, ,RDO RJE 'CHANG CHEN PO 7PAn CHEN CHOS KYI RGYAL PO RJE BTZUN BLO BZANG DPAL LDAN YE SHES DPAL BZANG POS CHOS GRVA CHEN PO BKRA SHIS LHUN PO'I TSOGS CHEN 'DUS SDE CHEN PO'I DBUS SU GTOR MA BRGYA RTZA'I DMAR KHRID RGYAS PAR STZAL SKABS, GSUNG BSHAD PHAL MO CHE'I ZIN BRIS SKAL LDAN SPYI NOR ZHES BYA BA BZHUGSO, ,
, ,RJE BTZUN BLA MA DAM PA DMIGS PA MED PA'I THUGS RJE CHEN PO DANG LDAN PA DE NYID KYI ZHABS LA SGO GSUM GUS PA CHEN POS PHYAG 'TSAL LO; ;TSE RABS THAMS CAD DU RJES SU BZUNG DU GSOL, 'DIR DPAL LDAN BLA MA RDO RJE 'CHANG CHEN PO DON GYI SLAD DU MTSAN NAS SMOS TE BDAG GI MKHAN RIN PO CHE RJE BTZUN BLO BZANG DPAL LDAN YE SHES DPAL BZANG PO DE NYID KYI ZHAL SNGA NAS CHOS GRVA CHEN PO BKRA SHIS LHUN PO'I TSOGS CHEN 'DUS SDE CHEN PO'I DBUS SU GTOR MA BRGYA RTZA'I DMAR KHRID RGYAS PAR STZAL SKABS, BDAG SAm GHA'I MING CAN GYIS RANG BLOR 'JAGS PA RAGS PA ZHIG BRJED THO'I TSUL DU RANG DANG BLA
, ,MA DE NYID LA MI PHYED PA'I DAD PA YID CHES KYI DVANG BA'I SGO NAS GSUNG LA NYAMS LEN MDZAD 'DOD PA'I BSHES GNYEN RNAMS KYI BRJED BYANG ZIN BRIS SU BKOD PA LA, DE YANG MI 'JIGS SENG GE'I KHRI 'PHANG MTHON POR RAB TU BRJID PA'I SKU YI DKYIL 'KHOR LHAM ME LHANG DER THUGS KYI DGYES PA CHEN PO DANG BCAS TE BZHUGS NAS, SNGON 'GRO'I MTHA' BSKOR GSOL 'DEBS MAndAL DANG BCAS PA SNGON DU SONG RJES DAR GCIG BZHUGS NAS, NAG PO'I PHYOGS RNAMS ZIL GYIS GNON PAR DPA' BO BGAD MO MGUL GSAL TSUL DU LAN GSUM TZAM MDZAD DE, DENG RDO RJE'I TSIG 'DI SKAD CES BKA' STZAL TO, ,MA GYUR NAM MKHA'I MTHA' DANG MNYAM PA'I SEMS CAN THAMS CAD KYI DON DU MYUR BA MYUR BAR BLAN MED PA YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU DAM PA'I CHOS ZAB MO GSAN SNYAM PA'I KUN SLONG
DANG KUN SPYOD LA SOGS PA LEGS PAR GSAL BTAB STE GSAN PAR ZHU, GSAN PAR BYA BA'I CHOS NI STON PA MNYAM MED YANG DAG PAR RDZOGS PA'I SANGS RGYAS NAS BZUNGS PAn CHEN DBEN SA PA BLO BZANG DON GRUB DANG CHOS KYI RGYAL MTSAN GNYIS KYIS PHYAG BZHES MDZAD PA'I GTOR MA BRGYA RTZA ZHES MTSAN YONGS SU GRAGS PA 'DI NYID YIN LA, 'DI 'CHAD PAR BYED PA LA YANG SA BCAD KYI DBANG DU BYAS NA GSUM, SNGON 'GRO, DNGOS GZHI, MJUG SDUD PA'O, ,DANG PO LA GSUM, SKYABS 'GRO SEMS BSKYED TSAD MED BZHI BSGOM PA, RANG LHAR GSAL BA, TSOGS ZHING GSAL BTAB PA'O, ,DANG PO NI, RANG GI DRIN CAN RTZA BA'I BLA MA BRGYUD PA DANG BCAS PA YI DAM DKYIL 'KHOR GYI LHA TSOGS SANGS RGYAS BYANG SEMS BSTAN BSRUNG YE SHES PA'I CHOGS DANG BCAS PA; KHYAD PAR 'PHAGS MCHOG SPYAN RAS GZIGS DBANG PHYUG LA SKYABS THUN MONG DANG THUN MONG MIN PA LEGS PAR BYAS TE, SANGS RGYAS CHOS DANG TSOGS KYI MCHOG RNAMS LA ZHES SOGS KYIS SMON SEMS DANG, MA GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,CES BYA BA LA SOGS PAS TSAD MED BZHI BSGOM PA SNGON DU BTANG NAS BYA
, ,BA YIN, 'DI RNAMS LA SNGAR YANG BSHAD PA MANG DU BYAS YOD, GNYIS PA LA MCHOD PA SOGS KYI RNAM GZHAG SPYIR BSHAD PA, DON DNGOS BSHAD PA'O, ,DANG PO NI, 'DI LA 'GA' ZHIG 'DIR MCHOD PA NGES PAR BSHAMS DGOS ZER PA YANG YOD, 'GA' ZHIG 'BUL 'BUL LA BYUNG NA THUS ZER PA'ANG YOD, GANG YIN KYANG NYER SPYOD SOGS LOGS LA YOD NA NI 'BUL KYANG YONG, MED NA 'DIR BSHAMS DGOS, DE YANG GTOR THEB DE DANG GTOR KHYEM LA SOGS PA LA GANG YAG PO BYAS GTZANG SPRA THON PO BYAS NAS, GTOR THEB LA CHU BLUG ,GTOR RDZAS KYANG BTAB, BRGYA RTZA RANG BYED NA SNONG GCIG LA GTOR RIL BRGYA DANG BRGYAD PHRI NAS BZHAG ,GTOR RIL YANG HA CANG SLA BA DANG SKAM PA MA YIN PA CHE CHUNG MA SHOR BA BYED DGOS, DE NAS BCAD GTOR BYED NA NI GRANGS KHA MI DGOS, SPAG NAR NAR BYAS NAS DE BCAD DE 'JOG PA RED, GTOR RDZAS GZHAN NI SRAN MA GRA BO YUNG SA KAR SOGS MI RUNG, NAS 'BRAS, GRO; ME TOG SNA TSOGS, DUG RIGS MA YIN PA'I DKAR GSUM MNGAR GSUM SOGS 'BYOR BA DANG BSTUN NA SHIS PA YIN, GTOR CHA RNAMS NI RAB GSER DNGUL, 'BRING ZANGS, THA MA SHING DANG RDZAS ZHES
BSHAD, ,LCAGS DANG KHRO LA SOGS PA NI DRAG PO'I RDZAS LA SONG NAS MI RUNG SNYAM, MI YANG RNGAB SHOGS TSA 'DE 'DUG PA YI DVAGS RNAMS NI DE LAS KYANG RDAB SHOGS TSA, MTSON CHAR MTHONG NAS MTSON CHA 'DUG GO ZER NAS DPAG TSAD DU MA'I SA LA BROS LANGS 'GRO ,YANG ZANGS SER LA YANG TI TSA BSRES PA LA MGRON GTZANG SBRA CAN RNAMS SKYUG BRO NAS 'KHOR MI NYAN, DE YANG MI RUNG, GONG DU BSHAD PA'I GTOR SNOD GANG RUNG LA BYED PA DANG, TING SHAGS LA YANG LUGS KYI DVANGS SNYIGS KYI KHYAD PAR LA SKAD DGA' SDUG YOD, ROL MO YIN NA DGA' BA DE G-YAS LA 'KHUR DGOS, TING SHAGS SDUG PA DE G-YAS LA 'KHUR, DGA' BA DE G-YON LA 'KHUR DGOS, DE NAS SKYABS 'GRO SEMS BSKYED NAS TSAD MED BZHI RGYUD DANG 'DRES NGES SHES PA'I SGO NAS BYA'O,, ` GNYIS PA NI, AOm SVA BHA WA ZHES PA NAS, 'OD DPAG MED KYIS DBU BRGYAN PAR GYUR, ZHES PA'I BAR GYI CHO GA'I TSIG 'GROS DANG BSTUN NAS RANG NYID LHAR GSAL YAG PO 'DEBS DGOS, DE NAS SNOD BCUD KYIS BSDUS PA'I 'KHOR 'DAS KYI CHOS THAMS CAD RANG NGOS NAS GRUB PA DANG RANG BZHIN GYIS GRUB PA RDUL TZAM YANG MED PA LA NGES PA BRTAN POS DGAG BYA BDEN GRUB BKAG BA'I MED DGAG STONG SANG DE BA'I NGANG NAS RANG GI GO SAR PADMA
, ,DKAR PO 'DAB MA STONG DANG LDAN PA'I LTE BAR RANG GI SEMS KYI YI GE HR'I:DKAR PO RING CHA TSEG DRAG DANG BCAS PA GCIG GSAL BTAB, DE LAS 'OD ZER 'PHROS, DON GNYIS BYAS TSUR 'DUS YONGS SU GYUR PA LAS, RANG NYID 'PHAGS PA SPYAN RAS GZIGS DBANG PHYUG SKU MDOG DKAR PO ZHAL GCIG PHYAG BZHI PA PHYAG DANG PO GNYIS THUGS KAR THAL MO SBYAR BA, G-YAS 'OG MAS SHEL DKAR GYI PHRENG BA DANG, G-YON 'OG MAS GSER GYI PADMA BSNAMS PA, ZHABS GNYIS RDO RJE SKYIL KRUNG GIS BZHUGS PA MTSAN SO GNYIS DANG, DPE BYANG BRGYAD CUS BRGYAN PA, ZHING KHAMS THAMS CAD SKU LA SNANG ZHING SKUS ZHING KHAMS THAMS CAD KHYAB PA, DVANGS GSAL 'OD KYI RANG BZHIN CAN GCIG TU BSKYED DGOS, GSER ZANGS KYI SKU 'DRA LTA BU'I GAG GE GOG GE ZHIG TU BSKYED NA MI YONG, DE LA YANG NGAS GSER ZANGS KYI SKU 'DRA LA GAG GE GOG GE ZER RGYU MIN, YANG TIG RAGS PA'I RNAM PA CAN MA YIN PA SNANG LA RANG BZHIN MED PA'I 'JA' TSON LTA BU ZHIG TU SGOM DGOS, DE YANG RANG GI LUS 'PHAGS PA SPYAN RAS GZIGS DBANG PHYUG GI SKU, RANG GI NGAG 'PHAGS PA SPYAN RAS GZIGS DBANG PHYUG GI GSUNG, RANG GI SEMS 'PHAGS PA SPYAN RAS GZIGS DBANG PHYUG GI
THUGS DNGOS YIN SNYAM DU SGOM DGOS PA YIN, DE YANG NGA YI BA DANG NGAR 'DZIN PA ZHES BYA BA NI SPUBS LA 'TSANG YOD PA RED, DE LHA'I SKU GSUNG THUGS LA NGA RGYAL 'JOG PA LA NI LHA DE DANG DE NGA'O SNYAM DU NGA RGYAL 'JOG DGOS, LHA DE PHA ROL ZHIG TU BZHAG NAS, DE DANG RANG PHAN TSUN THA DAD LTA BU BYAS NI MA YOD, 'ON KYANG LHA DE'I SKU GSUNG THUGS DANG RANG GI LUS NGAG YID GSUM CHU LA CHU BZHAG PA BZHIN DU NGO BO DBYER MED YIN PA LA THA MAL GYI SNANG ZHEN MED PA CIG GAL CHE, DE LTA BU'I LHA SKU DE YANG RIN PO CHE'I DBU RGYAN SNYAN RGYAN LA SOGS PA'I RGYAN SNA TSOGS PA DANG, DAR SNA TSOGS KYI NA BZA' CAN ZHABS GNYIS RDO RJE SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR HR'I: DKAR PO, H'Um SNGON POS MTSAN PA, DE LAS 'OD ZER 'PHROS, RANG BZHIN GYI GNAS DANG PO TA LA NAS SGOM PA DANG 'DRA BA'I YE SHES PA DANG, DBANG GI LHA RNAMS SPYAN DRANGS NAS YE SHES PA BSTIM, DBANG GI LHAS DBANG BSKUR 'OD DPAG MED KYIS DBU BRGYAN PAR BSAM, MCHOD PA BYIN RLABS BYAS NAS, AO A'ARYA LO KE SHVA RA ZHES SOGS KYIS 'PHAGS PA SPYAN RAS GZIGS LA PHUL NAS BRGYA RTZA RANG BYED NA MA nI LNGA BCU TZAM 'DREN, GZHAN GANG LCOGS BYAS NAS DGE BA 'DI YIS MYUR DU BDAG CES SOGS
, ,KYIS SMON LAM BYA, SKYON GYIS MA GOS ZHES SOGS KYI SA BSTOD NAS GTOR CHU RNYING PA PHAR BSHAL, GTOR THEB KYANG RAB LAN GSUM BSHAL, GSUM RANG MA BYUNG NA LAN GCIG DES PAR BSHAL DGOS, DE NAS GTOR THEB LA CHU BLUG ,GTOR RDZAS MI 'DEBS PAR BZHAG GO, ` GNYIS PA LA GNYIS, TSOGS ZHING GSAL BTAB PA DANG, MCHOD PA RIM GYIS 'BUL BA'O, ,DANG PO NI; RANG GI MDUN DU RIN PO CHE SNA TSOGS LAS GRUB PA'I STEGS, GANG NA KHRI RDO SKAS MA'I DBYIBS LTA BU BANG RIM GSUM MAM BZHI SOGS RANG GI BLO LA JI LTAR 'TSAMS PA GANG BDE BA RGYA CHE BA MTHO ZHING YANGS BA'I STENG, YAR MGRON RNAMS BZHUGS PA LA PADMA DANG NYI ZLA'I GDAN, BAR MGRON RNAMS LA RANG GANG 'OS PA'I GDAN PADMA DANG ZLA BA TZAM DANG, MGRON 'OG MA SO SO LA YANG PADMA RE TZAM BYAS PAS THUS, BANG RIM DANG PO LA, DBUS SU SENG GE CHEN PO BRGYAD KYIS BTEG PA'I STENG DU, SNA TSOGS PAD ZLA NYI MA'I DKYIL 'KHOR GYI STENG DU NGO BO DRIN CAN RTZA BA'I BLA MA YIN PA LA RNAM PA RGYAL BA SH'AKYA THUB PA SKU MDOG GSER BTZOM LTA BU ZHES BYA BA LA SOGS PA LAM RIM GYI SKABS SU BSHAD PA LTAR GSAL LEGS PAR BTAB, BANG RIM GNYIS PA'I DBUS SU SA'I LHA MO BSTAN MA LA, STONG GSUM GZHI
BDAG GI TSOGS KYIS BSKOR BA, G-YAS SU 'PHAGS PA SPYAN RAS GZIGS DBANG PHYUG LA RIGS DRUG GI SEMS CAN GYI MGRON GYIS BSKOR BA, G-YON DU DPAL PHYAG NA RDO RJE LA GDON BGEGS KYI MGRON GYIS BSKOR BA, BANG RIM GSUM PA LA DBUS SU DPAL RTA MGRIN LA LAN CHAGS SHA 'KHON GYI MGRON GYIS BSKOR BA, DE'I G-YAS G-YON RNAMS SU GLO BUR DU LHAGS PA'I MGRON SA'I DREGS PA LTAR 'DUS NAS 'KHOD PAR BSAM, BLA MA YI DAM DKON MCHOG SRI ZHU'I MGRON ZHES PA NAS, KA MA LA YE STVAm ZHES PA'I BAR BRJOD, TSOGS ZHING GI YE SHES PA RNAMS SPRIN GYI PHUNG PO LTAR 'DUS NAS RANG RANG GI DAM TSIG BA SO SO LA THIM SONG BSAM PA BYED, 'JIG RTEN PA RNAMS KYANG DON SPYI TZAM DANG DMIGS YUL TZAM MA YIN PA THAMS CAD NGO THOG RANG YIN SNYAM PA DANG, YAR MGRON RNAMS LA SKYABS GNAS MTHAR THUG DANG, MAR MGRON RNAMS LA SNYING RJE'I MTHAR THUG DANG LDAN PA'I SGO NAS RANG DANG 'JIG RTEN PA'I MGRON THAMS CAD LHAN CIG TU RANG GI DBU MDZAD BYAS NAS, BDE CHEN DNGOS GRUB CHAR 'BEBS YID BZHIN NOR, ZHES SOGS KYIS BSTOD PA DANG PHYAG BYAS PAS TSOGS ZHING RNAMS KYI SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG DANG 'GRO BA SPYI'I SPYI BO NAS ZHUGS
, ,LUS THAMS CAD YE SHES KYI BDUD RTZIS GANG, SNGON THOG MED NAS BSAGS PA'I SDIG SGRIB BAG CHAGS DANG BCAS PA BYANG ZHING DAG ,SKYABS 'OG TU CHUD PAR BSAMS NAS, AOm A'A:GU RU BUDDHA BO DHI SATVA ZHES SOGS KYIS NYER SPYOD PHUL, TING BSHAGS BRDUNG, DE YANG MCHOD YON ZHAL, ZHABS BSIL NI ZHABS 'KHRUD YAG RENG DE ZHABS, ME TOG DBU LA, BDUG SPOS SHANGS SNANG GSAL SPYAN, DRI CHAB THUGS KA, ZHAL ZAS LJAGS, TING SHAGS KYI SGRA SNYAN PHUL BAS SHIN TU MNYES PAR BSAM NAS, SLAR YANG, ZHAL ZAS RO BRGYA LDAN PA'I YID 'PHROG PA ZHES SOGS BRJOD NAS, BLA MA SPAG 'DOD PA LA SPAG, SHA 'DOD PA LA SHA, BDUD RTZI 'DOD PA LA BDUD RTZI, JA 'DOD PA LA JA, CHANG 'DOD PA LA CHANG, SBRAM SBRUM 'DOD PA LA SBRAM SBRUM SOGS MGRON RNAMS LA RANG GANG 'DOD PA DE THOGS PA MED PAR BYUNG SONG SNYAM PA DANG, DE DANG DER BSGYUR NAS PHUL YOD SNYAM DU BSAM PA'I DMIGS PA GONG 'OG KUN TU YAG PO BYED DGOS, DES NA TING NGE 'DZIN GYI MTHU LAS DE LTAR 'BYUNG BA YANG YIN TE, DE YANG DANG PO BOD DU BLA MA ZHANG ZHES BYA BA DE 'BYOR PA CHEN PO GCIG YOD PA RED, DES GTOR MA YANG MA CHAG PA GTONG, GTOR THEB YANG GSER 'BA' ZHIG LAS BYAS PA
KHA ZHONG YANG PHRU GANG YOD BA LA, GTOR RIL YANG 'DZOG MGO TZAM GTAB NAS GTONG GI YOD PA RED, NAM ZHIG TZA NA MI 'DRE MTHONG MKHAN CIG YOD PA RED, DE'I LAM NA YI DVAGS MANG BO 'TSOGS 'DUG ZER, KHOS 'DI TSO GANG BYED KYIN YOD DAM SNYAM PHAG NYAN RGYAB PAS, YI DVAGS ZHAR BA CIG GIS BLA MA ZHANG GI GSUNG GTOR DE DA LTA GNANG NA YONG BA 'DUG ,DE'I SHUL LA SGOM CHUNG PA'I GSUNG GTOR GYI RJES MI ZAN PA 'DUG ZER, YI DVAGS GZHAN 'GA' ZHIG NA RE, BLA MA ZHANG GI GSUNG GTOR BSHAM DUS SHOG RAL CHE LA ZA RGYU NYUNG BA CIG YONG GI YOD, SGOM CHUNG PA'I GSUNG GTOR DE BSHAM DUS KHA THABS SDUG MDOG KHA YANG GANG ZA ZA DANG GANG 'THUNG 'THUNG GANG 'KHUR 'KHUR YONG GI YOD, DA DE RAN SONG 'GRO ZER THAMS CAD LANGS NAS SONG ZER, DE NAS MI DE YANG YI DVAGS STOBS NAG DES GANG ZA ZA GANG 'KHUR 'KHUR YONG BA'I GTOR MA DE 'DRA GANG 'DRA YOD DAM SNYAM PAR BSAM NAS KHA RAG GI SGOM CHUNG PA BZHUGS SA LA SONG NAS BLTAS PAS SGOM CHUNG PAS NI KHAM BU'I TSIG GU PHYENG KHA ZHIG GI NANG NA CHU ZHIG BLUG ,RTZAM PA CUNG ZAD BTAB NAS SPYAN ZIM ME BZHUGS 'DUG ZER, YI DVAGS RNAMS LA NI KHO RANG TSO GANG ZER BA LTAR 'DUG ZER BA RED, DE GANG YIN BYAS NA TING NGE 'DZIN RGYA CHE CHUNG
, ,SHOR BA RED, TING NGE 'DZIN YAG PO BYED DGOS, DE NAS MCHOD YON ZHABS BSIL ME TOG BDUG SPOS DANG ZHES SOGS BRJOD NAS YAN LAG BDUN PA'I LHAG MA BYED PA YIN, DE LA SNGAR LAM RIM SOGS GANG LA YANG MANG PO BSHAD YOD GCIG PA RED, DGOS KYI BSHAD RGYU MED, DE NAS 'GRO BA'I SGRON ME RGYAL BA SRAS BCAS LA ZHES SOGS BRJOD NAS, RGYAS PA BYED NA KHRUS GSOL BYED PA'I PHYAG SROL KYANG YOD, MA BYAS KYANG CHAD PA'I SKYON DU MI 'GYUR, GONG GI TSIGS BCAD DANG AOm SARBA TA TH'A GA TA ZHES SOGS BRJOD NAS GTOR THEB LA CHU ZHIG BLUG NAS MGRON RNAMS KHRUS KYI RDZING BU PHUN SUM TSOGS PA LA KHRUS MDZAD SONG SNYAM DU BSAM, DE NAS CHU SBYIN BYED PA YIN PAS, CHU SBYIN BYED PA NI GTZO BO YI DVAGS YIN, DE'I NANG NAS KYANG YI DVAGS 'JUR GEGS ZHES BYA BA'I DON DU BCOM LDAN 'DAS KYIS SH'A RI'I BU LA BKA' STZAL PA RED, DE YANG BCOM LDAN 'DAS GRONG KHYER YANGS PA CAN NA BZHUGS YOD PA RED, NAM ZHIG TZAN NYAN THOS CHEN PO SH'A RI'I BU GRONG KHYER GYI PHYI ROL NA PHAR PHEBS PA RED TZA NA, GROG PO CHEN PO CIG 'DUG PA DE'I NANG NAS, MA SBYIN CIG ,CES BYA BA DANG, MANG YONG NGO ZHES BYA BA DANG, CUNG ZAD
CIG LAS MA SBYIN CIG CES PA'I SGRA GSUM BSGRAGS PA THOS PA RED, 'DI CI YIN SNYAM GZIGS PAS YI DVAGS 'JIGS SU RUNG BA KHA NAS ME 'BAR BA LTO BA CHE BA, MGRIN PA RING BA YAN LAG PHRA BA; MNGOG MI SDUG PA SKAM ZHING RID PA ZHIG GIS SGRA GSUM PO DE SGROGS PA THOS, BCOM LDAN 'DAS KYI SKU MDUN DU BYON NAS SNGAR GYI LO RGYUS RNAMS ZHUS PAS, BCOM LDAN 'DAS KYIS YI DVAGS DE 'JUR GEGS ZHES BYA BA YIN, DE SNGON SANGS RGYAS MAR ME MDZAD KYI DUS SU KHYIM BDAG LA SKYES BA'I DUS SU, MA DE SBYIN PA LA DGA' BA YOD PA RED, KHO RANG SER SNA CAN LA SONG BAS MA'I SBYIN PA GTONG BA LA MA SBYIN CIG ,MANG YONG NGO, ,CUNG ZAD CIG LAS MA STER ZHES SBYIN PA'I KHA 'GEGS BYAS SHING SGRA GSUM PO DE SGROGS PAS YI DVAGS SU SKYES PA YIN KHYOD SONG LA, DE LA CHU'I SBYIN PA GYIS GSUNGS, SH'A RI'I BUS CHU SBYIN JI LTAR LAGS ZHUS PAS, CHU KHYER LA DER SONG NAS, AOm A'A:HR'I:H'Um ZHES SOGS CHU SBYIN GYI SNGAGS RNAMS DANG, DE BZHIN GSHEGS PA BZHI'I MTSAN SGROGS SHIG GSUNGS, SH'A RI'I BUS KYANG CHU SBYIN DE BZHIN BYAS PAS, YI DVAGS DES CUNG ZAD CIG 'THUNG NAS, YANG SNGAR GYI SGRA GSUM PO BSGRAGS NAS DPAG TSAD GCIG TU BROS LANGS SONG, YANG SLAR
, ,BCOM LDAN 'DAS LA ZHUS PAS, KHYOD KYI SOR MO'I HRAG NA ZAS KYI RDZI GCIG YOD PAS LAN, SANG SOR MO LA ZAS KYI RDZI MED PAR BYAS NAS SNGAR LTAR CHU SBYIN GYIS GSUNGS, DE LTAR BYAS PAS KHO BOS CHU NGOMS PA 'THUNGS SO,, DE NAS SH'A RI'I BUS KHYOD BCOM LDAN 'DAS KYI SKU MDUN DU KHRID NAS BSLAB PA'I GZHI BLANGS NA KHYOD SDUG BSNGAL LAS THAR RO,, SHOG BYAS PAS KHO SLEBS BYUNG; BCOM LDAN 'DAS KYI SKU MDUN DU KHRID NAS BSLAB PA'I GZHI BLANGS CHOS NYAN NAS YI DVAGS KYI SKYE GNAS LAS THAR, TSE 'PHOS TE SUM CU RTZA GSUM PA'I LHAR SKYES PA RED, DE LA 'DI LTAR BYED DGOS, RANG 'PHAGS PA SPYAN RAS GZIGS SU GSAL BA'I PHYAG G-YAS PA'I MTHIL LA ZLA GDAN LA YE SHES SEMS DPA' SKU MDOG SNGON PO PHYAG G-YAS PAS SPYI BLUGS BSNAMS PA LAS BDUD RTZI 'O MA'I MDOG CAN GYI RGYUN BABS PA DANG MNYAM DU SPYAN RAS GZIGS KYI PHYAG NAS KYANG BDUD RTZI'I RGYUN BABS PAS YI DVAGS RNAMS KYI KHAR SONG BAS BKRES SKOM GYI SDUG BSNGAL ZHI BAR BSAM NAS, 'PHAGS PA SPYAN RAS GZIGS DBANG GI ZHES SOGS BRJOD NAS, AOm A'A:HR'I:H'Um, AOm MA nI PADME H'Um, ZHES DANG BRGYA RTZA BYED NA 'DIR MA nI LNGA BCU TZAM 'DREN, AOm DZ'A LA MI
ZHES SOGS BRJOD BA NGANG CHU GTOR THEB KYI PHYI LA BLUG ,AOm DZNY'A NA ZHES PA DANG MNYAM DU LAG PA G-YAS PAS GTOR THEB KYI NANG LA CHU RGYUN MI 'CHAD PA BLUG NAS, G-YON PAS MCHOG SBYIN GYI PHYAG RGYAS SE GOL GTOGS NAS, DZ'A LA NI SV'AH'A ZHES PA'I BAR DANG, SRID PA BAR DO'I 'GRO KUN LA ZHES SOGS BRJOD NAS, AOm KAm KA NI ZHES SOGS BCOM LDAN 'DAS MI 'KHRUGS PA'I GZUNGS KYIS BAR DO'I CHU SBYIN BYED PA YIN PAS, SRID PA BAR DO'I 'GRO BA RIGS DRUG GI BAR SRID MNGON PA MDZOD NAS JI LTAR BSHAD PA LTAR KHA BA BABS PA LTA BU'I BAR SRID DANG, DRI ZA PI TZA nA DANG SNOD SBYIN KUN TU RTOGS 'DOD MCHOG CES BYA BA DANG, RGAN MO 'CHI KHA MA'I SEMS LA 'JUG PA ZHES BYA BA LA SOGS PA DE TSO BAR SRID PA MIN TE, DE TSO BAR SRID PA LA BRDZUS NAS LTO 'TSOL LA SLEBS YONG BA YIN; YIN PA NI DRI ZA'I RIGS KYI 'GRO BA RED, DE THAMS CAD LA DMIGS NAS BDUD RTZI 'O MA'I MDOG CAN RANG LA 'DOD PA GANG YOD BYUNG SONG SNYAM DU DMIGS PA YAG PO BYED DGOS, DMIGS PA RGYA GANG CHE BZHIN KHONG RNAMS LA RGYA GANG CHE DANG GANG 'DOD TSAD YONG BA YIN, 'DI NA CHU GCIG PU LAS MED PAS, RANG RANG LA GANG 'DOD BYUNG SONG BSAM PA BYAS KYANG MI YONG RGYU MED 'GRO BSAM
, ,PA YONG SHAS CHE STE DE BYED MI NYAN, RANG GI BLOS THAG BCAD DE DMIGS PA NAN TAN BYAS NA KHONG TSO LA GANG 'DOD YONG, DPER NA NGED RANG TSO BSANGS LTA BU CIG BTANG SONG BA YIN NA, 'GA' ZHIG TU THUG PA LTA BU LA SNANG NAS HUB DANG HUB ZER NAS 'THUNG RGYU YOD, 'GA' ZHIG LA 'KHUR BA LTA BUR SNANG NAS CHOM DANG CHOM ZER NAS ZA RGYU YONG, 'GA' ZHIG LA LAG DOGS RGYAB NAS KHUR 'GRO RGYU YOD, 'GA' ZHIG LA CHUNG CHUNG CHEN POR SNANG NAS ZA TSAD DANG 'THUNG TSAD YOD PA DE 'DRA YONG, SNGON RGYA GAR NA BUD MED RGAN MO ZER BA GCIG YOD PA RED, DES DRANG SRONG MNGON SHES LNGA DANG LDAN PA ZHIG LA NYIN RE BZHIN BSOD SNYOMS CHAG MED 'BUL GIN YOD PA RED, NYIN GCIG KHYIM BDAG DE GZHAN GCIG GI CHOS STON LA SONG NAS DE'I NYIN DRANG SRONG LA BSOD SNYOMS 'BUL RGYU MA BYUNG BA RED, DGONG MO NANG LA SLEBS NAS AA KHA DE RING DRANG SRONG LA 'TSO BA 'BUL RGYU MA BYUNG, DRANG SRONG LA 'TSO BA CHAD NA KHO MO DAM TSIG NYAMS PA YOD ZER NAS, BU MO MNGAG GZHUG MA LA DRANG SRONG LA 'BUL RGYU'I ZAN BSKUR NAS BTANG BA RED TZA NA, LAM KHAN YI DVAGS MO BU SHIN TU MANG BA ZHIG DANG 'PHRAD DE, DE LA ZAN SLANGS PAS, 'DI DRANG SRONG LA 'BUL DGOS PA
YOD BYAS PAS, YI DVAGS MO NA RE CUNG ZAD BYIN CIG, GAL TE MI STER NA GNOD PA BSKYAL LO ZER BA LA, MO DRED NAS CUNG ZAD BYIN PAS, YI DVAGS MO MA BU THAMS CAD LA NGOM PA ZA RGYU BYUNG BA RED, DE GANG YIN BYAS NA YI DVAGS KYI RIGS 'GA' ZHIG LA ZA RGYU MI RNYED CING CUNG ZAD RNYED NA MANG PO LA BSGYUR NUS PA YOD, DE NAS NYER DGA' BO LA SOGS PA ZHES BRJOD NAS GNYUG MAR GNAS PA'I KLU RGYAL; DGA' BO DANG NYER DGA' BO LA SOGS PA'I CHU KLUNG GI BDAG PO RNAMS LA CHU SBYIN BYED PA YIN, DE RNAMS KYIS CHU 'THUNG RGYU MA RNYED NAS CHU SBYIN BYED PA MIN, 'PHAGS PA SPYAN RAS GZIGS KYI PHYAG NAS BYUNG BA'I TING NGE 'DZIN GYI CHU RGYUN DE KHONG TSOS 'THUNG RGYU MA RNYED PA YIN, DE SPYI'I SEMS LA SANGS RGYAS KYI GO 'PHANG THOB PA'I BAG CHAGS BZHAG PA YIN PA DE SEMS KYI RGYAN, DE LTA BU'I SEMS LA BAG CHAGS BZHAG PA DE SAD NAS TSOGS GNYIS RDZOGS NAS SANGS RGYAS KYI SAS BSDUS PA'I LONGS SPYOD BYA GANG YIN DE RNAL 'BYOR GYI YO BYAD DAM PA YIN, LONGS SPYOD BYA'I 'BRAS DUS KYI LONGS SPYOD DE LA LONGS SPYOD MKHAN GYI SANGS RGYAS SU GYUR CIG CES BYA BA YIN NO,, ` GNYIS PA DNGOS LA GSUM, YAR MGRON LA MCHOD PA, BAR MGRON LA
, ,MCHOD PA, LHAG MGRON LA SPYIN PA GSUM, DANG PO LA BZHI, BLA MA DKON MCHOG LA MCHOD PA, CHOS SKYONG BSRUNG MA LA MCHOD PA, DRANG SRONG MCHOG BRGYAD LA MCHOD PA, NOR LHA LHAN SKYES LA MCHOD PA'O,, DANG PO NI, SNGAR GYI MCHOD PA DE BSHAL, GTOR THEB BSHAL BSHAL BYAS CHU BLUG ,BRGYA RTZA RANG BYED NA GTOR RIL BCU BLUG, SANGS RGYAS CHOS TSOGS MA YANG BCU TZAM BYAS, GONG GI BDAG BSKYED LTAR MCHOD PA BYIN GYIS BRLABS, NA MA:SARBA TA TH'A GA TA SOGS KYI BRGYA RTZA BYED NA BCU TZAM BYAS, BRGYA RTZA RANG MI BYED NA BDUN NAM GSUM SOGS SANGS RGYAS CHOS TSOGS MA DANG, GTOR RIL, RGYA CHEN SHUGS LDAN GYI SNGAGS SOGS GRANGS 'DRA 'DRA BYED DGOS, 'DI BCOM LDAN 'DAS KYI ZHAL NAS DNGOS SU GSUNGS BA'I BKA' YIN, DE YANG BCOM LDAN 'DAS GRONG KHYER SER SKYA NA BZHUGS PA'I DUS GCIG NA, GCUNG DGA' BOS CHOS YID LA BYED PA ZER DPE CHA 'DZIN GYI YOD PA RED, NAM GYI SMANG CHA LA GCUNG DGA' BO'I DRUNG DU YI DVAGS MO KHA NAS ME 'BAR BA GZUGS MI SDUG PA, MIG KHONG DU SDIB PA, MCHE BA DANG SEN MO RING BA, SKRA 'DZINGS BA, DRI MI ZHIM PA, LUS SHIN TU RID PA, MGRIN PA RTA RNGA LTAR PHRA BA, LTO BA SHIN
TU CHE BA, 'JIGS SU RUNG BA, DE LTA BU ZHIG 'ONGS NAS, YI DVAGS NGE NA RE, GCUNG DGA' BO LA KHYOD DA STE ZHAG BDUN NAS TSE'I DUS BYAS TE YI DVAGS KYI 'JIG RTEN DU SKYE, TSE YANG BSKAL BA BRGYAD KHRI GNAS PAR 'GYUR, KHYOD KYI SROG DBUGS SHA KHRAG DE TSO NGA'I ZAS SKAL YIN ZER BAS, GCUNG DGA' BO 'JIGS SHING SKRAG NAS YI DVAGS LA SMRAS PA, BDAG YI DVAGS SU SKYE BA'I RGYU CI YIN, DER MI SKYE BA'I THABS GANG BYAS NA PHAN BYAS PAS, YI DVAGS DE NA RE KHYOD KYIS SKYE BA SNGA MA SER SNA BYAS PAS LAN, DA DE LAS THAR 'DOD NA, SANG GI NYI MA LA YI DVAGS GANG+G'A'I BYE MA SNYED LA 'BRAS YUL DBUS KYI BRE TSAD KYI BRE BDUN DANG, BRAM ZE DANG DRANG SRONG DE SNYED LA'ANG DE LTAR PHUL NAS, KHO MO'I CHED DU DKON MCHOG LA MCHOD PA RGYA CHEN PO PHUL NA TSE RING ZHING YI DVAGS KYI 'JIG RTEN LAS THAR TE MTHO RIS KYI LHAR SKYES NAS LHA'I BDE BA MYONG NGO ZER NAS MI SNANG BAR GYUR TO, DE NAS GCUNG DGA' BO 'JIGS SHING SKRAG NAS BCOM LDAN 'DAS KYI DRUNG DU SONG NAS SNGAR GYI LO RGYUS RNAMS ZHUS TE DE LTA BU'I THABS BSTAN DU GSOL, ZHES ZHUS PAS, BCOM LDAN 'DAS KYIS DGA' BO LA BKA' STZAL PA, KHYOD 'JIGS BAR MA BYED CIG ,DGA' BO DA LA GZUNGS SNGAGS GZI BRJID TSAD MED BA'I
, ,'OD ZER RNAM PAR RGYAL BA'I SHUGS ZHES BYA BA YOD DE, DE YANG NGA SNGON BRAM ZE'I KHYE'UR GYUR PA NA SANGS RGYAS DBANG PHYUG RGYAL PO ZHES BYA BA LAS GZUNGS 'DI THOS NAS BRAM ZE DANG DRANG SRONG DANG YI DVAGS RNAMS LA BSNGAGS TE BYIN PAS, YI DVAGS RNAMS KYANG SDUG BSNGAL LAS THAR TE MTHO RIS KYI LHAR SKYES NAS BDE BA DPAG TU MED PA MYONG NGO, ,DGA' BO KHYOD KYIS GZUNGS 'DI GZUNGS SHIG ,KHYOD KYI TSE DANG BSOD NAMS YANG 'PHEL BAR 'GYUR RO, ,GZHAN DAG LA YANG RGYA CHER SPEL ZHIG GZUNGS 'DI LAN BDUN BSNGAGS TE, DE BZHIN GSHEGS PA BZHI'I MTSAN BRJOD DE, SE GOL LAN BDUN BYAS NAS SA GTZANG SAR BTANG NA PHYOGS BCU NAS LHAGS PA'I YI DVAGS GANG+G'A'I KLUNG GI BYE MA SNYED PHRAG BRGYA STONG SO SOR YUL MA GA DHA'I BRE TSANG MAS BCAL BA'I BRE BDUN BDUN THOB NAS, RANG RANG GI YID BZHIN DU BZA' BA DANG BTUNG BA'I MCHOG 'BRANG BA DANG, NGOM PA DANG TSIM PAR GYUR TE, YI DVAGS KYI 'JIG RTEN SPANGS NAS MTHO RIS KYI LHAR SKYE'O, , DKON MCHOG DANG DRANG SRONG DANG BRAM ZE SOGS LA SBYIN NA YANG KHA ZAS GTZANG BAS SNOD GTZANG MA BKANG LA GZUNGS LAN BDUN BZLAS NAS 'BAB CHU GTZANG MAR GTOR NA, LHA RDZAS KYI ZHAL
ZAS DAM PA'I MCHOG TU GYUR NAS DE DAG GIS KYANG, SO SOR 'DOD PA'I ZAS THOB NAS JI LTAR 'DOD PA'I SMON LAM 'DEBS SO, ,DGA' BO KHYOD KYIS GZUNGS 'DIS MCHOD SBYIN RTAG TU BGYIS SHIG ,SNGAR GYI SDUG BSNGAL LAS MYUR DU YONGS SU THAR BAR 'GYUR RO, ,ZHES BYA BA LA SOGS PA GSUNGS, DE NAS DGA' BOS KYANG DE LTAR BYAS PAS YANG SNGAR GYI YI DVAGS MO 'ONGS NAS, GCUNG DGA' BO LEGS SO LEGS SO, ,KHYOD KYIS GZUNGS SNGAGS ZAB MO BCOM LDAN 'DAS LAS YANG DAG PAR BLANGS TE, DKON MCHOG DANG DRANG SRONG DANG BRAM ZE LA MCHOD PA BYAS SHING, DES YI DVAGS KYI TSOGS LA YANG SBYIN PA RGYA CHEN PO BYAS PA'I BSOD NAMS NI MTHA' YAS PA KHYOD KYIS THOB STE DENG PHYIN CHAD KHYOD YI DVAGS KYI 'JIG RTEN LAS THAR RO, ,TSE YANG PHYIR NUR RO ZER NAS MA SNANG BAR GYUR TO, ,DER MA ZAD PHAN YON MANG PO YOD DE DA DE TZAM BYAS, GCUNG DGA' BO TZAM DU MA ZAD, RANG CAG RNAMS KYANG GTOR MA BTANG NA GNAS SKABS DANG MTHAR THUG GI 'BRAS BU DANG PHAN YON MTHA' YAS, DE YANG RANG CAG RNAMS KYI LUS 'DI 'BYUNG BA BZHI LA BRTEN PA YIN PAS, 'BYUNG BA BZHI PO DE YANG KHAMS BZHI 'AM LNGA LA BRTEN NAS 'BYUNG BAS 'BYUNG LUS
, ,ZHES BSHAD PA YIN, KHAMS BZHI PO DE YANG MDO SDE SOGS NAS SA'I KHAMS, CHU'I KHAMS, ME'I KHAMS, RLUNG GI KHAMS DANG BZHI, RTZIS KYI RIG PA LAS LCAGS KYI KHAMS DANG LNGA, GSO BA RIG PA LAS NAM MKHA'I KHAMS DANG LNGA YOD, KHAMS LNGA PO DE MTHO DMAN GYI KHYAD PAR LAS, RLUNG MKHRIS BAD KAN 'DUS PA'I NAD BZHI'I KHYAD PAR LA BRTEN NAS 'BYUNG BA YIN, DE YANG 'PHAGS PA GSER 'OD DAM PA SOGS NAS BSHAD PA LTAR, DPYID KYI DUS SU BAD KAN GYI NAD DANG, DBYAR GYI DUS SU RLUNG GI NAD DANG, STON GYI DUS SU MKHRIS PA DANG, DGUN GYI DUS SU 'DUS PA'I NAD DANG, DE'I YAN LAG TU GYUR PA'I NANG RIGS BZHI BRGYA RTZA BZHI DANG, DE'I SLONG BYED BGEGS RIGS STONG PHRAG BRGYAD CU DANG, GDON RIGS SUM BRGYA DRUG CU LA SOGS PA'I 'BYUNG BZHI'I LUS LA MI BDE BA'I NANG SNA TSOGS BSKYED PAR BYED PA YIN, DE YANG DBYAR DGUN STON DBYID DUS SU ZAS DANG 'BYUNG BZHI'I 'PHEL 'GRIB KYI NAD GANG YIN BA DE THAMS CAD RTZA BA RLUNG MKHRIS BAD KAN 'DUS PA'I NAD BZHI RU THUG ,DE BZHI YANG 'PHEL BAS DUS RANG RANG GI KHAMS KYI DUS BZHI PO, DBYAR ZLA GSUM, DGUN ZLA GSUM, STON ZLA GSUM, DBYID ZLA GSUM, ZLA BA RE LA ZLA BDAG SKAR MA RE RE YOD BA
MNGON PA MDZOD DANG DUS 'KHOR SOGS NAS BSHAD PA LTAR, ZLA BA GANG YIN PA DE'I TSES BCO LNGA LA ZLA BA'I THAD NAS ZLA ZUR SKAR ZUR SPRAD NAS 'GRO BA DE LA SKAR MA DE DANG DE'I ZLA BA ZER NAS THA SNYAD BYED PA YIN, DA NGA'I BSHAD PA DE 'KHYAMS SO, ,GTOR MA'I 'KHRID BSHAD RGYU YIN PA LA RTZIS RGYAG LUGS BSHAD MA BSHAD MED, DA BSHAD RGYU DE 'DI YIN, GTOR MA BTANG BAS GNAS SKABS RANG GI 'BYUNG BZHI'I NAD ZHI BA DANG, GDON BGEGS SOGS KYIS GLAGS MI BLTA BAR TSE RING BA SOGS 'BYUNG ZHING, MTHAR THUG PHA ROL TU PHYIN PA DRUG YONGS SU RDZOGS NAS SANGS RGYAS KYI GO 'PHANG RIN PO CHE THOB PAR 'GYUR RO, ,DE NAS BADZRA AARGHAm ZHES SOGS NYER SPYOD PHUL, TING SHAGS BRDUNG, PHUN TSOGS 'DOD YON LNGA LDAN PA'I ZHES PA NAS, RGYAS PAR SHOG CES PA'I BAR BRJOD NAS BLA MA SANGS RGYAS RNAMS LA RANG GANG 'DOD KYI 'PHAGS PA KUN TU BZANG PO'I MCHOD SPRIN DANG, YI DAM LHA TSOGS RNAMS LA TSOGS KYI GTOR MA LA SOGS PHYI NANG GSANG BA'I MCHOD PA'I SPRIN PHUNG BSAM GYIS MI KHYAB PAR DMIGS NAS PHUL, DGYES BZHIN BZHES SONG SNYAM DU BSAM NAS TSE RABS THAMS CAD DU DKON MCHOG GSUM DANG MI 'BRAL ZHING RJES SU BZUNG BA DANG, 'KHOR LO GSUM DANG BSLAB PA GSUM
, ,LA SOGS PA'I CHOS KYI 'BYOR PA DANG, DAL BA BRGYAD DANG, 'BYOR PA BCU LA SOGS PA DANG, KHYAD BAR DU DAM PA'I CHOS BSGRUBS PA'I MTHUN RKYEN TSANG BA'I SGO NAS SANGS RGYAS KYI BSTAN PA RIN PO CHE DAR ZHING RGYAS PA DANG, DE TSUL BZHIN DU 'DZIN PAR BYIN GYIS BRLAB TU GSOL, ZHES ZHUS PAS ZHAL BZHES BZANG PO BYUNG SNYAM DU BSAM, ` GNYIS PA RGYAS PAR BYED NA; SNGAR BZHIN RNYING PA BSHAL, GSAR DU BSHAMS, GTOR ROL DANG, SANGS RGYAS CHOS TSOGS MA, RGYA CHEN SHUGS LDAN GYI SNGAGS DANG, SO GOL SOGS BCU BCU BYED PA MGRON TSAN THAMS CAD LA 'DRA, BSDUS TZAM BYED NA NI SNGAR GYI MCHOD PA BSHAM BSHAM PA DE THOG LA GTOR RIL DANG CHU BLUG BYIN GYIS BRLABS NAS, SEMS BSKYED SNGAGS DANG BCAS PA YANG BDUN NAM GSUM SOGS SKABS DANG BSTUN NAS BYED CING MYUR MDZAD YE SHES MGON PO 'KHOR DANG BCAS PA BCOM LDAN 'DAS THUB PA'I DBANG BO'I SPYAN SNGAR BSTAN PA BSRUNG BAR KHAS BLANGS PA'I 'JIG RTEN LAS 'DAS PA'I BSRUNG MA SPYI DANG, KHYAD PAR DU KHAMS GSUM CHOS KYI RGYAL PO TZONG KHA PA CHEN PO'I BSTAN PA TSUL BZHIN DU BSRUNG BA'I DAM CAN CHOS KYI RGYAL PO PHYI NANG GSANG GSUM, DPAL
LDAN DMAG ZOR GYI RGYAL MO LA SOGS PA'I CHOS SKYONG BSRUNG MA RNAMS LA BSKANG RDZAS DANG, DAM RDZAS SPYAN GZIGS NYER SPYOD 'DOD YON LNGA LA SOGS PA'I PHYI NANG GSANG BA, DE KHO NA NYID KYI MCHOD PA SOGS BSAM GYIS MI KHYAB PA PHUL BA'I DMIGS PA NAN TAN BYED PA YIN, DER MA ZAD SKU GSUNG THUGS KYI GNAS NA BZHUGS PA'I DPA' BO MKHA' 'GRO RNAMS LA YANG MCHOD PA'I BYE BRAG BSAM GYIS MI KHYAB PA PHUL BAS DGYES BZHIN DU BZHES SONG SNYAM DU BSAM NAS, AARGHAm SOGS KYIS SNGAR LTAR MCHOD, TING SHAGS BRDUNG, PHUN TSOGS 'DOD YON ZHES SOGS BRJOD NAS; SPYIR SANGS RGYAS KYI BSTAN PA BSRUNG BA DANG, KHYAD PAR BDAG LA ZHI RGYAS DBANG DRAG GI 'PHRIN LAS BZHI'I SGO NAS DNGOS GRUB STZAL DU GSOL, ZHES ZHUS PAS, YONG NGO GSUNGS NAS ZHAL GYIS BZHES PAR BSAMS, ` GSUM PA NI, YANG SNGAR LTAR MCHOD PA RGYAS BSDUS DANG, CHO GA RGYAS BSDUS GONG DU BSHANG BA LTAR BYAS NAS BYIN RLABS BYAS, AARGHAm NAS SHAPTA'I BAR SNGAR LTAR RGYAS BSDUS BLO LTAR BSTUN BZHIN BYAS NAS, DE YANG DRANG SRONG CHEN PO MCHOG BRGYAD DANG ZHES SOGS BRJOD NAS 'DI'I DRANG SRONG CHEN PO MCHOG BRGYAD NI, DRANG SRONG CHEN PO MI SBYIN ZHES BYA BA
, ,DANG; SNA TSA ZHES BYA BA DANG, YANG DAG SHES BYA BA DANG, MDUN DU BRDAR ZHES BYA BA DANG, GYA GYU ZHES BYA BA DANG, 'GYUR ZHES BYA BA DANG, AU GURAR ZHES BYA BA DANG, DRANG SRONG CHEN PO G-YON PHYOGS ZHES BYA BA BRGYAD PO DE YIN, DE RNAMS DRANG SRONG GI MCHOG TU BYED PA DE GANG YIN SNYAM NA, DE RNAMS BSKAL PA 'DI'I DRANG SRONG GI THOG MA YIN, DE YANG YANG DAG PA'I SANGS RGYAS DANG DE'I BSTAN PA MA BYON BAR DU RANG SANGS RGYAS KYI BSTAN PA 'BYUNG BA YIN PAS DE RNAMS NI SNGON MANG BKUR RGYAL PO'I RIGS LAS 'KHOR LOS BSGYUR BA'I RGYAL PO SPYI BO SKYES ZHES BYA BA BYUNG BA RED, DE'I DUS SU RGYAL PO DE'I NYE CHAR GTOGS PA NA, NAGS 'DAB CHEN PO ZHIG YOD PA RED, DE NA DRANG SRONG CHEN PO DE RNAMS BZHUGS YOD PA RED, NAM ZHIG RGYAL PO SPYI BO SKYES NAGS 'DAB DER SKYO BSANGS LA PHEBS BYA GAG MANG PO SKAD 'GAGS NAS SKAD KYANG RGYAG RGYU MED, GSHOG PA TSO YANG CHAD NAS 'PHUR RGYU MED, RKANG GIS 'GRO BA MANG PO RGYAL BOS GZIGS PA RED, DE NAS RGYAL POS BLON POS MDUN NA 'DUG PA LA, BYA GAG SKAD KYANG 'GAGS, 'DAB MA YANG CHAD, 'DI SUS KYANG BYAS GSUNGS PAS, MDUN NA 'DUG GIS, LHA BYA GAG 'DI RNAMS NI NYIN MTSAN MED PAR SKAD BYUNG BA DAG LAGS SO, ,
NAGS 'DAB 'DIR DRANG SRONG BRGYAD TING 'DZIN BSGOM PA LA, TING NGE 'DZIN GYI TSER MA NI SGRA YIN PAS, BYA GAG GI SKAD KYIS TING NGE 'DZIN LA GNOD PAS, DRANG SRONG RNAMS KYI BDEN TSIG GIS 'DI LTAR BYAS SO ZER GIN 'DUG ZER, BYA GAG ZER BA DENG SANG NGA RANG TSOS BYA LONG ZER BA 'DI YIN, DE NAS RGYAL PO SPYI BO SKYES KYIS AA KHA DE TSO YAG PO MA RED, SEMS CAN LA 'DI LTA BU'I GNOD PA BYED PA MA LEGS PAR 'DUG PAS, NGA'I MNGA' 'OG LA MA 'DUG CIG GSUNGS, DRANG SRONG RNAMS LA BSNYAD PAS, DRANG SRONG RNAMS KYIS RGYAL PO 'DI 'DZAM BU'I GLING LA DBANG BA'I RGYAL PO YIN PAS, RANG RES GLING GZHAN LA 'GRO ZER NAS SHAR LUS 'PHAGS PO LA NAM MKHA' LA 'PHUR NAS PHEBS SONG BA RED, YANG RGYAL BO SPYI BO SKYES 'DZAM BU'I GLING 'DI YONGS RDZOGS NGA'I DBANG YIN NA, DA NGA'I MNGA' 'OG MA YIN PA'I YUL GZHAN YOD DAM BYAS PAS, BLON PO RNAMS KYIS SHAR LUS 'PHAGS PO ZHES BYA BA LHA'I MNGA' 'OG MA LAGS SO ZHUS PAS, DER 'GRO'O DBANG DU BYED DO GSUNGS NAS, DPUNG TSOGS YAN LAG BZHI DANG BCAS PA GSER GYI 'KHOR LO LA ZHUGS TE SONG NGO, ,DRANG SRONG RNAMS KYIS YANG RGYAL PO PHEBS PA SHES NAS, RANG RE NUB BA LANG SPYOD DU 'GRO BYAS NUB BA LANG SPYOD DU GSHEGS SO,, YANG RGYAL PO SPYI
, ,BO SKYES YANG SHAR LUS 'PHAGS PO DBANG DU BYAS NAS, NGA GLING GNYIS NI DBANG DU BYAS ZIN GYI GZHAN YOD DAM GSUNGS PAS, BLON PO RNAMS KYIS NUB BA LANG SPYOD ZHES BYA BA LHA'I DBANG MA LAGS SO ZHUS BAS, YANG RGYAL POS 'GRO DE YANG DBANG DU BYED DO GSUNGS NAS BA LANG SPYOD LA SNGAR LTAR GSHEGS SO, ,YANG DRANG SRONG RNAMS KYIS SHES NAS, YANG RGYAL PO GLING 'DI NA YANG 'ONGS, RANG RE BYANG SGRA MI SNYAN LA 'GRO GSUNGS GSHEGS SO, ,YANG RGYAL PO SPYI BO SKYES YANG NUB BA LANG SPYOD DBANG DU BYAS NAS, NGA GLING GSUM NI DBANG DU BYAS ZIN GYI GZHAN YOD NGAM GSUNGS PAS, BLON PO RNAMS KYIS BYANG SGRA MI SNYAN ZHES BYA BA LHA'I DBANG MA LAGS SO ZHUS BAS, YANG RGYAL POS 'GRO DE YANG DBANG DU BYED DO GSUNGS NAS BYANG SGRA MI SNYAN LA SNGAR LTAR GSHEGS SO; ;YANG DRANG SRONG RNAMS KYIS SHES NAS SNGAR BZHIN RI RAB LA GSHEGS SO, ,DE NAS RGYAL POS BLON PO RNAMS LA NGAS MTHA' THAMS CAD DBANG BAR BYAS, DA NGA'I DBANG MA YIN BA MED DAM GSUNGS PAS, LHA'I DBANG PO BRGYA BYIN NI DBANG MA LAGS SO ZHUS PAS, YANG SNGAR LTAR 'GRO GSUNGS NAS SUM CU RTZA GSUM DU GSHEGS SO, ,YANG DRANG SRONG RNAMS KYIS SHES NAS, YANG RGYAL PO,
SPYI BO SKYES YONG GIN 'DUG ,RANG RES GANG DU SONG YANG DER RGYAL PO 'ONGS NAS BZOS MI BDE BA 'DI BYED PA MA RUNGS PA YIN PAS, RGYAL PO 'GRO BAR BYED PA'I 'KHOR LO NAM MKHA' LA 'GRO BA MED PAR GYUR CIG, CES BDEN TSIG GSOL LO, ,DE MA THAG RGYAL PO'I GSER GYI 'KHOR LO YANG NAM MKHA' LA THOGS SO, ,RGYAL POS BLON PO RNAMS LA SMRAS PA, GSER GYI 'KHOR LO NAM MKHA' LA THOGS PA 'DI CES NYES SMRAS PAS, BRAM ZE MDUN NA 'DUG RIG BYED KYI GNAS LNGA LA MKHAS PA DE NA RE, LHA 'DI NI SNGAR 'DZAM BU GLING GI DRANG SRONG BRGYAD DO, , DE'I MTHU LAGS SO, ,CI MNGON ZHE NA BYA GAG LA SMOD PA BOR TE BYA GAG MA RUNGS PA BYAS PA LA, LHA'I ZHAL BCE BCAD DE MNGA' 'OG NAS DBYUNG BAS KHONG RNAMS SHAR LUS 'PHAGS PO DANG, DE NAS RIM GYIS PA LANG SPYOD, BYANG SGRA MI SNYAN DANG, RI RAB KYI ZOM LA RIM GYIS BROS PA LA, LHA YANG DE DAG LA RIM GYIS GSHEGS PAS, DE DAG GI DMOD PAS 'KHOR LO MA 'PHAGS PAS MNGON MI THOGS LAGS SO, ,ZHES ZHUS PAS, RGYAL PO CUD NONGS TE SMRAS PA, 'JIG RTEN GYI YON GNAS SU GYUR PA'I RDZU 'PHRUL DANG
, ,LDAN PA DE RNAMS BZOD BAR GSOL LO, ,DENG PHYIN CHAD GANG DU BZHUGS KYANG CI BDE BAR MDZOD LA KHO BO'I GSER GYI SHING RTA'I LAM 'BYED BAR GSOL ZHES GSUNGS, DRANG SRONG RNAMS DE MA THAG NAM MKHA' LA 'PHAGS TE CHO 'PHRUL RNAM BA DGU BSTAN NAS MYA NGAN LAS 'DAS SO, ,RGYAL PO SPYI PO SKYES NI SUM CU RTZA GSUM DU 'PHAGS NAS LHA'I DBANG PO BRGYA BYIN DANG STAN PHYENG BA'I KHRI GCIG TU GNAS SO, ,'O NA DE LTA BU'I DRANG SRONG BRGYAD PO NGES GTZO BYAS, LHA DANG MI DANG KLU LA SOGS PA'I DRANG SRONG MNGON SHES LNGA DANG LDAN PA BDEN TSIG 'GRUB PA RNAMS LA PHUL NAS, DRANG SRONG RNAMS LA NI DKAR GSUM MNGAR GSUM SHING TOG RTZA BA LDUM BU SOGS RIL BA SPYI BLUG, DBYUG GU RTZE GSUM RAS KYI AANG+GA RAG SOGS MDOR NA DRANG SRONG RNAMS LA YANG GANG DGOS KYI YO BYAD DANG BZA' BA DANG BTUNG BA PHUN SUM TSOGS PA LA DMIGS NAS PHUL, AARGHAm SOGS KYIS MCHOD, PHUN TSOGS 'DOD YON LNGA ZHES SOGS BRJOD NAS SPYIR SANGS RGYAS KYI BSTAN BA RIN PO CHE PHYOGS DUS GNAS SKABS THAMS CAD DU DAR ZHING RGYAS PA DANG, 'GRO BA SEMS CAN THAMS CAD BDE ZHING SKYID PA DANG, KHYAD PAR DU BDAG DANG SEMS CAN THAMS CAD MYUR DU SANGS RGYAS THOB PA'I BDEN TSIG GI
SMON LAM MDZOD CES ZHUS PAS DE RNAMS KYANG MNYES BZHIN DU YONG YONG ZER ZHAL GYIS BZHES PAR BSAM MO,, ` YANG BZHI PA NI, GTOR CHU BSHAMS PA SOGS NAS RGYA CHEN SHUGS LDAN SNGAGS KYI BAR RGYAS BSDUS GANG BYED KYANG GONG DU BSHAD PA LTAR SHES PAR BYA ZHING, RGYAL PO RNAM THOS SRAS KYI SRAS 'DZAM BHA LA DANG, NOR RGYUN MA DANG, DBYANGS CAN MA DANG, PHAG MO SOGS, AA BAR TZI TA SOGS MNGOR NA 'JIG RTEN LAS 'DAS PA'I NOR LHA DANG, GNOD SBYIN RNAMS DANG, BDAG CAG DPON SLOB 'KHOR BCAS KYI TSE LHA SROG LHA LA SOGS PA LHAN CIG SKYES PA'I LHA 'DI LA LNGA'AM DGU LA SOGS PA GRANGS NGES PA MED, GANG ZAG RANG RANG GI BSOD NAMS KYI LAS LA GRUB BA YIN, BSOD NAMS KYI LAS MANG PO BSAGS PA LA LHAN CIG SKYES PA'I LHA MANG ZHING 'DRE NYUNG, BSOD NAMS MA YIN PA'I LAS MANG BA LA NI 'DRE MANG LA LHA NYUNG PA YIN, GANG LTAR KYANG LHAN CIG SKYES PA'I LHA GANG YOD DANG, DER MA ZAD RANG LA BSRUNG ZHING SKYOB PAR BYED PA'I TSE RABS SNGON NAS BSRUNG MA MA BSGRUB LAS LA BKOD PA ZHES BSHAD PA YIN PAS RANG NYID BSRUD SKAL BABS PA'I LHA KLU LA SOGS PA'AM, GNOD SBYIN DANG BTZAN LA SOGS PA BSRUNG SKYOB BYED MKHAN GANG YOD LA PHUL NAS DGYES
, ,BZHIN DU BZHES NAS, BDAG LOG PA'I 'TSO BA LNGA ZHES BSHAD PA YANG YOD, DE DAG NI RANG RANG GI GZHUNG CHEN MO LA SLOB GNYER BYED MKHAN RKYANG LA SONG NAS BSHAD MI DGOS, MDOR BSDUS NA NI BRKUB, 'PHROG PA LA SOGS PA DANG, SDIG PA CHEN PO'I ZAS DAM PA'I CHOS 'DUL BA NAS DGE 'DUN GYI SDE DANG, DGE TSUL DGE SLONG SOGS LA RUNG BA MA YIN NO ZHES GANG BKAG PAR MDZAD PA'I ZAS KYIS MI 'TSO ZHING, DE LAS LDOG PA'I RUNG BA'I ZAS CHOS DANG MTHUN PA'I ZAS DUS RUNG GI ZAS LA SOGS PA'I 'TSO BA DANG, CHOS MTHUN GYI BSAM PA CHOS NAS BSHAD PA BZHIN 'GRUB PAR MDZOD CIG ,CES 'PHRIN LAS BCOL, DE DAG KYANG DGYES BZHIN ZHAL GYIS BZHES BYUNG BSAM PA BYED, ` GNYIS PA LA DRUG LAS, DANG PO NI, 'DIR RGYAS BSDUS GANG BYED KYANG SNGAR GYI MCHOD PA RNYING PA BSHAL, GTOR THEB BSHAL, CHU BLUG, GTOR RIL YANG BRGYA RTZA LA BCU, GZHAN GANG 'BYOR BYAS NAS SANGS RGYAS CHOS TSOGS MA DANG, BYIN RLABS DANG, RGYA CHEN SHUGS LDAN GYI SNGAGS DANG, SE GOL BRGYA RTZA LA BCU DANG, GZHAN LA SKABS DANG BSTUN NAS BDUN NAM GSUM SOGS GANG RIGS KYIS PHUL NAS, AARGHAm SOGS BZHAG NAS, DE BZHIN GSHEGS PA'I
MTSAN BZHI BRJOD NAS BSNGO BA YIN, 'DI LA BSHAD PA MANG DU YOD DE, DGE 'DUN GYI SKU RIM LA SOGS PA'I BYA BA MANG PO YOD BAS MANG BO MI BSHAD, DON GYI SNYING PO BSDUS BA RE BSHAD NA RIN CHEN MANG SH'AKYA THUB BA, GZUGS MDZES DAM PA SPYAN RAS GZIGS, SKU 'BYAMS KLAS 'JAM DBYANGS, 'JIGS PA THAMS CAD DANG BRAL BA PHYAG NA RDO RJE YIN PA JO BO YAB SRAS KYIS BZHENG, GZHAN MI 'DRA BA MANG PO YOD DE DE TZAM GYIS, DE BZHIN GSHEGS PA BZHI'I MTSAN BRJOD PA'I DGOS PA NI, YUL LHA GZHI BDAG MAN CHAD KYI MGRON RNAMS PHYI NANG GI SGRIB PA CAN MANG PO YOD, DE YANG SA'I LHA MO LA SGRIB PA MED KYANG 'KHOR SGRIB PA CAN MANG PO YOD, SA'I LHA MO'I 'KHOR GZHI BDAG DANG, 'PHROG MA BU DANG BCAS PA RNAMS LA NI KHA ZAS MI 'PHROD PA DANG, ZA DBANG MED PA DANG, DBANG CHE BAS 'PHROG PA DANG, SNANG TSUL GZHAN DU SNANG BA LA SOGS PA'I SGRIB PA DANG, BGEGS RIGS GDON RIGS SOGS LA NI MI DGA' BA'I ZAS DANG, KHA CIG MI MTHONG PAR GZHAN GYIS SGRIB PA DANG ZA DBANG MED PA SOGS YOD CING 'GRO BA RIGS DRUG GI MGRON RNAMS DNGOS SU 'ONG BA'I NUS PA MED, YI DVAGS LA PHYI NANG GI SGRIB PA LA SOGS PA MANG PO YOD, DE RNAMS BYANG BA'I THABS SU DE BZHIN GSHEGS PA BZHI'I
, ,MTSAN BRJOD PA YIN, RANG RANG GI MGRON GYI SKABS SU YANG CUNG ZAD RE BSHAD PA YIN, PHUN TSOGS 'DOD YON LNGA LDAN PA'I ZHES SOGS BRJOD NAS, SA'I LHA MO BSTAN MAS GTZO BYAS STONG GSUM GYI GZHI BDAG DANG, TSE RING MCHED LNGA BSTAN MA BCU GNYIS, YUL LHA GZHI BDAG, KHYAD PAR DU RANG GANG DU GNAS PA'I YUL DE'I GZHI BDAG RNAMS LA GONG DU BSHAD PA BZHIN DU PHUL BAS DGA' TSOR DANG LDAN PAS LONGS SPYAD DE GANG BYED DGOS ZER BA LA, RANG DANG GZHAN DANG SANGS RGYAS KYI BSTAN PA'I DON DU ZHI RGYAS DBANG DRAG GI LAS LA SOGS PA'I BYA BA CI BYED KYANG KO LONG DANG PHRAG DOG MA BYED, MTHUN RKYEN TSUL BZHIN DU SGRUBS SHIG ,CES RANG 'PHAGS PA SPYAN RAS GZIGS SU GSAL BAS BKA' BSGOS PAS KHAS BLANGS SONG SNYAM DU BSAM, ` GNYIS PA NI YANG SNGAR LTAR RGYAS BSDUS SKABS DANG BSTAN NAS BYED PA YIN, BSDUS TZAM BYED NA SNGAR GYI GTOR CHU DE'I STENG DU CHU CIG DANG, GTOR RIL SOGS BLUG NAS, SANGS RGYAS CHOS TSOGS MA NAS SNGAGS KYI BAR SNGAR LTAR YIN CING, RTA BDAG BRGYAD DANG, 'PHROG MA BU LNGA BRGYA DANG BCAS PA DANG, MDOR NA SANGS RGYAS MTHONG BA DANG MA MTHONG BA'I MI MIN MTHU CHEN RNAMS LA STER BA
YIN; DE YANG 'PHROG MA LA SOGS BA NI SANGS RGYAS MTHONG BA'I MI MIN RED, DER YANG MA ZAD RGYA GAR GYI YUL GRU CHEN PO TSO LA MI MIN GYI MTHU CHEN RE RE YOD PA 'DUS PA RIN PO CHE TOG GI GZUNGS NAS BSHAD PA LTAR DANG, RANG CAG BOD KYI YUL 'DI TSO LA YANG MI MIN GYI MTHU BO CHE MANG PO RED, DE THAMS CAD LA YANG GONG DU BSHAD PA LTAR BSDOS NAS RANG RANG GI 'DOD PA'I YO BYAD DANG ZAS SKOM GYIS TSIM PAR BSAMS, DE BZHIN GSHEGS BA BZHI'I MTSAN BRJOD PAS RANG RANG GI SNGON LAS DANG 'PHRAL RKYEN LAS BYUNG BA'I SGRIB PA DANG, KHYAD PAR DU GTOR MA LA LONGS SPYOD PA'I SGRIB BA THAMS CAD DAG BAR BSAM ZHING, DE DAG PHAL CHER NI SNYING RJE MED PAR BYAMS PA DANG MI LDAN PA GZHAN GYI SROG GCOD PA DAG YIN CING, DE DAG GIS GZHAN LA PHAN PA DANG BYAMS PA DANG SNYING RJES SKYONGS SHIG, CES PA DANG, BDAG CAG GI CHOS SGRUB PA'I 'GAL RKYEN SOL LA MTHUN RKYEN SGRUBS SHIG CES GONG BZHIN BKA' BSGOS BAS DI DAG GIS KYANG KHAS BLANGS DANG DAM BCAS BYUNG SNYAM DU BSAM, ` GSUM PA NI SNGAR LTAR BYED CING, GDON BGEGS MGRON RNAMS LA BSNGO PA YIN, BGEGS RIGS STONG PHRAG BRGYAD CU DANG, GDON RIGS SUM BRGYA DRUG CU DANG, BYIS BA'I GDON CHEN BCO LNGA DANG,
, ,STENG 'GO BAR GSUM NA RGYU BA'I GDON BGEGS 'BYUNG PO'I RIGS LA SHA KHRAG SROG DBUGS LA DGA' BA DUS RTAG TU TSIG PA ZA KHRUM KHRUM PA, MTHONG TSAD GSONG SNYING 'DOD PA'I GDUG SEMS CAN DE YOD DE TSO LA NI SHA KHRAG DANG SROG DBUGS KYI RNAM PA CAN LA DMIGS NAS STER DGOS, GANG YIN BYAS NA KHO RANG TSO DE LA DGA' BA YIN PAS KHO RANG TSO GANG DGA' BDE LA DMIGS NAS BYIN NA DGA' 'GRO, DE BZHIN GSHEGS PA BZHI'I MTSAN BRJOD NAS, KHONG TSO'I RGYUD KYI TSIG PHA ZA BA DANG, KHONG KHRO LA SOGS PA DANG, GNOD SEMS RNAMS ZHI BAR BSAM NAS NAD YAMS DANG, DMAG 'KHRUG MU GE, SAD SER THAN PA LA SOGS MA GTONG BAR, 'GRO BA 'DI RNAMS KYANG KHYAD PAR RANG TSO'I PHA MA BYAS PA SHA STAG YIN PAS PHAN PA DANG BDE BA'I BSAM PA DANG SBYOR BA RAB TU BRTAN PAR MDZOD CIG BYAS, SNGAR LTAR KHAS BLANGS PAR BSAM, NAD PA SOGS DANG GZHAN GYI SKU RIM YIN NA, 'DI LA DMIGS PA NAN TAN BYED DGOS, DE YANG DON GANG YIN SNYAM NA, 'JIG RTEN LA GNOD PA BYED MKHAN PHAL CHER KHONG TSO YIN MOD DE, DE DAG LA GANG 'DOD KYI DNGOS PO DANG KHYAD PAR NAD PA LA SOGS PA YIN NA'ANG DE'I GLUD KYI TSUL DANG, SHA KHRAG SROG DBUGS KYI TSAB TU BYIN NAS NAD DANG GDON
GNOD PA SOGS ZHI BAR GYIS ZHES 'PHAGS PA'I GSUNG GIS BKA' BSGOS PAS, DE'I GZI BRJID MA BZOD PAS BKA' NYAN KHAS BLANGS SONG SNYAM DU BYED DGOS, 'DI LA RTEN 'BREL GYI GNAD YOD; ` BZHI PA NI, YANG GTOR CHU BSHAMS PA SOGS RGYAS BSDUS SNGAR BZHIN YIN, 'GRO BA RIGS DRUG GI SEMS CAN SPYI DANG LAM RGYUD LNGA'I 'GRO BA NI, LHA MI GNYIS BDE 'GRO'I LAM DANG, NGAN 'GRO'I LAM BZHI BYAS NAS LAM RGYUD LNGA DANG, RDZUS SKYES LA SOGS PA'I SKYE GNAS BZHI YIS BSDUS PA'I 'GRO BA RNAMS DANG, TSE 'DI'I PHA MAS GTZO BYAS PA'I NAMKHA'I MTHA' DANG MNYAM PA'I 'GRO BA'I TSOGS LA YANG ZAS 'DOD PA LA ZAS, SKOM 'DOD PA LA SKOM, MDOR NA RANG RANG GANG 'DOD PA'I YO BYAD PHUN SUM TSOGS PA LA DMIGS NAS BSDOS PAS RANG GI 'DOD BYA'I DNGOS PO DE DANG DER BYUNG BA'I DMIGS PA BYAS NA 'ONG BA YIN, MGRON 'DI RNAMS NI DNGOS SU RANG 'ONGS NAS LONGS SPYOD PA MI YONG STE, DE BZHIN GSHEGS PA BZHI'I MTSAN BRJOD PA'I BYIN RLABS DANG, RGYA CHEN SHUGS LDAN GYI SNGAGS KYI BYIN RLABS DANG TING NGE 'DZIN GYI MTHU LAS DE DAG LTO 'GRANG BA DANG, LUS DRO BA DANG, DON MED LA BDE 'BOL 'BOL BA LA SOGS YONG BA YIN PAS,
, ,RANG GI DMIGS BA LA YANG DE LTAR BYUNG SONG BSAM PA BYED DGOS SHING, DMIGS PA SKYONG TSUL 'PHAGS BA SPYAN RAS GZIGS KYI MTHA' SKOR LA THAMS CAD BDUS NAS YONG BSAM PA BYED DGOS, DER MA ZAD THAMS CAD KYI RANG RANG 'DOD PA'I LONGS SPYOD LA LONGS SPYAD DE TSIM SONG BSAM PA DANG, TSOM LAS LHA RNAMS BAG MED PA YIS PHAM, ,MI RNAMS SKYE RGA NA 'CHI DANG, ,LHA MA YIN NI 'THAB RTZOD DANG, ,YI DVAGS RNAMS NI BKRES SKOM DANG, ,DUD 'GRO GCIG LA GCIG ZAS SDUG, DMYAL BA LA NI TSA GRANG SDUG BSNGAL MYONG, ,'KHOR BA KHAB KYI RTZE MO LA, BDE BA NAM YANG YOD MA YIN, ZHES BSHAD PA LTAR GYI SDUG BSNGAL THAMS CAD ZHI NAS, NGES 'BYUNG DANG BYANG CHUB KYI SEMS DANG, YANG DAG PA'I LTA BA GSUM RGYUD LA SKYES NAS PHAR PHYIN DRUG DANG BSDU BZHI'I NYAMS LEN YONGS SU RDZOGS NAS, BLA NA MED PA'I SANGS RGYAS THOB PA'I SMON LAM BTAB NAS RGYUD LA DE DANG DE'I SA BON KHYAD PAR CAN BZHAG YONG SNYAM DU BYED PA YIN, 'DI LA YANG MA 'ONGS PA NA RANG SANGS RGYAS NAS DE'I GDUL BYAR GYUR PA SOGS RTEN 'BREL GYI GNAD YOD, BDE BA DANG LDAN SONG SNYAM PA DANG, SDUG BSNGAL DANG BRAL SONG SNYAM PA DANG, THAR BA'I BAG CHAGS BZHAG SONG
SNYAM PA DANG, 'DIR MA ZAD MAR MGRON THAMS CAD LA BYED DGOS PA YIN, ` LNGA PA NI, YANG SNGAR BZHIN DU RGYAS BSDUS GONG LTAR BYAS NAS, YI DVAGS RGYAL MO KHA LA ME 'BAR MA ZHES BYA BA DANG, PHYI SGRIB CAN DANG, NANG SGRIB CAN DANG, PHYI NANG GNYIS KA'I SGRIB PA CAN, ME LCE 'KHOR LO CAN LA SOGS PA'I YI DVAGS DANG, BYING SA NA GNAS BZHES BYA BA LA SOGS PA'I YI DVAGS MANG PO DANG, DE DAG GI RIGS DANG, SDUG BSNGAL LA SOGS PA NI RGYAS PAR SHES 'DOD NA, RTZA SHE DANG LAM RIM CHEN MO DANG, LHAG PAR DRAN PA NYER BZHAG SOGS LAS SHES PAR BYA BA YIN CING, DE DAG LA NI LHAG PAR DU GTOR RIL DANG GTOR CHU SOGS GANG MANG MANG DANG, GANG CHE CHE RGYA MTSO TZAM DANG RI RAB TZAM LA DMIGS NAS BSNGO DGOS, RGYA MTSO TZAM DANG RI RAB TZAM YOD KYANG 'DIS NGA MI NGOMS PA 'DRA, MI TSIM PA 'DRA BSAM PA LAS MI YONG, DMIGS PA LCOGS NA SNOD STONG GSUM TZAM DANG, GTOR RDZAS KYANG STONG GSUM GANG BA TZAM YOD SNYAM PA DANG, YI DVAGS JI SNYED YOD PAS BSKAL PA'I BAR LA LONGS SPYAD KYANG ZAD PA MED PA DE LTA BUR DMIGS NAS BSNGO DGOS, RGYA CHEN SHUGS LDAN GYI SNGAGS DANG, RANG GI DMIGS PA'I MTHU LA BRTEN NAS RANG LA GANG 'DOD PA DANG GANG DGOS PA BYIN PA YIN, DE
, ,DAG LA GANG DGOS GANG 'DOD BYUNG SONG SNYAM PA'I SGO NAS DE BZHIN GSHEGS PA BZHI'I MTSAN BRJOD NAS, PHYI NANG GNYIS LA SOGS PA'I SGRIB PA DANG, KHYAD PAR DU MIG PA PHRA NAS MIG PA LA MI 'GRO BA RNAMS KYANG, MIG PA TSO YANG KHRIG KHRIG LA SONG NAS MID THUB PA DANG, SKYES BU GO CHA CAN GYI BSRUNG MKHAN TSO YANG MED PA DANG, MDOR NA SGRIB PA THAMS CAD BYANG NAS GANG 'DOD PA LA LONGS SPYOD RGYU BYUNG SONG SNYAM DU BSAM PA YIN CING, DGOS PA YANG DE DAG GI CHED DU YIN, DE BZHIN GSHEGS PA BZHI PO DE'I SNGON GYI SMON LAM DANG BYIN RLABS LA BRTEN NAS DE DAG LA YANG GANG 'DOD YONG BA YIN, PHUN TSOGS 'DOD YON LNGA ZHES SOGS BRJOD NAS, YI DVAGS THAMS CAD LA BZA' BA DANG, BCA' BA DANG, 'BRAS LA SOGS PA RANG RANG GI GANG 'DOD PA'I 'KHUR RGYU YANG KHAL BRGYAD BRGYAD TZAM BYUNG SONG SNYAM DU BSAM, 'DI RGYA CHEN SHUGS LDAN GYI SNGAGS KYI PHAN YON 'DI YOD, YUL MA GA DHA'I BRE BDUN BDUN THOB GSUNGS, DE BOD KYI MKHAS GRUB MANG POS RTZIS RGYAB TZA NA, BOD KYI KHAL BRGYAD DU SLEBS YONG ZER BA YOD, DIR MA ZAD RGYA CHEN SHUGS LDAN GYI SNGAGS ZER BA 'DI PHYAG BDE BA DANG 'DRA 'DRA YIN, BCOM LDAN 'DAS KYI BYIN RLABS DANG GZUNGS KYI
NUS MTHUS 'GRO BA SO SO'I GANG 'DOD KYI LONGS SPYOD THAMS CAD RANG RANG GI MDUN DU KHRIG KHRIG SLEBS YONG, DE LTAR RANG RANG GI 'DOD BA'I RDZAS LA LONGS SPYAD NAS, BKRES SKOM DANG PHYI NANG GI SGRIB PA SOGS MDOR NA YI DVAGS KYI SDUG BSNGAL SOGS BYANG ZHING DAG ,SER SNA SOGS YI DVAGS KYI SKYE GNAS SU 'GRO BA'I LAS DANG BRAL NAS, BDAG DANG YI DAGS SOGS SBYIN PA'I PHA ROL TU PHYIN PA YONGS SU RDZOGS, NAM MKHA' MDZOD LA DBANG BSGYUR SHOG ,CES SMON LAM 'DEBS PA YIN NO,, ` DRUG BA NI, YANG GONG BZHIN RGYAS BSDUS KYI BSHAM LUGS GONG DU BSHAD PA LTAR BYA'O, , BSNGO LUGS YANG GCIG PA RED, DE BZHIN GSHEGS PA BZHI'I MTSAN BRJOD PA'I BAR BYAS NAS, SNGON THOG MA MED BA NAS LAN CHAGS BA DANG BU LON CHAGS PA DANG SROG LAN, BRDUNG LAN BCINGS PA'I LAN, BSDIGS PA'I LAN, DE LA BRDUNG DANG BRDEG PA GNYIS KA YANG TIG BUS PA LA ZER BA YIN MOD DE, NGAS DE GNYIS SO SOR PHRAL NAS BSHAD PA GANG YIN BYAS SONG BA YIN NA CUNG MI 'DRA, BRDUNG PA NI DBYUG PA LCAG TSAN DANG RDOG LA SOGS PAS BRDUNGS PA DE LA, KHOS YANG BRDUNG BYUNG ZER BA'I GRAGS TSOD KYI SGO NAS YIN, BRDEG PA LA MTSON GYIS BRDEG BA GTZO CHE'I DBANG DU BYAS NAS
, ,GNYIS BYAS PA YIN, DE DANG DPYA LAG LA SOGS PA YANG BRKUS PA, DBANG YOD BYAS NAS PHROGS PA LA SOGS PA LA LAN PO BLANG BA'I PHYIR DU YANG GANG 'DOD KYI LONGS SPYOD DANG, 'DOD YON PHUN SUM TSOGS PA LA DMIGS NAS BSNGO BA YIN PAS, DE DAG LA YANG GANG 'DOD BYUNG SONG SNYAM PA DANG, GANG 'DOD SBYIN YOD SNYAM PA DANG, BDE GSHEGS BZHI'I MTSAN BRJOD NAS, GONG DU BSHAD PA'I LAN CHAGS DANG BU LON LA SOGS PA THAMS CAD DAG SONG SNYAM PA DANG, SDUG BSNGAL THAMS CAD BYANG SONG SNYAM DU BSAM NAS, PHUN TSOGS 'DOD YON LNGA LDAN PA'I ZHES SOGS BRJOD NAS BU LON LAN CHAGS SHA 'KHON THAMS CAD DAG NAS SANGS RGYAS KYI GO 'PHANG DAM PA THOB PAR SHOG CES SMON LAM BTAB NAS, DE RNAMS KYANG SANGS RGYAS KYI GO 'PHANG THOB 'DOD KYI BLO RANG RGYUD LA SKYES, SA BON DANG BAG CHAGS BZHAG YOD SNYAM DU BSAM MO,, ` GSUM PA NI RGYAS BSDUS GANG BYED KYANG SNGAR GYI GTOR CHU RNYING PA BSHAL, GTOR THEB KYANG BSHAL, CHU'I LHAG MA LUS PAR BLUG, GTOR RIL GYI 'PHRO DE YANG GTOR RIL 'PHIR BA'I SNOD DER RANG GIS LHAG MA LUS PAR BLUG NAS, DA MED DO MDOG BYAS NAS SNOD DE PHRUG PHRUG BYAS NAS KHA BUBS
NAS BZHAG, DE MA BYAS NA DA DUNG YANG PHUD RED BSAM NAS ZA MI NUS, DE NAS BYIN GYIS BRLABS NAS, DE BZHIN GSHEGS PA BZHI'I MTSAN BRJOD PA GONG BZHIN LA, BRGYA RTZA BYAS PA YIN NA 'DIR SANGS RGYAS CHOS TSOGS MA DANG RGYA CHEN SHUGS LDAN TSO YANG BRGYAD BRGYAD TZAM BYED PA YIN, GTOR RIL YANG BRGYAD BRGYAD PHRI BA DE LAS BRGYAD RANG LHAG YONG NGO, ,DE 'DRA BYAS NAS 'BUM THER GSOG MKHAN TSO YANG, DE 'DRA RE LA BRGYA BRGYA RTZIS NAS BRGYAD PO KHA SKONG LA BTANG NAS GSOG PA RED, LHAG MGRON RNAMS NI MGRON GONG MA RNAMS LA 'BUL BA'AM, GONG MA RNAMS KYI LONGS SPYAD MA TSAR BAR DU LONGS SPYOD MI NUS PA DANG, LONGS SPYOD DBANG MED PA YIN, DE BZHIN GSHEGS PA BZHI'I MTSAN BRJOD NAS MGRON GLO BUR DU LHAGS PA'I SKAL BA CHAD PA DANG, KHAS ZHAN PA DANG, DBANG CHUNG BA DANG, LHAG LA RE BA DANG, LHAG MA MA GTOGS ZA DBANG MED PA DANG, THOB DBANG MED PA'I MGRON RNAMS KYANG GANG LA GANG 'DOD KYI LONGS SPYOD PHUN SUM TSOGS PAR DMIGS NAS BSNGOS PAS GANG 'DOD BYUNG SONG BSAM PA BYED DGOS, PHUN TSOGS 'DOD YON LNGA LDAN PA'I ZHES SOGS BRJOD NAS, 'DOD YON LA LONGS SPYAD PA LA BRTEN NAS CHAGS SDANG RMONGS GSUM GYI LAS DANG, MDOR NA MI DGE BA'I
, ,LAS THAMS CAD ZHI NAS, SNYING RJE CHEN PO DANG, BYANG CHUB KYI SEMS DANG, BDAG MED RTOGS PA'I SHES RAB KYIS RGYUD YONGS SU GANG NAS, 'BRAS BU SKU GSUM MNGON DU BYED PA'I NUS PA BZHAG SONG SNYAM DU BSAM MO, ,DE NAS CHU SBYIN BYED PA'I TSE SNGAR BZHIN YI DVAGS NAS BAR DO'I CHU SBYIN GYI BAR BYAS NAS, BDAG GI BSAM PA'I STOBS DANG NI, ZHES SOGS BDEN STOBS BRJOD NAS, MGRON THAMS CAD TSIM ZHING DGA' MGU YI RANGS NAS, JI LTAR LAS BCOL BA DANG, BKA' BSGOS PA SOGS KYANG TSUL BZHIN DU BSGRUB PAR KHAS BLANGS DAM BCAS BYUNG SNYAM DU BSAM NAS, YANG RANG NYID 'PHAGS PA SPYAN RAS GZIGS SU GSAL BA'I GSUNG LHANG LHANG BYON NAS, CHOS RNAMS THAMS CAD RGYU LAS BYUNG ZHES SOGS KYIS CHOS SBYIN BYED PA YIN, DE YANG RGYU 'BRAS DANG SKAR MA RAB RIB ZHES SOGS KYIS MI RTAG PA STON PA'I CHOS BSHAD PAS SHES RGYUD NYON MONGS PA THAMS CAD LAS GROL BA'I BAG CHAGS BZHAG YOD SNYAM BA DANG, BZHAG SONG SNYAM DU BSAM NAS, LUS KYI SDOM PA LEGS PA DANG, ZHES PA NAS, CHOS RNAMS DE LTAR SHES PAR GYIS ZHES PA'I BAR BRJOD NAS, TSUL KHRIMS KYI PHAN YON DANG, RTEN 'BREL GYI CHOS BSHAD PAS, MA 'OD SA PA NA RANG NYID SANGS
RGYAS PA DANG, DE'I CHOS 'KHOR BSKOR BA'I GDUL BYAR GYUR NAS KHA CIG NI LAN CIG PHYIR 'ONG BA'I 'BRAS BU LA BKOD, KHA CIG NI PHYIR MI 'ONG DANG, BLA NA MED PA SANGS RGYAS KYI SA LA BKOD PA'I BAR GYI NUS PA DANG BAG CHAGS BZHAG SONG SNYAM DU BSAM NAS, DE NAS TSAR MANG PO SBREL NAS GTONG NA, DE LTAR 'JIG RTEN PA RNAMS ZANG ZING GI SBYIN PAS RGYUD SMIN CHOS KYI SBYIN BAS RGYUD GROL BAR GYUR BYAS NAS GSHEGS GSOL MA BYAS PAR 'DI LTAR BGYIS PA'I BSOD NAMS DANG, ZHES SOGS SMON LAM BTON NAS, YANG MCHOD PA BSHAMS BYIN RLABS BYAS, AOm A'AR+YA LO KE SHVA RA ZHES PA NAS, SHAPTA'I BAR GYIS MCHOD NAS, SKYON GYIS MA GOS ZHES SOGS KYIS BSTOD NAS, DENG NAS BZUNG STE CHOS KYI SBYIN PAS RGYUD GROL BAR GYUR ZHES DANG, SMON LAM BYAS, DE NAS SNGAR BZHIN BYAS CHOG, RE RE NAS BDAG BSKYED DANG SBYAN 'DREN GSHEGS GSOL BYED MI DGOS, DE NAS 'JOG RAN SONG BA'I RJES LA GSHEGS GSOL BYAS, MGON PO YON TAN GYI MGRON YAN CHOD THAMS CAD KYI YE SHES PA RANG GNAS DANG, DAM TSIG PA RANG LA THIM PAR BSAM PA SOGS SNGAR LAM RIM GYI TSOGS ZHING BSDU BA DANG GCIG PA BYED, DRANG SRONG MCHOG BRGYAD MAN CHAD RANG RANG GI GNAS LA
, ,GSHEGS PAR BSAM PA YIN NO, ,'DI LA PAn CHEN BLO BZANG CHOS KYI RGYAL MTSAN DPAL BZANG PO'I ZHAL NAS, CHAG MED GTONG BA'I YI DAM BRTAN GYUR KYANG, ,SNA MANG BYA BAS G-YENG BA'I 'GRO BA LA, ZHES GSUNGS PA LTAR, BYA BA MANG PO BYED RGYU YOD PAS LONG MA BYUNG NA, BDAG BSKYED NAS BZUNGS, DNGOS GZHI TSUGS TSUGS LA MA nI DANG CHU SBYIN SOGS BCA' NYUNG BAR BYAS TE, DNGOS GZHI TSUGS NAS GTOR CHU SOGS BSHAM THANG GCIG BYAS, BYIN RLABS TSAR GCIG GIS THUS PA BYAS NAS RGYA CHEN SHUGS LDAN GANG TSAR GYIS PHUL, AARGHAm SOGS KYANG TSAR GCIG GIS THUS PA BYAS NAS, PHUN TSOGS 'DOD YON LNGA LDAN PA'I, ZHES PA NAS CHOS DANG DPAL 'BYOR RGYAS PAR MDZOD, YANG PHUN TSOGS 'DOD YON LNGA LDAN PA'I, ZHES PA NAS, 'PHRIN LAS BZHI YID DNGOS GRUB STZOL, DE KA RANG BYAS NAS LHAN SKYES NOR LHA'I TSOGS LA 'BUL THENG GCIG BYAS NAS YANG MCHOD PA RNYING BA BSHAL, GTOR THEB BSHAL NAS, MCHOD PA GSAR DU BSHAM NAS BYIN RLABS GONG BZHIN BYAS, LAN CHAGS KYI BAR LA DE BZHIN GSHEGS PA BZHI'I MTSAN BRJOD PA YANG GCIG GIS THUS PA BYAS BSDO THENG BA GCIG BSDOS NAS, YANG SNGAR
BZHIN BYAS NAS LHAG MGRON LA BSNGOS NAS KHYON BSDOM SNGON 'GRO MI THI BA'I BSHAM THENG GSUM BYAS, DE NAS BDEN STOBS BRJOD NAS SMON LAM GYI BAR BYAS PAS CHOG, DE NAS RGYAS BSDUS GANG BYED KYANG SMON LAM TSAR NAS, SBYIN PA 'DI YI BSOD NAMS KYI ZHES SOGS YONGS BSNGOS BYAS NAS SBYIN PA'I 'KHOR GSUM MI DMIGS PA'I RGYAS BTAB NAS, DON DRAN PA'I PHYIR DU SHES RAB SNYING PO BTON, SLAR YANG BSNGO BA SMON LAM BKRA SHIS SOGS GANG SHES BYED PA YIN NO, ,DE NAS GRVA SA 'DIR YANG GSO SBYONG DANG CHOS SBYIN SOGS LA DGE 'DUN GYI TSOGS CHEN RANG LA GTONG BA DANG, 'GA' ZHIG GIS RGYUN DU CHAG MED MDZAD PA SOGS PHYAG LEN RNAM PAR DAG PA RGYUN MA CHAD PAR YOD KYANG KHO BOS DA LAN BGRES PA RNAMS LA BSNYEL GSO DANG, GZHON PA RNAMS LA DMIGS PA DANG PHYAG LEN BYED TSUL GYI RIM PA RGYAS BSDUS 'BRING GSUM LEGS PAR PHUL ZIN PA YIN PAS, MCHOD SBYIN GTOR MA'I NYAMS LEN KHO NA LA BRTEN NAS, DA SEMS CAN THAMS CAD SANGS RGYAS NAS 'KHOR BA'I GNAS LA GCIG KYANG MED ZER BA BZHIN MA BYUNG GI BAR LA, BSDUS BZHI'I NYAMS LEN DANG, GTAN PA YOD MED KYI MCHOD SBYIN, MDOR NA BSOD NAMS DANG YE SHES KYI TSOGS KUN GYI
, ,SNYING BO'I GNAD THAMS CAD TSANG BA'I GTOR MA BRGYA RTZA'I RNAL 'BYOR GYI RIM PA ZAB MOS SEMS CAN THAMS CAD SANGS RGYAS BA'I THABS LA 'BAD BZHU, CHOS BSHAD PA LAS BYUNG BA YIS ZHES SOGS GSUNGS SO,, 7 'DIR BRJOD PA, PAD DKAR LTAR BSNGAGS BCOM LDAN 'DAS, ,MNYAM MED SH'AKYA'I RGYAL PO DANG, ,BLA MA RDO RJE 'CHANG CHEN DE'I, ,GSUNG DBYANGS YAN LAG DRUG CU YI, ,RGYAN MDZES RDO RJE'I THA TSIG LA, ,SKYON GYI GO SKABS YOD RE SKAN, ,GANGS DKAR SENG GE'I 'O MA DE, ,KUN GZOD YOL GO'I BCUD DU MIN, ,DE BZHIN STOBS BCU'I GSUNG GI NI, ,ZIL MNGAR BCUD KYI ZEGS MA 'DI, ,SKAL DMAN SNOD DU MA GYUR RUNG, , LHAG CHAD NOR 'KHRUL NYES SKYON GYIS, ,'GAL 'KHRUL GANG MOS KHO BOS LAN, ,SBYANGS PA ZHAN BAS 'BAD PA'I SKYON, ,LEGS PAR MA RTOGS BLO YI SKYON, ,RNAM G-YENG DBANG GYUR SBYOR BA'I SKYON, ,SDEB SBYOR MA SHES TSIG GI SKYON, , LHAG CHAD MANG BA YIG MKHAN SKYON, ,BLA MA YI DAM MKHA' 'GRO DANG, ,LHA DANG CHOS SKYONG SRUNG MA'I TSOGS, ,YE SHES SPYAN DANG LDAN PA RNAMS, ,SKYON GYIS NONGS PA'I TSANG TSING NAGS, ,YE SHES BYIN ZAS RAB SBYANGS BAS, ,BZOD PA'I YA LAD RAB GSOL NAS, ,DGE TSOGS KUN DA LTA BU GANG, ,THOG MED SEMS CAN DON DANG NI, ,MGON DE'I BSTAN PA RGYAS PHYIR BSNGO, ,BDAG KYANG TSE RABS THAMS CAD DU, ,DAD BRTZON SHES RAB BLO LDAN PA'I, ,RIN CHEN
LTA BU'I SNOD GYUR NAS, ,'BRAL MED RJES SU 'DZIN PAR SHOG ,DRIN CAN BLA MAS LEGS GDAMS PA'I, ,BRGYA RTZA GTOR MA'I PHYAG LEN GYI, ,RAB MNGAR ZEGS MA'I THIGS BA 'DIS, ,DAD LDAN BLO GROS KA LA SHA, YONGS SU GANG BAS KHYAB GYUR CIG ,CES 'DI LA CHED DU RANG BZO BYAS PA MED KYANG, MA RTOGS LOG RTOG THE TSOM GYI DRI MA'I SKYON GYIS GOS PA RNAMS, 7RJE BTZUN BLA MA DAM PA NYID LA BZOD PAR GSOL GYIS SGRIB BAR MI 'GYUR BA MDZAD DU GSOL, GANG LTAR RANG GI BRJED THO DANG ZHOR LA BLA MA'I GSUNG LA GCES SPRAS BYED BA 'GA' RE LA PHAN BSAMS NAS, GSUNG RGYUN YUN RING DU GNAS PA'I CHED DU 7RJE BTZUN BLA MA MCHOG GI 7BKA' 'BANGS KYI THA SHAL SAm GHA'I MING CAN GYIS ZIN BRIS SU BYAS PA'O,, ,,SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, MANG+GA LAm,,