*, ,DPAL 'KHOR LO SDOM PA RNAL 'BYOR GYI DBANG PHYUG DRIL BU PA'I BZHED SROL GYI RIM LNGA'I DMAR KHRID ZUNG 'JUG THEM SKAS ZHES BYA BA BZHUGS SO,, ,, @1 #, ,NA MO BADZRA HE RU K'A YA, RGYAL BA KUN GYI BDAG PO RDO RJE 'CHANG, ,PHYI NANG NYER BZHI'I GNAS SU ROL GAR RGYAS, ,RNAM MANG SKU DANG CHA LUGS RJES CHAGS BRTZES, ,ROL MDZAD BLO BZANG HE RU KA LA 'DUD, ,DE NYID THUGS LA BDE CHEN BYE BA'I NYAMS, ,STON MDZAD YUM GCIG RDO RJE RNAL 'BYOR MA, ,DPA' BO DBA' MO'I TSOGS DANG BCAS PA LA, ,LUS NGAG YID GSUM GUS PAS PHYAG 'TSAL LO, ,GANG GI RNAL 'BYOR RIM PA JI LTA BAR, ,NYAMS SU BLANGS PAS TSE 'DIR RDO RJE 'CHANG, ,MNGON DU BYED NUS RIM PA LNGA'I MAN NGAG, SKAL LDAN THAR 'DOD RNAMS KYI DON DU SPEL, ,SHIN TU ZAB CING RTOGS DKA' RDO RJE'I TSIG ,MKHA' 'GRO'I CITTA'I KHU BA LTA BU 'DI, ,SPEL LA NYER BZHI'I DPA' BO MKHA' 'GRO YIS, ,GNANG BA LEGS
, ,STZOL DNGOS GRUB CHAR CHEN PHOB, ,DE YANG RNAL 'BYOR GYI DBANG PHYUG CHEN PO SLOB DPON RDO RJE DRIL BU BA NYID KYIS AO dI BI SHA'I GNAS SU LO BCU GNYIS SU LAM GYI RIM PA 'DI NYID PHYI NANG GI SROG RTZOL GNYIS LA BRTEN NAS BSGOMS PAS DPAL HE RU KA'I GO 'PHANG MNGON DU GYUR NAS, RANG NYID KYIS GANG LAS GSHEGS PA'I LAM BZANG DE NYID SKAL BA MCHOG DANG LDAN PA'I GDUL BYA RNAMS LA 'DOMS PA'I PHYIR RIM PA LNGA'I MAN NGAG 'DI MDZAD CING, DE'I DON STON PAR BYED PA'I RGYA BOD KYI GZHUNG ZAB CING RGYA CHE BA MANG MONG KYI, CHES MCHOG TU GYUR PA NI KHAMS GSUM CHOS KYI RGYAL PO RGYAL BA GNYIS PA TZONG KHA BA CHEN PO'I GSUNG LAS 'BYUNG BA'I MAN NGAG GI BDUD RTZI ZAB MO RNAMS YIN LA, DE NYID LA SNYAN BRGYUD KYI ZAB GNAD DU MAS BRGYAN PA'I BSHAD SROL MI 'DRA BA MTHA' YAS PA DANG, DE DAG LA 'KHRID PA'I TSUL MTHA' YAS PA RNAMS KYI NANG NAS BDAG GIS JI LTAR THOB PA'I RIM PA DBEN SA SNYAN BRGYUD KYI MAN NGAG LAS 'BYUNG BA BZHIN NYAMS
SU LEN PA'I RIM PA RNAMS SNYING POR DRIL NAS 'DIR BSHAD PAR BYA STE, DE LA NYAMS SU LEN PA PO'I GANG ZAG LAM MTHUN MONG BAS RGYUD LEGS PAR SBYANGS TE, DON DAM PA'I BYANG CHUB KYI SEMS DANG, KUN RDZOB PA'I BYANG CHUB KYI SEMS GNYIS SGOM PA'I MAN NGAG LA MKHAS SHING NANG BYANG CHUB PA DANG, LUGS 'DI'I PHYI NANG GI DKYIL 'KHOR DU DBANG RNAM PAR DAG PA THOB CING, DBANG NGUS SU KHAS BLANGS PA'I DAM TSIG DANG SNGOM BA MIG GI 'BRAS BU LTAR BSRUNG BA GZHIR BZUNG, DBANG BSKUR BA DANG MAN NGAG NOS PA'I BLA MA SKYABS GSUM KUN 'DUS KYI BDAG NYID CAN DU BLTA BA MAN NGAG GI MTHIL DU BYAS, RIM PA DANG PO'I MAN NGAG LAS 'BYUNG BA BZHIN, SKYE 'CHI BAR DO GSUM SBYANGS PA'I GZHI DANG CHOS LONGS SPRUL GSUM GYI LAM KHYER GSUM SPYONG BYED DU SHES PA'I SBYANG GZHI SBYONG BYED 'PHROD PA DANG, THA MAL GYI SNANG ZHEN DAG PAR BYED CING RDZOGS RIM ZAB MO'I SMIN BYED DU 'GYUR BA DANG, BZLAS PA KHA SKONG DANG BCAS PAS LHA MNYES PAR BYED PA'I TSUL RNAMS LEGS PAR CHA TSANG BA'I BSKYED PA'I RIM PA BSGOMS NAS RGYUD SMIN PAR BYAS PA NGAG GIS, SDIG PA CAN GYI SKYE BOS DBEN CING, BSAM GTAN DANG RJES SU MTHUN PA'I GNAS SU STAN BDE BA LA 'DUG NAS JI LTAR NYAMS SU LEN PA'I TSUL LA 'GAL RKYEN SDIG SGRIB SBYONG BA RDO RJE SEMS DPA'I SGOM BZLAS DANG, MTHUN RKYEN TSOGS GSOG PA'I BLA MA'I RNAL 'BYOR SGOM PA RNAMS RGYAS PAR MA SPROS TE, 'ON KYANG 'DI GNYIS KA'I GNAD LA MTHAR BLA MA LHA RNAMS RANG LA BSTIM
, ,PA'I DUS SU SNYING DBUS SU SHIN TU PHRA BA'I RLUNG SEMS DANG NGO BO DBYER MED DU GYUR PAR MOS PA DANG, BLA MA'I RNAL 'BYOR GYI DUS SU SPYI BOR BLA MA BSGOM PA'I DUS NAS BZUNG BLA MA RANG LA BSTIM ZIN PA'I RJES SOGS DUS KUN TU SNYING KHONGS RUS PA'I GTING NAS BLA MA DE NYID SKYABS GSUM KUN 'DUS KYI NGO BO BCOM LDAN 'DAS DPAL HE RU KAR DNGOS SU MOS TE GSOL BA 'DEBS PA LAN NA TAN DU BYA ZHING, RANG GI LUS NGAG YID GSUM DANG KHAMS GSUM GYI SNOD PA CUNG THAMS CAD BLA MA'I SNANG BAR 'CHAR BA LA SLOB PA NI SNYAN BRGYUD 'DI'I MAN NGAG GI GNAD DAM PA YIN NO, ,KHYAD PAR DU YANG BLA MA'I SKU GSUNG THUGS KYI MDZAD PA RANG LA CI SNANG BA THAMS CAD BDE STONG ZUNG 'JUG DANG BDE BA CHEN PO'I RNAM ROL DU BLTA BAR BYED DGOD PA YIN NO, ,DNGOS GZHI LA LNGA, BDAG BYIN RLABS KYI RIM PA, SNA TSOGS RDO RJE'I RIM PA, NOR BU 'GENGS PA'I RIM PA, DZA' LAN DHA RA'I RIM PA, BSAM MI KHYAB KYI RIM PA'O, ,DANG PO LA GNYIS, SA BON DANG BCAS PA DANG, DE DANG MA BCAS PA'I RIM PA'O, ,DANG PO NI, THO RANGS DANG PHYI DRO ME'I DUS SOGS SU STAN BDE BA LA LUS RNAM SNANG GI CHOS BDUN LDAN GYIS 'DUG STE BDAG BSKYED BZLAS PA DANG BCAS PA RGYAS BSDUS SKABS SBYAR SNGON DU BTANG, NYER BSDU BYAS NAS RANG NYID HE RU KA ZHAL GCIG PHYAG GNYIS PA'AM, ZHAL PHYAG YONGS RDZOGS GANG RIGS KYI SKUR BZHENGS PA'I LUS KYI NANG SEN MO'I RTZE'I BAR DU STONG SANG DU BSGOMS PA'I STONG RA 'DI RDZOGS RIM ZAB
MO'I TING NGE 'DZIN SKYE BA LA SHIN TU GNAD CHE ZHES, SRID ZHI'I GTZUG RGYAN RGYAL MCHOG RDO RJE 'CHANG DE NYID KYI ZHAL LUNG ZAB MO LAS THOS SHING GNAD SHIN TU CHE, DE LTAR BSGOM PA'I LUS KYI DBUS DRANG POR SGAL TSIGS LA CUNG ZAD NYE BAR RTZA DBU MA SBOM PHRA GRO GSOG TZAM DMAR ZHING SNUM PA DVANGS SHING GSAL BA, DRANG ZHING 'DRONG BA, 'JAM ZHING MNYEN PA STE KHYAD CHOS BZHI LDAN NAM; YANG NA KHA DOG SNGON PO YAR SNE SPYI BO NAS SEG KHAR SMIN MTSAMS SU GZUGS CING, MAR SNE NOR BU'I RTZE DANG KHAD CHAD DU YOD PA, G-YAS PHYOGS SU RO MA DMAR PO DANG G-YON PHYOGS SU RKYANG MA DKAR PO GNYIS ZHAR BA'I RNAM PA CAN DU GSAL BTAB, DE NAS SNA BUG G-YAS PA NAS RLUNG DAL ZHING 'JAM PAR BRDUBS PAS RTZA RO MA SDE TSAN DANG BCAS PA RLUNG GIS 'KHRIG GER GANG, LTE 'OG SOR BZHI'I MTSAMS SU RI MO'I MAS SNE RKYANG MA'I NANG DU PHU DUNG DKAR PO'I NANG DU PHU DUNG DMAR PO TSUD PA BZHIN GNAS PA'I NANG NAS KHYUR GYIS ZHUGS, ,RKYANG MA RTZA PHRAN DANG BCAS PA'I NANG GANG, SNA BUG G-YON NAS RLUNG RNAMS RLUNG RO MA LUS PAR SANGS KYIS BUS PAS RTZA RKYANG MA SDE TSAN DANG BCAS PA'I NANG GI NAD GDON SOGS LJAN LJIN DANG MI GTZANG BA THAMS CAD PHYIR THON, RTZA CHAD PA RNAMS MTHUNG BZAR BA BSGANG, NYAMS PA RNAMS GSOS TE SNUM SANG NGER GYUR PAR MOS, YANG G-YON NAS BRDUB STE G-YAS LA 'BUD PA'I DUS SU RKYANG MA'I NANG NAS RO MAR RLUNG ZHUGS TE RO MA SDE TSAN DANG BCAS PA SBYANGS BA DANG RO RKYANG GI MAR SNE GNYIS
, ,LTE 'OG GI TSIGS MTSAMS NAS DBU MA'I NANG DU CHUNG BA YI GE CHA'I RNAM PA CAN DU MOS NAS SNA BUG GNYIS KA NAS RLUNG BRDUB STE GNYIS KA NAS BUS PAS RO RKYANG GNYIS KA NAS RLUNG DBU MA'I NANG DU ZHUGS, DBU MA'I STENG SGO NAS PHYIR THON BAS DBU MA LE LAG DANG BCAS PA'I SKYON RNAMS BSAL BAR BSGOM, DE BZHIN DU G-YON NAS BRDUBS TE G-YAS LA 'BUD PA DANG G-YAS NAS BRDUBS TE G-YON LA 'BUD PA DANG, GNYIS KA NAS BRDUBS TE GNYIS KA NAS 'BUD PA DANG, YANG G-YAS NAS BRDUBS TE G-YON DANG G-YON NAS BRDUBS TE G-YAS DANG, GNYIS KA NAS BRDUBS TE GNYIS KA LA 'BUD PA STE RLUNG RO DGU PHRUGS SU BSAL, 'DI LA GNAD DU MA YOD PA ZHAL LAS ZHES, DE NAS SPYO BO BDE CHEN GYI 'KHOR LO RTZA 'DAB SO GNYIS, MGRIN PA LONGS SPYOD KYI 'KHOR LO RTZA 'DAB BCU DRUG, SNYING KHA CHOS KYI 'KHOR LO RTZA 'DAB BRGYAD, LTE BA SPRUL BA'I 'KHOR LO RTZA 'DAB DRUG CU RE BZHI, GSANG GNAS BDE SKYONG GI 'KHOR LO RTZA 'DAB SO GNYIS, NOR BU'I DBUS SU RTZA 'DAB BRGYAD RNAMS GSAL BTAB, SNYING DBUS KYI MI SHIGS PA'I THIG LE ZHES PA PHA LAS THOB PA'I KHAMS DKAR PO DANG MA LAS THOB PA'I KHAMS DMAR PO'I DVANG MA GNYIS KHA SBYOR NANG DU RLUNG SEMS NGO BO DBYER MED DU GNAS PA DE GNYUG LUS SEMS DANG BCAS PA YIN PAS, DE NYID SGRUB GZHIR BYAS TE DBEN PA GSUM GYI TING NGES 'DZIN BSKYED PA NI BDAG GI
GDAGS GZHI'I RTZA BA MTHAR THUG PA DANG BCAS PA HE RU KA'I SKU GSUNG THUGS SU BSKYED PA'I PHYIR BYIN GYIS BRLAB PAS BDAG BYIN RLABS KYI RIM PA ZHES BYA BAS DE LTAR BU'I MI SHIGS PA'I THIG LE 'OD ZER 'PHRO BA LA BDAG NYID KYI SEMS ZHUGS PA BZHIN DU BYAS TE, THIG LE DE NYID KYIS SNYING KHA'I RTZA 'DAB KYI PHYI NANG THAMS CAD 'OD GSAL BAR BYAS YAR SONG, MGRIN PA DANG SPYI BO RNAMS KYANG DE BZHIN DU GSAL BAR BYAS, SMIN MTSAMS NAS THIG LE PHYIR THON RANG GI LUS HE RU KAR GSAL BA 'DA LEGS PAR MTHONG, SLAR YANG SMIN MTSAMS NAS ZHUGS, SPYI BO MGRIN PA SNYING KHA LTE BA GSANG GNAS RNAMS RIM GYIS GSAL BAR BYAS, SLAR LOG NAS SNYING DBUS SU 'ONG BAR BSGOM STE 'DI LA NI RTZA LAM SBYANG BA ZHES BYA'O, ,DE NAS THIG LE DE NYID RGYA SPRAN 'BRING PO'I TSAD TZAM PHYED KYI STENG DKAR BA DANG 'OG DMAR BA KHA SBYAR GYI NANG DU RLUNG SEMS NGO BO DBYER MED PA DE NYID SIN DHU RAS BYUNGS PA'I MU TIG LTA BU'I H'Um YIG DKAR LA DMAR PA'I MDANGS CHAGS PA DVANGS SHING GSAL BA'I N'A DA GSUM KYOG STONG DMAR ZHING SMAD CUNG ZAD DKAR BA SKRA'I RTZE MO BRGYA STONG GI CHA TZAM SBUS BRIS PA LTA BU LA SEMS ZHUGS PA BZHIN DU BYAS TE RTZE GCIG TU BSGOM, DE YANG LUS SEMS GNYIS KA DE LA ZHUGS PA BZHIN DU BYAS TE MNYAM PAR 'JOG BA NI GNAD KYI DON PO'O, ,DE LTAR NYAMS SU BLANGS PAS RLUNG DBU MAR ZHUGS GNAS THIM GSUM 'BYUNG, ZHUGS PA'I RTAGS SNA BUG GNYIS KYI RLUNG RGYU BA MNYAM DU 'BYUNG, GNAS PA'I RTAGS RAGS PAR
, ,SNA BUG GI RGYU BA CHAD, ZHIB PAR LTO BA MI 'GUL, THIM PA'I RTAGS SU SA CHU LA THIM PA NA SMIG RGYU LTA BU'I SNANG BA, CHU ME LA THIM PA NA DU BLTA BU'I SNANG BA, ME RLUNG LA THIM PA NA MKHA' SNANG ME KHYER LTA BU'I SNANG BA, RLUNG SNANG BA LA THIM PAR RTZOM PA NA MAR ME LTAR 'BAR BA LTA BU'I SNANG BA, RLUNG SNANG BA LA THIM PA NA SNANG BA RANG DUS SU STON GYI NAM MKHA' G-YA' DAG PA LA ZLA 'OD KYIS KHYAB PA LTA BU'I SNANG BA DKAR LAM PA, SNANG BA MCHED PA LA THIM PA NA STON GYI NAM MKHA' G-YA' DAG PA LA NYI 'OD KYIS KHYAB PA LTA BU'I MCHED PA DMAR LAM PA, MCHED PA NYER THOB LA THIM PA NA STON GYI NAM MKHA' G-YA' DAG PA LA SROD KYI SMAG MTHUG POS KHYAB PA LTA BU'I NYER THOB NAG LAM PA 'CHAR, NYER THOB 'DI'I STOD LA DRAN PA DANG SMAD LA DRAN MED 'BYUNG ZHING, DRAN MED JI TZAM RGYUN RING BA DE BZHIN DU 'OD GSAL MTHUG CING RGYA CHE BAR GSUNGS, NYER THOB DE 'OD GSAL DU THIM PA NA SNANG NGOR ZLA NYI SMAG GSUM GYI SKYON DANG BRAL BA'I STON DUS KYI THO RANGS KYI NAM MKHA'I RANG MDOG JI LTA BA'I 'OD GSAL RANG DUS KYI SNANG BA 'CHAR LA, TSUL 'DI LTA BUS RLUNG DBU MAR ZHUGS GNAS THIM GSUM BYUNG BA'I TSE SKABS 'DIR RANG STOBS KYIS GTUM MO 'BAR TE SPYI BO'I HAm YIG BYANG CHUB KYI SEMS ZHU BA SPYI BO NAS MGRIN PAR SLEBS PA NA DGA' BA, MGRIN PA NAS SNYING KHAR SLEBS PA NA MCHOG DGA', SNYING KHA NAS LTE BAR SLEBS PA NA KHYAD DGA', LTE BA NAS NOR BU'I RTZER SLEBS PA NA LHAN SKYES KYI DGA' BA SKYE ZHING, BDE BA DES STONG PA
NYID NGES PA'I BDE STONG GNYIS SU MED PA'I YE SHES DANG NAM MKHA'I RANG MDOG LTA BU'I SNANG BA GNYIS SNANG STONG GNYIS TSOGS SU MNYAM PAR 'JOG PAR BYA'O, ,RTAGS MNGON DU MA GYUR PA'I LAS DANG PO PA MOS PA YID BYED TSUN CHAD KYIS NYAMS SU LEN PA RNAMS KYIS SKABS 'DIR SNYING KHA'I DMIGS RTEN LAS GTUM MO SBAR TE BYANG SEMS ZHU BA SPYI BO NAS NOR BU'I RTZE'I BAR DU DGA' BZHI RIM BZHIN SKYES PA'I MOS PA DANG BDE STONG SBYAR BA RNAMS SNGAR BZHIN BYA'O, ,'OD GSAL DE LAS LDANG BA NA LUGS LDOG GI NYER THOB GRUB PA DANG DUS MNYAM DU CHU LAS NYA LDANG BA LTAR CHOS GZHAN GYIS BAR MA CHOD PAR YID NGOR BCOM LDAN 'DAS DPAL HE RU KA'I DKYIL 'KHOR RTEN DANG BRTEN PAR DNGOS SU BZHENGS PAR MOS NAS LUS KHYAD PAR CAN GYIS ZHING KHAMS BLTA BA DANG, DE BZHIN GSHEGS PA LAS CHOS NYAN PA DANG SEMS CAN GYI DON BYED PA SOGS KYI RTZAL SBYONG, SLAR YANG PHUNG PO RNYING PA DAM TSIG SEMS DPAR GSAL BA LA YE SHES SEMS DPA'I TSUL DU ZHUGS PAS SNA BUG GNYIS NAS RLUNG RGYU, YUL SNANG 'CHAR, GANG SNANG STONG PA, STONG PA BDE PA, BDE BA NI DPAL HE RU KAR 'CHAR BA LA BSLAB PAR BYA ZHING, GONG DU BSHANG PA'I 'ONG GSAL LA MNYAM PAR BZHAG PA NI SAD DUS KYI 'CHI BA CHOS SKU DANG BSRE PA DANG, 'OD GSAL LAS LHAR LDANG BA NI BAR DO LONGS SKU DANG BSRE BA DANG, DE LAS PHUNG PO RNYING PA LA 'JUG PA NI SAD PA SPRUL SKU DANG BSRE BA ZHES BYA'O, ,RNAL 'BYOR PA GNYID DU 'GRO BA'I TSE SNYING DKHA'I DMIGS RTEN LA RTZE GCIG TU DMIGS NAS BSGOM, RLUNG
, ,DBU MAR ZHUGS GNAS THIM GSUM SOGS SNGAR BZHIN BYAS TE, GNYID KYI 'OD GSAL CHOS SKU DANG BSRE BA, 'OD GSAL LAS LDANG BA'I TSE RMI LAM GYI LUS KHYAD PAR CAN LONGS SKU DANG BSRE BA, GNYID SAD PAN PHUNG PO RNYING PA DAM TSIG SEMS DPA' LA YE SHES SEMS DPA'I TSUL DU ZHUGS TE, SAD PA SPRUL SKU DANG BSRE BA RNAMS LA BSLAB, 'DIR RMI LAM GYI LUS KHYAD PAR CAN DU LDAN TSUL DANG, DES KYANG ZHUGS GNAS THIM GSUM GYI MAN NGAG LA SLOB TSUL SOGS DANG, YANG THIM RIM 'DI RNAMS KYI RTAGS 'CHAR TSUL MI 'DRA BA DU MA LA SOGS PA DANG, YID NGOR HE RU KAR BZHENGS RGYU'I LUS KHYAD PAR CAN GYI GNAD SOGS SHIN TU ZAB PA MANG PO NI 'PHAGS PA'I YUL GYI GRUB PA'I SLOB DPON CHEN PO DRIL BU PA'I ZHABS DANG KLU SGRUB YAB SRAS RJE BTZUN N'A RO PA SOGS KYIS RGYUD SDE RIN PO CHE'I BCUD PHYUNG BA'I NYING KHU BLO BZANG RGYAL BA GNYIS PA'I ZHAL LUNG ZAB MO'I SNYAN BRGYUD 'DZIN PA RNAMS KYI ZHAL GYI BDUD RTZI LAS SHES PAR BYA'O, ,RNAL 'BYOR PA LAM GONG MA'I RTOGS PA MNGON DU MA GYUR PAR 'CHI BA'I DUS LA SLEB NA 'CHI KHANG SNYING KHA'I DMIGS RTEN LA DMIGS NAS SNGAR BZHIN BSGOMS TE RLUNG DBU MAR ZHUGS GNAS THIM GSUM BYAS NAS 'CHI BA'I 'OD GSAL CHOS SKU DANG BSRE, BAR DOR DPAL HE RU KAR YID DOR LDANG STE SNGAR BSHAD PA'I RTZAL SBYANGS PA RNAMS MNGON DU BYAS NAS LONGS SKU DANG DANG BSRE, SKYE BA LEN PA'I TSE PHA MA GNYIS DAM TSIG SEMS DPAR
GSAL BA LA YE SHES SEMS DPA'I TSUL DU ZHUGS NAS SKYE BA SBRUL SKUR BSRES TE LAM LHAG MA RNAMS RDZOGS BAR BYED PA YIN NO, ,SNYING KHA'I DMIGS RTEN DE LA BRTAN PA THOB NAS RDOR BZLAS JI LTAR BYA BA NI DMIGS RTEN GYI N'A DA LAS 'OD ZER LNGA BA'I H'Um YIG GI GDANGS KYIS MGRIN PA'I BAR DU SONG, AOm GYI GDANGS KYIS SLAR LOG ,A'A: 'I GDANGS KYIS DMIGS RTEN LA THIM PAR BSAM PA LAN GSUM DANG, DE NAS SPYI BO'I RTZA 'KHOR GYI BAR DU SONG ZHING LDOG BA LAN GSUM, DE NAS RLUNG SNA SGO THON TE PHYIR 'PHRO BA H'Um GI GDANGS, NANG DU 'JUG PA AOm GYI GDANGS, DMIGS RTEN LA THIM PA A'A: 'I GDANGS SU SHAR BA'I RDO RJE'I BZLAS PA LA BSLAB, DE YANG RLUNG GI RANG GDANGS RDO RJE GSUM GYI GDANGS SU SHAR BA LA SLOB KYI RLUNG SNGAGS THA DAD DU SHAR BA NI MA YIN NO, ,DE LTA BU'I RDOR BZLAS LA'ANG BSRE BSKOR GSUM DU SHES PAR BYA'O, ,GNYIS PA SA BON MED PA'I BDAG BYIN RLABS KYI RIM PA NI RTZA LAM SBYAD BA YAN CHAD KYI SNGON 'GRO RNAMS SNGAR BZHIN LA SNYING BZHIN LA SNYING KHA'I THIG LE GA'U KHA SBYOR GYI DBUS SU SHIN TU PHRA BA'I N'A DA GSUM KYOG RTZE DMAR ZHING RTZA BA DKAR PA'I RTZE MO REG BYA TSA BA'I RANG BZHIN CAN LA DMIGS NAS RLUNG RDOR BZLAS DANG, BSRE BA SKOR GSUM LA SOGS PA SNGAR BZHIN BYA BA YIN NO, ,GNYIS PA SNA TSOGS RDO RJE'I RIM PA LA'ANG SA BON DANG BCAS PA DANG MA BCAS PA GNYIS LAS, DANG PO NI LUS GNAD DUS GNANG SOGS SNGON 'GRO RNAMS SNGAR BZHIN LA, RANG HE RU KA YAB YUM ZUNG GCIG GI NGA RGYAL LA GNAS SHING, KHYAD PAR RDO RJE PHAG MOS YAB KYI BRAL GNYIS KYI
, ,STENG NAS 'KHRIL BA'I RNAM PA SHIN TU GSAL BAR BSGOM LA RTAGS KYI RDO RJE PHYI RTAGS KYI RNAM PA LA NANG RDO RJE SNGON PO RTZE LNGA PA'I RNAM PA CAN GYI DBUS RVA DBU MA GRO GSOG 'BRING PO'I SBOM PHRA TZAM GYI RTZE MO RDO RJE'I BU GA LAS CUNG ZAD PHYIR THON PA, YUM GYI CHU SKYES PHYI RTAGS KYI RNAM PA LA NANG PADMA 'DAB MA GSUM PA ZE'U 'BRU DANG BCAS PA'I DBUS SU RANG GI DH'U T'I'I MAR SNA TSUD NAS YAB YUM GNYIS KYI RTZA KA KHA MU KHA GNYIS 'PHRAD PA'I SNE MOR RDO RJE DMAR SKYA RTZE GCIG PA BSGRENGS STABS SU GNAS PA'I RTZE MOR H'Um YIG DKAR LA DMAR BA'I MDANGS CAN N'A DA DANG BCAS PA GSAL BTAB, RANG GI SNYING KHA'I THIG LE DE NYID HRIL LI LI SONG H'Um YIG GI N'A DA'I NANG DU ZHUGS TE RANG GI LUS NGAG YID GSUM N'A DA'I NANG DU ZHUGS PA ZHIG BYAS NAS MNYAM PAR 'JOG DE LA REG MTHONG GI MTSAN MA MTHONG BA NA THIG LE RDO RJE DANG BCAS PA 'OD DU ZHU NAS YAR DH'U T'I'I NANG BRGYUD SNYING KHA'I NANG DU GNAS PAR BSGOM, SA BON MED PA'I SNA TSOGS RDO RJE'I RIM PA NI SNGON 'GRO DANG SGOM TSUL SOGS GZHAN RNAMS SNGAR LTAR LA DH'U T'I'I YAR SNA SMIN MTSAMS SU BU GA HA RER YOD PA'I NANG DU RDO RJE RTZE GCIG PA DMAR SKYA GYEN BSGRENGS SU GNAS PA ZHIG BSGOM LA, DE NAS SNYING KHA'I THIG LE DE NYID YAR DH'U T'I'I NANG NAS HRIL LI LI SONG, RDO RJE DE NYID KYI RTZE MOR ZHUGS PAS RDO RJE'I STOD KYI NANG DU THIG LE'I DMAR CHA NYI MA'I DKYIL 'KHOR 'OD ZER 'PHRO BA DANG, DE'I STENG DU THIG LE'I DKAR CHA ZLA DKYIL BSIL ZHING NYA GANG BA'I DBUS SU MI BSKYOD PA'I NGO BO
THIG LE SNGON PO RTOG GI TSUL CAN, MDUN DU RNAM SNANG GI NGO BO THIG LE DKAR PO, G-YAS SU RIN 'BYUNG GI NGO BO SER PO, RGYAB TU 'OD DPAG MED KYI NGO BO DMAR PO, G-YON DU DON GRUB KYI NGO BO LJANG KHU RNAMS GSAL BTAB NAS RTZE GCIG TU MNYAM PAR 'JOG CING, REG MTHONG GI MTSAN MA MTHONG BO NA THIG LE RNAMS 'OD DU ZHU, ZLA NYI RDO RJE DANG BCAS PA LA THIM, DE NYID THIG LE'I RNAM PAR GYUR NAS SNYING KHAR PHAB STE MNYAM PAR 'JOG, DE LA BRTEN NAS RLUNG DBU MAR ZHUGS GNAS THIM GSUM DANG BSRE BA SOGS SNGAR BZHIN NO, ,MIG DANG SNA SGO SOGS SU RDO RJE SGOM PA LAS DE RNAMS KYI YON TAN SKYE TSUL SOGS KYI GNAD KYANG SHES PAR BYA'O, ,GSUM PA NOR BU 'GENGS PA'I RIM PA LA LAS RGYA, YE RGYA, CHOS RGYA, PHYAG RGYA CHEN PO DANG BZHI LAS, DANG PO NI, PADMA CAN, DUNG CAN MA, GLANG PO CAN MA, RI DVAGS CAN MA RNAMS DANG, DE RE RE LA RDO RJE PHAG MO'I RIGS, MKHA' 'GRO MA'I RIGS, L'A MA'I RIGS, DUM SKYES MA'I RIGS, GZUGS CAN MA'I RIGS DANG, DE DAG LA YANG ZHING SKYES, SNGAGS SKYES, LHAN SKYES RNAMS KYI DBYE BA DANG, RIGS BZHI'I MTSAN NYID DANG LDAN PA'I PHYAG RGYA DANG, ZHING GI RNAL 'BYOR MA RTOGS DKA' BA'I YUL RNAMS SU DBANG GIS RGYUD SMIN CING LHA DANG CHOS LA MOS PA SOGS KYI MTSAN NYID TSANG BA'I PHYAG RGYA MO RDO RJE PHAG MOR GSAL BA'I DH'U T'I'I MAR SNA PADMA LAS PHYIR THON PA RANG GI RDO RJE NOR BU'I BU GAR BTZUD NAS DPAL HE RU KA DANG RDO RJE PHAG MO'I NGA RGYAL BRTAN POS BSGOM ZHING SNYOMS PAR ZHUGS PA'I
, ,YUM GYI DH'U T'I NAS RLUNG SPOS RANG GI DUD PA LTA BU 'BYUNG, RANG GI DH'U T'I'I LAM NAS ZHUGS, LTE BAR GNAS PA'I GTUM MO'I ME AA THUNG SHAD KYI RNAM PA CAN LTA BU LA SBAR BAS, DE LAS KHYAD CHOS GSUM LDAN GYI ME GYEN DU 'BAR BAS SPYI BO'I DH'U T'I'I NANG GI HAm YIG LA PHOG PAS RTZA NANG RNAMS NA GNAS PA'I BYANG SEMS RNAMS ZHU NAS SPYI BOR 'DUS SHING, SPYI BO NAS MGRIN PAR SLEBS PA NA DGA' BA, MGRIN PA NAS SNYING KHAR SLEBS PA NA MCHOG DGA'; SNYING KHA NAS LTE BAR SLEBS PA NA KHYAD DGA', LTE BA NAS NOR BU'I RTZER SLEBS PA NA LHAN SKYES KYI DGA' BA SKYES, DE BZHIN DU YUM GYI BYANG SEMS DMAR PO YANG RIM GYIS BAB STE, DGA' BZHI DRANG STE GSANG BA'I SNA RTZER BYANG SEMS DKAR DMAR GNYIS 'PHRAD PA THIG LE RDO RJE SKYIL KRUNG YAB YUM GYI THUR SEL GYI RLUNG GNYIS 'PHRAD PA RLUNG RDO RJE SKYIL KRUNG DH'U T'I'I MAR SNA GNYIS 'PHRAD PA RTZA RDO RJE SKYIL KRUNG RNAMS KYIS SNYOMS PAR ZHUGS, BDE STONG SBYAR NAS BSGOM ZHING, SLAR YANG GYEN DU LDOG PA'I MAS BRTAN GYI DGA' BZHI 'DRAN, YE RGYA NI SGOM BA DANG DNGOS KYI KHYAD PAR MA GTOGS DMIGS PA'I KHYAD PAR RNAMS 'DRA LA, CHOS RGYA NI RANG GI RDO RJE NOR BU'I BU GAR THIG LE GA'U KHA SBYAR GYI DBUS SU RDO RJE DMAR SKYA RTZE GCIG PA DBUS SBOM LA MTHA' PHRA BA GSAL BTAB STE MNYAM PAR BZHAG PA LAS BDE CHEN 'DREN PA'O, ,PHYAG RGYA CHEN PO NI RANG BZHIN MED PA'I DON NYID LA DMIGS TE ZHU BDE 'DREN
PAR BYED PA YIN CING, 'DI RNAMS LA YANG RJE RGYAL BA GNYIS PA'I SNYAN BRGYUD BLA MA'I ZHAL LAS SHES PAR BYA BA MANG DU YOD DO, ,BZHI PA DZ'A LANDHA RA'I RIM PA NI, SNGON 'GRO DANG RTZA GSUM 'KHOR LO DRUG DANG BCAS PA GSAL 'DEBS PA SNGAR LTAR LA SPYI BO BDE CHEN GYI 'KHOR LOR HAm YIG DKAR PO MGO 'THUR DU BLTA BA, SNYING KHA CHOS KYI 'KHOR LOR H'Um YIG DKAR PO MGO 'THUR DU BLTA BA, PHYOGS BZHIR RTZA 'DAB LA LAm DKAR PO, MAm SER PO, PAm DMAR PO, TAm LJANG KHU RNAMS MGO GYEN DU BLTA BA, LTE BA SPRUL PA'I 'KHOR LOR CHOS 'BYUNG GRU GSUM PHYI DKAR LA NANG DMAR BA'I NANG DU NYI GDAN LA DBUS SU THIG LE SNGON PO, PHYOGS BZHIR DKAR SER DMAR LJANG BZHI GSAL BTAB, 'OG RLUNG GYEN DU DRANGS STENG RLUNG BSNAN TE LTE BAR BUM PA CAN BZUNG BAS THIG LE LAS ME 'OD GYEN DU 'BAR, SNYING KHA'I YI GE LNGA LA PHOG PAS DE LAS BYANG SEMS KYI RGYUN BABS, LTE BA'I ME LA PHOG PAS TSEG SGRA DANG BCAS TE CHAR 'BAR BAS SNYING KHA'I YI GE LNGA BSREGS, SPYI BO'I HAm YIG LA REG TZAM BYAS PAS BYANG SEMS KYI RGYUN CHER BAB, LTE BA'I ME CUNG ZAD BSNAN CING, SLAR CHER 'BAR TEG TU MO MA'I ME SNA BUG G-YAS NAS THON, PHYOGS BCU'I SANGS RGYAS THAMS CAD KYI SHANGS BUG G-YON NAS ZHUGS THUGS KA'I YE SHES KYI BDUD RTZI BKUG STE SHANGS BUG G-YAS NAS THON RANG GI SNA BUG G-YON NAS ZHUGS, SPYI BO'I HAm YIG GSOS LONGS SPYOD KYI 'KHOR LOR NGAL BSOS SNYING KHA'I YE GE RNAMS GSOS NAS LTE BAR BAB PA'I 'BAR 'DZAG LA DMIGS
, ,NAS ZHUGS GNAS THIM GSUM DANG BSRE BA RNAMS LA SBYONG BA YIN NO, ,LNGA PA BSAM MI KHYAB KYI RIM PA NI, GONG GI RNAL 'BYOR RNAMS PHYI NANG GI RKYEN LA BRTEN NAS GOMS BAR BYAS PAS LUS DBEN SKU RDO RJE, NGAG DBEN GSUNG RDO RJE, SEMS DBEN THUGS RDO RJE'I TING DE 'DZIN RNAMS LEGS PAR 'GRUB, SEMS DBEN MTHAR THUG GI DPE'I 'OD GSAL DANG RIM PA GSUM PA'I SGYU LUS MNGON DU BYED PA'I MTSAN MA BRTAN PO MTHONG BA NA PHYI'I RKYAN LAS KYI PHYAG RGYA SOGS DANG SNYOMS PAR 'JUG CING, NANG GI RKYEN 'BAR 'DZAG GI BDE CHEN KHYAD PAR CAN BSGOM PA'I RLUNG DBU MAR ZHUGS GNAS THIM GSUM GYI RTAGS RNAMS RDZOGS PAR SHAR BA'I NYER THOB KYI MJUG TU STONG NYID DON SPYI'I TSUL GYIS RTOGS PA'I DPE'I YE SHES NAM MKHA' SLONG BYED KYI RKYEN GSUM DANG BRAL BA LTA BU'I SNANG BA DANG BCAS PA DE 'CHAR, 'OD GSAL DE LAS LDANG BAR RTZOM PA NA LUGS LDOG GI NYER THOB GRUB PA DANG DUS MNYAM DU CHOS GZHAN GYIS BAR MCHOD PAR 'OD GSAL DE LAS CHU LAS NYA LDANG BA'I TSUL DU 'OD GSAL GYI BZHON PAR GYUR PA'I RLUNG 'OD ZER LNGA PAS SKU'I SGRUB GZHI DE DANG NGO BO DBYER MED PA'I SEMS KYIS THUGS KYI SGRUB GZHIR BYAS TE MTSAN DPES BRGYAN PA'I DPAL HE RU KAR DNGOS SU BZHENGS PA DE 'BYUNG, DE LTA BU'I SGYU MA'I SKU DPE BCU GNYIS KYIS MTSON PAR BYA BA DE NI SO SO SKYE BO YIN KYANG SA LA GNAS PA'I SEMS DPA' CHEN PO THAMS CAD KYI RDZU 'PHRUL DANG MDZAD PA JI SNYED PA BDE BLAG TU 'GRUB CING, LAM
DUS KYI LONGS SKU'I SGRAS BRJOD PAR BYA BA YIN TE ZAB MO RDO RJE THEG PA RNAL 'BYOR BLA MED KYI KHYAD CHOS MTHUN MONG MA YIN BA'O, ,DE LTA BU'I SGYUR LUS PA DES MNYAM GZHAG GI SKABS SU PHYI NANG GI RKYEN GNYIS LA BRTEN NAS RLUNG DBU MAR ZHUGS GNAS THIM GSUM BYAS TE BDE STONG GI YE SHES LA MNYAM PAR 'JOG CING, RJES THOB TU GDUL BYA LA CHOS STON PA DANG LAS RGYA DANG SNYOMS PAR 'JUG PA DANG, RI DVAGS BSHOR BA LA SOGS PA'I SPYOD PA ZLA BA DRUG GAM BCO BRGYAD DU SPYAD PAS DON GYI LHAN SKYES MNGON DU BYED PA'I MTSAN MA BRTAN PO MTHONG BA NAS PHYI'I RKYEN LAS RGYA DANG SNYOMS PAR 'JUG CING, NANG GI RKYEN BDE STONG GNYIS SU MED BA'I YE SHES LA MNYAM PAR BZHAG PAS RLUNG DBU MAR ZHUGS GNAS THIM GSUM BYAS NAS NYER THOB KYI MTHAR STONG NYID MNGON SUM DU RTOGS PA'I YE SHES DON GYI 'OD GSAL LAM LHAN SKYES MDON DU BYED CING, RIM PA GSUM PA'I SGYU MA'I SKU DE YANG 'OD GSAL DE'I NGO BOR NAM MKHA'I DBYINGS SU SPRIN DENGS PA BZHIN DAG PAS NYON SGRI BZANG BAR 'GYUR BA YIN NO, ,'OD GSAL DE LA MNYAM PAR BZHUG PA'I NGO BO NA THO RANGS KYI NAM MKHA'I RANG MDOG LTA BU LA SOGS PA'I GNYIS SNANG GI SPROS PA NI CUNG ZAD KYANG MI 'CHAR ZHING, CHOS THAMS CAD KYI THOG MA'I SDOD LUGS DANG BZHIN STONG PA NYID DE BDE BA CHEN PO DANG CHU LA CHU BZHAG PA BZHIN DU SNANG BA YIN NO, ,'OD GSAL DE LAS LDANG BA NA RDO RJE'I SKU MTSAN NYID PA RIM PA BZHI PA'I DAG PA'I SGYU LUS SU BZHENGS PA DE 'BYUNG ZHING, 'OD GSAL 'DI RNAMS STONG PHYOGS,
, ,BSAM GYIS MI KHYAB PA DANG, SGYU LUS KYI CHA LA SNANG PHYOGS BSAM MI KHYAB CES LUGS SROL CHEN PO 'DI LAS BSHAD DO, ,DE LTA BU'I SGYU LUS PA DES PHYI NANG GI RKYEN GNYIS LA BRTEN NAS 'OD GSAL LA MNYAM PAR BZHAG, PAS SKU DAG PA SGYU MA'I SKU DANG THUGS DAG PA DON GYI 'OD GSAL GNYIS SKU THUGS SU DNGOS PO ZUNG GCIG TU 'JUG PA'I SLOB PA'I ZUD 'JUG MNGON DU BYED CING, ZUNG 'JUG PA DES MNYAM GZHAG GI DUS SU PHYI'I RKYEN LAS RGYA DANG SNYOMS PAR 'JUG BZHIN PA DANG NANG GI RKYEN BDE STONG GNYIS SU MED PA'I YE SHES LA MNYAM PAR 'JOG PA DANG, RJES THOB TU GDUL BYA LA CHOS STON PA DANG, LAS RGYAL SNYOMS PAR 'JUG PA DANG, RI DVAGS BSHOR BA LA SOGS PA'I SPYOD PA SPYOD TSUL GYIS SHES SGRIB SKOR DGU'I GNYEN POR SGOM LAM SKOR DGU SBYAR TE BSGOM PAS, MTHAR MI SLOB BA'I ZUNG 'JUG DPAL LDAN RDO RJE 'CHANG HE RU KA NYID MNGON DU BYED PA'I MTSAN MA MTHONG BAN, THO RANGS NYI MA'I DMAR 'OD MA SHAR BA, ZLA BA SGRA GCAN GYIS BSGRIB PA, SROD KYI SMAG MTHUG YAL BA'I DUS SU KHYI'I RKYEN LAS RGYA DANG SNYOMS PAR 'JUG CING, NAD GI RKYEN BDE STONG GNYIS SU MED PA'I YE SHES LA LA RTZE GCIG TU MNYAM PAR BZHAG PAS, RLUNG DBU MAR ZHUGS GNAS THIMS GSUM BYAS PA'I MTHAR NYER THOB 'GAGS PA DANG DUS MNYAM PAR SGRIB GNYIS BAG CHAGS DANG BCAS PA RDZOGS PAR SPANGS PA'I MI SLOB PA'I ZUNG 'JUG KHYAB BDAG HE RU KA KHA SBYOR YAN LAG BDUN LDAN
RDO RJE 'CHANG CHEN PO'I GO 'PHANG MNGON DU BYAS NAS NAM MKHA' JI SRID KYI BAR DU GDUL BYA THAMS CAD KYI RE BA SKONG BZHIN PAR BZHUGS PA YIN NO, ,'DI'I MAN DAG GI GNAD MANG PO NI BLA MA'I ZHAL LAS SHES PAR BYA'O, ,DPA' BO MKHA' 'GRO BYA BA'I GSANG BA'I BCUD, ,GRUB PA'I DBANG PHYUG BGRANGS YAS GSHEGS PA'I LAM, ,GANG 'DI BLO BZANG RGYAL BA GNYIS PA YI, ,MAN NGAG JI BZHIN BDAG GIS GSAL BAR PHYE, ,SA YI DBANG PHYUG SEMS DPA' CHE RNAMS KYANG, ,BLO GROS 'KHYOG LA 'CHANG BA'I RTOGS DKA'I GNAD, ,BDAG BLO BYIS PA'I SHES RAB KYIS GSAL BAR, ,NONGS BA CI MCHIS BLA MA LHA LA BSHAGS, ,'DIR 'BAD DGE BA GANG ZHIG THOB PA DES, ,BLO BZANG RID LUGS PHYOGS BCUR RGYAS PA DANG, ,'GRO KUN DON DU HE RU KA'I GO 'PHANG, ,BDE BLAG NYID DU THOB PA'I RGYU DU BSNGO, ,NYER BZHI'I YUL GNAS DPA' BO RNAL 'BYOR MA, ,KUN GYIS MYUR BA'I TSUL GYIS LEGS BYON NAS, ,PHO NYA'I LAM GYI BDE CHEN KHRAG 'THUD DBAL, ,GAR DGU'I NYAMS KYI ROL PA NYID THOB SHOG (,CES DPAL DPAL 'KHOR LO SNGOM PA RNAL 'BYOR GYI DBANG PHYUG DRIL BU BA'I ZHABS KYI BZHED SROL GYI RIM LNGA'I DMAR KHRID 'DI NI, YONGS RDZOGS BSTAN PA'I MDA' BDAG KHYAB BAR GA HE RU KA LCANG SKYA ROL BA'I RDO RJE 'PHRIN LAS KYI BYED POR LAS DANG SMON LAM MCHOG TU DGE ZHING MKHYEN DPYOD MKHA' LTAR YANGS PAR RIM GNYIS KYI RNAL 'BYOR LA GZHOL BA SOGS YON TAN DU MA'I DPAL GYIS MNGON PAR MTHO BA JA SAG BLA MA DGE LEGS NAM MKHAS BSKUL BA LTAR RGYA BOD KYI MKHAS GRUB DU MA'I ZHAL LUNG BDUD RTZI'I SNYING PO BLO BZANG RGYAL BA'I MAN NGAG BZHIN
, ,7 SH'AKYA' DGE SONG BLO BZANG DPAL LDAN YE SHES KYIS SBYAR BA'O, ,SVASTI; PAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BA' BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SPYAN 'DZAD MED DAL 'GRO'I RGYUN 'DI SPEL, ,SARBA MANG+GA LAm, , , ,
[BLANK PAGE]