Various Writings

, ,GSUNG SNA TSOGS BZHUGS SO, ,

, ,AOm SVASTI, 'CHI MED BDE CHEN YONGS RDZOGS ZHING GI MCHOG ,GANG DU LNGA LDAN NGO BOR YONGS GRUB PA, ,TSE MTHA' YAS PA'I SHIS PA DAM PA YIS, ,DGE DANG PHUN TSOGS RGYA MTSO DENG 'DIR PHOBS, ,BLO BZANG RGYAL BA GNYIS PA'I GSUNG GSANG GI, DPAL MCHOG LDAN PA SKU BZHI YE SHES LNGA'I, ,RNAM ROL MGON KHYOD BSKAL PA BGRANG YAS SU, ,MI 'GYUR RDO RJE'I KHAMS SU BRTAN PAR BZHUGS,, BCU GNYIS BDAG PO'I BU YI MTSON RNON PO, ,BCUD LEN AA MRi TAR BYED KEE LA SHA'I, ,SMAN MCHOG 'BEBS MKHAS RNAMS KYI BYIN RLABS KUN, ,DPAL LDAN BLA MA'I SKU GSUM DPAL DU SGRUBS, ,DRANG DES GNAD KUN YONGS RDZOGS DAM PA'I CHOS, ,THUB DBANG GSUNG GI SNYING PO TZONG KHA PA'I, ,LEGS BSHAD CHOS KYI SGRA DBYANGS RAB BSGRAGS TE, ,PHAN DANG BDE BA'I LAM MCHOG YANGS POR PHYE, ,BDAG

, ,KYANG SKYE BA KUN TU MGON KHYOD DANG, ,MI 'BRAL BKA' BZHIN SGRUB PAS MNYES BYAS NAS, ,SHES NYON SGRIB DANG BAG CHAGS KUN BYANG NAS, ,ZUNG 'JUG RDO RJE 'CHANG DBANG 'GRUB PAR SHOG, RMAD BYUNG BLO GROS BRGYA PHRAG RAB MANG POS, ,KHYOD KYI GSUNG GI GSANG TSOGS 'GRO KUN LA, ,SPEL PHYIR SNYING STOBS MI DMAN CHER RGYAS PA'I, ,SRAS KYI THU BOR 'GYUR BAR BYIN GYIS RLOBS, ,DREGS PA LCAM SRING LA SOGS BSRUNG MA'I TSOGS, ,KUN GYIS JI LTAR SMON PA'I RE 'BRAS KUN, ,GEGS MED LHUN GYIS 'GRUB PA'I 'PHRIN LAS KYI, ,MTHU STOBS BKRA SHIS RGYA MTSO 'BAR BAR MDZOD, CES BRTAN BZHUGS MI 'GYUR RDO RJE'I SGRA DBYANGS ZHES PA 'DI NI PHU BO AER TE NI NO YON MKHAN PO DAR HAN PHYAG MDZOD BLO BZANG SBYIN PAS BSKUL MA MDZAD PA LTAR, GNAS MCHOG DGA' LDAN BDE CHEN RAB RGYAS GLING GI GZIMS CHUNG 'CHI MED GRUB PA'I PHO BRANG NYI 'OD 'KHYIL DU SUG BRIS SU SBYAR BA DGE LEGS 'PHEL,, ` ,,RJE RDO RJE 'CHANG MNYES PA GSUM GYIS MNYES PAR BYAS PA'I NYE GNAS DAM PA RAB 'BYAMS PA BLO BZANG DAR RGYAS LA NANG SBYAR GYIS LAG BRIS 'BUL SNYING, DA CHA NYID KYI SKU MI BDE BA'I GNAS TSUL THOS PAS YID SHIN TU MA BDE BA SNANG BA, DA CHA SKU KHAMS KYI BAB YUL JI 'DRA YOD DANG, SNGON DU NGED

KYIS SROG RLUNG 'JOMS SHING TSE BRTAN PAR BYED PA'I SMAN THUN 'GA' ZHIG DANG, YANG SMAN DPYAD KYI BSTEN TSUL BCAS PHUL YOD PA PHYAG TU 'BYOR MIN DANG, DE SKOR GYIS PHAN THOGS 'DRA YOD MED ZHIB MOR BSKUR BAR ZHU, LAR NAS RLUNG GI NAD 'DI 'PHEL 'GRIB CHE BAS 'PHRAL LOD LOD 'DRA YANG SKU SROG LA SKYON DU 'GYUR BA'I NGES PA MED PAS, BLO LEGS PAR LHOD LA BLA MA'I GDAMS NGAG GI RIGS RKYEN GYI THOG TU DGE SBYOR GYIS SLEB DGOS PA DRAN PAR MDZAD NAS, 'PHRAL GYI SDUG BSNGAL 'DIS TSE RABS MANG POR BSAGS PA'I SDIG PA'I 'BRAS BU NGAN PA MYONG 'GYUR RNAMS ZAD PAR 'DUG SNYAM PA'I SPRO BA DANG, BDAG GI SDUG BSNGAL 'DIS NAM MKHA' DANG MNYAM PA'I 'GRO BA RNAMS KYI SDUG BSNGAL MTHA' DAG GI GO CHOD NAS, MAR GYUR 'GRO BA THAMS CAD KYI SDUG BSNGAL RGYU DANG BCAS PA ZAD PAR GYUR CIG SNYAM PA'I GTONG LEN DANG RJE BTZUN RDO RJE 'CHANG CHEN PO SKU SNGA PHYIR GSOL BA 'DEBS PA NAN TAN DU MDZAD PA LAS, GANG CI'I GNAS SKABS KYI RKYEN LAS THUGS MI BDE BA'I RIGS MI MDZAD PA NYID SKU GAL CHE, DA LTA'I DUS SPRUL PA'I SKU SKU NAR RIM GYIS SON CING MKHAS GRUB TU 'GYUR BA'I RIM GYI DBU BRNYES PAR MA ZAD RDO RJE 'CHANG BKA' DRIN MTSUNGS MED DE NYID KYI THUGS BSKYED MTHA' BTZAN PAS THUGS PHRAL MDZAD DGOS RIGS MA MCHIS SHING; DENG RANG NAS KYANG MA SHES PHAR BZHAG GI STENG NAS CHOS DANG 'JIG RTEN GNYIS GA'I SGO NAS 7RJE BTZUN SPRUL PA'I SKU'I ZHABS 'DEGS ZHU BAS DON 'DI NGES BAR THUGS LA ZHUGS 'TSAL LAG BRIS SU PHUL,, ` ,,AOm SVASTI, DBEN

, ,SA CHOS KYI PHO BRANG 'DUS PA'I TSOGS, ,DGYES BYED BTUNG BA'I YOL GO RIN CHEN LAS, ,BSGRUBS DGES RGYAL BSTAN PHYOGS BCUR RGYAS PA DANG, ,'GRO KUN SANGS RGYAS GO 'PHANG THOB PHYIR BSNGO, ,'DIS MTSON RTEN GSUM MCHOD RDZAS DNGOS CI MCHIS, ,'JIGS MDZAD DPA' BO DPAL MGON SDE LNGA DANG, ,RNAM GSUM LHA MOR GTAD KYIS BDAG BZUNG LA ,RKU 'PHROG BSAM SBYOR LOG KUN DRAG POS SGROL, ,SA MA YA TIshthA,, ` ,,AOm BDE LEGS SU GYUR CIG ,RGYAL SRAS RANG RGYAL NYAN THOS RIG 'DZIN TSOGS, ,TSANGS DBANG LA SOGS MTHU LDAN THAMS CAD KYI, ,GTZUG NA ZHABS SEN MNGON PAR NGAL BSOS PA, ,THUB DBANG LHA YI LHA LA MGOS PHYAG 'TSAL, ZHES MCHOD PAR BRJOD NAS, 'DIR SNGOM GSUM GYI BCAS PA DANG 'GAL BA'I NYES LTUNG RNAMS LA BSHAGS BSNGAMS JI LTAR BYA BA'I TSUL NYES LTUNG RNAMS NGOS 'DZIN TSUL DANG BCAS PA BRJOD PAR BYA STE, DE YANG DKON MCHOG GI RTEN LA SOGS PA BSHAGS YUL GYI MDUN DU PHYAG GSUM BYAS NAS 'GRENGS TE 'DUD PA DANG BCAS PAS PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD DANG, DGE 'DUN BTZUN PA RNAMS SO SOR THAR PA'I 'DUL BA DANG 'GAL BA'I NYES LTUNG PHYIR BCOS PA'I CHO GA LA THUGS GTAD PAR ZHU, ZHES BRJOD LA TZOG TZOG PUR 'DUG STE, YANG; PHYOGS BCU NA BZHUGS PA'I SANGS RGYAS BYANG CHUB SEMS DPA' THAMS CAD DANG, DGE 'DUN BTZUN PA RNAMS BDAG LA DGONGS SU GSOL, BDAG DGE SLONG MING 'DI ZHES

BGYI BA LA LTUNG BA PHAM PA'I SDE TSAN LAS, MI DANG MI LAS GZHAN PA'I SROG CHAGS KYI RMA'I SGO GSUM PO GANG YANG RUNG BAR SBYOR DNGOS RJES GSUM TSANG BA'I MI GTZANG BA SPYOD PA SDER GTOGS DANG BCAS PA DANG, MI'I 'GRO BA'I BDAG GIR BYAS PA'I DNGOS PO RIN THANG DU TSANG BA BRKUS PA DANG, MI DANG MIR CHAGS PA'I SROG BCAD PA DANG, MI'I 'GRO BA SMRA SHES DON GO BA LA YON TAN GYI KHYAD PAR GONG MA THOB PA'I MI CHOS BLA MA'I RDZUN SMRA BA STE PHAM PA'I SDE BZHI DANG, LTUNG BA LHAG MA'I SDE TSAN LAS 'DOD PA'I SEMS KYIS RMA'I SGO GSUM PO LAS GZHAN PA'I RANG GZHAN GYI LUS KYI CHA GANG YANG RUNG BA LA BRTEN NAS KHU BA 'BYIN PA DANG, BUD MED LA CHAGS PA'I SEMS KYIS SKRA DANG SEN MO TSUN CHOD LA REG PA DANG, CHAGS PA'I SEMS KYIS BUD MED LA 'DOD PA'I GTAM SMRA ZHING BUD MED KYIS SMRAS PA BDAG GIR BYAS PA CHAGS PA'I SEMS KYIS BUD MED LA BDAG LTA BU'I DGE SLONG LA 'KHRIG PA'I BSNYEN BKUR BA NI BSNYEN BKUR GYI MCHOG GO ,ZHES SMRA ZHING, GZHAN GYIS SMRAS PA BDAG GIR BYAS PA DANG, SKYES PA DANG BUD MED SMYAN BYED PA'I BYA BA LA 'JUG PA DANG, GZHAN BYED DU 'JUG PA DANG, GZHI MI RUNG BA DANG DGE 'DUN LA MA ZHUS BA DANG ZHUS KYANG MA GNANG BAR RANG GI KHANG PA TSAD LAS LHAG PA BYED DAM BYED DU 'JUG PA DANG, RGYAL POS MA GNANG BA DANG, RTZOD PA DANG BCAS PA DANG, GANG KHA DANG, CHU 'GRAM DANG, GROG SBUR LA SOGS SROG CHAGS YOD PA'I SAR DGE 'DUN LA GNANG BA MA ZHUS PA DANG, ZHUS KYANG MA GNANG BAR GTZUG LAG KHANG BRTZIG PA DANG, MTHONG THOS DGOS GSUM GYI GZHI MED PAR DGE SLONG GANG YANG RUNG BA LA PHAM PA BZHI

, ,SO SO LAS BRTZAMS PA'I SKUR BA BTAB PA PHA ROL POS DON GO BA DANG, DGE SLONG GANG YANG RUNG BA LA SKUR PA 'DEBS 'DOD KYI BSAM BAS PHAM PA GANG RUNG DANG SBYAR NAS MI GSAL BA'I SGO NAS SKUR BA BTAB PAR PHA ROL POS DON GO BA DANG, DGE 'DUN GYI DBYEN BYED 'DOD NAS DGE SLONG BRGYAD YAN CHAD LA SDIG LTA DANG BCAS PA'I TSIG SMRAS NAS THA DAD DU BYE BA DANG, RANG NYID DGE 'DUN DBEN BYED PA'I PHYOGS BYED PA LA DGE 'DUN RNAMS KYIS GZHAMS NAS BSGO BA DANG, DE LAS BZLOG PAR MI BYED PA DANG, 'DUL BA'I BCAS KHRIMS DANG 'GAL BA'I KHYIM PA SUN 'BYIN GYI SPYOD PA LA DGE 'DUN RNAMS KYIS MA BYED CES BZLOG KYANG 'DI DAG GI 'DUN PAS BGRO BA'O, ZHES SOGS SMRA ZHING DE LA GZHAMS BSGO SOGS KYIS BZLOG KYANG MI NYAN PA DANG, YANG; DGE 'DUN RNAMS KYIS THUGS BRTZE BAS TSUL KHRIMS SRUNGS SHIG CES SOGS GDAMS PA LA, KHYED CAG KYANG NGAL CANG MA SMRA ZHIG NGA YANG KHYED CAG LA CANG MI SMRA'O, ZHES BSGO BA RNA LA GZON CING, DE LA DGE 'DUN RNAMS KYIS GZHAMS BSGO SOGS KYI LAN GSUM GYIS BZLOG PA DANG, BZLOG KYANG MI NYAN PA STE LHAG MA BCU GSUM SDER GTOGS DANG BCAS PA'I LTUNG BA DANG, LTUNG BA LTUNG BYED KYI SDE TSAN LAS, RANG GI KHRU GANG DU LONGS PA YAN CHAD BYIN GYIS MA RLABS PA, BRLABS KYANG GZHAN GYIS SHAN ZHUGS BZHAGS BCU LAS LHAG PA BZHAG NAS, BCU GCIG GI SKYA RENGS SHAR GYI BAR DU THAL BA DANG, BYIN GYIS BRLABS PA'I CHOS GOS GSUM GANG RUNG MTSAMS KYI NANG LAS PHYI ROL ZHAG GCIG LUS NAS, GNYIS KYI SKYA RENGS

SHAR GYI BAR DU THAL BA DANG SNON PA'I RE BA DANG BCAS TE GOS KHRU GANG LONGS PA YAN CHAD BYIN GYIS MA RLABS PA ZHAG SUM CU'I BAR DU BZHAG NAS, SO GCIG GI SKYA RENGS SHAR GYI BAR DU THAL BA DANG, BYIN GYIS BRLABS PA'I CHOS GOS GSUM PA GANG YANG RUNG BA DANG; GDING BA SOGS NYE DU MA YIN PA'I DGE SLONG MA 'KHRUNG DU BCUG NAS PHYOGS GCIG TSUN CHAD BSKRUS PA DANG, DGOS PA MED PAR NYE DU MA YIN PA'I DGE SLONG MA LAS DGOS MED DU GOS KHRU GANG LONGS BA YAN CHANG LEN PA DANG, DGOS MED KYIS KHYIM PA NYE DU MA YIN PA LAS GOS KHRU GANG LONGS PA YAN CHAD LEN PA DANG, KHYIM PA NYE DU MA YIN PA LAS GOS GNYIS LEN PAR BYED LA DE LAS LHAG PAR LEN PAR BYED PA DANG, LHAG PA DE NYID PHYIR SLOG PAR MI BYED PA DANG SBYIN BDAG KHYIM PAS RANG LA GOS 'BUL BAR SHES NAS 'BUL LONG MED PAR LEN PA DANG, KHYIM PA PHO MOS RANG GOS 'BUL BA 'BUL LONG MED PAR SBYIN BDAG DE NYID LA BRAN G-YOG SOGS LAS THABS KYI SA LEN PA DANG, SBYIN BDAG KHYIM PA NYE DU MA YIN ZHING, RANG DANG ZHAL TA PA DANG NOR MI GCIG PAS RANG LA GOS KYI RIN; RIN PO CHE PHO NYA BA LA BSKUR NAS, DE YIS ZHAL TA PA LA SPRANG PA RANG NYID KYIS ZHAL TA PA LA GOS KYI PHYIR BSKUL 'DED LAN BZHI LNGA'I BAR DU BYAS NAS MA BYUNG BA'I TSE SBYIN BDAG KHYIM PA LA SMRA ZHING,, ` ,,NA MO GU RU, DPAL LDAN GDONG BZHI DRAG PO TSE DPAL SPEL, ,ZHAL BZHI PHYAG BZHI BUM THOD GRI GUG DANG, ,RTZE GSUM 'DZIN PAS TSE YI BAR GCOD SEL, ,'CHI MED DPAL STER KHYOD LA BSTOD PAR BGYI, ,G-YUR MO GTUM MO SRIN MO SING+GI LI, ,'CHI MED STER PHYIR NOR BU BUM PA

, ,BSNAMS, ,PHYOGS BCU'I BDE BA CHEN PO NYER SDUD PA'I, ,RAB MDZES LHA MO KHYOD RNAMS SNYING NAS BSTOD, ,KHYOD LA DVANG BAS RE LTOS BCAS PA'I MTHUS, ,DUS DANG DUS MIN 'CHI BA MA LUS PA, ,NYE BAR BSAL NAS BSAM PA'I DON MA LUS, ,'BAD PA MED PAR LHUN GYIS 'GRUB PAR MDZOD, CES DPAL MGON ZHAL BZHI PA TSE 'PHEL GYI BSTOD PA 'PHRIN 'CHOL DANG BCAS PA 'DI NI TSUL 'DI'I RNAL 'BYOR SPYOD PA BLO BZANG TSE DBANG GI KHA 'DON DU DGE SLONG BLO BZANG DPAL LDAN YE SHES KYI SBYAR BA'O,, ` ,,NA MO GU RU, 'DIR TSE BDAG MED ZHAL GSUM PHYAG DRUG PA BSGRUB PAR 'DOD PAS, SKYABS 'GRO TSAD MED BZHI BSGOM PA SNGON DU BTANG, SVA BH'A WAS STONG PAR SBYANGS, STONG BA'I NGANG LAS, PAm LAS PADMA, AA LAS ZLA BA'I DKYIL 'KHOR GYI STENG DU, BDAG NYID BCOM LDAN 'DAS MGON PO CHE DPAG MED SKU MDOG DMAR PO ZHAL GSUM PHYAG DRUG PA, ZHAL GSUM KA'ANG DMAR PO, ,PHYAG DANG PO GNYIS GYIS TSE BUM BSNOL NAS 'DZIN PA, G-YAS GNYIS PA'ANG TSE BUM 'DZIN PA, G-YON GNYIS PA GSER GYI TSE BUM BDUD RTZI'I CHU RGYUN 'BABS PA LTE BA'I THANG DU 'DZIN PAS LUS KYI NANG THAMS CAD 'GENGS PA, G-YAS THA MAS SKYABS SBYIN MDZAD PA, G-YON THA MAS MDA' GZHU DMAR PO RAB TU 'BAR BA 'DZIN PAS, 'CHI BDAG LA SOGS PA'I MA RUNGS PA RNAMS BSREG PAR MDZAD PA, ZHABS RDO RJE SKYIL KRUNG GIS BZHUGS PA, DE'I SPYI BOR AOm, MGRIN PAR A'A: THUGS KAR H'Um, LTE BAR SV'A, GSANG BAR H'A 'OD LNGA 'PHRO BA, THUGS KA'I H'Um LAS 'OD 'PHROS PAS RANG 'DRA'I YE SHES PA DANG, DBANG GI LHA RNAMS SPYAN DRANGS, DZA: H'Um BAm HO:

GNYIS SU MED PAR GYUR, DBANG GI LHAS DBANG BSKUR, 'OD DPAG MED KYIS DBU BRGYAN PAR GYUR, DE NAS RANG GI THUGS KAR NYI MA'I DKYIL 'KHOR GYI STENG DU H'Um YIG DMAR PO'I MTHAR SNGAGS KYIS BSKOR BA LAS 'OD ZER 'PHROS, PHYOGS BCU'I SANGS RGYAS THAMS CAD KYI BYIN RLABS, TSE DPAG MED ZHAL GSUM PHYAG DRUG PA'I RNAM PAR SPYAN DRANGS, SPYI BO'I AOm YIG LA THIM PAS, AOm YIG NGE NYID TSE DPAG MED ZHAL GSUM PHYAG DRUG PAR GYUR PA DE LAS BDUD RTZI'I RGYUN BABS, LUS KYI NANG THAMS CAD GANG BAS, TSE ZAD PA, BRKUS PA, YAR BA THAMS CAD SOR CHUD PA'I MOS PA BYA ZHING, AOm AA MA RA nI DZ'I WANTI YE SV'A H'A, ZHES CI MANG BZLA'O, ,'DI LAN GCIG BZLAS PAS KYANG BSKAL PA 'BUM PHRAG DGU KHRIR BSAGS PA'I SDIG PA YANG BYANG ZHING TSE ZAD PA YANG SKYES SO,, RJE BTZUN BLO BZANG DPAL LDAN YE SHES KYIS MDZAD BA'O,, `,,STONG PA NYID RGYU 'BRAS SU 'CHAR BA ZHES PA DE BZHIN MYU GU LTA BU LA MTSON NA, KHA DOG DANG, DBYIBS DANG, BYED LAS KYIS PHAN TSUN LTOS LUGS LA BRTEN NAS MYU GU ZHES MING BTAGS BA DE LA BRTEN TE MYU GU DE BDEN PA DANG, RANG BZHIN GYIS GRUB PAS STONG BA, DE LTA BU'I CHOS NYID LA BRTEN NAS KHA DOG DBYIBS SOGS KYI RTEN 'BREL TSOGS TZAM PA LA THA SNYAD KYI MYU GU GRUB PA ZHES ZER BA 'DUG CING, DE NYID MNYAM GZHAG TU SKYONG BA'I TSE KUN RDZOB KYI SNANG BA MI 'CHAR YANG CHAD PA'I MTHAR MI LTUNG BA DANG, RJES THOB TU KUN RDZOB KYI SNANG BA SHAR YANG BDEN STONG DU RTOGS TE RTAG MTHAR UMI LTUNG BA NI, 'DUS BYAS KYI CHOS RNAMS LTA ZHOG 'DUS MA BYAS KYI CHOS RNAMS KYANG SHIN TU PHRA BA'I RLUNG SEMS KYI RNAM PAR ROL

, ,PA LAS BYUNG BA LA RAG LUS BAR SHES PA NYID LA BLTOS TE, DE YANG SNOD BCUD KYI CHOS RNAMS NI DUS GSUM GYI LAS SO SOS SKYE BA SNGA PHYI DA LTA BAR LONGS SPYAD BYA DANG, RTAG BA RNAMS KYANG DE DAG GI LDOG PA DANG NGO BO'I KHYAD PAR DANG BRAL BA'I CHA DANG CHOS NYID LA SOGS PA LA BRTEN NAS MING BTAGS PA YIN PAS SNYING KHA LA SOGS PA'I LUS LA GNANG DU BSNUN PA'I THABS KHYAD PAR CAN LA BRTEN NAS SNANG BA RNAMS NUB STE SEMS ZHU BA'I LHAN SKYES KYI BDE BAS RANG GI SEMS KYI STENG GI CHOS NYID SHES PA NA, RNAM PAR SHES PA RLUNG DANG NGO BO DBYER MED DU GNAS PA'I GNAD KYIS SHIN TU GNYIS SU SNANG BA NUB KYANG, NAM MKHA' SLONG BYED DANG BRAL BA LTA BU'I SNANG BA LA BRTEN NAS KUN RDZOB TZAM THA SNYAD DU YOD BZHIN DU RANG NGOS NAS GRUB PA MED PAR 'BANG MED DU RTOGS PAR 'GYUR LA CHOS NYID DE'I STENG NA GZHI LAM 'BRAS GSUM GYI BAG CHAGS DANG BRAL BA'I CHA LA SOGS PA RTAG PA JI SNYED PA THAMS CAD TSANG BAS DE'I GNAD KYIS SGYU LUS GNYIS 'OD ZUNG GNYIS 'BRAS DUS RNAMS KYI SKABS SU YANG NA MA MKHAS GAR KHYAB TU SKU GCIG NYID KYIS KHYAB PA DE BYUNG BAR SNANG, DON GYI DBANG 'DI GZIGS NAS CHOS KYI RGYAL PO TZONG KHA PA CHEN POS YANG DAG MTHA' MNGON DU BYED PA SPYOD PA'I GNOD RTOGS PA LA RAG LAS RANG GSUNGS TE, DES NA GSANG BDE 'JIGS GSUM 'KHOR CHEN RNAMS KYI BSKYED RIM BSGOM DUS MTSAN BRJOD LAS, NAM MKHA' KHYAB PAR GAR BYED PA, ZHES SOGS GSUNGS PA LTAR, NAM MKHAS GAR KHYAB TU SKUS KHYAB CING SANGS RGYAS KYI ZHING KHAMS RNAMS DANG, SANGS

RGYAS SRAS DANG BCAS PA DANG, DE DAG GI MDZAD PA DANG YON TAN THAMS CAD BA SPU'I KHUNG BU RER SNANG ZHING, DE RNAMS KYANG RANG GI BDE STONG GI RNAM ROL DU BLTA BA NI RJE BDAG NYID CHEN BO'I SNYAN BRGYUD KYI DGONGS BAR SNANG SNYAM LAGS, CHOS KUN BDEN GRUB ZHIG PA'I CHOS NYID DE'I, ,'BRAS BUR KUN RDZOB RNAM PAR BKRA BA GNAS, ,KUN RDZOB DE YI 'BRAS BU'ANG CHOS NYID DE, ,DE NI STONG NYID RGYU 'BRAS 'CHAR TSUL NI, ,DANG PO'I LAS CAN MNYAM GZHAG NGO BO NA, ,'KHRUL SNANG BDEN GRUB BSHIG PA'I STONG SANGS NGOR; ;DMIGS YUL STONG RGYU'I KUN RDZOB SNANG BA DE, ,MA SHOR CHANG LTA'I G-YANGS LAS GROL LAM SNYAM, ,'ON KYANG BLA MED THEG PA'I LUGS SROL MCHOG ,SEMS LA PHYI NANG RKYEN GYIS BSDUS BLTAS NAS, ,SEMS KYI CHOS NYID SEMS KYIS MTHONG BA DE, ,CHOS SKU MNGON GYUR THABS MCHOG BLA NA MED,, ` ,,NA MO BADZRA BHEE RA W'A YA, GANG ZHIG YID LA DRAN PAS 'CHI BDAG SDE CHEN DRUNGS 'BYIN CING, ,BDE CHEN LHAN CIG SKYES PA'I YE SHES BDE BLAG NYID DU STZOL MDZAD PA, ,THUB DBANG LHA YI LHA MCHOG BLO BZANG 'JAM DPAL KHRO BO'I RGYAL, ,RDO RJE 'CHANG DBANG GSHIN RJE'I GSHED DER PHYI NANG GSANG GSUM PHYAG BGYID DO, ,MGON DE'I RIM GNYIS BDUD RTZI'I ZIL DANG RA CHUS, ,BDAG BLO'I BUM BZANG 'GENGS MDZAD DKYIL 'KHOR GTZO, ,DNGOS BRGYUD BLA MAR NYER BSTEN DRIN CAN RJE, ,KUN GYI ZHABS PA BYANG CHUB BAR DU BSTEN, ,SGYU 'PHRUL RDO RJE GDONG BRGYA'I ME CHEN 'PHRO, ,RDO RJE SHUGS CAN LHA KUN DRAG SHUL SPYOD, ,PHYUGS BDAG GOO RI RGYAL BYED SBRANG RTZIR BYED, ,ZA BYED YA M'A NAT KAS DGE LEGS STZOL, ,KHYOD KYI RIM GNYIS

, ,ZAB MO PHAN BDE'I DPYID, ,RAB RDZOGS 'CHI MED BTUNG BA 'DIR SPEL GYI, ,SNYIGS DUS TSE 'DIR RDO RJE 'CHANG 'GRUB PA'I,, THUGS RJE'I 'JUG PA DUS LAS MA G-YEL ZHIG ,DE YANG RTZA BA'I RGYUD KYI RGYAL PO RTOG PA BDUN PA LAS, DUR KHROD DANG NI CHU KLUNG GI 'GRAM DANG, SHING GCIG DANG, MTSAN MA GCIG PA'AM, BZHI MDO'I GNAS SAM, MA MO'I KHYIM MAM, LHA KHANG DU GNAS LA, 'JIGS BYED CHEN PO'I RGYUD 'DIR DBANG BSKUR BA'I RNAL 'BYOR PAS, DBSAD PA DANG BSKRAD PA DANG, RENGS PA DANG, DBYE BA DANG, RMONGS PA DANG, RAL GRI DANG, MIG SMAN DANG, RO DANG, 'BYUNG PO DANG, RO LANGS DANG, GNOD SBYIN DANG, GNOD SBYIN MO DANG, KLU LA SOGS PA CHO GA 'DIS BSGRUB BAR BYA'O, ZHES GSUNGS PA LTAR, LUGS 'DI'I DKYIL 'KHOR CHEN POR DBANG BZHI RDZOGS PAR THOB CING, DAM TSIG DANG SNGOM PA MIG GI 'BRAS BU LAS KYANG CHES CES SPRAS SU BSRUNG BA GTZO BOR BYED PA'I GANG ZAG GIS, DUR KHROD LA SOGS PA RGYUD NYID NAS DNGOS SU GSUNGS BA'I GNAS KHYAD PAR CAN RNAMS SAM, YANG NA RANG GI GNAS KHANG LA SOGS PA YID DANG MTHUN PA'I GNAS SU, BCOM LDAN 'DAS DPAL RDO RJE 'JIGS BYED CHEN PO'I RNAL 'BYOR CHEN POS 'JIG RTEN DANG 'JIG RTEN LAS 'DAS PA'I MTHUN MONG DANG THUN MONG MA YIN PA'I DNGOS GRUB RNAMS BSGRUB STE BLA NA MED BA'I YE SHES DPAL BLO BZANG THUB DBANG RDO RJE 'JIGS BYED CHEN PO'I GO 'PHANG MNGON DU BYED PA NI RANG GIS THOB PA'I DAL 'BYOR DON LDAN DU BYA BA'I THABS DAM PA'O, ,DE LA YANG BSKYED PA'I RIM PAS SBYANG GZHI BYED 'PHROD PA'I GNAD KYIS RGYUD YONGS SU SMIN PAR

BYAS NAS, RDZOGS PA'I RIM PA ZAB LAM RDO RJE'I RNAL 'BYOR CHEN POS SGYU 'OD ZER GSUM GYI LAM BSGRUB PA NI LAM BGROD TSUL GYI RIM BA YIN TE, BSKYED PA'I RIM LA LEGS GNAS SHING, ,RDZOGS BA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ZHES GSUNGS PA LTAR RO, ,DE LTA BU'I RIM GNYIS BSGOM PA LA YANG, RDO RJE 'JIGS BYED LHA BCU GSUM MA'I DKYIL 'KHOR DANG RO LANGS BA RGYAD SKOR GYI DKYIL 'KHOR, ZHE DGU MA'I DKYIL 'KHOR, BEE RO TZA NA RAshKI TA'I LUGS KYI DKYIL 'KHOR, ZHAL GCIG PHYAG GNYIS PA'I DKYIL 'KHOR SOGS DU MA BZHUGS PA'I RNAM BZHAG RNAMS NI BOD DU 'ANG 'GYUR ZHING, DBU STONG PHYAG BYE BA CAN LA SOGS PA NI RGYUD 'BUM PAR BZHUGS BAR GSUNGS SHING PHYOGS 'DIR MA PHEBS PAR BSHAD DE, TSUL DE RNAMS LAS 'DIR NI DPA' BO GCIG PA'I RIM GNYIS KYI RNAM GZHAG BSHAD PAR BYA BA YIN NO, ,DE LA GSUM, THUN GYI MGOR JI LTAR BYA, THUN GYI DNGOS GZHI LA JI LTAR BYA BA, THUN GYI MJUG TU JI LTAR BYA BA'O, ,DANG PO NI, KHAMS GSUM 'GRO BA'I BLA MA TZONG KHA PA CHEN POS MAndAL BYI DOR BYAS LA ZHES PA DANG LHA DANG 'BYUNG PO LA GTOR MA PHUL TE GSHEGS PAR BYA'O ZHES GSUNGS PA LTAR, BSGRUB PA'I GNAS SU RGYUD KYI RGYAL PO'I BRIS SKU'I RTOG PA LAS 'BYUNG BA BZHIN 'DU BYAS PA'I THANG SKU BRKRAMS SHING, MDUN DU BCOM LDAN 'DAS LA 'BUL BA'I DMAR GTONG SNYING GZUGS MA DANG, MCHOD YON, ZHABS BSIL, DRI; ME TOG, BDUD SPOS, MAR ME, ZHAL ZAS, ROL MO RNAMS BDAG BSKYED KYI DBANG DU BYAS TE RANG GI G-YAS PHYOGS

, ,NAS MGO BRTZAMS PA DANG, 'BUL YUL GSAR DU SPYAN DRANGS PA'I LHA RNAMS KYI G-YAS PHYOGS NAS MGO BRTZAMS PA DAG DANG, SNGON 'GRO'I GTOR MA DMAR GTOR ZLUM PO NYER SPYOD DANG BCAS PA DANG, RANG GI NYE LOGS SU KA P'A LA NANG MCHOD KYIS GANG BA DANG, RDO RJE DRIL BU, CANG TE'U SOGS 'DU BYAS, YANG 'BYOR NA RTOG PA DANG PO LAS 'BYUNG BA'I GDON CHEN PO DAG GI SHA RNAMS KYANG DNGOS SAM GZUGS SU BYAS PA DAG SNOD GTZANG MAR BSHAMS, BDUD RTZI RIL BU'AM BYIN GYIS BRLABS PA'I NANG MCHOD LCE THOG TU BZHAG PAS KHA DAG PAR BYA, DANG POR THA MAL GYI SNANG ZHEN GYI NGANG NAS MCHOD BYIN RLABS SOGS MI NUS PAS, RANG NYID SKAD CIG GIS SOGS BRJOD PA DANG DUS MNYAM DU RANG GI GDAGS GZHI'I PHUNG PO 'OD KYI RANG BZHIN DU MTHA' NAS SNYING GI THANG DU YAL NAS STONG SANGS DU GYUR PA'I SNANG NGOR SNANG BA'I DU BSDUS PA'I STONG SANGS DANG, NGES NGOR CHOS THAMS CAD RTOGS PAS BTAGS PA TZAM MA GTOGS RANG GI NGO BOS GRUB PA RDUL TZAM YANG MED PAR NGES PA'I NGES NGO GNYIS SNANG NGO DANG NGES NGO'I KHYAD PAR SHES PAR BYAS NAS MNYAM PAR BZHAG STE, STONG SANGS DE'I NGANG NAS RANG GI GO SAR SNA TSOGS PADMA KHA GYEN DU BSLANGS PA'I LTE BAR NYI MA'I DKYIL 'KHOR SHEL DMAR GYI GYA MAndAL KHA SPUB PA LTA BU DE'I STENG DU, RANG NYID SKAD CIG GIS DPAL RDO RJE 'JIGS BYED CHEN PO BZOD PAR DKA' BA'I GZI BRJID DRAG PO CAN, DBU RIL PO MA HE DRAG POR KHROS PA'I GDONG PA STE SHANGS KYI STENG NA KHRO GNYER DRAG PO 'KHYIL ZHING SPYAN RTZA KHRAG RLON LTAR

DMAR BA'I SPYAN GSUM RAB TU GDANGS SHING SPYAN 'BRAS GLOG 'KHYUG PA LTA BU, 'BAR BA'I RVA RNON PO GNYIS KYI RTZE MOR ME LCE DRAG TU 'PHRO BAS TSANGS PA'I 'JIG RTEN KYANG BSREG BA LTA BU, SANGS BUG GNYIS ZANGS DUNG MER BSREGS PA LTA BU DMAR SENG NGE BA LAS DRAG PO'I 'THOR RLUNG BSKAL PA'I ME DANG 'DRES PA LTA BU'I DBUGS KYI RGYUN 'PHRO ZHING, DBU SKRA KHAM SER NAM MKHA'I KHYON KUN YONGS SU KHYAB PA LTA BUR BRDZES PA, PHYAG GI SEN MO RNAMS LCAGS KYU LTAR RNO ZHING RING LA PHYAG MTHIL RNAMS KHRAG RLON PA GSAR PA BYUGS PA LTAR DMAR GA PHYAG G-YAS KYIS RDO RJES YU BA BYAS PA'I 'BAR BA'I GRI GUG DANG, G-YON PAS THOD PA BDUD BZHI'I KHRAG DANG BDUD RTZI LNGAS GANG BA THUGS KAR STENG 'OG TU 'DZIN CING, ZHABS G-YAS BSKUMS PA LAS G-YON PA MTHO LNGA'I BAR DU BRKYANGS PA, GSUS KHYIM RAB TU CHE ZHING 'PHYANG BA, DBU LA THOD PA BSKAM PO RDZOGS PA LNGA'I RTZE MOR RIGS LNGA'I SKUS DBUS SU MTSAN PA'I PA TRA RIS DANG THOD SKAM RNAMS KYI KHA NAS 'PHYANG BA'I ZAR TSAGS RNAMS DANG SKU STOD LA MCHOD PHYIR THOGS SAM SER LA KHA DANG, SKU SKED DU 'OG PAGS, PHYAG ZHABS LA GDU BU RNAMS KYIS SPRAS PA, GLANG CHEN GYI KO RLON RGYAB TU GSOL ZHING BDE BA CHEN PO'I BDAG NYID KYI LING GA GYEN DU BSGRENGS PA STONG GSUM GYI KHYON THAMS CAD KHYAB PA'I YE SHES KYI ME DRAG TU 'BAR BA'I DBUS NA BZHUGS PA, SKYON KUN ZAD YON TAN KUN LDAN GYI BCOM LDAN 'DAS DE NGA'O SNYAM PA'I NGA RGYAL DANG GSAL SNANG CI NUS SU BSGRUB, DE NAS NANG MCHOD KYI SGRUB GZHI KA P'A LA BDUD RTZIR BCAS PA LA DMIGS, HR'I: sht'I: BSANG BA DANG

, ,DUS MNYAM DU RANG GI SNYING KHAR NYI MA'I DKYIL 'KHOR GYI STENG DU GNAS PA'I H'Um YIG MTHING ANG LA SNGAGS 'PHRENG GIS BSKOR BA LAS 'OD ZER 'PHROS PA'I SNE LA, KHRO BO PA, GSHIN RJE GSHED MI BZANG PA'I DRAG SHUL CAN SPROS TE NANG MCHOD KYI SGRUB GZHIR GNAS PA'I BGEGS THAMS CAD RGYA MTSO'I PHI ROL DU BSKRAD CING ZHOB THUL GYIS BSREGS PAR BSGOM ZHING KHRO BO RNAMS RANG GI SNYING KHA'I SA BON LA THIM PAR BSGOM, AOm SVA BHA WA SOGS BRJOD PA DANG DUS MNYAM DANG NAD MCHOD KA P'A LA DANG BCAS PA MTHA' NAS 'OD DU MER GYIS ZHU STE, SNANG NGOR 'JA' YAL BA BZHIN DU SONG BA LA NGES NGOR MING BRNGAS BZHAG PA TZAM MA GTOGS RANG GI NGO BOS GRUB PA RDUL TZAM YANG MED PA'I NGES SHES BSKYED NAS SBYANGS STONG SANGS DE'I NGANG NAS NANG MCHOD KYI GO SAR RLUNG GI SA BON YAm SNGON PO ZHIG THOL GYIS BYUNG BA 'ONG DU MER GYIS ZHU BA LAS BYUNG BA'I RLUNG GI DKYIL 'KHOR SNGON PO GZHU'I DBYIBS LTA BU BCAD KHA RANG LA BSTAN PA G-YAS G-YON GNYIS SU BA NGAN G-YO BZHIN PAS MTSAN PA DE'I STENG DU ME'I SA BON RAm DMAR PO ZHIG BYUNG BA 'OD DU MER GYIS ZHU BA LAS ME'I DKYIL 'KHOR DMAR PO GRU GSUM BRTZE MO PHAR BSTAN PA RAm GYIS MTSAN PA, DE'I STENG DU SKYE BA MED PA'I DON STON BA'I AA YIG GSUM 'OD DU ZHU BA LAS BYUNG BA'I MI MGO RLON PA BCAD MA THAG PA LTA BU MIG HRIG GE BA SKRA NYIL LE BA, A'A DKAR PO 'OD DU ZHU BA LAS BYUNG BA'I THOD PA DKAR PO PHYI DKAR LA NANG DMAR BA'I NANG GI SHAR DU RNAM SNANG GI SA BON BH'Um YIG ZHIG BYUNG BA 'OD DU MER GYIS ZHU BA LAS BYUNG BA'I BA LANG

MI SHA MING YIG DANG PO GOOS MTSAN PA, LHOR RIN CHEN 'BYUNG LDAN GYI SA BON AAm YIG ZHIG BYUNG BA 'OD DU MER GYIS ZHU BA LAS BYUNG BA'I KHYI'I SHA MING YIG DANG PO KUS MTSAN PA, NUB TU 'OD DBAG MED KYI SA BON DZRA YIG ZHIG BYUNG BA 'OD DU MED GYIS ZHU BA LAS BYUNG BA'I GLANG PO CHE'I SHA MING YIG DANG PO NGAS MTSAN PA, BYANG DU DON GRUB KYI SA BON KHAm YIG ZHIG BYUNG BA 'OD DU MER GYIS ZHU BA LAS BYUNG BA'I RTA'I SHA MING YIG DANG PO HAS MTSAN PA, DBUS SU MI BSKYONG PA'I SA BON H'Um YIG ZHIG 'ONG DU MER GYIS ZHU BA LAS BYUNG BA'I MI'I SHA MING YIG DANG PO NAS MTSAN PA RNAMS BYUNG BAR MOS TE, DE DAG LA NI SHA LNGA ZHES SAM LCAGS KYU LNGA ZHES BYA ZHING, DE NAS SHAR LHOR SPYAN MA'I NGO BO LAm YIG ZHIG BYUNG BA 'OD DU MER GYIS ZHU BA LAS BYUNG BA'I DRI CHEN MING YIG DANG PO BIS MTSAN PA, LHO NUB TU M'A MA KI'I NGO BO MAm YIG ZHIG BYUNG BA 'ONG DU MER GYIS ZHU BA LAS BYUNG BA'I RAKTA MING YIG DANG POR SA MTSAN PA, NUB BYANG DU GOS DKAR MO'I NGO BO PAm YIG ZHIG BYUNG BA 'ONG DU MER GYIS ZHU BA LAS BYUNG BA'I BYANG SEMS DKAR BO MING YIG DANG PO SHUS MTSAN PA, BYANG SHAR DU SGROL MA'I NGO BO T'A YIG ZHIG BYUNG BA 'ONG DU MER GYIS ZHU BA LAS BYUNG BA RKANG MAR MING YIG DANG PO MAS MTSAN PA, DBUS SU RDO RJE DBYINGS KYI DBANG PHYUG MA'I NGO BO BAm YI G ZHIG BYUNG BA 'OD DU MER GYIS ZHU BA LAS BYUNG BA'I DRI CHU MING YIG DANG PO MUS MTSAN PAR BSGOM STE 'DI RNAMS NI BDUD RTZI LNGA'AM SGRON MA LNGA ZHES BYA BA YIN NO, ,DE DAG GI STENG DU SANGS RGYAS THAMS CAD KYI SKU RDO RJE'I NGO BO AOm DKAR PO, DE'I 'OG TU SANGS RGYAS THAMS CAD KYI GSUNG RDO RJE'I NGO BO A'A: DMAR PO,

, ,DE'I 'OG TU SANGS RGYAS THAMS CAD KYI THUGS RDO RJE'I NGO BO H'Um SNGON PO RNAMS BRTZEGS PA'I TSUL GYIS GNAS BA, DE NAS RANG GI THUGS KA'I H'Um LAS 'OD ZER 'PHROS PAS 'OG GI RLUNG LA 'PHOG STE G-YOS PAS ME LCE CHER 'BAR THOD PA'I RDZAS THAMS CAD LUM LUM ZHU ZHING KHOL NAS KHA DOG DMAR SER LA DNGUL CHU'I MNGAGS 'DRES PA LTA BUR GYUR PA'I SKABS, AOm LAS 'OD ZER 'PHROS PAS SKU RDO RJE THAMS CAD RNAM SNANG GI LHA TSOGS DANG, A'A: LAS 'OD ZER 'PHROS PAS GSUNG RDO RJE THAMS CAD 'OD DPAG MED DANG, H'Um LAS 'OD ZER 'PHROS PAS THUGS RDO RJE THAMS CAD MI BSKYOD PA'I RNAM PAR SPYAN DRANGS TE YI GE SO SO LA THIM PA'I RKYEN GYIS, H'Um THOD PAR LHUNG NAS ZHU ZHING BDUD RTZI DANG 'DRES PAS RDZAS RNAMS KYI KHA DOG DRI RO NUS PA'I SKYON RNAMS SBYANGS, A'A: THOD PAR LHUNG NAS ZHU BAS RDZAS RNAMS KHA DOG DRI RO NUS PA'I YON TAN MTHA' YAS BA DANG LDAN PAS BDUD RTZIR RTOGS BAR BYAS, AOm THOD PAR LHUNG NAS ZHU BAS JI TZAM LONGS SPYAD KYANG ZAD PA MED PA'I MANG POR SPAR ZHING SPEL BAR GYUR PAR BSGOM ZHING 'BRU GSUM LAN GSUM BRJOD PA NI, NANG MCHOD BYIN GYIS RLOB TSUL YIN LA, DE YANG KHRO BO SPRO ZHING SNGAGS BRJOD PA NI BSANG BA DANG, SVA BH'A WA BRJOD CING 'ONG DU ZHU BA NI SBYANG BA DANG, YAm LA SOGS BA'I SA BON LAS RLUNG NAS 'BRU GSUM GYI BAR GSAL 'DEBS PA NA BSKYED PA'AM RTOGS PAR BYED PA DANG, RLUNG G-YOS PA NAS 'BRU GSUM BRJOD BA'I BAR NIS SBAR BA ZHES BYA BA YIN NO, ,DE DAG GI NGES DON NI 'DI LTAR SHES PAR BYA STE, KHRO BO SNYING SPROS BSANG

BA BDE STONG GIS, ,NYON MONGS RTZAD NAS 'BYIN PA'I RNAM BAR ROL, ,STONG SBYANGS CHOS NYID DBYINGS LAS MA 'DAS PAS, ,RGYU 'BRAS RTEN 'BREL GSHIS LA CIR YANG BTUB, ,YANG GCIG DPE DON 'ONG GSAL DBYINGS CHEN POR, ,RDUL MUN SNYING STOBS BSANGS SHING SPROS KUN SDUD, ,CHOS DBYINGS DE NYID SGEG MOR SHAR BA LA, ,STONG PA'I KHYE'U CHUNG ROL PA'I DBANG GZHU BKRA ,RLUNG ME CHU SA MKHA' DBYINGS 'BYUNG BA LNGA, ,PHYI NANG SKYES BU'I LUS GNAS DBANG BYAS TE, ,'CHI MED 'GRUB PHYIR 'GUGS BA'I LCAGS KYU LNGA,, GSAL BYED SGRON MAR BCAS PA YONGS SU BSKYED, ,YANG NA MI SNANG MNGON SHES LNGA SOGS DANG, ,PHUNG BO KHAMS DANG SKYE MCHED RIGS LNGA DANG, ,YUM LNGAR SGYUR BYED RDZAS BCU BTAGS TZAM LAS, ,MA GRUB GNAS LUGS MTSON PHYIR MING GIS MTSAN, ,RLUNG G-YOS ME SBAR RDZAS ZHU KHOL BA'I NANG, ,RDO RJE GSUM ZHUGS BDUD RTZIR GYUR PA NI, ,MYANGS PAS GNAS GSUM MKHA' 'GRO DBANG BYED CING, ,BLA MA YI DAM THUGS RJE MYUR DU 'JUG, YANG NA TZAnda L'I YIS SBAR PA'I MES, ,SPYI BO'I HAm YIG ZHU BAS SKU GSUNG THUGS, ,RDO RJE GSUM GYI NGO BO LHAN SKYES BDE, ,'GRUB 'DI BLA MED LAM DE'I KHYAD PAR CHOS, ZHES PA'I TSUL RNAMS KYI SHES PAR BYA'O, ,DE NAS MCHOD BA BYIN GYIS BRLAB PA LA, HR'I: sht'I: BRJOD CING KHRO BO SPROS TE BSANG BA DANG, SVA BH'A WAS STONG PAR SBYONG BA RNAMS RDZAS SNGAR DANG 'DRA LA, STONG PA'I NGANG LAS GO SA SO SER AA YIG RE THOL THOL BYUNG BA 'OD DU MER MER ZHU BA LAS BYUNG BA'I KA P'A LA'I NANG DU H'Um H'Um ZHU BA LAS BYUNG BA'I DGRA BGEGS BSGRAL BA'I SNYING KHRAG GI MCHOD YON, YANG DE LTA BU LA LHA'I BDUD RTZI

, ,BSIL BAR BYIN PA'I ZHABS BSIL DANG, DRI CHAB, DBANG PO LNGA'I ME TOG ,SHA CHEN GYI DUD PA, ZHUN CHEN GYI MAR ME, SHA RUS KYI ZHAL ZAS, MI RKANG LA SOGS PA'I ROL MO RNAMS RANG BZHIN STONG PA STE NGO BOS GRUB PA BKAG PA'I BDAG NYID DANG BDE BA CHEN PO ZUNG DU 'JUG PA'I YE SHES, RNAM PA NI MCHOD RDZAS SO SO'I RNAM PA DBYIBS DANG KHA DOG PHUN SUM TSOGS SHING NAM MKHA'I KHAMS KUN GANG BA, BYED LAS TE NUS PA'AM 'PHRIN LAS NI DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER NUS PAR GYUR PAR BSGOMS NAS, ` ,'DIR GZHI BDAG GAL LCAM PAR BSGANG BA GTONG BAR 'DOD PAS BSHOS BU DMAR PO LTA SPE'I DBYIBS CAN RTZE MOR LCOG BZHI DANG, DAR LCOG SRIN BYA 'UG PA RNAMS KYIS SPRAS SHING 'OG TU BANG RIM GSUM LA SDIG PA RVA CAN, BYI LA, SBAL PA LA SOGS PA'I GZUGS KYIS SPRAS PA BSHAMS, GZHAN YANG ZAS SNA, BSANGS DUD, ZHO DAR SOGS LEGS PAR 'DU BYAS LA, YI DAM GANG BYED KYI BDAG BSKYED SNGON DU 'GRO BAS, MCHOD GTOR RNAMS GZHI BDAG GTOR MA LTAR DANG, SNGAGS DRUG DANG PHYAG RGYA DRUG GIS BYIN GYIS BRLABS, SVA BH'A WAS STONG PAR SBYANGS, STONG PA'I NGANG LAS RANG GI MDUN DU BTZAN MKHAR DMAR PO MTHO ZHING 'JIGS PA MI MGO DANG RGYU MA'I LNGA LDIS BRGYAN PA'I NANG DU, BTZAN RTA DMAR PO RLUNG GI SHUGS CAN RIN PO CHE'I SGA SRAB KYIS SPRAS PA, DE'I STENG DU DGRA STA GAm GYIS MTSAN PA YONGS SU GYUR PA LAS, GAL LCAM BSHAN PHA DMAR PO GTUM ZHING KHRO BA'I GZUGS CAN, SKU MDOG GSAR

PA'I KHRAG KHOL BA LTA BU, PHYAG G-YAS GNAM LCAGS KYI STAG RI DANG, DAR MDUD GNAM DU BSGRENG ZHING, G-YON PA BTZAN ZHAGS DMAR POS DGRA BO'I BLA TSE 'GUGS PA, 'BAR BA'I MCHE BA RNO DAR CAN GTZIGS SHING GDANGS PA'I MIG NGAN DGRA LA BLTA BA, DAR THOD DMAR PO DANG DAR DMAR GYI GOS KHRAB RIS CAN SEG LHAM DANG BCAS PA GSOL NAS RTA MCHOG 'BAR BA'I STENG NA BZHUGS PA, DE'I G-YAS PHYOGS SU GSER GAL LCAM GSER GYI MDOG CAN ZHI BA'I CHA BYANG, RIN PO CHE THOGS TE RTA DANG SHUR LA CHIBS PA, DAR GYI NA BZA' CAN, G-YON PHYOGS SU G-YU GAL LCAM SKU MDOG SNGO LJANG CUNG ZAD KHROS PA DAR DMAR GSOL ZHING SPRUL ZHAGS BZUNG NAS RTA DKAR PO LA CHIBS PA, MDUN DU ZHANG PO KHA LA R'A DZA, SDIG PA RVA CAN LA ZHON ZHING SBRUL ZHAGS 'PHEN PA, SMUG NAG RAL PA 'DZINGS PA, BDUD KYI CHA BYAD CAN, DAR SMUG NAG GI PHOD GA GSOL BA, 'OG GDONG KLU BTZAN PA SMUG NAG KHRAM SHING DANG SPRUL ZHAGS 'DZIN PA SPRUL ZHAGS THOGS PA SPRUL MGO LNGA'I GDENGS KA CAN GRA NAG RTING DKAR LA ZHON PA, BLON PO DON GRUB RGYAL PO SER NAG MI MGO LA ZHON PA, THAL MO BRDE BA CING HU HU'I SGRA SGROGS PA, GDONG BTZAN DMAR PO MDUNG DANG ZHAGS PA THOGS PAR LUNG LTAR RGYUG PA, SKYER BA GDONG BTZAN RTA DMAR ZHON ZHING LCAGS DANG ZHAGS PA THOGS NAS RGYUG PA, LAS BYED BTZAN DMAR MANG PO DANG, DGYES SDE MO LA SOGS PA GRANGS MED PA'I 'KHOR DANG, SPYANG GI ,'PHAR PA, GSAL G-YI, KHYI DMAR, KHRAG GLAG ,SRIN 'UG LA SOGS BA BYA GCAN GRANGS MED PAS BSKOR BA'I GTZO 'KHOR THAMS

, ,CAD KYI SPYI BOR AOm DKAR PO, MGRIN PAR A'A:DMAR PO, THUGS KAR H'Um SNGON POS MTSAN PA, BDAG NYID KYI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS SHANGS YUL BTZAN MKHAR SMUG PO NAS BTZAN RGOD GAL LCAM MCHED GSUM BTZUN MO SRAS BLON 'KHOR DANG BCAS PA SKAD CIG GIS GNAS 'DIR SPYAN DRANGS, HE CHOS SKYONG DREGS PA LCAM SRING GI ,BKA' MNYAN 'KHOR GYI DKYIL 'KHOR NAS, ,BTZAN RGOD 'BAR BA GAL LCAM PA, ,MCHED 'KHOR BCAS PA SKU BZHENGS SHIG ,DBUS PHYOGS BTZAN MKHAR DMAR PO NAS, ,BADZRA LA LA BSHAN RGOD CHE, ,DMAR PO'I MTSAN CAN 'DIR SPYON LA, ,RNAL 'BYOR STONG GROGS GNYAN PO MDZOD, ,SHAR PHYOGS SHEL GYI SGO PHYE LA, ,GSER GYI BDAG PO GSER CHAR 'BEBS, ,GAL LCAM KHYOD NI BTZUN MOR BCAS, ,'DIR SPYON BCOL BA'I 'PHRIN LAS MDZOD, ,NUB PHYOGS DUNG GI KHANG BZANG NAS, ,G-YU YI BTZAN RGOD 'DIR GSHEGS SHIG ,GSER SKYEMS BTZAN BSHOS BCAS PA YI, ,STAN LA BZHUGS SHIG BSAM DON BSGRUB, ,RGYAB PHYOGS LCAGS KYI RVA BA NAS, ,KHA LA R'A DZA BDUD NAG KHYOD, ,SDANG DGRA MA RUNGS GZHOM PA'I PHYIR, ,TSUR SPYON MTHU DPUNG GNYAN PO BSKYED, ,'DZIN BYED SDOM BYED RDUNG BYED SOGS, ,KUN KYANG GNAS 'DIR MYUR BYON LA, ,GNOD BYED THAL BAR RLOG PA DANG, ,RNAL 'BYOR BCOL BA'I 'PHRIN LAS MDZOD, ,AOm DMAR PO GAL LCAM AE HYE HI, DE BZHIN DU AOm SER PO GAL LCAM AE HYE HI, G-YU YI GAL LCAM AE HYE HI, KHA LA R'A DZA AE HYE HI, DZA:DZA:

DZA:H'Um BAm HO: DAM TSIG PA DANG GNYIS SU MED PAR GYUR, RNAM 'JOMS GZUNGS THUNG LAN GSUM BZLAS SKU KHRUS GSOL BAS GRIB DANG MI GTZANG BA THAMS CAD BYANG, SKU LUS BDE BAS KHYAB PAR GYUR, BDAG GIS KHYOD KYI BA DAM TSIG DANG, ,'GAL ZHING NONGS PA CI BGYIS PA, ,GTZANG BYED SKU KHRUS 'DIS DAG NAS, ,'DOD DON LHUN 'GRUB 'PHRIN LAS MDZOD, ,AARGHAm NAS SHAPTA'I BAR GYIS MCHOD, GAL LCAM MCHED GSUM GYI ZHAL DU AOm A'A:H'Um, KHA LA R'A DZA'I ZHAL DU AOm A'A:H'Um, 'KHOR TSOGS RGYA MTSO'I ZHAL DU AOm A'A:H'Um, ZHES NANG MCHOD 'BUL YIG BRGYA BZLAS, BLA MA'I DAM TSIG NYAMS PA DANG, ,YI DAM DAM TSIG NYAMS PA DANG, ,MCHED GROGS DAM TSIG NYAMS PA DANG, ,CHOS SRUNG DAM TSIG NYAMS PA DANG, ,LHA KHYOD THUGS DANG 'GAL BA KUN; ;GNOD ZHING 'GYOD PAS BSHAGS BGYID NA, ,DAM TSIG NYAMS CHAGS DBYINGS SU DAG ,CI BSAM GEGS MED LHUN GYIS SGRUB, CES BSHAGS PA BYA ZHING, BSKANG RDZAS RNAMS SNGAGS DRUG DANG PHYAG RGYA DRUG GIS BYIN GYIS BRLABS LA, HE MTHU STOBS RAB 'BAR BTZAN RGOD CHE, ,GAL LCAM MCHED GSUM 'KHOR BCAS LA, ,MNYES BYED MCHOD SPRIN RGYA MTSO NI, ,NAM MKHA' GANG BA 'BYUNG GYUR CIG ,KHRAG CHEN SKOM DU BTUNG BA'I PHYIR, ,BSAD KHRAG SKYEM GYIS THUGS DAM BSKANG, ,ME TOG RGYAN DU 'DOGS PA'I PHYIR; ;DBANG PO LNGA YIS THUGS DAM BSKANG, ,RGYUN DU DRI LA MNOM PA'I PHYIR, ,BDUG SPOS DKAR SPOS THUGS DAM BSKANG, MDANGS CHEN 'OD LA GZIGS PA'I PHYIR, ,DKAR GSAL MAR MES THUGS DAM BSKANG, ,LUS LA DRI ZHIM BYUG PA'I PHYIR, ,GA BUR KHA

, ,CHES THUGS DAM BSKAD, ,RO BDA'I ZAS LA ROL BA'I PHYIR, ,ZHIM ZHIM SNA DGUS THUGS DAM BSKANG, ,SGRA SKAD SNA TSOGS DGYES PA'I PHYIR, ,ZANGS DUD GLING BUS THUGS DAM BSKANG, ,HE; RTA MCHOG LCAGS KYI RMIG PA CAN, ,RLUNG LTAR MGYOGS PA'I BANG LDAN 'DIS, ,GAL LCAM MCHED GSUM BLON PO DANG, ,ZHANG POR BCAS PA'I THUGS DAM BSKANG, ,BDAG GIS JI LTAR BCOL BA'I LAS, ,MA LUS THOGS PA MED PAR SGRUB, ,G-YAG RGOD RVA 'GYING RI BO 'DRA, ,RNGA MA RLUNG LTAR 'TSUB PA 'DIS, ,GAL LCAM MCHED GSUM BLON PO DANG, ,ZHANG POR BCAS PA'I THUGS DAM BSKANG, ,BDAG GIS JI LTAR BCOL BA'I LAS, ,MA LUS THOGS PA MED PAR SGRUB, ,'BRI MO DAL ZHING BRJID PAS RGYU, ,'O TSOGS CHAR LTAR 'BEBS PA 'DIS, ,GAL LCAM, ZHANG POR X, ,BDAG GIS X, ,MA LUS X, ,LUG NAG BAL GYI KHUR PO CAN, ,RVA BZHI 'KHYIL BA'I KHYU CHEN 'DIS, ,GAL LCAM X, ,ZHANG POR X, ,BDAG GIS X, ,MA LUS X, ,RA RGOD MDZES PA'I AO GZHOL CAN, ,DAR NAS BRGYAN PA DPAG MED 'DIS,, GAL LCAM X, ,ZHANG POR X, ,BDAG GIS X, ,MA LUS X, ,BYA ROG MUN PA'I KHA DOG CAN, ,LDING ZHING SGRA SGROG GRANGS MED 'DIS, ,GAL LCAM X, ,ZHANG POR X, ,BDAG GIS X, ,MA LUS X, ,BYE KHRA BSE MDOG NAG THIG CAN, ,GUG PA'I MCHU RNO THOG LTAR 'BAB, ,GAL LCAM X, ,ZHANG POR X, ,BDAG GIS X, ,MA LUS X, ,'UG PA STOBS CHEN STAG RIS CAN, ,RIN CHEN ZANGS MCHU RKAN SGRA TOG ,GAL LCAM X, ,ZHANG POR X, ,BDAG GIS X, ,MA LUS X, ,SRIN BYA THAL MDOG GSER MIG 'KHYIL, ,GANG

RGYANGS SGROG BYED MA RUNG 'DIS, ,GAL LCAM X, ,ZHANG POR X, ,BDAG GIS X, ,MA LUS X, ,DKAR DMAR MDANGS CHAGS MCHU SDER RNO, ,RAB RGONG KHRA CHEN RIGS GSUM GYIS, ,GAL LCAM X, ,ZHANG POR X, ,BDAG GIS X, ,MA LUS X, ,RI DVAGS DGRA BO STOBS DANG LDAN, ,BYA GLAG LDING ZHING 'THAB PA 'DIS, ,GAL LCAM X, ,ZHANG POR X, ,BDAG GIS X, ,MA LUS X, ,DRAG PO'I SGRA SGROG MCHE BA GTZIGS, ,KHYI GTUM STAG LTAR RNGAMS PA 'DIS, ,GAL LCAM X, ,ZHANG POR X, ,BDAG GIS X, ,MA LUS X,, LI KHRI'I MDOG CAN THIG LES BRJID, ,GZIGS RGOD PHO MO'I TSOGS RNAMS KYIS, ,GAL LCAM X, ,ZHANG POR X, ,BDAG GIS X, ,MA LUS X, ,SER SPRIN KHA DOG MCHE BA RNO, ,SBAR SHUGS LDAN PA'I DRED RNAMS KYIS, ,GAL LCAM X, ,ZHANG POR X, ,BDAG GIS X MA LUS X, ,'KHYUG CING MJUG RING SHA LA DGA', ,KHRAG LA 'THUNG BA'I GSAL RNAMS KYIS, ,GAL LCAM X, ,ZHANG POR X, ,BDAG GIS X, ,MA LUS X, ,PHYOGS BCUR RGYU BA'I PHO NYA CHE, ,GRANGS MED SPYANG KI'I TSOGS RNAMS KYIS, ,GAL LCAM X, ,ZHANG POR X BDAG GIS X, ,MA LUS X, ,GZHAN YANG DGRA BGEGS 'JOMS PA LA, ,DBA' BA'I GCAN GZAN TSOGS RNAMS DANG, ,KHRAB RMOG RAL GRI ME MDA' MDUNG, ,LCAGS KYU ZHAGS PA LA SOGS PAS, ,GAL LCAM X, ,ZHANG POR X, ,BDAG GIS X, ,MA LUS X DE LTAR MCHOD CING BSTOD PA YIS, ,BDAG GIS JI LTAR BSAM PA'I DON, ,MA LUS THOGS PA MED 'GRUB CING, ,DGRA BGEGS RTZAD NAS GCOD PAR MDZOD, ,SNGAR GYI 'GUGS SNGAGS RNAMS KYI MTHAR AI DAm B'A LIm TA BTAGS PAS BSKANG GTOR PHUL,

, ,SA PA RI W'A RA AARGHAm NAS SHAPTA'I BAR GYIS MCHOD, GONG SNGAGS RNAMS LA 'BRU GSUM BTAGS PAS NANG MCHOD 'BUL, AOm DHARMA P'A LA GAL LCAM MCHED GSUM SIDDHI H'Um ZHES BZLA, GTOR MA BYIN GYIS BRLABS, GAL LCAM MCHED GSUM 'KHOR DANG BCAS PA'I LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR BSAM LA, SNGAR BZHIN GTOR SNGAGS RNAMS LA AI DAm B'A LIm TA BTAGS PAS GTOR MA 'BUL, SNGAR BZHIN NYER SPYOD NAS NANG MCHOD BAR GYIS MCHOD, GTOR MA 'DI YIS TSIM MDZAD NAS, ,BDAG LA GNOD PA'I DGRA DANG BGEGS, ,CHOM ZHIG CHOM ZHIG THAL BAR RLOG ,JI LTAR BSAM PA'I DON KUN SGRUB, CES 'PHRIN LAS 'CHOL, GZHI BDAG GTOR MA GTONG, KYEE: KHRAG MDOG 'BAR BA'I BTZAN RGOD MI BSRUN PA, ,SANGS RGYAS BSTAN PA BSRUNG BA'I MTHU BO CHE, ,MCHED 'KHOR SRAS BLON BTZUN MOR BCAS PA LA, ,BSTOD PA'I DBYANGS KYI RGYAL POS YANG DAG BSTOD, ,KHYOD KYI SKU NI KHRAG GI 'OD 'BAR ZHING, ,MCHE BA GTZIGS PAS SRIN PO SKYENGS PAR BYED, ,RLUNG SHUGS LDAN PA'I MGYOGS 'GRO LA CHIBS NAS, ,STONG GSUM YUD KYIS MYUL BA KHYOD LA BSTOD, ,GSER GYI MDOG CAN 'DOD DGU'I CHAR 'BEBS DANG, ,G-YU YI MDOG CAN DBANG GI LAS MDZAD PA, ,KLU BDUD CHEN PO KHA LA R'A DZA SOGS, ,KUN KYANG MCHOD CING BSTOD DO STONG GROGS MDZOD, ,RJE BTZUN BLO BZANG DPAL LDAN YE SHES KYI, ,THUGS BZHED THAMS CAD GEGS MED 'GRUB PA DANG, ,'KHOR DANG BCAS LA DUS GNAS THAMS

CAD DU, ,NYER 'TSES GOS PA MED PA'I 'PHRIN LAS MDZOD,, ,,SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER; ;CHOS SBYIN 'DZAD MED DAL 'GRO'I RGYUN 'DI SPEL, ,SARBA MANG+GA LAm,, ,,