANG CHUB KYI SEMS KYI DMIGS RNAM ZHIB PAR 'CHAD PAR MDZAD CING, DNGOS GZHI'I NYIN BLA MA BSOD NAMS BZANG PO SOGS DGE BA'I BSHES GNYEN SHIN TU MANG BA LA THEG PA CHEN PO'I BYANG CHUB KYI SEMS RIN PO CHE SMON PA TZAM GYI SGO NAS BSKYED PA'I CHO GA GSUNG BSHAD SHIN TU RGYAS PAR STZAL BAS DER 'KHOD PA THAMS CAD LA BYANG CHUB KYI SA BON BRTAN PO THEBS, DE DUS MI DBANG BSOD NAMS STOBS RGYAS GNYER BSHES RTZA LAG DANG BCAS PA THAMS CAD KYIS

, ,KYANG DVANG BA CHEN POS NYE BAR MCHOD CING, LO 'DI NAS BZUNGS RTAG PAR CHOS ZHU MI RNAMS LA DGA' LDAN PHO BRANG NAS JA THUG BDUN RE DANG SHING RGYUGS SOGS KYANG CHAG MED DU BSTAR, RJE BTZUN BLA MA DAM PA 'DI NYID KYIS CHOS KYI RGYAL PO RGYAL PO GNYIS PA BLO BZANG GRAGS PA'I DPAL GYI SNYAN BRGYUD ZAB MO'I BSTAN PA RIN PO CHE LA DGONGS NAS, LO RE BZHIN GSUNG CHOS CHEN MO'I MJUG TU GSANG BDE 'JIGS GSUM GANG YANG RUNG BA'I BKA' KHRID RE'ANG STZAL ZHING, CHOS GSAN MI RNAMS LA JA THUG SOGS MTHUN RKYEN THAMS CAD GZIMS SHAG RANG NAS GNANG STE, RIM PA DANG POS SKYE 'CHI BAR DO GSUM RGYAL BA'I SKU GSUM DU BSGYUR BA'I RGYUD SMIN PA DANG, RIM PA GNYIS PAS SKU GSUM GYI GO 'PHANG TSE 'DI NYID LA BDE BLAG TU 'GRUB PAR 'GYUR BA'I BKA' DRIN STZAL, SKABS SHIG BLA MA MKHAS GRUB RIN PO CHE PHUR BU LCOG TU SPYAN 'DREN MDZAD NAS ZHAG GCIG BZHUGS, CHOS GRVA GSAR PA'I NANG DU ZHABS BRTAN DANG 'BUL NOD GYA NOM PA MDZAD DE BSTAN 'GRO'I DPAL DU ZHABS PAD YUN RING POR BZHUGS DGOS PA'I GSOL 'DEBS MDZAD CING, BLA MA MKHAS GRUB RIN PO CHE NAS DGE SLOD RNAMS LA DGA' LDAN LHA BRGYA MA'I KHRID DANG BSLAB BYA SHIN TU RGYAS PAR STZAL TE THEGS, DE SKABS MDO KHAMS BSTAN PA'I SGRON ME RGYAL BA 'PHAGS PA LHA KHAMS PHYOGS NAS PHEBS PAR MJAL BAR BYON, 'PHAGS PA LHA PHUR BU LCOG TU GANG NA ZHU MDZAD DE DKAR SPRO DANG ZHABS BRTAN GANG SBYI'I BSLAB BYA SOGS RGYAS PAR MDZAD, MDO KHAMS BSTAN PA'I SGRON ME NYID NAS KYANG DNGOS PO'I

BSNYEN BKUR GYA NOM PA MDZAD, SA GA ZLA BA'I TSES BCU BZHI DANG BCO LNGA GNYIS LA THEG PA CHEN PO'I GSO SBYONG GI SDOM PA DANG BCAS TE 'PHAGS PA THUGS RJE CHEN PO ZHAL BCU GCIG PA'I CHO GA DANG 'BREL BA'I SGO NAS SMYUNG BAR GNAS PA'I CHO GA SPYOR BA DANG DNGOS GZHI GNYIS KA LEGS PAR TSANG BA DGE 'DUN BDUN BRGYA SKOR DANG LHAN CIG THUGS NYAMS SU BSTAR BA'I DUS, DER BZHUGS PA'I DGE 'DUN RNAMS LA'ANG ZHABS TOG MANG 'GYED SOGS GYA NOM PA MDZAD, PHYOGS 'DUS KYI DON GNYER CAN BRGYAD CU SKOR LA RAB BYUNG BSNYEN RDZOGS KYI MKHAN PO MDZAD DE, DE DAG GI RGYUD LA SPONG BDUN GYI TSUL KHRIMS ZAB MO'I DGA' STON GYI BYA BA CIR YANG THOB PAR MDZAD, DE DUS SHIG DPAL LDAN SMAD RGYUD GRVA TSANG PA RNAMS KYIS GSOL BA BTAB PA BZHIN, DGA' LDAN KHANG GSAR DU SMAD RGYUD PA TSOGS YONGS LA RGYUD THAMS CAD KYI RGYAL PO DPAL GSANG BA 'DUS PA MI BSKYOD RDO RJE'I DKYIL 'KHOR CHEN POR DBANG BSKUR BA STA GON DANG BCAS PA LEGS PAR STZAL TE, SKAL BA DANG LDAN PA'I GANG ZAG DE DAG GI RGYUD LA SKU BZHI'I SA BON THEBS NGES SU GYUR CING, SA LA GNAS PA'I BYANG CHUB SEMS DPA' RNAMS KYIS KYANG RTOGS PAR DKA' BA'I ZUNG 'JUG GI GNAD LA GO BA THEBS NGES PA'I GSUNG BSHAD ZA BCING RGYA CHE BA GNANG BAS MKHAS PA THAMS CAD KYI YID LEGS PAR BSHAD PA'I LCAGS KYUS CIR YANG DRANGS, DBANG GROL NAS DUS 'KHOR BA YON TAN DAR RGYAS PHEBS TE BSTAN PA LA THUGS RUS SHIN TU CHE BAS BAR SKABS SHIG RTZING SPYOD CHE BA BYUNG YANG NYID KYI BKA' DRIN LAS RJE'I BSTAN PA LA PHAN THOGS

, ,SHIN TU CHE BAR BYUNG ZHES DGYES TSOR MI SRID PA LTA BU MDZAD, SLAR PHUR BU LCOG TU GDAN ZHU MDZAD DE PHYAG RDOR 'KHOR LO CHEN PO DANG RDO RJE MI 'KHRUGS PA GNYIS KYI DBANG CHEN RNAMS GSAN, SER 'BRAS DGE GSUM GYI TSOGS CHEN KHAG LA MANG JA DANG 'GYED, GRVA TSANG SO SO'I CHOS THOG DANG BSTUN GRVA JA'I THOG 'GYED DANG MCHOD 'BUL MCHOD RDZAS GANG RGYAS STZAL, DE NAS ZLA BA LNGA PA'I NANG DU GTZANG GI PHYOGS SU CHIBS KYI KHA LO BSGYUR, YAR LAM RONG BYAMS CHEN GYI DGE 'DUN SBYIS GSOL BA BTAB PA LTAR, DGE 'DUN SUM BRGYA SKOR LA BYANG CHUB BDE LAM DANG SNYING PO DON GSUM GYI KHRID LUNG, MNGON RTOGS RGYAN DANG SGROL DKAR SGRUB THABS KYI LUNG, BYAMS CHEN GYI SKU MDUN DU SEMS BSKYED MCHOD PA DANG DGE SLONG DGE TSUL BSNYEN GNAS KYI SNGOM PA SOGS SKYA SER MANG PO'I RE BA LEGS PAR SKONG BAR MJID NAS RIM GYIS BKRA SHIS LHUN POR PHEBS, ZLA BA DRUG PA'I TSES GNYIS KYI NYIN PAn CHEN THAMS CAD MKHYEN PA CHEN POR SBYIR SANGS RGYAS KYI BSTAN PA DANG YANG SGOS CHOS KYI RGYAL PO TZONG KHA PA CHEN PO'I MDO SNGAGS KYI BSTAN PA RIN PO CHE 'DI NYID PHYOGS DUS GNAS SKABS THAMS CAD DU MI NYAMS SHING DAR ZHING RGYAS PA DANG, CHOS KYI BDUD RTZI ZAB MO KUN LA CHAD PA MED PAR 'GREMS PA'I PHYIR TU MI 'JIGS GDONG LNGAS BTEG PA'I KHRI 'PHANG MTHON POR ZHABS ZUNG G-YO BA MED PAR BZHUGS SU GSOL ZHES PA'I GSOL 'DEBS BDEN TSIG GI BYIN CHEN DANG BCAS PA BRJOD PA DANG LTAN CIG PAR PHYI NANG GSANG BA DE KHO NA NYID KYI MCHOD SPRIN DANG

BCAS PA'I DNGOS 'BUL RGYA CHER 'DEGS PAR MDZAD CING, DPAL LDAN BLA MA DAM PA 'DI GNYIS SNGON SKU TSE DPAG TU MED PA'I SNGA ROL NAS SMON LAM GYI 'BREL PA'I THUGS KYIS MTSAMS SBYOR BLA NA MA MCHIS PA GRUB PAR BRTEN, RTEN 'BREL KYI SGO PHUN SUM TSOGS PA 'GRIG NAS RJE BTZUN THAMS CAD MKHYEN PA BLO BZANG YE SHES DPAL BZANG PO NAS KYANG ZHAL BZHES BZANG PO GZHAN DANG MI 'DRA BA GNANG, DE SKABS PAn CHEN THAMS CAD MKHYEN PA BLO BZANG YE SHES DPAL BZANG PO NAS RJE 'DI PAR BKRA SHIS LTUN PO'I DGE 'DUN 'DUS PA RGYA MTSOR THEG PA CHEN PO'I BYANG CHUB LAM GYI RIM PA'I KHRID KYIS MTSON PA'I THEG CHEN GYI CHOS RGYA CHER 'CHAD DGOS ZHES GSUNG GIS GNANG BRGYA CHER STZAL BAR BRTEN, ZLA BA DRUG PA'I TSES BZHI NAS BDUN PA'I CHOS BZHI'I BAR LA 'PHEL RGYAS GLING MKHAN PO, DGA' LDAN RAB RGYAS BLA ZUR, RGOD TSANG BLA MA, MDANGS CAN BLA MA, LOTZTSA BA DBANG PHYUG ,DKA' CHEN ZHUS DAG PA SOGS KYIS GTZOS DGE 'DUN LNGA BRGYA SKOR LA BYANG CHUB LAM GYI RIM PA, BDE LAM DANG LAM RIM CHEN MO'I ZUR BSHAD, GTOR MA BRGYA RTZA, DGA' LDAN LHA BRGYA MA, YIG BRGYA'I SGOM BZLAS SOGS KYI KHRID RGYAS SHING ZAB PA DANG, TSOGS PA DE DAG LA BLA MA MCHOD PA'I KHRID LAN GNYIS, RNAM 'GREL LE'U BZHI'I RTZA BA'I LUNG, RJE'I GSUNG KHA SHAS KYI LUNG, SGROL LJANG GI RJES GNANG BCAS STZAL TE BKA' DRIN BLA NA MED PA MDZAD CING, ZLA BA DRUG PA'I TSES NYER LNGA'I NYIN DGE 'DUN NYIS STONG TZAM TSOGS PAR BYANG CHUB MCHOG TU SEMS BSKYED PA'I SEMS BSKYED MCHOD PA RMAD DU

, ,BYUNG BA MDZAD CING, DE'I TSE ME TOG GI CHAR YANG BABS, GZHAN YANG DPON TSANG CHEN MO, DBU MDZAD CHEN MO, SENG CHEN SKU SKYE, RIG GROL SKU SKYE, LOTZTSA BA DBANG PHYUG SOGS DGE BSHES BZHI BCU SKOR LA 'JIGS BYED BSKYED RDZOGS KYI LJAGS KHRID, NYUNG SHAS SHIG LA RIG TSOGS DRUG DANG SNYING PO DON GSUM GYI ZIN BRIS RJE BLA MA NYID NAS MDZAD PA, BLO SBYONG DON BDUN MA, BYANG SEMS RVA SGRENG PAS MDZAD PA'I BLO SBYONG, RGYUD GZHUNG BCAS KYI LJAGS LUNG ZHIB BSHAD KYIS BRGYAN PA STZAL, DE SKABS PAn CHEN THA MAS CAD MKHYEN PA CHEN PO PHYI LO DGUNG LO DON GSUM GYI DGUNG SKEG LA PHEBS NYE BA LA ZHABS BRTAN JI 'DRA SGRUB NA LEGS DANG, BSTAN 'GRO'I DPAL DU ZHABS PAD YUN RING DU BRTAN DGOS PA'I GSOL 'DEBS GNANG BA LA PHYIR PHEBS KYI BKA' LAN GZHAN DANG MI 'DRA BA STZAL, DE'I TSE MNGA' RIS GUNG YE SHES TSE BRTAN NAS DAD PA'I ROL MTSO LAS 'ONGS PA'I BSNYEN BKUR GYIS NYE BAR MCHOD CING, BKA' CHOS KYI SENG DBAR ZHIG LA RIN CHEN RTZER PHEBS DGOS ZHES GSOL BA BTAB PA LTAR BSHOL ZLA CAN GYI ZLA BA BDUN PA SNGON MA'I TSES LNGA'I NYIN PHEBS, YAR LAM SNAR THANG GI MCHOD MJAL ZHIB PAR GNANG STE SNYAN SHAL DANG THUGS SMON RGYA CHE BA MDZAD, TSOGS PA LA MANG 'GYED DANG DGE 'DUN GYI SDE NYIS BRGYA NYI SHU SKOR LA GNAS BRTAN PHYAG MCHOD, BYANG CHUB LAM SGRON, SGROL SHER BCAS KYI LJAGS LUNG GNANG, DE NUB CHAR CHEN DAL GYIS 'BAB PA SOGS RJE BTZUN GRAGS PA DPAL LDAN NYID SLAR YANG RANG GI GDAN SAR

PHEBS PA LA LHA KLU GZHI BDAG RNAMS DGA' BA'I RNAM 'GYUR BSAM LAS 'DAS PAR GYUR, DE'I TSE SRAD KYI GZHUNG CHU SHIN TU CHE BAS CHU RABS RE BA MED PA LTA BU YOD KYANG RJE BLA MA NYID PHEBS MA THAG TU CHU BO PRI NAS CHIBS RABS SHIN TU BDE BAR GYUR PAS THAMS CAD YA MTSAN PAR GYUR, DE NAS SRANG RDZONG DU ZHAG BDUN BZHUGS, SA BCUD GSO BA'I BUM GTER 'GA' ZHIG GNANG ZHING GZHI BDAG BAN CHEN PA'I GSOL KHA'ANG GSAR RTZOM GNANG BAS CHAR CHU DUS SU PHEBS PA SOGS LHA KLU RNAMS DGYES PA'I RTAGS MANG DU BYUNG, GUNG YE SHES TSE BRTAN NAS KYANG BSNYEN BKUR ZHABS TOG RMAD DU BYUNG BAS MCHOD CING NGO BO RNAMS LA TSE DBANG SOGS BKA' CHOS DU MA STZAL, NYIN GCIG CHOS 'KHOR GLING DU GDAN DRANGS PA LTAR CHIBS BSKYOD DE DGE 'DUN DRUG CU SKOR LA BYANG CHUB BDE LAM, GTOR MA BRGYA RTZA, KHA 'BAR MA'I MDOS CHOG ,GTOR 'BUL GSER ZHUN MA BCAS KYI LJAGS LUNG, BLA MA MCHOD PA BDE STONG DBYER MED MA'I LJAGS KHRID BCAS GNAD, ZLA BA BDUN PA'I TSES BCU GSUM LA RIN CHEN RTZE'I PHYAG MDZOD BA SOGS KYIS CHIBS SKYEL DANG BCAS RIM GYIS PHEBS, LU GU RI GDONG DU SPEL RKYANG DBON G-YOG GIS PHEBS BSU DANG BCAS DPAL 'BYOR LHUN POR PHEBS, ZHAL NGO RNAMS KYIS 'BUL BA ZHABS TOG SOGS PHUN SUM TSOGS PA DANG DANG GUS BLA NA MA MCHIS PA SGRUB CING, DE KHA'I RI KHROD DU'ANG SRIB TZAM PHEBS 'DU KHANG SOGS LA PHYAG NAS KYANG GNANG, DE NAS BKRA SHIS LHUN POR PHYAG PHEBS, TSES BCU BDUN GYI NYIN DGE 'DUN NYIS BRGYA SKOR LA MI 'KHRUGS PA'I RJES GNANG

, ,DANG SGRUB THABS KYI LJAGS LUNG, SNYING PO DON GSUM RGYAL BA DGE 'DUN RGYA MTSOS MDZAD PA, DE'I BRGYUD 'DEBS RGYAL BA LNGA PAS MDZAD PA, 'JAM DBYANGS DMAR SER GYI SGRUB THABS BSTOD PA SOGS KYI LJAGS LUNG BCAS STZAL, DE NAS GUNG NAS KYANG BKRA SHIS LHUN POR MJAL KHAR BYON, RJE BLA MA 'DIS KYANG RIM GYIS BKRA SHIS LHUN PO NAS DBUS PHYOGS SU PHEBS PA'I PHYAG PHYIR GUNG NAS KYANG BSKYOD, TSONG 'DUS GZHIS KA ,SPEL BZHI, PAD TSAL RNAMS SU GDAN 'DREN GSOL BA BTAB PA LTAR RANG RANG GI BSOD NAMS KYI ZHING DU BYON NAS BSNYEN BKUR BDAG GIR MDZAD, RANG RANG GI BLO NGO DANG 'TSAMS PA'I DAM PA'I CHOS KYI CHAR RGYA CHER STZAL, DGA' BA GDONG LAS SNE BA RNAMS DANG PA RNAM RDZONG DPON BCAS KYIS CHIBS BSU DANG, ZAM SNER GSOL STON DANG GRVA DMANGS LA PHYAG DBANG DANG CHOS 'BREL ZHIB PAR GNANG, DE'I SANG NYIN 'BRONG RTZE'I GZHIS SU DKAR SPRO 'BUL SBAM MTHO BA NAS NGO BO RNAMS LA TSE DBANG GNANG, DE'I NUB DGA' BZHIR BZHUGS, ZHABS TOG PHUN SUM TSOGS PA SGRUBS, SANG NYIN RGYAL RTZE RDZONG DPON DANG DPAL CHOS LAS SNE BA RNAMS KYIS CHIBS BSU SER 'PHRENG BCAS CHOS SDE DPAL 'KHOR BDE CHEN DU PHEBS SHING, GUR PA BLA BRANG DU'ANG PHEBS, DPAL CHOS GRVA TSANG BCU BDUN DANG PHAN TSUN GYI DGON SDE RI KHROD SOGS NAS 'DUS PA'I DGE 'DUN STONG PHRAG BRGAL BA DANG SKYE BO'I TSOGS SHIN TU MANG BA LA ZLA BA BDUN PA'I TSES NYER LNGA NAS BLA MCHOD KYI BSHAD KHRID SHIN TU RGYAS PA NYIN GSUM DANG, BYANG CHUB BDE LAM GYI KHRID

LUNG; TSEM BU DMAR KHRID, SNYING PO DON GSUM GYI KHRID, SPYAN RAS GZIGS PHYAG BZHI PA'I RJES GNANG, GCOD DBANG NAM MKHA' SGO 'BYED, GCOD KYI KHRID, YE SHES KHYUNG KHRA'I RJES GNANG, SMAN BLA'I RJES GNANG, LAM SGRON, RGYAL DBANG LNGA PAS MDZAD PA'I DMIGS BRTZE MA'I t'IKKA, BYAMS CHOS SDE LNGA, BLA MCHOD LHAN THABS MKHAR RDO RIN PO CHES MDZAD PA, THOG MA'I BLO SBYONG, TSE CHOG GI LJAGS LUNG SOGS SHIN TU MANG BA DANG, NYUNG BSDUS SHIG LA GSANG BA 'DUS PA'I BSKYED RDZOGS KYI KHRID SKYE BO PHO MO STONG PHRAG BRGAL BA LA SBYAN RAS GZIGS PHYAG BZHI PA'I RJES GNANG DANG PHYAG DBANG BCAS STZAL ZHING, THAMS CAD LA 'DI PHYIR PHAN PA'I BKA'I BSLAB BYA SHIN TU RGYAS PA'I BKA' DRIN STZAL, GUNG YE SHES TSE BRTAN LA DNGUL RDO TSAD STZAL NAS; RGYAL MTSAN CHA GCIG DANG THUGS DAR SOGS GSAR BSGRIGS BLA NA MED PA SGRUBS, DGE 'DUN RNAMS LA MANG JA KHA SHAS DANG DNGOS PO SNA TSOGS ZHO RE'I THOB THANG LHAG TZAM DANG, KHA BTAGS RE BCAS STZAL BA RA MDZAD CING, DE KHA'I GRVA TSANG KHAG DANG ZHVA LU, SPOS KHANG, RTZE CHEN, GNAS RNYING, RI KHROD DGA' LDAN SOGS LA MANG 'GYED RGYA CHER GNANG ZHING, DPAL 'KHOR CHOS SDE'I TSOGS CHEN LA BYANG CHUB LAM GYI SGRON MA 'DZUGS PA'I BKA' KHYAB MDZAD PA SOGS PA STAN 'GRO'I PHAN BDE SBEL PA'I BKA' DRIN GYIS KHYAB PAR MDZAD, ZLA BA BRGYAD PA'I TSES GSUM LA CHIB BAS BSKYOD GNANG, CHU BO RI'I SHAN SHAR CHOS 'KHOR YANG RTZE BA'I BLA MA SOGS KYIS CHIBS BSU DANG BCAS DGON DU ZHAG GCIG BZHUGS, ZHABS BRTAN 'BUL

, ,BA SOGS PHUN SUM TSOGS PA PHUL ZHING SMAN BLA'I RJES GNANG DANG MANG 'GYED BCAS CHOS DANG ZANG ZING GIS TSIMS PAR MDZAD, KHU SPE GRVA TSANG BA LA'ANG MANG JA GNANG, SNYE THANG 'OR DU PHEBS TE MCHOD KHANG RNAMS SU SNYAN SHAL MCHOD 'BUL SOGS ZAB CING RGYAS PAR MDZAD DE, BSTAN PA RIN PO CHE YUN RING DU GNAS PA'I THUGS SMON YANG DAG PAR GNANG, ZLA BA BRGYAD PA'I TSES BCU GCIG LA GUNG PHUN TSOGS RNAM RGYAL DPON G-YOG GIS CHIBS BSU DANG BCAS DGA' LDAN KHANG GSAR DU PHEBS, MI DBANG PHO LHA BAR GANG SPYI'I BKA' ZHIB RGYAS STZAL, BLA MA DAM PA GRUB PA'I DBANG PHYUG DON YOD MKHAS GRUB RIN PO CHE DANG RGYAL BA 'PHAGS PA LHA, RGYAL SRAS SPRUL SKU RNAMS MJAL BAR PHEBS PA RNAMS DANG GSUNG MOL ZHIB RGYAS DANG, LHA SA'I GZIMS CHUNG NYI 'OD DU ZHAG SHAS BZHUGS, JO BO RIN PO CHE'I SKU MDUN DU MNGA' RIS ZHABS DRUNG LA DGE SLONG GI DNGOS PO ZHIG KYANG BSTAN PA RIN PO CHE LA KHYAD CHE BAR DGONGS NAS STZAL, GONG MA CHEN PO'I SKU TSA BA N'A T'A SHIN NAS DAD PA CHEN POS MTSAMS SBYAR TE GZIGS CHUNG KHAMS GSUM DU DVAGS PO GRVA TSANG GI DGE 'DUN RNAMS SPYAN DRANGS, BSTAN 'GRO'I DPAL DU RJE BTZUN BLA MA NYID YUN RING POR BZHUGS DGOS PA'I ZHABS BRTAN GSOL 'DEBS ZHUS PAR ZHAL BZHES BZANG PO GNANG SLAR YANG RI KHROD DU PHEBS NAS DUNG DKAR SPRUL SKUR BSNYEN RDZOGS KYI SDOM PA STZAL ZHING, BYANG CHUB BDE LAM GYI KHRID SOGS RJE RGYAL BA GNYIS PA'I BSTAN PA RIN PO CHE'I ZHABS 'DEGS PHUL DU PHYIN PAR MDZAD DE, LNGA MCHOD THON NAS DGUN GYI

RING BDE STONG DBYER MED PA'I TING NGE 'DZIN ZAB MO'I SKU MTSAMS KYI ROL PA LA BZHUGS, DE YANG RJE BTZUN BLA MA DAM PA 'DI NYID KYI GZHAN DON 'PHRIN LAS KYI SGO 'PHAR YANGS POR BYE STE, RGYA BOD HOR GSUM GYI SA NA 'KHOD PA'I BLA MA, SLOB DPON, RGYAL BO; RGYAL PHRAN, BLON CHEN, DMAG DPON LA SOGS PA MKHAS SHING GRUB PA DANG, CHE ZHING DREGS PA DANG, 'GYING ZHING DPA' BA'I GANG ZAG THAMS CAD KYI MGO BO'I GTZUG GIS ZHABS KYI PADMO LA BTUD CING, JI TZAM DU NYE BAR MCHOD PA DE TZAM DU KHENGS PA DANG BDAG NYID CHEN POR RLOM PA'I TSUL MDZAD PA PHAR ZHOG ,TSUL 'DI NI BZANG PO'O SNYAM PA TZAM GYI THUGS KYANG RMI LAM TZAM DU'ANG RGYANG BSRINGS TE, RNAM PA THAMS CAD DU PHUN TSOGS DE DAG MA LUS PA NAM MKHA'I GLOG GAM, CHU'I DBU BA'AM, RTZVA RTZE'I ZIL PA BZHIN DU SNYING PO CUNG ZAD KYANG MED PAR SKAD CIG GIS 'JIG PA DANG SDUG BSNGAL BSKYED PA'I CHOS CAN LAS MA 'DAS SO SNYAM DU DGONGS NAS, RTAG TU BDAG NYID 'TSO BA'I YO BYAD BCU GSUM GYI GNAS GZHI LA GNAS NAS 'TSO BA'I DGE SLONG RNAL 'BYOR SPYOD PA'I 'DU SHES DANG SKAD CIG TZAM YANG MA BRAL BAR BZHUGS TE, GZHAN GYI DON KHO NA LA GZHOL BAR MDZAD PA NI, BLO CHEN SA LA GNAS PA'I RGYAL BA'I SRAS PO RNAMS KYI RNAM PAR THAR PA RMAD DU BYUNG BA'O, ,DE DAG LA SLAR YANG 'DI LTAR SMRA STE, BYANG CHUB SPYOD PA RMAD DU BYUNG BA YI, ,RNAM PAR THAR PA ZAB MO'I 'OD ZER 'BUM, ,RTAG TU 'PHRO BA'I NYIN MOR BYED 'DI YI, ,SNANG BYED ZHING KHAMS RAB 'BYAMS KUN TU 'PHRO, ,DE LA SHES NYON GRANG REG GIS GTZOS PA'I, ,GDUNG BA SEL

, ,'DOD SKAL BZANG SKYE BO'I TSOGS, ,PHYOGS DUS KUN NAS RAB TU 'DUD PA NI, ,RIG BYED MA YI MDA' LA LHA KLU BZHIN, ,DE KUN SNYING DBUS KUN RTOG 'DAM RDZAB LAS, ,SKYES PA'I 'OD GSAL RANG BZHIN KUN ZHI'I CHOS, , RMONGS PA'I SHUN PA BKAS PA'I BLO GROS 'DAB, ,BZHAD PHYIR LEGS BSHAD TSA ZER BRGYA PHRAG SPROS, ,MKHAS DANG GRUB PA'I SKYE BO BGRANG YAS KYI, ,GNYIS SPANG DBUS KYI ZUNG 'JUG THIG LE'I SEMS, ,BTUL BA'I BCUD LEN BDUD RTZI'I DPAL YON LA, ,MYANG PA'I GRUB PA'I RNAM 'GYUR CIR YANG ROL, ,A'ARYA DE BA'I YID KYI ROL PA CAN, ,GANG LA CHOS KYI BTUNG BA LEN PA'I SLAD, ,GSOL 'DEBS PHO NYA'I TSIG GIS GSOL BA BZHIN, ,ZHABS SEN GUR KUM BKRA SHIS BKRA BA BSKYOD, ,KUN TU PHAN BDE'I SA BON CHER BSKRUN CING, ,'PHAGS MCHOG DE'ANG 'DI YI CHOS KYIS TSIMS, ,SLAR YANG PHYOGS 'DIR PHAN BDE SPEL BA'I PHYIR, ,BSKYOD PA NGANG PA'I RGYAL PO PAD MTSOR BZHIN, ,PHYOGS 'DI NA'ANG RANG RANG BLO NGO DANG, ,'TSAMS PA'I LEGS BSHAD DBYAR GYI RNGA BSANGS PO, ,DAL GYIS RGOD PAS SKAL BZANG MDONGS LDAN RNAMS, ,DGA' BA'I CA CO CIR YANG SGROG PAR GYUR, ,SNANG BA MTHA' YAS DUR SMRIG GIS KLUBS PA, ,GANG DANG CHOS KYI DGA' STON SPEL BA'I SLAD, ,GTZANG PHYOGS SA YI THIG LER BSKYOD PA NA, ,KUN LA PHAN CHEN STER BA DBYAR GYI SPRIN, ,MGON PO DE DANG CHOS KYI DGA' STON LA, ,ROL PAR GYUR TSE BYAMS DANG 'JAM DBYANGS RNAMS, ,SLAR YANG SGYU 'PHRUL SRAS DE BYON PA'AM, ,CI ZHIG SNYAM DU DAG

PA'I SPYAN GYIS GZIGS, ,'CHAD LA THOGS MED BLO GROS SKYENGS STER BA'I, ,LEGS SMRA TAMBU RA YI SGRA DBYANGS DANG, ,RTZOD LA CHOS GRAGS SPOBS PA KHENGS 'PHROG PA, ,'DI ZHES KUN GYI MGO BOS ZHABS LA GTUGS, ,RGYAL BA GNYIS PA'I LEGS BSHAD LAM GYI GNAD, ,ZHIB CING PHRA BA'I GSUNG GI GNANG BZANG GIS, ,STZAL BA'I RO BZANG YID SHES MYANG BYED LA, ,THOB PAS 'GRO KUN DANG PA'I LUS STOBS RGYAS, ,GSUNG GI GSANG BA BLA MED LHA'I BTUNG BA, ,TSIMS PAR GSOL TE SLAR YANG RANG GI GNAS, ,PHYOGS PA'I DUS GNAS KUN TU'ANG 'KHOD PA YI, ,SKYE BO KUN LA PHAN BDE BLA MED BSKRUN, ,RVA SGRENG RGYAL BA'I 'BYUNG GNAS DBEN PA'I KHROD, ,TSUL BZHIN ROL PA'I 'DUS PA'I SDE CHEN POR, ,STONG NYID SNYING RJE DBYER MED THIG LE'I DPYID, ,NGES DON BCU DRUG DGA' BDE CIR YANG BSKRUN, ,SEMS KYI SA BON RLUNG KHAMS RDUL PHRAN CAN, ,YE SHES THIG LES SBANGS PA'I DRI BZHON MYUG ,RGYAS BYED 'JAM DPAL RDO RJE'I SMIN BYED DBANG, ,SKU BZHI'I LAG RJES 'JOG BYED CIR YANG STZAL, ,LOG RTOG DPYID KYI LANG TSO DAR BA'I DUS, ,LOG PA'I SGRA 'BYIN BYED NGAN LKOG SHAL CAN, ,LOG PA'I SNYING LA 'JIGS STER SENGGE'I SGRA, ,LOG RTOG MUN PA SEL PHYIR DBYANGS SU BSGRAGS, ,MI DBANG DU MA'I COD PAN NOR BU'I 'OD, ,ZHABS KYI RDUL LA NYE BAR RTZE NA'ANG; ;RTAG TU 'PHAGS PA'I RIGS BZHI LA GNAS PA, ,'DI NI CHEN PO RNAMS KYI'ANG RTOGS PAR DKA', ZHES BYA BA NI BAR SKABS KYI TSIGS SU BCAD PA'O, ,RJE BTZUN BLA MA DAM PA BKA' DRIN MTSUNGS PA MED PA GANG GI RNAM PAR THAR PA RGYA MTSO

, ,LTA BU LAS CHA SHAS TZAM BRJOD PAR BYED PA'I GTAM DAD PA'I 'DAB BRGYA BZHAD PAR BYED PA'I NYI MA ZHES BYA BA LAS RGYAL BA'I BSTAN PA LA LOG PAR ZHUGS PA'I SMRA BA NGAN PA DRUNGS PHYUNG BA SOGS KYI MDZAD PA'I 'OD ZER TE LNGA PA'O,, ,, ` DE NAS SHING YOS ZLA BA DANG PO'I TSES GTOR DANG SGRUB SDE GSUM GYI MCHOD PA SNGAR RGYUN LTAR DANG LDAN MA AEM CHIS SE RA RTZER DPAL LDAN BLA MA DAM PA NYID KYIS DBUS SGRUB SDE GSUM GYI DGE SLONG RNAMS SPYAN DRANGS TE THEG PA CHEN POR SEMS BSKYED PA'I CHO GA'I ZHABS TOG RMAD DU BYUNG BA DANG ZHABS BRTAN 'BUL BA BCAS PHUL, PHYI DRO SEMS BSKYED GSUNG BSHAD BSLAB BYA SOGS SHIN TU RGYAS PA GNANG, SMON LAM CHEN MOR MANG JA DANG, LHAS DANG RA MO CHE SOGS KYI GTZUG LAG KHANG KHAG LA MCHOD 'BUL THUGS SMON SOGS SNGAR LTAR GNANG, ZLA BA GSUM PAR MDO KHAMS BSTAN PA'I SGRON ME 'PHAGS MCHOG YE SHES BSTAN PA'I MGON PO SOGS SER 'BRAS DGE GSUM, BKRA SHIS LHUN PO, GZHAN YANG PHYOGS 'DUS KYI MKHAS MANG BRGYAD BRGYA SKOR LA BYANG CHUB LAM GYI RIM PA'I LJAGS KHRID ZAB CING RGYAS LA RMAD DU BYUNG BA DANG, RGYAL TSAB RGYAL SRAS SPRUL SKU, LO SEMS DPA' CHEN PO, MI DBANG PHO LHA BA SRAS 'KHOR DANG BCAS PA SOGS MCHOG DMAN GYI SKYE BO GRANGS LAS 'DAS PA LA SEMS BSKYED SOGS SNGAR BZHIN DAM PA'I CHOS KYI BKA' DRIN BLA NA MED PA STZAL, 'DI LO CHAR SHIN TU DKON PAS 'GRO BA RNAMS NYAM THAG PAR GYUR PA LA THUGS BRTZE BAS DGONGS TE, LHA DANG KLU SOGS LA SNGON STON PA YANG DAG PAR RDZOGS PA'I SANGS RGYAS KYI

SPYAN SNGAR JI LTAR KHAS BLANGS PA'I DAM TSIG LA GNAS TE CHAR 'BEBS DGOS PA'I GSUNG BSHAD BKA' BSGO DANG BCAS PA RGYA CHER STZAL BAS NYI MA DE NYID KYI NUB MO NAS CHAR GYI RGYUN MI BZAD PA BABS PAS RGYAL KHAMS THAMS CAD LA BKA' DRIN CHE BAR GYUR TE, TSUL 'DI NI LHA DANG BCAS PA'I 'JIG RTEN MA LUS PA LA GZHAN DRING MI 'JOG PAR CHOS KYI SRID LA DBANG BSGYUR ZHING MTHU STOBS MNGA' BA'I 'BRAS RTAGS GSAL POR SHAR BA'I NGANG TSUL LO, ,THAN PA'I NAD LA CHAR SPRIN NAM, ,TSA BA'I NAD LA GA BUR RAM, ,GRANG BAS BRDUNGS LA NYI MA BZHIN, ,'DI NI 'JIG RTEN KUN NA BDE, ,DE YI SANG NYIN DGA' LDAN KHANG GSAR NAS BKRA SHIS BA'I DAR DKAR DANG BCAS TE LEGS SO BRJOD MI CHED DU MNGAGS PA BDAG GIR MDZAD, SA ZLA'I SMYUNG GNAS DANG BSKYED RDZOGS KYI BKA' KHRID SOGS SNGAR LTAR GNANG, BAR SKABS SU RGYAL BA 'PHAGS PA LHA, BLA MTSAN, PHUR BU LCOG RANG GI DGE SLONG SOGS LA 'DUL t'IKA RIN CHEN PHRENG BA'I BSHAD LUNG SOGS LJAGS LUNG ZAB RGYAS GNANG, 'DI SKABS ZLA BA BDUN PA'I NANG DU ` GONG MA G-YUNG tI NGA RGYAL PO CHEN PO NYID KYI BKAS SLAR YANG SKYABS MGON RGYAL DBANG THAMS CAD MKHYEN GZIGS CHEN PO NYID MGAR THAR NAS BOD PHYOGS SU CHIBS KHA BSGYUR TE, LHA LDAN DU PHEBS SKABS AE WAm DU MJAL KHAR PHEBS, DNGUL DKAR GYI MAndAL DAR TSON SNA LNGA'I SNE 'DOGS CAN, NA BZA' SKOR CHA TSANG SOGS DNGOS 'BUL RGYA CHER MDZAD NAS, PHYOGS 'DIR CHIBS KYI KHA LO BSGYUR BA NI BKA' DRIN PHUL DU BYUNG ZHING DA DUNG BSTAN 'GRO YONGS KYI MGON DU ZHABS PAD BRTAN PA DANG CHOS KYI 'KHOR

, ,LO RGYA CHER BSKOR BA, NAG PHYOGS SU GTOGS PA'I LOG PA'I CHOS LUGS RNAMS KYANG ZIL GYIS GNON DGOS PA SOGS ZHIB TU ZHU BAR MDZAD CING, SKYABS MGON DAM PA RGYAL DBANG THAMS CAD MKHYEN GZIGS CHEN PO NAS KYANG SHIN TU DGYES PA'I ZHAL BZHES STZAL, LO DE'I STON RGYAL BA 'PHAGS PA LHA KHAMS PHYOGS SU PHEBS PAR SKU GSUNG THUGS RTEN, NA BZA' CHA TSANG SOGS 'BUL NOD DANG BSLAB BYA RGYA CHER MDZAD, 'DI SKABS LHA SA SPRO BDE KHANG GSAR GYI KHYIM BDAG BAG GRO ZHES PAS SGRUB SDE GSUM DANG MKHAR RDO BCAS KYI DGE SLONG RNAMS PHUR BU LCOG TU SPYAN DRANGS PA'I TSOGS DBUR RJE BTZUN BLA MA DAM PA NYID SPYAN DRANGS TE ZHABS PAD BRTAN DGOS PA'I GSOL 'DEBS LAN GNYIS ZHUS SHING, PHYI MA'I SKABS RA KHA BRAG GI SHAG DANG BCAS TE PHUL, PHYI DRO SEMS BSKYED KYI GSUNG BSHAD RGYAS PA DANG SHI GSON KUN GYI DGE RTZA RNAMS BLA NA MED PA YANG DAG PAR RDZOGS PA'I BYANG CHUB TU BSNGO BA'I GSUNG PA SNGO ZAB PAR GNANG, SKABS SHIG CHAB MDOR DGOS CHA BZANG PO GNANG NAS RJE BDAG NYID CHEN PO'I GSUNG 'BUM PU STI BCU DGU DANG THUGS SRAS MKHAS GRUB RIN PO CHE'I GSUNG POD BCAS GSER DNGUL SPEL MA DANG, DE'I PHUD DU BRGYAD STONG PA GSER SBYANGS PA 'BA' ZHIG LAS BZHENG BA GNANG, NANG SO GZIMS KHANG SDE PA BLO BZANG DPAL 'BYOR LTOS BCAS NAS PHUR BU LCOG TU SGRUB SDE GSUM GYI BLA MA DGE 'DUN RNAMS GDAN 'DREN ZHUS NAS BLA MA LA ZHABS BRTAN, DGE 'DUN LA BSNYEN BKUR BZANG PO, SEMS BSKYED LAN GSUM BTANG BA'I TSOGS

DBUR PHEBS NAS ZHAL BZHES DANG RJES 'DZIN LEGS SO BSLAB BYA BCAS STZAL, LO LTAR BSTAN 'GRO'I DON DU 'CHAD PAR MDZAD PA'I BYANG CHUB BDE LAM GYI BKA' KHRID RNOL ZAB BA DANG, LNGA MCHOD SOGS SNGAR BZHIN ZAB RGYAS DANG, DGUN GYI DUS SKU MTSAMS DAM PO'I NGOS RIM GNYIS KYI TING NGE 'DZIN LA G-YO BA MED BAR BZHUGS, ME 'BRUG ZLA BA DANG PO'I TSES GTOR DANG SGRUB SDE PHAN TSUN GYI DUS MCHOD SOGS SNGAR BZHIN DANG, LHA SA BA KHYAB BDAG KARMA BSAM 'GRUB KYIS SGRUB SDE GSUM DANG RKED CHED SHAR NUB BCAS KYI TSOGS DBUR DAM PA NYID RA KHA BRAG TU SPYAN DRANGS ZHABS BRTAN 'BUL BA PHUN SUM TSOGS PA DANG BCAS TE THEG PA CHEN PO'I SEMS BSKYE ZHUS PA LTAR, SEMS BSKYED KYI GSUNG BSHAD RNO ZHING ZAB PA DANG, MJUG TU BYANG CHUB KYI RGYUR BSNGO BA'I GSUNG BSNGO SMON LAM GYIR RGYAS 'DEBS DANG BCAS PA THUGS RJES STZAL, SMON LAM CHEN MOR YANG MAR JA DANG SER 'BRAS DGE GSUM, RGYUD STOD SMAD, GSANG PHU BCAS PAR MANG 'GYED SOGS DGE 'DUN GYI BSNYEN BKUR SNGAR BZHIN MDZAD SGRUB KHANG SKU SKYE SOGS BLA MA DGE BA'I BSHES GNYEN BDUN BRGYA SKOR LA BYANG CHUB LAM GYI RIM PA'I GSUNG BSHAD ZAB CING RGYA CHE BA GDUL BYA RNAMS KYI RGYUD LA SKYES BU GSUM GYI LAM DRI MA MED PA LA MYONG BA KHYAD PAR CAN 'CHAR NGES PA GNANG ZHING, ZHABS BRTEN DANG BSNYEN BKUR 'BUL BA LA SOGS PA RMAD DU BYUNG BA DBYAR GYI CHU BO LTA 'PHEL, 'DI DAG GI LO SNGA PHYIR CHOS GRVA'I THOG GSAR 'GEL DANG, LDEB BRIS RTEN BZHENGS, GNAM RGYAN, MCHOD RDZAS SOGS RJE BLA MA NYID KYI PHYAG RDZAS DANG

, ,GZHUNGS NAS KYANG 'GAN BZHES MDZAD PA LA BRTEN NAS LEGS PAR GRUB PA'I RTEN BRTEN PA RNAMS LA RAB GNAS RGYAS PAR MDZAD, SKABS SHIG RTEN 'BREL GYI CHOS THAMS CAD CHU NANG GI ZLA BA LTAR GZIGS PA'I GRUB PA'I DBANG PHYUG CHEN PO RGYUD SMAD BYANG RTZE MKHAN PO NO MIN HAN NGAG DBANG MCHOG LDAN PHUR BU LCOG TU PHEBS, RJE BLA MA 'DI NYID NAS 'DU KHANG RNYING PA'I SGRUB KHANG RJE'I BZHUGS KHRI'I STENG DU GDAN ZHU MDZAD NAS, SHEL DKAR GYI PHRENG BA DRI MA MED PA SOGS KYIS GTZOS PA'I 'BUL BA MDZAD PAS GRUB PA'I DBANG PHYUG NGAG DBANG MCHOG LDAN NAS KYANG SHEL DKAR GYI PHRENG BA DE PHYAG TU BZHES NAS SANGS RGYAS KYI BSTAN PA RANG DON GYI DRI MAS MA GOS PAR 'DZIN PA'I RTEN 'BREL 'GRIG CES MNYES MNYES MDZAD CING; SGRUB KHANG RIN PO CHE'I SKU GSUNG THUGS KYI RNAM THAR LAS BRTZAMS PA'I GSUNG 'PHROS DANG, SNGAR DGRA BCOM PA NYER SBAS KYIS PHUG PA SRID DU KHRU BCO BRGYAD PA, RGYAR KHRU BCU GNYIS PA ZHIG YOD PA LA NYER SBAS KYIS GDAMS BA'I DGE SLONG ZHIG GIS DGRA BCOM PA THOB PA DANG MNYAM DU PHUG PA DER SHING BU SOR BZHI PA ZHIG BSKYUR TE TSUL DE LTA BUS PHUG BA DE GANG BAS DGRA BCOM PA NYER SBAS DE SKU LA MTSAN DPE MED PA MA GTOGS 'GRO PHAN STON PA DANG MNYAM PAR LUNG BSTAN PA LTAR, KHYED KYIS KYANG GDUL BYA GRANGS MED PA MANG PO ZHIG LA LO RE BZHIN BYANG CHUB LAM GYI RIM PA'I SGO NAS BYANG CHUB KYI SEMS LA BKOD PA NI DE LAS KYANG NGO MTSAR CHE BA YIN ZHES BSNGAGS BRJOD DANG, NGAS MGAR THAR NAS PHUR BU LCOG TU BRGYA MCHOD CIG

'BUL RGYU BSKUR BZLA BO RNAMS KYIS BO BO RIN PO CHEL PHUL 'DUG PA CHOS KYI GNANG MGO BA RED GSUNGS, ZLA BA ZHI PA'I NANG DU GSANG PHU GLING STONG ZHABS DRUNG GRAGS PA DPAL LDAN GYIS GNAS BCU'I RTEN BZHENGS DANG RGYAL BA'I BKA' 'GYUR RIN PO CHE GSAR BSHUS KYI RAB GNAS LA PHEBS DGOS TSUL NAN TAN GYIS GSOL BA BTAB PA BZHIN CHIBS BSKYONG, PHO BRANG CHEN PO PO LTA LAR PHEBS, LHAR BCAS 'GRO BA YONGS KYI SKYABS MGON RGYAL DBANG THAMS CAD MKHYEN GZIGS CHEN PO MJAL BAR PHEBS, DPAL LDAN BLA MA DAM PA 'DI NYID DANG CHOS KYI GSUNG GLENG SHIN TU ZHIB PA GNANG ZHING, DE NAS DGA' LDAN KHANG GSAR DU'ANG PHEBS, RIM GYIS CHIBS KHA BSGYUR TE GSANG PHU'I BLA MA SPYI TSOGS DANG RAB STONG KHANG TSAN SO SO'I CHIBS BSU DANG BCAS TE GSANG PHUR PHEBS, DE KHA'I TSOGS CHEN LA MANG 'GYED DANG MCHOD KHANG DU BRGYA MCHOD SNYAN SHAL BCAS DANG THUGS SMON RGYA CHER GNANG, RGYUD STOD GRVA PA BCU DANG BCAS TE RAB GNAS SBYIN SREG RGYAS PA DANG, TSOGS YONGS LA SENG LDENG NAGS KYI SGROL MA'I RJES GNANG LAM SGRON GYI LJAGS LUNG DANG BCAS PA STZAL ZHING, DE DAG GI SKABS SU GSUNG BSHAD RGYA CHER GNAD, RA BSTOD TSOGS PA LA DGA' LDAN LHA BRGYA MA'I BKA' KHRID ZHIB RGYAS DANG MANG 'GYED, DE SKABS RJE BTZUN BLA MA DAM PA 'DI NYID NAS NGA CHUNG DUS PHA YUL DU YOD SKABS NAGS TSAL DANG RI DANG KHANG PA SOGS MANG PO ZHIG RMI LAM DU YANG YANG YONG GI YOD PA DE GSANG PHU 'DI KHA RANG RED CES PHEBS SHING, NAGS RI'I GSHAM DER RGYAL MTSAN PHUG ZER BA'I BRAG BYA SKYIBS CAN ZHIG YOD PA DE BRTZAD GCOG

, ,GNANG STE NYIN GCIG PHEBS, THIG LE BCU DRUG GI CHO GA GSUNGS TE ZAB GSAL GNYIS MED KYI TING NGE 'DZIN LA BZHUGS, ZLA BA LNGA PA'I TSES BCO LNGA'I NYIN LHA SAR PHEBS TE, SRID SKYONG CHEN PO PHO LHA NAS LA SNGA MO NAS RJE BTZUN BLA MA DAM PA 'DI NYID NAS BYAMS PA'I SKU BZHENGS TE DE'I BSTAN PA DANG MJAL NAS RGYAL SRAS KYI SPYOD PA LA SLOB PA'I SMON LAM BTAB NA YAGS PAR 'ONG GNANG BA LTAR, MI DBANG BSOD NAMS STOBS RGYAS PAS KYANG GUS PA CHEN POS BKA' SPYI BOR NOS TE, LHA SA'I DKYIL 'KHOR STING DU RGYAL TSAB DAM PA BYAMS PA MGON PO'I SKU CHE TSAD CIG RIN PO CHE LAS GSAR DU BSGRUBS PA LA RGYUD KYI DGONGS PA DANG MTHUN PA'I GZUNGS 'BUL LEGS PAR MDZAD CING, DE'ANG SNGON GYI DAM BA'I SKYE BO 'GA' ZHIG GI GSUNG LAS, JO BO RIN PO CHE'I NANG GI SKU GNYER RGYAL BA BYAMS PAS MDZAD PAR GRAGS PA SOGS KYI GNAD LA DGONGS TE, GTZUG TOR GYI NANG DU THUB DBANG GRONG KHYER MA RJE BTZUN RANG GI PHYAG KHRU GANG YOD PA ZHIG BSTAN PA RGYAS SHING YUN RING DU GNAS PA'I THUGS SMON NAN TAN DANG BCAS TE 'JUG PAR MDZAD PA SOGS PHYAG LEN DU BSTAR ZHING, GNAS DER BUM SGRUB CIG KYANG GNANG, ZLA BA DRUG PA'I TSES GSUM BZHI LA GRUB PA'I DBANG PHYUG DON YOD MKHAS GRUB RIN PO CHE SOGS DANG LHAN DU GUR SMON GYI GRVA PA BZHI BCU SKOR DANG BCAS TE RAB TU GNAS PA'I CHO GA SBYOR DNGOS RJES GSUM TSIM BYED KYIS BYIN SREG DANG BCAS PA CHA TSANG BAR GNANG, TSES BCO LNGA'I NYIN BLA MA'I SKU ZHABS GRIB MDAR LHA KHANG GSAR BZHENGS KYI RAB GNAS LA PHEBS, RGYUD STOD GRVA

BA NYI SHU DANG LHAN CIG RAB GNAS SBYIN SREG DANG BCAS PA DANG, YUL GYI SKYE BO MANG PO LA YIG DRUG GI LUNG SOGS BSLAB BYA RGYAS PAR STZAL BA DANG, STON GYI DUS SU BDE LAM GYI BKA' KHRID ZHAG BCU GSUM SKOR RGYAS PAR STZAL ZHING, DUS DE'I TSE GRUB PA'I DBANG PHYUG DON YOD MKHAS GRUB RIN PO CHE ZHING GZHAN DU GSHEGS PA'I DGONGS PA GTAD PAS, RJE 'DIS ZHABS BRTAN 'BUL BAR PHEBS CHOG BA'I ZHU SHOG 'BUL BA GNANG BAR RJE DON YOD MKHAS GRUB RIN PO CHES ZLA BA DGU PA'I TSES BCO BRGYAD SKOR LA SHOG GSUNG BA LTAR BSHAD RTZOL GYIS PHEBS NA'ANG, ZHAL RJES CUNG ZAD MA ZIN PAR RJE GRUB DBANG DON YOD MKHAS GRUB RIN PO CHE DGA' LDAN GYI GNAS SU GSHEGS ZIN PAS BSTAN PA RIN PO CHER DGONGS TE THUGS NGAL CHER MDZAD CING, SKU GDUNG MCHOG DE DPAL GSANG BA 'DUS PA MI BSKYOD PA'I NGO BOR BSKYED NAS BDAG NYID 'JUG CING DBANG BLANG BA DANG, ZHUGS LA BZHAN PA'I BYA BA SOGS RGYUD SDE'I DGONGS PA DANG MTHUN PAR MDZAD NAS, RNAM PAR THAR PA NGO MTSAR RMAD DU BYUNG BA DE'ANG LJAGS RTZOM GNANG, SLAR PHUR BU LCOG TU PHEBS NAS SKAL LDAN GYI SKYE BO MANG POR RAB BYUNG BSNYEN RDZOGS SOGS LEGS PAR STZAL, LNGA MCHOD KYI SKABS DKON MCHOG GI MCHOD PA DANG DGE 'DUN GYI BSNYEN BKUR SEMS BSKYED KYI BKA' CHOS SOGS LEGS PAR GNANG NAS DGUN GYI RING BCAS RGYA SHIN TU DAM PAR BZHUGS, 'DI SKABS KYI BCAD RGYA 'DI SNGAR SMOS PA LTAR DPAL 'KHOR LO BDE MCHOG L'U AI PA'I LUGS KYI LJAGS BSNYEN DE YIN CING, 'DI DANG DUS MTSUNGS SU DPAL YE SHES KYI MGON PO

, ,PHYAG DRUG PA'I GTOR SGRUB KYANG MDZAD, GONG DU BSHAD PA LTAR GZHAN PHYOGS BA RNAMS KYI LOG SPYOD LA BSTAN BA RIN PO CHE THUGS YUL DU BCANGS PA'I DGAG PA MDZAD PAR SDIG LTA CAN GYI SKYE BO MANG POS NGAN SPYOD SNA TSOGS BYAS PA LA DUS 'DIR BDE STONG DBYER MED KYI RGYAS 'DEBS BLA NA MED PAS TSAR GCOD RJES 'DZIN BKA' DRIN GYIS BSKYANGS, ME SPRUL GNAM LO'I RANG ZHAL GSAR DU BZHAD PA'I DGA' STON TSES GTOR SGRUB SDE PHAN TSUN GYI SEMS BSKYED ZAB RGYAS DANG, LHA LDAN SPRO BDE KHANG GSAR BAS SGRUB SDE GSUM GYI TSOGS DBUR RJE BLA MA 'DI PAR KHA BRAG TU SPYAN 'DREN ZHUS NAS ZHABS BRTAN 'BUL NOD PHUN SUM TSOGS PA PHUL ZHING, SEMS BSKYED KYI GSOL BA BTAB PA LTAR RGYAL BA THAMS CAD KYI BGROD PA GCIG PA'I LAM BYANG CHUB KYI SEMS RIN PO CHE BSKYED BA'I CHO GA GSUNG BSHAD RMAD DU BYUNG BA DANG BCAS TE NYAN PA PO'I GANG ZAG RNAMS KYI RGYUD LA SANGS RGYAS KYI SA BON THEBS NGES PA GNANG, SMON LAM CHEN MOR MANG JA DANG MCHOD 'BUL SNYAN SHAL SOGS RGYAL BA'I BSTAN PA RIN PO CHE YUN DU GNAS PA'I THUGS SMON RGYA CHER STZAL, DE NAS BO RTA LAR SKYABS MGON RGYAL DBANG THAMS CAD MKHYEN PA CHEN PO'I MJAL PHYAG LA PHEBS SHING, SA SKYONG PHO LHA BA'I GAM DU'ANG PHEBS, MCHOD YON THAMS CAD NAS MJAL 'DZOM SPRO BA DANG, NOR GYI 'BUL SKYES KYANG SHIN TU BZANG BAR BYUNG, RGYA BOD HOR GSUM GYI SA'I CHA THAMS CAD NAS GSUNG GI BDUD RTZI DON DU GNYER NAS 'ONGS PA'I DGE 'DUN MANG PO LA RJE RGYAL BA GNYIS PA'I LEGS PAR BSHAD PA SKYE

BO MCHOG GI CHOS LUGS BYANG CHUB LAM GYI RIM PA'I KHRID YIG KUN GZIGS LNGA PA CHEN PO'I ZHAL GYI BUM BZANG LAS 'ONGS PA 'JAM DPAL ZHAL LUNG GI LJAGS KHRID ZHI BCING RGYA CHE BA STZAL, MJUG GI SEMS BSKYED MCHOD PA'I SKABS PHO LHA NAS YAB SRAS DANG BKA' BLON, DRUNG 'KHOR SOGS STOBS CHE BA'I SKYE BO'I TSOGS BGRANG LAS 'DAS PA LTA BU LA THEG CHEN SEMS BSKYED KYI DGA' STON PHUN SUM TSOGS PA GNANG ZHING, NYAN PA PO'I SLOB MA DANG SBYIN PA'I BDAG PO RNAMS NAS ZHABS BRTAN DANG STON MO SOGS BSNYEN BKUR PHUN SUM TSOGS PAS MCHOD, GZHAN YANG DON GNYER CAN GYI GANG ZAG MANG PO LA GCOD DBANG LUNG KHRID SOGS DANG, DRUNG PA RTA PHUG BAS MDZAD PA'I BDE LAM GYI SNGON 'GRO SOGS 'DOD CHOS SNA TSOGS PA DANG, SMYUNG GNAS KYI CHO GA PHYAG LEN RNAM PAR DAG PA, RGYUD GRVA BA SUM CU SKOR LA BSKYED RDZOGS KYI ZAB KHRID DANG BLA MA RGYUD MCHOD LA SOGS PA GONG 'OG GI PHYAG LEN RNAM PAR DAG BA DANG BCAS PA BSTAN PA RIN PO CHE LA SMAN YON BLA NA MED PA MDZAD, SER 'BRAS DGE GSUM GYI TSOGS CHEN DANG GRVA TSANG KHAG ,RGYUD STOD SMAD, GSANG PHU, RVA SGRENG SOGS DGON KHAG RNAMS LA MANG JA DANG MCHOD 'BUL ZAB RGYAS MDZAD CING, DBYAR GNAS KYI RING THUGS DAM ZAB MO'I NGANG NAS SLAR YANG THAR 'DOD KYI SKYE BO SUM BRGYA SKOR LA BYANG CHUB BDE LAM GYI BKA' KHRID ZHAG BCU GSUM GNANG, DE'I DUS SHIG RTA TSAG RJE DRUNG SPRUL SKU PHUR BU LCOG TU PHEBS, BDE LAM GYI BKA' KHRID SOGS CHOS THUN BDUN TZAM GSAN, DE GONG SPRUL PA'I SKU 'DI PA GOS PHU DUD CAN LAG RTZE DANG BCAS PA BZHES

, ,SHING, CHIBS BRGYUGS MDZAD PA SOGS GRUB SPYOD PHRAN BU RE GNANG GIN YOD PA LA'ANG, RJE BLA MA 'DIS KHYED BSTAN PA RIN PO CHE 'DZIN PA'I GRAL GYI DBUR BZHUGS BA RNAMS NAS RTZING SPYOD KYI CHA 'DI LTA BU MDZAD NA BSTAN PA'I MIG RGYAN LA GNOD CING GRVA PA CHOS MTHUN RNAMS KYANG SEMS 'PHAM 'GRO BAS GRUB PA'I SPYOD PA LAS BTZUN TSUGS ZIN PA NYID SNYIGS DUS SU GAL CHE TSUL BKA' GNANG BA RJE DRUNG SPRUL PA'I SKU NYID NAS KYANG GUS BA CHEN POS SPYI BOS BZHES, PHYIS GSUNG BGROS LA'ANG BLA MA GZHAN GYI DRUNG DU LO ZLAR CHOS NYAN PA LAS RJE BLA MA 'DI'I DRUNG DU JA YUN RE GSUNG 'PHROS BYAS PA BLO BSKYED CHE BAR BYUNG ZHES KYANG GSUNGS, DE SKABS RAB BYUNG BSNYEN RDZOGS SOGS PHYOGS MTHA' DAG NAS MJAL ZHU BA MANG BAR PHYAG DBANG BYIN RLABS KYI BKA' DRIN PHUN SUM TSOGS PA RNAMS LEGS PAR STZAL, DE'I TSE RGYAL BA MCHOG GI BDAG NYID PAn CHEN THAMS CAD MKHYEN BA RJE BTZUN BLO BZANG YE SHES DPAL BZANG PO DAG PA'I ZHING DU GSHEGS PA'I TSUL BSTAN PA'I GTAM GSAN 'PHRAL DPAL LDAN BLA MA DAM PA'I DGONGS PA YONGS SU RDZOGS SHING YANG SRID 'KHRUL PA MED PA MYUR DU GSAL BA'I PHYIR SER 'BRAS DGE GSUM SOGS LA MANG JA BSNYEN BSKUR PHUN SUM TSOGS PA DANG, JO SH'AKA RNAM GNYIS KYIS DBUS RTEN KHYAD PAR CAN RNAMS LA MCHOD 'BUL THUGS SMON 'PHRIN 'CHOL DANG BCAS PA YANG SRID 'KHRUL BRAL MYUR PHEBS KYI BKA' RTZOM SOGS GNANG ZHING, RI KHROD KYI DGE SLONG SO SOR BSNYEN BKUR PHUN SUM TSOGS PA'I THOG SGROL MA MAndAL BZHI BA'I CHO GZHAG SHES

SGRUB PAR MDZAD, RGYAL TSAB DAM PA RGYAL SRAS SPRUL PA'I SKU RIN PO CHES BSKUL MA ZHUS TE KONG PO BLA MA MKHAN CHEN SOGS PHUR BU LCOG GI DGE SLONG RNAMS DANG BCAS PA LA GZIMS CHUNG DU RJE MI LA RAS BA'I RNAM THAR DANG MGUR 'BUM GNYIS KA'I LJAGS LUNG GSUNG BSHAD DANG BCAS PA GNANG ZHING, DE'ANG MI LA RAS PA NYID KYIS, RGAS PA GROGS KYIS MA TSOR ZHING, ,NA BSRID MOS MA TSOR BAR, ,RI KHROD 'DI RU 'CHI NUS NA, ,RNAL 'BYOR BSAM PA RDZOGS PA YIN, ZHES GSUNGS PA LTAR, 'KHOR BA'I PHUN TSOGS THAMS CAD SNYING PO MED PA'I CHU SHING LTA BUR MTHONG NAS, BAS MTHA'I GNAS RNAMS SU GCIG PUR GNYIS SU MED PAR RANG DANG GZHAN GYI DON LA SEMS SHING GNAS PA NI RGYAL BA DGYES PA'I LAM BZANG YIN PA'I GNAD KHYAD PAR CAN MKHYEN PA'I GSUNG DRI MA MED PA, DING SANG BSKYED RDZOGS SOGS CHOS MTHON PO LA AA NYAN BYED PA MANG ZHING, BSTAN PA'I GNAD MKHYEN BA MA GTOGS CHOS 'DI LTA BU GTZIGS SU 'DZIN PA SU'ANG MI 'DUG GSUNG BA'I GSUNG GIS BSNGAGS BRJOD GNANG ZHING, GZHAN YANG BSTAN PA'I GNAD KYI GSUNG GLENG ZHIB CHA BKA' DRIN BSKYANGS, DE NAS LNGA MCHOD DGUN MTSAMS SOGS SNGAR BZHIN RIM GNYIS KYI TING NGE 'DZIN ZAB MO LA RTZE GCIG TU BZHUGS, SA RTA GNAM LO GSAR BA'I TSES GTOR, SGRUB SDE PHAN TSUN GYI SEMS BSKYED, MCHOD YON MJAL PHYAG SOGS THUGS BZHED BZHIN LEGS PAR GRUB CING, LHA SA SMON LAM CHEN MOR MANG JA BSNYEN BKUR DANG JO SH'AKA RNAM GNYIS SOGS LA MCHOD 'BUL SNYAN SHAL SOGS ZAB RGYAS GNANG, NAG PA ZLA BA'I NANG DU GRVA

, ,TSOGS STONG PHRAG TZAM LA BYANG CHUB LAM GYI RIM PA'I BKA' KHRID ZAB CING RGYAS PA DANG, MJUG TU SEMS BSKYED MCHOD PA GSUNG BSHAD RMAD DU BYUNG BA DANG BCAS PA GNANG, DE SKABS BKA' DRIN MTSUNGS ZLA MA MCHIS PA DUS GSUM RGYAL BA'I DBANG PO THAMS CAD MKHYEN GZIGS CHEN PO'I BKA'I DGONGS DON BZHIN, PHO LHA BAS ZHABS 'DEGS ZHUS BA'I SEMS BSKYED KYI SKABS DGA' STON RGYA CHER STZAL ZHING, SMYUNG GNAS DANG BSKYED RDZOGS SOGS KYANG SNGAR BZHIN MDZAD, DE DUS GZHUNG SA MCHOG NAS BSTAN 'GRO SPYI SGER GYI SMAN YON BLA NA MED PAR DGONGS TE, BSAM YAS DBU RTZE'I MDA' YAB GSAR BSKRUN DANG, KHRA 'BRUG 'U SHANG RDO'I LHA KHANG RNAMS KYI BZHIG GSOS MDZAD CING, SRID SKYONG PHO LHA BAS, BSAM YAS CHOS SKYONG CHEN POR SA DGE RNYING KAR SOGS GRUB MTHA' KHAG 'GA' ZHIG GI BLA CHEN RNAMS GDAN ZHUS KYIS SO SO'I LUGS KYI RAB GNAS BYED RGYU YIN CING, DGE LUGS RAB GNAS KYI JO RJE SLOB DPON RJE BTZUN BLA MA 'DI PAS GNANG RGYU YIN TSUL DANG, DES THUS MIN SOGS LUNG BSTAN ZHUS PAS, CI DMAR CHOS SKYONG NAS LUNG PHYIR GNANG LA, BLA MA BYAMS PA DANG NGED GNYIS RGYA GAR GYI YUL DU DKYIL 'KHOR GCIG TU DBANG NOS PA'I RDO RJE SPUN DAM PA DA LTA ZHVA SER GYI BSTAN PA'I SROG SHING DU GYUR BA YIN PAS DES RAB GNAS KYI RDO RJE SLOB DPON BYAS NA DE KHAS THUS SHING, DE MIN RDOR SMIN ZHVA NAG SOGS KYIS BYAS KANG NOR DNGOS GRON CHE BA YIN ZHES PA ZHIG BYUNG BA'I LUNG NGO MA SRID SKYONG PHO LHA NAS KYIS RJE 'DI PAR SPYAN BSTAR ZHUS SHING, SRID ZHI'I GTZUG RGYAN RGYAL DBANG THAMS

CAD MKHYEN GZIGS CHEN PO NAS KYANG BKA' GNANG BA LTAR, GONG GSAL GYI GNAS CHEN SO SO DANG RGYAL DBANG THAMS CAD MKHYEN GZIGS CHEN PO'I YAB RJE DAM PA NAS 'PHYONG RGYAS RI BO BDE CHEN DU GSER ZANGS LAS RGYAL BA BYAMS PA'I SKU MTHONG BA DON LDAN GSAR BZHENGS GNANG BA'I RAB GNAS KYI GSOL BA BTAB PA RNAMS DANG STABS GCIG CHIBS BSGYUR GNANG, DGA' LDAN KHANG GSAR NAS DBU GUR SOGS CHIBS BSKYOD KYI BCA' LEGS PAR BSGRIGS NAS ZHABS TOG PHUN SUM TSOGS PA ZHUS, TSES BCU LA TSAL SNA GZHIS KAR ZHABS TOG 'BUL BA BZANG ZHING NGO MA RNAMS LA TSE DBANG GNANG, 'U SHANG DU ZHAG DRUG BZHUGS PA'I NYIN GNYIS LA RAB GNAS DANG ZHI RGYAS KYI SBYIN SREG ,NYIN GSUM PAR RGYUD PA RNAMS DANG BCAS BSKANG GSO, DE SKOR GYI TSES BCU BA DANG MA nI BA SOGS SO SOR JI LTAR 'OS PA'I 'DOD CHOS BLA NA MED PA GNANG, DE NAS DRANG SRONG SRIN PO RIR PHEBS TE ZHAG BCU BZHUGS, DPAL LDAN BLA MA DAM PA NYID GTZO BOR GYUR PA'I RGYUD GRVA PA SOGS BLA GRVA TSANG MAS BSKANG GSO DANG BSTAN PA RGYAS PA'I THUS SMON RGYA CHER GNANG, TSOGS DBAR RNAMS SU RGYUD GRVA PA RNAMS LA RJE GRUB DBANG DGE LEGS RGYA MTSO DANG BLA MA MKHAS GRUB RIN PO CHE'I RNAM MTHAR KHRID CHEN BRGYAD KYI LUNG BCAS GNANG, DER BZHUGS KYI GRVA RIGS DANG GONG DKAR CHOS SDE, BSHAD SGRUB GLING, SKU GNYER GRVA TSANG SOGS KYI DGE 'DUN RNAMS LA'ANG MANG 'GYED SOGS BSNYEN BKUR PHUN SUM TSOGS PA STZAL, ZUNG MKHAR DU BSAM YAS RDZONG GI THAB BSU DANG, RTZI DMAR THANG DU BSAM YAS RDZONG DBON GYIS CHIBS BSU SOGS LEGS TSOGS PHUN SUM

, ,TSOGS PA'I NGANG NAS PHEBS, SKU RTEN PAS BKUR ZOS 'BUL BA SOGS SNE LEN BSNYEN BKUR PHUN SUM TSOGS PA ZHUS SHING, BSAM YAS SU PHEBS PA'I SANG NYIN DE BRGYA MCHOD SOGS MCHOD PA BZANG PO DANG BCAS TE MCHOD MJAL ZHIB PAR GNANG ZHING, DPE HAR LCOG TU PHEBS SKABS BTZAN KHANG GI NANG NAS PHYIR PHEBS MI 'DOD PA LTA BU'I SPRO NYAMS CHEN PO MDZAD CING, DE'I TSE THUGS LA'ANG SNGON SLOB DPON CHEN PO PADMA 'BYUNG GNAS KYIS GTZUG LAG KHANG CHEN PO 'DI BZHENGS PA NAS BZUNGS DA LTA'I BAR DU LO DE TZAM ZHIG SONG MOD, GTZUG LAG KHANG RTEN DANG BRTEN PAR BCAS PA NYAMS CHAGS SU MI 'GYUR BA 'DI CHOS SKYONG DRAG RTZAL CAN 'DI LTA BU'I BKA' DRIN DU 'DUG SNYAM PA'I THUGS MOS CHEN PO 'KHRUNGS ZHES KYANG GSUNGS, DE NAS DPAL LDAN SMAD RGYUD GRVA TSANG PA SUM CU DANG, RTZED THANG DGA' LDAN CHOS 'KHOR BA GRVA PA DON LNGA DANG BCAS KHYON RDO RJE 'DZIN PA BRGYA DANG LNGAS DPAL RDO RJE 'JIGS BYED KYI SGO NAS RAB GNAS SBYOR DNGOS RJES GSUM TSANG BZHI RGYAS KYI SBYIN SREG DANG BCAS PA RGYAS PAR GNANG, DE NAS CHOS SKYONG BSGO BA'I DUS SU GNOD SBYIN CI DMAR BA NGOS 'BAB KYI 'ONG RGYU YIN TSUL SNGON NAS PHUL BA LTAR, CHOS SKYONG BSGO BA'I NYIN THOG MAR BTZAN KHANG DU SKU BABS, DE NAS DRAG SHUL GYI RNAM 'GYUR SNA TSOGS DANG BCAS RJE BTZUN 'DI'I SKU MDUN DU BYON, MJAL DAR RTZE SPROD DANG 'CHAMS PHUD SOGS KYI ZOS SGO PHUN SUM TSOGS PA PHUL ZHING, DGYES PA'I NYAMS KYIS LUNG BSTAN YANG BZANG PO DANG, KHYAD PAR ZHVA SER BSTAN PA 'DIS MTSON

PA MTHA' DAG LA 'DUL BA'I BCA' KHRIMS SOGS DAM DU BCAS SHING, SGRUB PA'I RGYAL MTSAN PHYOGS BCUR SPEL BAR MDZAD PA SOGS RTEN 'BREL GYI SGO LEGS PAR 'GRIG YOD, CES SOGS RTZID SPYOD CAN RNAMS LA SUN DBYUNG MDZAD PA LA DGYES PA'I LUNG PHUL, LUNG TSIG GZHAN RNAMS NI RJE BTZUN BLA MA 'DI NYID CHOS 'DUL BA'I PHYAG LEN NYID RTZAL DU BTON TE 'DI 'DRA BA'I RIGS LA THUGS NGES MI MDZAD PAS ZHIB PAR 'DIR MA BRIS, GZHUNG SA CHEN PO NAS RAB STON YON DANG BCAS PA PHUN SUM TSOGS PA DANG, BRO GZHAS, MI RTA'I BANG RTZAL 'GRAN PA SOGS DGA' STON PHUN SUM TSOGS PA BSKRUN, DE DAG GI SKABS KUN TU JI LTAR GZI LONG DANG RTZED 'JO MANG BA DE TZAM DU NGES 'BYUNG DANG MI RTAG PA'I DON LA THUGS NGES 'KHRUNGS TE, NANG DU KHRID TSUD BA ZHIG LA PHYI ROL GYI DNGOS PO GANG GIS KYANG MI RTAG PA MI STON PA MED, CES GSUNGS PA LTAR, THUGS DAM GYI 'BOGS 'DON SHIN TU CHE BAR GYUR, RAB BYUNG BA DANG RGYA MKHAR CHOS RDZONG, DGA' LDAN RNAM RGYAL SOGS SKU RIM PA KHAG MANG POR MANG 'GYED GNANG, GZHAN YANG DO DAM PA RDZONG DPON SOGS NAS BSNYEN BKUR PHUL BA BDAG GIR MDZAD CING, TSE DBANG GNANG SBYIN SOGS PHUN SUM TSOGS PAR STZAL, DE NAS SGER PA GRU BRGYUD SPYI SGER GYIS BSNYEN BKUR LA SOGS PA PHUN SUM TSOGS PA DANG BCAS TE KHRA 'BRUG TU PHEBS, DPAL LDAN SMAD RGYUD PA'I GRVA RIGS RNAMS DANG BCAS TE RAB GNAS KYI CHO BA SBYOR DNGOS RJES GSUM TSANG BA SBYIN SREG DANG BCAS PA RGYAS PAR GNANG, TSES BCU BZHI'I NYIN DGONG THANG 'BUM MO CHER BZHIG GSOS MDZAD PA LA PHYAG NAS MDOR BSDUS BCAS

, ,MDZAD, DE SKABS 'PHYOD RGYAS NAS YAB RJE DAM PA BSOD NAMS DAR RGYAS RIN PO CHE 'KHOR BRGYA PHRAG LHAG DANG BCAS PA CHIBS BSUR PHEBS, RI BO BDE CHEN PA RNAMS KYIS SER 'PHRENG DANG BCAS BYAMS KHANG DU PHEBS, YAB RJE RIN PO CHES GSOL BA BTAB PA LTAR RAB GNAS SBYOR DNGOS RJES GSUM TSANG BA TSIM BYED KYI BSREG BLUGS DANG BCAS PA GSUNG BSHAD RMAD DU BYUNG BA GNANG, YAB RJE DAM PA NAS KYANG NA BZA' CHA TSAD, DBUL SRANG CHEN BRGYA PHRAG SOGS KYIS MTSON 'BUL NOD RMAD DU BYUNG BAS RJE BLA MA 'DI BAR MCHOD CING, GSUNG CHOG PA RNAMS LA RAB YON DU JA SBAG DANG DNGUL SRANG GANG KHA BTAGS BCAS STZAL ZHING, YAB RJE RIN PO CHES GSOL BA BTAB PA LTAR, RJE BTZUN BLA MA MCHOG NAS RI BO BDE CHEN TSOGS YONGS LA ZHAL LUNG GI LJAGS KHRID NYIN GSUM LA RDZOGS PA ZHIG DANG SENG GDONG MA'I RJES GNANG BCAS STZAL, TSOGS PA RNAMS KYIS NA BZA' CHA TSANG, DNGUL SRANG BRGYA SKOR SOGS SPYI SGER GYI 'BUL BA SPAM MTHO BA ZHABS BRTAN GYI BDEN TSIG DANG BCAS TE PHUL RJE BLA MA 'DIS KYANG TSOGS YONGS LA MANG 'GYED PHUN SUM TSOGS PA DANG MCHOD MJAL GNANG THOG 'BUL BA RNAMS PHYIR SLOG MDZAD, NYIN GCIG KUN GZIGS LNGA PA CHEN PO'I BZHUGS KHRI'I STENG DU PHEBS, 'PHYONG RGYAS KHUL GYI MI SKYA SUM STONG SKOR LA TSE YUN DU SPEL BA'I BYIN RLABS STZAL ZHING, GONG SA LNGA PA CHEN PO'I BLA MCHOR MTSO RDZAS DANG KLU SMAN SOGS PHUN SUM TSOGS PA GNANG, PHEBS ZHOR DU MGRON GNYER NYI MA RGYAL MTSAN GYI PHA KHYIM DU'ANG BSOD NAMS KYI MGRON DU SBYAN DRANGS PA LTAR ZHABS

KYIS BCAGS, KHONG RNAMS KYIS KYANG 'BUL BA ZHABS TOG SOGS SHIN TU GZAB BAR PHUL TSES NYER GCIG GI NYIN RGYAL BA'I YAB RJE RIN PO CHES MTSON CHIBS SKYEL BA'I TSOGS MANG PO DANG BCAS TE THANG PO CHER PHEBS, RTEN RNAMS LA SNYAN SHAL DANG THUGS SMON GNANG ZHING; KHU BRTZON 'GRUS G-YUNG DRUNG GIS JO BO'I GDUNG SKAL LA BZHENGS PA'I GDUNG RTEN DANG 'JAM DBYANGS GSUNG 'BYON MA, 'BUM NA GZIL PA CAN BCAS LA BZO BKOD PHUN SUM TSOGS PA'I BZHUGS KHANG GSAR BZHENGS MDZAD NAS 'BUL RGYU'I DGOS CHA'I DNGOS PO RNAMS RI BDE GNYER BAR RTZIS SBROD GNANG, RAS CHUNG PHUG DANG BKRA SHIS CHOS SDE RNAMS SU'ANG GNAS GZIGS LA PHEBS, YUM BU BLA MKHAR DU PHEBS ZHAG GNYIS BZHUGS RAB GNAS BSDUS PA DANG SBYIN SREG BRGYA TSAR BCAS MDZAD, MI DBANG BSOD NAMS STOBS RGYAS NAS TZANDAN DKAR PO LAS GRUB PA'I 'PHAGS PA LO KE SHVA RA'I 'DRA SKU KHRI RGYAB BRKOS SOGS PHUN SUM TSOGS PA BZHENGS TE PHUL BA DE'ANG SBYOR 'JAGS GNANG ZHING, DE'I MCHOD THEBS SU NOR 'GA' ZHIG KYANG SBYOR 'JAGS MDZAD, NYER GSUM LA RI BO CHOS GLID PAS GDAN ZHUS THOG ZHABS BRTAN LEGS PAR PHUL ZHING BLA MA'I RNAL 'BYOR GYI CHOS 'BREL KYANG ZHUS, KHRE 'BRUG GI MCHOD MJAL GNANG NAS BTZAN THANG LHA KHANG DU PHEBS, NYIN GSUM GYI BAR DGA' LDAN CHOS 'KHOR BA TSOGS YONGS DANG BCAS RAB GNAS RGYAS PAR GNANG, MAR LAM SNE'U GDONG DU TSOGS PAS GDAN DRANGS, MCHOD MJAL DANG CHOS 'BREL MANG 'GYED SOGS GNANG, DGA' LDAN CHOS 'KHOR DU PHEBS, DPAL YE SHES KYI MGON PO'I BKA'

, ,CHEN BCU GSUM DANG 'JAM DBYANGS CHOS SKOR GYI RJES GNANG STZAL ZHING, BSOD BTAGS RE DANG DNGUL ZHO RE'I 'GYED BCAS GNANG, TSOGS PAS KYANG ZHABS BRTAN 'BUL BA PHUN SUM TSOGS PA DANG GUS 'DUD BLA NA MED PA MDZAD, RAB BYUNG BSNYEN RDZOGS SOGS BSTAN PA'I BYA BA PHUN SUM TSOGS PA GNANG, SKYA SER STONG PHRAG BRGAL BAR TSE DBANG DANG BSLAB BYA RGYA CHER STZAL, TSES BCU GSUM LA 'ON CHOS SDINGS SU PHEBS, RGYAL TSAB RGYAL SRAS RIN PO CHER ZHABS BRTAN 'BUL BA GNANG ZHING TSUR YANG ZHABS BRTAN DANG ZUR GSOS BLA NA MED PA MDZAD, RIM GYIS SLAR YANG BSAM YAS SU PHEBS, MCHOD MJAL ZHIB TU MDZAD CING SNYAN SHAL SOGS BSTAN PA RGYAS PA'I THUGS SMON BLA NA MED PA GNANG, TSES BCO BRGYAD LA DGA' LDAN KHANG GSAR DU PHEBS, MI DBANG PHO LHABS ZHABS RDUL SPYI BOR BLANGS, STON PHUR BU LCOG GI RIGS GSUM LHA KHANG GI BZHIG GSOS KYANG GZHI NAS GSAR DU BSGRUBS PA LTA BU GNANG ZHING, SHING CHA RNAMS LHA SA'I KHYIM BDAG DPAL GRONG SHAG PAS DVANG BA CHEN POS PHUL; BZO DANG BKOD PA PHUN SUM TSOGS SHING LDEB RIS KYI TSON RTZI, BZANG GOS KYI GNAM RGYAN RJIBS G-YOGS DANG BCAS PA MIG GI BDUD RTZI SPUNGS PA LTA BU BZHENGS SHING, RAB GNAS SEMS BSKYED SOGS RGYAS PAR GNANG, 'DI SKABS SNGA PHYI SNA TSOGS SHIG TU PHUR BU LCOG PA DGE SLONG BLO BZANG BSTAN 'DZIN, DGE SLONG BYAMS BA 'PHRIN LAS, DGE SLONG BSOD NAMS RNAM RGYAL, CHOS MDZAD BLO BZANG RNAM RGYAL DANG DKA' BCU YON TAN DPAL 'BYOR, RAB 'BYAMS PA YE SHES SKAL LDAN

BCAS SO SO NAS SGRUB SDE GSUM GYI TSOGS DBUR RJE BLA MA 'DI NYID SBYAN DRANGS TE ZHABS BRTAN 'BUL BA SOGS RANG RANG GI DNGOS 'BYOR DANG BSTUN TE PHUL BA RNAMS THUGS BRTZE BA CHEN POS BZHES TE, PHYI DRO SEMS BSKYED BKA' CHOS SOGS THAR PA'I SA BON THEBS NGES PA DANG, MJUG TU DGE RTZA RNAMS BLA NA MED PA YANG DAG BAR RDZOGS PA'I BYANG CHUB TU BSNGO BA'I GSUNG BSNGO DANG SMON LAM GYI RGYAS 'DEBS YANG DAG PAR GNANG, ZLA BA BRGYAD PA SHAR BA'I DUS SU BLA MA DGE BA'I BSHES GNYEN SOGS MKHAS MANG BRGYAD BRGYA TZAM 'DUS PA LA BYANG CHUB LAM GYI RIM PA BDE LAM GYI BKA' KHRID SOGS CHOS BKA' CI RIGS PA GNANG, RJE BDAG NYID CHEN POS 'OD GSAL CHOS KYI SKU MNGON DU MDZAD PA'I DUS KHYAD PAR CAN LNGA MCHOD CHEN MO'I NYIN MCHOD GTOR PHUN SUM TSOGS PAS MCHOD CING, DGUN GYI RING SKU'I BCAD RGYA SHIN TU DAM PA LA BZHUGS, RGYAL GYI ZLA BA'I DUS SLOB MA'I MTSAN NYID THAMS CAD DANG LDAN PA'I NYE GNAS RAB 'BYAMS PA BLO BZANG DAR RGYAS KYIS RANG LA BYUNG BA'I DNGOS PO THAMS CAD BLA MA'I BKA' DRIN BSAB PAR BYA BA'I CHAD DU RJE BTZUN BLA MA DAM PA 'DI NYID MKHAR RDO DANG SGRUB SDE GSUM GYI DGE SLONG RNAMS TSOGS PA'I DBUS SU SPYAN DRANGS TE LEGS PAR SUL ZHING, BSTAN 'GRO'I DPAL DU ZHABS BAD YUN RING POR BRTAN PAR BZHUGS DGOS PA'I GSOL BA BTAB BA LA DGYES PA CHEN PO DANG BCAS TE BKA' BZHES BZANG PO STZAL, PHYI DRO'I DUS SU SEMS BSKYED MCHOD PA PHUN SUM TSOGS PA MDZAD SKABS, 'O NGED RANG TSO LA DNGOS PO BYUNG BA RNAMS BLA MA DKON MCHOG LA MCHOD PA DANG DGE 'DUN LA BSNYEN BKUR

, ,SOGS BYAS PA'I DGE RTZA RNAMS BLA MED RDZOGS PA'I BYANG CHUB TU BSNGO DGOS, ZHES BYA BA LA SOGS PA GSUNG BSHAD RUS PA CAN MANG DU MDZAD, SA LUG GNAM LO GSAR TSES KYI BSKANG GSO SEMS BSKYED SOGS CHOS 'BYOR GYI DGA' STON RMAD DU BYUNG BA NAS, PHO BRANG CHEN POR SKYABS MGON RGYAL BA'I DBANG PO'I MJAL PHYAG LA PHEBS, PHAN TSUN GYI 'BUL GNANG PHUN SUM TSOGS SHING, DAM PA'I CHOS KYI DKA' BA'I GNAD LAS BRTZAMS TE GSUNG GLENG SHIN TU ZHIB PA GNANG, PHUR BU LCOG NYID DU PHEBS NAS RAB BYUNG BSNYEN RDZOGS DBANG RJES GNANG SOGS GDUL BYA'I RE BA LEGS PAR SKONG BAR MDZAD, LHA LDAN SMON LAM CHEN MOR MAD JA DANG 'GYED MCHOD 'BUL SOGS SNGAR BZHIN BSKYANGS, ZLA BA GSUM BAR SER 'BRAS DGE GSUM BKRA SHIS LHUN PO SOGS KYI BLA MA DGE BSHES DUM DANG AA LAG SHAG GI THON DAR RGYAS SOGS MKHAS MANG RGYA MTSO LTA BU'I DBUS SU BYANG CHUB LAM GYI RIM PA'I KHRID YIG 'JAM PA'I DBYANGS KYI ZHAL LUNG GZAB BSHAD MTHA' CHOD PA, LUNG RIGS RMAD DU BYUNG BAS BRGYAN CID LOG PA'I CHOS LUGS RNAMS SUN 'BYIN PA'I LEGS PAR BSHAD PA DANG BCAS SHING, NYAMS LEN GYI SNYING PO GNANG DU DRIL BA NYIN LTAR GYIS GNANG ZHING, MJUG TU SEMS BSKYED MCHOD PA'I SKABS SA SKYONG BA BSOD NAMS STOBS RGYAS 'KHOR DANG BCAS PA DANG, RGYAL BA'I YAB RJE DAM PA BSOD NAMS DAR RGYAS, BKA' BLON RNAM PA SOGS 'KHOR GYI SKYE BO GRANGS KYI MTHA' MNGON PAR DKA' BLTA BU LA BLA MA MCHOD PA DANG 'BREL BA'I TSOGS 'KHOR GYI DGA' STON SPEL BA SNGON DU 'GRO BAS, PHYI DRO'I DUS

SU GANG ZAG DE RNAMS KYI RGYUD LA BYANG CHUB MCHOG GIS BON THEBS NGES PA'I SMON SEMS BSKYED PA'I CHOG GSUNG BSHAD RMAD DU BYUNG BA DANG BCAS PA GNANG, SBYIN PA'I BDAG PO RNAMS KYIS KYANG DNGUL DKAR GYI MAndAL, SKU GSUNG THUGS RTEN, NA BZA' GOS DAR, DNGUL SOGS DANG JA 'KHOR DRUG ,TSAN GRANGS MANG PO DANG BCAS TE MNGON PAR MCHOD NAS ZHABS PAD YUN RING DU BRTAN DGOS PA'I GSOL 'DEBS SA SKYONG NYID KYIS ZHUS PAR DGYES PA'I BKA' BZHES BZANG PO BKA' DRIN BSKYANGS, SA GA ZLA BA'I SMYUNG GNAS SOGS BSTAN 'GRO'I DON GYI BYA BA RMAD DU BYUNG BA SNGAR BZHIN DANG, PHYAG CHEN YANG GSAL SGRON ME'I LJAGS LUNG DANG BKA' GDAMS PHA CHOS KYI LJAGS LUNG ZHIB BSHAD KYIS BRGYAN PA GNANG ZHING, KHYAD PAR DU MGON PO GSER GLING PA'I DRUNG DU MNYAM MED JO BO CHEN POS BYANG CHUB KYI SEMS KYI GDAMS PA RIN PO CHE BZHES BA'I DON DU DKA' BA DU MA SPYAD NAS PHEBS SKOR LA GSUNG BSHAD ZHIB TU GNANG NAS, BYANG CHUB KYI SEMS RIN PO CHE ZHES BYA BA'I CHOS BLA NA MED PA 'DI RGYUD LA SKYE BA'I PHYIR DU 'DI LTAR 'BAD DGOS ZHES GSUNG BSHAD BLO 'KHRUL NGES PA GNANG BAS DER TSOGS THAMS CAD LUS KYI BA SPU LDANG BA DANG, MIG NAS MCHI MA 'KHRUG BA SOGS DAD GDUD BLA NA MED PA 'PHEL, GRA TSANG KHAG LA MANG 'GYED DANG MCHOD 'BUL SOGS SNGAR BZHIN GNANG, DBYAR GNAS KYI RING BCAD RGYA DANG DGAG DBYE'I BYA BA RNAMS LEGS PAR GRUB NAS PHO BRANG CHEN POR SKYABS MGON RGYAL DBANG THAMS CAD MKHYEN GZIGS CHEN PO'I MJAL ZHUR PHEBS, ZLA BA BRGYAD PAR BLA MA MKHAN CHEN YANG SDING SPRUL SKU SOGS

, ,GTZANG DBUS KYI MKHAS 'DUS GONG DU BSHANG PA DANG 'DRA BA LA BYANG CHUB BDE LAM GYI BKA' KHRID PHUN SUM TSOGS PA LUNG RIGS DRI MA MED PA DANG BCAS TE ZHIB BAR STZAL, PHUR BU LCOG NYID DU DGE SLONG RNAMS LA DRIL BU PA'I LUGS KYI DPAL 'KHOR LO SDOM PA LHA LNGA'I DBANG STA GON DANG BCAS PA GNANG NAS, DGE SLONG RNAMS BSOD SNYOMS LA PHEBS KHAR LUGS GNYIS KYI BSLAB BYA NAN TAN DU STZAL, LNGA MCHOD SOGS SNGAR RGYUN LTAR DANG DGUN GYI RING SKU'I BCAD RGYA DAM PAR BZHUGS, LCAGS SPRE GNAM LO GSAR PA'I RANG ZHAL NGOMS PA'I DUS KYI DGA' STON THOG DPAL LDAN 'DOD KHAMS KYI DBANG MO SRID GSUM BDAG MOR TSES GTOR ZAB RGYAS DANG SGRUB SDE PHAN TSUN GYI SEMS BSKYED SOGS SNGAR RGYUN DANG, LHA LDAN SMON LAM CHEN MO'I MANG JA DANG RTEN RNAMS LA MCHOD 'BUL SNYAN SHAL SOGS SNGAR LTAR GNANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS THUGS RJE CAN DE NYID KYIS MOO GAL DANG SH'AKYA RNAMS LA LAS BDAG GIR BYA BA LAS MA 'DAS SO, ZHES GSUNGS PA LTAR, KHO BO CAG LTA BU LA PAn CHEN THAMS CAD MKHYEN PA CHEN PO'I ZHABS RDUL GYI CHA SHAS KYI YON TAN YANG MED MOD KYANG PAn CHEN CHOS KYI RGYAL PO'I MTSAN GYI BYIN RLABS LA BRTEN NAS BSTAN PA RIN PO CHE'I ZHABS 'DEGS SU 'GYUR BA DANG LAS BZLOG TU MED PA'I MTHU RNAMS LA DGONGS NAS, DUS GSUM SANGS RGYAS THAMS CAD KYI NGO BO BKA' DRIN MTSUNGS MED RGYAL DBANG THAMS CAD MKHYEN GZIGS CHEN PO'I BKA' DANG, SKYABS MGON DAM PA 'DI NYID KYI BKA' DANG, LA MO CHOS SKYONG CHEN PO'I LUNG

DON LHAR KHO BO CAG NGOS 'DZIN BYAS ZIN BA'I GTAM GSAN 'PHRAL SHANGS BKRA SHIS RTZER KHO BO CAG LA DNGUL DKAR GYI MAndAL SNE 'DOGS CAN, GSER ZHO LNGA, RTAGS BRGYAD DRI MA MED BA RNAMS STZAL BA SPYI BOR SMIN, SKYABS MGON THAMS CAD MKHYEN PA CHEN PO'I MJAL ZHU DANG CHOS KYI GSUNG GLENG ZHIB RGYAS SNGAR LTAR MDZAD CING, DGA' LDAN KHANG GSAR DU PHEBS, DPYID DUS KYI LAM KHRID CHEN MOR 'DUS TSOGS SHIN TU CHE ZHING BSNYEN BKUR YANG PHUN SUM TSOGS PA DBYAR GYI CHU BO LTANG 'PHEL, RJE BLA MA 'DIS CHOS KYI RGYAL PO TZONG KHA BA CHEN PO'I LEGS PAR BSHAD PA'I CHOS KYI CHAR PHAB, MJUG GI SEMS BSKYED MCHOD PA'I SKABS MI DBANG PHO LHA BA SOGS SER SKYA DPAG TU MED PA LA THEG PA CHEN PO'I SEMS BYANG CHUB KYI THUGS BZANG POS BSKYED PA'I BKA' DRIN ZLA MED BA MGON BO AA TI SHA'I PHYAG LEN BLA NA MED PA MDZAD, MJUG TU RGYUD STOD SMAD KYI DGE 'DUN RIG PA 'DZIN PA MANG PO LA RIM GNYIS KYI BKA' KHRID ZAB MO DANG BSNYEN BKUR PHUL DU PHYIN BA BCAS GNANG ZHING DNGUL ZHO RE'I 'GYED KYANG STZAL, GZHAN YANG SER 'BRAS DGE GSUM SOGS LA MANG JA'I BSNYEN BKUR YANG MDZAD, ZLA BA BZHI PA'I DUS SU SMYUNG GNAS KYI BYA BA SBYOR DNGOS RJES GSUM TSANG BA, SKAL LDAN GYI SKYE BO MANG BO LA RAB BYUNG BSNYEN RDZOGS DBANG RJES GNANG SOGS CHOS KYI CHAR PHAB, DBYAR GNAS KYI DUS SU SKU'I BCAD RGYA MDZAD CING DGAG DBYE LJONGS RGYU DANG BCAS PA GRUB NAS, ZLA BA BRGYAD PA'I NANG DU BDE LAM GYI BKA' KHRID SOGS BSTAN PA RIN PO CHE YUN RING POR MI NYAMS SHING RGYAS PA'I BKA' DRIN MTSUNGS PA MED BA SNGAR BZHIN STZAL,

, ,LNGA MCHOD KYI MCHOD BA DANG DGUN GYI DUS SU BDE STONG DBYER MED PA'I TING NGE 'DZIN ZAB MO LA SNGAR BZHIN DU BZHUGS, BYA YI LO LCAGS KHAMS CAN GYI DGA' STON GSAR DU DOMS SKABS 'DOD KHAMS DBANG PHYUG RE MA T'IR TSES GTOR SEMS BSKYED SOGS SNGAR BZHIN DANG, SMON LAM CHEN MOR MANG JA DANG, JO SH'AKA RNAM GNYIS KYIS MTSON PA'I RTEN RNAMS LA MCHOD 'BUL THUGS SMON SOGS RGYAS PAR MDZAD, NAG PA ZLA BA'I DUS SU ZHVA SER BSTAN PA'I GSAL BYED DE MO SPRUL SKU SOGS SER 'BRAS DGE GSUM GYI BLA MA SPRUL SKU SOGS MANG BA DANG, DBUS GTZANG GI MKHAS MANG 'DUS PA RGYA MTSO LTA BU'I DBUS SU BYANG CHUB LAM GYI RIM PA'I BKA' KHRID SHIN TU RGYAS PA DANG, PHO LHA BA BSOD NAMS STOBS RGYAS SOGS SER SKYA GRANGS LAS 'DAS BA LA THEG BA CHEN POR SEMS BSKYED PA'I BKA' DRIN STZAL ZHING ,GZHAN YANG DAD LDAN GYI SKYE BO RNAMS LA GCOD DBANG GCOD KHRID, SPYAN RAS GZIGS KYI RJES GNANG, SNYING PO DON GSUM GYI KHRID, TSEM BU DMAR KHRID SOGS SHIN TU ZAB CING MANG BA DANG, SA ZLA'I DUS SMYUNG GNAS KYI CHO GA DANG BSKYED RDZOGS KYI KHRID SOGS BSTAN 'GRO'I DON RMAD DU BYUNG ZHING RGYA CHE BA SNGAR BZHIN 'PHEL BAR BZHUGS, SKABS 'DIR BYES MKHAS MANG GRVA TSANG GI GRVA KHANG CHUNG SKYON YOD PAR BRTEN GRVA MANG 'DUS SPYI NAS GZHUNG SA MCHOG TU GRVA KHANG GSAR BZHENGS GNANG DGOS PA'I BSKUL MA ZHU BAR GSOL BA BTAB PA BZHIN, RJE 'DIS KYANG RDZAS LAS BYUNG BA'I GZHI'I PHAN YON LA DGONGS NAS, NANG MDZOD DRI MA MED PA, GSER

SRANG GSUM, DNGUL SRANG CHEN BRGYA DANG LNGA BCU, GOS YUG CHEN GSUM, GSER SHOG DANG KHA BTAGS PHON CHE BA'I DNGOS SKYES SOGS RGYA CHE BA DANG BCAS TE SA SKYONG PHO LHA BAR BKA' GNANG BA RNAMS, MI DBANG BSOD NAMS STOBS RGYAS NAS KYANG, DANG BA CHEN POS BKA' SBYI BOS NOS, GRVA KHANG RNYING PA DE'I LDEB BRIS LA DPAL RTA MGRIN GYI LHA TSOGS DANG BKA' SDOD SOGS KYI SKU BYIN CAN SHIN TU GNYAN PA MANG BA GZHAN GYIS BLTA BAR YANG MI BZOD PA LHA BUR GNAS PA LA, RJE 'DI NYID NAS AARGA'I CHO GA MDZAD DE, DE'ANG YE SHES PA'I DKYIL 'KHOR GYI LHA TSOGS THAMS CAD ME LONG GI NANG DU GZUGS BRNYAN GYI TSUL DU SPYAN DRANGS NAS RTA MGRIN KHANG GI DPAL RTA MCHOG ROL PA'I SKU PHRAG TU 'JOG PAR MDZAD, DE NAS RJE BLA MA NYID KYIS SA DKAR GYI SKYOM BSNAMS NAS THOG MA KHO NAR GZA' RGOD KYI GZUGS BRNYAN LA BYUG PAR MDZAD, DE NAS RIM BZHIN LHA'I 'KHOR LO'I CHOGS THAMS CAD MI MNGON PAR BYUG PAR MDZAD, DE RJES SU 'UL MI LA SOGS BA'I SKYE BO RNAMS KYIS RTZIG PA RNAMS BSHIG PAR 'TSUB 'GYUR CUNG ZAD KYANG MED BAR BDE BAR RIM GYIS MTHAR PHYIN CING, DE DAG GI TSE TSUGS STON, BAR STON, GROL STON SOGS DANG LEGS GSOL MTHA' DAG LA GSER DNGUL, BZANG GOS GYON PA'I RIGS, RTA NOR SOGS DNGOS SKYES PHUN SUM TSOGS PAS DER TSOGS TSANG MA TSIM PAR MJAD, RJE BLA MA NYID NAS THUN MONG MIN PA'I LJAGS BKOD MDZAD DE GTZANG KHANG SBUG TU RTEN GTZOR CHOS KYI RGYAL PO TZONG KHA PA CHEN PO DANG, G-YAS SU THUB PA'I DBANG PO'I SKU GZI 'OD 'BAR BA

, ,G-YON DU 'OD DPAG MED DE, DE GSUM GA'ANG SKU TSAD THOG SO PHYED GNYIS TZAM DANG 'KHOR NYE BA'I SRAS BRGYAD DANG SGO BSRUNG KHRO BO GNYIS DANG BCAS PA BZHENGS SKU THOG TSAD MA GRANG GSER GYIS LEGS PAR PHYUGS TE RJIB MOR G-YOGS PA; RGYAB YOL SOGS LA RIN PO CHE'I RIGS SHEL DPYAD SNA TSOGS KYIS PHYUG PA, GZUNGS GZHUG 'JIG RTEN NA DKON BA RING BSREL RNAM BZHI, SKU GSUNG THUGS RTEN, RIN PO CHE DANG GOS DAR GYI RIGS, NOR LHA PHO MO, LHA BUM, KLU BUM SOGS BRJOD LAS 'DAS PA MDO RGYUD DAM BA'I PHYAG LEN BZHIN RJE NYID NAS THUGS NYAMS SU BSTAR ZHING SO SO'I GO BABS DANG BSTUN PA'I BZANG GOS KYI NA BZA', SNYAN SHAL, 'PHAN, BLA BRE, GDUGS, RGYAL MTSAN SOGS BKOD PA PHUN SUM TSOGS BA'I MCHOD RDZAS DANG, GSER SKU DANG LI SKU BRGYA LHAG TZAM GYI RTEN GTZOR RJE NYID KYI SKU 'DRA RIN PO CHE MIG GI BDUD RTZI SPUNGS PA LTA BUR GSAR BZHENGS MDZAD, GDUNG RTEN DRUG CU, SKU THANG SOGS 'JIG RTEN GYI MIG GI BDUD RTZI SPUNGS PA LTA BU BSGRUB PAR MDZAD PA RNAMS KYANG LEGS PAR MTHAR PHYIN, ZLA BA BRGYAD PA'I NANG DU PHYOGS THAMS CAD NAS MKHAS MANG STONG PHRAG 'DUS PA LA BYANG CHUB BDE LAM GYI ZAB KHRID RMAD DU BYUNG BA STZAL, ZLA BA DGU PA'I TSES GSUM GZA' SKAR 'PHROD SBYOR BYED PA SOGS PHUN SUM TSOGS PA'I DUS SU RJE BLA MA RDO RJE 'CHANG CHEN PO NYID KYIS RDO RJE SLOB DPON MDZAD CING, BLA MA DAM PA BSOD NAMS BZANG PO DANG BYES SLOB DPON MKHAS DBANG NGAG DBANG DON GRUB, RGYUD STOD KYI RDO RJE 'DZIN PA BSNYEN SONG BCU DRUG GIS CHOG GROGS MDZAD NAS, DPAL

RDO RJE 'JIGS BYED CHEN PO'I SGO NAS RAB TU GNAS PA'I CHO GA SBYOR DNGOS RJES GSUM TSANG BA NYIN GSUM GYI RING SMIN RGYAS SU MDZAD DE, DNGOS GZHI'I NYIN SBYAN 'DREN GYI DUS SU RGYUD PA RNAMS KYIS ROL MO MDZAD CING, RJE BLA MA 'DI NYID KYIS SNGAR RTA MGRIN GYI SKU PHRAG TU BCUG PA'I ME LONG GDAN 'DREN GNANG BAS, DER 'DUS KYI MI THAMS CAD SEMS SKYO BA'I RANG BZHIN DU GYUR, MJUG CHOG ZHI RGYAS KYI SBYAN SREG DANG BCAS PA GRUB RJES GSUNG CHOG PA RNAMS LA STON 'BUL BLA NA MED PA DANG GRVA TSANG LA RAB STON, 'GYED, GRVA JA BZANG PO BCAS STZAL, GRVA KHANG GI ZHAL BSROR GRVA JA GNYIS, KHA BTAGS SKYA CHEN RE DANG GRVA TSANG GSUM TSOGS LA DNGUL SKAR LNGA RE'I SKU 'GYED GNANG BA SOGS BKA' DRIN PHUL DU PHYIN PAR MDZAD, 'DI SKABS SNGA PHYI NGES PA MED PAR SBRA SHOG DKON MCHOG TSE RING, NAG CHU AER KHE MER RGAN, PHUR BU LCOG RAB 'BYAMS PA NGAG DBANG DPAL LDAN, RAB 'BYAMS PA BYAMS PA YE SHES SO SO NAS SGRUB SDE GSUM SOGS LA SEMS BSKYED MCHOD PA RE BTANG BA'I TSOGS DBUR NGAM PA 'DI NYID SBYAN DRANGS, 'BUL BA DANG ZHABS TOG PHUN SUM TSOGS PA DANG, PHYI DRO RIM BZHIN SEMS BSKYED GSUNG BSHAD LAM RIM CHA TSANG SOGS GNAD BSDUS PA ZAB RGYAS GSUNGS, DE NAS ZLA BA BCU PAR LNGA MCHOD DANG DGUN GYI RING SKU'I BCAD RGYA DAM PAR BZHUGS, CHU KHYI GNAM LO GSAR BA'I DGA' STON RMAD DU BYUNG BA DANG SGRUB SDE GSUM GYI SEMS BSKYED MCHOD PA SOGS SNGAR BZHIN DANG, SMON LAM CHEN MOR MANG JA'I BSNYEN BKUR DANG JO

, ,SH'AKA RNAM GNYIS SOGS LA SNYAN SHAL MCHOD 'BUL BCAS SNGAR LTAR GNANG, NAG ZLA'I DUS SU LO LTAR GYI GRVA TSOGS PHUN SUM TSOGS PAR LAM RIM GYI KHRID GSUNG BSHAD RMAD DU BYUNG BA DANG, MJUG TU DGE 'DUN GYI SDE RNAMS DANG SKYA PO'I TSOGS LA SOGS PAR SEMS BSKYED MCHOD PA ZAB BSHAD DANG BCAS PA STZAL, SA GA ZLA BA'I NANG DU SMYUNG GNAS DANG BSKYED RDZOGS KYI LJAGS KHRID, MJUG TU BTANG RAG GI BSKANG GSO SOGS SHIN TU RGYAS PAR GNANG, GDAN SA CHEN PO 'BROG RI BO CHE DGE LDAN RNAM PAR RGYAL BA'I GLING GI RTEN GYI GTZO BO THUB DBANG TSUL KHRIMS MAR GSER ZANGS LAS GRUB PA'I KHRI DRUG 'GYOGS RGYA PHUBS KA BA LA 'BRUG 'KHRIL BA'I GZUGS DANG BCAS PA BZO BKOD PHUN SUM TSOGS PA BZO DGOS PA'I LJAGS BKOD ZHU RTEN BZANG PO DANG BCAS TE GZHUNG SA MCHOG TU 'BUL BAR MDZAD PA, SA SKYONG BA MI DBANG PHO LHA BAS KHUR BZHES KYIS 'DI LO LEGS PAR GRUB CING RAB TU GNAS PA'I CHO GA MDZAD PA'I GSUNG GROGS SU RGYUD STOD GRVA PA BRGYAD GRVA DANG BCAS ZLA BA LNGA PA'I TSES GSUM LA LHAS NAS PHEBS, GSANG SNGAGS MKHAR DU BZHUGS, MGON PO PHYAG DRUG PA'I SKU MDUN DU BSTAN PA RGYAS SHING 'GRO BA BDE BA'I 'PHRIN BCOL DANG, GRVA DMANGS LA MJAL KHA BCAS GNANG, DGA' LDAN DU PHEBS TSES LNGA LA RAB GNAS KYI STA GON DANG DRUG LA DNGOS GZHI, BDUN LA MJUG CHOG DANG BCAS PA GNANG, TSES BRGYAD LA BRGYA MCHOD LA SOGS PA'I MCHOD PA DANG BCAS TE MCHOD MJAL ZHIB PAR MDZAD, TSES DGU LA RJE BLA MA NYID KYIS GTZO MDZAD RGYUD

GRVA PA BZHI BCU SKOR GYIS BSKANG GSO ZAB RGYAS GNANG, KHRI CHEN RGYAL MTSAN SENG+GE BZHUGS SKABS DGA' LDAN NA BZHUGS PA'I SKU 'DRA SOGS LA BZHIG GSOS MANG DU MDZAD PA DANG LHAN CIG MGON KHANG DU BZHUGS PA'I DPAL RDO RJE'I 'JIGS BYED CHEN PO DANG YE SHES KYI MGON PO PHYAG DRUG PA 'KHOR BCAS DANG DAM CAN CHOS KYI RGYAL PO RNAMS LA'ANG TSON GSAR PA RE GSOL BAR MDZAD PA SOGS LHAG BSAM DAG PA'I MDZAD PA YIN MOD, TSON BYIN MI CHAGS PA'I LHA SKU GSAR BZHENGS LTA BU BRJID MI CHAGS PAR DGONGS NAS, ZANGS GZHONG GTZANG MA CHE BA ZHIG TU GUR KUM BZANG PO DANG BCAS PA'I CHUS BKANG BA LA RGYUD PA RNAMS KYIS DPAL RDO RJE 'JIGS BYED KYI RTZA BA'I SNGAGS BZLAS PA'I ZHAL PHU 'GRIMS PAR MDZAD, DE NAS KHA BTAGS BZANG PO RNAMS DE LA SBANGS TE LHA RNAMS KYI SPYI BO NAS BZUNGS TE TSON GSAR PA RNAMS LA KHRUS MDZAD PAS, TSON GSAR PA RNAMS LHAG MA MA LUS PAR DAG NAS SNGON BZHIN DU BRJID CHAGS PA SMUG 'DZI RI BAR GYUR SONG GSUNG ZHING, GRUB PA'I DBANG PHYUG CHEN PO KHRI CHEN NO MIN TA NA NAS KYANG, AI SHI RI DE LTA BU 'PHYID THUB PA KHYED GRUB THOB CHEN POR SNANG, ZHES RTZED MO'ANG GSUNGS, DE GONG ZHIG NA RJE BLA MA 'DI NYID KYI MNAL LAM LA, DGA' LDAN GYI 'OG GI SHING RTZE RNAMS LA ME LCE CHER 'BAR TE GRVA PA RNAMS BROS NAS PHEBS KYIN 'DUG PA LA GRVA PA ZHIG NAS SHOG DRIL ZHIG PHYAG TU GTAD NAS 'DI KHYED LA STER THUB PAS BLO BDE ZER BA ZHIG GZIGS PA DE'ANG TSUL 'DI LA LTA BAR 'DUG GSUNGS SHING BSKANG GSO BA RNAMS LA YON KHA BTAGS RE'ANG 'BUL BAR MDZAD, RGYUD

, ,KHANG SHAR BYANG GI GRVA PA BRGYA SKOR LA'AD BKA' CHOS ZAB PAR STZAL, YANGS PA CAN DU TSOGS YONGS LA DGA' LDAN LHA BRGYA MA'I KHRID DANG RTEN 'BREL BSTOD PA'I LJAGS LUNG BCAS GNANG, TSES BCU'I NYIN PHO BRANG CHEN PO PO TA LA NAS NGES DON GYI MKHAS GRUB CHEN PO KHRI CHEN NO MIN HAN PHEBS PA DANG MJAL NGOS CHOS KYI GNAD LAS BRTZAMS PA'I GSUNG BGROS ZHIB PAR GNANG, TSES BCU GCIG LA CHUM MDAR PHEBS, TSES BCU GNYIS LA STOD RGYUD GRVA TSANG BLA MA TSOGS YONGS DANG BCAS TE 'DU KHANG GSAR BZHENGS LA RAB TU GNAS PA'I CHO GA'I STA GON MDZAD, BCU GSUM LA DNGOS GZHI, BCU BZHI LA MJUG CHOG RGYAS PAR MDZAD, DE, DAM TSIG PA SO SO LA YE SHES PA DBYER MED DU BSRE BAR MDZAD, TSES BCO LNGA LA GSO SBYONG GI BYA BA LEGS PAR GRUB NAS, TSOGS YONGS LA RGYUD THAMS CAD KYI RGYAL PO DPAL GSANG BA 'DUS PA'I RTZA BA'I RGYUD KYI DON 'CHAD PA'I 'GREL PA BZHI SBRAGS NAS CHOS THUN GCIG STZAL ZHING DNGUL DANG KHA BTAGS SKYA CHEN RE'I 'GYED BCAS GNANG, SHAR RTZE MKHAN PO NGAG DBANG LHUN GRUB KYIS KYANG BLA BRANG RANG NAS 'BUL BA ZHABS TOG PHUN SUM TSOGS PA ZHUS, TSES BCU DRUG LA CHIBS BSGYUR MDZAD DE BDE MO THANG GI MCHOD MJAL ZHIB RGYAS DANG, MANG 'GYED BSLAB BYA DANG BCAS PA NAN TAN DU GNANG, DE ZHOR PHAG MO CHOS SDE'I MDUN DU GOS SKU GSAR BZHENGS LA PHYAG NAS DANG MI DMANGS LA PHYAG DPANG GI BYIN RLABS BCAS GNANG, STAG RTZE'I KLU SDINGS SU MI DBANG PHO LHA BA'I SRAS CHUNG DA LAS SB'A DUR GYIS SBYAN 'DREN ZHUS PA LTAR PHEBS, GSUNG GLENG

ZHIB CHA ZHUS PA LA BKA' LAN YANG DAG STZAL ZHING, GSOL STON KYANG PHUN SUM TSOGS PA ZHUS, DE NAS LO DGON DU PHEBS, DGE 'DUN RNAMS LA MANG 'GYED KHA BTAGS GNYIS RE DANG BRGYA MCHOD, MCHOD MJAL SOGS KYANG ZHIB RGYAS GNANG ZHING, TSOGS YONGS LA SKYABS 'GRO'I KHRID KYANG STZAL, CHOS BCU DGU'I NYIN ZHOGS GUR SMON DU PHEBS, TSOGS YONGS LA BYANG CHUB BDE LAM GYI KHRID DANG, BLA MA DAM PA GRUB PA'I DBANG PHYUG DON YOD MKHAS GRUB RIN PO CHE'I RNAM THAR GYI LUNG BCAS GNANG ZHING, MCHOD MJAL YANG ZHIB RGYAS MDZAD, DER BZHUGS RING MANG JA GNYIS RE CHAG MED DANG tAM RE'I RTZIS KYI PHYAG 'GYED, DNGUL SRANG BCO LNGA DANG GOS YUG BCAS KYIS GTZOS PA'I SPYI 'BUL TSAN CHE BA SBYIN 'JAGS MDZAD CING, TSUR YANG MAndAL, SKU GSUNG THUGS RTEN NA BZA' CHA CHANG, DNGUL SRANG SUM CU TZAM GYI ZHABS BRTAN PHUL BA BDAG GIR BZHES, GUR SMON GYI RI KHROD DANG BYANG CHUB GLING GNYIS SU SBYAN 'DREN ZHUS DON LTAR PHEBS NAS TSOGS 'KHOR DANG BLA MA MCHOD PA'I LUNG SOGS GNANG ZHING, ZHAG BCU THOG NAS CHIBS KHA BSGYUR, 'PHAN YUL MDAR SRAS KHANG GRVA PA PHYED NYIS BRGYA SKOR LA PHYAG DBANG DANG, GZHAN YANG 'DI DAG GI SNGA PHYI RNAMS SU PHYOGS PHYOGS NAS SER SKYA GRANGS MED 'DUS PA LA PHYAG DBANG PHYAG MA DUD MA nI'I LUNG SOGS MTHONG THOS DRAN REG GI SGO NAS THAR PA'I SA BON KHYAD PAR CAN BSKRUN PAR MDZAD, 'DI LO SER 'BRAS KYI RIGS GRVAR MANG 'GYED DANG GRVA TSANG GI CHOS THOG SO SO DANG SKABS BSTUN GYI 'GYED GRVA JA, SBYI 'BUL, MCHOD RDZAS SOGS RGYA CHER STZAL, GNAM GANG LA BRAG YER PAR PHEBS ZHAG

, ,GSUM BZHUGS, TSOGS PA LA SMAN BLA'I RJES GNANG DANG SMAN CHOG YID BZHIN DBANG RGYAL GYI LUNG BCAS GNANG ZHING, YAS MAS KYI DGON KHAG BCU SKOR LA'ANG MANG JA, KHA BTAGS RE'I 'GYED KYANG STZAL, TSES GSUM GYI NYIN DGA' LDAN KHANG GSAR DU PHEBS NAS PHO LHA BA 'KHOR DANG BCAS PAS KYANG BSNYEN BKUR PHUN SUM TSOGS BAS MCHOD, PHYI NYIN RI KHROD DU PHEBS, ZLA BA BRGYAD PA'I TSES BCO BRGYAD NAS BDE LAM GYI BKA' KHRID ZHIB RGYAS SNGAR BZHIN STZAL, DON GNYER GYI SKYE BO SHIN TU MANG BA LA RAB BYUNG BSNYEN RDZOGS SOGS PHAN BDE'I SA BON BLA NA MED PA BSKRUN PAR MDZAD, ZLA BA DGU PA'I TSES BDUN LA GTZANG GI PHYOGS SU BDAG CAG RNAMS KYI BSOD NAMS KYI ZHING DU CHIBS KYI KHA LO BSGYUR BAR BZHED DE PHO BRANG CHEN PO PO TA LAR THAMS CAD MKHYEN GZIGS CHEN POR THON PHYAG ZHU BAR PHEBS TE, DNGUL GYI MAndAL, MDZOD GOS JUS YUG ,HU JA 'KHOR DRUG SOGS 'BUL BAR MDZAD DE, GSOL TSIGS KYI BAR CHOS KYI GSUNG GLENG ZHIB RGYAS SU GNANG ZHING BZANG JA 'KHOR DRUG LNGA TZAM GYI GNANG SBYIN KYANG DGYES BZHIN STZAL, DE NAS RIM BZHIN GTZANG DU CHIBS BSKYOD DE DAN 'BAG MDAR THAB SKYEL DANG CHIBS SKYEL BCAS MDZAD, PAR LAM GYIS THAMS CAD DU RDZONG GZHIS MI DRAG THAMS CAD NAS CHIBS BSU SOGS BSNYEN BKUR PHUN SUM TSOGS PA DANG BCAS TE GRONG PO CHE'I GZHIS KAR DPAL 'KHOR CHOS SDE'I BLA GNYER GANG YANG YOD KYIS CHIBS BSU SER PHRENG DANG BCAS 'DU KHANG CHEN MOR PHEBS, DKAR SPRO DANG TSOGS

YONGS LA MJAL KHA DANG 'BUL BA YANG RGYA CHER PHUL ZHING LCANG LO CAN GYI GZHIS KAR ZHABS TOG PHUN SUM TSOGS PA ZHUS, DPAL 'KHOR CHOS SDER MANG JA THUG TSUL BCAS DANG KHA BTAGS RE'I 'GYED KYANG GNANG, DE NAS BKRA SHIS LHUN PO'I BAR GYI SER SKYA DRAG ZHAN THAMS CAD NAS ZHABS BRTAN 'BUL NOD SOGS BSNYEN BKUR PHUL BA RNAMS BDAG GIR MDZAD CING, TSE DBANG LA SOGS PA'I BYIN RLABS PHUN SUM TSOGS PA STZAL, SA DMAR DU BLA BRANG RGYAL MTSAN MTHON PO NAS CHED DU MNGAGS PA'I DRUNG 'KHOR LNGA TZAM GYIS CHIBS BSU DANG THAB BSU SOGS BSNYEN BKUR ZHUS PA RNAMS BDAG GIR MDZAD DE, TSES BCO LNGA'I NYIN BKRA SHIS LHUN POR ZHABS KYI PADMO RNAM PAR BKOD, TSES BCU DRUG GI NYIN BKA' DRIN MTSUNGS PA'I ZLA THAMS CAD DANG BRAL BA RJE BTZUN BLA MA DAM PA BYAMS BA'I MTSAN CAN GANG DE'I ZHAL GYI DKYIL 'KHOR DAM PA KHO BO CAG GI MIG SNGAR MNGON DU GYUR PA'I SKAL BZANG THOB, TSES BCO BRGYAD KYI NYIN RJE BLA MA DAM PA KHYAB BDAG RDO RJE SEMS DPA'I NGO BO DE NYID NAS MI 'GYUR BA'I RDO RJE'I BDEN CHIG ZAB MO'I DBYANGS KYIS KHO BO CAG YUN RING POR 'TSO BA'I RTEN 'BREL SGRIG PAR MDZAD PA DANG LHAN CIG TU DNGUL DKAR GYI MAndAL TSOM BU SNE 'DOGS DANG BCAS PA, SKU GSUNG THUGS RTEN, GSER DNGUL, GOS DAR, LUS KYI NYER DPYAD LA SOGS PA BSAM GYIS MI KHYAB PA STZAL, DE'I TSE RJE BTZUN BLA MA DAM PA NYID NAS MAndAL PHYAG TU BSNAMS TE, STON PA MNYAM MED SH'AKYA'I RGYAL PO DE NYID NAS BZUNGS CHOS KYI RGYAL PO TZONG KHA PA CHEN PO YAB SRAS DANG KHYAD PAR PAn

, ,CHEN CHOS KYI RGYAL PO SKU GONG MA BLO BZANG CHOS KYI RGYAL MTSAN DANG RJE BTZUN BLO BZANG YE SHES DPAL BZANG BO'I BAR GYI RNAM PAR THAR PA DRI MA MED PA RAGS RIM ZHIG GSUNG BSHAD SHIN TU RNO BAS BRJOD PAR MDZAD DE, KHYED NAS KYANG DAM PA'I RNAM PAR THAR PA DE RNAMS LA MIG YAR BLTA MDZAD NAS, SPYOD BSLAD DANG GROGS DAN PA'I DBANG DU CUNG ZAD KYANG MA SONG BAR NA TSOD SKU CHUNG DU'I DUS 'DI NAS BZUNGS RANG NYAMS LA DPAGS BA'I THOS BSAM SGOM GSUM LA 'BAD PAR BYAS TE, CHOS KYI RGYAL PO BLO BZANG RGYAL BA YAB SRAS KYI BSTAN PA RIN PO CHE CHOS SDE CHEN PO 'DIR SPEL ZHING RGYAS PA'I KHUR 'KHYER DGOS ZHES PA'I GSUNG GI GSANG BA BLA NA MED PA BKA' STZAL BAS KHO BO CAG SNYING LA LCAGS GZER BTAB BA BZHIN DU GYUR, TSES NYI SHU'I NYIN CHOS GRVA CHEN PO 'DI NYID KYI RTEN GSUM RNAMS LA MCHOD MJAL ZHIB PAR GNANG, TSES NYER GNYIS BCOM LDAN 'DAS DE BZHIN GSHEGS PA THUGS RJE CAN DE LHA YI GNAS NAS 'DZAMBU'I GLING 'DIR GSHEGS PA'I DUS KHYAD PAR CAN LA, LA MO CHOS SKYONG CHEN PO'I LUNG GIS BSKUL MA MDZAD PAS MTSAMS SBYAR TE, KHO BO CAG LA DPAL RDO RJE RNAM PAR 'JOMS PA'I BYABS KHRUS DANG MA GCIG GRUB PA'I RGYAL MO LUGS KYI TSE DBANG BCAS KYI BKA' DRIN STZAL, DE NAS RIM GYIS RNAM PAR RGYAL MA, SGROL DKAR, GDUGS DKAR, KHYUNG NAG ,'JAM DBYANGS NANG SGRUB, TSE DBANG 'JAM LUGS BCAS KYI BKA' DRIN RNAMS GNANG, TSES BCU'I NYIN KHO BO CAG NAS DPAL RDO RJE 'JIGS BYED DPA' BO GCIG PA'I

DBANG CHEN STZAL DGOS PAR GSOL BA BTAB PA BZHIN GNANG BA MNGON DU PHYOGS TE, DE YANG GSANG SNGAGS KYI DBANG CHEN NOD PA LA, RANG GI BSLAB LDAN 'KHOR BZHI PO, ZHES GSUNGS PA LTAR, SO SO THAR PA'I SNGOM PA GANG YANG RUNG BA ZHIG THOG MAR RGYUD LA SKYE DGOS PA'I PHYIR ,KHYED KYIS KYANG THOG MAR GO MI'I DGE BSNYEN GYI SNGOM PA LONGS LA BSRUNGS NA LEGS ZHES GSUNGS TE DGE BSNYEN GYI SDOM PA STZAL ZHING, PHYI DRO DPAL RDO RJE 'JIGS BYED CHEN PO DPA' BO GCIG PA'I DKYIL 'KHOR DU DBANG BSKUR BA'I STA GON DANG, SANG NYIN DNGOS GZHI RNAMS SMIN RGYAS SU STZAL BA NI TSE RABS THAMS CAD DU BKA' DRIN GZHAL BAR DKA' BA YIN NO, ,TSES NYER BRGYAD NAS BZUNGS TE CHOS GRVA CHEN PO 'DI NYID KYI DGE 'DUN DRUG BRGYA SKOR LA THEG PA CHEN PO'I BLO SBYOD DON BDUN MA'I KHRID BSHAD SHIN TU RGYAS PA ZHIG DANG, BLA MA MCHOD PA, DGA' LDAN LHA BRGYA MA RNAMS KYI LJAGS KHRID BCAS STZAL, RDO RJE 'CHANG CHEN PO SNGAGS CHEN GRUB PA'I DBANG PHYUG BLO BZANG BZOD PA'I ZHAL SNGA NAS KYIS GSOL 'DEBS MDZAD PA BZHIN, GSANG SNGAGS RGYUD PA GRVA TSANG GI GZIMS CHUNG DBANG KHANG DU PHEBS NAS, DGE SLONG RIG PA 'DZIN PA BRGYA PHRAG SKOR LA DPAL RDO RJE 'JIGS BYED DPA' BO GCIG PA'I DBANG CHEN STA GON DANG BCAS PA SKU BZHI'I SA BON THEBS NGES PA GNANG, GZHAN YANG TSE DBANG RJES GNANG BYABS KHRUS SOGS GDUL BYA RNAMS KYIS GSOL BA BTAB BA'I RE 'BRAS MTHA' DAG DON DANG LDAN PA'I BKA' DRIN STZAL ZHING, RAB TU BYUNG BA DANG BSNYEN RDZOGS SU SGRUB PA'I BKA' DRIN YANG MANG DU STZAL, TSOGS CHEN DU MANG JA'I

, ,THOG KHA BTAGS SKYA CHEN RE DANG GSUM tAM RE BCAS KYI PHYAG 'GYED DANG PHYOGS MTHA'I DGON KHAG RNAMS LA'ANG MANG JA'I BSNYEN BKUR MDZAD, ZLA BA BCU PA'I TSES BCO LNGA'I NYIN PHYIR THEGS KYI BSNYEN BKUR ZHUS PA RNAMS BDAG GIR MDZAD NAS TSES BCU BDUN LA CHIBS KYI KHA LO BSGYUR, MAR LAM DBEN SA CHOS KYI PHO BRANG DU'ANG MANG 'GYED GNANG, RIN SPUNGS PHYOGS KYI MI DRAG RNAMS NAS CHIBS BSU DANG BCAS TE BYAMS CHEN DU PHEBS, GRVA GRANGS BZHI BCU SKOR LA RAB TU BYUNG BA DANG BSNYEN PAR RDZOGS PA'I BKA' DRIN STZAL ZHING, LAS SNE BA RNAMS LA TSE DBANG ZAB MO YANG STZAL, BYAMS KHANG DU BRGYA MCHOD PHUN SUM TSOGS PA'I THOG SNYAN SHAL DANG BCAS TE THUGS SMON RGYA CHER MDZAD, RONG BA MGAR DGES JO BO RJE'I GDUNG SKAL LA BZHENGS PA'I GDUNG RTEN LA BZO BKOD PHUN SUM TSOGS PA'I BZHUGS KHANG GSAR BZHENGS KYI DGOS CHA GNANG, DUR SMRIG DANG SKYID SMAD GRUM BU LUNG GI GNAS GZIGS RNAMS MDZAD, LCAGS ZAM CHOS 'KHOR YANG RTZE BA; KHU SPE BA, RA BA STOD PA RNAMS SO SOR MANG JA RE SKOL BAR MDZAD DE, LNGA MCHOD KYI MCHOD PA DANG DGUN MTSAMS SOGS SNGAR BZHIN GNAD, CHU PHAG GNAM LO GSAR BA'I DGA' STON DU DPAL LDAN LHA MO'I TSES GTOR DANG SGRUB SDE RNAMS KYI SEMS BSKYED SOGS BSTAN PA'I BYA BA RGYA CHEN PO SNGAR BZHIN DANG, PHO BRANG CHEN POR SKYABS MGON RGYAL DBANG THAMS CAD MKHYEN GZIGS CHEN PO'I MJAL ZHUR PHEBS SHING, DGA' LDAN KHANG GSER DU'ANG CHIBS BSKYOD MDZAD, SMON LAM CHEN MOR MANG

JA DANG SER 'BRAS DGE GSUM GYIS MTSON DGON KHAG RNAMS LA MANG 'GYED DANG JO SH'AKA RIN PO CHES GTZOS PA'I RTEN GSUM RNAMS LA MCHOD 'BUL DANG THUGS SMON SOGS ZAB RGYAS SNGAR BZHIN GNANG, ZLA BA GSUM PA'I NANG DU BYANG CHUB LAM GYI RIM PA 'JAM DPAL ZHAL LUNG GI KHRID LJAGS BSHAD SHIN TU RGYAS PA SNGAR LTAR RTZAL, MJUG TU SEMS BSKYED KYI CHO GA MDZAD PA'I DUS RGYA BOD KYI CHE RGU GRANGS LAS 'DAS PA RNAMS DANG CHABS CIG PAR THEG PA CHEN PO'I CHOS KYI DGA' STON SPEL BAR MDZAD, SA ZLA'I DUS KYI SMYUNG GNAS DANG BSKYED RDZOGS SOGS BSTAN 'GRO'I BYA BA RGYA CHEN PO SNGAR BZHIN CHU BO'I RGYUN LTAR MDZAD CING, 'DI KHA'I MDZOD PAR DNGUL SRANG CHEN NYIS BRGYA, NANG MDZOD SUM CU, PHYI MDZOD BRGYA DANG LDA BCU, BSOD BTAGS BRGYA DANG SUM CU, CHOS 'DON SUM CU, MDZOD GOS DANG, KRONG DON PHAL GOS BCAS PA YUG 'GA' RE GNANG NAS, CHOS KYI RGYAL BO TZONG KHA PA CHEN PO'I GSUNG RAB RNAMS BSTAN PA RIN PO CHE YUN RING DU GNAS PAR BYA BA'I PHYIR PAR DU 'KHONG DGOS PA'I BKA' GNANG, DBYAR GNAS LA SOGS PA BSTAN 'GRO'I PHAN BDE SPEL BA'I MDZAD PA JE RGYAS KYI NGOS NAS, ZLA BA BRGYAD PA'I DUS SU LAM RIM BDE LAM GYI KHRID SHIN TU ZHI BA PAR GNANG, ZLA BA DGU BA'I NANG DU RA SGRENG RGYAL BA'I DBEN GNAS SU PHEBS, DE BA'I DGE 'DUN RNAMS LA DPAL GSANG BA 'DUS PA 'JAM BA'I RDO RJE'I DBANG CHEN ZAB GNAD MAN NGAG GIS BRGYAN PA DANG, GNAS BCU DANG SMAN BLA'I RJES GNANG DANG LUNG, BDE LAM GYI KHRID SOGS GNANG, 'DI DAG GI SKABS SU NAM MKHA'I SHIN TU DVANGS PA LAS ME

, ,TOG GI CHAR 'BAB PA KUN GYI MIG LAM DU GYUR, DE NAS DBEN GNAS YANG DGON DU PHEBS TE GNAS BRTAN RGYAL PA SNGAGS RAM PAS RJE'I GZIMS PHUG TU GSAR BZHENGS MDZAD PA'I BYAMS PA'I SKU BRNYAN LA RAB TU GNAS PA DANG BSTOD PA YANG MDZAD, BLA MA BLO BZANG RNAM RGYAL LAS BCOM LDAN 'DAS DAN SONG THAMS CAD SBYONG BA'I RGYAL PO KUN RIG RNAM PAR SNANG MDZAD KYI DBANG ZHIG KYANG GSAN, SKYA SER GYI CHOGS RGYA CHE BA LA RIGS GSUM MGON PO'I GZUNGS KYI LUNG BSLAB BYA DANG BCAS PA DANG BSTAN 'GRO'I BAD THABS LA DGONGS PA'I LHA KHANG CHEN MO, 'BROM RJE'I SA 'BUM, MAndAL THANG GI GSANG BA'I BRAG ,BCOM MDO'I LHA KHANG, BSAM GTAN GLING SOGS LA LHAG GNAS KYI ME TOG YANG BSKYAR 'THOR BAR MDZAD, DE SKABS RTA NOR SOGS DNGOS PO GANG BYUNG RNAMS DBANG PHO LHA BAR GNANG STE RVA SGRENG GI GOS SKU GSAR BZHENGS MDZAD, TSUR LAM STAG LUNG GI BLA BRANG CHEN MOR DAD GUS CHEN POS SPYAN 'DREN ZHUS PA LTAR CHIBS BSKYOD GNANG STE, STAG LUNG ZHABS DRUNG RIN PO CHES CHOS KYI SKOR LA DRI BA PHRAN BU ZHUS PA RNAMS LA BKA' LAN STZAL, DE NAS SLAR YANG GDAN SA CHEN PO DPEN GNAS PHUR BU LCOG TU PHEBS, SHING BYI LO'I LO GSAR GYI DGA' STON DANG 'DOD KHAMS DBANG MO'I TSES GTOR SOGS SNGAR RGYUN LTAR DANG, RJE GRUB PA'I DBANG PHYUG CHEN PO'I DUS MCHOD SEMS BSKYED SOGS SNGAR BZHIN DANG, LHA LDAN SMON LAM CHEN MOR MANG JA DANG, JO SH'AKA RNAM GNYIS SOGS LA SNYAN SHAL THUGS SMON CAN RNA LAS MDZAD CING, ^ PHO BRANG CHEN POR SKYABS MGON THAMS CAD

MKHYEN GZIGS CHEN PO'I MJAL PHYAG LA PHEBS SHING DGA' LDAN KHANG GSAR DU'ANG CHIBS BSKYOD GNANG, NAG PAS NYA BA'I ZLA BA'I DUS SU NUB PHYOGS DZA' TI'I RKANG 'THUNG 'KHRIGS BA NAS SHAR PHYOGS RGYA MTSO CHEN PO'I BAR GYI MKHAS BA DANG DGE BA'I BSHES GNYEN DANG RI KHROD 'DZIN PA'I DGE SLONG GI BAR 'DUS PA RNAMS LA, BYANG CHUB LAM GYI RIM PA 'JAM DPAL DBYANGS KYI ZHAL LUNG GI ZAB KHRID MTHA' CHOD PAR MDZAD, MJUG GI SEMS BSKYED MCHOD PA'I SKABS SA SKYONG BA SOGS SKYE BO'I TSOGS BGRANG LAS 'DAS PA LTA BU LA SBYOR DNGOS RJES GSUM GYI CHA LAG YONGS SU TSANG BA'I SGO NAS SMON SEMS CHOGS 'DZIN TSUL GYI BKA' DRIN STZAL, SMYUNG GNAS DANG BSKYED RDZOGS KYI LJAGS KHRID SOGS BSTAN 'GRO KUN LA SMAN PA'I DGE MTSAN BRGYA PHRAG SPEL BAR MDZAD, GZHAN YANG ZHAL LUNG GI LJAGS LUNG DANG DON GNYER BA SUM BRGYA SKOR LA RAB BYUNG BSNYEN RDZOGS KYI SDOM PA DANG, KHYAD PAR DU ZHI BA LHA LA'ANG BSNYEN RDZOGS KYI SDOM PA STZAL, DE NAS DBYAR GYI DUS SU NANG DU YANG DAG 'JOG GI BYA BA YANG DAG PAR MDZAD DE, DGAG DBYE GRUB NAS LHA SAR LI THANG AA 'BUM PAS RGYA PHUB GSAR BZHENGS KYI RAB GNAS LA GDAN 'DREN ZHUS PA LHAR CHIBS BSGYUR MDZAD DE, RGYUD SMAD KYI RDO RJE 'DZIN PA TSOGS YONGS DANG LHAN CIG NYIN GSUM GYI RING RAB GNAS SPYOR DNGOS RJES GSUM SBYIN SREG GI BYA BA DANG, CHOS SKYOD BSGO BA'I DUS SU BSKANG GSO DANG BCAS PA MDZAD CING, BSTAN PA RGYAS PA'I THUGS SMON YANG DAG KYANG GNANG, RA KHA BRAG TU BLA MA BSOD NAMS BZANG PO NAS SGRUB SDE GSUM TSOGS KYI SEMS BSKYED MCHOD PA MDZAD PA'I

, ,TSOGS DBUR DPAL LDAN BLA MA DAM PA 'DI NYID SPYAN DRANGS TE BSNYEN BKUR ZHABS TOG RGYA CHER MDZAD CING, BLA MA GNYIS KA LHAN RGYAS KYI THOG NAS CHOS KYI GSUNG GLENG SHIN TU ZHIB PA MANG DU GNANG ZHING, PHYI DRO SEMS BSKYED GSUNG BSHAD RGYAS PAR STZAL, LNGA MCHOD KYI MCHOD PA ZHABS TOG PHUN SUM TSOGS PA MDZAD DE, DGUN MTSAMS DAM PO LA SNGAR BZHIN DU BZHUGS, SHING GLANG GNAM LO GSAR BZHAD KYI DGA' STON GYI DUS SU DPAL LDAN 'DOD PA KHAMS KYI DBANG PHYUG MA RAB TU DGYES PA BSKYED PA'I TSES GTOR RMAD DU BYUNG BA SNGAR BZHIN DANG, RI KHROD PHAN TSUN GYI SEMS BSKYED MCHOD PA SOGS CHOS 'KHOR RGYA CHER BSKOR BAR MDZAD DE, PHO BRANG CHEN PO RI BO GRU 'DZIN DU SKYABS MGON RGYAL DBANG THAMS CAD MKHYEN GZIGS CHEN PO'I MJAL ZHUR PHEBS NAS DNGUL GYI MAndAL DAN TSON SNA LNGA'I SNE 'DOGS CAN SOGS KYIS MTSON MCHOD SPRIN PHUL DU PHYIN PA SPRO BAR MDZAD CING, THUGS PHAN TSUN BAG PHEBS KYI GSUNG GLENG DANG GNANG CHA'ANG GNANG, SKYA SER GYI TSOGS DRAG ZHAN SHIN TU MANG BAL RJES GNANG SOGS CHOS BKA' CI RIGS PA STZAL, 'DI LO'ANG SMON LAM CHEN MOR MANG JA DANG JO SH'AKA RNAM GNYIS KYIS MTSON PA'I RTEN RNAMS LA SNYAN SHAL THUGS SMON GYIS BRGYAN PA BCAS 'BUL BAR MDZAD, BAR SKABS SHIG 'GOL MTSAMS LTA BUR BZHUGS TE THUGS DAM NYAMS BZHES KYI RIM PA LA BRTZON PAR MDZAD, ZLA BA GSUM PA'I NANG DU CHAB MDO DPON SLOB ZHI BA LHA, LCAGS RA SPRUL SKU, YANG STENG SPRUL SKU RNAMS GTZO BOR GYUR PA'I GRVA SA PHAN TSUN SOGS DGE

'DUD STONG PHRAG BRGAL BAR BYANG CHUB LAM GYI RIM PA 'JAM DPAL ZHAL LUNG GI BKA' KHRID NYI NA RE BZHIN NYI MA GUD YOL NAS NYI NUB KYI BAR ZAB BSHAD DANG MJUG TU SEMS BSKYED MCHOD PA ZAB BSHAD DANG BCAS PA BSNGO BA SMON LAM GYI RGYAS 'DEBS KYANG GNANG, RKED TSANG SHAR GYI GNAS BLA MA RAB 'BYAMS PA BLO BZANG DGE LEGS KYIS GSOL BA BTAB PA'I DOR, BYANG CHUB LAM GYI RIM PA'I BSHAD LUNG SKYES BU GSUM GYI LAM RAB TU GSAL BAR BYED PA'I MAN NGAG GIS BRGYAN PA DANG RDZOGS RIM RIM LNGA GSAL SGRON GYI BSHAD LUNG LEGS PAR BSHAD PA'I MAN NGAG GIS BRGYAN PA DANG, RJE BTZUN BLA MA NYID KYI GSUNG 'BUM GYI LJAGS LUD DANG BCAS PA GNANG, ZLA BA BZHI PA'I NANG DU SKYA SER STONG PHRAG BRGAL BAL RGYAL KUN THUGS RJE'I RANG GZUGS 'PHAGS PA THUGS RJE CHEN PO ZHAL BCU GCIG PA'I DBANG DANG SDOM PA GNANG STE SMYUNG BAR GNAS PA'I BYA BA MJUG TU STZAL TE, DE DAG LA THAR PA DANG THAMS CAD MKHYEN PA'I LAM YANGS POR MDZAD, DE DAG GI SKABS DER TSOGS PA RNAMS LA ZHABS TOG DANG KHA BTAGS, tAm RE BCAS STZAL, SLAR YANG RGYUD GRVA PA SUM BRGYA SKOR LA RIM GNYIS KYI DKA' GNAD MTHA' DAG ZAB LA GSAL BAR STON PA'I GSUNG BSHAD ZHIB PAR ZHAG BCU SKOR GYI RING GNANG, ZLA BA DRUG PA DANG BDUN PAR DBYAR MTSAMS KYI BYA BA DBYAR RAB TU GNAS PA'I MDZAD PA MTHAR PHYIN PA'ANG MDZAD, SER DANG DGE LDAN GYI TSOGS CHEN DANG GRVA TSANG KHAG DANG RGYUD STOD SMAD GSANG PHU, RVA SGRENG SOGS DGON KHAG RNAMS LA MANG JA 'GYED DANG MCHOD 'BUL SOGS GNANG, ZLA BA BRGYAD PA'I TSES BDUN LA GZHUNG SA MCHOG

, ,NAS DPAL LDAN 'BRAS SPUNGS KYI 'DU KHANG GSAR BZHENGS MDZAD PA'I ZHAL GROR MANG 'GYED GNANG ZHING, TSES BCO BRGYAD NAS SER 'BRAS KYI DGE BSHES SOGS BLA MA DGE 'DUN BRGYAD BRGYA SKOR LA BYANG CHUB BDE LAM GYI BKA' KHRID ZHAG BCU GSUM GYI RING GNANG, DE NAS SLAR YANG RVA SGRENG RGYAL BA'I GTZUG LAG KHANG CHEN POR PHEBS, 'DUS PA'I TSOGS NAS GSOL BA BTAB PA LTAR, TSOGS YONGS LA BDE LAM GYI BKA' KHRID ZAB RGYAS DANG MCHOD KHANG SO SOR BRGYA MCHOD DANG SNYAN SHAL BCAS 'BUL BA GNANG, BYAMS PA'I SKU GSAR BZHENGS DANG BKA' 'GYUR BCAS LA RAB TU GNAS PA'I CHO GA ZHIG KYANG STZAL, NYIN LTAR MANG JA SBYOR SPREL DANG 'GYED SNA BZANG BA KHA SHAS STZAL, SKYA SER GYI SKYE BO'I TSOGS MANG POS BRTAN BZHUGS 'BUL SKABS BYUNG BA'I NOR DNGOS RTA SUM CU, MDZO NYER LNGA SOGS SRING SKYONG PHO LHA BAR GNANG STE, JO BO 'JAM PA'I RDO RJER GSER ZANGS LAS GRUB BA'I BZHUGS KHANG RGYA PHUB DANG BCAS PA BZO BKOD PHUN SUM TSOGS PA GSAR BSGRUN MDZAD DE 'BUL BA GNANG, TSUR LAM SNE'U ZUR DANG, SHA BA 'BUM PA'I GNAS GZIGS MCHONG 'BUL DANG SKYA SER GYI TSOGS LA RIGS GSUM MGON BO'I GZUNGS DANG DMIGS BRTZE MA'I LJAGS LUNG BCAS GNANG, NYAN POR ZHAG GNYIS BZHUGS, TSE DPANG SOGS 'DOD CHOS RNAMS KYANG GNANG, RGYAL SMAD GRVA TSANG DU PHEBS, GRVA TSANG GNYIS KAS ZHABS BRTAN DANG 'BUL BA PHUL BDE RNAMS BDAG GIR MDZAD CING, MANG JA DANG DNGUL KHA BTAGS NAS 'BRU SOGS KYI SKU 'GYED RGYA CHER STZAL, SKYA

SER GYI KHROM CHE BAR TSE DBANG DANG BKA' CHOS SOGS RGYAS PAR GNANG, DE NAS RI KHROD DU PHEBS, SKYE BO MCHOG DMAN DU MAR MJAL KHA DANG RAB BYUNG BSNYEN RDZOGS SOGS 'DOD CHOS KYI RIGS CHAR DU BSNYIL, SE RA THEG CHEN GLING BYES SMAD KYI BYAMS SMON DANG BZANG SPYOD KYI DUS STON, LNGA MCHOD SOGS LA DKON MCHOG GSUM GYI BSNYEN BKUR RGYA CHEN PO SNGAR BZHIN BKA' DRIN GYIS BSKYANGS, DGUN GYI DUS SU SKU MTSAMS SHIN TU DAM PO LA BZHUGS TE RIM GNYIS KYI RNAL 'BYOR LAS SKAD CIG KYANG MI G-YO BAR BZHUGS, 'DI SKABS SHIG TUR KHA BRAG TU DKA' BCU THABS MKHAS NAS SGRUB SNGE GSUM GYI DGE 'DUN RNAMS SPYAN DRANGS PA'I TSOGS DBUR RJE BLA MA NYID 'BYON PAR GSOL BA BTAB PA LTAR, ZHABS KYI PADMO RNAM PAR BKOD, DKA' BCU PAS DVANG BA CHEN POS KUN NAS BSLANGS TE, ZHABS BRTAN 'BUL BA PHUN SUM TSOGS PA PHUL BA RNAMS BDAG GIR MDZAD NAS, PHYI DRO SEMS BSKYED KYI GSUNG BSHAD RMAD DU BYUNG BA DANG BCAS TE THEG PA CHEN POR SEMS BSKYED PA'I CHO GA RGYAS PAR MDZAD NAS DGE BA'I RTZA BA RNAMS BLA NA MED PA YANG DAG PAR RDZOGS PA'I BYANG CHUB TU BSNGO BA'I BSNGO BA SMON LAM BKRA SHIS KYI RGYAS 'DEBS DANG BCAS PA GNANG, ME STAG GNAM LO'I DGE MTSAN GSAR DU BZHAD PA'I DGA' STON DANG 'DOD KHAMS KYI DBANG PHYUG DMAG ZOR RGYAL MO LA TSES GTOR PHUN SUM TSOGS PA DANG, SGRUB SDE PHAN TSUN GYI SEMS BSKYED MCHOD PA SOGS SNGAR LTAR MDZAD, PHO BRANG CHEN PO PO TA LAR DUS GSUM SANGS RGYAS THAMS CAD KYI NGO BO KUN GZIGS RGYAL DBANG THAMS CAD MKHYEN PA CHEN

, ,PO'I MJAL KHAR PHEBS NAS DNGUL GYI MAndAL, GSER DNGUL, MDZOD GOS YUG KHA SHAS KYI 'BUL NOD PHUN SUM TSOGS PA MDZAD CING, YUN RING BO'I BAR DU PHAN TSUN CHOS KYI GSUNG GLENG ZHIB CING RGYAS PAR GNANG ZHING, TSUR YANG DNGUL DANG JA SOGS GNANG SBYIN SPAM MTHOB DGYES BZHIN DU GNANG, PHUR BU LCOG TU PHEBS NAS 'DOD CHOS DON GNYER BA RNAMS LA RANG RANG GI 'DOD PA LTAR GYI BKA' CHOS STZAL, SMON LAM CHEN MOR DGE 'DUN ZHAL GRANGS NYI KHRIR NYE BAR MANG JA 'GYED DNGUL SKAR LNGA RE, MCHOD 'BUL SNYAN DAR THUGS SMON DANG BCAS PA RNAMS SNGAR BZHIN MDZAD, DE NAS RE SHIG SKU'I BCAD RGYAL BZHUGS TE THUGS DAM ZAB MO LAS SKAD CIG KYANG MI G-YEL BAR BZHUGS, NAG PA ZLA BA'I DUS SU PHYOGS BRGYAD NAS 'DUS PA'I DGE 'DUN MKHAS SHING GRUB PA BRNYES PA'I TSOGS MANG PO 'DUS PA LA, BYANG CHUB LAM GYI RIM PA 'JAM DPAL DBYANGS KYI ZHAL LUNG GI BKA' KHRID SHIN TU RGYAS PA MJUG TU SEMS BSKYED MCHOD PA RMAD DU BYUNG BA DANG BCAS PA MDZAD; RVA SGRENG YANG DGON GYI BLA MA SNGAGS RAM PAS GSOL BA BTAB PA LTAR, BE'U BUM SNGON PO'I LJAGS LUNG ZAB BSHAD DANG BCAS PA DANG SPO BO'I RAB 'BYAMS PA NGAG DBANG RIN CHEN GYIS GSOL BA BTAB PA LTAR, THOG MA'I BLO SBYONG GI LJAGS LUNG TSOGS YONGS LA STZAL, SA ZLA'I DUS SU SMYUNG GNAS KYI CHOG DANG BSKYED RDZOGS KYI LJAGS KHRID SOGS BSHAD SGRUB GNYIS KYI SGO NAS BSTAN PA RIN PO CHE'I BYA BA RGYA CHEN PO LEGS PAR MDZAD DE, DBYAR GNAS KYI DUS SU SKU MTSAMS

DAM PO LA BZHUGS, DE'I DUS SU DPAL CHOS KYI GRAGS PA'I LEGS PAR BSHAD PA TSANG MA SDE BDUN GYI DON SPYI DANG KHYAD PAR DU TSAD MA RNAM 'GRE GYI LAM GYI RIM PA LA THUGS NGES KHYAD PAR CAN 'KHRUNGS TE BYANG CHUB LAM GYI RIM PA'I NYAMS LEN DANG SHAN SBYAR TE THUGS NYAMS SU BSTAR BAS RANG DON GYI LE'U DON RTAGS YANG DAG GSUM GYIS RANG BZHIN GYI RGYUD KYI LOG PAR RTOG PA SUN PHYUNG ST,E TSAD MA GNYIS KYI GZHAL BYA MNGON SUM LE'U'I DON LTAR LEGS PAR NGES NAS, GZHAN DON LE'U'I DON SGRUB NGAG DANG SUN 'BYIN GNYIS KYI SGO NAS GZHAN RJES SU 'DZIN PA'I TSUL RNAMS STAN THOG GCIG TU RNAL 'BYOR MDZAD PAS THUGS DAM ZAB MO LHAG PAR 'PHEL ZHING, CHOS KYI RGYAL PO TZONG KHA PA CHEN PO'I GSUNG LAS BYUNG BA'I TSAD MA'I LAM BSGRIGS DON GNYER CHEN POS RTZOL SGRUB MDZAD PAR, SNYE THANG BDE BA CAN NAS PHYAG TU 'BYOR PA LTAR THUGS 'DZIN MDZAD DE 'DI LO'I DBYAR KHA NAS BZUNGS CHAG MED ZHAL 'DON DU MDZAD, DE DAG GI SENG DBAR RNAMS SU SKYE BO MANG PO LA PHAN BDE'I DPAL SPEL BA'I PHYIR RAB BYUNG DANG BSNYEN RDZOGS KYI SDOM PA BRGYA PHRAG BRGAL BAR YANG LEGS PAR STZAL, SER 'BRAS DGE GSUM, GSANG PHU, RVA SGRENG SOGS LA MANG 'GYED DANG GOS BZANG BSGRIGS KYI MCHOD RDZAS RMAD DU BYUNG BA'ANG 'BUL BAR MDZAD, HOR ZLA BRGYAD PA'I DUS SU KHRI YANG STENG SPRUL SKU SOGS BLA MA DGE BA'I BSHES GNYEN STONG PHRAG RA CHEN GZHAL BAR BYANG CHUB BDE LAM GYI BKA' KHRID SHIN TU RGYAS PA STZAL, ZLA BA DGU PAR LHA LDAN SPRUL PA'I GTZUG LAG KHANG CHEN POR PHEBS, JO SH'AKA RNAM GNYIS KYIS MTSON RTEN GSUM RGYA MTSO LTA BU RNAMS GKYI DRUNG DU

, ,MCHOD PA RNAM LNGA STONG TSAR DANG, SNYAN DAR GYI TSOGS BZANG LA MANG BA 'BUL BAR MDZAD CING, KHYAD PAR DU BSTAN PA'I RTZA BA SO SO THAR PA YUN RING DU MI NYAMS SHING GNAS PA'I PHYIR TU DMIGS NAS, RGYAL BA DNGOS DANG DBYER MA MCHIS PA'I SPRUL PA'I SKU JO SH'AKYA MU NE DNGAR MO CHE'I JO BO GNYIS LA DGE SBYONG GI RTAGS GSIL BYED DANG LHUNG BZED, SNAM SBYAR DANG BCAS PA RNAMS 'BUL BA MDZAD DE, BSTAN PA RIN PO CHE CHOS KYI RGYAL PO TZONG KHA PA CHEN PO'I DGONGS PA RIN PO CHE JI LTA BA BZHIN DU MI NYAMS PAR YUN RING DU RGYAS PA DANG, GANGS LJONGS 'DIS MTSON PA'I YUL GRU MTHA' DAG BDE ZHING SKYID PA DANG, LO LEGS SHING BDE SKYID PHUN SUM CHOGS PA 'BYUNG BA'I SMON LAM GSOL 'DEBS DANG BCAS PA NAN TAN DU MDZAD, 'DI DUS SNGA PHYI NGES MED DU DGE SLONG BSTAN 'DZIN, DKA' BCU DGE LEGS, DGE SLONG BSOD NAMS TSUL KHRIMS, BLA MA 'PHAGS PA DON GRUB, DGE SLONG BLO BZANG SHES RAB, DKA' BCU BLO BZANG DAR RGYAS RNAMS SO SO NAS PHUR BU LCOG TU DGE SLONG RNAMS LA SEMS BSKYED MCHOD PA BSHAMS PA'I TSOGS DBUR RJE BLA MA 'DI NYID SPYAN DRANGS TE ZHABS PAD YUN RING DU BRTAN PA'I GSOL BA RGYA CHER BTAB PA LTAR, ZHAL GYIS BZHES SHING SEMS BSKYED KYI GSUNG BSHAD RMAD DU BYUNG BA DANG, KHYAD PAR DU BYANG CHUB LAM GYI RIM PA LA BLO SBYONG MKHAN SHIN TU DKON PA'I GSUNG BSHAD YANG YANG GNANG ZHING, RJE RGYAL BA GNYIS PA'I DUS MCHOD KYI MCHOD GTOR SOGS RGYA CHER 'BUL BAR MDZAD NAS, DGUN MTSAMS SOGS SNGAR LUGS LTAR MDZAD, ME YOS GNAM LO GSAR DU

BZHAD PA'I RTEN 'BYUNG GI SGO 'PHAR BRGYA PHRAG PHYE BAR MDZAD DE, 'DOD KHAMS DBANG MOR TSES GTOR GYI MCHOD PA RGYA CHEN PO 'BUL BA DANG, SGRUB SDE PHAN TSUN GYI SEMS BSKYED MCHOD PA SOGS SNGAR RGYU NA LTAR RGYA CHER MDZAD CING, PHO BRANG CHEN POR SKYABS MGON RGYAL BA'I DBANG PO'I MJAL ZHUR PHEBS NAS PHAN TSUN GYI GSUNG GLENG DANG LONGS SPYOD KYI DGA' STON SHIN TU 'PHEL BAR SPRO BZHIN DU BZHUGS NAS, DGA' LDAN KHANG GSAR DU'ANG PHEBS, LHA LDAN SMON LAM CHEN MOR MANG JA'I BSNYEN BKUR DANG JO SH'AKA RNAM GNYIS LA BSNYEN BKUR SOGS SNGAR LTAR GNANG, ZLA BA GNYIS PA'I TSES LNGA LA BOD KYI SRID SKYONG CHEN PO PHO LHA BA BSOD NAMS STOBS RGYAS DUS KYI CHOS NYID DU GYUR PA LA, TSE LAS 'DAS PA BAR DO DANG NGAN 'GRO'I 'JIGS SKRAG LAS SGROL BA'I THUGS DAM ZAB MO'I CHO GA MDZAD PA'I RDO RJE SLOB DPON DU SBYAN 'DREN ZHUS PA LTAR THUGS BRTZE BA CHEN POS PHEBS TE ZHAG SHAS KYI BAR DU GSANG BDE 'JIGS GSUM GYI CHO GA THUGS DAM TING NGE 'DZIN ZAB MO DANG BCAS TE LEGS PAR MDZAD NAS, BDE STONG DBYER MED PA'I TING NGE 'DZIN BRTAN POS SKU GSHEGS PA GANG GIS TSE RABS THOGS MED PA NAS BSAGS PA'I SDIG LTUNG BAG CHAGS DANG BCAS PA LHAG MA MA LUS PAR CHOS KYI DBYINGS SU BYANG BA'I SPYAN DMIGS RNAM PAR DAG PA MDZAD, DE LTAR CHO GA MDZAD ZIN PA'I MJUG TU RJE BLA MA NYID KYIS PHYAG BDAR TE BSGRUB PA'I KHRUS CHU PHUNG POR LUGS BAR MDZAD PA SOGS THUGS BRTZE BA CHEN POS BKA' DRIN BSKYANGS SHING, ZHAG SHAS SHIG DKYIL 'KHOR SGRUB MCHOD SOGS RGYA CHER MDZAD NAS, LHA SA'I DUR KHROD RAGS KHAR

, ,GANG ZAG RANG BZHIN BSREG SBYANGS KYI LUGS SU BYA BA'I SROL GYIS SREG KHANG BRTZIGS TE TZANDAN LA SOGS PA'I SHING DRI ZHIM PO MANG PO GTZIR TE BSREG PA'I BYA BA MDZAD DE, DPAL RDO RJE 'JIGS BYED CHEN PO'I ZHI BA'I SBYIN SREG MDZAD PA'I RDO RJE SLOB DPON DPAL LDAN BLA MA DAM PA 'DI NYID KYIS MDZAD CING, CHO GA'I BYA BA RGYUD SMAD BGRES SONG LNGA BCU SKOR GYIS MDZAD PA THAMS CAD LA DGA' LDAN KHANG GSAR NAS KYANG BSNYEN BKUR ZHABS TOG PHUN SUM TSOGS PA DANG BCAS ZHUS, RJE BLA MA 'DI NYID NAS THUGS BRTZE BA CHEN POS DGONGS TE, MI DBANG GI DGONGS RDZOGS SU DMIGS NAS LHA SA'I SKU RIN PO CHE RNAMS LA STONG MCHOD DANG SNYAN DAR, BKA' CHOS CHEN MOR MANG 'GYED DANG LO KHA SHAS KYI BAR DU DUS MCHOD BCAS MDZAD, DE NAS RING PHOR MI THOGS PAR GONG MA CHEN PO'I BKAS DA LAS SB'A DUR LA BOD KYI SRID SKYONG GI GO SA GNANG BA LA GNANG SKYES SOGS STZAL TE, LHA CHOS DANG MI CHOS GNYIS KA'I BSLAB BYA RGYA CHER GNANG ZHING, KHYAD PAR DU BDAG MED KYI RI DVAGS LA SNYING RJE BYED DGOS PA'I RGYU MTSAN DANG, CHANG LA SOGS PA BAG MED PAR 'THUNG NA MI YONG BA'I BKA' ZHIB TU GNANG, ZLA BA GSUM PA'I NANG DU CHAB MDO DPON SLOB ZHI BA LHA, LCAGS RA SPRUL SKU, SGRUB KHANG SPRUL SKU, MKHAR RDO SPRUL SKU SOGS SER 'BRAS KYI BLA MA DGE BSHES MDO SNGAGS KYI GO BA'I GNAD YONGS SU RDZOGS PA RNAMS KYIS DBUS DGE 'DUN STONG PHRAG BRGAL BA LA BYANG CHUB LAM GYI RIM PA'I KHRID 'JAM DPAL DBYANGS KYI ZHAL LUNG GI KHRID SEMS BSKYED MCHOD PA DANG BCAS PA LJAGS BSHAD SHIN TU RGYAS PA DANG BCAS PA STZAL ZHING ,GZHAN

YANG GCOD STAN THOG GCIG MA'I KHRID DANG ZAB LAM NAM MKHA' SGO 'BYED KYI DBANG, 'JAM DKAR, SMAN BLA, BCU GCIG ZHAL BCAS KYI RJES GNANG DANG, GTOR MA BRGYA RTZA, CHAB GTOR, 'BYUNG GZHI, BRUL GTOR, KLU GTOR BCAS KYI KHRID LUNG, BDE SMON ZHING MCHOG SGO 'BYED MA, GSANG 'DUS SMON LAM, BZANG SPYOD, BYAMS SMON, GDUGS SHER, GNAS BCU, LTUNG BSHAGS BCAS KYI LJAGS LUNG DANG, LO LTAR GYI SMYUNG GNAS DANG, RGYUD PA SOGS DON GNYER CAN SUM BRGYA SKOR LA BSKYED RDZOGS KYI KHRID SOGS 'CHAD NYAN BSTAN PA RIN PO CHE DBU 'PHANG MTHO NGES PAR MDZAD, GZHUNG SGER DANG GZIMS SHAG SOGS NAS 'GYED SNA GSUM SOGS BSNYEN BKUR PHUL DU PHYIN PA GNANG, MJUG TU RGYUD GRVA PA BRGYA SKOR DANG BCAS GTANG RAG BSKANG GSO SOGS SHIN TU RGYAS PA MDZAD, DBANG DA LAS DANG GUNG YE SHES TSE BRTAN BCAS NAS KHUR BLANG GIS MI DBANG DE NYID KYI DGONGS RDZOGS SU BZHENGS PA'I DNGUL GDUNG RIN PO CHE DANG, BKA' 'GYUR GSAR BZHENGS SOGS LA DPAL LDAN SMAD RGYUD GRVA TSANG PA'I DGE 'DUN 'GA' ZHIG DANG BCAS TE RAB GNAS RGYAS PAR MDZAD, RJE BLA MA NYID KYANG DGE BA'I RTZA PA DE RNAMS BGYID PA'I THEBS SU GSER DNGUL, PHRA RGYAN, DAR ZAB, RTEN BZHENGS PA RNAMS LA JA KHA SHAS DANG 'GYED SKAR LNGA RE, KHA BTAGS KYI GNANG SBYIN SPAM CHE BA STZAL, ZLA BA DRUG PA'I NANG DU DBYAR ZHAL BZHES DANG DBYAR MTSAMS SNGAR BZHIN MDZAD DE, SER 'BRAS GNYIS KYI RIGS GRVAR MANG 'GYED DANG, RI BO DGE LDAN, GSANG PHU, RA SGRENG, RTZED THANG DGA' CHOS SOGS GRVA TSANG KHAG LA MANG 'GYED, SPYI 'BUL SOGS RGYA CHER STZAL, ZLA PA BRGYAD PAR

, ,MKHAS MANG 'DUS PA'I SDE CHEN PO DGU BRGYA TZAM LA BDE LAM GYI BKA' KHRID RGYAS PA MANG 'GYED SOGS LUGS GNYIS KYI BKA' DRIN BLA NA MED PA MDZAD, DE DAG GI BAR DU RAB BYUNG BSNYEN RDZOGS SOGS 'DOD CHOS MANG DU GNANG, PHO BRANG CHEN POR SKYABS MGON RGYAL DBANG THAMS CAD MKHYEN PA'I MJAL PHYAG LA PHEBS NAS MAndAL DAR TSON SNA LNGA'I SNE 'DOGS CAN, SKU GSUNG THUGS RTEN, MDZOD GOS DMAR PO DANG DUR SMRIG YUG RA BCAS 'BUL BAR MDZAD CING GANG SPYI'I GSUNG GLENG SHIN TU 'PHEL DOS, DNGUL SRANG CHEN BRGYA PHRAG SOGS KYI GNANG SBYIN RMAD DU BYUNG BA GNANG, ZLA BA BCU PAR LNGA MCHOD SOGS RGYAS PAR MDZAD DE DGUN THOG GI RING THUGS DAM ZAB MO LA BZHUGS, GRVA TSANG KHAG LA DGUN CHOS RING MANG 'GYED GANG THON RE GNANG, SA 'BRUG GNAM LO GSAR TSES KYI DUS GTOR SOGS DANG SGRUB SDE PHAN TSUN GYI SEMS BSKYED RNAMS SNGAR RGYUN BZHIN DANG, SER RTZER DGE SLONG BYAMS PA THABS MKHAS, RA KHA BRAG TU DGE SLONG TSE RING DPAL 'BYOR, GNAS SHAR CHOS MDZAD GSUM SO SO NAS SGRUB SDE GSUM LA SEMS BSKYED KYI MCHOD PA RMAD DU BYUNG BA SBYAR TE, DE'I TSOGS DBUR DAM PA NYID SPYAN DRANGS NAS ZHABS BRTAN BSNYEN BKUR PHUN SUM TSOGS PA MDZAD CING, PHYI DRO SEMS BSKYED GSUNG BSHAD SO SOR RUS PA CAN GZHAN DANG MI 'DRA BA RE RE GNANG, DE NAS PHO BRANG CHEN POR RGYAL DBANG THAMS CAD MKHYEN GZIGS CHEN PO MJAL ZHUR PHEBS TE, DNGUL DKAR GYI MAndAL SOGS 'BUL BAR MDZAD, DGYES PA'I GSUNG GLENG ZHIB PAR GNANG ZHING GSOL RAS GNANG SBYIN RGYA CHER STZAL, DA LAS SB'A DUR NAS KYANG BSNYEN BKUR

BLA NA MED PA ZHUS, SMON LAM CHEN MO DANG BKRA SHIS LHUN POR MANG 'GYED DANG MCHOD PA SOGS RMAD DU BYUNG BA MDZAD, JUN SGAR GYI MI SNA RNAMS KYIS G-YON RU'I DPON CHEN PO TSE DBANG RDO RJE RNAM RGYAL NAS GUS PA CHEN POS PHUL BA'I ZHU YIG DANG, LHA RDZAS GSER SRANG GANG, DNGUL SRANG LNGA BCU THAM PA, MANG DZU'I YUG ,P'A SI YUG ,MAN DUR MA YUG ,SBU THAR YUG ,SBU HAR BUGS, MGO SNAM SOGS KYI RTEN DANG, GSUNG BRTAG LE TSAN, DPON JA'I SANG SOGS NAS SKYABS 'JUG ZHU RTEN SOGS MANG DU PHUL BA RNAMS BDAG GIR MDZAD, SO SOR DNGOS PO'I GNANG SKYES SOGS DANG BYIN RTEN LE TSAN BCAS GNANG, 'DI LO LHA SAR 'BRUM NANG MCHED TSABS CHE BAR BRTEN LAM KHRID 'CHAR CAN GNANG BA MA THUB PA'I TSUL BYUNG YANG CHA BA MDO BLA MA KUN RDOR GYIS DBUS DGE SLONG RNAMS LA MDO SDE LAS BRGYA PA, KHRI SNA TSOGS, DKON BRTZEGS, MDZANGS BLUN SOGS KYI LUNG GNANG ZHING, SA ZLA'I DUS CHEN NYIN NYE GNAS RAB 'BYAMS PA BLO BZANG DAR RGYAS NAS RGYU YON SBYAR TE, DGE SLONG BRGYA SKOR GYIS SMYUNG GNAS KYANG GNANG ZHING DE'I TSOGS DBUR BLA MA DAM PA RDO RJE 'CHANG CHEN PO NYID SPYAN DRANGS SHING DNGOS 'BYOR PHUL TE ZHABS BRTAN LEGS 'BUL DANG SKYABS 'JUG SOGS KYANG ZHUS PA DGYES BZHIN BDAG GIR MDZAD, 'DI DUS RJE BLA MA NYID KYI NYE GNAS RAB 'BYAMS PA LA SOGS PA'I 'KHOR RNAMS 'BRUM BU'I NAD MA THAR BA MANG BAR BRTEN, GDUGS DKAR GYI 'KHOR LO BSGRUB PAR MDZAD DE 'DOGS PA GNANG BAS, RDO RJE'I GO KHRAB SKON PA LTA BUR GYUR CES GRAGS, SKU MTSAMS KYI KHONG ZHIG TU CHA BA MDO DPON SLOB SPRUL PA'I SKU NAS ZHUS GNANG GIS BLA MA KUN RDOR,

, ,MGRON GNYER BYAMS BRGYA MTSO SOGS NYUNG BSDUS LA BDE MCHOG LUS DKYIL GYI DBANG GNANG, G-YU THOG MDA' DPON BLO BZANG DAR RGYAS DUS KYI CHOS NYID DU GYUR PAR DGE BA RDZOGS BYANG DU BSNGO BA'I PHYIR SGRUB SDE GSUM LA SEMS BSKYED MCHOD PA'I RGYU YON SBYAR TE DPAL LDAN BLA MA DAM PA NYID TSOGS DBUR SPYAN DRANGS PA BZHIN BSNYEN BKUR RNAMS THUGS BRTZE BA CHEN POS BZHES NAS, TSE LAS 'DAS PA'I SDIG SGRIB MA LUS PA SPYOD BA'I PHYIR DU SEMS BSKYED GSUNG BSHAD BSNGO SMON GYI RGYAS 'DEBS BCAS GNANG, ZLA BA BRGYAD PA'I NANG DU BLA MA DGE BA'I BSHES GNYEN BRGYA PHRAG MANG PO BRGAL BAR BYANG CHUB LAM GYI RIM PA THAMS CAD MKHYEN PAR BGROD PA'I BDE LAM SHIN TU ZHIB CING RGYAS PAR STZAL, LNGA MCHOD DANG DGUN MTSAMS SOGS GONG 'PHEL NAS DGUN GYI DUS SU SKU MTSAMS SHIN TU DAM PA LA BZHUGS, SA SBRUL GNAM LO'I RANG ZHAL GSAR DU BZHAD PA'I DGA' STON DU MA GCIG 'DOD PA KHAMS KYI DBANG PHYUG MAR CHOS GTOR PHUN SUM TSOGS PA DANG, SGRUB SDE GSUM GYI DUS MCHOD SOGS KYI SEMS BSKYED RNAMS SNGAR LHAR GRUB PAR MDZAD, PHO BRANG CHEN PO PO TA LAR RGYAL DBANG BKA' DRIN MTSUNGS PA MED PA SKYABS MGON RDO RJE 'CHANG CHEN PO'I MJAL ZHUR PHEBS NAS, DNGUL DKAR GYI MAndAL DAR TSON SNA LNGA'I SNE 'DOGS CAN, NANG MDZOD DRI MED, GSER SRANG LNGA, DNGUL SRANG BRGYA, JUS DMAR SER YUG BCAS 'BUL BA GNANG ZHING, YUN RING PO'I BAR DU DAM PA'I CHOS KYI DKA' GNAD LAS BRTZAMS TE GSUNG GLENG ZHIB TU GNANG, DE'ANG DPAL LDAN BLA MA

DAM PA 'DI GNYIS ZHAL 'DZOM NAM BYUNG RES KYIS DKA' BA'I GNAD DUM LA GSUNG GLENG MTHA' CHOD PAR GNANG ZHING, RGYAL DBANG RDO RJE 'CHANG THAMS CAD MKHYEN GZIGS CHEN PO'I DE NYID KYI BKA' LAS, BLA MA KHYED LA NGED NAS CHOS MA ZHUS KYANG CHOS ZHUS PA DANG KHYAD PAR MED PA'I DAD PA YOD, DE'ANG JI LTAR YIN ZHE NA, 'DIR NAM PHEBS RES KYIS CHOS KYI GSUNG GLENG ZHIB TU BYAS SHING, DE THAMS CAD SEMS LA PHAN PA BYUNG BAS CHOS ZHUS PA DANG KHYAD PAR MED PAR BYUNG BAS BKA' DRIN CHE ZHES BSNGAGS BRJOD RGYA CHER MDZAD, GZHAN YANG BLA MA GZHAN LA CHOS KYI SKAD CHA DRIS KYANG SBUG SBUG 'DRA BA ZHIG LAS THAG CHOD PA ZHIG YONG GIN MI 'DUG CES KYANG GSUNGS, SKYABS MGON RDO RJE 'CHANG RGYAL DBANG THAMS CAD MKHYEN PA CHEN PO RANG NYID KYI LJAGS SMIN GYI 'BRU CHA'I GRAS NAS GNANG SBYIN KYANG RGYA CHER STZAL, LHA LDAN SMON LAM CHEN MO'I 'DUS SDE CHEN POR MANG 'GYED DANG, JO SH'AKA RNAM GNYIS KYIS MTSON PA'I RTEN GSUM RNAMS LA MCHOD 'BUL THUGS SMON SOGS RGYA CHER STZAL, ZLA BA GSUM PA'I TSES BRGYAD NAS BZUNGS TE LAM KHRID CHEN MO SNGAR LTAR TSUGS PA GNANG ZHING, SMYUNG GNAS DANG BSKYED RDZOGS KYI KHRID SOGS KYANG SNGAR RGYUN LTAR LEGS PAR STZAL, RA KHA BRAG TU LHA SA RGYA MO RONG PAS SGRUB SDE GSUM LA SEMS BSKYED MCHOD PA PHUN SUM TSOGS PA ZHUS TE, RJE BLA MA NYID TSOGS DBUR SPYAN DRANGS PA LTAR PHEBS NAS GSUNG BSHAD RGYA CHER GNANG, LO 'DI'I NANG DU KHO BO CAG DBUS PHYOGS SU RGYAL DBANG THAMS CAD MKHYEN PA CHEN POR DGE TSUL GYI SDOM PA ZHU BA SOGS BYA BA'I CHED DU PHYIN PA LA NYE BAR

, ,DGONGS TE, PHO BRANG CHEN POR PHEBS PA DANG ZHAL MNGON DU GYUR CING, DENG SANG NA TSOD PHRA BA'I DUS SU GEGS CHE BAS CHOS BSRUNG RNAMS DANG KHYAD PAR DPAL LDAN LHA MO DANG TSANGS BA CHEN PO'I BSKANG GSO LA 'BUNGS DGOS ZHES BKA' YANG GNANG, RDO RJE 'CHANG GRUB PA'I DBANG PHYUG BLO BZANG BZOD PA PHUR BU LCAG TU PHEBS NAS, DGE SLONG RNAMS DANG LHAN CIG TU BLA MA MCHOD PA'I TSOGS 'KHOR DANG 'BREL BA'I BRTAN BZHUGS 'BUL BA GNANG ZHING, RJE BLA MA 'DI NYID NAS KYANG DGYES BZHIN DU BZHES TE, GSUNG BSHAD BSLAB BYA DANG BCAS PA RGYAS PAR GNANG, 'DI DAG GI GONG 'OG SNA TSOGS PAR LHA SA GSER BZO BA DANG DUNG BZO BA, RI PO RNAM RGYAL BA, RAB 'BYAMS PA BLO BZANG PHUN TSOGS SOGS SO SO NAS SGRUB SDE GSUM GYI TSOGS DBUR RJE BLA MA 'DI NYID SPYAN DRANGS SHING, ZHABS TOG PHUN SUM TSOGS PA DANG BCAS TE ZHABS BRTAN PHUL BAR DGYES BZHIN DU ZHAL BZHES MDZAD DE GSUNG BSHAD RMAD DU BYUNG BA SER SKYA SO SO'I DGE RTZAL GZENGS BSTOD DANG BSNGO SMON GYI RGYAS 'DEBS RGYAS PAR GNANG, STON GYI DUS SU DGE 'DUN STONG PHRAG GCIG DANG SUM BRGYA SKOR LA BYANG CHUB BDE LAM GYI BKA' KHRID LUNG RIGS MAN NGAG DANG BCAS BAS MTHA' CHOD PA DANG, MJUG TU RNAM BSHAD RIG PA'I RGYA MTSO, t'I KA CHEN DGONGS PA RAB GSAL BCAS KYI LJAGS LUNG YANG GNANG ZHING, MANG 'GYED SOGS KYANG RGYA CHER STZAL, LNGA MCHOD DGUN MTSAMS SOGS BSTAN 'GRO'I BYA BA RGYA CHER MDZAD, ZLA BA BCU GNYIS PA'I MJUG TU AA KA BSOD NAMS BZANG PO'I DGONGS RDZOGS SU SEMS BSKYED MCHOD PA RA

KHA BRAG TU MDZAD PA'I TSOGS DBUR PHEBS NAS, BSNGO BA SMON LAM SOGS THUGS DGONGS RDZOGS THABS RLABS CHE PA'I MDZAD PA BZANG PO BSAM GYIS MI KHYAB PA BSKRUN, LCAGS RTA GNAM LO GSAR DU BZHAD PA'I DUS TSES KYI DGA' STON TSES GTOR DANG SGRUB SDE PHAN TSUN GYI SEMS BSKYED SOGS RGYA CHER STZAL, LHA LDAN SMON LAM CHEN MOR MANG 'GYED DANG 'DI KHA BKRA SHIS LHUN POR YANG MANG JA DANG 'GYED DNGUL SKAR LNGA RE BCAS GNANG, 'DI LO'I BKA' CHOS CHEN MO GNANG BA LA DGA' LDAN KHANG GSAR NAS ZHABS TOG 'BUL DGOS RNAMS MA PHUL ZHING, MI 'DOD PA'I RNAM 'GYUR SNA TSOGS PA BYAS PAS BKA' CHOS GNANG THUB MIN THE TSOM LTA BUR GYUR PA LA, SKYABS MGON GONG SA RGYAL DBANG THAMS CAD MKHYEN GZIGS CHEN PO NAS, LO 'DI NANG DU'ANG RKYEN NGAN PA'I DBANG DU MA SONG BAR BYANG CHUB LAM GYI RIM PA'I BKA' CHOS GNANG DGOS SHING, RJE RGYAL BA GNYIS PA'I BSTAN PA RIN PO CHE'I DPAL DU BGRANG BYA MANG PO'I BAR DU SKU TSE BRTAN PAR BZHUGS NAS, MDO SNGAGS KYI 'CHAD SPEL SOGS BSTAN PA'I DON RLABS CHEN GYI THUGS 'DUN MI 'DOR BA ZHU; ZHES BKA' STZAL PA BZHIN, ZLA BA GSUM BA'I TSES BRGYAD NAS SER 'BRAS KYI BLA MA KHAG ,CHAB MDO ZHIB LHA'I SPRUL SKU, DGE BA'I BSHES GNYEN SOGS STONG PHRAG BRGAL BA LA BYANG CHUB LAM GYI RIM PA'I GSUNG BSHAD ZAB LA RGYA CHE BA MJUG TU SEMS BSKYED KYI MCHOD PA RMAD DU BYUNG BA DANG, NAM MKHA' SGO 'BYED KYI DBANG DANG GCOD KYI BKA' KHRID, GRUB RGYAL LUGS KYI TSE DBANG RGYAS PA, 'JAM DBYANGS DMAR SER GYI RJES GNANG, SMYUNG GNAS, BSKYED RDZOGS, RGYUD GRVA BA BRGYA SKOR GYIS BSKANG GOS

, ,SOGS SNGAR BZHIN GNANG, 'DI LO DGA' LDAN KHANG GSAR NAS BSNYEN BKUR ZHABS TOG SOGS MA ZHUS MOD, DAD PA CAN RNAMS KYIS SNGAR BAS KYANG RGYA CHE BA LTA BU SGRUBS, DBYAR GNAS KYI DUS SU SKU MTSAMS DANG DGAG DBYE LJONGS RGYU SOGS DANG, STON DUS SU GNANG BA'I BYANG CHUB BDE LAM GYI BKA' KHRID SOGS KYANG YAR ZLA LTAR 'PHEL BAR BZHUGS, 'DI LO DA LAS SB'A DUR NAS RJE BLA MA RDO RJE 'CHANG RGYAL DBANG THAMS CAD MKHYEN GZIGS CHEN POR YANG MCHOG TU MA GUS PA'I RNAM 'GYUR DANG, RJE BTZUN BLA MA DAM PA 'DI NYID LA'ANG MA GUS PA'I RNAM 'GYUR SHIN TU CHE BAS TSIG RTZUB MO MANG DU YOD PA'I ZHU SHOG KYANG YANG YANG PHUL ZHING, BKA' 'DRI ZHU BA SOGS 'TSUB 'GYUR CHE BAR BYUNG BA DE RNAMS ZHI BA'I CHED DU DGONGS NAS, BKA' DRIN MTSUNGS PA MED PA RGYAL DBANG THAMS CAD MKHYEN GZIGS CHEN POR DNGUL RTA RMIG MA, GSER, GOS CHEN, G-YANG tI DANG, SHEL DPYAD BCAS 'BUL BAR MDZAD DE, SKYABS 'JUG ZHU BA MDZAD PAS, RGYAL DBANG THAMS CAD MKHYEN GZIGS CHEN PO NAS BKA' LAN DU, MTSAN LDAN DGE BA'I BSHES GNYEN CHEN PO NAS, GSUNG BRIS DANG SKYABS 'JUG DGOS TSUL GYI RTEN KHA BTAGS NANG MDZOD, G-YANG tI'I ME DAM, SHEL DKAR PO'I PHOR BA BCUD LDAN, DNGUL SRANG LNGA BCU THAM PA, GOS TSOS KHA SNA TSOGS YUG LNGA BCAS GNANG BAS YID SPRO BA 'PHEL, DA LTA SKU KHAMS DVANGS SHING, LHAG DON BDE LAM DMAR KHRID LA TSOGS PA SHIN TU RGYA CHE BA BCAS GANG SBYIR GEGS MED GNANG THUB PA DE SHIN TU LEGS, DA DUNG YANG NYID LTA BU'I YONGS SU RDZOGS PA'I DGE BA'I BSHES

GNYEN THUB BSTAN 'DZIN SKYONG GI BYA BA BYED NUS PA RE RE TZAM GYIS KYANG BSTAN PA DANG 'GRO BA'I DON RLABS PO CHE 'BYUNG BA GDON MI ZA BAS, SNYIGS MA'I SPYOD TSUL GYIS THUGS MI NGAL BA NAS, SNYING STOBS KYI GO CHA BTZAN PO BZHES TE 'TSO GZHES DANG SKU RIM LA THUGS BRTZON GANG CHE NAS, SKU NGOS KYI THUGS DAM 'CHAR CAN SKABS TSOR BDUD RTZI 'BEBS SBYANGS SOGS LA SBYAN DMIGS KYIS KHA BSGYUR BAS MTSON SKU TSA'I BSGRUB PA YANG MI G-YEL NGOS, SENG DBAR DU SNOD LDAN GYI SLOB MAS BKA' CHOS KYI RIGS ZHUS PA TSOR YANG BSTAN PA LA DGONGS NAS THUGS 'DOR MED PA CIS KYANG ZHU, NGOS LA NUS PA CI MCHIS KYANG, DKON MCHOG LA GSOL BA BTAB NAS BZHED DON 'GRUB PA'I SMON 'DUN KYANG ZHU BA GZHIR BCAS PAS THUGS MTSOR BSTIB 'TSAL, RTEN RAB DKAR LHA RDZAS, DNGUL SRANG LNGA BCU, MDZOD GOS YUG BCAS, TSES BZANG POR NANG LUGS SU PHUL, ZHES KYANG STZAL, 'DI KHAR YANG, GSER DNGUL SHEL DPYAD SNA TSOGS KYI DNGOS PO GNANG BA LTAR, ZHABS BRTAN GYI BLO 'DUN GANG SHES ZHUS SHING, GRUB PA'I DBANG PHYUG DAM PA KHRI CHEN NO MIN HAN LA SKYABS 'JUG ZHU BA GNANG RTEN NANG MDZOD, DNGUL RTA RMIG MA, GOS YUG BCAS KYANG 'BUL BA GNANG, SER 'BRAS DGE GSUM, RGYUD STOD SMAD, GSANG PHU BCAS LA MANG 'GYED KYANG STZAL, 'GYUR MED RNAM RGYAL NYID BSOD NAMS DMAN SBYOD DUS SU BDO BAS, ZLA BA DGU PA'I TSES NYER GNYIS KYI NYIN STAG RTZE NAS TSE SGRUB MDZAD DGOS RGYU YIN TSUL GYI BSNYAD BTAGS BYAS PA'I NYAMS NON BYED MI G-YOG GSUM BTANG NAS, MDZAD SPYOD RNAMS LA MI 'OS PA'I

, ,DO DAM SNA TSOGS DANG THO 'DEBS PA SOGS BYAS PAR BRTEN RJE BLA MA NYID THA MAL TSUL BZHES KYI 'JIGS PA DANG BAG TSA BA LA SOGS PA'I TSUL BZHES SKAD CIG KYANG MED MOD, SDIG PA'I LAS BYED PA DE LA THUGS BRTZE BA CHEN POS DGONGS TE; SKU MTSAMS DAM PO'I NGOS NAS MA GCIG 'DOD PA KHAMS KYI DBANG PHYUG MA'I THUGS RGYUD GNANG NAS BSKUL BA MDZAD CING, DE NI BAR GCOD BYED PA PO DE RNAMS LA, AEM HO, SKYE BO NGAN PA MA RIG PA'I 'GRIB KYIS BLANG DOR GYI MIG LONG PA 'DI RNAMS NGAN SONG NGAN 'GRO LOG PAR LHUNG BA'I G-YANG KHA 'JIGS SU RUNG BAR CHED DU GNYER NAS 'JUG PA DE RNAMS SNYING RE RJE SNYAM DU DGONGS NAS, DE DAG GI SDIG PA SBYONG BA'I PHYIR CHOS BSRUNG RNAMS BSKUL BA LA SOGS PA RGYAL BA'I SRAS KYI SPYOD PA RMAD DU BYUNG BA NYAMS SU BZHES PA YIN, DGUN CHOS KYI THOG SNYE THANG RA BSTOD DANG SE RA'I GRVA TSANG KHAG GSUM BCAS LA MANG JA SBYOR SBREL DANG, 'GYED DNGUL SKAR PHYED BRGYAD RE GNANG, LNGA MCHOD DANG DGUN MTSAMS SOGS KYANG SNGAR BZHIN MDZAD, LCAGS LUG GNAM LO GSAR DU BZHAD PA'I DPAL LDAN LHA MO'I DUS GTOR SGRUB SDE GSUM GYI SEMS BSKYED MCHOD PA SOGS SNGAR BZHIN GNANG ZHING, LHA LDAN SMON LAM CHEN MOR MANG 'GYED SOGS SNGAR BZHIN DANG, BKRA SHIS LHUN POR MANG JA GSUM DANG 'GYED KHA BTAGS SKYA CHEN RE BCAS GNANG, 'DI DAG GI SNGA PHYI NGES PA MED PAR KHAMS TSA BA DGE SLONG YE SHES TSUL KHRIMS, DGE SLONG YE SHES DPAL LDAN, TSA BA'I TSONG DPON AA 'PHEL MA BCAS SO SOS SGRUB SDE GSUM LA SEMS BSKYED MCHOD PA ZHUS PA'I TSOGS DBUR SPYAN DRANGS

TE; ZHABS TOG DANG 'BUL BA PHUN SUM TSOGS PA BCAS PHUL TE, THEG PA CHEN POR SEMS BSKYED PAR GSOL BA BTAB PA BZHIN, GSUNG RUS PA CAN RE RE DANG BCAS TE SEMS BSKYED PAR MDZAD, RA KHA BRAG TU YA SOR CHE THAR GYI DGE RTZAR LHA SA NANG NUB AA LCE SANGS RGYAS KYIS SGRUB SDE GSUM LA SEMS BSKYED MCHOD PA, SKYABS MGON RDO RJE 'CHANG CHEN PO NYID LA ZHABS BRTAN, DGE 'DUN LA BSNYEN BKUR BCAS ZHUS PA RNAMS LA THUGS BRTZE BA CHEN POS SEMS BSKYED KYI GSUNG BSHAD SHIN TU RGYA CHE BA DANG, BSNGO SMON GYI RGYAS 'DEBS YANG DAG PA GNANG, DE DUS GUNG PAndI TAS BOD KYI KHUR LEN RE SHIG BYAS PA'I DUS SU BSLAB BYA YANG DAG PA GNANG ZHING, DE NAS RING POR MI THOGS PAR GONG MA CHEN PO'I LUNG GIS BOD LJONGS KYI CHOS SRID DANG RGYAL SRID THAMS CAD BKA' DRIN MTSUNGS PA MED PA RGYAL DBANG THAMS CAD MKHYEN GZIGS CHEN PO NYID NAS MDZAD DGOS PA'I BKA' PHEBS PA LTAR, SEMS CAN THAMS CAD LA THUGS BRTZE PA CHEN POS DGONGS TE ZHAL GYIS BZHES PA LTAR, PHO BRANG CHEN POR CHIBS KYI KHA LO BSGYUR TE THUGS RJE CHE TSUL GYI BSLAB DON ZHIB CHAR ZHU BA GNANG, DE SKABS GONG SA RGYAL DBANG THAMS CAD MKHYEN GZIGS CHEN PO NAS, BSTAN 'DZIN GYI SKYES BU RNAMS KYI SKU TSE RING DU SPEL BA SOGS LA DGONGS NAS, PHO BRANG CHEN PO'I CHOS RGYAL LHA KHANG DU RJE BLA MA 'DI NYID KYI BZHUGS GNAS PHUR BU LCOG NAS TSE SGRUB PA DGE SLONG DGOS TSUL GYI BKA' GNANG BA LTAR, SGRUB SDE CHEN POR BKA' KHYAB GNANG ZHING, RE SHIG THUGS DAM ZAB MO'I BCAD RGYAL BZHUGS, LO LTAR 'CHAR CAN GYI BKA' CHOS CHEN MOR GDAN SA CHEN PO BZHIS GTZOS PHYOGS

, ,'DUS KYI DGE 'DUN GRVA TSOGS CHE BA LA 'CHAD NYAN LHAG PAR 'PHEL BAR BZHUGS TE SEMS BSKYED MCHOD PA'I DUS SU LHA MI'I SKYABS MGON RGYAL DBANG THAMS CAD MKHYEN GZIGS CHEN PO NAS SKU TSAB CHED MNGAGS GNANG STE BKA' RGYA MAndAL, SKU GSUNG THUGS RTEN, DBU PAn SNE RING, SANGS RGYAS SKU SHA MA'I SKU BER SOGS NA BZA' CHA TSANG, DNGUL SRANG NYIS BRGYA SOGS GNANG CHA GYA NOM PA GNANG ZHING, MANG JA SHING RGYUGS SOGS SRID SKYONG BA RNAMS YOD PA'I DUS LAS KYANG BZANG BTZAM GNANG, SA ZLA'I DUS TSES BZHI'I NYIN MKHAR RDO SPRUL PA'I SKU LA BSNYEN RDZOGS KYI SDOM PA STZAL, SMYUNG GNAS DANG BSKYED RDZOGS SOGS BSTAN PA RIN PO CHER SMAN YON DU GYUR PA'I MDZAD PA SNGAR LAS KYANG YAR ZLA LTAR BZHUGS, DBYAR GNAS KYI DUS SU DBYAR MTSAMS DAM PO LA BZHUGS SHING, DGAG DBYE GROL NAS PO TA LAR PHEBS TE SKYABS MGON RGYAL DBANG RDO RJE 'CHANG CHEN PO RIGS DANG DKYIL 'KHOR RGYA MTSO'I MNGA' BDAG BKA' DRIN MTSUNGS PA'I ZLA THAMS CAD DANG BRAL BA'I DPAL LDAN BLA MA DAM PA'I DRUNG NAS PHYAG RDOR 'KHOR LO CHEN PO'I DBANG CHEN GSAN PAR MDZAD, ZLA BA BRGYAD PA'I DUS SU SER 'BRAS DGE GSUM GYI DGE 'DUN MKHAS PA'I DBANG PHYUG STONG PHRAG TU NYE BAR BYANG CHUB BDE LAM GYI BKA' KHRID SHIN TU RGYAS PAR GNANG ZHING, RAB BYUNG BSNYEN RDZOGS SOGS 'DOD CHOS KYANG MANG DU GNANG, DGE BSHES SNYAN GRAGS, 'A SHUR CHOS GRAGS, RAB 'BYAMS PA BSOD NAMS DAR RGYAS, DGE 'PHEL RAB 'BYAMS PA 'PHRIN LAS BCAS NAS BSKUL MA MDZAD DE, MKHAS 'DUS MANG PO LA 'GREL PA BZHI SBRAGS KYI BKA' CHOS ZAB CING RGYA

CHE BA SA LA GNAS PA'I BYANG CHUB SEMS DPA' CHEN PO RNAMS KYI'ANG BLO GROS 'KHYOGS LA 'PHYAD BAR 'GYUR BA'I SGYU 'OD ZUNG GSUM 'DREN BYED KYI THABS DBEN PA GSUM DANG BCAS PA RGYUD LA BSKYED PA'I SA BON DRUNG PO RIM PA DANG PO DANG BCAS PA LA DER TSOGS KYI DGE 'DUN THAMS CAD MYONG BA THON NGES PA'I ZHIB BSHAD DANG BCAS PA RGYAS PAR GNANG, SER 'BRAS DGE GSUM GYIS GTZOS PA'I DGON SDE KHAG LA MANG JA DANG 'GYED BCAS SNGAR BZHIN GNANG, ZLA BA DGU PA'I DUS SU BDAG CAG RNAMS KYI BSOD NAMS KYI ZHING DAM PAR SLAR YANG PHYOGS 'DIR 'BYON PAR BZHED DE, GTZANG GI PHYOGS SU CHIBS KHA BSGYUR BA'I THOG MAR SNYE THANG 'OR DU MCHOD 'BUL SNYAN SHAL THUGS SMON DANG BCAS PA MDZAD, DE NAS RONG BYAMS CHEN DU MCHOD 'BUL SNYAN SHAL THUGS SMON DANG BCAS PA DANG RAB BYUNG BSNYEN RDZOGS KHA SHAS, SKYE BO GRANGS LAS 'DAS PAR BSNYEN GNAS KYI SDOM PA CHOS 'BREL DU STZAL, TSOGS YONGS LA MANG 'GYED DANG BLA MCHOD BDE STONG DBYER MED MA'I KHRID BCAS GNANG ZHING, RIM GYIS CHOS GRVA CHEN PO 'DIR ZHABS KYI PADMO RAB TU BKOD, KHO BO CAG LA THUGS BRTZE BA CHEN POS NYE BAR DGONGS TE, 'GAL RKYEN MA LUS PA ZHI BAR BYA BA'I PHYIR DPAL RDO RJE RNAM 'JOMS KYI BYABS BSRUNG DANG RJES GNANG, DMIGS BRTZE MA'I LUNG DANG GDUGS DKAR SOGS KYI RJES GNANG BCAS DANG, MGON KHANG PA RNAMS DANG LHAN CIG TU TSE CHO YUN DU SPEL BA'I BDEN TSIG DNGOS PO'I GNANG SKYES GYA NOM PA DANG BCAS TE STZAL, CHOGS CHEN DANG GRVA TSANG KHAG LA MANG JA DANG GA JA SKU 'GYED BCAS GNANG ZHING, SLOB DPON RIN PO CHE RJE ZHAL SNGA NAS THOS BSAM GLING PAS GSOL 'DEDS MDZAD PA

, ,LTAR, DGE 'DUN GYI SDE LA BYANG CHUB LAM GYI RIM PA THAMS CAD MKHYEN PAR BGROD PA'I BDE LAM GYI LJAGS KHRID RGYAS PAR GNANG, GZHAN YANG DON GNYER BA DU MAR SGROL MA, GDUGS DKAR, GNAS BRTAN BCU DRUG BCAS KYI RJES GNANG DANG, TSE DBANG ZAB MO BRGYUD GZHUNG GI LUNG BCAS GNANG, NYIN GCIG SNAR THANG DU CHIBS KHA BSGYUR NAS RTEN RNAMS LA MCHOD MJAL, SNYAN SHAL DANG MCHOD 'BUL, DGE 'DUN GYI SNGER MANG 'GYED BLA MCHOD DANG RDOR SEMS SGOM BZLAS KYI LUNG BCAS STZAL, KHO BO CAG GI 'DUG GNAS SU SBYAN DRANGS TE BSNYEN BKUR ZHUS SHING, CHOS KYI DKA' GNAD CHER MI SHES MOD, 'ON KYANG RANG BLO LA 'CHAR TSUL GYI RIGS 'PHRAN 'PHRAN YOD PA RNAMS ZHUS PAR DGYES BZHIN DU BKA' LAN ZHIB RGYAS SU STZAL, DE NAS SLAR YANG RIM BZHIN DBUS PHYOGS SU CHIBS KHA BSGYUR TE PAD TSAL DU PHEBS, NGO MA RNAMS LA TSE RTA'I DBANG ZAB RGYAS GNANG, MTSAN SGROG PA RI KHROD PHAN TSUN GYI DGE 'DUN 'DUS TSOGS CHE BAR SEMS BSKYED MCHOD PA SHIN TU RGYAS PA GNANG, 'BRONG RTZER BZHUGS ZHAG THOG BKA' BLON PHA BU LA TSE DBANG STZAL ZHING, DGA' BZHIR GSER GYI BKA' 'GYUR GSAR BZHENGS LA SRANG RGYUD PA BLA GRVA LNGA BCU SKOR GYIS ZHABS 'GYUR ZHUS NAS, NYIN GSUM GYI BAR RAB GNAS RGYAS PAR GNANG, DAD LDAN SHIG SON MANG PO'I SKYABS ZHU'I RTEN PHO MO'I RGYAN GOS SOGS DNGOS PO SNA TSOGS PHUL BA RNAMS DGA' BZHIR 'JOG PA GNANG NGOS, GNAS BCU'I GRAS THANG NYER GSUM BZHENG RGYU DANG, DE LA MA RDZOGS PA'I 'PHROS RNAMS RGYAL RTZER SMAN BLA GTONG BA'I THEBS BYED

DGOS PA'I BKA' GNANG, SRAD RGYUD PA LA MANG 'GYED GZAB RGYAS DANG, BLA GRVA RNAMS DANG DGA' BZHI'I YUM BCAS LA DPAL RDO RJE 'JIGS BYED KYI DBANG CHEN, CHOS RGYAL GYI RJES GNANG, SMAN BLA'I LUNG, TSE DBANG RNAMS ZAB RGYAS GNANG, NYIN GCIG RTZE CHEN DU PHEBS, MCHOD 'BUL, SNYAN SHAL, MANG 'GYED GZAB RGYAS DANG SBYI RDZAS GOS CHEN BCAS GNANG ZHING, SMAN BLA DANG RNAM 'JOMS KYI RJES GNANG YANG STZAL, DGA' BZHI NAS DPAL 'KHOR CHOS SDER PHEBS, DPAL CHOS KYI 'DUS TSOGS LA SMAN BLA'I RJES GNAD DANG SMAN CHOG YID BZHIN DBANG RGYAL GYI LUNG, MCHOD 'BUL DANG SNYAN SHAL, MANG 'GYED RNAMS GZAB RGYAS DANG, RI LDING PAR RNAM 'JOMS KYI RJES GNANG, GRVA JA DANG KHA BTAGS KYI PHYAG 'GYED DANG GUR PA LA'ANG GONG MTSUNGS STZAL, RGYA GRAGS DGON PAR GSOL TSIGS DANG RAB GNAS, DAD LDAN MAD PHOS PHUL BA'I DNGOS PO RNAMS DGON PA DE'I MANG 'GYED KYI THEBS SU STZAL, DE NAS RIM GYIS PHO BRANG CHEN PO PO TA LAR PHEBS, RGYAL BA THAMS CAD 'DUS PA'I BDAG NYID GONG SA RGYAL DBANG THAMS CAD MKHYEN GZIGS CHEN PO'I MJAL PHYAG ZHU BA GNANG ZHING, GAD SBYI'I GSUNG GLENG ZHIB PAR GNANG, DGUN GYI DUS SU THUGS DAM ZAB MO'I BCAD RGYAR BZHUGS, CHU LO SPRE'U'I GNAM LO GSAR DU BZHAD PA'I DGA' STON DU SEMS BSKYED SOGS SNGAR BZHIN GNANG, YANG SNGA PHYI NGES PA MED PAR MKHAR RDO BLO BZANG PHUN TSOGS, DGE SLONG THUB BSTAN NOR BU, SBRA SHOG TSE BRTAN BKRA SHIS BCAS SO SO NAS SGRUB SDE BZHI LA SEMS BSKYED MCHOD PA'I RGYU YON SBYAR TE, TSOGS DBUR DAM PA NYID

, ,SBYAN DRANGS, 'BUL BA ZHABS TOG RMAD DU BYUNG BA DANG BCAS TE GSOL BA BTAB PA LTAR, PHYI DRO'I DUS SU SEMS BSKYED KYI GSUNG BSHAD ZHIB TU GNANG STE, SANGS RGYAS CHOS TSOGS MA'I SGO NAS SKYABS 'GO SEMS BSKYED BSNGO SMON GYI RGYAS 'DEBS DANG BCAS PA GNANG, ZLA BA DANG PO'I TSES BCU GNYIS LA GANGS CAN 'GRO BA'I MGON PO PAD DKAR 'CHANG BA RGYAL DBANG THAMS CAD MKHYEN GZIGS CHEN PO LHA SA SMON LAM GYI 'DUS PA RGYA MTSO LTA BU'I DBUS SU SPYAN 'DREN PAR MDZAD NAS, DNGUL DKAR GYI MAndAL CHE LEGS GSER GYI TSOM BU DAR TSON SNA LNGA'I SNE 'DOGS DANG BCAS PA, SKU GSUNG THUGS RTEN, NA BZA' NYER DPYAD CHA TSANG, GSER THUMS, DNGUL RDO TSAD BDUN GYIS GTZOS GOS YUG SNA TSOGS DANG BCAS PA'I TSAN GRANGS BCO LNGA, JA 'KHOR DRUG BCO BRGYAD, SHING TOG LTANG RTZE 'GA' ZHIG RNAMS KYI DNGOS 'BUL MDZAD PA'I THOG ,RJE BLA MA NYID NAS MAndAL PHYAG TU BZHES TE, 'PHAGS PA THUGS RJE CHEN POS DANG POR BYANG CHUB MCHOG TU THUGS BSKYED PA NAS BZUNG STE, SEMS CAN GYI DON ZHING KHAMS DANG YUL GRU SNA TSOGS PAR MDZAD LUGS, KHYAD PAR GANGS CAN GYI LJONGS SU CHOS KYI RGYAL PO SRONG BTZAN SGAM PO DANG 'BROM STON PA RGYAL BA'I 'BYUNG GNAS NAS BZUNG STE, RJE BLA MA BKA' DRIN MTSUNGS MED RGYAL DBANG THAMS CAD MKHYEN GZIGS CHEN PO NYID KYI BAR DU SBYI DANG BYE BRAG GI BSTAN 'GRO'I DON SMRA BSAM BRJOD PA'I YUL LAS 'DAS PA MDZAD LUGS DANG DE DAG LA BKA' DRIN CHE TSUL, DA DUNG SANGS RGYAS KYI BSTAN PA RIN PO CHE'I SNYING PO CHOS KYI RGYAL PO TZONG KHA PA CHEN PO'I BSTAN PA RIN PO CHE 'DI MI

NYAMS SHING PHYOGS DUS KUN TU RGYAS PAR BYA BA'I PHYIR ZHABS KYI PADMO BSKAL PA RGYA MTSO'I BAR DU BRTAN DGOS LUGS RNAMS LUNG RIGS TSAD MA'I RGYAB RTEN DANG BCAS TE ZHU BA MDZAD PAR, DER 'DUS KYI DGE 'DUN THAMS CAD DAD PA'I SPU LONG CHER G-YOS SHING, DUS GSUM RGYAL BA'I DBANG PO BKA' DRIN MTSUNGS MED THAMS CAD MKHYEN GZIGS CHEN PO NAS KYANG DGYES SHING 'DZUM PA'I ZHAL GYI DKYIL 'KHOR RAB TU GSAL BA DANG BCAS TE ZHAL BZHES GNANG ZHING ,DGE 'DUN GYI SDE CHEN POR YANG PHYAG 'GYED SKAR LNGA RE 'BUL BAR MDZAD, BYANG RTZE MKHAN PO BLO BZANG SHES RAB KYIS GTZOS 'DUS TSOGS SHIN TU CHE BAR DPYID KYI DUS SU LO LTAR 'CHAR CAN GYI BKA' CHOS CHEN MO SEMS BSKYED DANG GCAS PA GNANG BA'I SEMS BSKYED MCHOD PA'I DUS SU RGYAL DBANG THAMS CAD MKHYEN GZIGS CHEN PO NAS SKU TSAB BSNYEN BKUR DANG BCAS TE GNANG BA SOGS GZENGS BSTOD SNGAR BZHIN MDZAD, BAR DBANG GRVA TSANG SNE MO BAS ZHUS NAS GCOD KYI KHRID YIG SKAL LDAN 'JUG DOGS CHE CHUNG GI LJAGS LUNG, MA GCIG BRKYANG BSKUM GYI BLA MA'I RNAL 'BYOR, BAR DBAR GRVA TSANG GI THUN MONG MA YIN PA'I GCOD DBANG SOGS GNANG ZHING, DE'I GSUNG BSHAD KYI DUS SU GCOD 'DI LTA BU RANG DGAR GRI RKANG DANG KHYI LPAGS KHYER NAS LHA 'DRE LA MTHO 'TSAMS PA'I SGO NAS PHAt PHAt ZER MKHAN DANG MI 'DRA BAR BDAG TU 'DZIN PA LA DGRAR BLTAS TE LHA 'DRI LA SOGS PA'I GDUG RTZUB MNGON DU BYUNG NAS NGA BSNYAM PA MNGON DU GYUR PA'I DUS BDAG TU 'DZIN PA'I SNANG TSUL DE LA GCER GYIS BLTAS NAS GCOD DGOS TSUL GYI GSUNG BSHAD RGYA CHER GNANG, SMYUNG GNAS DANG BSKYED RDZOGS SOGS BSTAN 'GRO'I PHAN BDE SPEL PA'I MDZAD PA RLABS PO CHE RGYA CHEN PO SNGAR

, ,BZHIN MDZAD, RME RU TSOGS CHEN GYIS BCOM LDAN 'DAS NGAN SONG THAMS CAD SBYOD BA KUN RIG RNAM PAR SNANG MDZAD KYI DBANG CHEN GNANG DGOS PAR GSOL BA BTAB BA BZHIN, PHUR BU LCOG GI CHOS GRVA CHEN MOR, DPON SLOB ZHIB LHA LA SOGS PA 'GA' ZHIG DANG RME RU BA YONGS RDZOGS LA DBANG CHEN STA GON DANG BCAS PA RGYAS BAR GNANG, SOR 'BRAS DGE GSUM BKRA SHIS LHUN BOS MTSON PA'I GRVA TSANG KHAG LA MANG 'GYED DANG RTEN RNAMS LA MCHOD 'BUL BCAS GNANG, STON GYI DUS SU BDE LAM BKA' KHRID GRVA TSOGS SHIN TU CHE BA LA ZAB RGYAS SU STZAL ZHING, GZHAN YANG DAD LDAN MANG PO'I RE BA'ANG YANG DAG PAR SKONG BAR MDZAD, 'DI LO KHO BO CAG BKA' DRIN MTSUNGS PA'I ZLA THAMS CAD DANG BRAL BSKYABS MGON RGYAL BA'I DBANG PO THAMS CAD MKHYEN GZIGS CHEN POR 'DOD CHOS KYI RIGS ZHU BA'I CHED DU BCAR BA'I SAR YANG LAN GSUM GYI BAR DU PHEBS NAS, ZHAL MNGON DU GYUR TE, 'DI PHYIR PHAN PA'I BKA' MANG PO STZAL ZHING, LNGA MCHOD DANG DGUN MTSAMS SOGS KYANG SNGAR BZHIN STZAL, CHU BYA GNAM LO GSAR BA'I TSES GTOR, SGRUB SDE GSUM GYI SEMS BSKYED SOGS SNGAR LTAR DGA' STON PHUN SUM TSOGS PA GNANG, PHO BRANG CHEN PO PO TA LAR GONG SA RGYAL DBANG THAMS CAD MKHYEN GZIGS CHEN POR MJAL PHYAG LA PHEBS NAS DNGUL GYI MAndAL LA SOGS PA'I 'BUL BA RGYA CHER MDZAD, CHOS KYI GSUNG GLENG SHIN TU ZHIB PA NAS GNANG SBYIN SOGS RGYA CHER STZAL, LTAS SMON LAM CHEN MOR MANG JA DANG 'GYED, JO SH'AKA RIN PO CHE RNAM GNYIS KYIS MTSON PA'I RTEN RNAMS LA SNYAN DAR THUGS SMON ZAB MO DANG BCAS PA MDZAD, RA KHA BRAG TU BLA MA

BSTAN RGYAN GYIS SGRUB SDE GSUM LA SEMS BSKYED MCHOD BA PHUN SUM CHOGS PA SBYAR BA'I DBUS SU RJE BLA MA NYID SPYAN DRANGS TE, ZHABS BRTAN 'BUL BA LEGS PAR PHUL NAS THEG PA CHEN POR SEMS BSKYED PAR GSOL BA BTAB PA BZHIN GSUNG BSHAD RMAD DU BYUNG BA DANG BCAS THEG PA CHEN PO'I SEMS BSKYED RGYA CHER MDZAD, ZLA BA GSUM PA'I TSES BRGYAD NAS BRAG RI BYES BLA ZUR DAG DBANG DON GRUB DANG, BLA MA DGE BSHES SOGS TSOS GAS NA MI STONG PHRAG BRGAL BAR 'JAM DPAL ZHAL LUNG BKA' KHRID GSUNG BSHAD RMAD DU BYUNG BA DANG BCAS PA GNANG ZHING, MJUG TU SEMS BSKYED MCHOD PA'I THOG RGYAL DBANG THAMS CAD MKHYEN PA'I SKU TSAB GNANG SBYIN SOGS SNGAR BZHIN GNANG, GCOD DBANG GCOD KHRID SMYUNG GNAS BSKYED RDZOGS SOGS BSHAD SGRUB BSTAN PA'I BYA BA GONG 'PHEL BLA NA MED PAR BZHUGS, BKRA SHIS LHUN PO SER 'BRAS DGE GSUM DANG GSANG PHU BCAS LA MANG JA DANG SKU 'GYED DNGUL SKAR PHYED BRGYAD RE DANG SKU GSUNG THUGS KYI RTEN LA MCHOD 'BUL SOGS RGYAS PAR GNANG, DBYAR GNAS KYI DUS SU SKU MTSAMS DANG BDE LAM GYI BKA' KHRID GRVA TSOGS SHIN TU CHE ZHING 'CHAD NYAN RAB TU 'PHEL BA DANG, RAB BYUNG BSNYEN RDZOGS SOGS DANG 'DOD CHOS CI RIGS PAS DON GNYER BA RNAMS KYI RE BA'ANG SKOD PAR MDZAD, DE NAS PHO BRANG CHEN PO PO TA LAR RGYAL DBANG KHYAB BDAG RDO RJE 'CHANG CHEN THAMS CAD MKHYEN GZIGS CHEN PO MJAL BAR PHEBS, DNGUL DKAR GYI MAndAL DANG, BSNYEN BKUR 'BUL NOD SOGS RGYA CHE BA DANG GANG CI'I CHOS KYI GSUNG GLENG ZHIB PAR GNANG, SE RA SMAD DU TSON RTZI TSOGS GDAN ZHAL 'DEBS

, ,SOGS KYANG RGYA CHER MDZAD, RA BA STOD DANG SE RA'I GRVA TSANG KHAG GSUM BCAS LA MANG 'GYED SNGAR RGYUN LTAR DANG LNGA MCHOD DGUN MTSAMS SOGS GONG 'PHEL DU BZHUGS, SHING KHYI LO GSAR TSES GTOR DANG RJE GRUB PA'I DBANG PHYUG DGE LAGS RGYA MTSO'I DUS MCHOD, SEMS BSKYED, PO TA LAR RGYAL DBANG RDO RJE 'CHANG CHEN PO'I MJAL PHYAG SOGS SNGAR LTAR MDZAD, DON GNYER CAN 'GA' ZHIG GIS ZHUS PA LTAR, ZHAG BCU SKOR RING RGYUD THAMS CAD GI RGYAL PO DPAL GSANG BA 'DUS PA'I RDZOGS RIM RIM LNGA GSAL SGRON GYI BSHAD LUNG ZHIB RGYAS SU STZAL, RA KHA BRAG TU ZLA BA GNYIS PA'I NANG DU, BLA MA GRAGS PA 'PHRIN LAS KYIS GSOL BA BTAB PA LTAR, SGRUB SDE GSUM GYI SEMS BSKYED MCHOD PA'I DUS SU TSOGS DBUR PHEBS NAS SEMS BSKYED DANG GSUNG BSHAD RGYA CHER GNANG, AA LAGS PHUN TSOGS SGROL MA DANG NYANG BRAN DKAR PO BA BCAS SO SO NAS SGRUB SNGE GSUM LA SEMS BSKYED MCHOD PA LAN GNYIS RE BTANG BA'I TSOGS DBUR RJE BTZUN BLA MA NYID SPYAN DRANGS, ZHABS BRTAN 'BUL BA PHUN SUM TSOGS PA PHUL ZHING, PHYI DRO SEMS BSKYED GSUNG BSHAD DANG SO SOR MA nI'I PHAN YON LAS 'PHROS TE SNYING PO DON GSUM GYI KHRID BSDUS PA ZHIG KYANG GNANG, ZLA BA GSUM PAR BLA MA SPRUL SKU, DGE BSHES, CHOS MDZAD SOGS DANG 'DUS BRGYA PHRAG DU MA'I DBUS SU BYANG CHUB LAM GYI RIM PA'I GSUNG BSHAD ZAB CING RGYAS PA DANG, SEMS BSKYED MCHOD PA'I SKABS SU RGYAL DBANG THAMS CAD MKHYEN PA CHEN PO'I SKU TSAB CHED DU GTONG BA SNGAR RGYUN BZHIN GNANG BA SOGS LEGS TSOGS PHUN SUM TSOGS PAR BZHUGS,

GZHAN YANG LUNG KHRID SOGS 'DOD CHOS DU MA DANG SLAR YANG SMYUNG GNAS BSKYED RDZOGS SOGS 'CHAD NYAN RGYA CHER STZAL, ZLA BA DRUG PA'I TSES BCU LA RJE BLA MA NYID KYI ZHABS 'BRID PA BYAMS PA BSTAN RGYAS KYIS SGRUB SDE LA SMYUNG GNAS SBYOR DNGOS RJES GSU MA TSANG BA TSAR GCIG BTANG BA'I NYIN GSUM GAR RJE BLA MA NYID TSOGS DBUR SPYAN DRANGS TE MJUG GI NYIN MAndAL ,SKU GSUNG THUGS RTEN SOGS DNGOS 'BYOR GYI 'BUL BA DANG ZHABS PAD BRTAN DGOS TSUL ZHUS PA LTAR, ZHAL BZHES BZANG PO DGYES BZHIN DU STZAL, 'DI LO RGYAL DBANG THAMS CAD MKHYEN GZIGS CHEN BO SE RAR CHIBS BSKYOD SKABS MJAL PHYAG LA PHEBS DUS GZIMS CHUNG DU DNGUL GYI MAndAL, SKU GSUNG THUGS RTEN, GSER THUMS, DNGUL RDO TSAD BDUN, GOS CHEN, LING YUG SNA TSOGS, GOS BZANG BSGRIGS KYI RTEN KHEBS, DNGUL GYI BUM PA, JA 'KHOR DRUG SOGS 'BUL BA GNANG ZHING, SE RA TSOGS CHEN LA GNAS BCU'I RJES GNANG GNANG DGOS PAR GSOL BA BTAB PA LTAR, RGYAL DBANG THAMS CAD MKHYEN GZIGS CHEN PO NAS KYANG GSUNG BSHAD ZAB CING RGYA CHE BA DANG, CHU'I DBANG GI DUS RGYAL DBANG THAMS CAD MKHYEN PA CHEN PO NYID DGE 'DUN GYI SDE'I KHROD DU ZHABS KYI PADMO RAB TU BSKYOD PAR MDZAD, RJE BLA MA NYID NAS DNGUL GYI MAndAL, DNGUL RDO TSAD GNYIS, JA 'KHOR DRUG BDUN, GOS YUG BCAS 'BUL BA GNANG, CHAB MDOR MANG 'GYED, BSNGO RTEN SNE GZHAG RGYAS PA, GZHAN YANG DBUS GTZANG GI DGON KHAG LA MANG 'GYED BCAS GNANG, RAB 'BYAMS PA NOR BU DPAL BZANG DANG RME RU TSANGS DBYANGS DBANG PHYUG GNYIS SO SO NAS, SGRUB SDE GSUM LA SEMS BSKYED

, ,MCHOD PA BSNYEN BKUR PHUN SUM TSOGS PA ZHUS PA DANG, SE RA RTZER NYANG BRAN NA GA CAN PA'I AA LAGS PHUN TSOGS SGROL MAS SGRUB SDE GSUM LA SEMS BSKYED MCHOD PA ZHUS PA RNAMS KYI TSOGS DBUR SPYAN DRANGS, DE DAG RNAMS LA SNGA DRO'I DUS GSOL BA 'DEBS PA PO RNAMS KYI TSOGS RDZOGS PA'I PHYIR BSNYEN BKUR RNAMS BDAG GIR MDZAD CING, PHYI DRO SEMS BSKYED KYI GSUNG BSHAD YANG DAG PAR RDZOGS PA'I SANGS RGYAS RNAMS KYI YON TAN BRJOD PA SNGON DU 'GRO BAS, DE LTA BU'I SANGS RGYAS KYI GO 'PHANG THOB PA'I CHED DU DGE RTZA DE RNAMS BSNGO GSUNGS NAS, SANGS RGYAS CHOS TSOGS MA LAN GSUM GYI SGO NAS SEMS BSKYED MDZAD, YANG PAD TSAL RJE DRUNG DGE SLONG NAS SGRUB SDE GSUM LA SEMS BSKYED MCHOD PA BSHAMS PA'I TSOGS DBUR RJE BTZUN BLA MA NYID SPYAN DRANGS, ZHABS BRTAN 'BUL BA BSNYEN BKUR SOGS PHUN SUM TSOGS PA PHUL NAS GSOL BA BTAB PA LTAR, PHYI DRO SEMS BSKYED GSUNG BSHAD ZAB CING RGYAS PA GNANG, ZLA BA BRGYAD PA'I NANG SER 'BRAS DGE GSUM GYI BLA MA SPRUL SKU SOGS DGE 'DUN DGU BRGYA SKOR LA BYANG CHUB LAM GYI RIM PA BDE LAM GYI BKA' KHRID SHIN TU RGYAS PA DANG, LNGA MCHOD DGUN MTSAMS SOGS BSTAN 'GRO'I PHAN BDE'I DPAL BLA NA MED PA SNGAR BZHIN MDZAD, SHING PHAG GNAM LO'I DGE MTSAN GSAR DU BZHAD PA'I DUS DPAL LDAN 'DOD KHAMS KYI DBANG PHYUG MAR TSES GTOR, SGRUB SDE GSUM GYI SEMS BSKYED SOGS SNGAR BZHIN LEGS TSOGS CHE BA NAS, PHO BRANG PO TA LAR RGYAL DBANG THAMS CAD MKHYEN GZIGS CHEN PO'I MJAL PHYAG LA PHEBS TE DNGUL GYI MAndAL, GSER

DNGUL, MDZOD GOS SOGS 'BUL NOD RGYA CHER MDZAD, PHAN TSUN RJES SU BRTZE BA'I GSUNG GLENG ZHIB TU MDZAD CING, TSUR YANG ZANG ZING GI GNANG SKYES RGYA CHER STZAL, SMON LAM CHEN MOR MANG JA DANG MCHOD 'BUL SOGS RGYA CHER MDZAD, 'JAM DBYANGS BZHAD PA'I SPRUL SKU SBI LIG THU NO MIN HAN DANG PAD TSAL DGE SLONG SOGS KYIS DBUS DGE 'DUN BRGYA PHRAG BCU GSUM TZAM LA BYANG CHUB LAM GYI RAM PA 'JAM DPAL ZHAL LUNG GI BKA' KHRID SEMS BSKYED MCHOD PA DANG BCAS PA SNGAR LTAR MDZAD, GZHAN YANG SKAL LDAN GYI SKYES BU DON GNYER CAN MANG PO LA 'DOD CHOS KYI RIGS MANG PO DANG RAB BYUNG BSNYEN RDZOGS, SMYUNG GNAS BSKYED RDZOGS 'CHAD NYAN SOGS BSTAN PA'I BYA BA RGYA CHER MDZAD, 'DI DAG GI LO SNGA PHYIR SE RA SNGAGS PA GRVA TSANG LA BDE MCHOG DRIL BU LHA LNGA'I DBANG STA GON DANG BCAS PA DANG MKHAN PO DPAL 'BYOR GRAGS PA, BRAG RI BLA MA NGAG DBANG DON GRUB, SGRUB KHANG SPRUL SKU, MKHAR RDO SPRUL SKU, DAG PA SPRUL SKU, PAD TSAL DGE SLONG, DGE SLONG YE SHES RGYAL MTSAN SOGS DON GNYER BA BRGYA SKOR LA BKA' GDAMS THIG LE BCU DRUG GI DBANG STONG NYID SNYING RJE DBYER MI PHYED PA NGO 'PHROD NGES KYI GSUNG BSHAD DANG BCAS PA STZAL, RDO RING DU RJE BLA MA NYID KYI BKA' 'BUM JI SNYED PA RNAMS PAR DU BRKO BA'I LJAGS BKOD GNANG SBYIN GYA NOM PA DANG BCAS TE STZAL, DBYAR GNAS SOGS BSTAN 'GRO'I BYA BRGYA CHER MDZAD CING, DAD LDAN SER SKYA BRGYA PHRAG MANG PO LA MJAL PHYAG SOGS JI LTAR 'DOD PA BZHIN STZAL TE RE BA YONGS SU RDZOGS PAR MDZAD, BKRA SHIS LHUN BO DANG SER 'BRAS DGE GSUM RGYUD

, ,STOD SMAD GSANG PHU RVA SGRENG SOGS LA MANG JA DANG SKU 'GYED DNGUL ZHO RE THOB NGES KYI DNGUL DANG DNGOS SKYES BCAS STZAL, DUS DER MDO KHAMS BSTAN PA'I SGRON ME CHAB MDO 'PHAGS PA LHA YE SHES BSTAN PA'I MGON PO ZHING GZHAN DU GSHEGS PA'I GTAM GSAN 'PHRAL PHO BRANG CHEN POR SKYABS MGON RGYAL DBANG THAMS CAD MKHYEN GZIGS CHEN POR THUGS DAM GSAL 'DEBS ZHU RTEN SPAM MTHO NGES DANG BCAS TE, SKU GONG MA DE KHA'I DGONGS BA YONGS SU RDZOGS PA DANG, SNYIGS DUS KYI SKYE 'GRO RNAMS KYI CHED DU YANG SRID MYUR DU GSAL BA'I THUGS DAM SKYABS 'JUG ZHU BA GNANG ZHING DON DE LTA BU'I CHED DU THUGS RJE BSKUL BA'I BKA' RTZOM YANG ZHU BA GNANG STE, CHAB MDO TSOGS CHEN DU 'DZUGS PA MDZAD, GZHAN YANG 'DI KHA LA SOGS PA'I GNAS DANG SKYABS YUL 'DUS SDE RIN PO CHE RNAMS DANG RTEN GSUM KHYAD PAR CAN RNAMS LA MCHOD 'BUL DANG BSNYEN BKUR RMAD DU BYUNG BA MDZAD, CHAB MDOR MDO KHAMS BSTAN PA'I SGRON ME DE NYID KYI DGONGS PA RDZOGS THABS SU MANG 'GYED DANG, GSER GDUNG DANG SANGS RGYAS STONG SKU BZHENG BA'I ZHAL 'DEBS SU GSER RDOG CHE NGES KYI PHRENG BA BRGYA RTZA BRGYAD TSANG BA GCIG SOGS RGYA CHER GNANG, DE'I DUS SU SEMS CAN SPYI'I BSOD NAMS KYI BGO SKAL SHIN TU DMAN PA LA BRTEN, CHU BYA LO'I NANG NAS BZUNG STE RJE BLA MA BKA' DRIN MTSUNGS PA MED PA RGYAL DBANG THAMS CAD MKHYEN GZIGS CHEN PO DRANG DON GDUL BYA'I SNANG NGOR SKU KHAMS BSNYUN TSUL CHER BZHES BA LA BRTEN RJE BLA MA THAMS CAD MKHYEN GZIGS CHEN PO 'DI NYID MI BZHUGS NA BSTAN PA RIN

BO CHE NYAMS DAMS KYIS DOGS PAS RI BO DGE LDAN DU THUGS RJE CHEN POS ZHABS BRTAN DU DMIGS NAS MANG JA BRGYAD, BRGYA MCHOD GNYIS, SPYI 'BUL DU NANG MDZOD DANG MDZOD GOS DMAR BO YUG BCAS 'BUL BA GNANG, DE NAS DBYAR ZHAL BZHES DANG SKU MTSAMS GRUB BSTUN DGAG DBYE'I BYA BA MDZAD DE, SNGON GYI DUS BDE LAM GYI BKA' KHRID ZHIB CING RGYAS PA GNANG, DE SKABS GANGS LJONGS GRUB PA'I THIG LE SA SKYA BA SKU MCHED LHA LDAN PHYOGS SU DUS GSUM RGYAL BA KUN GYI NGO BO RJE BLA MA RDO RJE 'CHANG RGYAL DBANG THAMS CAD MKHYEN GZIGS CHEN PO MJAL DU PHEBS SKABS CHOS RJE GNYIS KYANG RJE BTZUN BLA MA 'DI NYID MJAL BZHED YOD PAR BRTEN ZHU 'PHRIN GYIS MTSAMS SBYAR TE, LHA SA SMON GRONG DU BDAG CHEN SKU MCHED MJAL BAR PHEBS, DNGUL DKAR GYI MAndAL DANG, RJE GA YA DHA RA'I SNANG BRNYAN, RTZA RGYUD BRTAG PA GNYIS PA, BKA' GDAMS GDUNG RTEN, DNGUL GOS CHEN, SHEL GYI PHOR PA DANG SDER MA SOGS KYIS GTZOS PA'I 'BUL SKYES DANG BKUR GZOS BLA NA MED PA PHUL, TSUR YANG DGYES PA CHEN POS BSTAN PA'I BDAG PO'I SKU LI MA BYIN CAN, GSER, JA, STOD JA, 'BRAS SOGS KYIS GCOS PA'I TSAN GRANGS BCAS DANG, DUS GSUM RGYAL BA KUN GYI THUGS RJE'I RGYUN, ,GCIG TU 'KHYIL BA 'PHAGS MCHOG PAD DKAR 'DZIN, ,RTZOD DUS D'I PAm KA RA'I MTSAN 'CHANG BA, ,SLAR BYON BYAMS PA'I DPAL MNGA' DE LA 'DUD, CES SOGS KYI BRTAN BZHUGS KYANG BRTZAMS TE PHUL, DE DUS SA SKYA BA SKU MCHED NAS RJE BTZUN BLA MA 'DI NYID LA KHYED KYI BLA MA RJE GRUB PA'I DBANG PHYUG DE BKA' GDAMS BA ZHIG AE YIN ZHUS PAR, RJE BTZUN BLA MA MCHOG NAS, BKA' GDAMS PA YIN, DE YANG BKA' GDAMS BA LA YI GE'I THOB SBYAR TE GA SNGON 'JUG TU SONG BA DE LA BKA' THAMS CAD

, ,GDAMS NGAG TU SHAR BA ZHES BYA BA YIN CING, DE'I DBANG DU BYAS NA, NGED GYI BLA MA DE BKA' MDO RGYUD THAMS CAD GDAMS NGAG TU SHAR BA YIN PAS BKA' GDAMS BA NGES BAR YIN, YANG SNGON 'JUG SOGS MED PAR BKA' DAM BA ZHES BA'I DBANG DU BYAS NA, JO BO RJE NAS BRGYUD BA'I GDAMS NGAG RIN BO CHE 'DZIN PA THAMS CAD ZHAL NAS CHOS STON RGYU'I BKA' THAMS CAD DAM PAR GYUR BA 'BA' ZHIG GSUNG BAS BKA' DAM PA ZHES BYA BA YIN, DE'I DBANG DU BYAS NA, NGED KYI BLA MA GRUB PA'I DBANG PHYUG DE BKA' DAM BA 'BA' ZHIG GSUNG BA YIN PAS, BKA' DAM PA YIN ZHES SOGS DE LAS 'PHROS TE CHOS KYI RNAM GRANGS RGYA CHER BKA' STZAL BAS BDAG CHEN SKU MCHED MCHOG TU MOS GUS 'KHRUNGS, DE NUB RAG KHA SHAG TU BZHUGS, RIN CHEN GNYIS PA LAS GRUB BA'I GDUNG RTEN RNAMS LA RAB TU GNAS BA DANG, CHAB MDO NANG MAS ZHABS BSKUL ZHUS PA LTAR, RGYAL BA 'PHAGS PA LHA DE NYID KYI DGONGS RDZOGS DANG YANG SRID MYUR PHEBS KYI LJAGS RTZOM GNANG STE PHUR BU LCOG TU PHEBS, CHAB MDO NANG MAS RGYU YON SBYAR TE, RGYAL BA 'PHAGS BA LHA GANG GI DGONGS RDZOGS SU DMIGS NAS RJE BLA MA NYID SGRUB SDE GSUM GYI TSOGS DBUR SPYAN DRANGS TE, ZHABS BRTAN 'BUL BA TSOGS 'KHOR SOGS RGYA CHER PHUL NAS, THEG PA CHEN POR SEMS BSKYED PA GSOL BA BTAB PA LTAR, PHYI DRO'I DUS SU THEG PA CHEN PO'I SEMS BSKYED, BSNGO BA, YON BSHAD DANG BCAS BA, YANG SRID 'KHRUL MED MYUR DU PHEBS PA'I THUGS SMON BCAS GNANG, DGONGS RDZOGS ZHU MI DPON SLOB SOGS LA GRUB RGYAL LUGS

KYI TSE DBANG DANG, GZIMS CHUNG RANG DU CHAB MDO GRVA TSANG DPON SLOB NUB GLING BLA MA, RGYA RA SPRUL SKU SOGS LA BDE LAM GYI BKA' KHRID MDOR BSDUS, NAM MKHA' SGO 'BYED KYI DBANG DANG GCOD KHRID STAN THOG GCIG MA BCAS KYI BYIN RLABS GNANG ZHING, LNGA MCHOD DGUN MTSAMS SOGS BSTAN 'GRO'I DON RGYA CHEN SNGAR BZHIN GNANG, ME BYI ZLA BA DANG PO GSAR TSES KYI 'DOD KHAMS DBANG MO'I TSES GTOR, SGRUB SDE GSUM GYI SEMS BSKYED MCHOD PA SOGS SNGAR LTAR MDZAD CING, RME RU BLA MA 'JAM DBYANGS CHOS 'PHEL, 'JAM DPAL LHUN GRUB BCAS SO SO NAS PHUR BU LCOG GI DGE SLONG RNAMS LA SEMS BSKYED ZHABS TOG RMAD DU BYUNG BA ZHUS NAS SEMS BSKYED PAR GSOL BA BTAB PA BZHIN, SEMS BSKYED KYI GSUNG BSHAD KYI SKABS RANG RANG GI DNGOS PO RNAMS DGE PHYOGS SU BTANG BA'I PHAN YON; SER SNA BYAS BA'I NYES DMIGS SOGS GSUNG BSHAD ZAB LA RGYA CHE BA GNANG, TSES BZHI'I NYIN DUS GSUM RGYAL BA THAMS CAD GCIG TU 'DUS PA'I BDAG NYID RGYAL DBANG THAMS CAD MKHYEN GZIGS CHEN PO'I MJAL KHAR PHEBS NAS, DNGUL DKAR GYI MAndAL CHE LEGS DAR TSON SNA LNGA'I SNE 'DOGS CAN, SKU GSUNG THUGS RTEN, tAM LEGS NGES KYI RDO TSAD GNYIS, NANG MDZOD DRI MA MED PA BCAS 'BUL BA GNANG STE, BSTAN 'GRO'I DPAL DU ZHABS KYI PADMO YUN RING DU BRTAN PA DANG, KHYAD PAR DU THA MAL TSUL BZHES KYI SKU 'KHRUGS 'DI'ANG MYUR DU ZHI BA'I THUGS DAM SPYAN DMIGS DANG SMAN DPYAD SOGS CIS KYANG NAS THUGS RJES GZIGS DGOS, ZHES GSOL BA 'DEBS PA GNANG ZHING, GANG SPYI'I MDO SNGAGS KYI GNAD LAS BRTZAMS TE GSUNG GLENG ZHIB BAR GNANG, BDAG LA'ANG

, ,DNGUL DKAR GYI MAndAL LA SOGS PA'I GNANG SKYES RGYA CHER STZAL ZHING, DA LTA NA CHUNG DU'I DUS 'DIR KUN NAS NYON MONGS PHYOGS DANG RNAM BYANG PHYOGS GNYIS KYI GNAD RNAMS LA LEGS PAR DPYOD DGOS ZHES PA'I BKA' RUS PA CAN GYI BKA' SHOG DANG BCAS PA GNANG, SMON LAM CHEN MOR MANG JA DANG 'GYED DNGUL SKAR LNGA RE, 'DI KHA'I TSOGS CHEN LA MANG JA GSUM DANG 'GYED DNGUL SKAR PHYED BRGYAD RE 'BUL BA GNANG, ZLA BA GNYIS PA'I TSES BCO LNGA'I NYIN SE RA'I TSOGS CHEN GYIS RGYAL DBANG THAMS CAD MKHYEN GZIGS CHEN POR BRTAN BZHUGS 'BUL BAR MDZAD PA'I MAndAL GYI SNYAN 'DEBS ZHU BA PO GNANG NAS, BSTAN 'GRO'I DPAL DU ZHABS PAD BRTAN DGOS PA DANG, KHYAD PAR DU SKU 'KHRUGS KYI SNYUN GZHI GZHI MED DU GDANGS NAS CHOS KYI 'KHOR LO RGYA CHER BSKOR DGOS TSUL SOGS LUNG DANG RIGS PA DRI MA MED PA'I LAM NAS DRANGS TE, DER TSOGS TSANG MA YID BSGYUR NGES PA ZHIG ZHU BA GNANG, SKU SGER NAS KYANG NANG MDZOD DRI MA MED PA, DNGUL SRANG BRGYA, GOS SANGS RGYAS SKU SHAM YUG CHEN, JA 'KHOR DRUG GIS GTZOS PA'I DGU TSAN SPUS LEGS BCAS 'BUL BA GNANG, SLAR YANG ZLA BA GSUM PA'I NANG DU GONG SA SKYABS MGON RDO RJE 'CHANG CHEN PO'I MJAL ZHUR PHEBS TE, DNGUL GYI MAndAL LEGS BA DAR TSON SNA LNGA'I SNE 'DOGS CAN, GSER SRANG LNGA, DNGUL GYI DA SBAG ,MAL KHEBS BCAD LDAN SNGON PO SPUS LEGS, NANG MDZOD DRI MED BCAS 'BUL BA GNANG, MDO SNGAGS KYI GNAD ZAB CING RGYA CHE BA'I GSUNG GLENG ZHIB TU GNANG NAS DE NUB RDO RING DU BZHUGS, JO SH'AKA RNAM GNYIS KYIS MTSON PA'I LHA SA'I RTEN RNAMS LA

MCHOD 'BUL SNYAN SHAL SOGS ZAB RGYAS SU 'BUL BA GNANG, SKYABS MGON RGYAL DBANG THAMS CAD MKHYEN GZIGS CHEN PO ZHABS PAD YUN DU BRTAN PAR 'GYUR BA SOGS KYI THUGS SMON RGYA CHER GNANG, ZLA BA GSUM PA'I TSES BRGYAD NAS NGED KYI JO JO MKHAN PO BLO BZANG SBYIN PA, G-YU THOG SPRUL SKU, GE RE ZHABS DRUNG, GRVA SA PHAN TSUN GYI DGE BSHES STONG DANG SUM BRGYA SKOR LA BYANG CHUB LAM GYI RIM PA 'JAM DPAL ZHAL LUNG GI BKA' KHRID ZAB CING RGYA CHE BA, MJUG TU SEMS BSKYED CHOGS 'DZIN TSUL RGYAS PAR GNANG ZHING, DE'I DUS SU SRID ZHI'I GTZUG RGYAN RGYAL DBANG THAMS CAD MKHYEN GZIGS CHEN PO NAS MCHOG TU GZENGS BSTOD PA'I BKA' SHOG SNGAR PHAN RJE RGYAL BA GNYIS PA'I BSTAN PA RIN PO CHE LA BKA' DRIN GZHAN DANG MI 'DRA BA BYUNG ZHING, DA DUNG BSTAN PA RIN PO CHE'I DPAL DU ZHABS PAD YUN RING DU BRTAN DGOS PA'I BKA' SHOG ,DNGUL GYI MAndAL CHE LEGS DAR TSON SNA LNGA'I SNE 'DOGS CAN, SKU GSUNG THUGS RTEN, SANGS RGYAS SKU SHA MA'I SKU BER GYIS MTSON PA'I NA BZA' CHA TSANG, DNGUL SRANG CHEN NYIS BRGYA, GOS YUG ,JA 'KHOR DRUG GIS GTZOS PA'I TSAN GRANGS MANG BA, ZHABS PHYI DRAG ZHAN DANG BSTUN PA'I GNANG CHA, TSOGS PAR MANG JA DANG 'GYED, TSOGS KYI 'KHOR LO RGYA CHE BA BCAS GNANG, SA ZLA'I DUS SU SKYA SER STONG PHRAG BRGAL BAR BCU GCIG ZHAL GYI DBANG CHEN DANG, THEG PA CHEN PO'I GSO SBYONG GI SDOM PA DANG ZHABS TOG SKU YON KHA BTAGS DANG BLtAM RE BCAS STZAL, SLAR YANG RGYUD PA SOGS DON GNYER CAN SUM BRGYA SKOR LA BSKYED RDZOGS KYI KHRID RGYAS PA DANG, RGYUD PA BRGYA SKOR GYIS

, ,NYIN GNYIS KYI RING CHOS BSRUNG DAM CAN RGYA MTSOR BSKANG GSO RGYAS PAR GNANG, ZLA BA LNGA PA'I DUS SU PHO BRANG PO TA LAR SRID ZHI'I GTZUG RGYAN RGYAL DBANG THAMS CAD MKHYEN PA CHEN PO'I MJAL ZHUR PHEBS NAS, DNGUL DKAR GYI MAndAL SNE 'DOGS CAN, SKU GSUNG THUGS RTEN, GSER SRANG DRUG ,tAM RNYING RDO TSAD GNYIS, MDZOD GOS MANG LHUG DANG DMAR PO MDZOD, DUR SMRIG MDZOD, JUS DMAR PO MDZOD, SPRIN RIS SER PO YUG RNAMS 'BUL BA GNANG ZHING, RJE BLA MA 'DI BAR TSUR YANG DNGUL RTA RMIG MA, BALtAM GYI RDO TSAD, PHRUG DMAR LEGS PA BUGS, RTZE JA 'KHOR DRUG ,SHAN JA 'KHOR DRUG BCAS GNANG, 'DI DAG GI SNGA PHYI SNA TSOGS PAR RAB BYUNG BSNYEN RDZOGS SOGS MANG DU STZAL ZHING; DBYAR GNAS KYI RING BCAD RGYA SHIN TU DAM PAR BZHUGS, MNGA' DVAGS RGYAL GSUM LA MANG JA SBYOR SBREL DANG KHA BTAGS RE'I 'GYED BCAS GNANG, KHO BO'I JO JO MKHAN PO RJE DRUNG BLO BZANG SBYIN PA CAN GSUM LA BDE MCHOG LHA DRUG CU RE GNYIS PA'I DBANG CHEN STA GON DANG BCAS PA GNANG ZHING SER 'BRAS DGE GSUM CHAB MDO'I DGON SNGE KHAG BCAS LA MANG JA DNGUL DNGOS DANG BCAS PA'I SKU 'GYED STZAL, SLAR YANG PHO BRANG CHEN POR SKYABS MGON RGYAL DBANG THAMS CAD MKHYEN GZIGS CHEN PO MJAL BAR PHEBS NAS, THUB PA'I DBANG PO'I SNANG BRNYAN RGYA GAR LI MA GTZO 'KHOR GNYIS KHYAD MTSAR, GSUNG RTEN DANG THUGS RTEN, DNGUL SRANG NYER LNGA LAS GRUB PA'I MAndAL SNE 'DOGS DAR TSON SNA LNGA YOD PA, GSER SRANG LNGA, DNGUL RTA RMIG MA GCIG ,BAL tAM GYI RDO TSAD GNYIS,

MDZOD GOS MANG LHUG DANG JUS DKAR, RGYAN BZHI MCHIN KHA GYON 'DANGS DANG, NANG MDZOD DRI MA MED PA RNAMS PHUL TE GSOL BA 'DEBS PA GNANG ZHING, GSOL RAS SU DNGUL RTA RMIG MA GCIG ,BALtAm GYI RDO TSAD GCIG ,RTZE JA 'KHOR DRUG GSUM, PHUG DKAR MO KHAL LNGA BCU BCAS GNANG, CHOS KYI GSUNG GLENG ZHIB CING RGYAS PA MDZAD, SKABS SHIG TU LDAN MA'I DGE SLONG ZHIG GIS SGRUB SDE GSUM GYI DGE SLONG RNAMS LA THEG PA CHEN PO'I SEMS BSKYED KYI RGYU YON SBYAR NAS GSOL BA BTAB PA LTAR, RJE BTZUN BLA MA DAM PA NYID PHEBS NAS SEMS BSKYED KYI GSUNG BSHAD RGYA CHER GNANG, BSNYEN BKUR RNAMS THUGS BRTZE BA CHEN POS BDAG GIR MDZAD CING BLA MA MCHOD PA'I KHRID LUNG RGYAS BA ZHIG KYANG STZAL, SE RA BYES TSA BA SNGAGS RAMS PA TSUL KHRIMS KYIS SGRUB SDE GSUM LA SEMS BSKYED MCHOD PA'I ZHABS TOG ZHUS TE DAM PA NYID TSOGS DBUR SPYAN DRANGS SHING SEMS BSKYED KYI GSUNG BSHAD RMAD DU BYUNG BA DANG BCAS SEMS BSKYED MDZAD, DE'I DUS SU RJE BLA MA RDO RJE 'CHANG CHEN PO NAS, SEMS CAN DMYAL BA DMYAL MES NYAMS, ZHES SOGS KYI LUNG LA BRTEN NAS THEG PA CHEN PO'I GSUNG BSHAD RGYA CHER STZAL, ZLA BA BRGYAD PA'I TSES BCO BRGYAD LA G-YU THOG SPRUL SKU GTZO BOR GYUR PA'I SER 'BRAS KYI BLA MA DGE BSHES SOGS DGE 'DUN STONG DANG BZHI BRGYA SKOR LA DMAR KHRID THAMS CAD MKHYEN PAR BGROD PA'I BDE LAM MYONG KHRID DANG BCAS PA DANG, G-YU THOG SPRUL SKUS THEG PA CHEN POR SEMS BSKYED PAR GSOL BA BTAB PA LTAR GSUNG BSHAD RGYA CHER GNANG ,ZLA BA DGU PA'I TSES NYER GNYIS KYI NYIN SKYABS MGON RGYAL

, ,DBANG THAMS CAD MKHYEN GZIGS CHEN PO'I MJAL PHYAG LA PHEBS NAS, DNGUL GYI MAndAL SNE 'DOGS CAN, MDZOD BTAGS DRI MED, GSER SRANG PHYED DO, tAM LEGS SRANG LNGA BCU, MDZOD GOS BCAD LDAN DMAR PO YUG ,JUS LJANG YUG BCAS PHUL ZHING, PHAN TSUN THUGS SHIN TU DGYES PA'I SGO NAS GSOL RAS DNGUL SRANG LNGA BCU, SHING YE KO RTZE 'KHOR DRUG DANG BCAS STZAL, DE DANG DUS MNYAM DU KHO BO CAG LA'ANG DNGUL DKAR GYI MAndAL SNE 'DOGS CAN, NANG MDZOD DRI MA MED PA, GSER SRANG LNGA, DNGUL SRANG BRGYA, MDZOD JUS DMAR PO YUG LA SOGS PA DNGOS PO SPAM MTHO BA DANG BCAS PA'I BKA' SHOG STZAL, ZLA BA BCU GNYIS PA'I TSES NYER LNGA LA SGRUB SDE GSUM GYI DGE SLONG BRGYA PHRAG BRGAL BAR, TSOD MA RO BCUD DANG LDAN PA TSOGS 'KHOR BZHES SPRO SOGS BZA' BCA'I RIGS GYA NOM PA CAN DANG SKU 'GYED, PHYI DRO'I DUS SU BRGYA MCHOD SOGS DKON MCHOG GSUM GYI MCHOD PA RGYA CHER GNANG STE THEG PA CHEN PO'I SEMS SMON PA'I SGO NAS BSKYED PA BCAS RGYA CHER MDZAD, DGE SLONG BYAMS PA BSTAN 'DZIN GYIS KYANG SEMS BSKYED PAR GSOL BA BTAB PA LTAR, SEMS BSKYED KYI GSUNG BSHAD RUS PA CAN GNANG ZHING, SER 'BRAS DGE GSUM GYIS MTSON PA'I GRVA PA RNAMS LA MANG 'GYED SOGS RGYA CHER GNANG, ME GLANG ZLA BA DANG PO'I TSES GTOR SGRUB SDE PHAN TSUN GYI SEMS BSKYED MCHOD PA SOGS RGYA CHER GNANG, SGRUB KHANG SPRUL SKUS SEMS BSKYED KYI MCHOD PA SNGA PHYIR ZHUS TE, BLA MA'I ZHABS BRTAN 'BUL BA, DKON MCHOG GI MCHOD PA, DGE 'DUN LA BSNYEN BKUR BCAS MDZAD PA DE'I TSE RJE BLA MA 'DI NYID KYIS, 'O; RJE DGE

LEGS RGYA MTSO'I GSUNG LA, RANG TSO RI BO'I MGO LA PHYIN KYANG, NYON MONGS PA KHO MNYAM DU RANG SLEB YONG GSUNG BA LTAR, RI KHROD LA 'ONG TE ZOS BDE MO BYAS BSDAD PAS MI 'ONG, RANG RGYUD NYON MONGS PA'I DBANG DU MA SONG BA ZHIG BYED DGOS, DE LA NYON MONGS PA DANG 'THAB DGOS TSUL SOGS DPE DANG BCAS TE GSUNGS, TSES DRUG GI NYIN PHO BRANG CHEN PO PO TA LAR RGYAL DBANG THAMS CAD MKHYEN GZIGS CHEN PO'I MJAL ZHUR PHEBS SHING, MJAL RTEN DU DNGUL GYI MAndAL LEGS PA BCAS 'BUL BA RGYA CHER GNANG STE ZHABS PAD YUN RING DU BRTAN PA'I GSOL 'DEBS RGYA CHER MDZAD, TSUR YANG DNGUL SRANG LNGA BCU SOGS GSOL RAS RGYA CHER STZAL TE PHEBS KHAR, RJE BLA MA 'DI NYID NAS ZHAL RAS ZLA BA'I DKYIL 'KHOR LTA BU MYUR DU MJAL CHOG PA DGOS TSUL ZHUS PAR, ZHAL RAS ZLA BA'I DKYIL 'KHOR JI LTAR RUNG, ,DPRAL BA ZLA BA'I DKYIL 'KHOR MJAL DOGS DGOS, ZHES PHEBS PA LA, RJE BTZUN BLA MA 'DI NYID THUGS DGOS CHER ZOS PA'I TSUL BZHES NAS GSOL TSIGS GROL TE PHEBS DUS, LAM DU NYE GNAS RAB 'BYAMS PA BLO BZANG DAR RGYAS LA SNGAR GYI GSUNG DE NYID SKYOR BAR MDZAD NAS GSUNG DE YAGS PO MIN PA 'DRA ZHES PHEBS, LHA SA SMON LAM CHEN MOR SKYABS MGON RGYAL DBANG THAMS CAD MKHYEN GZIGS CHEN PO'I SKU'I SNYUN GZHI MYUR DU GDANGS PA'I CHED DU MANG JA SBYOR SPREL THOG NANG MDZOD DRI MED, SKU GZAN SPU PHRUG GI SPYI 'BUL DANG, SKU 'GYED 'DUN RER DNGUL SKAR LNGA RE BCAS STZAL ZHING, 'DI LO KHO BO CAG DBUS PHYOGS SU BKA' DRIN MTSUNGS PA MED PA RGYAL DBANG

, ,THAMS CAD MKHYEN GZIGS CHEN POR BSNYEN RDZOGS KYI SDOM PA ZHU BAR 'GRO RTZIS LA'ANG, DE DUS GEGS MED PA'I SPYAN DMIGS KYANG MDZAD, DE NAS GONG SA RGYAL DBANG THAMS CAD MKHYEN GZIGS CHEN POS BKA' PHEBS PA LTAR, BDUN GSUM GYI RING SKU TSE TSE SGRUB DANG BSKANG GSO SBYIN SREG SOGS GNANG SMIN GNANG MOD, DENG DUS SEMS CAN BSOD NAMS RAB TU DMAN PA'I MTHU LA BRTEN NAS BDAG GI DPAL LDAN BLA MA DAM PA BKA' DRIN MTSUNGS BA MED PA DUS GSUM SANGS RGYAS THAMS CAD KYI NGO BO RGYAL DBANG THAMS CAD MKHYEN GZIGS CHEN PO NYID, ME GLANG ZLA BA GNYIS PA'I TSES GSUM MIG DMAR DBYU GU'I 'GRUB SBYOR GYI NYIN 'OD GSAL CHOS KYI SKU DON DAM PA'I BDEN PA MNGON DU MDZAD NAS, CHOS KYI DBYINGS SU THIM PA'I TSUL BZHES PAS THUGS NGAL TSAD MED PA 'KHRUNGS SHING, TSES DRUG LA SKU GDUNG RIN PO CHE MJAL BAR PHEBS NAS SNYAN SHAL DANG GDUNG 'BUL SOGS RGYA CHER GNANG, ZHAG GNYIS BZHUGS TE SKU ZHABS GRVA TSANG PA RNAMS DANG LHAN DU BDE MCHOG GI CHO GA RGYAS PAR MDZAD CING, RGYAL BA'I BSTAN PA RIN PO CHE'I DPAL DU YANG SRID SPRUL PA'I SKU MYUR DU PHEBS PA'I GSOL 'DEBS SHUGS DRAG MDZAD, GSER GYI MCHOD SDONG RIN PO CHE'I ZHAL 'DEBS SU GSER SRANG BCU DGU DANG ZHO DO, ,GOS YUG BCAS 'BUL BA GNANG, 'DI LO BKRA SHIS LHUN PO'I TSOGS CHEN DU MANG JA DRUG GI THOG 'GYED BAL tAm RE, SKU GDUNG RIN PO CHE GNYIS LA NANG MDZOD RE, PAn CHEN DGE 'DUN GRUB KYI SKU GDUNG, BYAMS PA, LHA MO BCAS

LA KHA BTAGS LEGS PA RE 'BUL BA GNANG, 'DI LO'I NANG DU THOR KHOD KYI RGYAL PO CHEN PO DON GRUB BKRA SHIS KYIS GONG MA CHEN POR DGONGS ZHUS KYIS BOD DU DGE RTZAR CHOS SKYABS THA'I JI LA SOGS PA'I MI SNA RNAMS BTANG BA 'BYOR PAS THOR KHOD KYI RGYAL PO SRAS YUM LA SOGS PAS PHUL BA'I DNGOS CHAS RIN THANG GZHAL DKA' BA'I RIGS PHUL BA RNAMS THUGS BRTZE BA CHEN POS BZHES TE DKON MCHOG GSUM GYI MCHOD PAR SMIN PAR MDZAD CING MI BCU SKOR ZHIG DGE SLONG GI DNGOS POR BSGRUB PAR MDZAD, 'GA' ZHIG LA 'JIGS BYED KYI DBANG CHEN SOGS SO SOR 'DOD CHOS KYIS RE BA'ANG SKONG BAR MDZAD, GSER GDUNG GI DO DAM PA LA SOGS PAS MTSON PA'I LAS MDZAD PA PO RNAMS LA SO SO'I GO BABS DANG BSTUN PA'I NANG MDZOD DANG PHYI MDZOD, BSOD BTAGS BCU BYINGS LA DNGUL SKAR PHYED BRGYAD RE SOGS DANG JA THENGS GSUM BCAS GNANG, SKYABS MGON RGYAL DBANG THAMS CAD MKHYEN GZIGS CHEN PO NAS LJAGS BKOD MDZAD PA BZHIN SER 'BRAS DGE GSUM DU BZHUGS RGYU'I RTEN BZHENGS GNANG BA RNAMS KYI ZHAL 'DEBS SU GSER SRANG LNGA, DNGUL RDO TSAD BDUN, GOS YUG BCU GCIG DNGOS PO SPUS KHA SNA TSOGS BCAS KHYON BSDOMS DNGUL SRANG STONG DANG SUM BRGYA GYA GNYIS BCAS 'BUL BA GNANG, ZLA BA GSUM PA'I NANG DU LHA SAR PHEBS SKABS DGUNG BLON CHEN PO PAndI TA LA, STON PA MNYAM MED SH'AKYA'I RGYAL PO DE NYID KYI BKA' GANGS CAN GYI LJONGS 'DIR 'GYUR RO 'TSAL RNAMS GSAR DU BSKRUN DGOS PA'I BKA' GNANG ZHING, RTA NOR GSER DNGUL SOGS DNGOS CHAS SNA TSOGS PA DNGUL THOG TU PHAB PAR SRANG STONG DANG

, ,BZHI BRGYA LHAG BCAS DANG MDZOD BTAGS, SKYA CHEN, DRUG SBAG SOGS PHON CHER STZAL, DE MTSUNGS BKA' BLON MDO MKHAR BAR DNGUL GDUNG CHE BA ZHIG BZHENGS ROGS DGOS TSUL GNANG NAS, SKU RGYU'I GSER DNGUL, ZANGS, 'PHRA RGYAN, GNOD SBYIN BANG MDZOD KYI NOR SOGS DNGOS PO'I RIN THANG BSNGOMS PAR SRANG BZHI STONG BZHI BRGYA DGU BCU GO DRUG ZHO DGU SKAR BDUN BCAS THOB PA GNANG, ZLA BA GSUM PA'I TSES BRGYAD NAS BZUNG STE BRAG G-YABS SPRUL PA'I SKU SOGS BLA MA DGE BA'I BSHES GNYEN DRAG RIM DU MA DANG BCAS KHYON DGE 'DUN STONG DANG BZHI BRGYA SKOR LA 'JAM DPAL ZHAL LUNG GI ZAB KHRID SEMS BSKYED DANG BCAS PA GNANG ZHING RAB BYUNG BSNYEN RDZOGS KYANG SHIN TU MANG BSTZAL, ZLA BA BZHI PA'I TSES BCU GSUM LA SKYA SER STONG PHRAG TZAM LA BCU GCIG ZHAL GYI DBANG CHEN DANG SMYUNG GNAS BCAS SNGAR BZHIN GNANG, RGYUD STONG SMAD GTZOR GYUR GYI DGE 'DUN BRGYAD BRGYA SKOR LA BCOM LDAN 'DAS DPAL 'KHOR LO SNGOM PA LHA RE GNYIS PA'I DKYIL 'KHOR CHEN PO SGOM PA'I TSUL GYI RIM PA DANG PO DANG, DES LUS KYI RTZA RLUNG THIG LE RNAMS LAS RUNG DU BYAS PA LA BRTEN NAS ZUNG 'JUG PHYAG RGYA CHEN PO'I GO 'PHANG MNGON DU BYED PA'I RDZOGS RIM GNYIS KYI ZAB KHRID ZHAG BCU GSUM GYI RING SHIN TU RGYAS PA GNANG, DE DUS KHO BO CAG NAS DRUG PA TSES BZHI DANG BSTUN NAS BSNYEN PAR RDZOGS PA DGE SLONG GI DNGOS PO NOS PA LA THUGS BRTZE BA CHEN POS, DNGUL DKAR GYI MAndAL SNE 'DOGS CAN, SKU GSUNG THUGS RTEN, DRANG SRONG GI SNOD MCHOG SOGS

DANG; SNYAN TSIG GI LAM NAS DRANGS PA'I BKA' YIG RMAD DU BYUNG BA DANG BCAS STZAL, ZLA BA BDUN PA'I NANG DU SKYA SER PHO MO STONG PHRAG BRGAL BAR TSE DBANG DANG DGE BSKUL GYI BSLAB BYA RGYA CHER GNANG ZHING, SER 'BRAS DGE GSUM, BKRA SHIS LHUN PO; RGYUD STOD SMAD, GSANG PHU SOGS LA CHOS THOG DANG BSTUN PA'I MANG 'GYED GANG THON, ZLA BA BRGYAD PA'I TSES BCO BRGYAD NAS BLA MA DGE BA'I BSHES GNYEN SOGS STONG DANG LNGA BRGYA SKOR LA BYANG CHUB BDE LAM GYI KHRID RGYAS PA YID 'KHUL NGES PA ZHIG STZAL, RVA SGRENG DU JUS TSOS KHA SNA LNGA'I PHYE PHUR CHE LEGS GSUM DANG, MCHOD 'BUL SNYAN SHAL, MANG JA DNGUL ZHO RE'I 'GYED BCAS GNANG, YANG BSKYAR TSOGS YONGS SUM BRGYA SKOR GYIS TSE DPAG MED KYI SGO NAS TSE SGRUB BDUN PHRAG GCIG MDZAD PAR JA THUG YON 'BUL SOGS BSAM GYIS MI KHYAB PA GNANG, GZHAN YANG TZONG KHA BRGYAD CU MA'I SKU THANG BCO LNGA GOS MANG LHUG GI GONG SHAM ZHAL KHEBS DANG TOG SOGS PHUN SUM TSOGS PA ZHIG GNANG, 'DI DAG GI GONG 'OG MANG POR DKON MCHOG GI BSNYEN BKUR DANG DGE 'DUN GYI SDE KHAG MANG POR MANG 'GYED 'BUL NOD SOGS SHIN TU RGYA CHE BA GNANG MOD KYANG DE RNAMS ZHIB PAR BRJOD KYIS MI LANG NGO, ,DE NAS ZLA BA DGU PA'I TSES BDUN LA SKYABS MGON RGYAL DBANG THAMS CAD MKHYEN GZIGS CHEN PO DE NYID KYI SKU GDUNG RIN PO CHE YID BZHIN DBANG GI RGYAL PO SNYING POR BZHUGS PA'I LHAR BCAS SKYE DGU'I MCHOD SDONG GSER GDUNG RIN PO CHE YONGS SU RDZOGS PA GRUB PA'I RAB GNAS KYI ME TOG 'THOR PAR PHEBS DGOS PAR GSOL BA BTAB PA LTAR CHIBS BSKYOD NAS, RGYAL TSAB DAM PA NO

, ,MIN HAN DE MO SPRUL PA'I SKU DANG GRVA SA GSUM DANG, RGYUD STOD SMAD KYI GZUNGS 'BUL BA DGE BSHES YONGS RDZOGS RTZE DRUNG NANG MA, RNAM RGYAL GRVA TSANG TSOGS YONGS KYI DGE 'DUN RNAMS DANG LHAN CIG TU BCOM LDAN 'DAS DPAL RDO RJE 'JIGS BYED KYI SGO NAS RAB TU GNAS PA'I CHO GA SBYOR DNGOS RJES GSUM TSANG BAR GNANG SKABS, RTZA BA'I RDO RJE SLOB DPON RGYAL TSAB DAM PA NAS MDZAD MOD KYANG, RGYAL TSAB RIN PO CHE'I GSUNG LAS, YON BDAG BSGO BA'I GSUNG BSHAD ZHIB CHA RJE BTZUN BLA MA NYID NAS GSUNG DGOS PA'I BKA' GNANG BA LTAR, GSUNG BSHAD ZAB MO DER TSOGS RNAMS YID 'KHRUL NGES PA GNANG, RJE BTZUN BLA MA NYID NAS GSER GDUNG RIN PO CHER DNGUL GYI MAndAL CHE CHUNG GNYIS, DNGUL SRANG BRGYA, MDZOD GOS DMAR PO LA NYTZA MA SPUS LEGS YUG CHEN GNYIS, SNYAN SHAL MDZOD BTAGS SNA LNGA SOGS RGYA CHER 'BUL BAR MDZAD CING RGYAL TSAB RIN PO CHE, BKA' BLON LHAN RGYAS, DGE 'DUN GYI SDE DANG BCAS PA LA BSNYEN BKUR DNGOS SKYES SOGS RGYA CHER STZAL, LHA SAR RTEN GSUM RNAMS LA'ANG SNYAN DAR THUGS SMON DANG BCAS TE 'BUL BA GNANG NAS, MCHOG SPRUL RIN PO CHE MYUR DU PHEBS PA'I THUGS SMON BLA NA MED PA MDZAD, BKA' 'GYUR RIN PO CHE BZHENG BA GNANG RGYU DE GUNG PAndI TA NAS DANG PAS KHUR LEGS PAR 'KHYER BAS YONGS SU RDZOGS PA GRUB PA'I GTANG RAG TU GUNG PAndI TA SKU NGOS TSANG MA 'KHOR DANG BCAS PA GDAN SAR 'BOD PAR MDZAD NAS GSOL STON GZAB RGYAS KYI THOG ,GOS CHEN RGYAN BZHI CHU BRAG MA'I SLOG PA, MDZOD GOS SHING LO MA YUG ,GOS LJANG

'BRUG RIS MA YUG ,GOS DNGUL MDOG MA YUG ,GOS MANG LHUG SER PO YUG ,JUS LJANG YUG ,CHA BDUN MA YUG ,RDO RJE SENG LAM MA YUG ,YANG JUS LJANG YUG ,RGYAN BZHI SER PO YUG ,THER GOS DMAR PO GYON 'DENGS, DNGUL RTA RMIG MA GCIG tAm GYI RDO TSANG GNYIS, SHING YE 'KHOR DRUG GNYIS, SPU HAR NAG PO GNYIS, DPA' DAR NANG MDZOD RE, 'GO PA AEM CHI RTA MGRIN LA DNGUL SRANG BCU, GOS MCHIN MDOG GYON 'DENGS, NANG MDZOD DRI MED, G-YOG BYINGS LA RTZE JA 'KHOR DRUG ,CHUNG JU 'KHOR DRUG, GOS DMAR YUG BCAS STZAL, DE MTSUNGS BKA' BLON ZHABS DRUNG DZA SAG MDO MKHAR BA SKU NGOS RNAMS LA'ANG STON MO SNGAR LTAR GNANG RDZAS, DNGUL RTA RMIG MA, tAm GYI RDO CHENG, RGYAN BZHI DUR SMRIG YUG CHEN, GSER JUS YUG ,GOS SMYUG KHA GYON 'DENGS, MDZOD GOS MCHIN KHA GYON 'DENGS, MDZOD GOS SER PO 'BRUG RIS MA DANG GOS LJANG SER YUG ,SO 'DZIN KO RTZE 'KHOR DRUG GNYIS, DPA' DAR NANG MDZOD RE, G-YOG BYINGS LA CHUNG JU 'KHOR DRUG ,GOS GSER YUG BCAS STZAL, CHAB MDO'I GSER GDUNG KHANG DU MDZOD GOS BZANG SGRIGS SNA TSOGS KYI PHYE PHUR CHE LEGS G-YER KHA DAR PHON DANG BCAS PA BZHI, DNGUL GYI MAndAL SRANG SUM CU SO LNGA YOD PA TSA GSER MTSOM BU DANG BCAS PA DANG BDE GSHEGS BRGYAD DANG RJE RIN PO CHE, BYAMS PA'I SKU RNAMS CHE CHUNG MDA' TSAD MA KHRI RGYAB DANG BCAS PA PHUL DU PHYIN PA ZHIG BZHENG BA GNANG BZHENG KYIS DE'I RGYUR AINDRA N'I LA, MU TIG ,G-YU, BYU RU, MU MAN, PADMA R'A GA SOGS DANG BLUG SHEL SNA TSOGS PA, GSER SRANG SUM CU, DNGUL,

, ,SRANG STONG, GOS YUG BCU GSUM, GYON PA SPUS LEGS TSAN CHE BA BCAS GNANG, 'DI SKABS SHIG NGAG DBANG DPAL 'BYOR KHO THOG THUR SGROL DKAR GYI RJES GNANG ZHIG KYANG STZAL, ZLA BA BCU PA'I LNGA MCHOD CHEN MO'I NYIN MDO KHAMS BSTAN PA'I SGRON ME 'PHAGS PA LHA'I SPRUL PA'I SKU CHAB MDOR SENGGE'I KHRI CHEN POR MNGA' GSOL MDZAD PA'I LEGS 'BUL DU NANG MDZOD DRI MA MED PA, DNGUL DKAR GYI MAndAL 'DEGS SRANG BCU BDUN YOD PA SNE 'DOGS CAN, SKU GSUNG THUGS RTEN, MDZOD GOS LANYTZA MA'I 'GAN SBYAR, SKU CHOS, PAn ZHVA SNE RINGS, SANGS RGYAS SKU SHA MA'I SKU BER, BZHUGS GDING, BZHUGS GDAN, SKU SNYE, GSER SRANG 'KHOR, DNGUL RTA RMIG MA GCIG ,BAL tAm GYI RDO TSANG GNYIS, MDZOD GOS SER PO YUG ,KA SHIS GTZOS PA'I DGU TSAN, MDZOD GOS DMAR PO YUG ,KA SHIS GTZOS PA'I DGU TSAN, MDZOD GOS DKAR PO YUG ,YANG KA SHIS GTZOS PA'I DGU TSAN SOGS 'BUL BA MDZAD, TSOGS CHEN LA MANG 'GYED, BRAG G-YABS SPRUL PA'I SKU CHUNG TSANG GI YAB GSHEGS PA'I DGONGS RDZOGS SU SGRUB SDE GSUM LA SEMS BSKYED KYI ZHABS TOG PHUL DU PHYIN PA MDZAD PA'I TSOGS DBUR RJE BLA MA NYID SPYAN 'DREN ZHUS PA LTAR ZHABS BRTAN 'BUL BA RGYA CHER PHUL BA RNAMS KYANG BDAG GIR MDZAD, PHYI DRO'I DUS SU DGE BA'I RTZA BA RNAMS RDZOGS BYANG DU BSNGO BA'I GSUNG BSHAD BLA NA MED PA'ANG GNANG, RI BO DGE LDAN RNAM PAR RGYAL BA'I GLING DU ZLA BA DGU PA'I TSES DRUG LA RGYAL DBANG RDO RJE 'CHANG THAMS CAD MKHYEN GZIGS CHEN PO DE NYID

KYI MCHOG SPRUL MYUR PHEBS KYI CHED DU DMIGS NAS MANG JA LNGA, SKU 'GYED BAL tAM RE BCAS GNANG, DE DUS KHO BO CAG NAS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI BKA' KHRID LA SOGS PAS MTSON CHOS KYI BKA' DRIN MANG PO ZHU BAR 'DOD DE, PHYOGS 'DIR CHIBS KHA BSGYUR DGOS PAR GSOL BA BTAB PA LTAR, ZLA BA DGU PA'I TSES BCU DGU LA GTZANG DU CHIBS KHA BSGYUR, SNYE THANG 'OR DU MCHOD 'BUL DANG SMON PA'I THUGS BSKYED GANG RGYAS DANG, CHOS RDZONG DANG BKRA SHIS SGANG PA BDUN CU SKOR SKU 'BUM DU SGRUB MCHOD LA BYON PA RNAMS LA MANG JA DANG 'GYED SKAR LNGA RE BCAS GNANG, GE RER ZHAG BZHUGS THOG LHA PA'I ZHABS DRUNG RNAMS LA TSE DBANG DANG, BAR TSIGS, DPAL SDE, RAM PA SOGS PHEBS LAM SO SOR RANG RANG GI 'BYOR DNGOS DANG BSTUN PA'I BSNYEN BKUR PHUL BA RNAMS BDAG GIR MDZAD, BYAMS CHEN DU PHEBS NAS MCHOD 'BUL SNYAN SHAL SOGS THUGS SMON DANG BCAS PA GNANG ZHING, DGE 'DUN RNAMS LA JA THUG LNGA DANG 'GYED BAL tAm RE, DGA' LDAN LHA BRGYA MA'I BKA' KHRID DANG RAB BYUNG KHA SHAS BCAS GNANG, SLAR YANG DNGOS PO SNA TSOGS KYI 'GYED DANG MANG JA KHA SHAS STZAL NAS RIM GYIS NYER DGU'I NYIN CHOS GRVA CHEN PO 'DIR PHEBS TE NYI MA DE NYID KYI NYIN ZHAL MNGON DU GYUR PA'I SKAL BZANG THOB CING GSOL BA NAN TAN CAN BTAB PA LTAR, ZLA BA BCU PA'I TSES GCIG NAS BZUNG STE, CHOS GRVA CHEN PO 'DI KHA'I GZIMS CHUNG YID DGA' CHOS 'DZIN DU KHO BO CAG DANG, DON GYI SLAD DU MTSAN NAS SMOS TE MKHAN RIN PO

, ,CHE RJE BTZUN BLO BZANG CHOS 'PHEL, RJE'I ZHAL SNGA NAS RNAM PA BZHI, SNGAGS PA GRVA TSANG GI DGE BSHES BZHI DANG, KHO BO CAG GI MTSAN NYID KYI ROGS RAM PA BZHI, DPON TSANG CHEN MO SOGS LA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI BKA' KHRID SHIN TU RGYAS PA GNANG ZHING, MJUG TU SEMS BSKYED MCHOD PA BLA NA MA MCHIS PA BYANG CHUB MCHOG GI SA BON THEBS NGES PAR MDZAD PA 'DI GCIG PU'I BKA' DRIN GYI CHA SHAS GCIG KYANG ZHING GI RDUL SNYED KYI BSKAL PAR GZHAL BAR SLA BA MA YIN NO, ,DE NAS TSES BCU BDUN NAS BZUNG STE DUS GSUM GYI RGYAL BA THAMS CAD KYI BGROD PA GCIG PA'I LAM DAM PA, SKYE BO MCHOG GI CHOS LUGS, BYANG CHUB LAM GYI RIM PA CHEN MO'I BSHANG LUNG 'DZUGS PAR MDZAD DE, DE'ANG GONG 'OG KUN TU THUB PA'I GSUNG RAB DRI MA MED PA'I SNYING PO CHOS KYI RGYAL PO TZONG KHA PA CHEN PO'I DGONGS PA MTHAR THUG PA RNAMS LUNG RIGS DRI MA MED PAS GTAN LA PHAB STE ZHIB TU GSUNGS, KHYAD PAR DU LTA BA'I GNANG DRI MA MED PA RNAMS KYI GSUNG BSHAD GNANG BA'I SKABS GZHAN PHYOGS LOG PAR SMRA BA SBYI DANG, KHYAD PAR DU NGOL PO SHES RAB RGYAL MTSAN GYI LUGS SROL GZHAN STONG GI THA SNYAD BYED PA DE, LUNG RIGS RNO BA'I TSOGS KYIS RTZANG NAS DRUNGS 'BYIN PAR MDZAD DE, JI SKAD DU, CHOS KYI RGYAL PO TZONG KHA PA CHEN POS, GZHAN YANG SNANG BAS YOD MTHA' SEL BA DANG, ,STONG PAS MED MTHA' SEL ZHING STONG PA NYID, ,RGYU DANG 'BRAS BUR 'CHAR BA'I TSUL SHES NA, ,MTHAR 'DZIN

LTA BAS 'PHROG PAR MI 'GYUR RO, ZHES GSUNGS PA'I DGONGS DON LTAR, LUGS MCHOG TU GYUR PA THAL 'GYUR BA'I LTA BA RGYA CHER GTAN LA 'BEBS PAR MDZAD, DE GRUB NAS ZLA BA BCU GCIG PA'I TSES GNYIS LA 'GREL PA BZHI SPRAGS KYI DBU 'DZUGS PAR MDZAD, DE'I DUS SU, GANG ZHIG RTOGS NA GSUNG RAB MTHA' DAG LA, ,MI 'JIGS SPOBS PA MCHOG STER 'DUS PA'I LAM, ZHES GSUNGS PA'I GNAD THUN MONG MA YIN PA, RGYUD THAMS CAD KYI RGYAL PO DPAL GSANG BA 'DUS PA'I GNAD KYI SNYING PO'I SNYING PO SGYU 'OD ZUNG GSUM DANG DE LA BRTEN NAS SKU GSUM NGO BO GCIG PA'I GO 'PHANG MNGON DU BYED LUGS KYI GNAD CHOS KYI RGYAL PO RGYAL BA GNYIS PA BLO BZANG GRAGS PA'I GSUNG GI GNAD 'GAG MTHAR THUG PA SA BCU PA LA GNAS PA'I BYANG CHUB SEMS DPA' RNAMS KYANG YID 'PHYANG MO NYUG TU 'GYUR BA'I GSANG BA BLA NA MED PA RNAMS SHIN TU ZHIB PAR STZAL, DE'I RJES SU GSANG BA'I GNAD ZAB MO RNAMS ZHIB TU STZAL BA LA RDO RJE MKHA' 'GRO MA RNAMS KYIS 'KHU 'PHRIG GI RNAM PAS RJE BTZUN BLA MA NYID KYI SKU STOD LA SNYUNG GZER GYIS BSNYUN PA'I TSUL BSTAN PAS SEMS TSAB TSAB POR GYUR MOD RJE BLA MA NYID ZAB LAM RDO RJE'I RNAL 'BYOR GYIS GO 'PHANG MTHON POR GSHEGS PA'I MTHU LA BRTEN NAS SKYON 'GYUR GYI RNAM PA CUNG ZAD KYANG MA BYUNG ZHING RGYUD THAMS CAD KYI RGYAL PO DPAL GSANG BA 'DUS PA'I LEGS BSHAD KYI GSUNG BSHAD GRUB BSTUN, SNGAR LAS CHOS ZHU MI NYUNG DUR BSDUS TE KHO BO CAG LA SOGS PA BDUN TZAM LA BCOM LDAN 'DAS DPAL 'KHOR LO SDOM PA GRUB CHEN L'U AI PA'I LUGS KYI DBANG CHEN DANG DRIL BU LUS DKYIL

, ,GYI DBANG RNAMS STZAL, DE'I TSE KHO BO CAG NAS BKA' DRIN MTSUNGS PA MED PA RGYAL DBANG THAMS CAD MKHYEN PA CHEN PO DE NYID KYI MCHOG SPRUL MYUR PHEBS SU DMIGS NAS NYI LDOG DANG BSTUN TE SNGAGS PA TSOGS CHEN DANG LHAN CIG DRAG PO'I SBYIN SREG BGYIS PA'I TSOGS DBUR YANG GSOL BA BTAB PA BZHIN PHEBS, DE NAS SLAR YANG KHO BO CAG DANG, MKHAN RIN PO CHE BLO BZANG CHOS 'PHEL, DPON TSANG DGE SLONG DGE 'DUN DON GRUB BCAS PA DPAL RDO RJE 'JIGS BYED CHEN PO'I RIM GNYIS KYI KHRID DANG BCOM LDAN 'DAS DPAL 'KHOR LO SDOM PA L'U DRIL GNYIS KYI RIM GNYIS KYI KHRID RNAMS STZAL ZHING, SLAR YANG SNGON DU SMOS PA'I SKAL LDAN GYI SKYE BO DE DAG TSANG MA LA DPAL GSANG BA 'DUS PA'I LAM RIM PA GNYIS KYI KHRID SHIN TU RGYAS PA GNANG, DE NAS YANG KHO BO CAG SOGS 'GA' ZHIG LA BKA' GDAMS THIG LE BCU DRUG GI DBANG DANG, BLA MA MCHOD PA DANG PHYAG CHEN GNYIS KYI KHRID, TSEM BU DMAR KHRID DANG SNYING PO DON GSUM GYI KHRID RNAMS GNANG ZHING, PHYAG MDZOD BLO BZANG TSE DBANG LA'ANG BDE MCHOG DRIL BU LUS DKYIL GYI KHRID RGYAS PA ZHIG STZAL, ZLA BA BCU GNYIS PA'I DUS SU SNGAGS PA GRVA TSANG GI DUS GTOR RNAMS LA GZIGS RTOG DANG, SA STAG ZLA BA DANG PO'I DUS SU LO GSAR GYI DGA' STON RNAMS LA'ANG PHEBS, ZLA BA DE'I TSES GSUM GYI NYIN SNGAGS PA TSOGS CHEN DU DPAL RDO RJE 'JIGS BYED KYI TSOGS 'KHOR RAB TU RGYAS PA ZHIG KYANG MDZAD, DE'I DUS SU KHO BO CAG 'DI KHA'I TSOGS CHEN GYI DBUS SU 'BOD PAR MDZAD CING KHO BO CAG GI TSE YUN DU SPEL PA'I RDO RJE'I BDEN TSIG DANG

BCAS TE SHIS PA BRJOD PAR MDZAD NAS, DNGUL DKAR GYI MAndAL SNE 'DOGS CAN, RGYAL BA TSE DPAG MED KYI SKU BRNYAN RGYA GAR LI MA, 'PHAGS PA TSE DANG YE SHES DPAG TU MED PA'I MDO, BKA' GDAMS GDUNG RTEN, DKAR YOL LA SOGS PA'I NYER DPYAD DANG BER LA SOGS PA'I GYON PA CHA TSANG, GSER SRANG 'KHOR, DNGUL RTA RMIG MA GSUM, BAL tAM GYI RDO TSAD BCU GNYIS, MDZOD GOS YUG CHEN BCU GNYIS, KROD DON LA SOGS PA'I GOS YUG BCO BRGYAD, MDZOD BTAGS BRGYA, LING SNA TSOGS YUG NYI SHU RTZA BZHI; RTEN KHABS KHA GSAR BZHI, SMAN RNYING YUG GNYIS, MTHING KHRA BCU SDEM GCIG ,KO RTZE 'KHOR DRUG DRUG ,CHUNG JU 'KHOR DRUG DGU LA SOGS PA GNANG SKYES RMAD DU BYUNG BA GNANG RJES SU SLAR YANG KHO BO CAG TSOGS CHEN GYI DBUS SU 'BOD PAR MDZAD DE, DNGUL GYI MAndAL, SKU GSUNG THUGS RTEN, GSER GYI 'KHOR LO 'PHRA LDAN, DUNG DKAR DAR TSON SNA LNGA'I SNE 'DOGS CAN GNYIS, GYON PA CHA TSANG, GSER SRANG BCU, DNGUL RTA RMIG MA GSUM, BAL tAm GYI RDO TSAD GNYIS, BZANG GOS YUG YOD PA'I DGU TSAN NYER GCIG SOGS GNANG ZHING TSOGS PAR YANG MANG JA SBYOR SBREL RNAM GZHAG DANG 'GYED SOGS GNANG STE, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM NAS CHOS THUN GCIG SHOD DGOS PA'I BKA' GNANG, CHO 'PHRUL SMON LAM CHEN MO DANG BSTUN TE TSOGS CHEN DU MANG JA DANG, GZHAN YANG THOS BSAM GLING GIS MTSON PA'I GRVA TSANG KHAG LA GRVA JA 'GYED DANG BCAS PA SOGS BSAM GYIS MI KHYAB PA CHU BO'I RGYUN LTA BUR MDZAD, DE NAS DGE 'DUN GYI SDE TSOGS SHIN TU CHE BA LA BYANG CHUB LAM GYI

, ,RIM PA'I DMAR KHRID THAMS CAD MKHYEN PAR BGROD PA'I BDE LAM GYI BKA' KHRID RGYAS PA LUGS GNYIS KYI BSLAB BYA DANG BCAS PA GNANG ZHING, MJUG TU SEMS BSKYED MCHOD PA BLA NA MED PA STZAL TE, DGE 'DUN RNAMS NAS SEMS BSKYED PA'I RDZAS SU PHUL BA'I YO BYANG RNAMS TSANG MA 'DI KHA'I BLA BRANG DU 'JOG PAR MDZAD NAS RTEN BZHENG DGOS PA'I BKA' GNANG, NYIN GCIG KHO BO CAG DANG MI GSUM TZAM LA SNGA DRO'I DUS SU THEG PA CHEN PO'I GSO SBYONG GI SDOM PA DANG, PHYI DRO'I DUS SU KHO BO CAG GCIG PU LA BCOM LDAN 'DAS KHRO BO'I RGYAL PO DPAL RDO RJE 'JIGS BYED CHEN PO'I 'KHRUL 'KHOR GYI RTOG PA'I RGYA CHER BSHAD PA KHAMS GSUM LAS RNAM PAR RGYAL BA'I NYI 'OD KYI KHRID SHIN TU RGYAS PA ZHIG KYANG GNANG BA TSE RABS THAMS CAD DU GZHAL BAR DKA' BA'I BKA' DRIN THOB, GZHAN YANG N'A RO CHOS DRUG GI BKA' KHRID DANG RJE BLA MA'I RNAL 'BYOR MKHAS GRUB CHIG BRGYUD DANG RIGS GSUM SPYI SGRUB KYI LJAGS KHRID, DPAL RDO RJE 'JIGS BYED DMAR PO MDA' GZHU 'GENGS PA LA BRTEN PA'I DUG DBANG RNAMS ZHIB TU GNANG, DE NAS SLAR YANG KHO BO CAG NAS ZHABS BRTAN 'BUL NOD DANG BCAS TE BRTAN BZHUGS GSAR RTZOM ZHIG BYAS TE PHUL BA'ANG DGYES BZHIN DU BZHES, DE'I DUS SU RGYAL DBANG KHYAB BDAG RDO RJE 'CHANG CHEN PO DE NYID KYI SPRUL PA'I SKU GSAL BAR MDZAD PA DANG, BOD 'BANGS SPYI'I BDE THABS RNAMS LA DGONGS NAS GONG MA CHEN PO'I BKAS BSTAN 'GRO'I DPAL MGON DAM PA T'A KOO SHR'I LCANG SKYA RIN PO CHE BOD DU PHEBS PA LA MYUR DU ZHAL 'DZOM GNANG BZHED

DANG; LO LTAR PHYOGS 'DUS KYI DGE 'DUN STONG PHRAG SNYED LA BYANG CHUB LAM GYI RIM PA'I BKA' KHRID GNANG PA'ANG DUS LAS MI YOL BAR MDZAD PA SOGS KYI CHED DU ZLA BA GNYIS PA'I TSES BCO BRGYAD KYI NYIN CHIBS KYI KHA LO BSGYUR, DBEN SA CHOS KYI PHO BRANG DU PHEBS NAS ZHAG GNYIS BZHUGS NAS 'DUS TSOGS SU BLA MA MCHOD PA'I BKA' KHRID DANG MANG JA NYIN GANG MA, 'GYED BAL tAM GNYIS RE DANG KHA BTAGS SKYA CHEN RE BCAS GNANG, RJE GRUB PA'I DBANG PHYUG GI SNANG BRNYAN GYI SKU MDUN DU BRGYA MCHOD TSAR GNYIS DANG SNYAN SHAL THUGS SMON SOGS GZAB RGYAS GNANG ZHING, PHEBS ZHOR DU MTSAN SGROG TU'ANG MANG JA KHA SHAS 'GYED SKYA CHEN RE DANG BAL tAM GSUM RE THOB RTZIS KYI DNGOS PO SNA TSOGS BCAS STZAL, PAD TSAL DU ZHAG BZHUGS THOG NGO BO RNAMS LA TSE DBANG DANG DGA' LDAN LHA BRGYA MA'I KHRID BCAS GNANG, ZHVA LUR MANG JA KHA SHAS DANG BAL tAM RE THOB NGES KYI DNGOS PO'ANG GNANG, DGA' BZHIR BZHUGS ZHAG GNYIS KYI THOG DGA' BZHI DPON G-YOG RNAMS LA TSE DBANG GZAB RGYAS DANG, DPAL 'KHOR CHOS SDE DANG RI KHROD DGA' LDAN SOGS DGON PHAN TSUN RNAMS LA MANG JA DANG 'GYED BCAS GNANG, DE NAS RIM GYIS LHA SAR PHEBS, RGYAL TSAB BA DE MOR DNGUL DKAR GYI MAndAL LA SOGS PA'I GNANG SKYES DANG BCAS TE ZHAL 'DZOM GNANG, BSAM GRUB KHANG GSER DU RJE BTZUN DAM PA T'A KOO SHR'I LCANG SKYA RIN PO CHE MJAL PAR PHEBS TE PHAN TSUN THUGS DGYES SHING BAG PHEBS PA'I GSUNG GLENG ZHIB PAR GNANG, DE NYIN LHA SA'I RAG KHA SHAG TU BZHUGS TE, DNGUL GDUNG GSAR BZHENGS GNANG

, ,PA PHAL CHER GRUB STE NYI ZLA 'GEL BA DANG DUS 'GRIG PAS RTEN 'BREL LEGS ZHES MNYES TSOR BLA NA MED PA MDZAD, DE NAS RI KHROD DU PHEBS PHUR BU LCOG GI DGE SLONG BYAMS PA BSTAN 'DZIN GYIS DGE SLONG GI DGE 'DUN RNAMS LA BSNYEN BKUR DANG BCAS TE SEMS BSKYED MCHOD PA PHUL DU PHYIN PA ZHUS PA'I TSOGS DBUR SPYAN 'DREN ZHUS PA LTAR PHEBS, SEMS BSKYED GSUNG BSHAD KYI DUS SU, 'O; NGA RANG TSO'I SGRUB SDE AE YIN, GRVA SA AE YIN, GZHIS DGON AE YIN; GANG YIN YANG PHAN TSUN GCIG GIS GCIG LA DAG SNANG SBYONG BA GAL CHE ZHING, DAG SNANG MA 'BYONGS KYANG KHA NAS LAB NYUNG BA 'DI YON TAN CHEN PO YIN, ZHES BYA BA LA SOGS PA GSUNG BSHAD RUS PA CAN BSNGO SMON GYI RGYAS 'DEBS DANG BCAS PA GNANG ZHING, ZLA BA GSUM PA'I TSES BRGYAD NAS BZUNG STE SER STOD PA BLA MA SOGS MKHAS 'DUS STONG DANG BZHI BRGYA SKOR LA BYANG CHUB LAM GYI RIM PA 'JAM DPAL ZHAL LUNG GI ZA BA KHRID RGYAS PAR GNANG ZHING, DE SKABS SU GTER STON YIN ZER BSKYE BO KLAD CHUNG RNAMS BSLU BAR BYED PA ZHIG BYUNG BAR, GZHUNG GI PHYAG PHYI ZHU BA'I MI DRAG 'GA' ZHIG NAS KYANG BSNYEN BKUR BYAS PAR BRTEN, HA CANG DPA' THAL GYIS RNAM PAR MI 'TSAMS PA'I GTER GYI RIGS SNA TSOGS 'BYIN PA DANG, KHYAD PAR LHO BRAG ME 'BAR MTSO NAS GTER 'DON RGYU YIN TSUL 'U LANGS CHE BAR BYUNG BA SOGS BSTAN PA LA GNOD PAR GZIGS NAS, NYIN GCIG GSUNG BSHAD KYI SKABS SU THUGS SHIN TU GTUM PA'I TSUL DANG BCAS TE, LOG PA'I CHOS LUGS RNAMS LA RIGS PA DRI MA

MED PA'I SUN DBYUNG BLA NA MED PA DANG BCAS TE DGAG PA CHER MDZAD CING, DAM CAN GSHIN RJE CHOS KYI RGYAL POR YANG GNYER GTAD NAN TAN CAN GNANG BAS, DER 'DUS THAMS CAD 'JIGS SHING DPA' ZHUM PAR GYUR LA, GSHIN RJE CHOS KYI RGYAL PO YANG RDO RJE'I G-YAR DAM LA GNAS PAR MDZAD DE, ZOG RDZU CAN DE MTSO NANG DU LHUNGS NAS SHI BA'I LUS LA GTER BRDZUS BTAGS PA RNAMS KYANG KUN GYI MIG LAM DU MNGON DU GYUR CING, MDZAD PA 'DI'ANG DENG DUS KYI SKYE BO THAMS CAD LA BKA' DRIN BLA NA MED PAR GYUR PA YIN, MJUG TU SEMS BSKYED MCHOD PA MDZAD PA'I DUS SU MGRON GNYER DGE SLONG GZHUNG SA NAS GTONG BA GNANG STE SKU GSUNG THUGS RTEN DANG MAndAL LA SOGS PA'I 'BUL BA GYA NOMS PA MDZAD, SA GA ZLA BA'I DUS SU SMYUNG GNAS DANG BSKYED RDZOGS KYI 'CHAD NYAN SOGS GONG 'PHEL DU GNANG, HAR GDONG BLA MA BYAMS PA CHOS 'BYOR GYIS SGRUB SDE GSUM LA SEMS BSKYED ZHABS TOG ZHUS PA'I TSOGS DBUR SPYAN DRANGS PA LTAR PHEBS NAS SEMS BSKYED KYI GSUNG BSHAD ZAB LA RGYA CHE BA GNANG, ZLA BA DRUG PA'I TSES GSUM LA G-YU THOG SPRUL SKUS SGRUB SDE GSUM GYI DGE SLONG RNAMS LA BSNYEN BKUR PHUL DU PHYIN PA BSGRUBS NAS SEMS BSKYED ZHUS PA LTAR SEMS BSKYED BLA NA MED PA MDZAD CING, TSES BZHI'I NYIN DGE SLONG GI SDOM PA'ANG LEGS PAR STZAL, TSES LNGA DRUG NAS BZUNG STE DNGUL GDUNG GSAR BZHENGS KYI GZUNGS 'BUL YANG GNANG, BDUN NAS BZUNG STE RJE BTZUN BLA MA DAM PA NYID DKYIL 'KHOR RGYA MTSO'I BDAG POR BZHENGS NAS RDO RJE SLOB DPON MDZAD DE BYES KYI KHRI GDAN ZUR SGRUB SDE PHAN TSUN GYI DGE BSHES

, ,RNAMS DANG BCAS TE, DPAL RDO RJE 'JIGS BYED KYI SGO NAS RAB TU GNAS PA'I CHO GA SBYOR DNGOS RJES GSUM TSANG BA MDZAD CING DAM TSIG PA SO SO LA YE SHES PA DNGOS SU GZHUG PAR MDZAD DE, STON YON GZAB RGYAS PHUL DU PHYIN PA'ANG STZAL, GRVA TSANG SPYI NAS KYANG DNGUL GYI MAndAL DAR TSON SNA LNGA'I SNE 'DOGS CAN, SKU GSUNG THUGS RTEN, NA BZA' CHA TSANG, RDO TSAD GSUM SOGS DANG, BLA MA LAS SNE, CHOS MDZAD, KHAM TSAN SOGS NAS 'BUL NOD KYANG RGYA CHER PHUL ZHING, DGE 'DUN GYI SDE NAS KYANG MJAL DAR LEGS GSOL BCAS MDZAD, GRVA TSANG DU'ANG RAB STON BLA NA MED PA DANG GRVA JA 'GYED BAL tAM RE BCAS DANG, DE MTSUNGS SER SMAD DANG SNGAGS PA BCAS LA'ANG GRVA JA DANG DNGUL SKAR PHYED BRGYAD RE'I 'GYED BCAS GNANG, ZLA BA DRUG PA'I TSES BCU DRUG NAS BZUNG STE DBYAR ZHAL BZHES MDZAD CING, SKU MTSAMS DAM PO'I NGOS NAS THUGS DAM SHIN TU 'PHEL BAR BZHUGS, ZLA BA BDUN PA'I TSES BCU GNYIS LA T'A KOO SHR'I LCANG SKYA RIN PO CHE SGRUB GNAS RNAMS GZIGS PAR SGRUB SDE PHAN TSUN DU PHEBS SKABS PHUR BU LCOG TU'ANG SPYAN 'DREN GNANG BA LTAR DGYES BZHIN DU PHEBS SHING GSOL STON DANG DNGUL GYI MAndAL DAR TSON SNA LNGA DANG BCAS PA, NANG MDZOD DRI MA MED PA, GTZUG TOR RNAM RGYAL MA'I GSER SKU BYON LEGS, ZHAL LUNG BRIS MA, BKA' GDAMS GDUNG RTEN, PAn ZHVA SNE RINGS, SKU'I NYER DPYAD CHA TSANG, BAL tAM GYI RDO TSAD GNYIS, GOS GSER GZHI MA YUG ,MDZOD JUS SNGO NAG YUG ,RTZE JA 'KHOR DRUG GNYIS, PHAB PHAB 'KHOR DRUG GCIG ,CHUNG JU 'KHOR DRUG GNYIS, KA SHI YUG RNAMS 'BUL BAR MDZAD NAS,

GTUM PO KHYUNG LNGA'I RJES GNANG ZHIG KYANG ZHU BAR GNANG, RJE LCANG SKYA RIN PO CHE NAS KYANG DGYES BZHIN DU RJES GNANG DE STZAL ZHING ZHAG GCIG BZHUGS, MDO SNGAGS KYI BKA' GNAD DU MA DANG KHYAD PAR DU SEMS TZAM PA'I LTA BA'I GNAD PHRA MO LAS BRTZAMS TE RTZOD GLENG ZHIB RGYAS MANG DU GNANG, SKABS SHIG TU PHUR BU LCOG PA DGE SLONG BYAMS PA LEGS BSHAD KYIS SGRUB SDE GSUM GYI DGE SLONG RNAMS LA SEMS BSKYED MCHOD PA BLA NA MED PA ZHUS PA'I TSOGS DBUR RJE BLA MA NYID SPYAN DRANGS TE KHONG RANG LA DNGOS PO PHRAN TSEGS BLA MA'I THUGS RJES BYUNG BA RNAMS ZANG ZING GI MCHOD PAR PHUL ZHING, PHYI DRO SEMS BSKYED BSNGO BA YON BSHAD GZAB RGYAS GNANG, SER 'BRAS DGE GSUM, RGYUD STOD SMAD, GSANG PHU, RVA SGRENG SOGS DGON KHAG LA SO SO'I CHOS THOG DANG BSTUN MANG JA 'GYED BCAS STZAL, ZLA BA BRGYAD PAR BLA MA YE SHES BSTAN SGRON, SHAG SKOR BLA MA 'JAM DBYANGS, JO GDAN MKHAN PO DPAL GRAGS, THU'U KVAN ZHABS DRUNG SOGS STONG PHRAG PHYED GNYIS BRGAL PAR BDE LAM GYI BKA' KHRID ZHI BA CING RGYAS PAR SNGAR BZHIN STZAL, ZLA BA DGU PA'I NANG DU BLA MA MKHAN CHEN LA SOGS PA NYI SHU SKOR LA DPAL RDO RJE 'JIGS BYED CHEN PO BDUD THAMS CAD LAS RNAM PAR RGYAL BA'I DBANG CHEN ZAB CING RGYAS PA STA GON DANG BCAS PA GNANG, ZLA BA BCU PA'I TSES BCO LNGA LA BZHIS SDE GRVA TSANG PA RNAMS KYIS GSOL BA BTAB PA LTAR PHEBS TE GSO SBYONG GI BYA BA MDZAD CING, GSER ZANGS LAS GRUB PA'I THUB PA'I DBANG PO'I SKU BYIN RLABS CAN ZHIG DANG MANG JA KHA SHAS, KHA BTAGS RE'I 'GYED BCAS GNANG STE, SER 'DU KHANG CHEN MOR BYAMS CHEN GSAR BZHENGS KYI

, ,RAB GNAS LA PHEBS, RGYUD SMAD DGE 'DUN LNGA BCU SKOR DANG BCAS NYIN GSUM GYI RING DPAL RDO RJE 'JIGS BYED CHEN PO'I SGO NAS RAB TU GNAS PA RGYAS PAR MDZAD DE, BYAMS CHEN LA'ANG NANG MDZOD TSOS KHA SNA LNGA'I SNYAN SHAL DANG 'GYED BAL tAM RE BCAS GNANG, DE DUS GZHUNG SA NAS KYANG BSNYEN BKUR RAB STON SOGS RGYA CHER MDZAD, RI KHROD DU PHEBS NAS, SKAL LDAN GYI SKYE BO MANG POR RAB BYUNG BSNYEN RDZOGS SOGS 'DONG CHOS DANG MJAL ZHU BA RNAMS LA MTHONG THOS DRAN REG GI SGO NAS PHAN 'DOGS RGYA CHER GNANG STE, ZLA BA BCU GCIG PA'I TSES BCO LNGA LA SGRUB SDE GSUM GYI DGE SLONG RNAMS DANG, SER BYES PA'I KHAM TSAN 'GA' ZHIG GI SLOB GNYER BA KHA SHAS BCAS LA, RJE BLA MA NYID KYI ZHABS 'BRING PA BYAMS PA BSTAN RGYAS KYIS RGYU YON SBYAR TE, SMYUNG GNAS KYI CHO GA BTANG BA'I SBYOR DNGOS RJES GSUM LA RJE BLA MA NYID SPYAN DRANGS TE, NYE BAR MCHOD NAS RJES KYI BYA BA'I DUS SU SKU GSUNG THUGS RTEN SOGS DNGOS 'BYOR GYI 'BUL BA SPYAN LAM DU BTEG NAS RANG LA BLA MA BKA' DRIN CHE TSUL GYI BKA' DRIN BAS BA BYED DANG ZHABS PAD BRTAN DGOS TSUL ZHUS PAR DGYES BZHIN DU BKA' BA ZHES KYANG GNANG, DE DUS RJE BLA MA NYID KYIS BSTAN 'DZIN GYI SKYES BU DAM PA RNAMS KYI SKU TSE BRTAN PA DANG 'PHRIN LAS YUN RING DU SPEL BA'I PHYIR SGROL DKAR GYI TSA SGRUB ZHAG DGU DANG, RA KHA BRAG TU RNAM RGYAL STONG MCHOD NYIN BCU, SER RTZE DANG MKHAR RDOR YANG TSE GZUNGS SGRUB BCAS LA MANG 'GYED GANG RGYAS GNANG, LNGA MCHOD LA SGRUB SDE GSUM GYI TSOGS PAR MANG 'GYED, TSOGS 'KHOR, BRGYA MCHOD

SEMS BSKYED KYI GSUNG BSHAD SOGS LUGS GNYIS KYI DGA' STON PHUN SUM TSOGS PA MDZAD CING, DGUN GYI RING THUGS NGAM ZAB MO'I BCAD RGYAR BZHUGS NAS BDE STONG DBYER MED KYI NYAMS BZHES LAS SKAD CIG KYANG G-YO BA MED PAR BZHUGS, RA BSTOD DANG SE RA'I GRVA TSANG KHAG GSUM BCAS LA CHOS THOG SKABS MANG 'GYED SNGAR BZHIN GNANG, SA YOS GNAM LO'I DGE MTSAN GSAR DU BZHAD PA'I TSES GTOR SGRUB SDE PHAN TSUN DU ZHABS KYIS BCAGS PA'I SEMS BSKYED GSUNG BSHAD SOGS SNGAR LTAR BKA' DRIN BSKYANGS, LHA LDAN SMON LAM CHEN MOR MANG JA DANG BZHES THUG ,'GYED ZHO RE BCAS GNANG, ZLA BA DANG PO'I MJUG TU RJE BTZUN BLA MA 'DI NYID DANG BYANG RTZE BLA MA BTZAS NAS GSOL 'DEBS GNANG BA LTAR, RJE LCANG SKYA RIN PO CHE NAS LHA LDAN AE WAm DU RNAM PAR SNANG MDZAD MNGON PAR BYANG CHUB PA'I DBANG STA GON DANG BCAS PA LEGS BSHAD KYIS BRGYAN TE STZAL BA'ANG GSAN PAR PHEBS SHING, DNGUL DKAR GYI MAndAL CHE CHUNG, DNGUL SRANG LNGA BCU SOGS SKU YON YANG GZAB RGYAS GNANG, ZLA BA GNYIS PA'I NANG DU BRAG G-YABS SBRUL SKU, GDUNG KHANG BLA MA NGAG DBANG BLO BZANG, PHUR BU LCOG GI DGE SLONG RNAMS DANG BCAS PA LA BCOM LDAN 'DAS DPAL RDO RJE'I 'KHRUGS PA'I DBANG DANG THUGS RJE CHEN PO'I DBANG BCAS STZAL, DE SKABS SU RJE BLA MA LCANG SKYA ROL PA'I RDO RJE NAS RJE BLA MA 'DI NYID LA BCOM LDAN 'DAS DPAL DGYES PA RDO RJE LHA DGU'I DBANG MKHAS GRUB CHOS KYI RGYAL PO NAS NYE BAR BRGYUD PA'I MAN NGAG LUGS KYI DBANG CHEN GNANG DGOS PAR GSOL BA 'DEBS PAR MDZAD PA BZHIN

, ,BSAM GRUB KHANG GSAR DU PHEBS NAS DBANG BZHI STA GON DANG BCAS BA ZHIB BSHAD MAN NGAG GIS BRGYAN PA GNANG ZHING, DE DUS 'GOL MTSAMS SHIG TU DPAL LDAN BLA MA DAM PA GNYIS ZHAL 'DZOM GNANG STE CHOS DANG 'JIG RTEN GNYIS KA'I GSUNG GLENG ZHIB RGYAS SU GNANG ZHING LEGS TSOGS SHIN TU 'PHEL BAR GYUR, DE NAS PHUR BU LCOG TU PHEBS TE 'JAM DBYANGS BZHAD PA'I SPRUL SKU, JO GDAN MKHAN PO, PHUR BU LCOG GI DGE SLONG NYI SHU SKOR BCAS LA SNYING PO DON GSUM, TSEM BU DMAR KHRID, PHYAG CHEN, BLA MCHOD, BLO SBYONG DON BDUN MA RNAMS KYI KHRID BCAS STZAL, DE DUS KHO BO CAG PHO BRANG PO TA LAR LCANG SKYA RIN PO CHE'I GSUNG GIS BSKUL MA MDZAD PA LTAR PHYIN DUS, RJES SU BRTZE BAS PHEBS PA DANG ZHAL MNGON DU GYUR NAS DNGUL GYI MAndAL LA SOGS PA'I GNANG SKYES RGYA CHER STZAL ZHING, THUGS DGYES PA'I GSUNG GLENG ZHIB RGYAS DANG KHYAD PAR DU SKYABS MGON RGYAL BA'I DBANG PO THAMS CAD MKHYEN GZIGS CHEN PO DE NYID KYI MCHOG SPRUL RIN PO CHE NGOS 'DZIN GYI BYA BA'I SKOR SOGS LA SKYE BO RNAMS RANG RANG GI 'DOD GTAM GYI GLENG GZHI SNA TSOGS PA ZHIG 'ONG MONG, DE DAG LA BLO TZAB TZUB DANG BLO SNA MANG BA'I BYA BZHAG TU MA SONG BAR RANG TSUGS BZUNG NAS 'DUG STE, RJE BLA MA BKA' DRIN MTSUNGS ZLA MED BRGYAL DBANG RDO RJE 'CHANG DE NYID RANG LA GSOL BA 'DEBS PA NYAMS LEN GYI MTHIL DU BYAS NA LEGS TSUL GNANG BA BLO LA SHIN TU PHAN BA'I BKA' DRIN THOB, DE DUS RJE LCANG SKYA RIN PO CHE NAS KHO BO CAG LA BCOM LDAN 'DAS DPAL DUS KYI 'KHOR LO'I

DBANG CHEN DGOS TSUL GSUNG BA LTAR, RJE LCANG SKYA RIN PO CHE GTZO BOR GYUR PA'I DGE 'DUN GRANGS MANG LA PHO BRANG CHEN PO'I TSOMS CHEN RNYING PAR PHUL BA'I GRAL DU PHEBS, SBYIR RANG NYID SBYANGS PA'I YON TAN SHIN TU DMAN PA DANG, KHYAD PAR DU RJE BTZUN BLA MA DAM PA LA SOGS PA'I MKHAS GRUB KYI SKYE BO GRANGS LAS 'DAS PA LTA BU TSOGS PA'I STABS KYIS YID RAB TU ZHUM PA BZHIN GYUR KYANG, DBANG CHEN PHUL ZIN PA'I RJES SU RJE BTZUN BLA MA NYID NAS YAGS PO BYUNG TSUL GYI BKA' GNANG BAS YID SHIN TU BDE BA THOB, ZLA BA GSUM PA'I TSES BRGYAD NAS BLA MA MKHAN CHEN SPRUL SKU, MKHAR RDO SPRUL SKU SOGS SKU SKYE DANG, DGE BSHES SOGS PHYOGS 'DUS KYI DGE 'DUN STONG DANG BZHI BRGYA SKOR LA BYANG CHUB LAM GYI RIM PA'I BKA' KHRID SHIN TU ZHIB CING RGYAS LA MTHA' CHOD PA GNANG ZHING, RJE BTZUN BLA MA NYID KYI PHYAG RDZAS DANG GZHUNG SA SOGS SO SO NAS KYANG BSNYEN BKUR BLA NA MA MCHIS PA MDZAD, MJUG GI SEMS BSKYED MCHOD PA'I DUS SU RGYAL TSAB DE MO RIN PO CHE NAS SKU TSAB TU DGE SLONG MGRON GNYER GTONG BA GNANG ZHING, DE DUS SU KHO BO CAG NAS KYANG DPON TSANG DGE SLONG MNGAGS NAS DNGOS PO CUNG ZAD PHUL BA RNAMS KYANG DGYES BZHIN DU BZHES, DE DUS SU SBYIR BSTAN PA RIN PO CHE DBU 'PHANG MTHO NGES PA'I GSUNG BSHAD ZHIB RGYAS DANG, KHYAD PAR DUS DE'I TSE RJE BLA MA DUS GSUM SANGS RGYAS THAMS CAD KYI NGO BO RGYAL DBANG THAMS CAD MKHYEN GZIGS CHEN PO DE NYID KYI MCHOG SPRUL RIN PO CHE NGOS 'DZIN GYI SKOR LA GLENG GZHI SNA TSOGS PA SMRA BA RNAMS LA THUGS BRTZE BA CHEN PO'I BKA' SLOB ZHIB RGYAS SU

, ,GNANG, GE RE ZHABS DRUNG GIS GTZOS PA'I SKAL LDAN GYI SKYE BO MANG PO LA RAB BYUNG BSNYEN RDZOGS SOGS KYI BKA' DRIN YANG STZAL ZHING RJES GNANG KHA SHAS KYANG GNANG, SER SKYA SKYE BO'I TSOGS GRANGS SHIN TU MANG BA LA THEG CHEN GYI GSO SBYONG SMYUNG GNAS DANG BCAS BA'I BKA' DRIN STZAL ZHING, DER TSOGS THAMS CAD LA SBYOR BA'I NYIN JA THUG DANG DNGOS GZHI GRUB BSTUN GROL STON DANG TSA GRA ,DGONGS JA BU RAM, SKU YON KHA BTAGS SKYA CHEN RE DANG, DNGUL BAL tAM RE BCAS SNGAR BZHIN GNANG, DE DUS SKU KHAMS CUNG ZAD BSNYUN TSUL DU MNGON PA DANG MNAL LTAS KYANG 'TSUB NYAMS DOD PAR BRTEN RJE BLA MA NYID NAS SGROL DKAR LA BRTEN PA'I TSE SGRUB RGYAS PAR GNANG ZHING, SER 'BRAS SO SOR 'DUS SDE RNAMS LA MANG JA DANG GRVA TSANG 'GA' RER GRVA JA, RGYUD STOD PA RNAMS NAS GDUGS DKAR ZLOG CHEN GYI GTOR RGYAG ,PHUR BU LCOG GI 'DUS SDE RNAMS NAS TSOGS KYI 'KHOR LO'I CHO GA DANG ,BDUN GCIG GI RING DGE SLONG RNAMS NAS SGROL DKAR GYI TSE SGRUB BCAS GNANG BAS SNYUN GZHI YANG RIM GDANGS SU GYUR, DE NAS RGYUD STOD SMAD DANG BRAG G-YABS SPRUL PA'I SKU SOGS DGE 'DUN LNGA BRGYA SKOR LA BCOM LDAN 'DAS DPAL 'KHOR LO SDOM PA'I BSKYED RDZOGS KYI KHRID ZAB CING RGYAS PAR STZAL, KHO BO CAG GRVAS GSUM GYI GNAS MJAL DU PHYIN TE SE RAR SLEB SKABS ZHAL MNGON DU GYUR CING, DE SNGON NAS GSOL BA BTAB PA LTAR MA GCIG 'DOD PA KHAMS KYI DBANG PHYUG MA'I RJES GNANG THUN MONG MA YIN PA LJAGS BSHAD SHIN TU RGYAS SHING KHYAD PAR DU SNGON 'GRO'I CHOS BSHAD KYI SKABS YUM GYI SPAS DON MNGON RTOGS KYI RIM PA DON 'DUS

SHING ZAB PA'I GNAD DANG BCAS PA ZHIG STZAL, MJUG TU DPAL LDAN LHA MO'I SKU THANG DANG MCHOD PA'I YO BYAD CHA TSANG BCAS KYANG TSANG MA STZAL BA TSE RABS KUN DU BKA' DRIN GZHAL DKA' BA THOB, DE'I SANG NYIN RJE BTZUN BLA MA NYID GTZO BOR GYUR PA'I SGRUB SDE GSUM DANG MKHAR RDO BCAS KYI DGE 'DUN PHUN SUM TSOGS PA'I DBUS SU NGOS CAG 'BOD PAR MDZAD NAS, BLA MA MCHOD PA'I TSOGS 'KHOR DANG 'BREL BA'I RING 'TSO'I RTEN 'BREL LEGS PAR SGRIG PAR MDZAD CING, KHYAD PAR DU MAndAL PHYAG TU BZHES NAS GSUNG BSHAD KYI RIGS MTHA' YAS PA DANG, KHYAD PAR DU GSANGS CAN MGON PO 'PHAGS PA SPYAN RAS GZIGS DBANG PHYUG DANG SNANG BA MTHA' YAS GNYIS YAB SRAS ZUNG 'BREL GYI TSUL DU BYON NAS, GANGS CAN GYI LJONGS 'DIR BSTAN PA RIN PO CHE LA BKA' DRIN PHUL DU GYUR CING, DA LTAR GYI DUS SU RGYAL DBANG KHYAB BDAG RDO RJE 'CHANG CHEN PO GDUL BYA RTAG 'DZIN CAN RNAMS 'KHOR BA LAS GROL BA'I CHED DU THABS LA MKHAS PAS GZUGS SKU CHOS KYI DBYINGS SU THIM PA'I TSUL BSTAN NAS, SLAR YANG BSTAN 'GRO'I DPAL DU MCHOG SPRUL 'KHRUL PA DANG BRAL BAR PHEBS PA LA, GONG MA BDAG PO CHEN PO'I LUNG GIS, MKHAS PA'I DBANG PHYUG DAM PA BSTAN 'GRO'I DPAL MGON RIN PO CHE LCANG SKYA YE SHES BSTAN PA'I SGRON ME DANG, RGYAL BA'I RGYAL TSAB DAM PA NO MIN HAN DE MO SPRUL PA'I SKU NGAG DBANG 'JAM DPAL BDE LEGS RGYA MTSO DANG, LA MO CHOS SKYONG CHEN PO, KHYOD NYID BCAS NAS THAG BCAD PA LAS MA 'DAS MOD, 'ON KYANG SEMS CAN DMU RGOD PAS RANG RANG GI 'DOD PHYOGS LTA BUS GLENG BRJOD

, ,SNA TSOGS PA BYUNG BA DANG, KHYAD PAR DU KHYED LA SKUR PA 'DEBS PA SOGS BYUNG YANG BZOD STOBS LHAG PAR BSKYED DGOS, ZHES SOGS SPYAN CHAB 'KHRUG BZHIN DU BKA' STZAL BAS SEMS DAD PA'I SPU LONG LHAG PAR G-YOS SHING RANG NYAMS LA DPAGS PA'I DGE SBYOR GYI BOGS KYANG SHIN TU 'PHEL, RJE BLA MA NYID NAS BSKUL MA GNANG BA LTAR, RJE BTZUN BLA MA NYID KYI BRTAN BZHUGS DED NAS GSAR DU RTZOM PA DE DANG DMIGS BRTZEM, RJE BLA MA NYID KYI GSOL 'DEBS SHLOO KA GCIG ,NGED RANG GI RING 'TSO'I TSIGS BCAD BLO GROS DPAG BSAM MA BCAS KYI LUNG PHUL, DE NUB LHA LDAN DU PHEBS NAS RDO RING DU BZHUGS, DE'I PHYI NYIN BSAM 'GRUB KHANG GSAR DU T'A KOO SHR'I LCANG SKYA RIN PO CHE'I DRUNG DU PHEBS TE, THUGS DGYES PA'I GSUNG GLENG ZHIB TU GNANG ZHING, RJE BLA MA NGAG DBANG BYAMS PA RIN PO CHE'I SKU TSE YUN RING DU SPEL BA'I PHYIR ROL BA'I RDO RJE LCANG SKYA RIN PO CHE NAS BDE MCHOG DKAR PO LA BRTEN PA'I TSE DBANG ZAB RGYAS SHIG GNANG RJES, LCANG SKYA RIN PO CHES BZHENGS NAS BRKYAD PHYAG MANG TZAM DANG BCAS TE MAndAL PHYAG TU BSNAMS NAS, DING SANG SNYIGS MA LAS KYANG CHES SNYIGS MAR GYUR PA'I DUS 'DIR RJE RGYAL BA GNYIS PA'I BSTAN PA RIN PO CHE GNAS MI GNAS KUN GZIGS RGYAL DBANG THAMS CAD MKHYEN PA YAB SRAS GNYIS DANG BLA MA KHYED LTA BU LA RAG LAS PAS ZHABS PAD YUN RING DU BRTAN DGOS ZHES SOGS RGYA CHER ZHU BA GNANG ZHING, RJE BLA MA NYID NAS KYANG ZHAL BZHES MDZAD, DE DUS RJE LCANG SKYA RIN PO CHE NAS DNGUL DKAR GYI MAndAL, SKU GSUNG THUGS RTEN, DNGUL RDO

TSAD BZHI, NA BZA' CHA TSANG, GOS DAR SOGS 'BUL NOD RGYA CHER GNANG, RJE BLA MA 'DI GNYIS BSTAN 'GRO'I DPAL DU ZHAL 'DZOM BLA NA MED PA MDZAD PA DE BSTAN PA RIN PO CHE LA SMAN YON BLA NA MED PAR GYUR, DE NAS PHO BRANG PO TA LAR PHEBS NAS KHO BO CAG GI SAR CHIBS BSKYOD GNANG ZHING CHOS KYI GSUNG GLENG ZHIB PA DANG, DAN KHO BO CAG NA MTHON POR SLEB PAS YUN RING POR MI GNAS SHAS CHE ZHES SOGS BKA' PHEBS PAS SEMS SHIN TU SKYO BAR GYUR CING, RANG NYID KYI TSOGS RDZOGS PA'I PHYIR TSE DBANG 'GA' ZHIG PHUL ZHING, RJE RGYAL BA GNYIS PA'I BSTAN PA RIN PO CHE'I DPAL DU RJE NYID ZHABS PAD MA BRTAN NA, DA LTAR GYI DUS SU RGYAL DBANG THAMS CAD MKHYEN PA CHEN PO NI ZHAL MA BZHUGS PAS 'JIG RTEN GYI KHAMS 'DI NA SANGS RGYAS KYI BSTAN PA JI LTA BU ZHIG BYAS NAS GNAS PA ZHES SOGS RANG GIS GANG SHES KYIS GSOL BA BTAB BAS, RJE BLA MA NYID NAS DGYES BZHIN DU ZHAL BZHES GNANG BAS DBUGS DBYUNG BA THOB CING, DE GONG CHAB KYI SNYUN GZHI CUNG ZAD BZHES PA DE'ANG RIMS KYIS GDANGS PAR GYUR PAS 'JIG RTEN THEMS CAD LA GZHAL BAR DKA' BA'I BKA' DRIN THOB, DE NAS BSTAN 'GRO'I BDE THABS SU DGONGS NAS SER TSOGS CHEN DU MANG 'GYED RGYA CHEN PO DANG SPYI 'BUL JUS TSOS KHA SNA LNGA PA'I RGYAL MTSAN MI TSAD MA BCU GCIG ,GTOR RGYAG SKABS BSNAMS RGYU'I KHA tV'Am RTZE LNGA PA THOD SKAM DANG BCAS PA CHA GNYIS BCAS GNANG ZHING, DPAL LDAN SMAD RGYUD GRVA TSANG LA MANG 'GYED 'GA' ZHIG DANG SPYI 'BUL DU THUGS LCAGS GSER TSAGS MA CHA GCIG BCAS STZAL, DE SKABS CHING DBANG GI MI SNA NO YON CHOS RJE

, ,DANG, MKHAS GRUB DAM PA 'JAM DBYANGS BZHAD PA'I SPRUL PA'I SKU BCAS LA THON PHYAG DNGOS PO'I RIGS GYA NOMS PA DANG BCAS TE GNANG ZHING 'JAM DBYANGS BZHAD PA'I SBRUL BA'I SKU LA SGRUB PA SNYING POR BYAS TE BSTAN 'GROR PHAN PA RGYA CHEN PO MDZAD DGOS BA'I BSLAB BYA ZHI BA RGYAS GNANG, ZLA BA DRUG PA'I CHOS BCO LNGA'I NYIN SNGAR RGYUN BZHIN TSA RTING MAR PHUR BU LCOG GI 'DU KHANG DU DGE SLONG GI 'DUS SDE CHEN PO'I TSOGS DBUR PHEBS TE SNGA MO ZHIG NAS MDZAD PA LTAR BCA' YIG GSUNG SGROG BSLAB BYA DANG BCAS PA RGYAS PAR STZAL NAS, DBYAR GNAS KYI RING BCAD RGYA DAM PO LA BZHUGS TE BCOM LDAN 'DAS 'PHAGS MA SGROL MA DKAR MO'I TSE SGRUB ZAB RGYAS GNANG, DBYAR GNAS GROL BSTUN SER 'BRAS KYI BLA MA SPRUL SKU SOGS SER SKYA DRAG ZHAN MANG PO LA MJAL KHA DANG, 'GA' ZHIG LA RANG RANG GI BLO DANG BSTUN PA'I CHOS KYI GSUNG GLENG ZHIS RGYAS SU GNANG, SER 'BRAS DGE GSUM, GSANG SNGAGS MKHAR, GSANG PHU BCAS LA MANG JA 'GYED DANG BCAS PA SNGAR RGYUN BZHIN STZAL, ZLA BA BRGYAD PA'I TSES BCU GSUM GYI NYIN JA SAG CHOS MDZAD SKAL BZANG PHUN TSOGS RNAM RGYAL SOGS DON GNYER CAN SUM CU SKOR LA BSNYEN RDZOGS KYI SDOM PA'I BKA' DRIN STZAL, TSES BCO BRGYAD LA SGRUB KHANG SPRUL PA'I SKU; MKHAR RDO SPRUL PA'I SKU, RA NYAG SPRUL PA'I SKU, GRAGS PA SKU SKYE, MA nI SKU SKYE SOGS SPRUL SKU MANG BA DANG, SER SNGAGS PA BLA ZUR CHOS 'BYOR, TRE BO HOR TSANG CHOS MDZAD SOGS PHYOGS 'DUS KYI THAR 'DOD STONG DANG BZHI BRGYA SKOR

LA BYANG CHUB BDE LAM GYI BKA' KHRID LEGS PAR BSHAD PA RMAD DU BYUNG BA DANG BCAS PA DANG BLA MA MCHOD PA'I LJAGS LUNG DANG KHRID, GCOD KHRID, NAM MKHA' SGRO 'BYED KYI DBANG DANG BCAS PA GNANG ZHING, STON CHOS GROL BSTUN RGYAL MO RONG PA SOGS DRUG BRGYA SKOR LA DGE SLONG GI SNGOM BA'ANG STZAL, 'DI LO SNGA PHYIR RTA 'BUL MI BYUNG BA RNAMS 'PHRAL DU SER TSOGS CHEN DU SKU 'GYED LA GNANG NAS 'BUL MI RTA DANG BCAS PA LA 'DUS TSOGS NAS SKYABS 'JUG GNANG DGOS PA'I SNYAN SGRON ZHU BAR MDZAD, LNGA MCHOD CHEN MO'I NYIN PHUR BU LCOG TU SGRUB SDE GSUM GYI DGE SLONG RNAMS LA ZHABS TOG TSOGS 'KHOR SOGS LO LTAR BZHIN GNANG ZHING TSOGS DBUR PHEBS BSTUN BDE STONG DBYER MED PA'I RGYAS 'DEBS DANG BCAS TE 'BUL BAR GNANG, TRE BO DKA' BCU BLO BZANG SHES RAB KYIS ZHABS BRTAN PHUL BA'ANG DGYES BZHIN DU BZHES, PHYI DRO BYANG RTZE MKHAN PO NGAG DBANG CHOS GRAGS KYIS MAndAL GYIS THOG DRANGS PA'I 'BUL BA MDZAD NAS GSOL BA BTAB BA LTAR, GSAL RGYAL GYIS ZHUS PA KHUNGS SU MDZAD NAS SBYOR BA TSOGS GSOG DANG DNGOS GZHI BYANG CHUB KYI SEMS RIN PO CHE LA BSNGAGS BRJOD KYI SGO NAS GSUNG CHOS ZAB RGYAS GNANG, SER GRVA TSANG KHAG GSUM DANG CHAB MDO BCAS SU MANG 'GYED, BLA MA KUN RDOR GYI DNGUL GDUNG ZHAL 'DEBS SU GSER DNGUL DANG G-YU SOGS MANG DU GNANG, NYER DRUG NAS BZUNGS DGUN GYI RING RNAM SNANG MNGON BYANG DANG SGROL DKAR GYI LJAGS BSNYEN SOGS THUGS DAM ZAB MO'I BCAD RGYA DAM PAR BZHUGS, ZLA BA BCU GNYIS PA'I

, ,MJUG TU SGRUB SDE GSUM GYI DUS MCHONG SO SO'I TSOGS DBUR PHEBS, SGRUB SDE GSUM SO SO NAS LO GNANGS CHAGS KYIS RJE BLA MA RIN PO CHER ZHABS BRTAN RE 'BUL BA'I PHYAG SROL YOD PA'I THOG LO 'DI NANG SE RA RTZE SPYI PA DANG SGRUB KHANG SKU SKYE, DGE BSHES SNYAN GRAGS BCAS GSUM SO SO NAS BLA MA MCHOD PA'I SGO NAS TSOGS 'KHOR DANG BSNYEN BKUR, 'BUL BA GZAB RGYAS BRTAN BZHUGS DANG 'BREL BA'I SEMS BSKYED MCHOD PA'I TSOGS DBUR SPYAN DRANGS PA'I SKABS SU MI RTAG PA'I SKOR DANG 'KHOR BA'I PHUN TSOGS MNOG CHUNG ZHING YID BRTAN MI RUNG BA'I TSUL SOGS BZHI BRGYA PA'I LUNG DANG SBYAR TE ZHIB RGYAS SU GSUNGS SHING, KHYAD PAR DU NYON MONGS PA DANG 'THAB LUGS, DE LA BLO'I MTHU BSKYED DGOS TSUL DANG, BLA MA SANGS RGYAS THAMS CAD KYI TSOGS KHANG LTA BU YIN LUGS, DE LA MCHOD PA BYAS PAS SANGS RGYAS THAMS CAD LA MCHOD PAR 'GYUR TSUL, BLA MA BSOD NAMS KYI ZHING DAM PA YIN LUGS SOGS YID 'KHUL BA'I GSUNG BSHAD RNO LA RGYAS PA GNANG, LCAGS 'BRUG GNAM LO'I DGE MTSAN GSAR DU BZHAD PA'I DUS STON SNGAR BZHIN GYI TSES GTOR DANG, DGE SLONG RNAMS TSA RTING MA'I THOG GZIMS CHUNG DU TSOGS PAR PHYAG DBANG DANG JA GRAL ZHABS TOG DGE SLONG RER BSOD BTAGS RE BCAS SNGAR BZHIN GNANG ZHING, SER 'BRAS DGE GSUM SOGS PHYOGS 'DUS KYI BLA CHEN DANG MI CHEN SER SKYA DU MA LA PHYAG DBANG DANG SKAL LDAN RNAMS LA CHOS KYI GSUNG GLENG ZHIB RGYAS SU MDZAD, 'DI LO SOGS SNGA PHYI MANG POR JO SH'AKA RNAM GNYIS, 'PHAGS PA LO KE

SHVA RA; GSER GDUNG RNAM GNYIS SOGS RTEN RNAMS LA LO RER STONG MCHOD TSAR PHYED GNYIS RE BCAS NYUNG MTHA' DANG, RTEN GTZO RNAMS LA SNYAN SHAL SOGS DANG, GSER CHAB KYANG YANG YANG 'BUL BAR MDZAD CING DE'I MTHU LA BRTEN NAS BSTAN PA RGYAS PA DANG 'GRO KUN BDE BA'I THUGS SMON YANG DAG KYANG MDZAD, ZLA BA DANG PO'I TSES BRGYAD KYI NYIN RJE GRUB PA'I DBANG PHYUG DAM PA DGE LEGS RGYA MTSO'I DUS MCHOD DU PHUR BU LCOG GI DGE SLONG RNAMS LA MANG 'GYED RGYAS SHING GZAB PA DANG BCAS PHUR BU LCOG GI RIGS GSUM LHA KHANG DU MCHOD 'BUL RGYAS PAR GNANG STE, THUGS SMON BLA NA MA MCHIS BRJE RGYAS SU MDZAD, PO TA LAR RGYAL TSAB RIN PO CHE'I MJAL ZHUR DNGOS PO'I 'BUL BA 'GA' ZHIG DANG BCAS TE PHEBS SHING, TSUR YANG BKUR GZOS CHEN PO MDZAD, ZLA BA GSUM PA'I 'GOR LDAN MA DGE SLONG DKON MCHOG, ,TSA BA MA nI SPRUL SKU CHUNG BA, MGRON GNYER YON TAN LEGS GRUB SOGS SO SO NAS SGRUB SDE GSUM GYI TSOGS DBUR RJE BLA MA NYID SPYAN DRANGS TE SEMS BSKYED MCHOD PA, BLA MA MCHOD PA DANG 'BREL BA'I TSOGS 'KHOR GZAB RGYAS ZHABS BRTAN DNGOS 'BUL SOGS BLAN MA MCHIS PA, DKON MCHOG GI MCHOD PA, DGE 'DUN LA BSNYEN BKUR SOGS ZHUS PA'I PHYI DRO SEMS BSKYED KYI SKABS GSUNG BSHAD RUS PA CAN GNANG, ZLA BA GSUM PA'I TSES BRGYAD NAS TRE BO LHA MGON SPRUL SKU, SER SMAD BLA ZUR SOGS DBUS GTZANG KHAMS, AA MDO, SOG YUL SOGS NAS PHEBS PA'I MKHAS 'DUS STONG DANG BZHI BRGYA SKOR LA ZLA BA GCIG GI RING BYANG CHUB LAM GYI RIM PA 'JAM

, ,DPAL ZHAL LUNG DU GRAGS PA'I BKA' KHRID LUNG RIGS DRI MA MED PA'I LAM LAS DRANGS SHING, BLA MA DAM BA RNAMS KYI MAN NGAG GIS BRGYAN PA, BLO RAB 'BRING THAM GSUM GYI NYAMS LEN BYED LUGS, LAM GSUM SO SO'I GSUNG BSHAD MTHA' CHOD NGES BA RE GNANG, GZHUNG SA NAS KYANG CHOS ZHU BA PO RNAMS LA MANG JA DANG BZHES THUG SOGS MCHOD PA RMAD DU BYUNG BA STZAL ZHING, SA GA ZLA BA'I TSES BRGYAD KYI NYIN SEMS BSKYED KYI DNGOS GZHI SBYOR DNGOS RJES GSUM TSANG BA ZHIG GNANG ZHING GZHUNG SA NAS KYANG BSNYEN BKUR PHUN SUM TSOGS PA GNANG, TSES BCU GSUM LA SER SKYA DGU BRGYA SKOR LA THUGS RJE CHEN PO DPAL MO LUGS KYI RJES GNANG MAN NGAG DANG BCAS PA MDZAD NAS, BCU BZHI DANG BCO LNGA GNYIS LA THEG BA CHEN PO'I GSO SBYONG GI SDOM PA 'BOGS PA SNGON DU 'GRO BAS SMYUNG GNAS KYI CHO GA LEGS PAR STZAL, TSES BCU DRUG NAS KHAL KHA RJE BTZUN DAM PA'I DGONGS RDZOGS SGRUB MI PHYAG RDOR THON, NO YON CHOS RJE GSANGS BDAG ,DGE SKOS RNAM RGYAL, PAS SE BSAM GTAN RDO RJE, GUNG TSE RING DON YOD, THU SA LAG CHI SOGS 'GO YOD DRUG LA PHYAG DBANG DANG LUGS GNYIS KYI SGO NAS GSUNG GLENG ZHIB BAR GNANG, RJE BTZUN DAM PA'I DGONGS RDZOGS SU DNGUL SRANG LNGA BCU'I MAndAL, GOS YUG BRGYAD SOGS DANG, KHONG RANG SO SO NAS 'BUL BA MTSON TZAM RE PHUL BA THAMS CAD DGYES BZHIN DU BZHES NAS, SNE LEN GYI BDAG RKYEN KYANG YANG DAG PA MDZAD, DE NAS PHYOGS 'DUS KYI GRVA PA BDUN CU SKOR LA RAB BYUNG DANG NYIS BRGYA SKOR LA BSNYEN RDZOGS KYI SDOM PA BCAS STZAL NAS, TSES BCU BDUN DANG BCO BRGYAD RNAMS LA

SNGAR RGYUN LTAR GTANG RAG BSKANG GSO RGYAS PAR GNANG, TSES BCU DGU NAS GNAM GANG GI BAR DPAL LDAN SMAD RGYUD BA DANG STOD RGYUD GRVA TSANG PA GNYIS KYI MDO SNGAGS YONGS SU RDZOGS PA'I DGE BSHES RIG PA 'DZIN PA RNAMS KYIS GSOL BA BTAB PA LTAR, BCOM LDAN 'DAS DPAL RDO RJE 'JIGS BYED CHEN PO'I RIM PA GNYIS KYI KHRID DBEN SA SNYAN RGYUD DANG 'BREL BRGYAS PAR GNANG, ZLA BA LNGA PA'I RING BCAD RGYA DAM PO LA BZHUGS SHING ZLA BA DRUG PA'I 'GOR RJE NYID KYI ZHABS 'BRING PA 'PHRIN LAS KYIS KHO RANG LA YOD PA'I CHAS DNGOS RNAMS LA GZHI BYAS TE, SGRUB SNGE GSUM DANG MKHAR RDO BCAS KYI DGE SLONG RNAMS TSOGS PA'I TSOGS DBUR RJE BTZUN BLA MA NYID SPYAN DRANGS TE ZANG ZING GI DNGOS 'BYOR GYIS BRTAN BZHUGS PHUL ZHING, RJE BLA MA RDO RJE 'CHANG CHEN PO NAS KYANG DGYES PA'I BKA' LAN STZAL, PHYI DRO SEMS BSKYED KYI GSUNG BSHAD RGYAS PA DANG DGE BA'I RTZA BA RNAMS BLA NA MED PA YANG DAG PAR RDZOGS PA'I BYANG CHUB TU BSNGO BAR MDZAD, ZLA BA DRUG PA'I TSES BCO LNGA NAS DBYAR GNAS PA'I CHOG SNGAR BZHIN DANG, ZLA BA BDUN PA'I TSES BCO LNGA DANG BCU DRUG GNYIS LA ,LHA SA, LCAGS GRONG, NYANG BRAN, DOGS BDE SOGS NYE SKOR GYI DAD 'DUS BRGYAD BRGYA SKOR LA LO LTAR DBYAR MJAL GYI TSE DBANG DANG DMIGS BRTZE MA, RIGS GSUM MGON PO'I GZUNGS SNGAGS KYI LUNG SOGS KHYIM PA RNAMS DGE BA LA BSKUL BA'I BKA' CHOS ZAB RGYAS GNANG, DGAG DBYE'I BYA BSGRUB PA'I MDZAD PA ZIN NAS SNGAR RGYUN LTAR DOGS BDE'I CHU 'GRAM DU PHEBS NAS DGE SLONG RNAMS DANG LHAN CIG KHRUS KYI BYA BA MDZAD NAS BSNYEN BKUR PHUN SUM TSOGS PA DANG BCAS TE CHOS KYI 'BREL GTAM

, ,DANG DGYES SPRO BLA NA MA MCHIS PA GNANG, SER 'BRAS DGE GSUM, RGYUD STOD SMAD, GSANG PHU BCAS SO SO'I CHOS THOG DANG BSTUN PA'I MANG 'GYED BLA NA MA MCHIS PA DANG, ZLA BA BRGYAD PA'I 'GOR BLON PO CHEN PO GUNG PAndI TA DANG, BLON PO CHEN PO MDO MKHAR ZHABS DRUNG TSE RING DBANG RGYAL GNYIS NGO YOD TSANG MA DBYAR NA JAL LA PHEBS PA LA YID MGU BA'I BKA' LAN BLA NA MA MCHIS PA DANG BCAS CHOS KYI GSUNG GLENG ZHIB RGYAS GNANG, TSES BCO BRGYAD NAS STON CHOS SNGAR BZHIN STZAL TE, RGYAL SRAS SPRUL PA'I SKU, SPI LI GA NO MIN HAN, BTZAN PO NO MIN HAN, BLA MA 'JAM DBYANGS SPRUL SKU, THU'U KVAN ZHABS DRUNG, RA NYAG SPRUL SKU, TRE BO SPRUL SKU, GE RE ZHABS DRUNG, SER SMAD BLA ZUR, SER LTOD BLA ZUR, BLON PO CHEN PO GUD PAndI TA, TSA PO THA'I JI PA SANGS TSE RING LA SOGS PA'I MI CHEN MKHAS SHING DAD PA BZANG BA MANG PO DANG, RGYUD BSTOD SMAD DANG, SER 'BRAS DGE GSUM GYI MKHAS 'DUS DANG, DBEN PA'I NAGS KHROD DU SGRUB PA LA GZHOL BA'I DGE SLONG RNAL 'BYOR SPYOD PA SOGS STONG DANG DRUG BRGYA SKOR LA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI LJAGS KHRID ZAB MO, YANG DAG PAR RDZOGS PA'I SANGS RGYAS NAS BZUNG STE, CHOS KYI RGYAL PO PHUL BYUNG ZHABS DANG TZONG KHA PA YAB SRAS KYI BZHED SROL GRUB DBANG DGE LEGS RGYA MTSO'I MAN NGAG LAS 'BYUNG BA LTAR NYIN BCU GNYIS KYI RING CHOS THUN SHIN TU RING BA RE MDZAD DE, RJE NYID KYI ZHAL NAS, NGAS KYANG NA SO RGAS KYANG LAS SLA RU MA SONG BAR GSHED BGRANG NAS BSHAD YOD, KHYED RNAMS

MTHONG MAN THAMS CAD NAS KYANG NGAS BSHAD PA DON MED DU MA SONG BA ZHIG CIS KYANG MDZOD CIG ,CES SOGS BKA' NAN CHEN PO GNANG, GNAM GANG GI NYIN BLON PO CHEN PO PAndITA NAS DNGUL DKAR GYI MAndAL DAR TSON SNA LNGA'I SNE 'DOGS CAN LA SOGS PA DNGOS 'BYOR GYI MCHOD SPRIN RGYA CHER SPROS NAS BSTAN PA GNAS TSUL DANG BLA MA NYID BKA' DRIN CHE TSUL, DA LAM CHOS NYAN PA DON YONG PAR BYA BA DANG SGRUB PA'I MCHOD PA'I TSUL DU LAM RIM BSDUS DON DANG YON TAN GZHIR GYUR MA GNYIS RGYUN 'DON BYED PA'I YID DAM BCAS SHING, RJE BLA MA RDO RJE 'CHAD CHEN PO NYID NAS KYANG DGYES PA'I ZHAL BZHES BZANG PO GNANG ZHING SEMS BSKYED KYANG BLA NA MA MCHIS PA MDZAD, RGYAL SRAS SPRUL SKU, BTZAN PO SPRUL SKU, RA NYAG SPRUL SKU LA SOGS PA'I BLA CHEN DANG DAD LDAN MANG POS BSNYEN BKUR DANG MANG 'GYED RGYA CHER PHUL ZHING, RJE BTZUN RANG GI PHYAG RDZAS NAS KYANG BSNYEN BKUR RGYA CHEN PO DANG KHYAD PAR DU SKU TSE TSE SGRUB TU DMIGS NAS GRVA PA RER SGROL DKAR GYI SKU RE DANG, MANG JA BZHES THUG DANG BCAS PA KHA SHAS, SKU 'GYED tAM RE DANG KHA BTAGS SKYA CHEN RE BCAS STZAL, STON CHOS GROL NAS PHYOGS 'DUS KYI DON GNYER BA BRGYA SKOR GYI BSNYEN RDZOGS KYI MKHAN PO MDZAD, DE DUS SU KHO BO CAG NAS 'DOD CHOS 'GA' ZHIG GI BKA' DRIN NOD PAR 'DOD DE, SNGA MO ZHIG NAS GTZANG PHYOGS SU CHIBS KHA BSGYUR DGOS PAR GSOL BA BTAB PA LTAR, PHYOGS 'DIR CHIBS BSKYOD GNANG BAR THUGS THAG CHOD DE, ZLA BA DGU PA'I TSES DRUG GI NYIN LHA SAR ZHABS PAD BKOD DE, GONG MA CHEN PO'I BKA'I SKU TSAB JI PHU AAM BAN NAS SBYAN 'DREN ZHUS PA LTAR BSAM

, ,GRUB KHANG GSAR DU PHEBS, RGYA LUGS KYI ZA MA SNA MANG SOGS PHUL BA DGYES BZHIN DU BDAG GIR MDZAD CING AAM BAN NAS KYANG DAD PA'I ROL MTSO LAS THON PA'I GSUD GLENG ZHIB BAR ZHUS PA RNAMS LA DGYES BZHIN DU LAN STZAL, DE NUB RDO RING DU BZHUGS, GUNG PAndI TA DANG ZHABS DRUNG TSE RING DBANG RGYAL GNYIS DANG LHAN DU CHOS KYI GSUNG GLENG ZHIB PAR GNANG ZHING, KHYAD PAR PHYOGS 'DIR PHEBS SKOR GYI GSUNG GLENG YANG ZHIB TU MDZAD, TSES BDUN GYI ZHOGS PA LHA SA DANG RA MO CHE'I MCHOD MJAL LA PHEBS TE, THUGS SMON ZHIB RGYAS DANG KHYAD PAR GTZANG PHYOGS SU PHEBS RGYU'I SKU GEGS ZHI BA'I THUGS SMON YANG DAG GNANG ZHING, RGYAL TSAB RIN PO CHE MJAL BAR DGA' LDAN KHANG GSAR DU PHEBS, GSOL TSIGS LA SOGS PA'I BSNYEN BKUR DANG NA BZA' SOGS KYI BSNYEN BKUR RGYA CHER YANG ZHUS, RI KHROD DU PHEBS BSTUN SER 'BRAS KYI BLA MA SPRUL SKU SOGS DANG SKU MDUN DAR KHAN MKHAN PO, GZIMS DPON BYAMS GLING MKHAN PO, MCHOD DPON SDE DRUG MKHAN PO SOGS KYANG PHEBS RDZONG ZHU BAR BCAR, DE DAG LA RANG RANG GI 'DOD PA DANG BSTUN PA'I CHOS DANG 'JIG RTEN GYI GSUNG GLENG ZHIB RGYAS SU GNANG, RGYUD STONG SMAD, SER, DGA' LDAN GYI GRVA TSANG KHAG ,RA BA STOD BCAS LA MANG JA BZHES THUG 'GYED DNGUL ZHO RE THOB NGES KYI DNGUL DANG DNGOS PO, DGA' LDAN TSOGS CHEN LA MANG JA NYER GSUM DANG DNGUL BAL tAM RE'I 'GYED, GOS BZANG SGRIGS KYI 'PHAN RING CHA NANG MDZOD KYI SHAM BU CAN DANG BRGYA MCHOD KHAG GSUM BCAS GNANG, 'DI KHA NAS JA BZANG RJE DRUNG

PHEBS BSUR MNGAGS PA LTAR DGYES BZHIN DU BSNYEN BKUR PHAL BA RNAMS BDAG GIR MDZAD, RI KHROD NA BZHUGS PA'I DGE SLONG RNAMS KYIS MJAL KHA ZHUS TE PHEBS LAM DANG, BKRA SHIS LHUN PO RNAMS SU SKU'I 'PHRONG SKYONG LA MI G-YEL BA DANG, ZHAL GYI DKYIL 'KHOR SLAR YANG PHYOGS 'DIR MNGON DU MA GYUR GYI BAR DU SKYABS 'JUG THUGS RJES GZIGS DGOS PA'I SKYABS ZHU'I BSLAB DON ZHUS PA LA DGYES BZHIN DU ZHAL BZHES BZANG PO DANG BSLAB BYA NAN TAN BCAS GNANG, TSES DGU'I NYIN RI KHROD NAS CHIBS KHA BSGYUR TE RA KHA THANG DU SER BYES SNGAGS GNYIS KYI BLA MA LAS SNE, SKU SKYE, DPON PO, CHOS MDZAD RNAMS NAS CHIBS SKYEL DANG BCAS SHING, LA GDONG DU BYES GRVA TSANG DANG LHO PA KHA MTSAN BTZAS NAS THAB SKYEL, DKAR SPRO SOGS RGYAS PA'I THOG BYAS SNGAGS KHAM TSAN GSUM GYIS MJAL DAR PHUL, RIGS GRVA CHU SKOR 'GRAM DU 'BRAS SPUNGS SPYI SO SDE PA BLO BZANG NOR BUS GSOL JA, GSOL TSIGS DKAR SPRO MJAL DAR BCAS GZAB RGYAS DANG, BLO GLING ZUR PA, SHAG SKOR BLA MA, ZHAL SNGA NAS SPRUL SKU SOGS SER SKYA DRAG ZHAN MANG POR PHYAG DBANG GNANG ZHING, GDONG KHAR GLING KHAR RDO RING NAS THA'I JIB SANGS TSE RING NGO G-YOG DANG RAG KHA SHAG NAS STAG LUNG ZHABS DRUNG DPON G-YOG BCAS PAS JA THAB KYI SKYEL MA ZHUS SHING, DE NUB STOD LUNG SGUNG DU BZHUGS ZHAG MDZAD, TSES BCU GCIG GI NYIN TSAR PA SNAR SER SPYI SO SDE PAS CHIBS BSU DANG GSOL TSIGS ZHUS SHING MJAL DER PHUL, SKYA SER RNAMS LA PHYAG DBANG GI BKA' DRIN BSKYANGS, GSAL BYED GRVA TSANG BAR MANG JA KHA SHAS DANG 'GYED DNGUL SKAR PHYED BRGYAD

, ,RE STZAL, CHU PO RIR LCAGS ZAM SPRUL SKUS DKAR SPRO DANG MJAL DAR BCAS GZAB RGYAS ZHUS SHING, GONG DKAR RDZONG DPON JA'I SANG KHA SHA KHA DPON G-YOG BCAS KYIS CHIBS BSU DANG GAM PA SGRON SER GSOL TSIGS DANG MJAL DAR, PHRUG DKAR PO BUBS LNGA SOGS 'BUL BA GZAB RGYAS DANG, 'OD GSAL SPRUL SKU ZHES PA'I BLA MA BGRES PO ZHIG DANG CHOS KYI GSUNG GLENG MANG PO MDZAD, DPAL DIR GSOL TSIGS THOG GTZANG MNGA' DPON RAM PA BAS GSOL JA DANG MJAL DAR PHUL, YAR GZIGS SU BZHUGS ZHAG THOG 'DI KHA NAS KYANG 'DIR DUS TSES JI TZAM LA PHEBS KYI SNYAN 'BUL ZHU BA DANG SKU'I SNYAN 'DRI BA BCAS PAR BLO BZANG MNGAGS PA LTAR 'BYOR PAS SHIN TU DGYES, PAD TSAL RJE DRUNG DGE SLONG NAS KYANG LCAGS 'DAM BRGYUD YAR LAM PAD TSAL DU PHEBS DGOS PA'I ZHU YIG PHUL, CHU TSAN KHAR MDA' DPON RAM PA BA'I GSOL CHAS DANG SKYABS 'JUG ZHU RTEN PHUL BA RNAMS DGYES BZHIN DU BZHES, DUR SMRIG TU GSOL TSIGS DANG MCHOD KHANG RNAMS LA MCHOD 'BUL SNYAN SHAL SOGS THUGS SMON GYIS BRGYAN PA MDZAD, SKU GNYER NAS GSOL PA BTAB PA LTAR RTEN RNAMS LA PHYAG NAS MDOR BSDUS SHIG KYANG GNANG, TSES BCU DRUG GI NYIN RONG BYAMS CHEN DU PHEBS RNGA BRDUNG DAR 'PHYAR DANG BSANGS DUD SER SBRENG SOGS RMAD DU BYUNG BA DANG BCAS TE PHEBS, DE NUB KLU SDINGS SU BZHUGS SHING; TSES BCU BDUN GYI NYIN BYAMS CHEN GYI SKU MDUN DU BRGYA MCHOD LEGS PA SNYAN SHAL MCHOD 'BUL DANG BCAS PA GNANG ZHING, ZHAL RAS LHA KHANG DU BYAMS CHEN BLA SPYI NAS GNAS BCU SPYAN 'DREN KHRUS GSOL SOGS SNGON DU 'GRO BAS ZHABS BRTAN RGYAS

PAR PHUL TE, GSEL BA BTAB PA LTAR BKA' LAN DU LAM GYI RIM PA'I GNAD 'GAG CHA CHENG PA'I GSUNG BSHAD, CHOS LTAR BCOS PA'I LTA LOG RNAMS SUN 'BYIN PA'I DGAG SGRUB RGYAS PAR GNANG NAS, DE LTA BU'I CHOS RNAM PAR DAG PA TSANG LA MNOR BZHIG NYAMS SU LEN NA, CHOS LA TSAD MAR GYUR PA, DBANG DU GYUR PA NI YANG DAG PAR RDZOGS PA'I SANGS RGYAS NYID 'KHRUL BA'I CHA THAMS CAD DANG BRAL BAS DE'I GSUNG LA TSAD MAR BYED DGOS, SANGS RGYAS KYI GSUNG LA TSAD MAR GYUR PA RGYAL BA RANG NYID KYI RGYAL TSAB DAM PAR GYUR PA RJE BTZUN BYAMS PA MGON PO YIN PAS NGA YI BSHAD PA DE RNAMS RNAM DAG YIN MIN KHONG DBANG POR GYUR PA 'DI YIN ZHES SOGS GSUNG BSHAD BLA NA MA MCHIS PA GNANG, DE NAS SER SKYA MANG POR PHYAG DBANG DANG DGE 'DUN RNAMS LA MANG JA BZHI'I THOG SKU 'GYED DNGUL ZHO LNGA RE'I RTZIS DANG SPYI 'BUL MDZOD JUS LJANG GU YUG SOGS DNGOS PO KHA SHAS STZAL, DE NAS 'A RAS PA'I KHANG PAR BZHUGS ZHAG MDZAD CING ZHABS TOG GZAB RGYAS ZHUS PAR BDAG GIR BZHES NAS, MI NGO RNAMS LA TSE DBANG STZAL ZHING, GANG CIR BKRA SHIS LUGS LEGS DGOS PA'I BSLAB BYA RGYAS PAR GNANG, DER 'A RAS PA'I ZHAL NGO RGAN PA ZHIG GIS RDZOGS CHEN PA'I NYAMS LEN LAS BRTZAMS PA'I RTOGS 'BUL MANG DU BYAS TE, 'DAS PA'I RJES MI BSNYEG ,MA 'ONGS PA'I SDUN MI BSU, DA LTAR BA'I SHES PA SO MA YE RE RJEN NE BDE'I STENG DU LHOD DE BZHAG CES BYA BA LA SOGS PA'I LAB LAB MANG DU BYAS PAR, LTA BA GOL SAR GYUR PA DE RNAMS SUN DBYUNG BA'I GSUNG BSHAD ZHIB TU GNANG ZHING DE RJES LHAN GZHIS KAR BZHUGS SKABS KYANG GSANG SNGAGS,

, ,RNYING MA'I CHOS RNAMS LA LTA BA NGAN PA'I LHAD ZHUGS PA'I GSUNG BSHAD ZHIB TU NYE GNAS RNAMS LA BKA' GNANG, STAG GRU KHAR SKU'I SNYUN 'DRI ZHU BA DANG BSNYEN BKUR 'GA' ZHIG 'BUL BA'I PHYIR LUNG PA SHAR PA'I RJE DRUNG BLO BZANG DGE 'DUN CHED RDZONG ZHUS PAR DGYES PA CHEN PO GNANG, DE NAS LHAN GZHIS KAR PHEBS NAS BZHUGS ZHAG GNYIS BZHUGS PA'I PHYI NYIN, RGYAL DBANG THAMS CAD MKHYEN PA RJE BTZUN MCHOG GI SPRUL PA'I SKU RIN PO CHE'I YAB RJE DAM PA BSOD NAMS DAR RGYAS KYIS GTZO MDZAD PA'I SER SKYA MANG POR TSE DBANG GNANG ZHING GZHAN YANG SKYE BO MANG POR PHYAG DBANG YANG GNANG, DE DUS RGYAL DBANG THAMS CAD MKHYEN PA'I MCHOG GI SPRUL PA'I SKU RIN PO CHE GONG MA BDAG PO CHEN PO'I BKAS YONGS LA GRAGS PAR THAG MCHOD KYANG NANG CHAGS SU RJE BTZUN LCANG SKYA RIN PO CHES CHOS SKYONG KHAG MANG DU PHAB STE THABS SHIN TU MKHAS PAS THAG CHOD PA LTAR YAB RJE DAM PAR MGUL DAR KHA BTAGS DANG, GOS CHEN GYI LA PA SHA, PHYAG 'PHRENG RGYAN LDAN BCAS GNANG NAS RJE BTZUN MCHOG SPRUL RIN PO CHER GTZANG SPRA SOGS ZHABS 'DEGS BLA NA MED BA MDZAD DGOS ZHES ZHAL TA ZHIB TU GNANG ZHING, RJE BTZUN MCHOG SPRUL RIN PO CHER DNGUL DKAR GYI MAndAL DAR TSON SNA LNGA'I SNE 'DOGS CAN GSER GYI TSOM BU DANG LDAN PA, NANG MDZOD DRI MED BCAS 'BUL BA MDZAD NAS NGED KHA BA CAN PA'I 'GRO BA RNAMS KYI MGON DU MYUR DU PHEBS PA BKA' DRIN CHE ZHES ZHABS BRTAN BKA' RTZOM GCIG DANG BCAS 'BUL BAR MDZAD, DE NAS KHRON PA KHAR BZHUGS ZHAG GNANG ZHING, PHYI NYIN DBEN SA CHOS KYI PHO BRANG PA RNAMS

KYI BSNYEN BKUR DANG BCAS LHA KHUD DU PHEBS, GRVA MANG SPYI BSDUS KYIS DKAR SPRO GSOL TSIGS SOGS BSNYEN BKUR GZABS PAR ZHUS, DE NUB LHA KHANG GSAR DU BZHUGS NAS SANG NYIN CHOS GRVA CHEN PO 'DI KHAR ZHABS KYI PADMO RNAM PAR BKOD NAS GZIMS CHUNG YID DGA' CHOS 'DZIN DU ZHAL MNGON DU GYUR, DNGUL DKAR GYI MAndAL GSER GYI TSOM BU CAN LA SOGS PA'I GNANG SKYES RGYA CHER STZAL ZHING CUNG ZAD CIG DER BZHUGS NAS KHO BO CAG LA SPYIR DGYES PA'I GSUNG GLENG DANG YANG SGOS SU 'DI LO KHO BO CAG NAS 'DI KHA'I TSOGS CHEN DU BCOM LDAN 'DAS GDUGS DKAR MO CAN GYI DBANG CHEN PHUL BA SOGS LA BSTAN 'GROR PHAN SLEB CHE TSUL GYI BKA' GNANG, DE NAS BKA' GDAMS PHO BRANG DU PHEBS NAS GANG CI'I CHOS KYI GSUNG BLENG SHIN TU RGYAS PAR GNANG, 'DI LO DNGUL GDUNG NUB KYI SENG G-YABS RGYAB TU BZHUGS, DE NAS NYIN RE BZHIN MDUN DU PHEBS NAS CHOS KYI GSUNG GLENG ZHIB RGYAS SU MDZAD, DE DUS RJE KHYAB BDAG RDO RJE 'CHANG CHEN PO NAS BCOM LDAN 'DAS MGON PO TSE DANG YE SHES DPAG TU MED PA 'CHI MED RNGA SGRA'I DBANG CHEN DGOS TSUL BKA' PHEBS PA LTAR, SPYIR RANG NYID YON TAN GYI CHA SHIN TU PHRA BAR MA ZAD RJE BLA MA'I SKU'I GZI BRJID KYANG BZOD PAR DKA' BAS G-YAR SHIN TU TSA YANG, RANG GIS DAM PA'I CHOS LA SBYANGS PA CUNG ZAD BYAS PA RNAMS BLA MA RDO RJE 'CHANG CHEN POR SGRUB PA'I MCHOD PAR DMIGS NAS BCOM LDAN 'DAS MGON PO TSE DANG YE SHES DPAG TU MED PA LHA DGU'I DKYIL 'KHOR CHEN PO'I DBANG SBYOR DNGOS RJES GSUM TSANG BA RJE BLA

, ,MA NYID KYIS GTZO MDZAD PA'I SKU 'KHOR BCAS LA PHUL BAR DGYES PA BLA NA MED PAR GNANG BAS SKAL BA SHIN TU BZANG, DE NAS GSOL BA BTAB PA LTAR, DUS GSUM GYI RGYAL BA THAMS CAD GANG LA BRTEN NAS SNANG BA GSUM RNAM PAR DAG BA'I YE SHES BLA NA MED PA CHOS KYI SKU DANG GZUGS KYI SKU GNYIS MNGON DU MDZAD PA'I THABS DAM PA RGYUD THAMS CAD KYI RGYAL PO DPAL GSANG BA 'DUS PA'I MAN NGAG GI GNAD DAM PA RJE RGYAL BA GNYIS PA'I LEGS BSHAD THAMS CAD KYI YANG RTZE RIM LNGA GSAL BA'I SGRON ME'I GSUNG BSHAD SHIN TU ZAB PA RDO RJE'I TSIG GI MDUD PA 'BYED PAR MDZAD PA ZHAG BCO LNGA'I RING GNANG STE, BKA' DRIN GYI PHUNG PO'I CHA SHAS GCIG TZAM YANG TSE RABS THAMS CAD DU GZHAL DKA' BA THOB, DE DUS SPYIR DPAL LDAN BLA MA DAM PA NYID SKU NA MTHO BA DANG YANG SGOS SU DAM PA'I CHOS ZAB MO'I LHONG GI RNAM PA LTA BUS SKU KHAMS MA BDE BA BYUNG DOGS KYI BLO G-YENG CHE NGES PA BYUNG YANG RJE BLA MA NYID KYI BKA' DRIN LAS CUNG ZAD TZAM GYI SKYON 'GYUR YANG MED PAR MTHAR PHYIN, ZLA BA BCU GCIG PA'I TSES LNGA'I NYIN KHO BO CAG 'DUS PA RGYA MTSO'I DBUS SU 'BOD PAR MDZAD NAS, DNGOS PO'I GNANG SKYES RGYA CHER SPRO BAR MDZAD PA'I THOG MAndAL PHYAG TU BZHES NAS BSTAN PA RIN PO CHE SPYI'I RNAM GZHAG DANG, BYE BRAG TU RGYAL DBANG DBEN SA PAN RIM GYIS BSTAN PA LA BYA BA MDZAD LUGS SOGS KYI GSUNG BSHAD BLO 'KHUL DES PA'I THOG KHO BO CAG GI TSE YUN DU SPEL BA'I RDO RJE'I TSIG BLA NA MED PA BRJOD PA GNANG, DE NAS SLAR YANG KHO BO CAG DANG RI KHROD 'DZIN PA'I

BSHES GNYEN YE SHES RGYAL MTSAN SOGS KHA SHAS LA RNAM PAR SNANG MDZAD MNGON PAR BYANG CHUB PA DANG BCOM LDAN 'DAS DPAL DGYES PA RDO RJE'I DBANG CHOS KYI RGYAL PO MKHAS GRUB DGE LEGS DPAL BZANG PO'I MAN NGAG RGYUD BCAS KYI DBANG CHEN ZAB BSHAD DANG BCAS PA NYID BZHI'I RING DGYES BZHIN GNANG, DE NAS RGYUD PA GRVA TSANG DANG TSOGS CHEN GYI MKHAS 'DUS MANG PO LA NYI 'OD 'KHYIL PAR BYANG CHUB LAM GYI RIM PA 'JAM DPAL DBYANGS KYI ZHAL LUNG GI ZAB KHRID ZHIB BSHAD DANG BCAS PA GNANG STE; GONG 'OG KUN TU GSUNG BSHAD MTHA' KLAS PA DANG, KHYAD PAR DU STON PA MNYAM MED BCOM LDAN 'DAS KYIS SNGON LHA'I DBANG PO BRGYA BYIN DU SKU'I SKYE BA BZHES PA'I DUS SU SEMS CAN MI DGE BA'I LAS SPYOD PA RNAMS LA SDIGS PA'I PHYIR GNOD SBYIN GSHOG PA CAN DU SPRUL NAS SPRUL PA'I SKYE BO MI DGE BA BCU LA SPYOD PA RNAMS KYI SHA KHRAG LHAG MED DU ZA BAR BSTAN PAS YUL THAMS CAD BDE BA LA BKOD DE BLA NA MED PA'I TSOGS YONGS SU RDZOGS KYANG, DE'I RNAM PAR SMIN PA'I TSUL LTA BUR MI MDZED KYI ZHING 'DIS RONG CAN LTA BUR SNANG BA YIN, ZHES SOGS LAS 'BRAS MI BSLU BA LAS BRTZAMS PA'I GSUNG BSHAD SBYAN CHAB DANG BCAS GNANG BAS DER TSOGS PA THAMS CAD YID SHIN TU 'KHUL, DE DUS SKU GEGS KYI RNAM PAS SKU KHAMS CUNG ZAD MA BDE YANG RING POR MI THOGS PAR GDANGS, MJUG TU THEG PA CHEN PO'I SEMS BSKYED BLA NA MED PA CHO GA'I SGO NAS GNANG STE SNGA DRO BLA MA MCHOD PA DANG 'BREL BA'I TSOGS 'KHOR ZHUS NAS, DE'I DUS SU KHO BO CAG GIS MAndAL LAG TU THOGS NAS DAM PA'I CHOS KYI BKA' DRIN STZAL BA

, ,THUGS RJE CHE TSUL DANG DA DUNG BSTAN 'GRO'I DPAL DU ZHABS PAD BRTAN DGOS TSUL SOGS GSOL BA BTAB PAR DGYES BZHIN DU ZHAL BZHES STZAL, PHYI DRO'I DUS SU BYANG CHUB LAM RIM CHEN MOR RJE BLA MA TZONG KHA PA CHEN POS JI LTAR BKA' STZAL BA LTAR GYI SMON SEMS CHO GAS 'DZIN TSUL SHIN TU RGYAS PA GNANG, GZHAN YANG KHO BO CAG GROGS BCAS LA MI 'KHRUGS PA'I DBANG CHEN, KHO BO CAG GCIG PU LA N'A RO CHOS DRUG GI ZAB KHRID, DPAL MGON ZHAL BZHI PA DANG, MGON PO LHO NUB PA, DUR KHROD BDAG PO BCAS KYI RJES GNANG DANG, YANG MANG RAB CIG LA GTUM CHEN KHYUNG LNGA'I RJES GNANG RNAMS ZAB RGYAS SU GNANG, BAR SKABS SHIG MCHOD MJAL LA PHEBS DNGUL GDUNG RIN PO CHE SHAR NUB TU SNYAN SHAL NANG MDZOD RE DANG GOS RDO RJE SENG LAM MA YUG RE 'BUL BA GNANG, DE NAS MCHOD KHANG GZHAN RNAMS DANG KHYAD PAR GI TANG SKYES SGROL MA, DUR SMRIG SGROL MA, BYAMS PA RANG BYON, DGA' GDONG BYAMS PA RNAMS LA LCAGS KHRA'I NANG DU PHEBS NAS THUGS SMON ZHIG BRGYAD GNANG, DE DUS GONG MA CHEN PO'I LUNG GIS RJE BTZUN MCHOG GI SPRUL SKU RIN PO CHE NGOS 'DZIN MDZAD RGYU'I MDZAD PA MNGON DU GYUR PA NA, RJE BTZUN MCHOG SPRUL RIN PO CHE ZLA BA BCU GNYIS PA'I TSES BCU BZHI'I NYIN SPYAN 'DREN ZHUS TE CHOS GRVA CHEN PO 'DI NYID DU ZHABS KYI PADMO RNAM PAR BKOD PAR GZIMS CHUNG DU PHEBS MA THAG RJE BTZUN BLA MA 'DI NYID NAS MJAL BAR PHEBS TE NANG MDZOD DRI MA MED PA, DNGUL DKAR GYI MAndAL DAR TSON SNA LNGA'I SNE 'DOGS CAN, SKU GSUNG THUGS RTEN, DNGOS PO'I RIGS RGYA CHER 'BUL BAR

MDZAD DE RING POR MI THOGS PAR SPRUL PA'I SKU PHEBS PA BKA' DRIN CHE TSUL GNANG BAR, RJE BTZUN MCHOG GI SPRUL PA'I SKU RIN PO CHE NAS KYANG DGYES PA'I RNAM 'GYUR CHER MDZAD, DE RJES KYANG TSAR 'GA' RE ZHAL 'DZOM MDZAD PAR RJE BTZUN MCHOG GI SPRUL PA'I SKU RIN PO CHE NAS KYANG DGYES NYAMS KYANG YANG YANG MDZAD, TSES NYER LNGA'I NYIN SNGAGS KHANG DU CHIBS BSKYOD DE THUN MONG MA YIN PA'I GTOR CHEN DRUG CU PA'I PHYAG LEN RNAMS LA ZHIB GZIGS DANG DGRA BGEGS RTZAD NAS 'BYIN PA'I SPYAN DMIGS YANG DAG GNANG, DGU GTOR CHEN MOR YANG GZIGS THOG RGYUD KYI DGONGS PA DANG MTHUN ZHES DGYES NYAMS SHIN TU CHE BA GNANG, LCAGS SBRUL ZLA BA DANG PO'I TSES 'GOR LO GSAR GYI DGYES STON LA LEGS PAR ROL PAR MDZAD CING, LO 'GO DER GSANG SNGAGS RGYAL BA GRVA TSANG DU TSOGS 'KHOR GZAB RGYAS DANG SKU 'GYED BCAS STZAL ZHING BSGRUB BYA BDUN TZAM LA BSNYEN RDZOGS KYI SDOM PA'ANG GNANG, LHA SAR YANG SMON LAM CHEN MOR MANG JA DANG 'BRAS TSA 'GYED DNGUL ZHO RE BCAS STZAL, TSES BRGYAD LA DON GNYER CAN GYI SKYE BO SHIN TU MANG PA LA TSOMS CHEN DU BSNYEN RDZOGS KYI SDOM PA GNANG, DE RJES MGUL CHAM ZHIG LA BRTEN NAS SKU KHAMS SHIN TU BSNYUN PA'I TSUL BZHES PAR BRTEN, SLOB MA'I TSOGS RNAMS BLO TSAB TSAB POR GYUR NAS BLA MCHOD DANG 'BREL BA'I BRTAN BZHUGS GZIMS CHUNG RANG DU PHUL BA'I THOG ,RI KHROD 'DZIN PA'I DGE SLONG YE SHES RGYAL MTSAN NAS ZHABS PAD YUN RING DU BRTAN CING SNYUN LAS GROL DGOS PA'I SLAB DON ZHIB RGYAS YID 'KHUL DES PA ZHUS PAR DGYES BZHIN DU ZHAL BZHES

, ,LEGS PAR GNANG, DE NAS KHO BO CAG NAS SKU TSE'I TSE DBANG 'GA' ZHIG DANG BCAS TE BRTAN BZHUGS NAN TAN DU PHUL BAR DGYES BZHIN DU ZHAL BZHES GNANG ZHING SKU KHAMS KYANG 'PHRAL DU GDANGS PA'I TSUL BZHES, DE NAS RJE BLA MA NYID KYIS BKA' GNANG BA LTAR, RJE BLA MA BKA' DRIN MTSUNGS PA MED PA NYID GTZO BOR BZHUGS PA LA DBU MA BUDDHA P'A LI TA'I LUNG DANG, DZAMBHA LA 'BRUG ZHON DANG DPAL LHA MO BCAS KYI RJES GNANG PHUL BAR DGYES PA CHEN PO GNANG, DE DUS RJE BLA MA NYID KYI SBYAN CUNG ZAD BSNYUN TSUL BZHES PAR BRTEN THA MAL TSUL BZHES KYI RNAM PA DE MYUR DU GDANGS PHYIR DANG, RANG NYID KYANG TSOGS RDZOGS PA'I PHYIR RDO RJE 'DZIN PA MANG RAB TSOGS PA'I DBUS MA KHO BO CAG NAS ZHUS TE, SNGA DRO TSE CHO GA DANG PHYI DRO RDO RJE RNAM BAR 'JOMS PA'I CHO GA BCAS KYI SGO NAS BRTAN BZHUGS DNGOS 'BYOR PHRAN BU DANG BCAS TE PHUL ZHING, SKU'I NYE GNAS RNAMS LA'ANG BRNGA MTSON TZAM RE PHUL BAR DGYES PA CHEN PO GNANG ZHING SKU KHAMS KYANG 'PHRAL LA GDANGS TSUL BZHES, GANGS LJONGS GRUB PA'I THIG LE DPAL LDAN SA SKYA PA'I BDAG CHEN NAS BSNGAGS BRJOD DANG BCAS PA'I ZHU SHOG 'BUL BA MDZAD PAR BKA' LAN YANG STZAL, DE DANG DUS MNYAM DU SA SKYA'I 'JAM DBYANGS DANG MGON PO CHE CHUNG SOGS RTEN GTZO RNAMS LA SNYAN SHAL YANG 'BUL BSKUR GNANG, SLAR YANG THUGS BRTZE BA CHEN POS MGON KHANG PA RNAMS DANG LHAN DU DNGOS PO'I GNANG SBYIN DANG BCAS TE KHO BO CAG GI TSE YUN DU SPEL BA'I BDEN TSIG BRJOD PAR MDZAD, KHO BO CAG NAS GSOL BA BTAB PA LTAR RJE NYID LA BRTEN PA'I

BLA MA'I RNAL 'BYOR YANG LJAGS RTZOM GNANG, HAR GDONG KHAM TSAN NAS 'BUL BA DKAR SBRO GZAB RGYAS BCAS PHUL BAR YANG DGYES PA CHEN PO GNANG ZHING BSLAB BYA'ANG RGYAS PAR MDZAD, 'DIR PHEBS PA'I SNGA PHYI KUN TU RJE BLA MA NYID NAS KHO BO CAG LA CHOS DANG 'JIG RTEN GNYIS KA'I GSUNG GLENG DANG BSLAB BYA ZHIB RGYAS DANG KHYAD PAR DU MI CHEN GYI GO SA 'DI LTA BUR 'KHOD NAS RANG RGYUD KYI CHOS GONG 'PHEL DU 'GRO BA LA NGA RGYAL DANG CHE 'DOD GNYIS KYIS GNOD PA CHEN PO SKYEL BA YIN BAS RANG RGYUD KYI NGA RGYAL DBAL GZHOM PA'I THABS LA 'BAD DGOS DE LA NYIN RE BZHIN NAM 'CHI NGES MED LAN RE DRAN PA GAL CHE, DE DRAN PHYIN RANG RGYUD KYI NGA RGYAL DANG CHE 'DOD THAMS CAD MI RTAG PA YIN PAR RTOGS TE SHES 'DOD MI SKYE BA YIN, GO SA 'DI DAG TU 'KHOD PA LA BAR GCOD KYI RNAM PA LTA BUS PAN TSUN MTHUN MI MTHUN SOGS KYI RNAM PA BYUNG BA SRID NA, DE DAG GI TSE YANG BZOD PA DANG DGE SBYONG GI CHOS BZHI LA BRTEN NAS GNAS PA GAL CHE ZHES GSUNG PA DE SHIN TU DGE SBYOR 'PHEL BA LA BKA' DRIN DU GYUR, GZHAN YANG GANG CIR GZENGS BSTOD DANG BSLAB BYA GRANGS LAS 'DAS PA GNANG, DE NAS RIM GYIS 'DI KHA NAS CHIBS BSKYOD PA LA MNGON DU PHYOGS PA'I TSE PHEBS RDZONGS KYI RNAM PA PHRAN BU PHUL BA RNAMS DGYES BZHIN DU BZHES NAS, THOG MA RANG GI DNGUL RTA RMIG MA ZHIG PHYAG TU BZHES NAS KHO BO CAG LA GNANG STE RJES GNANG GI PHYOGS SGRIGS 'GA' ZHIG DGOS PA'I BKA' PHEBS, DE NAS DGYES BZHIN DU SLAR YANG GDAN SA CHEN PO NAS CHIBS BSKYOD DE, PHAR LAM PAD TSAL DU PHEBS MI DO RNAMS LA TSE DBANG DANG DGA' LDAN LTA BRGYA MA'I

, ,BKA' KHRID DANG 'PHRAL PHUGS KUN NAS DGE BA'I BSLAB BYA RGYA CHER GNANG, DE NAS LA BRGYUD RONG PHYOGS LA PHEBS TE LCAGS 'DAM RGAN PO AA MIGS KYI KHANG BAR BZHUGS ZHAG MDZAD CING, DBEN SA CHOS KYI PHO BRANG BA RNAMS KYIS BSNYEN BKUR BA SOGS LA PHYAG DBANG YANG GNANG, DE NAS LHAN MDAR GZHIS KA LHUN GRUB RAB BRTAN NAS GSOL TSIGS GRA SGRIG ZHUS PA DANG, DRES SHONGS BAS DKAR SPRO 'BUL NOD ZHUS PA RNAMS DGYIS BZHIN DU BZHES TE SER SKYA MANG POR PHYAG DBANG YANG GNANG, DE LA SOGS PA PHEBS LAM KUN TU DGE 'DUN GYI SDE DANG DKON MCHOG GSUM GYI RTEN RNAMS LA MCHOD 'BUL, 'BANGS KYI MI DANG SLONG MO BA SOGS LA GNANG SBYIN DANG, DRAG ZHAN SO SO'I BLO BABS DANG BSTUN PA'I BKA' CHOS DANG BSLAB BYA SOGS YANG DAG PAR GNANG, RIM GYIS SNYE THANG DU PHEBS SHING SGROL MA LHA KHANG DU BZHUGS ZHAG THOG MCHOD 'BUL SNYAN SHAL THUGS SMON GYIS BRGYAN PA GNANG, PHYI NYIN SNYE THANG NOR BU SGANG DU SER BYES GRVA TSANG DANG SNGAGS PA'I BLA MA, LAS SNE SOGS KYI CHIBS BSU BSNYEN BKUR RMAD DU BYUNG BA DANG BCAS TE PHEBS, STOD LUNG SGANG DU BYES GRVA TSANG DANG LHO PA KHA MTSAN BCAS NAS THAB BSU DANG DKAR SPRO, BZHES 'BRAS, SO SO'I MJAL DAR BCAS PHUL, GDONG KHAR GLING KHAR RDO RING THA'I JI PA SANGS TSE RING NGO G-YOG DANG RAG KHA SHAG NAS STAG LUNG ZHABS DRUNG DPON G-YOG BCAS THAB BSUR BYON, BSNYEN BKUR PHUL DU BYUNG BA DANG BCAS TE LHA LDAN DU PHEBS, RBO RING DU BZHUGS ZHAG THOG BLON PO CHEN PO GUNG PAndI TA SKU NGO TSANG MA DANG, RAG KHA SHAG NAS BLON PO

CHEN PO JA SAG MDO MKHAR ZHABS DRUNG TSE RING DBANG RGYAL BCAS NAS MJAL 'DZOM MDZAD DE, CHOS DANG 'JIG RTEN GNYIS KYI GSUNG GLENG ZHIB RGYAS SU GNANG, PHYI NYIN SNGA DRO RAG KHA SHAG TU PHEBS, SKU NGO LHAN RGYAS 'KHOR DANG BCAS PA LA TSE DBANG GNANG, GSOL TSIGS THON NAS BLA MA SDE PA BCAS SER SKYA MANG POR PHYAG DBANG GNANG ZHING PHYI DRO GDAN SA CHEN PO PHUR BU LCOG TU PHEBS NYER RI KHROD 'DZIN BA'I DGE SLONG RNAMS KYI SER SBRENG PHUN SUM TSOGS PA DANG BCAS TE GZIMS CHUNG DU PHEBS NAS THOG MAR RI KHROD 'DZIN PA'I BSHES GNYEN RNAMS LA MJAL KHA GNANG, GANG CIR PHAN TSUN DGYES PA'I GSUNG GLENG ZHIB RGYAS SU GNANG, ZLA BA GSUM PA'I TSES BCU'I BAR DU GDAN SA CHEN PO RNAMS KYI BLA MA LAS SNE MI DRAG SOGS PHYOGS 'DUS KYI SER SKYA MANG PO LA PHYAG DBANG BYIN RLABS SOGS GZAB RGYAS GNANG, 'DI LO RJE BLA MA NYID KYI NYE GNAS RAB 'BYAMS PA BLO BZANG DAR RGYAS DANG, SBYIN BDAG CHEN PO BKA' BLON RNAM GNYIS SOGS NAS BKA' CHOS CHEN MO SNGAR RGYUN LTAR GNANG NA SKU NA HA CANG PHEBS CHE BAS SKU 'KHRUGS 'ONG NYEN CHE ZHING, BKA' CHOS NYIN ZHAG BDUN TZAM ZHIG GI MJUG TU SEMS BSKYED DANG BCAS PA GNANG NA LEGS TSUL ZHUS PAR, RJE BLA MA RDO RJE 'CHANG CHEN PO NYID LAN CIG MA YIN PAR RGYAL BA'I DAM CHOS 'CHAD CING SPEL BA LA LUS DANG SROG LA MI LTA BA'I THUGS RJE CHEN PO YANG YANG GOMS BAR MDZAD PA'I MTHUS BKA' LAS, THAG RING PO NAS CHOS DON DU GNYER BA'I GANG ZAG MANG PO SGUGS SDOD BYED KYIN 'DUG PA BZHAG NA MI 'ONG 'CHAD GANG THUB CIG 'CHAD PA YIN, MA LCOGS NA SKABS DER BZHAG CHOG CES GSUNGS TE DPYID

, ,CHOS CHEN MO SNGAR BZHIN 'DZUGS PAR MDZAD DE, MKHAR RDO SPRUL SKU, SMAD BLA ZUR, SRAD RGYUD MKHAN PO SOGS GDAN SA CHEN PO GSUM DANG PHYOGS SO SO NAS MKHAS 'DUS STONG PHRAG GCIG DANG BZHI BRGYA SKOR LA BYANG CHUB LAM GYI RIM PA 'JAM DPAL ZHAL LUNG GI DMAR KHRID SNGAR LAS KYANG RGYAS PA CHOS THUN RE RE LA'ANG BSTAN PA YONGS SU RDZOGS PA'I NYAMS LEN DE BZHIN GSHEGS PA THUGS RJE CAN DE NYID KYIS BKA' DANG, RGYA BOD KYI MKHAS GRUB DU MA'I MAN NGAG GIS BRGYAN TE, LAM GYI RIM PA YONGS SU RDZOGS PA CHA TSANG BA RE GNANG ZHING SKABS SKABS SU DA NGA 'CHO YANG NYI MA LA LA RGYAG LA KHAD LTA BUR 'DUG PAS, KHYED RANG CHOS KYANG CHOS 'DI LTA BU YANG YANG THOS YONG SNYAM PA DANG, PHYI BSHOL DU MA LUS PAR RIG PA BSGRIMS NAS TSIG RE TSIG GNYIS THOS BA TSUN CHOD RANG GI NYAMS LEN DU 'KHYER SHES PA BYAS NAS LAG LEN LA THEBS PAR CIS KYANG MDZOD, CES NAN BSKUL LTA BU YANG YANG MDZAD PAS DER TSOGS THAMS CAD YID LA THE TSOM SNA TSOGS SKYES SHING GSOL BA 'DEBS PA LA BRTZON PAR GYUR, CHOS TSUGS PA'I THOG MA'I NYIN KHA SHAS LA SKU NGAL BA DANG GSUNG GDANGS CUNG ZAD DMA' BA'I TSUL YOD KYANG RIM GYIS GSUNG GDANGS SOGS SNGAR MUS BZHIN JE BZANG DU MDZAD NAS SEMS BSKYED KYI BAR MTHAR PHYIN PA STZAL, 'DI SKABS BYES BLA ZUR MKHAS MCHOG SOGS BRTAN BZHUGS 'BUL MI TSAN CHE BA DANG, GZHUNGS NAS KYANG BKA' CHOS SEMS BSKYED SOGS KYI ZHABS TOG SNGAR BZHIN MDZAD, LHA SA GNYER TSANG SDE PA LHA SDINGS PA, PHAN YUL GRAB GRONG GSAR PA'I SER SKYA TSANG MAS

LO SHAS NAS BRTAN BZHUGS DANG TSOGS YONGS LA ZLA BA GCIG GI RING RGYUN JA DANG BZHES THUG ,SKU 'GYED, TSA GRA BCAS BSNYEN BKUR RGYUN 'JAGS DANG, GZHAN YANG DANG LDAN SKYA SER MANG POS, RJE BLA MA 'DI LTA BU MI BZHUGS NA BDAG CAG RNAMS JI LTAR BYED SNYAM DU YID LA BRNAGS NAS BRTAN BZHUGS 'BUL BA RGYA CHE NGES PHUL, ZLA BA GSUM PA'I TSES BCO LNGA'I NYIN RGYAL SRAS SPRUL PA'I SKU BSNYEN PAR RDZOGS PA DGE SLONG GI DNGOS POR SGRUB PA'I MKHAN PO MDZAD, SPRUL SKU LA BSTAN PA'I BDAG PO'I SKU LIM LEGS PA ZHIG GNANG STE, BSTAN PA RIN PO CHE THUGS LA BZHAG NAS GSAN SBYONG DGOS LUGS SOGS ZHAL TA ZHIB PAR GNANG, SA GA ZLA BA'I TSES BCO LNGA LA DAD 'DUS STONG PHRAG BRGAL BAR THEG PA CHEN PO'I GSO SBYONG GI SDOM PA LEGS PAR STZAL ZHING CHO GA SOGS CHAG MED MDZAD, TSES BCU BDUN BCO BRGYAD GNYIS LA GTANG RAG BSKANG GSO SNGAR BZHIN DANG BCU DGU'I NYIN DPAL LDAN RGYUD STOD SMAD KYI MDO SNGAGS YONGS SU RDZOGS PA'I RIG 'DZIN 'DUS PA'I CHOGS SUM BRGYA TZAM NAS SPYI BSDUS KYI BRTAN BZHUGS DANG 'BREL PA'I BLA MA RGYUD MCHOD SROL SNGAR RGYUN BZHIN NAS, DPAL GSANG BA 'DUS PA'I MAN NGAG ZAB MO 'PHAGS LUGS KYI ZAB KHRID NYER DRUG GI BAR RGYAS PAR STZAL ZHING, NYIN RE BZHIN SNGON 'GRO'I GSUNG BSHAD PHAL MO CHE LA, GSANG SNGAGS KYI NYAMS LEN MTSAN NYID PA ZHIG 'ONG BA LA THOG MAR BYANG CHUB KYI SEMS RIN PO CHE MAN NGAG BZHIN DU BSKYED PA'I MYONG BA SHIN TU BRTAN PA'I THUN MONG LAM SBYANG GI RTZA BA TSUGS PA ZHIG MED MI RUNG DU DGOS LUGS, DE LA THOG MAR THEG PA CHEN PO'I DGE BA'I BSHES

, ,GNYEN MTSAN NYID DANG LDAN PA BSAM PA DANG SBYOR BA GNYIS KYI SGO NAS TSUL BZHIN DU BSTEN NAS, DES JI LTAR GDAMS PA BZHIN DU DAL 'BYOR NAS BZUNG SKYES BU CHUNG 'BRING GI LAM GYI RIM PA RNAMS TSIG TZAM DU MA SONG BAR MYONG BA TSANG MA 'DON DGOS LUGS, KHYAD PAR RNAL 'BYOR BLA NA MED PA'I DBANG GI SGRO SMIN PAR BYED BA LA BLA MA DANG SLOB MA GNYIS KA'I NGOS NAS RGYUD SDE RIN PO CHE DANG MTHUN PA ZHIG MA BYAS NA, KHE MED PA'I KHAR NYEN SHIN TU CHE LUGS BCAS BSTAN PA SPYI'I GO RIM LA NAN TAN MDZAD, LO RE BZHIN RDZOGS RIM GYI KHRID LA BKA' DOG PO RE GNANG YANG GSOL BA BTAB NA SLAR GNANG RGYUN YIN PA LA, LO 'DI NANG DU RGYUD PA RNAMS KYIS GSOL BA NAN TAN DU BTAB STE LNGA MCHOD KYI BAR DU SGUG BANG MDZAD KYANG, TSOGS SHIN TU CHE BA LA BSNYAD MDZAD DE MA GNANG KHA NI DGONGS PA'I GNANG KHYAD PAR CAN ZHIG TU GNANG, SKABS SNGA PHYIR BLA MA 'JAM DBYANGS SPRUL SKU SOGS BRGYA LTAG TZAM LA DGE SLONG DANG DGE TSUL GYI SDOM PA BCAS STZAL, GONG MA CHEN PO'I AAM BAN RI KHROD DU 'ONGS NAS DAD BA CHEN POS MJAL PHYAG ZHUS SHING GSOL BA BTAB PA LTAR, LAM RIM BSDUS DON DANG DGA' LDAN LHA BRGYA MA RNAMS KYI LUNG DANG GANG CI'I GSUNG GLENG ZHIB RGYAS GNANG ZHING, T'A SHIN 'DIS KYANG DAD BA CHEN POS NYE BAR MCHOD, DE NAS 'BRAS SPUNGS SGO MANG THO'U KVAN ZHABS DRUNG RANG YUL MDO SMAD PHYOGS SU 'BYON NYER GYUR BAS RJE BLA MA NYID SGRUB SDE'I TSOGS DBUR SBYAN DRANGS TE, TSOGS YONGS SU MANG 'GYED DNGOS 'BYOR GYI 'BUL BA RGYA CHER BTEG STE MAndAL PHYAG TU BSNAMS NAS, SNGON

THOG MA MED PA NAS SRID PA'I SDUG BSNGAL JI SNYED CIG SPYAD KYANG DA DUNG 'DI TZAM NAS THAR PA THOB CES PA'I GTING MTHA' MI MNGON PAR MA ZAD, BDAG TU 'DZIN PA'I DGRA BO 'DI TZAM NAS SPONG BA ZHIG MA BYUNG GI BAR, SRID PA'I PHUN TSOGS JI TZAM THOB KYANG YID BRTAN MED TSUL SOGS MANG DU ZHUS NAS, DES NA NGES 'BYUNG BYANG CHUB KYI SEMS, YANG DAG PA'I LHA BA, RIM GNYIS KYI RTOGS BA KHYAD BAR CAN SKYE BA SOGS KYI SKYABS 'JUG ZHU BA MDZAD PAR, THUGS DGYES PA CHEN POS BSNGAGS BRJOD DANG, DA KHYED RANG PHA YUL DU PHEBS NAS GONG MA CHEN POR RJE LCANG SKYA RIN PO CHE BRGYUD NAS DGONGS PA ZHU LUGS SOGS 'JAM DBYANGS GONG MA CHEN PO'I THUGS DANG MI 'GAL BA MDZAD NGOS, SGRUB PA SNYING POR MDZAD PA'I SGO NAS BSTAN 'GRO'I DON BLABS PO CHE MDZAD DGOS PA'I ZHAL TA ZHIB PAR GNANG, ZLA BA LNGA PA'I NANG NAS PHAL CHER BCAD RGYAR BZHUGS SHING, SKABS 'GA' ZHIG TU PHYOGS 'DUS KYI DON GNYER CAN MANG POR MJAL PHYAG DANG CHOS 'BREL ZAB RGYAS KYANG STZAL, DE SKABS SER BYES DKA' BCU BLO BZANG BSTAN 'DZIN 'DAS PA'I DGE RTZAR DMIGS, SGRUB SDE GSUM GYI DGE SLONG RNAMS KYI CHOGS DBUR RJE BLA MA NYID GDAN DRANGS TE SEMS BSKYED KYI ZHABS TOG DANG ZHABS BRTAN RNAMS PHUL, PHYI DRO SEMS BSKYED SKABS RJE BLA MA'I ZHAL NAS , 'O; DUS BZANG KHYAD PAR CAN LA DKON MCHOG GI MCHOD PA, DGE 'DUN LA BSNYEN BKUR RGYA CHEN PO BYAS NAS, DGE BA DE SKYES BU DAM PA GONG MA RNAMS KYI DGONGS PA RDZOGS PA DANG, SHI GSON THAMS CAD BLA MED RDZOGS BYANG THOB PA'I CHED DU BSNGO BA DANG SMON LAM

, ,BYED PA 'DI, JO BO BKA' GDAMS BA'I RNAM THAR YIN TSUL SOGS DANG, DE NYIN KHYIM PA MANG PO CHOS KYI BDUD RTZI'I SKAL BA LEN PA'I PHYIR TSOGS BA LA BRTEN, DE LA CHED DU DGONGS NAS KHYIM BA CHOS KYANG RANG GIS GANG SHES NUS TSOD KYI CHOS THA NA GRONG BA PHAN TSUN DANG NANG MI TSOL BSAM BA BZANG PO DGOS LUGS, KHYAD PAR DGE 'DUN 'DI BKA' YUL SHIN TU GNYAN BAS GRVA PA RE RE GNYIS GNYIS TZAM GYI KUN SPYOD MI MDZES PA RGYU MTSAN DU BYAS NAS, GRVA PA 'DI TSO LAS SDUG PA MI 'DUG CES SOGS DGE 'DUN LA TSIG NGAN GTAN NAS MI RUNG BA SOGS NAN TAN CHEN POS BLANG DOR GYI BSLAB BYA ZHIB PAR GNANG, ZLA BA DRUG PA'I TSES BCO LNGA'I NYIN SGRUB SDE'I TSOGS DBUR PHEBS, SNGAR SROL BZHIN BCA' YIG GSUNG SGROG BKA' CHOS BSLAB BYA SGRIGS LAM GYI SKOR SOGS ZHIB RGYAS GNANG, KHYAD PAR DU RJE GRUB PA'I DBANG PHYUG DGE LEGS RGYA MTSOS BCA' YIG THOG MAR 'JOG PAR MDZAD PA'I DUS KYI GSUNG BSHAD BSKYAR NAS GSUNGS TE, KHYOD KYIS TSOGS SU SGROGS ZHES GSUNGS PA'I BKA' BZHIN DU, CHAB MDOR PHYIN PA'I LO DE TZAM MA GTOGS DENG RANG GIS CHAG MED BSGRAGS BA YIN ZHES GSUNGS, TSES BCU DRUG NAS DBYAR ZHAL BZHES MDZAD, GSO SBYONG RNAMS KYI DUS MA GTOGS DBYAR MTSAMS DAM PO LA BZHUGS, ZLA BA BDUN PA'I TSES BCO LNGA'I NYIN SGRUB SDE'I TSOGS DBUR PHEBS, RGYAL DBANG THAMS CAD MKHYEN GZIGS CHEN PO DE NYID KYI MCHOG SPRUL RIN PO CHE'I ZHABS BRTAN RGYAL KUN MKHYEN BRTZE MA'I LJAGS LUNG GNANG STE, SGRUB SDER GSAR 'DZUGS KYI ZHAL GROR DGE SLONG RER KHA BTAGS

MDZOD SGAG DKAR KHA GTZANG BA RE GNANG ZHING SER 'BRAS KYI RIGS GRVA DANG RGYUD STOD SMAD GSANG PHU BCAS PAR MANG 'GYED SNGAR BZHIN STZAL, DE NAS NYE SKOR GYI KHYIM PA RNAMS LA DBYAR MJAL DANG DGAG DBYE LJONGS RGYU SOGS SNGAR LTAR MDZAD, LHA SA NANG NUB PA RDO RING DRUNG YIG TSE BRTAN NAS SGRUB SDE GSUM LA SEMS BSKYED MCHOD PA SNGA PHYIR LAN GSUM TZAM GYI TSOGS DBUR DAM PA NYID SPYAN DRANGS TE DNGUL DKAR GYI MAndAL, SKU GSUNG THUGS RTEN, NA BZA' SOGS DNGOS PO RGYA CHE BA DRANG BCAS TE ZHABS BRTAN PHUL ZHING, DGE 'DUN LA'ANG BSNYEN BKUR BLA NA MED PA ZHUS, RJE BLA MA NYID NAS KYANG DGE RTZA RNAMS BLA MED RDZOGS BYANG DU BSNGO BA'I SEMS BSKYED DANG SMON LAM YANG DAG PAR GNANG, DE BZHIN DU RDO RING GI BRAN MO ZLA CHUNG NAS KYANG SGRUB SNGA GSUM LA SEMS BSKYED ZHABS TOG ZHUS PA'I TSOGS DBUR GDAN 'DREN ZHUS PA LTAR ZHABS KYI PADMO BKOD DE GSOL BA BTAB PA LTAR DNGOS 'BYOR GYI MCHOD SPRIN SBROS PA THAMS CAD BDAG GIR MDZAD, PHYI DRO SEMS BSKYED GSUNG BSHAD RGYAS PA DANG DGE BA RNAMS CHUD MI ZA BA'I CHED DU BLA NA MED BA'I BYANG CHUB TU BSNGO BAR MDZAD, ZLA BA BRGYAD PA'I MGOR KHAMS PO TI DGON GYI BLA ZUR BLO BZANG YAR 'PHEL GYIS SGRUB SDE GSUM GYI TSOGS DBUR BLA MA DAM PA RDO RJE 'CHANG CHEN PO SPYAN DRANGS TE ZHABS BRTAN DNGOS 'BUL TSOGS 'KHOR, MANG 'GYED BCAS GZAB RGYAS THOG SEMS BSKYAD KYI BKA' CHOS SOGS SNGAR BZHIN GNANG, SKABS SHIG DGE BSHES RGYAL MTSAN 'OD ZER GYIS RJE THAMS CAD MKHYEN PA'I GSUNG 'BUM POD BCO BRGYAD GDONG DAR GLEGS SHING THAG BCAS DANG, NYE GNAS DAM PA RAB 'BYAMS PA BLO

, ,BZANG DAR RGYAS KYIS KYANG RJE RIN PO CHE'I GSUNG 'BUM POD BCO BRGYAD NA BZA' GLEGS SHING THAG BCES PHUL TE GNYIS KA SO SO NAS TSE RABS KUN TU BLA MA BKA' DRIN CAN GYIS RJES SU 'DZIN PA DANG, YAB RJE RGYAL BA GNYIS PA'I MDO SNGAGS KYI BSTAN PA RIN PO CHE LA THOS BSAM SGOM GSUM BYED RGYU YONG BA'I SKYABS 'JUG ZHUS PAR, DGYES PA CHEN POS DE BZHIN DU 'GRUB PA'I BKA' BZHES KYANG GNANG, GZHAN NAS KYANG SNGA PHYI NGES PA MED PAR RGYAS PA 'BUM TSAR BDUN, NYI KHRI TSAR BZHI, BRGYAD STONG PA, BSKAL BZANG, GZUNGS BSDUS, GSER 'OD, PAn TSEN THAMS CAD MKHYEN PA'I GSUNG 'BUM, RGYAL DBANG SKU SNGA PHYI'I GSUNG 'BUM, GZHAN YANG MDO SNGAGS KYI DPE CHA SHIN TU MANG BA DANG, SKU 'DRA, THANG KA SOGS KYANG MANG TZAM 'BUL MI BYUNG BA RNAMS GRVA TSANG KHAG DANG KHAM TSAN, BLA MA, DGE BSHES SOGS DON GNYER CAN RNAMS LA GNANG SBYIN DU STZAL, TSES BCO LNGA LA KONG PO 'BRU LA MKHAN CHEN SPRUL PA'I SKU YE SHES BSTAN SGRON GYIS TSOGS DBUR DAM PA NYID SPYAN DRANGS TE; BLA MA SANGS RGYAS THAMS CAD 'DUS PA'I BDAG NYID RGYAL BZHI KHRO THAMS CAD 'DUS BA'I GTZO BOR BSGOMS TE, TSOGS KYI 'KHOR LOS MCHOD NAS DNGOS 'BUL RGYA TSEN PO DANG BCAS MAndAL THOGS NAS BSTAN BA SPYI'I BABS TSUL DANG, ZHABS PAD YUN RING DU BRTAN DGOS LUGS, KHOD RANG NYID LA'ANG THOG MTHA' BAR GSUM DU BLA MA BKA' DRIN CHE LUGS SOGS THUGS RJE BSKUL NUS PA'I ZHU TSIG RNON PO DANG BCAS TE ZHUS PA'I LAN DU, RJE BLA MA NYID KYI BKA' LAS, 'O; NGA RANG SNGAR CHUD DU'I DUS NAS

RJE RIN PO CHE'I BSTAN PA LA MOS PA CHEN PO YOD, DE NAS GRVA SAR SLEB NAS KYANG GZHUNG CHEN MO RNAMS LA ZHIB TU RANG BLTAS TZAN, DA LTA MDO RGYUD DANG MI MTHUN PA'I MAN DAG ZAB MOR BYED BA 'DI THAMS CAD NI, MU STEGS CAN GYI GZHUNG LUGS LA ZHEN BA LTAR MTHONG NAS, DE'I PHYIR RJE RIN PO CHE'I BSTAN PA 'DI LA YID CHES KYI DAD PA SNYING NAS RANG THOB STE, DA LTA GZHAN ZHIG GIS NGED RANG GI SKE LA GRI TSAD TSAD BYAS NAS, KHYOD SROG BLOS GTONG NGAM RJE'I BSTAN PA BLOS GTONG ZER BYUNG NA'ANG, RJE RIN PO CHE'I BSTAN PA BLOS GTONG BSAM PA MED, CES SOGS GSUNG BSHAD RGYAS PA DANG ZHAL BZHES KYANG BZANG PO GNANG, PHYI DRO'I DUS SU SEMS BSKYED KYI CHO GA RGYAS PAR MDZAD NAS BYANG CHUB KYI SEMS RIN PO CHE BSKYED PAR MDZAD, ZLA BA BRGYAD PA'I TSES BCO BRGYAD NAS RGYAL SRAS SBRUL PA'I SKU, BLA MA 'JAM DBYANGS KYI SPRUL SKU, TRE BO SKU SKYE SOGS DANG, SE RA 'BRAS DGE GSUM, RGYUD STOD SMAD, RI KHROD KHAG SOGS MKHAS 'DUS STONG DANG BDUN BRGYA SKOR LA SHER PHYIN GYI MDO SNGA ZAB MO'I DGONGS PA BYANG CHUB LAM GYI RIM PA BDE LAM GYI BKA' KHRID ZAB MO SANGS RGYAS KYI BSTAN PA'I GNAD YONGS SU RDZOGS PA GANG ZAG GCIG 'TSANG RGYA BA'I THABS SU STAN THOG GCIG TU GRU BZHI LAM GYIS KHYER SHES PA ZHIG STZAL, STON CHOS GROL NAS SKAL LDAN GYI SKYE BO BDUN CU SKOR LA RAB BYUNG DANG, BRGYA PHRAG BRGAL TZAM LA BSNYEN RDZOGS KYI SDOM PA GNANG, DE NAS SNYE THANG DU RGYAL BA'I MCHOG SBRUL RIN PO CHE'I MJAL ZHUR PHEBS PA'I LAM DU G-YU THOG SBRUL SKU DANG MDA' DPON DNGOS GRUB RNAM RGYAL GNYIS NAS BRGYA SDE TSAL

, ,DU BZHUGS ZHAG GDAN ZHU DANG ZHABS TOG SNE LEN GZAB PAR ZHUS, SNYE THANG BDE BA CAN DU PHEBS YANG SRID MCHOG GI SBRUL BA'I SKU DANG MJAL DUS DGYES NYAMS CHE ZHING ZHABS 'BRING PA RNAMS KYIS KHUR LEN ZHUS TE BSNYEN BKUR BZHUGS ZHAG GNYIS KYI RING ZHUS SHING, PHYI NYIN JI AAM BAN DANG LHAN DU PHEBS, STOD LUNG SGANG DU GSOL TSIGS T'A SHIN DANG MNYAM DU GNANG, SBA RI'I GRONG SNER PHEBS DUS JI PHU AAM BAN NAS DAD GUS CHEN POS G-YABS PHUB STE GSOL JA DANG, DKAR SPRO KHA BTAGS SOGS KYI BSNYEN BKUR GZAB RGYAS ZHUS TE PHAN TSUN DGYES PA'I GSUNG GLENG 'PHEL, DE NAS AAM BAN LHA SAR LOG CING RJE BTZUN BLA MA DAM PA 'DI NYID KYIS RI KHROD DU PHEBS TE, SGRUB SDE'I DGE SLONG RNAMS BSOD SNYOMS LA PHEBS KHAR CHOS DANG MTHUN PA'I BKA' SLOB ZHIB RGYAS SU GNANG, KHYAD PAR DU DGE SBYONG GI CHOS BZHI'I BSNGAGS PA DANG DE'I TSUL DANG MTHUN BAR BSOD SNYOMS LA GSHEGS NA, CHOS SKYONG SRUNG MA RNAMS KYIS 'PHRIN LAS BSGRUB BAS DON THAMS CAD 'GRUB PAR THAG CHOD CES GNANG, DE'I DUS 'JAM PA'I DBYANGS GONG MA CHEN PO'I LUNG GIS RGYAL DBANG RDO RJE 'CHANG CHEN THAMS CAD MKHYEN PA CHEN BO DE NYID KYI MCHOG SPRUL RIN PO CHE'I YONGS 'DZIN DU RJE BLA MA 'DI NYID BSKO BZHAG GNANG BAR, BKA' LAS, NGA LO MTHO BA DANG 'DI LO NAS 'BYUNG BZHI RGUD CHAGS CHEN PO 'DUG CING, 'GRO'ONG YANG MANG PO PHER BA MI 'DUG ,KHO BO CAG LA RE BA 'DI CAM MDZAD PA LEGS PO YIN 'DUG KYANG, NA SOS GTUGS PAS BYA THABS BRAL, ZHES SOGS KYIS DGONGS PA THABS MKHAS KYIS ZHU BAR

MDZAD PA NI CHEN PO'I GOS LA BRTEN BA'I BDE 'BYOR LA SRED PA MED PA STON PA'I CHED DU YIN LA, DE LTA NA'ANG SLAR YANG GSOL BA NAN TAN DU BTAB PA LTAR ZLA BA DGU PA'I TSES BRGYAD LA SNYE THANG DU PHYAGS PHEBS, NO MIN HAN DE MO SPRUL PA'I SKU, AAM BAN, BKA' BLON, GUNG, JA SAG SOGS GZHUNG SA'I LAS TSAN PA TSANG MA DANG SER 'BRAS DGE GSUM GYI BLA MA LAS SNE TSANG MA GDAN 'DZOM THOG GSOL STON DANG, NA BZA' SKOR CHA TSANG, DNGUL GOS DAR SOGS 'BUL NOD PHUL TE, DE DAG GRUB BSTUN STENG GI GZIMS CHUNG DU PHEBS NAS RGYAL DBAN RJE BTZUN MCHOG SPRUL RIN PO CHE'I SKU MDUN DU RGYAL CHAB RIN PO CHE GTZO BOR GYUR PA'I BOD KYI MI CHEN RNAMS NAS GONG MA CHEN PO'I BKA' PHEBS LUGS BSGYUR NAS RJE BLA MA NYID DANG BYANG RTZE MKHAN RIN PO CHE GNYIS NAS RJE BTZUN MCHOG SPRUL RIN PO CHE'I DGE RGAN LTA BU MDZAD NAS CHOS 'BUL BA DANG SKU YON GSAN SBYONG SOGS HUR THAG DGOS TSUL ZHUS PAR, BKA' LAS, NGED NI RJE BTZUN 'DI RGYAL BA'I MCHOG SPRUL YIN MIN LA THE TSOM MED, ZHABS 'GYUR LEGS PO BYUNG NA LOS DGA' YANG, NGED NI LO MTHO ZHING SKYES SA MA KHYOGS PAS CHOL LE BA ZHIG YIN, BYANG RTZE MKHAN PO NI CHOS 'JIG RTEN GANG LA YANG MKHAS PO LOS YOD, GONG MA CHEN POR KHYED RANG RNAMS NAS 'DI 'OS ZHES ZHUS GRUB 'DUG PA, DA CHA GRA 'GRIG LEGS PO ZHIG MA BYUNG NA, GONG MA CHEN PO'I BKA' KHRIMS BTZAN BRJID CHE BAS KHYED RANG RNAMS LA'ANG BKA' BKYON YONG, NGED GNYIS NAS MA BYUNG BA RNAMS LA BSLAB BYA GNANG DGOS, GONG MA CHEN PO'I DGONGS PA LA MCHOG SPRUL RIN PO CHE 'DI SKU TSE BRTAN CING MDZAD PA 'PHRIN LAS LA BAR

, ,GCOD MED PA ZHIG AE YONG DGONGS BA ZHIG 'DUG PA DES NA DON 'DI SHES BAR MDZOD LA KHYED RANG RNAMS NAS PHYOGS 'THEN MDZAD RGYU MANG PO MED BAR THUGS 'DOD GCIG BA'I GUS 'DUD YAGS PO MDZAD DGOS, NGED RNAMS RANG THAD NAS ZHABS PHYI GANG SHES ZHU BAM GTOGS CI LA BYED, CES SOGS RDO RJE'I DBYANGS BA MO MANG DU BSGRAGS PAR MDZAD, DER TSOGS THAMS CAD 'JIGS PA DANG DPA'I ZHUM PA DANG NGO MTSAR BA RNAMS PHAN TSUN 'GRAN PA BZHIN DU GYUR, DER BZHUGS RNAMS NAS BLA MA RIN PO CHE SKUN SMIN PA DANG, NAM DUS KYANG GRANG BA BCAS 'DIR ZHAG BDUN TZAM ZHIG BZHUGS TE, DGUN GYI RING RI KHROD DU 'GOL BZHUGS GNANG ZHING, NGA LAM ZHAG BDUN BZHUGS RING RJE BTZUN MCHOG SPRUL RIN PO CHER SKU'I RKYEN SEL GYI RIGS 'GA' ZHIG GNANG DGOS ZHES GSOL BA BTAB PA DANG, RJE RANG NYID NAS KYANG THUGS BSKYED ZAB MOS MTSAMS SBYAR TE, THOG MAR BYANG CHUB LAM GYI SGRON MA'I LUNG DANG, TSE RTA'I DBANG, GDUGS DKAR, SGROL MA, 'JAM DBYANGS BCAS KYI RJES GNANG, KHYUNG PO MGUR BRGYAD KYI NANG TSAN NGAG BYIN RLABS BCAS 'BUL BA GNANG ZHING, RJE BTZUN MCHOG SPRUL RIN PO CHE NAS KYANG DGYES NYAMS DANG GSAN LUGS SOGS RMAD DU BYUNG BA MDZAD, DE NAS RIN KHROD DU PHEBS KAR BYANG RTZA MKHAN RIN PO CHER SKU YON GSAN SBYONGS ZHABS BSKUL 'JAM RTZUB SOGS ZHU LUGS THAMS CAD SKU SNGA PHYI'I NANG MA RNAMS DANG BSTUN NAS MKHAS PO MDZAD, DE NAS 'DRIS TSUL SOGS SHA TSA BA'I BSLAB BYA NGO LKOG MED PA GNANG NAS RI KHROD DU PHEBS, ZHAG SHAS

DRAG ZHAN MANG PO'I SNE LEN DANG, DKON MCHOG DBANG DPON G-YOG KHA SHAS LA TSE DBANG GNANG ZHING, DE NAS RE ZHIG BCANG RGYAR BZHUGS, SGRUB SDE'I DGE SLONG RNAMS LA ZHAG BDUN GYI RING SGROL DKAR YID BZHIN 'KHOR LO'I SGO NAS SKU TSE TSE SGRUB DANG, GZHAN YANG SKU CHO'I SGRUB PA MANG DU GNANG, ZLA BA BCU PA'I TSES NYI SHU SKOR LA TRE BO RAB 'BYAMS PA BYAMS PA BSTAN 'DZIN GYIS DGE SLONG RNAMS KYI TSOGS DBUR RJE BLA MA NYID SPYAN DRANGS TE, BLA MA DGE 'DUN DANG BCAS PA LA ZHABS TOG DNGOS PO'I 'BUL BRGYA CHER PHUL TE, BLA MA BKA' DRIN CHE TSUL, DA DUNG ZHABS PAD YUN RING DU BRTAN PA DANG SKYABS MGON MCHOG SPRUL RIN PO CHER BKA' CHOS MANG DU 'BUL DGOS TSUL SOGS ZHUS PAR DGYES PA'I GSUNG LAN DANG, LHAG PAR DU NGA RANG LA CHOS GANG YOD PAn CHEN RIN PO CHER PHUL TSAR, NGED LO MTHO BA BCAS 'BUL MA THUB KYANG SKU ZHABS NAS PHUL 'GRO ,ZHES GSUNG BAS DER TSOGS KYI RI KHROD 'DZIN PA RNAMS CHER MI BZHUGS PA'I GSUNG DU MNGON NAS THUGS SEMS SHIN TU SKYO STE, GSOL BA 'DEBS PA LA BRTZON PAR GYUR, DGA' LDAN LNGA MCHOD CHEN MOR SGRUB SDE GSUM GYI TSOGS DBUR PHEBS TE TSOGS 'KHOR ZHABS TOG SOGS SNGAR BZHIN DANG, PHYI DRO SEMS BSKYED LA BYANG CHUB KYI SEMS RIN PO CHE LA BSNGAGS BRJOD DANG BSLAB BYA SOGS MDOR BSDUS SHIG GNANG STE, DGUN GYI RING BCAD RGYAL 'BAD NAS BYANG CHUB LAM GYI RIM PA RANG LA BLO SBYANGS TE SHA CHOD RUS CHOD BYED GOS ZHES NAN TAN CHEN PO GNANG, SER 'BAS DGE GSUM GYI GRVA CHANG KHAG ,RA PA STOD, GZHAN YANG DGON SDE KHAG BCAS LA MANG 'GYED, DGA'

, ,LDAN TSOGS CHEN LA MANG JA SUM CU RTZA GSUM, 'GYED DNGUL BAL tAM RE BCAS STZAL, TSES NYER DRUG NAS SKU'I BCAD RGYA DAM PO LA BZHUGS TE, RJE BTZUN SGROL DKAR DANG TSE DPAG MED LHA DGU'I LJAGS BSNYEN GNANG, ZLA BA BCU GNYIS PA'I TSES BCU DGU LA BCAD RGYA LHOD NAS BLA MA DANG GRVA PA LA SOGS PA'I SKYE BO MANG POR PHYAG DBANG DANG CHOS 'BREL BKA' BSGO SOGS GANG PHAN MDZAD, TSES NYER GCIG NAS G-YU THOG SPRUL SKU DANG MDA' DPON BCAS NAS SGRUB SDE BDUN TZAM GDAN ZHUS KYI TSOGS DBUR RJE BLA MA NYID SBYAN DRANGS TE BLA MA MCHOD PA DANG 'BREL BA'I TSOGS 'KHOR ZHABS BRTAN 'BUL BA SOGS RGYA CHE BA PHUL NAS, GSOL 'DEBS SU BLA MA BKA' DRIN CHE LUGS DANG ZHABS PAD YUN RING DU BRTAN NAS CHOS 'KHOR SNGAR BZHIN BSKOR DGOS TSUL, RGYAL BA'I MCHOG SPRUL RIN PO CHE BSTAN PA YONGS RDZOGS KYI GTZUG RGYAN 'GRAN ZLA BRAL BZHIG NYID NAS MDZAD DGOS ZHES ZHUS PAR ZHAL BZHES TZAM GNANG, PHYI DRO'I DUS SU SEMS BSKYED KYI GSUNG BSHAD BYANG CHUB KYI SEMS 'DI CHOS THAMS CAD KYI RTZA BA YIN, 'DI LAS LHAG PA MED SKAL BA BZANG PO YIN RNAM DKAR LA BRTZON DGOS ZHES GSUNG BSHANG MANG PO GNANG, DE LTAR RJE 'DI NYID BSHOL ZLA RTZIS PA'I DBANG DU BYAS NA BGRAD BYA BRGYAD CU KHA YAR LA NYE PAR GSHEGS KYI BAR DU GDUL BYA MANG PO LA THEG PA CHEN PO'I CHOS STON PA DANG, LOG PAR SMRA BA TSAR GCOD PA DANG GZHUNG LUGS KYI DON RAB 'BYAMS LA 'CHAD RTZOD RTZOM GSUM GYI SGO NAS RGYAL BA'I BSTAN PA LA BYA BA MDZAD PA SOGS SA BCU PA LA

GNAS PA'I RGYAL BA'I SRAS PO RNAMS KYIS KYANG BRJOD PAR DKA' BA'I MDZAD PA MDZAD DE, CHOS KYI RGYAL PO TZONG KHA PA'I BSTAN PA RIN PO CHE NYIN MO LTAR GSAL BAR MDZAD PA LA GZHAN GYI DRING MI 'JOG PA'I KHYU MCHOG GI GNAS RLABS PO CHE BRNYES SHING, DE'I MTHU LAS RGYA HOR BOD GSUM GYI SKYE BO CHE ZHING 'GYID BA DANG DREGS SHING DPA' BA DANG MKHAS SHING GRUB PA THAMS CAD KYIS GTZUG GI NOR BUS ZHABS KYI PADMO LA NYE BAR BTUNG MOD KYI, DE LTA NA'ANG BDAG NYID CHEN POR RLOM PA DANG MKHAS PA'I NGA RGYAL DANG, GZHAN PHYOGS DMA' DBAB PA LA SOGS PA'I RNAM PA CUNG ZANG TZAM YANG MI MDZAD KYI GZHAN DU NA 'PHAGS PA'I RIGS BZHI LA MCHOG TU GZHOL BA'I DGE SLONG RNAL 'BYOR SPYOD PA TSE BLOS BTANG GI BRTUL ZHUGS NYID LHUR BZHES TE, YON TAN THAMS CAD KYI RTZA BA NAM 'CHI NGES MED DANG, 'KHOR PA'I PHUN TSOGS ME 'OBS LTAR MTHONG BA'I LCAG GNYIS KYIS BSKUL NAS, SNYING RJE CHEN PO BCOS MA MA YIN PAS KUN NAS BSLANGS PA'I BYANG CHUB KYI SEMS DANG BDAG GZHAN BRJE BA'I BYANG CHUB KYI SEMS ZAB MO DBU MA'I LTA BA DANG RIM GNYIS KYIS LEGS PAR BRGYAN PA'I TING NGE 'DZIN ZAB MO NYAMS SU BZHES PA 'BA' ZHIG LA KUN NAS GZHOL PAR MDZAD DE, SHIN TU DPAG PAR DKA' BA'I RNAM PAR THAR PA'O, ,DE DAG LA 'DI SKAD CES BYA STE, GCIG TU DPEN PAR BAS LTAR GNAS GYUR KYANG; ;MI DBANG DU MA'I COD PAN NOR BUS GTUGS, ,DE LTA MOD KYANG GANG THUGS NGA RGYAL GYI, ,GROGS DANG MI LDAN 'DI KO AE MA MTSAR, ,RTAG TU SNYING RJE CHEN PO'I DBANG GYUR PAS, ,SKYO DAL MED PAR 'GRO LA DAM PA'I CHOS, ,'CHAD PAR MDZAD KYANG 'CHAD PA'I

, ,RANG BZHIN DE, ,RMI LAM SGYU MA MIG 'KHRUL LTA BUR GZIGS, ,'GRO KUN SGROL BA'I KHUR CHEN RTAG TU BSNAMS, ,CHOS RNAMS DRI ZA'I GRONG GI 'GRO LTAR MKHYEN, ,RDO RJE'I RNAL 'BYOR SNANG KUN LHA'I RNAM ROL, ,GNYIS SPANG RLUNG GI 'GRO 'ONGS BKAG PAR BKRA, ,KHYAD PAR SKYABS MGON ZLA MED RDO RJE 'CHANG, ,GANG GIS RIGS KYI COD PAN DU BZUNG YANG, ,'DI BZHIN 'GRO LA SMAN PA'I THUGS BSKYED PA, ,'DI DAG RGYAL SRAS KUN GYIS RTOGS PAR DKA', ,RJE BTZUN BLA MA DAM PA BKA' DRIN MTSUNGS PA MED PA GANG GI RNAM PAR THAR PA RGYA MTSO LTA BU LAS CHA SHAS TZAM BRJOD PAR BYED PA'I GTAM DAD PA'I 'DAB BRGYA BZHAD PAR BYED PA'I NYI MA ZHES BYA BA LAS RJE BTZUN MCHOG GI SPRUL PA'I SKU'I RIGS KYI COD PAN DU BZHES PA'I SKOR GYI 'OD ZER TE DRUG PA'O,, ~ ,,DE NAS CHU RTA'I GNAM LO GSAR DU CHOS PA'I DGA' STON, DPAL LDAN LHA MO'I TSES GTOR DANG DGE SLONG RNAMS LA ZHABS TOG SOGS SNGAR LTAR NAS, SGRUB SDE PHAN TSUN LA MANG 'GYED, RJE SGRUB KHANG PA'I DUS MCHOD ZHABS TOG BSNYEN BKUR DANG RNAM PA KUN TU SEMS RGYUD CHOS DANG BSTUN DGOS LUGS BCAS GNANG, KHYAD PAR DU SNGAR RJE BLA MA TZONG KHA PA CHEN PO BZHUGS DUS MI DRAG ZHAG THAMS CAD 'UR LANGS TE MJAL KHAR PHYIN PAR, SA SKYA'I BLA MA ZHIG GI BSAM PA LA RJE RIN PO CHE LA DBANG SDUD KYI LAS STOBS CHEN ZHIG YOD PA 'DRA SNYAM NAS KHONG PAS SKU MDUN DU PHYIN TE DBANG SDUD KYI LAS LA CI ZAB ZHUS PAS RJE RIN PO CHES DBANG SDUD LA RANG RGYUD CHOS DANG MTHUN PA 'DI RANG ZAB PAR GSUNG BA BZHIN, CHES

CHUNG SA NAS YOD TSOD KYIS RANG RGYUD CHOS DANG BSTUN PA'I DGE SBYOR LA HUR THAG BYED DGOS, DA LTA PHYI NANG GI MTHUN RKYE NA 'DZOM PO YIN GSUNGS, 'DI LO SGRUB SDE GSUM GYI DUS MCHOD LA MA PHEBS SHING, SMON LAM CHEN MOR MANG JA DANG SKYABS 'DUG ZHU RTEN NANG MDZOD DANG, GOS DMAR YUG ,RGYAN DRUG MA, 'GYED DNGUL ZHO RJE BCAS STZAL, ZLA BA DANG PO'I CHOS BDUN LA SKU KHAMS CUNG ZHIG MA BDE BAS MJAL KHA GNANG RGYU RNAMS THEN, RJE BLA NYID KYI THUGS DAM BRTAG PAR PHEBS PA'I ZHABS BRTAN SKU RIM RNAMS DANG, KHO BO CAG NAS KYANG SNYAN 'DEBS ZHUS PA SOGS TSANG MA RJE BLA MA MNYES PA GSUM GYIS MNYES PAR MDZAD PA'I NYE GNAS DAM PA RAB 'BYAMS PA BLO BZANG DAR RGYAS NAS TSEM PA MED PAR BSGRUBS SHING, DE LA BRTEN NAS GDANGS SKYED KYANG CUNG ZANG BZHES TE PHAL CHER BDE MTSAMS LTA BUR BZHUGS SHING, RDOR SBOD KHA STON SGROL DKAR SKYABS DANG TRE BO HOR TSANG CHOS RJE SOGS LA MJAL KHA YANG GNANG, RDOR SBOD DPON MOR TSE DBANG DANG DGE BSNYEN GYI SNGOM PA BCAS GNANG ZHING, PHYAG PHRENG ZHIG STZAL TE KHYED CHOS LA DKAR PO YOD PA NGER NGENG SEMS DGA', 'DI LO BOD LA 'ONG TSOD LEGS PO YIN, RGYAL BA YAB SRAS KIS MTSON PA'I BLA MA RNAMS MJAL DKON MCHOG LA MCHOD PA DGE 'DUN LA BSNYEN BKUR RGYA CHE BDE SHIN TU LEGS, DA DUD RNAM DKAR LA BRTZON DGOS ZHES SOGS SEMS LA PHAN PA'I BSLAB BYA MAD PO GNANG, DE NAS RA KHA BRAG GI DGE SLONG SBYI NAS DNGOS 'BUL DAD BCAS TE ZHABS BRTAN PHUL NAS GSOL BA BTAB PAR, BKA' LAS, NGES SKYE 'CHI LA RANG DBANG THOB PA ZHIG

, ,MIN YANG KHYED RANG RNAMS NAS DE GAL CHEN PO KHA ZHE MED PA DE TZAM BYED PA BKA' DRIN CHE, RE ZHIG DGA' MO YONG 'GRO ,KHYED RANG TSOS ZER BA LTAR NGAS KYANG DKON MCHOG LA GSOL 'DEBS BYED CES GNANG, TSES BCO LNGA SKOR LA SKU RGYAB LA SKRANGS PA'I TSUL CUNG ZAD BZHES PAR, RJE BLA MA NYID NAS GDUGS SHER, SGROL MA, SPYI BSKANG, LHA MO'I BSKANG BA, SA GSUM MA SOGS THON GNANG BA DANG, SER 'BRAS DGE GSUM SOGS LA 'BUM TSAR CI MANG, RGYAL BA'I BKA' 'GYUR RIN PO CHE TSAR BCO LNGA, GDUGS SHER, SGROL MA, SA GSUM MA, SPYI BSKANG, LHA MO'I BSKANG BA BCAS GNANG RGYU'I DGOS CHA RNAMS GNANG, DA DUNG YANG GDANGS SKYED CHER MA BYUNG BAS SMAN PA MKHAS BSDUR GYI GSOS SMAN BZHES SHING BOD KYI GNAS CHEN LHA SA, RA MO CHE, DGE LDAN, RVA SGRENG, BSAM YAS, KHRA 'BRUG BCAS LA STONG MCHOD, GSER GSOL, SNYAN SHAL 'DOD GSOL DANG BCAS PA, DPAL LDAN STONG RGYUD TSOGS YONGS LA GDUGS DKAR BZLOG CHEN CHED GNYER SOGS MANG DU MDZAD KYANG SKU KHAMS GDANGS SKYED MA BZHES SHING, DE LTA MOD KYI LO 'DIR YANG DPYID CHOS TSES BRGYAD RANG LA TSUGS RGYU YIN ZHES BKA' PHEBS PAR SBYIN BDAG ,BLA MA, GRVA RIGS, NYE GNAS DAM PA RAB 'BYAMS PA BLO BZANG NGAR RGYAS BCAS NAS, 'DI LO BKA' CHOS GNANG MI THUB TSUL NAN GYIS ZHUS PAR NYID KYI BKA' LAS, DGE BA'I BSHES GNYEN PO TO BA CHEN PO SKU TSE RIL PO CHOS DANG 'CHAD BAS, ZHING LA PHEBS KAR CHOS 'CHAD SAR PHYAG THAL MO SBYAR NAS, SEMS CAN

MGOR MED RNAMS KYI MGON DANG SKYABS MED RNAMS KYI SKYABS DANG, 'KHRA SA MED PA RNAMS KYI 'KHRA SAR SHOG GSUNGS NAS ZHING LA GSHEGS PA YIN, NYIN GCIG LAS CHOS 'CHAD MA THUB KYANG BSHAD, DE NAS MA THUB NA BZHAG CHOG GSUNGS PAR, NYE GNAS RAB 'BYAMS PA SOGS KYI BLOS MA BZOD PAR, SKU NA SMIN PA DANG BZHENGS BZHUGS DKA' LUGS 'DI 'DRA RED CES AU TSUG SA CHEN POS ZHUS PAR 'ON DE KHA BYED, 'ON KYANG TRE BO DPON G-YOG RNAMS KHAMS NAS CHOS LA DON GNYER DE TZAM BYAS NAS 'ONGS TZA NA GSUNGS NAS, ZLA BA GSUM PA'I TSES BRGYAD LA TRE BO HOR TSANG DPON G-YOG RNAMS DANG, 'DI KHA'I DGE SLONG KHA SHAS LA LAM RIM CHOS THUN GCIG GNANG, DE'I PHYI NYIN CHOS MTSAMS DANG, TSES BCU LA SNGON MA'I 'PHRO NAS CHOS THUN GCIG BCAS KHYON NYI MA GNYIS GNANG NAS RE ZHIG SKU MTSAMS LA BZHUGS, ZLA BA BZHI PA'I TSES BRGYAD LA LO LTAR GYI BKA' CHOS CHEN MO'I SEMS BSKYED MCHOD PA'I SKABS BLON PO CHEN PO JA SAG TSE RING DBANG RGYAL NAS SNGAR RGYUN LTAR SEMS BSKYED KYI RDZAS RNAMS PHUL, DA LAM YANG PHUL ZHING LO RJES MAR YANG 'BUL ZHUS PAR, 'O NA BKA' DRIN CHE, BKA' BLON RANG YANG PHEBS GSUNG STE DGYES TSOR CHEN PO GNANG, LO LTAR GYI BKA' CHOS CHEN MO'I SEMS BSKYED KYI TSOGS MCHOD SKABS BLA MA DAM PA NYID KYIS DBUS, DGE SLONG GI DGE 'DUN GYI SDE CHEN PO DANG THABS GCIG PA LA BLON PO CHEN PO TSE RING DBANG RGYAL GYIS, BLA MA MCHOD PA DANG 'BREL BA'I TSOGS MCHOD BSHAMS TE, DNGUL GYI MAndAL LA SOGS PA BSNYEN

, ,BKUR RMAD DU BYUNG BA PHUL NAS, ZHABS PAD BRTAN DGOS PA'I GSOL BA BTAB PAR, TSUL DE LA DGYES TSOR CHEN POS GSUNG BSHAD MANG PO GNANG ZHING, PHYI DRO'I DUS SU SEMS BSKYED KYI GSUNG BSHAD KYANG MANG PO STZAL BAR, PHYAG PHYI RNAMS SKU 'KHRUGS BYUNG DOGS BLO G-YENG DU GYUR NA'ANG CUNG ZAD KYANG SKYON DU MA GYUR CING, DE NUB SKU KHAMS KYANG SHIN TU BDE BAR GYUR, SA ZLA'I TSES BCU BZHI'I NYIN RGYAL SRAS SPRUL SKU GTZO BOR GYUR PA'I SMYUNG GNAS GTONG MI RNAMS LA, THUGS RJE CHEN PO'I RJES GNANG DANG THEG PA CHEN PO'I GSO SPYONG GI SNGOM PA BCAS STZAL, RJE BTZUN BLA MA NYID SKU KHAMS MA BDE YANG GSO SBYONG STAN THOG GCIG MA GNANG ZHING, TSES BCO LNGA'I GSO SPYONG YANG THUGS RUS CHEN POS MDZAD, DE NAS TSES BCU DRUG GI NYIN RGYAL SRAS SPRUL SKU SOGS GAL CHE BA RNAMS LA PHYAG DBANG YANG GNANG, BSTAN PA RIN PO CHE'I RGYUN DANG SLAD KYI RTEN 'BREL LA DGONGS NAS, GSER SBYANGS PA 'BA' ZHIG LAS GRUB PA'I BKA' 'GYUR RIN PO CHE BZHENG BAR BZHED NAS, PHYAG NA YOD PA'I GSER RNAMS GUNG PAndI TAR GNANG NAS BZHENG DGOS PA'I BKA' DANG, DE YANG DA LO RANG 'GRIG PA BYED DGOS PHEBS PAR, KHONG NAS KYANG GUS PA CHEN POS SPYI BOR NOS TE, MTHING SHOG BZANG PO LA GSER SBYANGS PA 'BA' ZHIG LAS GRUB PA'I POD BRGYA DANG BCU GCIG CHA TSANG DANG, BYANG CHUB LAM GYI RIM PA CHEN MO DANG, SNGAGS RIM CHEN MO GNYIS POD RE BCAS 'JIG RTEN KUN GYI MIG GI BDUD RTZI SPUNGS PA LTA BU, DBU KHANG DANG POR PHAN TSUN DU DBU LHA TSON BRIS LCAGS SGIR GYI DKYIL DU MU TIG

GI 'PHRA LDAN BZANG GOS GSER MA SPUS LEGS KYI ZHAL KHEBS NYIS BRTZEGS, GDONG DAR SUM BRTZEGS PHAR PHYIN MDO RTAGS, GLEGS SHING MTSAL GYIS BYUGS PA YAS SPANG GI MTHONGS LA RTEN 'BREL SNYING PO DANG, GDONG SNE PHAN TSUN DU GZUNGS SNGAGS LANYTZAS 'BUR DONG DU YOD PA LA GSER SHOG DANG, DE PHYIN LA GSER GYI ME TOG RIS KYIS MDZES PA GLEGS THAG THAD MA MDZAD GOS DUR SMRIG GIS GTUMS PA, ZANGS TSA GSER MA'I GLEGS CHAB RDO RJE GZUGS RKOS MA 'PHRA LDAN, KUN DGA' RA BA TSON RTZI GSER SHOG GIS PHYUG PA BCAS GSAR DU BSKRUN PA'I SKU RGYUR GSER THUR SRANG BZHI BRGYA DANG GSUM, BZANG GOS GSER MA SPUS LEGS YUG PHYED LNGA DANG, MDZOD GOS DUR SMRIG YUG LNGA, GOS LING DANG CHU RTZE 'DRES MA YUG NYI SHU, MU TIG SPUS LEGS SRAN MA TZAM RDOG NYIS BRGYA DANG NYI SHU RTZA DRUG RNAMS NGO THOG DANG, AE SNYE'I BRIS PA LTO GAR BA BZHI DANG BYINGS BRIS SHOG PA BSDOMS MI DGU BCU GO BRGYAD, DGE BSHES ZHUS DAG PA BRGYAD, LHA BRIS, SHING RKOS, GSER 'DUL, TSEM BU BA BCAS BZO PHRAN MI NYI SHU RTZA GCIG ,LAG G-YOG MI NYI SHU RTZA BDUN BCAS GYI LAS RGYUN RING GI PHOGS DANG ZUR GSOS, GLA YON DANG, LEGS GNANG, 'DZUGS SGANG GROL GSUM GYI STON MO GNANG CHA DANG, GZHUNG SAR GLEGS SHING DANG SHOG BU'I RIN PHUL BA BCAS LA DNGUL GYI MAndAL SNE 'DOGS CAN, NA BZA' CHA 'GRIG ,DNGUL DANG GOS CHEN, PHO MO'I RGYAN GOS RTA SGA 'KHOR, DRE'U, MDZO MO, KHA BTAGS CHE CHUNG SOGS YANG TIG DNGUL RKYANG THOG DNGOS PO'I RI GONG BSNAN BA BCAS KHYON DNGUL SRANG

, ,SUM STONG BRGYAD BRGYA DGU BCU GO LNGA ZHO DO SKAR LNGA BCAS PHUL NAS BKA' 'GYUR RIN PO CHE GSAR BZHENGS RMAD DU BYUNG BA GNANG, 'DI SKABS LI THANG GI BKA' 'GYUR MTSAL PAR MA DE SHIN TU DAG PA ZHIG YOD 'DUG PAS, SDE PA AA 'BUM BKRA SHIS LA ZHU YIG PHUL NAS, SHOG BU'I RIN YON SOGS SLAR 'BUL RGYUR BYAS NAS, SHOG BU'I SPUS LEGS DANG MTSAL GAR BA BCAS KYIS PHUN SUM TSOGS PA ZHIG YONG BAR GYIS GSUNG BA LTAR, NYE GNAS RAB 'BYAMS PAS AA 'BUM LA ZHUS PAR, AA 'BUM NAS KYANG KHAS LEN YANG DAG PAR ZHUS TE, 'PHRAL DU LI THANG BYAMS PA GLING GI MKHAN PO, DBU CHOS SOGS LA MOL NAS YONG BA'I KHAS LEN ZHUS, SKABS SHIG BLA MA RIN PO CHER SNYUN DRI BA'I PHYIR NO YON PAndI TA 'ONGS TE RJE BLA MA NYID NAS BKA' 'GYUR BZHENG BA'I MGO 'PHRAL 'DZUGS MDZAD PA SHIN TU BKA' DRIN CHE ZHES ZHUS PA'I LAN DU, BKA' LAS, GSER GYI BKA' 'GYUR LTA ZHOG RDO RJE GCOD PA TZAM BZHENGS RGYU BYUNG NA'ANG BSOD NAMS CHEN PO YIN, DES NA, DA DUNG DE'I STENG DU RJE TZONG KHA PA CHEN PO'I GSUNG MDO SNGAGS KYI LAM RIM GNYIS KYANG BZHENG BZHES ZHAL TA GNANG, DE RJES SKABS SHIG TU BKA' 'GYUR RIN PO CHE GSAR BZHENG GI 'DZUGS SGANG GROL GSUM GYI STON MO GZAB RGYAS STZAL BA'I SKU SKAL DANG ZHABS BRTAN BCAS CHABS GCIG TU 'BUL BAR RDO RING NAS ZHABS DRUNG NGO G-YOG KHA SHAS BYON ZHING DNGOS 'BUL RGYA CHE BA BCAS PHUL TE, RJE BLA MA NYID SKU KHAMS MI BDE BA'I TSUL 'DI MYUR DU GZHI MED SANGS GDANGS GNANG NAS SNGAR BZHIN BSTAN PA

RIN PO CHE THUGS LA DGONGS NAS CHOS KYI 'KHOR LO RGYA CHER BSKOR BA DANG, PHRAN RNAMS KYANG LO LTAR SNGAR RGYUN BZHIN ZHABS BRTAN DNGOS 'BUL DANG MJAL KHA ZHUS CHOG PA DGOS TSUL NAN TAN CHEN POS ZHUS PAR, RJE BLA MA NYID NAS LAN DU, 'O; DE KHYED RANG SNGAR DPON PO DE NYID KYI DUS NAS NGA LA DAG SNAD CHEN PO MDZAD PA DENG SENG GI BAR THAMS CAD DU MA 'GYUR BA BLO BRTAN PO'I SGO NAS GCES NOR GYI 'BUL BA DANG BCAS RING DU 'TSO DGOS PA'I ZHABS BRTAN YANG NAS YANG DU PHUL BKA' DRIN CHE BYUNG, DA NA TSOD RANG GIS GTUGS PAS LDANG 'DUG SOGS GANG SA NAS, NA NING NAS DA LO'I BAR RANG LA ZHAN DU SONG 'DUG KYANG KHYED RNAMS NAS GANG GSUNG LTAR DKON MCHOG LA GSOL BA BTAB NA MI 'GRUB PA MI YONG BAS GSOL 'DEBS GANG DRAG ZHU BA YIN GNANG, YANG SKABS SHIG SKU KHAMS CUNG ZAD ZHAN PA ZHIG LA SNGA MO ZHIG NO YON PAndI TA DPON G-YOG NYUNG BSDUS BCAS 'ONGS NAS DNGUL DKAR GYI MAndAL SOGS DNGOS 'BUL RGYA CHER BTEG STE BSTAN PA'I GNAS TSUL SOGS LUGS GNYIS KYI SGO NAS GSOL 'DEBS GANG SHES ZHUS PAR; BLA MA DAM PA NYID KYI BKA' LAS, DE KHA YONG GSUNG ZHING GSOL JA BZHES PA'I DUS SU DA NI NA CHOD RANG GIS GTUGS PA BCAS CI 'DRA 'ONG MI SHES, PAndI TA RANG NAS BKA' 'GYUR DANG LAM RIM, SNGAGS RIM CHEN MO BCAS KYI MJUG TSAGS SU TSUD PA, MGYOGS CHOS SUM SONG BA SPUS GANG GTZANG MDZAD CING, ZHOGS KA'I MCHOD MJAL SOGS RNAM DKAR LA BRTZON PA SDAR LAS MA G-YOS PA MDZOD, ZLA BO 'DI RNAMS LA'ANG LA BA RGYU CAD MED CES GSUNGS SHING KHO BO CAG NAS PHUL BA'I 'JIGS BYID KYI SKU

, ,ZHIG YOD PA DE PAndI TA LA GNANG, DE LTAR SBYIN BDAG CHEN PO GNYIS DANG, RGYAL DBANG THAMS CAD MKHYEN PA CHEN PO, KHO BO CAG ,RGYAL TSAB RIN PO CHE BCAS NAS KYANG DNGOS SKYES DANG BCAS TE BRTAN BZHUGS KYANG PHUL ZHING, RGYAL DBANG MCHOG GI SPRUL SKU RIN PO CHE GSER GYI KHRI CHEN POR MNGA' GSOL BA'I PHYIR, GONG MA CHEN PO'I LUNG GIS MNGAGS PA'I MI DRAG KHAL KHA'I SBA' DUR CANG CUN DBANG, PHU CING AAM BAN, AARKYA KHO THOG THU, KONG YE PHU LID RNAMS DANG, BOD DU RGYUN BZHUGS KYI AAM BAN GNYIS, SBYAR SBI DANG TZONG YE, PHOGS DPON SOGS NAS RANG RANG GI CHE 'GYID SPANGS TE, RJE BLA MA 'DI NYID KYI SKU MDUN DU BCAR NAS ZHABS KYI PADMO LA MGO BOS GTUGS TE, ZHABS PAD BRTAN DGOS PA'I GSOL BA BTAB CING, KHAL KHA'I SB'A DUR CANG CUN CHING DBANG NAS, RANG GIS SDAR GONG MA CHEN PO'I RGYAL SRID CHEN PO'I DON DU G-YON RU'I PHYOGS SU DPUNG CHEN GYI MGO PAR PHYIN DUS MI MANG PO GSOD DGOS BYUNG BA RNAMS LA SNYING THAG PA NAS BSHAGS PA PHUL ZHING, RJE BLA MA NYID RGYAL BA BYAMS PA DNGOS YIN PAR MOS NAS BYAMS PA'I RJES GNANG DANG SGROL LJANG GI RJES GNANG RNAMS ZHUS SHING, KONG YE PHU LING NAS TSE GZUNGS KYI LJAGS LUNG BCAS ZHUS PAR DGYES BZHIN DU GNANG, GZHAN YANG DPAL LDAN 'BRAS SPUNGS, RI BO DGE LDAN, SE RA THEG CHEN GLING BCAS KYI GRVA RIGS SPYI SGER DANG, BLA MA LAS SNE SOGS NAS KYANG RANG RANG GI 'BYOR PA DANG BSTUN PA'I ZHABS BRTAN DANG, RGYUD STOD SMAD, SKU SKYE CHE CHUNG, BLA MA, GRVA PA, SBYIN BDAG CHE CHUNG THAMS CAD DANG, SGRUB SDE PHAN

TSUN SOGS MTHA' DAG NAS RANG RANG GI 'BYOR PA JI LTA BA DANG MTHUN PA'I ZHABS BRTAN PHUL BAR, KHYAB BDAG RDO RJE 'CHANG CHEN PO NYID SKYE 'CHI LA DBANG 'BYOR PAS NYIN GNYIS GSUM TZAM RE SKU KHAMS GDANGS TSUL RE BZHES, KHYAD PAR PHUR BU LCOG GI DGE SLONG RNAMS KYIS RANG RANG GI DNGOS 'BYOR DANG BSTUN PA'I ZHABS BRTAN LA ZHAL 'DEBS BSDUS PA'I THOG NAS SER TSOGS CHEN LA MANG JA, GRVA TSANG SO SOR GRVA JA BCAS BTANG ZHING ZHAL 'DEBS KYI PHUD NAS DNGUL DKAR GYI MAndAL, MDZOD BTAGS, DNGUL SRANG GSUM BCAS DNGOS 'BUL PHUL NAS, RJE 'GRO BA'I MGON PO BKA' DRIN CAN NYID SKU KHAMS GDANGS TSUL MYUR DU BZHES TE, ZHABS PAD YUN RING DU BRTAN PA DANG, DGE SLONG RNAMS KYANG SKYE BA 'DI DANG MA 'ONGS PA'I SKYE BRGYUD THAMS CAD DU RJES SU 'DZIN PA'I SKYABS 'JUG BCAS BRGYUD NAS ZHUS PAR, RJE BLA MA NYID KYI BKA' LAS, 'O; DGE SLONG RNAMS NAS BLA MA LA DAD 'DUN RTZE GCIG PAS ZHABS BRTAN DU ZHAL 'DEBS BSDU BA DANG, RANG RANG GIS SGRUB PA BCAS BYED PA SHIN TU LEGS, NGED RANG TSOGS NAS CHOS KYI GLENG MO DANG CHOS KYI BSLAB BYA TSIG RE TSIG GNYIS LAS MA BYUNG YANG KHYED TSO'I RNA BA'I LAM DU SKYEL 'DOD, NAD 'DI GZHI CHE BA RANG MI 'DUG TZA NA DGA' MO YONG 'GRO ,NGES KYANG KHYED RANG TSOS ZER BA LTAR 'DUN PA DANG DKON MCHOG LA GSOL 'DEBS GANG DRAG BYED, KHYED RANG TSO YANG THUGS MTHUN PA DANG THUGS DAM LA GANG BRTZON MDZOD CES PHEBS, DE DUS RJE BTZUN 'GRO BA'I MGON PO RGYAL DBANG THAMS CAD MKHYEN PA CHEN PO'I MCHOG GI SPRUL PA'I SKU GSER GYI KHRI CHEN PO LA MNGA' GSOL BA'I DUS SU

, ,KHO BO CAG DBUS SU PHYIN PAR, LAM DU PHYAG MDZOD RAB 'BYAMS PA GTONG BA GNANG STE, BKA' SHOG STZAL BA LTAR SNYUN 'DRI'I LAN PHUL BAR DGYES PA CHEN PO GNANG, KHO BO CAG SNYE THANG DU 'BYOR NAS RJE BLA MA RDO RJE 'CHAD CHEN POR SKU'I MTSAMS 'DRI ZHU BA DANG SNYUN GZHI'I TSUL BZHES PA LA MYUR DU GDANGS SKYED BZHES PA'I ZHABS 'DEGS SU AE 'GYUR SNYAM STE, 'TSO BYED DGE SLONG CHED DU GNYER NAS SKU MDUN DU BTANG BAR DGYES PA BLA NA MED PA GNANG ZHING, SMAN GYI 'PHROD BA ZHES PHUL BA RNAMS KYANG BDAG GIR MDZAD, DE YANG; RJE BTZUN BLA MA DAM PA 'DI NYID BSAM GYIS MI KHYAB PA'I RIM BZUNG 'JUG GI NGO BO MNGON DU MDZAD ZIN BAS NGES DON DU SKYE 'CHI SNYUN BGRES LA SOGS PA'I SKYON GYI CHA TZAM YANG MI MNGA' BA GDON MI ZA MOD, GDUL BYA RNAMS KYI SNANG NGOR BLO GROS RAB TU DMAN CING GDUL DKA' BA'I SKYE BO RTAG 'DZIN CAN RNAMS DAM PA'I CHOS LA BSKUL BAR BZHENG PA DANG, RNAM PA GCIG TU YE SHES KYI SKU DRI MA MED PAS PHYOGS BCU'I ZHING RAB 'BYAMS RNAMS DANG KHYAD PAR DGA' LDAN GYI GNAS DAM PAR YONGS SU DAG PA'I SPYOD PA BLA NA MED PA RNAMS LA ROL PAR BZHED CING, ZHING 'DI LTA BUR YANG DUS KYI MTHA' RAB TU BZOD DKA' BA MNGON PAR GYUR PA'I MTHUS SNYUN GYI RNAM PA BZHES PA DE GDANGS SKYED CUNG ZAD KYANG MA BZHES PAR MA ZAD RIM GYIS LCIR PHEBS PA'I TSUL DANG, BKA'I PHEBS TSOGS SU'ANG RGYAL BA'I MCHOG SPRUL RIN PO CHE GSER KHRIR MNGA' GSOL MA MDZAD KYI BAR DU SKYON 'GYUR MI 'ONG ZHES PHEBS PAR BRTEN, RJE BLA MA'I ZHABS 'BRING GI BYA BA SGRUB PA LA SMON LAM YONGS SU GRUB PA'I NYE

GNAS RAB 'BYAMS PA BLO BZANG DAR RGYAS SOGS ZHABS 'BRING PA RNAMS CI DRAG LA THUG STE RTAB RTAB POR GYUR NAS RJE BLA MA NYID LA DA NI SNYUN RING BA DANG GSOS SMAN GYI 'PHROD BZHES SOGS KYANG MI GNANG BAS CI BYAS NA DRAG CES ZHUS PAR, RJE NYID KYI BKA' LAS; RGYAL BA'I BKA' NI BSGRAGS SONG, GDUGS SHER, TSE SGRUB, TSE MDO, TSE GZUNGS, BRGYA BZHI, SGROL MA, BSKANG GSO SOGS NI 'DI LAS LHAG PA SGRUB RGYU MED, DA DE THOG TU BZANG SPYOD DANG SMAN CHO GA 'THONG, DES MA PHAN NA NAD PA 'CHI 'DOD PA YIN; ZHES BKA' GDAMS PA RNAMS GSUNG BA YIN ZHES PHEBS, NYE GNAS RAB 'BYAMS PA NAS KYANG BKA' LEGS PAR DANG DU BLANGS TE, GRVA JA DENG MANG JA SOGS LA BZANG SPYOD DANG SMAN CHOG TON PAS DGE 'DUN RNAMS KYANG THUGS SHIN TU SKYO ZHING, GRVA SA CHEN PO GSUM GYIS MTSON BSAM MTHA'I GNAS SU GCIG PUR BZHUGS PA'I DGE SLONG RI KHROD 'DZIN PA TSUN CHOD KYIS, RJE BTZUN DAM PA 'DI LTA BU BSTAN 'GRO'I DPAL DU MI BZHUGS NA BSTAN PA RIN PO CHE NYAMS SU LEN PA PO'I SKYES BU RNAMS DANG BCAS PA CHU DANG BRAL BA'I PADMO LTAR GYUR PAR GOR MA CHAG SNYAM NAS RANG RANG GI BLO NUS DANG BSTUN PA'I ZHABS BRTAN RIM GRO DE PHAN CHAD LA GTUGS SA MED PAR MDZAD NA'ANG, THA MAL GYI NGOR GDANGS SKYED KYI TSUL MA BZHES, DE DUS KHO BO RJE BTZUN MCHOG GI SPRUL PA'I SKU GSER GYI KHRI CHEN POR MNGA' GSOL BA'I DUS DANG BSTUN NAS, PHO BRANG CHEN PO PO TA LAR YOD PA DANG DUS 'GRIG PAR BRTEN, RANG NYID KYANG RJE BTZUN BLA MA DAM PA GANG GI ZHAL MJAL 'DOD SHIN TU CHE BAR MA ZAD, RJE BLA MA'ANG THUGS BZHED CHER GNANG GIN YO

, ,'DUG PAS KYANG MTSAMS SBYAR TE, RGYAL DBANG RJE BTZUN MCHOG SPRUL RIN PO CHER SNYAN ZHUS DANG BCAS NAS, GDAN SA CHEN POR SKU MDUN DU BCAR BAR RJE BTZUN BLA MA DAM PA BKA' DRIN MTSUNGS BA MED PA NYID NAS ZHAL MNGON DU GYUR MA THAG THUGS BRTZE BA CHEN POS DGYES NYAMS BLA NA MA MCHIS PA GNANG, DE SKABS CHAB KYI SNYUN GZHI BABS LCI NGES KYI TSUL BZHES PA'I SKU SKRANGS CHE ZHING LJAGS DBUGS 'TSANG BA, SKU GZUGS LCI BA SOGS SKYE BO PHAL PA LTAR NA RANG BZHIN GYI GTAM SMRA BA LA'ANG SBYOR MI BZOD PA'I TSUL DU BZHUGS KYANG DANG TSUL DE DAG LA CUNG ZAD KYANG MI DGONGS PAR, RGYAL BA'I GSUNG RAB DRI MA MED PA'I DKA' BA'I GNAD RNAMS SGOM STOBS KYI SGO NAS GTAN LA 'BEBS PA NYID LHUR BZHES TE, DE DUS KHO BO CAG LA'ANG DPAL CHOS KYI GRAGS PA'I LEGS PAR BSHAD PA TSAD MA RNAM 'GREL GYI RIGS PA'I SGO NAS BDEN PA BZHI MI RTAG LA SOGS BCU DRUG GI GNAS LUGS DANG, TSUL DE LA BRTEN NAS RTEN CING 'BREL PAR 'BYUNG BA LUGS 'BYUNG GIS GANG ZAG RNAMS 'KHOR LUGS DANG, LUGS LDOG GIS GROL BAR 'GYUR TSUL GYI DKA' GNAD LAS BRTZAMS PA'I GSUNG GLENG DANG SKU RTZED KYANG YANG YANG GNANG, DON GYI SLAD DU MTSAN NAS SMOS TE MKHAN RIN PO CHE RJE BTZUN BLO BZANG CHOS 'PHEL LA'ANG SEMS TZAM PAS GZUGS PHYI ROL DON MIN PAR 'DOD LUGS KYI DKA' GNAD LAS BRTZAMS PA'I GSUNG GLENG YANG MDZAD, KHO BO CAG LA KHA ZAS DANG DNGOS PO'I RIGS LEGS BSHAD KYI BKA' MCHID LA SOGS PA DANG BCAS RING DU 'TSO BA'I BKA' DRIN ZLA MED PA

GNANG ZHING, NGOS CA GNAS KYANG RANG GI TSOGS RDZOGS BA DANG, TSE RABS THAMS CAD DU BLA MA MCHOG GIS 'BRAL BA MED PAR RJES SU BZUNG BA'I CHED DU DMIGS NAS SKU'I TSE DBANG DANG 'BREL BA'I ZHABS BRTAN GCIG DANG, DGE SLONG RI KHROD PA RNAMS DANG LHAN CIG BLA MA MCHOD PA DANG 'BREL BA'I BRTAN BZHUGS BCAS PHUL BA RNAMS LA'ANG DGYES PA CHEN POS BKA' BZHES KYANG GNANG ZHING, GSOL BA BTAB PA LTAR LJAGS DBUGS KYANG 'TSANG TSUL MED CING THUGS RIG SHIN TU DVANGS PA, BZHED BZHUGS SLA BA BCAS GNAD BAS DER 'KHOD TSANG MA BLO BDE ZHING, RJE BLA MA NYID NAS BSTAN PA RIN PO CHE MI NYAMS SHING YUN DU GNAS PA'I PHYIR GSAR BZHENGS GNANG BA'I RGYAL BA'I BKA' 'GYUR RIN PO CHE GSER SBYANGS PA 'BA' ZHIG LAS GRUB PA DE'ANG PHAL CHER TSAGS SU TSUD ZIN PAS BOD KHA SHAS LA ME TOG 'THOR DGOS PA'I BKA' GNANG BA LTAR ME TOG KYANG GTOR ZHING, CHOS GRVA CHEN MO'I CHOS KYI GDAN KHRI'I STENG NAS BYANG CHUB LAM GYI RIM PA'I NYAMS MGUR GYI CHOS 'CHAD DGOS PA'I BKA' GNANG BA'ANG RJE BLA MA MNYES PAR BYED PA'I SGRUB PA'I MCHOD PAR DMIGS NAS SBYI BOS NOS PA RNAMS LA DGYES PA BLA NA MA MCHIS PA GNANG, DUS DE DAG GI TSE YANG RGYAL BA'I BSTAN PA RIN PO CHE'I SNYING PO SO SO THAR PA'I BCAS MTSAMS PHRA MO LAS KYANG MI 'DA' BA NYID THUGS NYAMS KYI GTZO BOR BZHES TE, SMAN PA RNAMS DANG ZHABS 'BRING PA, DGUNG BLON CHEN PO PAndI TA SOGS NAS SKU NA PHEBS CHE STABS SKU RLUNG GI SNYUN GZHI LA PHAN PAR RE NAS SING PO CUNG ZAD ZHUS PAR YANG, THUGS MA BDE BA'I TSUL GYIS SING PO DE SROG RLUNG LA GNOD KYIN 'DUG CES GSUNGS

, ,NAS SBONG BAR MDZAD, DER KHO BO CAG SKU MDUN NA YOD SKABS NGOS CAG DANG BLON PO CHEN PO GUNG PAndI TA SOGS NAS SNYUN GYI TSUL 'DI MYUR DU GDANGS NAS, SANGS RGYAS KYI BSTAN PA'I SNYING PO CHOS KYI RGYAL PO TZONG KHA BA CHEN PO'I BSTAN PA RIN PO CHE'I DPAL DU ZHABS PAD BRTAN CING, KHYAD PAR DU RGYAL DBANG MCHOG GI SPRUL BA'I SKU RIN PO CHER MDO DANG SNGAGS KYI LEGS PAR BSHAD PA'I BDUD RTZI'I SKYES MANG DU GNANG DGOS TSUL GSOL BA BTAB PAR, BKA' LAS, NGED KYIN TSA 'DI'I RTZA RKYEN MTHAR THUG PA BRJOD NA, NGED NAS BSTAN 'GRO LA PHAN BDE SGRUB RGYU'I THABS KYI GTZO BO NI BYANG CHUB LAM GYI RIM PA'I 'CHAD NYAN 'DI YIN PA LA, 'DI LO 'CHAD NYAN BYED MA THUB PA DE LA BRTEN NAS YID CHAD PA ZHIG BYUNG, DE NAS NA TSA YANG LCIR SONG PA YIN, ZHES PHEBS PAR, DE LTA BU'I BSTAN PA RIN PO CHE 'JIG RTEN GYI KHAMS SU MI NYAMS PAR BYA BA LA RANG GI SKU SOG LA'ANG LTOS PA MED PA'I GO CHA DE LTA BU BZHES PAS DGONGS SHIN TU DAG KYANG, DA DUNG THUGS BSKYED KYI GO CHA CHER BZHES TE, SKYO NGAL GYI TSUL DE LTA BU GTAN NAS MI MDZAD PAR, ZHABS PAD YUN RING DU BRTAN DGOS PA'I RGYU MTSAN ZHUS SHING, KHYAD PAR DU BLON PO CHEN PO GUNG PAndI TA NAS PHYAG DANG BCAS TE, 'DI LO LAM GYI RIM PA'I BKA' CHOS GNANG MI THUB PA'I RTZA BA GCIG SKU KHAMS HA CANG GIS GDANGS PA MED STABS, BDAG CAG GSOL 'DEBS PA RNAMS NAS BLOS MA BZOD DE, 'DI LO BSHOL BA GNANG DGOS TSUL SLAB DON ZHUS PA LA BRTEN PA YIN CING, DE DANG, KHA SANG SKU RLUNG LA PHAN DU RE NAS SMAN CHANG CUNG ZAD AU TSUGS KYIS ZHUS

BA RNAMS, RANG CAG BSAM BA RNAM PAR DAG PA'I KHUNGS SU BYAS PA YIN KYANG MA RIG PA'I DBANG DU SONG BAS SKYON DU GYUR 'DUG PA SNYING THAG PA NAS BSHAGS PA 'BUL BAS THUGS BRTZE BAS BZOD PAR BZHES NAS ZHABS PAD BRTAN DGOS PAR GSOL BA BTAB SONG BAR BLO 'KHRID PA'I ZHAL BZHES TZAM ZHIG GNANG, YE SHES SKU LA YE SHES ZHING, ,ZHING LA CHU DROD LTAR MDZES KYANG, ,YANG YANG DGONGS PA'I DAM BCA' MCHOG ,MCHOG TU BRTAN NA AE MA HO, ,DE SKABS SRID ZHI'I GTZUG RGYAN THAMS CAD MKHYEN CING GZIGS PA CHEN PO NAS KYANG, MGRON GNYER DGE SLONG BSKAL BZANG CHED DU GTONG GNANG GIS, DNGUL GYI MAndAL LA SOGS PA'I GNANG SKYES DANG BCAS TE BRTAN BZHUGS 'BUL BA GNANG, DER KHO BO CAG SKU MDUN NAS PHYIR 'ONGS DUS, RJE BLA MA RDO RJE 'CHANG CHEN PO NGANG YANG YANG MI MJAL BA AE YIN SNYAM NAS SEMS SHIN TU SKYO YANG, RTEN 'BREL LA BSAMS NAS SRAN BTZUGS SHING, TSE RABS THAMS CAD DU RJES SU 'DZIN BA'I SMON LAM GYIS MTSAMS SBYAR NAS SKYABS 'JUG NGANG KHYAD PAR MYUR DU SNYUN GYI RNAM PA 'DI GZHI MED SING GDANGS SU SONG STE, BDAG BKRA SHIS LHUN PO PHYOGS SU MA LOG GONG PHO BRANG PO TA LAR PHEBS THUB PA ZHIG GNANG DGOS ZHUS PAR, DE KHA BYED CES GNANG, DE NAS ZHAG GCIG GNYIS SONG MTSAMS SU RJE NYID KYI BKA' LAS, RGYAL BA'I MCHOG SPRUL RIN PO CHE GSER GYI KHRI CHEN POR MNGA' GSOL BA'I LEGS 'BUL DANG, BKA' 'GYUR RIN PO CHE GSER CHOS BZHENGS PA'I SKU YON, SER SMAD GRVA KHANG GSAR BZHENG BA 'GO BYED 'UL MI DANG BCAS PA LA 'DZUGS

, ,STON RNAMS 'PHRAL DU GYIS, ZHES BKA' PHEBS NAN TAN MDZAD PA LTAR, NYE GNAS RAB 'BYAMS PA NAS BKA' SPYI BOR NOS TE GRVA BSGRIGS NAS ZLA BA BRGYAD PA'I TSES GNYIS KYI NYIN SER THEG CHEN GLING PA'I LEGS 'BUL DANG CHABS GCIG PAR SRID ZHE'I GTZUG RGYAN DUS GSUM RGYAL BA'I DBANG PO RJE BTZUN MCHOG SPRUL RIN PO CHE MI 'JIGS GDONG LNGAS BTEG PA'I GSER GYI KHRI CHEN POR MNGA' GSOL MDZAD PA'I RTEN 'BREL GYI SGO 'PHAR DBYE BA'I PHYIR LHA RDZAS RTZER SON DRI MA MED PA, DNGUL SRANG LNGA BCU LAS GRUB PA'I MAndAL DAR TSON SNA LNGA'I SNE 'DOGS CAN, SKU RTEN RGYAL BA TSE MTHA' YAS PA'I SNANG BRNYAN, GSUNG RTEN TSE MDO GSER BRIS MA, THUGS RTEN BKA' GDAMS GDUNG RTEN, DUNG DKAR DAR SNA LNGA'I SNE 'DOGS CAN, THEG CHEN GAN DRIL RDOR BCAS, SKU'I NYER DPYAD CHA TSANG, GSER THUR SRANG LNGA, DNGUL RTA RMIG MA BRGYAD, RGYA GAR DANG BAL tAM GYI RDO TSAD LNGA, GOS RGYAN BZHI DMAR PO YUG ,MANG LHUG SER PO YUG ,MDZOD JUS DMAR LJANG YUG RE, GSER GZHI MA SER PO YUG ,JUS DMAR ME TOG MA YUG LNGA, BCAD LDAN DMAR SER YUG RE, LJANG SER ME TOG MA YUG ,JUS DMAR CHE BDUN MA YUG ,MTHUN THI DUD KHA YUG ,RDO RJE SENG LAM MA YUG ,KRONG DON 'BRUG RIS MA YUG GNYIS, SNGO SKYA ME TOG MA YUG ,SNGO NAG ME TOG MA DANG SPRIN RIS MA YUG RE, RGYAN BZHI MCHIN KHA DANG DMAR PO YUG RE, 'JAM SANG DUR SMRIG MA YUG ,SHIN TU HU'I MTHUN THI YUG LNGA, JUS MCHIN KHA SPRIN RIS MA YUG ,JUS DKAR PO YUG BCAS SO

SOR KHA BTAGS RES SPRAS PA, SMAN RNYID YUG LNGA, AA KA RU DUM GNYIS, JA 'KHOR DRUG BCU, MDZOD BTAGS DRI MED LNGA BCU SOGS ZANG ZING GI MCHOD PA SHIN TU RGYA CHE BA, LEGS BSHAD KYI BKA' MCHID, NA MA: A'AR+YA LO KE SHVA R'A YA, RING NAS SNYING RJE'I 'OD ZHAGS RING POS NI, ,'GRO LA DAM DU 'KHYUD PA'I RTZE DGA' LA, ,RNAM PAR ROL PA'I 'DU BYED MI LHOD PA, ,KHYAB BDAG 'KHOR LO'I MGON PO ZHABS BRTAN SHOG ,CES GSUNGS PA'I BSTOD PHYAG GI YUL DU GYUR PA SNGON GYI MTHA' MI MNGON PA'I SRID PA NAS DA LTA'I BAR DU RANG LA MA LTAR DU BRTZE BA, THABS SNA TSOGS NAS BU LTAR DU SKYONG BA RNAMS LA DRIN LAN LOG 'JAL KHO NAS SGO SNA TSOGS KYIS GNOD 'TSE BYED BA RNAMS LA'ANG, GNOD LAN PHAN PA KHO NA SGRUB PA SNYING RJE'I GZHAN DBANG CAN, SKU 'PHRENG THAMS CAD DE 'DRA BA'I RANG BZHIN CAN 'PHAGS PA SPYAN RAS GZIGS DBANG PHYUG RGYAL BA THAMS CAD KYI SRAS KYI TSUL BZUNG NAS, RIS MED PA'I SEMS CAN THAMS CAD SANGS RGYAS KYI SA LA 'GOD PA LA RANG DON GYI 'KHRI BA MED PA, SKYABS MGON BLO BZANG BSTAN PA'I DBANG PHYAG NYID SKU SNGA MA'I MDZAD PA RDZOGS PA DANG SKAD CIG KYANG DUS LAS MA YOL BAR PHYI MTSAN DPE DANG NANG SPANGS RTOGS KYI YON TAN GYIS MNGON PAR MTHO BA NYI MA SHAR BA SBAR MOS MI KHEBS PA LTAR NGO MTSAR BYE BA DANG LDAN PA'I SKU MCHOG ,MTSAN THOS NA DGA' BA, SKU MTHONG NA DGA' BA; MTHONG THOS DRAN REG GIS 'GRO BA RNAMS LA THAR PA'I DGA' STON STZOL BA THAMS CAD MKHYEN GZIGS CHEN BO NYID GONG MA 'DAG PO CHEN POS YID BZHIN GYI NOR BU RIN PO CHE KHA BA CAN PA RNAMS KYI MCHOD PA'I ZHING DU GNANG BA 'DI LA 'JIG RTEN GYI KHAMS

, ,THAMS CAD RIN PO CHE SNA BDUN GYIS BKANG STE, NYIN RE BZHIN PHUL YANG BKA' DRIN BSAB PAR GA LA NUS, ZHES SOGS DANG BCAS PA'I 'BUL THO RJE NYID NAS LJAGS BKOD GNANG BA BCAS DANG, KHO BO CIG LA'ANG, NA MA: A'ARYA LO KE SHVAR'A YA, KHYAB BDAG RDO RJE 'CHANG DBANG BLO BZANG GRAGS, ,GSUNG GI GSANG BA'I MDZOD KYI DPAL LDAN PA, ,SANGS RGYAS THUGS KYI YE SHES ROL PA CAN, ,ZLA MED BLA MA'I ZHABS LA GSOL BA 'DEBS, ZHES GSUNGS PA'I BSTOD PHYAG GI YUL DU GYUR PA RIGS LDAN 'JAM DPAL GRAGS PA SOGS DUS KYI 'KHOR LO'I BSHAD SROL RGYUD SDE GZHAN DANG MI 'DRA BA SOGS KYI SGO NAS DRANG SRONG NYI MA'I SHING RTA LA SOGS PA SHES DANG SHES BYA GCIG PA'I SKUR SGYUR BYED KYI NYE LAM ZAB MOS THUN MONG MA YIN PA'I GDUL BYA RNAMS SMIN PAR MDZAD PA RIGS LDAN 'JAM DPAL GRAGS PA NAS BZUNGS DE LTA'I BAR DU SKU GSUNG THUGS DANG MDZAD PA SNA TSOGS PAS SKAL LDAN GYI GDUL BYA RNAMS RDO RJE 'CHANG GI GO 'PHANG LA 'GOD PAR MDZAD PA, SHAMBHA LA'I GRONG KHYER BYE BA PHRAG DGU BCU RTZA DRUG ZHABS KYI PADMOS MNAN TE, KHA SBYOR YAN LAG BDUN LDAN GYI GO 'PHANG LA 'GOD PAR MDZAD CING, PHYI DUR SMRIG ZOL GYIS BSTAN PA'I RTZA BA SO SO THAR PA'I YAN LAG GI CHA PHRA MO TZAM YANG MA NYAMS PAR 'DZIN PA, ZHES BYA BA LA SOGS PA'I BKA' DRIN BLA NA MED PA'I BKA'I GZENGS BSTOD DANG BCAS PA'I GNANG SKYES RMAD DU BYUNG BA DANG RGYAL TSAB NO MIN HAN DE MO SPRUL PA'I SKU RIN PO CHER YANG GZENGS BSTOD KYI BKA' DANG GNANG SKYES BCAS BLA NA

MA MCHIS PA RNAMS MDZAD, DE DAG NYE GNAS RAB 'BYAMS PAS LHAG CHAD MED PAR BSGRUBS NAS RI KHROD GDAN SA CHEN POR RDO RJE 'CHANG CHEN PO NYID KYI DRUNG DU SLAR LOG STE GANG CI'I GNAS LUGS DANG THUGS GRVA SHIN TU 'GRIG PAR BYUNG LUGS, RGYAL BA'I BKA' 'GYUR RIN PO CHE GSAR BZHENGS GNANG BA ZLA BA BRGYAD PA'I TSES BCU GNYIS KYI NYIN RI KHROD DU TSANG MA GDAN 'DREN ZHUS CHOG PA YOD PAS, DES NA BLA MA'I SKU ZHABS SKU NGOS NAS RDO RJE SLOB DPON MDZAD DE RAB TU GNAS PA'I CHO GA GNANG DGOS LUGS, GONG MA CHEN PO NAS SKYABS MGON RGYAL DBANG MCHOG SPRUL RIN PO CHE GSER GYI KHRI 'PHANG MTHON POR MNGA' GSOL BA'I CHED DU BKAS MNGAGS PA'I KHAL KHA'I CANG CUN SB'A DUR CHING DBANG TSE BRTAN SKYABS, PHU CING AAM BAN, AARKYA KHO THOG THU, NANG BLON CHEN PO'I BU KONG YE AE PHU PHU LING SOGS DANG, LHA SAR RGYUN BZHUGS KYI SKU TSAB JI PHU T'A SHIN TU DANG HU YE T'A SHIN SOGS SKU MDUN DU SKU'I MTSAMS ZHU DANG MJAL PHYAG LA MYUR DU BCAR RTZIS YOD LUGS RNAMS ZHIB TU ZHUS PAR; RJE BTZUN BLA MA GANG GI GSUNG LAS, RGYAL DBANG MCHOG GI SPRUL PA'I SKU RIN PO CHE KHRI PHEBS KYI LEGS 'BUL MTHAR PHYIN PAS BLO BDE ZHING SHIN TU LEGS, RGYA'I MI DRAG RNAMS GTZAM LA 'ONG NA'ANG 'ONG CHO GA ,BKA' 'GYUR RIN PO CHE DANG RJE RIN PO CHE'I MDO SNGAGS KYI LAM RIM RNAMS GDAN 'DREN ZHUS NAS RAB GNAS RGYAS PA RANG ZHIG BYED DGOS ZHES PA TZAM LAS BKA' CHER MI PHEBS PAR PHAL CHER THUGS DAM ZAB MO'I RIM PA LA RTZE GCIG TU GZHOL BAR MDZAD, DE YANG MKHAS BTZUN BZANG

, ,GSUM GYI YON TAN RMAD DU BYUNG BA'I BDUD RTZIS THUGS KYI BUM BZANG LHAG PAR GTAMS SHING, DBEN PA'I RI KHROD DU RGYAL BA DGYES BA'I LAM BZANG RNAMS RTZE GCIG TU SGRUB PA'I RGYAL MTSAN BRTAN PO BZUNG BAS GRUB PA'I GO 'PHANG MTHON POR GSHEGS PA'I DPAL LDAN BLA MA DAM PA 'DI NYID DGUNG LO BRGYAD CU BRGAL TZAM GYI BAR 'DIR 'CHAD RTZONG RTZOM GSUM DANG THOS BSAM SGOM GSUM GYI SGO NAS GSUNG RAB KUN GYI SNYING PO SH'AKYA'I RGYAL PO'I BSTAN PA RIN PO CHE NYIN MO LTAR CHES CHER GSAL BAR MDZAD CING, KHYAD PAR DU LAM GYI GTZO BO RNAM PA GSUM SROG SHING DU BYAS PA'I BYANG CHUB LAM GYI RIM PA THOG MTHA' BAR GSUM DU DGE BA'I DON DANG TSIG 'BRU BZANG POS RGYUN RING PO'I BAR DU 'CHAD NYAN MDZAD PAS SHAR PHYOGS RGYA MTSO CHEN PO NAS NUB PHYOGS KHA CHE'I YUL GRU'I PAR DU 'KHOR LO GSUM GYI BYA BA SPYI DANG, YANG SGOS RANG GI SEMS RGYUD THA RGOD GYONG PO 'DUL BA'I PHYIR NGES 'BYUNG DANG BYANG CHUB KYI SEMS, YANG DAG PA'I LTA BA, LAM RIM PA GNYIS DANG BCAS PA LA MYONG BA THON NGES KYI SGOM SGRUB MDZAD PA'I SDOM BRTZON SDE SNOD 'DZIN PAS KHYAB PAR MDZAD DE, SNGAR SMOS PA BZHIN GYI RTAG 'DZIN CAN GYI 'DUL BYA RNAMS MI RTAG PA'I CHOS LA BSKUL BA'I PHYIR RE ZHIG DGONGS PA GZHAN DU GTANG PA'I SNGA LTAS SU LO 'DI NANG DU SA CHEN PO YANG YANG G-YO BA DANG, SPRIN GYI DPYAD PA SHIN TU NGAN PA DANG, GANG GI GSUNG LAS SKYES PA'I SLOB MA RNAMS LA NYI ZLA GZAS BZUNG BA LA SOGS PA'I RMI LAM NGAN PA LAN CIG MIN PAR RMIS PA'ANG 'GRO BA'I

MGON PO 'DI LTA BU MI BZHUGS PA'I NGANG TSUL DU RIG PAS, NAG PHYOGS CHOS MIN SPYOD PA RNAMS STOBS RGYAS PA'I 'BRAS RTAGS SU SER THEG CHEN GLING GI NANG TSAN, SMAD GRVA TSANG GI 'DU KHANG LA SNGAR MA GRAGS PA'I BSREG ZA'I GNOD PA BABS PA SOGS MNGON DU GYUR CING, NGANG TSUL DE LTA BU RDO RJE 'DZIN PA CHEN PO DE NYID KYI SLOB MA'I TSOGS KYIS RIG PAR GYUR NAS DKON MCHOG RIN PO CHE RNAM PA GSUM GYI THUGS RJE BSKUL BA DANG RJE BLA MA NYID LA GSOL BA 'DEBS PA RNAMS STZAL DU BTON CING MGON PO BLA NA MED PA 'DI NYID BKA' BZHIN SGRUB PA'I MCHOD PAS MNYES PAR BYED PA'I NYE GNAS RAB 'BYAMS PA BLO BZANG NGAR RGYAS NAS CI SHOG PHANGS MED KYIS ZHABS BRTAN CI MA GRO BSGRUB PAR MDZAD KYANG GONG SMOS TSES DE'I SNGA DRO SKU MDUN NA YOD PA KUN GYIS THOS TZAM DU BCOM LDAN 'DAS DPAL RDO RJE 'JIGS BYED KYI BDAG BSKYED NYER BSDU DANG BCAS PA ZHIG MDZAD, DE'I MJUG TU GZHI'I STONG PA RNAM PA BZHI, LAM GYI STONG PA BZHI DANG BSRE BA'I RDO RJE'I RNAL 'BYOR ZAB MO LA THUGS GZHOL BAR MDZAD, DE GONG NAS CHOS BRGYAD KYI SPROS PA SPONG BA LA GTZO BOR MDZAD PAS ZHAL 'DON SGRA BCAS KYI RIGS MI GNANG YANG, 'DI DUS SU GNANG BA 'DI SKAL LDAN GYI GDUL BYA RNAMS LA LAM 'DI'I SGO NAS MCHOG 'GRUB PAR BYED DO ZHES SHES PAR BYA BA'I CHED YIN CING, DUS RGYUN DU BYANG CHUB SEMS 'GREL DANG TSAD MA'I LAM DSGRIGS, BZHI BRGYA PA SOGS LJAGS SKYONG DANG PHYAG DPE GZIGS RTOG GNANG NAS NYAMS BZHES MDZAD KYIN YOD PA DE NYIN DMIGS GIS DPE CHA CHER MI MTHONG BAR

, ,DAG 'DON BYED PA RNAMS KYANG NGAG NAS MI 'GRO 'DUG ,SNGAR DBANG PO DANG MIG SOGS GSAL BA'I DUS SU HUR BSKYED BYAS NAS AE YONG BLTAS PA YIN, DA NI 'GYOD PA SPU TZAM YANG MED GSUNG, NYE GNAS RAB 'BYAMS PA NAS NGED TSOS DPE KLOG BYAS NAS SNYAN DU PHUL NA ZHUS PAR, DA KHYED TSOS BSKYAR BA'I RE BA MA BYED GSUNGS, ZHABS 'BRING PA 'PHRIN LAS NAS, BLA MA RIN PO CHE KHA SANG SKU ZHABS PAn CHEN THAMS CAD MKHYEN PA CHEN PO 'DIR CHIBS BSKYONG GNANG SKABS ZHABS PAD BRTAN DGOS PA'I BKA' NAN CHEN PO DE TZAM PHEBS DON BZHIN BLA MA'I SKU ZHABS NAS KYANG ZHAL BZHES GNANG BLTOS BCAS THAMS CAD BLO BDE BA'I SKABS 'DIR DGONGS PA GZHAN DU GTAD DE, NGED BLTOS BCAS THAMS CAD BYI'U PHRUG THANG SKYUR LTA BU MDZAD NA NGED RNAMS JI LTAR BYA, BDAG LTA BU RNAMS KYIS 'DON PA SGRA DAG GSAL GSUM BYAS NAS BTON PA LAS, BLA MA'I SKU ZHABS KYIS THUGS LA DGONGS PA TZAM GYIS CHOG TSUL SOGS MIG NAS MCHI MA DANG BCAS TE GUS PAS ZHUS PAR, RJE BLA MA NYID KYI BKA' LAS, 'O; DE YIN NGED RANG TSO BLO 'DUN GCIG PA BYAS NAS 'DUN PA GTONG ZHES PHEBS, PHYI DRO BYAMS PAS DAM BCAS KYI GZUNGS DANG KHRO BO BCU'I GZUNGS BCAS ZHAL 'DON DANG KHYAD PAR DU RDOR BZLAS LA SOGS PA BSRE BA'I SKOR DANG STONG NYID BSGOM PA LA GTZO BOR MDZAD PAS NYE GNAS RAB 'BYAMS PA BLO BZANG DAR RGYAS KYIS, BLA MA RIN PO CHE ZHAL 'DON GNANG LUGS SOGS KHA SANG NAS DANG CUNG MI 'DRA BAR 'DUG PA, PHRAN RNAMS NI RMONGS BA MUN NAG GI MI RED

DA NI CI BYAS KYANG ZHABS BAD MI BRTAN PAR DGONGS PA GZHAN DU GTAD PC�H S$ �Cd �=�}p���� �<p�< !� ���DI 'DRA GYIS DANG, ,'DI 'DRA YONG GSUNG BA'I BSLAB DON SEMS LA 'CHANG RGYU ZHIG GNANG DGOS, ZHES LAN GSUM GSOL PA BTAB BAR, LAB RGYU 'DI YOD SNYAM PA CI YANG MED CES PHEBS TE ZHAL 'DON KHON LA THUGS GZHOL BAR BZHUGS, DR'I SROD KYI DUS SU BLON PO CHEN PO GUNG PAndI TA'ANG ZHABS 'DEGS SU PHEBS SHING, RJE BLA MA NYID RTAG TU THUGS DAM LA GZHOL BZHIN PA'I NGAN NAS, CHU PO RTA YI LOS TON ZLA 'BRING PO'I YAR NGO'I TSES GNYIS KYI DGONGS MO'I MTSAN GYI SUM GNYIS SONG BA'I DUS SU, BDAG CAG THAMS CAD KYI AM 'DRIS PA'I MDZA' BSHES CHEN PO RJE BTZUN BLA MA DAM PA DE NYID KYI ZHAL NAS, RJE LCANG SKYA RIN PO CHE DANG AARKYA ZHABS DRUNH SOGS GONG AM CHEN PO'I LAS DON 'DI TZAM YOD BZHIN DU CHOS LA DON GNYER MDZAD PA SHIN TU BZANG ZHES PHEBS NAS, 'OD GSAL NYI MA CHOS KYI SKU MTHAR THUG A'I DBYINGS SU RE ZHIG BZHUGS SO, ,DE'I TSE 'KHOR PAR 'JUG LDOG GI RTZA BA KUN RTOG GI BZHON PA THAMS CAD BCOM PA'I RGYU MTSAN NI 'DI LTA BU'I ZHES SHES PAR BYA BA'I CHED DU NAM MKHA' RDUL DANG RLUNG GI TSOGS THAMS CAD DANG BRAL SHING, CHU 'DZIN NI PADMA DANG GDUGS DANG DRA PHYED KYI DBYIBS SOGS YA MTSAN CAN SNA TSOGS KYIS KHYAB CING, LAS DAG PA RNAMS KYI SNANG NGOD LHA RNAMS KYIS ROL MO'I SGRA SGROG CING MNGON PAR MCHOD PA RAB TU GSAL BAR GYUR, SKU LUS KYANG KHAM KHUB DU GYUR PA SOGS KYI NYES PA CUNG ZAD GYAD MED PAR SKU GZI MDANGS DANG LDAN PAR BZHUGS LA, SANG NYIN

, ,TSES GSUM GYI SRONG 'KHOR LA CHOS KYI SKU LA MNYAM PAR BZHAG PA LAS LONGS SPYOD RDZOGS PA'I SKUR BZHENGS TE, DGA' LDAN CHOS KYI PHO BRANG DU RGYAL TSAB DAM PA BYAMS PA MGON PO DANG, NAM MKHA' DRI AM MED PA, RGYAL BA 'JAM DPAL SNYING PO SOGS KYI DRUNG DU THEG PA CHEN PO'I CHOS KYI DGA' STON LA LONGS SPYOD PA'I PHYIR GSHEGS SHING, NGES PA'I DON MTHAR THUG PA NI RE ZHIG BTANG SNYOMS SU BZHAG PAR BYA'O, ,DER GDUL BYA RNAMS NI GLO BUR DU MGON DANG BRAL BAS SDUG BSNGAL GYI YID MYOS SHING, 'ON KYANG RJE BLA MA NYID KYIS GO 'PHANG MCHOG MNGON DU MDZAD PA LA NGO MTSAR GYI BLO DANG LDAN PA, NYE GNAS RAB 'BYAMS PA NAS DO KHUR CHER MDZAD DE, RJE BLA MA NYID KYI GSUNG LAS SKYES PA'I BSHES GNYEN DAM PA BYES BLA ZUR NGAG DBANG DON GRUB KYIS DBUS PA'I RI KHROD KYI DGE SLONG BRGYAD KYIS BLA MA DANG DKYIL 'KHOR GYI GTZO BO DBYER MED DU MOS NAS, BDAG NYID 'JUG CING DBANG BLANG BA DANG PHYI NANG GSANG BA DE KHO NA NYID KYI MCHOD PA 'BUL BA SOGS RGYUD SDE RIN PO CHE RNAMS KYI DGONGS PA DANG MTHUN PAR DGUNG ZHAG BDUN GYI RING MDZAD CING, DE'I TSE GSUNG CHOG GI GTZO BO DPAL 'KHOR LO SDOM PA GRUB CHEN DRIL BU ZHABS KYI LUGS LHA LNGA DANG, DPAL RDO RJE 'JIGS BYED KYI BDAG 'JUG BZHES PAR MDZAD, DER CHOS KYIS KU LA MNYAM PAR BZHAG PA LAS BZHENGS PA NAS SKU GDUNGS LA DRI BZANG GIS BYUG PA DANG, LONGS SKU'I CHAS KYIS BRGYAN PA SOGS MDZAD NAS, SKU MTHA' MA'I MDZAD PAS GDUL BAR BYA BA MANG PO LA GDUNG MJAL YANG BKAG PA MED PAR GNANG SHING, BOD KYI CHE

DGU PHAL CHE BA DANG AARKYA ZHABS DRUNG DANG GONG MA CHEN PO'I DGUNG BLON CHEN PO AAM BAN SOGS KYANG MJAL BAR PHEBS, TSES BRGYAD KYI SROD LA GNAS YIG SBYOR BA SOGS RGYUD SDE DANG MTHUN PA'I SRI ZHU LEGS PAR MDZAD PA'I DUS SU, NAM MKHA'I DBUS RNAMS NI BEE d'U RYA'I MDOG LTAR DVANGS SHING, MTHA' THAMS CAD SPRIN DKAR LA 'TSER BAS GANG PA KHYAD PA DU LHO PHYOGS KYI SPRIN RNAMS LA SHING LO'I DBYIBS DANG MCHOD RDZAS YI DBYIBS 'DRA BA 'JA' SPRIN GYI GSEB TU YA MTSAN CAN DU MA SNANG ZING, TSES DGU'I NANG PAR GZIMS CHUNG RANG DU SKU GDUNG RIN PO CHE ZHUGS 'BUL GYI RDO RJE SLOB DPON GONG SMOS YI BLA MA DE NYID KYIS MDZAD NAS ZHUGS LA ZHEN SKABS CHAB KYI SNYAN GZHIR SONG STABS ZHABS 'BRING BA RNAMS NAS DRI BZANG GI ME NAN CHER PHUL BAR MA ZAD, YE SHES KYI ME RANG 'BAR GYI TSUL DU ME MCHOD SHIN TU BZHES SHING, SNYUN GZHI LA SOGS PA'I NYAMS CUNG ZAD KYANG MED PAS KUN SHIG TU NGO MTSAR ZHING, DE'I TSE RI KHROD KYIS TENG DU DBANG PO'I GZHU KHA DOG DKAR PO CAN ZUG CING BSER BU'I RGYU BA CHAD PA SOGS LTAS KHYAD PAR CAN MANG DU BYUNG, ZLA BA DE'I TSES BCU GNYIS KYI NYIN BKA' 'GYUR RIN PO CHE GSER CHOS GSAR BZHENGS GNANG BDE LEGS PAR GRUB PA RI KHROD DU GDAN ZHUS MDZAD NAS, RJE BLA MA NYID KYI DGONGS PA DANG MTHUN PAR, BYAS BLA ZUR DE NYID KYIS RDO RJE SLOB DPON MDZAD DE, DGE SLONG BCO BRGYAD BCAS NAS RGYUD SDE DANG MTHUN A'I RAB GNAS SBYOR DNGOS RJES GSUM TSANG BA RGYAS PAR GNANG, TSES BCU BZHI'I NYIN PAR KHANG ZHAL PHYE BAR, DBU NAS SKU'I SGAL TSIGS TAL MAR 'BYOR BA SKU'I DPYI'I

, ,BAR DANG, DBU'I GNAS YIG TSANG MA SKU'I SOG BA GNYIS BCAS KYI GDUNG RUS RNAMS LHU MA ZHIG PAR DPAL DGYES PA RDO RJE'ISKU'I RNAM BA LTA BU DANG, GSANG RDOR GYI SPU RNAMS CUNG ZAD KYANG AM NYAMS PA, THUGS KA'I THAD DU THUGS LJAGS SPYAN GSUM BCAS PHEBS BA DANG SKU RUS KYI CHA SHAS GZHAN RNAMS LA RUS RGYAN, PADMA DRA BA DRA PHYED, AOm DANG A'A: DANG H'Um YIG GI YIG 'BRU'I GZUGS SOGS KHYAD MTSAR BA MANG DU PHEBS, DE RNAMS RIN PO CHE'I SNOD DU SPYAN DRANGS TE 'O MA DANG DRI BZANG GI CHUS 'KHRU BA DANG, BSKYED TSOG SOGS DAM PA'I PHYAG LEN LTAR GNAD NAS, DGUNG ZHAG ZHE DGU MGROL GYI BAR DU DGE SLONG BRGYAD NAS 'JIGS BYED KYI BDAG 'JUG SOGS RGYAS PA BSTAR, NYIN RE BZHIN GDUNG RUS RNAMS ME LONG GI DNGOS SU SHAR BA LA KHRUS GSOL MDZAD, RGYA BOD KYI MI CHEN CHE ZHING 'GYID BA RNAMS NAS BZUNG STE THAN DBUL PO SDUG CING PHONGS PA'I BAR GYIS RANG RANG GI RGYU NOR DANG BSTUN NAS MCHOD BA'I YO BYAD PHUL BA RNAMS DANG, RJE NYID KYI PHYAG RDZAS NAM MKHA' MDZOD LTA BU RNAMS NAS DGONGS RDZOGS KYI RIM PA SHIN TU RGYA CHE BA SER 'BRAS DGE GSUM DANG, BKRA SHIS LHUN PO, RGYUD STONG SMAD, GSANG SNGAGS RGYUD PA GRVA TSANG LA SOGS PA'I DBUS GTZANG GI DGON SDE GRANGS MANG PO LA NYE GNAS RAB 'BYAMS PA BLO BZANG DAR RGYAS NAS PHANGS PA MED PAR BSGRUB PAR MDZAD, KHYAD PAR DU GZHUNGS CHEN PO'I BZO GRAR SNYAN ZHUS MDZAD NAS RJE BLA MA NYID KYI MTSAR SKU RMAD DU BYUNG BA DANG, SKU GDUNG LTA BABS MCHOD RTEN, RGYAL BA BYAMS PA'I SKU BRNYAN RNAMS DANG, CHOS GRVA'I NANG DU

SKU GDUNG ZHUGS 'BUL GYIS PHAG RNAMS LA GZI BYAS NAS LHA BABS MCHOD RTEN THIG TSAD DANG MTHUN PA, BKA' 'GYUR RIN PO CHE PAR MA BCAS BZHED BAR MDZAD CING, KHYAD PAR DU RJE BLA AM RDO RJE 'CHANG CHEN PO DE NYID KYI DGONGS BA MTHAR THUG PA NI SANGS RGYAS KYI BSTAN PA RIN PO CHE BSHAD SGRUB GNYIS KYI SGO NAS 'JIGS RTEN GYI KHAMS SU DAR ZHING RGYAS PAR GYUR NA CI MA RUNG SNYAM DU DGONGS SHING, DE NYID 'BA' ZIG THUGS SU BRNAGS PA YIN LA, BLA MA MNYES PAR BYED PA'I THABS DAM PA NI BKA' BZHIN SGRUB PA'I MCHOD PAS MNYES PAR BYED PA'I SNYAM DU BSAM PAS, RANG RANG GI NYAS DANG BSTUN PA'I THOS BSAM SGOM SGRUB SOGS LA 'GRUS PA DANG, BSLAB PA GSUM LA NAN TAN SNYING POR BYED PA DANG KHYAD PAR DU RJE BLA MA NYID LA GSOL BA 'DEBS PA NYAMS LEN GYI SNYING POR BYED PA DANG, RING POR MI THOGS PAR YANG SPRUL 'KHRUL PA'I SKYON GYIS MA GOS PA GSAL LA DVANGS PA PHEBS PA'I CHED DU GSOL BA 'DEBS PA RNAMS LA 'GRUS PAR MDZAD CING, NYE GNAS RAB 'BYAMS PA NAS NGOS PO'I RIGS LA 'JIG CHAGS SOGS CUNG ZAD KYANG MED PAR DGONGS PA YONGS SU RDZOGS THABS DANG SPRUL PA'I SKU MYUR DU PHEBS PA'I ZHABS BRTAN RIM GRO RNAMS LA 'GRUS PAR MDZAD DO, ,SMRAS PA, ZUNG 'JUG DBANG GI RGYAL PO'I DBANG PO'I GZHU, ,'OD GSAL NYI MA DAG DANG GCIG 'DRES PA, ,BZHUGS PA'I ZA MA TOG DE GDUL BYA'I TSOGS, ,BSOD NAMS ZHING DU 'JOG PA'I LTAD MO BKRA, ,SNGO SANGS NGOS LA CHU 'DZIN LTAR, ,CHOS KYI DBYINGS LAS NYER SKYES PA, ,DPA' MO'I DBANG PHYUG DANG 'GROGS PA'I, ,HE RU

, ,KA DE GLOG LTAR 'KHYUG ,DPA' BO MKHA' 'GRO BYE BA'I CHOGS, ,DBUS NA ZUNG 'JUG ROL PA'I GAR, ,MDZAD PA'I DPA' BO'I GTZO BO KHYOD, ,'GRO BA KUN GYI SKYABS SU GYUR, ,CHOS KYI DBYINGS DE SPROS DANG BRAL, ,SGYU MA'I SKU DE RDO RJE 'DRA; ;SPRUL PA'I RNAM 'GYUR BRJOD DU MED, ,ZA MA TOG DE KUN LA GSAL, ,SGYU 'PHRUL ROL PA'I SNANG BA DE, ,RAB 'BYAMS ZHING GI LTAD MO LA, ,CHAGS PA'I ROL PA STON PA DANG, ,SLAR YANG ZHING 'DIR 'BYON PA SNYAM, ,STOBS BCU MNGA' PA'I BSTAN PA 'DI, ,NYIN MO LTA BUR GSAL MDZAD CING, ,GRAGS PA'I BSTAN PA'I SROG SHING BZUNG, ,GLU SGRUB SLAR YANG 'BYON PA 'DRA, ZHES RJE BTZUN BLA MA DAM PA BKA' DRIN MTSUNGS PA MED PA GANG GI RNAM PAR THAR BA RGYA MTSO LTA BU LAS CHA SHAS TZAM BRJOD PAR BYED PA'I GTAM DAD PA'I 'DAB BRGYA YONGS SU BZHAD PA'I NYI MA ZHES BYA BA LAS YONGS SU MYA NGAN LAS 'DAS PA'I MDZAD PA BSTAN PA'I 'OD ZER TE BDUN PA'O,, ` ,,DE LTAR RJE BTZUN BLA MA DAM PA DE NYID NAS RANG NYID 'GRUB PA'I GO 'PHANG MTHON POR GSHEGS MOD KYI, GDUL BYA RNAMS LA LHAG PAR THUGS BRTZE BAS DAM PA'I CHOS 'DUL BA'I BCAS MTSAMS PHRA MO LAS KYANG MA 'DAS PAR RUNG CHU 'DEBS PA DANG CHAB BZHES PA SOGS PHYAG LEN GYI CHA SHIN TU PHRA BA RNAMS KYANG PHYAG LEN LA THEBS PAR MDZAD CING, GDUL BYA RNAMS LA'ANG CHOS 'DI NYID GTZO BOR GYUR PA'I LAM RIM GYI 'CHAD NYAN KHO NA DGUNG GRANGS MANG PO SBREL MAR GNANG BAS PHYI 'DUL BA'I KUN SPYOD RNAM PAR DAG CING, NANG GSANG SNGAGS LA 'DRIS PA,

BYANG CHUB KYI SEMS RIN PO CHE LA THUGS DAM GYI MTHIL DU MDZAD PA'I DGE SLONG RNAL 'BYOR SPYOD PA'I TSOGS KYIS NOR 'DZIN GYI GZHI THAMS CAD KHYAB PAR MDZAD PA DANG, NANG DU RIM GNYIS KYI TING NGE 'DZIN ZAB MO LA GZHOL BAS RLUNG DBU MAR ZHUGS GNAS THIM GSUM BYANG STE, BDE STONG DBYER MED PA'I RDO RJE'I RNAL 'BYOR LA RTAG TU GZHOL BZHIN PAR BZHUGS PAS CHOS THAMS CAD LA DES RGYAS THEBS SHING, RDZU 'PHRUL DANG MNGON PAR MKHYEN PA LA LA SOGS PA THOGS BA MED PAR MNGA' MOD, SKYE BO RNAMS KYI SNANG NGOR YON TAN GYI CHA PHRA MO TSUN CHOS SPED PA NYID GTZO BOR MDZAD PA DANG, RGYA HOR BOD SOGS KYI SKYE BO CHE ZHING 'GYED BA THAMS CAD KYIS ZHABS KYI PADMO LA NYE BAR GTUGS TE, MKHO DGU'I YO BYAD KYI RNAM PA GYA NOM PA'I PHYAG RDZAS YIS BAR MDZOD RAB TU GANG YANG DE DAG LA 'DZIN CHAGS KYI RNAM PA CUNG ZAD KYANG MI MDZAD PAR DKON MCHOG GSUM DANG NGAN SLONG LA SOGS PA'I DON DU BSNGOS NAS RTAG TU 'PHAGS PA'I RIGS BZHI LA BZHUGS PA DANG, LEGS PAR BSHAD PA'I GAD BRGYANGS KYIS SKYE BO NGAN PA RNAMS KYI LOG RTOG DRUNG 'PHYIN CING, MKHAS MANG MGUB BSKYED PA DANG, RTZOD PA'I RIGS PA DRI MA MED PAS PHA ROL PO RNAMS KYI SMRA BA NGAN PA BYE MA'I CANG BU LTAR BZHIG MOD, GDUL BYA LA DGONGS TE BTZUN PA'I BRTUL ZHUGS NYID LA BRTZON PAR MDZAD PA SOGS THOGS MED SKU MCHED DANG JO BO RJE YAB SRAS KYI PHYAG LEN LTA BUR GYAL BA'I BSTAN PA RIN PO CHE LA BKA' DRIN LHAG PAR CHE ZHING, BKA' RTZOM GYI RIM PA'I DBANG DU BYAS NA CHOS KYI RGYAL BO TZONG KHA PA CHEN PO'I DGONGS PA THUN MONG MA YIN PA 'JAM DPAL DBYANGS KYI DGOS

, ,GSAL DANG BSTUN PA'I 'JAM RDOR GYI SGRUB THABS 'DOD 'JO DANG, CHOS KYI RGYA BO TZONG KHA PA CHEN PO'I DNGOS SLOB 'BROM SH'AKA KU MA RA'I BZHES PA LTAR MDZAD PA'I 'JAM RDOR GYI DKYIL CHOG 'DOD 'JO DANG, SBYIN SREG 'DOD 'JO'I BUM BZAD, DE'I BSKYED RDZOGS SHIN TU ZAB PA RIN CHEN 'PHRENG BA SOGS TSIG SBYOR GYI CHA PHRA MO TSUN CHOD LA RTOG GES GLAGS MI RNYED CING MKHAS PA MGUB BSKYED PA RGYAL BA SRAS DANG BCAS PA KUN GYIS BSNGAGS PA'I 'OS SU GYUR PA'I PUSTA KA GSUM TZAM DU BZHUGS, GSUNG LAS SKYES PA'I SLOB AM NI MTHA' DAG PAR SU ZHIG GIS BGRANG PAR NUS, RAGS RIM TZAM ZHIG BRJOD NA, GNAM BSKOS GONG AM CHEN PO'I RIGS KYI COD PAN LUNG GIS BSNGAGS PA SKYES MCHOG DAM PA BSTAN PA'I SGRON ME T'A KOO SHR'I LCANG SKYA ROL PA'I RDO RJE, RGYAL TSAB DAM PA NO9 MIN HAN DE MO SPRUL PA'I SKU RIN PO CHE, RGYAL BA GNYIS PA'I RGYAL TSAB DAM PA DGA' LDAN KHRI GDAN ZUR, MDO KHAMS BSTAN PA'I SGRON ME 'PHAGS PA LHA, BSTAN PA'I GSAL BYED DAM PA RGYAL SRAS SPRUL PA'I SKU, NYAMS RTOG KYI MNGA' BDAG ZHIB BZANG PO'I SPRUL SKU, LCAGS RA SKU SKYE, 'BRUL MKHAN CHEN SKU SKYES, MKHAS DBANG 'JAM DBYANGS BZHAD PA'I SPRUL SKU, THU'U KVAN ZHABS DRUNG, BTZAN PO NO MIN HA NA, SGRUB KHANG SPRUL SKU, MKHAR RDO SPRUL SKU MNGA' RIS ZHABS DRUNG, TSE BLOS BTANG GI RI KHROD 'DZIN PA DGE SLONG YE SHES RGYAL MTSAN, LUNG GI MNGA' BDAG DKA' BCU THABS MKHAS DANG, DGE SLONG YE SHES MTHA' YAS, SER 'BRAS DGE GSUM, BRKA SHIS LHUN PO, RGYUD STOD SMAD,

GSANG SNGAGS RGYUD PA GRVA TSANG LA SOGS PA'I BLA MA DANG DGE BA'I BSHES GNYEN GNAM GYIS SA BKAB PA LTA BU RNAMS DANG, GZHAN YANG RGYA BOD KYI CHE DGU THAMS CAD KYIS CHOS 'BREL MA NOS PA DANG ZHABS KYI PADMO LAM BTUD PA ME DPAS MTHA' DAG PAR BRI BAR MA SPYOD CING, RI KHROD KYI GNAS SU SGRUB PA LA GZHOL BAR MDZAD KYANG, NAM MKHA' MDZOD LA MNGA' BRNYES PAS SE RAR LHA KHANG PHUN SUM TSOGS PA 'JIG RTEN KUN GYI MIG GI BDUD RTZI SPUNGS PA LTA BU DANG, GSER DANG SKYA CHOS KYI RGYAL BA'I BKA' 'GYUR RIN PO CHE LAN KHA YAR, GDONG DAR, NA BZA', GLEGS SHING GLEGS THAG RNAMS PHUN SUM TSOGS PA, RJE GRUB PA'I DBANG PHYUG CHEN PO DGE LEGS RGYA MTSO'I RGYAL TSAB MDZAD PA'I DUS NAS RING POR MA LON PA NAS BZUNGS TE, LO RE BZHIN LHA LDAN SMON LAM CHEN MO DANG, SER 'BRAS DGE GSUM, GSANG PHU SOGS DGE 'DUN GYI SDE CHEN PO SO SO RNAMS SU DNGUL DANG DNGOS CHAS KYI SKU 'GYED DANG MANG JA BZANG PO'I BSNYEN BKUR GYA NOMS PA CHAG MED MDZAD PA SOGS MTHA' YAS SHING, DUS RGYUN DU PHAL CHER RGYAL SRAS CHEN PO RNAMS KYI THUGS DAM GYI MTHIL DAM PA BYAMS CHUB KYI SEMS RIN PO CHE KHO NA LA THUGS GZHOL BAR MDZAD DE, BDAG PAS GZHAN GCES PAR 'DZIN PA'I THUGS LA BLO SBYONG ZHING ZHAL 'DON GYI RIM PA'ANG SNGA DRO'I DUS SU BYANG CHUB LAM GYI RIM PA'I BLA RGYUD DANG 'BREL BA'I PHYAG 'TSAL RGYAS PAR MDZAD NAS, DPAL RDO RJE RNAM PAR 'DZOMS PA DANG, 'JAM DBYANGS NAG PO'I SGOM BZLAS DANG 'BREL BA'I LJAGS BSNYEN SPYAN DMIGS SHIN TU ZAB PA DANG, IGS SHIN TU ZAB PA DANG, DPAL 'KHOR LO CHEN PO'I RTZA SNGAGS DANG KYEE

, ,RDOR GYI AAshtA'I SNGAGS RING RNAMS ZHAL 'DON MDZAD NAS, DPAL GSANG BA 'DUS PA MI BSKYOD PA'I BDAG BSKYED RDO RJE BZHI BSKYED KYI RIMS RNAMS SPYAN DMIGS SHIN TU ZAB PA, KHYAD PAR DU RAGS PA NYER LNGA'I THIM RIM LA SPYAN DMIGS RGYUN RING NGES GNANG ZHING SMIG RGYU NAS 'OD GSAL GYI BAR RIM PA DANG PO'I LAM LAS 'BYUNG BA LTAR THUGS NYAMS SU BSTAR NAS LJAGS BZLAS KYI BAR DU MDZAD DE, NYIN GYI RIM PA LA GRVA SA CHEN PO RNAMS KYI DGE PA'I BSHES GNYEN RNAMS NAS, BLO RIG RTAGS RIG PA'I BAR MJAL DU BYUNG BA RNAMS LA SHIN TU DGYES PAS GANG CI'I GSUNG GLENG ZHIB NGES PA DANG, LHAG PAR MTSAN NYID PA RNAMS LA SHIN TU DGYES PAS LEGS PAR BSHAD PA'I BGRO GLENG MANG DU GNANG NAS, DKA' GNAD MANG PO LA BLO SKYED BZANG PO STER BAR MDZAD CING, GSUNG BRTAG ZHU MI'I RIGS LA SNANG NGOR DPAL LDAN LHA MO'I SHO MO SGRIL BA LTAR MDZAD NAS, DON DU MNGON PAR MKHYEN PA THOGS PA MED PAS LUNG STON PAR MDZAD DE, CUNG ZAD KYANG MI 'PHYUGS PAR 'ONG BA DANG, GDON DRAG POS ZIN PA SOGS LA SPYAN DMIGS GTAD PA DANG, BKA' BSGO'I SPYAN DMIGS KYI DGONGS PA MDZAD PA TZAM GYIS GROL BA SOGS NGO MTSAR CAN MANG BA DANG, 'JIG RTEN GYI DRAGS BA CAN DANG CHOS TSUL RGYA MTSO LTA BUL MKHAS PA'I NGA RGYAL CAN RNAMS KYANG ZHAL GYI DKYIL 'KHOR MJAL BA DANG, GSUNG GI BDUD RTZI MYONG BTZAM GYIS NGA RGYAL MA LUS PA DPAL ZHOM STE ZHABS KYI PADMO LA PHYAG BGYID PA DANG, LHA DANG KLU LA SOGS PA RNAMS KYIS KYANG BRAN

BZHIN DU BKA' NYAN PA DANG, SMRA PA'I DBANG PHYUG TU RLOM PA DANG DPA' ZHING RTUL PHOD PA RNAMS KYIS KYANG GSUNG GI CHA SHAS RE RE'I GZI BRJID KYANG MI BZOD PAR RANG RANG GI SPYOD PA NGAN PA 'DOR BAR BYED PA SOGS NGO MTSAR BA'I MDZAD PA MTHA' YAS PAR BZHUGS TE, 'DI DAG NI RJE BLA MA GANG GI RNAM PAR THAR PA RGYA MTSO LTA BU LAS CHA SHAS TZAM BRJOD PA STE, ZHIB PAR NI BLO CHEN RGYAL BA'I SRAS PO RNAMS KYIS KYANG DPAG PAR GA LA NUS, CHES THUN MONG MA YIN PA'I RNAM PAR THAR PA NI LOGS SU CUNG ZAD BRI BAR BYA BA LAS SHES PAR BYA'O, ,DE LTAR RJE BLA MA BKA' DRIN MTSUNGS PA MED PA DUS GSUM SANGS RGYAS THAMS CAD KYI NGO BO RGYAL BA KHYAB BDAG RDO RJE 'CHANG CHEN PO RJE BTZUN NGAG DBANG BYAMS PA RIN PO CHE GANG GI SKU GSUNG THUGS KYI MDZAD PA'I RNAM PAR THAR PA LAS BRTZAMS TE RTOGS PA BRJOD PA 'DI NI, RJE BLA MA GANG GI SLOB BU KUN GYI THA SHAL BA BDAG NYID KYIS MTSON BKA' DRIN GYIS 'TSO BA THAMS CAD TSE RABS KUN TU RJE BTZUN GANG GI ZHABS KYI PADMO LA 'DUD PA DANG MI 'BRAL BA DANG, GANG GI GSUNG GI GSANG BAM LUS PA 'DZIN PA'I SRAS KYI THU BOR 'GYUR PA DANG, BKA' BZHIN SGRUB PA'I MCHOD PAS MNYES PAR BYAS TE ZUNG 'JUG RDO RJE 'CHANG CHEN PO'I GO 'PHANG MNGON DU BYED NUS PA RNAMS KYI PHYIR DU BGYIS PAS, GSOL BA RTZE GCIG TU BTAB PA'I DON RNAMS BDE BLAG NYID DU 'GRUB PAR BYIN GYIS BRLAB TU GSOL, ,RMAD BYUNG BYANG CHUB MCHOG LA RAB GZHOL BLO GROS RGYA MTSO'I GTING

, ,MTHA' MI MNGON PA, ,SPYOD PA'I RLABS 'PHRENG RAB TU 'KHRUG CING BSDU BZHI'I RIN CHEN BYE BA'I PHUNG PO RTAG TU CHAGS, ,KUN LA PHAN PA'I CHU CHEN RAB 'BAB BDE CHEN DANG MO'I DPAL GYIS BRJID LDAN PA'I, , RJE BTZUN BLA MA BKA' DRIN MTSUNGS MED THUGS RJE'I ZEGS MA PHYOGS BCUR 'PHRO KHYOD SNYING DBUS BZHUGS, ,KHYOD KYI SPYOD PA RTOGS DKA'I CHU GTER GTING DANG MTHA', DPAG YAS BLO 'CHANG SEMS DPA' RNAMS KYANG SHES RAB RKANG, RING DU MI RKYONG DE PHYIR BDAG BLO BYIS PA'I 'GROS, ,JI 'DRA ZHIG GIS BRGAL BAR 'DOD PA GAD MO'I GNAS, ,DE LTA NA'ANG DRI BZHON LA ZHON BAL 'DAB DANG, ,DBYUG GUS BSKUL PA'I PA tA HA RNAMS LAG 'GRO'I DGRA ,CHU KHUR GLAL BA'I DBYANGS SU 'GRAN BZHIN GANG GI MTHUS, ,BRJOD PA 'DI NI RDO RJES PHUG RDOR KHYI SPU BZHIN, ,LEGS BSHAD DBU BA DKAR PO'I 'DZUM PHRENG RING, ,KUN NAS G-YO BA'I DBYANGS KYI RGYA MTSO 'DI, ,DPAL LDAN STOBS KYI GZI LDAN BLA MA LHA, ,MGON PO KHYOD LA SGRUB PA'I MCHOD PA LAGS, ,KHYOD KYI YON TAN RGYA MTSO LTA BU LAS, ,CHA SHAS PHRA MO TZAM YANG BRJOD PA LA, ,BLO CHEN RGYAL SRAS BLO GROS KHYOGS 'PHYANG MOD, ,'ON KYANG BYIS PA'I BLO YIS 'BAD PAR BYAS, ,DBYAR RNGA BRDUNGS PA'I GLU DAG LA, ,RMA BYA'I MJUG SGRO BRKYANGS TE RGOD, ,'DI BZHIN CHOS KYI DBYANGS 'DI LA, ,DAD LDAN CA CO CIR YANG SGROG ,ME GHA RGOD LA RMA BYAS KYANG, ,BSGRUN MIN

TING 'DZIN DGA' BA MCHOG ,DE YANG BLA MA LA MOS PA'I, ,TING 'DZIN 'DI NYID SHIN TU BSNGAGS, ,BAD GZHON SBRANG RTZI 'THUNG PA'I BCUD, ,LUS LA BSIM PA'I BUNG BA'I SKAD, ,BSGYUR PA'I SGRA LA DGA' BA YI, ,DRANG SRONG JI BZHIN KUN KYANG TSIMS, ,RIN CHEN RI BO'I ZOM DAG LA, ,GNAS PA'I GRUB PA'I SKYES BU DANG, ,LHAN CIG RDZU 'PHRUL BYED PA LA, ,SKYE BO KUN KYANG DPE MED ZER, ,DE YIS BSGRUN MIN DAD PA LAS, ,SKYES PA'I CHOS KYI RO BCUD LA, ,RAB TU ROL PA'I DAD LDAN KUN, ,'DI LA ROL PAS DGA' BDER SPYOD, ,DE LTAR TSUL 'DIR 'BAD PA'I DGE PA YIS, ,MGON PO KHYOD KYIS TSE RABS THAMS CAD DU, ,'BRAL BA MED PAR RJES SU BZUNG NAS KYANG, ,GSUNG GI BDUD RTZI NGOMS MED 'THUNG BAR SHOG ,DE YI MTHU LAS TSE RABS THAMS CAD DU, ,NGES 'BYUNG BYANG SEMS YANG DAG LTA BA DANG, ,RIM GNYIS LAM GYI RTOGS PA MTHAR PHYIN NAS, , RDZOGS PA'I SANGS RGYAS GO 'PHANG MYUR THOB SHOG ,CES DUS GSUM RGYAL BA KUN GYI NGO BO DKYIL 'KHOR RGYA MTSO'I MNGA' BDAG BKA' DRIN MTSUNGS MED RJE BTZUN BLA MA DAM PA NGAG DBANG BYAMS PA RIN PO CHE'I RNAM PAR THAR PA RGYA MTSO LTA BU LAS, CHA SHAS TZAM BRJOD PAR BYED PA'I GTAM DAD PA'I 'DAB BRGYA YONGS SU BZHAD PAR BYED PA'I NYI MA ZHES BYA BA 'DI NI, RJE BTZUN BLA MA DAM PA DE NYID KYI GSUNG LAS SKYES PA'I MKHAS GRUB KYI SKYE BO RGYA MTSO LTA BU RNAMS DANG, KHYAD

, ,PAR DU YANG BLA MA DAM PA MNYES PA GSUM GYIS MNYES PAR BYED PA NYE GNAS CHEN PO RAB 'BYAMS PA BLO BZANG DAR RGYAS DANG, RI KHROD 'DZIN PA'I DGE SLONG YE SHES RGYAL MTSAN LA SOGS PA RNAMS DANG, 'BRU LA MKHAN CHEN YE SHES BSTAN SGRON SOGS DANG, SPYIN BDAG CHEN PO GUNG PAndI TA DANG, JA SAG BLA MA THU'U KVAN KHO THOG THU SOGS NAS BSKUL ZHING, RANG NYID KYANG TSE RABS THAMS CAD DU, RJE BLA MA NYID KYIS 'BRAL BA MED PAR RJES SU 'DZIN PA'I CHED DU BSAMS NAS, SLOB BU KUN GYI THA SHAL BA DGE SLONG BLO BZANG DPAL LDAN YE SHES KYIS GUS PA CHEN POS SUG BRIS SU BYAS PA'O,, ,, ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, SPYOD PHYIR BKRA SHIS LHUN GRUB CHOS GRVA CHER, ,CHOS SPYIN 'DZAD MED DAL 'GRO'I RGYUN 'DI SBEL, , MANGGA LAm,, ,,

[BLANK PAGE]