, ,CHAB SHOG GI SKOR RNAMS CHABS GCIG TU BSDEBS PA BZHUGS SO, ,
, ,AOm SVA STI, LEGS BSHAD RIN CHEN BYE BA'I CHAR CHEN GYIS, ,RNAM DPYOD ZHING BZANG KHYOD KUN LEGS BKANG BAS, ,BLO GSAL PHAN BDE'I PAD TSAL BZHAD MDZAD PA'I, ,MCHOG GI CHAR SBRIN RTZA BRGYUD BLA MAR 'DUD, ,DE YANG NYID NAS DRI BA MDZAD PA RNAMS KYI LAN BRJOD NA, 'JAM MGON RGYAL BA GNYIS PA LA 'JAM PA'I DBYANGS KYIS DNGOS SU STZAL BA'I SNYAN BRGYUD KYI GDAMS PA DANG LUNG BSTAN GSANG BA'I ME LONG GNYIS LAS SNYAN BRGYUD DE JI LTAR YIN GSUNG BA NI DE LA SBRUL PA'I GLEGS BAM ZHES PA GDUL BYA LAS DAG LA CI BDER KLO GA TU YOD CING, LAS DANG MI LDAN NA MTHONG BA TZAM YANG DKA' BA'I GNAS SU GYUR PA ZHIG YOD 'DUG PA DE RDO RJE 'CHAD RJE BTZUN BLO BZANG YE SHES KYI BAR DU PHYAG BRGYUD RIM PAR YOD 'DUG CING GLEGS BAM BZHUGS SU
, ,YANG CHOS GRVA CHEN PO BKRA SHIS LHUN PO'I GZIMS CHUNG BKA' GDAMS PHO BRANG GI GDUNG GI NANG DU YOD SKAD 'DUG KYANG, NGED KYI NI MA MTHONG BAS ZHU RGYU MED CING, RMI LAM DU BOD KYI YUL NA MA DROS PA NAS 'BAB PA'I CHU KLUNG CHEN PO RO HI TA MING GZHAN BOD RNAMS KYIS GTZANG POR 'BOD PA DE BKA' GDAMS PHO BRANG GI NANG NAS GNOD PA MED CING CHUNG DUR MA SONG LA MI SHONG BA MED PAR RGYA MTSO'I NGOGS SU 'BAB PA YANG YANG MTHONG BYUNG BDE GLEGS BAM BZHUGS PA'I BRDA CHOS KYI MTSAN MA ZHIG AE YIN SNYAM PA'I RE BA YOD MOD KYANG NYID 'KHRUL LAM LUS KYI KHAMS SAM BDUD KYIS BSLU BA GANG YIN CHA MA 'TSAL, SNYAN BRGYUD DE RNAMS MKHAS GRUB RJE LA ZUR TZAM LAS MI MNGA' ZHES PA YANG GDUL BYA MTHUN MONG DANG MTHUN MONG MA YIN PA'I BSHAD TSUL GNYIS YOD DAM SNYAM, BLO BZANG BKA' 'BUM DZA PA'I NANG GI ZAB GNAD BZHI NI BSKYED RIM BSDUS PA'I DBEN GSUM DANG, SGYU LUS DANG 'OD GSAL DANG ZUNG 'JUG RNAMS YIN MOD KYANG, DAM PA SNGON MA RNAMS KYIS SNYAN BRGYUD DU MDZAD PA DE SNYAN BRGYUD LAS PHYIR BKRAL TE YI GER
'GOD PA GA LA RIGS, RANG RE'I BLO BZANG BKA' 'BUM DU GSUNGS PA'I BLA MA'I RNAL 'BYOR RNAMS DANG, BLA MA'I RNAL 'BYOR GZHAN GYI KHYAD PAR NI BLA MA'I RNAL 'BYOR GZHAN PHAL CHER BLA MA DANG LHA DE KHON BSGOM PA YIN ZHING, SNYAN BRGYUD 'DI'I BLA MA'I RNAL 'BYOR NI THUB DBANG RDO RJE 'CHANG, RJE BLA MA, RANG GI RTZA BA'I BLA MA RNAMS, LHA DANG BLA MA GANG SGOM RGYU DE DANG DBYER MI PHYED PAR BSGOM PA DANG, RNAL 'BYOR GZHAN DU BLA MA SNYING DBUS SU BSTIMS PA MANG YANG, 'DIR BLA MA RANG LA BSTIM STE RANG BLA MA LHA'I NGO BOR SANGS RGYAS PAR BSGOM PA YIN NO, ,BDE STONG DBYER MED MA'I ZHAL BZHES RNAMS KYANG YI GER 'GOD MI NUS PA NI SNGAR BZHIN NO, ,DBEN SA SNYAN BRGYUD LAM RIM ZUR 'DEBS KYI SGO THEMS NANG GI SA PHUNG GSUM NI DE LAS LUS NGAG YID GSUM RNAM G-YENG GI PHYIR MI 'DA' BA'I DMIGS PA BRTAN PA'I KHYAD YIN NO, ,'JAM DBYANGS CHOS SKOR LAS GSUNGS PA'I GCOD KYI RTZA BA NI 'JAM DBYANGS CHOS SKOR GYI GSHAM DU YOD PA'I GNOD BYED BLA MA LHAR SGOM PA SOGS GSUNGS PA DE KHO NA YIN CING, DE LAS ZHIB PAR PHYE BA SLOB DPON DPA' BO RDO RJE NYID KYIS RNAM SHES NAM MKHA' DANG BSRE BA LUS SHA KHRAG GI PHUNG POS LHA 'DRE DAM LA 'JOG PA SOGS GNAD MANG DU YOD CING DE'I DPE NI BOD NA 'ON RGYAL SRAS RIN PO CHE'I PHYAG NA LEGS PAR SNANG NGO; ;DPA' BO G-YUL 'JUG MA LTA BU'I 'PHO BA SBYANGS NAS 'PHO RTAGS BYUNG STE, 'CHI BA'I TSE DMIGS RNAM GSAL BTAB NA 'PHO THUB PAS NGES PAR KHYAB CING, DPA' BO G-YUL 'JUG MA SOGS 'PHO BA GANG LA YANG GANG DU DMIGS PA'I ZHING NGER 'PHO BA
, ,TZAM LA NI RLUNG STOBS KYI NUS PA TSAD DU MA PHYIN KYANG RUNG LA, ZHING DER LEGS PAR SKYE PA LA NI RLUNG RTAGS TSAD DU PHYIN PAR DBANG DU GYUR PA DGOS, 'ON KYANG BDE BA CAN DU SKYE BA LA NI RANG RE LA SMON LAM DANG 'PHO BA ZUNG DU 'JUG PA GAL CHE BA YIN NO, ,SNGAGS LOG BSUN 'BYIN RNAM GRANGS GSUM ,BA'I DON KHAS LEN DU RUNG KYANG ZHIB TU DPYAD PAR BYA BA'ANG YOD DPER NA 'GOS KYIS PRA KHOG SNANG BA BOD MAR GSUNGS SHING, BA RI LOTZTSA BAS SGRUB THABS BRGYA RTZA'I NANG DU RGYUD DE LAS GSUNGS PA'I GDONG DRUG LEGS PAR BKRAL BA LTA BU'O, ,SMRAS PA, ZAB MO'I GNAD LAS BRTZAMS PA'I DRI BA'I DON, ,LUNG RIGS DGAG SGRUB SPROS PAS MA BRGYAN KYANG, ,DON GYI SNYING PO GNAD DU PHYUNG BA 'DIS, ,'JAM DPAL DGE 'DUN RGYAL MTSAN DGYES GYUR CIG ,CES STONG 'KHOR SPRU SKU 'JAM DPAL DGE 'DUN RGYAL MTSAN GYIS DRI BA MDZAD PA'I LAN DU 7SH'AKYA'I DGE SLONG BLO BZANG DPAL LDAN YE SHES KYIS SMRAS PA'O,, `,, LAN GYI RIM PA BRJOD PA NI, RDOR DRIL BYIN RLABS KYI SKABS SU DRIL BU'I LCE PHYOGS BRGYAD DU DKROL BA RGYUD KYI DGONGS PA YIN PAS RNAL 'BYOR ROL PA'I DGA' STON LTAR NGES PAR DGOS SHING, 'ON KYANG DA LTA'I PHYAG LEN KYANG MI RUNG BA NI MIN, LUS DKYIL GYI SKABS SU SNYING KHA'I HE RU KA'I ZHABS 'OG TU 'JIGS BYED DANG DUS MTSAN GNYIS BSGOM PA DANG MI BSGOM PA GNYIS KA RGYUD KYI DGONGS PAR MCHIS TE BSGOM PA'I DBANG DU BYAS NA, RANG RGYUD KYI NYON MONGS PA RTAG CHAD KYI MTHA' GNYIS 'JIGS DUS KYI RNAM PAR SHAR TE MNAN PAR BSGOM MO, ,DE
BZHIN DU BZLAS PA'I SKABS SU SNGAGS BZLA TSUL DA LTA'I PHYAG LEN DANG, LCANG SKYA RIN PO CHE'I YIG CHA'I DGONGS PA GNYIS KA RGYUD DANG GRUB CHEN GYI DGONGS PA YIN PAS GANG BYAS KHYAD PAR MED CING, GTZO 'KHOR GYI SNGAGS RGYAS PA RNAMS BZLAS RJES BAM RIM SOGS BZLA MI DGOS, MDUN BSKYED KYI DKYIL 'KHOR BSANGS SBYANGS SKABS RGYAS PAR NA 7 RJE RIN PO CHE'I PHYAG LEN 'DUL BA 'DZIN PAS BKOD PA BZHIN NGES PAR DGOS KYANG, PHYAG LEN 'JUG PA BDE BA'I PHYIR LCANG SKYA RIN PO CHES RAS BRIS SKABS JI LTAR GSUNGS PA BZHIN RDUL TSON LA YANG NGES PAR RUNG, YANG BDAG 'JUG GI MJUG SNGAGS BZLA BA DE BZHIN GSAL KHA MA MTHONG YANG SNGAR PHYAG LEN LA YOD TSE MDZAD KYANG 'GAL BA MED 'DRA, GSANG DBANG GI SKABS BZANG POS BU KHYOD DBANG BSKUR RO, ,ZHES PA'I SKABS GSANG RDZAS BZUNG BA DANG 'THUNG BA NGES PAR BYED DGOS TE, SANGS RGYAS THAMS CAD CES PA NAS RANG GI MGRIN PAR THIM PAR GYUR, CES PA'I BAR GSANG RDZAS MYANGS PA'I 'BRAS BU STON PA'I SKABS YIN PA'I PHYIR RO, ` LCAGS MKHAR SKABS, CHOS RGYAL GYI GTOR MA LA YANG GZUNGS THAG DKRIS NA LEGS TE BZLAS PA'I SKABS CHOS RGYAL GYI SNGAGS BZLA DGOS PAS SO, PHUR GDAB GTOR MA NI LUGS GNYIS KA GANG BYAS KYANG RUNG NGO, ,ZHES PA 'DI RNAMS YONGS KYI DGE BA'I BSHES GNYEN CHEN PO SKU 'BUM RGYUD PA MKHAN PO NGAG DBANG THUB BSTAN GYIS DRI BA MDZAD PA'I LAN DU 7SH'AKYA'I DGE SLONG BLO BZANG DPAL LDAN YE SHES KYIS SMRAS PA'O,, ` ,,LUNG RIGS KHYON LA MKHAS PA'I RIN CHEN GYI, ,RGYAN MANG RAB BKRA BSLAB GSUM MTSAN
, ,DPE RDZOGS, ,JI LTA JI SNYED GNAS LUGS YONGS GRUB PA'I, ,RAB TU BZHAD PA'I 'JAM DPAL RDO RJE'I DRUNG, ,MDO SNGAGS GZHUNG LA NGAL BA MANG BSTEN CING, ,TSIG DON KHUR GYI RNAM PA LCI NA YANG, ,KUN GZHI NYAL 'GRO'I RDO BA DANG MTSUNGS PA'I, ,DGE SBYONG ZHIG GIS RING NAS MCHING 'DI GSOL, ,KHYOD SNGON DPAG MED BSKAL BA'I SNGA ROL NAS, ,'GRO 'DI'I SDUG BSNGAL BDAG GIS BSAL BYA ZHES, ,SRA BRTAN LHUN PO LTA BU'I DAM BCA' GANG, ,MDZAD CES THOS PA DENG 'DIR BDEN PAR 'KHUM, ,ZLA BA'I MA MA LAS 'ONGS MKHA' YI GLANG, ,DBANG SNGON MDANGS MTSUNGS CHU YI KHUR LCI BA, ,GLAL DANG LHAN CIG BDUD RTZI'I CHU RGYUN GYI, ,'OD ZER BRGYA PAS GDUNGS PA'I RTZVA GZHON BZHIN, ,BDAG GI YID LA THE TSOM SNA TSOGS KYIS; ;GDUNG BYED RAB TU 'BAR BAR GYUR PA LA, ,RAB BSIL GZEGS MA DKAR BO'I BSIL SBYIN 'DI'I, ,DPER 'OS RAB TU DGA' BA'I SA LAS CI, ,CES SNYAN PAR SMRA BA'I TSIG BRJOD NAS, RJE DAM PA NYID NAS NGED KYI PHU BO DANG NYE GNAS GNYIS KYIS MTSON LUS MA TSOS PA'I MI MANG PO DUS MA YIN PA'I 'CHI BA'I 'JIGS PA LAS BSKYABS TE MAH'A TZA NI'I RGYAL KHAMS KYI GRONG DANG GRONG KHYER DANG LJONGS GANG DU 'GRO YANG BAG YANGS SU SPYAD CHOG PA'I THABS BLA NA MA MCHIS PA'I BYA BA MTHAR PHYIN PA MDZAD PA 'DI NI, RGYAL BA SRAS DANG BCAS PA THAMS CAD KYIS BSNGAGS PA'I ME TOG GIS YANG DAG PAR MCHOD CING BKUR BA YIN NA, BDAG LTA BUS LAN BYE BA PHRAG BRGYAR BSTOD CING BSNGAGS PAR BYED PA NI LTA SMOS KYANG CI DGOS, DAM
PA NYID NAS PHAN THOGS JI LTAR MDZAD PA 'DI THAMS CAD BKAS MNGAGS PA'I AA MA BAN RNAMS DANG GROS BYAS TE 7GONG GI SNYAN DU ZHUS NAS SBA YER 'BUL BAR THAG BCAD YOD, NYID DANG RANG RE SNGON NAS CHOS DANG 'JIG RTEN GNYIS KA'I 'BREL BZAB PAR MA ZAD, DA LAM GYI PHAN THOGS MDZAD TSUL RNAMS TSE RABS THAMS CAD DU RMI LAM NA YANG MI BRJED CING DRIN LAN GZHAL BAR BRTZON PAR BGYID PA LAGS, GTANG RAG GI THAM YIG 'BUL RGYU RNAMS SNGON NAS DE KHAR SONG YOD PA, DE'I RGYU MTSAN GYI LAG BRIS DE MIG STON MDZAD NAS DE THOG NAS BZHES PAR ZHU LAGS, AATZA RA DANG MNYAM PA'I SON ZHIG ,LEN PAR 'DOD KYANG 'JIGS MED RDZU 'PHRUL NI, ,MKHA' LTAR YANGS PA'I 'PHAGS PA'I YUL PA RNAMS, ,PHYOGS DER 'BAD BA'I NGAL BA LEN MA GYUR, ,BSAM DON THAMS CAD 'GRUB PA YI, ,BKRA SHIS DGE MTSAN DE'I 'BRAS BUR, ,ZHVA SER RING LUGS DRI MA MED, ,KUN GSAL NGOGS DANG MNYAM GYUR CIG, CES LHA RDZAS, MA NA HO LAS GRUB PA'I YID BZHIN 'GUGS PA'I LCAGS KYU BCAS, TSES DGE BA LA,, ` LCAGS BYI ZLA TSES LA, SKYABS MGON CHEN PO ZHE HOR BKRA SHIS LHUN POR BZHUGS STAN 'JAGS SKABS LHA SRAS DRUG PA NAS THUGS BRTAG ZHU GNANG GI PHYIR PHEBS SU, 7RGYAL SRAS CHEN PO DRUG PA'I BZHED DON RNAMS KYI SKOR LA, MCHOG GSUM LA DMOD BOR BYAS TE BRTAG PA NAN TAN BGYIS PAR SPYIR SKU TSE RING RAB YOD 'DUG KYANG, SEMS CAN RNAMS KYI BSOD NAMS LA BRTEN BAR GCOD SHIN TU MANG BA 'DUG PAS RIM GROR 7GDUGS SHER BZLOG BCAS, TSE DPAG MED DANG
, ,SGROL DKAR LA BRTEN PA'I TSE SGRUB RIGS MANG PO, RDO RJE GCOD PA, PADMA DKAR PO, DKON MCHOG BRTZEGS PA, TSE MDO, GZUNGS GRVA LNGA RNAMS GSUNG SGROG DANG, LHA MO'I BSKANG BA GANG MANG, GSOD NGES PA'I SEMS CAN GYI SROG BLU BA; RGYUN DU SROG GCOD PA'I RIGS LA 'DZEM PA BCAS GNANG NA BAR GCOD RNAMS LAS NGES PAR GROL TE SKU TSE RING NGES 'BYUNG BAR BABS SHING, SKU BSOD DANG MDZAD PA 'PHRIN LAS SOGS SHIN TU BZANG BAR BABS PA GANG SHAR SBA GSANG MED PAR PHUL BA LAGS,, `,,GONG BSTUN, PHENG ZHI GUNG NYID KYIS GSUNG BA RNAMS 7MCHOG GSUM LA DMOD BOR GYIS BRTAG PA NAN TAN BGYIS PAR SKU TSE SKU BSOD DBANG THANG SOGS SHIN TU BZANG BAR BABS SHING, TSE 'BRANG GI RNAM PA 'GA' ZHIG MCHIS PAR BZLOG THABS SU 7RDO RJE 'JIGS BYED KYI RNAL 'BYOR SGOM ZHING SNGAGS BZLA BA LA GTZO BOR MDZAD CING, TSE MDO, DKON BRTZEGS, PHAL CHEN GYI MDO RNAMS GSUNG SGROG DANG, SKABS 'GAR DE BZHIN GSHEGS PA'I SKU BZHENGS NAS MCHOD NA BAR CHAD RNAMS SEL ZHING, SKU TSE RING BA SOGS LEGS TSOGS SHIN TU CHE BAR BABS, SKU TSE SNGON MA CHOS LA MKHAS PAR SBYANGS PA'I DGE BA'I BSHES GNYEN ZHIG YIN NAM SNYAM PA BRTAG PAR GANG SHAR PHUL BA YIN,, ` ,,GONG BSTUN, PA'I LE'I SRAS LA, NYID KYI BZHED DON RNAMS 7MCHOG GSUM LA DMOD BOR GYIS BRTAG PA BGYIS PAR BSOD NAMS DANG RLUNG RTA RNAMS BZANG BAR BABS SHING, SKU TSE RING THABS SU 7GDUGS SHER BZLOG BCAS DANG, TSE MDO, GSER
'OD GANG MANG, SMAN BLA'I MDO CHOG ,SROG BLA SOGS LA 'BAD PHYIN SHIN TU BZANG BAR BABS, BKRA SHIS,, ` ,,'JAM DPAL GSHIN RJE GSHED KYI RNAL 'BYOR PA 7SH'AKYA'I DGE SLONG BZANG DPAL LDAN YE SHES DPAL BZANG PO'I GTAM, SRID PA GSUM GYI SDE BRGYAD 'BYUNG PO'I TSOGS SPYI DANG, KHYAD PAR RGYAL RTZE KHUL DU 'KHONG PA'I LHA KLU GZHI BDAG MI DANG MI MIN RNAMS LA BZLO BA, SPYIR SEMS CAN THAMS CAD PHA MA DRIN CAN SHA STAG YIN PAS, DRIN LAN DU PHAN PA DANG BDE BA KHO NA LA SBYOR BA LAS, GNOD 'GAL RDUL TZAM YANG BYA BAR MI RIGS SHING, BYE BRAG TU BLO BZANG RDO RJE LTOS BCAS 'DI PA 7DKON MCHOG GSUM LA SKYABS SU SONG ZHING, RNAL 'BYOR DED KYIS BSRUNG BA'I GUR KHANG DU BCUG PA YIN PAS YUL DUS GNAS SKABS KUN TU SBYOD LAM BYA BA CI BYED KYANG, RU NGA PHRAG DOG MED PAR TSUL DANG MTHUN PA'I GROGS NGAN BGYID 'TSAL, TSUL 'DI DANG DU LEN PA RNAMS LA CHOS NYID BSLU BA MED PA'I BDEN PA'I MTHU LA BRTEN NAS, DUS DANG RNAM PA KUN TU BDE SKYID KYI DPAL LA SBYONG PAR 'GYUR ZHING, BSGO BA LAS 'DAS PA RNAMS LA DKON MCHOG GSUM GYI BKAS RDO RJE KHRO PO SRIN PO'I TSOGS KYIS THAL BAR RLOG PAR GDON MI ZA'O, ZHES; GO BAR BYA BA'I YI GE ME BYA'O CHO 'PHRUL ZLA BA'I TSES NYER GNYIS NYIN CHOS GRVA CHEN PO BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING GI GZIMS CHUNG BKA' GDAMS PHO BRANG NAS BRIS, ' 'JAM DPAL GSHIN RJE'I GSHED KYI RNAL; 'BYOR PA, ,BLO BZANG DPAL LDAN YE SHES ZHES
, ,BYA'I GTAM, ,SRID PA GSUM DU RNAM PAR RGYU BA YI, ,DREGS PHA SDE BRGYAD 'BYUNG PO'I TSOGS KUN NYON, ,DAM PA'I DON DU SPROS PA KUN BRAL YANG, ,KUN RDZOB YID CAN MA LUS RANG CAG GI, DRIN CAN PHA MAR MA GYUR CIG KYANG MED; ;DE'I PHYIR SPYI DANG KHYAD PAR 'CHANG BA POR, ,GNOD 'TSE'I BSAM SBYOR NGAN PA RING DOR NAS, ,RNAM KUN BSAM DON TSUL DANG MTHUN PA SGRUBS, ,KHRUMS STOD ZLA BA'I GRAL TSES DGE BA LA, ,BKRA SHIS LHUN GRUB CHOS GRVA CHE NAS BRIS, , SVASTI; PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SBEL, ,MANG+GA LAm,, ,,
[BLANK PAGE]