, ,RTEN GSAR BZHENGS KYI DKAR CHAG RGYAB YIG GI SKOR RNAMS BZHUGS SO, ,
, ,AOm SVASTI, 'CHI MED BTUNG BA LA 'GRAN MCHOD YON CHE, ,RAB 'KHYIL YOL GO 'DI BA SKRUN DGE BA 'DIS, ,BSLAB GSUM LDAN PA'I 'DUS PA'I SDE CHEN PO, ,THUGS MTHUN KHRIMS GTZANG BSHAD SGRUB RAB 'PHEL SHOG ,SARBA DZA GA TAm, (ZHES PA 'DI NI BDE 'BYOR BKRA SHIS DGA' LDAN GYI BLA MA GRANG MO CHE BA MI TSAN GYI GRVA RIGS DRUNG RAM PA BLO BZANG BSAM GTAN DANG, DBU MDZAD, CHOS KHRIMS PA GSUM NAS RGYU YON SBYAR TE BDE 'BYAR BKRA SHIS DGA' LDAN GYI 'DUS PA RGYA MTSOR LJON DMAR LAS BSKRUN PA'I LTI RI CHA BZHI 'BUL SBYOR BYAS PA'I ZHAL BYANG SMON TSIG 'DI LTA BU ZHIG DGOS ZHES BSKU LA BLTAR, 7 SH'AKYA'I DGE SLONG BLO BZANG DPAL LDAN YE SHES KYIS SBYAR BA'O;; DGE LEGS 'PHEL,,) ` ,,NA MO BADZRA BHEE RA W'A YA, GSHIN RJE GSHED NAG BLA MA KHRO BA'I RGYAL, ,DPAL LDAN LAG PA BRGYA YIS GAR MDZAD PA, ,HA LA HA LA GDONG BRGYA BZHAD PA'I SKU, ,
, ,'JIGS MDZAD RDO RJE KYE KYE DGYES PAS SBYON, ,TSANGS PA'I YUL SA GNON PA'I RAB 'BAR BRO, ,KENG RUS MCHE BA RAB GTZIGS H'Um H'Um BRDUNG, ,SA YI DKYIL 'KHOR BZHI YI RMONGS PA'I 'KHRUL, HR'I:shshI:'I NGA RO SGROG PAS KUN NAS GCOD, ,RDO RJE 'JIGS BYED PHYI NANG GSANG BA YI, ,MCHOD PA DE KHO NA YI DBYINGS BZHES LA, ,BDE STONG ZUNG 'JUG NGES DON GSHIN RJE'I GSHED, ,GZUNGS RNAMS GZUGS SU SHAR BA'I RTEN 'DIR BZHUGS, ,ZHI RGYAS DBANG DRAG RAB 'BYAMS LAS RNAMS DANG, ,RAL GRI MIG SMAN LA SOGS GRUB CHEN BRGYAD, ,JI LTA JI SNYED SHES BYA'I GNAS LUGS RNAMS, ,BDE BLAG NYID DU RTOGS PA'I DNGOS GRUB STZOL, ,RJE BTZUN BLO BZANG RGYAL BA GNYIS PA YI, ,BSTAN PA'I DPAL LDAN YE SHES SGYU 'PHRUL CHE, ,ZHABS PAD 'JIG BRAL RDO RJE'I KHAMS LTA BUR, ,RAB TU BRTAN PA'I DNGOS GRUB BLA MED STZOL, ,BLO GROS DGE MTSAN 'BUM PHRAG YONGS 'BAB BA'I, ,MDZAD BZANG 'OD DKAR RAB 'PHROS DPAL YON GYIS, ,'GRO LA PHAN BDE SBYIN PA'I MGON PO GANG, ,ZHABS BRTAN 'PHRIN LAS RAB RGYAS DNGOS GRUB STZOL, ,PHYOGS LAS RNAM
PAR RGYAL BA'I CHOS KYI RDA, ,BRDUNGS BAS DGA' LDAN BSHAD SGRUB BDE CHEN DBYANGS, ,RAB TU RGYAS MDZAD 'DUS SDE SRID MTHA'I BAR, ,BSHAD SGRUB BSLAB PA GSUM GYIS RAB RGYAS MDZOD, ,RNAL 'BYOR BDAG CAG DUS DANG GNAS SKABS KUN, ,'BAR BA'I 'OD ZER RDO RJE'I GUR KHANG GIS, ,YONGS SU BSKYAB CING RIG SNGAGS PHYAG RGYA CHE'I, ,DNGOS GRUB RGYA MTSO DA LTA NYID DU STZOL, ,PHA ROL RIG SNGAGS BYAD STEMS BSAM SBYOR NGAN, ,MA LUS KHYOD MTSAN RDO RJE'I SHUGS CHEN POS, ,GNAM LCAGS 'BAR BAS GROG SBUR PHRA MO BZHIN, ,THAL BA'I RDUL PHRAN BZHIN DU BRLAG PAR MJOD, ,SKU GSUM LHUN GRUB RLUNG SEMS DBYER MED KHAMS, ,SGYU 'PHRUL RDO RJE 'JIGS MDZAD DPA' BO'I GAR, ,TSE 'DIR MNGON GYUR MA RGAN 'GRO BA KUN, ,THAMS CAD GZIGS PA'I DPAL DER 'GOD GYUR CIG; CES DPAL RDO RJE 'JIGS BYED CHEN PO LA BSTOD PA 'DI NI SHOD GSOL DPON RJE DRUNG BLO BZANG RGYAL MTSAN NAS DGA' LDAN BDE CHEN RAB RGYAS GLING 'DUS SDE'I THUGS DAM RTEN DU DPAL RDO RJE 'JIGS BYED CHEN PO'I SNANG BRNYAN GSAR BZHENGS KYIS LEGS PAR BSKRUN TE PHUL SKABS GZUNGS GZHUG DANG 'DUS SDE'I ZHAL 'DON DU MDZAD CHOG PA 'DI LTA BU ZHIG DGOS ZHES BSKUL BA LTAR, 7 'JAM DPAL GSHIN RJE'I GSHED KYI RNAL 'BYOR PA 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,, DGE LEGS 'PHEL,, ,,AOm BDE LEGS SU GYUR CIG ,RGYAL KUN GSUNG GI BDUD RTZI 'OD MTHA' YAS, ,ZHING MCHOG DMIGS PA'I RTEN 'DIR NYER BZHUGS LA, ,PHA ROL GYUR PA TSE DBANG DAR RGYAS GANG, ,PADMO LAS SKYES RDZOGS SANGS RGYAS THOB MDZOD, ,SARBA DZA GA TAm,, ,,SVASTI; THUGS RJE'I GTER GYUR RGYAL YUM SGROL,
, ,MA CHES, ,DUS 'DAS TSE DBANG DAR RGYAS 'KHOR PA YI, ,'JIGS CHEN LAS SGROL SGRIB GNYIS KUN BYANG NAS, ,SKU BZHI'I DBANG PHYUG THOB PAR BYIN GYIS RLOBS,, MANG+GA LAm, (ZHES PA 'DI NI DUS 'DAS TSE DBANG DAR RGYAS KYI CHED DU BDE BA CAN GYI ZHING BKOD DANG 'PHAGS MA 'JIGS PA BRGYAD SKYOB KYI THANG SKU BZHENGS SKABS RGYAB YIG TU BSKUL BA LTAR, 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,AOm A'A:H'Um, BLA MA YI DAM SANGS RGYAS BYANG SEMS DANG, ,BSTAN BSRUNG RGYA MTSO RTEN 'DIR BRTAN BZHUGS LA;; 'DUS SDE RAB RGYAS STENG 'OG BAR GSUM GYI, ,GDON BGEGS 'BYUNG PO'I GNOD BZHI BAR MDZOD,, MANG+GA LAm, (ZHES PA 'DI NI 'OD YUG BRAG DKAR CHOS 'KHOR DPAL LDAN LTA RTZE'I 'DUS SDE'I THUGS DAM RTEN GYI THANG SKU'I RGYAB YIG TU BSKUL BA LTAR, 7 SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,AOm SVASTI, TSE DANG YE SHES STZOL MDZAD RNAM RGYAL LHA, ,RAB 'BYAMS RGYAL BAR BCAS PA RTEN 'DI LA, ,BRTAN PAR BZHUGS NAS RNAL 'BYOR BDAG CAG GI ,TSE DPAL MNGA' THANG LONGS SPYOD 'PHEL BAR MDZOD,, MANG+GA LAm, (ZHES PA 'DI NI MI LA ZHABS DRUNG BSKAL BZANG LHUN GRUB KYIS BSKUL BA LTAR 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,H'Um; DPAL LDAN SRID ZHI'I 'KHRUL PA KUN 'JOMS GAR, ,TR'I:sht'I:'I SNGAGS DANG LHAN CIG H'Um H'Um CHES, ,BRDUNGS BAS MA RUNGS KUN RTOG BDUD KYI MGO ,GCOD MDZAD DPA' BO RDO RJE 'JIGS MDZAD CHE, ,'DIR BZHUGS SA G-YO NAD MUG PHA ROL DPUNG, ,BDUD DANG RGYAL PO MI MIN 'BYUNG PO'I TSOGS, ,CHEM CHEM 'OD GSAL DU ROL 'JIG RTEN
DANG; ;'JIG RTEN 'DAS PA'I DNGOS GRUB BDE BLAG STZOL, ,BEE:RIN CHEN GTER BUM 'DOD DGU'I ZHAL, ,PHYE NAS ZAD MED NOR GYI DBYIG ,BDAG KHYIM BANG MJOD YUL 'KHOR RNAMS, ,KUN NAS RTAG TU GANG BAR MDZOD, (CES PA 'DI NI TRE BO BRAG MGO DPON TSE BRTAN NOR BU DANG DBANG RGYAL TSE BRTAN GNYIS KYIS THANG SKU'I RGYAB YIG 'DOD GSOL SMON TSIG TU BSKUL BA LTAR 7 SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,AOm SVASTI, GANG GI MTSAN TZAM DPE BYAD GZI BYIN GYIS, ,PHYI NANG RGUD PA'I DMAG TSOGS DRUNGS 'BYIN CING, ,'JIG RTEN 'JIG RTEN LAS 'DAS DGE LEGS RNAMS, ,STZOL MDZAD THUB DBANG LHA YI LHA DES SKYONGS, ,MGON KHYOD GSANG GSUM SGYU 'PHRUL ROL PA LAS, ,'JAM DPAL GZHON NU BLA GOS PHANG PHUNG GIS, ,KLUBS PA'I BLO BZANG RGYAL BA GNYIS PA YI; ;ZHABS SEN 'OD CHAGS BDAG GI SPYI BOR ZHOG ,MGON KHYOD GSUNG GI GSANG BA MA LUS PA, ,'DZIN MDZAD 'PHAGS MCHOG PHYAG NA PADMA DANG, ,SNANG MTHA'I NGO BO PAn CHEN CHOS KYI RJE'I, ,ZHABS RDUL TSE RABS KUN TU MCHOD PAR BGYI, ,BLA MA MCHOG RNAMS DGYES PA'I 'DZUM ZHAL GYIS, ,'DAB BRGYA BZHAD LAS LEGS BSHAD SBRANG RTZI'I CHAR, ,PHAB NAS MCHOG DANG MTHUN MONG DNGOS GRUB GYI, DGA' STON CHEN PO RGYUN CHAD MED PAR STZOL, ,DE YI MTHU LAS RMONGS BYED PHRA RAGS KUN, ,DRUNG NAS PHYUNGS TE BDAG MED RTOGS PA'I BLO'I, ,TING 'DZIN BRTAN BA 'GRUB STE SA LAM GYI, ,BGROD PA MA LUS MYUR DU MTHAR PHYIN SHOG STOBS BCU MNGA' BA'I GO 'PHANG BLA NA MED, ,THOB NAS MKHA' MNYAM MAR GYUR 'GRO BA KUN, ,SRID PA'I RGYA MTSO CHE LAS RAB
, ,BSGRAL TE, ,THEG MCHOG MYANG 'DAS GNAS SU 'KHRID NUS SHOG ,GNAS SKABS TSE RING NAD MED BDE SKYID DANG, ,DPAL 'BYOR LEGS TSOGS YAR NGO'I ZLA BZHIN 'PHEL, ,YID LA JI LTAR SMON PA'I DON THAMS CAD, ,BDE BLAG NYID DU 'GRUB PA'I BKRA SHIS STZOL, ,RIN CHEN DANG GNYIS LAS GRUB RGYAL BA'I BKA', ,BZHENGS NAS PHYAG 'TSAL MCHOD BSTOD BKLAGS PA SOGS, ,BGYIS PA'I DGE 'DIS STOBS BCU MNGA' BA YI, ,GO 'PHANG BDE BLAG NYID DU THOB PAR SHOG (,CES PA 'DI NI 'BA' SNE PA PHUN TSOGS CHOS 'PHEL GYIS BSKUL BA LTAR 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O, ,DGE LEGS 'PHEL,,) ` ,,AOm SVASTI, ZAS GTZANG SRAS KYI GSUNG RAB SNYING PO'I DO NA, ,SO THAR TSUL KHRIMS RIN CHEN 'BYUNG BA'I GTER, ,GLEGS BAM LEGS BZHENGS DGE BA'I RTZA BA NGES, ,SGRIB GNYIS BYANG ZHING TSOGS GNYIS MYUR RDZOGS SHOG ,'DI LA MTHUN RGYAN BGYIS PA'I SKYES BU'I TSOGS, ,DE DAG KUN KYANG GNAS SKABS TSE RING ZHING, ,MTHAR THUG RDZOGS PA'I SANGS RGYAS GO 'PHANG MCHOG ,BDE BLAG NYID DU 'GRUB PA'I RGYUR GYUR CIG (,CES PA 'DI NI 'DUL BA'I GLEGS BAM PO TI BCU GSUM BZHENGS PA'I DGE BA RDZOGS BYANG DU BSNGO BA'I SMON TSIG GO,) ` ,,AOm SVASTI, KUN RTOG G-YO BA'I DRI BZHON SDE DANG BCAS, ,MA LUS SKAD CIG NYID LA DRUNGS PHYUNG STE, ,RDO RJE 'CHANG DBANG TSE 'DIR MNGON 'GYUR BA'I, ,GSUNG RAB 'DI BZHENGS DGE BA'I RTZA BA DES, ,NAM MKHA'I MTHAS GTUGS MAR GYUR 'GRO BA'I DON, ,BDE BLAG 'GRUB PHYIR BLA MED RDZOGS BYANG GI ,GO 'PHANG DAM PA TSE 'DIR MNGON BYAS NAS, ,SEMS CAN MA LUS 'DREN PA'I DPAL GYUR CIG
CES PA 'DI NI RGYUD 'BUM BZHENGS PA'I DGE BA RDZOGS BYANG DU BSNGO BA'I THABS TSUL LO, ,TSUL 'DI RNAMS RAB 'BYAMS PA BSOD NAMS RGYAL MTSAN GYIS 'DUL LUNG PO TI BCU GSUM DANG RGYUD 'BUM BO TI NYER GSUM BZHENGS SHING DPON YE SHES SANGS RGYAS DANG SBU YAN THU GNYIS NAS MTHUN RKYEN LEGS PAR SBYAR BA'I DGE BA'I RTZA BA RDZOGS BYANG DU BSNGO THABS SU BSKUL BA LTAR 7 SH'AKYA'I DGE SLONG BLO BZANG DPAL LDAN YE SHES KYIS SBYAR BA DZA GA TAm,,) ` ,,AOm SVASTI, KUN BZANG MCHOD SPRIN LAS BYUNG ZHING BRGYA'I KHYON, ,'OD KYIS 'GENGS BYED SNANG GSAL 'DI PHUL BAS, ,MA RIG SGRIB GNYIS MUN STUG KUN SANGS TE, ,KUN MKHYEN YE SHES SNANG BA MCHOG THOB SHOG ,DGE LEGS 'PHEL, (ZHES BA 'DI NI CHOS KYI SDE CHEN PO SKU 'BUM BYAMS PA GLING GI GNAS MCHOG TU BZHUGS PA'I KHAMS GSUM TSOS KYI RGYAL PO 7 RGYAL BA GNYIS PA TZONG KHA PA CHEN PO'I YE SHES SGYU 'PHRAL GYIS ROL PA LAS BYUNG BA'I DPAG BSAM MCHOD SDONG CHEN PO'I MCHOD SPRIN DU DNGUL SRANG CHEN BRGYA BDUN CU LAS GRUB PA'I MAR ME'I SNOD NYIN MTSAN KHOR YUG GI MCHOD PA'I THEBS DANG BCAS TE SPROS PA'I SKABS 7 DGE SLONG BLO BZANG DANG LA LDAN YE SHES KYIS ZHAL BYANG DU LEGS PAR SMON LAM BTAB STE PHUL BA'O,,) ,,SVASTI PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MAD DAL 'GRO'I RGYUN 'DI SPEL, ,MANG+GA LAm,, ,,