, ,MDO SNGAGS KYI GNAD RNAMS LA DRI BA ZHUS PA'I LAN RNAMS CHABS GCIG TU BSDEBS PA BZHUGS SO,,
, ,RAB 'BYAMS PA DAG DBANG TSUL KHRIMS KYI DRI LAN BRJOD PAR BYA STE, GSANG SNGAGS RDO RJE THEG PA'I LAM GYI 'JUG SGO SKU BZHI'I SA BON THEBS NGES KYI DBANG BSKUR BA DE NGES PAR YIN CING; DE'I KHONGS SU BYANG CHUB KYI SEMS LA MYONG BA 'DON PA NGES PAR SNGON DU 'GRO DGOS PAS DE GNYIS KA LAM GYI 'JUG SGO DANG PO RANG DU 'JOG PA YIN, MKHAS GRUB THAMS CAD MKHYEN PAS RGYUD SDE SPYI RNAM DU RGYUD SDE 'OG MA GNYIS DANG PHAR PHYIN LUGS KYI SANGS RGYAS TSUL LA KHYAD PAR MED PAR GSUNGS PA'I DON GANG YIN LAGS ZHES PA, RGYUD SDE 'OG MA GSUM DANG ZHES DGOS PAS DE'I TSUL NI PHAR PHYIN THEG PA'I SKABS SU NYUNG MTHAR BSKAL PA GRANGS MED GSUM LA SOGS PAR TSOGS BSAGS NAS SA BCU DANG LAM LNGA'I BGROD PA MTHAR PHYIN PAR BYAS TE, MTHAR SA BCU'I RGYUN MTHA'I SKABS SU RNAL
, ,'BYOR BLA MED KYI LAM ZAB MO LA BRTEN NAS 'TSANG RGYA DGOS PA DE BZHIN DU, RGYUD SDE 'OG MA GSUM GYI RNAL 'BYOR PAS KYANG RANG RANG GI RGYUD RNAMS NAS BSHAD PA'I RIG PA 'DZIN PA SO SOS RANG GI TSE BSKAL PA MANG POR GNAS PAR BYIN GYIS BRLABS NAS, ,CHOS RGYUN GYI TING NGE 'DZIN MA THOB PA'I SNGA ROL NAS RAL GRI LA SOGS PA'I MTHUS DAG PA'I ZHING RNAMS SU RDZOGS PA'I SANGS RGYAS LAS GDAMS PA DAD RJES SU BSTAN PA NYAN PA DANG, DE BZHIN GSHEGS PA'I PHYAG MGO LA REG PA TZAM GYIS LAS KYI SGRIB PA DAG CING BYANG CHUB KYI SEMS BRTAN PAR 'GYUR BA SOGS, KHYAD CHOS DU MA LA BRTEN NAS BSKAL PA GRANGS MED GSUM LA SOGS PA'I YUN DU RDZOGS PAR BYA BA'I SA LAM GYI BGROD PA RNAMS TSE SHIN TU RING BA'I YUN TSAD DE NYID LA RDZOGS PAR BYAS TE, SA BCU'I MTHAR RNAL 'BYOR BLA MED KYI NYE LAM LA BRTEN NAS 'TSAD RGYA DGOS PAS RGYU MTSAN DE'I PHYIR, BGROD BYA'I SA LAM DANG BGROD PA'I MTHA'I YON TAN SKYE TSUL KUN TU MTSUNGS PA LA BRTEN NAS GSUNGS PA YIN, YANG RIM PA GSUM PA'I
SGYU LUS PA'I SKU DE SANGS RGYAS KYI GZUGS SKU YIN MIN NI SKU 'DI YE SHES KYI SKU MTSAN NYID PA DANG LAM DUS KYI LONGS SKUR GSUNGS SHING, DE RGYUD LDAN GYI GANG ZAG DE STONG NYID DON SPYI'I TSUL GYIS RTOGS PA'I SO SKYE YANG YIN LA, SKU 'DIS BRGYAD PA MAN CHAD KYI SEMS DPA' RNAMS KYI DBANG PO'I MNGON SUM GYIS BZUNG YANG DKA' BA ZHIG YIN PAS LAM DUS SU SO SO SKYE BO SANGS RGYAS KYI LONGS SKU CHE MTHUN RGYUD LDAN GYI GANG ZAG 'ONG BA 'DI RNAL 'BYOR BLA MED KYI MYUR LA MTHUN MONG MA YIN PAR SHES PAR BYA'O;; YANG SGYU LUS PHYI LDANG NANG LDANG ZHES PA PHUNG PO RNYING PA DANG MI SHIGS PA'I THIG LE GNYIS GANG GI NANG NAS LDANG ZHES PA NI, NANG LDANG NI MI SHIGS PA'I THEG LE'I DBUS DANG PHYI LDANG NI PHUNG PO RNYING PA'I PHYI ROL NAS LDANG BA LA BYED PA YIN CING, 'DI LA RGYAL BA GNYIS PA'I MAN NGAG GIS DA LTA YONGS LA MA GRAGS PA'I ZAB BSHAD CIG GSAL SGRON DANG GDAN RDZOGS NYIS SBRAGS LA DBEN SA PA'I MAN NGAG GIS BRGYAN PA ZHIG 'DUG KYANG YI GER BRIS PAR NI MA SPOBS SO, ,YANG GRONG 'JUG NUS PA DAG GIS GLANG CHEN GYI LUS LTA BU DUD 'GRO'I LUS LA BRTEN PA'I LUS RTEN DE GRONG 'JUG PA DE'I RGYUD KYIS BSDUS MA BSDUS NI, DE LAS DBANG DANG SGOM STOBS KYI RGYUD KYIS BSDUS PA NI MA YIN ZHING, NANG GI RNAL 'BYOR GYI SGYU 'PHRUL GYIS BSDUS PA NI YIN LA, DE'I TSUL NI SENG+GE'I LUS SOB GYON PA'I GAR MKHAN MKHAS PA RNAMS KYIS 'KHRAB PA'I TSE LUS SOB DE GAR MKHAN GYI RGYUD KYIS MA BSDUS KYANG, GAR MKHAN GYI 'KHRUL GYIS BYA BA SNA TSOGS BYED PA LTAR YIN CING, DE SDUG BDEN GYI RIGS SU 'GYUR MIN NI GRONG
, ,'JUG BYED PA PO'I GANG ZAG RTOGS PA MTHO DMAN GYI KHYAD PAR LA BLTOS PA YOD DE, RJE MAR PAS SHA BA'I LUS LA GRONG 'JUG MDZAD PA'I TSE NYE GNAS RNAMS KYIS KHYI BSRUNG DGOS PA DANG, SLAR RANG GI SKU LUS LA ZHUGS PA'I TSE BKA' LAS; ;DUNG 'GRO'I LUS LA ZHUGS PA'I TSE YID RMONGS SU 'GRO BAR 'DUG CES GSUNGS PA LTA BU SOGS KYIS MTSON NUS LA, 'DI LA YANG PHUNG PO MA NYAMS BA LA GRONG 'JUG BYA BA DANG SKYE BO MA SHIB LA GRONG 'JUG BYA BA SOGS KYI GNAD DU MA ZHIG LA BRTEN NAS MI 'DRA BA'I KHYAD PAR NI MANG DU MCHIS, YANG SANGS RGYAS BA SNGAGS LAM LA BLTOS SHING DE YANG GSANG BA 'DUS PA'I LAM LA BRTEN DGOS ZHES PHAL CHER SMRA BAR 'DUG PAS, DE LTAR YOD TSE DUS 'KHOR LUGS KYI SBYOR DRUG DANG BLA MED GZHAN GYI RIM LNGA'I DOD THUB JI LTA BU ZHES PA NI, SPYIR BLA MED KYI LAM GYIS TSE 'DI NYID LA SANGS RGYAS BA'I GNAD MTHAR THUG PA NI ZAG BCAS NYE BAR LEN PA'I PHUNG PO 'DI MA SPANGS BZHIN DU MTSAN DEBS BRGYAN PA'I SKU THOB PA LA RAG LUS PAS MAN NGAG DE NI DPAL 'DUS PA'I RGYUD LAS GSUNGS PA'I RDO RJE'I SKU SGRUB TSUL SHES PA LA RAG LUS PAS, 'DUS PA RGYUD SDE THAMS CAD KYI RTZE MO DANG MDO SDE THAMS CAD KYI ZA MA TOG TU GSUNGS PA YIN LA, DE LTA NA'ANG SANGS RGYAS 'DUS PA KHO NA LA BRTEN PAS MA KHYAB STE, BDE MCHOG 'KHOR LO'I LAM LA BRTEN NAS LUS LA GNAD DU BSNUN TE SGYU LUS 'GRUB PA'I TSE YANG 'DUS PA NAS GSUNGS PA'I RDO RJE'I LUS 'GRUB PA'I PHYIR RO, ,DE'I PHYIR DUS 'KHOR NAS GSUNGS PA'I STONG GZUGS KYI SKU DANG 'DUS PA NAS GSUNGS PA'I SGYU LUS GNYIS
SGRUB GZHI MCHOG TU MI 'GYUR BA'I BDE BA DANG, SHIN TU PHRA BA'I RLUNG SEMS KYI KHYAD PAR TZAM LAS 'GRUB RGYU'I SKU MTSAN DPES BRGYAN PA'I SKUR MTSUNGS PA YIN, YI DAM GYI GTOR MA 'BUL SKABS GTOR MGRON BSKYED TSUL RGYAS PAR MI BYED TSE RANG GI SNYING KHA NAS SPROS PA'I LHA MO RNAMS KYIS BDAG BSKYED KYI LHA LA PHUL BAR MOS NA RUNG MIN NI TSUL DE NGES PAR RUNG 'DRA ZHING, 'ON KYANG H'Um ZHES PA'I SKABS SU SKAD CIG GIS MDUN GYI NAM MKHAR GTOR MGRON SPYAN 'DREN PA MAN NGAG TU BYED PA YIN, KUN RIG GI DBANG BSKUR RDZOGS PAR GSHIN PO LA RUNG BA BZHIN RGYUD SDE GZHAN GYI RUNG MIN NI RNAL 'BYOR BLA MED LA LHA NGO BSTAN PA YAN CHAD BYA BAR GSUNGS PA LTAR RIGS 'GRE'AM SNYAM, YANG RJE RIN PO CHES LAS DANG PO PAS LTA BA LA DPYOD PA'I TSE GNAD BZHI'I DPYAD PA BYA BAR GSUNGS PA DANG, MAR PA YAB SRAS KYIS SEMS NYID KHYAB GDAL CHEN POR NGO SPROD PA GNYIS LAS DANG PO PA LA JI LTAR BYA ZHES PA NI, SEMS GSAL ZHING RIG PA NGO SPROD PA 'DI YANG RJE RGYAL BA GNYIS PA'I LAM RIM CHUNG BA'I DGONGS PA RMA MED PA YIN PAS TSUL DE NYID LA MOS PA'I GANG ZAG LAS DANG PO PA RNAMS LA NGES PAR BSTAN DU RUNG, YANG 'DUS PA'I GTZO BO 'PHO BA'I MAN NGAG GIS RANG NYID DON GRUB LTA BU'I NGA RGYAL LA GNAS PA'I MTHAR BSDU CHOG RDO RJE 'CHANG GI NGA RGYAL GYIS BYED DAM ZHES PA NI SNGON GYI GTZO BO DE KHO NA'I NGA RGYAL GYIS BYA DGOS PA YIN, YANG 'JIGS BYED BDAG BSKYED SKABS GTI MUG GSHIN RJE GSHED DANG YUM BZHIR ZLA GDAN BSKYED PA'I DGOS PA GANG YIN ZHES PA NI, DE RNAMS NANG GI SROG 'DZIN YAN LAG DANG BCAS PA RNAM PAR DAG PA'I DBANG
, ,GIS YIN NAM SNYAM, YANG DUS 'KHOR LUGS LA STON PA SANGS RGYAS PA'I LO MGO ZLA BA GANG NAS 'JOG CES PA NI, NAG PA ZLA BA NAS 'JOG CING, LO DE LA SHOL ZLA YOD MED NI STON PA LCAGS SPRER 'KHRUNGS PA'I DBANG DU BYAS NA ZLA SHOL 'ONG BA DANG, SHING STAG LA 'KHRUNGS PA'I DBANG DU BYAS NA MI 'ONG BA 'DRA ZHIG 'DUG KYANG ZHIB TU BRTZI RGYU MA BYUNG ZHING, SANGS RGYAS PA'I SA ZLA'I BCO LNGAR GZA' 'DZIN GYI RI MO THON MIN LA NGAL BA BSTEN PA MANG DU MTHONG YANG 'PHAGS PA RNAMS KYI NANG GI NUS PA GLO BUR DU 'BYUNG BAS DE RIGS KYI NGES PA MED DAM SNYAM, SANGS RGYAS PA'I PHYI LO SHER MDO GSUNGS ZHES PA'I PHYI LO GANG YIN ZHES PA NI, SA ZLAR SANGS RGYAS PA'I ZLA BA DE NAS BRTZIS PA'I ZLA BA BCU GNYIS PA NAG PA ZLA BA'I TSES BCO LNGA LA GSUNGS PA YIN; LUGS 'DI'I STONG GZUGS KYI SKU 'GRUB PA NA RDUL PHRA RAB ZAD MIN NI, ,RGYUD RGYAL NYID LAS LUS NI DVANG ZHING RDUL PHRAN NYAMS PA NAM MKHA' DANG MTSUNGS ZHES GSUNGS PA LTAR, LUGS 'DI LA BEM CHOS THAMS CAD ZAD NAS MCHOG TU MI 'GYUR BA'I BDE BA'I TING NGE 'DZIN GYI GZUGS BRNYAN RNAM BCAS LA STONG GZUGS KYI SKUR BYED PA YIN, DE'I TSE SNGAR GYI PHUNG PO RNYING BA'I RGYUN CHAD DAM, SANGS RGYAS KYI SKUR 'GYUR ZHES PA NI SO DANG SEN MO'I RTZE SKRA SOGS LUS DBANG GIS MA KHYAB PA RNAMS MA GTOGS RGYUN CHAD PAR GSUNGS, PHAR PHYIN THEG PA'I THAL 'GYUR BA RANG LUGS LA SNGAGS KYI GZHUNG LA SBYANGS NAS SLOB MI SLOB KYI ZUNG 'JUG THOB PA RNAMS LAM GA TZAM DU SLEB PAR 'DOD CES PA NI KHO BO CAG KLU SGRUB YAB SRAS DANG RJE RGYAL BA GNYIS
PA YAB SRAS KYI BZHED PAS SLOB PA'I ZUNG 'JUG PA NI LAM DUS KYI YE SHES KYI SKU MNGON DU BYAS PA'I SGOM LAM PA DANG, MI SLOB PA'I ZUNG 'JUG PA NI DPAL LDAN RDO RJE 'CHANG GI GO 'PHANG MNGON DU BYAS PAR 'DOD CING, LUGS KHA CIG PA DAG NI CI LTAR SMRA MI SHES LA, YANG NYIN GCIG LA LHO SGOM NANG PO BSKUR DGOS NA NYER BSDU MA BYAS PAR NGES PAR RUNG ZHING, 'DIR BSHAD RGYUD ZER BA 'DUG KYANG BYA RGYUD YIN 'DRA BA DE'I DE BZHIN GSHEGS PA'I RIGS KYI DBANG THOB NAS LAS RUNG GI BSNYEN PA SONG NAS RIGS 'OG MA'I DBANG BSKUR THOB PA DANG, LAS RUNG GI BSNYEN PA MA BYAS PAR SLOB DPON GYI BYA BA LA 'JUG RUNG MIN NI RTZOD LDAN GYI DUS 'DIR DBANG RE NI NGES PAR THOB PA GAL CHE ZHING, LAS RUNG MA SONG YANG RIGS GONG MA'I BSNYEN PA SONG NA RUNG PA YIN NO, , DE LTAR DKA' GNAD DU MAR BRIS PA'I LAN, ,JI BZHIN BRJOD PAS NGAG DBANG TSUL KHRIMS KYI, ,DOGS PA'I GNAD RNAMS MA LUS RAB BYANG NAS, ,PHAN BDE'I PAD TSAL YONGS SU BZHAD GYUR CIG, ` ,YANG LAN BRJOD PA NI, KHA 'BAR MA'I BDEN STOBS KYI NYE SRAS DANG, NYAN THOS KYI MTSAN 'DI RNAMS SNGON CHED GNYER GYI DON 'DI LA SMON LAM MDZAD PA RNAMS BRJOD PA YIN CING, BYA RGYUD KYI DAM RGYA GNAS DRUG TU REG TSE SNYING KHA'I 'JUG TU LTE BAR REG RGYU YIN LA, MA REG PAR GNAS LNGA NYID DU REG KYANG THUS, BUM SGRUB SKABS LHA DANG LHA'I DE KHO NA NYID CES DANG LHA'I SEMS ZHES BRJOD KYANG THUS LA, YANG DE DAG THAMS CAD RANG GI SEMS KYI RNAM ROL DU SHES PAR BYAS NAS DKYUS LTAR BRJOD KYANG THUS, LHA MO BRGYAD KYI SNGAGS GTZO BO'I
, ,SNGAGS NYID KYIS CHOG LA, GDON 'GROL GYI MCHOD PA BDAG BSKYED GANG BYAS KYI SNGAGS MTHAR AARGHAm SOGS BTAGS PA'I NYER SPYOD PHUL BAS THUS, ZHES PA 'DI NI SMAN RAM PA DGE SLONG BSTAN PA DAR RGYAS KYI DRIS LAN DU SPYAR BA'O;; ` ;;RNAM SRAS NOR SGRUB SKABS LCAGS GSUM ZHES PA RJE RGYAL BA GNYIS PA'I MAN NGAG BZHIN GSER DNGUL ZANGS GSUM LA BYED PA YIN CING, RJE RIN PO CHE'I SKU BRNYAN GLANG 'PHUR MA NI BAR DE BZHENGS ZIN MA THAG 'GRO BA'I DON LA 'PHUR BAS MTSAN DE LTAR GSOL BA DANG, BKRA SHIS DO KHA MA NI 'ON GYI BKRA SHIS DO KHAR RJE RGYAL BA GNYIS PA BZHUGS DUS NYIN GCIG LA RDZU 'PHRUL GYI BKOD PAS DBU SKRA SOR PHYED DO PA LAN BDUN BZHUR ZHING, SRAS KYI THU BO RDZU 'PHRUL CAN ZHIG NAS SKU BRNYAN BDUN RDZOGS PAR BZHENGS PA'I NANG GZHUG TU DBU LO RNAMS BZHUGS PAR MTSAN DE LTAR GSOL BA DANG, SLE'U CHUNG MA NI RJE RIN PO CHE'I SKU DUS SU LUGS MKHAN MKHAS PA ZHIG BYUNG BAR GRONG MING LA SLE'U BA ZER STABS DES BZHENGS PA LA SLE'U CHUNG MA ZHES GRAGS PA DANG, GZHAN PHAN MA NI PAR DE BZHENGS NAS RJER GZIGS PHUL BAS RJE'I ZHAL NAS 'DI NGA MI 'DRA YANG GZHAN LA PHAN GSUNGS PAS GZHAN PHAN MA DANG, SKU BRNYAN DE BZHAD CING 'PHAR BAS BZHAD 'PHAR MAR GRAGS PA STE, DE DAG LAS SLE'U CHUNG NI LUGS MA DANG GZHAN RNAMS NI 'DRA COG RIGS MA GTOGS 'JIM BZO KHO NA YIN CING, RGYAL BA TZONG KHA PA CHEN PO SKU MA BLTAMS GONG DANG ZHAL BZHUGS PA'I DUS DANG MYA NGAN LAS 'DAS PA'I PHYI NAS
TE LAN BDUN GYI BAR DU GANG+GA'I NANG NAS RANG BYUNG DU BYON PA'I RGYA GAR GYI LI RIGS 'DRA BA NGO MTSAR SHIN TU CHE BA YONG BAR GNANG STE, DE DAG LAS RING BSREL CAN GCIG RDO RJE 'CHANG LCANG SKYA RIN PO CHE'I THUGS DAM RTEN DU YOD TSOD LAS HA CANG NGES PO MED, SMRi TI'I PHYAG TSA PAR YUL BYANG NGAM RING GI SA CHAR GCIG DANG RTA NAG RGYAD MKHAR PHYUG POR GCIG ,SHANGS CHUMS KYI YUL DU GCIG RNAMS YONGS GRAGS YIN CING, KHAMS SU PHEBS NAS 'GRO DON MDZAD SKABS GLING RJE GE SAR GYIS BDUD HOR LJANG GSUM BCOM ZHING; RGYA DANG G-YUL MA 'KHRUGS KYI BAR DER PAn CHEN GYI DGON PAR GZUG PA'I DANG BLANGS MDZAD SKABS SNGAR GYI HOR GYI BU BSAD PAS MNA' ZOS PA'I 'BRAS BUR RGYAL PO RTZIG PA'I STENG NAS LHUNG STE DBU CHAG PAR PAn CHEN SMRi TI'I TSA TSA'I LHAG GI 'JIM PA BLANGS TE SDEM BYAS PAS DBU 'PHRAL LA GSOS PA'I LO RGYUS 'DUG PAS DER DPAGS NA KHAMS SU YANG TSA TSA MANG DU YOD TSOD 'DUG CING, 'DI LA THUB PA'I SKU MTSON GANG BA GCIG ,THUB DBANG DANG SGROL MA MKHYID GANG BA RE, YANG THUB PA'I SKU DE LAS CHE TZAM GCIG RNAMS NGAS KYANG MTHONG ZHING, RGYA GAR NAS BSNAMS PA'I BAR RNAMS BGRES NAS BOD DU GSAR BZHENGS MDZAD PA 'GA' ZHIG YOD PA 'DRA SNYAM, RVA PAR MA ZHES PA NI THOG MA'I PHYAG PAR PAn CHEN BZANG PO RGYAL MTSAN GYI PHYAG PAR DE BSE RU'I RVA LAS GRUB PA YIN PAS MTSAN DE LTAR GSOL BA YIN CING, KHRO PHU THOG THUB MA ZER BA SNGAR MA MJAL KYANG LOTZTSA BA BYAMS, PA'I DPAL GYI PHYAG TSA YIN 'GRO SNYAM PA 'DUG ,GONG GI 'PHROS NAS 'BRI RGYUR PAn CHEN SMRi TI'I DGON GNAS DE KHAMS KYI SA PHYOGS
, ,GANG NA YOD, DA LTA MTSAN JI LTAR GRAGS, CHOS LUGS CI LTA BU SPYOD, NGES KHUNGS YOD TSE 'DIR ZHIB CHA BRIS NAS GNANG LUGS MDZOD,, ` ,,BYANG CHUB SEMS DPA' SEMS DPA' CHEN PO THABS DANG SHES RAB ZUNG DU 'JUG PA'I GANG ZAG RNAMS KYIS SBYIN PA'I PHA ROL TU PHYIN PA YONGS SU RDZOGS PAR BYA BA'I SLAD DU RANG GI LUS KYANG SBYIN PAR BYED PA DAG YOD DE, DE LA YANG THEG PA CHEN PO SPYI'I LUGS DANG GSANG SNGAGS KYI LUGS SO, ,THEG PA CHEN PO SPYI'I LUGS NI BYANG CHUB SEMS DPA' GZHAN DON DU LHAG PA'I BSAM PA BRTAN CING, BDAG MED RTOGS PA'I SHES RAB LA BLO BYANG BA RNAMS KYIS GNOD SBYIN DANG SRIN PO DANG, SENG+GE DANG STAG SOGS MI MIN DANG GCAN GZAN GYI RIGS LTOGS PAS GDUNG BA RNAMS SDUG BSNGAL DE NYID LAS SKYOB PAR BYA BA'I CHED DANG, YANG DE DAG GIS BZA' BAS NYEN PA RNAMS 'JIGS PA LAS SKYOB PA'I PHYIR RAM, YANG NA DE BZHIN GSHEGS PA DANG DE'I RTEN GYI DRUNG DU BDAG NYID KYI LUS MAR ME'I SDONG BU SOGS SU 'BUL BAR BYA BA'I MAN NGAG STE, DE YANG PHYI ROL PA DAG GIS RANG GI KHRAG DANG YAN LAG GI CHA SHAS MIG RNA BA MGO SOGS BCAD DE TZAnd'I KA LA SOGS PA'I RTEN GYI DRUNG DU 'BUL BA DANG, DBANG PHYUG GI RTEN RTZE GSUM DANG RANG BYUNG GI SPU GRI SOGS LA MCHONGS TE 'CHI BA DANG 'DI GNYIS LA KHYAD PAR CHEN PO PHYED DGOS TE, DE YANG PHYI ROL PA RNAMS KYIS NI RNAM PAR RANG GI LUS DE PHANGS MED DU BTANG BA YIN KYANG BLO'I PHUGS NA LHA DE RNAMS LA MCHOD PA'I PHYIR ZUG RDU CHEN PO NYAMS SU MYONG ZHING DKA'
BA SPYAD PAS LHA DE RNAMS MGU STE, 'KHOR BSGYUR SOGS 'JIG RTEN GYI DPAL 'BYOR STER BDON DU GNYER BAS YANG TIG 'KHOR BA'I BDE 'BYOR GYI CHED DU GDUNG BRTZOM PA'I PHYIR DON MED PA'I BYA BA CHEN PO YIN LA, GROL BA DON GNYER BA RNAMS KYIS NI ZUG RDU DON DU GNYER BA MA YIN, DES MCHOD YUL RNAMS MGU BA'I LAN DANG RNAM PAR SMIN PA DON DU GNYER BA MA YIN GYI, GNAS SKABS SU LUS BYIN PA LA BRTEN NAS SBYIN YUL GYI NAG ZAG DE RNAMS 'JIGS PAS NYEN PA'AM SDUG BSNGAL LAS GROL ZHING, MTHAR DA LTA RANG GI LUS KYIS TSIMS PAR BYAS PA DE BZHIN DU MA 'ONGS PA NA DAM PA'I CHOS KYIS TSIMS PAR BYAS TE RDZOGS PA'I SANGS RGYAS LA 'GOD PA'AM, BDAG GI LUS SHA KHRAG GI PHUNG PO 'DI 'KHOR GSUM YONGS SU DAG PA'I MCHOD PAR BSGYUR TE; RDZOGS PA'I SANGS RGYAS RNAMS LA MCHOD PAS, 'GRO BA 'DI RNAMS KYI SDUG BSNGAL GSUM RGYUN BCAD DE, BLA NA MED PA'I YE SHES SANGS RGYAS BCOM LDAN 'DAS KYI GO 'PHANG RIN PO CHE BDE BLAG NYID DU THOB PAR GYUR CIG ,CES PA'I SMON LAM DANG BSNGO BA DE BDAG MED RTOGS PA'I SHES RAB KYIS ZIN PAR BYAS NAS GTONG BA YIN TE, TSUL 'DI LA ZHI GNAS 'GRUB PA'I GANG ZAG RNAMS KYIS RANG GIS GANG LA SMON PA'I YUL DE LA BLO GCIG TU 'DRIL BAS NGES PAR RNO ZHING, STONG NYID KYI LTA BRTOGS NA SBYIN YUL DANG SBYIN BYA DANG SBYIN PA PO RNAMS SNANG YANG BDEN MED RDZUN PA SGYU MA LTA BUR RTOGS PAS 'KHOR BA'I RTZA BA MYUR DU GCOD PA LA KHYAD SHIN TU CHE, THEG PA CHEN PO GSANG SNGAGS KYI LUGS NI THABS DANG SHES RAB ZUNG DU 'BREL BA'I GCOD KYI
, ,NYAMS LEN DANG, YANG GNOD BYED RNAMS YI DAM GYI LHAR BSGOMS NAS MCHOD PAR 'BUL BA, GRONG 'JUG GRUB PA RNAMS KYIS RANG GI RNAM PAR SHES PA CHOS LDAN GYI RTEN GZHAN LA BCUG NAS, LUS RNYING PA GZHAN LA DNGOS GRUB KYI RTEN DANG, GSER SOGS RIN PO CHE DANG KHA ZAS SU STER BA DANG SGYU LUS 'GRUB PA RNAMS KYIS LUS MTHA' YAS PA STER BA SOGS YIN LA, SPYIR 'PHAGS YUL LTA BU SKYE BO SNYING STOBS CHE ZHING BLO GROS RNO BA'I RIGS GNAS PA'I SAR MAN NGAG 'DI RNAMS BYA YI, BOD LTA BU RNAMS SU RTOG PA'I SBROS PA SNA TSOGS BA 'CHAR BAS BYA BA MA YIN NO, ,MAN NGAG 'DI NI 7 SH'AKYA'I DGE SLONG BLO BZANG DPAL LDAN YE SHES KYIS BLO BZANG BSTAN 'DZIN GYI MOS BLO LTAR GDAMS PA'O, ,SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SBEL, ,SARBA DZAG TAm,, ,,
[BLANK PAGE]