A Compilation of the Scattered Writings of that Holy Speaker of the Dharma, Lobsang Yeshe

, ,CHOS SMRA BA'I BTZUN PA BLO BZANG YE SHES KYI NGAG THOR BU PA RNAMS CHABS GCIG TU BSGRIGS PA BZHUGS SO,,

, ,ZHING MCHOG DAM PA DGA' LDAN GNAS MCHOG NAS, ,GLANG CHEN THAL KAR MCHOG GYUR RNAM PAS GSHEGS, ,SGYU 'PHRUL GSO SBYONG MDZAD PA'I LHUMS ZHUGS NAS, ,'GRO KUN RJES 'DZIN LUM BI'I TSAL BLTAMS PA'I, ,MNYAM MED SH'AKYA'I RGYAL PO GANG DER 'DUD,, ` DGE LEGS SHES BYA'I DKYIL 'KHOR RAB TU RGYAS, ,BLO BZANG MKHYEN BRTZE'I 'OD STONG PHYOGS BCUR 'PHRO, ,BSOD NAMS YE SHES TSOGS GNYIS RAB RDZOGS PA'I, ,DPAL LDAN BLA MA DAM PAR GSOL BA 'DEBS, ZHES PA 'DI NI ZHABS 'BRING PA RNAMS KYIS 'DI LTA BU ZHIG DGOS ZHES YANG YANG BSKUL BA'I NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU THOGS MED DU SUG (*, , ZLA MED STON PA DON KUN GRUB,, *, ,BDE LDAN ZHING MGON 'OD DPAG MED,,)

, ,BRIS SU BGYIS PA'O,, ` BSLU MED DKON MCHOG GSUM GYI NGO BO NYID, ,RGYUD SDE BZHI YI DGONGS DON 'BYED PA DANG, ,THUB BSTAN RGYAL MTSAN PHYOGS BCUR SPEL BA LA, ,BLO BZANG GRAGS PA'I DPAL DANG DBYER MED PA'I, ,DPAL LDAN BLA MA DAM PA ZHABS BRTAN SHOG, ` RDO RJE 'CHANG GIS LEGS PAR BKA' STZAL PA'I, ,GSANG SNGAGS RGYUD SDE'I DGONGS PA 'GREL PA LA, ,BLO BZANG GRAGS PA'I DPAL DANG MGON PO KHYOD, ,MNYAM NYID MTSUNGS MED DAM PAR GSOL BA 'DEBS, ZHES PA 'DI NI SNGAGS PA'I LAS 'DZIN PA RNAMS KYIS RJE ZHAL SNGA NAS SNGAGS PA LA GSOL 'DEBS TSOGS 'DON DU BTZUGS CHOG PA ZHIG DGOS ZHES YANG YANG BSKUL BA LA BRTEN NAS, (*, ,RGYAL KUN SPYI GZUGS TZONG KHA PA,, *, ,BLO BZANG YE SHES BSTAN 'GRO'I DPAL,,)

CHOS SMRA BA'I BTZUN PA BLO BZANG YE SHES KYI SA THOGS MED DU SMRAS PA'O,, ` BLO GROS BZANG POS THUGS KYI BANG MDZOD GTAMS, ,MKHA' MNYAM 'GRO RNAMS BYAMS DANG BRTZE BAS SKYONG, ,PHYOGS GLANG GRAGS PA'I RING LUGS BLA NA MED, , GDUL BYA YONGS KYI RNA BAR SGROG MKHAS PA'I, ,BSHES GNYEN BZANG PO'I ZHABS LA GSOL BA 'DEBS, ZHES PA 'DI NI THOS BSAM GLING GI LAS 'DZIN PA RNAMS KYIS RJE ZHAL SNGA NA THOS BSAM GLING PA LA GSOL 'DEBS TSOGS 'DON DU BTZUGS CHOG PA ZHIG DGOS ZHES YANG YANG BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS THOGS MED DU SMRAS PA'O,, ` SKU GSUM LHUN GRUB KHRO BA NYER ZHI YANG, ,MA RUNGS 'DUL PHYIR 'PHRIN LAS RNAM BZHI STON, ,BKRA SHIS LHUN GYIS GRUB PA'I CHOS GRVA CHE, ,G-YEL MED RTAG TU BSRUNG ZHING SKYONG BA YI, ,'DOD KHAMS DBANG PHYUG RE MA TI LA BSTOD,, ` BYANG SHAR MA RU TZE YI DUR KHROD NAS, ,BSTAN LA GNOD PA'I DAM NYAMS MA LUS PA, ,MNGON SPYOD DRAG PO'I CHAD PAS TSAR GCOD PA'I, ,BSTAN SRUNGS CHOS SKYONG LCAM SRING GNYIS LA BSTOD,, ` GRUB PA'I DBANG PHYUG PADMA 'BYUNG GNAS KYIS, ,BKA' BSGOS DAM TSIG GNYER DU GTAD PA YI, ,LHA YI DGE BSNYEN ZLA BA'I COD PAN CAN, ,SPRUL PA'I CHOS SKYONG CHEN PO KHYOD LA BSTOD,, BKRA SHIS,, ` NA MO GU RU MANYDZU GHO sh'A YA, 'DIR DMAR SER GUR KUM MDOG CAN 'JAM DPAL DBYANGS LA BRTEN PA'I BLA MA'I RNAL 'BYOR NYAMS SU LEN PAR 'DOD PA'I GANG ZAG GIS, SKYABS

, ,'GRO SEMS BSKYED TSAD MED BZHI SGOM BRGYUD DANG 'DRES NGES PA SNGON DU BTANG LA, MA NAM MKHA'I MTHA' DANG MNYAM PA'I SEMS CAN THAMS CAD ZAB MO STONG NYID RTOGS PA'I SHES RAB DANG MI LDAN PAS, 'KHOR BA SDUG BSNGAL GYI RGYA MTSO 'DIR SKYES NAS YUN RING LA SHUGS DRAG PA'I SDUG BSNGAL MYONG 'DUG KYANG, DA DUNG SDUG BSNGAL GYI GTING MTHA' MNGON PAR DKA' BAR 'DUG ,DES NA BDAG GIS TSE GCIG LUS GCIG LA RJE BTZUN 'JAM PA'I DBYANGS KYI GO 'PHANG SNGON DU BYAS TE, NAM MKHA'I MTHA' DANG MNYAM PA'I SEMS CAN THAMS CAD SPYIR 'KHOR BA DANG, KHYAD PAR NGAN 'GRO'I SDUG BSNGAL LAS BSGRAL, RNAM MKHYEN RGYAL BA'I GO 'PHANG LA DGOD PAR BYA'O, ,DE'I PHYIR DU BLA MA RJE BTZUN 'JAM DPAL DBYANGS KYI RNAL 'BYOR NYAMS SU BLANG BANG BYA'O SNYAM PA'I BSAM PA BCOS MA MA YIN PA DUNG DUNG BA BSKYED PA'I NGANG NAS, SGRUB PA PO RANG THA MAL DU GNAS PA'I SPYI BOR CHU SKYES NYI ZLA RGYAS PA'I STENG DU BKA' DRIN GSUM LDAN GYI RTZA BA'I BLA MA DANG DBYER MA MCHIS PA'I RJE BTZUN 'JAM PA'I DBYANGS DMAR SER GUR KUM BZANG PO'I MDOG CAN, ZHAL GCIG PHYAG GNYIS PA CHOS STON GYI PHYAG RGYAS AUTPA LA'I SDONG BU'I RTZA BA THUGS KAR BZUNGS NAS 'DAB MA SNYAN GYI THAD DU KHA BYE BA'I STENG NA MI SHES PA'I MUN PA GCOD PA'I SHES RAB KYI RAL GRI DANG, STONG NYID ZAB MO'I DON STON PA'I SHER PHYIN GYI PUSTE KA BSNAMS PA DBU SKRA RAL PA'I THOR TSUGS CAN, RAL PA'I ZUR PHUD LNGA DANG LDAN PA, DBU LA ME TOG GI PHRENG BAS MDZES SHING RIN PO CHE'I

RGYAN BRGYAD KYIS SPRAS PA, SKU STONG LHA RDZAS KYI DAR GYI STONG G-YOGS DANG, SKU SMAD LHA RDZAS KYI DAR GYI SHAM THABS GSOL BA, SGEG BA 'DZUM PA'I NYAMS DANG LDAN PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um YIG LAS 'OD ZER 'PHROS, RANG BZHIN GYI GNAS NAS RANG 'DRA'I YE SHES PA SPYAN DRANGS, SPYI PO'I BLA MA RJE BTZUN 'JAM PA'I DBYANGS LA THIM PAS GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, BRGYUD PA'I BLA MA YI DAM SANGS RGYAS BYANG SEMS DPA' BO MKHA' 'GRO'I CHOGS DANG BCAS PA THAMS CAD RJE BTZUN 'JAM DBYANGS KYI RNAM PAR SPYAN DRANGS, SPYI BOR BZHUGS PA'I BLA MA LA THIM PAS DE NYID SKYABS GSUM KUN 'DUS KYI BDAG NYID DU MOS LA, YAN LAG BDUN PA MAndAL DANG BCAS PA RGYAS BSDUS CI RIGS PA PHUL, DE NAS GSOL BA 'DEBS PA NI, GANG GIS RTZE GCIG GUS PAS MCHOD GYUR NA, ,STONG NYID RTOGS PA'I SHES RAB STZOL MDZAD CING, ,RGYAL BA KUN GYI YAB GCIG 'JAM DPAL DANG, ,DBYER MED DPAL LDAN BLA MAR GSOL BA 'DEBS, ,BDAG GI BLO LA DGE SEMS KHYAD PAR CAN SKYE BAR BYIN GYIS BRLAB TU GSOL, BDAG GI BLO CHOS SU 'GRO BAR BYIN GYIS BRLAB TU GSOL, CHOS MA YIN PA'I RNAM RTOG SKAD CIG KYANG MI SKYE BAR BYIN GYIS BRLAB TU GSOL, CHOS SGRUB PA'I PHYI NANG GI BAR DU GCOD PA THAMS CAD NYE BAR ZHI BAR BYIN GYIS BRLAB TU GSOL, KHYAD PAR ZAB MO STONG NYID RTOGS PA'I SHES RAB MYUR DU RGYUD LA SKYE BAR BYIN GYIS BRLAB TE

, ,GSOL, ZHES GSOL BA BTAB BAS, SPYI BO'I BLA MA'I SKU GSUNG THUGS KYI GNAS GSUM GYI YI GE GSUM LAS BDUD RTZI DKAR DMAR MTHING GSUM GYI RGYUN BABS PAS, RANG GI SPYI BO NAS RKANG MTHIL GYI BAR BDUD RTZIS MIR GYIS GANG, LUS NGAG YID GSUM GYI SDIG SGRIB THAMS CAD DAG ,BLA MA'I SKU GSUNG THUGS KYI BYIN RLABS ZHUGS PAR BSAM, SLAR YANG, BLA MA RJE BTZUN 'JAM DBYANGS, BDAG DANG NAM MKHA'I MTHA' DANG MNYAM PA'I SEMS CAN THAMS CAD BLA MA KHYED RANG LTA BUR BYIN GYIS BRLAB TU GSOL, ZHES GSOL BA BTAB BAS, SPYI BO'I BLA MA DE NYID RANG LA THIM PAS RANG NYID BLA MA RJE BTZUN 'JAM PA'I DBYANGS SU GYUR PA LA NGAG RGYAL DANG GSAL SNANG BRTAN PA'I BLA MA LHA'I RNAL 'BYOR LA GNAS BZHIN PA'I NGANG NAS RANG GI SNYING KHAR SHES RAB KYI 'KHOR LO RTZIBS PA'I DRUG PA'I LTE BAR DH'I: DANG, MDUN NAS G-YAS SKOR DU RTZIBS DRUG LA AA RA PA TZA NA'I SNGAGS PHRENG GSAL BTAB NAS BZLAS PA BYA, MJUG TU, DGE BA 'DI YIS MYUR DU BDAG, CES SOGS BSNGO BA SMON LAM BKRA SHIS KYIS BRGYAN PA BYA'O, ,ZHES PA 'DI NI RIGS KUN KHYAB BDAG RDO RJE 'DZIN PA CHEN PO BLO BZANG DON GRUB PAS BLA MA'I RNAL 'BYOR 'KHYER BDE BA ZHIG DGOS ZHES BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, ` AOm BDE LEGS SU GYUR CIG ,BLO BZANG BSTAN PA'I 'CHI MED LAM YANGS NAS, ,MKHYEN BRTZE'I YE SHES SNANG BYED STONG 'PHRO BAS, ,MA LUS 'GRO BA'I MUN PA SEL MDZAD PA'I,,

BSHES GNYEN NYIN MO'I MGON PO ZHABS BRTAN SHOG ,TSUL KHRIMS RNAM DAG RTZA BA RAB BRTAN CING, ,RIM GNYIS ZAB MO'I BANG RIM MNGON PAR MTHO, ,MKHAS MANG GSER RI'I DBUS NA LHAM ME BA, ,'GRO 'DREN SA 'DZIN DBANG PO ZHABS BRTAN SHOG ,BLO CHEN RTZAL LDAN SPYOD PA RAB RDZOGS SHING, ,'PHRIN LAS BZANG PO'I GAR GYIS RNAM ROL PA, ,MKHYEN PA'I YE SHES GOMS PA MTHAR PHYIN PA'I, ,'GRO 'DREN DAM PA YUN RING ZHABS BRTAN SHOG ,BLO BZANG GRAGS BRTAN BSIL RI LA GNAS SHING, ,MDO SNGAGS GZHUNG LUGS RAL PA'I KHUR GYIS BRJID, ,YE SHES LUS STOBS RGYAS PA'I GDONG LNGA PA, ,'GYUR MED RDO RJE'I MCHED ZLAR ZHABS BRTAN SHOG, ,BLO GSAL SKAL BZANG YONGS KYI ZUR PHUD LA, ,RNAM DKAR MDZAD PA'I GOM PA 'GOD MKHAS PA, ,YE SHES MTSAN LDAN 'GRO 'DREN DED DPON CHE, ,BSKAL BRGYAR NAM YANG G-YO BA MED PAR SHOG ,DKON MCHOG THUGS RJE DRANG SRONG BDEN TSIG DANG, ,DAD LDAN SKYE DGU'I MOS PA'I RTEN 'BREL DANG,, BSTAN SRUNGS 'DOD KHAMS DBANG PHYUG MTHU STOBS KYIS, ,BSTAN PA'I SGRON ME YUN RING ZHABS BRTAN SHOG, ,'DIS MTSON RNAM DKAR DGE BA'I PHUNG PO'I MTHUS, ,DPAL LDAN BLA MAS 'BRAL MED RJES BZUNGS TE, ,SA DANG LAM GYI BGROD PA MTHAR PHYIN NAS, ,RNAM MKHYEN THAR PA'I GLING DU PHYIN PAR SHOG, CES PA 'DI NI NYE 'KHOR BA RNAMS KYIS RING 'TSO'I TSIGS BCAD TSOGS 'DON DU BTZUGS CHOG PA ZHIG DGOS ZHES BSKUL BA LA BRTEN NAS SH'AKYA'I BTZUN PA BLO BZANG YE SHES KYIS YID

, ,DGA' CHOS 'DZIN DU SBYAR BA'O,, MANG+GALAm,, ` AOm BDE LEGS SU GYUR CIG ,NAM MKHA'I NOR BU BYE BA'I 'OD 'BAR ZHING, ,LEGS BYAS KUN GYI DBUS NA LHAM ME BA, ,RIN CHEN DU MA'I PHRA MDZES COD PAN 'DI, ,NYI MA'I GNYEN GYI DBU LA PHUL BA YIS, ,THUB DBANG BSTAN PA YUN RING GNAS PA DANG, ,KHYAD PAR RGYAL BA GNYIS PA TZONG KHA PA'I, ,BSTAN PA RIN CHEN DAR ZHING RGYAS PA DANG, ,SKYE DGU YONGS LA BDE SKYID 'BYUNG BAR SHOG ,GZHAN YANG DGE DES TSE RABS THAMS CAD DU, ,SH'AKYA SENG GES 'BRAL MED RJES BZUNGS NAS, ,TSOGS GNYIS GO 'PHANG YON TAN RAB RDZOGS TE, ,KUN MKHYEN RGYAL BA'I GO 'PHANG MYUR THOB SHOG, ` BHYOO: SANGS RGYAS BSTAN PA BSRUNG BA'I RTEN MTSON PA'I, ,DAR GYI RGYAN LDAN RNAM BKRA'I RTEN THUGS 'DI, ,DPAL LDAN LHA MO DGYES PA BSKYED PHYIR DU, ,'BUL GYI SANGS RGYAS BSTAN PA'I BYA RA MDZOD, ,RDO RJE 'CHANG GIS BKA' BSTOS DAM BZHAG PA'I, ,'DOD KHAMS DBANG PHYUG 'KHOR DANG BCAS RNAMS KYIS, ,PHYI DANG NANG GI BSTAN DGRA DAM NYAMS RNAMS, ,DRAG PO'I CHAD PAS SGROL BA'I 'PHRIN LAS MDZOD, ,BKRA SHIS LHUN GYIS GRUB PA'I DGON GNAS CHE, ,DAR ZHING RGYAS LA YUN DU GNAS PA DANG, ,DE 'DZIN SKYES BU RNAMS KYI ZHABS BRTAN CING, ,'PHRIN LAS YAR NGO'I ZLA LTAR 'PHEL BAR MDZOD, MANG+GALAm,, ` AOm SVASTI, RGYA CHEN BLO YI RTA LJANG GIS DRANGS PAS, ,BZANG MANG GSUNG RAB MKHA' LA THOGS MED RGYU, ,YE SHES NYIN BYED 'BUM

GYI GZI 'BAR BAS, ,SKYE DGU'I MUN STUG SEL LA GSOL BA 'DEBS, ,RABS CHEN TSOGS GNYIS CHU GTER LAS 'THON PA'I, ,MDZES SDUG SKU YI SA 'DZIN DBANG PO'I SBOR, ,SKU BZHI 'BRAS BU'I LCOG GIS RAB MDZES PA'I, ,BSHES GNYEN RI DBANG MCHOG LA GSOL BA 'DEBS, ,PHUL BYUNG BLO GROS BZANG PO'I GZHAL MANG KHANG, ,SNYING STOBS YE SHES BA GAM MTHON PO'I RTZER, ,BSTAN PA'I RGYAL MTSAN 'DZIN LA ZLA BRAL BA'I, ,YONGS 'DZIN DGE BA'I BSHES LA GSOL BA 'DEBS, , BSKAL BRGYA'I BAR DU KHYOD SKU'I DKYIL 'KHOR NI, ,NAG PHYOGS PHYOGS GOS GNOD PAS MI SGRIB CING, ,LEGS BSHAD GSUNG GI 'OD BRGYA'I SNANG BA NI, ,THUB BSTAN PADMO'I GNYEN DU 'GYUR BAR SHOG ,DENG NAS YANG SRID SKYE BA THAMS CAD DU, ,MGON KHYOD BKA' BZHIN BSGRUB PAS MNYES PA DANG, ,BSHAD SGRUB BSTAN PA'I BYA BA MTHAR PHYIN TE, ,DAD LDAN 'GRO BA'I DPAL DU 'GYUR BAR SHOG, CES PA 'DI NI BYANG PHYOGS KYI BSTAN PA'I MNGA' BDAG ZHABS DRUNG NGAG DBANG BLO BZANG BSTAN PA'I RGYAL MTSAN GYI GSUNG GIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` NA MO MANYDZU GHO sh'A YA, MTHU STOBS NUS PA'I SGYU 'PHRUL BRGYA PHRAG GIS, ,BYANG PHYOGS 'GRO BA 'DREN PAR LUNG BSTAN PA'I, ,TSUL KHRIMS MTSAN GYI GRAGS 'BAR DGE BA'I BSHES, ,SPYAN SNGAR RIN PO CHE LA GSOL BA 'DEBS, ,BSOD NAMS BYE BA'I DPAL GYIS LEGS BSKRUN PA'I, ,MTHON PO'I RIGS SON LUNG RTOGS DAM CHOS KYI, ,BSTAN

, ,PA'I RGYAL MTSAN 'DZIN PA'I CHOS KYI RJE, ,BSOD NAMS RGYAL MTSAN ZHABS LA GSOL BA 'DEBS, ,GZHON NU NYID NAS BAG YOD BLO GROS KYIS, ,RNAM DAG BCAS PA'I MTSAMS LAS MI 'DA' ZHING, ,RGYAL BA GNYIS BA'I BSTAN PA RGYAS MDZAD PA'I, ,SEMS DPA' CHEN PO'I ZHABS LA GSOL BA 'DEBS, ,TSOGS GNYIS RGYA MTSO'I 'DZIN LAS LEGS 'THON ZHING, ,THOS BSAM BSGOM PA'I BYI DOR GYIS MDZES PAS, ,RNAM MANG GDUL BYA'I RE BA SKONG MDZAD PA'I, ,BSHES GNYEN DAM PA'I ZHABS LA GSOL BA 'DEBS, ,BLO GROS LUS STOBS GSER GYI 'KHOR LO YIS, ,BYANG PHYOGS CHOS KYI SRID LA DBANG BSGYUR ZHING, ,DREGS LDAN DU MA'I SPYI BOR NGAL GSO BA'I, ,BLO GROS RGYA MTSO'I ZHABS LA GSOL BA 'DEBS, ,'CHAD RTZOD RTZOM LA THOGS MED NGAG GI DBANG, ,BLO BZANG BSTAN PA'I RGYAL MTSAN 'DZIN PA LA, ,MTSUNGS BRAL DAM PA'I RJES 'GROR YONGS BSNGAGS PA'I, ,'GRO BA'I 'DREN PA MCHOG LA GSOL BA 'DEBS, ,MGON KHYOD BSTOD PA'I RAB DKAR DGE BA'I MTHUS, ,TSE RABS KUN TU KHYED KYIS RJES 'DZIN CING, ,DAM PA'I ZHABS ZUNG SRID MTHAR BRTAN PA DANG, ,BKRA SHIS DPAL GYIS PHYOGS KUN KHYAB PAR SHOG, CES LA MO ZHABS DRUNG GI SPRUL PA'I SKU NGAG DBANG BLO BZANG BSTAN PA'I RGYAL MTSAN GYI 'KHRUNGS RABS DANG 'BREL BA'I GSOL 'DEBS BRTAN BZHUGS KYI RIM PAR PHYE BA 'DI NI, DBON CHUNG NGAG DBANG PHUN TSOGS SOGS GRVA RIGS RNAMS KYIS MGRIN GCIG TU BSKUL BA

LA BRTEN NAS SH'AKYA'I BTZUN PA BLO BZANG YE SHES KYIS SMRAS PA DGE LEGS SU GYUR CIG, ` SVASTI, 'DIR BLA MA'I RNAL 'BYOR SGOM PAR 'DOD PAS, SKYABS 'GRO SEMS SKYED RGYUD DANG 'BRES NGES PA SNGON DU BTANG, MA SEMS CAN THAMS CAD KYI DON DU MYUR BA MYUR BAR KUN MKHYEN SANGS RGYAS BCOM LDAN 'DAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU BLA MA'I RNAL 'BYOR BSGOM PA'I NYAMS LEN LA 'JUG PAR BYA'O SNYAM DU BSAMS PA'I SGO NAS, MDUN GYI NAM MKHAR SENG KHRI PAD ZLA'I STENG, ,KHYAB BDAG RDO RJE 'CHANG DANG DBYER MED PA'I, ,RTZA BA'I BLA MA GSUM LDAN RDO RJE 'DZIN, ,SKU MDOG DKAR SER ZHAL GCIG PHYAG GNYIS KYI, ,PHYAG G-YAS CHOS 'CHAD G-YON PA MNYAM GZHAG STENG, ,BDUD RTZIS GANG BA'I DRANG SRONG SNOD MCHOG BSNAMS, ,CHOS GOS GSUM GSOL GSER MDOG PAn ZHVAS MDZES, ,GNAS GSUM YI GE GSUM MTSAN 'OD ZER GYIS, ,RANG BZHIN GNAS NAS RANG 'DRA'I YE SHES PA, ,SPYAN DRANGS DAM TSIG PA DANG DBYER MED GYUR,, RIGS KUN BDAG PO KHYAB BDAG RDO RJE 'CHANG, ,SNYIGS DUS DUNG SMRIG GAR GYIS RNAM ROL ZHING, ,BDE LEGS 'DOD DGU MA LUS STZOL MDZAD PA'I, ,RJE BTZUN BLA MA'I ZHABS LA GUS PHYAG 'TSAL, ,DNGOS BSHAMS YID SPRUL PHYI NANG MCHOD SPRIN 'BUL, ,THAG MED NAS BSAGS SDIG LTUNG MA LUS BSHAGS, ,RANG GZHAN RNAM DKAR DGE LA RJES YI RANG, ,CHOS 'KHOR RGYUN CHAD MED PAR BSKOR BA DANG, ,MYA NGAN MI 'DA' RTAG PAR BZHUGS SU GSOL, ,'DIS MTSON RNAM

, ,DKAR BYANG CHUB CHEN POR BSNGO, ,DUS GSUM RNAM 'DREN KUN GYI NGO BO NYID, ,CHOS PHUNG BRGYAD KHRI BZHI STONG 'BYUNG BA'I GNAS, ,'PHAGS TSOGS KUN GYI DBUS NA LHANG NGE BA, ,DPAL LDAN BLA MA'I ZHABS LA GSOL BA 'DEBS, DRAN PA TZAM GYIS BAR CHAD KUN SEL ZHING, ,SKYABS SU SONG NA NGAN 'GRO'I 'JIGS LAS SKYOBS, ,TSUL BZHIN BSTEN NAS DNGOS GRUB KUN STZOL BA'I, ,DRIN CAN BLA MA'I ZHABS LA GSOL BA 'DEBS, ,DKON MCHOG RIN CHEN RNAM GSUM 'DUS PA'I TSOGS, ,GNAS GSUM DPA' BO DPA' MO KUN GYI GTZO, ,BSTAN SRUNGS DAM CAN RGYA MTSOS BKA' SGRUB PA'I, ,DPAL LDAN BLA MA DAM PAR GSOL BA 'DEBS, ,DE LTAR GSOL BA MANG DU BTAB PA'I MTHAR BLA MA 'OD DU ZHU NAS BDAG NYID LA THIM PAR MOS SHING, SKYE BA KUN TU YANG DAG BLA MA DANG ZHES SOGS BSNGO BA SMON LAM BKRA SHIS KYIS BRGYAN PAR BYA'O, ,ZHES PA 'DI NI BOD CHOS RGYAL GYI GDUNG RGYUD DRI MA MED PA GU GE RGYAL SRAS BLO BZANG PADMAS 'DI LTA BU'I BLA MA'I RNAL 'BYOR ZHIG DGOS ZHES BSKUL BA LA BRTEN NAS SH'AKYA'I BTZUN PA BLO BZANG YE SHES KYIS CHOS GRVA CHEN PO BKRA SHIS LHUN PO'I GZIMS KHANG RGYAL MTSAN MTHON PO'I GZIMS CHUNG BKA' GDAMS PHO BRANG DU SBYAR BA'O, MANG+GALAm,, ` AOm SVASTI, MKHYEN BRTZE'I RANG BZHIN PAD DKAR BSIL ZER STENG, ,SHEL DKAR ZHUN MA'I LHUN PO LA 'KHU BA'I, ,'GRO LA THUGS RJE'I SPYAN RAS G-YO BA CAN, ,TSE SBYIN YID BZHIN 'KHOR LOS DGE LEGS STZOL, ,BLO GROS BZANG PO'I

DBYIG 'DZIN KHYON YANGS BAR, ,PHAN BDE'I LHAG BSAM YAL 'DAB CHER RGYAS SHING, ,DEN GNYIS LHUN GRUB 'BRAS BUS YONGS DUD PA'I, ,BSHES GNYEN DAM PA YUN RING ZHABS BRTAN SHOG ,CES PA 'DI NI RVA LO SKU SKYE'I DPON PO BKRA SHIS PHUN TSOGS KYIS BSKUL BA LTAR, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` AOm BDE LEGS SU GYUR CIG ,BLO BZANG RGYAL KUN MKHYEN BRTZE'I 'OD DKAR GYIS, ,SKAL LDAN GDUL BYA'I KUN NA'I TSAL BZHAD CING, ,YE SHES ZER GYIS 'GRO BA'I RE BA SKONG, ,DPAL LDAN BLA MA'I ZHABS LA GSOL BA 'DEBS, ,BLO BZANG BSTAN PA'I BSIL RI LA GNAS SHING, ,MDO SNGAGS GZHUNG LUGS RAL PA'I TSOGS KYIS MDZES, ,YE SHES RIGS PA'I GANG RGYANGS CHER SGROG PA'I, ,SMRA BA'I SENG GE'I ZHABS LA GSOL BA 'DEBS, ,BLO BZANG GRAGS BSTAN SNYAN PA'I RNGA BO CHE, ,SRID RTZE'I BAR DU SGROG LA ZLA BRAL ZHING, ,MKHYEN DANG BRTZE BA'I YE SHES KYO BA YIS,, 'GRO 'DREN DAM PA'I ZHABS LA GSOL BA 'DEBS, ,DKON MCHOG RIN CHEN THUGS RJE'I BYIN RLABS DANG, ,BSTAN SRUNGS DAM CAN BKA' SNGOD MTHU RTZAL DANG, ,DRANG SRONG RIG SNGAGS 'CHANG BA'I BDEN TSIG DANG, ,MTHA' YAS SKYED DGU'I LEGS SPYAD BSOD NAMS MTHUS, ,DPAL LDAN BLA MA YUN RING ZHABS BRTAN SHOG ,'DIS MTSON DUS GSUM RNAM DKAR PHUNG PO'I MTHUS, ,DPAL LDAN BLA MAS 'BRAL MED RJES 'DZIN CING, ,GSUNG DBYANGS SNYAN PO'I 'CHI MED BDUD RTZI YIS, ,CHES

, ,DKAR YID KYI SHEL BUM GANG BAR SHOG ,CES PA 'DI NI RGYAL PO BZHIN DU THA'I JI'I KHA TON DU SH'AKYA'I BTZUN BA BLO BZANG YE SHES KYIS SBYAR BA'O,, MANG+GALAm,, ` AOm BDE LEGS SU GYUR CIG, ,MYUR MGYOGS BLO GROS BZANG PO'I RTA BDUN GYIS, ,ZAB RGYAS SHES BYA'I MKHA' LA THOGS MED RGYU, ,YE SHES GZI 'OD PHYOGS BRGYAR RAB 'BAR BAS, ,PHAN BDE'I PAD TSAL BZHAD LA GSOL BA 'DEBS, ,BLO BZANG BSTAN PA'I DBYIG 'DZIN KHYON YANGS POR, ,RMAD BYUNG MDZAD PA'I DRI BSUNG 'BUM 'PHRO ZHING, ,SKU GSUM YE SHES 'BRAS BUS YONGS DUD PA'I, ,BSHES GNYEN LJON PA'I DBANG POR GSOL BA 'DEBS, ,BLO LDAN SKAL BZANG YID KYI DOR CHER, ,NGO MTSAR 'PHRIN LAS GAR GYI RNAM ROL GYIS YE SHES LAS GRUB GZHAL MED KHANG CHEN BOR, ,'GRO KUN 'DREN MDZAD KHYOD LA GSOL BA 'DEBS, ,BSLU MED BLA MA YI DAM BYIN RLABS DANG, ,BDAG SOGS 'GRO KUN LEGS SPYAD BSOD NAMS MTHUS, ,LEGS TSOGS 'BYUNG GNAS, DPAL LDAN BLA MA YI, ,ZHABS ZUNG SRID MTHA'I BAR DU BRTAN GYUR CIG, ,DE LTAR RTZE GCIG GSOL BA BTAB PA'I MTHUS, ,TSE RABS KUN TU BSHES GNYEN CHEN PO YIS, ,'BRAL BA MED PAR RJES SU 'DZIN PA DANG, ,RNAM MKHYEN NOR BU'I GLING DU MYUR BGROD SHOG ,CES PA 'DI NI RGYAL PO PHUN TSOGS RGYA MTSOS BSKUL BA LTAR, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU BRIS PA'O,, SARBA MANG+GALAm,, ` NA MO GU RU, RIGS BRGYA'I BDAG PO DPA'

LDAN RDO RJE 'CHANG, ,BSHES GNYEN TSUL BZUNGS BLO BZANG GRAGS BSTAN DPAL, ,DON KUN GRUB PA'I RAB 'BYAMS GSUNG RAB MDZOD, ,DPAL LDAN BLA MA'I ZHABS LA GSOL BA 'DEBS, ,MTHA' YAS SKYE DGU'I PHAN BDE KUN GYI GZHI, ,RGYAL BA GNYIS PA'I BSTAN PA RIN PO CHE, ,MI NUB RGYAL MTSAN 'DZIN LA ZLA BRAL BA'I, ,RJE BTZUN BLA MA YUN RING ZHABS BRTAN SHOG ,'DI LTAR BGYIS PA'I RNAM DKAR PHUNG PO'I MTHUS, ,MTSUNGS MED RJE BTZUN BLA MA RJES BZUNGS NAS, ,RIM GNYIS ZAB MO'I RNAL 'BYOR MTHAR PHYIN TE, ,ZUNG 'JUG RDO RJE 'CHANG DBANG MYUR THOB SHOG ,CES PA 'DI NI DGE SLONG DON GRUB RGYAL MTSAN GYIS BSKUL BA LTAR SH'AKYA'I BTZUN PA BLO BZANG YE SHES KYIS DANG BAS SMRAS PA'O,, MANG+GALAm,, ,, ` NA MO GU RU, BSLU MED GTAN GYI SKYABS GNAS MCHOG GSUM GYI, ,BYIN RLABS BDUD RTZI'I CHAR CHEN 'BABS MDZAD CING, ,MDO SNGAGS GZHUNG LA MKHYEN PA'I SPYAN YANGS PA, ,DPAL LDAN BLA MA'I ZHABS LA GSOL BA 'DEBS, ,SHING RTA CHEN PO'I BZHED SROL MA LUS PA, ,BSIL LDAN LJONGS 'DIR GSAL BAR MDZAD PA LA, ,'PHAGS CHOGS KUN GYI DBUS NA LHANG NGE BA, ,DPAL LDAN BLA MA DAM PAR GSOL BA 'DEBS, ,BSLU MED BLA MA YI DAM BYIN RLABS DANG, ,BSTAN SRUNGS DAM CAN RGYA MTSO'I MTHU STOGS KYIS, ,MTSAN NYID BCU LDAN YOD 'DZIN DGE BA'I BSHES, ,ZHABS PAD BSKAL BRGYA'I BAR DU BRTAN PAR SHOG ,BLO BZANG GRAGS BSTAN NYID MOR BYED PA YI, ,MDO SNGAGS GZHUNG LUGS DU MA'I LUNG

, ,GIS PHYUG ,'CHAD LA NGAL MED DON LDAN DGE BA'I BSHES, ,DPAL LDAN BLA MA SRID MTHAR ZHABS BRTAN SHOG ,'DI LTAR BSTOD CING GSOL BA BTAB PA'I MTHUS, ,BSHES GNYEN DAM PAS 'BRAL MED RJES BZUNGS TE, ,THOS BSAM SGOM PA'I NYAMS LEN MTHAR SON NAS, ,KUN MKHYEN RGYAL BA'I GO 'PHANG THOB PAR SHOG ,CES PA 'DI NI YONGS KYI DGE BA'I BSHES GNYEN RDO RJE 'DZIN PA CHEN PO BLO BZANG DON GRUB PA'I GSUNG GIS BSKUL BA LA BRTEN NAS SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DGE LEGS SU GYUR CIG, `AOm SVASTI, BLO GROS BZANG PO'I YONGS 'DUS BRTOL RTZER, ,YE SHES 'BRAS BZANG G-YUR DU ZA BA YIS, ,SKAL BZANG GDUL BYA'I 'CHI MED TSOGS RNAMS LA, ,'DOD DGU YID BZHIN STZOL LA GSOL BA 'DEBS, ,BLO BZANG LUNG RTOGS SA 'DZIN LA GNAS SHING, ,BSLAB GSUM RNAM PAR RGYAL BA'I KHANG BZANG RTZER, ,YE SHES RNAM PAR BKRA BA'I RGYAL MTSAN MCHOG ,'DZIN MKHAS DAM PA'I MGON LA GSOL BA 'DEBS, ,MDOR NA DENG NAS TSE RABS THAMS CAD DU, ,DPAL LDAN BLA MAS 'BRAL MED RJES BZUNGS TE, ,RIM GNYIS ZAB MO'I LAM BZANG MTHAR PHYIN NAS, ,ZUNG 'JUG RDO RJE 'CHANG CHEN MYUR THOB SHOG ,CES PA 'DI NI RGYAL PO DGE 'DUN GYIS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU BGYIS PA'O,, MANG+GAm,, ` TSE DANG YE SHES DPAG MED STZOL

MDZAD CING, ,RAB MDZES GZHON NU BCU DRUG LON PA'I NYAMS, ,'GRO LA THUGS RJE'I SPYAN RAS G-YO BA YI, ,BCOM LDAN YID BZHIN 'KHOR LOS DGE LEGS STZOL, ,BLO BZANG GRAGS 'BAR NGAG GI DBANG PHYUG GI ,RING LUGS PHYOGS MTHAR DAR RGYAS SPEL BA LA, ,'PHRIN LAS PHUN TSOGS DPAL LA DBANG 'BYOR PA'I, ,DPAL LDAN BLA MA YUN RING ZHABS BRTAN SHOG ,BSLU MED BLA MA YI DAM BYIN RLABS DANG, ,PHYAG DRUG DAM CAN BSRUNG MA'I MTHU STOBS KYIS, , DANG LDAN SKYE DGU'I 'DREN PA DAM PA YI, ,ZHABS ZUNG MI 'GYUR KHRIL G-YO MED SHOG ,CES PA 'DI NI DRUNG RAM PA BSTAN PA YAR 'PHEL GYIS DPAL 'KHOR CHOS SDE'I MKHAN RIN PO CHE BLO BZANG NGAG DBANG PHUN TSOGS KYI ZHABS BRTAN NYUNG 'DUS SHIG DGOS ZHES BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` RGYAL KUN YAB GCIG RAB ZHIG NGAG GI LHA, ,NGUR SMRIG GAR GYIS RNAM ROL SPRUL PA'I SKU, ,SLAR YANG ZHING 'DIR BYON NAS 'GRO BA'I DON, ,BZHED PA JI BZHIN LHUN GYIS GRUB PAR SHOG ,BLO BZANG BSTAN 'DZIN RGYA MTSO'I SPRUL PA'I SKU, ,YANG YANG GOMS PA'I THUGS RJES RAB BSKUL TE, ,MANG MANG GDUL BYA'I MGON DU MYUR BYON NAS, ,ZAB ZAB DAM CHOS GSUNG GIS 'DOMS PAR SHOG ,BLO BZANG GRAGS PA'I GZHUNG LUGS RGYA MTSO CHE'I, ,LEGS BSHAD GSAR PA'I DGA' STON 'GYED MKHAS SHING, ,MI NUB BSTAN PA'I RGYAL MTSAN 'DZIN PA YI, ,SPRUL SKU'I ZLOS GAR MYUR DU SMIN PAR

, ,SHOG ,SANGS RGYAS KUN DNGOS BLO BZANG BSTAN PA YI, ,BSHAD DANG SGRUB PA'I RING LUGS RGYA MTSO CHER, ,LEGS PAR 'KHRID PA'I DED DPON CHOS KYI RJE, ,THAR 'DOD GDUL BYA'I 'DREN PAR MYUR 'BYON SHOG ,MCHOG GSUM BSLU BA MED PA'I BDEN PA DANG, ,MOS LDAN BSLAB GSUM 'DUS PA'I SDE RNAMS KYIS, ,SNYING NAS SHUGS DRAG YUN RING GSOL BTAB MTHUS, ,SPRUL SKU'I NYIN BYED MYUR DU 'CHAR BAR SHOG ,CES RGYAL SRAS BLO BZANG BSTAN 'DZIN RGYA MTSO'I SPRUL SKU MYUR 'BYON GYI GSOL 'DEBS 'DI NI DPON PO BLO BZANG RGYAL MTSAN DANG NGAG DBANG BSTAN 'DZIN RGYA MTSO GNYIS KYIS BSKUL BA LTAR, CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` NA MO GU RU MANYDZU GHO sh'A YA, SKYABS BSLU MED RTZA BA'I BLA MA DANG, ,DON DBYER MED KUN MKHYEN TZONG KHA PAS, ,DUS KUN TU 'BRAL MED RJES BZUNGS NAS, ,MI BDAG GIS NYING GI PADMOR BZHUGS, ,RTEN DAL 'BYOR MI LUS RIN CHEN 'DI, ,LAR RNYED PAR DKA' BAS DUS NAM YANG, ,DON SNYING PO MED PAR MI BTANG BAR, ,CHOS SNYING NAS TSUL BZHIN SGRUB PAR SHOG, ,TSE 'DI SNANG SRID PA'I PHUN TSOGS 'DI, ,YID MI BRTAN DRI ZA'I GRONG KHYER 'DRA, ,DON DE LTAR SHES NAS DGE SDIG GI ,LAS SPANG BLANG TSUL BZHIN SGRUB PAR SHOG ,SEMS MI G-YO RTZE GCIG GNAS PA'I NGANG, ,DBYINGS SPROS BRAL CHOS KUN STONG PA'I GSHIS, ,YUL PHYAG RGYA CHEN PO'I KLONG YANGS SU, ,DBYINGS RIG BA DBYER

MED SRE BAR SHOG ,RJE BLO BZANG CHOS KYI RGYAL MTSAN GYI, ,THUGS SGYU 'PHRUL DRA BA'I YE SHES LAS, ,DUS DA LTA DUR SMRIG RNAM ROL BA'I, ,RJE KHYED KYIS 'BRAL MED RJES 'DZIN SHOG ,CES PA 'DI NI LA MO TSER GSEB SKU RTEN PA'I PHYAG PHYI BSOD NAMS GRAGS PAS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` SVASTI, 'DIR CHER GSEB CHOS SKYONG CHEN PO LA MCHOD GTOR 'BUL BA'I TSUL NI, RANG YI DAM GYI NGA RGYAL DANG LDAN PAS NANG MCHOD MCHOD PA BSKANG RDZAS RNAMS GTOR CHOG SNGAN MA RNAMS SU 'BYUNG BA LTAR BYIN GYIS BRLABS LA,, ` DUS MTHA'I ME DBUNG 'BAR BA'I KLONG DKYIL NA, ,STONG GSUM YUD BGRONG RTA MCHOG RAG PA'I STENG, ,DBANG GI MDOG CAN RAB TU KHROS PA'I SKU, ,ZHAL GCIG PHYAG GNYIS DMAR LA ZLUM PA'I SPYAN, ,DMAR SER SMA RA 'KHYUG CING MCHE BA GTZIGS, ,G-YAS G-YON PHYAG GIS BDE CHEN ZHAGS PA 'DZIN, ,BSE YI KHRAB RMOG SKU DANG DBU LA GSOL, ,SHIN TU BKRA BA'I DAR LJANG STONG G-YOGS DANG, ,ZA 'OG BER CHEN LHAB LHUB KYIS MDZES SHING, ,MDZES LDAN MTSAL BU DU MA ROL DU KHRID, ,'KHOR TSOGS DAM CAN RGYA MTSOS YONGS BSKOR NAS, ,GTUM DRAG RNGAM PA'I TSUL GYIS BZHUGS PAR GYUR,, KYEE; CHOS DBYINGS BDE BA CHEN PO'I PHO BRANG NAS, ,SPRUL PA'I GAR MDZAD LHA YI DGE BSNYEN CHE, ,BSTAN PA BSRUNG ZHING RNAL 'BYOR BU BZHIN DU, ,SKYONG MDZAD DGRA LHA CHEN PO GSHEGS SU GSOL,, AE HYA HI, DAM

, ,TSIG PA DANG GNYIS SU MED PAR GYUR, ,RGYAL BA KUN GYI GSANG BA MA LUS PA, ,GCIG BSDUS MTHU STOBS GAR MDZAD RDO RJE 'DZIN, ,PADM'A KA RA'I DGE BSNYEN TSANGS PA CHER, ,LUS NGAG YID GSUM GUS PAS PHYAG 'TSAL LO,, H'Um; CHOS KUN SPROS PA'I MTHA' DANG RAB BRAL YANG, ,BLO BUR NYES PA'I SKYON GYIS RAB BSGRIBS PA, ,CHU ZLA BZHIN DU NONGS GYUR SGYU MA LTAR, ,GDOD NAS DAG PA'I DBYINGS SU BSHAGS PAR BGYI, ,BDAG CAG NYON MONGS BAG MED DBANG GYUR PAS, ,CHOS SKYONG KHYED KYI DAM LAS 'DAS GYUR PA, ,GNONG ZHING 'GYOD PA'I SEMS KYIS BSHAGS BGYID NA, ,NYAMS CHAGS SOS SHING DNGOS GRUB MA LUS STZOL,, KYEE; BKOD LEGS RIN CHEN SPRAS PA'I SNOD YANGS SU, ,DVANGS 'JAM BSIL BA'I MCHOD YON MTSO LTAR 'KHYIL, ,SPEL LEGS NAM MKHA' GANG BA'I ME TOG 'DIS, ,LHA CHEN TSANGS PA 'KHOR BCAS THUGS DAM BSKANGS, ,SHIN TU DRI ZHIM SPOS KYI DUD PA'I SPRIN,, LHA YI LAM KUN YONGS SU GANG BA DANG, ,'OD ZER STONG 'BAR SGRON ME'I 'PHRENG BA 'DIS, ,LHA CHEN TSANGS PA 'KHOR BCAS THUGS DAM BSKANGS, ,STONG GSUM KUN TU NGAD LDANG DRI CHAB DANG, ,LHA MI'I BZA' BCA' SPUNGS PA'I ZHAL ZAS DANG, ,SNYAN CING 'GYUR BA'I ROL MO'I SGRA DBYANGS 'DIS, ,LHA CHEN TSANGS PA 'KHOR BCAS THUGS DAM BSKANGS, ,ZHING BCU BSGRAL BA'I SNYING KHRAG RLABS KYI PHRENG, ,CHAL CHIL G-YO BAS NAM MKHA' GANG BA DANG, ,DBANG PO

LNGA YI ME TOG SPUNGS PA 'DIS, ,LHA CHEN TSANGS PA 'KHOR BCAS THUGS DAM BSKANGS, ,DRAG PO'I RDZAS MCHOG BSREGS PA'I DUD SPRIN DANG, ,DAM NYAMS GZUGS PHUNG SBAR BA'I ME LCE'I 'OD, ,STONG GSUM KUN TU 'PHRO BA'I SNANG GSAL 'DIS, ,LHA CHEN TSANGS PA 'KHOR BCAS THUGS DAM BSKANGS, ,DGRA BGEGS KHRAG ZHAG GA PUR SBYAR BA LA, ,TING 'DZIN SNGAGS KYIS BDUD RTZIR BYIN BRLABS PA'I, ,GANG+GA'I RGYUN LTAR 'BAB PA'I DRI CHAB 'DIS, ,LHA CHEN CHANGS PA 'KHOR BCAS THUGS DAM BSKANGS, ,SHA RUS SNA TSOGS SPUNGS PA'I ZHAL ZAS DANG, ,THOS PA TZAM GYIS DGRA BGEGS SNYING 'GAS PA'I, ,DRAG PO'I SGRA SGROG RNGAM PA'I ROL MO 'DIS, ,LHA CHEN TSANGS PA 'KHOR BCAS THUGS DAM BSKANGS, ,CHES DKAR MDZES PA'I DAR GYI LA THOD DANG, ,LHA MI'I RIN CHEN STONG GI PHRA BTAB PA'I, ,SIL SIL SGRA 'KHROL RGYAN GYI BYE BRAG 'DIS, ,LHA CHEN TSANGS PA 'KHOR BCAS THUGS DAM BSKANGS, ,LHA MIN MTSON CHAS GZHOM PAR MI NUS PA'I, ,BSE YI YA LANG RMA BYA'I MDONGS KYIS MDZES, ,G-YUL LAS RNAM PAR RGYAL BA'I BSE KHRAB 'DIS, ,LHA CHEN TSANGS PA 'KHOR BCAS THUGS DAM BSKANGS, ,SPRUL PA'I DMAG DPUNG 'GYED BA'I BENG CHEN DANG, ,BTAB PA TZAM GYIS DGRA BGEGS 'BYUNG PO'I TSOGS, ,CIG CAR 'CHING BYED DUS KYI ZHAGS PA 'DIS, ,LHA CHEN TSANGS PA 'KHOR BCAS THUGS DAM BSKANGS, ,RDO RJE'I THOG DANG MTSUNGS PA'I MDA' PO CHE, ,RNO NGAR MI BZAD LDAN PA'I MDUNG THUNG

, ,DANG, DGRA BGEGS SROG RTZA GCOD PA'I RAL GRI 'DIS, ,LHA CHEN TSANGS PA 'KHOR BCAS THUGS DAM BSKANGS, ,RDZU 'PHRUL SHUGS LDAN MDZES PA'I RTA MCHOG DANG, ,RDO RJE'I RVA LDAN DRAG PO'I NGAR SGRA SGROG ,MTSAMS SPRIN LTAR GTIBS ZHOL G-YAG KHAM PA 'DI, ,LHA CHEN TSANGS PA 'KHOR BCAS THUGS DAM BSKANGS, ,MDZES PA'I RGYAN LDAN STOBS LDAN RA DANG LUG ,'PHUR LDING ROL PA'I BYA YI TSOGS RNAMS DANG, ,MCHE GTZIGS GTUM PA'I GCAN GZAN DUM YIS, ,LHA CHEN TSANGS PA 'KHOR BCAS THUGS DAM BSKANGS, ,GLING GZHI LHUN PO GSER GYI RI BDUN DANG, ,NYI ZLA RGYU SKAR RGYAL SRID RIN CHEN BDUN, ,DNGOS BSHAMS YID SPRUL MCHOD SPRIN RGYA MTSO 'DIS, ,LHA CHEN TSANGS PA 'KHOR BCAS THUGS DAM BSKANGS, ,THUGS DAM SKONGS SHING NYAMS CHAGS SOS GYUR NAS, ,BSAM DON MA LUS YID BZHIN 'GRUB PAR MDZOD,, ` 'BUL GTOR YOD TSE 'DIR BYIN GYIS BRLABS NAS 'BUL, ,LHA MI'I MGON PO SNANG MTHA'I 'OD ZER LAS, ,SNA TSOGS SPRUL PA PHYOGS BCUR 'GYED MDZAD CING, ,SKYE DGU YONGS LA BLANG DOR GNAS STON PA'I, ,THOGS MED RDZU 'PHRUL LDAN PA KHYOD LA BSTOD, ,RES 'GA' BTZAN RGOD DREGS PA'I RGYAL PO LTAR, ,SKU MDOG DMAR PO BSE YI GO KHRAB GSOL, ,SPYAN GSUM SDANG MIG MCHE BA GTZIGS PA YIS, ,NGAM NYAMS DGRA BO'I SROG 'PHROG KHYOD LA BSTOD, ,LHA KLU MI YI 'JIG RTEN MA LUS PAR, ,GANG 'DUL CIR YANG SPRUL PA'I RDZU 'PHRUL CAN,

YAB YUM BKA' NYAN SPRUL PA YANG SPRUL SOGS, ,'KHOR TSOGS YUL LHA GZHI BDAG BCAS LA BSTOD, KYEE; MTSO SKYES RDO RJES SGRUB CHEN BKA' BRGYAD DU, ,DBANG BSKUR BYIN BRLABS BSTAN 'DZIN MTHA' DAG DANG, ,KHYAD PAR YANG GSANG BLA MED NYAMS BZHES PA'I, ,RIG 'DZIN KUN GYI PHO LHANG MNGA' GSOL LO, ,DRAN PA TZAM GYIS DNGOS GRUB MA LUS PA'I, ,'DOD DGU'I CHAR 'BEBS DBANG GI RGYAL PO LTAR, ,LHA MI'I DPAL 'BYOR MA LUS STZOL BA YI, ,NOR BDAG KUN GYI GTZO BOR MNGA' GSOL LO, ,KHYOD NI SA GSUM KUN GYI BDAG PO STE, ,DREGS PA'I LHA SRIN THAMS CAD ZIL GYIS GNON, ,DAM NYAMS DGRA BO'I SROG DBUGS LEN MDZAD PA'I, ,DGRA LHA YONGS KYI GTZO BOR MNGA' GSOL LO, ,KHYAD PAR CHOS KYI RGYAL PO TZONG KHA PA'I, ,BSTAN PA TSUL BZHIN 'DZIN PA'I SKYES BU LA, ,'PHRIN LAS RNAM BZHIS G-YEL MED SKYONG MDZAD PA'I, ,CHOS SKYONG KUN GYI GTZO BOR MNGA' GSOL LO, ,MDOR NA RNAL 'BYOR DPON SLOB 'KHOR BCAS KYIS BSTAN SRUNGS KHYED LA GSOL BA BTAB PA'I MTHUS, ,PHYI NANG BAR CHAD MA LUS KUN ZHI NAS, ,BSHAD SGRUB YAR NGO'I ZLA LTAR 'PHEL BAR SHOG ,SHING RTA CHEN PO GNYIS KYI BZHED PA'I GZHUNG, ,GSUNG RAB KUN GYI SNYING PO'I GNAD BSDUS PA, DRI MED RIGS PAS ZHIB MOR 'BYED NUS PA'I, ,RNAM DPYOD SPOBS PA RGYAS PA'I 'PHRIN LAS MDZOD, ,BSTAN PA'I DPAL DU BLA MA'I ZHABS PAD BRTAN, CES SOGS BKRA SHIS CI RIGS PAS MTHA' RTEN NO, ZHES PA 'DI NI LA MO CHER GSEB

, ,CHOS SKYONG CHEN PO LA MCHOD BSTOD MNGA' GSOL DANG BCAS PA 'DI LTA BU ZHIG DGOS ZHES BSOD NAMS GRAGS PAS BSKUL BA LA BRTEN NAS CHOS SMRA BA'I BRTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, ,, ` SVASTI, GZHUNG LUGS KUN MKHYEN DGE 'DUN BSAM GRUB DANG, ,SMRA BA'I NYI MA STOBS LDAN 'OD ZER ZHABS, ,LUNG RIGS SMRA BA CHOS GRAGS GNYIS PA'I RJE, ,DPAL LDAN BLA MA GSUM LA PHYAG 'TSAL LO, ,MKHAS PA'I DBANG PO BLO GROS RGYA MTSO DANG, ,BSTAN PA'I MNGA' BDAG LEGS PA DON GRUB ZHABS, ,THUB BSTAN GNYEN GCIG BLO GROS LEGS BZANG STE, ,MKHAS GRUB DAM PA GSUM LA PHYAG 'TSAL LO, ,SMRA BA'I ZLA BA BSAM GTAN 'OD ZER DANG, ,MKHAS PA'I MCHOG GYUR SH'AKYA YE SHES DANG, ,BSLAB GSUM RNAM DAG DAM CHOS YAR 'PHEL TE, ,SNGOM BRTZON DAM PA GSUM LA PHYAG 'TSAL LO, ,CHOS KUN MKHYEN PA LHA DBANG BLO GROS DANG, ,SH'AKYA'I BSTAN LA BYA BA GRUB PA'I MCHOG ,GDUL BYA'I BSAM PA LHUN GYIS GRUB MDZAD PA, ,YONGS 'DZIN DAM PA GSUM LA PHYAG 'TSAL LO, ,'DUL 'DZIN DAM PA DGE 'DUN 'OD ZER DANG, ,'PHAGS NOR BDUN LDAN DPAL 'BYOR DBANG PO'I RJE, ,RGYAL BSTAN 'DZIN PA GRAGS PA DPAL 'BYOR TE, ,BSHES GNYEN DAM PA GSUM LA PHYAG 'TSAL LO, ,RIG GNAS LA MKHAS CHOS GRAGS RGYAL MTSAN DANG, ,BSLAB GSUM GYIS PHYUG BLO BZANG PADMA'I ZHABS, ,RIGS PA SMRA BA BLO BZANG DPAL 'BYOR DANG, ,MKHAS GRUB

RGYA MTSO RNAMS LA PHYAG 'TSAL LO, ,BLO BZANG GRAGS PA'I RING LUGS DAM PA'I CHOS, ,BSHAD DAR SGRUB PA'I BYA BAS 'DZIN PA LA, ,MKHAS MANG DBUS NA 'GRAN PA'I ZLA BRAL BA, ,BLO GSAL RGYA MTSO'I MGON LA PHYAG 'TSAL LO, ,GSOL 'DEBS DANG 'BREL TSA GONG GI CHIG RKANG THA MA'I PHYAG 'TSAL GYI TSIG RNAMS GSOL 'DEBS SU BSGYUR RO, ZHES PA 'DI NI DRUNG RAM PA SHES RAB DPAL 'BYOR DANG BLO BZANG YANG 'PHEL GNYIS KYIS SHAR RTZE'I SLOB DPON RGYUD 'DEBS 'DI LTA BU ZHIG DGOS ZHES BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O, ,MANG+GALAm,, `SVASTI, BSLAB GSUM RNAM DAG TSUL KHRIMS RAB LDAN CING, ,GZHUNG LUGS GNAS LA THOGS MED MKHYEN PA RGYAS,, RGYAL BA'I BSTAN PA DAR ZHING RGYAS MDZAD PA'I, ,DPAL LDAN BLA MA'I ZHABS LA GSOL BA 'DEBS, ,BLO BZANG BSTAN PA'I RING LUGS DAM PA MCHOG ,GANGS CAN LJONGS 'DIR NYIN MOR BYED PA LA, ,'PHAGS NOR BDUN LDAN DBUS NA MNGON MTHO BA, ,YONGS 'DZIN DAM PA'I ZHABS LA GSOL BA 'DEBS, ,MDO SNGAGS GZHUNG LUGS KUN LA THOGS MED CING, ,LEGS LAM SMRA BAS PHAS RGOL MA LUS 'JOMS, ,RGYAL BSTAN 'DZIN LA 'GRAN PA'I ZLA BRAL BA'I, ,DPAL LDAN BLA MA'I ZHABS LA GSOL BA 'DEBS, ,BSLU MED SANGS RGYAS SRAS BCAS BYIN RLABS DANG, ,DRANG SRONG RIG SNGAGS 'CHAR BA'I BDEN TSIG DANG, ,DAM CAN RGYA MTSO'I TSOGS KYI MTHU STOBS KYIS, ,RJE BTZUN BLA MA BSKAL BRGYAR ZHABS BRTAN SHOG ,

, ,CES KHRI RIN PO CHE TSUL KHRIMS DAR RGYAS KYI SKU BSTOD GSOL 'DEBS BRTAN BZHUGS DANG BCAS PA 'DI LTA BU ZHIG DGOS ZHES RAB 'BYAMS PA DPAL 'BYOR RGYAL MTSAN GYIS BSKUL BA'I NGOR RIGS PA SMRA BA'I BTZUN PA BLO BZANG YE SHES KYIS SMRAS PA'O,, ` BLO BZANG BSTAN PA'I 'PHRIN LAS 'OD ZER GYIS, ,DAD LDAN 'GRO BA'I PAD TSAL RGYAS MDZAD CING, ,RIG GNAS SHES BYA KUN LA MKHYEN YANGS PA, ,DPAL LDAN BLA MA'I ZHABS LA GSOL BA 'DEBS, ,BSLAB GSUM YON TAN DU MAS RGYUD PHYUG CING, ,RMAD BYUNG MKHAS PA'I BYA BA GSUM GYIS MDZES, ,KUN MKHYEN GNYIS PA'I BSTAN PA RGYAS MDZAD PA, ,YONGS 'DZIN DGE BA'I BSHES LA GSOL BA 'DEBS, ,DKON MCHOG GSUM GYI BDEN PA'I BYIN RLABS DANG, ,RGYAL BA'I BSTAN SRUNGS RNAMS KYI MTHU STOBS DANG, ,DAD LDAN SKYE DGU YONGS KYIS GSOL BTAB MTHUS, ,DPAL LDAN BLA MA SRID MTHAR ZHABS BRTAN SHOG ,CES PA 'DI NI DZA YA PAndI TA'I SKU BSTOD BRTAN BZHUGS DANG BCAS PA 'DI LTA BU ZHIG DGOS ZHES YONGS KYI DGE PA'I BSHES GNYEN BSOD NAMS GRAGS PAS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` SVASTI, NGAG GI DBANG PHYUG 'JAM DPAL GZHON NU'I SKU, ,DUR SMRIG GAR GYIS RNAM ROL TZONG KHA PA'I, ,BSTAN PA PHYOGS KYI THA GRUR KHYAB MDZAD PA'I, ,'PHRIN LAS RGYUN MI 'CHAD LA GSOL BA 'DEBS, ZHES PA 'DI NI NYI THANG SKU SKYE NGAG DBANG GZHON NU'I SKU BSTOD

TSIGS BCAD 'DI LTA BU ZHIG DGOS ZHES YONGS KYI DGE BA'I BSHES GNYEN BSOD NAMS GRAGS PAS BSKUL BA LA BRTEN NAS RIGS PA SMRA BA'I BTZUN PA BLO BZANG YE SHES KYIS SMRAS PA'O, MANG+GALAm,, ` BLA MA DANG SPYAN RAS GZIGS DBYER MED PA'I ZHABS LA GUS PAS PHYAG 'TSAL LO, ,MDUN GYI NAM MKHAR SKYABS GSUM KUN 'DUS PA'I, ,RTZA BA'I BLA MA RJE BTZUN SPYAN RAS GZIGS, ,SKU MDOG DKAR PO ZHAL GCIG PHYAG G-YAS KYIS, ,MCHOG SBYIN YI DVAGS BKRES SKOM SDUG BSNGAL SEL, ,G-YON PA CHU SKYES SDONG BUS RAB MTSAN ZHING, ,MTSAN DPE'I GZI 'BAR RIN CHEN RGYAN MANG DANG, ,LHA RDZAS GOS KYI NA BZAS MDZES BAR KLUBS, ,SEMS DPA'I SKYIL KRUNG 'GYING PA'I TSUL GYIS BZHUGS, ,SPYI BOR AOm DKAR MGRIN PAR A'A:DMAR PO, ,THUGS KAR H'Um SNGON H'Um YIG 'OD ZER GYIS, ,PO TA LA SOGS DAG PA'I ZHING KHAMS NAS, ,SPYAN DRANGS DAM TSIG PA DANG DBYER MED GYUR, ,NAM MKHA'I MTHA' DANG MNYAM PA'I SEMS CAN LA, ,THUGS RJE'I SPYAN GYIS RTAG PAR LEGS GZIGS NAS, ,DON GNYIS BSAM PA LHUN GYIS GRUB MDZAD PA'I, ,BLA MA 'JIG RTEN MGON PO LA PHYAG 'TSAL, ,DNGOS SU BSHAMS SOGS MCHOD PA'I BYE BRAG GIS, ,DPAG MED LHA YI LAM KUN GANG BA NI, , DGYES PA BSKYED PHYIR GDUNG SHUGS DRAG PO YIS, ,LHA DANG BLA MA'I TSOGS RNAMS MNYES PHYIR 'BUL, ,'KHOR BA THOG MA MED NAS DA LTA'I BAR, ,MI DGE BCU DANG MTSAMS MED LA SOGS PA'I, ,SDIG LTUNG JI SNYED BGYIS PA THAMS CAD LA,,

, ,GNONG ZHING 'GYOD PA'I SGO NAS BSHAGS PAR BGYI, ,RANG GZHAN KUN GYIS DUS GSUM BSAGS PA YI, ,RNAM DKAR PHUNG PO JI SNYED MCHIS PA DANG, ,BSLAB GSUM LUNG DANG RTOGS PA'I YON TAN LA, ,BDAG CAG BSAM PA DAG PAS RJES YI RANG, ,MKHA' MNYAM MAR GYUR SEMS CAN THAMS CAD LA, ,RANG RANG DBANG PO'I RIM PA DANG 'TSAM PAR, ,THEG PA GSUM GYI BYA BAS NYIN MTSAN DU, ,CHOS 'KHOR RGYUN MI 'CHAD PAR SKOR DU GSOL, ,MI BZAD SDUG BSNGAL DRAG POS GZIR BA YI, ,NYAM THAG 'GRO LA BRTZE BAS LEGS GZIGS NAS, ,SNGON GYI THUGS BSKYED DAM BCA' MA G-YEL BAR, ,'KHOR BA MA STONGS BAR DU BZHUGS SU GSOL, ,DE LTAR PHYAG MCHOD BSHAGS PA YI RANG DANG, ,BSKUL ZHING GSOL BTAB DGE BA CI BSAGS PA, ,DE DAG THAMS CAD RDZOGS PA'I BYANG CHUB CHE'I, ,GO 'PHANG DAM PA THOB PA'I RGYU RU BSNGO, ,BSKAL PA DPAG MED SNGA ROL THUGS BSKYED NAS, ,GRANGS MED GSUM DU TSOGS GNYIS RAB RDZOGS SHING, ,SNA TSOGS SKU YIS GDUL BYA 'DUL MDZAD PA, ,'JIG RTEN MGON PO'I ZHABS LA GSOL BA 'DEBS, ,NYES PA'I SKYON BRAL SGRIG GNYIS MA LUS SPANGS, ,LHA DANG LHA MIN RNAMS KYIS GTZUG TU MCHOD, , 'GRO BA'I SDUG BSNGAL MA LUS SEL MDZAD PA, ,'PHAGS PA SPYAN RAS GZIGS LA GSOL BA 'DEBS, ,MTHA' DAG SKYE DGUS GDUNG SHUGS DRAG PO YIS, ,GSOL BA BTAB NA 'DOD DGU MA LUS BA, ,SKAD CIG NYID LA BDE BLAG STZOL

MDZAD PA'I, ,'PHAGS MCHOG SPYAN RAS GZIGS LA GSOL BA 'DEBS, ,MKHYEN BRTZE NUS PA DPAG TU MED PA'I MTHUS, ,DED DPON 'KHOR BCAS SRIN MO'I 'JIGS LAS SKYABS, ,SRID PA GSUM GYI 'GRO BA'I BLA MA MCHOG , 'PHAGS PA SPYAN RAS GZIGS LA GSOL BA 'DEBS, ,RGYAL SRAS GZHAN GYIS GDUL BAR MA SPYOD PA'I, ,SNYING STOBS CHEN POS GANGS CAN 'GRO BA LA, ,GANG LA GANG 'DUL SNA TSOGS SKUR STON PA, ,'PHAGS MCHOG SPYAN RAS GZIGS LA GSOL BA 'DEBS, ,'DI LTAR BSKRUN PA'I RNAM DKAR PUNG PO'I DNGOS, ,DPAL LDAN BLA MAS 'BRAL MED RJES 'DZIN CING, ,RIM GNYIS GO 'PHANG DAM PAR LEGS BGROD NAS, ,MTHAR THUG RNAM 'DREN GO 'PHANG THOB PHYIR BSNGO, ,DENG NAS BZUNGS TE TSE RABS THAMS CAD DU, ,DAL 'BYOR TSAR BA'I RTEN BZANG RNYED GYUR NAS, ,SKYE BA KUN TU CHOS KYI BDUD RTZIL, ,NGOMS PA MED PAR LONGS SU SPYOD PAR SHOG ,'PHAGS MCHOG KHYED LA RTZE GCIG GSOL BTAB PAS, ,PHYI NANG NYER 'TSEM LUS KUN ZHI ZHING, ,BSAM PA'I DON RNAMS YID BZHIN 'GRUB PA DANG, ,SKYE BA KUN TU 'BRAL MED RJES 'DZIN SHOG ,BDAG SOGS DENG NAS TSE RABS THAMS CAD DU, ,BSLAB GSUM YON TAN NOR GYIS RGYUD PHYUG NAS, ,DBEN BA'I GNAS SU SGRUB LA RTZE GCIG TU, ,'DOD CHUNG CHOG SHES DUL BAR SPYOD PAR SHOG ,MDOR NA DENG NAS SKYE PA THAMS CAD DU, ,'PHAGS MCHOG KHYED KYI ZHAL BZANG MTHONG BA DANG, ,ZHING KHAMS MCHOG GI PADMO'I ZE'U 'BRU LAS, ,RDZUS TE SKYES

, ,NAS KHYOD MNYES 'GYID PAR SHOG ,DUR SMRIG GIS MDZES BSLAB GSUM LDAN PA'I SDE, ,ZHVA SER COD PAN 'CHANG BA'I SKYES BU YIS, ,BSIL LJONGS 'DZIN MA'I KHYON 'DI YONGS GANG NAS, ,DGA' LDAN BSTAN PA RGYAS PA'I BKRA SHIS SHOG ,CES PA 'DI NI DGE SLONG DON GRUB RGYAL MTSAN GYIS BSKUL BA LTAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SU GA BRIS SU BGYIS PA'O, MANG+GALAm, ` NA MO GU RU MNYDZU GHOsh'A YA, GANG LA BRTEN NA BSLU BA MED PA'I SKYABS, ,DKON MCHOG GSUM GYI NGO BO GCIG BSDUS NAS, ,MDO RGYUD BSTAN PA'I RGYAL MTSAN 'DZIN PA LA, ,ZLA BRAL DPAL LDAN BLA MA MCHOG DE BSNGAGS, ,GNAS GSUM DPA' PO MKHA' 'GRO'I GSANG BA'I MDZOD, ,SNYAN BRGYUD GDAMS PA THUGS LA BSTAR PA'I MTHUS, ,MKHAS DANG GRUB PA'I GO 'PHANG MTHOR GSHEGS PA'I, ,RJE BTZUN BLA MA GANG NGES SHIS PAR MDZOD, ,DE YANG MNYAM MED ZAS GTZANG SRAS PO DES, ,RAB DGA' RAB BZANG THA MAR SMIN MDZAD LTAR, ,DNGOS LA CHOS KYI 'KHOR LO BSKOR BA'I MTHAR, ,'OD GSAL CHOS KYI DBYINGS SU SNYOMS PAR ZHUGS, ,DE TSE YAB RJE BLO BZANG CHOS RGYAN GYI, ,SKU GDUNG RIL POR BZHUGS BAS BYIN CHAGS LTAR, ,THUGS SRAS DAM PA 'DI YI GZUGS SKU YANG, ,MNYAMS BZHUGS LA SU YIS KLAN KA 'TSOL, ,DE PHYIR DE NYID GANG DU BZHUGS PA'I RTEN, ,RIN CHEN LAS GRUB BDE GSHEGS MCHOD RTEN CHE'I, ,RGYU TSOGS BZO BO'I MTHUN RKYEN PHAL CHE

BA, ,BDAG NYID BSAM PA DAG PAS KHUR DU BLANGS, ,DE YANG PHA RGYUD GSANG BA 'DUS PA LAS, ,SANGS RGYAS THAMS CAD MCHOD LAS SLOB DPON GYI, ,BA SPU GCIG MCHOD BSOD NAMS LHAG GSUNGS NA, ,SKU GDUNG RIL PO MCHOD NA LTA CI SMOS, ,AA TI BKOD PA'I RGYUD CHEN LA SOGS PAR, ,SANGS RGYAS SKU GZUGS RIN CHEN LAS GRUB PA, ,DPAG MED BGYIS LAS BLA MA'I SKU 'PHAG GCIG ,BGYIS PA BSOD NAMS CHE BAR GSUNGS PA DANG, ,RDO RJE 'CHANG LA BSKAL PAR MCHOD BSTOD LAS, ,BLA MA'I SKU 'PHAGS MCHOD PA LHAG PAR GSUNGS, ,DE BZHIN RDO RJE SNYING PO'I RGYUD LAS KYANG, ,BLA MA 'DAS PA'I LO ZLA TSES GRANGS RNAMS, ,MA NOR NGES PAR BZUNGS NAS MCHOD NA NI, ,TSE RING LONGS SPYOD LDAN PAR 'GYUR ZHES GSUNGS, ,DE LTAR PHAN YON RAB MANG GDUNG RTEN RGYUR, ,SRANG GSUM LHAG PA'I DBUL SRANG STONG RTZA GCIG ,SA 'DZIN SGO RGYAN BUM PA'I RKED CHINGS DANG, ,DRA PHYED RGYAN LA GSER ZHO BRGYA PHRAG DANG, ,GYA GNYIS BSEB BCU GNYIS ZANGS KHAL NI, ,BRGYA DANG ZANGS NYAG BCU BZHI BCAS PA BSGRUBS, ,SA 'DZIN NAS BZUNGS NYI ZLA'I TOG GI PAR, ,RIN CHEN SNA TSOGS SPUNGS PA'I PHRA RGYAN LA, ,MA nA HU GCIG G-YANG tI CHE CHUNG BDUN, ,SHEL RIGS CHE BA'I RGYAN NI BCU DGU DANG, ,GZHAN YANG BYU RU SPOS SHEL RIGS MANG DANG, ,PAD RAG RDOG PO BRGYA DANG RE DRUG DANG, ,SGO RGYAN MA GTOGS SPOS SHEL LNGA BCU DRUG ,SGO RGYAN LAS GZHAN BYU RU SO GCIG DANG, ,G-YU PAD CHE CHUNG BCU DANG KHROM

, ,TSAR LNGA, ,BDE CHEN BZANG G-YU'I RGYAN SOGS G-YU BZANG MANG, ,SGO RGYAN MU TIG SUM BRGYA BCU GNYIS DANG, ,MU MEN RDOG 'BRING DRUG CU RE DGUS MTSON, ,MDOR NA DNGUL DKAR LHUN PO'I PHYOGS MTSAMS SU, , NYI ZLA RGYU SKAR PHRA YIS BTAB PA LA, ,GSER GYI RI BO BDUN GYIS BSKOR BA BZHIN, ,DE YI SENG KHRIR GNOD SBYIN 'KHOR LO'I STENG, ,DZAM LA TSOGS BDAG LA SKU RE RE BZHUGS, ,GZHAN YANG CHOS SKYONG NOR LHA'I GZUNGS SNGAGS GSHAM,, 'DOD GSOL RGYA SKAD MCHOG THOB GZUNGS SNGAGS DANG, ,BSNGO BA'I GZUNGS SNGAGS BKRA SHIS TSIGS BCAD SBYAR, ,RTEN 'BREL SNYING PO GZUNGS 'KHRUGS NYES SEL BA'I, ,RIG PA PHUG RON MCHOD PA'I SPRIN GZUNGS DANG, ,CHOS SKYONG MANG PO'I MNGON RTOGS BSKANG GSO'I RIGS, ,DE DAG BAR DU SHUG PHYE DRI BZANG SPOS, ,ZAS SNA 'BRU SNA RGYA JA DAR ZAB DANG, ,RIN CHEN SNA TSOGS BKRA SHIS RDZAS KYIS BKANG, ,PAn CHEN THAMS CAD MKHYEN PA'I KRUM SHAN DANG, ,DPON SLOB NYID KYI KRUM GYI NGOS KYI'ANG YOD, ,BANG RIM MTSAMS NAS TOG BAR SROG SHING LA, ,RIG PA CHEN MO SROG SHING BRTEN PA'I GZUNGS, ,GANG MANG BRIS PAR DPON SLOB DE NYID KYI, ,PHYAG 'KHAR SBYAR NAS BSNGAMS PA DRANG POR BZHUGS, , MCHOD RTEN DBYINGS SU SKU GDUNG 'DUS PA'I LHA, ,GTZO BO MI BSKYOD RDO RJER BSKYED BA LA, ,RJE BTZUN BLO BZANG CHOS KYI RGYAL MTSAN GYI, ,COD PAN SGRON NAS SNYING PO'I TSUL DU BZHUGS, ,ZA MA TOG GI 'OG TU BZHUGS GDING DANG, ,PHYOGS

MTSAMS RNAMS SU GZUNGS BZHUGS GTZO BO NI, ,CHOS SKU'I RING BSREL GSANG BDE 'JIGS GSUM SOGS, ,RGYUD SDE BZHI YI RTZA SNGAGS SNYING PO DANG, ,NYE SNYING KHYAD PAR GZUNGS CHEN SDE LNGA SOGS, ,GZUNGS SNGAGS ZAB MO BSAM GYIS MI KHYAB DANG, ,'DUS PA'I RTZA RGYUD 'GREL PA CHA LAG SOGS, ,BRGYANG STONG GSER 'OD MDZAD BLUN SKAL BZANG DANG, ,TSE MDO BRGYA LHAG BYAMS CHOS SDE LNGA DANG, ,BKA' GDAMS GLEGS BAM CHOS 'BYUNG GLENG 'BUM DANG, ,RJE BTZUN CHOS KYI RGYAL PO TZONG KHA BA'I, ,GSUNG 'BUM THOR BU MDO SNGAGS LAM RIM DANG, ,MKHAS GRUB GSUNG 'BUM RGYAL BA DBEN SA BA, ,YAB SRAS GNYIS KYI BKA' 'BUM RE RE DANG, ,RJE BTZUN BLO BZANG CHOS KYI RGYAL MTSAN GYI, , GSUNG 'BUM TSAR GSUM SNGAGS GRVA'I 'DON CHA'I SKOR, ,SLOB DPON NYID KYI GSUNG 'BUM GANG YOD SOGS, ,DRI MED GSUNG RAB MI RGYAB LNGA LONGS TZAM, ,STENG 'OG BAR GSUM GANG DU GANG 'OS BZHUGS, ,BUM NANG ZHAL KO'I MDUN DU MCHOD BA'I TSUL, ,PAn CHEN THAMS CAD MKHYEN PA'I ZHAL DKAR DANG, ,NYA SKYOGS BDUN DANG TING TSAR BDUN RNAMS KYANG, ,DRI BZANG 'BRU SNAS BKANG STE TSAR DU DNGAR, ,JO BO'I PHYAG TSA GDUNG RTEN LCAGS RTZE MA, ,KHRO PHU THOG THUB SNAR THANG RAS RGYAB MA, ,BSIL TSAL RDO NAG LAS GRUB MYUR MDZAD SKU, ,'PHAGS 'OD SPUR THAL LAS GRUB SANGS RGYAS KYI, ,SKU BRNYAN BU STON SMAN SKU LCAGS SROG MA, ,RJE BTZUN CHOS KYI RGYAL PO TZONG KHA PA'I, ,PHYAG TSA AA THAM MA ZHES

, ,GRAGS PA DANG, ,PAn CHEN DGE 'DUN GRUB KYI PHYAG TSA GCIG ,PAn CHEN BLO BZANG CHOS KYI RGYAL MTSAN GYI, ,PHYAG 'PHRENG SKU SPYAR BUBS DANG PHYAG DRIL DANG, ,PHYAG TSA DU MA RGYAL BA THAMS CAD MKHYEN, ,BLO BZANG RGYA MTSO'I NA BZA'I TSAL BU DANG, ,PHYAG TSA GSANG CHAB GZHAN 'DOD DANG SBYAR TE, ,NGOS KYI PHRENG BA LUS BYUNG CHA SHAS 'GA', ,DPON SLOB NYID KYI PHYAG PHRENG SKU SBYAR BUBS, ,SNAR THANG ZHA LU'I BUM CHU'I KHRUS RIL DANG, ,SMRi TI'I PHYAG TSA LA SOGS GZHAN YANG MANG, ,BANG RIM BZHI BA'I MDUN NGOS DRANG THAD KYI, ,SHEL SGO'I NANG DU BLA MA DBU MA PA'I, ,ZHUN THIGS LAS GRUB GRAGS LA RING BSREL GYI, ,BDE MCHOG YUM BCAS 'BUR DOD GSAL BA DANG, ,BUM SGO'I NANG DU THUB DBANG SKU BRNYAN NI, ,BKRA SHIS LI MAR GRAGS PA MTSAR CHAGS CAN, ,BYU RUS MGUL RGYAN NA BZAS KLUBS PA BZHUGS, ,NYI ZLA NOR BU'I TOG LA SANGS RGYAS KYI, ,'PHEL GDUNG ZUNG LDAN TSEMS KYI DUM BU DANG, ,JO BO'I DBU KLAD RING BSREL GDUNG NAG DANG, ,SKU SBYAR TSAL BU SHVA BO SGANG PA YI, ,SKU GDUNG MARGAD MA DANG DUNG MDOG CAN, ,KHYUNG PO MNYAM MED RIN CHEN BRTZON 'GRUS KYI, ,GDUNG RUS RGYAL BA G-YUNG GI SPUR THAL LAS, ,BYUNG BA'I RING BSREL RJE BTZUN TZONG KHA PA'I, ,CHAB SER LAS 'KHRUNGS RING BSREL NGO MTSAR CAN, ,YUNGS KAR NYIS 'GYUR DBU ZHVA'I TSAL BU DANG, ,RTOGS LDAN 'JAM DPAL RGYA MTSO'I DBU KLAD KYI, ,RIL BU DBU THOD DUM BU'I CHA SHAS DANG, ,MKHAS GRUB

DAM PA SANGS RGYAS YE SHES KYI, ,DBU LPAGS TSEMS KYI CHA SHAS TZAM RE DANG, ,PAn CHEN BLO BZANG CHOS KYI RGYAL MTSAN GYI, ,TSEMS LAS BYON PA'I RING BSREL NAS 'BRING TZAM, ,DBU LO BYANG SEMS BDUD RTZI RIL BU SOGS, ,RGYAL DBANG THAMS CAD MKHYEN PA LNGA PA YI, ,DBU LO SKU MTSAL NA BZA'I TSAL BU DANG, ,GNAS BCU RAB 'BYAMS DGE 'DUN RGYAL MTSAN GYI, ,RING BSREL GZHAN NGO DANG BSTUN BDAG NYID KYI, ,SLAR SKYES GOS KYI TSAL BU 'GA' ZUNG SOGS, ,NYI ZLA CHOS 'KHOR BCU GSUM BRE YI NANG, ,GSANG 'DUS RTZA RGYUD BLA MA'I MTSAN SNGAGS DANG, ,RTEN 'BREL SNYING PO GZHUG DANG LEGS PAR DKRIS, ,DE LA'ANG NA BZA' BRGYAD BRTZEGS DAR DPYANGS DANG, ,HOR GOS LAS GRUB BLA BRE'I GNAM RGYAN DANG, SKU MDUN ZAG MED DGYES PA BSKYED PA'I THABS, ,KUN BZANG MCHOD PA'I SPRIN LTAR BSHAMS BA LA, ,GSUM LDAN RDO RJE 'DZIN PA'I 'DUS BA'I SDES, ,DPAL LDAN MI BSKYOD RDO RJE'I DKYIL 'KHOR LA, ,BRTEN NAS RAB GNAS RGYUD SDE'I DGONGS PA BZHIN, ,SHIS BRJOD DGE MTSAN ME TOG CHAR DU PHAB, ,'DI LTAR BSGRUBS PA'I DGE BA ZLA SHEL LTAR, ,CHES DKAR DRI MED JI SNYAD BSAGS PA DES, ,'KHOR LO BZHI LDAN RDO RJE'I LUS THOB STE, ,ZUNG 'JUG RDO RJE 'CHAR GI SA THOB SHOG ,'JIG RTEN KHAMS SU'ANG SNYIGS MA'I RGUD PA'I DNGOS, ,DMAG 'KHRUG LO NYES MU GE NAD YAMS DANG, ,NAG PO'I PHYOGS KYIS YID NI BSKYOD PA YI, ,BSAM SBYOR NGAN PA'I RLUNG 'TSUB ZHI BAR SHOG ,LHA DANG BLA MA'I LUN

, ,BSTAN JI BZHIN DU, ,BKRA SHIS RTAGS MTSAN SPUNGS PA'I LHUN PO'I SPOR, ,'DOD CHUNG CHOG SHES KHRIMS LDAN 'DUS PA'I SDES, ,RIGS LAM BSTAN PA'I RGYAL MTSAN BSGRENG BAR SHOG ,KHYAD PAR DRIN CAN BLA MA'I DGONGS PA LTAR, ,RJE BTZUN CHOS KYI RGYAL PO TZONG KHA PA, ,YAB SRAS BRGYUD PAR BCAS PA'I RING LUGS MCHOG ,SRING MTHA'I BAR DU 'DZIN SKYONG SPEL PAR SHOG ,CHOS GRVA CHE 'DIR DGE 'DUN THUGS MTHUN ZHING, ,CHOS MTHUN 'BYOR PAS NAM YANG MI 'PHONGS PAR, ,LUNG RTOGS BSTAN PA YAR NGO'I ZLA BA LTAR, ,GONG NAS GONG DU 'PHEL BA'I BKRA SHIS SHOG ,CES PA 'DI NI RDO RJE 'DZIN PA DKON MCHOG RGYAL MTSAN DE NYID KYI SKU GDUNG RIN PO CHE'I DKAR CHAG TU CHOS SMRA BA'I BTZUN PA BLO BZANG YE SHES KYIS SBYAR PA'O,, SARBA MANG+GALAm, ` SVASTI, DPAL LDAN RDO RJE RAB BRTAN MA LA MCHOD GTOR 'BUL TSUL NI, RANG RDO RJE 'JIGS BYED DU GSAL BAS NANG MCHOD DANG MCHOD PA DANG GTOR MA RNAMS AOm A'A: H'Um LAN GSUM GYIS BYIN GYIS BRLAB LA, BHYOO: 'DOD KHAMS DBANG PHYUG RDO RJE RAB BRTAN MA, ,SKU MDOG SMUG NAG RAB 'BAR RAL GRI 'PHYAR, ,G-YON PA KHRAG GIS GANG BA'I THOD PA DANG, ,MCHAN KHUNG G-YON DU GTER GYI NE'U LE BSNAMS, ,DRE'U'I STENG BZHUGS GDUG PA TSAR GCOD CING, ,'PHRIN LAS RNAM BZHI THOGS MED BSGRUB PHYIR DU, ,RANG BZHIN GNAS NAS DPAL LDAN 'DOD KHAMS MA, ,'KHOR DANG BCAS PA GNAS 'DIR GSHEGS SU GSOL, ,SNGAGS DANG PHYAG RGYAS BDUD RTZIR BYIN BRLABS PA'I, ,

DGRA BGEGS SHA KHRAG RI LTAR SPUNGS PA YI, ,RO BRGYA LDAN PA'I MCHOD GTOR RGYA MTSO 'DI, ,DPAL LDAN LHA MO 'KHOR DANG BCAS LA 'BUL, ,AOm K'A LI DE WIS PA RI W'A RA AI DAm BA LIm TA KHA KHA KH'A HI KH'A HI, ZHES PA GSUM MAM BDUN GYIS GTOR MA PHUL, AOm K'A LI DE WI SA PA RI W'A RA AARGHAm PRA T'ITZTSA H'Um SV'AH'A, AOm K'A LI DE WI SA PA RI W'A RA P'A DYAm P'A T'ITZTSA H'Um SV'AH'A, AOm K'A LI DE WI SA PA RI W'A RA PUshPE PRA T'ITZTSA H'Um SV'AH'A, DE BZHIN DU SBYAR TE, DH'U PE, A'A LO KE, GANDHE, NEE WI DYA, SHAPTA PRA T'ITZTSA H'Um SV'AH'AS MCHOD PA DANG, AOm K'A LI DE WI SA PA RI W'A RA AOm A'A: H'Um GIS NANG MCHOD PHUL LA, BHYOO: RANG BZHIN CHOS DBYINGS NGAG LAS MA G-YOS KYANG, ,GDUG PA 'DUL PHYIR SRIN MO KHROS PA'I SKU, ,RGYAL BA'I BSTAN PA BSRUNG LA G-YEL MED PA, ,RDO RJE RAB BRTAN 'KHOR DANG BCAS LA BSTOD, ,SANGS RGYAS BSTAN LA GNOD BYED 'DUL PHYIR DU, ,SNA TSOGS SPRUL PA'I ZLOS GAR BSGYUR MDZAD CING, ,RNAL 'BYOR BU BZHIN SKYONG BA'I BSTAN SRUNGS CHE, ,DPAL LDAN LHA MO 'KHOR DANG BCAS LA BSTOD ZHI RGYAS DBANG DANG DRAG PO'I LAS BZHI YIS, ,BSTAN 'DZIN SKYES BU'I LUS DANG GRIB MA BZHIN, ,'BRAL MED 'PHRIN LAS TSUL BZHIN SGRUB MDZAD PA'I, ,DPAL LDAN RDO RJE RAB BRTAN 'KHOR BCAS BSTOD, ,RIG 'DZIN PADMA 'BYUNG GNAS BKA' BZHIN DU, ,BSTAN PA BSRUNGS NYIN MTSAN DUS DRUG TU, ,NAM YANG G-YEL BA MED PA'I MTHU STOBS CAN, ,RGYAL BA'I BSTAN SRUNGS CHEN MO 'KHOR BCAS BSTOD, ,MDOR NA BDAG CAG 'KHOR DANG BCAS RNAMS KYIS, ,BSTAN SRUNGS

, ,KHYED LA RTZE GCIG GSOL BTAB PAS, ,PHYI NANG BGEGS RIGS BAR GCOD KUN ZHI NAS, ,BSAM PA'I DON RNAMS YID BZHIN 'GRUB PAR MDZOD, ,ZHVA SER BSTAN PA 'DZIN PA'I SKYES BU YIS, ,'DZIN MA'I KHYON KUN YONGS SU GANG BA DANG, ,MDO SNGAGS BSHAD SGRUB YAR NGO'I ZLA BA LTAR, ,PHYOGS DUS KUN TU RGYAS PA'I BKRA SHIS SHOG ,CES DPAL LDAN RDO RJE RAB BRTAN MA LA MCHOD GTOR 'BUL TSUL 'DI NI SPEL RGYANG PA BLO BZANG DAR RGYAS KYIS BSKUL BA LTAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SUG BRIS SU BGYIS PA'O,, SARBA MANG+GALAm,, ` RGYUD 'BUM GYI GSHAM DU, AOm BDE LEGS SU GYUR CIG ,GNYIS MED GSUNG BA'I GSUNG RAB KUN GYI GTZO, , ZAB LAM RGYUD SDE'I GLEGS BAM GSAR BZHENGS MTHUS, ,LHA MI YONGS KYI RNAM 'DREN GCIG PU PA, ,BSIL LJONGS 'GRO MGON SRID MTHAR ZHABS BRTAN CING, ,GNAM BSKOS STOBS KYI 'KHOR LOS BSGYUR RGYAL CHE, ,MI DBANG SANGS RGYAS RGYA MTSO SKU TSE BRTAN, ,BLON 'BANGS BDER 'GOD BKA' KHRIMS COD PAN MCHOG ,SKYE DGU'I ZUR PHUD RTZE MOR RTAG MDZES SHING, ,RDZOGS LDAN DPAL GYI CHAB SRID CHU GTER CHE, ,PHA MTHA' BRGAL ZHING SNYAN PA'I GRAGS PA YIS, ,GDUGS DKAR SRID RTZE'I BAR DU BSGRENG BA DANG, ,'GRO KUN THAMS CAD MKHYEN PA'I SA THOB SHOG, ` MDO SDE, AOm SVA STI, SKYE DGU'I RMONGS MUN SEL BA'I RTA LJANG CHE, ,ZAB DON MDO SDE'I GLEGS BAM BZHENGS PA'I MTHUS, ,STAR SDONG MGRON

GNYER GU RU LAGS SMON SKYID, ,DNGOS GRUB LAGS SOGS ZHI BAR GSHEGS PA RNAMS, ,DAL 'BYOR TSANG BA'I RTEN DANG MI 'BRAL ZHING, ,MTSAN NYID LDAN PA'I BSHES KYIS RJES BZUNGS NAS, ,RLABS CHEN TSOGS GNYIS SPYOD PA MTHAR PHYIN TE, ,KHAMS GSUM 'GRO BA'I MGON POR 'GYUR BAR SHOG, ` MYANG 'DAS, AOm BDE LEGS SU GYUR CIG ,GOO TAm BKA' LA BSTI STANG BGYIS PA 'DIS, ,MI MIN 'BYUNG PO'I GNOD PA ZHI BA DANG, ,DAM CHOS TSUL BZHIN SPYOD PA'I YA RABS RIGS, ,'BYOR PA'I MTHU DANG GZI BRJID MI NYAMS SHOG, ` 'DUL BA LA, SVA STI, RGYAL BSTAN KUN GYI RTZAB SO THAR GYI, ,BSLAB KHRIMS RNAM DAG STON PA SDE BZHI'I LUNG, ,LHAG BSAM DAG PAS BSGRUBS PA'I RNAM DKAR GYIS, ,DUR SMRIG 'DZIN PAS KUN BZOD KHYON GANG SHOG, ` 'BUM LA, SVA STI, RGYAL KUN YUM GYUR BCOM LDAN SHER PHYIN MDO, ,RNAM DKAR BSAM PAS BZHENGS PA'I DGE BA DES, ,BU RAM SHING BSTAN SPYI DANG KHYAD PAR DU, 'JAM MGON CHOS KYI RGYAL PO TZONG KHA PA'I, ,MDO SNGAGS BSTAN PAS DBYIG 'DZIN KHYON YANGS GANG, ,BSTAN LA CHES GUS 'BYOR PA RIGS RGYUD 'PHEL, ,PHUN TSOGS CHOS LDAN 'DOD DGUS TSIM PA DANG, ,BLO BZANG GRAGS BSTAN NYIN BYED LTAR 'BAR SHOG, ` NYI KHRI, SVA STI, ZAB DON 'CHAD PA'I BCOM LDAN SHER PHYIN YUM, ,STONG PHRAG NYI SHU LNGA PA'I PUSTA KA ,'BRI DANG MCHOD SOGS BKUR STI BGYIS PA'I MTHUS, ,BLO BZANG RAB BRTAN BLO BZANG TSE RING DANG, ,RAB

, ,BRTAN PHUN TSOGS KHRI LCAM BSOD NAMS DBANG, ,BLO BZANG DPAL SGRON AA LAGS SHEL DKAR DANG, ,G-YANG 'DZOM 'DOG GOG LA SOGS STAR SDONG BA'I, ,RIGS RUS CHO 'BRANG BRAN 'KHOR 'BANGS GTOGS BCAS, GNAS SKABS NAD MED DPAL 'BYOR BDE SKYID LDAN, ,PHYI MAR LHA MI NOR BU'I SKAS 'DZEGS TE, ,RNAM MKHYEN GZHAL MED KHANG DU PHYIN PAR SHOG, ` KHRI BRGYAD STONG PA LA, AOm BDE LEGS SU GYUR CIG ,BSIL LDAN LJONGS 'DIR BKA' RNAMS 'GYUR RO COG ,BZHENG BA'I BRIS PA BZO RIGS LAS BYED DANG, ,ZAS DNGOS ZUR 'DEGS ZHAL 'DEBS MTHUN RKYEN SGRUB, ,SNYING NAS RJES SU YI RANG BYED PA YANG, ,DU:KHA'I GNAS SU NAM YANG MI SKYE ZHING, ,'PHAGS PA'I NOR BDUN MCHOG GIS BRGYAN PA DANG, ,MI DGE'I LAS RNAMS NAM YANG MI BGYID CING, ,RTAG TU DAM CHOS KHO NAR LONGS SPYOD SHOG, ` SHES RAB KHRI BA, SVA STI, SH'AKYA'I TOG GI RMAD BYUNG MDZAD PA'I MCHOG ,BDEN MED RTEN 'BREL STON PA'I MDO BZHENGS PAS, ,NAM ZHIG RDO RJE GDAN DU DGA' LDAN GTZO, ,BYON TSE 'KHOR GYI THOG MAR 'GYUR BAR SHOG, ` BRGYAD STONG PAR, NA MO MU N'INDRA YA, RGYAL DANG RGYAL SRAS KUN GYI YUM, ,SHER PHYIN ZAB MO LEGS BSKRUN PAS, ,THAMS CAD THABS LA MKHAS GYUR TE, ,SDUG BSNGAL KUN LAS THAR BAR SHOG, ` KHRI SNA TSOGS, ,SIDDHIR STU, DE BZHIN GSHEGS GSUNG GCES PA'I MDZOD, ,YUM CHEN PHA ROL PHYIN PA'I BKA', ,'BAD PAS BRIS

PA'I KHYU MCHOG GIS, ,TSUL 'DIR 'BAD PA BGYIS PA RNAMS, ,DKON MCHOG GSUM LA GZHOL PA DANG, ,SANGS RGYAS CHOS NOR CHER LDAN ZHING, ,BYAMS DANG SNYING RJE DGA' BA DANG, ,NYON MONGS BTANG SNYOMS GNAS PAR SHOG, ,, ` PHAL CHEN, NA MO RATNA TRA Y'A YA, RGYAL BA'I MDZAD PA PHAL CHEN STON PA'I MDO, ,BZHENGS PAS RIGS DRUG YID CAN MA LUS TSOGS, ,SBYIN SOGS PHYIN DRUG RIN CHEN SKAS SON TE, ,STOBS BCU'I KHRI 'PHANG MTHON PO'I SAR 'GYING SHOG, ` DKON BRTZEGS, SVASTI, DPAL STUG SRAS BCAS RLABS CHEN MDZAD PA'I TSOGS, ,LEGS STON DKON MCHOG BRTZEGS PA'I GLEGS BAM RNAMS, ,BSKRUN MTHUS MDO SNGAGS BSTAN PA SPEL BA LA, ,KUN BZANG BSTAN PA'I 'KHOR LO DANG MTSUNGS SHOG, ` SNGA 'GYUR LA, SVASTI PRA DZ'A BHYA: MTHU STOBS DBANG PHYUG PADM'A KA RA DANG, ,DRI MED BSHES GNYEN BEE RO TZA NA'I ZHABS, ,GNUBS CHEN GNYIS SOGS BGRANG YAS MKHAS GRUB KYIS, ,THUGS NYAMS BSTAR BA SNGA 'GYUR RGYUD SDE'I TSOGS, ,BSKRUN 'DIS NYER 'TSE'I TSOGS KUN ZHI BA DANG, ,CHOS SPONG SGRIB PA'I G-YANG SAR MI LTUNG ZHING, ,DAG SNANG 'O 'TSO'I RLABS 'PHRENG CHER G-YO BA'I, ,BKRA SHIS RGYA MTSOS PHYOGS KUN KHYAB GYUR CIG, ,, ` NA MO GU RU MNYDZU GHO sh'A YA, GANG SKU MTSAN DPE'I DPAL GYIS RAB MDZES SHING, ,RNA BAR SNYAN 'JEBS GCIG TU PHAN PA'I GSUNG, ,RIS MED 'GRO LA RJES BRTZE'I THUGS RJE CAN, ,ZAS GTZANG SRAS DES KHYOD LA SHIS PAR MDZOD, ,

, ,'JIG RTEN MI YI KHRIMS LA LEGS GNAS NA, ,LHA YUL GNAS SU BGROD PA THAG MI RING, ,DE BAS 'DI PHYIR DGE BA'I LUGS GNYIS KYI, ,BSLAB BYA BRJOD LA SHES LDAN RNA BA BLOGS, ,DE YANG YUL 'KHOR SKYE BO'I BYED SPYOD RNAMS, ,CHEN PO RNAMS KYI SPYOD PA RAG LAS BAS, ,CHOS LDAN RGYAL PO'I BKA' KHRIMS BTZAN PO RNAMS, ,LTA DANG DRI BAS RANG GIS SHES PAR BYA, ,YUL DUS GANG DU'ANG DMAN 'BRING CHEN PO GSUM, ,SU LA SMRA YANG THOG MAR LEGS BSAMS NAS, ,HA CANG PHER SHA HA CANG MA ZHUM PAR, ,BDEN GTAM 'JAM POS DON RNAMS PHIGS PAR SMROS, ,GANG DAG GTAM MGO SU MTHO LTA BA'I MIS, ,'PHRAL LA PHAN 'DOGS BLO GTAD LTAR SNANG YANG, ,YID BRTAN MI RUNG GZHAN LA JI BZHIN DU, ,BDAG LA'ANG NAM ZHIG LTOS MED BYED PA SRID, ,MANG DANG 'KHON ZHING NGAN DANG MDZA' BA DANG, ,STOBS LDAN LA RTZOD BDAG NYID NYAMS PA'I RGYU, ,BLO LDAN 'GYUR MED GROGS LA BRTEN PA NI, ,RANG GI BDE SKYID GONG DU 'PHEL BA'I RKYEN, ,MTHO 'DOD CHE BA G-YANGS SU LHUNG BA SRID, ,SHIN TU ZHUM PA'ANG BRTZON 'GRUS GEGS YIN PAS, ,RANG GI STOBS 'BYOR BLO NUS LA DPAGS NAS, ,'PHRAL CHOS BZUNG BA GNAD KYI DON PO YIN, ,SNYIGS MA LNGA PO CHES CHER BDO DUS 'DIR, ,PHAL CHE'I SNYING LA CHAGS SDANG GDON 'JUG PAS, ,RANG GIS DMAN CHA BZUNGS NAS SU LA YANG, ,'GRAN SEMS SPANGS NA RANG GZHAN KUN LA PHAN, ,MANG PO BSKYAB PHYIR KHRIMS LUGS MA GTOGS

PAR, ,RANG NYID DNGOS PO'I MIG NYE BLO YUL DU, ,BZHAG NAS CHAD LAS DPYA KHRAL GSAR 'GEL SOGS, ,YUL 'KHOR NYAMS PA'I LAS THABS 'BAD PAS SPONGS, ,RANG LA 'PHRAL PHUGS DGOS PA'I CHA RKYEN YANG, ,GZHAN LA MI GNOD RANG GI BRTZON 'GRUS DANG, ,ZHIB THIG BLO YIS GSAR DU SGRUB PA DANG, ,NGAN PA BZANG POR BSGYUR NA MKHAS RNAMS MGU, ,BSHUL RING LAM GYIS DUB PA'I 'GRON PO DAG ,BLO BUR LHAGS LA JAG RKUN BSRUNG BA DANG, ,'PHRAL DGOS BZA' BTUNG 'OS PAS PHAN BTAGS NA, ,TSE 'DIR SNYAN GRAGS PHYI MAR BDE BA'I RGYU, ,SNYAN YANG MI BDEN YANG MI PHAN PA'I, ,GCAM BU'I TSIG LA RNA PA MI GTOD CING, ,PHUGS SU PHAN NA 'PHRAL LA MI SNYAN YANG, ,BDEN PA'I TSIG RNAMS BLO YI ZUR LA ZHOG ,G-YO RGYU BRDZUN DANG PHRA MAS DKRUG PA DANG, ,BSAM NGAN DUG SBYOR MNA' LA MI BRTZI BA'I, ,MI SRUN SKYE BO RE ZHIG BSDIGS PA DANG, ,YUL GZHAN SPYUG PAR RIN CHEN 'PHRENG BAR GSUNGS, ,SHA TSA SNYING NYE NAM YANG MI BSLU BA'I, ,KHA ZHAN SKYE BO'ANG BYAMS BRTZES SKYONG BA DANG, ,NYAMS MYONG CAN GYI RGAN RABS MKHAS PA LA, ,GROS KYIS BSTUN NA BYA BYAD HANG BUG CHUNG, ,BAG MED MI LA BYA BYED 'CHOL BA DANG, ,SHA MI TSAL GROS PHUGS 'CHOL BA SBANG, ,KHREL GZHUNG MED PA GROGS SU MI BSTEN CING, ,MI NYAN PA LA KHA TA BYED PA SPANG, ,SNGON NAS RIGS KYIS MTHO BA'I KHUNGS BTZUN DANG, ,RGAN RABS CHOS BZHIN SPYOD PA'I DAM PA LA, ,JI LTAR 'OS PA'I BKUR STIS

, ,MCHOD BYAS NA, ,BDE SKYID 'PHEL BAR SKYES RABS MDO LAS GSUNGS, ,MDOR NA RANG NYID GANG LA MI DGA' BA, ,GZHAN DAG DE LA SBYAR BAR MI BYA STE, ,RANG GZHAN KUN KYANG SDUG BSNGAL MI 'DOD CING, ,BDE BA 'DOD PA SHA STAG YIN PHYIR RO,, ` DE LTAR TSE 'DIR BDE BA'I THABS BSTAN NAS, ,PHYI MAR BDE BA'I LHA CHOS CUNG ZAD BSHAD, ,DE YANG THOG MAR GANG 'OS BLA MA LAS, ,NYA STONG BRGYAD LA BSNYEN GNAS LEGS PAR BLANG, ,DE YI DUS SU DKON MCHOG MCHOD PA DANG, ,DMAN PA RNAMS LA CUNG ZAD BYIN PA YANG, ,RTEN GYI STOBS KYIS SHIN TU CHER 'GYUR BA, ,THABS MKHAS 'DI 'DRA KHYIM PAR RGYAL BAS BSNGAGS, ,LUS KYI SROG GCOD LOG G-YEM RKU BA GSUM, ,NGAG GI BRDZUN PHRA TSIG RTZUB BKYAL BA BZHI, ,YID KYI BRNAB SEMS GNOD SEMS LOG LTA GSUM, ,SPANGS NA LHA MI THOB PAR GDON MI ZA, ,KHYAD PAR DUS CHEN BZHI DANG GZA' 'DZIN DUS, ,DGE BA GANG BYAS SHIN TU 'PHEL CHE BAS, ,MCHOD DANG SBYIN GTONG PHYAG DANG SKOR BA DANG, ,BZLAS BRJOD SOGS LA CHES CHER BRTZON PAR MDZOD, ,GSOD PAR NGES PA'I MI DANG SGO PHYUGS DANG, ,RI DVAGS BYA DANG NYA YI SROG BLU DANG, ,NYAMS THAG NAD PAR SMAN GYIS PHAN BTAGS NA, , TSE RING NAD MED 'GYUR BAS CI NUS MDZOD, ,SMAN BLA BDE GSHEGS BDUN SOGS SANGS RGYAS DANG, ,BYANG SEMS MANG PO'I MTSAN BRJOD DRAN PA YANG, ,CHOS DRED MA KHYER DAD PA GSO MA'I DUS, ,TSEGS CHUNG PHAN YON CHE BAS RGYUN DU MDZOD,,

GNOD SEMS KHONG KHRO'I CHOM RKUN MA BSRUNGS NA, ,SNGAR BYAS DGE BA 'JOMS PAR GDON MI ZA, ,DE PHYIR RNAM PA KUN TU BSRAN GZUGS TE, ,MI SRUN SKYE BO'I GNOD PA BZOD PAR MDZOD, ,TSUL KHRIMS BZLAS BRJOD SOGS KYI DGE BA YANG RNAM PAR G-YENG BAS YUN DU SBYAD NA YANG, ,'BRAS BU CHEN PO MI 'BYUNG GSUNGS PAS NA, ,RTZE GCIG GNAS PA'I SEMS KYIS BSGRUB PAR BYA, ,DE YANG LAS 'BRAS YID CHES SEMS BRTAN NA, ,SDIG LA 'DZEM ZHING DGE LA DANG GIS 'JUG , SDIG PA'I GROGS PO'I DBANG DU MA SONG BAR, ,MDZANGS LUN SKYES RABS SOGS LA BLTA RTOG MDZOD, ,DBUS GTZANG MNGA' RIS BAR GYI GRUB PA'I MTHA', ,KUN KYANG RGYAL BSTAN KHO NA YIN PAS NA, ,PHYOGS LHUNG GDON GYIS SDANG SHUGS MI MDZAD PAR, ,DAG SNANG NOR BU'I 'OD KYIS KHYAB NA LEGS, ,DE LTAR 'BAD PAS BSGRUBS PA'I DGE TSOGS RNAMS, ,RANG NYID GCIG PU'I CHED DU MA YIN PAR, ,DRIN CAN PHA MA 'KHOR BA'I RGYA MCHO LAS, ,BSGRAL PHYIR RDZOGS BYANG THOB PA'I RGYU RU BSNGOS, ,SMRA MKHAN NA CO RIL TON JI BZHIN DU, ,RANG GIS MI SGRUB GZHAN LA GDAMS PA 'DI, ,MKHAS DANG DAM PAS GZIGS NA KHREL MOD KYI, ,GZHAN GYIS BSKUL PHYIR GO SLA'I NGAG GIS SMRAS, ,DE LTAR G-YAR KHRAL BGYIS LA RNAM DKAR CHA, ,CUNG ZAD MCHIS NA DE YANG SNYIGS DUS KYI, ,'GRO KUN SGROL LA SNYING STOBS PHUL BYUNG BA'I, ,SH'AKYA'I RGYAL PO LTA BUR BDAG GYUR CIG ,CES LUGS ZUNG BLANG DOR GSAL BYED CES BYA BA 'DI NI LA THAGS NAS RGYAL MO DPAL MDZES PHUN

, ,TSOGS KYIS LUGS GNYIS DANG 'BREL BA'I BSLAB BYA ZHIG DGOS ZHES BSKUL BA LTAR, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, MANG+GALAm,, ` BLA MA DANG DPAL HE RU KA: DBYER MED PA'I ZHABS LA GUS PA CHEN POS PHYAG 'TSAL LO, ,'DIR DPAL GUR GYI MGON PO'I YUM LHA MO YAKshA MAR GRAGS PA LA MCHOD GTOR 'BUL TSUL JI LTAR BYA BA NI NANG MCHOD MCHOD GTOR SPYAN GZIGS RNAMS SNGAR GYI PHYAG RGYUN LTAR BSHAMS LA, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PAR GYUR PAR BSAMS NAS, NANG MCHOD, MCHOD PA BYIN RLABS RNAMS DPAL LDAN DMAG ZOR RGYAL MO'I GTOR CHOG GI NANG MCHOD DANG, MCHOD PA BYIN RLABS LTAR BYAS NAS, HR'I:sht'I: SA BSANGS, SVA BH'A LBAS STONG PAR SBYANGS, STONG PA'I NGAG LAS RANG GI MDUN DU KHRAG ZHAG 'KHRUG PA'I RGYA MTSO CHEN PO'I DBUS SU, RLUNG NAG 'TSUB MA'I GUR GYI NANG DU, DRE'U RKYANG SER GVA PA SRIN PO'I THOD SGA DANG PEGS PAS G-YOGS SHING, GONG RMED DANG SRAB MTHUR GDUG PA'I SBRUL LAS BYAS PA, DE'I STENG DU MAm LAS DPAL LDAN LHA MO YAKshA MA SKU MDOG SNGO NAG ZHAL GCIG PHYAG BZHI MA, ZHABS GNYIS PHYED SKYIL GYI TSUL GYIS BZHUGS PA LA LCAGS SGROG GIS BRGYAN PA, MCHE BA GTZIGS SHING RGYU MAS ZHAL BRGYAN PA, SHIN TU RID PA'I GZUGS CAN G-YAS DANG PO RAL GRI, 'OG MA NA THOD KHRAG ,G-YON DANG PO SHAKTI, MDUNG, 'OG

MA BA DAN GYIS MTSAN PA'I TRI SHU LA 'DZIN PA, MI MGO SKAM PO LNGA'I DBU RGYAN DANG, RLON PA LNGA BCU'I DO SHAL CAN, PHYAG RGYA LDAS BRGYAN PA, GLANG LPAGS KYI STOD G-YOGS DANG, RE LDE'I SHAM THABS CAN, SNYAN G-YAS LA SBRUL DANG GSER GYI DRIL BU DANG, (RTZE GSUM,) G-YON LA SENG GE DANG G-YU'I DRIL BUS BRGYAN PA, RAKTA'I THIG LE, ZHAG GI SOR RIS, RUS PA'I RGYAN DANG LDAN PA, LTE BA'I THAD NAS NYI ZLA 'CHAR ZHING MCHAN KHUNG G-YON NA RIN PO CHES GTAMS PA'I NE'U LE BSNAMS PA, DE'I MTHA' SKOR DU BSTAN MA BCU GNYIS DANG, ,MA MO DANG, BDUD DANG, GSHIN RJE DANG, SRIN PO DANG, ZHING SKYONG DANG, LHA DANG, KLU DANG, GNOD SBYIN DANG, DRI ZA DANG, MI'AM CI DANG, LTO 'PHYE CHEN PO LA SOGS PA'I 'KHOR TSOGS DPAG TU MED PAS BSKOR BA, DE RNAMS KYI SPYI BOR AOm, MGRIN PAR A'A: THUGS DKAR H'Um, THUGS KA'I H'Um LAS 'OD ZER 'PHROS PAS, GUR MGON DPAL LDAN LHA MO YAKshA MA DANG, GAR BZHUGS RDO RJE'I PHO BRANG SO SO NAS BSTAN MA BCU GNYIS LA SOGS PA 'KHOR DANG BCAS PA SPYAN DRANGS, BHYOO: 'OG MIN RNAM SNANG LONGS SKU'I ZHING KHAMS NAS, ,DPAL LDAN NAG PO CHEN PO GYUR MGON YUM, ,MA GCIG SRID GSUM BDAG MO YAKshA MA, ,'KHOR DANG BCAS PA GNAS 'DIR GSHEGS SU GSOL, ,BSDU NA DE TZAM DANG, CUNG ZAD RGYAS TZAM BYED NA YIG RNYING NAS 'BYUNG PA 'DI LTAR, MGON PO KUN GSHEGS GDAN LA BZHUGS, ,DA LTA SNYIGS MA LNGA YI DUS, ,GSHEGS SHING BZHUGS PA'I GNAS NGAN

, ,YANG, ,SH'AKYA'I BSTAN PA BSRUNG BA DANG, ,BDAG CAG RNAMS LA PHAN GDAGS PHYIR, ,GNAS 'DI NYID DU GSHEGS SU GSOL, ,AOm SHR'I MAH'A K'A LA YAKshA K'A LI DE WI SA PA RI W'A RA AE HYA HI DZA: H'Um BAm HO: GNYIS SU MED PAR GYUR, BHYOO: SPROS KUN NYER ZHI'I NGAG LAS MA G-YOS KYANG, ,THUGS RJES GDUG PA MA LUS 'DUL BA'I PHYIR, ,'JIGS RUNG DRAG MO CHEN MO'I SKUR BSTAN MA, ,GNOD SBYIN RE MA TI LA PHYAG 'TSAL LO, ,BDAG GIS DNGOS BSHAMS YID KYIS SPRUL PA LAS, ,LEGS PAR BYUNG BA'I MCHOD YON MTHA' YAS PA, ,DPAL LDAN LHA MO 'KHOR DANG BCAS LA 'BUL, ,BZHES NAS BSTAN DGRA MA LUS BRLAG PAR MDZOD, ,AOm K'A LI DE WI SA PA RI LB'A RA AARGHAm PRA T'ITZTSA H'Um SV'A H'A, DE BZHIN DU, ZHABS BSIL NAS, SBARSH'I BAR, DPAL LDAN LHA MO 'KHOR DANG BCAS LA 'BUL, ZHES PA'I TSIG RKANG GSUM PA BRJE BA MA GTOGS DMAG ZOR MA'I GTOR CHOG GI SKABS LTAR BYAS NA 'JUG PA BDE BAR MNGON PAS DE BZHIN DU BYA, ,DE NAS NANG MCHOD 'BUL BA NI, MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD GCIG TU BSDUS PA'I NGO BOR GYUR PA, CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BDAG DRIN CAN RTZA BA'I BLA MA RIN PO CHE'I ZHAL DU AOm A'A: H'Um, RGYAL BA RDO RJE 'CHANG GI ZHAL DU AO A'A:H'Um, DE BZHIN DU DPAL MGON KLU SGRUB, PADMA'I RGYAL PO THOD 'PHRENG RTZAL, SLOB DPON BRAM ZE MCHOG

SRED, ,NOR BU GLING PA BDE BA'I RDO RJE, SHR'UDDHA KA RA WARMA, LO TZ'A BA RIN CHEN BZANG PO, BRAG STENG PA YON TAN TSUL KHRIMS, MAL GYO BLO GROS GRAGS, SA CHEN KUN DGA' SNYING PO, SLOB DPON BSOD NAMS RTZE MO, RJE BTZUN GRAGS PA RGYAL MTSAN, CHOS RJES SKYA PAndI TA, 'GRO MGON CHOS RGYAL 'PHAGS PA, ZHANG DKON MCHOG DPAL, NA BZA' BRAG PHUG PA, BLA MA DAM PA BSOD NAMS RGYAL MTSAN, CHOS KYI RGYAL PO TZONG KHA PA CHEN PO, MKHAS GRUB DGE LEGS DPAL BZANG, BA SO CHOS KYI RGYAL MTSAN, GRUB CHEN CHOS RDO RJE, RGYAL BA BLO BZANG DON GRUB, MKHAS GRUB SANGS RGYAS YE SHES, RDO RJE 'CHANG PAn CHEN BLO BZANG CHOS KYI RGYAL MTSAN, SLAR YANG RGYAL BA RDO RJE 'CHANG, MKHA' 'GRO MRDO RJE GUR, BRAM ZE CHEN PO, NOR BU GLING PA, SLOB DPON SHR'ADDHA KA RA WARMA, LO CHEN RIN BZANG, BRAG STENG PA YON TAN TSUL KHRIMS, MAL GYO LO TZ'A BA, GONG MA LNGA, BKRAS LUNG PA NAM MKHA' BSOD NAMS, DGE SDINGS PA CHEN PO, , RJE SANGS RGYAS DPAL, RIN CHEN GLING PA, DKAR GZHONG PA RIN CHEN RDO RJE, THEG CHEN CHOS RGYAL, KUN DGA' RGYAL MTSAN, MKHAN CHEN NAM MKHA' LHUN BZANG, BRAG STENG PA DPAL 'DZIN BZANG PO, GONG DKAR RDO RJE GDAN PA, DPAL, KUN BZANG RTZE PA, DRIN CAN CHOS KYI RGYAL PO, SA SKYA LO TZ'A BA, DKON MCHOG LHUN GRUB, SHES RAB RGYAL MTSAN, THAR RTZE BA NAM MKHA' DPAL BZANG, MCHOG LEGS RDO RJE, MKHYEN RAB BSTAN 'DZIN BZANG PO, RJE BYAMS PA NGAG

, ,DBANG LHUN GRUB, SLOB DPON RIN PO CHE BLO BZANG DON GRUB, DRIN CAN RTZA BA'I BLA MA RIN PO CHE'I ZHAL DU AOm A'A:H'Um, MDOR BSDU NA, RGYAL BA RDO RJE 'CHANG SOGS RTZA BRGYUD KYI DPAL LDAN BLA MA DAM PA RNAMS KYI ZHAL DU AOm A'A:H'Um, K'A LI DE WI'I ZHAL DU AOm A'A:H'Um, TSE RING MCHED LNGA ZHES SOGS LHA MO LTAR 'BUL, DE NAS BSHAGS PA BYA BA NI, YI GE BRGYA PA GANG MANG BZLAS NAS, BHYOO: DPAL LDAN RDO RJE 'CHANG DBANG KLU SGRUB SOGS, ,RTZA BRGYUD BLA MA'I TSOGS RNAMS DGONGS SU GSOL, ,ZUNG 'JUG SNGON DU GYUR PA KHYED RNAMS LA, ,MA DAD LOG LTA BGYIS PA MTHOL LO BSHAGS, ,BLA MED RDO RJE THEG PA'I SGOR ZHUGS NAS, ,DAM TSIG SDOM PA BSRUNG BAR KHAS BLANGS PA, ,BAG MED NYON MONGS DBANG GIS NYAMS PA RNAMS, ,YI DAM LHA TSOGS RNAMS LA BSHAGS PAR BGYI, ,PHYI NANG GSANG BA'I MCHOD PA MA LUS PA, ,MA CHAGS DAD PA'I SEMS KYIS MA PHUL DANG, ,ZAB GSAL GNYIS MED NGAG LAS MA G-YOS PAR, ,BZLAS SGRUB TSUL BZHIN MA BGYIS MTHOL LO BSHAGS, ,LO ZLA DUS KYI MCHOD GTOR BGYID 'OS RNAMS, ,RNAM G-YENG LE LO'I DBANG GIS CHAG PA DANG, ,BSTAN DGRA DAM NYAMS ZHING BCU TSANG BA LA, ,MTHUN PA'I GTAM 'DRES GROGS BGYIS MTHOL LO BSHAGS, ,RGYAL BA'I BSTAN DANG BSTAN 'DZIN LA 'KHU BA'I, ,DAM NYAMS SDIG CAN MYUR DU CHANG BCAD NAS, ,CHOS BZHIN SGRUB RNAMS G-YEL MED BSKYANGS PA LA, ,GTANG RAG DUS SU MA

BTANG MTHOL LO BSHAGS, ,CHOS KUN RANG BZHIN MKHA' LTAR RNAM DAG KYANG, ,THOG MED MA RIG 'KHRUL PA'I BAG CHAGS KYIS, ,DPAL LDAN LHA MO'I THUGS DANG 'GAL BGYIS PA, ,DE DAG THAMS CAD SO SOR BSHAGS PAR BGYI DPAL LDAN LHA MO'I 'PHRIN LAS RNAM BZHI LA, ,BDAG CAG BSAM PA DAG PAS YI RANGS SHING, ,CHOS 'KHOR BSKOR PHYIR BRTAN PAR BZHUGS SU GSOL, ,'DIS MTSON DGE BA BYANG CHUB PHYIR BSNGO'O, ,DE NAS BSKANG RDZAS BYIN GYIS BRLAB PA NI, HR'I:shtI: SA BSANGS, SVA BH'A WAS STONG PAR SBYANGS, ZHES PA NAS, THOGS PA MED PAR 'BYUNG GYUR CIG CES PA'I BAR PHYAG RGYA DANG BCAS PAS BYIN GYIS BRLAB PA'I BAR DMAG ZOR RGYAL MO'I GTOR CHOG LTAR BYAS NAS, BHYOO: LHAN SKYES BDE BA CHEN PO'I ROL PA LAS, ,PHYI NANG GSANG BA'I MCHOD PA MTHA' YAS PA, ,DPAL LDAN LHA MO 'KHOR BCAS SPYAN LAM DU, ,LEGS PAR BYUNG BAS THUGS DAM SKONGS GRUB CIG ,GDUG PA'I SNYING KHRAG DRON MO MTSO LTAR 'KHYIL, , DGRA BGEGS DBANG PO'I ME TOG TSAR DU DNGAR, ,SHA CHEN TSIL CHEN DUD PAS MKHA' LAM KHYAB, ,STONG GSUM GSAL BA'I ZHUN CHEN SGRON ME 'DIS, ,MI PHAM SRID GSUM BDAG MO'I THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,THUGS DAM SKONGS SHING NYAMS CHAGS SOS GYUR NAS, ,BAR CHAD SEL ZHING DNGOS GRUB STZAL DU GSOL, ,GA BUR DAD LDAN KHRAG ZHAG DRI CHAB DANG, ,DGRA BGEGS SHA RUS BZA' BA RI LTAR SPUNGS, ,SMAN

, ,RAK BDUD RTZI GSER SKYEMS RGYA MTSO DANG, ,SNYAN 'GYUR ROL MO'I BYE BRAG SNA TSOGS KYIS, ,MI PHAM SRID GSUM BDAG MO'I THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,THUGS DAM SKONGS SHING NYAMS CHAGS SOS GYUR NAS, ,BAR CHAD SEL ZHING DNGOS GRUB STZAL DU GSOL, ,SRA BTZAN GO KHRAB RNO BA'I MTSON CHA DANG, ,GLING BZHI RI RAB RIN CHEN SNA BDUN SOGS, ,PHYI NANG GSANG RTEN MA TSANG MED PA 'DIS, ,MI PHAM SRID GSUM BDAG MO'I THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,THUGS DAM SKONGS SHING NYAMS CHAGS SOS GYUR NAS, ,BAR CHAD SEL ZHING DNGOS GRUB STZAL DU GSOL, ,RLUNG LTAR 'PHYO ZHING MDZES PA'I RTA NAG DANG, ,CHAR SPRIN LTAR GTIBS ZHOL PHO ZHOL MO'I TSOGS, ,SPU SDUG RVA BZHI MDZES PA'I LUG NAG DANG, ,KHYUNG LTAR LDING BA'I BYA NAG TSOGS RNAMS KYIS, ,MI PHAM SRID GSUM BDAG MO'I THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,THUGS DAM SKONGS SHING NYAMS CHAGS SOS GYUR NAS, ,BAR CHAD SEL ZHING DNGOS GRUB STZAL DU GSOL, ,DRAG PO'I NGAR SGRA SGROG PA'I KHYI NAG DANG, ,KHA GDANGS MCHE BA GTZIGS PA'I STAG GZIG DANG, ,GDONG LNGA PA DANG DRE'U RKYANG SER DANG, ,RO BRGYA'I BCUD LDAN BSKANG GTER DAM PA 'DIS, ,MI PHAM SRID GSUM BDAG MO'I THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,THUGS

DAM SKONGS SHING NYAMS CHAGS SOS GYUR NAS, ,BAR CHAD SEL ZHING DNGOS GRUB STZAL DU GSOL, ,DE NAS BZLAS PA BYA BA NI, RANG YI DAM DU GSAL BA'I THUGS KA'I H'Um LAS 'OD 'PHROS, GUR MGON DANG, LHA MO'I THUGS KA'I SNGAGS PHRENG SA BON DANG BCAS PA LA 'PHOG PAS THUGS RGYUD RANG DBANG MED PAR BSKUL, JI LTAR BCOL BA'I LAS THAMS CAD SGRUB PAR BSAMS LA, MGON PO LA AOm SHR'I MAH'A K'A LA YE H'Um PHAt SV'AH'A, ZHES PA DANG, LHA MO LA AOm RU RU RO RU BI TIshshA BA TO PI KA LA R'AKshA SI H'Um BHYOO: H'Um, ZHES PA GNYIS GANG MANG BZLA ZHING, YI GE BRGYA PA GANG MANG BZLAS PAS LHAG CHAD KHA BSKANG, DE NAS GTOR MA 'BUL BA NI, GTOR MA NANG MCHOD LTAR BYIN GYIS BRLABS NAS, GUR MGON LHA MO DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN GYIS GTOR MA'I BCUD RNAMS RDU BAS PAR BSAMS LA, AOm SHR'I MAH'A K'A LA YE K'A LI DE LBI SA PA RI LB'A RA AI DAm BA LIm TA KHA KHA KH'A HI KH'A HI, ZHES PA LAN BDUN NAM GSUM GYIS 'BUL ZHING SNGAR LTAR MCHOD, SHR'I MAH'A K'A LA YE K'A LI DE WIS PA RI WA RA AOm A'A: H'Um GIS NANG MCHOD 'BUL, AA K'A RO GSUM CAM GYIS 'KHOR RNAMS LA GTOR MA PHUL, GZHI BDAG GTOR MA BSNGOS LA, BHYOO: DPAL NAG PO CHEN PO SRID GSUM GYI BDAG MO YAKshA MA 'KHOR DANG BCAS PA, GTZUG LAG KHANG DANG DKYIL 'KHOR GYI BSRUNG MA, BSTAN PA'I SROG SHING, RNAL 'BYOR GYI DGRA LHA KHYED RNAMS KYIS MCHOD PA DANG GTOR MA 'DI DAG BZHES LA, PHYI NANG GI BAR DU GCOD PA

, ,THAMS CAD ZHI BA DANG DGRA BGEGS THAMS CAD THAL BA'I RDUL PHRAN BZHIN DU BRLAG PA'I 'PHRIN LAS MDZOD CIG ,DE NAS BSTOD PA BYA BA NI, H'Um BHYOO: 'OG MIN RNAM SNANG THUGS RJE'I KLONG YANGS NAS, ,'PHRIN LAS DRAG POS BSTAN PA BSRUNG BA'I PHYAR, ,SRIN PO KHROS PA'I SKUR BSTAN 'JIGS GZUGS CAN, ,GUR MGON RDO RJE NAG PO KHYOD LA BSTOD, ,DUS GSUM RGYAL BA SKYED MDZAD DBYANGS CAN MA, ,GNOD SBYIN DRAG MO'I SKUNG BSTAN BGEGS KYI GSHED, ,BSTAN 'DZIN BU BZHIN SKYONG BA'I 'PHRIN LAS CAN, ,MI PHAM SRID GSUM BDAG MO KHYOD LA BSTOD, ,KHRAG ZHAG RGYA MTSO CHAL CHIL G-YO BA'I STENG, ,RLUNG NAG 'TSUB MAR 'TSUBS PA'I DBUS NYID NA, ,RDZU 'PHRUL SHU GAS LDAN DRE'U RKYANG SER STENG, , PHYED SKYIL STABS KYIS ROL PA KHYOD LA BSTOD, ,RAB ZHI ZHI BA'I NGAG LAS MA G-YOS KYANG, ,RAB 'JIGS 'JIGS PA'I SNA TSOGS SPRUL PA YIS, ,MI SDUG GDUG CAN GDON BGEGS 'BYUNG PO'I TSOGS, ,MA LUS LUS PA MED PA 'JOMS, LA BSTOD, ,MIG SMAN MDOG 'DZIN ZHAL GCIG PHYAG BZHI MA, ,DMAR SER RAL PA MKHA' DBYINGS KLONG NA 'KHYIL, ,SKAM RLON MGO BO'I DBU RGYAN DO SHAL 'PHYANG, ,KLU DBANG SENG GE'I SNYAN RGYAN MDZES LA BSTOD, ,PHYAG G-YAS RAL GRI MTSAN LDAN BCUD GTAMS 'DZIN, ,G-YON PAR BRNO'I MTSON CHA DGRA LA 'PHYAR, ,MCHAN KHUNG RIN CHEN NE'U LE LEGS PAR BSNAMS, ,'DOD DGU'I DNGOS GRUB STZOL BA KHYOD LA BSTOD, ,DE NAS BSKUL BYA BA NI, BHYOO: LHA MO MI PHAM SRID

GSUM BDAG ,DUNG SKYONG RGYAL MO PHO NYA NI, ,MDUN NAS RGYUG CING DRAG SHUL CHO, ,BUD MED GRI THOD THOGS PA BRGYA, ,G-YAS NAS RU 'DRIN DPA' RTZA LA CAN, ,SKYES PA RU MTSON THOGS PA BRGYA, ,G-YON NAS RU 'DREN SPRUL PA'I SKU, ,NYAN THOS LA BAR GSIL THOGS PA BRGYA, ,SLAD KYI RJES 'BRANG 'JIGS SU DUNG, ,BANDHE PHUR PA THOGS PA BRGYA, ,PO NYA DRAG GTUM MI BZANG 'BAR, ,SRIN MO RAL PA G-YENGS PA'I TSOGS, ,BSTAN PA SRUNGS SHIG DPAL LDAN MA, ,PO NYAR MANG GANG KYI RTZAL MA CHUNG, ,BHYOO: BHYOO: SDANG BA'I DGRA LA BHYOO: BHYOO: BHYOO: GNOD BA'I BGEGS LA BHYOO: CHOS SHIG BSKUL LO DMAG LA CHOS, ,DMAG DBUNG BSKYED LA RU MCHON PHYOR, ,SDANG DGRA GNOD BGEGS DAM NYAMS RNAMS, ,RDUL PHRAN BZHIN DU BRLAG PAR MDZOD, CES PA DANG, BHYOO: BHYOO: DE NI DAM NYAMS DGRA LA BHYOO: BGEGS RIGS STONG PHRAG BRGYAD CU DGRA LA BHYOO: GDON RIGS SUM BRGYA DRUG CU DGRA LA BHYOO: NAD KYI BDAG MO 'KHOR BCAS DGRA LA BHYOO: SHA ZA KHRAG 'THUNG THAMS CAD DGRA LA BHYOO: DGRA BO'I SROG LA DBANG BYED BSHAN PA'I TSOGS, ,DAM NYAMS DGRA BO MYUR DU BSGRAL BAR GYIS, ,MTHU RTZAL DUS LA BAB BE SA MA YA, ,DE NAS BZLOG BA BYED NA, BHYOO: DBAL LDAN LHA MO 'KHONG BCAS KYIS, ,MTHUN PA'I DAM RDZAS 'DI BZHES LA, ,GZHAN GYIS BSAM SBYOR NGAN PA DANG, ,TSE ZOR YUNGS ZOR 'PHEN PA BZLOG ,CES SOGS DMAG ZOR MA'I GTOR CHOG NAS 'BYUNG BA LTAR BZLOG PA BYAS RJES, MCHOD PA RNAMS SNGAR LNYAR BSANGS SBYANGS BYIN

, ,GYIS BRLABS LA, AOm SHR'I MAH'A K'A LA K'A LI DE WI SA PA RI W'A RA AA RGHAm PRA T'ITZTSA H'Um SV'AH'A, DE BZHIN DU SHAPTA'I BAR GYIS MCHOD CING, SNGAR LTAR NANG MCHOD PHUL NAS, BHYOO: SANGS RGYAS KUN GYI MTHU STOBS GCIG BSDUS NAS, , RDO RJE SRIN BO'I SKUR BSTAN GUR GYI MGON, ,DPAL LDAN LHA MO SRID PA GSUM GYI BDAG ,LCAM DRAL BKA' SDOD 'KHOR DANG BCAS LA BSTOD, ,YAKshA LHA MO ZHES GRAGS 'KHOR BCAS LA, ,SHA KHRAG RGYAN GYI GTOR MA SMAN RAK SOGS, , SNGAR BCOL LEGS DANG DA 'CHOL GSAL 'DEBS SU, ,'BUL LO BCOL BA'I 'PHRIN LAS SGRUB PAR MDZOD, ,DE NAS MNGA' GSOL NI, BHYOO: RDO RJE 'CHANG DBANG KLU SGRUB YAB SRAS DANG, ,LHUN GRUB BDE BA CHEN POR DBYER MED KYANG, ,BSTAN DGRA TSAR GCOD DRAG MO'I SKUR BSTAN MA, ,RTZA RGYUD BLA MA'I TSOGS SU MNGA' GSOL LO, ,MCHOG DANG THUN MONG DNGOS GRUB MA LUS PA, ,STZOL MDZAD YI DAM DKYIL 'KHOR LHA TSOGS DANG, ,SRID ZHI'I 'JIGS PA SEL BA'I SKYABS DANG GROGS BSLU MED DKON MCHOG NGO BOR MNGA' GSOL LO, ,BSTAN DGRA DAM NYAMS MI DANG MI MIN KUN, ,DRAG PO'I CHAD PAS MYUR DU TSAR GCOD CING, ,BSTAN DANG BSTAN 'DZIN BU BZHIN SKYONG MDZAD PHYIR, ,BSTAN SRUNG KUN GYI GTZO MOR MNGA' GSOL LO, ,ZHING SKYES SNGAGS SKYES LHAN SKYES PHO NYA'I TSOGS, ,GNAS GSUM MKHA' 'GRO'I GTZO MOR MNGA' GSOL LO, ,'DOD KHAMS DBANG PHYUG GTZO MOR MNGA' GSOL LO, ,MA MO 'BUM SDE'I GTZO MOR MNGA' GSOL LO, ,MDOR

NA DENG NAS BYANG CHUB MA THOB BAR, ,RNAL 'BYOR DPON SLOB MI NOR DGON GNAS BCAS, ,DPAL LDAN LHA MO KHYOD LA GNYER GTAD KYIS, ,'PHRIN LAS RNAM BZHIS G-YEL MED SKYONG BANG MDZOD, ,BKRA SHIS NI, BHYOO: DUS GSUM RGYAL BA'I 'PHRIN LAS KUN GYI DNGOS, ,GCIG TU BSDUS PA RTZA RGYAD BLA MA DANG, ,DAG PA'I SNOD BCUD SPRUL PA'I ZLOS GAR MKHAN, ,YI DAM LHA TSOGS RNAMS KYI BKRA SHIS SHOG ,SPROS KUN NYER ZHI'I DBYINGS LAS MA G-YOS KYANG, ,SNA TSOGS SGYU 'PHRUL DRA BA'I 'PHRIN LAS KYIS, ,DAM LDAN SGRUB PO BU BZHIN SKYONG MDZAD PA'I, ,MA GCIG DPAL LDAN LHA MO'I BKRA SHIS SHOG ,BSOD NAMS DAR RGYAS RI RGYAL LHUN PO BZHIN, ,SNYAN GRAGS CHEN POS NAM MKHA' BZHIN DU KHYAB, ,TSE RING NAD MED BZHED DON LHUN GRUB PA'I, ,YON TAN RGYA MTSO MCHOG GI BKRA SHIS SHOG ,'BAD DANG STZOL BA MI DGOS PA'I, ,YID BZHIN NOR BU DPAG BSAM SHING, ,SEMS CAN RE BSKONG MDZAD BA'I, ,BSAM PA 'GRUB PA'I BKRA SHIS SHOG SMRAS PA, GANG THUGS BDE BA CHEN PO'I RNAM ROL LAS, ,GDUG PA 'DUL PHYIR DRAG MO'I SKUR BSTAN MA, ,'DOD KHAMS DBANG PHYUG DPAL LDAN DUNG GSOL MA'I, ,GTOR CHOG KHRIGS SU BSDEBS BA'I DGE BA'I MTHUS, ,THUB BSTAN 'DZIN SKYONG SPEL LA MNGON DGA' BA'I, ,LHA KLU DGE 'DUN SBYIN BDAG DGON GNAS BCAS, ,YID SRUBS SDE BCAS G-YUL LAS RNAM RGYAL TE, ,BKRA SHIS DGA' BDE'I DPAL LA ROL PAR SHOG ,CES PA 'DI NI 'DAR DAR RGYAS GLING BI

, ,BLA MA DPAL 'BYOR TSUL KHRIMS KYIS, LHA MO 'DI'I GTOR CHOG RNYING PA ZHIG 'DUG PA YI GE MA DAG BA SOGS KYI SKYON DANG BCAS PA NAS GDENG KHEL BA ZHIG MA BYUNG BAS, 'DIS MA THUS TSE GSAR BSGRIGS SHIG DGOS ZHES BSKUL BA'I NGOR YIG RNYING DE NYID LA GZHI BYAS KHA 'GENGS DGOS PA RNAMS 'JUG PA BDE BA'I PHYIR DPAL LDAN DMAG ZOR RGYAL MO'I GTOR CHOG NAS KHA BSKANGS SHING, MKHAS GRUB THAMS CAD MKHYEN BAS 'BRONG RTZE BLO GROS CHOS SKYONG LA GNANG BA'I GUR MGON SGRUB YIG SOGS LA BRTAGS NAS, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, MANG+GALAm,, ` RGYAL PO LJON LEGS SOGS LA GTOR MA 'BUL TSUL NI, GTOR MA BGAGS GTAR LTA BU BSHAMS PA'AM, YANG NA CHU LA RIL BU 'BRAS SOGS BTAB PA'ANG RUNG BAS LEGS PAR BSHAMS NAS BSKANG GSO DANG 'BREL TSE GZHI BDAG GTOR MA'I MJUG TU AA K'A RO GSUM TZAM GYIS BYIN GYIS BRLAB PA'AM, YANG NA AOm BADZRA AA MRi TA KUNdA LI HA NA HA NA H'Um PHAt, AOm SVA BH'A WA SHUDDHA SARB'A DHARM'A SVA BH'A WA SHUDDHONYAHAm, GTOR MA MI DMIGS PA'I STONG PAR GYUR, STONG PA'I DANG LAS BHAm LAS BYUNG BA'I RIN PO CHE'I SNOD YANGS SHING RGYA CHE BA'I NANG DU GTOR MA KHA DOG DRI RO PHUN SUM TSOGS BA'I STENG DU AOm A'A: H'Um GIS MTSAN PA LAS 'DO ZER 'PHROS, 'KHOR 'DAS KYI BCUD THAMS CAD BSDUS NAS GTOR MA LA THIM PAS BDUD RTZI'I RGYA MTSO CHEN POR GYUR, AOm A'A: H'Um, AOm SARBA BID P'URA P'U RA SU RA SU RA, A'A RBARTA YA A'A,

WA RTA YA HO BADZRA SBA RA nA KHAm, LAN GSUM, NAM MKHA' MDZOD KYI PHYAG RGYA DANG BCAS PAS BYIN GYIS BRLABS LA, RANG GI THUGS KA'I H'Um GI 'OD ZER GYIS, LJON LEGS RGYAL PO LA SOGS PA'I DKOR BDAG RGYAL PO, MA MO BTZAN BDUD DAM SRI LA SOGS PA DAR RGYAS GLING BA DPON SLOB SBYIN BDAG MI NOR DANG BCAS PA LA GNOD CING 'TSE BAR BYED PA'I BGEGS THAMS CAD BKUG NAS GTOR MA LA LONGS SPYOD PAR GYUR, AOm SARBA NI GHN'Am NA MA: SARBBA TA TH'A GA TE BHYO BI SH'A MU KHE BHYA: SARBBA TA DA KHAm AUDBA TE SPAR nA HI MAm, ,GA NA KHAm BA LIm TA YE SV'AH'A, GSUM TZAM GYIS BSNGO BA'AM, YANG NA SAMBHA RA BDUN TZAM GYIS BSNGOS LA, BDAG GI BSAM PA'I STOBS DANG NA, ,DE BZHIN GSHEGS PA'I BYIN STOBS DANG, ,CHOS KYI DBYINGS KYI STOBS RNAMS KYIS, ,DON RNAMS GANG DAG BSAMS PA KUN, ,DE DAG THAMS CAD CI RIGS PA, ,THOGS PA MED PAR 'BYUNG GYUR CIG ,LJON LEGS RGYAL PO LA SOGS PA, ,GTOR MA 'DI YIS TSIM BYOS LA, ,BDAG CAG DPON SLOB THAMS CAD DANG, ,SBYIN BDAG 'KHONG DANG BCAS RNAMS KYI, ,MI PHYUGS RNAMS KYI TSE SROG LA, ,NYE BAR 'TSE BA'I BAR GCOD DANG, ,NOR RDZAS 'BYOR PAR GONG KHA SOGS, ,MI MTHUN PHYOGS RNAMS ZHI BAR MDZOD, ,DNGOS PO PHYI 'GRO'I RJES 'BRANGS NAS, ,GNOD BA'I 'GAB 'DRE MI MDZAD CING, ,BDAG SOGS 'KHOR DANG BCAS PA LA, ,BKRA SHIS BDE LEGS PHUN TSOGS MDZOD, CES BAS GTOR MA BSNGOS NA DGE'AM SNYAM, ,BKRA SHIS,, ,,

, ,AOm SVASTI, SANGS RGYAS KUN DNGOS BLO BZANG GRAGS PA YI, ,RING LUGS 'CHAD MED GANG+GA'I RGYUN BZHIN DU, ,'BI BAS LA RAB SMON LHAG BSAM KHUR 'KHYER BA'I, ,YE SHES MTSAN CAN ZHABS LA GSOL BA 'DEBS, , BLO BZANG RGYAL BA'I BSTAN LA RAB GUS PA'I, ,DAD LDAN SLOB MAS TSUL BZHIN GSOL BTAB NA, ,DNGOS GRUB KUN STZOL GSUM LDAN RDO RJE 'DZIN, ,YE SHES MTSAN LDAN ZHABS LA GSOL BA 'DEBS, ,BLO CHEN RGYAL BA RNAMS KYIS MGRIN GCIG TU, ,SKAL BZANG GDUL BYA'I BSOD NAMS ZHING DAM PAR, ,RAB BSNGAGS BSHES GNYEN DAM PA'I TSUL 'DZIN PA'I, ,RJE BTZUN BLA MA'I ZHABS LA GSOL BA 'DABS, ,BSLU MID MCHOG GSUM DAM PA'I BYIN RLABS DANG, ,DPAL LDAN 'DOD KHAMS DBANG PHYUG MTHU STOBS DANG, ,MTHA' YAS SKYE DGU'I LEGS SBYAD BSOD NAMS MTHUS, ,RJE BTZUN BLA MA BSKAL BA RGYAR ZHABS BRTAN SHOG ,DE LTAR DANG BA'I YID KYIS GSOL BTAB MTHUS, ,PHYOGS 'DI'I RGYAL BLON BTZUN MO SRAS BCAS DANG, ,BLON 'BANGS MA LUS SKYE BA THAMS CAD DU, ,MGON PO KHYOD KYIS 'BRAL MED RJES 'DZIN SHOG ,YUL PHYOGS 'DIR YANG BLO BUR BU YUG DANG, ,NAD YAMS PHYI DGRA'I NYER 'TSE KUN ZHI ZHING, ,SRID ZHI'I DPAL 'BYOR DBYAR MTSO LTAR 'PHEL NAS, ,RDZOGS LDAN DGA' BDE'I DPAL LA SPYOD PAR SHOG ,KHYAD PAR RGYAL BA GNYIS PA TZONG KHA BA'I, ,MDO SNGAGS BSTAN PA PHYOGS MTHAR RGYAS PA DANG, ,RIG GROL GNYIS LDAN 'PHAGS TSOGS

'DUS SDER BCAS, ,YAR NGO'I ZLA LTAR 'PHEL BA'I BKRA SHIS SHOG ,CES PA 'DI NI THOR KHO RGYAL PO A'A YURshA'I GSUNG GIS MNGAGS PA BZHIN RAB 'BYAMS PA DAR KHAN CHOS RJES BSKUL BA LA BRTEN NAS, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DZA YAN TU,, ` AOm SVA STI, MKHYEN BRTZE'I DBANG PHYUG RJE BTZUN PAD DKAR 'DZIN, ,DUR SMRIG GAR GYIS RNAM ROL THAMS CAD MKHYEN, ,GANGS CAN 'GRO MGON BLO BZANG RGYA MTSO'I DPAL, ,RJE BTZUN BLA MA'I ZHABS LA GSOL BA 'DEBS, ,BLO CHEN BZANG PO'I SHEL GYI BA GAM RTZER, ,BSLAB GSUM LUNG RTOGS RGYAL MTSAN RAB BSGRENG ZHING, ,YE SHES 'OD 'BAR TOG GIS RAB MTSAN PA, ,DPAL LDAN BLA MA'I ZHABS LA GSOL BA 'DEBS, , DE LTAR SHUGS DRAG DANG BAS GSOL BTAB MTHUS, ,BLO BZANG RGYAL BA GNYIS PA'I BSTAN PA'I GNYEN, ,PHAN BDE'I 'BYUNG GNAS RJE BTZUN BLA MA YI, ,ZHABS ZUNG MI 'GYUR KHRI LA BRTAN BAR SHOG ,GNAS SKABS LAM GYI BAR CHAD NAD GDON KUN; ,NYER ZHI DPAL LDAN BLA MA'I 'DZUM ZHAL LA, ,SLAR YANG DAD PA'I MIG GIS BLTA BA SOGS, ,BSAM DON MA LUS YID BZHIN 'GRUB PAR SHOG ,CES PA 'DI NI THOR KHO AEM CHI SBYIN PA RGYA MTSOS BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DZA YANTU, ,` AOm SVASTI, GRANGS MED BSKAL PAR CHOGS GNYIS MTHAR PHYIN KYANG, ,SA BCU'I DBANG PHYUG RGYAL SRAS TSUL 'DZIN PA, ,GANGS CAN 'GRO BA'I GNYEN GCIG THAMS CAD MKHYEN

, ,DPAL LDAN BLA MA'I ZHABS LA GSOL BA 'DEBS, ,RGYAL KUN NGO BO BLO BZANG GRAGS PA YI, ,BSTAN PA'I RGYAL MTSAN 'DZIN LA MNGON MTHO ZHING, ,YE SHES 'OD KYIS 'GRO BA'I RMONGS MUN SEL, ,RJE BTZUN BLA MA'I ZHABS LA GSOL BA 'DEBS, ,MCHOG GSUM BSLU MED THUGS RJE'I BYIN RLABS DANG, ,DKAR PHYOGS CHOS SKYONG BSRUNG MA'I MTHU STOBS DANG, ,MTHA' DAG SKYE DGU YONGS KYIS GSOL BTAB MTHUS, ,'DREN MCHOG DAM PA BSKAL BRGYAR ZHABS BRTAN SHOG ,DE LTANG DANG BAS LEGS BYAS BSOD NAMS MTHUS, ,'DZAM GLING SBYI DANG DGE BCU TSANG BA'I GNAS, ,YUL PHYOGS 'DI YI SKYA SER BOD 'BROG LA, ,NAD YAMS MU GE G-YUL 'KHRUG ZHI BAR SHOG, ,PHYOGS 'DIR 'KHOD PA'I SKYE DGU MA LUS PA, ,PAN TSUN BYAMS PA'I SEMS DANG RAB LDAN ZHING, ,RDZOGS LDAN BZHIN DU CHOS 'BYOR SLAR 'PHEL TE, ,BSAM PA'I DON KUN YID BZHIN 'GRUB BAR SHOG ,CES PA 'DI NI BKA' CHEN NOR BUS BZHAD KHUL GYI SKYA SER THAMS CAD KYIS NGAG 'DON BYAS CHOG PA'I RING MTSO'I TSIGS BCAD SPYIR RGYAL KHAMS DANG KHYAD PAR BZHAD BOD 'BROG DANG BCAS PAR MI PHYUGS KYI NAD YAMS ZHI BA DANG, LO PHYUGS LEGS PA SOGS DGE MTSAN GONG 'PHEL DU 'GYUR BA DANG BCAS PA ZHIG DGOS ZHES BSKUL BA LTAR, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU BRIS PA DGE LEGS 'PHAL, ,MANG+GALAm, , ` SVASTI, RIGS BRGYA'I KHYAB BDAG DPAL LDAN RDO RJE

'CHANG, ,RGYAL BA KUN GYI YAB GCIG NGAG GI LHA, ,DUR SMRIG GAR GYIS RNAM ROL SPRUL PA'I SKU, ,DPAL LDAN BLA MA'I ZHABS LA GSOL BA 'DEBS, ,SHER PHYIN 'CHAD LA ZLA BRAL RAB 'BYOR CHE, ,GNYIS MED RGYUD KYI MNGA' BDAG 'JAM DPAL GRAGS, ,MTHU STOBS DBANG PHYUG GRUB DBANG PADMA 'BYUNG, ,KLU SGRUB SRAS MCHOG GYUR LA GSOL BA 'DEBS, ,RJE BTZUN MA YIS RJES BZUNGS AA BHA YA, ,LNGA BRGYA'I GTZUG RGYAN DPAL LDAN MAR ME MDZAD, ,RGYA BOD GNYIS SU MKHAS PA'I LOTZTSA BA, ,RTA NAG BGOS KYI ZHABS LA GSOL BA 'DEBS, ,BKA' PHYAG GDAMS PA'I GTER GYUR SGAM PO PA, ,GNAS LNGA MKHYEN PA'I KUN DGA' RGYAL MTSAN DANG, ,SNANG SRID BRAN 'KHOL G-YUNG STON RDO RJE DPAL, , MKHAS GRUB DAM PA GSUM LA GSOL BA 'DEBS, ,SMRA BA'I NYI MA DGE LEGS DPAL BZANG DANG, ,GZHUNG LUGS THOGS MED PHYOGS KYI GLANG PO'I ZHABS, ,ZUNG 'JUG MNGON GYUR BLO BZANG DON YOD GRUB, ,CHOS KYI RGYAL MTSAN ZHABS LA GSOL BA 'DEBS, ,'JAM MGON BLA MA BLO BZANG GRAGS PA YI, ,BSTAN PA'I RGYAL MTSAN 'DZIN LA ZLA BRAL ZHING, ,MKHYEN PA'I YE SHES GZI 'OD RAB 'BAR BA, ,DPAL LDAN BLA MA'I ZHABS LA GSOL BA 'DEBS, ,DKON MCHOG GSUM GYI THUGS RJE'I BYIN RLABS DANG, ,MOS LDAN SKYE DGU'I LEGS BYAS BSOD NAMS DANG, ,DPAL LDAN 'DOD KHAMS DBANG PHYUG MTHU STOBS KYIS, ,RJE BTZUN BLA MA BSKAL BRGYAR ZHABS BRTAN SHOG ,DENG NAS JI SRID BYANG CHUB

, ,SNYING PO'I BAR, ,YON TAN KUN RDZOGS THEG MCHOG DGE BA'I BSHES, ,BSAM SBYOR GNYIS KYIS TSUL BZHIN BSTEN PA LAS, ,'BRAL BA MED PAR MNYES SHING RJES 'DZIN SHOG ,DE NAS DE YIS BRTZEBS GDAMS PA YI, ,DAL 'BYOR DON CHE 'JIG PAR SLA BA DANG, ,NGAN 'GRO'I SDUG BSNGAL BSAMS NAS SKYABS 'GRO ZHING, ,SDIG SBONG DGE BA SGRUB LA BRTZON PAR SHOG ,RE ZHIG BDE 'GRO'I GO 'PHANG MCHOG THOB KYANG, ,YID BRTAN MI RUNG BSLU BA'I TSUL BSAMS NAS, ,BSLU MED THAR PA'I GO 'PHANG THOB BYA'I PHYIR, ,RNAM DAG BSLAB PA GSUM LA SLOB PHAR SHOG ,MAR GYUR 'GRO BA'I SDUG BSNGAL MA BZOD PAR, ,BYAMS DANG SNYING RJE DRAG POS YID BSKUL NAS, ,SMON 'JUG BYANG CHUB MCHOG TU SEMS BSKYED DE, ,PHYIN DRUG BSDU BA BZHI LA SPYOD PAR SHOG ,KHYAD PAR RANG GI DRAN PA'I NGO BO'AM, ,LHA SKU THIG LE DBUGS KYI RGYU BA LA, ,RTZE GCIG MNYAM BAR BZHAG PA'I SHIN SBYANGS KYI, ,BDE BAS ZIN PA'I ZHI GNAS 'GRUB PAR SHOG ,ZHI GNAS NGANG LAS GZHAN DU MA YENGS PAR, ,CHOS KUN RANG SNANG NGO BOS MA GRUB PAR, ,RIG PAS DPYAD NA BDEN MED MNGON SUM DU, ,RTOGS PA'I LHAG MTHONG TSE 'DIR 'GRUB PAR SHOG ,DE LTAR THUN MONG LAM GYIS RGYUD SBYANGS NAS, ,RDO RJE'I SLOB DPON MTSAN NYID LDAN PA LAS, ,SKU BZHI'I SA BON THEBS PA'I DBANG BZHI THOB, ,DAM TSIG SNGOM PA SROG LAS GCES 'DZIN SHOG ,SKYE SHI BAR DO'I THA MAL SNANG ZHEN KUN, ,SBYONG BA'I BSKYED

RIM PHRA RAGS MTHANG PHYIN NAS, ,THUN MONG DNGOS GRUB THOB DANG RDZOGS RIM GYI, ,RTOGS PA MTHA' DAG SKYE BA'I RGYUD SMIN SHOG ,DBEN PA GSUM GYI TING 'DZIN GOMS PA'I MTHAR, ,RLUNG SEMS TZAM LAS GRUB PA'I SGYU MA'I SKU, ,DON DAM 'OD GSAL DBYINGS SU BCUG PA LAS, ,SLAR YANG ZUNG 'JUG SKU RU LDANG BAR SHOG ,MDOR NA TSE 'DIR DE DAG MA THOB NA, ,PHYI MAR 'KHOR LO BZHI LDAN RDO RJE'I LUS, ,THOB NAS BLA MED GDUL BYA'I MCHOG GYUR TE, ,SKU GSUM GO 'PHANG MYAR DU THOB PAR SHOG ,DE NAS SKYE BA KUN TU YANG DAG BLA MA ZHES SOGS BSNGO BA SMON LAM BKRA SHIS SOGS RANG GI BLO DANG SPYAR NAS JI LTAR RIGS PAR BYA'O, ,ZHES PA 'DI NI MDZO DGE DRUNG 'TSO BA DGE SLONG NGAG DBANG BSTAN 'DZIN GYIS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BSKUL BA PO'I 'DOD PA BZHIN NYI 'OD LA BYIL PAR SMRAS PA'O,, MANG+GALAm,, ` NA MO GU RU MANYDZU GHO shVA YA, DE LA 'DIR 'PHAGS MA DUG SEL MA BSGRUB PAR 'DOD PAS, ,BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,DPAL MGON DAM PA CHOS SKYONG BA'I BSRUNG MA YE SHES KYI SPYAN DANG LDAN PA RNAMS LA SKYABS SU MCHI'O, ZHES LAN GSUM GYIS SKYABS 'GRO DANG, ,SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOG BGYIS PA'I BSOD NAMS KYIS, ,'GRO LA PHAN PHYIR SANGS RGYAS 'GRUB PAR SHOG ,CES

, ,PA LAN GSUM GYIS SEMS BSKYED DANG, SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BAR GYUR CIG ,SEMS CAN THAMS CAD SDUG BSNGAL MED PA'I BDE BA DANG MI 'BRAL BAR GYUR CIG ,SEMS CAN THAMS CAD NYE RING CHAGS SDANG DANG BRAL PA'I BTANG SNYOMS TSAD MED PA LA GNAS PAR GYUR CIG ,CES PA LAN GSUM GYIS TSAD MED BZHI SGOM PA SNGON DU BTANG NAS, SKAD CIG GIS RANG NYID 'PHAGS MA DUG SEL MAR GSAL BA'I THUGS KA'I H'Um LAS 'OD ZER 'PHROS, BLA MA DANG GNYIS SU MED PA'I 'PHAGS MA DUG SEL MA LA SANGS RGYAS DANG BYANG CHUB SEMS DPA'I TSOGS KYIS BSKOR PA SPYAN DRANGS, DUS GSUM BDE GSHEGS KUN GYI 'PHRIN LAS RNAMS, ,RAB MDZES LHA MO'I GZUGS SU SHAR BA GANG, ,DRAN PA TZAM GYIS DUG GI NYES PA KUN, ,ZHI MDZAD 'PHAGS MA SGROL MA LA PHYAG 'TSAL, ,MCHOD TSOGS KUN 'BUL NYES LTUNG MA LUS BSHAGS, ,DGE LA YI RANG CHOS 'KHOR BSKOR PA DANG, ,SRID MTHAR MYA NGAN MI 'DA' RTAG BZHUGS GSOL, ,'DIS MTSON DGE BA BLA MED RDZOGS BYANG BSNGO, ,TSOGS ZHING RANG LA THIM PAS BYIN GYIS BRLABS PAR GYUR, AOm SVA BH'A WA SHUDDHA SARBA DHARM'A SVA BH'A WA SHUDDHONYAHAm, STONG PA NYID DU GYUR, STONG PA'I NGANG LAS PAm LAS PADMA DMAR PO DANG, RAm LAS NYI MA'I DKYIL 'KHOR GYI STENG DU DZAM SER PO LAS 'OD ZER 'PHROS, 'PHAGS PA MCHOD SNOD BCUD KYI DUG RIGS LA SOGS

PA'I NYES SKYON ZHI BAR BYAS, TSUR 'DUS YONGS SU GYUR PA LAS, RANG NYID RJE BTZUN 'PHAGS MA SGROL MA DUG SEL MA SKU MDOG SER MO SPRUL GYI GDENGS KA BDUN DANG LDAN PA, ZHAL GSUM SPYAN GSUM DANG LDAN ZHING, KHRO ZHING RGOD PA'I NYAMS CAN SPRUL GYI SKA RAGS BCINGS PA, G-YAS ZHAL SNGO, G-YON ZHAL DKAR, PHYAG DRUG GI G-YAS GSUM NA RDO RJE, RAL GRI, GAR GYI NYAMS STABS KYIS MDA' BZUNGS PA, G-YON GSUM NA SDIGS MDZUB DANG BCAS PA'I ZHAGS PA, DUG GI ME TOG SNGON PO, GSUM PA NA GZHU 'DZIN PA, ME TOG GI PHRENG BAS DBU BRGYAN CING, RIN PO CHE SNA TSOGS PA'I DO SHAL DANG SBRUL GYIS BRGYAN PA, DAR GYI NA BZAS MDZES PAR KLUBS SHING, ZHABS GNYIS ROL PA'I STABS KYIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA BROGS TE, AOm SARBA TA TH'A GA TA AA BHI shE KA TA SA MA YA SHR'I H'Um, ZHES BDUD RTZI'I CHUS DBANG BSKUR, LUS GANG DRI MA DAG ,CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, AOm BADZRA AA MRi TA

, ,KUNdA LI HA NA HA NA H'Um PHAt, AOm SVA BH'A WA SHUDDHA SARBA DHARM'A SVA BH'A WA SHUDDHONYAHAm, STONG PA NYID DU GYUR, STONG PA'I NGANG LAS, AOm LAS RIN PO CHE'I SNOD YANGS SHING RGYA CHE BA'I NANG DU AOm 'OD DU ZHU PA LAS BYUNG PA'I MCHOD RDZAS RNAMS PHUL DU BYUNG BA'I LHA RDZAS SU GYUR, AOm A'A: H'Um, LAN GSUM GYIS BYIN GYIS BRLABS LA, AOm A'A RYA T'A RE SA PA RI W'A RA AARGHAm, P'A DYAm, PUshPE, DH'U PE, A'A LO KE, GANDHE, NEE WI DYA, SHAPTA PRA T'I TZTSA SV'AH'A, ZHES PAS MCHOD, 'KHOR BA LAS SPRAL T'A RE MA, ,TU TT'A RE YIS 'JIGS BRGYAD SGROL, ,TU RES NA PA RNAMS LAS SGROL, ,SGROL MA LA NI PHYAG 'TSAL LO, ZHES PAS BSTOD, BZLAS PA BYA BA NI, THUGS KAR NYI MA'I DKYIL 'KHOR GYI STENG DU DZI YIG SER PO'I MTHAR, AOm DZAm GU L'I SARB'A BI shA MA NI PHU: SV'AH'A, ZHES PAS BSKOR BA LA DMIGS NAS CI MANG BZLA, MJUG TU, DGE BA 'DI YIS MYUR DU BDAG ,RJE BTZUN SGROL MA 'GRUB GYUR NAS, ,'GRO BA GCIG KYANG MA LUS BA, ,DE YI SA LA 'GOD PAR SHONG, ,CES BSNGO BA DANG SMON LAM BYA'O, ,ZHES PA 'DI NI AER TE NI RJO RIG THU HONG THA'I JI'I GSUNG GIS MANG GAS PA LTAR, SH'AKYA'I BTZUN PA BLO BZANG YE SHES KYIS BKA' GDAMS PO BRANG DU SBYAR BA DZA YAN TU,, `NA MO MU NI AINDR'A YA, LAGS SBYANGS GSAR GYI LHUN PO LTAR BRJID CING, ,MTSAN DPE'I 'OD SNANG PHYOGS BRGYAR 'PHRO BA YIS, ,'GRO 'DI'I RMONGS MUN CIG CAR SEL MDZAD PA'I, ,MNYAM MED BU RAM SHING BA GTZUG GIS MCHOD, ,MGON DES GDUL BYA'I KHAMS DANG BSAM PA KUN,,

JI BZHIN GZIGS NAS BRTZE BAS LEGS GSUNGS PA'I, ,MDO DANG RGYUD SDE'I GSUNG RAB RIN PO CHE, ,MDZAD PA KUN GYI MCHOG TU YANG YANG BSNGAGS, ,TSUL DER DANG BA'I YID KYIS KUN BSLANGS NAS, ,BHO tA'I LJONGS 'DIR THUB GSUNG 'GYUR RO COG ,SUM RTZEN LA 'KHU DGE LDAN ZHOL GYI CHAR, ,'BYOR LDAN LO PA NANG PAR YONGS GRAGS PAS, ,BTZO MA'I GSER SBYANGS TOG GIS NYER MDZES SHING, ,ZLA ZHUN KHU BAS BYUGS 'DRA'I GLEGS BU'I NGOS, ,YONGS RDZOGS BSKRUN BA'I RNAM DKAR PHUNG PO DANG, ,DUS GSUM LEGS SBYAD GCIG TU BSNGOMS PA'I MTHUS, ,'DZAM BUS NYER MTSAN BYANG PHYOGS RGYAL KHAMS 'DIR, ,RGYAL BA'I BSTAN BA DANG ZHING RGYAS PA DANG, ,BSTAN 'DZIN KUN MTHUN BSTAN PA'I SBYIN BDAG CHE, ,KHYAD BAR DANG LDAN NGAG DBANG MGON PO DANG, ,DGE SLONG BLO BZANG RAB BRTAN BSTAN 'DZIN DANG, ,NAM MKHA' RDO RJE KHYIM 'DZIN LHA MO 'DZOM, ,BU MA PHUN TSOGS SGROL MA DKON MCHOG MTSO, ,'KHOR 'BANGS 'DI LA MTHUN PA SGRUB PA'I TSOGS, ,GNAS SKABS TSE RING NAD MED 'BYOR PA RGYAS, ,BSAM DON GEGS MED YID BZHIN 'GRUB PA DANG, ,YANG SRID RGYUD MAR DAL 'BYOR RTEN THOB STE, ,THUB BA'I BSTAN LA BYA BA BYED BAR SHOG ,'JIN MA'I KHYON 'DIR SAD SER THAN PA DANG, ,DMAG 'KHRUG NAD YAMS DGRA DANG CHOM RKUN GYI, ,'JIGS PA KUN BRAL PHAN TSUN PHA MA LTAR, ,BYAMS BRTZE'I SEMS KYIS RTAG TU GNAS BAR SHOG ,MDOR NA BSTAN PA'I SBYIN BDAG SRID MTHA'I BAR, ,RIGS

, ,RGYUD MNGA' THANG DBYAR MTSO LTAR 'PHEL ZHING, ,BSTAN DANG DE 'DZIN GUS BAS MCHOD PA SOGS, ,LEGS TSOGS KUN GYIS RTAG TU SHIS GYUR CIG ,CES PA 'DI NI SKYID SHOD NANG BA LO BAS RGYAL BA'I BKA' 'GYUR RO COG GSAR BZHENGS KYI MJUG TU SMON LAM TSIGS BCAD CIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL,, ` AOm SVASTI, RAB 'BYAMS ZHING BZHUGS RGYAL BA MA LUS PA'I, ,MKHYEN BRTZE GCIG BSDUS BLO BZANG GRAGS PA YI, ,BSTAN BA'I DPAL GYUR YE SHES 'OD 'BAR BA, ,RJE BTZUN BLA MA'I ZHABS LA GSOL BA 'DEBS, ,BLO BZANG RGYAL BA GNYIS PA TZONG KHA PA'I, ,MDO SNGAGS CHOS TSUL MA LUS GSAL MDZAD CING, ,MKHYEN PA'I YE SHES 'OD STONG ZER 'PHRO BA'I, ,RJE BTZUN BLA MA'I ZHABS LA GSOL BA 'DEBS, ,BLO BZANG MKHYEN PA'I GTING MTHA' DPAG DKA' ZHING, ,YE SHES LUS LDAN SMRA BA'I KHYU MCHOG LHA, ,DUR SMRIG GIS BKLUBS KUN MKHYEN GNYIS BA YI, ,BSTAN BA'I RGYAL MTSAN 'DZIN LA GSOL BA 'DEBS, ,BLO BZANG RGYAL BA'I MKHYEN BRTZE'I 'OD DKAR GYIS, ,DAD LDAN SKYE DGU'I KUNDA'I TSAL 'BYED CING, ,YE SHES 'OD KYIS 'GRO BA'I TSA GDUNG SEL, ,DPAL LDAN BLA MA'I ZHABS LA GSOL BA 'DEBS, ,BLO BZANG GRAGS BSTAN SNYAN PA'I CHOS KYI DUNG, ,PHYOGS DUS KUN TU SGROG LA ZLA BRAL ZHING, ,MKHYEN BRTZE'I YE SHES THUGS RJE'I LCAGS KYU YIS, ,'GRO 'DREN DAM PA'I ZHABS LA GSOL BA 'DEBS, ,

BLO GROS BZANG PO'I DPAG BSAM DBANG PO'I RTZER, ,YE SHES LNGA LDAN 'BRAS BU G-YUR ZA BAS, ,SKAL LDEN GDUL BYA'I LEGS BRIS TSOGS RNAMS LA, ,DGOS 'DOD YID BZHIN STZOL LA GSOL BA 'DEBS, ,BLO BZANG BSTAN PA'I LUGS BZANG DAM PA MCHOG ,LJONGS 'DIR NYIN MOR BYED LA 'GRAN MED CING, ,'PHAGS TSOGS DGE 'DUN DBUS NA MNGON MTHO BA, ,DPAL LDAN BLA MA'I ZHABS LA GSOL BA 'DEBS, ,BLO BZANG MKHYEN BRTZE'I PHA MTHA' MI MNGON ZHING, ,BAG YOD BZANG PO'I SPYOD PA MI 'DOR LA, ,MKHYEN PA'I YE SHES PHYOGS BRGYAR 'PHRO BA YI, ,DPAL LDAN BLA MA'I ZHABS LA GSOL BA 'DEBS, ,RGYAL BA GNYIS PA BLO BZANG GRAGS PA YI, ,MI NUB BSTAN PA'I RGYAL MTSAN 'DZIN MDZAD CING, , MKHYEN PA'I YE SHES 'OD ZER 'PHRO BA YI, ,DPAL LDAN BLA MA BSKAL BRGYAR ZHABS BRTAN SHAG ,BLO BZANG BSTAN PA'I SNYAN PA'I GDUGS DKAR PO, ,PHYOGS DUS KUN TU 'DZIN LA ZLA BRAL ZHING, ,CHOS KUN MKHYEN PA'I YE SHES SPYAN YANGS PA RJE BTZUN BLA MA BSKAL BRGYAR ZHABS BRTAN SHOG ,BLO BZANG SNYAN GRAGS SRID RTZER GSAL BA CAN, ,RJE BTZUN CHOS KYI RGYAL PO TZONG KHA BA'I, ,MDO SNGAGS BSTAN PA'I PAR TSAL BZHAD PA'I GNYEN, ,YE SHES 'OD SNANG MI NU BRTAG 'CHAR SHOG ,BSLU MED BLA MA YI DAM BYIN RLABS DANG, ,GDUG PA 'DUL MDZAD DAM CAN MTHU STOBS DANG, ,MTHA' YAS SKYE DGU'I LEGS SPYAD BSOD NAMS KYIS, ,'GRO 'DREN DAM BA BSKAL BRGYAR ZHABS BRTAN SHOG ,DE LTAR RTZE GCIG

, ,GUS BAS GSOL BTAB MTHUS, ,THEG MCHOG DGE BA'I BSHES KYIS RJES BZUNGS NAS, ,PHYIN DRUG RIM GNYIS RTOGS PA MTHAR PHYIN TE, ,SKU GSUM GO 'PHANG DAM PA MYUR BGROD SHOG ,DER MA SON PA'I SKYE BA THAMS CAD DU, ,DAL 'BYOR TSANG BA'I RTEN BZANG RAB RNYED DE, ,NAG PO'I LAS LA NAM YANG MI 'JUG CING, ,DGE BCU'I LAS KYI LAM LA SPYOD PAR SHOG ,MCHOG GSUM DAM PA'I THUGS RJE'I BYIN RLABS DANG, ,RMANG BYUNG RTEN 'BREL BSLU BA MED PA'I MTHUS, ,'DOD PA'I 'BRAS BU YID BZHIN 'GRUB PA DANG, ,PHUN TSOGS DPAL 'BYOR 'PHEL BA'I BKRA SHIS SHOG ,CES PA 'DI NI DAD PA DANG GTONG BA DANG RNAM DPYOD PHUN SUM TSOGS PA SDE PA RIN PO CHE RIN CHEN RTZE NAS LEGS LDAN DON GRUB KYI GSUNG GIS BSKUL BA LTAR, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DGE ZHING BKRA SHIS PAR GYUR CIG, ` NA MO GU RU MANYDZU GHO sh'A YA, RNAM DKAR BSOD NAMS ZLA BA'I MA MA LAS, LAGS 'KHRUNGS MKHYEN PA'I DKYIL 'KHOR CHER RGYAS SHING, ,RGYAL BSTAN PAD TSAL 'BYED PA'I SNYAN GRAGS CAN, ,YONGS 'DZIN DAM PA'I ZHABS LA GSOL BA 'DEBS, ,SNGA 'GYUR GSANG SNGAGS ZAB MO'I GDAMS PA MCHOG, , NYAMS SU BSTAR BAS RLUNG SEMS DBANG GYUR TE, ,SPRUL BSGYUR MNGA' BRNYES GRUB MCHOG RKYANG STON RIGS, ,DPAL LDAN BLA MA'I ZHABS LA GSOL BA 'DEBS, ,SRID BA'I PHUN TSOGS SNYING PO MED GZIGS NAS, ,KHYIM GYI 'BYOR

PA MA LUS RAB SPANGS TE, ,BSTAN LA RAB ZHUGS NYES LTUNG DRI MAS DPEN, ,DPAL LDAN BLA MA'I ZHABS LA GSOL BA 'DEBS, ,RIGS PA'I DBAR PHYUG PHYOGS GLANG GRAGS PA SOGS, ,RGYA BOD MKHAS GRUB GZHUNG LA LEGS SBYANGS PAS, , PHYOGS LAS RNAM RGYAL BLO GSAL SKYE DGU'I GNYEN, ,RJE BTZUN BLA MA'I ZHABS LA GSOL BA 'DEBS, ,AA TI SHA DANG RGYAL BA GNYIS PA YI, ,DRI MED CHOS TSUL MA LUS THUGS CHUNG PAS, ,GSUNG RAB MA LUS GANG MAS BAR LEGS SHAR BA DPAL LDAN BLA MA'I ZHABS LA GSOL BA 'DEBS, ,SHIN TU PHRA BA'I DKAR NAG LAS 'BRAS KYI, ,BLANG DOR TSUL BZHIN 'BYED PA'I RNAM DPYOD KYIS, ,DAM PA'I CHOS TSUL 'BA' ZHIG SEMS PA YI, ,DPAL LDAN BLA MA'I ZHABS LA GSOL BA 'DEBS, ,'KHOR BA'I PHUN TSOGS DU: KHA'I RLABS 'PHRENG CAN, ,NYES MNGAN KRA'I 'BYUNG GNAS LTAR GZIGS NAS, ,'GRO KUN DON DU BSLAB GSUM NYAMS BZHES PA'I, ,DPAL LDAN BLA MA'I ZHABS LA GSOL BA 'DEBS, ,BDAG NYID GCIG PUS 'GRO KUN PHAN BDE'I TSOGS, ,SGRUB BO SNYAM BA'I LHAG BSAM KHUR 'KHYER BA'I, ,SNYING STOBS CHEN PO'I DAM BCA' RAB BRTAN PA, ,DPAL LDAN BLA MA'I ZHABS LA GSOL BA 'DEBS, ,SMON 'JUG BYANG CHUB MCHOG TU THUGS BSKYED NAS, ,RLABS CHEN BYA DKA'I RGYAL SRAS SPYOD PA LA, ,TSUL BZHIN BSLABS PAS NYES BA'I DRI MA BRAL, ,DPAL LDAN BLA MA'I ZHABS LA GSOL BA 'DEBS, ,GANG 'TSAM SBYIN BAS 'OG BA MA LUS PA, ,NYE BAR BSDUS NAS

, ,GDAMS PA'I MCHOG STON CING, ,SNYAN BAR SMRA DANG NYAMS SU LEN 'JUG BA'I, ,DPAL LDAN BLA MA'I ZHABS LA GSOL BA 'DEBS, ,SKAL BZANG GDUL BYA'I BSOD NAMS ZHING GI MCHOG ,BLO BZANG GRAGS PA'I MDO SNGAGS BSHAD SGRUB KYIS, ,BSTAN PA'I RGYAL MTSAN 'DZIN LA ZLA DRAL BA, ,BSHES GNYEN DAM PA BSKAL BRGYAR ZHABS BRTAN SHOG ,BLO BZANG GRAGS SNYAN 'BAR BA'I BSTAN SRUNGS CHE, ,MYUR MDZAD YE SHES MGON BA'I MTHU STOBS DAG, BDAG SOGS DANG LDAN LEGS BYAS BSOD NAMS MTHUS, ,RJE BTZUN DAM PA SRID MTHAR ZHABS BRTAN SHOG ,'DIS MTSON DUS GSUM RNAM DKAR PHUNG PO'I MTHUS, ,LEGS CHOGS KUN GYI 'BYUNG GNAS DGE BA'I BSHES, ,DPAL LDAN BLA MAS 'BRAL MED RJES 'DZIN CING, ,ZAB RGYAS CHOS KYI DPAL LA SPYOD PAR SHOG ,CES BA 'DI NI KHAL KHA DZA YA PAndI TAS YONGS KYI DGE BA'I BSHES GNYEN BSOD NAMS GRAGS PA'I RNAM THAR GSOL 'DEBS BRTAN BZHUGS DANG BCAS PA ZHIG DGOS ZHES BSKUL BA LTAR, CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS BA DGE LEGS 'PHEL,, ` NA MO GU RU MANYDZU GHO sh'A YA, BLO BZANG RGYAL BA'I RING LUGS ZLA MED PA, ,PHYOGS 'DIR MKHYEN PA'I YE SHES DKYIL 'KHOR GYIS, ,GSAL MDZAD SKYE DGU YONGS KYI GNYEN GCIG PU, ,RJE BTZUN BLA MA'I ZHABS LA GSOL BA 'DEBS, ZHES PA 'DI NI DAD PA DANG GTONG BA'I YON TAN DANG LDAN PA DPON MO CHOS SKYABS KYIS BSGUL BA LTAR, CHOS

SMRA BA'I BTZUN PA BLO BZANG YE SHES KYIS SMRAS PA'O,, MANG+GA LAm,, ` AOm SVASTI, RGYAL BA KUN GYI YAB GCIG 'JAM PA'I DBYANGS, ,LJONGS 'DIR DUR SMRIG GAR GYIS RNAM ROL ZHING, ,'CHAD RTZOR RTZOM PAS BSTAN PA NYIN MO LTAR, , GSAL MDZAD BLA MA'I ZHABS LA GSOL BA 'DEBS, ,DE LTAR RTZE GCIG GSOL BA BTAB PA'I MTHUS, ,SKYE BA KUN TU DPAL LDAN BLA MA YIS, ,'BRAL BA MED PAR RJES SU 'DZIN PA DANG, ,GSUNG GI BDUD RTZI DOMS MED 'THUNG BAR SHOG , GNAS SKABS SU YANG TSE RING NAD MED CING, ,LEGS TSOGS DPAL 'BYOR MA LUS 'PHAL BA SOGS, ,JI LTAR BSAM BA'I DON RNAMS 'GRUB GYUR TE, ,THAMS CAD GZIGS PA'I GO 'PHANG MYUR THOB SHOG ,CES PA 'DI NI BKRA SHIS RNAM RGYAL GYIS BSKUL BA LTAR CHOS SMRA BA'I BTZUN PA BLO BZANG YE SHES KYIS NYI 'OD 'KHYIL PAR SMRAS PA'O,, MANG+GALAm,, ` BSNYEN GNAS BSRUNGS PA'I PHAN YON NI, GNAS 'JOG GI MDO LAS, ,GANG+G'A LA SOGS PA'I CHU KLUNG CHEN PO LNGA DANG, RGYA MTSO CHEN PO'I CHU BUM PA'I GRANGS KYIS GZUNG BAR NUS KYI, BSNYEN GNAS KYI PHAN YON NI TSAD GZUNG BAR MI NUS SHING, 'DZAM BU'I GLING GANG BA'I DGRA BCOM PA LA RIN PO CHE LA SOGS PA'I YO BYAD THAMS CAD BYIN PA'I BSOD NAMS KYIS BSNYEN GNAS KYI BSOD NAMS KYI BRGYA'I CHAR YANG MI PHOD, ,STONG GI CHAR YANG MI 'GRO BAR GSUNGS LA, BSNYEN GNAS GTZANG MA LAN GCIG BSRUNGS NA, RGYAL CHEN RIGS BZHI, SUM CU RTZA GSUM, 'THAB BRAL, DGA' LDAN, 'PHRUL DGA', GZHAN

, ,'PHRUL DBANG BYED DE 'DOD LHA RIGS DRUG GANG RUNG GCIG TU SKYE BAR GSUNGS GZHAN YANG DA LTA BSNYEN GNAS GTZANG MA LAN GCIG BSRUNGS NA, THEG PA CHEN POR SEMS BSKYED PA RNAMS MA GTOGS, RGYAL BA BYAMS PA'I BSTAN PA LA 'BRAS BU BZHI GANG RUNG THOB BAR BYAMS PA LUNG BSTAN PA'I MDO LAS GSUNGS SHING, DER MA ZAD BDAG CAG GI STON PA LTA BU'I SANGS RGYAS SU 'GYUR BAR GSUNGS TE, MDO LAS, BSNYEN GNAS YAN LAG BRGYAD BSRUNGS NA, ,DE NI NGA DANG 'DRA BAR 'GYUR, ZHES GSUNGS PA'I PHYIR, GZHAN YANG SANGS RGYAS 'OD SRUNGS KYI BSTAN PA LA, BRAM ZE GNYIS KYIS BSNYEN GNAS KYI SDOM PA BLANGS NAS, GCIG GIS LHAR SKYE BAR SMON LAM BTAB, CIG SHOS KYIS RGYAL POR SKYE BAR SMON LAM BTAB PA LAS, LHAR SKYE BAR SMON PA DE CHUNG MA'I DBANG DU SONG NAS PHYI DRO'I KHA ZAS ZOS NAS BSNYEN GNAS KYI YAN LAG NYAMS BAS KLU ZHIG TU SKYES, RGYAL POR SMON PA DES TSUL BZHIN BSRUNGS PAS JI LTAR SMON PA LTAR RGYAL POR SKYES PA'I TSE, KLUR SKYES PA DES RGYAL PO DE LA NGAS NYIN ZHAG GCIG PA'I TSUL KHRIMS NYAMS PAS KLUR SKYES KYI, NYIN ZHAG GCIG PA'I CHO GA BSKUR ZHIG ,JI STE MI GNANG NA RGYAL PO KHYOD KYI YUL KHAMS THAMS CAD RGYA MTSOR BSGYUR RO, ZHES 'PHRIN BSKUR BAS, RGYAL PO DES KYANG BSNYEN GNAS YAN LAG BRGYAD PA'I CHO GA'I DPE TSEGS CHEN POS BTZAL NAS BSKUR, KLU NGES KYANG BSNYEN GNAS BSRUNGS SHING GZHAN YANG BSRUNG DU BCUG PAS GNYIS KA MNYAM DU LTAR SKYES PAR

MDZANGS BLUN NAS GSUNGS PA LTAR BSLAB PA'I GNAS BSRUNGS PA DANG MA BSRUNGS PA'I PHAN YON DANG NYES DMIGS DE LTAR YIN,, ` SMYUNG GNAS NI DON YOD ZHAGS PA SOGS RGYUD DU MA NAS GSUNGS SHING, THEG PA CHEN PO'I GSO SBYONG YIN PAS SDOM PA LEN PA'I CHO YANG SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SEMS BSKYED KYIS ZIN PA ZHIG NGES PAR DGOS, DE LTAR SEMS BSKYED KYIS ZIN NAS BLANGS NA, BSNYEN GNAS YAN LAG BRGYAD PA LAS PHAN YON YANG LHAG PAR CHE, DE YANG GNAS SKABS PHAN PA PHUN SUM TSOGS PA SGRUB CING, NGAN SONG GI SDUG BSNGAL 'JIGS SU RUNG BA DANG, LUS SEMS GDUNG BAR BYED PA'I NAD DANG, DBUL ZHING 'PHONGS PA LA SOGS SDUG BSNGAL BA'I RGYU MU GE SOGS RGYUN GCOD CING MTHAR THUG NYON MONGS PA DANG SHES BYA'I SGRIB PA LAS GROL BA'I THAMS CAD MKHYEN PA'I GO 'PHANG THOB PAR 'GYUR, MDOR NA SMYUNG GNAS BYED PA DE LA TSVA 'AM CHU ME SHING SOGS KYI PHAN PA SGRUB PA YANG PHAN YON CHE BAR 'PHAGS PA THUGS RJE CHEN POS, CHU BZANG PA LA DNGOS SU GSUNGS NA, SMYUNG GNAS BYED PA PHAN YON CHE BA SMOS CI DGOS, SGOM SGRUB BYED PA GZHAN PAS SMYUNG GNAS BYED PA RNAMS YI DAM LHA'I ZHAL GZIGS BA MYUR BAR SMYUNG GNAS BRGYUD PA'I BLA MA RNAMS KYI RNAM THAR LAS GSUNGS,, BKRA SHIS,, ` SVA STI, BLO BZANG LUNG RTOGS DAM CHOS 'DZIN PA'I DPAL, ,BSHAD SGRUB RNAM PAR DKAR BA'I 'PHRIN LAS KYIS, ,MI NUB BSTAN PA'I RGYAL MTSAN 'DZIN BA'I MCHOG, ,DPAL

, ,LDAN BLA MA'I ZHABS LA GSOL BA 'DEBS, ZHES PA 'DI NI THOS BSAM GLING GI LAS 'DZIN PA RNAMS KYIS BSKUL BA LTAR, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, ` SVASTI, KUN MKHYEN GNYIS PA BLO BZANG GRAGS PA YI, ,MDO SNGAGS GZHUNG LUGS 'DZIN PA'I BSTAN PA'I GNYEN, ,YE SHES RNAM DKAR MDZAD PAS 'GRO 'DREN PA'I, ,DPAL LDAN BLA MA'I ZHABS LA GSOL BA 'DEBS, ,DE LTAR RTZE GCIG GUS PAS GSOL BTAB MTHUS, ,TSE RABS KUN TU THEG MCHOG DGE BA'I BSHES, ,MTSAN NYID LDAN BAS 'BRAL MED RJES BZUNGS TE, ,SKU GSUM GO 'PHANG BDE BLAG MYUR THOB SHOG ,CES PA 'DI NI NO NO BLO BZANG DNGOS GRUB KYIS BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL,, ` SVASTI, BLO BZANG RGYAL BSTAN GZHUNG LUGS PADMO'I GNYEN, ,BSLAB GSUM DAG PA'I 'OD STONG RAB 'PHRO ZHING, ,MKHYEN BRTZE'I YE SHES DKYIL 'KHOR RAB RGYAS PA'I, ,RJE BTZUN BLA MA'I ZHABS LA GSOL BA 'DEBS, ,DE LTAR SHUGS DRAG DAD PAS GSOL BTAB PAS, ,SKYE BA KUN TU RJE BTZUN BLA MA YIS, ,'BRAL BA MED PAR MNYES SHING RJES BZUNGS TE, ,MTHO RIS THAR PA'I GO 'PHANG MYUR BGROD SHOG ,CES PA 'DI NI DBON PO CHOS BZANG PO DANG, GNYER PA DGE SLONG BRTZON 'GRUS 'JAM DBYANGS GNYIS KYIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ` SVASTI, BLO BZANG RGYAL

KUN MKHYEN BRTZE'I 'OD DKAR GYIS, ,DAD LDAN GDUL BYA'I RMONGS MUN KUN SEL ZHING, ,MDO SNGAGS GZHUNG LUGS KUNDA'I TSAL 'BYED PA'I, ,DPAL LDAN BLA MA'I ZHABS LA GSOL BA 'DEBS, ,DNGOS BSHAMS YID SPRUL MCHOD TSOGS RGYA MTSOS MCHOD, ,NYES TSOGS KUN BSHAGS DGE LA RJES YI RANG, ,'GRO LA ZAB RGYAS CHOS CHAR 'BEBS PHYIR DU, ,BSKAL BRGYAR MYA NGAN MI 'DA' RTAG BZHUGS GSOL, ,DUS GSUM RNAM DKAR SPYI DANG BYE BRAG TU, ,RJE BTZUN BLA MA'I SNANG BRNYAN YID 'ONG DAG ,LEGS PAR BSGRUBS PA'I DGE TSOGS CI MCHIS PA, ,BLA MED BYANG CHUB DAM PA'I RGYU RU BSNGO, ,DKON MCHOG GSUM GYI BDEN PA'I BYIN RLABS DANG, ,BSTAN SRUNGS DAM CAN RGYA MTSO'I MTHU STOBS KYIS, ,LHA MI'I 'DREN PA DPAL LDAN BLA MA YI, ,ZHABS KYI PADMO BSKAL BRGYAR BRTAN PAR SHOG ,DE LTAR BSKRUN PA'I LEGS DPYAD BSOD NAMS KYIS, ,BSLAB GSUM DAG PA'I DGE 'DUN THUGS MTHUN ZHING, ,MDO SNGAGS BSHAD SGRUB YAR NGO'I ZLA BA LTAR, ,'PHEL ZHING RGYAS LA YUN RING GNAS PAR SHOG ,CES PA 'DI NI RAB 'BYAMS PA PHUN TSOGS DPAL MGON GYIS NYUG CHOS 'KHOR GLING DU RJE BTZUN TZONG KHA PA CHEN PO DANG NGED RANG GI 'DRA 'BAG MI CHAD TZAM BSAM PA DAG PAS BZHENGS PA'I DGE RTZA BSNGO PHYIR DU TSIGS BCAD 'DI LTA BU ZHIG DGOS ZHES BSKUL BA'I NGOR, SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA SARBA DZA YANTU,, ` NA MO GU RU MANYDZU GHO sh'A YA, BTZOM GSER GYI RI BO'I

, ,MDANGS LDAN ZHING, ,MTSAN DPE RGYU SKAR BYE BA RNAM PAR BKRA, ,SNYING STOBS BRTZON 'GRUS GZHAN LAS PHUL BYUNG BA'I, ,MNYAM MED SH'AKYA'I GTZO DE RGYAL GYUR CIG ,DUS GSUM RGYAL BA KUN GYI MKHYEN PA'I DPYID,, DUR SMRIG 'DZIN PA'I GAR GYIS RNAM ROL NAS, ,MDO RGYUD BSTAN PA NYI LTAR GSAL MDZAD PA, ,'JAM MGON BLO BZANG GRAGS PA RGYAL GYUR CIG ,DE YANG RIGS GSUM MGON POS 'DUL BA'I ZHING, ,GANGS CAN SHAR PHYOGS MDO SMAD SA YI CHA, ,M'A NU BYAMS PA GLING GI CHOS GRVA CHE'I, ,RTEN GSUM DKAR CHAG 'BUM PHRAG SKOR BA'I TSAD, ,PHYAG SKOR PHAN YON DAD PA'I GSOS 'DEBS BRJOD, ,DUS GSUM SANGS RGYAS SKU BRNYAN 'BYUNG BA ME'I, ,GNOD PAS MA 'JIG NGO MTSAR GZI 'OD 'BAR, ,RAB GNAS ME TOG BZHES PA'I BYAMS PA'I SKU, ,'PHRENG 'DZIN MA ZHES GRAGS PAS PHYOGS KUN 'GENGS, ,BSKAL BZANG 'DREN PA STONG GI BCU GCIG PAR, ,SPRUL SKU'I MDZAD PA STON 'GYUR TZONG KHA PA'I, ,GSER SKU CHU 'DZIN MA ZHES GRAGS PA DANG, ,NANG RTEN BDE GSHEGS 'PHEL GDUNG 'PHRUL MED GCIG ,N'A RO TA PA'I GDUNG LAS RANG BYUNG BA'I, ,RDO RJE'I RNAM PA GSAL BA'I 'BUR DONG CAN, ,JO BO CHEN PO'I BLA MA KUN GYI MCHOG ,BYANG CHUB SEMS KYI MNGA' BDAG GSER GLING PA'I, ,ZHUN THIGS LAS GRUB RING BSREL BYIN RLABS CAN, ,LA SOGS SKU RTEN BSAM GYIS MI KHYAB DANG, ,DRI MED BKA' RNAMS BOD DU 'GYUR RO COG ,DGONGS

'GREL MDO RGYUD BSTAN BCOS DU MA BZHUGS, ,THUGS RTEN DE BZHIN GSHEGS PA'I MCHOD RTEN NI, ,BRIS 'BUR CHE CHUNG SNA TSOGS MA NGES SHING, ,BLA MA YI DAM SANGS RGYAS BYANG SEMS DANG, ,DPA' BO MKHA' 'GRO CHOS SKYONG BSRUNG MA'I SKU, ,SKU RUS MA NGES GONG MA YAB SRAS KYIS, ,YE SHES SEMS DPA' BSTIM ZHING ME TOG CHAR, ,DNGOS SU PHAB PA'I RTEN GSUM MANG DU BZHUGS, ,DE DAG RNAMS LA MCHOD CING BSTOD PA DANG, ,DANG BAS SKOR BA BGYIS PA'I PHAN YON LA, ,YID CHES BSKYED PHYIR MDO YI KHUNGS DANG SBYAR, ,DE YANG 'DI LTAR, 'PHAGS PA SPYAN RAS GZIGS KYI MDO LAS, 'JIG RTEN MGON GYI MCHOD RTEN LA, ,MI GANG SKOR BA BYED PA YI, ,BSNGAGS PA BSKAL PA BYE BAR YANG, ,BRJOD PAS ZAD PAR BYA MI NUS, ,SU ZHIG BYA BA SEMS BSKYED NAS, ,STON PA'I MCHOD RTEN PHYAG 'TSAL BA, ,DE NI BSKAL BA BYE BAR YANG, ,NAM YANG 'ON LONG MTHONG MI 'GYUR, ,MCHOD RTEN SKOR BA BYAS NA NI, ,BRTZON 'GRUS BRTAN CING MTHU BRTAN LA, ,BRTAN CING RNAM PAR GNON BRTAN DANG, ,DE NI MYUR DU MKHAS PAR 'GYUR, ,ZHES DANG, MCHOD RTEN SKOR BA'I TSIGS SU BCAD PA LAS, SHES RAB CHEN PO SHA RI'I BUS, ,STON PA LA NI ZHU BA ZHUS, , MCHOD RTEN SKOR BA BGYIS PA YI, ,RNAM PAR SMIN PA CIR 'GYUR LAGS, ,BSKAL PA CHEN PO'I 'JIG RTEN MCHOG ,RNAM PAR 'DREN PAS BDAG LA GSUNGS, ZHES ZHUS PA'I LAN DU, MCHOD RTEN SKOR BA BYAS PAS NI, ,RIN CHEN

, ,BDUN DANG LDAN PA YI, ,'KHOR LOS BSGYUR BA'I RGYAL POR 'GYUR, ,CHOS BZHIN 'KHOR LO BSKOR BAR BYED, ,MCHOD RTEN SKOR BA BYAS PAS NI, ,SUM CU RTZA GSUM DBANG PHYUG RJE, ,RDZU 'PHRUL CHE BA'I BRGYA BYIN DU, ,LHA YI DBANG PO CHEN POR 'GYUR, ,MCHOD RTEN SKOR BA BYAS PAS NI, ,'THAB BRAL LHA YI RGYAL PO DANG, ,DE BZHIN YONGS SU DGA' LDAN DANG, ,'PHRUL DGA' GZHAN 'PHRUL DBANG BYED 'GYUR, ,ZHES DANG, MKHAS PA GANG GIS SANGS RGYAS MCHOD RTEN LA, ,DGA' BA'I SEMS KYIS GOM PA GCIG BOR BA, ,'DZAM BU'I CHU KLUNG GSER SRANG STONG GRANGS SNYED, ,DE NI DE DANG MTSUNGS PA YOD MA YIN, ,MKHAS PA GANG ZHIG SANGS RGYAS MCHOD RTEN LA, ,DGA' BA'I SEMS KYIS MAR ME 'BUL BYED PA, ,DZAMBU'I CHU KLUNG GSER SRANG BYE BA 'BUM, ,DE NI DE DANG MTSUNGS PA YOD MA YIN, ,MKHAS PA GANG ZHIG SANGS RGYAS MCHOD RTEN LA, ,DGA' BA'I SEMS KYIS RGYAL MTSAN 'PHAN GUGS SOGS, ,GSER GYI RI BO LHUN PO TSAD 'BUM YANG, ,DE NI DE DANG MTSUNGS PA YOD MA YIN, ,'DI NI DPAG MED DE BZHIN GSHEGS, ,RGYA MTSO 'DRA BA'I RDZOGS SANGS RGYAS, ,DED DPON BLA NA MED PA LA, ,PHUL BA'I PHAN YON BSTAN PA YIN, ,BZHUGS PA'I TSE NA GANG GIS MCHOD, ,MYA NGAN 'DAS 'OG GANG GIS MCHOD, ,SEMS DGE BA NI MTSUNGS GYUR NA, ,BSOD NAMS LA NI KHYAD PAR MED, ,DE LTAR SANGS RGYAS BSAM MI KHYAB, ,SANGS RGYAS CHOS KYANG BSAM MI KHYAB, ,

BSAM MI KHYAB LA DAD RNAMS KYIS, ,RNAM PAR SMIN PA'ANG BSAM MI KHYAB, CES SOGS RGYA CHER GSUNGS SHING, KHYAD PAR DAM CHOS PADMA DKAR PO LAS, BDE GSHEGS RING BSREL LA NI CUNG ZAD DANG, ,SIL SNYAN GCIG BRDUNGS PA YI SGRA BYUNG NGAM, ,ME TOG GCIG TZAM GYIS NI MCHOD PA DANG, ,BDE GSHEGS GZUGS DVANGS RTZIG NGOS BRIS BA LA, ,'KHRUGS BZHIN PA YI SEMS KYIS BLTAS NA YANG, ,DE DAG RIM GYIS SANGS RGYAS BYANG CHUB 'THOB, ,MCHOD RTEN DE LA GANG GIS THAL MO SBYOR, ,YONGS SU TSANG BA'AM THAL MO YA GCIG GAM, ,YANG NA MGO BO SKAD CIG BTUD PA DANG, ,DE BZHIN LUS KYANG SKAD CIG BTUD PA DANG, ,GANG GIS RING BSREL GNAS PA DE DAG LA, ,YENGS PA'I SEMS KYIS SANGS RGYAS PHYAG 'TSAL ZHES, ,TSIGS BCAD LAN 'GA' BRJOD PAR BYAS NA YANG, ,DE DAG KUN GYIS BYANG CHUB MCHOG 'DI 'THOB, ,CES GSUNGS PA YI PHAN YON JI SNYED PA, ,'DI DAG RNAMS LA NGES PAR SBYAR DU RUNG, ,'BUM PHRAG SKOR TSAD BRGYA BO NYI SHU DANG, ,KHA SKONG RANG GI BLO NUS RJES 'GROR BYA, ,'BUM PHRAG PHAN YON GCIG LA RJES DPAGS NAS, ,GONG DU 'GYUR BAR SEMS KYIS YID CHES MDZOD, ,CES PA 'DI NI CO NE RAB 'BYAMS PA, ,BLO BZANG SBYIN PAS RING NAS BSKUL BA'I NGOR, ,CHOS SMRA DGE SLONG BLO BZANG YE SHES KYIS, ,GO SLA'I TSIG GIS SMRAS PA MANG+GALAm,, ` SVASTI, BLO BZANG THUGS KYI CHU GTER LAS 'KHRUNGS PA'I, ,BSLAB GSUM LUNG RTOGS YID BZHIN BSAM

, ,'PHEL DBANG, ,THAR 'DOD YONGS LA 'DOD DGU STZOL MDZAD PA, ,BSTAN PA'I DPAL GYUR KHYED LA GSOL BA 'DEBS, ,TSUL KHRIMS RNAM DAG HA RI TZANDAN LJON, ,MDO SNGAGS YON TAN DRI BSUNG MNGON PAR 'PHRO,, GDUL BYA'I NYON MONGS TSA GDUNG SEL BA YI, ,DPAL LDAN BLA MA'I ZHABS LA GSOL BA 'DEBS, ,BLO BZANG GRAGS BSTAN NYIN MOR BYED PA'I DPAL, ,YE SHES SNANG BA 'BUM PHRAG 'GYED PA YIS, ,BSTAN PA'I PAD TSAL BZHAD PA'I GNYEN GCIG PU, ,RJE BTZUN BLA MA'I ZHABS LA GSOL BA 'DEBS, ,MCHOG GSUM BSLU MED DKON MCHOG BYIN RLABS DANG, ,BKA' SRUNGS DAM CAN RGYA MTSO'I MTHU STOBS DANG, ,RIG SNGAGS GRUB PA RNAMS KYI BDEN TSIG GIS,, BSHES GNYEN DAM PA BSKAL BRGYAR ZHABS BRTAN SHOG ,'DI LTAR GSOL BTAB 'BAD PA BGYIS PA YIS, ,SKYE BA KUN TU DPAL LDAN BLA MA YIS, ,RJES BZUNGS DAM CHOS BDUD RTZI'I DGA' STON LA, ,NGOMS PA MED PAR 'DOD DGUR SPYOD PAR SHOG, ,CES PA 'DI NI DGA' LDAN CHOS 'KHOR GYI BLA MA TSUL KHRIMS GRAGS PAS BSKUL BAR BRTEN SHA'KYA'I BTZUN PA BLO BZANG YE SHES KYIS CHOS GRVA CHEN PO'I GTZUG LAG KHANG DU SMRAS PA'O,, MANG+GALAm,, ` H'Um; BIRWA PA DANG SH'AKYA SHR'I YI, ,RJES 'BRANG BKA' BSGOS BSTAN LA MNGON DGA' BA, ,BSTAN DGRA 'DUL PHYIR PHYAG G-YAS BE CON BSNAMS, ,RES 'GA' 'KHAR GSIL LHUNG BZED CHOS GOS CAN, ,ZHVA SER GYON ZHING RA DMAR CHIBS STENG NA, ,YIG DRUG

SGRA SGROG MTHU LDAN GTZANG SBRA CAN, ,'KHOR BCAS MCHOD PA'I GNAS 'DIR SPYAN 'DREN NA, ,DAM TSIG DBANG GIS GNAS 'DIR GSHEGS SU GSOL, ,TING 'DZIN SNGAGS DANG PHYAG RGYAS BYIN BRLABS BA'I, ,BSANGS KYI DUD PA'I CHU 'DZIN RAB TU 'KHRIGS, ,DKAR GSUM 'BRU SNA RIN CHEN SNA BDUN GYIS, ,BRAG BTZAN 'KHOR DANG BCAS PA'I THUGS DAM BSKANGS, ,THUGS DAM SKONGS SHING NYAMS CHAGS SOS GYUR NAS, ,DPON SLOB 'KHOR DANG BCAS PA'I 'PHRIN LAS SGRUBS, ,RA DMAR ZHOL G-YAG MDZES LDAN RTA YI TSOGS, ,RNGAM ZHING BRJID PA'I GCAN GZAN SNA TSOGS DANG, ,MI G-YO LAM RGYU 'DAB LDAN TSOGS RNAMS KYIS, ,BRAG BTZAN 'KHOR DANG BCAS PA'I THUGS DAM BSKANGS, ,THUGS DAM SKONGS SHING NYAMS CHAGS SOS GYUR NAS, ,DPON SLOB 'KHOR DANG BCAS PA'I 'PHRIN LAS SGRUBS, ,DKAR GSUM MNGAR GSUM 'BRU SNA LEGS SBYAR BA'I, ,LHA MI'I RO BCUD LDAN PA'I GTOR MA'I TSOGS, ,ZAG MED BDE STER RI LTAR SPUNGS PA 'DIS, ,BRAG BTZAN 'KHOR DANG BCAS PA'I THUGS DAM BSKANGS, ,THUGS DAM SKOR SHING NYAMS CHOGS SOS GYUR NAS,,DPON SLOB 'KHOR DANG BCAS PA'I'PHRIN LAS SGRUBS, ,MDOR AN RGYA BOD MKHAS GRUB TSOGS RNAMS KYIS, ,JI LTAR BKA' BSGOS DAM LAS MA 'DA BAR, ,CHOS GRVA CHE 'DIR BSLAB GSUM BSHAD SGRUB RNAMS, SBYAR GYI CHU GTER JI BZHIN 'PHEL PAR MDZOD, ,'JIG RTEN KHAMS SU 'THAB RTZOD LO NYES DANG, ,BDUN RIGS

, ,BAR CHAD MA LUS KUN ZHI ZHING, ,DPAL 'BYOR BSHAD SGRUB MNGA' THANG LONGS SPYOD RNAMS, ,YAR NGO'I ZLA LTAR 'PHEL BA'I BKRA SHIS SHOG ,CES BSAM GRUB DGA' LDAN GYI CHOS SRUNGS ZHVA LU'I BRAG BTZAN DU GRAGS PA LA BSANGS MCHOD MCHOD GTOR 'BUL TSUL GYI RIM PA 'DI NI CHOS SMRA BA'I BTZUN PA BLO BZANG YE SHES KYIS CHOS GRVA CHEN PO BKRA SHIS LHUN PO'I GTZUG LAG KHANG DU SMRAS PA'O,, BKRA SHIS,, ` SVASTI, BLO BZANG MKHYEN BRTZE'I YONGS 'DU SA BRTOL RTZER, ,BSLAB GSUM 'BRAS BU LEGS SMIN KHUR GYIS BRJID, ,DON GNYIS YE SHES RTZA BA RAB BRTAN PA, ,DPAL LDAN BLA MA BSKAL BRGYAR ZHABS BRTAN SHOG ,RMAD BYUNG DKON MCHOG THUGS RJE'I BYIN RLABS DANG, ,RIG SNGAGS GRUB BA RNAMS KYI BDEN STOBS DANG, ,DAM CAN CHOS SKYONG BSRUNG MA'I MTHU RTZAL GYIS, ,LHA MI'I 'DREN PA BSKAL BRGYAR ZHABS BRTAN SHOG ,CES PA 'DI NI BLO BZANG DON YOD KYIS BSKUL BA LTAR SH'AKYA'I BTZUN PA BLO BZANG YE SHES KYIS CHOS GRVA CHEN PO BKRA SHIS LHUN PO'I GTZUG LAG KHANG DU SMRAS BA'O,, MANG+GALAm,, ` AOm SVASTI, 'GRO RNAMS 'DREN PA'I 'JIG RTEN DBANG PHYUG DANG, ,DBYER MED DUR SMRIG 'DZIN PAS RNAM ROL BA, ,DPAL LDAN BLA MAR RTZE GCIG SNYING KHONG NAS, ,SHUGS DRAG GUS PA'I YID KYIS GSOL BA 'DEBS, ,TSOGS GNYIS GOMS PA'I MDZAD PA BZANG PO YIS, ,'PHRIN LAS GDUGS DKAR PHYOGS BCUR KHYAB GYUR NAS, ,PHAN BDE'I LAM BZANG BDE LA LUS CAN RNAMS, ,

'GOD MKHAS DPAL LDAN BLA MAR GSOL BA 'DEBS, ,BLO BZANG BSTAN PA'I PAD TSAL 'BYED MKHAS PA'I, ,YE SHES SNANG BYED 'BUM GYI 'OD 'PHRO ZHING, ,GDUL BYA'I RMONGS MUN MTHA' DAG SEL MDZAD PA'I, ,DPAL LDAN BLA MA'I ZHABS LA GSOL BA 'DEBS, ,PHUL BYUNG BSLU MED DKON MCHOG BYIN RLABS DANG, ,RIG SNGAGS 'CHANG BA RNAMS KYI BDEN TSIG DANG, ,DAM CAN BSRUNG MA RNAMS KYI MTHU STOBS KYIS, ,LHA MI'I 'DREN PA SRID MTHAR ZHABS BRTAN SHOG ,DE LTAR RTZE GCIG GUS PAS GSOL BTAB PAS, ,BLA MA LHA YIS 'BRAL MED RJES BZUNGS TE, ,THEG MCHOG LAM GYI YON TAN YONGS RDZOGS NAS, ,'GRO RNAMS 'DREN PHYIR KUN MKHYEN MYUR THOB SHOG ,CES PA 'DI NI BSKUL BA PO'I 'DOD PA LTAR CHOS SMRA BA'I BTZUN PA BLO BZANG YE SHES KYIS CHOS GRVA CHEN PO BKRA SHIS LHUN POR SMRAS PA'O,, MANG+GALAm,, ` NA MO GU RU, BLA MA DANG RJE BTZUN 'JAM PA'I DBYANGS DBYER MED DU SGOM PA'I RNAL 'BYOR NYAMS LEN DU BYA BAR 'DOD PAS, SKYABS 'GRO SEMS BSKYED TSAD MED BZHI SGOM PA SNGON DU BTANG NAS, MDUN GYI MKHA' DBYINGS CHU SKYES ZLA BA'I STENG, ,DUS GSUM RGYAL KUN LHA MCHOG 'JAM DBYANGS DANG, ,DBYER MED DRIN CAN BLA MA SKU MDOG DKAR, ,ZHAL GCIG PHYAG G-YAS CHOS 'CHAD G-YON MNYAM GZHAG ,RGYAL YUM GLEGS BAM BSNAMS SHING GSER MDOG ZHVAS, ,LEGS MDZES RDO RJE SKYIL KRUNG GIS BZHUGS PA'I, ,GNAS GSUM YI GE GSUM MTSAN H'Um YIG GI ,'OD ZER LCAGS KYU LTA

, ,BUS RANG BZHIN GNAS, ,YE SHES SPYAN DRANGS DBYER MED BRTAN PAR BZHUGS, ,BLO BZANG LUNG RTOGS YON TAN GYIS PHYUG CING, ,RLABS CHEN MDZAD PA'I YE SHES BSIL ZER GYIS, ,GLING BZHI'I MUN PA MTHA' DAG SEL MKHAS PA'I, ,DBYER MED DPAL LDAN BLA MAR GUS PHYAG 'TSAL, ,PHYI NANG MCHOD SPRIN DNGOS BSHAMS YID SPRUL BA, ,KUN KHYAB LAM RNAMS YONGS SU GANG BA DANG, ,DUS GSUM RNAM DKAR DANG 'BREL LUS LONGS SPYOD, RJE BTZUN BLA MA KHYOD NYID MNYES PHYIR 'BUL, ,BAG MED DBANG GIS BGYIS PA'I SDIG LTUNG RNAMS, ,GNONG ZHING 'GYOD PAS RJE BTZUN BLA MA LA, ,SNYING NAS BSHAGS SHING SDOM SEMS YANG DAG BGYID, ,RANG GZHAN RNAM DKAR BYA BA JI SNYED DANG, , KHYAD PAR DPAL LDAN BLA MA KHYOD NYID KYI, ,BSLAB GSUM YON TAN KUN LA RJES YI RANG, ,BDAG SOGS MI SHES RMONGS PA DRUNGS PHYUNG ZHING, ,MTHA' BRAL STONG NYID LAM ZAB GSAL MDZAD PA'I, ,SKAL BZANG GDUL BYA'I BSAM PA JI BZHIN DU, ,CHOS 'KHOR RGYUN CHAD MED PAR SKOR DU GSOL, ,'GRO RNAMS PHAN BDE'I LAM BZANG DAM PA LA, ,'GOD PHYIR BSTAN DANG 'GRO BA'I MGON PO KHYOD, ,RDO RJE'I KHRI 'PHANG MTHON POR G-YO MED DU, ,BSKAL PA JI SRID GNAS PAR RTAG BZHUGS GSOL, ,'DI LTAR 'BAD PA'I RNAM DKAR PHUNG PO'I MTHUS, ,DPAL LDAN BLA MAS 'BRAL MED RJES BZUNGS TE, ,RMAD BYUNG LUNG RTOGS YON TAN YONGS RDZOGS NAS, ,KUN MKHYEN RGYAL BA'I GO 'PHANG THOB

PHYIR BSNGO, ZHES BRJOD PAS, DPAL LDAN BLA MA DGYES BZHIN DU RANG LA THIM ZHING, RANG DANG DBYER MED GCIG TU GYUR PAR BSAMS LA, AO A'A:GU RU SU MA TI DZNY'A NA SHR'I BHA DRA SIDDHI H'Um, ZHES CI MANG BZLAS TE, MJUG TU, DGE BA 'DI YIS MYUR DU BDAG ,CES SOGS BSNGO BA SMON LAM BKRA SHIS BLO DANG BSTUN PA CI RIGS BYA'O, ZHES PA 'DI NI DPON PO DGE SLONG BLO BZANG RNAM RGYAL GYIS BSKUL BA'I NGOR SH'AKYA'I BTZUN PA BLO BZANG YE SHES KYIS CHOS GRVA CHEN PO BKRA SHIS LHUN PO'I GTZUG LAG KHANG DU SMRAS PA'O,, BKRA SHIS,, ` NA MO GU RU MANYDZU GHO sh'A YA, RGYAL BA GNYIS PA BLO BZANG GRAGS PA YI, ,BYIN RLABS GZI 'BAR DGA' LDAN DNGUL GDUNG CHER, ,LHA GOS LAS GRUB BLA BRE 'DI PHUL BAS, ,ZHVA SER BSTAN PA PHYOGS BCUR RGYAS PA DANG, ,PHYI NANG BDUD RIGS ZHI ZHING BSAM DON KUN, ,MYUR 'GRUB RJE BTZUN BLA MAS RJES BZUNGS NAS, ,MDO SNGAGS BSHAD SGRUB BYA BA MTHAR PHYIN SHOG ,'DI LTAR DANG BA'I YID KYIS BSGRUBS PA'I MTHUS,, SKYE BA KUN TU GCIG TU RNAM DAG KHRIMS, ,TSUL BZHIN BSRUNG LA GOMS PA LEGS 'PHEL NAS, ,'GRO RNAMS SGROL BA'I KHUR CHEN 'KHYER BAR SHOG ,RGYAL KHAMS RNAMS SU MU GE 'KHRUG PA DANG, ,CHAR CHU DUS SU MI 'BAB LO NYES SOGS, ,MI MTHUN RGUD PA THAMS CAD RAB ZHI NAS, ,BDE SKYID DPAG BSAM LJON BZHIN RGYAS PAR SHOG ,SKYE BA 'DI DANG TSE RABS THAMS CAD DU, ,DPAL LDAN BLA MAS 'BRAL MED RJES BZUNGS NAS, ,GSUNG GI DGA' STON BZANG PO

, ,LA SPYOD PA'I, ,RE BA'I 'BRAS BU BZANG PO MYUR SMIN SHOG ,MDO SNGAGS BSHAD SGRUB 'CHAD RTZOD RTZOM GSUM GYIS, ,MKHAS PA'I BYA BA MA LUS MTHAR PHYIN TE, ,RGYAL BSTAN MI NUB YUN RING SPEL BA LA, ,ZLA BRAL 'JAM MGON BLA MA'I BKRA SHIS SHOG ,CES BA 'DI NI GANGS CAN GYI MKHAS PA KUN GYI GTZUG RGYAN RJE BTZUN BLA MA TZONG KHA PA CHEN PO'I DNGUL GDUNG RIN PO CHER DBU BLABS NA BZA' SOGS SH'AKYA'I BTZUN PA BLO BZANG YE SHES KYIS PHUL BA'I DGE BA 'DIS 'GRO BA KUN LA PHAN BDE MA LUS BA 'BYUNG BA'I SGO CHEN PO RGYAL BA'I BSTAN PA YUN RING DU GNAS PAR GYUR CIG, BKRA SHIS,, ` SVASTI, BLO BZANG RGYAL KUN MKHYEN PA'I BSIL ZER GYIS, ,DAD LDAN PHAN BDE'I KUNDA'I TSAL BZHAD CING, ,YE SHES 'OD KYIS GDUL BYA'I RE SKOR BA'I, ,RJE BTZUN BLA MA'I ZHABS LA GSOL BA 'DEBS, ,BLO BZANG BSTAN PA'I KEE LA SHAR GNAS SHING, ,MDO SNGAGS GZHUNG LUGS RAL BA'I KHUR GYIS BRJID, ,YE SHES LUNG RIGS NGA RO CHER SGROG BA'I, , 'JIGS MED SMRA BA'I SENG GER GSOL BA 'DEBS, ,BLO BZANG GRAGS BSTAN SNYAN PA'I GDUGS DKAR PO, ,SRID RTZE'I BAR DU BSGRENG LA ZLA MED CING, ,MKHYEN BRTZE'I YE SHES THUGS RJE'I LCAGS KYU YIS, ,'GO 'DREN DPAL LDAN BLA MAR GSOL BA 'DEBS, ,DKON MCHOG GSUM GYI THUGS RJE'I BYIN RLABS DANG, ,BSTAN SRUNGS DAM CAN RGYA MTSO'I MTHU STOBS DANG, ,MOS LDAN SKYE DGU'I LEGS SPYAD BSOD NAMS MTHUS, ,DPAL LDAN BLA MA SRID MTHAR ZHABS

BRTAN SHOG ,'DIS MTSON DUS GSUM DGE TSOGS PHUNG PO'I MTHUS, ,YONGS 'DZIN DAM BAS 'BRAL MED RJES 'DZIN CING, ,GSUNG DBYANGS CHES SNYAN 'CHI MED BDUD RTZI YIS, ,RNAM DKAR YID KYI SHEL BUM YONGS GANG SHOG ,CES PA 'DI NI ZI NA NANG SO DPAL 'BYOR DAR RGYAS KYIS RING MTSO'I TSIGS BCAD GSOL 'DEBS DANG BCAS PA ZHIG DGOS ZHES BSKUL BA'I NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` SVASTI, BSLU MED BLA MA YI DAM BYIN RLABS DANG, ,DRANG SRONG RIG SNGAGS 'CHANG BA'I BDEN MTHU DANG, ,STOBS LDAN YE SHES MGON BO'I 'PHRIN LAS KYIS, ,'JAM DBYANGS BKRA SHIS SPRUL SKU MYUR 'BYON SHOG ,PHYAG NA PADMO'I THUGS RJE'I BYIN RLABS DANG, , DAD LDAN GDUL BYAS RTZE GCIG GSOL BTAB PAS, ,RTEN 'BREL BSLU BA MED PA'I BDEN PA'I MTHUS, ,SPRUL SKU'I 'BRAS BU MYUR DU SMIN PAR SHOG ,DE LTAR RTZE GCIG MOS PAS GSOL BTAB PAS, ,NYAMS THAG 'GRO BA'I TSA GDUNG KUN SEL BA'I, ,SPRUL SKU'I DPAG BSAM DBANG PO RAB RGYAS TE, ,BDE SKYID 'BRAS BUS PHYOGS KUN GANG BAR SHOG ,CES; GNAS RNYING ZHABS DRUNG 'JAM DBYANGS BKRA SHIS KYI SKU SKYE MYUR DU 'BYON PA'I TSIGS BCAD 'DI NI CHOS SMRA BA'I BTZUN PA BLO BZANG YE SHES KYIS BGYIS PA'O,, ` AOm BDE LEGS SU GYUR CIG ,BLO BZANG BSTAN PA'I KUN GSAL LAM YANGS LAS, ,MKHYEN DANG BRTZE BA'I YE SHES 'OD SNANG GIS, ,MA LUS SKYE DGU'I MUN PA SEL MDZAD PA'I, ,BSHES GNYEN

, ,NYIN BYED DBANG BO ZHABS BRTAN SHOG ,BLO BZANG RGYAL BA GNYIS PA'I GZHUNG LUGS MCHOG ,JI BZHIN 'BYED LA MI 'JIGS SPOBS PA CAN, ,YE SHES MTSAN LDAN 'GRO BA'I GNYEN GCIG BU, ,RJE BTZUN BLA MA SRID MTHAR ZHABS BRTAN SHOG ,BLO BZANG RGYAL BSTAN DRI MED 'OD DKAR GYIS, ,DAD LDAN GDUL BYA'I KUNDA'I TSAL BZHAD CING, ,YE SHES ZER GYIS 'GRO BA'I MI SHES MUN, ,SEL MDZAD RJE BTZUN BLA MA ZHABS BRTAN SHOG ,BLO GSAL SKAL LDAN YONGS KYI COD PAN LA, ,CHES DKAR MDZAD BZANG GOM BA 'GOD MKHAS PA, ,YE SHES MTSAN CAN 'GRO BA'I MIG GCIG PU, ,DPAL LDAN BLA MA YUN RING ZHABS BRTAN SHOG ,BLO BZANG RGYAL BA'I RING LUGS SBEL BA LA, ,MKHAS MANG RGYA MTSO'I GTZUG NA MNGON PAR BRJID, ,GZHUNG LUGS KUN LA YE SHES SPYAN YANGS PA, ,DPAL LDAN BLA MA SRID MTHAR ZHABS BRTAN SHOG ,DE LTAR RTZE GCIG GSOL BA BTAB PA'I MTHUS, ,GANGS RI'I RA BAS RAB MDZES ZHING KHAMS 'DIR PHAN BDE'I 'BYUNG GNAS DPAL LDAN BLA MA YI, ,ZHABS KYI PADMA YUN RING BRTAN PAR SHOG ,BSLU MED DKON MCHOG RIN CHEN BYIN RLABS DANG, ,DRANG SRONG RIG SNGAGS GRUB PA'I BDEN TSIG DANG, ,BSTAN SRUNGS DAM CAN RGYA MTSO'I MTHU RTZAL GYIS, RJE BTZUN BLA MA BSKAL BRGYAR ZHABS BRTAN SHOG ,CES PA 'DI NI DGA' LDAN PHUN TSOGS GLING PA'I RDO RJE SLOB DPON DANG DBU CHOS SOGS KYIS RING 'TSO'I TSIGS BCAD TSOGS 'DON DU BCUGS CHOG PA ZHIG DGOS ZHES BSKUL BA LTAR SH'AKYA'I BTZUN PA BLO

BZANG YE SHES KYIS BKA' GDAMS PHO BRANG DU SMRAS BA'O,, ` NA MO GU RU MANYDZU GHO sh'A YA, BLO BZANG YE SHES MCHOG GIS BDE BA CHER, ,ROL BAS SKU GSUM GO 'PHANG MNGON GYUR PA, ,RGYAL BA GNYIS PA'I BSTAN PA RGYAS MDZAD PA'I, ,DPAL LDAN BLA MA'I ZHABS LA GSOL BA 'DEBS, ,HE RU KA DNGOS BLO BZANG GRAGS PA YI, ,BSTAN PA'I GSAL BYED YE SHES 'OD SNANG GIS, ,SA GSUM 'GRO BA'I MUN BA SEL MDZAD PA'I, ,DPAL LDAN BLA MA'I ZHABS LA GSOL BA 'DEBS, ,BLO CHEN SPYOD PA BZANG POS LHA YI LAM, ,CIG CAR KHYAB MDZAD MKHYEN PA'I YE SHES KYIS, ,DAD LDAN GDUL BYA'I PAD TSAL 'BYED BA'I GNYEN, ,DPAL LDAN BLA MA'I ZHABS LA GSOL BA 'DEBS, ,DE LTAR MOS BLOS GSOL BA BTAB PA'I MTHUS, , CHOS BRGYAD SPROS PA'I KHOL POR MI 'GYUR ZHING, ,RTZE GCIG SGRUB PA SNYING PO LHUR BLANGS BAS, ,BLA MA HE RU KA YIS RJES 'DZIN SHOG ,MDOR NA BDAG GI DGE BA JI SNYED PA, ,NYAM THAG 'GRO BA 'DI KUN SRID MTSO LAS, ,SGROL PHYIR RIM GNYIS RTOGS PA MNGON GYUR TE, ,TSE GCIG SANGS RGYAS THOB PA'I RGYU RU BSNGO, ZHES PA 'DI NI AA MDO BLA MA BLO BZANG CHOS SKYONG GIS BSKUL BA LTAR, CHOS SMRA BA'I BTZUN PA BLO BZANG YE SHES KYIS SMRAS PA 'GRO KUN HE RU KAS RJES SU 'DZIN PA'I RGYUR GYUR CIG, BKRA SHIS,, ` SVASTI, BLO BZANG GRAGS BSTAN 'CHI MED RGYAL MTSAN GYIS, ,TSANGS PA'I YUL SA'I BAR DU KHYAB MDZAD CING, ,MKHAS BTZUN YON TAN TOG GIS RAB MDZES PA'I, ,DPAL LDAN BLA MA'I ZHABS LA GSOL

, ,BA 'DEBS, ,MDO SNGAGS TSIG DON MA LUS 'CHAD BA YIS, ,GDUL BYA THAR 'DOD LAM DU 'DREN MDZAD CING, ,BSTAN PA'I RGYAL MTSAN 'DZIN LA ZLA BRAL BA, ,RJE BTZUN BLA MA'I ZHABS LA GSOL BA 'DEBS, ,BLO BZANG 'PHRIN LAS YE SHES 'OD BO CHES, ,MTHA' BKHOB MUN BA'I SMAG RUM SEL MDZAD CING, ,SKAL BZANG GDUL BYA'I PADMO'I TSAL 'BYED PA'I, ,DPAL LDAN BLA MA'I ZHABS LA GSOL BA 'DEBS, ,DKON MCHOG GSUM GYI BDEN PA'I BYIN RLABS DANG, ,RIG SNGAGS 'CHANG BA'I BDEN MTHU RNAM DAG DANG, ,BSTAN SRUNGS DAM CAN RGYA MTSO'I MTHU RTZAL GYIS, ,'GRO 'DREN SKYABS MGON DAM BA ZHABS BRTAN SHOG ,BLO BZANG CHOS KYI MDUN SA'I DGA' TSAL CHER, ,LEGS BSHAD MKHAS MANG DBUS SU SGROG BA LA, ,ZLA MOD RNAM DPYOD SPOBS BA MNGON MTHO BA, ,LHA MI'I 'DREN MCHOG YUN RING ZHABS BRTAN SHOG ,DE LTAR DAD DANG GUS BAS GSOL BTAB MTHUS, ,SKYE BA 'DI DANG TSE RABS THAMS CAD DU, ,RJE BTZUN BLA MAS 'BRAL MED RJES BZUNGS TE, ,BKA' BZHIN SGRUB BA SNYING POR BYED PAR SHOG ,TSE RABS KUN TU BLA MA LHA MCHOG LA, ,GSOL BA LEGS BAR BTAB PA'I BYIN RLABS KYIS, ,RJES BZUNGS GSUNG GI CHOS KYI SKAL BZANG LA, ,NGOMS PA MED PAR RGYUN DU SPYOD PAR SHOG ,CES PA 'DI NI DGE SLONG CHOS MDZAD KYIS BSKUL BA LTAR, ,CHOS SMRA BA'I BTZUN BA BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL,, ` AOm SVASTI, BDE STONG DBYER MED LHA YI

LAM YANGS POR, ,RIN CHEN SNA TSOGS KYIS SPRAS KHRI YI STENG, ,SNA TSOGS PADMA NYI ZLA'I DKYIL 'KHOR DBUS, ,BKA' DRIN GSUM LDAN RTZA BA'I BLA MA DANG, ,DBYER MED RGYAL BA'I YAB GCIG 'JAM PA'I DBYANGS, ,SKU MDOG NYI MA 'CHAR KA'I MDANGS LTA BU, ,BCU DRUG LO LON GZHON SHA CHAGS PA'I SKU, ,ZHAL GCIG PHYAG GNYIS GLEGS BAM RAL GRIS MTSAN, ,SGEG CING 'DZUM PA'I NYAMS LDAN ZUR PHUD 'CHANG, ,RIN CHEN COD BAN SNA TSOGS DAR GYIS KLUBS, ,YID 'PHROG 'JA' TSON SNA LNGA'I GUR KHYIM DBUS, ,RDO RJE SKYIL KRUNG TSUL GYIS BZHUGS PA YI, ,SPYI BOR AOm DKAR MGRIN PAR A'A:DMAR PO, ,THUGS KAR H'Um SNGON H'Um YIG 'OD ZER GYIS, ,NGANG BZHIN GNAS NAS RTZA BA'I BLA MA DANG, ,DBYER MED YE SHES SPYAN DRANGS RO GCIG GYUR, ,PHYAG 'TSAL MCHOD CING NYES LTUNG MA LUS BSHAGS, ,RANG GZHAN RNAM DKAR KUN LA RJES YI RANG, ,CHOS 'KHOR BSKOR PHYIR SRID MTHAR RTAG BZHUGS GSOL, ,'DIS MTSON DGE BA RDZOGS BYANG RGYU RU BSNGO, ,RGYAL KUN MKHYEN BRTZE'I GTER CHEN NGAG GI LHA, ,DUR SMRIG GAR GYIS RNAM ROL SBRUL PA'I SKU, ,SNYIGS DUS 'GRO BA KUN GYI SKYABS GCIG PU, ,DPAL LDAN BLA MA'I ZHABS LA GSOL BA 'DEBS, ,'PHAGS PA'I NOR BDUN YON TAN GYIS PHYUG CING, ,RGYAL BSTAN MI NUB 'DZIN LA ZLA BRAL ZHING, ,CHOS KUN MA LUS MNGON SUM GZIGS BA YI, ,RJE BTZUN BLA MA'I ZHABS LA GSOL BA 'DEBS, ,MCHOG GSUM BSLU MED BDEN PA'I BYIN RLABS DANG

, ,BSTAN SRUNGS DAM CAN RGYA MTSO'I MTHU STOBS DANG, ,SKAL LDAN 'GRO BA YONGS KYIS GSOL BTAB MTHUS, ,LHA MI'I 'DREN BA BSKAL BRGYAR ZHABS BRTAN SHOG ,DE LTAR RTZE GCIG GSOL BA BTAB BA'I MTHUS, ,TSE RABS KUN TU THEG MCHOD DGE BA'I BSHES, ,MGON BO KHYOD KYIS 'BRAL MED RJES BZUNGS NAS, ,GSUNG GI BDUD RTZI NGOMS MED 'THUNG BAR SHOG ,GNAS SKABS SU YANG PHYI NANG 'TSE BA KUN, ,NYER ZHI DAM CHOS TSUL BZHIN SGRUB BA YI, ,MTHUN RKYEN MA LUS YID BZHIN 'GRUB BA DANG, ,RGYAL BSTAN MI NUB PHYOGS MTHAR RGYAS BYED SHOG ,CES BA 'DI NI DGE SLONG NGAG DBANG STOBS LDAN GYIS BSKUL BA LA BRTEN NAS CHOS SMRA BA'I BTZUN BA BLO BZANG YE SHES KYIS BKA' GDAMS PHO BRANG DU SMRAS BA'O, ,MANG+GALAm,, ` AOm BDE LEGS SU GYUR CIG ,'CHI MED LAM YANGS MCHOD SPRIN 'KHRIGS BA'I DBUS, ,GNYIS 'THUNG DBANG POS LEGS BTEG RIN CHEN KHRIR, ,CHU SKYES NYI ZLA RGYAS BA'I DKYIL 'KHOR STENG, ,BKA' DRIN GSUM LDAN RTZA BA'I BLA MA NI, ,RNAM DAG DGE SLONG TSUL BZUNGS SKU MDOG DKAR, ,ZHAL GCIG PHYAG GNYIS CHOS 'CHAD MNYAM GZHAG STENG, ,BDUD RTZIS GANG BA'I DRANG SRONG SNOD MCHOG BSNAMS, ,GSER GYI MDANGS LDAN PAn ZHVA RAB MDZES SHING, ,DUR SMRIG MDOG CAN CHOS GOS BSUM GYIS KLUBS, ,'OD ZER STONG 'BAR GUR KHYIM 'KHRIGS BA'I DBUS, ,DGYES SHING 'DZUM PA'I NYAMS CHAGS GZI 'OD 'BAR, ,RDO RJE SKYIL KRUNG TSUL GYIS LEGS PAR BZHUGS,

DE YI DPRAL BAR D'I BAm KA RA DANG, ,MGRIN PAR RGYAL BA GNYIS BA TZONG KHA BA, ,SNYING GAR PAn CHEN BLO BZANG CHOS RGYAN NI, ,YE SHES SEMS DPA'I TSUL DU BRTAN PAR BZHUGS, ,MTHA' SKOR BRGYUD BA'I BLA MA YI DAM DANG, ,SANGS RGYAS BYANG SEMS DPA' BO MKHA' 'GRO DANG, ,GANG LA GANG 'DUL SNA TSOGS SKUR STON PA'I, ,BSTAN SRUNGS RGYA MTSO'I TSOGS KYIS GANG BAR BZHUGS, ,GNAS GSUM YI GE GSUM MTSAN 'OD ZER GYIS, ,RANG BZHIN GNAS NAS YE SHES SEMS DBA' RNAMS, ,SBYAN DRANGS RANG RANG DAM TSIG SEMS DPA' DANG, ,DBYER MED DGYES BA'I TSUL GYI BZHUGS PAR GYUR, ,PHYAG 'TSAL MCHOD CING SDIG LTUNG MA LUS BSHAGS, ,SKYON BRAL MDZAD PA KUN LA YI RANG ZHING, , 'GRO LA CHOS 'KHOR BSKOR PHYIR RTAG BZHUGS GSOL, ,'DIS MTSON RNAM DKAR BYANG CHUB CHEN BOR BSNGO, ,BLO BZANG RGYAL BSTAN 'DZIN LA MNGON MTHO ZHING, ,YE SHES 'OD KYIS GDUL BYA'I RMONGS MUN SEL, ,RLABS CHEN MDZAD PAS PHYOGS KUN KHYAB PA YI, ,RJE BTZUN BLA MA'I ZHABS LA GSOL BA 'DEBS, ,RMAD BYUNG BSLU MED MCHOG GSUM BYIN RLABS DANG, ,DAM CAN RGYA MTSO'I TSOGS KYI MTHU STOBS DANG, ,MOS LDAN SKYE DGUS RTZE GCIG GSOL BTAB MTHUS, ,RJE BTZUN BLA MA SRID MTHAR ZHABS BRTAN SHOG ,DE LTAR GUS PA'I YID KYIS GSOL BTAB MTHUS, ,SKYE BA KUN TU DPAL LDAN BLA MA DANG, ,SKAD CIG TZAM YANG NAM YANG MI 'BRAL ZHING, ,THEG MCHOG DAM BA'I CHOS LA SPYOD PAR SHOG ,YUL

, ,PHYOGS 'DIR YANG DBAL 'BYOR MI NYAMS SHING, ,MI MTHUN NYER 'TSE MA LUS ZHI BA DANG, ,KHAMS GSUM CHOS KYI RGYAL BO TZONG KHA BA'I, ,BSTAN PA PHYOGS MTHAR RGYAS BA'I BKRA SHIS SHOG ,CES BA'I DI NI DGA' LDAN CHOS GLING GI BLA MA DKA' BCU BLO BZANG RGYAL MTSAN GYI 'DOD BA BZHIN, SH'AKYA'I BTZUN BA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` AOm SA MA YA T'AshthI, ,MI ZAD NGAG GI 'DOD 'JO 'JAM BA'I DBYANGS MA RUNGS 'DUL PHYIR GSHIN RJE'I SKUR BSTAN BA, ,'JIGS MDZAD DBA' BO CHEN PO LA BTUD NAS, ,GNYER GTAD G-YEL BA MED PA'I DAM TSIG BRJOD, ,DBAL LDAN MYUR MDZAD MGON PO PHYAG DRUG BA, ,YAB YUM GTUM DRAG 'KHOR TSOGS RGYA MTSO DANG, ,LEGS NYES SHAN 'BYED CHOS KYI RGYAL BO NI, ,'CHI BDAG BKA' NYAN PHO MO'I CHOGS DANG BCAS, ,SRID GSUM BDAG MO SNYIGS DUS GDUL DKA' BA, ,'DUL MDZAD MO RGYUD BSTAN SRUNGS TSOGS RNAMS DANG, GU GYI MGON PO DBAL LDAN PHYAG BZHI BA, ,ZHING SKYONG GZI LDAN YUM CHEN SRING MO BZHI, ,'GRI THOGS BSHAN PA'I TSOGS KYIS BSKOR BA DANG, ,DREGS BA LCAM SRID 'KHOR DANG BCAS PA SOGS, ,SNYING MA'I DUS 'DIR RDO RJE 'CHANG DBANG GIS, ,GNYER DU GTAD BA'I CHOS SRUNGS MTHA' DAG LA, ,CHOS GRVA CHE 'DIR GSAR DU BKOD PA YI, ,RNAM DAG GZHAL MED KHANG 'DRA'I MCHOD KHANG RNAMS, ,RGYAL DANG RGYAL SRAS SKU GSUNG THUGS KYI RTEN, ,BYIN

RLABS GZI BYIN 'PHRO BA JI SNYED DANG, ,PHYOGS BCU DAG NAS YONGS 'DUS MCHOD BA'I RDZAS, ,RMAD BYUNG DPAG YAS DAM RDZAS SBYAN GZIGS CHAGS, ,BCOL LO GTAD DO MA G-YEL BDAG MDZAD NAS, ,'DI DAG RNAMS LAS RDUL PHRAN TZAM ZHIG KYANG, ,'JABS BUS RKU DANG STOBS KYIS 'KHYER BA SOGS, ,BSAM SBYOR NGAN PA'I SEMS 'CHAD MA LUS BA, ,DRAG POS TSAR CHONG SNYING KHRAG ZHAL DU GSOL, ,BKRA SHIS LHUN GYIS GRUB BA'I GTZUG LAG KHANG, ,DGE 'DUN SDE BCAS RTEN GSUM MCHOD RDZAS RNAMS, ,NAM YANG SRUNG SKYOB G-YEL BA MED PAR MDZOD, ,SA MA YA T'IshthA, ZHES BA 'DI NI GSHIN RJE'I GSHED KYI RNAL 'BYOR PA BLO BZANG YE SHES KYIS BSTAN BA'I RGYUN LA PHAN PAR BSAMS NAS BKOD BA'O,, MANG+GALAm,, ` AOm SA MA YA T'IshthA, LHA CHEN DRAG BO DPAL LDAN ZHAL BZHI BA, ,YUM BZHI GRI THOGS BSHAN PA 'KHOR BCAS DANG, ,'DOD KHAMS DBANG PHYUG DMAG ZOR RE MA TI, ,MO RGYUD SANGS RGYAS BSTAN SRUNGS TSOGS RNAMS LA GRVA 'DI'I DGE 'DUN SDE DANG PHYI NANG GI ,NOR DANG LONGS SPYOD DPAL 'BYOR MA LUS BA, ,BCOL LO GTAD DO SRUNG SKYOB MA G-YEL BAR, ,YAR NGO'I ZLA LTAR 'PHEL ZHING RGYAS PAR MDZOD, SARBA MANG+GALAm,, ` AOm BDE LEGS SU GYUR CIG ,BLO BZANG RGYAL BA'I BSTAN LA RAB ZHUGS NAS, ,THOS BSAM SGOM LA BRTZON PA LHUR LEN CING, ,SKAL BZANG GDUL BYA'I RE BA SKONG BA YI, ,YE SHES MTSAN CAN ZHABS LA GSOL BA 'DEBS, ,'KHOR LO GSUM DANG BSHAD SGRUB BYA BA

, ,YIS, ,RGYAL BA GNYIS BA'I BSTAN BA 'DZIN BA'I DPAL, ,'PHRIN LAS 'OD ZER PHYOGS BCUR 'PHRO BA CAN, ,RJE BTZUN BLA MA'I ZHABS LA GSOL BA 'DEBS, ,BLO GROS BZANG BO'I BA GAM MTHON PO NAS, ,'GRO LA BRTZE BA'I YE SHES 'OD STONG 'PHRO, ,DAD LDAN GDUL BYA'I PAD TSAL RGYAS MDZAD BA'I, ,BSTAN PA'I NYI MA MCHOG LA GSOL BA 'DEBS, ,LHAG BSAM RNAM DAG RTZA BA RAB BRTAN CING, ,TSAD MED BZHI YI BANG RIM MNGON PAR MTHO, ,DON GNYIS LHUN GRUB LCOG GIS RAB MDZES BA'I, ,BSHES GNYEN RI DBANG MCHOG LA GSOL BA 'DEBS, ,THUB BSTAN KEE LA SHA YI RI BO NAS, ,LEGS PAR 'ONGS BA'I DAM CHOS GANG+GA'I RGYUN, ,RNAM DPYOD BLO GROS RGYA MTSOR LEGS 'KHYIL BA'I, ,YONGS 'DZIN DAM BA'I ZHABS LA GSOL BA 'DEBS, ,RGYAL BA GNYIS PA'I RING LUGS SHING RTA CHE, ,LHAG BSAM STOBS KYIS 'DREN LA ZLA BRAL ZHING, ,'GRO LA 'DOD DGU'I MCHOG SBYIN MDZAD PA YI, ,BSHES GNYEN DAM BA'I MGON LA GSOL BA 'DEBS, ,BLO CHEN RGYAL SRAS RNAMS KYI MKHYEN BA'I DBYID, ,BZANG PO'I MDZAD PAS 'GRO BA SMIN MDZAD CING, ,YE SHES 'OD KYIS RMONGS BA KUN SEL BA'I, ,THUB BSTAN NYIN MO'I MGON LA GSOL BA 'DEBS, , MTHONG BAS YID 'PHROG MTSAN DPE 'BAR BA'I SKU, ,RNA BAR SNYAN 'JEBS CHOS SGRA SGROG BA'I GSUNG, ,ZAB YANGS BLO GROS GTING DPAG DKA' BA'I THUGS, ,'GRO BA'I 'DREN BA MCHOG LA GSOL BA 'DEBS, ,MDO RGYUD TSIG DON 'CHAD

LA THOGS MED CING, ,RTZOD BAS PHA ROL RGOL BZIL GYIS GNON, ,RTZOM PAS MKHAS PA KUN GYI YID 'PHROG PA'I, ,MKHYEN RAB DBANG PHYUG ZHABS LA GSOL BA 'DEBS, ,BLO GROS BZANG BO'I DZAM BU BR'iKshA'I RTZER, ,BSLAB GSUM 'BRAS, BU'I KHUR GYIS G-YUR ZA ZHING, ,MI 'DAD TSA GDUNG SEL BA'I GRI BA BSIL CAN, ,BSHES GNYEN DPAG BSAM DBANG BOR GSOL BA 'DEBS, ,SMON 'JUG THIG PA CHEN POR SEMS BSKYED CING, ,RGYAL SRAS RLABS CHEN SPYOD BA'I BYA BA YIS,, 'GRO RNAMS SMIN GROL LAM LA 'GOD MDZAD BA'I, ,DPAL LDAN BLA MA'I ZHABS LA GSOL BA'I DEBS, ,GDONG LNGA 'BAR BAS BTEG PA'I KHRI 'PHANG RTZER, ,BSKAL BRGYA'I BAR DU G-YO BA MED BZHUGS NAS, ,RJE BTZUN CHOS KYI RGYAL PO TZONG KHA BA'I, ,RING LUGS CHAD BA MED PAR SPEL BAR SHOG ,BSLU MED BLA MA YI DAM BYIN RLABS DANG, ,BSTAN SRUNGS DAM CAN RGYA MTSO'I MTHU STOBS KYIS, ,KUN MKHYEN RGYAL BA'I BSTAN PA'I GNYEN GCIG PU, ,SRID MTHA'I BAR DU YUN RING ZHABS BRTAN SHOG ,KHA BA CAN PA'I SKYE DGU'I BSOD NAMS DANG, ,DAD LDAN GDUL BYAS GSOL BA BTAB PA'I MTHUS, ,'GRO LA PHAN BDE MA LUS 'BYUNG BA'I GZHI, ,RJE BTZUN BLA MA BSKAL BRGYAR ZHABS BRTAN SHOG ,DE LTAR BSTOD CING GSOL BA BTAB PA'I MTHUS, ,RTAG TU DAL 'BYOR TSANG BA'I RTEN THOB CING, ,BSHES GNYEN DAM BA NAM YANG 'BRAL MED DU, ,BSTEN NAS BKA' BZHIN SGRUB PAS MNYES BYED SHOG ,'KHOR BA'I PHUN TSOGS SNYING PO MED MTHONG ZHING, ,THUB PA'I BSTAN

, ,LA RAB BYUNG THOS BSAM GYIS, ,LEGS PAR DUL ZHING BAG YOD BYA BA YIS, ,RNAM DAG BCAS PA'I MTSAMS LAS G-YEL MED SHOG ,RNAM G-YENG LE LOS NAM YANG MI BSKYOD BA'I, ,TING 'DZIN MCHOG LA RTAG TU YID GZHOL ZHING SO SOR RTOG BA'I SHES RAB ZAB MO YIS, ,SRID PA'I RTZA BA MA LUS DRUNGS 'BYIN SHOG ,'GRO LA BRTZE BA'I BYAMS DANG SNYING RJE YIS, ,THEG CHEN RIGS KYI BAG CHAGS YONGS SAD DE, ,SMON 'JUG BYANG CHUB MCHOG TU SEMS BSKYED NAS, ,PHYIN DRUG SPYOD BAS NYIN MTSAN 'DA' BAR SHOG ,DE LTAR THUN MONG LAM GYIS RGYUD SPYANGS NAS, ,SKU BZHI'I SA BON THEBS BA'I DBANG BZHI YIS, ,GSANG SNGAGS ZAB MO'I SGO 'PHAR LEGS PHYE NAS, ,DAM TSIG SDOM PA SROG LTAR GCES 'DZIN SHOG, DE NAS RIM GNYIS ZAB MO'I RNAL 'BYOR LA, ,RTZE GCIG MNYAM BAR 'JOG PA'I TING 'DZIN GYIS, ,THA MAL SNANG ZHEN 'KHRUL BRGYAD BSRINGS TE, ,TSE GCIG NYID LA ZUNG 'JUG MCHOG THOB SHOG ,MDOR NA DAM CHOS SGRUB PA'I MI MTHUN PHYOGS,, MI SHIS MTSAN MNYE BAR ZHI BA DANG, ,DBAL LDAN BLA MA'I 'PHRIN LAS DAR ZHING RGYAS, ,'GRO KUN BDE LA SPYOD BA'I BKRA SHIS SHOG ,CES PA 'DI NI DGE SLONG DON GRUB RGYAL MTSAN GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS NYI 'OD 'KHYIL PAR SUG BRIS SU BGYIS PA MANG+GALAm,, ` NA MO MANYDZU GHO sh'A YA, BLO BZANG RGYAL BA GNYIS PA'I LUNG RTOGS KYI, ,BSTAN PA'I RGYAL MTSAN 'DZIN PA'I DPAL GYUR CING, ,MTHA' YAS GDUL BYA'I BSOD NAMS ZHING GI MCHAG ,

RJE BTZUN SPRUL PA'I SKU LA GSOL BA 'DEBS, ,BLO CHEN RGYAL SRAS KUN GYI MDZAD BA'I PHUL, ,GDUL DKA' 'DUL PHYIR BZANG PO'I MDZAD BA CAN, ,MKHAS DANG GRUB PA'I RGYAL MTSAN 'DZIN PA'I MCHOG ,DPAL LDAN BLA MA'I ZHABS LA GSOL BA 'DEBS, ,DUS GSUM RGYAL BA KUN GYI THUGS RJE DANG, ,BSLU MED RTEN 'BREL DAM CHOS BDEN BA DANG, ,RIG GROL GNYIS LDAN 'PHAGS PA'I BYIN RLABS KYIS, ,BSTAN BA'I RGYAL MTSAN RTAG TU G-YO MED SHOG ,GZUNGS DANG TING 'DZIN MTHU LA DBANG 'BYOR BA'I, ,DRANG SRONG GRUB BA'I SMON LAM BDEN TSIG DANG, ,DAD LDAN GDUL BYAS GSOL BA BTAB BA'I MTHUS, ,BSTAN 'DZIN DAM PA BSKAL BRGYAR ZHABS BRTAN SHOG ,DE LTAR GDUNG BA'I YID KYIS GSOL BTAB MTHUS, ,DENG NAS YANG SRID SKYE BA THAMS CAD DU, ,RJE BTZUN BLA MAS 'BRAL MED RJES BZUNGS NAS, ,DAM CHOS DGA' BA DE'I DPAL LA ROL PAR SHOG ,CES RJE BTZUN DAM BA 'JAM DBYANGS SPRUL PA'I SKU'I GSOL 'DEBS BRTAN BZHUGS DANG BCAS PA 'DI NI KUN DGA' BKRA SHIS KYIS BSKUL BLTAR CHOS SMRA BA'I BTZUN PA BLO BZANG YE SHES KYIS GZIMS KHANG RGYAL MTSAN MTHON PO'I NYI 'OD 'KHYIL BAR SBYAR BA DGE LEGS 'PHEL,, ` SVASTI, MKHYEN BA'I YE SHES DKYIL 'KHOR 'OD STONG CAN TSOGS GNYIS RGYA MTSO'I KLONG LAS LEGS 'THON PA, ,BLO GSAL GDUL BYA'I PAD TSAL RGYAS MDZAD PA'I, ,YONGS 'DZIN DAM PA'I ZHABS LA GSOL BA 'DEBS, ZHES DKYIL KHANG ZHAL SNGA NAS YE SHES RGYA MTSO'I SKU BSTONG BLA RGYUD GSOL 'DEBS

, ,SU BTON CHOG BA ZHIG DGOS ZHES SHUD KHUNG RAB 'BYAMS BA DGE 'DUN DPAL 'BYOR GYIS BSKUL BA LTAR CHOS SMRA BA'I BTZUN BA BLO BZANG YE SHES KYIS BKA' GDAMS PHO BRANG DU SMRAS PA SARBA DZA YANTU,, ` AOm BDE LEGS SU GYUR CIG, RMAD BYUNG BKOD LEGS RIN CHEN YOL GO 'DI, ,MDO RGYUD SMRA BA BLO BZANG CHOS 'DZIN DANG, ,SPYI MI LAS BYED RNAMS KYIS KHUR BLANGS SHING, ,LHO BOD 'GA' YIS MTHUN RKYEN SBYAR TE BSGRUBS, ,'DI LTAR BGYIS PA'I RNAM DKAR PHUNG PO'I MTHUS, , BLO BZANG RGYAL BSTAN 'DAB BRGYA PADMO'I GNYEN, ,NAM MKHA'I NOR BU YE SHES 'OD 'BAR BA, ,BSKAL BRGYA'I BAR DU G-YO MED CHES GSAL ZHING, ,SDE 'DIR DPAL 'BYOR BSHAD SGRUB 'PHEL BA DANG, ,TSUL 'DI SGRUB LA SGO GSUM CI RIGS KYIS, MTHUN RKYEN SGRUB PA'I LUS CAN MA LUS KYANG, ,BSAM DON JI BZHIN 'BAD MED 'GRUB BAR SHOG ,PHUN TSOGS 'DOD DGU'I G-YANG CHAGS SNOD MCHOG 'DI, ,NAG PHYOGS BDUD DBUNG 'JOMS LA THOGS MED CING, ,BAR CHAD KUN SEL DNGOS GRUB KUN STZOL BA'I, ,MYUR MDZAD YE SHES MGON POR GNYER DU GTAD,, MANG+GALAm,, ` SVASTI, BLO BZANG RGYAL BA GNYIS PA'I DGONGS DON RNAMS, ,PHYOGS 'DIR GSAL MDZAD 'JAM MGON BSTAN BA'I GNYEN, ,BSLAB GSUM YON TAN 'PHAGS NOR GYIS PHYUG BA'I, ,RJE BTZUN BLA MA BSKAL BRGYAR ZHABS BRTAN SHOG ,GZHON NU NYID NAS THUB BA'I LEGS BSHAD LA, ,RING DU 'DRIS BAS MNGON PAR YID DGA' ZHING, ,SKAL BZANG THAR 'DOD YONGS KYI DED

DPON MCHOG ,DBAL LDAN BLA MA SRID MTHAR ZHABS BRTAN SHOG ,RGYAL GSUNG DRI MED RNAMS KYI TSIG DON RNAMS, ,JI BZHIN 'BYED LA THOGS MED SPOBS BA CAN, ,MKHAS MANG RGYA MTSO'I DBUS NA RAB BRJID BA'I, ,'GRO 'DREN DAM BA YUN RING ZHABS BRTAN SHOG ,BLA MA YI DAM LHA YI BYIN RLABS DANG, ,RIG SNGAGS 'CHANG BA RNAMS KYI BDEN TSIG DANG, ,BKA' NYAN DAM CAN RGYA MTSO'I MTHU RTZAL GYIS, ,LHA MI'I RNAM 'DREN YUN RING ZHABS BRTAN SHOG ,DE LTAR GDUNG SHUGS DRAG POS GSOL BTAB MTHUS, ,SKYE BA KUN TU DPAL LDAN BLA MA YIS, ,RTAG TU 'BRAL MED RJES SU LEGS BZUNGS TE, ,BDAG SOGS CHOS KYI CHAR BAS SMIN BYED SHOG ,RGYAL KHAMS SBYIR YANG DUS MIN 'KHRUG BA SOGS, ,MI MTHUN BDUD RIGS PAR CHAD MYUR ZHI STE, ,DKAR PHYOGS DGA' BA'I LHA RNAMS STOBS RGYAS NAS, ,LO TOG 'BRU BCUD DBYAR MTSO BZHIN 'PHEL SHOG ,MDO SNGAGS GZHUNG GI BRJOD BYA MTHA' DAG NI, ,GDAMS BAR LEGS SHAR STON BA'I BSTAN PA LA, ,BYA BA LEGS MDZAD BSIL LDAN LJONGS KYI GTZO, ,KHAMS GSUM CHOS KYI RGYAL BO'I BKRA SHIS SHOG ,CES BA 'DI NI DGA' LDAN PHUN TSOGS GLING GI MKHAN ZUR DANG GSOL DPON CHEN MO 'BRI LUNG NAS GNYIS KYIS BSKUL BA'I NGOR SH'AKYA'I BTZUN BA BLO BZANG YE SHES KYIS BKA' GDAMS PHO BRANG DU SMRAS PA DGE LEGS SU GYUR CIG, BKRA SHIS,, ` SVASTI, RGYAL BA MTSAN LEGS RIN CHEN ZLA BA'I ZHABS, ,GSER BZANG MYA NGAN MED MCHOG CHOS BSGRAGS DANG, ,MNGON

, ,MKHYEN RGYAL BO BCOM LDAN SMAN GYI BLA, ,SH'AKYA'I RGYAL PO RNAMS LA GSOL BA 'DEBS, ,KHA BA CAN LJONGS THUB BSTAN SPEL SLAD DU, ,SBYAN RAS GZIGS MGON DUR SMRIG GIS ROL TE, ,MTHA' YAS SKYE DGUR PHAN BDE STZOL MDZAD BA'I, ,NGAG DBANG BLO BZANG RGYA MTSOR GSOL BA 'DEBS, ,BLO BZANG RGYAL BA'I RING LUGS PADMO'I TSAL, ,MKHYEN BA'I YE SHES 'OD STONG CHER 'BAR BAS, ,GANGS CAN LJONGS 'DIR 'BYED LA THOGS MED BA'I, ,DPAL LDAN BLA MA'I ZHABS LA GSOL BA 'DEBS, ,RAB 'BYAMS SHES BYA'I GNAD DON MA LUS BA, ,SHES RAB CHEN BOS TSUL BZHIN LEGS RTOGS NAS, ,GDUL BYA'I DON GNYIS LHUN GYIS GRUB MDZAD BA'I, ,YONGS 'DZIN DAM BA'I ZHABS LA GSOL BA 'DEBS, ,'DIS MTSON DGE BAS YANG SRID THAMS CAD DU, ,DBAL LDAN BLA MAS 'DRAL MED RJES BZUNGS TE, ,THOS BSAM SGOM BA'I BYA BA MTHAR PHYIN NAS, ,RGYAL BSTAN 'DZIN PA'I DBAL DU 'GYUR BAR SHOG ,BSLAB GSUM RNAM PAR DAG PAS RGYUD PHYUG CING, ,'CHAD RTZOD RTZOM BA'I SGRA DBYANGS RGYUD MAR SGROG ,'KHOR LO GSUM GYI BYA BAS DUS 'DA' BAS, ,BSTAN BA'I RGYAL MTSAN PHYOGS BCUR SGRENG BAR SHOG, ,GNAS SKABS SU YANG DAM CHOS SGRUB BA'I GEGS, ,PHYI NANG NYER 'TSE MA LUS ZHI BA DANG, ,MTHUN RKYEN DPAL DANG 'BYOR BA MA LUS BA, ,YID LA BSAMS BA TZAM GYIS 'GRUB BAR SHOG ,KHYAD BAR KUN MKHYEN RGYAL BA GNYIS BA YI, ,BSTAN PA'I GDUGS DKAR SA CHEN KUN KHYAB CING, ,BSTAN

PA'I SBYIN BDAG DAD LDAN SKYE BO'I TSOGS, ,RDZOGS LDAN DGA' BDE'I DPAL LA ROL BAR SHOG ,DGON GNAS DGE 'DUN SDE DANG BCAS PA RNAMS, ,MTHU LDAN BSRUNG MA RNAMS KYIS SKYONG MDZAD CING, ,DKAR PHYOGS SKYONG BA'I YUL LHA GZHI BDAG GIS, ,G-YEL MED BSRUNG MDZAD RTAG TU GROGS BYED SHOG ,CES BA 'DI NI RAB 'BYAMS PA SHES RAB LHUN GRUB DPON SLOB RNAMS KYIS SMAN BLA'I CHO GA 'DZUGS PA SOGS BSTAN BA LA BKUR STI CHES CHER MDZAD BA'I CHE 'DI LTA BU ZHIG DGOS ZHES BSKUL BA'I NGOR SH'AKYA'I BTZUN BA BLO BZANG YE SHES KYIS SMRAS BA'O,, MANG+GALAm,, ` SVASTI, BLO BZANG SNYAN GRAGS 'PHRIN LAS 'OD DKAR GYIS, ,SKYE DGU'I TSA GDUNG MA LUS SEL MDZAD CING, ,MDO SNGAGS YON TAN RGYA MTSO'I MTHAR PHYIN PA'I, ,DPAL LDAN BLA MA YUN RING ZHABS BRTAN SHOG ,CES BA 'DI NI GDAN ZUR NGAG DBANG SNYAN GRAGS RNAM RGYAL GYIS SEMS DPA' SPRUL SKU BLO BZANG SNYAN GRAGS RGYA MTSO'I BRTAN BZHUGS 'DI LTA BU ZHIG DGOS ZHES BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS BA'O,, BKRA SHIS,, ` SVASTI, RMAD BYUNG MDZAD BA'I DKYIL 'KHOR YONGS RDZOGS SHING, ,MDO SNGAGS GZHUNG LUGS PAD TSAL 'BYED BA'I GNYEN, ,GDUL BYA THAR BA'I GLING DU 'KHRID BA'I MGON, ,DPAL LDAN BLA MA'I ZHABS LA GSOL BA 'DEBS, ,MDO SNGAGS YON TAN GANGS CAN RI BO NAS, ,'PHRIN LAS 'CHAD MED LHUN GRUB GANG+GA'I RGYUN, ,SKAL BZANG GDUL BYA'I ZHING SAR RTAG 'BAB PA'I, ,RJE BTZUN BLA MA SRID MTHAR ZHABS BRTAN SHOG ,

, ,CES PA 'DI NI 'BRAS SPUNGS SPYI GNYER BKA' BCU NGAG DBANG BLO BZANG GIS BRGYAD STONG PA GSER MA DANG MDO SDE BSKAL PA BZANG PO GSER DNGUL SPEL MAS BSGRUBS SKABS NGED RANG GI BSTOD PA DANG RING 'TSO'I TSIGS BCAD GLEGS BAM GNYIS BZHENGS PA'I DGE BA BSNGO PHYIR DU TSIGS SU BCAD PA ZHIG DGOS ZHES BSKUL BA'I DOR CHOS SMRA BA'I BTZUN PA BLO BZANG YE SHES KYIS SMRAS PA'O,, BKRA SHIS,, ` SVASTI, 'JIG RTEN MGON PO KHROS PA'I SKUR BSTAN PA, ,YE SHES MGON DANG DBYER MED GCIG GYUR PA'I, ,RJE BTZUN BLO BZANG YE SHES ZHABS PAD LA, ,RTAG TU RTZE GCIG GUS PAS GSOL BA 'DEBS,, MANG+GALAm,, ` AOm SVASTI, SNGON NAS GOMS PA'I BAG CHAGS BZANG PO'I MTHUS, ,'JAM MGON BLA MA'I CHOS KYI DGA' STON LA, ,CI DGAR SPYOD PA'I DPAL DANG RAB LDAN PA, ,DPAL LDAN BLA MA'I ZHABS LA GSOL BA 'DEBS, ,GZHON NU'I DUS NAS BLO CHEN RGYAL SRAS GYI, ,BZANG PO'I MDZAD LAS NAM YANG MI G-YO BAS, ,THUB BSTAN NYIN MOR BYED PA'I MTHU LDAN PA, ,YONGS 'DZIN DAM PA'I ZHABS LA GSOL BA 'DEBS, ,NGAG DBANG BLO BZANG BSTAN PA'I CHOS SRID LA, ,'CHAD RTZOD RTZOM PA'I 'KHOR LOS DBANG BSGYUR ZHING, ,SKAL LDAN THAR PA'I BDE LA 'GOD MDZAD PA'I, , MKHAS GRUB DAM PA'I ZHABS LA GSOL BA 'DEBS, ,BLO GROS PHA MTHA' YANGS PA'I LHA LAM NGOS, ,MKHAS BTZUN BZANG PO'I CHA SHAS YONGS RDZOGS SHING, ,DAM CHOS 'PHRIN LAS BSIL ZER STONG LDAN PA'I, ,SMRA BA'I ZLA BA MCHOG LA GSOL

BA 'DEBS, ,BSLU MED BLA MA YI DAM BYIN RLABS DANG, ,DAM CAN RGYA MTSO'I TSOGS KYI MTHU STOBS KYIS, ,BSTAN 'DZIN DAM PA YUN RING ZHABS BRTAN CING, ,'PHRIN LAS YAR NGO'I ZLA BZHIN 'PHEL BAR SHOG ,CES LCANG SKYA KHO THOG THU NGAG DBANG BLO BZANG CHOS LDAN LA BSTOD PA BRTAN BZHUGS DANG BCAS PA 'DI NI NYID KYI SLOB MA DBAL RAS RAB 'BYAMS PA BLO BZANG DPAL 'BYOR SOGS DGON LUNG SPYI SOS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA'O,, SARBA DZ'A GA TAm,, ,, ` AOm SVASTI, 'DIR NAG PO SKOR GSUM LHA MO BSTAN MA BCAS LA MCHOD GTOR 'BUL TSUL NI, PHYI NANG GI MCHOD GTOR SPYAN GZIGS RNAMS TSOGS PAR BYAS LA, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PAR GYUR, NANG MCHOD BYIN RLABS BYA BA NI, AOm HR'I: shtR'I: SA BSANGS, SVA BH'A WAS STONG PAR SBYANGS, STONG PA'I NGANG LAS YAm LAS RLUNG GI DKYIL 'KHOR ZHES PA NAS, AOm A'A:H'Um LAN GSUM BRJOD PA'I BAR 'JIGS BYED LTAR BYAS, DE NAS MCHOD RDZAS DANG GTOR MA RNAMS BYIN GYIS BRLAB PA NI, MCHOD RDZAS DANG GTOR MA RNAMS, HR'I: sht'I: SA BSANGS, SVA BH'A WAS STONG PAR SBYANGS, STONG PA'I NGANG LAS RANG RANG GI MING YIG DANG PO THIG LAS BRGYAN PA ZHU BA LAS BYUNG BA'I BLA MA DANG YI DAM MYUR MDZAD MGON PO DAM CAN CHOS KYI RGYAL PO, DPAL LDAN LHA MO 'KHOR BCAS MNYES PAR BYED PA'I DAM RDZAS SPYAN GZIGS MCHOD GTOR RNAMS RANG BZHIN STONG PA ZAG PA MED PA'I BDE BA

, ,KHYAD PAR CAN BSKYED PAR GYUR, AOm A'A: H'Um, LAN GSUM BRJOD LA BYIN GYIS BRLABS, H'Um; MDUN GYI NAM MKHAR YE SHES ME DPUNG DBUS, ,DAM NYAMS KHRAG ZHAG RGYA MTSO 'KHYIL BA'I DBUS, ,SNA TSOGS PADMA NYI MA'I DKYIL 'KHOR STENG, ,RGYAL BA'I YAB GCIG RJE BTZUN 'JAM PA'I DBYANGS, ,DRAG PO'I SKUR BSTAN BCOM LDAN GSHIN RJE'I GSHED, ,DPAL LDAN PHYAG DRUG MGON PO 'KHOR BCAS DANG, ,LAS KYI GSHIN RJE YAB YUM 'KHOR DANG BCAS, , SRID GSUM DBANG BSGYUR DPAL LDAN RE MA TI, ,BSTAN MA BCU GNYIS 'KHOR DANG BCAS PA RNAMS, ,DAD CING GUS PA'I YID KYIS SPYAN 'DREN NA, ,THOGS PA MED PAR GNAS 'DIR MYUR DU SPYON, ,PADMA KA MA LA YE STVAm, BCOM LDAN 'JAM DPAL GSHIN RJE'I GSHED PO DANG, ,MYUR MDZAD MGON PO DAM CAN CHOS KYI RGYAL, ,DPAL LDAN 'DOD KHAMS DBANG PHYUG 'KHOR BCAS LA, ,LUS NGAG YID GSUM GUS PAS PHYAG 'TSAL LO, ,AOm GU RU BADZRA BHEE RA W'A YA MAH'A K'A LA K'A LA R'U PA K'A LI DE WI SA PA RI W'A RA AARGHAm NAS SHAPTA'I BAR GYIS MCHOD, ,AOm GU RU BADZRA BHEE RA W'A YA MAH'A K'A LA K'A LA R'U PA K'A LI DE WI SA PA RI W'A RA AOm A'A: H'Um, ZHES PAS NANG MCHOD PHUL, YIG BRGYA BZLA ZHING BSHAGS PA BYA, ,DE NAS THUGS DAM BSKANG BA NI, H'Um, DNGOS SU BSHAMS DANG YID KYIS SPRUL BA LAS, ,BYUNG BA'I PHYI NANG GSANG BA'I MCHOD SPRIN DANG, ,DAM NYAMS SNYING KHRAG 'KHYIL BA'I MCHOD YON SOGS, ,BLA MA YI DAM BSRUNG MA'I TSOGS LA 'BUL, ,THUGS DAM

SKONGS SHING NYAMS CHAGS SOS GYUR NAS, ,MCHOG DANG THUN MONG DNGOS GRUB MA LUS STZOL, ,DE NAS GTOR MA 'BUL BA, BLA MA YI DAM BSRUNG MA'I TSOGS DANG BCAS PA RNAMS KYI LJAGS RDO RJE'I 'OD ZER GYI SBU GUS GTOR MA'I BCUD THAMS CAD DRANGS SHING GSOL BAR GYUR, AOm GU RU BADZRA BTEE RA W'A YA SOGS LA BI LAm TA KHA KHA KH'A HI KH'A HI, BTAGS LA LAN BDUN GYIS GTOR MA DBUL, AOm GU RU ZHES SOGS LA AARGHAm P'A DYAm ZHES PA NAS SHABTA'I BAR GYIS MCHOD, AOm GU RU BADZRA BHEE RA W'A YA LA AOm A'A: H'Um BTAGS LA NANG MCHOD DBUL, BSTOD PA NI, RGYAL KUN MKHYEN BRTZE'I GTER CHEN 'JAM PA'I DBYANGS, ,GDUG PA 'DUL PHYIR DRAG PO'I SKUR BSTAN NAS, ,DNGOS GRUB 'DOD DGU MA LUS STZOL MDZAD PA'I, ,BCOM LDAN GSHIN RJE'I GSHED LA BSTOD PAR BGYI, ,SPYAN RAS GZIGS DBANG DRAG PO'I SKUR BSTAN NAS, ,MTHA' DAG SKYE DGU'I RE BA TSUL BZHIN DU, ,SKONG MDZAD YE SHES MGON PO PHYAG DRUG PA, ,'KHOR TSOGS RGYA MTSOS BSKOR LA BSTOD PAR BGYI, ,'JAM DPAL BKA' NYAN LEGS NYES TSUL BZHIN DU, ,'BYED MDZAD LAS KYI GSHIN RJE CHOS KYI RGYAL, ,TZ'A MUnd'I DANG PHO BRGYAD MO BRGYAD SOGS, ,'JIGS RUNG GSHIN RJE'I TSOGS LA BSTOD PAR BGYI, ,SNGON CHO RDO RJE 'CHANG GIS BKA' BSGOS BZHIN, ,RGYAL BA'I BSTAN PA BSRUNG BAR DAM BCAS PA'I, ,'DOD KHAMS DBANG PHYUG BSTAN MA BCU GNYIS SOGS, ,MO RGYUD BSRUNG MA'I TSOGS LA BSTOD PAR BGYI, ,DE LTAR MCHOD CING BSTOD PAS GRVA TSANG 'DI, ,

, ,DAR ZHING RGYAS LA YUN RING GNAS PA DANG, ,'GAL RKYEN KUN ZHI BSAM DON MA LUS PA, ,MYUR DU GEGS MING 'GRUB PA'I 'PHRIN LAS MDZOD, ,RGYAL MTSAN RTZE MOR DBANG GI RGYAL PO SOGS DANG, SNGON CHO RDO RJE 'CHANG GI SPYAN SNGA ZHES SOGS KYI BKRA SHIS GANG RIGS BYA'O, ZHES PA 'DI YANG BHIN DU DBON PO BLO BZANG DNGOS GRUB KYIS 'BRAS SPUNGS SNGAGS PA GRVA TSANG DU BTZUGS CHOG PA 'DI LTA BU ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, SARBA DZ'A GA TAm,, ` AOm SVASTI, RIGS BRGYA'I KHYAB BDAG 'KHOR LO SDOM PA DANG, ,DBYER MED 'GRO BA KUN GYI SKYABS GCIG PU, ,THAMS CAD MKHYEN PA BLO BZANG YE SHES LA, ,SHUGS DRAG DANG BA'I YID KYIS GSOL BA 'DEBS, ,DE LTAR GUS PA'I YID KYIS GSOL BTAB PAS, ,SKYE ZHING SKYE BAR RJE BTZUN BLA MA YIS, ,'BRAL BA MED PAR RJES SU 'DZIN PA DANG, ,'KHOR LO BZHI LDAN RTEN BZANG THOB PAR SHOG ,CES PA 'DI NI DGE SLONG BLO BZANG DON GRUB KYI BLO NGO DANG BSTUN NAS SH'AKYA'I BTZUN PA BLO BZANG YE SHES KYIS SMRAS PA'O,, BKRA SHIS,, ` AOm BDE LEGS SU GYUR CIG ,RLABS CHEN TSOGS GNYIS YON TAN MTHAR PHYIN CING, ,BDUD SDE'I DPUNG TSOGS YAN LAG BZHI BCOM NAS, ,LHA MI YONGS KYI SKYABS GYUR SH'AKYA'I TOG ,MNYAM MED BU RAM SHING PAS DGE LEGS STZOL, ,DE LA CHOS GRVA 'DIR BZHUGS PA'I DGE 'DUN RNAMS KYIS DGONGS RGYU LA SDE SNOD GSUM DANG RGYUD SNGA BZHI'I BSHAD SGRUB RNAM PAR

DAG PAS RGYAL BA'I BSTAN PA PHYOGS DUS KUN TU RGYAS PAR BYED PA KHAMS GSUM CHOS KYI RGYAL PO TZONG KHA PA CHEN PO'I DGONGS BZHED THUN MONG MA YIN PA LTAR THAMS CAD KYI BLO YUL DU BCAGS PA GTZO BOR GAL CHE ZHING, RGYAL BA'I BSTAN PA'I RTZA BA YANG SO SO THAR PA YIN PAS GZHI GSUM GYI PHYAG LEN GTZANG LAM NYAMS PA GAL CHE, GAL SRID RTZA BA BZHI DANG 'GAL BA BYAS PA GNAS NAS DBYUNG BAR DRAG ZHAN KUN GYIS RE 'KHANG MI BYED, STON PAS CHANG SROG GI PHYIR DU YANG MA GNANG BAS CHANG 'THUNGS NA MAR ME MTSAN THUB PHUL NAS ZLA BA GCIG GI BAR DU BRGYA PHYAG ,RMA KHRAG 'THON PA'I BRDEG RES BYAS TSE MAR ME MTSAN THUB PHUL NAS ZHAG LNGA'I BAR DU BRGYA PHYAG 'TSAL DU 'JUG ,RTZA LTUNG LA MI GNOD PA'I SKU 'PHROG BYAS NA ZHAG LNGA'I BAR DU BRGYA PHYAG BTZAL NAS PHYIR BCOS TSUL BZHIN BYED DU 'JUG ,ZHVA GDING BA ZLA GAM MED PAR TSOGS LA MI 'JUG ,TSOGS LA 'GRO BA RNAMS KYIS RAB BYUNG GI CHA LUGS MIN PA'I SBU GU CAN MI GYON, ,GSO SBYONG LA MA BYUNG NA PHYAG GSUM BRGYA, ,BSLAB GRAL BZHIN RGAN PAS MA BZHUGS NA DGE 'DUN SPYIR BRGYA PHYAG ,GZHON PAS BSLAB GRAL BZHIN MA BSDAD NA BSLAB PA RGAN PA DE LA PHYAG NYIS BRGYA, DGE 'DUN TSOGS NAS GRAL MA GYES KYI BAR LA, CHOS SPYOD MI BYED PAR KHA ROG 'DUG PA DANG, BRE MO'I GTAM BYED PA DANG, DGOS MED PHYI ROL DU 'GRO BA DANG, LHAM GYON BZHIN PAR ZAS LA SPYOD PA DANG, SGOG PA'I RIGS ZA BA DANG, SKRA TSAD LAS LHAG PA 'JOG PA RNAMS LA BRGYA PHYAG ,LAM SRANG LA SOGS PA MNGON MTSAN CHE BAR

, ,'DUS NAS DGOS MED KYI CAL COL SMRA BA DANG, DMIG MANG DANG CHO LONG RTZE BA DANG, RDO SKOR 'PHEN PA DANG, MCHONGS BYED PA DANG, DE DAG LA CHED LTAD KYIS LTAD MO LTA BA DANG, GLU GAR DANG ROL MO BRDUNG BA SOGS LA 'PHYAR G-YENG GIS BLTA BA DANG, KHYIM PA MI DAD PA'I KUN SPYOD MI MDZES PA BYAS NA TSOGS SU BRGYA PHYAG ,KHRIMS GROGS MED PAR GRONG GSEB TU 'GRO BA LA BRGYA PHYAG ,LNGA MCHOD, DGUN CHOS, SKU RIM, DPYID CHOS, SMON LAM CHEN MO, DBYAR CHOS, DBYAR GNAS, STON CHOS RNAMS LA, DGE 'DUN 'DU BA BLA MAS GSUNGS PA'I TSES GRANGS LA NGES PAR SLEBS PA BYED DGOS, CHOS THOG RNAMS LA TSOGS 'DON CHO GA CHOS SPYOD DGOS PA RNAMS SNGAR RGYUN BZHIN MA NYAMS PA DANG, LE RE BZHIN TSOGS 'DON DGOS PA RNAMS LA DGE SKOS KYIS 'OS BABS BLTAS NAS RGYUGS LEN SLA CHOS SU MA SONG BAR BYED, CHOS THOG GI SKABS RIG LUNG DANG 'DZIN SKYOR LA BLA MA DANG DGE SKOS KYIS BSKUL LCAG GANG DRAG NGOS BLA MAS 'DZIN CHOS JI TZAM GSUNGS PA'I RGYUGS LEN DO GANG DAM BYED, BLA BRANG DANG SPYI PAS ZHON RTA DANG CHU LEN PA'I BONG BU DGOS TSOD MA GTOGS MI BSTEN, DE MIN GRVA PA RNAMS KYIS KYANG ZHON RTA RE DANG BZHON MA LNGA RE MA GTOGS BONG BU RA LUG RNAMS DGON PAR MI BSTEN, KHYI MI GOS, DGE SKOS SOGS LA GNANG BA MA ZHUS PAR BUD MED GLING GSEB TU MI GTONG, SROG BSKYAB PHYIR MA GTOGS BUD MED ZHAG TU MI SDOD, DAG SNANG GIS GNAS MJAL BA'I BUD MED ZHAG TU 'DUG NA DGE SKOS LA GNANG

BA ZHU DGOS, MTSAMS MTHO'I NANG KHONGS TSUN CHAD RTA SOGS BZHON PA'I RIGS MI ZHON, GRVA TSANG DANG SDE PHAN TSUN PHYOGS RIGS SU BCAD NAS GSHAGS 'GYED PA 'DI GZHAN MA DAD PA DANG CHAGS SDANG GI RGYU SHIN TU CHEN POR 'DUG PAS DE 'DRA'I RIGS KYI MI 'OS PA BYAS NA PHYAG STONG PHRAG RE 'GEL, 'DIR MA THUS PA YUL DUS KYI DBANG GIS 'PHRAL 'PHRAL SPANG BLANG DGOS PA RNAMS LA BLA MA DGE SKOS KYIS SDOM PA GSUM GYI BCAS MTSAMS RNAMS ZHIB TU GZIGS NAS 'OS 'TSAM GYI SPONG LEN BYED DU 'JUG ,DGE SKOS KYIS KYANG BLO GZU BOR MI GNAS PA'I DO DAM TSUL BZHIN DU MA BYAS NA BLA MA DANG BGRES PA RNAMS THUGS BSTUN NAS GROS 'DEBS DANG BSHAGS PA BYED DU 'JUG ,BGRES GZHON KUN GYIS KYANG 'DI DON G-YO MED DOGS PA SOGS MDOR NA MNYAM MED BU RAM SHING PA'I BSTAN PA SPYI DANG, KHYAD PAR RGYAL BA TZONG KHA PA CHEN PO'I LUGS SROL DRI MA MED PA LA THOS BSAM SGOM PAS BRTZON PAR BYAS TE BSTAN PA RIN PO CHE SPYI SGER LA PHAN PA MDZAD DGOS SHING, 'DI DAG LAS 'GAL BA BYAS TSE DAM CAN CHOS KYI RGYAL PO LA SOGS PA'I BSTAN SRUNGS MTHU RTZAL CAN RNAMS KYIS CHAD PA DRAG POS MYUR DU TSAR GCOD PA DANG, TSUL BZHIN SGRUB PA RNAMS LA 'PHRIN LAS RNAM PA BZHE'I SGO NAS MTHUN RKYEN THAMS CAD YID BZHIN DU 'GRUB PAR MDZOD, GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHOG ,RTAG PAR DGE 'DUN MTHUN PA DANG, ,DGE 'DUN DON YANG 'GRUB PAR SHOG ,'GRO BA'I SDUG BSNGAL SMAN GCIG PU, ,

, ,BDE BA THAMS CAD 'BYUNG BA'I GNAS, ,BSTAN PA RNYED DANG BKUR STI DANG, ,BCAS TE YUN RING GNAS GYUR CIG ,CES BYA KHYUNG DGON GYI KHRIMS SU BCA' BA 'DI NI 'BRU MANG ZHES PAS PHO STAG GI LO KHYU MCHOG ZLA BA'I DUS DGE BA LA CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, ` AOm SVA STI, RANG GI SPYI BOR PAD ZLA NYI DKYIL STENG, ,BCOM LDAN HE RU KA DANG DBYER MED PA'I, ,SKYABS GNAS KUN 'DUS RTZA BA'I BLA MA NI, ,SKU MDOG DKAR ZHING MTSAN DPE'I GZI BRJID 'BAR, ,ZHAL GCIG PHYAG GNYIS G-YAS PA CHOS 'CHAD DANG, ,G-YON PA MNYAM GZHAG RDOR DRIL BZUNG BA'I TSUL, ,GSER MDOG PAn ZHU MAN BAS SHING MDZES PAR KLUBS, , ZHABS GNYIS RDO RJE SKYIL KRUNG GIS BZHUGS PA'I, ,SPYI BOR AOm DKAR MGRIN PAR A'A:DMAR PO, ,THUGS KAR H'Um SNGON H'Um YIG 'OD ZER GYIS, ,SPYAN DRANGS DAM TSIG BA DANG DBYER MED GYUR, ,RAB 'BYAMS DKYIL 'KHOR KUN GYI BDAG PO MCHOG ,BCOM LDAN 'KHOR LO SDOM PA'I LHA TSOGS DANG, ,DBYER MED RJE BTZUN BLA MA'I ZHABS PAD LA, ,DANG BA'I YID KYIS RTAG BZHUGS GSOL BA 'DEBS, ,DE LTAR GSOL BA SHUGS DRAG BTAB PA'I MTHUS, ,MGON PO KHYOD KYIS 'BRAL MED RJES BZUNGS NAS, ,GNAS SKABS DAM CHOS TSUL BZHIN SGRUB PA YI, ,'GAL RKYEN KUN ZHI BSAM DON MYUR 'GRUB SHOG ,CES PA 'DI NI HE RU KA DANG DBYER MED DU BYAS CHOG PA'I BLA MA'I RNAL 'BYOR 'DI LTA BU ZHIG DGOS

ZHES BLO BZANG PHUN TSOGS KYIS BSKUL BA LA BRTEN, SH'AKYA'I BTZUN PA BLO BZANG YE SHES KYIS SMRAS PA'O,, BKRA SHIS,, ` AOm SVA STI, BLA MA'I RNAL 'BYOR SGOM PAR 'DOD PAS, SKYABS 'GRO SEMS BSKYED TSAD MED BZHI SGOM PA SNGON DU BTANG NAS, MDUN GYI LHA LAM YANGS PAR RIN CHEN KHRIR, ,SNA TSOGS CHU SKYES NYI ZLA'I DKYIL 'KHOR STENG, ,DUS GSUM RGYAL BA KUN DANG DBYER MED PA'I, ,BKA' DRIN GSUM LDAN RTZA BA'I BLA MA NI, ,SKU MDOG DKAR GSAL ZHAL GCIG PHYAG GNYIS KYIS, ,AUTPAL SDONG BU BZUNGS NAS LO 'DAB RNAMS, ,SNYAN GYI THAD KAR KHA BYE'I DKYIL DU NI, ,SHES RAB RAL GRI SHER PHYIN GLEGS BAM BSNAMS, ,MTSAN DPE GSAL RDZOGS 'OD KYI DKYIL 'KHOR DBUS, ,ZHABS GNYIS RDO RJE SKYIL KRUNG GIS BZHUGS PA'I, ,GNAS GSUM YI GE GSUM MTSAN 'OD ZER GYIS, ,RANG BZHIN GNAS NAS RTZA BA'I BLA MA LA, ,DNGOS DANG BRGYUD PA'I BLA MA YI DAM DANG, ,SANGS RGYAS BYANG SEMS TSOGS KYIS BSKOR BA RNAMS, ,SPYAN DRANGS BSOD NAMS ZHING GI DAM PAR BZHUGS, ,SGRIB GNYIS BAG CHAGS MA LUS DRUNGS PHYUNGS NAS, ,SPANGS RTOGS GNYIS KYI YON TAN MTHAR PHYIN PA'I, ,LHA MI'I SKYABS GCIG RJE BTZUN BLA MA DANG, ,DBYER MED SKYABS GNAS MCHOG LA GUS PHYAG 'TSAL, ,MCHOD TSOGS KUN 'BUL NYES LTUNG THAMS CAD BSHAGS, ,RANG GZHAN RNAM DKAR MDZAD PAR RJES YI RANG, ,'GRO LA CHOS 'KHOR SKOR PHYIR RTAG BZHUGS GSOL, ,'DIS MTSON DGE

, ,BA KUN MKHYEN RGYU RU BSNGO, ,BLO BZANG GRAGS BSTAN SNYAN PA'I GDUGS DKAR CHE, ,SRID PA GSUM GYI RTZE NA MNGON PAR BSGRENG, ,YE SHES DBANG GI RGYAL PO'I TOG MDZES PA'I, ,DPAL LDAN BLA MA'I ZHABS LA GSOL BA 'DEBS, ,BSLAB GSUM RNAM DAG MDZAD PA BZANG PO YIS, ,SKAL LDAN 'GRO RNAMS YID RAB TSIM MDZAD CING, ,RGYAL BSTAN NYIN MOR BYED LA ZLA BRAL BA, ,RJE BTZUN BLA MA'I ZHABS LA GSOL BA 'DEBS, ,BLO BZANG RGYAL BA GNYIS PA'I MDO SNGAGS BSTAN, ,PHYOGS DUS KUN TU MI NUB SPEL BA LA, ,ZHUM PA MED PA'I SPOBS PA MNGON MTHO BA, ,DPAL LDAN BLA MA'I ZHABS LA GSOL BA 'DEBS, ,DE LTAR RTZE GCIG GUS PAS GSOL BTAB MTHUS, ,SKYE BA KUN TU RJE BTZUN BLA MA YIS, ,'BRAL BA MED PAR DGYES BZHIN RJES BZUNGS TE, ,KUN MKHYEN SANGS RGYAS GO 'PHANG MYUR THOB SHOG ,GNAS SKABS SU YANG DAM CHOS TSUL BZHIN DU, ,SGRUB PA'I 'GAL RKYEN MA LUS KUN ZHI ZHING, ,TSE RING NAD MED 'BYOR PA 'PHEL BA SOGS, ,BSAM DON YID BZHIN 'GRUB PA'I BKRA SHIS SHOG ,CES PA 'DI NI SNGAGS RAM PA BLO BZANG RIN CHEN GYIS BLA MA'I RNAL 'BYOR SKYE BA KUN TU RJES SU 'DZIN PA'I SMON LAM DANG BCAS PA ZHIG DGOS ZHES BSKUL BA LA BRTEN NAS SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ` AOm SVA STI, RMANG BYUNG BSLU MED RTZA BRGYUD BLA MA DANG, ,RNAL 'BYOR BLA MED LHA TSOGS JI SNYED PA'I, ,BYIN RLABS

NGO MTSAR SNANG BRNYAN DU MA'I TSOGS, ,LEGS BSGRUBS RGYAL BSTAN YUN RING GNAS PAR SHOG ,DUS GSUM RNAM DKAR LAS DANG 'BREL BA YI, ,LUS NGAG YID KYIS BYA BA GANG BGYIS PA, ,MYUR DU STOBS BCU MNGA' BA'I GO 'PHANG MCHOG , THOB NAS MA LUS 'GRO RNAMS 'DREN PAR SHOG ,DGON GNAS 'DIR YANG BSLAB GSUM RNAM DAG GI ,'DUL KHRIMS GTZANG ZHING LONGS SPYOD 'PHEL BA DANG, ,BGEGS RIGS BAR CHAD NAD YAMS KUN ZHI NAS, ,MDO SNGAGS BSTAN PA YUN RING GNAS PAR SHOG ,DENG NAS SKYE BA KUN TU LHAG PA'I LHAS, ,DGYES BZHIN 'BRAL MED RJES SU LEGS BZUNGS TE, ,SKYE BA KUN TU DAM CHOS SGRUB PA'I RTEN, ,RNYED NAS GSUNG GI BDUD RTZI 'THUNG BAR SHOG ,DE LTAR RTZE GCIG GUS BAS BSKRUN PA 'DIS, ,BDAG DANG MKHA' MNYAM 'GRO BA MA LUS PA'I, ,SGRIB GNYIS NYES PA MTHA' DAG DRUNGS PHYUNGS TE, ,SKU GSUM GO 'PHANG MYUR DU MTHAR PHYIN SHOG ,BSLAB GSUM NGUR SMRIG 'CHANG BA'I 'DUS PA'I SDES, ,RGYA MTSO'I GOS CAN YONGS SU GANG GYUR TE, ,MDO SNGAGS BSHAD SGRUB BYA BA YUN RING DU, ,MI NUB BSTAN PA 'DZIN PA'I BKRA SHIS SHOG ,SDE SNOD GSUM SOGS 'CHAD RTZOD RTZOM GSUM GYIS, ,THUB BSTAN NYIN MOR BYED LA ZLA BRAL ZHING, ,SA GSUM 'GRO BA'I GTZUG GI RGYAN GYUR PA, ,BLO BZANG GRAGS PA'I DPAL GYI BKRA SHIS SHOG, MANG+GALAm,, ` SVASTI, 'DZIN MA'I KHYON DU DAL 'GRO'I PHUNG PO LTAR, ,BKRA SHIS LHUN GYIS GRUB PA'I 'DUS PA'I SDE'I, ,'PHAGS TSOGS

, ,MCHOD PA'I BDUD RTZIS YONGS GANG BA'I, ,RIN CHEN LAS GRUB RMAD BYUNG YOL GO 'DI, ,LEGS PAR BSGRUBS PA'I RNAM DKAR BYA BA YIS, ,DGON GNAS DGE 'DUN SDE DANG BCAS PA RNAMS, ,DAR ZHING RGYAS LA LONGS SBYONG 'PHEL BA DANG, ,SANGS RGYAS BSTAN PA YUN RING GNAS GYUR CIG ,BDAG DANG BDAG LA LTOS PA'I LUS CAN RNAMS, ,RTAG TU THEG PA MCHOG GI SNOD GYUR TE, ,RGYAL SRAS SPYOD PA RGYA MTSO MTHAR PHYIN NAS, ,THAMS CAD MKHYEN PA'I GO 'PHANG MYUR THOB SHOG ,'DI YI LAS LA 'BAD PA BGYID PA RNAMS, ,GNAS SKABS TSE RING 'BYOR PA 'PHEL BA DANG, ,MTHAR THUG SGRIB GNYIS BAG CHAGS DRUNGS PHYUNGS NAS, ,KUN MKHYEN RGYAL BA'I GO 'PHANG MYUR THOB SHOG, MANG+GALAm,, ` AOm SVASTI, BKRA SHIS LHUN GRUB 'PHAGS CHOGS DGE 'DUN SDE, ,MNYES BYED BDUD RTZI'I RGYA MTSO'I SNOD MCHOG 'DI, ,LHAG BSAM RNAM PAR DKAR BAS BSGRUBS PA'I MTHUS, ,KUN MKHYEN RGYAL BA'I BSTAN PA RGYAS PAR SHOG ,'DIS MTSON RNAM DKAR BYA BA CI BGYIS PA, ,ZAS GTZANG SRAS KYI GO 'PHANG MA THOB BAR, ,LHA MI'I STON PA MCHOG GIS RJES BZUNGS NAS, ,LUNG RTOGS YON TAN RGYA MTSO GONG 'PHEL SHOG ,CHOS GRVA CHE 'DIR GSAR DU LEGS BSKRUN PA'I, ,'PHAGS TSOGS DGE 'DUN MNYES BYED SNOD MCHOG 'DI, ,LAS KYI GSHIN RJE DMAG ZOR RGYAL MO SOGS, ,MTHU LDAN BSRUNG MA RNAMS LA GNYER DU GTAD, ,DAM LAS MA 'DA' CHOS GRVA CHE 'DI NAS, ,

STOBS KYIS 'PHROG DANG GZHAN DU 'KHYER BYED PA'I, ,GNOD PA'I SEMS 'PHYANG MI DANG MI MIN RNAMS, ,CHAD PA DRAG POS MYUR DU TSAR CHOD MDZAD, ,SNOD MCHOG 'DI NAS 'PHAGS TSOGS KYIS MCHOD PAS, ,BDAG DANG MKHA' MNYAM 'GRO BA MA LUS PA, ,'KHOR LO BZHI DANG NAM YANG MI 'BRAL ZHING, ,SKU GSUM GO 'PHANG MTHON POR BGROD PAR SHOG ,BKRA SHIS,, ` PHYAG NA PADMO 'DZIN DANG DBYER MED PA'I, ,RJE BTZUN BLA MA'I ZHABS LA GSOL BA 'DEBS, CES PA 'DI NI 'A PA BLO BZANG CHOS DAR GYI KHA 'DON DU BGYIS PA'O,, ` AOm BDE LEGS SU GYUR CIG ,BLO BZANG RGYAL BSTAN 'DZIN PA'I DPAL YON CAN, ,'PHRIN LAS RNAM DKAR CHAD MED GANG+G'A'I RGYUN, ,'GRO LA 'DOD DGUR STZOL MDZAD YE SHES ZHABS, ,DPAL LDAN BLA MA'I ZHABS LA GSOL BA 'DEBS, ,SHES BYA'I GNAS KUN MKHYEN PAS MKHAS RTZER SON, ,SGO GSUM LEGS PAR BSDAMS PAS BTZUN PA'I MCHOG ,MKHAS MANG 'DUS PA'I DBUS NA MNGON PAR BRJID, ,RJE BTZUN BLA MA'I ZHABS LA GSOL BA 'DEBS, ,LUS CAN BSOD NAMS NOR 'DZIN KHYON YANGS POR, ,BSLAB GSUM LUNG RTOGS YON TAN GYIS PHYUG CING, ,'GRO RNAMS THAR PA'I LAM DU 'GOD MKHAS PA'I, ,RJE BTZUN BLA MA'I ZHABS LA GSOL BA 'DEBS, ,RDO RJE'I RE KHAS MTSAN PA'I KHRI 'PHANG RTZER, ,NGES PA LNGA LDAN LONGS SPYOD RDZOGS SKU BZHIN, ,'KHOR BA JI SRID GNAS PA DE SRID DU, ,YUN RING BAR DU SRID MTHAR ZHABS BRTEN SHOG ,RMAD BYUNG DKON MCHOG RIN CHEN BYIN

, ,RLABS DANG, ,BSTAN SRUNGS RGYA MTSO'I TSOGS KYI MTHU STOBS DANG, ,SKAL LDAN SKYE DGUS RTZE GCIG GSOL BTAB MTHUS, ,'GRO 'DREN DAM PA YUN RING BRTAN PAR SHOG ,CES PA 'DI NI LHUN PO RTZE'I MKHAN RIN PO CHE GRVA RIS SPYI MI SOGS KYIS RING 'TSO'I TSIGS BCAD 'DI LTA BU TSOGS 'DON DU BTZUGS CHOG PA ZHIG DGOS ZHES BSKUL BA LA BRTEN NAS SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ` AOm SVA STI, SKYABS SEMS SNGON DU BTANG NAS TSAD MED BZHI BSGOM, RANG GSANG BDE 'JIGS GSUM SOGS GANG RUNG GI NGA RGYAL DANG GSAL SNANG BRTAN PO DANG LDAN BAS, BSANGS RDZAS PHYI NANG GI MCHOD GTOR SPYAN GZIGS RNAMS SNGAGS DRUG DANG PHYAG RGYA DRUG GIS BYIN GYIS BRLABS ROL MO DBYANGS DANG BCAS PAS, KYEE; LHUN GRUB BDE CHEN 'CHI MED LAM ROL NAS, ,'JAM MGON CHOS KYI RGYAL PO TZONG KHA PA, ,DNGOS DANG BRGYUD PA'I BLA MA YI DAM DANG, ,RGYUD SDE BZHI YI 'KHOR LO'I LHA TSOGS DANG, ,DPA' BO MKHA' 'GRO CHOS SRUNGS MA LUS PAS, ,YONGS BSKOR TSAD MED THUGS RJES GNAS 'DIR GSHEGS ,RNAL 'BYOR BDAG CAG RNAMS LA RJES BRTZE BA'I, ,'GO BA'I LHA SRUNGS NUS LDAN THAMS CAD DANG, ,YUL LHA GZHI BDAG LHA KLU LA SOGS PA, GNAS 'DIR SPYAN 'DREN MYUR DU GSHEGS SU GSOL, ,AOm RTZA RGYUD BLA MA MCHOG GSUM DANG, ,BSTAN SRUNGS RGYA MTSO 'KHOR BCAS DANG, ,RIGS DRUG LAN CHAGS MGRON BCAS PA'I, ,ZHING GI CHOGS LA PHYAG 'TSAL LO, ,BDE STONG

MKHA' DBYINGS DAG BA LAS, ,BYUNG BA'I MCHOD SBRIN TSOGS RNAMS KYIS, ,GTAN GYI SKYABS GNAS DAM PA MCHOG ,RTZA BA'I BLA MA THAMS CAD BSANGS, ,MNYAM ZLA MED BZAS GTZANG SRAS, ,DPAL LDAN RDO RJE 'CHAD DBANG NAS, ,MDO RGYUD GDAMS PA GSAL MDZAD PA'I, ,RTZA RGYUD BLA MA THAMS CAD BSANGS, ,BDE GSANG 'JIGS GSUM LA SOGS DANG, ,MYUR MDZAD YE SHES MGON PO DANG, ,LAS KYI GSHIN RJE 'KHOR BCAS SOGS, ,BSTAN SRUNGS RGYA MTSO'I LHA TSOGS BSANGS, ,MDOR NA GNAS GSUM BZHUGS PA YI, ,CHOS SKYONG BSRUNG MA MA LUS DANG, ,DKAR PHYOGS MNGON PAR DGA' BA YI, ,PHYOGS SKYONG 'KHOR BCAS THAMS CAD BSANGS, ,SA YI LHA MO LA SOGS PA'I, ,YUL PHYOGS 'DIR GNAS YUL LHA DANG, ,GZHI BDAG 'KHOR DANG BCAS PA BSANGS, ,RGYU SKAR NYI SHU RTZA BRGYAD SOGS, ,LO ZLA ZHAG DUS RGYU BA YI, ,LHA KLU DRI ZA LA SOGS PA, ,PHYOGS 'DIR GNAS PA THAMS CAD BSANGS, ,KHYAD PAR RNAL 'BYOR SGRUB BA BO, ,'KHOR DANG BCAS PA THAMS CAD KYI, ,'GO BA'I LHA SRUNGS? CI MCHIS BA'I, ,BKA' NYAN LHA TSOGS THAMS CAD BSANGS, ,SNANG SRID 'BYUNG PO'I CHOGS RNAMS DANG, ,LAN CHAGS BU LON YI DVAGS SOGS, , MKHA' LA RGYU BA'I DRE GAS PA KUN, ,MGRON DU 'OS PA THAMS CAD BSANGS, ,KHAMS GSUM 'KHOR BAR GNAS PA YI, ,SRID RTZE NAS BZUNGS DMYAL BA'I BAR, ,SDUG BSNGAL DRAG POS MNAR BA YI, ,SEMS CAN JI SNYED MCHIS PA

, ,BSANGS, ,'JIG RTEN KHAMS NA GNAS PA YI, ,MGRON DU 'OS PA THAMS CAD LA, ,BSANGS RDZAS SPOS SNA SNA TSOGS PAS, ,GRIB 'PHOG NYAMS CHAGS ZHI GYUR CIG ,GANG DU GNAS PA'I SA PHYOGS DER, ,BYA BA BZANG NGAN CI BGYID KYANG, ,KUN SLONG GNOD SEMS NGAN SBONGS LA, ,GTAN DU MGON SKYABS DPUNG GNYEN MDZOR, ,CI BSAM DON RNAMS MA LUS BA, ,'GRUB PHA'I BGEGS RIGS GNOD PA SOGS, ,NYER 'TSE MA LUS KUN ZHI NAS, RTAG TU G-YEL MED 'PHRIN LAS MDZOD, ,LO BRGYAR 'TSO ZHING 'BYOR PA 'PHEL, ,GNAS SKABS BDE BA DANG LDAN ZHING, ,BSHAD SGRUB BSTAN PA'I BYA BA SOGS, ,DBYAR MTSO LTA BUR RGYAS PAR MDZOD, ,'KHOR 'DAS SNOD BCUD 'BYOR PA RNAMS, ,LHA YI CHU BO'I RGYUN BZHIN DU, ,ZAD PA MED BAR RAB 'PHEL NAS, ,CI 'DOD DBANG SDUD 'PHRIN LAS MDZOD, ,RGYAL BSTAN SPYI DANG KHYAD PAR DU, ,KUN MKHYEN GNYIS PA CONG KHA PA'I, ,BSTAN LA GNOD BYED GDUG PA CAN, ,DRAG PO'I LAS KYIS TSAR GCOD MDZOD, CES PA 'DI NI RGYAL MO BKRA SHIS KYIS BSANGS DPE 'KHYER BDE BA ZHIG DGOS ZHES GSUNGS PA LA BRTEN NAS SH'AKYA'I BTZUN PA BLO BZANG YE SHES KYIS SMRAS PA DGE ZHING BKRA SHIS PAR GYUR CIG, ,, ` AOm BDE LEGS SU GYUR CIG, ,RANG BZHIN RNAM DAG CHOS DBYINGS PHO BRANG NAS, ,BSTAN PA BSRUNG LA THOGS MED RDZU 'PHRUL CAN, ,CHOS LDAN GANG ZAG TSUL BZHIN SKYONG MDZAD PA'I, ,CHOS RGYAL CHEN PO GNAS 'DIR GSHEGS SU GSOL

PHYI NANG MCHOD SPRIN RGYA MTSOS KUN KHYAB LAM, ,YONGS SU BKANGS TE LEGS PAR 'BUL BGYID NA, ,RNAL 'BYOR BDAG CAG 'KHOR DANG BCAS RNAMS LA, ,CHOS SKYONG 'KHOR BCAS DGYES SHING BZHES SU GSOL, ,RNAM BKRA DBANG PO'I GZHUL 'GRAN BZOD PA'I, ,SNA TSOGS DAR SNAS RAB MDZES SGA SRAB CAN, ,RLUNG LTAR MYUR MGYOGS RDZU 'PHRUL RTA NAG STENG, ,RNGAM BRJID SRIN PO RAB TU KHROS PA'I GZUGS, ,'JOL BER LHAB LHUB SKU LA GSOL LA BSTOD, ,ZHAL GCIG PHYAG GNYIS RDO RJE 'BAR BA YIS, ,DAM NYAMS MA LUS RDUL DU BRLAG MDZAD CING, ,RIN CHEN BUM PAS 'DOD DGU'I MCHOG STER BA'I, ,BSTAN SRUNGS CHEN PO KHYOD LA BSTOD PAR BGYI, ,GRUB BA'I DBANG PHYUG MCHO SKYES RDO RJE DANG, ,YANG SBRUL KHAMS GSUM CHOS KYI RGYAL PO YIS, ,JI LTAR BSGOS BZHIN BSTAN PA BSRUNG BA DANG, ,RNAL 'BYOR 'PHRIN LAS TSUL BZHIN SGRUB PAR MDZOD, ,KHYAD PAR PHAN BDE MA LUS 'BYUNG BA'I SGO, ,DPAL LDAN CHOS KYI SDE CHEN THEG CHEN GLING, , 'PHAGS NOR BDUN LDAN MKHAS MANG 'DUS TSOGS RNAMS, ,DBYAR MTSO LTA BUR GONG DU 'PHEL BAR MDZOD, ,SNANG SRID DREGS PA ZIL GNAN SLOB DPON GYI, ,BKA' LAS MI 'DA' CHOS KYI RGYAL PO KHYOD, ,SNGON GYI RDO RJE'I DAM TSIG G-YEL MED BAR, ,SNANG BRNYAN 'DI LA DNGOS SU THIM BZHIN DU, ,RGYAL BA KUN GYI GTZUG GI COD BAN RJE, ,'JAM MGON BLA MA'I BSTAN PA SBYI DANG NI, ,KHYAD BAR THEG CHEN GLING 'DI'I SMAD KYI CHAR, ,THOS BSAM SGOM PA GONG NAS GONG 'PHEL ZHING

, ,BSHAD SGRUB RING LUGS ZLA BZHIN 'PHEL BAR MDZOD, ,GNOD BYED BDUD RIGS KUN GYI NYER 'TSE RNAMS, ,MYUR DU ZHI NAS THEG CHEN CHOS SDE CHER, ,BDUD RIGS TSAR CHOD ZHI RGYAS DBANG DRAG GI ,LAS BZHI THOGS MED LHUN GYIS SGRUB PAR MDZOD, BSLAB GSUM GYIS PHYUG DUR SMRIG RTAGS 'CHANG BA'I, ,'PHAGS TSOGS 'DUS PAS SA STENG YONGS GANG ZHING, ,MDO SNGAGS BSHAD SGRUB BYA BAS BSKAL BRGYA'I BAR, ,RGYAL BSTAN PHYOGS BCUR RGYAS PA'I BKRA SHIS SHOG ,CES PA 'DI NI GRONG SMAD GZHIS KA'I PHYAG PHYI AA BO BSAM PAS THA 'OG CHOS SKYONG CHEN PO LA MCHOD GTOR 'BUL TSUL 'DI LTA BU ZHIG DGOS ZHES BSKUL BA LA BRTEN SH'AKYA'I BTZUN PA BLO BZANG YE SHES KYIS SMRAS PA'O,, SARBA DZ'A GA TAm,, ` SVASTI, BLO BZANG RGYAL BA'I LUNG RIGS DRI MED KYIS, ,SMRA BA NGAN PA'I RGOL BA TSAR GCOD CING, ,BYAMS PA'I BAG CHAGS LEGS PAR BSGOS PA YI, ,DAM PA'I YANG SRID GSAL POR MYUR 'BYON SHOG ,CES PA 'DI NI THOS BSAM GLING GI SLOB DPON BLO BZANG BYAMS PA'I SKU SKYE MYUR 'BYON GYI DON DU SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ` 'JIGS BYED KYI BLA RGYUD GSOL 'DEBS KYI, LUNG RTOGS MNGA' BDAG SANGS RGYAS YE SHES ZHABS, ZHES PA'I MJUG TU, RIM GNYIS MTHAR PHYIN BLO BZANG CHOS RGYAN LA, ,GSOL BA 'DEBS SO DNGOS GRUB RNAM GNYIS STZOL, ,PHYAG NA PADMO'I RNAM SPRUL THAMS CAD MKHYEN, ,DKYIL 'KHOR BDAG PO DKON MCHOG RGYAL MTSAN ZHABS, ,BKA' DRIN MNYAM MED RTZA BA'I BLA MA LA, ,GSOL BA 'DEBS SO X, ,'JIGS

BYED KYI NANG MCHOD KYI MJUG TU, RJE BCUN BLO BZANG CHOS KYI RGYAL MTSO DPAL BZANG PO'I ZHAL DU AOm A'A:H'Um, THAMS CAD MKHYEN PA NGAG DBANG BLO BZANG RGYA MTSO DPAL BZANG PO'I ZHAL DU AOm A'A:H'Um, RDO RJE 'DZIN PA DKON MCHOG RGYAL MTSAN DPAL BZANG PO'I ZHAL DU AOm A'A:H'Um, DRIN CAN RTZA BA'I BLA MA BLO BZANG YE SHES DPAL BZANG PO'I ZHAL DU AOm A'A:H'Um, ZHES 'JUG ,BDE MCHOG GI BLA RGYUD GSOL 'DEBS KYI, HE RU KA DPAL DUS KYI MTHAR, ,DUR SMRIG GAR GYIS RNAM ROL BA'I, ZHES PA'I MJUG TU, BDE CHEN BLO BZANG CHOS RGYAN ZHABS, ,GSOL BA 'DEBS SO BYIN GYIS RLOBS, ,DKON MCHOG GSUM GYI NGO BO NYID, ,BSTAN PA'I RGYAL MTSAN 'DZIN MDZAD DANG, ,RJE BTZUN BLO BZANG YE SHES LA, ,GSOL BA 'DEBS SO X, ZHES 'JUG, BDE MCHOG GI NANG MCHOD 'BUL DUS 'DI LTAR BYED, RJE BTZUN BLO BZANG CHOS KYI RGYAL MTSAN DPAL BZANG PO'I ZHAL DU AOm A'A:H'Um, RDO RJE 'DZIN PA DKON MCHOG RGYAL MTSAN DPAL BZANG PO'I ZHAL DU AOm A'A:H'Um, DRIN CAN RTZA BA'I BLA MA BLO BZANG YE SHES DPAL BZANG PO'I ZHAL DU AOm A'A:H'Um, ZHES 'JUG ,PHYAG CHEN GSOL 'DEBS KYI MJUG TU, DRIN CAN RTZA BA'I BLA MA LA GSOL BA 'DEBS KYI TSAB LA, BLO BZANG CHOS KYI RGYAL MTSAN LA GSOL BA 'DEBS, ,RGYUD BDAG 'DZIN ZHES SOGS DANG, RGYUD BSLAB GSUM RIN CHEN RGYAN GYIS MDZES, ,DUS NAM YANG NYES LTUNG DRI MAS DBEN, ,RGYUD CHEN DKON MCHOG RGYAL MTSAN LA GSOL BA 'DEBS, ,RGYUD BDAG 'DZIN ZHES SOGS 'DON, SKYABS KUN 'DUS BLO BZANG CHOS RGYAN

, ,RJE, ,SLAR BSTAN PA'I DPAL DU LEGS BYON PA, ,RJE BTZUN BLO BZANG YE SHES LA GSOL BA 'DEBS, ,RGYUD BDAG 'DZIN X, ,DPAL MGON SDE LNGA'I DAM BSGRAGS KYI SKYABS GNAS KUN 'DUS CHOS KYI RGYAL MTSAN DANG ZHES PA'I MJUG TU, MKHAS PA'I DPAL GYUR DKON MCHOG RGYAL MTSAN RJE, ,BSLU MED SKYABS MCHOG BLO BZANG YE SHES SOGS ZHES 'DON,, ` SVASTI, BLO BZANG GRAGS PA'I MDO SNGAGS GZHUNG LUGS RNAMS, ,PHYOGS 'DIR MI NUB YUN DU SBEL BA LA, , 'PHRIN LAS 'OD STONG BYE PA 'GYED MKHAS PA'I, ,LHA MI'I 'DREN PA DAM PAR GSOL BA 'DEBS, ,RMAD BYUNG BSLU MED DKON MCHOG BYIN RLABS DANG, ,DAM CAN CHOS SKYONG BSRUNG MA'I MTHU RTZAL DANG, ,DAD LDAN SKYE DGUS SHUGS DRAG GSOL BTAB PAS, ,RJE BTZUN BLA MA SRID MTHAR ZHABS BRTAN SHOG ,TSE RABS KUN TU RJE BTZUN BLA MA YIS, ,'BRAL BA MED PAR DGYES BZHIN RJES BZUNGS TE, ,SKU GSUM YID BZHIN RGYA MTSO'I 'JUG NGOGS SU, ,'KHRID PA'I DED DPON BZANG PO MYUR THOB SHOG , GNAS SKABS SU YANG RJE BTZUN TZONG KHA PA'I, ,BSTAN PA NYIN BYED DBANG PO LTAR GSAL ZHING, ,'JIG RTEN KHAMS SU NAG PHYOGS BDUD RIGS KYI, ,BAR GCOD MA LUS MYUNG DU ZHI GYUR CIG ,CES PA 'DI NI LCANG SKYA ZHABS DRUNG GIS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ` H'Um, MDUN DU PADMA NYI MA'I DKYIL 'KHOR STENG, ,LHA BTZAN SGRA 'DZIN RAB SMUG 'JIGS PA'I GZUGS, ,ZHAL GCIG PHYAG GNYIS G-YAS PA MDUNG DMANG DANG, ,G-YON PA

DAM NYAMS 'CHING BYED ZHAGS PA 'DZIN, ,RDZU 'PHRUL LDAN PA'I RTA NAG RTING DKAR CHIBS, ,'KHOR TSOGS BTZAN GYI DMAG DBUNG 'BUM GYI SDES, ,YONGS SU BSKOR BA'I SBYI BOR AOm DKAR PO, ,MGRIN PAR A'A:DMAR THUGS KAR H'Um SNGON PO, ,THUGS KA'I H'Um YIG SNGON PO'I 'OD ZER GYIS, ,GAR BZHUGS 'JIGS RUNG GNAS MCHOG PHO BRANG NAS, ,SNA TSOGS RNAM SPRUL NYAMS DGU DANG LDAN PA, ,'KHOR BCAS THOGS PA MED PAR SPYAN 'DREN NA, ,DAD DANG DAM TSIG LDAN PAS GSHEGS SU GSOL,, DZA:H'Um BAm HO: PADMA KA MA LA YE STZVAm, MCHOD PA BYIN RLABS BYA BA NI, AOm BADZRA AA MRi TA KUn LA HI NA HA NA H'Um PHAt, AOm SVA BH'A WA SHUDDHA SARBA DHARM'A SVA BH'A WA SHUDDHONYHAm, STONG PA NYID DU GYUR, STONG PA'I NGANG LAS, A'A:LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON ZHABS BSIL ME TOG BDUG SBOS SNANG GSAL DRI CHAB ZHAL ZAS ROL MO RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A:H'Um NAS SHPATA'I BAR GYIS MCHOD, AOm A'A:H'Um GIS NANG MCHOD PHUL, BSTOD PA NI, SKU MDOG SMUG NAG ZHAL GCIG PHYAG GNYIS KYI, ,G-YAS BA MDUNG DMAR G-YON PA ZHAGS PA 'DZIN, ,RLUNG LTAR MGYOGS PA'I RDZU 'PHRUL RTA YI STENG, ,'KHOR TSOGS RGYA MTSOR BCAS LA BSTOD PAR BGYI, ZHES BSTOD, GTOR MA BYIN GYIS BRLAB PA NI, GTOR MA AAK'A ROS BYIN GYIS BRLABS, BTZAN RGOD 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA 'OD KYI SBU GU

, ,CAN GYIS GTOR MA'I BCUD THAMS CAD DRANGS TE GSOL BAR GYUR, AOm AA K'A RO MU KHAm SARBA DHARM'A nAm AADYA NUTPAN NA TVAD AI DAm BA LIm TA KHA KHA KH'A HI KH'A HI, ZHES PA GSUM GYIS GTOR MA PHUL, AOm AARGHAm NAS SHPATA'I BAR GYIS MCHOD, AOm AA K'A RO MU KHAm SARBA DHARM'A nAm AA DYA NUTPAN NA TVAD AOm A'A:H'Um, ZHES PAS NANG MCHOD PHUL, DE NAS PA STONG PAS BSTOD, ZAG MED BDUD RTZI'I GTOR MA 'DI BZHES LA, ,SNGON GOMS GDUG SEMS 'TSE BA KUN ZHI NAS, ,BDE LEGS 'BYOR PA DBYAR MTSO LTAR 'PHEL BA'I, ,MTHUN RKYEN BSAM DON 'GRUB PA'I 'PHRIN LAS MDZOD, ,KHYOD KYI RNAM DKAR LEGS BYAS DANG 'BREL BA'I, ,DUS GSUM DGE BA'I PHUNG PO CI MCHIS PA, ,'GRO RNAMS SKU GSUM GO 'PHANG THOB PHYIR DU, ,'KHOR GSUM YONGS DAG BLO YIS BSNGO BAR BGYI, ,RMAD BYUGN RGYAL BA SRAS BCAS BYIN RLABS DANG, ,RTEN 'BREL BSLU MED CHOS NYID BDEN PA DANG, ,BDAG GI BSAM PA RNAM DAG MTHU STOBS KYIS,, JI LTAR SMON PA'I DON BZHIN 'GRUB PAR SHOG ,SDE SNOD GSUM DANG RGYUD SDE RNAM PA BZHI, ,GDAMS PA'I MCHOG TU GZIGS PA'I ZHES SOGS BKRA SHIS KYIS BRGYAN PAR BYA'O, ZHES PA 'DI NI SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ,,

, ,SHR'I MA NAS RBA KU LA BRA BHU: SHA R'I RA NI RM'A N'A N'A DE SHAN BDZRA DH'A RA SH'KYA KE TU: N'A T'A NU: AA PI RU KAsh'A YADHA RMA R'A DZA NIS BARnA: BA LA LI TA KA: PA LA ntU BKKRA,, *, ,RIGS KUN BDAG PO DPAL LDAN RDO RJE 'CHAR, ,SNA TSOGS SBRUL PA'I SKUR STON SH'AKYA'I TOG ,SLAR YANG DUR SMRIG GAR GYIS RNAM ROL PA, ,CHOS KYI RGYAL PO TZONG KHA PA LA 'DUD, MGON DE'I SRAS MCHOG NGES GSANG RGYUD SDE'I GTZO, ,'DUS PA'I LAM BZANG ZAB MO SBEL GA, ,RMAD BYUGN SNYING STOBS SMON LAM MTHU THOB PA, ,MKHAS GRUB SHES RAB SENG GE'I MGON DES SKYONGS, ,GANG GI LEGS BSHAD GDAMS PA ZAB MO RNAMS, ,GANG+GA'I RGYUN

, ,BZHIN SBEL MDZAD SBYIN PA DPAL, ,'DUL 'DZIN DPAL LDAN SHER BZANG RNAM GNYIS SOGS, ,RGYUD RGYAL STON MDZAD BLA MA MCHOG RNAMS BSNGAGS, ,DE LA 'DIR SKU 'BUM BYAMS PA GLING GI DGON SDE CHEN PO 'DI NYID NI KHAMS GSUM CHOS KYI RGYAL BO TZONG KHA PA CHEN PO BLTA MAS BA'I SAR TZANDAN GYI LJON BA ZHIG 'KHRUNGS PA'I 'DAB MAR RGYAL BA'I SNANG BRNYAN 'BUM GYIS SBUNG PA'I NGO MTSAR GYIS BKRA BAS NA SKU 'BUM ZHES MTSAN DU GRAGS SHING, DE YANG RJE BLA MA TZONG KHA PA CHEN PO DE NYID SNGON BRAM ZE'I KHYE'UR GYUR PA'I DUS SU 'DREN PA MNYAM MED SH'AKYA'I RGYAL BO LA SHEL DKAR PO DRI MA MED PA'I PHRENG BA BRGYA RTZA ZHIG PHUL NAS ZAB MO STONG PA NYID KYI LTA BA DANG 'BREL BA'I RDO RJE THEG PA'I LAM RGYAS PAR BYED PA'I SMON LAM BTAB PA LA BRTEN NAS MDO SMAD TZONG KHA'I YUL DU YAB KLU 'BUM DGE DANG YUM SHING SA AA CHOS KYI SRAS SU SKU BLTAMS NAS CHOS RJE DON GRUB RIN CHEN BA'I DRUNG DU BZHUGS TE BYAMS PA'I GZHUNG MDO SDE RGYAN DANG GSANG SNGAGS KYI DBANG LUNG DU MA ZHIG, ZHUS NAS BSNYEN SGRUB BDAG 'JUG SOGS LA SHIN TU 'GRUS BAR MDZAD, DGUNG LO BCU BDUN BZHES PA'I TSE DBUS SU BYON TE GSO DBYANG KYI GZHUNG YAN LAG BRGYAD PA LA SBYANGS SHING MKHAS PA DANG GRUB PA'I DAM PA DU MA'I ZHABS LA GTUGS NAS MDO RGYUD GZHUNG LUGS RIG GNAS MTHA' DAG LA MKHAS BAR MDZAD NAS 'OL KHA'I CHOS LUNG DGON SOGS DBEN GNAS DU MAR BSAG SBYANG LA THUGS BRTZON SHIN TU CHE BAR MDZAD PAS 'DZAM GLING MDZES PA'I RGYAN DRUG MCHOG GNYIS SOGS PAn

GRUB DU MA DANG, YI DAM SANGS RGYAS BYANG SEMS MANG POS RJES SU BZUNGS NAS BYIN GYIS BRLABS, DE NAS GZHIS KA SNE'U'I DPON NAM MKHA' BZANG POS MTHUN RKYEN PHUN SUM TSOGS PA LEGS PAR BSGRUBS PA LA BRTEN CHO 'PHRUL CHEN PO'I DUS MCHOD LHA SA SMON LAM CHEN MOR GRAGS PA LEGS PAR BTZUGS TE BSTAN PA RGYAS PA'I SMON LAM RGYA CHER 'DEBS PA GNANG, LO DE KA'I SA MO GLANG LOR 'BROG RI BO CHE DGA' LDAN RNAM PAR RGYAL BA'I GLING ZHES PA'I DGON PA LEGS PAR BTAB STE NUB DZA LANDHA RA NAS SHAR PHYOGS RGYA MTSO'I PHA MTHA' TSUN GYI YUL LJONGS THAMS CAD DU DGE 'DUN GYI SDE RNAM PAR DAG PAS KHYAB BANG MDZAD PA SOGS RNAM 'DREN BU RAM SHING PA'I RGYAL TSAB CHEN PO DE NYID 'KHRUNGS PA'I YUL SKU 'BUM ZHES PA 'DI NYID KYI SAR 'DUS PA'I SDE CHEN POR 'PHEL ZHING DBYIG 'DZIN DANG RIN CHEN GNYIS PA'I MCHOD SDONG DU SRI ZHU SOGS RGYAS PAR RGYAL DBANG MCHOG GIS STZAL BA'I DKAR CHAG TU GSAL BA LTAR YIN LA, BSTI GNAS DAM PA 'DI NYID DU GSANG BA SNGAGS KYI GRVA TSANG THOG MAR 'DZUGS PA PO NI ZI NA SLOB DPON LEGS PA RGYA MTSO BA YIN ZHING, DE NYID KYIS PAn CHEN THAMS CAD MKHYEN PA BLO BZANG CHOS KYI RGYAL MTSAN MJAL SKABS MDO SNGAGS KYI BSTAN PA 'BYUNG BA'I LUNG BSTAN GNANG BA LTAR GSER THOG CHOS RJES SBYIN BDAG BYAS TE SA MO GLANG LOR SLOB DPON DE NYID KYIS DPAL LDAN RGYUD SMAD KYI PHYAG LEN DANG MTHUN PA'I SNGAGS GRA GSAR DU BTZUGS TE PHYOGS JA TSUL LO ZLA 'KHOR MANG GNANG NAS 'CHAD NYAN DANG BCA' KHRIMS RNAM PAR

, ,DAG PA'I SROL BTZUGS, DE NAS DGA' BZHES PA CHU 'BRUG GI LOR RGYAL DBANG THAMS CAD MKHYEN PA DBANG PHYOGS RGYAL KHAB CHEN POR PHEBS SKABS BKA' SHOG BSLAB STON DANG BCAS PA GNANG ZHING, DE MTHUN PAn CHEN BLO BZANG CHOS KYI RGYAL MTSAN GYIS KYANG BKA' SHOG STZAL, SLAR YANG RNAM RGYAL ZHES PA'I BGRANG GZHIR RGYAL DBANG THAMS CAD MKHYEN PA CHEN POS BCA' YIG DANG SBYIN BDAG CHO LNGAR YANG BSKYAR GYIS GTAD GNYER MDZAD, CHOS RJE LEGS PA RGYA MTSO LA GNANG BA ZHUS RJES CHOS RJE BSOD NAMS RIN CHEN LA DE NANG DU GDAN SAR BSKO BZHAG GNANG NAS GTZUG LAG KHANG KA BZHI MA GSAR DU BZHENGS TE 'CHAD NYAN GONG 'PHEL DU MDZAD, DE RJES SHING MO LUG LOR CHOS RJE DAM CHOS PHUN TSOGS GDAN SAR BYON NAS SNGAR GYI GTZUG LAG KHANG LA SHING RTZI LOGS BRIS RAB GNAS SOGS MDZAD, DE NAS KUN LDAN GYI LOR CHOS RJE GRAGS PA BKRA SHIS GDAN SAR BYON, SLAR 'DU KHANG KA PA SO GNYIS CAN BZHENGS, DE RJES CHOS RJE SHES RAB BZANG PO GDAN SAR BYON, BLA BRANG SNGON MA LAS RGYA BSKYED DE RGYA LUGS LTAR DNGOS GTZANG BSGRUBS, DE NAS CHOS RJE BLO BZANG BSTAN PA'I RGYAL MTSAN GDAN SAR BYON BLA BRANG DU BLA MA'I GZIMS CHUNG SOGS GSAR BZHENGS MDZAD, DE RJES CHOS RJE NGAG DBANG DPAL LDAN, CHOS RJE BLO BZANG RDO RJE, CHOS RJE DGE LEGS DPAL LDAN, CHOS RJE DON GRUB 'OD ZER RNAMS GDAN SAR RIM PA BZHIN BYON, DE NAS RAB BYUNG BCA NU GNYIS PA'I STENG GI NA TSOD

LDAN ZHES PA SHING PHAG LOR ZIN NANG SO'I RIGS LAS SON PA CHOS RJE NGAG DBANG BLO BZANG GDAN SAR BYON TE 'DUS TSOGS 'PHEL ZHING SNYING STOBS DANG BRTZON PA RMAD DU BYUNG BA'I SGO NAS 'BRU MANG ZHES PA SA PHO STAG GI BGRANG BYA'I BZHIN RAS BZHAD PA NA GTZUG LAG KHANG BOD LUGS LTAR GSAR BZHED GI LAS MGO BTZUGS TE SBYIN BDAG TSO LNGA'I DAD 'BUL GTZO BOR GYUR BA'I MTHUN RKYEN LA BRTEN NAS GTZUG LAG KHANG KA BA NGA DRUG SGO MCHOR KA SPUNGS BZHI RGYA MTSONGS BCAS LA MTSON RTZI GSER SHOG ZHIB RGYAS DANG, GDUNG GANG YOD LA GSER GYI L'A NYJAS RNAM RGYAL MA'I GZUNGS SOGS GZUNGS SNGAGS MANG POS SPRAS SHING, STENG GI RAB GSAL, MCHOD KHANG GI RGYA MTHONGS LA RGYA PHIBS DANG, MGON KHANG MDZOD KHANG SOGS SHAG SKOR 'KHOR MAR YOD BA SBEN THOG MI GANG GI TSAD LA MDUN DU GSER ZANGS KYI RNAM BCU DBANG LDAN ZUNG DANG A'ADRsHA CHE CHUNG CI RIGS KYIS BRGYAN PA, GTZUG LAG KHANG SGO LCAGS GSHAN GSER DNGUL GYI TSA GAS YOD PA GSAR BZOS, RGYA MTHONGS KYI KA RING LA BZANG GOS KYI 'PHAN RING RGYA MTSO'I GRANGS LDAN DANG, KA BA RNAMS KYI PHRAG LA ZA 'OG KHRA BSGRIGS KYI RGYAL MTSAN YON TAN GYIS SPA BA BCAS LO DE NANG DU LEGS PAR GRUB PA'I DO DAM GYI GTZO BO CHOS RJE NGAG DBANG BLO BZANG GIS MDZAD, GZHAN YANG DGE SKOS GRAGS PA DON GRUB DANG, DBU MDZAD NGAG DBANG LHUN GRUB, RGE RGAN SHES RAB RIN CHEN, SHES RAB RGYAL MTSAN, BLO BZANG BKRA SHIS, TSUL KHRIMS BZANG PO, BLO BZANG RIN CHEN, BZAD

, ,PO RGYAL MTSAN RNAMS DANG, LAS KA'I KHUR CHE BA DGE 'DUN SPYIS MDZAD CING, SHING BZO'I DBU MDZAD CHEN HO'U SO'U SOGS MI BCU PHRAG GNYIS DANG, SO PHAG RTZIG MI LI ZHO'U SOGS PHYOGS KYI GRANGS LDAN GYIS BGYIS PA'I RGYU YON PHYOGS SOGS KHYON DRIL DNGUL DKAR SRANG 'KHOR SUM STONG LHAG BCAS LAS BSGRUB STE, RNAM PAR DKAR BA'I DAD 'DUN SHUGS DRAG POS BSTAN PA RIN PO CHE DANG 'DUS SDE'I ZHABS TOG TU 'GYUR BA'I BDAG RKYEN PHUL DU BYUNG BA MDZAD DE PHAN BDE'I RTZA LAG TU GYUR PA 'DI'O, ZHES 'DIR SMRAS PA, AE MA ZLA NYI'I BGROD PAS SA MOS DANG, ,SBRANG RTZI'I RGYAL MTSAN TSAL CHEN BZHAD PA BZHIN, ,RGYU 'BRAS THEG PA'I THEM SKAS ZUNG NYID DU, ,BTZUGS TE SKAL BZANG MGRON DU 'GUGS 'DI MTSAR, ,GSANG CHEN MCHOG GI RTZER 'DZEGS BDUD RTZI'I DBYID, ,YE SHES RO BDA'I YOL GOR 'DUS PA'I RGYUD, ,'CHAD DANG NYAN PA'I LNGA SKYES G-YAS 'KHYIL DUNG, ,'PHRIN LAS BZANG BO'I SGRA DBYANGS SGROG 'DI SNYAN, , RNAM DKAR BYA BA LAS KYI 'KHOR LO YI, ,DAL 'GRO'I RGYUN BZANG 'O MA'I RDZING BU CHER, ,'KHYIL GANG BSOD NAMS RGYA MTSO'I DNGOS NYID DU, ,'PHEL 'DIR 'JIG RTEN BYED POS SGRUN DU CI, ,'DI LTAR BSGRUBS PA'I DGE TSOGS ZLA SHEL LTAR MCHOG TU DKAR BA GANG ZHIG BSAGS PA DE, ,THUB BSTAN SPYI DANG KHYAD PAR TZONG KHA PA'I, ,MDO SNGAGS BSTAN PA PHYOGS MTHAR SPEL PHYIR BSNGO, ,CHOS GRVA CHE 'DI MI NUB YUN GNAS SHING, ,'PHAGS TSOGS DGE 'DUN RTAG TU KHRIMS

GTZANG LA, ,BSHAD SGRUB BSTAN BA'I BYA BA LEGS TSOGS RNAMS, ,DBYAR GYI CHU GTER BZHIN DU 'PHEL BAR SHOG ,'DI YI MTHUN RKYEN BSGRUBS DANG LAS BYED RNAMS, ,GNAS SKABS TSE RING NAD MID BDE LDAN ZHING, ,MTHAR THUG RGYAL BA'I GO 'PHANG MYUR THOB NAS, ,'GRO RNAMS GTAN BDE'I LAM LA 'GOD PAR SHOG ,'JIG RTEN KHAMS 'DIR NAG PHYOGS BDUD RIGS KYI, ,BAR GCOD MI MTHUN NYER 'TSE ZHI BA DANG, ,MTHUN RKYEN 'BYOR PA GONG NAS GONG 'PHAL ZHING, , 'GRO KUN BDE LA 'GOD PA'I BKRA SHIS SHOG ,CES BA 'DI NI SKU 'BUM BYAMS PA GLING GI SNGAGS GRVA'I GTZUG LAG KHANG GSAR BZHENGS BYAS BA'I DKAR CHAG TU CHOS RJE NGAG DBANG BLO BZANG BLA SPYIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS BA'O,, MANG+GALAm,, ` (CHOS GRVA CHEN PO 'DI KHA'I BYAMS CHEN GYI SKU BRNYAN RIN PO CHER BZANG GOS KYI SNAM SBYAR PHUL BA'I ZHAL YIG,) RGYAL BA'I RGYAL TSAB MA PHAM MGON PO LA, ,MTSAMS SPRIN GZHON NU'I MDANGS CHAGS SNAM SPYAR 'DI, ,PHUL BAS BDAG DANG 'GRO BA MA LUS PA, ,THEG MCHOG BDUD RTZI'I CHOS LA SBYONG BAR SHOG ,KHYAD PAR DU YANG KUN MKHYEN TZONG KHA PA'I, ,BSTAN PA'I RGYAL MTSAN MI NUB 'DZIN PA DANG, ,'GRO RNAMS BDE SKYID 'BYOR PA DANG LDAN ZHING, ,THAMS CAD MKHYEN PA'I GLING DU PHYIN PAR SHOG ,SKYE BA KUN TU RJE BTZUN BYAMS PA YIS, ,'BRAL BA MED PAR RJES SU LEGS BZUNGS TE, ,MGON KHYOD ZHAL GYI DKYIL 'KHOR MNGON SUM DU, ,MTHONG BA'I SKAL BA BZANG PO LA SPYOD SHOG ,SARBA DZ'A GA TAm,, ,,

, ,` (SA STAG MCHOD MJAL GNANG BA DANG BSTUN YI DAM CHOS SRUNGS RNAMS LA SNYAN DAR GYI ZHAL YIG,) DZA: GDUG PA MTHAR BYED 'JIGS MDZAD GSHIN RJE'I GSHED, ,'KHOR BCAS DGYES PHYIR SNYAN SHAL 'DI PHUL BAS, ,SANGS RGYAS BSTAN LA GNOD BYED DGRA BGEGS RNAMS, ,DRAG PO'I CHAD PAS SGROL BA'I 'PHRIN LAS MDZOD,, H'Um; YE SHES MGON PO 'KHOR DANG BCAS RNAMS LA, ,LHA RDZAS LHA LAM KUN KHYAB 'DI PHUL BAS, ,GCES PA SANGS RGYAS BSTAN PA BSRUNG BA LA, , NAM YANG G-YEL BA MED PA'I 'PHRIN LAS MDZOD,, DZA: DAM CAN GSHIN RJE 'KHOR DANG BCAS RNAMS LA, ,BSTAN PA BSRUNG PHYIR SNYAN SHAL 'DI PHUL BAS, ,BLO BZANG RGYAL BA GNYIS PA'I BSTAN PA LA, ,SDANG BA'I DAM NYAMS MA LUS TSAR CHOD MDZOD,, BHYOO: DREGS PA KUN GYI GTZO MO 'DOD KHAMS MAR, ,SNYAN SHAL YID 'ONG 'DI NYID LEGS PHUL BAS, ,DGON GNAS DGE 'DUN SDE DANG BCAS BA RNAMS, ,BSRUNG SKYOB 'PHRIN LAS BSAM DON TSUL BZHIN SGRUBS,, STONG GSUM 'CHI MED LAM KUN YONGS GANG BA'I, ,PHYI NANG DAM RDZAS SPYAN GZIGS SNA TSOGS BA, ,DPAL LDAN LHA MO 'KHOR DANG BCAS RNAMS LA, ,DGYES PA BSKYED PHYIR DAD PA'I YID KYIS 'BUL, ,KHYOD NI SNGON TSE RDO RJE 'CHANG DBANG GIS, ,JI LTAR BKA' BSGOS DAM LAS MA 'DA' BAR, ,RGYAL BSTAN SPYI DANG RJE BTZUN TZONG KHA PA'I, ,BSTAN PA BSRUNG LA 'PHRIN LAS RNAM BZHI SGRUBS,, KYEE; BSTAN LA GNOD BYED 'DUL LA THOGS MED PA, ,DREGS PA LCAM

SRING 'KHOR DANG BCAS RNAMS LA, ,MCHOD PA'I BYE BRAG DAM RDZAS SPYAN GZIGS RNAMS, ,SHUGS DRAG DANG BA'I YID KYIS LEGS 'BUL NA, ,PHAN BDE MA LUS 'BYUNG BA'I GNYEN GCIG PU, ,BLO BZANG GRAGS BSTAN YUN RING GNAS BA DANG, ,DE 'DZIN SKYES BU SKU TSE BRTAN BA DANG, ,LAS BZHI'I 'PHRIN LAS THOGS MED SGRUB PAR MDZOD, ,CHOS SKYONG BSRUNG MA 'KHOR BCAS KHYED RNAMS LA, ,RTZE GCIG YID KYIS GSOL BA BTAB PA'I MTHUS, ,BSAM DON GEGS MED MYUR DU GRUB GYUR NAS, ,MDO SNGAGS GZHUNG LA SPOBS BA THOGS MED SHOG , ` SVASTI, 'CHI MED LAM KUN YONGS SU GANG BA YI, ,PHYI NANG DAM RDZAS SPYAN GZIGS SNA TSOGS PA, ,YI DAM CHOS SKYONG BSRUNG MA 'KHOR BCAS LA, , DGYES PA BSKYED PHYIR DAD PA'I YID KYIS 'BUL, ,PHAN BDE MA LUS 'BYUNG BA'I GNYEN GCIG PU, ,BLO BZANG GRAGS BSTAN YUN RING GNAS PA DANG, ,DE 'DZIN SKYES BU SKU TSE BRTAN PA DANG, ,LAS BZHI'I 'PHRIN LAS THOGS MED SGRUB BAR MDZOD, ,KHYED RNAMS BSTEN CING GSOL BA BTAB PA'I MTHUS, ,CHOS GRVA CHE 'DI DAR RGYAS KHRIMS GTZANG ZHING, ,BSAM DON GEGS MED MYUR DU GRUB GYUR NAS, ,MDO SNGAGS GZHUNG LA SBOBS BA THOGS MED SHOG, ,, SA MA YA T'IshthA,, ` BLO BZANG MKHYEN BRTZE'I PHA MTHA' YANGS PA LA, ,BSLAB GSUM RTA BDUN SHING RTAS LEGS DRANGS TE, ,GLING BZHI'I 'GRO BA'I RMONGS MUN RAB SEL BA, ,RJE BTZUN BLA MA'I ZHABS LA GSOL BA 'DEBS, ,MKHAS

, ,MANG RGYA MTSO'I DBUS SU LEGS BSHAD KYIS, ,SMRA NGAN RI DVAGS TSOGS RNAMS SKRAG MDZAD CING, ,RNAM DPYOD SPOBS PA'I RTZAL KUN YONGS RDZOGS PA'I, ,DPAL LDAN BLA MA'I ZHABS LA GSOL BA 'DEBS, ,TSOGS GNYIS CHU GTER CHEN PO LAS 'ONGS PA'I, ,RNAM DPYOD RIN CHEN DBANG GI RGYAL PO YIS, ,'GRO LA 'DOD DGU MA LUS LEGS STZOL BA'I, ,YONGS 'DZIN DAM PA'I ZHABS LA GSOL BA 'DEBS, ,RTZE GCIG MOS PAS GSOL BA LEGS BTAB PAS, ,DENG NAS BZUNGS TE SKYE BA THAMS CAD DU, ,RJE BTZUN BLA MA KHYED DANG MI 'BRAL ZHING, ,THEG PA MCHOG GI SKAL BZANG SPYOD PAR SHOG ,GNAS SKABS NYER 'TSE MI MTHUN KUN ZHI ZHING, ,TSE RING NAD MED BDE SKYID DBYAR MTSO LTAR, ,BLA NAS BLAR 'PHEL BSAM DON KUN BGRUB CING, ,BKRA SHIS DGA' BDE'I DPAL LA ROL PAR SHOG ,CES PA 'DI NI KHOD RNAM RGYAL GYI DPON MO 'DZOM PAS DANG BAS GSOL BA 'DEBS TSUL 'DI LTA BU ZHIG DGOS ZHES BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS SMRAS PA'O, ,BKRA SHIS,, ` BLO BZANG RGYAL BSTAN DGA' BA'I KU NA'I TSAL, ,RNAM DPYOD RI DVAGS MTSAN MA'I ZER 'PHRENG GIS, ,LEGS PAR PHYE NAS 'GRO RNAMS CHIM MDZAD PA, ,'GRO 'DREN DAM PA KHYOD LA GSOL BA 'DEBS, ,TSOGS GNYIS YONGS RDZOGS KHANG BZANG MTHON PO'I RTZER, ,SKU GSUM NOR BUS MTSAN PA'I RGYAL MTSAN 'DZIN, ,BLO BZANG BSTAN PA'I DGA' BA'I MDZAD BZANG GIS, ,'GRO RNAMS

SMIN MDZAD KHYOD LA GSOL BA 'DEBS, ,DENG NAS BZUNGS TE SKYE BA THAMS CAD DU, ,DPAL LDAN BLA MA KHYED DANG MI 'BRAL ZHING, ,THEG PA MCHOG GI LAM BZANG LEGS BGROD NAS, ,RNAM 'DREN RGYAL BA'I GO 'PHANG MYUR THOB SHOG ,CES PA 'DI NI RGYAL MKHAN ZUR AER TE NI PAndI TA LUGS ZUNG BSTAN 'GRO'I NYI MA BLO BZANG DGA' LDAN GYIS 'DI LTA BU ZHIG DGOS ZHES BSKUL BA LA BRTEN NAS SH'AKYA'I DGE SLONG BLO BZANG YE SHES KYIS SMRAS PA'O,, BKRA SHIS,, ` SVASTI, BLO BZANG THUGS KYI CHU GTER LAS 'KHRUNGS PA'I, ,BSLAB GSUM LUNG RTOGS YID BZHIN BSAM 'PHEL DBANG, ,THAR 'DOD YONGS LA 'DOD DGU STZOL MDZAD PA, ,BSTAN PA'I DPAL GYUR KHYOD LA GSOL BA 'DEBS, ,TSUL KHRIMS RNAM DAG HA RI TZANDAN LJON, ,MDO SNGAGS YON TAN DRI BSUNG MNGON PAR 'PHRO, ,GDUL BYA'I NYON MONGS TSAG DUNG SEL BA YI, ,DPAL LDAN BLA MA'I ZHABS LA GSOL BA 'DEBS, ,BLO BZANG GRAGS BSTAN NYIN MOR BYED PA'I DPAL, ,YE SHES SNANG BA 'BUM PHRAG 'GYED PA YIS, ,BSTAN PA'I PAD TSAL BZHANG BA'I GNYEN GCIG PU, ,RJE BTZUN BLA MA'I ZHABS LA GSOL BA 'DEBS, ,SKYABS GSUM BSLU MED DKON MCHOG BYIN RLABS DANG, ,BKA' SRUNGS DAM CAN RGYA MTSO'I MTHU STOBS DANG, ,RIG SNGAGS GRUB PA RNAMS KYI BDEN TSIG GIS, ,BSHES GNYEN DAM PA BSKAL BRGYAR ZHABS BRTAN SHOG ,'DI LTAR GSOL BTAB 'BAD PA BGYIS PA YIS, ,SKYE BA KUN TU DPAL LDAN BLA MA YIS, ,RJES BZUNGS

, ,DAM CHOS BDUD RTZI'I DGA' STON LA, ,NGOMS PA MED PAR 'DOD DGUR SPYOD PAR SHOG ,CES PA 'DI NI DGA' LDAN CHOS 'KHOR GYI BLA MA TSUL KHRIMS GRAGS PAS BSKUL BAR BRTEN SH'AKYA'I BTZUN PA BLO BZANG YE SHES KYIS CHOS GRVA CHEN PO'I GTZUG LAG KHANG DU SMRAS PA'O,, MANG+GALAm,, ` NA MO GU RU MANYDZU GHOsh'A YA, 'DIR GZHI BDAG SDONG BTZAN 'KHOR TSOGS RGYA MTSOR BCAS PA LA MCHOD GTOR 'BUL BA'I PHYAG LEN JI LTAR BYA BA'I TSUL LA, ,SNOD GAS CHAG SOGS KYI SKYON DANG BRAL BA'I NANG DU 'BRU SNA LNGA, SMAN SNA LNGA, RIN PO CHE LNGA, DKAR GSUM MNGAR GSUM SOGS BSRIS PA'I 'BRANG RGYAS GRU GSUM PA RGYAN GYIS SPRAS PA MTHEB SKYUS SKOR BA BSHAMS, GZHAN YANG MDA' DAR RU MTSON RNON PO, BSANGS SNA TSOGS TSAD, MCHOD 'BRU GSER SKYEMS, 'BYOR NA KHRAB RMOG GRI GSUM, LHA SHA LAG PA, BTZAN RA KHAM PA, BTZAN YUG MTSAL MGO CAN LA SOGS PA CI 'BYOR BA TSOGS PAR BYAS, RANG YI DAM GANG YANG RUNG BA'I NGA RGYAL LA GNAS PAS, AOm A'A GYER SANG, THUNG RUNG, SBUNGS, SA MA Y'A, A'A TRI SHVA RI Y'A, DUN DUN DZ'Am: DZ'Am: ZHES SOGS KYI SNGAGS CI MANG BZLAS BRJOD BYA, DE NAS MCHOD GTOR RNAMS RGYAS PAR SNGAGS DRUG DANG PHYAG RGYA DRUG GIS BYIN GYIS BRLABS PA'AM BSDUS PA BYED NA, AOm A'A:H'Um GIS BYIN GYIS BRLABS, DE NAS SPYAN 'DREN PA NI, KYEE, GDUNG SHUGS DRAG POS DAD DANG DAM TSIG GIS, ,DPAG MED MCHOD PA'I YUL 'DIR SPYAN 'DREN NA, ,TSUR SPYON YUL

LHA 'KHOR TSOGS RGYA MTSOR BCAS, ,'PHRIN LAS THOGS MED SGRUB PHYIR 'DIR GSHEGS SHIG ,RGYAL BA'I BSTAN PA G-YEL MED BSRUNG BA DANG, ,YUL PHYOGS BKRA SHIS DGE MTSAN SPEL BA'I PHYIR, ,ZHI RGYAS DBANG DRAG JI LTAR 'TSAM BA'I SKU, ,MA THOGS RINGS PA'I TSUL GYIS GNAS 'DIR SPYON, ,KA MA LA YE STVAm, DUS GSUM RTZA BA BRGYUD PA'I BLA MA DANG, ,RGYUD SDE BZHI YI LHA TSOGS 'KHOR BCAS DANG, ,BSLU MED DKON MCHOG GSUM DANG BSTAN SRUNGS TSOGS, YUL LHA 'KHOR DANG BCAS LA PHYAG 'TSAL LO, ,DNGOS BSHAMS YID SBRUL LAS BYUNG MCHOD TSOGS NI, ,'CHI MED LAM KUN KHYAB PAR YONGS BKANGS TI, ,BKUR STI'I MGRON DANG YUL LHA GZHI BDAG DANG, ,RIGS DRUG 'GRO BA KUN LA DANG BAS 'BUL, ,BDAG SOGS RNAMS KYI MI SHES RMONGS PA YIS, ,'KHOR BA THOGS MED NAS BSAGS SDIG LTUNG DANG, ,SDONG BTZAN 'KHOR TSOGS THUGS DANG 'GAL BGYIS RNAMS, ,GNONG ZHING 'GYOD PA'I SEMS KYIS SO SOR BSHAGS, ,SKYE 'PHAGS KUN GYI CHES DKAR LEGS BYAS DANG, ,GZHI BDAG RNAMS KYI YUL PHYOGS BSRUNG SKYOB SOGS, ,PHAN BDE'I MDZAD BZANG KUN LA RJES YI RANG, ,YUL PHYOGS SKYONG PHYIR RTAG PAR LEGS BZHUGS NAS, ,MI MTHUN GNOD PA KUN LAS SKYOB PA DANG, ,TSE RING NAD MED 'BRU BCUD RAB 'PHEL TE, ,RDZOGS LDAN DPAL LA SPYOD PA'I 'PHRIN LAS MDZOD, ,DE NAS THUGS DAM BSKANG BA NI, KYEE; YID 'ONGS DVANGS BSIL MCHOD YON RGYA MTSO 'DIS, ,SDONG

, ,BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,MDZES SHING LTA NA SDUG BA'I ME TOG 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,BSANGS SNA TSOGS PA'I DRI ZHIM BDUG SPOS 'DIS, ,SNONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,STONG GSUM GSAL BA'I SNANG GSAL SGRON ME 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,BZANG PO'I DRI NGA DA LDANG BA'I DRI CHAB 'DRIS, ,SDONG BA TZAN 'KHRO DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,RO BRGYA'I BCUD LDAN LHA YI BSHOS BU 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUD NAS, ,TSE RING NAD MED 'BRU BCUD RGYAS PAR MDZOD, ,SNYAN 'GYUR RAB BRJID ROL MO SNA TSOGS 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD

ZAG MOD BDUD RTZI'I SMAN PHUD DAM PA 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,DAM NYAMS BSGRAL BA'I SNYING KHRAG RGYA MTSO 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,NGAR 'JO DANG LDAN ZHOL G-YAG KHAM PA 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,MTSAMS SPRIN LA 'KHU BTZAN GYIR SKYES 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,MDZES PA'I RGYAN LDAN BTZAN LUG MGO DMAR 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,'PHUR LDING ROL PA'I BYA TSOGS GRANGS MED KYIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,RDZU 'PHRUL SHUGS LDAN BTZAN RTAN KHAM PA 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE

, ,RING NAD MED 'BRU BCUNG RGYAS PAR MDZOD, ,KHA GDANGS MCHE GTZIGS GCAN GZAN TSOGS RNAMS KYIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, , TSE RING NAD MED 'BRU BCUD RGYAS PAR MDZOD, ,MI SHIGS SRA BTZAN RDO RJE'I GO KHRAB 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,'JIGS RUNG RNO NGAR LDAN PA'I MTSON CHA 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,MI MTHUN G-YUL LAS RGYAL BA'I BA DAN 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,RO BRGYA'I BCUD DANG LDAN PA'I BSKANG GTOR 'DIS, ,SDONG BTZAN 'KHOR DANG BCAS PA'I THUGS DAM BSKANGS, ,'KHOR DANG BCAS PA'I THUGS DAM SKONGS GYUR NAS, ,TSE RING NAD MED 'BRU BCUD RGYAS PAR MDZOD, ,DE NAS BSTOD PA BYA BA NI, KYEE; PADMA R'A GA LTAR DMAR BRJID PA'I SKU, ,ZA 'OG GOS BZANG BER CHEN LHAB LHUB GSOL, ,RAB DKAR DAR GYI 'GYING THOD LEGS PAR BCING, ,PHYAG G-YAS RU MTSON BSNAMS PA KHYOD LA BSTOD, ,G-YON PA BTZAN GYI ZHAGS PAS DAM NYAMS 'CHING, ,BSE

PHUB DMAR POS SKU RGYAB MDZES BYAS SHING, ,BRAG BTZAN 'KHOR TSOGS PHO MO'I 'KHOR GYIS BSKOR, ,SNA TSOGS SPRUL PA'I PHO NYA 'GYED LA BSTOD, ,GZHAN YANG BTZAN RGOD GRAGS PA'I RGYAL MTSAN DANG, ,GRAGS PA'I DPAL DANG GRAGS PA RIN CHEN DANG, ,GRAGS PA RDO RJE KLU BDUD CHEN PO SOGS, ,RNAM MANG 'KHOR TSOGS RGYA MTSOR BSTOD PAR BGYI, ,DE NAS BSKUL BYA BA NI, LHA KHYOD SPRUL BSGYUR STON TZAN, ,KHROS SHING RNGAMS PA'I CHA BYAD CAN, ,MYUR MGYOGS RTA NAG RTING DKAR CHIBS, ,DAM NYAMS DGRA LA KLU NAD THONGS, ,G-YAS PA GNAM LCAGS RAL GRI YIS, ,DAM NYAMS DGRA BO'I SROG DBUGS CHOD, ,G-YON PA DUG SBRUL ZHAGS PA YIS, ,SA BDAG NAD NGAN DGRA LA THONGS, ,BDUD BTZAN 'BUM GYI SPRUL TSOGS BCAS, ,SDANG BA'I DGRA LA THOG SER PHOB, ,YUL 'DIR DUS 'KHRUG NAD YAMS SOGS, ,BDUD RIGS NYER 'TSE ZHI BA DANG, ,LHA KLU RNAMS KYIS CHAR 'BEBS SHING, ,LO TOG 'PHEL ZHING RGYAS PAR MDZOD, KHYAD PAR RGYAL BA TZONG KHA PA'I, ,BSTAN PA YUN DU GNAS PA DANG, ,BSTAN 'DZIN YON MCHOD 'KHOR BCAS RNAMS, ,RTAG TU DGE BA'I BKRA SHIS SHOG ,CES GZHI BDAG SDONG BTZAN 'KHOR BCAS LA MCHOD GTOR 'BUL TSUL 'DI NI RGYAL CHEN RTZE'I MI SER SPYI'I 'DOD PA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, BKRA SHIS,, ` AOm BDE LEGS SU GYUR CIG ,BLO BZANG BSTAN PA'I KUNDA'I TSAL YANGS POR, ,MKHYEN PA'I YE SHES

, ,'OD DKAR GZI 'BAR ZHING, ,GDUL BYA GLING BZHI'I MUN PA SEL BA'I MGON, ,DPAL LDAN BLA MA'I ZHABS LA GSOL BA 'DEBS, ,BLO BZANG GRAGS PA'I GZHUNG LUGS RGYA MTSO LAS, ,LONGS PA'I SKU GSUM YE SHES 'OD DKAR GYIS, ,SKAL BZANG 'GRO BA'I MI SHES MUN SEL BA, ,DPAL LDAN BLA MA'I ZHABS LA GSOL BA 'DEBS, ,GANGS CAN LJONGS 'DIR 'JAM MGON BLO BZANG BSTAN, ,'DZIN LA ZLA MED LHA MI'I SKYABS GCIG DU, ,TSOGS GNYIS YE SHES YON TAN YONGS RDZOGS PA'I, ,DPAL LDAN BLA MA'I ZHABS LA GSOL BA 'DEBS, ZHES PA 'DI NI YANG THANG LHO PA DKON MCHOG DPAL BZANG GIS GSOL 'DEBS TSIGS BCAD 'DI LTA BU ZHIG DGOS ZHES BSKUL BA LTAR BGYIS PA'O,, ,, BKRA SHIS,, ` AOm SVASTI, DGA' LDAN CHOS KYI 'KHOR LO'I 'PHAGS TSOGS RNAMS, ,MNYES BYED RO BDA' 'KHYIL BA'I YOL GO 'DI, ,CHES DKAR LHAG BSAM DAG BAS LEGS BSGRUBS MTHUS, ,DGE 'DUN KHRIMS GTZANG BSHAD SGRUB 'PHEL GYUR CIG ,CES PA 'DI NI SHANGS DGA' LDAN CHOS 'KHOR DU TSOGS KHRO GSAR PA BSGRUBS PA'I ZHAL BYANG DU BTZUN PA BLO BZANG YE SHES KYIS BGYIS PA'O,, MANG+GALAm,, ` SVASTI, BLO BZANG RGYAL BA'I BSTAN PA'I PAD TSAL LAS, , LEGS 'ONGS GSUNG GI BUNG BA'I DBYANGS SNYAN CHE, ,SKAL BZANG GDUL BYA'I RNA BA'I LDUM RA'I GNAS, ,SGROG MKHAS DPAL LDAN BLA MA ZHABS BRTAN SHOG ,RAB 'BYAMS ZHING BZHUGS BSLU MED DKON MCHOG DANG, ,RIG SNGAGS GRUB PA

RNAMS KYI BDEN MTHU DANG, ,MTHU LDAN DAM CAN BSRUNG MA'I DRAG SHUL GYIS, ,LHA MI'I SKYABS MGON BSKAL BRGYAR ZHABS BRTAN SHOG ,DE LTAR RTZE GCIG SNYING NAS GSOL BTAB BAS, ,SKYE BA KUN TU RJE BTZUN BLA MA YIS, ,NAM YANG 'BRAL MED RJES SU 'DZIN PA DANG, ,RNAM MKHYEN RGYAL BA'I GO 'PHANG MYUR THOB SHOG ,CES DKA' BCU BLO BZANG PHUN TSOGS KYIS 'DI LTA BU ZHIG DGOS ZHES BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS BA'O,, MANG+GALAm,, ,, ` SVASTI, MDUN DU CHU SKYES NYI ZLA'I DKYIL 'KHOR STENG, ,RIGS GSUM MGON DANG DBYER MED BLA MA NI, ,SKU MDOG DKAR SER ZHAL GCIG PHYAG GNYIS BA, ,G-YAS PA CHOS 'CHAD G-YON PA GLEGS BAM BSNAMS, ,CHOS GOS GSUM GSOL GSER MDOG PAn ZHUS MDZES, ,DGYES SHING 'DZUM DKAR 'PHRO BA'I GZI MDANGS CAN, ,SKYIL KRUNG TSUL GYIS BZHUGS PA'I GNAS GSUM DU, ,YI GE GSUM MTSAN H'Um YIG 'OD ZER GYIS, ,RANG BZHIN GNAS NAS BSGOMS PA DANG 'DRA BA'I, ,YE SHES PA LA YI DAM LHA TSOGS DANG, ,SANGS RGYAS BYANG SEMS DPA' BO MKHA' 'GRO'I TSOGS, ,SPYAN DRANGS DAM TSIG PA DANG DBYER MED GYUR, ,SKYABS GSUM MA LUS 'DUS PA'I BDAG NYID CAN, ,SNYIGS DUS 'GRO RNAMS SDUG BSNGAL RGYA MTSO LAS, ,SGROL BA'I THAR 'DOD YONGS KYI DAD DPON MCHOG ,RJE BTZUN BLA MA'I ZHABS LA GUS PHYAG 'TSAL, ,DNGOS BSHAMS TING 'DZIN GYIS SPRUL MCHOD PA 'BUL, ,SDIG LTUNG KUN BSHAGS DGE LA RJES YI RANG

, ,ZAB RGYAS CHOS 'KHOR BSKOR PHYIR RTAG BZHUGS GSOL, ,RANG GZHAN DGE RTZA RDZOGS BYANG RGYU RU BSNGO, ,RGYAL KUN YAB GCIG BSTAN PA'I 'KHOR LO DANG, ,DBYER MED RGYAL BA GNYIS PA TZONG KHA PA'I, ,RING LUGS CHU BO'I RGYUN BZHIN SPEL MDZAD PA'I, ,DPAL LDAN BLA MA'I ZHABS LA GSOL BA 'DEBS, ,'GRO RNAMS THUGS RJE'I SPYAN RAS KYIS BTZA' BA, ,PHYAG NA PADMO 'CHANG BA'I ZHING KHAMS 'DIR, ,THUGS BSKYED SMON LAM BZANG POS 'GRO 'DREN PA'I, , RJE BTZUN THUGS RJE CAN LA GSOL BA 'DEBS, ,MA LUS BDUD SDE 'JOMS LA THOGS MED PA'I, ,RGYUD RGYAL GSANG BA'I BDAG PO GNYIS BA'I RJE, ,RGYAL BSTAN TSUL BZHIN BSRUNG BA'I SNYING STOBS CAN, ,BSHES GNYEN DAM PA'I ZHABS LA GSOL BA 'DEBS, ,BLO BZANG RGYAL BSTAN 'DZIN PA'I SNYAN GRAGS RNGA, ,PHYOGS KYI 'KHOR LO 'GENGS PA'I RNAM DPYOD CAN, ,BSLAB GSUM YON TAN 'DOD DGU'I CHAR 'BEBS PA'I, ,DPAL LDAN BLA MA'I SRID MTHAR ZHABS BRTAN SHOG , BSLU MED BLA MA YI DAM BYIN RLABS DANG, ,MYUR MDZAD MGON PO DAM CAN CHOS KYI RGYAL, ,DMAG ZOD DREGS PA LCAM SRING MTHU RTZAL GYIS, ,DPAL LDAN BLA MA BSKAL BRGYAR ZHABS BRTAN SHOG ,DRANG SRONG RIG SNGAGS 'CHANG BA'I BDEN TSIG DANG; ,MTHA' DAG 'GRO BA'I LEGS BYAS BZANG PO DANG, ,KHYAD PAR BDAG GIS SNYING NAS GSOL BTAB MTHUS, ,SKYABS MGON DAM PA YUN RING ZHABS BRTAN SHOG ,DE LTAR SNYING NAS RTZE GCIG GSOL BTAB PAS, ,GNAS SKABS NAG

PHYOGS BAR CHAD KUN ZHI NAS, ,CI BSAM GEGS MED MYUR DU 'GRUB PA DANG, ,TSE RING NAD MED BDE LDAN 'BYOR THOB SHOG ,DENG NAS BZUNGS TE TSE RABS THAMS CAD DU, ,RJE BTZUN BLA MAS DGYES BZHIN RJES BZUNGS TE, ,THUN MONG LAM GYI RIM PAS RGYUD SBYANGS NAS, ,BKA' BZHIN SGRUB PA'I MCHOD PAS MNYES BYED SHOG ,DE NAS RNAM DAG DBANG GIS RGYUD SMIN CING, ,DAM TSIG SDOM PA SROG LTAR GCES BZUNGS NAS, ,RGYUD RGYAL GSANG BA'I CHOS KYI BGO SKAL LA, ,'DOD DGUR SPYOD PA'I SKAL BZANG THOB PAR SHOG ,'JIG RTEN KHAMS SU DMAG 'KHRUG MU GE DANG, ,GDON BGEGS NAD RIMS NYER 'TSE KUN ZHI ZHING, ,RGYAL BSTAN SPYI DANG 'JAM MGON TZONG KHA PA'I, ,MDO SNGAGS BSTAN PA DAR BA'I BKRA SHIS SHOG ,CES 'TSO BYED DGE SLONG NAM MKHA' DON GRUB KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS RNAM GNON ZHES PA LCAGS 'BRUG RANG LO SO BRGYAD LON PA'I YANG NGO'I TSES BCU'I NYIN BKA' GDAMS PHO BRANG DU SMRAS PA'O,, MANG+GALAm,, ,, ` AOm SVASTI, MDUN DU YID BZHIN NOR SPRAS KHRI STENG DU, ,SNANG MTHA'I MGON PO BLO BZANG YE SHES DANG, ,DUR SMRIG GAR GYIS RNAM ROL BSTAN PA'I DPAL, ,RJE BTZUN BLO BZANG BSTAN PA'I RGYAL MTSAN NI, ,GZHON NU'I NYAMS CHAGS DGYES PA'I 'DZUM LDAN CAN, ,ZHAL GCIG PHYAG GNYIS CHOS 'KHOR BSKOR BA'I TSUL, ,YID 'ONG GSER MDOG ZHVA YIS LEGS PAR MDZES, ,RDO RJE SKYIL KRUNG GIS BZHUGS GNAS GSUM DU, ,YI GE GSUM GYIS MTSAN PA'I 'OD ZER GYIS, ,

, ,RANG BZHIN GNAS NAS RGYAL BA SRAS BCAS KYIS, ,LEGS BSKOR YE SHES SEMS DPA' SPYAN DRANGS TE, ,DAM TSIG PA DANG DBYER MED DGYES BZHIN BZHUGS, ,SGO GSUM GUS 'DUD MCHOD SPRIN MA LUS 'BUL, ,SDIG LTUNG KUN BSHAGS RNAM DKAR MDZAD BZANG LA, ,YI RANG CHOS 'KHOR BSKOR PHYIR LEGS BZHUGS GSOL, ,'DIS MTSON RNAM DKAR BYANG CHUB RGYU RU BSNGO, ,BLO BZANG MKHYEN BRTZE'I YE SHES 'OD STONG GIS, ,RNAM DPYOD SBRANG RTZI'I RGYAL MTSAN KHA PHYE NAS, ,BLO GSAL BUNG BA'I TSOGS RNAMS CHIMS BYED PA'I, ,BLO BZANG BSTAN PA'I MGON LA GSOL BA 'DEBS, ,BLO BZANG RGYAL BA GNYIS PA'I MDO SNGAGS KYI, ,BSTAN PA'I RGYAL MTSAN PHYOGS BCUR BSGRENG BA LA, , RLABS CHEN SNYING STOBS BAG CHAGS BZANG PO CAN, ,DPAL LDAN BLA MA'I ZHABS LA GSOL BA 'DEBS, ,BSLAB GSUM RNAM PAR DAG PA'I TSUL KHRIMS KYIS, ,BLO BZANG RGYAL BSTAN MDZES BYED BTZUN PA'I MCHOD, ,BSHAD SGRUB BSTAN PA'I RGYAL MTSAN GNYEN GCIG PU, ,YONGS 'DZIN DAM PA'I ZHABS LA GSOL BA 'DEBS, ,BSLU MED DKON MCHOG RIN CHEN BYIN RLABS DANG, ,GNAS GSUM MKHA' 'GRO BSRUNG MA'I MTHU RTZAL GYIS, ,RJE BTZUN BLA MA SRID MTHAR ZHABS BRTAN CING, ,MKHAS BTZUN BZANG PO'I MDZAD PA MTHAR PHYIN SHOG ,DE LTAR RTZE GCIG YID KYIS GSOL BTAB PAS, ,BYIN RLABS GZHUG PHYIR DGYES SHING RANG LA THIM, ,RANG GI SNYING GA'I PADMOR LEGS BZHUGS PA'I, ,THUGS KAR

SA BON SNGAGS KYIS BSKOR BAR GYUR, CES DMIGS PA DANG BCAS BRJOD PA'I NGANG NAS, AOm A'A: GU RU SU MA TI SH'A SA NA S+YA DHVA DZA SIDDHI H'Um H'Um, ZHES GANG LCOGS BZLAS PA'I MTHAR, DGE BA 'DI YIS MYUR DU BDAG CES SOGS DANG, SKYE BA KUN TU YANG DAG BLA MA DANG ZHES SOGS RANG GI BLO DANG BSTUN PA'I BSNGO BA SMON LAM BKRA SHIS KYIS MTHA' BRTEN PAR BYA'O, ZHES PA 'DI NI DGE SLONG CHOS MDZAD KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, ,, BKRA SHIS,, ` AOm SVA STI, BLA MA YI DAM MKHA' 'GRO'I TSOGS RNAMS DANG, ,MGON PO TSE DPAG MED PA'I BYIN RLABS KYIS, ,SPRUL PA'I ZLA TSES RDO RJE LTAR BRTAN CING, ,BZANG PO'I 'PHRIN LAS PHYOGS MTHAR RGYAS PAR SHOG ,MTHU STOBS MYUR MDZAD MGON DANG RE MA TI, ,KHYAD PAR DUS MTSAN 'OD CHEN 'BAR MA LA, ,MGON PO TSE BRTAN GNYER DU LEGS GTOD KYIS, ,'BRAL MED BSRUNG SKYOB 'PHRIN LAS G-YEL MED MDZOD, CES PA 'DI NI DGE SLONG BLO BZANG BSAM GTAN GYIS BSKUL BA LTAR CHOS SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` SVASTI, BLO BZANG RGYAL BA'I MDO RGYUD GZHUNG LUGS RNAMS, ,MKHYEN PA'I YE SHES DKYIL 'KHOR RTAG 'CHAR BAS, ,GANGS RI'I LJONGS 'DIR GSAL BAR MDZAD PA'I RJE, ,RJE BTZUN BLA MA'I ZHABS LA GSOL BA 'DEBS, ,BLO CHEN RMAD BYUNG MDZAD PA BZANG PO YIN, ,SKU GSUM YE SHES MYU GU SMIN MDZAD CING, ,SKAL BZANG GDUL BYA YONGS KYI 'DREN PA MCHOG ,DPAL

, ,LDAN BLA MA'I ZHABS LA GSOL BA 'DEBS, ,BSLAB GSUM RNAM DAG TSUL KHRIMS KYIS PHYUG CING, ,BLO BZANG RGYAL BSTAN NYIN MOR BYAD PA'I MGON, ,GDUL BYA'I MA RIG MUN PA SEL MDZAD PA'I, ,YE SHES MTSAN CAN ZHABS LA GSOL BA 'DEBS, ,DE LTAR RTZE GCIG GSOL BA BTAB PA'I MTHUS, ,TSE 'DI'I BDE 'BYOR SRID PA'I PHUN TSOGS LA, ,RMI LAM DU YANG ZHEN PA RAB SPANGS SHING, ,RNAM DAG BSLAB PA GSUM LA LEGS BSLABS TE, ,'KHOR BA'I RGYA MTSO CHE LAS MYUR BGROD SHOG ,YANG YANG DRIN GYIS BSKYANGS PA'I 'GRO BA RNAMS, ,SDUG BSNGAL GSUM GYIS MNAR BA MA BZOD NAS, ,BDAG GZHAN BRJE BA'I BYANG CHUB SEMS MCHOG GIS, ,THEG MCHOG LAM GYI BGROD PA MTHAR PHYIN SHOG ,DE LTAR THUN MONG LAM LA LEGS BSLABS TE, ,BLA MED RDO RJE THEG PA'I SGOR ZHUGS NAS, ,DAM TSIG SDOM PA SROG LTAR GCAS BZUNGS TE, ,TSE 'DI NYID LA ZUNG 'JUG THOB PAR SHOG ,MDO RGYUD GZHUNG LUGS GDAMS PAR SHAR BA YIS, ,RGYAL BSTAN PHYOGS KYI THA GRU KHYAB MDZAD CING, ,SNYIGS DUS GANGS CAN 'GRO BA YONGS KYI MGON, ,BLO BZANG GRAGS PA'I DPAL GYI BKRA SHIS SHOG ,CES PA 'DI NI YONGS SU RDZOGS PA'I BSHES GNYEN CHEN PO RGYAL LHUN GRUB DGA' TSAL GYI DBU MDZAD BLO BZANG RGYAL MTSAN GYIS BSKUL BA LTAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` 'DIR DAM CAN RDO RJE LEGS PA LA MCHOD GTOR 'BUL TSUL NI,

BSANGS RDZAS, GTOR MA, GSER SKYEMS, MCHOD 'BRU, MNGA' DAR SOGS SPYAN GZIGS CI 'BYOR TSOGS PAR BYAS LA RANG NYID YI DAM GYI LHA GANG YANG RUNG BA'I NGA RGYAL DANG LDAN PAS MCHOD GTOR RNAMS, SNGAGS DRUG DANG PHYAG RGYA DRUG GIS BYIN GYIS BRLAB PA'AM, YANG NA AA K'A RO GSUM GYIS BYIN GYIS BRLAB PA'AM, MI NUS NA AOm A'A: H'Um GSUM GYIS BYIN GYIS BRLABS LA, KYEE; ZAS GTZANG SRAS PO RGYAL BA'I BSTAN PA LA, ,RDO RJE 'CHANG GIS JI LTAR BKA' BSGOS BZHIN, RGYAL BA'I BSTAN PA BSRUNG BA'I DRAG SHUL CAN, ,MTHU LDAN RDO RJE LEGS PA GSHEGS SU GSOL, ,YUL KHAMS RTA LJANG CAN NUB DBANG BSGYUR CING, ,GNAM SA'I BAR GYI 'BYUNG PO 'DUL BA'I GTZO, ,'JAM GLING GNAS MCHOG MDZES PA'I RGYAN GCIG PU, ,RNAL 'BYOR DGRA LHA CHEN PO 'DIR SPYON CIG ,YID DU'ONG BA'I GNAS MCHOG DAM PA NAS, ,SKYES MCHOG GDUG PA'I 'KHOR TSOGS BRAG SKYES PO, ,'PHAGS YUL BSIL LDAN MDO KHAMS YONGS KYI BDAG ,'JIGS PA'I BTZAN RGOD CHEN PO GSHEGS SU GSOL, ,KUN DGA' RA BA CHOS 'KHOR DBEN PA'I GNAS, ,BYIN RLABS CHAGS PA'I GNAS MCHOG GAR BZHUGS KYANG, ,RTZE GCIG DAD DANG DANG BAS SPYAN 'DREN GYIS, ,SNGON GYI DAM TSIG GNYAN PO DGONGS SHING GSHEGS, ,BADZRA TRI SHU LA, DZA:H'Um BAm HO: BADZRA SA MA YA DZA:DZA:H'Um, DAM CAN NUS LDAN 'KHOR TSOGS BSRUNG MAR BCAS, ,DE RING LAS RNAMS BSGRUB PHYIR YUL MCHOG 'DIR, ,MOS PAS SPYAN DRANGS MNYES PA'I GDAN

, ,LA BZHUGS, ,LUS NGAG YID GSUM PHYAG 'TSAL MCHOD SPRIN 'BUL, ,DAM RDZAS BZANG SMAN BSRES GTOR RAKTA DANG, ,ZAG MED PHYI NANG GSANG BA'I MCHOD GTOR RNAMS, ,RNGA MA 'JIGS DAM CAN 'KHOR BCAS LA 'BUL NA, ,RGYAL BSTAN SRUNG MDZAD THUGS DAM SKONGS GYUR CING, ,RNAL 'BYOR BCOL BA'I 'PHRIN LAS G-YEL MED MDZOD, ,BADZRA TRI SHU LA MAH'A BHA LIm TA MAH'A RAKTA TZITTA SU TA GO RO TZA NA KENG NEE TI TA KH'A HI KH'A HI, YUL PHYOGS PHYOGS DE PHA ROL NA, ,RTAG 'CHAR BYANG SHAR PHA ROL NA, ,GAR BZHUGS RDO RJE'I PHO BRANG NA, ,LCAGS MKHAR MTHON PO GZENGS SE GZENGS, ,GNAS MCHOG PHO BRANG NANG SHED NA, ,YAB NI BDUD RIGS YUM NI DMU, ,DMU BDUD GSHOS PA'I NUS MTHU CHE, ,BSTAN SKYONG RDO RJE LEGS PA BYUNG, ,MNGON SHES RDZU 'PHRUL MTHU RTZAL BDAG ,BZHON PAR SI DHA DKAR MO ROL, ,YUD TZAM GCIG LA STONG GSUM NYUL, ,DAR DMAR BER CHEN SKU LA MA NABS, ,SAG ZHU DMAR PO DBU LA GYON, ,SKU MDOG DMAR NAG RAB KHROS ZHAL, ,RNO THUNG RAB RNO MCHE GTZIGS SHING, ,G-YAS PA GNAM LCAGS RDO RJE BSNAMS, ,G-YON PA DAM NYAMS SNYING ZHAL GSOL, ,STAG RAL G-YAS MDZES GZIG SHUBS G-YON, , BTZAN GYI MDUNG DMAR DGRA LA 'PHYAR, ,G-YAS NA SUM BRGYA DRUG CU'I 'KHOR, ,ZHIB CAN RTA PA SIL LI LI, ,G-YON PHYOGS DGE BSNYEN NYI SHU'I 'KHOR, ,SKABS GSUM DPUNG SGRA DIR DIR SGROG ,PHYI ROL BSTAN PA BUD MED TSOGS, ,

GLU SNYAN LEN CING BSHU SGRA DIR, ,MDUN NA 'DZIN KING BZHI BCU GNYIS, ,MTSON ZHAGS 'JIGS DGRAR 'DEBS LA RNGAMS, ,PHYI NA GTUM PA'I BTZAN 'KHOR STONG, ,BTZAN GYI 'JIGS SKAD BSHU SGRA DIR, ,MDUN BSUS KHA GDANGS LCAGS SPYANG DGU, ,DAM NYAMS SROG LA 'DUR ZHING RGYUG ,RGYAB NAS ZANGS KYI 'BAR DGU RGYUG ,BSTAN DGRA'I BLA BRKU'I LAS LA BRTZON, ,BSRUNG MA 'KHOR TSOGS RGYA MCHOR BCAS, ,RAB TU DANG BAS 'DUD CING BSTOD, ,GSANG SNGAGS BDAG PO CHEN PO DANG, ,GRUB DBANG PADMA THOD PHRENG GIS, ,BKA' BSGOS DAM TSIG LEGS GTAD DE, ,DBANG GIS YONGS SMIN GSANG MTSAN GSOL, ,GSANG SNGAGS BSTAN PA BSRUNG BAR BSKOS, ,RGYAL BSTAN SRUNG MDZAD BSTOD PAR BGYI, , SNGON GYI DAM TSIG G-YEL MED PAR, ,SHA KHRAG GTOR TSOGS 'DI BZHES LA, ,RNAL 'BYOR SGRUB PO'I BSAM PA'I DON, ,JI LTAR BCOL BA'I 'PHRIN LAS DANG, ,YENGS MED LAS BCOL 'PHRIN LAS SGRUBS, ,YUL PHYOGS RNAMS SU DMAG 'KHRUG LO NYES DANG, ,NAD YAMS DAL YAMS NYER 'TSE KUN ZHI ZHING, ,BSAM DON GEGS MED LHUN GYIS GRUB PA DANG, ,KUN KYANG YID MTHUN CHOS LA SPYOD PAR SHOG ,BSTAN DANG 'GRO BA'I MGON PO ZHABS BRTAN CING, ,'PHRIN LAS DBYAR MTSO BZHIN DU 'PHEL BA DANG, ,SNYAN PA'I GRAGS PA DBYAR SKYES RNGA GSANGS LTAR, ,NAM YANG CHAD MED SGROG PA'I BKRA SHIS SHOG ,CES PA 'DI NI SH'AKYA'I BTZUN PA BLO BZANG YE SHES KYIS SMRAS PA'O,, BKRA SHIS,, ` AOm SVASTI, RTAG

, ,TU 'GRO RNAMS BRTZE BA'I THUGS RJE YIS, ,NGAN SONG SDUG BSNGAL GNAS LAS SGROL MDZAD PA'I, ,NYES PA'I DRI BRAL PHYAG NA PADMO YI, ,RAS BRIS DKYIL 'KHOR BZHENGS PA'I DGE BA'I MTHUS, ,G-YUL LHO DGOS SKYES NYE 'BREL 'KHOR BCAS RNAMS, ,TSE RING NAD MED DPAL 'BYOR RGYAS PA SOGS, ,BSAM DON MA LUS YID BZHIN GRUB GYUR TE, ,PHYI MA GRU 'DZIN GNAS SU SKYE BAR SHOG, ` DUS MIN 'CHI BA 'JOMS LA MNGA' BRNYES PA, ,TSE DANG YE SHES DPAG MED LHA DGU'I TSOGS, ,RAS BRIS DKYIL 'KHOR LEGS PAR BSGRUBS PA'I MTHUS, ,'DI YI SBYIN BDAG 'KHOR DANG BCAS PA RNAMS, ,GNAS SKABS TSE BSOD MYUR DU 'PHEL BA DANG, ,PADMA 'OD KYI ZHING KHAMS MYUR BGROD NAS, ,'GRO KUN DON DU RDZOGS PA'I SANGS RGYAS KYI, ,GO 'PHANG DAM PA MYUR DU THOB PAR SHOG, ` 'OD DPAG MED MGON SRAS DANG BCAS PA YI, ,ZHING BKOD RMAD BYUNG RAS BRIS 'DI BZHENGS PAS, ,G-YUL LHO DGOS SKYES 'KHOR DANG BCAS PA RNAMS, , PHAN TSUN MTHUN ZHING CHOS LA SPYOD PA DANG, ,BDE SKYID DBYAR MTSO BZHIN DU 'PHEL GYUR NAS, ,YID LA SMON PA'I DON RNAMS LEGS GRUB STE, ,BDE BA CAN DU PADMO'I ZE'U 'BRU LAS, ,SKYES TE RGYAL SRAS SPYOD PA MTHAR PHYIN SHOG ,CES PA 'DI NI PA RNAM RDZONG DPON G-YUL LHO DGOS SKYES KYIS BSKUL BA LTAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GA LAm,, ` AOm SVASTI, MTSAMS SPRIN GZHON NU'I MDANGS MDZES 'JAM PA'I DBYANGS

DUR SMRIG GAR GYIS RNAM ROL TZONG KHA PA, ,YAB SRAS BRGYUD PAR BCAS LA GUS BTUD NAS, ,DGA' LDAN LHA KHANG GSAR PA'I DKAR CHAG BRI,, ` DPAL LDAN 'DUS PA LA SOGS BLA MED KYI, ,LHA TSOGS GRANGS MED RNAMS LA GUS BTUD NAS,, BZANG PO'I DRI LDANG TZANDAN LAS GRUB PA'I, ,NGO MTSAR BLA MED LHA KHANG DKAR CHAG BRI,, ` GANG GI MTSAN TZAM RDA BAR LHUNG BAS KYANG, ,DUS MIN 'CHI BA'I NAD LAS SKYOB PA'I MGON, ,SRAS DANG BCAS LA DANG BAS RAB BTUD NAS, ,BKRA SHIS LI MA 'BA' ZHIG LAS GRUB PA'I, ,MCHOD KHANG BDE BA CAN GYI DKAR CHAG BRJOD,, ` DUS GSUM RGYAL BA THAMS CAD SKYED MDZAD YUM, ,'JIGS PA BRGYAD LAS SGROL BA'I THUGS RJE CAN, ,RJE BTZUN SGROL MA'I ZHABS LA GUS BTUD NAS, ,DE NYID SNANG BRNYAN GTZOR GYUR SANGS RGYAS DANG, ,BYANG SEMS LA SOGS MNGON SUM BZHUGS 'DRA BA'I, ,'PHAGS YUL LI MA LHA KHANG DKAR CHAG BRI,, ` 'CHI MED BDAG PO GSER MNGAL CAN LA SOGS, ,DREGS LDAN KUN GYIS GTZUG TU LEGS MCHOD PA, ,RNAM 'DREN ZAS GTZANG SRAS BOR GUS BTUD NAS, ,BSTAN PA'I BDAG POS JI LTAR BKA' BSGOS BZHIN, ,BSTAN PA TSUL BZHIN SKYONG BAR ZHAL BZHES PA'I, ,GNAS BRTAN BCU DRUG DGE BSNYEN RGYAL CHEN BZHI, ,MNGON SUM MIG GI DGA' STON SPUNGS 'DRA PA'I, ,TZANDAN GNAS BCU LHA KHANG DKAR CHAG BRI,, ` GANG GIS MTHONG THOS DRAN CING REG PA YIS, ,SRID ZHI'I 'JIGS PA KUN LAS SKYOBS MDZAD PA'I, ,RIN CHEN LAS GRUB BYANG CHUB MCHOD RTEN CHE'I, ,BZHUGS KHANG

, ,NGO MTSAR DKAR CHAG BRI BAR BYA,, ` 'PHAGS YUL BYON PA'I PAn GRUB BGRANGS YAS LA, GUS PAS BTUD NAS 'GRO BA'I RMONGS PA'I MUN, ,SEL ZHING SHES RAB SNANG BA SKYED BYED PA'I, ,BSTAN 'GYUR LHA KHANG NGO MTSAR DKAR CHAG BRI,, ` LHA MI'I STON PA MCHOG DANG DBYER MED PA'I, ,BKA' DRIN GSUM LDAN RTZA BA'I BLA MA DANG, ,RGYA CHEN SPYOD RGYUD ZAB MO LTA RGYUD DANG, ,BYIN RLABS RGYUD PA'I BLA MA RNAMS LA 'DUD,, ` SVASTI, ,BLO CHEN MDZAD BZANG MKHYEN PA'I DKYIL 'KHOR LAS, ,YE SHES 'OD STONG 'GRO BA'I 'PHRIN LAS KYIS, ,SKAL BZANG GDUL BYA'I 'BRAS BZANG SMIN MDZAD PA'I, ,RJE BTZUN BLA MA'I ZHABS LA GSOL BA 'DEBS, ,BSLAB GSUM RNAM DGE YON TAN YONGS RDZOGS SHING, ,SHES BYA KUN LA LTA BA'I MKHYEN PA CAN, ,SNYIGS DUS 'GRO BA'I MGON DANG SKYABS GCIG PU, ,DPAL LDAN BLA MA'I ZHABS LA GSOL BA 'DEBS, ,BLA MA YI DAM BSRUNG MA'I BYIN RLABS DANG, ,DAD LDAN GDUL BYAS SNYING NAS GSOL BTAB MTHUS, ,LTE MI'I 'DREN PA BSKAL BRGYAD? ZHABS BRTAN CING, ,'PHRIN LAS DBYAR MTSO BZHIN DU 'PHEL BANG? SHOG ,BDAG KYANG DENG NAS TSE RABS THAMS CAD DU, ,MI KHOM GNAS SU NAM YANG MI SKYE ZHING, ,MTHO RIS YON TAN BDUN GYIS RAB MDZES TE, ,DPAL LDAN BLA MAS RJES SU 'DZIN PAR SHOG ,DE NAS RGYAL BA'I BSTAN LA RAB ZHUGS TE, ,RNAM DAG BCAS PA'I MTSAMS LAS MI 'DA' ZHING, ,THOS BSAM SGOM PAS RANG RGYUD SMIN BYAS TE, ,'GRO KUN

DON DU SANGS RGYAS MYUR THOG SHOG ,CES PA 'DI NI BLO BZANG CHOS 'DZIN GYIS BSKUL BA LTAR, SH'AKYA'I BTZUN PA BLO BZANG YE SHES KYIS SMRAS PA'O,, BKRA SHIS,, `NA MO GU RU MANYDZU GHO sh'A YA, ,KYEE; DPAL LDAN AA TI SHA SOGS RTZA RGYUD KYI, , BLA MA DAM PAS JI LTAR BKA' BSGOS BZHIN, ,RGYAL BA'I BSTAN PA YUN RING GNAS PA DANG, ,DE 'DZIN RJE BTZUN BLA MA'I SKU CHE LA, ,BAR DU GCOD PA'I DGRA BGEGS MI MIN RNAMS, ,LAS BZHI'I SGO NAS CHAR GCOD 'PHRIN LAS SGRUBS,, ,, BKRA SHIS,, ` SVASTI, GANGS CAN SKYE 'GRO YONGS KYI MGON PO MCHOG ,'JIG RTEN DBANG PHYUG MGON DANG DBYER MED PA, ,MTHA' YAS 'GRO RNAMS THEG MCHOG LAM BZANG POR, ,'GOD MKHAS RJE BTZUN BLA MAR GSOL BA 'DEBS, , RGYA MTSO'I GOS CAN KHYON LA LEGS SBYOD PA'I, ,'GRO BA YONGS KYIS RTZE GCIG GSOL BTAB PAS, ,JI LTAR SMON PA'I BDEN TSIG BSLU MED PA'I, ,LHA MI'I SKYABS MGON BSKAL BRGYAR ZHABS BRTAN SHOG ,DE LTAR SGO GSUM RTZE GCIG GSOL BTAB MTHUS, ,TSE RABS 'PHRENG BAR DPAL LDAN BLA MA YIS, ,RJES BZUNGS RGYAL BA'I 'KHOR DU SKYE BA DANG, ,CI GSUNG SGRUB PA'I SKAL BZANG LA SPYOD SHOG ,CES PA 'DI NI MA nI BA CHOS 'PHEL RGYA MTSO SOGS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU BGYIS PA'O,, MANG+GALAm,, ` NA MO GU RU, GDUL BYA'I BLO MUN SEL MDZAD 'JAM PA'I DBYANGS, ,DUR SMRIG TSUL 'CHANG RGYAL BA GNYIS PA YI, ,CHOS TSUL MA LUS YONGS

, ,SU 'PHEL MDZAD PAR, ,GSOL BA 'DEBS SO DNGOS GRUB RNAM GNYIS STZOL, ,CES PA 'DI NI RJE ZHAL SNGA NAS 'JAM DBYANGS CHOS 'PHEL GYI SKU BSTOD YI DAM GYI BLA RGYUD GSOL 'DEBS SU BCUG CHOG PA ZHIG DRUNG RAM PA BSOD NAMS DPAL MGON GYIS BSKUL PA'I DOR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, BKRA SHIS,, ` AOm SVASTI, ,BSLAB GSUM DAG PA'I MKHAS MANG 'DUS PA'I SDER, ,BKOD LEGS PHUL BYUNG RIN CHEN SNOD MCHOG 'DI, ,PHUL BAS DGE MTSAN CHOS DKAR JI SNYED KYIS, ,PHUN SUM TSOGS PA'I 'BYOR PA SLAR 'PHEL SHOG ,CES LCAGS SBRUL ZLA BA GNYIS PA'I TSOS GNYIS GZA' BA SANGS DANG, ,SKAR MA SHE SA'I 'GRUB SBYOR 'DZOM PA'I NYIN 'PHAGS TSOGS 'DUS PA RGYA MTSOR ZANGS LTIR GRVA MTSUNGS BRGYA DANG GCIG GSAR BSKRUN GYI ZHAL BYANG DU BKOD PA'O,, MANG+GALAm,, ` BLO BZANG MKHYEN BRTZE'I YE SHES 'OD DKAR GYIS, ,'GRO BA'I BLO YI MUN STUG SEL MDZAD CING, ,SKYE DGU'I DBUS NA BRJID CING MNGON MTHO BA'I, ,BSHES GNYEN DAM PA YUN RING ZHABS BRTAN SHOG ,DUS GSUM BSAGS PA'I DGE TSOGS RLABS CHEN MTHUS, ,RJE BTZUN BLA MA'I BYIN RLABS LEGS ZHUGS TE, ,RGYAL BSTAN PHYOGS MTHAR SPEL ZHING 'DZIN PA LA, ,MTHU STOBS NUS PA PHUL BYUNG THOB PAR SHOG, ,DENG NAS SKYE ZHING SKYE BA KUN TU YANG, ,BSHES GNYEN MCHOG GIS 'BRAL MED RJES 'DZIN CING, ,BSLAB GSUM MANG THOS LUNG RTOGS YON TAN GYIS, ,YID KYI SHEL BUM YONGS

SU GANG BAR SHOG ,CES PA 'DI NI RGYA RI SKU SKYE BLO BZANG 'PHRIN LAS KYIS BSKUL BA LTAR CHOS SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` NA MO GU RU MANYDZU GHO sh'A YA, RIGS KUN KHYAB BDAG RDO RJE 'CHANG DBANG DANG, ,RGYAL KUN MKHYEN BRTZE'I GTER CHEN 'JAM PA'I DBYANGS, ,SNYIGS DUS RGYAL BA GNYIS PA TZONG KHA PA, ,GSOL BA 'DEBS SO BDAG RGYUD BYIN GYIS RLOBS, ,RLUNG SEMS DBANG THOB 'JAM DPAL RGYA MTSO'I ZHABS, ,SNYAN RGYUD GDAMS PA'I MDZOD 'DZIN BA SO RJE, ,'CHI MED SKU BRNYES DHARMA BADZRA LA, ,GSOL BA 'DEBS SO BDAG RGYUD BYIN GYIS RLOBS, ,CHOS BRGYAD RANG GROL BLO BZANG DON GRUB DANG, ,DE SRAS THU BO SANGS RGYAS YE SHES ZHABS, ,RJE BTZUN BLO BZANG CHOS KYI RGYAL MTSAN LA, , GSOL BA 'DEBS SO BDAG RGYUD BYIN GYIS RLOBS, ,BLO BZANG RGYAL BA GNYIS PA'I RING LUGS PA, ,MKHYEN BRTZE'I YE SHES 'OD DKAR STONG 'PHRO BAS, ,GDUL BYA'I NYON MONGS TSA GDUNG SEL MDZAD PA, ,GSOL BA 'DEBS SO BDAG RGYUD BYIN GYIS RLOBS, ,DE LTAR SHUGS DRAG YID KYIS GSOL BTAB BAS, ,SKYE BA KUN TU DAL BRGYAD 'BYOR BCU'I RTEN, ,RNYED NAS THUN MONG LAM GYIS RGYUD SBYANGS TE, ,ZAB LAM RDO RJE THEG PA'I SGOR 'JUG SHOG ,CES PA 'DI NI LHUN GRUB GLING PA MGON SKYABS DON GRUB KYIS BSKUL BA LTAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, BKRA SHIS,, ` AOm SVASTI, BSLAB GSUM RNAM DAG 'DUS PA RGYA MTSO'I SDER, ,BKOD LEGS NGO MTSAR RIN CHEN SNOD MCHOG 'DI, ,

, ,DGE LEGS TSE BRTAN LHAG BSAM DAG PA YIS, ,DUL BA PHUN CHAGS 'BYED PAR LONGS SBYOD SHOG, MANG+GALAm,, ` SVASTI, RMAD BYUNG MDZAD PA'I DKYIL 'KHOR YONGS RDZOGS SHING, ,MDO SNGAGS GZHUNG LUGS 'BYED PA'I 'OD SNANG CAN, ,SA GSUM SKYE DGU'I MUN PA SEL MDZAD PA'I, ,DPAL LDAN BLA MA'I ZHABS LA GSOL BA 'DEBS, ,BLO BZANG RGYAL BA'I BSTAN PA'I SGOR ZHUGS NAS, ,THOS BSAM SGOM PA'I YE SHES RAB RGYAS PAS, ,SKAL BZANG GDUL BYA'I MUN PA SEL BA'I GNYEN, ,BSHES GNYEN MTSAN MO'I MGON LA GSOL BA 'DABS, ,TSOGS GNYIS RGYA MTSO'I 'JING LAS LEGS 'THON PA'I, ,SKU GSUM 'DOD DGU STZOL BA'I YID BZHIN NOR, ,BLO BZANG BSTAN PA'I RGYAL MTSAN RTZER SON PA'I, ,RJE BTZUN BLA MA'I ZHABS LA GSOL BA 'DEBS, ,MDO SNGAGS YON TAN GANGS CAN RI BO NAS, ,'PHRIN LAS CHAD MED LHUN GRUB GANG+G'A'I RGYUN, ,DAD LDAN GDUL BYA'I ZHING SAR RTAG 'BAB PA'I, ,RJE BTZUN BLA MA SRID MTHAR ZHABS BRTAN SHOG ,DE LTAR GUS PAS GSOL BPA BTAB PA'I MTHUS, ,TSE RAB KUN TU DPAL LDAN BLA MA DANG, 'BRAL MED DAM CHOS DGA' STON LA SPYOD CING, ,MTHAR THUG KUN MKHYEN GO 'PHANG MYUR THO BA SHOG ,CES PA 'DI NI 'BRAS SBUNGS SGYI GNYEN? DKA' BCU NGAG DBANG BLO BZANG GIS NGED RANG GI BSTOD PA RING MTSO'I TSIGS BCAD NGAG 'DON DU BYAS CHO GA BA ZHIG DGOS ZHES BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS BA'O,, BKRA SHIS,, ` SVASTI, RTAG CHAD MTHA' DANG

BRAL BA DBU MA'I DON, ,YID 'ONG AUTPAL LTA BU'I NGOS DAG TU, ,GSER SBYANGS LAS GRUB SHER PHYIN BRGYAD STONG PA, ,BKA' BCU NGAG DBANG BLO BZANG BSOD NAMS ZHING, ,LEGS PAR BSGRUBS PA'I DGE TSOGS CHES DKAR NGES, ,PADMA RDO RJE LA SOGS TSE 'DAS RNAMS, ,NGAN SONG MI KHOM GNAS SU MI SKYE ZHING, ,MTHO RIS THAR PA'I ZHING DU BGROD PAR SHOG ,RGYU SBYOR DKA' BCU NGAG DBANG BLO BZANG DANG, ,GROGS BYED DPON YIG BZO BO LA SOGS PA, ,GNAS SKABS TSE BSOD DPAL 'BYOR RGYAS PA DANG, ,MTHAR THUG KUN MKHYEN GO 'PHANG MYUR THOB SHOG ,CES PA 'DI NI 'BRAS SPUNGS? SPYI GNYER DKA' BCU NGAG DBANG BLO BZANG GIS BRGYAD STONG PA GSER MA BSGRUBS PA'I DGE RTZA BLA MED DU BSNGO BA'I TSIGS SU BCAD PA ZHIG DGOS ZHES BSKUL BA'I NGONG CHOS SMRA BA'I BTZUN PA BLO BZANG YE SHES KYIS SMRAS PA'O,, BKRA SHIS,, ` SVASTI, DKA' BCU NGAG DBANG BLO BZANG DAD STOBS KYIS, ,MDO SDE RNAMS KYI MCHOG GYUR BSKAL BZANG CHE, ,RMAD BYUNG RIN CHEN GSER DNGUL LAS BSGRUBS PA'I, ,RNAM DKAR DGE TSOGS PHUNG PO CIM CHIS PAS, ,PHA MAS GTZO BYAS NYE 'BREL TSE 'DAS RNAMS, ,NYAMS THAG 'KHOR PA'I SDUG BSNGAL RAB SPANGS TE, ,SBANGS RTOGS YON TAN YONGS SU RDZOGS BA YI, ,KUN MKHYEN RGYAL BA'I GO 'PHANG MYUR THOB SHOG ,SBYIN BDAG DKA' BCU NGAG DBANG BLO BZANG DANG, ,PHUN TSOGS LHUN GRUB PHUN TSOGS RAB BRTAN SOGS, ,GROGS DON BYED DANG DRUNG YIG BZO BO DANG, ,MTHUN PA SGRUB RNAMS TSE RING NAD MED SHOG ,CES PA 'DI NI 'BRAS

, ,SBUNGS SBYI GNYER DKA' BCU NGAG DBANG BLO BZANG GIS MDO SDE BSKAL BA BZANG PO GSER DNGUL SPEL MAR BSGRUBS PA'I DGE BA RDZOGS BYANG DU BSNGO BA'I TSIGS SU BCAD PA ZHIG DGOS ZHES BSKUL BA'I NGOR CHOS SMRA PA'I BTZUN PA BLO BZANG YE SHES KYIS SMRAS PA'O,, BKRA SHIS,, ` SVASTI, BLO BZANG GSUNG GI LEGS BSHAD DRI MED CHAR, ,SKAL BZANG GDUL BYA'I ZHING SANG RTAG 'BEBS SHING, ,BSLAB GSUM YON TAN MNGON BAR BRJID PA YI, ,DPAL LDAN BLA MA'I ZHABS LA GSOL BA 'DEBS, ,BLO CHEN RNAM DBYOD RTA LJANG DKYIL 'KHOR LAS, ,RNAM DKAR 'PHRIN LAS 'OD ZER 'PHRO BA YIS, ,GLING BZHI'I 'GRO BA'I MUN PA SEL MDZAD PA'I, ,RJE BTZUN BLA MA'I ZHABS LA GSOL BA 'DEBS, ,'JAM MGON BLA MA'I BSTAN PA'I GDUGS DKAR PO, ,KHAMS GSUM SRID RTZE'I BAR DU BSGRENG BA LA, ,SNGON BSAGS LEGS BYAS SMON LAM MTHU GRUB PA, ,DPAL LDAN BLA MA'I ZHABS LA GSOL BA 'DEBS, ,BSLU MED BLA MA YI DAM BYIN RLABS DANG, ,DRANG SRONG RIG SNGAGS 'CHANG BA'I BDEN MTHU DANG, ,DAD LDAN SKYE DGUS RTZE GCIG GSOL BTAB PAS, ,BSKAL BRGYAR ZHABS BRTAN 'PHRIN LAS RGYAS PAR SHOG ,DENG NAS BZUNGS TE SKYE BA THAMS CAD DU, ,DAL BRGYAD 'BYOR BCU'I RTEN BZANG RAB RNYED DE, ,RJE BTZUN BLA MA MCHOG DANG MI 'BRAL ZHING, ,RTA GA TU DAM CHOS 'DOD DGUR SPYOD PAR SHOG ,CES PA 'DI NI DGE SLONG DAM CHOS LHUN GRUB DANG DGE SLONG BSOD NAMS RGYAL MTSAN GNYIS KYIS BSKUL PA'I NGOR CHOS

SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` BLO BZANG RGYAL BA'I BSTAN PA 'DZIN MDZAD CING, ,BSLAB GSUM RNAM DAG YON TAN MDZAD BZANG GIS, ,GDUL BYA THAR PA'I LAM DU 'DREN MKHAS PA'I, ,DPAL LDAN BLA MA YUN RING ZHABS BRTAN SHOG ,CES PA 'DI NI SA RDOR GDAN GYI DPON SLOB BSTAN 'DZIN BZANG PO'I RING 'TSO'I TSIGS BCAD SBYI SOS TSOGS 'DON DU BTZUGS CHOG PA ZHIG DGOS ZHES BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS PA DAG LAGS 'BEL,, ` SVASTI, BLO BZANG GRAGS BSTAN LHA YI LAM YANGS BAR, ,LUNG RTOGS CHOS KYI NYI MA'I DKYIL 'KHOR RGYAS, ,MKHYEN BRTZE'I 'OD KYIS GDUL BYA'I MUN SEL BA'I, ,DPAL LDAN BLA MA'I ZHABS LA GSOL BA 'DEBS, ,BLO CHEN RNAM DPYOD PHUL BYUNG MDZAD BZANG GIS, ,SKAL LDAN GDUL BA'I YID LA BDE STER ZHING, ,RGYAL BSTAN CHOS TSUL GSAL BA'I NYI MA MCHOG ,DPAL LDAN BLA MA'I ZHABS LA GSOL BA 'DEBS, ,BLO BZANG BSTAN PA SHANG RI'I RTZER 'PHAGS SHING, ,MDO SNGAGS CHOS TSUL 'BYED PA'I 'OD STONG GIS, ,NYI MA'I GNYEN GYI BSTAN PA GSAL MDZAD PA'I, ,DPAL LDAN BLA MA'I ZHABS LA GSOL BA 'DEBS, ,BLO BZANG GZHUNG LUGS YID BZHIN 'JUG DOGS LAS, ,'ONGS PA'I BSTAN PA NYI MA'I CHOS TSUL GYIS, ,SKAL BZANG GDUL BYA'I LO TOG SMIN MDZAD PA'I, ,DPAL LDAN BLA MA'I ZHABS LA GSOL BA 'DEBS, ,BSLAB GSUM YON TAN 'BRAS BU BZANG PO YIS, ,LHA MI'I RE BSKONG BA'I

, ,DPAG BSAM LJON, ,TSUL KHRIMS DRI BSUNG PHYOGS BRGYAR 'PHRO BA YI, ,BSHES GNYEN DAM PA'I ZHABS LA GSOL BA 'DEBS, ,RMAD BYUNG BSLU MED DKON MCHOG BYIN RLABS DANG, ,DRANG SRONG RIG SNGAGS 'CHANG BA'I BDEN MTHU DANG, ,DAM CAN RGYA MTSO'I TSOGS KYI MTHU STOBS KYIS, ,DPAL LDAN BLA MA YUN RING ZHABS BRTAN SHOG ,DE LTAR RTZE GCIG GSOL BA BTAB BA'I MTHUS, ,TSE RABS KUN TU BSHES GNYEN DAM PA YIS, ,'BRAL BA MED PAR RJES SU LEGS BZUNGS NAS, ,RNAM MKHYEN RGYAL BA'I GO 'PHANG MYUR THOB SHOG ,CES STAG LUNG SKU SKYE BLO BZANG BSTAN PA CHOS KYI NYI MA'I SKU BSTOD BRTAN BZHUGS SMON LAM DANG BCAS PA ZHIG DGOS ZHES DBON CHUNG BLO GROS BSTAN DAR DANG GRVA RIGS RNAMS KYIS BSKUL BA LTANG CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` AOm BDE LEGS SU GYUR CIG ,MTHA' YAS ZHING NA LEGS BZHUGS RGYAL BA RNAMS, ,GDUL BYA'I KHAMS DANG BSAM PA JI BZHIN DU, ,ZHING 'DIR DANG BA'I YID KYIS SPYAN 'DREN NA, ,'KHOR BCAS THOGS MED GNAS 'DIR GSHEGS SU GSOL, ,DBANG PO'I GZHU LTAR DVANGS BA'I LHA RDZAS LAS, ,LEGS BSGRUBS BKRA SHIS RE KHAS MTSAN PA YI, ,SRAB 'JAM GOS BZANG GDAN MCHOG YID 'ONG 'DI, ,BLA MA SANGS RGYAS BYANG SEMS MNYES PHYIR 'BUL, ,'CHI MED LAM KUN YONGS SU GANG BA YI, ,BLA MA YI DAM DKON MCHOG MKHA' 'GRO'I TSOGS, ,DAM CAN CHOS

SKYONG BSRUNG MA'I TSOGS RNAMS LA, ,SGO GSUM GUS PA'I YID KYIS PHYAG 'TSAL LO, ,DVANGS PA'I MTSO NANG ZLA GZUGS SHAR BA BZHIN, ,DNGOS BSHAMS YID SPRUL LHA MI'I MCHOD BA'I TSOGS, ,RAB 'BYAMS ZHING KUN GANG BAR YONGS 'BUL NA, ,DGYES SHING BZHES NAS MCHOG THUN DNGOS GRUB STZOL, ,GLING BZHI RI RAB RIN CHEN RNAM PA BDUN, ,NYE BA'I RIN CHEN BDUN DANG NYI ZLA GNYIS, ,LHA MI'I LONGS SPYOD DGE CHOGS CI MCHIS PA, ,RTZA RGYUD BLA MA DKON MCHOG MNYES PHYIR 'BUL, ,THOG MED DUS NAS SGO GSUM SDIG PA'I LAS, ,BGYIS DANG BGYID STZAL JI SNYED MCHIS BA RNAMS, ,BLA MA RGYAL BA SRAS DANG BCAS RNAMS KYI, ,SPYAN SNGAR BSAM PA THAG PAS BSHAGS SHING SDOM, ,DUS GSUM BSAGS PA'I RNAM DKAR PHUNG PO LA, ,SNYING NAS BSAM PA THAG PAS YI RANG ZHING, ,'GRO BA'I NYON MONGS TSAG DUNG SEL PHYIR DU, ,DAM CHOS BDUD RTZI'I CHAR CHEN DBAB TU GSOL, ,ZHING MCHOG MCHOD DANG DBUL 'PHONGS SBYIN GTONG DANG, ,THOS BSAM SGOM SOGS DGE BA CI BGYIS PA, ,DRIN CAN MA RNAMS SRID MTSO LAS SGROL PHYIR, ,MYUR DU RDZOGS BYANG THOB PA'I RGYU RU BSNGO, ,BSLAB GSUM RNAM DAG RTZA BA RAB BRTAN CING, ,'CHAD RTZOD RTZOM BA'I YAL GA RAB TU RGYAS, ,DON GNYIS 'BRAS BU'I KHUR GYIS RAB BRJID PA'I, ,BLO BZANG YE SHES ZHABS LA GSOL BA 'DEBS, ,BSLU MED DKON MCHOG RNAM GSUM BYIN RLABS DANG, ,BSTAN BSRUNGS DAM CAN RGYA MTSO'I MTHU STOBS KYIS, ,LHA MI'I 'DREN

, ,BA BLO BZANG YE SHES KYI, ,ZHABS PAD BSKAL BRGYA'I BAR DU RAB BRTAN SHOG ,DUS 'DI NAS BZUNGS BYANG CHUB SNYING BO'I BAR, ,RJE BTZUN BLA MAS 'BRAL MED RJES BZUNGS TE, ,MDO SNGAGS YON TAN MA LUS MTHAR PHYIN NAS, , KUN MKHYEN RGYAL BA'I GO 'PHANG MYUR THOB SHOG ,'DI LTAR BSKRUN PA'I RNAM DKAR DGE TSOGS LA, ,BRTEN NAS RGYAL SRAS SPYOD PA PHYIN DRUG RNAMS, ,RTAG TU SPYOD PA'I SKAL BZANG LEGS THOB NAS, ,BLA MED BYANG CHUB THOB PA'I RGYUR GYUR CIG , DKAR PHYOGS LHA RNAMS MTHU STOBS MI NYAMS SHING, ,BZANG PO'I ZHING SAR LO THOG 'PHEL PA DANG, ,DPAL 'BYOR LEGS TSOGS BYA BA DBYAR MTSO LTAR, ,GONG NAS GONG DU 'PHEL BA'I BKRA SHIS SHOG ,CES PA 'DI NI LCI LUNG CHOS RJE BSONG NAMS DPAL BZANG GIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, ` SVASTI, BLO BZANG MKHYEN BRTZE'I NYIN BYED DKYIL 'KHOR GYIS, ,DAD LDAN GDUL BYA'I BAD MO KHA 'BYED CING, ,MKHAS MANG DBUS NA MNGON PAR BRJID PA'I MGON, ,RJE BTZUN BLA MA'I ZHABS LA GSOL BA 'DEBS, ,SKYE BA KUN TU MA GON PO KHYOD NYID KYIS, ,'BRAL BA MED PAR RJES SU 'DZIN PA DANG, ,BKA' BZHIN SGRUB BA'I MCHOD PAS MNYES BYAS NAS, ,THEG MCHOG CHOS KYI DGA' STON LA SPYOD SHOG ,CES PA 'DI NI LHUN GRUB GLING PA MGON SKYABS DON GRUB KYIS BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS BA'O,, MANG+GALAm,,` AOm BDE LEGS SU GYUR CAG ,PHAN BDE MA LUS

'BYUNG BA'I RGYAL BA'I BKA', ,GANGS CAN KHROD DU JI SNYED 'GYUR RO COG ,MTSAN SGROG 'DUS SDE DAR RGYAS GLING CHEN POR, ,BSGRUBS PA'I RNAM DKAR DGE BA ZLA SHEL LTAR, ,MCHOG TU DKAR BA GANG ZHIG BSAGS PA DES, ,THUB BSTAN SBYI DANG RGYAL BA GNYIS PA YI, ,MDO SNGAGS CHOS TSUL RING DU GNAS BA DANG, ,RGYAL BA'I DBANG PO YAB SRAS ZHABS PAD BRTAN, ,BSLAB GSUM RNAM DAG 'PHAGS TSOGS DGE 'DUN RNAMS, ,'KHOR LO GSUM GYI ROL PAS DUS 'DA' ZHING, ,YUL PHYOGS 'DIR YANG NAD 'KHRUG MU GE SOGS, ,ZHI ZHING CHOS 'BYOR 'PHEL BA'I BKRA SHIS SHOG ,CES PA 'DI NI MTSAN SGROG DGA' LDAN DAR RGYAS GLING DU BKA' 'GYUR YONGS RDZOGS BSGRUBS BA'I TSE CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` SVASTI, DPAL LDAN 'DOD KHAMS GTZO MO 'KHOR BCAS LA, ,PHYI NANG DAM RDZAS SPYAN GZIGS 'DI PHUL BAS, ,BSAM SBYOR NGAN PA'I BYAD KHA PHUR KHA SOGS, ,'GAL RKYEN BAR CHAD THAMS CAD MYUR ZHI ZHING, ,YAB RJE CHOS KYI RGYAL PO TZONG KHA BA'I, ,BSTAN PA MI NUB DAR ZHING RGYAS PA DANG, ,TSE DANG BSOD NAMS DPAL 'BYOR SNYAN GRAGS RNAMS, ,YAR NGO'I ZLA LTAR RGYAS PA'I 'PHRIN LAS MDZOD,, ` RDO RJE 'CHANG DBANG RTZA RGYUD BLA MA YIS, ,BKA' BSGOS DAM LAS NAM YANG G-YEL MED PAR, ,BGEGS RIGS BAR CHAD BSAM SBYOR NGAN PA RNAMS, ,ZHI ZHING CI BSAM GEGS MED 'GRUB PAR MDZOD, ,CES PA 'DI MCHOG DANG THUN MONG DNGOS GRUB STZAL DU GSOL ZHES PA'I

, ,MJUG TU 'DON,, ` DUS GSUM RGYAL BA'I BSTAN SRUNGS CHEN MO YIS, ,GZHAN GYI NGAN GTAD MTHU ZUR BYAD KHA SOGS, ,ZHI BA'I 'PHRIN LAS TSUL BZHIN BSGRUB PA DANG, ,MDO SNGAGS YON TAN ZLA LTAR RGYAS PAR MDZOD,, YANG NA, BDAG CAG DPON SLOB 'KHOR DANG BCAS RNAMS KYIS, ,DMAG ZOR RGYAL MOR RTZE GCIG GSOL 'DEBS NA, ,GZHAN GYI MNAN GTAD BYAD KHA RBOD GTONG SOGS, ,BYANG PO NYID KYI GSHED DU 'BEBS PAR MDZOD,, ` BLO BZANG MKHYEN BRTZE'I RTA LJANG GIS DRANGS PA'I, ,YE SHES SNANG BAS MA RIG MUN SEL ZHING, ,GDUL BYA'I PAD TSAL MA LUS BZHAD PA'I GNYEN, ,RJE BTZUN BLA MA'I ZHABS LA GSOL BA 'DEBS, ,DENG NAS SKYE ZHING SKYE BA THAMS CAD DU, ,RJE BTZUN BLA MA KHYED DANG MI 'BRAL ZHING, ,THEG PA MCHOG GI CHOS KYI DGA' STON LA, ,'DOD DGUR SPYOD PA'I SKAL BZANG THOB PAR SHOG ,CES BA 'DI NI DGE SLONG 'JAM DBYANGS BKRA SHIS KYIS 'DI LTA BU ZHIG DGOS ZHES BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ` SVASTI, THUB DBANG GSUNG GI PAD TSAL LAS 'ONGS PA'I, ,SHES PHYIN LEGS BSHAD SBRANG RTZIS RAB MYOS BA'I, ,PHUL DU BYUNG BA'I SGRA DBYANGS CHENG SGROG PA, ,GNAS BRTAN RAB 'BYOR ZHABS LA GSOL BA 'DEBS, ,KA L'A BA YI GRONG KHYER CHEN PO DER, ,NYI MA'I SHING RTA LA SOGS DRANG SRONG RNAMS, ,DANG PO'I SANGS RGYAS DBANG GIS SMIN GROL LA, ,'GOD MDZAD 'JAM DPAL GRAGS LA GSOL BA 'DEBS, ,RANG

RGYUD GZHUNG LUGS SHING RTA'I SROL PHYE NAS, ,RTZOD PAS TSUL BZHIN MU STEGS PHAM MDZAD CING, ,KLU SGRUB SRAS KYI GTZOR GYUR MKHAS PA'I MCHOG ,SLOB DPON LEGS LDAN ZHABS LA GSOL BA 'DEBS, ,'JIGS RUNG MI BZAD BTZON KHANG NYAMS THAG PAR, ,SDIG SPYOD RGYAL POS PHYUGS SU BSGYUR BA YI, ,MCHOD SBYIN RGYU RNAMS SDUG BSNGAL LAS SKYABS PA'I, ,AA BH'AYA KA RA'I ZHABS LA GSOL BA 'DEBS, ,CHOS PHYIR LUGS SROG PA YAL BOR NAS, ,'PHAGS YUL DBUS BGROD SKAD GNYIS RIG GNAS SOGS, ,MKHAS BAR SBYANGS NAS DPAL LDAN 'DUS PA'I RGYUD, ,BSGYUR MDZAD 'GOS LO CHEN POR GSOL BA 'DEBS, ,DMAR SER RAL GRI CAN GYIS RJES BZUNGS NAS, ,'PHAGS PA WA TI'I MDUN SA CHEN PO DER, ,'PHROG BYED LA SOGS RGOL NGAN TSAR GCOD PA'I, ,SA SKYA PAn CHEN ZHABS LA GSOL BA 'DEBS, ,GSANG SNGAGS RNYING MA'I CHOS SKOR MTHA' DAG DON, ,GZHON NU NYID NAS NYAMS SU BLANGS BA'I MTHUS, ,DAM CAN GSHIN RJE DNGOS SU BRAN 'KHOL BA, ,G-YUNG STON RDO RJE DPAL LA GSOL BA 'DEBS, ,MANG THOS BSLAB GSUM YON TAN GYIS GANG YANG, ,RGYAL BA GNYIS PA'I SRAS KYI TSUL BZUNGS TE, ,DAM CAN BSRUNG MAS TSUL BZHIN BKA' NYAN PA'I MKHAS GRUB DGE LEGS DPAL LA GSOL BA 'DEBS, ,GZHUNG LUGS SHES BYA'I GNAS LA MKHAS GYUR CING, ,RTZE GCIG RIM GNYIS RNAL 'BYOR NYAMS BZHES PAS, ,SKU GSUM YON TAN MNGON DU GYUR PA YI, ,BSOD NAMS PHYOGS

, ,GLANG ZHABS LA GSOL BA 'DEBS, ,CHOS BRGYAD 'CHING BA MTHA' DAG RING SPANGS NAS, ,SGRUB PA'I RGYAL MTSAN MI NUB 'DZIN PA'I MCHOG ,'GRO LA CHOS CHAR 'BEBS MKHAS GRUB PA'I RJE, ,BLO BZANG DON GRUB ZHABS LA GSOL BA 'DEBS, ,RGYAL BSTAN YID BZHIN 'JUG DOGS LAS 'ONGS PA'I, ,'JAM DPAL SNYING PO'I BSTAN PA'I LHUN PO'I SPOR, ,CHOS KYI RGYAL MTSAN MI NUB BSGRENG MKHAS PA'I, ,DPAL LDAN BLA MA'I ZHABS LA GSOL BA 'DEBS, , ZHVA SER RING LUGS BSTAN PA'I SGOR ZHUGS NAS, ,RMAD BYUNG RLABS CHEN MKHAS PA'I MDZAD BZANG GIS, ,SKAL BZANG GDUL BYA THAR PA'I LAM BZANG POR, ,'GOD MDZAD RJE BTZUN BLA MAR GSOL BA 'DEBS, ,BLA MA YI DAM BSRUNG MA'I BYIN RLABS DANG, ,DAD LDAN GDUL BYAS RTZE GCIG GSOL BTAB PAS, ,LHA MI'I 'DREN PA YUN RING ZHABS BRTAN CING, ,'PHRIN LAS DBYAR MTSO BZHIN DU 'PHEL BAR SHOG ,'JAM DPAL RNAM SPRUL BLO BZANG BSTAN PA'I GNYEN, ,MANG THOS LUNG RTOGS CHOS KYI RGYAL MTSAN MCHOG, ,MA 'ONGS KLA KLO'I TSOGS RNAMS 'JOMS MDZAD TSE, ,BDAG KYANG 'KHOR GYI THOG MAR SKYE BAR SHOG ,DER MA SON BA'I TSE RABS KUN TU YANG, ,BYANG CHUB SGRUB PA'I RTEN MCHOG RAB THOB NAS, ,THOS BSAM SGOM PAS RANG RGYUD SMIN BYAS TE, THEG MCHOG CHOS KYI SNOD DU 'GYUR BAR SHOG ,DE LTAR GUS PAS GSOL BA BTAB PA'I MTHUS, ,BDAG GI BSAM DON YID BZHIN 'GRUB PA DANG, ,RJE BTZUN CHOS KYI RGYAL PO TZONG KHA PA'I, ,

BSTAN PA DAR ZHING RGYAS PA'I BKRA SHIS SHOG ,CES PA 'DI NI BDE THANG SKU SKYES BSKUL BA LA BRTEN NAS CHOS SMA BA'I BTZUN BA BLO BZANG YE SHES KYIS SMRAS PA'O,, MANG+GALAm,, ` AOm BDE LEGS SU GYUR CIG ,LHA MI'I STON PA SH'AKYA'I RGYAL PO DANG, ,PAn GRUB ZHI MTSO PADMA KA RA DANG, ,KHAMS GSUM CHOS KYI RGYAL PO TZONG KHANG PA, ,YAB SRAS BRGYUD BAR BCAS BA SPYI BOS MCHOD, ,LHA SA'I JO BO'I SKU TSAD YONGS RDZOGS DANG, ,GTZUG TOR KO KO YAN CHAD TSAD MNYAM PA'I, , BSAM YAS BYANG CHUB CHEN PO'I SKU RGYAB TU, ,GSER BZANG LAS BSGRUBS MDZES PA'I RGYAB YOL DANG, ,BLA SKU DRUG DANG SMAN BLA BDE GSHEGS BRGYAD, ,BZHUGS KHANG GANDHO LA DANG RGYA PHIBS BCAS, W,KA BA GNYIS LA 'BRUG BZHIS 'KHYUD PA DANG, ,LOGS BKAG SGO BCAS GSER ZANGS GRUB BA LA, ,RIN CHEN DU MA'I PHRA YIS MDZES PA DANG, ,JO BO MCHOG ZUNG BCAS LA SNAM SBYAR DANG, ,RGYAL 'PHAN CHA GCIG PHYE PHUR CHA GCIG DANG, ,JO BO'I DBU STENG THOG TU DRA MIG LA, , 'JAM RDOR DKYIL 'KHOR RAS BRIS YONGS RDZOGS DANG, ,SHIN TU MDZES PA'I ME TOG BUM PA ZUNG, ,SGE KHUNG SGO BCAS LCAGS DRA DRA MIG DANG, ,MKHAN CHEN ZHI BA 'TSO YI DBU THOG TU, ,GSER ZANGS LAS BSGRUBS DBEN BSDUMS MCHOD RTEN DANG, ,DPAL LDAN AA TI SHA DANG TZONG KHA BA, ,BLO BZANG YE SHES PADMA 'BYUNG GNAS KYI, ,SKU BRNYAN GSER ZANGS LAS GRUB KHRU TSAD RE, ,ZA 'OG LAS BSGRUBS ME TOG DRA PHYED DANG, ,'PHAN PHUR SNAM SBYAR PHUL BA'I RNAM DKAR MTHUS,

, ,'JIG RTEN KHAMS 'DIR BDUD RIGS BAR GCOD KYI, ,BSAM SBYOR NGAN PA MTHA' DAG ZHI BA DANG, ,'THA' RTZOD NAD YAMS MU GE KUN ZHI ZHING, ,CHAR CHU DUS PHEBS RTZI BCUD LO THOG RGYAS, ,RGYAL BSTAN SBYI DANG RJE BTZUN TZONG KHA PA'I, ,DRI MED BSTAN PA PHYOGS BCUR RGYAS PA DANG, ,BSTAN PA'I SBYIN BDAG SKYI SHOD DGA' LDAN PA'I, ,RIGS RGYUD MNGA' THANG CHAB SRID BRTAN GYUR CING, ,GNAS SKABS MTHAR THUG BZHED DON 'GRUB PA DANG, ,LEGS TSOGS MA LUS DBYAR MTSO LTAR 'PHEL NAS, ,BKRA SHIS RGYA MTSOS PHYOGS MTHAR KHYAB PAR SHOG, ` AOm BDE LEGS SU GYUR CIG ,SKYE DGU'I PHAN BDE MA LUS 'BYUNG BA'I GZHI, ,LHA MI YONGS KYI SKYABS GCIG GTZUG NOR CHE, ,CHOS 'KHOR RIM PA GSUM GYIS GDUL BYA RNAMS, ,'DUL MDZAD ZAS GTZANG SRAS LA PHYAG 'TSAL LO, ,RNAM DAG BSLAB PA GSUM GYIS RGYUD BSDAMS SHING, ,RIM GNYIS ZAB MO'I RNAL 'BYOR MTHAR SON PAS, ,BYANG PHYOGS SKYE DGU YONGS KYI BSTAN PA'I GNYEN, ,KHAMS GSUM CHOS KYI RGYAL POR PHYAG 'TSAL LO, ,DE LA GSANG SNGAGS DAR RGYAS GRVA TSANG 'DIR BZHUGS PA RNAMS KYIS DGONGS RGYU LA, JI SKAD DU, SPYOD 'JUG LAS, 'GRO BA'I SDUG BSNGAL SMAN GCIG PU BDE BA THAMS CAD 'BYUNG BA'I GNAS, ,BSTAN PA RNYED DANG BKUR STI DANG, ,BCAS TE YUN RING GNAS GYUR CIG ,CES GSUNGS PA LTAR YID CAN RNAMS KYI SDUG BSNGAL MA LUS PA SEL ZHING BDE BA THAMS CAD 'BYUNG BA'I GNAS NI RGYAL BA'I

BSTAN PA NYID YIN LA, DE 'DZIN PA'I TSUL YANG BSHAD PA THOS BSAM GYI SGO NAS LUNG GI BSTAN PA 'DZIN, SGRUB PA NYAMS LEN GYI SGO NAS RTOGS PA'I BSTAN PA 'DZIN PA GNYIS SU NGES TE, MDZOD LAS, STON PA'I DAM CHOS RNAM GNYIS TE, , LUNG DANG RTOGS PA'I BDAG NYID DO, ,DE 'DZIN BYED PA SMRA BYED DANG, ,SGRUB PAR BYED PA KHO NA'O, ZHES GSUNGS PA'I PHYIR, RTOGS PA'I BSTAN PA TSUL BZHIN NYAMS SU LEN PA YANG LUNG GI BSTAN PA'I BRJOD BYA TSUL BZHIN GO BA LA RAG LAS PAS THOG MAR RGYAL BA'I GSUNG RAB LA THOS BSAM GYIS 'JUG PA GAL CHE STE, THEG PA CHEN PO MDO SDE RGYAN LAS, 'DI NA DANG POR THOS LA BRTEN NAS TSUL BZHIN YID LA BYED PA 'BYUNG, TSUL BZHIN YID LA BYED LAS YANG DAG DON YUL YE SHES 'BYUNG, ZHES GSUNGS PA'I PHYIR, RTOGS PA'I BSTAN PA YANG BSLAB BA GSUM GYI NYAMS LEN DU 'DUS SHING, TING NGE 'DZIN GYI BSLAB PA DANG SHES RAB KYI BSLAB PA YANG TSUL KHRIMS KYI BSLAB PA LA BRTEN NAS 'BYUNG BA LUNG SMAN GYI GZHI LAS GSUNGS BA LTAR, GRVA TSANG 'DIR BZHUGS PA'I DGE TSUL SLONG RNAMS KYIS THOG MAR TSUL KHRIMS GTZANG PA GAL CHE, DE YANG TSUL KHRIMS BSRUNG TSUL 'DUL BA'I SDE SNOD RNAMS LAS SHES DGOS SHING, BSRUNG TSUL RAGS RIM SDE SNOD 'DZIN PA RNAMS LA DRIS NAS JI LTAR GDAMS PA LTAR LAG TU LAN PA NYAMS LEN GYI GTZO BAR BZUNG DGOS, DGE SLONG LA PHAM PA DANG DGE TSUL LA PHAM 'DRAS GOS NA GNAS NAS DBYUNG, LHUNG BA LHAG MA RNAMS KYIS GOS TSE PHYIR BCOS TSUL

, ,BZHIN DU BYED DU 'JUG CING, CHANG NI SROG GI PHYIR YANG MA GNANG BAS 'THUNGS NA MAR ME MTSAN THUB PHUL NAS BRGYA PHYAG DANG BCAS PHYIR BCOS TSUL BZHIN BYED DU BCUG RJES, SLAR MI 'THUNG BA'I RTZI KHA LEN ZHING MYOS 'GYUR 'THUNG BA'I CHAR GTOGS THA MA KHI YANG SPONG GANG THUB BYED, GRAL LA DGE TSUL SLONG RNAMS BSLAB GRAL BZHIN MI BYED PAR DBANG CHE CHUNG RIGS RUS MTHO BA'I RLOS PA RKANG PA GANG MGYOGS MI BYED, GSO SPYONG LA 'DU BA'I SA TSIGS BSLAB PA GANG YANG MA BLANGS PA RNAMS MI 'JUG ,YUL DUS DANG BSTUN PA'I KHYIM PA MA DAD BA'I SPYOD PA BYAS TSE BLA MA DGE SKOS RGAN PA RNAMS KYIS BSLAB STON ZHIB MOR BYAS PA LA NYAN 'JOG GANG CHE BYED DGOS, RGYUN DU TSOGS 'DON CHO GA CHOS SPYOD SKABS SU GANG BAB LA CHIG SGRIL BYED PA MA GTOGS LOR GTAM MI BYED, 'TSOG PA'I DUS SU 'CHOG BRDA NAS BYUNG THOG 'DU BA DANG, ZHAL 'DON TSUGS NAS MA 'BYOR NA PHYAG GSUM 'TSAL BAR BCAD, BYA BA BLO BUR BA BYUNG NA MA GTOGS TSOGS MA GROL BAR TSOGS NAS PHYIR MI 'GRO, GUNG SENG LTA BU LA MDA' DANG RDO SKOR 'PHEN PA DMIG MANGS SHO RGYAG PA SOGS SPYOD LAM MI MDZES PA MI BYED, SBYIN BDAG GI RIM GRO SOGS KYI PHYIR 'GRO DGOS BYUNG TSE DMIGS BSAL GYIS PA GNYIS LAS SBROS RE MOS KYIS DBU MDZAD DGE SKOS NAS GTONG BA MA GTOGS RANG GI 'DOD PA KHA 'CHANGS KYIS MI 'GRO, RANG DON DU ZHAG GSUM PHAN CHAD DU 'GRO DGOS BYUNG TSE DGE SKOS PA GNANG BZHU, SBYIN BDAG GI MANG JA BYUNG TSE CHOS SKYONG LA SNYAN DAR, BLA MA DGE SKOS

DBU MDZAD CHAB RIL BA RNAMS LA 'BYOR PA DANG BSTUN PA'I RNAM GZHAG ,SPYI 'BUL BYUNG TSE RNYED PA BSNYEN PAR RDZOGS MA RDZOGS KYI KHYAD PAR YUL SROL LTAR BYED, BLA BRANG SPYI DON MA GTOGS RANG DON DU PHYIN CING TSOGS SU MA BYUNG NA SKAL BA MI GTONG, LAG 'DRES BA'I 'THAB RTZOD BYUNG NA NYES PA CHE CHUNG GI CHAD BA GTZOD, DUS NAM YANG RANG GIS KHAS BLANGS PA'I BSLA BA KHRIMS RNAMS LA DRAN SHES NAR MAR BSTEN NAS BAG YOD PAR BYA, MDO SNGAGS KYI KHRIR DANG GSANG BDE 'JIGS GSUM GYI BSKYED RDZOGS GYI THOS BSAM BAR SKABS STOBS KYIS KUN RIG TSE CHOG SOGS KYI KHA TON BSNYEN SGRUB SOGS LA BRTZON PA DANG, YUL DUS KYI DBANG GIS KHRIMS SU BCA' PA MA NGES PA SNA TSOGS 'GYUR BA RNAMS LA LAS BYED PA RNAMS KYIS DGE 'DUN RNAMS THUGS MI BSUN PA'I DAG BKOD GANG THON BYED, BSTAN PA RIN PO CHE SNGAR SROL BZANG PO NYAMS PA'I DUS 'DIR BSLAB PA SNA GCIG BSRUNG BA DANG DAM PA'I CHOS 'DZIN PA PHAN YON CHE BAR GSUNGS PAS THUB PA'I BSTAN PA SPYI DANG KHYAD PAR KHAMS GSUM CHOS KYI RGYAL PO TZONG KHA PA CHEN PO'I BSTAN PA RIN PO CHE TSANG LA MA NONG BA 'DI NYID SGO THAMS CAD NAS DAR ZHING RGYAS PAR BYED 'DOD PA'I BSAM PA BZANG PO DANG, BSTAN PA 'DI DANG DE 'DZIN PAR BYED PA'I DGE 'DUN RNAMS LA DAD PAS BSNYEN BKUR BA'I SBYIN BDAG RNAMS LA SNYING BRTZE BA DANG, BSTAN PA BSTAN 'DZIN DANG BCAS PA'I SKU RIM RGYAB CHOS BSKANG SO CHOS SPYOD LA BRTZON PA DANG, LTOS BCAS DMIGS YUL RNAMS LA SMON LAM RNAM PAR DAG PA'I BSAM SBYOR LA BRTZON PA GAL SHIN TU CHE, MDAR

, ,NA BGRES GZHON THAMS CAD KYIS BSTAN PA RGYAS PA'I BSAM KHUR CHEN PO MDZOD, DE LTAR BYED PA RNAMS LA DPAL YE SHES KYI MGON PO PHYAG DRUG PA, DAM CAN CHOS KYI RGYAL PO, DPAL LDAN DMAG ZOR RGYAL MO RE MA TI 'KHOR DANG BCAS PA RNAMS KYIS 'GAL RKYEN THAMS CAD SOL, MTHUN RKYEN THAMS CAD YID BZHIN DU SGRUBS, KHYAD GSOD KYIS 'DA' BAR BYED PA RNAMS LA DRAG PO'I CHAD PAS TSAR BCAD NAS SLAR YANG RNAL DU 'GOD BA'I 'PHRIN LAS MDZOD CIG ,GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHOG ,RTAG PAR DGE 'DUN MTHUN PA DANG, ,DGE 'DUN DON YANG 'GRUB PAR SHOG ,RMAD BYUNG SRAS BCAS RGYAL BA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,BDAG GI LHAG BSAM DAG PA'I MTHU STOBS KYIS, ,RNAM DAG SMON PA'I GNAS 'DI 'GRUB PAR SHOG ,CHOS KYI RGYAL PO TZONG KHA PA'I, ,CHOS TSUL RNAM DAG 'PHEL BA LA, ,GEGS KYI MTSAN MA ZHI BA DANG, ,MTHUN RKYEN MA LUS TSAR BANG SHOG ,SDE SNOD GSUM DANG RGYUD SDE RNAM PA BZHI, ,GDAMS PA'I MCHOG TU SHAR BA'I BSHAD SGRUB KYIS, ,THUB BSTAN PHYOGS DUS KUN TU RGYAS MDZAD PA'I, ,BLO BZANG GRAGS PA'I DPAL GYI BKRA SHIS SHOG ,CES GSANG SNGAGS DAR RGYAS GRVA TSANG GI KHRIMS SU BCA' BA MDOR BSDUS PA 'DI NI SH'AKYA'I DGE SLONG BLO BZANG YE SHES KYIS SNA TSOGS ZHES PA CHU PHO RTA'I LO HOR ZLA BDUN PA'I DKAR PHYOGS KYI TSES BCU BZHI'I NYIN CHOS GRVA CHEN PO BKRA SHIS LHUN PO'I

GZIMS CHUNG BKA' GDAMS PO BRANG DU SBYAR BA DGE LEGS 'PHEL,, ` AOm BDE LEGS SU GYUR CIG ,BSLU MED DKON MCHOG GSUM LA SKYABS 'GRO ZHING, ,NGAN SONG GNAS SU NAM YANG MI SKYE BAR, ,RJE BTZUN BLA MA BLO BZANG YE SHES KYIS, , 'BRAL MED RJES 'DZIN CHOS LA SPYOD PANG SHOG ,CES PA 'DI NI DGE SLONG CHOS MCHOG GI BSKUL BA'I NGOR SH'AKYA'I BTZUN BA BLO BZANG YE SHES KYIS SMRAS BA'O,, MANG+GALAm,, ` AOm BDE LEGS SU BYUR CIB?, ,RDO RJE 'CHANG SOGS RTZA RGYUD BLA MA YIS, , BKA' BSGOS DAM TSIG GNYER DU LEGS GTAD CING, ,RGYAL BA GNYIS PA BLO BZANG GRAGS PA YI, ,MDO SNGAGS BSTAN PA TSUL BZHIN BSRUNG MDZAD PA'I, ,LHA YI DGE BSNYEN TSANGS PA DUNG GTZUG CAN, ,DAM CAN RGYA MTSO 'KHOR DANG BCAS RNAMS LA, ,BKRA SHIS LHUN GYIS GRUB PA'I CHOS GRVA CHE'I, ,MKHAN SLOB DGE 'DUN GNYER DU GTAD BAS NA, ,DAM TSIG 'PHRIN LAS NAM YANG G-YOL MED PAR, ,BSTAN DGRA DAM NYAMS MA LUS TSAR GCOD CING, ,NAD GDON BGEGS RIGS BAR CHAD ZHI BA DANG, ,CHOS LDAN BSAM DON YID BZHIN 'GRUB PAR MDZOD,, BKRA SHIS,, ` AOm BDE LEGS SU GYUR CIG ,MDUN GYI LHA LAM YANGS PA'I DBYINGS NGOS SU, ,YID 'ONG LHA RDZAS GOS KYI GDAN KHRI'I STEM, ,RTZA BA'I BLA MA DGE SLONG RDO RJE 'DZIN, ,SKU MDOG DKAR SER ZHAL GCIG PHYAG GNYIS PA, ,PHYAG G-YAS CHOS 'CHAD G-YON PA MNYAM BZHAG STENG, ,RO BRGYA'I 'BRAS BUS YONGS GANG LTUNG BZED BSNAMS, ,DUR SMRIG MDANGS LDAN CHOS

, ,GOS RNAM GSUM GSOL, ,GSER MDOG ZHVA YI COD PAN LEGS PAR MNABS, ,MTHA' SKOR DNGOS RGYUD BLA MA YI DAM DANG, ,SANGS RGYAS BYANG SEMS BSTAN SRUNGS YE SHES TSOGS, ,GRANGS MED 'KHOR TSOGS RGYA MTSOS BSKOR BA YI, ,GNAS GSUM YI GE GSUM GYIS MTSAN PAR GYUR, ,SGO GSUM GUS PAS SNYING NAS PHYAG 'TSAL ZHING, ,MCHOD 'BUL SDIG LTUNG MA LUS SO SOR BSHAGS, ,RNAM DKAR YI RANG CHOS 'KHOR BSKOR BA DANG, ,BSKAL BRGYAR BZHUGS GSOL DGE TSOGS BYANG CHUB BSNGO, ,RGYAL BA GNYIS PA'I RING LUGS DRI MED KYI, ,BSTAN PA'I RGYAL MTSAN 'DZIN PA'I MGON GYUR CING, ,'CHAD RTZOD RTZOM PA'I SPOBS PAS MNGON PAR BRJID, ,DPAL LDAN BLA MA'I ZHABS LA GSOL BA 'DEBS, ,DENG NAS BZUNGS TE SKYE BA KUN TU YANG, ,RJE BTZUN BLA MAS 'BRAL MED RJE SA 'DZIN CING, ,GSUNG GI CHOS CHAR BGO SKAL LA SPYOD PA'I, ,'KHOR GYI THOG MNYID DU SKYE BAR SHOG ,CES PA 'DI NI RGYAL BA 'PHAGS PA LHA'I SLOB MA DGE SLONG NGAG DBANG BSAM 'PHEL GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` SVASTI, 'PHAGS PA SPYAN RAS GZIGS KYI SGOM BZLAS NI, THOG MAR SKYABS 'GRO SEMS BSKYED RGYUD DANG 'DRES NGES PA SNGON DU BTANG NAS, RANG NYID SKAD CIG GIS SPYAN RAS GZIGS SU GSAL BA'I THUGS KA'I HR'I: YIG GI 'OD ZER GYIS DRIN CAN RTZA BA'I BLA MA DANG GNYIS SU MED PA'I 'PHAGS PA SPYAN RAS GZIGS LA RTZA

RGYUD KYI BLA MA YI DAM SANGS RGYAS BYANG SEMS DPA' PO MKHA' 'GRO CHOS SKYONG BSRUNG MA'I TSOGS KYIS BSKOR BA MDUN GYI NAM MKHAR SPYAN DRANGS, 'GRO LA BU GCIG LTA BUR BRTZER DGONGS SHING, ,SGO GSUM NYES BA'I SKYON GYIS MA GOS PAR, ,YI DVAGS BKRES SKOM SDUG BSNGAL SEL MDZAD PA'I, ,BLA MA SPYAN RAS GZIGS LA PHYAG 'TSAL LO, ,MCHOD TSOGS RNAMS 'BUL DAM TSIG NYAMS CHAGS BSHAGS, ,RNAM DKAR MDZAD LA YI RANG CHOS 'KHOR BSKOR, ,RTAG PAR BZHUGS GSOL DGE TSOGS BYANG CHUB BSNGO, ,GANGS RI RI MGON PO DUR SMRIG TSUL BZUNGS NAS, ,KHA BA CAN LJONGS 'GRO RNAMS BYAMS BRTZES SKYONG, ,'JIG RTEN SRID PA GSUM GYI STON PA PO, ,RJE BTZUN BLA MA'I ZHABS LA GSOL BA 'DEBS, ZHES GSOL BA BTAB PAS BLA MA TSOGS ZHING DANG BCAS PA RANG NYID LA THIM PAS BYIN GYIS BRLABS PAR GYUR, AOm SVA BH'A WAS STONG PAR SBYANGS, 'KHOR BA'I SKYON GYIS MA GOS PA'I PADMA DANG, ZLA BA'I GDAN GYI STENG DU HR'I: YIG DKAR PO YONGS SU GYUR PA LAS, RANG NYID SPYAN RAS GZIGS SKU MDOG GANGS KYI RI BO LA NYI MA SHAR BA LTAR DKAR ZHING 'TSER BA ZHAL GCIG PHYAG BZHI PA PHYAG DANG PO GNYIS DUS GSUM GYI PHYOGS BCU'I SANGS RGYAS THAMS CAD LA GUS PAS THAL MO SPYOR BA, PHYAG G-YAS NOR BU CHU SHEL GYI 'PHRENG BA BRGYA RTZA BRGYAD 'DZIN PA, G-YON PADMA DKAR PO 'DAB MA KHA BYE BA'I RTZA BA NAS 'DZIN PA, RIN PO CHE SNA TSOGS KYI RGYAN GYIS BRGYAN PA PANYTZA LI KA'I GOS LTAR REG NA BDE BA'I LHA RDZAS KYI NA BZA' GSOL BA ZHABS

, ,GNYIS RDO RJE SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO THUGS KA'I HR'I: H'Um GIS MTSAN PA LAS 'OD ZER 'PHROS, RI BO GRU 'DZIN GYI GNAS NAS 'PHAGS PA SPYAN RAS GZIGS YE SHES PA SPYAN DRANGS, DAM TSIG PA DANG GNYIS SU MED BAR GYUNG, SLAR YANG THUGS KA'I HR'I: LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUNG DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES GSUNG ZHING DBANG BSKUR BAS LUS THAMS CAD GANG DRI MA THAMS CAD DAG ,CHU LHAG PA SPYI GTZUG TU GNAS PA YONGS SU GYUR PA LAS SNANG BA MTHA' YAS KYIS DBU BRGYAN PAR GYUR ,MCHOD PA BYIN GYIS BRLABS LA, AOm SARBA TA TH'A GA TA A'ARYA LO KE SH'A RA SA PA RI W'A RA AARGHAm SOGS KYIS MCHOD, SKYON GYIS MA GOS SKU MDOG DKAR, ZHES SOGS KYIS BSTOD, 'KHYER SO GSUM LDAN GYI SGO NAS YIG DRUG CI MANG BZLAS, MJUG TU DGE BA 'DI YIS MYUR DU BDAG ,CES SOGS DANG, BYANG CHUB SEMS MCHOG RIN PO CHE ZHES SOGS DANG, SKYE BA KUN TU YANG DAG BLA MA DANG ZHES SOGS KYI BSNGO SMON CI RIGS PAR BYA'O, ZHES PA 'DI NI MDAR PA DKA' BCU DGE SLONG BSOD NAMS YAR 'PHEL GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, BKRA SHIS,, ` SVASTI, DUS

GSUM SANGS RGYAS BDE GSHEGS DPA' BO BDUN, ,BCOM LDAN SMAN GYI BLA DANG SH'AKYA'I TOG ,DAM CHOS RIG GROL 'DUS PA'I THUGS RJE YIS, ,BDEN TSIG SMON PA JI BZHIN GRUB GYUR CIG ,'CHI MED BDUD RTZI LTA BU'I GTUNG BA'I BCUD, ,RGYA MTSOR 'KHYIL BA'I RIN CHEN SNOD MCHOG 'DI, ,LHAG BSAM DAG PAS LEGS PAR PHUL BA'I MTHUS, ,PHUN TSOGS DBANG PO MTHO RIS RTEN THOB SHOG ,DMIGS YUL DON DU DKON MCHOG MCHOD PA DANG, ,DKYIL 'KHOR SGRUB MCHOD GSANG SNGAGS BZLAS BRJOD DANG, ,SKU GZUGS BZHENGS DANG SBYIN GTONG BGYIS PA YIS, ,SDUG BSNGAL 'KHOR BA'I MTSO LAS SGROL BAR SHOG ,DE YI MTHU LAS TSE RABS THAMS CAD DU, ,'KHOR LO BZHI LDAN RTEN BZANG THOB PA DANG, ,RGYAL BA'I BSTAN LA BYA BA BYED PA LA, ,KUN BZANG 'JAM PA'I DBYANGS DANG MTSUNGS PAR SHOG ,MDOR NA 'DIS MTSON RNAM DKAR DGE BA'I MTHUS, ,'GRO RNAMS BDE SKYID 'BYOR PA 'PHEL BA DANG, ,BSHAD SGRUB BSTAN PA YAR NGO'I ZLA BA LTAR, ,CHES CHER RGYAS SHING NAM YANG MI NUB SHOG ,CES PA 'DI NI RGYAL RTZE RDZONG DPON LKOG NAS BLO BZANG DBANG POS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, DGE'O,, ` AOm BDE LEGS SU GYUR CIG ,BLO BZANG GRAGS BSTAN 'CHI MED LAM YANGS POR, ,BSLAB GSUM NOR BU'I DKYIL 'KHOR RAB TU RGYAS, ,YE SHES 'OD STONG 'BAR BA'I GZI BYIN CAN, ,DPAL LDAN BLA MA'I ZHABS LA GSOL BA 'DEBS, ,BSLU MED BLA MA YI DAM BYIN RLABS DANG, ,BSTAN SRUNGS

, ,DAM CAN RGYA MTSO'I MTHU STOBS KYIS, ,DAD LDAN 'GRO BA'I 'DREN MCHOG SRID MTHA'I BAR, ,NAM YANG G-YO MED 'PHRIN LAS RGYAS PAR SHOG ,'DI LTAR BSKRUN PA'I RNAM DKAR LEGS BYAS DANG, ,RJE BTZUN BLA MAR SNYING NAS GSOL BTAB MTHUS, ,DGA' LDAN CHOS KYI KHANG BZANG NYAMS DGA' BAR, ,'JAM DPAL SNYING PO'I DRUNG DU SKYE BAR SHOG ,CES PA 'DI NI A'A DHAR DGE TSUL GYIS BSKUL BA LTAR CHOS SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` AOm BDE LEGS SU GYUR CIG ,NYAN THOS MCHOG GYUR RAB 'BYOR 'JAM DPAL GRAGS, ,KLU SGRUB SRAS MCHOG LEGS LDAN AA BHA Y'A, ,SKAD GNYIS SMRA BA 'GOS LO SA PAn RJE, ,'PHAGS BOD MKHAS GRUB RNAMS LA GSOL BA 'DEBS, SNANG SRID ZIL GNON G-YUNG STON DGE LEGS DPAL, ,BSOD NAMS PHYOGS GLANG GRUB PA'I DBANG PHYUG RJE, ,CHOS KYI RGYAL MTSAN BLO BZANG YE SHES TE, ,BSTAN PA'I MNGA' BDAG RNAMS LA GSOL BA 'DEBS, ,NAG PHYOGS MI SRUN KLA KLO'I DPUNG TSOGS RNAMS, ,DRAG PO'I 'KHOR LOS BCOM NAS BLA MED KYI, ,GDUL BYAR 'GOD MDZAD 'KHOR LO BSGYUR BA'I MCHOG ,RIGS LDAN DBANG POR 'GYUR LA GSOL BA 'DEBS, ,DE LTAR DAD PA'I YID KYIS GSOL BTAB MTHUS, ,TSE 'DIR THUN MONG LAM GYIS RGYUD SBYANGS NAS, ,MA 'ONGS KA L'A PA YI GRONG KHYER DU, ,GNYIS MED RGYUD KYI GDUL BYAR RAB SMON TE, ,STONG GZUGS PHYAG RGYA CHEN PO'I SKU THOB SHOG ,GNAS SKABS SU YANG NAD MED TSE

RING ZHING, ,DBAL 'BYOR LONGS SPYOD DBYAR GYI CHU GTER LTAR, ,CHES CHER RGYAS SHING RGYAL BSTAN 'DZIN PA LA, ,SNYING STOBS CHEN PO PHUL DU BYUNG BAR SHOG ,CES BA 'DI NI CO NE RGOD TSANG PHUG GI RI KHROD BA DGE SLONG NGAG DBANG RDO RJE DANG NGAG DBANG DON GRUB GNYIS GYIS BSKUL PA'I BLO NGO DANG BSTUN NAS CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEB,, ` SVASTI, DKON MCHOG GSUM GYI BDEN PA'I BYIN RLABS DANG, ,BSTAN SRUNGS DAM CAN RGYA MTSO'I MTHU RTZAL GYIS, ,RGYAL BA'I BSTAN 'DZIN BLO BZANG DON GRUB KYI, ,SKU TSE BRTAN CING 'PHRIN LAS RGYAS GYUR CIG ,CES PA 'DI NI BYA KHYUNG MKHAN PO RVA LO SKU SKYE BLO BZANG DON GRUB KYI ZHABS BRTAN DU SH'AKYA'I BTZUN PA BLO BZANG YE SHES KYIS SMRAS PA'O,, MANG+GALAm,, ` AOm BDE LEGS SU GYUR CIG ,RNAM DAG BSLAB GSUM LDAN PA'I BLA MA DANG, ,DBYER MED YE SHES MGON PO 'KHOR BCAS LA, ,RTZE GCIG GUS PA'I YID KYIS GSOL 'DEBS NA, ,'GAL RKYEN BAR CHAD ZHI PA'I 'PHRIN LAS MJOD, CES PA 'DI NI SNGAGS RAM PA SANGS RGYAS BSTAN 'DZIN GYIS BSKUL PA'I NGOR SH'AKYA'I DGE SLONG BLO BZANG YE SHES KYIS SMRAS PA'O,, BKRA SHIS,, ` AOm BDE LEGS SU GYUR CIG ,RNAM DAG BSLAB PA GSUM GYIS RGYUD BSDAMS SHING, ,SHER PHYIN ZANG MO'I SGRA DBYANGS CHER BSGRAGS PAS, ,'DRI ZHING 'DON PA'I MCHOG TU LUNG BSTAN PA, ,GNAS BRTAN RAB 'BYOR ZHABS LA GSOL BA 'DEBS, ,DPAL LDAN DUS KYI 'KHOR LO'I DKYIL 'KHOR DU, ,NYI MA'I

, ,SHING RTAL SOGS DRANG SRONG RNAMS, ,ZAB MO'I DBANG GIS RDO RJE'I RIGS GCIG TU, ,SMIN MDZAD 'JAM DPAL GRAGS LA GSOL BA 'DEBS, ,'PHAGS MCHOG KLU SGRUB DGONGS DON MA LUS PA, ,THUGS SU CHUD KYANG RANG RGYUD SHING RTA'I SROL, ,LEGS PAR 'BYED MDZAD KLU SGRUB SRAS KYI MCHOG ,SLOB DPON LEGS LDAN 'BYED LA GSOL BA 'DEBS, ,RGYAL YUM RNAL 'BYOR MA YIS BYIN BRLABS PAS, ,DKYIL 'KHOR BRGYA PHRAG DU MA'I ZHAL 'BYED CING, , DGONGS 'GREL BSTAN BCOS DU MA MDZAD PA YI, ,AA BHY'A KA RA'I ZHABS LA GSOL BA 'DEBS, ,'PHAGS YUL DBUS SU DKA' BA BRGYA PHRAG GIS, ,BCU GNYIS BGROD NAS RGYUD SDE RGYA MTSO'I TSOGS, ,BOD DU BSGYUR NAS GTAN LA PHAB PA YI, ,RTA NAG 'GOS KYI ZHABS LA GSOL BA 'DEBS, ,SKYE BDU MAR BRTAN PA'I 'KHOR LO YIS, ,RJES SU BZUNGS BAS RIG GNAS MTHA' DAG LA, ,MKHYEN PA THOGS PA MED PA'I RNAM DPYOD CAN, ,CHOS RJE SA PAn ZHABS LA GSOL BA 'DEBS, ,SNGA 'GYUR RGYUD SDE'I DON LA LEGS SBYANGS SHING, ,RIM GNYIS ZAB MO'I NYAMS LEN MTHAR PHYIN PAS, ,DREGS PA SDE BRGYAD BRAN DU 'KHOL BA YI, ,G-YUNG STON RDO RJE DPAL LA GSOL BA 'DEBS, ,GZHAN PHYOGS NGA RGYAL CAN RNAMS RIGS PA YIS, ,TSAR BCAD RTZOD PA'I KHYU MCHOG RLABS PO CHES, ,YAB RJE'I DGONGS DON GSAL BAR MDZAD PA YI, ,MKHAS GRUB BSTAN PA'I NYI MAR GSOL BA 'DEBS, ,RLABS CHEN BSOD NAMS BYE BAS BSKRUN PA YI, ,

LUNG RTOGS YON TAN STOBS BCU'I RTZAL RDZOGS SHING, ,SKU GSUM YID BZHIN DBANG GI RGYAL POS MDZES, ,BSOD NAMS PHYOGS GLANG ZHABS LA GSOL BA 'DEBS, ,RDO RJE'I SKU BRNYES CHOS KYI RDO RJE LAS, ,SNYAN RGYUD GDAMS PA'I BDUD RTZE LEGS MNOS NAS, ,RTZE GCIG SGRUB PA SNYING POR MDZAD PA YI, ,GRUB PA'I DBANG PHYUG ZHABS LA GSOL BA 'DEBS, ,GZHON NU'I DUS NAS NGAG DBANG LHA MO YIS, ,RJES SU BZUNGS BAS BRDA SPROD GTZUG LAG LA, ,THOGS PA MED PAR MKHYEN PA'I RNAM DPYOD CAN, ,CHOS KYI RGYAL MTSAN ZHABS LA GSOL BA 'DEBS, ,BLO BZANG RGYAL BA GNYIS PA'I BSTAN PA'I SGOR, ,LEGS PAR ZHUGS NAS SKAL BZANG GDUL BYA'I TSOGS, ,CHOS KYI CHAR PAS YID RAB TSIM MDZAD PA'I RJE BTZUN BLA MA'I ZHABS LA GSOL BA 'DEBS, ,DE LTAR DAM PA RNAMS LA GSOL BTAB PAS, ,TSE RABS KUN TU DAL 'BYOR RTEN THOB CING, ,LUNG RTOGS YON TAN MA LUS MTHAR PHYIN TE, ,SKU GSUM GO 'PHANG MYUR DU THOB PAR SHO GA ,CES PA 'DI NI BYA KHYUNG MKHAN PO RVA LO SKU SKYE BLO BZANG DON GRUB KYIS BSKUL PA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, BLO BZANG BSTAN PA'I DE NYID GZIGS PA YI, ,YE SHES SPYAN LDAN KHAMS GSUM 'GRO BA'I MGON, ,DAD LDAN GDUL BYAS SNYING NAS GSOL BTAB MTHUS, ,ZHABS ZUNG BSKAL BRGYAR G-YO BA MED PAR SHOG ,CES PA 'DI NI THANG SAG DGA' LDAN CHOS 'KHOR GYI TSOGS 'DON GYI CHED DU 'DI LTA BU ZHIG DGOS ZHES

, ,BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,BLO GROS BZANG PO'I YAL 'DAB RAB RGYAS SHING, ,BSLAB GSUM SPYOD PA'I DRI BSUNG PHYOGS BRGYAR 'PHRO, ,SKU GSUM YE SHES 'BRAS BU G-YUR ZA BA'I, ,RJE BTZUN BLA MA'I ZHABS LA GSOL BA 'DEBS, ,BLA MA YI DAM THUGS RJE'I BYIN RLABS DANG, ,BSTAN SRUNGS DAM CAN RGYA MTSO'I MTHU STOBS KYIS, ,DPAL LDAN BLA MA BSKAL BRGYAR ZHABS BRTAN CING, ,'PHRIN LAS DBYAR MTSO BZHIN DU 'PHEL BAR SHOG ,BDAG GIS DUS GSUM BSAGS PA'I RNAM DKAR DANG, ,DANG BA'I YID KYIS GSOL BA BTAB PA'I MTHUS, ,SKYE ZHING SKYE BAR BLO BZANG YE SHES KYIS, , 'BRAL MED DGYES BZHIN RJES SU 'DZIN PAR SHOG ,CES PA 'DI NI RAB 'BYAMS PA BLO BZANG NYI MAS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,BDAG GI DUS GSUM BSAGS PA'I LEGS BYAS DANG, ,DPAL LDAN BLA MAR RTZE GCIG GSOL BTAB MTHUS, ,DENG NAS YANG SRID SKYE PA THAMS CAD DU, ,MGON PO KHYOD KYI 'KHOR DU SKYE BAR SHOG ,DER NI RGYAL BA'I BSTAN LA RAB ZHUGS TE, ,DAD BRTZON SHES RAB YID GZHUNGS RGYAN GYIS SPRAS, ,'CHAD RTZOD RTZOM PAS RGOL NGAN TSAR GCOD CING, ,SDIG PA'I GROGS PO'I DBANG DU MI 'GYUR SHOG ,NGES 'BYUNG BYANG CHUB SEMS KYIS RGYUD SBYANGS SHING, ,MTHA' BRAL ZAB MO'I DON LA NGES PA

RNYED, ,RIM GNYIS LAM GYI RTOGS PA MTHAR PHYIN TE, ,ZUNG 'JUG BDE BA CHEN PO'I SKU THOB SHOG ,CES PA 'DI NI DGE SLONG BLO BZANG CHOS 'PHEL GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL ` NA MO GU RU MU NI AINDR'A YA, RJE BTZUN BLA MA BLO BZANG YE SHES LA, ,SNYING NAS GUS PAS GSOL BA BTAB PA'I MTHUS, ,SKYE BA KUN TU 'BRAL MED RJES 'DZIN CING, ,THEG MCHOG CHOS KYI DPAL LA LONGS SPYOD SHOG ,CES PA 'DI NI RGYAL PO DBANG PHYUG GIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,BLO LDAN SKAL BZANG GDUL BYA'I MGON GYUR CING, ,YE SHES SNANG BAS MA RIG MUN PA SEL, ,BSTAN PA'I RGYAL MTSAN 'DZIN PA'I MCHOG GYUR PA, ,DPAL LDAN BLA MA'I ZHABS LA GSOL BA 'DEBS, ,PHYAG DRUG LAS MGON DPAL LDAN RE MA TI, ,NGAL BSOS DREGS PA LCAM SRING MTHU STOBS KYIS, ,DPAL LDAN BLA MA'I ZHABS PAD BSKAL BRGYA'I BAR, ,G-YO MED RDO RJE LTA BUR BRTAN PAR SHOG ,BDAG GI SGO GSUM RNAM DKAR DGE BA'I MTHUS, ,BKA' DRIN GSUM LDAN RJE BRTZUN BLA MA YIS, ,'DI PHYI BAR DO GSUM DU RJES BZUNGS TE, ,SKU GSUM GO 'PHANG MYUR DU THOB PAR SHOG ,CES PA 'DI NI PAR PA BLO BZANG DAR RGYAS KYIS BSKUL BA'I NGOR CHOS SMRA BA'I BCUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG, ,RGYAL KUN YAB GCIG RJE BTZUN

, ,'JAM DBYANGS DANG, ,DBYER MED BLO BZANG YE SHES DPAL BZANG POR, ,BYANG CHUB SNYING PO'I BAR DU GSOL 'DEBS NA, ,BSKAL BRGYAR MYA NGAN MI 'DA' BZHUGS SU GSOL, ,MI 'DOD SDUG BSNGAL MTHA' DAG 'BYUNG BA'I GZHI, ,RANG NYID GCES PAR 'DZIN PA'I GCOD NAS 'DI, ,BDAG GZHAN BRJE BA'I BYANG CHUB SEMS MCHOG GIS, ,TSE 'DI NYID LA DRUNGS NAS 'BYIN PAR SHOG ,GNAS LUGS JI BZHIN RTOGS PA'I SHES RAB KYIS, ,MTHAR LTA'I BRAG RI MA LUS GZHOM BYED CING, ,DKAR NAG LAS 'BRAS TSUL LA YID CHES NAS, ,SDIG SPONG DGE BA SGRUB PAR BYIN GYIS RLOBS, ZHES PA 'DI NI RGOD TSANG BLA MA BKRA SHIS RNAM RGYAL GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, BLO BZANG MKHYEN PA'I YE SHES RAB RGYAS PAS, ,GDUL BYA'I YID KYI MUN PA SEL MDZAD CING, ,THUB BSTAN PAD TSAL BZHAD PA'I DPAL YON TAN, ,DPAL LDAN BLA MA'I ZHABS LA GSOL BA 'DEBS, ,NGAG GI DBANG PHYUG BLO BZANG GRAGS PA'I BSTAN, ,'DZIN MKHAS MDO SNGAGS YON TAN KHUR GYIS BRJID, ,YE SHES RNAM PAR DAG PAS RGYUD PHYUG PA'I, ,YONGS 'DZIN DAM PA'I ZHABS LA GSOL BA 'DEBS, ,NGAG GI DBANG PHYUG MKHAS MANG DGE 'DUN GTZO, ,MDO SNGAGS GZHUNG LUGS 'CHAD PA'I RNAM DPYOD KYIS, ,BLO GSAL YID LA DGA' BA BSKYED MDZAD PA'I, ,BSHES GNYEN BZANG PO'I ZHABS LA GSOL BA 'DEBS, ,

BSLU MED BLA MA YI DAM BYIN RLABS DANG, ,BSTAN SRUNGS DAM CAN RGYA MTSO'I MTHU STOBS DANG, ,DAD LDAN GDUL BYAS RTZE GCIG GSOL BTAB MTHUS, ,RJE BTZUN BLA MA BSKAL BRGYAR ZHABS BRTAN SHOG ,BDAG SOGS DENG NAS TSE RABS THAMS CAD DU, ,MTHO RIS YON TAN RGYAN DANG MI 'BRAL ZHING, ,MKHA' LTAR YANGS PA'I RNAM DPYOD BZANG PO YIS, ,THUB BSTAN MI NUB RING DU 'DZIN PAR SHOG ,CES PA 'DI NI SHEL DKAR CHOS SDE SPYI SOS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, GNYIS MED GSUNG PA'I GZHAL GYI BUM BZANG LAS, ,LEGS PAR 'ONGS PA'I MDO SDE KUN GYI MCHOG ,SANGS RGYAS SKU TSE'I TSAD LA MTHA' MED KYANG, ,THABS LA MKHAS PAS RING BSREL BZHAG TSUL DANG, ,STON PA SNGON DUS KHYI'U CHU 'BEBS SU, ,GYUR TSE KHRI KHRAG NYA YI TSOGS RNAMS NI, ,SANGS RGYAS RIN CHEN GTZUG TOR CAN GYI MTSAN, ,BRJOD TSE DUD 'GRO'I SKYE GNAS LAS GROL TE, ,SUM CU RTZA GSUM LHA YI LUS THOB DANG, ,BYANG CHUB SEMS DPAS STAG MOR LUS SBYIN TSUL, ,RMI LAM GSER GYI RNGA SGRA'I TSIGS BCAD LAS, ,BYUNG BA'I SDIG PA'I RNAM GRANGS BSHAGS PA'I THABS, ,DBYANGS CAN SPOBS PA CAN GYI SGRUB THABS DANG, ,SHES RAB BLO 'PHEL MAN NGAG ZAB MO DANG, ,NOR LHA MANG PO'I RAS BRIS LA BRTEN NAS, ,LONGS SPYOD 'DOD DGU SPYI 'DOD SGRUB PA'I THABS, ,GSER 'OD DAM PA MCHOG TU RNAM RGYAL DANG, ,DAM CHEN DAM CHUNG GNYIS SU YONGS GRAGS

, ,PA'I, ,MDO SDE'I DBANG PO CHE CHUNG RNAM GNYIS DANG, ,BYA RGYUD DE BZHIN GSHEGS PA'I RIGS KYI YUM, ,STONG CHEN RAB 'JOMS RMA BYA CHEN MO DANG, ,SOR 'BRANG BSIL TSAL GSANG SNGAGS RJES 'DZIN TE, ,MCHOG TU BYIN RLABS CHE BA'I LHA MO LNGA'I, ,GZUNGS CHEN GRVA LNGA'I CHOS SBYIN SPEL SLAD DU, ,BKRA SHIS DGE MTSAN DPAL GYIS RAB MDZES SHING, ,LHUN PO LTAR BRTAN GTZANG STOD CHOS GRVA CHER, ,LHAG BSAM RNAM PAR DAG PAS PAR DU BSGRUBS, ,DE YI MTHU LAS RGYAL BA'I BSTAN PA SPYI, ,MI NUB YUN RING DAR ZHING RGYAS PA DANG, ,'JAM MGON CHOS KYI RGYAL PO TZONG KHA PA'I, ,BSTAN LA GNOD BYED BAR CHAD MYUR ZHI NAS, ,BSAM DON GEGS MED YID BZHIN 'GRUB PA DANG, ,DPAL LDAN BLA MA ZHABS PAD BRTAN PA DANG, ,BSTAN PA'I SBYIN BDAG DANG STOBS MNGA' THANG CHE, ,PHAN TSUN BYAMS PA'I SEMS KYIS RGYUD PHYUG CING, ,GNAS SKABS TSE RING NAD MED BDE SKYID SHOG, MANG+GALAm,, ` BHYOO: MA GCIG DPAL LDAN LHA MO 'KHOR BCAS LA, ,LHA RDZAS SNA LNGA'I SNYAN SHAL 'DI PHUL BAS, ,RIN CHEN RTZE PA MI NOR 'KHOR BCAS KYI, ,'GAL RKYEN BAR CHAD THAMS CAD ZHI BA DANG, ,BSAM DON YID BZHIN 'GRUB PA'I 'PHRIN LAS MDZOD,, ` CHOS SKYONG SPYI LA, RGYAL BA'I BSTAN SRUNGS CHEN PO KHYED RNAMS LA, ,LHA RDZAS GANGS RI'I MDANGS LDAN 'DI PHUL BAS, ,RIN CHEN RTZE BA DPON G-YOG 'KHOR BCAS KYI, ,YID LA GCAGS PA'I BSAM DON 'GRUB PA LA, ,'PHRIN LAS RNAM BZHI RTAG TU G-YEL

MED MDZOD, CES PA 'DI NI SDE PA RIN CHEN RTZE BA LEGS LDAN DON GRUB KYIS 'DOD GSOL 'DI LTA BU ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL,, ` AOm SVASTI, BLO BZANG RGYAL BA'I BSTAN LA RAB BYUNG STE, ,NGAG DBANG 'JIGS PA MED PA'I RNAM DPYOD KYIS, ,BLO GSAL MKHAS MANG TSOGS RNAMS TSIMS MDZAD PA'I, ,RJE BTZUN SPRUL PA'I SKU LA GSOL BA 'DEBS, ,MCHOG GSUM BSLU MED RGYAL BA'I BYIN RLABS DANG, ,DRANG SRONG SMON LAM GRUB PA'I BDEN TSIG GIS, ,BLO BZANG NGAG DBANG 'JIGS MED SPRUL PA'I SKU, ,MKHAS BTZUN BZANG PO'I MDZAD PA MTHAR PHYIN SHOG ,DPAL LDAN YE SHES MGON PO PHYAG DRUG PA, ,PHYI NANG GSANG GSUM DAM CAN CHOS KYI RGYAL, ,DPAL LDAN DMAG ZOR RGYAL MO'I MTHU STOBS KYIS, ,RGYAL BA'I SRAS BO SKAL BRGYAR ZHABS BRTAN SHOG ,CES PA 'DI NI RGYAL SRAS ZHI BA LHA'I SPRUL SKU RIN PO CHE BLO BZANG NGAG DBANG 'JIGS MED KYI GSOL 'DEBS ZHABS BRTAN DU SPRUL PA'I SKU NYID KYI ZHABS 'BRING PA NGAG DBANG BSTAN 'DZIN GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` BHYOO: DUS GSUM RGYAL BA'I YUM GCIG DBYANGS CAN MA, ,MA LUS BSTAN PA'I 'PHRIN LAS SGRUB SLAD DU, ,SRID GSUM BDAG MO'I SKUR BSTAN RE MA TI, ,RTEN THUGS 'DI LA DGYES BZHIN RTAG BZHUGS NAS, ,'JAM MGON CHOS KYI RGYAL PO TZONG KHA PA'I, ,BSTAN DANG BSTAN 'DZIN KUN LA DAD STOBS CAN, ,SE CHES

, ,THA'I JI MI NOR 'KHOR BCAS RNAMS, ,GZHIS BYES KUN TU 'BRAL MED BU BZHIN SKYONGS, ,KHYAD PAR DU YANG DPON G-YOG 'DI DAG LA, ,LOG PAR 'KHU BA'I MI DANG MI MIN GYI, ,BSAM SBYOR NGAN PA'I NYER 'TSE KUN ZHI NAS, , TSE RING NAD MED BSAM DON YID BZHIN SGRUBS,, BKRA SHIS,, ` AOm SVA STI, MCHOG GSUM BSLU MED DAM PA'I BYIN RLABS DANG, ,DAD LDAN GDUL BYAS RTZE GCIG GSOL BTAB MTHUS, ,BLO BZANG BSTAN PA'I RGYAL MTSAN SPRUL PA'I SKU, , SLAR YANG ZHING 'DIR MYUR DU 'BYON PAR SHOG ,CES PA 'DI NI DGON KLUNG RI KHROD KYI SUm BHA RAB 'BYAMS PAS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` NA MO GU RU MANYDZU GHO sh'A YA, 'DIR RTA MGRIN YANG GSANG LHA DGU LA MCHOD GTOR 'BUL BA'I TSUL NI RANG RTA MGRIN GYI NGA RGYAL DANG GSAL SNANG BRTAN PO DANG LDAN BZHIN PA'I NGANG NAS, HR'I:KA DAG LHAN SKYES BDE CHEN ROL PA LAS, ,DAM RDZAS SPYAN GZIGS MCHOD GTOR BSAM MI KHYAB, DNGOS SU BSHAMS DANG YID KYIS SPRUL PA YIS, ,MTHA' YAS ZHING KUN YONGS SU GANG GYUR CIG ,DMAR NAG GRU GSUM 'BAR BA'I KLONG DKYIL NAS, ,YANG GSANG LHA DGU LAS BYED GING CHEN LNGA, ,GZA' GDONG BEG TZE LCAM SRING GRI THOGS BRGYAD, ,YUL LHA GZHI BDAG 'KHOR BCAS GNAS 'DIR SPYON, ,RTZA RGYUD BLA MA YANG GSANG LHA DGU DANG, ,ZHI KHRO GNAS GSUM DPA' BO MKHA' 'GRO'I TSOGS, ,'KHOR DANG BCAS LA GUS PAS RAB BTUD NAS, ,DGYES PA BSKYED

PHYIR MCHOD SPRIN RGYA MTSOS MCHOD, ,BDAG CAG NYON MONGS BAG MED DBANG GYUR PAS, ,BLA MA YI DAM BSRUNG MA'I TSOGS RNAMS KYI, ,SKU GSUNG THUGS DANG 'GAL BA CI BGYIS PA, ,SNYING NAS BSHAGS SHING TSANGS PA STZAL DU GSOL, , MTSAMS SPRIN LA 'KHU G-YAG ROG RTA MCHOG DANG, ,BYA KHYI LCE SPYANG BLA MED RTEN MCHOG 'DI, ,RTZA RGYUD BLA MA PADMA KHRO RGYAL DANG, ,GZA' RGOD BEG TZE LCAM SRID THUGS DAM BSKANGS, ,THUGS DAM SKONGS SHING NYAMS CHAGS SES GYUR NAS,, MKHAS MANG BYES PA GRVA TSANG DPON SLOB KYI, ,CHOS MTHUN BYA BA YID BZHIN 'GRUB PAR MDZOD, ,DAM NYAMS BSGRAL BA'I SHA KHRAG GTOR TSOGS DANG, ,RAKTA SMAN BUD GSER SKYEMS MCHOD PA 'DI, ,PADMA YANG GSANG CHOS SKYONG 'KHOR BCAS LA, ,DAD PAS 'BUL LO BRTZE BAS DGYES BZHIN BZHES,, HR'I: SNANG MTHA'I MGON PO'I THUGS KYI KLONG YANGS NAS, ,MI MIN 'BYUNG PO'I CHO 'PHRUL GZHOM PA'I PHYIR, ,GAR DGU'I NYAMS LDAN KHRO RGYAL SKUR BZHENGS PA, ,RTA MGRIN LHA TSOGS 'KHOR BCAS BSTOD PAR BGYI, ,BSTAN DGRA MA LUS THAL BAR BRLAG BYED CING, ,BSTAN 'DZIN TSUL BZHIN SKYONG BA'I R'A HU LA, ,DREGS PA LCAM SRING LAS MKHAN SROG BDAG DMAR, ,GRI THOGS BSHAN PA'I TSOGS LA BSTOD PAR BGYI, , RGYAL BA KUN GYI MKHYEN RTZE GCIG BSDUS PA, ,'JAM MGON BLA MA BLO BZANG GRAGS PA YI, ,MDO SNGAGS BSTAN PA'I BSHAD SGRUB BYA BA RNAMS, ,DBYAR MTSO LTA BUR RGYAS PA'I 'PHRIN LAS MDZOD, ,'PHAGS MCHOG SPRUL PA'I GAR GYIS

, ,ROL MDZAD PA'I, ,NGAG DBANG YE SHES RGYA MTSO DPAL BZANG PO, ,BRTZON MDZAD BSTAN 'DZIN CHOS RGYAL ZHABS BRTAN CING, ,CHOS SRID MNGA' THANG RGYAS PA'I 'PHRIN LAS SGRUBS, ,KHYAD PAR MKHAS MANG BRGYA KHRAG 'DU BA'I GNAS, ,BYES PA GRVA TSANG DPON SLOB 'KHOR BCAS LA, ,SDANG DGRA'I BSAM SBYOR NGAN BA ZHI BA DANG, ,'CHAD RTZOD RTZOM LA NAM YANG G-YEL MED SHOG ,CES PA 'DI NI SER BYES KYI SLOB DPON PA BLO BZANG NOR BUS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,BSLAB GSUM YAL 'DAB RGYAS BA'I DPAG BSAM SHING, ,LEGS BSHAD 'BRAS BU'I KHUR GYIS RAB BRJID CING, ,TSUL KHRIMS RNAM DAG DRI BSUNG 'PHRO BA CAN, ,RJE BTZUN BLA MA'I ZHABS LA GSOL BA 'DEBS, ,DENG NAS BZUNGS TE SKYE BA THAMS CAD DU, ,BLO BZANG YE SHES SPYAN GYIS BCA' BA DANG, ,GSUNG GI BDUD RTZI NGOMS MED LEGS 'THUNGS TE, ,YANG DAG LAM GYI RTOGS PA MTHAR PHYIN SHOG ,CES PA 'DI NI DAR KHAN AER KHE GSOL DPON GYIS BSKUL BA LA BRTEN NAS SH'AKYA'I BTZUN PA BLO BZANG YE SHES KYIS SMRAS PA DGE LEGS 'PHEL BAR GYUR CIG, MANG+GALAm,, ` AOm SVASTI, RGYAL BA'I YUM GCIG SHES RAB PHA ROL PHYIN, ,STONG PHRAG BRGYA PA BZHENGS PA'I RNAM DKAR MTHUS, ,LO PA NANG PA DPON G-YOG 'KHOR BCAS KYI, ,GNAS SKABS MTHAR THUG BSAM DON 'GRUB PAR SHOG ,CES PA 'DI NI LO PA NANG PAS 'BUM

BZHENGS PA'I DGE RTZA RDZOGS BYANG DU BSNGO THABS 'DI LTA BU ZHIG DGOS ZHES BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,MDUN DU SENG KHRI PAD ZLA NYI DKYIL STENG, , DRUG PA RDO RJE 'CHANG DANG DBYER MED PA'I, ,SKYABS GSUM KUN 'DUS DPAL LDAN BLA MA NI, ,GSUM LDAN RDO RJE 'DZIN PA'I DGE SLONG TSUL, ,SKU MDOG DKAR GSAL BRJID PA'I NYAMS LDAN ZHING, ,CHOS GOS GSUM MNABS GSER MDOG ZHVA YIS MDZES, ,PHYAG G-YAS CHOS 'CHAD G-YON PA MNYAM GZHAG STENG, ,BDUD RTZIS YONGS GANG TSE Yi BUM BZANG BSNAMS, ,RTZA RGYUD BLA MA YI DAM CHOS SRUNGS DANG, ,GNAS GSUM DPA' BO DPA' MO RNAL 'BYOR MA, ,SPYAN 'DREN MCHOD PA'I GNAS 'DIR LEGS BZHUGS GSOL, ,MCHOD TSOGS KUN 'BUL SDIG LTUNG MA LUS BSHAGS, ,'GRO LA CHOS 'KHOR RGYUN MI 'CHAD PA DANG, ,DNGOS GRUB CHAR BZHIN 'BEBS LA RTAG ROL TE, ,BSKAL BRGYAR MYA NGAN MI 'DA' GSOL BA 'DEBS, ,RNAM DKAR DGE TSOGS BYANG CHUB CHEN POR BSNGO, ,BLO BZANG RGYAL BA GNYIS PA'I MDO SNGAGS KYI, ,DRI MED CHOS TSUL DGONGS DON 'BYED PA LA, ,MKHAS MANG DBUS NA MNGON PAR RAB BRJID PA'I, ,RJE BTZUN BLA MA'I ZHABS LA GSOL BA 'DEBS, ,DKON MCHOG RIN CHEN RNAM GSUM BYIN RLABS DANG, ,DKAR PHYOGS DGE BA'I LHA DANG BSRUNG MA'I MTHUS, ,'JAM MGON BSTAN PA'I DPAL GYUR BLA MA YI, ,ZHABS KYI PADMO BSKAL BRGYAR BRTAN PAR SHOG,

, ,DE LTAR GSOL BA BTAB PAS DGYES BZHIN DU, ,SPYI BOR LEGS BYON RANG DANG RO GCIG TU, ,THIM NAS BYIN RLABS BDUD RTZI DKAR DMAR GYI, ,RNAM PAR ZHU NAS LUS KYI NANG GANG BAS, ,ZAG MED BDE CHEN RGYUN CHAD MED PA YI, ,MCHOG THUN DNGOS GRUB 'DOD DGU STZOL BA DANG, ,RIM GNYIS ZA BA MO'i YON TAN MTHAR PHYIN TE, ,ZUNG 'JUG RDO RJE 'CHANG DBANG MYUR THOB SHOG ,CES PA 'DI NI RJE BTZUN MA BLO BZANG SGROL MAS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVA STI, BLO BZANG RGYAL BA'I BSTAN PA RIN PO CHE, ,PHYOGS DUS KUN TU 'DZIN SKYONG SPEL BA LA, ,BKRA SHIS BZANG PO'I SMON LAM MTHA' BTZAN PA'I, ,DPAL LDAN BLA MA'I ZHABS LA GSOL BA 'DEBS, ,BLO GROS RNAM DPYOD YAL 'DAB RAB RGYAS SHING, ,MKHAS BTZUN BZANG PO'I DRI BSUNG MNGON 'PHRO BAS, ,RNAM MANG GDUL BYA'I YID RAB TSIM MDZAD PA'I, ,'PHRIN LAS BZANG PO'I ZHABS LA GSOL BA 'DEBS, ,BLO CHEN RNAM DPYOD LUS STOBS RAB RGYAS SHING, ,BSLAB GSUM LUNG RTOGS YON TAN KHUR GYIS BRJID, ,RGOL NGAN 'DAM BU'I TSAL RAB 'JOMS MDZAD PA'I, ,YONGS 'DZIN BSHES GNYEN DAM PAR GSOL BA 'DEBS, , BSLU MED BLA MA YI DAM DKON MCHOG GSUM, ,YE SHES MGON PO MA HE'I ZHAL CAN DANG, ,SRID GSUM BDAG MO'I MTHU RTZAL NUS PA YIS, ,RGYAL BA'I BSTAN 'DZIN SRID MTHAR ZHABS BRTAN SHOG ,DRANG SRONG RIG SNGAGS 'CHANG BA'I

BDEN TSIG DANG, ,MTHA' YAS GDUL BYAS RTZE GCIG GSOL BTAB PAS, ,DPAL LDAN BLA MA BSKAL PA RGYA MTSO'I BAR, ,RAB BRTAN 'PHRIN LAS RGYAS PA'I BKRA SHIS SHOG ,CES PA 'DI NI DHA LAS HO THUG THU BLO BZANG BKRA SHIS KYI GSOL 'DEBS ZHABS BRTAN DU DBON PO DANG GRVA RIGS SPYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, 'JAM MGON BLO BZANG GRAGS PA'I MDO SNGAGS GZHUNG, ,YE SHES SPYAN GYIS GZIGS PA'I RNAM DPYOD CAN, ,RNAM DAG BSLAB GSUM YON TAN GYIS PHYUG PA'I, ,RJE BTZUN BLA MA'I ZHABS LA GSOL BA 'DEBS, ,BLO BZANG LUNG RTOGS DKYIL 'KHOR RAB RGYAS SHING, ,MKHYEN PA'I YE SHES 'OD STONG 'PHRO BA YIS, ,SKAL LDAN YID DBANG GSAL BAR MDZAD PA PO, ,DPAL LDAN BLA MA'I ZHABS LA GSOL BA 'DEBS, ,BLO BZANG RGYAL BA'I GZHUNG LUGS MA LUS PA, ,'DZIN MKHAS BSTAN PA NYIN MOR BYED PA'I MGON, ,BAG YOD TSUL KHRIMS DRI BSUNG NGANG LDANG BA'I, ,YONGS 'DZIN DAM PA'I ZHABS LA GSOL BA 'DEBS, ,RMAD BYUNG DKON MCHOG RNAM GSUM BYIN RLABS DANG, ,ZHVA SER BSTAN SRUNGS DAM CAN RGYA MTSO'I MTHUS, ,BSTAN 'DZIN SKYES BU RNAMS KYI ZHABS BRTAN CING, ,'PHRIN LAS DBYAR MTSO BZHIN DU 'PHEL BAR SHOG ,DE LTAR DANG BA'I YID KYIS GSOL BTAB PAS, ,SKYE BA KUN TU DPAL LDAN BLA MA YIS, ,RJES BZUNGS THEG PA MCHOG GI DGA' STON LA, ,NAM YANG NGOMS PA MED PAR

, ,SPYOD PAR SHOG ,CES PA 'DI NI BRAG YAG PHYAG MDZOD KYIS BSKUL BA'I NGOR, CHOS SMRA BA'I BTZUN PA BLO BZANG YE SHES KYIS SMRAS PA'O,, BKRA SHIS,, ` AOm BDE LEGS SU GYUR CIG ,BDE MCHOG DKAR PO LA BRTEN PA'I BLA MA'I RNAL 'BYOR BYA BA'I TSUL NI, SKYABS 'GRO SEMS BSKYED TSAD MED BZHI SGOM PA SNGON DU BTANG NAS, RANG GI SPYI BOR PADMA NYI DKYIL STENG, ,SKYABS GSUM KUN 'DUS RTZA BA'I BLA MA DANG, ,DBYER MED DPAL LDAN 'KHOR LO SDOM PA NI, ,ZHAL GCIG PHYAG GNYIS BUM PA DMAR PO BSNAMS, ,DE YI PANG NA RDO RJE RNAL 'BYOR MA, ,SKU MDOG DMAR PO KA P'A LA BZUNGS NAS, ,YAB YUM SNYOMS PAR ZHUGS PA'I TSUL GYIS BZHUGS, ,YI GE GSUM MTSAN H'Um YIG 'OD ZER GYIS, , RANG BZHIN GNAS NAS SANGS RGYAS BYANG SEMS DANG, ,DPA' BO MKHA' 'GRO BSRUNG MAS YONGS BSKOR TE, ,SPYAN DRANGS DAM TSIG PA DANG RO GCIG GYUR, ,ZHING KUN RDUL GYI GRANGS DANG MNYAM PA YI, ,RANG LUS DPAG TU MED PA YONGS SPRUL TE, ,DPAL LDAN HE RU KA DPAL LHA TSOGS LA, ,SGO GSUM DANG BA'I YID KYIS PHYAG BGYI'O, ,PHYI NANG GSANG BA'I MCHOD TSOGS MA LUS 'BUL, ,NYES LTUNG CI BGYIS SPYAN SNGAR MTHOL ZHING BSHAGS, ,RNAM DKAR DGE LA RTAG TU YI RANG ZHING, ,CHOS 'KHRO BSKOR PHYIR BSKAL BRGYAR BZHUGS SU GSOL, ,RANG GZHAN DUS GSUM RNAM DKAR PHUNG PO RNAMS, ,THOGS MED DUS NAS DRIN GYIS BSKYANGS PA YI, ,MKHA' MNYAM MAR GYUR SEMS CAN THAMS CAD KYIS,,

RDZOGS PA'I BYANG CHUB THOB PA'I RGYU RU BSNGO, DE NAS, GANG LA BRTEN NA 'CHI MED BDE CHEN GNAS, ,TSE 'DI NYID LA NGES PAR STER MDZAD PA, ,BLA MA LHAG PA'I LHA MCHOG BDE BA CHE, ,KHYOD ZHABS PADMOR GUS PAS GSOL BA 'DEBS, ZHES DANG, SKYABS GSUM MA LUS 'DUS PA'I NGO BO BLA MA 'KHOR LO BDE MCHOG LA GSOL BA 'DEBS, ZHES SOGS LAN GANG MANG GSOL BA BTAB PAS BLA MA 'KHOR LO BDE MCHOG DGYES BZHIN DU RANG NYID LA THIM PAS RANG NYID 'KHOR LO BDE MCHOG YAB YUM DU GYUR PA'I SNYING KHAR 'CHI MED TSE'I BDUD RTZIS GANG BA'I BUM PA'I DBUS SU RDO RJE DKAR PO RTZE LNGA PA'I LTE BAR ZLA GDAN LA RANG GI SEMS NYID H'Um YIG DKAR PO'I MTHAR AOm HR'I:HA HA H'Um H'Um PHAt PHAt TSE LA SRUNGS SHIG SV'AH'A, ZHES PA'I SNGAGS G-YON BSKOR DU BSKOR BA LA DMIGS NAS BZLAS PA CI 'GRUB BYAS PA'I MTHAR SNOD BCUD KYI YON TAN THAMS CAD 'CHI MED KYI TSE'I BDUD RTZIR ZHU NAS RANG YAB YUM DU GSAL BA LA THIM, RANG YAB YUM DU GSAL BA BUM PA LA THIM, BUM PA RDO RJE LA THIM, DE YANG SNGAGS 'PHRENG H'Um DANG BCAS PA LA THIM, H'Um YIG KYANG 'OD GSAL DU THIM PA LA RTZE GCIG TU MNYAM PAR BZHAG ,'OD GSAL GYI NGANG NAS RANG NYID HE RU KA YAB YUM GYI RNAM PAR BZHENGS PAR MOS NAS, DGE BA 'DI YIS MYUR DU BDAG, 'KHOR LO SDOM PA GRUB GYUR NAS ZHES SOGS BSNGO BA SMON LAM BKRA SHIS KYIS BRGYAN PAR BYA'O, ZHES PA 'DI NI SKU 'BUM DKA' BCU PA NGANG DBANG BLO GROS KYIS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,SKAL BZANG DANG PO'I

, ,SANGS RGYAS 'KHOR BA 'JIG ,AINDRA BH'U TI A'AR+YA DE BA'I ZHABS, ,'GRO BA'I MGON PO RDO RJE RGYAL PO SOGS, ,NGO MTSAR SKYES RABS LDAN LA GSOL BA 'DEBS, ,'JAM MGON CHOS KYI RGYAL PO TZONG KHA PA'I, ,DRI MED RING LUGS BSTAN PA'I SGRON ME CHE, ,MTHA' 'KHOB MUN PA'I GLING DU SBOR MDZAD PA'I, ,DPAL LDAN 'PHAGS PA LTA LA GSOL BA 'DEBS, ,RIM GNYIS TING 'DZIN RTZAL LA DBANG 'BYOR PAS, ,GRUB PA'I MTSAN MA GSAL POR STON PA DANG,, CHOS SKYONG BSRUNG MAS 'PHRIN LAS SGRUB MDZAD PA'I, ,'PHAGS PA SANGS RGYAS ZHABS LA GSOL BA 'DEBS, ,SNGON NAS TSOGS GNYIS RGYA CHEN YONGS RDZOGS PAS, ,DREGS LDAN RGYAL POS GTZUG GIS GUS MCHOD LA, ,SPYAN RAS GZIGS DBANG DNGOS SU BSTAN PA YI, ,MTHONG BA DON LDAN ZHABS LA GSOL BA 'DEBS, ,ZHI KHRO RAB 'BYAMS MKHA' 'GRO'I ZHAL GZIGS SHING, ,LOG PAR 'KHU BA'I LTA GRUB NGAN PA'I TSOGS, ,MNGON SPYOD DRAG POS MA LUS TSAR GCOD PA'I,, 'PHAGS PA CHOS KYI RGYAL POR GSOL BA 'DEBS, ,GZHON NU NYID NAS DAG PA'I SNANG BA GZIGS, ,BSOD NAMS LHUN GYIS GRUB PA'I DGE LEGS KYI, ,BSTAN PA 'DZIN SKYONG SPEL BA'I 'PHRIN LAS CAN, ,RGYAL BA RGYA MTSO'I ZHABS LA GSOL BA 'DEBS, ,NAM YANG BSLU BA MED PA'I DKON MCHOG GI ,THUGS RJE CHAD MED DRANG SRONG BDEN TSIG GIS, ,RGYAL BA'I BSTAN 'DZIN RGYAL BA 'PHAGS PA LHA, ,SKU TSE BRTAN CING 'PHRIN LAS RGYAS PAR SHOG ,CES PA 'DI NI 'PHAGS

PA RGYAL BA RGYA MTSO'I 'KHRUNGS RABS GSOL 'DEBS ZHABS BRTAN DANG BCAS PA ZHIG DGOS ZHES PHYAG MDZOD BLO BZANG BSTAN 'DZIN GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ,, ` AOm BDE LEGS SU GYUR CIG ,'DIR YANG RDO RJE 'JIGS BYED LA BRTEN PA'I BLA MA'I RNAL 'BYOR 'PHO BA DANG BCAS PA NYAMS SU LEN TSUL NI, SKYABS 'GRO SEMS BSKYED TSAD MED BZHI SGOM PA SNGON DU BTANG NAS, RANG NYID KHRO RGYAL 'JIGS MDZAD RDO RJE YI, ,NGA RGYAL GSAL SNANG BRTAN PO'I SNYING DBUS SU, ,GNAS PA'I DH'U T'I'I NANG DU RANG GI SEMS, ,YE SHES SEMS DPA'I NGO BO H'Um MTHING KHA, ,'TSER ZHING GSAL LA 'PHUR LA KHAD PAR BSAM, ,RANG GI SPYI BOR NYI MA'I GDAN STENG DU, ,RTZA BA'I BLA MA MCHOG DANG DBYER MED PA'I, ,RDO RJE 'JIGS BYED ZHAL PHYAG YONGS RDZOGS SKU, ,LEGS PAR BSGOMS NAS PHYAG 'TSAL MCHOD PA 'BUL, ,SDIG LTUNG KUN BSHAGS DGE LA RJES YI RANG, ,CHOS 'KHOR BSKOR PHYIR BSKAL PAR BZHUGS SU GSOL, ,'DIS MTSON DGE BA RDZOGS BYANG RGYU RU BSNGO, ,SKAD CIG DRAN PAS BAR CHAD KUN SEL ZHING, ,MCHOG DANG THUN MONG DNGOS GRUB STZOL MDZAD PA'I, ,SKYABS GSUM KUN 'DUS RDO RJE 'JIGS BYED LA, , SNYING NAS GSOL 'DEBS THUGS RJE'I LCAGS KYUS ZUNGS, ,RKYEN NGAN GNAD GCOD ZHI BAR BYIN GYIS RLOBS, ,BDUD DANG GSHIN RJE'I 'JIGS LAS BSKYAB TU GSOL, ,NGAN SONG MI KHOM GNAS LAS THAR BAR MDZOD, ,MKHA' SPYOD BDE

, ,BA CAN DU DRANG DU GSOL, CES GDUNG SHUGS DRAG POS GSOL BA MANG DU BTAB PA'I MTHAR BAR DO 'PHRANG SGROL GYI GSOL 'DEBS 'DUN BA DRAG POS BYAS PA'I MTHAR SPYI BO'I BLA MA'I THUGS KA'I H'Um YI GA LAS 'OD ZER LCAGS KYU LTA BU BYUNG RANG GI SPYI BO NAS ZHUGS SNYING KHA'I H'Um YIG LA BTAB STE YAR DRANGS NAS SPYI BO NAS 'THON BLA MA'I THUGS KAR SIB KYIS THIM, BLA MA RDO RJE 'JIGS BYED MKHA' SPYOD DANG BDE BA CAN SOGS GANG YANG RUNG BAR PHEBS, THUGS KA NAS 'THON ZHING GANG YANG RUNG BAR SKYE BA BLANGS PAR BSAM, SBYONG BA'I DUS SU RNAM SHES SPYI BO NAS RING DU MI 'DON BAR SLAR YANG SNYING KHAR GNAS BAR BSAM, DE LTAR SBYANGS BAS BLA MA RDO RJE 'JIGS BYED RANG NYID LA THIM PAS RANG NYID RDO RJE 'JIGS BYED DU GYUR BAR BSAMS LA BZLAS BCUNG ZAD BYAS LA BSNGO BA DANG SMON LAM GYIS RGYAS GDAB BAR BYA'O, ZHES PA 'DI NI MDZO DGE SKU SKYE NGANG DBANG DKON MCHOG BZANG POS BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS PA DGE LEGS 'PHEL,, , ` SVASTI, RGYAL GSUNG DRI MA MED PA 'GYUR RO COG ,RNYING MA'I RGYUD 'BUM GSUM DANG BCAS PA RNAMS, ,LEGS PAR BZHENGS NAS SPEN SER GRVA TSANG DU, ,LHAG BSAM DAG PAS PHUL BA'I DGE BA'I MTHUS, ,'GRO LA PHEN BDE MA LUS 'BYUNG BA'I GNAS, ,BSTAN PA'I RTZA LAG RGYAL BA YAB SRAS DANG, ,MCHOD YON ZHABS ZUNG BSKAL BRGYAR BRTAN PAR SHOG ,YAB MES GONG MA MGRON GNYER GU RU DANG, ,BLO BZANG TSE BRTAN LA SOGS 'KHOR BCAS RNAMS, ,DAL 'BYOR RTEN BZANG

MYUR DU THOB PAR SHOG ,DAD LDAN RAB BRTAN PHUN TSOGS RGYUD BCAS RNAMS, ,GNAS SKABS 'GAL RKYEN MI MTHUN NYER ZHI ZHING, ,RIGS RGYUD MNGA' THANG 'BYOR PA 'PHEL BA DANG, ,SNYAN GRAGS PHYOGS KYI 'KHOR LO 'GENGS PAR SHOG ,MKHAS MANG 'DU BA'I SBEN SER GRVA TSANG DU, ,BSLAB GSUM RNAM DAG DGE 'DUN 'PHEL RGYAS SHING, ,KHRIMS GTZANG THUGS MTHUN 'CHAD RTZOD RTZOM GSUM GYI, ,CHOS KYI RGYAL RNGA RGYUD MAR BRDUNG BAR SHOG, ` AOm BDE LEGS SU GYUR CIG ,MDUN GYI LHA LAM YANGS BA'I SENG KHRI'I STENG, ,CHU SKYES NYI ZLA'I DKYIL 'KHOR RGYAS PA'I DBUS, ,'JAM MGON BLA MA MCHOG DANG DBYER MED PA'I, ,BKA' DRIN GSUM LDAN RTZA BA'I BLA MA NI, ,SKU MDOG DKAR GSAL BRJID PA'I NYAMS LDAN PA'I, ,PHYAG G-YAS CHOS 'CHAD G-YON PA MNYAM GZHAG STENG, ,BRGYAD KHRI BZHI STONG CHOS PHUNG GLEGS BAM BSNAMS, ,GSER MDOG ZHVA MAN BAS RDO RJE SKYIL KRUNG BZHUGS, ,TING 'DZIN SNGAGS DANG PHYAG RGYAS LEGS SBRUL PA'I, ,PHYI NANG GSANG BA'I MCHOD SPRIN RGYA MTSO YIS, ,MTHA' YAS ZHING KUN GANG BAR YONGS 'BUL NA, ,DGYES SHING BZHES NAS MCHOG THUN DNGOS GRUB STZOL, ,DE NAS DMIGS BRTZE MA SKABS DANG BSTAN NAS CI MANG BZLA, ,TSUL KHRIMS RNAM DAG DPAG BSAM LJON PA'I RTZER, ,RIM GNYIS ZAB MO'I 'BRAS BU MNGON PAR BRJID, ,'PHRIN LAS DRI BSUNG PHYOGS BRGYAR 'PHRO BA YI, ,DPAL LDAN BLA MA'I ZHABS LA GSOL BA 'DEBS, ,BSLU MED BLA MA YI DAM BYIN RLABS DANG, ,BSTAN SRUNGS DAM CAN RGYA MTSO'I MTHU RTZAL GYIS,

, ,LHA MI'I SKYABS MGON RJE BTZUN BLA MA YI, ,ZHABS BAD RDO RJE'I KHRI LA G-YO MED SHOG ,DE LTAR SNYING NAS DAD PAS GSOL BTAB MTHUS, ,DAL 'BYOR RTEN THOB RGYAL BA'I BSTAN LA ZHUGS, ,THOS BSAM SGOM PA'I BYA BA MTHAR PHYIN TE, ,SKU GSUM GO 'PHANG MNGON DU 'GYUR BAR SHOG ,GNAS SKABS SU YANG RGYAL BA TZONG KHA PA'I, ,BSTAN PA MI NUB DAR ZHING RGYAS PA DANG, ,NAG PHYOGS BGEGS RIGS BAR CHAD MYUR ZHI NAS, ,BSAM DON GEGS MED 'GRUB PA'I BKRA SHIS SHOG ,CES PA 'DI NI CHOS SMRA BA'I BTZUN PA BLO BZANG YE SHES KYIS SMRAS PA'O,, ` AOm BDE LEGS SU GYUR CIG ,BSLU MED BLA MA YI DAM BYIN RLABS DANG, ,MTHU LDAN CHOS SKYONG BSRUNG MA'I MTHU STOBS KYIS, ,BSHES GNYEN CHEN PO NAM MKHA' BSAM GRUB KYI, ,SBRUL SKU'I ZLA BA GSAR PA MYUR TSES SHOG ,CES PA 'DI NI RA SGRENG YANG DGON SPYI SO DANG DBEN BO NAM MKHA' GRAGS PA NAM MKHA' DAR RGYAS RNAMS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,BSLAB GSUM RNAM DAG DRI BSUNG 'PHRO BA YIS, ,SHIN TU BTZUN ZHING BRTAN PA'I MCHOG GYUR PA, ,MANG THOS YON TAN BDUN GYIS PHYUG PA YI, ,GNAS BRTAN RAB 'BYOR ZHABS LA GSOL BA 'DEBS, ,BYANG PHYOGS SHAMBHALA YI GRONG KHYER CHER, ,NYI MA'I SHING RTA LA SOGS TSANGS PA RNAMS, ,DANG PO'I SANGS RGYAS RGYUD KYI RGYAL PO YIS, ,SMIN MDZAD 'JAM DPAL GRAGS LA GSOL BA 'DEBS, ,KLU SGRUB

LUGS BZANG RANG RGYUD SHING RTA'I SROL, ,'PHAGS YUL MKHAS BA'I MDUN SAR 'BYED PA YI, ,PHYOGS LAS RGYAL BA'I GRAGS PA'I GDUGS DKAR PO, ,BSGRENG MKHAS LEGS LDAN ZHABS LA GSOL BA 'DEBS, ,RJE BTZUN RNAL 'BYOR MA SOGS YI DAM LHAS, ,MNGON SUM LUNG BSTAN RDO RJE 'PHRENG BA SOGS, ,'BUM PHRAG LONGS PA'I GZHUNG BRTZAMS 'CHAD MKHAS PA'I, ,SLOB DPON AA BHY'A KA RAR GSOL BA 'DEBS, ,'PHAGS YUL PAn GRUB DU MA'I ZHABS GTUGS NAS, ,SKAD GNYIS PHUL DU BYUNG BA MKHYEN PA YIS, ,BSTAN BCOS BSGYUR MKHAS THAMS CAD MKHYEN PA CAN, ,'GOS LO SMRA BA'I DBANG POR GSOL BA 'DEBS, ,DAM CAN BSRUNG MAS SROG SNYING LEGS PHUL TE, ,TSUL BZHIN BKA' SGRUB GZHON NU'I DUS NYID NAS T'A RE NGAG TU BRJOD LA THOGS MED PA'I, ,CHOS RJES PAn ZHABS LA GSOL BA 'DEBS, ,GSANG SNGAGS RNYING MA'I GDAMS PA ZAB MO LA, ,BRTEN NAS MTHU YIS DBANG PHYOGS YUL GRU CHER, ,CHAR PHAB SKYE DGU BDE LA 'GOD MKHAS PA'I, G-YUNG STON RDO RJE DPAL LA GSOL BA 'DEBS, ,GUR MGON LCAM DRAL RU 'PHRENG SDE BZHI SOGS, ,CHOS SKYONG BSRUNG MAS TSUL BZHIN 'PHRIN LAS RNAMS, ,JI LTAR BKA' BSGOS SGRUB PAR KHAS BLANGS PA'I, ,MKHAS GRUB CHOS RJE'I ZHABS LA GSOL BA 'DEBS, ,LHA DANG BLA MA MKHA' 'GROS MTSAMS SBYAR TE, ,JO GDAN BSOD NAMS RIN CHEN ZHES BYA LAS, ,DUR SMRIG BLA GOS LEGS BZHES BSTAN PA'I SGOR, ,ZHUGS MDZAD BSOD NAMS PHYOGS GLANG GSOL BA 'DEBS, ,PADMA

, ,CAN LA SOGS PA'I SGRUB GNAS SU, ,YID MA MKHA' 'GRO CHOS SKYONG DPANG BTZUGS TE, ,SBRUL BA'I GLEGS BAM PHYAG TU LEGS GTAD PA'I, ,GRUB PA'I DBANG PHYUG ZHABS LA GSOL BA 'DEBS, ,YI DAM LHA DANG CHOS SKYONG BSRUNG MA YI, ,ZHAL GZIGS DNGOS SU RGYAL BA TZONG KHA PAS, ,BSTAN PA'I BDAG POR MNGA' GSOL THOS BSAM LA, ,BSKUL MDZAD BLO BZANG CHOS RGYAN GSOL BA 'DEBS, ,ZHVA SER BSTAN PA'I MKHAS MANG RGYA MTSO'I SDER, ,MDO SNGAGS 'CHAD RTZOD RTZOM PA'I BYA BA YIS, ,BLO BZANG RGYAL BA'I RING LUGS 'DZIN MKHAS PA'I, ,RJE BTZUN BLO BZANG YE SHES GSOL BA 'DEBS, ,MCHOG GSUM BSLU MED RNAMS KYI BYIN RLABS DANG, ,DKAR PHYOGS SKYONG BA'I LHA DANG BSRUNG MA'I MTHUS, ,SKYABS MGON MCHOG GI ZHABS PAD SRID MTHA'I BAR, ,NAM YANG MI NUB YUN RING BRTAN PAR SHOG ,CES PA 'DI NI DKA' CHEN BLO BZANG BZANG POS BSKUL BA'I NGOR, CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,BLO BZANG GRAGS BA'I BSTAN PA'I RGYAL MTSAN RTZER, ,BSLAB GSUM LUNG RTOGS YON TAN TOG GIS MDZES, ,THOS BSAM 'CHAD RTZOD RTZOM PA'I RI MO BKRA, ,YONGS 'DZIN DAM PA'I ZHABS LA GSOL BA 'DEBS, ,BSLU MED BLA MA YI DAM BYIN RLABS DANG, ,DAM CAN BSRUNG MA'I TSOGS KYI MTHU RTZAL GYIS, ,BLO BZANG BSTAN PA'I RGYAL MTSAN ZHABS BRTAN CING, ,CHOS LDAN BZHED PA LHUN GYIS GRUB PAR SHOG ,DE LTAR

RTZE GCIG GSOL BA BTAB PA'I MTHUS, ,TSE RABS KUN TU DPAL LDAN BLA MA YIS, ,NAM YANG 'BRAL MED RJES SU 'DZIN PA DANG, ,BKA' BZHIN SGRUB PA'I MCHOD PAS MNYES BYED SHOG ,CES PA 'DI NI SHANGS MKHA' SPYOD SGRUB SDE SPYI SOS BSKUL BA LTAR CHOS SMRA BA'I BTZUN PA BLO BZANG YE SHES KYIS SMRAS BA DGE LEGS 'PHEL,, ` SVASTI, BLO BZANG GRAGS BSTAN PAD TSAL BZHAD PA'I GNYEN, ,YE SHES SNANG BAS 'GRO BA'I MUN SEL ZHING, ,THUGS RJE'I DKYIL 'KHOR CHA SHAS YONGS RDZOGS PA, ,DPAL LDAN BLA MA YUN RING ZHABS BRTAN SHOG ,CES PA 'DI NI SNGAGS PA BLA SPYIS BSKUL BA LA BRTEN CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,TSUL KHRIMS YON TAN NOR GYIS RAB PHYUG CING, ,'CHAD RTZOD RTZOM PA'I SPOBS PA MNGON PAR MTHO, ,MCHOG THUN DNGOS GRUB MA LUS STZOL MDZAD PA'I, ,DPAL LDAN BLA MA'I ZHABS LA GSOL BA 'DEBS, ,MCHOG GSUM BSLU MED BDEN PA'I BYIN RLABS DANG, ,DAM CAN CHOS SKYONG BSRUNG MA'I MTHU STOBS KYIS, ,DAD LDAN GDUL BYAS RTZE GCIG GSOL BTAB MTHUS, ,SKYE DGU'I 'DREN PA G-YO MED BRTAN PAR SHOG ,LHAG BSAM DAG PAS DPAL LDAN BLA MA YI, ,YID 'ONG SNANG BRNYAN BZHENGS PA'I RNAM DKAR MTHUS, ,DPAL LDAN BLA MAS 'BRAL MED RJES 'DZIN CING, ,BSAM DON YID BZHIN 'GRUB PA'I BKRA SHIS SHOG ,CES PA 'DI NI MAN LUNG RI KHROD PA DKA' BCU BSOD NAMS YAR 'PHEL DANG DRUNG RAM PA NGAG DBANG SHES RAB

, ,GNYIS KYIS NGED RANG GI 'DRA' BA GA BZHENGS PA'I TSE 'DI LTA BU ZHIG DGOS ZHES BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, BSOD NAMS DBYAR GYI RNGAG SANGS SGRA, , PHYOGS BCUR BSGRAGS PA'I GRAGS PA CHE, ,GLING BZHI'I DBUS NA MNGON MTHO BA'I, ,BKRA SHIS LHUN PO RGYAS GYUR CIG ,RGYA MTSO BZHIN DU KHYON YANGS SHING, ,LHUN PO BZHIN DU RAB TU BRTAN, ,NYI ZLA BZHIN DU MNGON 'PHAGS PA'I, ,BKRA SHIS LHUN GRUB RGYAS GYUR CIG ,BSOD NAMS GANG+G'A'I RGYUN BZHIN DU, ,RTAG TU CHAD MED 'BAB PA'I GNAS, ,LHA DANG BLA MAS LUNG BSTAN PA'I, ,GNAS KYI MCHOG RAB RGYAS GYUR CIG ,BKA' SRUNG RGYAL PO CHEN PO BZHIS, ,DUS BZANG RNAMS LA GLING NYUL ZHING, ,'DZAM GLING YANGS PA'I GNAS KYI MCHOG ,CHOS GRVA CHEN PO RGYAS GYUR CIG ,DPAL 'BYOR MI ZAD GTER GYI MCHOG ,NAM MKHA' MDZOD BZHIN CHAD MED PA'I, ,BSOD NAMS BRGYA PHRAG LAS BSGRUBS PA'I, ,BKRA SHIS LHUN BO RGYAS GYUR CIG ,MDO SNGAGS YON TAN PHUL PHYIN NAS, ,DKYIL 'KHOR CHO GA'I RNAM GZHAG LA, ,MKHAS PA'I PHUL PHYIN BZHUGS PA'I GNAS, ,CHOS SDE CHEN PO RGYAS GYUR CIG ,LTABS MI NGOMS BRJID CHAGS BA'I, ,LHA DANG MKHA' 'GROS MTSAN GSOL CING, ,DGOS 'DOD MA LUS 'BYUNG BA'I GZHI, ,BKRA SHIS LHUN GRUB RGYAS GYUR CIG ,THUB CHEN RGYAL BA MA PHAM MGON, ,RJE BTZUN SGROL MA RNAM GNYIS KYI, ,GSUNG BYON YE SHES SEMS DPA'I GNAS, ,GLING MCHOG CHOS

GRVA RGYAS GYUR CIG ,CES BKRA SHIS LHUN BO DPAL GYI SDE CHEN PHYOGS THAMS CAD LAS RNAM PAR RGYAL BA'I GNAS BSTOD TSIGS SU BCAD PA 'DI NI MA nI BA BLO BZANG DGE LEGS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,THAMS CAD MKHYEN PA'I ZHABS KYI PADMO DRI MA MED PA LA GUS PA CHEN POS PHYAG 'TSAL LO, ,THUB DBANG RDO RJE 'CHANG DANG DBYER MED PA'I, ,RJE BTZUN CHOS KYI RGYAL PO TZONG KHA PA, ,YAB SRAS BRGYUD PAR BCAS LA GUS BTUD NAS, ,THAR PAR BGROD PA'I THEM SKAS BCA' YIG BRJOD, ,DE LA 'DIR BZHUGS PA'I DGE 'DUN RNAMS KYI KHRIMS SU BCA' BA BRJOD PA LA, RAB TU BYUNG PHYIN CHAD 'KHOR BA MTHA' DAG SDUG BSNGAL GYI RANG BZHIN DU SHES NAS LAM BSLAB PA GSUM LA TSUL BZHIN DU SLOB BAR KHAS BLANGS PA YIN PAS GZHI GSUM GYIS PHYAG LEN MNYAMS PAR TSUL BZHIN DU NYAMS SU LEN DGOS, DE YANG GSO SBYONG GI TSE THUN MONG BA BYANG CHUB SEMS DPA'I SDOM PA 'DZIN PA SNGON DU BTANG NAS SNGAGS SDOM THOB PA RNAMS KYIS SO THAR BYANG SEMS GSANG SNGAGS KYI PHYIR BCOS SNGON DU 'GRO BA'I GSO SBYONG 'CHAG MED BYED DGOS, KHYAD PAR SNGAGS SDOM THOB PA RNAMS KYIS THUN DRUG GI RNAL 'BYOR LA BRTZON PA BYAS NA GSER CHOS KYI GDAMS PA DANG 'DRA BAS MA CHAG PA GAL CHE, SDOM GSUM SO SO'I BSNGO BGRANG BYAS NAS LTUNG BA BYUNG BAR MTHONG TSE LTUNG BA RIGS MTHUN MA BYUNG BA'I BSHAGS YUL MTSAN NYID DANG LDAN PA'I DRUNG DU BSHAGS PA RANG RANG GI LUGS BZHIN SKYEN PAR BYED DGOS, ,DE LTAR TSUL KHRIMS DAG PA GZHIR BZUNGS NAS RJE BDAG NYID CHEN

, ,BO'I LAM RIM CHE CHUNG BKA' GDAMS GONG MA RNAMS KYI LAM RIM LA MTHA' CHOD PAR SGRO 'DOGS BCAD, BYANG CHUB TU BGROD PA'I BDE LAM DANG, 'JAM DPAL ZHAL LUNG GI SNYIB? PO LTA BU'I SKYONG RGYU GUD PA RE LA YANG THUN BZHI'AM MA THUN GCIG TU DMIGS RNAM SKYONG, THUN MTSAMS RNAMS SU'ANG DAL 'BYOR DON CHE, RNYED DKA' NAM 'CHI NGES MED NGAN 'GRO'I SDUG BSNGAL LAS RGYU 'BRAS RNAMS BSAMS NAS TSE 'DI DANG PHYI MA'I SNANG SHAS RNAMS 'GOG PA GNAD KYI DON POR BZUNG, BLO MTHO BA RNAMS KYIS NI GSANG BDE 'JIGS GSUM GANG RUNG GI BSKYED RDZOGS LA 'BAD BA DANG, ZLA BA BYUNG NGO COG GI TSES BCU GANG RIGS LA, DPAL GSANG BA 'DUS PA'I BDAG 'JUG YONGS SU RDZOGS PA'AM, BREL DBANG GIS MA GRUB TSE RDO RJE SLOB DPON GYI DBANG MAN CHAD BLANGS NA SNGAGS SDOM NYAMS PA GSOS PAR 'GYUR BAS 'CHAG MED BYED, SBYIN BDAG KHYAD PAR CAN GYIS GSOL BA BTAB PA'I NGOR DGE 'DUN SPYI MTHUN GYIS GTONG NAM GTOGS RANG RANG GI 'DOD ZHEN GYIS GRONG CHOG LA GTAN MI 'GRO, ,TSOGS LA 'DUS PA NAS MA GROL GYI BAR LA LONG GTAM MI BYED, SBYIL BU SO SOR YANG CHOS LDAN GYI DGOS PA'I CHED MA GTOGS PA DMAG DANG CHOM RKUN 'DU 'DZI SDE RIGS KYI PHYOGS GTAM SOGS KYIS DUS 'DA' BAR MI BYED, CHOS LDAN GYI 'TSO CHAS MA GTOGS TSONG BUN SKYED SOG MI BYED, CHANG 'THUNGS NA STON PAS SROG GI PHYIR YANG MA GNANG BAS GRVA 'DIR SDOD SA MED PAR BYAS, DBANG CHES NAS THUGS DAM BKA' SHOG BLANGS NAS DBUL 'PHONGS LA KHRAL 'UL MI 'GEL, 'PHRAL GYI MDZAD SPYOD KYANG KHYIM PA MA DAD PA'I SPYOD PAR

MA SONG BAR PHYI NANG MTHUN PA'I SPYI MDZES BYED, KHYAD BAR ZHI BA LHAS, BSKAL BA STONG DU BSAGS PA YI, ZHES SOGS GSUNGS PA LTAR, SBYIR KHONG KHRO KHYAD PAR GROGS TSANGS PA MTSUNGS PAR SPYOD PA RDO RJE SPUN NANG PHAN TSUN BLA MA SLOB DPON SOGS ZHING KHYAD PAR CAN LA KHONG KHRO BA RNAM SMIN SHIN TU TSABS CHE BAS GNYEN PO BSKYED NAS 'GOG PA GAL CHE, MDOR NA LAM PHYOGS RE BAR MA SONG BAR NGES 'BYUNG BYANG CHUB KYI SEMS YANG DAG PA'I LTA BA STE LAM GYI GTZO BO GSUM GYIS MTSON 'KHRUL MED KYI LAM LA THOS BSAM SGOM GSUM MDZAD PA'I SGO NAS RGYAL BA'I BSTAN PA PHYOGS DUS GNAS SKABS THAMS CAD DU DAR ZHING RGYAS PA'I BDAG RKYEN DAM PAR 'GYUR BAR MDZOD, GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHOG ,RTAG TU DGE 'DUN MTHUN PA DANG, ,DGE 'DUN DON YANG 'GRUB PAR SHOG, ,BSLAB BA NOD PA'I DGE SLONG DAG ,DBEN PA DAG KYANG THOB PAR SHOG ,G-YENG BA THAMS CAD SPANGS NAS NI, ,SEMS NI LAS RUNG SGOM GYUR CIG ,CES PA 'DI NI CHOS SMRA BA'I BTZUN BA BLO BZANG YE SHES KYIS SMRAS PA DGE LEGS 'PHEL,, ` NA MO GU RU MANYDZU GHO sh'A YA, 'DIR GSANG BA 'DUS PA LA BRTEN PA'I BLA MA'I RNAL 'BYOR BYA BAR 'DOD PAS, SKYABS 'GRO BZHI SKOR SEMS BSKYED TSAD MED BZHI SGOM PA SPYI 'GRO LTAR RAM, YANG NA, YID KYI ROL PA DRI MED ZLA 'DRAS BSGRUBS, ZHES SOGS RGYUD DANG 'DRES NGES BA SNGON DU BTANG NAS, RANG NYID ZHE SDANG RDO RJE YUM BCAS SU GYUR, AOm A'A:H'Um LAN GSUM GYIS NANG MCHOD DANG MCHOD RDZAS CIG CAR DU BYIN GYIS BRLABS TE, RANG GI MDUN GYI THAD

, ,DRANG GNAM MKHA'I GNAS SU RIN PO CHE SNA TSOGS LAS GRUB PA'I PADMA 'DAB MA STONG DANG LDAN PA'I LTE BAR SENG KHRI PAD ZLA NYI MA'I DKYIL 'KHOR GYI GDAN LA, NGO BO RANG GI DRIN CAN RTZA BA'I BLA MA YIN PA LA, RNAM PA RGYAL BA RDO RJE 'CHANG SKU MDOG SNGON PO MI BSKYOD PA'I DBU RGYAN CAN SNGO DKAR DMAR BA'I ZHAL GSUM PHYAG DRUG GI G-YAS RDO RJE 'KHOR LO, PADMA, G-YON DRIL BU RIN CHEN RAL GRI 'DZIN PA, DBU SKRA RAL PA'I THOR TSUGS CAN, MTSAN DANG DPE BYAD KYIS BRGYAN PA, YUM REG BYA RDO RJE MA SNGON MO MI BSKYOD BA'I DBU RGYAN CAN SNGO DKAR DMAR BA'I ZHAL GSUM PHYAG DRUG GI G-YAS RDO RJE 'KHOR LO, PADMA, G-YON DRIL BU RIN CHEN RAL GRI 'DZIN PA, DBU SKRA RAL PA BYED BCINGS SU BYAS PA SHIN TU SGEG CING BZHIN 'DZUM BAG DANG LDAN PA ZUR GYI LTA BA LA SOGS PA'I RNAM 'GYUR GYIS MDZES PA LANG TSO DAR LA BAB CING 'DOD YON LNGA'I DGA' BAS ROL PA, YAB YUM GYI PHYAG DANG PO GNYIS KYIS PHAN TSUN DU 'KHYUD PA, GNYIS KA'ANG RIN PO CHE'I DBU RGYAN GSOL BA, RIN PO CHE'I SNYAN RGYAN DANG SNYAN GONG AUTPA LA'I GDENGS KA DANG DAR DBYANGS KYIS MDZES PAR BYAS PA, RIN PO CHE'I MGUL RGYAN DANG MU TIG GI SE MO DO DANG, RIN PO CHE'I DO SHAL DANG, PHYAG GDUB DANG, ZHABS GDUB DANG, RIN PO CHE'I 'OG PAG STE RIN PO CHE'I RGYAN BRGYAD KYIS BRGYAN BA, SKU STOD LHA RDZAS KYI GOS KYIS GA SHAL BYAS SHING SKU SMAD LHA RDZAS KYI DAR GYI SHAM THABS 'PHYAR BA 'OD KYI DKYIL 'KHOR GYIS BSKOR BA'I DBUS NA YAB SEMS DPA'I SKYIL MO KRUNG GIS BZHUGS PAR GYUR, DE'I THUGS KAR MI BSKYOD PA, SPYI BOR

RNAM PAR SNANG MDZAD, MGRIN PAR 'OD DPAG MED, LTE BAR RIN 'BYUNG, BRLA'I RTZA BAR DON GRUB, LTE BAR SPYAN MA, SNYING KHAR M'A MA K'I ,MGRIN PAR GOS DKAR MO, SPYI GTZUG TU SGROL MA, MIG TU SA SNYING, RNA BAR PHYAG RDOR, SNAR NAM SNYING, LCER 'JIG RTEN DBANG PHYUG ,SNYING KHAR 'JAM DPAL, GSANG GNAS SU SGRIB SEL, TSIGS RNAMS LA KUN BZANG, SPYI GTZUG TU BYAMS PA, MIG GI SGOR GZUGS RDO RJE MA, RNA BA'I SGOR SGRA RDO RJE MA, RNA'I SGOR DRI RDO RJE MA, KHA'I SGOR RO RDO RJE MA, RDO RJE'I SGOR REG BYA RDO RJE MA, LAG PA G-YAS LA GSHIN RJE GSHED, LAG PA G-YON LA GZHAN GYIS MI THUB PA, KHA LA RTA MGRIN, RDO RJE LA BGEGS MTHAR BYED, DPUNG PA G-YAS BA'I RTZA BAR MI G-YO BA, DPUNG PA G-YON PA'I RTZA BAR 'DOD RGYAL, PUS MO G-YAS LA DBYUG SNGON CAN, PUS MO G-YON LA STOBS PO CHE, SPYI GTZUG TU GTZUG TOR 'KHOR LOS BSGYUR BA, RKANG MTHIL GNYIS SU GNOD MDZES RGYAL PO, DE'I MTHA' SKOR DU BLA MA YI DAM SANGS RGYAS BYANG CHUB SEMS DPA' DPA' BO DPA' MO MKHA' 'GRO CHOS SKYONG BSRUNG MA'I TSOGS KYIS BSKOR NAS BZHUGS PA, DE DAG RANG RANG GI MDUN NA RANG RANG GIS GSUNGS PA'I LUNG GI CHOS RNAMS PO TI'I RNAM PAR YOD BA, GTZO 'KHOR THAMS CAD KYI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON POS MTSAN BAR GYUR, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS RANG BZHIN GYI GNAS NAS BLA MA DANG

, ,GNYIS SU MED PA'I MI BSKYOD BA'I DKYIL 'KHOR 'KHOR DANG BCAS PA SPYAN DRANGS, AOm BADZRA SA MA YA DZA:DZA: DZA: H'Um BAm HO: GNYIS SU MED PAR GYUR, GANG GI DRIN GYI BDE CHEN GNAS, ,SKAD CIG GIS NI 'THOB 'GYUR BA BLA MA RIN CHEN LTA BU'I SKU, ,RDO RJE CAN ZHABS BAD LA 'DUD, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG RO LA RTAG ROL CING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,LONG BYUNG NA, GANG ZHIG GZUGS DANG TSOR BA 'DU SHES ZHES SOGS DANG, MDOR BSDU NA, STON PA BLA MED SOGS DANG, PHYAG BYAR 'OS PA ZHES SOGS KYI PHYAG BYA, RANG GI THUGS KA'I H'Um LAS BYUNG BA'I MCHOD BA'I LHA MO RNAMS KYIS MCHOD PAR BSAM, AOm SARBA TA TH'A GA TA AARGHAm NAS SPARSHA'I BAR GYIS MCHOD, AOm GU RU BUDDHA BO DHI SATVA SA PA RI W'A RA AOm A'A: H'Um GIS NANG MCHOD PHUL, DE NAS BLA MA YAB YUM SNYOMS PAR ZHUGS BAS LHAN SKYES KYI DGA' BA SKYES BDE BAS STONG PA NGES BA'I BDE STONG DBYER MED KYI YE SHES SKYES PA GSANG BA DANG, DE KHO NA NYID KYI MCHOD PAS MNYES BAR GYUR, DE NAS MAndAL RGYAS BSDUS SKABS DANG BSTUN NAS 'BUL, ,DE NAS BLA MA RDOR 'DZIN MA TSAR GSUM BYA ZHING, GANG ZHIG THOGS MED SRID BA'I CHU KLUNG DU, ,MA LUS KUN RTOG GIS BSAGS RNYOG BA RNAMS, ,THUGS RJE CHE LDAN SPYAN SNGAR DE DAG NI, ,CHO GA BZHIN DU THAMS CAD BSHAGS BAR BGYI, ,RDZOGS SANGS RGYAS DANG BYANG CHUB SEMS DPA' DANG, ,'PHAGS

BA GZHAN GYI DGE BA GANG MDZAD BA, ,DE DAG KUN LA YANG DAG YI RANG ZHING, ,BYANG CHUB TU NI YONGS SU BSNGO BAR BGYI, ,DE NAS SGRUB PA'I MCHOD PAR RIGS LNGA'I SDOM PA BZUNG BA BYAS TE, BLA MA DE NYID SKYON THAMS CAD DANG BRAL ZHING, ,YON TAN GYI RIGS THAMS CAD YONGS SU RDZOGS PA, ,MTSAN THOS BA TZAM GYIS 'KHOR BA DANG NGAN SONG GI 'JIGS PA LAS SGROL ZHING, DRAN BTZAM GYIS MCHOG DANG THUN MONG GI DNGOS GRUB THAMS CAD BDE BLAG TU STZOL BA DKON MCHOG GSUM PO 'DUS PA'I BDAG NYID SKYABS GNAS BSLU BA MED PA YIN SNYAM DU, GDUNG SHUGS DRAG POS, BLA MA KUN 'DUS KYI NGO BO BLA MA RIN PO CHE LA GSOL BA 'DEBS SO, ,DKYIL 'KHOR KUN 'DUS KYI NGO BO BLA MA RIN PO CHE LA GSOL BA 'DEBS SO, ,SANGS RGYAS KUN GYI BDAG NYID BLA MA RIN PO CHE LA GSOL BA 'DEBS SO, ,DAM CHOS BDUD RTZI'I 'BYUNG GNAS BLA MA RIN PO CHE LA GSOL BA 'DEBS SO, ,'PHAGS TSOGS KUN GYI 'DREN PA BLA MA RIN PO CHE LA GSOL BA 'DEBS SO, ,BSLU MED SKYABS KYI DAM PA BLA MA RIN PO CHE LA GSOL BA 'DEBS SO, ,BDAG GI BLO CHOS SU 'GRO BA BYIN GYIS BRLAB TU GSOL, CHOS LAM DU LONGS PAR BYIN GYIS BRLAB TU GSOL, CHOS MA YIN BA'I RTOG PA SKAD CIG TZAM YANG MI SKYE BAR BYIN GYIS BRLAB TU GSOL, ZHES SNYING KHONG RUS PA'I GTING NAS GSOL BA BTAB PAS, MDUN GYI LHA TSOGS RNAMS KYI SKU'I CHA LAS BDUD RTZI SNA LNGA 'OD ZER DANG BCAS BA'I RGYUN DPAG TU MED PA BABS BDAG DANG MA GYUR SEMS CAN THAMS CAD KYI LUS SEMS LA ZHUGS PAS SDIG SGRIB NAD GDON

, ,BAR CHAD THAMS CAD SBYANGS, TSE DANG BSOD NAMS LUNG DANG RTOGS BA'I YON TAN THAMS CAD 'PHEL ZHING RGYAS, SLAR YANG SNGAR BZHIN GSOL BA BTAB PAS BLA MA'I THUGS KAm 'OD ZER GYIS MTHA' SKOR GYI ZHI KHRO RAB 'BYAMS THAMS CAD 'OD DU SBYANGS NAS BLA MA YAB YUM LA THIM, DE GNYIS KYANG DGYES BZHIN DU BDAG NYID KYI SPYI BO NAS AA WA DH'U TI'I LAM NAS BRGYUD DE SNYING KHA CHOS KYI 'KHOR LO'I DBUS SU PADMA'I GDAN LA ZHUGS, DE'I THUGS KA'I SA BON SNGAGS 'PHRENG LA DMIGS NAS AOm A'A: BADZRA DHRi GA H'Um H'Um, ZHES SOGS SKABS DANG BSTUN, DGE BA 'DI YIS MYUR DU BDAG ,CES SOGS SMON LAM RGYAS BSDUS CI RIGS PA BKRA SHIS KYIS BRGYAN PAR BYA'O, ZHES BLA MA'I RNAL 'BYOR DAD PA'I LCAGS KYU ZHES BYA BA 'DI NI BKRA SHIS LJONGS SPRUL SKU BLO BZANG 'PHRIN LAS KYI GSUNG GIS BSKUL BA LTAR BLA MA GONG MA'I GSUNG LA BRTEN NAS CHOS SMRA BA'I BTZUN BA BLO BZANG YE SHES KYIS SMRAS BA DGE LEGS 'PHEL,, ` SVASTI, BRTAN MKHAS YON TAN GNYIS DANG LEGS LDAN ZHING, , BSLAB GSUM RNAM PAR DAG PA'I YON TAN GYIS, ,KLU DANG MKHA' LDING BSLAB PA'I GZHIR BKOD PA'I, ,'PHAGS PA RAB 'BYOR ZHABS LA GSOL BA 'DEBS, ,BYANG PHYOGS KA L'A PA YI GRONG KHYER CHER, ,NYI MA'I SHING RTA LA SOGS TSANGS SRAS RNAMS, ,DANG PO'I SANGS RGYAS DBANG GIS SMIN MDZAD BA'I, ,'JAM DPAL GRAGS BA'I ZHABS LA GSOL BA 'DEBS, ,LEGS PA'I DON LDAN RANG RGYUD GRUB MTHA'I SROL, ,RAB TU 'BYED MKHAS KLU SGRUB SRAS KYI MCHOG ,GSANG BA'I BDAG PO

MNGON SUM GZIGS PA YI, ,LEGS LDAN 'BYED KYI ZHABS LA GSOL BA 'DEBS, ,RGYUD SDE 'BUM PHRAG THUGS SU LEGS CHUD NAS, ,NA LENDRA ZHES BYA BA'I YUL DBUS SU, ,MKHAS BA'I BYA BA GSUM GYIS DUS 'DA' BA'I, ,SLOB DPON AA BY'A'I ZHABS LA GSOL BA 'DEBS, ,LNGA RIG YON TAN RGYA MTSO'I MTHAR PHYIN PAS, ,SGRA BSGYUR SMRA BA'I DBANG PO MKHAS PA CHE, ,MDO SNGAGS 'CHAD RTZOD RTZOM PA'I SBOBS PA CAN, ,'GOS LO CHEN PO'I ZHABS LA GSOL BA 'DEBS, ,RJE BTZUN 'JAM DBYANGS NYID KYIS RJES BZUNGS NAS, ,SKYID GRONG TSONG 'DUS SA YI NYE 'DABS SU, ,'PHROG BYED PHAM MDZAD CHOS KYI RGYAL RNGA BRDUNGS, ,SA SKYA PAndI TA LA GSOL BA 'DEBS, ,MTHU STOBS NUS BAS SDE BRGYAD BRAN 'KHOL ZHING, ,GRAGS PA GZHON NU'I ZHABS RDUL LEGS BSTEN TE, ,YONGS SU RDZOGS PA'I DNGOS POR RAB BSGRUBS PA, ,G-YUNG STON RDO RJE DPAL LA GSOL BA 'DEBS, ,MDO SNGAGS RIG GNAS KUN LA THOGS MED CING, ,YAB RJE DAM PA'I BSTAN PA'I SROG SHING 'DZIN, ,DAM CAN RGYA MTSO'I TSOGS KYIS RAB BSNGAGS PA'I, ,MKHAS GRUB DGE LEGS DPAL LA GSOL BA 'DEBS, ,G-YAS RU GTZANG 'GRAM LHO YI BYA 'DABS SU, ,LDONG RIGS GRUB PA'I RGYUD DU SKU BLTAMS NAS, ,BSHAD SGRUB BSTAN BA'I BYA BA MTHAR SON BA'I, ,BSOD NAMS PHYOGS GLANG ZHABS LA GSOL BA 'DEBS, ,SNYAN RGYUD GDAMS PA'I THUGS KYI BCUD PHYUNG NAS, ,SKAL LDAN GDUL BYA'I YID RAB TSIM MDZAD CING, ,TSE GCIG NYID LA ZUNG 'JUG SKU BRNYES BA'I, ,

, ,BLO BZANG DON GRUB ZHABS LA GSOL BA 'DEBS, ,GZHON NU NYID NAS SHES RAB LHA MO SOGS, ,LHAG BA'I LHA YIS MNGON SUM BYIN BRLABS PAS, ,MKHYEN DPYOD 'PHRIN LAS PHA MTHA' YAS PA YI, ,BLO BZANG CHOS RGYAN ZHABS LA GSOL BA 'DEBS, ,BLO BZANG RGYAL BA GNYIS BA'I RING LUGS KYIS, ,BSTAN BA'I KHUR CHEN 'KHYER BA'I MOS BLO CAN, ,ZHVA SER BSTAN PA MI NUB 'DZIN BA'I RJE, ,BLO BZANG YE SHES ZHABS LA GSOL BA 'DEBS, ,RGYAL BA'I YAB GCIG RJE BTZUN 'JAM DBYANGS KYIS, ,THOS BSAM CHOS KYI 'BYOR CES LUNG BSTAN CING, ,'BROM STON THAMS CAD MKHYEN PA'I THUGS KYI SRAS, ,RIG PA'I DBANG PHYUG CHOS 'BYOR DPAL BZANG PO, ,RMAD BYUNG SKYES RABS TSAR DU MNGAR BA YI, ,SNANG BRNYAN BI SHVA KARMAS BSGRUBS 'DRA RNAMS, ,RAB 'BYAMS GZHUNG LUGS SMRA BA'I SLOB DPON PA, ,DAM CHOS RGYAL MTSAN MTHUN RKYEN KHUR DU BZHES, ,SKU SKYE BLO BZANG BSTAN PA'I RGYAL MTSAN SOGS, ,YE SHES RGYA MCHOS BKOD BAS KHYAB BYAS SHING, ,MTHUN SKYEN DGOS DGU MA LUS TSOGS PAR BYAS, ,BIR THOGS BLO BZANG TSE DBANG MCHED GROGS KYIS, ,YID GZHUNG SA LHAG BSAM DAG PAS BSGRUBS PA'I MTHUS, ,RGYAL BSTAN SPYI DANG KHYAD PAR TZONG KHA BA'I, ,BSHAD SGRUB BSTAN PA RGYAS PA'I BKRA SHIS SHOG, ` NA MO GU RU MU NI AINDR'A YA, BLO BZANG GRAGS BSTAN SHAR RI MTHON PO'I RTZER, ,BSLAB GSUM LUNG RTOGS DKYIL 'KHOR RAB RGYAS SHING, ,YE SHES 'OD STONG PHYOGS BCUR 'PHRO BA YI, ,DPAL LDAN BLA MA'I ZHABS

LA GSOL BA 'DEBS, ,MCHOG GSUM BSLU MED RGYAL BA'I BYIN RLABS DANG, ,BSTAN SRUNGS DAM CAN RGYA MTSO'I MTHU STOBS KYIS, ,RJE BTZUN BLA MA SRID MTHAR ZHABS BRTAN CING, ,'PHRIN LAS DBYAR MTSO BZHIN DU 'PHEL BAR SHOG ,DENG NAS YANG SRING SKYE BA THAMS CAD DU, ,RJE BTZUN BLA MAS 'BRAL MED RJES 'DZIN CING, ,GNAS SKABS BDE SKYID DBAL 'BYOR RGYAS PA DANG, ,MTHAR THUG KUN MKHYEN GO 'PHANG MYUR THOB SHOG ,CES PA 'DI NI RGYAL MO TSE DBANG DBAL MOS BSKUL BA'I NGOR SH'KYA'I DGE SLONG BLO BZANG YE SHES KYIS SMRAS BA DGE LEGS 'PHEL,, ` NA MO GU RU LO KE SHVA R'A YA, 'DIR MTSO BRAG MGON PO LA BSANGS MCHOD 'BUL TSUL NI, MCHOD GTOR, GSER SKYEMS, BSANGS RDZAS, BA DAN GO KHRAB SOGS SPYAN GZIGS CI 'BYOR BSHAMS LA, RANG LHAG PA'I LHA GANG YANG RUNG BA'I NGA RGYAL DANG LDAN BA'I NGANG NAS, MCHOD RDZAS RNAMS LA DMIGS TE, AOm SVA BH'A WA SHUDDHA SARBA DHARM'A SVA BH'A WA SHUDDHONYHAm, STONG PA'I DANG LAS BHR'Um LAS RIN PO CHE'I SNOD YANGS SHING RGYA CHE BA RNAMS KYI NANG DU AOm LAS MCHOD RDZAS RNAMS 'DOD YON LNGA DANG LDAN PA DVANGS SHING THOGS PA MED PA, BLA MA YI DAM DPA' BO MKHA' 'GRO CHOS SKYONG BSRUNG MA BRAG LHA MGON PO 'KHOR DANG BCAS PA MNYES PAR BYED BA'I DAM RDZAS SPYAN GZIGS BSAM GYIS MI KHYAB BAS GANG BAR GYUR, AOm A'A: H'Um LAN GSUM, AOm SARBA BID P'U RA P'U RA RU RA SU RA AA BARTA YA AA BARTA YA HO, BADZRA SPHA RA nA KHAm SV'AT'A, ZHES NAM MKHA' MDZOD KYI SNGAGS DANG PHYAG RGYAS BYIN GYIS BRLABS,, KYEE; MDUN DU MTSO BRAG RDO RJE'I RJA RI DANG, ,RAB

, ,MDZES SBANG RIS BRGYAN PA'I GNAS MCHOG TU, ,MTSO BRAG MGON BO YAB YUM SRAS DANG BCAS, ,LHA KLU BDUD BTZAN DRI ZA KLU SMAN SOGS, ,MA LUS 'KHOR DANG BCAS BA SPYAN 'DREN NA, ,RANG RANG 'DOD PA'I GDAN LA DGYES BZHIN BZHUGS, ,SNGON TSE ZA MA TOG GI MDO SDE LAS, ,LUNG BSTAN PADMA SAm BHA'I BKA' NYAN PA'I, ,BRAG LHA MGON PO 'KHOR DANG BCAS LA 'DUD, ,GA BUR TZANDAN DKAR DMAR AA KA RU, ,SPA SHUG MKHAN BA BA LU SU LU DANG, ,PHUR MO SIL DZ'A TI'I DUD SPRIN GYIS, ,BLA MA YI DAM DKON MCHOG RNAM PA GSUM, ,DPA' BO DPA' MO MKHA' 'GRO'I TSOGS RNAMS DANG, ,YE SHES SPYAN LDAN BSRUNG MA 'KHOR BCAS LA, ,MI GTZANG GRIB KYIS PHOG BA THAMS CAD BSANGS, ,KHYAD PAR DRAG LHA MGON PO 'KHOR BCAS BSANGS, ,ZUR PHUD LNGA LDAN DRI ZA'I TSOGS RNAMS BSANGS, ,GTZUG NA RIN CHEN KLU CHEN 'KHOR BCAS BSANGS, ,RDO RJE G-YU SGRON SMAN BTZUN 'KHOR BCAS BSANGS, ,MDOR NA DBU RU STOD KYI YUL PHYOGS KYI, ,DKAR PHO LHA DANG DMAR PO BTZAN GYI SDE, ,NAG PO BDUD DANG KHRA BO GZA' YI SDE, ,DMU DAR RGYAL PO MA MO GSHIN RJE'I SDE, ,SA BDAG KLU GNYEN RIGS RNAMS THAMS CAD BSANGS, ,PHYE MAR RO BRGYA LDAN BA'I GTOR MA DANG, ,'O CHOL JA CHANG BTUNG BA'I TSOGS RNAMS KYIS, ,BRAG LHA MGON PO 'KHOR BCAS THUGS DAM BSKANGS, ,THUGS DAM SKONGS SHING NYAMS CHAGS SOS GYUR CIG ,MDZES LDAN RLUNG GI SHUGS 'CHANG RTA MCHOG DANG, ,RNGAM BRJID G-YAG RGOD ZHOL PO'I TSOGS RNAMS KYIS

BRAG LHA MGON PO 'KHOR BCAS THUGS DAM BSKANGS, ,THUGS DAM SKONGS SHING NYAMS CHAGS SOS GYUR CIG ,SHA RGYAS SBU SDUG G-YO BA'I LUG DANG, ,RTZED 'JOR 'KHYU BA'I RI DVAGS TSOGS RNAMS KYIS, ,BRAG LHA MGON BO 'KHOR BCAS THUGS DAM BSKANGS, ,THUGS DAM SKONGS SHING NYAMS CHAGS SOS GYUR CIG ,STAG GZIG NGA RO SGROG PA'I KHYI NAG DANG, ,'PHUR LDING ROL BA'I 'DAB LDAN TSOGS RNAMS KYIS, ,BRAG LHA MGON PO 'KHOR BCAS THUGS DAM BSKANGS, ,THUGS DAM SGONGS SHING NYAMS CHAGS SOS GYUR CIG ,'JA' TSON LTAR BKRA PHYAR BA'I BA DAN DANG, ,RANG BSRUNG GO CHA GZHAN 'JOMS MTSON CHA YIS, ,BRAG LHA MGON PO 'KHOR BCAS THUGS DAM BSKANGS, ,THUGS DAM SKONGS SHING NYAMS CHAGS SOS GYUR CIG ,DE NAS GTOR MA ZUR BA YOD NA AA K'A RO GSUM GYIS BSNGO ZHING, GZHI BDAG GTOR MA GTONG, BRAG LHA MGON PO 'KHOR BCAS KYIS, ,GTOR TSOGS RGYA MTSO 'DI BZHES LA, ,BDAG CAG DBON SLOB 'KHOR BCAS KYI, ,'GAL RKYEN SOL LA MTHUN RKYEN SGRUBS, ZHES 'PHRIN LAS BCOL ZHING BKRA SHIS BYA'O, ZHES MTSO BRAG MGON PO LA MCHOD GTOR 'BUL TSUL 'DI NI 'OD SNA DGON GRVA SPYIS BSKUL BA'I NGOR CHOS SMRA BA'I DGE SLONG BLO BZANG YE SHES KYIS SMRAS PA DGE LEGS 'PHEL ` AOm SVASTI, LHA MI'I STON BA SMRA BA BLA MED DANG, ,BDE LDAN ZHING GI GTZO BO 'OD DPAG MED, ,BYANG SEMS NYE BA'I SRAS BRGYAD 'JIG RTEN DBANG, ,PADMA R'A GA' MDANGS LDAN TZANDRAN LAS, ,LEGS BAR BSGRUBS PA'I RNAM DKAR DGE BA'I MTHUS, ,

, ,G-YUL LHO DGOS SKYES NYE DUR BCAS PA RNAMS, ,GNAS SKABS TSE RING NAD MED BDE LDAN ZHING, ,BDE BA CAN DU THOGS MED SKYE BAR SHOG ,CES PA 'DI NI G-YUL LHO DGOS SKYES KYIS RTEN BZHENGS RNAMS BGYIS PA'I DGE BA BSNGO PHYIR DU SH'AKYA'I BTZUN BA BLO BZANG YE SHES KYIS SMRAS BA'O,, BKRA SHIS,, ` AOm BDE LEGS SU GYUR CIG ,RGYAL KUN BRTZE BA'I BDAG NYID SPYAN RAS GZIGS, ,GANG GI SNANG BRNYAN MNGON SUM BYON 'DRA 'DI, ,DAD PAS BZHENGS BAS BLO BZANG DBANG GI RGYAL, ,'KHOR BCAS BDE LDAN SA LAM MTHAR PHYIN SHOG ,CES PA 'DI NI BLO BZANG DBANG RGYAL GYIS BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS BA DGE LEGS 'PHEL,, ` SVASTI, BLO CHEN RGYAL SRAS BZANG BA'I SPYOD BA LA, ,YANG YANG GOMS PAS YE SHES SNANG BA THOB, ,DUL DUL BCAS PA'I MTSAMS LAS MI 'DA' BA'I, ,MANG MANG GDUL BYA'I MGON LA GSOL BA 'DEBS, ,DUS GSUM RGYAL BA RGYAL SRAS THUGS RJE DANG, ,BKA' SDOD DAM CAN RGYA MTSO'I MTHU STOBS KYIS, ,DBAL LDAN BLA MA BSKAL BRGYAR ZHABS BRTAN CING, ,'PHRIN LAS YAR NGO'I ZLA LTAR 'PHEL BAR SHOG ,RTZA RGYUD BLA MA SMAN BLA BDE GSHEGS BRGYAD, ,'PHAGS MCHOG THUGS RJE CHEN PO'I BYIN RLABS KYIS, ,DGE 'PHEL CHOS 'KHOR GLING GI DGE 'DUN SDE, ,KHRIMS GTZANG THUGS MTHUN DAR ZHING RGYAS PAR SHOG ,CES PA 'DI NI ZI NA CHOS RJE NGAG DBANG BLO BZANG GIS BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS PA DGE LEGS 'PHEL,,

` SVASTI, RGYAL DANG RGYAL SRAS THUGS RJE'I BYIN RLABS DANG, ,CHOS NYID RNAM PAR DAG PA'I BDEN STOBS KYIS, ,DPAL LDAN BLA MA TSUL KHRIMS DAR RGYAS KYI, ,YANG SRID BSTAN PA'I DPAL DU MYUR 'BYON SHOG ,CES BA 'DI NI KHRI CHEN DE NYID KYI GSOL DBON GYIS BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS BA DGE LEGS 'PHEL,, ` SVASTI, BLO BZANG RGYAL BA GNYIS PA'I RING LUGS MCHOG ,PHYOGS 'DIR MDO SNGAGS GZHUNG LUGS SPEL BYED CING, ,YE SHES MTSAN CAN 'GRO BA 'DREN PA'I DPAL, ,RJE BTZUN BLA MA'I ZHABS LA GSOL BA 'DEBS, ,BSLU MED BLA MA YI DAM BYIN RLABS DANG, ,BSTAN SRUNGS DAM CAN RGYA MTSO'I MTHU STOBS KYIS, ,DPAL LDAN BLA MA YUN RING ZHABS BRTAN CING, , 'PHRIN LAS DBYAR MTSO BZHIN DU 'PHEB? BAR SHOG ,CES PA 'DI NI RA SGRENG YAR DGON GYI GRVA BA DGE SLONG BLO BZANG BYAMS PAS BSKUL BA LA BRTEN CHOS SMRA BA'I BTZUN PA BLO BZANG YE SHES KYIS SMRAS BA DGE LEGS 'PHEL,, ` SVASTI, BLO BZANG RGYAL BA'I RING LUGS SPEL BA LA, ,PHYOGS 'DIR SNYING STOBS MCHOG GI DPAL LDAN PA, ,YE SHES MTSAN CAN RJE BTZUN BLA MA YI, ,ZHABS KYI PADMO BSKAL BRGYAR BRTAN BAR SHOG ,CES PA 'DI NI RAB 'BYAMS BA BLO BZANG BSTAN PAS BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS PA'O,, ` SVASTI, TSUL KHRIMS RNAM DAG RTZA BA RAB BRTEN CING, ,MDO SNGAGS GZHUNG LUGS LO 'DAB RAB TU RGYAS, ,RNAM DPYOD 'BRAS BU'I KHUR GYIS RAB DUD PA'I, ,DPAL LDAN BLA MA'I

, ,ZHABS LA GSOL BA 'DEBS, ZHES BA 'DI NI AER TE NE MER RGAN CHOS RJES BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS BA DGE LEGS 'PHEL,, ` SVASTI, RGYAL BA'I YAB GCIG RJE BTZUN 'JAM PA'I DBYANGS, DRAG PO'I SKUR BSTAN DBA' BO GCIG PA LA, ,PHYI NANG GSANG BAS MCHOD CING BSTOD PA'I MTHUS, ,RDO RJE'I LUS KYI RTEN BZANG THOB PAR SHOG ,RANG SEMS LA SOGS 'KHOR 'DAS CHOS RNAMS KUN, ,GDOD NAS DAG BA'I DBYINGS SU BSGOMS PA YIS, ,THA MAL 'CHI BA'I MUN PA KUN BSAL TE, ,'OD GSAL CHOS SKU'I NYI 'OD 'CHAR BAR SHOG ,RGYU 'BRAS RDO RJE 'DZIN BA'I RNAL 'BYOR GYIS, ,BAR DO'I SRID SBYANGS SPRUL PA'I ZLOS GAR GYIS, ,MA DAG SNOD BCUD DRI MA KUN SBYANGS NAS, ,'GRO KUN BDE CHEN GNAS LA 'GOD BAR SHOG ,DE LTAR RIM GNYIS LAM LA 'BAD PA YIS, ,'JAM MGON BLA MA BLO BZANG GRAGS PA DANG, ,DBYER MED DPAL LDAN RDO RJE 'JIGS BYED KYIS, ,SKYE BA KUN TU 'BRAL MED RJES 'DZIN SHOG, ` 'PHRIN LAS RNAM BZHIS GDUG PA BDUL MDZAD BA'I, ,RDO RJE 'JIGS BYED RTZA RGYUD BLA MA LA, ,LEGS TSOGS JI SNYED MCHIS PA'I BKRA SHIS DES, ,BDAG CAG RNAMS LA RTAG TU BDE LEGS SHOG ,ZHE SDANG 'DUL PHYIR SRIN PO KHROS PA'I SKU, ,BDUD LAS RNAM RGYAL 'JIGS MDZAD DPA' BO LA, ,LEGS TSOGS JI SNYED MCHIS BA'I BKRA SHIS DES, ,BDAG CAG RNAM LA RTAG TU BDE LEGS SHOG ,RNAM DAG BDE CHEN ROL BA LAS BYUNG BA'I, ,RTEN GYI GZHAL YAS BSRUNG 'KHOR

BCAS PA LA, ,LEGS TSOGS JI SNYED MCHIS PA'I BKRA SHIS DES, ,BDAG CAG RNAMS LA RTAG TU BDE LEGS SHOG ,DE NAS, NAM MKHA'I KHYON LTAR YANGS PA'I PHO BRANG MCHOG ,CES SOGS SKABS DANG BSTUN PA'I RGYAS BSDUS CI RIGS PA GNANG BAR 'TSAL, ZHES PA 'DI NI JING GIR RGYAL PO'I BKAS BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS PA DGE LEGS 'PHEL,, ` AOm BDE LEGS SU GYUR CIG ,MTHU STOBS NUS PAS LHA SRIN SDE BRGYAD RNAMS, ,ZIL GNON GSANG BDAG SNYAN RGYUD GDAMS NGAG GIS, ,THUGS KYI BANG MDZOD YONGS SU GANG BA YI, ,GRUB CHEN LAS KYI RDO RJER GSOL BA 'DEBS, ,DGE TSOGS KUN LA 'DUN PA'I RNAM DPYOD KYI, ,LEGS BSHAD MKHAS MANG DBUS SU SGROG PA YI, ,BKRA SHIS DGE MTSAN PHYOGS BCUR KHYAB MDZAD PA'I, ,RDO RJE 'DZIN PA'I GTZO LA GSOL BA 'DEBS, ,SHES BYA KUN LA THOGS PA MED BA YI, ,BSOD NAMS MTSAN CAN THAMS CAD MKHYEN PA'I SRAS, ,BSTAN PA RGYA MTSO'I 'JING LA MNGA' BSGYUR BA'I, ,GRUB MTSAN GDENGS KA 'PHAGS LA GSOL BA 'DEBS, ,'PHAGS TSOGS DGE 'DUN GTZUG GI RGYAN GYUR CING, ,KHAMS GSUM CHOS KYI RGYAL PO TZONG KHA PA'I, ,BSHAD SGRUB BSTAN PA'I RGYAL MTSAN 'DZIN PA'I MCHOG , GRUB PA'I DBANG PHYUG ZHAGS LA GSOL BA 'DEBS, ,BLO BZANG 'PHRIN LAS GRAGS PA'I 'OD DKAR GYIS, ,GLING BZHI'I MUN PA MA LUS SEL MDZAD CING, ,SKAL BZANG GDUL BYA YONGS KYI GNYEN GCIG BU, ,BSHES GNYEN DAM PA'I ZHABS LA

, ,GSOL BA 'DEBS, ,DKON MCHOG RIN CHEN RNAM GSUM BYIN RLABS DANG, ,BSTAN SRUNGS 'OD CHEN 'BAR MA'I MTHU STOBS KYIS, ,RGYAL BA'I BSTAN 'DZIN BLO BZANG 'PHRIN LAS KYI, ,ZHABS KYI PADMO NAM YANG G-YO MED SHOG ,GNAS SKABS SU YANG NAG PHYOGS BDUD RIGS KYI, ,BSAM SBYOR NGAN PA'I RLUNG GIS MI BSKYOD CING, ,'CHAD RTZOD RTZOM DANG THOS BSAM SGOM GSUM GYIS, ,BSTAN PA'I BYA BA MA LUS MTHAR PHYIN SHOG ,CES PA 'DI NI DGE SLONG BLO BZANG BSAM GTAN, SBYIN BA DBAL BZANG, DBON PO BLO BZANG CHOS 'DZIN RNAMS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, DGE LEGS 'PHEL,, ` SVASTI, BLO BZANG RGYAL BA GNYIS PA'I RING LUGS MCHOG ,LJONGS 'DIR GSAL MDZAD ZLA MED DGE BA'I BSHES, ,SKAL BZANG GDUL BYA YONGS KYI GNYEN GCIG PU, ,RJE BTZUN BLA MA BSKAL BRGYAR ZHABS BRTAN SHOG ,CES PA 'DI NI RAB BYUNG MA YE SHES SGROL MAS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, BKRA SHIS,, AOm BDE LEGS SU GYUR CIG ,BLA MA YI DAM MCHOG GSUM BYIN RLABS DANG, ,CHOS NYID MI 'GYUR DRANG SRONG BDEN TSIG GIS, ,BYANG PHYOGS BSTAN PA'I NYI MA CHOS KYI RJE, ,BSTAN BA'I RGYAL MTSAN BSKAL BRGYAR ZHABS BRTAN SHOG ,YE SHES MGON PO DAM CAN CHOS KYI RGYAL, ,ZHING SKYONG GZI LDAN DBANG PHYUG RE MA TI, ,DREGS BA LCAM SRING 'KHOR BCAS MTHU STOBS KYIS, ,BSTAN 'DZIN SKYES BU YUN RING

BRTAN PAR SHOG ,BYANG PHYOGS SKYE DGU'I LEGS BYAS PHUNG PO DANG, ,DAD LDAN SLOB MAS GSOL BA BTAB PA'I MTHUS, ,BLO BZANG BSTAN PA'I RGYAL MTSAN G-YO MED BRTAN, ,'PHRIN LAS NAM MKHA'I MTHA' DANG MNYAM PAR SHOG ,CES PA 'DI NI MTHON PA YE SHES RGYAL MTSAN GYIS BSKUL BA'I NGOR CHOS SMRA BA'I DGE SLONG BLO BZANG YE SHES KYIS SMRAS BA DGE LEGS 'PHEL BAR GYUR CIG ` SVASTI, BKRA SHIS DGE 'PHEL 'PHAGS TSOGS 'DUS BA'I SDER, ,CHOS RJE NGAG DBANG DAR BOS LHAG BSAM GYIS, ,RGYA ZA'I LTUNG BA'I SNOD MCHOG ZANGS LTAR BRGYAD, ,PHUL BAS BSAM DON YID BZHIN 'GRUB BAR SHOG ,GZHAN YANG DGE DES DGE 'DUN THUGS MTHUN ZHING, ,'JIG RTEN RNAM G-YENG LOG BA'I 'TSO BA SPANGS, ,CHOS SPYOD BCU YIS NYIN MTSAN 'DA' BA DANG, ,YUL PHYOGS DGE ZHING DAR BA'I BKRA SHIS SHOG, MANG+GALAm,, ` SVASTI, THUB DBANG GSUNG GI PAD TSAL LAS 'ONGS PA'I, ,SHER PHYIN LEGS BSHAD SBRANG RTZIS RAB MYOS PA'I, ,PHUL DU BYUNG BA'I SGRA DBYANGS CHER SGROG PA, ,GNAS BRTAN RAB 'BYOR ZHABS LA GSOL 'DEBS, ,KA L'A BA YI GRONG KHYER CHEN BO DER, ,NYI MA'I SHING RTA LA SOGS DRANG SRONG RNAMS, ,DANG BO'I SANGS RGYAS DBANG GIS SMIN GROL LA, ,'GOD MDZAD 'JAM DBAL GRAGS LA GSOL BA 'DEBS, ,RANG RGYUD GZHUNG LUGS SHING RTA'I SROL PHYE NAS, ,RTZOD PAS TSUL BZHIN MU STEGS PHAM MDZAD CING, ,KLU SGRUB SRAS KYI GTZOR GYUR MKHAS BA'I MCHOG ,SLOB DPON LEGS LDAN ZHABS LA GSOL BA 'DEBS, ,'JIGS

, ,RUNG MI BZAD BTZON KHANG NYAMS THAG BAR, ,SDIG SPYOD RGYAL BOS PHYUGS SU BSGYUR BA YI, ,MCHOD SBYIN RGYU RNAMS SDUG BSNGAL LAS BSKYABS BA'I, ,AA BHYA KA RA'I ZHABS LA GSOL BA 'DEBS, ,CHOS PHYIR LUS SROG DKA' BA YAL BOR NAS, ,'PHAGS YUL DBUS BGROD SKAD GNYIS RIG GNAS RNAMS, ,MKHAS PAR SBYANGS NAS DPAL LDAN 'DUS PA'I RGYUD, ,BSGYUR MDZAD 'GOS LO CHEN POR GSOL BA 'DEBS, ,DMAR SER RAL GRI CAN GYIS RJES BZUNGS NAS, ,'PHAGS PA WA TI'I MDUN SA CHEN PO DER, ,'PHROG BYED LA SOGS RGOL NGAN TSAR GCOD PA'I, ,SA SKYA PAn CHEN ZHABS LA GSOL BA 'DEBS, ,GSANG SNGAGS RNYING MA'I CHOS SKOR MTHA' DAG DON, ,GZHON NU NYID NAS NYAMS SU BLANGS PA'I MTHUS, ,DAM CAN GSHIN RJE DNGOS SU BRAN 'KHOL BA, ,G-YUNG STON RDO RJE DPAL LA GSOL BA 'DEBS, ,MANG THOS BSLAB GSUM YON TAN GYIS GANG YANG, ,RGYAL BA GNYIS BA'I SRAS KYI TSUL BZUNGS TE, ,DAM CAN BSRUNG MAS TSUL BZHIN BKA' NYAN BA'I, ,MKHAS GRUB DGE LEGS DPAL LA GSOL BA 'DEBS, ,GZHUNG LUGS SHES BYA'I GNAS LA MKHAS GYUR CING, ,RTZE GCIG RIM GNYIS RNAL 'BYOR NYAMS BZHES PA'I, ,SKU GSUM YON TAN MNGON DU GYUR BA YI, ,BSOD NAMS PHYOGS GLANG ZHABS LA GSOL BA 'DEBS, ,CHOS BRGYAD 'CHING BA MTHA' DAG RAB SPANGS NAS, ,SGRUB PA'I RGYAL MTSAN MI NUB 'DZIN BA'I MCHOG ,'GRO LA CHOS CHAR 'BEBS MKHAS CHOS KYI RJE, ,BLO BZANG

DON GRUB ZHABS LA GSOL BA 'DEBS, ,RGYAL BSTAN YID BZHIN 'JUG NGOGS LAS 'ONGS PA'I, ,'JAM DPAL SNYING PO'I BSTAN PA'I LHUN PO'I SPOR, ,CHOS KYI RGYAL MTSAN MI NUB BSGRENG MKHAS PA'I, ,DPAL LDAN BLA MA'I ZHABS LA GSOL BA 'DEBS, ,BLO GROS YANGS PA'I SKAL BZANG GDUL BYA'I TSOGS, ,GTZUG NA BSOD NAMS YE SHES 'BRAS BU YIS, ,LEGS DUD RLUNG GI RGYAL MTSAN LTAR BKRA BA, ,DPAL LDAN BLA MA DAM PAR GSOL BA 'DEBS, ,BLA MA YI DAM BSRUNG MA'I BYIN RLABS DANG, ,DAD LDAN GDUL BYAS RTZE GCIG GSOL BTAB BAS, ,LHA MI'I 'DREN PA YUN RING ZHABS BRTAN CING, ,'PHRIN LAS DBYAR MTSO BZHIN DU 'PHEL PAR SHOG ,'JAM DPAL RNAM 'PHRUL BLO BZANG BSTAN PA'I GNYEN, ,MANG THOS LUNG RTOGS CHOS KYI RGYAL MTSAN MCHOG ,MA 'ONGS KLA KLO'I TSOGS RNAMS 'JOMS MDZAD TSE, ,BDAG KYANG 'KHOR GYI THOG MAR SKYE BAR SHOG ,DER MA SON PA'I TSE RABS KUN TU YANG, ,BYANG CHUB BSGRUB PA'I RTEN MCHOG RAB THOB NAS, , THOS BSAM SGOM PAS RANG RGYUD SMIN BYAS TE, ,THEG MCHOG CHOS KYI SNOD DU 'GYUR BAR SHOG ,DE LTAR GUS PAS GSOL BA BTAB BA'I MTHUS, ,BDAG GI BSAM DON YID BZHIN 'GRUB BA DANG, ,RJE BTZUN CHOS KYI RGYAL PO TZONG KHA PA'I, , BSTAN BA DAR ZHING RGYAS PA'I BKRA SHIS SHOG ,CES PA 'DI NI RGYAL MKHAN PO BDE THANG SKU SKYE BLO BZANG TSANGS DBYANGS BSTAN PA'I RGYAL MTSAN KHO THOG THUS BSKUL BA LA BRTEN NAS CHOS SMRA BA'I BTZUN BA BLO BZANG YE SHES KYIS SMRAS BA'O,, MANG+GALAm,,

, ,AOm SVASTI, RTZA RGYUD BLA MA YI DAM SANGS RGYAS DANG, ,NYAN RANG BYANG SEMS BSTAN BSRUNG MKHA' 'GRO'I TSOGS, ,BDEN TSIG SMON LAM 'GRUB BA'I DBANG BZHUGS NAS, ,JI LTAR 'DOD PA'I DON RNAMS MYUR 'GRUB SHOG , BLO GROS BZANG PO'I YONGS 'DU SA BRTOL RTZER, ,YE SHES 'BRAS BZANG KHUR GYIS YONGS BRJID CING, ,LHAR BCAS SKYE 'GRO'I BSAM PA SKONG MDZAD PA'I, ,RJE BTZUN BLA MA SRID MTHAR ZHABS BRTAN SHOG ,SKYE ZHING SKYE BAR DPAL LDAN BLA MA YIS, ,NAM YANG 'BRAL MED DGYES BZHIN RJES BZUNGS NAS, ,MDO SNGAGS YON TAN MTHAR PHYIN SA LAM GYI, ,RTOGS PA MYUR BGROD KUN MKHYEN THOB BAR SHOG ,CES PA 'DI NI RGYAL MKHAN PO BDE THANG SPRUL PA'I SKU BLO BZANG TSANGS DBYANGS PHYOGS LAS RNAM RGYAL AER TE NE PAndI TA KHA THOG THUS BSKUL BA LTAR SH'KYA'I BTZUN PA BZLO BZANG YE SHES KYIS SMRAS BA DGE LEG 'PHEL BAR GYUR CIG, ` SVSTI, BLA MA THUB BA'I DBANG PO'I SBYAN SNGA RU, ,RAB TU BYUNG NAS DGRA BCOM MNGON SUM MDZAD, ,RGYAL CHEN BZHI YIS BKA' SGRUB RDZU 'PHRUL GYIS, ,RGYA MTSO'I KLU RNAMS 'DUL MDZAD RAB 'BYOR CHE, ,CHOS KYI RGYAL PO LHA YI DBANG LDAN GYIS, ,DPAL LDAN DUS KYI 'KHOR LO'I DKYIL 'KHOR DU, ,DBANG BSKUR RDO RJE SHUGS KYIS BKA' SGRUB PA'I, ,RIGS LDAN KUN GYI THOG MA 'JAM DPAL GRAGS, ,SLOB DPON KLU SGRUB ZHABS LA LEGS BTUGS NAS, ,LHO PHYOGS YUL DU MA STEGS TSAR BCAD DE, ,GSANG BDAG MNGON SUM ZHAL GZIGS

BYA ROG MTSAN, , BRAN 'KHOL SLOB DPON CHEN PO LEGS LDAN ZHABS, , RIN CHEN 'BYUNG GNAS ZHIBS RJES BZUNG SHING, ,RDO RJE BTZUN MO'I ZHAL DKYIL MNGON SUM GZIGS, , GTUM CHEN MA H'A K'A LAS BRAN MDZAD PA'I, ,RDO RJE GDAN PA AA BHY'A KA RA'I ZHABS, ,AA TI SHA YI GTZANG GI SLOB MA'I GTZO, ,GSANG BA KUN 'DUS SGRUB BSHAD GTAN LA PHAB, ,CHOS KYI BSTAN SRUNGS GRI GUG MGON BO BSTEN, ,BSTAN BA RGYAS MDZAD RTA NAG 'GOS LO'I ZHABS, ,RJE BTZUN CHEN PO GRAGS BA RGYAL MTSAN DANG, ,YI DAM BSTAN PA'I 'KHOR LO'I THUGS RJE LAS, ,MU STIGS TSAR BCAD DRAG PO GDOR BZHI BAS, ,'PHRIN LAS GROGS MDZAD SA SKYA PAndI TA, ,ZUR DBANG BYAMS BA SENG+GE'I ZHABS BTUD CING, ,'JAM DPAL GSHIN RJE'I GSHED KYI TING 'DZIN GYIS, ,MA MGON LEGS LDAN 'KHOR BCAS BRAN DU 'KHOL, ,DREGS PA ZIL GNON G-YUNG STON RDO RJE DPAL, ,RJE BTZUN CHOS KYI RGYAL PO TZONG KHA BAS, ,RDO RJE 'JIGS BYED DBANG DANG GDAMS PA GNANG, , PHYAG DRUG MGON PO BSNYEN SGRUB BI'U BUM PA, ,LHAD ZHUGS BSAL MDZAD MKHAS GRUB DGE LEGS DPAL, ,MKHA' 'GROS LUNG BSTAN BSOD NAMS RIN CHEN LAS, ,DUR SMROG RTAGS BZHIS 'JAM PA'I RDO RJE BSGRUBS, ,DPAL LDAN LHA MO'I MNGON SUM ZHAL GZIGS NAS, ,BKA' SRUNGS MDZAD BA'I BSOD NAMS PHYOGS GLANG ZHABS, ,CHOS KYI RDO RJE'I ZHABS RDUL LEGS BSTEN NAS, ,'KHOR LO SNGOM PA'I DBANG DANG GDAMS PA ZHUS, ,LAS KYI GSHIN RJE PHYI NANG GSANG GSUM

, ,SOGS, ,MNGON SUM BRAN 'KHOL GRUB BA'I DBANG PHYUG CHE, ,MKHAS GRUB CHEN PO SANGS RGYAS YE SHES ZHABS, ,LEGS BSTEN HE RU KA YIS BYIN BRLABS SHING, ,RNAM THOS SRAS KYIS 'PHRIN LAS TSUL BZHIN DU, , SGRUB MDZAD BLO BZANG CHOS KYI RGYAL MTSAN ZHABS, ,MKHAN CHEN RDO RJE 'DZIN PA'I BKA' DRIN LAS, ,RDO RJE 'JIGS BYED DBANG DANG GDAMS PA THOB, ,'DOD KHAMS DBANG MO CHOS KYI BSRUNG MAR BSTEN, ,BLO BZANG YE SHES GDUL BYA'I BSOD NAMS ZHING, ,DE LTAR SKYES RABS NYI MA'I GRANGS LDAN PA'I, ,SNANG BRNYEN BAR DU SLOB 'KHOR SPYI TSOGS KYIS, ,DANG BAS BSGRUBS PA'I DGE TSOGS GANG+G'A'I RGYUN, ,KUN KYANG RJES SU 'DZIN PA'I RGYUR GYUR CIG, MANG+GALAm,, ,, ` AOm BDE LEGS SU GYUR CIG ,LHA MI'I RNAM 'DREN SH'AKYA'I RGYAL PO DANG, ,DBYER MED CHOS KYI RGYAL PO TZONG KHA PA, ,YAB SRAS BRGYUD PAR BCAS LA GUS BTUD NAS, ,RNAM DAG BSLAB BA'I BCA' KHRIMS BRJOD PAR BYA, ,DE LA GRVA TSANG 'DIR BZHUGS PA'I GRVA RIGS RNAMS KYIS DGONGS RGYU LA, YUL DUS KYIS MA BTUB NA MA GTOGS GZHI GSUM GYI PHYAG LEN 'CHAG MED DANG, LHAG PAR GSO SBYONG 'CHAG MED BYED DGOS, ,DE'I STENG NAS BSLAB PA GSUM GYI BCA' MTSAMS STON PA'I SO THAR BYANG SEMS KYI BSLAB BYA RGYAS BSDUS CI RIGS PA RNAMS LA 'PHRAL 'PHRAL LA LTA RTOG BYED CING PHAN YON NYES DMIGS RNAMS LEGS PAR BSAMS NAS BLANG DOR LA RTZAL CI YOD KYIS 'BAD PAR BYA ZHING, GRVA TSANG

GI 'DON CHA'I RIGS 'DZIN SKYOR LA BRTZON PA GAL CHE, ,'PHRAL GYI KUN SPYOD THOG MAR TSOGS KYI SGRIGS SKOR LA, DUNG THENG GSUM GYI GNYIS BA'I THOG SDEBS 'TSOGS GRUB PA DANG, GSUM BA'I THOG CHOS SPYOD KYI MGO TSUGS PA BYED CING, DUNG THENG GNYIS PA LAS 'GYANGS TSE PHYAG GSUM RE BYED, GRAL LA BSLAB GRAL DGE BSHES YON TAN CHE BA'I RIGS LA BKUR BZOS GANG CHE BYED, TSOGS 'TSOGS PA NAS MGROL GYI RING LA LUS GDAN SRONGS NAS SDOD PA MA GTOGS GZHOGS SNYES GNYID LOG PA, BZHAD GAD, LONG GTAM SOGS BYED PA DANG, DGOS MED DU 'GRO BA SOGS KHYIM BA MA DAD PA'I SPYOD PA MI BYED, SKYABS 'GRO SEMS BSKYED DANG, RGYAL BA YAB SRAS KYI ZHABS BRTAN, SHER SNYING GI BZLOG PA RNAMS 'CHAG MED BYED, DE PHYIN SBYIN BDAG SO SO'I 'DOD PA DANG BSTUN BA'I RIM GRO SMON LAM RNAMS 'GRO GANG CHE BYED CING, BSKANG GSO SKOR RNAMS RGYUD STOD SMAD DANG, SMON LAM LHAS SMON LAM DANG MTHUN PA BYED CING, YUL DUS GANG DU'ANG 'PHRENG BA CHAB BLUG ,BZAN CHEN SOGS RAB BYUNG GI RTAGS CHA LUGS DANG MA BRAL BA BYED, CHANG 'THUNG BA MA BYIN LEN BYED PA MDA' RGYAG PA SOGS 'DUL KHRIMS DANG 'GAL BA'I BAG MED KYI SPYOD PA MI BYED, 'GYED SOGS KYI SKABS SU BLA MA DBU MDZAD PAR BDUN SKAL DANG, BLA MA GZHAN RNAMS LA LNGA SKAL, DBU CHOS GNYER BA SOGS LA NYIS SKAL, DE PHYIN SBYIN BDAG GI BLOS BSLANGS NAS BYIN PA MA GTOGS GZHAN MA 'DREN SA MED, GAL SRID BSLAB TSUGS LA TSUL

, ,BZHIN MA GNAS PA'I RIGS LA, BLA MA DBU CHOS RNAMS KYIS DBYIBS LTAS KYI 'GEL BKOD BYED, GZHAN MA CHOS SBYOD CHO GA KUN SPYOD SOGS GANG SBYIR BSTAN BA RIN PO CHE'I MIG LTOS LA GANG PHAN BYED DGOS PAR BLA MA DBU CHOS SOGS KYIS YUL DUS DANG BSTUN NAS BKOD BA BYED, BLA MA DBU CHOS SOGS LAS SNE PA RNAMS KYIS BSTAN PA DANG GRVA TSANG LA RGYAR BSAMS BA'I 'DZIN SKYONG BYED SGO TSANG MA PHYOGS LHUNG NYE 'GYANGS RANG 'DOD SPANGS BA'I LHAG BSAM RNAM DAG BYED CING, DE BYAS PHYIN DMANGS SOGS NAS KHA LAG SLOG PA'I RIGS SOGS BYUNG NA BYAS TSABS DANG BSTUN BA'I CHAD PA 'GREL, MDOR NA LAS 'BRAS DBANG BZHAG GI BYA BAS RANG GZHAN GYI MTHO RIS DANG THAR PA'I RGYUR 'GRO BA'I BDAG RKYEN BYED PA GAL CHE, GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHOG ,RTAG BAR DGE 'DUN MTHUN PA DANG, ,DGE 'DUN DON YANG 'GRUB BAR SHOG ,CHOS KYI RGYAL PO TZONG KHA PA'I, ,CHOS TSUL RNAM DAG 'PHEL BA LA, ,GEGS KYI MTSAN MA ZHI BA DANG, ,MTHUN SKYEN MA LUS TSANG BAR SHOG ,CES PA 'DI NI SH'AKYA'I BTZUN BA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, RTZA RGYUD BLA MA YI DAM LHA TSOGS DANG, , PHYOGS BCU'I SANGS RGYAS BYANG SEMS NYAN RANG TSOGS, ,DRANG SRONG GRUB BA RNAMS KYI BDEN TSIG GIS, ,JI LTAR SMON PA'I DON RNAMS 'GRUB PAR MDZOD, ,SKU GSHEGS DE YIS GTZO BYAS 'GRO KUN GYIS, ,THOGS MED DUS NAS BSAGS

PA'I SDIG PA'I LAS, ,MA LUS BYANG ZHING DAG NAS MI KHOM GNAS, ,SPANGS TE MTHO RIS RTEN BZANG THOB PAR SHOG ,GZHON NU NYID NAS BSTAN PA'I SGOR ZHUGS TE, ,BSLAB GSUM BCAS PA'I MTSAMS LAS MI 'DA' ZHING, ,THOS BSAM SGOM DANG 'CHAD RTZOD RTZOM GSUM GYIS, ,RGYAL BA'I BSTAN LA BYA BA BYED PAR SHOG ,RJE BTZUN CHOS KYI RGYAL PO TZONG KHA PA'I, ,BSTAN PA 'DZIN SKYONG SPEL BA'I KHUR BZUNGS NAS, ,RLABS CHEN SPYOD BA'I BYA BA SGRUB PA LA, ,'GAL RKYEN ZHI ZHING MTHUN RKYEN 'GRUB PAR SHOG ,DE LTAR SMON BA JI BZHIN DAG PA'I ZHING, ,ZHING KHAMS DAM PAR CHOS KYI DGA' STON LA, ,RTAG TU NGOMS PA MED PAR SPYOD PA DANG, ,'JAM DPAL SNYING PO'I ZHAL BZANG MTHONG BAR SHOG ,CES PA 'DI NI SKU GSHEGS DA'I CHING HONG THA'I JI DAL 'BYOR RTEN BZANG THOB THABS SMON LAM 'DI LTA BU ZHIG DGOS ZHES JO GDAN MKHAN RIN PO CHES BSKUL BA LTAR SH'AKYA'I DGE SLONG BLO BZANG YE SHES KYIS BKA' GDAMS PO BRANG DU SMRAS PA'O,, BKRA SHIS,, ,, ` AOm SVASTI, SNGON GYI GRUB DBANG PADMA 'BYUNG GNAS SOGS, ,RTZA RGYUD BLA MAS BKA' BSGOS DGE BSNYEN CHE, ,CHOS SKYONG DHARMA SHR'I 'KHOR BCAS KYIS, ,KUN RA BU SLOB BCAS BA TSUL BZHIN SKYONGS, ,BSLAB GSUM RNAM DAG 'PHAGS TSOGS 'DUS PA'I SDE, ,PHAN TSUN MTHUN ZHING MDO SNGAGS BSHAD SGRUB KYIS, ,BSTAN PA DAR ZHING RGYAS LA YUN RING DU, ,MI NUB 'GAL RKYEN PA GEGS RIGS ZHI BAR MDZOD, ,KHYAD PAR 'JAM MGON BLA MA TZONG KHA PA'I, ,BSTAN LA GNOD

, ,BYED DGRA BGEGS GZHOM BA DANG, ,CHOS SKYONG 'KHOR BCAS MTHU STOBS RAB RGYAS NAS, ,'PHAGS TSOGS DGE 'DUN SKU TSE RGYAS PAR SHOG ,CES CHOS SKYONG DHARMA SHR'I LA 'PHRIN BCOL GYI TSIGS BCAD 'DI NI GZHU KUN RA'I GRVA SLOB RNAMS KYI 'DOD BA LTAR CHOS SMRA BA RI BTZUN BA BLO BZANG YE SHES KYIS SMRAS BA DGE LEGS 'PHEL BAR GYUR CIG, ` AOm SVASTI, BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,'PHAGS PA SPYAN RAS GZIGS DBANG PHYUG GI LHA TSOGS 'KHOR DANG BCAS PA RNAMS LA SKYABS SU MCHI'O, ,DPAL MGON DAM PA CHOS SKYONG BA'I BSRUNG MA YE SHES KYI SPYAN DANG LDAN PA RNAMS LA SKYABS SU MCHI'O, , SANGS RGYAS CHOS TSOGS MA TSAR GSUM, TSAD MED BZHI SGOM BA SPYI 'GRO LTAR DANG, KHYAD PAR SEMS CAN THAMS CAD KYI DON DU MYUR BA MYUR PAR YANG DAG PAR RDZOGS PA'I SANGS RGYAS KYI GO 'PHANG CI NAS KYANG THOB BAR BYA, DE'I PHYIR DU SPYAN RAS GZIGS KHA SANGP'A nI'I SGOM BZLAS LA 'JUG PAR BGYI'O, ,AOm SVA BH'A WA SHUDDHA SARBA DHARM'A SVA BH'A WA SHUDDHONYAHAm, STONG PAR GYUR, STONG BA'I DANG LAS RANG GI SEMS NYID HR'I:DKAR PO DE LAS 'OD ZER 'PHROS, RGYAL BA SRAS DANG BCAS PA THAMS CAD MNYES BAR BYIS, SEMS CAN GYI DON BYAS TSUR 'DUS YONGS SU GYUR PA LAS, RANG NYID THUGS RJE CHEN PO KHA SARP'A nI ZHAL GCIG PHYAG GNYIS PA G-YAS MCHOG SPYIN DANG G-YON PADMA DKAR PO BSNAMS PA, RIN PO CHE'I RGYAN DANG DAR

SNA TSOGS KYI NA BZA' CAN, ZHABS GNYIS SEMS DPA'I SKYIL MO KRUNG GIS BZHUGS PA, DE'I SPYI BOR AOm DKAR PO, MGRIN PAR A'A:DMAR BO, THUGS KAR HR'I: DKAR PO H'Um SNGON BOS MTSAN BA, DE LAS 'OD 'PHROS, BSGOMS BA DANG 'DRA BA'I YE SHES PA SPYAN DRANGS, DZA:H'Um BAm HO:DAM TSIG BA DANG GNYIS SU MED PAR GYUR, MCHOD PA BYA RGYUD LTAR BYIN GYIS BRLABS, AARGHAm SOGS KYIS MCHOD, SKYON GYIS MA GOS SKU MDOG DKAR, ZHES SOGS KYIS BSTOD, RANG GI THUGS KAR ZLA BA'I DKYIL 'KHOR GYI STENG DU HR'I: YIG GI MTHAR AOm A'A:HR'I:H'Um, ZHES BAS BSKOR BA LA DMIGS NAS BZLAS BA BYA, MJUG TU DGE BA 'DI YIS MYUR DU BDAG CES SOGS DANG, BYANG CHUB SEMS NYID RIN PO CHE ZHES SOGS BSNGO BA SMON LAM BKRA SHIS KYIS BRGYAN PAR BYA'O, ZHES SH'AKYA'I BTZUN BA BLO BZANG YE SHES KYIS SMRAS BA DGE ZHING BKRA SHIS BAR GYUR CIG, ` SVASTI, 'JIGS BYED LA, PHYI NANG GSANG BA'I 'CHI BDAG 'JOMS MDZAD SKU, ,MTSAN SGROG DGA' LDAN DAR RGYAS CHOS GLING DU, ,G-YUL LHO DGOS SKYES DAD PAS PHUL BA'I DGES, ,'GRO KUN 'CHI BDAG G-YUL LAS RGYAL GYUR CIG ,PHYAG DRUG PA LA, DMU RGOD GDUL DKA' THABS KYIS 'DREN PA'I PHYIR, ,THUGS RJE CHEN PO GNOD SBYIN LTAR KHROS PA'I, ,SKU BRNYAN DANG BAS BZHENGS TE PHUL BA'I MTHUS, ,G-YUL LHO DGOS SKYES BAR CHAD KUN SEL SHOG ,LHA MO LA, DUS GSUM RGYAL BA'I YUM GCIG DBYANGS CAN MA, ,BSTAN DGRA TSAR GCOD DMAG ZOR LA DGYES

, ,TSUL, ,BRIS SKU MTSAN SGROG CHOS SDER SBYAR LAGS KYIS, ,DNGOS GRUB RIN CHEN 'DOD DGU CHAR DU PHOB, ,CHOS RGYAL LA, RJE BTZUN CHOS KYI RGYAL PO TZONG KHA PA'I, ,DKA' SDOD CHOS KYI RGYAL PO'I SNANG BRNYAN SKU, , BI SHVA KARMAS BSKRUN 'DRA 'DI PHUL BAS, ,BSTAN DGRA MA LUS MYUR DU TSAR GCOD SHOG ,MGON PO GUR, RNAM SNANG THUGS SPRUL THUB BSTAN BSRUNG MA'I GTZO, ,GUR MGON NAG PO CHEN BO'I BRIS ZANG 'DI, ,MTSAN SGROG CHOS SDER PHUL BA'I LEGS BYAS MTHUS, ,DGE 'DUN SDE RGYAS SBYIN BDAG 'BYOR LDAN SHOG ,ZHAL BZHI PA, STOBS 'PHROG NAG PO CHEN PO'I BRIS THANG 'DI, ,BA SNAM RDZONG SDOD G-YUL LHO DGOS SKYES KYIS, ,DGA' LDAN DAR RGYAS GLING GI DGE 'DUN SDIR, ,DU LA BAS MTHU LDAN RNAMS KYIS GROGS BYED SHOG ,RNAM SRAS, RIN CHEN MANG SBRUL NGAL BSOS RGYAL PO CHE'I, ,MTSAR CHAGS BRJID BA'I NYAMS LDAN GSER MDOG SKU, ,LHAG BSAM DAG BAS PHUL BA'I BSOD NAMS DES, ,YON MCHOD 'DI PHYIR DGE BA'I BKRA SHIS SHOG ,CES PA 'DI NI LHA SA BA G-YUL LHO DGOS SKYES KYIS CHOS SKYONG YONGS RDZOGS KYI BRIS THANG THOG TSAD MA MTSAN SGROG DGA' LDAN DAR RGYAS GLING DU DAD PAS 'BUL RGYU'I RGYAB YIG SMON LAM BCAS BA DGOS ZHES BSKUL NGOR CHOS SMRA BA'I BTZUN PA BLO BZANG YE SHES KYIS SMRAS BA DGE LEGS 'PHEL,, ` SVASTI, DKON MCHOG THUGS RJE CHOS DBYINGS BDEN PA DANG, ,DAD LDAN GDUL BYA'I MOS BA'I RTEN 'BREL GYIS, ,

MKHAS GRUB DAM PA NGAG DBANG GZHON NU LA, ,YANG SRID BSTAN 'GRO'I DPAL DU MYUR 'BYON SHOG ,CES PA 'DI NI NYI THANG SPRUL SKU RIN PO CHE SLAR YANG BSTAN 'GRO'I DPAL DU MYUR PHEBS KYI GSOL 'DEBS SU CHOS SMRA BA'I BTZUN PA BLO BZANG YE SHES KYIS SMRAS BA DGE LEGS 'PHEL,, ` AOm BDE LEGS SU GYUR CIG ,SNANG BA MTHA' YAS THUGS RJE'I 'OD ZER LAS, ,ZHING 'DIR NYAN THOS TSUL BSTAN RAB 'BYOR CHE, ,PADMA'I NGANG TSUL 'JAM DPAL GRAGS BA DANG, ,RANG RGYUD SROL 'BYED MDZAD LA GSOL BA 'DEBS, ,GRUB BA'I DBANG PHYUG RDO RJE DRIL BU BA, ,MTHA' BRAL DON RTOGS RIG PA'I KHU BYUG CHE, ,DKYIL 'KHOR RGYA MTSO'I MNGA' BDAG AA BHA YA, ,'GOS LO CHEN PO RNAMS LA GSOL BA 'DEBS, , JO 'BROM RDOG LO'I THUGS SRAS GRO LUNG PA, ,GNAS LNGA MTHAR SON SA SKYA PAndI TA, ,SNGA 'GYUR RING LUGS GSAL MDZAD G-YUNG STON DANG, ,MKHAS GRUB LHA DBANG RNAMS LA GSOL BA 'DEBS, ,'CHAD RTZOD RTZOM PA'I KHYU MCHOG DGE LEGS DPAL, ,BSOD NAMS PHYOGS GLANG BLO BZANG DON GRUB DANG, ,BLO BZANG CHOS KYI RGYAL MTSAN 'DZIN PA GANG, ,MA 'ONGS 'KHOR LOS BSGYUR LA GSOL BA 'DEBS, ,DAM PA'I THUGS BSKYED MCHOG GI MTSAMS SBYAR ZHING, , BLO BZANG RGYAL BA'I BSTAN LA RAB BYUNG NAS, ,THOS BSAM SGOM LA BRTZON PA'I NGANG TSUL CAN, ,BLO BZANG YE SHES ZHABS LA GSOL BA 'DEBS, ,BLA MA YI DAM MKHA' 'GRO'I BYIN RLABS DANG, ,BSTAN SRUNGS DAM CAN RGYA MTSO'I MTHU STOBS

, ,KYIS, ,DPAL LDAN BLA MA BSKAL BRGYAR ZHABS BRTAN CING, ,'PHRIN LAS DBYAR MTSO LTA BUR RGYAS BAR SHOG ,BDAG KYANG DENG NAS TSE RABS THAMS CAD DU, ,RJE BTZUN BLA MAS 'BRAL MED RJES BZUNGS NAS, , MDO SNGAGS YON TAN MTHA' DAG RAB RDZOGS SHING, ,RGYAL BA'I BSTAN PA PHYOGS BCUR SPEL BAR SHOG ,KHYAD PAR TSE 'DI'I SNANG BA 'GAG BA'I TSE, ,GNAD GCOD SDUG BSNGAL CUNG ZAD MI 'BYUNG ZHING, ,RJE BTZUN BLA MA'I THUGS RJE'I 'OD ZER GYIS, ,DAG BA'I ZHING DU THOGS MED 'DREN PAR SHOG ,GNAS SKABS BDAG CAG GANG DU GNAS PA DER, ,NAD 'KHRUG MU GE'I RGUD PA RAB ZHI NAS, ,PHAN TSUN GNOD MED BYAMS PA'I SEMS LDAN PAS, ,'GRO KUN PHAN BDE'I DPAL LA SBYOD BAR SHOG ,CES BA 'DI NI RONG BO GRUB CHEN SKAL LDAN RGYA MTSOS PAn CHEN GONG MA'I 'KHRUNGS RABS MDZAD PA LTAR RONG PO BLO BZANG RNAMS RGYAL GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS BKA' GDAMS PO BRANG DU SBYAR BA DGE LEGS 'PHEL,, ` NA MO GU RU MANYDZU GHO sh'A YA, BLO BZANG RGYAL BA GNYIS PA'I MDO SNGAGS KYI, ,GZHUNG LUGS GNAS LA MKHYEN PA'I DKYIL 'KHOR RGYAS, ,YE SHES 'OD KYIS MA RIG MUN SEL PA'I, ,RJE BTZUN BLA MA'I ZHABS LA GSOL BA 'DEBS, ,MTSAN DPE GSAL RDZOGS LTA BAS MI NGOMS SHING, ,YAN LAG DRUG CU'I DBYANGS KYIS DAM CHOS STON, ,KUN LA SNYOMS PA'I THUGS RJE RGYUN CHAD MED, ,RJE BCUN BLA MA'I ZHABS LA

GSOL BA 'DEBS, ,BSLU MED BLA MA YI DAM DKON MCHOG GSUM, ,DRANG SRONG BDEN TSIG GRUB PA'I SMON LAM DANG, ,CHOS DBYINGS RNAM PAR DAG PA'I BDEN STOBS KYIS, ,SKYABS MGON DAM PA BSKAL BRGYAR ZHABS BRTAN SHOG , PHYAG DRUG MGON PO DAM CAN CHOS KYI RGYAL, ,DMAG ZOR RGYAL MO RNAM MANG THOS SRAS DANG, ,ZHAL BZHI DREGS BA LCAM SRING MTHU STOBS KYIS, ,DPAL LDAN BLA MA'I BZHED DON LHUN GRUB SHOG ,GNAS SKABS BDAG CAG NAD MED 'BYOR PA 'PHEL, ,TSE RING BSAM DON YID BZHIN 'GRUB 'GYUR ZHING, ,RGYAL BA'I BSTAN LA BYA BA BYED BA DANG, ,MTHAR THUG KUN MKHYEN THOB PA'I BKRA SHIS SHOG ,CES PA 'DI NI SMAN RI BLA MA G-YUNG DRUNG TSUL KHRIMS SOGS BLA SPYI RNAMS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` SVASTI, 'JAM PA'I DBYANGS KYIS DNGOS SU BYIN BRLABS BAS, ,BYANG SEMS BSLAB BA'I GNAS KUN STON MDZAD CING, ,BRTUL ZHUGS SPYOD PAS PHA ROL ZIL GNON PA'I, ,RGYAL SRAS ZHI BA'I LHA LA GSOL BA 'DEBS, ,GZHON NU NYID NAS BKA' GDAMS BSTAN BA LA, ,RAB TU ZHUGS NAS SGRUB PA'I RGYAL MTSAN 'DZIN, ,GSANG THUGS SGO BRGYA 'BYED BA'I PHU CHUNG PA, , GZHON NU RGYAL MTSAN ZHABS LA GSOL BA 'DEBS, ,SKYES STOBS TING 'DZIN BRTAN PO'I MTHU LAS NI, ,YE SHES SNANG BA 'BAR BA'I RDZU 'PHRUL CAN, ,MTHU STOBS NUS PA'I MNGA' BDAG MI G-YO DNGOS, ,SNE'U ZUR BA'I ZHABS LA

, ,GSOL BA 'DEBS, ,'JAM DPAL DBYANGS DNGOS RGYAL BA TZONG KHA BA'I, ,SGRUB BRGYUD BSTAN PA'I RGYA MTSO SPEL BA LA, ,THUGS BSKYED SMON LAM BZANG PO'I MTHU GRUB PA'I, ,'JAM DPAL RGYA MTSO'I ZHABS LA GSOL BA 'DEBS, ,SHES RAB MCHOG GIS ZAB MO'I DE NYID GZIGS, ,BYANG CHUB SEMS GNYIS 'PHEL BA'I SKYES BU'I MCHOG ,SBAS PA'I BRTUL ZHUGS 'DZIN BA'I RNAL 'BYOR PA, ,RGYAL SRAS SHES RAB 'PHEL LA GSOL BA 'DEBS, ,DAM CHOS BDUD RTZI'I CHU GTER 'PHEL BA'I MTSO, ,TSOGS GNYIS SPYOD PA'I RLABS 'PHRENG G-YO BA YIS, ,SKYE DGU'I PHAN BDE'I LO TOG RGYAS MDZAD BA'I, ,RJE BTZUN BLA MA'I ZHABS LA GSOL BA 'DEBS,, MTHONG BA DON YOD KUN MKHYEN CHOS KYI RGYAL, ,BLO BZANG BSTAN PA'I RING LUGS DRI MED BA'I, ,RGYA MTSO'I GOS CAN KUN LA KHYAB MDZAD BA'I, ,DON YOD CHOS KYI RGYA MTSOR GSOL BA 'DEBS, ,BLO GROS BZANG PO'I GRAGS PA GSAL 'BAR BA'I, ,BSTAN BA'I RGYA MTSOR MKHAS BTZUN NOR BU 'DZIN, ,SKU GSUM GDENGS KA 'BAR BA'I 'OD STONG CAN, ,RGYAL SRAS KLU DBANG MCHOG LA GSOL BA 'DEBS, ,YE SHES LUS CAN RJE BTZUN 'JAM PA'I DBYANGS,, DUR SMRIG GAR GYIS RNAM ROL TZONG KHA BA'I, ,BSTAN PA 'DZIN SKYONG SPEL LA RAB BRTZON PA'I, ,GRAGS PA'I MTSAN CAN ZHABS LA GSOL BA 'DEBS, ,DE LTAR SNYING NAS GSOL BA BTAB PA'I MTHUS, ,RJE BTZUN BLA MA SRID MTHAR

ZHABS BRTAN CING, ,RJE BTZUN CHOS KYI RGYAL BO CONG KHA BA'I, ,BSTAN PA YUN DU GNAS PA'I BKRA SHIS SHOG ,CES RGYAL SRAS BLO BZANG BSTAN 'DZIN RGYA MTSO'I SKYES RABS DON GYI SLAD DU MTSAN NAS SMOS TE BDAG GI MKHAN PO RIN PO CHE GONG MA LNGA PA CHEN BOS MDZAD BA'I GO RIMS DANG MTHUN PA LTAR 'KHRUNGS RABS BRTAN BZHUGS DANG BCAS PA 'DI NI ZHABS 'BRING PA RNAMS KYIS BSKUL NGO DANG BSTUN CHOS SMRA BA'I BTZUN PA BLO BZANG YE SHES KYIS SMRAS PA DGE ZHING BKRA SHIS PAR GYUR CIG, ` SVASTI, 'DI LTAR BDAG GI 'BAD BAS BSGRUBS PA YI, ,DGE BA'I RTZA BA JI SNYED MCHIS PA DES, ,'DI NAS SKYE BA GZHAN GYIS MCHOD BAR, ,RNAM SMIN BRGYAD LDAN RTEN BZANG THOB PAR SHOG ,DE TSE JO BO YAB SRAS SKU MCHED GSUM, ,'JAM MGON CHOS KYI RGYAL PO TZONG KHA PA'I, ,THUN MONG MIN PA'I RNAM THAR GTZANG MA LA, ,DANG CING MOS PA'I SEMS KYIS 'JUG PAR SHOG ,KHYAD PAR RGYAL BA YAB SRAS RNAM GSUM GYIS, ,'BRAL BA MED PAR DGYES BZHIN RJES BZUNGS TE, ,DAD BRTZON SHES RAB PHUL DU BYUNG BA DANG, ,DAM CHOS BDUD RTZI'I DPAL LA SPYOD PAR SHOG ,DE YI MTHU LAS GSUNG RAB KUN GYI GNAD, ,SKYES BU GSUM GYI LAM GYI RIM PA YIS, , RANG RGYUD SBYONG ZHING PHYIN DRUG BSDU BZHI YIS, ,'GRO KUN DON DU SANGS RGYAS MYUR THOB SHOG ,GNAS SKABS SU YANG RIGS RGYUD MNGA' THANG DANG, ,TSE BSOD 'DOD DGU'I DPAL 'BYOR SNA TSOGS BA, ,DGE LDAN BSTAN PA RGYAS

, ,PHYIR 'PHEL BA DANG, ,'DZAM GLING BDE LEGS CHEN BOS KHYAB PAR SHOG ,CES BA 'DI NI RGYAL MO TSE RING BKRA SHIS YUM SRAS KYI 'BAD BA CHEN BOS BYANG CHUB LAM GYI RIM PA'I LUNG GSAN BA'I DGE RTZA RDZOGS BYANG DU BSNGO BA'I PHYIR DU CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, RGYAL KUN YUM GCIG STON KA'I ZLA LTAR DKAR, ,ZHAL GCIG PHYAG G-YON AUTPAL SNGON POS MDZES, ,'GRO LA TSE DANG YE SHES STZOL MDZAD PA'I, ,RJE BTZUN YID BZHIN 'KHOR LO'I ZHABS LA 'DUD, CES BA 'DI NI RGYAL SRAS S'URYA'I ZHAL 'DON DU CHOS SMRA BA'I BTZUN BA BLO BZANG YE SHES KYIS SMRAS BA DGE LEGS 'PHEL,, ` NA MO MANYDZU GHO sh'A YA, DUS GSUM RGYAL BA'I YAB GCIG 'JAM BA'I DBYANGS, ,RGYA BOD KUN TU SBRUL BA'I ZLOS GAR GYIS, ,BSTAN BA'I SNYING PO GSAL BAR MDZAD PA YI, ,BLO BZANG GRAGS BA'I ZHABS LA GSOL BA 'DEBS, ,MGON PO GANG DE'I THUGS RJE'I BYIN RLABS KYIS, ,BLO BZANG BSTAN BA'I NYI MA CHOS KYI RJE, ,GDUL BYA PADMO'I GNYEN DU 'BYON BA DANG, ,BZHED DON MA LUS LHUN GYIS 'GRUB PAR SHOG ,BDAG KYANG DENG NAS TSE RABS THAMS CAD DU, ,RDO RJE 'CHANG DBANG BLO BZANG GRAGS BA DANG, ,BSHES GNYEN DAM BAS 'BRAL MED RJES 'DZIN CING, ,THEG MCHOG CHOS KYI DPAL LA SBYOD BAR SHOG ,SKYE ZHING SKYE BA DAG NI THAMS CAD DU, ,DAL 'BYOR RTEN THOB BSTAN LA RAB BYUNG NAS, ,THOS BSAM

SGOM DANG 'CHAD RTZOD RTZOM GSUM LA, ,BLO GROS SPOBS PA'I SNANG BA THOB PAR SHOG ,DE LTAR SGRUB LA GNAS GSUM MKHA' 'GRO DANG, ,CHOS SKYONG BSRUNG MAS RTAG TU GROGS MDZAD NAS, ,RGYAL BA'I BSTAN PA 'DZIN SKYONG SPEL BA LA, , BAR GCOD BGEGS KYI MTSAN MA ZHI BAR SHONG, ,CES BA 'DI NI DBON CHUNG BLO BZANG RGYAL MTSAN GYIS BSKUL PA'I NGOR CHOS SMRA BA'I BTZUN BA BLO BZANG YE SHES KYIS SBYAR BA'O,, ` AOm BDE LEGS SU GYUR CIG ,BLO BZANG BSTAN PA'I KUNDA'I TSAL YANGS POR, ,MKHYEN BA'I YE SHES 'OD DKAR GZI 'BAR ZHING, ,GDUL BYA GLING BZHI'I MUN BA SEL BA'I MGON, ,DPAL LDAN BLA MA'I ZHABS LA GSOL BA 'DEBS, ,BLO BZANG GRAGS PA'I GZHUNG LUGS RGYA MTSO LAS, , 'ONGS BA'I SKU GSUM YE SHES 'OD DKAR GYIS, ,SKAL BZANG 'GRO BA'I MI SHES MUN SEL BA, ,DPAL LDAN BLA MA'I ZHABS LA GSOL BA 'DEBS, ,GANGS CAN LJONGS 'DIR 'JAM MGON BLO BZANG BSTAN, ,'DZIN LA ZLA MED LHA MI'I SKYABS GCIG BU, ,TSOGS GNYIS YE SHES YON TAN YONGS RDZOGS PA'I, ,DPAL LDAN BLA MA'I ZHABS LA GSOL BA 'DEBS, ,DE LTAR SHUGS DRAG GSOL BA BTAB PA'I MTHUS, ,DENG NAS SKYE ZHING SKYE BA THAMS CAD DU, ,RJE BTZUN BLA MAS 'BRAL MED RJES BZUNGS TE, ,SA DANG LAM GYI RTOGS PA MTHAR PHYIN SHOG ,GNAS SKABS SU YANG TSE RING NAD MED CING, ,RIGS RGYUD MNGA' THANG 'BYOR PA RAB 'PHEL ZHING, ,JI LTAR BSAMS PA'I DON RNAMS MA LUS PA, ,

, ,'BAD MED LHUN GYIS GRUB BA'I BKRA SHIS SHOG ,CES BA 'DI NI YANG THANG LHO PA DKON MCHOG DPAL BZANG BA BU'I RGYUN LDAN NGAG 'DON DU BYAS CHOG BA'I GSOL 'DEBS SMON LAM BKRA SHIS DANG BCAS PA 'DI LTA BU ZHIG DGOS ZHES BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS BA'O,, BKRA SHIS,, ` AOm BDE LEGS SU GYUNG CIG ,BLO BZANG GRAGS BA'I BSTAN PA'I RGYAL MTSAN MCHOG ,PHYOGS DUS KUN TU MI NUB 'DZIN PA LA, , SNYING STOBS 'PHRIN LAS BZANG PO'I DPAL MNGA' BA, ,RJE BTZUN BLA MA SRID MTHAR ZHABS BRTAN SHOG ,CES BA 'DI NI SEMS DPA' SPRUL BA'I SKU GRAGS PA RGYAL MTSAN DPAL BZANG PO'I ZHABS BRTAN 'DI LTA BU ZHIG DGOS ZHES GRVA RIGS RNAMS KYIS BSKUL BA'I DOR CHOS SMRA BA'I BTZUN BA BLO BZANG YE SHES KYIS SMRAS BA'O,, BKRA SHIS,, ` SVASTI, BLO BZANG MKHYEN PA'I DKYIL 'KHOR RAB RGYAS SHING, ,YE SHES 'PHRIN LAS 'OD STONG 'BAR BA YIS, ,DAD LDAN PADMO'I TSAL RAB KHA 'BYED BA'I, ,RJE BTZUN BLA MA'I ZHABS LA GSOL BA 'DEBS, ,BSLU MED BLA MA YI DAM BYIN RLABS DANG, ,DREGS LDAN CHOS SKYONG BSRUNG MA'I MTHU STOBS KYIS, ,BSTAN BA'I SGRON ME BLO BZANG YE SHES KYI, ,ZHABS KYI PADMO BSKAL BRGYAR BRTAN PAR SHOG ,DE LTAR RTZE GCIG YID KYIS GSOL BTAB BAS, ,SKYE BA KUN TU DPAL LDAN BLA MA DANG, ,NAM YANG 'BRAL MED CHOS LA LONGS SPYAD DE, ,THOS BSAM SGOM PA MA LUS MTHAR PHYIN SHOG ,CES

SEMS DPA' SBRUL SKU GRAGS BA RGYAL MTSAN DPAL BZANG BOS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS SMRAS BA DGE LEGS 'PHEL,, ` NA MO GU RU MANYDZU GHO sh'A YA, PHYOGS BCU'I ZHING BZHUGS RGYAL BA KUN GYI, , MKHYEN BRTZE'I BDAG NYID 'JAM MGON BLA MAS, ,RJES BZUNGS RJE BTZUN BLO BZANG YE SHES, ,RTZE GCIG GUS PAS GSEL BA 'DEBS SO, ,DENG NAS BZUNGS TI MGON PO KHYOD KYIS, ,BYANG CHUB SNYING POR MCHIS KYI BAR DU, ,'BRAL BA MED PAR RJES SU BZUNGS NAS, ,DNGOS GRUB MA LUS CHAR LTAR PHOB CIG ,RGYAL BA GNYIS PA'I MDO SNGAGS GZHUNG GI, ,CHOS TSUL MA LUS GSAL BAR BYED PA'I, ,MKHYEN BA'I YE SHES 'OD STONG 'PHRO BA, ,RJE BTZUN BLA MAR GSOL BA 'DEBS SO, ,DENG NAS CHOS SKU MNGON DU MA GYUR, ,DE SRID 'BRAL MED RJES SU BZUNGS NAS, ,RNAM GROL THAR PA'I GLING DU BGROD BAR, ,RJE BTZUN BLA MAS BYIN GYIS BRLOBS SHIG ,LNGA BRGYA THA MANG GYUR PA'I DUS SU, ,'GRO RNAMS THAR BA'I LAM LA 'GOD PHYIR, ,SNA TSOGS SPRUL BA'I MDZAD PA STON BA'I, ,DPAL LDAN BLA MAR GSOL BA 'DEBS SO, ,DENG NAS BYANG CHUB MA THOB BAR DU, ,RTZE BA'I SPYAN GYIS NYE BAR GZIGS LA, ,MTHO RIS THAR PA'I LAM SNA DRANGS TE, ,NGAN SONG 'JIGS PA KUN LAS SKYOBS SHIG ,DUS GSUM RGYAL DANG RGYAL SRAS GZHAN GYIS, ,MNGON SUM 'DUL BA'I SKAL DMAN BDAG GI ,SKYABS MGON RJE BTZUN BLO BZANG YE SHES, ,

, ,SHUGS DRAG DAD PAS GSOL BA 'DEBS SO, ,LHA MI'I GNYEN GCIG BLA MA KHYED KYIS, ,BDAG SOGS MAR GYUR SEMS CAN RNAMS LA, ,ZAB RGYAS CHOS KYI CHAR CHEN PHAB NAS, ,DGE BA'I LO TOG SMIN BAR MDZOD CIG ,THUB PA'I NYIN BYED ZHING GZHAN GSHEGS NAS, ,MA RIG MUN BA'I SMAG CHEN GTIBS TSE, ,GDUL BYA'I YID KYI KU MUD 'BYED BA'I, ,MKHAS GRUB DAM PAR GSOL BA 'DEBS SO, ,LAS NYON SDUG BSNGAL DRAG POS GTZES PA'I, ,NYAMS THAG MGON MED 'GRO BA BDAG LA, ,BRTZE BA'I MA YIS BU LA JI BZHIN, ,RGYUN CHAD MED BAR THUGS RJES GZIGS SHIG ,SANGS RGYAS DNGOS LA MCHOD CING BSTOD LAS, ,RTZA BA'I BLA MAR GSOL BA BTAB NA, ,DNGOS GRUB MYUR PAR GSUNGS PAR YID CHES, ,GUS PA'I YID KYIS GSOL BA 'DEBS SO, ,DENG NAS BLA MA'I MDZAD SPYOD KUN LA, ,MA DAD LOG LTA CUNG ZAD MED CING, ,DAD BA BRTAN PO RGYUN CHAD MED BAR, ,RGYUD LA SKYE BAR BYON GYIS RLOBS SHIG ,TSE 'DIR RANG BDE 'DOD BA'I SEMS KYIS, ,DBANG MED MI DGE'I LAS LA 'JUG TSE, ,NGAN SONG G-YANGS LAS SGROL BA'I 'DREN BA, ,SKYABS GNAS RJE BTZUN BLO BZANG YE SHES, ,TSIG TZAM MIN BAR SNYING NAS GUS BAS, ,RGYUN CHAD MED BAR GSOL BA 'DEBS SO, ,MI 'DOD RGUD BA KUN LAS SKYOB CING, ,'CHI MED BDUD RTZI'I DGA' STON SCOL CIG ,LAS NYON CHU KLUNG DRAG PO'I RGYUN GYIS, ,MTHA' MED SRID PA'I RGYA MTSOR KHYER TSE, ,

SKYE RGAN 'CHI'I PHA MTHAR SGROL BA'I, ,DED DPON BZANG BO BLO BZANG YE SHES, ,BLO SNYING BRANG GSUM GTAD BA'I YID KYIS, ,GDUNG SHUGS DRAG POS GSOL BA 'DEBS SO, ,YANG DAG LTA BAS SRID BA'I RTZA BA, ,DRUNG NAS 'BYIN BAR BYIN GYIS RLOBS SHIG ,RANG DON 'BA' ZHIG SGRUB BA'I BSAM BAS, ,DRIN CAN MA RNAMS 'DOR LA PHYOGS TSE, ,THEG MCHOG LAM DU BKRI BA'I BSHES GNYEN, ,YONGS 'DZIN DAM PA BLO BZANG YE SHES, ,BKA' DRIN CHEN PO YANG YANG DRAN PA'I, ,LHAG BSAM DAG PAS GSOL BA 'DEBS SO, ,BYAMS DANG SNYING RJE BYANG CHUB SEMS KYI, ,GDAMS PA ZAB MOS TSIM BAR MDZOD CIG ,THUN MONG LAM KUN NYAMS SU BSTAR BAS, ,BLA MED GDUL BYA'I SNOD RUNG DAG LA, , LAM DUS DBANG BZHIS SMIN BAR MDZAD PA'I, ,RDO RJE'I SLOB DPON BLO BZANG YE SHES, ,RIGS KUN KHYAB BDAG RDO RJE 'CHANG DU, ,YID CHES GUS BAS GSOL BA 'DEBS SO, ,SKU GSUM GO 'PHANG BDE BA CHEN PO, ,MYUR DU THOB BAR BYIN GYIS RLOBS SHIG ,MDOR NA 'DI PHYI BAR DO GSUM DU, ,GSOL BA 'DEBS SO BYIN GYIS RLOBS LA, ,MA 'ONGS SRAS KYI THU BOR 'GYUR BAR, ,RJE BTZUN BLA MAS BYIN GYIS RLOBS SHIG ,CES BLA MA'I THUGS RJE'I CHAR RGYUN BSKUL BA'I SPRIN SGRA ZHES BYA BA 'DI NI, LA MO CHOS SKYONG CHEN BO'I DRUNG YIG BA BSOD NAMS GRAGS BAS 'DI LTA BU ZHIG DGOS ZHES BSKUL BA'I BLO NGO DANG BSTUN NAS CHOS SMRA BA'I BTZUN BA BLO BZANG YE SHES KYIS BKA' GDAMS PHO BRANG DU SMRAS BA'O, ,MANG+GALAm,

, ,AOm SVASTI, 'DIR BLA MA'I RNAL 'BYOR STOBS BZHI BI BSHAGS BSDOMS DANG BCAS PA BYA TSUL NI, SKYABS 'GRO SEMS BSKYED TSAD MED BZHI SNGON DU BTANG NAS, RANG YI DAM GYI LHA GANG YANG RUNG BA'I RNAL 'BYOR LA GNAS BZHIR PA'I NGANG NAS, AOm A'A:H'Um LAN GSUM GYIS MCHOD RDZAS RNAMS BYIN GYIS BRLABS, DGE SEMS KHYAD PAR CAN BYANG CHUB KYI SEMS KYI NGANG NAS, MDUN GYI NAM MKHAR SENG GE CHEN PO BRGYAD KYIS BTEG PA'I RIN PO CHE'I KHRI'I STENG DU PAD ZLA NYI MA'I DKYIL 'KHOR GYI STENG DU BLA MA GSUM LDAN RDO RJE 'DZIN BA'I RNAM PA CAN, SKU MDOG GUR KUM GYI MDANGS DANG LDAN PA ZHAL GCIG PHYAG GNYIS BA, PHYAG G-YAS CHOS 'CHAD G-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, SKU LA CHOS GOS DUR SMRIG GI MDOG CAN DANG, DBU LA PAn ZHVA SER PO GSOL BA, ZHABS GNYIS RDO RJE SKYIL GRUNG GI TSUL GYIS BZHUGS SHING RANG RE RNAMS LA DGYES BA'I 'DZUM MDANGS DANG LDAN PA'I TSUL GYIS BZHUGS PA, DE'I MTHA' SKOR DU BRGYUD BA'I BLA MA, YI DAM SANGS RGYAS BYANG SEMS DPA' BO MKHA' 'GRO CHOS SKYONG BA'I BSRUNG MA RANG RANG GIS GSUNGS BA'I LUNG GI CHOS DANG BCAS TE BZHUGS BA'I GTZO 'KHOR THAMS CAD KYI SPYI BOR AOm, MGRIN BAR A'A: THUGS KAR H'Um GIS MTSAN PA, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I YE SHES BA SPYAN DRANGS, RANG 'DRA'I DAM TSIG BA SO SO LA THIM BAR GYUR, DE NAS, GANG GI DRIN GYIS BDE CHEN GNAS,

ZHES SOGS KYI PHYAG BYA, PHYI NANG GSANG BA'I MCHOD TSOGS MA LUS 'BUL, ,MI DGE SDIG BA'I LAS RNAMS SO SOR BSHAGS, ,DGE TSOGS KUN LA SNYING NAS YI RANGS SHING, ,CHOS 'KHOR BSKOR PHYIR ZHABS BRTAN DGE BA BSNGO, ,DUS GSUM SANGS RGYAS SRAS BCAS SPYAN SNGA RU, ,SEMS BSKYED SKRAG PA'I YID KYIS SKYABS SU MCHI, ,MI DGE SDOM GSUM BCAS MTSAMS LAS 'DAS PA, ,KHONG BAR DUG SONG BZHIN DU 'GYOD CING BSHAGS, ,SLAN CHAD MI BGYID LHA YI SGOM BZLAS DANG, ,PHYAG MCHOD SKOR BA MDO SDE'I TSIG 'DZIN KLOG ,SDIG PA'I 'KHOR GSUM STONG PAR BSGOM PA SOGS, ,GNYEN PO'I STOBS LA RGYUN DU 'BAD PAR BGYI, ,DE NAS DMIGS BRTZE MA'AM, DGE LEGS YON TAN BA'AM, BLO GROS YANGS BA'I SKAL BZANG GDUL BYA'I TSOGS, ZHES SOGS RANG GANG MOS KYIS GSOL BA BTAB PAS, BLA MA'I THUGS KA NAS 'OD ZER 'PHROS PAS TSOGS ZHING GZHAN RNAMS LA 'PHOG PAS THAMS CAD 'OD DU ZHU NAS BLA MA LA THIM, BLA MA YANG 'OD DU ZHU NAS RANG LA THIM BAS, BLA MA'I SKU GSUNG THUGS DANG RANG GI LUS NGAG YID GSUM DBYER MED DU GYUR PA LA MNYAM PAR 'JOG PA NI BLA MA'I RNAL 'BYOR GYI SNYING PO YIN, DE NAS, SKYE BA KUN TU YANG DAG BLA MA DANG, ZHES SOGS DANG, 'DI LTAR BGYIS PA'I RNAM DKAR DGE BA DANG, ,DKON MCHOG THUGS RJE DRANG SRONG BDEN TSIG GIS, ,DENG NAS YANG SRID SKYE BA THEMS CAD DU, ,RJE BTZUN BLA MAS 'BRAL MED RJES 'DZIN SHOG ,CES PA 'DI NI MTSO SNA DKAR

, ,BCU BA BLO GROS NYI MAS BSKUL BA'I NGOR, SH'AKYA'I BTZUN PA BLO BZANG YE SHES KYIS SMRAS PA'O,, ` NA MO GU RU MANYDZU GHO sh'A YA, DUS GSUM RGYAL BA'I YE SHES GCIG BSDUS NAS, ,BSHES GNYEN DAM PA'I TSUL GYIS RNAM ROL ZHING, ,MA NOR LAM BZANG STON PA'I BLA MA LA, ,GSOL BA 'DEBS SO BDAG RGYUD BYIN GYIS RLOBS, ,RGYAL DANG RGYAL SRAS PHAL CHER BTANG SNYOMS KYIS, ,BDAG CAG MGON MED 'GRO BA YAL BOR TSE, ,THUGS RJE RGYUN TSAD MED PA'I BLA MA LA, ,GSOL BA 'DEBS SO BDAG RGYUD BYIN GYIS RLOBS, ,DMU RGOD GDUL DKA'I MTHA' 'KHOB 'GRO BA RNAMS, ,SNGON GYI THUGS BSKYED BZANG PO'I GZI BYIN GYIS, ,SRID ZHI'I 'JIGS LAS SKYOB PA'I BLA MA LA, ,GSOL BA 'DEBS SO BDAG RGYUD BYIN GYIS RLOBS, ,BSHES GNYEN DAM PA SROG LTAR GCES 'DZIN CING, ,RNYED DKA' 'JIG SLA'I DAL 'BYOR RTEN BZANG 'DI, ,NAM 'CHI NGES MED NGAN 'GRO'I SDUG BSNGAL GYIS, ,SKRAG PA'I BLO YIS SKYABS LA BLO GTOD SHOG ,DKAR NAG LAS KYI RNAM SMIN RGYU MTHUN DANG, ,BDAG 'DRAS TSUL LA ZHIB TU BSAMS PA'I MTHUS, ,BAG YOD SBYOR BA DRAG PO'I BRTZON 'GRUS KYIS, ,SDIG SPONG DGE BA SGRUB PAR BYIN GYIS RLOBS, ,MTHO RIS RTEN LA'ANG YID BRTAN MI RUNG ZHING, ,SKYE RGA NA 'CHI NGES MED NGOMS MI SHES, ,'THAB RTZOD GNYEN DANG 'BRAL BA'I SDUG BSNGAL SOGS, ,BSGOMS PAS 'KHOR BA SPYI LAS BRGAL 'DOD SHOG ,NGES 'BYUNG TSUL KHRIMS RTZE GCIG GNAS PA'I

SEMS, ,'KHOR BA'I RTZA BA BCOD PA'I LAM GCIG PU, ,GNAS LUGS JI BZHIN RTOBS PA'I SHES RAB KYIS, ,GTAN BDE'I THAR PA MYUR DU THOB PAR SHOG ,RANG NYID JI BZHIN DRIN CAN PHA MA RNAMS, ,SDUG BSNGAL GSUM GYIS MNAR BA'I TSUL BSAMS TE, ,BYANG CHUB MCHOG TU SEMS BSKYED PHYIN DRUG DANG, ,BSDU BA BZHI YI NYAMS LEN MTHAR PHYIN SHOG ,GZHAN YANG ZHI BA LHA YI DGONGS PA BZHIN, ,BDAG GZHAN BRJE BA'I SNYING STOBS CHEN PO YIS, ,'GRO KUN SDUG KUN BDAG LA LEN PA DANG, ,BDAG GI BDE DGE GZHAN LA GTONG BAR SHOG ,RE DOGS SPANGS PA'I SKYABS 'GRO BSAG SBYANG DANG, ,GDON LA GTOR MA CHOS SKYONG BSRUNG MA LA, ,GSOL BA 'DEBS PA'I SBYOR BZHI'I NYAMS LEN GYIS, ,RKYEN NGAN LAM GYI GROGS SU SGYUR BAR SHOG ,BYANG CHUB SEMS GNYIS SBYONG BA'I 'PHEN PA DANG, ,YANG YANG GOMS DANG TSOGS GNYIS GSOG LA BRTZON, ,GCES 'DZIN 'DUL ZHING DGE BA BYANG CHUB BAR, ,SEMS MCHOG 'PHEL BA'I RGYU RU BSNGO BAR SHOG ,STOBS LNGA YANG DAG SBYAR BA'I 'PHO BA YIS, ,DAG PA'I ZHING DU THOGS MED BGROD PA DANG, ,BLO SBYONG DAM TSIG BSLAB BYA'I NYAMS LEN GYIS, ,DAL 'BYOR RTEN LA SNYING PO LONGS PAR SHOG, THUN MONG LAM SBYANGS RNAM DAG DBANG BZHI THOB, ,DBANG DUS KHAS BLANGS DAM TSIG 'BAD PAS BSRUNGS, ,RIM GNYIS ZAB MO'I GNAD LA BRTZON PA YIS, ,TSE GCIG NYID LA SANGS RGYAS MYUR THOB SHOG ,DE LTAR GSOL ZHING SMON

, ,LAM BTAB BA'I MTHUS, ,YONGS RDZOGS MAN NGAG STON PA'I BSHES GNYEN RNAMS, ,BSKAL BRGYA'I BAR DU ZHABS PAD BRTAN PA DANG, ,SANGS RGYAS BSTAN PA DAR BA'I BKRA SHIS SHOG, ` AOm SVASTI, BLO BZANG RGYAL BA GNYIS PA'I MDO SNGAGS KYI, ,BSTAN PA'I RGYAL MTSAN 'DZIN PA'I DPAL YON CAN, ,YE SHES 'PHRIN LAS 'OD DKAR 'PHRO BA YIS, ,GDUL BYA'I BLO MUN SEL LA GSOL BA 'DEBS, ,DKON MCHOG RIN CHEN RNAM GSUM BYIN RLABS DANG, ,BSTAN SRUNGS DAM CAN RGYA MTSO'I MTHU STOBS DANG, ,DAD LDAN GDUL BYAS RTZE GCIG GSOL BTAB MTHUS, ,DPAL LDAN BLA MA SRID MTHAR ZHABS BRTAN SHOG ,DE LTAR SHUGS DRAG DANG BAS GSOL BTAB PAS, ,DENG NAS YANG SRID SKYE BA THAMS CAD DU, ,RJE BTZUN BLA MAS 'BRAL MED RJES BZUNGS NAS, ,DAM CHOS BDUD RTZI'I DPAL LA SPYOD BAR SHOG ,CES PA 'DI NI AER TE NI JO RIG THU HOR THA'I JI'I MI SNA RAB 'BYAMS BA CHOS 'PHEL SOGS KYIS BSKUL BA'I NGONG CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, DUS GSUM RGYAL BA'I MKHYEN BRTZE GCIG BSDUS NAS, ,BLO BZANG BSTAN PA'I RGYAL MTSAN 'DZIN PA'I DPAL, ,YE SHES 'OD KYIS RMONGS PA KUN SEL BA'I, ,DPAL LDAN BLA MA'I ZHABS LA GSOL BA 'DEBS, ,BLA MA YI DAM MCHOG GSUM THUGS RJE DANG, ,RIG SNGAGS GRUB PA RNAMS KYI BDEN TSIG GIS, ,'DREN MCHOG DAM PA BSKAL BRGYAR ZHABS BRTAN

CING, ,'PHRIN LAS DBYAR MTSO LTA BUR RGYAS BAR SHOG ,DAD LDAN SKYE DGUS RTZE GCIG GSOL BTAB PA'I, ,RTEN 'BREL CHOS NYID 'GYUR BA MED PA'I MTHUS, ,RJE BTZUN BLA MA BSKAL BRGYAR ZHABS BRTAN CING, ,BSTAN PA'I SBYIN BDAG MNGA' THANG 'PHEL BAR SHOG ,CES PA 'DI NI DKAR? CHAN RIN? CHEN GYIS BSKUL BA LTAR CHOS SMRA BA'I BTZUN BA BLO BZANG YE SHES KYI SA SMRAS PA DGE LEGS 'PHEL,, ` AOm SVASTI, TSOGS GNYIS YON TAN RGYA MTSOS MNGON BRJID CING, ,'JAM MGON ZHVA SER BSTAN PA 'DZIN PA'I RJE, ,BLO BZANG RGYAL BA'I MDO SNGAGS CHOS TSUL RNAMS, ,MKHYEN PA'I YE SHES MNGA' LA GSOL BA 'DEBS, ,DE LTAR SHUGS DRAG GUS PAS GSOL BTAB PAS, ,TSE 'DAS AA CE RTA MGRIN CHOS SGROL SOGS, ,NGAN SONG GSUM DU NAM YANG MI SKYE ZHING, ,MTHO RIS RTEN BZANG RTAG TU THOB PAR SHOG ,DKON MCHOG TSE BRTAN MGON PO RNAM PA GNYIS, ,BLO BZANG MCHOG MDZES BLO BZANG RGYAL MTSAN DANG, ,TSE BRTAN MGON PO BSAM GRUB RGYAL BO DANG, ,TSE RING DBYANGS CAN BSOD NAMS BU KHRID RNAMS, ,GNAS SKABS TSE RING NAD MED 'BYOR LDAN SHOG ,MDOR NA BDAG SOGS NYE DUR BCAS PA RNAMS, ,DENG NAS BYANG CHUB SNYING PO MA THOB BAR, ,YON TAN KUN RDZOGS MGON PO KHYOD NYID KYIS, ,'BRAL MED DGYES BZHIN RJES SU 'DZIN PAR SHOG ,'JIG RTEN KHAMS SU DMAG 'KHRUG MU GE SOGS, ,MI SHIS MTSAN MA BRGUD PA MI 'BYUNG ZHING, ,PHAN TSUN BYAMS PA'I SEMS DANG LDAN

, ,GYUR NAS, ,RTAG TU BDE BA'I DPAL LA SPYOD PAR SHOG ,CES PA 'DI NI NANG SO LCANG LO CAN TSE BRTAN MGON PO PHA BUS 'DI LTA BU ZHIG DGOS ZHES BSKUL BA LA BRTEN CHOS SMRA BA'I BTZUN PA BLO BZANG YE SHES KYIS SMRAS PA'O, DGE LEGS 'PHEL,, ` NA MO GU RU, 'DIR BLA MA'I RNAL 'BYOR SGOM PAR 'DOD PAS, THOG MAR BLA MA BSTEN PA'I PHAN YON MA BSTEN PA'I NYES DMIGS RNAMS ZHIB TU BSAM ZHING, KHYAD PAR DAM TSIG DANG SDOM PA TSUL BZHIN MI BSRUNG BA RNAMS KYIS SANGS RGYAS BYANG SEMS RNAMS LA MCHOD KYANG DGYES BZHIN BZHES PA'I DGE BA MI THOB MOD, 'ON KYANG DE LTA BU'I SLOB MAS BLA MA SO SO SKYE BO ZHIG LA MCHOD PA'ANG, SANGS RGYAS BYANG SEMS RNAMS BYON NAS BLA MA DE'I LUS LA BZHUGS SHING, MCHOD PA RNAMS DGYES BZHIN BZHES PA DANG, PHYOGS BCU'I SANGS RGYAS THAMS CAD MCHOD PA LAS BLA MA'I BA SBU'I BU GA GCIG MCHOD PA PHAN YON CHE BA'I TSUL LA NGES PA DRANGS NAS, DAD PA CHEN PO'I NGANG NAS, RANG 'JIGS BYED LTA BU'I NGA RGYAL LA GNAS BZHIN PAS, 'BRU GSUM LAN GSUM BRJOD PAS, NANG MCHOD MCHOD RDZAS RNAMS BYIN GYIS BRLABS LA, 'DI LTAR, MDUN GYI NAM MKHAR DPAG BSAM LJON PA'I RTZER, ,SENG KHRI PANG ZA NYI MA'I DKYIL 'KHOR STENG, ,RTZA BA'I BLA MA GSUM LDAN RDO RJE 'DZIN, ,PHYAG G-YAS CHOS 'CHAD G-YON BA GLEGS BAM BSNAMS, ,MTHA' SKOR RIM BZHIN DNGOS RGYUD BLA MA DANG, ,YI DAM SANGS RGYAS BYANG SEMS NYAN RANG DANG, ,DPA' BO DPA' MO MKHA' 'GRO CHOS SKYONG DANG

DAM CAN RGYA MTSO'I TSOGS KYIS BSKOR BAR GYUR, ,GNAS GSUM RDO RJE GSUM GYI SA BON GYIS, ,LEGS PAR MTSAN ZHING H'Um YIG 'OD ZED GYIS, ,RANG BZHIN GNAS NAS SO SO'I YE SHES PA, ,SPYAN DRANGS DAM TSIG PA DANG DBYER MED GYUR, ,GANG GI ZHABS SEN GUS PAS BRTEN PA YIS, ,SKU GSUM GO 'PHANG MYUR DU STZOL MDZAD CING, ,GNAS SKABS BSAM DON YID BZHIN 'GRUB PA YI, ,RJE BTZUN BLA MA'I ZHABS LA PHYAG 'TSAL LO, ,DNGOS BSHAMS YID SPRUL PHYI NANG GSANG BA YI, ,MCHOD TSOGS KUN 'BUL SDIG LTUNG SO SOR BSHAGS, ,RANG GZHAN DGE LA RJES SU YI RANGS SHING, ,CHOS 'KHOR BSKOR PHYING BSKAL BRGYAR BZHUGS SU GSOL, ,DE LTAR TSOGS BSAGS SPEL DANG BSHAGS PA YI, ,DGE BA'I RTZA BA JI SNYED MCHIS PA DANG, ,KHYAD PAR BSHES GNYEN TSUL BZHIN BSTEN PA YI, ,DGE BA RDZOGS BA'I BYANG CHUB PHYIR BSNGO'O, ,GANG GI RNAM DPYOD THUGS RJE'I 'KHOR LO YIS, ,DGE LEGS RGYA MTSO'I DPAL LA DBANG BSGYUR ZHING, ,GDUL BYA THAR BA'I GLING DU 'KHRID MDZAD PA'I, ,DRIN CAN BLA MA'I ZHABS LA GSOL BA 'DEBS, ,RNAM DAG NGES 'BYUNG SHING RTA LA BRTEN NAS, ,BSLAB GSUM RIM GNYIS GDAMS PA DBANG GI RGYAL, ,MDO RGYUD RGYA MTSO'I KLONG NAS 'DREN MDZAD BA'I, ,THAR 'DOD DENG DPON MCHOG LA GSOL BA 'DEBS, ,DGE LEGS RGYA MTSO'I DPAL GYIS BSKRUN PA YI, ,MANG THOS TSUL LDAN 'KHOR LO BZHI DANG LDAN, ,DON GYI SNYING BO THAR LAM STON PA YI, ,MTSAN

, ,MCHOG DON DANG LDAN LA GSOL BA 'DEBS, ,BSLU MED DKON MCHOG YI DAM DPA' BO DANG, ,MKHA' 'GRO CHOS SKYONG BSRUNG MA'I MTHU STOBS KYIS, ,RGYAL BA'I BSTAN 'DZIN DGE LEGS RGYA MTSO'I DPAL, ,ZHABS PAD BSKAL BRGYA'I BAR DU BRTAN PAR SHOG ,DE NAS, SKYABS GSUM KUN 'DUS KYI NGO BO BLA MA RIN PO CHE LA GSOL BA 'DEBS SO, ,BDAG GI BLO CHOS SU 'GRO BAR BYIN GYIS BRLAB TU GSOL, ,CHOS LAM DU LONGS BAR BYIN GYIS BRLAB TU GSOL, ,KHYAD PAR SKYES BU GSUM GYI LAM GYI RIM PA'I RTOGS PA KHYAD PAR CAN MYUR DU RGYUD LA SKYE BAR BYIN GYIS BRLAB TU GSOL, ZHES GDUNG SHUGS DRAG PAS GSOL BA BTAB PAS, BLA MA'I SKU LAS BDUD RTZI SNA LNGA 'OD ZER DANG BCAS PA'I RGYUN BYUNG BA, RANG GI LUS SEMS LA ZHUGS PAS, RANG RGYUD LA BLA MA'I BYIN RLABS ZHUGS PAR BSAM MO, ,DE NAS, DE LTAR MCHOD CING GSOL BA BTAB PA'I MTHUS, ,DENG NAS SKYE ZHING SKYE BA THAMS CAD DU, ,BSHES GNYEN DAM PAS 'BRAL MED RJES 'DZIN CING, ,BSAM SBYOR GNYIS KYIS TSUL BZHIN BSTEN PAR SHOG ,DE NAS DE YIS JI LTAR GDAMS PA BZHIN, ,DAL 'BYOR DON CHE RNYED BAR DKA' BA DANG, ,NAM 'CHI NGES MED NGAN 'GRO'I 'JIGS PA YIS, , DKON MCHOG GSUM LA SKYABS SU 'GRO BAR SHOG ,SKYE RGA NA 'CHI NGES MED NGOMS MI SHES, ,'DU BYED SDUG BSNGAL PHRA MO'I TSUL RTOGS NAS, ,BSLAB GSUM NYAMS LEN GNAD LA BRTZON PA YIS, ,RNAM GROL THAR PA'I GLING DU BGROD

PAR SHOG ,RANG NYID JI BZHIN DRIN CAN PHA MA RNAMS, ,SDUG BSNGAL GSUM GYIS MNAR BA'I TSUL BSAMS NAS, ,BYAMS DANG SNYING RJE BYANG CHUB SEMS BSKYED NAS, ,PHYIN DRUG BSDU BA BZHI LA SPYOD PAR SHOG ,THUN MONG LAM SBYANGS RNAM DAG DBANG BZHI THOB, ,DAM TSIG SDOM BA SROG LTAR GCES 'DZIN CING, ,RIM GNYIS LAM GYI GNAD LA BRTZON PA YIS, ,TSE GCIG SANGS RGYAS 'GRUB PA'I SKAL LDAN SHOG ,CES SE RA RTZE'I BLA MA DGE LEGS RGYA MTSO LA GSOL BA 'DEBS TSUL, BRTAN BZHUGS, LAM GYI RIM PA LA BRTEN PA'I SMON LAM DANG BCAS PA ZHIG DGOS ZHES SGRUB SDE PHAN TSUN GYI DGE SLONG RI KHROD PA RNAMS KYIS BSKUL BA'I DOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, , ` AOm SVASTI, BLA MA'I RNAL 'BYOR SGOM PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, BLA MA BSTEN PA'I PHAN YON, MA BSTEN PA'I NYES DMIGS RNAMS BSAM ZHING, DGE SEMS KHYAD PAR CAN GYI NGANG NAS 'DI LTAR GDON PAR BYA STE, MDUN GYI LHA LAM YANGS PAR SENG KHRI DANG, ,CHU SKYES NYI ZLA RGYAS PA'I DKYIL 'KHOR STENG, ,RTZA BA'I BLA MA DKAR SER 'DZUM DKAR 'PHRO, ,ZHAL GCIG PHYAG GNYIS PHYAG G-YAS CHOS 'CHAD DANG, ,G-YON PA MNYAM GZHAG STENG NA GLEGS BAM BSNAMS, ,CHOS GOS GSUM GSOL GSER MDOG PAn ZHVAS MDZES, ,MTHA' SKOR DNGOS RGYUD SANGS RGYAS BYANG SEMS DANG, ,DPA' BO MKHA' 'GRO BSRUNG MAS BSKOR BAR GYUR, ,RIGS KUN BDAG PO

, ,KHYAB BDAG RDO RJE 'CHANG, ,DUR SMRIG GAR GYIS RNAM ROL TZONG KHA PA'I, ,BSTAN PA'I RGYAL MTSAN PHYOGS BCUR BSGRENG MDZAD PA'I, ,RJE BTZUN BLA MA'I ZHABS LA PHYAG 'TSAL LO, ,PHYI NANG GSANG BA SGRUB PA'I MCHOD PAS MCHOD, ,LUS NGAG YID KYI SDIG LTUNG THAMS CAD BSHAGS, ,DGE LA YI RANG CHOS 'KHOR BSKOR BA DANG, ,BSKAL BRGYAR BZHUGS GSOL DGE TSOGS BYANG CHUB BSNGO, ,DUS GSUM RGYAL BA KUN GYIS MA THUL BA'I, ,BDAG SOGS 'GRO BA'I SKYABS GYUR DGE BA'I BSHES, ,BKA' DRIN CHEN PO RJES SU LEGS DRAN PAS, ,RTZE GCIG DANG BA'I YID KYIS GSOL BA 'DEBS, ,DE LTAR DANG BA'I YID KYIS GSOL BTAB PAS, ,DPAL LDAN BLA MAS 'GRAL MED RJES BZUNGS TE, ,NGES 'BYUNG BYANG SEMS YANG DAG LTA BA LA, ,BRTEN NAS KUN MKHYEN GO 'PHANG MYUR THOB SHOG ,GNAS SKABS SU YANG TSE RING NAD MED CING, ,DAM CHOS SGRUB PA'I MTHUN RKYEN MA LUS PA, ,'BAD RTZOL MED BAR LHUN GYIS GRUB PA DANG, ,BSHAD SGRUB BSTAN PA DAR BA'I BKRA SHIS SHOG ,CES PA 'DI NI STAG RTZE RJE BTZUN MA BSOD NAMS CHOS 'DZOM DANG, DGE SLONG BLO BZANG TSE BRTAN GNYIS KYIS BSKUL PA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, DKON MCHOG THUGS RJE DRANG SRONG BDEN TSIG DANG, ,DAM CAN CHOS SKYONG BSRUNG MA'I MTHU STOBS KYIS, ,BLO BZANG BSTAN PA'I RGYAL MTSAN 'DZIN PA'I DPAL, ,ZHABS

PAD SRID MTHA'I BAR DU BRTAN PAR SHOG ,CES PA 'DI NI DGE SLONG CHOS GRAGS KYIS BSKUL BA'I NGOR BTZUN PA BLO BZANG YE SHES KYIS DANG BAS SBYAR BA'O,, BKRA SHIS,, ` SVASTI, 'JIG RTEN DBANG PHYUG PAD DKAR 'CHANG BA YIS, ,GDUL BA'I ZHING GYUR BSIL LJONGS BOD YUL 'DIR, ,MDO RGYUD 'GYUR RO COG GI GSUNG RAB RNAMS, ,BZHENGS PA'I DGE TSOGS ZLA SHEL LTAR DKAR DANG, ,TSE RABS SNGON NAS NYER BSAGS LEGS BYAS DANG, ,BSTAN SRUNGS CHOS SKYONG RGYA MTSO'I MTHU STOBS KYIS, ,GNAS SKABS TSE RING NAD MED 'BYOR LDAN ZHING, ,SRID PA'I PHUN TSOGS SGRUB LA MI SMON PAR, ,ZAB GSAL RNO MYUR YANGS PA'I RNAM DPYOD KYIS, ,MDO RGYUR BSTAN BCOS KUN GYI GTING DPOGS NAS, ,RLABS CHEN RGYAL SRAS SPYOD PA MTHAR PHYIN TE, ,MA RNAMS DON DU SANGS RGYAS MYUR THOB SHOG ,CES PA 'DI NI SKYID SHOD SDE PA MTSO SKYES RDO RJE'I SKU SKYE RIN PO CHES BKA' 'GYUR BZHENGS PA'I DGE BA BSNGO BA'I SMON LAM DU CHOS SMRA BA'I BTZUN PA BLO BZANG YE SHES KYIS SMRAS PA DGE LEGS SU GYUR CIG, ` AOm BDE LEGS SU GYUR CIG ,MCHOG THUN DNGOS GRUB MA LUS BDUD RTZI'I RGYUN, ,DAD LDAN GDUL BYA'I RGYA MTSOR 'BEBS MKHAS PA'I, ,RJE BTZUN BLA MA GANG DU BZHUGS KYANG RUNG, , BDAG SOGS RTZE GCIG GUS PAS GSOL BA 'DEBS, CES PA 'DI NI THANG SAG DGA' LDAN CHOS 'KHOR GYI SLOB DPON DNGOS GRUB RGYA MTSO DE NYID DAG PA'I ZHING GANG DU BZHUGS KYANG GSOL BA 'DEBS PA'I TSIGS BCAD 'DI LTA BU ZHIG DGOS ZHES

, ,BSKUL BA'I NGOR CHOS SMRA PA'I BTZUN PA BLO BZANG YE SHES KYIS SMRAS PA'O,, ` SVASTI, 'PHAGS PA SPYAN RAS GZIGS DANG 'BREL BA'I BLA MA'I RNAL 'BYOR JI LTAR BGYI BA'I RIM PA NI, THOG MANG SKYABS 'GRO SEMS BSKYED NI, BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,'PHAGS PA SPYAN RAS GZIGS DBANG PHYUG GI LHA TSOGS 'KHOR DANG BCAS PA RNAMS LA SKYABS SU MCHI'O, ZHES BA TSAR GSUM, DE NAS, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SPYIN SOGS BGYIS PA'I BSOD NAMS KYIS, ,'GRO LA PHAN PHYIR SANGS RGYAS 'GRUB PAR SHOG ,SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,SDUG BSNGAL DANG SDUG BSNGAL GYI RGYU DANG BRAL BAR GYUR CIG ,CES SOGS TSAD MED BZHI SGOM PA SNGON DU BTANG NAS, MDUN GYI NAM MKHAR PAD DKAR ZLA BA'I STENG, ,RTZA BA'I BLA MA 'PHAGS MCHOG SPYAN RAS GZIGS, ,SKU MDOG DKAR PO ZHAL GCIG PHYAG BZHI PA, ,SKYIL KRUNG TSUL GYIS BZHUGS PA'I GNAS GSUM DU, ,YI GE GSUM MTSAN H'Um YIG 'OD ZER GYIS, ,PO tA LA NAS YE SHES SEMS DPA' DANG, ,DBANG LHAR BCAS PA SPYAN DRANGS DBYER MED BCING, ,DBANG BSKUR 'OD DBAG MED KYIS DBU BRGYAN GYUR, ,SNANG BA MTHA' YAS SRAS KYI THU BO MCHOG ,'GRO BA KUN LA BU LTAR

GZIGS MDZAD CING, ,GANGS CAN 'GRO BA'I MGON DANG SKYABS GYUR BA'I, ,BLA MA SPYAN RAS GZIGS LA PHYAG 'TSAL LO, ,MCHOD TSOGS KUN 'BUL SDIG LTUNG MA LUS BSHAGS, ,DGE LA YI RANG CHOS 'KHOR BSKOR BA'I PHYIR, ,BSKAL BAR BZHUGS GSOL 'DIS MTSON RNAM DKAR TSOGS, ,'GRO LA PHAN PHYIR SANGS RGYAS RGYU RU BSNGO, ,GANG LA SNYING NAS GSOL BA 'DEBS BA RNAMS, ,GNAS SKABS 'JIGS PA KUN LAS SKYOB PA DANG, ,PHYI MA BDE BA CAN DU 'DREN MDZAD PA'I, ,BLA MA SPYAN RAS GZIGS LA GSOL BA 'DEBS, ZHES PA'I BLA MA SPYAN RAS GZIGS LA BLO LING BSKYUR GYIS DON DRAN BZHIN PAS, LAN GSUM MAM, BDUN NAM NYER GCIG SOGS SKABS DANG BSTUN NAS BRJOD PAS, BLA MA SPYAN RAS GZIGS RANG NYID LA THIM PAS RANG YANG 'PHAGS PA SPYAN RAS GZIGS KYI SKUR GYUR CING, GZUGS SNANG THAMS CAD SPYAN RAS GZIGS KYI SKU DANG, SGRAR SNANG THAMS CAD YIG DRUG GI SGRA, RANG SEMS LA SOGS SEMS SNANG THAMS CAD STONG NYID SNYING RJE'I SNYING PO CAN DU DRAN BZHIN PAS YIG DRUG GANG MANG BZLA ZHING, MJUG TU, DGE PA 'DI YIS MYUR DU BDAG ,SPYAN RAS GZIGS DBANG GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG, ,'DI NAS NYID MTSAMS SBYAR MA THAG ,DAG PA'I ZHING KHAMS BDE BA CAN, ,PADMA'I SNYING PO'I ZE'U 'BRU LA, ,RDZUS TE SKYE BA LEN PAR SHOG ,SKYE BA KUN TU YANG DAG BLA MA DANG, ZHES SOGS BLO DANG BSTUN NAS BYA'O, ,ZHES PA 'DI NI BZHAD PA TSE RING DPAL 'BYOR

, ,GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O, MANG+GALAm,, ` AOm SVASTI, RGYAL BA GNYIS PA BLO BZANG GRAGS PA YI, ,MDO SNGAGS CHOS KYI DE NYID KUN LA MKHAS, ,RIG GROL 'DUS PA'I DBUS NA MNGON MTHO BA, ,YONGS 'DZIN DAM PA'I ZHABS LA GSOL BA 'DEBS, ,BLO GSAL SKAL BZANG GDUL BYA'I TSOGS RNAMS LA, ,SHES BYA'I GNAS KUN RIG PA'I RNAM DPYOD KYIS, ,RNAM GROL THAR PA'I LAM BZANG STON MDZAD PA'I, ,BSHES GNYEN DAM PA'I ZHABS LA GSOL BA 'DEBS, ,BLO GROS BZANG POS CHOS KYI GNAD RIG PAS, ,'JIG RTEN 'CHING BA'I RGYA LAS RAB GROL TE, ,BSHAD SGRUB BSTAN PA'I RGYAL MTSAN 'DZIN PA YI, ,YONGS 'DZIN DAM PA'I ZHABS LA GSOL BA 'DEBS, ,BLA MA YI DAM MKHA' 'GRO'I TSOGS RNAMS DANG, ,DAM CAN CHOS SKYONG BSRUNG MA'I MTHU STOBS KYIS, ,DPAL LDAN BLA MA BSKAL BRGYAR ZHABS BRTAN CING, ,CHOS LDAN BZHED PA'I DON KUN 'GRUB BAR SHOG ,BDAG SOGS DENG NAS TSE RABS THAMS CAD DU, ,DAM PA'I MGON GYIS RJES SU 'DZIN PA DANG, ,GNAS SKABS NYER 'TSE MA LUS KUN ZHI ZHING, ,STOBS BCU MNGA' BA'I GO 'PHANG MYUR THOB SHOG ,CES PA 'DI NI SHAR RTZE SLOB DPON PA BLO BZANG RIG GROL LA BSTOD PA RING 'TSO'I TSIGS BCAD DANG BCAS PA DGOS ZHES BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS SU GYUR CIG, ` NA MO GU RU MANYDZU GHO sh'A YA, DUS

GSUM RGYAL BA'I MTHU STOBS GCIG BSDUS NAS, ,NAG PHYOGS BDUD SDE'I DPUNG RNAMS 'JOMS MDZAD CING, ,MCHOG DANG THUN MONG DNGOS GRUB KUN STZOL BA'I, ,DPAL LDAN GSANG BA'I BDAG LA GSOL BA 'DEBS, ,'PHAGS YUL SA SPYOD 'GRO BA BZANG PO DANG, ,BAL YUL RGYAL PO DHARM'A PHA LA'I ZHABS, ,KONG PO SHU LA'I KLU MCHOG JU LANG DANG, ,R'A DZA SHR'I'I SRAS LA GSOL BA 'DEBS, ,BOD RJE MES PO AAG TSOM SRAS KYI MCHOG ,LJANG TSA LHA DBON ZHES BA MDZES SDUG CAN, ,MU STEGS 'DUL MDZAD RIGS LDAN RGYAL PO DANG, ,KHRI STAN CHOS MKHAN GYUR LA GSOL BA 'DEBS, ,SUM CU RTZA GSUM LHA YI SRAS PO MCHOG ,SPA GRO GRUB THOB CHOS KYI SENG GE DANG, ,BSAM BZHIN MA nI 'DREN PA'I NE TZO DANG, ,GLA BA DKAR POR 'KHRUNGS LA GSOL BA 'DEBS, ,MNGA' RIS KHYIM BDAG BYANG CHUB BZANG PO DANG, ,CHOS LA MOS PA'I GNOD SBYIN CHEN PO DANG, ,LHO NUB DING MA'I MKHAN PO GRUB PA DANG, ,DPON CHEN SENG GER GYUR LA GSOL BA 'DEBS, ,RNGA YAB GLING DU GU RU PADMA DANG, ,d'A KI RNAMS KYIS RJES BZUNGS RANG RGYUD SMIN, ,LUNG BSTAN THOB BA'I SRIN PO'I DPA' BO CHE, ,CHOS KYI GO CHAR GYUR LA GSOL BA 'DEBS, ,THUGS RJE NAM MKHA' LTA BUR KUN LA KHYAB, ,LUNG RTOGS BSTAN PA'I RGYAL MTSAN 'DZIN PA'I MCHOG ,MTSAN TZAM THOS PAS MTHO RIS 'DREN PA'I MGON, ,LAS KYI RDO RJE'I ZHABS LA GSOL BA 'DEBS, ,RIG GROL DGE 'DUN 'DUS PA KUN GYI

, ,GTZO, ,BKRA SHIS RGYA MTSOS PHYOGS KUN KHYAB MDZAD CING, ,RIG GNAS KUN LA MA BAS PA'I LO TZ'A BA, ,RAB 'BYAMS SMRA BA'I DBANG POR GSOL BA 'DEBS, ,RIGS BRGYA'I KHYAB BDAG RDO RJE 'CHANG DBANG DANG, , DBYER MED BSTAN PA RGYA MTSO SPEL BA'I MGON, ,MTHU STOBS GSANG BA' BDAG PO GNYIS PA'I ZHABS, ,BSTAN PA RGYA MTSO'I ZHABS LA GSOL BA 'DEBS, ,DGE LA 'DUN PA'I THUGS KYI BYED PO YIS, ,CHOS KYI RGYAL PO'I SRID LA DBANG BSKUR ZHING, ,DBANG PHYUG BRGYAD KYI GO 'PHANG MCHOG BRNYES PA'I, ,RJE BTZUN BLA MA'I ZHABS LA GSOL BA 'DEBS, ,BLO BZANG BSTAN LA RAB BYUNG SPRUL PA'I SKU, ,'PHRIN LAS PHA MTHA' YAS PAR GYUR PA'I GSUNG, ,MKHYEN BRTZE NUS PA DPAG PAR DKA' BA'I THUGS, ,RJE BTZUN BLA MA'I ZHABS LA GSOL BA 'DEBS, ,MCHOG GSUM THUGS RJE DRANG SRONG BDEN TSIG DANG, ,BSTAN SRUNGS 'OD CHEN 'BAR MA'I MTHU STOBS KYIS, ,BSTAN 'DZIN SKYES BU'I BZHED DON KUN 'GRUB CING, ,ZHABS PAD SRID MTHA'I BAR DU BRTAN PAR SHOG ,DE LTAR DUNG DUNG YID KYIS GSOL BTAB PAS, ,BRTZE BRTZE'I THUGS KYIS NAM YANG MI 'DOR ZHING, ,SNYAN SNYAN GSUNG GI LEGS BSHAD BDUD RTZI'I RGYUN, ,YANG YANG NGOMS PA MED PAR 'THUNG BAR SHOG ,CES PA 'DI NI DGE SLONG SBYIN PA DPAL BZANG GIS 'DI LTA BU ZHIG DGOS ZHES BSKUL BA'I NGOR CHOS SMRA BA'I BTZUN PA BLO BZANG YE SHES KYIS BKA' GDAMS PO BRANG DU SBYAR BA'O,, ,,

` AOm BDE LEGS SU GYUR CIG ,RAB 'BYOR RIGS LDAN KLU SGRUB SRAS KYI MCHOG ,AA BHY'A KA RA 'GOS LO THAMS CAD MKHYEN, ,CHOS RJE SA PAn G-YUNG STON RDO RJE DPAL, ,MKHAS GRUB DGE LEGS BSOD NAMS PHYOGS GLANG DANG, , GRUB PA'I DBANG PHYUG BLO BZANG CHOS RGYAN TE, ,PAn GRUB DAM PAR GYUR LA GSOL BA 'DEBS, ,RGYAL BA GNYIS PA BLO BZANG GRAGS BA YI, ,BSTAN LA RAB BYUNG TSUL KHRIMS RNAM PAR DAG ,MDO SNGAGS YON TAN YE SHES RAB 'BAR BA'I RJE BTZUN BLA MA'I ZHABS LA GSOL BA 'DEBS, ,ZHVA SER BSNYAN SRUNGS RGYA MTSO'I MTHU STOBS DANG, ,DANG LDAN GDUL BYA'I MOS PA'I RTEN 'BREL DANG, ,CHOS NYID BSLU BA MED PA'I BDEN STOBS KYIS, ,DPAL LDAN BLA MA BSKAL BRGYAR ZHABS BRTAN SHOG ,BDAG SOGS DER NAS TSE RABS THAMS CAD DU, ,KUN MKHYEN KHYED KYIS 'BRAL MED RJES 'DZIN CING, ,KHYAD PAR MA 'ONGS BYANG PHYOGS SHAMBHA LAR, ,'KHOR GYI THOG MA NYID DU 'GYUR BAR SHOG ,CES PA 'DI NI SPRUL PA'I SKU BLO BZANG 'BRIN LAS KYIS 'DI LTA BU ZHIG DGOS ZHES BSKUL BA'I NGOR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O, ,BKRA SHIS,, ` AOm SVASTI, PAD DKAR 'DZIN PA NGAG GI DBANG PHYUG GI ,YE SHES THUGS RJE'I SGYU 'PHRUL DRA BA LAS, ,BSTAN PA RGYA MTSO'I DPAL DU LEGS BYON BA'I, ,RJE BTZUN BLA MA'I ZHABS LA GSOL BA 'DEBS, ,RTZA RGYUD BLA MA YI DAM SANGS RGYAS DANG, ,BYANG SEMS NYAN RANG 'PHAGS PA'I TSOGS DANG BCAS, ,DRANG SRONG

, ,GRUB PA THOB PA'I BDEN TSIG GIS, ,RJE BTZUN BLA MA BSKAL BRGYAR ZHABS BRTAN SHOG ,YE SHES MGON BO DAM CAN CHOS KYI RGYAL, ,DMAG ZOR DUNG SKYONG DBANG MO'I MTHU STOBS KYIS, ,SPRUL SKU'I YANG SRID SKU TSE RAB BRTAN CING, ,DGA' LDAN CHOS SRID DAR ZHING RGYAS PAR SHOG ,DAD LDAN GDUL BYA'I MOS PA'I RTEN 'BREL DANG, ,MTHA' YAS SKYE DGU'I LEGS BYAS BSOD NAMS MTHUS, ,RJE BTZUN BLA MA MI 'JIGS SENG GE'I KHRA RI, ,NAM YANG G-YO BA MED CING BRTAN PAR SHOG ,CHES DKAR LHAG BSAM RNAM PAR DAG PA DANG, ,CHOS DBYINGS MI 'GYUR BDEN PA'I BYIN RLABS KYIS, ,PHAN TSUN GNOD MED BYAMS PA'I SEMS LDAN CING, ,BSHAD SGRUB BSTAN PA PHYOGS BCUR RGYAS PAR SHOG ,CES PA 'DI NI RGYAL DBANG MCHOG GI SPRUL SKU RIN PO CHE PAD DKAR 'DZIN PA NGAG DBANG YE SHES RGYA MTSO DPAL BZANG PO'I SKU BSTOD ZHABS BRTAN DANG BCAS PA 'DI NI BRTZON MDZAD BSTAN 'DZIN CHOS KYI RGYAL PO YUM SRAS DANG, MKHAN PO RNAM PA GNYIS, STAG RTZE ZHABS DRUNG DANG BCAS PAS BSKUL BAR MDZAD PA BZHIN CHOS SMRA BA'I BTZUN PA BLO BZANG YE SHES KYIS 'PHAGS PA 'JIG RTEN DBANG PHYUG GI BZHUGS GNAS DNGOS DANG DBYER MA MCHIS PA'I PHO BRANG CHEN PO PO TA LAR SBYAR BA DGE LEGS 'PHEL,, ` BLA MA YI DAM BSRUNG MA'I BYIN RLABS KYIS, ,BRTZON MDZAD BSTAN 'DZIN CHOS KYI RGYAL PO'I ZHABS, ,SRID MTHAR BRTAN CING CHAB SRID RGYAS PA DANG, ,BZHED DON MA LUS CHOS BZHIN 'GRUB PAR SHOG,

CES PA 'DI NI 'BRAS SPUNGS BLA MA SPYIS BSKUL BA LTAR CHOS SMRA BA'I BTZUN PA BLO BZANG YE SHES KYIS SMRAS BA'O,, MANG+GALAm,, ` AOm BDE LEGS SU GYUR CIG ,MCHOG GSUM BSLU MED BDEN PA'I BYIN RLABS DANG, ,DANG LDAN SKYED DGU'I MOS PA'I RTEN 'BREL GYIS, ,BLO BZANG BSTAN PA'I NYI MA CHOS KYI RJE'I, ,YANG SRID BSTAN PA'I DPAL DU MYUR 'BYON SHOG ,CES PA 'DI NI STAG LUNG KHU THUG THU'I SKU SKYE MYUR 'BYON GYI TSIGS SU BCAD PA 'DI LTA BU ZHIG DGOS ZHES DPON PO RAB 'BYAMS PA BSTAN DAR GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` BLA MA DANG LHAG PA'I LHA DBYER MA MCHIS PA LA PHYAG 'TSAL ZHING 'GRO BA RNAMS DAG PA'I ZHING DU DRANG DU GSOL, SPYIR 'PHO BA LA, RAB STONG NYID KYI NGANG NAS 'PHO BA, BLA MA'I THUGS KAR 'PHO BA, YI DAM GYI THUGS KAR 'PHO BA, RDZAS KYI 'PHO BA SOGS 'PHO BA'I RIGS MANG YANG, JO BO RJE AA TI SHAS, MTSAN TZAM THOS PAS NGAN 'GRO'I SDUG BSNGAL SEL, ZHES BA LA BSTEN PA'I 'CHI KHA MA'I GDAMS PA GSUNGS PA NI TSOGS CHUNG LA DON CHE BA YIN PAS, DE'I TSUL NI, THOG MAR SKYABS 'GRO SEMS BSKYED BYA BA LA, RANG NYID 'KHOR PA DANG NGAN SONG GI SDUG BSNGAL GYIS 'JIGS SHING, DKON MCHOG LA DE LAS SKYOB BA'I NUS PA YOD PAR YID CHES BA'I DANG PA SHUGS DRAG PO'I SGO NAS, BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,SANGS RGYAS

, ,CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOGS BGYIS PA'I BSOD NAMS KYIS, ,'GRO LA PHAN PHYIR SANGS RGYAS 'GRUB PAR SHOG ,CES BA RNAMS LAN GSUM GSUM RGYUD DANG 'DRES NGES BYA, DE NAS RANG NYID SKAD CIG GIS SANGS RGYAS SMAN PA'I RGYAL PO SKU MDOG BEEd'URYA'I MDOG LTA BU, DBU GTZUG TOR DANG LDAN PA, ZHAL GCIG PHYAG GNYIS PA PHYAG G-YAS MCHOG SBYIN GYI PHYAG RGYAS AA RU RA'I SDONG BU 'DZIN PA, G-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, SKU LA CHOS GOS DMANG PO GSOL BA, ZHABS RDO RJE'I SKYIL KRUNG GIS BZHUGS PAR GYUR, DE LTAR BSAM, DE NAS RANG GI THUGS KA NAS 'OD ZER 'PHROS PAS, RANG BZHIN GYI GNAS NAS, SNGAR BSHAD PA LTAR GYI SMAN PA'I RGYAL PO LA SANGS RGYAS BYANG SEMS KYIS BSKOR BA SPYAN DRANGS BA LA, YAN LAG BDUN PA 'BUL BA NI, THUGS RJE KUN LA SNYOMS PA'I BCOM LDAN 'DAS, ,MTSAN TZAM THOS PAS NGAN 'GRO'I SDUG BSNGAL SEL, ,DUG GSUM NAD SEL SANGS RGYAS SMAN GYI BLA, ,BEd'URYA YI 'OD LA PHYAG 'TSAL LO, ,DNGOS BSHAMS YID SPRUL MCHOD PA MA LUS 'BUL, ,THOGS MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA KUN LA RJES YI RANG, ,'KHOR BA MA STONGS BAR DU LEGS BZHUGS NAS, ,'GRO LA CHOS KYI 'KHOR LO BSKOR BA DANG, ,BDAG GZHAN DGE RNAMS BYANG CHUB

CHEN POR BSNGO, DE NAS, BDAG MING 'DI ZHES BGYI BA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEEd'RYA'I 'OD KYI RGYAL PO LA PHYAG 'TSAL LO, ,MCHOD DO, SKYABS SU MCHI, ZHES PA NYER GCIG GAM, BDUN NAM GSUM TZAM YID RTZE GCIG PAS GSOL BA BTAB PAS, SMAN PA'I RGYAL PO'I THUGS RJE DANG, MTSAN BRJOD PA'I PHAN YON DRAN BZHIN PA'I MOD LA 'PHO BAR BYA'O, ,DE LTAR BYAS NAS SHI NA NGAN 'GROR MI LTUNG ZHING, BDE BA CAN NAM, SMAN BLA'I ZHING KHAMS SU SKYE BAR SANGS RGYAS KYI ZHAL GYIS BZHES SHING, DE YANG SNGON SANGS RGYAS SMAN PA'I RGYAL POS BYANG CHUB SEMS PA'I SPYAD PA SPYOD PA'I TSE DGE BA'I RTZAB BSAGS PA RNAMS RANG NYID MNGON PAR RDZOGS PAR SANGS RGYAS PA'I TSE, SMAN BLA RANG NYID KYI MTSAN THOS SHING DAD MOS BYED PA RNAMS BDE BA CAN DU SKYE BA'I RGYUR BSNGOS PA'I RTEN 'BREL GYIS BDE BA CAN DU SKYE BA LA 'OD DPAG MED LA GSOL BA BTAB PA LAS, SMAN PA'I RGYAL BO'I MTSAN NAS BRJOD CING GSOL BA BTAB PA MYUR BAR GSUNGS PAS, SMAN PA'I RGYAL PO'I MTSAN NYIN MTSAN DU BDUN BDUN BRJOD CING GSOL 'DEBS RGYUN DU MDZAD PA GAL CHE LAGS, GZHAN YANG SMAN PA'I RGYAL PO'I SNGON GYI SMON LAM GYI STOBS KYIS SANGS RGYAS GZHAN LAS SNYIGS MA'I DUS SU SMAN PA'I RGYAL PO THUGS RJE MYUR ZHING, SEMS CAN GZHAN 'CHI KHA MA LA YANG 'CHI KHA'I GDAMS PA BYED NA, KHO RANG SMAN RGYAL DU BSKYED CING, SMAN RGYAL YE SHES PA SPYAN DRANGS YAN LAG BDUN

, ,PA DBUL LA, 'CHI KHAM DE NYID KYI MING NAS SMOS PA'I SMAN RGYAL LA GSOL BA BTAB NAS DE NYID BSTIMS BA SOGS JO BO RJE'I GDAMS PA LAS 'BYUNG BAS DE LTAR BYA'O,, ` AOm BDE LEGS SU GYUR CIG ,BLO BZANG RGYAL BA GNYIS PA'I MDO SNGAGS KYI, ,BSTAN PA'I RGYAL MTSAN 'DZIN PA'I GTZO BO MCHOG ,'PHRIN LAS LHUN GRUB RGYUN MI 'CHAD PA CAN, ,RJE BTZUN BLA MA'I ZHABS LA GSOL BA 'DEBS, ,BLO BZANG SKAL LDAN GDUL BYA'I TSOGS RNAMS LA, MKHYEN BRTZE'I YE SHES STONG GI 'OD 'PHROS BAS, ,PHAN BDE'I LO TOG SMIN PA'I DGA' STON 'GYED, ,BLO BZANG YE SHES ZHABS LA GSOL BA 'DEBS, ,BSLU MED BLA MA YI DAM RDZOGS SANGS RGYAS, ,ZHI BA'I MCHOG GYUR LUNG RTOGS DAM PA'I CHOS, ,'PHAGS CHOGS DGE 'DUN KUN GYI BYIN RLABS KYIS, ,DPAL LDAN BLA MA BSKAL BRGYAR ZHABS BRTAN SHOG ,ZHVA SER COD PAN MAN BAS PA'I BSTAN SRUNGS CHE, ,YE SHES MGON PO LAS MGON GSHIN RJE'I CHOGS,, 'DOD KHAMS DBANG MO 'KHOR DANG BCAS RNAMS KYIS, ,DPAL LDAN BLA MA'I 'PHRIN LAS RGYAS BAR MDZOD, ,CHOS DBYINGS 'GYUR BA MED PA'I BDEN PA DANG, ,DAD LDAN GDUL BYA'I MOS PA'I RTEN 'BREL GYIS, ,RJE BTZUN BLA MA BSKAL BRGYAR ZHABS BRTAN CING, ,'GRO KUN SMIN CING GROL BA'I BKRA SHIS SHOG ,CES PA 'DI NI SKU SKYE BLO BZANG BSTAN PA'I RGYAL MTSAN GYIS RING 'TSO'I TSIGS BCAD 'DI LTA BU ZHIG DGOS ZHES BSKUL BA'I NGOR JO BO RJE DPAL LDAN AA TI SHA DANG,

KHA CHE'I PAn CHEN SH'AKYA SHR'I GNYIS KYI ZHABS KYIS BCAGS PA'I SA SHANGS LUGS GI GDONG GZHIS KA DON GRUB SMON MKHAR GYI GZIMS CHUNG DGA' LDAN YID DGA' CHOS 'DZIN DU SBYAR BA DGE LEGS 'PHEL,, ` AOm SVASTI, YONGS 'DZIN CHOS RJE DPAL LDAN YE SHES KYIS, ,'PHAGS TSOGS DGE 'DUN DGYES BA BSKYED PHYIR DU, ,RIN CHEN BKOD MDZES SNOD YANGS BSGRUBS PA'I MTHUS, ,RNAM MANG MKHAS PA'I 'BYUNG KHUNGS THOS BSAM GLING, ,GRVA TSANG CHE 'DI'I BLO GSAL 'DUS PA'I TSOGS, ,THUGS MTHUN KHRIMS GTZANG 'CHAD RTZOD RTZOM PA GSUNG, ,YAR NGO'I ZLA DANG DBYAR MTSO LTAR 'PHEL ZHING, ,CHOS MTHUN 'BYOR PA LHUN GYIS 'GRUB PAR SHOG ,CES PA 'DI NI ZHAL SNGA NAS DPAL LDAN YE SHES KYIS 'DI LTA BU ZHIG DGOS ZHES BSKUL BA'I NGOR SH'AKYA'I BTZUN PA BLO BZANG YE SHES GYIS SMRAS PA DGE LEGS 'PHEL,, ` AOm BDE LEGS SU BYUR CIG ,KHAMS GSUM CHOS KYI RGYAL PO CONG KHA PA'I, ,CHOS TSUL RGYA MTSO SKYONG BA'I DGE BA'I BSHES, ,DAD LDAN GDUL BYAR THAR PA'I LAS BZANG PO, ,STON MKHAS DPAL LDAN BLA MAR GSOL BA 'DEBS, ,BLO CHEN BZANG PO'I RMAD BYUNG MDZAD PA'I MTHUS, ,MDO SNGAGS CHOS TSUL RGYA MTSO SPEL MKHAS SHING, ,BSLAB GSUM GDENGS KA 'BAR BA'I KLU DBANG MCHOG ,DPAL LDAN BLA MA'I ZHABS LA GSOL BA 'DEBS, ,TSOGS GNYIS YON TAN RGYA MTSO'I DPAL MDA' ZHING, ,RNAM DPYOD NOR BU'I RGYAN GYIS RNAM PAR MDZES, ,'GRO LA BRTZE BA'I THUGS

, ,RJE RGYUN CHAD MED, ,DPAL LDAN BLA MA'I ZHABS LA GSOL BA 'DEBS, ,BSLU MED BLA MA YI DAM DKON MCHOG GSUM, ,ZHVA SER BSTAN SRUNGS DAM CAN RGYA MTSO'I MTHUS, ,DPAL LDAN BLA MA'I YANG SRID MYUR 'BYON ZHING, ,BSTAN DANG 'GRO BA'I DPAL DU 'GYUR BAR SHOG ,DRANG SRONG RIG SNGAGS 'CHANG BA'I BDEN TSIG DANG, ,DAD LDAN SKYE DGUS SNYING NAS GSOL BTAB MTHUS, ,BLO BZANG CHOS SKYONG YONGS 'DZIN DGE BA'I BSHES, ,BDAG SOGS GDUL BYA'I MGON DU MYUR 'BYON SHO GA ,BDAG SOGS DENG NAS TSE RABS THAMS CAD DU, ,DPAL LDAN BLA MAS 'BRAL MED RJES BZUNGS TE, ,NGES 'BYUNG BYANG SEMS YANG DAG LTA BA'I LAM, ,MYUR DU RGYUD LA SKYE BAR BYIN GYIS RLOBS, ,GNAS SKABS SU YANG 'THAB RTZOD MU GE SOGS, ,'GAL RKYEN KUN ZHI TSE RING NAD MED CING, ,CHOS MTHUN 'BYOR PAS NAM YANG MI 'PHONGS PAR, ,'GRO RNAMS BDE LA 'GOD PA'I BKRA SHIS SHOG ,CES JO GDAN BYE RDZING MKHAN PO'I GSOL 'DEBS SKU SKYE MYUR 'BYON SMON LAM DANG BCAS PA 'DI NI DPON PO GRVA RIGS SBYIN BDAG DANG BCAS PA RNAMS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, BKRA SHIS,, ,, ` AOm BDE LEGS SU GYUR CIG ,RTZA RGYUD BLA MA GANGS CAN 'GRO BA'I MGON, ,SPYAN RAS GZIGS KYI THUGS RJE'I BYIN RLABS KYIS, ,NGAG DBANG LHUN GRUB GDUL BYA'I DPAL MGON DU, ,MYUR BYON BSTAN PA'I RGYAL MTSAN 'JUGS PAR SHOG

CES PA 'DI NI BLA MA DUNG DKAR 'BRUG SGRA BA'I SKU SKYE NGAG DBANG LHUN GRUB KYI YANG SRID SLAR YANG BSTAN 'GRO'I DPAL DU 'BYON PA'I GSOL 'DIBS SU CHOS SMRA BA'I BTZUN PA BLO BZANG YE SHES KYIS SMRAS PA DGE LEGS SU GYUR CIG , ,, ` NA MO GU RU SHR'I K'A LA TZAKRA YA, DUS 'KHOR LA BRTEN PA'I BLA MA'I RNAL 'BYOR NI, ,SKYABS 'GRO SEMS BSKYED TSAD MED BZHI SGOM PA SNGON DU BTANG NAS, MDUN DU ZLA NYI SGRA GCAN DUS ME'I STENG, ,RJE BTZUN BLA MA MCHOG DANG DBYER MED PA'I DPAL LDAN DUS KYI 'KHOR LO SKU MDOG BSNGO, ,ZHAL BZHI DPUNG PA NYI MA'I GRANGS LDAN ZHING, ,PHYAG NI BZHI LHAG NYI SHU SNA TSOGS MDOG ,ZHABS GNYIS ROL STABS 'DOD LHA DRAG PO MNAN, ,GSER MDOG SNA TSOGS YUM DANG DGYES ROL PA'I, ,MTHA' SKOR ZHI KHRO BSRUNG MAS BSKOR NAS BZHUGS, ,GNAS GSUM YI GE GSUM MTSAN 'OD ZER GYIS, ,RANG BZHIN GNAS NAS RANG RANG YE SHES PA, ,SPYAN DRANGS DAM TSIG PA DANG DBYER MED DU, ,BDAG CAG BSOD NAMS ZHING DU BZHUGS PAR GYUR, ,GANG GI DRIN GYIS BDE CHEN GNAS, ,SKAD CIG GIS NI 'THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,STONG NYID SNYING RJE'I BDAG NYID CAN, ,SRID GSUM SKYE DANG 'JIG PA MED, ,SHES DANG SHES BYA GCIG PA'I SKU, ,DPAL LDAN DUS 'KHOR LA PHYAG 'TSAL, ,DRI DANG ME TOG BDUG PA MA, ,MAR ME ZHAL ZAS 'BRAS BU MA, ,SGEG BZHAD ROL MO GAR MA DANG, ,GLU MA 'DOD MA RNAMS KYIS MCHOD, ,THOG

, ,MED DUS NAS DA LTA'I BAR, ,CHAGS SDANG ZHE SDANG GTI MUG GI ,SDIG PA THAMS CAD SO SOR BSHAGS, ,RDZOGS SANGS RGYAS DANG BYANG CHUB SEMS, ,'PHAGS PA RNAMS KYI DGE TSOGS DANG, ,GZHAN YANG DGE BA THAMS CAD LA, ,MNGON PAR DGA' BAS YI RANG NGO, ,NYON MONGS NAD KYIS GDUNGS PA YI, ,SKYE BO BDE PHAR GSO BYA'I PHYIR, ,RDO RJE THEG PA'I BDUD RTZI YI, ,CHOS GYI 'KHOR LO SKOR DU GSOL, ,MA GTOGS 'KHOR BA'I SDUG BSNGAL LAS, ,MYA NGAN 'D'A' BZHED SPANGS NAS NI, ,RMONGS MED 'KHOR BA DAG TSUL GYIS, ,MTHA' YAS BSKAL BAR BZHUGS SU GSOL, ,SANGS RGYAS SLOB DPON DBANG MCHOG THOB, ,DES BSTAN THABS SHES DBYER MED CHOS, ,DER GNAS DGE 'DUN RNAM GNYIS LA, ,RAB TU DANG BAS SKYABS SU MCHI, ,BLA MA SANGS RGYAS SRAS BCAS LA, ,BDAG NYID RNAM PA KUN TU 'BUL, ,YON GNAS DAM PA KHYED RNAMS KYIS, ,BRAN DAD 'BANGS SU GZUNG DU GSOL, ,BDAG GI DUS GSUM DGE BA RNAMS, ,RANG DON DRI MAS MA GOS BAR, ,SRID GSUM SEMS CAN MA LUS PA, ,SANGS RGYAS THOB PA'I RGYUR GYUR CIG ,DUS 'DI NAS BZUNG BYANG CHUB BAR, ,BYANG CHUB SEMS NI BSKYED BGYI ZHING, ,BSAM PA RNAM PAR DAG PA BSKYED, ,BDAG DANG BDAG GIR 'DZIN PA SPANGS, ,ZAB GSAL GNYIS MED BDE CHEN RNAM ROL LAS, ,THABS MKHAS GZUGS SKU'I SNANG PA RTAG 'CHAR ZHING, ,YONGS DAG SA

BCU'I RGYAL SRAS MGON PO MCHOG ,GNYIS MED DUS KYI 'KHOR LOR GSOL BA 'DEBS, ,DUS GSUM RGYAL BA'I MKHYEN BRTZE NUS MTHU RNAMS, ,MTHA' YAS GDUL BYA'I LAS RNAMS JI BZHIN DU, ,BSHES GNYEN RI MO'I GAR GYI ROL BA CAN, ,RJE BTZUN BLA MA'I ZHABS LA GSOL BA 'DEBS, ,RIGS LDAN GRAGS PO SLANG YANG DUR SMRIG GIS, ,RNAM ROL BLO BZANG CHOS KYI RGYAL MTSAN GYIS, ,MTSAN GYIS BYIN RLABS BSHES GNYEN TSUL 'DZIN PA, ,BLO BZANG YE SHES ZHABS LA GSOL PA 'DEBS, ,DE LTAR GSOL BA BTAB PAS TSOGS ZHING RNAMS, ,RAB TU DGYES NAS MTHA' NAS 'OD DU ZHU, ,GTZO BOR THIM PA RANG GI SPYI BOR BYON, ,BYIN GYIS BRLABS PHYIR RANG DANG RO GCIG GYUR, ,'DI LTAR BGYIS PA'I RNAM DKAR DGE BA'I MTHUS, ,YANG SRID PHYI MAR KHYED KYIS RJES SU BZUNG, ,BKA' BZHIN SGRUB PA'I MCHOD PAS MNYES BYAS TE, ,THAB LAM RDO RJE'I RNAL 'BYOR MTHAR PHYIN SHOG ,CES PA 'DI YANG CHOS SMRA BA'I BTZUN PA BLO BZANG YE SHES KYIS SMRAS BA'O,, MANG+GALAm,, ` NA MO GU RU BHYA: 'DIR BLA MA DANG RJE BTZUN 'JAM DPAL DBYER MED KYI BLA MA'I RNAL 'BYOR SGOM TSUL NI, THOG MAR TSE 'DI'I CHE 'DOD GRAGS 'DOD PHYI MA LHA MI'I GO 'PHANG THOB NAS DE'I BDE BA LA SPYOD 'DOD TZAM MA YIN PAR, ,SEMS CAN THAMS CAD RANG GI PHA MA SHA STAG YIN PAS DE RNAMS SDUG BSNGAL LAS BSGRAL BA'I PHYIR DU BLA MA'I RNAL 'BYOR BSGOM PAR BYA'O SNYAM PA'I DGE SEMS KHYAD PAR CAN DUNG DUNG BA BSKYED, ,DE NAS SKYABS 'GRO SEMS BSKYED

, ,TSAD MED BZHI SGOM PA SNGON DU BTANG NAS, 'DI LTAR BYA STE, MDUN GYI NAM MKHAR SENG KHRI PAD ZLA'I STENG, ,'JAM PA'I DBYANGS DANG DBYER MED BLA MA NI, ,SKU MDOG DKAR SER GSUM LDAN RDO RJE 'DZIN, ,ZHAL GCIG PHYAG GNYIS CHOS 'CHAD MNYAM GZHAG CAN, ,MTHAR SKOR DNGOS RGYUD BLA MA YI DAM DANG, ,SANGS RGYAS BYANG SEMS DPA' BO MKHA' 'GRO DANG, ,CHOS SKYONG BSRUNG MAS BSKOR NAS BZHUGS PA YI, ,YI GE GSUM MTSAN H'Um YIG 'OD ZER GYIS, ,RANG BZHIN CHOS SKU'I NGANG LAS MA G-YOS PAR, ,GZUGS SKU'I RNAM PAR NAM MKHA'I 'JA' TSON BZHIN, ,DGYES SHING YI SHES SEMS DPA'I TSUL GYIS NI, ,RANG 'DRA SPYAN DRANGS SO SOR THIM BAR GYUR, ,YAN LAG BDUN PA 'BUL BA LA PHYAG 'TSAL BA NI, PHYOGS BCU'I RGYAL BA RGYAL SRAS THAMS CAD LAS, ,BDAG CAG BSOD NAMS ZHING GI MCHOG GYUR CING, ,'JAM DPAL DUR SMRIG GAR GYIS RNAM ROL BA'I, ,RJE BTZUN BLA MA'I ZHABS LA PHYAG 'TSAL LO, ,CHU GNYIS ME TOG BDUG SPOS MAR ME DANG, ,DRI CHAB ZHAL ZAS ROL MO SNA TSOGS PA, ,GZUGS SGRA DRI RO REG BYA BSAM MI KHYAB, ,BDAG LUS BRAN GYI TSUL DU LEGS PAR 'BUL, ,THOG MED DUS NAS BSAGS PA'I SDIG PA DANG, ,TSE 'DI'I BAG MED THO TZA'I SPYOD PA YIS, ,SDOM GSUM BCAS PA'I MTSAMS KYI RA BA LAS, ,'DAS LA SNYING NAS 'GYOD CING SO SOR BSHAGS, ,RANG GZHAN DGE LA RJES SU YI RANGS SHING, ,PHYI NANG GSANG

BA'I CHOS 'KHOR BSKOR PA DANG, ,GRANGS MED 'GRO BA'I BSAM PA JI BZHIN DU, ,MTHA' YAS BSKAL PAR ZHABS BRTAN DGE BA BSNGO, ,DE NAS, BLO GROS YANGS PA'I SKAL BZANG GDUL BYA'I TSOGS, ,GTZUG NA BSOD NAMS YE SHES 'BRAS BU YIS, ,LEGS DUNG RLUNG GI RGYAL MTSAN LTAR BKRA PA, ,DPAL LDAN BLA MA DAM PAR GSOL BA 'DEBS, ZHES PA NYER GCIG TZAM GYIS GSOL BA 'DEBS SHING, GZHAN YANG, BLA MA RJE BTZUN 'JAM PA'I DBYANGS LA PHYAG 'TSAL LO MCHOD DO SKYABS SU MCHI'O, ,ZHES BSKABS DANG BSTUN NAS GSOL BA BTAB PAS BLA MA'I SKU'I CHA LAS BDUD RTZI SNA LNGA 'OD ZER DANG BCAS BA BYUNG, RANG GZHAN SEMS CAN THAMS CAD KYI LUS SEMS LA ZHUGS PAS NAD GDON SDIG SGRIB THAMS CAD DAG ,LUS DVANGS GSAL 'OD KYI RANG BZHIN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, MTHAR TSOGS ZHING MTHA' NAS 'OD DU ZHU BA MDUN GYI BLA MA LA THIM, BLA MA YANG 'OD DU ZHU BA RANG LA THIM, RANG GI LUS NGAG YID GSUM DANG BLA MA'I SKU GSUNG THUGS DBYER MED PAR BSAMS LA, RANG GI SNYING KHAR DH'I:DMAR SER GYI MTHAR, AOm A'A:GU RU SU MA TI DZNY'A NA SIDDHI H'Um H'Um, ZHES PAS BSKOR BA LA DMIGS NAS BZLAS PA CI 'GRUB BYAS, DGE BA 'DI YIS MYUR DU BDAG ,CES SOGS BSNGO BA SMON LAM DANG, KHYAD PAR, 'DI LTAR BSGRUBS PA'I RNAM DKAR DGE BA'I MTHUS, ,DENG NAS BYANG CHUB SNYING POR MCHIS KYI BAR, ,BLA MA LHAG

, ,PA'I LHA YIS RJES BZUNGS NAS, ,DAM CHOS BDUD RTZI'I DPAL LA SPYOD PAR SHOG ,GNAS SKABS SU YANG MI MTHUN PHYOGS KUN ZHI, ,CHOS MTHUN 'BYOR PA PHUN SUM TSOGS PA DANG, ,NAM ZHIG DGA' LDAN GNAS SU TZONG KHA BA'I, ,SRAS KYI THU BOR 'GYUR BA'I BKRA SHIS SHOG ,CES PA 'DI NI RAB 'BYAMS PA BLO BZANG BKRA SHIS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVA STI, MCHOG GSUM BSLU MED DKON MCHOG THUGS RJE DANG, ,BSTAN SRUNGS DAM CAN RGYA MTSO'I MTHU STOBS KYIS, ,NGAG DBANG PHUN TSOGS DAM PA'I SKYES BU MCHOG ,YANG SRID BSTAN 'GRO'I DPAL DU MYUR 'BYON SHOG ,DRANG SRONG RIG SNGAGS GRUB PA'I BDEN TSIG DANG, ,MTHA' YAS SKYE DGU'I LEGS BYAS BSOD NAMS DANG, ,DAD LDAN GDUL BYAS RTZE GCIG GSOL BTAB MTHUS, ,DAM PA'I YANG SRID GEGS MED MYUR 'BYON SHOG ,SKYE BA KUN TU DPAL LDAN BLA MA YIS, ,NAM YANG 'BRAL BA MED PAR RJES BZUNGS NAS, ,GSUNG GI DGA' STON MCHOG LA LONGS SPYOD DE, ,MDO SNGAGS YON TAN MA LUS YONGS RDZOGS SHOG ,CES PA 'DI NI BKRA SHIS LJONGS SPRUL SKU'I YANG SRID GEGS MED MYUR DU 'BYON PA'I GSOL 'DEBS SU CHOS SMRA BA'I BTZUN PA BLO BZANG YE SHES KYIS SMRAS PA'O,, MANG+GALAm,, ` AOm BDE LEGS SU GYUR CIG ,BLO CHEN RGYAL BA'I YAB GCIG 'JAM PA'I DBYANGS, ,BZANG PO'I MDZAD PAS 'GRO BA 'DREN PA'I DPAL,

SNYAN GRAGS 'OD DKAR SA GSUM KHYAB PA YI, ,LUNG RTOGS BSTAN PAS PHYOGS BCUR KHYAB PAR SHOG ,MANG+GALAm,, ` AOm SVASTI, RANG YI DAM GANG YANG RUNG BA'I NGA RGYAL LA GNAS PAS, NANG MCHOD MCHOD GTOR RNAMS BLA MED LTAR BYIN GYIS BRLABS, AOm SVA BH'A WA SHUDDHA SARBADHARM'A SVA BH'A WA SHUDDHONYAHAm, STONG PA NYID DU GYUR, STONG PA'I NGANG LAS, MDUN DU ME DPUNG DMAR NAG 'BAR BA'I KLONG DKYIL NA, STONG GSUM YUD KYIS MYUL BA'I RTA MCHOG NAG PO GSER GYI SGA SRAB CAN LA CHIBS PA'I CHOS SKYONG RDZONG BA TZAN DREGS PA'I RGYAL PO SKU MDOG DMAR PO SRIN PO KHROS PA'I GZUGS CAN ZHAL GDANGS SHING MCHE BRNON PHO BZHI GTZIGS PA, G-YAS MDUNG DMAR RNON PO DGRA LA BSNUN CING, G-YON BTZAN ZHAGS DMAR POS DGRA BGEGS 'CHING BA, BSE YI YA LAD DANG BSRE RMOG GYON NAS BSTAN DGRA TSAR GCOD PA'I TSUL GYIS BZHUGS PA, DE'I SPYI GTZUG TU DGE BSNYEN CHEN PO ZHI BA DGE SLONG GI CHA BYAD CAN, MDUN DU KLU CHEN DKAR PO SPRUL GYI GDENGS KA CAN, STENG DU GNAM LCAGS KYI THOG SER 'BEBS PA'I G-YU 'BRUG SNGON PO KHA GDANGS SHING LCE GLOG LTAR 'KHYUG PA, G-YAS G-YON DU SPRUL PA'I LCE SBYANG 'PHYO ZHING RGYU BA 'KHOR TSOGS RGYA MTSOS BSKOR NAS BZHUGS PA'I SPYI BOR AOm DKAR PO, MGRIN PAR A'A:DMAR PO, THUGS KAR H'Um SNGON PO, RANG GI THUGS KA'I H'Um LAS 'OD ZER 'PHROS PAS GAR BZHUGS RDO RJE'I PHO BRANG NAS, CHOS SKYONG BTZAN RGOD 'KHOR DANG BCAS PA SPYAN DRANGS, ROL MO DBYANGS DANG BCAS

, ,PAS, SLOB DPON MTSO SKYES PADMA THOD 'PHRENG SOGS, ,RTZE BRGYUD BLA MAS DAM BZHAG DGE BSNYEN CHE, ,BSTAN DANG BSTAN 'DZIN TSUL BZHIN SKYONG BA'I PHYIR, ,'KHOR BCAS THOGS PA MED PAR GSHEGS SU GSOL, ZHES SPYAN 'DREN DANG, BSHAGS PA NI, SEMS NYID NAM MKHA' LTA BUR RNAM DAG KYANG, ,BLO BUR NYON MONGS SKYON GYIS BSGRIBS PA RNAMS, ,NONGS PAR GANG GYUR SNYING NAS BSAM PA YIS, ,GDOD NAS DAG PA'I DBYINGS SU BSHAGS PAR BGYI, ,DE NAS THUGS DAM BSKANG BA NI, DNGOS BSHAMS YID SPRUL DAM RDZAS SPYAN GZIGS DANG, ,SHA KHRAG GTOR MA RAL GRI KHRAB RMOG DANG, ,RKANG GLING THOD RNGA MDUNG DMAR MDA' BO CHE, ,CHOS SKYONG 'KHOR DANG BCAS PA'I THUGS DAM BSKANGS, ,THUGS DAM SKONGS SHING NYAMS CHAGS SOS GYUR NAS, ,BAR CHAD ZHI ZHING MTHUN RKYEN MA LUS SGRUBS, ,DGRA BGEGS SNYING KHRAG GIS BKANG THOD PA DANG, ,DBANG PO'I ME TOG SHA SNA'I DUNG SPRIN DANG, , KHRAG ZHAG RGYA MTSO 'KHYIL BA'I DRI CHAB SOGS, ,CHOS SKYONG 'KHOR DANG BCAS PA'I THUGS DAM BSKANGS, ,THUGS DAM SKONGS SHING NYAMS CHAGS SOS GYUR NAS, ,BAR CHAD ZHI ZHING MTHUN RKYEN MA LUS SGRUBS, ,RO BRGYA LDAN PA'I GSER SKYEMS RGYA MTSO DANG, ,GZHAN YANG MCHOD RDZAS SNA TSOGS BYE BRAG DANG, ,SNYAN CING 'GYUR BA'I ROL MO'I SGRA DBYANGS KYIS, ,DGE BSNYEN CHEN PO 'KHOR BCAS THUGS DAM BSKANGS, ,THUGS DAM SKONGS SHING NYAMS CHAGS

SOS GYUR NAS, ,BAR CHAD ZHI ZHING MTHUN RKYEN MA LUS SGRUBS, ,BSTAN DGRA 'CHING BYED BTZAN ZHAGS DMAR PO DANG, ,RAB MDZES RMA BYA'I MDONGS DANG DAR RU CHING, ,BDUD BZHI'I G-YUL LAS RNAM RGYAL RGYAL MTSAN 'DIS, , DGE BSNYEN 'KHOR DANG BCAS PA'I THUGS DAM BSKANGS, ,THUGS DAM SKONGS SHING NYAMS CHAGS SOS GYUR NAS, ,BAR CHAD ZHI ZHING MTHUN RKYEN MA LUS SGRUBS, ,SHA KHRAG GTOR MA RI LTAR SPUNGS PA LA, ,DMAR NAG DAR GYI COD BAN GYIS MDZES SHING, ,SPYANGS RTOGS SBAR BYAS BDUD RTZI'I RGYA MTSO 'DIS, ,CHOS SKYONG 'KHOR DANG BCAS PA'I THUGS DAM BSKANGS, ,THUGS DAM SKONGS SHING NYAMS CHAGS SOS GYUR NAS, ,BAR CHAR ZHI ZHING MTHUN RKYEN MA LUS SGRUBS, ,DE NAS BSTOD PA NI, DGON GNAS DGE 'DUN SDE DANG BCAS PA RNAMS, ,TSUL BZHIN BSRUNG BA'I RDZONG BTZAN DGE BSNYEN CHE, ,DBANG GI MDOG CAN SRIN PO KHROS PA'I GZUGS, ,CHOS SKYONG 'KHOR DANG BCAS LA BSTOD BA RAB GYI, ,BLO BZANG RGYAL BA GNYIS PA'I MDO SNGAGS KYI, ,BSHAD SGRUB BSTAN PA'I BYA BA RGYAS PA DANG, ,BSTAN LA GNOD BYED DAM NYAMS TSAR BCAD NAS, ,LAS BZHI'I 'PHRIN LAS RNAM BZHI G-YEL MED MDZOD, CES PA 'DI NI RGYAL BYED SPYI MI BLO BZANG DPAL 'BAR DANG MGON KHANG PA DKA' BCU CHOS DBANG DON GRUB GNYIS KYI BLO DO DANG BSTUN CHOS SMRA BA'I BTZUN PA BLO BZANG YE SHES KYIS SMRAS PA'O,, ` SVASTI, BLO BZANG GRAGS BSTAN BA GAM MTHON PO'I RTZER, ,

, ,LUNG RTOGS CHOS KYI RGYAL MTSAN SGRENG PA LA, ,MNGON PAR PHYOGS PA'I RNAM DPYOD BZANG PO CAN, ,RJE BTZUN BLA MA'I ZHABS LA GSOL BA 'DEBS, ,SNGON GOMS BAG CHAGS BZANG PO'I MTHU BRTAS PAS, , GZHON NU NYID NAS SRID PA'I PHUN TSOGS LA, ,MNGON PAR SRED PA'I RNYOG PA DANG BRAL ZHING, ,'CHAD RTZOD RTZOM PA'I SNANG BA RAB RGYAS SHOG ,TSUL GNAS THOS BSAM SGOM PA'I BYA BA LA, ,GCIG TU GZHOL BA'I SBYOR BA'I BRTZON 'GRUS KYIS, ,NGES 'BYUNG BYANG SEMS PHA ROL PHYIN DRUG DANG, ,BSDU PA BZHI YI LUS STOBS RGYAS PAR SHOG ,MCHOG GSUM THUGS RJE DRANG SRONG 'DEN TSIG DANG, ,DAM CAN CHOS SKYONG BSRUNG MA'I MTHU STOBS KYIS, ,BLO BZANG BSTAN PA'I RGYAL MTSAN 'DZIN PA LA, ,BAR CHAD MI MTHUN PHYOGS KUN ZHI BAR MDZOD, ,DRANG SRONG TSE DPAG MED DANG RGYAL BA'I YUM, ,RJE BTZUN YID BZHIN 'KHOR LO'I BYIN RLABS KYIS, ,DPAL LDAN BLA MA BSKAL BRGYAR ZHABS BRTAN CING, ,'PHRIN LAS PHYOGS KYI 'KHOR LO 'GENGS PAR SHOG ,CES PA 'DI NI RA SGRENG YANG DGON GYI RI KHROD PA SPYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ,, ` NA MO BADZRA BHEE RA W'A YA, LHA GNYAN CHEN RTA NAG 'KHOR BCAS LA MCHOD GTOR 'BUL BAR 'DOD NA, RIN PO CHE'I SNOD GAS CHAG SOGS SKYON DANG BRAL BA'I NANG DU, 'BRU SNA SNA TSOGS BSRES PA'I PHYE ZAN LA RI RGYAL LHUN PO'I GZUGS

BYAS PA'I STENG DU, BLA MA'I GTOR MA ZLUM PO PAD 'DAB BZHIS MDZES PA MTHEB SKYU BZHI, LHUN PO'I BANG RIM G-YAS PHYOGS GNYIS PAR YI DAM GYI GTOR MA, BANG RIM G-YON PHYOGS SU MKHA' 'GRO'I GTOR MA DBYIBS ZLA KHAM, LHUN PO'I RGYAB NGOS SU CHOS SKYONG LA GRU GSUM GYI DBYIBS CAN, LHUN PO'I MDUN DU NOR GYI LHA DANG GZHI BDAG YUL DER GNAS PA LA GTOR ZLUM RE RE SO SO LA MTHEB SKYU BZHI BZHI, LHUN PO'I BANG RIM GSUM PAR LHA SRIN SDE BRGYAD KYI BSHOS BU SOGS, LHUN PO'I MDUN PHYOGS SU G-YAG LUG RA GSUM, LHUN PO'I BANG RIM BZHI PAR MI NOR CHOS DGU, CHU GTENG BDAG YAS SNA TSOGS, 'DAB BSKYOD SNA TSOGS, RI DVAGS GCAN GZAN SOGS SROG CHAGS KYI BYE BRAG LHA LAM LA 'PHUR BA, SA GZHI LA 'DZUL 'GRO BA, SA DANG PAR SNANG MTSAMS LA 'GRIM ZHING RGYU BA, MCHOD SPRIN SBYAN GZIGS KYI BYE BRAG SNA TSOGS KYIS BSKOR, GZHAN YANG, LHA LA DBUL BA'I ZHAL ZAS, TZITTA, DMAR GYI GTOR MA DANG, GSANG PHYI 'BRANG RGYAS, TING LO, DBUS KYI MTHE BA SKYU, ZAN CHANG, MTHEB SKYU SOGS KYIS BSKOR BA'I GTOR MA'I RIM PA DANG BCAS BSHAMS, STEGS BU GTZANG ZHING YID DU 'ONG PA'I KHAR SNAM 'PHYING GTZANG MA BTING PA'I STENG DU, ME TOG GCAL DU BKRAM PA'I KHAR GTOR MA BZHAG ,GTOR MA LA 'BRU SNA SMAN SNA DAR SNA TSOGS GANG 'DZOM DANG DMAR GYIS BRGYAN PA, DE'I MDUN NGOS SU PHYE MAR CHANG GI PHUD, KA RA BU RAM SPRANG RTZI SOGS MCHOD PA SNA LNGA LEGS PAR BSHAMS, GZHAN YANG

, ,GANG RIGS SU, MDUNG DAR SBA TSIGS GSUM MA LA STAG GZIG RAS MA DANG ME LONG LA DAR GYIS MDZES PA DANG, NYAG PHRAN BYA RGOD KYI SGROS BRGYAN BA LA DAR KHA DOG SNA LNGA BTAGS BA RNAMS MA NOR BAR BSHAMS, SVA BH'A WAS SNOD BCUD KYIS BSDUS BA'I CHOS THAMS CAD STONG BAR SBYANGS, STONG BA'I NGANG LAS SNA TSOGS PADMA DANG NYI MA'I DKYIL 'KHOR GYI GDAN GYI STENG DU H'Um YONGS SU GYUR PA LAS, BDAG NYID KHRO BO 'JIG RTEN GSUM LAS RNAM BAR RGYAL BA SKU MDOG CHAR SPRIN BZHIN SNGO BA, ZHAL GCIG PHYAG GNYIS H'Um MDZAD KYI PHYAG RGYAS RDO RJE DRIL BU BSNAMS BA, SPYAN GSUM PA, SMAR DANG SMIN MA RAB TU 'BAR ZHING, DBU SKRA KHAM SER GYEN DU GZINGS PA, LTO 'PHYANG DANG, RIN PO CHES BRGYAN PA, STAG GI BAGS PA'I SHAM THABS CAN, ZHABS G-YAS BSKUMS G-YON BSKYANGS PAS KHAMS GSUM GYI SNANG SRID THAMS CAD ZIL GYIS GNON PA, YE SHES KYI ME DPUNG RAB TU 'KHRUG PA'I DBUS NA BZHUGS PAR GYUR, DE NAS MCHOD GTOR RNAMS LA, AOm BADZRA KRODHA H'Um KA RA H'Um GARDZA GARDZA H'Um PHAt KYIS BSANGS, AOm SVA BH'A WA SOGS KYIS MCHOD GTOR RNAMS RANG BZHIN GYIS STONG PA NYID DU GYUR, STONG BA'I NGANG LAS BHUm YONGS SU GYUR PA LAS RIN PO CHE'I GTOR SNOD YANGS SHING RGYA CHE BA RNAMS KYI NANG DU AOm A'A:H'Um 'OD DU ZHU BA LAS BYUNG BA'I MCHOD GTOR BZANG ZHING RGYA CHE BA DVANGS SHING THOGS PA MED PA YUL PHYOGS SKYONG BA'I GZHI BDAG LHA KLU GNYAN PO SOGS KYI DBANG PO LNGA TSIM PAR

BYED PA'I SPYOD YUL DU MCHOD TSOGS NAM MKHA'I LAM LA CHU 'DZIN GYI PHUNG BO 'KHRIGS PA BZHIN DU 'THIBS, BAR SNANG DBYINGS NAS SPRIN BCUD BZHIN DU BABS, RGYA MTSO'I GOS CAN GYI KHYON LA LO THOG BZHIN RANG RANG CI LA CI DGYES PA SDUL PA SNA TSOGS PAS, ZAD MED 'DOD YON LNGA DANG LONGS SPYOD RGYA CHEN PO 'BYUNG BAR GYUR CIG ,AOm AA K'A RO MU KHAm SARBA DHARM'A nAm AA DYA NUDPANA NA TVAD AOm A'A:H'Um PHAt SV'AH'A, DE NAS SPYAN 'DREN PA NI, GSER PHUD, SPOS SNA TSOGS BA'I BSANGS DUD ROL MO DBYANGS DANG BCAS PAS, CAN SE BA SE, 'BRAM SA 'BRAM, SE DU SE DU TZAN TZAN RA NGA 'DU RA TZA NA, AA KARshA YA DUN DUN DZA DZA: KYI, PHUN KHA BA'I RI DKAR BA MA DANG, ,BA LU BRTZEGS MDA'I CHU BO G-YA' CHU 'BAB, ,BAR NA KHYOD GNAS GNYAN PO'I RI YI RTZE, ,NOR BU AANDA RNYIL BA'I DBYIBS 'DRA PA, ,G-YAS PHYOGS RI SNGON G-YU YI MDANGS LDAN DANG, ,CHAR SBRIN DBYAR SKYES RNGA GSANGS SGROG BYED CING, ,NYI ZLA ZUNG NI LHA YI LAM LA RGYU, ,SKAR TSOGS GRANGS MED NAM MKHA'I LAM LA KHYAB, ,KUN GSAL LAM LA 'JA' YIS YONGS SU GANG, ,LHAS RTZEN LAM KUN DAR GYI LDA LDI BRES, ,'CHI MED RNAMS KYIS ME TOG CHANG 'BEBS SOGS, ,DE LTA BU YI GZHAL YAS NYAMS DGA' BAR, ,LHA BDUD CHEN PO KHYOD KYI GNAS MCHOG NI, ,RMANG GZHI LCAGS LAS GRUB PA'I ZUR BZHI BO, ,MCHOD LAS BYAS SHING LOGS BZHI BSE LAS GRUG ,BA GAM SNGON PO LEGS MDZES MTHING

, ,LA BGYIS, ,BAD CHEN MDOG SMUG MCHOD LAS MJOS PAR BYAS, ,YA THEM SA ZLA LAS GRUB MA THEM DUNG, ,MDOR NA MKHA' KHYIM PHO BRANG DANG 'DRA BA'I, ,RGYA KHYON CHE ZHING 'PHANGS MTHO PHYI NANG GSAL, ,BDUD KYI GRONG DANG BTZAN MKHAR GYIS BSKOR BA'I, ,BDUD MKHAR GNYAN PO DE YI GNAS CHEN NAS, ,DPON CHEN RTA NAG DMAR NAG RAB TU BRJID, ,ZHAL GCIG PHYAG GNYIS PHYAG G-YAS RAL GRI 'PHYAR, ,G-YAN PA SBRUL ZHAGS DGRA DANG BGEGS LA 'DEBS, ,ZHAL GDANGS LJAGS 'DRIL RTA NAG RTING DKAR CHIBS, ,MCHED BCAS LCAM MO GNYIS SOGS 'KHOR DANG BCAS, ,DAM TSIG CAN GYI GNAS 'DIR GSHEGS SU GSOL, ,DENG 'DIR KHRIMS DANG CHA LA GSHEGS, ,DENG 'DIR GROGS DAN MDZAD PHYIR BYON, ,DENG 'DIR NUS PA BSKYED PHYIR BYON, ,DE RING RDZU 'PHRUL MTHU DPUNG BSKYED, ,DE RING SNGAR BCOL GTANG RAG BGYID, ,DE RING PHYI MA'I ZHU SKYEMS NI, ,DGYES PA BSKYED PHYIR LEGS BAR 'BUL, ,DE RING DAM TSIG NYAMS CHAGS SKONG, ,KHYED LA MCHOD PA 'BUL BA NI, ,YID 'PHROG LHA YI ME TOG DANG, ,BZANG PO'I DI LDANG BDUG SPOS DANG, ,MUN SEL MAR ME YID 'OD DANG, ,DRI ZHIM LEGS SBYAR BSHOS BZANG DANG, ,DGRA BO BSGRAL BA'I SHA KHRAG DANG, ,RGUN 'KHUR LA PHUG LA DU DANG, ,'BRAS CHAN 'BRU BCUD RAKTA ZHAG ,SNYAN 'GYUR ROL MO'I BYE BRAG RNAN SA, ,YUL LHA 'KHOR DANG BCAS LA 'BUL,,

BGEGS RIGS SU GYUR TSAR CHOD LA, ,BCOL BA'I LAS RNAMS G-YEL MED MDZOD, ,BGEGS 'DUL BSRUNG MA KHYOD NYID 'KHOR TSOGS KYIS, ,BYIN RLABS GTOR MA RGYA MTSO 'DI BZHES LA, ,BSTAN PA YUN RING 'DZIN MDZAD SKYES BU DANG, ,KHYAD PAR BDAG CAG YON MCHOD 'KHOR BCAS LA, ,NAG PO'I PHYOGS KYI BAR CHAD ZHI BA DANG, ,BKRA SHIS BDE 'BYOR MNGA' THANG GONG 'PHEL MDZOD,, KYEE; GDONG NAG DMU BTZAN 'KHOR BCAS KYIS, ,BAR GCOD GDON RIGS TSOGS NYAMS GYIS, ,SHA RA SKYA BDUN LA SOGS PA'I, ,BTZAN GYI DMAG DBUNG BGEGS LA DRONGS, ,BTZAN GYI ZHAGS PA BSTAN DGRAR THOB, ,BTZAN LCAGS 'BYUNG BO'I CHOGS LA BROBS, ,DE RING GUS PAS GSOL MCHOD 'BUL, ,'PHRIN LAS RNAM BZHI MA YENGS SGRUBS,, BHYOO: LCAM MO KLU BDUD NAG MO'I SKU, ,SNGO SANGS KUN GSAL DVANGS PA'I MDOG ,GOS SU CHU DAR STON PO GYON, ,MTHING ZHUN MDANGS LDAN DBU SKRA LA, ,G-YU GSER RGYAN SPEL THOD BCINGS SHING, ,SPYI BOR DBANG GI RGYAL POS MDZES, ,RIN CHEN G-YU YI PHU KHYU DANG, ,MU TIG CHUN PO'I DO SHAL SPRAS, ,PHYAG ZHEBS NOR PU'I GDUB KOR 'KHROL, ,G-YAS PA G-YU YI LCE 'DE BSNAMS, ,G-YON PA DUG SPRUL 'DZIN MDZAD PA'I, ,DAM TSIG NYAMS LA NAD RNAMS GTONG, ,YID 'PHROG KHRI LA MNGON PAR 'GYING, ,KHYOD NI GDENGS CAN DPAL 'BAR MA, ,GDOL RIGS NAG PO'I MDZES MA STE, ,MTSO MO G-YAS 'KHYIL BU

, ,MO YIN, ,DENG 'DIR RTA NAG BDUD LCAM GRAGS, ,GZHI BDAG RNAMS DANG SA BDAG SOGS, ,'BUM GYIS YONGS SU BSKOR BA DANG, ,GNAS CHEN BSTEN PA LE MA LU, ,YID BZHIN BRAG GI THEM SKAS CAN, ,LTO 'GRO'I PHO BRANG YID BZHIN NAS, ,MCHOD PA'I YUL DU SPYAN 'DREN NA, ,LAS TSUL SGRUB PHYIR GSHEGS SU GSOL, ,YID 'PHROG DKAR GSUM SBYAR BA YI, ,GTOR MA MNGAR GSUM 'O MA YI, ,RGYA MTSO CHEN PO'I NANG NYID DU, ,BZANG PO'I SNAN SNA BDUD RTZI LDAN, ,SMAN SBYAR BSHOS BU LEGS PA LA, ,GZUGS MDZES KLU RA DKAR MO DANG, ,CHU GTER BDAG MO 'PHAR 'GRO LA, ,ZHON PA'I SPYAN GZIGS DGYES PHYIR 'BUL, ,DUG NAD DU GYUR SNA TSOGS PAS, ,SDANG BA'I DGRA BO RNAMS TSAR CHOD, ,RNAL 'BYOR BDAG CAG CHOS SGRUB LA, ,DUG RIGS NAD SNGAR ZHI BA DANG, ,PHYIS NAS KYANG NI MI SGRUB PA, ,CHOS SGRUB SHA STAG LUS CAN LA, ,KLU YI THUN MONG NOR RNAMS KYI, ,DGOS 'DOD DE RING LEGS PAR STZOL, ,BDAG CAG DPON SLOB 'KHOR DANG BCAS RNAMS LA, ,LOG PAR LHA BA'I YID CAN BGEGS RIGS RNAMS, ,DPON CHEN KHYED KYIS SNYING KHRAG ZHAL DU GSOL, ,MI MTHUN GDUG PA'I TSOGS RNAMS ZIL GNON TSE, ,RNAL 'BYOR BDAG GIS LHA KHYOD RAB BSKUL NA, ,MYUR DU BYON LA DRAG POS SGROL BA'I LAS, ,G-YEL MED BSGRUB CING BCOL BA'I 'PHRIN LAS MDZOD, ,SKU MDOG MTHING NAG CHIBS SU RTA

NAG STENG, ,PHYAG GNYIS RAL GRI DGRA LA YAR GDENGS PAS, ,NAG PHYOGS GDUG CAN MA LUS SGROL BAR MDZOD, ,SBRUL ZHAGS 'DZIN PA'I SDIGS MDZUB RAB BGRAD PAS, ,BDUD DPUNG MTHA' DAG 'CHING BA'I LAS MDZOD CIG , MTHU LDAN NAG PHYOGS 'DUL MDZAD KHYED RNAMS KYIS, ,SNGAGS DANG PHYAG RGYAS BYIN BRLABS GTOR TSOGS 'DI, ,BZHES NAS RGYAL BSTAN 'DZIN PA'I SKYES BU DANG, ,KHYAD PAR RGYU SBYOR YON GYI BDAG PO LA, ,BGEGS RIGS MI MTHUN BAR GCOD BYED PA RNAMS, ,RDUL PHRAN TZAM YANG MED PAR MDZAD PA DANG, ,BKRA SHIS BDE LEGS 'BYOR RGYAS 'PHRIN LAS MDZOD, ,SKU MDOG MIG SMAN LTAR GNAG PA'I, ,GCUNG PO SHING NAG DMU CAN NI, ,SKU LA ZA 'OG BER LHAB LHUB, ,GZHA' TSON SNA LNGA'I SKA RAGS BCING, ,DBU LA SE MAN THOD BCING SHING, ,G-YAS PA RAL GRI DGRA LA GDENGS, ,G-YON PA GSER LUS SNA LO BSGYUR, ,MDZO PHO ROG SNGON BZHON PA'I STENG, ,RIN CHEN GYIS MDZES RGYAN BZANG SPRAS, ,MGUL RGYAN SA ZLA'I DRIL BU 'KHRAL, ,STONG GSUM SKAD CIG BGROD PA'I STABS, ,GDUG PA'I 'KHOR TSOGS DAM CAN RNAMS, ,GRANGS MED BYE BAS BSKOR BA YI, ,YID 'ONG RO BDA' 'BRAS BRGYAN PAS, , RTZA SHING NAGS TSAL NAS 'BOD NA, ,BCOL BA'I LAS RNAMS G-YEL MED SGRUBS,, KYEE, KLU BDUD BTZAN PO 'KHOR BCAS NI, ,SKU MDOG DMAR PO RDZU 'PHRUL RTE, ,CHIBS SHING DAR GYI 'JOL BER GSOL, N'A GA'I GDENGS KA DBU LA

, ,DKRIS, ,G-YAS PA MDUNG DAR DMAR PO 'PHYAR, ,G-YON PA MCHOG DKAR DGRA LA GDENGS, ,'BYUNG PO'I 'KHOR TSOGS BTZAN GYI DPUNG, ,SPRUL PA'I 'KHOR TSOGS RGYA MTSOS BSKOR, ,LHUNG LHUNG CHES SNYAN SGRA 'BYIN ZHING, ,DRI ZHIM MTSO'I KA'I 'PHRENG BA CAN, ,CHES GNYAN CHU MIG GNAS PHYOGS DANG, ,BRAG RI DMAR PO'I LCONG LDING GI, ,GNAS MCHOG DAM PA NAS GSHEGS GSOL, ,DGYES PA'I MCHOD SPRIN SNA LNGA DANG, ,SPYAN GZIGS BYE BRAG BSAM MI KHYAB, ,DNGUL ZHING BCOL BA'I 'PHRIN LAS NI, ,RNAL 'BYOR BDAG CAG 'KHOR BCAS KYI, ,PHYI NANG GNAS PA'I GDUG PA THUL, ,SNANG SRID DREGS PA CAN RNAMS KYI, ,STOBS DANG RDZU 'PHRUL RNAMS CHOMS SHIB, ,BTZAN DMAG BYE BA DGRA LA KHYE, ,BTZAN GYI ZHAGS PAS DAM NYAMS CHINGS, ,DE RING KHYED LA GUS MCHOD NA, ,LAS BZHI DUS LAS MA YENGS SGRUBS,, BHYOO: LCAM GCIG KLU BDUD NAG MO NI, ,SKU MDOG SNGO SANGS MDZES SDUG CAN, ,CHU DAR SNGON PO SKU LA MNABS, ,MTHON KA DBU SKYES GSAR PA'I RTZER, ,SU WARnA DANG G-YU'I THOD MDZES, ,SPYI BOR BSAM 'PHEL DBANG RGYAL BRGYAN, ,G-YU YI RGYAN BZANG YID 'PHROG DANG, ,MUKTI KA YI 'PHRENG BA 'PHYANG, ,NOR BU'I GDUB KOR SGRA 'KHROL PHYAG ,G-YAS PA G-YU YI DBYAR SKYES SNGON, ,G-YON PA LHO 'PHYANG CHUN PO 'DZIN, ,BSTAN LA GNOD BYED TSOGS RNAMS LA, ,MDZE NAD LA SOGS NAD NGAN GTONG, ,

RUS SBAL KHRI YI STENG DU 'GYING, ,KLU BDUD MA KHYOD RLUNG ZAS MA, ,GDOL RIGS NAG PO'I MDZES MA STE, ,SNGON CHAD MTSO MO G-YAS 'KHYIL MA, ,DA LTA RTA NAG BDUD LCAM ZHES, ,GRAGS PA'I DPON CHEN LHA GNYAN NI, ,SA BDAG LCE GNYIS PA YI RIGS, ,GDUG PA CAN 'BUM 'KHOR GYIS BSKOR, ,KLU YI PHO BRANG YID BZHIN NAS, ,GDUG CAN 'DUL PHYIR SPYAN 'DREN NA, ,MCHOD PA'I GNAS 'DIR MYUR DU BYON, ,RAB MDZAS DKAR GSUM DANG SPYAR BA'I, ,ZAG PA MED PA'I GTOR MA DANG, ,MNGAR GSUM 'O MA'I GLING LDAN CHER, ,NAD GSO'I SMAN SNA TSOGS BDUD RTZI, ,BZANG NUS LDAN PA'I SMAN BSHOS DANG, ,DUG CAN CHOS DVANGS RA DKAR MO, ,LTO 'PHYANG 'PHROG BYED LA ZHON PA'I, ,YID 'ONG SPYAN GZIGS DGYES PHYIR 'BUL, ,DUG RIGS SU GYUR SNA TSOGS PA, ,'BYUNG PO MI MIN GDUG RTZUB CAN, ,SDANG BA'I DGRA BGEGS RNAMS LA THONGS, ,RNAL 'BYOR DAM CHOS SGRUB RNAMS LA, ,SNGAN CHAD DUG RIGS ZHI BA DANG, ,PHYIS KYANG MI SGRUB DAM CHOS LA, ,KLU YI YON TAN MA LUS PA'I, ,DNGOS GRUB PA DAG LA DE RING STZOL, ,DE NAS, SNGAR BYIN GYIS BRLABS PA'I GTOR MA'I BCUD RNAMS, DPON CHEN 'KHOR BCAS KYI LJAGS 'OD ZER GYI SPU GUS DRANGS TE GSOL BAS DGYES SHING TSIM PAR BSAMS LA, AOm AA K'A RO MU KHAm SARBA DHARM'A n'Am AA DYA NUTPANNA TVAD NA MA:SARBA TA TH'A GA TA BHYO BI SHO MU KHO BHYA: SARBA TAD KHAm AUD GA TE SPHA RA nA HI MAm BA LIm TA KHA KHA KH'A HI

, ,KH'A HI, ZHES PA LAN GSUM GYIS BSNGO ZHING, GTOR MA RNAMS KYI PHUD BCAD DE RANG RANG GI LUGS KYI GZHI BDAG LHAG MGRON GYI BAR LA GSOL MCHOD RGYAS PAR BYAS NAS,, KYEE, SUM RTZEN CHEN PO DGONGS SU GSOL, ,BDUD KYI GTZO BO DGONGS SU GSOL, ,PHO LHA GNYAN KHYOD DGONGS SU GSOL, ,LHA GNYAN RTA NAG DGONGS SU GSOL, ,DGE BSNYEN CHE KHYOD DGONGS SU GSOL, ,KHYOD NI SNGON CHAD KEE LA SHA YI RIGS, , DBUS KYI BSAM YAS ZHES BYA'I GNAS MCHOG DER, ,MTSO SKYES SNGAGS 'CHANG CHEN PO PADMA 'BYUNG, ,CHOS KYI RGYAL PO KHRI SRONG LDE'U BTZAN RJES, ,BSAM YAS DPAL LHUN BZHENG BA MDZAD PA'I KHAR, ,MTHU LDAN DREGS PA THOG RDZI BYA BA DES, ,DKYIL 'KHOR ZHAL PHYE BSIL LJONGS GDUG PA CAN, ,RNAM MANG DAM LA TSUL BZHIN BTAGS PA'I DUS, ,KHYED KYIS GROS DBANG CHE BA'I THOG CHOD NAS, ,DPON CHEN RTA NAG CES BYAR MTSAN YANG GSOL,, KHA ZHA'I RI YI BSRUNG MAR ZHAL GYIS BZHES, ,RGYAL BSTAN GNOD PA CAN 'DUL DAM YANG BCAS, ,RNAL 'BYOR STONGS GROGS BYED PAR MA CHAD DAM, ,SNGON GYI DAM TSIG NAM YANG G-YEL MED PAR, ,DAM RDZAS LDAN PA'I GTOR MA 'DI BZHES LA, ,BCOL BA'I LAS LA MA YENGS 'PHRIN LAS SGRUBS, ,KHYOD SNGON GTZANG BYE SENG GE ZHES BYA'I GNAS, ,DPAL LDAN SHA WA RI BAS LUNG BSTAN PA'I, ,DRIN CAN MKHAS GRUB RAS PA SKU MCHED DANG, ,DAM CAN

BSRUNG MA SGRUB PA PHO MO'I TSOGS, ,BGRANG YAS RNAMS KYIS YANG DAG MI GCIG GI, ,DKYIL 'KHOR ZHAL PHYE RTA NAG MCHED GSUM PO, ,DAM LA BZHAG TSER RA RANG SROG RNYING PHUL, ,DGE BSNYEN TSUL BZUNG GSANG MTSAN LEGS GSOL NAS, ,BKA' BRGYUD LUGS KYI BSTAN SRUNGS ZHAL GYIS BZHES, ,RAS PA'I LUGS BRGYUD SROL SKYONG DAM YANG BCAS, ,MI RGYUD PHO LHAR BSTEN BA BAR MA CHAD, ,SNGON GYI THUGS DAM CAN LAS G-YEL MED PAR, ,ZAG MED GTOR MA 'BUL BA 'DI BZHES LA, ,MYUR DU BCOL BA'I 'PHRIN LAS SGRUB PAR MDZOD, ,SLOB DPON PADMA THOD 'PHRENG DANG, ,BKA' BRGYUD SANGS RGYAS RAS BA YIS, ,BKA' BSGO DAM BZHAG MDZAD PA YI, ,DPON CHEN RTA NAG 'KHOR TSOGS RNAMS, ,PHO BRANG GNAS NA BZHUGS PA'I TSE, ,RIN CHEN KHRI YI STENG DU NI, ,SKU MDANGS DMAR LA GZI BYIN 'PHRO, ,SHEL PER DMAR KHRA LEGS MNABS SHING, ,RIN CHEN COD PAN MDZES PAR MAN BAS, ,G-YAS PA YID BZHIN 'PHRENG BA DANG, ,G-YON PA SRE MONG RGYAL THOGS SHING, ,LHA BDAG 'KHOR TSOGS DPAG MED LAS, ,'DZAD MED CI BSAM DNGOS GRUB STER, ,BSRUNG MA RTA NAG 'KHOR BCAS NI, ,SNANG SRID 'BYUNG PO SDE BRGYAD KUN,, GROS 'DEBS MDUN MA BSGYUR BA'I TSE, ,PADMA ZA 'OG GOS BZANG GDAN, ,LEGS BZHUGS GCAN GZHAN LPAGS PA'I GOS, ,DBU LA 'BRONG GI YE ZHU MNABS, ,NAD NGAN RKYAL PA PHYAG NA BSNAMS, ,'KHOR TSOGS DPAG MED

, ,KYIS BSKOR BAS, ,DO NUB MTSAN GYI GUNG BAB TSE, ,DGRA BO CATTI? LOG PA'I TSE, ,'BRAL BA'I DKYIL NAS 'DREN BYED PHYUNGS, ,LTAG PHYOGS BDUD RIGS TSAR CHOD CIG ,DON SNYING RTZA BA NAS PHYUNGS SHIG ,RGYU MA GLANG KHRAG THANG LA BOR, ,PAGS BSHUS NYING LAG YAN LAG CHOD, ,BDUN RGYUD RTZAD NAS GCOD PAR MDZOD, ,SDANG BA'I SA GSUM GNAS STONGS GYIS, ,DMAG DPUNG GNOD PA'I DGRA LA DRONGS, ,MDUNG RNON DAM TSIG NYAMS LA PHYOR, ,RNAL 'BYOR DAM CHOS TSUL BZHIN DU, ,SGRUB PO BDAG CAG 'KHOR BCAS RNAMS, ,GTAN GYI MDUN MA LEGS BDE ZHING, ,TSE RING 'BYOR 'PHEL BDE SKYID SHOG ,CES PA 'DI NI RGYUN MCHOD LA MI BYA ZHING, SHIN TU BKA' GNYAN PAS GAL CHE'I DUS SU BYA'O, ,BSRUNG MA RTA NAG 'KHOR BCAS RNAMS, ,GAR BZHUGS DBYINGS KYI GNAS MCHOG GSHEGS, ,YUL PHYOGS SO SOR LEGS PAR GSHEGS, ,RANG RANG BZHUGS GNAS SU GSHEGS KYANG, ,SLAR YANG SPYAN 'DREN DUS KYI TSE, ,BYON NAS 'PHRIN LAS YENGS MED SGRUBS, ,BDE LEGS BSNGO SMON BGYID PAR SMON, ,DPON CHEN BSRUNG MA GZHI BDAG RTA NAG 'KHOR BCAS LA MCHOD PA 'BUL TSUL 'DI YANG MCHOD DPON DKA' BCU BLO BZANG BKRA SHIS KYIS BSKUL BA'I NGOR SH'AKYA'I BTZUN PA BLO BZANG YE SHES KYIS CHOS GRVA CHEN PO BKRA SHIS LHUN PO'I GTZUG LAG ,BANG DU SMRAS PA'O,, MANG+GALAm,, ` SVASTI, DAD BRTZON LDAN PA BLO BZANG

CHOS SGRON GYIS, ,GTZUG LAG KHANG RGYAN 'PHAN CHA 'DI PHUL BAS, ,RJE BTZUN BLA MA BLO BZANG YE SHES KYI, ,SKU TSE BRTAN CING 'PHRIN LAS RGYAS GYUR CIG ,CES PA 'DI NI 'BRONG RTZE RJE BTZUN MA BLO BZANG CHOS SGRON GYIS 'DU KHANG CHEN MOR 'PHAN CHA PHUL BA'I ZHAL BYANG DU BTZUN PA BLO BZANG YE SHES KYIS SMRAS PA DGE LEGS SU GYUR CIG, ` AOm BDE LEGS SU GYUR CIG ,BLO GROS BZANG PO'I DPAG BSAM LJON PA'I RTZER, ,YE SHES MCHOG GI 'BRAS BU SMIN PA CAN,, BYAMS DANG SNYING RJE'I 'DAB MA STONG LDAN PA'I, ,'GRO BA'I GDUNG BA SIL LA GSOL BA 'DEBS, ,RNAM DPYOD BLO YIS SHES BYA'I GNAS KUN LA, ,ZHIB MOR LTA 'DOD BZANG PO'I BSAM PA CAN, ,SNYIGS DUS 'GRO BA'I MGON DANG SKYABS GYUR BA, ,YE SHES MTSAN CAN ZHABS LA GSOL BA 'DEBS, ,BLA MA YI DAM MCHOG GSUM BYIN RLABS DANG, ,DRANG SRONG BDEN TSIG GRUB PA'I SMON LAM DANG, ,CHOS SKYONG BSRUNG MA'I LAS BZHI'I 'PHRIN LAS KYIS, ,'DREN MCHOG DAM PA BSKAL BRGYAR ZHABS BRTAN SHOG ,SNYING NAS 'GYUR MED RTZE GCIG GSOL BTAB MTHUS, ,DENG NAS YANG SRID SKYE BA THAMS CAD DU, ,'BRAL BA MED PAR DGYES BZHIN RJES BZUNGS TE, ,DAM CHOS BDUD RTZI'I DPAL LA SPYOD PAR SHOG ,GNAS SKABS SU YANG NYER 'TSE KUN ZHI ZHING, ,CHOS LDAN RE BA'I BSAM PA MA LUS PA, ,'BAD RTZOL MED PAR LHUN GYIS GRUB PA DANG, ,ZHVA SER BSTAN PA RGYAS PA'I BKRA SHIS SHOG ,CES PA 'DI NI DGA' LDAN NO

, ,MO KHANG GIS 'DI LTA BU ZHIG DGOS ZHES BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHIL,, ` AOm BDE LEGS SU GYUR CIG ,DKON MCHOG GSUM GYI NGO BO BLA MA DANG, ,DBYER MED 'OD DPAG MED MGON NYE SRAS BRGYAD, ,NEE P'A LA YI MKHAS PA DU MA YIS, ,DRI MED GSER BZANG LAS BSGRUBS 'BUR SKUR BZHENGS, ,BDE BA CAN DANG KUN GZIGS ZHING BKOD DANG, ,DKA' LDAN ZHING GI BKOD PA RAB MDZES SHING, ,GNAS BCU CHU 'JAM MKHAS PA'I LO RGYUS LTAR, ,PIR THOGS MKHAS BSDUS YID GZHUNGS BRTZON PAS BSGRUBS, ,KHYAD PAR RGYAL BA 'OD DPAG MED MGON LA, ,BIKshU MCHOG GI NA BZA' SNAM SBYAR DANG,, ZAG MID BDUD RTZIS GANG BA'I DRANG SRONG SNOD, ,LHAG BSAM DAG PAS BSGRUBS PA'I LEGS BYAS MTHUS, ,BSTAN 'DZIN SKYES PU THAMS CAD G-YO MED BRTAN, ,TSOGS MCHOG DGE 'DUN BSLAB GSUM RNAM PAR DAG, ,MDO SNGAGS BSHAD SGRUB BSTAN PA'I BYA BA RNAMS, ,YAR NGO'I ZLA BA LTA BUR 'PHEL BA DANG, ,DAM CHOS 'DZIN PA'I KHUR CHEN 'KHYER BAR SHOG ,NAG PO'I PHYOGS KYI BSAM SBYOR NGAN PA DANG, ,SNYIGS MA'I RGUD PA NYE BAR ZHI BA DANG, ,CHOS MTHUN 'BYOR PAS NAM YANG MI 'PHONGS SHING, ,MTHAR THUG BDE BA CAN DU SKYE BAR SHOG ,CES PA 'DI NI LHA KHANG BDE BA CAN GYI 'OD DPAG MED KYI SKU SBYAR LA BSAM DON SMON LAM GYI TSUL DU CHOS SMRA BA'I BTZUN PA BLO BZANG YE SHES

KYIS SMRAS PA DGE ZHING BKRA SHIS PAR GYUR CIG, ` DGA' LDAN ZHING BKOD LDE BAS BRIS ZHAL BYANG, NA MO MANYDZU GHO sh'A YA, SA BCU'I BYANG CHUB SEMS DPAS BSTEN PA'I GNAS, ,DGA' LDAN CHOS KYI PHO BRANG DAM PA NA, ,RGYAL BA'I RGYAL TSAB MA PHAM MGON PO NI, ,SKYE BA GCIG THOGS SEMS DPA'I TSUL DU BZHUGS, ,G-YAS SU NAM MKHA' DRI MA MED PA DANG, ,G-YON DU 'JAM DPAL SNYING PO 'KHOR GYI TSUL, ,THEG PA GSUM GYI LAM SROL LAS BRTZAMS PA'I, ,DAM PA'I CHOS KYI GSUNG DBYANGS RGYUN DU SGRAG ,GZHAN YANG GSAL MCHOG SNYING STOBS PHUL BYUNG ZHING, ,RNAM DPYOD SPOBS PA'I DO SHAL RING DU 'PHYANG, ,MANG THOS NOR BUS SNYAN SHAL RAB MDZES PA'I, ,RLABS CHEN SPYOD PA'I 'OD KYIS PHYOGS KUN 'GENGS, ,ZHING DER SKYE 'DOD THAR PA DON DU GNYER, ,MANG DU THOS SHING DAM CHOS 'DZIN LA SMON, ,SHES RAB LDAN ZHING YON TAN RIGS DAG LA, ,DGA' BAR BYA ZHING BSNGO BAS KHA LO BSGYUR,, DGA' LDAN ZHING BKOD BSGRUBS PA'I LEGS BYAS MTHUS, ,MA 'ONGS RDO RJE GDAN DU BYAMS PA MGON, ,SPRUL SKU'I MDZAD PAS RNAM PAR ROL PA'I TSE, ,'DUS PA DANG PO'I 'KHOR DU SKYE BAR SHOG, ` BDE BA CAN GYI ZHING BKOD LDEBS BRIS ZHAL BYANG, AOm BDE LEGS SU GYUR CIG ,MI MJED ZHING NAS NUB TU 'JIG RTEN KHAMS, ,BYE BA PHRAG KHRIG BRGYA STONG 'DAS PA NA, ,KHAMS GSUM 'KHOR BA'I GNAS SU MA GTOGS PA'I, ,DAG PA'I ZHING KHAMS BDE BA

, ,CAN ZHES YOD, ,ZHING GI MCHOG DE'I DBUS NA BYANG CHUB SHING, ,RTZA BA'I SBOMS NI DPAG TSAD LNGA BRGYA PA, ,'DAB MA DPAG TSAD BRGYA BRGYA 'PHYANG BA LA, ,ME TOG 'BRAS BU DU MAS RNAM PAR BRGYAN, ,LJON PA'I DBANG PO'I DRUNG NA 'OD DPAG MED, ,PADMA R'A GA'I LHUN PO LTAR BRJID PA, ,G-YAS G-YON PAD DKAR 'DZIN DANG MTHU CHEN THOB, ,DAG PA'I 'KHOR TSOGS RGYA MTSOS BSKOR NAS BZHUGS, ,RGYAL BA DE YI MTSAN THOS DRAN MOS SHING, ,THE TSOM MED PAR SNYING NAS GSOL 'DEBS NA, ,ZHING DE'I PADMA'I SBUBS SU SKYE 'GYUR ZHING, ,SLAR YANG NGAN SONG GNAS SU LTUNG MI SRID, ,BDE LDAN ZHING GI BKOD PA 'DI BZHENGS PAS, ,MTHONG THOS DRAN REG LTOS BCAS 'GRO BA RNAMS, ,BDE BA CAN DU THOGS MED SKYE BA DANG, ,SANGS RGYAS BSTAN PA RGYAS PA'I BKRA SHIS SHOG, MANG+GALAm,, ` KUN GZIGS ZHING BKOD LDEBS BRIS ZHAL BYANG, SVASTI, RDUL MED BSAGS ZHES KUN GZIGS ZHING MCHOG NI, ,GANG+G'A'I KLUNG GI BYE MA'I RDUL SNYED DANG, ,MNYAM PA'I ZHING GZHAN KUN LAS THA GRU YANGS, ,'JIG RTEN GZHAN GYI SNOD KYI YON TAN KUN, ,KUN TSANG KUN GZIGS ZHING GI LTE BA NA, ,STONG GSUM 'JIG RTEN BCU DANG KHYON MNYAM PA'I, ,BYANG CHUB SHING DRUNG MI 'JIGS SENG GE'I KHRIR, ,RGYAL BA KUN GZIGS GSER RI LTA BUR BRJID, ,DPAG TSAD BRGYAD KHRI BZHI STONG SKU YI TSAD, ,MTHONG BA'I MOD LA THE TSOM KUN GCOD

CING, ,BDE BA CAN SOGS DAG ZHING GZHAN LAS KYANG, ,CHES CHER RNAM DAG GDUL BYA'ANG SHIN TU MANG, ,GRANGS MED RGYAL BA GZHAN GYI MTSAN 'DZIN LAS, ,KUN GZIGS RGYAL BA'I MTSAN BRJOD PHAN YON CHE, ,'JAM DPAL DBYANGS KYI SGOM BZLAS LA BRTZON NA, ,LHA TSOGS GZHAN GYI SGOM BZLAS BYAS PAR 'GYUR, ,DE PHYIR 'JAM DBYANGS LHAG PA'I LHAR 'DZIN CING, ,KUN TU GZIGS PA'I ZHING GI YON TAN RNAMS, ,YANG YANG BSAMS SHING GSOL BA BTAB PA YIS, ,ZHING DER THOGS PA MED PAR SKYE BAR SHOG, BKRA SHIS,, ` NA MO GU RU LO KE SHVA R'A YA, CHOS DBYINGS NGANG LAS PAD DKAR ZLA DKYIL STENG, ,RANG SEMS HR'I: YIG DKAR PO'I 'PHRO 'DU LAS,, BDE LEGS 'BYUNG GNAS DPAL LDAN BLA MA DANG, ,DBYER MED BDE LDAN MGON PO SNANG MTHA' YAS, ,RNAM PA THUGS RJE'I BDAG NYID PAD DKAR 'DZIN, ,MTSAN DPE'I GZI 'BAR 'JA' MTSON SNA LNGA'I DBUS, ,RDO RJE SKYIL KRUNG TSUL BZHUGS YIG GSUM GYIS, ,GNAS GSUM LEGS MTSAN H'Um YIG 'OD ZER GYIS, ,SKU GSUM LHUN GRUB CHOS SKU'I ROL PA LAS, ,RANG RANG YE SHES SEMS DPA' DBANG LHAR BCAS, ,SPYAN DRANGS DAM TSIG PA DANG DBYER MED CING, ,DBANG BSKUR 'OD DPAG MED KYIS RGYAS BTAB GYUR, ,PHYAG 'TSAL DNGOS BSHAMS YID SPRUL MCHOD TSOGS 'BUL, ,NONGS PA KUN BSHAGS DGE TSOGS RJES YI RANG, ,ZAB RGYAS CHOS 'KHOR BSKOR PHYIR BSTAN PAR BZHUGS, ,

, ,DUS GSUM RNAM DKAR BYANG CHUB CHEN BOR BSNGO, ,NYES KUN GTAN BCOM DRI MED DUNG MDOG CAN, ,YAN LAG MCHOG LA 'OD MTSAN RGYAL BAS MDZES, ,'GRO LA THUGS RJE RGYUN CHAD MED 'JUG PA'I, ,'PHAGS MCHOG SPYAN RAS GZIGS LA PHYAG 'TSAL LO, ,ZHES GDUNG SHUGS DRAG POS BSTOD LEGS LA SNANG DANG NGA RGYAL CI RIGS PA'I SGO NAS, AOm MA nI PADME H'Um, ZHES BRGYA STONG KHRI 'BUM SOGS ZLA ZHING, MJUG TU CHAD LHAG KHA BSKANGS LA, DGE BA 'DI YIS MYUR DU BDAG ,SPYAN RAS GZIGS DBANG 'GRUB GYUR NAS, ZHES SOGS DANG, BDAG NYID 'DI SNANG NUB TSE GSUM LDAN RJES, ,LAM BSTAN BDE LDAN PADMOR LEGS SKYES NAS, ,BLA MA SNANG MTHA' DBYER MED ZHAL MTHONG GSUNG, ,MNYAN CING RGYAL SRAS SPYOD PA BDAG SPYOD SHOG, RGYAL BA'I DKYIL 'KHOR BZANG ZHING DGA' BA DER, ZHES SOGS 'DOD DON LA GSOL BA DANG SMON LAM BTAB LA BKRA SHIS KYIS KYANG BRGYAN PAR BYA'O, ,ZHES PA 'DI NI SA KHUD BA BLO BZANG BRTZON 'GRUS KYIS BSKUL BLTAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA 'GRO KUN BDE BA CAN DU SKYE BA'I RGYUR GYUR CIG, MANG+GALAm,, ` SVASTI, NYON MONGS BRAL BA'I MCHOG GYUR RAB 'BYOR CHE, ,DANG PO'I SANGS RGYAS MNGA' BDAG 'JAM DPAL GRAGS, ,KLU SGRUB DGONGS PA RGYA CHER SPEL MDZAD PA'I, ,LEGS LDAN 'BYED KYI ZHABS LA GSOL BA 'DEBS, ,RDO RJE BTZUN MOS BYIN BRLABS AA BHA YA, ,'JIG RTEN MIG GYUR 'GOS LO CHEN PO'I ZHABS, ,PHYI ROL RGOL NGAN TSAR GCOD PAntI TA, ,KUN DGA' RGYAL MTSAN ZHABS LA GSOL BA 'DEBS, ,

SDE BRGYAD BRAN 'KHOL G-YUNG STON RDO RJE DPAL, ,LOG SMRA 'JOMS MDZAD MKHAS GRUB DGE LEGS DPAL, ,BSHAD SGRUB BSTAN PA'I BYA BA MTHAR SON PA'I, ,BSOD NAMS PHYOGS GLANG ZHABS LA GSOL BA 'DEBS, ,SNYAN RGYUD GDAMS PA'I GTER GYI MDZOD 'DZIN CING, ,CHOS BRGYAD BYA BA MTHA' DAG RING SPANGS NAS, ,MNGON SHES RDZU 'PHRUL THOGS MED MNGA' BA CAN, ,GRUB PA'I DBANG PHYUG ZHABS LA GSOL BA 'DEBS, ,BLO BZANG GRAGS BSTAN BA GAM MTHON PO'I RTZER, ,MI NUB CHOS KYI RGYAL MTSAN CHER BSGRENGS SHING, ,SKU GSUM NOR BU'I TOG GIS RAB MTSAN PA'I, ,DPAL LDAN BLA MA'I ZHABS LA GSOL BA 'DEBS, ,RMAD BYUNG BLO GROS BZANG PO'I DKYIL 'KHOR RGYAS, ,YE SHES 'OD DKAR DRA BA STONG 'GYED PAS, , GDUL BYA'I MA RIG MUN PA SEL MDZAD PA'I, ,RJE BTZUN BLA MA'I ZHABS LA GSOL BA 'DEBS, ,SKAL LDAN GDUL BYAS GSOL BA BTAB PA'I MTHUS, ,ZUNG 'JUG BDE BA CHEN PO'I ZA MA TOG ,GZHOM GZHIG PRAL BA'I KHRI 'PHANG MTHON PO'I RTZER, ,NAM YANG G-YO BA MED PAR BRTAN PAR SHOG ,BDAG SOGS DENG NAS YANG SRID THAMS CAD DU, ,MGON PO KHYOD KYIS 'BRAL MED RJES 'DZIN CING, ,CHOS MTHUN BZHED PA JI BZHIN SGRUB PA LA, ,NGAL BA MED PAR BKA' BZHIN SGRUB PAR SHOG ,GNAS SKABS SU YANG NANG YAMS MU GE DANG, ,'THAB RTZOD LO NYES MI SHIS RGUD PA KUN, ,NYE BAR ZHI ZHING BSAM DON MA LUS PA, ,'BAD MED LHUN GYIS GRUB PA'I BKRA SHIS SHOG ,CES PA 'DI NI DGE LEGS

, ,'BYUNG GNAS KYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHAL,, ` NA MO GU RU MANYDZU GHO sh'A YA, 'DIR CHOS SKYONG BA GTZE 'KHOR BCAS LA MCHOD GTOR PHUL NAS GNYER GTAD 'PHRIN BCOL BYA BA LA, RANG YI DAM GANG RUNG GI NGA RGYAL DANG LDAN PAS NANG MCHOD MCHOD GTOR SPYAN GZIGS RNAMS BYIN RLABS RGYAS BSDUS CI RIGS DANG, MA MTHA' YID KYIS AOm A'A: H'Um BRJOD NAS BYIN GYIS BRLABS NAS,, KYEE, MDUN DU KHRAG ZHAG RGYA MTSO 'KHRUG PA'I DBUS, ,RTA RO MI RO PAD NYI'I GDAN STENG DU, ,CHOS SKYONG LCAM SRING SROG BDAG DMANG PO DANG, ,GRI THOGS BSHAN PA 'KHOR BCAS BZHUGS BAR GYUR, ,BYANG SHAR MA RU RTZE YI DUR KHROD NAS, ,BLA MA YI DAM GNAS GSUM MKHA' 'GRO DANG, ,DREGS PA LCAM SRING 'KHOR DANG BCAS PA RNAMS, ,DAM TSIG SO SO'I RTEN LA DGYES SHING BZHUGS, ,CHU GNYIS DBANG PO'I ME TOG SUNG POR SPUNGS, ,BSUNG CHAN DUD BA ZHUN CHEN SGRON ME DANG, MKHRIS PA'I DRI CHAB SHA KHRAG ZHAL ZAS TSOGS, ,CHOS SKYONG DREGS PA LCAM SRING MNYES PHYIR 'BUL, ,BZHES NAS LAS BZHI'I 'PHRIN LAS SKRUB PAR MDZOD, ,RKANG GLING THOD RNGA MKHA' 'GRO'I CING TE SOGS, ,SNYAN BRJID 'GYUR BA'I ROL MO SNA TSOGS PA, ,CHOS SKYONG LCAM SRING 'KHOR BCAS MNYES PHYIR 'BUL, ,BZHES NAS 'PHRIN LAS RNAM BZHI SGRUB PAR MDZOD, ,MTSAMS SPRIN MDANGS CHAGS MDZES PA'I RA SKYES DANG, ,ZHOL G-YAG KHAM PA GLOG 'GYU'I MGYOGS

'GRO DANG, ,BYA KHYI LCE SPYANG STAG GZIG DOM DRED TSOGS, ,CHOS SKYONG LCAM SRING 'KHOR BCAS MNYES PHYIR 'BUL, ,BZHES NAS 'PHRIN LAS RNAM BZHI SGRUB PAR MDZOD, ,MTSAN LDAN YANGS PA'I BDE SKYED SNOD YANGS SU, ,SHA KHRAG GTOR MA'I TSOGS RNAMS BYIN BRLABS NAS, ,CHOS SKYONG LCAM SRING 'KHOR BCAS MNYES PHYIR 'BUL, ,BZHES NAS 'PHRIN LAS RNAM BZHI SGRUB PAR MDZOD, ,CHOS SKYONG DREGS PA'I RGYAL PO 'KHOR BCAS KYIS, ,RTZA RGYUD BLA MA'I DAM LAS MA 'DA' BAR, ,MDA' PA BKRA SHIS LHUN GYIS GRUB PA'I SDE, ,DAR ZHING RGYAS LA 'PHEL BA'I 'PHRIN LAS MDZOD, ,GAL TE LOG PAR 'KHU BA'I DGRA BGEGS KYI, ,SNYING KHRAG DRON MO HUB KYIS 'DREN PA DANG, ,DAD CING BKUR BA'I BSTAN PA'I SBYIN BDAG RNAMS, ,RIGS RGYUD MNGA' THANG RGYAS PA'I 'PHRIN LAS MDZOD, MDOR NA MKHAN SLOB DGE 'DUN SDE DANG BCAS, ,KHRIMS LDAN BSHAD SGRUB BYA BA MTHAR PHYIN NAS, 'JAM DBYANGS MKHAS PA'I DBANG PO SH'ANTI PA'I,, BSTAN PA YUN DU GNAS PA'I BKRA SHIS SHOG ,CES PA 'DI NI GU GE MDA' PA BKRA SHIS LHUN PO'I BLA MA BSOD NAMS DAR RGYAS KYIS YANG YANG BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ,, ` THANG KA'I RGYAB YIG ,'JAM DPAL GSHIN RJE'I GSHED KYI SPRUL PA MCHOG ,PADMA YANG GSANG BKA' SDOD MTHU RTZAL CAN, ,DAM TSIG RTEN 'DIR DGYES SHING BZHUGS MDZOD LA, ,MDA' BA BKRA SHIS LHUN GYIS GRUB PA'I SDE,,

, ,PHYI NANG NOR RDZAS GRVA RIGS SBYIN BDAG BCAS, ,GNYER DU GTAD GYIS BDAG TU ZUNGS MDZOD LA, ,GNOD BYED DGRA BGEGS MA LUS TSAR GCOD CING, ,BSRUNG ZHING SKYONG LA G-YEL BA MED PAR MDZOD, ,T'AshthI BADZRA, MANG+GALAm,, ` AOm SVASTI, MDO SNGAGS CHOS KYI DPAL 'BYOR RGYA MTSO CHE, ,BSLAB GSUM LUNG RTOGS NOR BUS YONGS GANG ZHING, ,'CHAD RTZOD RTZOM PA'I RLABS PHRENG G-YO BA CAN, ,YONGS 'DZIN DAM PA'I ZHABS LA GSOL PA 'DEBS, ,MCHOG GSUM BLA MA YI DAM BYIN RLABS DANG, ,BSTAN SRUNGS DAM CAN RGYA MTSO'I MTHU STOBS KYIS, ,BSTAN 'DZIN SKYES BU'I ZHABS PAD BRTAN PA DANG, ,BSHAD SGRUB BSTAN PA DAR ZHING RGYAS PAR SHOG ,CES PA 'DI NI DKYIL KHANG SLOB DPON PA DPAL 'BYOR RGYA MTSO'I BSTOD BA BRTAN BZHUGS DANG BCAS BZHIG DGOS ZHES BLO BZANG YAR 'PHEL GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE ZHING BKRA SHIS PAR GYUR CIG, ,, ` AOm SVASTI, 'DOD KHAMS DBANG PHYUG DPAL LDAN REM TI, ,RTEN 'DIR BZHUGS LA DGA' LDAN AER TE NE, ,JU NANG DPON G-YOG 'KHOR DANG BCAS RNAMS LA, ,G-YEL BA MED BAR RTAG TU BSRUNG SKYOBS MDZOD, ,T'IshthA BADZRA, ` AOm BDE LEGS SU GYUR CIG ,MA PHAM RGYAL BA'I DBANG POR GSER CHAB DANG, ,SNYAN SHAL MDZES BYED MCHOD SPRIN TSOGS PHUL BAS, ,BSLAB GSUM RNAM DAG RTEN BZANG RING DU 'TSO, ,THUB BSTAN 'DZIN SKYONG SPEL BA'I MTHU LDAN

SHOG ,GZHAN YANG 'DI LTAR BSGRUBS PA'I DGE BA'I MTHUS, ,BKRA SHIS LHUN GYIS GRUB PA'I CHOS GRVA CHE'I, ,DGE 'DUN THUGS MTHUN KHRIMS GTZANG BSHAD SGRUB 'PHEL, ,NAG PHYOGS BDUD SDE'I G-YUL LAS RGYAL BAR SHOG ,'DI LTAR BSGRUB LA BRTZON PA'I SKYE DGU RNAMS, ,GNAS SKABS BSAM DON YID BZHIN 'GRUB PA DANG, ,MA 'ONGS ZHING 'DIR RGYAL BA MA PHAM MGON, ,BYON TSE 'KHOR GYI THOG MAR SKYE BAR SHOG, MANG+GALAm,, ` AOm BDE LEGS SU GYUR CIG MKHA' 'GROS LUNG BSTAN BKRA SHIS LHUN PO'I SPOR, ,BDUD DPUNG PHYE MAR 'THAG CING ZIL GNON PA'I, ,BYIN RLABS GZI 'OD 'BAR BA'I THUB DBANG SKUR, ,GSER CHAB BLA GOS SNYAN SHAL PHUL BA'I MTHUS, ,PHAN BDE'I 'BYUNG GNAS CHOS GRVA CHEN PO 'DI, ,RNAM G-YENG LHA'I BU'I BDUD KYIS MI BSKYOD BAR, ,THOS BSAM SGOM LA RTZE GCIG GZHOL BA DANG, ,BSTAN 'DZIN SKYES BU'I ZHABS ZUNG RAB BRTAN SHOG ,BSTAN LA GUS PAS SRI ZHU LHUR LEN PAS, ,BSTAN PA'I SBYIN BDAG DANG LDAN JI SNYED PA, ,DGE BCU'I LAM GYI THEM SKAS LA 'DZEGS TE, ,SKU GSUM GZHAL MED KHANG DU 'JUG PAR SHOG, MANG+GALAm,, ` NA MO A'ARYA D'A RA YE, 'JIG RTEN MGON PO'I THUGS RJE LAS 'KHRUNGS PA'I,, BKRA SHIS DPAL 'BAR YID BZHIN 'KHOR LO LA, ,RIN CHEN GSER CHAB MDZES PA'I RGYAN PHRENG DANG, ,MCHOD SPRIN RGYA MTSOS BSNYEN BKUR GSOL BTAB PAS, ,TSE DANG BSOD NAMS DMIGS MED SNYING RJE DANG, ,'CHAD RTZOD RTZOM

, ,BA'I RNAM DPYOD DNGOS GRUB STZOL, ,PHYIN DRUG SPYOD PAS RANG RGYUD MDZES BA DANG, ,BSDU BZHI'I THABS KYIS GZHAN RGYUD SMIN BYED SHOG ,GNAS 'DIR BSAM SBYOR NGAN PA'I GDUG RTZUB ZHI, ,TSUL GNAS THOS BSAM SGOM LA RAB BRTZON PA'I, ,BLO GSAL 'DUS BA'I TSOGS KYIS YONGS GANG ZHING, ,LEGS BSHAD CHOS KYI SGRA DBYANGS SGROG PAR SHOG, BKRA SHIS,, ` AOm BDE LEGS SU GYUR CIG ,'CHI MED DPAL STER MGON PO TSE DPAG MED, ,LHA DGU'I DKYIL 'KHOR BSGRUBS SHING MCHOD BA YIS, ,BKA' DRIN CHE LDAN RJE BTZUN SPRUL PA'I SKU, ,BLO BZANG YE SHES BSKAL BRGYAR ZHABS BRTAN SHOG ,DGE BA 'DI YIS BDAG DANG DRIN CAN MA, ,NYE DUR BCAS RNAMS GNAS SKABS TSE RING BDE, ,CHOS SKYONG BSRUNG MAS G-YEL MED GROGS MDZAD CING, ,DKON MCHOG SOGS DGE LA BRTZON PAR SHOG ,DENG NAS YANG SRID SKYE BA THAMS CAD DU, ,MTHO RIS YON TAN BDUN GYIS RAB MDZES SHING,, NGES 'BYUNG BYANG CHUB SEMS KYIS RGYUD PHYUG NAS, ,MTHAR THUG BDE BA CAN DU SKYE BAR SHOG ,CES PA 'DI NI NYE 'KHOR BA DGE LEGS TSE BRTAN GYIS GCEN LUNG MKHA' SPYOD DGON BAR TSE CHOG 'CHI MED 'DOD 'JO RGYUN 'DZUGS BYAS PA'I DGE BA BSNGO BA'I CHED DU CHOS SMRA BA'I BTZUN PA BLO BZANG YE SHES KYIS SMRAS PA DGE ZHING BKRA SHIS PAR GYUR CIG, ` AOm BDE LEGS SU GYUR CIG, ,RGYAL BA GNYIS PA'I LUNG RTOGS DAM CHOS KYI, ,DPAL 'BYOR BZANG PO'I BDUD RTZI'I DGA' STON MCHOG,

BLO GSAL GDUL BYA'I TSOGS LA 'GYED MKHAS PA'I, ,YONGS 'DZIN DAM PA'I ZHABS LA GSOL BA 'DEBS, ZHES SHAR RTZE SLOB DPON BA DAM CHOS DPAL 'BYOR GYI BSTOD PA BLA RGYUD RIM BAR BCUG CHOG PA SHAR RTZE SPYI MI RNAMS KYIS BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS BA DGE LEGS 'PHEL,,` AOm BDE LEGS SU GYUR CIG ,BLO LDAN BZANG PO'I ZHING SA RAB YANGS PAR, ,DGE BA'I SA BON GRUNG PO LEGS BTAB STE, ,YE SHES THUGS RJE'I 'OD KYIS SNYEMS MDZAD PA'I, ,DPAL LDAN BLA MA'I ZHABS LA GSOL BA 'DEBS, ,DE LTAR SNYING NAS GUS PAS GSOL BTAB PAS, ,RGYAL BA GNYIS PA'I BSTAN PA RIN PO CHE, ,BSHAD SGRUB BYA BAS 'DZIN SKYONG SPEL MDZAD PA'I, ,BSTAN 'DZIN SKYES BU'I ZHABS PAD BRTAN PAR SHOG ,CHOS BZHIN SPYOD PA'I BSTAN PA'I SBYIN BDAG RNAMS, ,MNGA' THANG RIGS RGYUD DBYAR MTSO LTAR 'PHEL NAS, ,'GYUR MED DAD PAS DGE 'DUN BSNYEN BKUR ZHING, ,DKON MCHOG GSUM DANG NAM YANG 'BRAL MED SHOG ,BDAG SOGS 'KHOR 'BANGS LTOS BCAS SKYE DGU'I TSOGS, ,GNAS SKABS TSE RING NAD MED BDE LDAN ZHING, ,DGE BCU'I LAM GYI THEM SKAS LA 'DZEGS TE, ,MNGON MTHO'I KHANG BZANG DAM PAR 'JUG PAR SHOG, 'KHOR BA'I GNAS 'DIR NGES 'BYUNG BYANG CHUB SEMS, ,YANG DAG LTA BA'I LAM GYI NYAMS LEN GYIS, ,SDUG BSNGAL RTZA BA BDAG 'DZIN RGYUN BCAD NAS, ,RNAM GROL THAR PA'I GLING DU BGROD PAR SHOG ,CES PA 'DI NI NOM JI THA'I JIS

, ,BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` RJE BTZUN MKHYEN PA'I GTER LA PHYAG 'TSAL LO, ,GRANGS MED RGYAL BA BSKRUN MDZAD 'JAM BA'I DBYANGS, ,DUR SMRIG 'DZIN PA'I GAR GYIS RNAM ROL NAS, ,PHYOGS 'DIR MDO SNGAGS BSTAN PA GSAL MDZAD PA'I, ,KHAMS GSUM CHOS KYI RGYAL BOR GSOL BA 'DEBS, ,RGYAL BA GNYIS PA BLO BZANG GRAGS PA YI, ,LUNG RTOGS CHOS KYI RGYAL MTSAN 'DZIN PA'I MCHOG ,SNANG MTHA'I MGON BO RGYAL BA DBEN SA PA, ,RJE BTZUN BLA MA'I ZHABS LA GSOL BA 'DEBS, ,NGAG GI DBANG PHYUG PHYAG NA PADMA YI, ,BLO CHEN MKHYEN BRTZE'I RGYA MTSO RAB YANGS BAR, ,BZANG PO'I SPYOD PA'I NOR BUS YONGS GANG PA, ,GANGS CAN 'GRO BA'I MGON LA GSOL BA 'DEBS, ,BLO CHEN BZANG PO'I DPAG BSAM LJON PA LAS, ,YE SHES 'BRAS BU SMIN PAS G-YUNG ZA ZHING, ,'PHRIN LAS DRI BSUNG PHYOGS BRGYAR 'PHRO BA CAN, , BLO BZANG YE SHES ZHABS LA GSOL BA 'DEBS, ,DRANG SRONG MCHOG DANG CHOS DBYINGS BDEN PA DANG, ,BSTAN SRUNGS DAM CAN RGYA MTSO'I MTHU STOBS KYIS, ,RJE BTZUN BLA MA'I ZHABS ZUNG RDO RJE'I KHRIR, ,NAM YANG G-YO BA MED PAR BRTEN PAR SHOG ,DE YI MTHU LAS THUB PA'I RING LUGS KYI, ,CHOS TSUL SPYI DANG RGYAL BA TZONG KHA BA'I, ,MDO SNGAGS BSTAN PA DAR ZHING RGYAS PA DANG, ,BSTAN PA'I SBYIN BDAG MNGA' THANG YAR 'PHEL SHOG ,KHYAD PAR BKRA SHIS 'PHEL

RGYAS GLING GI SDE'I, ,YONGS 'DZIN BLO GSAL RNAM DPYOD YANGS BA'I TSOGS, ,BAG MED RNAM G-YENG RLUNG GIS MI BSKYOD PAR, ,TSUL LDAN THOS BSAM SGOM LA GZHOL BAR SHOG ,MTHUN PA SGRUB PA'I DAD LDAN SBYIN BA'I BDAG ,NOM CHI THA'I JI 'BUM SKYABS 'KHOR BCAS RNAMS, ,TSE RING NAD MED DGE 'DUN BSNYEN BKUR ZHING, ,STOBS BCU MNGA' BA'I GO 'PHANG MYUR THOB SHOG ,CES PA 'DI NI BLA MA NGAG DBANG TSUL KHRIMS KYIS BSKUL BA'I NGOR CHOS SMRA BA'I BTZUN PA BLO, BZANG YE SHES KYIS SMRAS BA'O,, MANG+GALAm,, ` BHYOO: DPAL LDAN 'DOD KHAMS DBANG MO RE MA TIS, ,RDO RJE 'CHANG DBANG GSANG BA SHIS RAB DANG, ,'BYUNG GNAS BZANG PO RGYAL BA YE SHES ZHABS, ,PRADZNY'A GU RU SAm GHA BHA DRA DANG, ,'OD CHEN RDO RJE RTZE MO NYI MA 'OD, ,RIN CHEN RNAM RGYAL SANGS RGYAS 'BYUNG BA DANG, ,'JAM DBYANGS 'KHON STON BYANG SEMS RIN CHEN MGON, ,NYI MA BSHES GNYEN NAM MKHA' RDO RJE DANG, ,DPAL LDAN RDO RJE RIN CHEN CHOS BZANG DANG, ,DGE 'DUN GRUB DANG KUN DGA' RGYAL MTSAN DANG, ,DGE 'DUN GRUB DANG KUN DGA' RGYAL MTSAN DANG, ,DGE 'DUN RGYA MTSO MKHAS PA YON TAN MCHOG ,BSOD NAMS RGYA MTSO SANGS RGYAS YE SHES ZHABS, ,BLO BZANG CHOS RGYAN BLO BZANG RGYA MTSO'I SDE, ,BLO BZANG YE SHES RTZA RGYUD BLA MA YI, , BKA' DANG DAM LAS NAM YANG MA 'DA' BAR, ,DGA' LDAN BKRA SHIS CHOS 'PHEL GLING GI MCHOG ,DPON SLOB DGE 'DUN CHOS 'BANGS 'KHOR DANG BCAS, ,BSHAD SGRUB DPAL 'BYOR LEGS TSOGS RGYAS PA'I GEGS, ,NAG

, ,PHYOGS 'BYUNG PO'I BSAM SBYOR ZHI BA DANG, ,MTHUN RKYEN YID BZHIN 'GRUB PA'I 'PHRIN LAS MDZOD, CES DGA' LDAN CHOS 'PHEL BKRA SHIS GLING DPAL LDAN LHA MO LA GNYER DU GTAD PA'I TSIGS SU BCAD PA 'DI NI SKU 'BUM MKHAN RIN PO CHE CHU BZANG KHO THOG THU NGAG DBANG BLO BZANG BSTAN PA'I RGYAL MTSAN DPAL BZANG POS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` AOm SVA STI, DUS GSUM RGYAL BA KUN GYI BGROD GCIG LAM, ,CHUNG 'BRING CHEN PO'I NYAMS LAN GNAD RNAMS KUN, ,DPAL LDAN MAR ME MDZAD KYIS LEGS BSDUS PA'I, ,BYANG CHUB LAM GYI SGRON MA'I DGONGS PA'I DON, ,'JAM MGON CHOS KYI RGYAL PO TZONG KHA PAS, ,SHING RTA CHEN PO RNAMS KYI BZHED PA BZHIN, ,TSAD LDAN GZHUNG DANG BKA' GDAMS GONG MA YI, ,GSUNG GIS LEGS BRGYAN LAM RIM CHEN MO 'DI, ,SEMS RGYUD CHOS DANG BSTUN 'DOD DANG PA CAN, ,RNAM DPYOD YANGS PA BLO BZANG CHOS 'TSO YIS, ,LHAG BSAM DAG PAS RKYEN SBYAR LEGS BSKUL NAS, ,GTZANG STOD BKRA SHIS LHUN POR PAR DU BSGRUB, ,DGE BA 'DI YIS RGYA BOD HOR GSUM GYI, ,BSTAN PA'I SBYIN BDAG DANG LDAN PHO MO'I TSOGS, ,PHYOGS RE'I LAM GYIS TSIM PA MA MCHIS PAR, ,'KHRUL MED LAM 'DIR YID CHES RNYED PAR SHOG ,BSTAN 'DZIN SKYES BU'I ZHABS PAD BRTAN PA DANG, ,'CHAD RTZOD RTZOM DANG THOS BSAM SGOM PA LA, ,LEGS PAR BRTZON PA'I DGE 'DUN THUGS MTHUN

ZHING, ,CHOS LDAN RGYAL PO'I MNGA' THANG RGYAS PAR SHOG ,CES PA 'DI NI DGE TSUL MA BLO BZANG CHOS 'TSOS BSKUL NAS LAM RIM CHEN MO'I PAR GSAR DU BSGRUBS PA'I TSE CHOS SMRA PA'I BTZUN PA BLO BZANG YE SHES KYIS SMRAS PA DGE LEGS SU GYUR CIG, ` NA MO LO KE SHVA R'A YA, SKAL BZANG 'DREN PA STONG GI SPRUL PA'I GZHI, ,GANG LA GANG 'DUL STON PA'I ZLOS GAR CAN, ,'OD DPAG MED MGON SRAS KYI TSUL 'DZIN PA, ,'PHAGS BA SPYAN RAS GZIGS LA GSOL BA 'DEBS ZAB MO'I THUGS KYIS YON TAN SGAM POR SBED, ,CHOS LDAN RGYAL PO'I KHRIMS KYIS LEGS SRONG ZHING, ,MTHA' BZHI'I LAS CAN DBANG DU SDUD MDZAD PA'I, ,SPRUL PA'I CHOS RGYAL CHE LA GSOL BA 'DEBS, ,GANGS RI'I LJONGS SU DGE BSNYEN RDZU 'PHRUL CAN, ,CHOS 'PHEL ZHES 'BYUNG RGYAL BAS LUNG BSTAN CING, ,BKA' GDAMS BSTAN PA'I SROL CHEN LEGS BTOD PA'I, ,PHA STON RGYAL BA 'BROM LA GSOL BA 'DEBS, ,GSANG BA YE SHES MKHA' 'GROS LUNG BSTAN PA'I, ,CHOS GRVA CHEN POR RGYAL BA TZONG KHA BA'I, ,MDO SNGAGS BSTAN PA RGYA CHER SPEL MDZAD PA'I, ,THAMS CAD MKHYEN PA'I ZHABS LA GSOL BA 'DEBS, ,GZHON NU NYID NAS RIG PA'I GNAS LNGA DANG, ,MDO SNGAGS KUN LA MKHYEN PA'I SPYAN YANGS SHING, ,BSHAD SGRUB BSTAN PA SPEL BA'I 'PHRIN LAS CAN, ,DGE 'DUN RGYA MTSO'I DPAL LA GSOL BA 'DEBS, ,BSOD NAMS YE SHES RGYA MTSO'I MTHAR SON KYANG, ,KUN LA DAG PA'I THUGS KYIS KHYAB

, ,MDZAD CING, ,MTHA' 'KHOB 'GRO BA'I MGON DANG SKYABS GYUR PA'I, ,BSOD NAMS RGYA MTSO'I ZHABS LA GSOL BA 'DEBS, ,GNAM SKOS RGYAL PO'I RIGS SU LEGS BLTAMS SHING, ,MTHU STOBS YON TAN NOR BUS YONGS SU GANG, ,'PHRIN LAS RGYA MTSO'I KHYON LA DBANG BSGYUR BA'I, ,MTHONG BA DON LDAN MDZAD LA GSOL BA 'DEBS, ,NGAG DBANG DBYANGS CAN LHA MOS BYIN RLABS SHING, ,MKHYEN RAB 'JAM DPAL DBYANGS DANG GNYIS SU MED, ,CHOS SRID DPAL DANG 'BYOR PAS LEGS PHYUG PA, ,GANGS CAN 'GRO BA'I MGON LA GSOL BA 'DEBS, ,NGAG GI DBANG PHYUG PAD DKAR 'DZIN PA YI, ,YE SHES RGYA MTSO'I KLONG LAS LEGS 'KHRUNGS SHING, ,MKHAS BTZUN BZANG POS 'GRO BA 'DREN MDZAD PA'I, ,RJE BTZUN BLA MA'I ZHABS LA GSOL BA 'DEBS, ,RGYAL DANG RGYAL SRAS 'PHAGS PA'I BYIN RLABS DANG, ,DRANG SRONG BDEN TSIG GRUB PA'I SMON LAM DANG, ,MTHA' DAG SKYE 'GRO'I LEGS BYAS BSOD NAMS MTHUS, ,RJE BTZUN BLA MA BSKAL BRGYAR ZHABS BRTAN SHOG ,YE SHES MGON PO DAM CAN CHOS KYI RGYAL, ,DMAG ZOR RGYAL MO DUNG SKYONG DBANG MO SOGS, ,BSTAN SRUNGS RNAMS KYI 'PHRIN LAS MTHU STOBS KYIS, ,CHOS SRID DPAL GYIS MNGON PAR MTHO BAR SHOG ,CES THAMS CAD MKHYEN PA SKU NA RIM GYI MDZAD PA DANG SBYAR BA'I SKU BSTOD TSIGS SU BCAS PA 'DI DAG JO STAN SPOS KHANG MKHAN POS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA DGE

LEGS 'PHEL,, ` YI DAM GYI BSKANG THANG GCIG GI RGYAB LA, H'Um; BZOD PAR DKA' BA'I GZI BRJID MTHA' YAS SHING, ,PHYI NANG 'BYUNG PO 'DUL MDZAD GSHIN RJE'I GSHED, ,MCHOG DANG THUN MONG DNGOS GRUB MA LUS PA, ,STZOL MDZAD DPAL LDAN RDO RJE 'JIGS BYED CHER, ,TING 'DZIN SNGAGS DANG PHYAG RGYAS BYIN BRLABS PA'I, ,ZAG MED BDE STER MCHOD SPRIN RGYA MTSO'I TSOGS, ,'CHI MED LAM KUN YONGS SU RAB BKANG STE, ,MI PHYED DAD PA'I YID KYIS LEGS 'BUL NA, ,'PHRIN LAS RNAM BZHIS RGYAL BA'I BSTAN PA LA, ,SDANG BA'I SEMS 'CHANG MI DANG MI MIN KUN, ,SKAD CIG NYID LA RDUL TU BRLAG PA DANG, ,BSTAN PA'I SGRON ME PHYOGS BRGYAR 'BAR BAR MDZOD,, MANG+GALAm,, ,, ` MGON PO PHYAG DRUG PA'I BSKANG THANG GCIG LA, H'Um; RAB ZHI CHOS SKU'I NGANG LAS MA G-YOS KYANG, ,BGEGS TSOGS GZHOM PHYIR MI BZAD KHRO BO'I SKUR, ,BSTAN NAS 'DOD DGU MA LUS STER MDZAD PA'I, ,DPAL LDAN YE SHES MGON PO'I SPYAN LAM DU, ,BSGRAL BA'I ZHING BCU TSANG BA'I RAKTA'I MTSO, ,LHUN PO LA 'KHU DMAR CHEN GTOR MA DANG, ,PHYI NANG GSANG RTEN MA TSANG MED PA BCAS, ,SHUGS DRAG DAD PA'I YID KYIS 'BUL LAGS NA, ,RGYAL BA'I BSTAN LA 'TSE BA'I DRAG BGEGS DANG, ,PHYI NANG BDUD RIGS MA LUS NYER BCOMS NAS, ,MDO SNGAGS BSTAN PA PHYOGS MTHAR RGYAS PA DANG, ,DPAL 'BYOR DBANG DU 'DU BA'I 'PHRIN LAS MDZOD, SA MA YA T'IshthA,, ` GCIG GI RGYAB

, ,LA, H'Um,, RGYAL BA KUN GYI MKHYEN BRTZE MA LUS PA, ,GCIG BSDUS GANGS RI'I MGON PO SPYAN RAS GZIGS, ,SNA TSOGS SPRUL PAS 'GRO BA'I DON MDZAD PA'I, ,MGON PO YID BZHIN NOR BU DGYES BSKYED PHYIR, ,RO BRGYA'I BCUD MGON DKAR, LDAN SNA TSOGS DAM RDZAS SPRIN, ,DPAG YAS LHA YI LAM KUN GANG BA DANG, ,GLING BZHI RI RAB RIN CHEN BDUN LA SOGS, ,DNGOS BSHAMS YID SPRUL MCHOD TSOGS MA LUS 'BUL, ,DENG NAS JI SRID BYANG CHUB MA THOB BAR, ,'BRAL MED THUGS RJE'I BRTZE BAS LEGS BZUNGS NAS, ,BYANG CHUB SGRUB PA'I 'GAL RKYEN KUN ZHI NAS, ,BSAM DON GEGS MED 'GRUB PA'I 'PHRIN LAS MDZOD, SA MA YA T'IshthA,, ` DE PHYIN GYI RGYAB LA, AOm BADZRA MAH'A K'A LA Ksh'Im KshE TRA BI GH'A NA BI N'A YA KA H'Um H'Um PHAt, BDAG CAG MKHAN SLOB DGE 'DUN GYI SDE DANG BCAS PA'I LEGS TSOGS BSTAN PA'I BYA BA RNAMS RGYAS PAR MDZAD DU GSOL PHAt SV'AH'A, AOm SHR'I MAH'A K'A LA SH'A SA NA AU PA HA RI nE, AE shA AA BshITZA MA KA LO, AA YAm AI DAm RATNA TRA YA, AA PA KA R'I n'Am, YA TI PRA TI DZNY'Am, SMA RA SI, TA DA AI DAm DUshtAm, KHA KHA KH'A HI KH'A HI, MA RA MA RA, GRi HnA GRi HnA, BANDAHA BANDHA, HA NA HA NA, DA HA DA HA, PA TZA PA TZA, DI NA MI KE NA M'A RA YA H'Um H'Um PHAt, BDAG CAG MKHAN SLOB DGE 'DUN GYI SDE DANG BCAS PA DAR ZHING RGYAS PA DANG, BSAM DON YID BZHIN DU 'GRUB PAR MDZAD DU GSOL PHAt SV'A H'A,, ` DAM CAN CHOS RGYAL GYI BSKANG THANG GCIG GI RGYAB LA, DZA: 'JAM

DPAL BKA' SDONG RAB BRJID DRAG PO'I SKU, ,KHAMS GSUM LOG 'DREN THAL BAR CHER RLOG CING, ,SNANG SRID ZIL GNON BSTAN BGRA RTZAD NAS SGROL, ,BLO BZANG RGYAL BA'I BSTAN SRUNGS MTHU STOBS CHER, ,LHAN SKYES BDE BA CHEN PO'I ROL PA LAS, ,BYUNG PA'I DAM RDZAS PHYI NANG MCHOD PA DANG, ,SNA TSOGS MCHOD PA'I BYE BRAG MTHA' YAS PA, ,DPAG YAS STONG GSUM KHYON KUN BKANG STE 'BUL, ,RGYAL BSTAN SPYI DANG KUN MKHYEN TZONG KHA PA'I, ,BSTAN DANG DE 'DZIN BU BZHIN SKYONG BA DANG, ,BSTAN LA GNOD BYED MA LUS TSAR BCAD NAS, ,BSHAD SGRUB BSTAN PA DAR ZHING RGYAS BAR MDZOD,, BDZRA SA MA YA T'IshthA,, ` DE PHYIN GYI RGYAB LA, AOm K'A LA R'U BA H'Um, KHAMS GSUM CHOS KYI RGYAL PO TZONG KHA PA CHEN PO'I BSTAN PA BSTAN 'DZIN DANG BCAS PA'I 'GAL RKYEN MI MTHUN PA'I PHYOGS THAMS CAD BZLOG PAR MDZOD PHAt, AOm TZ'A MUndI H'Um, KHAMS GSUM CHOS KYI RGYAL PO TZONG KHA PA CHEN PO'I BSTAN PA BSTAN 'DZIN DANG BCAS PA'I 'GAL RKYEN MI MTHUN PA'I PHYOGS THAMS CAD BZLOG PAR MDZOD PHAt,, ` DPAL LDAN LHA MO'I BSKANG THANG GCIG GI RGYAB LA, BHYOO: SA BCU'I DBANG PHYUG SPROS KUN NYER ZHI YANG, ,SNA TSOGS SPRUL PA'I THABS TSUL SNA TSOGS KYIS, ,BSTAN DGRA GZHOM PHYIR MI BZAD DRAG MO'I SKUR, ,STON MDZAD 'DOD KHAMS DBANG PHYUG SPYAN LAM DU, ,RANG BZHIN RNAM DAG CHOS DBYINGS LHA LAM LAS, ,BYUNG BA'I PHYI NANG GSANG BA'I MCHOD PA'I SPRIN, ,DAM RDZAS SPYAN GZIGS BLA MED RTEN GYI TSOGS, ,RAB 'BYAMS

, ,ZHING KUN BKANG STE LEGS 'BUL NA, ,BKRA SHIS LHUN GYIS GRUB PA'I CHOS GRVA CHE, ,NAM YANG BSRUNG SKYOB G-YEL BA MED PA DANG, ,LEGS TSOGS BSTAN PA'I BYA BA MA LUS PA, ,YAR NGO'I ZLA LTAR RGYAS PA'I 'PHRIN LAS MDZOD, ,SA MA YA T'IshthA, ` DE PHYIN GYI RGYA BA LA, BHYOO: RAKMO BHYO RAKMO BHYO BHYO RAKMO THUN BHYO KHA LA RA KA CHEN MO, RAKMO AA BYA TA BYA THUN BHYO, RU LU RU LU H'Um BHYO CHOS GRVA CHEN PO BKRA SHIS LHUN PO'I MKHAN SLOB DGE 'DUN GYI SDE DANG BCAS PA'I 'GAL RKYEN BAR DU GCOD PA THAMS CAD ZHI ZHING, LEGS TSOGS BSTAN PA'I BYA BA DANG, BSLAB PA GSUM GYI NYAMS LEN RNAMS YAR NGO'I ZLA LTAR 'PHEL ZHING RGYAS PAR MDZAD DU GSOL H'Um,, ` ZHAL GYI BSKANG THANG GCIG GI RGYAB LA, H'Um RTEN 'BYUNG MTHA' BRAL RDO RJE'I ME CHAR GYIS, ,MTHAR LTA'I RI BO PHYE MAR GZHOM BYED PA'I, ,KLU SGRUB RING LUGS SKYONG BA'I DPA' BO GANG, ,ZHING SKYONG CHEN PO 'KHOR BCAS DGYES SKYED RTEN, ,DGRA BGEGS KHRAG ZHAG 'KHYIL BA'I MCHOD YON DANG, ,BSHOS BU DMAR NAG SHA RUS LHUN POR SPUNGS, ,RNA BA'I BCUD LEN 'GYED PA'I ROL MO SOGS, ,STOBS 'PHROG NAG PO 'KHOR DANG BCAS LA 'BUL, ,BZHES NAS RANG BZHIN RNAM DAG SEMS KYI DBYINGS, ,MTHAR 'DZIN BLO BUR NYES PA'I DBANG SONG BAS, ,BSTAN LA GNOD BYED DGRA BGEGS TSAR CHOD LA, ,ZAB LAM BSTAN PA'I SNYING PO RGYAS PAR MDZOD,, SA MA YA T'IshthA,, ` DE PHYIN GYI RGYAB LA, AOm MA H'A K'A LA K'A LA BI K'A LA RA TRI TA dOm? BHI NI

TZAndA LI R'AKshA SI SING+GA LI, DE WI H'Um BDAG CAG MKHAN SLOB DGE 'DUN GYI SDE DANG BCAS PA LA SDANG ZHING GDUG PA'I SEMS 'CHANG BA'I DGRA BGEGS THAMS CAD THAL BA'I RDUL PHRAN BZHIN DU BRLAG PAR MDZOD PHAt,, ` MGON DKAR LA, AOm GU RU MAH'A K'A LA HA RI nI SIDDHI DZA: BDAG CAG MKHAN SLOB DGE 'DUN GYI SDE DANG BCAS PA'I MDO SNGAGS BSHAD SGRUB KYI BSTAN PA'I BYA BA RNAMS YAR NGO'I ZLA BA LTAR 'PHEL ZHING RGYAS PAR MDZAD DU GSOL PHAt SV'A H'A,, ` 'DOD KHAMS MA LA, BHYO: MA MO NAG MO BETT'A LI SEN DHA KU LU KU LU H'Um, BDAG CAG DPON SLOB 'KHOR DANG BCAS PA'I CHOS LDAN GYI BYA BA KHYAD PAR CAN SGRUB PA LA BAR DU GCOD PA'I MI MTHUN PA'I PHYOGS THAMS CAD BZLOG PAR MDZAD DU GSOL PHAt,, ` LCAM SRING GI BSKANG THANG GCIG LA, KYEE; YANG GSANG BKA' SDOD BO STAN DGRA 'DUL MDZAD CING, ,RNAL 'BYOR BCOL BA'I 'PHRIN LAS BSGRUB PA LA, ,RTAG TU G-YEL BA MED PA'I DAM TSIG CAN, ,SGROL GYING SROG BDAG DMAR PO 'KHOR BCAS LA, ,DNGOS BSHAMS YID SPRUL MCHOD TSOGS KUN 'BUL NA, ,BZHES NAS RGYAL BA GNYIS PA'I MDO SNGAGS KYI, ,BSTAN PA DRI MED NYI LTAR GSAL BA DANG, ,DBYAR MTSO BZHIN DU 'PHEL ZHING RGYAS PAR MDZOD, ,KHYAD PAR BDAG CAG DPON SLOB 'KHOR BCAS KYI, ,'GAL RKYEN MI MTHUN PHYOGS KUN BZLOG PA DANG, ,RGYA MTSO'I RLABS BZHIN 'PHRIN LAS RNAM BZHI YIS, ,BSTAN PA TSUL BZHIN BSRU PA LAS MA G-YEL CIG; SA MA YA T'IshthA, ` DE PHYIN LA, AOm PRA nA A'ATMA KshI

, ,RU PU RU shA LO HI TA SARBA SHA H'Um M'A RA YA H'Um BDAG CAG MKHAN SLOB DGE 'DUN GYI SDE DANG BCAS PA LA GNOD CING 'TSE BAR BYED BA'I DGRA BGEGS THAMS CAD THAL BA'I RDUL PHRAN BZHIN DU BRLAG PAR MDZOD PHAt, AOm RAKMO YA MA TZITTA DZVA LA RAm PRA TI DE WI H'Um SROG LA YA MA DZA: SARBA SHA TR'Um M'A RA YA RBAD PHAt, DGON GNAS DGE 'DUN GYI SDE DANG BCAS PA LA BSAM SBYOR NGAN PA'I SEMS 'CHANG BA'I MI DANG MI MIN THAMS CAD DRAG PO'I CHAD PAS TSAR CHOD PHAt,, ` NE SER BA'I BSKANG THANG LA, KYEE; LNGA BRGYA'I GTZUG RGYAN D'I PAm KA RA DANG, ,GANGS CAN MGON PO PHYAG NA PADMA YI, ,BKA' NYAN CHEN PO LHA YI DGE BSNYEN CHE, ,RAB 'BYAMS 'KHOR TSOGS RGYA MTSO'I SPYAN LAM DU, ,RGYU SKAR LAM KUN YONGS SU GANG BA YI, ,LHA MI'I MCHOD PA'I BYE BRAG MA LUS 'BUL, ,BZHES NAS SNGON GYI G-YAR DAM CHES GNYEN PA, ,MA BSNYEL SANGS RGYAS BSTAN BA BSRUNG BA DANG, ,BKRA SHIS LHUN GYIS GRUB PA'I CHOS GRVA CHE, ,DGON GNAS 'PHAGS TSOGS 'DUS PA'I SDE BCAS RNAMS, ,NAM YANG BSRUNG SKYOB G-YEL BA MED BA DANG, ,BKA' GDAMS BSTAN PA PHYOGS BCUR RGYAS PAR MDZOD,, SA MA YA T'IshthA,, ` RNAM SRAS KYI BSKANG THANG GCIG GI RGYAB LA, BEE, RIN CHEN MANG SPRUL GANG SKU GSER SPYANGS KYI, ,LHUN PO NYI MA 'BUM GYI GZI 'BAR ZHING, ,BSLAB GSUM RNAM DAG THAR 'DOD SKYES BU YI, ,'DOD PA'I RE SKONG RGYAL PO CHEN PO LA, ,DRI MED GOS SNGON LUNG THANG PHRENG BA DANG, ,SKU GSUNG THUGS

DANG PHYI NANG MCHOD PA'I TSOGS, ,'DOD YON LNGA DANG RIN CHEN BDUN LA SOGS, ,DNGOS BSHAMS YID SPRUL MCHOD TSOGS MA LUS 'BUL, ,MI BZAD SRID ZHI'I DBUL BA 'BAR BA'I ME, ,RAB BSIL 'DOD DGU'I CHAD GYIS NYER SEL ZHING,, RAB GTZANG KHRIMS LDAN THAR 'DOD SKYES BU YI, ,RAB DKAR BSAM DON MA LUS YID BZHIN BSGRUBS,, SA MA YA T'IshthA,, ` DE PHYIN GYI RGYAB LA, AOm BAm SHRA MA nA YE DGE 'DUN GYI SDE 'DIR PHYI NANG GI NYER 'TSE THAMS CAD ZHI BA DANG, DPAL 'BYOR LEGS TSOGS THAMS CAD RGYAS PAR MDZAD DU GSOL SV'AH'A, AOm MA nI BHA DR'A YA SV'A H'A, AOm DHA NA D'A YA SV'A H'A, AOm BEE SHRA WA n'A YA SV'AH'A, AOm KE LI M'A LI NI SV'A H'A, AOm PI TZI KUndA LE NI SV'A H'A, AOm MU KHENDRA YA SV'A H'A, AOm TZA RENDR'A YA BDAG CAG DPON SLOB 'KHOR DANG BCAS PA'I PHYI NANG GI BAR DU GCOD PA THAMS CAD ZHI BA DANG, DPAL 'BYOR PHUN SUM TSOGS PA THAMS CAD RGYAS PAR MDZOD SV'A H'A,, ` AOm BDE LEGS SU GYUR CIG ,LHA MI'I STON PA MNYAM MED SH'AKYA'I TOG , BKA' GDAMS BSTAN PA'I SROL BTOD MAR ME MDZAD, ,YAB SRAS RGYAL BA GNYIS PA TZONG KHA PA, ,RGYUD BAR BCAS LA GUS PAS PHYAG 'TSAL LO, ,DE LA 'DIR SDE CHEN SGRUB SDE DANG, DGE LDAN GSANG SNGAGS LUNG DU BZHUGS PA'I DGE 'DUN RNAMS KYI BCA' KHRIMS SPYI SGOS KYI SPANG BLANG BYA TSUL LA, DGON PHAN TSUN GYI MTHO KHONGS TSUN CHAD DU GNAS BRTAN LA GNANG BA MA ZHUS PAR MI NAG DANG BUD MED KYI RIGS MI GTONG ZHING BUD MED SKYA SER GANG YANG ZHAG SDOD MI BYED, THAG RINGS DANG SPYI

, ,DON DU 'ONGS PA SOGS MI NAG SKYES PA MI SDOD DKA' MED BYUNG NAM GTOGS NYE SKOR BA RNAMS KYANG ZHAG TU MI SDOD, BUD MED KYI RIGS BLA BRANG DANG SPYI KHANG DU 'GRO DGOS BYUNG NA MA GTOGS GZHAN SPYIL BU SO SOR MI GTONG, TSUL KHRIMS DAG PA SHIN TU GAL CHE BAS GZHI GSUM GYI LAG LEN RGYUN GNAS DANG, LO RE'I NANG DU DBYAR DGUN STON DPYID BZHI LA MTSAMS GRVA ZLA BA RE 'CHAG MED BYED, MTSAMS DUS SPYI DON DANG DMIGS BSAL RKYEN DGOS BYUNG NA MA GTOGS GNANG BA MI ZHU, RGYUN BAR YANG GNANG BA MA ZHUS PAR GRONG KHYIM SOGS SU MI 'GRO ,GNANG BA THOB KYANG SPYI DON DANG CHOS ZHU BA LA SOGS DMIGS BSAL BAB 'BREL YOD NAM A GTOGS ZHAG BCU LAS LHAG PA MI SDOD, GAL TE SDOD NA ZHAG GRANGS KYI PHYOGS SPYI SOR 'BUL ZHING, ZLA BA 'DAS NA PHOGS STENG DU SGRUB SDE SO SOR NYIN GANG ZHABS TOG DANG, LO 'DAS NA SGRUB GRVAR MI 'JUG ,SGRUB GRVAR 'JUG MTSAMS PHOGS DUS YIN PAS CHU MA 'PHROD PA SOGS DGE SBYOR MI 'PHEL BA'I DMIGS BSAL BKRA SHIS LHUN POR DGONGS KHROL ZHUS GRAGS RNAMS PHOGS LHAG SPYI SOR 'BUL, ZLA RE'I NANG DU GSO SBYONGS GNYIS DANG, DGU GTOR SGRUB MCHOD GNYIS LA 'DU 'TSOG DANG, DE PHYIN MCHOD YON YAB SRAS RNAMS KYI ZHABS BRTAN GUS SGRUB DMIGS BSAL BYUNG NAS GTOGS JA THUG SPYIL BU SO SOR 'BUL ZHING, SO SO NAS BAG YENGS SPANGS TE BLO NUS DANG BSTUN PA'I BSNYEN SGRUB DANG MDO SNGAGS GNYIS KYI LAM GYI LAM GYI RIM PAR NYAMS 'KHRID LA

BRTZON PAR BYED, BSAM GTAN GYI TSER MA SGRA YIN PAS GLING GSER TU RGYANG 'BOD MI BYED, CHOS MTHUN 'TSO SGRUB MA GTOGS DGOS MED KHE TSONG SOGS DGE SBYOR LA GNOD PA'I YO LANG MI BYED, DUS BDE MIN CI BYUNG YANG GZHAN GYI BSKYAS KHUNGS MI BYED, BSTAN DON SPYI RIM SOGS DMIGS BSAL BYUNG NA MA GTOGS GZHAN DON DU MING BTAGS PA'I GRONG CHOG GI RIGS GTAN NAS MI BYED, 'DIR MA 'KHOD PA'I DUS DANG BSTUN PA'I SGRIGS LAM KUN SPYOD SPANG BLANG SKABS BABS THAMS CAD KYANG BLA MA'I NGAG BKOD LTAR BYED CING, BAG YOD PA'I SGO NAS SPYIR THAR PA DON GNYER DANG, 'DI DAG GI RGYAB RTEN DU PAn CHEN THAMS CAD MKHYEN PAS MDZAD PA'I RE KHROD PA'I BCA' YIG YANG YANG BLTAS NAS DRAN PA GSO ZHING, MDOR NA LTO GOS GTAM GSUM DON DU GNYER BA'I TSE 'DI'I SNANG SHAS DANG, SKYE BA GZHAN DU LHA MI'I BDE BA THOB 'DOD KYI PHYI MA'I SNANG SHAS BZLOG PA'I GNYEN POR DAL 'BYOR DON CHE RNYED DKA', 'CHI BA MI RTAG BA, LAS RGYU 'BRAS RNAMS RGYUD DANG 'DRES NGES PA BSKYANGS NAS, BLO CHOS SU 'GRO BA DANG, CHOS LAM DU 'GRO BA'I THABS SU LAM RIM BLO SBYONG SOGS LA ZHIB TU BLTAS NAS THAR PA'I GRONG KHYER DU 'JUG PAR 'TSAL LO, ,GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHO ,RTAG PAR DGE 'DUN MTHUN PA DANG, ,DGE 'DUN DON YANG 'GRUB PAR SHOG ,TSE RABS KUN TU DPEN GNAS PA, ,PHUN SUM LDAN PA THOB PAR SHOG ,CES PA 'DI NI RJE ZHAL SNGA NAS RIG GROL GYIS BSKUL BA'I

, ,NGOR SH'AKYA'I DGE SLONG BLO BZANG YE SHES KYIS SMRAS BA DGE LEGS 'PHEL ZHING BKRA SHIS PAR GYUR CIG,, ` AOm BDE LEGS SU GYUR CIG ,'DI LTAR BSGRUBS PA'I RNAM DKAR LEGS BYAS MTHUS, ,DPAL LDAN BLA MA'I SKU TSE SRID MTHA'I BAR, ,NAM YANG MI NUB YUN RING BRTAN PA DANG, ,BDAG KYANG DPAL LDAN BLA MAS RJES 'DZIN SHOG ,CES PA 'DI NI DPON TSANG DGE SLONG NAM MKHA' DON GRUB KYIS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS SUG BRIS SU BGYIS PA'O,, MANG+GLAm,, SVASTI, RAB 'BYOR RIGS LDAN SLOB DPON LEGS LDAN 'BYED, ,AA BHY'A 'GOS LO SA SKYA PAndI, ,G-YUNG STON MKHAS GRUB BSOD NAMS PHYOGS GLANG DANG, ,GRUB BA'I DBANG PHYUG CHOS KYI RGYAL MTSAN ZHABS, ,BLO BZANG YE SHES SKYES RABS SNANG BRNYAN 'DI, ,'TSO BYED DGE SLONG NAM MKHA' DON GRUB KYIS, ,DAD PAS KUN BSLANGS 'BAD PAS BSGRUB PA'I MTHUS, ,SKYE BA KUN TU BSHES GNYEN DAM PA YI, ,BZHED DON TSUL BZHIN SGRUB LA SKYO NGAL MED, ,GSO RIG MDO SNGAGS YON TAN MTHAR PHYIN TE, ,'GRO KUN NYON MONGS NAD LAS SGROL BAR SHOG ,CES PA 'DI NI 'TSO BYED DGE SLONG NAM MKHA' DON GRUB KHU TSAN GYIS BSKUL BA'I NGOR CHOS SMRAS BA'I BTZUN PA BLO BZANG YE SHES KYIS SMRAS PA DGE LEGS SU GYUR CIG, ` GANG ZHIG 'CHI BA'I TSE NA SEMS DANG BAS, ,MTSAN TZAM THOS SHING YID LA DRAN PAS KYANG, ,BDE BA CAN DU SKYE BAR ZHAL BA ZHES PA'I, ,

SMAN PA'I RGYAL PO DE LA PHYAG 'TSAL LO,, ` BDE GSHEGS BDUN DU DANG 'JAM DPAL SKYABS GROL SOGS, ,'KHOR BCAS SPYAN DRANGS MTSAN GYI PHAN YON BSTAN, ,'JIG RTEN SKYONG BA SDE DPON BCU GNYIS LA, ,GTAD NAS BSRUNG BAR DAM BCAS SH'AKYA'I TOG, ` GANG GIS MTSAN THOS GSOL BTAB PHYAG MCHOD MTHUS, ,NAD DANG GDON RIGS DU MAS MI 'TSE ZHING, ,MI DGE BCU DANG MTSAMS MED BGYID RNAMS KYANG, ,MTHO RIS THOB MDZAD MTSAN LEGS YONGS BSGRAGS DPAL,, ` SNGON TSE SPYAD PA SPYOD TSE SMON LAM GYIS, ,MTSAN TZAM THOS PAS SHES RAB MCHOG THOB CING, ,BUD MED NYES SPANGS BRDZUS TE SKYE 'GYUR BA'I, ,SGRA DBYANGS RGYAL PO'I ZHABS LA PHYAG 'TSAL LO,, ` GSER GYI LHUN PO LAS KYANG RAB BRJID CING, ,MTSAN TZAM SGRA 'DZIN DBANG POS THOS PAS KYANG, ,BSLAB DRAL NGAN SONG 'JIGS LAS SKYOB MDZAD PA'I, ,GSER BZANG DRI MED SNANG LA PHYAG 'TSAL LO,, ` SNGON GYI SMON LAM RGYAS PA'I KHYAD PAR GYIS, ,MNGON PAR SANGS RGYAS MTSAN TZAM DRAN PA YIS, ,MNAR MED DMYAL BA'I SDUG BSNGAL ZHI MDZAD PA'I, ,MYA NGAN MED MCHOG ZHABS LA PHYAG 'TSAL LO,, ` ZLA LTAR DKAR ZHING SMON LAM BZHI BTAB PAS, ,YID LA DRAN PAS 'THAB RTZOD KUN ZHI ZHING, ,DAD DANG CHOG SHES NOR DANG LDAN MDZAD PA'I, ,CHOS BSGRAGS RGYA MTSO'I DBYANGS LA PHYAG 'TSAL LO,, ` SNGON TSE SMON LAM MCHOG GIS BSGRUB PA'I 'BRAS, ,MTSAN TZAM RNA BA'I LAM DU GRAGS

, ,PAS KYANG, ,GZHAN DBANG MI 'GYUR G-YENG BA ZHI MDZAD PA'I, ,MNGON MKHYEN RGYAL PO DE LA PHYAG 'TSAL LO, ZHES PA 'DI NI 'TSE BYED DGE SLONG NAM MKHA' DON GRUB GYIS SMAN BLA BDE GSHEGS BA RGYAD KYI SKU BRNYAN TZANDAN DMAR PO LAS BSGRUB PA'I MTSAN BYANG DU CHOS SMRA BA'I BTZUN PA BLO BZANG YE SHES KYIS SMRAS PA'O,,` AOm BDE LEGS SU GYUR CIG ,'DIR 'OD DPAG MED LA BRTEN PA'I BLA MA'I RNAL 'BYOR SGOM PAR 'DOD PAS, SKYABS 'GRO SEMS BSKYED TSAD MED BZHI SGOM PA SNGON DU BTANG, MDUN GYI NAM MKHAR RMA BYAS BTEG PA'I RIN PO CHE'I KHRI'I STENG DU PADMA DANG ZLA BA'I GDAN LA DRIN CAN RTZA BA'I BLA MA DANG DBYER MI PHYED PA'I BCOM LDAN 'DAS MGON PO 'OD DPAG MED SKU MDOG BYU RU'I LHUN PO LA NYI MA BYE BA'I MDANGS KYIS 'KHYUD BA LTAR DMAR ZHING 'OD ZER 'PHRO BA, ZHI ZHING 'DZUM PA'I NYAMS LDAN ZHAL GCIG PHYAG GNYIS PA DGU GTZUG TOR DANG LDAN CING, PHYAG GNYIS MNYAM GZHAG GI STENG NA CHI MED 'DUD RTZIS GANG BA'I LHUNG BZED BSNAMS PA, SKU LA CHOS GOL DMAR PO GSUM GSOL ZHING, ZHABS GNYIS RDO RJE'I SKYIL GRUB GIS BZHUGS PA, DE'I G-YAS SU BYANG CHUB SEMS DPA' SPYAN RAS GZIGS SKU MDOG DKAR PO PHYAG G-YAS PADMA DKAR PO 'DZIN PA, G-YON DU BYANG CHUB SEMS DPA' MTHU CHEN THOB G-YON PADMA'I YUL 'DZIN PA'I STENG NA RDO RJE MTSAN PA GNYIS K'ANG GTZO BO LA PHYOGS PA'I TSUL GYIS BYANG CHUB KYI SHING DPAG TSAD STOD PHRAG DRUG CU PA'I MDUN NA

BZHUGS PA, DE DAG GI G-YAS G-YON DU NYE BA'I SRAS GZHAN RNAMS DANG SPRUL PA'I NYAN THOS MANG PO RDZU 'PHRUL GYIS NAM MKHA' LA 'PHUR RA SOGS RTZE ZHING BZHUGS PA, DE THAMS CAD KYI SPYI BOR AOm, MGRIN PAR A'A: THUGS KAR H'Um THUGS KA'I H'Um LAS 'OD ZER 'PHROS PAS BDE BA CAN NAS BSGOMS PA DANG 'DRA BA'I YE SHES PA SPYAN DRANGS, SO SO'I DAM TSIG PA LA THIM PAR GYUR, ,GANG GI MTSAN TZAM THOS SHING DRAN PAS KYANG, ,DUS MIN GSHIN RJE'I CHAD PA LAS GROL ZHING, ,BDE LDAN ZHING DU THUGS RJES 'DREN MDZAD PA'I, ,MGON PO 'OD DPAG MED LA PHYAG 'TSAL LO, ,DNGOS BSHAMS YID KYIS SPRUL PA'I MCHOD PA'I SPRIN, ,ME TOG BDUG SPOS SNANG GSAL DRI CHA BA DANG, ,ZHAL ZAS ROL MO 'DOD YON LNGA LA SOGS, ,PHUL BYUNG ZHING GI MCHOG LA DBUL BAR BGYI, ,THOG MED DUS NAS BSAGS BA'I MI DGE'I LAS, ,SNGON PA GSUM DANG 'GAL BA'I NYES LTUNG SOGS, ,NGAN SONG 'JIGS PAS SHIN TU SKRAG GYUR TE, ,BSHAGS SHING SLAN CHAD ME BGYID BSDAM PAR BYA, ,RANG BZHAN RNAM DKAR DGE BA'I TSOGS RNAMS LA, ,RJES SU YI RANG CHOS 'KHOR BSKOR PHYIR DU, ,MTHA' YAS BSKAL BA'I BAR DU RAB BZHUGS NAS, ,'GRO KUN SRID PA'I MTSO LAS SGROL BAR MDZOD, ,DE LTAR TSOGS BSAGS BSHAGS PA'I DGE BA RNAMS, ,KHAMS GSUM LAS 'DAS DAG PA'I ZHING GI MCHOG ,BDE BA CAN DU SKYES NAS 'GRO BA KUN, ,NGAN SONG GNAS LAS SGROL BA'I PHYIR DU

, ,BSNGO, ,DE LTAR YAN LAG BDUN PA PHUL NAS YID RTZE GCIG PA'I DAD PA CHEN PO'I SGO NAS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG TU MED PA LA PHYAG 'TSAL LO, ,MCHOD DO, SKYABS SU MCHI'O, ZHES LAN NYER GCIG BRJOD PAS 'OD DPAG MED GTZO 'KHOR GYI SKU LAS BDUD RTZI 'OD ZER DANG BCAS PA DPAG TU MED PA BYUNG BA RANG GI LUS NGAG YID GSUM LA THIM PAS THOG MA MED PA NAS BSAGS PA'I SDIG SGRIB SPYI DANG, KHYAD PAR BDE BA CAN DU SKYE BA LA GEGS BYED KYI SDIG SGRIB THAMS CAD BYANG ZHING DAG ,'CHI MED TSE'I DNGOS GRUB THOB PAR BSAM ZHING, BDE BA CAN GYI SMON LAM YONGS RDZOGS SAM, LONG MA BYUNG TSE TSIGS BCAD RNAMS 'DON ZHING TSOGS ZHING RNAMS RTEN YOD NA DE LA BSTIM PA'AM, RANG NYID LA BYIN GYIS BRLAB PA'I PHYIR BSTIM PA GANG MOS BYA ZHING, BKRA SHIS KYI TSIG BCAD GANG RIGS BRJOD, CES PA 'DI NI DGE TSUL MA NGAN DBANG DBYANGS CAN GYIS BSKUL BA LA BRTEN NAS CHOS SMRA BA'I DGE SLONG BLO BZANG YE SHES KYIS BGYIS PA BDE LEGS SU GYUR CIG,, ` AOm BDE LEGS SU GYUR CIG ,SRID GSUM ZIL GNON PADMA KA RA YI, ,BKA' SDOD BSTAN DANG BSTAN 'DZIN BU BZHIN DU, ,SKYONG MDZAD TSANGS PA DUNG GI THOR TSUGS CAN, ,YAB YUM 'KHOR DANG BCAS LA BSTOD PAR BGYI, ,GA PUR DZ'A TI TZANDNA AA KA RU, ,SPA SHUG BA LU SU LU LA SOGS PA, ,BSREG PA'I DUD SPRIN LHA LAM 'GENGS

PA 'DIS, ,CHOS SKYONG CHEN PO 'KHOR DANG BCAS PA BSANGS, ,BDAG CAG GZHIS BYED GANG DU GNAS KYANG RUNG, ,TSE RING NAD MED DPAL 'BYOR PHUN SUM TSOGS, ,GNAS SKANGS BSAM DON YID BZHIN 'GRUB PA DANG, ,MTHAR THUG KUN MKHYEN 'GRUB PA'I 'PHRIN LAS MDZOD, CES PA 'DI NI NANG SO DBANG 'DUS RGYAL POS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, ` AOm BDE LEGS SU GYUR CIG ,RTZA RGYUD BLA MA YI DAM SANGS RGYAS DANG, ,NYAN RANG BYANG SEMS BSTAN SRUNGS MKHA' 'GRO'I TSOGS, ,BDEN TSIG SMON LAM 'GRUB PA'I DPANG BZHUGS NAS, ,JI LTAR 'DOD PA'I DON RNAMS MYUR 'GRUB SHOG ,'KHOR LOS BSGYUR RGYAL RTZIGS KYI MU KHYUD KYIS, ,RDZOGS SMIN SPYANGS GSUM SPYOD PA MTHAR PHYIN TE, ,YONGS DAG BDE BA CAN DU SANGS RGYAS PA'I, ,SANGS RGYAS TSE DPAG MED LA GSOL BA 'DEBS, ,BLO GROS BZANG PO'I YONGS 'DU SA BRTOL RTZER, ,YE SHES 'BRAS BU'I KHUR GYIS YONGS BRJID CING, ,LHAR BCAS 'GRO BA'I BSAM PA SKONG MDZAD PA'I, ,RJE BTZUN BLA MA'I ZHABS LA GSOL BA 'DEBS, ,DE LTAR GSOL BA BTAB PA'I THUGS RJE LAS, ,'GRO BA'I 'DREN PA BLO BZANG YE SHES KYI, ,ZHABS PAD SRID MTHA'I BAR DU RAB BRTAN CING, ,CHOS 'KHOR RGYUN CHAD MED PAR BSKOR BAR SHOG ,DPAL LDAN YE SHES MGON PO PHYAG DRUG PA, ,PHYI NANG GSANG GSUM DAM CAN CHOS KYI RGYAL, ,'DOD KHAMS DBANG PHYUG DREGS PA LCAM SRID MTHUS, ,BLO BZANG

, ,YE SHES BSKAL BRGYAD ZHABS BRTEN SHOG ,SKYE ZHING SKYES BAR RJE BTZUN BLA MA YIS, ,NAM YANG 'BRAL MED DGYES BZHIN RJES BZUNG NAS, ,MDO SNGAGS YON TAN MTHAR PHYIN SA LAM GYI, ,RTOGS PA MYUR BGROD RNAM MKHYEN THOB PAR SHOG ,RGYAL BSTAN SPYI DANG 'JAM MGON RTZONG KHA PA'I, ,BSHAD SGRUB MDO SNGAGS DAR ZHING RGYAS PA DANG, ,PHAN BDE'I 'BYUNG GNAS BSTAN PA MI NUB PAR, ,PHYOGS MTHAR DAR RGYAS YUN RING GNAS PAR SHOG, MTHA' DAG 'GRO 'DI MNGON MTHO'I LAM BZANG LA, ,BRTEN NAS NGES LEGS THAR PA'I KHANG BZANG RTZER, ,'JOGS NAS ZAG MED BDE LA SPYOD PA DANG, ,GNAS SKABS BSAM DON 'GRUB PA'I BKRA SHIS SHOG ,CES PA 'DI NI RGYAL MKHAN PO BDE THANG SPRUL PA'I SKU BLO BZANG TSANGS DBYANGS PHYOGS LA RNAM RGYAL AER TE NE KHO THOG THUS BSKUL BA LTAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL,, ` NA MO MU NI AINDR'A YA, GANG GI BDE GSHEGS SH'AKYA THUB CHEN NAS, ,BSKAL BZANG 'DREN PA GSUM PA 'OD SRUNGS BAR, ,BRTZON 'GRUS DRAG POS TSOGS GNYIS RAB RDZOGS NAS, ,RTZOD DUS 'GRO BA'I MGON GYUR LA PHYAG 'TSAL, ,DE NAS DGA' LDAN CHOS KYI PHO BRANG DU, ,GRANGS MED LHA LA DAM CHOS BSTAN PA'I PHYIR, ,SKYE BA MNGON PAR SKYE BA'I TSUL BZUNG STE, ,DAM PA TOG DKAR GYUR LA PHYAG 'TSAL LO, ,DE CHOS PHYOGS BCU'I RGYAL BAS BSKUL BA LAS, ,YUL DUS GLING DANG

RIGS DANG CHO 'BRANG LA, ,GZIGS NAS GLING CHEN DKAR PO'I RNAM PA YIS, ,DGA' LDAN GNAS NAS 'PHO LA PHYAG 'TSAL LO, ,DE NAS YUM GYI LHUMS SU ZHUGS PA'I TSE, ,LHA YI GZHAL MED PHO BRANG NYAMS DGA' BAR, ,MTSAN DANG DPE BYAD BZANG POS SPRAS PA YI, ,NYES PA'I DRI MA SPANGS LA PHYAG 'TSAL LO, ,MUM BI NI YI SKYED TSAL NYAMS DGA' BAR, ,SGYU 'PHRUL CHEN MO'I SKU LAS BDE BAR BLTAMS, ,NGA NI 'JIG RTEN KUN GYI MCHOG YIN ZHES, ,DBYANGS KYIS GO BAR MDZAD LA PHYAG 'TSAL LO, ,NGA RGYAL STOBS KYIS BSNYEMS PA'I LUS CAN RNAMS, ,DAM CHOS BSTAN PA'I SNOD DU RUNG BA'I PHYIR, ,YIG RTZIS LA SOGS SGYU RTZAL RTZER SON PA'I, ,'GRAN ZLA BRAL BA MDZAD LA PHYAG 'TSAL LO, ,'DAM SKYES 'DAM GYIS CUNG ZAD MA GOS LTAR, ,CHAGS DANG BRAL YANG BTZUN MO'I 'KHOR LA SOGS, ,GRANGS MED 'GRO RNAMS SMIN PAR BYA BA'I PHYIR, ,RGYAL SRID TSUL BZHIN BSKYANGS LA PHYAG 'TSAL LO, ,DE NAS SKYE RGA NA 'CHIS THUGS BYUNG NAS, ,'KHOR LOS BSGYUR RGYAL SRID LA MA CHAGS PAR, ,GCIG PUR NE RANYTZ'A NA'I CHU 'GRAM DU, ,LO DRUG DKA' THUB MDZAD LA PHYAG 'TSAL LO, ,DE NAS KHA ZAS RAGS PAS STOBS BSKYED NAS, ,MA GADAHA YI BYANG CHUB SHING DRUNG DU, ,BYAMS PA'I MCHON GYIS BDUD SDE RAB BCOMS TE, ,MNGON PAR SANGS RGYAS DE LA PHYAG 'TSAL LO, ,BYANG CHUB BRNYES NAS B'A RA N'A SI RU, ,'KHOR GYI THOG MA LNGA SDE BZANG PO DANG, ,DBANG PO RAB SMIN

, ,LHA RNAMS BRGYAD KHRI LA, ,BDEN BZHI'I CHOS 'KHOR BSKOR LA PHYAG 'TSAL LO, ,MI 'GYUR RDO RJE LTA BU'I SKU BRNYES KYANG, ,RTAG 'DZIN LE LO CAN RNAMS BSKUL BA'I PHYIR, ,BYANG PHYOGS GYAD YUL S'A LA'I SHING DRUNG DU, ,THA MA'I GZIMS MAL BSTAN LA PHYAG 'TSAL LO, ,ZHING 'DIR MYA NGAN 'DAS PA'I TSUL BSTAN KYANG, ,GRANGS MED ZHING DU MDZAD PA BCU GNYIS SOGS, ,GANG LA GANG 'DUL SPRUL PA'I ZLOS GAR GYIS, ,LUS CAN THAR PAR 'DREN LA PHYAG 'TSAL LO, ,DE LTAR STON PA'I MDZAD PA BCU GNYIS TSUL, ,DANG BA'I YID MTSOR MNGON SUM BYON 'DRA BA'I, ,BZO YI RIG BYED MTHAR SON SNYE MO BA, ,BLO BZANG TSE DBANG MTHUN PA'I GROGS BCAS KYIS, ,YID GZHUNGS BRTZON PA DRAG POS TSUGS BZANG ZHING, ,RNAM 'GYUR DU MA'I RGYAN GYIS SPRAS TE BRIS, ,'DI LTAR BSKRUN PA'I RNAM DKAR LEGS BYAS MTHUS, ,RGYAL BSTAN SPYI DANG 'JAM MGON TZONG KHA PA'I, ,MDO SNGAGS BSTAN PA DAR ZHING RGYAS PA DANG, ,BSTAN 'DZIN SKYES BU'I ZHABS ZUNG BRTAN PAR SHOG ,'DI LTAR SGRUB LA GUS PA'I LHAG BSAM CAN, ,MTHUN PA'I YO BYAD DGOS DGU STZOL BA DANG, ,SGO GSUM RE RES 'BAD PA BGYIS RNAMS KYI, ,GNAS SKABS MTHAR THUGS BSAM DON 'GRUB PAR SHOG ,'JIG RTEN KHAMS SU NAD YAMS MU GE DANG, ,DMAG 'KHRUG SNYIGS MA'I RGUD PA KUN ZHI ZHING, ,'GRO KUN DGE BCU'I LAM LA SPYOD PA DANG, ,RNAM KUN MKHYEN PA'I YE SHES

MCHOG THOB SHOG, ` AOm SVASTI, SMAN BLA MCHED BDUN 'KHOR DANG BCAS RNAMS KYIS, ,SNYIGS MA LNGA BDO'I NYAMS THAG 'GRO BA LA, ,THUGS RJE BRTZE BA CHEN POS RAB DGONGS TE, ,TSOGS GNYIS RGYA CHER BSAGS SHING SMON PA NI, ,BRGYAD DANG BZHI DANG BCU GNYIS BTAB NAS NI, ,SMON LAM YONGS SU RDZOGS TE SHAR PHYOGS KYI, ,'JIG RTEN KHAMS SU DA LTA 'TSO ZHING GZHES, ,SNGON TSE RGYAL BA SH'AKYA THUB PA YIS, ,THUGS DAM RGYUD BSKUL 'KHOR DANG BCAS PA RNAMS, ,MI MJED ZHING 'DIR GDAN 'DZOM MNGON SUM BZHUGS, ,DE TSE LHA MI YID CHES GYUR PA NA, ,MDO SDE'I CHO GA GSUNGS SHING BYIN GYIS BRLABS, ,DE LA DAG PA'I ZHING GI BKOD PA RNAMS, ,GNAS 'DIR MNGON SUM BYON 'DRA'I SNANG BRNYAN LA, ,BLTA DANG GUS MCHOD SKAL BA BZANG SNYAM DU, ,DGE BA'I LAS LA BRTZON PA DAG TU GYIS, ,KHYAD PAR SMAN PA'I RGYAL PO'I MTSAN TZAM ZHIG ,DRAN ZHING TSE YI 'DU BYED GTONG BA NA, ,PHYI MAR NGAN 'GRO'I SKYE GNAS DANG BRAL ZHING, ,MTHO RIS LHA MI'I GO 'PHANG THOB PAR NGES, BKRA SHIS,, ` BYAMS PA'I MDZAD BCU LA, NA MO A'AR+YA MEE TRI YA, DKA' SPYAD DRAG PO'I TSUL LA MA LTOS PAR, ,THEG PA BDE ZHING LAM YANG BDE BA DANG, ,'JUG PA BDE BAS GRANGS MED TSOGS RDZOGS NAS, ,BSKAL BZANG SANGS RGYAS LNGA PAR 'GYUR LA 'DUD, ,DAM PA TOG DKAR 'DZAM GLING GNAS 'PHO TSE, ,RGYAL TSAB DAM PAR DBANG BSKUR LUNG YANG BSTAN, ,

, ,MNGON PAR SKYE BA'I MDZAD PA BSTAN PA'I PHYIR, ,SA BCU'I DBANG PHYUG GYUR LA PHYAG 'TSAL LO, ,'DZAM GLING TSE CHED BRGYAD KHRIR GYUR PA'I TSE, ,'PHO BA'I YUL DUS MNGON PAR MKHYEN NAS NI, ,MDUN NA 'DON GTZO BRAM ZE TSANGS RAB DANG, ,TSANGS LDAN YUM GYI LHUMS SU ZHUGS PAR 'GYUR, ,DE NAS ZLA BCU YONGS SU RDZOGS PA NA, ,ME TOG RGYAS PA ZHES BYA'I SKYED TSAL DU, ,YUM GYI RTZIB LOGS G-YAS NAS GNOD MED DU, ,BLTAMS TSE BRGYA BYIN LHA YI DBANG POS BLANGS, ,RIG BYED BZHI DANG SGYU RTZAL RTZER SON TSE, ,BRAM ZE'I BU MO ZLA BA'I GDONG CAN DANG, ,DUNG GI RGYAL BU BRGYAD KHRI 'KHOR DANG BCAS, ,TSUL BZHIN RGYAL SRID SKYONG LA PHYAG 'TSAL LO, ,RIN CHEN BZHI LAS GRUB PA'I MCHOD SDONG CHE, ,BRAM ZE RNAMS KYIS SO SOR BGOS PA NA, ,MI RTAG YID 'BYUNG SKYO BA'I TSUL BSTAN TE, ,RAB TU 'BYUNG BAR MDZAD LA PHYAG 'TSAL LO, ,RAB TU BYUNG BA'I MTSAN MO DE NYID LA, ,DKA' THUB BDUD KYI GNOD PA MA MCHIS PAR, ,THO RANGS RDO RJE LTA BU'I TING 'DZIN GYIS, ,MNGON PAR 'TSANG RGYA DE LA PHYAG 'TSAL LO, ,BYANG CHUB BRNYES NAS CHOS 'KHOR BSKOR BA'I TSE, ,'DUS PA GSUM RER DUNG PHYUR PHRAG DGU DANG, ,BYE BA DRUG BZHI GNYIS KYI DGRA BCOM GYI, ,'KHOR GYIS YONGS SU BSKOR LA PHYAG 'TSAL LO, ,ZHING 'DI'I DNGOS KYI GDUL BYA RDZOGS PA NA, ,ZAG MED MYA NGAN 'DAS PA'I DBYINGS BZHUGS NAS, ,SKU GDUNG RIL PO GCIG TU BZHUGS PA SOGS,

THA MA'I MDZAD PA BSTAN LA PHYAG 'TSAL LO, ,BDE GSHEGS SNGA MA'I GDUL BYA LE LO CAN, ,PHAL CHER BYAMS PA'I BSTAN LA BYA BA BYED, ,DAM BCA'I GZUNGS THOS RI DVAGS BYA RNAMS KYANG, ,MA 'ONGS RDZOGS BYANG LUNG BSTAN 'THOB PAR GSUNGS,, ` BRIS SKU MTHONG BA DON LDAN CHO 'PHRUL DANG, ,SMAN BLA'I ZHING BKOD BYAMS PA'I MDZAD PA BCU, ,'JAM DBYANGS RNAM 'PHRUL SMAN BLA YAB SRAS KYI, ,RING LUGS SKYONG LA NGANG TSUL BZANG PO CAN, ,SNGON BYON MKHAS PA'I TSOGS LA 'GRAN BZOD PA'I, ,PIR THOGS DBANG PO RJE DRUNG MKHOS KHANG PA, ,BLO BZANG NOR BU MCHED GROGS SLOB 'KHOR GYIS, ,DANG MDUN GUS PAS BSGRIMS TE GZABS NAS BRIS, ,'DI LTAR BSGRUBS LAS BYUNG BA'I RNAM DKAR DGE ,KUNDA DUNG LTAR DKAR BA JI SNYED PAR, ,MAR GYUR 'GRO BA KUN LA PHAN DON DU, ,BLA MED RDZOGS BYANG CHEN POR BSNGO BAR BGYI,, BKRA SHIS,, ` BRIS SKU MTHONG BA DON LDAN LA, NA MO GU RU MANYDZU GHO sh'A YA, GDENGS CAN DBANG POS BZUNGS PA'I 'DAB BRGYA'I STENG, ,GSER RI LTAR BRJID SH'AKYA'I RGYAL PO NI, ,'KHOR DANG BCAS PA'I RAS BRIS MTHONG TZAM GYIS, ,MI DGE BCU DANG MTSAMS MED NYE BA LNGA, ,SDIG KUN BYANG ZHING TSOGS GNYIS YONGS SU RDZOGS, ,GTZANG GNAS 'PHAGS PA'I GNAS SU SKYE 'GYUR ZHES, ,'JAM DPAL RTZA BA'I RTOG PAR GSUNGS PA LA, ,SNYING NAS YID CHES DAD PAS DPA' BA DANG, ,PHYAG DANG MCHOD PA NYIN MTSAN NYID BYED CING, ,SDIG LTUNG

, ,KUN BSHAGS SLAN CHAD MI BGYID SDOM, ,RJES SU YI RANG CHOS 'KHOR BSKOR BA SOGS, ,BSAG SBYANG GNAD LA BRTZON PA LHOD MED RIGS, ,BKRA SHIS,, ` NA MO SH'AKYA MU NA YE, THUB DBANG 'OD MA'I TSAL DU BZHUGS PA'I TSE, ,MU STEGS STON PA DRUG GI PHRAG DOG GIS, ,GZUGS CAN SNYING POR GO'U TA MA DANG, ,RDZU 'PHRUL 'GRAN ZHES BSKUL TSE SPYOS TE BTANG, ,SLAR YANG MNYAN YOD GRONG KHYER CHEN PO RU, ,YANG YANG 'GRAN ZHES GSAL RGYAL RGYAL POR BSKUL, ,DE YIS STON PAR ZHUGS TE 'GRAN NO ZHES, ,BDE BAR GSHEGS PAS 'GRAN ZHES ZHAL GYIS BZHES, ,DE NAS DPYID RA'I DGA' BA DANG PO LA, ,GSAL RGYAL GYIS MCHOD TSEMS SHING BTZUGS MA THAG ,SDONG PO LO 'DAB 'BRAS BUS RAB BRJID PA'I, ,DPAG BSAM DBANG PO SKAD CIG DE LA BYUNG, ,BZANG PO DANG POR AU TRA YA NAS MCHOD, ,G-YAS G-YON RIN CHE SA 'DZIN CHEN PO 'KHRUNGS, ,SHUN TZIS MCHOD TSE ZHAL BSIL BOR MA THAG ,YAN LAG BRGYAD LDAN CHU KLUNG CHEN POR GYUR, ,DE NAS NYIN GSUM MCHOD SPRIN SPROS PA'I TSE, ,DE SNYED NGO MTSAR CHO 'PHRUL DU MA BSTAN, ,DGA' BA GNYIS PA BZANG PO GNYIS PA LA, ,MCHOD TSE 'KHOR RNAMS PHAN TSUN SEMS SHES SHING, ,'KHOR LOS BSGYUR BA'I RGYAL PO CHEN POR GYUR, ,TSES BRGYAD SENG GE'I KHRI LAS SRIN PO DANG, ,RDO RJE 'DZIN PAS CHAM RNGAMS DRAG PO YIS, ,STON PA DRUG BCOM DGU KHRI SRID LAS

BSGRAL, ,DE NAS RANG BYUNG SNANG BA BRGYAD PA DANG, ,'JIG RTEN SKYONG DANG MGON MED ZAS SBYIN GYIS, ,MCHOD TSE SKU YI BKOD PA RGYA CHE ZHING, ,GSUNG GI CHO 'PHRUL DU MA RIM PAR BSTAN, ,BCU GNYIS BDAG PO'I TSES DANG BCU GSUM DANG, ,BCU BZHI RGYAL BA'I SKU MCHOG DAM PA DANG, ,SHING RTA STONG DANG NYIS BRGYA LNGA BCUS GANG, ,YAR NGO'I NYA YI TSES PA BZANG PO LA, ,PHYAG SOR LAS BYUNG GSER SBYANGS 'OD ZER GYIS, ,LAS 'BRAS MNGON SUM BSTAN NAS STON PA DRUG ,MTHO RIS THAR PA'I LAM LA 'DREN PAR MDZAD, ,DE LTAR RGYAL BA'I DUS CHEN BZHI PO LA, ,DGE BA'I RTZA BA JI SNYED BGYIS PA RNAMS, ,SA YA PHRAG BRGYA'I 'GYUR DU RGYAL BAS GSUNGS, ,DE YANG ZHIB MOR RTZIS NA DE YI TSE, ,NAS PHUL GANG ZHIG LHAG BSAM RNAM DAG GIS, ,GZHAN LA SBYIN PAR BTANG NA NAS PHUL NI, ,SA YA PHRAG BRGYA RA SBYIN PAR 'GYUR BA'I PHYIR, ,NAS KHAL 'BUM PHRAG BRGYAD DANG SUM KHRI DANG, ,SUM STONG SUM BRGYA SUM CU RTZA GSUM DANG, ,BRE DRUG PHUL BZHI SBYIN PA'I 'BRAS BU 'BYUNG, ,DE LTAR GSUNGS LA YID CHES SKYES NAS NI, ,DUS CHEN RNAMS LA DGE LA 'BAD PAR MDZOD,, BKRA SHIS,, ` BLO GROS BZANG PO'I KUN GSAL RAB YANGS PAR, ,TSOGS GNYIS DPAL GYI DKYIL 'KHOR RAB TU RDZOGS, ,YE SHES 'OD STONG PHYOGS BRGYAR 'PHRO BA YIS, ,GDUL BYA'I KU MUD 'BYED LA GSOL BA 'DEBS, ,BLO LDAN GRANG MED GDUL BYAR BZANG PO'I LAM, ,TSUL

, ,BZHIN STON LA YE SHES SPYAN LDAN ZHING, ,SNYIGS DUS 'GRO BA'I SKYABS GCIG DAM PA MCHOG ,RJE BTZUN BLA MA'I ZHABS LA GSOL BA 'DEBS, ,SMON 'JUG BLO YI RTZA BA RAB TU BRTAN, ,BZANG PO'I SPYOD PA'I YAL 'DAB STONG LDAN ZHING, ,YE SHES 'BRAS BU SMIN PA'I KHUR GYIS BRJID, ,BSHES GNYEN DPAG BSAM DBANG POR GSOL BA 'DEBS, ,BLO CHEN RGYAL SRAS BZANG PO'I SPYOD PA RNAMS, ,GCIG TU BSDUS NAS TSUL BZHIN 'DOMS PA LA, ,YE SHES SEMS DPA'I TSOGS DANG DBYER MED PA'I, ,RJE BTZUN BLA MA'I ZHABS LA GSOL BA 'DEBS, ,DE LTAR SNYING NAS GSOL BA BTAB PA'I MTHUS, ,BDAG SOGS DENG NAS TSE RABS THAMS CAD DU, ,RJE BTZUN BLA MAS 'BRAL MED RJES BZUNGS TE, ,RNAM SMIN BRGYAD LDAN RTEN BZANG MYUR THOB SHOG ,DE NAS THUN MONG LAM GYIS RGYUD SBYANGS SHING, ,BLA MED RDO RJE THEG PAR RAB ZHUGS TE, ,RIM GNYIS LAM GYI RTOGS PA MTHAR PHYIN NAS, ,ZUNG 'JUG RDO RJE 'CHANG DBANG MYUR THOB SHOG ,CES PA 'DI NI PHUG SGO BLA MA NGAG DBANG BSAM 'PHEL GYI 'DOD PA LTAR CHOS SMRA BA'I DGE SLONG BLO BZANG YE SHES KYIS SMRAS PA DGE LEGS SU GYUR CIG, ` SVASTI, BDE GSHEGS GTZUG TOR LAS 'KHRUNGS GDUGS DKAR CAN, ,BSKAL BZANG 'DREN PA STONG GI BYIN RLABS KYIS, ,BSTAN 'DZIN DAM PA RGYAL BA 'PHAGS PA LHA, ,ZHABS ZUNG MI 'GYUR YUN RING BRTAN PAR SHOG ,DPAL MGON SDE LNGA DMAG ZOR RGYAL MO DANG, ,

RNAM MANG THOS SRAS 'KHOR BCAS MTHU STOBS KYIS, ,BSTAN 'DZIN DAM PA YUN RING ZHABS BRTAN CING, ,'PHRIN LAS PHYOGS MTHAR RGYAS PA'I BKRA SHIS SHOG ,MTHU STOBS DBANG PHYUG GSANG BDAG GTUM PO DANG, ,YE SHES KHYUNG KHRA'I 'PHRIN LAS GZI BYIN GYIS, ,'PHAGS PA BSOD NAMS LHUN GRUB DGE LEGS DPAL, ,STENG 'OG GDON GYI G-YUL LAS RGYAL BAR SHOG ,CES RGYAL BA 'PHAGS PA LHA'I 'KHRUNGS RABS GSOL 'DEBS KYI ZHABS SU 'THUD CHOG PA 'DI NI PHUG SGO BLA MA NGAG DBANG BSAM 'PHEL GYIS BSKUL BA'I NGOR SH'AKYA'I DGE SLONG BLO BZANG YE SHES KYIS SMRAS PA DGE LEGS SU GYUR CIG, ` NA MO GU RU BUDDHA BO DHI SATV'A YA, NGAG DBANG RGYAL BA GNYIS PA TZONG KHA PA'I, ,SNYAN RGYUD GDAMS PA BSAM 'PHEL DBANG GI RGYAL, ,GANG THUGS ZAB YANGS RGYA MTSOR LEGS 'KHYIL BA'I, ,RJE BTZUN BLA MA'I ZHABS LA GSOL BA 'DEBS, ,SNGON NAS SNGON DU LEGS PAR GOMS PA YI, ,BZANG PO'I BAG CHAGS SAD PA'I SNYING STOBS CAN, ,DKA' DPYAD DRAG POS GDAMS PA NYAMS BZHES PA'I, ,NGAG DBANG BSAM 'PHEL ZHABS LA GSOL BA 'DEBS, ,SRID PA'I PHUN TSOGS SNYING PO MED GZIGS NAS, ,TSE 'DI'I RNAM G-YENG BYA BA RING SPANGS TE, , GDAMS PA'I SNYING PO RANG GIS NYAMS BZHES NAS, ,GZHAN LA LEGS PAR 'DOMS LA GSOL BA 'DEBS, ,DUS GSUM RGYAL SRAS 'PHAGS PA'I BYIN RLABS DANG, ,DRANG SRONG BDEN TSIG GRUB PA'I SMON LAM DANG, ,CHOS SKYONG BSRUNG

, ,MA 'KHOR BCAS MTHU STOBS KYIS, ,BSHES GNYEN DAM PA YUN RING ZHABS BRTAN SHOG ,BDAG CAG SLOB MAR BRGYUD PA'I GDUL BYA RNAMS, ,BSHES GNYEN DAM PAS DGYES BZHIN RJES BZUNGS TE, , SKYES BU GSUM GYI LAM GYI RIM PA DANG, ,PHYAG RGYA CHEN PO'I NYAM LEN MTHAR PHYIN SHOG ,CES PA 'DI NI RAB 'BYAMS PA BLO BZANG CHOS 'DZIN, ,DKA' BCU NGAG DBANG SHES RAB, ,DGE SLONG BLO BZANG RGYAL MTSAN, DGE SLONG NGAG DBANG DPAL LDAN, SOGS KYIS BSKUL BA'I DOR SH'AKYA'I DGE SLONG BLO BZANG YE SHES KYIS SMRAS PA'O,, ` SVASTI, RJE BTZUN SGROL MA BSGRUB PAR 'DOD PAS, SKYABS 'GRO SEMS BSKYED TSAD MED BZHI SNGON DU BTANG, DE NAS AOm SV'A BH'A WA SHUDDHA SARBADHARMMA SVA BH'A WA SHUDDHONYHAm, STONG PA NYID DU GYUR, STONG PA'I NGANG LAS PAm LAS PADMA DANG AA LAS ZLA BA'I DKYIL 'KHOR GYI STENG DU RANG GI SEMS NYID T'Am YIG DKAR PO LAS 'OD 'PHROS, SEMS CAN THAMS CAD KYI MI SHES PA'I MUN PA DANG TSE'I BAR GCOD THAMS CAD BSAL, ,RGYAL BA SRAS DANG BCAS PA LA MNYES PA'I MCHOD PA PHUL, TSUR 'DUS YONGS SU GYUR PA LAS, RANG NYID JO MO SGROL MA YID BZHIN 'KHOR LO STON ZLA LTAR DVANGS PA ZHI ZHING 'DZUM PA'I NYAMS CAN ZHAL GCIG PHYAG GNYIS SPYAN GSUM MA, PHYAG ZHABS KYI MTHIL NA RNAM THAR SGO BZHI MTSON PA'I SPYAN RE RE MNGA' BA, G-YAS MCHOG SBYIN G-YON AUDPA LA'I SDONG BU'I RTZA BA THUGS KAR MTHEB SRIN GYIS BZUNGS PA'I YAL

GA GYES PA'I DBUS MA KHA SHAG STE BYE BA, G-YAS 'DAB MA SPUD NAS 'BRAS BU YOD PA, G-YON PA KHA MA BYE BAS DUS GSUM GYI SANGS RGYAS MTSON PA, DBU SKRA RAL PA PHYED SPYI BOR BCINGS SHING PHYED GSIL BUR GROL BA, DBU'I GTZUG TU NYI ZLA'I MDANGS 'PHROG PA LTA BU'I NOR BUS BRGYAN PA, GZHAN YANG DBU RGYAN SNYAN RGYAN MGUL RGYAN LA SOGS PAS SPRAS SHING DAR SNA TSOGS PA'I NA BZA' CAN ZLA BA'I DKYIL 'KHOR LA SKU RGYAB DRANG POR BRTEN PA, ZHABS GNYIS RDO RJE'I SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR T'Am YIG DKAR PO H'Um SNGON POS MTSAN PA, THUGS KA'I H'Um LAS 'OD 'PHROS, BDE BA CAN SOGS RANG BZHIN GYI GNAS RNAMS NAS YE SHES PA SPYAN DRANGS, DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS AOm SARBA TA TH'A GA TA AA BHIshE KA TA SA MA YA SHRI YE A'A:H'Um, ZHES DBANG BSKUR, SKU GANG DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS TSE DPAG MED KYIS DBU BRGYAN PAR GYUR, MCHOD PA DNGOS SU BSHAMS PA MED NA, 'DIR A'Om A'A:H'Um GSUM GYIS BYIN GYIS BRLABS, AOm A'AR+YA T'A RE AARGHAm, P'ATYAm, PUshPE, DH'U PE, A'A LO KE ,GANDHE, NEE BITYA, SH'APTA

, ,SV'A H'A'I BAR GYIS MCHOD PA 'BUL, 'OD DPAG MED MGON THUGS RJE'I 'OD ZER LAS, ,LEGS 'KHRUNGS 'GRO BA'I GDUNG SKYOB RGYAL BA'I YUM, ,RJE BTZUN YID BZHIN 'KHOR LO'I ZHABS ZUNG LA, , YAN LAG MCHOG GI GTZUG GIS PHYAG 'TSAL LO, ZHES PAS BSTOD, THUGS KAR ZLA BA'I DKYIL 'KHOR GYI STENG DU 'KHOR LO DKAR PO RTZIB SA BRGYAD PA MU KHYUD GSUM DANG BCAS PA'I LTE BAR T'Am YIG DKAR PO, DE'I MDUN DU AOm, MDUN NAS BRTZAM TE RTZIBS BRGYAD LA T'A RE TUTT'A RE SVA' RNAMS 'GOD CING, T'Am YIG GI RGYAB TU 'GOD, MU KHYUD DANG PO A'A LI G-YON SKOR DANG, GNYIS PA LA K'A LI G-YAS SKOR, ,GSUM PA LA RTEN 'BREL SNYING POS BSKOR BA LAS 'OD ZER DKAR PO'I TSOGS 'PHROS, ZHI BA'I LAS 'GRUB PAR BYAS 'OD ZER BA SPU'I SGO NAS PHYIR 'PHROS, RANG GI MTHA' SKOR DU 'OD ZER DKAR PO'I GUR KHYIM GYIS BSKOR, YANG SNGAGS 'PHRENG RNAMS LAS 'OD ZER SER PO'I TSOGS 'PHROS, RGYAS BA'I LAS 'GRUB PAR BYAS, 'OD ZER DKAR PO'I GUR KHYIM GYI MTHAR 'OD ZER SER PO'I GUR KHYIM GYIS BSKOR, YANG 'OD ZER DMAR PO'I TSOGS 'PHROGS DBANG GI LAS RNAMS 'GRUB PAR BYAS, 'OD ZER SER PO'I MTHA' SKOR DU 'KHOD, YANG 'OD ZER NAG PO'I TSOGS 'PHROS, DRAG PO'I LAS 'GRUB PAR BYAS, 'OD ZER LJANG KHU'I TSOGS 'PHROS, LAS RAB 'BYAMS 'GRUB PAR BYAS, 'OD ZER MCHIN KHA'I TSOGS 'PHROS, DE

RNAMS BRTAN PAR BYAS, 'DOD ZER LJANG KHU'I GUR KHYIM GYIS BSKOR BAR BSAMS NAS YI GE BCU PA'I BZLAS PA GANG 'GRUB BYAS TE, YI GE BRGYA PAS LHAG CHAD KHA BSKANG ZHING BRTAN PAR BYAS, DGE PA 'DI YIS MYUR DU BDAG ,RJE BTZUN SGROL MA 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES JO BOS 'BROM STON PA LA GSUNGS PA'I SGRUB THABS SRAS DON MA DANG MTHUN PAR BYAS PA 'DI NI YE SHES DGE SLONG GIS BSKUL BA'I NGOR CHOS SMRA BA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA DGE LEGS SU GYUR CIG, ` NA MO GU RU, BLA MA'I RNAL 'BYOR SGOM PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG, BLA MA BSTEN PA'I PHAN YON, MA BSTEN PA'I NYES DMIGS RNAMS BSAM ZHING, DGE SEMS KHYAD PAR CAN GYI NGANG NAS 'DI LTAR GDON PAR BYA STE,, ` MDUN GYI LHA LAM YANGS BAR SENG KHRI DANG, ,CHU SKYES NYI ZLA RGYAS PA'I DKYIL 'KHOR STENG, ,RTZA BA'I BLA MA DKAR SER 'DZUM DKAR 'PHRO, ,ZHAL GCIG PHYAG GNYIS PHYAG G-YAS CHOS 'CHAD DANG, ,G-YON PA MNYAM GZHAG STENG NAS GLEGS BAM BSNAMS, ,CHOS GOS GSUM GSOL GSER MDOG PAn ZHUS MJES, ,MTHA' SKOR DNGOS RGYUD SANGS RGYAS BYANG SEMS DANG, ,DPA' BO MKHA' 'GRO BSRUNG MAS BSKOR BAR GYUR, ,RIGS KUN BDAG PO KHYAB BDAG RDO RJE 'CHANG, ,DUR SMRIG GAR GYIS RNAM ROL TZONG KHA BA'I, ,BSTAN PA'I

, ,RGYAL MTSAN PHYOGS BCUR SGRENG MDZAD BA'I, ,RJE BTZUN BLA MA'I ZHABS LA PHYAG TSAL LO, ,PHYI NANG GSANG BA SGRUB PA'I MCHOD PAS MCHOD, ,LUS NGAG YID KYI SDIG LHUNG THAMS CAD BSHAGS, ,DGE LA YI RAB CHOS 'KHOR BSKOR BA DANG, ,BSKAL BRGYAR BZHUGS GSOL DGE TSOGS BYANG CHUB BSNGO, ,DUS GSUM RGYAL BA KUN GYIS MA THUL BA'I, ,BDAG SOGS 'GRO BA'I SKYABS GYUR DGE PA'I BSHES, ,BKA' DRIN CHEN PO RJES SU LEGS DRAN BAS, ,RTZE GCIG DANG BA'I YID KYIS GSOL PA 'DEBS, ,DE LTANG DANG BA'I YID KYIS GSOL BTAB PAS, ,DPAL LDAN BLA MAS 'BRAL MED RJES BZUNGS TE, ,NGES 'BYUNG BYANG SEMS YANG DAG LTA PA LA, ,BRTEN NAS KUN MKHYEN GO 'PHANG MYUR THOB SHOG ,GNAS SKABS SU YANG TSE RING NAS MED CING, ,DAM CHOS SGRUB PA'I MTHUN RKYEN MA LUS BA, ,'BAD RTZOL MED PAR LHUN GYIS GRUB PA DANG, ,BSHAD SGRUB BSTAN PA DAR BA'I BKRA SHIS SHOG ,CES PA 'DI NI SNGAGS RAM PA BKRA SHIS RGYAS TSOGS BSKUL BA'I NGOR CHOS SMRA BA'I DGE SLONG BLO BZANG YE SHES KYIS SMRAS BA DGE ZHING BKRA SHIS PAR GYUR CIG, ` SRA STI, 'DUL BA LUNG RNAMS LA THUN MONG DU, RGYAL BA'I BSTAN PA'I SNYING PO 'DUL BA LUNG, ,BSOD NAMS DPAL 'DZOM DAD PAS BZHENGS PA'I MTHUS, ,RGYAL BSTAN SPYI DANG RGYAL PA GNYIS PA YI, ,MDO SNGAGS BSTAN PA DAR ZHING RGYA PAR SHOG, ` 'BUM PO TI BCU BRUNG LA THUN MONG DU, DUS

GSUM RGYAL BA MA LUS BSKYED MDZAD MA, ,STONG PHRAG BRGYA BA'I SHER PHYIN LEGS BZHENGS PAS, ,BSTAN 'DZIN SPYI DANG GANGS CAN 'GRO BA'I MGON, ,RGYAL BA YAB SRAS BSKAL BRGYAR ZHABS BRTAN SHOG, ` NYI KHRI RNAMS LA THUN MONG DU, YUM 'BRING NYI KHRI LNGA STONG BSGRUBS PA'I DGES, ,PHYAG RDOR SPRUL PA STONG BTZAN 'GAR GYI RIGS, BSTAN PA'I SBYIN BDAG DGA' LDAN SKYID SHOD PA, ,RIGS RGYUD MNGA' THAD CHAB SRID BRTAN PAR SHOG, ` KHRI BRGYAD STONG PA LA THUN MONG DU, KHRI DANG BRGYAD STONG SHER PHYIN YUM GYI MDO, ,LHAG BSAM DAG BAS BZHENGS PA'I RNAM DKAR GEGS, ,BDAG DANG MAR GYUR 'GRO BA MA LUS PA'I, ,SDIG SGRIB KUN BYANG TSOGS GNYIS RDZOGS PAR SHOG, ` SHES RAB KHRI BA DANG BRGYAD STONG PA GNYIS LA, SHES RAB KHRI BA BSDUS PA BRGYAD STONG PA, ,SHOG DKAR 'DZIN MA'I NGOS LA BKOD PA'I MTHUS, ,CHOS KUN GNAS LUGS RTOGS BA'I SHES RAB KYIS, ,SDUG BSNGAL RTZA BA DRUNGS NAS 'BYIN PAR SHOG, ` SNA TSOGS KHRI BAR, SHAR PHYIN LA SOGS SNA TSOGS RGYAL BA'I BKA', ,BSOD NAMS DPAL 'DZOM DANG PA SGRUB PA'I DGES, ,SGO GSUM MA DAG DRI MA KUN SBYANGS NAS, ,NGAN SONG GNAS SU SLAR YANG MI LHUNG SHOG, ` PHAL CHEN DRUG LA, PHAL CHEN LA SOGS RGYAL BA'I GSUNG RAB KUN, ,BZHENGS LA MTHUN PA BSGRUB PA'I LUS CAN RNAMS, ,DAL 'BYOR RTEN BZANG RGYUN MAR 'THOB PA DANG, ,RNAM KUN

, ,MKHYEN PA'I YE SHES MCHOG THOB SHOG, ` DKON BRTZEGS DRUG LA, DKON BRTZEGS LA SOGS ZAB DANG RGYA CHE BA'I, ,DRI MED BKA' LA SRI ZHU BGYIS PA YIS, ,DKON MCHOG GSUM DANG NAM YANG MI 'BRAL ZHING, ,RGYAL SRAS SPYOD LA ZHUM MED SLOB PAR SHOG, ` MDO MYANG 'DAS GNYIS LA, RGYAL BA'I MDZAD PA KUN GYI MCHOG GYUR BA, ,BYANG PHYOGS GANGS RI'I LJONGS 'DIR 'GYUR RO 'TSAL, ,'BRI DANG KLOG DANG MCHOD CING BSTOD PA RNAMS, ,MI GNAS MYA NGAN 'DAS BA MYUR THOB SHOG, ` RGYUD SDE RNAMS LA THUN MONG DU, THUB PA'I GSUNG RAB KUN GYI RTZER SON PA, ,GSANG CHEN RGYUD SDE RGYA MTSO 'GYUR RO 'TSAL, ,BZHENGS PA'I DGE BA ZLA BSTAN 'DZIN GYIS, ,GSER LDAN DGA' MA'I MNGAL 'KHUR LCI GYUR CIG, ` RGYUD SDE RNAMS LA THUN MONG DU, THUB PA'I GSUNG RAB KUN GYIS RTZER SON PA, ,'GSANG CHEN RGYUD SDE RGYA MTSO 'GYUR RO 'TSAL, ,BZHENGS PA'I DGE BA ZLA SHEL LTAR DKAR DES, ,MDO SNGAGS BSTAN PA DAR PA'I BKRA SHIS SHOG ,CES PA 'DI YANG STAG RTZE'I YUM BSOD NAMS DBAL 'DZOM GYIS DAD BRTZON CHEN POS RGAL BA'I BKA' 'GYUR RO CIG BZHENGS PA'I DGE RTZA RNAMS RDZOGS BYANG DU BSDO BA'I PHYIR DU CHOS SMRA BA'I DGE SLONG BLOO BZANG YE SHES KYIS SMRAS PA DGE ZHING BKRA SHIS PAR GYUR CIG, ` AOm BDE LEGS SU GYUR CIG, ,'JAM DPAL GSHIN RJE'I GSHED DANG DBYER MED DU, ,RTZE GCIG MOS PA'I YUL GYUR RDO RJE

'DZIN, ,LHA BCAS 'GRO BA'I GTZUG RGYAN YID BZHIN NOR, ,RJE BTZUN BLA MA'I ZHABS LA GSOL BA 'DEBS, ,BSLU MED DKON MCHOG GSUM GYIS BYIN RLABS DANG, ,DGE LDAN BSTAN SRUNGS RGYA MTSO'I MTHU STOBS KYIS, ,BLO BZANG YE SHES ZHABS SEN RDO RJE'I KHRIR, ,G-YO MED 'PHRIN LAS PHYOGS BCUR RGYAS PAR SHOG ,SNGON NAS BZANG PO'I LAS KYIS YONGS 'BREL BA'I, ,DAD LDAN PHU NU TSE RABS THAMS CAD DU, ,RJE BTZUN BLA MAS DGYES BZHIN RJES BZUNGS TE, ,MTHAR THUG KUN MKHYEN GO 'PHANG THOB PAR SHOG ,CES PA 'DI NI PA'I SANGS SRONG BTZAN BSTAN SKYONG GIS BLA MA DANG YI DAM DBYER MED DU GSOL BA 'DEBS SHING ZHABS PAD BRTAN PA DANG, NGED RANG PHU NU GNYIS RJES SU 'DZIN PA'I SMON LAM BCAS 'KHYER BDE BZHIG DNGOS ZHES BSKUL BA'I DER CHOS SMRA BA'I DGE SLONG BLO BZANG YE SHES KYIS SMRAS PA DGE LEGS SU GYUR CIG, ` AOm SVASTI, SKU BZHI'I BDAG NYID DRIN CAN BLA MA DANG, ,DBYAR MED MGON PO YID BZHIN NOR BU LA, ,SNYING NAS 'DUD DO MCHOG DANG THUN MONG GI, ,DNGOS GRUB MA LUS MYUR DU STZAL DU GSOL, ,DE LA 'DIR MGON DKAR YID BZHIN NOR BU'I RJES GNANG BYA BAR 'DOD PAS, GNAS DBEN ZING BKRA SHIS LA NYAMS DGA' BAR, PHYAG BDAR LEGS PAR BYAS, DKON MCHOG GI RTEN DANG, KHYAD PAR MGON PO 'DI'I BRIS SKU SOGS RAB GNAS CAN BSHAM, SA GZHI 'AM, ,MAndAL DRI BZANG GIS LEGS PAR BYUGS PA LA PADMA DKAR

, ,PO 'DAB MA BZHI PA LTE BA DMAR SER GYI DBUS SU H'Um DKAR PO DANG, PADMA'I MTHA' ME RIS SKOR BA BRI, DE'I STED MANYDZI'AM, RKANG GSUM GYI STENG DU 'BYOR NA NAS DKAR PO RJEN BTAGS, MA 'BYOR NA NAS DKAR MO LAS GRUB BA'I GTOR MA ZUR GSUM BA MTHA' MTHEB SKYUS BSKOR BA LA, MAR RGYAN NOR BU'I GZUGS CAN DANG SBRANG RTZI LA SOGS PAS BRGYAN CING, MDA' RGOD SGRO MA LA MNGA' DAR ME LONG, MGON PO 'DI'I TZA KA LI DANG BCAS BA BTZUGS MCHOD GTOR SPYAN GZIGS ZAS SNA TSOGS KYIS BSKOR BA BSHAMS LA, SKYABS SEMS TSAD MED BZHI SPYI 'GRO LTAR LA, KHYAD PAR SEMS CAN THAMS CAD DBUL BA'I SBUG BSNGAL DANG BRAL BA DANG, MTHAR THUG RDZOGS PA'I SANGS RGYAS KYI SA LA DGOD PAR BYA, DE'I PHYIR DU MGON PO YID BZHIN NOR BU'I SGOM BZLAS LA 'JUG PAR BYA SNYAM PA SNYING THAG PA NAS LAN MANG DU BSAMS NAS, RANG THA MAL DU GNAS PA'I SNYING NANG DU THIG LTER DMAR PO RGYA SRAN TZAM, DE'I DBUS SU H'Um YIG DKAR PO DNGUL CHU'I MDOG 'DRA BA, DE LAS 'OD 'PHROS, 'PHAGS PA MCHOD, SEMS CAN THAMS CAD KYI DBUL BA'I SDUG BSNGAL BSAL, SRID ZHI'I DPAL 'BYOR PHUN SUM TSOGS PA THAMS CAD BSNGA SA, THIG LE SA BON DANG BCAS PA LA THIM PA YONGS SU GYUR PA LAS, RANG NYID MGON PO YID BZHIN GYI NOR BU ZHES PA NAS, YE SHES PA DGUG GZHUG GI BAR BSKANG GSO'I SKABS LTAR LA, NANG MCHOD BA BLA MED LTAR BYIN GYIS BRLABs

NAS 'BUL, PHYOGS BCU DUS GSUM ZHES SOGS KYIS BSTOD NAS, BSNYEN BA'I SKABS SU RANG MGON POR GSAL BA'I THUGS KA'I MKHA' 'GRO MA'I SNYING KHAR, THIG LE DMAR BO H'Um DKAR PO DANG BCAS PA'I MTHAR GU RU MA H'A K'A LA HA RI NI SIDDHI DZA, ZHES PA G-YAS SU BSKOR BA LA DMIGS NAS BZLAS PA BYA, DE LTAR BSNYEN PA SNGON DU SONG NAS RJES GNANG BYED PA'I TSE KHAs B'A nI'I BDAG BSKYED BZLAS PA DANG BCAS PA SNGON DU BTANG, DE NAS MDUN BSKYED KYI DKYIL 'KHOR GTOR MA DANG BCAS PA SV'A BH'A WAS STONG PAR SBYANGS, STONG BA'I NGA LAS H'Um LAS NOR BU H'Um GIS MTSAN PA YONGS GYUR PA LAS, MGON PO YID BZHIN NOR BU SKU MDOG DKAR LA DMAR BA'I MDANGS CHAGS PA, KHRO 'DZUM SGEGS PA'I NYAMS CAN, ZHAL GCIG PHYAG DRUG PA, PHYAG G-YAS KYI DANG BOS NOR BU RIN PO CHE DBANG GI RGYAL PO DANG, G-YON DANG POS RIN PO CHES GANG BA'I THOD BUM DKU G-YON PA LA BRTEN NAS 'DZIN BAS PAS 'DOD DGU'I CHAR 'BEBS PA, BAR PA GMUOS MA DBUL BA RTZAD NAS GCOD PA'I RDO RJE GRI GUG DANG, KHAMS GSUM ZIL GYIS GNON PA'I RTZE GSUM 'DZIN PA, 'OG MA GNYIS NA GNAS GSUM MKHA' 'GRO 'BOD PA'I CANG TE'U DANG, SRID ZHI DBANG DU SDUD PA'I LCAGS GYU 'DZIN PA, SMIN MA DANG SMAR DMAR SER 'BAR ZHING, DBU SKRA KHAMS SER GYEN DU BRJES PA'I SPYI BOR BLA MA MI BSKYOD DBANG GI RGYAL POS RGYAS BTAB CING, DPRAL BAR SINDHU RAS BYUGS PA, RIN PO CHE SNA CHOS LAS GRUB BA'I DBU RGYAN, SNYAN RGYAN, MGUL RGYAN , PHYAG GDUB, ZHABS GDUB LA

, ,SOGS PA RIN PO CHA'I RGYAN BRGYAD KYIS BRGYAN PA, LHA LNGA LAS GRUB PA'I DAR BZANG PO'I STOD G-YAGS DANG SMAD G-YOGS LHA BA LHUB TU GSOL BA, RIN PO CHE'I 'PHRENG BA DANG GSER GYI DRIL BU G-YIR KHAS SPRAS PA, ZHABS GNYIS 'GRO 'PHRO LA 'CHOMS BA LTA BU LA MKHA' GRO DANG, GNOD SBYIN DANG, NOR BDAG MANG POS BSKOR NAS BZHUGS BA'I THUGS KAR DBANG SDUD KYI MKHA' 'GROR SDE LNGA BZHUGS PA'I GTZO' 'KHOR THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um GI 'OD ZER LCAGS KYU'I RNAM BCAN GYIS SHAR LHO ZHES SOGS, ,YE SHES PA SPYAN DRANG NAS BSTAN, GDAN 'BUL BA, MCHOD PA BSTOD PA BZLAS PA, GTOR MA 'BUL BA GSOL BA 'DEBS PA RNAMS BYA, ,DE NAS SLOB MA KHRUS BYAS MAndAL PHUL NAS 'DUG PA LA, SNGON 'GRO'I CHOS BSHAD NAS, SPYIR GYIS MGON PO'I THUGS BSKYED TSUL KHYAD PAR MGON PO 'DI NYID LA ZHI BA NOR DU BSGRUB PAR BYA BA DANG, DRAG PO MTHU RU BSGRUB PA GNYIS LAS, 'DI MYUR MDZAD CES PA LA BRTAN NAS ZHI BA NOR DU BSGRUB PA YIN PAS, 'DI NYID TSUL BZHIN BSGRUBS NA CHOS SGRUB PA'I MTHUN RKYEN DGOS 'DOD MA LUS PA STZOL ZHING, DBUL BA'I SDUG BSNGAL MTHA' DAG LAS SKYOB BA DANG, MTHAR MKHA' SPYOD DU 'DREN BA SOGS KYI PHAN YON SHIN TU CHE, DE'I GDMAG DAG KHYAD PAR CAN GRUB CHEN R'A H'U LAS, MKHAS GRUB KHYUNG

PO RNAL 'BYOR LA MAN NGAG SGO SKYEL GI TSUL DU BYON, DE'I DUS SU MKHAS GRUB KHYUNG BO RNAL 'BYOR SKU MTSAMS DAM BAR BZHUGS YOD BA'I THO RANGS KHA BA CHEN PO GCIG BYUNG BA'I NAM LANGS MA THOG LA, A'A TZ'A RYA GCIG MJAL ZER BA A, NGA MTSAMS DAM PO LA YOD BAS MJAL BA MI YONG BYAS BAS, NGA RGYA GAR RA NGE NAS 'ONGS PA NA BA YIN, CIS KYANG MJAL DGOS ZER NAS 'JAL, SMAN PA LA BSTAN PAS KHRAG TU 'JUG ZER NAS GTAR KHA BYED BAR BYAS PAS, RNAL 'BYOR BA'I GTAR KHA DES MI YONGS GSUNGS NAS, NAM MKHA' LA SKYIL MO KRUNG DU BZHUGS NAS BSRUGS PAS SKU LAS KHRAG MANG PO BTON NAS NAM MKHA' LA BZHUGS SO, ,YANGS LA BZHUGS RLANG LANGS GSUNG BA LA, BSKU MNYE BYA DGOS BAS RTZI MAR 'BYUG ZHUS PAS, RNAL 'BYOR PA'I BSKU MNYE DES MI YONGS GSUNGS, YANG 'U RU RU 'DUG PA DANG, NAM MKHA' LA 'BZHUGS NAS, BA SPU'I BU GA THAMS CAD NAS KU NAD MNANG PO BSTAN NAS NAM MKHA' LA CHAGS PA DANG, YANG DE RNAMS BA SPU'I BU GAR SIB BSDUS NAS BSKU MNYE MDZAD PA LA NAM MKHA' LA MKHA' 'GRO MANG POS BSKOR NAS GAR SNA TSOGS BSGYUR RO, ,DE NAS KHYUNG PO'I DGONGS PA LA 'DI GRUB THOB CIG TU 'DUG DGONGS NAS PHYAG BTZAL BSKOR BA BYAS GSER GYI MAndAL PHUL NAS THUGS RJES GZIGS BAR ZHU 'TSAL BYAS BAS, GUn AA KA RA LA SOGS BA GRUB THOB MANG BOS KHYOD BOD LA RGYU GCES LUNG BSTAN NAS KHYOD CAN 'ONGS PA YIN, RGYA GAR NAS NYI MA

, ,SHAR MA THAG YONGS BAS BOD SA RONG DOG BAS NAM LANGS MA THOG SLEBS PA YIN GSUNGS, DE NAS 'PHAN YUL 'CHAD KHAR ZLA BA GSUM BZHUGS NAS CHOS DANG GDAMS PA MANG PO DANG, KHYAD BAR MGON PO'I CHOS SKOR RNAMS RDZOGS PAR GSAN PA YIN, MDOR NA YE SHES MGON PO 'DI DAG GIS, BLA MA YI DAM MKHA' 'GRO CHOS SKYONG NOR LHA THAMS CAD KYI GO CHOD BAS, CHOS SKOR 'DI DAG DANG MJAL BA SKAL BA BZANG SNYAMS NAS SPRO BA BSKYED NAS GSAN BAR ZHU, DES NA GNAS KHANG 'DI NYID KYANG THA MAL GYI RNAM PA CAN MA YIN PAR DUR KHROD CHEN PO BSIL PA'I TSAL LA SOGS PA'I GNAS KHYAD PAR CAN YIN SNYAM PA DANG, GTOR MA 'DI NYID KYANG SNGAR MDUN BSKYED KYI SKABS LTAR MGON DKAR YID BZHIN GYI NOR BU DNGOS YIN SNYAM PA DANG, DE'I STENG GI NAM MKHA' LA RGYAL PA RDO RJE 'CHANG NAS BRGYUD PA RIN CHEN SNA BDUN LA SOGS PA RTZA RGYUD KYI BLA MA YI DAM DKYIL 'KHOR GYI LHA TSOGS, SANGS RGYAS BYANG SEMS DPA' BO MKHA' 'GRO CHOS SKYONG BSRUNG MA'I TSOGS DANG BCAS BAS NAM MKHA' GANG BAR BZHUGS PA DANG, BLA MA YANG RJE BTZUN KHA SAR B'A NI SKU MDOG DKAR PO ZHAL GCIG PHYAG GNYIS PA ZHABS GNYIS MNYAM PA'I STABS KYIS BZHENGS PA CIG TU MOS NAS, DE'I SBYANG SNGAR SPYIR 'KHOR BA DANG, KHYAD BAR NGAN SONG GI SDUG BSNGAL DRAG CING RTZU BA LA YUN RING BAS 'JIGS PA DANG, GZHAN YANG SHES BYA'I SGRIB PA DANG, DMAN

PA'I SGRI BA LA SOGS PAS 'JIGS NAS, RE SA GZHAN NA MED PA'I BLO LTOS BCAS NAS SKYABS SU 'GRO BA DANG, SNGAR BYAS KYI SDIG PA LA KHONG BAR DUG SONG BA LTA BU'I 'GYOD SEMS DANG, PHYIN CHAD SROG LA BAB KYANG MI BYED SNYAM PA'I SDOM SEMS SNGON DU 'GRO PA'I, SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG MYUR DU THOB PAR BYA'O SNYAM PA'I SMON PA'I SEMS DANG, DE'I CHED DU RGYAL SRAS KYI SDOM PA BZUNGS NAS SBYIN SOGS KYI SBYOD PA LA BSLAB PAR BYA'O SNYAM PA'I SGO NAS 'DI'I RJES ZLOS MDZOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,RANG GZHAN DON NI RAB BSGRUB PHYIR, ,BYANG CHUB SEMS NI BSKYED PAR GYI, ,BYANG CHUB MCHOG GI SEMS NI BSKYED BGYIS NAS, , SEMS CAN THAMS CAD BDAG GI MGRON DU GNYER, ,BYANG CHUB SPYOD MCHOG YID 'OD SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,CES PA'I RJES ZLOS LAN GSUM BYA, ,DE NAS, GANG GI DRIN GYIS BDE CHEN NYID, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS BAD LA 'DUD, ,KHYOD ZHABS PADMO SPANGS NAS NI, ,GTZO BO GZHAN NA SKYABS MA MCHIS, ,'GRO BA'I DPA' BO THUB CHEN BOS, ,

, ,BDAG LA BLO MCHOG STZAL DU GSOL, ,ZHES PA'I RJES ZLOS LAN GSUM GYIS GSOL PA BTAB, ,DE NAS BLA MA RJE BTZUN KHA SARB'A nI ZHAL GCIG PHYAG GNYIS PAR GSAL PA'I THUGS KAR MGON PO YID BZHIN GYI NOR BU, DE'I THUGS KAR DBANG SBUD KYI MKHA' 'GRO MA DMAR MO, ,DE'I THUGS KAR THIG LEN MAR BO RGYA SRAN TZAM PA, ,DE'I STENG DU H'Um DKAR LA DMAR PA'I MDANGS CHAGS PA CIG BZHUGS PA GSAL BTAB, DE LA SLOB MA RNAMS KYIS MOS GUS DRAG BO BYED DGOS ZHES BRDA SBRAD, DE NAS SLOB MA RNAMS THA MAL DU GNAS BA'I SNYING KHAR THIG LE DMAR PO'I STENG DU THIG LE DKAR PO GCIG YOD PA DE LAS 'OD 'PHROS, 'PHAGS PA MCHOD, SEMS CAN GYI DON BYAS, TSUR 'DUS YONGS SU GYUR PA LAS, MGON PO YID BZHIN GYI NOR BU, DE'I THUGS KAR DBANG SDUD GYI MKHA' 'GRO MA, DE'I? THUGS KAR THIG LE DMAR PO H'Um DKAR PO DANG BCAS PAR GYUR, ,DE LTAR GYUR PA'I MOS PA YANG MDZOD CES BRDA SBRAD, DE NAS KHYED RANG RNAMS THAL MO SBYAR NAS 'DI'I RJES ZLOS MDZOD, BLA MA RIN BO CHE, BDAG LA MGON PO YID BZHIN GYI NOR BU'I SKU'I BYIN RLABS STZAL DU GSOL, ZHES RJES ZLOS DANG BSTUN NAS GSOL PA BTAB PAS, DPON SLOB GNYIS KA'I THUGS KA'I H'Um LAS 'OD ZER 'PHROS, DUR KHROD BSIL PA'I TSAL NAS MGON PO MKHA' 'GRO MA'I TSOGS KYIS BSKOR BA DPAG TU MED PA SPYAN DRANGS, ROL MO'I SGRA DANG BCAS PAS Ksh'Im NYER GCIG BRJOD

CING, DZA: H'Um BAm HO: ZHES SLOB MA LA BSTIM, MDUN GYI GTOR MA MGON POR BSKYED PA KHYED RANG RNAMS KYI SPYI BOR BYON BA LUS LA ZIMS BAS MGON PO'I SKU'I BYIN RLABS THOB PA'I MOS PA MDZOD BYAS LA, GTOR MA SLOB MA'I MGO THOG, TU BZHAG NAS RGYAL PA KHYAB BDAG RDO RJE 'CHANG CHEN POS BYIN GYIS RLOBS SHIG ,DPAL LDAN SHA WA RI DBANG PHYUG GIS BYIN GYIS RLOBS SHIG ,MNGA' BDAG MEE TRI BA CHEN POS BYIN GYIS RLOBS SHIG ,GRUB CHEN R'A HU LAS BYIN GYIS RLOBS SHIG ,MKHAS GRUB KHYUNG PO RNAL 'BYOR GYIS BYIN GYIS RLOBS SHIG ,MNYAM MED RIN CHEN BRTZON 'GRUS KYIS BYIN GYIS RLOBS SHIG ,DPON STON SKYER SGANG PA CHEN POS BYIN GYIS RLOBS SHIG ,GNYAN STON SPAS PA'I RNAL 'BYOR GYIS BYIN GYIS RLOBS SHIG ,CHOS RJE SANGS RGYAS STON PAS BYIN GYIS RLOBS SHIG ,MKHAS GRUB SHANGS STON CHEN POS BYIN GYIS RLOBS SHIG ,MUS CHEN RGYAL MTSAN DPAL BZANG BOS BYIN GYIS RLOBS SHIG ,SNGAGS 'CHANG RDO RJE GZHON NUS BYIN GYIS RLOBS SHIG ,MNYAM MED NAM MKHA'I RNAL 'BYOR PA CHEN POS BYIN GYIS RLOBS SHIG ,MKHAS GRUB DGE LEGS DPAL BZANG POS BYIN GYIS RLOBS SHIG ,PAn CHEN CHOS KYI RGYAL MTSAN GYIS BYIN GYIS RLOBS SHIG , 'KHRUL ZHIG RIN CHEN BSHES GNYEN GYIS BYIN GYIS RLOBS SHIG ,RAB 'BYAMS SMRA BA SANGS RGYAS RGYA MTSOS BYIN GYIS RLOBS SHIG ,RGYAL BA BLO BZANG DON GRUB KYIS BYIN GYIS RLOBS SHIG, ,MKHAS GRUB SANGS RGYAS YE SHES KYIS BYIN

, ,GYIS RLOBS SHIG ,PAn CHEN BLO BZANG CHOS KYI RGYAL MTSAN GYIS BYIN GYIS RLOBS SHIG ,RDO RJE 'DZIN PA DKON MCHOG RGYAL MTSAN DPAL BZANG POS BYIN GYIS RLOBS SHIG ,YID BZHIN GYI MGON PO KHYED KYIS RDO RJE SLOB MA 'DI RNAMS KYI PHYI BZHIN RGYUG LA, LUS DANG GRIB MA BZHIN DU 'GROGS NAS SANGS RGYAS MTHOB KYI BAR DU 'PHRIN LAS GANG DOGS THAMS CAD TSUL BZHIN DU SGRUB SHIG ,CES PA'I BKA' BSGO TSAR GCIG BYA, DES KHYED DANG RNAMS KYI TSE 'KHOR PA THOG MA MED PA NAS LUS KYI SGO NAS BSAGS PA'I SDIG SGRIB THAMS CAD DAG ,MGON PO'I SKU'I BYIN RLABS THOB SNYAM PA'I MOS BA MDZOD, CES BRJOD, ,YANG BLA MA RIN PO CHE BDAG LA MGON PO YID BZHIN NOR BU'I GSUNG GI BYIN RLABS STZAL DU GSOL, ZHES PA'I RJES ZLOS BYAS PAS, ,BLA MA KHA SARP'A nI'I THUGS KA'I MKHA' 'GRO MA'I THUGS KAR H'Um DKAR PO'I MTHAR, GU RU MA H'A KA' LA HA RI NI SIDDHI DZA: ZHES PA'I SNGAGS KYIS BSKOR NAS YOD PA LAS SNGAGS 'PHRENG MAR ME GCIG LAS GNYIS CHAD KYI TSUL GYIS BYUNG PA, KHYED RANG RNAMS KYI ZHAL NAS ZHUGS SNYING KHA'I H'Um YIG GI MTHAR 'KHOD PA'I MOS BA MDZOD LA, 'DI'I RJES ZLOS GYIS BYAS LA, GU RU MA H'A K'A LA HA RI NI SIDDHI DZA: ZHES PA'I RJES ZLOS LAN GSUM BYA, DE NAS ROL MO'I SGRI DANG BCAS BKA' BSGO RGYAS BSDUS CI RIGS BYA ,DES KHYED RANG RNAMS BAS TSE THOG MA MED PA NAS BSAGS PA'I NGAG GI SDIG SGRIB THAMS CAD DAG ,MGON

PO'I GSUNG GI BYIN RLABS THOB PA'I MOS PA MDZOD BYA, DE NAS BLA MA RIN PO CHE BDAG LA MGON PO YID BZHIN GYI NOR BU'I THUGS KYI BYIN RLABS STZAL DU GSOL, ZHES RJES BLOS KYI SGO NAS GSOL PA LAN GCIG BTAB BAS, BLA MA'I THUGS KAR PAD NYI'I STENG DU H'Um DKAR LA 'TSER BA'I NANG DU SANGS RGYAS MKHA' 'GRO MA, ,DE'I SHAR DU RDO RJE MKHA' 'GRO MA, ,LHOR RIN CHEN MKHA' 'GRO MA, NUB TU PADMA MKHA' 'GRO MA, ,BYANG DU LAS GYI MKHA' 'GRO MA RNAMS BZHUGS PA SHANGS BUG G-YAS PA NAS 'THON, KHYOD RANG RNAM PA'I SHANGS BUG G-YON NAS ZHUGS, KHYED RANG RNAM PA'I SNYING KHAR MKHA' 'GRO SDE LDA HRAM ME YOD PA'I MOS PA MDZOD BYAS LA ROL MO DANG BCAS BKA' BSGO SNGAR LTAR BYA, ,DES KHYED RANG RNAM PAS TSE THOG MA MED PA NAS YID KYI SGO NAS BSAGS PA'I SDIG SGRIB THAMS CAD DAG ,MGON PO'I THUGS KYI BYIN RLABS THAMS CAD THOB PA'I MOS PA MDZOD, CES BRJOD, YANG 'DI'I RJES ZLOS MDZOD, BLA MA RIN PO CHE, BDAG LA MGON PO YID BZHIN GYI NOR BU'I YON TAN 'PHRIN LAS KYI BYIN RLABS STZAL DU GSOL, ZHES GSOL PA BTAB PAS, BLA MA'I SPYI BO BDE CHEN GYI RTZA 'KHOR LA SANGS RGYAS MKHA' 'GRO MAS GTZO BYAS PA'I MKHA' 'GRO SDE LNGA, MGRIN PA LONGS SPYOD KYI RTZA 'KHOR LA PADMA MKHA' 'GRO MAS GTZO BYAS PA'I MKHA' 'GRO SDE LNGA, SNYING KHA CHOS KYI 'KHOR LO'I RTZA 'KHOR LA RDO RJE MKHA' 'GROS GTZO BYAS PA'I MKHA' 'GRO SDE LNGA, LTE BA SPRUL PA'I RTZA 'KHOR LA RIN CHEN MKHA' 'GROS GTZO BYAS

, ,BA'I MKHA' 'GRO SDE LNGA, BLA MA'I SMIN PHRAG TU SNA TSOGS MKHA' 'GRO MAS GTZO BYAS BA'I MKHA' 'GRO SDE LNGA BZHUGS PA'I MOS BA BYAS NAS, MKHA' 'GRO MA DE DAG LAS RANG 'DRA'I MKHA' 'GRO MA LCAGS KYU THOGS PA DPAG TU MED PA 'PHROS PA DANG, BLA MA'I THUGS KA'I MGON PO'I ZHABS 'OG GI TSOGS BDAG GI THUGS KA NAS KYANG 'OD ZER LCAGS KYU LTA BU DPAG TU MED PA 'PHROS PAS, ,NOR LTA SOGS DANG, ,'BYUNG PO MTHU PA CHE RNAMS DANG, ,BSGRUB BYA DBANG DU 'DOD PA DE DAG BKUG STE KHYED RANG RNAMS MGON PO YID BZHIN GYI NOR BUR GSAL BA'I ZHABS 'OG GI TSOGS BDAG LA THIMS PAS KHYED RANG RNAMS JI LTAR 'DOD PA'I LAS THAMS CAD SGRUB PA'I MOS PA MDZOD, BLA MA'I RTZA 'KHOR BZHI'I MKHA' 'GRO MA RNAMS DBU MA'I NANG NA YAR SONG, SMIN PHRAG GI MKHA' 'GRO MA LA THIMS, DE RNAMS LAS RANG 'DRA DPAG TU MED PA 'PHROS, SLOB MA RNAMS KYI SMIN PHRAG TU THIMS PAS, SLOB MA RNAMS KYI SMIN PHRAG TU MKHA' 'GRO MA LNGA BZHUGS PA'I MOS PA MDZOD, YANG KHYED RANG RNAMS MGON POR GSAL PA'I BUM PA NAS RIN PO CHE LUD, THOD PA RIN PO CHES GANG BA YANG LUD, TSOGS BDAG GI KHA DANG BSHANG LAM THAMS CAD NAS KYANG RIN PO CHE LA SOGS PA LHUNG LHUG BYUNG PAS BANG MDZOD THAMS CAD GANG, ,LONGS SPYOD ZAS NOR THAMS CAD ZAD MI SHES BA TZAM DU GYUR PA'I MOS PA MDZOD BYAS LA, ,ROL MO DANG BCAS PA'I BKA' BSGO LAN GCIG BYA, ,DE NAS MAndAL PHUL, ,TSOGS 'KHOR

BYIN GYIS BRLABS NAS 'BUL ZHING ROL, 'DI'I DUS SU PHYAG RTEN DU GANG PHUL BA DE DNGOS GRUB KYI THOG MAR 'BYUNG GSUNG BAS RTEN 'BREL LEGS PA GAL CHE'O, ,'DI LTAR BGYIS BA'I RNAM DKAR DGE PA'I MTHUS, ,MGON PO YID BZHIN NOR BUS RJES BZUNGS TE, ,GNAS SKABS DBUL BA'I SDUG BSNGAL DANG BRAL ZHING, ,MTHAR THUG MKHA' SPYOD GNAS SU 'DREN PAR SHOG ,CES MGON DKAR YID BZHIN NOR BU'I RJES GNANG BYED TSUL DNGOS GRUB CHAR 'BEBS ZHES PA 'DI NI, SLOB DPON RIN PO CHE RDO RJE 'DZIN PA BLO BZANG DON GRUB BAS BSKUL BAR MDZAD PA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU BKOD PA'I YI GE BA NI DKA' BCU BLO BZANG DANG PO'O,, MANG+GALAm,, ,, ` KHRO BO SME BRTZEGS KYI RJES GNANG BYA TSUL BZHUGS, GANG ZHIG SGOM ZHING GSANG SNGAGS BZLAS TZAM GYIS, ,MI GTZAN GRIB DANG KHYAD PAR SDI 'KHRUG GI, ,GNYES PA'I DRI MA MA LUS DRUNGS 'BYIN PA'I, ,KHRO CHEN ME BA BRTZEGS LA PHAG 'TSAL LO, ,DE LA 'DIR KHRO BO CHEN PO SME BA BRTZEGS PA'I RJES GNANG BYA BAR 'DOD PAS, ,SA GZHI BA BYUNG DANG DRI BZANG GIS BYUGS PA'AM, ,YANG NA MAndAL LA PADMA 'DAB BRGYAD MDZES TSON DU BRIS PA'I STENG MNYDZI'I KHAR BUM PA MTSAN NYID DANG LDAN PA MGUL CHINGS KHA RGYAN BUM RDZAS DRI BZANG GI CHU DANG BCAS PA'I KHAR GZUNGS RDOR BZHAG PA'I MTHAR BUM PA'I LTA, ,CHOS SKYONG GZHI BDAG RNAMS LA 'BUL RGYU'I GTOR MA GSUM, ,CHU GNYIS NYER SPYOD DANG BCAS PA BSHAMS LA,

, ,SKYABS 'GRO SEMS SKYED TSAD MED BZHI SGOM PA SPYI 'GRO LTAR SNGON DU BTANG NAS, KHRO BO CHEN PO SME BA BRTZEGS PA'I BDAG BSKYED PAn CHEN BLO BZANG CHOS KYI RGYAL MTSAN GYI GSUNGS 'BUM NAS 'BYUNG BA LTAR BZLAS PA'I BAR NYAMS SU BLANGS NAS, BUM PA BSANGS NAS BAm LAS BYUNG PA'I RIN PO CHI'I BUM PA DKAR PO LTO BA CHE BA MGRIN PA RING BA MCHU 'PHANG BA LA SOGS PA'I MTSAN NYID THAMS CAD DANG LDAN PAR GYUR, ,AOm T'APTE MA H'A T'A BTE SV'A H'A, LHA'I CHU BO GANG+GA' DANG BUM PA'I CHU DBYER MI PHYED PAR GYUR, BUM PA'I NANG DU PADMA DANG NYI MA'I STENG DU H'Um DUD KHA ZHES SOGS BDAG BSKYED LTAR BSKYED NAS, ,DE'I SPYI BOR AOm, MGRIN PAR A'A: THUGS KAR H'Um GIS MTSAN PA, ,THUGS KA' H'Um LAS 'OD ZER 'PHROS PAS BSGOMS PA DANG 'DRA PA'I YE SHES PA SPYAN DRANGS, DZA: H'Um PAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS DBANG GI LHA RNAMS SPYAN DRANGS, ,KHYED RNAMS KYIS 'DI LA DBANG BSKUR DU GSOL, ,ZHES, GSOL PA BTAB PAS DE RNAMS KYIS YE SHES KYI BDUD RTZID GANG BA'I BUM PA THOGS NAS, ,AOm SARBA TA TH'A GA TA ZHES SOGS GSUNGS NAS DBANG BSKUR, ,MI BSKYOD PAS DBU BRGYAN PAR GYUR, ,AOm BADZRA MA H'A KRO DHA R'A DZ'A SA BA RI W'A RA AARGHAm PRA T'ITZTSA SV'A H'A NAS, SHAPTA'I BAR GYIS MCHOG, ,'JIGS PA'I H'Um SGRA NGES SGROG CING, ,ZHES SOGS SHO LO KA GCIG GAM, ,YANG NA, DUD GSUM SANGS RGYAS THAMS CAD KYI, ,'PHRIN LAS GCIG TU BSDUS NAS NI, ,KHRO BO'I

RGYAL PO'I SKUR STON PA, ,SMRE BA BRTZEGS LA PHYAG ;TAL LO, ,ZHES PAS BSTOD, DE NAS BZLAS PA CI 'GRUB LHAG CHANG KHA SKONG PA SOGS BYAS NAS, GTOR MA RNAMS BYIN GYIS BRLABS NAS, DANG PO BUM PA'I LHA LA AOm BHURKUm ZHES SOGS KYI MTHAR, AI DAm BA LIm TA KHA KHA KH'A HI KH'A HI GSUM GYIS 'BUL BA'AM, YANG NA AOm BADZRA MAH'A KRODHA R'A DZ'A SA BA RI W'A RA AID PA LIm TA KHA KHA KH'A HI KH'A HI GSUM GYIS 'BUL, GTONG MA GNYIS PA SHR'I DHARMA P'A LA SA BA RI W'A RA ZHES SOGS KYIS CHOS SKYONG LA 'BUL, GSUM PA NA MA: SARBA TA TH'A GA TA SOGS GSUM GYIS BZHI BDAG LA 'BUL, DE NAS, RANG NYID KYIS BUM PA'I LHA LAS RJES GNANG MDOR BSDUS SHIG BLANGS NAS, 'DOD DON LA GSOL PA GDAB STE SLOB DPON GYI BYA BA RNAMS GRUB NAS SLOB MA RNAMS KHRUS BYAS, PHYAG DANG MAndAL SNGON DU BTANG NAS 'DUG PA LA, KHYED RANG RNAMS BLA MA DANG KHRO BO'I RGYAL PO DBYER MA MCHIS PA LA GSOL PA'I DEBS PA 'DI'I RJES ZLOS MDZOD BYAS LA, BLA MA BRGYUD PA DANG BCAS PA RNAMS DANG, PHYOGS BCU'I RGYAL PA SRAS DANG BCAS PA DANG, YI DAM DKYIL 'KHOR GYI LHA TSOGS THAMS CAD BDAG LA DGONGS SU GSOL, BDAG MING 'DI ZHES GYI BAS, ,SEMS CAN THAMS CAD 'KHOR BA SDUG BSNGAL GYI RGYA MTSO LAS SGROL ZHING RDZOGS BA'I SANGS RGYAS KYIS SA LA 'GOD PA'I PHYIR, BCOM LDAN 'DAS KHRO BO'I RGYA PO SME BA BRTZEGS PA YI DAM DU STZAL DU STZAL DU GSOL, ,ZHES PA'I RJES ZLOS LAN GSUM BYED DU 'JUG ,DE NAS

, ,'O LAGS KHYED RANG RNAMS THUGS BSAM 'DI BZHIN DU MDZOD, ,RANG RE RNAMS KYIS RNYED PAR DKA' ZHING RNYED NA DON CHE PA'I DAL 'BYOR GYI RTEN KHYAD PAR CAN THOB PA'I DUS 'DIR, ,SKYE PA PHYI MA'I DON DU DAM PA'I CHOS RNAM PAR DAG PA CIG BYED DGOS TE, 'CHI BAR NGES SHING NAM 'CHIL NGES PA MED PAS, ,DE RING SANG TZAM 'CHI NYEN YANG YOD, ,'CHI PA'I TSE TSE 'DI'I GNYEN NYE DU GNAS LUS LONGS SPYOD THAMS CAD BOR TE, ,RANG NYID GCIG PU MAR GYI GSEB NAS SPU BTON PA LTAR 'GRO DGOS, ,SHI BA'I 'OG TU YANG MED DE MI 'GRO BAR SKYE BA ZHIG BLANG DGOS SHING DE YANG LAS BZANG DANG GYI RJES SU 'GRO BA LAS GAR SKYEL RANG DBANG NI MED, ,SKYE BA SNGA MA PHAN CHAD KYI LAS GAN RNAMS PAR ZHOG ,TSE 'DI NYID RANG LA RANG BLO RANG LA LKOG TU MA GYUR PAS BSAMS TSE, ,SKYE PA PHYI MAR PHAN PA'I THOS BSAM SGOM GSUM SBYIN PA TSUL KHRIMS SOGS NI NYIN ZHAG GCIG KYANG MA BYAS, ,THOS BSAM SBYIN GTONG SOGS CUNG ZAD BYAS PA RNAMS NI TSE 'DI'I SNANG SHAS DANG 'BREL BA SHA STAGS YIN PAS GAL TE NGAN SONG GSUM DU SKYES NA, DMYAL BA BA RNAMS LA TSA GRANG, ,YI DVAGS RNAMS LA BKRES SGOM, ,DUD 'GRO RNAMS LA GCIG LA GCIG ZA BA DANG BKOL SPYOD KYI SDUG BSNGAL BSAM GYIS MI KHYAB PA YOD CING, ,DA LTA LUS LA ME MDAG 'PHOG BA DANG, DGUN GRANG BSGANG LA GCER BUR ZHAG GCIG TZAM SDOD DGOS PA DANG, BZA' BTUNG YE MED PAR ZHAG KHA YAR SDOD DGOS BYUNG NA

SDUG BSNGAL DE DAG MI BZOD PAR SNANG NA, NGAN SONG GSUM DU SKYES NA LTA CI SMOS, ,YANG STENG DBANG GIS RE ZHIG BDE 'GRO LHA MI'I GO 'PHANG THOB KYANG MI RNAMS LA DGRA MI SDUG BA DANG 'PHRAD PA, ,GNYEN SDUG PA DANG BRAL BA, ,'DOD PA BTZAL TE MA RNYED PA, MI 'DOD PA'I DNGOS PO THOG TU BABS PA, ,SKYE RGAN 'CHI LA SOGS PA'I SDUG BSNGAL RANG RE RNAMS KYIS MNGON SUM DU MTHONG ZHING MYONG BAS GRUB PA YIN, ,'DOD LHA 'OG MA RNAMS LA LHA MA YIN DANG 'THAB PA SOGS DANG, GZUGS DANG GZUGS MED KYI LHA LA'ANG SNGAR GYI LAS BZANG PO'I 'PHEN PA ZAD NAS 'OG TU LTUNG PA'I SDUG BSNGAL BRJOD KYIS MI LANG BAS SDUG BSNGAL DE THAMS CAD SLAR MYONG MA DGOS PA'I YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOG PAR BYA, ,DE'I CHED DU DAM PA'I CHOS SGRUB DGOS SHING, DAM PA'I CHOS SGRUB PA LA YANG NYAMS GRIB MI GTZANG BAS 'PHOG NA NAD DANG GDON DU MAS 'TSE ZHING, ,SHES BA BYING ZHING MI GSAL BAS THOS BSAM SGOM GSUM BYAS KYANG LAM RGYUD LA MI SKYE, ,DE LTA BU'I 'GAL RKYEN SEL BA LA KHRO BO'I DBANG PO 'DI LTA BU LA BZLAS BSGOM BYAS NA SHIN TU BSNGAGS SHING ,DE YANG KHRO BO'I DBANG PO 'DI'I LO RGYUS KYI DBANG DU BYAS NA, SNGON LHA'I YUL NA BDUD RU TRA THAR BA NAG PO BYA BA RGAN PO GCIG YOD PA DES LHA MA YI SDE BRGYAD KYI DPON BYAS NAS 'DZAM BU GLING NA CHOS BA YOD TSAD LA PAR CHAD BYED PAS, ,DE 'DUL BA'I THABS SU BCOM LDAN 'DAS PHYAG NA RDO RJES RU TRA'I

, ,KHYIM DU BYON PAS, ,RU TRA DON GNYER LA SONG NAS RU TRA MO LAS MED PA LA, DER DPAL PHYAG NA RDO RJES RU TRA DE 'DRA BA ZHIG TU SPRUL NAS BZHUGS PAS, ,RU TRA 'ONGS NAS NGA'I KHYIM DU KHYOD CI BYED ZER BAS, PHYAG NA RDO RJES KHYOD PA'I KHYIM DU MA 'ONG GSUNGS NAS KHYIM LA 'THABS SO, ,DE'I DUS SU PHYAG NA RDO RJES KHROD BO 'DI SPRUL NAS RU TRA MO LA SKYER BCU GNAS, ,DE MA THAG RU TRA DE KHYUR MID BYAS BSHANG LAM NAS BTON PAS, ,RU TRA SHIN TU SKRAG NAS SROG SNYING PHUL LO, ,DES NA KHRO BO'I RGYAL PO 'DI MI GTZANG BA ZA BA'I KHRO BO YIN PAS, SDIG SGRIB DANG DAM TSIG NYAMS PA DANG, ,MI GTZANG PA 'PHOG PA BSANGS PAR BYED PA LA SHIN TU GAL CHE STE, JO BO'I ZHAL NAS, SNYIGS DUS SDE 'KHRUG BYAS SAR LO BCU GNYIS SGRUB PA BYAS KYANG 'BRAS BU MI 'BYUNG YANG, ,'DI'I SGRUB PA POS ME DGU BYAS SAR BSNGAGS KYANG MI LTO, NYES BAS MI 'PHOG ,SDE 'KHRUG NYAMS GRIB KYI GNYEN PO 'DI KHO NA'O, ,ZHES GSUNGS SHING, ,RJE BTZUN SA PAn YANG 'DI LA THUGS RTZIGS SHIN TU CHE BAS, ,'DI LA SGOM BZLAS BYED PA SHIN TU SBRO ZHING, ,SBRO BA DE DANG LDAN PA'I SGO NAS DKON MCHOG GSUM LA SKYABS SU 'GRO BA DANG, ,SDIG PA BSHAGS PA DANG, DGE PA LA RJES SU YI RANG BA GSUM SNGON DU 'GRO BA SMON PA DANG 'JUG PA'I BDAG NYID CAN GYI BYANG CHUB KYI MCHOG TU SEMS BSKYED PAR BYA'O SNYAMS PA'I SGO NAS 'DI'I RJES ZLOS KYIS BYAS LA, DKON MCHOG GSUM LA

BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, , RANG GZHAN DON NI RAB BSGRUB PHYIR, ,BYANG CHUB SEMS NI BSKYED PAR BGYI, ,BYANG CHUB MCHOG GI SEMS NI BSKYED GYIS NAS, ,SEMS CAN THAMS CAD BDAG GIS MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,CES LAN GSUM GYIS RJES ZLOS BYED DU 'JUG ,DE NAS KHYED RANG RNAMS DMIGS BA 'DI BZHIN DU MDZOD CES BRDA SPRAD LA, ,SLOB MA RNAMS THA MAL DU GNAS PA'I SPYI BOR PADMA DANG NYI MA'I STENG DU H'Um DU BA'I MDOG CAN YONGS SU GYUR PA LAS, ,KHRO BO SME BA BRTZEGS PA SKU MDOG DUD KHA G-YAS ZHAL DKAR PO, G-YON ZHAL DMAR PO, PHYAG DRUG GI G-YAS DANG PO NA RDO RJE RGYA GRAM, GNYIS PAS RDO RJE RTZI LNGA PA, GSUM PA NA RDO RJE LCAGS KYU, ,G-YON DANG PA NA RDO RJE DBYUG PA, ,GNYIS PA NA RDO RJE ZHAGS PA, GSUM PA SDIG MDZUB MDZAD PA, THOS SKAM PO LNA'I DBU RGYAN DANG, ,RLON PA LNGA BCU'I DO SHAL CAN, ,THOD PA SKYAB PO'I 'PHRENG BAS SE RAL GA BYAS PA, ,YAN LAG THAMS CAD SBRUL GYIS BRGYAN CING, ,CI LPAGS KYI STOD G-YOGS DANG, ,STAG GI PAGS PA'I SHAM THABS CAN, ,ZHABS GNYIS BGRAD PA'I STABS KYIS BZHUGS PA'I THUGS KAR H'Um

, ,DU BA'I MDOG CAN, ,DE'I 'OD KYIS SEMS CAN THAMS CAD KYI SDUG BSNGAL BSAL, YE SHES PA SPYAN DRANGS, ,KHRO BO'I SKU LA THIMS, ,SKU DE NYID SLOB MA'I SPYI BOR THIMS PAS, ,LUS RNAM SMIN SHA KHRAG RUS PA'I TSOGS BSREGS, ,SEMS KHRO RGYAL SME BA BRTZEGS PA'I SKUR GYUR, ,DE LTAR GYUR PA'I MOS PA YANG BRDZOD, ,DE BRTAN PAR BYA PA'I PHYIR, ,KYED RANG RNAMS THAL MI SBYAR TE 'DI' RJES ZLOS MDZOD, SANGS RGYAS KUN LA RDOR 'CHANG GIS, ,DBANG BSKUR BZHIN DU 'GRO BA RNAMS, ,RGYAL ZHING YON TAN 'BYUNG PA'I DBANG, ,DE BZHIN BDAG LA GNANG BAR ZHU, ZHES LAN GSUM GSOL BA BTAB BAS, ,BLA MAS BUM NANG GI LHA LA DMIGS TE, KHRO BO'I RGYAL BO 'KHOR DANG BCAS PA RNAMS KYIS BDAG GI SLOB MA 'DI RNAMS KYI LUS NGAG YID GSUM SKU GSUNG THUGS KYI RANG BZHIN DU BYIN GYIS BRLAB TU GSOL, ,ZHES BRJOD CING BUM PA SPYI BOR BZHAG LA, DBANG BSKUR RDO RJE CHEN PO STE, ,KHAMS GSUM PA YIS PHYAG BYAS PA, ,SANGS RGYAS KUN GYI GSANG GSUM PA'I, ,GNAS LAS BYUNG BA SBYIN PAR BYA, ,AOm SARBA TA TH'A GA TA AA BHI shE KA TA SA MA YA SHR'I YE H'Um, AOm BHUR KUm MA H'A PRA n'A YA BH'URTZI BH'UR KI MA N'A SE AU TZUshAM KRO DHA H'Um H'Um PHAt PHAt SV'A H'A, AA BHI shINYTZA H'Um ZHES BRJOD CING, ,BUM CHU SBYIN LA, DBANG BSKUR, ,LUS GANG, ,DRI MA DGA ,CHU LHAG PA SPYI GTZUG TU GNAS PA YONGS SU GYUR PA LAS MI

BSKYOD BAS DBU BRGYAN PAR GYUR, ,DE LTAR GYUR PA'I MOS PA MDZOD, CES BRDA SPRAD, ,DES TSE 'KHOR BA THOG MA MED PA NAS LUS KYI SGO NAS BSAGS PA'I SDIG SGRIB THAMS CAD DAG ,KHRO BO SMI BA BRTZEGS PA'I SKU'I RJES GNANG, THOB PA YIN, ,GSUNG GI RJES GNANG LA, ,BLA MA KHRO BO'I RGYAL POR GSAL BA LA SNGAGS KYI RJES GNANG ZHU BA'I DON DU 'DI'I RJES ZLOS MDZOD, ,BCOM LDAN BDAG LA STZAL LAGS KYIS, ,SNGAGS KYI DNGOS GRUB STZAL DU GSOL,, ZHES LAN GSUM GSOL BA BTAB PAS, ,BLA MA'I THUGS KA NAS SNGAGS KYI 'PHRENG PA ME'I 'PHRENG BA LTA BU BYANG BA, ,BYED RANG RNAMS KHRO RGYAL DU GSAL BA'I ZHAL NAS ZHUGS, ,THUGS KAR H'Um DU BA'I MDOG CAN GYI MTHAR G-YAS SKOR DU 'KHOR PA'I MOS BA MDZOD BYAS LA, AOm BH'UR KUm MH'A ZHES SOGS SNGAGS KYI RJES ZLOS LAN GSUM BYA, ,DE NAS SLOB MA'I MGO BOR ME TOG BZHAG LA, BCOM LDAN 'DI LA STZAL LAGS KYI, ,'DI LA 'OG PAR MDZAD DU GSOL, ,SNGAGS KYI DNGOS GRUB STZAL DU GSOL, ,ZHES SLOB DPON RANG NYID KYIS LAN GSUM BRJOD, ,DES KHYED RANG RNAMS KYI TSE 'KHOR BA THOG MA MED PA NAS NGAG GI SGO NAS BSAGS PA'I SDIG SGRIB THAMS CAD DAG ,GSUNG GI RJES GNANG THOB PA YIN, ,DE NAS THUGS KYI RJES GNANG NI, ,DPON SLOB GNYIS KA'I THUGS KA'I H'Um LAS 'OD ZER 'PHROS SNOD BCUD THAMS CAD LA 'PHROG, GRIB DANG MI GTZANG BA, ,DE DAG GI

, ,RTZA BA LAS DANG NYON MONGS PA THAMS CAD SBYANGS, ,SNOD BCUD THAMS CAD KHRO BO'I RANG BZHIN DU GYUR PA 'OD DU ZHU NAS SLOB MA LA THIM, ,KHYED RANG LHAR GSAL BA YANG STONG SMAD NAS 'OD DU ZHU, ,THUGS KA'I SNGAGS PHRENG LA THIM, ,SNGAGS 'PHRENG YANG H'Um LA THIM, ,H'Um ZHABS KYU NAS RIM GYIS YAL BAS MI DMIGS PAR SONG PA'I NGANG LA SING NGE YER RE BA RANG GI NGO BOS GRUB PA RDUL TZAM YANG MED PA'I LTA THOG TU BZHAG NAS MI DMIGS BAR GYUR, ,DE LTAR GYUR PA'I MOS PA YANG MDZOD, STONG PA'I NGANG LAS SKAD CIG GIS KHRO BO'I RGYAL BO SME BA BRTZEGS PA'I SKUR BZHENGS PA'I MOS PA MDZOD, ,DES TSE 'KHOR PA THOG MA MED PA NAS YID KYI SGO NAS BSAGS PA'I SDIG SGRIB DAG ,KHRO BO'I RGYAL BO'I THUGS KYI RJES GNANG THOB PA YIN NO, ,BSNGAN DE TZAM GYIS CHOG GO ,RGYAS PAR NA, ,'PHRIN LAS KYI RJES GNANG NI, ,SLOB MA KHRO BI'I DBANG POR GSAL BA'I MIG GNYIS SU ME'I RANG BZHIN GYI RAm RE RE, SNA BUG GNYIS SU RLUNG GI RANG BZHIN GYI YAm SNGON PO RE RE, LCE'I RTZE MOR BDUD RTZI'I RANG BZHIN GYI BAm DKAR PO YOD PAR GYUR, ,GYUR PA'I MOS BA MDZOD, ,BLA MA'I THUGS KA NAS 'OD ZER 'PHROS, SANGS RGYAS BYANG SEMS KYI BYIN RLABS DANG, ,ME CHU RLUNG GSUM GYI NUS PA BSUD NAS DE DAG LA THIM, RAm LAS YE SHES KYI ME 'BAR, ,NAD GDON MI GTZAN BA SOGS BSREGS, SEMS CAN THAMS CAD KYI ZHE SDANG GI DRI MA SBYANGS,

YAm LAS YE SHES KYI RLUNG BYUNG, ,NAD GDON MI GTZANG BA SOGS BSREGS PA'I THAL PA YANG MA LUS PAR BUS, ,SEMS CAN THAMS CAD KYI GTI MUG GI DRI MA SBYANGS, ,BAm LAS BDUD RTZI'I RGYUN BYUNG SNOD BCUD THAMS CAD BKRUS, , SEMS CAN THAMS CAD KYI 'DOD CHAGS KYI DRI MA SPYANGS, ,SLAR YANG ME RLUNG BDUD RTZI GSUM DANG, ,SKU'I 'OD KYIS SEMS CAN THAMS CAD KYI DGU GSUM GYI DIR MA BAG CHAGS DANG BCAS PA SBYANGS, ,SNOD THAMS CAD KHOR BO'I GZHAL YAS KHANG DANG, BCUD THAMS CAD KHRO BO'I SKUR GYUR, ,GYUR PA'I MOS PA YANG MDZOD, CES BRDA SPRAD NAS SGOM DU BCUG ,DES TSE 'KHOR BA THOG MA MED PA NAS SGO GSUM GYI SGO NAS BSAGS PA'I BAG CHAGS KYIS THAMS CAD DANG, SEMS CAN THAMS CAD KYI DRI MA BAG CHAGS DANG BCAS BA SBYANGS, KHRO BO'I RGYAL PO ' SKU GSUNG THUGS YON TAN 'PHRIN LAS DANG BCAS PA'I RJES GNANG THOB PA YIN NO, ,ZHES DAG PA YANG SBYIN PAR BYA'O, ,DE NAS BLA MA LA KHRO BO'I DBANG PO SME BA BTZEGS PA'I RJES GNAG THOB PA'I YON TU MAndAL PHUL, ,BLA MAS MDUN BSKYED KYI LHA LA MCHOD BSTOD BZOD GSOL BYAS NAS BUM PA SKYED KYI YE SHES PA GSHEGS, ,DAM TSIG BA ZHUB LAS BUM CHUNG GYUR, ,BSNGO BA, SMON LAM, BKRA SHIS RNAMS BYA'O, ,'DIR 'BAD DGO BA ZLA SHEL LTAR DKAR NGES, ,MIG TZANG GRIB KYI MUN BA KUN BSAL TE, ,SHES BYA'I DKYIL 'KHOR THAMS CAD CIG CAR DU, ,MNGON SUM GZIGS PA'I YE SHES MCHOG THOB SHOG

, ,CES PA 'DI NI SLOB DPON RIN PO CHE BLO BZANG DON GRUB PA'I GSUNG GIS BSKUL PA'I NGO CHOS SMRA PA'I BTZUN BA BLO BZANG YE SHES KYIS BLA MA GONG MA'I GSUNG LA BRTEN NAS BKA' GDAMS PHO BRANG DU SBYAR PA'I YE GE BA NI DKA' BCU BLO BZANG DBANG POS BGYIS BA DGE LEGS 'PHEL,, ` NA MO GU RU MANYDZU GHO sh'A YA, ,DPAL RDO RJE 'JIGS BYED LA BRTEN NAS 'PHO BA NYAMS SU LEN PA LA, KUN SLONG GI BSAM PA SBYANG BA, 'PHO BA SBYANG BA, LAS LA SBYAR PA'O, ,DANG PO NI, LUS SEMS BDE BA LA GNAS PA'I SKABS KYI NYI MA RE RE BZHIN YANG, RNYED BAR DKA' ZHING RNYED NA DON CHE BA'I DAL 'BYOR GYI RTEN 'DI MYUR DU 'JIG PAR 'GYUR ZHING, ,RGAN GZHON BAR MA'I 'OG RIMS MA MCHIS PAR NAM 'CHIL NGES PA MED CING, ,'CHI BA'I TSE TSE 'DI'I GNAS LUS LONGS SPYOD, ,GROGS DGA' MDZA' THAMS CAD KYIS RANG NYID DBANG MED DU 'DOR, ,RANG NYID KYIS KYANG DE RNAMS DBANG MED DU 'DOR DGOS PAS CHE 'DI'I SNANG ZHEN DRAG PO RNAMS JE CHUNG JE CHUNG DU GTONG PA DANG, LHAG PAR TSE 'DI'I MNGON ZHEN DRAG PO NI BYA NAM MKHA' LA 'PHUR PA'I RKANG PA LA RDO BTAGS PA LTA BU'I 'KHOR PA'I GEGS KYI GTZO BO YIN PAS DE'I GNYEN POR NAM 'CHI NGE MED SHING PA'I 'OG TU NGAN SONG DU LHUNG GI DOGS PA'I 'JIGS SHING SKRAG PA DANG, DKON MCHOG GSUM LA 'JIGS PA DE DAG LAS SKYAB PA'I NAS PA YOD PAR YID CHES NAS NYIN MTSAN KUN DU DKON MCHOG LA SKYABS SU 'GRO ZHING, SDIG SPONG

DGE BA BSGRUB PA LA 'BAD PAR BYA'O, ,GNYIS PA 'PHO BA SBYANG BA NI, SKYABS 'GRO SEMS BSKYED SNGON DU BTANG, RANG NYID RDO RJE 'JIGS BYING ZHAL GCIG PHYAG GNYIS PA GRI GUG DANG THOD KHRAG 'DZIN PA, ZHABS G-YAS BSKUMS SHING G-YON BRKYANGS PA'I STABS KYIS BZHUGS PA, RANG GI LUS TSAD TZAM DU GSAL PA'I LUS KYI DBUS DRANG THAD DU RTZA DBU MNGA' SMYUG TZAM ZHIG LUS KYI GZHUNG SHING GI TSUL DU YOD PA'I YAR SNA SPYI BO TSANGS BUG TU ZUG PA RGYA MTHONGS KHA PHYE BA LTA BU SKYA THAL LE BA DANG, MAR SNA LTE 'OG SOR BZHI TZAM DU YOD PAR BSAMS PA'I SNYING KHA'I THAD KYI DBU MA'I NANG DUR DANG GI SEMS NYID H'Um YIG SNGON POR GSAL BTAB, RANG GI SPYI BOR DRIN CAN RTZA BA'I BLA MA DANG DBYER MED PA'I RDO RJE 'JIGS BYED SNGAR LTAR GSAL BTAB PA BZHUGS PA'I THUGS KA'I H'Um LAS 'OD ZER 'PHROS PAS RANG 'DRA'I YE SHES PA DANG SANGS RGYAS BYANG SEMS DPA' MO MKHA' 'GRO CHOS SKYONG BSRUNG MA'I TSOGS DANG BCAS PA SPYAN DRANGS NAS DE NYID LA BSTIMS PAS, SKYABS GSUM KUN 'DUD PA'I BDAG NYID DU BSAMS NAS, YAN LAG BDUN PA MDOR BSDUS 'BUL BA LA THOG MAR PHYAG 'TAL NI NI, DUS GSUM RGYAL PA'I YAB GCIG MKHYEN PA'I GTER, ,SBROS KUN NYER ZHI'I DBYINGS LAS MA G-YOS KYANG, ,GDUG PA 'DUL PHYIR KHRO BO'I SKUR BSTAN PA, ,BLA MA RDO RJE 'JIGS BYED LA PHYAG 'TSAL, ,ZHING KUN MCHOD RDZAD BKANG NAS LEGS 'BUL ZHING, ,SGO GSUM NYES LTUNG MA LUS SO SOR BSHAGS, ,RAB

, ,DKAR DGE LA YI RANG CHOS STON PHYIR, ,BSKAL BRGYAR BZHUGS GSOL DGE RTZA RDZOGS BAR BSNGO, ZHES SNYING THAG PA NAS YAN LAG BDUN BA 'BUL, BLA MA RDO RJE 'JIGS BYED DBYER MED LA, ,RTZE GCIG GDUNG SHUGS DRAG POS GSOL BA 'DEBS, ,GNAD GCOD GSHIN RJE'I 'JIGS LAS BSKYAB TU GSOL, ,DGA' LDAN MKHA' SPYOD GNAS SU DRANG DU GSOL, CES GDUNG SHUGS DRAG POS GSOL BA GANG MANG BTAB PAS BLA MA RDO RJE 'JIGS BYED KYI THUGS KA'I H'Um LAS 'OD ZER LCAGS KYU LTA BU 'PHROS, RANG GI SPYI BO TSANGS PA'I BU GNAS ZHUGS NAS SNYING KHA'I H'Um YIG LA BTAB NAS GYEN DU 'DREN PA DANG MNYAM DU HIK DRAG PO MANG DU BRJOD PAS H'Um YIG DE NYID TSANGS BUG NAS 'THON LA KHAD PAR BSAM, SLAR YANG DAL BUS SNYING KHAR BABS, YANG SNGAR BZHIN H'Um YIG GYEN DU 'DREN PA DANG MNYAM DU HIG DRAG PO MANG DU BRJOD PA SNGAR BZHIN BYAS PAS SPYI BO ZA BA DANG 'KHRIG PA SOGS MA BYUNG BAR DU BYA'O, ,GSUM PA LAS LA SBYAR BA NI, BDAG NYID 'CHI BA'I NAD KYIS THEBS NAS 'CHI BAR THAG CHOD PA NA TSE 'DI'I GNAS LUS LONGS SPYOD GANG LA YANG CHAGS ZHEN SPANGS TE LONGS SPYOD RNAMS DKON MCHOG GI MCHOD PA DGE 'DUN GYI BSNYEN BKUR SOGS BSOD NAMS GANG CHE SAR BTANG NAS DGA' LDAN MKHA' SPYOD SOGS SU SKYE BA'I RGYUR BSNGO BA DANG SMON LAM SNYING THAG PA NAS BYA, DE NAS SNGAR SBYONG BA'I SKABS LTAR SKYABS 'GRO SEMS BSKYED BYAS NAS DMIGS PA

RNAMS SNGAR BZHIN BYAS BAS, RANG GI RNAM SHES H'Um YIG TU GSAL BA DE NYID SPYI BO'I TSANGS BUG KHA PHYA BA NAS 'THON, BLA MA RDO RJE 'JIGS BYED KYI THUGS KAR THIM, BLA MA RDO RJE 'JIGS BYED DGA' LDAN DU GSHEGS, DE'I THUGS KA NAS RANG GI RNAM SHES H'Um YIG TU GSAL BA DE NYID PADMA'I SBUBS SU SKYE BA BLANGS PAR BSAM MO,, ` 'DI LTAR 'BAD LAS BYUNG BA'I DGE BA'I TSOGS, ,KUNDA DUNG DANG ZLA SHEL LTAR DKAR DES, ,MI PHAM 'JAM DPAL SNYING BO'I ZHABS DRUNG DU, ,SKYES NAS DGYES BZHIN RJES SU 'DZIN BAR SHOG ,DE NAS GSUNG GI BDUD RTZI LEGS MYANGS TE, ,SPYAN DANG MNGON SHES RDZU 'PHRUL THOGS MED PAS, ,RAB 'BYAMS ZHING DU RGYAL BA SRAS BCAS RNAMS, ,KUN BZANG MCHOD SPRIN RGYA MTSOS MCHOD PAR SHOG ,SLAR YANG BDAG GZHAN BRJE BA'I SNYING STOBS KYIS, ,MA DAG ZHING DU BSAMS BZHIN SRID BZUNGS TE, ,RGYAL SRAS GZHAN GYIS GDUL BAR MA SPYOD PA, ,DE KUN RMIN GROL LAM LA 'GOD BAR SHOG ,CES BA 'DI NI DAD STOBS DANG LDAN BA AER TE NE THA'I JIS YANG YANG BSKUL BA'I NGOR CHOS SMRA BA'I BTZUN BA BLO BZANG YE SHES KYIS SMRAS PA DGE LEGS 'PHEL,, ` AOm SVASTI, BLO BZANG MKHYEN BRTZE'I DKYIL 'KHOR RAB RGYAS SHING, ,YE SHES 'PHRIN LAS 'OD STONG 'BAR BA YIS, ,DAD LDAN PADMO'I TSAL RAB KHA 'BYED PA'I, ,RJE BTZUN BLA MA'I ZHABS LA GSOL BA 'DEBS, ,BSLU MED BLA MA YI DAM BYIN RLABS DANG, ,DREGS LDAN CHOS

, ,SKYONG BSRUNG MA'I MTHU STOBS KYIS, ,BSTAN 'GRO'I MGON BO BLO BZANG YE SHES ZHABS, ,BSKAL BRGYA'I BAR DU ZHABS PAD BRTAN PAR SHOG ,DAD PA'I YID KYIS RTZE GCIG GSOL BTAB MTHUS, ,TSE RABS KUN TU DPAL LDAN BLA MA DANG, ,NAM YANG 'BRAL MED CHOS LA LONGS SPYAD DE, ,THOS BSAM SGOM BA MA LUS MTHAR PHYIN SHOG ,CES PA 'DI NI SKU SKYE BLO BZANG BSTAN BA'I RGYAL MTSAN GYIS BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA DGE LEGS 'PHEL,, ` SVASTI, BLO BZANG RGYAL BA GNYIS PA'I MDO SNGAGS KYI, ,BSTAN PA'I RGYAL MTSAN 'DZIN PA'I DPAL YON CAN, ,YE SHES 'PHRIN LAS 'OD STONG 'PHRO BA YIS, ,GDUL BYA'I BLO MUN SEL LA GSOL BA 'DEBS, ,DKON MCHOG RIN CHEN RNAM GSUM BYIN RLABS DANG, ,DKAR PHYOGS SKYONG BA'I BSTAN SRUNGS MTHU STOBS DANG, ,DAD LDAN GDUL BYAS GSOL BA BTAB PA'I MTHUS, ,RJE BTZUN BLA MA SRID MTHAR ZHABS BRTAN SHOG ,DE LTAR RTZE GCIG DANG BAS GSOL BTAB PAS, ,DENG NAS SKYE ZHING SKYE BA THAMS CAD DU, ,DPAL LDAN BLA MAS 'BRAL MED RJES BZUNGS NAS, ,DAM CHOS BDUD RTZI NGOMS MED 'THUNG BAR SHOG CES PA 'DI NI SHANGS DGA' LDAN CHOS 'KHOR GYI GNYER PA NGAG DBANG TSE RING GIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, ` AOm BDE LEGS SU GYUR CIG ,'JAM DBYANGS DGA' BA'I ZHING KHAMS NGO MTSAR

CAN, ,MI YI ZOL BSTEN 'JAM DPAL DBYER MED SKU, ,'KHOR BRGYUR RGYAL BO'I TSUL BZUNGS MDZAD BA CAN, ,NGAG GI DBANG PHYUG ZHABS LA GSOL BA 'DEBS, ,'JAM MGON BSTAN PA'I RING LUGS MA LUS BA, ,PHYOGS BRGYAR SBEL MDZAD GNAM BSKOS RGYAL BO'I ZHABS, ,LHA MI'I DPYID DU 'GYUR MED SENG GE'I KHRIR, ,G-YO BA MED CING ZHABS BAD BRTAN BAR SHOG ,DAD LDAN GDUL BYA'I MOS BA'I RTEN 'BREL DANG, ,MTHA' YAS SKYE RGU'I LEGS BYAS BSOD NAMS MTHUS, ,RGYAL SRID DPAL 'BYOR CHOS BZHIN SPYOD PA DANG, ,PHAN TSUN GNOD MED BYAMS PA'I SEMS LDAN SHOG ,CES PA 'DI NI 'JAM DBYANGS GONG MA CHEN PO'I GSOL 'DEBS ZHABS BRTAN DANG BCAS BA 'DI LTA BU ZHIG DGOS ZHES JA SAG BLA MA DGE LEGS CHOS 'PHEL DANG, T'A BLA MA BZOD PA RIN CHEN GNYIS KYIS BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA DGE LEGS 'PHEL,, ` BLO BZANG BSTAN PA'I RGYA MTSO LAS 'ONGS BA'I, ,BSLAB GSUM RIM GNYIS NOR BU'I DGA' STON GYIS, ,SKAL BZANG 'GRO LA PHAN BDE'I DPAL STZOL BA, ,'JAM DBYANGS MTSAN CAN ZHABS LA GSOL BA 'DEBS, ,BSLU MED DKON MCHOG GSUM GYI BYIN RLABS DANG, ,G-YEL MED CHOS SKYONG BSRUNG MA'I MTHU STOBS KYIS, ,DPAL LDAN NGAG GI DBANG PHYUG RGYAL BA'I SRAS, ,GDUL BYA'I MGON DU YUN RING ZHABS BRTAN SHOG ,DE LTAR GSOL BTAB RNAM DKAR PHUNG PO'I MTHUS, ,

, ,TSE RABS KUN TU BSHES GNYEN DAM PA YIS, ,DGYES BZHIN RJES SU BZUNGS TE DAM CHOS KUN, ,RGYAL BA'I DGONGS BA JI BZHIN 'GRUB BAR SHOG ,CES MU LI 'JAM DBYANGS SKU SKYE'I GSOL 'DEBS BRTAN BZHUGS SMON LAM DANG BCAS BA 'DI NI GSOL DPON RDO RJE RGYAL MTSAN GYIS BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O,, ` SVA STI, BLO BZANG BSTAN PA'I NYI MA PHAN BDE'I DPAL, ,RIG GROL GNYIS LDAN DGE 'DUN KUN GYI RJE, ,SKYABS GSUM KUN 'DUS DPAL LDAN BLA MA YI, ,ZHABS PAD NAM YANG G-YO MED BRTAN PAR SHOG ,CES PA 'DI NI SNGAGS PA GRVA TSANG GI BLA BRGYUD GRAS LA BCUG CHOG BA 'DI LTA BU ZHIG DGOS ZHES BSKUL BA'I NGOR SH'AKYA'I DGE SLONG BLO BZANG YE SHES KYIS SMRAS PA DGE LEGS 'PHEL,, ` SVA STI, JI BZHIN GZIGS PA'I YE SHES MI DMAN ZHING, ,CHOS SRID DPAL 'BYOR RGYAS PA'I MDZAD PA CAN, ,YONGS 'DZIN DAM PA DPAL LDAN BLA MA YI, ,ZHABS BAD G-YO MED YUN DU BRTAN PAR SHOG ,CES PA 'DI NI DKYIL KHANG GRVA TSANG GI RGYUN BSKANG PA BKA' CHEN YE SHES KYIS BSKUL BA LTAR CHOS SMRA BA'I DGE SLONG BLO BZANG YE SHES KYIS SMRAS PA'O,, BKRA SHIS,, ` SVASTI, BLO BZANG BSTAN PA'I DPAL GYUR NYIN MO'I MGON, ,JI BZHIN GZIGS PA'I YE SHES MI DMAN ZHING, ,GZHAN LA 'DOMS PA'I PA'I BLO GROS DPAL MNGA' BA, ,ZLA MED DGE BA'I BSHES LA GSOL BA 'DEBS, ,RGYAL BA

GNYIS PA 'JAM MGON TZONG KHA BA'I, ,MDO SNGAGS BSTAN BA'I GZHUNG LUGS SPEL BA LA, ,'PHRIN LAS 'OD BSIL BYE BA 'GYED MKHAS PA, ,'GRO BA'I MUN SEL DAM BA'I ZHABS BRTAN SHOG ,BSLU MED SKYABS KYI DAM PA KHYED NYID LA, ,GUS PA'I YID KYIS RTZE GCIG GSOL BTAB MTHUS, ,PHYI NANG 'GAL RKYEN BAR GCOD KUN ZHI ZHING, ,BSAM DON CHOS BZHIN 'GRUB PAR BYIN GYIS RLOBS, ,DENG NAS BZUNGS TE BYANG CHUB SNYING PO'I BAR, ,RTAG TU DAL 'BYOR TSANG BA'I RTEN THOB CING, ,MTSAN NYID LDAN BA'I DGE BA'I BSHES GNYEN GYIS, ,'BRAL MED RJES SU 'DZIN PA NYID GYUR CIG ,BSTAN 'GRO'I DPAL DU BLA MA'I ZHABS BAD BRTAN, ,DE 'DZIN SKYES BUS SA STENGS KUN LA KHYAB, , BSTAN PA'I SBYIN BDAG DPAL 'BYOR MNGA' THANG RGYAS, ,BSTAN BA YUN RING GNAS PA'I BKRA SHIS SHO GA ,CES PA 'DI NI DAD STOBS DANG LDAN PA DPON MO CHOS SKYID KYI GSUNG GIS BSKUL BA LA BRTEN NAS SH'AKYA'I DGE SLONG BLO BZANG YE SHES KYIS SMRAS PA'O,, ` AOm BDE LEGS SU GYUR CIG ,NGAG GI DBANG PHYUG SMRA BA'I ZLA BA MCHOG ,RGYAL BA'I BSTAN PA DAR ZHING RGYAS MDZAD PA, ,THUGS RJE'I 'OD KYIS 'GRO KUN RJES 'DZIN PA'I, ,MTSUNGS MED BLA MA'I ZHABS LA GSOL BA 'DEBS, ,DE LTAR DANG BA'I YID KYIS GSOL BTAB PAS, ,RGYAL BA GNYIS PA'I BSTAN PA RIN PO CHE, ,BSHAD SGRUB BYA BAS 'DZIN SKYONG SPEL MDZAD BA'I, ,BSTAN 'DZIN SKYES BU'I ZHABS BAD BRTAN PAR SHOG ,SNYING

, ,NAS 'GYUR MED RTZE GCIG GSOL BTAB MTHUS, ,DENG NAS YANG SRID SKYE BA THAMS CAD DU, ,'BRAL BA MED PAR DGYES BZHIN RJES BZUNGS TE, ,DAM CHOS BDUD RTZI'I DPAL LA SPYOD PAR SHOG ,CES PA 'DI NI BKRA SHIS LJONGS MDZOD PA NGAG DBANG LEGS 'BYOR DANG BLO BZANG DGE 'DUN GNYIS KYIS 'DI LTA BU ZHIG DGOS ZHES BSKUL BA LA BRTEN NAS SH'AKYA'I DGE SLONG BLO BZANG YE SHES KYIS SMRAS PA DGE LEGS SU GYUR CIG, ,, ` SVASTI, BLO BZANG RGYAL BA GNYIS BA'I GZHUNG LUGS KYI, ,BSTAN PA'I RGYAL MTSAN 'DZIN PA'I DPAL YON CAN, ,YE SHES 'PHRIN LAS 'OD DKAR 'PHRO BA YIS, ,'GRO BA'I BLO MUN SEL LA GSOL BA 'DEBS, ,BSLU MED DKON MCHOG GSUM GYI BYIN RLABS DANG, ,BSTAN SRUNGS DAM CAN RGYA MTSO'I MTHU RTZAL DANG, ,DAD LDAN GDUL BYAS RTZE GCIG GSOL BTAB MTHUS, ,RJE BTZUN BLA MA SRID MTHAR ZHABS BRTAN SHOG ,DE LTAR SNYING NAS GSOL BA BTAB PA'I MTHUS, ,DENG NAS BZUNGS TE TSE RABS THAMS CAD DU, ,DPAL LDAN BLA MAS 'BRAL MED RJES BZUNGS NAS, ,NGOMS MED BDUD RTZI'I DPAL LA SPYOD PAR SHOG ,CES PA 'DI NI BKRA SHIS LJONGS PA BLO BZANG DGE 'DUN GYIS BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O,, ` AOm SVA STI, BLO BZANG GRAGS PA'I RING LUGS CHU GTER CHE, ,DON GNYIS LHUN GYIS GRUB BA'I GDUL BYA'I DPAL, ,BSLAB GSUM RNAM DAG

'DUL KHRIMS YON TAN GYIS, ,RAB MDZES BLA MA'I ZHABS LA GSOL BA 'DEBS, CES PA 'DI NI RAB 'BYAMS PA BLO BZANG THEG MCHOG GIS BSKUL BA'I NGOR SH'AKYA'I BTZUN PA BLO BZANG YE SHES KYIS NYI 'OD 'KHYIL DU SMRAS PA DGE ZHING BKRA SHIS PAR GYUR CIG, ` AOm SVASTI, MTSAN TZAM DRAN PAS SDIG SGRIB KUN 'JOMS PA, ,BDE BAR GSHEGS PA SO LNGA'I SNANG BRNYAN MCHOG ,TZANDAN LAS GRUB DAD DANG BRTZON PA YIS, ,LEGS BSKRUN DGE TSOGS ZLA SHEL 'OD STONG GIS, ,DPAL LDAN BLA MA'I BZHED DGONGS KUNDA'I TSAL, ,SKU GSUM GE SAR BZANG POS RAB MDZES SHING, ,SKYE DANG SKYE BAR MGON DES RJES BZUNGS TE, ,THEG PA MCHOG GI GO 'PHANG MYUR THOB SHOG ,PHAN BDE 'OD BRGYA'I 'BYUNG GNAS RGYAL BSTAN NYI, ,PHYOGS DUS KUN TU GSAL ZHING RGYAS PA DANG, ,YUL PHYOGS RNAMS SU MI SHIS RGUD PA YI, ,MING YANG MI 'BYUNG SDE BZHIS 'BYOR GYUR CIG ,CES LCAGS RA SBRUL BA'I SKU NGAG GI DBANG BOS BSKUL BA LTAR SH'AKYA'I BTZUN PHA BLO BZANG YE SHES KYI SBYAR BA'O,, ` AOm SVASTI, THUB BSTAN SPYI DANG 'JAM MGON TZONG KHA PA'I, ,BSTAN PA'I PAD TSAL NYIN MOR BYED PA'I MGON, ,DAD LDAN GDUL BYAS RTZE GCIG GSOL BTAB MTHUS,, DPAL LDAN BLA MA BSKAL BRGYAR ZHABS BRTAN SHOG ,CES PA 'DI SHING LUG DRI ZHIN LNGAN GYI ZLA BA'I DKAR PHYOGS KYI RGYAL BA GNYIS PA'I CHES LA LHA YI BLA MA RGYAL SAR BYON PA'I SBYOR BA KHYAD PAR CAN LA NYE 'KHOR BA RNAMS KYIS RING 'TSO'I BRTAN

, ,BZHUGS PHUL SKABS 'DI LTA BU ZHIG DGOS ZHES BSKUL BA'I NGOR CHOS SMRA BA'I BTZUN BA BLO BZANG YE SHES KYIS THOGS MED DU SMRAS BA'O, ,DZAYANTU,, ` AOm BDE LEGS SU GYUR CIG ,BLO GTER BZANG PO'I NYIN BYED RAB GSAL ZHING, ,MKHYEN BRTZE'I YE SHES 'OD ZER STONG 'BAR BAS, ,PHAN BDE'I 'BYUNG GNAS RGYAL BSTAN 'DAB BRGYA'I TSAL, ,'PHEL MDZAD DPAL LDAN BLA MAR GSOL BA 'DEBS, ,GZHON NU NYID NAS DAM PA'I CHOS 'DZIN CING, , RNAM DBYOD SHES BYA'I DKYIL 'KHOR RGYAS PA YIS, ,GLING BZHI'I SKAL LDAN GDUL BYA'I MGON PO NYID, ,BSKAL BRGYAR RDO RJE'I KHRI LA BRTAN PAR SHOG ,RJE BTZUN BLA MA BSTAN DANG 'GRO BA'I DPYID, ,ZHABS KYI PADMO G-YO BA MED BA DANG, ,RNAM DKAR 'BRIN LAS BZANG BO'I DBAL YON RNAMS, ,DBYAR GYI CHU BO BZHIN DU 'PHEL BAR SHOG ,CES BA 'DI NI DKA' CHEN SKAL BZANG RGYA MTSOS BSKUL BA'I NGOR SH'AKYA'I BTZUN PA BLO BZANG YE SHES KYIS SBYAR BA'O,, ,, ` AOm BDE LEGS SU GYUR CIG ,ZAB MO MTHA' GNYIS BRAL BA'I GNAS LUGS KYI, ,DON BZANG TSUL BZHIN 'BYED LA ZLA MED PA'I, ,SKAL BZANG GDUL BYA YONGS KYI GNYEN GCIG BU ,YONGS 'DZIN DGE BA'I BSHES GNYEN ZHABS BRTAN SHOG ,BLO BZANG RING LUGS DRI MED MDO SNGAGS KYI, ,CHOS TSUL 'CHAD LA MKHAS BA'I GRAGS PA YIS, ,PHYOGS RNAMS KUN TU GSAL ZHING RGYAS MDZAD PA'I, ,DPAL LDAN BLA MA YUN RING ZHABS BRTAN SHOG ,MCHOG

GSUM BSRUNG MA DAM CAN MTHU STOBS DANG, ,RIG SNGAGS 'CHANG BA RNAMS KYI BDEN TSIG DANG, ,DAD LDAN RNAMS KYIS GSOL BA BTAB BA YIS, ,BSTAN 'GRO'I DPAL DU YUN RING NYER 'TSO SHOG, ,CES BA 'DI NI RGOD TSANG GNAS BLA MA BLO BZANG RAB RGYAS KYIS YANG YANG BSKUL BA'I NGOR CHOS SMRA BA BLO BZANG YE SHES KYIS SMRAS BA'O,, ` (SHING LUG SNGAGS GRAR BZANG GOS KYI DRA BA DRA PHYED SBYAR BA'I ZHAL YIG) ,NA MO GU RU BHUDDHA BO DHI SATV'A YA, BLA MA YI DAM SKYABS GNAS DKON MCHOG GSUM, , RGYUD SDE BZHI YI DKYIL 'KHOR LHA RNAMS DANG, ,BKA' NYAN DAM CAN CHOS SKYONG BSRUNG MA'I TSOGS, ,'KHOR NGANG BCAS BA DGYES BYED SPYAN LAM DU, ,LHA RDZAS LID 'ONG NOR BU'I RGYAN GYIS MDZES, ,'DOD YON LNGA DANG RIN CHEN BKRA SHIS BRGYAD, ,DNGOS BSHAMS YID KYIS SPRUL PA'I MCHOD SPRIN 'DI, ,BLA MA YI DAM CHOS SRUNGS MNYES PHYIR 'PHUL, ,RDZU 'PHRUL SHUGS 'CHANG MDZES BA'I RTA MCHOG DANG, ,SPRIN LTAR GTIBS PA'I G-YAG ROG LUG NAG DANG, ,DGRA BO'I SNYING 'BYIN BYA NAG KHYI NAG TSOGS, ,CHOS SKYONG BSRUNG MA DGYES PA BSKYED PHYIR 'BUL, ,TSE DANG BSOD NAMS RNAM DKAR BGYID 'PHRIN RNAMS, ,DBYAR GYI CHU BO BZHIN DU RAB RGYAS NAS, ,BSAM PA'I DON KUN GEGS MED 'GRUB PA SOGS, ,LAS BZHI'I 'PHRIN LAS G-YEL BA MED BAR MDZOD, ,DGE 'DIS MTSON NAS SKYE BA THAMS CAD DU, ,MTHU LDAN BSRUNG MAS TSUL BZHIN GROGS BYAS TE, ,GDON BGEGS 'BYUNG PO MI MTHUN PHYOGS

, ,ZHI NAS, ,MDO SNGAGS BSTAN PA PHYOGS BCUR RGYAS GYUR CIG ,BSLAB PA GSUM DANG RGYUD SDE RNAM PA BZHI, ,GDAMS PA'I MCHOG TU LEGS PAR GZIGS PA YI, ,MI NUB THUB BSTAN RGYAL MTSAN 'DZIN BA LA, ,'JAM MGON BLA MA DANG MTSUNGS BKRA SHIS SHOG, ` SENG G-YABS KYI DRA PHYED LA, AOm SVASTI, BSLAB GSUM RNAM DAG MKHAN SLOB DGE 'DUN SDE'I, ,PHYI DANG NANG GI BAR GCOD ZHI BA DANG, ,MI DANG MI MIN BSAM PA NGAN BA RNAMS, ,DRAG PO'I CHAD PAS MYUR DU TSAR CHOD MDZOD, ,SA MA YA T'IshthA,, ` AOm SVASTI, NGAG GI DBANG PHYUG BLO BZANG BSTAN PA'I GNYEN, ,LUNG RIGS CHOS KYI DPAL LDAN DGE BA'I BSHES, ,BSLAB GSUM DAG PA'I DKYIL 'KHOR RAB RGYAS PA'I, ,SPRUL SKU'I ZLA BA MYUR DU 'CHAR BAR SHOG ,SNGON GOMS MKHYEN BRTZE'I LHA LAM YANGS PA NAS, ,DGE LEGS NYIN BYED 'OD KYI SNANG PA YIS, ,GDUL BYA'I PAD TSAL BZHAD MDZAD MGON KHYOD KYIS, ,RJES BZUNGS YANG SRID ZLOS GAR BSGYUR BAR SHOG ,RMAD BYUNG BSLU MED THUGS RJE'I BYIN RLABS DANG, ,BSTAN SRUNGS DAM CAN RGYA MTSO'I MTHU STOBS KYIS, ,DAD LDAN GDUL BYA'I TSOGS KYIS YONGS SMON PA'I, , 'DOD PA'I RE BA JI BZHIN 'GRUB GYUR CIG ,CES PA 'DI NI CHOS RJE PHUN TSOGS RNAM RGYAL DANG, PHYAG MDZOD BSOD NAMS SENG GE ,GSOL DPON LHUN GRUB RGYA MTSO BCAS KYIS BSKUL BA LTAR, CHOS SMRA BA'I BTZUN PA BLO BZANG YE

SHES KYIS SMRAS PA'O,, ` AOm SVASTI, RGYAL BA'I RING LUGS NYIN MOR BYED PA'I MGON, ,'JAM DBYANGS SPRUL BA'I GAR GYI RNAM ROL SKU, ,BLO BZANG BSTAN PA'I RGYAL MTSAN 'DZIN PA'I RJE, ,DPAL LDAN BLA MA'I ZHABS LA GSOL BA 'DEBS, ,'CHAD RTZOD RTZOM PA'I RNAM DPYOD SPOBS PA YIS, ,THUB PA'I LUNG RTOGS DKAR CHA'I ZLA BZHIN DU, ,'PHEL MDZAD RJE BTZUN BLA MA BSTAN 'GRO'I MGON, ,BSKAL BRGYAR GDONG LNGA'I KHRI LA G-YO MED SHOG ,DKON MCHOG RIN CHEN RNAM GSUM BYIN RLABS DANG, ,DRANG SRONG RIG SNGAGS GRUB PA'I BDEN TSIG DANG, ,DAD LDAN GDUL BYAS GSOL BA BTAB PA'I MTHUS, ,'GRO 'DREN DAM PA SRID MTHAR ZHABS BRTAN SHOG ,CES PA 'DI NI PHUN TSOGS YEL TING DBANG GIS BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, MANG+GA LAm,, ` AOm BDE LEGS SU GYUR CIG ,BLO BZANG MKHYEN BRTZE'I DKYIL 'KHOR RAB RGYAS SHING, ,YE SHES SNANG BAS GDUL BYA'I MUN PA SEL, ,MDO SNGAGS GZHUNG GI CHOS TSUL SPEL MDZAD PA'I, ,DPAL LDAN BLA MA BSKAL BRGYAR ZHABS BRTAN SHOG ,CES PA 'DI NI DGA' LDAN RAB RGYAS PA GZHIS BYES BLA SPYIS BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O,, DGE'O,, ` AOm SVASTI, NGAG DBANG BLO GROS BZANG PO'I DKYIL 'KHOR RGYAS, ,LUNG RIGS

, ,MCHOG GI 'OD LDAN BSHES GNYEN CHE'I, ,RAB DKAR LHAG BSAM ZLA BA'I MA MA LAS, ,RGYAL BA'I MCHOD RTEN GTZUG LAG KHANG RNAMS LA, ,NYAMS GSOS BYI DOR LEGS PAR BGYIS PA DANG, ,'GRO LA DAM PA'I BDUD RTZI SPEL BAS MTSON, ,BDAG DANG GZHAN GYI DUS GSUM DGE BA'I TSOGS, ,JI SNYED MCHIS DANG MCHOG GSUM BYIN RLABS MTHUS, ,DUS 'DI NAS BZUNGS RNAM MKHYEN MA THOB BAR,, NGES 'BYUNG BYANG SEMS YANG DAG LTA BA DANG, ,RIM GNYIS LAM GYI RNAL 'BYOR ZAB MO'I DON, ,RNAM DAG BLO YIS SGRUB LA BRTZON PAR SHOG ,DENG NAS BRTZAMS TE TSE RABS THAMS CAD DU, ,DGA' LDAN CHOS KYI ZHING KHAMS DAM PA DER, ,RGYAL BA'I RGYAL TSAB MA PHAM MGON PO DANG, ,'JAM DPAL SNYING PO NAM MKHA' DRI MA MED, ,RGYAL SRAS RNAMS KYI GSUNG GI BDUD RTZI'I BCUD, ,NGOMS PA MED PAR BGO SKAL LONGS SPYAD NAS, ,RLABS CHEN SPYOD PA TSOGS GNYIS YONGS RDZOGS TE, ,'GRO KUN RGYAL BA'I GO 'PHANG MYUR THOB SHOG ,CES PA 'DI NI MTHO LDING MKHAN PO NGAG DBANG MCHOG LDAN GYIS 'DI LTA BU ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, ,,

` RGYAL BA'I BSTAN SRUNGS 'GA'I BSKAR GSO DNGOS GRUB KUN 'BYUNG BZHUGS, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PAR GYUR, NANG MCHOD MCHOD GTOR RNAMS 'JIGS BYED LTAR BYIN GYIS BRLABS LA,, H'Um, STONG PA'I NGANG LAS MDUN DU PAD NYI'I STENG, ,YE SHES ME DPUNG 'BAR BA'I KLUNG DKYIL NA, ,MH'A K'A LA PHYAG DRUG MTHU STOBS CAN, ,G-YAS PAS GRI GUG THOD 'PHRENG CANG TE'U 'KHROL, ,G-YON GYIS THOD KHRAG RTZE GSUM ZHAGS PA 'PHEN, ,GLANG CHEN STAG LPAGS MI MGO SPRUL GYIS BRGYAN, ,RE MA TI DANG 'KHOR TSOGS RGYA MTSOR BCAS, ,LAS BZHI'I 'PHRIN LAS SGRUB PHYIR BRTAN PAR BZHUGS DAM CAN CHOS RGYAL MA HE'I ZHAL CAN NI, ,MTHING NAG PHYAG GNYIS THOD DBYUG ZHAGS PA 'DZIN, ,TZ'A MUndI SOGS PHO MO'I 'KHOR GYIS BSKOR, ,G-YAS BSKUMS STABS KYIS MA HE'I GDAN LA BZHUGS, ,DAM GA ZOR LAS DGYES SRIN MO KHROS PA'I GZUGS, ,ZHAL GCIG PHYAG GNYIS BE CON THONG KHRAG 'DZIN, ,DUS BZHI'I LHA MO MA MO KUN GYI DBUS, ,RDZU 'PHRUL DRE'U'I STENG DU BRTAN PAR BZHUGS, ,GNOD SBYIN ZHAL GCIG PHYAG GNYIS SKU MDOG DMAR, ZANGS GRI GLO MCHIN MDA' GZHU RU MTSON BSNAMS, ,GDONG DMAR SROG BDAG GRI THOGS BKA' NYAN BCAS, ,PAD NYI RTA RO MI RO KHRIR BRTZEGS BZHUGS, ,DBANG GI MDOG CAN PHYAG G-YAS TZANDAN BE RA, ,G-YON PA BTZAN GYI

, ,ZHAGS PA BZUNGS NAS NI, ,BSTAN DGRA 'CHING BYED BDUD BZHI 'DUL MDZAD PA'I, ,RLUNG LTAR MYUR 'GYOGS RTA YI GDAN LA BZHUGS, ,SPYAN 'DREN NI, H'Um, SNGON TSE RDO RJE 'CHANG GIS BKA' BSGOS SHING, ,BSTAN DANG BSTAN PA 'DZIN PA'I SKYES BU RNAMS, ,TSUL BZHIN G-YEL MED SRUNG ZHING SKYONG MDZAD PA'I, ,CHOS SKYONG BSRUNG MA 'KHOR DANG BCAS PA RNAMS, ,RANG RANG SNGON GYI GNAS MCHOG SO SO NAS, ,'PHRIN LAS SGRUB PHYIR GNAS 'DIR GSHEGS SU GSOL, ,AE HYA HI, BADZRA SA MA YA DZA: DZA: DZA: H'Um BAm HO: DAM TSIG PA DANG GNYIS SU MED PAR GYUR, KA MA LA YE STVAm, H'Um, DGRA BGEGS BSGRAL BA'I KHRAG ZHAG MCHOD YON DANG, , DBANG PO'I ME TOG TSIL CHEN DUD PA'I SPRIN, ,ZHUN CHEN SGRON ME KHRAG ZHAG GA BUR DRI, ,SHA RUS 'BRU NAG ZHAL ZAS ROL MO'I TSOGS, ,'DOD YON TAN RIN CHEN BDUN DANG PHYI NANG MCHOD, ,DNGOS BSHAMS YID SPRUL MCHOD SPRIN RGYA MTSO 'DI, ,RAB 'BYAMS SA DANG NAM MKHA'I KHYON BKANG STE, ,CHOS SKYONG BSRUNG MA 'KHOR BCAS MNYIS PHYIR 'BUL, ,BZHES NAS RGYAL BSTAN SPYI DANG TZONG KHA PA'I, ,BSTAN LA GNOD BYED MI DANG MI MIN TSOGS, ,THAMS CAD RDUL PHRAN BZHIN DU BRLAG PAR MDZOD, ,DE NAS YIG BRGYA CI RIGS BZLAS TE, BSHAGS PA BYA BA NI, H'Um RDO RJE 'CHANG DANG RTZA RGYUD BLA MA DANG, ,YI DAM DKYIL 'KHOR BKA' SDOD BCAS RNAMS LA, ,'KHOR BA THOG

MED NYES TSOGS CI MCHIS PA, ,GNONG ZHING 'GYOD PA'I SGO NA SA MTHOL LO BSHAGS, ,RTZA BA YAN LAG DAM TSIG 'GAL BA DANG, ,SKU GSUNG THUGS DANG YON TAN 'PHRIN LAS KYI, ,SGRUB RDZAS DMAN DANG MCHOD GTOR NYAMS PA SOGS, GTANG RAG DUS SU MA BTANG MTHOL LO BSHAGS, ,MDOR NA SGO GSUM NYES TSOGS CI MCHIS PA, ,BLA MA YI DAM BSRUNG MAR BCAS PA LA, ,SPROS BRAL MI MNGON DBYINGS NAS BSHAGS BGYIS NA, ,THUGS RJE CHE LDAN RNAMS KYIS BZOD PAR GSOL, ,DE NAS BSKANG RDZAS BYIN BRLAB NI, HR'I: sht'I: SA BSANGS, SVA BH'A WA SA STONG BAR SBYANGS, STONG PA'I NGAN LAS BSKANG RDZAS RNAMS KYI RANG RANG GI MING YIG DANG PO THIG LES BRGYAN PA ZHU BA LAS BYUNG BA'I BLA MA DANG YI DAM CHOS SKYONG BSRUNG MA 'KHOR DANG BCAS PA MNYES PAR BYED PA'I DAM RDZAS SPYAN GZIGS MCHOD PA'I BYE BRAG BSAM GYIS MI KHYAB BZHIG BLA MA YI DAM CHOS SKYONG BSRUNG MA 'KHOR DANG BCAS PA RNAMS KYI SPYAN LAM DU 'BYUNG ZHIB RGYAS PAR GYUR CIG ,AOm SARBA BID CES SOGS NAM MKHA' MDZOD KYI SNGAGS DANG PHYAG RGYAS BYIN GYIS BRLABS, AOm AARGHAm A'A: H'Um, DE BZHIN DU SBYAR TE, SPARSHA A'A: H'Um, BSKANG GSO NI, H'Um, BLA MA YI DAM CHOS BSRUNG 'KHOR BCAS LA, DAM RDZAS SPYAN GZIGS MCHOD PA'I BYE BRAG RNAMS, ,MA TSANG MED PAR DGYES BYED LEGS 'BUL NA, ,YE SHES SPYAN LAM YONGS SU MDZES GYUR CIG ,DGRA BGEGS SNYING KHRAG DMAR GYI AARGHAm DANG, ,DBANG PO LNGA YI ME TOG RI

, ,LTAR SPUNGS, ,GU GUL TSI LA CHEN BSREGS PA'I DUD SPRIN 'KHRIGS, ,ZHUN CHEN SGRON ME STONG GSUM GSAL BA 'DIS, ,BLA MA YI DAM 'KHOR BCAS THUGS DAM BSKANGS, ,CHOS SKYONG BSRUNG MA 'KHOR BCAS THUGS DAM BSKANGS, ,THUGS DAM BSKANGS SHING NYAMS CHAGS GSOS GYUR NAS, ,BAR GCOD KUN GSOL DNGOS GRUB MA LUS STZOL, ,DGRA BGE GAS BSGRAL BA'I KHRAG ZHAG DRI CHAB DANG, ,SHA RUS ZHAL ZAS LHUN POR RAB TU SPUNGS, ,MYOS BYED BDUD RTZI'I BTUNG BA MTSO LTAR BSKYIL, ,SNYAN BRJID ROL MO'I SGRA YIS SA GSUM KHYAB, ,BLA MA YI DAM 'KHOR BCAS THUGS DAM BSKANGS, ,CHOS SKYONG BSRUNG MA 'KHOR BCAS THUGS DAM BSKANGS, ,THUGS DAM BSKANGS SHING NYAMS CHAGS GSOS GYUR NAS, ,BAR GCOD KUN GSOL DNGOS GRUB MA LUS STZOL, ,RDZU 'PHRUL SHUGS 'CHANG ZLA BA'I MDONGS LDAN PA'I, ,MDZES PA'I RGYAN SBAS RTA NAG RLUNG LTAR 'PHYO, ,RDO RJE'I RVA LDAN CHANG SPRIN LTA BUR GTIBS, ,DRAG PO'I NGAR SGRA SGROG PA'I ZHOL CHEN 'DIS, ,BLA MA YI DAM 'KHOR BCAS THUGS DAM BSKANGS, ,CHOS SKYONG BSRUNG MA 'KHOR BCAS THUGS DAM BSKANGS THUGS DAM BSKANGS SHING NYAMS CHAGS GSOS GYUR NAS, ,BAR GCOD KUN GSOL DNGOS GRUB MA LUS STZOL, ,'JAM PA'I SPU TSOGS SPYI GTZUG SHEL LTAR 'TSER, ,RVA BZHI CO DA PAN GYIS MDZES LUG NAG DANG, ,RDO RJE'I

MCHU SDER 'JIGS PA'I SGRA 'BYIN ZHING, ,'PHUR LDING ROL PAS KHAMS KUN KHYAB PA 'DIS, ,BLA MA YI DAM 'KHOR BCAS THUGS DAM BSKANGS, ,CHOS SKYONG BSRUNG MA 'KHOR BCAS THUGS DAM BSKANGS, ,THUGS DAM BSKANGS SHING NYAMS CHAGS GSOS GYUR NAS, ,BAR GCOD KUN GSOL DNGOS GRUB MA LUS STZOL, ,KHROS PA'I KHA GDANGS 'BAR BA'I CHE BA GTZIGS, ,DAM NYAMS SROG LA RNGAMS PA'I KHYI NAG DANG, ,G-YANG GZHI RGYU RLON MGO 'PHRENG DO SHAL DANG, ,GLANG CHEN STAG LPAGS DRAG PO'I CHAS RNAMS KYIS, ,BLA MA YI DAM 'KHOR BCAS THUGS DAM BSKANGS, ,CHOS SKYONG BSRUNG MA 'KHOR BCAS THUGS DAM BSKANGS, ,THUGS DAM BSKANGS SHING NYAMS CHAGS GSOS GYUR NAS, ,BAR GCOD KUN GSOL DNGOS GRUB MA LUS STZOL, ,BDUD SDE'I DPUNG GIS MTSON CHA'I CHAR PHAB KYANG, ,GZHOM GZHIG BRAL BA'I RDO RJE'I GO MTSON DANG, ,DAM RDZAS DMAR CHEN GTOR MA RI LTAR SPUNGS, ,MTHING NAG DAR BRGYAN SBYANGS RTOGS SBAR BYAS BAS, ,BLA MA YI DAM 'KHOR BCAS THUGS DAM BSKANGS, ,CHOS SKYONG BSRUNG MA 'KHOR BCAS THUGS DAM BSKANGS, ,THUGS DAM BSKANGS SHING NYAMS CHAGS GSOS GYUR NAS, ,BAR GCOD KUN GSOL DNGOS GRUB MA LUS STZOL, ,'DOD YON RIN CHEN BDUN DANG BKRA SHIS RTAGS, ,NYI ZLA RI RAB GLING BZHI RGYAL SRID BDUN, ,PHYI NANG GSANG BA BLA NA MED PA'I RTEN, ,DNGOS SHAMS YID SPRUL TSANG ZHING YID 'ONG 'DIS, ,BLA MA YI DAM 'KHOR BCAS THUGS DAM BSKANGS, ,CHOS SKYONG BSRUNG MA 'KHOR BCAS THUGS DAM BSKANGS, ,THUGS DAM

, ,BSKANGS SHING NYAMS CHAGS GSOS GYUR NAS, ,BAR GCOD KUN GSOL DNGOS GRUB MA LUS STZOL, ,BSKU LA NI, H'Um, RDO RJE 'CHANG DANG GRUB CHEN LVA BA PA, ,SANG+GHA BHA DRA 'OD BO CHE SOGS DANG, ,BRGYUD PA'I BLA MA'I TSOGS LA SMONG PA YI, ,DAM NYAMS SDIG CAN DE DAG BSGRAL DU GSOL, ,RNAL 'BYOR DGE 'DUN SDE DANG BCAS RNAMS LA, ,GSHE ZHING SKUR BA 'DEBS PA'I DGRA BGEGS TSOGS, ,MTHU DANG RDZU 'PHRUL MA LUS KUN NYAMS TE, ,RGYAL BAS BKA' BSOGS DRAG PO'I LAS RNAMS SGRUBS, BSTAN LA GNOD BYED DGRA BGEGS TSAR BCAD NAS, ,RNAL 'BYOR DPON SLOB DGON GNAS DGE 'DUN BCAS, ,TSUL BZHIN BSRUNG LA G-YEL BA MED PA DANG, ,BSTAN 'DZIN SKYES BU'I ZHABS PAD BRTAN PAR MDZOD, ,MDO SNGAGS YON TAN MTHA' DAG RGYAS PA DANG, ,BSTAN LA GNOD BYED GDUG PA'I SEMS 'CHANG RNAMS, ,BSRUNG MA RNAMS KYIS SNYING KHRAG ZHAL GSOL NAS, ,'DUL BAR ZHAL BZHES DAM BCA' MA BSNYEL BAR, ,RTAG TU BSRUNG SKYOB G-YEL BA MED PAR MDZOD, ,BZLOG PA NI, CHOS SKU YANG PA'I PHO BRANG NAS, ZHES SOGS BYED, BZLAS PA SBRO NA CHOS SKYONG SO SO'I BSKANG GSO NANG LTAR BYED, DE NAS GTOR MA BYIN GYIS BA RLABS LA, GTOR MA 'BUL BA NI MGON PO 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PA'I SPU GUS GTOR MA RDUBS TE GSOL BAS, ZAG MED KYI BDE BAS THUGS RGYUD TSIMS PAR GYUR, AOm BADZRA MH'A K'A LA Ksh'I KshI TRA BIGHN'AN BI N'A YA KA H'Um H'Um PHAt PHAt SA PA RI W'A RA AI DAm BA LIm TA KHA KHA KH'A HI KH'A HI, ZHES PA BDUN GYIS GCO BO YAB

YUM 'KHOR BZHI BCAS PA DANG, SH'AS NA'I MJUG TU, BILAm TA BTAGS PA GSUM GYIS DAM CAN SPYI LA DBUL, ,AOM SHR'I MH'A K'A LA SA PA RI W'A RA AARGHA NAS, SHABTA PRA T'ITZTSA H'Um SV'A H'A, AOm BADZRA MA H'A K'A LA Ksh'Im KshE TRA BI GHN'AN BI N'A YA KA H'Um H'Um PHAt PHAt SA PA RI W'A RA AOm A'A: H'Um, AOm SHR'I MH'A K'A LA SH'A SA NA ZHES PA NAS PHAt PHAt AOm A'A: H'Um GIS NANG MCHOD DBUL, CHOS KYI RGYAL PO YAB YUM 'KHOR DANG BCAS PA'I LJAGS H'Um LAS SKYES PA'I RDO RJE RTZA GCIG PA DMAR PO 'DI KYI SBU GUS GTOR MA'I BCUD DRANGS TE GSOL BAR GYUR AOm K'A LA R'U PA SA PA RI W'A RA SARBA BI GHN'AN SHA TRUm M'A RA YE AI DAm PA LIm TA KHA KHA KH'A HI KH'A HI, TZ'A MUndI SA PA RI W'A RA SARBA BI GHN'AN SHA TRUm M'A RA YA AI DAm BA LIm TA KHA KHA KH'A HI KH'A HI, ZHES BDUN BDUN BRJOD DE GTOR MA PHUL BAS 'KHOR DANG BCAS BAS GSOL BAR BSAMS LA, AOm K'A LA R'U PA SA PA RI W'A RA AARGHAm NAS, SHAPTA PRA T'ITZTSA H'Um SV'A H'A, AOm K'A LA R'U PA AOm A'A: H'Um, AOm TZ'A MUndI AOm A'A: H'Um, YA BA TI LA SOGS PA GSHIN RJE PO MO'I TSOGS DANG BCAS PA'I ZHAL DU AOm A'A: H'Um, ZHES PAS DBUL, DPAL LDAN LHA MO 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN GYIS GTOR MA'I BCUD DRANGS TE GSOL BAR GYUR, AOm K'A LI DE WI SA PA RI WA RA SARBA BI GHN'AN SHA TRUm M'A RA YA AI DAm BA LIm TA KHA KHA KH'A HI KH'A HI, ZHES PA NYER GCIG GIS DBUL, AOm AA K'A RO GSUM GYIS 'KHOR RNAMS LA DBUL, AOm K'A LI DE WI SA BA RI W'A RA ARGHAm NAS, SHAPTA PRA T'ITZTSA H'Um SV'A H'A, AOm K'A LIm DE WI SA PAm RI W'A RA AOm A'A: H'Um, CHOS SKYON

, ,LCAM SRING 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG BA DMAR PO 'OD KYI SBU GU CAN DU GYUR BAS GTOR MA'I BCUD DRANGS TE GSOL BAR BSAMS LA, AO RAKMO PRA nA A'ANGMA SA BA RI W'A RA SARBA BI GHN'AN SHA TRUm M'A RA YA AI DAm BA LIm TA KHA KHA KH'A HI KH'A HI, ZHES PA BDUN GYIS 'BUL, 'KHOR RNAMS LA AA K'A RO GSUM GYIS DBUL, AOm RAKMO BA nA A'ANGMA SA BA RI W'A RA AARGHAm NAS, SHAPTA PRA T'ITZTSA H'Um SV'AH'A, AOm RAKMO PRA nA A'ANGMA SA BA RI W'A RA AOm A'A:H'Um, CHOS SKYONG TSANGS PA 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GUS GTOR MA'I BCUD DRANGS TE GSOL BAR GYUR, MA H'A BR'A HMA nA AI DAm BA LIm TA KHA KHA KH'A HI KH'A HI, GSUM DANG, 'KHOR RNAMS LA AA K'A RO GSUM GYIS DBUL, MAH'A BR'A HMA nA SA BA RI W'A RA AARGHAm NAS, SHAPTA PRA T'ITZTSA H'Um SV'A H'A, MAH'A BR'AHMA nA SA PA RI W'A RA AOm A'A:H'Um, CHOS SKYONG BSRUNG MA 'KHOR BCAS LA, ,BDAG GIS GTOR MA PHUL BA YIS, ZHES SOGS BRJOD, GZHI BDAG GTOR MA BTANG, DE NAS BSTOD PA BYA BA NI, H'Um, CHOS DBYINGS NGANG LAS RNAM YANG MA G-YOS PAR, ,MA RUNGS 'DUL PHYIR DRAG PO'I SKUR BZHENGS NAS, ,MNGON SPYOD LAS KYIS BSTAN DGRA 'DUL MDZAD PA'I NAG PO CHEN PO 'KHOR BCAS BSTOD PAR BGYI, ,K'A LA R'U PA 'JIGS RUNGS DRAG PO'I GZUGS, ,BSTAN LA GNOD BYED 'JOMS MDZAD MTHU STOBS CAN, ,RGYAL BAS BKA' BSGOS BSTAN PA SRUNG MDZAD PA'I, ,CHOS RGYAL YAB YUM 'KHOR DAD

BCAS LA BSTOD, ,RDO RJE 'CHANG DBANG DPAL LDAN BLA MA YI, ,SPYAN SNGAR BSTAN PA TSUL BZHIN SRUNG BA'I GTZO, ,DPAL LDAN 'DOD KHAMS DBANG PHYUG 'KHOR BCAS LA, ,BSAM PA DAG PAS YI RANG PHYAG 'TSAL LO, ,BCOM LDAN GSHIN RJE'I GSHED KYI BKA' NYAN PA'I, ,SGROL GYING SROG BDAG DMAR PO 'KHOR BCAS KYIS, ,GNOD BYED DGRA BGEGS MTHA' DAG ZHI MDZAD PA'I, ,'KHOR CHOGS RGYA MTSOR BCAS LA GUS BAS BSTOD, ,RDZU 'PHRUL SHUGS 'CHANG RTA MCHOG RAG PA'I GDAN, ,DBANG GI MDOG CAN BENG CHEN ZHAGS PA 'DZIN, ,'JIGS RUNGS SRIN PO DRAG TU KHROS PA'I GZUGS, ,MCHE GTZIGS THOD SKAM LDA YIS DBU BRGYAN CING, ,BSE YI RMOG DANG BSE YI YA LAD GYON, ,BSTAN DGRA TSAR GCOD RAL GRI RKED LA BTAGS, ,LAS BZHI'I 'PHRIN LAS TSUL BZHIN SGRUB MDZAD PA'I, ,'KHOR TSOGS DAM CAN RGYA MTSOR BSTOD PAR BGYI, ,MNGA' GSOL NI, BLA MA YI DAM CHOS SRUNGS TSOGS RNAMS KYIS, ,'PHRIN LAS MA LUS TSUL BZHIN SGRUB PA LA, ,NAM YANG G-YEL BA MED PAR GROGS MDZAD PA'I, ,SKYABS GNAS KUN 'DUS NGO BOR MNGA' GSOL LO, ,DRAN PA TZAM GYIS MCHOG THUN DNGOS GRUB RNAMS, ,STZOL MDZAD RTZA RGYUD BLA MA YI DAM LHA, ,DPA' BO MKHA' 'GRO CHOS SKYONG BSRUNG TSOGS KYIS, ,RTAG TU SRUNG SKYOB DGE BA'I BKRA SHIS SHOG ,CES PA 'DI NI SKU SKYE BLO BZANG BSTAN PA'I RGYAL MTSAN GYIS 'DI LTA BU ZHIG DGOS ZHES YANG YANG NAN GYIS BSKUL BA LTANG CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA BDE LEGS SU GYUR CIG, ,

, ,SNYAN DAR SPYIR, AOm SVASTI, DNGOS SU BSHAMS DANG YID KYIS SBRUL PA YI, ,MCHOD SPRIN BDE BA CHEN POS RGYAS BTAB RNAMS, ,BDUD BZHI LAS RGYAL RGYAL BA'I DBANG SKU LA, ,LEGS PHUL RNAM DKAR BYA BA BZANG PO'I MTHUS, ,MI SHES MI MTHUN RGUD PA KUN ZHI NAS, ,BSAM DON GEGS MED MYUR DU 'GRUB PAR SHOG, ` RJE COD KHA PAR, MCHOD SPRIN LHA YI LAM GANG DNGOS BSHAMS DANG, ,TING 'DZIN GYIS SPRUL MCHOD TSOGS CI MCHIS NGA, ,'JAM MGON CHOS KYI RGYAL PO TZONG KHA PAR, ,PHUL BA'I CHES DKAR BZANG PO'I BYA BA'I MTHUS, ,DUG GSUM NYES TSOGS RTZAD NAS DRUNGS PHYUNG STE, ,CHOS KUN RTEN 'BREL NGOS SU LEGS SHAR NAS, ,SKYE BA KUN TU RGYAL BA TZONG KHA PAS, ,'BRAL MED RJES 'DZIN BSAM DON MYUR 'GRUB SHOG, ` (ZHA LU'I DUS GSUM SANGS RGYAS KYI YUG GYON LA,) AOm SVASTI, DNGOS SU BSHAMS DANG YID KYIS LEGS SPRUL BA'I, ,MTHA' YAS MCHOD SPRIN BDE STONG RGYAS BTAB RNAMS, ,DUG GSUM LAS RGYAL THAMS CAD MKHYEN SKU LA, ,DAD BAS PHUL BA'I CHES DKAR LEGS BYAS MTHUS, ,SHES BYA'I GNAS LUGS JI BZHIN RTOGS PA YI, ,ZAB YANGS MYUR PA'I RNAM DPYOD CHER 'PHEL TE, ,LUNG RTOGS BSTAN PA YUN RING SPEL 'DOD PA'I, ,BSAM DON MA LUS GEGS MED 'GRUB PAR SHOG MANG+GA LAm,, ` (YI DAM,) AOm SVASTI, GDUG PA CAN RNAMS DA NGANG BYED GSHIN RJE'I GSHED, ,'JIGS MDZAD DPA' BO CHEN PO DGYES SKYED PHYIR, ,SNYAN SHAL MDZES BYED LHA RDZAS 'DI PHUL BAS, ,MA RIG MUN PA'I TSOGS RNAMS DRUNGS

PHYUNG STE, ,BSAM DON MYUR 'GRUB 'PHRIN LAS G-YEL MED SGRUBS,, ` (MGON PO,) 'JIG RTEN DBANG PHYUG KHROS PA'I SKUR BSTAN NAS,, ,MA RUNGS 'DUL MDZAD YE SHES MGON PO CHER, ,SNYAN SHAL YID 'ONG 'DI PHUL DGE BA'I MTHUS, ,PHYI NANG NAG PHYOGS BAR CHAD KUN ZHI NAS, ,JI BZHIN BSAM DON MYUR 'GRUB 'PHRIN LAS MDZOD,, ` (CHOS RGYAL,) 'JAM DPAL BKA' NYAN CHOS KYI RGYAL PO CHER, ,SHIN TU YID 'PHROG LHA DAR PHUL BA YIS, ,SHES BYA'I GNAS LUGS THOGS MED 'BYED NUS SHING, , SDANG DGRA ZHI NAS BSAM DON CHOS BZHIN SGRUBS,, ` (LHA MO,) 'DOD PA KHAMS LA MTHU STOBS DBANG SGYUR ZHIG, ,BSTAN 'DZIN KUN GYI GNYEN GCIG MKHA' 'GRO'I GTZOR, ,SNYAN SHAL YID 'PHROG LHA RDZAS 'DI PHUL BAS, ,MDO SNGAGS GZHUNG LUGS GNAS RNAMS MA LUS PA'I, ,TSIG DON MYUR RTOGS BGEGS RIGS ZHI BAR MDZOD,, ` (RTA MGRIN,) RGYAL BA KUN GYI MKHYEN BRTZE MTHA' DAG RNAMS, ,GCIG BSDUS RGYAL BSREN 'JOMS LA MTHU RTZAL CHE, ,KHRO BO'I RGYAL PO RTA MCHOG ROL PA CHE, ,DGYES PHYIR SNYAN SHAL YID 'ONG 'DI PHUL BAS, ,BDUD RIGS STOBS CHEN MYUR BZLOG 'PHRIN LAS SGRUBS,, ` (BYAMS PA,) MA 'ONGS RDO RJE GDAN DU SANGS RGYAS NAS, ,BDUD BZHI LAS RGYAL MA PHAM MGON PO LA, ,SNYAN SHAL MDZES BYED LHA DAR 'DI PHUL BAS, ,NGES 'BYUNG BYANG CHUB SEMS KYIS RGYUD PHYUG CING, ,BSLAB GSUM RNAM DAG YID GZHUNGS BAG DANG LDAN, ,SHES BYA'I GNAS KUN MA 'DRES 'BYED PA LA, ,ZAB GSAL CHES MYUR YANGS PA'I RNAM DPYOD

, ,DANG, ,SPOBS PA THOGS MED DGE LA SBRO BAR SHOG, ` (RDO RJE RAB BRTAN MA,) LHA SRIN SDE BRGYAD BRAN 'KHOL BSTAN SRUNGS CHE, ,NOR GYI MCHOG STZOL RDO RJE RAB BRTAN MAR, ,SNYAN SHAL MDZES BYED LHA RDZAS 'DI PHUL BAS, ,CHOS LDAN RE BA'I BSAM PA KUN 'GRUB SHOG, BKRA SHIS, ` (CHOS RGYAL GYI YUM TZ'A MUndI LA,) BHYOO: DAM CAN GSHIN RJE'I LCAM GCIG TZ'A MUndIR, ,SNYAN SHAL MDZES BYED LHA RDZAS 'DI 'BUL GYI, ,NAG PHYOGS BDUD RIGS BGEGS RNAMS TSAR CHOD LA, , BSAM DON TSUL BZHIN 'GRUB PA'I 'PHRIN LAS MDZOD,, MANG+GA LAm,, ` AOm BDE LEGS SU GYUR CIG, BLO BZANG RGYAL BA GNYIS PA'I GZHUNG LUGS LA, ,MKHAS DANG GRUB PA'I DPAL GYUR THAMS CAD MKHYEN, ,CHOS KYI RGYAL MTSAN 'DZIN LA ZLA BRAL BA, ,MGON DE'I GSUNG GI LEGS BSHAD PUSTA KA, ,RNAM DPYOD PHUL PHYIN BKRA SHIS CHOS 'PHEL GYIS, ,BSTAN 'GRO'I DON DU CHOS SBYIN SPEL SLAD CHE, ,MI PHYED DAD PAS PAR DU BSGRUBS PA'I MTHUS, ,KUN MKHYEN BYANG CHEN THOB PA'I RGYU RU BSNGO, ,MDOR NA DENG NAS TSE RABS THAMS CAD DU, ,RJE BTZUN BLA MAS 'BRAL MED RJES BZUNGS TE, ,SA DANG LAM GYI RIM PA MTHAR PHYIN NAS, ,BLA MED GO 'PHANG MYUR DU THOB PAR SHOG CES PA 'DI NI SH'AKYA'I DGE SLONG BLO BZANG YE SHES KYIS SMRAS PA DGE LEGS 'PHEL,, ` AO SVASTI, RDO RJE 'CHANG DANG DBYER MED PA'I, ,BKA' DRIN GSUM LDAN DRIN CAN RJE, ,MI PHYED 'BAD PAS BGYIS PA YIS, ,SKYE BA KUN TU RJES 'DZIN SHOG, ` RJE BTZUN 'JAM PA'I DBYANGS KYI THUGS

RJE'I 'OD ZER GYIS, ,SKU YI RNAM 'PHRUL DPAG MED STON MDZAD BLO BZANG GRAGS, SHES BYA'I DKYIL 'KHOR MTHA' DAG GZIGS PA'I SPYAN LDAN BA'I, ,RNAM THAR NGO MTSAR RMAD BYUNG JI BZHIN 'DI BRIS DGE, ` SNANG BA MTHA' YAS THUGS RJE'I 'OD ZER LAS, ZHING 'DIR NYAN THOS TSUL BZUNGS RAB 'BYOR SOGS, ,'KHRUNGS RABS SNANG BRNYAN GUS PAS BZHENGS PA'I MTHUS, ,RJE BTZUN BLA MAS 'BRAL MED RJES 'DZIN SHOG, ` DZA: 'JIGS BYED MA HE KHROS PA'I ZHAL GDANGS SHING, ,PHYI NANG GSANG BA'I 'CHI BDAG 'JOMS MDZAD SKU, ,SGO GSUM GUS PAS LEGS PAR BSGRUBS PA YIS, ,'GRO KUN 'CHI BDAG G-YUL LAS RGYAL GYUR CIG, ` RGYAL BA KUN GYI MTHU STOBS GCIG BSDUS PA, ,BCOM LDAN 'KHOR LO CHEN PO GOS SNGON CAN, ,'DI LTAR BSKRUN PA'I RNAM DKAR DGE TSOGS KYIS, ,GNAS SKABS 'JIGS CHEN BRGYAD LAS THAR BAR SHOG, ` BDE BA CAN DU SKYE BAR ZHAL BZHES PA'I, ,SMAN BA'I RGYAL PO BDE GSHEGS BDUN DANG BCAS, ,LEGS PAR BSKRUN PA'I RNAM DKAR BYE BA'I MTHUS,, DAG PA'I ZHING DU THOGS MED BGROD PAR SHOG ,SANGS RGYAS BSTAN PA SKYON BAR ZHAL BZHES PA'I, ,BYANG CHUB SEMS DPA'I TSUL BZUNGS NYE SRAS BRGYAD, ,SNANG BRNYAN PHUL DU BYUNG BA BSKRUN BA YIS, ,BYANG CHUB SEMS DANG RNAM YANG 'BRAL MED SHOG, ` GZHON NU LANG CHO RGYAS PA'I 'GYING BAG CAN, ,G-YU YI LJON SHING YAL GA BRKYANGS 'DRA'I SKU, ,SNANG BRNYAN YID 'OD TSAR DU DNGAR BA 'DI, ,BSGRUBS PAS 'JIGS PA BRGYAD LAS SKYOB BAR SHOG ` H'Um, DMU RGOD GDUL DKA' THABS KYIS

, ,'DREN PA'I PHYIR, ,THUGS RJE CHEN PO GNOD SBYIN LTAR KHROS PA'I, ,SKU BRNYAN GTZO 'KHOR DANG BAS BZHENGS PA'I MTHUS, ,SBYIN PA'I BDAG PO'I BAR CHAD KUN SEL SHOG, ` DZA: RJE BTZUN CHOS KYI RGYAL PO TZONG KHA PA'I,, BKA' SDONG CHOS KYI RGYAL PO'I SNANG BRNYAN SKU, ,LHAG BSAM RNAM PAR DAG PA'I DGE TSOGS KYIS, ,BSTAN LA GNOD BYED MA LUS TSAR GCOD SHOG, ` H'Um, 'GRO KUN DBUL BA MA LUS SEL MDZAD PA'I, ,MYUR MDZAD YID BZHIN MGON PO'I BRIS SKU 'DI, ,'BAD PAS BGYIS PA'I LEGS BYAS PHUNG PO'I MTHUS, ,'DOD DGU'I DNGOS GRUB MA LUS CHAR LTAR PHOBS,, ` DUS GSUM RGYAL BA'I YUM GCIG DBYANGS CAN MA, ,BSTAN DGRA TSAR GCOD DMAG THOR LA DGYES SKU, ,RNGAM BRJID 'GYID PAG LDAN PA'I BRIS SKU 'DIS, ,DNGOS GRUB RIN CHEN 'DOD DGU CHAR LTAR PHOBS,, ` BEE RIN CHEN MANG SPRUL RNAM MANG THOS PA'I SRAS, ,MTSAR CHAGS BRJID PA'I NYAMS LDAN GSER MDOG SKU, ,LHAG BSAM DAG PAS BGYIS PA'I BSOD NAMS DES,, YID BZHIN NOR DANG CHOS RNAMS 'PHEL BAR SHOG, ,BKRA SHIS,, ` SVASTI, BLO GROS RNAM DPYOD DPAG BSAM LJON PA BZANG, ,MDO SNGAGS YON TAN DU MA'I YAL 'DAB RGYAS, ,TSUL KHRIMS RNAM DAG 'BRAS BUS RAB MDZES PA, ,DPAL LDAN BLA MA'I ZHABS LA GSOL BA 'DEBS, ,BLO GSAL SKAL BZANG GDUL BYA'I TSOGS RNAMS LA, ,ZAB DANG RGYA CHE'I LUNG RTOGS CHOS TSUL GYI, ,GDAMS PAS KUN NAS TSIMS PAR MDZAD PA YI, ,YONGS 'DZIN DGE BA'I BSHES LA GSOL BA 'DEBS,

BSLU MED BLA MA YI DAM BYIN RLABS DANG, ,BSTAN SRUNGS DAM CAN RGYA MTSO'I MTHU RTZAL GYIS, ,BSHES GNYEN CHEN PO MTHA' DAG 'GRO BA'I DPAL, ,BSOD NAMS ZHING DU BZHUGS LA GSOL BA 'DEBS, ZHES PA 'DI NI STOD SGAR DPON KHANG CHEN NAS KYIS YANG YANG BSKUL BA LTAR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, ` AOm BDE LEGS SU GYUR CIG ,NGAG GI DBANG PHYUG BLO BZANG GRAGS PA YI, ,CHOS LDAN 'BYOR PA'I DGA' STON SPEL BA LA, ,DPAL LDAN 'PHRIN LAS BZANG PO'I MDZAD PA CAN, ,MTHA' YAS GDUL BYA'I DPAL DU BRTAN PAR SHOG ,BSLAB GSUM RIN CHEN RGYAN GYIS RNAMS PAR MDZES, ,GSUNG RAB TSUL BZHIN 'CHAD LA MKHAS PA'I MCHOG ,SHES BYA'I GNAS KUN RAB TU MKHYEN PA RGYAS,, RJE BTZUN BLA MA'I ZHABS LA GSOL BA 'DEBS, ,DENG NAS BZUNGS TE SKYE BA THAMS CAD DU, ,'DREN MCHOG BLA MA KHYED RJES BZUNGS NAS, ,BKA' BZHIN BSGRUB LA BRTZON PA LHUR LEN CING, ,KUN MKHYEN RGYAL BA'I GO 'PHANG MYUR THOB SHOG , CES PA 'DI NI NYI THANG BLA SPYIS SPRUL PA'I SKU NGAG DBANG CHOS LDAN DPAL BZANG PO'I BRTAN BZHUGS GSOL 'DEBS SMON LAM DANG BCAS PA 'DI LTA BU ZHIG DGOS ZHES BSKUL BA LTAR CHOS SMRA PA'I BTZUN PA BLO BZANG YE SHES KYIS BKA' GDAMS PHO BRANG DU BGYIS PA'O,, ` AOm SVASTI, RNAM DAG TSUL KHRIMS RTZA BA RAB BRTAN CING, ,BA SLAB GSUM MDO SNGAGS YON TAN YAL GA RGYAS, ,DON GNYIS GDUL BYA'I 'BRAS BU LHUN GRUB PA'I, ,YONGS 'DZIN BSTAN 'GRO'I MGON PO ZHABS BRTAN SHOG,

, ,BLO BZANG MKHYEN BRTZE'I YE SHES PADMO'I GNYEN, ,'GRO BA'I BLO MUN MA LUS SEL BA LA, ,ZLA BRAL KUN MKHYEN RING LUGS 'DZIN PA'I RJE, ,MKHAS GRUB DAM PA BSKAL BRGYAR BRTAN PAR SHOG ,BLO GROS BZAR PO'I RNAM DPYOD GANG+G'A'I RGYUN, ,LEGS BSHAD YAN LAG BRGYAD LDAN RDZING BU RU, ,LEGS BRIS DGA' BA'I DPAL LA LONGS SPYOD PA'I, ,LHA MI'I MGON PO BSKAL BRGYAR YUN 'TSO SHOG ,MCHOG GSUM SLU MED THUGS RJE'I BYIN RLABS DANG, ,BSTAN SRUNGS DAM CAN RGYA MTSO'I MTHU RTZAL DANG, ,SKAL LDAN GDUL BYAS RTZE GCIG GSOL BTAB MTHUS, ,'GRO BA'I MGON PO YUN RING ZHABS BRTAN SHOG ,BDAG SOGS DENG NAS SKYE BA THAMS CAD DU, ,DPAL LDAN BLA MA KHYED DANG MI 'PHRAL ZHING, ,THEG MCHOG CHOS KYI DPAL LA LONGS SPYAD NAS, ,BZHED DON LHUN GYIS GRUB PA'I BKRA SHIS SHOG, CES PA 'DI NI SDE PA RIN CHEN RTZE NAS KYIS 'DI LTA BU ZHIG DGOS ZHES BSKUL BA'I NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, ` SVASTI, BLO GROS BZANG PO'I RNAM DPYOD YANGS PA LAS, ,LEGS BSHAD 'BYOR BAS SKAL LDAN GDUL BYA'I TSOGS, ,MGON PO KHYOD KYIS TSIM PAR MDZAD PA YI, ,BSHES GNYEN BZANG PO'I ZHABS LA GSOL BA 'DEBS, ,ZHES PA 'DI NI SHAR RTZE'I SPYI MI RNAMS KYIS BSKUL BA'I NGO RA CHOS SMRA BA'I BTZUN PA BLO BZANG YE SHES KYIS SBYAR BA'O,, ` NA MO GU RU, 'JAM MGON BLA MA'I SNANG BRNYAN YID 'PHROG 'DI, ,BLO BZANG BSTAN PA'I RGYAL MTSAN GYIS BSGRUBS PAS, ,SKYE BA KUN TU

RJE BTZUN YAB SRAS KYIS, ,'BRAL MED RJES BZUNGS RNAM DKAR BYANG CHUB BSNGO, ZHES PA 'DI NI RJE BTZUN CONG KHA BA'I SKU BRNYAN GYI RGYAB YIG LA DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, ` AOm SVASTI, BLO GSAL NYIN BYED 'OD STONG 'BAR BA YI, ,BZANG PO'I MDZAD PAS GDUL BYA'I MUN PA SEL, ,MDO SNGAGS SHES BYA'I GNAS KUN YE SHES KYIS, ,GSAL MDZAD DPAL LDAN BLA MA ZHABS BRTAN SHOG ,BSLAB GSUM RNAM DAG LJON PA BZANG PO'I 'BRAS, ,YONGS SU GANG BA'I MIG STONG 'BYONG PA YIS, ,'GRO LA 'DOD DGU'I PHAN BDE STZOL MDZAD PA'I, ,BSHES GNYEN DPAG BSAM LJON PA ZHABS BRTAN SHOG ,DKON MCHOG RNAM GSUM BLO GROS MKHYEN BRTZE'I GTER, ,GCIG BSDUS BZANG PO'I DUR SMRIG GANG ROL ZHING, ,YE SHES SGRIB BRAL BDE BA'I DPAL MNGA' BA, ,YONGS 'DZIN DAM PA YUN RING ZHABS BRTAN SHOG ,SDOM GSUM BANG RIM MTHON PO'I BA GAM CAN, ,MTHA' BRAL RIM GNYIS DON RTOGS NOR GYIS PHYUG ,RTZE GCIG MNYAM GZHAG MI G-YO RAB BRTAN PA'I, ,ZUNG 'JUG RDO RJE 'CHANG LA GSOL BA 'DEBS, ,BSLAB GSUM DAG PA'I DGE 'DUN 'DUS PA'I TSOGS, ,KHRIMS GTZANG DBYAR GYI NOR BU'I GNAS LTAR 'PHEL, ,BLO BZANG GSUNG GI RING LUGS NYAMS MED PAR, ,NYIN MTSAN KUN TU NGAL MED SPYOD PAR SHOG ,DGE 'DIS MTSON NAS SKYE BA THAMS CAD DU, ,DPAL LDAN BLA MAS 'BRAS MED RJES BZUNGS TE, ,MDO SNGAGS YON TAN MA LUS MTHAR PHYIN NAS, ,KUN MKHYEN RGYAL BA'I GO 'PHANG MYUR

, ,THOB SHOG ,BLO BZANG GSUNG GI LEGS BSHAD MA LUS PA, ,PHYOGS DUS KUN TU DAR ZHING RGYAS GYUR NAS, ,THUB PA'I RING LUGS MTHA' DAG RAB RGYAS SHING, ,PHUN TSOGS DPAL 'BYOR RGYAS PA'I BKRA SHIS SHOG, CES PA 'DI NI SNYE MO RGYAL BYED MKHAN SLOB 'DUS TSOGS RNAMS KYIS BSKUL BA'I NGOR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, ` BLA MA 'JAM PA'I DBYANGS LA PHYAG 'TSAL LO, ,MA HE RAB TU KHROS PA'I GDAN STENG DU, ,SKU MDOG DMAR PO 'JIGS SU RUNG BA'I GZUGS, ,ZHAL GCIG PHYAG GNYIS PHYAG G-YON THOD PA'I STENG, ,G-YAS PA YID BZHIN NOR BUS MTSAN PA BSNAMS, ,ZHABS GNYIS G-YAS BSKUMS G-YON BRKYANGS BZHUGS LA BSTOD, ,BLO BZANG RGYAL BA GNYIS PA TZONG KHA PA'I, ,MDO SNGAGS BSTAN PA TSUL BZHIN SRUNG BA DANG, ,'PHRIN LAS TSUL BZHIN THOGS MED SGRUB MDZAD PA'I, ,DAM CAN GSHIN RJE 'KHOR DANG BCAS LA BSTOD, ,RNAL 'BYOR BDAG CAG DGON GNAS DGE 'DUN SDE, ,SRUNG SKYO BA G-YEL MED TSUL BZHIN SGRUB PA DANG, ,NAG PHYOGS BDUD RIGS BAR GCOD TSAR BCAD DE, ,MTHUN RKYEN TSUL BZHIN 'GRUB PA'I 'PHRIN LAS MDZOD, ,CES PA 'DI NI RAB 'BYAMS PA NGAG DBANG CHOS 'PHEL GYIS NAN GYIS YANG YANG BSKUL BA LTAR CHOS SMRA BA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, ` NA MO GU RU MANYDZU GHO sh'A YA, BLA MA'I RNAL 'BYOR BSGOM PAR 'DOD PAS, SKYABS 'GRO SEMS SKYED

TSAD MED BZHI SNGON DU BTANG, SVA BH'A WAS STONG PAR SBYANGS, STONG PA'I DANG LAS, RANG GI MDUN DU KUN BZANG MCHOD SPRIN DBUS, ,GDONG LNGAS LEGS BTEG 'OD 'BAR REN CHEN KHRI, ,'DAB STONG GE SAR NYI ZLA'I DKYIL 'KHOR STENG, ,RIGS BRGYA'I KHYAB BDAG DPAL LDAN RDO RJE 'CHANG, ,DBYER MED MKHAS PA'I GTZUG RGYAN KUN GYI RJE, ,SKU MDOG SHAL LTAR MDANGS GSAL DGYES BA'I ZHAL, ,PHYAG G-YAS CHOS 'CHAD G-YON PA MNYAM GZHAG STENG, ,BRGYAD KHRI BZHI STONG GLEGS BAM GYIS MDZES SHING, ,'OD STONG GZHON NU'I MDANGS CAN CHOS GOS GSUM, ,GSOL ZHING GSER MDOG PAn ZHVAS LEGS PAR MDZES, ,SKYABS GSUM DKON MCHOG 'DUS PA'I BDAG NYID CAN, ,YID 'PHROG 'JA' TSON SNA LNGA'I GUR KHYIM DBUS, ,ZHABS GNYIS RDO RJE SKYIL KRUNG TSUL GYIS BZHUGS, ,GNAS GSUM RDO RJE GSUM MTSAN H'Um YIG GI, ,'OD KYIS YE SHES PA RNAMS SBYAN DRANGS TE, ,DBYER MED 'GRO BA'I BSOD NAMS ZHING DU BZHUGS, ,MTHA' YAS RGYAL BA KUN GYI MKHYEN BRTZE RNAMS, , GCIG BSDUS DUR SMIG GAR GYIS RNAM ROL BA, ,BSTAN DANG 'GRO BA'I DPAL GYUR THAMS CAD MKHYEN, ,RJE BTZUN BLA MA'I ZHABS LA PHYAG 'TSAL LO, ,YID 'ONG MTSO DANG RDZING BU PADMAS BRGYAN, ,DRI ZHIM TZANDAN DKAR DMAR SNANG GSAL DANG, , SPOS CHU'I MTSO CHEN LHA MI'I RO BRGYAR LDAN, ,SNYAN 'JEBS DNGOS BSHAMS YID KYIS SPRUL NAS 'BUL, ,THOG MED DUS NAS SGO GSUM NYES LTUNG RNAMS, ,BGYIS DANG BGYID STZAL YI RANG CI MCHIS PA, ,BSAM PA THAG PAS DPAL LDAN

, ,BLA MA YI, ,SPYAN SNGAR BSHAGS SHING MI BGYID SDOM PA NOD, ,SNGON BSAGS SKYE 'PHAGS DGE BA'I LAS RNAMS LA, ,YANG DANG YANG DU DGA' BA LEGS SKYES NAS, ,RLABS CHEN DGE TSOGS RGYA CHER 'PHEL 'GYUR BA'I, , RNAM DKAR BSOD NAMS KUN LA RJES YI RANG, ,MA RIG DUG GSUM DRI MAS SBAGS PA RNAMS, ,MKHYEN BRTZE'I CHU GTER RGYA MTSOS RAB BSAL NAS, ,RANG RANG GDUL BYA'I BLO DANG 'TSAM PA YI, ,ZAB DANG RGYA CHE'I CHOS 'KHOR BSKOR DU GSOL, ,BSTAN DANG BDAG SOGS 'GRO BA'I DPAL NYID DU, ,BSHES GNYEN MCHOG GI THUGS RJE'I 'OD ZER GYIS, ,GDUL BYA'I BLO MUN MA LUS SEL MDZAD PHYIR, ,GRANGS MED BSKAL BRGYA'I BANG DU BRTAN PAR BZHUGS, ,DE YI MTHU LAS TSE RABS KUN TU BDAG ,MTSAN NYID LDAN PA'I BSHES GNYEN DAM PA YIS, ,'BRAL BA MED PAR RJES SU 'DZIN PA DANG, ,MDO SNGAGS YON TAN MA LUS RGYAS PHYIR BSNGO, ,DE NAS DMIGS PA DANG BCAS RANG GANG MOS KYI BLA MA'I GSOL 'DEBS SAM, MTSAN SNGAGS CI MANG BZLA, ,RGYAL BA KUN GYIS BSNGAGS PA'I RNAM GROL LAM, ,LEGS PAR STON MDZAD 'DZAM GLING MKHAS PA'I RGYAN, ,BSTAN DANG 'GRO BA'I YONGS 'DZIN DGE BA'I BSHES, ,DPAL LDAN BLA MA'I ZHABS LA GSOL BA 'DEBS, ,PHYOGS BCU'I RGYAL BA RNAMS KYI MKHYEN BRTZE'I GTER, ,LEGS BAR 'BYED LA THOGS MED BLO GROS RGYAS, ,THUB DBANG BSTAN PA SPEL LA ZLA BRAL BA, ,SKYABS MGON THUGS RJE'I GTER LA GSOL BA

'DEBS, ,DAM PA'I CHOS TSUL LHA LAM YANGS PA LA, ,LUNG DANG RIGS PA'I NYIN BYED STONG 'BAR BA, ,SKYE DGU'I LEGS BYAS DPAL DU SHAR PA YI, ,RJE BTZUN BLA MA'I ZHABS LA GSOL BA 'DEBS, ,'JAM MGON BSTAN PA'I LUGS BZANG 'DAB BRGYA'I TSAL, ,LEGS BSHAD SBRANG RTZE ZAB MO'I BCUD CHAGS PA, ,SKAL BZANG BUNG BA'I TSOGS RNAMS TSIM MDZAD PA'I, ,SKYABS MGON THUGS RJE CAN LA GSOL BA 'DEBS, ,YON TAN KUN GYI GZHI GYUR SDOM BRTZON LDAN, ,MTHA' BRAL STONG NYID RNAM DPYOD YAL 'DAB RGYAS, ,RIM GNYIS MTHAR PHYIN ZUNG 'JUG 'BRAS BUS BRJID, ,RDO RJE 'DZIN PA'I GTZOL GSOL BA 'DEBS, ,DE LTAR DAD SHUGS DRAG POS GSOL BTAB PAS, ,BLA MA'I YI GE GSUM LAS BDUD RTZI'I RGYUN, ,RIM DANG CIG CAR BYUNG NAS BDAG NYID KYI, ,SGO GSUM THIMS NAS SGRIB BZHI RNAM PAR DAG ,DBANG DANG SKU BZHI THOB CING BLA MA NYID, ,DGYES SHING THIM PAS RANG DANG DBYER MED GYUR, ,SKYE BA KUN TU YANG DAG BLA MA DANG, ZHES SOGS BA SNGO SMON SHIS BRJOD RNAMS SKABS SBYAR BYA'O, ZHES BLA MA'I RNAL 'BYOR 'DI NI KHAL KHA NAS SNGOM BRTZON DANG LDAN PA RJE BTZUN SPRUL PA'I SKU BLO BZANG BSTAN PA'I RGYAL MTSAN GYI BKAS BSKUL BA LA BRTEN NAS, SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O, ,SARBA DZ'A GA TAm,, ` AOm BDE LEGS SU GYUR CIG ,NGAG GI DBANG PHYUG DGE LEGS 'OD DKAR CAN, ,'JAM MNGON BSTAN PA'I ZLA MDZES GSAL MDZAD CING, ,'GRO BA'I TSA GDUNG MA LUS BSIL

, ,BA'I DPAL, ,RJE BTZUN BLA MA RDO RJE LTAR BRTAN SHOG ,RGYAL BA GNYES PA'I RING LUGS MTHA' DAG LA, ,LEGS PAR SBYANGS PAS BLO GROS THOGS MED MKHYEN, ,GDUL BYA'I RE BA MTHA' DAG STZOL MDZAD PA'I, ,BSHES GNYEN BZANG PO'I ZHABS LA GSOL BA 'DEBS, ,BDAG SOGS SKYE ZHING SKYE BA THAMS CAD DU, ,THEG MCHOG DGE BA'I BSHES GNYEN CHEN PO YIS, ,'BRAL BA MED PAR RJES SU BZUNGS NAS NI, ,THAMS CAD MKHYEN PA'I GO 'PHANG MTHAR PHYIN SHOG ,CES PA 'DI NI MTSAN SGROG ZHABS DRUNG LA BRTAN BZHUGS GSOL 'DEBS SHIG DGOS ZHES DPON PO DGE SLONG BLO BZANG BSAM GTAN DANG GRVA TSOGS RNAM KYIS BSKUL BA'I NGOR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GA LAm,, ` SVASTI, BLO BZANG RGYAL BA GNYIS PA'I MDO SNGAGS KYI, ,YON TAN MA LUS RAB TU GSAL MDZAD CING, ,SKAL LDAN GDUL BYA YONGS KYI GNYEN GCIG PU, ,DPAL LDAN BLA MA'I ZHABS LA GSOL BA 'DEBS, ,DENG NAS BZUNGS TE TSE RABS THAMS CAD DU, BSHES GNYEN MTSAN NYID LDAN PAS RJES BZUNGS TE, ,THEG PA MCHOG GI LAM BZANG DAM PA LA, ,BDE BLA GNYID DU MYUR DU BGROD PAR SHOG ,DGE 'DIS MTSON NAS SKYE BA THAMS CAD DU, ,DAL BRGYAD 'BYOR BCU TSANG BA'I RTEN THOB CING, RNAM DAG LAM BZANG MCHOG LA SPYOD PA YI, ,'GRO KUN 'DREN PA'I DPAL DU 'GYUR BAR SHOG ,CES PA 'DI NI RJE BTZUN MA BKRA SHIS CHOS 'PHEL GYIS BSKUL BA'I NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O, ,

` AOm BDE LEGS SU GYUR CIG ,BLO BZANG RGYAL BA'I RING LUGS 'DZIN PA LA, ,MKHAS MANG RGYA MTSO'I DBUS NA MNGON BRJID CING, ,'JAM MGON BSTAN PA'I RGYAL MTSAN 'DZIN PA'I RJE, ,DPAL LDAN BLA MA BSKAL BRGYAR ZHABS BRTAN SHOG , BSLAB GSUM YAN LAG BRGYAD LDAN CHU GTER LAS, ,'ONGS BA'I LEGS BSHAD BDUD RTZI BZANG PO YIS, ,DAD LDAN GDUL BYA'I YID RAB TSIM MDZAD PA'I, ,YONGS 'DZIN BSHES GNYEN RDO RJE LTAR BRTAN SHOG ,MCHOG GSUM SLU MED BDEN PA'I BYIN RLABS DANG, ,MOS LDAN 'DUS PAS RTZE GCIG GSOL BTAB MTHUS, ,RJE BTZUN BLA MA BSKAL BRGYAR ZHABS BRTAN NAS, ,'PHRIN LAS BZANG PO DBYAR MTSO LTAR 'PHEL SHOG ,CES KHAL KHA RJE BTZUN SPRUL PA'I SKU LA BRTAN BZHUGS SHIG DGOS ZHES RTA NAG PA SLOB DPON MER RGAN CHOS RJE NGAG DBANG CHOS 'PHEL GYIS BSKUL BA'I NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, ` BHYOO: 'DOD KHAMS DBANG PHYUG GTZO MO RE MA TIR, ,'PHRIN LAS RNAM BZHI G-YEL MED MDZAD PHYIR DU, ,GTANG RAG DGYES PA BSKYED PHYIR LEGS 'BUL NA, ,BZHES NAS BGEGS RIGS BAR CHAD BZLOG PAR MDZOD,, MANG+GA LAm,, ` CHOS BZHIN SGRUB PA'I GANG ZAG SKYONG MDZAD PA'I, ,'DOD KHAMS DBANG PHYUG DBYER MED LCAM SRING KHYOD, ,'PHRIN LAS BZHI GZHIR RTAG TU BSGRUBS PA YIS, ,'GAL RKYEN KUN SOL MTHUN RKYEN BSAM DON SGRUBS,, ` AOm BDE LEGS SU GYUR CIG ,DPAL MGON YE SHES MGON PO 'KHOR BCAS LA, ,BSTAN DANG BSTAN 'DZIN BCOL ZHING LEGS GTAD PAS, ,

, ,BSTAN 'DZIN SKYES BU'I ZHABS PAD BRTAN BA DANG, ,MTHU LDAN KHYOD KYIS LAS BZHI BKA' BZHIN SGRUBS,, ` YID BZHIN DBANG RGYAL YE SHES CHEN PO'I TSUL, ,BDAG CAG 'GRO DRUG 'KHOR BCAS BDE LDAN ZHING, ,LAS BZHI RTAG TU BSGRUB LAM G-YEL BAR, ,BDE SKYID MCHOG TU 'GRUB PA'I 'PHRIN LAS MDZOD,, ` RNAM MANG THOS SRAS 'DOD DGU'I CHAR 'BEBS BA'I, ,'KHOR TSOGS RGYA MTSOS LAS RNAMS TSUL BZHIN DU, ,SGRUB MDZAD BSRUNG MAS RTAG TU BYA RA DANG, , MDO SNGAGS YON TAN RGYAS PA'I 'PHRIN LAS STZOL,, ` 'JAM MGON CHOS KYI RGYAL PO YAB SRAS KYI, ,BSTAN PA TSUL BZHIN SRUNG MDZAD CHOS KYI RGYAL, ,'PHRIN LAS RNAM BZHI G-YEL MED MDZAD PA DANG, ,LAS RNAMS MYUR DU BDE SKYID LDAN BAR SGRUBS,, ` DRAG PO RDO RJE MTHU STOBS NAG PO YI, ,'KHOR DANG BCAS BAS LAS BZHI G-YEL MED PAR, ,RTAG TU TSUL BZHIN SGRUB PAR MDZAD PA DANG, ,BSAM DON YID BZHIN 'GRUB PA'I 'PHRIN LAS MDZOD,, ` RNAM MANG THOS SRAS 'KHOR DANG BCAS RNAMS KYIS, ,DGOS 'DOD RE BA YID BZHIN SGRUB BA DANG, ,BDE SKYID 'BYOR PA NOR 'BRU RAB 'PHEL ZHING, ,BSAM DON GEGS MED 'GRUB PA'I 'PHRIN LAS MDZOD, CES ME BYA CHOS SRUNGS RNAMS LA SNYAN SHAL SO SOR PHUL BA'I ZHAL YIG TU SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, ` DPAL GYI LHA MOS LAS BZHI G-YEL MED CING, ,DNGOS GRUB MI ZAD LEGS PAR STZOL MDZAD PA'I, ,SANGS RGYAS BSTAN PA CHES CHER RGYAS PA DANG, ,GNAS SKABS SU YANG BYAMS

BRTZES SKYONG BAR SHOG, CES PA 'DI YANG ME BYA MA GCIG DPAL GYI LHA MOR SNYAN SHAL PHUL BA'I ZHAL YIG TU SH'AKYA'I BTZUN PA BLO BZANG YE SHES KYIS PHO BRANG CHEN PO PO TA LA'I GZIMS CHUNG BDE BA CAN DU SMRAS PA'O,, ` 'DREN MCHOG MNYAM MED SH'AKYA'I RGYAL PO LA, ,BSTAN PA RGYAS PA'I GSOL BA BTAB PA'I MTHUS, ,'THAB RTZOD DMAG 'KHRUG MI MTHUN KUN ZHI NAS, ,'GRO LA BDE SKYID 'BYOR LDAN NAD MED SHOG ,CES PA 'DI YANG JO BO RIN PO CHER SNYAN SHAL PHUL BA'I ZHAL YIG TU SH'AKYA'I DGE SLONG BLO BZANG YE SHES KYIS PHO BRANG CHEN PO PO TA LAR SMRAS PA'O,, ` YONGS SU DAG PA'I ZHING KHAMS BZANG PO DER, ,PADMO'I SBUBS SU RDZUS TE SKYES GYUR NAS, ,ZHAL BZANG GSUNG GI DBYANGS SNYAN LEGS THOS TE, ,BLA MED THEG PA'I GO 'PHANG MYUR THOB SHOG, CES BDE BA CAN DU SKYE BA'I SMON LAM 'DI YANGS KHUD PA RJE DRUNG BLO BZANG BRTZON 'GRUS KYIS JO BO RIN PO CHER SNYAN SHAL PHUL BA'I ZHAL YIG TU SH'AKYA'I BTZUN PA BLO BZANG YE SHES KYIS PHO BRANG CHEN PO PO TA LAR SMRAS PA'O,, ` BHYOO: 'DOD KHAMS DBANG PHYUG DPAL LDAN RE MA TI, ,'PHRIN LAS TSUL BZHIN SGRUB PAR KHAS BLANGS BZHIN, ,MDO SNGAGS YON TAN MTHA' DAG RGYAS 'GYUR BA'I, ,SRID MTHA' BAR DU BRTAN PA'I 'PHRIN LAS MJOD, CES PA 'DI YANG DPAL LDAN LHA MOR SNYAN SHAL PHUL BA'I ZHAL YIG TU SH'AKYA'I BTZUN PA BLO BZANG YE SHES KYIS DBEN SA CHOS KYI PHO BRANG DU SMRAS PA'O,, ` SVASTI, BLA MA YI DAM CHOS SRUNGS TSOGS RNAMS KYIS, ,JI LTAR BCOL BA'I LAS BZHI THOGS MED DU, ,G-YEL BA MED PAR TSUL BZHIN RAB BSGRUBS NAS, ,RNAL 'BYOR DGON

, ,GNAS DGE 'DUN SDE BCAS SKYONGS, ZHES CHOS SRUNGS RNAMS LA 'PHRIN 'CHOL TSIGS BCAD 'DI YANG SH'AKYA'I BTZUN BA BLO BZANG YE SHES KYIS BKA' GDAMS PO BRANG DU SMRAS PA'O,, BKRA SHIS,, ` AOm BDE LEGS SU GYUR CIG ,'JAM MGON BSTAN PA'I DPAL GYUR BLA MA MCHOG ,SKU GSUNG THUGS DANG YON TAN 'PHRIN LAS RNAMS, ,GCIG TU BSDUS PA DGE LEGS RGYA MTSO'I DPAL, ,DBYER MED BLA MA MCHOG LA GSOL BA 'DEBS, ,BLO BZANG RGYAL BA'I MDO SNGAGS CHU GTER LAS, ,'ONGS PA'I LEGS BSHAD RNAM DPYOD BDUD BDUD RTZI'I RGYUN, ,'GRO RNAMS TSIM MDZAD RJE BTZUN BLA MA LA, ,RTZE GCIG GUS PA'I YID KYIS GSOL BA 'DEBS, ,BSLAB GSUM RNAM PAR DAG PA'I MKHA' DBYINGS LA, ,LUNG RTOGS YON TAN NYIN BYED STONG 'BAR BAS, ,SKAL BZANG GDUL BYA'I BLO MUN SEL MDZAD PA'I, ,RJE BTZUN BLA MA'I ZHABS LA GSOL BA 'DEBS, ,RGYAL BA'I CHOS TSUL KUN LA THOGS MED PAS, ,BSHAD SGRUB BSTAN PA'I RGYAL MTSAN 'DZIN PA LA, ,MKHAS MANG RGYA MTSO'I DBUS NA MNGON MTHO BA, ,DPAL LDAN BLA MA'I ZHABS LA GSOL BA 'DEBS, ,DENG NAS BZUNGS TE TSE RABS THAMS CAD DU, ,DPAL LDAN BLA MAS 'BRAL MED RJES BZUNGS NAS, ,MCHOG DANG THUN MONG DNGOS GRUB STZOL MDZAD PA'I, ,BKA' BZHIN SGRUB PA KHO NAS MNYES BYED SHOG, CES PA 'DI NI SGRUB KHANG GZHAN PHAN GLING, RA KHA BRAG BDE CHEN GLING, PHUR BU LCOG BYANG CHUB GLING GSUM GYI DGE SLONG BYA BRAL BA RNAMS KYIS RTZA BA'I BLA MA DANG DBYER MED DU

GSOL BA BTAB CHOG PA'I GSOL 'DEBS 'DI LTA BU ZHIG DGOS ZHES NAN GYIS BSKUL BA LTAR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU BGYIS PA'O,, BKRA SHIS,, ` SVASTI, BLO BZANG RGYAL BA'I RING LUGS 'DZIN PA'I RJE'I, ,SNANG BRNYAN NGO MTSAR MDZES SKU 'DI BZHENGS PAS, ,NAM YANG MI NUB BSKAL BRGYAR ZHABS BRTAN CING, ,'DIS MTSON DGE BAS DON KUN GRUB GYUR CIG, 'TSO BYED NAM MKHA' DON GRUB KYIS BSKUL BA'O,, DGE'O,, ` SVASTI, RMAD BYUNG BSLU MED DKON MCHOG THUGS RJE DANG, ,SKAL LDAN GDUL BYAS BRTZE GCIG GSOL BTAB MTHUS, ,BSTAN 'GRO'I DPAL DU SPRUL SKU'I BSIL ZER CAN, ,MYUR DU TSES BA'I 'DOD PA YONGS SMIN SHOG ,BLO GROS 'PHRIN LAS BZANG PO'I RNAM DKAR GYIS, ,RLABS CHEN BYA BA MYUR DU YONGS SMIN PAS, ,SPRUL PA'I BZHED DON BZANG PO LEGS GRUB NAS, ,YANG SRID BSTAN 'GRO'I NYER 'TSOR 'GYUR BAR SHOG ,MTHU LDAN CHOS SKYONG BSRUNG MA'I MTHU RTZA LA DANG, ,DRANG SRONG RIG SNGAGS 'CHANG BA'I BDEN TSIG DANG, ,MTHA' YAS 'GRO BA'I LEGS BYAS BSOD NAMS MTHUS, ,GDUL BYA'I RE BA YONGS SU SMIN GYUR CIG ,CES PA 'DI NI 'BRI KHUNG SPRUL SKU DKON MCHOG 'PHRIN LAS BZANG PO'I YANG SRID MYUR 'BYON GYI TSIGS BCAD TSOGS 'DON DU BTZUGS CHOG PA CIG DGOS ZHES SPRUL PA'I SKU DKON MCHOG 'PHRIN LAS DON GRUB CHOS KYI RGYAL PO'I GSUNG GIS NAN GYIS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU BGYIS PA'O,, SARBA DZA GA TAm,, ` NA MO SH'AKYA MU NA YE, RTZA RGYUD BSHAD RGYUD LA SOGS RGYUD KYI GZHUNG, ,BOD YUL GSAL

, ,BAR MDZAD BRGYAL BA'I BKA', ,KHA BA CAN LJONGS JI SNYED 'GYUR RO COG ,LEGS PAR BZHENGS PA'I DGE BA MTHAR PHYIN SHOG, ` RGYAL GSUNG YUM DON SHES RAB PHA ROL PHYIN, ,LEGS PAR BGYIS PAS MAR GYUR 'GRO KUN GYI, , SGRIB GNYIS BAG CHAGS BCAS BA DAG GYUR NAS, ,KUN MKHYEN RGYAL BA'I BSTAN BA RGYAS GYUR CIG, ` RGYAL BA'I GSUNG RAB KUN GYI BCUD PHYUNG BA, ,SHER PHYIN BRGYAD STONG LEGS PAR BSKRUN PA'I MTHUS, ,'JIG RTEN KHAMS 'DIR BDE SKYID 'BYUNG BA DANG, ,MTHAR THUG BLA MED BYANG CHUB MYUR THOB SHOG, ` BSIL LJONGS BOD YUL 'GYUR BA'I MDO SDE MCHOG ,LEGS PAR BZHENGS PA'I DGE TSOGS DU MA'I MTHUS, ,BDE SKYID 'BYOR BA SNYAN GRAGS RGYAS BA DANG, ,THUB PA'I BSTAN PA YUN DU RGYAS PHYIR BSNGO, , ` BDE BAR GSHEGS PA'I GSUNG RAB MYANG 'DAS CHE, , LEGS PAR BSGRUBS PA'I RNAM DKAR BYA BA'I MTHUS, ,RGYAL BSTAN YUN RING MI NUB GNAS PA DANG, ,THUB DBANG GO 'PHANG BDE BLAG THOB PAR SHOG, ` MDO SDE GSUNG RAB PHAL BO CHE BZHENGS PAS, ,'GRO LA BDE SKYID MTHA' DAG 'BYUNG BA DANG, ,TSOGS GNYIS YONGS RDZOGS SGRIB GNYIS KUN BYANG NAS, ,KUN MKHYEN THUB BSTAN PHYOGS BCUR RGYAS PAR SHOG, ` DKON MCHOG BRTZEGS PA GLEGS BAM BZHENGS PA'I MTHUS, ,BDAG SOGS MAR GYUR SEMS CAN THAMS CAD KYI, ,MA RIG MUN PA MTHA' DAG LEGS BSAL NAS, ,GRANGS MED DAG PA'I ZHING DU SKYE BAR SHOG, ` 'DUL LUNG GSUNG RAB GLEGS BAM BSKRUN PA YIS, ,RGYAL BSTAN MI NUB YUN DU BRTAN PA DANG, ,DE 'DZIN SKYES BU'I SKU TSE 'PHRIN LAS RGYAS, ,DMAG 'KHRUG NAD YAMS MI MTHUN ZHI BAR SHOG, ` THUB PA'I GSUNG RAB MDO RGYUD RGYA MTSO'I

TSOGS, ,BSKRUN LA MTHUN RKYEN SGRUB PA'I 'GRO BA YIS, ,SGO GSUM GUS PA'I SGO NAS 'BAD PA'I DGES, ,'GRO KUN DON DU SANGS RGYAS MYUR THOB SHOG, ` AOm SVASTI, BSLAB GSUM RNAM DAG YON TAN KUN GYI GZHIR, ,BLO BZANG LUNG RTOGS SA BRTOL YAL 'DAB RGYAS, ,TSOGS GNYIS YE SHES 'BRAS BUS LEGS MDZES PA'I, ,BSTAN 'GRO'I MGON PO BSKAL BRGYAR ZHABS BRTAN SHOG ,RGYAL BA'I BSTAN PA RIN CHEN CHU GTER LAS, ,RNAM DAG BLO GROS LDAN PA'I DED DPON GYIS, ,ZAB RGYAS YID BZHIN NOR BU'I KHUR KHYER BA'I, ,BSTAN BA'I NYER 'TSO YUN RING ZHABS BRTAN SHOG ,LHAR BCAS 'GRO BA KUN GYI SKYABS KYI MCHOG ,BYAMS DANG SNYING RJE'I 'OD STONG 'PHRO BA YIS, ,SKYE DGU'I RMONGS BA'I MUN PA SEL MDZAD PA'I, ,RJE BTZUN BLA MA YUN RING RTAG BRTAN SHOG ,BSOD NAMS PHUN SUM TSOGS PA'I GZHAL MED KHAR, ,BSLAB GSUM RIM GNYIS NOR BUS YONGS GANG ZHING, ,'PHRIN LAS BZANG BO'I RGYAL MTSAN CHER BSGRENG BA'I, ,YONGS 'DZIN DAM PA BSKAL BRGYAR G-YO MED SHOG, , BLO BZANG MKHYEN BRTZE'I DPAL GOS SBRANG RTZIS GTAMS, ,LEGS BSHAD NGO MTSAR DRI BSUNG PHYOGS BRGYAR 'PHRO, ,SKAL BZANG BUNG BA'I TSOGS RNAMS TSIMS MDZAD PA'I, ,'GRO BA'I 'DREN MCHOG ZHABS PAD BRTAN PAR SHOG ,MDO RGYUD GZHUNG LUGS KUN LA MKHYEN PA RGYAS, ,'CHAD RTZOD RTZOM PA'I LEGS BSHAD RGYUN MI 'CHAD, ,MTSAN DPE RDO RJE LTA BUR RAB BRTAN PA'I, ,SKYON BRAL RJE BTZUN BLA MAR GSOL BA 'DEBS, ,'PHAGS TSOGS 'DUS BAS RTZE GCIG GSOL BTAB MTHUS, ,ZHABS

, ,ZUNG MI NUB RI DBANG LTAR BRTAN CING, ,'DIS MTSON DGE BAS MKHA' MNYAM 'GRO BA KUN, ,'BRAL MED RJES BZUNGS CHOS LA SPYOD PAR SHOG ,CES BA 'DI NI ZUR BZHI SLOB DPON DGE BSKOS 'DUS TSOGS BCAS BAS RING DU 'TSO BA'I TSIGS BCAD TSOGS 'DON DU BTZUGS CHO GA PA ZHIG DGOS ZHES BSKUL BA LTAR BU RAM SHING BA'I RING LUGS BA DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, ` SVASTI, SKU BZHI'I BDAG NYID BLO BZANG RDO RJE 'CHANG, ,DBYER MED GSUM LDAN YE SHES 'OD DKAR GYIS, ,SKAL LDAN GDUL BYA'I KU MUD RAB BZHAD BA'I, ,'KHOR LO'I MGON BO SRID MTHAR ZHABS BRTAN SHOG ,CES RING 'TSO'I TSIGS BCAD 'DI NI SNGAGS GRVA SPYI SOS BSKUL BA LTAR SH'AKYA'I DGE SLONG BLO BZANG YE SHES KYIS SMRAS BA'O,, ` AOm BDE LEGS SU GYUR CIG ,BLO GSAL GSUNG RAB KUN LA MKHYEN BA RGYAS, ,BZANG BO'I MDZAD BAS 'GRO LA THUGS BRTZE ZHING, ,YE SHES 'PHRIN LAS GDUL BYAR STZOL MDZAD PA'I, ,BSHES GNYEN BZANG BO BSKAL BRGYAR ZHABS BRTAN SHOG ,BLO BZANG GRAGS BSTAN PADMA'I GNYEN GCIG BU, ,BSTAN DANG 'GRO BA'I DPAL DU LEGS SHAR BA'I, ,YE SHES 'OD KYIS THUB BSTAN GSAL MDZAD PA, ,RJE BTZUN BLA MA G-YO MED BRTAN BAR BZHUGS, ,ZAB RGYAS CHOS TSUL KUN LA MNGA' BRNYES SHING, ,MKHAS MANG 'DUS BA'I TSOGS SU SGROG PA LA, ,MKHAS PA'I DPAL GYUR KUN MKHYEN RING LUGS BA, ,YONGS 'DZIN DGE BA'I BSHES GNYEN ZHABS BRTAN SHOG ,BLO GROS RNAM DPYOD 'CHI MED LAM

YANGS BAR, ,MA RIG CHU 'DZIN DRI MAS MA BSGRIBS SHING, ,SBANGS RTOGS BDUD RTZI'I 'BYUNG GNAS 'OD GSAL BA, ,DPAL LDAN BLA MA BSKAL BRGYAR ZHABS BRTAN SHOG ,MDO SNGAGS YON TAN MA LUS THUGS CHUD NAS, ,BSHAD SGRUB BSTAN PA'I RGYAL MTSAN 'DZIN PA LA, ,MKHAS MANG RGYA MTSO'I DBUS NA MNGON BAR MDZES, ,MI 'JIGS KHRI LA G-YO BA MED PAR SHOG ,BLO BZANG RGYAL BA GNYIS PA'I LUNG RTOGS KYI, ,BSTAN PA RIN CHEN PHYOGS BRGYAR GSAL MDZAD CING, ,ZHVA SER RING LUGS 'DZIN LA ZLA BRAL BA, ,'GRO 'DREN DAM PAR GUS PAS GSOL BA 'DEBS, ,DENG NAS SKYE ZHING SKYE BA THAMS CAD DU, ,YONGS 'DZIN BSHES GNYEN MCHOG GIS RJES 'DZIN CING, ,RNAM DAG BDE 'GRO'I RTEN BZANG LEGS BRGYUD NAS, ,MTHAR THUG BLA MED BYANG CHUB MYUR THOB SHOG ,CES PA 'DI NI DKYIL KHANG ZHAL SNGA NAS YE SHES DPAL 'BYOR GYIS RING 'TSO'I TSIGS BCAD ZHIG DGOS ZHES NAN GYIS BSKUL BA LTAR SH'AKYA'I BTZUN PA BLO BZANG YE SHES KYIS GZIMS KHANG RGYAL MTSAN MTHON POR SBYAR BA'O,, ` AOm BDE LEGS SU GYUR CIG ,RGYAL BA'I CHOS TSUL KUN LA BLO GROS RGYAS, ,LUNG DANG RIGS PAS SKAL BZANG GDUL BYA LA, ,RTZE GCIG YE SHES SPYAN GYIS LEGS GZIGS PA'I, ,MTSUNGS MED RJE BTZUN BLA MA ZHABS BRTAN SHOG, BLO BZANG RGYAL BA GNYIS PA'I CHOS SRID LA, ,RAB BSNGAGS MKHAS MANG DBUS NA MNGON PAR BRJID, ,YE SHES 'PHRIN LAS SA GSUM SKYE DGU'I GNYEN, ,BSHES GNYEN DAM PA YUN RING ZHABS BRTAN SHOG ,BYAMS PA DANG SNYING RJE'I LHA LAM YANGS

, ,PA LA, ,BLO BZANG MKHYEN BRTZE'I DKYIL 'KHOR RAB RGYAS SHING, ,YE SHES 'OD KYIS THUB BSTAN PADMO'I TSAL, ,RGYAS MDZAD DPAL LDAN BLA MA ZHABS BRTAN SHOG ,BSLAB GSUM RIN CHEN 'BYUNG GNAS RGYA MTSO LAS, ,'THON PA'I BYANG SEMS YID BZHIN DBANG GI RGYAL, ,'GRO LA PHAN BDE'I LAM BZANG MCHOG STZOL BA'I, ,RJE BTZUN BLA MA BSKAL BRGYAR ZHABS BRTAN SHOG ,'JIG RTEN KHAMS 'DIR DMAG 'KHRUG MU GE SOGS, ,MI SHIS MI MTHUN RGYUD PA KUN ZHI ZHING, , THUB BA'I BSTAN PA YUN RING GNAS PA DANG, ,'GRO KUN BDE SKYID LDAN PA'I BKRA SHIS SHOG ,CES PA 'DI NI SDE SRID RIN PO CHE DANG DPON JA'I SANG RNAMS KYI GSUNG GI NAN GYIS BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU 'PHRAL DU BGYIS PA'O,, ` SVASTI, BLO BZANG RGYAL BA GNYIS PA'I LUNG RTOGS RNAMS, ,PHYOGS 'DIR SBEL LA RNAM DPYOD KHUR KHYER NAS, ,YE SHES THUGS RJES 'GRO BA'I DON MDZAD BA, ,DPAL LDAN BLA MA BSKAL BRGYAR ZHABS BRTAN SHOG ,RMAD BYUNG BLO GROS MDZAD BA'I YONGS 'DU CHE, ,MDO SNGAGS YON TAN YAL 'DAB RAB TU RGYAS, ,RIM GNYIS ZAB MO'I 'BRAS BUS LEGS DUD PA'I, ,YONGS 'DZIN DAM PA ZHABS PAD BRTAN PAR SHOG ,BLA MA YI DAM BSRUNG MA'I BYIN RLABS DANG, ,GUS LDAN MOS PAS SNYING NAS GSOL BTAB MTHUS, ,BSTAN 'GRO'I MGON PO BSKAL BRGYAR ZHABS BRTAN NAS, ,'GRO KUN LAM BZANG MCHOG LA 'GOD PAR SHOG ,CES PA 'DI NI BKA' BLON BKRA SHIS RTZE NAS BKRA SHIS TSE RING GIS BSKUL BA'I NGOR SH'AKYA'I

BTZUN PA BLO BZANG YE SHES KYIS SMRAS BA'O,, ` SVASTI, PHUN TSOGS BLO GROS GANGS KYI RI BO NAS, ,BYIN RLABS THUGS RJE'I RGYUN BZANG LEGS 'ONGS BA'I, ,YE SHES BDUD RTZIS 'GRO KUN TSIMS MDZAD PA, ,DPAL LDAN BLA MA SRID MTHAR ZHABS BRTAN SHOG ,THOG MED DUS NAS NYON MONGS DUG GSUM GYIS, ,SBAGS PA'I NYES TSOGS MA LUS CI MCHIS PA, ,BSAM BA THAG BAS SPYAN SNGAR BSHAGS SHING SNGOM, ,BDAG GZHAN DUS GSUM DGE TSOGS JI SNYED BA, ,DE DAG THAMS CAD BLA MED BYANG CHUB TU, ,LEGS PAR BSNGOS PAS BDAG GZHAN 'GRO BA KUN, ,RDZOGS PA'I SANGS RGYAS THOB PA'I RGYUR GYUR CIG ,CES PA 'DI NI SGO MANG BLA MA BLO BZANG PHUN TSOGS KYIS BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O,, ` SVASTI, 'JAM DPAL DPA' BO'I RIM GNYIS ZAB MO'I LAM, ,BSGOMS PA'I LEGS TSOGS RNAM PAR DAG PAR BDAG ,ZUNG 'JUG BDE BA CHEN PO'I GO 'PHANG MCHOG ,THOB NAS 'GRO KUN THEG MCHOG LAM 'GOD SHOG ,CES MI DBANG MTHU STOBS DBANG POS 'JIGS BYED SMON LAM MDOR BSDUS SHIG DGOS GSUNG BA LTAR GSHIN RJE'I GSHED KYI RNAL 'BYOR PA BLO BZANG YE SHES KYIS SMRAS PA'O,, ` SVASTI, LHA MI'I STON PA ZAS GTZANG SRAS PO YIS, ,RMAD BYUNG MDZAD PA BCU GNYIS RNAM ROL BA'I, ,RGYA CHER ROL PA LA SOGS DRI MED BKA', ,BZHENGS PA'I DGE BAS RDZOGS BYANG MYUR THOB SHOG, ` SVASTI, DRI MA MED PA'I GSUNG RAB RNAMS BZHENGS PAS, ,SGRIB GNYIS BAG CHAGS BCAS PA DRUNGS PHYUNG STE, ,BDAG SOGS MAR GYUR SEMS CAN

, ,THAMS CAD KYIS, ,YANG DAG LAM BZANG MYUR DU THOB PAR SHOG ,DGE 'DIS MTSON NAS DUS GSUM DANG 'BREL BA'I, ,RNAM DKAR CI MCHIS DPAL LDAN BLA MA YIS, ,'BRAL MED RJES SU 'DZIN PA'I RGYUR GYUR TE, ,RGYAL BA'I BSTAN LA BYA BA BYED PAR SHOG ,CES PA 'DI NI BLO BZANG PHUN TSOGS KYIS PHA MA NYE 'BREL SOGS KYI LAS SGRIB SBYANG PHYIR RGYA CHER ROL BA SOGS GLEGS BAM BZHI BZHENGS BA'I DGE BA RDZOGS BYANG DU BSNGO BA'I TSIGS BCAD CIG DGOS ZHES BSKUL BA LTAR SH'AKYA'I DGE SLONG BLO BZANG YE SHES KYIS SMRAS BA'O,, ` SVASTI, 'PHAGS BOD MKHAS PA'I GZHUNG LUGS RAB 'BYAMS LA, ,BLO GROS YE SHES RGYAS PA'I RNAM DPYOD KYIS, ,GZIGS NAS BSTAN BA'I MGON POR RAB BSNGAGS PA'I, ,RJE BTZUN BLA MA BSKAL BRGYAR ZHABS BRTAN SHOG ,CES 'PHAGS PA SPRUL PA'I SKU'I BRTAN BZHUGS 'DI NI SE RA KHAMS TSAN SPYI SOS BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, ` AOm BDE LEGS SU GYUR CIG , TSOGS GNYIS YONGS RDZOGS MNGON PAR RAB 'PHAGS PAS, ,YE SHES 'OD DKAR 'PHRENG BA'I LEGS BSHAD KYIS, ,THUB BSTAN KUNDA'I TSAL KUN RGYAS MDZAD PA'I, ,'GRO BA'I MGON PO BSKAL BRGYAR ZHABS BRTAN SHOG ,'PHAGS PA MCHOG GI SRID LA YE SHES KYIS, ,DBANG BSGYUR BSTAN PA'I RGYAL MTSAN 'DZIN PA LA, ,SPRUL SKU'I YANG SRID RNAM DPYOD THUGS RJE'I RGYUN, ,LEGS 'ONG BSTAN 'GRO'I MGON PO ZHABS BRTAN SHOG ,CHU 'DZIN DRIS DBEN 'PHAGS PA'I LHA LAM LA, ,SHANG BA'I YE

SHES 'GRO BA'I SGRON ME YIS, ,RGYAL BA GNYIS PA'I BSTAN BA'I PADMO'I TSAL, ,'BYED MDZAD MGON PO KHYOD NYID ZHABS BRTAN SHOG ,GZHON NU NYID NAS KHYOD SKU'I SA 'DZIN LA, ,CHOS GOS MTSAMS SBRIN GSAR PAS RAB MDZES SHING, ,MKHAS MANG GSER RI'I DBUS NA RAB BRJID PA'I, ,BANG RIM MNGON MTHO SRID MTHAR ZHABS BRTAN SHOG ,BLO BZANG RGYAL BA GNYIS PA'I GSUNG RAB DON, ,JI BZHIN THUGS SU CHUD NAS GDUL BYA LA, ,'CHAD LA NGAL MED YAN LAG DRUG CU'I GSUNG, ,RGYUN CHAD MED PAR YUN RING SGROG PAR SHOG ,KHYOD THUGS DPAL 'BAB MDZOD LAS NYIN RE BZHIN, ,THUGS RJE'I CHU KLUNG BYE BA 'BUM PHRAG BRGYA, ,NAM YANG CHAD MED GANG+GA'I RGYUN BZHIN DU, ,'BEB MKHAS RJE BTZUN BLA MA ZHABS BRTAN SHOG ,BLA MA YI DAM BSRUNG MA'I THUGS RJE DANG, ,DAD LDAN SKAL BZANG GDUL BYA'I MOS PA'I MTHUS, ,SPRUL SKU'I SKU TSE BGRANG YAS BSKAL BRGYA'I BAR, ,NAM YANG G-YO MED RDO RJE LTA BUR SHOG ,CES 'PHAGS PA RGYAL BRGYA MTSO'I MCHOG GI SPRUL PA'I SKU 'PHAGS PA YE SHES BSTAN PA'I MGON PO'I BRTAN BZHUGS TSIGS SU BCAD PA 'DI NI CHOS RJE NGAG DBANG BSTAN 'DZIN LHUN GRUB KYI GSUNG GIS BSKUL BA LA BRTEN NAS CHOS SMRA PA'I BTZUN PA BLO BZANG YE SHES KYIS BZLA BA'I YAR TSES DGE BA LA BKA' GDAMS PO BRANG DU SMRAS PA'O,, MANG+GA LAm,, ` SVASTI, BYANG CHUB SEMS DPA' BRGYAD KYIS ZHING KHAMS MCHOG ,BGROD PA'I LAM BZANG SGO BRGYA LEGS PHYE NAS, ,MGON PHO 'OD DBAG MED KYI ZHAL DKYIL BZANG, ,LEGS PAR MTHONG BA'I SKAL BZANG LA SPYOD SHOG ,

, ,CES BA'O,, ` NA MO GU RU SH'AKYA MU NA YE, DPAG MED BSKAL BAR 'GRO LA RAB GZIGS PA'I, ,RMAD BYUNG THUGS RJE RLABS CHEN MDZAD PA YIS, ,DON KUN LHUN GRUB GZHAN DON RGYUN MI 'CHAD, ,THUB DBANG RDO RJE 'CHANG LA GSOL BA 'DEBS, ,BDAG GZHAN SEMS NYID 'BYONGS BAR BYIN GYIS RLOBS, ,NGAG GI DBANG PHYUG GZHON NU MDZES BA'I SKU, ,CHOS TSUL KUN LA BLO GROS MKHYEN BA RGYAS, ,'GRO LA BYAMS DANG BRTZE BAS RAB DGONGS NAS, ,SHES RAB MCHOG STZOL KHYOD LA GSOL BA 'DEBS, ,BDAG GZHAN SEMS NYID 'BYONGS BAR BYIN GYIS RLOBS, ,BLO GROS BZANG POS LUNG RTOGS DAM CHOS RNAMS, ,SPEL LA ZLA BRAL NGUR SMRIG 'CHANG BA'I TSUL, ,GRAGS BA'I LEGS BSHAD CHOS SGRA MNGON PAR BSGRAGS, ,'CHOS KYI RGYAL POR GYUR PA LA GSOL BA 'DEBS, ,BDAG GZHAN SEMS NYID 'BYONGS PHAR BYIN GYIS RLOBS, ,BLO BZANG GSUNG GI LEGS BSHAD BGO SKAL LA, ,SPYOD BA'I 'GRO LA YE SHES KYIS GZIGS NAS, ,SMIN GROL LAM LA 'GOD PA'I DED DPON MCHOG ,BSLU MED GTAN GYI SKYABS LA GSOL BA 'DEBS, ,BDAG GZHAN SEMS NYID 'BYONGS PAR BYIN GYIS RLOBS, ,BSLAB GSUM RNAM PAR DAG PA'I YON TAN LAS, ,BYUNG BA'I MKHAS BTZUN BSTAN PA'I DPAL DU GYUR, , GRAGS PA'I 'BRUG SGRA 'JIG RTEN GSUM NA SGROG ,MTSUNGS MED RJE BTZUN BLA MAR GSOL BA 'DEBS, ,BDAG GZHAN SEMS NYID 'BYONGS PAR BYIN GYIS RLOBS, ,JI LTA JI SNYED MKHYEN BA RAB RGYAS SHING, ,RMAD BYUNG BSLU MED SNGON NAS THUGS BSKYED

MTHUS, ,LDRONGS 'DIR SKYE DGU'I MA RIG MUN SEL BA'I, ,BSHES GNYEN NYIN MO'I MGON LA GSOL BA 'DEBS, ,BDAG GZHAN SEMS NYID 'BYONGS PAR BYIN GYIS RLOBS, ,GSUNG RAB DGONGS DON TSUL BZHIN LEGS PAR RTOGS, ,ZAB LAM RIM GNYIS ZAB MO'I RNAL 'BYOR LAS, ,NAM YANG MI G-YO BYING RGOD SKYON BRAL BA'I, ,TING 'DZIN RTZE GCIG SGRUB LA GSOL BA 'DEBS, ,BDAG GZHAN SEMS NYID 'BYONGS PAR BYIN GYIS RLOBS, ,DUS GSUM BDAG GZHAN DGE RNAMS MCHOG TU DKAR, ,BSAGS PA'I BUNG PO JI SNYED MCHIS PA RNAMS, ,'GRO BA'I DON DU BYANG CHUB RGYUR GYUR NAS, ,THAR 'DOD THAR BA'I GRONG DU 'JUG PAR SHOG ,CES 'DI DGE SLONG RI KHROD PA, ,DKA' BCU BLO BZANG BSAM GTAN GYIS, ,RGYUN PAR KHA 'DON BYAS CHOG PA'I, ,THUNG DBANG RDO RJE 'CHANG CHEN DANG, ,BLA MA RJE DANG 'JAM DBYANGS LA, ,GSOL 'DEBS SMON LAM DANG BCAS ZHIG ,DGOS ZHES NAN GYIS BSKUL NGO DANG, ,BSTUN NAS DGE SLONG BTANG SNYOMS PA, ,BLO BZANG YE SHES ZHES BYAS SMRAS, ,DGE BAS 'GRO KUN BDE GYUR CIG, SARBA DZA GA TI,, ` SVASTI, BLO BZANG MKHYEN BRTZE'I DMAG BSAM LJONG BA'I RTZER, ,BSLAB GSUM DAG PA'I ME TOG YONGS MDZES SHING, ,YE SHES 'BRAS BU BZANG POS YONGS SU DUD PA'I, , 'GRO 'DREN DPAG BSAM YONGS 'DU ZHABS BRTAN SHOG ,KUN MKHYEN GNYIS PA'I RING LUGS 'DZIN PA LA, ,MDO SNGAGS YON TAN KUN LA BLO GSAL ZHING, ,'PHRIN LAS BZANG BOS GDUL BYA'I RE BA SKONG, ,YE SHES MTSAN LDAN NAM YANG G-YON

, ,MED SHOG ,MCHOG GSUM BSLU BA MED PA'I BYIN RLABS DANG, ,DPAL LDAN YE SHES MGON PO'I MTHU STOBS DPUNG, ,DAD LDAN GDUNG SHUGS DRAG PO'I RTEN 'BREL GYIS, ,SKYE DGU'I GNYEN MCHOG SRID MTHAR ZHABS BRTAN SHOG ,CES BA 'DI NI HANG THONG SPYI GNYER DKA' BCU BLO BZANG BKRA SHIS KYIS NAN TAN CHE BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, ` AOm SVSTI, RIN CHEN DU MA BZHU BA'I SNOD YANGS SU, ,'CHI MED BDUD RTZI'I RGYA MTSO 'KHYIL BA LAS, ,PHUN TSOGS RO BRGYA'I MCHOD SBYIN RBA RLABS G-YO, ,MCHOG GSUM YE SHES BDUD RTZIS MNYES BAR SHOG ,BLO BZANG CHOS LDAN DANG PAS RGYU SBYAR ZHING, ,LAS BYED SGO GSUM DANG BAS BSGRUBS PA YI, ,DGE TSOGS 'OD DKAR 'PHRENG BA'I BSOD NAMS KYIS, ,DAL 'BYOR RTEN RGYUD THAR BA'I GRONG 'JUG SHOG ,CES PA 'DI NI BLO BZANG CHOS LDAN GYIS SNAR THANG LEGS BSHAD GLING GRVA TSANG DU TSOGS KHRO GSAR BZOS KYI ZHAL YIG TU BTZUN PA BLO BZANG YE SHES KYIS SMRAS BA SARBA DZA GA TAm,, ` NA MO GU RU MU NE AINDR'A YA, MTHA' YAS 'GRO LA RJES BRTZES RAB GZIGS NAS, ,GRANGS MED BSKAL BAR BSOD NAMS YE SHES KYI, ,TSOGS RDZOGS MI MJED ZHING GI MCHOG GYUR BA, ,MNYAM MED SH'AKYA'I GTZO LA PHYAG 'TSAL LO,, LHA MI'I RANG NAR LEGS BRIS GTZO BOS BSGRUBS, ,SPRUL BA'I BZO BO BI SHVA KARMA YIS, ,LEGS BSKRUN RGYAL BA NYID DANG GNYIS MED SKUR, ,SLAR YANG YE SHES SPYAN DRANGS DBYER MED GYUR, ,SPYAN RAS GZIGS DBANG RJE BTZUN ZHI KHRO MAS, ,THUGS

BSKYED SMON LAM BTZAN BO'I RDZU 'PHRUL GYI, ,DGE MTSAN DU MAS SBA BA YUL GYI MCHOG ,BSIL LJONGS BSTAN 'GRO'I BDE SKYID SPEL BA LA, ,NGAL MED RTZE GCIG BSGRUBS BA'I RNAM DPYOD KYIS, ,BYANG CHUB SNYING BO'I GNAS DANG LEGS MTSUNGS PA, , LHA LDAN SPRUL PA'I GTZUG LAG KHANG CHEN BO'I, ,MI 'JIGS RGYAN GYIS SPRAS PA'I KHRI 'PHANG RTZER, ,LEGS BYON GSER GYI LHUN BO LTAR BRJID CING, ,YID 'ONG LHA MI KUN GYI SKYABS KYI MCHOG ,RGYAL BA NYID DANG DBYER MED SNANG BRNYAN CHER, ,SGO GSUM GUS PA'I SGO NAS PHYAG 'TSAL LO, ,DNGOS BSHAMS YID SPRUL LHA MI'I MCHOD PA'I RDZAS, ,CHU 'DZIN LTAR 'KHRIGS ZHING KUN KHYON GANG BA, ,KUN BZANG MCHOD PA'I SPRIN LA 'GRAN BA BZHIN, ,RGYAL BA RGYAL SRAS 'KHOR BCAS MNYES PHYIR 'BUL, , 'KHOR BA THOG MA MED NAS SDIG PA'I LAS, ,DA LTA'I BAR DU BGYIS PA CI MCHIS PA, ,SPYAN SNGAR BSAM PA THAG PAS BSHAGS BGYIS NAS, ,SLAN CHAD SGO GSUM YANG DAG SNGOM LA GNAS, ,SANGS RGYAS BYANG SEMS NYAN RANG SKYE DGU YI, ,DUS GSUM RLABS CHEN TSOGS GNYIS RGYA MTSO LAS, ,BYUNG BA'I DGE TSOGS RLABS 'PHRENG CHER G-YOS PA'I, ,BDAG GZHAN DGE LA SNYING NAS RJES YI RANG, ,PHYOGS BCU'I SANGS RGYAS 'JIG RTEN BYON PA RNAMS, ,'KHOR BA JI SRID MA STONGS DE SRID DU, ,RANG RANG GDUL BYA'I BSAM PA DANG BSTUN NAS, ,ZAB CING RGYA CHE'I CHOS 'KHOR BSKOR BAR BSKUL, ,RJE BTZUN CHOS KYI RGYAL PO TZONG KHA PAS, ,THUGS BSKYED SMON LAM BZANG PO BSKRUN BA BZHIN, ,MDO SNGAGS BSTAN PA PHYOGS BCUR RGYAS PA DANG, ,GANGS LJONGS

, ,'GRO BA'I MGON DU BRTAN BAR BZHUGS, ,LHA YI DBANG PO BRGYA BYIN BSOD NAMS MTHUS, ,THUB PA'I ZHAL DKYIL BZANG BO LEGS MTHONG NAS, ,DANG BAS RIN CHEN PHUNG POR RAB BSKRUN BA'I, ,RGYAL BA'I SKU MCHOG ZHING 'DIR BRTAN PAR BZHUGS, ,MTSUNGS MED RNAM 'DREN BSKAL BZANG BZHI PA YIS, ,RANG NYID BSTAN 'GRO'I BDE SKYING SPEL BA LA, ,DBYER MED RAB GNAS LEGS BRTZAL RTEN GYI MCHOG ,LJONGS 'DIR SRID MTHA'I BAR DU RTAG BZHUGS GSOL, ,PHAN BDE'I 'BYUNG GNAS BSTAN BRGYAS PA DANG, ,GANGS CAN 'GRO LA BDE SKYID KUN STZOL BA'I, ,ZLA MED SH'AKYA'I RGYAL PO'I SNANG BRNYAN MCHOG ,'DZIN MA'I KHYON 'DIR BZHUGS PAR GSOL BA 'DEBS, ,DE LTAR GDUNG SHUGS DRAG POS GSOL BTAB MTHUS, , GANGS LJONGS BSTAN DANG 'GRO BA'I DPAL NYID DU, ,G-YO MED BRTAN CING PHAN BDE MCHOG STZOL BA'I, ,THUB DBANG NYI MA'I GNYEN LA GSOL BA 'DEBS, ,KHYOD LA PHYAG 'TSAL MCHOD CING GSOL BTAB BA'I, ,DGE TSOGS PAD DKAR RTZA BA LTAR DKAR BA, ,BLA MED RDZOGS BYANG THOB PA'I RGYUR GYUR NAS, ,STOBS BCU MNGA' BA'I GO 'PHANG THOB PHYIR BSNGO, ,'DIR, SEMS CAN DON DU BDAG GIS SNGON, ZHES SOGS BSTAN 'BAR MA BYA, DE NAS, BDAG GZHAN DUS GSUM BSAGS BA'I DGE BA'I MTHUS, , RNAM DAG SMON PA'I RE BA LEGS GRUB STE, ,MTHAR THUG KUN MKHYEN GO 'PHANG MYUR BGROD NAS, ,'GRO BA'I DON LA NGAL BA MED PAR SHOG ,PHYOGS 'DIR 'BYUNG BA'I GNOD PA LA SOGS PA, ,MI MTHUN RGUD PA MA LUS KUN ZHI NAS, ,BDE SKYID 'BYOR

PAS LUS SEMS BDE LDAN ZHING, ,MCHOG THUN BZHED PA LHUN GYIS 'GRUB PAR SHOG ,THUB BSTAN SPYI DANG 'JAM MGON BLA MA YI, ,BSTAN PA MI NUB YUN RING GNAS PA DANG, ,DE 'DZIN SKYES CHEN DGE 'DUN SDE DANG BCAS, ,PHYOGS DUS KUN TU YUN RING GNAS GYUR CIG ,BSLAB PA GSUM DANG MDO SNGAGS YON TAN MTHUS, ,YUL PHYOGS 'DIR YANG DMAG 'KHRUG LO NYES DANG, ,MU GE LA SOGS MI MTHUN KUN ZHI NAS, ,SKYE DGU YONGS LA TSE RING BKRA SHIS SHOG ,PHUN SUM TSOGS PA MNGA' BA GSER GYI RI BO 'DRA, ZHES SOGS SHIS BRJOD KYANG BYA'O, ZHES SANGS RGYAS BCOM LDAN 'DAS 'JIG RTEN THAMS CAD KYI MA 'DRIS PA'I MDZA' BSHES CHEN PO BLA NA MED PA'I SNANG BRNYAN RIN PO CHE BSTAN 'GRO'I MGON DU LHA LDAN SPRUL BA'I GTZUG LAG KHAR CHEN POR NAM YANG MI G-YO BAR BZHUGS SU GSOL BA 'DEBS BA'I TSUL 'DI NI RANG NYID KYANG SGO GSUM GUS PA CHEN PO'I THOG ,DAD GTONG GI YON TAN GYIS PHYUG PA SDE SRID RIN PO CHE MTHU STOBS DBANG PO'I GSUNG GIS BSKUL PA LA BRTEN NAS SH'AKYA'I BTZUN PA BLO BZANG YE SHES KYIS GZIMS KHANG RGYAL MTSAN MTHON POR SBYAR BA 'DIS KYANG BSTAN 'GRO'I BDE SKYID DBYAR MTSO LTAR 'PHEL BA'I RGYUR GYUR CIG, SARBA MANG+GA LAm,, ` AOm SVASTI, 'CHI MED BDUD RTZI SKYENGS BYED AA MRi TA'I, ,SNOD MCHOG RIN CHEN LAS GRUB BKOD LEGS MNGA', ,DGE 'DUN DGYES BYED YON TAN PHUN TSOGS KYIS, ,PHUL PA'I DGE 'DI BYANG CHUB CHEN POR BSNGO, ZHES YON TAN PHUN TSOGS KYIS BA SO MI TSAN LA 'JAM RKYEN PHUL BA'I ZHAL BYANG DU BGYIS BA'O,, ,,

, ,NA MO GU RU, RIG GROL GNYIS LDAN MKHAS MANG 'DUS BA'I TSOGS, ,MNYES BYED ZAG MED BDE 'THUNG YOL GO MCHOG ,LEGS PHUL DGE BAS 'GRO KUN CHOS MTHUN GYI, ,'BYOR BA MI ZAD GANG+GA'I RGYUN 'BAB SHOG, SARBA DZA GA TAm, ZHES BA 'DI NI 'DUS TSOGS SU ZANGS LTIR DRUG CU RE GCIG PHUL BA'I ZHAL YIG TU BGYIS BA'O,, ` 'DUL BA LUNG LA, AOm BDE LEGS SU GYUR CIG ,THUB DBANG MKHYEN BRTZE'I 'PHRIN LAS PHA MTHA' LHA YI LAM BRGAL ZHING, ,SKYON BRAL YON TAN KUN GYI GTER GYUR MI MJED ZHING GI MGON, ,KUN LA BYAMS SDANG MI MNGA' BRTZE BAS BU LTAR SKYONG MDZAD BA'I, ,ZLA MED BSKAL BZANG BZHI PA NYI MA'I GNYEN GYI ZHABS LA 'DUD, ,RGYAL BA'I NANG MDZOD GCES BSDUS 'DUL BA LUNG, ,SDUD MDZAD 'PHAGS MCHOG NYE BAR 'KHOR SOGS DANG, ,BSIL RI'I RA BAS YONGS BSKOR MDZES RGYAN DU, ,SGYUR BYED LO PAn RNAMS LA GUS BAS 'DUD, ,BSTAN BA'I RTZA BA 'BUL BA LUNG SDE BZHI, ,BEEd'UR MDANGS LDAN MTHING SHOG KUN GSAL NGOS, , SU WARnA YI RGYU SKAR RAB BKRA BAR, ,MKHAS MANG BSDUS BA'I SOR MO'I 'PHRUL LAS BSKRUN, ,DRI MED BKA' LA LHAG BSAM DAG PA YIS, ,LEGS BYAS BSGRUBS BAS LUS CAN PHAN BDE'I GNAS, ,THUB DBANG 'JAM DPAL SNYING PO'I LUNG RTOG BSTAN, ,RGYAS SHING DE 'DZIN YUN RINGS ZHABS BRTAN SHOG ,'GRO LA BDE SKYID RGYA CHER 'BYUNG BA'I GZHI, ,THUB BSTAN RTZA BA 'DUL BA'I SDE SNOD RNAMS, ,BZHENGS LA MTHUN RKYEN SGO GSUM CI RIGS BAS, ,BSKRUN BA'I YID CAN SGRIB BYANG TSOGS

RDZOGS SHOG ,BDAG SOGS DMU RGOD RENGS BA'I GLANG CHEN LA, ,DRAN SHES TSUL KHRIMS LCAGS KYUS NYER BTAB NAS, ,BAG YOD LA SBYAR DUL BA'I RNAM DPYOD KYI, ,BSLAB GSUM RIN CHEN DRA BAS SPRAS PAR SHOG ,'GRO KUN GO 'PHANG MCHOG LA MA REG BAR, ,SKYE ZHING SKYE BAR RGYAL BA'I BSTAN PA LA, ,RAB TU BYUNG NAS TSUL KHRIMS GTZANG MA'I GOS, ,KLUBS NAS MI 'KHRUGS DGE SLONG LTA BUR SHOG, ` YUM RGYAS BA'I BSDUS PA SHES RAB KYI PHA ROL TU PHYIN PA 'BUM LA, ZAB GSAL SBROS BRAL STONG NYID SNYING RJE CAN, ,SKYE 'GAG PHA MTHAR BRAL BA NAM MKHA' BZHIN, ,KUN KHYAB RGYAL BA MA LUS BSKYED MDZAD PA'I, ,YUM CHEN SHES RAB PHA ROL PHYIN MAR 'DUD, ,RGYAL BAS LUNG BSTAN N'A G'ARDZUN YIS, ,GDENGS CAN GNAS BYON NAD GSOS CHOS SBYIN SPEL, ,MI YUL BSOD NAMS ZHING DU SHER PHYIN 'BUM, ,SPYAN DRANGS BKA' DRIN MNYAM MED DE LA 'DUD, ,DUS GSUM BDE GSHEGS KUN GYI LAM GCIG BU, ,MTHA' BRAL STONG NYID DON STON THUB PA'I BKA', ,RGYAL BA NYID DANG DBYER MED LEGS GSUNGS PA, ,BZHENGS BAS 'GRO KUN RTEN 'BREL DON RTOGS SHOG ,BDAG KYANG DENG NAS YANG SRID THAMS CAD DU, ,YONGS 'DZIN BSHES GNYEN MCHOG GIS RJES 'DZIN CING, ,MTHA' BRAL DON RTOGS 'GRO KUN SGROL BA LA, ,'JAM DBYANGS MGON PO NYID DANG MTSUNGS PAR SHOG ,MTHA' YAS 'GRO PA'I NYON MONGS DUG GSUM DBUNG, ,BDAG MED SHES RAB MTSON CHAS DRUNGS PHYUNG NAS, ,GTAN DU PHAN DANG BDE BA'I GRONG KHYER CHER, ,'JUG LA SKU GSUM GO 'PHANG THOB PHYIR

, ,BSNGO,, ` YUM 'BRING GI RGYAS BA SHES RAB KYI BA ROL TU PHYIN BA STONG PHRAG NYI SHU LNGA PA LA, STONG PHRAG NYI SHU LNGA PA'I PUSTA KA ,BGYIS LA LUS NGAG YID GSUM ZANG ZING GIS, ,PHAN BYED LUS CAN KUN KYANG THUB BA'I BKA' TSUL BZHIN RTOGS NAS SA LAM RIM 'DZEG SHOG ,PHYOGS 'DI MDZES BYED SHES RAB PHA ROL PHYIN, ,BZHENGS PA'I DGE 'DIS MAR GYUR 'GRO BA KUN, ,GNAS SKABS MNGON MTHO LHA MI'I RTEN BRGYUD DE, ,MTHAR THUG ZAS GTZANG SRAS DANG MTSUNGS GYUR CIG, ` YUM 'BRING GI 'BRING SHES RAB KYI PHA ROL TU PHYIN PA KHRI BRGYAD STONG BA LA, DUS GSUM RGYAL BA KUN BSKYED SHER PHYIN MDO, ,KHRI BRGYAD STONG PA YI GER BRIS BA'I MTHUS, ,'GRO KUN GNOD MED BYAMS PA'I SEMS LDAN ZHING, , THAMS CAD GZIGS PA'I GO 'PHANG THOB PHYIR BSNGO,, ` YUM 'BRING GI BSDUS PA SHES RAB KYI PHA ROL TU PHYIN PA KHRI PA LA, SHES RAB KHRI BA RI MOR BGYIS BA'I MTHUS, ,'GRO KUN NYON MONGS BAG CHAGS GNYID SAD NAS, ,DGA' LDAN CHOS KYI PHO BRANG NYAMS DGA' BAR, ,THEG MCHOG LAM BZANG CHOS LA LONGS SPYOD SHOG, ` YUM BSDUS PA'I RGYAS BA SHES RAB KYI PHA ROL TU PHYIN PA BRGYAD STONG PA LA, LEGS GSUNGS 'KHOR LO BAR BA BSDUS PA'I MDO, ,RNAM DAG BSAM PAS TSUL 'DIR 'BAD PA'I DGES, ,BDAG LA RE LTOS BCAS PA'I YID CAN KUN, ,BDE LDAN ZHING DER MYUR DU 'DREN BAR SHOG, ` SHER PHYIN SNA TSOGS LA, SHER PHYIN SNA TSOGS GLEGS BAM BGYIS PA'I MTHUS, ,SH'AKYA'I

RGYAL BO'I DGONGS DON LEGS RTOGS NAS, ,RNAM GROL THAR PA'I LAM MCHOG BZANG PO DER, ,MYUR 'JUG MGON DE'I BZHED PA SGRUB GYUR CIG, ` PHAL BO CHE LA, SANGS RGYAS MTSAN GYI RNAM GRANGS MANG STON PA, ,CHOS 'KHOR GSUM BA LAS BYUNG RGYAL BA'I BKA', ,PHAL CHEN BLA MAR BGYIS PA'I DGE BA 'DIS, ,BSTAN PA RIN CHEN PHYOGS BCUR RGYAS PAR SHOG ,'DI YIS MTSON NAS MZHUM SNYING STOBS KYIS, ,BSTAN LA BYA BA BGYIS PA'I BSOD NAMS MTHUS, ,'JIG RTEN KHAMS 'DIR LO BYUGS LEGS PA DANG, ,'GRO KUN TSE RING NAD MED BDE LDAN SHOG, ` DKON MCHOG BRTZEGS PA LA, THEG CHAN LAS GSUNGS DAM CHOS DKON MCHOG GI ,RNAM BA THAMS CAD BSDUS BAS DKON BRTZEGS ZHES, ,THUB BAS BYANG CHUB SEMS DPA' RNAMS LAS BRTZAMS, ,THEG CHEN RNAM PA BCU DRUG CHOS BSTAN TO, ,CHOS KYI 'KHOR LO THA MA SMON PA'I LAM, ,BSIL LJONGS BSTAN 'GRO'I DPAL DU LEGS SHAR BA, ,SRI ZHUR BGYIS BA'I DGE TSOGS 'OD DKAR GYIS, ,'GRO RNAMS KUN MKHYEN ZHING MANG BGROD PHYIR BSNGO,, ` MYANG 'DAS LA, THUB DBANG MYA NGAN 'DA' KHAR ZHAL CHEMS 'BUM, ,GSUNGS PA BOD YUL BSOD NAMS ZHING MCHOG TU, ,BKUR STIR BGYIS BAS NYAMS THAG MA RGAN RNAMS, ,SGRIB BYANG TSOGS RDZOGS MYANG 'DAS THOB GYUR CIG, ` MDO MANG LA, RGYAL BAS CHOS 'KHOR GSUM DU BSKOR BA LAS, ,THEG PA CHED MAN CI RIGS GTOGS PA'I BKA', ,YI GER BRIS PA'I RNAM DKAR BSOD NAMS MTHUS, ,RGYAL BA'I BSTAN PA PHYOGS

, ,BCUR RGYAS PAR SHOG ,THUB GSUNG BYANG PHYOGS JI SNYED 'GYUR RO 'TSAL, ,BZHENGS PA MTHUN RKYEN SGRUB PA'I LUS CAN RNAMS, ,DAL 'BYOR RTEN BRGYUD BSHES GNYEN DAM PA YIS, ,'BRAL MED RJES SU 'DZIN PA'I RGYUR GYUR CIG ,GZHAN YANG DGE 'DIS MAR GYUR 'GRO BA KUN, ,SKYE RGAN 'CHI'I SDUG BSNGAL LAS GROL NAS, ,RTAG TU DAM BA'I CHOS LA SPYOD PA DANG, ,BDE LDAN ZHING DU THOGS MED SKYE BAR SHOG, ` RGYUD 'BUM LA, GANG SKU MTSAN DPE'I DPAL GYIS KUN NAS MDZES, ,GSUNG DBYANGS DRUG CUS DAM CHOS RNA BAR 'JE BAS, ,ZAB YANGS MKHYEN BRTZE'I THUGS KYIS 'GRO LA GZIGS, ,THUB DBANG 'KHOR LO'I MGON POR PHYAG BGYI'O, ,'GRO BA NYON MONGS NAD KYIS MNAR BA YI, ,GNYEN POR CHOS PHUNG JI SNYED LAGS GSUNGS BA'I, ,NANG NAS 'BRAS BU RDO RJE THEG PA'I LAM, ,MCHOG TU GYUR PA YIN CES RAB TU BSNGAGS, ,GDUL BYA DMAN 'BRING MCHOG DANG CHES MCHOG LA, ,LTA DANG RGOD BCANG GNYIS 'KHYUD RNAM PA BZHIR, ,GSUNGS PA GSANG SNGAGS RGYUD SDE'I BUSTA KA ,BZHENGS DGES 'GRO KUN LAM 'DIR 'JUG PAR SHOG ,THUN MONG LAM SBYANGS DBANG GIS RGYUD SMIN NAS, ,MTSAN BCAS MTSAN MED LHA YI RNAL 'BYOR DANG, ,BSKYED RDZOGS ZUNG 'JUG LAM SOGS RGYUD SDE YI, ,DGONGS DON MA 'DRES SO SOR RTOGS PAR SHOG ,THABS KYI THEG PA LAS GSUNGS DAM TSIG SDOM, ,TSUL BZHIN BSRUNGS PAS BDAG SOGS MKHA' MNYAM 'GRO, ,'DI'AM YANG SRID BCU DRUG MI 'DA' BAR, ,BCU GSUM RDO RJE 'DZIN

BA'I SAR BGROD SHOG ,PHYOGS 'DING THUB BA'I GSUNG RAB 'GYUR RO 'TSAL, ,AANDA RNYIL 'DRA'I RGYA SHOG RMANG BYUNG LA, ,RIN CHEN GSER SBYANGS GTZO MA'I KHU BA YIS, ,SDEB GZUGS LEGS BKRA SOR MO'I ZLOS GAR BSGYUR, ,GLEGS BAM BRGYA PHRAG BRGAL LA MTHUN SBYOR DANG, ,SGO GSUM BYA BA BGYIS DANG BGYID STZAL BA'I, ,'GRO KUN BYANG CHUB THOB PA'I RGYUR BSNGOS PAS, ,DUS GSUM RGYAL BA'I SMON LAM KUN 'GRUB SHOG ,SH'AKYA'I BTZUN PA BLO BZANG YE SHES KYIS, ,BDE GSHEGS BKA' RNAMS GZUGS SU BGYIS PA'I MTHUS, ,MKHA' MNYAM 'GRO BA'I MI MTHUN RAB ZHI NAS, ,RING MIN SANGS RGYAS GO 'PHANG THOB PHYIR BSNGO, ,LHA DANG BCAS PA'I 'GRO BA MA LUS PA'I, ,'PHRAL YUN PHAN BDE 'BYUNG BA'I GNAS KYI MCHOG , DON KUN GRUB DANG 'JAM MGON BLA MA YI, ,MDO SNGAGS BSTAN PA PHYOGS BCUR RGYAS GYUR CIG ,RGYAL BA'I LUNG DANG RTOGS PA'I BSTAN BA NYID, ,MI NUB YUN RING PHYOGS BRGYAR SPEL BA LA, ,RTZE GCIG RNAM PAR DAG PA'I SMON LAM GYIS, ,BZHED PA JI BZHIN LHUN GYIS GRUB GRUR CIG ,RNAM 'DREN BZHI BA'I DGONGS DON JI LTA BAR, ,'KHRUL MED TSUL BZHIN STON MDZAD TZONG KHA PA'I, ,MDO SNGAGS BSHAD SGRUB NOR 'DZIN KHYON KHYAB NAS, ,BSTAN 'DZIN SKYES BU'I ZHABS PAD BRTAN BAR SHOG ,CHOS GRVA CHE 'DI'I BSLAB GSUM DGE 'DUN SDES, ,MTSON PA'I PHYOGS BCU'I DGE 'DUN JI SNYED PA, ,THUGS MTHUN KHRIMS GTZANG BSTAN PA'I BYA BA RNAMS, ,'PHEL ZHING 'KHOR LOS NYIN MTSAN 'DA' BAR SHOG ,BDAG LA SKYABS YUL BCOL BA'I

, ,YID CAN KUN, ,GNAS SKABS TSE RING NAD MED DPAL 'BYOR RGYAS, ,MTHAR THUG BDE LDAN ZHING GI GTZO BO YI, ,ZHAL MTHONG GSUNG GI BDUD RTZI'I RO MYONG SHOG ,RNAM DPYOD PHUL DU BYUNG PA RGYAL BA'I BKA', ,YUL PHYOGS GANG DANG GANG DU BZHUGS GYUR PA, ,DE DANG DER NI BDUNG RIGS MI MTHUN PHYOGS, ,ZHI ZHING BDE LEGS CHEN BOS KHYAB GYUR CIG, ,DE LTAR NGO MTSAR YON TAN RGYA MTSO'I GTER, ,RGYAL BA'I DAM CHOS 'DI YI BYIN RLABS KYIS, ,TSE RABS KUN TU RGYAL BA'I BKA' BSGRUBS NAS, ,'GRO KUN SPROL LA NGAL BA MED BAR SHOG ,CES BHO tA'I YUL 'DIR RGYAL BA DON KUN GRUB BA'I BKA' YOD DO COG RNAMS BSTAN LA GCES 'DZIN BU STON THAMS CAD MKHYEN BA CHEN POS GSAL BAR MDZAD PA'I DKAR CHAG ZHIB MOR 'KHOD BA DBANG DU BZHAG ,PHYI MO ZHVA LU LO TZ'A BA DHARMA B'A LA BHA DRAS ZHUS DAG LAN BDUN SONG ZHES BA'I MA DPE CHEN MOR GRAGS PA LA DNGOS SU BTUGS PA'I SKYE CHOS PAn CHEN BLO BZANG CHOS KYI RGYAL MTSAN GYI DAG THER MDZAD PA SOR BZHAG THOG ,HOR KHONGS RE GNYIS MTSAL BAR MA NAS ZHAL BKA'I TE BSTAN 'GRO'I DBAL DU BKA' 'GYUR RIN PO CHE RGYA SHOG NGO MTSAR BA LA SNGA PHYIR RTZOL BAS BZHENGS 'DUN THOG ,MDZOD PA DKA' BCU BLO BZANG RDO RJES BTZUN BAS KHUR BLANGS, RAB 'BYAMS PA RIN CHEN DON GRUB DANG BLO BZANG CHOS 'PHEL GNYIS KYI DO DAM DANG, DPON YIG BA AE DBYIBS PA DANG, SNYE MO BA DANG, GDOR DKAR PA MKHAS BSGRUGS BSDUS TE SLA CHOS DAM CHOS DANG MA GYOGS KHYAD DU MA SONG BAR DAD RINGS DAL BUS BKOD

GZUGS MDZES BAR BYAS SHING, CHOS GRVA CHEN BO 'DI NYID KYI RAB 'BYAMS SMRA LA SOGS BAS DPYAD GSUM DAG PAR BGYIS SHING PHUN SUM TSOGS BA'I GLEGS BAM RIN PO CHE BSOD NAMS KYI YANG RTZER SON PA'I SDE TSAN SO SO'I MJUG TU CHE BA RJOD SMON LAM TSIGS SU BCAD BA 'DI YANG SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SBYAR BA'O,, SARBA MANGGAmLI,, ` SVSTI, RMAD BYUNG BLO GROS BZANG PO'I RNAM SPYOD KYIS, ,RAB 'BYAMS SHES BYA KUN LA MKHYEN PA RGYAS,, BSLU MED THUGS RJE DANG LDAN MOS BA'I MTHUS, ,ZHABS BAD ME G-YO BRTAN BAR GSOL BA 'DEBS, ZHES NYE MO RGYAL BYED DKYIL KHANG GRVA TSANG GI SLOB DPON PAR GSOL 'DEBS BRTAN BZHUGS 'DI NI NGAG DBANG BSTAN 'DZIN DANG, DKA' BCU YE SHES DPAL 'BYOR GYIS BSKUL BA'I NGOR DGE SLONG BLO BZANG YE SHES KYIS SMRAS BA'O,, ` AOm BDE LEGS SU GYUR CIG , BSOD NAMS YE SHES TSOGS GNYIS YONGS RDZOGS PA'I, ,YON TAN BRAL BAS CHEN CHU GNYER 'KHYIL BA LAS, ,'PHRA NI LAS RLABS 'PHRENG PHYOGS BCUR G-YO BA CAN, ,RJE BTZUN BLA MA YUN RING RTAG BRTAN SHOG ,DRI BRAL 'DAB RGYA BZHAD PA'I PHANG PHUNG LA, , MKHYEN BRTZE SBRANG RTZI ZAB MO'I BCUD CHAGS PAS, ,SKAL LDAN BUNG BA'I TSOGS RNAMS TSIMS MDZAD BA'I, , MTSUNGS MED BSTAN 'GRO'I DPAL DU ZHABS BRTAN SHOG ,DAR DANG GTONG BAS MNGON BAR 'PHAGS PA YI, ,SNANG BRNYAN RMAD BYUNG RIN CHEN LAS GRUB PA, ,LOGS BYAS RNAM DKAR BZANG POS BSKRUN BA'I MTHUS, ,SKYE BA KUN TU RJES BZUNG 'BRAL MED

, ,SHOG ,CES BA 'DI NI SBEL RGYANG NAS DKA' CHEN BLO BZANG 'PHRIN LAS DANG BLO BZANG RNAM RGYAL SPUN GNYIS KYIS NGOS RING 'TSE'I RTEN 'BREL DU RGYAL BA TSE DPAG MED DANG 'OD DPAG MED, STON BA SH'AKYA THUB PA, SKYES RABS BCO LNGA BAR GRAGS PA RNAMS KYI SKU BRNYAN GSER ZANGS LAS BZHENGS PA'I RGYAB YIG TU 'DI LTA BU DGOS ZHES NAN GYIS BSKUL PA'I NGOR SH'AKYA'I DGE SLONG BLO BZANG YE SHES KYIS SBYAR BA'O,, DGE'O,, ` AOm SVSTI, SNA TSEGS RI MOS SPRAS PA'I GOS BZANG LAS, ,BDUD RIGS MI MTHUN BZLOG BA'I 'CHAM GOS MCHOG ,YON TAN PHUN TSOGS DAD PAS PHUL BA'I DGES, ,'GRO KUN MI MTHUN RKYEN LAS THAR BAR SHOG, ` LHA RDZAS RNAM BKRA LAS GRUB YID 'ONG 'PHAN, ,BA SO GTZUG LAG KHANG GI MDZES RGYAN DU,, YON TAN PHUN TSOGS DAD BAS KUN BLANGS NAS, ,PHUL BA'I DGE 'DIS BSTAN BAR BA RGYAS SHOG ,CES PA 'DI YANG YON TAN PHUN TSOGS KYIS BA SO LHUN GRUB BDE CHEN DU PHOD KA CHA DANG 'PHAN PHUL BA'I DGE BA BSNGO PHYIR SMRAS BA'O,, ` SVSTI, RJE BTZUN BLA MA'I SNANG BRNYAN RGYU SKAR 'PHRENG, ,DGE LEGS TSE BRTAN BGRANG YAS BSOD NAMS KYIS, ,BSKRUN PA'I RAB DKAR LEGS BYAS JI SNYED PA, ,'GRO KUN BLA MED BYANG CHUB THOB PHYIR BSNGO,, MANGGAm,, ` NA MO SH'KYA MU NA YE, SKYE DGU'I MA RIG 'DZOMS MDZAD THUB BA'I LEGS BSHAD 'GRO BA'I SGRON, ,LJONGS 'DIR 'GYUR 'TSAL DGA' LDAN RAB RGYAS BLA SPYI'I MOS BLO YI, ,BRTZON PAS BKA' BLON BKRA SHIS RTZE PAR BSKUL BZHIN LEGS PHUL BA'I, ,DGE BA 'DI

YIS BDAG GZHAN KUN LA MCHOG THUN DNGOS GRUB STZOL, CES BKA' BLON BKRA SHIS TSE RING GIS DGA' LDAN RAB RGYAS SU RGYAL BA'I BKA' 'GYUR PHUL BA'I MJUG TU 'DI LTA BU ZHES PA'I NGOR SH'KYA'I BTZUN PA BLO BZANG YE SHES KYIS SBYAR BA'O,, ,, ` AOm SVSTI, RNAM MANG THOS SRAS NOR LA MNGA' BRNYES PA, ,GDUNG PA 'DUL PHYIR MDUNG DMAR RNON PO BZUNGS, ,DAM NYAMS SROG DBUGS LEN ZHING 'PHRIN LAS SGRUB, ,LHA YI TSANGS PA DBANG GI RANG BZHIN RGYAL, CES BA 'DI YANG LCAGS BYI LA MO CHOS SKYONG LA GTANG RAG PHUL BA'I MGO BRJOD DU SMRAS BA'O,, ` H'Um, GOS BZANG BKOD LEGS RAB MDZES BSKANG RDZAS 'PHAN, ,YE SHES MGON PO 'KHOR BCAS BCAS SPYAN LAM DU, ,LEGS 'BYUNG DGYES BSKYED RAB 'BYAMS 'PHRIN LAS KUN RTAG TU G-YEL BA MED BAR STZOL BAR MDZOD, ,DGE LEGS LHUN GRUB DANG BA'I RDZING BU RU, ,RNAM DKAR LEGS BYAS 'OD DKAR SHAR BA BZHIN, ,BSTAN DANG DE 'DZIN DGON GNAS RAB BRTAN CING, ,RGYU SBYOR NAD MED BDE BAS 'BYOR GYUR CIG, ,, ` BHYOO: 'DOD KHAMS GTZO MO DPAL LDAN RE MA TI, ,MNYES BYED SPYAN GZIGS BYE BRAG BSAM MI KHYAB, ,PHUL BA'I DGE BAS MKHA' MNYAM 'GRO BA YI, ,BYANG CHUB SGRUB PA'I 'GAL RKYEN BAR GCOD SRUNGS, CES PA 'DI NI DKA' CHEN DGE LEGS LHUN GRUB KYIS RGYUD KHANG DU MGON BO LHA MO'I BSKANG THANG PHUL BA'I 'DOD GSOL DU SBYAR BA'O,, ` NA MO RU RA WE, BLO BZANG MKHYEN PA'I GTING MTHA' MI MNGON ZHING, ,YE SHES LUS CAN RGYAL KUN YAB GCIG LHA, ,NGUR SMRIG GIS MDZES KUN MKHYEN

, ,TZONG KHA BA'I, ,DAM CHOS RGYAL MTSAN 'DZIN LA GSOL BA 'DEBS ,RGYAL DANG RGYAL SRAS GZHAN GYIS MA THUL BA'I, ,SNYIGS DUS MA RUNGS SKYE DGU MTHA' DAG LA, ,THUGS RJE'I SPYAN GYIS NYE BAR GZIGS MDZAD PA, ,RJE BTZUN BLA MA'I ZHABS LA GSOL BA 'DEBS, ,RIG GNAS KUN MKHYEN CHU GTER LAS 'THON PA'I, ,LEGS PAR BSHAD PA'I DBYAR SKYES 'BUM DKRIS TE, ,ZAB RGYAS CHAR 'BEBS BA'I KLU DBANG MCHOG ,DPAL LDAN BLA MA'I ZHABS LA GSOL BA 'DEBS, ,DE LTAR DUNGS DUNGS GUS BAS GSOL BTAB MTHUS, ,YANG YANG SKYE BA'I 'PHRENG BA MA CHAD BAR, ,BRTZE BRTZE'I SPYAN RAS BTZA' BA'I BKA' DRIN LAS, ,MTHO MTHO'I RIG SKYES RAB TU 'BYUNG BAR SHOG ,DENG NAS BZUNGS TE SKYE BA THAMS CAD DU, ,MGON KHYOD ZHABS BAD GTZUG TU LEGS BKOD DE, ,DKAR NAG LAS 'BRAS KHYAD DU MI GSOD CING, ,ZAB GSAL CHES MYUR BLO DANG LDAN PAR SHOG ,'DI PHYI BANG DO'I GNAS SKABS THAMS CAD DU, ,'JIGS SKRAG 'KHRUL PA'I SNANG BA RANG SAR ZHI, ,RMAD BYUNG GDAMS PA NYAMS SU BLANGS PA LAS,, ZHING KHAMS DAM PAR THOGS MED SKYE BAR SHOG ,DER YANG ZHI BA'I BDE LA MA CHAGS SHING, ,LHA MIG MNGON SHES RDZU 'PHRUL THOGS MED BAS, ,MA DAG ZHING GI NYAM THAG 'GRO BA KUN, ,SKAD CIG GCIG GIS BDE BA LA 'GOD BAR SHOG ,CES PA 'DI NI DGE SLONG NGAG DBANG RIN CHEN GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS BA'O,, MANG+GLAm,, ` SVSTI, PHYOGS BCU'I RGYAL BA RGYAL SRAS

SEMS DPA' CHE, ,RAB 'BYAMS 'PHAGS TSOGS DGE 'DUN BYIN RLABS KYIS, ,RJE BTZUN DAM PA CHOS RGYAL DBANG PHYAG GI ,SPRUL SKU BZLOS GAR MYUR DU STON PAR SHOG ,DRANG SRONG BDEN TSIG CHOS SRUNGS MTHU STONGS DANG, ,DAD LDAN GDUL BYA'I MOS PA'I RTEN 'BREL GYIS, ,MTHA' YAS 'GRO LA CHOS 'KHOR SKOR PHYIR DU, ,BSAMS BZHIN ZHING 'DIR SPRUL SKU MYUR 'BYON SHOG ,SNGON GYI THUGS BSKYED BZANG POS RAB BSKUL TE, ,RANG BDE ZHI BA'I DBYINGS SU MI MNAL BANG, ,SHIN TU NYAM THAG MGON MED DBUGS 'BYUNG PHYIR, ,ZHING 'DIR GZUGS SKU'I SNANG BRNYAN MYUR STON SHOG ,'GRO LA RTAG TU BRTZE BA'I THUGS RJE DANG, ,LHAG BSAM RNAM PAR DAG PA'I DKYIL 'KHOR RGYAS, ,BSHAD SGRUB NYIN MOR BYED PA'I DPAL YON CAN, ,MNGAL GYI CHU 'DZIN RGYA LAS MYUR GROL SHOG ,KHYAD BAR KUN MKHYEN GNYIS PA YAB SRAS KYI, ,BSTAN LA RAB GUS SKAL BZANG BUNG BA'I TSOGS ,LEGS BSHAD BDUD RTZI'I SBRANG RTZIS TSIM SLAD DU, ,LJONGS 'DIR SPRUL SKU'I 'DAB RGYA BZHAD BAR SHOG ,RMAD BYUNG RTEN 'BREL SLU MED BDEN PA DANG, ,DAD LDAN SKYE DGU'I LEGS BYAS BZANG PO'I MTHUS, ,PHAN BDE'I 'BYUNG GNAS DBAL LDAN BLA MA YI, ,SPRUL SKU'I ZLA BA GSAR PA MYUR TSES SHOG ,DE LTAR SMON CING GSOL BA BTAB PA'I MTHUS, ,MI MTHUN NAG PO'I PHYOGS KUN RAB ZHI NAS, ,BDAG SOGS GDUL BYA'I RE BA'I 'BRAS BZANG TSOGS, ,PHYOGS 'DIR BSAM BZHIN MYUR DU SMIN PAR SHOG ,CES RJE DRUNG DGE 'DUN CHOS RGYAL DBANG PHYUG GI SKU SKYE MYUR PHEBS KYI TSIGS BCAD 'DI NI DE NYID KYI RJES 'JUG RNAMS KYIS

, ,BSKUL BA LTAR SHA'KYA'I BTZUN BA BLO BZANG YE SHES KYIS BKA' GDAMS PHO BRANG DU SBYAR BA'O,, MANGAm,,` AOm BDE LEGS SU GYUR CIG ,BLO BZANG RGYAL BA GNYIS PA'I BSTAN PA GNYEN, ,MDO SNGAGS GZHUNG LUGS SMRA LA THOGS MED CING, ,YE SHES SPYAN GYIS CHOS KUN MA LUS GZIGS, ,DPAL LDAN BLA MA'I ZHABS LA GSOL BA 'DEBS, ,TSUL KHRIMS RNAM PAR DAG PAS RGYUD BSNGAMS SHING, ,BAG YOD TZANDAN DRI YIS LEGS BSGOS PA, ,'GRO KUN MA LUS SPROL BA'I KHUR 'KHYUNG BA'I, ,DPAL LDAN BLA MA'I ZHABS LA GSOL BA 'DEBS, ,RGYA CHEN LEGS BYAS BZANG PO SMIN PA'I MTHUS, ,SHES BYA KUN LA THOGS MED RNAM DPYOD KYIS, ,LJONGS 'DIR SKAL LDAN 'GRO LA DAM CHOS KYI,, BDUD RTZI'I DGA' STON 'GYED LA GSOL BA 'DEBS, ,DE LTAR SHUGS BRAG MOS PAS GSOL BTAB PAS, ,MGON PO KHYOD KYI THUGS RJES NYER BZUNGS NAS, ,SKYE BA KUN TU 'KHOR LO BZHI LDAN GYI, ,RTEN BZANG RNYED NAS CHOS LA SPYOD PAR SHOG ,MGON KHYOD MA 'ONGS BYANG PHYOGS SHAMBHA LAR, ,'KHOR LOS BSGYUR BA'I MDZAD PA STON PA'I TSE, ,GNYIS MED RGYUD KYI GDUL BYA'I MCHOG GYUR TE, ,TSE GCIG NYID LA RDO RJE'I SKU THOB SHOG ,CES BA 'DI NI DGE SLONG BSAM GTAN RGYA MTSOS 'DI LTA BU ZHIG DGOS ZHES BSKUL BA'I 'DOD PA DANG SBYAR TE SH'AKYA'I BTZUN PA BZLO BZANG YE SHES KYIS BKA' GDAMS PHO BRANG DU SMRAS PA'O,, MANG+GLAm,, ` AOm SVSTI, THUGS RJE'I BDAG NYID RJE BTZUN PAD DKAR 'CHANG, ,DUR SMRIG

GAR GYI TSUL ZUNGS THAMS CAD MKHYEN, ,GANGS CAN 'GRO BA YONGS KYI SKYABS MGON MCHOG ,RJE BTZUN BLA MA'I ZHABS LA GSOL BA 'DEBS, ,BLO CHEN GTING DBAG DKA' BA'I BRTZE BA YIS, ,BZANG PO'I SPYOD BA NAM YANG MI 'DIR ZHING, ,MKHYEN PA'I YE SHES PHYOGS KUN 'PHRO BA YI, ,DPAL LDAN BLA MA'I ZHABS LA GSOL BA 'DEBS ,DKON MCHOG RIN CHEN GSUM GYI BYIN RLABS DANG, ,ZHVA SER BSTAN SRUNGS DAM CAN RGYA MTSO'I MTHUS, ,RJE BTZUN BLA MA YAB SRAS SRID MTHA'I BAR, ,ZHABS ZUNG MI 'GYUR G-YO MED BRTAN BAR SHOG ,BDAG SOGS DENG NAS TSE RABS THAMS CAD DU, ,DPAL LDAN BLA MAS DGYES BZHIN RJES BZUNGS TE, ,MNGON PAR 'TSANG RGYA'I MDZAD PA STON PA'I TSE, ,'DUS PA DANG PO'I 'KHOR DU SKYE BAR SHOG ,DE TSE GSUNG GI BDUD RTZI RAB MYANGS TE, ,BSHAD SGRUB BYA BA'I BRTZON PA MI 'DOR ZHING, ,LAM LNGAS BCU'I RIM PA MTHAR PHYIN TE, ,SKU GSUM GO 'PHANG MNGON DU 'GYUR BAR SHOG ,CES PA 'DI NI RAB 'BYAMS BA 'JAM DBYANGS RGYA MTSOS BSKUL BA LTAR CHOS SMRA BA'I BTZUN PA BLO BZANG YE SHES KYIS SMRAS PA DGE LEGS 'PHEL,, `AOm BDE LEGS SU GYUR CIG ,GSUM LDAN RAB 'BYAMS SMRA BA 'DUS BA'I SDE, ,DGYES SKYED RO BRGYA'I MCHOD YON SBRENG BA'I CHED, ,SNA TSOGS RIN CHEN LAS GRUB YOL GO 'DI, ,LHAG BSAM DAG BAS BSGRUBS PA'I RNAM DKAR MTHUS, ,LHA MI'I 'DREN MCHOG KHYAB BDAG RDO RJE 'CHANG, ,BLO BZANG GRAGS BSTAN 'DAB STONG PADMO'I GNYEN, ,YE SHES SNANG MDZOD NYI MA 'OD PO CHE, ,SRID MTHA'I BAR DU G-YO MED CHES GSAL

, ,SHOG ,'DI YI CHED DU SGO GSUM CI RIGS PAS, ,'BAD PA BGYIS PA'I BLA SLOB LAS BYED SOGS, , BSAM DON KUN 'GRUB YANGS PA'I RGYAL KHAMS SU, , SNYINGS MA'I RGUD BRAL RDZOGS LDAN DPAL RGYAS SHOG, MANG+GLAm,, `AOm BDE LEGS SU GYUR CIG ,GSUM LDAN RAB 'BYAMS SMRA BA 'DUS PA'I SDER, ,RO BDA'I MCHOD YON SBRENG CHED YOL GO 'DI, , 'BAD PAS BSGRUBS PA'I KHYU MCHOG RLABS PO CHES, ,RIGS KUN KHYAB BDAG BLO BZANG GRAGS PA YI, ,MDO SNGAGS BSHAD SGRUB YE SHES 'DOR BAR BA, ,G-YO MED BSKAL PA RGYA MTSOR CHES GSAL ZHING, ,TSUL 'DIR 'BAD BGYIS BLA SLOB LAS BYED SOGS, ,BSAM DON KUN 'GRUB 'JIG RTEN BDE LEGS SHOG, MANGGAm, ZHES PA 'DI GNYIS SNGAGS GRVA'I TSOGS KHRO GSAR BZHENGS KYI KHA BYANG DU BGYIS PA'O,, ` NA MO A'ARYA LO KE SHVA R'A YA, CHOS SKU 'GYUR MED BDE BA'I LHA LAM DU, ,NGO MTSAR GZUGS SKU'I CHU KHUR 'BUM DKRIGS TE, ,SNYAN 'JEBS DRUG CU'I DBYANGS SGROG PHAN BDE'I CHAR, ,'BEBS MKHAS ZAS GTZANG SRAS BOS DGE LEGS STZOL, ,GSUNG RAB MA LUS GDAMS PA'I MCHOG GZIGS NAS, ,SHING RTA CHEN PO GNYIS KYI BZHED BA'I SROL, ,LJONGS 'DIR GSAL LA ZLA BRAL NGAG GI LHA, ,'JAM DPAL SNYING POS DENG 'DIR SHES PAR MDZOD, ,PHYAG NA PADMO'I THUGS RJE'I ROL BA YI, ,DRANG SRONG RUS PA'I RANG BZHIN LAS 'KHRUNGS SHING, ,YID SGRUBS SDE BCAS RI 'JOMS RTZE BRGYA BA'I, ,RDO RJE THOGS MED RTZAL KYIS 'GRO 'DI SKYONGS, ,MKHYEN BRTZE

NUS LDAN DON GNYIS MNGON GYUR BA'I, ,MTHA' YAS ZHING BZHUGS RGYAL BA MA LUS DANG, ,LEGS GSUNGS LUNG RTOGS CHOS DANG TSOGS MCHOG LA, ,SGO GSUM MI BYED DANG BAS PHYAG PA GYI'I, ,DNGOS BSHAMS YID SPRUL MCHOD TSOGS MA LUS 'BUL,, NONGS PA KUN BSHAGS RNAM DKAR RJES YI RANG, ,SRID MTHAR BZHUGS LA ZAB RGYAS CHOS 'KHOR SKOR, ,DUS GSUM DGE TSOGS BYANG CHUB CHEN POR BSNGO, ,MKHA' MNYAM 'GRO 'DI'I PHAN BDE'I BSOD NAMS ZHING, ,RGYAL BA'I BSTAN DANG DE YANG DKON MCHOG GI ,SKU GSUNG THUGS KYI RTEN LA RAG LAS SHING, ,KHYAD PAR RING BSREL RNAM BZHI'I MCHOD RTEN DANG, ,BDE GSHEGS GSUNG RAB BSKRUN PA'I BSOD NAMS GANG, , SKYE DGU'I PHAN BDE'I 'BYUNG GNAS DAM PA RU, ,LAN CIG MIN PAR ZAS GTZANG SRAS PO DES, ,MDO RGYUD RGYA MTSOR GSUNGS PAS YID DRANGS TE, ,BSTAN LA RAB GUS PA MDZANGS BRTUL PHOD CAN, ,SA YI NYE DBANG LA 'KHU STAR SDONG PA, ,BLO BZANG YE BRTAN DGONGS PA RDZOGS THABS SU, ,SKU GSUNG THUGS RTEN BZHENGS PA'I DKAR CHAG BRI, ,SKYED BYED MTHUN DNGOS GSER DNGUL SPUS LEGS DANG, ,SNYEM ZANGS G-YU RNYING PHRA RGYU DU MA DANG, ,DNGUL CHU TI TSA SHOG SANG GOS DAR DANG,, BZO BO'I CHA RKYEN LA SOGS RIN THANG RNAMS, ,GSER DRIL DBUS 'GYUR 'CHANG GI ZHO'I 'KHOR LO, ,MKHA' GZUGS ME GRANGS SE BA PHYED BZHI DANG, ,DNGUL SRANG MIG MKHA' MDA' DANG BSE RU'I GRANGS, ,ZHO GSUM SKAR BRGYAD DE YI BZHI CHA YIS, ,MKHYEN BRTZE'I BDAG NYID RJE BTZUN PAD DKAR 'CHANG, ,GANGS CAN

, ,'GRO BA'I RNAM 'DREN ZLA BRAL BA'I, ,THAMS CAD MKHYEN GZIGS SNANG BRNYAN BYIN CHAGS BA, ,LTA BYED DGA' STON MA LUS SPUNGS PA BZHIN, ,SNYIGS MA'I MGON BO BDE GSHEGS MCHED BRGYAD DANG, ,RGYAL SRAS RGYA MTSO'I RLABS CHEN MDZAD BA'I TSOGS, ,LEGS PAR STON PA DKON BRTZEGS YONGS RDZOGS DANG, ,SHES RAB PHA ROL PHYIN BA RDO RJE GNANG, ,THAR PA CHEN PO GRA LNGAR BCAS PA DANG, ,THUGS RTEN BYANG CHEN MCHOD RTEN GSER ZANGS DANG, ,DNGUL DKAR LAS GRUB RNAM MANG PHRAS SPRAS PA, ,GZUNGS BZHUGS RAB GNAS DANG BCAS LEGS PAR BSGRUBS, ,'DIS MTSON DUS GSUM DGE TSOGS STON ZLA LTAR, ,MCHOG TU DKAR BA GANG ZHIG BSAGS BA DES, ,SA GSUM 'GRO BA'I SKYABS MGON GCIG PU BA, ,GANGS CAN MGON PO SRID MTHAR ZHABS BRTAN CING, ,DGA' LDAN CHOS SRID GSER SBYANGS COD PAN NI,, YAN LAG DAM BA'I RGYAN DU LAGS BZHES SHING, ,GNAM BSKOS SA YI DBANG PHYUG MI DBANG MCHOG ,SANGS RGYAS RGYA MTSO BSKAL BRGYAR ZHABS BRTAN CING, ,GANG GI CHOS SRID NYI ZLA ZUNG 'BREL BA'I, ,LUNG LAS 'DZIN PA BLO BZANG TSE BRTAN GTZOS, ,MGRON GNYER 'GRUB BLO BZANG RIN CHEN DANG, ,SMON SKYID DNGOS GRUB LA SOGS ZHIR ZHUGS RNAMS, ,THOG MED DUS NAS SKYE BA'I 'PHRENG RING BOR, ,MI DGE BCU DANG MTSAMS MED NYE BA SOGS, ,BGYIS DANG BGYID RTZA LAM LUS BYANG GYUR TE, ,SKU GSUM GZHAL MED KHANG DU PHYIN GYUR CIG ,DER MA SON PA'I TSE RABS KUN TU YANG, ,DAL BRGYAD 'BYOR BCU'I

RTEN BZANG RAB RNYED NAS, ,BSHES GNYEN DAM BA'I MGON GYIS LEGS ZIN TE, ,RGYU 'BRAS THEG PA'I SA LAM MTHAR PHYIN SHOG ,DKA' BCU RAB BRTAN BKRA SHIS RGYA MTSO DANG, ,RAB BRTAN PHUN TSOGS KHRI LCAM BSOD NAMS DBANG, ,BLO BZANG DPAL SGRON BLO BZANG CHOS 'DZOM DANG, ,SHEL DKAR G-YANG 'DZOM MDOG GOG LA SOGS KYANG, ,GNAS SKABS MI MTHUN PHYOGS KUN RAB ZHI ZHING, ,TSE RING DPAL 'BYOR RIGS BRGYUD LEGS TSOGS RNAMS, ,CHANG MED DBYAR MTSO LTA BUR 'PHEL BA DANG, ,DGE BCU'I LAM GYIS MNGON MTHO'I RTEN THOB CING, ,MTSAN NYID LDAN PA'I BSHES KYI DED DPON MCHOG ,BSAM DANG SBYOR BAS TSUL BZHIN LEGS BSTEN NAS, ,PHYIN DRUG BSDU BZHI'I GRU CHEN NANG ZHUGS TE, ,SKU GSUM NOR BU'I GLING DU PHYIN PAR SHOG ,'DI LTAR BSGRABS PA'I BZO RIGS LAS BYED DANG, ,MTHUN RKYEN ZUR 'DEGS ZHAL 'DEBS BUL BA SOGS, ,SGO GSUM CI RIGS 'BREL BA THOGS PAS MTSON, ,BDAG SOGS MAR GYUR SEMS CAN THAMS CAD KYIS,, PHYOGS BCU DUS GSUM SRAS BCAS RGYAL RNAMS KYI, ,THUGS BSKYED SMON LAM RMAD BYUNG MDZAD PA'I TSOGS, ,MA LUS GCIG TU BSDUS NAS SGRUB PA DANG, ,SDIG PA'I LAS LA NAM YANG MI 'JUG CING, ,BAG YOD DGE BCU'I LAS KYIS DUS 'DA' BA'I, ,DAL 'BYOR RTEN THOB RGYAL BSTAN SGOR ZHUGS NAS, ,PHYIN DRUG RIM GNYIS RNAL 'BYOR MTHAR PHYIN TE, ,ZUNG 'JUG RDO RJE 'CHANG GI SA THOB SHOG ,SPYI DANG KHYAD PAR 'JAM MGON BLA MA YI, ,BSTAN DANG DE 'DZIN BSKAL BRGYAR ZHABS BRTAN

, ,CING, ,BSTAN LA GUS MCHOD DPAL 'BYOR RIGS RGYUD 'PHEL, ,BKRA SHIS RGYA MTSOS DENG 'DIR BKRA SHI SHOG ,'JIG RTEN KHAMS SU'ANG LNGA BDO'I RGUD PA'I DNGOS, ,G-YUL 'KHRUG LO NYES MU GE NAD YAMS SOGS, ,PHYI NANG NYER 'TSEM LUS RAB ZHI NAS, ,RDZOGS LDAN DPAL LA SPYOD PA'I BKRA SHIS SHOG ,CES STAR SDONG NAS BLO BZANG TSE BRTEN GYI DGONGS RDZOGS SU SKU GSUNG THUGS RTEN BZHENGS PA'I DKAR CHA SMON LAM DAR BCAS BA 'DI NI DKA' BCU SMRA BA BLO BZANG RAB BRTAN DANG ZHAL NGO BKRA SHIS RGYA MTSO SOGS KYIS RTEN SO SO'I RGYU SONG GI BSNGOMS THO RTZOM GZHI BCAS BSRINGS NGOS, DKAR CHAG TSIGS BCAD NGAG 'DON LTA BU BYAS KYANG CHOG PA 'DI LTA BU ZHIG DGOS ZHES BSKUL BA LTAR SH'KYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA DGE ZHING BKRA SHIS PAR GYUR CIG ,NGAG 'DON BYED NA YAN LAG BDUN PA'I MJUG NAS SHLOOKA BRGYAD BZHAG PA'I DE PHYIN 'DON,, ` AOm BDE LEGS SU GYUR CIG ,RGYAL BA GNYIS BA'I MDO SNGAGS GZHUNG LUGS RNAMS, ,SKAL LDAN GDUL BYA'I YID LA RTZOM MDZAD CING, ,'BRAS BU BZANG POS 'GRO RNAMS SMIN GROL LAS, ,'GOD MDZAD DPAL LDAN BLA MAS RJES 'DZIN SHOG ,CES PA 'DI NI RAB 'BYAMS PA SANGS RGYAS RGYAS DON GRUB LA GNANG PA'O,, ` DPAL LDAN 'DOD PA KHAMS KYI DBANG PHYUG PHYUG MAR, ,SRAB 'JAM YANG BA'I DAR TSON SNA LNGA 'DI, ,MI PHYED DAD PAS SKU LA PHUL BA'I MTHUS, ,'GAL RKYEN KUN ZHI BDE BA RGYAS THOB SHOG, ,,

` AOm SVSTI, MYUR MDZAD YE SHES MGON PO SPYAN RAS GZIGS, ,TSE DPAG MED MGON SGROL DKAR TSE SBYIN NA MA, ,'DOD KHAMS DBANG PHYUG RTA MGRIN GSANG SGRUB BCAS, ,LEGS PAR BZHENGS PAS BSAM DON 'GRUB PAR MDZOD,, MANG+GLAm ` H'Um, BAR CHAD KUN SEL YID BZHIN MGON PO LA, ,KEE LA SHA YI MDANGS MDZES LHA RDZAS 'DI, ,PHUL BA'I RNAM DKAR LEGS BYAS DPAL YO NA GYIS, ,YID LA BSAMS PA'I DON BZHIN 'GRUB PAR MDZAD,, ` BHYOO: 'DOD PA'I DPAL LTAR DAM GZOR RGYAL MO LA,, BKRA SIS RTAGS MTSAN YID 'ONG LHA GOS 'DI, ,DANG BA'I YID KYIS PHUL BA'I DGE TSOGS KYIS, ,YID LA BSAMS PA THOGS MED 'GRUB PAR MDZOD,, ` HR'I: NA MA YANG 'PHRIN LAS SGRUB LA THOGS MED PAR, ,BKRA SHIS RTAGS KYIS MTSAN PA'I LHA GAS 'DI, ,LHA CHEN TSANGS PA CHEN PO KHYOD NYID LA, ,PHUL BAS BSAM DON YID BZHIN 'GRUB PAR MDZOD, ,BKRA SHIS,,` BHYOO: DPAL LDAN DUNG SKYONG DBANG MO SRID GSUM MAR, ,SNYAN SHAL MDZES BYED DAR TSON SNA LNGA 'DI, ,PHUL BAS TSE DANG BSOD NAMS DPAL 'BYOR DANG, ,LEGS PA'I BYA BA THAMS CAD YID BZHIN DU, ,BSAM DON GEGS MED 'GRUB PA'I 'PHRIN LAS STZOL,, BKRA SHIS,, ,, ` NA MO GU RU BADZRA DHA R'A YA, SKU MTSAN BZANG SMAD BYUNG LONGS SPYOD RDZOGS, ,GSUNG 'GAG MED BRJOD DANG BRAL BA'I DBYANGS, ,THUGS DMIGS MED ZHI BA'I MTHA' SPANGS PA, ,RIGS DKYIL 'KHOR BDAG POR GSOL BA 'DEBS, ,

, ,ZAS GTZANG MA'I SRAS PO 'DREN PA MCHOG ,SGYU DRUG CU RTZA BZHI'I RTZA LA LA MKHAS, ,DON SNYING PO MTHAR PHYIN LHUN GYIS GRUB, ,LHA NYI MA'I GNYEN GYI ZHABS LA 'DUD, ,YUL KHA BA CAN LJONGS BYANG PHYOGS 'DIR, , BKA' SDE SNOD ZAB MO'I CHOS SGRA BSGRAGS, ,RJE THUB BSTAN 'DZIN LA ZLA BRAL BA, ,DPAL 'JAM DPAL SNYING PO'I ZHABS LA 'DUD, ,RJE SANGS RGYAS KUN LAS LHAG PA'I MGON, ,SKYABS BSLU MED KUN 'DUS DGE BA'I BSHES, ,YONGS BDAG SOGS 'GRO BA'I GTZUG GI RGYAN, ,DON SNYING PO LEN PAR BYIN GYIS RLOBS, ,DUS DENG NAS BYANG CHUB MA THOB PAR, ,SNYING KHONGS NAS SKYID SDUG LAM 'KHYER TSE, ,YID GUS PAS 'BRAL MED LEGS BSTEN NA, ,THUGS RTZE BAS MA YENGS RTAG SKYONGS SHIG ` NOR DNGOS PO'I MTHUN RKYEN MED KYANG BLA MA, LAS SGRUB 'BRAS BSLU MED YID CHES SHING, ,SDIG MI DGE'I LAS LA MI 'JUG PAR, ,DRAN SHES BZHIN BAG YOD BSTEN PAR SHOG, ,PHYI SNANG BA'I 'DOD DGU SGYU MA'I NOR, ,RTAG MI THUB RTZA RTZE'I ZIL PAR MTSUNGS, ,SROG 'TSO BA'I ZAS GOS CI BYAS BDE, ,GSOG RUM GYI BLO SNA BSTUNG BAR SHOG ,SPYIR BLO NGAN MI DGOS BYA BA MED, ,PHYI DNGOS PO 'TSEL RIN MI TSE 'DZAD, ,NANG KHO THAG CHOD PA 'BYOR PA'I MCHOG ,DPAL PHUN TSOGS YANG RTZE RNYED BAR SHOG,, ` LAR DAM CHOS SGRUB LA BAR GCOD GEGS, ,SBRIN NA BUN ZHIN DU 'THIBS PA YONG, ,BLO NANG DU MA SBYANGS YAN PAS LAN, ,NANG SEMS GNYIS 'BYONGS PAR BYIN GYIS RLOBS,,

GDON MTHU CAN YI DVAGS TSOGS RNAMS DANG, ,LHA LHA MIN DUD 'GRO MI RNAMS KUN, ,KHRO GTUM PA'I RNAM 'GYUR MANG STON KYANG, ,KUN SGYU MA LTA BUR RTOGS PAR SHOG ,DON DE LTAR YANG YANG GOMS PA'I MTHUS, ,RKYEN BAR GCOD GNOD PAS MI BRJI ZHING, ,DPAL BLA MED BYANG CHUB SGRUB PA LA, ,ZAS GTZANG MA'I SRAS DANG MTSUNGS PAR SHOG, ` SNGON THOG MA MED NAS DA LTA'I BAR, ,RGYU MI DGE'I LAS LA GOMS PA'I 'BRAS, ,RKYEN MI 'DOD SDUG BSNGAL CHAR BABS KYANG, ,RANG KHO NAS LEN PAR SHES PAR SHOG ,LAR MI BZOD SDUG BSNGAL CHES LCI BA, ,RI CHEN PO BRDIBS PA LTAR GYUR KYANG, ,DANG LEN ZHING BAG YOD LEGS BSTEN PAS, ,YID BDE BA CHEN PO'I NGANG GNAS SHOG ,MA 'GRO BA'I SDUG BSNGAL BZOD DKA' BA, ,KUN BDAG GI STENG DU SMIN PA'I KHUR, ,BLOS KHYER BAS SDUG BSNGAL RGYA MTSO CHE, ,DUS MYUR DU SKEMS PAR BYIN GYIS RLABS,, ` MI BDAG LA SRID GSUM YID CAN KUN, ,BRDEG MTSANG 'BRU MI 'DOD DGRAR BLTA YANG LAM BZOD PA BSGOM PA'I RTEN GYUR BAS, ,KUN BKA' DRIN CHE BAR RTOGS PAR SHOG ,SPYIR 'DI NANG DGRAD BZUNGS SKYE 'GRO RNAMS, ,THOG MED NAS DRIN GYIS BSKYANGS PA'I NA, ,DRIN CHE BA SHA STAG YIN PAS NA, ,BYAMS SNYING RJE DGA' BA SGOM PAR SHOG ,SGOS BYANG CHUB SGRUB LA BZOD SGOM RTEN, ,DGRA MA GTOGS GZHAN MI GDA' BAS, ,'DI BRTAGS NA BKA' DRIN SHIN TU CHE, ,DON BSHES GNYEN NYI MA 'CHAR BAR SHOG, ` BDAG 'DZIN GYI DGRA BO PHUGS 'CHANGS

, , NAS, ,DGU GSUM GYIS KUN BSLANGS G-YO KHRAM SOGS, , MI DGE BA'I LAS LA DBANG MED BKOL, ,BDAG 'DZIN 'DI 'JOMS PAR BYIN GYIS RLOBS, ,NYON MONGS SOGS PHYI NANG GNOD PA'I TSOGS, , CI BYUNG YANG CHOS KUN RANG MTSAN RU, ,BDEN GRUB PA RDUL TZAM MED RTOGS NAS, ,BLO 'KHRUL PA'I BDAG GNYIS GZHOM PAR SHOG ,DE LTAR DUG GSUM LAS SANGS RGYAS RGYU, ,BLOS CHOD NA CI NAS SGRUB TU YOD, ,DON DE PHYIR BLA MA'I GDAMS NGAG RNAMS, ,YID MA YENGS SGOM PAR BYIN GYIS RLOBS, ,DGE 'DIS MTSON DUS GSUM SKYE 'PHAGS KYI, ,LAS MCHOG TU DKAR BA CI MCHIS PA, ,DRIN CHE BA'I MAR GYUR 'GRO BA KUN, ,DPAL KUN MKHYEN THOB PA'I RGYU RU BSNGO, ,DUS RNAM PA KUN TU BDE STER ZHING, ,DON MNGOR STON PA GDAMS PA'I PHUL, ,RJE BKA' GDAMS GONG MA'I DGONGS BA'I DON, ,PHYOGS KUN TU DAR RGYAS BKRA SHIS SHOG, ,CES PA 'DI NI RI KHROD 'DZIN PA'I DKA' BCU BA BLO BZANG NAS RGYAL GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, PRiTZTSA, ,`SVSTI, BLO LDAN RLABS CHEN SPYOD PA'I GTER MNGA' BA, ,BZANG PO'I MDZAD PAS GUS LDAN RE BA SKONG, ,RIG PAS GSUNG RAB KUN LA LEGS SBYANGS PAS, ,GROL GYUR BSHES GNYEN BZANG BOR GSOL BA 'DEBS, ,MTHA' DAG ZHING MANG GDUL BYA'I DON GYI CHED, ,SNA TSOGS THUGS RJE GANG+GA'I GZEGS MA'I RDUL, ,RAB 'DZAG 'GRO BA'I SDUG BSNGAL TSA GDUNG RNAMS, ,SEL PHYIR ZHING 'DIR RGYUN CHAD MED PAR SHOG ,DKON MCHOG RIN CHEN RNAM GSUM BYIN RLABS, ,DAD LDAN MOS BAS GDUNG SHUGS DRAG PO YIS, ,RTZE GCIG GSOL BA BTAB PAS YANG SRID KYI, ,ZLA TSES BZANG PO MYUR DU 'CHAD BAR SHOG,

CES PA 'DI YANG BDE CHEN RI KHROD KHAG GRVA BTZUN BCAS DANG DGE SLONG DKON MCHOG RDO RJES, ZHAL SNGA NAS BLO BZANG RIG GROL GYI YANG SRING MYUR 'BYON GYI GSOL 'DEBS 'DI LTA BU ZHIG DGOS ZHES BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O, ,DGE'O ` SVASTI, BLA MA YI DAM LHA SRUNGS TSOGS RNAMS KYI, ,SNANG BRNYAN YE SHES SEMS DPA' DNGOS BYON PAR, ,RI KHUD CHOS SDE DPON SLOB YON SBYOR RNAMS, ,GNYER GTAD MTHU LDAN BSRUNG MAS 'PHRIN LAS BZHIS, ,SKYONG ZHING MI MIN LOG LTA TSAR CHOD CIG, SA MA YA TIshthA, ZHES PA 'DI'ANG BLO BZANG BRTZON 'GRUS KYIS RI KHUD CHOS SDER CHOS SKYONG YONGS RDZOGS KYI SKU THANG PHUL BA'I GNYER GTAD DU SMRAS PA'O,, ` H'Um, DUR KHROD CHEN PO BSIL BA'I TSAL GNAS PA'I, ,'JIGS RUNG GZUGS CAN MGON PO'I BKA' NYAN GTZO SNGON TSE KHAS BLANGS DAM BCA' MA BSNYEL BAR, ,BDAG SOGS RTAG TU BSRUNG SKYOB G-YEL MED MDZOD, CES PA 'DI YANG MGON KHANG CHEN MO'I KshE TRA P'A LA'I SKUR SNYAN SHAL PHUL BA'I ZHAL YIG TU BGYIS PA'O,, ` NA MO GU RU, SA GSUM 'GRO BA KUN GYI MCHOD SDONG CHER, ,RAB DKAR LHA RDZAS DRI BRAL PHUL BA'I DGES, ,LJONGS 'DIR 'GRO LA BDE SKYID 'BYUNG BA'I GZHI, ,MGON KHYOD LUNG RTOGS CHOS TSUL 'BAR GYUR CIG ,CES PA 'DI YANG LCAGS BYI DBUS SU PHYIN SKABS DGA' LDAN DNGUL GDUNG RIN PO CHER BRGYA MCHOD DANG BCAS SNYAN SHAL ZUNG 'BREL GYI NGOS LA BSTAN BA RGYAS PA'I GSOL 'DEBS SU BRIS PA'O,, ` 'DOD KHAMS SPRUL PA SHES GYI RI BO LTAR, ,SNA MANG RIN CHEN DU MAS RAB MDZES SHING, ,MDA' DAR ME LONG

, ,RIN CHEN GTER SNOD 'DZIN, ,NAM YANG G-YEL MED 'PHRIN LAS RNAM BZHIS SKYONGS, ZHES LCAGS BYI DBUS MYUL SKABS DPAL LHA'I SNYAN SHAL GYI NGOS LA 'PHRIN LAS BCO DU BGYIS SO,, ` AOm BDE LEGS SU GYUR CIG ,PHUL BYUNG BLO GROS 'CHI MED LAM YANGS BAR, ,SNGON GOMS THUGS BSKYED BZANG PO'I CHU 'DZIN 'KHRIGS, ,LEGS BSHAD GRU CHAR SKAL BZANG RGYA MTSO'I DBUS, ,'BEBS MKHAS DPAL LDAN BLA MAR GSOL BA 'DEBS, , MGON KHYOD BLO BZANG RGYAL BA'I BSTAN PA LA, ,NYER ZHUGS RIG GROL GNYIS LDAN SKAL BZANG TSOGS, ,'PHRIN LAS RGYA MTSO'I RLABS KYIS SKYONG MDZAD PA'I, ,BSTAN PA'I MNGA' BDAG MCHOG LA GSOL BA 'DEBS, ,SA 'DZIN DKAR POS YONGS BSKOR ZHING KHAMS 'DIR, ,RGYAL BA'I DAM CHOS MA LUS SPEL BA LA, ,LNGA RIG DU MAS BSGRUN DU MA MCHIS PA'I, , 'JIGS MED SMRA BA'I SENG GER GSOL BA 'DEBS, ,GANG THUGS BLO CHEN BUM BZANG LAS 'ONGS PA'I, ,DA CHOS BDUD RTZIS SKAL BZANG RGYA MTSO'I TSOGS, ,SRID PA'I MTSO LAS ROL BA'I SAR BKRI BA'I, ,PHAN BDE'I LAM STON SRID MTHAR ZHABS BRTAN SHOG ,RTZA RGYUD BLA MA TSE DPAG MED MGON DANG, ,RNAM RGYAL YID BZHIN 'KHOR LO LA SOGS PA, ,'CHI MED MCHOG STZOL YI DAM LHA TSOGS KYI, ,BYIN RLABS 'DZAD PA MED PA'I SPRIN BCUD KYIS, ,RJE BTZUN BLA MA BSKAL BRGYAR ZHABS BRTAN SHOG, ` BSOD NAMS DAR RGYAS BDE LDAN RING 'TSO ZHING, ,RGYAL BA'I CHOS SRID 'PHRIN

LAS PHYOGS KUN TU, ,SBEL LA SGO GSUM NGAL MED BRTZON PA DANG, ,DPAL 'BYOR LONGS SPYOD DBYAR MTSO LTAR 'PHEL SHOG ,CES PA 'DI NI 'PHYONG RGYAS RI BO SDE CHEN SPYI SOS, THAMS CAD MKHYEN PA BLO BZANG RGYA MTSOR GSOL 'DEBS BRTAN BZHUGS DANG, YAB LA'ANG ZHAM RING DU 'GYUR BA SOGS KYI 'DOD GSOL YOD PA TZAG DGOS ZHES BSKUL BA'I BLO NGO DBANG BSTUN SHA'KYA'I BTZUN PA BLO BZANG YE SHES KYIS SMRAS PA'O,, ` AOm SVSTI, BLO BZANG RGYAL BA GNYIS PA'I THUGS KYI BCUD, ,GCIG BSDUS SKAL BZANG RGYA MTOS LAS 'THON PA'I, ,BGRANG YAS SKYE DGU'I RE SKONG YID BZHIN NOR, ,BSAM 'PHEL DBANG GI RGYAL POR GSOL BA 'DEBS, ,'GRO KUN DU: KHA LAS SGROL DAM BCAS NAS, ,GANG 'DUL JI BZHIN SGYUR MKHAS GRU 'DZIN BDAG ,SGYU 'PHRUL DRA BA LAS BYON 'PHAGS YUL GYI, ,MI RJE PAn GRUB TSOGS LA GSOL BA 'DEBS, ,MGON KHYOD THUGS RJE'I 'OD GZIGS BSIL LJONGS 'DIR, ,DGE BCU'I KHRIMS SPEL NGAN 'GRO'I LAM BKAG NAS, ,THUB BSTAN SNANG BA'I MDZAD KYIS KHYAB MDZAD PA'I, ,CHOS RGYAL LO PAn RNAMS LA GSOL BA 'DEBS, ,SGROL MAS LUNG BSTAN D'I PAm KA RA'I SRAS, ,BKA' GDAMS SHING RTA'I SROL 'BYED 'BROM STON RJE, ,'KHON RIGS BSTAN PA'I MNGA' BDAG 'KHOR LO'I MGON, ,KUN DGA' SNYING PO'I ZHABS LA GSOL BA 'DEBS, ,'DIR SNANG SRID BDIR SNYING PO MED GZIGS NAS, ,LAM BZANG SGRUB MDZAD SANGS RGYAS SGOM PA DANG, ,RGYAL BA'I DGONGS DON 'BYED

, ,MKHAS THAMS CAD MKHYEN, ,DGE 'DUN GRUB KYI ZHABS LA GSOL BA 'DEBS, ,'JAM DPAL SNYING PO'I LUNG RTOGS CHOS SRID LA, ,DBANG SGYUR DGE 'DUN RGYA MTSO'I DBUS GNAS SHING, ,GDUL DKA' MTHA' 'KHOB SKYE 'GROR THAR PA'I LAM, ,STON MKHAS BSOD NAMS RGYA MTSOR GSOL BA 'DEBS, ,ZAB LAM RIM GNYIS MTHAR PHYIN BDUD SDE'I DPUNG, ,PHYI MAR 'THAG MDZAD YON TAN RGYA MTSO'I DPAL, ,RNAM 'DREN KUN GYI GTZUG RGYAN THAMS CAD MKHYEN, ,NGAG DBANG BLO BZANG RGYA MTSOR GSOL BA 'DEBS, ,SMYOS RIGS LAS 'KHRUNGS KUN MKHYEN NGAG GI DBANG, ,BLO BZANG RIN CHEN TSANGS DBYANGS RGYA MTSO'I ZHABS, ,BLO GROS BZANG POS 'GRO LA DAM CHOS CHAR, ,'BEBS MKHAS SKAL BZANG RGYA MTSOR GSOL BA 'DEBS, ,MGON KHYOD ZHABS ZUNG MI 'GYUR RDO RJE'I KHRIR, ,BGRANG YAS BSKAL PAR G-YO MED BRTAN PA'I NGOS, ,ZAB RGYAS CHOS 'KHOR MTHO RIS RNGA BO CHE, ,GZHOM MED RTAG PA'I NGA ROR STZAL PA GANG, , MKHA' MNYAM 'GRO BA'I KHYU MCHOG RLABS CHEN GYIS, ,THOS PA'I DGA' STON PHUN TSOGS ROL PA LAS, ,SMIN GROL LAM BZANG THEM SKAS RTZER 'DZEGS NAS, ,SKU GSUM GZHAL MED KHANG DU MYUR 'JUG SHOG ,GZHAN YANG LJONGS 'DIR NAD MTSON MU GE SOGS, ,MI MTHUN RGUD PA'I MING YANG MI GRAG CING, ,BLO BZANG GRAGS BSTAN PHYOGS BCUR RGYAS PA DANG, ,'GRO KUN BDE SKYID LDAN PA'I BKRA SHIS SHOG ,CES THAMS CAD MKHYEN PA BLO BZANG SKAL BZANG

RGYA MTSO'I 'KHRUNGS RABS GSOL 'DEBS BRTAN BZHUGS DANG BCAS PA 'DI YANG 'JAM DBYANGS GONG MA RGYAL PO'I ZHABS 'BRING PA RGUNG TSE DBANG NOR BU SOGS DANG MTSO SNGON DPON KHAG RNAMS KYIS BSKUL BA LA BRTEN NAS CHOS SMRA BA BLO BZANG YE SHES KYIS PHO BRANG CHEN PO PO TA LA'I GZIMS CHUNG BDE BA CAN DU SBYAR BA'O,, ` AOm BDE LEGS SU GYUR CIG ,BLO GTER KHANG BZANG BSLAB GSUM NOR GYIS PHYUG ,ZAB LAM RIM GNYIS TOG GIS RAB MDZES SHING, ,LUNG RTOGS BSTAN PA'I RGYAL MTSAN MNGON MTHO BA'I, ,RJE BTZUN DAM PA YUN RING ZHABS BRTAN SHOG ,DAM PA'I CHOS TSUL KUN LA BLO GROS RGYAS, ,BSKAL BZANG GDUL BYA'I RE SKONG BSTAN PA'I GNYEN, ,BSLAB GSUM RNAM DAG RGYAL MTSAN 'DZIN PA'I DPAL, ,'GRO BA'I 'DREN PA BSKAL BRGYAR ZHABS BRTAN SHOG ,SNGON GOMS DGE TSOGS SA BON SMIN PA'I 'BRAS, ,RAB 'BYAMS GZHUNG LUGS KUN LA THOGS MED PAR, ,DRI MED DGONGS DON TSUL BZHIN LEGS 'BYED PA'I, ,MKHYEN RAB DBANG PHYUG 'GYUR MED RTAG BRTAN SHOG ,BLO BZANG RGYAL BA GNYIS PA'I MDO SNGAGS KYI, ,RING LUGS 'DZIN LA MKHAS MANG GTZUG NA MDZES, ,SNYAN GRAGS LHA YI RNGA DBYANGS SA STENG KHYAB, ,RJE BTZUN BLA MA'I ZHABS PAD BRTAN PAR SHOG, RGYAL BA'I DGONGS DON RIN CHEN 'BYUNG GNAS LAS, ,ZAB GSAL SHES RAB LDAN PA'I DED DPON GYIS, ,ZAB LAM RIM GNYIS NOR BU'I KHUR BLANGS NAS, ,BSTAN PA'I RTZA LAG GYUR LA GSOL BA 'DEBS, ,TSOGS GNYIS PHUN SUM

, ,TSOGS PAS RGYUD GTAMS SHING, ,SKU GSUM MNGON GYUR GSANG GSUM MI ZAD PA, ,LHUN GRUB 'PHRIN LAS BZANG PO'I MDZAD PA CAN, ,'GRO KUN BRTZE BAS SKYONG LA GSOL BA 'DEBS, ,DKON MCHOG RIN CHEN YI DAM 'KHOR LO'I LHA'I, ,BYIN RLABS GNAS GSUM MKHA' 'GRO'I 'PHRIN LAS KYIS, ,ZHABS ZUNG 'GYUR MED RDO RJE LTAR BRTAN CING, ,NYIN MTSAN RTAG TU DGE BA'I BKRA SHIS SHOG ,CES MTSUNGS MED BSTAN PA'I GSAL BYED RJE BTZUN DAM PA BLO BZANG BSTAN PA'I RGYAL MTSAN DPAL BZANG PO'I BRTAN BZHUGS GSOL 'DEBS DANG BCAS PA 'DI YANG SHA'KYA'I BTZUN PA BLO BZANG YE SHES KYIS DANG BA'I YID KYIS BKA' GDAMS PHO BRANG DU SMRAS PA'O, ,SARBA MNGGALAm,, ,, ` NA MO GU RU, RLABS CHEN DGE TSOGS 'DZIN MA'I LTOR 'KHYIL BA'I, ,LEGS BSHAD SDONG BU YAL GA LO 'DAB RGYAS, ,BSLAB GSUM RNAM DAG RIM GNYIS 'BRAS BUS BRJID, ,'GRO 'DREN DPAG BSAM DBANG POR GSOL BA 'DEBS, ,BYAMS DANG SNYING RJE'I LHA LAM YANGS BA LAS, ,LUNG RTOGS CHU 'DZIN 'KHRIGS PA'I GRU CHAR GYIS, ,SKAL BZANG GDUL BYA'I YID LA DGOS 'DOD STZOL, ,RJE BTZUN BLA MA SRID MTHAR ZHABS BRTAN SHOG ,BDAG SOGS DENG NAS SKYE ZHING SKYE BA RU, ,MGON KHYOD THUGS RJES NAM YANG MI BTANG BAR, ,BKA' BZHIN G-YEL MED SGRUB PAS MNYES BYAS NAS, ,BLA MED BYANG CHUB SGRUB LA BRTZON PANG SHOG ,CES PA 'DI NI 'JAM DBYANGS GONG MA CHEN PO'I ZHAM RING PA

RGUNG TSE DBANG NOR BUS NAN GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, ` AOm SVA STI, NGAG GI DBANG PHYUG MTSAN DPE'I DPAL 'BAR ZHING, ,THUGS RJE'I 'OD KYIS 'GRO BLO'I MA RIG PA'I, ,SMAG RUM KUN SEL DRAN PA TZAM GYIS KYANG, ,GTAN GYI BDE BA STENG LA GSOL BA 'DEBS, ,SNGON BSAGS DGE TSOGS DU MA'I BSOD NAMS MTHU, ,RGYA CHEN MKHA' LTAR KHYAB PA LUGS BRGYA'I KHRIMS, ,KUN GYI GNYA' BAR LCI MDZAD MI BDAG RJE'I, , SKU TSE CHAB SRID SRID MTHAR BRTAN PAR SHOG ,'JIGS BRAL GDONG LNGAS NYER MDZES RIN CHEN KHRIR, ,GNAM BSKOS SA YI BDAG PO RDO RJE LTAR, ,MI 'GYUR 'JAM DPAL SNYING PO'I BSTAN PA LA, ,GUS PAS MCHOD CING MNGA' THANG RAB RGYAS SHOG, CES 'JAM DBYANGS GONG MA CHEN POR GSOL 'DEBS BRTAN BZHUGS DANG BCAS PA ZHIG DGOS ZHES ZHAM RING PA RGUNG TSE DBANG NOR BUS BSKUL BA LTAR SHA'KYA'I DGE SLONG BLO BZANG YE SHES KYIS BKA' GDAMS PHO BRANG DU SBYAR BA SRBA DZA GTAm,, ,, ` SVSTI, PHUN TSOGS BLO GROS BZANG PO'I BI GAM RTZER, ,LUNG DANG RTOGS PAS BRGYAN PA'I LHAB LHUB CAN, ,MTHA' BRAL NOR BU'I TOG GIS RAB MDZES PA'I, ,BSTAN PA'I RGYAL MTSAN 'DZIN LA GSOL BA 'DEBS, ,MDO SNGAGS GZHUNG LUGS BSIL RIR GNAS BCAS NAS, ,DRI MED RIGS PA'I SDER 'PHRENG CHER G-YO ZHING, ,'CHAD RTZOD RTZOM PA'I NGOR SA GSUM SGROG , 'JIG BRAL SMRA BA'I SENG GE RTAG BZHUGS GSOL, ,RMAD BYUNG BLO GROS DKYIL 'KHOR YANGS PA LA,,

, ,NGES 'BYUNG TSUL KHRIMS RI DVAGS MTSAN MAS MDZES, ,GDUL BYA'I KUN 'BYED PA'I 'OD DKAR CAN, BGRANG YAS BSKAL PAR NUB MED SNANG BAR SHOG ,RNAM 'DREN MA LUS 'DUS PA TZONG KHA PA'I, ,RING LUGS DGONGS DON MTHA' DAG SPEL BA LA, ,NGAL MED 'PHRIN LAS PHYOGS KUN 'GENGS MDZAD PA'I, ,BSHES GNYEN MCHOG DE BSKAL BRGYAR ZHABS BRTAN SHOG ,DENG NAS STOBS BCU MNGA' BA'I GO 'PHANG MCHOG ,MA THOB DE SRID BDE BA'I LAM STON MKHAN, ,MGON BO KHYOD DANG 'BRAL MED DAM CHOS LA, ,SPYOD PA'I SKAL BA BZANG POR BDAG GYUR CIG ,CES RJE BTZUN DAM PA BLO BZANG BSTAN PA'I RGYAL MTSAN DPAL BZANG POR GSOL 'DEBS BRTAN BZHUGS DANG BCAS PA 'DI NI DKYIL KHANG ZHAL SNGA NAS YE SHES DPAL 'BYOR GYIS GSUNG BA BZHIN CHOS SMRA BA BLO BZANG YE SHES KYIS BGYIS SO,, ` SVSTI, RNAM DKAR BSOD NAMS NYER SAD DAL 'BYOR RTEN, ,MI RTAG SNYING PO LEN BLOS GZHON NU NAS, ,THUB BSTAN SNYING PO SO SO THAR PA'I SGONG, ,NYER ZHUGS DPAL LDAN BLA MAR GSOL BA 'DEBS, ,BLO BZANG RGYAL BA'I LUNG RTOGS CHOS TSUL LA, ,MNGA' BRNYES 'CHAD RTZOD RTZOM PA G-YAS 'KHYIL SGRA, ,SNYAN PA'I GRAGS BAS PHYOGS KUN 'GENGS MDZAD PA'I, ,RJE BTZUN BLA MA SRID MTHAR ZHABS BRTAN SHOG ,DGE TSOGS SA GZHIR DAL 'BYOR LJON PA'I SHING, ,DAD PA'I GZHI BRTAN TSUL KHRIMS RTZA BA BZANG, ,THOS PA'I SDONG BU GTONG BA'I YAL 'DAB KLUBS, ,NGO TSA KHREL YOD

SHES RAB 'BRAS BU YIS, ,LEGS DUD MI G-YO G-YUNG DRUNG LTANG BRTAN SHOG ,ZUNG 'JUG SKU BRNYES SANGS RGYAS RDO RJE 'CHANG, ,LUNG RTOGS DAM CHOS DE SGRUB DGE 'DUN GYI, ,BYIN RLABS DRANG SRONG GRUB PA'I BDEN TSIG GIS, ,SPRUL SKU'I ZHABS ZUNG 'GYUR MED BRTAN PAR SHOG ,PHYAG DRUG RNAM MANG THOS SRAS CHOS KYI RGYAL, ,ZHVA SER 'CHANG BA'I BSTAN SRUNGS RGYA MTSO'I MTHUS, ,BLO BZANG RGYAL BSTAN 'DZIN MKHAS SPRUL PA'I SKU'I, ,'PHRIN LAS SNYAN GRAGS PHYOGS BCUR RGYAS PAR SHOG ,CES DZA YA PAndI TA'I YANG SRID KYI BRTAN BZHUGS 'DOD GSOL DANG BCAS PA 'DI YANG JA SAG BLA MA DANG GRVA CHANG BZHI'I SLOB DPON GRVA RIGS BCAS PAS BSKUL BA'I NGOR SH'AKYA'I DGE SLONG BLO BZANG YE SHES KYIS SBYAR BA'O,, ,, ` AO SVSTI, BLO GROS KHANG BZANG BSAM 'PHEL YID BZHIN DBANG, ,BSLAB GSUM RIN CHEN DPAL 'BAR MDO SNGAGS GZHUNG, ,LEGS BSHAD 'CHAD RTZOD RTZOM PA'I PIndA TA, ,CHOS KYI RGYAL PO'I ZHABS LA GSOL BA 'DEBS, ,RNYENG DKA' DAL NGANG 'BYOR PA'I K'A RA LI, ,BSTAN PA'I SNYING PO TSANGS SPYOD BRTUL ZHUGS CAN, ,RDUL GYI CHUS DBEN LUNG RTOGS 'BRAS BUS MDZES, ,BSHES GNYEN YONGS 'DU'I DBANG PO ZHABS BRTAN SHOG ,BYANG SEMS SDOM PA'I CHU GTER LAS 'THON PA'I, ,BYAMS DANG SNYING RJE'I DPAL GOS GE SAR GYIS, ,SKAL LDAN SBRANG RTZI'I BRTUL ZHUGS 'DZIN BA'I TSOGS, ,TSIMS MDZAD DPAL LDAN BLA MA RTAG BZHUGS GSOL, ,GSANG SNGAGS SA 'DZIN DKAR PO'I RTZER 'GYING ZHING, ,RIGS

, ,LNGA SPYI DANG BYE BRAG DAM TSIGS SNGOM, ,NYES BRAL RAL PA'I KHUR 'CHANG ZAB DON SGRA, ,SGROG MKHAS GDONG LNGA'I DBANG PO RTAG BRTAN SHOG ,SDOM GSUM RNAM DAG ME ZHAL LAM YANGS PAR, ,LUNG DANG RIGS PA'I CHU KHUR CHER 'KHRIGS SHING, ,LOG SMRA RGOL 'JOMS DBYAR SKYES RNGA GSANG SGRA, ,SRID MTHA'I BAR DU NGAL MED SGROG PAR SHOG ,MCHOG GSUM BYIN RLABS BSTAN SRUNGS RGYA MTSO'I MTHUS, ,BLO BZANG DBANG CHEN DPAL 'BAR PAnDITA, ,CHOS KYI RGYAL PO'I ZHABS BRUNG RDO RJE'I KHRIR, ,NAM YANG G-YO MED PA SKAL BRGYAR BRTAN PAR SHOG ,SHA'KYA'I RGYAL PO'I RING LUGS GDUGS DKAR POS, ,LEGS KHYAB 'JAM GLING YANGS PA'I GZHI CHEN POR, ,MGON KHYOD 'PHRIN LAS BCU GNYIS BDAG PO YI, ,TSA ZER GYIS GAR CHOS 'BYOR RGYAS PAR SHOG ,CES SPRUL PA'I SKU BLO BZANG DBANG CHEN DPAL 'BAR PAndA TI NO MON KHANG LA GSOL 'DEBS BRTAN BZHUGS MDZAD 'PHRIN RGYAS BA'I SMON TSIG DANG BCAS PA CIG DGOS ZHES DPON AER TE NE CHING DBANG DANG, GRVA TSANG GSUM GYI SLOB DPON GRVA RIGS, PHYAG MDZOD BLO BZANG MKHAS MCHOG ,DBUS CENG THO YON, AA CHI THU DAR RGAN NANG SO SOGS KYIS BSKUL PA'I NGOR SH'AKYA'I DGE SLONG BLO BZANG YE SHES KYIS SMRAS PA'O,, ` NA MO GU RU, SKU BZHI'I BDAG NYID RDO RJE 'CHANG DBANG DNGOS, ,MTSAMS SPRIN GZHON NU'I MDANGS LDAN NA BZAS KLUBS, ,RTZE GCIG YID KYIS KHYOD LA MNGON PHYOGS TE, ,SHUGS DRAG DANG BA'I SGO NAS

GSOL 'DEBS NA, ,RNAM DAG RLABS CHEN SPYOD PA'I 'OD DKAR GYIS, ,BDAG SOGS GDUL BYA'I KU MUD LEGS PHYE NAS, ,KHA SBYOR BDUN LDAN LONGS SPYONG RDZOGS PA'I SKU'I, ,GO 'PHANG MNGON SUM STZOL LA GSOL BA 'DEBS, ,TSE RABS SNGON NAS LEGS SMON GYIS 'BREL BA'I, ,MGON PO KHYOD DANG BYANG CHUB MA THOB BAR, ,NAM YANG 'BRAL MED GSUNG GI BDUD RTZIL, ,SPYOD CING BKA' BZHIN SGRUB BAS MNYES BYED SHOG ,CES PA 'DI YANG BSTEN PA'I RTZA LAG CHEN PO RJE BTZUN DAM PA BLO BZANG BSTAN PA'I RGYAL MTSAN DPAL BZANG PO'I BKAS 'DI LTA BU ZHIG DGOS ZHES BSKUL BA LA BRTEN NAS DGE SLONG BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL,, `SVSTI, PAD DKAR 'CHANG DANG BLO BZANG YE SHES ZHABS, ,DAM PA'I MTSAN CAN 'JAM DBYANGS MI BDAG RJER, ,GUS PAS GSOL 'DEBS NYES LTUNG CI MCHIS PA, ,BSHAGS SHING MI BGYID 'BRAL MED RJES 'DZIN SHOG ,CES RIGS 'BYOR PHUN SUM TSOGS PA KHAL KHA DON GRUB DBANG GI RGYUN GYI KHA 'DON DU 'DI LTA BU ZHIG DGOS ZHES BSKUL BA'I NGOR SMRAS PA'O,, ` NA MO MNYDZU SH'I YE, GANG GI BLO GROS DRI BRAL 'CHI MED LAM, ,CHA SHAS YONGS RDZOGS RGYU SKAR BDAG PO BZHIN, ,'DZAM GLING SKYE DGU'I DBUS NA MNGON BRJID PA'I, ,SA YI DBANG PHYUG YUN RING ZHABS BRTAN SHOG ,SKAL BZANG RNAM 'DREN BZHI PA'I RING LUGS KYI, ,GDUGS DKAR SRID RTZER 'DEGS LA 'JAM PA'I DBYANGS, ,MI YI ZOL BSTEN MKHYEN BRTZE NUS PA'I DPUNG, ,

, ,RAB RGYAS BSKAL PA RGYA MCHOR G-YO MED SHOG ,GSAR GYI SGROG BYED SDER LNGAS NYER MDZES KHRIR, ,SA YI BDAG PO MI G-YO G-YUNG DRUNG LTAR, ,RTAG BRTAN THUB BSTAN SPYI DANG TZONG KHA PA'I, ,BSTAN LA GUS MCHOD BZHED DON LHUN GRUB SHOG ,LHO PHYOGS DZMBU 'I LJON PAS SPA BA'I GZHIR, ,RLABS CHEN MDZAD PAS DBANG BSGYUNG GNAM BSKOS LHA'I, ,RIGS RGYUD MNGA' THANG BLA NAS BLAR 'PHEL ZHING, ,CHAB 'BANGS DGE BCU'I KHRIMS KYIS 'TSO BAR SHOG ,BSLU MED MCHOG GSUM DAM PA'I BYIN RLABS DANG, ,MNGA' 'BANGS MOS BA'I RTEN 'BREL PHUN TSOGS MTHUS, ,ZHABS ZUNG BSKAL PA RGYA MTSOR G-YO MED CANG, ,'GRO KUN 'CHI MED BDE BA'I BKRA SHIS SHOG ,CES LHA MI'I GTZUG RGYAN 'JAM DBYANGS GONG MA CHEN PO'I BRTAN BZHUGS 'DI YANG ME TOG ZLA BA'I DUS CHEN NYIN DGE SLONG BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL,, ` NA MO GU RU SARBA DHARMA PA' LA YA, BLO CHEN THEG PA KUN GYI GSANG BA'I MDZOD, ,MA NOR YONGS SU STON MDZAD DGE BA'I BSHES, ,'GRO KUN PHAN BDE'I LAM LA 'GOD MKHAS PA'I, ,RJE BTZUN BLA MA RDO RJE LTAR BRTAN SHOG ,STOBS LDAN YE SHES MGON PO PHYAG DRUG PA,, DAM CAN CHOS KYI RGYAL PO SKYE 'GRO'I BDAG, ,GUR MGON STOBS 'PHROG NAG PO ZHAL BZHI PA, ,'DOD KHAMS DBANG MO GNOD SBYIN YAB SHUR DMAR, ,RNAM MANG THOS SRAS 'KHOR BCAS KHYED RNAMS LA, ,SNGON NAS MKHAS GRUB DU MAS

GNYER GTAD PA'I, ,LHUN GRUB BDE CHEN DGON GNAS DGE 'DUN SDE, ,RTEN GSUM MCHOD THEBS DKOR RDZAS LONGS SPYOD 'KHOR, ,BCOL LO GTAD DO RTAG TU MEL TSE DANG, ,MI DANG MI MIN LOG LHA'I GNOD BYED RNAMS, ,MA LUS RNAL PHRAN BZHIN DU RLAG PA DANG, ,'PHRIN LAS RNAM BZHIS G-YEL MED GROGS MDZOD CIG ,CES PA'ANG LHUN PO RTZE 'DUS SDES 'PHRIN BCOL CHOGS 'DON DU BTZUGS CHOG PA ZHIG DGOS ZHES NAN GYIS BSKUL BA'I NGOR GSHIN RJE'I GSHED KYI RNAL 'BYOR PA BLO BZANG YE SHES KYIS SMRAS PA'O,, ` BHYO: THUGS MCHOG ZHIB RDZU 'PHRUL CI RA YANG STON, ,DPAL LDAN 'DOD PA KHAMS KYI DBANG PHYUG MA, ,MTHU STOBS THOGS MED 'KHOR DANG BCAS PA RNAMS, ,DNGOS BSHAMS RUNG MTHUN 'DI LA BRTAN BZHUGS LA, ,SANGS RGYAS BSTAN PA DKON MCHOG DBU 'PHANG BSTOD, ,KHYAD PAR MAR RGANDA'I CHING 'KHOR BCAS RNAMS, ,BCOL LO BLTOS SO LUS DANG GRIB MA BZHIN, ,'GROGS LA GZHAN GYI MNAN GTANG BYAD PHUR SOGS, ,BSAM NGAN SBYOR RTZUB MI DANG MI MIN GYI, ,GNOD BYED MI MTHUN GEGS RNAMS ZHI BA DANG, ,TSE DANG BSOD RNAMS DPAL 'BYOR RIGS RGYUD 'PHEL, ,'BANGS BCAS MNGA' THAD DAR ZHING RGYAS PA SOGS, ,'PHRIN LAS G-YEL MED MTHUN PA'I RKYEN KUN SGRUBS,, SA MA YA TIshthA, CES PA 'DI YANG RGAN DA'I CHING GIS DPAL LDAN LHA MO'I RTEN THUGS GSAR BZO'I 'DOD GSOL DU SHA'KYA'I DGE SLONG BLO BZANG YE SHES KYIS SMRAS PA'O,, ` AOm BDE LEGS SU GYUR CIG ,

, ,BLO GROS YON TAN KHUR GYIS RAB BRJID CING, ,MKHAS BTZUN BZANG PO'I DRI BSUNG PHYOGS BRGYAR 'PHRO, ,YE SHES 'OD KYIS RGYAL BSTAN GSAL MDZAD PA'I, ,SNANG BRNYAN MTHONG BA DON LDAN 'DI BSKRUN DGES, , MTSON PA'I RNAM DKAR PHUNG BO CI MCHIS DANG, ,DUS GSUM RGYAL BA SRAS DANG SLOB MAR BCAS, ,MCHOG GSUM THUGS RJE BSRUNG MA'I MTHU STOBS KYIS, ,YONGS 'DZIN CHEN PO BSKAL BRGYAR ZHABS BRTAN SHOG ,SKYE DGU'I PHAN BDE MTHA' DAG 'BYUNG BA'I GZHI, ,SANGS RGYAS BSTAN PA MDO SNGAGS DAM CHOS KYIS, ,RGYUD GTAMS 'DUS PA'I TSOGS KYIS YONGS GANG BA'I, ,DGE MTSAN RDZOGS LDAN 'GRAN BZHIN RGYAS PAR SHOG ,'JIG RTEN DUS 'KHRUG NAD YAMS MU GE SOGS, ,RGUD PA KUN ZHI 'KHOR BAR DUS RING NAS, ,'KHYAMS BA'I 'GRO KUN SDUG BSNGAL LAS GROL ZHING, ,BYANG CHEN SPYOD PA'I RGYA MTSOR MYUR 'JUG SHOG ,CES PA 'DI YANG GLO SPUG PA DKA' CHEN BLO BZANG MKHAS MCHOG GIS SNGA PHYIR NAN GYIS BSKUL BA'I NGOR SHA'KYA'I BTZUN PA BLO BZANG YE SHES KYIS SMRAS PA'O,, ` SVSTI, RNAM DAG DAD PA'I RTEN GYI MCHOG GYUR PA, ,RNAM DPYOD GZUGS SKU'I RNAM 'GYUR NGO MTSAR CAN, ,RNAM DAG DGE 'DIS MI MTHUN KUN ZHI NAS, ,RNAM DAG SKU GSUM GO 'PHANG MYUR THOB SHOG ,CES PA 'DI YANG KHANG CHEN NAS DA'I CHING B'A DUR GYIS SKYES RABS BCO LNGA DANG, GNAS BCU'I SKU THANG BZHENGS BA'I RGYAB YIG TU BKOD BA'O,, ` SVSTI, TSE RABS

DU MAR LEGS BYAS NYER BSAGS MTHUS, ,BSLAB GSUM KHANG BZANG RTZA BA RAB BRTAN CING, ,'CHAD RTZOD RTZOM BA'I RGYAL MTSAN 'DZIN MKHAS PA'I, ,YONGS 'DZIN DGE BA'I BSHES LA GSOL BA 'DEBS, ZHES THOS BSAM GLING ZHAL SNGA NAS TSE BRTAN RGYAL MTSAN GYI GSOL 'DEBS 'DI YANG SPYI MI RNAMS KYIS BSKUL BA'I NGOR SHA'KYA'I BTZUN PA BLO BZANG YE SHES KYIS SMRAS PA'O,, ` SVSTI, DAG GI DBANG PHYUG RGYAL BTZONG KHA PA'I, ,GSUNG RAB DGONGS DON 'CHAD LA MKHAS PA'I MCHOG ,GSUM LDAN NGUR SMRIG RGYAN GYIS RNAM PAR MDZES, ,THEG MCHOG DGE BA'I BSHES LA GSOL BA 'DEBS, CES RGYUD SMAD BLA MA DAG DBANG MCHOG LDAN GYI GSOL 'DEBS 'DI YANG BLA MA DBU MDZAD NGAG DBANG BKRA SHIS KYIS BRGYUD RIM GSOL 'DEBS SU BCUG CHOG PA ZHIG DGOS ZHES BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O,, ` AOm BDE LEGS SU GYUR CIG ,NGAG DBANG CHOS KYI 'DUN SA MDZES PA'I RGYAN, ,GRAGS PA'I 'OD DKAR G-YO PA'I LHAB LHUB CAN, ,MDO SNGAGS BSTAN PA'I RGYAL MTSAN 'DZIN PA'I DPAL, ,BZANG PO'I MDZAD PAS ROL LA GSOL BA 'DEBS, ,RAB 'BYAMS SHES BYA'I NAM MKHA' YANGS PA LA, ,LUNG RIGS 'OD STONG 'PHRO BA'I DKYIL 'KHOR RGYAS, ,SKAL BZANG GDUL BYA'I CHU SKYES RAB BZHAD PA'I, ,SPRUL SKU'I NYIN BYED BSKAL BRGYAR BRTAN PAR SHOG ,BGRANG YAS BSKAL PAR TSOGS GNYIS GOMS PA'I MTHUS, ,GZHON NU NYID NAS THUB BSTAN SGOR

, ,ZHUGS TE, ,MTSAMS SPRIN LA 'GRAN NGUR SMRIG BLA GOS 'CHANG, ,LUNG RTOGS YON TAN DBYAR MTSO LTAR 'PHEL SHOG ,BSLAB GSUM RNAM DAG NOR 'DZIN YANGS PA'I GZHIR, ,TSUL KHRIMS DRI BSUNG 'PHRO BA'I DPAG BSAM LJON, ,RIM GNYIS 'BRAS BU'I KHUR GYIS RAB BRJID PA'I, ,SKAL LDAN GDUL BYA'I RE BA YONGS SMIN SHOG ,BLO BZANG RGYAL BA GNYIS PA'I BSTAN PA LA, ,RAB GUS DAM PA'I MGON GYIS RJES BZUNGS NAS, ,DANG LDAN 'GRO KUN SRID PA'I RGYA MTSO LAS, ,SGROL BA'I DED DPON CHEN POR 'GYUR BAR SHOG ,RMAD BYUNG DGE TSOGS KUN LA SPYAD PA'I MTHUS, ,MDO SNGAGS GZHUNG LUGS RGYA MTSO CHEN PO LA, ,'DOD DGUR DBANG BSGYUR MTSUNGS MED SPRUL PA'I SKU,, MKHAS PA'I DBANG PHYUG SRID MTHAR BRTAN PAR SHOG ,DKON MCHOG THUGS RJE DPAL MGON CHOS SKYONG BA'I, ,BSRUNG MA'I MTHU DANG DAD LDAN MOS PA'I MTHUS, ,SPRUL SKU'I SKU TSE RNAM DKAR 'PHRIN LAS RNAMS, ,YAR NGO'I ZLA LTAR 'PHEL BA'I BKRA SHIS SHOG ,CES LCANG SKYA ZHABS DRUNG GI SKU SKYE NGAG DBANG CHOS KYI GRAGS PA BSTAN PA'I RGYAL MTSAN DPAL BZANG PO'I GSOL 'DEBS, BRTAN BZHUGS, 'DOD GSOL DANG BCAS PA 'DI NI, 'JAM DBYANGS GONG MA CHEN BO'I GSER YIG PA T'A BLA MA DKA' BCU SHES RAB DAR RGYAS KYIS BSKUL BA LTAR SHA'KYA'I BTZUN PA BLO BZANG YE SHES KYIS SMRAS BA'O,, ` AOm SVSTI, NGAG GI DBANG PHYUG BLO BZANG GRAGS BA YI, ,BSTAN BA'I RGYA MTSO PHYOGS BCUR

SPEL BA LA, ,BRTZON 'GRUS LHOD PA MED PA'I SNYING STOBS CAN, ,DPAL LDAN BLA MA'I ZHABS LA GSOL BA 'DEBS, ,DE LTAR BDUNG SHUGS DRAG POS RTZE GCIG TU, ,GSOL BTAB BDEN TSIG MCHOG GSUM BYIN RLABS MTHUS, , THUB BSTAN PAD TSAL 'BYED MKHAS CHOS KYI RJE'I, ,YANG SRID NYIN MO'I 'DREN PA MYUR SNANG SHOG ,PHYAG DRUG GUR ZHAL RNAM SRAS CHOS KYI RGYAL, ,THUB BSTAN BSRUNG BA'I DAM CAD RGYA MTSO YIS, ,BDAG SOGS RE BA'I RDZING BU YONGS GANG BA'I,, 'PHRIN LAS GRU CHAR RTAG TU 'BEBS GYUR CIG ,CES PA 'DI NI SGO MANG BLA MA NGAG DBANG BRTZON 'GRUS KYI SPRUL SKU MYUR 'BYON GYI GSOL 'DEBS SHIG DGOS ZHES NO YON SDE BA DANG DBEN CHUNG RAB 'BYAMS BA 'JAM DBYANGS MKHAS MCHOG GNYIS KYIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, `AOm BDE LEGS SU GYUR CIG ,BLO CHEN RNAM 'DREN KUN GYI MKHYEN BRTZE'I GTER, ,GCIG BSDUS NGUR SMRIG GOS BZANG 'CHANG BA'I GZUGS, ,YE SHES RANG SNANG GSAL BAS 'GRO MUN SEL, ,ZHABS ZUNG MI 'GYUR RDO RJE LTAR BRTAN SHOG ,DGE TSOGS 'BUM PHRAG BYE BAS BSKYED PA'I SKU, ,SKAL BZANG 'DUN LDAN RGYA MTSO'I GTZUG NA BRJID, ,RGYAL BA GNYIS PA'I LUNG RTOGS 'DZIN MA'I KHYON,, 'GENGS MDZAD BSHES GNYEN DAM BA ZHABS BRTAN SHOG ,BLO GSAL MKHAS MANG 'DUS PA'I TSOGS RNAMS KYI, ,BSHAD SGRUB BSTAN BA'I BYA BA MTHAR SON NAS, ,RJE BTZUN BLA MAS BYANG CHUB MA THOB BAR, ,RJES BZUNGS BKA' BZHIN SGRUB

, ,PAS MNYES BYED SHOG ,CES RING 'TSO 'DOD GSOL GYI TSIGS BCAD 'DI NI SHAR RTZE LEGS BSHAD GLING PA SLOB GRVA SPYIS NAN GYIS BSKUL NGOR SHA'KYA'I BTZUN PA BLO BZANG YE SHES KYIS BKA' GDAMS PHO BRANG DU BGYIS SO,, ` NA MO GU RU MNYDZU GHO sh'A YANG, RGYAL BAS 'DI 'DON MCHOG TU LUNG BSTAN CING, ,SHER PHYIN 'DOMS LA ZLA BRAL RAB 'BYOR TSE, ,DANG PO'I SANGS RGYAS DBANG GIS LOG LTA CAN, ,GROL MDZAD 'JAM DPAL GRAGS PAR GSOL BA 'DEBS, ,'PHAGS YUL SA 'TSOR SKU BLTAMS MKHAS MANG BSTEN, ,RIG GROL 'DUS PA'I DBU MDZAD LEGS LDAN 'BYED, ,MES 'JIGS GRONG KHYER DU MA BDEN CHAR GYIS, ,ZHI MDZAD AA BHY'A KA RAR GSOL BA 'DEBS, ,DAM PAS RJES BZUNGS SLOB MA MANG BSTEN CING, ,GSUNG RAB DGONGS DON GSAL MDZAD SGRA BSGYUR RJE, ,RIG GNAS KUN LA MKHYEN PA'I SNYAN GRAGS RDAS, ,KUN KHYABS PAn ZHABS LA GSOL BA 'DEBS, ,BSNYEN SGRUB MTHAR SON BSTAN SRUNGS RGYA MTSO YIS, ,BKA' NYAN MTHU STOBS DBANG PHYUG RDO RJE DPAL, ,BLO BZANG RGYAL BA'I GZHUNG LUGS BDAB BRGYA'I TSAL, ,BZHAD MDZAD MKHAS GRUB NYIN MOR GSOL BA 'DEBS, ,MKHA' 'GROS BRDA' SBYAR BSLAB GSUM NOR GYIS PHYUG ,ZAB DON KHO NAR GZHOL BA BSOD NAMS MTSAN, ,MA SBYANGS SGRA BSHAD MKHAS TSOGS MGU MDZAD PA, ,BLO BZANG DON YOD GRUB PAR GSOL BA 'DEBS, ,G-YUL NGOR PHAM PA'I SKYE

BO'I TSOGS DU THAR, ,SKYABS SBYIN LEGS MDZAD BLO BZANG CHOS RGYAN RJE, ,GZHON DU NYID NAS THUB BSTAN SBEL BA LA, ,BRTZON MDZAD BSHES GNYEN DAM PAR GSOL BA 'DEBS, ,DE LTAR RTZE GCIG YID KYIS GSOL BTAB CING, ,DRI MED BKA' LA BKUR STI BGYIS PA'I MTHUS, ,BGRANG YAS BSKAL PAR BSAGS PA'I NYES LTUNG TSOGS, ,MA LUS DA LTA NYID DU BYANG BAR SHOG ,PHA MAS THOG DRANGS BDAG CAG NYE 'BREL SOGS, ,BDE LDAN ZHING DU PADMO'I SBUBS NYID LAS, ,SKYES TE RGYAL BA'I ZHAL MTHONG THUGS BCUD KYIS, ,TSIMS NAS RLABS CHEN SPYOD PA MTHAR PHYIN SHOG ,CES AER TE NE DAR RGAN CHOS RJES RGYAL BA'I BKA' 'GYUR RIN PO CHE BZHENGS PA'I SHAM DU 'BRI 'DON BYED RGYUR RJE BTZUN BLO BZANG CHOS KYI RGYAL MTSAN GYI GSANG PA'I RNAM THAR BZHIN GYI SKYES RABS GSOL 'DEBS 'DOD GSOL DANG BCAS PA ZHIG DGOS TSUL NAN CHER BYUNG KYANG 'DI LTAR LEGS PAR MNGON NAS SHA'KYA'I BTZUN PA BLO BZANG YE SHES KYIS SBYAR PA DGE LEGS 'PHEL,, ` SVSTI, BLA MA MCHOG DANG DUS GSUM SANGS RGYAS DANG, ,BDE GSHEGS BDUN GYI GZUGS SKU RAB BSKRUN DGES, ,BLO BZANG DGE LEGS MCHED KYIS DAL 'BYOR RTEN, ,THOB NAS RJE BTZUN BLA MAR 'BRAL MED SHOG , CES PA 'DI YANG DGE SLONG BLO BZAR BKRA SHIS KYIS BSKUL BA LTAR SHA'KYA'I BTZUN PA BLO BZANG YE SHES KYIS SMRAS PA'O,, ` SVSTI, RIN CHEN LAS GRUB BTUNG BA'I SNOD LANGS MCHOG ,KHRIMS LDAN DGE 'DUN SDE RNAMS DGYES PHYIR

, ,DU, ,BUL BAS LHA MI'I DPAL 'BYOR DANG LDAN ZHING, ,BSHAD SGRUB DGE TSOGS RTAG TU RGYAS PAR SHOG ,CES PA 'DI NI ZHI GNAS GRVA TSANG GI TSOGS KHRO'I KHA BYANG DU SH'AKYA'I BTZUN PA BLO BZANG YE SHES KYIS BGYIS PA'O,, ` NA MO GU RU LO KE SHVA R'A YA, 'DIR THUGS RJE CHEN PO RGYAL BA RGYA MTSO LA BRTEN PA'I BLA MA'I RNAL 'BYOR NYAMS SU LEN PAR 'DOD PAS, SKYABS SU 'GRO BA DANG, SEMS BSKYED PA DANG, TSAD MED PA BZHI SGOM PA RNAMS SNGON DU BTANG NAS, RANG NYID SKAD CIG GIS THUGS RJE CHEN PO YAB YUM DU GYUR PAR BSAM ZHING, 'BRU GSUM BRJOD PAS NANG MCHOD MCHOD RDZAS RNAMS CIG TZAR DU BYIN GYIS BRLABS, DE NAS, MDUN GYI NAM MKHAR RANG GI SMIN MTSAMS THAD, ,'DAB STONG GE SAR THABS SHES NYI ZLA'I STENG, ,SKYABS GNAS KUN 'DUS RTZA BA'I BLA MA DANG, ,DBYER MED THUGS RJE'I BDAG NYID SPYAN RAS GZIGS, ,SKU MDOG DKAR DVANGS KHRO 'DZUM DGYES PA'I NYAMS, ,ZHAL GCIG PHYAG G-YAS MU TIG BGRANG 'PHRENG DANG, ,G-YON PAS DRI BRAL PAD DKAR SDONG BU BSNAMS, ,ZHABS GNYIS CUNG ZAD G-YAS BRKYANGS KYIS BZHUGS PAR, ,YUM MCHOG GSANG BA YE SHES MKHA' 'GRO MA, ,DMAR MO PHYAG G-YAS GSER GYI d'A MA RU, ,G-YON PA THOD KHRAG 'DZIN PAS MGUL NAS 'KHYUD, ,GNYIS KA'ANG MTSAN DPE'I DPAL 'BAR RUS PAS SPRAS, ,MTHA' SKOR BLA MA YI DAM SANGS RGYAS DANG, ,BYANG SEMS NYAN RANG BKA' SDOD BSRUNG MA'I TSOGS, ,

RANG RANG 'DOD PA'I GDAN LA DGYES BZHIN BZHUGS, ,DE DAG SGO GSUM SKU GSUNG THUGS RDO RJES, ,MTSAN BA'I H'Um LAS 'OD 'PHROS PO tA LA, ,SOGS NAS RANG 'DRA'I YE SHES SEMS DPA'I TSOGS, ,SPYAN DRANGS DZA: H'Um BAm HO: DBYER MED DU CHU LA CHU BZHIN GNYIS MED RO GCIG GYUR, ,RAB 'BYAMS ZHING GI PHRA RAB RDUL GYI GRANGS, ,DE RNYED BDAG LUS DPAG MED RAB SPRUL NAS, ,BLA MA LHA TSOGS 'KHOR DANG BCAS RNAMS LA, ,LUS NGAG YID GSUM SGO NAS PHYAG BGYI'O, , CI 'BYOR BKOD PA KHYAD 'PHAGS DNGOS BSHAMS DANG, ,YID SPRUL PHYI NANG GSANG BA'I MCHOD SPRIN 'BUL, ,THOG MED DUS NAS DA LTA'I BAR BSAGS PA'I, ,SDIG LTUNG KUN BSHAGS PHYIN CHAD MI BGYID SNGOM, ,RGYAL DANG RGYAL SRAS NYAN RANG SO SKYE YIS, ,DUS GSUM DGE TSOGS BSKRUN LA RJES YI RANG, ,BDAG CAG 'GRO BA'I BLO NGO DANG 'TSAM PA'I, ,ZAB RGYAS CHOS 'KHOR RGYA MTSO BSKOR DU GSOL, ,THUB BSTAN SNYING PO LUNG RTOGS SPEL BA DANG, ,BDAG CAG MOS BLOR BSKAL BRGYAR BZHUGS GSOL 'DEBS, ,'DIS MTSON DGE TSOGS KUNDA LTAR DKAR GANG, ,'GRO RNAMS KUN MKHYEN GO 'PHANG THOB PHYIR BSNGO, ,SNGON GOMS DGE TSOGS RGYA MTSO'I DPAL NYID LAS, ,BYUNG BA'I KHYOD SKU MTSAN DANG DPE BYAD KYIS, ,RAB MDZES LTA BAS MI NGOMS MTHONG DANG THOS, ,DRAN REG DON LDAN MDZAD LA GSOL BA 'DEBS, ,GANG SKU 'GYUR MED DBAL GYI MGUL NYID NAS, ,GSUNG DBYANGS DRUG CUS BRGYAD KHRI BZHI STONG CHOS, ,MTHA' DAG

, ,GDUL BYA YONGS LA SGROG MDZAD PA'I, ,SMRA BA'I DBANG PO MCHOG LA GSOL BA 'DEBS, ,ZAB LAM RIM GNYIS NOR GYIS LEGS PHYUG CING, ,MKHYEN BRTZE NUS PA LHA YI LAM JI BZHIN, ,MU MTHA' DPAG PAR DKA' BA'I THUGS MNGA' BA, ,SPROS BRAL ZLA MED MCHOG LA GSOL BA 'DEBS, ,GANG GI SKU GSUNG THUGS KYIS MDZAD PA'I GAR, ,GSANG GSUM MI ZAD 'KHOR LO'I ROL PA YIS, ,GDUL BYA SMIN GROL LAM LA 'GOD MDZAD PA'I, , 'GRO BA'I DED DPON MCHOG LA GSOL BA 'DEBS, ,BDE LEGS MA LUS 'BYUNG BA'I SGO GCIG BU, ,DRIN CAN BLA MA RGYAL BA RGYA MTSO'I DPAL, ,KHYOD MIN RE SA'I SKYABS GZHAN MA MCHIS PAS, ,GSOL BA 'DEBS SO BDAG RGYUD BYIN GYIS RLOBS, ZHES GDUNG SHUGS DRAG POS GSOL BA GANG MANG BTAB PA'I MTHAR, DE LTAR GSOL BTAB BLA MA'I SKU'I CHA LAS, ,BDUD RTZI'I RGYUN BABS SDIG SGRIB NAD GDON SBYANGS, ,TSE DANG BSOD NAMS LUNG RTOGS YON TAN RGYAS, , LUS SEMS BDE CHEN BDUD RTZI'I RGYUN GYIS GANG, ,SLAR YANG GSOL BTAB BLA MA'I THUGS KA NAS, ,'OD 'PHROS MTHA' SKOR ZHI KHRO'I TSOGS LA 'PHOG ,'OD DU SBYANGS NAS BLA MA YAB YUM LA, ,THIM PAS DE GNYIS DGYES SHING SPYI POR BYON, ,AA PA DH'U TI'I RGYUN LAM NAS BRGYUD DE, ,SNYING KHA CHOS KYI 'KHOR LO'I RTZA 'KHOR DBUS, ,SNA TSOGS PADMA NYI ZLA'I DKYIL 'KHOR LA, ,DGYES SHING BZHUGS NAS GYIS BRLABS PAR BSAM, ,DGE BA 'DI YIS MYUR DU

BDAG ,CES SOGS DANG, SKYE BA KUN TU YANG DAG BLA MA DANG, ZHES SOGS SMON LAM RGYAS BSDUS CI RIGS BKRA SHIS KYIS BRGYAN PA BYA'O, ZHES PA 'DI NI AER TE NE SPO SHOG THUS BSKUL BA'I NGOR CHOS SMRA BA DGE SLONG BLO BZANG YE SHES KYIS CHO 'PHRUL DUS CHEN LA BGYIS BA'O,, ` SVSTI, RNAM DAG BDAG BLO DAD BA'I RDZING BU RU, ,RJE BTZUN MKHYEN PA'I GZUGS SKU 'OD DKAR CAN, ,SGRIB MED SNANG BAS MA RIG MUN STUG PO, ,SEL MDZAD DPAL LDAN BLA MAR GSOL BA 'DEBS, ,DENG NAS SKYE ZHING SKYE BAR PHA MAS GTZOS, ,BDAG SOGS NYE 'BREL DGE BA'I BSHES KHYOD KYIS, ,RJES BZUNGS 'KHOR GYI THOG MAR SKYES GYUR NAS, ,'GRO KUN 'DREN PA'I DPAL DU 'GYUR BAR SHOG ,PHA MES RGYUD NAS BSTEN PA'I DMAG ZOR MA, ,RDO RJE RAB BRTAN RGYAL PO CHEN PO LNGA, ,G-YA' SPANG RDO RJE MCHED GSUM 'OG BA'I LHAS, ,CHOS MTHUN BZHED PA MA LUS GRUB PAR MDZOD, ,KHYAD PAR BSRUNG MA CHEN PO KHYED RNAMS KYIS, ,LUS DANG GRIB MA BZHIN DU RTAG 'GROGS NAS, ,BRTZE BA'I MA YIS BU LA JI BZHIN DU, ,'PHRIN LAS RNAM BZHIS G-YEL MED SKYONG BAR MDZOD, ,DUS MIN 'CHI DANG GNOD BGEGS NAD LA SOGS, ,RKYEN NGAN BAR GCOD GNOD PAS MI BRDZI ZHING, ,MKHO DGU'I 'BYOR BA RTAG TU 'PHEL BA DANG, ,MNGA' THANG TSAB SRID RGYAS PA'I BKRA SHIS SHOG ,CES PA 'DI NI, SDE SRID THON NAS SRI CHOD TSA BRTAN GYIS BSKUL PA'I NGOR SHA'KYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA SARBA MANG+GLAm,,

, ,'JAM MGON RGYAL BA GNYIS PA'I LUNG RTOGS BSTAN, ,'DZIN SKYONG SPEL MDZAD RJE BTZUN BLA MA YIS, ,BYANG CHUB BAR DU 'BRAL MED RJES BZUNGS TE, ,NOR 'BRU CHE 'PHEL SANGS RGYAS MYUR THOB SHOG ,CES PA 'DI NI TSE DBANG RDO RJES BSKUL BA'I NGOR BGYIS PA'O,, `SVASTI, BLO GROS PHUL BYUNG YANGS BA'I GZHAL MED KHANG, ,RNAM DAG TSUL KHRIMS BZANG PO'I RTZA BA BRTAN, ,'OD 'BAR YE SHES NOR BUS YONGS PHYUG PA'I, ,BSHES GNYEN DBANG GI RGYAL PO ZHABS BRTAN SHOG ,BLO BZANG RGYAL BA'I RING LUGS SPEL BA LA, ,PHYOGS 'DIR MKHAS MANG DBUS NA MNGON PAR 'PHAGS, ,GDUL BYA'I SMAG RUM YE SHES 'OD RNON POS, ,SEL MDZAD MTSUNGS MED BLA MA RTAG BRTAN SHOG ,DENG NAS DANG BA'I YID KYIS GSOL BTAB PAS, ,RJES BZUNGS BDAG SOGS DAL 'BYOR RTEN BRGYUD DE, ,'GRO KUN SDUG BSNGAL RGYA MTSO LAS SGROL PHYIR, ,KUN MKHYEN GO 'PHAR MYUR DU THOB PAR SHOG ,CES PA 'DI NI, MDO SMAD TRE'O HOR MA ZUR MKHAN PO YE SHES RGYAL MTSAN GYIS NAN GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SBYAR BA'O,, MANG+GALAm, ,`SVASTI, RNAM 'DREN SBYI GZUGS BLO BZANG GRAGS PA YIS, ,RJES BZUNGS YE SHES 'OD KYIS ZHING BRGYA 'GENGS, ,SKAL BZANG GDUL BYA'I MA RIG MUN 'JOMS PA, ,GDUL BYA'I GNYEN GYUR RDO RJE LTAR BRTAN SHOG ,TSE SBYIN PADMA R'A GA'I MDANGS LDAN GYIS, ,'CHI MED BDUD RTZIS BYIN BRLABS RDZOGS SKU

LTAR, ,SRID MTHA'I BAR DU 'GRO BA'I DON SLAD DU, ,G-YO MED CHOS 'KHOR RGYUN CHAD MED SKOR SHOG ,DE LTAR RTZE GCIG SGO GSUM GUS PA YIS, ,GSOL BA BTAB PAS ZHABS ZUNG RDO RJE'I KHRIR, ,MA 'GYUR BDAG SOGS BRTZE BAS MI 'DOD ZHING, ,MTHAR THUG KUN MKHYEN SA LA REG PAR SHOG ,CES PA 'DI YANG AU RU SU BYA KHYUD CHOS RJE DAG DBANG DAR POS NAN CHER BSKUL BA BZHIN SH'AKYA'I DGE SLONG BLO BZANG YE SHES KYIS SMRAS PA'O,, SHU BHI, ,` AOm BDE LEGS SU GYUR CIG ,BLO GTER KHANG BZANG BSLAB GSUM NOR LNGA RTZER, ,'CHAD RTZOD RTZOM PA'I BA DAN G-YO BA CAN, ,RIM GNYIS NOR BU'I TOG GIS LEGS MDZES PA'I, ,BSTAN PA'I RGYAL MTSAN G-YO MED RTAG BRTAN SHOG ,RMAD BYUNG BLO GROS BZANG PO'I DKYIL 'KHOR RGYAS, ,LUNG RTOGS BSTAN PA'I SNYING PO SGRUB LA BRTZON, ,RGYAL GSUNG ZER GYIS MTSAN MO SNANG BYED PA, ,BGRANG YAS BSKAL PAR NUB MED SNANG BAR SHOG ,DKON MCHOG THUGS RJE DPAL MGON MTHU RTZAL DANG, , SMON GRUB BDEN TSIG DAD MOS RTEN 'BREL MTHUS, ,ZHABS ZUNG MI 'GYUR SRID MTHAR RTAG BRTAN NAS, ,BDAG SOGS RE BA'I 'BRAS BU YONGS SMIN SHOG ,CES 'PHAGS PA RJE BTZUN DAM PA'I BRTAN BZHUGS GSOL 'DEBS 'DI YANG CANG CUN RGUNG TSE DBANG NOR BUS RGYUN PAR KHA 'DON DU BYAS CHOG PA ZHIG DGOS ZHES BSKUL BA LTAR CHOS SMRA BA BLO BZANG YE SHES KYIS SMRAS PA'O,, `SVASTI, RGYAL BA'I DAM CHOS RGYUD SDE'I DGONGS PA'I GNAD, ,JI BZHIN LEGS GZIGS RIM

, ,GNYIS ZAB MO'I DON, ,DPAL LDAN CHOS 'BYOR RGYAS BA'I 'DUS PA'I SDER, ,'DOMS MKHAS DPAL LDAN BLA MAR GSAL PA 'DEBS, ZHES SNGAGS BA ZHAL SNGA NAS DAM CHOS DPAL 'BYOR LA GSOL 'DEBS BRGYUD 'DEBS SU BCUG CHOG PA ZHIG DGOS ZHES CHOS KHRIMS PA DKA' CHEN YE SHES DPAL 'BYOR GYIS BSKUL BA LTAR SBYAR BA'O,, ` AOm BDE LEGS SU GYUR CIG ,MTSAN DA BE'I DPAL 'BAR MI MJED SNYING PO YI, ,MDO SNGAGS BSTAN PA'I MNGA' BDAG TZONG KHA PA'I, ,RING LUGS LEGS SKYONG GNAM BSKOS YE SHES SKU, ,RIN CHEN KHRI MTHOR G-YO MED ZHABS BRTAN SHOG ,MCHOG GSUM BSLU BA MED PA'I BDEN BYIN DANG, ,MKHA' MNYAM 'GRO BA'I LEGS SPYAD BSOD NAMS MTHUS, ,RIGS LDAN BRTAN PA'I 'KHOR LO MI YI LHA, ,ZHABS ZUNG G-YO MED BSKAL BRGYAR BRTAN PAR SHOG ,'DZAM BU'I LJON BAS SPA BA'I RGYAL KHAMS 'DIR, ,'GRO KUN PHAN BDE'I DPAL LA SPYOD PA'I GZHI, , THUB BSTAN CHOS SRID DBYAR GYI CHU GTER BZHIN, ,'PHEL RGYAS YUN RING GNAS PA'I BKRA SHIS SHOG ,CES 'JAM DBYANGS GANG MA RGYAL POR BRTAN BZHUGS 'DI LTA BU ZHIG DGOS ZHES AER TE NE SBO SHOG THUS NAN GYIS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA'O,, ` DZA: 'JAM DPAL KHROS PA'I SKUR BSTAN KHRO BO CHES, ,SNYIGS DUS MI MTHUN RGUD PA RAB BCOM STE, ,RNAL 'BYOR BSRUNG SKYOB BCOL BA'I 'PHRIN LAS RNAMS, ,DA LTA NYID DU G-YEL MED

GRUB PAR MDZOD, CES PA'ANG 'BRAS SPUNGS KYI YI DAM LA SNYAN SHAL PHUL BA'I ZHAL YIG TU SBYAR BA'O,, ` LHAR BCAS SKYE DGU'I BSOD NAMS ZHING GYUR PA, ,PHUN TSOGS BLTA BAS MI NGOMS SKU GZUGS LA, ,DRI BRAL LHA RDZAS BKRA SHIS RI MO YIS, ,RAB MDZES PHUL DGOS 'GRO KUN BDER GNAS SHOG ,CES PA'ANG LHA SA'I JO SH'AKYA RNAM GNYIS DANG RANG BYON LNGA LDAN LA SNYAN SHAL SGRON PA'I ZHAL BYANG DU BKOD PA'O,, ` SVASTI, DKON MCHOG THUGS RJES TSANGS SPYOD BLA GOS KYIS, ,RAB MDZES LHUN PO LTA BUR ZHABS BRTAN CING, ,BDAG SOGS GDUL BYAR PHAN BDE'I MCHOG STZOL BA'I, ,BSHES GNYEN BZANG PO'I ZHABS LA GSOL BA 'DEBS, ZHES PA 'DI YANG GANGS CAN SHAR RTZE GRVA TSAR GI SLOB DPON DKON MCHOG RAB BRTAN GYI BRTAN BZHUGS GSOL 'DEBS SU SPYI TSOGS KYIS BSKUL NGOR SMRAS PA'O,, ` KYEE, BSTAN SRUNGS DREGS BA LCAM SRING 'KHOR BCAS LA, ,DGON GNAS DGE 'DUN MKHO DGU'I LONGS SPYOD RNAMS, ,GNYER GTAD CHOS 'BYOR YAR NGO'I ZLA BA LTAR, ,'PHEL RGYAS 'PHRIN LAS RNAM BZHIS RTAG TU SKYONGS,, SA MA YA TIshthA, ZHES PA 'DI YANG GANGS CAN SHAR RTZE GRVA TSANG GI BSTAN SRUNGS LA GNYER GTAD 'PHRIN 'CHOL DU SPYI TSOGS KYIS BSKUL BA LTAR BGYIS PA'O,, ,, ` SVASTI, RNAM 'DREN BZHI PA 'PHAGS PA MCHOG ZUNG DANG, ,GNAS BRTAN 'KHOR TSOGS RGYA MTSO'I SNANG BRNYAN SOGS, ,BSKRUN PA'I DGE TSOGS 'OD DKAR 'BUM 'PHRO BAS, ,MTSUNGS MED BLA MA BSKAL BRGYAR ZHABS BRTAN SHOG ,RNAM DAG BSLAB

, ,GSUM NOR GYIS PHYUG PA'I SKU, ,LEGS BSHAD CHOS PHUNG BRGYAD KHRI 'DOMS PA'I GSUNG, ,SHES BYA'I GNAS KUN THOGS MED MNGA' BA'I THUGS, ,NAM YANG G-YO MED CHOS 'KHOR BSKOR BAR SHOG ,CHOS GZUGS SKU BRNYES RDO RJE 'CHANG DBANG DNGOS, ,KHYOD NYID 'BRAL MED SKYE ZHING SKYE BA RU, ,LEGS BSTEN DUG LNGAS SBAGS PA'I NYAM THAG 'GRO, ,NYIN MTSAN PHYIN DRUG SPYOD PAR SBYOR NUS SHOG ,CES PA 'DI YANG SPEL RKYANG NAS DKA' CHEN BLO BZANG 'PHRIN LAS SBUN GYIS DNGOS CAG RING 'TSO'I RTEN 'BREL DU THUB PA GNAS BRTAN BCU DRUG 'KHOR BCAS KYI BRIS THANG BZHENGS PA'I RGYAB YIG TU SBYAR BA'O,, ` SGO GSUM PHU DUD LDAN PA'I BRTZON 'GRUS KYIS, ,GSER SBYANGS TAM LAS GRUB SDUG GU'I SKU, ,BGYIS PAS RJE BTZUN BLA MA'I ZHABS ZUNG BRTAN, ,BDAG SOGS MA RNAMS RNAM MKHYEN SAR BGROD SHOG ,CES SBEL RKYANG NAS DKA' CHEN BLO BZANG 'PHRIN LAS DANG BLO BZANG RNAM RGYAL GYIS NGOS RING DU 'TSO BA'I PHYIR, RJE BDAG NYID CHEN PO, MKHAN CHEN THAMS CAD MKHYEN PA, RGYAL BA TSE DPAG MED THUB DBANG GNAS BRTAN BCU DRUG BKA' NYAN RGYAL CHEN SOGS DANG NGOS KYI 'DRA COG RNAMS GSER ZANGS LAS BSKRUN PA'I 'DOD GSOL DU BGYIS SO,, MANG+GALAm,, ` NA MO GU RU, MCHOG DKAR A'A DARSHA NGOS SKYES RABS GZUGS, ,NGO MTSAR DBANG GZHU LTAR BKRA BRIS PA'I MCHOG ,YE SHES SKAL LDAN MOS BLOS 'DUS RTEN DU, ,PHUL BA'I DGE 'DIS BYANG CHUB MYUR THOB SHOG, ` BHYO:BDE STONG CHOS DBYINGS CHEN PO'I NGANG NYID LAS, ,MI BSRUN TSAR GCOD

DRAG MO'I GZUGS STON MA, ,CHOS LDAN 'PHRIN LAS RNAM BZHIS SKYONG MDZAD PA'I, ,'DOD KHAMS DBANG PHYUG 'KHOR DANG BCAS LA BSTOD, CES BRIS PA YE SHES SKAL LDAN GYIS MTSAN SGROGS 'DUS SDER 'PHAGS PA RAB 'BYOR GYI 'KHRUNGS RABS BRIS THANG SBYONG 'JAGS DANG LHA MO'I BRIS THANG GSAR BZHENGS KYI RGYAB YIG TU SH'AKYA'I BTZUN PA BLO BZANG YE SHES KYIS BGYIS PA'O,, ` BLO BLANG THUB BSTAN YONGS KYI PADMO'I GNYEN, ,YE SHES DKYIL 'KHOR RGYAS PAS SA GSUM GYI, ,KHYON GNAS YID CAN BLO YI MUN SEL PHYIR, ,SRID MTHA'I BAR DU MI NUB BRTAN PAR SHOG ,SLU MANG BLA MA YI DAM CHOS SKYONG BA'I, ,ZHI KHRO RAB 'BYAMS BSRUNG MA'I TSOGS RNAMS KYI, ,BYIN RLABS MTHU LAS RGYAL BSTAN LEGS SPEL BA'I, ,DPAL LDAN BLA MA BSKAL BRGYAR ZHABS BRTAN CING, , DANG LDAN 'DIR 'BAD DGE BA CI MCHIS PAS, ,TSE RABS KUN TU DAL 'BYOR RTNE THOB NAS, ,RJE BTZUN 'BRAL MED RJES 'DZIN CING, ,DON GNYIS LHUN GRUB BLA MA MNYES BGYID SHOG ,CES PA 'DI YANG DAD LDAN DPON MO 'BUM SKYABS KYI BLO NGO DANG BSTUN BTZUN PA BLO BZANG YE SHES KYIS SMRAS PA'O,, ` SVASTI, RAB DKAR GTZANG MA'I RAS LA YID SMON GYI, ,SNANG BRTAN RMANG BYUNG NGO MTSAR RAB BKRA BA,, DGE LEGS TSE BRTAN GYIS BZHENGS RNAM DKAR MTHUS, ,'GRO KUN BDE BA'I DPAL LA SPYOD PAR SHOG, ,, ` KA SHI'I RAS LA BLA MA LHA YI TSOGS, ,BLTA BAS MI NGOMS YID 'ONG RAB BZHENGS PA'I, ,DGE BAS BDAG DANG 'GRO KUN MA LUS PA, ,BZHED PA'I 'BRAS BU YONGS SU RGYAS PAR SHOG ,CES PA 'DI YANG BLO BZANG BRTZON 'GRUS KYIS 'DOD LHA'I BRIS THANG BZHENGS

, ,PA'I DGE BA BSNGO PHYIR BGYIS PA'O,, ` NA MO GU RU MANYDZU GHO sh'A YA, ('DIR BLA MA LHA'I RNAL 'BYOR NYAMS SU LEN BAR 'DOD PAS, RANG NYID 'JIGS BYED DU GSAL PA'I NGANG NAS,, NANG MCHOD MCHOD GTOR RNAMS GZHUNG LTAR RAM, BSDU NA 'BRU GSUM BRJOD PAS BYIN GYIS BRLAB, DGE SEMs KHYAD PAR CAN GYI NGANG NAS,) MDUN GYI NAM MKHAR SNA TSOGS PANG NYI'I STENG, ,RGYAL BA KUN DNGOS BLO BZANG GRAGS PA DANG, ,BKA' DRIN GSUM LDAN BLO BZANG YE SHES ZHABS, ,NGO BO DBYER MED RNAM PA 'JIGS BYED CHE, ,MIG SMAN MDOG CAN ZHAL GCIG PHAYG GNYIS KYIS, ,GRI GUG THOD 'DZIN G-YAS BSKUMS G-YON BRKYANG GIS, ,ME DPUNG KLONG BZHUGS RDO RJE RO LANGS MA, ,ZHAL GCIG PHYAG GNYIS GRI THOD 'DZIN PA'I SKUS, ,'KHYUD PA'I GNAS GSUM 'BRU GSUM GYIS MTSAN PA'I, ,THUGS KA'I H'Um LAS 'OD 'PHROS YE SHES PA, ,DBANG LHAR BCAS PA SBYAN DRANGS DBYER MED GYUR, ,DBANG BSKUR MI BSKYOD RDO RJES SBYI BOR BRGYAN, ,MCHOG GSUM KUN 'DUS BLA MA 'JIGS BYED LA, ,PHYAG 'TSAL MCHOD 'BUL SDIG LTUNG MA LUS BSHAGS, ,SLAN CHAD MI BGYID DGE LA RJES YI RANG, , BDAG SOGS 'GRO BA SRID MTSO LAS SROL PHYIR, ,CHOS KYI 'KHOR LO DAM PA BSKOR BA DANG, ,BSKAL BRGYAR MYA NGAN MI 'DA' BZHUGS GSOL 'DEBS, ,'DIS MTSON DGE BA BLA MA LHA MCHOG GI, ,GO 'PHANG DAM PA THOB PA'I RGYU RU BSNGO, ,GLING BZHI RI RAB NYI ZLA 'DOD DGU'I GTER, ,CHU GNYIS NYER SBYOD ROL MO 'DOD YON LNGA, ,NANG MCHOD GSANG BA BDE BA CHEN PO DANG, ,BDUD RTZIR BYIN BRLABS GTOR TSOGS RGYA MTSOS MCHOD, ,GZUGS MCHOG MCHOG TU DRAG PO CHE, ,DPA' PO MCHOG GI SPYOD YUL CAN, ,GDUL

DKA' MA LUS 'DUL MDZAD PA'I, ,BLA MA RDO RJE 'JIGS BYED LA, ,GUS PAS PHYAG 'TSAL GSOL BA 'DEBS, ,ZHES GSOL BA MANG DU BTAB PA'I MTHAR, ,BLA MA'I SKU LAS BDUD RTZI 'OD ZER BCAS, ,DPAG MED BYUNG NAS BDAG NYID THIM PAS, ,THOG MED NAS BSAGS SDIG LTUNG MA LUS BYANG, ,TSE DANG BSOD NAMS LUNG RTOGS YON TAN 'PHEL, ,YANG SNGAR BZHIN GSOL BA BTAB PA'I MTHAR, ,BDAG GIS LUS NGAG YID GSUM SKU GSUM DU, ,DA LTA NYID DU BYIN GYIS BRLAB TU GSOL, ,DE LTAR GSOL BTAB BLA MA 'JIGS BYED CHE, , DGYES SHING THIM PAS SNA TSOGS PAD NYI'I STENG, ,RANG NYID BLA MA 'JIGS BYED CHEN PO'I SKUR, ,GYUR PA'I GNAS GSUM YIG GSUM GYIS MTSAN PA'I, ,THUGS KAR NYI DKYIL STENG DU H'Um YIG LA, ,BZLAS BYA'I SNGAGS KYI PHRENG BAS BSKOR BAR GYUR, PAR BSAMS LA, ,YA MA R'A DZ'A, DANG, YA M'ANTA KA GSUM CI NUS BZLA, YIG BRGYAS LHAG CHAD BSKANG, ,MJUG TU, ,DGE BA 'DI YIS MYUR DU BDAG ,BLA MA 'JIGS BYED 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,DENG NAS GZUNGS TE MGON KHYOD KYIS, ,RJES BZUNGS RNAM MKHYEN MA THOB BAR, ,BKA' BZHIN BSGRUB LA BRTZON PA DANG, ,'GRO KUN 'DREN PA'I DPAL 'GYUR SHOG ,CES PA DANG, ,GZHAN YANG BSNGO SMON BKRA SHIS SOGS SKABS SBYAR BYA'O, ,ZHES 'DI LTA BU'I BLA MA LHA'I RNAL 'BYOR NYAMS SU LEN TSUL 'KHYER BDE ZHIG DGOS ZHES DGE SLONG BSTAN 'DZIN RGYA MTSOS BSKUL BA'I BLO NGO DANG BSTUN NAS CHOS SMRA BA'I BTZUN PA BLO BZANG YE SHES KYIS SMRAS PA'O,, ` SANGS RGYAS GNYIS PA KLU SGRUB ZHABS SOGS KYI BSRUNG MA'I GYUR PA DPAL LDAN ZHAL BZHI PA YUM CHEN BZHI BKA' NYAN LAS BYED DANG BCAS PA KHYED

, ,RNAMS DANG, RJE BTZUN BSTAN PA'I 'KHRO LO PHYI NANG GSANG BA'I GSHIN RJE MA LUS PA 'DUL BA'I GNYEN PO KHROD DBANG DUS DGRA'I DBANG PO'I RNAM PAR BSTAN PA GANG GIS BKA' NYAN GYI GTZO BO LAS GSHIN PHYI NANG GSANG GSUM 'KHOR DANG BCAS PA KHYED RNAMS LA, ,RDO RJE 'DZIN PA BLO BZANG YE SHES DPAL BZANG PO BDAG GIS GNYER DU GTAD PA NI, ,MNYAM MED RJE BTZUN TZONG KHA PA CHEN PO'I BSTAN PA'I SBYIN BDAG BLO BZANG BSTAN SKYONG BA'I 'DI NYID LA PHA ROL GYI BYANG KHA SBOD GTONG MNAN GTAD 'PHANG GSUM SOGS STENG GDON GZA', 'OG GDON KLU DANG SA BDAG ,BAR GDON BTZAN DANG MA MO, ,RGYAL PO'I CHO 'PHRUL DANG BCAS PA'I GNOD 'TSE'I RIGS SNGAR BYAS PA DANG, ,SLAR BYED 'GYUR GYI TSOGS RNAMS ZHI BA DANG, ,TSE DANG BSOD NAMS RIGS BRGYUD STOBS 'BYOR MNGA' THANG SNYAN GRAGS GZI BYIN RNAMS PHYOGS MTHAR RGYAS SHING 'PHEL BA DANG, ,KHAMS GSUM GYI SKYE BO THAMS CAD CHOS BZHIN DU DBANG DU 'DUS NAS LEGS PA'I DPAL LA SBYOR BA DAG, ,DE LTAR LAS GSUM GYIS MA THUL BA'I MI DANG MI MA YIN PA THAMS CAD MNGON SBYOD DRAG PO'I LAS KYIS TSAR GCOD PA SOGS MDOR NA 'DI NYID KYI NYIN GSUM GYI BYA RA MTSAN GSUM GYI MEL TSE MDZOD LA BSAM DON THAMS CAD LHUN GYIS 'GRUB PA'I 'PHRIN LAS RNAM BZHI G-YEL BA MED PAR MDZOD CING, SAM YA TIshthA,, ` AOm SVASTI, RAB 'BYAMS PHYOGS BCU'I ZHING NA LEGS BZHUGS PA'I, ,RGYAL DANG DE SRAS 'PHAGS PA'I TSOGS MA LUS, ,BDAG CAG BSOD NAMS ZHING DU SBYAN 'DREN NA, ,RDZU 'PHRUL SHUGS KYIS BRTZEBS GNAS 'DIR GSHEGS, ,RNAM BKRA DBANG PO'I GZHU LTAR YID 'ONG BA, ,

BKRA SHIS RTAGS KYIS SPA BA'I LHA GOS LAS, ,LEGS BSGRUB LHA RDZAS BZANG PO'I GDAN MCHOD 'DI, ,BLA MA LHA CHOGS DGYES PA BSKYED PHYIR 'BUL, ,MCHOG GSUM NGO BO DPAL LDAN BLA MA DANG, ,SANGS RGYAS BYANG SEMS YI DAM CHOS SRUNGS TSOGS, 'CHI MED LAM KUN GANG BA'I ZHING MCHOG LA, ,BDAG LUS DPAG MED SBRUL NAS PHYAG 'TSAL LO, ,LHA MI'I MCHOD RDZAS RMAD BYUNG BKOD LEGS DANG, ,SA GZHI SPOS BYUGS GLING BZHI NYI ZLA ZUNG, ,RI RAB DANG BCAS KUN BZANG MCHOD SBRIN TSOGS, ,SLU MED SKYABS KYI DAM PA DGYES PHYIR 'BUL, ,DUG GSUM DBANG GIS SGO GSUM MI DGE'I LAS, ,THOG MED DUS NAS BGYIS DANG BGYID 'GYUR RNAMS, ,SKABS MGON DAM PA 'KHOR BCAS SBYAN LAM DU, ,BSHAGS SHING MI BGYID SGO GSUM YANG DAG SDOM, , PHYOGS BCU'I RGYAL SRAS MCHOD LA SOGS, ,RNAM DKAR PHUNG PO KUN LA YI RANG ZHING, ,BDAG SOGS NYON MONGS CHA GDUL GIS GZIR BA'I, ,'GRO LA DAM CHOS CHAR CHEN DBAB TU GSOL, ,TSE RABS SNGON NAS THA MA DA LTA'I BAR, ,SGO GSUM 'BAD PAS MCHOD SBYIN BGYIS PA DANG, ,THOS BSAM SGOM SOGS DGE TSOGS CIM CHIS PA, ,MA RNAMS DON DU RDZOGS BYANG THOB PHYIR BSNGO, ,SDOM GSUM BCAS MTSAMS MIG 'BRAS BZHIN BSRUNGS NAS, ,RIM GNYIS RNAL 'BYOR MCHOG LA GZHOL BA'I MTHUS, ,DON GNYIS 'BRAS BU'I KHUR GYIS RAB BRJID PA'I, ,SKYE DGU'I 'DREN PA MCHOG LA GSOL BA 'DEBS, ,'CHI MED MCHOG STZOL YI DAM LHA TSOGS DANG, ,ZHA SER RING LUGS SKYONG BA'I BSRUNG MA YIS, ,BYIN RLABS MTHU LAS BSTAN PA'I RTZA LAG

, ,MCHOG ,BLO BZANG YE SHES ZHABS ZUNG 'GYUR MED SHOG ,DENG NAS STOBS BCU MNGA' BA'I GO 'PHANG MCHOG ,MNGON DU MA GYUR DE SRID MGON KHYOD KYIS, ,'BRAL MED RJES GZUNG GSUNG GI BGO SKAL LA, ,SPYOD PA'I SKAL BA BZANG POR BDAG 'GYUR SHOG ,KHYAD PAR BKA' BZHIN SGRUB PA LHUR LEN CING, ,MI MNYES SKAD CIG TZAM YANG MI SGRUB PAR, ,RLABS CHEN SEMS DPA'I SPYOD PA MTHAR PHYIN NAS, ,SKU GSUM GO 'PHANG DAM PA MYUR THOB SHOG ,BSIL LDAN LJONGS 'DI'I SNOD BCUD SDIG PA'I 'BRAS, ,KUN BYANG CHOS 'BYOR RDZOGS LDAN DPAL 'GRAN BZHIN, ,'PHEL ZHING 'GRO LA PHAN BDE 'BYUNG BA'I GZHI, ,SANGS RGYAS BSTAN PA RGYAS PA'I BKRA SHIS SHOG ,CES PA 'DI NI KHANG CHEN NAS DA'I CHING B'A THUR GYIS 'DI LTA BU ZHIG DGOS ZHES BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O,, ` AOm SVASTI, ,BLO GTER BSTAN PA'I RGYA MTSO LAS 'THON PA'I, ,'PHRIN LAS BZANG PO'I YE SHES 'OD SNANG GIS, ,SA GSUM 'GRO BLO'I SMAG RUM KUN SEL BA'I, ,BSHES GNYEN MTSAN MO'I MGON PO ZHABS BRTAN SHOG ,THUB BSTAN SNYING PO 'DUL GZHUNG MTHA' DAG DON, ,THUGS BRNYES TSUL KHRIMS GTZANG MA'I GZHI BZUNGS NAS, ,SKAL LDAN GRANGS MED LUGS BZANG DER 'GOD PA'I, ,'DUL 'DZIN KUN GYI GTZOL GSOL BA 'DEBS, ,SMON 'JUG BYANG CHUB MCHOG TU THUGS BSKYED NAS, ,BDAG BAS GZHAN GCES SGRUB PA'I LHAG BSAM GYIS, ,BKA' GDAMS GONG MA'I RING LUGS LEGS SKYONG BA'I, ,BYANG CHUB SEMS MNGA' KHYOD LA GSOL BA 'DEBS, ,RNAM DAG RGYUD SDE'I RGYA MTSO CHER ZHUGS

NAS, ,DBANG NOD DAM TSIG SNGOM PA TSUL BZHIN DU, ,LEGS BSRUNGS RIM GNYIS RNAL 'BYOR MTHAR SON PA'I, ,RDO RJE 'CHANG DNGOS KHYOD LA GSOL BA 'DEBS, ,DE LTAR GSOL BTAB BYANG CHUB MA THOB PAR, ,'BRAL MED RJES GZUNG BKA' BZHIN SGRUB PA DANG, , SDE 'DI'I DGE 'DUN KHRIMS GTZANG YON SBYOR BCAS, ,CHOS MTHUN BZHED PA 'GRUB PA'I BKRA SHIS SHOG ,CES PA 'DI NI CHOS RJE BLO BZANG RDO RJES NAN GYIS BSKUL BA'I BLO NGOR SH'AKYA'I BTZUN PA BLO BZANG YE SHES KYIS SMRAS PA'O,, ` AOm BDE LEGS SU GYUR CIG BLO BZANG BSTAN PA'I SGRON ME LEGS BZUNGS NAS, ,SKAL BZANG 'GRO BA'I BLO MUN SEL MDZAD CING, ,RGYA MTSO'I GOS CAN 'GENGS PA'I SNYAN GRAGS CAN, ,RJE BTZUN BLA MA YUN RING ZHABS BRTAN SHOG ,RAB 'BYAMS MDO RGYUD GZHUNG LUGS MTHA' DAG LA, , PHUN TSOGS BLO GROS BZANG PO'I SPOBS BA RGYAS, ,SKAL BZANG THAR BAR BKRI BA'I DED DPON MCHOG ,BSKAL PA RGYA MTSO'I BAR DU BRTAN PAR SHOG ,BSLAB GSUM DAG PA'I LUS STOBS RAB RGYAS SHING, ,BYANG CHUB SEMS KYI DRA BAS RNAM PAR MDZES, ,DRI MED RIGS PA'I MCHE BA DRUG LDAN PA, ,MI 'GYUR RDO RJE LTA BUR BRTAN PAR SHOG ,YID CAN KUN LA BRTZE BA'I PAD DKAR 'CHANG, ,DUR SMRIG GAR ROL SNYIGS DUS 'GRO BA'I MGON, ,BSHAD SGRUB BSTAN PA'I RGYAL MTSAN BSGRING MKHAS PA'I, ,BSTAN PA'I DPAL GYUR MCHOG LA GSOL BA 'DEBS, ,MCHOG GSUM BYIN RLABS SMON GRUB DRANG SRONG GI ,BDEN TSIG PHYAG DRUG MGON PO'I MTHU STOBS DANG, ,BDAG SOGS MOS PA'I RTEN 'BREL PHUN TSOGS MTHUS, ,'JIGS MED RDO RJE'I KHRI LA G-YO MED SHOG ,CES

, ,RJE BTZUN THAMS CAD MKHYEN PA'I BRTAN BZHUGS GSOL 'DEBS 'DI YANG CHOS RJE BLO BZANG RDO RJES BSKUL BA LTAR DGE SLONG BLO BZANG YE SHES KYIS SBYAR BA'O,, ` AOm BDE LEGS SU GYUR CIG ,RGYA CHEN SHES BYA'I LHA LAM YANGS PA LA, ,BYAMS DANG SNYING RJE'I CHU 'DZIN RAB 'KHRIGS SHING, ,SKYE DGU'I TSA GDUNG SEL BA'I THUGS RJE'I CHAR, ,'BEBS MKHAS SKYABS KYI DAM PA ZHABS BRTAN SHOG ,GANG SKU LUNG RTOGS YID BZHIN RGYA MTSO CHE, ,RNAM DAG TSUL KHRIMS GSUM GYI NOR GYIS PHYUG ,RIG GROL GNYIS LDAN DGE 'DUN DBUS NA MDZES, ,THAR 'DOD DED DPON KHYOD LA GSOL BA 'DEBS, ,KUN GZIGS ZHING LTAR KHYOD YANGS SHAMBHA LA, ,DE DBUS RNAM PAR RGYAL BA'I KHANG BZANG LA, ,'GRAN BZOD KA L'A PA YI CHOS KYI KHRIR, , RAB 'GYING CHOS RGYAL RIGS LDAN YONGS LA 'DUD, ,MI YI BDAG PO 'JAM DPAL GRAGS PA GANG, ,KLA KLO'I DPUNG GZHOM DUM BU BCU GNYIS SAR, ,'DOD DGUR SBYOD PA'I 'KHOR LO CAN GYUR TSE, ,BDAG KYANG 'KHOR GYI THOG MAR SKYE BAR SHOG ,DE'I TSE DANG PO'I SANGS RGYAS RGYUD RGYAL CHE, ,MNYAN PA'I SNOD RUNG DBANG GIS RGYUD SMIN CING, ,ZAB LAM MNGON GYUR KUN MKHYEN SANGS RGYAS KYI, ,GO 'PHANG DAM PA TSE DER THOB PAR SHOG ,MGON KHYOD MKHA'I YUL ZHUGS KLA KLO'I DPUNG, ,GZHOM TSE GANG 'DUL DPA' BA'I ZLOS GAR GYIS, ,THUGS KYI BZHED PA MA LUS SKONG BA LA, MI ZHUM BLO GROS SBOBS PAR BRGYAS SHOG ,DER MA SON PA'I TSE RABS 'PHRENG BAR YANG, ,MGON KHYOD THUGS RJE'I LCAGS KYUS MI BTANG BAR, ,RJES BZUNG BKA' BZHIN SGRUB PA LHUR LEN CING,,

GSUNG GI BDUD RTZI MA LUS 'THUNG BAR SHOG ,CES PA 'DI NI AER TE NI KHU THUG THU NO MON AE TZEN NGAG DBANG BSTAN 'DZIN 'PHRIN LAS KYIS BSKUL BA'I NGOR SH'AKYA'I DGE SLONG BLO BZANG YE SHES KYIS SBYAR BA DGE LEGS 'PHEL,, ` AOm BDE LEGS SU GYUR CIG ,SLU MED BDEN PA GSUNG DANG DAM PA'I CHOS, ,'PHAGS TSOGS MCHOG GSUM 'DUS PA'I SDES MTSON PAR, ,RNAM DKAR BDAG DANG GZHAN GYIS BSAGS PA'I MTHUS, ,SMON PA JI BZHIN 'GRUB PAR BYIN GYIS RLOBS, ,RNAM DAG BSLAB GSUM 'DZIN MA'I MNGAL YANGS LAS, ,'THON PA'I NGAG DBANG BSTAN 'DZIN RGYA MTSO YI, ,SPRUL SKU'I DPAG BSAM LJON PA 'KHRUNG BA DANG, ,GDUL BYA'I RE BA MYUR DU SMIN PAR SHOG ,GZIGS PA SGRIB MED DRANG SRONG RIG SNGAGS 'CHANG, ,MTHU LDAN CHOS SKYONG BSRUNG MA'I TSOGS BCAS PAS, ,SPRUL SKU'I YANG SRID MYUR DU 'BYON PA DANG, ,THEG MCHOG CHOS LA SPYOD PA'I 'PHRIN LAS MDZOD, CES PA 'DI NI THU MANG DAR KHAN PAD LI RAB BRTAN GYI BLA MA NGAG DBANG BSTAN 'DZIN RGYA MTSO'I YANG SRID MYUR 'BYON GYI GSOL 'DEBS NYUNG BSDUS SHIG DGOS ZHES DGE SLONG BLO GROS RGYA MTSO CAN GYIS BSKUL BA'I NGOR BTZUN BA BLO BZANG YE SHES KYIS SMRAS BA'O,, ` NA MO GU RU MANYDZU GHO sh'A YA, ,'DIR RJE BTZUN 'JAM PA'I DBYANGS AA RA PA TZA NA SGRUB PAR 'DOD PAS, SKYABS SU 'GRO BA DANG, SEMS BSKYAD PA DANG, TSAD MED PA BZHI BSGOM PA RNAMS SNGON DU BTANG NAS 'DI LTAR, RANG NYID RJE BTZUN 'JAM DBYANGS SU GSAL BA'I THUGS KA'I H'Um LAS 'OD 'PHROS, RANG BZHIN CHOS SKU'I GNAS NAS BLA MA 'JAM PA'I DBYANGS LA PHYOGS BCU'I RGYAL BA SRAS BCAS KYIS BSKOR BA MDUN GYI RNAM MKHAR SBYAN DRANGS, 'OD ZER

, ,RANG GI SNYING KHAR THIM, PHYOGS BCU'I RGYAL BA KUN GYI YAB GYUR KYANG, ,GZHON NU'I CHA LUGS SA BCU'I DBANG PHYUG TSUL, ,RMONGS PA'I MUN SEL BSTAN PA'I 'KHOR LO DANG, ,RGYAL BA SRAS BCAS TSOGS LA GUS PHYAG 'TSAL, ,YID 'ONG DNGOS BSHAMS YID SPRUL MCHOD TSOGS 'BUL, ,GNA' NAS DA LTA'I BAR BSAGS NYES BSHAGS SNGOM, ,RGYAL DANG DE SRAS NYAN RANG SO SKYE YI, ,DUS GSUM RNAM DKAR DGE LA RJES YI RANG, ,'GRO LA BGO SKAL CHOS 'KHOR BSKOR BYA'I PHYIR, ,MYA NGAN MI 'DA' BZHUGS SU GSOL 'DEBS SHING, ,BDAG GZHAN JI SNYED BSAGS MCHIS DGE BA GANG, ,'GRO RNAMS BYANG CHUB THOB BA'I RGYU RU BSNGO, ,ZHES YAN LAG BDUN PA PHUL NAS, ,DKON MCHOG GSUM PA BDAG SKYABS MCHI, ZHES PA NAS, ,'GRO LA PHAN PHYIR SANGS RGYAS 'GRUB PAR SHOG ,CES PA'I BAR LAN GSUM GYIS BYANG SNGOM GZUNG, TSOGS ZHING RNAMS RANG LA THIM PAS BYIN GYIS BRLABS PAR BSAM PA NI BSOD NAMS KYI TSOGS BSAG BA'O,, ` AOm SH'U N+YA T'A DZNY'A NA BADZRA SVA BHA WA A'ADMA KONYAHAm, STONG PA NYID DU GYUR, STONG PA'I NGANG LAS PAm LAS PADMA DKAR PO 'DAB MA DRUG PA'I LTE BAR, AA LAS RGYU SKAR BDAG PO NYA GANG BA'I STENG DU, RANG GI SEMS NYID DH'I:LAS RAL GRI DH'I: SA MTSAN PA, DE LAS 'OD 'PHROS PAS 'PHAGS PA MCHOD, 'GRO BA'I DON BYAS, TSUNG 'DUS DH'I:LA THIM PA YONGS SU GYUR PA LAS, RANG NYID RJE BTZUN 'JAM PA'I DBYANGS SKU MDOG NYI GZHON 'CHAR KHA'I MDANGS LTAR MDZES BA, GZHON NU LANG TSO DANG LA BAB PAm, SHIN TU 'DZUM PA'I NYAMS CAN, ZHAL GCIG PHYAG GNYIS KYI G-YAS PAS MA RIG PA

RTZAD NAS GCOD PA'I SHES RAB KYI RAL GRI 'PHYAR ZHING, PHYAG G-YON CHOS 'CHAD KYIS BZUNG BA'I STENG 'THUNG SNYAN GYI THANG DU YANG DAG RGYAS BA'I STENG DU SHER PHYIN GYI PUSTA KA BSNAMS PA, DBU SKRA MTHON MTHING ZUR PHUNG LNGA'I THOR TSUGS KYIS MDZES SHING, MTSAN DANG DPE BYAD KYIS SPRAS PA, RIN THANG BRAL BA'I RIN CHEN DU MA'I RTZE PHRAN DANG RGYAN GYIS RNAM PAR BRGYAN PA, LHA RDZAS KYI NA BZAS KRUBS SHING, 'OD KYI PHUNG PO'I DBUS NA YID 'ONG MDZES PA 'GYID BAG CAN, RDO RJE'I SKYIL RKUNG GIS BZHUGS PA'I SBYI BOR AO DKAR PO, MGRIN PAR A'A:DMAR PO, THUGS KAR H'Um SNGON POS MTSAN PA, DE LAS 'OD ZER 'PHROS BAS, RANG BZHIN GYI GNAS NAS MGON PO 'JAM PA'I DBYANGS LA RTZA BRGYUD KYI BLA MA YI DAM SANGS RGYAS BYANG SEMS BSTAN SRUNGS YE SHES PA'I TSOGS KYIS BSKOR BA SBYAN DRANGS, DZA:H'Um PAm HO:GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, AOm SARBA TA TH'A GA TA AA BHI shE KA TA SAM YA SHRI YE H'Um, ZHES GSUNG ZHING DBANG BSKUR, SKU GANG, DRI MA DAG ,CHU LHAG PA SPYI GTZUG TU 'KHYIL BA YONGS SU GYUR PA LAS MI BSKYOD PAS DBU BRGYAN CING DBANG GI LHA RNAMS RANG NYID LA THIM PAR GYUR, DE NAS MCHOD PA RNAMS AA MRi TAS BSANGS, SVA BH'A WAS SBYANGS, STONG PA'I NGANG LAS AOm LAS MCHOD RDZAS RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm, NAS, SBARSHA A'A:H'Um GI BAR GYIS CHU GNYIS NYER SPYOD ROL MO 'DOD YON DANG BCAS PA BYIN GYIS BRLAB, AOm A'ARYA MANYDZU SHR'A SA PAR W'I RA AARGHAm, NAS, SBARSHA PRA T'ITZTSA SV'AH'A'I BAR GYIS MCHOD,

, ,DUS GSUM RNAM 'DREN YAB GCIG GZHON NU'I SKU, ,'DZUM LDAN ZHAL GCIG PHYAG G-YAS RAL GRI DANG, ,G-YON PA CHOS 'CHANG AUTPAL BZUNG BA'I STENG, ,GLEGS BAM GYIS MDZES 'JAM PA'I BYANGS LA BSTONG, ,DMAR SER MDANGS LNGAN RIN CHEN BRTZEGS PA'I RTZANG, ,AUTPAL SNGON PO'I COD BAN BCINGS 'DRA BA'I, ,MTHON MTHING RAL BA'I THOR TSUGS SPYI BOR MDZES, ,SPROS BRAL YID 'OD MTSAN MA 'DZIN LA BSTOD, ,MDZES SKU'I SA BRTOL MTSAN DPA'I ME TOG BKRA, ,LHA RDZAS NA BZA'I SGRIB BYED LANG LONG G-YO, ,BDAG MED SHES RAB MCHOG STZOL 'BRAS BUS BRJID, ,'JAM MGON BLA MA MCHOG LA BDAG PHYAG 'TSAL, ZHES BSTOD NAS BZLAS PA BYA BA NI, RANG NYID RJE BTZUN 'JAM DBYANGS SU GSAL BA'I THUGS KAR ZLA BA'I STENG DU 'KHOR LO RTZIBS DRUG PA'I LTE BAR DH'I:YIG GI MTHAR SNGAGS 'PHRENG GIS BSKOR BA LAS DMAR SER 'OD PHUNG 'BAR BA'I 'PHRO 'DUS MI SHES PA'I MUN PA BCOM NAS SHES RAB KYI SNANG BA RGYAS PAR BSAM PA'AM, YANG NA 'KHOR LO G-YAS LA YIG 'BRU G-YON DU MNYAM DU 'KHOR BA'AM RES 'DZOG 'KHOR BAS MKHYEN RAB 'JAM PA'I DBYANGS DANG MTSUNGS PAR BSAMS LA, AOm AARA PA TZA NA DH'I:ZHES PA'I BZLAS PA BYA, DE NAS, DGE BA 'DI YIS MYUR DU BDAG ,RJE BTZUN 'JAM DBYANGS 'GRUB GYUR NAS, ZHES SOGS DANG, 'DIS MTSON SKYE 'PHAGS DGE BA'I TSOGS, ZLA SHEL ZHUN MA'I RGYUN BZANG GIS, ,BDAG SOGS SGRIB GNYIS KUN BKRUS NAS, ,SHES RAB SKU NYID THOB PHYIR BSNGO, ,RNAM PAR DAG PA'I BSAM PA YIS, ,RNAM DAG DGE TSOGS 'DIS MTSON PA, ,RNAM KUN SPYAD PAS SKYE BO KUN, ,RNAM DAG SKU

GSUM MNGON 'GYUR SHOG ,CES DANG, GZHAN YANG BSNGO SMON BKRA SHIS CI RIGS BAS BRGYAN PA BYA'O, ,THUN MTSAMS SU GTOR MA 'BUL BAR 'DOD NA, DKAR GTOR RGYAN GYIS SPRAS PA BSHAMS LA BYIN GYIS BRLABS NAS, RANG NYID 'JAM DBYANGS SU GSAL BA'I THUGS KA'I DH'I:YIG LAS 'OD ZER 'PHROS, MGON PO 'JAM PA'I DBYANGS KYI LHA TSOGS MDUN GYI NAM MKHAR SPYAN DRANGS BA'I LJAGS 'OD KYI SBU GUS GTOR MA'I BCUD THAMS CAD DRANGS TE GSOL BAS THUGS ZAG MED KYI BDE BAS DGYES PAR BSAM ZHING, AOm A'ARYA MANYDZU SHR'I SA PA RI W'AR BA LIm TA KHA KHA KH'A HI KH'I HI, LAN BDUN NAM GSUM GYIS GTOR MA PHUL, AOm A'ARYA MANYDZU SHR'I SA PA RI W'A RA AARGHAm NAS, SHABHA'I BAR GYIS MCHOD, BSTOD PA NI, GZHON NU'I CHA LUGS 'CHANG BA PO, ,SHES RAB SGRON MES RAB TU BRGYAN, ,'JIG RTEN KUN GYI MUN SEL BA'I, ,'JAM PA'I DBYANGS LA PHYAG 'TSAL LO, ,ZHES BSTOD NAS, YE SHES PA GSHEGS SU GSOL BA'AM SKU YANG NA DE DANG RANG LA BSTIM PA CI RIGS BYA'O, ,ZHES RJE BTZUN 'JAM PA'I DBYANGS KYI SGRUB THABS 'DI NI, KHANG CHEN NAS NGA'I CHING B'A THUR GYIS BSKUL BAL BRTEN NAS CHOS SMRA BA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA 'GRO KUN RJE BTZUN 'JAM PA'I DBYANGS KYI GO 'PHANG THOB PA'I RGYUR GYUR CIG, SARBA MANG+GALAm,, ,, ` NA MO S'ARYA T'A R'A YEE, RJE BTZUN MA SGROL MA DKAR MO SGRUB PAR 'DOD PAS, SKYABS 'GRO SEMS SKYED TSANG MED BZHI BSGOM PA SNGON DU BTANG NAS, SEMS CAN THAMS CAD KYI DON DU MYUR BA MYUR BAR SANGS RGYAS KYI GO 'PHANG THOB PAR BYA, DE'I PHYIR DU RJE BTZUN MA

, ,SGROL MA BSGRUB PAR BYA'O SNYAM DU BSAM, RANG NYID SGROL MAR GSAL BA'I THUGS KA YI, ,T'Am LAS 'OD 'PHROS POtA LA SOGS NAS, ,BLA MA MCHOG DANG GNYIS MED 'PHAGS MA'I TSOGS, ,SPYAN DRANGS BSOD NAMS ZHING GI DAM PAR BZHUGS, ,PHYAG 'TSAL BA DANG MCHOD CING BSHAGS PA DANG, ZHES SOGS YAN LAG BDUN PA DANG, DKON MCHOG GSUM LA BDAG SKYABS MCHI, NAS, SANGS RGYAS 'GRUB PAR SHOG ,GI BAR LAN GSUM, TSOGS ZHING RNAMS RANG LA BSTIM BA'AM RANG GNAS SU GSHEGS PA GANG RUNG BYA, AOm SH'UN+YA T'A DZNY'A NA BADZRA SVA BH'A WA A'ATMA KONYAHAm, 'KHOR 'DAS CHOS KUN MKHA' LTAR STONG PAR GYUR, ,STONG PA'I NGANG LAS MI SHIGS RDO RJE YI, ,SA GZHIR GUR BLA RE ME RIS BSKOR, ,DE DBUS PAm LAS PAD DKAR AA YIG LAS, ,ZLA DKYIL STENG DU T'Am LAS AUTPAL, ,T'Am GYIS MTSAN PA LAS 'PHROS 'OD ZER GYIS, ,'PHAGS MCHOD SEMS CAN DON BYAS TSUR 'DUS THIM, ,YONGS GYUR RANG NYID BCOM LDAN SGROL MA NYID, ,GANG+GA'I YAB KYI MDANGS 'PHROG GZHON NU'I SKU, ,ZHAL RAS ZLA RGYAS TSEMS DKAR 'PHRENG BA 'KHRIGS, ,MCHU BGROS BI MBA LTAR DMAR SBYAN DKYUS RING, ,MTHON MTHING LAN BU PHYED BCINGS SPYI BO RU, ,RIGS KYI BDAG PO TSE DPAG MED MGON BZHUGS, ,ZAG MED BDE CHEN 'BAR BA'I DKAR 'DZIN RGYAS, ,SHEL GYI 'KHRI SHING YAL GA BRKYANGS 'DRA'I PHYAG ,'DOD DGU'I DPAL STZOL MCHOG SBYIN PHYAG RGYA MDZAD, ,G-YON PA DKON MCHOG GSUM MTSON PHYAG ZUNG LA, ,YID 'ONG AUTPAL SDONG BUS RNAM PAR MDZES, ,DBRAL DBUS YE SHES SBYAN LDAN

PHYAG ZHABS LA, ,RNAM THAR SGO BZHI MTSON PA'I SPYAN MNGA' BA, ,NYI 'BUM 'OD 'PHROG RIN CHEN DU MA YI, ,RGYAN DANG GDU BU DO SHAL GYIS SPRAS SHING, ,MTSAN DPE'I DPAL 'BAR CHU ZHENG GAB PA'I SKU, ,LHA RDZAS DAR GYI NA BZAS KUN NAS 'KHYUD, ,NYA GANG ZLA BA'I 'OD KYI RGYAB YOL CAN, ,RDO RJE'I SKYIL KRUNG GIS BZHUGS GNAS GSUM DU, ,AOm DANG A'A:YIG H'Um GIS LEGS MTSAN PA'I, ,H'Um LAS 'OD 'PHROS RMAD BYUNG BDE BA CAN, PO tA LA SOGS ZHING MCHOG DAM PA NAS, ,RANG 'DRA'I YE SHES DBANG LHAR BCAS SPYAN DRANGS, ,DZA:H'Um BAm HO:CHU LA CHU BZHIN THIM, ,DBANG BSKUR TSE DPAG MED KYIS RGYAS BTAB GYUR, DE NAS MCHOD PA RNAMS BSANGS SBYANGS BYA SBYOD LTAR BYIN GIS BRLABS LA, AOm A'ARYA T'A RES PA RI W'A RA AARGAHAm SOGS GYIS MCHOD, RGYAL BA KUN GI 'PHRIN LAS MA LUS BA, ,GCIG TU BSNGOMS PA RAB MDZES LHA MO'I SKU, ,DRAN BAS TSE DANG YE SHES MCHOG STZOL BA'I, ,BCOM LDAN JO MO SGROL MAR PHYAG 'TSAL LO, ,GANG SKU DRI MED SHEL DKAR LHUN PO LA, ,SNA TSOGS DBANG GZHUS 'KHYUD 'DRA'I NA BZAS MDZES, ,'OD 'BAR RIN CHEN RGYAN GYIS RAB SPRAS PA'I, ,MTSAN DPE'I GZI BRJID 'BAR LA PHYAG 'TSAL LO, ,KHYOD NYID MTHONG THOS YID LA DRAN TZAM GYIS, ,DE YI MOD LA DUS MIN 'CHIB DANG, ,'JIGS PA BRGYAD SOGS 'KHOR BA'I NYES RGYA LAS, ,SGROL MDZAD BCOM LDAN 'DAS MAR GUS BAS 'DUD, ,RANG NYID RJE BTZUN SGROL MAR GSAL BA YI, ,THUGS KA'I SNGAGS 'PHRENG LAS 'PHROS 'OD ZER GYIS, ,'GRO BA'I NYES LTUNG SDIG SGRIB KUN SBYANGS NAS, ,'PHAGS MA'I GO 'PHANG MCHOG LA LEGS PAR BKOD,,

, ,SNOD BCUD YON TAN SANGS RGYAS BYANG CHUB SEMS, ,ZHI KHRO RAB 'BYAMS THUGS RJE'I BYIN RLABS RNAMS, ,'CHI MED TSE YI BDUD RTZI'I RNAM PAR BKUG ,SPYI BO'I TSE DPAG MED DANG BUM PAR THIM, ,DE LAS 'CHI MED BDUD RTZI'I RGYUN BABS TE,, RANG GI SPYI BO NAS ZHUGS LUS GANG ZHING, ,TSE DANG BSOD NAMS LUNG RTOGS YON TAN 'PHEL, ,MCHOG DANG THUN MONG DNGOS GRUB THOB PAR GYUR, AOm T'A RE TUTT'A RE TU RA MA MA A'A YURBUBtIm KU RU SV'AH'A, ZHES CI NUS BZLA, MJUG TU, DGE BA 'DI YIS MYUR DU BDAG ,'PHAGS MA SGROL MA 'GRUB GYUR NAS, ZHES SOGS BSNGO BA DANG SMON LAM DANG SHIS BRJOD KYIS BRGYAN PA BYA, THUN MTHAR GTOR MA 'BUL NA, DKAR GTOR GTZANG MA BSHAMS LA BSANGS SBYANGS BYIN GYIS BRLABS, RANG GI THUGS KA'I T'Am GYI 'OD ZER GYIS RGYAL YUM SGROL MA LA SANGS RGYAS BYANG SEMS YE SHES PA'I TSOGS KYIS BSKOR BA SPYAN DRANGS, LJAGS 'OD ZER GYI SPU GUS DRANGS TE GSOL BAR BSAMS LA, AOm A'ARYA T'A RE SA PA RI W'A RA AI DAm BA LIm TA KHA KHA KH'A HI KH'A HI, ZHES LAN BDUN NAM GSUM GYIS PHUL, AARGHAm SOGS KYIS MCHOD CING GONG LTAR BSTOD, 'DOD DON LA GSOL BA GDAB, BZOD PAR GSOL TE GSHEGS PAR BYA'O, ,DE LTAR NYAMS SU BSTAR BAS GNAS SKABS SU TSE DANG SHES RAB BSOD NAMS 'PHEL ZHING MTHAR THUG BDE BA CAN DU SKYE BA SOGS PHAN YON MTHA' YAS SO, ,ZHES RJE BTZUN MA YID BZHIN 'KHOR LO'I SGRUB THABS 'DI NI DPON SA AYON SGROL MAS GSOL BA BTAB PA'I NGOR SH'AKYA'I BTZUN PA BLO BZANG YE SHES KYIS BGYIS PA DGE LEGS 'PHEL, ,` SVASTI, BLO GROS

BZANG PO'I YOL GO LAS 'THON BA'I, ,MDO SNGAGS CHOS TSUL ZAB DON YID BZHIN NOR, ,SKAL BZANG RGYA MTSO'I GOS CAN KHYAB PA'I 'GROR, ,STZOL MKHAS RJE BTZUN BLA MAR GSOL BA 'DEBS, ZHES RJE BTZUN THAMS CAD MKHYEN PAR GSOL 'DEBS RGYA CHER SPEL CHOG PA ZHIG DGOS ZHES MDA' DPON NU MA NAS PAndI TA THA'I JIS BSKUL BA'I NGOR BTZUN PA BLO BZANG YE SHES KYIS SMRAS PA'O, ,` AOm BDE LEGS SU GYUR CIG ,CHOS 'KHOR BAR PA LAS BYUNG DRI MED BKA', ,MNYAM MED STOBS BCU MNGA' BA'I THUGS KYI BCUD, ,RGYAL KUN BSKYED YUM SHES RAB PHA ROL PHYIN, ,LJONGS 'DIR BSGYUR MDZAD LO PAn YONGS LA 'DUD, ,DPAL LDAN BLO 'CHANG DRIN THOB SHER PHYIN 'BUM, ,DRUG LHAG BCUS MDZES GLEGS BAM RIN CHEN SGRON, ,GZUGS SU BGYIS PA'I DGE TSOGS RGYA MTSO GANG, ,BDAG SOGS MKHA' MNYAM SKYE DGU MTHA' DAG GI ,SGRIB BYANG TSOGS RDZOGS SKU GSUM THOB PHYIR BSNGO, ,'DI YI MTHU LAS 'JIG RTEN KHAMS 'DIR YANG, ,CHAR CHU DUS PHEBS LO PHYUGS LEGS PA DANG, ,NAD MTSON MU GE'I MING YANG MI GRAG PAR, ,RDZOGS LDAN DPAL LA SPYOD PA'I BKRA SHIS SHOG ,CES PA 'DI NI RTA NAG SDING KHA BYA BZANG PAS YUM PO TI BCU DRUG BZHENGS PA'I DGE BA RDZOGS BYANG DU BSNGO BA'I PHYIR SH'AKYA'I DGE SLONG BLO BZANG YE SHES KYIS BGYIS PA'O,, ,, ` TSOGS GNYIS YONGS RDZOGS GNYIS MED GSUNG BA DANG, ,LUNG RTOGS DAM CHOS 'PHAGS PA'I MCHOG RNAMS KYI, ,BDEN BYIN MTHU LAS BLO BZANG GRAGS PA YI, ,BSTAN PA'I RGYAL MTSAN YANG SRID MYUR 'DZIN SHOG ,KHYAD PAR TSE RING GNAM GYI SHE MONG LAS,,

, ,MANG POS BKUR BCHING GIS KYIS SKYONG BA'I, ,YUL 'KHOR RNAM PAR RGYAL BA'I CHO 'BRANG DU, ,YANG SRID MCHOG SPRUL PHUL BYUNG SGRUM PAR SHOG ,RDO RJE'I SKU BRNYES SKYE 'CHI'I THA SNYAD DANG, ,BRAL YANG THUGS BSKYED JI BZHIN BYANG PHYOGS 'DIR, ,ZUNG 'JUG DBANG GI RGYAL PO'I ZA MA TOG ,CHING GIS SA SKYONG RIGS SU MYUR STON GSOL, ,ME MJED SNYING PO'I BSTAN PA 'CHI MED LAM, ,MCHOG SPRUL BDE 'BYUNG GTZUG RGYAN 'OD DKAR GYIS, ,LUS CAN STENG 'THUNG DKAR PO'I TSIL 'BYED PA'I, ,RE BA JI BZHIN MYUR DU SKONG BAR SHOG ,MCHOG GSUM BYIN RLABS MOS LDAN 'DUS PA'I SDES, ,GSOL BTAB BDEN TSIG RTEN 'BREL SLU MED MTHUS, ,PHYIN DRUG BSDU BZHIS PHYUG PA'I SPRUL PA'I SKU, ,MYUR 'BYON DGA' STON DPAL LA SPYOD GYUR CIG ,CES RJE BTZUN DAM PA BLO BZANG BSTAN PA'I RGYAL MTSAN DPAL BZANG PO'I SPRUL PA'I ZLOS GAR KHAL KHA'I YUL CHING GIS KYI RIGS SU MYUR PHEBS KYI GSOL 'DEBS SMON TSIG 'DI LTA BU ZHIG DGOS ZHES RJE BTZUN MA BKRA SHIS CHOS 'PHEL DANG LHA BTZUN MANYDZU SHR'IS DBUS DPON KHAG SBYIN BDAG GRVA RIGS DMANGS BCAS PHYOGS MTHUN NAS BSKUL BA'I NGOR SH'AKYA'I BTZUN PA BLO BZANG YE SHES KYIS DANG BA'I SEMS KYIS BGYIS PA'O, ,` BLO BZANG RGYAL BSTAN PA GAM MTHON PO'I RTZER, ,LUNG RTOGS BSTAN PA'I RGYAL MTSAN CHER SGRENG BA'I, ,SKYABS GSUM KUN 'DUS RTZA BA'I BLA MA LA, ,GSOL BA 'DEBS SO MCHGO THUN DNGOS GRUB STZOL, ,ZHES RJE BTZUN DAM PA BLO BZANG BSTAN PA'I RGYAL MTSAN DPAL BZANG POR GSOL 'DEBS SHIG DGOS ZHES DPON DBANG 'DZIN RDO RJES BSKUL BA'I NGOD SH'AKYA'I DGE SLONG BLO BZANG

YE SHES KYIS BGYIS PA'O, ,` SVASTI, BLO BZANG BSTAN PA'I ME ZHAL LAM YANGS PAR, ,TSOGS GNYIS MNGA' THANG RGYAS PA'I RGYU SKAR GTZO, ,YE SHES 'OD SNANG 'GYED PA'I DPAL YON CAN, ,BDAG BLO DAD PA'I RDZING BUR RTAG 'CHAR GSOL,, DENG NAS DGE BA'I 'BYUNG GNAS GO 'PHANG MCHOG ,MA THOB DE SRID SKYE ZHING SKYE BA RU, ,RIG LDAN BTZUN ZHING PHUL BYUNG NGAL 'BYOR RTEN, ,LEGS THOB MGON PO KHYOD DANG 'BRAL MED SHOG ,GZHAN YANG BKA' BZHIN SGRUB PA LHUR LEN CING, ,ZAB DON GSUNG GI BDUD RTZIS 'TSO BA DANG, ,MAR GYUR DON DU SANGS RGYAS THOB 'DOD BLO, ,RGYUN CHAD MED PAR SKYE BAR BYIN GYIS RLOBS, ZHES PA 'DI NI YE SHES BDE LEGS DAR KHAN NANG SOS 'DI LTA BU ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O, ,` SVASTI, BGRANG YAS SKYE CHUR THAR PA'I LAM STON SH'AKYA SENG GE'I LJAGS YANGS PADMO LAS 'THON DAM PA'I CHOS, ,'GRO BA'I NYON MONGS ZUG RDU KUN 'JOMS SMAN MCHOG DAM PAR SRI ZHU LEGS PAR BGYIS PA 'DI YIS MTSON, ,BDAG GI RNAM DKAR BSOD NAMS 'BRAS BUS THUB PAS BSNGAGS PA'I ZHING MCHOG DER SKYES MKHA' KHYAB 'GRO KUN GYI, ,SGRIB GNYIS BAG CHAGS MA LUS DRUNG 'BYIN RGYAL SRAS KUN LAS MCHOG GYUR 'DREN MCHOG DAM PAR BDAG GYUR CIG ,CES PA 'DI NI DGE TSUL MA BLO BZANG CHOS 'TSOS 'PHAGS PA BRGYAD STONG PA DANG GRVA TOG GSER GSUM GSER LAS BSKRUN PA'I SMON TSIG TU SH'AKYA'I BTZUN PA BLO BZANG YE SHES KYIS BGYIS PA SARBA DZA GA TAm, ,` NA MO GU RU AA MI T'A BH'A YA, 'DIR BLA MA'I RNAL 'BYOR BSGOM PAR 'DOD

, ,PAS SKYABS 'GRO SEMS SKYED TSAD MED BZHI BSGOM PA SNGON DU BTANG NAS 'DI LTAR, PHUN TSOGS MCHOD SPRIN RGYA MTSO 'KHRIGS PA'I DBUS, ,YONGS 'DU ME TOG 'BRAS BU RGYAS PA'I RTZER, ,RIN CHEN 'OD 'BAR 'JIGS BRAL GYIS BTEG KHRIR, ,'DAB STONG GE SAR NYI ZLA GSAL BA'I STENG, ,RTZA BA'I BLA MA SKYABS GNAS KUN 'DUS DANG, ,DBYER MED MGON PO 'OD DPAG MED MGON NYID, ,SKU MDOG PADMA R'A GA'I MDANGS 'PHROG PA, ,ZHAL GCIG PHYAG GNYIS TING 'DZIN PHYAG RGYA'I KHAR, , BDUD RTZIS GANG BA'I LHUNG BZED BZANG PO BSNAMS, ,MTSAN DANG DPE BYAD BRGYAD CUS RNAM PAR SPRAS, ,CHOS GOS GSUM GSOL ZHABS GNYIS SKYIL KRUNG GIS, ,SNA TSOGS DBANG GZHUS BSKOR BA'I DBUS SU BZHUGS, ,MTHA' SKOR RTZA BRGYUD BLA MA YI DAM LHA, ,SANGS RGYAS BYANG SEMS DPA' BO MKHA' 'GRO DANG, ,BSTAN SRUNGS DAM CAN RGYA MTSO'I TSOGS RNAMS KYANG, ,RANG RANG 'KHOR TSOGS RGYA MTSOS BSKOR NAS BZHUGS, ,DE DAG SGO GSUM RDO RJE GSUM MTSAN PA'I, ,H'Um YIG 'OD ZER LCAGS KYU'I RNAM PA YIS, ,BDE LDAN ZHING NAS BLA MA SNANG MTHA' YAS, ,'KHOR DANG BCAS PA SKAD CIG GIS SPYAN DRANGS, ,DZA:H'Um BAm HO:DAM TSIG SO SO LA, ,YE SHES PA RNAMS CHU LA CHU BZHIN DU, ,DGYES SHING THIM PAS DBYER MED RO GCIG 'DRES, ,SKYABS GSUM MA LUS 'DUS PA'I BDAG NYID GYUR, ,DUS GSUM SANGS RGYAS MA LUS 'DUS PA'I SKU, ,MDO SNGAGS CHOS PHUNG MA LUS SGROGS PA'I GSUNG, ,SHES BYA MA LUS MNGON SUM MKHYEN PA'I THUGS, ,BLA MA'I SKU GSUNG THUGS LA PHYAG 'TSAL LO, ,ZAG MED

YE SHES MCHOD SPRIN RGYA MTSO'I TSOGS, ,DNGOS BSHAMS YID SPRUL BDAG LUS LONGS SPYOD 'BUL, ,THOG MED DUS NAS BSAGS PA'I NYES LTUNG RNAMS, ,GNONG ZHING 'GYOD PAS SPYAN SNGAR BSHAGS SHING SDOM, ,SKYE 'PHAGS DUS GSUM RNAM DKAR DGE BA LA, , BDAG NYID BSAM PA THAG PAS YI RANG ZHING, ,'KHOR BAR 'KHYAMS PA'I SKYE DGU MA LUS PAR, ,BRTZE BAS ZAB RGYAS CHOS 'KHOR BSKOR DU GSOL, ,SRID BA JI SRID MA STONGS GNAS KYI BAR, ,MYA NGAN MI 'DA' RTAG PAR BZHUGS GSOL BA 'DEBS, ,'DIS MTSON RNAM DKAR DGE BA CI MCHIS PA, ,'GRO KUN BYANG CHUB THOB PA'I RGYU RU BSNGO, ,GANG GI THUGS RJES MCHOG THUN DNGOS GRUB RNAMS, ,SKAD CIG NYID LA STZOL MDZAD YID BZHIN NOR, ,SLU MED SKYABS KYI DAM PA GCIG GYUR PA, ,BLA MA 'OD DPAG MED LA GSOL BA 'DEBS, , SRID BDER SNYING PO MED MTHONG LAS 'BRAS LA, ,YID CHES DAD DANG NGES 'BYUNG BYANG CHUB SEMS, ,YANG DAG LTA DANG BDAG MED RTOGS PA YI, ,SHES RAB RGYUD LA SKYE BAR BYIN GYIS RLOBS, ,SKYABS GNAS BSLU BA MED PAR GSOL BTAB MTHUS, ,'DI SNANG 'GAGS TSE BLA MA SNANG MTHA' YAS, ,MNGON SUM MTHONG NAS BDE LDAN ZHING MCHOG DER, ,SKYES NAS GSUNG GI BDUD RTZI 'THUNG BAR SHOG ,CES BRJOD CING SLAR YANG, ,GANG GI THUGS RJES ZHES PA SHO LO KA GCIG GIS GSOL BA LAN GSUM BTAB PA'I MTHAR, DE LTAR GSOL BA BTAB PAS BLA MA NYID, ,DGYES SHING THIM PAS RANG GI SGO GSUM DANG, ,BLA MA'I SKU GSUNG THUGS GSUM DBYER MED DU, ,GYUR NAS THA MAL SNANG ZHEN BZLOG PAR SHOG ,RGYAL BA'I DKYIL 'KHOR BZANG ZHING DGA' BA DER, ZHES SOGS BSNGO SMON SHIS

, ,BRJOD SKABS SBYAR BYA'O, ,ZHES DPON MER GAN JU NANG GIS 'DI LTA BU ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA DGE LEGS 'PHEL, ,` NA MO GU RU BADZRA BHE RA W'A YA, 'DIR RGYAL BA'I BSTAN SRUNGS 'GA' ZHIG GI THUGS DAM BSKANG ZHING MCHOD GTOR MDOR BSDUS PA'I TSUL GYIS 'BRUL BAR 'DOD PAS, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PAR GYUR PAR BSAMS LA, NANG MCHOD MCHOD GTOR BSKANG RDZAS SOGS 'JUG PA BDE BA'I PHYIR CHABS GCIG TU BYIN GYIS RLOB PA NI, PHYI DANG NANG DANG GSANG BA BDE CHEN GYI, ,MCHOD DANG GTOR MA DAM RDZAS SPYAN GZIGS TSOGS, ,ZAG MED YE SHES BDUD RTZI'I RGYA MTSO CHER, ,BYIN BRLABS KUN BZANG MCHOD SPRIN LA 'GRAN GYUR, AOm A'A:H'Um, LAN GSUM, H'Um, MDUN DU CHOS 'BYUNG KHRAG ZHAG RGYA MTSO'I DBUS, ,PAD NYI'I GDAN BZHUGS YI DAM CHOS SRUNGS KYI, ,THUGS KA'I H'Um LAS 'OD 'PHROS SO SO YI, ,GNAS NAS YE SHES SEMS DPA'I TSOGS SPYAN DRANGS, ,RDO RJE 'JIGS BYED DKAR NAG PHYAG DRUG MGON, ,PHYI NANG GSANG BA'I GSHIN RJE DMAG ZOR RGYAL, ,RGYAL CHEN RNAM MANG THOS SRAS MDUNG DMAR CAN, ,SHING BYA CAN SOGS SKU LNGA 'KHOR BCAS SPYON, ,GZHAN YANG YUL LHA GZHI BDAG THAMS CAD DANG, ,KHYAD PAR YUL 'DI'I GZHI BDAG 'KHOR DANG BCAS, ,SPYAN DRANGS DZA:H'Um BAm HO:SO SO YI, ,DAM TSIG PA DANG GNYIS SU MED PAR GYUR, KA MA LA YE STVAm, H'Um, YI DAM CHOS SRUNGS GZHI BDAG 'KHOR

BCAS LA, ,PHYAG 'TSAL DNGOS BSHAMS YID KYIS SPRUL PA YI, ,CHU GNYIS NYER SPYOD ROL MO 'DOD YON LNGA, ,NANG MCHOD GSANG BDES MCHOD CING NYES LTUNG BSHAGS, H'Um, DNGOS BSHAMS YID SPRUL SPYAN GZIGS MCHOD GTOR GYIS, ,YID DAM CHOS SRUNGS 'KHOR BCAS THUGS DAM BSKANG, ,THUGS DAM SKONGS SHING BAR CHAD BZLOG PA DANG, ,NYAMS CHAGS GSOS SHING DNGOS GRUB MA LUS STZOL, ,H'Um, DGRA BGEGS SHA KHRAG 'BRU SNA LNGA DANG BCAS, ,TING 'DZIN SNGAGS KYIS BYIN BRLABS GTOR MA 'DI, ,YI DAM CHOS SRUNGS ZHING TSOGS KUN LA 'BUL, ,BZHES NAS THUB BSTAN SNYING PO RGYAS PAR MDZOD, ,RDO RJE 'CHANG DBANG RTZA BRGYUD BLA MA YIS, ,BKA' BSGOS JI BZHIN RGYAL BA'I BSTAN PA DANG, ,BDAG CAG 'KHOR BCAS GZHIS BYES GAR 'DUG KYANG, ,BSRUNG SKYOB MTHUN RKYEN MA LUS SGRUB PAR MDZOD, ,H'Um, 'JAM DPAL DPA' BO RDO RJE 'JIGS BYED DANG, ,PHYAG DRUG MGON PO DKAR NAG CHOS KYI RGYAL, ,PHYI NANG GSANG GSUM DMAG ZOR LAS DGYES PA'I, ,BSTAN SRUNGS 'KHOR DANG BCAS LA BDAG BSTOD DO, ,'DOD DGU'I MCHOG STZOL RGYAL CHEN MDUNG DMAR CAN, ,RGYAL PO SKU LNGA YUL LHA GZHI BDAG SOGS, ,'GO ZHING STONGS GROGS MDZAD PA'I BSRUNG MA'I TSOGS, ,KUN LA BSAM PA THAG PAS BSTOD PAR BGYI, ,H'Um, YI DAM CHOS SRUNGS GZHI BDAG LA SOGS PAS, ,'BRAL MED BDAG GI MGON DANG SKYABS MDZOD LA, ,'GAL RKYEN KUN SOL MTHUN RKYEN SGRUB PA DANG, ,GNOD CING 'TSE BA'I DGRA BGEGS TSAR GCOD MDZOD, ,DGRA LHA 'KHOR BCAS BSTEN TSE SNYING MA RING, ,BSKUL RBAD DUS SU MGYOGS RTZAL MTHU BSKYED LA, ,SDANG ZHING GDUG PA'I SEMS LDAN

, ,DGRA DANG BGEGS, ,LO ZLAR MA BZHAG DA LTA NYID DU SGROL, ,RGYAL BSTAN SPYI DANG 'JAM MGON TZONG KHA PA'I, ,BSTAN PA RIN CHEN BSRUNG ZHING SKYONG BA DANG, ,BDAG CAG RNAMS KYIS JI LTAR BSAMS PA'I DON, ,MA LUS MYUR BA NYID DU 'GRUB PAR MDZOD, CES BRJOD CING RTEN YOD NA BRTAN BZHUGS DANG MED NA GSHEGS GSOL BSNGO BA SMON LAM BKRA SHIS SOGS SKABS SBYAR BYA'O, ,TSUL 'DI YANG DPON MER GANG JU NANG GIS 'DI LTA BU ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O, ,` SVASTI, RAB DKAR BSOD NAMS PHUNG PO LAS GRUB PA'I, ,PHUN TSOGS BLO GROS BZANG PO'I NOR GYIS PHYUG ,BKRA SHIS CHOS PHUNG GDUL BYAR SNYAN SGROGS PA'I, ,YONGS 'DZIN BSHES GNYEN DAM PAR GSOL BA 'DEBS, ZHES DKYIL KHANG ZHAL SNGA NAS LA BRGYUD 'DEBS SU BCUG CHOG PA'I GSOL 'DEBS SHIG DGOS ZHES DKA' CHEN BLO BZANG MCHOG GRUB KYIS BSKUL BA LTAR SMRAS PA'O, ,` NA MO GU RU MANYDZU GHO sh'A YA, 'DIR SKAL LDAN GYI SKYES BU RJE BTZUN BLA MA'I RNAL 'BYOR LA BRTEN NAS MCHOG THUN MONG GI DNGOS GRUB BSGRUB PAR 'DOD PAS, SKYABS 'GRO SEMS SKYED TSAD MED BZHI BSGOM PA SNGON DU BTANG STE, RANG NYID DPAL RDO RJE 'JIGS BYED YUM BCAS SAM RANG GI LHAG PA'I LHA GANG YIN DU GSAL BTAB, DON BSGOM BZHIN PAS 'DI LTAR GDON PAR BYA STE, ` RANG NYID LHAR GSAL THUGS KA'I SA BON LAS, ,'OD 'PHROS SNOD BCUD SDIG PA'I SKYON KUN SBYANGS, ,RNAM DAG YON TAN TSOGS DANG LEGS LDAN PA'I, ,RMAD BYUNG DAG BA'I ZHING DU BYIN BRLABS GYUR, ,DNGOS SU BSHAMS

DANG YID KYIS SPRUL PA LAS, ,LEGS PAR BYUNG BA'I KUN BZANG MCHOD PA'I SPRIN, ,RAB 'BYAMS 'CHI MED LAM KUN YONGS GANG BA, ,ZAG MED YE SHES BDUD RTZI'I NGO BOR GYUR, AOm A'A:H'Um, LAN GSUM BRJOD PAS BYIN GYIS BRLAB, RANG MDUN SMIN MTSAMS THAD DRANG MKHA' DBYINGS DBUS, ,RIN CHEN 'OD 'BAR NOR BU'I KHRI 'PHANG RTZER, ,PADMA NYI ZLA'I DKYIL 'KHOR RGYAS PA'I STENG, ,RGYAL KUN NGO BO GSUM LDAN BLA MA MCHOG ,RNAM PA DUR SMRIG 'DZIN PA'I DGE SBYONG TSUL, ,SKU MDOG DKAR DMAR DGYES PA'I 'DZUM ZHAL CAN, ,PHYAG G-YAS CHOS 'CHANG G-YON PA TING 'DZIN GYI, ,PHYAG RGYA'I STENG DU DRANG SRONG SNOD MCHOG 'DZIN, ,GSER SBYANGS BTZO MA'I MDANGS LDAN PAn ZHVA GSOL, ,YID 'OD CHOS GOS GSUM GYIS RNAM PAR KLUBS, ,NYI 'BUM 'OD 'PHROG DBANG GZHU'I GUR KHANG DBUS, ,ZHABS GNYIS RDO RJE'I SKYIL MO KRUNG GIS BZHUGS, ,GNAS GSUM RDO RJE GSUM MTSAN THUGS KA YI, ,SA BON LAS 'PHROS 'OD KYIS RANG BZHIN GNAS, ,'OG MIN BDE BA CAN SOGS ZHING MCHOG NAS, ,DNGOS DANG BRGYUD PA'I BLA MA YI DAM LHA, ,SANGS RGYAS BYANG SEMS DPA' BO DPA' MO DANG, ,MKHA' 'GRO CHOS SKYONG BSRUNG MA'I TSOGS MA LUS, ,SPYAN DRANGS DZA:H'Um BAm HO:DAM TSIG PAR, ,DGYES SHING THIM NAS DBYER MED BRTAN PAR BZHUGS, ,CHOS PHUNG BRGYAD KHRI BZHI STONG 'BYUNG BA'I SGO, ,'DI PHYI'I LEGS TSOGS THAMS CAD STZOL BA'I GZHI, ,NGAN SONG 'JIGS LAS SGROL BA'I DPA' BO CHE, ,DKON MCHOG GSUM DNGOS KHYOD LA PHYAG 'TSAL LO, ,DNGOS BSHAMS YID SPRUL MCHOD TSOGS MA LUS 'BUL, ,THOG

, ,MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA RJES YI RANG, ,'GRO LA CHOS KYI 'KHOR LO BSKOR BA DANG, ,'KHOR BA MA STONGS BAR DU BZHUGS GSOL 'DEBS, ,BDAG GZHAN DGE RNAMS BYANG CHUB CHEN POR BSNGO, ,DE LTAR BDUN RNAM DAG PHUL NAS, GDUNG SHUGS DRAG POS, RAB 'BYAMS RGYAL BA KUN GYI NGO BO NYID, ,RMAD BYUNG DAM CHOS BDUD RTZI 'BYUNG BA'I GNAS, ,'PHAGS TSOGS DGE 'DUN GYI GTZUG GI RGYAN, ,SLU MED SKYABS KYI DAM PAR GSOL BA 'DEBS, ,MTHONG THOS YID LA DRAN PA TZAM GYIS KYANG, ,MI 'DOD RGUD PA MTHA' DAG ZHI MDZAD CING, ,TSUL BZHIN BSTEN NA MCHOG THUN DNGOS GRUB KUN, ,STZOL MDZAD RJE BTZUN BLA MAR GSOL BA 'DEBS, ,BDAG SOGS MKHA' MNYAM 'GRO BA MTHA' DAG GI ,DBUGS 'BYIN SKYABS GNAS KUN 'DUS RIN PO CHE, ,GSUM LDAN DUR SMRIG 'CHANG BA'I TSUL 'DZIN PAR, ,GSOL BA 'DEBS SO RJE BTZUN MKHYEN PA'I GTER, ,THOG MED DUS NAS THA MA DA LTA'I BAR, ,MA RIG 'KHRUL BAS BSKYED BA'I 'KHOR BA PA, ,BDAG CAG LAS NYON SDUG BSNGAL RGYA MTSO LAS, ,DED DPON BSHES GNYEN MCHOG GIS BSGRAL DU GSOL, ,'DI SNANG 'GAGS SHING RNAM SHES BAR MA'I TSE, ,BLA MA'I GDAMS NGAG MA LUS DRAN PA DANG, ,SKU GSUM YE SHES LNGA LDAN BDE CHEN DU, ,SEMS NYID RANG NGO 'PHROD PAR BYIN GYIS RLOBS, ,'DOD CHAGS ZHE SDANG GTI MUG DBANG DAG GIS, ,THOG MED DUS NAS BSAGS PA'I MI DGE'I 'BRAS, ,YANG DAG LAM GYI GEGS RKYEN SDIG SGRIB TSOGS, ,MA LUS BYANG ZHING DAG PAR BYIN

GYIS RLOBS, ,MGON KHYOD THUGS RJE'I 'OD DKAR 'BUM PHRAG GIS, ,BDAG BLO'I MI RIG MUN PA KUN BSAL NAS, ,JI SNYED SHES BYA'I GNAS KUN RTOGS BA SOGS, ,BLA MA KHYED RANG LTA BUR BYIN GYIS RLOBS, ,DE LTAR GSOL BA BTAB PAS BLA MA YI, ,SKU GSUNG THUGS KYI RDO RJE GSUM DANG NI, ,SKU YI CHA SHAS KUN NAS BDUD RTZI'I RGYUN, ,BYUNG NAS RANG GI SGO GSUM LUS LA THIM, ,SGRIB BZHI BYANG ZHING RNAM NGAG DBANG BZHI THOB, ,SKU BZHI MNGON GYUR BLA MA GNYIS PA ZHIG ,DGYES SHING THIM PAS BSGOMS PA DANG 'DRA BA'I, ,BLA MA DAM TSIG SEMS DBANG BDAG NYID GYUR, ,SNYING KHA PAD 'DAB BRGYAD DBUS NYI ZLA'I STENG, ,RANG SEMS MAR ME DVANGS PA LTAR GNAS LA, ,BLA MA GNYIS PA ZHIG THIM YONGS GYUR LAS, ,YE SHES SEMS DPA' BLA MA RGYAL KUN DNGOS, ,RNAM PA DUR SMRIG 'DZIN PA'I DGE SLONG TSUL, ,DKAR DMAR MDANGS CHAGS MDZES SKU 'DZUM ZHAL LDAN, ,PHYAG G-YAS CHOS 'CHAD G-YON PA MNYAM BZHAG STENG, ,BDUD RTZIS GANG BA'I LHUNG BZED BZANG PO BSNAMS, ,BLA GOS GSUM DANG GSER MDOG PAn ZHVAS MDZES, ,THUGS KAR NYI ZLA'I DKYIL 'KHOR RGYAS PA'I STENG, ,TING 'DZIN SEMS DPA' H'Um YIG MTHA' SKOR DU, ,BZLAS BYA'I SNGAGS KYI 'PHRENG BAS BSKOR BA LAS, ,'OD ZER DU MA PHYOGS BCUR RAB 'PHROS PAS, ,SNOD BCUD SKYON SBYANGS BCUD RNAMS BLA MA LHA'I, ,GO 'PHANG LA BKOD SLAR YANG 'OD ZER GYI, ,SNE LAS MCHOD PA'I LHA MO DPAG MED SPROS, ,RAB 'BYAMS PHYOGS BCU'I RGYAL BSRAS BCAS DANG, ,RIGS DRUG BLA MA LHAR GSAL THAMS CAD MCHOD, ,TSUNG 'DUS THUGS KA'I SNGAGS 'PHRENG H'Um LA THIM,

, ,BDUD RTZI'I RGYUN BABS THOG MED NAS BSAGS PA'I, ,SGO GSUM SGRIB GNYIS BAG CHAGS LA SOGS PA, ,LAM BZANG SGRUB PA'I GEGS RKYEN THAMS CAD DAG ,TSE DANG BSOD NAMS BSLAB GSUM LUNG RTOGS SOGS, ,PHUN TSOGS YON TAN THAMS CAD RGYAS PAR GYUR, PAR BSAMS LA RANG DANG RIGS DRUG BLA MA LHAR GSAL BA THAMS CAD KYIS BZLA BAR MOS NAS BLA MA'I MTSAN SNGAGS CI 'GRUB BZLA, YIG BRGYAS LHAG CHAD BSKANG, MA RNYED YONGS SU MA SHES DANG SOGS KYIS BZOD PAR GSOL, SLAR YANG MDUN GYI BLA MA LA GDUNG SHUGS DRAG POS, RAB 'BYAMS RGYAL BA KUN GYI NGO BO NYID, CES SOGS SHO LO KA GCIG GIS GSOL BA BTAB, DE LTAR GSOL BA BTAB PAS BLA MA YI, ,THUGS KA'I SA BON LAS 'PHROS 'OD ZER GYIS, ,DAG PA'I SNOD BCUD THAMS CAD 'OD BSDUS NAS, ,DGYES PA CHEN POS RANG GI SPYI BOR BYON, ,DH'U T'I NANG BRGYUD YE SHES SEMS DPA' LA, ,THIM PAS DE NYID BDAG SNYING ZAM TOG ,'JA' 'OD GUR KHYIM 'BAR BA'I DBUS NYID DU, ,DGYES SHING BSOD NAMS ZHING GI DAM PAR BZHUGS, ,SKYE BA KUN TU LANG DAG BLA MA DANG, ZHES SOGS DANG, 'DIS MTSON DUS GSUM SKYE 'PHAGS THAMS CAD KYIS, ,RNAM DKAR PHUNG PO JI SNYED BSAGS PA'I MTHUS, ,DPAL LDAN BLA MA'I GO 'PHANG MCHOG THOB NAS, ,'GRO KUN BYANG CHUB GNAS LA 'GOD PAR SHOG ,GO 'PHANG MCHOG DE TSE 'DIR MTHOB NA, ,'CHI TSE BLA MA RGYAL BA SRAS BCAS KYIS, ,NGO MTSAR LTAS BZANG MANG PO'I BSU BA BCAS, ,BDE LDAN ZHING DU THOGS MED 'JUG PAR SHOG ,DER NI RIN CHEN

PADMO'I ZE'U 'BRU LA, ,RDZUS TE SKYES NAS SRAS BCAS RGYAL BA YI, ,ZHAL MTHONG THEG MCHOG CHOS KYI DGA' STON LA, ,SPYOD PA'I SKAL BA BZANG POR BDAG 'GYUR SHOG ,SLAR YANG 'GRO KUN SRID LAS BSGRAL BYA'I PHYIR, ,MDAG ZHING DU SKYE SRID LEGS BZUNG NAS, ,GANG LA GANG 'DUL SPRUL PA'I ZLOS GAR GYIS, ,'GRO KUN SGROL LA ZHUM PA MED PAR SHOG ,CES DANG, GZHAN YANG LONG SKABS DANG BSTUN PA'I BZANG PO SPYOD PA LA SOGS PA'I SMON LAM GDAB CING, DUS RGYUN DU CI ZA CI 'THUNG PHUD KYIS SNYING KHA'I BLA MA LA MCHOD CING GSOL BA 'DEBS PA DANG, RGYAL BA KUN 'DUS KYI NGO BO GSUM LDAN DUR SMRIG 'DZIN PA'I BLA MA DE NYID NGA'O SNYAM PA'I GSAL SNANG DANG MA BRAL BAR BYA ZHING, SLAR YANG GONG LTAR GSAL BTAB NAS THUN GYI NGO BO SKYONG BA SOGS RNAL 'BYOR GYI RIM PA LA 'BAD PAR BYA'O, ,ZHES 'DI PHYI'I LEGS TSOGS THAMS CAD STZOL BA'I BLA MA'I RNAL 'BYOR SNYING GI ZE'U 'BRUM ZHES PA 'DI LTA BU ZHIG DGOS ZHES SHAR RTZE ZHAL SNGA NAS BLO BZANG MGON PO'I GSUNG GIS YANG YANG BSKUL BA LA BRTEN NAS, CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O, ,'DIS KYANG 'GRO BA RNAMS BLA MA LHA'I GO 'PHANG THOB PA'I RGYUR GYUR CIG ,MANG+GA LAm,, ` SPYAN 'DREN GYI MGOR, CHOS DBYINGS BDE BA CHEN PO'I NGANG NYID NAS, ,DBANG GI NGANG BZHIN SNA TSOGS SPRUL PA'I GAR, ,'PHRIN LAS SGRUB PHYIR DRAG PO'I SKUR STON PA, ,MTHU LDAN RDZONG BTZAN CHEN PO GNAS 'DIR GSHEGS, ,GNAM LCAGS SER CHEN 'BEBS PA'I G-YU 'BRUG LDIR, ,KLU CHEN RAB DKAR BRANG 'GRO'I GDENGS KA CAN, ,DGRA BGEGS SROG LA RNGAMS PA'I CE SPYANG TSOGS, ,SPYAN 'DREN

, ,MCHOD PA'I GNAS 'DIR GSHEGS SU GSOL, BSKANG GI MJUG TU BSKUL NI, SNGON TSE SLOB DPON PADMA 'BYUNG GNAS KYIS, ,BKA' BSGOS GNYER GTAD DAM LA LEGS BZHAG PA'I, ,RANG GIS KHAS BLANGS DAM TSIG RJES DGONGS LA, ,MTHU DPUNG BSKYED LA BCAL BA'I LAS KUN SGRUBS, ,ME DPUNG DMAR NAG 'BAR BA'I DKYIL 'KHOR NA, ,CHOS SKYONG BTZAN RGOD DRAG PO'I SKUR STON PA, ,'JIGS RUNG BDUD SDE 'JOMS PA'I DMAG TSOGS KYIS, ,BSTAN BSHIG CHOM RKUN 'DI DAG MYUR DU SGROL, ,DKON MCHOG RIN CHEN GSUM GYI DBU 'PHANG SMAD, ,RGYAL DANG 'JAM MGON BSTAN PA'I RTZAB BSHIG ,RNAL 'BYOR DPON SLOB YONGS LA 'TSE BYED PA'I, ,ZHING BCU TSANG BA'I DAM NYAMS DGRA BGEGS SGROL, ,KHYAD PAR DGON GNAS DGE 'DUN BCAS PA LA, ,GNOD CING 'TSE BAR BYED PA'I DGRA BGEGS KYI, ,LEGS TSOGS KUN KHROL SNYING KHRAG HUB GCIG GIS, ,'DREN MDZAD CHOS SKYONG 'KHOR BCAS LAS LA CHOS, ,BSTAN LA GNOD CING SEMS CAN YONGS LA 'TSE, ,RNAL 'BYOR CHOS LDAN BZHED BA BSGRUB PA LA, ,LOG PAR LTA BA'I MI DANG MI MIN RNAMS, ,MNGON SPYOD LAS KYIS DA LTA TSAR CHOD MDZOD, ,BSTOD PA'I MGO RU, ,BSKAL PA'I ME DPUNG 'BAR 'DRA'I DBUS NYID NA, ,RIN CHEN SGA SRAB KYIS SPRAS RTA MCHOG STENG, ,PAD R'AG MDANGS CHAGS 'JIGS RUNG SRIN PO'I GZUGS, ,KHROS PA'I SPYAN ZLUM DMAR PO 'KHRUG LA BSTOD, ,ZHAL GDANGS MCHE GTZIGS LJAGS KYI GLOG 'PHRENG 'KHYUG ,DGRA BGEGS SNYING LA BSNUN PA'I SHUGS DRAG MDUNG, ,BCAN ZHAGS DMAR PO DAM NYAMS SKYE LA 'DEBS, ,SRA BRTAN

BTZAN PO'I GO GYON KHYOD LA BSTOD, ,DRAG PO'I BZHAD SGRAS GDUG CAN DGRA BO'I SNYING, ,CIG CAR 'GAS PA KHYOD KYI SNYAN GRAGS RNAMS, ,SA STER KUN KHYAB RNAL 'BYOR BDAG CAG GI ,BSTAN SRUNGS GTZO BO KHYOD LA GUS PAS 'DUD, ,KHYOD NYID BSTEN NAS RBAD CING BSKUL BA YIS, ,YID LA GNAG PA'I SEMS 'CHANG DGRA BGEGS KUN, ,MING MED SKAD CIG NYID LA RLAG BYED PA'I, ,MTHU STOBS RDZU 'PHRUL THOGS MED MNGA' LA BSTOD, ,KHYOD NYID SGRUB CING MCHOD NI RA 'DOD SOGS, ,LHUN GRUB RGYUN MI 'CHAD PA'I DNGOS GRUB KUN, ,STZOL MDZAD RIN CHEN DBANG GI RGYAL PO BZHIN, ,'DOD DGU'I CHAR 'BEBS MDZAD LA BSTOD PAR BGYI, ,BKA' NYAN SPRUL PA G-YU 'BRUG THOG 'BEBS DANG, ,CI 'DOD RE BA SKONG BA'I KLU RGYAL MCHOG ,DGRA BGEGS SROG LA RGOL BA'I CE SPYANG TSOGS, ,'PHRIN LAS THOGS MED SGRUB MDZAD RNAMS LA BSTOD, ,BKA' NYAN GNAM SA BAR SNANG KHYON GANG BA'I, ,LHA KLU BCAN DANG SRIN PO'I GZUGS 'DZIN PA, ,DKAR PHYOGS SKYONG BA'I MTHU LDAN BSRUNG TSOGS LA, ,DUS GSUM RTAG TU MCHOD CING BSTOD PAR BGYI, ZHES SNGA GONG NAS CHOS SKYONG RDZONG BTZAN PA'I MCHOD GTOR 'BUL CHUL BGYIS PA'I SPYAN 'DREN BSTOD PA'I MTSAMS SU BCUG CHOG PA'I RGYAS TZAM ZHIG DANG, BSKUL ZHIG KYANG DGOS ZHES DRUNG RAM BA BLO BZANG DGE LEGS KYIS NAN GYIS BSKUL NGOR CHOS SMRA BA'I BTZUN PA BLO BZANG YE SHES KYIS SMRAS PA SARBA DZA GA TAm,, ` NA MO GU RU MANYDZU GHO sh'A YA, RLABS CHEN TSOGS GNYIS 'BRU KUN SKYE BA'I MA', ,MNGAL KHUR LAS 'THON BSLAB GSUM RTZA BA BRTAN, ,RIM GNYIS 'BRAS BU'I KHUR GYIS LEGS DUD PA'I, ,

, ,YONGS 'DZIN DPAG BSAM DBANG POR BDAG GSOL 'DEBS, ,DENG NAS SKYE ZHING SKYE BA'I TSE RABS 'PHRENG, ,MGON KHYOD THUGS RJE'I SRAD BUS MI BTANG BAR, ,MI KHOM SDUG BSNGAL GNAS LAS PHYIR BZLOG STE, ,RNYED DKA'I DAL 'BYOR RTEN BZANG THOB PAR SHOG ,DE THOB NAS KYANG MGON PO KHYOD NYID KYI, ,GSUNG GI BDUD RTZI NGOMS MED SPYOD PA DANG, ,MDO SNGAGS ZAB DON GSANG BA KUN 'DZIN PA'I, ,SKAL BZANG SRAS KYI THU BOR 'GYUR BAR SHOG ,NAM ZHIG KA L'A BA YI PHO BRANG CHER, ,GNYIS MED STON PA BZHI LDAN RGYUD LAM LA, ,BRTEN NAS 'GRO KUN SMIN GROL LAM 'GOD TSE, ,GSUNG GI BGO SKAL THOG MA NYID THOB SHOG ,DE LTAR THOB NAS GRANGS MED BSKAL PA RU, ,TSOGS GSOG LTOS PA MED PAR TSE DE LA, ,RNAM DAG DAM TSIG SDOM PA NYER BRTAN NAS, ,ZUNG 'JUG SKU BRNYES 'GRO KUN SGROL BAR SHOG ,CES CHOS MDZAD BLO BZANG BSOD NAMS KYIS RGYUN DU KHA TON BYAS CHOG PA'I SMON TSIG CIG DGOS ZHES NAN GYIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA SARBA JA GA TAm,, ,, ` NA MO GU RU BADZRA DHA R'A YA, RANG CAG RNAMS KYIS RNYED PAR DKA' ZHING RNYED NA DON CHE BA'I DAL 'BYOR CHED PA'I MI LUS KHYAD PAR CAN THOB PA'I DUS 'DIR TSE 'DI DON MED DU MI BTANG BAR SKYE BA GTAN GYI MDUN MA BSGRUB DGOS SHING, DE YANG THAR 'DOD RNAMS KYIS RANG LA LAM PHYIN CI MA LOG PAR STON PA'I DGE BA'I BSHES GNYEN MTSAN NYID TSANG BA BSTEN DGOS, DE NYID MCHOD CING BSNYEN BKUR BA SOGS SLOB MA'I TSOGS BSAG SGRIB SBYONG GI ZHING DU SANGS RGYAS KUN LAS KYANG LHAG PAR GSUNGS TE, SDOM 'BYUNG LAS, 'DI NI

RANG BYUNG BCOM LDAN 'DAS, ,LHAG PA'I LHA NI GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES DANG, YE SHES THIG LE LAS, BLA MA'I ZHAL SNGA MCHOD BYAS NA, ,CI 'DOD PA YI DNGOS GRUB THOB, CES GSUNGS PA LTAR RJE RDO SLOB DPON DNGOS GRUB KYI 'BYUNG GNAS DAM PAR SHES SHING YID CHES PA'I SGO NAS, SEMS CAN THAMS CAD KYI DON DU BDAG GIS TSE 'DI NYID LA MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU LAM ZAB MO BLA MA LHA'I RNAL 'BYOR NYAMS SU BLANG PAR BGYI'O SNYAM PA'I DGE SEMS KHYAD PAR CAN BSKYED PA'I NGANG NAS, SKYABS 'GRO SEMS SKYED TSAD MED BZHI BLO 'KHRUL NGES BSGOM PA SNGON DU BTANG NAS, RANG NYID DPAL GSANG BA 'DUS PA SOGS YI DAM GANG MOS KYI NGA RGYAL GSAL SNANG DANG LDAN PA'I THUGS KA'I SA BON LAS 'OD ZER PHYOGS BCUR 'PHROS PAS SNOD BCUD KYI MA DAG PA'I NYES SKYON SBYANGS, SNOD THAMS CAD GZHAL YAS KHANG DANG, BCUD RNAMS LHA DANG LHA MO'I RANG BZHIN DU GYUR BAR BSAM ZHING, NANG MCHOD RDZAS RNAMS BLA MED LTAR GYI CHO GAS BYIN GYIS BRLABS, DE NAS YID MA YENGS PAR DMIGS PA BRTAN POS, ` MDUN GYI NAM MKHAR 'JIGS MED SENG CHEN GYIS, ,BTEG PA'I 'OD 'BAR RIN CHEN KHRI 'PHANG RTZER, ,SNA TSOGS CHU SKYES 'DAB 'BUM MANG BZHAD DBUS, ,'DAB BZHI LTE BA GSAR DANG LDAN PA'I, ,LTE BAR NYI ZLA'I DKYIL 'KHOR RGYAS PA'I STENG, ,RTZA BA'I BLA MA SKYABS GSUM KUN 'DUS DNGOS, ,SPRUL SKU DUR SMRIG 'DZIN PA'I DGE SLONG TSUL, ,ZHAL GCIG PHYAG GNYIS DGYES PA'I 'DZUM DKAR 'PHRO, ,PHYAG G-YAS CHOS STON G-YON PA MNYAM GZHAG

, ,STENG, ,'CHI MED BDUD RTZIS GANG BA'I LHUNG BZED BSNAMS, ,ZHVA SER COD PAN CHOS GOS GSUM GYIS KLUBS, ,MTSAN BZANG DPE BYAD BRGYAD CU'I ME TOG BKRA, ,'JA' 'OD GUR DBUS RDO RJE'I SKYIL KRUNG BZHUGS, ,BKA' DRIN GSUM LDAN MGON PO KHYOD NYID KYI, ,PHUNG KHAMS SKYE MCHED RTZA RGYUS TSIGS RNAMS LA, ,BDE GSHEGS RIGS LNGA YUM BZHI RGYAL SRAS BRGYAD, ,YAN LAG KHRO DBANG BA SPU DGRA BCOM DNGOS, ,'OD ZER PHYOGS SKYONG GNOD SBYIN GSANG BA PA, ,MTHA' SKOR RIM BZHIN CHU SKYES ZLA NYI'I STENG, ,DNGOS DANG BRGYUD PA'I BLA MA'I TSOGS RNAMS DANG, ,YI DAM DKYIL 'KHOR 'KHOR LO'I LHA YI TSOGS, ,SANGS RGYAS BYANG SEMS NYAN RANG DPA' BO DANG, ,DPA' MO MKHA' 'GRO BSTAN SRUNGS BKA' SDOD BCAS, ,RANG RANG 'KHOR TSOGS RGYA MTSOS BSKOR NAS BZHUGS, ,DE DAG SGO GSUM 'BRU GSUM GYIS MTSAN PA'I, ,THUGS KA'I SA BON LAS 'PHROS 'OD ZER GYIS, ,DPAG MED DAG PA'I ZHING KHAMS RGYA MTSO NAS, ,YE SHES SEMS DPA'I TSOGS RNAMS SPYAN 'DREN NA, ,SGRIB BRAL SKU BZHI'I BDAG NYID BLA MA LHA, ,SANGS RGYAS BYANG SEMS YI DAM CHOS SRUNGS SOGS, ,BDAG CAG 'GRO LA THUGS RJES BRTZER DGONGS LA, ,'DIR GSHEGS DZA: H'Um BAm HO: GNYIS MED GYUR, ,DKON MCHOG RIN CHEN RNAM GSUM 'DUS PA'I SKU, ,MA LUS CHOS PHUNG LHANG LHANG 'DOMS PA'I GSUNG, ,LNGA BDO'I 'GRO LA BRTZE BA'I THUGS MNGA' BA, ,DRIN CAN BLA MA'I ZHABS LA PHYAG 'TSAL LO, ,AOm A'A:GU RU BADZRA DHA RA SARBA TA TH'A GA TA AARGHAm NAS, SPARSHA PRA T'ITZTSA H'Um SV'AH'A, AOm A'A:GU RU BADZRA DHA RA SARBA TA TH'A GA TA AOm A'A:H'Um GIS NANG MCHOD 'BUL ZHING MAndAL

YANG DBUL, THOG MED DUS NAS NYES LTUNG SDIG PA'I TSOGS, ,BGYIS DANG BGYID LA YI RANG BGYIS PA SOGS, ,MI 'CHAB BLA MA LHA TSOGS SPYAN SNGA RU, ,BSHAGS SHING SROG GI PHYIR YANG MI BGYID SDOM, ,PHYOGS BCUR BZHUGS PA'I BLA MA 'JIG RTEN 'DUL SRAS DANG BCAS PA'I TSOGS GNYIS ZAB PA DANG, ,NYAN RANG SO SKYES BSKRUN PA'I DGE TSOGS LA, ,RNAM DAG BSAM PAS RJES SU YI RANG NGO, ,MAR GYUR MKHA' MNYAM 'GRO BA MTHA' DAG LA, ,RANG RANG BLO YI BSAM PA DANG MTSUNGS PA'I, ,PHAN DANG BDE BA'I 'BYANG GNAS DAM PA CHE, ,ZAB RGYAS CHOS KYI 'KHOR LO BSKOR DU GSOL, ,NYES LTUNG SGRIB GNYIS BAG CHAGS GTAN SPANGS SHING, ,BSLAB GSUM BYANG CHUB SEMS KYIS RNAM PAR MDZES, ,LUNG RTOGS YON TAN DU MA'I MNGA' BDAG MCHOG ,MYA NGAN MI 'DA' SRID MTHAR BZHUGS SU GSOL, ,'DIS MTSON DGE BA DUNG DANG PAD RTZA LTAR, ,RAB TU DKAR BA JI SNYED BSAGS PA'I MTHUS, ,DPAL LDAN BLA MAS 'BRAL MED RJES 'DZIN CING, ,KHA SBYOR BDUN LDAN GO 'PHANG THOB PHYIR BSNGO, ZHES YAN LAG BDUN PA PHUL, DE NAS BLA MA'I BKA' DRIN DRAN PA DANG, SKYABS GNAS BSLU BA MED PA DKON MCHOG GSUM 'DUS PA'I BDAG NYID DU BSAMS LA, GDUNG SHUGS DRAG PO'I SGO NAS, PHUL BYUNG DGE LEGS DU MAS BSKRUN PA'I SKU, ,'GRO KUN SMIN GROL LAM LA 'GOD PA'I GSUNG, ,SHES BYA JI LTA JI BZHIN 'JIGS PA'I THUGS, ,GSANG GSUM RGYAN GYI 'KHOR LOR GSOL BA 'DEBS, ,BSLAB GSUM RNAM PAR DAG PA'I RGYA MTSO CHE, ,RLABS CHEN TSOGS GNYIS RIN CHEN NOR GYIS PHYUG ,DON GNYIS LHUN GRUB GZHAN DON RLABS 'PHRENG G-YO, ,RIN

, ,CHEN 'BYUNG GNAS KHYOD LA GSOL BA 'DEBS, ,SNGON BYON RGYAL BA RNAMS KYIS BTANG SNYOMS SU, ,BZHAG PA'I LNGA BDO'I SKYE RGYU MTHA' DAG LA, ,THAR PA'I LAM BZANG GSAL BAR STON MDZAD PA'I, ,MTSUNGS MED BLA MA MCHOG LA GSOL BA 'DEBS, ,BDAG TU 'DZIN PA 'KHOR BA'I MUN KHANG DU, ,THOG MED DUS NAS 'KHYAMS PA'I NYAM THAG 'GROR, ,BDAG MED GNAS LUGS SGRON ME'I LAM STON MKHAN, ,GSOL BA 'DEBS SO RJE BTZUN MKHYEN PA'I GTER, ,GANG GI PHUNG KHAMS SKYE MCHED YAN LAG SOGS, ,BDE GSHEGS RIGS LNGA ZHI KHRO'I LHA TSOGS TE, ,RAB 'BYAMS DKYIL 'KHOR LO'I NGO BO NYID, ,GSOL BA 'DEBS SO GSUM LDAN GSANG SNGAGS RGYAL, ,BYIN GYIS RLOBS SHIG BLO BZANG DANG PO'I MGON, ,BDAG SOGS MKHA' MNYAM MAR GYUR 'GRO KUN GYI, ,'DI PHYI BAR DE'I 'KHRUL SNANG SDUG BSNGAL RNAMS, ,MGON KHYOD THUGS RJES DA LTA BSKYAB TU GSOL, ,DE LTAR GSOL BTAB MTHU LAS BLA MA YI, ,SPYI BO'I AOm LAS BDUD RTZI'I RGYUN BYUNG BA, ,SPYI BOR THIM PAS LUS GANG DRI MA DAG ,BUM DBANG THOB CING SKU YI BYIN RLABS ZHUGS, ,MGRIN PA'I A'A:LAS BDUD RTZI'I RGYUN BYUNG BA, ,MGRIN PAR THIM PAS LUS KYI NANG GANG ZHING, ,NGAG GI SDIG SGRIB THAMS CAD BYANG ZHING DAG ,GSANG DBANG THOB CING GSUNG GI BYIN RLABS ZHUGS, ,THUGS KA'I H'Um LAS BDUD RTZI'I RGYUN BABS PA, , SNYING KHAR THIM PAS LUS KYI NANG KHENGS SHING, ,YID KYI SDIG SGRIB THAMS CAD BYANG ZHING DAG ,SHER DBANG THOB CING THUGS KYI BYIN RLABS ZHUGS, ,BLA MA'I GNAS GSUM SKU YI CHA SHAS LAS, ,BDUD RTZI DKAR DMAR MTHING KHA DPAG MED BYUNG, ,RANG GI GNAS GSUM LUS

KYI CHA RNAMS KHENGS, ,THOG MED NAS BSAGS SGRIB GNYIS MA LUS BYANG, ,TSIG GI DBANG THOB BLA MA'I SKU GSUNG THUGS, ,YON TAN 'PHRIN LAS BCAS PA'I BYIN RLABS ZHUGS, ,BLA MA GNYIS PA ZHIG BYON SPYI BOR THIM, ,SGO GSUM SKU GSUNG THUGS DANG DBYER MED GYUR, DE LTAR DMIGS PA DANG BCAS PAS GSOL BA BTAB PAS RANG NYID BLA MA RDO RJE 'CHANG DU DNGOS GNAS LA GYUR SONG SNYAM PA'I NGA RGYAL DANG GSAL SNANG BRTAN PO'I SGO NAS SNYING KHAR PAD NYI'I STENG DU H'Um YIG GI MTHAR SNGAGS 'PHRENG GIS BSKOR BA LA SPRO BSDU'I DMIGS PA DANG LDAN PAS BLA MA'I MTSAN SNGAGS BZLA ZHING, MJUG TU PAn CHEN BLO BZANG CHOS KYI RGYAL MTSAN GYIS MDZAD PA'I BAR DO GSOL 'DEBS SOGS DANG, CHOGS ZHING RNAMS RIM GYIS BSDUS NAS MTHAR BLA MA RANG LA BSTIM, SKYE BA KUN TU YANG DAG BLA MA DANG ZHES SOGS BSNGO BA SMON LAM BKRA SHIS RGYAS BSDUS CI RIGS PA BYA'O, ,ZHES 'DI BAS MTHA'I RI KHROD PA, ,BKRA SHIS GLING PA DGE SLONG SPYIS, ,YANG YANG NAN CHER BSKUL BA'I NGOR, ,BLO BZANG YE SHES ZHES BYAS SMRAS, ,'DIS MTSON DUS GSUM SKYE 'PHAGS KYI, ,MDZAD PA SMON LAM PHUL BYUNG BA'I, ,PAD RTZA LTAR DKAR DGE TSOGS KUN, ,'GRO KUN BYANG CHEN THOB PHYIR BSNGO, ,GSUM LDAN BLA MA GANG+G'A'I YAB, ,GDAMS NGAG CHU BO'I 'BYUNG GNAS LAS, ,THUGS RJE'I BYIN RLABS RGYAN BZANG PO, ,GDUL BYA'I RGYA MTSOR RTAG 'BAB SHOG, SARBA MANG+GLAm,, ,, ` AOm SVASTI, PHUN TSOGS BLO GROS BZANG PO'I MKHA' DBYINGS LAS, ,YE SHES 'OD KYI DRA BA STONG SPROS NAS, ,GDUL BYA'I MA RIG MUN PA SEL BA'I MGON, ,BGRANG YAS BSKAL PAR NUB MED RTAG BRTAN GSOL, ,MCHOG GSUM BYIN RLABS BSTAN SRUNGS RGYA MTSO

, ,YI, ,MTHU DANG DAD LDAN GDUL BYAS GSOL BTAB KYI, ,RTEN 'BREL RGYU LAS MAR GYUR 'GRO BA'I MGON, ,MI 'GYUR RDO RJE'I KHRI LA G-YO MED SHOG ,BDAG KYANG SKYE ZHING SKYE BA THAMS CAD DU, ,DGE BA'I BSHES DANG NAM YANG MI 'BRAL ZHING, ,BKA' BZHIN SGRUB BAS SPYI BOR BSTEN PA DANG, ,DAM CHOS BDUD RTZI'I DPAL LA LONGS SPYOD SHOG ,DUS DANG GNAS SKABS DAG NI THAMS CAD DU, ,'THAB RTZOD DBUL PHONGS DUS MIN 'CHIB SOGS, ,MI MTHUN KUN ZHI TSE BSOD RGYAS PA DANG, ,KUN MKHYEN RGYAL BA'I GO 'PHANG MYUR THOB SHOG ,YANG DAG RDZOGS SANGS RGYAS DANG DE YI GSUNG, ,TSUL BZHIN BSGRUB PA RGYAL SRAS RGYA MTSO YI, ,RLABS CHEN TSOGS GNYIS BYIN RLABS SLU MED MTHUS, ,YID SMON JI BZHIN 'GRUB PA'I BKRA SHIS SHOG ,CES PA 'DI NI KHANG CHEN NAS PADMA TSE RING GIS RGYUN GYI KHA TON 'DI LTA BU ZHIG DGOS ZHES NAN GYIS BSKUL BA LTAR CHOS SMRA BA'I BTZUN PA BLO BZANG YE SHES KYIS SBYAR BA'O, ,MANG+GLAm,, ` SVASTI, SH'AKYA'I RING LUGS MKHAR 'PHAGS BLO GROS KYI, ,SNANG BAS GSUNG RAB 'DAB BRGYA'I TSAL PHYE ZHING,, LEGS BSHAD SPRANG RTZIS SKAL LDAN BUNG BA'I TSOGS, ,YANG DAG TSIM BAR MDZAD LA GSOL BA 'DEBS, ZHES PA 'DI YANG LDANG CHEN BLA MA SH'AKYA BLO GROS KYI GSOL 'DEBS SU DRUNG RAM PA BLO BZANG TSE RING GIS BSKUL BA LTAR BTZUN PA BLO BZANG YE SHES KYIS BGYIS PA'O,, ` SVASTI, SA GSUM 'GRO BA'I GNYEN GCIG BLA MA MCHOG ,SRID MTHAR ZHABS BRTAN RTEN CING 'BREL 'BYUNG DU, ,RAB DMIGS RTZA BRGYUD BLA MA YI DAM LHA, ,BSTAN SRUNGS RGYA MTSO'I GRA THANG GZI 'BAR BA, ,PHYOGS KYI GRANGS LDAN SDOM BRTZON DKA' BCU BA, ,

BLO BZANG 'PHRIN LAS PHU NU'I LHAG BSAM DANG, ,PHYIS SKYES BLO BZANG RNAM RGYAL SOR MO YI, ,ZLOS GAR LAS BSKRUN RNAM DKAR DGE BA'I MTHUS, ,BDUD DPUNG KUN GZHOM DKAR PHYOGS STOBS 'PHEL NAS, ,RJE BTZUN BAL MA'I SKU TSE RAB BRTAN CING, ,BDAG SOGS 'GRO KUN 'BYANG CHEN MYUR THOB PA'I, ,'PHRIN LAS RNAM BZHI BSRUNG MAS RTAG BSGRUB SHOG ,CES PA 'DI NI SPEL RKYANG PA DKA' BCU BLO BZANG 'PHRIN LAS DANG BLO BZANG RNAM RGYAL SPUN GYIS NGOS KYI RING 'TSOR DMIGS RGYAL BA'I BSTAN SRUNGS RNAMS KYI BRIS THANG BZHENGS PA'I RGYAB YIG TU BTZUN PA BLO BZANG YE SHES KYIS SBYAR BA SARBA MANG+GLAm,, ` SVASTI, STON PA MCHOG DANG SKYABS DNGOS DAM PA'I CHOS, ,DE BSGRUB GNYEN GCIG 'PHAGS MCHOG DGE 'DUN TE, ,SKYABS GNAS RNAM GSUM DBANG DU LEGS BZHUGS LA, ,BDEN TSIG RE SMON 'GRUB BA'I GROGS MDZOD CIG ,RGYAL BSTAN SPYI DANG 'JAM DPAL SNYING PO YI, ,RING LUGS DGE LA RTZE GCIG LEGS 'DUN PA'I, ,PHUN TSOGS 'OD STONG RAB SPRO RTA LJANG DBANG, ,GDUL BYA'I MKHA' NGOS SGRIB MED MYUR STON SHOG ,RNAM DAG TSANGS PAR SPYOD PA'I BRTUL ZHUGS KYI, ,'OD STONG DRA BA 'GYED LA SGRIB BYED GEGS, ,CHU 'DZIN DRIS DBEN RGYAL BA TZONG KHA PA'I, ,BSTAN PA'I PAD TSAL 'BYED PA'I MTHU LDAN SHOG ,THOG MED DUS NAS NGAN GOMS LAS DBANG MTHUS, ,MA RIG MUN KHANG CHUD PA'I 'GRO TSOGS LA, ,THAR PA DAM PA'I LAM BZANG NYER STON PA'I, ,BSHES GNYEN NYIN MO'I MGON PO NYID GYUR CIG ,RTZA BRGYUD BLA MA LHA YI BYIN RLABS DANG, ,BDAG CAG MOS PAS RTZE GCIG GSOL BTAB MTHUS, ,RE BA'I SMON PA MA LUS LHUN GRUB STE, ,PHUN TSOGS DPAL LA

, ,SPYOD PA'I BKRA SHIS SHOG ,CES PA 'DI NI GDAN SA CHEN PO RI BO DGE LDAN GYI KHRI ZUR DGE 'DUN PHUN TSOGS KYI SKYE MYUR 'BYON SMON TSIG CIG DGOS ZHES NGAG DBANG PHUN TSOGS KYIS BSKUL PA'I NGOR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SBYAR BA'O, ,` SVASTI, BLO CHEN CHOS KUN MNGON GZIGS STOBS BCU PA'I, ,RING LUGS SKAL BZANG GDUL BYA'I TSOGS RNAMS LA, ,SPEL PA'I YE SHES SNANG BA RAB SPRO BA'I, ,BSHES GNYEN DAM PA SRID MTHAR ZHABS BRTAN SHOG ,MGON KHYOD GDAN GSUM TSANG BA'I KHRI 'PHANG RTZER, ,'CHI MED TSE MTHA' YAS PA'I SKUR BZHENGS NAS, ,'GYUR MED BSKAL PA'I BAR DU RAB BRTAN CING, ,CHOS 'KHOR RGYUN CHAD MED PAR BSKOR BAR SHOG ,BYAMS DANG SNYING RJE'I CHU GTER LAS 'KHRUNGS PA'I, ,ZUNG 'JUG YID BZHIN NOR BU'I ZAM TOG ,BSTAN DANG 'GRO BA'I DPAL DU LEGS BZHUGS TE, ,BDAG SOGS RNAM KUN RJES SU 'DZIN PAR SHOG ,CES PA 'DI NI YE SHES SMON LAM GYIS RING 'TSO'I TSIGS BCAD 'DUS SDER BTZUGS CHOG PA ZHIG DGOS ZHES BSKUL BA LA BRTEN NAS SH'AKYA'I BTZUN PA BLO BZANG YE SHES KYIS SBYAR BA'O, , ` SVASTI, RMAD BYUNG BLO MCHOG MTHA' BRAL YANGS PA LA, ,LUNG RIGS CHU 'DZIN BZANG PO LANG LING G-YO, ,THAR PA DON GNYER GDUL BYAR DAM CHOS CHAR, ,'BAD MED LHUN GRUB 'BEBS LA GSOL BA 'DEBS, ZHES PA 'DI NI DKYIL KHANG ZHAL SNGA NAS BLO BZANG DON GRUB KYI GSOL 'DEBS SU DGE SKOS CHEN MO TSOGS GSOG PA BLO BZANG BKRA SHIS KYIS BSKUL BA'I NGOR SMRAS

PA'O, , ` NA MO GU RU BUDDHA BO DHI SA TV'A YA, 'DIR RJE BTZUN BLA MA'I RNAL 'BYOR BSGOM PAR 'DOD PAS SKYABS 'GRO SEMS SKYED TSAD MED BZHI BSGOM PA SNGON DU BTANG STE, 'DI LTAR, CHOS DBYINGS NGANG LAS MCHOD SPRIN RGYA MTSO 'KHRIGS PA'I DBUS,, GDONG LNGAS LEGS BTEG PAD NYI RGYU SKAR BDAG PO'I STENG, ,BKA' GDAMS BSTAN PA'I 'BYUNG GNAS DPAL LDAN MAR ME MDZAD, ,SNYIGS DUS RGYAL BSTAN GSAL MDZAD BLO BZANG GRAGS PA'I DPAL, ,DBYER MED NGUR SMRIG GAR ROL GSUM LDAN BLA MA RJE, ,SKU MDOG DKAR DMAR YID 'ONG DGYES PA'I 'DZUM ZHAL CAN, ,PHYAG G-YAS 'GRO LA DAM PA'I CHOS GSUNG PHYAG RGYA MDZAD, ,PHYAG G-YON BDUD RTZIS GANG BA'I DRANG SRONG SNONG MCHOG BSNAMS, ,GUR KUM MDANGS CHAGS GOS MCHOG RNAM GSUM PAn ZHVAS MDZES, ,RNAM DAG GZUGS PHUNG MTSAN DE'I GZI BYIN RAB 'BAR BA'I, ,PHYOGS KUN RTZA BRGYUD BLA MA YI DAM DKYIL 'KHOR LHA, ,SANGS RGYAS BYANG SEMS NYAN RANG BSTAN SRUNGS RGYA MTSO YIS, ,YONGS BSKOR MCHOG GSUM NGO BO BLA MA RDO RJE 'CHANG, ,'KHOR CHOGS DANG BCAS BSOD NAMS ZHING GI MCHOG RNAMS KYI, ,GNAS GSUM RDO RJE GSUM MTSAN H'Um YIG 'OD ZER GYIS, ,YE SHES PA RNAMS SPYAN DRANGS DAM TSIG SO SOR THIM, ZHES DAM TSIG PA DANG YE SHES PA DBYER MED DU BYAS NAS SKYABS GNAS KUN 'DUS KYI BDAG NYID DU BSAMS LA, MCHOD PA RNAMS RGYAS BSDUS CI RIGS PAR BYIN GYIS BRLABS LA, SNYING THAG PA'I SGO NAS BSAG SBYANG GI GNAD BSDUS PA YAN LAG BDUN PA 'BUL BA NI, RGYAL KUN SPYI GZUGS RNAM DAG NGUR SMRIG 'DZIN

, ,PA'I SKU, ,BGRANG YAS 'GRO BA'I BLOR 'TSAM CHOS PHUNG SGROGS PA'I GSUNG, ,SHES BYA'I GNAS LUGS MNGON MKHYEN ZAB YANGS RGYA MTSO'I THUGS, ,RAB MNGA' 'GRO BA'I SKYABS MCHOG DE LA GUS PHYAG 'TSAL, ,RAB 'BYAMS ZHING NA SRID ZHI'I MCHOD SPRIN MTHA' YAS PA, ,DNGOS 'BYOR YID SPRUL KUN BZANG MCHOD SPRIN LA 'GRAN DANG, ,BDAG LUS LONGS SPYOD DUS GSUM RNAM DKAR DGE BA'I TSOGS, ,BLO YIS BSLANGS NAS MCHOG GSUM 'DUS PA'I NGO BOR 'BUL, ,DUG GSUM DBANG GIS NYER BSAGS SGO GSUM SDIG LTUNG TSOGS, ,BGYIS DANG BGYID STZAL YI RANG THAR PA'I GEGS CI MCHIS, ,GNONG ZHING 'GYOD PAS BRTZE LDAN RDO RJE 'DZIN PA'I DRUNG, ,STOBS BZHI TSANG BAS YANG YANG SNYING NAS BSHAGS SHING SDOM, ,RDZOGS SANGS RGYAS DANG NYAN THOS RANG RGYAL BYANG CHUB SEMS, ,BDAG GZHAN KUN GYIS BSGRUBS PA'I CHOS DKAR PHUNG PO DANG, ,KHYAD PAR RJE BTZUN BLA MA'I SKU GSUNG THUGS NYID KYI, ,SKYON BRAL MDZAD PA KUN LA BDAG NI RJES YI RANG, ,GDOD NAS BDAG CAG MA RIG 'THIBS POS MUN 'THOMS PAR, ,BLANG NGOR RAB GSAL YANG DAG LAM BZANG LA BKRI BA'I, ,ZAB DANG RGYA CHE'I CHOS 'KHOR RGYUN MI 'CHAD NYID DU, ,MTHA' YAS GDUL BYA'I KHAMS BSAM JI BZHIN BSKOR DU GSOL, ,GSANG GSUM RGYAN 'KHOR 'CHANG BA'I RNAM 'DREN MTHA' DAG LAS, ,LHAG PA'I BDAG CAG BSOD NAMS ZHING DU RAB BSNGAGS PAR, ,YID GNYIS SPANGS TE RTZE GCIG GUS PAS GSOL 'DEBS NA, ,ZHABS ZUNG RDO RJE'I KHRI MTHOR G-YO MED BRTAN PAR BZHUGS, ,BDAG GZHAN KUN GYIS THOG MED DUS NAS DA LTA'I BAR,,

BSAGS PA'I LEGS BYAS PHUNG PO KUNDA LTAR DKAR GANG, ,LUS PA MED PAR MKHA' MNYAM MA RGAN KUN DON DU, ,BSNGOS PAS BLA MED RDZOGS PA'I BYANG CHUB THOB GYUR CIG ,CES DE LTAR YAN LAG BDUN PA PHUL BA'I MJUG TU, RANG GANG MOS KYI BLA MA'I GSOL 'DEBS RGYUD 'KHUL NGES GANG LCOGS BYAS NAS, TSOGS ZHING RNAMS MTHA' NAS RIM GYIS BAL MAR BSTIM, BLA MA YANG RANG LA BSTIMS PAS RANG GI SGO GSUM DANG DBYER MED GCIG TU GYUR PAR BSAM MO, ,ZHES BLA MA'I RNAL 'BYOR 'DI NI LHA'I BTZUN PA BYA BRAL BA BLO BZANG 'BYUNG GNAS KYIS BSKUL NGO DANG BSTUN SH'AKYA'I DGE SLONG BLO BZANG YE SHES KYIS SA GA ZLA BA'I DUS CHEN THOG BKA' GDAMS PHO BRANG DU SMRAS PA'O,, SARBA DZA GA TAm,, ` NA MO GU RU MANYDZU GHO sH'A YA, RGYAL KUN MKHYEN PA'I SPYI GZUGS TZONG KHA PA, ,PAD DKAR 'CHANG BA GANGS LJONGS 'GRO BA'I MGON, ,BLO BZANG RGYAL BSTAN GSAL BYED YE SHES KYI, ,SNANG BA RAB SPRO'I SKYES RABS NYI MA'I GRANGS, ,NGAG GI DBANG PHYUG 'JIG RTEN MGON PO DANG, ,TSE DPAG MED MGON TSE SBYIN PHONGS SKYOB MA, ,RGYAL BA'I BKA' SRUNGS DMAG ZOR RNAM THOS SRAS, ,DGON GNAS LEGS SKYONG GTER BDAG CHE SOGS KYI, ,SNANG BRNYAN SNGON MED GSAR BSKRUN CHA TSAD LDAN, ,YID 'ONG DBANG PO'I GZHU LTAR RAB BKRA ZHING, ,YE SHES MNGON SUM BYON 'DRA'I GZI 'BAR BA, ,PIR THOGS MKHAS DBANG BLO BZANG RNAM RGYAL GYIS, ,SGO GSUM DANG BAS KUN BSLANGS GROGS BCAS NAS, ,LHA MI'I BSOD NAMS ZHING DU LEGS BSGRUBS DGES, ,RJE BTZUN BLA MA'I SKU TSE BRTAN PA DANG, ,BKA' GDAMS BSTAN PA'I 'BYUNG GNAS SNAR THANG PA'I, ,DGE 'DUN

, ,CHOS TSUL SLA NAS SLAR 'PHEL TE, ,'KHOR LO GSUM GYIS NYIN MTSAN 'DA' BA DANG, ,SNOD BCUD PHUN TSOGS DGE BCU'I DGA' STON LA, ,RTAG ROL NAM YANG G-YO MED RAB BRTAN SHOG ,CES BKA' GDAMS BSTAN PA'I 'BYUNG GNAS DPAL SNAR THANG GI GTZUG LAG KHANG RNAMS GZHIG RKYEN CHE BAR KHANG CHEN NAS DA'I CHING BLA THUR GYIS GZHIG GSOS BYI DOR MDZAD PA'I SKABS, BRIS PA'I RTZER SON SPEL RKYANG PA BLO BZANG RNAM RGYAL GYIS NGOS RING 'TSO'I RTEN 'BYUNG DU DMIGS, GNAS BCU LHA KHANG GI GSED G-YABS LDEBS BRIS SGO GSUM PHU DUD BGYIS PAR SMON TSIG CIG DGOS ZHES BSKUL BA LTAR SH'AKYA'I BTZUN PA BLO BZANG YE SHES GYIS SBYAR BA'O, ,MANG+GLAm, , ` AOm BDE LEGS SU GYUR CIG ,PHUN TSOGS BLO GROS MTHA' BRAL YANGS PA LA, ,MKHYEN BRTZE'I 'OD MDZOD BZANG PO RAB TU RGYAS, ,YE SHES 'PHRIN LAS SNANG BA 'BUM SPRO BA'I, ,'GRO BA'I MUN SEL SRID MTHAR ZHABS BRTAN SHOG ,BLO BZANG RGYAL BA'I CHOS TSUL PADMO'I TSAL, ,YE SHES THUGS RJE'I 'OD KYIS LEGS PHYE NAS, ,SKAL LDAN BUNG BA'I TSOGS RNAMS DGA' STON LA, ,SBYOR BA'I MGON PO CHE KHYOD ZHABS BRTAN GSOL, ,BDAG SOGS DENG NAS TSE RABS 'PHRENG BAR YANG, ,DAL BRGYAD 'DYO' BCU'I RTEN BZANG RAB BRGYUD DE, ,LUNG RTOGS DAM CHOS SGRUB PA MTHAR SON NAS, ,BLA MED BYANG CHUB MCHOG LA REG BAR SHOG ,CES BA 'DI NI TRE'O KHANG GSAR MKHAN PO NGAG DBANG BSOD NAMS KYIS NAN GYIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O, , ` SVASTI, BLO BZANG GRAGS BSTAN LUNG RTOGS SHAR RI'I RTZER, ,

RNAM DAG TSUL KHRIMS RI DVAGS MTSAN MAS MDZES, ,DAM CHOS KUNDA'I TSAL BZANG 'PHEL BYED PA'I, ,MOS LDAN RE PA'I ZLA BA MYUR TSE SHOG ,CES SHAG SGOR BAL MA BLO BZANG TSUL KHRIMS CHOS 'PHEL GYI YANG SRID MYUR 'BYON GYI GSOL 'DEBS 'DI YANG NGAR KHAN AER TE NI RAB 'BYAMS BA SE CHEN CHOS RJES NAN GYIS BSKUL BA LTAR DGE SLONG BLO BZANG YE SHES KYIS BGYIS PA'O,, ` SVASTI, RGYAL KUN SPYI GZUGS BLO BZANG GRAGS PA YI, ,CHOS TSUL KUN LA THOGS MED MKHYEN PA RGYAS, ,KHRIMS LDAN 'DUS PA'I DBUS NA YONGS BRJID CING, ,GDUL BYA'I RE BA SKONG LA GSOL BA 'DEBS, ,SDOM GSUM RTZA BA RAB BRTAN PA GAM RTZER, ,LUNG RIGS GOS MDZES GSER GYI YU BAR BRTEN, ,RIM GNYIS NOR BU'I TOG GIS RAB MTSAN PA'I, ,BSHES GNYEN BSTAN PA'I RGYAL MTSAN ZHABS BRTAN SHOG ,MCHOG GSUM BYIN RLABS BSRUNG MA'I MTHU RTZAL DANG, ,SMON GRUB DRANG SRONG BDEN TSIG DANG LDAN 'GROS, ,GSOL BTAB MTHU LAS LHUN PO LTAR BRTAN CING, ,'PHRIN LAS DBYAR MTSO BZHIN DU CHER 'PHEL SHOG ,CES BKA' 'GYUR BA T'A BLA MA NO MON HAN BLO BZANG TSUL KHRIMS LA GSOL 'DEBS BRTAN BZHUGS SHIG DGOS ZHES GRVA SPYIS BSKUL BA LTAR SH'AKYA'I DGE SLONG BLO BZANG YE SHES KYIS SMRAS PA'O, ` SVASTI, DNGOS GRUB KUN STZOL RNAM MANG THOS SRAS LA, ,DGON GNAS DGE 'DUN YON BDAG 'KHOR DANG BCAS, ,BCOL LO GTAD DO BSRUNG ZHING SKYONG BA DANG, ,RNAM KUN MTHUN RKYEN BSGRUB PA'I GROGS MDZOD CIG ,CES DGON BSTAN 'DZIN DAR RGYAS GLING MCHOD YON GNYER DU GTAD CING 'PHRIN BCOL GYI TSOGS SU BCAD PA 'DI YANG CO NA DPON DMAG ZOR MGON

, ,POS BSKUL BA'I ROR CHOS SMRA BA'I BTZUN PA BLO BZANG YE SHES KYIS SMRAS PA'O,, ` SVASTI, THUGS RJE'I MNGA' BDAG RTZA BA'I BLA MA MCHOG ,BDAG NYID BDE CHEN 'KHOR LO'I PAD STENG BZHUGS, ,GSOL BA 'DEBS GSON BYANG CHUB MA THOB PAR, ,RJES BZUNGS DNGOS GRUB MA LUS DENG 'DIR STZOL, CES PA 'DI YANG YE SHES SMON LAM DANG BLO BZANG LEGS GRUB GNYIS KYI KHA TON DU BGYIS PA'O,, ` NA MO GU RU BUDDHA BO DHI SATV'A YA, RTZA BRGYUD BLA MA YI DAM BDE BAR GSHEGS, ,BYANG SEMS NYAN RANG DPA' BO MKHA' 'GRO'I TSOGS, ,BDAG SOGS BSOD NAMS ZHING DU SPYAN 'DREN NA, ,THUGS RJES DGONGS LA GNAS 'DIR GSHEGS SU GSOL, ,RGYAL KUN YAB GCIG RJE BTZUN 'JAM PA'I DBYANGS, ,GDUL DKA' 'DUL PHYIR DRAG PO'I SKUR BSTAN PA, ,MTHU STOBS DBANG PHYUG BCOM LDAN 'JIGS BYED LA, ,GDUNG SHUGS DRAG PO'I SGO NAS GSOL BA 'DEBS, ,RAB 'JIGS DUS MTHA'I ME LTAR 'BAR BA'I SKU, ,HA HA'I SGRA YIS KHAMS GSUM 'GENGS PA'I GSUNG, ,ZAB CING RGYA CHE RNAM PAR DAG PA'I THUGS, , SPRUL PAS 'GRO BA 'DREN LA GSOL BA 'DEBS, ,LHUN GRUB BDE CHEN CHOS SKU'I NGO BO LA, ,BRTZE CHEN SDANG BA'I MTSAN NYID MI MNGA' YANG, ,MI BSRUN LOG 'DREN MTHA' DAG 'DUL MDZAD PA'I, ,'JIGS MDZAD DPA' BO CHEL GSOL BA 'DEBS, ,RAB MANG 'GRO LA BRTZE BAS LEGS GZIGS NAS, ,BSKAL PAR RLABS CHEN TSOGS GNYIS YONGS RDZOGS SHING, ,KHAMS GSUM SKYE RGU KUN GYI SKYABS GYUR PA, ,MTSUNGS MED DAM PA RNAMS LA PHYAG 'TSAL LO, ,THUGS RJE KUN LA SNYOMS MDZAD DKON MCHOG

GSUM, ,MTSAN TZAM THOS BAS MI 'DOD SDUG BSNGAL SEL, ,TSUL BZHIN BSTEN NA GTAN GYI BDE STER LA, ,RNAM PA KUN TU DANG BAS PHYAG BGYI'O, ,SLU MED PHYAG BYAR 'OS PA THAMS CAD LA, ,ZHING MANG RDUL DANG MNYAM PA'I LUS SPRUL TE, ,DPAG MED YON TAN BSNGAGS PA'I SNYAN TSIG BCAS, ,LUS NGAG YID GSUM GUS PAS PHYAG 'TSAL LO, ,DNGOS 'BYOR YID SPRUL MCHOD SPRIN RGYA MTSO 'BUL, ,NYES LTUNG KUN BSHAGS DGE LA YI RANG ZHING, ,CHOS 'KHOR BSKUL DANG MYA NGAN MI 'DA' GSOL, , 'DIS MTSON DGE TSOGS BYANG CHEN RGYU RU BSNGO, ZHES PA 'DI NI TRE'O KHANG GSAR MKHAN PO BSTAN PA'I NYI MAS 'DI LTA BU ZHIG DGOS ZHES NAN GYIS BSKUL BA LA BRTAN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, ,, ` SVASTI, RIGS GSUM SGYU DRA'I GAR MKHAN TZONG KHA PA, ,DBYER MED SKYABS GCIG BLO BZANG YE SHES ZHABS, ,'GYUR MED RTAG BZHUGS BDAG SOGS BYANG CHUB BAR, ,RDZAS BZUNGS 'DI PHYIR MCHOG THUN DNGOS GRUB STZOL, CES PA 'DI NI DKA' CHEN YE SHES YAR 'PHEL GYI BLO DOR SMRAS PA'O,, ` SVASTI, SKU BZHI'I NGO BO RDO RJE 'CHANG DU, ,BGROD PA'I LAM ZAB RDO RJE THEG PA'I, ,SGOR ZHUGS MCHOG THUN DNGOS GRUB RNAM GNYIS, ,DAM TSIG SDOM PA RNAM PAR DAG LA, ,REG LAS BLANG DOR GSAL BYED RNAM BSHAD, ,CHOS SBYIN 'DZAD MED LHA LAM MDZOD 'GRAN, ,BKRA SHIS SGO 'PHAR LHUN GRUB CHEN POR, ,BAR DU BSGRUBS PA'I RNAM DKAR DGE 'DIS, ,MTHUN RKYEN BSGRUB PA'I 'GROGS DANG 'GRO KUN, ,MA RIG SGRIB GNYIS G-YUL LAS RNAM RGYAL

, ,RIM GNYIS THEM SKAS ZAB MOR SON NAS, ,ZUNG 'JUG GO 'PHANG THOB PA'I RGYU RA BSNGO,, SARBA MANG+GA LAm,, ZHES PA 'DI NI RTZA LTUNG RNAM BSHAD KYI PAR BYANG DU BGYIS BA'O,, ` DBAL GYI LHA MOS BDAG NYID DUS KUN TU, ,BU LTAR SKYONG ZHING 'PHRIN LAS THOGS MED MDZOD, CES MA GCIG DPAL LHAR 'PHRIN BCOL GYI SNYAN SHAL DU BGYIS BA'O,, ` AOm SVASTA, PHUN TSOGS BLO GROS BZANG PO'I DKYIL 'KHOR RGYAS, ,YE SHES 'OD KYIS THUB BSTAN KUNDA'I TSAL, ,'BYED MKHAS SKYABS KYI DAM PA MTSAN MO'I MGON, ,BSKAL PA RGYA MTSO'I BAR DU SNANG BAR SHOG ,RTZE GCIG MOS PA'I YID MTSOR MGON KHYOD SKU'I, ,SNANG BRNYAN CHA RDZOGS ZLA BA RAB BKOD NAS, ,RTZE GCIG GDUNG SHUGS DRAG POS GSOL 'DEBS KYIS, ,NYON MONGS TSA GDUNG ZHI BAR MDZAD DU GSOL, ,DENG NAS JI SRID SANGS RGYAS MA THOB BAR, ,MGON PO KHYOD DANG NAM YANG MI 'BRAL ZHING, ,GSUNG GI GSANG MDZOD MA LUS 'DZIN BA DANG, ,'GRO KUN SGROL BA'I SNYING STOBS PHUL PHYIN SHOG ,CES PA 'DI NI RI KHROD BA DGE SLONG BLO BZANG MCHOG GRUB KYIS NAN GYIS BSKUL BA'I NGOR SH'AKYA'I BTZUN PA BLO BZANG YE SHES KYIS BGYIS PA'O,, ` SVASTI, BLO BZANG RGYAL BSTAN RING LUGS GANGS RI'I SPOR, ,RAB 'GYING MDO SNGAGS LUS STOBS DAR DRAG CING, ,MI 'JIGS SPOBS BA RGYAS BA'I GANG RGYANGS CAN, ,MKHAS MCHOG SMRA BA'I SENG GER GSOL BA 'DEBS, ZHES DGA' LDAN KHRI ZUR BLO BZANG DAR RGYAS KYI GSOL 'DEBS 'DI YANG PHYAG MDZOD RAB 'BYAMS PA DKON MCHOG RGYA MTSOS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, ,,

` SVASTI, MNYAM MED STOBS BCU MNGA' BA'I GO 'PHANG MCHOG ,MTHOB NGE SING SKYE ZHING SKYE BA RU, ,MGON PO KHYOD DANG NA MA YANG MI 'BRAL ZHING, ,DAM CHOS BDUD RTZI'I RO YIS 'TSO BAR SHOG ,KHYAD PAR MA 'ONGS BYANG PHYOGS SHAMBHA LAR, ,DANG PO'I SANGS RGYAS RGYUD LAM LA BRTEN NAS, ,'GRO KUN SMIN GROL 'GOD TSE BDAG NYID GYIS, ,GSUNG GI BGO SKAL THOG MAR MYONG GYUR CIG ,CES PA 'DI NI BYES BLA ZUR BYAMS CHEN MKHAN PO BLO BZANG NOR BUS NAN GYIS BSKUL BA'I NGOR SH'AKYA'I DGE SLONG BLO BZANG YE SHES KYIS PHO BRANG CHEN PO POtA LAR BGYIS PA'O,, ` SVASTI, PHUN TSOGS BLO GROS KHANG BZANG RAB YANGS PA, ,LUNG RTOGS YON TAN NOR BU'I TSOGS KYIS PHYUG ,SKAL LDAN GDUL BYAR 'DOD DGU'I MCHOG STZOL BA'I, ,YONGS 'DZIN DGE BA'I BSHES LA GSOL BA 'DEBS, ZHES PA 'DI YANG BYES MKHAS MANG GRVA CHANG GI BLA BRGYUD GSOL 'DEBS SU BCU GA CHOG PA ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS BGYIS PA'O,, ` PHYAG CHEN GSOL 'DEBS KYI MJUG TU, DRIN CAN RTZA BA'I BLA MA LA GSOL BA 'DEBS, ZHES BA'I TSAB LA, BLO BZANG CHOS KYI RGYAL MTSAN LA GSOL BA 'DEBS, ,RGYUD BDAG 'DZIN, ZHES SOGS DANG, BKA' MDO RGYUD GDAMS PA'I MDZOD 'DZIN CING, ,DO NA ZAB RGYAS 'GRO LA STZOL MDZAD BA, ,BLO BZANG BSTAN PA'I RGYAL MTSAN LA GSOL BA 'DEBS, , RGYUD BDAG 'DZIN, ZHES SOGS 'DON, ZHES PA 'DI NI AA PA KA DAR KHAN PAD LI BDE MCHOG GIS DGE LDAN BKA' RGYUD RIN PO CHE'I PHYAG CHEN GYI KHRID RJE BTZUN DAM PA BLO BZANG BSTAN PA'I RGYAL MTSAN LAS THOB BA BZHIN BRGYUD RIM GSOL 'DEBS SU BCUG CHOG PA ZHIG

, ,DGOS ZHES BSKUL BA LTAR BGYIS PA'O,, ` LHA CHEN TSANGS PA'I GTZUG LAG KHANG BZANG MDZES RGYAN LJON DMAR SA ZLAS YONGS SBUD RGYAL MTSAN ZUNG, ,'BUL GYIS BKA' BSGOS DRAN BYOS NAG PHYOGS BDUD DPUNG MA LUS GZHOM DANG KUN MKHYEN RGYAL BA'I BSTAN, ,SPYI DANG ZHVA SER BSTAN PA'I RGYAL MTSAN MI NUB CHER SGRENG 'GRO LA BLANG DOR GSAL STON SOGS, ,LHA KHYOD 'PHRIN LAS GANG+GA'I RGYUN BZANG BSTAN 'GRO'I RGYA MTSOR RTAG 'BEBS DAM BAS LA G-YEL SGRUBS,, SA MA YA TIsHtHA,, `SVASTI, THEG CHEN GSANG SNGAGS LAM BRTZON BDUS PA'I SDE, ,DGYES BYED BTUNG BA RGYA MTSO'I SNOD MCHOG 'DI, ,DGE LEGS CHOS RJES PHUL BA'I DGE BA GANG, ,'GRO KUN BLA MED GO 'PHANG THOB PHYIR BSNGO, SHU BHA MASTU,, ZHES PA 'DI NI DGE LEGS CHOS RJES RGYUD GRVA'I TSOGS KHRO GSAR BSKRUN GYI KHA BYANG DU BGYIS PA'O,, ` SVASTI, DKYIL KHANG GRVA TSANG KHRIMS LDAN 'DUS PA'I SDER, ,NOR 'DZIN LTAR YANGS YOL GO BLA NA MED, ,SNA MANG RIN CHEN PHUNG PO LAS BSGRUBS PAR, ,ZAG BRAL RO BDA'I BCUNG BA 'DZAD MED SHOG, ` AOm SVASTI, RDO RJE 'CHANG DBANG RTZA BRGYUD BLA MA YI, ,BKA' BZHIN BSGRUB PA'I BSRUNG MA DAM TSIG CAN, ,'DOD PA KHAMS LA DBANG BSGYUR MKHA' 'GRO'I GTZOR, ,BKRA SHIS GLING DGON DGE 'DUN 'KHOR 'BANGS DANG, ,NYE BAN MKHO RDZAS MCHOG GSUM MCHOD PA'I RTEN, ,GNYER DU GTAD KYIS BDAG TU ZUNGS MDZOD LA, ,STOBS DANG 'JAB BUS 'PHROG DANG RKU BYED RNAMS, ,SKAD CIG NYID LA MNGON SPYOD LAS KYIS SGROL, ,KHYAD PAR RTZE GCIG BYANG CHEN BSGRUB PA'I GEGS, ,RNAM G-YENG BDUD

RIGS RLUNG GIS MI BSKYOD CING, ,THOS BSAM SGOM SOGS LEGS TSOGS MA LUS PA, ,YAR DE'I ZLA BZHIN 'PHEL BA'I 'PHRIN LAS MDZOD, CES BA 'DI NI BKRA SHIS GLING RI KHROD PA SPYIS YANG YANG BSKUL BA LTAR GSHIN RJE'I GSHED KYI RNAL 'BYOR PA BLO BZANG YE SHES KYIS SMRAS PA DGE LEGS 'PHEL,, ` SVASTI, THUB DBANG GNYIS PA 'JAM MGON TZONG KHA PA'I, ,GDAMS PA'I MDZED 'DZIN NGAG DBANG GRAGS BA ZHES, ,MKHAS MANG RGYA MTSO'I DBUS NA MNGON BRJID PA'I, ,MTSUNGS MED DPAL LDAN BLA MAR GSOL BA 'DEBS, ,BSLAB GSUM RNAM DAG BLO GROS BZANG PO'I MKHAR, ,YE SHES 'OD KYI DRA BA STONG 'GYED CING, ,SKAL LDAN GDUL BYA'I PAD TSAL RGYAS MDZAD PA'I, ,RJE BTZUN BLA MA'I ZHABS LA GSOL BA 'DEBS, ,BSOD NAMS YE SHES TSOGS GNYIS RAB RDZOGS SHING, ,GRANGS MED 'GRO LA BRTZE BA'I PAD DKAR 'DZIN, ,GANGS LJONGS SKYE RGYU'I DPAL DU LEGS BYON PA, ,BLO BZANG SKAL BZANG RGYA MTSOR GSOL BA 'DEBS, ,DE LTAR GSOL BTAB MTHU LAS TSE RABS SU, ,RJE BTZUN BLA MA MCHOG DANG MI 'BRAL ZHING, , GSUNG GI BDUD RTZI NGOMS MED 'THUNG BA DANG, ,'GRO KUN DON DU KUN MKHYEN MYUR THOB SHOG ,CES PA 'DI NI TSA KHO DPON PO NGAG DBANG GRAGS PA'I GDAN SA PA BLO BZANG 'PHRIN LAS KYIS BSKUL BA LTAR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, ` SVASTI, BLO GROS BZANG POS MDO RGYUD 'DAB BRGYA'I TSAL, ,LEGS PAR 'BYED MDZAD 'GRO BA'I SGRON MA ZHES, ,SNYAN PA'I GRAGS PAS SA GSUM KUN KHYAB PA, ,MTSUNGS MED BLA MA MCHOG LA GSOL BA 'DEBS, ,BLO BZANG RGYAL BA GNYIS

, ,PA'I LUNG RTOGS BSTAN, ,LEGS PAR SPEL LA MI ZHUM SNYING STOBS CAN, ,YE SHES 'OD KYIS GDUL BYA'I BLO MUN KUN, ,SEL MDZAD SKYABS KYI DAM BAR GSOL BA 'DEBS, ,RNAM DPYOD BLO GROS BZANG PO'I YAL 'DAB RGYAS, ,DON GNYIS 'BRAS BU'I KHUR GYIS YONGS DUD PAS, ,SKAL BZANG GDUL BYA RGYA MTSOR MCHOG STZOL BA, ,BSHES GNYEN DPAG BSAM DBANG POR GSOL BA 'DEBS, ,MCHOG GSUM BYIN RLABS MOS LDAN GSOL BTAB MTHUS, ,DPAL LDAN BLA MA BSKAL BRGYAR ZHABS BRTAN CING, ,THUB BSTAN SPYI DANG 'JAM MGON TZONG KHA PA'I, ,RING LUGS SRID MTHA'I BAR DU RGYAS GYUR CIG ,'JIG RTEN BDE ZHING BDAG SOGS BYANG CHUB BAR, ,DPAL LDAN BLA MA MCHOG DANG MI 'BRAL ZHING, ,GSUNG GI BDUD RTZI NGOMS MED 'THUNG BA DANG, ,MTHAR THUG KUN MKHYEN GO 'PHANG MYUR THOB SHOG ,CES PA 'DI NI RME RU DKA' BCU 'JAM DBYANGS RGYA MTSOS 'DI LTA BU ZHIG DGOS ZHES BSKUL PA LA BRTEN NAS SH'AKYA'I BTZUN PA BLO BZANG YE SHES KYIS BGYIS PA'O,, ` NA MO GU RU MANYDZO GHO sH'A YA, SKYON BRAL YON TAN MCHOG MNGA' BA, ,DRAN PAS 'DI PHYI'I LEGS TSOGS KUN, ,STZOL MDZED BLA MA MCHOG GSUM LA, ,RNAM PA KUN TU PHYAG BGYI'O, ,LEGS BYAS CHU GTER LAS THON PA'I, ,MI YI LUS RTEN RIN CHEN 'DI, ,RNYED DKA' BSTAN DANG MJAL BA YANG, ,LAN 'GA' MA LAGS DA RES TZAM, ,DE YANG MI RTAG MYUR 'JIG SOGS, ,RGYAL BAS MDO RGYUD DU MA RU, ,GSUNGS LA YID CHES GUS PA YIS, ,SDIG SPONG DGE LA 'BAD BRTZON 'TSAL, ,RANG NYID MTHON BO'I SER 'DUG TSE, ,SNGON BYON CHOS RGYAL SPYOD TSUL LA, ,ZHIB BRTAGS DE

LTAR LEGS BSKYANGS NA, ,THAR PAR BGROD PA'I LAM THAG NYE, ,RIS MED GRUB MTHAR ZHUGS PA YI, ,SER GZUGS PHA MA SLOB DPON SOGS, ,RNYED BKUR BSOD NAMS ZHING MCHOG LA, ,PHU DUD RIM GRO BLA MED MDZOD, ,MTHO DMAN PAR MA'I 'KHOR G-YOG LA, ,GSAR 'GROGS PHYI THAG THUNG BA DANG, ,CHAGS SDANG KHRO GTUM NGAG SMRA SOGS, ,RANG GZHAN GNYIS SDUG BYA BA SPONGS, ,NYE RING MED PA'I BRTZE SEMS KYIS, ,'BANGS KUN BU SDUG BZHIN DU SKYONGS, ,RANG NYID MA BZHIN BKUR BA DANG, ,KUN KYANG BDE BA'I DON CHEN 'GRUB, ,YA RABS BZANG POR MNGA' GSOL NAS, ,NGAR 'DZIN 'DOD SRED G-YO KHRAM SOGS, ,NGAN SPYOD DU: KHA'I RGYU TSOGS RNAMS, ,ZAS NGAN DRUG LTAR RGYANG SRINGS MDZOD, ,BDAG NYID SDUG BSNGAL MI 'DOD BZHIN, ,DGRA LA'ANG 'KHRUG SEMS MI BYA STE, ,RGYUD NGAN KHRO BA'I ME CHEN DES, ,BSOD NAMS BZANG PO'I LJON SHING BSREG ,MI DAG AA MRA'I 'BRAS DANG MTSUNGS, ,G-YO CAN DRANG RDZU'I BSLU TSIG DANG, ,SHA TSA SNYING NYE'I GROS 'CHAD MKHAN, ,MI 'KHRUL BLO ZHIB BRTAG DPYAD DGOS, , 'PHRAL PHUGS PHAN DANG BDER 'GYUR BAR, ,YID CHES TSIG NYAN DES DUL SEMS, ,MTSO LTAR GTING ZAB KHONGS YANGS SHING, ,'GYUR MED RI RAB LTA BUR MDZOD, ,LE LO G-YENG SEMS LONG GTAM DANG, ,SDIG GROGS MYOS BYED BTUNG BA SOGS, ,THAR PA'I SROG 'PHROG SBRUL GDUG 'DRA, ,ZHIB MO'I BLO YIS BAG ZON 'TSAL, ,PHA MA BLA MA SLOB DPON DANG, ,BDAG PO'I BKA' DANG DAM TSIG SDOM, ,'JIG RTEN MA NA' TSIG KHAS BLANGS DAG ,MI 'DOR G-YAG RNGA BZHIN DU SRUNGS, ,PHUN TSOGS MA LUS 'BYUNG BA'I

, ,SGO, ,MDO RGYUD BSTAN BCOS MTHA' DAG LA, ,ZAB YANGS BLO YIS LEGS DBYAD NAS, ,DAM PA'I SPYOD TSUL RTAG TU SKYONGS, ,SKYES RTING 'CHI BAR MNGON PHYOGS LA, ,GTAN DU SDOD RTZIS GSOG RUM MKHAN, ,MI YI GZUGS CAN DUD 'GRO DNGOS, ,YIN PHYIR MCHOD SBYIN 'BAD 'BUNGS 'TSAL ,GCES LUS BU DANG GROGS GNYEN 'KHOR, ,BSAGS PA'I NOR RDZAS KUN BOR NAS, ,DBANG MED GCIG BUR 'GRO DGOS NA, ,DON MED NGAL DUB 'BAD PAS CI, ,PHYIR 'OD DKAR NAG LAS 'BRAS DANG, ,SKYABS SU 'OS PA MCHOG GSUM LAS, ,MED PHYIR GDUNG SHUGS DRAG PO YIS ,YAN LAG BDUN 'BUL BSAG SBYANG 'TSAL, ,DUS RNAM KUN TU GANG MOS KYI, ,BLA MA LHA YI RNAL 'BYOR DANG, ,BZLAS BRJOD GTOR MA PHYAG SKOR SOGS, , DGE TSOGS KUN LA 'GRUS BAR MDZOD, ,KHYAD BAR RGYAL BAS KHYIM PA LA, ,YONGS BSNGAGS GSO SBYONG YAN LAG BRGYAD, ,BSRUNG SNGOM TSUL DANG LDAN SGO NAS, ,DUS BZANG BYUNG NGO COG LA 'TSAL, ,BSLAB BYA BLANG DOR RAB GSAL 'DI, ,NYIN MTSAN NYAMS BLANGS DGE BSNGO'I PHYIR, ,MCHOG GSUM ZHING MCHOG MDUN GSAL BTAB, ,DAG TU 'DI LTAR BRJOD BAR BYA,, ` BLA MA DKON MCHOG MKHYEN BRTZE'I GTER, ,DGONGS SHIG BDAG GIS DENG GI DUS, ,KUNDA LTAR DKAR DGE BSAGS MTHUS, ,NGAN 'GRO MA LUS STONGS GYUR CIG ,BDAG NI TSE RABS THAMS CAD DU, ,DAL 'BYOR TSANG BA'I THOB CING, ,RTAG TU RAB TU 'BYUNG BA DANG, ,TSANGS SPYOD BRTUL ZHUGS MTHAR PHYIN SHOG ,TSE RABS KUN TU DGE BA'I BSHES, ,MTSAN NYID LDAN PAS RJES 'DZIN CING, ,GDAMS

PA'I BDUD RTZIS 'TSO BA DANG, ,BKA' BZHIN SGRUB PA LHUR LEN SHOG ,MDO RGYUD RGYA MTSO'I TSIG DON KUN, ,MA 'DRES 'BYED PA'I RNAM DPYOD KYIS, ,NGES 'BYUNG BYANG SEMS YANG DAG LTA, ,RIM GNYIS RNAL 'BYOR MTHAR PHYIN SHOG ,PHA MAR GYUR PA'I 'GRO BA KUN, , NYAM THAG SRID MTSO LAS SGROL PHYIR, ,SKU GSUM GO 'PHAR MYUR THOB NAS, ,DED DPON MCHOG TU BDAG 'GYUR SHOG ,CES PA 'DI NI DAD STOBS DANG LDAN PA GU GE BDAG MO TSE RING BU KHRID KYIS BSLAB BYA SMON TSIG DANG BCAS BZHIG DGOS ZHES BSKUL BA DANG, GZHAN LA'ANG CUNG ZAD BAN DU RE BA'I BSAM PAS KUN NAS BSLANGS TE DGE SLONG BLO BZANG YE SHES KYIS SMRAS PA'O,, ` NA MO LO KE SHVA R'A YA, 'DIR MKHA' 'GRO SNYAN RGYUD KYI CHOS BDAG TSOGS BDAG DMAR PO SPRE'U'I GDONG CAN LA MCHOD GTOR 'BUL BAR 'DOD PAS, RANG NYID BDE MCHOG GAM JI LTAR MOS PA'I YI DAM GYI BDAG BSKYED SNGON DU BTANG NAS, PHYI NANG GI MCHOD BA DAM RDZAS SPYAN GZIGS SOGS PHYAG LEN LTAR LEGS PAR BSHAMS LA, BLA MED SPYI 'GRO LTAR BYIN GYIS BRLABS NAS RTEN BSKYED PA NI, STONG PA'I NGAN LAS RANG MDUN MKHA' DBYINGS NGOS, ,RDOR ME RI ZLUM POS BSKOR BA'I NANG, ,DKYIL 'KHOR DMAR PO ZLA KHAM SGO GCIG DBUS, ,PAD DMAR 'DAB BRGYAD NYI DKYIL RGYAS PA'I STENG, ,PAD R'AG MDANGS CHAGS LHA CHEN TSOGS KYI BDAG ,SH'A LA DRi KA'I GDONG CAN ZHAL GCIG PA, PHYAG BZHI'I DANG POS 'JIG RTEN SRID MES DANG, ,G-YON BAR NU'I RGYAL MTSAN MKHA' LA 'BYAR, ,'OG MA'I PHYAG GNYIS THUGS KAR LTHAL SBYAR DBUS, ,KHAMS GSUM DBANG DU SDUD PA'I SPOS PHOR 'DZIN, ,DAR ZAB NA BZA' LHAB LHUB DU MA DANG, ,RIN CHEN SNA TSOG

, ,RGYAN GYIS LEGS BAR SPRAS, ,DBU SKRA BA SBU KHAM NAG G-YAS SU 'KHYIL, ,MCHE GTZIGS SPYAN GSUM SDANG MIG DMAR LA ZLUM, ,AAG TSOM SMIN MDMAR SER GLOG LTAR 'KHYUG ,ME DKYIL DBUS NA RGYAL PO ROL STABS BZHUGS, ,PHYOGS BZHIR PADMA NYI GDAN RE RE DANG, ,SGO DANG GRU TSAD GNYIS SU PAD ZLA'I GDAN, ,RE RE GRUB PA'I SHAR GYI GDAN NYID LA, ,RDO RJE GAR MKHAN KHA BA'I MDANGS 'PHROG SKU, ,LHO RU RDO RJE MYUR MGYOGS BAD R'AG MDOG ,NUB TU RDO RJE STOBS CHEN BEEd'UR MDANGS, ,BYANG DU RDO RJE DNGOS GRUB LJANG KHU STE, ,KUN KYANG ZHAL GCIG PHYAG GNYIS G-YAS PA RNAMS, ,LCAGS KYU THO BA DGRA STA MDUNG 'DZIN CING, ,G-YON RNAMS NE'U LE NOR SKYUG MKHA' LA 'PHYAR, ,RIN CHEN RGYAN SPRAS ZHAL BKRAD MCHE BA GTZIGS SPYAN DMAR DBU SKRA SMA RA ME STAG 'PHRO, ,MJUG MA GYEN SGRIL RTZE MOR ME CHEN 'BAR, ,ZHABS GNYIS RDO RJE LCAGS SGROG BGROS 'TSAM CAN, ,YE SHES ME CHEN 'BAR BA'I DBUS NA BZHUGS, ,SGO DBUS ZAS BCUD 'GUGS PA'I PHO NYA MO, ,GRU TSAD G-YAS SU NOR 'GUGS PHO NYA MO, ,G-YON BAR RGYAL BLON BTZUN MO 'BANGS DANG BCAS, ,'GUGS PA'I LAS BYED BKA' NYAN MKHA' 'GRO GSUM, ,ZHAL GCIG PHYAG GNYIS PADMA R'A GA'I MDOG ,G-YAS PA LCAGS KYU MKHA' GDENGS G-YON ZHAGS 'CHAD, , SPRE'U'I GDONG CAN GCER BU RGYAN DANG BRAL, ,MJUG MA GYEN BSGRENGS SKRA DANG BA SPU LAS, ,ME STAG RAB 'PHRO GZHAN YANG BKA' NYAN TSOGS, ,GNAM SA'I KHYON GANG CHOS LDAN RNAL 'BYOR LA, ,MKHO DGU'I CHAR 'BEBS BAR GCOD KUN SEL BA'I, ,LHA CHEN

TSOGS KYI BDAG PO 'KHOR BCAS KYI, ,GNAS GSUM YI GE GSUM GYIS MTSAN PAR GYUR, ,THUGS KA'I SA BON LAS 'PHROS 'OD ZER GYIS, ,SUM CU RTZA GSUM GNAS SOGS GAR BZHUGS NAS, ,TSOGS KYI BDAG PO 'KHOR BCAS SPYAN 'DREN NA, ,RDZU 'PHRUL SHUGS LDAN BRTZE BA CHEN POS DGONGS, ZHES SPOS SBYOR BSREG CING ROL MO DBYANGS DANG BCAS BAS, ` H'Um, DPAL 'BYOR LHUN GRUB SUM RTZEN DA MA PA NAS, ,'DOD DGU'I CHAR 'BEBS LHA CHEN TSOGS KYI BDAG ,BSTAN PA BSRUNG DANG RNAL 'BYOR DON BSGRUB PHYIR, , SPYAN 'DREN MCHOD PA'I GNAS 'DIR GSHEGS SU GSOL, ,KHYOD KYI SKU GSUNG THUGS KYI ZLOS GAR LAS, ,LEGS BAR SPRUL BA'I BKA' NYAN GNOD SBYIN BZHI, ,MKHA' 'GRO GSUM SOGS 'KHOR TSOGS DPAG MED RNAMS, ,SPYAN DRANGS DZA:H'Um BAm HO:GNYIS MED GYUR, ,SLAR YANG THUGS KA'I SA BON 'OD ZER GYIS, ,DBANG LHA SPYAN DRANGS DBANG BSKUR DRI MA DAG ,CHU YI LHAG MA SPYI BOR 'KHYIL BA LAS, ,RIGS BDAG SPYAN RAS GZIGS KYIS RGYAS BTAB GYUR, AOm GAn PATI SA PA RI W'A RA ARGHAm NAS SHAPTA'I BAR GYIS MCHOD CING NANG MCHOD KYANG DNGUL, PHYAG 'TSAL MCHOD 'BUL NYES LTUNG SDIG SGRIB BSHAGS, ,DGE LA YI RANG BSKUL ZHING BDAG GSOL 'DEBS, ,'DIS MTSON DGE BAS NGAN 'GRO KUN STONGS NAS, ,'GRO KUN BDE CHEN GO 'PHANG THOB PHYIR BSNGO, ,DE NAS BSKANG GSO NI, H'Um, LHUN GRUB BDE STONG ROL PA'I RANG NYID LAS, ,PHYI NANG GSANG BA'I MCHOD SPRIN BSAM MI KHYAB, ,YID KYIS SBRUL DANG DNGOS SU BSHAMS PA'I TSOGS, ,TING 'DZIN SNGAGS DANG PHYAG RGYAS BYIN BRLABS NAS, ,MTHU LDAN CHOS BDAG CHEN PO 'KHOR DANG BCAS, ,

, ,DGYES PA SKYED BYED KUN BZANG MCHOD BA'I SPRIN, ,'CHI MED LAM KUN MA LUS YONGS GANG BA, ,'KHOR BCAS SPYAN SNGAR 'BYUNG ZHING DGYES GYUR CIG, ` DVANGS 'JAM BSIL BA'I YAN LAG BRGYAD LDAN CHAG ,DGRA BGEGS SNYING GI KHRAG DRON MCHOD YON DANG, ,YID 'ONG GE SAR AUTPAL PHANG PHUNG 'PHRENG, ,SHA SNA DBANG PO LNGA YI ME TOG 'DIS, ,LTA CHEN TSOGS KYI BDAG PO'I THUGS DAM BSKANG, ,RDO RJE GNOD SBYIN BZHI YI THUGS DAM BSKANG, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS PA'I THUGS DAM BSKANGS, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DPON SLOB 'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB PAR MDZOD, ,TZANDAN AA KA RU DANG GU GUL NAG ,MAm SA TSIL CHEN BSREGS PA'I BU YUG 'TSUGS, ,'BRU MAR RTZI BCUD SBAR BA'I MAR ME'I 'PHRENG, ,TSIL CHEN ZHUN ME NYI LTAR GSAL BA 'DIS, ,LHA CHEN TSOGS KYI BDAG PO'I THUGS DAM BSKANG, , RDO RJE GNOD SBYIN BZHI YI THUGS DAM BSKANG, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS PA'I THUGS DAM SKANGS, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DPON SLOB 'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB PAR MDZOD, ,GA PU RA GUR KUM SPOS CHU'I MTSO CHEN 'KHYIL, ,KHRAG SNA SNA TSOGS MKHRIS PA'I DRI CHAB 'KHRUGS, ,LA PHUG LA DU 'BRAS CHAN SHA RUS SPUNGS, ,

RO BRGYA LDAN PA'I ZAS MCHOG DAM PA 'DIS, ,LHA CHEN TSOGS KYI BDAG PO'I THUGS DAM BSKANG, ,RDO RJE GNOD SBYIN BZHI YI THUGS DAM SKANGS, ,LAS BYED MKHA' 'GRO GSUM GYI THUGS DAM BSKANGS, ,BKA' NYAN 'KHOR DANG BCAS BA'I THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DPON SLOB 'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB PAR MDZOD, ,RNA BAR SNYAN ZHING 'JEBS BA'I GLING BU DANG, ,DUNG DANG THOD RNGA RNGA CHEN MI RKANG GLING, ,RNGAM ZHING BRJID PA'I ROL MO'I SGRA SKAD TSOGS, ,STONG GSUM MA LUS YONGS SU GANG BA 'DIS, ,LHA CHEN TSOGS KYI BDAG PO'I THUGS DAM SKANG, ,RDO RJE GNOD SBYIN BZHI YI THUGS DAM SKANG, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS BA'I THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DPON SLOB 'KHOR DANG BCAS RNAMS KYI, ,PHYI NANG NYER BA TSE MTHA' DAG ZHI BA DANG, ,'PHRIN LAS THOGS MED MYUR DU SGRUB PAR MDZOD, ,GLING BZHI YUD NYUL RTA MCHOG SGA SRAB LDAN, ,'JIGS PA'I G-YAG RGOD RVA 'GYING NGAR SGRA SGROGS, ,DAR GYI COD PA NA 'PHYANG BA'I RA LUG DANG, ,DGRA BGEGS SNYING 'BYIN 'PHUR LDING BYA TSOGS KYIS, ,LHA CHEN TSOGS KYI BDAG PO'I THUGS DAM BSKANG, ,RDO RJE GNOD SBYIN BZHI YI THUGS DAM BSKANGS, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS PA'I THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DPON SLOB

, ,'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB BAR MDZOD, ,MUN BA'I MDANGS CHAGS KHYI NGAR DGRA LA ZUG ,STAG GZIG CE SBYANG DO MNAG 'DUR RGYUG BYED, ,SPRI'U RGOD MI NAG STOBS LDAN BGEGS LA RNGAM, ,'JIGS BA'I GAD RGYANGS DRAG BO'I SGRA SGROGS BAS, ,LHA CHEN TSOGS KYI BDAG PO'I THUGS DAM BSKANG, ,RDO RJE GNOD SBYIN BZHI YI THUGS DAM BSKANG, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS PA'I THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DBON SLOB 'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB BAR MDZOD, ,'BRU SNA SHA KHRAG GTOR CHEN RI LTAR SPUNGS, ,'BRANG RGYAS 'DZAM BU TI BA NOR BUS SPRAS, ,DZAG DA RAKTA GSER SKYEMS DAM PA DANG, ,SRA BRTAN GO KHRAB RDO RJE'I MTSON CHA YIS, ,LHA CHEN TSOGS KYI BDAG BO'I THUGS DAM BSKANG, ,RDO RJE GNOD SBYIN BZHI YI THUGS DAM BSKANG, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS PA'I THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DPON SLOB 'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB BAR MDZOD, ,GOS DANG JA BZANG 'DOD YON LTUN POR SPUNGS, ,RIN CHEN LNGA DANG RGYAD BU LAS GRUB BA'I, ,RNAM PAR RGYAL PA'I KHANG BZANG DAM BA DANG, ,NYI ZLA GLING BZHI GLING PHRAN GZA' SKAR GYIS, ,

LHA CHEN TSOGS KYI BDAG PO'I THUGS DAM BSKANG, ,RDO RJE GNOD SBYIN BZHI YI THUGS DAM BSKANG, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS PA'I THUGS DAM BSKANG, ,'KHOR BCAS THUGS DAM DBYINGS SU SKONGS GYUR ZHAS, ,RNAL 'BYOR DPON SLOB 'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB BAR MDZOD, ,GZHAN YANG PHYI NANG GSANG BA'I RTEN GYI MCHOG ,MTSANG MED PA MTHUN BA'I DAM RDZAS DANG, ,DNGOS SU BSHAMS DANG YID SPRUL LAS BYUNG BA'I, ,'JIG RTEN 'JIG RTEN 'DAS PA'I MCHOD SBRIN GYIS, ,LHA CHEN TSOGS KYI BDAG PO'I THUGS DAM BSKANG, ,RDO RJE GNOD SBYIN BZHI YI THUGS DAM BSKANG, ,LAS BYED MKHA' 'GRO GSUM GYI THUGS DAM BSKANG, ,BKA' NYAN 'KHOR DANG BCAS PA'I THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,RNAL 'BYOR DPON SLOB 'KHOR DANG BCAS RNAMS KYI, ,PHYI NANG NYER 'TSE MTHA' DAG ZHI BA DANG, ,'PHRIN LAS THOGS MED MYUR DU SGRUB PAR MDZOD, , DE LTAR LHA MCHOG MTHU CHEN 'KHOR BCAS KYIS, ,MTHUN BA'I MCHOD GTOR DAM RDZAS 'DI BZHES LA, ,RGYAL DANG RGYAL BA GNYIS BA TZONG KHA BA'I, ,BSTAN DANG BSTAN 'DZIN BU BZHIN SKYONG BAR MDZOD, BSHAGS BA NI, H'Um, DAM RDZAS MCHOD BA DMAN ZHING BSHAMS NYES DANG, ,BAG MED SPYOD PAS LHA CHEN 'KHOR BCAS KYI, ,SKU GSUNG THUGS DANG 'GAL BA CI MCHIS PA, ,BSAM PA THAG PA'I SGO NAS BSHAGS PAR BGYI, ,THUGS DAM BSKUL BA NI, H'Um, RTZA BRGYUD BLA MAS BKA' BSGOS PA, ,BSGRUB PAR ZHAL

, ,'CHES MA BSNYEL BAR, ,SANGS RGYAS BSTAN PA RIN CHEN LA, ,GNOD PAR BYED PA'I DGRA DANG BGEGS, ,MA LUS SGROL BA'I DUS LA BAB, ,RNAL 'BYOR DPON SLOB 'KHOR BCAS KYIS, ,BSTEN CING MCHOD PA'I CHOS SRUNGS RNAMS, , BSKUL LO RBAD DO BSTAN PA'I DGRA'I, ,SROG RTZA CHOD LA SNYING KHRAG GSOL, ,KHYAD PAR DGON GNAS SKYE 'GRO LA, ,SDANG ZHING 'TSE BA'I MI BSRUN TSOGS, ,DA LTA NYID DU BRLAG PA DANG, ,CHOS LDAN RE BA'I DON KUN SGRUBS, ZHES DANG, BZLAS PA BYA BAR 'DOD NA, , RANG YI DAM DU GSAL BA'I THUGS KA'I SA BON LAS 'OD ZER 'PHROS, MDUN BSKYED KYI TSOGS BDAG GI THUGS KAR ZLA BA'I STENG DU GAm YIG DMAR PO'I MTHAR SNGAGS 'PHRENG GIS BSKOR BA LA PHOG PAS THUGS RGYUD RANG DBANG MED PAR BSKUL, SEMS CAN THAMS CAD SPYAN RAS GZIGS KYI GO 'PHANG LA BKOD, 'JIG RTEN DANG 'JIG RTEN LAS 'DAS PA'I DPAL 'BYOR LONGS SPYOD THAMS CAD DBANG DU BSDUS NAS DGOS 'DOD THAMS CAD CHAR BZHIN DU 'BEBS PAR BSAMS LA, AOm GAm GA nA MA GA nA DZA YA SV'AH'A, AOm RAdnA RAdnA, RAdnO RAdnO, GA nA PA TI, GA GA GA GA nA PA TI SV'AH'A, TZU RU CU RU, MA NU BHA DRA, TU RU TU RU, GHA GHA GHA YA, GA nA PA TA YE SV'AH'A, ZHES BZLA, MJUG TU GTOR MA BYIN GYIS BRLABS LA, DPAL TSOGS KYI BDAG PO YID BZHIN GYI NOR BU 'KHOR DANG BCAS PA'I LJAGS KYI STENG DU YI GE H'Um 'BAR BA RE RE, DE'I 'OD ZER GYI SBU GUS GTOR MA'I BCUD THAMS CAD DRANGS TE GSOL BAS THUGS RGYUD ZAG MED KYI BDE BAS TSIMS PAR GYUR PAR BSAMS LA, AOm GA nA PA TI AI DAm BA LIm TA KHA KHA KH'A HI KH'A HI, GSUM MAM BDUN GYIS GTZO BO LA 'BUL,

AA KA RO GSUM MAM BDUN GYIS 'KHOR RNAMS LA 'BUL, AOm GA nA PA TI SA PA RI W'AR AARGHAm NAS SHAPTA'I BAR GYIS MCHOD CING NANG MCHOD KYANG DBUL, BSTOD PA NI, THUGS RJE'I MNGA' BDAG RJE BTZUN PAD DKAR 'CHANG, ,DE YI RNAM SPRUL DPAL LDAN CHOGS KYI BDAG ,DBANG GI MDOG CAN ZHAL GCIG PHYAG BZHI PA, ,DGOS 'DOD KUN STZOL KHYOD LA BDAG PHYAG 'TSAL, ,KHRO GNYER BSDUS SHING DBU SKRA G-YAS SU 'KHYIL, ,MCHE GTZIGS SMAR SMIN MA GLOG LTAR 'KHYUG ,SPYAN GSUM ZANGS MIG SRID GSUM ZIL GYIS GNON, ,'JIGS MDZAD DPA' BO CHEN PO KHYOD LA BSTOD, ,SKU LA SRAB 'JAM DAR ZAB NA BZA' DANG, ,RIN CHEN DU MA'I RGYAN GYIS RNAM PAR SPRAS, ,ZHABS GNYIS RGYAL PO ROL PA'I STABS KYIS BZHAGS, ,CI BSAM 'DOD DGU'I DPAL 'BYOR STZOL LA BSTOD, ,SKU GSUNG THUGS DANG YON TAN 'PHRIN LAS KYI, ,ZLOS GAR LAS BYUNG CI BGYI'I BKA' NYAN CING, ,RNAL 'BYOR 'PHRIN LAS THOGS MED SGRUB MDZAD PA'I, ,NOR BDAG PHO NYA'I TSOGS LA BDAG BSTOD DO, ,ZAS BCUD NOR SOGS KHAMS GSUM SKYE 'GRO RNAMS, ,THOGS MED MYUR 'GUGS MKHA' 'GRO BSRUNG TSOGS BCAS, ,DAM RDZAS MCHOD GTOR RGYA MTSO 'DI BZHES LA, ,RNAL 'BYOR BCOL BA'I 'PHRIN LAS SGRUB PAR MDZOD, BZOD GSOL DANG BSNGO BA SMON LAM BKRA SHIS KYIS KYANG BRGYAN PAR BYA'O, ,ZHES LCAGS ZAB MO BRAG GI CHOS BDAG TSOGS BDAG SPRE'U'I GZUGS CAN LA MCHOD GTOR 'BUL TSUL 'DI NI ZAB BRAG DGE SLONG SPONG BA PA RNAMS KYIS NAN CHER BSKUL NGO DANG BSTUN CHOS SMRA BA'I DGE SLONG BLO BZANG YE SHES KYIS, 'DI'I GTOR CHOG GI YIG RNYING ZHIG 'DUG

, ,PA LA GZHI BYAS TE BGYIS PA'O,, SARBA MANG+GALAm,, ` AOm SVASTI SIDDHAm, BLO CHEN THUGS BSKYED BZANG PO'I SPRON LAM LA, ,SGRIB GNYIS CHU 'DZIN DRI BRAL SRID PA'I MIG ,BSTAN PA'I CHU SKYES RNAM 'BYED GZI BYIN CAN, ,LEGS SHAR SGRON ME LTA BU RTAG BRTAN SHOG ,BLO GTER DUR SMRIG GAR ROL TZONG KHA PA'I, ,LUGS BZANG BSTAN PA'I SGRON ME LEGS BZUNG NAS, ,GDUL BYA'I YID KYI MA RIG MUN SEL BA'I, ,YONGS 'DZIN DGE BA'I BSHES LA GSOL BA 'DEBS, ,MCHOG GSUM BYIN RLABS SMON GRUB DRANG SRONG GI ,BDEN TSIG MTHU LDAN BSRUNG MA'I 'PHRIN LAS DANG, ,MOS LDAN GSOL BTAB PHUN TSOGS RTEN 'BREL GYIS, ,'GRO MGON SKU TSE 'PHRIN LAS RAB RGYAS SHOG ,CES RJE BTZUN DAM PA BLO BZANG BSTAN PA'I RGYAL MTSAN GYI SPRUL PA'I SKUR GSOL 'DEBS BRTAN BZHUGS DANG BCAS PA ZHIG DGOS ZHES RJE BTZUN BKRA SHIS CHOS 'PHEL GYIS DBUS DPON KHAG SLOB 'KHOR SPYI TSOGS KYIS BSKUL BA'I NGOR CHOS SMRA BA'I DGE SLONG BLO BZANG YE SHES KYIS BKA' GDAMS PHO BRANG DU SBYAR BA'O,, MANG+GALAm,, ` SVASTI, PHAN BDE YON TAN MTHA' DAG 'BYUNG BA'I GNAS, ,DUR SMRIG GAR ROL THUB BSTAN 'DZIN PA'I GTZO, ,RJE BTZUN BLA MAR RTZE GCIG GSOL BTAB PAS, ,SKYE ZHING SKYE BAR 'BRAL MAD RJES 'DZIN SHOG ,CES PA 'DI NI KHAL KHA AER TE NI DA'I CHING GIS 'DOD SMON ZHIG DGOS TSUL LTAR BTZUN PA

BLO BZANG YE SHES KYIS SBYAR BA'O,, ,,SVASTI, BSIL LJONGS 'GRO BA'I MGON PO PAD DKAR 'DZIN, ,BSLAB GSUM RGYAN MDZES BLO BZANG YE SHES ZHABS, ,DBYER MED BLO BZANG BSTAN PA'I RGYAL MTSAN RJER, ,GSOL 'DEBS 'BRAL MED RJES SU 'DZIN GYUR CIG ,CES PA 'DI NI KHAL KHA AER TE NI SPRUL SKU BLO BZANG 'GYUR MED RDO RJE DANG, CHE CHEN NO YON MGON SKYABS RDO RJES 'DI LTA BU ZHIG DGOS ZHES BSKUL NGOR BTZUN PA BLO BZANG YE SHES KYIS SMRAS PA'O,, ` SVASTI, YON TAN MCHOG MNGA' RGYAL BA SRAS BCAS KYIS, ,THUGS RJE'I CHAR RGYUN DAD LDAN ZHING SA LA, ,PHAB PAS SPRUL SKU'I 'BRAS BZANG RAB SMIN NAS, ,BYANG CHUB BAR DU 'BRAL MED RJES 'DZIN SHOG , CES PA 'DI NA KHAL KHA KHU RAL GRVA TSANG GI DGE SKOS BLO BZANG RDO RJES 'DOD SMON RGYUN DU BTON CHOG PA ZHIG DGOS ZHES BSKUL BA LTAR BGYIS PA'O,, ` AOm SVASTI SIDDHAm, BLO CHEN BSKAL BZANG 'DREN PA THUB DBANG GI ,RING LUGS GDAMS PAS YONGS PHYUG KHRIMS LDAN DBUS, ,YE SHES 'OD KYI DRA BA STONG 'GYED PA'I, ,RJE BTZUN BLA MA SRID MTHAR ZHABS BRTAN GSOL, ,RAB 'BYAMS MDO DANG RGYUD SDE'I GZHUNG LUGS LA, ,'DOD DGUR SPYAD PAS RMAD BYUNG NGO MTSAR CAN, ,LEGS BSHAD BDUD RTZI'I DGA' STON 'GYED MKHAS PA, ,MI 'GYUR RDO RJE'I KHRI LA G-YO MED SHOG ,RING NAS THUGS BSKYED SMON GRUB BUM SKYES GZUGS, ,BDAG CAG PHU NU'I DAD RDZING LHUNG BA'I MOD, ,YAN LAG

, ,BRGYAD LDAN CHAB TU YONGS GYUR TE, ,'GRO BLO'I MA RIG 'KHRUD PA'I MTHU LDAN SHOG ,RNAM DAG BSAM PAS TSUL 'DIR 'BAD PA LA, ,MTHUN PA SGRUB PA'I LUS CAN MA LUS KYANG, ,RJE BTZUN BLA MAS 'BRAL MED RJES BZUNGS TE, ,SKU GSUM GO 'PHANG DAM PA MYUR THOB SHOG ,GZHAN YANG LJONGS 'DIR NAD MTSON MU GE SOGS, ,MI 'DOD RGUD PA MTHA' DAG NYER ZHI ZHING, ,PHUN TSOGS YON TAN ZLA LTAR RAB 'PHEL TE, ,RDZOGS LDAN DPAL LA 'GRAN PA'I BKRA SHIS SHOG ,CES PA 'DI NI SPEL RKYANG PA DKA' BCU BLO BZANG 'PHRIN LAS DANG, BRIS PA RJE DRUNG BLO BZANG RNAM RGYAL SPUN GYIS, NGOS KYI 'DRA COG MI TSAD TZAM GSER ZANGS LAS BSGRUBS PA'I DGE BSNGOR SH'AKYA'I DGE SLONG BLO BZANG YE SHES KYIS BGYIS PA'O,, SARBA MANG+GA LAm,, ` NA MO GU RU A'ARYA MEE TRA YE, RANG GI RTZA BA'I BLA MA DANG RJE BTZUN BYAMS PA MGON PO THA MI DAD DU BYAS PA'I BLA MA'I RNAL 'BYOR BSGOM POR 'DOD PAS, YID DANG MTHUN PA'I GNAS SU STAN BDE BA LA GNAS NAS, SKYABS 'GRO SEMS SKYED TSAD MED BZHI BSGOM PA SNGON DU BTANG NAS, 'DI LTAR NYAMS SU BLANG BAR BYA STE, RANG GI MDUN GYI NAM MKHAR SENG GE'I KHRI, ,DE STENG 'DAB STONG GE SAR ZLA GDAN LA, ,RTZA BA'I BLA MA BKA' DRIN GSUM LDAN RJE, ,RNAM PA RJE BTZUN BYAMS MGON GSER SBYANGS MDOG ,GTZUG TOR RAB GSAL SPRUL SKU'I CHA LUGS CAN, ,MTSAMS

SPRIN MDANGS CHAGS CHOS GOS RNAM GSUM GYIS, ,SKU LA 'KHYUD CING ZHAL GCIG PHYAG GNYIS PO, ,THUGS KAR CHOS KYI 'KHOR LO'I PHYAG RGYA MDZAD, ,PHYAG G-YON MTHEB MDZUB KYIS BZUNG KLU SHING NI, ,YAL 'DAB ME TOG 'BRAS BU SPYI BLUGS LDAN, ,MTSAN DANG DPE BYAD BZANG POS SPRAS PA'I SKU, ,NYI MA BYE BA'I GZI BYIN LTAR 'BAR ZHING, ,ZHABS GNYIS BZANG PO'I 'DUG STANGS KYIS BZHUGS PA'I, ,MTHA' SKOR BLA MA YI DAM SANGS RGYAS DANG, BYANG SEMS SGROL MA DMAG ZOR BSRUNG TSOGS SOGS, ,RING NAS BSTEN PA'I LHA MANG 'KHOR BCAS BZHUGS, ,DE DAG GNAS GSUM AOm A'A:H'Um YIG GIS, ,LEGS MTSAN THUGS KA'I H'Um LAS 'OD ZER 'PHROS, ,RTZA BRGYUD BLA MA RJE BTZUN BYAMS PA MGON, ,'KHOR BCAS DGA' LDAN CHOS KYI PHO BRANG SOGS, ,RANG RANG GNAS NAS GUS PAS SPYAN 'DREN NA, ,THOGS MED RDZU 'PHRUL LDAN PAS GNAS 'DI RU, ,MYUR GSHEGS DZA:H'Um BAm HO:DAM TSIG PAR, ,YE SHES SEMS DPA' DBYER MED RO GCIG GYUR, ,PHYOGS BCU'I SANGS RGYAS KUN GYI NGO BO NYID, ,CHOS PHUNG BRGYAD KHRI BZHI STONG 'BYUNG BA'I GZHI, ,'PHAGS TSOGS DGE 'DUN KUN GYI MNGA' BDAG MCHOG ,BYAMS MGON BLA MA'I ZHABS LA MGOS PHYAG 'TSAL, ,CI 'BYOR DNGOS BSHAMS YID SPRUL LAS BYUNG BA'I, ,MCHOD TSOGS KUN 'BUL NYES LTUNG DRI MA'I TSOGS, ,SGO GSUM GNOD ZHING 'GYOD PAS BSHAGS SHING SDOM, ,BDAG

, ,GZHAN DUS GSUM DGE LA RJES YI RANG, ,SKAL LDAN 'GRO LA CHOS 'KHOR BSKOR BA'I PHYIR, ,SRID MTHAR MYA NGAN MI 'DA' RTAG BZHUGS GSOL, ,'DIS MTSON RAB DKAR DGE TSOGS CI MCHIS KUN, ,BDAG SOGS MA PHAM MDUN SAR 'JUG PHYIR BSNGO, ,LUNG RTOGS YON TAN RGYA MTSO'I DPAL MNGA' ZHING, ,PHAN BDE'I MCHOG STZOL BSLAB GSUM RGYAN DANG LDAN, ,MTHA' YAS SKYE RGU'I RE BA YONGS SKONG BA'I, ,SLU MED SKYABS KYI DAM PAR GSOL BA 'DEBS, ,BDAG CAG THOG MED DUS NAS SRID PA'I MTSOR, ,LAS NYON RBA KLONG DRAG POS RAB BSKYOD DE, ,SDUG BSNGAL 'JIGS RUNG CHU SRIN KHAR CHUD PAS, ,MYUR DU SKYOBS SHIG BLA MA BYAMS MGON RJE, , 'DI SNANG 'GAGS NAS RNAM SHES BAR MA DOR, ,'KHYAMS TSE 'KHRUL SNANG 'JIGS SKRAG SDUG BSNGAL LAS, ,BYAMS MGON THUGS RJE'I 'OD ZER LCAGS KYU YIS, ,ZHING MCHOG DGA' LDAN GNAS SU DRANG DU GSOL, ,DE LTAR GDUNG SHUGS DRAG POS GSOL BTAB MTHUS, ,BYAMS MGON BLA MA'I GNAS GSUM SA BON LAS, ,BDUD RTZI 'OD ZER DKAR DMAR MTHING KHA GSUM, ,RIM DANG CIG CAR BYUNG BA GNAS GSUM DU, ,THIMS PAS SGRIB BZHI YONGS DAG SKU BZHI THOB, ,SLAR YANG BLA MA GNYIS PA ZHIG CHAD NAS, ,DGYES SHING THIMS PAS BLA MA BYAMS MGON DANG, ,DBYER MI PHYED PA'I NGO BOR BDAG NYID GYUR, CES BRJOD CING BSNGO BA SMON LAM SHIS,

BRJOD RNAMS BYA'O, ,TSUL 'DI NI SKU GDUNG RIN PO CHE'I MCHOD 'BUL BA RAB 'BYAMS PA BLO BZANG BKRA SHIS KYIS YANG YANG BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, ` 'DREN MCHOG MNYAM MED MA PHAM MGON PO LA, ,BLA GOS 'DI PHUL GSOL BA BTAB PA'I MTHUS, ,'THAB RTZOD DMAG 'KHRUG MI MTHUN KUN ZHI NAS, ,'GRO LA BDE SKYID 'BYOR LDAN NAD MED SHOG ,CES PA'ANG CHOS 'KHOR LHUN PO'I BYAMS MGON LA BLA GOS PHUL BA'I ZHAL YIG TU BGYIS PA'O,, ` SVASTI, THUB DBANG GSUNG SKYES CHOS KYI GRAGS PA YI, ,BZHED GZHUNG TSAD MA RNAM 'GREL DGONGS PA'I DON, ,MA NOR RAB STON RNAM BSHAD THAR PA'I LAM, ,GSAL BYED RGYAL TSAB DAM PAS LEGS BSKRUN PA, ,BKRA SHIS DGE BCU'I DPAL GYIS NYER MTSAN ZHING, ,LHUN PO LTA BUR BRTAN PA'I CHOS GRVA CHER, ,PAR DU BSGRUBS PA'I DGE TSOGS NYI 'OD KYIS, , THUB BSTAN 'DZIN MA'I KHYON KUN KHYAB GYUR CIG ,'DI NYID BSGRUBS LA SGO GSUM RE RES KYANG, ,BRTZON PA BGYIS PA'I YID CAN MA LUS PA, ,SGRIB BYANG TSOGS GNYIS YONGS SU RDZOGS GYUR TE, ,SKU GSUM GO 'PHANG DAM PA MYUR THOB SHOG ,CES PA'ANG RNAM BSHAD THAR LAM GSAL BYED KYI PAR BYANG DU BGYIS PA'O,, SARBA MANG+GA LAm,, ` NA MO GU RU BADZRA DHA R'A YA, RAB ZHI CHOS SKUR G-YO BA MI MNGA' YANG, ,RAB MANG 'GRO BA SRID

, ,LAS BSGRAL BYA'I PHYIR, ,RAB KHROS MYUR MDZAD MGON PO 'KHOR BCAS LA, ,RAB TU DANG BA'I YID KYIS PHYAG BGYID DO, ,TING 'DZIN SNGAGS DANG PHYAG RGYAS BYIN BRLABS PA'I, ,MTSAN NYID PHUN TSOGS YID 'ONG RU MTSON 'DI, ,RTEN DU 'BUL GYIS PAD MTSOR NGANG PA'I TSOGS, ,'DU BZHIN 'KHOR BCAS DGYES PAS RTAG BZHUGS LA, ,SRID GSUM 'GRO BA'I BLA MA TZONG KHA PA'I, ,BSTAN DANG BSTAN 'DZIN KUN LA PHU DUD MKHAN, ,KHO SHU'I CHING DBANG DGA' LDAN AER TE NE, ,JU NANG 'KHOR BCAS NYIN MTSAN MEL TSE YIS, ,BSRUNG SKYOB NAD GDON BAR CHAD ZHI BA DANG, ,TSE DPAL BSOD NAMS CHO 'BRANG LONGS SPYOD 'KHAR, ,DBYAR GYI CHU GTER BZHIN DU 'PHEL BA SOGS, ,'PHRIN LAS RNAM BZHIS BSAM DON KUN 'GRUB MDZOD,, SA MA YA TIshshA,, ZHES PA 'DI NI DAD STOBS DANG LDAN PA KHO SHU'I CHING DBANG DGA' LDAN AER TE NE JU NANG GIS MGON PO PHYAG DRUG PA'I RTEN THUGS DGOS GSUNG BA'I 'PHRIN BCOL DU SH'AKYA'I BTZUN PA BLO BZANG YE SHES KYIS BGYIS PA'O,, BKRA SHIS,, ` SVASTI SIDDHAm, DNGOS GRUB KUN GYI 'BYUNG GNAS DBANG GI RGYAL, ,GTAN GYI MDZOD DU 'DZAD MED LEN PA'I THABS, ,ZAB LAM BLA MA'I RNAL 'BYOR BSGOM PA'I TSUL, ,NYAMS LEN DAM PA'I MAN NGAG BZHIN DU BRI, ,'DIR BLA MA'I RNAL 'BYOR NYAMS SU LEN PAR BYED PA LA, RANG NYID BLA MAR GSAL BA'I NGANG NAS

SKYABS 'GRO SEMS BSKYED TSAD MED BZHI SNYING THAG PA'I SGO NAS BLO 'KHUL NGES SNGON DU BTANG NAS 'JUG PA BDE BA'I PHYIR 'DI LTAR,, ` RANG GI SPYI GTZUG BDE CHEN 'KHOR LO'I STENG, ,SENG KHRI PADMA ZLA BA'I DKYIL 'KHOR LA, ,SANGS RGYAS KUN DNGOS RTZA BA'I BLA MA MCHOG ,DKAR DMAR MDANGS CHAGS 'DZUM ZHAL PHYAG GNYIS G-YAS, ,CHOS 'CHAD G-YON PA MNYAM GZHAG LHUNG BZED BSNAMS, ,BTZO MA'I GSER MDANGS PAn ZHVA DBU LA GSOL, ,DUR SMRIG CHOS GOS GSUM GYIS SKU LA MDZES, ,MTSAN DPE'I DPAL 'BAR 'OD PHUNG 'KHYIL BA'I DBUS, ,MI PHYED RDO RJE'I SKYIL KRUNG TSUL BZHUGS PA'I, ,GNAS GSUM YI GE GSUM GYIS LEGS PAR MTSAN, ,THUGS KA'I SA BON LAS 'PHROS 'OD ZER GYIS, ,BLA MA RGYAL BA SRAS BCAS ZHI KHRO RNAMS, ,SPYAN DRANGS DAM TSIG PA DANG DBYER MED PAR, ,DGYES SHING THIMS PAS SKYABS GSUM KUN 'DUS KYI, ,NGO BOR GYUR PA BDAG SOGS 'GRO RNAMS KYI, ,BSOD NAMS ZHING GI DBAL DU BRTAN PAR BZHUGS, ,GANG GI DRIN GYIS SKU GSUM BDE BA'I DPAL, ,THUN MONG DNGOS GRUB DANG BCAS BDE BLAG TU, ,STZOL MDZAD SKYABS GNAS 'DUS PA'I NGO BO LA, ,LUS NGAG YID GSUM GUS PAS PHYAG BGYI'O, ,DNGOS BSHAMS YID SPRUL LHA MI'I MCHOD PA'I SPRIN, ,BDAG LUS SRID ZHI'I LONGS SPYOD KUN 'BUL ZHING, ,THOG MED DUS BSAGS SDIG LTUNG MI DGE'I TSOGS, ,GNOD ZHING 'GYOD PAS BSHAGS

, ,SHING YANG DAG SDOM, ,SANGS RGYAS BYANG SEMS NYAN RANG SKYE 'PHAGS KYIS, ,BSKRUN PA'I RNAM DKAR DGE LA RJES YI RANG, ,GRANGS MED ZHING BZHUGS BLA MA RGYAL SRAS BCAS, ,ZAB CING RGYA CHE'I CHOS 'KHOR BSKOR BAR BSKUL, ,'GRO LA PHAN BDE BSGRUB PHYIR BSKAL PA'I BAR, ,MI G-YO RTAG BZHUGS GDUNG BAS GSOL 'DEBS SHING, ,'DIS MTSON BDAG GZHAN DGE BA CI BSAGS PA, ,MKHA' MNYAM MA RGAN SGROL BA'I RGYU RU BSNGO, ZHES YAN LAG BDUN PA'I MJUG TU RANG GI BLA MA'I GSOL 'DEBS GANG LCOGS BYA ZHING MDOR BSDU NA 'DI LTAR, BLA MA SANGS RGYAS BYANG SEMS 'PHAGS PA'I TSOGS, ,YI DAM DKYIL 'KHOR LHA TSOGS BSRUNG MAR BCAS, ,SKYABS GNAS KUN 'DUS RTZA BA'I BLA MA LA, ,GSOL BA 'DEBS SO BDAG RGYUD BYIN GYIS RLOBS, ,GDOD NAS SKU GSUM GO 'PHANG BRNYES GYUR KYANG, ,BRTZE BAS THA MAL 'GRO BA 'DREN SLAD DU, ,DUR SMRIG GAR ROL BRTZE LDAN BLA MA LA, ,GSOL BA x, ,RGYAL KUN MKHYEN BRTZE'I ZLOS GAR LAS BYUNG ZHING, ,DKYIL 'KHOR RGYA MTSO'I KHYON LA DBANG BSGYUR BA'I, ,KHA SBYOR BDUN LDAN MGON PO KHYOD NYID LA, , GSOL BA x, ,DE LTAR GDUNG SHUGS DRAG POS GSOL BTAB MTHUS, ,BLA MA'I SKU GSUNG THUGS KYI GNAS RNAMS LAS, ,BDUD RTZI 'OD ZER DKAR DMAR MTHING KHA GSUM, ,RIM DANG LHAN CIG BYUNG BA GNAS

GSUM THIM, ,SGRIB BZHI RNAM NGAG DBANG DANG SKU BZHI THOB, ,SLAR YANG BLAM MAR ME GCIG LAS GNYIS, ,CHAD PA'I TSUL GYIS BDAG NYID LA THIMS PAS, ,DBYER MED RJE BTZUN BLA MA'I NGO BOR GYUR, ,DPAL LDAN BLA MA'I RNAM PAR THAR PA LA, ,SKAD CIG TZAM YANG LOG LTA MI SKYE ZHING, ,CI MDZAD LEGS PAR MTHONG BA'I MOS GUS GYIS, ,BLA MA'I BYIN RLABS SEMS LA 'JUG BAR SHOG ,CES PA 'DI NI DGE SLONG YE SHES SKAL BZANG GIS BSKUL BA'I NGOR SH'AKYA'I BTZUN PA BLO BZANG SHES KYIS SMRAS BA'O,, ` NA MO GU RU BADZRA BHEE RA W'A YA, RTZA BRGYUD BLA MA DKON MCHOG GSUM DANG 'JIGS MDZAD DPA' BO'I BYIN RLABS DANG, ,MI BSRUN DAM NYAMS BSTAN DGRA PHYER 'THAG DAM CAN RGYA MTSO'I MTHU STOBS KYIS, ,'DZAM GLING SPYI DANG LJONGS 'DIR DMAG 'KHRUG MU GE NAD YAMS KUN ZHI ZHING, ,LEGS TSOGS KUN SPEL SRID GSUM DBANG SDUS BSTAN DGRA TSAR GCOD 'PHRIN LAS SGRUBS,, SARBA MANG+GA LAm,, ZHES PA 'DI NI ME LUG DUS GZIR SKABS BLA MA YI DAM CHOS SRUNGS RGYA MTSOR MCHOD GTOR DANG BCAS G-YUL NGO ZHI BA'I 'PHRIN 'CHOL DU BGYIS PA'O,, ` SVASTI, BLA MA MCHOG GSUM RGYUD SDE'I LHA TSOGS DANG, ,KHYAD PAR BSTAN SKYONG BSRUNG MA'I TSOGS RNAMS KYIS, ,MKHAN SLOB CHOS 'BANGS GNAS LUS LONGS SPYOD SOGS, ,'PHRIN LAS RNAM BZHIS RTAG TU BSRUNG SKYOB MDZOD,, SA MA YA TIshshA,, ZHES PA'ANG

, ,ME LUG DUS GZIR SKABS 'PHRIN 'CHOL DU BGYIS PA'O,, ` SVASTI, DPAL LDAN RNAL 'BYOR BLA MED RGYUD RGYAL SOGS, ,RGYUD SDE RGYA MTSO'I KHYON LA DBANG BSGYUR ZHING, ,ZAB LAM RIM GNYIS NOR GYIS LEGS PHYUG PA'I, ,YONGS 'DZIN DGE BA'I BSHES LA GSOL BA 'DEBS, ZHES PA 'DI YANG SNGAGS GRVA ZHAL SNGA NAS DPAL 'BYOR RGYA MTSOR BRGYUD 'DEBS SU BCUG CHOG PA'I GSOL 'DEBS SHIG DGOS ZHES YAR 'PHEL GYIS BSKUL BA LTAR BGYIS PA'O,, BKRA SHIS,, ` SVASTI, THUB DBANG GNAS BRTAN BCU DRUG 'KHOR DANG BCAS, ,BDE GSHEGS MCHED BRGYAD BDE LDAN ZHING BKOD DANG, ,RAB 'BYOR 'KHRUNGS RABS BDE GSHEGS MCHOD RTEN BRGYAD, ,BRIS 'BUR NGO MTSAR RMAD BYUNG BSKRUN PA'I DGES, ,RJE BTZUN BLA MA SKU TSE RAB BRTAN CING, ,BSIL LDAN LJONGS 'DIR BDE SKYID 'PHEL BA DANG, ,KHYAD PAR RGYU SBYOR BKRA SHIS TSE RING SPUN, ,BU TSA TSE RING NAD MED BDE LDAN ZHING, ,SPUN BU TSA NYE TSE 'DAS PHA MA YIS, ,BSAGS PA'I SDIG SGRIB NYES LTUNG KUN BYANG NAS, ,PHA MAR GYUR PA'I 'GRO BA MA LUS PA, ,SGROL PHYIR MYUR 'TSANG RGYA BA'I RGYU RU BSNGO, ZHES PA 'DI NI BKRA SHIS RDZONG KHA'I GNYER PA BKRA SHIS TSE RING GIS BSKUL BA LTAR SH'AKYA'I BTZUN PA BLO BZANG YE SHES KYIS SMRAS PA'O,, SARBA DZA GA TO,, ` AOm SVASTI, DBEN SA CHOS KYI PHO BRANG 'DUS PA'I TSOGS, ,

DGYES BYED BTUNG BA'I YOL GO RIN CHEN LAS, ,BSGRUBS DGE RGYAL BSTAN PHYOGS BCUR RGYAS PA DANG, ,'GRO KUN SANGS RGYAS GO 'PHANG THOB PHYIR BSNGO, ,'DIS MTSON RTEN GSUM MCHOD RDZAS DNGOS CI MCHIS, ,'JIGS MDZAD DPA' BO DPAL MGON SDE LNGA DANG, ,RNAM GSUM LHA MOR GTAD KYIS BDAG ZUNGS LA, ,RKU 'PHROG BSAM SBYOR LOG KUN DRAG POS SGROL,, SA MA YA TIshshA,, ZHES PA'ANG DBEN SA CHOS KYI PHO BRANG GI TSOGS KHRO'I ZHAL YIG TU BGYIS PA'O,, ` SVASTI, DMIGS MED THUGS RJES BSKYOD PA'I ZLOS GAR GYIS, ,GRANGS MED ZHING DU SBRUL PAS RNAM ROL BA, ,SKYABS GSUM KUN 'DUS DPAL LDAN BLA MA LA, ,GUS PAS GSOL 'DEBS 'BRAL MED RJES GZUNG GSOL, ZHES PA 'DI YANG DAD LDAN DPON MO RNAM RGYAL GYIS BSKUL BA LTAR SH'AKYA'I BTZUN PA BLO BZANG YE SHES KYIS BGYIS PA'O,, MANG+GA LAm,, ` AOm BDE LEGS SU GYUR CIG RLABS CHEN TSOGS GNYIS YONGS RDZOGS 'DZIN MA'I LTOR, ,THUGS BSKYED SA BON LEGS 'KHRUNGS DPAG BSAM LJON, ,GZHAN PHAN DRI BSUNG SRID GSUM KHYAB 'PHRO BA'I, ,RNAM 'DREN NYI MA'I GNYEN LA MGOS PHYAG 'TSAL,, BSLAB GSUM RNAM DAG GSUNG SKYES 'DU BA'I GNAS, ,NOR BU CHOS 'KHOR GTZUG LAG KHANG MDZES RGYAN, ,DAR GYI LNGA LDI GOS BZANG LAS GRUB PA'I, ,GONG PA BAR MTSAMS 'PHAN CHUNG GIS SPA BA, ,DKA' BCU BLO BZANG CHOS

, ,GRAGS LHAG BSAM GYIS, ,BSGRUBS PA 'DIS MTSON RNAM DKAR DGE BA'I TSOGS, ,JI SNYED SPYAD KUN MAR GYUR 'GRO SGROL CHED, ,MYUR DU RDZOGS BYANG THOB PA'I RGYU RU BSNGO, ,GO 'PHANG MCHOG DE MA THOB TSE RABS SU, ,DAL 'BYOR RTEN THOB BSHES GNYEN DAM PA YIS, ,'BRAL MED RJES 'DZIN GSUNG GI BGO SKAL LA, ,NYER SPYOD TSANGS SPYOD LDAN PA NYID GYUR CIG ,GNAS SKABS SU YANG BAR GCOD BDUD RIGS DPUNG,, NAM MKHA'I GLANG PO LTA BU DAG ZHI NAS, ,BDE SKYID PHUN TSOGS RTA LJANG CAN ZER GYIS, ,GANGS CAN 'DZIN MA'I KHYON KUN KHYAB GYUR CIG ,CES PA 'DI NI DKA' BCU BLO BZANG CHOS GRAGS KYIS SRAD NOR BU CHOS 'KHOR DU LNGA LDI PHUL BA'I DGE SNGO'I TSIGS BCAD CIG DGOS ZHES NAN GYIS BSKUL BA'I NGOR SH'AKYA'I DGE SLONG BLO BZANG YE SHES KYIS BGYIS PA'O,, MANG+GA LAm,, ` AOm SVASTI, TSOGS GNYIS YONGS RDZOGS RNAM 'DREN SH'AKYA'I TOG ,BRGYAD KHRI BZHI STONG NYON MONGS KUN SEL SMAN, ,TSUL BZHIN SPYOD PA THEG GSUM DGE 'DUN BCAS, ,SKYABS MCHOG RNAM PA GSUM LA MGOS PHYAG 'TSAL, ,PHA ROL SON PA PHAN TSOGS DBANG MO YI, ,SGRIB SBYONG TSOGS GNYIS YONGS SU RDZOGS SLAD DU, ,PHYAG CHEN BRGYUD RIM RGYAD SDE RNAM PA BZHI'I, ,SNANG BRNYAN LDEBS BRIS BCAS PA LEGS BSGRUBS DGE ,DPAG MED SNGON NAS DA LTA'I BAR BSAGS PA'I, ,MI DGE SDIG PA'I 0279B TSOGS KUN BYANG BA DANG, ,PHUN TSOGS YON TAN KUN GYI RGYAN LDAN PA'I, ,SKU GSUM GO 'PHANG DAM PA THOB PHYIR BSNGO, ZHES PA 'DI NI RIN CHEN RTZE NAS LCAM BSOD NAMS G-YANG 'DZIN GYIS YUM PHUN TSOGS DBANG MO'I DGONGS RDZOGS SU LHA KHANG GSAR BZHENGS MDZAD PA'I DGE BSNGO'I TSIGS BCAD CIG DGOS GSUNG BA LTAR SH'AKYA'I BTZUN PA BLO BZANG YE SHES KYIS BGYIS PA'O, ,BKRA SHIS,, ` AOm BDE LEGS SU GYUR CIG ,BDUD DPUNG 'JOMS MDZAD 'JAM DPAL GSHIN RJE'I GSHED, ,BAR GCOD KUN SEL GUR MGON PHYAG BZHI PA, ,DGE SDIG SHAN 'BYED DAM CAN CHOS KYI RGYAL, ,KHYAD PAR SRID GSUM BDAG MO 'DOD KHAMS MA, ,DREGS PA LCAM SRING GNOD SBYIN YANG DAG SHES, ,DAM CAN RGYA MTSO 'KHOR BCAS KHYED RNAMS LA, ,MKHA' SPYOD GTZUG LAG KHANG DANG DGE 'DUN SDE, ,RTEN GSUM MCHOD RDZAS SPYAN GZIGS MA LUS DANG, ,KHANG PHRAN MKHO DGU'I YO BYAD LONGS SPYOD RNAMS, ,GNYER DU GTAD DO BKA' SRUNGS RGYA MTSO YIS, ,DUS KUN BSRUNG ZHING BSKYAB DANG SBA BA DANG, ,NYIN MTSAN RTAG TU MA G-YEL ME LA TSE MDZOD, ,LOG PA'I BSAM PAS 'PHROG CING BCOM PA DANG, ,THABS KYIS RKU SOGS GZHAN DU 'KHYER BYED PA'I, ,MI BSRUN SDIG LDAN MI DANG MI MIN RNAMS, ,MNGON SPYOD LAS KYI CHAD PAS TSAR CHOD MDZOD, ,DGON GNAS DGE 'DUN DKON MCHOG RTEN GSUM LA, ,DANG BA'I SEMS KYIS MCHOD BSTOD

, ,LHUR LEN RNAMS, ,TSE RING NANG MED BDE SKYID LDAN PA DANG, ,'GRO KUN SANGS RGYAS MYUR THOB 'PHRIN LAS MDZOD,, BADZRA SA MA YA TIshthA, ZHES PA 'DI NI GCEN LUNG MKHA' SPYOD MKHAN PO BSOD NAMS PHYOGS GLANG GIS NAN TAN CHEN POS BSKUL NGOR GSHIN RJE'I GSHED KYI RNAL 'BYOR BA BLO BZANG YE SHES KYIS SBYAR BA'O,, ` SVASTI, RGYAL KUN NGO BO BLO BZANG GRAGS PA DANG, ,SKYABS KYI DAM PA BLO BZANG YE SHES ZHABS, ,DBYER MED GSOL 'DEBS BYANG CHUB MA THOB BAR, ,'BRAL MED RDZES ZUNGS MCHOG THUN DNGOS GRUB STZOL, ,BRTAN PA'I 'KHOR LO 'JIGS MDZAD GDUGS DKAR MO, ,LAS GSHIN 'DOD KHAMS DBANG MO BEG RTZE CAN, ,DGE BSNYEN CHEN POR LHA BTZUN MI NOR 'KHOR, ,BCOL LO 'PHRIN LAS RNAM BZHIS SKYONG BAR MDZOD, ,CES PA 'DI NI LHA BTZUN RAB 'BYAMS PA BLO BZANG YAR 'PHEL GYIS 'DI LTA BU ZHIG DGOS ZHES BSKUL BA'I NGOR SH'AKYA'I BTZUN PA BLO BZANG YE SHES KYIS BGYIS PA'O,, ` NA MO GU RU MANYDZU GHO sh'A YA, DUS GSUM RGYAL BA'I MKHYEN BRTZE YON TAN KUN, ,GCIG TU BSDUS PA BKA' DRIN GSUM LDAN RJE, ,DUR SMRIG GAR ROL MCHOG THUN DNGOS GRUB KUN, ,STZOL MDZAD YID BZHIN NOR BU'I ZHABS LA 'DUD, ,DE LA 'DIR BLA MA'I RNAL 'BYOR BSGOM PAR 'DOD PAS DGE SEMS KHYAD PAR CAN GYI NGANG NAS SKYABS 'GRO SEMS SKYED TSAD MED BZHI

BSGOM PA SNGON DU BTANG NAS 'DI LTAR, RANG NYID ZHE SDANG RDO RJE YAB YUM DU, ,GSAL BA'I THUGS KA'I H'Um LAS 'OD ZER 'PHROS, ,SNOD BCUD MA DAG DRI MA KUN SBYANGS TE, ,DAG BA'I ZHING GYUR LHA DANG LHA MOS KHYAB, ,LUS MCHOG BRTAS BYED 'DOD YON LNGA LDAN PA'I, ,SNA TSOGS MCHOD PA'I BYE BRAG SPYAN GZIGS TSOGS, ,LHA RDZAS LAS GRUB GNAM SA'I KHYON GANG BA, ,ZAG MED KUN BZANG MCHOD SPRIN RGYA MTSOR GYUR, ,AOm A'A:H'Um, LAN GSUM BRJOD PAS BYIN GYIS BRLABS, ,DE NAS, RANG GI SMIN MTSAMS THAD DRANG DRANG NAM MKHA'I NGOS, ,GTZUG PHUD LNGA PAS BTEG PA'I 'PHANG MTHO'I KHRI, ,RIN CHEN GZAR BU DU MAS RNAM SPRAS STENG, ,'DAB STONG NYI ZLA'I DKYIL 'KHOR RGYAS PA'I DBUS, ,GSUM LDAN BLA MA RGYAL KUN NGO BO NYID, ,RDO RJE 'CHANG DNGOS RNAM PA DGE SLONG TSUL, ,SKU MDOG DKAR DMAR ZHI ZHING DGYES 'DZUM LDAN, ,ZHAL GCIG PHYAG GNYIS PHYAG G-YAS CHOS 'CHAD DANG, ,G-YON PA MNYAM GZHAG DRANG SRONG SNOD MCHOG BSNAMS, ,NYI GZHON 'CHAR KA'I MDANGS LDAN CHOS GOS GSUM, ,LEGS PAR GSOL ZHING PAn ZHVAS DBU LA MDZES, ,RMAD BYUNG MTSAN DANG DPYE BYANG DPAL 'BAR BA'I, ,'JA' 'OD GUR KHYIM 'KHRIGS PA'I DBUS DAG TU, ,ZHABS GNYIS RDO RJE SKYIL KRUNG GIS BZHUGS PA'I, ,PHUNG KHAMS RNAM DAG BDE GSHEGS YAB YUM LNGA, ,SKYE MCHED RTZA RGYUS TSIGS RNAMS BYANG

, ,SEMS DNGOS, ,BA SPU DGRA BCOM YAN LAG KHRO DBANG NYID, ,MTHA' SKOR DNGOS BRGYUD BLA MA'I TSOGS RNAMS DANG, ,RGYUD SDE BZHI 'BREL YI DAM LHA YI TSOGS, ,SANGS RGYAS BYANG SEMS NYAN RANG DPA' BO DANG, ,MKHA' 'GRO BSTAN SRUNGS RGYA MTSOS BSKOR NAS BZHUGS, ,DE DAG GNAS GSUM RDO RJE GSUM MTSAN PA'I, ,H'Um YIG 'OD KYIS CHOS SKU'I GNAS MCHOG NAS, ,RANG RANG YE SHES BA RNAMS SKAD CIG GIS, ,SPYAN DRANGS DAM TSIG SEMS DPA' SO SO LA, ,DGYE SHING THIMS PAS TSUL CHU BZHAG BZHIN, ,DBYER MED GCIG GYUR BDAG CAG MOS LDAN 'GRO'I, ,BSOD NAMS ZHING MCHOG NYID DU BRTAN PAR BZHUGS, ,DE NAS YAN LAG BDUN PA 'BUL BA NI, DKYIL 'KHOR RGYA MTSO'I BDAG PO RDO RJE 'CHANG, ,SNYIGS DUS NYAM THAG MGON MED 'GRO BA RNAMS, ,SGROL PHYIR NGUR SMRIG 'DZIN PA'I TSUL 'CHANG BA, ,MTSUNGS MED RJE BTZUN BLA MAR PHYAG 'TSAL LO, ,SRID ZHI'I DPAL 'BYOR LAS 'ONGS MCHOD PA'I RDZAS, ,RIN CHEN MAndAL KUN BZANG MCHOD SPRIN LA, ,RAB 'GRAN MCHOD PA'I BYE BRAG BSAM MI KHYAB, ,SKYABS GNAS KUN 'DUS NGO BO MNYES PHYIR 'BUL, ,GDOD NAS DA LTA'I BAR BSAGS MI DGE'I LAS, ,GNONG ZHING 'GYOD PAS BLA MA LHA TSOGS DRUNG, ,MI 'CHAB BSAM PA THAG PAS BSHAGS BGYID CING, ,SLAN CHAD MI DGE'I LAS RNAMS

YANG DAG SDOM, ,CHOS KUN RANG BZHIN GYIS GRUB BDEN BRAL YANG, ,SGYU MA SMIG RGYU CHU ZLA JI BZHIN DU, ,SKYE 'PHAGS KUN GYIS BSAGS PA'I RNAM DKAR DGER, ,BDAG NI BSAM PA THAG PAS RJES YI RANG, ,RANG RANG GDUL BYA'I KHAMS DANG BSAM PA BZHIN, ,PHAN DANG BDE BA MA LUS 'BYUNG BA'I GNAS, ,ZAB DANG RGYA CHE'I CHOS 'KHOR BLA MED PA, ,RTAG PAR RGYUN CHAD MED PAR BSKOR BAR BSKUL, ,CHOS SKUR 'GYUR MED SKYE 'CHI DANG BRAL YANG, ,THA MAL TSUL BZUNG NGUR SMRIG 'DZIN PA'I SKU, ,MAR GYUR SMIN GROL LAM LA 'GOD SLAD DU, ,'KHOR BA MA STONGS PAR DU RTAG BZHUGS GSOL, ,'DIS MTSON BDAG DANG GZHAN GYIS DUS GSUM DU, ,BSAGS PA'I PHUL BYUNG BSOD NAMS CI MCHIS PA, ,'GRO KUN BYANG CHUB MCHOG LA DGOD BYA'I PHYIR, ,ZUNG 'JUG RDO RJE 'CHANG CHEN THOB PHYIR BSNGO, ZHES YAN LAG BDUN PA PHUL NAS SKYABS GNAS BSLU BA MED PA'I BDAG NYID DU MOS TE RA SA GZHAN NA MED PA'I BLO LTOS BCAS LA KHA TZAM TSIG TZAM MA YIN PAR GDUNG SHUGS DRAG PO'I SGO NAS RANG GI RTZA BA'I BLA MA GANG YIN GYI GSOL 'DEBS GANG LCOGS BYAS PA'I MTHAR, YON TAN KUN 'BYUNG TSUL KHRIMS ZHING SA LA, ,RNAM DAG BSLAB GSUM LJON PA'I LO 'DAB RGYAS, ,NGES 'BYUNG BYANG CHUB SEMS KYI 'BRAS BUS BRJID, ,'DUL BA 'DZIN PA'I GTZOL GSOL BA 'DEBS, ,RGYAL KUN MKHYEN BRTZE'I ZLOS GAR LAS 'ONGS PA'I,,

, ,GANG SKU BDE GSHEGS RIGS LNGA BYANG SEMS SOGS, ,DKYIL 'KHOR RGYA MTSO'I LHA TSOGS KUN 'DUS PA'I, ,BDAG NYID RDO RJE 'CHANG LA GSOL BA 'DEBS, ,SRAS BCAS RGYAL BA'I THUGS RJE'I NYI 'OD LAS, ,GANG GI MKHYEN BRTZE'I 'OD ZER CHA SHAS TZAM, ,BDAG GI BLO GROS PADMO BZHAD PA LA, ,ZLA BRAL RTZA BA'I BLA MAR GSOL BA 'DEBS, ,DE LTAR RTZE GCIG GSOL BA BTAB PA'I MTHUS, ,BLA MA'I GNAS GSUM LAS BYUNG BDUD RTZI'I RGYUN, ,RIM DANG CIG CAR BDAG GI SGO GSUM LA, ,THIMS PAS SGRIB BZHI RNAM DAG DBANG BZHI THOB, ,SKU BZHI THOB CING RTZA BA'I BLA MA NYID, ,DGYES SHING THIMS PAS SNYING GA'I PADMOR BZHUGS, ,PHUN TSOGS YON TAN MA LUS STZOL MDZAD PA'I, ,SKYABS GNAS KUN 'DUS RJE BTZUN BLA MA LA, ,GUS PAS MCHOD CING SNYING NAS GSOL BTAB PAS, ,MNYES BZHIN RJES SU 'DZIN PAR BYIN GYIS RLOBS, ,'DI LTAR BGYIS PA'I RNAM DKAR DGE BA YANG, ,DUS GSUM BDE GSHEGS SRAS BCAS THAMS CAD KYI, ,MDZAD PA SMON LAM MA LUS BSGRUB PA DANG, ,LUNG RTOGS DAM CHOS 'DZIN PA'I RGYU RU BSNGO, ,DE YI MTHU LAS TSE RABS KUN TU BDAG ,THEG MCHOG 'KHOR LO BZHI DANG MI 'BRAL ZHING, ,NGES 'BYUNG BYANG SEMS YANG DAG LTA BA DANG, ,RIM GNYIS LAM GYI BGROD PA MTHAR PHYIN SHOG ,CES SOGS BSNGO BA SMON LAM RGYAS BSDUS CI RIGS PA BYA'O,,

ZHES PA 'DI NI BKRA SHIS LJONGS SPRUL PA'I SKU BLO BZANG 'PHRIN LAS RGYAL MTSAN GYI GSUNG GIS 'DI LTA BU ZHIG DGOS ZHES BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS RGYAL BAS CHO 'PHRUL CHEN PO BSTAN PA'I DUS CHEN THOG BGYIS PA'O,, ` SVASTI, BDE LDAN ZHING SOGS PHYOGS BCU'I ZHING KHAMS NAS, ,BLA MA RGYAL BA SRAS DANG BCAS PA RNAMS, ,RNAM DAG SMON PA'I ZHING DU SPYAN 'DREN NA, ,'KHOR BCAS THOGS PA MED PAR GSHEGS SU GSOL, ,ZLA BA'I ZER GYIS PHOG PA'I PADMO BZHIN, ,LAG PA'I SOR MO SNYING KHAR ZUM BYAS TE, ,YANG DAG LAM BZANG STON PA'I BLA MA LA, ,RTZE GCIG GUS PA'I YID KYIS GSOL BA 'DEBS, ,RNYED DKA'I DAL 'BYOR RTEN BZANG THOB GYUR CING, ,MA LTAR BRTZE BA'I DGE BA'I BSHES GNYEN GYIS, ,RJES BZUNG CHOS LA SPYOD PA'I SKABS LDAN 'DIR, ,GSUNG GI BDUD RTZI NGOMS MED 'THUNG BAR SHOG ,RGYAL BA'I GSUNG RAB KUN GYI SNYING PO'I DON, ,RTZE GCIG NYAMS SU LEN PA'I BLO SHUGS DANG, ,MAR GYUR DON DU SANGS RGYAS THOB 'DOD BLO, ,SHUGS DRAG LHAN CIG RGYUD LA SKYE BAR SHOG ,GNAS SKABS SU YANG DAM CHOS SGRUB PA'I GEGS, ,PHYI NANG NYER 'TSE MA LUS ZHI BA DANG, ,CHOS LDAN 'BYOR PA LUNG RTOGS YON TAN TSOGS, ,ZLA BA YAR GYI NGO BZHIN 'PHEL BAR SHOG ,JI SRID SANGS RGYAS MA THOB DE SRID DU, ,DAL 'BYOR RTEN BRGYUD BSHES GNYEN DAM PA YIS, ,RJES

, ,BZUNG RTAG TU RAB BYUNG THOB PA DANG, ,THEG MCHOG CHOS KYIS RANG RGYUD YONGS SMIN SHOG ,'DI SNANG 'GAGS TSE BDE LDAN ZHING MCHOG TU, ,PADMO LAS SKYES MGON PO 'KHOR BCAS KYI, ,ZHAL MTHONG GSUNG GI BDUD RTZIR SPYOD BYED PA'I, ,SKAL BZANG SRAS KYI THU BOR 'GYUR BAR SHOG ,CES BKRA SHIS LJONGS SPRUL PA'I SKU'I GSOL DPON DKA' BCU DGE TSOGS BSTAN 'DZIN GYIS 'DI LTA BU ZHIG DGOS ZHES NAN GYIS BSKUL BA LTAR SH'AKYA'I BTZUN PA BLO BZANG YE SHES KYIS BGYIS PA'O,, ` NA MO GU GU MANYDZU GHO sh'U YA, RJE RGYAL BA KUN GYI YE SHES NYID, ,PHA MTSUNGS MED DRIN CAN BLA MA'I ZHABS, ,SPRANG BDAG SNYING PADMO'I DBUS BZHUGS LA, BLO CHOS LA PHYOGS PAR BYIN GYIS RLOBS, ,RTEN DAL BRGYAD 'BYOR BCU TSANG BA'I LUS, ,'DI THOB DKA' JIG SLA'I TSUL MTHONG NA, ,DA DON MED BYA BAS MI 'DA' BAR, ,DON SNYING PO LEN PAR MI RIGS SAM, ,DKOR NOR RDZAS SBRANG MA'I SBRANG RTZI DANG, ,LUS MI RTAG RTZVA RTZE'I ZIL PA 'DRA, ,SROG BRTAN MED NAM MKHA'I GLOG DANG MTSUNGS, ,DA 'KHOR BA'I GNAS LA CHAGS PA 'KHRUL, ,TSE RLUNG NANG MAR ME BTEG PA LTAR, ,LAR SKAD CIG NYID LA 'JIG 'GYUR ZHING, ,KUN MI 'DOD 'CHI BDAG KHAR CHUD NA, ,DUS GTAN GYI MDUN MA SGRUB RE RAN, ,LUS LONGS SPYOD GNYEN 'KHOR DBUS GNAS KYANG, ,SKYABS RE SA BRAL BA'I BAR DO'I 'PHRAD, ,YID 'PHYO ZHING

GCIG PUR 'GRO BA'I CHE, ,SKYABS DAM CHOS MIN PA CANG 'DUG GAM, ,SNGON THOG MED DUS NAS DA LTA'I BAR, ,LAS MI DGE BCU DANG MTSAMS MED LNGA, ,CI BSAGS KUN RANG RJES NGES 'BRANG BAS, ,DA MYONG 'GYUR SDUG BSNGAL AA TZA MA, ,SPYIR SRID PA'I RGYA MTSO GTING RE ZAB, ,SGOS NYON MONGS CHU SRIN 'JIGS PA'I KHAR, ,LAS NGAN PA'I RLABS KYIS YONGS 'PHANGS PA'I, ,THAR MED KYI SDUG BSNGAL AE BZOD SOMS, ,TSANGS DBANG PO MDA' LNGA PA LA SOGS, ,STOBS LONGS SPYOD 'DOD DGUR ROL MDZAD KYANG, ,DUS NAM ZHIG DMYAL BA'I MES BSREG NA, ,KHAMS GSUM GYI BDE LA CHAGS LA 'KHRUL, ,YID BRTAN DU MED PA 'KHOR BA'I CHOS, ,LAR DENG SANG SKYE BO'I 'GYUR LDOG RNAMS, ,DBUGS 'BYUNG 'JUG TZAM LA DGRA GNYEN 'GYUR, ,DA SDIG GROGS SPONGS LA RANG TSUGS ZUNGS, ,LAS SKYE RGAN 'CHI'I LCAGS SGROG GIS, ,TSE THOG MED DUS NAS DA BAR BSDAMS, ,DE 'GRO LA THABS RANG DBANG YOD PA'I SKABS, ,LAM BSLAB GSUM RNAM DAG BSTEN PAR RIGS, ,DON DE LTAR DRAN NAS DKON MCHOG LA, ,DUS RNAM PA KUN TU GSOL 'DEBS SHING, ,SDIG MI DGE'I LAS RNAMS RGYANG BSRINGS TE, DA THAR PA SGRUB LA MI BRTZON NAM, ,LAS DKAR NAG PHRA ZHIB PHYIR 'BRANG BA, ,BLO GZU BOR GNAS PAS LEGS BRTAGS NAS, ,DA SDIG SPONG DGE BA'I LAS RNAMS LA, ,SEMS 'GYOD MED BLANG DOR BSTEN PA 'TSAL, ,MAR

, ,GYUR PA'I SEMS CAN MTHA' YAS PAR, ,BYAMS SNYING RJE BYANG CHUB SEMS BSKYED CING, ,RJE RGYAL BA'I THUGS KYI ZAB DON DANG, ,RGYA CHE BA'I CHOS LA 'BAD RTZOL DGOS, ,DUS RTAG TU BSTEN NA SRID ZHI YI, ,DPAL 'DOD DGU'I 'BYOR PA MCHOG STER BA'I, ,NOR 'PHAGS NOR BDUN GYI MDZOD BZANG PO, ,DA LUS GRIB BZHIN DU BSTEN RA RAN, ,DRIN CHE BA'I SEMS CAN PHA MA LA, ,BYAMS SNYING RJE LDAN PA'I SEMS BSKYED NAS, RJE DUS GSUM MKHYEN PA'I RJES ZHUGS NA, ,DE DAL 'BYOR THOB PA DON LDAN YIN, ,YID GUS PAS BLA MA'I RNAL 'BYOR DANG, ,LAR GANG SNANG SGYU MA LHA SKU DANG, ,DON STONG NYID SNYING RJE'I RNAL 'BYOR LA, ,DUS NYIN MTSAN G-YEL MED SKYONG BA GCES, ,TSOGS DRUG TU SNANG BA GANG SHAR YANG, ,DE DGAG SGRUB SPONGS LA SNANG TSUL LTOS, ,TSUL DE BZHIN BRTAGS PAS RJEN PAR GSAL, ,DON DE LTA'I NGANG DU MNYAM PAR ZHOG ,GNAS DBEN PAR 'DUG KYANG BAG MED KYIS, ,DON MED PA'I BYA BAS 'DA' GYUR NA, ,DGON STONG PA'I RI DVAGS SPYOD TSUL 'DRA, ,DA YENGS MED BAG DANG LDAN PAR BYOS, ,RJE RGYAL BA GONG MA'I RNAM THAR BZHIN, ,DUS GSUM DU BSAGS PA'I BDAG GZHAN DGE ,DON 'KHOR GSUM DAG PAS RGYAS BTAB STE, ,MA 'GRO KUN BYANG CHEN RGYU RU BSNGO, ZHES PA 'DI NI RI KHROD PA DKA' BCU YE SHES BSTAN 'DZIN GYIS 'DI LTA BU ZHIG DGOS ZHES SNGA PHYIR YANG

YANG BSKUL BA LTAR CHOS SMRA BA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O, , ` SRASTI, BSKAL BZANG RNAM 'DREN BZHI PA THUB DBANG GI ,NGO MTSAR BRGYA PHRAG ZLOS GAR 'KHRUNGS RABS KYI, , SNANG BRNYAN DBANG PO'I GZHU RIS LTAR BKRA BA, ,YE SHES MNGON SUM BYON 'DRA'I GRVA THANG DANG, ,LJONGS 'DIR THUB PA'I GSUNG RAB 'GYUR RO COG ,BDE GSHEGS THUGS RTEN RNAM BRGYAD TSAR GNYIS DANG, ,GZHAN YANG SKU RTEN GSUNG SOGS THOR BU BCAS, ,BSOD NAMS ZHING DU DANG BAS LEGS PAR BSKRUN, ,'DIS MTSON RNAM DKAR DGE BA CI BSAGS PA, ,BDAG SOGS MKHA' MNYAM MA RGAN 'GRO BA RNAMS, ,MNGON MTHO LHA MI'I RTEN BZANG LEGS BRGYUD DE, ,NGES LEGS SKU GSUM GO 'PHANG THOB PHYIR BSNGO, ,ZHES PA RGYA STON SKU SKYE YIS, ,ZAS GTZANG SRAS KYI SKU GSUNG THUGS, ,RTEN MCHOG BZHENGS PA'I BSNGO TSIG TU, ,SBYAR BAS 'GRO RNAMS BDE LDAN SHOG, ` ,SVASTI, RNAM 'DREN THUGS RJE'I SPYI GZUGS TZONG KHA PA, ,BSLAB GSUM RGYAN MDZES BLO BZANG YE SHES ZHABS, ,PAD DKAR 'DZIN PA SKAL BZANG RGYA MTSO'I SDE, ,MNYAM MED BLA MA GSUM LA GSOL BA 'DEBS, ,RAB 'BYAMS RGYAL BA RGYA MTSO'I YE SHES MCHOG ,GCIG BSDUS NGAG GI DBANG PHYUG 'JAM PA'I DBYANGS, ,GDUL BYAR CHES TSUL STON LA DBYER MED PA'I, ,'GRO RNAMS BYAMS PAS SKYONG LA GSOL BA 'DEBS,,

, ,SKYE RABS DU MAR CHU YI GZEGS MA LTAR, ,NYER BSAGS TSOGS GNYIS RGYA MTSO LAS THON ZHING, ,PHUN TSOGS YON TAN LDAN PA'I 'OD DKAR CAN, ,GDUL BYA'I KU MUD BZHAD LA GSOL BA 'DEBS, DAG LA DBANG BSGYUR BLO GROS GZHAL MED KHANG, ,BYAMS DANG SNYING RJE LHAG BSAM NOR GYIS BLTAMS, ,'GRO LA CHOS SBYIN RGYA CHER SPEL MDZAD PA'I, ,BSHES GNYEN DAM PA SRID MTHAR RTAG BRTAN SHOG ,MDO RGYUD GZHUNG LUGS KUN LA MKHYEN PA RGYAS, ,BSLAB GSUM RNAM DAG YON TAN 'BYUNG BA'I GZHI, ,LUNG RTOGS DAM CHOS KUN GYI MDZOD 'DZIN PA, ,ZLA BRAL DGE BA'I BSHES GNYEN ZHABS BRTAN SHOG ,THUB DBANG GNYIS PA RJE BTZUN TZONG KHA PA'I, ,DRI MED RING LUGS PHYOGS BCUR SPEL BA LA, ,NYIN MTSAN DKA' PA MED PA'I SNYING STOBS CAN, ,YONGS 'DZIN DAM PA BSKAL BRGYAR ZHABS BRTAN SHOG ,'DIS MTSON DGE BAS BDAG GZHAN 'GRO BA KUN, ,THEG MCHOG YONGS 'DZIN DAM PAS RJES BZUNGS TE, ,RIM GNYIS ZAB MO'I RNAL 'BYOR MTHAR PHYIN NAS, ,ZUNG 'JUG GO 'PHANG MYUR DU THOB PAR SHOG ,CES PA 'DI NI RAB 'BYAMS SMRA BA NGAG DBANG BYAMS PA LA BRTAN BZHUGS GSOL 'DEBS 'DI LTA BU ZHIG DGOS ZHES MKHAN PO SKU SKYE YE SHES BSTAN SGRON GYIS SNGA PHYIR BSKUL BA LTAR SH'AKYA'I BTZUN PA BLO BZANG YE SHES KYIS SMRAS SO, , ` NA MO GU RU MANYDZU GHO sh'A YA, 'DIR BLA MA'I RNAL 'BYOR

BSGOM PAR 'DOD PAS, ,RANG NYID STAN BDE BA LA LUS RNAM SNANG GI CHOS BDUN LDAN DU BYAS TE DGE SEMS KHYAD PAR CAN GYI NGANG NAS 'DI LTAR NYAMS SU BLANG BAR BYA STE, , ` RMANG BYUNG KUN BZANG MCHOD SPRIN RGYA MTSO'I DBUS, ,DPAG BSAM LO 'DAB 'BRAS BUS DUD PA'I STENG, ,SNA TSOGS RIN CHEN LAS GRUB 'OD 'BAR KHRIR, ,CHU SKYES NYI ZLA'I DKYIL 'KHOR RGYAS PA'I STENG, ,DUS GSUM RGYAL KUN THUGS RJE'I NGO BO NYID, ,RTZA BA'I BLA MA GSUM LDAN DGE SLONG TSUL, ,SKU MDOG DKAR GSAL DGYES PA'I 'DZUM ZHAL CAN, ,ZHAL GCIG PHYAG GNYIS G-YAS PAS CHOS 'CHAD DANG, ,PHYAG G-YON MNYAM GZHAG STENG NA GLEGS BAM BSNAMS, ,GSER MDOG PAn ZHVA CHOS GOS RNAM PA GSUM, ,GSOL ZHING ZHABS GNYIS RDO RJE'I SKYIL KRUNG BZHUGS, ,MTHA' SKOR DNGOS BRGYUD BLA MA YI DAM LHA, ,SANGS RGYAS BYANG SEMS NYAN RANG MKHA' 'GRO DANG, ,BSTAN SRUNGS DAM CAN RGYA MTSO'I TSOGS DANG BCAS,, 'OD PHUNG DBUS NA LHA MA MER GSAL BA YI, ,GNAS GSUM YI GE GSUM GYIS LEGS MTSAN PA'I, ,THUGS KA'I H'Um GI 'OD ZER LCAGS KYU YIS, ,GAR BZHUGS GNAS NAS YE SHES SEMS DPA' KUN, ,SPYAN DRANGS DAM TSIG SO SOR DBYER MED THIM, ,BDAG NYID BSOD NAMS ZHING GI MCHOG TU GYUR, ,GANG GI ZHABS BRTEN PADMO GUS BSTEN NA, ,MCHOG THUN DNGOS GRUB 'DOD DGU STZOL MDZAD CING, ,MA NOR LAM BZANG GSAL BAR

, ,STON MDZAD PA'I, ,THEG MCHOG DGE BA'I BSHES LA PHYAG 'TSAL LO, ,DNGOS BSHAMS YID SPRUL MCHOD TSOGS MA LUS 'BUL, ,NONGS PA KUN BSHAGS DGE TSOGS RJES YI RANG, ,ZAB RGYAS CHOS 'KHOR BSKOR ZHING BRTAN PAR BZHUGS, ,DUS GSUM RNAM DKAR BYANG CHUB CHEN POR BSNGO, ,RMAD BYUNG THUGS RJE'I RTA LJANG CAN 'OD KYIS, ,BU RAM SHING BSTAN PADMO'I TSAL PHYE NAS, ,SKAL LDAN BUNG BAR LEGS BSHAD SBRANG RTZI'I BCUD, ,STZOL LA ZLA BRAL MGON POR GSOL BA 'DEBS, ,GANG GI BLO GROS KHANG BZANG KHYON YANGS PO, ,BSLAB GSUM RNAM DAG NGES 'BYUNG BYANG SEMS DANG, ,YANG DAG LTA BA PHYIN DRUG BSDU BZHIS PHYUG ,DAM CHOS DGOS 'DOD STZOL LA GSOL BA 'DEBS, ,RLABS CHEN BSOD NAMS MCHOG GIS BSKRUN PA'I SKU, ,ZAB RGYAS CHOS SGRA SNYAN 'JEBS SGROGS PA'I GSUNG, ,JI LTA JI SNYED SHES BYA KUN GZIGS THUGS, ,LEGS MNGA' DGE BA'I BSHES LA GSOL BA 'DEBS, ,BDAG 'DZIN SRID PA'I BTZON KHANG RA BA 'DIR, ,GRANGS MED DUS NAS CHUNG PA'I NYAM THAG 'GROR, ,BDAG MED GNAS LUGS LAM BZANG STON PA LA, , ZLA BRAL DPAL LDAN BLA MAR GSOL BA 'DEBS, ,DE LTAR SNYING GI KHONG NAS GSOL BTAB MTHUS, ,BLA MA LHA TSOGS RNAMS KYI SKU'I CHA LAS, ,BDUD RTZI 'OD ZER SNA LNGA'I RGYUN BYUNG BA, ,BDAG GZHAN KUN GYI SGO GSUM

LA THIMS PAS, ,NAD GDON SDIG SGRIB BAG CHAGS DANG BCAS DAG ,TSE DANG BSOD NAMS LUNG RTOGS YON TAN 'PHEL, ,ZHING MCHOG DAM PA'I BYIN RLABS MA LUS PA, ,BDAG GZHAN SEMS CAN KUN LA THIM PAR GYUR, , TSOGS ZHING RNAMS KYANG DGYES PA CHEN PO YIS, ,MTHA' NAS 'OD ZHU RTZA BA'I BLA MAR THIM, ,DE YANG 'OD ZHU BDAG NYID LA THIMS PAS, ,SGO GSUM SKU GSUNG THUGS DANG RO GCIG GYUR, ,DE LTA BU'I NGA RGYAL DANG GSAL SNANG BRTAN PO'I NGANG DU CUNG ZAD MNYAM PAR BZHAG STE, DE NAS, 'DIS MTSON DUS GSUM RNAM DKAR DGE BA'I MTHUS, ,BDAG SOGS DENG NAS BYANG CHUB SNYING PO'I BAR, ,RJE BTZUN BLA MA MCHOG GIS RJES BZUNGS NAS, ,MDO RGYUD BDUD RTZI'I RO LA SPYOD PAR SHOG ,SKYE BA KUN TU YANG DAG BLA MA DANG, ZHES SOGS BSNGO BA SMON LAM BKRA SHIS KYIS BRGYAN PA BYA'O, ,ZHES RI KHROD PHUR BU COG GI BLA MA NGAG DBANG BYAMS PA LA BRTEN PA'I BLA MA'I RNAL 'BYOR ZHIG DGOS ZHES RAB 'BYAMS PA BRTZON 'GRUS DANG, ,RAB 'BYAMS PA RIN CHEN LEGS PA, ,SPEL RKYANG PA TSE DBANG BSAM GRUB GSUM GYIS GTZOS SLOB BU DON GNYER CAN MANG POS BSKUL BA LA BRTEN NAS SH'AKYA'I BTZUN PA BLO BZANG YE SHES KYIS GZIMS KHANG RGYAL MTSAN MTHON POR SBYAR BA'O, ,SARBA DZAG TAM,, ` AOm BDE LEGS SU GYUR CIG ,SGRIB GNYIS SPRIN BRAL BLO GROS DKYIL 'KHOR RGYAS, ,RNAM DAG BSLAB GSUM

, ,RI DVAGS MTSAN MAS MDZES, ,SKAL BZANG 'GRO KUN YE SHES 'OD DKAR GYIS, ,SKYONG MKHAS SKYABS KYI DAM PA ZHABS BRTAN SHOG ,RNAM 'DREN KUN YA BA BLO GTER GNYIS PA BZHIN, , JI LTA JI SNYED CHOS KUN THUGS CHUD NAS, ,BDAG MED GNAS LUGS LAM BZANG LEGS STON PA'I, ,BSTAN PA'I SGRON ME BSKAL BRGYAR ZHABS BRTAN SHOG ,CES PA 'DI YANG DANG LDAN DPON THU SA LAG CHI LHA SRUNGS RDO RJES 'DI LTA BU ZHIG DGOS ZHES BSKUL BA'I DOR SH'AKYA'I BTZUN PA BLO BZANG YE SHES KYIS SMRAS PA'O,, ` AOm SVASTI, RMAD BYUNG BLO GROS ZAB YANGS CHU GTER CHE, ,RNAM DAG BSLAB GSUM RIM GNYIS NOR GYIS PHYUG ,'PHRIN LAS BZANG PO'I RLABS 'PHRENG PHYOGS BCUR G-YO, ,YE SHES MTSAN CAN BSKAL BRGYAR ZHABS BRTAN SHOG ,CES PA 'DI NI BSLAB PA GSUM GYIS THUGS RGYUD YONGS SU PHYUG PA BLO BZANG DBANG CHEN DPAL 'BAR PAndI TA NO MON KHANG GIS DBUS KHAL KHA BLA DPON TSANG MAS BSKUL BA LTAR SH'AKYA'I DGE SLONG BLO BZANG YE SHES KYIS BGYIS PA'O,, ` AOm SVASTI, PHUL BYUNG BLO GROS 'CHI MED LAM BZANG LAS, ,YE SHES 'OD STONG SPRO BAS RGYAL BA YI, ,BSTAN PA'I PAD TSAL 'BYED LA ZLA BRAL BA, ,BSHES GNYEN NYIN MO'I MGON KHYOD ZHABS BRTAN GSOL, ,ZUR PHUD LNGA PAS GDUL BA'I ZHING GZIGS NAS, ,CHOS KYI RGYAL PO'I ZLOS GAR GYIS ROL

BA'I, ,KHRI LA MI 'JIGS DBANG BSGYUR GNAM SKOS LHA, ,BSKAL PA RGYA MTSO'I BAR DU ZHABS BRTAN SHOG ,RNAM DAG DGE BA'I CHU GTER LAS 'KHRUNGS SHING, ,'PHRIN LAS SNANG BAS PHYOGS KUN 'GENGS MDZAD PA'I, ,MI RJE 'JAM MGON ZLA BA SRID MTHA'I BAR, ,BDUD RIGS NAM MKHA'I GLANG POS SGRIB MED SHOG ,MYUR MDZAD MGON PO RNAM MANG THOS BA'I SRAS, ,CHOS KYI RGYAL PO LA SOGS BSRUNG MA YIS, ,'JAM DBYANGS GONG MA'I CHAB SRID BRTAN PA DANG, ,'PHRIN LAS PHYOGS BCUR RGYAS PA'I GOGS MDZOD CIG ,MCHOG GSUM BYIN RLABS RTEN 'BREL SLU MED MTHUS, ,GNAM SKOS GONG MA'I 'PHRIN LAS GDUGS GCIG GIS, ,RGYA MTSO'I GOS CAN KHYON KUN YONGS KHYAB STE, ,RDZOGS LDAN DPAL LA ROL BA'I BKRA SHIS SHOG ,CES PA 'DI NI DANG STOBS DANG LDAN PA DPON MTHO RON PAD LI CHE MCHOG RNAM RGYAL GYIS 'DI LTA BU ZHIG DGOS ZHES BSKUL PA'I NGOR SH'AKYA'I BTZUN PA BLO BZANG YE SHES KYIS BGYIS PA'O,, ` NA MO GU RU MANYDZU GHO sh'A YA, BSOD NAMS YE SHES CHOGS GNYIS YONGS RDZOGS PA'I, ,GNYIS MED BDEN PA GSUNG DANG DAM PA'I CHOS, ,RIG GROL GNYIS LDAN RGYAL SRAS DGE 'DUN TE, ,MCHOG GSUM THUGS RJE'I GZI 'OD DENG 'BAR MDZOD, ,DRAG PO'I 'OD KYIS CHU SKYES TSAL 'BYED BZHIN, ,BLO BZANG RGYAL BA'I MDO SNGAGS CHOS TSUL KUN, ,GSAL BYED BSTAN PA'I SGRON ME 'OD PO CHE, ,BGRANG

, ,YAS BSKAL PA RGYA MTSOR G-YO MED SHOG ,RMAD BYUNG BLO GROS BZANG PO'I YAL GA LAS, ,GZHAN PHAN 'PHRIN LAS 'OD ZER STONG SPRO BA'I, ,BSHES GNYEN BSTAN PA'I SGRON ME SRID MTHA'I BAR, , MTHA' KLAS YID CAN MGON DU RTAG BRTAN SHOG ,GANGS RI'I MDANGS 'PHROG BCOM LDAN 'KHOR LO SDOM, ,TSE DPAG MED MGON YID BZHIN 'KHOR LO SOGS, ,'CHI MED MCHOG STZOL LHA YI BYIN RLABS MTHUS, ,BLO BZANG BSTAN PA'I SGRON ME ZHABS BRTAN SHOG ,THUB BSTAN GANGS RI'I SPO LA GNAS BCAS SHING, ,LUNG RIGS CHOS KYI SGRA DBYANGS SGROGS PA LA, ,MI 'JIGS SPOBS PA'I GO 'PHANG MCHOG BRNYES PA, ,MKHAS MCHOG GDONG LNGA'I DBANG PO KHYOD GSOL 'DEBS, ,TSOGS GNYIS RGYA MTSO'I KLONG YANGS LAS THON ZHING, ,DRI MED MKHA' LAS 'PHRIN LAS ZER STONG SPRO, ,LUS CAN PHAN BDE'I PAD TSAL RGYAS MDZAD PA'I, ,BSHES GNYEN RTA BDUN DBANG POR GSOL BA 'DEBS, ,DENG NAS 'GRO KUN RDO RJE 'DZIN PA'I SA, ,MA THOB DE SRID KHYED KYIS MI BTANG ZHING, ,THEG MCHOG CHOS KYI BDUD RTZI'I RGYUN BZANG POS, ,'GRO BLO'I BUM BZANG GANG PA NYID GYUR CIG ,CES RJE BTZUN DAM PA BLO BZANG BSTAN PA'I SGRON MER GSOL 'DEBS BRTAN BZHUGS DANG BCAS PA ZHIG DANG BAS 'BUL 'DOD YOD PA'I THOG MDO SNGAGS YONGS SU RDZOGS PA'I BSHES GNYEN CHEN PO BLO BZANG DBANG CHEN DPAL 'BAR PAndI TA NO MON

KHANG GI GSUNG GIS BSKUL BA LA BRTEN NAS SH'AKYA'I BTZUN PA BLO BZANG YE SHES KYIS BGYIS PA'O, ,` NA MO RU RU BHYA: RLABS CHEN SPYOD PAS TSOGS RDZOGS MTSAN DPE'I GZI, ,RAB 'BAR STOBS BCU MNGA' DANG DAM PA'I CHOS, ,RIG GROL GNYIS LDAN RGYAL SRAS DGE 'DUN TE, ,SKYABS MCHOG RNAM PA GSUM LA MGOS PHYAG 'TSAL, ,N'A G'ARDZU NA'I SRAS MCHOG 'BAR BA'I GTZO, ,GRUB PA MCHOG BRNYES NAG PO SPYOD PA'I ZHABS, ,SA SKYONG DGE BA'I RIGS 'KHRUNGS R'A TAN CHE, ,MTSUNGS MED PAn CHEN GSUM LA GSOL BA 'DEBS, ,SKAD GNYIS SMRA DBANG RONG ZOM CHOS BZANG DANG, ,BDE CHEN MCHOG BRNYES DAR MA DBANG PHYUG ZHABS, ,MTHA' BZHI BRAL BA DBU MA'I DON BZANG PO, ,THUGS BRNYES 'OD ZER DPAL LA GSOL BA 'DEBS, ,GSHIN RJE'I GSHED DNGOS 'BRUG SGRA RGYAL MTSAN DANG, ,RTEN 'BYUNG DON GZIGS SANGS RGYAS RAS CHEN ZHABS, ,RAB 'BYAMS SHES BYA'I GNAS KUN MI 'JIGS MKHYEN, ,SANG+GHA BHA DRA'I ZHABS LA GSOL BA 'DEBS, ,'JAM PA'I DBYANGS DNGOS BKRA SHIS DPAL LDAN DANG, ,LNGA RIG PAn CHEN CHOS KYI NYIN BYED ZHABS, ,RNAM DKAR 'PHRIN LAS BZANG PO'I MTHU BRTAS PA, , KUN DGA' GROL MCHOG ZHABS LA GSOL BA 'DEBS, ,PHAN BDE'I MCHOG STZOL DGA' BYED SA SKYONG DANG, ,'KHOR LO'I MGON DNGOS KUN DGA' SNYING PO'I ZHABS, ,BLO BZANG RGYAL BA GNYIS PA'I MDO SNGAGS KYI, ,BSTAN

, ,PA'I RGYAL MTSAN 'DZIN LA GSOL BA 'DEBS, ,ZAB YANGS BLO GROS LUNG RTOGS NOR GYIS GANG, ,BZANG PO'I MDZAD PAS 'GRO LA THAR PA'I LAM, ,MA NOR STON LA ZLA MED DGE BA'I BSHES, ,BSTAN PA'I SGRON ME'I ZHABS LA GSOL BA 'DEBS, ,MCHOG GSUM BSLU BA MED PA'I BYIN RLABS DANG, ,DAM CAN CHOS SKYONG BSRUNG MA'I MTHU STOBS KYIS, ,'GRO MGON ZHABS ZUNG BSKAL BRGYAR RAB BRTAN CING, ,'PHRIN LAS DBYAR MTSO LTA BUR RGYAS GYUR CIG ,BDAG SOGS DENG NAS SANGS RGYAS MA THOB PAR, ,SKYABS MCHOG KHYED DANG NAM YANG MI 'BRAL ZHING, ,GSUNG GI GSANG MDZOD MA LUS LEGS 'DZIN PA'I, ,SRAS KYI THU BO NYID DU 'GYUR BAR SHOG ,CES RJE BTZUN MCHOG GI SPRUL PA'I SKU BLO BZANG BSTAN PA'I SGRON ME'I 'KHRUNGS RABS GSOL 'DEBS BRTAN BZHUGS DANG BCAS PA ZHIG DGOS ZHES RJE BTZUN DAM PA'I MGRON GNYER SBI LIG THU NANG SO BLO BZANG BSTAN 'DZIN RGYA MTSOS BSKUL BA LTAR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU BGYIS PA'O,, ` AOm SVA STI, RAB 'BYAMS RGYAL KUN 'DUS PA'I NGO BO NYID, ,SLU MED SKYABS GCIG BLO BZANG YE SHES DANG, ,BKA' DRIN 'KHOR MED DAM PA'I MTSAN CAN LA, ,GSOL BA 'DEBS SO 'BRAL MED THUGS RJES GZIGS, ,KHYAD PAR MA 'ONGS BYANG PHYOGS SHAMBHA LAR, ,'KHOR LOS BSGYUR TSE BDAG KYANG DER SKYES NAS, ,THUGS

KYI GSANG BA MA LUS LEGS 'DZIN PA'I, ,SKAL BZANG SRAS KYI THU BO NYID GYUR CIG ,CES PA 'DI YANG RJE BTZUN DAM PA'I MTSAN CAN GYI ZHABS 'BRING BA NO YON CHOS RJE BLO BZANG RDO RJE RAB BRTAN GYIS 'DI LTA BU ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS BGYIS PA'O,, ` NA MO GU RU BUDDHA BO DHI SATVA YA, GSER GYI LHUN PO NYI 'OD 'BUM PHRAG GIS, ,'KHYUD PA JI BZHIN MTSAN PA'I GZI 'BAR BA, ,BLA MA THUB PA'I DBANG POR GUS BTUD NAS, ,SDIG LTUNG BSHAGS THABS MDOR BSDUS BRI BAR BYA, ,DE YANG DPAL MAR ME MDZAD YE SHES BOD DU 'BYON PA'I LAM KHAR NYES PA PHRA MO ZHIG BYUNG BA LA DE MA THAG TSONG PA'I SNA BSKYIL BSHAGS PA MDZAD, SDIG LTUNG DANG ZHAG TU MI 'GROGS PA YIN GSUNGS PA LTAR NYIN RE BZHIN BSAM PA THAG PA NAS BSHAGS SDOM THUB NA LEGS TSOGS CHE BAS, NANG BAR LANGS MA THAG GAM MTSAN MO'I DUS LTA BU GANG YANG RUNG BAR SKYABS SEMS SNGON DU BTANG NAS, PHYOGS BCU'I ZHING KHAMS DPAG MED NA BZHUGS PA'I, ,BLA MA RGYAL BA SRAS DANG BCAS PA RNAMS, ,SPYAN 'DREN DRI MED MKHA' LA RGYU SKAR BZHIN, ,'KHOR BCAS MDUN GYI NAM MKHAR BZHUGS SU GSOL, ,RAB 'BYAMS ZHING GI RGYAL BA SRAS BCAS LA, ,PHYAG 'TSAL MCHOD 'BUL SDIG LTUNG THAMS CAD BSHAGS, ,DGE LA YI RANG CHOS 'KHOR BSKOR BAR BSKUL, ,MYA NGAN MI 'DA' GSOL 'DEBS DGE BYANG BSNGO, ZHES YAN LAG

, ,BDUN PA PHUL NAS, NAD DRAG PO SMAN PA MKHAS PA LA SKYABS 'CHA' BA LTAR, RANG GZHAN GYI SDIG PA DANG, DE 'BRAS KYIS NGAN SONG GSUM DU SKYE 'GYUR SOGS LA 'JIGS SEMS DANG, DE LAS SKYOB PA'I NUS PA MDUN NA BZHUGS PA'I BLA MA DKON MCHOG GSUM LA YOD PAR YID CHES PA'I SGO NAS, SBANGS RTOGS YON TAN MTHAR SO NA SANGS RGYAS DANG, ,NYON MONGS NANG SAL SMAN MCHOG DAM PA'I CHOS, ,TSUL BZHIN SPYOD PA RGYAL SRAS RGYA MTSO LA, ,BDAG CAG DE RING NYID NAS SKYABS SU MCHI, ZHES LAN GSUM SOGS BRJOD PA NI GTZO BOR RTEN GYI STOBS SU 'GYUR, MNYAM MED SH'AKYA'I RGYAL PO LA SOGS PA'I, ,SANGS RGYAS SO LNGA BDE GSHEGS RABS BDUN DANG, ,PHYOGS BA CU'I SANGS RGYAS BSKAL BZANG RNAM 'DREN STONG, ,SNYIGS MA'I MGON PO DE BZHIN GSHEGS PA BRGYAD, ,'DAS DANG MA BYON BLTAR BZHUGS PA YI, ,RGYAL BA SRAS BCAS KUN LA PHYAG 'TSAL ZHING, , MCHOD 'BUL SNYING NAS SKYABS SU MCHI LAGS NA, ,NGAN SONG SRID PA'I 'JIGS LAS BSKYAB TU GSOL, ZHES BSAM PA THAG PA NAS BRJOD PA NI GNYEN PO KUN TU SPYOD PA'I STOBS SU 'GYUR, BSOD NAMS ZHING BZHUGS RGYAL PA SRAS BCAS GSON, ,THOG MED DUS NAS THA MA DA LTA'I BAR, ,SGO GSUM GYIS BSAGS NYES LTUNG THAMS CAD DANG, ,KHYAD PAR SO THAR BYANG SEMS GSANG SNGAGS KYI, ,BCAS PA'I RA BA LAS 'DAS NONGS PA'I TSOGS, ,

MI BZANG NGAN SONG GSUM DANG MI KHOM PA'I, ,GNAS SU MCHI 'GYUR MA LUS MI 'CHAB CING, ,MI SBED MGON PO 'KHOR BCAS DRUNG DU BSHAGS, ZHES BRJOD PA NI RNAM PAR SUN 'BYIN PA'I STOBS SU 'GYUR, SLU MED SKYABS KYI DAM PA 'KHOR BCAS LA, ,GUS PAS THAL SBYAR SNYING NAS GSOL BA NI, ,DENG NAS PHYIN CHAD LUS NGAG YID SGO NAS, ,NYES LTUNG MI DGE MI BGYID YANG DAG SDOM, ZHES SNGOMS SEMS DANG LDAN PAS BRJOD PA NI NYES PA LAS SLAR LDOG PA'I STOBS SU 'GYUR ZHING, MJUG TU 'JAM DPAL DPA' BOS SOGS BSNGO SMON DANG BZOD GSOL, RTEN YONG NA BRTAN BZHUGS, MED NA GSHEGS GSOL SOGS BYA'O, ,ZHES PA 'DI NI MDO SNGAGS YONGS SU RDZOGS PA'I BA SHES GNYEN CHEN PO BLO BZANG DBANG CHEN DPAL 'BAR PA ndI TA MO MON KHANG GI GSUNG GIS BSKUL BA LA BRTEN NAS SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU BGYIS PA'O,, ` AOm SVA STI, GRUB PA'I DBANG PHYUG RGYAL BA DBEN SA PA'I, , GSANG CHEN GSUNG GI BDUD RTZI NGO MAS MED DU, ,SPYANG PAS RANG GZHAN LEGS TSOGS LHUN GRUB STE, ,'GRO BA'I SKYABS GYUR MCHOG LA GSOL PA 'DEBS, ,RIGS KUN BDAG PO BLO BZANG CHOS RGYAN RJE'I, ,SRAS GYUR BLO GROS KHANG BZANG LUNG RTOGS KYI, ,NOR BUS YONGS GANG BSTAN PA'I RGYAL MTSAN 'DZIN, ,YONGS 'DZIN DGE BA'I BSHES LA GSOL BA 'DEBS, ,BLO BZANG RGYAL BA GNYIS PA'I GSUNG MDZOD LA, ,BDAG GIR DBANG BSGYUR RIN CHEN SEMS BZUNGS

, ,NAS, ,'GRO KUN GTAN BDE'I DPAL LA SBYOR MDZAD PA'I, ,PHUN TSOGS GZI 'OD 'BAR LA GSOL BA 'DEBS, ,TSOGS GNYIS 'DZIN MA'I LTO BA LAS 'KHRUNGS SHING, ,PHYIN DRUG BSDU BZHI'I LO 'DAB MDON PAR BKRA, ,GZHAN PHAN 'BRAS BU'I KHUR GYIS YONGS DUNG PA'O, ,BSHEGS GNYEN DPAG BSAM DBANG PO ZHABS BRTAN SHOG ,DENG NAS KHA SBYOR BDUN LDAN GO 'PHANG MCHOG ,MA THOB DE SRID BDAG CAG PADMO'I TSAL, , MGON KHYOD THUGS RJE'I NYI 'OD KYIS SKYONG ZHING, ,DGE LEGS 'DAB STONG BZHAD PA'I BKRA SHIS SHOG ,CES BLO BZANG DBANG CHEN DPAL 'BAR PAndI TA NO MON KHANG GI 'KHRUNGS RABS GSOL 'DEBS BRTAN BZHUGS DANG BCAS PA 'DI LTA BU ZHIG DGOS ZHES YAB DAR RGAN NO YON P'A nI SKYABS DANG, GCUNG DAR RGAN THA'I JI DBANG 'PHEL NOR BU, DGE SLONG DAR RGAN NANG SO SHES RAB SOGS KYIS DBUS ZHAM RING PA TSANG MAS BSKUL BA LTAR SH'AKYA'I BTZUN PA BLO BZANG YE SHES KYIS BGYIS PA'O,, ` AOm BDE LEGS SU GYUR CIG ,MKHYEN RAB 'JAM PA'I DBYANGS DANG GNYIS MED PAS, ,BLO BZANG GRAGS BSTAN PHYOGS BCUR SPEL BA LA, ,ZLA BRAL 'GRO LA THAR PA'I LAM STON MKHAN, ,RJE BTZUN BSTAN PA'I SGRON MER BDAG GSOL 'DEBS, ,RGYAL BSTAN SPEL DANG BDAG CAG YID CAN LA, ,ZAB DANG RGYA CHE'I CHOS 'KHOR BSKOR SLAD DU, ,GZHOM GZHIG BRAL BA RDO RJE'I KHRI 'PHANG RTZER, ,NAM

YANG G-YO BA MED PAR BZHUGS SU GSOL, ,GANG LA BRTEN NA BSLU BA MED PA'I SKYABS, ,MGON PO KHYOD DANG NAM YANG MI 'BRAL ZHING, ,'GRO KUN DON DU RDZOGS BYANG DON GNYER BLO, ,RGYUN CHAD MED PAR SKYE BAR BYIN GYIS RLOBS, ZHES PA 'DI NI DBANG PO AER TE NE NANG SOS RJE BTZUN DAM PA BLO BZANG BSTAN PA'I SGRON MER GSOL 'DEBS BRTAN BZHUGS DANG BCAS PA ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS BGYIS PA'O,, ,, ` AOm SVA STI, 'GRO BA'I MGON GYUR THUB BSTAN CHU SKYES TSAL, ,'A BYED PA'I NYI MA MCHOG GSUM THUGS RJE YI, ,SHING RTAS NYER DRANGS BDAG SOGS MOS PA'I MKHAR, ,BAR GCOD SPYIN GYIS SGRIB MER MYUR 'CHAR SHOG ,CES PA 'DI NI JA SAG RAB BRTAN DANG, RJE DRUNG AER TE NE SHR'I KA THU GRVA TSANG SPYI TSOGS BCAS PA'I BLA MA 'GRO MGON BSTAN PA'I NYI MA'I SKU SKYE MYUR 'BYON GYI SMON TSIG CIG DGOS TSUL LTAR DGE SLONG CHOS SMRA BA BLO BZANG YE SHES KYIS BGYIS PA'O,, ` SVA STI, BLA MA YI DAM BSRUNG MA'I BDEN BYIN MTHUS, ,BKRA SHIS DGE CHOS RAB 'PHEL RJE BTZUN MA'I, ,SKU TSE'I BAR GCOD THAMS CAD NYER ZHI ZHING, ,BZHED DON GEGS MED 'GRUB PA NYID GYUR CIG ,CES PA 'DI YANG DBANG PO AER TE NE NANG SOS 'DI LTA BU ZHIG DGOS ZHES BSKUL BA LTAR CHOS SMRA BA BLO BZANG YE SHES KYIS BGYIS PA'O,, ` SVA STI, NGAG GI DBANG PHYUG BLO BZANG GRAGS PA YI, ,RING

, ,LUGS BSTAN PA'I RGYAL MTSAN 'DZIN PA LA, ,DPAL LDAN THUGS BSKYED BZANG PO'I MTHU GRUB PA, ,YONGS 'DZIN DGE BA'I BSHES LA GSOL BA 'DEBS, MGON KHYOD GANG DU BZHUGS KYANG MI NGAL ZHING, ,MTHA' KLAS 'GRO BA'I DON LAS MA MCHIS KYANG, ,BDAG SOGS MOS BLO'I KUNDA'I TSAL 'BYED PHYIR, ,YANG SRID MCHOG SPRUL ZLA BA MYUR STON GSOL, ,MCHOG GSUM NGO BO 'JAM MGON CING KHA PA'I, , BYIN RLABS DAM CAN RGYA MTSO'I MTHU STOBS KYIS, ,SNYING NAS GSOL BTAB JI LTAR SMON PA'I DON, ,GEGS MED MYUR DU 'GRUB PA NYID GYUR CIG ,CES TSA KHANG NO MIN KHANG NGAG DBANG BLO BZANG BSTAN PA'I RGYAL MTSAN DPAL BZANG PO'I SPRUL SKU MYUR PHEBS KYI GSOL 'DEBS SHIG DGOS ZHES AER TE NE SDE BA DANG, ,SDE PA AU'I JA'I SANG, RAB 'BYAMS PA BCAS SLOB 'KHOR TSANG MAS BSKUL BA'I NGOR SH'AKYA'I BTZUN PA BLO BZANG YE SHES KYIS BGYIS PA'O,, ` SVA STI, MKHYEN BRTZE GTING DPAG DKA' BA'I CHU GTER CHE, ,RNAM DAG BSLAB GSUM RIM GNYIS NOR GYIS GANG, ,GZHAN PHAN 'PHRIN LAS RLABS 'PHRENG CHER G-YO BA'I, ,MTSUNGS MED RJE BTZUN BLA MAR GSOL BA 'DEBS, ,RMAD BYUNG THUGS BSKYED BZANG PO'I LHA LAM LAS, ,BYAMS DANG SNYING RJE'I CHAR RGYUN LEGS PHAB STE, ,'GRO BA'I DUG GSUM TSA GDUNG BCIL MKHAS PA'I, ,GTAN GYI SKYABS GNAS

KHYOD LA GSOL PA 'DEBS, ,DE LTAR GSOL BTAB MTHU LAS BLA MA YIS, ,BSTAN 'DZIN CHOS DKAR SKYE SRID THAMS CAD DU, ,RJES BZUNGS NGAL BRGYAD 'BYOR BCU'I RTEN THUB NAS, ,ZUNG 'JUG BDE CHEN GO 'PHANG MYUR THOB SHOG ,CES PA 'DI NI ZHUS DAG PA DKA' CHEN MKHAS BTZUN GYI MA'I 'DOD SMON DU BTZUN PA BLO BZANG YE SHES KYIS SMRAS PA'O,, ` SVA STI, PHUL BYUNG BLO GROS YANGS PA'I MKHA' DBYINGS SU, ,'PHRIN LAS BZANG PO'I DKYIL 'KHOR RAB RGYAS SHING, ,YE SHES SNANG BAS PHYOGS KUN KHYAB MDZAD PA, ,SKAL BZANG 'DAB BRGYA'I GNYEN MCHOG ZHABS BRTAN SHOG, ,BLO GTER DUR SMRIG GAR ROL RING LUGS GZHIR, ,BSLAB GSUM LJON PA BZANG PO'I RTZA BA BRTAN, ,YE SHES YAL 'DAB 'BRAS BU G-YUR ZA BA'I, ,RJE BTZUN DPAG BSAM DBANG PO ZHABS BRTAN SHOG ,RMAD BYUNG BDE LEGS 'BYUNG GNAS GSANG RI LAS, ,RGYA CHEN 'PHRIN LAS 'CHAD MED DAL 'GRO'I RGYUN, ,NYER PHAB 'GRO BLO'I RGYA MTSO YONGS 'GANGS SHING, ,PHAN BDE'I RLABS 'PHRENG G-YO LA GSOL BA 'DEBS, ,MCHOG GSUM BYIN RLABS DRANG SRONG BDEN PA'I TSIG ,GRUB PA'I SMON PA BSTAN SRUNGS MTHU RTZAL DANG, ,DAD LDAN GDUL BYAS GSOL BTAB RTEN 'BREL MTHUS, ,BSTAN PA'I NYER 'TSOR RTAG BZHUGS GSOL BA 'DEBS, ,THUB BSTAN SPYI DANG 'JAM MGON TZONG KHA PA'I, ,RING LUGS MTHAR KHYAB BLA NAS BLAR 'PHEL ZHING,,

, ,LJONGS 'DIR NAD MTSON NYER 'TSE RAB ZHI NAS, ,BDE SKYID LEGS TSOGS 'PHEL PA'I BKRA SHIS SHOG ,CES PA 'DI NI PA'I SI PHO LHA NAS KYIS RGYUN PAR KHA TON DANG GZHAN LA SPEL CHOG PA ZHIG DGOS ZHES NAN GYIS BSKUL BA LTAR SH'AKYA'I DGE SLONG BLO BZANG YE SHES KYIS BGYIS PA'O,, ` SVA STI, TSOGS GNYIS YONGS RDZOGS MTSAN DPE'I GZI 'BAR BA'I, ,RGYAL DANG DE'I GSUNG DE SGRUB DGE 'DUN BCAS, , SKYE RGU YONGS KYI BSOD NAMS ZHING MCHOG LA, ,LUS NGAG YID GSUM DANG BAS PHYAG BGYID DO, ,THUB DBANG GNAS BRTAN BCU DRUG BDE GSHEGS BRGYAD, ,SHER PHYIN ZAB DON 'CHAD MKHAS RAB 'BYOR CHE'I, , 'KHRUNGS RABS SNANG BRNYAN GZI BYIN RAB 'BAR DANG, ,GRUB PA'I DBANG PHYUG RGYAL BA DBEN SA PA, ,YAB SRAS GSUNG ZAB GCES MJOD PU STA KA ,SDOM BTZON BSOD NAMS LHUN GRUB LHAG BSAM GYIS, ,BSKRUN PA 'DIS MTSON BDAG GZHAN THAMS CAD KYI, ,DUS GSUM RNAM DKAR DGE TSOGS GCIG BSDUS MTHUS, ,RJE BTSUN BLO ZANG YE SHES DPAL BZANG PO, ,MI GZHIG RDO RJE LTAR BRTAN KHRI 'PHANG RTZER, ,BSKAL BRGYAR MI G-YO MTHA' KLAS YID CAN 'GRO'I, ,BSAM PA DANG MTHUN CHOS 'KHOR BSKOR BAR SHOG ,GZHAN YANG DGE 'DIS MKHAS MANG 'DU BA'I GNAS, ,MDA' PA BKRA SHIS LHUN PO'I DGE 'DUN TSOGS, ,THUGS MTHUN KHRIMS GTZANG

NOR BDUN GYIS PHYUG CING, ,'KHOR LO GSUM GYIS NYIN MTSAN 'DA' BAR SHOG ,MCHOG GSUM BLA MAR BA GYID MDZAD CHOS KYI RGYAL, ,BLO BZANG PADMA SKU TSE RAB BRTAN CING, ,RIGS BRGYUD MDA' THAD LEGS 'PHEL SRID BRTAN SOGS, ,THUGS BZHED MA LUS LHUN GYIS GRUB GYUR CIG ,BDAG SOGS DENG NAS TSE RABS THAMS CAD DU, ,RJE BTZUN BLA MAS 'BRAL MED RJES BA ZUNGS NAS, ,MA 'ONGS DRAG PO 'KHOR LO CAN GYUR TSE, ,'KHOR GYI DANG POR SKYE BA'I BKRA SHIS SHOG ,CES MDA' PA BKRA SHIS LHUN PO'I BLA MA RAB 'BYAMS SMRA BA BSOD NAMS LHUN GRUB KYIS SKU RTEN DANG, GSUNG RTEN 'GA' ZHIG BZHENGS PA'I 'DOD SMON TSOGS 'DON DU BTZUGS CHO GA PA ZHIG DGOS ZHES NAN GYIS BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS SBYAR BA'O,, ` AOm SVA STI, KYE; RDO RJE 'CHANG SCHEN RTZA BRGYUD BLA MA YI, ,BKA' SDOD RGYAL PO CHEN PO MTHU STOBS CAN, ,'PHRIN LAS BSGRUB PHYIR GNAS MCHOG DAM PA 'DIR, ,SPYAN 'DREN 'KHOR BCAS MA YENGS GSHEGS SU GSOL, ,SKU MDOG SHEL LTAR RAB 'TSER SROG GI BDAG ,ZHAL GCIG PHYAG GNYI DANG MDUR RAL GRI BSNAMS, ,BSE KHRAB GSOL ZHING YE SHES SPYAN GCIG PA, ,RDZU 'PHRUL GDONG LDA'I STENG DU BRTAN PAR BZHUGS, ,DNGOS BSHAMS YID SPRUL PHYI NANG MCHOD PA'I SPRIN, ,DAM RDZAS SHA KHRAG GSER SKYEMS GTOR TSOGS DANG, ,SPYAN GZIGS

, ,'DOD DGU'I 'BYOR BA BSAM MI KHYAB, ,SBYANGS RTOGS SBAR BYAS 'KHOR BCAS KHYED LA 'BUL, ,DUNG LTAR DKAR BA'I PHO BRANG DAM PA NAS, ,GANG 'TSAM THABS KYI SPRUL PA SNA TSOGS PAS, ,BSTAN DGRA DAM NYAMS MA LUS BRLAG MDZAD PA'I, ,BKA' YI RGYAL CHEN 'KHOR DANG BCAS LA BSTOD, ,SNYIGS DUS 'JAM MGON BSTAN DANG BSTAN 'DZIN LA, ,LOG LTA'I DGRA BGEGS NYER 'CHO KUN CHOMS LA, ,RNAL 'BYOR BDAG CAG MI NOR 'KHOR DANG BCAS, ,'PHRIN LAS RNAM BZHIS BU BZHIN SKYONG BAR MDZOD, CES PA 'DI NI DGA' LDAN RAB RGYAS BLA MA BKA' CHEN DON GRUB RGYA MTSOS CHOS BDAG RGYAL PO CHEN PO LA 'PHRIN 'CHO LA ZHIG DGOS ZHES BSKUL NGOR SH'AKYA'I BTZUN PA BLO BZANG YE SHES KYIS SMRAS PA'O,, ` 'DUL BA LUNG LA, NA MA:SH'AKYA MU NA YE, DON KUN GRUB PA'I THUGS KYI BCUD PHYUNG BA, ,BSTAN PA'I SNYING PO 'DUL BA LUNG SDE BZHI, ,KUNDA LTAR DKAR SHOG BU'I NGOS YANGS SU, ,MGON PO BKRA SHIS STOBS RGYAS LHAG BSAM GYIS, ,GZUGS SU BGYIS PA'I DGE TSOGS RLABS CHEN MTHUS, ,RGYU SBYOR NYE 'BREL 'KHOR DANG BCAS PA RNAMS, ,TSE RING NAD MED DPAL 'BYOR LEGS 'PHEL ZHING, ,RTAG TU NGAL 'BYOR TSANG BA'I RTEN THOB SHOG ,GDOD NAS NYER BSAGS BSOD NAMS SA BON BZANG, ,DAL 'BYOR TSUL KHRIMS LDAN PA'I GZHIR SKYES LJON, ,NGES LEGS 'BRAS BU'I

KHUR GYIS RAB DUD PAR, ,MAR GYUR 'GRO KUN CI DGAR SPYOD GYUR CIG, ` SHER PHYOGS LA, CHOS KUN RANG BZHIN GYIS STONG MTHA' BRAL DON, ,LEGS PAR STON PA THUB PA'I GSUNG ZAB MO, ,DUS GSUM RGYAL KUN BSKYED YUM PHA ROL PHYIN, ,RI MOR BGYIS LA MTHUN SBYOR GROGS BYED RNAMS, ,SGRIB BYANG RGYAL BA'I DGONGS DON LEGS RTOGS NAS, ,GZUNG 'DZIN 'KHRUL PA'I TSANG TSING STUG PO'I TSOGS, ,BDAG MED SHES RAB ME CHEN GYIS BSREGS TE, ,BDE CHEN YE SHES SNANG BA RAB RGYAS SHOG, ` PHAL PO CHE LA, THUB GSUNG PHAL CHEN BLA MAR BGYIS PA'I MTHUS, ,STOBS BCU MNGA' KUN MTSAN BRJOD PHAN YON SOGS, ,BDAG SOGS SKYE RGU KUN GYI YID DBANG DU, ,NYER SIM PHAN BDE'I DPAL LA SPYOD PAR SHOG ,GZHAN YANG DGE 'DIS YON BDAG RIGS RGYUD BCAS, ,NYER 'TSE KUN BRAL RIGS 'BYOR 'BRU 'PHEL ZHING, ,DAL BRGYAD 'BYOR BCU'I RTEN BZANG LEGS BRGYUD NAS, ,THAMS CAD GZIGS PA'I GO 'PHANG MYUR THOB SHOG, ` DKON BRTZEGS LA, SRID ZHI'I BDE LA CHAGS PA RAB SPANGS NAS, ,MKHA' MNYAM 'GRO BA SRID PA'I RGYA MTSO LAS, ,STOBS BCU MNGA' BA'I SA RU 'KHRID PA'I KHUR, ,LCI BA MI 'DOR KHYER BA'I BYANG SEMS LAS, ,BRTZAMS TE GSUNGS PA DKON BRTZEGS PUSTA KA ,YID CAN BSOD NAMS GSOG PA'I RTEN MCHOG TU, ,BGYIS PA 'DIS MTSON DGE TSOGS CI MCHIS PA, ,

, ,'GRO KUN DON DU BYANG CHUB CHEN POR BSNGO,, ` ,MDO MANG LA, MI MJED ZHING GTZO ZAS GTZANG SRAS PO YIS, ,CHOS 'KHOR RIM PA GSUM DU BSKOR BA LAS, ,DE GSUM CI RIGS GTOGS PA'I CHOS DKON MCHOG ,GLEGS BUR BGYIS PA 'DIS MTSON BDAG DANG GZHAN, ,SKYE 'PHAGS KUN GYIS DUS GSUM DU BSAGS BA'I, ,KUNDA DUNG LTAR RAB DKAR DGE TSOGS MTHUS, ,LJONGS 'DIR NAD MTSON MU GE MI MTHUN PHYOGS, ,NYER ZHI RDZOGS LDAN DPAL LA LONGS SPYOD SHOG, ` MYANG 'DAS LA, RTAG 'DZIN CAN RNAMS GDUL PHYIR MYA NGAN LAS, ,'DA' TSUL BSTAN TSE GSUNGS PA MYANG 'DAS TSE, ,BLA MAR BGYIS PA'I BSOD NAMS PHUNG PO GANG, ,'GRO KUN MYANG 'DAS THOB PA'I RGYU RU BSNGO,, ` RGYUD 'BUM PA, GDUL BYA RIGS BZHI'I BSAM PA DANG MTHUN PAR, ,RGYAL BAS RGYUD SDE RNAM PA BZHIR GSUNGS PA, ,BZHENGS PA'I DGE BAS BDAG DANG MA RGAN 'GRO ,RING MIN RDO RJE 'CHANG CHEN THOB PHYIR BSNGO, ,GANGS CAN LJONGS 'DIR THUB GSUNG 'GYUR RO 'TSAL, ,GLEGS BAM BCU PHRAG BCU DANG BRGYAD LHAG PA, ,GZUGS SU BGYIS LA MTHUN SBYAR BGYID SOGS 'GRO ,SDIG LTUNG KUN BYANG GNAS SKABS BDE LDAN ZHING, ,MTHAR THUG KUN MKHYEN GO 'PHANG THOB PA DANG, ,RGYU SBYOR 'KHOR BCAS TSE RING NAD MED CING, ,RIGS RGYUD MNGA' THANG BLA NAS BLAR 'PHEL TE, ,DAL

'BYOR RTEN BRGYUD SANGS RGYAS MYUR THOB SHOG ,CES PA RNAM PAD TSAL NAS MGON PO BKRA SHIS STOBS RGYAS KYIS RGYAL BA'I BKA' 'GYUR RO 'TSAL BZHENGS SKABS 'DOD SMON TSIGS SU BCAD PA ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS SBYAR BA'O,, SARBA DZA GA TAM,, ` SVASTI, BCOS BU'I DZHEE KshIm LAS BSGRUBS NGO MTSAR RMAD BYUNG SNANG MTHA'I SKU MCHOG 'DIR, ,NANG GZHUG RING BSREL RNAM GSUM RTEN MANG DANG BCAS BLO BZANG YE SHES KYIS, ,LEGS BSKRUN YE SHES PA BSTIM BSOD NAMS ZHING MCHOG BSGRUBS PA 'DIS MTSON DGES, ,RGYU SBYOR YE SHES BSTAN 'DZIN BDE LDAN ZHING DER THOGS MED RAB BGRONG SHOG ,CES PA 'DI NI SA KHUD PA YE SHES BSTAN 'DZIN GYIS RGYAL BA 'OD DPAG MED KYI SNANG BRNYAN BCOS MA'I JHO KshIm LAS BZHENGS PA'I RGYAB YIG TU BGYIS PA'O,, SARBA MANG+GA LAm,, ` SVASTI, BLO BZANG RGYAL BA'I RING LUGS KHA BA'I SPOR, ,MI 'JIGS DBANG BSGYUR DPAL LDAN GDONG LNGA PA, ,LUNG RIGS CHOS PHUNG SNYAN GRAGS CHER SGROGS PA'I, ,YANG SRID GDUL BYA'I MGON DU MYUR STON GSOL, ,KHYOD KYI 'PHRIN LAS 'CHAD RTZOD RTZOM PA DANG, ,THOS BSAM SGOM PA'I RLUNG SHUGS CHES DRAG PAS, ,'JAM MGON BLA MA'I CHOS TSUL CHU GTER CHE, ,G-YO BA'I YANG SRID RLABS 'PHRENG MYUR STON SHOG ,MYUR MDZAD MGON PO DAM CAN PHYI NANG GSANG, ,SRID GSUM BDAG MO'I MTHU RTZAL 'PHRIN LAS DANG, ,

, ,DANG LDAN GDUL BYAS GSOL BTAB RTEN 'BREL MTHUS, ,RE BA JI BZHIN MYUR DU GRUB GYUR CIG ,CES KHAMS GSUM 'GRO BA'I BLA MA TZONG KHA PA CHEN PO'I GDAN KHRI 'DZIN PA DPAL LDAN GRAGS PA'I YANG SRID MYUR 'BYON GYI GSOL 'DEBS SMON TSIG DANG BCAS PA ZHIG DGOS ZHES PHYAG MDZOD SOGS ZHABS 'BRING PA RNAMS KYIS BSKUL BA'I DOR SH'AKYA'I BTZUN PA BLO BZANG YE SHES KYIS SMRAS PA'O,, ` SVASTI, RNAM 'DREN KUN DNGOS BLO BZANG GRAGS PA YI, ,MDO SNGAGS BSTAN PA 'DZIN CING RAB SPEL BAR, ,'PHRIN LAS RGYA MTSO'I PHA MTHA' NYER BRGAL BA, ,SKAL BZANG GDUL BYA'I NYER 'TSOR ZHABS BRTAN SHOG ,KHYOD KYI THUGS BSKYED TSANGS PA'I RAL KLONG LAS, ,'KHRUNGS PA'I RNAM DKAR 'PHRIN LAS CHAB RGYUN GYIS, ,LUS CAN BSOD NAMS RGYA MTSO YONGS 'GENGS PHYIR, ,SRID MTHA'I BAR DU G-YO MED BZHUGS GSOL 'DEBS, ,MCHOG GSUM BDEN TSIG GRUB DANG CHOS SRUNGS KYI, ,BYIN RLABS NUS MTHU BSAM GYIS MI KHYAB PAS, ,MGON KHYOD ZHABS ZUNG MI 'GYUR RDO RJE'I KHRIR, ,NYER BRTAN CHOS MTHUN BZHED PA LHUN GRUB SHOG ,CES BTZAN PO NO MIN KHANG BLO BZANG BSTAN 'DZIN RGYA MTSOR BRTAN BZHUGS GSOL 'DEBS 'DI LTA BU ZHIG DGOS ZHES SBYIN BDAG MTSO SNGON, KHAL KHA, KHOD BCAS SER SKYA THUN MONG NAS BSKUL NGOR SH'AKYA'I BTZUN PA BLO BZANG YE SHES KYIS SMRAS PA'O,, ` NA MO GU RU BUDDHA PO DHI

SATV'A YA, MI MJED ZHING GI STON BZAS GTZANG SRAS, ,GANG GI LUNG RTOGS BSTAN PA NYIN MO LAR, ,GSAL MDZAD 'JAM MGON BLA MA TZONG KHA PA, ,YAB SRAS BRGYUD PAR BCAS LA GUS PHYAG 'TSAL, ,THUB PA'I SNANG BRNYAN DNGOS KYIS RAB GNAS SHING, ,BYIN RLABS MDZAD PA'I SKU MCHOG RNAM PA GNYIS, ,GANGS CAN BSOD NAMS ZHING BZHUGS DPER BLANGS NAS, ,GSER ZANGS LAS BSKRUN NGO MTSAR BYIN CAN DANG, ,SNE GDONG RTEN GTZO 'PHAGS PA 'JA' MA LIR, ,GRAGS DANG RDO RJE 'JIGS BYED GSUNG BYON MA, ,BSIL TSAL RDO NAG LAS GRUB MYUR MDZAD MGON, ,THUB GSUNG DGONGS 'GREL BSTAN BCOS 'GYUR RO COG ,MDO SMAD BTZAN PO'I YUL PHYOGS DGE BA DANG, ,YID CAN BSOD NAMS GSOG PA'I ZHING MCHOG TU, ,BLO GROS BZANG POS THUB BSTAN 'DZIN PA'I KHUR, ,RGYA MTSO'I GOS CAN KHYER BAS SPYAN DRANGS PA'I, ,RTEN MCHOG RNAMS LA GUS PAS PHYAG 'TSAL ZHING, ,MCHOD 'BUL SDIG BSHAGS BDAG GZHAN GYIS BSKRUN DGER, ,RJES SU YI RANG CHOS 'KHOR BSKOR BA DANG, ,BSKAL BRGYAR BZHUGS GSOL BTAB PA'I DGE BA GANG, ,YUL PHYOGS BDE ZHING MI MTHUN RGUD PA'I TSOGS, ,NYER ZHI 'GRO KUN PHAN TSUN PHA MA LTAR, ,BRTZE ZHING BYAMS PAS DGE BCUR SPYOD PA DANG, ,KUN MKHYEN RGYAL BA'I GO 'PHANG THOB PHYIR BSNGO, ,GZHAN YANG RTEN MCHOG 'DI DAG GIS MTSON NAS, ,MCHOG GSUM BLA MAR BGYIS PA'I MTHU

, ,STOBS KYIS, ,'JAM MGON CHOS KYI RGYAL PO TZONG KHA PA'I, ,LUNG RTOGS BSTAN PA PHYOGS BCUR RGYAS PA DANG, ,DE NYID 'DZIN CING SPEL LA MI ZHUM PA'I, ,RLABS CHEN THUGS 'CHAR SKYES BU MA LUS PA'I, ,SKU TSE BRTAN ZHING RNAM DKAR 'PHRIN LAS KYIS, ,'DZIN MA'I KHYON KUN YONGS SU KHYAB GYUR CIG ,PHA MAR GYUR PA'I 'GRO BA MA LUS KYANG, ,SGRIB GNYIS BYANG ZHING TSOGS GNYIS YONGS RDZOGS TE, ,MTSAN DANG DPE BYANG BZANG PO'I DPAL 'BAR BA'I, ,RDZOGS BYANG MYUR DU THOB PA NYID GYUR CIG ,MCHOG GSUM DGE 'DUN SDE DANG BCAS PA LA, ,GUS MCHOD LHUR MDZAD YON BDAG MA LUS KYANG, ,THUGS MTHUN MNGA' THANG LONGS SPYOD RIGS RGYUD SOGS, ,DBYAR GYI CHU GTER BZHIN DU 'PHEL RGYAS SHOG ,DPAL LDAN MYUR MDZAD MGON PO 'KHOR BCAS LA, ,DGON GNAS DGE 'DUN RTEN GSUM MCHOD RDZAS DANG, ,'KHOR DANG LONGS SPYOD MA LUS GNYER GTAD PAS, ,RTAG TU BSRUNG SKYOB G-YEL MED 'PHRIN LAS MDZOD, CES PA 'DI NI BTZAN PO NO MIN KHANG BLO BZANG BSTAN 'DZIN RGYA MTSOS LHA SA'I JO SH'AKA RNAM GNYIS LA DPE MDZAD DE SKU GZUGS GNYIS BZHENGS PA DANG, GZHAN YANG SKU RTEN GSUNG RTEN 'GA' ZHIG MDO SMAD BTZAN POR SPYAN 'DREN MDZAD PAR 'DOD GSOL GNYER GTAD DANG BCAS BA ZHIG DGOS ZHES BSKUL BA LTAR SH'AKYA'I BTZUN PA BLO BZANG YE SHES KYIS SBYAR BA'O,, ,,

` SVASTI, BLO CHEN RNAM 'DREN STOBS BCU MNGA' BA YI, ,LUGS BZANG 'DAB BRGYA'I DAG 'TSAL RAB RGYAS SHING, ,YE SHES 'OD STONG 'BAR BAS LEGS BZHAD PA, ,BSTAN PA GSAL MDZAD BSKAL BRGYAR G-YO MED SHOG ,RNAM DAG BSLAB GSUM LDAN PA'I KHANG BZANG MCHOG ,LHAG BSAM BYANG CHUB SEMS KYI NOR GYIS GTAMS, ,MDO RGYUD ZAB DON RIN CHEN TOG GIS SPRAS, ,THUB BSTAN RGYAL MTSAN 'DZIN LA GSOL BA 'DEBS, ,DE LTAR GSOL BTAB THUGS RJES BDAG BZUNGS NAS, ,BYANG PHYOGS RIN CHEN BANG MDZOD SHAMBHA LAR, ,MGON KHYOD 'KHOR DU SKYES NAS RIM GNYIS KYI, ,RNAL 'BYOR MTHAR PHYIN ZUNG 'JUG MYUR THOB SHOG ,CES PA 'DI NI KHAL KHA BLA MA SNGAGS RAM PA BLO BZANG DPAL 'BYOR GYIS 'DI LTA BU ZHIG DGOS ZHES BSKUL NGO DANG BSTUN SH'AKYA'I BTZUN PA BLO BZANG YE SHES KYIS SMRAS PA'O,, ,, ` SVASTI, RGYAL KUN SPYI GZUGS BLO BZANG GRAGS PA YI, ,LUNG RTOGS 'DAB BRGYA'I TSAL RAB 'BYED PA LA, ,YE SHES ZER STONG SPRO BA'I DPAL YON CAN, ,BSHES GNYEN RTA BDUN DBANG PO ZHABS BRTAN GSOL, ,BLO GROS GANGS RI LAS 'ONGS DAM PA'I CHOS, ,GANG+G'A'I RGYUN BZANG 'GRO BLO'I CHU GTER CHER, ,LEGS PHAB BSOD NAMS YE SHES RIN CHEN GYIS, ,'GENGS MKHAS 'GRO MGON BSIL RI G-YO

, ,MED SHOG ,MDO RGYUD CHOS TSUL KUN LA MNGA' BRNYES SHING, ,BSHAD SGRUB RNAM PAR DKAR BA'I 'PHRIN LAS KYIS, ,SKAL BZANG GDUL BYA THAR LAM BKRI MKHAS PA'I, ,MKHYEN RAB DBANG PHYUG ZHABS LA GSOL BA 'DEBS, ,DRI MED BSLAB GSUM SDOM PAS RGYUD GTAMS SHING, ,SGO GSUM DGE LA 'DUN PA'I RNAM DPYOD DANG, ,BAG YOD NGES 'BYUNG BYANG SEMS KYIS PHYUG PA'I, ,BSHES GNYEN BZANG PO G-YO MED BZHUGS GSOL 'DEBS, ,MCHOG GSUM THUGS RJE DRANG SRONG BDEN TSIG DANG, ,BSTAN SRUNGS 'PHRIN LAS 'DUS PAS GSOL BTAB MTHUS, ,'GRO MGON ZHABS ZUNG BSKAL BRGYAR G-YO MED CING, ,ZAB RGYAS CHOS 'KHOR RGYUN CHAD MED SKOR SHOG ,BDAG SOGS 'DUS PAS RTZE GCIG GSOL BTAB MTHUS, ,DENG NAS BYANG CHUB BAR DU RJES BZUNGS TE, ,MI KHOM GNAS SPANGS DAL 'BYOR RTEN BRGYUD NAS, ,BLA MED BYANG CHUB MYUR DU THOB PHYIR BSNGO, ,BLO GSAL MKHAS MANG KHRIMS LDAN 'DUS PA'I TSOGS, ,RNAM G-YENG KUN BRAL RTZE GCIG BSGRUB LA BRTZON, ,CHOS MTHUN LEGS TSOGS YAR NGO'I 'OD DKAR CAN, ,JI BZHIN BLA NAS BLAR 'PHEL BKRA SHIS SHOG ,CES RING 'TSO'I TSIGS SU BCAD PA 'DI NI DBEN SA CHOS KYI PHO BRANG BA 'DUS CHOGS LAS BYED DANG BCAS PAS NAN CHER BSKUL BA LTAR SH'AKYA'I BTZUN

PA BLO BZANG YE SHES KYIS BKA' GDAMS PHO BRANG DU SMRAS PA'O,, ` AOm SVASTI, RNAM DPYOD YON TAN KUN 'BYUNG BLO MCHOG RGYAS, ,SKAL BZANG GDUL BYA'I 'DREN PA BLA NA MED, ,THUGS RJE'I SNANG MDZOD YE SHES 'OD CHEN PO, ,GDUL BYA'I BLO MUN SEL PHYIR ZHABS BRTAN SHOG ,BLO CHEN BUM BZANG RGYAL KUN MKHYEN BRTZE DANG, ,TSE DANG YE SHES KYIS GANG BYIN RLABS RGYAN, ,'GROL MCHOG STZOL YONGS 'DZIN DGE BA'I BSHES, ,'CHI MED TSE MTHA' YAS BZHIN RTAG BRTAN SHOG ,RGYA CHEN TSOGS GNYIS MA LA YAR THON PA'I, ,RNAM DAG TSANGS SPYOD TSUL KHRIMS TZANDAN DRIS, ,GDUL BYA'I NYON MONGS TSA GDUNG BCIL MDZAD PA, , 'GYUR MED RDO RJE LTA BUR BRTAN PAR SHOG ,RNAM 'DREN BZHI PA'I RING LUGS NAM MKHA'I MTHAR, ,JI BZHIN SPEL MDZAD KUN MKHYEN TZONG KHA BA'I, ,CHOS TSUL SKYONG LA SNYING STOBS ZLA BRAL BA, ,BSKAL BRGYAR CHOS 'KHOR BSKOR PHYIR ZHABS BRTAN SHOG ,YON TAN KUN GZHI TSUL KHRIMS CHU GTER LAS, ,LEGS 'ONGS PHYIN DRUG BSDU BZHIS PHYUG PA'I NOR, ,LUNG RTOGS BSTAN PA'I RGYAL MTSAN RTZER MTHO BA'I, ,BSAM 'PHEL DBANG GI RGYAL POR GSOL BA 'DEBS, ,GNYIS MED BDEN PA GSUNG DANG DAM PA'I CHOS, ,RGYAL SRAS RGYA MTSO'I MKHYEN BRTZE GCIG BSDUS NAS, ,'GRO BA KUN LA BU GCIG LTAR BRTZE BA'I, ,SKYABS MCHOG RJE

, ,BTZUN BLA MAR GSOL BA 'DEBS, ,RAB MANG RGYUD SDE'I RGYA MTSO LAS THON PA'I, ,RAB MCHOG ZAB LAM RIM GNYIS RIN CHEN GYIS, ,RAB DAD GDUL BYA'I RE BA YONGS SKONG BAR, ,RAB BSNGAGS DED DPON CHEN POR GSOL BA 'DEBS, ,MCHOG GSUM BYIN RLABS SMON GRUB BDEN TSIG DANG, ,BSTAN SRUNGS MTHU RTZAL 'DUS TSOGS 'KHOR 'BANGS KYIS, ,RTZE GCIG GSOL BTAB RTEN 'BREL SLU MED MTHUS, ,BSKAL BRGYAR MI G-YO BZHED DON LHUN GRUB SHOG ,THUB PA'I RGYAL TSAB MNYAM MED TZONG KHA PA'I, ,RMAD BYUNG LUNG RTOGS RGYA MTSOS NOR 'DZIN KHYON, ,YONGS GANG PHAN BDE'I RLABS 'PHRENG CHER G-YOS TE, ,SRID ZHI'I DGE MTSAN BLA NAS BLAR 'PHEL SHOG ,BDAG SOGS PHA MAR GYUR PA'I YID CAN KUN, ,RJES BZUNG BYANG CHUB SNYING POR MCHIS KYI BAR, ,MI KHOM MI BTANG MNGON MTHO'I LAM BKOD NAS, ,NGES LEGS PHO BRANG CHEN POR MYUR 'JUG GSOL, ,BHO tA'I LJONGS 'DIR NAD 'KHRUG MU GE SOGS, ,MI SHIS MTSAN MA MTHA' DAG NYER ZHI ZHING, ,PHUN TSOGS DGE MTSAN YANG NGO'I ZLA BA LTAR, ,GONG NAS GONG DU 'PHEL BA'I BKRA SHIS SHOG ,CES RING 'TSO'I TSIGS SU BCAD PA 'DI NI CHOS GRVA CHEN PO BKRA SHIS LHUN PO'I SLOB DPON RNAM PA, CHOS KHRIMS SOGS LAS BYED RNAMS

DANG, NYE 'KHOR BA, RDZONG GZHI SA KHAG GI LAS BYED RNAMS DANG BCAS PAS NAN CHER BSKUL BA'I NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA'O,, SARBA DZA GA TAm,, ,, ` SVASTI, ZAB YANGS BLO CHEN SH'AKYA'I RGYAL PO YI, ,YANG DAG LUGS BZANG SKYONG BA'I DPAL YON CAN, ,BRTZE CHEN YE SHES SGRON MES PHYOGS KUN GYI, ,SKYE DGU'I MA RIG MUN SEL G-YO MED SHOG , 'JAM MGON BLA MA'I GZHUNG LUGS GANGS RI LAS, ,RAB DKAR DGE TSOGS YAN LAG BRGYAD LDAN CHAB, ,BSTAN 'GROR PHAN BDE'I MYU GU RGYAS PHYIR DU, ,'BEBS MKHAS RJE BTZUN BLA MAR GSOL BA 'DEBS,, RGYAL KUN MKHYEN BRTZE'I NGO BO BSHES GNYEN TSUL, ,TSUL BZHIN BSTEN NA 'DI PHYIR RAB DGE BA'I, ,THUN MONG MCHOG GI DNGOS GRUB STZOL MDZAD PAR, ,RTZE GCIG GSOL 'DEBS BDAG RGYUD BYIN GYIS RLOBS, , BDAG SOGS NYE 'BREL DENG NAS BYANG CHUB BAR, ,KHYOD LA GSOL 'DEBS RE SA'I SKYABS GZHAN MED, ,'BRAL MED RJES BZUNGS SA LAM RIM BKOD DE, ,KUN MKHYEN GO 'PHANG DAM PAR MYUR 'GOD GSOL, GNAS SKABS NAD GDON KUN ZHI TSE RING ZHING, ,MKHO DGU'I DPAL 'BYOR MNGA' THANG RGYAS PA DANG, ,RNAM KUN MI DGE'I BYA BAS MI 'DA' BAR, ,'GRO RNAMS 'DREN PA'I MCHOG TU BDAG GYUR CIG ,CES @300 A*, ,PA 'DI NI SNYE MO DMAG LAM PA RDO RJE RAB BRTAN GYIS BSKUL BA'I NGOR CHOS SMRA BA'I BTZUN PA BLO BZANG YE SHES KYIS SBYAR BA'O,, ` SVASTI, BLO GROS BZANG PO'I LHA LAM KHYON YANGS LAS, ,SGRIB GNYIS SPRIN BRAL YE SHES 'OD SPROS NAS, ,THUB BSTAN LUNG RTOGS PANG TSAL BZHAD MDZAD PA'I, ,YONGS 'DZIN NYIN BYED DBANG PO ZHABS BRTAN SHOG ,BLO BZANG GRAGS BSTAN PA GAM MTHON PO'I RTZER, ,BDUD BZHI'I G-YUL LAS RGYAL MTSAN RIN CHEN TOG ,YE SHES GZI 'BAR 'DOD DGU'I CHAR 'BEBS PA'I, ,'GRO MGON BSTAN PA'I RGYAL MTSAN G-YO MED SHOG ,GANG SKU RMAD BYUNG NGUR SMRIG GOS KYIS MDZES, ,GANG GSUNG CHOS PHUNG KHRIMS LDAN DBUS NA 'DOMS, ,GANG THUGS ZAB YANGS BSLAB GSUM NOR GYIS PHYUG ,ZAB GSAL RJE BTZUN BLA MA ZHABS BRTAN SHOG , RGYAL DANG RGYAL BA GNYIS PA'I MDO SNGAGS KYI, ,BSTAN PA RGYA MTSO'I DPAL DU LEGS BYON NAS, ,DRI MED CHOS TSUL JI BZHIN SKYONG BA LA, ,MI 'JIGS SPOBS PA BRNYES LA GSOL BA 'DEBS, ,NGES 'BYUNG RNAM PAR DAG PA'I ZHING SA LA, ,BYANG SEMS LJON SHING LO 'DAB KYIS MDZES SHING, ,YANG DAG LTA BA'I 'BRAS BU G-YUR ZA BAS, ,LAM MCHOG TSUL BZHIN SKYONG LA GSOL BA 'DEBS, ,MCHOG GSUM

BYIN RLABS MOS LDAN GSOL BTAB MTHUS, ,GANG SKU RI DBANG LTA BUR RAB BRTAN CING, ,BDAG SOGS 'GRO KUN 'BRAL MED RJES BZUNGS TE, ,SKU GSUM GO 'PHANG THOB PAR BYIN GYIS RLOBS, ,THOR GONG 'DZIN MA'I KHYON DU NYER 'KHOD PA'I, ,RJE 'BANGS KUN GYI NAD MTSON MU GE SOGS, ,NYER 'TSE KUN ZHI CHAB SRID DAR RGYAS TE, ,PHUN TSOGS PHYOGS KUN GANG BA'I BKRA SHIS SHOG ,CES PA 'DI NI THOR GOD DPON TSE RING DON GRUB KYIS GTZOS DPON KHAG RNAMS KYI MI SNA DHA YAN DAR GAN NANG SO DANG, B'A DUR DPON PO DGE SLONG SOGS MI SNA MANG POS MA GRIN GCIG BSKUL BA LA BRTEN NAS SH'AKYA'I BTZUN PA BLO BZANG YE SHES KYIS SBYAR BA'O,, ,, ` SVASTI, DUS GSUM RGYAL BA'I MKHYEN BRTZE NUS MTHU'I TSOGS, ,BLO GROS ZA MA TOG TU LEGS GTAMS PA'I, ,'PHRIN LAS BZANG POS 'GRO BA'I MA RIG MUN, ,SEL BA'I YE SHES SGRON ME ZHABS BRTAN SHOG ,SDE SNOD GSUM GYI GZHUNG LUGS 'DZIN MA'I GZHIR, ,BSLAB GSUM DAG PA'I DPAG BSAM RTZA BA BRTAN, ,TSOGS GNYIS YONGS SU RDZOGS PA'I 'BRAS BUS BRJID, ,GDUL BYA'I RE BA SKONG LA GSOL BA 'DEBS, ,BDAG SOGS DENG NAS BYANG CHUB SNYING PO'I BAR, ,'BRAL MED BRTZE BA'I LCAGS KYUS RJES BZUNGS NAS, ,DAL 'BYOR RTEN BRGYUD SA LAM RIM BGROD DE, ,RING MIN RNAM MKHYEN GO 'PHANG

, ,MYUR THOB SHOG ,CES PA 'DI NI RI KHROD KHROM STENG DGE SLONG BLO BZANG RGYAL MTSAN GYIS YANG DANG YANG DU BSKUL BA'I NGOR DGE SLONG BLA BZANG YE SHES KYIS BGYIS SO,, ` SVASTI, MDO RGYUD PAD TSAL LA CHAGS GE SAR 'DZIN, ,LEGS BSHAD DBYANGS SNYAN SGROGS PA'I GRAGS PA CAN, ,LHUN GRUB 'PHRIN LAS GDUL BYA'I DPAL DU SHAR, ,'JAM MGON BSTAN PA'I GNYEN LA GSOL BA 'DEBS, ZHES PA 'DI NI RGYUD SMAD BLA MA GRAGS PA LHUN GRUB LA GSOL 'DEBS BRGYUD 'DEBS GRAS SU BCUG CHOG PA ZHIG DGOS ZHES 'DUS TSOGS KYIS BSKUL NGOR BTZUN PA BLO BZANG YE SHES KYIS SMRAS PA'O,, ` SVASTI, BLA MA YI DAM SANGS RGYAS BYANG SEMS DANG, ,DPA' BO MKHA' 'GRO BSTAN SRUNGS RGYA MTSO YI, ,MKHYEN BRTZE NUS MNGA' 'JAM MGON CHOS KYI RJES, ,DUS RNAM KUN TU THUGS RJE'I MTHU DPUNG SKYED, ,RGYAL DANG RGYAL BA GNYIS PA'I BSTAN PA MCHOG ,SPEL LA SNGON BSAGS RNAM DKAR BSOD NAMS DANG, ,DAD PA'I STOBS RGYAS 'PHRIN LAS BZANG PO'I RGYUN, ,RGYA MTSO'I RLABS BZHIN YOL MED RTAG BRTAN SHOG ,LJONGS 'DIR STOBS KYIS DBANG BSGYUR MI YI BDAG ,LUGS BRGYA'I KHRIMS KYIS BSTAN 'GRO'I BDE SPEL BAR, ,RNAM DKAR THUGS BSKYED BZANG PO'I MTHU DPUNG DANG, ,SKU TSE CHAG SRID YAR ZLA LTAR 'PHEL SHOG ,BSIL RI'I RA BAS BSKOR

BA'I ZHING MCHOG 'DIR, ,RJE 'BANGS MTHA' DAG NANG MTSON MU GE SOGS, ,NYER 'TSE DU: KHA'I MUN LAS RNAM RGYAL TE, ,TSE RING RDZOGS LDAN DUS DANG SKAL MNYAM SHOG ,MCHOG GSUM BYIN RLABS DRANG SRONG BDEN TSIG DANG, ,DKAR PHYOGS SKYONG BA'I BSRUNG MA'I MTHU STOBS KYIS, ,RJE 'BANGS KUN GYI RE 'BRAS YONGS SMIN ZHING, ,SUM RTZEN DPAL LA 'GRAN PA'I BKRA SHIS SHOG ,CES PA 'DI NI THU'U KAN GYI GRVA PO BLO BZANG NGAR RGYAS KYIS MI DBANG MTHO RON PAD LI BSOD NAMS STOBS RGYAS SKU TSE CHAB SRID BRTAN PA'I TSIGS BCAD 'DI LTA BU ZHIG DGOS ZHES NAN GYIS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA'O,, ,, ` SVASTI, RGYAL BA'I YAB GCIG GZHON NU'I CHA LUGS CAN, ,SNYIGS DUS DUR SMRIG GAR ROL TZONG KHA PA'I, ,CHOS TSUL MA NOR DON YOD STON PA LA, ,MKHAS SHING GRUB PA'I DPAL GYUR ZHAB BRTAN SHOG ,THOS BSAM SGOM PA'I LUS STOBS RAB RGYAS SHING, ,NOR BDUN YON TAN RIN CHEN DRA BAS SPAS, ,PHYIN DRUG MCHE BA BSDU BZHI'I YAN LAG LDAN, ,BSHES GNYEN GNYIS 'THUNG DBANG PO RTAG BRTAN SHOG , GANG THUGS SGRIB GNYIS YONGS DAG MKHA' DBYINGS LAS, ,BLO BZANG GRAGS BSTAN LUNG RTOGS PADMO'I TSAL, ,RAB 'BYED ZER STONG SPRO BA'I NYIN MOR BYED, ,MOS LDAN BZHED DON BSGRUB PHYIR G-YO MED SHOG ,CES

, ,BLA MA DON YOD MKHAS GRUB KYI BRTAN BZHUGS TSIGS SU BCAD PA ZHIG DGOS ZHES MGON PO LHA SKYABS KYIS BSKUL BA'I NGOR SH'AKYA'I DGE SLONG BLO BZANG YE SHES KYIS SMRAS PA DGE'O,, ,, ` SVASTI, NGAG LA DBANG BSGYUR BLO GROS BZANG PO YIS, ,BSHAD SGRUB BSTAN PA DAR ZHING RGYAS MDZAD CING, ,GDUL BYAR CHOS 'KHOR BSKOR BA'I 'PHRIN LAS CAN, ,YONGS 'DZIN DGE BA'I BSHES GNYEN ZHABS BRTAN SHOG ,'JAM MGON BLA MA'I CHOS TSUL RGYA MTSO LAS, ,ZAB CING RGYA CHE'I NOR BU'I KHUR KHYER BA'I, ,'GRO BA'I RE SKONG YID BZHIN NOR BU'I GTER, ,THAR 'DOD DED DPON KHYED LA GSOL BA 'DEBS, , RING NAS TSOGS BSAGS RJE BTZUN TZONG KHA PAS, ,RJES BZUNGS RING LUGS RGYA MTSO'I MTHA' KLAS BAR, ,SPEL LA ZHUM MED BSHES GNYEN SNYING STOBS CAN, ,BDAG SOGS RJES BZUNG 'PHRIN LAS GONG 'PHEL SHOG ,CES MKHA' SPYOD GUR KHANG BLA MA'I BRTAN BZHUGS TSIGS BCAD 'DI NI, MKHA' SPYOD RI KHROD PA DGE SLONG SPYIS BSKUL DOR SH'AKYA'I BTZUN PA BLO BZANG YE SHES KYIS SMRAS PA'O,, ' SVA STI, NGAG GI DBANG PHYUG 'JAM MGON CHOS RJE YI, ,CHOS TSUL SPEL LA BLO GROS RNAM PAR BKRA ,PHYOGS 'DIR DGE MTSAN SHES PAS SKYONG MDZAD PA'I, ,BSHES GNYEN BZANG PO SRID MTHAR ZHABS BRTAN SHOG ,BSLAB

GSUM RNAM PAR DAG PA'I ZHING SA LA, ,LUNG RTOGS YON TAN DPAG BSAM LO 'DAB RGYAS, ,LEGS BSHAD 'BRAS BU'I KHUR GYIS YONGS DUD PA'I, ,'GRO BA'I RE BA SKONG LA GSOL BA 'DEBS, ,MCHOG GSUM BYIN RLABS LAS GSHIN 'PHRIN LAS DANG, ,'DUS PAS GSOL BTAB RTEN 'BREL PHUN TSOGS KYIS, ,YONGS 'DZIN ZHABS BRTAN KHRIMS LDAN 'DUS TSOGS 'PHEL, ,BSHAD SGRUB DPAL 'BYOR DBYAR MTSO LTAR 'PHEL SHOG ,CES PA 'DI NI TSANGS DBANG DGA' LDAN AER TE NI JU NANG GI GRVA TSANG BKRA SHIS 'KHYIL BLA MAR 'DUS TSOGS SPYIS BRTAN BZHUGS TSIGS BCAD CIG DGOS TSUL BYUNG BA LTAR SH'AKYA'I BTZUN PA BLO BZANG YE SHES KYIS BGYIS PA'O,, ` SVASTI, BLO CHEN THUB PA'I DGONGS ZAB RGYUD SDE'I DON, ,SKAL BZANG GDUL BYAR 'CHAD LA SMRA MKHAS PA, ,RIM GNYIS LAM LA BKRA BA'I BLO GROS KYIS, ,DGE MTSAN SHIS PA BRJOD LA GSOL BA 'DEBS, ZHES PA SNGAGS PA SLOB DPON BLO BZANG BKRA SHIS KYI GSOL 'DEBS TSIGS BCAD 'DI NI, SNGAGS GRVA'I BRGYUD 'DEBS SU CHOS RJE BKA' BCU PA BLO BZANG TSE RING GIS BSKUL NGOR BTZUN PA BLO BZANG YE SHES KYIS SMRAS SO,, ` SVASTI, KHAMS GSUM SKYE DGU SRID MTSOR 'KHYAMS PA LA, ,BRTZE BAS GRANGS MED GSUM DU TSOGS RDZOGS NAS, ,ZHING 'DIR 'DREN PA STONG LAS KHYAD

, ,PAR 'PHAGS, ,MNYAM MED SH'AKYA'I GTZO LA GUS PHYAG 'TSAL, ,RGYAL KUN YAB GCIG 'JAM DBYANGS NGUR SMRIG GAR, ,THUB BSTAN NYIN MOR GSAL MDZAD 'JAM MGON RJE, ,GANG GI LUGS BZANG SKYONG BA YE SHES MTSAN, ,RJE BTZUN BLA MA GNYIS LA GSOL BA 'DEBS, ,RGYAL BA'I CHOS TSUL 'PHAGS YUL MKHAS PA'I LUGS, ,ZHIB MOR GSAL BA'I YE SHES SNANG BA RGYAS, ,THUB BSTAN RGYA MTSO'I PHA MTHAR KHYAB MDZAD PA'I, ,'GRO BA'I MGON PO NAM YANG G-YO MED SHOG ,SNGON NAS THUGS BSKYED GOMS PA'I MA LA YAR, ,TSOGS GNYIS YONGS RDZOGS LJON PA DAR LA BABS, ,BRTZE BA'I BSER BUS DRI BSUNG 'GRO LA KHYAB, ,NYON MONGS TSA GDUNG SEL MDZAD ZHABS BRTAN SHOG ,RGYAL KUN SPYI GZUGS KUN MKHYEN TZONG KHA PA'I, ,DRI MED RING LUGS PHYOGS BRGYAR SPEL BA LA, ,NGAL MED BSGRUB LA BRTZON PA'I SNYING STOBS CAN, ,'GYUR MED RDO RJE'I KHRI LA G-YO MED SHOG ,RMAD BYUNG BLO GROS LHA LAM YANGS PA LA, ,BSLAB GSUM RNAM DAG DKYIL 'KHOR RAB RGYAS SHING, ,'CHAD RTZOD RTZOM PA'I 'OD STONG PHYOGS BCUR 'PHRO, ,BSHES GNYEN NYIN MO'I MGON POR GSOL BA 'DEBS, ,MDO DANG RGYUD SDE'I GZHUNG LUGS CHU GTER LAS, ,MAN NGAG GDAMS PA'I ZAB LAM DBANG GI RGYAL, ,SKAL BZANG GDUL BYA'I RE BA YONGS

SKONG BA'I, ,MTSUNGS MED NGED DPON CHEN POR GSOL BA 'DEBS, ,DAM PA'I CHOS TSUL KUN LA MNGA' BRNYES SHING, ,THOS BSAM SGOM LA RING NAS GOMS PA'I MTHUS, ,SNYIGS DUS PHAN BDE'I LAM BZANG STON MKHAS PA, ,RJE BTZUN BLA MA'I ZHABS LA GSOL BA 'DEBS, ,DGE MTSAN DU MAS MDZES PA'I BYAMS PA GLING, ,RIG GROL DGE 'DUN THUGS MTHUN TSANGS SPYOD LDAN, ,'KHOR LO GSUM GYIS NYIN MTSAN 'DA' BA DANG, ,BSHAD SGRUB LONGS SPYOD BLA NAS BLAR 'PHEL SHOG ,'JIGS RTEN KHAMS SU NANG MTSON MU GE SOGS, ,MI SHIS NYER 'TSE MA LUS KUN ZHI NAS, ,LO THOG RTZI BCUD 'DOD DGU'I 'BYOR PA RGYAS, , PHAN TSUN YID MTHUN BYAMS PA'I SEMS LDAN SHOG ,YID CAN KUN GYI SNYING LA DUS GSUM DU, ,GCIG TU DGE BA MCHOG GSUM DAM PA DANG, ,SLU MED RTEN 'BREL BDEN PA'I SMON PA KUN, ,LEGS 'GRUB KHAMS GSUM MTHA' DAG SHIS GYUR CIG ,CES CHAB MDO 'PHAGS PA LHA'I SPRUL PA'I SKU 'PHAGS PA YE SHES BSTAN PA'I MGON PO'I BRTAN BZHUGS 'DOD GSOL 'DI NI ZHAM RING BA DBON RAB 'BYAMS PA BLO BZANG DBANG PHYUG GIS BSKUL BA LTAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU BGYIS PA SARBA MANG+GA LAm,, ` SVASTI, DON YOD THOS BSAM SGOM PA'I BA GAM CAN, ,MKHAS BTZUN

, ,BSLAB GSUM LDAN PA'I NOR GYIS PHYUG ,GRUB PA'I RGYAL MTSAN 'DZIN PA'I DPAL GYUR PA, ,BSHES GNYEN BZANG PO SRID MTHAR ZHABS BRTAN SHOG ,BLO BZANG RGYAL BA'I CHOS TSUL 'DAB BRGYA'I TSAL, ,JI BZHIN 'BYED LA SMRA BA'I 'OD STONG CAN, ,MDO RGYUD GDAMS PA'I SBRANG RTZI'I BCUD CHAGS PA, ,SKAL LDAN BUNG BAR STZOL LA GSOL BA 'DEBS, ,MCHOG GSUM THUGS RJE BSRUNG MA'I 'PHRIN LAS DANG, ,GUS LDAN GSOL BTAB RTEN 'BREL PHUN TSOGS MTHUS, ,BSTAN DANG GDUL BYA'I NYER 'TSOR RTAG BZHUGS NAS, ,'PHRIN LAS YAR NGO'I ZLA LTAR 'PHEL BAR SHOG ,CES PA 'DI NI BLA MA DON YOD MKHAS GRUB BAR BRTAN BZHUGS TSIGS BCAD 'DI LTA BU ZHIG DGOS ZHES NGAG DBANG BSKAL BZANG GIS BSKUL BA LTAR BTZUN PA BLO BZANG YE SHES KYIS SMRAS PA'O,, ` AOm SVASTI, BCOM LDAN 'DAS GDUGS DKAR MO ZHAL GCIG PHYAG GNYIS MA BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG NAS, AOm SVA BHA WA SHUDDHA SARBA DDHARM'A SVA BH'A WA SHUDDHONYHAm, STONG PA NYID DU GYUR STONG PA'I NGANG LAS, PADMA DANG ZLA BA'I DKYIL 'KHOR DKAR BSIL NYA GANG BA'I STENG DU GDUGS DKAR PO GSER GYI YU BA CAN GYI TOG LA AOm YIG GIS MTSAN PA LAS 'OD ZER 'PHROS, SEMS CAN THAMS CAD KYI NAD RIMS

GDON BGEGS THAMS CAD DAG ,TSUR 'DUS YONGS SU GYUR PA LAS, RANG NYID 'PHAGS MA BCOM LDAN 'DAS GDUGS DKAR MO, SKU MDOG STON KA'I BSIL ZER LTAR DKAR BA GZHON NU LANG TSO DAR LA BAB PA'I NA TSOD CAN, CUNG ZAD SGEG CING DPA' BA'I NYAMS CAN ZHAL GCIG PHYAG GNYIS MA G-YAS SKYABS SBYIN GYI PHYAG RGYA DANG, G-YON GDUGS DKAR PO GSER GYI YU BA CAN RIN PO CHE'I TOG GIS MTSAN PA 'DZIN PA, DBU SKRA RAL PA PHYED THOR TSUGS SU BYAS SHING, LHAG MA SIL BUR BABS PAS SKU STOD KHEBS PA RIN PO CHE'I DBU RGYAN SNYAN RGYAN, MGUL RGYAN PHYAG GDUB ZHABS GDUB, GSER GYI SKA RAGS DO SHAL LA SOGS PA, , RIN PO CHE'I RGYAN SNA TSOGS KYIS SPRAS PA, ,SKU STOD LHA RDZAS KYI GOS KYIS GSHAL BYAS SHING, SKU SMAD LHA RDZAS KYI DAR GYI SHAM THABS GSOL BA, 'OD KYI DKYIL 'KHOR GYIS BSKOR BA'I DBUS NA, ZHABS GNYIS RDO RJE SKYIL KRUNG GIS BZHUGS PA'I, SPYI BOR AOm DKAR PO, MGRIN PAR A'A:DMAR PO, THUGS KAR H'Um SNGON POS MTSAN PAR GYUR, RANG GI THUGS KA'I H'Um LAS 'OD ZER 'PHROS PAS, BCOM LDAN 'DAS 'PHAGS MA GDUGS DKAR MO'I LHA TSOGS LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA:H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD

, ,ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES DBANG BSKUR, SKU GANG DRI MA DAG ,CHU LHAG MA SPYI GTZUG TU GNAS PA YONGS SU GYUR PA LAS, DE BZHIN GSHEGS PA'I RIGS KYI LHAS DBU BRGYAN PAR GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BH'A WA SHUDDHA SARBA DDHARM'A SVA BH'A BA SHUDDHONYHAm, STONG PA NYID DU GYUR, STONG PA'I NGANG LAS, AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD PA RNAMS PHUL DU BYUNG BA'I LHA RDZAS SU GYUR, AOm SARBA TA TH'A GA TA AUshn'I shA SI T'A TA PA TRE, AARGHAm, P'ADYAm, PUshPAm, DH'U PAm, A'A LO KE , GANDHE, NEE WI DYA, SHABTA PRA T'ITZTSA H'Um SV'AH'A, RGYAL BA KUN GYI 'PHRIN LAS MTHA' DAG RNAMS, ,GCIG BSDUS PHAS RGOL 'JOMS PA'I MTHU LDAN CAN, ,DRAN PAS DNGOS GRUB MCHOG STZOL YID BZHIN NOR, ,'PHAGS MA GTZUG TOR GDUGS DKAR BSTOD PHYAG 'TSAL, BZLAS PA BYA BA NI, RANG GI THUGS KAR ZLA BA'I DKYIL 'KHOR GYI STENG DU AOm YIG GI MTHAR SNGAGS 'PHRENG GIS BSKOR BA LAS BDUD RTZI'I RGYUN BABS, SDIG SGRIB

NAD GDON BAR GCOD THAMS CAD DAG, ,TSE DANG BSOD NAMS MNGA' THANG 'BYOR PA THAMS CAD RGYAS, DNGOS GRUB THAMS CAD BDE BLAG TU STZOL BAR BSAMS LA, TADYA TH'A, AO AA NA LE, AA NA LE, BEE RI BEE RI BADZRA DH'A RI BANDHA BANDHA NI H'Um H'Um PHAt PHAt SV'AH'A, YIG BRGYAS LHAG CHAD KHA BSKANG, DE NAS GTOR MA 'BUL BA NI, AOm BADZRE AA MRi TAS BSANGS, SVA BH'A BAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm 'OD DU ZHU BA LAS BYUNG BA'I LHA RDZAS SU GYUR, AOm A'U: H'Um LAN GSUM GYIS BYIN GYIS BRLABS, BCOM LDAN GDUGS DKAR GYI LJAGS RDO RJE'I 'OD ZER GYI SBU GUS GTOR MA'I BCUD DRANGS TE GSOL BAR GYUR PAR BSAMS LA, AOm SARBA TA TH'A GA TA AUshn'I shA SI T'A TA PA TRE AI DA BA LIm TA KHA KHA KH'A HI KH'A HI, ZHES PA LAN GSUM MAM BDUN GYIS GTOR MA PHUL, DE NAS AOm SARBA TA TH'A GA TA AUshn'I shA SI T'A TA PA TE AARGHAm NAS SHABT'I BAR GYIS MCHOD PA PHUL, GONG BZHIN BSTOD, DGE BA 'DI YIS MYUR DU BDAG ,'PHAGS MA GDUGS DKAR 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BSNGO BA DANG SMON LAM BKRA SHIS BYA'O,, BCOM LDAN 'DAS GDUGS DKAR MO'I SGRUB THABS DNGOS GRUB 'DOD 'JO ZHES BYA BA 'DI THOR KHOD DPON MO MTSO RGYAL GYIS DGOS ZHES BSKUL BA LA BRTEN NAS CHOS SMRA BA'I BTZUN PA BLO BZANG YE

, ,SHES KYIS BKA' GDAMS PHO BRANG DU BGYIS PA'O,, MANG+GA LAm,, ` AOm SVASTI SIDDHAm, RGYAL PO CHEN PO RNAM THOS SRAS LA MCHOD GTOR 'BUL BAR 'DOD PAS, MCHOD GTOR RNAMS PHYAG LEN LTAR LEGS PAR BSHAMS LA, DPAL PHYAG NA RDO RJE'I BDAG BSKYED LA GNAS PA'I SGO NAS, MCHOD PA RNAMS BADZRA KUndA LIS BSANGS, SVA BH'A WAS STONG PAR SBYANGS, STONG PA'I NGANG LAS BHR'Um LAS RIN PO CHE'I SNOD YANGS SHING RGYA CHE BA RNAMS KYI NANG DU H'Um 'OD DU ZHU BA LAS BYUNG BA'I MCHOD RDZAS RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A:H'Um, ZHES PA NAS, SHAPTA A'A:H'Um GI BAR GYIS BYIN GYIS BRLAB, GTOR MA YANG SNGAR LTAR BSANGS SBYANGS LA, STONG PA'I NGANG LAS BHR'Um LAS RIN PO CHE'I SNOD YANGS SHING RGYA CHE BA'I NANG DU KHAm 'OD DU ZHU BA LAS BYUNG BA'I LHA'I ZHAL ZAS DRI RO PHUN SUM TSOGS PA, DE'I STENG DU AOm A'A:H'Um GI YI GE GSUM STENG NAS STENG DU BRTZEGS TE GNAS PA 'OD DU ZHU BA LAS ZAG PA MED PA'I BDUD RTZI'I RGYA MTSO CHEN POR GYUR, AOm A'A:H'Um LAN GSUM BRJOD PAS BYIN GYIS BRLAB,, ` DE NAS RTEN BSKYED PA NI, SVA BH'A WAS STONG PAR SBYANGS, STONG PA'I NGANG LAS MDUN DU BHR'Um YIG LAS BYUNG BA'I, ,RIN CHEN GZHAL MED KHANG PA GRU BZHI SGO BZHI PA, ,RTA BABS BZHI

DANG 'KHOR SA RIM GSUM LDAN PA'I DBUS, ,KHANG BRTZEGS DGU YONG DBUS MA PHO BRANG SUM BRTZEGS SU, ,GNAS PA'I RTZE MOR NOR BU'I TOG DANG LOGS RNAMS SU ,DRA BA DRA PHYED 'PHYANG ZHING MNGA' YAB PU SHU LDAN, SHEL DANG BEE d'URYA DANG PADMA R'A GA DANG, ,GSER LAS GRUB PA'I KA BA NYIS STONG LNGA BRGYA YIS, ,SHAR SOGS PHYOGS BZHI RIM BZHIN MDZES BRGYAN GTER KHANG NI, ,BCO LNGA DAG GIS SBRAS PA'I PHYI ROL PHYOGS MTSAMS SU, ,BUM BZANG DPAG BSAM SHING DANG RIN CHEN LJON SHING BRGYAD, ,RDZING BZANG RIN CHEN LJON SHING ME TOG DANG LDAN BRGYAD, ,'DOD 'JO'I BA BRGYAD RNAMS KYIS SPEL MAR LEGS BRGYAN PA'I,, PHYI ROL RIN CHEN RA BAS GRU BZHIR BSKOR BA YI, ,PHO BRANG DBUS MA'I NANG DU SNA TSOGS PAD ZLA'I STENG, ,BTZO MA GSER GYI MDANGS LDAN RGYAL CHEN NGAL BSOS PO, ,ZHAL GCIG PHYAG GNYIS G-YAS G-YON RGYAL MTSAN NE'U LE 'DZIN, ,GDONG LNGA'I DBANG PO NYAL BA RANG LA BLTA BA'I STENG, ,SEMS DPA'I SKYIL KRUNG GIS BZHUGS ZHAL NAS RIN CHEN CHAR, ,'BEBS PAS SKYE RGU MA LUS PHONGS PA'I GNAS LAS SKYOB, ,DBU LA RIN CHEN DBU RGYAN PHRAG GONG NYI ZLAS BRGYAN, ,NAM MKHA' MDZOD LA MNGA' BRNYES NYI 'BUM GZI BRJID LDAN, ,SHAR SOGS PHYOGS MTSAMS KHANG BRTZEGS NANG DU PAD GDAN LA, ,DZAMBHA LA SOGS DPA' BRJID

, ,RNGAMS SHING MI SDUG PA'I, ,CHA BYAD CAN DANG 'KHOR SA BAR MTHAR GNAS PA YI, ,GNOD SBYIN BYE BA LHA SRIN SDE BRGYAD LA SOGS PA'I, ,GTZO 'KHOR KUN GYI SKU GSUNG THUGS KYI GNAS RNAMS SU, ,DKAR DMAR SNGO BA'I YI GE GSUM GYIS MTSAN PAR GYUR, ,BDAG GI THUGS KA'I H'Um YIG LAS SPROS 'OD ZER SNAR, ,'DOD RGYAL DMAR PO LCAGS KYU ZHAGS THEGS SPROS PA YIS, ,LCANG LO CAN NAS RNAM MANG THOS SRAS 'KHOR DANG BCAS, ,SPYAN 'DREN SEMS CAN DON PHYIR GNAS 'DIR GSHEGS SU GSOL, ,AOm BEE SHRA WA nA YE SA PA RI W'A RA DZA:DZA:DZA: DZA: H'Um BAm HO: AOm BEE SV'AH'A, AOm BEE SHRA WA nA YE A'A KADshA YADZA: ZHES BRJOD CING, BEE RING PO BRJID BAG BCAS MIG 'DZUM SO GNYIS BAR DU BRJOD PAS, RGYAL PO'I THUGS KAR PAD 'DAB BRGYAD KYI 'DAB MA RE RER BEE BZHI BZHI BSAM ZHING, DAM TSIG PA DANG YE SHES SEMS DPA'I THUGS KAR 'OD ZER GYI LCAGS KYUS SBREL BAR BSAM MO, ,DE NAS, AOm RATNA MU KU tA AA BHI shINYTZA MAm, ZHES RIN PO CHE'I COD PAN GYI DBANG BSKUR BAR BSAM, DE NAS MCHOD PA 'BUL BA NI, AOm BEE SHRA WA nA SA PA RI W'A RA PROKshA nAm PRA T'ITZTSA YE A'A:T'Um, DE BZHIN DU PROKshA nAm GYI GNAS SU, AARGHAm, P'A DYAm, AANYTZA M'A NAm, PUshPE SOGS SBYAR BAS CHU

BZHI NYER SPYOD ROL MO DANG BCAS BA 'BUL, SKABS 'DIR BSKANG BSHAGS BZLAS PA SOGS BYED PAR 'DOD NA MCHOD GTER 'BUL BA'I RIM PA DNGOS GRUB KYI BANG MDZOD NAS 'BYUNG BA LTAR BYA, DE NAS GTOR MA 'BUL BA NI, CHOS SKYONG 'KHOR DANG BCAS PA'I LJAGS H'Um LAS SKYES PA'I RDO RJE DKAR PO RTZE GCIG PA 'OD KYI SBU GU CAN DU GYUR PAR BSAMS LA, RDO RJE THAL MO KHA PHYE BAS, AOm AA MRi TA KUndA LI HA NA HA NA H'Um PHAt, AOm BEE SHRA WA nA YE, AI DAm BA LIm TA GRiHnAm TU SA MA YA RAKshAN'U, MA MA SARBA SIDDHIMME PRA YATZTSA, MA MA SARBA KARMA S'A DHA AA MO GHA YE SV'AH'A, LAN GSUM, AI DAm GYI GONG DU SA PA RI W'A RA ZHES PA BCUG KYANG NYES PA MED, 'KHOR RNAMS LA YANG RANG RANG GI SNGAGS KYI SV'AH'A'I GONG DU AI DAm MAN CHAD BTAGS LA 'BUL, AOm AAshtA N'A GA SH'ANTA SV'AH'A, PRA KO TI YAKshA R'AKshA SA, ZHES PA LA AI DAm MAN CHAD BTAGS LA KLU BRGYAD DANG GNOD SBYIN DANG SRIN PO BYE BA'I TSOGS LA 'BUL, YANG NA AA K'A RO GSUM MAM BDUN GYIS 'BUL LO, ,DE NAS AARGHAm SOGS KYIS MCHOD LA, H'Um, MI 'JIGS SENG GE'I GDAN STENG NA, ,BEE LAS BYUNG BA'I MGON PO NI, ,NGAL BSOS DGE BA STOBS PO CHE, ,SA BRGYAD DBANG PHYUG KHYOD LA 'DUD, ,BTZUN MO BZHI DANG SRAS BZHI DANG, ,KHYAD PAR LAS BSGRUB GNOD SBYIN BRGYAD, ,NOR STER BA YI KLU CHEN BRGYAD, ,LHA

, ,SRIN SDE BRGYAD 'KHOR BCAS LA, ,MCHOD CING BSTOD DE PHYAG KYANG 'TSAL, ,DGRA BGEGS MA LUS GZHOM PA DANG, ,'BYOR PA'I LONGS SPYOD PHUN TSOGS SHING, ,'DOD DGU YID BZHIN 'GRUB PA DANG, ,GZHAN DON LHUN GYIS GRUB PAR MDZOD, CES BSTOD CING 'PHRIN LAS BCOL LA, YIG BRGYAS LHAG CHAD KHA BSKANGS TE, NONGS PA BZOD PAR GSOL NAS, AOm KHYED KYIS SEMS CAN DON KUN MDZAD, CES SOGS KYIS YE SHES PA RNAMS GSHEGS SU GSOL BA'AM, BRIS SKU SOGS RTEN YOD NA, YE SHES PA RNAMS 'DIR NI GZUGS DANG LAN CIG TU, ZHES SOGS BRJOD CING, SU PRA TIshthA SA BRTAN BZHUGS DANG, SMON LAM BKRA SHIS KYIS BRGYAN PA BYA'O, ,RGYAL PO CHEN PO RNAM THOS SRAS LA MCHOD GTOR 'BUL TSUL 'KHYER BDE BA ZHIS DGOS ZHES MDZOD PA DKA' BCU BLO BZANG DBANG RGYAL GYIS BSKUL BA LTAR CHOS SMRA BA'I BTZUN PA BLO BZANG YE SHES KYIS BGYIS PA'O,, ` NA MO GU RU AUshn'I shA BI DZ'A YA, RIGS BRGYA'I DKYIL 'KHOR KUN LA DBANG BSGYUR ZHING, , GANG 'DUL THABS KYIS CHOS STON RDO RJE 'CHANG, ,'GRO LA RTAG PAR GZIGS MDZAD PAD DKAR 'DZIN, ,GSOL BA 'DEBS SO BYIN RLABS DNGOS GRUB STZOL, ,BYANG CHUB SEMS DPA' BLO GROS RIN CHEN DANG, ,

RJE BTZUN MA YIS BYIN BRLABS TEE LO PA, ,RNAL 'BYOR DBANG PHYUG ROL PA'I RDO RJE'I ZHABS, ,GSOL BA X, ,RDZU 'PHRUL STOBS MNGA' MI TRA DZO KI DANG, ,SKAD GNYIS SMRA BA'I DBANG PO BYAMS PA DPAL, ,BSLAB GSUM RGYAN MDZES BSOD NAMS DBANG PHYUG LA, ,GSOL BA, ,RNAM DPYOD PHUL PHYIN MKHAN CHEN SENG GE'I MTSAN, ,MKHYEN RAB YANG RTZE RIN CHEN SENG GE DANG, ,THUB BSTAN GSAL MDZAD RIN CHEN GRUB PA LA, ,GSOL BA X, ,RIG SNGAGS 'CHANG BA KHYUNG PO LHAS BA DANG, ,'GRO LA THAR LAM STON MKHAS TZONG KHA PA, ,LUNG RTOGS MNGA' BDAG MKHAS GRUB CHOS KYI RJER, ,GSOL BA X, ,GDAMS PA'I MDZOD 'DZIN CHOS KYI RGYAL MTSAN DANG, ,RDO RJE'I SKU BRNYES CHOS KYI RDO RJE'I ZHABS, ,CHOS BRGYAD RING SPANGS BLO BZANG DON GRUB LA, ,GSOL BA X, ,SPANGS RTOGS MTHAR SON SANGS RGYAS YE SHES DANG, , RIM GNYIS MTHAR PHYIN BLO BZANG CHOS RGYAN ZHABS, ,BSTAN PA'I DPAL GYUR DGE 'DUN DON GRUB LA, ,GSOL BA X, ,MDO RGYUD RGYA MTSO'I KHYON LA DBANG BSGYUR BAS, ,ZAB LAM STON MKHAS BLO BZANG DON GRUB DANG, ,BKA' DRIN MTSUNGS MED RTZA BA'I BLA MA LA, ,GSOL BA X, ,GANG GI MTSAN CEM THOS 'DZIN LHUNG BAS KYANG, ,'CHI MED TSE DANG YE SHES MCHOG STZOL BA'I, ,TSE DPAG MED MGON RNAM PAR

, ,RGYAL MA LA, ,GSOL BA 'DEBS SO BYIN RLABS DNGOS GRUB STZOL, ,DE LTAR SGO GSUM GSOL BA BTAB PA'I MTHUS, ,YANG DAG LAM LA 'KHRID PA'I BSHES GNYEN GYIS, ,BYANG CHUB SNYING PO'I BAR DU RJES BZUNG STE, ,SKU GSUM GO 'PHANG DAM PA MYUR THOB SHOG, ` SMON LAM NI, ZAB GSAL GNYIS SU MED PA'I NGANG NYID LAS, ,'CHI MAD DPAL STER RNAM RGYAL LHA YI TSOGS, , BSGRUBS SHING MCHOD BSTOD BZLAS SOGS BGYIS BAS MTSON, ,DUS GSUM BSAGS PA'I RNAM DKAR DGE BA'I MTHUS, ,MKHA' MNYAM 'GRO LA BDE SKYID 'BYUNG BA'I GZHI, ,THUB BSTAN RGYAL MTSAN 'DZIN PA'I SKYES BU MCHOG ,BGRANG YAS BSKAL PA'I BAR DU ZHABS BRTAN ZHING, ,RNAM DKAR 'PHRIN LAS PHYOGS BCUR RGYAS PAR SHOG ,BDAG DANG PHA MAR GYUR PA'I 'GRO KUN KYANG, ,BYANG CHUB MA THOB BAR GYI TSE RABS SU, ,MTHO RIS YON TAN BDUN GYI RGYAN LDAN PA'I, ,DAL 'BYOR RTEN BZANG RGYUN CHAD MED THOB SHOG ,DE THOB NAS KYANG THAMS CAD MKHYEN PA'I SAR, ,BKRI BA'I BSHES GNYEN MCHOG GIS RJES 'DZIN CING, ,DE NYID SROG GI PHYIR YANG MI 'DOR BA, ,BSAM DANG SBYOR BAS TSUL BZHIN BSTEN NUS SHOG ,DE YIS NYE BAR BSTAN PA GDAMS PA'I PHUL, ,CHUNG 'BRING MCHOG

GYUR SKYES BU'I LAM BZANG PO, ,'BAD RTZOL BSGOMS PAS NGES PA RNYED GYUR TE, ,ZAB MO RDO RJE THEG PA'I SNOD 'GYUR SHOG ,DE NAS TSE DPAG MED MGON RNAM RGYAL MA'I, ,DKYIL 'KHOR DAM PAR ZHUGS NAS RNAM DAG DBANG, ,THOB STE RIGS GSUM SPYI DANG BYE BRAG GI ,DAM SDOM MIG 'BRAS BZHIN DU BSRUNG NUS SHOG ,RJE BTZUN RNAM PAR RGYAL MA'I LHA YI TSOGS, ,'CHI MED LAM KUN KHYAB PA'I ZHING MCHOG LA, , BSOD NAMS TSOGS BSAG CHO GA BZHIN BGYIS PA'I, ,DGE TSOGS YAR NGO'I ZLA BZHIN GONG 'PHEL SHOG ,BZLAS BRJOD YAN LAG BZHI YI BSAM GTAN DANG, ,BZLAS BRJOD DAG LA MI LTOS BSAM GTAN MES, ,THA MAL SNANG ZHEN NYES PA'I TSAL BSREGS TE, ,MTSAN BCAS MTSAN MED RNAL 'BYOR MTHAR PHYIN SHOG ,KHYAD PAR 'CHI BA RGYUN GCOD GZUNGS SNGAGS DAG ,BZLAS PAS NAD GDON SDIG SGRIB KUN ZHI NAS, ,ZHI RGYAS DBANG DRAG GRUB PA BRGYAD LA SOGS, ,RAB 'BYAMS LAS KUN THOGS MED 'GRUB PAR SHOG ,TSE YI MTHAR YANG NAM MKHA'I KHYON GANG BA'I, ,RNAM RGYAL 'KHOR DANG BCAS PAS LEGS BSUS TE, ,ZHING MCHOG BDE BA CAN GYI DGA' TSAL DU, ,RIN CHEN PADMO'I LTO LAS RDZUS SKYE SHOG ,DER YANG 'DREN PA 'KHOR BCAS ZHAL MTHONG ZHING, ,THEG CHEN GSUNG GI BDUD RTZIS TSIM GYUR

, ,NAS, ,RGYAL SRAS RLABS CHEN SPYOD PA KUN RDZOGS TE, ,SKU GSUM GO 'PHANG BDE BLAG NYID THOB SHOG ,DE THOB NAS KYANG PHA MAR GYUR PA'I 'GRO, ,SGROL PHYIR SRID MTSOR YUN RING GNAS DGOS KYANG, ,SKYO NGAL MED NGA'I SNYING STOBS THABS MKHAS KYIS, ,'GRO KUN SANGS RGYAS SA LA 'GOD NUS SHOG, ` SHIS BRJOD NI, RAB 'BYAMS LHA LAM 'DZIN MA'I KHYON MA LUS, ,YONGS GANG RNAM PAR RGYAL MA'I LHA YI TSOGS, ,'GA' ZHIG CHU SKYES SNA TSOGS CHAR RGYUN 'BEBS, ,LA LA SHIS PA BRJOD PA'I GLU DBYANGS SGRAGS, ,KUN KYANG 'CHI BDAG BGEGS 'JOMS 'PHRIN LAS KYIS, ,KHYOD LA 'CHI MED 'DOD DGU'I MCHOG STZOL BAR, ,YONGS SHAS GYIS LA DGA' BA SKYED CIG DANG, ,SHIS BRJOD DBYANGS SNYAN BDAG GIS RAB TU BSGRAG ,TSE DPAG MED MGON YID 'ONG LHA MO'I SKUR, ,YONGS SBRUL MTSAN TZAM THOS SAM DRAN PAS KYANG, ,CI 'DOD DNGOS GRUB KUN STZOL LHAG PA'I LHA, ,RNAM PAR RGYAL MA'I ZHABS LA MGOS PHYAG 'TSAL, ,RDO RJE 'CHANG DANG RJE BTZUN SPYAN RAS GZIGS, ,BLO GROS RIN CHEN GRUB CHEN TEE LO PA, ,ROL PA'I RDO RJE MI TRA DZO KI SOGS, ,DNGOS GRUB KUN 'BYUNG RTZA BRGYUD BLA MA LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE

LEGS YAR NGO'I ZLA LTAR 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,'CHI MED MCHOG STZOL RNAM PAR RGYAL MA DANG, ,'JIG RTEN DBANG PHYUG GSANG BDAG GNAS GTZANG LHA, ,MI G-YO 'DOD RGYAL DBYUG SNGON STOBS CHEN TE, ,DGU YI BDAG NYID RNAM RGYAL LHA TSOGS LA, ,X X X X, ,PHYAG NA PADMOS GSOL BA BTAB PA BZHIN, ,BDE LDAN ZHING DU TSE DPAG MED MGON GYIS, ,LEGS GSUNGS BYA RGYUD DE BZHIN GSHEGS PA YI, ,RIGS KYI GTZUG TOR RNAM RGYAL RTOG PA LA, ,X X X X, ,RAB 'BYAMS ZHING NA RNAM PAR RGYAL MA YI, ,GZUNGS DANG RTOG PA'I ZAB DON MTHA' DAG LA, ,RTZE GCIG GUS PAS THOS BSAM SGOM BZLAS DANG, ,'BRI KLOG GUS MCHOD BGYID PA THAMS CAD LA, ,X X X X, ,SNA TSOGS RIN CHEN LAS GRUB GZHAL MED KHANG, ,RNAM BKRA DBANG PO'I GZHU LTAR YID 'ONG ZHING, ,RNAM DAG 'CHI MED LAM LTAR KHYON YANGS PA, ,RGYAN MCHOG DU MAS SPA BA'I PHO BRANG LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZANG CING, ,BDE LEGS YAR NGO'I ZLA LTAR 'PHEL GYUR NAS, ,PHUN TSOGS DPAL LA ROL BA'I BKRA SHIS SHOG ,CES RJE BTZUN RNAM PAR RGYAL MA'I SGRUB MCHOD SKABS BTZUGS CHOG PA'I BRGYUD 'DEBS, SMON LAM SHES BRJOD DANG BCAS BA ZHIG

, ,DGOS ZHES DGA' LDAN RAB RGYAS SPYI SOS SNGA PHYIR BSKUL BA DANG, NYE DUS MTSAR LHUN GRUB CHOS GLING GI SPONG BA PA RNAMS KYIS KYANG NAN CHER BSKUL BA LA BRTEN NAS CHOS SMRA BA'I DGE SLONG BLO BZANG YE SHES KYIS GZIMS CHUNG YID DGA' CHOS 'DZIN DU SBYAR BA'O,, ` MGON PO 'OD DPAG MED LA MCHOD CING GSOL BA GDAB PA BYIN RLABS NYER 'JUG CES BYA BA BZHUGS SO,, ` NA MO GU RU AA MI T'A BH'A YA, BDAG CAG GI STON PA SH'AKYA'I RGYAL POS, ZHING 'DI'I 'GRO BA RNAMS KYIS BDE BA CAN DU 'GRO BA LA MOS PA SHUGS DRAG PO BSKYED DGOS PAR GSUNGS PA DANG, GZHAN YANG MDO DANG RTOG PA DANG, GZUNGS DU MAR PHAN YON GYI SKABS SU BDE BA CAN DU SKYE BAR BKA' STZAL BA'I SGO NAS ZHING DER SKYE BA'I THABS MANG DU GSUNGS SHING, DE RNAMS DA LTAR GYI GANG ZAG RNAMS KYIS BSGRUB PAR MI NUS PA MI SNANG BAS, DRI MA MED PA'I GSUNG RAB RNAMS LAS NGES PAR BYAS TE THE TSOM MED PAR BSGRUB DGOS, 'DIR DER SKYE BA'I RGYU TSOGS BSAG PA'I PHYIR RGYUN GYI NYAMS LEN CUNG ZAD BRI STE, SKYABS 'GRO SEMS SKYED CHED MED BZHI BSGOM PA SNGON DU BTANG NAS 'DI LTAR,, ` SLU MED DKON MCHOG GSUM GYI BYIN RLABS DANG, ,CHOS DBYINGS MI 'GYUR BDEN MTHUS ZHING KHAMS 'DI, ,RGYAL BA 'KHOR BCAS DGYES PA'I PHO BRANG MCHOG ,

BDE BA CAN DANG MTSUNGS PA NYID GYUR CIG ,SA GZHI BSTAR BA RIN CHEN DU MAS MDZES, ,SPOS CHUS LEGS BYUGS ME TOG GCAL DU BKRAM, ,RIN CHEN LJON SHING LO 'BRAS RGYAN LDAN SOGS, ,BDE BA CAN DANG MTSUNGS PA BLOS SPRUL BA'I, ,GNAS 'DIR RGYAL BA 'KHOR BCAS SPYAN 'DREN GYIS, ,RDZU 'PHRUL SHUGS KYIS BRTZE BAS 'DIR GSHEGS NAS, ,BYANG CHUB SHING DBANG DRUNG DU GNAS MCHOG LA, ,BDAG CAG BSOD NAMS ZHING DU BZHUGS GSOL 'DEBS, ,SRID ZHI'I 'DREN PA RGYAL BA 'OD DPAG MED, ,RGYAL SRAS RGYA MTSO'I 'KHOR DANG BCAS RNAMS LA, ,ZHING RDUL GRANGS MNYAM DE SNYED LUS SPRUL NAS, ,SGO GSUM GDUNG SHUGS DRAG POS PHYAG 'TSAL LO, ,'DOD YON LNGA DANG RGYAL SRID RIN CHEN SOGS, ,SRID ZHI'I RNAM DKAR LAS BYUNG MCHOD PA'I TSOGS, ,DNGOS BSHAMS YID SPRUL KUN BZANG MCHOD SPRIN LA,, 'GRAN DANG BDAG LUS LONGS SPYOD THAMS CAD 'BUL, ,THOG MED DUS NAS DUG GSUM DBANG GYUR PAS, ,SGO GSUM GYIS BSAGS SDIG LTUNG DRI MA KUN, ,GNONG ZHING 'GYOD PAS BSOD NAMS ZHING MCHOG DRUNG, ,MI 'CHAB BSHAGS BGYI SLAN CHAD MI BGYID SDOM, ,CHOS RNAMS RANG BZHIN SPROS PA'I MTHA' BRAL YANG, ,RMI LAM SGYU MA JI BZHIN SKYE 'PHAGS KYIS, ,DUS GSUM BSAGS PA'I RNAM DKAR DGE

, ,TSOGS LA, ,BDAG CAG RNAM PA KUN TU RJES YI RANG, ,MTHA' YAS 'GRO LA BRTZE BAS RAB DGONGS TE, ,GANG 'TSAMS THABS KYIS BLO DANG LEGS BSDUN NAS, ,PHUL BYUNG ZAB DANG RGYA CHE DAM CHOS KYI, ,'KHOR LO RGYUN CHAD MED PAR BSKOR BAR BSKUL, ,BDAG SOGS DMU RGOD GDUL DKA'I SEMS CAN RNAMS, ,MTHA' MED 'KHOR BA'I RGYA MTSO LAS SGROL PHYIR, ,BTANG SNYOMS ZHI BA'I DBYINGS SU MI GNAS PAR, ,GZUGS SKU'I BKOD PA BSKAL BRGYAR G-YO MED SHOG ,'DIS MTSON BDAG GZHAN DUS GSUM DGE BA'I TSOGS, ,KUNDA LTAR DKAR JI SNYED CI BSAGS PA, ,THAMS CAD MKHA' MNYAM MA RGAN 'GRO BA KUN, ,RING MIN RDZOGS BYANG THOB PA'I RGYU RU BSNGO, ,SNGON RNAM DKAR DGE BA'I 'BRAS BU'I MTHUS, ,RTEN SHIN TU RNYED DKA' DAL 'BYOR 'DI, ,DA PHYIN CHAD DON MED MI SGRUB PAR, ,DON SNYING PO LEN PAR BYIN GYIS RLOBS, ,NOR SRID PA'I PHUN TSOGS SBRANG RTZI DANG, ,LUS BRTAN MED CHU YI LBU BA 'DRA, ,SROG RI GZAR 'BAB PA'I CHUR MTSUNGS NA, ,DUS GTAN BDE BSGRUB LA BRTZON PAR SHOG ,YID GDUNG BA'I GNYEN BSHES MANG 'DUS SHING, ,NOR 'DOD YON TSOGS KYIS 'BYOR GYUR KYANG, ,KUN BOR NAS GCIG PUR 'GRO DGOS NA, ,GDON BDAG 'DZIN 'JOMS PAR BYIN GYIS RLOBS, ,DUS DENG

SANG TSA GRANG CUNG ZAD LA, ,BSRAN MI BZOD SDUG BSNGAL GYIS MNAR NA, ,LAR DMYAL BAR SDIG 'BRAS BZOD GLAGS MED, ,DA DON CHEN SNYING PO LEN PAR SHOG ,BDAG MA RIG PAS BSGRIBS BLANG DOR DMAN,, DON DKAR NAG LAS 'BRAS YAL BAR DOR, ,DGRA NYON MONGS DRAG POS RGYUN MAR GTZES, ,SKYABS GZHAN NA MA MCHIS THUGS RJES GZIGS, ,LAR 'JIGS RUNG GSHIN RJES MDUN NAS BSUS, ,LAS NYON MONGS RLUNG GIS RGYAB NAS DED, ,RANG GCIG PUR NYAM NGA'I THANG PHYOGS TSE, ,ZHING BDE BA CAN DER DRANG DU GSOL, ,'OD DPAG MED MGON PO 'KHOR BCAS KYIS, ,CHOS THEG CHEN BDUD RTZI STZAL PA'I TSE, , SKOM BA TSVA'I CHU 'THUNG SKYES BU BZHIN, ,DUS NAM YANG NGOMS MED SPYOD PAR SHOG ,DUS DE TSE SPYAN RAS GZIGS DBANG SOGS, ,SRAS MTHU CHEN RNAMS DANG SKAL MNYAM ZHING, ,LUS GRANGS MED SPRUL NAS SANGS RGYAS KYI, ,ZHING KUN TU DAM CHOS THOS PAR SHOG ,DRIN 'KHOR MED PHA MA SRID MTSO LAS, ,DUS MYUR BAR SGROL BA MI ZHUM SOGS, ,RJE RGYAL BA SRAS BCAS MDZAD KUN DANG, ,DON MTHUN PAR SPYOD PA'I SKAL LDAN SHOG ,CES PA 'DI NI THO'U KAN KHO THOG THUS BSKUL BA LTAR SH'AKYA'I DGE SLONG BLO BZANG YE SHES KYIS BGYIS PA SARBA DZA GA TAm,, ` NA MO GU RU MANYDZU GHOsh'A YA, RNAM 'DREN KUN GYI MKHYEN

, ,BRTZE NUS MTHU GANG, ,LEGS 'DOMS MTSUNGS BRAL 'JAM MGON BLO BZANG GRAGS, ,SNYIGS DUS MGON MED 'GRO BA'I SKYABS KYI PHUL, ,GUS PAS 'DUD DO BRTZE BA'I SPYAN GYIS GZIGS, ,MI MJED ZHING GI STON PA SH'AKYA'I TOG ,NGO MTSAR MDZAD PAS RNAM PAR ROL BA'I TSE, ,RLABS CHEN SPYOD PAS BYANG CHUB THUGS BSKYED DE, ,RGYAL SRAS DPA' BO KHYOD LA GSOL BA 'DEBS, ,GZHON NU'I DUS NAS RNAM DPYOD NGES 'BYUNG GIS, ,SRID BDER SNYING MED THUGS KYIS LEGS RTOGS NAS, ,DRAN SHES BAG YOD LDAN PA'I MTHU DPUNG GIS, ,RGYAL BA'I BRTUL ZHUGS 'DZIN LA GSOL BA 'DEBS, , SDE SNOD GZHUNG LUGS MA LUS THUGS SU CHUD, ,RNAM DAG BSLAB PA GSUM GYIS RGYUD PHYUG CING, ,BSDU BZHI'I 'BYOR BAS GDUL BYA'I RE BA SKONG, ,THUB BSTAN GSAL BAR MDZAD LA GSOL BA 'DEBS, ,BGRANG YAS DU MAR LEGS SBYANGS MNGON GYUR MTHUS, ,RAB 'BYAMS MDO RGYUD GZHUNG LUGS MTHA' DAG RNAMS, ,JI LTA JI BZHIN MA LUS LEGS RTOGS PA, ,TSUL BZHIN NYAMS LEN MDZAD LA GSOL BA 'DEBS, , RGYAL KUN YAB GCIG LHAG PA'I LHA MCHOG DES, ,ZAB DON DKA' GNAD GDAMS PA'I BDUD RTZI'I RGYUN, ,KHYOD THUGS DAG PA'I BUM BZANG LEGS GANG BA, ,GDAMS PA'I 'BYUNG GNAS KHYOD LA X, ,

SNYIGS DUS THUB BSTAN LHAG MAR GYUR BA'I DUS, ,CHOS KYI RGYAL SRID DAG LA DBANG BSGYUR ZHING, ,MDO RGYUD BSLAB GSUM RIM GNYIS RGYAS MDZAD PA'I, ,KHAMS GSUM CHOS KYI RGYAL BOR X, ,BDAG NYID DENG NAS BYANG CHUB SNYING PO'I BAR, ,KHYOD MIN RE SA'I SKYABS GZHAN MA MCHIS PAS, ,THUGS RJE BRTZE BA'I LCAGS KYUS NYER GZUNG LA, ,KHYOD ZHABS PADMO SPYI BO'I RGYAN DU BSTEN, ,SHIN TU RNYED DKA'I DAL 'BYOR RTEN BZANG 'DI, ,THOB NAS DON MED BYA BA RINGS SPANGS NAS, ,DON CHEN SDIG SPONG DGE BA BSGRUB BA LA, ,DA LTA NYID NAS BRTZON PAR BYIN GYIS RLOBS, ,SPYAD PAS MI NGOMS SRID PA'I PHUN TSOGS LA, ,SKAD CIG TZAM YANG YID BRTAN MI RUNG BAR, ,SHES NAS BDAG MED RTOGS PA'I SHES RAB KYIS, ,NYES BRGYA'I 'CHING BA GROL BAR BYIN X, ,MKHAN SLOB SPYAN SNGAR JI LTAR KHAS BLANGS PA'I, ,DAM TSIG SDOM PA PHRA ZHING PHRA BA RNAMS, ,NGES 'BYUNG BSAM PAS BLA MED RDZOGS BYANG PAR, ,LUS DANG SROG LAS GCES PAR BYIN X, ,'KHOR 'DAS CHOS KUN RANG BZHIN GDOD MA NAS, ,BDEN PAR GRUB PA'I DNGOS PO RDUL TZEM YANG, ,MED PAR RTAG CHAD BRAL BA'I CHOS NYID DE, ,RTOGS PA'I LTA BA'I RGYAL POR BYIN X, ,DE LTAR RTOGS DON SPROS BRAL ZAB DBYINGS DE, ,BYING RGOD RNAM G-YENG SKYON KUN RAB SPANGS TE, ,DRAN DANG SHES,

, ,BZHIN CHAD MED RGYUN SKYONG BA, ,YANG DAG BSGOM LA BRTZON PAR BYIN X, ,RJES THOB MNYAM GZHAG BRTAN PO'I RTZIS ZIN PA'I, ,SGYU MA'I RNAL 'BYOR NGANG NAS SGO GSUM GYI, ,SDIG SPONG DGE BA'I LAS KUN MTHA' DAG LA, ,'JUG PA DAM PA'I SPYOD PA SKYONG BAR SHOG ,RNAM DAG DBANG BZHI GANG+G'A'I CHU RGYUN GYIS, ,SGO GSUM NYES LTUNG DRI MA KUN BKRUS NAS, ,SKU BZHI'I SA BON LEGS BZHAG DAM TSIG SDOM, ,BSRUNGS PAS RIM GNYIS SNOD RUNG 'GYUR BAR SHOG ,SKYE SHI BAR DO'I THA MAL GANG SHAR YANG, ,RGYAL BA'I SKU GSUM NGO BOR LEGS BSGYUR NAS, ,RIM PA DANG PO'I BRTAN PA NGES RNYED DE, , RDZOGS RIM RGYUD SMIN ZUNG 'JUG MYUR THOB SHOG ,'JAM DPAL SNYING POS BDAG NYID TSE RABS KUN, ,RJES BZUNGS NYID KYI BSTAN PA'I SGOR ZHUGS TE, ,THOS BSAM SGOM PA'I BYA BA MTHAR PHYIN NAS, ,ZHAL MTHONG GSUNG GI BDUD RTZIS 'TSO BAR SHOG ,'DIS MTSON BDAG GZHAN DGE BA STON ZLA LTAR, ,RAB TU DKAR BA KUN BSAGS PHUNG PO'I MTHUS, ,BDAG SOGS 'GRO RNAMS TSOGS GNYIS YONGS RDZOGS NAS, ,KUN MKHYEN RGYAL BA'I GO 'PHANG THOB GYUR CIG ,CES RJE BDAG NYID CHEN PO LA GSOL 'DEBS BYIN RLABS KYI CHU KLUNG ZHES BYA BA 'DI NI BDAG NYID RJE BTZUN BLA MAR MI PHYED PA'I DAD PA'I THOG ,DPAL 'KHOR

CHOS SDE'I MKHAN PO RAB 'BYAMS SMRA BA 'JAM DBYANGS RGYA MTSO'I GSUNG GIS BSKUL BA LA BRTEN NAS CHOS SMRA BA'I DGE SLONG BLO BZANG YE SHES KYIS SMRAS PA DGE'O,, ` SVASTI, THUB BSTAN DRI MED GSAL MDZAD 'JAM MGON RJE, ,DAM PA'I LUGS SKYONG DAR MA RIN CHEN DANG, ,LTA NGAN MUN SEL MKHAS GRUB DGE LEGS DPAL, ,MTSUNGS MED BLA MA GSUM LA GSOL BA 'DEBS, ,SNYAN PA'I GRAGS PA BYAMS CHEN CHOS KYI RJE, ,MKHYEN RAB 'JAM DBYANGS BKRA SHIS DPAL LDAN PA, ,CHOS KUN MKHYEN PA BLO GROS RIN SENG ZHABS, ,BSHES GNYEN BZANG PO GSUM LA X, ,CHOS TSUL LA MKHAS NGAG DBANG GRAGS PA STE, ,LAM BZANG STON MDZAD DPAL 'BYOR LHUN GRUB RJE, ,BSLAB GSUM RNAM DAG DON YOD DPAL LDAN PA, ,BSTAN PA'I DPAL GYUR GSUM LA X, ,'JAM MGON LUNG RTOGS CHOS KYI RGYAL MTSAN 'DZIN, ,TSUL KHRIMS RNAM DAG SHES RAB SENG GE DANG, ,LUNG RIGS SMRA BA SHES RAB RGYA MTSO'I ZHABS, ,'GRO BA'I 'DREN PA GSUM LA X, ,MKHYEN BRTZE NUS MNGA' DPAL 'BYOR RGYAL MTSAN DANG, , 'DUL BA'I MNGA' BDAG BDE LEGS NYI MA STE, ,MKHAS PA'I DPAL GYUR MKHAS BTZUN RGYA MTSO CHE, ,THAR 'DOD DED DPON GSUM LA X, ,ZAB LAM STON MDZAD NAM MKHA' RGYAL MTSAN PA, ,LTA BAS

, ,RGYUD PHYUG RIN CHEN BSHES GNYEN DANG, ,SDOM BRTZON DPAL 'BYOR BSOD NAMS LHUN GRUB MTSAN, ,BSTAN PA GSAL MDZAD GSUM LA X, ,CHOS KYI TSUL LA 'PHRIN LAS LHUN GRUB CING, ,'KHON STON MKHAS PA DPAL 'BYOR LHUN GRUB RJE, ,MKHYEN DPYOD PHUL PHYIN BSAM GRUB RIN CHEN DPAL, ,YONGS 'DZIN CHEN PO GSUM LA X, ,SNYING RJES RGYUD PHYUG BYAMS PA SMON LAM RJE, , RIGS LAM LA SBYANGS 'PHRIN LAS BSAM GRUB STE, ,LEGS BSHAD SMRA MKHAS BSOD NAMS RGYAL MTSAN DPAL, ,DPAL LDAN BLA MA GSUM LA X, ,DAG LA DBANG BSGYUR 'JAM DBYANGS LHUN GRUB DANG, , RNAM DAG KHRIMS GTZANG BLO BZANG BKRA SHIS PA, ,CHOS TSUL GSAL BA RGYAL MTSAN DON GRUB STE, ,GDUL BYA'I RE SKONG GSUM LA X, ,'CHAD LA MKHAS PA NGAG DBANG RGYA MTSO DANG, ,TSANGS SPYOD LA GNAS BLO BZANG NOR BU STE, ,LUNG RIGS THOGS MED BLO BZANG DON GRUB ZHABS, ,MKHYEN RAB DBANG PHYUG GSUM LA X, ,BAG YOD LA SBYOR BLO BZANG YAR 'PHEL DANG, ,BLO GROS RAB YANGS BLO BZANG NAM MKHA'I ZHABS, ,CHOS TSUL LA MKHAS BLO BZANG CHOS 'PHEL TE, ,DGE BA'I BSHES GNYEN GSUM LA GSOL BA 'DEBS, ,DE LTAR SGO GSUM RTZE GCIG GSOL BTAB MTHUS, ,THUGS RJE'I BYIN

RLABS SNYING LA RAB ZHUGS PAS, ,MA RIG MUN PA'I TSOGS KUN GTAN BCOM STE, ,RMAD BYUNG BLO GROS SPOBS PA RGYAS PAR SHOG ,KHRIMS LDAN PHUN SUM TSOGS PA 'DUS PA'I SDE, ,BKA' DANG BSTAN BCOS ZAB CING RGYA CHE BAR, ,'CHAD RTZOD RTZOM SOGS YAR NGO'I ZLA BA BZHIN, ,GONG NAS GONG 'PHEL THUB BSTAN RAB RGYAS SHOG ,CES PA 'DI NI SE RA THEG CHEN GLING BYES PA GRVA TSANG GI BLA MA RNAMS KYI BRGYUD 'DEBS 'DI LTA BU ZHIG DGOS ZHES CHOS KYI SPYAN LDAN BLA MA NGAG DBANG BYAMS PAS BSKUL BA LA BRTEN NAS SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SMRAS PA MANG+GA LAm,, ` AOm SVASTI, SHAR RTZE GRVA TSANG KHRIMS LDAN 'DUS PA'I TSOGS, ,DGYES BSKYED RGYA JA'I SNOD MCHOG KHYON YANGS SHING, ,BKOD MDZES PHUL BYUNG RIN CHEN SNA TSOGS LAS, ,SLOB DPON LAS BYED DANG BAS KHUR BLANGS TE, ,LEGS PAR BSGRUBS PA'I RNAM DKAR DGE TSOGS MTHUS, ,'DUS TSOGS THUGS MTHUN KHRIMS GTZANG BSHAD SGRUB SOGS, ,'PHEL ZHING SNOD MCHOG 'DIR 'BAD SKYE BO KUN, ,DPAL LDAN BLA MAS 'BRAL MED RJES 'DZIN SHOG ,MTHU STOBS NUS LDAN MYUR MDZAD MGON PO LA, ,GNYER DU GTAD DO SNOD MCHOG 'DI NYID DANG, ,CHOS MTHUN BZHED PA BSGRUB PA'I GANG ZAG RNAMS, ,RTAG TU BSRUNG SKYOB 'PHRIN LAS RNAM BZHIS

, ,SKYONGS, ,MANG+GALAm,, ` AOm SVASTI, RIG GROL GNYIS LDAN DGE BCUR SPYOD PA'I GNAS, ,DGA' LDAN RAB RGYAS 'DUS TSOGS DGYES BSKYED RTEN, ,BTUNG BA'I SNOD MCHOG RIN CHEN LAS BSKRUN DGES, ,THUGS MTHUN KHRIMS GTZANG DGE BCUR RTAG ROL SHOG ,CES PA 'DI YANG DGA' LDAN RAB RGYAS SU TSOGS KHRO GSAR DU BSKRUN PA'I ZHAL YIG TU BTZUN PA BLO BZANG YE SHES KYIS BGYIS PA'O,, ` AOm BDE LEGS SU GYUR CIG ,CHOS 'KHOR BDE CHEN KHRIMS LDAN 'DUS PA'I TSOGS, ,MNYES BYED BTUNG BA'I YOL GO YID 'ONG BA, ,LEGS BSGRUBS 'DIS MTSON DUS GSUM DGE BA'I MTHUS, NYIN MTSAN 'KHOR LO GSUM GYIS 'DA' BAR SHOG ,CES PA 'DI YANG RGYAL CHEN RTZE CHOS 'KHOR SDE CHEN DU TSOGS KHRO GSAR BSKRUN BGYIS PA'I ZHAL BYANG DU DGE SLONG BLO BZANG YE SHES KYIS SBYAR BA'O,, ` 'DUL LUNG RNAMS LA, THUB BSTAN RTZA LAG SO THAR BSLAB PA'I KHRIMS, ,GSAL BAR STON PA 'DUL BA LUNG SDE BZHI, ,BKUR STIR BGYIS PA'I RAB DKAR DGE BA'I MTHUS, ,BDAG SOGS SKYE BAR DUR SMRIG 'CHANG BAR SHOG, ` 'BUM RNAMS LA, SMRA BSAM BRJOD BRAL SKYE 'GAG NAM MKHA' BZHIN, ,SO SO RANG RIG RGYAL KUN BSKYED PA'I

YUM, ,GLEGS BUR BGYIS PA'I DGE BAS SKYE DGU RNAMS, ,GZUNG 'DZIN RNAM RTOG DBYINGS LAS GROL BAR SHOG, ` NYI KHRI RNAMS LA, ZAB MO'I DON STON NYI KHRI LNGA STONG RNAMS, ,RAB TU GUS PAS RI MOR BGYIS PA'I MTHUS, ,RMU KHU RIN CHEN DNGOS GRUB RIGS RGYUD 'KHOR, ,TSE RING DPAL 'BYOR LEGS TSOGS GONG 'PHEL SHOG, ` KHRI BRGYAD STONG PA RNAMS LA, KHRI DANG BRGYAD STONG BAM PO DRUG CU PA, ,SHER PHYIN 'BRING PO'I PUSTA KA BZHENGS PAR, ,SGO GSUM MTHUN RKYEN BSGRUB PA'I LUS CAN DANG, ,YON BDAG SDIG SGRIB NYES LTUNG KUN BYANG SHOG, ` SHES RAB KHRI PAR, THABS MKHAS THUB PA'I DBANG PO'I DGONGS ZAB MCHOG ,BDEN MED NGES DON STON BA'I DAM PA'I CHOS, ,BZHENGS PA'I RNAM DKAR DGE BAS BDAG GZHAN KUN, ,BDEN 'DZIN 'KHOR BA'I GNAS LAS GROL BAR SHOG, ` BRGYAD STONG PA LA, YUM CHEN SHER PHYIN BSDUS PA BRGYAD STONG PA, ,LE'U SO GNYIS GLEGS BUR RAB BSKRUN PAS, ,BDAG SOGS PHA MAR GYUR PA'I 'GRO BA KUN, ,SGRIB BYANG YUM CHEN GO 'PHANG MYUR THOB SHOG, ` SNA TSOGS KHRI PAR, THUB PA'I GSUNG RAB SHER PHYIN SNA TSOGS PA, ,'GRO BA'I NAD KUN 'JOMS PA'I SMAN GYI MCHOG ,RIN CHEN DNGOS GRUB PHU DUD BGYIS PA'I DGES, ,BDAG SOGS

, ,NYON MONGS NAD KUN 'JOMS PAR SHOG, ` PHAL CHEN RNAMS LA, THA MA CHOS 'KHOR BSKOR BA LAS BYUNG BA'I, ,RGYAL BA'I SPYOD TSUL PHAL CHEN GSAL BA'I MDO, ,BZHENGS PA'I DGE BA PAD RTZA LTAR DKAR BAS, ,LUS CAN 'KHOR BA'I MTSO LAS SGROL BAR SHOG, ` DKON BRTZEGS RNAMS LA, RGYAL BAS THEG CHEN LAS GSUNGS CHOS DKON MCHOG ,BYANG SEMS RLABS CHEN SPYOD PA RNAM BA BCU, ,DRUG LHAG BRTZEGS PA'I GLEGS BAM BZHENGS PA'I MTHUS, ,BDAG SOGS NYE 'BREL RLABS CHEN SPYOD PAR SHOG, ` MDO MANG RNAMS LA, CHOS 'KHOR GSUM PO CI RIGS GTOGS PA'I BKA', ,THEG PA SNA TSOGS GONG 'OG MDO MANG PO, ,BKUR STIR BGYIS PA'I BDAG GZHAN DGE BA'I MTHUS, ,DRI MED THUB BSTAN NYIN MO LTAR GSAL SHOG, ` MYANG 'DAS LA, 'GRO BA MA RIG 'KHRUL PAS BSKYED PA RNAMS, ,RTAG 'DZIN CHOS LA BSKUL PHYIR RGYAL BA YIS, ,MDZAD PA KUN LAS MCHOG GYUR STON PA'I CHOS, ,GLEGS BUR BSKRUN PAS MYANG 'DAS MYUR THOB SHOG, ,, ` RGYUD 'BUM RNAMS LA, AU DUm W'A RA'I ME TOG LAS DKON PA'I, ,GSANG CHEN RGYUD SDE'I LEGS BSHAD BDUD RTZI'I RGYUN, ,SKAL BZANG GDUL BYAR STZOL BA'I BU STA KA ,BZHENGS PAS BDAG SOGS RDO RJE

'CHANG THOB SHOG ,KUN LA MA 'DRIS MDZA' BSHES STOBS BCU PAS, ,'GRO LA BRTZER DGONGS RGYU 'BRAS THEG PA'I BKA', ,MTSUNGS MED LO PAn RNAMS KYI BKA' DRIN LAS, ,BYUNG BA'I BSIL LDAN LJONGS 'DIR GYUR RO COG , RMU KHU RIN CHEN DNGOS GRUB NYE 'BREL GYIS, ,GUS PAS RI MOR BGYIS LA MTHUN BSGRUBS GROGS, ,TSE RING NAD MED DAL 'BYOR RTEN BRGYUD DE, ,RING MIN RGYAL BA'I GO 'PHANG MYUR BGROD SHOG ,'JIG RTEN KHAMS 'DIR NAD 'KHRUG MU GE DANG, ,MI 'DOD RGYUD PA MTHA' DAG KUN ZHI ZHING, ,BDE SKYID DPAL 'BYOR YAR NGO'I ZLA 'PHEL BZHIN, ,RDZOGS LDAN DPAL LA SPYOD PA'I BKRA SHIS SHOG ,CES PA 'DI NI MGRON GNYER RMU KHU NAS RIN CHEN DNGOS GRUB KYIS RGYAL BA'I BKA' 'GYUR RO 'TSAL GSAR DU BZHENGS PA'I 'DOD GSOL SMON TSIG DGOS ZHES BSKUL BA'I NGOR SH'AKYA'I DGE SLONG BLO BZANG YE SHES KYIS SBYAR BA'O,, SARBA MANG+GA LAm,, ,, ` AOm SVASTI, BGRANG YAS BSKAL PAR RLABS CHEN SPYOD PA YIS, ,BSOD NAMS YE SHES TSOGS GNYIS YONGS RDZOGS SHING, ,RTZOD DUS MI MJED ZHING GI MGON GYUR PA, ,'DREN MCHOG SH'AKYA'I TOG DER MGOS PHYAG 'TSAL, ,GANG GI LJAGS YANGS LAS 'ONGS DAM PA'I CHOS, ,GANGS LJONGS SKYE RGU'I DPAL DU 'GYUR RO COG ,SNGON BSAGS BSOD NAMS BZANG PO'I STOBS RGYAS SHING, ,'KHOR LOS BSGYUR

, ,RGYAL 'JAM DBYANGS GONG MA'I BKAS, ,MTHO RON PAD LI'I MTSAN BCAS BOD 'BANGS SPYI'I, ,MI RJER DBANG BSKUR GANG GIS LJON SHING LOGS, ,PAR BRKO'I THUGS BSKYED YONGS GRUB RNAM DKAR MTHUS, ,SKU TSE CHAB SRID MNGA' THANG RGYAS GYUR CIG ,GZHAN YANG 'DI'I CHED SGO GSUM RAB GUS PAS, ,RGYU SBYOR SBYIN BDAG LAS BYED MA LUS KYANG, ,BDUD BZHI'I G-YUL LAS MYUR DU RGYAL GYUR TE, ,SKU BZHI'I GO 'PHANG DAM PA THOB GYUR CIG ,YID CAN KUN LA BDE SKYID 'BYUNG BA'I GZHI, ,THUB BSTAN SPYI DANG RGYAL PA TZONG KHA PA'I, ,LUNG RTOGS BSTAN PA THUGS RJE'I NYI 'OD KYIS, ,RGYA MTSO'I GOS CAN KHYON KUN KHYAB GYUR CIG ,'DZAMBU'I LJON PAS SPA BA'I ZHING SPYI DANG, ,KHYAD PAR GANGS CAN LJONGS 'DI'I SNOD BCUD KYI, ,SDIG 'BRAS KUN ZHI RDZOGS LDAN DGA' STON LA, ,SPYOD PA'I BKRA SHIS SGO BRGYA BYE GYUR CIG ,CES PA 'DI YANG MI DBANG MTHO RON BAD LI BSOD NAMS STOBS RGYAS KYIS RGYAL BA'I BKA' 'GYUR RIN PO CHE BAR DU THUGS BSKYED RLABS PO CHES BSKRUN PA'I MJUG TU DGE BSNGO'I SMON TSIG CIG DGOS GSUNG BA LTAR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU BGYIS PA SARBA DZA GA TAm,, ` NA MO GU RU SH'AKYA MU NA YE, MKHA' MNYAM 'GRO BA'I PHAN BDE 'BYUNG BA'I GNAS, ,MTHONG THOS

DRAN PAS RNAM GROL NYI MA'I GNYEN, ,BDUD SDE'I DPUNG BCOM BLA MED MNGON BYANG CHUB, ,MA GA DHA DER BYANG CHUB MCHOD RTEN BZHENGS, ,DE LTAR PHYOGS KUN DRI BSUNG GIS 'GENGS PA'I, ,MA LA YA SKYES LAS GRUB CHOS SKU'I RTEN, ,BYANG CHUB MCHOD RTEN CHA TSAD DANG LDAN PA, ,SNA TSOGS RIN CHEN RGYAN GYIS RNAM PAR SPRAS, ,RGYUD SDE DANG MTHUN RING BSREL RNAM BZHI YIS, ,LEGS GTAMS BSOD NAMS ZHING GI DAM PA RU, , BZHENGS PAS SLOB DPON NGAG DBANG LEGS PA YI, ,THUGS DGONGS JI BZHIN MA LUS RDZOGS PAR SHOG ,'DIS MTSON SRID ZHI'I DGE TSOGS CI MCHIS PAS, ,'JAM MGON BLA MA'I CHOS SRING BYAMS BSTAN DAR,, RAB BRTAN MTSAN SGROGS 'DUS SDE KHRIMS GTZANG ZHING, ,BSHAD SGRUB BYA BAS NYIN MTSAN 'DA' BAR SHOG ,LHAG BSAM RAB DKAR RGYU SBYOR BZO BOS MTSON, ,SGO GSUM 'BAD RNAMS TSE RING BDE LDAN ZHING, , SKYE BAR MNGON MTHO'I RTEN BZANG NYER BRGYUD DE, ,NGES LEGS BLA MED BYANG CHUB MYUR THOB SHOG ,CES PA 'DI NI PAD TSAL BA MGON PO DBANG 'DUS DANG, ,DGE SLONG NOR BU DANG 'JAM DPAL GNYIS KYIS SLOB DPON NGAG DBANG LEGS PA'I THUGS DGONGS RDZOGS PHYIR DU DRI'I SNYING PO LAS GRUB PA'I BYANG CHUB MCHOD RTEN BZHENGS PA'I 'DOD SMON TSIGS BCAD 'DI LTA BU ZHIG DGOS ZHES BSKUL BA LTAR SH'AKYA'I DGE SLONG BLO BZANG YE SHES KYIS SBYAR BA'O,,

, ,SVASTI, RAS DKAR DAD PA'I RDZING BUR GZUGS 'DRA ZLA, ,BSOD NAMS ZHING DU LEGS SHAR 'DIS MTSON DGES, ,LJONGS 'DIR MI RJE SKU TSE CHAB SRID BRTAN, ,DGE BCU'I KHRIMS GTZANG RDZOGS LDAN LA 'GRAN SHOG ,CES PA 'DI NI MI DBANG BSOD NAMS STOBS RGYAS KYIS NGOS KYI GZUGS 'DRA THANG KA BZHENGS PA'I RGYAB YIG DGOS TSUL LTAR BGYIS SO,, ` AOm BDE LEGS SU GYUR CIG ,THUB BSTAN SROG SHING 'DZIN PA TZONG KHA PA'I, ,LUGS BZANG PHYOGS KUN SPEL BA'I SKYES CHEN DANG, ,MCHAN SGROGS 'DUS PAS MTSON PA'I DGE 'DUN SDE, ,SKU TSE G-YUNG DRUNG LTA BUR BRTAN PHYIR DU, ,RDOR SEMS 'CHI MED MGON PO TSE MTHA' YAS, ,SRAS KYI THU BO GNYIS DANG 'JAM PA'I DBYANGS, ,SGROL DKAR SNANG BRNYAN BZHENGS PA'I LHAG BSAM GYIS, ,RGYU SBYOR 'BREL THOGS BCAS PA'I DGE BA DES, ,BDE ZHING YUN 'TSO PHYI MA BDE LDAN DU, ,SKYES NAS ZHING GTZO'I ZHAL MTHONG GSUNG MNYAN CING, ,RGYAL SRAS RLABS CHEN SPYOD LA MI ZHUM PAR, ,'GRO BA'I DON DU SKU GSUM THOB GYUR CIG ,CES PA 'DI NI RJE DRUNG DGE SMED GE BZANG 'BYUNG GNAS DANG, DGE TSUL BSOD NAMS MGON POS MTSAN SGROGS GTZANG KHANG DU RTEN BZHENGS PA'I 'DOD SMON TSIGS BCAD DGOS TSUL LTAR BTZUN PA BLO BZANG YE SHES KYIS SBYAR BA'O,, ` NA MO GU RU

MANYDZU GHO sh'A YA, DUS GSUM PHYOGS BCU'I RGYAL BA MTHA' YAS PA, ,BSKYED MDZAD SHIN TU ZHI BA 'JAM DPAL DBYANGS, ,GDUG PA 'DUL PHYIR KHRO RGYAL SKUR STON PA, ,BDUD DPUNG 'JOMS MDZAD BCOM LDAN GSHIN RJE'I GSHED, ,SNYIGS DUS DMU RGOD LTA NGAN DAM SDOM NYAMS, ,KHENGS CHE 'DOD SRED LOG RTOG SPYOD PA'I DUS, ,LHA MCHOG GZHAN LAS RAB BSNGAGS GNAD LNGA LDAN, ,RDO RJE 'JIGS BYED DKYIL 'KHOR LHA YI TSOGS, ,CHOS SKU'I NGANG LAS GZUGS SKU'I RNAM PA RU, ,YE SHES MNGON SUM BYON 'DRA'I RTEN BRTEN PA, ,BLO LDAN NGO MTSAR BLTA BAS CHOG MI SHES, ,GUS PAS BSOD NAMS ZHING GI DAM PAR BSKRUN, , BSGOM DANG MCHOD BSTOD SMON 'JUG SEMS BSKYED DE, ,THUN MONG LAM SBYANGS DBANG BZHIS SA BON BZHAG ,RNAM DAG DAM TSIG SDOM PA LA BRTZON ZHING, ,RIM GNYIS ZAB MO'I RNAL 'BYOR MTHAR PHYIN SHOG ,'DIS MTSON BDAG GZHAN DGE BA BAD RTZA LTAR, ,DKAR BA KUN BSAGS GANG DES YID CAN RNAMS, ,MA RIG 'KHRUL PA'I 'KHOR BA RAB STONGS NAS, ,'JAM DPAL DPA' BO'I GO 'PHANG MYUR THOB SHOG ,CES PA 'DI NI MDONG MKHAR BA ZHABS DRUNG TSE RING DBANG RGYAL GYIS TZANDAN DKAR PO LAS DPAL RDO RJE 'JIGS BYED LHA BCU GSUM GYI RTEN DANG BRTEN PA'I DKYIL 'KHOR GLOS BSLANGS GUS PAS GSAR DU BZHENGS PA'I SMON TSIG DGOS TSUL

, ,LTAR GSHIN RJE'I GSHED KYI RNAL 'BYOR PA BLO BZANG YE SHES KYIS SMRAS PA'O,, ` AOm SVA STI PRA DZA BHYA: LHA GOS ZLA ZHUN KHU BA BYUGS 'DRA'I NGOS, ,BDE GSHEGS SMAN GYI BLA MA'I PHYAG SOR GYIS, ,GSER MDOG RNAM PAR RGYAL BA'I SMAN MCHOG 'CHANG, ,RO NUS SKYE DGU'I NANG KUN DRUNGS NAS 'BYIN, ,BDE GSHEGS MTSAN LEGS SMON LAM BRGYAD BTAB PAS, ,'KHOR BA'I RGYA MTSO MA LUS RAB BSKAM ZHING, ,'GRO LA MKHYEN BRTZE'I 'OD DKAR 'BUM PHRAG BKYE, ,SRID PA'I MUN 'JOMS BDE GSHEGS RIN CHEN ZLA, ,THUGS RJE'I CHAR GYIS GDUL BYA'I LEGS BYAS LJON, ,BSKYED MDZAD BDE GSHEGS GSER BZANG DRI MED ZHABS, ,GZOD NAS RNAM SMIN NAG POS SRID 'KHYAMS 'GROR, ,THAR PA'I LAM STON BDE GSHEGS MYA NGAN MED, ,'GRO BA'I KHAMS DANG BSAM PA DANG 'TSAMS PAR, , CHOS 'KHOR RTAG BSKOR BDE GSHEGS CHOS BSGRAGS DBYANGS, ,SRID PA ME 'O BAS LTAR GZIGS THUGS RJE'I CHAR, ,SGO GSUM RAB BA SIL BDE GSHEGS MNGON MKHYEN RGYAL, ,'DOM GANG 'OD KYIS SKYE DGU'I MA RIG SMAG ,RAB BCOM DBUGS DBYUNG MNGON MTHO NGES LEGS KYI, ,GO 'PHANG DAM PAR BDE BLAG 'GOD MDZAD PA'I, ,BDE BAR GSHEGS PA ZAS GTZANG SRAS DE KYE,, ` BDE GSHEGS RIN CHEN

'BYUNG DANG MYA NGAN MED, ,RIN CHEN 'OD 'PHRO RGYAL BA'I DBANG PO DANG, ,TING 'DZIN GLANG PO DAM PA PADMO'I DPAL, ,NYI MA'I DKYIL 'KHOR SNANG BA DAM PA DANG, ,SANGS RGYAS GDUGS DAM PADMO'I DPAL ZHES DANG, , DGA' BA'I DPAL BCAS PHYOGS BCUR BZHUGS PA YI, ,ZHING KHAMS RMAD BYUNG BKOD PA KHYAD PAR 'PHAGS, ,YON TAN PHUN SUM TSOGS PA'I ZHING MCHOG TU, ,BDE BAR GSHEGS PA SRAS DANG BCAS RNAMS KYI,, THUGS RJE'I 'OD STONG PHYOGS BCUR RAB 'PHRO BAS, ,SKYE DGU'I MA RIG MUN PA'I SMAG RU MA RNAMS, ,BSAL BA'I STONG GSUM 'JIG RTEN 'OD KYIS 'GENGS,, ` MKHYEN BRTZE'I MNGA' BDAG PHAN DANG BDE BA YIS, ,GZHAN PHAN DE BZHIN GSHEGS PA RNAM PAR GZIGS, ,SRID PA'I RGYA MTSO MTHAR MDZAD CHOS STON PA, ,DE BZHIN GSHEGS PA GTZUG TOR MNGA' BA BA, ,TSOGS GNYIS YONGS RDZOGS GZI BRJID MNGON PAR 'PHAGS, ,KUN LA SNYOMS MDZAD RGYAL BA THAMS CAD SKYOB, ,GRAGS PA'I ZLA 'OD SA STENG KUN LA KHYAB, ,NGO MTSAR YON TAN KUN 'BYUNG 'KHOR BA 'JIG ,LHA YIS BSNYEN BA KUR DRI MED THUGS RJE'I 'OD, ,MUN PA'I TSOGS BCOM SANGS RGYAS GSER THUB GANG, ,SNANG BYED BYE BAS BSGRUN MIN MNGON PAR MDZES, ,LHAR BCAS 'GRO BA'I PHYAG 'OS 'OD SRUNGS ZHABS, ,TSANGS DBANG BRGYA BYIN LHA SOGS GTZUG

, ,GIS BTUD, ,BCO MA'I GSER LTAR MDZES SKU SH'AKYA'I TOG ,MCHOD GNAS DAM PA SANGS RGYAS DPA' BO BDUN, ,'GRO LA BYANG CHUB BAR DU RTAG GZIGS SHIG, ` GTING MTHA' DPAG DKA' YON TAN KUN GYI MDZOD, ,KUN MKHYEN YE SHES SPYAN MNGA' MAR ME MDZAD, ,RGYAL KUN BTANG SNYOMS MDZAD PA'I RTZOD DUS 'DIR, ,BRTZON 'GRUS DRAG POS THUGS BSKYED ZAS GTZANG SRAS, , DGA' LDAN GNAS NA THEG CHEN CHOS BSKOR YANG, ,SA STENG 'GRO LA BRTZE BA'I MA PHAM MGON, ,DUS GSUM RGYAL BA'I MKHYEN BRTZE NUS PA'I MTHUS, ,YID CAN BYANG CHUB MCHOG LA MYUR 'JUG SHOG, ` RNAM 'DREN GZHAN DANG SPANGS RTOGS DBYER MED KYANG, ,CHER SNYIGS LNGA BDO'I DUS KYI SKAL NGAN 'GRO ,'DREN LA RGYAL BA KUN LAS KHYAD 'PHAGS PA, ,MI MJED ZHING GI STON PA STOBS BCU PA, ,GANG GI RNAM SPRUL DGRA BCOM GNAS BRTAN RNAMS, ,NYAN THOS TSUL BZUNG THUB PAS BSTAN PA GTAD, ,BSRUNG ZHING SKYONG MDZAD 'KHOR TSOGS RGYA MTSO'I TSOGS, ,BSTAN DANG DE 'DZIN SKYOD BAR BYIN GYIS RLOBS, ,GDON BGEGS DPUNG 'JOMS KHRO RGYAL DPAL RTA MGRIN, ,TSE SBYIN YID BZHIN 'KHOR LOS RIG 'DZIN STZOL, ,RMUGS 'DZIN NOR 'CHANG BEG TZE DGRA BGEGS SGROL, ,GNAS 'DI BSRUNG SKYOB DAR RGYAS DGE

BSNYEN CHE, ,RGYAL BA RGYA MTSO NYAN THOS BSRUNG TSOGS SOGS, ,NGO MTSAR SNANG BRNYAN MIG GI BDUD RTZI'I DPYID, ,DBU MDZAD DAR RGYAS RGYAL MTSAN GROGS BCAS KYIS, ,YID GZHUNGS SOR MO'I ZLOS GAR NGAG GIS BSKRUN, ,SKYE 'PHAGS KHRIMS LDAN DGE 'DUN 'DUS TSOGS KYI, ,THUGS DAM ZAB MO'I SPYAN RTEN YID 'ONG BA, ,SNA TSOGS GOS BZANG MANG POS RAB SPRAS SHING, ,LEGS BYAS ZHING GI MCHOG TU RAB TU BSNGAGS, ,DGE MTSAN RNAM PAR BKRA BAS PHYOGS KUN SHIS, ,LHUN PO BZHIN DU MI G-YO 'DUS GLING GI ,KUN DGA' RA BA'I MTHONGS SKOR KHOR MO YUG ,BSAM PAS KUN NAS RAB TU MDZES PAR BYAS, ,BSKAL BZANG BZHI PA'I RING LUGS 'DAB BRGYA'I TSAL, ,'BYED LA BLO GROS 'OD STONG 'DUS PA'I SDE, ,MA PHAM 'BYON MIN RI DBANG LTAR BRTAN CING, ,ZHVA SER BSTAN PA BLA NAS BLAR 'PHEL SHOG , 'DIS MTSON BDAG GZHAN DGE BA BAD RTZA LTAR, ,DKAR BAS SA GSUM GTOGS SO COG GI 'GRO ,DAL 'BYOR RTEN THOB RING MIN THAR PA'I LAM, ,BRGYUD NAS SKU GSUM GZHAL MED KHANG 'JUG SHOG ,SKYE DGU'I MA 'DRIS MDZA' BSHES RDZOGS SANGS RGYAS, ,THOG MTHA' BAR GSUM DGE BA DAM PA'I CHOS, ,TSUL BZHIN BSGRUB MDZAD TSANGS SPYOD DGE 'DUN GYIS, ,SRID ZHI MA LUS KHYAB PA'I BKRA SHIS SHOG, ,,

, ,SVASTI, RAB 'BYAMS ZHING GI SANGS RGYAS SRAS SLOB BCAS, ,BKRA SHIS LHUN PO'I BYANG CHUB SNYING PO'I GNAS, ,YE SHES SEMS DPA' DNGOS BYON GZUGS SKU DANG, ,DBYER MED SKYABS GSUM 'DUS PA'I SPYAN SNGA RU, ,BDAG NYID RING MO NYID NAS KHYU MCHOG GI ,BYA BA CUNG ZAD BSAGS PA'I RNAM SMIN GYI, ,'BRAS BU DKAR POR 'DZAG PA DA LTA'I SKABS, ,PHYOGS KUN NAS 'DUS MOS PA SNA TSOGS KYIS, ,BSTABS PA'I RIN CHEN DU MA LAS BYUNG BA'I, ,DRA PA DRA PHYED RAB 'PHYANG RGYAN 'PHRENG DANG, ,'PHAN GZUGS NGOS LA MCHOD PA'I BYE BRAG SOGS, ,MU TIG RIN CHEN DAG GIS LEGS PAR BSGRUBS, ,STONG 'KHUN GAN MDZOD LA SOGS YUL GRU NAS, ,THON PA'I GOS BZANG SNA TSOGS LAS GRUB PA'I, ,PHYE PHUR RGYAL MTSAN BZO BKOD RMAD BYUNG BA, ,BLO BZANG BKRA SHIS ZLA GROGS DAG GIS BGYIS, ,'DIS MTSON DNGOS BSHAMS YID SPRUL MCHOD PA'I SPRIN, ,NAM MKHA' MDZOD KYI SGO BRGYA YONGS PHYE NAS, ,RNAM DAG BDUN LA RAB TU BRTZON BSKYED DE, ,GRANGS MED RGYAL BAS 'GRO LA THUGS RJES GZIGS, ,RANG LUS GRANGS MED RDUL DANG MNYAM SBRUL NAS, ,SLU MED SKYABS YUL TSOGS LA PHYAG 'TSAL ZHING, ,KUN BZANG MCHOD SPRIN SA DANG BAR SNANG BKANG, ,DGYES BA BSKYED PHYIR DANG

BAS DBUL BAR BGYI, ,THOG MED DUS NAS NYON MONGS SDIG LTUNG KUN, ,GNYEN PO STOBS BZHI'I SGO NAS BSHAGS SHING SDOM, ,BDAG GZHAN DGE BA BYAS DANG BYED BZHIN PA, ,BYED 'GYUR KUN LA SNYING NAS YI RANG NGO, ,DUS GSUM RNAM 'DREN SLOB MAR BCAS PA'I TSOGS, ,'GRO LA DAM CHOS CHAD MED BSKOR BAR BSKUL, ,MCHOG DMAN KUN GYIS MTHONG BA'I SKAL CAN DU, ,GZUGS SKU JI SRID BAR DU RTAG BZHUGS GSOL, ,BDAG SOGS SGO GSUM 'BAD LAS BYUNG BA YIS, ,CI BSAGS RNAM DKAR DGE TSOGS MA LUS PA, ,SRID MTSOR 'KHYAMS PA'I MGON MED YID CAN RNAMS, ,STOBS BCU MNGA' BA'I GO 'PHANG THOB PHYIR BSNGO, ,SKYE DGU KUN LA SNYOMS PA MCHOG GSUM GYI, ,MKHYEN BRTZE NYI MA'I 'OD STOD 'BAR BA'I LUS, ,'JIG RTEN SPYI DANG KHA BAS YONGS BSKOR LJONGS, ,'GRO BA'I BSOD NAMS KUN GSAL LA 'CHAR SHOG ,TSANGS SPYOD BSLAB GSUM LDAN PA 'DUS BA'I SDES, ,MTSON PAS PHYOGS KUN DGE 'DUN THUGS MTHUN ZHING, ,BSHAD SGRUB RNAM PAR DKAR BA'I BYA BA LA, ,SKAD CIG TZAM YANG BRTZON PA MI DMAN SHOG RGYAL BA GNYIS PA 'JAM DPAL SNYING PO YI, ,LUNG RTOGS BSTAN PA NAM MKHA'I MTHA' KLAS PA, ,GYEN DU 'DEGS MDZAD KHRIMS LDAN DGE 'DUN TSOGS, ,'CHAD RTZOD RTZOM LA RTAG TU GZHOL BAR SHOG ,SKYABS

, ,YUL KUN GYI MKHYEN BRTZE'I MTHU DPUNG GIS, ,RGYA HOR BOD SOGS YUL KHAMS MA LUS BAR, ,RGYAL PO CHOS SPYOD 'JIG RTEN BDE LDAN ZHING, ,RDZOGS LDAN DPAL LA SPYOD PA'I BKRA SHIS SHOG ,CES PA 'DI NI CHOS GRVA CHEN PO BKRA SHIS LHUN PO'I GTZUG LAG KHANG GI MTHONGS SKOR DANG GSER G-YABS KYI MDZES RGYAN GSAR BSKRUN BGYIS PA'I SMON TSIG TU SH'AKYA'I BTZUN PA BLO BZANG YE SHES KYIS SBYAR BA'O,, ` AOm BDE LEGS SU GYUR CIG ,PHUN TSOGS SRID ZHI'I YON TAN MTHA' DAG RNAMS, ,SKYE DGUR STZOL ZHING SDUG BSNGAL MTHAR MDZAD PA'I, ,MCHOG GSUM NGO BO SH'AKYA'I RGYAL PO LA, ,SNYING NAS 'DUD DO BRTZE BA'I LCAGS KYUS ZUNGS, ,THUB GSUNG RIM BSDUS NYAN THOS DGRA BCOM DANG, ,SHING RTA'I SROL 'BYED KLU SGRUB THOGS MED ZHABS, ,DGE BCU'I KHRIMS BCAS CHOS RGYAL MES DBON SOGS, ,BKA' DRIN MTSUNGS MED RNAMS LA GUS PAS 'DUD, ,CHOS KYI SGRON ME DPAL LDAN AA TI SHA ,BKA' GDAMS MES BO 'BROM STON RGYAL BA'I 'BYUNG, ,THUB BSTAN SROG SHING 'DZIN MDZAD 'JAM MGON RJE, ,YAB SRAS BRGYUD PAR BCAS PA SPYI BOS BSTEN, ,DGE MTSAN DU MA LDAN PA'I SA YI CHAR, ,'JIG RTEN DBANG PHYUG THUGS RJE'I ZLOS GAR YIS, ,BYUNG BA'I LHA LDAN SPRUL BA'I GANDHO LA'I, ,

'DAB CHAGS RME RU PHUN TSOGS NOR BU'I GLING, ,RIG GROL YON TAN LDAN BA'I DGE 'DUN SDE'I, ,GTZUG LAG KHANG GI GSENG G-YABS NGOS DAG LA, ,SHIN TU DPAG DKA' BYANG CHUB LAM RIM GYI, ,BRGYUD BA RGYA BOD MKHAS GRUB DU MA'I TSOGS, ,PAn CHEN BLO BZANG CHOS KYI RGYAL MTSAN DANG, ,BLO BZANG SKAL BZANG RGYA MTSO'I 'KHRUNGS RABS PHRENG, ,BDE BA CAN DANG DGA' LDAN ZHING GI BKOD, ,BLTA BAS MI NGOMS MIG GI BDUD RTZI'I DPYID, ,'DU KHANG KHYAMS STOD G-YAS KYI PHYOGS DAG LA, ,SANGS RGYAS RABS BDUN RGYAL BA DON KUN GRUB, ,DGRA BCOM 'PHAGS PA'I GNAS BRTAN BCU DRUG PO, ,DKON MCHOG GSUM DNGOS 'KHOR TSOGS RGYA MTSOR BCAS, ,G-YON PHYOGS SENG GE'I NGA RO BDE GSHEGS BDUN, ,RJE BTZUN BLA MAR DAG PA RNAM BRGYAD 'KHOR, ,'JAM DBYANGS GTZANG PA BDUN BRGYUD ZHVA SER GYI, ,COD PAN 'CHANG BA'I BSTAN 'DZIN TSAR DU DNGAR, ,NUB PHYOGS NGOS LA GSANG BDE 'JIGS GSUM DANG, ,KUN RIG RTZA BA'I LHA TSOGS SUM CU BDUN, ,JO BO RJE'I LUGS SGROL MA NYER GCIG GI ,LHA TSOGS PHUL BYUNG KUN GYI YID 'BAB PA, ,SHAR RGYUD BRIS SKU MTHONG BA DON DANG LDAN, ,THUB BAS NGO MTSAR CHO 'PHRUL MDZAD PA'I TSUL, ,SGROL DKAR G-YU LO BKOD PA'I ZHING MCHOG RNAMS, ,LEGS PAR SHAR BA MIG GI BDUD RTZI

, ,SPUNGS, ,LHO NGOS MYUR MDZAD MGON PO CHOS KYI RGYAL, ,'DOD KHAMS DBANG MO DPAL LHA RNAM THOS SRAS, ,LHA CHEN TSANGS PA GNOD SBYIN BAS KHRAB CAN, ,BSTAN SRUNGS DAM CAN RGYA MTSO BSAM MI KHYAB, ,SGO KHANG DAG LA SGO SKYONG RGYAL CHEN BZHI, ,DAR SHAM NGOS LA TSE DPAG MED MGON GSAL, ,RKED BKRIS RNAMS LA GZUNGS SNGAGS LANYTSA CAN, ,SHING RTZI GSER SHOG TSON TSOGS BKOD PAS MDZES, ,SHAR DU SUM THOG RTZA BZHENGS PHYI SKOR SHAG ,GTZUG LAG KHANG STENG SHAR LHO'I KHANG BZANG DER, ,THUB PA GNAS BRTAN BCU DRUG 'KHOR TSOGS BCAS, ,LDER BZO YUL LJONGS BKOD PA PHUN SUM TSOGS, ,GSENG G-YABS RGYAB TU MCHOD KHANG KA BZHI'I NANG, ,'PHAGS YUL STOD HOR KHA CHE RGYA NAG BOD, ,YUL GRU NAS THON LI MA KLU YI 'JIM, ,BSIL TSAL RDO NAG GSER ZANGS TZANDAN LAS, ,GRUB PA'I BLA MA SANGS RGYAS BYANG SEMS KYI, ,SNANG BRNYAN BYIN CAN GZI BYIN RAB 'BAR ZHING, ,RGYAL BA'I BKA' GSANG GANGS KHROD 'GYUR RO 'TSAL, ,GSAR BZHENGS DBU SHOG RI SKYES KHU BA SA BSKRUN, ,BZANG GOS ZHAL KHEBS GDONG DAR BRTZEGS MANG DANG, ,GLEGS SHING MTSAL RTZI SKU RAGS BSE BTAGS HO, ,YUM CHEN RGYAS 'BRING BSDUS DANG GZHAN MA 'GA', ,RNAM PAR BKRA BA'I KHRI LA RAB

TU BKOD, ,BDE GSHEGS CHOS SKU'I RTEN MCHOG MCHOD RTEN BRGYAD, ,GSER ZANGS LAS GRUB RIN CHEN DU MAS SPUD, ,SKYE DGU'I BSOD NAMS CHU GTER SPEL BA LA, ,'BAD PAS BSGRUBS PA PHUL BYUNG AE MA MTSAR, ,GTZUG LAG KHANG DANG MCHOD KHANG RNAM GNYIS SU, ,GOS BZANG BLA BRE YOL BA 'PHAN PHYE PHUR, ,DNGUL SRANG BRGYA LAS BDUG SPOS 'THUL SNOD ZUNG, ,ROL MO'I BYE BRAG DKAR SHEL YOL GO'I RIGS, ,GZUGS 'GROS SNA TSOGS TING SOGS MCHOD RDZAS KYI, ,BYE BRAG DNGOS 'BYOR DU MTSAR DU DNGAR, ,MCHOD KHANG KA BZHI'I STENG DU GSER ZANGS LAS, ,GRUB PA'I GANYDZIR YIS RNAM PAR BRGYAN,, GZOD MA NYID NAS BSAGS PA'I KHYU MCHOG DANG, ,MCHOG GSUM THUGS RJE LA BRTEN DNGOS 'BYOR TSOGS, ,SNYING MED DON LDAN CHUD MI 'DZA' BA'I PHYIR, ,BSAM PAS KUN BSLANGS RTEN DANG BRTEN BCAS PA,, LHAR BCAS 'GRO BA KUN GYI SKYABS DANG PHUL, ,NGO MTSAR YE SHES SEMS DPA' MNGON SUM BZHIN, ,MTHONG BAS SMIN GROL 'OG MIN GNAS MCHOG DE, ,LJONGS 'DIR 'PHOS PA JI 'DRA SKAL BZANG ZHING, ,LHA LDAN CHO 'PHRUL DUS SU 'DUS SDE DANG, ,DGA' LDAN SER 'BRAS BKRA SHIS LHUN PO SOGS, ,DGON MANG MKHAN SLOB 'DUS PA RGYA MTSO'I TSOGS, ,BSNYEN CING BKUR LA BRTZON PA'I SNYING STOBS CAN, ,BKA' BCU

, ,'JAM DBYANGS RGYA MTSOS PHU DUD KYIS, ,RTEN GSUM BZHENGS DANG DKON MCHOG BKUR STI LA, ,KUN BZANG MCHOD SPRIN RGYA MTSO'I RJES 'GRO ZHING, ,BSNGAGS 'OS SPUNGS PA'I GTONG BA'I SGO BRGYA PHYE, ,DE LTAR 'BAD LAS BYUNG BA'I DGE BAS MTSON, ,SKYE 'PHAGS DUS GSUM BSAGS PA'I RNAM DKAR GYIS, ,THUB BSTAN RGYAL MTSAN 'DZIN PA TZONG KHA PA'I, ,LUNG RTOGS NAM MKHA'I MTHAR THUG KHYAB PAR SHOG ,RME RU PHUN SUM TSOGS PA 'DUS PA'I SDE, ,SNGOM BRTZON BSLAB GSUM NOR BU'I RGYAN GYIS MDZES, ,THOS BSAM SGOM PA MTHAR PHYIN BSGRUB PA'I GLING, ,G-YO MED DAR RGYAS SRID MTHAR BRTAN PAR SHOG ,RNAM DKAR 'BAD LA YID CAN SGO GSUM GYIS, ,MTHUN GROGS BDOG PA'I 'BREL BA BYED POS MTSON, ,'GRO KUN MNGON MTHO ZAM MI 'CHAD BRGYUD DE, ,THAR PA'I GRONG KHYER DAM PAR MYUR 'JUG SHOG ,BKA' BCU 'JAM DBYANGS MI KHOM GNAS SPANGS TE, ,DAL 'BYOR LA BRTEN DBANG PHYUG BRGYAD LDAN PA, ,'GRUB BYED RGYU 'BRAS RTEN 'BREL SLU MED CHOS, ,'DZAD MED NAM MKHA' MDZOD LA LONGS SPYOD SHOG ,RANG GZHAN RGYUD LA GOS PA'I DGE BA GANG, ,MKHA' MNYAM 'GRO RNAMS KUN MKHYEN THOB PA'I RGYUR, ,LEGS BSNGOS RMAD BYUNG YAN LAG BRGYAD LDAN RGYUN, ,BYANG CHEN RGYA MTSO ZAD MIN RAB 'PHEL

SHOG ,GANG 'TSAMS SNA TSOGS RDZU 'PHRUL MTHA' KLAS SHING, ,BSTAN DANG DE 'DZIN 'PHRIN LAS RNAM PA BZHIS, ,BU BZHIN SKYONG MDZAD LHA CHEN TSANGS PA CHER, ,RME RU DGON GNAS RTEN GSUM DGE 'DUN SDE, , PHYI NANG MCHOD PA'I BYE BRAG NOR RDZAS DANG, ,MKHO DGU'I DPAL 'BYOR MTHA' DAG GNYER GTAD PAS, ,DUS DANG RNAM PA KUN TU MEL CHE DANG, ,BSRUNG SKYOB G-YEL BA MED PAS GROGS MDZOD CIG ,'DUS SDE KHRIMS GTZANG BLO GSAL NOR BUS GANG, ,PHU NU BZHIN DU RTAG TU THUGS MTHUN ZHING, ,'KHOR LO GSUM GYIS DUS LAS MI YOL BAR, ,BSHAD SGRUB BSTAN PA RGYAS PA'I 'PHRIN LAS MDZOD, ,RTZA BRGYUD BLA MA'I BYIN RLABS MYUR 'JUG CING, ,YI DAM LHA TSOGS KUN GYIS DNGOS GRUB STZOL, ,CHOS SKYONG BSRUNG MAS 'PHRIN LAS BSGRUB MDZAD PA'I, ,CHOS MTHUN BZHED DON 'GRUB PA'I BKRA SHIS SHOG ,CES PA 'DI NI NAG CHU MKHAN PO BKA' BCU 'JAM DBYANGS RGYA MTSOS 'DI LTA BU ZHIG DGOS ZHES NAN CHER BSKUL BA LTAR SH'AKYA'I BTZUN PA BLO BZANG YE SHES KYIS GZIMS CHUNG YID DGA' CHOS 'DZIN DU SBYAR BA,, SARBA MANG+GALA,, ,, ` AOm SVASTI, STOBS BCU MNGA' BA RGYU SKAR BRGYA PHRAG BCU'I, ,DBUS NA SNYING STOBS CHER 'BAR BSIL SBYIN MKHAN, ,MKHYEN BRTZE NUS PA'I 'OD DKAR SA GSUM 'GENGS, ,THUB DBANG SMRA BA'I ZLA BA SPYI BOS

, ,BSTEN, ,GANG DE'I ZAB DON CHOS TSUL RGYA MTSO LAS, ,ZAB LAM PHAN BDE'I BKA' GDAMS CHU BO'I RGYUN, ,LEGS PAR 'DREN MKHAS DPAL LDAN MAR ME MDZAD, ,BYANG CHUB SNYING PO'I BAR DU SNYING NAS 'DUD, ,BSOD NAMS ZHING MCHOG SKYE 'PHAGS DGE 'DUN SDE, ,GNAS GZHI GSAR BSKRUN GTUM STON BLO GROS GRAGS, ,MDO SNGAGS BSTAN PA NYIN MOR GSAL MDZAD PA, ,RIGS BRGYA'I KHYAB BDAG 'JAM MGON BLA MAR 'DUD, ,DE YANG, RIS MED PA'I YID CAN KUN GYI PHAN PA DANG BDE BA THAMS CAD 'BYUNG BA'I SGO GCIG PU NI, MNYAM MED BU RAM SHING BA'I BSTAN PA RIN PO CHE 'DI NYID YIN TE, JI SKAD DU YANG, PHAN BDE 'BYUNG BA'I GNAS GCIG PU, ,BSTAN PA YUN RING GNAS PA DANG, ZHES GSUNGS PA LTAR, BSTAN PA DE YANG LUNG RTOGS KYI BSTAN PA DANG, DE 'DZIN PA'I GTZO BO DGE 'DUN LA RAG LAS TE, KUN MKHYEN DBYIG GNYEN GYIS, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE 'DZIN BYED PA SMRA BYED DANG, ,SGRUB PAR BYED PA KHO NA'O, ,ZHES GSUNGS PA LTAR, LUNG GI BSTAN PA SDE SNOD RIN PO CHE RNAM PA GSUM DANG, RTOGS PA'I BSTAN PA BSLAB PA RIN PO CHE RNAM PA GSUM DU 'DU ZHING, DE'I NANG NAS TSUL KHRIMS KYI BSLAB PA NI, TING NGE 'DZIN DANG, SHES RAB KYI BSLAB PA

LA SOGS PA'I YON TAN THAMS CAD KYI GZHI RTZA'AM RTEN DU GSUNGS TE, DGE SLONG LA RAB TU GCES PA'I MDO LAS, TSUL KHRIMS 'DI NI BDE BA'I MCHOG ,TSUL KHRIMS 'DI NI THAR PA'I LAM, ,TSUL KHRIMS 'DI NI YON TAN GZHI, ,TSUL KHRIMS 'DI NI SANGS RGYAS RGYU, ZHES SOGS BKA' DGONGS 'GREL DU MA NAS GSUNGS PA BZHIN, ,DPAL SNAR THANG GI 'DUS GRVA 'DIR BZHUGS PA RNAMS THAR PA DANG THAMS CAD MKHYEN PA DON DU GNYER BA SHA STAG YIN PAS DE DAG THUGS LA BCANGS PA'I 'DUL BA'I SPANG BLANG PHRA RAGS LA TSUL BZHIN DU BSLABS NAS BCAS MTSAMS LEGS PAR BSRUNGS TE PHYI 'DUL BA'I KUN SPYOD GTZANG SING SING BA, KUN YID 'DREN PA, NANG GSANG CHEN RNAL 'BYOR MCHOG GI NYAMS LEN LA BRTZON ZHING NYES LTUNG GI DRI MAS MA GOS NA MYUR DU MCHOG GI DNGOS GRUB THOB STE, S'A RA HAS, MA BSGOMS GYUR KYANG LTUD MED NA, ,SKYE BA BCU DRUG DAG NAS 'GRUB, CES GSUNGS PA LTAR SO SO'I BLANG DOR RNAMS LA TSUL BZHIN DU GZHOL BA ZHIG DGOS SHING, DES NA YUL DUS GNAS SKABS DANG BSTUN PA'I SPYIR BTANG DMIGS BSAL GYI NYER MKHO 'GA' ZHIG KHRIMS SU BCA' BAR BYA BA NI, CHOS SDE 'DIR BZHUGS PA'I DGE BA'I BSHES GNYEN RNAMS KYIS GZHI GSUM GYI PHYAG LEN MA NYAMS PAR MDZAD DGOS SHING, GDING BA LHUNG BZED LA SOGS PA RAB TU BYUNG BA'I RTAGS

, ,GANG DGOS TSANG MAR 'CHANG DGOS MANG JA SKU RIM SOGS LA 'OS 'TSAMS KYIS GNANG BA MA ZHUS PA DANG, GSO SBYONG LA MA BYON NA BRGYA PHYAG ,BSLAB GRAL LA RGAN PAS MA BZHUGS NA DGE 'DUN LA BRGYA PHYAG ,GZHON PAS BSLAB GRAL BZHIN MA BSDAD NA BSLAB PA RGAN PA DE LA BRGYA PHYAG ,DGE 'DUN 'TSOGS NAS GRAL MA GYES GYI BAR LA ZHAL 'DON MI BYED PAR KHA ROG 'DUG PA DANG, 'DU 'JI'I GTAM BYED PA DANG, LHA MA GYON NAS ZAS LA SPYOD PA DANG, SGOG PA'I RIGS ZA BA DANG, SKRA RING POR 'JOG PA DANG, SRANG KHA'I 'JEM LA SOGS PAR 'TSOGS NAS LONG GTAM BYED PA, MIG MNGAS DANG, CHO LO BRTZEB, MDA' RDO 'PHEN PA, MCHONGS RGYANG BYED PA, DE DAG LA CHED DU GNYER NAS LTAS MO BLTA BA DANG, BRO PA DANG GLU GAR BYED PA SOGS LA BLTA BA, DBYAR NANG DU RTA BONG SOGS BSTEN PA DANG, TSONG KHE BOGS DANG BUN KHYE SOGS GTAN NAS MI BYED, SKU RIM GROL MTSAMS NAS LO RER MI 'GRO MTHU MED BYUNG NA CHOS KHRIMS PAR GNANG BA ZHU, LO RE SOGS PHYI NANG BAR GSUM GANG DU YANG CHANG BTUNG BA SOGS KHYIM PA MA DAD PA'I SPYOD PA MI MDZES PA BYAS NA, DKON MCHOG LA MCHOD ME SNUM BRE RE PHUL NAS TSOGS LA BRGYA PHYAG ,PHYING PA LA SOGS PA KHA MA BSGYUR BA GYON PA DANG, GOS PHU THUNG CAN GYON PA BYUNG NA, TSOGS

LA BRGYA PHYAG ,TSOGS 'DU SOGS PHYI NANG GANG DU RMA KHRAG THON PA'I BRDEG RES BYAS PA DANG, DE'I RGYAB GNON BYAS PA BYUNG NA GNAS DBYUNG BYED, PHYI DRO KHA ZAS ZOS NA MAR ME MTSAN THUB DANG TSOGS LA BRGYA PHYAG , CHOS SDE'I BRANG KHANG SOGS KYI SHING CHA YIN NGES RGYAL SGO 'DAS NAS PHYIR KHYER NA CHOS SDE LA GNOD RKYEN DU 'DUG PAS SHING CHA PHYIR LOG NGOS, MANG JA DANG, CHOS SKYONG LA SNYAN DAR BSHAGS SDOM BYED, SDE PHAN TSUN GYI PHYOGS ZHEN BYAS PA DANG GZHAN DANG KHA GSHAGS 'GYED PA 'DI GZHAN MA DAD PE DANG, CHAGS SDANG GI RGYU SHIN TU CHE BAR 'DUG PAS, DE 'DRA BYAS NA PHYAG STONG PHRAG RE 'TSAL DU 'JUG ,NYES PA DE RNAMS BYAS TSE, GONG GI CHAD LAS RNAMS KYI THOG PHYIR BCOS 'DUL BA NAS BSHAD PA BZHIN BYA DGOS, ,BSKANG GSO SGRUB MCHOD RNAMS TSUGS SKABS, RDO RJE SLOB DPON DANG, GNYER PA RNAMS NAS NYE RING DANG GZHAN GYI NGO ZHUS SOGS SU MA SONG BA'I RGYAGS LEN TSAD MA MTHAR PHYIN PA MDZAD NAS MA 'PHROD NA MI 'DZUD, TSOGS SKAL BZHUGS KHRI RIN PO CHER LNGA, RDO RJE SLOB DPON PAR GSUM SKAL, GNYER PA, DBU CHOS, MCHOD DPON RNAMS LA GNYIS SKAL, DUNG MKHAN, JA DPON GNYIS LA SKAL 'PHAR GCIG ,CHOS SDE SPYI'I DON YIN NGES MA GTOGS, GZHAN PHYOGS PHEBS RNAMS LA TSOGS SKAL MI STER, MTSAMS PA

, ,RNAMS LA JA RE NAS PHOR TSAD RE GTONG, BLA BRANG DU JA RE NAS PHOR TSAD BDUN RE DANG, CHOS KHRIMS PAR MGRON STEGS SU JA RE NAS PHOR TSAD GSUM RE GTONG, NYUNG JA GZHUNG BLA BRANG GNYIS DANG RGYUN JA MA GTOGS, ZUNG JA RE NAS NYANG JA SGOR RE, MAR NYAG RE 'BUL, SMOS SMAN, SHUG LAS, SPOS RGYAG SOGS LA ZHAG BCO LNGA'I RING MI MDUN LA MANG JA RE NAS PHOR TSAD RE GTANG, NAD PA YIN PAS SGRIGS MA PHER NA GNANG BA ZHUS NAS 'GAG JA, TSOGS SKOR RE GNYIS MA GTOGS GZHAN BLA BRANG DU GNANG BA ZHU BA DANG, NANG MCHOD, SPOS CHANG BUD CHAD RNAMS KYANG GNANG BA MA ZHUS PAR MI LEN, PHUD MED RNAMS KYANG SPYI LAS DANG MCHOD MJAL, DMIG RTZE NAS 'DON 'JUD SOGS LA CHOS KHRIMS PAS DRI BA ZHIB BSED NGES 'DRONGS BYAS NAS GTONG BA MA GTOGS GZHAN MI GTONG, GZHUNG DANG, BLA BRANG GI MANG SKOL, CHOS THOG DANG, SGRUB MCHOD RNAMS KYI JA MAR GANG THOB RNAMS, SLOB DPON, GNYER PA, DBU CHOS 'DZOMS THOG TU 'DEGS KA DANG, BTZUN PA GSAR PA LO BCU GSUM MA LON PAR MI 'DZUD, TSUD NAS ZLA BA GCIG LAS MI 'GYANGS PA RAB BYUNG BSGRUB, DE BAR 'GAG JA BYAS NAS KLOG 'DON SOGS LA BRTZON PAR BYA, RAB BYUNG ZLA BA GCIG LAS 'GYANGS NA PHOGS SKAL GCOD, DBANG

PO SKYON CAN LA SOGS PA'I 'OS MIN RNAMS GTAN NAS MI 'DZUD, KHAL GCIG LONGS PA BRKUS PA SOGS RTZA LTUNG BYUNG TSE, SPYI SOR MANG JA GCIG LA JA NYAG LNGA, MAR LNGA SKOR, 'O TSVA SHING RIN, BZHUGS KHRI RIN PO CHER DNGUL SRANG DO LA BSKOR BA'I TSAN GRANGS, RDO RJE SLOB DPON PAR SUM TSAN, LAS TSAN PA SO SOR RNAM GZHAG KHA BTAGS RE, CHOS SKYONG LA SNYAN DANG, THUGS DAR LCOG BCAS BSGRUB RJES PHYIR 'BUD BYED, 'DIR MA THUS PA'I KUN SPYOD MDZAD DGOS RNAMS, RDO RJE SLOB DPON, GNYER PA, DBU CHOS SOGS NAS KYANG PHYOGS LHUNG DU MA SONG BAR MNGA' LTAR DRANG ZHING CHOS LDAN GYI BYA BA RNAMS LA ZHABS BSKUL BSNYEL GSO ZHU BA DANG, DGE 'DUN RNAMS NAS KYANG SPYOD LAM THAMS CAD DU DRAN DANG SHES BZHIN BAG DANG LDAN PAR MDZAD CING, RANG RANG GIS KHAS BLANGS PA'I DAM TSIG DANG SDOM PA RNAM DAG BSRUNG BA GZHIR BZUNGS, KHRIMS SU BCA' BA RNAMS KYI GCES 'DZIN DANG, THOS BSAM GYI SGRO 'DOGS CHOD PA, SGOM SGRUB KYI MYONG BA THON PA, GZHAN PHAN 'PHRIN LAS LA BRTZON PA LHUR BZHES KYIS RANG GZHAN RIS MED MTHA' DAG GI RGYUD LA LUNG RTOGS KYI BSTAN PA RIN PO CHE DAR ZHING RGYAS PA DANG, SRID ZHI'I LEGS TSOGS MA LUS PA 'PHEL BA'I THABS LA THUGS BSAM RNAM PAR DAG PA'I KHUR BZHES 'TSAL, DE LTAR BLANG DOR TSUL BZHIN BSGRUB PA RNAMS

, ,LA, BSTAN SRUNGS NGAM CAN RGYA MTSO'I TSOGS KYIS 'PHRIN LAS RNAM BZHIS G-YEL MED SKYONG BA DANG, BSAM SPYOR NGAN PA'I SGO NAS LTA NGAN LOG SGRUB BYED PA RNAMS LA TSAR GCOD RJES 'DZIN MDZOD CIG ,GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHOG ,RTAG TU DGE 'DUN MTHUN PA DANG, ,DGE 'DUN DON YANG 'GRUB PAR SHOG, SARBA MANG+GALAm,, , `SVASTI, RNAM 'DREN KUN GYI YAB GYUR GZHON NU'I TSUL, ,BYAMS DANG SNYING RJE'I 'OD KYIS CHAB 'BANGS KYI, ,TSA GDUNG KUN SEL DGE LEGS KUNDA'I TSAL, ,RGYAS MDZAD KUN PHAN CHOS RGYAL RTAG BRTAN SHOG ,RGYAL PA STONG GI MCHOG GYUR SH'AKYA'I TOG ,BSTAN PA RIN CHEN DBYAR MTSO LTAR SPEL ZHING, ,'DZAM GLING BDE LEGS CHEN POS KHYAB MDZAD PA'I, ,MI BDAG SKU CHE G-YUNG DRUNG LTA BUR SHOG, 'JAM DPAL SNYING PO'I BSTAN PA PHAN BDE'I GZHI, ,SRI ZHUR BRTZON MDZAD GNAM BSKOS BDAG PO YI, ,MNGA' THANG CHAB SRID DPAL 'BYOR LEGS TSOGS RNAMS, ,YAR NGO'I ZLA BZHIN GONG NAS GONG 'PHEL SHOG, KHYU MCHOG RLABS CHEN LAS 'ONGS STOBS 'KHOR BSGYUR, ,MANG BKUR KHRI LA LUGS BRGYA'I SGO 'PHAR PHYE, ,CHAB 'BANGS KHRIMS KYIS BDE BAR RAB BSKYANGS NAS, ,RDZOGS LDAN DPAL GYI DUS LTAR SPYOD

GYUR CIG ,DKON MCHOG THUGS RJE BSTAN SRUNGS MTHU RTZAL DANG, ,DRANG SRONG BDEN MTHUS RGYA HOR BOD YUL KUN, ,NAD MUG 'KHRUG RTZOD MI 'DOD KUN ZHI ZHING, ,SRING ZHI'I DGE MTSAN STZOL PA'I BKRA SHIS SHOG ,CES BA 'DI NI GONG MA BDAG PO CHAN PO'I ZHAM RING BA ME REN CANG GI DGE 'DUN CHOS 'PHEL GYIS LHA MI'I GTZUG RGYAN 'JAM DBYANGS GONG MA RGYAL PO'I BRTAN BZHUGS 'DOD GSOL CHIGS BCAD CIG DGOS ZHES BSKUL BA LTAR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, MANG+GALAm,, ` SVASTI, RGYAL BA KUN LAS CHER BSNGAGS PAD DKAR BZHIN, ,BU RAM SHING PA'I CHOS TSUL BLA NA MED, ,TSUL BZHIN NYAMS SU LEN LA ZLA BRAL BA, ,PHAN BDA'I LAM STON BKA' GDAMS SHING RTA'I SROL, ,JI BZHIN 'BYED MDZAD LEGS PA'I SHES RAB DANG, ,BLO LDAN SHES RAB MKHAS GRUB RIM BYON GYIS, ,BSHAD SGRUB BYA BAS THUB BSTAN GSAL BA'I GNAS, ,DPAL GSANG NE'U THOG GI DGON GNAS KYI, ,BSTI GNAS GANDHO LA DER BYI DOR DANG, ,GSER GYI LHUN PO LA 'GRAN GSER ZANGS LAS,, GRUB PA'I RGYA PHIGS NGO MTSAR GZI BYIN 'BAR, ,BLTA BAS MI BZONGS SA PHYOGS 'OD KYIS 'GENGS, ,SPRUL SKU BLO BZANG BSTAN PAS PHU DUNG KYIS, ,BDOG PA'I DNGOS 'BYOR SPUNGS PA'I RGYU SBYAR ZHING, ,MTHUN

, ,SBYOR MI DBANG BSOD NAMS STOBS RGYAS KYIS, ,MNGON PAR LDANG PA'I SGO NAS LEGS BAR BSGRUBS, ,'DIS MCHON DGE TSOGS STON KA'I 'OD DKAR BZHIN, ,DKAR BA GANG DES RDOG LO KHU DPON DANG, ,BDAG NYID CHEN PO'I BSTAN DANG NGE 'DZIN RNAMS, ,MA PHAM 'BYON MIN BAR DU G-YO MED SHOG ,BSIL LJONGS ZHVA SER LAGS GNYIS BSTAN PA'I GDUGS, ,GYEN DU LEGS 'DEGS MI DBANG CHOS RGYAL GYI, ,SKU TSE MNGA' THANG CHAB SRING RTAG BRTAN CING, ,'CHI MED DBANG PO'I DPAL LA 'GRAN GYUR CIG ,'DI'I CHED SGO GSUM 'BAD PAR GTOGS SO COG ,BYANG CHUB BAR DU LEGS TSOGS KUN GRUB PA, , GTAN MDUN THAR PA'I KHANG BZANG RAM PA DER, ,MYUR 'JUG SKAL BA BZANG POR 'GYUR BAR SHOG ,MDO KHAMS BKRA SHIS CHOS RDZONG MA LAG DGON, ,BLA SLOB BSLAB GSUM LDAN PA'I 'DUS PA'I TSOGS, ,'JAM MGON BLA MA'I GZHUNG LUGS SPEL BA LA, ,BSHAD SGRUB BYA BAS NYIN MTSAN 'DA' BAR SHOG ,STONG GSUM YUD BSKOR RDZU 'PHRUL RTA YI STENG, ,BSTAN SRUNGS GTZO BO BAS YI YA LA DGYON, ,DGON GNAS DGE 'DUN 'KHOR DANG LONGS SBYOD RNAMS, ,'PHRIN LAS RNAM BZHIS G-YEL MED SKYONG BAR MDZOD, ,'JIG RTEN KHAMS SU MI 'DOD KUN ZHI ZHING, ,SRID ZHI'I PHUN TSOGS SRID RTZE'I BAR KHYAB NAS, ,SKYE RGU PHAN TSUN

BYAMS PA'I SEMS LA ROL, ,BKRA SHIS RGYA MTSOS PHYOGS KUN KHYAB BAR SHOG ,CES PA 'DI NI BRAG YAG SPRUL PA'I SKU BLO BZANG BSTAN PAS RGYU YON SBYAR TE SA SKYONG MI'I DBANG POS 'GAN BZHES KYIS GSANG NE'U THOG GI GTZUG LAG KHANG LA ZHIG GSOS DANG STENG DU GSER ZANGS LAS GRUB PA'I RGYA PHIGS NGO MTSAR PA GSAR DU BSKRUN PA'I 'DOD SMON GYI CHAGS BCAD 'DI LTA BU ZHIG DGOS ZHES BRAG YAG SPRUL PA'I SKU BLO BZANG BSTAN PAS BSKUL BA LA BRTEN NAS SH'AKYA'I BTZUN BA BLO BZANG YE SHES KYIS SBYAR PA'O,, ` SVASTI, BLA MA YI DAM MTHU LDAN CHOS SRUNGS DPA' BO MKHA' 'GRO'I TSOGS RNAMS LA, ,DGYES BSKYED SRAB 'JAM LHA GOS PHUL BAS SNGON GYI THUGS DAM RJES DGONGS LA, ,DPON SLOB DGON GNAS BCAS LA LOG LTA'I BSAM SBYOR 'GAL RKYEN BAR GCOD SOGS, ,MI MTHUN KUN SEL TSE BSOD SRID 'BYOR BSHAD SGRUB RGYAS PA'I 'PHRIN LAS MDZOD, CES PA 'DI NI NGOS RANG LO DON GSUM DU SLEB PA'I THOG CHOS SRUNGS RGYA MTSOR SNYAN SHAL 'BUL BAR 'PHRIN BCOL DGOS PA LA MDZOD PAS BSKUL NGOR BGYIS PA'O,, ` SVASTI, BLO MCHOG THUB PA'I MDO RGYUD GANG+GA'I YAB, , SKAL BZANG GDUL BYAR 'PHRIN LAS RGYUN MI 'CHAD, ,BRTZE CHEN YE SHES 'OD STONG GIS PHYUNG BA, ,BSTAN 'GRO'I MGON DU SRID MTHAR ZHABS BRTAN SHOG ,MGON KHYOD MDONGS LDAN GYIS BTEG GDAN GSUM KHRIR,,

, ,'GYUR MED TSE MTHA' YAS PA'I NGO BO BZHIN, ,BSKAL PAR 'GRO LA GANG 'TSAMS CHOS 'KHOR BSKOR, ,'OG MIN ZHING GTZO'I MGON PO LTAR BRTAN SHOG ,ZAB BRLING BLO GROS YANGS PA'I GRU GZINGS KYIS, ,BSKAL BZANG BZHI PA'I LUNG RTOGS RGYA MTSO'I MTHAR, ,SON PA'I ZAB DON YE SHES NOR BU'I GTER, ,SKYE DGU'I RE BA SKONG MDZAD G-YO MED SHOG ,RGYAL KUN GSANG GSUM NGO BO TZONG KHA BA'I, ,DGONGS DON CHOS TSUL ZAB GSAL RGYA CHE'I GZHUNG, ,RGYA MTSO'I PHA MTHAR SPEL LA ME ZHUM PA'I, ,ZLA MED RJE BTZUN BLA MAR GSOL BA 'DEBS, ,BSLAB GSUM RNAM PAR DAG PA'I 'DAG STONG RGYAS, ,NGES 'BYUNG BYANG SEMS SBRANG RTZI'I BCUD CHAGS PA, ,KHRIMS LDAN BUNG PA'I TSOGS RNAMS 'DOD DGUR SPYOD, ,BSHES GNYAN BAG DANG LDAN LA GSOL BA 'DEBS, ,MCHOG GSUM THUGS RJE BSRUNG MA'I 'PHRIN LAS DANG, ,LHA DANG DRANG SRONG BDEN PA GRUB PA'I TSIG ,GDUL BYAS GSOL BTAB RTEN 'BREL MI SLU BAS, ,RE BA'I SMON PA LHUN GYIS GRUB PAR SHOG ,BDAG SOGS BYANG CHUB MCHOG LA MA REG BAR, ,KHYOD ZHABS GUS BSTEN 'BRAL MED RJES BZUNGS TE, ,LAM LNGA SA BCU'I THEG PA RIM 'DZOGS NAS, ,'GRO KUN SANGS RGYAS SA LA 'GOD NUS SHOG ,CES RING 'TSO'I CHIGS BCAD 'DI NI,

CHOS GRVA 'DI'I SLOB DPON 'DUS PA'I SDE DANG, NYE 'KHOR CHAB 'BANGS SER SKYA'I TSOGS KYIS NAN CHER BSKUL PA'I NGOR SH'AKYA'I BTZUN BA BLO BZANG YE SHES KYIS CHO 'PHRUL GYI DUS CHEN BZANG POR BKA' GDAMS PHO BRANG DU SMRAS PA SARBA DZA GA TAm,, ` SVASTI, CHOS TSUL KUN LA BLO GROS THOGS MED RGYAS, ,SKAL BZANG GDUL BYAR STZOL LA ZLA BRAL ZHING, ,SDOM BRTZON MKHAS MANG DBUS NA MCHOG GYUR PA, ,BSHES GNYEN SMRA BA'I DBANG POR GSOL BA 'DEBS, ZHES SHAR RTZE ZHAL SNGA NAS BLO BZANG MKHAS MCHOG GI GSOL 'DEBS 'DI NI LAS BYED RNAMS KYIS SHAR RTZE'I SLOB DPON BRGYUD 'DABS GRAS SU BSKUL NGOR BTZUN PA BLO BZANG YE SHES KYIS SMRAS SO,, ` SVASTI, RAS MCHOG MAN SHEL BYUGS 'DRA'I KUN GSAL NGOS, ,'DREN MCHOG RLUNG GI RGYAL MTSAN LTAR BKRA BA'I, ,GZUGS MCHOG NGO MTSAR MIG GI BDUD RTZIR SBUNGS, ,ZHING MCHOG TSOGS GNYIS RTEN DU THANG GSUM BSKRUN, ,GUS PAS RGYU SBYAR MIG YANGS SPEL RKYANG PAS, ,SOR MO'I ZLOS GAR KUN GYI YID 'BAB PAR, ,MTSAMS SBYOR GTOGS RNAMS CHOS 'BYOR TSE DPAL 'PHEL,, TSANGS SPYOD BRTUL ZHUGS RNAM DAG DRIS DBEN SHOG ,'DIS MTSAN SKYE 'PHAGS RAB DKAR DGE TSOG SA DES, ,GSUM LDAN BLA MA BSKAL MANG RDO RJE'I KHAMS, ,LTAR BRTAN BDAG SOGS 'BRAL MED RJES BZUNG

, ,STE, ,PHYI MA BDE LDAN ZHING DER SRAS MTSUNGS SHOG, CES PA 'DI NI MGRON GNYER SA KHUD BA YE SHES BSTAN 'DZIN GYIS, ,GNAS BCU CHU 'JAM MA, RJE DE NYID KYI GSANG BA'I RNAM THAR, NGOS KYI 'DRA LCOG YAN LAG GI RJES YOD PA'I THANG KA BRIS NAS BSTABS BA'I RGYAB YIG TU SBYAR BA SARBA MANG+GA LAm,, ` NA MO GU RU MANYDZU GHO sh'A YA, DUS GSUM RGYAL BA'I YAB GCIG SMRA BA'I LHA, ,SNYIGS DAS NGUR SMRIG TSUL BZUNG 'JAM MGON RJE'I, ,GDUNG KHANG CHOS SKU'I RTEN MCHOG DAM PA LA, ,DRI MED YON TAN LDAN BA'I CHOS KYI GOS, ,PHUL BAS 'DIS MTSON DGE BA KUN DA LTAR, ,DKAR BA GANG DES KHAMS GSUM 'GRO KUN GYI, ,MI 'DOD RGUD PA MTHA' DGAR RAB BCAL NAS, ,PHAN DANG BDE BA'I DPAL LA RTAG ROL SHOG ,RGYAL BSTAN 'JAM DPAL SNYING PO'I RING LUGS GANG, ,RGYAL BSRAS DANG SLOB MAR BCAS RNAMS KYIS, ,THUGS BSKYAD BDEN TSIG SMON LAM BTZAN PO'I MTHUS, ,MI NUB SRID MTHA'I BAR DU DAR RGYAS SHOG, ` SVASTI, 'JIG RTEN 'DREN PA RGYAL BA STONG GI NANG, ,STOBS BCU MNGA' BA ZAS GTZANG SRAS MCHOG DE'I, ,NGO MTSAR GZUGS SKU KUN GYI YID 'PHROG PA, ,LHA DANG MI YI BSOD NAMS ZHING MCHOG LA, ,'DZAM BU'I GSER GYI MDANGS DANG RAB MTSUNGS PA'I, ,SRAB 'JAM LAS GRUB PHUN SUM TSOGS PA'I GOS, ,BDAG NYID MI PHYED YANG DAG DAD PA YIS, ,PHUL BA'I RNAM PAR DKAR BA'I DGE BA DES, ,NYON MONGS DU: KHAS MNAR BA'I MA RGAN RNAMS, ,THUB PA'I

DBANG POS DUS KUN RJES BZUNGS TE, ,RTAG TU LHA MI'I RTEN BZANG NYER BRGYUD DE, ,KUN MKHYEN RGYAL BA'I GO 'PHANG MYUR THOB SHOG, ` SVASTI, BKA' GDAMS BSTAN PA'I 'BYUNG GNAS RA SGRENG GI ,RTEN MCHOG 'JAM DPAL RDO RJE'I SNANG BRNYAN LA, ,LHA RDZAS NA BZA' PHUL BA'I DGE BA DES, ,'JIG RTEN KUN TU DGE BA'I RGYUR GYUR CIG, CES DGA' LDAN DU RJE BDAG NYID CHEN PO'I SKU GDUNG DIN PO CHE DANG, ,LHA LDAN DU JO SH'A KA RNAM GNYIS, RA SGRED DU JO BO 'JAM DPAL RDO RJE'I ZHABS DRUNG DU MCHOD 'BUL THOG NA BZA' PHUL PA'I SMON TSIG TU SH'AKYA'I BTZUN BA BLO BZANG YE SHES KYIS BKOD PA'O,, ` AOm SVASTI, RGYAL KUN SPYI GZUGS KUN MKHYEN TZONG KHA PA'I, ,RMAD BYUNG DING LUGS 'DAB BRGYA GZHON NU'I TSAL, ,LEGS PAR 'BYED MDZAD YE SHES 'OD STONG CAN, ,BSTAN PA'I SGRON ME SRID MTHAR ZHABS BRTAN SHOG ,TSUL KHRIMS RNAM PAR DAG PA'I RTZA BA BRTAN, ,MANG THOS YON TAN YAL 'DAB RAB RGYAS SHING, ,DES 'BYUNG BYANG CHUB SEMS KYI ME TOG BKRA, ,DON GNYIS LHUN GRUB YUM RING ZHABS BRTAN SHOG ,CHOS TSUL KUN LA MKHYEN PA'I YE SHES KYIS, ,BSTAN PA'I BYA BA BSGRUB LA RTAG 'GRUS SHING, ,GDUL BYA'I BLO MUN SEL BA'I SGRON ME MCHOG ,MTSUNGS MED BLA MA BSKAL PAR RTAG BZHUGS GSOL, , DKON MCHOG THUGS RJE DRANG SRONG BDEN PA'I TSIG ,DAM CAN CHOS KYI RGYAL PO'I MTHU RTZAL DANG, ,GDUL BYAS GSOL BTAB DPAL LDAN BLA MA YI, ,ZHABS ZUNG MI 'GYUR 'PHRIN LAS GONG 'PHEL SHOG ,'DIS MTSON RNAM PAR DKAR BA'I DGE

, ,BA'I MTHUS, ,DPAL LDAN BLA MA'I BZHED PA KUN 'GRUB CING, ,BDAG SOGS SKYE BAR RGYAL BA'I BSTAN PA LA, ,RAB TU BYUNG NAS RNAM MKHYEN MYUR THOB SHOG, CES LCANG SKYA SPRUL PA'I SKU YE SHES BSTAN PA'I SGRON ME'I BRTAN BZHUGS CHIGS BCAD 'DI NI RDZA SAG BLA MA BLO BZANG DON YOD SOGS ZHAM RING BA RNAMS KYIS BSKUL NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA'O,, ` NA MO GU RU BUDDHA BO DHI SATV'A YA, RNAM 'DREN KUN LAS MCHOG BSNGAGS DON KUN GRUB, ,DE BSTAN NYIN MOR GSAL MDZAD 'JAM MGON RJE, ,GNAS 'DI'I BSTAN PA'I DBU BRNYES DGE 'DUN GRUB, ,BSTAN 'DZIN RIM BYON RNAMS LA GUS PAS 'DUD, ,DUS GSUM RGYAL BSRAS DANG SLOB MAR BCAS, ,RNAM BKRA DRI BZANG KHANG BAR BUNG BA'I TSOGS, ,'DU BA'I DAM CHOS SGRA DBYANGS SHIS PAS SKYONGS, ,LHUN PO BZHIN DU NAM YANG G-YO MED SHOG ,DGE MTSAN 'BYUNG GNAS CHOS KYI PHO BRANG CHER, ,GNAM LO'I ZHAL NGOM DGA' BA DANG PO'I THOG ,BLA MA YI DAM MCHOG GSUM GTAN GYI SKYABS, ,SRID GSUM BDAG MO BSTAN SRUNGS RGYA MTSO'I TSOGS, ,MNYES BYED SRID ZHI'I RNAM DKAR LAS BYUNG BA'I, ,DNGOS BSHAMS YID SPRUL PHYI NANG GSANG BA YI, ,MCHOD BA'I SPRIN PHUNG GNAM SA'I KHYON BKANG STE, ,BLA MA LHA TSOGS MCHOD CING DGA' STON SKABS, ,STONG 'KHUN GAN MJOD LAS THON GOS BZANG POR, ,YUL LJONGS TSE RING BYA SOGS GZUGS 'GROS BKRA ,GZHON NU ROL RTZED RNAM 'GYUR MCHOD SPRIN SOGS,

THAGS SU GRUB BA'I NGO MTSAR YOL BA 'DI, ,MGRON GNYER YE SHES BSTAN 'DZIN PHU DUD KYIS, ,PHUL BA 'DIS MTSON SKYE 'PHAGS DUS GSUM DU, ,BSAGS PA'I KUNDA LTAR DKAR DGE BA DES, ,RTZA BA'I BLA MA SRID MTHAR RTAG BZHUGS GSOL, , BSLAB GSUM NGUR SMRIG 'DZIN PA MKHAN SLOB SDE, ,BSHAD SGRUB LUNG RTOGS YON TAN MDZOD 'DZIN PA, ,RGYAL BA GNYIS PA'I LUGS BZANG SPEL SLAD ZAM PHA MA 'BYON MIN BAR DU RAB BRTAN SHOG, ,RGYU SBYOR BLA MAS 'BRAL MED RJES BZUNGS NAS, ,NYES LTUNG DRI MA'I TSOGS KUN GTAN BCOM STE, ,NYING MTSAMS SBYAR MAR BDE LDAN ZHING GTZO'I DRUNG, ,SKYES NAS RGYAL SRAS RLABS CHEN SPYOD GYUR CIG ,'JIG RTEN KHAMS SU RGUD PA KUN BRAL ZHING, ,PHAN BDE'I 'OD STONG KUN GSAL RTAG 'CHAR BA, MAR GYUR 'GRO RNAMS LHA MI'I RTEN BRGYUD DE, ,RING MIN BLA MED BYANG CHUB THOB PAR SHOG, ,CES BA 'DI MA'I MGRON GNYER SA KHUNG BA YE SHES BSTAN 'DZIN KYIS LO GSAR DGA' STON GYI SKABS NGOS KYI STENG DU BZANG GOS MNGAGS BTAGS KYI BLA BRE, SHAR NGOS LTAR GYUGS SUM MKHA' 'GRO BKRAL BTAGS KYI YOL BA BZANG PO, BYANG NGOS LA LHUG DANG RGYUR BKRAS BTAGS CHOS KHA SNA TSOGS BCAS PHUL BAR 'DOD SMON TSIGS SU BCAD PA DGOS ZHES NAN GYIS BSKUL BA'I NGOR SH'AKYA'I DGE SLONG BLO BZANG YE SHES KYIS SBYAR BA'O, ,SARBA DZAG TAm,, ` SVASTI, BLO MCHOG THU PA'I RING LUGS KUN GSAL LA, ,MKHAS BTZUN BZANG PO'I RGYU SKAR RNAM BKRA BA, ,YE SHES BDUD RTZI'I 'OD KYIS 'GRO MUN SEL,

, ,GDUL BYA'I GNYEN MCHOG G-YO MED ZHABS BRTAN SHOG ,RMAD BYUNG BSLAB GSUM RNAM DAG MAL YAR, ,TSANGS SPYOD BRTUL ZHUGS SA MCHOG DRI BSUNG LDANG, ,THUGS RJE'I BSER BUS BSKYOD BA'I SKAL LDAN 'GRO'I, NYON MONGS TSA GDUNG BCIL MDZAD ZHABS BRTAN SHOG ,MDO DANG RGYUD SDE RGYA MTSO'I GZHUNG LUGS LA, ,LEGS BAR SBYANGS PA'I BLO GROS SPOBS PA CAN, ,ZAB LAM RIM GNYIS ZAB MO'I RNAL 'BYOR LA, ,BRTZON MDZAD DPAL LDAN BLA MA ZHABS BRTAN SHOG ,DAM BA'I CHOS TSUL KUN LA MNGA' BRNYES SHING, ,BSHAD SGRUB RNAM PAR DKAR BA'I MDZAD PA CAN, ,'PHRIN LAS RGYA MTSO'I GOS CAN KHYAB MDZAD PA'I, ,MTSUNGS MED RJE BTZUN BLA MA RTAG BZHUGS GSOL, ,RGYAL BA'I DGONGS DON TSUL BZHIN LEGS BZUNGS NAS, ,SNYIGS DUS GRANGS MED 'GRO BA MU MTHA' BRAL, ,DUS GSUM RGYAL BA BGROD BA'I LAM BZANG LA, ,'GOD PA'I DED DPON CHEN POR GSOL BA 'DEBS, ,DE LTAR SGO GSUM DANG PAS GSOL BTAB MTHUS, ,LNGA LDAN RDZOGS SKU LTA BUR G-YO MED CING, ,BDAG SOGS DENG NAS BYANG CHUB SNYING BO'I BAR, ,'BRAL MED RJES BZUNGS CHOS LA LONGS SPYOD SHOG ,'DZAM GLING SPYID DA KHYAD BAR YUL LJONGS 'DIR, ,MI SHIS MTSAN MA KUN GYIS RTAG TU DBEN, ,MTHUN RKYEN LEGS TSOGS PHUN SUM TSOGS GYUR NAS, ,NYIN MTSAN KUN TU DGE BA'I BKRA SHIS SHOG, CES BA 'DI NI RGYAL CHEN RTZOL CHOS RJE DAM CHOS YAR 'PHEL GYIS NGOS KYI RING 'TSO'I CHIGS BCAD DGON

KHAG 'GAR BTZUGS CHOG BA ZHIG DGOS ZHES NAN GYIS BSKUL NGOR BTZUN PA BLO BZANG YE SHES KYIS SMRAS PA'O,, ` SVASTI, DON GNYIS LHUN GRUB RDZOGS PA'I SANGS RGYAS DANG, ,DE GSUNG 'DOD CHAGS BRAL BA DAM BA'I CHOS, ,BSOD NAMS ZHING MCHOG 'PHAGS BA'I DGE 'DUN SDE, ,SLU MED DAM PA RNAMS KYIS BYIN GYIS RLOBS, ,NGAG GI DBANG PHYUG 'JAM DPAL GZHON NU YI, ,RNAM ROL CHOS KYI RGYAL PO TZONG KHA PA'I, ,DGONGS DON CHOS TSUL RGYA MTSO CHEN PO LA, ,'DOD DGUR SPYOD BA'I BSHES GNYEN ZHABS BRTAN SHOG ,RMAD BYUNG BSLAB GSUM LDAN BA'I BA GAM CAN, ,LUNG RTOGS RIN CHEN NOR BU'I CHOGS KYIS PHYUG, ,RTAG PAR GDUL BYAR STZOL LA NGAL MED BA, ,'GRO BA'I RE SKONG SRID MTHAR ZHABS BRTAN SHOG ,MAN NGAG GZHUNG BRGYA'I TSOGS LA DBANG BSGYUR ZHING, ,LEGS BSHAD CHOS KYI RGYAL MTSAN 'DZIN PA'I DPAL, ,'PHRIN LAS RGYA MTSO'I RLANGS 'PHRENG G-YO BA CAN, ,GDUL BYA'I DON DU G-YO MED BZHUGS GSOL 'DEBS, ,BDAG SOGS DPAL LDAN BLA MAS BYANG CHUB BAR, ,'BRAL MED RJES BZUNGS BKA' BZHIN BSGRUB BA DANG, ,SDIG SPONG PHAN BDE BSGRUB LA RTAG 'GRUS SHING, ,MA GYUR DON DU KUN MKHYEN MYUR THOB SHOG CES PA 'DI NI THU'U KVA NA HU THOG THU NGAG DBANG CHOS KYI RGYA MTSO'I BRTAN BZHUGS 'DOD SMON GYI TSIGS BCAD NYAMS LEN 'KHYER BDE ZHIG HAR CHIN DBANG YI DAM SKYABS KYIS BSKUL NGOR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU BGYIS BA MANG+GALAm,, LU? SVASTI, ,

, ,RNAM 'DREN BLO CHEN RNAMS KYI THUGS RJE LAS, ,BYUNG BA'I 'PHRIN LAS BZANG PO'I DPAL MNGA' BA, ,RIG GROL 'DUS PA'I DBUS NA MNGON PAR 'PHAGS, ,DGE LEGS RGYUN MI 'CHAD LA GSOL BA 'DEBS, ,BLO BZANG RGYAL BA'I BSTAN PA RAB DAD CING, ,CHOS KYI TSUL LA MKHAS PA'I DPAL GYUR PA, ,LEGS BSHAD YAR NGO'I ZLA LTAR RAB 'PHEL BA, ,BSHES GNYEN BZANG BO'I ZHABS LA, ZAB CING BLO GROS YANGS PA'I KHANG BZANG RTZER, ,LUNG RIGS CHOS KYI RGYAL MTSAN CHER BSGRENG BA'I, ,LHAG BSAM BSAM 'PHEL NOR BU'I TOG GIS MDZES, ,BSTAN PA RGYAS BAR MDZAD LA x BLO GSAL SKAL BZANG 'DUS PA'I TSOGS RNAMS LA, ,ZAB DON GSAL PAR STON LA RAB MKHAS PA, , LUNG RTOGS DAR ZHING RGYAS PA'I RNAM DPYOD CAN, ,ZLA MED DPAL LDAN BLA MAR x BYAMS DANG SNYING RJE KUN BZOD MA YI GZHIR, ,LHAG BSAM BYANG SEMS LJON PA'I ME TOG MDZES, ,DON GNYIS RNAM BAR RGYAL BA'I 'BRAS BUS BRJID, ,GDUL BYA'I RE BA SKONG LA x DPAL LDAN MI MJED SNYING BO'I BSTAN PA LA, ,RNAM DAG TSANGS SPYOD NGUR SMIG GOS KYIS KLUBS, ,RTAG PAR CHOS 'KHOR BSKOR BA'I GRAGS PA CAN, ,YONGS 'DZIN DAM PA'I ZHABS LA x RGYUD SNGE'I GZHUNG LUGS RIN CHEN 'BYUNG GNAS LAS, ,ZAB LAM RIM GNYIS YID BZHIN DBANG GI RGYAL, ,PHUN SUM TSOGS PA'I DGOS 'DOD MA LUS PA, ,STZOL MDZAD DPAL LDAN BLA MAR x RGYAL BA GNYIS PA'I LUGS BZANG GANGS RI'I SPOR, ,'CHAD RTZOD

RAL PAS MTSAN PA'I MCHE SNGER BGRAD, ,LUNG RIGS LUS STOBS RGYAS PA'I SENG GE'I RTZAL, ,'JIGS BRAL DGE BA'I BSHES LA x SHES BYA KUN LA NAM MKHA' LTAR YANGS PA, ,MKHYEN BRTZE'I RLUNG GIS SHING RTA LANG LONG G-YO, ,PHAN BDE'I GRU CHAR BZANG PO GDUL BYA LA, ,'BEBS MDZAD BSHES GNYEN DAM PAR x RGYAL DANG RGYAL BA GNYIS PA'I THUGS KYI BCUD, ,NYI ZLA LTAR GRAGS GSANG SNGAGS RDO RJE THEG ,ZAB DANG RGYA CHE'I SNANG BYED 'OD PO CHE, ,SKAL BZANG PADMO'I TSAL RAB RGYAS BYED PA, ,RIG GROL YON TAN LDAN PA 'DUS PA'I TSOGS, ,BKA' DANG DGONGS 'GREL GDAMS PA ZAB MO'I DON, ,'CHAD DANG THOS BSAM SGOM PA NGAL 'GRO'I RGYUN, ,BYAMS BSTAN BAR DU CHAD MED RAB 'PHEL BAR, ,MAH'A K'A LA CHOS KYI RGYAL PO LA, ,BCOL LO GTAD DO RNAM KUN DANG RGYAS DANG, ,'PHRIN LAS RNAM BZHIS BYANG CHUB MA THOB BAR, ,RTAG TU G-YEL BA MED PA'I GROGS MDZOD CIG ,SNGOM BRTZON RNAM DAG DUR SMRIG GOS KYIS BRGYAN, ,NGES 'BYUNG BYANG CHUB SEMS KYIS RGYUD PHYUG CING, ,NYIN MTSAN 'KHOR LO GSUM GYIS DUS 'DA' BAR, ,SH'AKYA'I RGYAL PO'I LUGS BZANG 'DZIN PAR SHOG ,RGYAL BA GNYIS PA 'JAM DPAL SNYING PO YI, ,DRI MED MDO SNGAGS GZHUNG GIS KHAMS GSUM KHYAB, ,'GRO LA PHAN BDE 'BYUNG BA'I SGO GCIG PU, ,YAR NGO'I ZLA BZHIN BLA NAS BLA 'PHEL SHOG ,'JIG RTEN KHAMS SU MI 'DOD RGUD PA KUN, ,ZHI ZHING RDZOGS LDAN DPAL LA SPYOD PA DANG, ,SKYE RGU PHAN TSUN BYAMS PA'I SEMS LDAN ZHING, ,BLA MED BYANG CHEN THOB PA'I

, ,BKRA SHIS SHOG, CES PA 'DI NI RGYUD STONG GRVA TSANG GI BLA MA 'GA' ZHIG GI BRGYUD 'DEBS DANG, 'DOD TSIG SMON LAM BCAS 'DI LTA BU ZHIG DGOS ZHES BLA SPYIS BSKUL BA'I NGOR SH'AKYA'I BTZUN PA BLO BZANG YE SHES KYIS SMRAS PA DGE LEGS 'PHEL,, ` SVASTI, RGYAL BA DE GSUNG DGE 'DUN THUGS RJE'I BCUD, ,RMAD BYUNG BLO GROS BUM BZANG LAS PHYUR BA'I, ,'GRO BA'I SDIG LTUNG DRI MA 'KHRUD MDZAD CING, ,BRTZE CHEN YE SHES 'OD 'BAR ZHABS BRTAN SHOG, NYES BRAL BSLAB PA GSUM GYIS RGYUD PHYUG CING, ,RNAM DPYOD DUR SMRIG RGYAL MTSAN 'DZIN PA'I MCHOG ,RGYAL BA'I RING LUGS PHYOGS BRGYAR SPEL MDZAD CHE, ,BDAG SOGS BDE CHEN 'KHOR LOR RTAG BZHUGS GSOL, ,THUB PA'I DGONGS DON MTHAR THUG RGYUD GZHUNG LA, ,LEGS PAR SPYAD PAS ZAB LAM RIM GNYIS KYI, ,RNAL 'BYOR MTHAR PHYIN DBANG PHYUG BRGYAD LDAN LA, ,RTZE GCIG GUS PA'I YID KYIS GSOL BA 'DEBS, ,BCOS MIN GDUNG SHUGS DRAG POS GSOL BTAB MTHUS, ,RJES BZUNG DAL 'BYOR RTEN BRGYUD BLA MED LAM, ,BRTEN NAS DAM SNGOM MIG 'BRAS LTAR BSRUNGS NAS, ,ZUNG 'JUG GO 'PHANG DAM PA MYUR THOB SHOG ,RGYAL DANG RGYAL BA GNYIS PA'I LUNG RTOGS KYI, ,BSTAN PA YAR DO'I ZLA LTAR RAB 'PHEL ZHING, ,SKYE DGU PHAN TSUN BYAMS PA'I SEMS LDAN PAS, ,SRID GSUM BDE LEGS CHEN POS KHYAB PAR SHOG, CES PA 'DI NI 'JAM DBYANGS GONG MA RGYAL PO CHEN PO'I GSER YIG PA T'A BLA MA CHOS 'PHEL DAR RGYAS DANG, T'A BLA MA

RAB 'BYAMS BA BLO BZANG DPAL 'BYOR GYIS RGYUN GYI KHA 'DON ZHIG DGOS ZHES BSKUL NGOR SH'AKYA'I DGE SLONG BLO BZANG YE SHES KYIS SMRAS PA'O,, ` SVASTI, SNGON GOMS KHYU MCHOG RLABS CHEN BZANG PO'I MTHUS, ,GNAM SKOS 'JAM DBYANGS GONG MA CHOS KYI RGYAL, ,CHAB 'BANGS RDZOGS LDAN GSAR PA'I DGA' STON LA, ,SBYOR MDZAD RDO RJE'I KHRIL G-YO MED SHOG ,BLO CHEN RGYAL BA GNYIS BTZONG KHA BA'I, ,BSTAN PA'I LAM BZANG STON LA ZLA BRAL BA, ,YE SHES 'OD KYIS BLANG DOR RAB GSAL BA, ,'DREN MCHOG BLA MA SRING MTHAR RTAG BZHUGS GSOL, ,MCHOG GSUM BYIN RLABS DRANG SRONG BDEN PA'I TSIG ,DAM CAN MTHU STOBS GUS LDAN GSOL BTAB PA'I, ,RTEN 'BREL PHUN TSOGS RE BA LHUN GRUB NAS, ,'GRO KUN BDE SKYID LDAN PA'I BKRA SHIS SHOG ,CES PA 'DI NI 'JAM DBYANGS GONG MA CHEN PO'I ZHAM RING PA M'E RIN RDZANG GI DGE 'DUN CHOS 'PHEL GYIS 'DI LTA BU ZHIG DGOS ZHES NAN GYIS BSKUL BA LTAR SH'AKYA'I DGE SLONG BLO BZANG POR SHES KYIS SBYAR BA SARBA MANG+GA LAm,, ` THUB PA'I DGONGS DON ZAB DANG RGYA CHE'I GZHUNG, ,BLO GSAL SKAL BZANG GDUL BYAR RNAM KUN TU, ,SPEL MDZAD RGYAL BA DGYES PA'I LAM BZANG LA, ,'GONG MKHAS BSHES GNYEN BZANG POR GSOL BA 'DEBS, ZHES SPONG BA PA DKA' CHEN BLO BZANG RNAM RGYAL GYI GSOL 'DEBS 'DI NI, LAM RIM BRGYUD 'DEBS GRAS SU BCUG CHOG PA ZHIG DGOS ZHES SLOB TSOGS RNAMS KYIS BSKUL NGOR SH'AKYA'I BTZUN PA BLO BZANG YE SHES KYIS

, ,SMRAS SO,, ` SVASTI, BLA MA RGYAL BA ZHI KHRO'I SNANG BRNYAN RAS MCHOG KUN GSAL LA, ,DBANG GZHU LTAR BKRA'I YE SHES MNGON SUM BZHUGS 'DRA'I BSOD NAMS ZHING, ,BSKRUN PAS 'DREN MCHOG ZHABS BRTAN BDAG CAG BYANG CHEN MA THOB BAR, ,'BRAL MED RJES BZUNGS 'GRO KUN RNAM MKHYEN SAL 'GOD NUS SHOG ,CES 'TSO BYED MKHAS PA DGE SLONG DGE 'DUN DON GRUB KYIS NGOS KYI 'DRA GZUGS 'DOD LHA'I BRIS THANG BZHENGS PA'I RGYAB YIG 'DOD SMON DGOS CHUL LTAR SH'AKYA'I DGE SLONG BLO BZANG YE SHES KYIS SBYAR BA'O,, SHU BHA MASTU,, ` AOm NGAL BA SOS BKA' NYAN YANG DAG SHES SER PO, ,ZHAL GCIG PHYAG GNYIS GSER GRI NE'U LE 'DZIN, ,STONG GSUM YUD MYUL GSER LDAN RTA MCHOG CHIBS, ,'KHOR BCAS DAM LDAN MCHOD PA'I GNAS 'DIR GSHEGS, ,PHYI NANG MCHOD SPRIN BUM BZANG RTA MCHOG PA, ,'DOD YON SMAN SNA RDZAS BRGYAD RIN CHEN BDUN, ,SPYAN GZIGS DAM RDZAS GTOR TSOGS GSER SKYEMS SOGS, ,BYIN BRLABS CHOS SKYONG 'KHOR BCAS DGYES PHYIR 'BUL, ,RNAL 'BYOR DPON SLOB DGON GNAS 'KHOR BCAS RNAMS, ,BU BZHIN RTAG TU BSRUNG SKYOB G-YEL MED DANG, ,BSHAD SGRUB DPAL 'BYOR BSTAN PA'I BYANG SOGS, ,'PHEL ZHING RGYAS PA'I 'PHRIN LAS SGRUB PAR MDZOD, ,CES RTAN GA RI KHUNG CHOS BDAG LA MCHOD BSTOD 'DI NI DRUNG RAM PA YE SHES BSHES GNYEN GYIS NAN GYIS BSKUL NGOR CHOS SMRA BA'I BTZUN PA BLO BZANG YE SHES KYIS SMRAS PA'O,, ,,

` SVASTI, RNAM 'DREN KUN GYI MKHYEN BRTZE NUS PA'I RTZAL, ,MA LUS LEGS PAR 'DOMS PA RGYAL BA'I SRAS, ,THOG MED DUS NAS GANG 'TSAMS THABS MKHAS PA'I, ,LHA GCIG PAD DKAR 'CHANG LA GSOL BA 'DEBS, ,BLO CHEN GANG DES THUGS BSKYED BDEN PA'I STOBS, ,NGO MTSAR SGYU 'PHRUL BZANG PO'I DUR SMRIG GAR, ,BSIL LJONGS SKAL BZANG GDUL BYA'I MGON SKYABS DPUNG, ,BSKAL BRGYA MTSO'I BAR DU ZHABS BRTAN SHOG ,PHUL BYUNG BLO GROS BZANG BOS THUB PA'I LUGS, ,TSUL KHRIMS YON TAN KUN GZHI'I MDZOD BZUNGS NAS, ,KHRIMS LDAN LA BKOD SKAL BZANG SLOB MA'I TSOGS, ,RGYA MTSO'I GOS CAN 'GENGS MDZAD ZHABS BRTAN SHOG ,BLO BZANG RGYAL BA'I GZHUNG LUGS PADMO'I TSAL, ,THUGS RJE'I 'OD STONG 'BAR BAS LEGS BZHAD CING, ,ZAB DON SBRANG RTZIS SKAL BZANG BUNG BA'I TSOGS, ,'TSO MDZAD RGYA MTSO LTA BUR G-YO MED SHOG ,RGYAL KUN MKHYEN BRTZE'I DRI BZHON GYIS DRANGS PA'I, ,SNYING STOBS DAR DRAG TZANDAN DRI BSUNG GIS, ,SNYIGS BDO'I SKYE DGU'I TSA GDUNG SEL BA'I MCHOG ,MTSUNGS MED DPAL LDAN BLA MAR GSOL BA 'DEBS, ,RAB 'BYAMS RGYUD SDE RGYA MTSO'I DGONGS PA'I BCUD, ,THUGS SU CHUD PA'I ZAB LAM RIM GNYIS KYI, ,RNAL 'BYOR MTHAR PHYIN DKYIL 'KHOR BYE BA'I BDAG ,ZUNG 'JUG DANG PO'I MGON POR GSOL BA 'DEBS, ,'CHI MED LAM LTAR YANGS PA'I MKHYEN DPYOD KYIS, ,'CHAD RTZOD RTZOM PAS 'JAM MGON BLA MA YI, ,LUNG RTOGS BSTAN PA'I RGYAL MTSAN 'DZIN PA'I MCHOG ,'GYUR MED RDO RJE'I

, ,KHRIL RTAG BZHUGS GSOL, ,RGYAL BA'I 'PHRIN LAS ZHVA SER BSTAN PA'I GDUGS, ,LEGS 'DEGS LUGS GNYIS SKYONG BA MI YI BDAG ,SKU TSE CHAB SRID MNGA' THANG GONG 'PHEL ZHING, ,LJONGS 'DIR PHAN DANG BDE BAS KHYAB PAR SHOG ,SKYABS MCHOG RNAM GSUM THUGS RJE SRUNG MA'I RTZAL, ,LHA DANG DRANG SRONG BDEN PA'I TSIG BTZAN PO, ,RTEN 'BREL SLU MED MTHU YIS 'GRO BA RNAMS, ,RDZOGS LDAN DPAL LA ROL PA'I BKRA SHIS SHOG ,CES LHA DANG BCAS PA'I 'GRO BA YONGS KYI SKYABS GNAS DAM PA THAMS CAD MKHYEN GZIGS CHEN PO BLO BZANG SKAL BZANG RGYA MTSO DPAL BZANG PO BSTAN MI'I DBANG PO NYID KYANG PHUN DU BRTAN PA BCAS KYI BDEN PA'I MI'I DBANG PO NYID KYANG YUN DU BRTAN PA BCAS KYI BDEN PA'I TSIGS SU BCAD PA 'DI NI SH'AKYA'I BTZUN PA BLO BZANG YE SHES KYIS DANG BA'I YID KYIS SBYAR BA'O, ,SARBA MANG+GALAm,, ` SVASTI, BLO CHEN BZANG PO'I LUNG RTOGS DBANG GI RGYAL, ,RLABS CHEN 'PHRIN LAS BZANG PO'I DPAL 'BAR BA, ,SKAL BZANG GDUL BYA'I RI SKONG BLA NA MED, ,DBAL LDAN BLA MA'I ZHABS LA GSOL BA 'DEBS, ZHES PA 'DI NI KHAL KHA DGA' LDAN BKRA SHIS DGE 'PHEL BCAS GRVA TSANG KHAG BZHI'I BRGYUD 'DEBS GRAS SU AER TE NI PAntI TA NO MIN KHANG BLO BZANG DBANG CHEN DPAL 'BAR LA GSOL 'DEBS TSIGS BCAD GCIG DGOS ZHES BLA GRVA, PHYAG MDZOD BLO BZANG MKHAS MCHOG BCAS KYIS BSKUL NGOR SH'AKYA'I BTZUN PA BLO BZANG YE SHES KYIS SMRAS SO,, ` SVASTI, NGAG

GI DBANG PHYUG GZHON NU'I TSUL 'CHANG BA, ,RNAM ROL BLO BZANG RGYAL BA GNYIS PA YI, ,CHOS TSUL SLOB TSOGS RGYA MTSOR SPEL SLANG DU, ,YANG SRID GSAL BAR 'BYON LA GSOL BA 'DEBS, ,GDOD NAS LEGS BYAS DU MA LAS GRUB PA'I, ,GDUL, BYA KUNDA'I DGA' TSAL 'BYED PA LA, ,BSAM BZHIN SKYE SRID KUN PHAN GZHON NU CAN, ,THUB BSTAN NYIN MO'I RTZE MOR RAB 'PHAGS SHOG ,SLU MED MCHOG GSUM DAM PA'I THUGS RJE DANG, ,DAM CAN CHOS KYI RGYAL PO MTHU RTZAL CAN, ,RTZE GCIG MOS PA'I DAD LDAN RTEN 'BREL MTHUS, ,YID LA 'DOD PA'I RE BA SKONG BAR SHOG ,CES PA 'DI YANG MDO SMAD DGON LUNG BLA MA JING SI'U CHAN SHI THU'U BA KVAN HU THOG THU NGAG DBANG BLO BZANG CHOS RGYA MTSO'I YANG SRID MYUR 'BYON GYI GSOL 'DEBS TSIGS BCAD CIG DGOS TSUL THU'U BKVAN CHOS RJE NGAG DBANG BSTAN DAR DANG, DBON PO NGAG DBANG CHOS BZANG GIS NAN CHER BSKUL BA LTAR SH'AKYA'I DGE SLONG BZANG YE SHES KYI BGYIS BA'O,, ` SVASTI, RNAM 'DREN RGYAL BA SRAS DANG BCAS RNAMS KYI, ,MKHYEN BRTZE NUS PA'I BYIN RLABS MTHU CHEN POS, ,BLO BZANG BSTAN 'DZIN RGYA MTSO DPAL BZANG PO'I, ,YANG SRID DAL 'BYOR RTEN BZANG MYUR 'DZIN SHOG ,'GAL RKYEN BAR CHAD 'KHRUL PA'I SMAG RUM KUN, ,BSANGS NAS PHAN BDE'I SNANG BA RGYAS BYED PA'I, ,THUGS RJE'I 'OD STONG GDUL BYA'I MKHAR SHAR NAS, ,SKAL LDAN PADMO'I TSIL RAB RGYAS BYED SHOG ,RTAG TU BDEN PA BRJOD PA RDZOGS SANGS RGYAS, ,DE'I GSUNG BSLU BA MED PA DAM PA'I CHOS, ,MCHOD GNAS DAM BA DGE 'DUN

, ,'DUS TSOGS KYI, ,BYIN RLABS 'JUG LA G-YEL MED BKRA SHIS STZOL, ZHES BTZAN PO SMIN GROL NI MIN HAN BLO BZANG BSTAN 'DZIN RGYA MTSO'I YANG SRID MYUR 'BYON GYI BDEN PA'I TSIG BRJOD PA 'DI NI DHA'I CHING SOGS RI DGON THUN MONG GIS BSKUL BA'I NGOR SH'AKYA'I DGE SLONG BLO BZANG YE SHES KYIS SBYAR BA'O,, ` SVASTI, 'CHI MED TSE DPAG MED PA'I SNANG BRNYAN YID 'OD 'DI, ,GUS PAS MGRON SAS BSKRUN PA'I RTEN 'BREL RNAM DKAR MTHUS, ,TSE MTHA' YAS BZHIN RJE BTZUN BLA MA BSKAL BRGYA'I BAR, ,RTAG BZHUGS BDAG SOGS RJES BZUNGS 'PHRIN LAS DAR RGYAS SHOG, CES PA 'DI NI NGOS BGRANG BYA DON LNGA'I THOG RING 'TSO'I RTEN 'BREL DU, ,MGRON GNYER SA KHUD PA YE SHES BSTAN 'DZIN GYIS RGYAL BA TSE DPAG MED KYI SNANG BRNYAN KHRI RGYAB BCAS BZHENGS PA'I SMON TSIG BSKUL DOR SH'AKYA'I BTZUN PA BLO BZANG YE SHES KYIS SBYAR BA MANG+GALAm,, BHA WANTU,, ` SVASTI, NGAG GI DBANG PHYUG RJE BTZUN TZONG KHA PA'I, ,RING LUGS YE SHES SNANG BAS BLO MUN SEL, ,DAM CHOS DPAL 'BYOR RGYA MTSOR LONGS SPYOD CING, ,'PHRIN LAS PHYOGS BCUR SPEL MDZAD ZHABS BRTAN SHOG ,RNAM MANG SHES BYA'I LHA LAM YANGS PA LA, ,LUNG DANG RIGS PA'I CHU 'DZIN RAB 'KHRIGS SHING, ,ZAB RGYAS CHOS KYI GRU CHAR RGYUN MI 'CHAD, ,'BEBS MKHAS DPAL LDAN BLA MA ZHABS BRTAN SHOG ,SANGS RGYAS DE GSUNG DGE 'DUN RGYAL SRAS BDEN, ,MOS LDAN GSOL BTAB RGYU 'BRAS SLU MED MTHUS, ,RJE BTZUN BLA MA ZHABS BRTAN YUL PHYOGS 'DIR, ,BDE SKYID SNANG BA'I NYI MA CHER 'BAR SHOG ,

CES PA 'DI NI DAR RGAN BLA MA BLO BZANG BSTAN 'DZIN SOGS SLOB 'KHOR TSANGS MAS BSKUL DO DANG BSTUN SH'AKYA'I DGE SLONG BLO BZANG YE SHES KYIS SMRAS PA'O,, ` NA MO GU RU SH'KYA MU NA YE, 'PHAGS YUL RDO RJE GDAN GYI GNAS MCHOG DER, , ZAS GTZANG SRAS MCHOG MNGON PAR SANGS RGYAS TSE, ,GRU DANG BANG RIM BZHI PO DANG LDAN PA, ,BDUD KUN RAB BCOM BYANG CHUB MCHOD RTEN CHE, ,BZHENGS PA LTA BUR MES PO'I RNAM DKAR MTHUS, ,GSER SBYANGS LAS BSKRUN NGO MTSAR BLTAN SDUG ,BYIN RLABS GZI BYIN 'OD STONG RAB 'BAR BA, ,GNAS 'DIR BSOD NAMS ZHING DU LEGS BZHUGS GSOL, ,BYANG CHUB RDO RJE YON MCHOD 'KHOR 'BANGS RNAMS, ,BSOD NAMS RTEN MCHOG RNAMS LA DUS KUN TU, ,'GRO BA'I DON DU SGO GSUM GUS PA YIS, , PHYAG MCHOD THUGS DAM BSKUL LA RAB BRTZON NO, ,DE NAS YAN LAG BDUN BA 'BUL BA NI, JI SNYED SU DAG PHYOGS BCU'I 'JIG RTEN NA, ZHES PA NAS, THAMS CAD BDAG GIS BYANG CHUB PHYIR BSNGO'O, ,ZHES PA'I BAR BRJOD, DE NAS, PHYOGS BCU'I RGYAL BA SRAS DANG RTEN MCHOG LA, ,PHU DUD KUN BZANG MCHOD SBRIN SBROS PA'I MTHUS, ,MAR GYUR 'GRO RNAMS MNGON MTHO NGES LEGS KYI, ,GO 'PHANG MCHOG LA MYUR DU REG PAR SHOG ,BDAG GZHAN RNAM PAR DKAR BA'I MTHU DBUNG LA, ,LONGS SU SPYAD PA'I RNAM SMIN RAB 'DOBS, ,DGE MTSAN BDUD RTZI'I 'BYUNG GNAS GZEGS RDUL GYIS, ,KHAMS GSUM BDE SKYID KUNDAS GANG BAR SHOG ,'GRO LA PHAN DANG BDE BA'I 'BYUNG GNAS MCHOG ,THUB DBANG 'JAM DPAL SNYING PO'I LUNG RTOGS BSTAN,,

, ,SRID DANG ZHI BA RI SNANG BYED 'OD PO CHES, ,PHYOGS KUN MUN PA'I SMAG RUM BSAL BAR SHOG ,KHYAD PAR YUL 'DI'I LUS CAN MCHOG DMAN PAR, ,DUS DANG GNAS SKABS NAD MUG 'THAB RTZOD DANG, ,MI MTHUN 'TSE BRAL KUN KYANG PHA MA LTAR, ,RTAG TU MDZA' ZHING BYAMS PA'I SEMS LDAN SHOG ,DHA LA'I PA'I SA BYANG CHUB RDO RJE YI, ,RIGS RGYUD CHAB 'BANGS MNGA' THANG TSE BSOD RGYAS, ,'BAD MED MKHO DGU'I 'BYOR PA LHUN GRUB CING, ,RDZOGS LDAN DUS LA 'GRAN PA'I BKRA SHIS SHOG ,CES PA 'DI YANG DHA LA'I BA'I SE BYANG CHUB RDO RJE'I YAB MES KYI SKABS, GSER LAS GRUB PA'I BYANG CHUB CHEN PO'I MCHOD RTEN BZHENGS PA LA KHONG RANG YON MCHOD RNAMS NAS PHYAG MCHOD BSNGO BA SMON LAM SOGS BTAB CHOG PA'I TSIGS BCAD CIG DGOS ZHES BSKUL BA LA BRTEN NAS SHA'KYA'I DGE SLON BLO BZANG YE SHES KYIS SBYAR BA SARBA MANG+GLAm,, ` SVASTI, BLO GROS BZANG POS 'JAM DPAL SNYING PO YI, ,LUGS BZANG SPEL LA SMRA MKHAS NGAG GI DBANG, , DUR SMRIG BSTAN LA GUS PAS LHUR LEN PA, ,YONGS 'DZIN DGE BA'I BSHES GNYEN ZHABS BRTAN SHOG, ,,

[BLANK PAGE]