, ,BSTAN BSRUNG YONGS KYI RJE BO LHA CHEN CHOS KYI RGYAL PO NANG SGRUB LA BRTEN PA'I GTOR CHEN BDUD DPUNG RAB 'JOMS ZHES BYA BA BZHUGS SO, ,
, ,NA MO BADZRA BHEE RA W'A YA, GANG ZHIG YID LA DRAN PAS 'CHI BDAG BDUD, ,LA SOGS NAG PHYOGS MTHAR MDZAD KHRO BO'I RGYAL, ,DPAL LDAN BLA MA GSHIN RJE GSHED PO LA, ,LUS NGAG YID GSUM GUS PAS PHYAG 'TSAL LO, ,GANG GI SGYU 'PHRUL GAR MKHAN GSHIN RJE'I GTZO, ,PHYI NANG GSANG BA'I LHA TSOGS THAMS CAD DANG, ,KHYAD PAR RGYAL BA GNYIS PA'I BSTAN BSRUNG RJE, ,MI BZAD KHRO BO'I ZHAL CAN PHYAG GI YUL, ,MGON KHYOD 'PHRIN LAS RAB 'BYAMS RGYA MTSO LAS, ,ZHI RGYAS DBANG DRAG GTOR CHEN LAS RIM MCHOG ,MDOR BSDUS TZAM ZHIG 'DIR NI DBYE BA LA,, GNANG BA LEGS STZOL DNGOS GRUB 'DU BAR MDZOD, DE YANG 7KHAMS GSUM CHOS KYI RGYAL PO RGYAL BA GNYIS PA TZONG KHA PA CHEN PO'I BKA' BSRUNG LAS KYI GSHIN RJE CHOS KYI RGYAL PO CHEN PO NANG .SGRUB LA BRTEN PA'I GTOR
, ,CHEN GYI RIM PA LA, MTHUN MONG MA YIN PA DANG, MTHUN MONG BA GNYIS LAS DANG PO NI RDO RJE 'CHANG BLO BZANG CHOS KYI RGYAL MTSAN DPAL BZANG POS MDZAD PA'I MTSON CHA 'BAR BA'I 'PHRUL 'KHOR DU GSUNGS PA'I LCAGS MKHAR CHEN MO'I RIM PA RNAMS YIN LA, 'DIR NI MTHUN MONG BA BRTZIGS PA SPANGS PA'I DRUG CU PA LA BRTAN PA CUNG ZAD BRJOD PAR BYA STE, DE YANG RNAL 'BYOR PA DAM TSIG DANG SDOM PA LA GNAS SHING DPAL RDO RJE 'JIGS BYED CHEN PO'I DKYIL 'KHOR DU DBANG RDZOGS PAR THOB STE BSNYEN SGRUB TSAD DU PHYIN CING LHA CHEN 'DI NYID KYI RJES SU GNANG BA THOB PA DANG BSNYEN SGRUB DANG MCHOD GTOR GYIS LHA MNYES PAR BYA BA LA BRTZON PAR BYAS PA'I GANG ZAG GIS DUR KHROD LA SOGS PA'AM, RANG GI KHYIM SOGS YID MTHUN GYI GNAS SU NYER SPYOD GTOR MA NANG MCHOD, GTOR CHEN, BZHI 'BUL GYI DBYU GU SOGS BRGYUD LDAN BLA MA'I PHYAG LEN BZHIN 'DU BYAS, 7DPAL RDO RJE 'JIGS BYED CHEN PO'I BDAG BSKYED BZLAS PA DANG BCAS BA SNGON DU BTANG, DNGOS GZHI LA 'JUG PA NI NANG MCHOD KYI SGRUB GZHI, AOm HR'I: shAt'I: WI KRI T'A NAN H'Um PHAt, CES PAS BSANGS, AOm SVA BH'A WA SHUDDH'A: SARBA DHARM'A: S'A BH'A WA SHUDDHONYHAm, STONG PA NYID DU GYUR, ZHES PAS SBYAR, ,STONG PA'I NGANG LAS
YAm LAS RLUNG GI DKYIL 'KHOR SNGON PO GZHU'I DBYIBS LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM BA, DE'I STENG DU A'A: LAS MI MGO'I SGYED BU GSUM GYI STENG DU A'A: LAS BYUNG BA'I THOD PA DKAR PO, DE'I NANG GI SHAR DU BRUm LAS BYUNG BA'I BA LANG GI SHA GOS MTSAN PA, LHOR AAm LAS BYUNG BA'I KHYI'I SHA KUS MTSAN PA, NUB TU DZRIm LAS BYUNG BA'I GLANG PO CHE'I SHADAS MTSAN PA BYANG DU KHAm LAS BYUNG BA'I RTA'I SHA HAS MTSAN PA; DBUS SU H'Um LAS BYUNG BA'I MI'I SHA NAS MTSAN BA, SHAR LHOR LAm LAS BYUNG BA'I DRI CHEN BIS MTSAN PA, LHO NUB TU M'Am LAS BYUNG BA'I RAKTA RAS MTSAN PA, NUB BYANG DU PAm LAS BYUNG BA'I BYANG SEMS DKAR PO SHUS MTSAN PA; BYANG SHAR DU TAm LAS BYUNG BA'I RKANG MAR MAS MTSAN PA, DBUS SU BA LAS BYUNG BA'I DRI CHU M'US MTSAN PA STE, DE DAG GI STENG DU AOm DKAR PO A'A: DMAR PO H'Um SNGON PO GSUM STENG NAS STENG DU BRTZEGS PAR GYUR; RANG GI THUGS KA'I H'Um LAS 'OD 'PHROS RLUNG LA 'PHOG PAS RLUNG G-YOS ME SBAR TE THOD PA'I RDZAS RNAMS ZHU ZHING KHOL BAR GYUR, YI GE GSUM LAS 'OD ZER RIM BA BZHIN DU 'PHROS PAS, SKU RDO RJE GSUNG RDO RJE THUGS RDO RJE RNAMS BKUG NAS YI GE GSUM LA RIM GYIS THIM PA RNAMS THOD PAR LHUNG NAS ZHU BAS, H'Um GIS KHA DOG DRI NUS KYI SKYON SBYANGS, A'A: SA BDUD RTZID RTOGS PAR BYAS, AOm GYIS MANG POR SPANG ZHING SPAL BAR GYUR, AOm A'A:H'Um
, ,LAN GSUM BRJOD DE, BYIN GYIS BRLABS, YANG NA NANG MCHOD BYIN RLABS BDAG BSKYED KYI SNGON DU SONG BA DE KHO NAS THUS PAR BYA, MCHOD PA, HR'I:shR'I: SA BSANGS, SVA BHA WA SA STONG PAR SBYANGS, STONG PA'I NGANG LAS A'A: BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, MAR ME, DRI CHAB, ZHAL ZAS, ROL MO RNAMS RANG BZHIN BDE STONG RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, AOm PR'A DYAm A'A: HUm AOm PHU sHPE A'A: H'Um, AOm DH'A PW A'A: H'Um, AOMA 'A LO KE A'A: H'Um, AOm GANDHE A'A: H'Um, AOm NEE YW DYA A'A:H'Um, AOm SHTHTA, A'A: H'Um, AOm R'U PA A'A: H'Um, AOm SHAPTA A'A: H'Um, AOm GANDHE A'A: H'Um, AOm RA SA A'A: H'Um, AOm SPARSHE A'A:H'Um, ZHES MCHOD PA BYIN GYIS BRLABS, GTOR MA YANG NANG MCHOD LTAR BYIN GYIS BRLABS LA, DE NAS RTEN BSKYED PA NI, LAG PA G-YAS PA'I MTHE BOD NANG DU BCUG NAS KHU TSUR BCINGS, MDZUB MO BSGRENGS TE CUNG ZANG BKUG NAS, LAG PA 'PHANGS GTOD DE 'PHYAR BA BE CON GYI PHYAG RGYA BCAS TE BDAG NYID GSHIN RJE GSHIN KYI NGA RGYAL SHIN TU BRTAN PA LA GNAS PAS, MDUN DU SNA TSOGS PADMA DANG NYI MA GNOD BYED KYI GDAN LA G-YAS BRKYANGS KYIS BZHUGS PA'I ZHAL GCIG PHYAG GNYIS PA, KHRO BO'I ZHAL CAN SRIN PO KHROS PA LTA BU BSKAL BA 'JIG PA'I DUS KYI ME'I PHUNG PO DANG MTSUNGS PA'I SPYAN GSUM SDANG MIG TU BLTA BA, ZHAL RAB TU GDANGS SHING 'BAR BA'I MCHE BA RNON PO BZHI GTZIGS NAS LJAGS
RNAM PAR BSKYOD PA, SMIN MA DANG SMAR RAB TU 'BAR ZHING, SKRA KHAM SER GYEN DU 'DZINGS LA 'PHYAR BA, PHYAG G-YAS GRI GUG 'PHYAR ZHING, G-YON PAS KHRAG GIS GANG BA'I THOD PA THUGS KAR 'DZIN PA, MI RUS KYI RGYAN GYIS SBRAS SHING, STAG GI PAGS BA RLON PA'I SHAM THABS CAN, SBOM ZHING THUNG LA GSUS PA 'PHYANG BA'O, ,DE'I PHYOGS BZHIR SHAR DU GSHIN DE DKAR PO G-YAS d'A MA RU DANG, G-YON MDA' DAR ME LONG GIS BRGYAN PA 'DZIN PA, LHOR GSHIN RJE SER PO G-YAS RAL GRI DANG, G-YON RGYAL MTSAN 'DZIN PA, NUB TU GSHIN RJE DMAR PO G-YAS YID BZHIN GYI NOR BU DANG, G-YON THOD PA BDUD RTZIS GANG BA 'DZIN PA, BYANG DU GSHIN RJE SNGON PO G-YAS DBYUG PA DANG G-YON ZHAGS PA 'DZIN PA, BZHI GA'ANG MA HE RAB TU KHROS PA'I GDONG BA CAN, SPYAN GSUM GSUM DANG LDAN PA, MCHE BA RNON PO BZHI BZHI GTZIGS PA, DBU SKRA SER PO GYEN DU BRDZES SHING, MI MGO SKAM PO LNGA'I DBU RGYAN DANG, MGO BO RLON PA LNGA BCU'I DO SHAL CAN, RUS PA'I RGYAN GYIS BRGYAN PA, ZHABS G-YAS BSKUMS SHING G-YON BRKYANGS PAS MA HE RAB TU KHROS PA'I GANG NA LA BZHUGS SHING, LING+GA DMAR PO GYEN DU LANGS PA'O, ,DE'I G-YON DU TZAm DANG RTZE GSUM LAS SKYES PA'I TZ'A MA NdI NAG MO ZHEL GCIG PHYAG GNYIS PA, KHA GDANGS SHING MCHE BA GTZIGS PA, RAL PA NAG PO G-YENGS SHING, NU MA 'PHYANG BA, SHIN TU 'JIGS SHING MI SDUG PA'I GZUGS CAN, DUD 'GRO'I PAGS PA RLON PA GOS SU GYON PA, G-YAS RTZE GSUM DANG G-YON THOD PA
, ,'DZIN PA, YAB YUM GNYIS KYI 'KHOR DU GSHIN RJE YAB TI BE CON 'DZIN PA, PHYA BSANG 'KHOR LO 'DZIN PA, RMIG PA GSAL SHING 'DZIN PA, RAL PA TSAR DGU CAN MDUNG 'DZIN PA RNAMS RGYAL PO'I TSUL DANG, BLON PO'I TSUL DAB; SDE DPON GYI TSUL DANG, PHO NYA'I TSUL DU GNAS PA, GZHAN YANG GSHIN RJE MIG DMAR DANG, TEL PA DANG, GLANG MGO CAN LA SOGS PA LAG NA GSAL SHING DANG, 'KHOR LO DANG MDUNG LA SOGS PA'I MTSON CHA SNA TSOGS PA THOGS PA, RE RE'ANG DGRA BO'I SROG LEN CING, GSHIN RJE PHO BRGYUD KYI TSOGS DPAG TU MED PAS BSKOR BA, GSHIN RJE PHO NYA MO NAG MO LCAGS KYU THOGS PA, DUS KYI ZHAGS PA MO NAG MO ZHAGS PA THOGS PA, GSHIN RJE DAM SRI MA NAG MO BE CON THOGS PA; GSHIN RJE SREG MA NAG MO MCHE BA 'BAR BA THOGS PA, GZHAN YANG DUS MTSAN MA DANG, GSOD MA DANG, NAG MO DANG, NAM GRU DANG, SHA KA LI DANG, GSHIN RJE 'BE BAS MA DANG, GSHIN RJE MTSAN MO NA GA MO LA SOGS PA LA LCAGS KYI DRE'U RTA RKANG SUM LA ZHON PA, LA LA BONG BU GVA PA LA ZHON PA, LA LA RLUNG NAG 'TSUB MA LA ZHON PA, LA LA CHU BYA NAG MO LA ZHON PA, LA LA LAS KYI ME LONG DNAD, LA LA NAD KYI RGYAL PA DANG, LA LA MTSON GYI GRU GU DANG, LA LA BDUD KYI KHRAM SHING DANG; LA LA SHO RDE'U DKAR NAG THOGS PA, RE RE'ANG NAD BDAG MA MO GSHIN RJE BRGYUD KYI TSOGS DPAG TU MED PAS BSKOR BA, GTZO 'KHOR THAMS CAD KYI SBYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um NAG PO'I 'OD ZER
LCAGS KYU'I RNAM PA CAN GYIS, LHO PHYOGS NIM PA BDUN GYI SA 'OG GSHIN RJE'I GRONG KHYER SGO MED LCAGS MKHAR BCU DRUG GI NANG NAS CHOS KYI RGYAL PO NANG SGRUB 'KHOR DANG BCAS PA SBYAN DRANGS, DZA:'JAM DPAL GSHIN RJE'I GSHED KYI BKA' SDONG MCHOG, CHOS KYI RGYAL PO YAB YUM YA BA TI, ,PHO NYA MO LA SOGS PA'I 'KHOR DANG BCAS, ,'PHRIN LAS RNAM BZHI' LAS LA SBYAN 'DREN NA, ,GLING GI MCHOG GYUR 'DZAM GLING LHO YI PHYOGS, ,MTHAR BYED LCAGS KYI THONG MKHAR 'BAR BA NAS, LHO SBRIN NAG PO RLUNG GIS BSKYOD PA BZHIN, ,BRTZE BA'I THUGS KYIS GNAS 'DIR GSHEGS SU GSOL, ,H'Um; 'DI NAS LHO YI PHYOGS ROL NA, ,DPAG CHAD BRGYAD KHRI'I PHA ROL NA, ,THOD PA LCAGS KYI GRONG KHYER NA, ,YI DVAGS KUN GYI SDE DPON PO, ,MA MO KUN GYI TSOGS RJE BO, ,GSON GSHIN KUN GYI ZAM KHA PA, ,GSON PO BRKO LA 'DEBS PA PO, ,SHI BA KUN GYI GSHIN BU RJE, ,DGE BA CAN GYI STANGS 'DZIN PA, ,SDIG BA CAN YIG CHAD PA MKHAN, ,NYES LEGS CHOS BZHIN SPYOD PA PO, ,CHOS RGYAL GSHIN RJE ZHES BYA BA, ,MNGON SHE RDZU 'PHRUL MTHU STOBS CAN, ,'KHOR BCAS DENG 'DIR BDAG LA DNGOS, ,BDAG NI RNAL 'BYOR SGRUB PA PO, ,'JAM DPAL GZHON NU'I THUGS KYI SRAS, ,GSHIN RJE'I GSHED KYI RNAL 'BYOR PA, ,RDZOGS PA'I BYANG CHUB BSGRUB PA PO; ;BSAM PA BYANG CHUB SEMS KYIS BRLAN, ,RGYAR NI YE SHES RDO RJE 'CHANG, ,GZI BYIN SKU GSUNG THUGS KYIS BSKYED, ,DON NI 'GRO BA YONGS KYI DON, ,LAS NI SANGS RGYAS KUN GYI LAS, ,BKA' NI DKON MCHOG GSUM GYI BKA', ,CHOS RGYAL 'KHOR
, ,DANG BCAS PA LA, ,LAS 'DI BSGO ZHING GTAD PAR 'DOD, ,SDANG BA'I DGRA DANG GNOD PA'I BGEGS, ,'DI DAG MYUR DU BSGRAL BA'I PHYIR, ,CHOS RGYAL 'KHOR BCAS SBYAN 'DREN NA, ,DAM TSIG DBANG GIS GNAS 'DIR GSHEGS, AOm HR'I:shd'I: WI KRI T'A NA NA H'Um PHAt, K'A LA R'U PA YA MA R'A DZ'A SA PA RI W'A RA A'A KARshA YA DZA: RDZA: H'Um BAm HO: DAM TSIG PA DANG GNYID SU MED PAR GYUR, SLAR YANG THUGS KA'I H'Um LAS 'OD ZER 'PHROS GSHIN RJE GSHED RIGS LNGA MDUN GYI NAM MKHAR SPYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, AOm BADZRA'I BHA WA AA BHI shI NYTZA H'Um, ZHES GSUNG ZHING BUM PA'I CHUS SPYI BO NAS DBANG BSKUR, LUS THAMS CAD GANG, DRI MA THAMS CAD DAG, CHU'I LHAG MA SPYI GTZUG TU GNAS PA YONGS SU GYUR BA LAS, RDO RJE NAG PO RTZE LNGA PA RE RED DBU BRGYAN PAR GYUR, AOm HR'I: shtI:WI KRI T'A NA NA H'Um PHAt K'A LA R'U PA YA MA R'A DZ'A SA PA RI W'A RA MAS MA YA STAm, GSHIN RJE'I RGYAL PO 'KHOR DANG BCAS, ,DAM TSIG DBANG GIS 'DIR BRTAN BZHUGS, ,MCHOD PA TSUL BZHIN BZHES NAS KYANG, ,'PHRIN LAS MDZAD PHYIR JI SRID DU, ,LAS GRUB PAR DU BZHUGS SU GSOL, ,AOm HR'I:shtI WI KRI T'A NA NA H'Um PHAt K'A LA R'U PA YA MA R'A DZ'A SA PA RI W'A RA SA MA YA STVAm, DE NAS LAG PA G-YAS BE CON GYI PHYAG RGYA BCING, G-YON PAS KHRAG CHANG BSRES PAS BKAD PA'I THOD PA BZUNG LA, GSHIN RJE'I RGYAL PO 'KHOR DANG BCAS PA LA, AA RGHAm GSOL BAS DMAR GYI AARGHAm, ZHAG GI ME TOG RGYA MTSO LTAR MI ZAD PA 'BYUNG BAR GYUR CIG, AOm
HR'I:sht'I:WI KRI T'A NAN H'Um PHAt K'A LA R'U PA YA MA R'A DZ'A SA PA RI W'A RA AARGHAm P'Um ZA SAM YE H'Um, DE BZHIN DU G-YAS SNGAR GYI PHYAG RGYA DANG G-YON ME TOG LA SOGS PA RIM GYIS BZUNG STE, GSHIN RJE'I RGYAL PO 'KHOR DANG BCAS PA LA, ME TOG PHUL BAS ME TOG GI KHANG PA BRTZEGS PA TEG KHA BA DANG LDAN PA KA PA BRGYAD ZUG PA, BLA RE DANG, GDUGS DANG, PHRENG BAS BRGYAN PA, RIN PO CHE'I RANG BZHIN CAN 'BYUNG BAR GYUR CIG, AOm HR'I: shR'I: SA PA RI W'A RA PUshPE P'U DZAS MA YE H'Um, GSHIN RJE'I RGYAL PO 'KHOR DANG BCAS PA LA SHA CHEN GYI BDUG PA PHUL BAS, GZHAL YAS KHANG GI MGUL DU BDUG PA'I SBRIN PEE d'U RYA'I MDOG LTA BU RIN PO CHE BRTZEGS PA 'DRA BA 'BYUNG BAR GYUR CIG, AOm HR'I:shtI:+SA PA RI W'A RA DH'U PAm P'U DZA SA MA YE H'Um, GSHIN RJE'I RGYAL PO 'KHOR DANG BCAS PA LA ZHUN CHEN GYI MAR ME PHUL BAS GZHAL YAS KHYAD KYI PHYOGS MTSAN RNAMS SU MUN PA 'JOMS PA LTA BU'I 'OD GSAL BA 'BYUNG BAR GYUR CIG, AOm HR'I:shtI:+D'I PRAm P'U DZA SA MA YA H'Um, GSHIN RJE'I RGYAL PO 'KHOR DANG BCAS PA LA PHYUG BA PHUL BAS LUS DANG GNAS KYI DRI MA DAG STE, REG NA BDE BA'I REG BYA DANG, DRI MA NAM BZOD PA DANG LDAN PAS TSIM PAR GYUR CIG, AOm HR'I:shtI:+GANDHE P'U RDZA SA MA YE H'Um, GSHIN RJE'I RGYAL PO 'KHOR DANG BCAS PA LA BSHOS PHUL BAS, KHA ZAS DRI DANG RO DANG KHA DOG PHUN SUM TSOGS PA DANG LDAN PA BDUD RTZI DKAR PO DANG, SER PO DANG, DMAR PO DANG, SNGON PO DANG BCAS PA KHAM GYI ZAS LA GNAS PA RNAMS TSIM PAR BYED PA'I MTHU DANG LDAN PA 'BYUNG BAR GYUR CIG, AOm HR'I:sht'I:+BDZRIN
, ,WI DYA P'U DZA SA MA YE H'Um GSHIN RJE'I+SIL SNYAN+ SHES RAB KYI SGRA PHUN SUM TSOGS BA RNA BA'I BCUD LEN RGYAS PAR BYED PA'I MTHU DANG LDAN PA 'BYUNG BAR GYUR CIG, AOm HR'I:shtRI:+ SPRA DZA SA MA YE H'Um, ZHES PA'AM, YANG NA; STONG GSUM KHYON LTAR YANGS PA'I THOD PA'I NANG, ,KHRAG GI RGYA MTSO ZHAG GI RBA KLONG 'KHRUG, DMAR SER SBU BA'I 'PHRED LDAN MCHOD YON 'DI, ,GSHIN RJE'I RGYAL PO 'KHOR DANG BCAS LA 'BUL, ,AOm HR'I:shtI:+ K'A LA R'U PA YA MA R'A DZ'A SA PA RI W'A RA AARGHAm PRA T'I TZTSA H'Um SV'A H'A, DGRA BGEGS DBANG PO LNGA YI ME TOG DANG, ,LHA DANG MI YI ME TOG SNA TSOGS PA, ,LHUN STUG GZHAL MED RNAMS PA YID 'ONG LDAN, ,GSHIN RJE'I+, AOm+, PUshPE+, RAB 'BAR RO SOL PHUNG PO'I ME NANG DU,, BAM CHEN GSAR RNYING BSREGS PA'I DU BA'I SPRIN, ,BEE d'URYA YI LHUN PO BRTZEGS 'DRA BA, ,GSHIN RJE, AOm, DH'U PE, TSIL CHEN ZHUN MAR ZHING GI KHYON GANG BAR, ,RO SKA'I SDONG BU RI LTAR BTZUGS PA LA, ,RAB 'BAR MAR ME'I PHRENG BA TSAR DU DANG RA, ,GSHIN RJE'I+, AOm, A'A LO KE+,GA PUR DANG LDAN KHRAG ZHAG RGYA MTSO NI, ,LUS KUN BYUGS PAS DUNG BA KUN SEL ZHING, ,ZAG MED BDE'I BA'I DPAL STER DRI CHA BA 'DI, ,GSHIN RJE'I +, AOm +, GANDHE+, 'CHI MED BDUD RTZI'I BTUD BA MTSO LTAR BSKYIL, ,SHA DANG KHRAG GI PHUNG PO RI LTAR SBUNGS, ,RO BRGYA LDAN PA'I LHA YI ZHAL ZA TSOGS, ,GSHIN RJE'I, AOm, NEE WI DYA, RDZA RNGA ZOM RDA RDA ZLUM RNGA BO CHE, ,ZANGS DUNG RKANG GLING CANG TE'U LA SOGS PA, ,SNYAN CING BRJID
PA'I SGRA LDAN ROL MO'I TSOGS, ,GSHIN RJE'I, AOm, SHAPATA, ZHES NYER SPYOD PHUL, DE NAS 'DOD YON LNGA SO SO'I PHYAG RGYA BCAS LA, AOm HR'I:sht'I: WI KRi T'A NA NA H'Um PHAt, K'A LA R'U PA YA MA R'A DZ'A SA PA RI W'A RA R'U PA BRA T'I TZTSA H'Um SVA H'A, DE BZHIN DU, SHA PTA, GANDE, RAS, SPA RshE PRA T'I TZTSA H'Um SVA H'A, ZHES 'DOD YON LNGA PHUL, DE NAS NANG MCHOD DBUL BA NI, AOm MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD GCIG TU BSDUS PA'I NGO BO, ,CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS, 'PHAGS PA'I DGE 'DUN THAMS CAD KYI MNGA' BDAG DRIN CAN RTZA BA'I BLA MA RIN PO CHE'I ZHAL DU AOm A'A: H'Um, BCOM LDAN 'DAS DPAL RDO RJE 'JIGS BYED CHEN PO'I ZHAL DU AOm A'A: H'Um, RJE BTZUN 'JAM PA'I DBYANGS KYI ZHAL DU, SLOB DPON DPA' BO RDO RJE'I ZHAL DU, CHOS KYI RGYAL PO TZONG KHA PA CHEN PO'I ZHAL DU, RTOGS LDAN 'JAM DPAL RGYA MTSO'I ZHAL DU, MKHAS GRUB DGE LEGS DPAL BZANG PO'I ZHAL DU SHA ZHVA LU BA LEGS PA RGYAL MTSAN GYI+, PAN CHEN CHOS KYI RGYAL MTSAN GYI+, GRUB CHEN CHOS RDO RJE'I, RGYAL BA BLO BZANG DON GRUB KYI, MKHAS GRUB SANGS RGYAS YE SHES KYI, RJE BTZUN BLO BZANG CHOS KYI RGYAL MTSAN GYI, THAMS CAD MKHYEN PA BLO BZANG RGYA MTSO'I, RJE BTZUN BLO BZANG YE SHES DPAL BZANG PO'I, THAMS CAD MKHYEN PA BLO BZANG BSKAL BZANG RGYA MTSO'I, RJE BTZUN NGAG DBANG BYAMS PA RIN PO CHE'I, GRUB PA'I DBANG PHYUG BLO BZANG BZOD PA'I ZHAL DU,
, ,GZHAN YANG NGANG GI BLA MA RNAMS KYI MTSAN BCUG NAS NANG MCHOD 'BUL, AOm HR'I:shd'I:AOm A'A:H'Um, TZ'A MUndI'I ZHAL DU AOm A'A:H'Um, GSHIN RJE PHO BRGYAD MO BRGYAD SRID PA GSUM GYI 'BYUNG PO'I TSOGS DANG BCAS PA RNAMS KYI ZHAL DU AOm A'A:H'Um, ZHES NANG MCHONG 'BUL, 'JAM DPAL BKA' NYAN BSTAN BSRUNG NI, ,DAM CAN GSHIN RJE'I RGYAL PO STE, ,ZHAL GCIG PHYAG GNYIS 'JIGS GZUGS CAN, ,MGON PO KHYOD LA BDAG BSTOD DO, ZHES SHO LO KA GCIG GAM RGYAS PAR NA YONGS RDZOGS KYIS BSTOD, RANG GI THUGS KA'I H'Um LAS 'OD ZER 'PHROS PHYOGS BCU'I SANGS RGYAS DANG BYANG CHUB SEMS DPA' THAMS CAD GSHIN RJE GSHED RIGS LNGA'I RNAM PAR SPYAN DRANGS, GSHIN RJE GSHED KYI YI GE BRGYA BA BZLAS TE, BSHAGS PA BYA BA NI, DZAm:'JAM PA'I DBYANGS DANG DPA' BO RDO RJE DANG, ,RGYAL BA GNYIS PA BLO BZANG GRAGS PA'I DPAL, ,MKHAS GRUB DAM PA DGE LEGS DPAL BZANG SOGS, ,RTZA BRGYUD BLA MA'I TSOGS RNAMS DGONGS SU GSOL, ,DNGOS GRUB 'BYUNG GNAS RJE BTZUN BLA MA RNAMS,, SKU BZHI'I BDAG NYID MCHOG TU MA RTOGS PAR, ,NYON MONGS DBANG GIS THA MAL RANG BZHIN DU, ,ZHEN CING LOG LTA BGYIS RNAMS MTHOL LO BSHAGS, ,'JAM DPAL DPA' BO'I RIM GNYIS GRU RDZINGS LA, ,BRTEN NAS SKU GSUM RIN CHEN LEN PA'I GEGS, ,DPAL LDAN RDO RJE THEG PA'I DAM TSIG TSOGS, ,JI SNYED 'GAL BA MA LUS MTHOL LO BSHAGS, ,LHA CHEN CHOS KYI RGYAL PO 'KHOR BCAS KYIS, ,BDAG CAG G-YEL MED BU LTAR BSKYANGS PA LA, ,BSNYEN CING SGRUB DANG
MCHOD GTOR RIM PA YIS, ,GTANG RAG DUS SUM BTANG, ,BLO BZANG RGYAL BA GNYIS PA'I BSTAN PA LA, ,LOG PAR 'KHU BA'I GDUG PA'I BSAM PA CAN, ,'PHRIN LAS DRAG PO'I STOBS KYIS MA BCOM PAR, ,DBANG BSKUR BYIN GYIS BRLABS PA; ;BSHAGS DANG BSHAGS BYA'I MTSAN MA KUN BRAL YANG, ,BDEN 'JIN BAG CHAGS BCAS PA DAG BYA'I PHYIR, ,BLA MA YID DAM DAM CAN TSOGS RNAMS LA, ,BSHAGS BAS SGO GSUM DRI MDAG GYUR CIG ,H'Um; BLA MA MCHOG DANG DKYIL 'KHOR LHA TSOGS DANG, ,BKA' SDONG BSRUNG MAR BCAS PA DGONGS SU GSOL, ,RTZA BRGYUD BLA MA CHOS SKUR MA RTOGS PAR, ,NYON MONGS DBANG GIS LOG LTA BGYIS PA DANG, ,RTZA BA YAN LAG DAM TSIG MA BSRUNGS DANG, ,SKU GSUNGS THUGS DANG PHYI NANG GSANG BA YI, ,DAM TSIG LAS 'DAS BSNYEN BSGRUB G-YEL BA DANG, ,MCHOD GTOR DMAN DANG DAM RDZAS SBAGS PA SOGS, ,MDOR NA SGO GSUM SGO NAS NYES PA'I TSOGS, ,THUGS DANG 'GAL BAR GYUR BA CI MCHIS PA, ,BLA MA YI DAM BSRUNG MAR BCAS PA LA, ,SPROS BRAL CHOS DBYINGS DANG DU BSHAGS PAR BGYI, ,DE NAS BSKANG RDZAS BYIN GYIS BRLAB PA NI, AOm HR'I: shd'I: WI KRI T'A NAN H'Um PHAt, CES PAS BSANGS, AOm SVA BH'A WA SHUDDH'A:SARBADHARM'A: SV'A BH'A WA SHUDDHONYHAm, STONG PA NYID DU GYUR, ZHES PAS SBYANGS, STONG PA'I DANG LAS BSKANG RDZAS RNAMS KYI RANG RANG GI MING YIG DANG PO THIG LES BRGYAN PA ZHU BA LAS BYUNG BA'I, BLA MA YI DAM CHOS KYI RGYAL PO NANG SGRUB 'KHOR DANG BCAS PA MNYES PAR BYED PA'I DAM RDZAS SPYAN GZIGS MCHOD
, ,PA'I BYE BRAG BSAM GYIS MI KHYAB PA ZHIG BLA MA YI DAM CHOS KYI RGYAL PO NANG SGRUB 'KHOR DANG BCAS PA RNAMS KYI SPYAN LAM DU 'BYUNG ZHING RGYAS PAR GYUR CIG, AOm SARBA BID P'U RA P'U RA, SU RA SU RA, A'A WA RTA YA, A'A WA RTA YA, BADZRA SPHA RA nA KHAm, ZHES NAM MKHA' MDZOD KYI SNGAGS DANG PHYAG RGYAS BYIN GYIS BRLAB, AOm AARGHAm A'A:H'Um, DE BZHIN DU SBYAR TE, P'A DYAm, PUshPE, DH'U PAm, A'A LO KE, GANDHE, NEE WI DYA, SHAPTA, R'U PA, SHAPTA, GANDHE, RA SA, SBRSHA A'A:H'Um, DE NAS BSKANG GTOR YANG GONG BZHIN BYIN GYIS BRLABS NAS THUGS DAM BSKANG BA NI, H'Um DZA: LHUN GRUB BDE BA CHEN PO'I RNAM ROL LAS, ,'DOD DGU'I DAM RDZAS PHYI NANG MCHOD SPRIN TSOGS, ,RAB 'BYAMS SA DANG BAR SNANG KHYON GANG BAS, DAM CAN 'KHOR BCAS DGYES PA BSKYED GYUR CIG; DAM NYAMS DGRA BGEGS SNYING GI KHRAG DRON TSOGS, ,GANG+GA'I RGYUN LTAR 'BAB PA 'KHYIL BA LAS, ,KHRAG ZHAG RGYA MTSO G-YO BA'I RBA KLONG GIS, ,NAM MKHA'I KHYON KUN CIG CAR 'GENGS PA 'DIS, ,BLA MA YI DAM 'KHOR BCAS THUGS DAM BSKANG, ,DAM CAN CHOS RGYAL YAB YUM THUGS DAM BSKANG, ,'KHOR TSOGS DAM CAN RGYA MTSO'I, ,THUGS DAM BSKANGS SHING NYAMS CHAGS GSOS GYUR NAS, ,BAR GCOD KUN SOL MTHUN RKYEN MA LUS SGRUBS, ,PADMA AUTPALA KU MU DA LA SOGS, ,MDZES PA'I ME TOG BAR SNANG KHYON GANG ZHING, ,DGRA BGEGS DBANG PO'I ME TOG RI RAB LTAR, ,MTHOR BRTZEGS SRID PA'I RTZE MOR BSNYEGS PA 'DIS, ,BLA MA YI DAM SOGS RIGS 'GRE, BSKAL PA'I ME DPUNG LA
'GRAN DUR KHROD MER, ,SHA CHEN TSIL CHEN GU GUL NAG PO SOGS, ,BSREGS PA'I DUD SPRIN DBYAR SKYES CHU 'DZIN LTAR, ,NAM MKHA'I KHAMS KUN YONGS SU GANG BA 'DIS, ,BLA MA YI DAM, DGRA BGEGS ZHUN CHEN MTSO LTAR 'KHYIL BA'I DBUS, , DAM NYAMS GZUGS PHUNG SBAR BA LAS BYUNG BA'I, ,ME LCE PHYOGS KUN GSAL BA'I 'OD ZER CAN, ,BTZO MA'I GSER ZHUN KHU BA 'THOR 'DRA 'DIS, ,BLA MA YI DAM, GA BUR TZANDAN GU GUL LA SOGS PA'I, ,DRI BZANG GIS BSGOS 'JIGS RUNG KHRAG GI MTSO, ,DRAG PO'I SGRA SGROG 'JIGS PA'I RLABS G-YO ZHING, ,ZHING KUN DMAR CHAL GYIS 'GENGS DRI CHAB 'DIS, ,BLA MA YI DAM, BSGRAL BA'I ZHING BCU TSANG BA LAS BYUNG BA'I, ,SHA KHRAG RUS PA'I TSOGS KYIS SA GZHI GANG, ,LHA DANG MI YI BZA' BZA' LHUN POR SPUNGS, ,RO BRGYA LDAN PA'I GSER SKYEMS RGYA MTSO 'DIS, ,BLA MA YI DAM, SDIG CAN RKANG GLING THOD PA'I CANG TE'U SOGS, ,SNYAN BRJID 'GYUR BA'I ROL MO SNA TSOGS PA, ,SA GSUM CIG CAR 'GENGS PA'I SGRA DBYANGS CAN, ,DBYAR SKYES RNGA GSANG STONG GI SGRA LDAN 'DIS, ,BLA MA YI DAM, STONG GSUM YUD KYIS MYUL BA'I SHUGS 'CHANG ZHING, ,RGYU SKAR TSOM BU LA 'GRAN RUS PAS MDZES, ,CHAR SBRIN LTAR GNAG 'JIGS PA'I NGA RO CAN, ,DGRA BGEGS SROG 'PHROG MA HE'I TSOGS RNAMS KYIS, ,BLA MA YI DAM, MIG SMAN MDANGS CHAGS ZLA BA'I MDONGS LDAN PA'I, ,RTA NAG RTID DKAR GLOG BZHIN RGYU BA DANG, ,DRAG PO'I DAR SGRAS DGRA BO'I SNYING 'GAS PA'I, ,G-YAG ROG ZHOL
, ,CHEN SPRIN LTAR 'THIBS PA 'DIS, ,BLA MA YI DAM, DBANG SNGON MDOG CAN ZLA BAS SPYI GTZUG MDZES, ,DAR GYI COD PAN BZHAD PA'I LUG NAG DANG, ,RDO RJE'I MCHU SDER 'JIGS PA'I GSHOG SGRA CAN, ,DGRA BGEGS KLAD LA LDING BA'I BYA NAG 'DIS, ,BLA MA YI DAM, KHROS PA'I KHA GDANGS 'BAR BA'I MCHE BA GTZIGS, ,KHYI NAG SNYING DKAR DOM LTAR 'PHYO BA DANG, ,DBANG PO'I GZHU LTAR BKRA BA'I RI MO CAN, ,LHA RDZAS BLA BRE MDZES PA'I RU MTSON 'DIS, ,BLA MA YI DAM, KHRAG CHEN ZHAM CHU 'BAB PA'I G-YANG GZHI DANG, ,MGO RLON DO SHAL RGYU SKAR 'PHRENG BA LA, ,'KHU LDAN 'OD CHAGS RUS CHEN LAS GRUB PA'I, ,DPA' PO'I RGYAN DANG DRAG PO'I CHAS RNAMS KYIS, ,BLA MA YI DAM, DZA: STONG GSUM KHYON LTAR YANGS PA'I THOD PA'I NANG, ,SHA KHRAG DMAR CHEN GTOR MA RI LTAR SPUNGS, ,MTHING NAG DAR GYI COD PAN GYIS MDZES SHING, ,SBYANGS RTOGS SPAR BYAS BDUD RTZI'I RGYA MTSO 'DIS, ,BLA MA YI DAM, DGRA BGEGS SROG LA 'THAR BYED MNGON SUM BZHIN, ,DRAG PO'I RDO RJES MTSAN PA'I THOD DBYUG DANG, ,BTAB PA TZAM GYIS SDIG CAN MA LUS PA, ,'CHING BYED MI BZAD DUS KYI ZHAGS PA 'DIS, ,BLA MA YI DAM, RDO RJE'I GO KHRAB SNA TSOGS MTSON CHA DANG,, MI DBANG LA 'OS MDZAS PA'I RIN CHEN BDUN, ,DNGOS BSHAMS YID KYIS SPRUL PA LAS BYUNG BA'I, ,'JIG RTEN 'JIG RTEN 'DAS PA'I MCHOD SPRIN 'DIS, ,BLA MA YI DAM, RGYAL BA'I YAB GCIG RJE BTZUN 'JAM PA'I DBYANGS, ,MA RUNGS
'DUL PHYIR GSHIN RJE'I SKUR BSTAN YANG, ,RTZA BRGYUD BLA MA SKU BZHI'I BDAG NYID DU, ,YID CHES GSOL 'DEBS BLA MED RTEN MCHOG 'DIS, ,BLA MA YI DAM 'KHOR BCAS THUGS DAM BSKANG, ,DAM CAN CHOS RGYAL YAB YUM THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,THUGS DAM BSKANGS SHING NYAMS CHAGS GSOS GYUR NAS, ,BAR CHAD KUN SOL MTHUN RKYEN MA LUS SGRUBS, ZHES RGYAS PA DANG, BSDUN; H'Um; BDE CHEN LHUN GRUB GDOD MA'I RANG BZHIN LAS, ,SNA TSOGS MCHOD PA'I BYE BRAG MTHA' YAS PA, ,CHOS KYI RGYAL PO YAB YUM SPYAN LAM DU, ,LEGS PAR 'BYUNG BAS DGYES PA BSKYED GYUR CIG ,DMAR CHEN KHRAG GI MCHOD YON DGRA BGEGS KYI, ,DBANG PO'I ME TOG SHA SNA'I DUD SPRIN DANG, ,TSIL CHEN MAR ME ZHAG CHEN DRI CHAB DANG, ,SHA RUS ZHAL ZAS SNA TSOGS ROL MO 'DIS, ,CHOS KYI RGYAL PO YAB YUM THUGS DAM BSKANG, ,DREGS PA PHO BRGYAD MO BRGYAD LA SOGS PA'I, ,BKA' SDOD LAS BYED THUGS DAM SKONGS GYUR NAS, ,RNAL 'BYOR BCOL BA'I 'PHRIN LAS BSGRUB PAR MDZOD, ,RLUNG LTAR MYUR MGYOGS RTA NAG TSOGS RNAMS DANG, ,MIG SMAN MDANGS CHAGS STOBS LDAN RA DANG LUG ,RNGAMS BRJID G-YAG RGOD DGRA 'JOMS GCAN GZAN DANG; ;'PHUR LDING ROL PA'I BYA NAG TSOGS RNAMS KYIS, ,CHOS KYI RGYAL PO, CHAR SPRIN LTAR NAG DRAG PO'I NGA RO CAN, ,RNGAMS PA'I KHA RLANGS DUS KYI SPRIN LTAR G-YO, ,RDO RJE'I RVA LDAN DGRA BGEGS SROG LA ROL, ,RAB BRJID MDZES PA'I
, ,MA HE'I TSOGS RNAMS KYIS, ,CHOS KYI RGYAL PO, ,DAM NYAMS KLAD LA RNGAMS PA'I THOD DBYUG DANG, ,DGRA BGEGS 'A CHING BYED DUS KYI ZHAGS PA DANG, ,SROG 'PHROG MTSON CHA KHRAM BAM THOD KHRAG SOGS, ,BSTAN DGRA 'JOMS PA'I CHA RKYEN DAM PA 'DIS, ,CHOS KYI RGYAL PO, ZHING CHEN G-YANG GZHI MGO 'PHRENG DO SHAL DANG, ,RDO RJE'I GO MTSON DMAR CHEN GTOR MA'I TSOGS, ,'DOD YON SNA LNGA LHUN BO GLING BZHIR BCAS, ,PHYI NANG GSANG RTEN MA TSANG MED PA 'DIS, ,CHOS KYI RGYAL PO YAB YUM THUGS DAM BSKANG, ,DREGS PA PHO BRGYAD MO BRGYAD LA SOGS PA'I, ,BKA' SDOD LAS BYED THUGS DAM SKONGS GYUR NAS, ,RNAL 'BYOR BCOL BA'I 'PHRIN LAS BSGRUB PAR MDZOD, CES THUGS DAM BSKANG ZHING 'PHRIN LAS BCOL, CHOS KYI RGYAL PO YAB YUM 'KHOR DANG BCAS PA RNAMS KYI LJAGS 'OD ZER GYI SPU GUS GTOR MA'I BCUD THAMS CAD DRANGS TE GSOL BAR GYUR, AOm HRI:sht'I:WI KRI T'A NA NA H'Um PHAt K'A LA R'U PA YA MA R'A DZA' SA PA RI W'A RA AI DAm BA LIm TA KHA KHA KH'A HI KH'A HI ZHES PA LAN BDUN DANG, AOm TZ'A MUndIAm KH'A HI KH'A HI, ZHES LAN GSUM MAM BDUN GYIS GTOR MA PHUL, AOm HR'I: sht'I: WI KRI T'A NA NA H'Um PHAt, K'A LA R'U PA SHA AARGHAm SOGS KYIS MCHOD, AOm HR'I:shtI:WI KRI T'A NA NA, K'A LA R'U PA, AOm A'A:H'Um, AOm TZ'A MUndI H'Um PHAt, AOm A'A:H'Um, GSHIN RJE PHO BRGYAD MO BRGYAD, AOm A'A:H'Um, H'Um; 'JAM DPAL BKA' NYAN BSTAN BSRUNG NI, ,DAM CAN GSHIN RJE'I RGYAL PO STE, ,ZHAL GCIG PHYAG GNYIS 'JIGS GZUGS CAN, ,
MGON PO KHYOD LA BDAG BSTOD DO, ,DMAR LA BRJID PA'I SPYAN GSUM GYIS, ,KHAMS GSUM BGEGS TSOGS THAMS CAD 'JOMS, ,RAB TU KHROS PA'I MCHE GTZIGS PAS, ,DGRA BGEGS THAL BRDUL DU RLOG, ,MTHING NAG PHYAG MTSAN SNA TSOGS BSNAMS, ,SANGS RGYAS BSTAN PA RNAM KUN BSRUNG, ,SA 'OG SA STENG SA BLA YI, ,'BYUNG PO'I TSOGS KYI 'KHOR GYIS BSKOR, ,KHYAD PAR SDE BRGYAD TSOGS RNAMS KUN, ,DAM CAN KHYOD KYIS BRAN DU 'KHOL, ,DPAL LDAN MGON PO KHYOD KYI SKU, RAB BRJID SPRUL PA'I PHO NYA 'PHRE, ,BRKYANGS BSKUMS TSUL GYI ZHABS GNYIS KYIS, ,'JIG RTEN SA STENG THAMS CAD G-YO, ,DRAG LA RNGA MAS PA'I BZHANG PA'I SGRAS, ,BGEGS TSOGS PA BKONG DGRA BO 'JOMS, , RNAL 'BYOR DAM CHOS SGRUB PA PO'I, ,BKA' NYAN BSTAN BSRUNG DPAL MGON TE, ,BSTAN DGRA DAM NYAMS SDIG CAN GYI, ,SROG GCOD GSHIN RJE NAG PO CHE, ,DPAL LDAN GSHIN RJE'I GSHED SPYAN SNGAR, ,CHOS BZHIN BSGRUB PA'I GANG ZAG RNAMS, ,BU BZHIN SKYONG BAR KHAS BLANGS PA'I, ,DPAL MGON DAM CAN 'PHRIN LAS SGRUBS, ,CHOS KYI RGYAL PO'I DUS LA BAB, ,SANGS RGYAS BSTAN PA GNYEN PO SRUNGS, ,RNAL 'BYOR BDAG GI CHOS BSGRUB PA'I, ,RKYEN NGAN PAR CHAD THAMS CAD BZLOG, KHYAD PAR 'DI LTAR BCOL BA YI, ,'PHRIN LAS MYUR DU GRUB PAR MDZOD, CES BSTOD SHIN TU DRUG POS BSKUL BYED DGOS TSE, H'Um, BCOM LDAN GSHIN RJE'I GSHED PO'I BKA', ,CHOS KYI RGYAL PO DGONGS SU GSOL, ,DE RING DRAG PO'I 'PHRIN LAS 'DI, ,
, ,KHYOD KYI LAS SU 'OS PA YIN, ,LHA DANG BCAS PA'I 'JIG RTEN NA, ,LEGS NYES CHOS BZHIN GCOD PA KHYOD, ,GSHIN RJE'I GSHED KYI BKA' 'KHOR NA, ,BKA' NYAN DAM TSIG BSRUNG BA KHYOD, ,LAS DANG RKYEN GYIS 'CHI BA YI; ;SROG LA DBANG BYED BDAG PO KHYOD, ,DE PHYIR LAS 'DI KHYOD LA GTANG, ,KHYOD KYI 'KHOR NI MI BSRUN TE, ,THA MAL SEMS CAN NYES MED CING, ,GZHAN GYIS BSKUL BAR MA BYAS PAR, ,GLO BUR PHRAD PA'ANG 'DZIN BYED NA, ,NGA YIS GTANG PA'I LAS 'DI RNAMS, ,'JAM DPAL GZHON NU'I BKA' BZHIN DU, ,DAM TSIG PHYAG RGYA MIG LA BSTAN, ,DAM TSIG SNYING PO RNA BAR BSGRAGS, ,RDO RJE'I THA TSIG SNYING LA BZHAG ,DAM RDZAS MCHOD PA PHUL NAS KYANG, ,DAM TSIG 'PHRIN LAS GNYER DU GTANG, ,LAS 'DI SNGON DU BSGRUB PAR RIGS, ,KHYOD KYIS LAS 'DI MA BSGRUBS NA, ,DKON MCHOG GSUM GYI BKA' YANG BCAG, GSHIN RJE'I GSHED KYI DAM YANG BRAL, ,RANG GI THA TSIG RANG GIS BSLUS, ,DAM TSIGS GROGS PO BDAG CAG GI ,RE BA'I BSAM PA GTING NAS BCAD, ,DE BAS LAS 'DI BSGRUB PAR GYIS, ,KHYOD KYI 'KHOR GYI DKYIL 'KHOR NA, ,YA MA NG'U T'I ZHES BYA BA, ,LAG NA LCAGS KYU NAG PO THOGS, ,GANG ZHIG BZUNG BAR 'DOD PA DE, ,DBYUGS PA RTZAM GYIS 'DZIN PAR BYED, ,KHYOD LA GNYER DU GTANG PA NI, ,RNAL 'BYOR DPON SLOB 'KHOR BCAS LA, ,SNGANG BA'I DGRA DANG GNOD PA'I BGEGS, ,BDUD DANG BAR DU GCOD PA'I TSOGS, ,'DI DAG 'KHOR DANG BCAS PA KUN, ,KHYOD KYIS DE
RING BZUNG BAR GYIS, ,GZHAN YANG 'KHOR GYI DKYIL 'KHOR NA, ,K'A LA P'A SHA ZHES BYA BA, ,LAG NA DUS KYI ZHAGS PA THOGS, ,GANG ZHIG BCING BAR 'DOD PA DE, ,BTAB PA TZAM GYIS 'CHING BAR BYED, ,KHYOD LA, 'DI DAG, KHYOD KYIS DE RING BCING BAR GYIS, ,GZHAN YANG 'KHOR GYI DKYIL 'KHOR NA, ,YA MA DAndIm ZHES BYA BA, ,LAG NA BE CON NAG PO THOGS, ,GANG ZHIG BSAD PAR 'DOD PA DE, ,'PHYAR BRTZAM GYIS 'CHI BAR BYED, ,KHYOD LA, 'DI DAG ,KHYOD KYIS DE RING BSANG PAR GYIS, ,GZHAN YANG 'KHOR GYI DKYIL 'KHOR NA, ,YA MA DAsht'I ZHES BYA BA, ,ZA BYED MCHE BA 'BAR BA CAN, ,GANG ZHIG ZA BAR 'DOD PA DE, ,GTZIGS PA TZAM GYIS ZA BAR BYED, ,KHYOD LA, 'DI DAG, KHYOD KYIS DE RING ZA BAR GYIS, ,GZHAN YANG 'KHOR GYI DKYIL 'KHOR NA, ,K'A LA RA TRI LA SOGS PA, ,GSOD PA MO DANG NAG MO DANG, ,NAM GRU SHA KA LI LA SOGS, ,BUD MED TSEGS KYIS BSKOR BA NI, ,LA LA LAS KYI ME LONG CAN, ,LA LA NAD KYI RKYAL PA CAN; ,LA LA MTSON GYI GRU GU CAN, ,LA LA BDUD KYI KHRAM BAM CAN, ,LA LA SHO RNGE DKAR NAG CAN, ,LA LA LCAGS KYI DRE'U RTA CAN, ,LA LA PONG BU GVA PA ZHON, ,LA LA RLUNG NAG 'TSUB MA ZHON, ,LA LA CHU BYA NAG MO ZHON, ,LA LA NAM GYI GUNG LA RGYUG ,LA LA CHU BO'I GI ZHUNG LA RGYUG ,LA LA NYI MA'I ZER LA RGYUG, KUN KYANG GZHAN SROG 'PHROG PAR BYED, ,KHYOD LA, 'DI DAG, KHYOD KYIS DE RING BRLAG PAR GYIS, ,GZHAN YANG NANG GI DKYIL 'KHOR NA, ,YA BA TI DANG PHYVA BSANG
, ,DANG; ;RMIG PA RAL PA TSAR DGU SOGS, ,LA LA RGYAL PO'I TSUL DU GNAS, ,LA LA BLON PO'I TSUL DU GNAS, ,KHA CIG DAG NI SDE DPON TSUL, ,LA LA PHO NYA'I TSUL DU GNAS, ,LAG NA BE CON 'KHOR LO DANG, ,GSAL SHING MDUNG SOGS MTSON CHA THOGS, ,SO SO'I SDE DPON MNGAGS PA DANG, ,PHO NYA PHYAG BRNYAN BCAS PA LA, ,'PHRIN LAS GNYER DU GTAD PA NI, ,RNAL 'BYOR DPON SLOB, 'DI DAG, KHYOD KYIS DE RING TSAR CHOD CIG ,CES BSKUL ZHING ZHI RGYAS DBANG GSUM GYI SKABS SU MI BYA, DE NAS; H'Um DZA: BLA MA YI DAM GSHIN RJE'I GSHED PO DANG, ,LHA CHEN CHOS KYI RGYAL PO 'KHOR DANG BCAS, ,BKA' SDOD DAM CAN RGYA MTSO'I DMAG TSOGS KYIS, ,DAM RDZAS DMAR CHEN GTOR MA 'DI BZHES LA, ,RJE BTZUN BLA MA'I SKU TSE 'PHRIN LAS KYI, ,BAR GCOD GDON RIGS 'BYUNG PO'I GNOD PA BZLOG ,BLO BZANG RGYAL BA GNYIS PA'I MDO SNGAGS KYI, ,BSTAN PA RIN CHEN RGYAS PA'I 'GAL RKYEN BZLOG, ,RNAL 'BYOR DPON SLOB DGON GNAS BCAS PA LA, ,PHA ROL RGOL BA'I BSAM NGAN SBYOR RTZUB BZLOG ,SNA TSOGS RDZAS DANG RTEN 'BREL SNGAGS SOGS KYI, ,MI BZAD DRAG PO'I ZOR RNAMS 'PHEN PA BZLOG ,GZHAN GYI MNAN GTAD BYAD KA PHUR KHA DANG, ,MTHU DANG NGAN SNGAGS DRAG PO'I RBOD GTONG BZLOG ,YAS KYI BDUD G-YOS MAS KYI SRI LANGS DANG, ,'BANGS KYI SNYING NGAN NYE BA'I BYOL KHA BZLOG, ,GDON DANG BGEGS RIGS STONG PHRAG BRGYAD CU DANG, ,GLO BUR YE 'BROGS SUM BRGYA DRUG CU BZLOG ,MA MO'I DAL YAMS KHA RLANGS GTONG BA DANG, ,RIMS
DANG BZHI BRGYA RTZA BZHI'I NAD RNAMS BZLOG ,BDUD KYIS KHRAM BAM ZHAGS PA 'DEBS PA DANG, ,'BYUNG PO GSHIN RJE'I 'KHOR LO BSKOR BA BZLOG, ,SDIG PA'I RMI LAM MTSAN MA NGAN PA DANG, ,MI SHIS LTAS NGAN BRGYAD CU RTZA BZHI BZLOG, ,LO SKEGS ZLA SKEGS ZHAG SKEGS DUS SKEGS DANG, ,CHO 'PHRUL NGAN PA'I PHO NYA 'GYED PA BZLOG, GZA' DANG RGYU SKAR KLU YI GNOD PA DANG, ,BTZAN DANG RGYAL SEN SMYO 'BOG GTONG BA BZLOG, ,KHYAD PAR RNAL 'BYOR DAM CHOS BSGRUB PA'I GEGS, ,PHYI DANG NANG GI BAR GCOD MA LUS BZLOG ,BZLOG BSGYUR DAM NYAMS DGRA DANG BGEGS LA BHYO: BHYO BZLOG DUS LA BAB BO SA MA YA, ZHES BZLOG PA BYA, H'Um; RNAL 'BYOR DPON SLOB YON MCHOD 'KHOR BCAS KYI, ,TSE DANG BSOD NAMS DPAL 'BYOR SNYAN GRAGS DANG, ,'KHOR DANG BSHAD SGRUB BSTAN PA'I BYA BA RNAMS, ,RGYAS PAR MDZOD CIG BLA MA LHA SRUNG RNAMS, ZHES 'PHRIN LAS BCOL, DE NAS BZLAS PA BYA BA NI, GTZO BO'I THUGS KAR NYI MA LA GNAS PA'I H'Um GI MTHAR SNGAGS KYIS BSKOR BA LA DMIGS TE, RANG NYID YI DAM GYI NGA RGYAL BRTAN POS THUGS KA'I 'OD ZER GYIS THUGS RGYUD BSKUL BAS ZHI RGYAS DBANG DRAG SKABS SU GANG BABS PA'I LAS RNAMS BSGRUB PAR BSAM LA, AOm K'A LA R'A PA YA MA R'A DZ'A H'Um PHAt, AOm K'A LA R'U PA H'Um PHAt, AOm TZ'AMUndI H'Um PHAt, CES BZLAS PA'I MTHAR, YI GE BRGYA PA BZLAS TE, GTOR MA BYIN GYIS BRLABS NAS SNGAR LTAR 'BUL, AARBHAm; NAS; SHAPTA, 'I BAR GYIS MCHOD, AOm A'A: H'Um, BTAGS PAS NANG MCHOD KYANG 'BUL, CHOS KYI RGYAL PO 'KHOR BCAS LA, ,BDAG GIS MCHOD GTOR PHUL BA YIS, ,DKON MCHOG
, ,DBU 'PHANG SMOD PA DANG, ,THEG PA CHEN PO SUN 'BYIN DANG, ,BSTAN PA 'JIG DANG DBYEN BYED DANG, ,BLA MA'I SKU LA BSNGO BA DANG, ,RNAL 'BYOR BDAG LA SDANG BA RNAMS, ,DE DAG CHOS KYI RGYAL POS SGROL, ,DGRA BGEGS AA MU KA M'A RA YA PHAt CES THAL MO BRDAB STE 'PHRIN LAS BCOL, DE NAS; AOm BADZRA AA MRiTA KUndA LI HA NA HA NA H'Um PHAt, CES GOS GZHI BDAG GTOR MA BYA, DE NAS BSTOD PA BYA BA NI, NA MA: SHR'I BADZRA BHEER W'A YA, BRKYANGS BSKUMS ZHABS NI CUNG ZAD BRDABS BA TZAM GYIS DKYIL 'KHOR BZHIR BCAS RI DBANG SHIG SHIG POR 'GYUR ZHING, ,GTUM DRAG MA HE'I ZHAL NI RAB TU GDANGS PAS BSGRAGS PA'I GAD RGYANGS CHEN POS SA GSUM KUN 'GENGS PA, ,RGYAL BA'I YAB GCIG 'JAM PA'I DBYANGS GANG MA RUNGS 'DUL PHYIR DRAG PO'I SKUR BSTAN BCOM LDAN GSHIN RJE'I GSHED, ,GANG DER GUS PAS BTUD NAS GSHIN RJE'I RGYAL PO BSTOD KYIS DA NI BGEGS RNAMS BAG YOD DUS LA BAB, ,RI BO RAL ZHING CHU GTER 'KHRUGS PA LTA BUR 'UR 'UR ZHES PA'I SGRA CHEN BRGYUD MAR RAB SGROG PA, ,DRAG PO'I ME LCE GNAG PA'I DU BAS 'KHYUD PA'I TSOGS RNAMS 'BUM PHRAG GLOG PHRENG CHAR SBRIN NANG 'KHYUG BZHIN, ,SHIN TU BZOD DKA'I REG BYA TSA BA'I NGAR LDAN KHA DOG LNGA YI PHRENG BAS ZLUM POR BSKOR BA'I DBUS, ,MUN PA BYE BAS BYUGS LTAR GNAG PA'I CHOS 'BYUNG CHAL CHIL G-YO BA'I KHRAG ZHAG RGYA MTSOS GANG BA'I STENG, ,RTA BDUN BDAG PO'I GDAN LA GNOD BYED NAG PO GAN RKYAL BSGYEL BA'I STENG NA GSHIN
RJE'I RGYAL PO NI, ,MIG SMAN LTAR GNAG THUNG LA SBOM PA'I LUS CAN G-YAS BRKYANGS G-YON BSKUMS SA CHEN G-YO BA'I GOM STABS CAN, ,SER SKYA'I RAL PA GYEN DU 'DZINGS PA'I DBU LA THOD SKAM LNGAS BRGYAN DRAG PO'I RDO RJE SPYI BOR 'DZIN,, KHRAG GIS SBAGS PA'I MGO RLON PHRENG BA MGRIN PAR 'PHYANG ZHING SPYAN GSUM BGRAD PA'I SDANG MIG G-YO BA CAN, ,MCHE BA RNON PO GTZIGS PA'I BGRAD PA'I ZHAL NAS DBUGS PHRENG G-YO BA GDUG PA'I SBRUL GYI KHA RLANGS BZHIN, ,G-YAS PAS 'BAR BA'I GRI GUG BDUD DPUNG KLAD LA 'PHYAR ZHING KHRAG LDAN THOD PA G-YON GYIS BZUNG LA ROL, ,STAG LPAGS SMAD G-YOGS BSGOS PA'I GTUM CHEN KHYOD KYIS GSHIN RJE'I GSHED LA JI LTAR ZHAL BZHES DE BZHIN DU, ,MA G-YEL MA G-YEL MYUR DU DRAN PAR MDZOD LA RNAL 'BYOR BDAG GIS GANG ZHIG BSGO BA THAMS CAD SGRUBS, ,GZHAN YANG KHYOD KYI PHYOGS BZHIR RVA DANG RMIG PA RAB TU RNO BA'I MA HE DRAG PO'I GDAN STENG NA, ,DKAR DANG SER DANG DMAR DANG GA NAG PA'I GSHIN RJE CHEN PO DRAG TU KHROS PA'I MA HE'I GDONG PA CAN, ,BRKYANGS BSKUMS STABS KYIS RAB TU 'GYING ZHING DUR KHROD CHAS KYIS LEGS BRGYAN ZHAL GDANGS MIG RTZA KUN TU DMAR, ,BGEGS DPUNG 'JOMS LA RDO RJE'I THOG LTAR BSNGAGS PA DE DAG GIS KYANG ZHI RGYAS DBANG DRAG LAS KUN SGRUBS, ,MDOR NA RGYAL BA KUN GYIS YANG DANG YANG BSNGAGS 'JAM PA'I DBYANGS ZHES SA STENG KUN TU GRAGS PA DE'I, ,PHUN TSOGS GO 'PHANG MCHOG DE MKHA' MNYAM LUS CAN KUN GYI DON DU JI SRID BDAG GIS
, ,MA MNAN PA, ,DE SRID GSHIN RJE'I GSHED KYI BKA' NI GUS PAS LHUR LEN CHOS RGYAL GSHIN RJE 'KHOR DANG BCAS PA YIS, ,YANG DAG LAM GYI NOR MCHOG 'PHROG LA BRTZON PA'I NAG PO'I RTZA LAG SDE DANG BCAS PA GZHOM PAR MDZOD, CES BSTOD, RGYAS PAR NA K'A RU MA DANG, MA SKYES MA BYA, BLA MA YI DAM BSRUNG MA'I TSOGS RNAMS KYIS, ,SNGON GYI ZHAL BZHES DAM BCA' MA G-YEL BAR, ,RNAL 'BYOR DPON SLOB DGON GNAS DGE 'DUN SDE, ,BSRUNG SKYOB MTHUN RKYEN BSGRUB PA'I DUS LA BAB, ,BLA MA YI DAM CHOS SRUNGS TSOGS RNAMS KYIS, ,JI LTAR BCOL BA'I LAS BZHI THOGS MED DU, ,G-YEL BA MED PAR TSUL BZHIN RAB BSGRUBS NAS, ,RNAL 'BYOR DGON GNAS DGE 'DUN SDE BCAS SKYONGS,, BDAG GIS RING NAS BSTEN CING MCHOD PA YIS, ,MTHU LDAN CHOS SKYONG BSRUNG MA KHYED RNAMS KYIS, ,DENG NAS BZUNG STE BYANG CHUB SNYING PO'I BAR, ,'BRAL MED BDAG GI MGON DANG SKYABS MDZOD LA, ,'GAL RKYEN BAR GCOD MA LUS SEL BA DANG; ;DAM CHOS BSGRUB PA'I MTHUN RKYEN MA LUS PA, ,'BAD RTZOL MED PAR LHUN GYIS GRUB PA DANG, ,GNOD BYED DGRA BGEGS MA LUS TSAR CHOD MDZOD, ,DGRA LHA CHEN PO KHYED RNAMS KUN, ,BSTEN PA'I TSE NA SNYAN MA SRA, ,BSKUL BA'I TSEN BAD MA BUL, ,RBAD PA'I TSE NA MTHU MA CHUNG, ,RNAL 'BYOR BDAG CAG 'KHOR BCAS LA, ,SDANG ZHING GDUG PA'I SEMS LDAN PA'I, ,GNOD BYED DGRA BGEGS MA LUS PA, ,LO DANG ZLA BAR MA BZHAG PAR, ,RTAGS DANG MTSAN MA SNA TSOGS
PAS, ,DA LTA NYID DU THAL BAR RLOG ,BDAG GIS BCOL BA'I LAS 'DI RNAMS, ,MTHOGS MYUR DU GRUB PAR MDZOD, CES 'PHRIN LAS BCOL, H'Um DZA: BLA MA YI DAM GSHIN RJE'I GSHED PO DANG, ZHES PA NAS, BHYO, BZLOG DUS LA BAB BO SA MA YA,, ZHES BZLOG PA DANG, SANGS RGYAS BSTAN BSRUNG DKON MCHOG DBU 'PHANG BSTOD, ,DGE 'DUN SDE SKYONGS RNAL 'BYOR TSE DPAL SPEL, ,SNYAN PA'I DIR PHYOR GRAGS PA'I DUNG BUS LA, ,'KHOR DANG LONGS SPYOD RGYAS PA NYID DU MDZOD, ,RGAS MED LANG TSO RGYAS PA'I LUS STOBS LDAN, ,MIG LA YA MTSAN LTAS MO DGA' BAS GANG, ,RNA BAR RTAG TU SNYAN PA'I GTAM THOS SHING, ,DRI ZHIM NGAD PA SNA DANG MI 'BRAL BAR, ,ZAS SKOM 'BYOR PAS RO 'DZIN CHIM PAR MDZOD, ,LUS LA REG BYA BDE BA KHO NAS 'TSO, ,YID LA RNAM PAR GROL BA'I SHES RAB DANG, ,ZAG MED BDE BAS NAM YANG NGOMS BAR MDZOD, ,KHYOD GSOL KHYOD BSTEN KHYOD BSGRUB KHYOD RBAD NA, ,MTHU RTZAL MA CHUNG BRTZE GDUNG CHE BAR MDZOD, ,GZHIS SU BKRA SHIS TSE RING LONGS SPYOD 'PHEL, ,BYES SU LAM 'PHRENG CHU LAS SGROL 'DON MDZOD, ,'JIGS SAR DGRA JAG CHOM RKUN 'CHE LAS SKYOBS, ,MDOR NA BSAM DON YID BZHIN 'GRUB PAR MDZOD, ,BDAG DANG MKHA' MNYAM SEMS CAN THAMS CAD KYIS, ,BLA MED RDZOGS PA'I BYANG CHUB BSGRUB PA LA, ,'GAL RKYEN BAR CHAD THAMS CAD ZHI BA DANG, ,MTHUN RKYEN BSAM DON YID BZHIN 'GRUB PAR MDZOD, CES PAS KYANG GNYER DU GTAD, DE NAS; DRUG CU PA'I MCHOD GTOR BYIN GYIS BRLABS LA, MDUN DU SNA TSOGS PADMA DANG NYI MA ZHES PA
, ,NAS; LING GA DMAR PO GYEN DU LANGS PA'O, ,DE'I G-YON DU TZAm DANG RTZE GSUM LAS SKYES PA'I ZHES PA NAS, G-YAS RTZE GSUM DANG G-YON THOD PA 'DZIN PA, YAB YUM GNYIS KYI 'KHOR DU GSHIN RJE YA BA TI LA SOGS PA GSHIN RJE PHO MO'I TSOGS DPAG TU MED PAS BSKOR BA'I GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um NAG PO'I 'OD ZER LCAGS KYU'I RNAM PA CAN GYIS ZHES PA NAS; SPYAN DRANGS, DZA: 'JAM DPAL GSHIN RJE GSHED KYI BKA' SDOD MCHOG, CES PA NAS, BRTZE BA'I THUGS KYIS GNAS 'DIR GSHEGS SU GSOL ,AOm HR'I: shtI: WI KRI T'A NAN K'A LA R'U PA YA MA R'A DZ'A SA PA RI W'A RA A'A KA RshA YA DZA:DZA:DZA:KAM LA YE STVAm, GSHIN RJE'I RGYAL PO 'KHOR DANG BCAS, ,DAM TSIG DBANG GIS 'DIR BRTAN BZHUGS, ,MCHOD PA TSUL BZHIN BZHES NAS KYANG, ,'PHRIN LAS MDZAD PHYIR DZI SRmDI DU, ,LAS GRUB BAR DU BZHUGS SU GSOL, ZHES PA NAS, SA MA YA STVAm, CHOS KYIR GYAL PO YAB YUM 'KHOR DANG BCAS PA'I LJAGS H'Um LAS ZHES PA NAS, SHAPTA'I BAR DANG, NANG MCHOD KYANG PHUL, AOm HR'I: sht'I: WI KRI T'A NA NA H'Um H'Um PHAt PHAt SARBA DUsht'm AINDRA A'A DI NA SA RI W'A RA A'A KARshA YA DZA:SV'AH'A, RANG GI SHING KHA NAS KHRO BO GSHIN RJE'I GSHED PHYAG NA LCAGS KYU DANG ZHAGS PA 'DZIN PA DPAG TU MED PA SPROS PHYOGS SKYONG RNAMS KYI SNYING KHA NAS LCAGS KYUS BZUNGS, MGRIN PA NAS ZHAGS PAS BCINGS TE BKUG NAS PHYOGS MTSAMS RNAMS SU 'KHOD PAR GYUR, AOm HR'I:sht'I:
WI KRI T'A NA NA H'Um H'Um PHAt PHAt H'Um SARBA DUsht'Am AINDR'A A'A DI NAS PA RI W'A RA NA K'I LA YA H'Um PHAt SV'AH'A, RANG GI SNYING KHA NAS KHRO BO GSHIN RJE GSHED PHYAG NA PHUR BU THOGS PA DPAG TU MED PA SPROS TE, PHYOGS SKYONG RNAMS KYIS SNYING KHA DANG MGRIN PA DANG RKANG PA'I BAR DU PHUR BU BTAB PAS, GRUB PA'I BCUD LEN GRUB PA BZHIN DU, SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PA'I MGRON RNAMS KYI LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN RNAMS SU GYUR AOm YA MA R'A DZ'A SA DO ME YA, YA ME DO RU nA YO DA YA, YA DA YO NI RA YA KshE YA, YAKshE YATZTSA NI R'A MA YA H'Um H'Um PHAt PHAt SV'AH'A, AOm BH'U TZA RA NAm, YA P'A T'A LA TZA RA YA, M'AN KHE CA RA YA TA P'UR BA NI G'A NAm, KA DAKshIn D'I G'A YA, H'Um PASHTZIM NAm, PHAt AUD TA RA TIG YA, AOm AAm HR'I: YA shtR'I: BA, WI KshI KRI KO, T'A AE NA AA NA DE H'Um BHYO: PHAt SARBA BHUDE BHYA: ZHES LAN BZHI, AOm DA SHA DKI LO KA P'A LAS PA RI W'A RA AARGHAm PRA T'ITZTSA H'Um SVAH'A, ZHES PA NAS, SHAPTA PRA T'I TZTSA H'Um SV'AH'A, AOm DA SHA DKI LO KA P'A LA SA PA RI W'A RA AOm A'A:H'Um, ZHES MCHOD NAS 'PHRIN LAS BCOL BA NI ROL MDO DANG BCAS TE, BCOM LDAN CHOS RJE 'JAM DBYANGS SPYAN LAM DU, ,BDUD 'DUL BSTAN PA BSRUNG BAR ZHAL BZHES PA, ,LAS KYI GSHIN RJE MA MO MKHA' 'GRO MA, ,'BYUNG PO RO LANGS CI BGYI BKA' NYAN TSOGS, ,PHYI NANG SKYONG BA'I DAM CAN MA LUS LA, ,BDAG NI RE BA'I SEMS KYIS 'DUD CING MCHIS, ,PHYOGS SKYONG 'KHOR DANG BCAS PA RNAMS KYIS SHA KHRAG
, ,DMAR GYI GTOR MA 'DI BZHES LA, KHAMS GSUM CHOS KYI RGYAL PO RGYAL BA TZONG KHA PA CHEN PO'I BSTAN PA BSTAN 'DZIN DANG BCAS PA LA SDANG ZHING LOG PAR 'KHU BA'I SEMS DANG LDAN PA RNAMS DANG, KHYAD PAR DU YANG DPAL LDAN BLA MA DAM PA CHE GE MO'AM SBYIN PA'I BDAG PO CHE GE MO'I SKU TSE MDZAD PA 'PHRIN LAS DANG BCAS PA RNAMS LA GNOD CING 'TSE BAR BYED PA'I DGRA BGEGS GDUG PA CAN THAMS CAD M'A RA YA PHAt, CES THAL MO BRDAB STE, DBYU GU RNAMS GTOR CHEN DU BLUG ZHI RGYAS DBANG GSUM LA DE DANG MTHUN PA'I 'PHRIN LAS BCOL ZHING THAL MO BRAB MI DGOS, SLAR YANG BZHI TSAN GNYIS PA, AOm HR'I: sht'I: WI KRIT'A NAN H'Um PHAt, AOm SVA H'A WA SHUDDH'A: SARBADHARM'A: SVAH'A WA SHUDDHONYHAm, STONG PA NYID DU GYUR, STONG PA'I DANG LAS YAm LAS RLUNG, RAm LAS ME, A'A:LAS MI MGO'I SGYED BU GSUM GYI STENG DU A'A: LAS THOD PA PHYI DKAR LA NANG DMAR BA'I NANG DU, GTOR MA NGO BO YE SHES LA, RNAM PA DGRA BGEGS BSGRAL BA'I SHA KHRAG GI RGYA MTSO CHEN POR GYUR, AOm A'A:H'Um, LAN GSUM, AOm YAM R'A DZ'A, ZHES PA NAS, M'A RA YA PHAt, CES 'BUL BA SOGS SNGAR BZHIN BYA, DE LTAR LAN BZHI BSNGOS PA'I MJUG TU, CHOS KYI RGYAL PO 'KHOR BCAS LA, ZHES PA NAS, DGRA BGEGS AA MU KA M'AR YA PHAt, CES THAL MO BRDAB DE NAS GZHI BDAG GTOR MA BTANG LA, SGRUB ZHAG 'GA' RE BYED TSE SKABS 'DIR YIG BRGYAS LHAG CHAD BSKANG BA DANG, MJUG CHOG RNAMS BYAS TE NANG PAR YANG SDAR BZHIN BSGRUB PA LA 'JUG ,SGRUB ZHAG 'GA' RE BYED TSE THUN MTHA' MA DANG NYIN GCIG YAS MI BYED TSE
NYIN DE NYID KYI GZHI BDAG GTOR MA TSAR MTSAMS SU, RNAL 'BYOR PA RNAMS ZOR 'PHEN GYI CHAS SU ZHUGS TE, AOm MI MNGON DBYINGS NA BZHUGS PA'I RGYAL BA ZHI KHRO'I TSOGS, ,A'A:BZHENGS SHIG BZHENGS SHIG CHOS KYI DBYINGS NAS BZHENGS, ,H'Um BSKUL LO BSKUL LO 'GRO BA'I DON LA BSKUL, ,HR'I:MDZOD CIG MDZOD CIG BCOL BA'I 'PHRIN LAS MDZOD, CES LAN GSUM GYIS BSKUL ZHING, H'Um; DA NI ZOR BSGYUR DGRA LA BSGYUR, ,DA NI ZOR 'PHEN DGRA LA 'PHEN, ,DA NI ZOR KHA DGRA LA BSGYUR, ,DA NI ZOR KHA BGEGS LA BSGYUR, ZHES ZOR KHA SGO PHYOGS SU BSGYUR, ZOR LAM PHYE BA NI, RNAL 'BYOR DBANG PHYUG ZOR 'PHEN NO, ,RNAL 'BYOR DBANG PHYUG ZOR 'PHEN PAS, ,NYON CIG LHA SRIN SDE BRGYAD TSOGS, ,MTHO BA RNAMS KYI ZHABS BSKUMS SHIG, DMA' BA RNAMS KYI DBU CHUMS SHIG ,THAD KA RNAMS KYI SKU ZUR CIG ,GAL TE MA ZUR ZOR PHOG NA, ,KO SLONG PHRAG DOG MA MDZAD CIG ,NYES PA STES SU MA 'DZIN CIG ,ZOR SNA SDANG BA'I DGRA LA DRONGS, ,ZOR SNA GNOD PA'I BGEGS LA DRONGS, ,RNAL 'BYOR DBANG PHYUG ZOR 'PHEN NO, ,RNAL 'BYOR DBANG PHYUG GTOR ZOR 'DI, ,RTZE MO RDO RJE'I MDUNG LAS RNO, ,RTZA BA RDO RJE'I BRAG LAS SRA, ,DRAG SHUL GNAM LCAGS THOG LAS CHE, ,RNAL 'BYOR, RNAL 'BYOR DBANG PHYUG GTOR, STENG GI LHA LA MI 'PHEN NO, ,'OG GI KLU LA, BAR GYI BTZAN LA, GZHI BDAG RNAMS LA, RNAL 'BYOR, RNAL 'BYOR DBANG PHYUG GTOR ZOR 'DI, ,SDANG BAR BYED PA'I DGRA LA 'PHEN, ,GNOD PAR BYED PA'I BGEGS LA, PHUNG BAR BYED PA'I SRI LA, RNAL 'BYOR DBANG PHYU
, ,RNAL 'BYOR DBANG PHYUG (ZOR 'PHAN) SGO BA RNAMS KYIS SGO PHYE ZHIG, SGO BA RNAMS KYIS SGO PHYE NA, ,BTZAS SU GZUGS CAN DGRA 'BUL LO, ,'PHRENG BA RNAMS KYIS PHRENG SOL CIG ,'PHRENG BA RNAMS KYIS 'PHRENG BSAL NA, ,BTZAS SU GZUGS MED BGEGS 'BUL LO, ,BHYO: BHYO:DE NI DGRA LA BHYO: BHYO: BHYO: DE NI BGEGS LA BHYO: CHOS CHOS DE NI DMAG LA CHOS, ,DMAG DPUNG BSKYED LA RU MTSON PHYOR, ZHES SPOS PHOR DANG PHYAR DAR SOGS KYIS SNA DRANGS, ROL MO'I SGRA DANG BCAS TE, ZOR PHYIR KHYER LA JI LTAR 'OS PA'I SA PHYOGS SU, H'Um, BLA MA YI DAM DKON MCHOG GSUM, ,RGYUD SDE BZHI YI LHA TSOGS DANG, ,KHYAD PAR BCOM LDAN 'DAS GSHIN RJE GSHED, ,GSER SKYEMS MCHOD BA 'DI BZHES LA, ,BDAG GI GZU DANG DPANG MDZOD CING ,DAM NYAMS 'DI YI SKYABS MA MDZAD, ,GSHIN RJE GSHED KYI BKA' SDOD MCHOG, ,CHOS RGYAL YAB YUM 'KHOR DANG BCAS, ,GZHAN YANG DAM CAN RGYA MTSO'I TSOGS, ,GSER SKYEMS, BDAG GI, DAM NYAMS, DBYU GU DRUG CU RTZA BZHI SOGS, ,LO ZLA ZHAG DUS LHA RNAMS DANG, ,KHYAD PAR YUL PHYOGS 'DIR GNAS PA'I, ,LHA KLU GZHI BDAG 'KHOR DANG BCAS, ,GSER SKYEMS, BDAG GI, DAM NYAMS, GZU DANG DBANG LAS MTHO BA MED,, RNAM PAR DAG PA'I THUGS KYIS GZIGS, ,GSER SKYEMS MCHOD PA RGYA RE CHE, ,'BRU SMAN SNA TSOGS RIN CHE BAS, ,DE RING BDAG GI GROGS MDZOD CIG, CES GSER SKYEMS DANG, H'Um; 'CHI BDAG NAG PO LHO PHYOGS KYI, ,RIM PA BDUN
GYIS 'OG NA, ,SROG LA RNGAMS PA'I GSHIN RJE NI, ,NAG PO MA HE'I GDAN STENG DU, ,YA LAS BYUNG BA'I DBYUG PA NI, ,THOD BAS MTSAN PA LAS BYUNG BA, ,GTING NAS KHROS PA MA HE'I GDONG, ,ZA BYED ZHAL GDANGS MCHE BA GTZIGS, ,KHROS PA'I SPYAN RTZA DMAR PO 'KHRUG, SKRA SER SMAR GYEN DU BRDZES, ,KHAG G-YON ZHAGS PAS DGRA BGEGS 'CHING, ,G-YAS PA DBYUG PAS RDUL DU RLOG, ,CHOS KYI RGYAL PO GSHIN RJE'I TSOGS, ,MA MO CHEN MO TZ'A MUndI, ,RTZE GSUM THOD KHRAG 'DZIN MDZAD PA; ;BRAN DANG BCAS PA'I DUS LA BAB, ,SHA CHEN KHRAG ZHAG CHEN PO YI, ,GTOR MA RGYA MTSO MCHOD PAR BZHES, ,RGYAL BAS BSGOS PA'I DAM TSIG DANG, ,SNYING RJES DGRA BGEGS MYUR DU SGROL, ,SDANG BA'I DGRA DANG GNOD PA'I BGEGS, ,BDUD DANG BAR DU GCOD PA RNAMS, ,ZUNGS SHIG CHINGS SHIG RNAM PAR SDOMS, ,KHU GCIG DRONGS SHIG DBANG DU BSDUS, ,GSOD CIG SKROD CIG RENGS PAR GYIS, ,PHYE ZHIG GNON CIG RMUGS PAR GYIS, ,THUL ZHIG CHOMS SHIG RNAM PAR BSHIG, RDUL PHRAN TZAM YANG MED PAR MDZOD, ,AOm K'A LA R'U PA DGRA BGEGS M'A RA YA H'Um PHAt, AOm TZ'A MUndI H'Um PHAt, H'Um, DGE SDIG SHAN 'BYED DAM NYAMS SROG GI BDUD, ,CHOS KYI RGYAL PO YAB YUM LAS MDZOD CIG, DAM CAN BKA' NYAN YA BA TI LA SOGS, ,SROG GCOD GSHIN RJE'I TSOGS KYIS, DAM CAN BKA' NYAN PHO NYA MO LA SOGS, ,NAD BDAG MA MO'I TSOGS KYIS ,DAM CAN BKA' NYAN RNGAMS SHING 'JIGS PA'I GZUGS, ,PHYOGS SKYONG 'KHOR TSOGS
, ,RGYA MTSOS LAS MDZOD CIG, CES PAS BSKUL NAS DGRA PHYOGS SU GOM PA BZHI BCU'I BAR KHYER TE, BLA MA YI DAM GSHIN RJE'I GSHED PO DANG, ZHES SOGS BZLOG PA'I MTHAR MDUN DU SKAD CIG GIS DGRA BGEGS GSAL BA TSAR BCAD PA'I MOS PA SOGS MAN NGAG LAS 'BYUNG BA BZHIN BYAS TE 'PHEN, DE NAS CUNG ZAD CIG TSUR 'ONGS TE DMIGS PA BRTAN POS, H'Um; STENG YANG RDO RJE'I GUR KHANG LA, ,'OG KYANG RDO RJE'I SA GZHI STE, ,PHYOGS MTSAMS RDO RJE'I RVA BAS BSKOR, ,RDO RJE'I MTSAMS LAS MA 'NGA' ZHIG, AOm BADZRA R'AKshA R'AKshA, STENG YANG 'KHOR LO'I GUR KHANG LA, ,'OG KYANG, PHYOGS MTSAMS, 'KHOR LO'I, AOm TZAKRA R'ARKshA R'AKshA, STENG YANG PADMA'I, 'OG KYANG, PHYOGS MTSAMS, PADMA'I, AOm PADMA R'AKshA R'AKshA, STENG YANG RAL GRI'I, 'OG KYANG, PHYOGS MTSAMS, RAL GRI'I MTSAMS LAS MA 'DA' ZHIG, AOm KHANG+GA R'AKshA R'AKshA, ZHES BSRUNG 'KHOR BSGOM, SGRUB KHANG DU MA SLEB TZAM DU MNGA' GSOL BYA, DE NAS NANG DU 'ONGS LA GTANG RAG GI MCHOD GTOR GONG LTAR BYIN GYIS BRLAB STE, BDAG NYID KYI THUGS KA'I H'Um NAG PO'I 'OD ZER LCAGS KYU'I RNAM PA CAN GYIS ZHES PA NAS, BRTZE BA'I THUGS KYIS GNAS 'DER GSHEGS SU GSOL, ,AOm HR'I:sht'I:WI KRI T'A NA NA H'Um PHAt K'A LA R'U PA YA MA R'A DZ'A SA PA RI W'A RA A'A KARshA YA DZA:RDZA:RDZA: KA MA LA YE STVAm, GSHIN RJE'I RGYAL PO 'KHOR DANG BCAS, ZHES PA NAS, SA MA YA STVAm, CHOS KYI RGYAL PO YAB YUM 'KHOR DANG BCAS PA'I LJAGS H'Um LAS SKYES PA'I ZHES PA NAS, SA PA RI W'A RA AOm A'A:H'Um, DE NAS GZHI BDAG GTOR MA GONG BZHIN BTANG LA, H'Um: 'DI
NAS LHO YI PHYOGS ROL NA, ,DPAG TSAD BRGYAD KHRI'I PHA ROL NA, ,THOD PA LCAGS KYI GRONG KHYER NA, ,YI DVAGS KUN GYI SDE DPON PO, ,MA MO KUN GYI TSOGS RJE BO, ,GSON GSHIN KUN GYI ZAM KHA PA, ,GSON PO BRKO LA 'DEBS PA PO, ,SHI BA KUN GYI GSHIN BU RJE; ;DGE BA CAN GYI STANGS 'DZIN PA, ,SDIG PA CAN GYI CHAD PA MKHAN, ,NYES LEGS CHOS BZHIN GCOD PA PO, ,CHOS RGYAL GSHIN RJE ZHES BYA DANG, ,YUM MCHOG MA MO TZ'A MUndI, ,PHO BRGYAD MO BRGYAD GSHIN RJE'I TSOGS, ,BKA' NYAN 'KHOR TSOGS RGYA MTSO DANG, ,YUL LHA GZHI BDAG GNYAN POR BCAS, ,'DIR GSHEGS RGYAN GYI GTOR MA 'DI BZHES SHIG ,SHA KHRAG DMAR GYI GTOR MA 'DI BZHES SHING, ,'DZAM BU TI BA'I ZHAL ZAS 'DI, SMAN RAG PHUD KYI MCHOD PA, RDZA GAD DPA' BO'I SMAN PHUD, GTZANG MA PHUD KYI GSER SKYEMS, SNGAR BCOL LEGS PA'I GTANG RAG GNYAN POR GTONG, ,DA 'CHOL LEGS PA'I GSOL 'DEBS GNYAN POR BZHES, ,'KHOR RNAMS SKYONG ZHING RKYEN RNAMS BZLOG PA DANG, ,SDANG BA'I DGRA DANG GNOD PA'I BGEGS LA SOGS, ,BDUD DANG BAR DU GCOD PA RNAM MANG PO, ,THAMS CAD RDUL PHRAN BZHIN DU BRLAG PA DANG, ,BSTAN PA RGYAS PA'I LAS 'DI KHYOD KYIS BSGRUBS, ,SRID ZHI'I DPAL 'BYOR MA LUS 'BYUNG BA'I GZHI,, THUB PA'I BSTAN PA YUN RING GNAS PA DANG, ,DE 'DZIN BYED PA'I SKYES BU DAM PA RNAMS, ,DPAL 'BYOR GYIS SKYONGS YUN RING ZHABS BRTAN MDZOD, ,H'Um, 'JAM DBYANGS BKA' SDOD STOBS CHEN GSHIN RJE'I GTZO, ,KHYOD NI DRIN CAN RTZA BRGYUD
, ,BLA MA DANG, ,RAB 'BYAMS RGYUD SDE BZHI DANG YONGS 'BREL BA'I, ,YI DAM LHA TSOGS NGO BOR MNGA' GSOL LO, ,DRAN PA TZAM GYIS MCHOG DANG THUN MONG GI, ,'DOD DGU'I CHAR 'BEBS SANGS RGYAS CHOS TSOGS DANG, ,GNAS GSUM DPA' BO MKHA' 'GRO CHOS SKYONG BA'I, ,BSTAN BSRUNG KUN GYI GTZO BOR MNGA' GSOL LO, ,SRID GSUM SKYE 'GRO'I SROG LA DBANG BSGYUR ZHING, ,DGE SDIG SHAN 'BYED BSTAN DGRA KUN GYI GSHED, ,BSTAN 'DZIN BU BZHIN SKYONG BA'I DAM TSIG CAN, ,RNAL 'BYOR DGRA LHA CHEN POR, KHYAD PAR RGYAL BA GNYIS PA RTZONG KHA PA'I, ,BSTAN DANG BSTAN 'DZIN YON MCHOD MA LUS PA, ,BU LTAR BRTZE BAS BSRUNG ZHING SKYONG MDZAD PA'I, ,BSTAN SROG DPA' BO CHEN POR, ,MDOR NA RNAL 'BYOR MI NOR DGON GNAS BCAS, ,LHA CHEN CHOS KYI RGYAL PO 'KHOR BCAS LA, ,BCOL LO BLTOS SO RTAG TU GNYER MDZOD LA, ,'GAL RKYEN KUN SEL MTHUN RKYEN MA LUS SGRUBS, ,RJE BTZUN BLA MA SKU TSE RAB BRTAN CING, ,RNAM DKAR 'PHRIN LAS PHYOGS BCUR RGYAS PA DANG,, BLO BZANG BSTAN PA'I SGRON ME SA GSUM GYI, ,'GRO BA'I MUN SEL RTAG TU GNAS GYUR CIG, ,CES MNGA' GSOL DANG, GSHIN RJE GSHED KYI YI GE BRGYA BAS LHAG CHAD KHA BSKANG, BSNGO BA SMON LAM JI LTAR RIGS PA BYAS MTHAR RTEN YOD NA BRTAN BZHUGS DANG MED NA GSHEGS GSOL BYAS MTHAR, BKRA SHIS RGYAS BSDUS CI RIGS PA BYA ZHING, ZHI RGYAS DBANG GSUM LA DRUG CU PA BSNGO BA'I DUS SU 'PHRIN BCOL BYA LUGS SO SO'I DBYE BA SHES PAR BYA ZHING, GZHI BDAG GTOR MA BTANG ZIN MA THAG ROL MO'I SGRA DANG BCAS TE PHUL BAS SKABS SU GANG BABS KYI 'PHRIN LAS
MDZAD PAR SGOM TSUL SOGS RGYAS PAR, 7RIGS KUN KHYAB BDAG DUS GSUM SANGS RGYAS THAMS CAD KYI NGO BO SRID ZHI YONGS KYI GTZUG RGYAN BKA' DRIN MTSUNGS MED MTSAN BRJOD PAR DKA' BA 7RGYAL MCHOG RJE BTZUN BLO BZANG BSKAL BZANG RGYA MTSO'I ZHABS KYIS MDZAD PA'I GTOR CHEN DRUG CU PA'I RNAM GZHAG SOGS LAS SHES PAR BYA LA, 'DIR DRAG BSKUL CHEN MO BSKANG GI MJUG TU BYA BA DANG DRUG CU BA'I BSKYED CHOG ZUR DU BYED PA, BZHI 'BUL GYI GONG DU GTOR MA 'BUL BA, 'BUL TSAN SO SO'I BYIN RLABS MJUG CHOG GTANG RAG RGYAS PA BYA BA SOGS NI, 7KHYAB BDAG RDO RJE 'CHANG CHEN PO PAn CHEN CHOS KYI RGYAL MTSAN GYI PHYAG SROL 7DPAL GSANG SNGAGS RGYUD PA GRVA TSANG GI PHYAG BZHES BZHIN BKOD PA YIN LA, YANG NA DRUG CU PA'I LHA BSKYED THOG MA NYID DANG, BZHI 'BUL GYI BYIN RLABS BSDUS PA, GTOR 'BUL MJUG TU BYA BA; GTANG RAG GI MNGA' GSOL SKABS MCHOD GTOR GSHOM PA, YE SHES MGON PO'I MNGA' GSOL BYA BA, NANG DU 'ONGS NAS LHA TSOGS RNAMS NYER SPYOD KHO NAS MNYES PAR BYAS MTHAR MJUG CHOG RNAMS BYA BA SOGS 7DPAL LDAN SMAD RGYUD GRVA TSANG GI PHYAG BZHES LTAR BYAS KYANG LEGS SO, ,DRAN PA TZAM GYIS NAG PO'I RTZA LAG KUN, ,'JOMS MDZAD LHA CHEN CHOS KYI RGYAL PO YI, ,'PHRIN LAS DRAG PO'I RIM PA 'DIR BSKRUN GYIS, ,BDUD SDE'I TSOGS RNAMS BAG YOD BSTEN PAR RIGS, ,DGE 'DIS 7'JAM MGON BLA MA'I RING LUGS CHE, ,PHYOGS BCUR RGYAS SHING MKHA' MNYAM 'GRO BA KUN, ,BDE SKYID RDZOGS LDAN DPAL LA SPYOD PA DANG, ,RNAL 'BYOR BSAM DON LHUN GYIS 'GRUB PAR MDZOD, ,BYANG PHYOGS YUL GNAS ZHVA SER RING LUGS MCHOG ,SBYI BOS
, ,NYER MCHOD SA SKYONG MA LUS PA'I, ,SRID DANG DPAL 'BYOR LEGS TSOGS DAM CHOS RNAMS, ,NAM YANG MI NUB 'PHEL BA NYID GYUR CIG ,CES BSTAN BSRUNG YONGS KYI RJE BO LHA CHEN CHOS KYI RGYAL BO NANG SGRUB LA BRTEN PA'I GTOR CHEN BDUD DBUNG RAB 'JOMS ZHES BYA BA 'DI NI, BSTAN PA'I SBYIN BDAG CHEN PO RIGS RUS CHO 'BRANG BSOD NAMS SOGS YON TAN DU MAS MNGON PAR MTHO BA SA SKYONG MTSO SNGON JA SAG SGROL MA SKYABS NYID NAS BSKUL MA MDZAD PA LTAR 7'JAM DPAL GSHIN RJE GSHED KYI RNAL 'BYOR BA SH'AKYA'I DGE SLONG BLO BZANG DPAL LDAN YE SHES KYIS BLA MA DAM PA'I MAN NGAG BZHIN SBYAR BA'O, ,SVA STI; PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER; ;CHOS SBYIN 'DZAD MED DAL 'GRO'I RGYUN 'DI SPEL, ,SARBA MANG+GA LAm,, ,,
[BLANK PAGE]