, ,LHA MO RDO RJE G-YU SGRON MA'I GTOR CHOG BZHUGS SO,,
, ,NA MO BADZRA BHEE RA W'A YA, DBYINGS PHYUG DBYANGS CAN DPAL LDAN DHA RI HI, ,SGYU 'PHRUL ROL PAS RAB RTZEN LHA YI LHA, , GANG LA BTUD NAS DE YI RNAM PAR 'PHRUL, ,RDO RJE G-YU SGRON MCHOD BSTOD RIM PA 'DRI, ,DE LA 'DIR MA GCIG RDO RJE G-YU SGRON MA MCHOD PAR 'DOD PA'I GANG ZAG GI SA RANG NYID KYI MDUN PHYOGS SU DPAL GYI GTOR MA ZLUM PO DKAR ZHING BRJID PA DANG, NYER SPYOD SOGS 'DU BYAS RANG GSHIN RJE GSHED PO'AM YI DAM GYI LHA GANG YANG RUNG BA'I NGA RGYAL BRTAN POS, AOm SVA BH'A WA SHUDDH'A: SARBA DHARM'A: SVA BH'A WA SHUDDHONYHAm, STONG PA NYID DU GYUR, ,STONG PA'I NGANG LAS RANG GI MDUN DU GANGS
, ,RI'I DBANG PO YID DU 'ONG BA DKAR ZHING GSAL LA BRJID CING BSI BSHEL DKAR GYI LHUN PO LTA BU'I RTZE MI NAM MKHAR BSNYEGS PA'I STENG DU, RIN PO CHE SNA TSOGS LAS GRUB PA'I KHANG BZANG RGYA PHUGS PU SHU MDA' YAB SOGS KYIS SPRAS PA'I NANG G-YU YI DRE'U RTA RLUNG GI GSHOG PA CAN RIN PO CHE'I RGYAN DANG SGRA SRAB KYIS SPRAS PA'I STENG DU, ,BHYOO: DKAR PO YONGS SU GYUR PA LAS, ,DPAL LDAN LHA MO RDO RJE G-YU SGRON MA SKU MDOG STON GYI LANG TSO DAR LA BABS PA'I ZLA BA LTAR DKAR BA, ,LANG TSO BCU DRUG LON PA'I ZHI MA KHRO'I RNAM PA CAN, ,PHYAG G-YAS KHAMS GSUM DBANG DU BYED PA'I MDA' DAR PHYOGS BCUR G-YO BA CING, ,G-YON PA DGOS 'DOD THAMS CAD 'BYUNG BA'I GTER GYI BUM BZANG BSNAMS PA RIN PA CHE'I DBU RGYAN LA SOGS PA'I
RGYAN PA RGYAD DANG DAR GYI NA BZAS MDZES PAR GSOL BA, ,DBU SKRA RAL PA SPYI BOR BCINGS SHING LHAG MA SKU STONG KYI G-YON PHYOGS SU GSIL BUR BABS PA, DRE'U RTA'I STENG NA RDZU 'PHRUL DPAG TU ME DPA'I ROL PAS SKYIL KHRUNG PHYED PA'I STABS KYIS BZHUGS PA, DE'I G-YAS SU RDO RJE CHOS KYI SGRON MA DKAR MO, ,PHYAG G-YAS THONG PA'I RDE'U CHUNG 'KHROL ZHING, G-YON PA MDZES PA'I GAR STABS BSGYUR PA, ,DAR DANG RIN PO CHES BRGYAN CING DRE'U RTA'I STENG DU RNAM PAR ROL BA, ,G-YON DU RDO RJE SNA YON MA SKU MDOG MIG SMAN LTAR GNAG CING SHIN TU KHROS PA PHYAG G-YAS LCAGS KYIS BSTAN DGRA'I SNYING 'BYIN CING, G-YON PA GSER GYI ZOR BAS DAM NYAMS RTZAD NAS GCOD PA, DAR NAG DANG RIN PO CHES BRGYAN CING SGRA DMAR SER RAB TU 'BAR BSHAD BA RVA BCU LA CHIBS PA, MDUN GYI PHYOGS SU RDO RJE NE GNAM SMRAN SGRON DMAR SMYUG ZHI MA KHRO; ME TOG GI 'PHRENG BA DANG RUS PAS BRGYAN CING DAR GYI SMAD G-YOGS GSOL BA'I SKA RAGS LA MI RKANG GI GLING BU GZER BA, G-YAS SENG LDENG GI d'A MA
, ,'KHROL ZHING, G-YON GRI GUG BZUNGS NAS RGYAN DANG SGA SRAB SPANGS PA'I SENG GE DKAR MO LA CHIBS PA'I MTHA' SKOR DU MI DANG LHA'I DBYIBS CAN GYI CHAR SPRIN 'BRUG SGRA CAN SNA TSOGS PAS BSKOR BA, GTZO 'KHOR DE RNAMS KYI MTHA' SKOR DU MDUN NAS G-YAS SKOR GYIS, DPAL LDAN BKRA SHIS TSE RING MA DKAR MO G-YAS RDO RJE DANG G-YON BUM PA 'DZIN PA SENG+GE DKAR MO LA CHIBS PA, SNANG GSAL SBRA STON MA SNGON MO G-YAS BA DAN DANG G-YON ME LONG 'DZIN PA RKYANG RGOD LA CHIBS PA, MI G-YO BLO BZANG MA SER MO G-YAS ZAS KYIS GANG BA'I GZHOD PA DANG, G-YON NE'U LE 'DZIN PA STAG CHEN GRUS MA LA CHIBS PA, COD PAN MGRIN BZANG MA DMAR MO G-YAS DGOS 'DOD 'BYUNG BA'I NOR BU DANG, G-YON GTER GYI SGROM BU 'DZIN BA SHA BA YU MO LA CHIBS PA, GTAD DKAR 'GRO BZANG MA SNGO LJANG G-YAS DUR PA DANG, G-YON SBRUL GYI ZHAGS PA 'DZIN PA G-YU 'BRUG SNGON MO LA CHIBS PA, DE RNAMS KYI PHYI ROL GYI SHAR DU RDO RJE KUN GRAGS MA SNGON MO G-YAS
CHU SRIN RGYAL MTSAN DANG G-YON ME LONG 'DZIN PA 'BRUG LA CHIBS PA, LHOR RDO RJE G-YA' MA SKYONG GSER GYI MDOG CAN G-YAS GSHANG LANG DANG, G-YON ZHAGS PA 'DZIN PA RKYANG LA CHIBS PA; NUB TU RDO RJE KUN BZANG DMAR MO G-YAS RDO RJE DANG G-YON BUM PA 'DZIN PA SENG GE DKAR MO LA CHIBS PA, BYANG DU RDO RJE BGEGS KYI GTZO SNGON MO G-YAS RU MTSON RTZE LNGA DANG, G-YON ZHAGS PA 'DZIN PA DRE'U RTA LA CHIBS PA STE BDUD MO CHEN MO BZHI, DE'I PHYI ROL GYI SHAR DU RDO RJE SBYAN GCIG DKAR MO G-YAS GSER GYI ZOR BA DANG, G-YON BUM PA 'DZIN PA SHA BA RVA BCU LA CHIBS PA, LHOR RDO RJE DPAL GYI YUM SER MO G-YAS d'A MA RU DANG, G-YON ME LONG 'DZIN PA MKHA' LDING LA CHIBS PA, NUB TU RDO RJE GLU DMAR MO G-YAS PAR BU DANG G-YON SBRUL ZHAGS 'DZIN PA GYER GLING LA CHIBS PA, BYANG DU RDO RJE GRAGS MO RGYAL LJANG KHU G-YAS BE CON DANG G-YON 'KHAR GZHOD 'DZIN BA 'PHAR BA LA CHIBS BA STE GNOD SBYIN CHEN PO BZHI, DE'I PHYI ROL GYI SHAR DU RDO RJE BOD KHAMS SKYONG DKAR MO G-YAS MDA' DAR DANG G-YON SGROM BU 'DZIN PA RLUNG GIS BSKYOD PA'I SPRIN DANG BCAS PA'I RTA MCHOG LA CHIBS PA, LHOR RDO RJE SMAN GCIG
, ,MA SER MO G-YAS DAR GYI LHAB LHUB DANG, G-YON 'BRANG RGYAS 'DZIN PA 'O RGYUN DANG BCAS PA'I MDZO MO LA CHIBS PA, NUB TU RDO RJE G-YA' MO BSIL DMAR MO G-YAS RIN PO CHE 'BAR BA DANG, G-YON TING SHAG 'DZIN PA SHA BA YU MO LA CHIBS PA, BYANG DU RDO RJE DRIL BU GZUGS LEGS MA SNGON MO G-YAS PADMA DANG G-YON DRIL BU 'DZIN PA STAG LA CHIBS PA STE SMAN MO CHEN MO BZHI, DE THAMS CAD KYANG RIN PO CHE'I RGYAN DANG DAR GYI NA BZAS MDZES PA, RDZU 'PHRUL SNA TSOGS KYIS ROL PA, DE RNAMS KYI PHYI ROL DU KLU CHEN RDO RJE 'BAR BA GTZUG NA SOGS 'KHOR TSOGS DAM CAN RGYA MTSOS BSKOR BA'I GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS BAL BOD GNYIS KYI MTSAMS GANGS RGYAL MO MTHON MTHING GI PHO BRANG SOGS GAR BZHUGS RDO RJE'I GZHAL YAS NAS MA GCIG RDO RJE G-YU SGRON MA 'KHOR BCAS SPYAN DRANGS, DRI ZHIM PO'I BSANGS DUD 'JAM PO DANG ROL MO ZANGS DUNG RKANG GLING SOGS BRJID CING SNYAN BA'I ROL MO'I DBYANGS DANG BCAS TE, BHYOO: DUS GSUM RGYAL BA
BSKYED MDZAD DBYANGS CAN MA, ,RAB KHROS DRAG MO'I SKUR BZHENGS DMAG ZOR LHA, ,PHYI NANG GSANG BA'I SKU YI RNAM 'GYUR CHE, ,BYE BA PHRAG BRGYA'I TSOGS BCAS SPYI BOS MCHOD, ,BAL BOD LI DANG LJANG YUL KHYAD PAR DU, ,GANGS CHEN MTHON MTHING RGYAL MO'I GNAS MCHOG NAS, ,SRID 'GRO'I BDAG MO RDO RJE G-YU SGRON MA, ,MKHA' 'GRO BYE BA 'BUM BCAS DA TSUR SPYON,, G-YU YI DRE'U RTA RLUNG GI SHUGS BSKYOD CING, ,G-YU 'PHRUG SNGON MO RAB BRJID SGRA DBYANGS SGROG ,G-YU YI CHAR SPRIN 'DOD DGU'I DPAL 'BAR BA, ,G-YU YI BDUD RTZI'I CHAR BZANG 'PHEBS CING GSHEGS, ,PHYAG G-YAS RDZU 'PHRUL G-YU YI SGRO LDAN GYIS, ,KHAMS GSUM DBANG SDUD MDA' DAR SRID RTZER G-YOB, ,G-YON PA RIN CHEN BUM BZANG CI 'DOD CHAR, ,RNAL 'BYOR RE BA JI BZHIN STZOL ZHING SPYON, ,BSTAN SKYONG CHEN MO RDO RJE CHOS KYI SGRON, ,PHYAG G-YAS THOD RDAS BSTAN DGRA RMONGS PAR BYED, ,G-YON PA GAR STABS SKAL LDAN DBANG DU SDUD, ,DRE'U RTA'I SPRIN GYI SHUGS CHEN BSKYOD DE BYON, ,RDO RJE SNA YON ZOR BAS DAM NYAMS KYI, ,MGO BO 'BRAL BYED G-YAS PA LCAGS KYU YIS, ,DGRA SNYING DMAR POR PHYUNGS NAS ZA BYED PA, ,BDUD SHA NA GA PO'I
, ,SHUGS BZANG BSKYOD DE BYON, ,GLING SMAN RDO RJE GNAM GYI NE NE SGRON, ,PHYAG G-YAS SENG LDENG d'A RUS KHAMS GSUM SDUD, ,G-YON PA BUM BZANG 'DOD DGU'I GTER CHEN STZOL, ,MI RKANG GLING BU SKED LA RNAM PAR GZER, ,SENG GE'I STOBS SHUGS 'BAR BA 'UR SE 'UR, ,STENG NA NE TZO'I GSHOG SKOR LING SE LING, ,RJES SU CHU BYA'I 'GROS 'KHOR LAM SE LAM, ,MDUN NA PHAG RGOD DUR SGRA 'U RU RU, ,SPRIN GYI DPA' BO'I 'KHOR MANG DANG BCAS TE, ,TSE RING MCHED LNGA BSTAN MA BCU GNYIS BCAS, ,'DIR BYON RNAL 'BYOR 'PHRIN LAS MA LUS SGRUBS, ,AOm MA MA LE LE TA TA TE TE A'A KARshA YA DZA: DZA: DZA: DZA : H'Um BAm HO: GNYIS SU MED PAR GYUR, DBANG GI LHAS DBANG BSKUR, GSHIN RJE GSHED KYIS DBU BRGYAN PAR GYUR, ,DNGOS GRUB 'BYUNG GNAS RDO RJE G-YU SGRON MAR, ,DNGOS GRUB ZHU PHYIR BDUD RTZI'I MCHOD YON 'DI, ,DNGOS GRUB LEGS PAR BSKUL BA'I RGYUR 'BUL NA, ,DNGOS GRUB STZOL PHYIR LEGS PAR BZHES SU GSOL, ,AOm MA MA LE LE TA TA TE TE AARGHAm PRA T'ITZTSA YE SV'AH'A, DE BZHIN DU MCHOD YON GYI GNAS SU ZHABS BSIL NAS ZHAL ZAS KYI BAR BCUG CING, AARGHAm GYI GNAS SU P'A DYAm NAS NEE WI DYA'I
BAR SBYAR BAS CHU GNYIS NYER SBYOR KYI BAR DANG, PI WAm GLING BU CHA LANG SIL SNYAN DANG, ,DUD DKAR ZANGS DUNG RKANG GLING TING SHAG RNGA, ,'KHAR BA'I SIL KHROL SNYAN PA'I GLU DBYANGS KYIS, ,G-YU YI SGRON MA RTAG TU MNYES PHYIR MCHOD, CES DANG, SHAPTA SBYAR BAS ROL MO DANG, GONG SNGAGS LA R'U PA NAS SPARSHA'I BAR GYIS 'DOD YON LNGA 'BUL, GONG SNGAGS LA AOm A'A: H'Um BTAGS PAS NANG MCHOD 'BUL, ,RANG GI THUGS KA'I H'UM LAS 'OD ZER 'PHROS PAS RDO RJE GSUM GYI LHA TSOGS MDUN GYI NAM MKHAR SPYAN DRANGS, SKU LAS BDUD RTZI'I RGYUN BABS CING DAM TSIG NYAMS CHAGS SBYONG BA'I DMIGS PA DANG BCAS TE YI GE BRGYA PA GANG MANG BRJOD NAS, BHYOO: LHUN GRUB SKU BZHI'I GO 'PHANG MCHOG BRNYES PA'I, ,RTZA BRGYUD BLA MA'I DAM TSIG 'GAL BA BSHAGS, ,MCHOG MTHUN DNGOS GRUB BDE BLAG NYID STZOL BA'I, ,YI DAM LHA TSOGS DAM TSIG NYAMS CHAGS BSHAGS, ,DAM TSIG GNYAN PO GCIG TU RAB DKAR BA'I, ,RDO RJE SPUN GROGS DAM TSIG NYAMS CHAGS BSHAGS, ,'PHRIN LAS RNAM BZHIS LAS KUN MYUR BSGRUB PA'I, ,CHOS SRUNG DAM TSIG NYAMS PA MA LUS BSHAGS, ,KHYAD PAR MKHA' 'GRO'I BDAG MO CHE KHYOD KYI, ,RTZA BA YAN LAG DAM TSIG NYAMS PA
, ,DANG; ;SKU GSUNG THUGS DANG 'GAL BA'I NYES PA'I TSOGS, ,MA LUS GNOD ZHING 'GYOD PAS BSHAGS BGYID NA, ,GDOD NAS SPROS KUN NYER ZHI'I MKHA' DBYINGS SU, ,KUN GSAL NGOGS SU CHU 'DZIN JI LTA BAR, ,LEGS BYANG 'PHRIN LAS DBYAR RNGAS BDAG YID KYI, ,MDONGS MTHA' DGA' BA'I DPAL YON BZHAD BAR MDZOD, CES BSHAGS PA BYA, DE NAS BSKANG RDZAS DANG BSKANG GTOR RNAMS BYIN GYIS BRLABS BA SPYI BZHIN BYA, ROL MO DBYANGS DANG BCAS PAS, BHYOO: RANG GI CHOS NYID BDEN PAS RAB STOD BA'I, ,DBYINGS DANG BDE CHEN ZUNG 'JUG ROL PA LAS, ,BYUNG BA'I KUN BZANG MCHOD SPRIN RGYA MTSO YIS, ,G-YU YI SGRON MA 'KHOR BCAS MCHOD PAR BGYI, ,DAM NYAMS SNYING KHRAG BDUD RTZI'I MCHOD YON DANG,, DBANG PO'I ME TOG AUTPAL PADMA 'BAR, ,SHA CHEN DUD SPRIN AA KAR DZ'A TI SPOS, ,ZHUN CHEN SNANG GSAL NOR BU'I SGRON 'OD KYIS, ,MA GCIG RDO RJE G-YU SGRON THUGS DAM BSKANGS, ,LAS BYED LHA MO GSUM GYI THUGS DAM BSKANGS, ,DPAL LDAN TSE RING MCHED LNGA'I THUGS DAM BSKANGS, ,BSTAN SKYONG SDE BRGYAD TSOGS KYI THUGS DAM BSKANGS, ,'KHOR DANG BCAS PA'I
THUGS DAM SKONG GYUR NAS, ,RNAL 'BYOR DPON SLOB NYAMS CHAGS GSOS GYUR CIG ,MI MTHUN RKYEN DANG BAR GCOD BZLOG PA DANG, ,MTHUN PA'I DNGOS GRUB MA LUS STZAL DU GSOL, , MKHRIS PA'I DRI CHAB GA PUR GUR KUM MTSO, ,SHA RUS ZHAL ZAS LHA MI'I BDUD RTZI DANG, ,MI RKANG ZANGS DUNG CHA LANG ROL MO'I TSOGS, ,'DOD YON SNA LNGA RGYAL SRID SNA BDUN GYIS, ,SOGS RKANG PA PHYI MA RNAMS 'GRE, SMAN PHUD GSER SKYEMS BSANGS SNA'I DUD SPRIN DANG, ,MYOS BYED BTUNG BA SNA TSOGS SPOS KYI RDZAS, ,RIN CHEN GSER DNGUL SPUG DANG KE KE RU, ,BEE d'UR SNA TSOGS DAR ZAB 'BRU'I TSOGS KYIS, ,MA GCIG RDO RJE G-YU SGRON, LAS BYED LHA MO GSUM GYI, DPAL LDAN TSE RING MCHED LNGA'I, BSTAN SKYONG SDE BRGYAD TSOGS KYI, 'KHOR DANG BCAS PA'I RNAL 'BYOR DPON SLOB, MI MTHUN RKYEN DANG BAR GCOD, MTHUN PA'I DNGOS GRUB MA LUS, KHRAB RMOG 'THAB BER PHUB RING PHYUB CHUD DANG, ,RAL GRI MDUNG RNON GSHANG LANG MDA' DANG GZHU,, GYOGS CHEN GNAM LCAGS THOG GI 'PHRUL 'KHOR DANG, ,RLUNG GI SHUGS 'CHANG 'BAR BA'I DRE'U RTA YI, ,MA GCIG RDO RJE G-YU SGRON, LAS BYED LHA MO GSUM GYI, DPAL LDAN TSE RING
, ,MCHED LNGA'I, BSTAN SKYONG SDE BRGYAD TSOGS KYI, 'KHOR DANG BCAS PA'I, RNAL 'BYOR DPON SLOB, MI MTHUN RKYEN DANG BAR GCOD, MTHUN PA'I DNGOS GRUB, MDZES PA'I RTA MCHOG SPRIN LTAR RNAM PAR 'GYU, ,G-YAG RGOD KHA DOG SNA TSOGS 'GYING ZHING 'PHYO, ,'O RGYUN 'DZIN PA'I 'BRI DANG 'DOD 'JO'I BA, ,SHA RKYANG LA SOGS MDZES PA'I RI DVAGS KYIS, ,MA GCIG RDO RJE G-YU SGRON, LAS BYED LHA MO GSUM GYI, DPAL LDAN TSE RING MCHED LNGA'I, BSTAN SKYONG SDE BRGYAD TSOGS KYI, 'KHOR DANG BCAS PA'I, RNAL 'BYOR DPON SLOB, MI MTHUN RKYEN DANG BAR GCOD, MTHUN PA'I DNGOS GRUB, STOBS LDAN BYA RGOD BSTAN DGRA'I KLAD LA LDING, ,GTUM CHEN MIG DMAR KHRA TSOGS THOG LTAR 'BAB, ,BYA ROG BDUD SDE'I MIG 'BYIN MCHU SDER 'BAR, ,ME LDAN CHU SKYAR LA SOGS MKHA' LDING GIS, ,STAG CHEN DOM RGOD GZIG DANG 'PHAR BA WA, ,DRED DANG SPYANG KI 'JIGS PA'I KHYI NAG TSOGS, ,RA RGOD LUG DANG SDIG SPRUL PHAG RGOD SOGS, ,DAM NYAMS 'JOMS BYED SPYAN GZIGS SNA TSOGS KYIS, ,PHYI NANG GSANG
BA'I MDOS DANG RTEN RDZAS TSOGS, ,RIN CHEN SNOD DU RAB GTAMS GTOR MA DANG, ,GLING BZHI RI RAB NYI ZLA BA LA SOGS PA, ,MKHO DGU'I YO BYAD MA TSANG MED PA 'DIS, ,TING 'DZIN 'PHEL ZHING BSGOM PAR BYA BA YI, ,RTEN MCHOG MTSAN NYID LDAN PA YE SHES KYI, ,LHA MCHOG NYID KYI BYIN RLABS PHUL BYUNG BA, ,RAB TU DGYES SHING ROL BA'I RTEN MCHOS 'DIS, , BSKANG GTOR 'BUL, DE NAS GAL CHE BA'I DUS SU BSKUL BYED PA BYUNG TSE RO LA MO'I TSAM NGAM DANG BCAS NAS, BHYOO: SRID GSUM MNGA' BDAG DBAL LHA MO, ,MA GCIG RDO RJE G-YU SGRON MA, ,LAS MKHAN GSUM SOGS 'KHOR DANG BCAS, ,BSTAN DGRA SGROL PHYIR RINGS PAR CHOS, ,SNGA DGRA LAG LA BDAR BA DANG, ,PHYI DGRA YID LA SEMS BA DANG, ,DA DGRA GSHOM PA'I GDUG CAN 'DI; ;DRAG PO'I CHAD BAS DA LTA SGROL, ,MI BZAD ZHAGS PAS LEGS BCINGS NAS, ,BDUD KYI KHRAM SHING 'BAR BAS THOB, ,RDO RJE'I ZOR DANG NAD RKYAL GYIS, ,KHONGS SHIG DGRA BO'I YUL LUS KHONGS, ,RDO RJE'I RAL GRI 'BAR BA DANG, ,GRI GUG RNON POS DUM BUR GTUBS, ,'BAR BA'I ME YIS LEGS BSREGS NAS, ,SHA KHRAG RUS PA TSOGS SU ROL, ,DGRA BO'I MKHAR ZHING RMANGS NAS DGYEL, ,
, ,RIGS BRGYUD BDUN BRGYUD TSUN CHAD CHOD, ,MING GI LHAG MA TZAM MDZOD LA, ,RNAM PAR SHES PA DBYINGS SU DRONGS, ZHES BSKUL ZHING, CHOS SKU YANGS PA'I SOGS PAS BZLOG BA BYA, DE NAS MTHUN PA'I DNGOS GRUB MA DANG, SANGS RGYAS BSTAN BSRUNGS MA SOGS KYIS 'PHRIN LAS BCOL, RANG YI DAM DU GSAL BA'I THUGS KA NAS 'OD ZER 'PHROS MDUN GYI LHA MO 'KHOR DANG BCAS PA'I THUGS KAR BHYOO: YIG GI MTHA' SKOR DU SNGAGS KYIS BSKOR BA LA 'PHYOG ,THUGS RGYUD BSKUL ZHING CI 'DOD PA'I LAS BSGRUB PAR BSAMS LA, AOm MA MA ME ME LA LA LE LE TA TA TE TE H'Um H'Um ZHES CI MANG BZLA, MJUG TU YIG BRGYAS LHAG CHAD KHA BSKANGS, GTOR MA NANG MCHOD LTAR BYIN GYIS BRLABS, RDO RJE G-YU SGRON MA'I LJAGS RDO RJE RTZE GCIG PA DMAR PO 'OD KYI SBU GU CAN GYIS GTOR MA'I BCUD THAMS CAD DRANGS TE GSOL BAR BSAMS LA GONG SNGAGS LA AI DAm BA LING TA KHA KHA KH'A HI KH'A HI ZHES PA LAN BDUN DANG, AA K'A RO LAN GSUM GYIS GTOR MA 'BUL, AARGHAm NAS SHABHA'I BAR GYIS MCHOD, NANG MCHOD KYANG PHUL, DPAL LDAN RDO RJE G-YU SGRON MAR, ,BDAG GIS MCHOD GTOR PHUL BA YIS, ,ZHES SOGS BYA, GZHI BDAG GTOR
MA BTANG, DE NAS BSTOD BA BYA BA NI, BHYOO: SRID PA GSUM GYI MNGA' BDAG MKHA' 'GRO'I GTZO, ,KHYAB BDAG HE RU KA DPAL DKYIL 'KHOR CHER, ,BDE CHEN LHAN CIG SKYES DGA' RAB MYONG MA, , CHOS 'KHOR GNYAN PO'I BSRUNG MA KHYOD LA BSTOD, ,KHYOD SKU GANGS RI'I LHUN PO LTAR MDZES SHING, ,G-YU YI 'OD ZER NAM MKHA'I KHYON KUN 'GENGS, ,DRE'U RTA RAB CHIBS BA STAN BA'I BYA RA MA,, MDA' DAR NOR BUS RAB MDZES KHYOD LA BSTOD, ,SKABS 'GAR HE LA 'BAR MA RAB KHROS GDONG, ,MCHE GTZIGS SKRA BRDZES BSTAN DGRA'I RJES GCOD MA, ,H'Um PHAt NGA ROS BGEGS DPUNG THAL BAR RLOG ,RNAL 'BYOR YONGS KYI SKYONG BYED DBANG POR 'DUD, ,LAS BYED CHOS KYI SGRON MA RDZU 'PHRUL CAN, ,RDO RJE SNA YON DAM NYAMS SROG LA RNGAMS, ,NE NE GNAM SMAN DMAG GI LAS LA DGYES, ,TSE RING BSTAN MA'I TSOGS BCAS BSTOD PAR BGYI, ZHES DANG, RGYAL BA DGE 'DUN RGYA MTSOS MDZAD PA'I TSE RING MCHED LNGA BSTAN MA BCU GNYIS KYI BSTOD PA RNAMS DANG, 'PHAGS PA BYANG CHUB TSUL KHRIMS KYI GNYER GTAD RNAMS 'DIR BYA, DE LTAR BSTOD CING 'PHRIN LAS BCOL BA'I MTHUS, ,RNAL 'BYOR BDAG GIS JI LTAR BCOL BA YI, ,LAS BZHI'I 'PHRIN LAS MA LUS LEGS BSGRUBS NAS, ,RE BA'I
, ,DON RNAMS BDE BLAG RDZOGS PAR MDZOD, ,ZHVA SER RING LUGS PHYOGS DUS GNAS SKABS KUN, ,DAR ZHING RGYAS LA YUN DU GNAS PA DANG, ,DE YI BSTAN 'DZIN GANG NA CI BZHUGS PA'I, ,SKU TSE MDZAD 'PHRIN SRID MTHA'I BAR DU SPEL, ,RJE BTZUN BLO BZANG DPAL LDAN YE SHES ZHABS, ,SRID MTHAR BRTAN ZHING THUGS KYI BZHED PA'I DON, ,GEGS MED LHUN GRUB DAM PA'I CHOS KYI SGRA, ,RTAG TU CHAD PA MED PAR SGROG PAR MDZOD, ,KHYAD PAR RGYAL BSTAN BLO BZANG RING LUGS CHE, ,GANG DANG GANG DU SPEL BZHED KUN 'GRUB CING, ,BKRA SHIS LHUN GRUB CHOS KYI SDE CHEN POR, ,'JIGS MED SENG GE'I KHRI LA RAB ROL MDZOD, ,DGE MTSAN STONG 'BAR BKRA SHIS G-YANG CHAGS KYI, ,LHUN PO'I SPO DANG JO RDZONG 'DUS PA'I SDE, ,GNYER DU GTAD KYI NYIN MTSAN DUS DRUG TU, ,BSRUNG SKYOB 'PHRIN LAS BSGRUB LA MA G-YEL ZHIG ,CES 'PHRIN LAS BCOL, DE NAS, BHYOO: YID LA DRAN PA YIS KYANG MCHOG MTHUN GYI, ,DNGOS GRUB MA LUS BDE BLAG NYID STZOL ZHING, ,RAB 'BYAMS SPRO DANG BSDU BA'I LHAN SKYES DNGOS, ,BLA MA YI DAM NGO BOR MNGA' GSOL LO, ,GZHAN PHAN 'PHRIN LAS MA LUS RAB RDZOGS SHING, ,SKU BZHI'I MNGA' BDAG RDZOGS
SANGS RGYAS KYI DNGOS, ,THEG CHEN DAM CHOS DGE 'DUN KUN 'BYUNG BA'I, ,BSLU MED MCHOG GSUM NGO BOR MNGA' GSOL LO, ,LAS BZHI LHUN GRUB MNGON SPYOD ME CHAR GYIS, ,BDUD DPUNG PHYER BRLAG BSTAN PA'I BKA' BSRUNG MDZAD, ,PHAN BDE'I DPAG BSAM LJON PA G-YUR ZA BA'I, ,BKA' BSRUNG KUN GYI GTZO MOR MNGA' GSOL LO, ,RNAL 'BYOR BDAG CAG MI NOR BLTOS PAR BCAS, ,BSRUNG ZHING SKYOB LA NAM YANG MA G-YEL BAR, ,TSE DPAL RAB RGYAS DPAL 'BYOR LEGS TSOGS RNAMS, ,ZAD MED RTAG BRTAN CHOS KYI MCHED ZLAR MDZOD, ,RJE BTZUN BLA MA SOGS BYA, DE NAS YE SHES PA BRTAN BZHUGS DANG GSHEGS GSOL GANG RUNG BYA ZHING, BSNGO BA SMON LAM GYIS BRGYAN NAS, BHYOO: SKYABS SU BSTEN PAS SRID ZHI'I 'JIGS PA LAS, ,RAB SGROL BLA MA LHA YI SKU GSUNG THUGS, ,MA LUS GCIG TU BSDUS PA'I BDAG NYID CHE, ,RTZA BRGYUD BLA MA RNAMS KYI BKRA SHIS SHOG ,ZHI RGYAS DBANG DRAG LAS BZHI GRUB CHEN BRGYAD, ,MA LUS BDE BLAG NYID DU STZOL MDZAD CING; ;PHAN DANG BDE BA KUN GYI GZHIR GYUR PA'I, ,YI DAM LHA TSOGS RNAMS KYI BKRA SHIS SHOG ,DAM NYAMS DGRA BGEGS SGROL LA MTHU DANG STOBS, ,THOGS PA MED CING JI DANG JI LTA
, ,BA'I; ;DNGOS GRUB MA LUS 'BYUNG BA'I DPAG BSAM SHING, ,DPAL LDAN RDO RJE HE LA'I BKRA SHIS SHOG ,BSOD NAMS DAR RGYAS SOGS BYA'O,, ZHES BA 'DI NI RGYUD 'DON PA DKA' CHEN BLO BZANG BSHES GNYEN DANG DRUNG RAM BA BLO BZANG BSAM GTAN, DRUNG RAM PA BLO BZANG PHUN TSOGS, DKA' CHEN BLO BZANG MGON PO RNAMS KYIS BSKUL BA LTAR 7 'JAM DPAL GSHIN RJE'I GSHED KYI RNAL 'BYOR PA 7 SH'KYA'I DGE SLONG BLO BZANG DPAL LDAN YE SHES KYIS SBYAR BA'O,, ,,` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, SARBA MANG+GA LAm,, ,,
[BLANK PAGE]