, SHA MBHA LA SYA BY'A KHY'A NA MA DHYA DE SHA MY'A SY'A D'A NAm CAS:N'A MA BI JA H'A RA, , *, ,GRUB PA'I GNAS CHEN PO SHAMBHA LA'I RNAM BSHAD 'PHAGS YUL GYI RTOGS BRJOD DANG BCAS PA NGO MTSAR BYE BA'I 'BYUNG GNAS ZHES BYA BA BZHUGS SO, ,
,, NA MA:SHR'I K'A LA TZA KR'I YA, NA MA:GU RU TA TH'A GA TA SH'A KYA MU NI, , *,, DPAL DUS KYI 'KHOR LO LA PHYAG 'TSAL LO, ,BLA MA DE BZHIN GSHEGS PA SH'A KYA THUB PA, ,
,, SU MA TI K'I RTI BA DZRA DH'A RA SUM TI KA WA BHA DRAS MU DRA SHR'I K'A LA TZA KRA PA D'A, *,, BLO BZANG GRAGS PA RDO RJE 'CHANG BLO BZANG BSKAL BZANG RGYA MTSO DPAL DUS KYI 'KHOR LO'I ZHABS LA PHYAG 'TSAL LO, ,
,, SA H'A SA DZ'A T'A KA TA R'A KshA RA SYA B'A SU KH'A TDHA BA:SAm BHA BA KA NYDZA HI STRI Y'A: ,, *,, GANG ZHIG LHAN CIG SKYES SAM 'GYUR MED KYI, ,BDE BA LAS BYUNG PHO NYA MO'I CHU SKYES, ,
,, DHRU B'A SHSHU DHEE DH'A TVU PAM SYA NI TYA T'A SRA BH'A BADHA RMA SYA SHAR'I RAB NDA N'A, , *,, AE DBYINGS RTAG BRTAN LAS GRUB MTSAN DANG DPE'I, ,RANG BZHIN CHOS KYI SKU LA PHYAG 'TSAL LO, ,
,, DHARMA:NI RUDDHA:PAR H'AR DZ'A TZA BH'A:SPARSHA SU RE NDRA SYA YUDHA SYASH'IL BI TA, , *,, SKYE DANG 'GAG PA GNAS PA'I CHOS SPANGS KYANG, ,THOG REG BRAL LA DBANG PO'I GZHU'I NGANG TSUL, ,
,, WAm K'A RA DHARMA SYA BTZE NSVA R'A SVAR:SAm BHO GA PURN'U NAM TTRA B'A BA YAm, , *,, WAm YIG AA GDANGS CHOS KYI SGRA BRJOD CAN, ,LONGS SPYOD RDZOGS PA DE LA BDAG PHYAG 'TSAL, ,
,, AU PTZI TTA BH'A BA TIR SE KA K'A:BHA GA:AUD YA SYA DHARMA SHAB LAm AA HO PRA TI: ,, *,, BSAM PA LAS 'DAS MNYAM GZHAG GCIG PU'I DPAL, ,MA 'DRES SO SOR 'CHAR BA'I NGO MTSAR CHOS,
, ,MAYAAANTARA:KRiTAKAK'AYAAARYAYA:BAR NI RMA TASYASHIR K'AYAN'AMAH'A, *, ,MTHA' LAS 'DAS PA SKU YI SGYU 'PHRUL CHE, ,MCHOG GI SPRUL PA'I SKU LA SPYI BOS 'DUD, ,
SKU GSUM BDAG GI NGO BO YE SHES DANG, ,SKU GSUNG THUGS KYI RDO RJE MA LUS PA'I, ,SPRO BSDU'I MNGA' BDAG THUB DBANG RDO RJE 'CHANG, ,ZAS GTZANG SRAS KYI ZHABS PAD GTZUG NA BSTEN, ,GANG GI SGYU 'PHRUL NGUR SMIG TU ZLOS GAR, ,RGYAL KUN YAB GCIG SPRUL BSGYUR RTZE DGA' LA, ,'GROGS PA LHUR LEN KUN MKHYEN TZONG KHA PA, ,SNYAN BRGYUD BDAG PO YAB SRAS SPYI BOS MCHOD, ,RDUL PHRAN KHAMS ZAD SGRIB MED SKU YI DPAL, ,RGYAL BA RGYA MTSO'I BDAG NYID DANG PO'I MGON, ,BRJOD PA LAS 'DAS RNAM ROL ZLA MED PA, ,BSKAL BZANG RGYA MTSO'I ZHABS KYI PADMO GANG, ,BDAG GI SPYI BOR BYANG CHUB SNYING PO'I BAR, ,NAM YANG MI 'BRAL BSTEN NO MKHYEN DANG BRTZE'I, ,BYIN RLABS KUN STZOL 'GRO 'DI 'KHOR BA LAS, ,SGROL PHYIR KHYOD DANG MTSUNGS PAR BYIN GYIS RLOBS, ,H'Um DANG PHAt KYI YI GE SPANGS, ,GZUGS BRNYAN LAS 'DAS DKYIL 'KHOR CAN, ,DPAL LDAN DUS 'KHOR LHA TSOGS LA, ,DNGOS PO KUN GYIS PHYAG BGYIS TE, ,SEMS DPA' CHE DANG LHA RNAMS KYIS, ,ROL PA'I GRONG KHYER KA L'A PAR, ,'JUG PA DE NI YAN LAG BCAS, ,BDAG GIS 'DIR NI DBYE BAR BYA, ,DE YANG RNAL 'BYOR PA GNAG DAG SNYIGS DUS KYI TSE 'DI NYID LA RIG PA 'DZIN PA DANG, PHYAG RGYA CHEN PO BSGRUB PAR 'DOD PA RNAMS LA PHAN GDAGS PA DANG, DE MIN PA 'GA' ZHIG KYANG PHYI NANG GZHAN GSUM GYI GNAS TSUL LA RMONGS PA SPANG BA'I PHYIR, YUL RNAMS KYI MCHOG DPAL LDAN KA L'A PA'AM, SHAMBHA LAR BGROD PA'I MAN NGAG YAN LAG DGOS PA DANG BCAS PA NI 'DIR 'CHAD PAR BYA BA'I CHOS SO, ,'DI LA GNYIS,
, ,SPYIR 'DZAM BU GLING GI RNAM GZHAG DANG, BYE BRAG TU YUL GYI MCHOG 'DI'I RNAM PAR BSHAD PA'O, ,DANG PO LA GNYIS, 'DZAM BU GLING TZAM GYI GNAS TSUL MDOR BSDUS PA DANG, DE LAS KYANG 'PHAGS PA'I YUL GYI RNAM PAR BZHAG PA'O, ,DANG PO NI, MNGON PA MDZOD LAS, 'DZAM BU'I GLING STE NGOS GSUM LA, ,STONG PHRAG GNYIS SO SHING RTA'I DBYIBS, ,GCIG LA DPAG TSANG PHYED DANG BZHI, ZHES GSUNGS SHING, 7DPAL DUS KYI 'KHOR LO LAS, GLING NI ZLA BA 'OD DKAR NGAG DANG RAB MCHOG KU SHA DANG NI MI'AM CI DANG KHRUNG KHRUNG DANG, ,DRAG PO YANG NI LONGS SPYOD SA STE BDUN PA 'DZAM BU MI RNAMS GNAS PA DAG NI LAS KYI SA, ZHES DANG, 'DI'I THAD KYI 'GREL CHEN LAS, BDUN PA 'DZAM BU'I GLING CHEN PO ZLUM PO'I RNAM PA ZHENG DU DPAG TSAD 'BUM PHRAG GCIG DANG, KHOR YUG TU 'BUM PHRAG GSUM YOD PA ZHES GSUNGS LA, DE BZHIN DU DRAN PA NYE BAR BZHAG PA LA SOGS PA'I MDO SDE DU MA NAS TSAD MI 'DRA BA SNA TSOGS SU GSUNGS PA RNAMS KYI DGONGS PA NI; MKHAS GRUB YONGS KYI 'KHOR LOS BSGYUR BA CHOS KYI RGYAL PO DGE LEGS DPAL BZANG POS DUS 'KHOR t'IKA CHEN DU, BCOM LDAN RAL GRI SOGS KYI BZHED PA RNAMS LUNG RIGS RDO RJE'I ME CHAR STONG GIS DRUNGS PHYUNGS PA'I MTHAR 'JIG RTEN GYI TSAD MI 'DRA BA SNA TSOGS SU GSUNGS PA RNAMS 'GAL BA'I DON CAN MA YIN TE, GSUNG RAB DE DAG GI CHED DU BYA BA'I GDUL BYA SO SO'I LAS MI 'DRA BA SNA TSOGS KYI RGYUL BRTEN, 'DZAM BU'I GLING GCIG NYID LA YANG MTHONG TSUL SNA TSOGS
'BYUNG BA NI DPER NA, CHU PHOR PA GANG LA LHA, MI, YI DVAGS GSUM GYIS BLTAS PA'I TSE, LHA LA BDUD RTZI DANG, MI LA CHU DANG, YI DVAGS LA RANG KHRAG TU SNANG BA DE, SO SO'I LAS KYI GZHI CHU PHOR PA GANG PO DE'I STENG KHO NAR SNANG TSUL SO SO KUN RDZOB TU BSNYON MED PAR YOD PA BZHIN, MNGON PA MDZOD KYI CHED DU BYA BA'I GDUL BYA ZHIG DANG, DUS KYI 'KHOR LO'I CHED DU BYA BA'I GDUL BYA ZHIG STE GNYIS KYIS 'DZAM BU'I GLING LA BLTAS PA'I TSE, RANG RANG GI KHAMS DANG BSAM PA'I DBANG GIS SNANG TSUL MI 'DRA BA SO SOR 'BYUNG BAR GSUNGS PA LTAR YIN LA, DE GNYIS KA'I CHED DU BYA BA'I GDUL BYA LA NI BLTA TSUL GYI KHYAD PAR 'GA' ZHIG LAS GZHI GCIG NYID LA SNANG TSUL GNYIS KA BSNYON MED DU 'CHAR BA, 7 RJE RGYAL BA GNYIS PA YAB SRAS KYI DGONGS PAR GYUR PA DAG BSHAD DU YOD MOD, DUS KYI MTHA' 'DIR LEGS BSHAD GSAR PA HA CANG MANG NA RANG GIS MA GO BA NYID RTAGS SU BYAS TE, MKHAS PA RNAMS BYA ROG DKAR PO'I BZHUGS GRAL DU BSGRIG PA LA SPRO BA CAN MANG BAS 'DIR MI SPROS ZHING; 'DIR 'CHAD PA NI, 'GREL CHEN LAS, PHYOGS BZHIR RLUNG DANG, ME DANG, CHU DANG, SA'I RANG BZHIN GYIS GNAS PA, SHAR GYI LUS 'PHAGS DANG, 'DZAM BU GLING CHUNG NGU DANG, BYANG GI SGRA MI SNYAN DANG, NUB KYI BA LANG SBYOD DO, ZHES GSUNGS PA'I NANG TSAN, 'DZAM BU'I GLING CHUNG DU ZHES PA DANG, GONG DU DRANGS BA'I MNGON PA LAS GSUNGS PA DE GNYIS 'DRA STE, RANG RE GNAS PA'I 'DZAM BU'I GLING 'DI YIN CING, 'DI LA RAGS RIM GYIS LHO BYANG GNYIS SU PHYE BA'I LHO PHYOGS
, ,'PHAGS PA'I YUL NI 'OG TU 'CHAD PA LTAR YIN LA, BYANG GI PHYOGS LA RDO RJE GDAN NAS RAGS RTZIS SU BYANG GI PHYOGS DANG, RANG RE'I YUL NAS BYANG SHAR GTOS CHE BA'I PHYOGS SU, 7'PHAGS PA 'JAM DPAL GYIS 'DUL BA'I ZHING KHAMS MAH'A TZINA'AM, RGYA NAG PO'I YUL TO, 'DI LA ZHING CHEN BCU GSUM DU GRAGS MOD, tI LI, SHEN YANG, KI'ANG NAm, SHAN TUNG, SAN SI, HE NAm, SHAN SI, HU KU'ANG, tE KI'ANG, KI'ANG SE, HA PHU KI'AN, KU'ANG TUNG; KU'ANG SI, ZI THU'AN, YUN NAN, GU'I tE'U STE, ZHID CHEN PO BCU DRUG ,GNAS CHEN RI BO RTZE LNGA 'PHAGS PA 'JAM DPAL DNGOS SU BZHUGS PA'I GNAS DANG, A'U NIS SHANG GLANG CHEN 'GYING RI LA SOGS PA NGO MTSAR CAN GYI RI MANG PO YONGS KYI BDAG PO CHEN PO BZHUGS PA'I PHO BRANG GI MCHOG ,PE CING, thAD AAN, LO YANG, NAN KID STE BZHIS MTSON CHOS 'BYOR DANG, DPUNG TSOGS KYI GZI BRJID LHA DBANG LA 'GRAN BZOD PA'I DBUS NA, HAN, MING, SUNG, HOR, D'A MING LA SOGS PA'I RABS MANG POS 'KHOR LOS BSGYUR ZHING, DA LTAR GYI DUS SU CHEN PO CHING GUR GYI GNAM DANG SA'I DBANG PHYUG RABS DRUG PA BDAG NYID CHEN PO, 7'JAM DPAL GZHON NUR GYUR PA MI YI RJE BOR ROL PA LHAS SKYONG BDAG PO CHEN PO SENG GE'I KHRI CHEN PO LA MNGON PAR 'GYING PA'I ZHABS KYI SOR MO RGYAL PHRAN 'BUM PHRAG MANG PO'I MGO BOR NGAL BSO BA THOB BZHIN PAR, RANG CAG RNAMS KYI BDAG PO CHEN POR BZHUGS TE, CHOS KYI RGYAL PO 'DI'I CHAB 'BANGS KYI YUL MTHA' NI,
NUB PHYOGS AO RGYAN GYI GNAS LA ZLA BA GCIG GNYIS KYIS REG PA'I SA, HOR KLA KLO BHA LAG DANG 'DAB CHAGS PA'I BAR DU SON, ZHES 'PHAGS YUL BA DAG LAS THOS SO, ,RGYA YUL LAS LHO NUB KYI CHA, RDO RJE GDAN GYI BYANG PHYOGS NYID NA KHA BA CAN GYI YUL 'DI GNAS TE, 'DI LA STONG MNGA' RIS SKOR GSUM, BAR DBUS GTZANG RU BZHI, SMAD MDO KHAMS SGANG GSUM STE, BOD KHRI SKOR BCU GSUM DU GRAGS LA, 'DI NYID DU RJE BO GNYA' KHRI BTZAN POS SROL BTOD CHOS KYI RGYAL PO SRONG BTZAN SGAM PO NAS BZUNGS, BDAG CAG RNAMS KYI 'DREN PA DAM PA RIGS DANG DKYIL 'KHOR YONGS KYI BDAG PO BKA' DRIN MTSUNGS ZLA MA MCHIS PA 7RGYAL DBANG SRID ZHI'I GTZUG RGYAN CHEN PO DE NYID KYI BAR DU, 'KHRUNGS RABS MU TIG GI 'PHRENG BA LTA BU TSAR DU DNGAR BAS THUGS RJES BSKYANGS TE, 'JAM PA'I DBYANGS MI'I DBANG PO RNAMS DANG MCHOD YON ZUNG DU 'BREL BZHIN PAR GLING BZHI'I DBUS NA MNGON PAR MTHO BAS, RGYAL BSTAN SNYING PO RGYAL BA GNYIS PA'I RING LUGS BLA LHAG TU SPEL BAR MDZAD CING, DA LTAR GYI DUS SU SRID ZHI YONGS KYI GTZUG RGYAN RGYAL MCHOG 'JAM DPAL RGYA MTSO MI 'JIG RDO RJE'I KHRIL BZHUGS SHING 'PHRIN LAS RDZOGS LDAN GSAR PA'I DGA' STON DOMS PA'I DBU BRNYES PA'I DUS TE, YUL 'DI DAG GI GNAS TSUL ZHIB MO NI RANG RANG GI CHOS 'BYUNG RNAMS SU BLTA BAR BYA LA, HAL HA LA SOGS PA'I SOG PO'I YUL GRU SMAD KYI CHA LA GNAS PA RNAMS NI GNAM BSKOS KYI LHA'I NANG GI CHAB 'BANGS YIN PA'I PHYIR RGYA NAG GI KHONGS SU BGRANG ZHING, PAR SIG LA SOGS PA
, ,STOD KYI CHA LA GNAS PA DAG GI GRONG KHYER HA STI NA PU RI DANG PA thAn DAG GI 'BANGS YIN LA, DE'I PHYIR RGYA GAR GYI KHONGS DANG AU RU SU'AM RGYA SER DU GAGS PA NI KLA KLO STAG GZIG GI LUGS LA SPYOD PA STE GLING PHRAN PA PE RENG ZER PA'I SDER GTOGS SHING, PHE RENG NI SPYIR GLING PHRAN PA YIN MONG KYANG MYA NGAN MED DANG, DHARMA P'A LA LA SOGS 'PHAGS YUL GYI SA SKYONG BDAG GI CHAB 'BANGS SU GYUR PAR MA ZAD DA LTA YANG 'PHAGS YUL NUB PHYOGS KYI BYANG MTHA'I RGYAL PO RUM SHAM PA TZA ZHES PA'I 'BANGS BYED PAR THOS SHING, RGYA NAG GI CHEN PO HOR GYI DUS JING GIR RGYAL PO NAS ZHUN DHI RGYAL PO'I BAR GYI CHAB 'BANGS SU GYUR PA DANG, DA LTA YANG 'JAM DBYANGS BDAG PO CHEN PO RABS RE RER LEGS 'BUL GYI PHYAG BYED PA'I PHO NYA DAG 'BUL BAR BYED PA'I PHYIR, RGYA DKAR NAG GNYIS KA'I KHONGS SU YOD DE GNAS TSUL 'GA' ZHIG SKABS 'GAR 'CHAD PAR 'GYUR RO, ,GNYIS PA YUL RNAMS KYI GTZO BOR GYUR PA 'PHAGS PA'I YUL NYID 'CHAD PAR BYED PA LA GSUM, YUL GYI RNAM PAR BSHAD PA DANG, DER BYON PA'I RGYAL PO DAG GI RNAM PAR BSHAD PA DANG, YUL 'DIR PHYI NANG GI CHOS LUGS JI LTAR GNAS PA'O, ,DANG PO NI, YUL 'DI DBUS DANG, SHAR DANG, LHO NUB BYANG STE, SA'I CHA DUM BU LNGAR PHYE NAS GTAN LA 'BEBS PAR BYA STE, CI'I PHYIR ZHEN, SHES PAR 'DOD PA RNAMS KYIS RTOGS SLA BA'I PHYIR DU'O, ,DE LA 'DUL BA MO TOG 'PHRENG RGYUD LAS, MNYAN YOD GNAS BCAS TZAM PA KA, ,WA RA nA SE YANGS PA CAN, ,RGYAL PO'I KHAB STE DRUG PA STE, ,DE DAG
GRONG KHYER CHEN POR GRAGS, ZHES BSHAD PAS GRONG KHYER CHEN PO DRUG NI SA'I DBUS KYI CHA LA GNAS PA YIN CING, DE'I NANG NAS MA GA DHA RGYAL PO'I KHAB NA DPAL RDO RJE GDAN BZHUGS PA NI SA TSIGS DANG, CHOS TSIGS GNYIS KA'I SGO NAS YUL GYI DBUS DANG, RANG CAG RNAMS KYIR NAM 'DREN DAM PA RGYAL BA KUN LAS THUGS RJE LHAG PAR BSNGAGS PA MNYAM MED SH'AKYA'I RGYAL POS GTZO MDZAD, BSKAL BZANG GI 'DREN PA STONG DANG 'DAS PA DANG MA 'ONGS PA'I RGYAL BA GRANGS LAS 'DAS PA MNGON PAR RDZOGS PA SANGS RGYAS PA'I ROL PA STON PA'I GNAS 'OG MIN DANG CHOS MTSUNGS PA STE, THA MAL GYI SNANG TSUL LA NI TU RU KA'I DMAG DPUNG GIS CUNG ZAD THEBS MOD GNAS KYI NGO BO'I KHYAD PAR CHEN PO RNAMS NI, MI MA YIN RNAMS KYIS RDO RJE'I BRAG PHUG TU SBAS PA'I TSUL GYIS 'KHOD PAS RIM GYIS SA 'OG 'BYON PA LTA BUR YOD CING, BYANG CHUB CHEN PO'I SKU LA NI LHA DANG KLU DANG, GNOD SBYIN LA SOGS PA RNAMS KYIS RTAG TU RGYA CHER MCHOD LA, BRAM ZE RIG SNGAGS 'GRUB PA RNAMS DANG GNYUG MAR GNAS PA'I DGE SLONG RNAMS KYIS MCHOD CING, BYANG CHUB KYI SHING NI MJAL BA PO LAS DAG PA RNAMS KYIS NGO MTSAR BA'I CHOS DANG DBYIBS DANG DRI SNA TSOGS SU MTHONG ZHING TSOR BA YIN LA, GNAS 'DIR SLEBS PA TZAM GYIS SNANG BA 'GYUR BAR NUS PA DANG GNAS GZHAN DU RIG SNGAGS LA SOGS PA LO GRANGS MANG POR BZLAS PA LAS, GNAS 'DIR PHRENG SKOR GCIG BZLAS PA NUS PA MYUR BA SOGS NGO MTSAR BA'I KHYAD PAR MANG PO YOD DE, SPYIR SiNG+KA TA'I SKAD DU
, ,GNAS 'DI'I MTSAN LA BADZRA A'A SAN ZHES BYA MOD, DA LTA AA TZARYA RNAMS KYIS 'BOD PA'I TSIG LA GA YA ZHES ZER ZHING, BYANG CHUB CHEN PO NYID BZHUGS PA'I GNAS LA BO DHI GA YA ZER BA YIN, GRONG KHYER CHEN PO DRUG PO 'DI DE BZHIN GSHEGS PA ZHAL BZHUGS PA'I DUS SU RGYAL PO SO SOR YOD MOD SANGS RGYAS MYA NGAN LAS 'DAS NAS 'PHAGS PA KUN DGA' BOS BSTAN PA SKYONG BA'I DUS TZAM NAS, MNYAN YOD DAM KO SA LA DANG, GNAS BCAS DANG, TZAM PA KA RNAMS RGYAL PO'I KHAB KYI RGYAL PO MTHONG LDAN DGE PA'AM MA SKYES DGRA'I CHAB 'BANGS SU 'DUS PA NAS DA LTA'I BAR SO SOR MA BYE LA, YANGS PA CAN LA NI DA LTA PRE YAG GA'AM PRE YAG CES GRAGS SHING, W'A RA nA SE LA NI W'A RA nA SE NYID DANG, BHA NAR SHI DANG, KA SHI ZHES 'BOD DE, 'DI'I BYE BRAG LAG NUR ZHES PA'I GRONG KHYER CHEN PO ZHIG DANG MAR DZA PU RI ZHES PA YUL 'DI'I CHAB 'BANGS SU GNAS, GANG+G'A BRGAL MA THAG PA tA nA ZHES PA MI KHYIM KHRI PHRAG GSUM TZAM YOD PA'I GRONG RDAL YOD DE, 'DI NI BAL PO NAS ZHAG MANG PO MIN PAR PHYIN TE, GRONG KHYER PA tA LI PUtA'AM SKYA BO'I BU ZHES PA YUL NYER BZHI'I NANG TSAN SKU'I 'KHOR LO'I ME RTZIBS SU 'GOD PA N'A GAR ZHES PA YIN CING, 'DIR PHUNG PO LNGA'I MCHOD RTEN DANG 'PHAGS PA KUN DGA' BO'I MCHOD RTEN RNAMS BZHUGS, W'A RA nA SE'I YUL DER DRANG SRONG LHUNG BA RI DVAGS KYI NAGS NA RNAM 'DREN BZHI PAS GTZO MDZAD RDZOGS PA'I SANGS RGYAS STONG GI BZHUGS KHRI DANG, DE'I NYE 'DAB NA PHYI ROL PA'I GNAS CHE BA 'GA' ZHIG KYANG MCHIS SHING CHU BO GANG+G'A
LA KHRUS BYED PA'I SGO DANG, SNGON GYI PAndI TA DANG GRUB PA THOB PA CHEN PO RNAMS KYI GNAS GZHI SOGS NANG PA DANG PHYI PA'I RIG SNGAGS KYI GRUB GNAS MANG PO YOD LA, YANG PA CAN NA SPRE'U RDZING GI 'GRAM KHANG PA BRTZEGS PA'I GTZUG LAG KHANG GIS PHYOGS SU GRUB PA'I CHOS NGO MTSAR CAN DANG, GANG+GA'I SGO DANG PHYI NANG GI GI GRUB GNAS MANG PO DAG YOD DO, ,DE LAS KYANG GTZO BOR GRONG KHYER CHEN PO DRUG PO 'DI'I KHONGS SU, AO TAnTA BU RI DANG, BYA RGOD PHUNG PO'I RI DANG, SHR'I NA LENDRA DANG, BRIKA MA LA SH'I LA'I GTZUG LAG KHANG SOGS DGON SDE CHEN PO DANG, GRUB PA'I GNAS KYI RI KHROD CHUNG NGU 'BUM PHRAG TU LONGS BA DANG, SNGON DE BZHIN GSHEGS PA'I DUS KYI GNAS GZHI DAG GI BSHUL DANG, PAndI TA DANG GRUB THOB RNAMS KYI SGRUB KHANG DANG, DNGOS GRUB BRNYES PA'I GNAS RNAMS NA DNGOS GRUB BRNYES PA'I DUS CHEN DER ME TOG GI CHAR DANG, GSOL BA BTAB NA DNGOS GRUB SNA RE 'BYUNG BA SOGS NGO MTSAR CAN GRANGS MED PA YOD MOD, DA LTA NI DUS KYI DBANG GIS PHYI ROL PA'I GNAS GZHI MA THUR DANG, BHAS DZI N'A THA LA SOGS PA GRAGS CHE ZHING, RDO RJE GDAN SOGS KYANG PHYI NANG GNYIS KAS MCHOD PA BYED DO, ,TSA BA GSUM GYI LHA KHANG NI BHANG GA LA'I YUL GYI SDER GTOGS RAR NA YOD PA DA LTA YANG GZHI GSUM GYI PHYAG LEN SOGS YOD PAR 'DUG KYANG 'OG TU BSHAD PAR BYA'O, ,GRONG KHYER CHEN PO 'DI DAG NI GRONG KHYIM BYE BA'I BDAG NYID CAN 'BYOR PA RGYAS PA DANG, BDE ZHING LO LEGS PA SKYE BO'I TSOGS NYI ZER GYI RDUL LA CO 'DRI BAS GANG BA, BLON PO DANG, DMAG DPON DANG, BRAM ZE DANG, KHYIM
, ,BDAG CHEN PO RNAM THOS KYI BU'I NOR DANG LDAN PA RNAM THOS KYI BU'I NOR LA 'GRAN PA'I TSOGS MANG BO DANG, GRONG KHYER CHUNG DU DAG LA YANG SRANG BAR LA BOD KYI MDA' RING BOR 'PHEN PA'I TSAD GSUM TZAM DANG LDAN PA STE, CHEN BO RNAMS LA NI PHYOGS RE RER YANG ZHAG BDUN RE YOD PA DAG DANG SRANG BAR RNAMS LA TSONG 'DUS KYI BKOD PA'I KHYAD PAR YA MTSAN MTHA' YAS PA NA, BEEd'URYA DANG KE KE RU DANG, BYU RU DKAR DMAR DANG, G-YAS SU 'KHYIL BA DANG, MU TIG DKAR DMAR DANG; AINDRA N'A LI DANG, AANDA RNYIL DANG, GSER DNGUL DANG, RAS GYI MCHOG KARSHA PAn 'BUM PHRAG RI BA DANG, GOS DAR BZANG PO DANG MANG PO DANG RGYAN GYI RNAM PA MTHA' YAS PA SOGS SUM RTZEN GYI GNAS LA CO 'DRI BA DANG, GRONG KHYER CHEN PO RNAMS LA PHYOGS RE RE SGO BRGYA PHRAG RE NYUNG MTHAR BYAS PA'I LCAGS RIS BSKOR ZHING, RGYAL PO'I PHO BRANG LA SOGS PA'I KHANG PA'I MCHOG RNAMS LA KHANG BA BRTZEGS PA LNGA BRGYA DANG LDAN PA LA STENG KHANG DANG, BAR KHANG DANG, 'OG KHANG GI BKOD PA NGO MTSAR CAN MTHA' YAS PA STE, KHANG BZANG GCIG GI GZHI SHEL KHA DOG SNA TSOGS LAS GRUB PA LA GSER DNGUL GYI KHANG BZANG DANG, BSO'I PHRA BKOD PAS 'PHRUL GYI KHYAD PAR MANG PO'I GZUGS BRNYAN SHAR BA'I YA MTSAN GYI BKOD PA SNA TSOGS PA SOGS BRJOD PAR DKA' BA DAG DANG, KHA ZAS KYI BYE BRAG KYANG SBYOR BA'I MCHOG STONG DU NYE BA DANG, RTZED MO'I RIGS KHRI KHRAG TU LONGS BA DAG YOD LA, RGYAL BLON, DMAG DBON, MDUN NA 'DON GYI BRAM ZE DANG, GZHAN YANG KHYIM BDAG DANG, BRAM ZE DAR,
BLON PO SHING S'A LA CHEN PO LTA BU DAG DANG, GZHAN YANG DMAG MI DANG, DE'I NANG GI DPA' BO DANG, DPA' BO'I MCHOG THAMS CAD SGYU RTZAL NYI SHU RTZA BZHI LA MCHOG TU BYANG BA, GLANG PO CHE DANG, RTA DANG, MAHE DANG, BSE DANG, BA LANG GI RIGS MANG POS KHYAB CING, GRONG KHYER GYI SRANG BAR RNAMS RDO BA GCAL DU BKRAM PA LA MCHONG RDZAS KYI GZUGS BRKOS NAS BRIS PA DAG GIS MDZES PA, NYIN RE BZHIN 'BANGS KHOL GYI SKYE BO DAG GIS LAN GSUM GSUM DU PHYAG BDAR DANG, CHAG CHAG 'DEBS PA, SRANG DANG LAM GYI BZHI MDO'I BIR BAR DU RDO'I KHANG PA BUM PA DANG, BREL SOGS PA'I DBYIBS CAN GYI NANG GNON DANG BCAS CHU BSIL BA DAG 'GRON PO RNAMS KYI BTUNG BA'I CHED DU BZHAG CING, DE'I 'GRAM DU KHRUS BYED PA'I RDZING BU BSIL BA DANG, DAL BSO BA'I G-YAB BSIL BA'I BDUG SPOS DANG BCAS PA, YUL GYI MTHA' THAMS CAD NE'U GSING DANG ZHING GI KHYAD PAR MANG POS MDZOS SHING, PHO BRANG GI 'DAB CHAGS PAR SKYED MOS TSAL 'BRAS BU CAN DANG, TZANDAN DANG, AA KA RU LA SOGS PA'I NAGS TSAL, KHU BYUG DANG; KA LA BID KA DANG, NE'U TZO DANG, SHANG SHANG TE'U DANG, KA LANTA KA DANG, BYE'U SNA TSOGS BAS KHYAB CING SGRA SNYAN PAR SGROG CING, NE'U GSING ME TOG SNA TSOGS KYIS BKRA BA DANG, BCOS PA'I MTSO DANG, RANG BZHIN GYIS GRUB PA'I MTSO DANG, RDZING BU DANG, LTENGS KA DAG LA DAD PA DANG, DUR PA DANG, MTHING RIL DANG, BZHAD LA SOGS PAS SGRA SNYAN PAR SGROG CING, PADMA DANG, AUTPA LA DANG, KU MU DA LA SOGS ME TOG GI DRI BSUNG 'PHRO BA DANG, SKYED MOS TSAL CHE BA LA NYIN ZHAG GNYIS
, ,TZAM GYI RGYA KHYON DANG LDAN PA'I DBUS SU BCOS PA'I MTSO DANG, DE'I DBUS NA BCOS PA'I RI DAG LA NAGS TSAL DANG, SMAN LJONGS DANG, SHEL DANG, G-YANG tI DANG, TZANDAN GYI KHANG BZANG BKOD PA MTHA' YAS PA DAG DANG, MTSO DAG LA GRU'I BKOD PA NGO MTSAR CAN MANG PO DANG, MTSO'I DBUS KYI KHANG BZANG DU RGYAL PO DAG 'GRO BA'I TSE SKABS 'GAR GRU LA ZHON NAS 'GRO ZHING, SKABS 'GAR CHU SRIN MA KA RA 'DRIS PAR BYAS PA LA RIN PO CHE'I SGA SRAB DAG SPRAS PA LA ZHON NAS 'GRO BA SOGS TE, MDOR NA SUM RTZEN GYI GNAS LA CO 'DRI BA LTA BU'I LONGS SPYOD KYI TSOGS DAG YOD PA NI GCAM BU'I TSIG DAG MA YIN ZHING, NGES PA YANG DAG PA YIN LA, 'PHAGS YUL GYI GRONG KHYER CHEN PO DRUG CES BSTAN BCOS RNAMS LAS GSUNGS PA'I DON 'CHAD PA NA, YUL GYI MTHA' DBUS THAMS CAD DE KHO NAS RDZOGS SO SNYAM DU 'DZIN PA DAG BYIS SU YOD MOD, GRONG KHYER DRUG PO NI, YUL DBUS KHO NA'I GNAS SO, ,DE NAS SHAR PHYOGS KYI CHA LA DBUS DANG; LHO DANG, BYANG STE, DUM BU GSUM DU YOD CING, DBUS DE LA SHAR NUB GNYIS SU YOD PA'I NUB PHYOGS ZLA BA DRUG GI SA NI BHANG GA LA'I YUL GRU STE, DE LA NANG GSES KYIS DBYE NA, BURNYA nA, RANG+GA PU RI, RANG+GA MA TRI, MAG PU TA P'A, PURnA WARHA, RA RA; RADHA, HUG LI KA KA LA KARTA, GHOR BAGG SOGS MANG DU YOD LA, SHAR PHYOGS KYI ZLA BA GSUM GYI SA NI BHANG+GA LA'I YUL WA RENDRA DANG BCAS PA DANG, DE NAS ZLA BA GCIG GI SA NAS ZANGS GLING GI YUL TE DA LTA RGYA GAR BA RNAMS KYIS 'BOD PA'I
SKAD DU MAG CES ZER TO, ,YUL DE'I MTHA' SHAR PHYOGS KYI RGYA MTSO LA THUG CING, NUB PHYOGS NI BHANG+GA LA'I SMAD DANG 'BREL LA, RANG RE'I YUL GYI GTZANG PO 'DI'I MING LA 'PHAGS YUL BA RNAMS BHA RAm PURTA ZHES ZER ZHING, 'DI KONG YUL NAS GSHIN RJE'I ZHAL DU BABS PA DE KA MA RU'I YUL DU THON NAS SHAR PHYOGS SU RE ZHIG 'GRO ZHING, DE NAS BHANG+GA LA'I YUL BRGYUD DE WA RENDRA'I YUL MTHA' NAS SVA NAR GHA WO DANG ZANGS GLING BRGYUD SHAR PHYOGS KYI RGYA MTSOR 'BAB STE, ZANGS GLING GI YUL NI MI SHA ZA ZHING STOBS DANG LDAN PA SHA SNYAG TU YOD PAS SKYE BO PHAL PAS BGROD DKA' BA YIN NO, ,MTSO MA PHA MA NAS CHU BO GANG+G'A NYIN ZHAG 'GA' ZHIG MNGA' RIS KYI YUL BRGYUD LHO NUB PHYOGS SU 'BAB CING, DE NAS HA RI DVA WAR NAS SHAR PHYOGS SU 'KHYOGS TE, W'A RA nA SE'I YUL 'GRAM NAS BRGYUD BHANG GA LA'I LHO PHYOGS LA NYE BA'I NGOS NAS SHAR PHYOGS SU 'BAB PA'I CHA GNYIS SU GYES PA'I CHA CHE BA BOD KYI GTZANG POR 'BAB PA DANG NYE BA NAS RGYA MTSOR 'GRO ZHING, CHA CHUNG BA BHANG GA LA'I YUL GYI LHO MTHAR SHAR PHYOGS KYI RGYA MTSOR 'BAB STE GNAS DE LA GANG+GA SA GA RA'AM, ZUR CHAG TU GANG+G'A SA'I GER ZER RO, ,'DI NA RIN CHEN RI BO'I GTZUG LAG KHANG ZHES PA RI CHUNG ZHIG GI RTZER SNGON GRUB CHEN NAG PO SPYOD PA'I DUS SU BLON PO DGE PA'I MGON POS BZHENGS PA'I 'PHAGS PA SPYAN RAS GZIGS HA LA HA LA'I SKU BYIN RLABS KYI GZI 'OD 'BAR BA DANG, RGYA MTSO DANG SHIN TU NYE BAR NAG PO SPYOD PA CHUD BA DANG, BHU BA RI BA DANG BHUB BLO LDAN GYIS BYIN GYIS BRLABS PA'I DGON CHUNG ZHIG NA, NAG PO SPYOD PA CHEN PO'I SKU'I RGYAN DRUG
, ,MKHA' 'GROS STZAL BA DE MTSAN MO ME 'BAR BA SOGS, CHO 'PHRUL SHIN TU CHE BA DANG BCAS TE YOD LA, PHYI ROL PA RNAMS KYI GRUB GNAS KA PAL MU NI ZHES BYA BA YANG YOD DE, GNAS 'DIR ZLA BA RE BSNYEN BSGRUB BYAS PA LA GRUB PA'I LTAS CHE CHUNG GANG YANG RUNG BA RE MI 'BYUNG BA MED KYANG, KLU DANG GNOD SBYIN GTUM PO DANG GDUG PA'I MKHA' 'GRO MA RNAMS KYI CHO 'PHRUL SNA TSOGS KYI ZIL THEG DKA' BA DANG, MTHA' SKOR GYI NAGS TSAL LA GCAN GZHAN KHRO BO MANG BA DANG, RGYA MCHO LAS 'ONGS PA'I CHU SRIN MA KA RA DANG BYIS PA GSOD PA DAG GI 'JIGS PA CHE BA DANG, DBYAR GYI DUS SU 'BRUG DANG GLOG MI BZANG BA DANG 'BRUG YANG YANG 'BAB PA'I 'JIGS PA DAG YOD PAS YUL DE NYID KYI MI MA YIN BYIN; RIG SNGAGS KYI NUS PA'AM, TSUL KHRIMS RNAM PAR DAG PA'I GDENG TSAD CAN MA GTOGS 'KHOD PAR DKA' BA YIN NA, ,GONG DU BSHAD PA'I YUL PURNA WARHAN KHA SAR B'A NI RANG BYUNG GI LHA KHANG YOD PA DER YANG ZHAG BDUN THE BTZUGS NAS GSOL BA BTAB NA DNGOS GRUB NGES PAR 'BYUNG BA DANG, SNGAR BSHAD PA BZHIN RA RA'I YU LAN DPAL CHA BA GSUM MAM, GOO SOM PU RI'I GTZUG LAG KHANG NA YANG NAG PO CHEN PO MNGON SUM DU BZHUGS PA LTA BU'I GNAS CHEN DANG GZHAN YANG PHYI NANG GI GRUB PA'I GNAS MANG DU YOD DO, ,GANG+GA'I LHO PHYOGS KYI NGOS NI BHANG GA LA'I YUL GYI LHO STE, YUL 'DI'I MING LA AOO dI BI SHA ZER BA SNGON GRUB CHEN RDO RJE DRIL BU PAS GRUB PAS BRNYES PA'I GNAS DE YOD DE 'PHRAL SKAD DU AU RI SA ZER
LA; 'DI'I YANG YUL GYI SHAR MTHA' SHAR PHYOGS KYI RGYA MTSO LA THUG LA GRONG KHYER SHIN TU CHE BA DANG MTHA' SKOR DU NAGS TSAL MA THUG PO DANG, RDO RJE DRIL BU PAS SPYAN DRANGS PA'I 'PHAGS PA SPYAN RAS GZIGS LO KE SHVA RA DANG DZA GANG DHA LA'I GTZUG LAG KHANG DANG, MU STEGS KYI GNAS GZHI SNGON KHYAB 'JUG GI LHA KHANG RDO SKU DANG BCAS PA CHO 'PHRUL SHIN TU CHE BA LA GRUB PA'I SLOB DPON YE SHES BSHES GNYEN GYIS TSAR BCAD DE CHO 'PHRUL NYAMS SHING YAN LAG RNAMS CHAG PA'I SKU GDUNG YANG CHO 'PHRUL CHE BAR YOD PA'I MING YANG DZA GAD NA TH'AM, 'PHRAL SKAD DZA KEN NA TH'A ZER TE 'DI DANG DZA GAD DHA LA'I GTZUG LAG KHANG GNYIS KA RGYA MTSO DANG RGYANG GRAGS TZAM GYIS NYE BA YIN NO, ,BHANG GA LA'I BYANG PHYOGS LA SHAR NUB DBUS TE DUM BU GSUM DU PHYE NAS NUB PHYOGS NA KAM R'U PA STE, 'DOD PA'I GZUGS CAN NAM 'PHRAL SKAD DU KAM RU ZER BA GRUB PA'I YUL CHEN PO NYER BZHI'I NANG TSAN DPAL 'KHOR LO SDOM PA'I GSUNG GI 'KHOR LO'I SHAR RTZIBS LA 'GOD PA DE YOD CING, DE BZHIN GSHEGS PA THUGS RJE CAN MYA NGAN LAS 'DAS PA'I TSUL BSTAN PA'I YUL RTZVA MCHOG GRONG NGAM GYAD YUL KYANG 'DI NYID YIN NO, ,'DI NA SANGS RGYAS MYA NGAN LAS 'DAS PA'I GNAS S'A LA'I TSAL BZHUGS KHRI DANG BCAS PA DANG, DPA' BO CHEN PO MYU GU CAN SOGS BZHUGS PA'I GNAS PHYI NANG THAMS CAD KYIS MCHOD PA'I SA DER, KA MU TSA'AM ZUR CHAG TU KU MU CHA ZER BA MA MO'I SKYE GNAS KYI RTEN RANG BYUNG ZHIG DANG, GI RIM THO ZHES PA KHAB 'JUG RTA GDONG CAN GYI RTEN RNAMS YOD CING GYAD YUL NYID NI GNAS CHEN GYI
, ,SHAR PHYOGS SU YOD PAR AA SAm GYI YUL ZER LA, DA LTA TSO SNA BA SOGS BOD RNAMS KYI GTAM DU AA SHONG ZHES 'BOD DO, ,DBUS KYI CHA LA YUL KANG TSA RANG+GA DANG SAm KRi TA'I SKAD DU GHA WU R'AM, 'PHRAL SKAD DU GHA HRONG ZHES 'BOD PA GNYIS YOD PA'I SNGA MA'I YUL GYI MDO BHANG GA LA'I SDE TSAN DU GTOGS PA'I RI BRAG TIR BUR ZHES PA'I PHU NA, DE WAm KO t'IM LHA MO'I MKHAR ZHES PA GNAS CHEN NYER BZHI'I NANG TSAN THUGS KYI 'KHOR LO'I RLUNG RTZIBS LA 'GOD PA DE YOD CING, DE NA GRUB CHEN NAG PO SPYOD PAS BZHENGS PA'I GNAS GZHI DANG, DER NAG PO SPYOD PA'I DUS MCHOD LA d'AM RU'I SGRA DANG ME TOG GI CHAR SOGS 'BYUNG BA DANG, GRUB CHEN GSANG BA PAS PHRA MEN MA BTUL PA'I GNAS SOGS NGO MTSAR BA'I CHOS DU MA DANG, SNGON GYI GRUB THOB GZHAN RNAMS KYI BZHUGS GNAS KYANG MANG DU YOD LA, PHYI MA 'DI'I GANG ZAG RNAMS MI SHA ZA BA'I SRIN PO 'DRUB SHA STAG YOD MOD RGYAL BSTAN RIN PO CHE YOD PA'I SA PHYOGS ZHIG NI YIN PAR 'DUG ,'DI RNAMS BOD KYI RI DANG NYE BA'I YUL SHA STAG YIN CING, GHA HRONG GI YUL GYI NYE 'DAB NA LJANG GI SDE TSAN DU GTOGS PA'I SDE CHE BA BOD KYI SKAD SMRA YANG DA LTA BOD RNAMS KYIS CHER MI SHES PA'I YUL ZHIG YOD 'DUG PA LA PA TAm RGYAL BO SOGS KYI LJANG CHE BA ZHES SMRA BAR THOS, KARMA PA'I CHOS KYANG YOD TSOD DU GDA', 'DI DAG GI SHAR PHYOGS NA YUL SPYI'I MING LA KO KI ZER BA'I RGYAL KHAMS SHIN TU CHE BA YOD DE, 'DI DAG LA NANG GSES KYI NAm GtA'I YUL, TZAKMA'I YUL, MOR GA KO'I YUL,
KA MA PO DZA'I YUL, RA KHANG GI YUL, BAL GU'I YUL, RGYA MTSO DANG NYE BA PU KAm GYI YUL, HAm SA WARTI'I YUL LA SOGS PA RNAMS YOD DO, ,HAm SA WA RTI DANG, MRKO'I YUL GNYIS LA MU KAm GI YUL ZER ZHING, RA KHANG GI YUL GYI NANG TSAN HA RI BHAND'I YUL NA MCHOD RTEN CHEN BO ZHES BYA BA'I GTZUG LAG KHANG SHIN TU CHE BA ZHIG YOD DE, 'DI DAG SPYI'I RGYAL PO'I MING LA BHA MA R'A DZA ZHES 'BOD PAR SNANG ZHING, MARKO DANG SMAN RTZE'I YUL KYANG MING GI RNAM GRANGS TE, KHA CIG 'DI RGYA NAG PO'I SDER 'DREN MOD DE MA YIN TE, THOD DKAR PO 'CHING BA DANG SKAD KYANG PHAL CHER BHANG GA LA DANG CHA MTSUNGS PA SOGS RGYA GAR SHAR PHYOGS KYI GRONG KHYER SHIN TU CHE BA ZHIG YIN PAR SNANG, 'DI'I YUL MTHA' DANG RGYA NAG PO'I GRONG KHYER CHEN PO YU NYAN SOGS 'DAB CHAGS PAR GNAS PA YIN LA, GSER GYI RGYAL KHAB CHEN PO PE CING GNAM GYI LHA BDAG PO CHEN PO'I MDUN SAR SPYOD PA'I GLANG CHEN RNAMS KYANG 'DI NAS LEN ZHES THOS, YUL 'DI'I THID NAS RGYA MTSO LA GRU BTANG STE PHYIN PA'I TSE DHA NA SHR'I'I GLING DU SLEBS TE, 'DI NA SHRI BH'A NEE KA t'AM, DPAL LDAN 'BRAS SPUNGS KYI MCHOD RTEN YOD CING YUL MI PHAL GYI 'BOD PHYOGS SU ASTU KA YA ZER LA, 'DI DANG 'DAB CHAGS PA NA GRONG KHYER DPAL YON ZHES PA SHIN TU CHE BA YOD DE 'DI YANG RGYA GAR GYI SHAR PHYOGS LA GTOGS MOD CING RGYA MTSOS BCAD PAS GLING PHRAN DU YANG BYED DO, ,DE BZHIN DU TZANDRA D'I PA ZHES PA DANG, PARDZA D'I BZHES PA DANG, PHA YI GU'I GLING SOGS KYI GLING PHRAN RNAMS KYANG 'PHAGS YUL SHAR PHYOGS KYI KHONGS SU GTOGS SO, ,'DI LTAR
, ,SHAR PHYOGS KYI YUL 'DI RNAMS DBUS KYI GRONG KHYER RNAMS DANG 'DRA BAR 'BYOR ZHING RGYAS PA DANG, SKYE BO'I TSOGS DPAG TU MED PA DANG SGYU RTZAL DANG YO BYAD KYI KHYAD PAR MANG PO DAG GIS GANG ZHING LHAG PAR SHING 'BRAS KYI KHYAD PAR DAG SHIN TU MOD PA YIN NO, ,GZHAN YANG YUL 'DI DAG KUN DANG LHAG PAR KAM RU, GHA HRONG, KA CHA RANG+GA, KO KA'I YUL RNAMS NA SNGAGS KYI NUS PA 'GRUB PA SHIN TU MANG BAS G-YUL 'GYED PA DANG, TSONG DANG ZHING LAS KYI BYA BA DAG KYANG PHAL CHER RIG SNGAGS KYI MTHU KHO NAS BYED PA SOGS NGO MTSAR CAN DPAG TU MED PA DANG, DE WI KO tI NI 'JIG RTEN DANG 'JIG RTEN LAS 'DAS PA'I MKHA' 'GRO MA RAB TU MANG BAS RIG SNGAGS KYI KHYAD PAR SPYI DANG, KHYAD PAR RNAL 'BYOR BLA MED KYI BZLAS SGOM RNAMS BGYIS PA TZAM GYIS RTAGS MNGON DU 'GYUR BA DAG YOD CING, YUL PHYOGS GZHAN PA RNAMS KYANG GRUB PA'I GNAS CHEN PO DAG YIN MOD BONG LTA BU RNAMS KYIS NI SPYIR TSAD PA DANG SBRUL DANG GDUG BA'I SRIN BU SNA TSOGS PA DANG, GCAN GZHAN GTUM PO DAG GI GNOD PA BZOD DKA' BAR MA ZAD SNA TSOGS PA'I RIG SNGAGS DAG GI GZI BYIN BZOD DKA' BA DANG, YANG SOGS 'PHAGS YUL BA PHAL CHER BOD LA RIGS NGAN DU BYAS NAS BCOG PA'I 'DU SHES CHE BAS DENG DUS BGROD PAR BYA NUS PA NI MA YIN NO, ,LHO PHYOGS KYI RGYUD NI LHAG PAR 'BYOR ZHING RGYAS PA GRONG KHYER SHIN TU CHE BA DAG DANG LDAN PA YIN TE, DE YANG PHYOGS GCIG PAR YUL RNAMS BSHAD NA, SNGAR
BSHAD PA'I AA RU BI SHA'AM AOO dI dI SHA'AM AU RI PA ZHES PA DE DANG NYE BA NA, TRI LING GZHES PA DPAL CHOS KYI GRAGS PA 'KHRUNGS PA'I YUL DE DANG TRI MA LA TZAN DAN GYI NAGS RNAMS YOD CING, DE NAS MAR HAd DANG, KHAN DE BA DANG, TAm PAL DANG; BI DYA NA GA RA DANG, KARNA tA KA DANG, TZANYTZI DANG, MA LYAR RA DANG, TZA RI TRA DANG, MARGA RA WA DANG, KANGKU NA DANG, TZE BA LA DANG, NI TZA MA PA DANG, NI TZAMBHA HA RA DANG, TZANTRA DU RA DANG, PANYTZA BHA T'A RA DANG, TZA RA MAndAL DANG, MOO RA MAndAL DANG, DZAL MAndA LA DANG, TO LA MAndAL DANG, TUndA MAndA LA DANG, BHO GA MALYA RA DANG, NER BA TA RE BA, TSE TA RE BA ZHES BYA BA LA SOGS PA MTHA' YAS LA, 'DZAM BU GLING GRU GSUM DU GSUNGS PA'I RTZE MO RNO BA NI LHO PHYOGS KYI MTHA' LA YOD PA'I SHAR NGOS KYI PHYI RGYA MTSOL NI 'PHAGS YUL BA RNAMS MO HO DANG CES 'BOD, NUB KYI PHYI'I RGYA MTSO LA NI RATTA NA GAR ZHES 'BOD DE, RGYA MTSO GNYIS GTING DANG NGO BO GCIG PA YIN KYANG, 'DZAM BU'I GLING GI DBYIBS LAS LHO PHYOGS THAG RING POR RLABS 'THABS PA'I BAR THAL LE BA SNANG BAS MID SO SOR 'BOD PA YIN, DE LTA BU'I RTZE MO RNO BA'I CHA DE LA R'A ME SHVA RI ZHES PA YUL NYER BZHI'I NANG TSAN THUGS KYI 'KHOR LO'I LHO NUB KYI RTZIBS LA 'GOD PA DE YOD DE, 'DI'I NANG GSES LA AINDRA LING+GA, TRI LING+GA, AU LING+GA, SHE BO LING+GA, ZHES PA LA SOGS YUL THA DAD PA BRGYAD TZAM DANG, RTZE MO'I NGOS RGYA MTSOR 'JUG PA'I RDO ZAM ZHES BYA BA SNGON R'A MA nAS LANG GA BCOM PA'I DUS SU BTZUGS PAR GRAGS PA YOD CING, 'DI NAS RGYA MTSO BRGAL BA'I CHA NAS LANG
, ,GA'I GRONG KHYER DU SLEB PAR GRAGS, LHO NUB MTSAMS KYI YUL GNAS NYER BZHI'I NANG TSAN SKU'I 'KHOR LO'I RLUNG GI RTZIBS LA 'GOD PA, M'A RU WA ZHES PA DANG, MER WA, TZI TA WA RA, BI WU WA, AABHU, SKU'I 'KHOR LO'I NUB RTZIBS SU 'GOD PA SOO RshtA, GU JI RA THA 'AM, ZUR CHAG TU GU JI RANG ZER BA RNAMS KYANG YUL KHAMS SHIN TU CHE LA, SOOR shtA NA GRUB PA'I DBANG PO BARWI BA RDO SKUR GYUR PA'I RDO SKU BYIN RLABS SHIN TU CHE BA DANG DBANG PHYUG GI RTEN SO MA N'A THA, ZHES PA RNAMS YOD; SPYIR LHO PHYOGS 'DI RNAMS LONGS SPYOD DANG SGYU RTZAL LA SHIN TU KHYAD THON BAS SUM RTZEN LA CO 'DRI BAR MA ZAD GONG DU SMOS PA'I MAndAL GYI MING CAN LNGA BO DE PHYOGS GCIG TU BSDOMS LA PANYTZADRA WA RA ZHES ZER ZHING, YUL 'DI'I DBANG DU BYAS NA GSER GLING YANG DBUL PO'I GLING LTA BU YIN PAR GRAGS SHING RTZED MO'I KHYAD PAR GZHAN PHAR BZHAG GAR GYI KHYAD PAR YANG STONG PHRAG NYI SHUR LONGS PA YOD PAR NGES, SKAD KYANG SiNGKRA TA DANG MTHUN SHAS CHE BA MANG PA YIN, M'A RU'I YUL NA SNGON SLOB DPON MTSO SKYES KYIS RIGS NGAN GYI RGYAL BO'I BU MO PADMA CAN RDZU 'PHRUL GYIS BKUG NAS LAS LA BKOL TE BZHENGS BTZANDAN SA MCHOG GI PHYE MA LAS GRUB PA'I DPAL KYI RDO RJE'I SKU DA MA TSIG NYAMS PAS MTHONG NA KHRAG SKYUG PAR MDZAD PA SHIN TU GNYAN PA DE YOD, KONGKU NA'I YUL NAS NUB PHYOGS DRANG PO LA GRU BTANG NAS PHYIN PA'I TSE d'A MI dO DVI PA'AM, 'GRO LDING GI GLING STE, 'PHRAL SKAD DU SAm LO RAN SHO ZER PAR SLEB STE, YUL 'DI YANG GDUG PA'I PHRA MEN MA DPAG TU MED PAS
GANG BA GRUB PA'I SKYES BU MANG PO DANG PADMA 'BYUNG GNAS KYI SGRUB GNAS SHIN TU MANG BA YOD PAR 'DUG ,R'A ME SHVA RI'I 'DAB NAS LHO PHYOGS LA GRU BTANG STE SONG NA SING+GA LA DVEE STE, SING+GA LA'I YUL DU SLEBS, 'DI NA SHRI S'A DU KA ZHES PA BCOM LDAN 'DAS THUGS RJE'I BDAG NYID SH'AKYA'I RGYAL PO'I ZHABS RJES DANG DE'I DUS STON CHE BAR YOD CING, YUL GYI SKYE BO RNAMS MU TIG DANG GSER 'BA' ZHIG LA SPYOD PA'I LONGS SPYOD CHE BA YOD, 'DI'I LHO PHYOGS LA GRU'I LAM LAS SONG BAS RI BO PO tA LAR SLEB CING, DE LAS NUB PHYOGS NGOS LA GRU'I LAM LAS RING DU SONG BA NA DZ+HA MI GI RI ZHES PA'I YUL SLOB DPON KLU SGRUB KYI GDAN SA SHIN TU MANG BA ZHIG TU SLEBS, SHAR PHYOGS SU GRU BTANG NA GNAS CHEN NYER BZHI'I NANG TSAN SKU'I 'KHOR LO'I LHO RTZIBS LA 'GOD PA SU WARNA DVE PA'AM GSER GLING CHEN PO NA BLA MA GSER GLING PA'I BZHUGS GNAS DANG, DE DANG NYE BA NA NA'I GLING DANG DE'I DBUS NA NAGS GLING RNAMS YOD LA, NAGS GLING GI DBUS NA PHYI BRAG RI LA NANG GZHAL YAS KHANG GRU BZHI PA LTA BU ZHIG NA MI YUL NA BZHUGS PA'I GSANG SNGAGS KYI GLEGS BAM THAMS CAD BZHUGS PAR GRAGS MOD CING SHIN TU GNYAN PAS BLTA BAR NI MI SNGOBS, GLING PHRAN 'DI DAG KYANG SKAD DANG CHA LUGS RTZA BA'I BDAG BO SOGS KYI KHYAD PAR LAS RGYA GAR LHO PHYOGS KYI KHONGS SU BSDU, DE YANG DPAL LDAN RDO RJE GDAN LA LHO BGROD MTHAR THUG PA'I NYI MA NI AOO dI BI SHA'I THOD NAS 'CHAR ZHING, BYANG BGROD MTHAR THUG PA'I TSER KHANG GI YUL GYI THAD NAS 'CHAR BAS YUL DE DAG NYI 'OG SHAR PHYOGS KYI KHONGS SU SNGON GYI
, ,MKHAS PA DAG GIS BZHAG PA DANG, DA LTAR YANG RGYA GAR BA PHYED TZAM DE LTAR SGROG PAS 'DIR YANG AOO dI BO SHA SHAR PHYOGS LHO MA'I SNGER BSHAD PA YIN LA, 'DI LA RNAM DPYOD DANG LDAN PA DAG GIS KHYOD KYI 'DI NI RIGS PA MA YIN TE; DUS GSUM SANGS RGYAS KUN GYI BDAG PO RJE RGYAL BA GNYIS PAS DRIL BU RIM LNGA'I 'GREL BAR AOO dI BI SHE LHO PHYOGS SU YOD PAR GSUNGS PA'I PHYIR BSNYON THABS 'DI LTA BU CIL BYED CEN, SBYIR DPYAD PA DE LTAR 'JUG PA SHIN TU BDEN MOD, LEGS BSHAD KUN GYI YANG RTZE DE'I DGONGS BA ZHIB TU BSHAD NA, AO RGYAN GYI YUL NAS THAD GZHAL BA'I SHIN TU LTO'I THAD NA AOO dI SHAR NA GNAS PA YIN TE, AO RGYAN GYI GNAS NI DPAL RDO RJE GDAN DU NYI MA BYANG BGROD MTHAR THUG PA'I DUS SU RGAS PA'I PHYOGS KYI THAD NA YOD PAS SO, ,DE'I PHYIR RDO RJE DRIL BU PA LA RNAL 'BYOR MAS LUNG BSTAN PA'I DUS SU YANG, AO RGYAN GYI GNAS NAS GZHAL BA'I LHO PHYOGS AOO dI BI SHAR SONG LA SGOM ZHIG CES LUNG BSTAN PA YIN CING, DE'I RGYU MTSAN GYIS RGYAL PA GNYIS PA'I GSUNG GI GSANG BA DER LHO PHYOGS ZHES STZAL LA, BDAG GIS NI RDO RJE GDAN NAS RTZIS PA'I SHAR PHYOGS ZHES BSHAD PAS MI 'GAL LO, ,GZHAN YANG YUL KUN TU KUN NAS GRU BZHI PA'I GNAD 'DI SHES DGOS TE, BYANG BGROD MTHAR THUG PA'I NYI MA SHAR BA'I SA NAS LHO BGROD MTHAR THUG PA'I NYI MA 'CHAR BA'I BAR NI SHAR GYI KHYON NO, ,BYANG BGROD MTHAR THUG PA'I NYI MA 'CHAR BA'I SA NAS DE'I NUB PA'I PAR NI BYANG GI KHYON NO, ,DE'I NUB
PA'I SA NAS LHO BGROD MTHAR THUG GI NYI MA NUB PA'I BAR NI NUB KYI KHYON NO, ,DE NAS LHO BGROD MTHAR THUG GI 'CHAR BA'I BAR GYI SA'I KHYON NI LHO'I DOS SO, ,DE LTA BU'I GRU BZHIR GYUR PA LA THANG SHIN TU BDE BA'I DBUS SU MTHO GANG GIS ZLUM POR BSKOR BA'I DBUS SU 'PHAGS PA'I YUL LHA BU MTHO GANG BA'I SHING GRU BZHI PA, BOD LTA BU BYANG PHYOGS LA JI TZAM NYE BA'I SOR BZHI LA SOGS PA THUNG NGU'I SHING BU BTZUGS TE, DANG POR NYI MA SHAR PA'I CHO NUB PHYOGS SU GRO BA MA RING POR BRKYANGS PA'I SAR ZLUM SKOR DANG 'PHRAD MTSAMS SU BYA RJES BTOD, DE NAS PHYI DRO'ANG SHAR PHYOGS SU DE BZHIN BRIS NAS, MTSAN MA DE GNYIS KYI STENG DU SKUD PA BZUNGS TE LHO BYANG GI CHA DRANG BOR BYA RJES BTOD LA ZLUM SKOR DE'I DBUS SU THUR SHING BTZUGS NAS BRTAGS PAS, GANG GI TSE LHO BGROD MTHAR THUG NAS BYANG PHYOGS SU LDOG PA'I NYIN GYI GRIB MA 'PHO TSUL SOGS SHIN TU GSAL BAR SHES PAS LHO BYANG GI DBUS DRANG PO NI DE LTA BU'I TSUL GYIS BTZAL NAS YUL GYI GNAS TSUL DAG GTAN LA 'BEBS DGOS PA YIN NO, ,'PHAGS YUL LHO PHYOGS NAS NUB PHYOGS DANG NYE BAR SA HER BHI THAR ZHES BYA BA'I GRONG KHYER LAM SRANG LA'ANG ZHAG GNYIS GSUM 'GRO DGOS PA ZHIG DANG, DE NAS NUB PHYOGS SU SONG BA NA NA KHAR thA thA ZHES BYA BA'I GRONG KHYER SHIN TU CHE BA YOD LAGS, DE NA SINDHU STE SKU'I 'KHOR LO'I BDEN BRAL GYI RTZIBS LA 'GOD PA'I GNAS CHEN DE YOD DE, CHU BO CHEN PO SINDHU YUL DE NAS RGYA MTSOR 'BAB CING LUNG PA STONG PA LA ZHAG DGU TZAM LI SHI LA SOGS PA'I DKA' THUB
, ,KYI KHA ZAS LA BLTOS TE PHYIN PA NA GNAS KYI NGO BO BRAG RI SHIN TU NYAMS DGA' PA ZHIG NA PHYI ROL PA'I LHA MO HING L'A? TZE ZHES BYA BA'I SKU RANG BYUNG DANG BCAS PA, DE NAS BYANG PHYOGS SU PHYIN PA NA MO LA TAN ZHES BYA BA'I GRONG KHYER DANG; KA BHE LA'AM K'A PAL GYI GRONG KHYER DANG, KHOR SAN DANG, WA DZA P'A NA DANG, GO shA ZHES BYA BA'I GRONG KHYER RNAMS TE THAMS CAD STOBS DANG LONGS SPYOD SHIN TU CHE MOD, KLA KLO SDIG SPYOD KYI YUL SHA STAG STE NANG BA PHAR ZHOG PHYI ROL BA'I RING LUGS 'DZIN PA'ANG CHER MED PAR SNANG, DE DAG NAS NUB PHYOGS KYI CHAR CUNG ZAD PHYIN PA NA DPAL AO RGYAN GYI GNAS SAM SING KRA TA'I SKAD DU AOO dI YA nA ZHES PA, THUGS KYI 'KHOR LO'I NUB KYI RTZIBS LA 'GOD PA'I GNAS CHEN DE YOD LA, KLA KLO SOGS YUL PA PHAL CHER GYIS 'BOD PA'I TSE YUL GA DZA NI ZHES 'BOD DE, DA LTA SNANG TSUL LA PHYI NANG KLA KLO GANG GI'ANG CHOS LUGS NI MED, ZHING GI RNAL 'BYOR MA DANG GDUG PA'I PHRA MEN SHIN TU MANG BAS RANG CAG LTA BU'I GANG ZAG RNAMS DER SLEBS NA DUG GSUM GYI RNAM RTOG SHAS CHE BA RE SKYES MA THAG GDUG PA'I SHA ZA MO RNAMS STAG LA SOGS PA'I RNAM PAS MDUN DU 'ONGS NAS SHA KHRAG BZA' BAR BYED PA DANG, BUD MED RNAMS CHU BO BRGAL NAS 'GRO BA'I TSO BYA SNA TSOGS KYI GZUGS SU BSGYUR PA SOGS 'JIGS SHING NGO MTSAR BA'I CHO 'PHRUL SNA TSOGS 'GYED PA DANG GNAS KYI NGO BO DHU MA LA'I GRONG KHYER DANG, KA BO KA'I GRONG KHYER LA SOGS PA'I BUD MED DAG LA KHYED RIGS RUS SOGS JI LTA BU ZHES
DRIS PA NA DA NI RANG BYUNG STE CHOS THAMS CAD NGED LAS BYUNG ZHES LAN 'DEBS SHING, THAG RING PO'I CHA NAS DNGOS PO MANG PO DAG DRAN PA TZAM GYIS LAG PA BRKYANG BSKUM GYI YUN LA LEN PA SOGS NGO MTSAR PA MANG PO DANG, KHYAD PAR BUD MED DE DAG LA KHA ZAS BSLANG STE ZOS NA RDO RJE MKHA' 'GRO MA DAG GIS BYIN PA'I ZAS KHONG DU SONG BA TZAM GYIS YON TAN MANG PO RGYUD LA SKYE BA YOD 'DUG ,GNAS KYI BYANG PHYOGS LA NYA BAR AI LOR PAR BAD CES BYA BA'I RI BO DANG, YUL GYI DBUS KYI CHAR RGYA LA PO AINDRA BHU TI'I PHO BRANG GI BSHUL DANG, LNGA BA'I NA BZA' CAN GYI GZIMS PHUG SOGS GRUB PA'I GNAS SLEBS BA TZAM GYIS NYAMS DANG RTOGS PA SKYE NUS PA SHIN TU MANG, KHYAD PAR ZHING CHEN PO 'DI DANG DPAL SHAMBHA LA'I YUL SNGON DU BSHAD PA'I SHAR PHYOGS RA KHANG GI RGYAL KHAMS DE WI KO tI'I YUL, LHO NUB KYI GLING PHRAN 'GRO LDING BA'I YUL, LHO PHYOGS KYI BI DY'A NA GAR SOGS NA GRUB PA DANG ZHING GI RNAL 'BYOR MA DANG PAndI TA DAG LA 7RJE RGYAL BA GNYIS PA'I BSTAN PA RNAL MA'I 'CHAD NYAN DANG DE'I NYAMS RTOGS MNGON DU GYUR PA TSAD MED PA YOD PAR SNANG, DE YANG THAMS CAD MKHYEN BA 7DGE 'DUN GRUB KYI RNAM THAR DU RGYAL BA GNYIS PA GZHAN DON DU GSHEGS PA'I GTAM GSAN PA NA SPYOD PA LA GSHEGS SAM SNYAM PA'I THUGS 'KHRUNGS TSUL DANG, DE LA GO RGYU'I GNANG CHEN PO YONG PAR GSUNGS PA DANG, MKHAS GRUB CHOS KYI RGYAL PO DGE LEGS DPAL BZANG PO'I GZIGS SNANG DU RJE BLA MA RNAL 'BYOR PA'I RNAM PAR LA GRI DANG THOD PA THOGS PA
, ,'JIGS SU RUNG BA'I STAG LA CHIBS SHING GRUB CHEN BRGYAD CUS BSKOR BA BYON TE, YUL NYER BZHI RNAMS SU 'GRO BA'I DON MDZAD PAR GSUNGS PA LTAR, LJONGS 'DIR BSIL BA'I DNGOS BO THOB PA LTAR BSTAN NAS GRUB PA'I GNAS CHEN PO DE RNAMS SU SKU'I RNAM PA DE LTA BU'I BRTUL ZHUGS DANG 'GRO BA'I DON SPYOD CING, SNGON RANG NYID MGON PO KLU SGRUB DANG PAndI TA SU MA TI K'I RTI SOGS SU 'KHRUNGS PA'I DUS SU GSAL PAR MDZAD PA'I MDO SNGAGS KYI LUNG DANG RTOGS PA'I BSTAN PA RGYA CHER SPEL ZHENG, GRUB PA'I SKYES BU GRANGS MED PA ZHIG 'PHEL BAR MDZAD DE, PHYIS 'PHAGS YUL DU BYON PA'I GRUB CHEN ZHI BA SBAS PA DANG, JO NANG T'ARA N'A THA'I BLA MA SANGS RGYAS SBAS PA'I MGON PO'AM BUD'HA GUBTA N'A THA DANG, PAndI TA PURNA BADZRA' MA GANG BA'I RDO RJE ZHES BYA BA DE DAG KYANG RGYAL BA GNYIS PA BRTUL ZHUGS SPYOD PA'I SKU'I RNAM ROL DE NYID KYI GSUNG LAS SKYES PA SHA STAG YIN CING, GRUB CHEN DE RNAMS KYI LTA BA'I BZHED SROL DANG LAM GYI RIM PA THAMS CAD KLU SGRUB YAB SRAS KYI RJES SU 'BRANG BAR SNANG, RGYU MTSAN DE'I PHYIR SANGS RGYAS SBAS PA'I MGON PO DE BYANG CHEN GYI DGON PAR JO NANG T'A RA N'A THA BA DANG MJAL SKABS THOG MAR CHOS 'GA' ZHIG GA NANG BAR ZHAL GYIS BZHES NAS GLO BUR DU MA GNANG BAR 'PHAGS PA'I YUL DU PHYIR PHEBS PA'I ZHAL BKOD MDZAD, DE LA JO NANG SGROL MGON PAS NAN TAR BZHUGS DGOS PAR GSOL BA BTAB PA'I TSE KHYOD RNAM RTOG SHAS CHE BAS GDAMS NGAG LA LA SHOD KYANG MI BTUB
PAR 'DUG CES BKA' BKYON TSUL 'DI T'A RA RJE BTZUN PA RANG NAS MI G-YO BLA MED KYI DBANG GI SKABS SHER DBANG DNGOS DBANG DU BSKUR BA BDAG GIR MA BYAS PA LA MA MNYES PA YIN KHUL MDZAD 'DUG KYANG, DE KHO NA MA YIN TE RJE PHUN TSOGS GLING PA 'DI PA DOL ZHEN GYIS KLU SGRUB YAB SRAS KYI GZHUNG LUGS LA MI DGYES PA LA MA MNYES PA'I GSUNG YIN PAR SNANG BA, GRUB CHEN DE NYID KYIS MDZAD PA'I DE NYID BDUN PA LA BRTAGS PAS LEGS PAR SHES NUS, PAn CHEN BLO BZANG CHOS KYI RGYAL MTSAN GYI GSANG RNAM CHOS RJE SNYING STOBS RGYA MTSOS MDZAD PAR, LHA SAR DZO KI BRKYANG PHYAG GIS SA GZHAL NAS BSKOR BA BYED PA JO BO'I GSUNG MJAL MA BYUNG BAR LOG MI 'GRO BA ZHIG RJE CHOS KYI RGYAL MTSAN DANG LHAN DU PHEBS PAR BSHAD PA DE GRUB CHEN 'DI YIN CING PHAN TSUN CHOS KYI 'BREL BA YANG MDZAD 'DUG, RJE 'JAM DBYANGS BZHAD PA GONG MA'I 'JIGS BYED CHOS 'BYUNG DANG DA LTA'I SKU 'PHRENG MKHAS GRUB DKON MCHOG 'JIGS MED DBANG POS MDZAD PA'I 'JAM DBYANGS BZHAD PA NYID KYI RNAM THAR SOGS NA RGYUD CHEN SANGS RGYAS RGYA MTSO T'A RA N'A THA MJAL DU BYON SKABS SKU MDUN NA RGYA GAR GYI PAndI TA ZHIG BZHUGS 'DUG PA DANG, AAR SKAD KYIS GSUNG GLENG MANG DU MDZAD MTHAR PAndI TA DE BZHENGS NAS RJE SANGS RGYAS RGYA MTSOR PHYAG MDZAD CING BYIN RLABS ZHUR BYUNG BA LA MI 'GAB TSUL ZHUS PAS, T'A RA N'A THAS SKYON MED GSUNGS NAS BYIN RLABS BYAS ZHES BSHAD PA'I PAndI TA DE GONG DU SMOS PA'I PURNA BADZRA'AM GANG BA'I RDO RJE ZHES PA DE YIN 'DUG CING SINGKRA TA'I SKAD KYI GSUNG
, ,GLENG DER RJE RGYUD BA SANGS RGYAS RGYA MTSO 'DI DGE LUGS KYI BSTAN PA'I SROG SHING CHEN PO YIN TSUL GSUNGS PA LA BRTEN NAS PAndI TAS PHYAG MDZAD PAR 'DUG, DE SKABS RJE T'A RA N'A THAS RGYUD CHEN LA ZLA BA'I ZHABS LA MOS PA LTA BU MANG PO MDZAD PA DE YANG KHONG RANG GI BLA MA PAndI TA'I NGO 'JIN DU SNANG, 'DI SKOR LA DENG DUS KYI SKYE BO'I RTOG PA'I MUN PA SEMS BA'I GTAMS MANG MOD KYANG DE TZAM LAS MI SBRO ZHING, `RGYAL BA GNYIS PA SPYOD PA LAG SHEGS PA'I SKU'I RNAM ROL DE NYID KYI MTSAN NI K'I RTI N'A THA ZHES PA GRAGS PA'I MGON PO ZHES BYA BA YIN TE, DA LTA 'PHAGS PA'I YUL GYI PHYI NANG KLA KLO THAMS CAD SHIN TU GUS SHING 'JIGS PAR BYED GDA', AO RGYAN GYI GNAS DE'I SHAR DANG LHO'I PHYOGS LA RGYA MTSO'I CHU LHAG YOD PAR GRU'I BYA BAS BCAD NAS 'ONGS PA NA, KLA KLO BHA LAG BHO GAR GYI YUL GRU YOD CING DE DANG 'DAB CHAGS PA NA BHA DAG SHEN ZHES BYA BA DANG, DE NAS YER KHEN ZHES PA KUN GZIGS RGYAL MCHOG LNGA PA'I CHAB 'BANGS SU GYUR PA DE RNAMS MCHIS TE, BHA DAG SHEN ZHES BYA BA'I YUL 'DI TSUN CHOD 'JAM PA'I DBYANGS BDAG PO CHEN PO'I CHAB 'BANGS YIN PA'I TSUL NI SNGAR BSHAD PA LTAR RO, ,YUL 'DI DAG LAS LHO PHYOGS KYI NGOS SU PHYIN PAN TU RU KA'I YUL MANG PO DANG, KHYAD PAR BOD KYI MANG YUL PHYOGS DANG 'DAB CHAGS PA NA KHA CHE'I GRONG KHYER CHEN PO 'PHAGS YUL SPYI'I SKAD DU KASMI RA'AM KA SI MI RIR 'BOD BA, DE'I LHO NUB PHYOGS NA GRONG KHYER HA STI NA PU RI'AM CHOS RGYAL MYA NGAN MED PA'I PHO BRANG CHEN BO STE DA LTA dI LIR GRAGS PA NA
P'A TZA STE 'PHAGS YUL SPYI KHYAB KYI RGYAL BO LTA BU SHIN TU CHE BA DE GNAS TE DZA YA NA GA RA DANG, MAR tE LA SOGS PA NANG BA'I RGYAL PO SHIN TU CHE BA 'GA' ZHIG DANG RUM LA SOGS PA KLA KLO'I RGYAL PO 'GA' ZHIG MA GOGS PHAL CHER 'DI'I CHAB 'BANGS SU 'DU BA SOGS MI ZAD PA'I STOBS DANG LONGS SPYOD TSAD MED PA DAG YOD CING SNGON GYI BOD RGAN PO DAG GI NGAG RGYUN DANG, RNYING MA BA'I GTER CHOS SU GRAGS PA'I NGAG 'GROS 'GA' ZHIG NA KHA BA CAN GYI RGYAL MKHAMS 'DI STONG HOR GYI RGYAL PO'I DMAG GIS 'JIG PAR BSHAD PA'I RGYAL PO DE 'DI LA ZER BAR SNANG, DE LTA NA KHONG PA'I MTHU STOBS RGYAS DGOS RGYUR 'DUG KYANG DA LNGA NI NANG 'KHRUG SNA TSOGS BAS MTHU STOBS BRI NAS MING RGYAL KHAMS SPYI'I BDAG PO YIN PA LA, RANG GI STOBS GSHED LHO PHYOGS MA RA tE'I RGYAL PO DANG SHAR PHYOGS BHANG GA LA'I RGYAL PO GNYIS LA RE BA ZHIG STE, DA LTA KHRI SKYONG BAR MDZAD PA'I SA SKYONG GI MTSAN NI GHA WA LA AA LI MAL ZHES BYA BA YIN NO, ,'DI NAS LHO PHYOGS NA DZA YA NA GAR DANG MAR tE LA SOGS BZA HOR RAM, SA HORA'I RGYAL RABS KYI CHAB SRID SHIN TU CHE BDAG YOD LA, 'PHAGS PA'I YUL BYANG PHYOGS KYI KHONGS SU NI DPAL SHAMBHA LA'I YUL YANG BGRANG DU RUNG BAS SPYIR 'OG TU 'CHAD KYANG, DPAL RDO RJE GDAN NAS NYE BA'I BYANG PHYOGS KYI CHA RNAMS BSHAD NA, KHA TSA NAS CUNG ZAD BYANG SHAR DU 'ONGS PAR 'DZAM BU'I RGYAL KHAMS DE NAS SHAR PHYOGS LA RIM BZHIN TZAM PA'AM, LCAGS 'PHEL GYI YUL, YUL NYER BZHI'I NANG TSAN SKU'I 'KHOR LO'I DBANG LDAN GYI RTZIBS LA 'GOD BA KU LU TA'A
, ,DA LTA MA BAR RIS SOGS BOD RNAMS NYUNG TIR 'BOD PA DANG NANG TSA NA DUG SHA'I YUL, MNGA' RIS GU GE'I BKA' GNAM GYI YUL DANG 'DAB CHAGS PA NA SNGON DE BZHIN GSHEGS PA'I DUS SU BAD SA'I RGYAL PO RA GRAGS SHING, 'PHAGS PA KUN DGA' BO'I RTOGS BRJOD DU YUL BE SHEE LAR BSHAD PA DA LTA BOD DAG KHU NA RGYAL POR 'BOD PA YOD LA, 'DI NAS LHO PHYOGS SU SONG BA NA BCOM LDAN 'DAS MNYAM MED SH'AKYA'I RGYAL BO SKU BLTAMS PA'I GNAS SER SKYA'I GRONG KHYER CHEN PO DANG, MDA' CHU KHRON PA DANG, SKU BLTAMS PA'I SAR GLAG SHA'I SDONG PO DANG, N+YA GRO DHA'I KUN DGA' RAB SOGS BYIN RLABS KYI GZI 'OD 'BAR BA MTHA' YAS PA BZHUGS TE, YUL 'DI'I MING KUN GYIS GO BA'I SKAD DU S'A HER MON NAM SER MON ZHES ZER TO, ,'DI BOD DANG NYE BAR GNAS PA'I PHYIR MDO SDE SOGS SU YANG GANGS KYI NGOS DANG NYE BAR ZHES CHED DU SMOS PAR MJAD DO, ,'DI LAS SHAR PHYOGS SU SHRIN GAR 'AM, SI LIN GAR GYI CHAR DPAL NA RO BA'I SGRUB GNAS PHUL HA RI'AM DA LTA HA RI DHO WAR RAM HARA DHO WAR ZHES PA DANG, BYANG PHYOGS KYI RI BRAG GI NGOS SU N'A GAR KU tI'I GNAS NA DZVA LA MU KHI'AM, DZA LA MUG CES 'BOD CING BOD DAG RDO LA ME 'BAR ZER BA YUL NYER BZHI'I THUGS 'KHOR GYI BYANG RTZIBS LA 'GOD BA DZ'A LAN DHA RA'I GNAS DANG, RI BRAG GI NGOS DANG NYE BA DAG NA MANTRI, DZHUm LANG, LAm DZHUm, GORshA, TA NA HUm, BHIDHI YA, NEE PA LA'AM BAL BU'I YUL GNAS SUM CU'I NANG TSAN GYI KI RANTA, BHI TSAD PU RI, BOD KYI CHAB 'BANGS 'DRAS MO LJONGS SAM SU KHIM GYI YUL
LHO 'BRUG PA'I RGYAL KHAMS RNAMS 'PHAGS YUL GYI CHAR GTOGS PA'I RI BRAG GI KHONGS TE DE DAG NI GTZO BOR SMOS TZAM YIN CING, KA MA RU'I RGYAL KHAMS 'BRUG YUL GYI SHAR PHYOGS NAS MU MTHUD NAS YOD PAR MA ZAD MTHA' SKOR RI RONG GIS BSKOR BA'I RI BRAG GI RGYUD NYID DU GNAS MOD, SNGON GYI LOTZTSA BDAG GI GSUNG 'PHROS LTAR SHAR PHYOGS KYI RGYAL KHAMS KYI KHONGS BSHAD ZIN LA, YUL GYI KHYAD PAR RI BRAG LA GTOGS PA RNAMS MA GTOGS GZHAN RNAMS 'BYOR ZHING RGYAS BA DANG, LONGS SPYOD DANG STOBS DANG SGYU RTZAL MANG POS GANG BA RIG SNGAGS KYI TSOGS 'GRUB SLA BA SOGS NGO MTSAR BA'I CHOS SHIN TU MANG BA DANG LDAN ZHING PHRA ME NA MA DANG, GDUG BA'I SBRUL LA SOGS PA'I 'JIGS BA BZOD DKA' BA YANG 'GRAN PA BZHIN DU GNAS PA'O, ,GNYIS PA NI, STON PA THUGS RJE CHEN PO BYON PA YAN CHOD KYI RGYAL PO DAG NI 'DUL BA LUNG DANG MDO SDE DAG LAS 'BYUNG BA LTAR YIN LA, DE TSUN CHOD KYI RABS RNAMS PHYOGS GCIG TU BRJOD NA, 7 STON PA THUGS RJE CHEN PO DANG LDAN PA'I ZHAL DNGOS SU MTHONG BA'I RGYAL PO CHEN PO MA SKYES DGRA ZHES BYA BA DES 'PHAGS PA 'OD SRUNG CHEN POS BSTAN PA SKYONG BA'I DUS TZAM NAS BZUNG STE, YUL YANGS PA CAN MA GTOGS GRONG KHYER DRUG DANG, SHAR PHYOGS KYI RGYAL KHAMS THAMS CAD BLON PO BRAM ZE DBYAR BYED KYI BLO GROS DANG DPUNG GI MTHUS DBANG DU BYAS NAS RGYAL PO RANG NYID KYIS 'PHAGS PA KUN DGA' BO'I SKU TSE HRIL PO DANG, 'PHAGS PA SHA NA'I GOS CAN GYIS BSTAN PA SKYONG BA'I BAR RGYAL SRID CHOS BZHIN DU BSKYANGS NAS 'DAS
, ,RJES SRAS LAG BZANG, DE'I BRGYUD GZHU BZANG, DBANG CHEN TZA MA SHA ZHES PA RNAMS KYIS DKON MCHOG GSUM BLA MAR 'DZIN CING RGYAL BA'I BSTAN PA CHES CHER MCHOD NAS RGYAL SRID CHOS BZHIN DU BSKYANGS, DE'I TSE 'PHAGS YUL GYI BYANG PHYOGS KYI RGYAL PO NEE MI TA ZHES PA LA, SRAS BRGYAD MNGA' BA'I BDUN NI RGYAL RIGS KYI BTZUN MO 'BA' ZHIG LAS BYUNG LA SRAS THA CHUNG MYA NGAN MED NI TSONG DPON GYI BU MO LAS SKYES PAS PHU BO RNAMS KYIS SDANG BA'I PHYIR SRAS THA CHUNG RANG GI BLO LTAR GRONG KHYER PA tA LI PU tA'AM PA tA nANG GRAGS PA LONGS SPYOD DU BYIN NAS BDE BAR 'TSO BA'I TSE YAB RGYAL PO NEE MI TA DANG RGYAL PO MA SKYES DGRA'I GDUNG BRGYUD MTHA' MA TZA MA SHA G-YUL 'KHRUG CHEN PO BYUNG BA'I DMAG DPON DU SRAS CHE BA BDUN PO BSKOS NAS GANG+G'A'I LHO PHYOGS SU GRONG KHYER DRAG GI DPUNG DANG G-YUL 'GYED PA'I PHYIR SONG NAS GRONG KHYER DRUG THOB PA'I DUS DER NEE MI TA RANG BZHIN GYIS SHI BAS, BLON PO RNAMS KYIS MYA NGAN MED RGYAL SRID LA DBANG BSKUR, TSUL DE PHU BO RNAMS KYIS THOS PAS RANG RANG GI GRONG KHYER DRUG PO DAG BZUNGS NAS 'KHOD PA LAS MTHAR MYA NGAN MED KYIS PHU BO TSANG MA G-YUL NGOR BRLAG NAS SHAR DANG NUB KYI RGYA MTSO LA THUG GI BAR DANG, LHO PHYOGS SU 'BIGS BYED KYI RI BO'I KHONGS TSUN CHOD BYANG PHYOGS SU GANGS CAN GYI RI BO'I KHONGS TSUN CHOD DANG, GZHAN YANG GLING PHRAN MANG PO SRIN PO'I GLING DANG BCAS PA LA DBANG BSGYUR, DANG POR LOG PAR SPYOD PA DAG SPYAD KYANG MTHAR DGRA BCOM PA GRAGS PA SLOB MAR BCAS PAS BTUL NAS, DE BZHIN
GSHEGS PA'I BSTAN PA'I SBYIN BDAG CHEN PO 'GRAN ZLA MED PAR GYUR CING 'DZAM BU'I GLING THAMS CAD DE BZHIN GSHEGS PA'I RING BSREL GYI SNYING PO CAN GYI MCHOD RTEN BYE BAS GANG BAR BYAS, GNOD SBYIN SHING RTA BCU PA'I RIG SNGAGS 'GRUB STE MNGAG GZHUG THAMS CAD GNOD SBYIN GYIS BYED, PHYOGS BZHI'I DGE 'DUN LA BRJOD DU MED PA'I BSNYEN BKUR GYIS MCHOD, KLU THAMS CAD BRAN G-YOG TU BYAS MTHAR BLA NA MED PA'I BYANG CHUB TU SEMS BSKYED PA'I TSE SA CHEN PO G-YOS SHING ME TOG GI CHAR BABS, TSE'I SMAD DU NYI 'OG; KHA CHE, THO GAR SOGS KYI DGE 'DUN RNAMS LA GSER SRANG BYE BA RE PHUL BA SOGS BSTAN PA LA BSNYEN BKUR BA'I PHYAG RJES 'GRAN ZLA MED PA ZHIG STE, DE BZHIN GSHEGS PAS MDO SDE DRAN PA NYER GZHAG GSUNGS SHING 'PHAGS PA SH'A RI'I BU 'KHRUNGS PA'I GNAS SU, DPAL NA LENDRA'I GTZUG LAG KHANG THOG MAR BZHENGS PA PO YANG 'DI NYID DO, ,RGYAL PO CHEN PO 'DI BLON PO GNOD SBYIN DU BCAS PA SNGON BYIS PAR GYUR PA'I TSE DE BZHIN GSHEGS PA LA BYE MA SPAR GANG PHUL BAS MYA NGAN MED DU 'GYUR PAR LUNG BSTAN PA NI GRAGS CHE LA, GSER 'OD DAM PA GSUNG BA'I DUS KYI BRAM ZE'I SLOB DPON KUN GYI BSHES GNYEN KYANG RGYAL PO 'DI'I SKYES RABS DANG, DE'I DUS SMON LAM GCIG TU BTAB PAS TSE RABS THAMS CAD DU DMAG ZOR LHA MOS GROGS MDZAD BAR LUNG BSTAN TE, RGYAL PO NYID LOG PAR SPYOD PA'I DUS SU'ANG LHA MO DBU MA DUR KHROD KYI MA MOR BCAS PA MCHOD PA DE RTEN 'BREL DE LAS BYUNG ZHING, MTHAR GNOD SBYIN DBANG DU BYED PA YANG LHA MO'I RIG SNGAGS LA BLTOS SAM SNYAM MO, ,'DI'I SRAS KYI BRGYUD LA MYA NGAN BRAL, DPA' BO'I SDE, DGA'
, ,BO; PADMA CAN TE BZHI POS KYANG BSTAN PA RGYA CHER MCHOD CING, LHA MO DPAL CHEN MO SOGS KYI RIG SNGAGS 'GRUB PAS DBANG THANG TSAD MED BA BYUNG MOD, YAB KYI DUS BZHIN GLING PHRAN RNAMS DANG, GNOD SBYIN DANG SRIN PO SOGS MI MIN LA DBANG BSGYUR BA NI MED PAR SNANG, DE NAS SHAR PHYOGS BHANG GA LA'I YUL DU, HA RI TZANDRA, AAKSHA TZANDRA, DZA YA TZANDRA, NEE MA TZANDRA, PA NI TZANDRA, BHANG SA TZANDRA, SA LA TZANDRA, TZANDRA GUBHA ZHES PA RNAMS BYUNG BAS, SHAR PHYOGS NAS YUL DBUS KYI BAR LA DBANG BSGYUR TE MNGA' THANG SHIN TU CHEL, TZANDRA GUPTA'I TSA BO RGYAL PO SNYING PO THIG LE YUL GOO dAR BYUNG BA'I BLON PO BRAM ZE TZA NA KAS GSHIN RJE GSHED 'GRUB NAS MNGON SPYOD KYI LAS KYIS SKYE BO MANG PO SDUG BSNGAL LA SBYAR BA DANG, MTHAR LHA MIN GYI LUS LA ZHUGS SHING CHE 'PHOS NAS DMYAL BAR SKYE BA SOGS 'JAM DPAL RTZA RGYUD LAS LUNG BSTAN CING, RGYAL PO 'DI YANG BYIS BA CHUNG NGU NAS RGYAL SRID LA 'KHOD BA DANG, BLON BO LA SHIN TU SDANG ZHING MANG DU GSOD PA DANG, 'PHAGS MA SKRA CAN MA'I RIG SNGAGS 'GRUB PAR RTZA RGYUD LAS LUNG BSTAN TE, RGYAL PO 'DI DANG 'OG NAS 'BYUNG BA'I SENG+GE LNGA PA RNAMS KYANG GLING PHRAN LA MI DBANG BA MA GTOGS MYA NGAN MED PA DANG CHAB SRID CHOS MTSUNGS BA ZHIG GO ,DE NAS RGYAL PO DE'I TSA BO SHR'I TZANDRA, DE NAS RIM BZHIN DHARMA TZANDRA, KARMA TZANDRA, BIGMA TZANDRA, K'A MA TZANDRA, SIDDHI TZANDRA, B'A LA TZANDRA, BI MA LA TZANDRA, GOO BI TZANDRA, LA LI TA TZANDRA STE, ZLA BA'I GDUNG BRGYUD KYI SA SKYONG CHEN PO RNAMS NAS BHANG GA LA'I YUL NYID NAS SA CHEN PO BDE BAR
BSKYANGS SHING, 'GA' ZHIG PHYI ROL PA LA MOS BA MA GTOGS GZHAN THAMS CAD KYIS BSTAN PA RGYA CHER MCHOD LA RIG PA 'DZIN PA'I DNGOS GRUB BRNYES PA'ANG MANG DU BYUNG, DE DAG DANG PHYOGS MTSUNGS PAR NUB PHYOGS KYI GZHI DAG TU RGYAL PO CHEN PO MAS BYIN DANG, AINDRA BH'U TI RIM PA GSUM DANG, KA NI SKA DANG, TZANRAN SKYONG DANG, SHR'I HARSHA DANG, LHO PHYOGS DANG NYE BAR BDE SPYOD BZANG PO DANG, SHAR PHYOGS SU GOO dA 'PHEL BYED DANG, DBUS KYI CHAR NYE BAR KA NI KA DANG, KHA CHE'I YUL DU BDUD RTZI 'KHYIL PA 'GRUB PA'I RGYAL PO TU RU KA DANG MANG POS BKUR BA SOGS BYUNG STE, STOBS 'BYOR TSAD MED PAS RGYA MTSO'I GOS CAN GYI KHYON LA GNAS BA'I CHAB 'BANGS RNAMS BDE BAR BSKYANGS SHING, SANGS RGYAS KYI BSTAN PA LHAG PAR MCHOD DE 'DI THAMS CAD KYANG 'JAM DPAL RTZA RGYUD LAS LUNG BSTAN PA SHA STAG GO ,DAR RGYAL BO DHARMA TZANDRA RGYAL SRID BYED PA'I DUS SU NUB PHYOGS LA HOR GYI RGYAL PO KHU NI MASTA ZHES BA MU STEGS KYI RIG BYED GSANG BA'I MTHA' BA LA MOS BA TU RU KA STE SOG PO'I RGYAL RIGS KYI RGYAL PO ZHIG DANG RES MDZA' ZHING RAS 'KHRUG PA LAS MTHAR SKYES BSKUR TSUL ZHIG LA YID KHROS TE SOG RGYAL DES DMAG YUL DBUS SU DRANGS, RGYAL PO DHARMA TZANDRA G-YUL 'PHAM STE 'BANGS SU BSDUS, SANGS RGYAS KYI BSTAN PA LA SRI ZHU MA YIN PAS SDIG SPYOD TSAD MED PA BYAS PA'I TSE DHARMA TZANDRA'I ZHANG PO RGYAL PO CHEN PO SANGS RGYAS PHYOGS YUL KA SHI'AM W'A RA nA SE'I RGYAL SRID LA GNAS PA DES SNGON NAS RGYA NAG TU THANG BZAN HVA SHANG SOGS BSKYEL BA'I
, ,GROGS BYAS SHING, MDO SDE SMRA BA'I SLOB DPON DAG BRDZANGS PA'I RGYU MTSAN GYIS GONG MA TZE'U'AN DANG 'GROGS BSHES SU YOD PAS GANG TZI'I RGYU MTSAN GYI YI GE DANG BCAS PHO NYA MNGAGS NAS GROS BYAS PAR, RGYA NAG GI RGYA PO NAS SEMS GSO BA'I YI GE BZANG PO DANG GSER MI KHUR BRGYA LA SOGS PA KHOL BO STOBS LDAN STONG PHRAG GIS KHUR BA'I NOD BZANG BO DAG SKYES SU BSKUR BAS SANGS RGYAS PHYOGS NAS DNGOS PO DE RNAMS KYIS SHAR DANG, 'BIGS BYED RI BO'I KHONGS KYI RGYAL PO CHEN PO RNAMS DANG POD DANG NYE BA'I RI BRAG GI RGYAL PO GTUM PO DAG DANG, DBUS KYI MTSON CHAS 'TSO BA THAMS CAD MGU BAR BYAS TE, PHYOGS GCIG TU BSGRIL NAS TU RU BSGRIL NAS TU RU KA'I RGYAL PO DANG G-YUL BKYE STE RGYAL PO NGAN PA DPUNG DANG BCAS PA THAL BAR BRLAG ,RANG GI CHAB 'BANGS SU 'PHAGS BA'I YUL PHAL CHER BCUG NAS RDO RJE GDAN SOGS SU ZHIG GSO CHER MDZAD, BSTAN PA LA BSNYEN BA KUR TSAD MED PA BSGRUBS SHING AU RI SA'AM AOO dI BI SHA DANG NYE BAR RIN CHEN RI BO'I GTZUG LAG KHANG BZHENGS, DE'I SRAS ZAB MO'I PHYOGS KYI GRONG KHYER LNGA LEN DU BZHUGS NAS SHES RAB KYI PHA ROL TU PHYIN PA'I MDO SDE DAG ZHAL 'DON DU MDZAD CING, 'PHAGS PA THOGS MED RIGS KYI COD PAN DU BKUR, GZHAN YANG RGYAL PO G-YO BA, G-YO BA BRTAN PA DANG, KHYAB 'JUG DANG, SENG+GE DANG, SENG+GE LNGA PA DANG, GSAL BA DANG, RAB GSAL BA DANG, SH'AKYA STOBS CHEN DANG, LHO PHYOGS KYI RGYAL PO DKAR PO DANG, ZLA MDZES DANG, SA LA'I BZHON PA DANG,
DBANG CHEN DANG, LONGS SPYOD DANG, SKRA BZANG DANG, ZLA BA'I SDE DANG, GDONG DRUG DANG, RGYA MTSO LA SOGS PA RNAMS NAS BSTAN PA RGYA CHER MCHOD, ZLA BA'I RIGS KYI RGYAL PO LA TI TA TZANDRA ZHI BAR GSHEGS NAS RE ZHIG SHAR PHYOGS DANG YUL DBUS LA RGYAL PO CHEN PO MED PAR YUL KHAMS RER RGYAL PHRAN RES BSKYANGS TE MI BDE BAR GYUR PA NA, NYI MA'I RIGS KYI RGYAL PO CHEN PO 'OD ZER CAN MA'I RIG SNGAGS 'GRUB PA'I GRUB PA'I DBANG PO GOO P'A LAS DBUS DANG SHAR PHYOGS MA LUS PA CHAB 'BANGS SU BSDUS NAS RGYAL BA'I BSTAN PA SPYI BOS MCHOD, DE'I SRAS BRGYUD DE WA P'A LA DANG, R'A SA S'A LA GNYIS NAS KYANG SA CHEN PO CHOS BZHIN BSKYANGS PHYOGS BZHI'I DGE 'DUN LA BSNYEN BKUR TSAD MED PA MDZAD, DE RJES CHOS KYI RGYAL PO CHEN PO DHARMA P'A LAS SNGON MYA NGAN MED KYI DUS KYI CHAB 'BANGS THAMS CAD LA MNGA' BSKYU BZHING, BYANG PHYOGS THAG RING PO CHU PO CHEN BOS'I TA LA THUG GI BAR LA BKA'I LUNG STZAL TE, AORU SU DANG YOO RU BA GLING RNAMS 'PHAGS YUL GYI dI LI P'A CHA'I MNGA' 'BANGS SU KHAS LEN PA'ANG RGYAL PO CHEN PO 'DI'I DUS NAS BYUNG BAR SNANG, BOD KHA BA CAN GYI RGYAL KHAMS NAS KYANG PHO NYA DANG SKYES DAG 'BUL BAR BYUNG STE, GNYOS KYI GDUNG BRGYUD GYE RE LHA PA DAG NAS KYANG SKYES PHUL TE GSOL BA BTAB PA'I LAN DU, DE BZHIN GSHEGS PA'I 'PHEL GDUNG RIN PO CHE GNANG BA'I LO RGYUS BOD NA GSAL BAR MCHIS, RGYAL PO 'DIS SLOB DPON SANGS RGYAS YE SHES ZHABS RIGS KYI COD PAN DU BZUNG SBYIR RGYAL BA'I BSTAN PA DANG, KHYAD PAR SHES RAB KYI PHA ROL
, ,TU PHYIN PA'I MDO SDE DANG DPAL GSANG BA 'DUS PA'I RGYUD KYI BSHAD NYAN RGYA CHER DAR BA'I YON SBYAR, RDO RJE GDAN DANG DPAL NA LENDRA NA RANG GI MES PO DE WA P'A LAS BZHENGS PA'I SO MA PU RI SOGS LA NYAMS GSOS DANG MCHOD SPRIN MTHA' YAS PA SPROS, KHYAD PAR BRI KA MA LA SH'I LA'I GTZUG LAG KHANG BZHENGS, LHA 'BANGS KYI CHOS GZHIS TSAD MED PA PHUL, DE YANG 'PHAGS PA'I YUL GYI LHA 'BANGS 'DI RNAMS LA BOD LTAR RAB TU BYUNG BA'I KHROD NAS LAS BYED KYI MKHAR DPON BSKO BA DANG, DPYA KHRAL LEN PA DANG ZHING LAS KYI MTHA' LA RTOG PA SOGS BYED PA NI GTAN NAS MED DE CHAB 'BANGS 'DI RNAMS LA RGYAL POS BSKOS PA'I DZHA M'A DHARA ZHES PA ZHIG YOD PA DES DGE SLONG ZHAL TA BA DANG, GNAS BRTAN LA RIM GYIS DRIS TE BCO LNGA DANG BRGYAD STON LA SOGS PA ZAB MO DUS LAS MA YOL BAR 'BUL ZHING, DGE 'DUN RNAMS BSOD SNYOMS LA GRONG KHYER GZHAN MANG POR 'BYON MI DGOS PAR LHA 'BANGS DE NYID LAS 'BYUNG LA, 'TSO BA'I YO BYAD BCU GSUM DANG, RIG SNGAGS BSGRUB PA'I YO BYAD DGOS PA RNAMS KYANG LHA 'BANGS DE NYID LAS 'BUL BA YIN NO, ,RGYAL BO 'DI'I DUS SU GSANG SNGAGS KYI RGYUD CHAGS LAM LA SOGS PA RDZOGS RIM ZAB MO'I GNAD STON PA MANG NGO'I GLEGS BAM RNAMS GSANG SNGAGS SGRA JI BZHIN DU SPYOD PA MANG PO MNGON GYUR DU DAR BAS 'DUL BA'I BSTAN PA LA GNOD PAR BRTAN, DGE SLONG SDE SNOD 'DZIN PA MANG POS BSKUL TE SA 'OG TU SPAS ZHES T'ARA N'A THA SOGS NAS BSHAD KYANG BDEN MIN LA DPYAD PAR BYA
PA'I TSUL 'DI YOD DE, 'PHAGS YUL DU BSKYED RDZOGS KYI GNAD ZAB MO LA RANG BLO RANG LA LKOG TU MA GYUR PAS GDENGS TSAD MA THOB PAR PHYAG RGYA BSTEN PA DANG, BRTUL ZHUGS SPYOD PA SOGS DUS NAM GYI TSE YANG BYED SA MED PA'I PHYIR DANG, GAL TE BRTUL ZHUGS SPYOD PA LA 'JUG PA'I TSE NI, MKHAN PO DANG DGE 'DUN LA RANG GI YON TAN MNGON DU PHYUNGS NAS GNANG BA NOD DE, DUR KHROD BRGYAD LA SOGS PA THAG RING POR SONG STE SPYOD PA LAS GTZUG LAG KHANG NYID DU BYED PA DUS NAM GYI TSE YANG MED PA'I PYIR DANG, TSUL DES NI MDO SNGAGS KYI BSTAN PA GNYIS KA'I LUGS DANG MTHUN PA LAS 'GAL BAR GYUR PA RDUL TZAM YANG MED PA'I PHYIR DANG, NUS PA MNGON DU GYUR PA BRTUL ZHUGS LA BGROD PA NA SANDHA PA LA SOGS PA'I THEG DMAN 'GA' MA GTOGS TSUL DER SMOD PA DANG, RANG NYID ZHOGS LANG GIS 'JUG PA GNYIS KA MED PA'I PHYIR, DES NA BSHAD TSUL DE GRUB CHEN G-YU MO SOGS KYI GSUNG RGYUN 'GA' ZHIG LAGS SAM SNYAM STE DPYAD PAR BYA'O, ,DE NAS BAN P'A LA, MA HI P'A LA, MAH'A P'A LA, PRAshthA P'A LA, BHE YA P'A LA, NEE YA P'A LA, AA SMRA P'A LA RNAMS DANG, DE NAS HASTI P'A LA SKUN CHUNG NGU'I DUS TZA NA KA ZHES PA RGYAL PO DE'I ZHANG POS BSKYANGS NAS TU RU KA LAN GSUM GYI BAR DU PHAM PAR BYAS SHING, DE NAS HASTI P'ALA, RA MA P'A LA, YAKSHA P'A LA RNAMS KYIS RGYAL SRID RIM PAR MDZAD MTHAR SNGON GYI TZANDRA'I RIGS KYI GDUNG BRGYUD, LA WAm SE NA ZHES BYA BA YAKSHA P'A LA'I NANG GI BLON PO CHEN PO'I GO SA CAN GYIS NGO LOG NAS RGYAL SRID PHROGS, DE'I BU KA PA SA NA DANG, DE'I BU MA TI TA SEN, DE'I
, ,BU RA TH'I KA SEN STE BOD RNAMS SHING RTA CAN DU 'BOD BA RNAMS KYIS SA SKYONG MDZAD DE THUB PA'I BSTAN PA LA SRI ZHU YANG DAG PAR MDZAD, SHING RTA CAN GYI SRAS LA WAD SE NAS RGYAL SRID SKYONG MUR TU RU KA'I RGYAL PO ZLA BA'AM MSTAB KHANG NAS DMAG BYAS TE, MA GA DHA THAMS CAD BCOM AOO TANTA PU RI DANG BRI KA MA LA SH'I LA SOGS BSHIG STE MI BZAD PA'I SDIG PA'I LAS BYAS, RANG NYID KYANG KHA NAD DRAG POS YANG DANG YANG DU BRGYAL NAS SHI STE DMYAL BA CHEN PO MNAR MED PAR SKYE BAR 'JAM DPAL RTZA RGYUD DANG DUS KYI 'KHOR LO'I RGYUD PHYI MA GNYIS KA NAS LUNG BSTAN CING, SPYIR GONG DU SMOS PA'I CHOS KYI RGYAL PO DE THAMS CAD KYANG 'JAM DPAL RTZA RGYUD LAS LUNG BSTAN TE, PHAL CHER RING POR MI THOGS PAR RDZOGS PA'I BYANG CHUB 'GRUB PA SHA STAG TU GSUNGS SO, ,DE NAS BUDDHA SE NA DANG, HA RI TA SE NA DANG, PRA TI TA SE NA RNAMS NAS KYANG RANG NYID TU RU KA'I CHAB 'BANGS SU GYUR PAS DBANG THANG MED MOD RANG NUS KYIS RGYAL BA'I BSTAN PA LA SRI ZHU MDZAD NAS, PRA TI TA SE NA LA SRAS MED PAR GSHEGS RJES YUL DBUS MA GA DHARA DA LTA'I BAR DU CHOS LA MCHOD PA'I RGYAL BO CHEN PO BYUNG BA NI MA THOS TE, DUS 'DI BOD DU BU STON SOGS BZHUGS PA'I DUS TZAM DU MNGON NO, ,DE NAS LO BRGYA TZAM 'DAS PA NA BHANG GA LA'I YUL DU RGYAL PO TZANG GA L'A R'A DZA ZHES BYA BA BYUNG STE, SANGS RGYAS KYI BSTAN PA LA GUS PA TSAD MED PAS MCHOD NAS RDO RJE GDAN GYI GANDHO LA DGU THOG RNAMS BAR SKABS SU TU RU KAS BSHIG PA LEGS PAR BCOS SHING PHYOGS BZHI'I DGE 'DUN DANG RNAL 'BYOR BA RNAMS
LA RGYA CHER MCHOD BSOD NAMS KYI MTHUS PHYI NANG KLA KLO'I TSOGS THAMS CAD LA DBANG BSGYUR, KHYAD PAR TU RU KA RNAMS SHIN TU SKRAG PAS BRAN G-YOG TU KHAS LEN CING JI LTA BA'I BKA' NOD PAR GYUR TE, RGYAL PO 'DI NI RJE SA PAn GYI RNAM THAR DU SKU DE'I PHYI NAS RGYA GAR SHAR PHYOGS SU STOBS LDAN GYI RGYAL PO ZHIG TU 'KHRUNGS PAR GSUNGS PA DE YIN NAM SNYAM PA KHO BO'I RTOG PA'O, ,RGYAL PO 'DI GSHEGS NAS RE ZHIG TU RU KA RNAMS YUL SHAR PHYOGS DANG DBUS LA DBANG BYED PA LAS BSTAN PA LA MCHOD PA STOBS LDAN GYI RIGS MA BYUNG BA'I MUR, YUL AU RI BAR 'PHAGS PA SPYAN RAS GZIGS 'GRUB PA'I RGYAL PO AAKA MA R'A DZA ZHES BYA BA'I GDUNG BRGYUD BCU BA MU KUNDHA DE WO ZHES PAS SHAR DANG DBUS KYI YUL PHAL CHER LA DBANG BSGYUR, DANG POR BRAM ZE LA MOS KYANG BTZUN MO SANGS RGYAS LA DAD PAS BLO BSGYUR NAS RGYAL BA'I BSTAN PA MCHOD CING RDO RJE GDAN DU MCHOD BA CUNG ZAD BYAS LA, AOO dI BI SHA NYID DU GTZUG LAG KHANG DU MA BZHENGS, 'DI'I RIGS KYI BU BAR PA LA RGYAL PO DGA' BYED SA SKYONG YANG 'KHRUNGS PAR 'DUG ,LHA MTHONG LOTZTSA BA BSHES GNYEN RNAM RGYAL NAS AA TZARYA DHARMA WARTI'I NGAG 'GROS DRIS PA RGYAL PO 'DI STOD HOR GYI RGYAL PO dI LI P'A TSE'I MNGA' 'BANGS YIN BA LTAR BYAS 'DUG KYANG YID BRTAN RUNG BA'I GTAM DU MI SNANG, DE NAS RE ZHIG LON NAS BHANG GA LAR RGYAL PO PA LIM PA ZHES BYA BA BYANG CHUB SEMS DPA' CHEN PO ZHIG BYUNG YANG DUS DBANG GIS SKYE BO RNAMS KYI SNANG NGOR PHYI ROL PA'I SPYOD PA KHO NA'I TSUL GYIS 'GRO BA RNAMS BDE BA LA BKOD PAR 'DUG ,DE NAS DA LTA'I
, ,BAR DU YUL MA GA DHA RA BUNDHARA SA HI LA SOGS PA DANG, W'A RA nA SER PARWA NDRA SIDHA LA SOGS PA BYANG CHUB SEMS DPA' MANG PO BYUNG KYANG TU RU KA KLA KLO RNAMS KYI LUNG NOD DGOS PAS DBANG THANG HA CANG CHE BA MA BYUNG ZHING, CHOS LUGS KYANG DUS KYI DBANG GIS 'GA' ZHIG MA GTOGS PHYI ROL PA'I LUGS KHO NA LA SPYOD PA LTA BUR BYUNG SNAD, SNGAR BSHAD PA'I RGYAL PO LA WANG? SE NA ZHES PA DE'I DUS NAS BZUNG GRONG KHYER HA STI NA PU RI'I BDAG PO CHEN PO YANG KLA KLO TU RU KA'I P'A TSAS BYED PA DE BYUNG ZHID, 'DI DAG GI NANG TSAN MA DU SHA ZHES PA ZHIG KHRIMS DRANG POR SPYOD PAS SKYE BO RNAMS BDE BA LA 'GOD PA DANG, NO RON DZI ZER BA ZHIG ZA HOR LA SOGS PA'I YUL GRU KUN TU DMAG BYED PA'I GZU LUM CHEN PO ZHIG BYUNG LA, GZHAN YANG 'DI PA'I RIGS KUN DRANG PO BYED PA'I LUGS 'DZIN PA LTAR BYED KYANG SANGS RGYAS KYI BSTAN PA LA SHIN TU MI MOS SHING, MU STEGS BYED LA'ANG NAN TAR SDANG LA SPYIR MI DGE BA BCU'I LAM KHO NA LAG LEN GYI MTHIL DU BYED PA DANG, YANG SGOS 'TSE BA CHOS SU SMRA BAS SROG GCOD PA NI BYA BA THAMS CAD KYI YANG RTZER 'DZIN PAS SHIN TU MI BSRUN PA'I SKYE BO BSGRAL BA'I ZHING DU GYUR PA SHA STAG GO ,DE LTA MOD KYI KHA BA CAN GYI LJONGS 'DIR 7DUS GSUM SANGS RGYAS THAMS CAD KYI NGO BO RIGS DANG DKYIL 'KHOR RGYA MTSO'I MNGA' BDAG MTSAN BRJOD PAR DKA' BA RGYAL DBANG THAMS CAD MKHYEN CING GZIGS PA CHEN PO BKA' DRIN MTSUNGS MED DE NYID NAS BSIL LDAN GYI YUL 'DIS MTSON TSANGS DBANG DANG BCAS PA'I SRID PA GSUM GYI GTZUG NA ZHABS KYI PADMO
RNAM PAR BKOD CING, CHOS SRID GNYIS LDAN GYI BKA'I 'KHOR LOS BSGYUR BA'I DUS DE TZAM NAS GDUG PA'I KLA KLO 'DI RNAMS NANG 'KHRUG GIS GUD DE, DE YANG YUL K'A BHE LA'AM K'A BHALA ZER BDE LA KHAndARA ZHES KYANG 'BOD PA, DE'I RGYAL PO NI PA thAN ZER BA'I KLA KLO BYE BRAG PA ZHIG STE, DE DANG tI LI P'A TSA G-YUL 'KHRUGS SHING dI LI BA DAG 'PHAM NAS P'A TSA GNAS NAS PHYUNG STE, YUL PRE YAG GAM YANGS PA CAN DU GZHAN GYI STOBS LA BRTEN NAS SNYEMS CHUNG DUS 'DUG DGOS PA DANG, RANG GIS BSKOS PA'I MKHAR RDZONG GI DPON RNAMS KYANG JI BZHIN BKA' LA MI SDOD PAR SO SOR RGYAL POR RLOM PAS 'DUG PA SOGS LA SNYOMS CHUNG NGUR GYUR LA, SNGON DU BSHAD PA'I MA NGU SHA'I DUS SU 'DZAM BU GLING GI GLING PHRAN RNGA YAB GZHAN NAM PRI YANGK'A GLING ZHES BYA BA LA 'PHAGS YUL BDAG AEN L'E CHI'AM PHE RENG KIR 'BOD CING BOD KYI BSTAN BCOS DAG NA DOL BO ZHES BSHAD PA DE DAG GI YUL LA, AENG GE REE CHI, HO LANDHEE SE, PA RA SI'I SI, BI KAndA, HUR MUJU, SIRKO DHA nA, RUKA MA, PURABMA, SDER GTOGS PA AU RU SU'I RGYAL KHAMS DANG BCAS PA YOD PA RNAMS KYI GTZO BO AENG GE REE CHI ZHES PA DE'I TSOD DPON CHEN PO DAG NAS SA PHYOGS SLONG BA LA, MA DU SHAS KYANG SHAR PHYOGS BHANG GA LA'I KA LA KARTA ZHES PA'I YUL DU TSONG KHANG BYIN NAS DER DON MTHUN GYI BYA BAS BDE BAR 'KHONG PA LA KLA KLO DAG NANG 'KHRUG GIS GUNG DUS, BHANG GA LA'I YUL GRU SKYOD BAR RI LI NAS MNGAGS PA'I DMAG DPON KA SAM LI KHANG NAS SKYOD TSED MA ZIN PAS DE DAG GI CHOD DPON DANG, GTZO BI'I? RIGS RNAMS STONG
, ,DU LONGS PA GRING BKUMS PAS DE RNAMS KYI YUL NAS DMAG DRANGS TE WA RENDRA DANG BHANG GA LA NAS BZUNGS, W'A RA nA SI'I BAR DU MNGA' 'BANGS SU BSDUS NAS SKYONG PAR BYED DE, DA LTAR GYI DUS DPAL RDO RJE GDAN GYI BDAG PO YANG 'DI RNAMS YIN NO, ,'DI DAG GI RTZA BA'I RGYAL PO RGYA MTSO'I GLING PHRAN NA GNAS PA DE SKYA SENG GI BU'I BRGYUD YIN PAS 'PHAGS YUL BA NYID YIN TE, 'DI RNAMS NANG PA DANG MU STEGS BYED DANG, KLA KLO SOGS KYI CHOS LUGS GANG LA'ANG MOS PA BYED CING 'JIG RTEN LUGS KYI KHRIMS DRANG POR SPYOD PA ZHIG YIN PAR SNANG, DA LTA 'PHAGS PA'I YUL NA CHE BA NI LHO PHYOGS MAR tE'I RGYAL PO CHEN PO STE, 'DI'I CHAB 'BANGS SU KHYIM 'BUM PHRAG MANG POR DBANG BA'I RGYAL CHEN YANG BRGYAR NYE BA YOD PAR 'DUG ,'DI'I RTZA BA ZA HOR GYI GDUNG BRGYUD YIN KYANG DUS KYI DBANG GIS NYAG PHRA BAS PHA'I RIGS KYI GNAG GI GNYEN MTSAMS BRAM ZE CHEN PO M'A THOR ZHES BYA BAS RGYAL SRID BSKYANGS TE RGYAL BA'I BSTAN PA LHAG PAR MCHOD CING, MU STEGS BYED DAG LA YANG BSNYEN BKUR, YAN LAG BZHI'I DPUNG TSAD MED PA DANG, RIG SNGAGS KYI STOBS CHEN POS KLA KLO STAG GZIG TU RU KA'I RIGS DANG PHE RENG KI LA SOGS PA RNAMS SHIN TU SKRAG PAR BYED KYANG BTZUN MO NGAN BA ZHIG LA BRTEN NAS GUM STE, DA LTA DE'I RIGS KYI BU MO ZHIG GI BU, MOO DH'A DZI GHO SA LA ZHES PAS RGYAL SRID SKYONG ZHING SANGS RGYAS PA DANG MU STEGS BYED GNYIS KA MCHOD GNAS SU 'DZIN CING LHAG PAR SANGS RGYAS PA LA MCHOD, KLA KLO RNAMS LA GTUM
PER SPYOD PA'I RANG BZHIN CAN NO, ,YUL MA GA DHA'I CHA LA NI DA LTA'I GNAS SKABS SU PHE RED KI RNAMS NAS BSKOS PA'I DMAG DPON DAG LAS RGYAL PO'I NGO THON RIGS MED LA, W'A RA nA SER RDZOGS PA'I SANGS RGYAS 'KHOR BA 'JIG NAS DA BAR GDUD RABS MA CHAD PA'I RGYAL SRID SPYI BO NAS DBANG BSKUR BA'I TZE TE SING HA ZHES PAS MNGA' MDZAD KYANG KLA KLO TU RU KA DANG PHE RENG KI GNYIS KA LA NGO 'DZIN BYED DGOS PAS DBANG THANG MI CHE MOD, RGYAL BSTAN RIN PO CHE GTZO BOR KHUR BA DANG KLA KLO DANG GLING PHRAN BA DAG NAS KYANG MGRON PO DANG BU THU BO'I GO SA BYIN TE 'BANGS SU MI BKOL BAR BSTI STANGS LEGS PAR BYED PAS BSOD NAMS KYI GZI BYIN YANG MI DMAN SNANG NGO, ,GONG DU BSHAD PA'I YUL DANG RGYAL PO'I RABS DE DAG DANG DA LTAR GYI BYUNG BA RNAMS NI RAGS PA ZHIG BRJOD PA STE; ZHIB MOR NI SU ZHIG GIS BRJOD PAR NUS, 'ON KYANG GTAM GYI RNAM PA DE TZAM GYIS KYANG NGO MTSAR PA'I DON MAD DU GSAL BAR BYED DO, ,GSUM PA NI, 'PHAGS PA'I YUL 'DI NYID DU SNGON BSKAL PA GRANGS MED PA ZHIG TU YANG RGYAL BO TSAD MED PA DAG BYON NAS DAM PA'I CHOS KYI SGRON MES GDUL BYA RNAMS KYI BLO MIG GI MUN PA SEL BAR MDZAD PA YIN TE, DPAL W'A RA nA SE'I YUL KHO NAR YANG BDAG CAG GI STON PA SH'AKYA'I RGYAL POS SANGS RGYAS BYE BA PHRAG KHRIG BSNYEN BKUR BAR GSUNGS PA'I PHYIR, DE LTA MOD KYI RE ZHIG BSKAL PA BZANG PO 'DI LA JI LTAR BYUNG BA NI RDZOGS PA'I SANGS RGYAS RNAM GZIGS NAS 'OD SRUNG GI BAR THAMS CAD MA GA DHA RDO RJE GDAN GYI GNAS 'DI KHO NAR MCHOG GI SPRUL PA'I SKUR SANGS RGYAS PA'I TSUL BSTAN NAS GNAS DE
, ,NYID DANG BYA RGOD PHUNG PO'I RI DANG, RGYAL PO'I KHAB LA SOGS PA'I GRONG KHYER CHEN PO RNAMS SU CHOS KYI 'KHOR LO MTHA' YAS PA BSKOR NAS GDUL BYA RIGS CAN GSUM PO MTHA' YAS PA SMIN GROL GYI LAM LA 'GOD PAR MDZAD LA; KHYAD PAR RNAM 'DREN BZHI BA SH'AKYA'I RGYAL POS GRONG KHYER CHEN PO SER SKYAR SKU BLTAMS NAS RE ZHIG GZHON NU'I ROL PAS BZHUGS TE, MTHAR NGES PAR 'BYUNG BAS KHAB NAS BYUNG BA'I BKOD PAS CHU KLUNG NEE RANYDZA nA'I 'GRAM DU DKA' BA LO DRUG TU SPYAD PA LA SOGS PA'I TSUL GYIS GDUL BAR BYA BA'I SKYE BO MANG PO BYANG CHUB KYI LAM LA SMIN PAR MDZAD RJES MTHAR RDO RJE GDAN GYI SPO LA BZHUGS NAS BDUD KYI SDE THAMS CAD RMEG MED PAR BCOMS TE, SKU BZHI YE SHES LNGA'I BDAG NYID CHEN POR MNGON PAR RDZOGS PAR SANGS RGYAS PA'I TSUL BSTAN, DE NAS DANG PO W'A RA nA SER BKA' DANG PO BDEN BZHI'I CHOS 'KHOR BSKOR BAS LNGA SDE BZANG PO DANG LHA BRGYAD KHRI BYANG CHUB TU GROL BAR MDZAD, DE NAS BYA RGOD PHUNG PO'I RIR GDUL BYA THEG CHEN THUN MONG BA RNAMS LA SHES RAB KYI PHA ROL TU PHYIN PA RGYAS 'BRING BSDUS GSUM LA SOGS PA BAR PA MTSAN NYID MED PA'I CHOS KYI 'KHOR LO BSKOR ZHING, SKABS DE NYID DU THUN MONG MA YIN PA'I GDUL BYA SHAMBHA LA'I YUL GYI MI BDAG PHYAG NA RDO RJE'I RNAM SPRUL ZLA BA BZANG PO DANG, 'KHOR YUL CHEN PO DGU BCU RTZA DRUG GI RGYAL PO RNAMS DANG, LAG NA RDO RJE LA SOGS PA GSANG BA 'DZIN PA RNAMS DANG, RO LANGS MA LA SOGS PA RIG PA 'DZIN PA PHYOGS BCU'I ZHING GI RDUL SNYED LA SNGAR SMOS
PA'I DHA NA SHR'I'I GLING DU DPAL LDAN 'BRAS SPUNGS KYI MCHOD RTEN ZHES PA SNGON SANGS RGYAS 'OD SRUNG GI DUS SU DGRA BCOM PA LNGA BRGYAS 'BRAS SO BA'I CHAR PHAB PAS RGYU BYAS, KHYAB 'JUG LA SOGS PA'I LHA CHEN PO RNAMS NAS BZHENGS PAR GRAGS PA PHYI BRAG RI MCHOD RTEN GYI RNAM PA CAN LTA BU LA BEE d'URYA'I RANG BZHIN GYI BUM PA LNGA BRGYA'I LTE BA CAN KHYAMS KA BA NYER BRGYAD DANG BCAS PA'I STENG DU DPAL LDAN RGYU SKAR GYI DKYIL 'KHOR CHEN PO DANG, 'OG TU CHOS DBYINGS GSUNG GI DBANG PHYUG GI DKYIL 'KHOR SPRUL NAS DPAL DUS KYI 'KHOR LO'I RTZI BA'I RGYUD KYI RGYAL PO CHEN POS GTZO MDZAD RGYUD THAMS CAD GSUNGS, YUL YANGS PA CAN LA SOGS NGES PA MED PA DU MAR MDO SDE DGONGS PA NGES 'GREL SOGS BKA' MTHA' MA LEGS PAR RNAM PAR PHYE BA'I CHOS KYI 'KHOR LO BSKOR TE, DE RNAMS GTZOR SMOS TZAM STE MDOR NA MTHA' YAS PA'I RGYUD SDE BZHI DANG, MDO SDE DANG, 'DUL BA DANG, MA MO DANG, MNGON PA LA SOGS PA'I TSAD DE BZHIN GSHEGS PA RNAMS KYIS KYANG GZUNG DU MED PA LTA BU DAG BSKOR TE MTHAR 'OD SRUNG CHEN PO LA BSTAN PA GTAD, DES BKA' RNAMS YANG DAG PAR BSDUS NAS 'PHAGS PA KUN DGA' BO LA GTAD, DES NYI MA GUNG PA RAB TU BYUNG ZHING SHA NA'I GOS CAN LA BSTAN PA GTAD, DES 'PHAGS PE NYAS SBAL LA GTAD, DES BDUD DBANG BSGYUR DAM LA BZHAG CING 'PHRIN LAS TSAD MED PAS BSTAN PA BSKYANGS NAS 'PHAGS PA NAG PO LA GTAD, NGES DHI DHI KA LA GTAD, DES LEGS MTHOD LA GTAD, DES BSTAN PA RGYA CHER SPEL NAS DE DAG LAS BRGYUD PA'I DGRA BCOM PA BLA MA
, ,DANG; GRAGS PA DANG, RTZIBS LOGS DANG, SPU CHEN PHO DANG, CHOS KYI TSONG DBON LA SOGS PA DANG, BRAM ZE CHEN PO DPAL SA RA HA DANG, DPAL MGON 'PHAGS PA KLU SGRUB YAB SRAS LNGA DANG, 'PHAGS PA THOGS MED SKU MCHED DANG, YON TAN 'OD, SH'AKYA 'OD, DUL BA'I LHA LA SOGS PA DANG, GRUB PA'I SLOB DPON CHEN PO SH'A WA RI DANG, MEE TRI PA DANG, LO HI PA DANG, D'A RI KA PA DANG, dEm KI PA DANG, RDO RJE DRIL BU PA DANG, RUS SPAL ZHABS DANG, DZ'A LAN DHA RA PA DANG, NAG PO SPYOD PA DANG, GU HYA PA'AM, GSANG BA PA DANG, RNAM RGYAL ZHABS DANG, dOm BI PA DANG, TEE LO PA DANG, N'A RO TA PA DANG, 'JAM DPAL BSHES GNYEN DANG, SANGS RGYAS YE SHES ZHABS DANG, SRAS KYI THU BO SLOB DPON CHEN PO PADMA 'BYUNG GNAS LA SOGS SLOB BRGYUD MKHAS GRUB KYI PAndI TA BGRANG BAR MI CHOD PA DANG, LNGA BRGYA PA RNAMS KYI GTZUG GI NOR BU JO BO RJE LHA GCIG D'I PAm K'A RA SHR'I DZNY'A NA, PAndI TA SA'I SNYING PO, RIG PA'I KHU BYUG CHE CHUNG, SLOB DPON GROL SDE, RNAM GROL SDE, SENG BZANG, KU SA LI CHE CHUNG, GSER GLING PA, PHYOGS KYI GLANG PO, CHOS KYI GRAGS PA, AA BHY'A K'A RA, SH'AKYA SHR'I, BHU MI SHR'I, BUDDHA SHR'I, DUS ZHABS PA CHE CHUNG, NGAG GI DBANG PHYUG GRAGS PA, SPRIN GYI SHUGS CAN, SU MA TI K'IRTI, BH'A WA BHA DRA SOGS MTHA' YAS PA DANG, DUS PHYIS NYID DU NAGS KYI RIN CHEN, R'A HU LA SHR'I BHA DRA, MI'I NYI MA SOGS PAndA TI MANG PO DANG, MA TSANDRI N'A THA, AO KARN'A THA, DGA' BYED SA SKYONG, AA SI TA GHAnA, YE SHES BSHES GNYEN
ZHIB SBAS PA, BUDDHA GUPTA N'A THA, GANG BA'I RDO RJE SOGS GRUB BRNYES GRANGS LAS 'DAS PA DAG BYON TE, SO SO'I LUNG DANG RTOGS PA'I BLO GROS MTHA' YAS PAS RGYAL BA'I BSTAN PA MTHA' DAG GI GRANGS NGES KYI DON YANG DAG PAR PHYE STE GTAN LA PHAB NAS GRUB PA'I MTHA' SMRA BA CHEN PO BZHI PHYE STE, DE YANG BYE BRAG TU SMRA BA, MDO SDE PA, SEMS TZAM PA, DBU MA PA, ZHES BYA LA, BYE BRAG TU SMRA BA LA NANG GSES KYI DBYE BA RTZA BA'I SDE PA BZHI DANG DE LAS GYES PA'I KHYAD PAR GYI SDE PA BCO BRGYAD DU GYUR PA STE, RTZA BA'I SDE PA BZHI'I MKHAN PO RGYAL RIGS CHEN PO SRAS SGRA GCAN 'DZIN GYI RJES SU 'BRANG ZHING SO SO THAR PA'I MDO SAm KRi TA'I SKAD DU 'DON PA SNAM SBYAR GYI SNAM PHRAN NYER LNGA NAS DGU PA'I BAR DANG, GRA RTAGS AUTPA LA, PADMA, RIN PO CHE, SHING LO STE BZHI 'TSANG BA, GZHI THAMS CAD YOD PAR SMRA BA DANG, MKHAN PO BRAM ZE'I RIGS 'OD SRUNG CHEN PO'I RJES SU 'BRANG ZHING MDO ZUR CHAG GI SKAD DU 'DON PA SNAM PHRAN NYER GSUM PA NAS BDUN PA'I BAR CAN, GRA RTAGS DUNG 'CHANG BA DGE 'DUN PHAL CHEN PA DANG MKHAN PO DMANGS RIGS NYE BA 'KHOR GYI RJES SU 'BRANG LA, MDO SHA ZA'I SKAD DU 'DON ZHING SNAM PHRAN NYER GCIG PA NAS LNGA PA YAN CAN GRA RTAGS ME TOG SO RTZA KI 'CHANG ABA MANG POS BKUR BA DANG, MKHAN PO RJE RIGS LAS RAB TU BYUNG BA KA TY'A YA NA, MDO 'PHRAL SKAD DU 'DON CING, SNAM PHRAN SNGA MA BZHIN LA GRA RTAGS 'KHOR LO 'DEBS PA GNAS BRTAN PA'I SDE STE BZHI'O, ,DE DAG LAS GYES TSUL NI RTOG GE 'BAR BA LAS BSHAD TSUL GSUM DANG, SLOB DPON DUL BA LHAS MDZAD PA'I
, ,TSUL SOGS MI 'DRA BA YOD LA, RTOG GE 'BAR BA LAS BSHAD TSUL DANG PO NI GNAS BRTAN PAS 'DOD TSUL DANG, GNYIS PA NI DGE 'DUN PHAL CHEN PA'I 'DOD PA DANG, GSUM PA NI MANG POS BKUR BA'I SDE PA'I 'DOD TSUL YIN CING; SLOB DPON DUL BA LHAS, SHAR DANG NUB DANG GANGS RI DANG, ,'JIG RTEN 'DAS PAR SMRA BA DANG, ,RTAG PAR SMRA BA'I SDE PA RNAMS, ,LDA TSAN DGE 'DUN PHAL CHEN PA, ,GZHI KUN PA DANG 'OD SRUNG SDE, ,SA SRUNG SDE DANG CHOS SRUNG SDE, ,MANG THOS GOS DMAR SLOB MA DANG, ,RNAM PAR PHYE STE SMRA BA'I SDE, ,THAMS CAD YOD PAR SMRA BA YIN, ,RGYAL BYED TSAL GNAS 'JIGS BYED GNAS, ,GTZUG LAG KHANG CHEN GNAS BRTAN BA, ,SA SGROG RI DANG SRUNG BA PA, ,SMA MA PHU PA'I SDE RNAMS NI, ,KUN GYIS BKUR BA RNAM PA GSUM, ,YUL DON SLOB DPON BYE BRAG GIS, ,THA DAD RNAM PA BCO BRGYAD 'GYUR, ZHES GSUNGS TE, 'DI RNAMS ZHIB MOR PHYE NA HA CANG MANG BAR 'GYUR BAS SHES PAR 'DOD PA DAG GIS RTOG GA 'BAR BA SOGS 'PHAGS YUL GYI GZHUNG CHEN PO RNAMS DANG, RGYAL BA GNYIS PA YAB SRAS KYI GSUNG RAB RNAMS DANG SNYIGS DUS BSTAN PA'I SGRON ME RJE LCANG SKYA ROL PA'I RDO RJES MDZAD PA'I GRUB MTHA'I RNAM GZHAG SOGS SU BLTA BAR BYA ZHING RJE T'A RA N'A THAS BYE BRAG TU SMRA BA'I SDE PA 'GA' ZHIG NUB PAR BSHAD MOD, DA LTA 'PHAGS YUL DBUS DANG KHYAD PAR LHO PHYOGS DANG ZANGS GLING DANG, NA'I GLING DANG, SING GA LA'I GLING SOGS NA SO SO'I DBYE BZHI BA MOR YOD PAR SNANG NGO, ,MDO SDE PA LA LUD DANG RIGS PA'I RJES SU
'DRANG BA GNYIS, SEMS TZAM PA LA RNAM BDEN RDZUN GNYIS DANG LUNG DANG MDO SDE'I RJES SU 'BRANG BA DANG DRI BCAS RNAM RDZUN DANG DRI MED RNAM RDZUN, SNA TSOGS GNYIS MED PA, SGO NGA PHYED TSAL PA, GZUNG 'DZIN GRANGS MNYAM PA ZHES BYA BA DAG DANG, DBU MA PA LA THAL RANG GNYIS SOGS KYI DBYE BA BYUNG STE, DE DAG GI GNANG RNAMS LUNG RIGS DRI MA MED PAS GTAN LA PHAB NAS DE BZHIN GSHAGS PA'I DGONGS PA GDUL BYA'I RGYUD LA GSAL BAR MDZAD CING, TSUL DE LAS BSHAD PA'I LAM GYI BGROD TSUL SBYI'I KHOG NI, DANG POR BYANG CHUB GSUM PO GANG YANG RUNG BA LA BLO KHA PHYOGS PA'I BSHES GNYEN DAM PA LAS MAN DAG BLANGS NAS YANG DAG PAR BSGOMS TE, TSOGS KYI LAM DANG, SBYOR BA'I LAM DANG, MTHONG BA'I LAM DANG, BSGOM PA'I LAM DANG BYANG CHUB BAR CHAD MED PA'I LAM DANG, RNAM PAR GROL BA'I LAM RNAMS DANG, THEG CHEN GYI SKABS SU LA MA LNGA PO DE DANG 'GROGS PA'I SA DANG PO RAB TU DGA' BA, GNYIS PA 'OD 'PHRO BA, GSUM PA 'OD BYED PA, BZHI PA DRI MA MED PA, LNGA PA SBYANGS DKA' BA, DRUG PA MNGON DU GYUR PA, BDUN PA RING DU SONG BA, BRGYAD PA MI G-YO BA, DGU PA LEGS PA'I BLO GROS, BCU PA CHOS KYI SPRIN LA SOGS PA RNAMS KYIS BGROD NAS THAR PA DANG THAMS CAD MKHYEN PA'I LAM MNGON DU BYED PA DANG, DE YANG LAM GYI NGO BO RNAMS THABS SBYIN SOGS PHA ROL TU PHYIN PA LNGA BSDU BA BZHI DANG BCAS PA DANG, SHES RAB LHAG MTHONG GI GZHI SHES RAB STONG PA NYID THABS SHES ZUNG DU 'JUG PA NYID DAM, YANG NA DON DAM BYANG CHUB KYI SEMS DANG, KUN
, ,RDZOB BYANG CHUB KYI SEMS ZUNG DU 'JUG PA DAG BGROD BYAR BSDUS NAS STON CING, DE LA THEG PA CHEN PO ZLA MED PA SNGAGS KYI MYUR LAM BSNAN NA BYA BA'I RGYUD, SPYOD PA'I RGYUD, RNAL 'BYOR RGYUD RNAMS KYIS SGRUB PO RANG GI TSE BSKAL PA 'BUM PHRAG MANG POR GNAS PA'I RIG 'DZIN BSGRUBS NAS, SKYE BA GZHAN DAG GIS BAR MCHOD PAR TSE GCIG LAS LAM GYI BGROD PA RDZOGS PAR BYED PA DANG, RAL GRI LA SOGS PA'I RIG 'DZIN LA BRTEN NAS THA MAL PA'I LUS 'DI KHO NAS BDE BA CAN LA SOGS PA'I ZHING KHAMS SU BGROD NAS MGON PO 'OD DPAG MED SOGS LA DNGOS SU GDAMS NGAG NYAN PAR BYED PA SOGS KYI SGO NAS MYUR DU TSOGS GNYIS RDZOGS PA DANG, KHYAD PAR RNAL 'BYOR BLA NA MED PA'I RGYUD SDE MTHA' DAG GNYIS MED KYI RGYUD DU BYAS NAS DE LA THABS SHES KYI DBYE BAS PHA RGYUD MA RGYUD GNYIS SU PHYE STE, NYAMS SU BLANGS PA'I LAM LAS NI SNYIGS DUS KYI TSE THUNG 'DI NYID LA KUN RTOG G-YO BA'I RLUNG SNGER GTOGS DANG BCAS PA SGRA GCAN GYI LAM DU 'GAGS PAS ZUNG 'JUG RDO RJE 'CHANG GI GO 'PHANG DKA' BA MED PAR LAG MTHIL DU SON PAR BYAS NAS NAM MKHA' JI SRID KYI BAR DU 'GRO BA'I RE BA SKONG PAR BYED PA RNAMS MKHAS GRUB KYI SKYES BU DE DAG GIS GTAN LA PHAB NAS RANG NYID KYANG LAM DE LAS GSHEGS SHING GZHAN DAG LA YANG RGYA CHER 'DOMS PAR MDZAD DE, DE DAG LAS PAndI TA RIGS PA SMRA BA GTZO BOR MDZAD PA 'GA' ZHIG MA GTOGS, GRUB PA'I SKYES BU MTHA' DAG GDUL BYA LA 'DOMS PA'I TSE BSAM PA DANG MTHUN PAR GSUNG GI GNANG BA JI LTAR STZOL YANG, RANG NYID KYIS
NYAMS SU BZHES PA'I TSE 'PHAGS PA KLU SGRUB KYI LUGS JI LTA BA BZHIN MDO SNGAGS GANG GI SKABS SU YANG NYAMS SU BZHES PAR GDA' STE, DE LTAR MIN NA DPAL LDAN ZLA BAS, SLOB DPON KLU SKUB ZHABS KYI LAM LAS NI, ,PHYI ROL GYUR LA ZHI BA'I THABS MED DE, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA 'GRUB YOD MIN, ZHES GSUNGS PA LTAR THAR PA DANG THAMS CAD MKHYEN PA 'GRUB PA'I GEGS KYI RTZA BA BDAG TU 'DZIN PA CUNG ZAD KYANG SUN DBYUNG MI NUS PA'I PHYIR RO, ,DA LTA BOD DU GZHAN STONG CHEN POR GRAGS PA'I GRUB MTHA' NI 'PHAGS PA'I YUL SOGS SUM BYUNG ZHING G-YU MO MI BSKYOD RDO RJES BSGOMS PA'I NYAMS MYONG LA BRTEN NAS BSHAD PA LA CHOS KYI RJE DOL PO SHES RAB RGYAL MTSAN SOGS KYIS GSAL BAR MDZAD PA YIN LA, SGROL MA RNAL 'BYOR MA'I RGYUD DANG DO HA CHEN PO 'GA' ZHIG GI TSIG LA GZHAN STONG STON BYED DU BOD 'GA' ZHIG NAS BTAGS PA YOD KYANG MA YIN TE, DPAL MAR ME MDZAD KYI RGYAS 'GREL CHEN PO DANG DO HA DE DAG RANG GI DGONGS PA LA BRTAGS PAS SHES PAR NUS PA'I PHYIR RO, ,YUL DER RTAG CHAD SMRA BA'I PHYI ROL PA'AM MU STEGS BYAD JI LTAR BYUNG BA YANG RTAG PAR SMRA BA DBANG PHYUG PA, KHYAB 'JUG PA, TSANGS PA PA, SER SKYA PA, PHUR BU PA, RIG BYED PA, BYE BRAG PA; GCER BU PA, GRANGS CAN PA RNAMS DANG, CHAD PAR SMRA BA, RGYANG 'PHEN PA LA RTOG GE PA DANG BSAM GTAN PA GNYIS SU YOD DO, ,'DI DAG GI GRUB PA'I MTHA' SOGS 'DIR MI 'CHAD CING, DE DAG GI SDE TSAN SO SOR GYES PA LTA BUS RTOG GE 'BAR
, ,BA LAS GSUNGS PA'I LTA BA NGAN PA BRGYA RTZA BCU DANG, MDO LAS GSUNGS PA'I YA MTSAN CAN GYI LTA BA DGU BCU RTZA DRUG SOGS YOD LA, 'DI RNAMS KYI BSTAN BCOS NI TSE LO DPAG MED KYI DUS SU DRANG SRONG MCHOD 'OS DANG BRAM ZE SER SKYA SOGS KYIS THOG MAR BYAS PA LAS MCHED NAS RIM GYIS CHA SNA TSOGS SU BYE PA STE TSUL RGYAS PAR BSHAD DU GAL LANGS, 'DI RNAMS DANG SNGON GYI DUS SU NANG PA RNAMS YANG DANG YANG DU RTZOD PA DANG BSTAN PA RGYAL DU 'JUG PA SOGS MANG DU YOD KYANG, SNGAR BSHAD PA RGYAL PO LA WAm SENA'I DUS SU TU RU KA'I DMAG BYUNG STE, DPAL RDO RJE GDAN GYI BYANG CHUB CHEN PO'I LHA KHANG GI MCHOD PA'I NOR BU SOGS KHYER ZHING GANDHO LA CHEN PO BSHIG PA SOGS DANG DGE TSUL SLONG MANG DU BSAD PA'I TSE; KUN TU RGYU'I STON PA CHEN PO DAG GIS RANG GI 'KHOR GCER BU PA SA YA PHRAG MANG PO BSDUS TE, DGE SBYONG GOO TAM NI SNGON GYI DUS RING MO NAS BDAG CAG LA PHAN PAR DGONGS PA ZHIG NA TU RU KA 'DI RNAMS KYIS SKU GZUGS KYI YO BYAD 'JOMS PA DANG; RJES SU 'JUG PA'I DAG SBYONG SROG DANG 'BRAL BA 'DI NAN TAR NA MI 'TSAMS PAS BDAG CAG GIS DMAG BYA'O, ZHES BYAS NAS GCER BU BA'I DBUNG CHEN POS TU RU KA'I RJES SU BSNYEGS TE, RGYAL PO ZLA BA'I DPA' BO MANG PO ZHIG BSAD, MCHOD PA'I NOR BU DANG YO BYAD KHYER BA RNAMS PHYIR PHOGS NAS LHA KHANG RNAMS SU BSKYAL, DGE SLONG BRTZON DU KHYER PA RNAMS KYANG PHROGS NAS BDE BAR BTANG BAS DE TSUN CHAD NAS PHYI NANG GNYIS PHAN TSUN CHOS LUGS MA 'DRES PAR SKYONG BA LAS RTZOD PA BYED
PA SOGS MED CING, KUN TU RGYU 'DI RNAMS KYI KHROD NA NANG PA'I SNGAGS RGYUD LA NYAMS LEN BYED PA'ANG 'GA' ZHIG BYUNG BAR GDA', DA LTA YANG RDO RJE GDAN GYI GNAS 'DZIN PA DANG 7 BYANG CHUB CHEN PO'I MCHOD PA SOGS KUN TU RGYU RNAMS NAS BYAD DE, TSUL 'DI NI STON PA THUGS RJE CAN GYIS KHAB NAS BYUNG STE THOG MAR RANGS BYED KYI BU LHAG SPYOD DANG, SGYU RTZAL SHES KYI BU RING 'PHUR SOGS KYI SAR PHEBS NAS BKA'I GNANG BA STZAL BA DANG, MNGON PAR RDZOGS PAR SANGS RGYAS NAS YUL W'A RA nA SER CHOS 'KHOR THOG MA BSKOR PA'I SLAD DU GSHEGS PA'I TSE LAM DU KUN TU RGYU NYE 'GRO DANG YUN RING MOR GSUNG GI GLENG MOS BAG PHEBS PAR MDZAD PA'I BYIN RLABS KYI SGYU 'PHRUL YIN PAR SNANG, SPYIR DA LTA 'PHAGS YUL NA SANGS RGYAS PA RNAMS LA BUDDHA MARGA'AM, DZA YA DHA RA'AM DE ZUR CHAG TU DZHE NA DHA RA ZHES 'O BAD CING, PHYI ROL PA RNAMS SHE WO MRGA'AM SHE WO MA RAG CES 'BOD, KLA KLO RNAMS LA MU SAL MAN ZHES 'BOD DE KHA BCAN 'DIR KLA KLO DANG MU STEGS BYED GCIG PAR 'DOD MI MKHAS BLUN MANG PO 'DUG MOD, DE NI DUS KYI 'KHOR LO NAS SHIN TU THA DAD DU GSUNGS PA LTAR GTAN NAS MI GCIG STE, PHYI ROL PA NI THAR PA KHAS LEN CING BDE 'GROR 'GRO BA'I NUS PA CAN MANG LA, KLA KLO DAG LA, MO GOL, PAthAn, SIKA ,S'AHI, ZHES PA'I SDE TSAN CHEN PO BZHI YOD PA THAMS CAD LHA MA YIN GYI GDON CHEN MI LA BHI KHI LI'AM, BHI SA MIL ZHES PA SKYABS GNAS MTHAR THUG TU 'DOD CING, BDAG CAG GI STON PA LA SHES BSTAN ZHES MTSAN DU GSOL TE MI MTHUN PHYOGS THAMS
, ,CAD KYI RTZA BAR KHAS LEN, DBANG PO'I BAGS PA BREGS PA SOGS BRTUL ZHUGS NGAN PA LHUR LEN CING, 'TSE BA CHOS SU SMRA BAS NGES PAR DMYAL BA CHEN POR 'GRO BA STE, RGYA GAR DU NANG PA RNAMS LTA ZHOG PHYI ROL BA DAG KYANG 'DI RNAMS KYI LAG NAS BYUNG BA'I KHA ZAS TSAN CHOD KYANG MI BZA' BA LA NAN TAN BYED DO, ,YUL CHEN PO 'DIR LONGS SPYOD KYI KHYAD PAR RNAM THOS KYI BU LA 'GRAN BZOD PA DANG YAN LAG BZHI'I DBUNG BYE BA PHRAG MANG POS GANG BA DANG, RIG PA'I GNAS BCO BRGYAD LAS BYUNG BA'I SGYU RTZAL GYI RTZED MO DANG, DGRA THABS KYI LAS MTHA' YAS PA NGO MTSAR CAN DAG YOD MOD BOD YUL 'DIR DGOS TSOGS MI SNANG BAS RGYU MTSAN RNAMS MA BRIS SO, ,'DIR KHA CIG CI KHYOD DPAL SHAMBHA LA'I YUL DU BGROD PA SOGS 'CHAD BAR KHAS BLANGS NAS 'PHAGS YUL GYI RNAM GZHAG 'CHANG PA LA YENGS PA 'DI RGYAL PO SHAR DANG MDOS RDZOD NUB KYI DPE MA YIN NAM, GZHAN YANG RGYAL PO LA SOGS PA'I GTAM 'DI NI RAB TU BYUNG BA'I GTAM DU BYA YANG RUNG BA YIN NAM ZHE NA, NGES PAR BDEN PA LTA BU ZHIG YOD SHAS CHE YANG SHAMBHA LA'I YUL GYI CHOS RNAMS KYANG DANG PO GNAS 'DI NAS DAR BA DANG, DUS GSUM GYI SANGS RGYAS MANG PO DANG KHYAD PAR BSKRAL BZANG 'DI'I RNAM 'DREN MTHA' DAG SA PHYOGS 'DIR 'TSAD RGYA BA'I PHYIR DANG, SHAMBHA LA NYID KYANG SKAD DANG CHA LUGS RIGS RUS SOGS DU MAS YUL 'DI'I SDER GTOGS PA'I PHYIR DANG, RANG CAG RNAMS LA DE BZHIN GSHEGS PA'I BSTAN PA RIN PO CHE'I BKA' DRIN SA PHYOGS 'DI LAS BYUNG BA YIN MOD,,
DA LTAR GYI DUS SU NI SA PHYOGS 'DIR GRUB PA'I GNAS CHEN PO 'DI'I KHYAD PAR PHRA MO TZAM YANG MI SHES SHING, GSHA'I RNAL 'BYOR PA BSOD NAMS RAB RGYAS ZHES BYA BA LA SOGS PA'I SKYES BU GLEN PA 'GAS MGO BO THOM GYIN PHYIN NAS BYANG CHUB CHEN PO GANG NA BZHUGS PA'ANG MA SHES, GRONG KHYER PA tAn DANG MA GA DHA YANG NOR, SHIN TU RDZUN TSIG GI YI GE 'DRI BA LA ZHUGS PA DAG GIS CAL SGROG LAS DA CHA 'PHAGS YUL NA SANGS RGYAS KYI BSTAN PA MING TZAM YANG MED PAR 'DZIN PA'I LOG RTOG DAG BSAL BA'I PHYIR DANG, BOD 'DIR BLUN SGOM GYI BLA MA RE'I RNAM THAR 'DRI BA'I TSE ZHING SA CHUD DU PHYAR BA'I RGYA LTA BU DAG LA SPYOD PA'I SA PHYOGS LA'ANG LONGS SPYOD KYI KHYAD PAR SUM RTZEN LA CO 'DRI ZHING, ZHES SOGS RAB BTAGS KYI GTAM MANG PO 'DRI, BAR BYED NA, DUS GSUM GYI RGYAL BA DANG GRUB PA'I SKYES BU SA CHEN PO'I RDUL SNYED BYON PA'I GNAS 'DI'I RANG BZHIN BRJOD PA LA NYES PA MED PA'I PHYIR ZHIB TU BSHAD PA YIN NO, ,'O NA DA LTA PHYOGS DER RGYAL BA'I BSTAN PA JI LTA BU YOD CE NA, YUL DBUS NA GADHA SOGS SU DGE SLONG DANG RNAL 'BYOR PA RIG SNGAGS SPYOD CING 'GRUB PA DANG, SDOM PA LA GCES SPRAS SU BYED PA NYUNG SHAS RE DANG, SHAR PHYOGS BHANG GA LA'I YUL DU DE LAS CUNG MANG BA DANG, DE LAS KYANG SHAR PHYOGS KYI KO KI RGYAL KHAMS NA SHIN TU MANG ZHING, LHO DANG NUB KYI BI DY'I N'A GAR DANG KUNGKU NA DANG, MA LYAR YA DANG, KA LING KA DANG, MA RU, M'I WAR, TZITA WAR, SI HU WA, AA BHU, SOO RAshtA, GU DZI RA THA, 'BIGS BYED KYI RI'I KHONGS BHAm DVA WA SOGS NA RAB TU
, ,MANG PO DANG, SING+GA LA, NA'I GLING, ZANGS GLING, GSER GLING, DHAN SHR'I, SA YI GU SOGS NA PHAL CHER THEG DMAN PA'I DGE SLONG SHIN TU MANG STE, SING+GA LA DANG, DHA NA SHR'I ,SA YI GU RNAMS NA THEG CHEN PA YANG PHRAN TSEGS RE MCHIS SO, ,GNYIS PA, YUL GYI MCHOG SHAMBHA LA NYID BSHAD PA LA, BGROD PA'I LAM BSHAD, YUL GYI GNAS TSUL BSHAD, RGYAL PO DANG DAM PA'I CHOS JI LTAR GNAS PA BSHAD PA'O, ,DANG PO NI, YUL 'DIR LUS 'DIR NYID KYIS BGROD PAR 'DOD NA NI RIG SNGAGS DANG BSOD NAMS KYI MTHU GRUB PA ZHIG NGES PAR DGOS TE, DE LTAR MIN NA LAM DU GNOD SBYIN DANG, KLU GTUM PO SOGS KYIS BAR MDOR GSOD PA'I PHYIR RO, ,'O NA RJE MAN LUNG PAS MNGA' RIS MANG YUL NAS STOD HOR GYI RGYAL KHAMS DANG SOG SDE 'GA' ZHIG BRGAL TE PHYIN NA YUL 'DI'I LTE BAR YANG LO GNYIS GSUM GYIS SLEBS PAR MA GSUNGS SAM ZHE NA, DE NI KHONG GIS GDAMS NGAG KHYAD PAR CAN ZHIG LA BLTOS PA'I RMI LAM LA MTHONG BA ZHIG STE, YIG SNA DE'I MGOR GNYID MO CHE'I RMI LAM DU BYUNG BA'I DON TSAN RNAM PA LNGA YIN TE, ZHES DANG, LE'U'I MTSAMS RNAMS SU YANG RMI LAM RDZUN BA SHAD SGYU MA'I 'PHRUL 'KHOR CHEN PO LAS ZHES DANG, MJUG TU'ANG GZHAN STOBS LA BLTOS NAS SMRA BA LA SBRO BAR GYUR TO, ZHES GSAL BAR KHAS BLANGS PA'I PHYIR RO, ,RIG SNGAGS GRUB PA MA YIN PA'I LHO PHYOGS KYI SKYE BOS NI BGROD PAR SHIN TU DKA' BA YIN SNANG STE, SNGON DUS ZHABS PA BYON PA'I TSE BGROD DKA' PA LA DGONGS TE RIGS LDAN GYI SPRUL
PAS LAM NAS BZLOG PAR GSUNGS SHING, DENG DUS 'PHAGS YUL GYI PHYI NANG KLA KLO'I RGYAL BLON DMAG DPON DANG BCAS PA DAG DANG, KUN TU RGYU CHEN PO 'DZAM BU'I GLING LAN GSUM BZHIR BSKOR BAR RLOMS PA DAG LA DRIS PA'I TSE YANG, MI SEG GI YUL GRU LAS BRGAL NAS CUNG ZAD BYANG PHYOGS SU PHYIN PA NA NAGS KYI KHROD LA GNAS PA'I MI GDONG GI NGOS LA LUG NAG PO'I BAL 'DRA BA'I SBU SKYES PA DAG YOD DE, DE LAS BYANG PHYOGS SU MI DAG PHYIN PA'I LO RGYUS NI MI SNANG NGO ZHES SMRA ZHING, KHYAD PAR KUN TU RGYU DAG DE'I 'DIB CHAGS NA CHU BO SI T'A YOD PAS DE LA REG PA TZAM GYIS LUS RDO BAR BYED PA'I PHYIR BGROD MI NUS SO, ZHES SMRA BA NI GZHAN LA MI LTOS TE BDAG NYID KYIS THOS PA'I TSIG GO, DE YANG, SNGAR 'PHAGS YUL GYI SKABS SU BSHAD PA'I KA BHE LA ZHES BA DANG, BHA LA GA ZHES BYA BA DE DAG NAS NUB BYANG GI NGOS LA NYE BAN RUM SHAM GYI YUL GRU CHEN PO YOD LA, YUL GRU 'DI'I SMAD KYI PHYOGS RGYA SER GYI YUL SDE AU RU SU LA CUNG ZAD 'DREL TE, 'DZAM BU GLING GI LHO PHYOGS KYI PHRED LA DBANG BAR RLOM PAS KLA KLO'I RGYAL PO SHIN TU STOBS DANG LDAN PA YIN ZHING, 7 DPAL DUS KYI 'KHOR LO'I BSDUS PA'I RGYUD LAS, DA NAS KLU YI LO BRGYA RNAMS KYIS NGES PAR MKHA'I YUL DU KLA KLO'I CHOS DAG RAB TU 'JUG ,CES DANG 'GREL CHEN DANG MKHAS GRUB CHOS KYI RGYAL PO'I t'IKA CHEN DU 'PHAGS YUL GYI MKHA'I GRONG DU KLA KLO'I CHOS 'JUG PAR GSUNGS PA'I MKHA ZHES PA KLA KLO'I STON PA M'A SI TA RNAMS KYI GNAS GZHI DE YANG YUL GRU 'DI NA YOD DE, YUL 'DI LA THOR KHOD
, ,SOGS BYANG PHYOGS PA MANG PO KHUN DU KHUR P'A CHA'I GNAS ZHES SAM KHUNG KHUR P'A CHA ZHES 'BOD DO, ,DE'I NUB BYANG SMAD LA NYE BA'I PHYOGS NAS MI SE KA ZHES PA'I YUL GRU DE'I SNER SLEBS NAS LE LAG RNAMS BYANG PHYOGS RING PO'I BAR DU YOD PAR SNANG NGO, ,DES NA 'DIR BGROD PA'I LAM YIG 'PHAGS PA DON YOD LCAGS KYUS GSUNGS PA RJE BTZUN T'A RA N'A THAS BAL PO'I DPE LAS BSGYUR BA DE TSAD MA YANG DAG PAR SNANG BAS DE'I DON BZHIN BSHAD NA, GRONG KHYER CHEN PO 'DIR 'JUG PAR 'DOD PAS DANG POR RANG GI LHAG PA'I LHA GANG YIN PA DE'I BSNYEN SGRUB MTHAR PHYIN PA BYAS LA, RMI LAM LEGS PAR BRTAGS TE GNANG BA THOB PA'I MTSAN MA BYUNG BA NA BGROD PAR BYA BA YIN GYIS, DE LTA MIN PAR BAR MA DOR PHYIN NA LAM BSRUNG BA'I GNOD SBYIN DANG, KLU GTUM PO RNAMS KYI CHAD PAS SROG 'PHROG PAR 'GYUR BA YIN NO, ,GNANG BA DE THOB NAS 'PHAGS PA 'JAM DPAL GYI SNYING PO 'BUM 'PHRAG BRGYAD BZLAS NAS NUS PA BSKYED PA'I PHYIR LAS THAMS CAD PA'I THAB KYI NANG DU AU DUM W'A RA'I SBYIN SREG KHRI PHRAG BRGYAD BYA'O, ,DE'I MJUG TU BGEGS THAMS CAD ZIL GYIS GNON PA'I PHYIR BADZRA AA MRi TA ZHES SOGS BDUD RTZI 'KHYIL BA'I RIG PA 'BUM PHRAG BZLAS NAS SBYIN SREG KYANG KHRI PHRAG GCIG BYA'O, ,BAR DU GCOD PA'I MI DANG MI MIN THAMS CAD TSAR GCOD PA'I PHYIR RDO RJE 'JIGS BYED LA SOGS PA GSHIN RJE GSHED GANG YANG RUNG BA'I RTZA SNGAGS 'BUM PHRAG BZLAS TE, THOG MAR KENGSHU KA'I SBYIN SREG STONG DANG DE'I 'OG TU PA tA'I STONG PHRAG BCU DANG, DE'I
'OG TU TZANDAN DMAR PO DANG, AA BHI TA'I KHU BA LA SOGS PA RMAD DU BYUNG BA'I GTOR MA DANG SBYIN SREG STONG PHRAG BCUS MNYES PAR BYA STE, SBYIN SREG DE THAMS CAD LA RNAL 'BYOR PA MING 'DI ZHES BYA BA BDAG LA DPAL KA L'A PA'I DNGOS GRUB 'GRUB PAR MDZOD CIG SV'A H'A ZHES SPEL TSIG SBYOR ZHING, BOD LTA BU SHING DE RNAMS MI 'BYOR BA'I SA PHYOGS SU DNGOS GRUB RGYA MTSO LAS GSUNGS PA LTAR 'O MA CAN GYI SHING GANG YANG RUNG BAR BYA'O, ,DE'I RJES SU NGES PAR DPAL MA GA DHA'I GNAS RDO RJE GDAN DU PHYIN TE, DE BZHIN GSHEGS PA RNAMS MNGON RDZOGS PAR BYANG CHUB PA'I SHING LA MCHOD PA STONG PHRAG MANG POS MCHOD DE, DON 'DI NGES PAR 'GRUB PA'I SMON LAM YANG DAG PAR BTAB NAS, NUB PHYOGS KYI RGYA MTSO LA GRU GZINGS KYI LAM NAS BRGAL TE, SI KO DHA NA'I GLING DU PHYIN LA DE DANG NOR GYI MDZOD CES BYA BA'I GLING GNYIS KAR 'GRO STE, YUL 'DI GNYIS NI PHE RENG GI YUL YIN NO, ,DE NA RDZOGS PA'I SANGS RGYAS GSER THUB GYI MCHOD RTEN BZHUGS PA LA DE BZHIN GSHEGS PA'I YI GE BRGYA PA BZLA BZHIN PAS BSKOR BA STONG PHRAG BCU BYAS TE, DON 'GRUB PAR GSOL BA BTAB NAS SLAR YANG GRU'I LAM LAS 'DZAM BU GLING 'DI NYID DU 'ONGS TE GRU THON PA'I YUL DE LAS DBANG LDAN GYI PHYOGS SU 'GRO BAR BSHAD DE, SINDHA'I YUL NAS YIN PAR MNGON NO, ,DE NAS GRONG KHYER RUG MA DANG R'A SA RI DANG, KA tA KI LA DANG, MA DHU WANDHA RNAMS BYANG PHYOGS NAS BYANG PHYOGS SU ZLA BA DRUG BGROD DE 'DI RNAMS KYANG SNGAR BSHAD PA'I GLING PHRAN PA DE KHO NA'I YUL LO, ,GRONG KHYER PHYI MA DE'I BYANG PHYOGS NA CHU KLUNG
, ,CHEN PO BTRU ZHES BYA BA YOD DE DE'I BAR DU YOD PA'I GRONG KHYER DE RNAMS RANG BZHIN DRANG POR SPYOD PA'I SKYE BO MANG BAS 'JIGS PA MED CING, BSOD SNYOMS RNYED SLA BAS BGROD SHIN TU BDE'O, ,CHU KLUNG DE NAS BYANG PHYOGS SU PHYIN PA NA GANGS RI CHEN PO KA K'A RI ZHES BYA BA LA, SMAN CHEN PO TU DZA NA YA ZHES PA ME TOG NYI MA 'CHAR KHA LTAR DMAR ZHING 'DAB MANG GRA STA'I SO LTA BU DANG, TSER MA RNON POS KHYAB PA LHO PHYOGS KYI BRAG RI LAS SKYES PA RO MCHOG TU MNGAR BA DANG, TI LA KA ZHES PA NGAM GROG GI NGOS NAS 'PHYANG ZHING SKYE BA MA HE MO'I NU MA LTA BU ME TOG DKAR PO CAN RO KHA BA RNAMS YOD DE, SHING BAT LI'I PHUR BU BCOS LA RDO RJE SRIN PO STOBS PO CHE'I RIG SNGAGS LAN BDUN BZLAS NAS PHUR BU DE BTAB STE, SHING DE RNAMS KYI BA THAG PHYUNGS NAS LO MA ME TOG 'BRAS BUR BCAS PA ZHAG BDUN GYI BAR DU BSKAMS NAS BRAG PHUG ZHIG TU BDUD RTZI THAB SBYOR GYI SNGAGS KYIS BSRUNG ZHING SBA BAR BYAS RJES RI DE'I PHYOGS DAG NA TZA KA KHA DOG SNA LNGA YOD PA LAS BSLANG STE, BDAG NYID LHAG PA'I LHA'I RNAL 'BYOR DANG LDAN BAS GANGS DE'I CHU BOS KHRUS BYAS NAS RDO DKAR PO ZHI GA LA LHA MO 'OD ZER CAN MA SKU MDOG SER MO ZHAL GSUM PHYAG DRUG PA RTZA ZHAL SER PO, G-YAS ZHAL DMAR PO, G-YON ZHAL PHAG GI GDONG NAG PO RAB TU KHROS PA, PHYAG DANG PO GNYIS KYIS ME TOG GI MNGA' GZU 'GENGS SHING, BAR MA GNYIS NA KHAB DANG SKUD PA MYA NGAN MED PA'I SHING GI YAL GA 'DZIN PA, MTHA' MA GNYIS KYIS THOD PA DANG KHA tV'Am GA LTE BA'I G-YAS G-YON DU 'DZIN
CING tA STAG LA CHIBS PA DAR SNGON PO'I GA SHAL CAN GSANG BA'I DKYIL 'KHOR CUNG ZAD SNANG BA BRIS LA DE LTA BU'I LHA MO KHAMS GSUM DBANG DU BYED CING GDUG PA CAN RNAMS GNON PAR BYED PAR BSGOMS TE SNGAGS 'DIS ME TOG DMAR PO DANG, AA SHO KA'I SBYIN SREG BRGYA PHRAG LNGA BYA'O, ,SNGAGS NI, NA MO RATNA TRA YA Y'A, TADYA TH'A, AOm WA T'A LI WA T'A LI, WA RA TA MU KHI, SARBA DUshstAN, BHANDHA BHNDHA MU KHAm SV'A H'A, ZHES PA YIN CING, AOm BADZRA BEETTA LI H'Um PHAt, CES PA'I SNYING PO YANG ,BRI BZLAS LA, SNGAR BRAG PHUG TU SBAS PA'I SMAN DE RNAMS GANGS KYI BA MEN GYI 'O MA SA LA MA LHUNG BA DANG LHAN CIG BSKOL NAS SKU GZUGS DE'I DRUNG DU BZHAG STE, SNGAR GYI SNYING PO DE'I MTHAR BDUD RTZI THIGS BSGRUBS SHIG CES BTAGS PAS TONG PHRAG GCIG BZLAS LA SNGAGS DE LA B'A LAm TI BTAGS PAS LHA MO LA MCHOD NAS SMAN DE BTUNG BAR BYA'O, ,DES NI BKRES SKOM DANG NGAL DUB MED CING LHA MO'I MTHUS GDUG PA CAN RNAMS ZIL GYIS GNON PAR GSUNGS SO, ,DE NAS SKU GZUGS DE BYANG PHYOGS SU BLTAS TE ME TOG DANG 'BRAS BU MANG POS BKAB NAS SBA'O, ,DE NAS BYANG PHYOGS SU RTZVA DANG CHU DANG SHING SOGS MED PA'I LUNG STONG NYAM DA BA LA ZHAG NYER GCIG DANG, GCAN GZAN DANG SBRUL GYIS GANG BA'I NAGS LA NYI MA BCU GNYIS BGROD DE, DE LAS THAL NAS DPANGS SU DPAG TSAD NYI SHU'I BDAG NYID CAN GYI RI'I RGYAL PO GHANDHA RA PHYIN PAR 'GYUR TE RI DE LA SMAN SNA TSOGS SKYE ZHING SENG GE RKANG BA BRGYAD PA, RI DGAGS LUS BSGYUR BA ZHES PA SEMS CAN SNA TSOGS KYI GZUGS SU SPRUL NUS PA ZHIG GIS
, ,MTSON PA'I SROG CHAGS MANG PO GNAS PA DAG SENG GE DES NYIN RE BZHIN GSOD PAR BYED PA'I LUS BSGYUR BA'I RI DVAGS DE, SENG GES BSAD PA'I KHRAG SGRUB PA POS BLANGS NAS RDO LEB NAG PO LA SRIN MO MANDE HA ZHES PA KHA DOG DMAR PO MA CHE BA RNAM CHE BA RNAM PAR GTZIGS PA 'JIGS PA'I ZHAL CAN, LAG G-YAS NA BA LANG GI PAGS PA'I RGYAL PA SHA KHRAG SNA TSOGS KYIS GANG BA DANG, G-YON NA RAL GRI 'DZIN PA MI LPAGS KYI SMAD DKRIS CAN BRIS LA DE'I MDUN DU SENG GES BSANG BA'I RI DVAGS KYI SHA KHRAG LAS GTOR MA BSHAS TE, RANG NYID GSHIN RJE GSHED SHIN TU KHROS PA MI BZAD PA'I DBYUG PA DANG ZHAGS PA THOGS PA MA HE LA CHIBS PAR BSGOMS, AOm HR'I: K'A LA R'U PA H'Um KHAm SV'A H'A, KREm KA RE KRO KA RE, MANDHE HA RAKshA SI, A'A GATZTSA, A'A GATZTSA HR'I: DZA, ZHES STONG PHRAG BCUR BZLA BA'AM, SRIN MO BDUN DU MA BYUNG GI BAR LA BZLAS PAS DE MNGON SUM DU 'OD BAR 'GYUR TE, RDO RJE THAL MO KHA GYEN DU BSTAN PA'I THOD PA'I PHYAG RGYA BCAS LA, KEE SRIN MO BDAG SEMS CAN RNAMS LA PHAN PA'I DON DU GRONG KHYER KA L'A PAR 'GRO BAS LAM STONG PA 'DI RNAMS SU KHA ZAS CI BDE BAR 'BYOR PAR GYIS SHIG ,CES BRJOD PA NA SRIN MO DES DE BZHIN DU BYA'O ZHES KHAS BLANGS NAS MI SNANG BAR 'GYUR TE; LAM RNAMS SU SHING AA RDZU NA'I RTZA BAR ME TOG KUNDA LTAR DKAR BA'I SA'I BCUD RO SBRANG RTZI DANG 'DRA BA DAG STER BAR BYED DE DES LUS SHIN TU YANG BAR 'GYUR RO, ,DE NAS GANGS CAN CHEN PO ZHES BYA BA'I RI DPAG TSAD BRGYA PHRAG GSUM
GYI KHOR YUG CAN LHA DANG DRANG SRONG RIG PA 'DZIN PA DANG, GNOD SBYIN DANG SRIN PO'I TSOGS KYIS GANG BA DER SLEB STE, 'DI NI 'PHAGS PA GNAS BRTAN MI PHYED PA BZHUGS PA'I GNAS DE YIN NO, ,DER SGRUB PA PO RIG SNGAGS MCHOG TU 'GRUB PA ZHIG YIN NA NI GRUB PA DANG GNOD SBYIN LA SOGS PA DE RNAMS DANG RTZE BA DANG PHAN TSUN DGA' BAR BYAS PA'I MTHAR, DE RNAMS KYI PHRAG PA LA THOGS TE GRONG KHYER KA L'A PAR YUD KYIS PHYIN PAR 'GYUR RO, ,GA LA TE RIG SNGAGS MA 'GRUB PA ZHIG YIN NA NUB BYANG GI PHYOGS KYI LAM LA MYUR DU 'GRO BAR BYA'O, ,GSANGS RI DE LAS SHAR DANG NUB TU SA'I GZHI LA LU MA STONG PHRAG BRGYAD CU DANG YONGS SU 'DRES PA'I CHU BO CHEN MO MTSO LTAR SNANG ZHING RGYU BAR MI MNGON PA SHAR NUB GNYIS KAR RGYA MTSOL 'BAB PA YOD DE, 'DI KHA DOG SHIN TU DKAR ZHING DBU BA DKAR POS KHYAB PAS SI TA STE DKAR PO ZHES PA YIN PAR MKHAS GRUB CHOS KYI RGYAL POS DUS 'KHOR t'I KA CHEN DU GSUNGS PA LTAR YIN LA, CHU PO CHEN PO SI TA 'DI 'DZAM BU'I GLING GI LHO BYANG GI DBUS KYI DRANG PO LA RGYU ZHING, CHU BO SHIN TU GRANG BAS DMYAL BA'I 'GRO BAM GTOGS MED DE, GRANG BA'I DAD CHEN POS SA'I STENG GI RLUNG LA SOGS PA'I GRANG DAD RNAMS ZIL GYIS GNON PAS 'KHYAG PA CHAGS PA YANG MED CING, LUS KYI CHA SHAS GANG REG PA DE RDO BAR BYED CES BSHAD LA, DA LTA RGYA GAR BA RNAMS MTHUN PAR CHU KLUNG 'DI LA BHAS TA NI ZHES ZER RO, ,GONG DU BSHAD PA'I LAM DE DAG GI SHAR DANG NUB TU DPAG TSAD DU MAS CHOS PA'I SA RNAMS KLA KLO'I GRONG KHYER CHEN PO DAG GIS GANG BA STE, DE
, ,DAG NI RUM SHAM KHON NA'I 'BANGS YIN NO, ,CHU BO DE'I 'GRAM LHO NGOS NA ZANGS KYI MDOG CES BYA BA'I RI PHUG PA STONG PHRAG MANG PO DANG LDAN BAR SGRUB PA PO GNAS NAS RDO LE BA NAG PO ZHIG LA, RI DVAGS GANYDZA DANG, HA RI nA DANG NAGS KYI BA LANG, GLANG PO CHE'I KHRAG RNAMS KYIS RI DE DANG CU BO DE'I BDAG PO SRIN MO GLOG 'GYU MA 'DRI BAR GSUNGS PAS, KHRAG DE RNAMS NI SNGAR BZHIN SENG GES BSAD PA LAS BYUNG BAR MNGON NO, ,DE 'DRI TSUL YANG MDOGS CHAR SPRIN LTAR GNAG PA LAG NA GTUN SHING THOGS PA GLANG PO CHE'I RO HRIL PO BZA' BA BRIS LA, GONG DU BSHAD PA'I SROG CHAGS DE RNAMS KYI SHA'I GTOR MA YANG BSHAMS, BDAG NYID GSHIN RJE GSHED SKU MDOG DUS MTHA'I SPRIN LTAR GNAG PA ZHAL DRUG PHYAG BCU GNYIS ZHABS DRUG PA, G-YAS RNAMS NAR LA GRI DANG DGRA STA DANG, GRI GUG DANG, GANG DANG, 'KHOR LO DANG, TRI SHU LA RNAMS 'DZIN PA, G-YON NA GSHIN RJE'I DBYUG PA DANG, DUS KYI ZHAGS PA DANG, KHRA tV'Am GA DANG, LCAGS KYU DANG, THOD PA KHRAG GIS GANG BA DAG 'DZIN CING, MTHA' MA SDIGS MDZUB MDZAD PA MI BZAD PA'I DRAG SHUL CAN BSGOMS LA, KHRO BO CHEN PO 'DI NYID KYI SNGAGS, AOm SARBA DU shtAm STAm BHA YA H'Um, NID WA RA W'A RA nI KU M'A RA KRI tA TU PI nE BHAN BHAtTRA SA MA YA MA NUS MA PHAt PHAt SV'A H'A, ZHES PA GSHIN RJE GSHED DANG, BARYUNG TZA LA TZA LA, PRA TZA LA PRA TZA LA, BIRYUD DZI HVA, SA TA SRA MU KHA SA HA SRA SHA HA WE, RA RA RA RA, RAKshA SAm, BHYO: BHYO: A'A KARshA YA DZA: ZHES PA SRIN MO'I SNGAGS TE,
DE LTAR BZLAS PAS SRIN MO DE DNGOS SU BYUNG BA LA CHU BO SI TA LA LAM STON CIG CES BRJOD PAS DE'I RDZU 'PHRUL GYIS CHU BO SI TA LA 'KHYAG PA SHIN TU BRTAN PA CHAGS TE SGRUB PA PHO THOGS PA MED PAR PHA ROL TU 'GRO BAR 'GYUR RO, ,CHU BO CHEN PO DE 'DAS PA'I PHA ROL NA, SHING KA TA KA DANG, BEE LA DANG, KA BHI TA DANG, BA TU SHA DANG, BRA DA RA DANG, KA BI TA DANG, AAR DZUN DANG, TA LA'I NAGS TSAL YOD PA DER SGRUB PA PO ZLA BA GCIG NGAL BSO ZHING, LHA MO SKUL BYED MA'I RIG SNGAGS YI GE DGU PA STONG PHRAG LNGA BZLAS NAS, NAGS DE'I RTZA BA DANG 'BRAS BU DANG ME TOG DAG ZOS NA SHIN TU STOBS DANG LDAN PAR GSUNGS PAS JI TZAM NUS PAR BZA' BAR BYA STE, DER DNGOS SAM RMI LAM DU YAN LAG LAS KHRAG NAG PO DAG GZAGS PAR 'GYUR LA, DES SGRUB PA PO LUS LA NAD MED CING STOBS DANG LDAN PAR 'GYUR RO, ,KHYAD PAR DU NAGS TSAL DE NAS KHAR BU DZA'I 'BRAS BU GSER GYI MDOG CAN LAS JI TZAM 'DOD PA KHUR BAR BYA STE, MI THEG TU DOGS PA NI DGOS PA MA YIN NO; ;NAGS TSAL DE LAS GANGS RI CHUNG DU GRAL DU BSGRIGS PAS SHAR NUB KYI RGYA MTSO LA THUG GI BAR DU KHYAB LA, DE DAG LAS CHU BZANG PO MANG DU 'BAB PA THAMS CAD KHA LHOR BLTAS TE CHU BO SI TAR 'JUG GO, ,DE BRGAL NAS BYANG PHYOGS SU DPAG TSAD LNGA BCU'I BAR DU 'THUNG DU RUNG BA'I CHU MED KYANG, SNGON SKUL BYED MA'I RIG PA BZLAS PA'I MTHUS THANG CHEN PO NYAM DA BA DE ZHAG BDUN GYIS BDE BLAG TU BGROD CING, KHAR BU DZA'I 'BRAS BU DE ZOS NAS BKRES SKOM GANG YANG MI 'BYUNG
, ,LA; 'BRAS BU DE MANG NYUNG JI TZAM KHUR KYANG THANG DE MA RDZOGS KYI BAR DU MI 'DZAD CING RDZOGS MA THAG TU NI NGES PAR ZAD PAR BSHAD DE, DE NI BYANG CHUB SEMS DPA'I SMON LAM GYI MTHU ZHIG TU SNANG NGO, ,THANG ZAD PA'I NUB PHYOGS KYI CHAR RI BO SHIN TU DKAR BA NAGS TSAL MDZES PAS BRGYAN PA ZHIG MTHONG MOD 'GRO BAR NI MI BYA STE, DE NA LHA MA YIN GYI PHO NYA MO SRIN MO ZANGS KYI MCHU CAN DAG GNAS PA'I PHYIR RO, ,DE NAS BYANG PHYOGS KYI LAM DRANG POR PHYIN PA NA, NYI MA GCIG GIS RI BO CHEN PO KE TA KAR PHYIN PAR 'GYUR RO, ,DE YANG KHA DOG NAG CING NGAM BZA' BA DPAG TSAD BCU'I DPANGS DANG LDAN ZHING, KA BA BTZUGS PA LTA BU MTHONG NA 'JIGS PA SKYED PAR BYED PA DAG YOD PS RI DE'I NANG NI GSER DNGUL GYIS GANG LA PHYOGS BZHI NA PADMA DANG AUTPA LA'I MTSO BZHIS BSKOR BA STE, DE NA RGYAL PO CHEN PO 'PHAGS SKYES PO 'KHOR LHA MA YIN GYI GZHON NU MA RNAMS DANG, SDUG CING GTUM PA'I KLU'I BU MO YID 'ONG MA STONG SNYED DANG LHAN CIG GIS DUS DUS SU DGA' ZHING RTZE LA, DE'I 'KHOR DU GTOGS PA'I YI DVAGS RDZU 'PHRUL CAN YANG MANG DU GNAS SO, ,DER SGRUB PA POS RNYED NA RTZA BA DANG, 'BRAS BU DANG, BETTA'I 'BRU DANG, SHA DANG, NYA SHA DAG GI GTOR MA BSHAMS SHING, GAL TE MA RNYED NA DE THAMS CAD YID KYIS SPRUL NAS SPOS DKAR DANG, THANG CHU DANG, SHA'I BDUG SPOS GTUL BZHIN PAS SNGAGS 'DIS 'JIG RTEN SKYONG BA CHEN PO LA GTOR MA 'BUL TE, AOm BI BI BI BI, BI RU dHA KA, SA PA RI W'A RI BHYA: KHU NI KHU NI PRE TO TA KshAm PA TA
AI MAm B'A LING TA GRIHnA GRiHnA SA MA YA MA NU SMA TA H'Um H'Um PHAt PHAt SV'A H'A, ZHES BYA STE, DES LHA MIN SRIN PO YI DVAGS SHA ZA MKHA' 'GRO THAMS CA ZIL GYIS NON PAR 'GYUR RO, ,DE NAS BYANG PHYOGS SU PHYIN PA NA MON KO ZHES BYA BA'I RI TZAM PA KA LA SOGS PA'I ME TOG BZANG PO DANG, TZANDAN SA MCHOG GI NAGS KYIS KHYAB PA NA, SRIN MO RTA GDONG CAN DANG, LHA MI NA DANG, KLU'I BU MO DAG KLU DBYANGS DANG ROL MO SNA TSOGS KYIS RTZE BA DER SLEBS TE, DE'I DBYANGS DANG ROL MO SOGS LA MI CHAGS PAR BSOD SNYOMS BLANGS TE 'GRO BAR BYA'O, ,DE YANG RDZOGS PA NA CHU BO CHEN PO BA TVA LO TA NA ZHES PA SHAR NAS NUB TU 'BAB CING, RBA KLONG DRAG TU 'KHRUG PAS SHIN TU BGROD DKA' BA YOD DE, DE LA SKABS 'GA' NA NGOGS GNYIS KAR RDO LAS SKYES PA'I N+YA GRO DHA'I NAGS TSAL YOD PA'I YAL GA PHAN TSUN 'DRES PA LA 'KHYUD NAS 'GRO BA'AM, YANG NA NYA'I RGYAL PO'I STOBS KYIS 'GRO STE, CHU KLUNG DE DANG NYE BA NA LU HI TA ZHES BYA BA'I RI DMAR PO CHUNG NGU MANG POR 'BRAS SA LU DMAR PO DANG, MUD GA DANG, MAN tU WA DAG MA SMOS PAR SKYE STE, DE LAS BLANGS NAS GZAN DRON G-YOS PA LA SHING LAS 'DZAGS PA'I SBRAD RTZI BZANG PO BSRES PA'I GTOR RIL GZAN GONG LTA BU LNGA BRGYA BCOS NAS BDAG NYID LHAG PA'I LHA'I NGA RGYAL BRTAN POS NAM MKHA' MDZOD KYIS SNGAGS RGYAS BYIN GYIS BRLABS LA, AOm MAm MAm MAm MAm MAm YA TA SURYA DZA: MA RA SYA GA nA SA HA TI DZU, DHUNYDZA HO: BHAKSHA HO: SARBA MA TA SYA DE WA T'A AI MAm BA LIm GRiHnA GRiHnA KA RA KA RA KI RI KI RI KU RU KU RU MA MA K'A TYAm SYA DHA YA, SARBA BUDDHA ADZNYAm PA YA TE SV'A H'A, ZHES
, ,LAN LNGA BRGYAR GTOR MA CHU KLUNG DU DOR BA NA DE LA GNAS PA'I NYA KHA DOG SNA TSOGS PA, STAG, SENG GE, GUNG, BA LANG, SPRE'U, NE TZO, KHVATA, MI SOGS KYI GDONG BA CAN MANG BO'I 'KHOR GYIS BSKOR BA'I NYA RNAMS KYI RGYAL PO SGRUB PA PO'I MDUN DU 'ONGS PA NA, KYE; NYA'I RGYAL PO BDAG SEMS CAN RNAMS LA PHAN PA'I DON DU GRONG KHYER KA L'A PAR 'GRO YI CHU BO 'DI LAS BDE BAR SGROL CIG, DON 'DI LA NI DE BZHIN GSHEGS BA RNAMS DBANG BA YIN NO, ZHES BRJOD PAS NYA'I RGYAL POS SGRUB PA BO RGYAB TU KHUR TE CHU BO DE'I PHA ROL TU 'GRO BAR 'GYUR RO, ,SNGAR BSHAD PA'I KA K'A RI'I GANGS ZHES PA 'OD ZER CAN MA'I SKU SBA BAR BSHAD PA DE NAS CHU BO CHEN PO 'DI MA BRGAL GYI BAR NA MI'I 'GRO BA GCIG KYANG MED DE; KLU DANG GNOD SBYIN GTUM PO DAG GIS GANG BA YIN LA, SNGAR CHU BO SI TA'I LHO PHYOGS LA CUNG ZAD BSHAD BA LTAR, SHAR DANG NUB TU NI MI'I KHYIM SOGS YOD MOD KLA KLO NGAN PA SHA STAG TU SNANG BAS DER PHYIN PA LA DGOS PA CUNG ZAD KYANG MED DO; ;MI GRONG DE RNAMS DANG 'OG NAS 'CHAD PA'I GRONG KHYER 'DI RNAMS KYANG SKAD DANG KHA ZAS DANG CHOS LUGS SPYOR TSUL SOGS KYI KHYAD PAR LAS 'PHAGS YUL BYANG PHYOGS KYI CHAR GTOGS PA SHA STAG YIN NO, ,CHU BO DE 'DAS MA THAG NAS KEE LA SHA'I BAR NA 'DZAM BU'I GLING GI BYANG PHYOGS KYI GRONG KHYER CHEN PO RNAMS YOD DE, DPAG TSAD NYI SHU'I BDAG NYID NYA ZHES BYA BA DANG, YANG DE DANG 'DRA BA SU MIN DO ZHES BYA BA DANG, BHA DA SYA NA ZHES BYA BA DPAG TSAD BRGYA PA, RGYA NAG CES BYA
BA DPAG TSAD STONG PHRAG GCIG PA RNAMS SO, ,DE DAG 'DAS PA NA DAR DO ZHES BYA BA DPAG TSAD BRGYA PA DANG, KU RU ZHES BYA BA DE DANG 'DRA BA, BHA DRI KA ZHES BYA BA DPAG TSAD LNGA BCU RNAMS TE, DE NAS YUL STONG GIS BAR CUNG ZAD CHOD PAR GANDHAR ZHES PA DPAG TSAD NYI SHU, K'A SHA ZHES PA'ANG DE DANG 'DRA BA, BHAt ZHES PA DPAG TSAD NYIS BRGYA, RGYA NAG CHEN PO ZHES PA DPAG TSAD STONG PHRAG RNAMS SO, ,DE DAG 'DAS PA NA RI BRAG GI NGOS LA DHA REDHOO ZHES BA DPAG TSAD BRGYA KHRI GI KA ZHES PA DPAG TSAD NYIS BRGYA, MIHA shI ZHES PA DPAG TSAD NYIS BRGYA, MAHI LA KO ZHES PA DPAG TSAD STONG PHRAG GCIG PA RNAMS SO, ,DE LAS 'DAS NAS BARBA ZHES BA DPAG TSAD NYIS BRGYA, PU T'A PA LA ZHES PA DPAG TSAD LNGA BRGYA, KAtU KA ZHES PA DPAG TSAD LNGA BCU, KHA RA ZHES PA DPAG TSAD LNGA BRGYA, KAm PO DZI ZHES PA DPAG TSAD BRGYA STE GRONG KHYER DE RNAMS 'BYOR BA DANG RGYAS PA YIN MOD, RIG SNGAGS KYI NUS PAS ZHAG BDUN NAM, ZLA BA PHYED DAM, RING MTHA' 'ANG ZLA BA DRUG LAS MI RING BAR BGROD PAR BYA'O, ,DE'I PHA ROL NA GSER DNGUL ZANGS LCAGS LA SOGS PA'I RIN PO CHE'I 'BYUNG KHUNGS DANG DE DAG GI RNGUL BRTZEGS PA'I RI MANG PO DANG, NOR BU DANG BYU RU'I RIGS MANG PO SKYE STE RTZVA SHING PHAL PA NI MIG GIS MTHONG SAR YANG MED DO, ,DE YANG GSER GYI RI BO LAS 'CHI BAR BYED PA'I CHU DANG, DNGUL LAS SMYO BAR BYED PA DANG, ZANGS DANG LCAGS SOGS LAS SPU DANG PAGS PA LHUNG BA DANG, 'GA' ZHIG LAS NAD SNA TSOGS PA 'BYUNG YANG SGRUB PA PO NUS BA DANG LDAN PAS GSER GYI CHUS TSE RING BA, DNGUL GYIS
, ,MDANGS BZANG BA DANG, GZHAN RNAMS KYIS NAD THAMS CAD ZHI BAR BYED PA'I BCUD LEN DU 'GYUR RO, ,DE LAS DPAG CHID SUM BRGYA BRGAL BAN CHU BZANG PO DAG YOD CING, RI LNGA PA ZHES BYA BAR SLEBS LA, DE NA LJON SHING RIGS MI GCIG PA BRGYA PHRAG MANG PO DANG, RIN PO CHE DU MAS BRGYAN PA YOD DE, DE LA MI'AM CI PHO MO DAG GNAS NAS RTZE ZHING SGRUB PA PO LA SNYAN PA'I GLU DANG MDZES PA'I GZUGS KYIS 'DRID PA DANG, MI SDUG PA'I GZUGS DANG SKAD KYIS BSDIGS PA SOGS BYED KYANG MI G-YO BA'I SEMS DANG STONG PA NYID KYI ZIL GYIS MNAN TE 'GRO BAR BYA'O, ,DE BRGAL BA'I PHA ROL NA BHO tA DANG, SU NG'A? BHO tA DANG, PRA BHO tA ZHES PA RDO RJE MKHA' 'GRO MA MI'I GZUGS KYIS GNAS PAS DER ZHAG BDUN DU GSOL BA BTAB PAS DE RNAMS KYIS CI 'DOD ZER BA LA, KA L'A PAR 'GRO BAR GSOL BA NA RDZU 'PHRUL CAN ZHIG GIS PHRAG PA LA THOGS TE, DPAG TSAD BZHI YIS MTHO BA'I GANGS RI DANG, GANGS KHROD DPAG TSAD BRGYA PHRAG MANG PO CHU TSOD GCIG GIS BGROD NAS RI BO TZANDRA KA LA ZHES PA SMAN GYI LJON SHING TSAD MED PA SKYE BA'I LJONGS NYAMS DGA' BA ZHIG TU PHYIN PAR 'GYUR RO, ,RI BO 'DI SHAMBHA LA'I YUL GYI PHYI'I GANGS RI'I NYE 'DAB NA GNAS SO, ,PHYOGS DER 'PHAGS MA RAL GCIG MA MNGON SUM DU BZHUGS PA LA ME TOG KUNDA DANG KU SUMBHA'I ME TOG GI SBYIN SREG STONG PHRAG BRGYAD PHUL NAS DNGOS GRUB KYI DON DU GSOL BA BTAB STE 'GRO ZHING GANGS KYI PUndA RI KA'I ME TOG GCIG BLANGS TE, AOm SHVE TA
SHVE TA DZA tI NI SHRU TI SMRI TI BI DZA YA BHI SV'AH'A, ZHES PA'I RIG PA LNGA STONG BZLAS NAS SPYI BOR BCINGS PAS GNOD SBYIN GTUM PO RNAMS DBANG DU BYED CING, THAMS CAD LA 'JUG PA'I SHES RAB THOGS MED DU RGYAS PAR 'GYUR RO, ,DE NAS BYANG PHYOGS SU ME GHA KE RU ZHES PA DANG, DE'I PHA ROL NA S'A LA'I NAGS DANG TA LA'I NAGS CHEN PO YOD DE, NAGS DANG GRONG KHYER DE DAG GI GZHI LA DPAG TSAD BRGYAS YONGS SU BCAD PA YIN NO, ,DE NAS BYAD PHYOGS SU SHU NI KA RA NA'I GONG DANG, BI BI DZA LA ZHES BYA BA DANG, KHA DIR DANG TZANDAN GYI NAGS CHEN PO YOD DE, DE RNAMS KYANG DPAG TSAD BRGYA'I BDAG NYID DO, ,DE'I PHYI ROL NA LJONGS CHEN PO SAm SU KHA ZHES BYA BA YOD, 'DI SHAMBHA LA'I YUL MTHA'I GANGS RI'I MTHAR GNAS PA SKYE BO RNAMS KYI PHO'I DBANG PO BRLA G-YAS DANG, MO'I DBANG PO G-YON PAR GNAS PA STE PHYED LUS CAN NO, ,PHYOGS DER 'DZAM BU'I GLING GI LJON SHING MA LUS PAR SKYE ZHING, DE'I PHA ROL KUN TU DGE BA'I NAGS ZHES BYA BA'I PHA ROL NA SHAMBHA LA'I YUL CHEN PO GNAS SO, ,GNYIS PA NI, BSDUS PA'I RGYUD KYI RGYAL PO CHEN PO LAS, DPAL LDAN RGYAL PO NYI MA 'GA' ZHIG DAG GIS SHAMBHA LA ZHES RAB TU GRAGS PA'I KA L'A PA, ,PHYOGS BZHI DAG NI RI YIS BSKOR ZHING MNGA' YIS BSGYUR BA DPAG TZAD RNAMS KYI TSAD DU NI, ZHES DANG, G-YAS KYI PHYED LA SHAMBHA LAR GRAGS THUB MCHOG GI GNAS GRONG NI BYE BA LHAG PAR GNAS PA STE, ,BYE BA'I GRONG GIS NGES PAR BCINGS PA YUL DU 'GYUR TE RGYAL KHAMS GRONG NI 'BUM PHRAG RNAMS KYIS
, ,SO, ZHES GSUNGS PA LTAR, 'DZAM BU'I GLING CHUNG NGU 'DI LHO BYAD DU DPAG TSAD STONG PHRAG NYER LNGA YOD PA CHA MNYAM DRUG TU BGOS PA'I CHA RE RE NI PHYI ROL NAS RIM PA BZHIN, RGYA GAR DANG, BOD DANG, LI DANG, RGYA NAG DANG, RGYA NAG CHEN PO DANG, KEE LA SHA'I DUM BU STE DRUG PO THAMS CAD KYI DKYUS TSAD GLING 'DIR SHAR NUB TU MNYAM ZHID ZHENG TSAD NI RE RER DPAG TSAD STONG PHRAG BZHI BRGYA DANG DRUG CU PHYED RE BDUN RGYAD PHRAG PHYED, GZHU 'DOM SUM BRGYA DANG SO GSUM, KHRU GANG SOR BRGYAD MNYAM PAR YOD PA'I KEE LA SHA'I DUM BU DE'I RGYAB LHUN PO'I PHYOGS LA BSTAN PA DANG, MDUN CHU BO SI TA'I PHYOGS LA BSTAN PA'I G-YAS PHYED MA DE SHAMBHA LA'I YUL CHEN PO YIN NO, ,TSUL 'DIR BOD KYI NUB DANG SHAR GYI THAD NA GNAS PA'I RGYA DKAR NAG GI YUL RNAMS KYANG BOD LA BRTZI BAR DGONGS LA, DES RGYA NAG SOGS LA YANG SBYAR NAS SHES SHING 'PHAGS YUL NI LHO MTHA' R'ASMI SHVA RI NAS BYANG MTHA' BAL PO'I BAR LA BRTZI BAR DGONGS SO, ,YANG RGYUD KYI RGYAL PO NYID LAS, PHYI ROL DU NI 'DAB MA RE RE DAG KYANG NYIN BYED YUL DANG GLING GI YUL RNAMS DAG GIS BRGYAN, ZHES GSUNGS PA LTAR, GRUB PA'I GNAS CHEN PO DE NI SHIN TU ZLUM PO MTHA' SKOR GANGS RI'I 'PHRENG BAS BSKOR ZHING, LHO NUB DANG SHAR PHYOGS NA 'GRO BA'I LAM DANG BCAS PA, GANGS RI'I NANG DU S'A LA'I NAGS MTHUG POS BSKOR ZHING YUL ZLUM PO DE CHA MNYAM GSUM DU BGOS TE, LTE BA DE'I MTHA' SKOR DU YANG SNGAR PHYI ROL TU YOD PA DE LTA BU'I GANGS RI DANG NAGS
KYI 'PHRENG BAS BSKOR BA LA PADMA'I LTE BA LTA BU'I DBUS NYID DU PHO BRANG KA L'A PA YOD PAS PHO BRANG GI MTHA' NAS MTHA'I RI LA THUG GI BAR LA DPAG TSAD LNGA BRGYA YOD DO, ,MTHA' SKOR GYI NAGS MTHA' NAS RIM GYIS GANGS DANG BCAS PA'I GYEN DU NYIN LAM 'GA' ZHIG 'DZEGS TE PHYIN PAS RTZE MOR NGO BO GANGS RI YIN PA LA LO MANG POR MA BZHU BAS CHU SHEL GYI RANG BZHIN DU GYUR PA 'OD SHIN TU 'BAR BA'I STENG THEL SHIN TU YANGS PA'I STENG NA PHO BRANG KA L'A PA YOD LA, MKHAS GRUB CHOS KYI RGYAL PO DGE LEGS DPAL BZANG POS DUS 'KHRO t'IKA CHEN DU GANGS RI GSUNGS SHING, PAn CHEN BLO BZANG CHOS KYI RGYAL MTSAN GYIS DUS 'KHOR 'GREL BSHAD DU LTE BA ZLUM PO SHIN TU YANGS PA ZHES GSUNGS PA GNYIS KYI DGONGS PA 'DI LTAR SHES DGOS TE, tR'IKA CHEN GYI DGONGS PA NI SPYIR GANGS RI DE YOD PA LA DGONGS LA, RNAM DAG YID BZHIN GYI NOR BU'I DGONGS PA NI GANGS RI'I STENG GI THEL SHIN TU YANGS PA LA DGONGS PA YIN NO, ,PHO BRANG DE YANG JI LTA BU ZHE NA, RIN PO CHE SNA TSOGS KYI RANG BZHIN LAS GRUB PA'I 'OD KYIS DPAG TSAD TZAM GYI KHYON LA KHYAB PA 'OD DE DANG MTHA'I GANGS RI'I RTZE MO'I 'OD 'DRES PAS MTSAN MO YANG NYIN MO LTA BU'I 'OD 'PHRO ZHING, YI GE PHRA MO TSUN CHAD KYANG KLOG TU RUNG BA STE, 'OD DE'I KHROD NAS ZLA BA'I 'OD ZER LA BLTAS PA'I TSE SKYA KHYIL LE BA LAS GZI BYIN 'BYIN MI NUS PAS RJE BLO BZANG CHOS RGYAN GYIS 'JAM DPAL GRAGS PA'I RTOGS BRJOD DU, GZI BYIN MA BZOD CHA SHAS CAN, ,GLING BZHI MYUL BA'I ZOL
, ,GYIS BROS, ZHES GSUNGS PA YIN NO, ,PHO BRANG DER RIGS LDAN GYI RGYAL PO BZHUGS PA'I KHANG PA RNAMS MA RGAD DANG, ZLA BA CHU SHEL DANG, RDO RJE PHA LAM LAS BYAS PA'I SHEL SGO SNA TSOGS LAS GRUB PA'I 'OD KYIS NYIN MTSAN BYE BRAG MI PHYED CING, BZHUGS KHRI RIN PO CHE DE RNAMS MCHOG GI PHRAS BTAB PA'I GSER DANG 'DZAM BU CHU PO'I GSER LAS GRUB PA DANG, RIN PO CHE DE DAG NYID LAS GRUB PA DAG GI NGOS LA DVANGS SHEL GYI MCHOG ME LONG LTA BU'I GZHIR THAG RING PO DPAG TSAD LNGA BCU TZAM GYI SA'I KHYON GYI CHU NANG GI SROG CHAGS TSUN CHOD KYI GZUGS BRNYAN 'CHAR BA'I LTANG MO MANG PO DANG, SKAR KHUNG GI NGOS DAG LA YANG MAN SHEL GYI 'KHOR LO YOD PA LAS BLTAS PA'I TSE NYI ZLA SKAR GSUM GYI KHANG BZANG DANG, LHA DANG, SKYED MOS TSAL DANG, RGYU BA'I LAM GYI GOL DANG, KHYIM BCU GNYIS SOGS MDUN NA GNAS PA BZHIN DU MTHONG BA DANG, BZHUGS KHRI'I MTHAR TZANDAN SA MCHOG GI KHRA SKYOR DRI BZANG PO DPAG CHAD DU 'PHRO BA DANG, CHEN PO LA 'OS PA'I RAS DANG, GOS SRANG BYE BA BRGYA STONG RI BA DAG GI STAN DANG SNYE 'BOL SOGS MO CHIN PA CIM SMOS PA STE, MDOR NA BZHUGS SA'I GNAS RE RE'I RIN THANG LA GRONG KHYER CHEN PO GSER GYIS PHYUR BUR GANG BDAG RE BAR 'GYUR NA GZHAN DAG LTA SMOS KYANG CI DGOS PA STE, RIGS LDAN GYI SKU'I CHA BYAD NI SENG GE SKRA TSOS MA LAS GRUB PA'I GTZUG TOR DANG, 'DZAM BU CHU BO'I GSER LAS BYAS PA'I PROG ZHU DANG, PHYAG ZHABS KYI GDU BU LA
RIN PO CHE RE RE'I RIN DU GSER SRANG BYE BA RE RI BA'I PHRAS BTAB PA'I 'OD DANG, RIGS LNGAN GYI SKU'I 'OD 'DRES PA KHOR YUG TU KHYAB PAS LHA DBANG GIS KYANG GZI BRJID BZOD PAR DKA' BA DANG, 'KHOR GYI BLON PO DANG, DMAG DPON DANG, BTZUN MO'I 'KHOR RGYA CHEN PO DANG, SHAR nA DANG, GLANG PO GSHOG PA CAN DANG, RTA MCHOG DE LTA PU DANG, SHING RTA DAD, 'KHYOGS LA SOGS PA BZHON PA'I BKOD PA MTHA' YAS PA DANG, RANG BZHIN GYI 'BYOR BA DANG, RIG SNGAGS KYI MTHU DANG, CHAB 'BANGS SU GYUR PA'I KLU DANG, LHA MIN DANG, SRIN BO DANG, MI'AM CI DAG GIS PHUL BA'I LONGS SPYOD DANG KHA ZAS KYI KHYAD PAR LA NI LHA'I DBANG POS KYANG 'GRAN NUS PA MA YIN NO, ,PHO BRANG DE LA DPAG TSAD BCU GNYIS YOD CING, DE'I MDUN LHO PHYOGS NA MA LA YA'I SKYED MOS TSAL CHEN PO'I DBUS SU RGYAL PO ZLA BA BZANG POS BZHENGS PA'I DPAL DUS KYI 'KHOR LO'I BLO SA BSLANGS KYI DKYIL 'KHOR YOD LA, DUS PHYIS RNAMS SU RIGS LDAN GYI RGYAL PO GZHAN GYIS BZHENGS PA'I NGO MTSAR BA'I BLOS BSLANGS MANG PO'ANG YOD PAR SNANG, TSAL DE'I SHAR NA NYE BA'I YID KYI MTSO DANG, NUB NA PADMA DKAR PO'I MTSO STE, TSES BRGYAD KYI ZLA BA LTA BU RE YOD PA'I SKYED MOS TSAL MTSO DANG BCAS PA DPAG TSAD BCU GNYIS SU MTSUNGS PA PHO BRANG GI BYANG PHYOGS SU GRONG KHYER BYE BA PHRAG GCIG MO BRAN GYI TSUL DU YOD CING, DE'I RGYAB NA BYAMS PA LA SOGS PA'I MTSAN CAN DANG, SKU'I RNAM PA CAN GYI RI BO BCU LA BYANG SEMS RNAMS BZHUGS PA, DE'I LTE
, ,BA'I MTHA' SKOR GYI GANGS RI NAS GANGS RI'I BAR LA DBAG TSAD LNGA BRGYA YOD PA'I SA GZHI'I KHYON PADMA 'DAB BRGYAD KYI RNAM PAR YOD PA'I 'DAB MA RNAMS KYI MTSAMS CHU DANG GANGS KYIS PHYE BA, 'DAB MA RE RE'I STENG NA MI KHYIM BYE BA BCU GNYIS RE, BYE BA RE LA RGYAL PO RE RE DE RNAMS KYIS KYANG DUS KYI 'KHOR LO STON TE, KHYON BSDOMS GRONG KHYER BYE BA PHRAG DGU BCU RTZA DRUG GO, DE RNAMS SKAD SAm KRi TA'I SKAD DU SMRA BA DANG LUS KYI CHA BYAD THOD DANG RAS GOS DKAR BO GYON TE LONGS SPYOD CHUNG DU NGAG LA YANG GSER BANG BA BRGYAR NYE BA YOD CING, PHAL CHER GRUB PA BRGYAD DU GTOGS PA'I RIG SNGAGS 'GRUB PA DANG, SHER PHYIN GYI MDO LAS GSUNGS PA'I TING NGE 'DZIN LA SOGS PA THOB PA MANG LA, 'JAM PO'I KHRIMS KYIS 'TSO ZHING, 'CHING BA DANG, BRDEG PA SOGS DANG NAD MUG SOGS GTAN NAS MED LA, DGE SLONG SOGS 'KHOR RNAM BZHI BYE BA MANG PO BZHUGS PA DANG RTEN KHYAD PAR CAN BZHUGS PA RNAMS LA BSNYEN BKUR CHAD MED DE CHOS PA PHAL CHER LA RIG SNGAGS KYI MTHUS KLU'AM LHA MIN LA SOGS PA'I MNGAG GZHUG RE YANG 'OD BAR SNANG NGO, ,GSUM PA NI, RTZA BA'I RGYUD KYI RGYAL PO LAS, LO 'DI NAS NI DRUG BRGYA'I LOS, ,DRANG SRONG RNAMS NI SMIN DON DU, ,MI BDAG 'JAM DBYANGS GRAGS BA NI, ,SHAMBHA LA ZHES BYA BAR 'BYUNG, ,DE YI LHA MO SGROL MA CHE, ,SRAS NI PAD 'DZIN 'JIG RTEN DBANG, ,BDAG GI SH'AKYA'I RIGS BRGYUD LAS, ,BYUNG BA ZLA BZANG KHYOD RIGS LA'O, ,ZHES DANG, RGYUD 'DIR
DRANG SRONG RIGS SOGS LA, ,SANGS RGYAS LAM NI GSAL BYED PA, ,ZLA BA LHA DBANG GZI BRJID CAN, ,ZLA BAS BYIN DANG LHA'I DBANG PHYUG, SNA TSOGS GZUGS DANG LHA'I DBANG LDAN, ,GRAGS PA PAD DKAR RIM PAS SO, ,'DAS PA'I RGYAL PO NYI MA'I 'OD, ,DE NI BGEGS DGRA'I SPRUL BA STE, ,PHYAG NA RDO RJE ZLA BZANG KHYOD, ,SA SNYING GSHIN RJE GSHED MTHAR BYED, ,SGRIB PA THAMS CAD RNAMS SEL BA, ,RMUGS BYED KHENGS BYED RIM PA STE, ,NAM MKHA'I SNYING PO 'JAM DBYANGS DANG, ,'JIG RTEN MGON PO GO RIM BZHIN, ,GSHIN RJE GSHED SOGS KHRO BO BCU, ,DE BAR BYANG CHUB SEMS DPA' GZHAN, ,BCU GSUM DE RNAMS RIM PA YIS, ,RIGS LDAN RIGS LAS 'BYUNG BAR 'GYUR, ZHES DANG, GRAGS PA RIGS LDAN RIGS KYANG STE, ,DE NAS RIGS LDAN PADMA DKAR, ,BZANG PO RIGS LNGAN GSUM PA STE, ,DE BZHIN BZHI PA RNAM RGYAL LO, ,BSHES GNYEN BZANG PO PHYAG DMAR DANG, ,BDUN PA KHYAB 'JUG SBAS PA'O, ,NYI MA GRAGS DANG SHIN TU BZANG, ,RGYA MTSO RNAM RGYAL RGYAL DKA' DANG, , RIGS LDAN NYIM BCU GNYIS PA, ,SNA TSOGS GZUGS DANG ZLA BA'I 'OD, ,MTHA' YAS DANG NI SA SKYONG DANG, ,DPAL SKYONG SENG GE RNAM PAR GNON, ,STOBS PO CHE DAD MA 'GAGS PA, ,MI YI SENG GE DBANG PHYUG CHE, ,MTHA' YAS RNAM RGYAL RIGS LDAN DANG, ,GRAGS PA RIGS LDAN DE NAS SLAR, ,DE SRAS 'KHOR LO CHEN PO CAN, ,RIGS LDAN DRAG PO 'BYUNG 'GYUR TE, ,SMRA MKHAS RTA MCHOG TING 'DZIN GYIS, ,KLA KLO'I CHOS RNAMS MTHAR BYED BA'O, ,ZHES GSUNGS PA
, ,LTAR, DE BZHIN GSHEGS PA SH'AKYA'I RGYAL PO'I SKU'I RUS MANG POS BKUR PA'I RGYAL PO'I GDUNG DRI MA MED PA SH'AKYA'I RIGS BRGYUD LA RGYAL PO NYI MA'I 'OD DANG, DE'I SRAS SU ZLA BA BZANG PO BYUNG LA DES SNGON BSHAD PA BZHIN DPAL LDAN 'BRAS SPUNGS KYI MCHOD RTEN CHEN POR RGYUD GSUNG BAR GSOL BA BTAB PA STE RTZA BA'I RGYUD KYI RGYAL PO GSUNGS PAS MTSON RGYUD MTHA' DAG GSUNGS PA RNAMS NGES PAR BSDUS NAS SHAMBHA LAR BSHAD DE 'GREL BSHAD STONG PHRAG BCU GNYIS PA MDZAD CING, RTZA RGYUD GSUNGS PA'I LO GNYIS PA LA BLOS BSLANGS DE BZHENGS NAS GANG NAS BYON PA'I ZHING LONGS SPYOD RDZOGS PA'I GNAS SU GSHEGS SO, ,DE NAS CHOS RGYAL ZLA BA DANG, LHA DBANG DANG, GZI BRJID CAN DANG, ZLA BAS BYIN DANG, LHA'I DBANG PHYUG DANG, SNA TSOGS GZUGS DANG, LHA'I DBANG LDAN RNAMS KYIS CHOS RIM PA BZHIN BSTAN TE DE RNAMS LA CHOS RGYAL BDUN ZHES BYA LA, LHA'I DBANG LDAN DANG BTZUN MO SNA TSOGS YUM GYI SRAS SU 'JAM DPAL GRAGS PA 'KHRUNGS NAS LO BRGYAR SENG GE'I KHRIL ZHABS SEN BKOD DE CHOS BSTAN NAS, NYI MA'I SHING RTA LA SOGS PA'I DRANG SRONG BYE BA PHRAG PHYED DANG BZHI LA SGANG LO BRGYA BA'I DBO ZLA BA'I NYA LA BOS NAS BDAG GI TSIG THAMS CAD MKHYEN PA'I LAM THOB PAR BYED PA NYON CIG ,CES SOGS KYIS MTSAMS SBYAR NAS ZLA BA PHYI MA'I NYA LA YUL DE'I MI RNAM LA RDO RJE THEG PA'I LAM STER BAS KHYED RNAMS KYIS KUN TU SPYOD PA DANG, GRUB PA'I MTHA' RNAMS ZHIB
MOR SMROS SHIG, CES GSUNGS PA'I BKA' NYI MA'I SHING RTA LA SOGS PAS SPYI BOR NOS NAS BRTAGS PA NA GRUB PA'I MTHA' MI MTHUN PA MANG POS DRANG SRONG RNAMS NYID KYANG RMONGS SHING SA LA 'GYEL BAR GYUR PA NA, MI'I DBANG PO GRAGS PAS KHYED RNAMS KYI GRUB MTHA' MI MTHUN PA MANG PO BLOS BRTAGS PA 'DIS CI BYA, ZLAB PHYI MA NAG PA'I NYA LA BDAG GIS YUL 'DI'I SKYE BO THAMS CAD RDO RJE'I RIGS GCIG TU DBANG BSKUR BA SBYIN PAR BYA'O, ,KHYED RNAMS LAM DE LA 'JUG PAR 'DOD NA GNAS 'DI NYID DU 'DUG CIG ,GAL TE MI SBRON NGED KYI BKA' SPYI BOR NOD PA'I YUL 'DI BOR LA GZHAN DU SONG ZHIG, DE LTA MIN NA KHYOD KYI TSA BO'I DUS SU KLA KLO'I CHOS DAR BAR BYED PAR 'GYUR RO, ZHES BKA' RDO RJE'I THOG LTA BU SPYI BOR PHABS PAS DRANG SRONG RNAMS MTHA' GCIG TU SONG NAS PHAN TSUN BGROS TE, THAMS CAD MTHUN PAR NYI MA'I SHING RTA LA BDAG CAG RANG GI CHOS LAS GZHAN DU 'JUG PAR MI SPRO ZHING, MI'I BDAG PO KHYOD KYI BKA' LAS KYANG 'GONG BAR MI NUS PAS YUL CHEN PO DGU BCU RTZA DRUG 'DI DOR NAS KHA BA CAN GYI LHO LANG+GA'I GLING GI BYANG 'PHAGS PA'I YUL DU 'GRO BA MCHOG GO ZHES ZHUS TE, ZHABS LA PHYAG BYAS NAS NYI MA BCU GNYIS KYI BAR DU LHO PHYOGS SU PHYIN NAS LTE BA'I MTHA'I NAGS KHROD DU GRANG BTAB BO, ,DER RGYAL PO GRAGS PAS DGONGS PA 'DI RNAMS 'PHAGS YUL DU SONG TSE SHAMBHAL LA SOGS PA'I YUL CHEN PO DGU BCU RTZA DRUG GI SKYE BO RNAMS RDO RJE THEG PA DE NI RIGS PA MA YIN TE, DRANG SRONG DE RNAMS THAR PA DON GNYER BA
, ,YIN KYANG, RDO RJE THEG PA RIGS PA MA YIN PAR MTHONG NAS GRAGS PA'I TSIG DBANG CHEN POS RANG GI YUL BOR NAS 'PHAGS PA'I YUL DU SONG BA'I PHYIR, ZHES PA'I LOG RTOG 'BYUNG BAR GZIGS NAS DRANG SRONG LHA DANG, BCAS PA RMONGS PAR BYED PA'I TING NGE 'DZIN LA SNYOMS PAR ZHUGS PAS, DRANG SRONG RNAMS NAGS TSAL DER RMONGS PAR GYUR PA RI KHROD PA RNGON PA SGYU 'PHRUL CAN RNAMS KYIS MKHA' LDING GI GZUGS MI BSRUN PA SNA TSOGS KYIS BCINGS NAS RAS CHEN PO'I KHUD DU NAM MKHA'I LAM LAS KHYER 'ONGS TE, MAL YA'I TSAL GYI SKYING MOS TSAL DU DKYIL 'KHOR GYI KHANG BA'I SHAR SGOR BOR BAN BRGYAL BA BSANGS SHING SHIN TU NGO MTSAR BAR GYUR PA NA, BLON PO RGYA MTSO'I BLO GROS KYI TSIG GIS MTSAMS SBYAR TE, DRANG SRONG RNAMS KYIS NYI MA'I SHING RTA ZHU BA POR BSKOS NAS, GSER GYI MAndAL SNGON DU 'GRO BAS GSOL BA BTAB PA BZHIN NAG PA'I NYA LA BLOS BSLANGS KYI DKYIL 'KHOR CHEN PO DER DBANG BSKUR NAS RTZA RGYUD RGYAS PA LAS BSDUS PA'I RGYUD KYI RGYAL PO BSDU BAR MDZAD, DRANG SRONG RNAMS KYIS KYANG BSGOMS PAS ZLA BA PHYI MA'I NYA LA YE SHES MNGON DU GYUR, DE NAS PADMA DKAR POS 'GREL CHEN DRI MED 'OD BRTZAMS SHING LO BRGYAR CHOS BSTAN, DE NAS RIM PA BZHIN DU BZANG PO DANG, RNAM RGYAL DANG, BSHES GNYEN BZANG PO DANG, PHYAG DMAR RAM RIN CHEN PHYAG DANG, KHYAB 'JUG SBAS PA DANG, NYI MA GRAGS DANG, SHIN TU BZANG DANG, RGYA MTSO RNAM RGYAL DANG, RGYAL DKA'
DANG, NYI MA DANG, SNA TSOGS GZUGS DANG, ZLA 'OD DANG, MTHA' YAS DANG, SA SKYONG DANG, DPAL SKYOD DANG, SENG GE RNAMS KYIS RIM BZHIN CHOS BSTAN LA, DA LTA RNAM GNON GYIS CHOS BSTAN NAS LO ZHE DGU PA, DE NAS STOBS PO CHE MA 'GAGS PA, MI YI SENG GE, DBANG PHYUG CHEN PO, MTHA' YAS RNAMS RGYAL RNAMS KYIS CHOS BSTAN PA'I MTHAR, DRAG PO 'KHOR LO CAN SENG GE'I KHRI LA MNGON PAR BZHUGS NAS, RE ZHIG CHOS BSTAN TE, CHU BO SI TA'I LHO PHYOGS KYI 'PHAGS PA'I YUL GYI BYE BRAG MA KHA NAS BZUNGS YUL THAMS CAD CHOS MIN KLA KLO CHES CHER DAR BAS SHIN TU MI BSRUN BAR GYUR BA GZIGS NAS 'GREL CHEN GYIS MCHOG TU MI 'GYUR BA'I YE SHES GRUB PA LAS GSUNGS PA LTAR, RI BO BZHIN DU 'DAR BA MED PAR GYUR TE, RTA MCHOG DU MA SPRO BA'I TING NGE 'DZIN LA ZHUGS NAS DPUNG CHEN PO KHA DOG SNA TSOGS PA BYE BA DGU, GLANG CHEN MYOS PA G-YUL DU DPA' BA 'BUM PHRAG BZHI DANG, YANG NYI KHRI CHIG STONG BRGYAD BRGYAD DUN CU LA TSOR RE BYAS PA'I TSO DRUG ,GSER GYI SHING RTA 'BUM PHRAG MANG PO, RDO'I RTA RLUNG GI SHUGS CAN ZHES PA DA LTA 'PHAGS YUL BA RNAMS RDAR YAL GHOR ZER BA RGYA MTSO LAS BYUNG BA'I RTA MCHOG CAD SHES GLOG LTAR 'KHYUG PA LA ZHON PA DANG RKANG THANG MTHA' YAS PA DANG BCAS PA'I DPUNG CHEN PO CHU BO SI TA'I LHO PHYOGS SU BYON NAS KLA KLO RNAMS DANG RUM GYI YUL DU G-YUL CHEN PO BKYE STE, KLA KLO'I STON PA BYED PA'I BLO GROS RIGS LDAN RANG NYID KYIS BTUL, DMAG DPON CHEN PO HA
, ,NUS BLON PO CHEN PO ZLA BA'I BU DANG, MCHOG TU 'PHOD RKYEN PA'I DPA' BO RNAMS KYIS KLA KLO'I DBUNG SPYI DANG, SA SKYONG BA RNAMS KYIS SA SKYONG DANG, GLANG PO CHES GLANG CHEN DANG, RTAS RTA RNAMS DANG LHA CHEN BCU GNYIS KYIS KLA KLO'I MGON SKYABS NAG PHYOGS KYI LHA RNAMS BTUL NAS KLA KLO'I RGYUN BCAD, SANGS RGYAS KYI BSTAN PA RDZOGS LDAN LTAR RGYAS PAR MDZAD DE, DE'I DUS SU MI RNAMS KYIS TSE LO BRGYA NGES PAR THUB PA DANG 'BRU RNAMS KYANG MA RMOS BAR 'BROG DGON PAR SKYE BAR 'GYUR TE, RDZOGS LDAN GYI DUS LO BRGYAR 'BYUNG BAR 'GYUR ZHING, DER RIGS LDAN DRAG POR CHOS NYAN PA RNAMS TSE DE NYID LA NGES PAR DUS KYI 'KHOR LO 'GRUB PAR GSUNGS SO, ,DE'I TSE 'PHAGS PA'I YUL DU MGON BO KLU SGRUB SLAR BDE BA CAN NAS SNGON GYI SKU LUS LA 'JUG PA SOGS SANGS RGYAS KYI BSTAN PA SHIN TU GSAL BA DANG, DE BZHIN DU SA DUM BU BCU GNYIS SU KLA KLO'I RGYUN CHAD PA SOGS NGO MTSAR BA'I CHOS MTHA' YAS PA 'BYUNG STE, GRUB PA'I SKYES BU'ANG SA CHEN PO'I RDUL SNYED 'BYUNG NGO, ,DE NAS CHU BO SA TI'I LHO BYANG DU SRAS TSANGS PA DANG LHA DBANG KHRI LA BZHAG NAS 'KHOR LO CAN RANG NYID LONGS SPYOD RDZOGS PA'I GNAS SU GSHEGS PA SOGS RGYAS PAR MKHAS GRUB CHOS KYI RGYAL PO'I t'AKI CHEN DU BLTA STE, MJUG RNAMS 'DIR MI SPRO'O, ,YUL 'DI NA MDO RGYUD DGONGS 'GREL DANG BCAS PA'I BSTAN BCOS DANG DE RNAMS KYI 'CHAD NYAN DANG, RIG PA'I GNAS BCO BRGYAD BYE BRAG MANG PO
DANG BCAS PA DANG, MI RNAMS TSAN PO CHE'I STOBS DANG LDAN PAS NYIN RER DPAG TSAD BCUR DAL BUS PHYIN PA DANG, RIG PA DANG 'PHRUL 'KHOR GYI KHYAD PAR DAG LA SHIN TU MKHAS PA YIN NO, ,DA NI MTHA' DPYAD PA 'DI BRJOD DE, 'DIR RTZA BA'I RGYUD LAS; BDAG GI SH'AKYA'I RIGS BRGYUD LAS, ,BYUNG BA ZLA BZANG KHYOD RIGS LA'O, ZHES, RIGS LDAN CHEN PO RNAMS SH'AKYA'I RIGS MANG POS BKUR BA'I GDUNG DRI MA MED PAR GSUNGS PA LA, STAG TSANG LO TZTSA BA LA SOGS PA MANG POS ZLA BZANG GI YAB NYI MA'I 'OD NI, 'DUL BA LUNG LAS SDIG CAN 'PHAGS SKYES PO DANG SH'AKYA RNAMS KYIS G-YUL 'KHRUG CHEN PO'I DUS SU RI BRAG NAS 'ONGS PA'I SH'AKYA SHAM PA KA ZHES PA DE YIN NO ZHES GSUNGS PA NI LEGS PAR BRTAG DPYAD MA MDZAD PA STE, STON PA SA GA ZLA BA LA MNGON PAR RDZOGS PA SANGS RGYAS PA NAS BRTZIS PA'I ZLA BA BCU GNYIS PA NAG PA ZLA BA LA DPAL LDAN 'BRAS SPUNGS KYI MCHOD RTEN CHEN POR RGYUD STON PAR GSOL BA 'DEBS PA LO BRGYAR NYE BA'I ZLA BZANG GI YAB DE, STON PA'I MDZAD PA GDUL BYA MTHUN MONG BA'I SNANG DOR PHAL CHER BSTAN ZIN PA'I SKABS BYUNG BA'I SH'AKYA NA TSOD DAR LA BABS PA ZHIG YIN PAR 'DOD PA DE SHIN TU NGO MTSAR BA'I GNAS YIN PA'I PHYIR, DER KHYED RNAMS KYI LUGS LA DE LTAR YIN SHAS CHE YANG KHO BO CAG RGYUD GSUNG BA'I DUS DE LTAR KHAS MI LEN NO ZER NA, 'O NA RGYUD KYI RGYAL PO 'GREL CHEN DANG BCAS PA LEGS PAR BSUN PHYUNG ZHIG CES BRJOD PAR BYA ZHING, KHYED RANG GI TSUL DE LA'ANG ZLA BZANG DGONGS LO BCO LNGA LAS
, ,RING BA MA ZHUGS PAR KHAS LEN DGOS SO, ,GZHAN YANG RANG NYID RMI LAM GYI 'OD GSAL BZUNGS NAS SHAMBHA LAR BYON TE, RIGS LDAN CHEN PO DPAL SKYONG DANG MJAL MYONG BA ZHIG NAS DUS 'KHOR CHOS 'BYUNG DU RIGS LDAN GYI GO RIM DANG DAG POS KLA KLO 'JOMS PA SOGS BKOD NAS RE ZHIG DE LTAR KHAS BLANG BAR BYA ZHES PA DANG, 'DI TZAM ZHIG YONGS SU GRAGS PA LTAR BKOD PA YIN LA, BYANG CHUB SEMS DPA' RNAMS KYI RNAM PAR THAR PA GSANG BA BSAM GYIS MI KHYAB PA YIN PA'I PHYIR, RIG GRAS KYI PHO TSOD DON LA GNAS DKA' BO ZHES RANG GI ZHE 'DOD DU MKHAS GRUB CHOS KYI RGYAL PO'I t'AKI CHEN SNYAN BRGYUD KYI GDAMS PA DANG BCAS PA DGAG 'DOD NAS GSUNGS PA LA, DON DU RGYUD KYI STON PA RDO RJE 'CHANG LA DGAG PA MDZAD PAR SONG BA 'DI, SBRAD BUBS BSAD 'DOD NAS BA'I KLAD PA BCOM PA'I DPE ZHIG DOR BA RNAMS LA NYID RANG NAS GSUNGS PA DE RANG THOG TU 'KHOR GDA' ZHES PA'I KYAL KA YANG ZHU'O, ,RGYA GAR CHOS 'BYUNG DU KLU SGRUB BZHUGS PA'I DUS SU KLA KLO'I CHOS DAR BAR GSUNGS PA SOGS KYANG, STON PA THUGS RJE CAN NYID KYIS, LO 'DI NAS NI DRUG BRGYA'I LO YIS GSAL BAR MI BDAG GRAGS PA SHAMBHA LA ZHES BYA BAR 'BYUNG, ,DE NAS KLU YI LO BRGYA RNAMS KYIS NGES PAR MKHA'I YUL DU KLA KLO'I CHOS RNAMS 'JUG PA DAG TU 'GYUR, ZHE, DPAL LDAN 'BRAS SBUNGS SU RTZA RGYUD GSUNGS NAS RAGS RTZIS KYI LO DRUG BRGYA NAS 'JAM DPAL GRAGS PA 'BYUNG BA DANG, DE NAS LO BRGYAD BRGYAN 'PHAGS YUL
GYI MKHAR KLA KLO'I CHOS 'JUG PAR GSUNGS PA RNAMS DANG DNGOS SU 'GAL BAS, DE BZHIN GSHEGS PA'I GSUNG NGAD MI MTHUN PA ZHAL GYIS BZHES DGOS PA 'DI RGYA GAR GYI SKAD LEGS PAR MKHYEN STABS SNGON GYI CHOS 'BYUNG LA 'DRIS PA'I 'PHAGS YUL BA RNAMS DANG GSUNG 'PHROS MDZAD PA'I TSE, RGYA GAR GYI YUL CHOS LA RGYA GAR RANG NA YOD PA'I SOG PO RNAMS LA, MO GOL LAM, TU RU KA ZER ZHING, RGYA NAG PHYOGS NA YOD PA RNAMS LA KEL MAG ZER BAS, TU RU KA YIN PHYIN KLA KLO YIN SHAG THUGS LA 'KHRUNGS NAS, SNGON GYI TU RU KA RIG BYE KYI TSIG MCHOD SBYIN DON DU PHYUNG DAG SPROS, ZHES SOGS KYI RJES SU 'BRANG BA RNAMS DANG DE DAG GI BU BRGYUD PHYIR LOG BA'I LAM DU CHER 'CHEL BA'I KLA KLO RNAMS KYI DBYE BA MA PHYED PA LAGS TE, RGYAL PO SANGS RGYAS PHYOGS DANG G-YUL 'GYED PA'I TU RU KA DE RIG BYED PA DANG, LA WANG SE NAR DMAG BYED PA DE KLA KLO YIN PA SOGS KHYAD PAR SHES DGOS SO, ,DES NA NYID CHOS RJE BSAM YAS PA BKRA SHIS DPAL LDAN GYI DUS NAS MKHAS PA'I YANG RTZER SON, RJE RGYAL BA GNYIS PA'I GSUNG LAS SKYES PA'I BU SLOB KYI MCHOG TU GYUR KYANG MKHAS GRUB RJE THUGS SU MA 'THAD PA'I RGYU MTSAN PHRAN BU LAS BSAM BZHIN GYI GSUNG DGOS GNAD CAN THAL CHES PAS SKU PHYI MA RNAMS SU 'PHRIN LAS JI BZHIN LAM DU MI 'GRO BA YANG BYUNG SNANG NGO, ZHES KYANG SMRAS SO, ,DPAL SHAMBHA LA'I YUL GRUB PA'I GNAS CHEN PO 'DIR JI LTA BA BZHIN BGROD PA LA NI RIG SNGAGS KYI MTHU GA DENGS
, ,KHEL NGES RE NGES PAR 'GRUB DGOS LA, DE LTA MIN PAR SONG NA NI SLEBS BA SHIN TU DKA' BAS, PAn CHEN CHOS KYI RGYAL MTSAN GYIS, GROGS DAG MYUR DU SUM RTZEN DGA' BA'I TSAL, ,SA LA 'PHOS 'DRA DPAL LDAN SHAMBHA LAR; ;'JUG PA'I RNAM THAR RANG GIR GZUNG 'DOD NA, ZHES SOGS GSUNGS PA LTAR SKYE BA PHYI MA RNAMS SU GRUB PA'I GNAS CHEN PO RNAMS SU SKYES NAS TSE DE NYID LA RDO RJE 'CHANG GI SAR BGROD PA'I SMON PA KHO NA SBYONG DGOS TE, DPER NA BDE BA CAN DU SKYES TZAM NAS NGAN SONG DU MI LTUNG BA RANG CHAS SU GRUB PA LTAR GRUB PA'I GNAS 'DIR SKYES TZAM NAS, MCHOG MTHUN GYI DNGOS GRUB BDE BLAG TU 'GRUB PA GSHIS SU YOD PA YIN NO, ,DE BZHIN DU 'PHAGS PA'I YUL 'ANG RGYUD KYI RGYAL PO GSANG BA 'DUS PA LAS, RGYAL NYID SKYES SHING ZHI BA'I GNAS DAG TU, ZHES GSUNGS PA BZHIN STON PA GANG DUS SANGS RGYAS PA DANG, CHOS KYI 'KHOR LO BSKOR BA DANG, MYA NGAN LAS 'DAS PA DANG, BLTAMS PA SOGS KYI GNAS SU SNGAGS PHRENG BA'I PHYED ZLOS PA DANG, TING NGE 'DZIN YUD TZAM BSGOM PA'I NUS PA LA, PHYOGS GZHAN DU LO ZLAR SBREL BAS 'GRAN MI BZOD KYANG, BOD LTA BU NI TSAD SBRUL SRIN BU SOGS SROG GI BAR CHAD DU 'GYUR BA'I RKYEN MANG ZHING KHYAD PAR BOD RNAMS BA LANG GI SHA BZA' BA'I RIGS NANG DU BYED PAS SKYUG BRO BA'I 'DU SHES KYIS KHANG BA BZANG PO DAG TU JI BZHIN MI 'KHRID PA SOGS BGROD PAR SLA BA NI MA YIN PAS NANG RDO RJE'I LUS NYID LA GNAD DU BSNUN DGOS PA YIN
NO; ;DES NA TSUL 'DI RNAMS KYIS SNGON DANG DA LTAR GYI 'BYUNG BA DAG KYANG RTOGS PAR BYA'O, ,DPAL LDAN RGYU SKAR STONG GZUGS DKYIL 'KHOR GRVANG, ,RGYAL KUN MI 'GYUR BDE BA'I 'JO SGEG GI, CHOS KUN MGRON DU BOS PA'I SNANG BA DE, ,SMRA BSAM BRJOD 'DAS LTAD MOR 'BYAMS SU KLAS, ,GSAL RIG SNANG BAR LAS KYI BAG CHAGS RDUL, ,MU MTHAS DBEN PA BSAGS PA'I KHAMS KYI CHA, ,DAG DANG MA DAG GRUB PA'I ZHING SO SOR, ,'CHAR 'DI SGYU MA LAS KYANG SGYU MA NYID, ,DE PHYIR 'DZAM GLING SPYI DANG KHYAD PAR DU, ,'PHAGS YUL GRUB PA'I GNAS MCHOG KA L'A PA, ,RANG BZHIN BRJOD PA'I NYER DPYAD GTAM GYI GZHI, ,'DI YIS MKHAS RNAMS MGUL PA CIR YANG MDZES, ,MA BRTAGS GYI NA'I GTAM GYIS MA BSLAD CING, ,LOG RTOG RMONGS PA'I DRA MANG GCOD BYED PA, ,'DI SBYAR DGE BAS MKHA' MNYAM 'GRO BA KUN, ,RNAM 'DREN BDE BA CHE LA REG GYUR CIG (,CES GRUB PA'I GNAS CHEN PO SHAMBHA LA'I RNAM BSHAD 'PHAGS YUL GYI RTOGS BRJOD DANG BCAS PA 'DI NI, RANG NYID RTZOM 'DUN CHE BA'I RKYEN GYIS BSKUL NAS G-YAS RU SHANGS BDE CHEN RAB RGYAS GLING DU 'DUG SKABS 'PHAGS PA'I YUL GYI DAG DA NA'A THA' YUL BSHAD PA YAN CHAD BRIS ZIN MUR, HAL KHA CING SU CHUG TU TO MI TAN GYI DGE SGRUB PA AER TE NI CHOS RJE BLO BZANG DGE 'DUN, SBI LIG THU THON MGRON GNYAR YE SHES BSTAN DAR, GSOL DPO CHE CHEN THON BLO BZANG DPAL 'BYOR, SBI LIG THU DGE SKOS BLO BZANG BKRA SHIS RNAMS NAS SHAMBHA LA'I LAM YIG ZHIG RTZOM DGOS TSUL GYIS BSKUL ZHING, KHYAD PAR SNYIGS DUS SU RGYAL BSTAN 'DZIN PA LA SMON LAM GYI MTHU GRUB PA BRAG G-YAB SPRUL PA'I SKU DPAL LDAN BSTAN PA'I RGYAL MTSAN GYI GSUNG GIS BSKUL MA
, ,MDZAD PA LTAR, 'PHAGS PA DON YOD LCAGS KYUS MDZAD PA'I LAM YIG DANG, KHYAD PAR DU MKHAS GRUB YONGS KYI GTZUG RGYAN CHOS KYI RGYAL PO DGE LEGS DPAL BZANG PO DANG RDO RJE 'CHANG BLO BZANG CHOS KYI RGYAL MTSAN DPAL BZANG POS MDZAD PA'I DUS 'KHOR RNAM BSHAD RNAMS GZHIR BZHAG ,RJE SHAMBHA LA PAS RMI LAM GYI DON BSHAD PA'I LAM YIG SOGS LA'ANG CUNG ZAD BRTAGS SHING, YUL CHEN PO 'DI DANG 'PHAGS PA'I YUL GNYIS KA'I DON RGYA CHER 'CHAD PA RGYAL PO CHEN PO MYA NGAN MED NAS PRA TI TA SE NA'I BAR GYI YIG GA ZHUNG CHEN MO DANG MTHUN PAR DBYAD CING, GSER DANG GLA RTZI DON DU GNYER BDAG GI RDZUN TSIG SOGS KYI LHANG CUNG ZAD KYANG MED PAR DGE SLONG MANG DU THOS PA BLO BZANG DPAL LDAN YE SHES KYIS RIGS LDAN GYI RGYAL PO RNAM GNON GYI SGANG LO ZHE DGU PA SHING ME LUG LO'I CHU STOD ZLA BA'I 'DUL TSES GNYIS KYI NYIN CHOS GRVA CHEN PO BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING GI GZIMS CHUNG BKA' GDAMS PHO BRANG DU RDZOGS PAR SUG BRIS SU BGYIS PA'O, ,SKYABS MGON CHEN PO DE NYID KYIS 'DI LA LJAGS ZHUS ZHIG DGOS TSUL GSUNGS KYANG DBANG PHYOGS RGYAL KHAB CHEN POR CHIBS BSGYUR GNANG BAS BTANG SNYOMS SU LUS, SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,MANG+GA LAm,, ,,
[BLANK PAGE]