, ,MA GCIG GRUB PA'I RGYAL MO LUGS KYI TSE MTHA' YAS PA'I SGRUB PA LA BRTEN RANG GZHAN GYI TSE SPEL BA DANG, DE'I SLAD DU RIL SGRUB JI LTAR BYA BA BZHUGS SO,,
, ,NA MO GU RU, GANG LA BRTEN NA 'CHI MED TSE YI GTER, ,SKAD CIG NYID LA STZOL MDZAD TSE MTHA' YAS, ,MCHOG GI ZHABS LA GUS PAS PHYAG BYAS TE, ,'CHI MED TSE YI RIL BU SGRUB TSUL 'DRI, ,DE YANG MA GCIG GRUB PA'I RGYAL MO LUGS KYI TSE MTHA' YAS PA'I SGRUB PA LA BRTEN RANG GZHAN GYI TSE SPEL BA DANG, DE'I SLAD DU RIL SGRUB JI LTAR BYA BA NI, RNAM RGYAL BUM PA GAS CHAG SOGS MED PA'I NANG DU, RAB 'BRONG RTZE LHA SRAS RJE'I TSE SGRUB TU GSAL BA LTAR GYI BCUD LEN RIL BU'AM, DE LTAR MA GRUB TSE PHYE BZANG PO LA DE BZHIN GSHEGS PA'I GDUNG SHA RI RAM SOGS BYIN RLABS KYI GTA' MANG PO DANG, DUG RIGS MIN PA'I BZANG DRUG SOGS KYI SMAN SNA CUNG ZAD BSRES PA LA KA RA'AM
, ,SBRANG RTZI SOGS KYIS MNGAR ZHING BCUD DANG LDAN PA'I RO PHUN SUM TSOGS PAR BYAS TE RIL BU RGYA SRAN TZAM LA KHA DOG DMAR SER GANG RUNG GI TSOS LDAN SGRIL BCAGS DANG SKAM THAG LEGS PAR BCAD PAS GSUM GNYIS TZAM DU SLEB PAR BKANG, DE'I KHAR NGAR DMAR PO'I STENG DU RDO RJE GZUNGS THAG BZHAG CING, COD PAN DANG MGUL CHINGS, NA BZA' SOGS KYIS LEGS PAR BRGYAN TE, STEGS MTHON PO'I KHAR BZHAG PA'I MTHA' SKOR DU NYER SPYOD GTOR MA NA NGAM CHOD SOGS LEGS PAR BSHAMS, SGRUB PA PO RNAMS KYIS KHRUS BYAS, GTZANG SPRA DANG LDAN PAS STAN BDE BA LA 'DUG NAS, RANG NYID SKAD CIG GIS BCOM LDAN 'DAS TSE DPAG MED DU GSAL BAR GYUR, AOm BADZRA AA MRi TAS BSANGS SVA BH'A WAS STONG PAR SBYANGS, STONG BA'I NGANG LAS YAm LAS RLUNG RAm LAS ME A'A:LAS MI MGO'I SGYED BU GSUM GYI STENG DU A'A:LAS BYUNG BA'I THOD PA PHYI DKAR LA NANG DMAR BA'I NANG DU SHA LNGA BDUD RTZI LNGA SBYANGS RTOGS SPAR GSUM BYAS PA LAS BYUNG BA'I ZAG
PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A:H'Um LAN GSUM GYIS NANG MCHOD BYIN GYIS BRLABS, MCHOD PA RNAMS AA MRi TAS BSANGS SVA BH'A WAS STONG PAR SBYANGS, STONG BA'I NGANG LAS A'A:LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, MAR ME, DRI CHAB, ZHAL ZAS, ROL MO RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A:H'Um, P'A DYAm, PUshPE, DHU PE, A'A LO KE, GANDHE, NEE WI DYA, SHAPTA A'A:H'Um, R'U PA, SHAPTA, GANDHE, RA SA, SPARSHA A'A:H'Um, ZHES MCHOD PA BYIN GYIS BRLABS, RANG NYID TSE DPAG MED DU GSAL BA'I THUGS KAR ZLA BA LA GNAS PA'I HR'I: YIG GI 'OD ZER GYIS BDE BA CAN NAS BCOM LDAN 'DAS TSE DPAG MED LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS 'OD ZER RANG GI SNYING GAR THIM PAR GYUR, GANG GI DRIN GYIS BDE CHEN NYID, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,'JIG RTEN 'DRAN PA'I GTZO BO TSE DPAG MED, ,DUS MIN 'CHI BA MA LUS 'JOMS PA'I DPAL, ,MGON MED SDUG BSNGAL GYUR PA RNAMS KYI SKYABS, ,SANGS RGYAS TSE DPAG MED LA PHYAG 'TSAL LO, ZHES PHYAG BYI SNYANG GA NAS SPROS PA'I MCHOD PA'I LHA
, ,MO RNAMS KYIS MCHOD PAR BSAM LA, AOm SARBA TA TH'A GA TA AA PA RI MI TA A'A YURDZNY'A NA SA PA RI W'A RA AARGHAm PRA nITZTSA SV'AH'A, DE BZHIN DU P'ADYAm, PUshPE, DH'U PE, A'A LO KE, GANDHE, NEE WI DYA, SHAPTA BRA H'ITZTSA SV'AH'A, R'U PA, SHAPTA, GANDHE, RA SA, SPARSHA PRA T'ITZTSA SV'AH'A, ZHES MCHOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU BDAG SKYABS MCHI, ,RANG GZHAN DON NI RAB BSGRUB PHYIR, ,BYANG CHUB SEMS NI BSKYED PAR BGYI, ,BYANG CHUB MCHOG GI SEMS NI BSKYED BGYIS NAS, ,SEMS CAN THAMS CAD BDAG GI MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,MAR GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BAR GYUR CIG ,SEMS CAN THAMS CAD SDUG BSNGAL MED PA'I BDE BA DANG MI 'BRAL BAR GYUR CIG ,SEMS CAN THAMS CAD NYE RING CHAGS SDANG DANG BRAL BA'I BTANG SNYOMS TSAD MED PA LA SEMS GNAS PAR GYUR CIG ,CES SKYABS SEMS DANG TSAD MED BZHI SGOM PA SNGON DU BTANG, TSOGS ZHING RNAMS RANG LI THAM PAS 'CHI MED TSE'I DNGOS GRUB THOB PAR GYUR, ZHES BRJOD CING BSGOM,
DE NAS SVA BH'A WAS STONG PAR SBYANGS, STONG PA'I NGANG LAS SKAD CIG GIS RDO RJE'I SA GZHI RVA BA GUR BLA BRE ME RI DANG BCAS PA'I DBUS SU RMA BYAS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS BAD ZLA DANG NYI MA'I DKYIL 'KHOR GYI GDAN LA RANG NYID BCOM LDAN 'DAS MGON PO TSE DANG YE SHES DPAG TU MED PA SKU MDOG BYU RU'I LHUN PO LA NYI MA BYE BA'I MDANGS KYIS 'KHYUNG BA LTA BUR DMAR ZHING 'OD ZER 'PHRO BA ZHAL GCIG PHYAG GNYIS MNYAM GZHAG GI STENG NA 'CHI MED TSE'I BDUD RTZIS GANG BA'I BUM PA BSNAMS PA, ZHABS RDO RJE SKYIL KRUNG GIS BZHUGS PA RIN PO CHE DANG DAR GYIN BZAS MDZES PAR KLUBS PA, MTSAN BZANG PO SUM CU RTZA GNYIS DANG DPE BYAD BZANG PO BRGYAD CUS SPRAS SHING SKU LAS 'OD ZER DPAG TU MED PA 'PHRO BA'I SPYI BOR AOm DKAR PO, MGRIN PAR A'A:DMAR PO, THUGS KAR H'Um SNGON PO, LTE BAR SV'A SER PO, GSANG BAR H'A LJANG KHU 'OD ZER LNGA 'PHRO BAS MTSAN PA, THUGS KA'I H'Um LAS 'OD ZER 'PHROS, BSGOM PA DANG 'DRA BA'I YE SHES PA SPYAN DRANGS, AOm SARBA TA TH'A GA TA AA PA RI MI TA A'A YU RDZNY'A NA SA PA RI W'A RA AARGHAm NAS SHAPTA'I BAR GYIS MCHOD, DZA:H'Um BAm HO:GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS DBANG GI LHA RNAMS SPYAN DRANGS, AOm SARBA TA TH'A GA TA AARGHAm NAS SHAPTA'I BAR GYI ,MCHOD, DE BZHIN GSHEGS PA THAMS CAD KYIS 'DI LA DBANG BSKUR DU GSOL, ZHES GSOL BA BTAB
, ,PAS, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS SKU KHRUS GSOL, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES BDUD RTZI'I CHUS SPYI BO NAS DBANG BSKUR BAS LUS THAMS CAD GANG BDE BA CHEN PO MYONG DRI MA THAMS CAD DAG ,CHU'I LHAG MA SPYI GTZUG TU GNAS PA YONGS SU GYUR PA LAS 'OD DPAG MED KYIS DBU BRGYAN CING, DBANG GI LHA RNAMS RANG NYID LA THIM PAR GYUR, BDAG BSKYED KYI MCHOD PA SNGAR BZHIN BYIN GYIS BRLABS, RTEN CING 'BREL PAR 'BYUNG BA YI, ,LHA RDZAS BZANG PO'I MCHOD YON 'DI, ,RGYAL BA SRAS DANG BCAS LA 'BUL, ,BZHES NAS TSE YI DNGOS GRUB STZOL,, AOm SARBA TA TH'A GA TA RTEN CING 'BREL PAR 'BYUNG BA YI, ,LHA RDZAS BZANG PO'I ZHABS BSIL 'DI, ,P'A DYAm PRA T'ITZTSA H'Um SV'AH'A, ZHES SOGS KYIS NYER SPYOD ROL MO 'DOD YON LNGA RNAMS PHUL, AOm SARBA TA TH'A GA TA AA PA RI MI TA A'A YURDZNY'A NA SA PA RI W'A RA AOm A'A:H'Um, ZHES NANG MCHOD KYANG 'BUL, RGYAS PAR SPRO NA NYI GZHON 'CHAR KHA MA'AM BSDU NA, 'JIG RTEN 'DREN PA'I GTZO BO TSE DPAG MED SOGS KYIS BSTOD, RANG GI SNYING GAR ZLA BA'I DKYIL 'KHOR GYI STENG DU HR'I: YIG GI MTHAR SNGAGS 'PHRENG GIS BSKOR BA LAS 'OD ZER 'PHROS BLA MA YI DAM PHYOGS BCU'I SANGS RGYAS BYANG SEMS DPA' BO MKHA' 'GRO CHOS SKYONG BSRUNG MA'I TSOGS SPYI DANG KHYAD PAR DU BCOM LDAN 'DAS MGON PO TSE DANG YE,
SHES DPAG TU MED PA'I SKU GSUNG THUGS YON TAN 'PHRIN LAS DANG BCAS PA'I BYIN RLABS 'BYUNG BA BZHI'I BCUD SOGS MDOR NA SRID ZHI'I LEGS TSOGS THAMS CAD 'CHI MED TSE'I BDUD RTZI'I RNAM PAR BKUG BDAG NYID LA THIMS BAS BYIN GYIS BRLABS PAR BSAM LA, AOm NA MO BHA GA WA TE AA PA RI MI TA A'A YURDZNY'A NA SU BI NI SHTZI TA TE DZO R'A DZ'A YA, TA TH'A GA T'A YA, AARHA TE SAMYA KSAm BUDDH'A YA, TADYA TH'A, AOm PUnYE PU nYE MAH'A PU nYE AA PA RI MI TA BU n+YE AA PA RI MI TA PUnYA DZNY'A NA SAm BH'A RO PA TZI TE, AOm SARBA SAm SK'A RA PA RI SHUDDHA DHARMA TE GA GNAS MUNG+GA TE SVA BH'A WA BI SHUDDHE MAH'A NA YA BA RI W'A RE SV'AH'A, ZHES GZUNGS RINGS DANG, AOm AA MA RA nI JI W'ANTE YE SV'AH'A, ZHES GZUNGS THUNG RNAMS BRGYA STONG KHRI 'BUM SOGS LONG SKABS DANG BSTUN NAS BZLA, YIG BRGYAS LHAG CHAD KHA BSKANG, GTOR MA NANG MCHOD LTAR BYIN GYIS BRLABS, BCOM LDAN 'DAS MGON PO TSE DANG YE SHES DPAG TU MED PA'I LJAGS 'OD ZER GYI SPU GUS GTOR MA'I BCUD THAMS CAD DRANGS TE GSOL BAR GYUR PAR BSAM LA, AOm AA PA RI MA TI A'A YU RDZNY'A NA SA PA RI W'A RA AI DAm BA LI TA KHA KHA KH'A HI KH'A HI, ZHES LAN GSUM LA SOGS PA JI LTAR RIGS PAS GTOR MA PHUL, AARGHAm NAS SHABTA'I BAR GYIS MCHOD, NANG MCHOD KYANG 'BUL, NYI GZHON 'CHAR KHA MA'AM 'JIG RTEN 'DREN PA'I SOGS BSTOD PA RGYAS BSDUS SKABS SBYAR GYIS BSTOD, DE NAS BUM PA AA MRi TAS BSANGS, SVA BH'A WAS STONG PAR SBYANGS, STONG PA'I NGANG LAS BAD ZLA'I
, ,GDAN LA BAm LAS RIN PO CHE'I BUM PA PHYI BUM BA'I DBYIBS LTO BA CHE BA MGRIN PA RING BA, MCHU 'PHYANG BA LA SOGS PA MTSAN NYID THAMS CAD DANG LDAN PA'I NANG GZHAL YAS KHANG GDAN DANG BCAS PAR GYUR PA'I DBUS SU RMA BYAS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PAD ZLA NYI MA'I DKYIL 'KHOR GYI GDAN LA RIL BU RNAMS BCOM LDAN 'DAS ZHES PA NAS YE SHES PA SPYAN DRANGS ZHES PA'I BAR GONG LTAR LA SKABS 'DIR DRIL BU DANG d'A MA RU DANG, DUNG DANG, SIL SNYAN DANG, RNGA DANG, GLING BU LA SOGS PA'I SGRA SNYAN CING 'JAM PAS SNYAN GSAN PHAB LA, YID LA DRAN PAS 'CHI BDAG BDUD SDE'I DPUNG, ,SKAD CIG NYID LA MTHAR MDZAD BLA MA LHA, ,TSE DANG YE SHES MTHA' YAS MGON PO MCHOG ,SPYAN 'DREN MCHOD PA'I GNAS 'DIR GSHEGS SU GSOL, ,'CHI MED YE SHES BDUD RTZI'I RGYUN BZANG PO, ,LEGS STZAL PHYI NANG 'CHI BDAG BDUD SDE LAS, ,RGYAL BA'I GO 'PHANG DAM PAR BA STZOL PHYIR, ,THUGS RJE'I DBANG GIS 'DIR GSHEGS BYIN GYIS RLOBS, ,BDE BA CAN DANG YON TAN BKOD PA'I ZHING, ,LA SOGS GAR BZHUGS RDO RJE'I PHO BRANG NAS, ,LEGS PAR BYON TE BDAG DANG RGYU SBYOR LA, ,'CHI MED BDUD RTZI'I CHAR CHEN PHAB TU GSOL, ZHES SPYAN DRANGS SHING, DE NAS AOm SARBA TA TH'A GA TA NAS DBANG GIS LHA RNAMS KYANG DE NYID LA THIM PAR GYUR ZHES PA'I BDAG SNGAR BZHIN BRJOD, ,MCHOD PA RNAMS SNGAR BZHIN BYIN GYIS BRLABS, SNYAN PA'I
DBYANGS DANG PHYAG RGYA SOGS DANG BCAS TE, MCHOD YON PHAL CHER MCHOD YON BLA RE DANG, ,MCHOD YON BKOD PA'I 'OD ZER RAB BKYE ZHING, ,MCHOD YON SNA TSOGS KUN TU BKRAMS BYAS NAS, ,BDAG NYID CHEN PO RGYAL BA SRAS BCAS MCHOD, AOm SARBA TA TH'A GA TA AA PA RI MI TA A'A YURDZNY'A NAS PA RI W'A RA AARGHAm PRA T'ITZTSA H'Um SV'AH'A, DE BZHIN DU ZHABS BSIL PHAL CHER ZHABS BSIL BLA RE DANG, P'A DYAm ME TOG PHAL CHER ME TOG BLA RE DANG, PUshPE BDUG SBOS PHAL CHER BDUG SPOS BLA RE DANG, DH'U PE SNANG GSAL PHAL CHER SNANG GSAL BLA RE DANG, A'A LO KE DRI CHAB PHAL CHER DRI CHAB BLA RE DANG, GANDHE ZHAL ZAS PHAL CHENG ZHAL ZAS BLA RE DANG, NEE WI DYA SIL SNYAN PHAL CHER SIL SNYAN BLA RE DANG, SHAPTA RIN CHEN DBANG GI RGYAL PO BEEd'URYA, ,SNGON PO LA SOGS KHA DOG DBYI BAS KYI GZUGS, ,RNAM GSUM GZUGS KYI RDO RJE MAR BYAS NAS, ,DKYIL 'KHOR LHA YI SPYAN LA DBUL BAR BGYI, ,AOm SARBA TA TH'A GA TA AA PA RI MI TA A'A YU RDZNY'A NA SA PA RI W'A RA R'U PA MA ZIN 'BYUNG BA'I TSOGS PA LAS BYUNG BA'I, ,BRJOD BRAL DBYANGS LA SOGS PA SGRA YI TSOGS, ,RNAM GSUM SGRA YI RDO RJE MAR BYAS NAS, ,DKYIL 'KHOR LHA YI SNYAN LA DBUL BAR BGYI, ,R'U PA'I GNAS SU SHAPTA, GANDHE, RA SA, SPA RSHA RNAMS SHLOO KA SO SO'I RJES SU 'DON PA SPOS LA, GA PUR AA KAR DZ'A TI LA SOGS PA, ,LEGS PAR SBYAR LAS BYUNG BA'I DRI YI TSOGS,,
, ,RNAM GSUM DRI YI RDO RJE MAR BYAS NAS, ,DKYIL 'KHOR LHA YI SHANGS LA DBUL BAR BGYI, ,LUS MCHOG RTAS BYED BDUD RTZI'I ZAS LA SOGS, ,MNGAR SKYUR KHA DANG BSKAL SOGS PA'I RO, ,RNAM GSUM RO YI RDO RJE MAR BYAS NAS, ,DKYIL 'KHOR LHA YI LJAGS LA DBUL BAR BGYI, ,LUS LA REG PA TZAM GYIS BDE STER BA, ,DPAG BSAM GOS LA SOGS PA REG BYA'I TSOGS, ,RNAM GSUM REG BYA'I RDO RJE MAR BYAS NAS, ,DKYIL 'KHOR LHA YI SKU LA DBUL BAR BGYI, ,AOm SARBA TA TH'A NAS PRA T'ITZTSA H'Um SV'AH'A, LHA RDZAS LAS BYAS LTE BA SHIN TU ZLUM, ,RTZIBS STONG LDAN ZHING MU KHYUD RAB MNYAM BZANG, ,SDANG BA'I DGRA LAS RNAM PAR RGYAL GYUR PA'I, ,'KHOR LO RIN CHEN NAM MKHA' BKANG STE 'BUL, ,AOm SARBA NAS TZA KRA RATNA PRA T'ITZTSA H'Um SV'AH'A, RIN CHEN NGO BO LHA RDZAS BEEd'URYA, ,KUN TU DPAG TSAD TZAM DU SNANG BYED CING, ,DRI MED NYIN MO JI BZHIN MTSAN DE BZHIN, ,NOR BU RIN CHEN NAM MKHA' BKANG STE 'BUL, , AOm SARBA NAS MA nI RATNA X GZUGS MDZES LTA NA SDUG CING TSUL BZANG MA, ,PAGS PA'I MDOG LEGS 'JAM ZHING DRI MCHOG LDAN, ,YID 'ONG 'DOD DGU'I REG BYA DANG LDAN PA'I, ,BTZUN MO RIN CHEN NAM MKHA' BKANG STE 'BUL, ,AOm SARBA NAS STI RATNA X GANG YANG RGYAL BA MU TIG MDANGS LDAN PA'I, ,GSER SOGS MANG PO THUB LA PHUL BA LTAR, ,BZOD [LDAN MTSUNGS PA'I KHYIM BDAG NOR LDAN PA'I, ,BLON PO RIN CHEN NAM MKHA' BKANG STE 'BUL,
AOm SARBA NAS PU RU shA RATNA X YAN LAG THAMS CAD LEGS SKYES SA LA NI, ,RAB GNAS GANGS CHEN RI 'DRA GLANG PO CHE, ,RGYAL PO LA 'OS MKHA' LA RAB 'GRO BA'I, ,GLANG PO RIN CHEN NAM MKHA' BGANG STE 'BUL, ,AOm SARBA NAS HA STI RATNA THO RANGS DUS SU PHYOGS RNAMS MA LUS PA'I, ,SA RNAMS BSKOR TE SLAR YANG LDOG 'GYUR BA, ,RMA BYA'I MGRIN PA'I SPU LTAR YID 'ONG BA'I, ,RTA MCHOG RIN CHEN NAM MKHA' BKANG STE 'BUL, ,AOm SARBA NAS AA SHVA RATNA X 'GRO DANG LDOG DANG KUN NAS 'ONGS GYUR PA'I, ,BDUD DPUNG MA LUS 'JIG PAR BYED PA STE, ,DPAL LDAN 'BYOR BA'I DPUNG DANG BCAS PA YI, ,DMAG DPON RIN CHEN NAM MKHA' BKANG STE 'BUL, ,AOm SARBA NAS KHANG+GA RATNA X RIN CHEN MDZES PA'I BKRA SHIS BUM PA 'DI, ,SNA TSOGS BCUD KYIS BKANG NAS PHUL BA YIS, ,LAS DANG NYON MONGS SGRIB PA KUN DAG STE, ,BYANG CHUB SEMS KYI RLAN GYIS BRLAN PAR SHOG ,AOm SARBA NAS BADZRA KA LA SHA PRA T'ITZTSA H'Um SV'AH'A, AOm SARBA TA TH'A GA TA A'A PA RI MI TA A'A YURDZNY'A NA SA BA RI W'A RA AOm A'A:H'Um, DE NAS MCHOG TU MI 'GYUR BDE CHEN RDO RJE'I DBYINGS, MDONGS LDAN GYIS BTEG 'OD 'BAR NOR BU'I KHRIR, ,SKABS GSUM GSER MNGAL GOS SER DPAL GYI MGRIN, ,THOS SGROG BSE RU LTAR GNAS BYANG SEMS SOGS, ,KUN GYIS PHYAG BYAS 'OD BRGYA KUNDA'I GNYEN, ,THABS SHES ZUNG 'JUG GIS SPRAS ZHING KHAMS KUN, ,YONGS SU KHYAB PA'I NGO MTSAR MTHA' KLAS PA, ,DRAN PAS GDUNG SEL SKYON BRAL
, ,DE YI STENG, ,MTSAN TZAM THOS PAS PHYI NANG GDUNG BA KUN, ,MA LUS ZHI MDZAD MGON PO TSE MTHA' YAS, ,BYE BA'I BCU GNYIS BDAG SNANG GIS 'KHYUD BA'I, ,PAD RAG LHUN PO JI BZHIN LHAM MER 'BAR, ,SKU YI DKYIL 'KHOR DPAG TSAD 'BUM PHRAG KHYON, ,YONGS 'GENGS MTSAN DPE'I GZI BYIN PHYOGS BCU'I ZHING, ,GANG+G'A'I RDUL SNYED KHYAB BA'I DPAL MNGA' ZHING, ,MNYAM GZHAG STENG NA 'CHI MED BUM BZANG GIS, ,TSE DPAL 'DOD DGU'I CHAR CHEN BDE BLAG STZOL, ,DRUG CU'I DBYANGS KYI GSUNG GI SNANG BA RES, ,'GRO BA'I THOG MED NAS STUG MA RIG MUN, ,CIG CAR SEL ZHING SEMS CAN RANG RANG GI ,MOS PA BZHIN DU DAM CHOS BDUD RTZI STON, ,JI LTA JI SNYED SHES BYA'I GNAS LUGS KUN; ;MA 'DRES GSAL BAR GZIGS PA'I KHYOD THUGS KYI, ,DMIGS MED SNYING RJE'I ZHAGS PAS GDUL BYA LA, ,RTAG TU 'CHING YANG SPROS PA'I MTHA' DANG BRAL, ,MDOR NA MGON KHYOD BSTOD CING MTSAN BZANG MCHOG ,NYIN DANG MTSAN DU BZLA BA LHUR BYED NA, ,DUS DANG DUS MIN 'CHI BA'I 'JIGS PA LAS, ,MYUR DU SKYOBS SHIG THUGS RJE'I GTER CHEN KYE, ,'CHI MED RIG 'DZIN NYAMS DGA'I PHO BRANG CHER, ,ZHAL BZANG MNGON GYUR TSANGS DBYANGS GSUNG GI SGRAS, ,DBUGS DBYUNGS LUNG BSTAN MNGON GYUR MGON KHYOD KYI, ,GO 'PHANG TSE 'DIR BDE BLAG THOB PAR SHOG, CES BSTOD, DE NAS GZUNGS THAG NAS BZUNG STE, RANG GI THUGS KA NAS SNGAGS KYI 'PHRENG BA BYUNG, GZUNGS
THAG LA 'KHRIL BUM PA'I LHA'I RGYUD BSKUL, DE'I THUGS KA NAS 'OD ZER 'PHROS PHYOGS BCU'I SANGS RGYAS DANG BYANG SEMS RNAMS KYI THUGS RGYUD BSKUL, DE DAG GI SKU GSUNG THUGS YON TAN 'PHRIN LAS DANG BCAS PA'I BYIN RLABS, 'BYUNG BA LNGA'I BCUD, 'JIG RTEN GYI LHA MTHU BO CHE DANG, THOS SGROG RANG RGYAL, 'KHOR BSGYUR SOGS KYI BYIN RLABS NUS MTHU THAMS CAD 'CHI MED TSE'I BDUD RTZI'I RNAM PAR BKUG THUGS KAR THIM PAR BSAM LA; ;GZUNGS RING NYER GCIG GAM BRGYA RTZA SOGS SKABS SU GANG BABS KYIS SNA DRANGS, AA MA RA nI NYID GANG MANG BZLA, THUN 'JOG KHAR YIG BRGYAS LHAG CHAD KHA BSKANG BA DANG MNYAM DU GZUNGS THAG THUN PAR 'DZIN MI RNAMS KYI LAG TU GTOD CING DE RNAMS KYIS KYANG DE MA THAG BZLAS BRJOD TSUGS PAR BYED, GTOR MA BYIN GYIS BRLAB STE BUM PA'I LHA'I LJAGS ZHES SOGS MA GTOGS SNGAR BZHIN GYIS GTOR MA PHUL, AARGHAm NAS SHAPTA'I BAR GYIS MCHOD CING NANG MCHOD KYANG 'BUL, SNGAR BZHIN BSTOD, ROL MO SNYAN ZHING BRJID PAR DKROL NAS SHIN TU SNYAN PA'I DBYANGS KYIS, HR'I: BDE BA CAN GYI ZHING KHAMS DANG, ,YON TAN BKOD BA'I GZHAL YAS NAS; ;BCOM LDAN RGYAL BA TSE DPAG MED, ,THUGS RJE'I MTHU DPUNG CHER BSKYED NAS, ,'CHI MED TSE YI DNGOS GRUB STZOL, ,DUS DANG DUS MIN 'CHI BA LAS, ,MYUR DU SKYOBS SHIG THUGS RJE CAN, ,RDO RJE TSE YI SROG SHING TSUGS,,
, ,AOm AA MAR nI DZI W'ANTE YE MA MA A'A YURDZNY'A NA PUshtIm KU RU YE SV'AH'A, 'PHAGS YUL GRUB PA'I GNAS MCHOG NAS, ,MA GCIG GRUB PA'I RGYAL MO DANG, ,TI PHU GSANG SNGAGS SDONG PO CHE, ,THUGS RJE'I ZHES PA NAS SV'AH'A ZHES PA'I BAR GONG BZHIN 'OG MA KUN LA RIGS 'GRO, SNA TSOGS MKHA' 'GRO 'DU GNAS NAS, ,RAS CHUNG RDO RJE GRAGS PA DANG, ,DBANG PHYUG MI LA RAS PA CHE, ,'CHI MED RDO RJE'I PHO BRANG NAS, ,CHOS RGYAL DVAGS PO LHA RJE DANG, ,MTHU STOBS DBANG PHYUG PHAG MO GRUB; ;DNGOS GRUB BDUD RTZI'I 'BYUNG GNAS NAS, ,'BRI KHUNG 'JIG RTEN MGON PO DANG, ,DPAL LDAN SPYAN SNGA RIN PO CHE, ,NGES MED DBEN PA'I RI KHROD NAS, ,RGYAL BA YANG DGON DBANG PHYUG DANG, ,DMIGS MED SPYAN SNGA RIN CHEN LDAN, ,BYIN RLABS RIN CHEN GTER GNAS NAS, ,KUN MKHYEN ZUR PHUG CHEN PO DANG, ,GRUB DBANG RGYAL MTSAN DPAL BZANG RJE, ,DGE 'PHEL RDO RJE'I PHO BRANG NAS, ,KUN MKHYEN SHES RAB DPAL BZANG DANG, ,TSUL KHRIMS DPAL BZANG SEMS DPA' CHE, , LUNG RIGS DPAG MED GNAS MCHOG NAS, ,'KHRUL ZHIG RIN CHEN BSHES GNYEN DANG, ,RAB 'BYAMS SMRA BA SANGS RGYAS MTSAN, ,DBEN SA CHOS KYI PHO BRANG NAS, ,RJE BTZUN SKYABS MCHOG DPAL BZANG DANG, ,RGYAL BA BLO BZANG DON GRUB RJE, ,SLAR YANG GNAS MCHOG DE NYID NAS, ,MKHAS GRUB SANGS RGYAS YE SHES DANG, ,PAn CHEN BLO BZANG CHOS RGYAN CHE, ,GRU 'DZIN GNYIS PA'I GZHAL YAS NAS, ,NGAG DBANG BLO BZANG RGYA MTSO DANG, ,RDOR 'DZIN DKON MCHOG RGYAL
MTSAN DPAL, ,BKRA SHIS LHUN GRUB GNAS MCHOG NAS, ,RJE BTZUN BLO BZANG YE SHES DANG, ,MKHAN CHEN BLO BZANG BZOD PA'I ZHABS, ,GZHAN YANG GNAS CHEN DE NYID NAS, ,RJE BTZUN NGAG DBANG BYAMS PA DANG, ,KHYAB BDAG BLO BZANG CHOS 'PHEL MCHOG ,SPYI GTZUG NYI ZLA'I GDAN STENG NAS, ,RTZA BA'I BLA MA THUGS RJE'I GTER, ,RANG GI GDAMS PA GANG ZHUS KYI BLA MA'I MTSAN 'JUG ,DRIN CAN RTZA BA'I BLA MA DANG, ,DBYER MED BCOM LDAN TSE MTHA' YAS, ,DRAN PAS 'CHI BDAG KUN 'JOMS PA, ,RTZA BRGYUD BLA MA THAMS CAD LA, ,GSOL BTAB BDEN PA'I BYIN CHEN PO, ,'DIR STZOL DAM RDZAS RIL BU 'DI, ,'CHI MED TSE YI BDUD RTZIR BSGRUB, ,'DI NYID MYANGS PA TZAM NYID KYIS, ,SNGON LAS 'PHRAL RKYEN LAS BYUNG BA'I, ,PHYI NANG NAD RIGS MA LUS PA, ,BDE BLAG NYID DU ZHI BAR MDZOD, ,'DI YI DRI TZAM THOS PAS KYANG, ,RLUNG SEMS DBYER MED BYIN BRLABS NAS, ,LUS KUN 'CHI MED BDUD RTZIS GTAMS, ,'CHI MED RDO RJE'I SKU THOB MDZOD, CES BRJOD CING, BLA MA BRGYUD PA GZHAN GYI RIGS YOD TSE SKABS SU GANG BABS KYI MTSAN SBYOR, DE NAS NYIN ZHAG DE'I THUN RJES MA RNAMS LA BDAG BSKYED MI DGOS SHING BUM BSKYED KHO NA BYA, SROD DANG THO RANGS KYI THUN BA GNYIS KYIS BUM BSKYED GTONG ZHING, GZHAN THUN MTSAMS PA RNAMS KYIS SNGAGS BZLAS PA KHO NAS THUS, SNGA DRO'I THUN DANG POR BDAG BSKYED SNGAR BZHIN BYA, TSUGS PA'I NYIN GYI BUM BSKYED DANG PO DE'I SKABS SU, SVA BH'A WA'I SNGAGS BRJOD
, ,SKABS RIL BU MI DMIGS PAR SGOM DGOS SHING, DE PHYIN CHAD PHYI MA RNAMS KYI SKABS, RIL BU RANG BZHIN GYIS MA GRUB PA'I DON SGOM PA LAS, LHAR SGOM PA MI SNANG BAR BSDU BA SOGS MI BYA, SPYIR MAN NGAG 'DI BLA MED DANG 'BREL MOD KYANG SGRUB PA'I RING GTZANG SPRA CHER BYA ZHING, TSE SGRUB YIN STABS 'DI'I BSNYEN BKUR GYI CHED DU SROG GCOD SOGS MI BYA, RGYAB CHOS SU DGE SLONG DANG DGE TSUL MANG POS TSE MDO KLOG CING, PHYIM SRED CHOS SRUNG GI BSKANG 'PHRIN DANG, RNAM RGYAL 'JOMS KYI GZUNGS SOGS 'DON, TSUL DE LTAR ZHIG JI TZAM 'BAD KYANG, GROL BA'I NYIN THOR THUN TSAR BA DANG, SNGA DRO'I THUN BDAG SKYED BUM SGRUB DANG BCAS BA BZLAS PA NYUNG ZAD BCAS BYAS RJES, SGRUB PA PO RNAMS 'GRENG STE 'DUD PA DANG BCAS PAS BCOM LDAN 'DAS MGON PO TSE DANG YE SHES DPAG TU MED PA'I LHA TSOGS 'KHOR DANG BCAS PA RNAMS KYIS BDAG CAG DPON SLOB SBYIN PA'I BDAG PO CHE GE MO 'KHOR DANG BCAS PA LA SNGON GYI LAS DANG 'PHRAL GYI RKYEN LAS BYUNG BA'I NAD GDON BGEGS LOG 'DREN 'BYUNG PO MI DANG MI MA YIN PA'I GNOD PA THAMS CAD LAS BSRUNG BA DANG BSKYAB PA DANG SBA BAR MDZAD DU GSOL, KHYAD PAR DU YANG DUS DANG DUS MA YIN PA'I 'CHI BA'I 'JIGS PA'I MING YANG MI GRA GI CANG, 'CHI BA MED PA TSE'I RIG 'DZIN BDE BLAG NYID DU THOB PAR BYIN GYIS BRLAB TU GSOL, 'CHI MED TSE'I RIG 'DZIN DE NYID KYI MTHUS TSE 'DI NYID LA SA BCU DANG LAM LNGA'I
BGROD PA MTHAR PHYIN NAS MGON PO KHYOD KYI GO 'PHANG MNGON DU BYED NUS PAR BYIN GYIS BRLAB TU GSOL, YANG SGOS DAM RDZAS KYI RIL BU 'DI LA BYIN GYIS BRLABS SHING, 'DI NYID DNGOS GRUB TU STZAL NAS 'DI NYID MYANGS BTZAM GYIS 'CHI BDAG GI G-YUL LAS RNAM PAR RGYAL TE RDO RJE'I TSE YANG DAG PAR THOB PA DANG, RLUNG MKHRIS BAD KAN 'DUS PA'I RIMS LA SOGS PA'I NYE BAR 'TSE BA SKAD CIG KYANG MI 'BYUNG BAR DGE MTSAN DANG BDE SKYID RGYA CHEN PO RGYUN MI CHAD DU 'BYUNG BAR BYIN GYIS BRLAB TU GSOL, ZHES ROL MO'I SGRA BYA, DE LTAR GSOL BA BTAB PAS MGON PO TSE DPAG MED YE SHES BA BDAG NYID LA THIMS PAS 'CHI MED TSE'I RIG 'DZIN THOB CING, DAM TSIG PA 'OD DU ZHU NAS 'CHI MED TSE'I RIL BUR GYUR PAR SGOMS LA ROL MO SOGS MCHOD PA'I BYE BRAG SNA TSOGS PA DANG BCAS TE BUM PA SA PHYOGS YANGS SHING MDZES PA'I GNAS SU STEGS MTHON PO'I KHAR SPYAN DRANGS TE ZHAL PHYE NAS RIL BU RNAMS LONGS SPYOD PA SOGS SKABS SU GANG BAB BYED, RIL BU LA ME DRONG SGRA SOGS 'BYUNG BA DANG, MANG DU 'PHEL BA DANG, DRI BZANG PO 'THUL BA DANG, ME TOG GI CHAR 'BAB PA SOGS NI 'GRUB PA'I LTAS YIN CING, SBYIR RIL BU 'DI LONGS SPYAD PA DANG, KHYAD PAR THO RANGS KYI DUS SU TSE GZUNGS RING THUNG BZLA BZHIN PAR ZOS NA NGES PAR 'CHI BDAG GI G-YUL LAS RGYAL TE TSE RING DU 'TSO BA DANG, LAS KYI SGRIB PA RNAMS SRAB CING MTHAR 'JIG RTEN GYI
, ,KHAMS BDE BA CAN DU SKYE BA SOGS PHAN YON MTHA' YAS SO, ,SMRAS PA, 'CHI BDAG MI BZAD MCHE BA DANG BCAS PA'I, ,RAL GRI MDUNG THUNG DBYUG PA LA SOGS PA, ,RI MO'I GNAS BYED MGON DE SNYAN PA'I MTSON, ,TSE MTHA' YAS PA'I MGON ZHES PHYOGS BCUR GRAGS, ,GANG GI 'PHRIN LAS RAB 'BYAMS RGYA MTSO CHE, ,BDAG GI RNAM DPYOD BSRUB SHING GIS BSRUBS PA'I, ,BCUD DU NYER THON RIL BU'I AA MRi TA, ,SKAL LDAN LEGS BRIS TSOGS KYI NYER 'TSOR GRUB, ,DGE 'DIS 'GRO KUN PHYI NANG 'CHI BDAG GI, G-YUL LAS RNAM RGYAL MI ZHIG RDO RJE'I TSE, ,THOB NAS RING MIN TSE MTHA' YAS PA YI, ,GO 'PHANG BDE BLAG NYID DU MNGON GYUR CIG, CES PA 'DI NI SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, ,,SARBA MANG+GA LAm,, ,,PAn CHEN AER TI NI'I YI GE, ZI LING AAM BAN PH'A T'A SHIN LA PHUL BA NI, THO RANGS SPYI GTZUG TU TSE DPAG MED SKU MDOG DMAR PO ZHAL GCIG PHYAG GNYIS MNYAM GZHAG GI STENG NA TSE BUM BSNAMS PA SKYIL KRUNG GIS BZHUGS PAR BSGOMS NAS, DE'I THUGS KA'I 'OD ZER GYIS TSE'I BCUD THAMS CAD BSDUS NAS RANG LA SBYIN PAR BSAMS LA, NAM MKHA' LA MIG BLTAS TE DBUGS BRDUB PAS NAM MKHA' THAMS CAD SNGO YUR GYIS RANG GI KHA NAS ZHUGS, LUS KYI NANG THAMS CAD GANG BAR BSAMS LA DBUGS CUNG ZAD NANG DU 'DZIN, DES PHO BA 'GRANG BA DANG, SGREG
PA BYUNG NA TSE SHIN TU 'PHEL, DE'I MJUG TU TSE GZUNGS DANG, AOm AA MAR nI DZ'I W'ANTI YE SV'AH'A, ZHES PA GANG MANG BZLA, 7BU 'BYUNG BA'I SNGAGS NI, 'PHAGS MA SO SOR 'BRANG MA LA PHYAG 'TSAL LO, ,AOm MAnIDHA RE BADZRA NI MAH'A PRA TI SA RE H'Um PHAt, CES GANG MANG BZLA, 'DI RNAMS NYAMS SU LEN PA'I MI DE LA TSE LO BRGYA PHRAG LA SOGS PA DANG, JI LTAR 'DOD PA'I BU RNAMS 'BYUNG BAR SANGS RGYAS KYIS GSUNGS SO, ,DON 'GRUB,, ,,SVASTI;; PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, MANG+GA LAm,, ,,