, ,PAn CHEN CHOS KYI RGYAL PO 7RJE BTZUN BLO BZANG DPAL LDAN YE SHES DPAL BZANG POS CHOS GRVA CHEN PO BKRA SHIS LHUN POR BYANG CHUB LAM GYI RIM PA'I BKA' KHRID STZAL SKABS KYI ZIN BRIS CUNG ZAD BZHUGS SO, ,
, ,DPAL LDAN BLA MA DAM PA BLO BZANG THUB DBANG RDO RJE 'CHANG CHEN PO RJE BTZUN BLO BZANG DPAL LDAN YE SHES DPAL BZANG PO'I ZHABS LA SKYE BA KUN TU GUS PA CHEN POS PHYAG 'TSAL LO, ,BRTZE BA CHEN POS DUS DANG GNAS SKABS THAMS CAD DU RJES SU BZUNG DU GSOL, ,DUS GSUM SKYABS GNAS MA LUS GCIG BSDUS PA, ,MCHOG MTHUN DNGOS GRUB KUN GYI RTZA BA MCHOG, DRIN CAN RTZA BA'I BLA MA RIN PO CHER, ,SNYING NAS 'DUD DO THUGS RJE'I LCAGS KYUS BZUNGS, ,DE LA 'DIR DPAL LDAN BLA MA DAM PA RDO RJE 'CHANG CHEN PO RJE BTZUN BLO BZANG DPAL LDAN YE SHES DPAL BZANG PO DE NYID NAS, BYANG CHUB LAM GYI RIM PA'I MAN NGAG RIM PAR STZAL
, ,PA RNAMS RANG BLOR GANG NGES KYI ZIN BRIS CUNG ZAD 'GOD PA NI, DE YANG GNAS KHANG BYI DOR BYAS LA SKU GSUNG THUGS KYI RTEN BKRAM PA ZHES PA'I SKABS KYI DANG PO BYI DOR BYA BA'I KUN SLONG GI BSAM PA NI, 'DI NYID DU TSOGS ZHING SPYAN 'DREN PA'I PHYIR DU BYA'O SNYAM PA DANG, RTEN DGRAM TSUL YANG RANG GI MDUN GYI STEGS BU MTHO BA ZHIG GI STENG DU NGES BAR THUB PA'I DBANG PO'I SKU ZHIG BZHUGS SU GSOL BA DANG, DE NYID KYI MDUN DU CHOS KYI RGYAL PO TZONG KHA PA CHEN PO'I SKU ZHIG BZHUGS SU GSOL DE LTAR RTEN DE GNYIS DGOS PA'I RGYU MTSAN NI, DRAN PA THAMS CAD KYI NANG NAS DE BZHIN GSHEGS PA RJES SU DRAN PA MCHOG YIN PAS, YON TAN KHYAD PAR CAN DANG LDAN PA'I DE BZHIN GSHEGS PA DE NI 'DI LTA BU ZHIG YOD DO SNYAM DU DRAN PA'I PHYIR DU THUB PA'I DBANG PO'I SKU DANG, DE BZHIN GSHEGS PA DES GSUNGS PA'I CHOS STON PA PO'I BLA MA
DE NI 'DI YIN NO SNYAM DU DRAN PA'I PHYIR, CHOS KYI RGYAL PO TZONG KHA PA CHEN PO'I SKU YANG RTEN DU DGOS PAR GSUNGS SO, ,MCHOD PA G-YO MED CING BKOD BAS MDZES PAR BSHAMS PA NAS, SKYABS 'GRO SEMS BSKYED SOGS MDZAD PA'I BAR RNAMS PHAL CHER SPYIR BTANG LA, TSOGS ZHING GSAL 'DEBS TSUL LA DMIGS BSAL GYI MAN NGAG NI, THUB PA'I DBANG PO DE NGO BO THA NA RANG LA KLOG SLOB MKHAN TSUN CHAD KYI BLA MA THAMS CAD 'DUS PA'I BDAG NYID YIN PA LA, RNAM PA RGYAL BA SH'AKYA THUB PA DE YANG SPYIR THUB DBANG CHOS 'KHOR GYI PHYAG RGYA SOd DU MA YOD KYANG, PHYAG G-YAS PA SA GNON GYI PHYAG RGYA NI BDUD 'DUL GYI PHYAG RGYA YIN PAS 'DIR DE LTAR SGOM PA LA BDUD KYIS GLAGS MI RNYED PA SOGS KYI RTEN 'BREL KHYAD PAR CAN DANG, DER MA ZAD SENG+GE CHEN PO BRGYAD KYIS BTEG PA'I KHRI'I 'OG TU BDUD BZHI'I NGO BO MI DMAR PO, SER PO, NAG PO, DKAR PO BZHI SGOM NA YANG, BDUD BZHIS BRDZI BAR MI NUS PA'I RTEN 'BREL YOD GSUNGS, 'DI MYUR LAM GYI BSHAD LUNG GNANG SKABS KYI MAN NGAG GO, DE NAS SKYABS 'GRO'I SKABS SANGS RGYAS SKYABS STON PA LA MI BSLU BA YIN
, ,PA'I TSUL LA, RANG GI NGOS NAS BSAM TSUL DANG, SANGS RGYAS KYI NGOS NAS BSAM TSUL GNYIS LAS, DANG POR RANG GI NGOS NAS BSAM BA 'DI RANG GNAD CHE; DE LA RANG GI BZO LTA DE LA YAGS PO ZHIG BLTA DGOS, RANG DA LTA MI ZHIG RTZA NA YOD KYANG, DE'I SEMS LA GANG 'CHAR MI SHES, RANG GIS 'KHOR BA THOG MA MED BA NAS DA LTA'I BAR DU GANG BYAS KYANG MI SHES, MDOR NA DE RING LTA BU GANG BYAS KYANG MI SHES PA THOG MA NAS BSDAD PA 'DI KHA YIN, SANGS RGYAS NI SNGON THA MAL PA BYED MYONG BA DE YANG THA NA SROG CHAGS GROG SBUR TSUN CHAD KYI SKYE BA BZHES MYONG BA, DE'I GNAS SKABS SU SDUG BSNGAL GYI KHYAD PAR JI LTAR MYONG DANG, SDUG BSNGAL DE YANG MDOR NA NYI MA'I SNGA DRO DGONG MO TSUN CHAD SOGS DUS GANG DU MYONG BA'I TSUL LA SOGS PA THAMS CAD RGYUS YOD YIN PA SA GZHI DUS LA MI BSLU BA DANG, YANG SNGON SLOB PA BYED MYONG ZHING DE'I GNAS SKABS SU TSOGS GNYIS GSOG PAR MDZAD PAS LAM DUS LA MI BSLU BA DANG, MI SLOB PA BYED MYONG ZHING SKU GSUM MNGON DU MDZAD PAS 'BRAS DUS LA MI BSLU BA STE, DE DAG GI PHYIR NA
SKYABS STON PA LA MI BSLU BA YIN SNYAM DU BSAM, DGE 'DUN NI DE SGRUB PA'I ZLA GROGS YIN SNYAM DU YID CHES KYI NGES PA DRANGS TE, BLA MA LA SKYABS SU MCHI'O, ,ZHES SOGS BRGYA STONG KHRI 'BUM SOGS BYA BAR GSUNGS SO, ,DE NAS SKYABS 'GRO'I TSOGS ZHING BSDU SKABS, TSOGS ZHING RNAMS RIM GYIS THUB PA'I DBANG POR BSDU, THUB PA'I DBANG PO YANG RANG LA THIM STE, DE NYID KYI SKU GSUNG THUGS DANG RANG GI LUS NGAG YID GSUM DBYER MED DU GYUR, RANG THUB PA'I DBANG POR GYUR PA'I THUGS KAR ZLA BA'I DKYIL 'KHOR CHOS THAMS CAD SKYE BA MED PA'I MTSON BYED, AA YIG DKAR POS MTSAN PA'I MTHA' SKOR DU, TADYA TH'A, AOm MU NI ZHES SOGS KYIS BSKOR BA LAS 'OD ZER 'PHROS, MTHA' SKOR NA YOD PA'I SEMS CAN THAMS CAD LA PHOG PAS, DE RNAMS THUB PA'I DBANG POR GYUR PA DANG SNYAM DU BDAG GIS SEMS CAN THAMS CAD THUB PA'I DBANG PO'I GO 'PHANG LA 'GOD THUB BYUNG SNYAM DU DGA' BA SGOM PA LA RTEN 'BREL GYI GNAD KHYAD PAR CAN YOD GSUNGS SO,, YAN LAG BDUN PA'I CHOGS ZHING SKABS, SPYIR TSOGS ZHING GI DON, TSOGS YANG YIN ZHING YANG YIN PA LA TSOGS ZHING GI DON BYED PA CIG DANG, BSOD NAMS DANG YE SHES KYI TSOGS GNYIS 'BYUNG
, ,BA'I ZHING SA LTA BU YIN PAS NA TSOGS ZHING ZHES BRJOD PA'I LUGS GNYIS GSUNGS, TSOGS ZHING GSAL BTAB PA'I GNAD KYI DGOS PA'I GTZO BO NI DE RNAMS DKON MCHOG DNGOS SU BLTAS NAS YID CHES KYI NGES PA DRANGS TE RGYUD LA BYIN RLABS 'JUG PA'I CHED DU YIN LA, GSAL 'DEBS TSUL DNGOS NI BDE LAM GZHUNG LTAR LA, DER MI GSAL BA'I MAN NGAG NI, RIN PO CHE'I KHRI 'DEGS PA'I SENG+GE DE YANG SHING LA BCOS PA LTA BU'I PHAL PA MIN PAR, SANGS RGYAS BCOM LDAN 'DAS KYI YE SHES RANG SNANG LAS GRUB PA, RDZU 'PHRUL GYI RKANG PA BZHI'I BDAG NYID CAN YIN PA, KHRI DER SENG+GE YOD BA'I RGYU MTSAN NI, SENG+GE DES RI DVAGS PHAL PA RNAMS SKRAG PAR BYED PA DE BZHIN DU, ,SANGS RGYAS BCOM LDAN 'DAS DES KYANG SMRA BA NGAN PA RNAMS TSAR GCOD PA'I MTSON BYED DANG, DE'I STENG GI NYI MA'I DKYIL 'KHOR NI DON DAM SEMS BSKYED MTHAR PHYIN PA DANG, ZLA BA'I DKYIL 'KHOR NI KUN RDZOB SEMS BSKYED MTHAR PHYIN PA'I MTSON BYED DU GSUNGS, G-YAS PHYOGS KYI RJE BTZUN BYAMS MGON YANG NGO BO SANGS RGYAS DNGOS YIN PA LA, RNAM PA SA BCU'I BYANG CHUB SEMS DPAR GYUR PA'I DGA' LDAN GYI RTEN CAN GYI RJE BTZUN GYI RNAM PA, G-YO NA GYI RJE
BTZUN 'JAM DBYANGS NI ZHAL NAS ZAB MO STONG PA NYID KYI SGRA LHANG LHANG SGROG PA SOGS GSAL 'DEBS DGOS PAR GSUNGS SHING, DE DAG GI 'OG TU YAN LAG BDUN PA MAndAL DANG BCAS 'BUL BA NI, ` DE YANG 'JAM DPAL NI BYANG CHUB SEMS DPA' GZHAN RNAMS LAS, BLO GROS DANG MKHYEN RAB PHUL DU PHYIN PAS NA, 'JAM DPAL GYI MCHOD PA'I SPRIN SPRO BA LA SOGS PA'I SPYOD PA'I TSONG TZAM BYANG CHUB SEMS DPA' GZHAN LA MED PAS, DE BAS NA 'JAM DPAL GYI SPYOD PA JI LTA BA BZHIN DU BDAG GIS KYANG SPYOD SNYAM PA'I SGO NAS 7'PHAGS PA 'JAM DPAL ZHES SOGS DANG, JI SNYED SU DAG PHYOGS BCU'I 'JIG RTEN NA, CES SOGS TSIG BCAD GNYIS KYI SKABS SU, SGO GSUM SDOM PA'I PHYAG DANG, SGO GSUM SO SA'I PHYAG RNAMS BZANG PO SPYOD PA NAS 'BYUNG BA LTAR BYAS RJES MCHOD PA'I YAN LAG GI SKABS ME TOG DAM PA CES SOGS KYI DAM PA NI, MCHOD YUL, MCHOD RDZAS, MCHOD PA PO STE, MCHOD PA'I 'KHOR GSUM SNANG LA RANG BZHIN MED PAR BLTA DGOS PA'I DON DANG, DE LTAR MIN PAR RANG BZHIN GYIS GRUB PAR BZUNG NA NI, MCHOD PA LA SOGS PA BYED PA YANG 'KHOR BAR 'CHING BYED KYI RGYUR 'GRO BA YIN GSUNGS, 'DOD CHAGS ZHE SDANG ZHES SOGS BSHAGS PA'I YAN LAG GI SKABS SU TSOGS ZHING
, ,RNAMS LAS BDUD RTZI 'BEBS SBYANG BYAS RJES SHES RGYUD NYON MONGS PA DANG BRAL NAS TSOGS ZHING RNAMS KYI SKYABS 'OG TU CHUNG PA'I MOS PA BYA, PHYIR BSNGO ZHES SOGS BSNGO BA'I YAN LAG SKABS, THABS 'DI LTA BU LA BRTEN NAS SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR SHOG SNYAM PA DANG, THOB PAR GYUR CIG SNYAM BA BYA ZHING, TSOGS ZHING RNAMS KYIS KYANG DE BZHIN DU GYUR CIG CES BRJOD NAS BYIN GYIS BRLABS PA'I MOS BA BYA ZHING, MAndAL GYI SKABS SU'ANG, TSOM BU 'GOD LUGS SHES PA SOGS PHYI'I BYED LUGS TZAM MIN PAR SEMS RANG GTZO CHE BAS PHUL BA'I TSE DGYES BZHIN DU BZHES NAS BYIN GYIS BRLAB BYUNG SNYAM PA'I MOS PA BRTAN PO BYA DGOS PAR GSUNGS SO, ,DE NAS BDAG GI BLO CHOS SU 'GRO BAR BYIN GYIS RLOBS ZHES SOGS DANG, LAM RIM GSOL 'DEBS KYI SGO NAS GSOL BA 'DEBS PA'I MAN NGAG GZHAN RNAMS LAM MCHOG SGO 'BYED DU JI LTAR GSUNGS PA LTAR LA, DE LTAR LAM BZANG STON PA'I BSHES GNYEN DANG ZHES SOGS SKABS DBEN SA SNYAN BRGYUD NAS 'BYUNG BA'I MAN NGAG NI, BYIN GYIS RLOBS DANG PO'I SKABS BDUD RTZI PHABS NAS BYIN GYIS BRLABS PA'I MOS PA DANG, GNYIS
PA'I SKABS SU TSOGS ZHING RNAMS LAS KHRO BO DANG KHRO MO'I TSOGS DPAG TU MED PA SPROS TE RANG DANG RANG GI MTHA' SKOR NA GNAS PA'I SEMS CAN THAMS CAD KYI MTHA' SKOR DU 'KHOD NAS BYANG CHUB LAM GYI RIM PA SGOM PA LA BAR DU GCOD PA SOGS BSRUNG MA'I TSUL DU BZHUGS PA'I MOS PA BYA BAR GSUNGS SO, ,DE NAS TSOGS ZHING BSDU BA DANG, DE YANG MTHAR SPYI BO'I BLA MA LA BSTIM PA'I PAR RNAMS MYUR LAM LTAR RIM GYIS BYAS NAS, SPYI BO'I BLA MA THUB DBANG DE LA YAN LAG BDUN PA MAndAL DANG BCAS MNGOR BSDUS PHUL NAS, SKU BZHI'I BDAG NYID CES SOGS KYIS GSOL BA BTAB NAS, RIM LNGA LAS, 'DI NI RANG BYUNG BCOM LDAN 'DAS ZHES SOGS DANG, SDOM BYUNG LAS, BLA MA SANGS RGYAS BLA MA CHOS ZHES SOGS GSUNGS PA LTAR, SPYI BO'I BLA MA THUB DBANG DE BLA MA SANGS RGYAS CHOS DGE 'DUN TE MDOR NA 7SKYABS GNAS KUN 'DUS PA'I BDAG NYID DU MOS NAS DE LTAR GSOL BA BTAB CING, BDAG DANG SEMS CAN THAMS CAD 'KHOR BAR SKYES NAS YUN RING LA SHUGS DRAG PA'I SDUG BSNGAL SNA TSOGS MYONG BA 'DI DGE BA'I BSHES GNYEN BSAM SBYOR GNYIS KYIS TSUL BZHIN DU MA BSTEN PAS LAN PAR 'DUG PAS ZHES PA'I TSIG 'DI BTON KYANG CHOG MA BTON KYANG
, ,CHOG 'DI TZO SEMS RANG GTZO CHE BA YIN PAS SDUG BSNGAL LA SNA TSOGS MYONG BA 'DI BLA MA SANGS RGYAS DNGOS SU MA MTHONG BA DANG, BKA' BZHIN MA BSGRUB PAS LAN PAR 'DUG SNYAM DU BLOS THAG CHOD PA ZHIG DGOS, DE YANG SPYIR 'DI DAG GI SKABS SU BLA MA'I RNAL 'BYOR ZHES PA YANG, BLA MA SPYI GTZUG TU SGOM PA TZAM GYIS MI CHOG MDUN NAM SPYI GTZUG GANG DU BSGOM KYANG; BLA MA'I YON TAN LA SEMS RNAL DU PHAB CING, DE LA BRTEN NAS BDE BA DANG YON TAN GYI TSOd RGYUD LA 'BYOR BA'AM GONG NAS GONG DU 'PHEL BA ZHIG BYUNG NA BLA MA'I RNAL 'BYOR GYI DON TSANG BA YIN; 'PHAGS PA YIN NA RNAL 'BYOR PA YIN PAS KHYAB CES PA YANG DE 'DRA LA DGONGS PA YIN, LAM GYI SROG TU BYAS PA'I DON NI, DPER NA, GRU LA BRTAN BYED DU GZHUNG SHING CES GRAGS PA'I DBYUG PA RING PO ZHIG GZHUNG DU BTANG DGOS, DE BZHIN DU BLA MA'I RNAL 'BYOR DE YANG LAM GYI GZHUNG SHING LTA BUR BYAS NAS THOS BSAM SGOM SOGS GANG BYED KYANG BLA MA MKHYEN SNYAM DU SNYING THAG PA NAS GSOL BA BTAB PA ZHIG DGOS, SPYIR BLA MA SPYI GTZUG TU SGOM PA LA SKU GSUNG THUGS KYI BYIN RLABS RGYUD LA 'JUG PA'I RTEN 'BREL GYI GNANG YOD GSUNGS, 'DI YANG MYUR
LAM GYI BSHAD LUNG GNANG SKABS KYI MAN NGAG GO, ` GNYIS PA DNGOS GZHI BSAM PAS BSTEN TSUL GYI RTZA BA DAD PA SBYANG BA NI, SPYI BO'I BLA MA THUB PA'I DBANG BO'I THUGS KA NAS RANG LA DNGOS SU CHOS 'BREL YOD PA'I BLA MA SPROS TE BGRES GZHON DANG SKU'I RNAM 'GYUR SOGS JI LTAR YOD PA RANG GI MDUN DU RANG LA ZHAL PHYOGS TE BZHUGS PAR GSAL BTAB STE, BDAG GI DGE BA'I BSHES GNYEN 'DI RNAMS SANGS RGYAS DNGOS RANG YIN SNYAM DU BSAM, DE LTAR BSAM TSE DGE BA'I BSHES GNYEN 'DI RNAMS LA SKYON 'DI DANG 'DI LTA BU 'DUG PAS SANGS RGYAS DNGOS RANG MA YIN NO SNYAM PA ZHIG BYUNG NA, DE NI RANG LA RANG MTHONG YOD PA'I SKYON YIN PAS THOG MAR SKYON 'DI LTA BU DANG BCAS SO SNYAM PA'I BLO DE 'BYUNG BA'I GZHI RTZA DE GANG YIN SNYAM DU RTZAD GCOD BYED, DE LTAR BYAS PA NA DE NI BLA MA DES RANG LA MA NGAN PA ZHIG BYAS PA'AM, RANG PHYOGS ZHIG LA MA DAN PA BYAS PA LA BRTEN NAS BYUNG PA YIN TE, DPER NA BLA MA CHANG 'THUNG MKHAN ZHIG LA DE DANG LTA SPYOD MTHUN PA'I SLOB MA CIG YOD NA, BLA MA DE YAG PO YIN BSAM PA CIG YONG, BLA MA NUB SANG STE 'DON PA BYED MKHAN CIG LA, DE DANG LTA SPYOD MI MTHUN PA'I SLOB MA ZHIG YOD NA, AA GA NGA BLA MA 'DI CANG NYAL RGYU MED PA SNYAM PA'I BLO BYUNG BA
, ,LTA BU YIN, DE LTAR SEMS LA MA NGAN PA BYUNG BA DE YANG NI RANG RGYUD KYI CHAGS SDANG GI DBANG GIS BYUNG BA YIN, CHAGS SDANG DE YANG NI NGA MCHOG YIN NO SNYAM PA'I RANG MTHONG NGAM, DAR 'DZIN 'DI LA THUG PA YIN PAS, DES NA DGE BA'I BSHES GNYEN LA YOD PA LTAR SNANG BA'I SKYON DE RANG GI SEMS KYI SKYON YIN PAR THAG BCAD NAS RANG NYID SUN PHYUNG, DE LTA BU'I TSUL DE NI NYON MONGS BYANG CHUB KYI YAN LAG TU BSGYUR BA'I DON DU 'ANG GSUNGS SO, ,DER MA ZAD YANG KHYOD KYI BLA MA DE SKYON CAN YIN NA KHYOD MNGON PAR RDZOGS PAR SANGS RGYAS PAR 'DOD DAM MI 'DOD 'DOD NA, KHYOD KYI BLA MA DE SKYON CAN YIN NA, KHYOD SANGS RGYAS BAR JI LTAR 'GYUR SNYAM DU BSAM, YANG KHYOD 'KHOR BA DANG NGAN SONG DU LTUNG BAR 'DOD DAM MI 'DOD BYAS NA, NGA DE DAG TU LTUNG BAR RNAM RTOG ZA SNYAM BA CIG 'ONG, 'O NA KHYOD DE DAG TU MI LTUNG BA DE GANG LA BRTEN NAS YOD RGYU YIN, DE SDIG SPONG DGE BA TSUL BZHIN DU BSGRUB PA LA BRTEN NAS YONGS RGYU YIN TE DE LTAR YIN NA, SDIG SDONG DGE BA SGRUB PA YANG SGRUB TSUL SHES DGOS PAS, SHES PA DE GANG LA BRTEN NAS BYUNG BYAS NA, DE 'O NA BLA MAS CHOS BSHAD BA LA BRTEN NAS BYUNG, DE LTAR BYUNG
NA KHYONG KYI BLA MA DE SKYON CAN YIN BA LA BLA MA SKYON CAN DE'I CHOS KYIS KHYOD LA PHAN JI LTAR THOGS RGYU YIN SNYAM DU BSAM, DER MA ZAD BLA MA LA SKYON DU BLTA BA DE NI 'KHOR BA DANG NGAN SONG MU MTHA' MED PAR 'KHRID PAR BYED PA YIN PAS KHYOD DE DAG TU 'GRO BAR 'DOD NA RGYUG CIG SNYAM DU BSAM, 'DI DAG GI SKABS SU BLO SBYONG TSUL NI, DPER NA, RANG LA LCAM RTZE SER BO LTA BU ZHIG YOD NA DE NAM DRAN RES KYIS DE NI SER PO'O SNYAM PA YONG BA LTAR, BLA MA DE NI NAM DRAN RES KYIS BDAG GI BLA MA DE NI SANGS RGYAS DNGOS RANG YIN NO SNYAM BA'I BLO MA SKYES KYI BAR DU SBYONG DGOS PAR GSUNGS SO, , ` BSHES GNYEN BSAM PAS BSTEN TSUL LA MYUR LAM SKABS SU STZAL BA'I MAN NGAG NI, DGE BA'I BSHES GNYEN BSAM BAS BSTEN PA DANG SBYOR BAS BSTEN PA ZHES BA'I BSAM BAS BSTEN PA NI SEMS KYIS BSTEN PA ZHES PA'I DON YIN PAS 'DI RANG GNANG CHE, 'DI BYUNG NA SBYOR BAS BSTEN PA SHUGS LA YONG STE, DBER NA RANG TSO MI ZHIG LA DGA' TSOR CHEN PO ZHIG YOD NA, DE LA PHAN THOGS BYED PA SHUGS KYIS 'ONG BA DANG 'DRA, DES NA TSAD MA RNAM 'GREL LA SOGS PA'I GZHUNG LUGS CHEN PO RNAMS LA THOS BSAM BYED PA LA YANG GZHUNG LUGS DE DAG LA DANG PA ZHIG
, ,DGOS TE, DAD BA MED NA DE'I DON SHES PA DANG BYIN RLABS RGYUD LA 'JUG PA MI YONG GSUNGS, DES NA BLA MA SOGS LA DAD PA BYED PA LA, DANG POR DAD PA DE NGO SHES DGOS PAS, DE JI 'DRA ZHIG YIN SNYAM NA, BLA MA NGES BYA BA GANG MDZAD KYANG DGA' LHANG NGE BA, RANG NYID KYANG BYA BA DE LA 'JUG PAR 'DOD PA ZHIG DANG, BLA MA SANGS RGYAS DNGOS RANG DU BLTAS PA ZHIG DGOS, DE YANG BLA MA SANGS RGYAS DNGOS SU BLTA DGOS KYI YOD BSAM PA TZAM MA YIN PAR SANGS RGYAS DNGOS RANG YIN SNYAM DU BLOS THAG KHRIG STE BCAD LA DE YANG BLA MA DE GZHAN SER PO GYON PA ZHIG YOD DAM, MGO BO DKAR PO LTA BU ZHIG YOD DAM, DE'I RNAM PA YID LA NAM DRAN PA'I TSE, DE NI SANGS RGYAS DNGOS RANG YIN SNYAM DU YANG YANG BSAM NAS BSGOM DGOS PA YIN GSUNGS, ` GNYIS PA BKA' DRIN RJES SU DRAN NAS GUS PAR BYA TSUL NI, BDAG GI DGE BA'I BSHES GNYEN 'DI RNAMS BDAG LA BKA' DRIN SHIN TU CHE STE BDAG DANG PO MA'I MNGAL NAS BTZAS TZAM DANG, DE NAS TSUR TZAM SLEB PA'I SKABS DE DAG TU, CHOS KYI GNAS TSUL GANG YANG MI SHES PA ZHIG YIN PA LA, DGE BA'I BSHES GNYEN LA BRTEN NAS DANG BOR KA KHA CES PA NAS DBYANGS DANG GSAL BYED KYI YI
GE LA SOGS PA MDOR NA RANG LA YON TAN GANG YOD PA RNAMS BSHES GNYEN 'DI RNAMS LA BRTEN NAS BYUNG PA YIN PAS 'DI RNAMS BDAG LA BKA' DRIN SHIN TU CHE SNYAM PA DANG, CHOS TSIGS SU BCAD PA RE TZAM BSHAD PA'I BLA MA LA YANG SNGON THUB PA'I DBANG POS TSIG BCAD RE RE TZAM KYI PHYIR DU SKU LA MAR ME STONG BTZUGS PA DANG, LCAGS GZER STONG GIS BTAB PA LA SOGS PA'I DKA' SPYAD MDZAD TSUL LA DPAGS NAS BKA' DRIN DRAN PAR BYA'O, ,'DI LTAR BKA' DRIN RJES SU DRAN TSUL LA MYUR LAM GYI BSHAD LUNG GNANG SKABS KYI MAN NGAG NI, BLA MED SEMS CAN THAMS CAD LA BKA' DRIN CHE BA RGYU MTSAN DU BYAS NAS BKA' DRIN DRAN TSUL DANG, RANG LA BKA' DRIN CHE BA RGYU MTSAN DU BYAS NAS BKA' DRIN DRAN TSUL GNYIS LAS, DANG PO MCHOG YIN CING, RANG LA YANG ZAS GOS SOGS GNANG BA RGYU MTSAN DU BYAS NAS BKA' DRIN DRAN TSUL DANG, DAM PA'I CHOS KYI BKA' DRIN NOS PA RGYU MTSAN DU BYAS NAS BKA' DRIN DRAN TSUL GNYIS LAS, PHYI MA 'DI PHUL DU BYUNG BAR GSUNGS, ` GNYIS PA SBYOR BAS BSTEN TSUL NI, DE LTAR BKA' DRIN DRAN NAS DE GSAB 'DOD KYI BLO SKYED PA YIN CING SBYOR BAS BSTEN TSUL YANG, LUS KYI SGO NAS BLA MA'I SNYUNG G-YOS
, ,SOGS SKABS SU BABS PA'I ZHABS PHYI GANG DANG GANG ZHU BA DANG, NGAG GI SGO NAS BSTOD DBYANGS BRJOD PA DANG, YID KYI SGO NAS BKA' BZHIN BSGRUB PA'I MCHOD PAS MNYES PAR BYED PA RNAMS YIN CING, DE DAG GI NANG NAS PHYI MA 'DI MCHOG TU GSUNGS, DE YANG BSGOM PA'I TSE BLA MA DES KHYOD ME LA MCHOD ZER BA ZHIG BYUNG KYANG, TSAM TSOM MED PAR MCHOD NUS PA'I TSOD TZAM DANG, NGAG GI SGO NAS PHYOGS BCU'I 'JIG RTEN GYI KHAMS THAMS CAD DU BLA MA'I BSTOD DBYANGS SGROG TU 'GRO DGOS PA ZHIG BYUNG KYANG NGAL BA MI SKYE BA'I TSOD TZAM KYI BLO MA BYUNG GI BAR DU SGOMS, DE YANG SPYIR BLA MA DE LA 'DUL BA NAS BSHAD PA'I BLA MA DANG, BYANG SEMS KYI SDE SNOD NAS BSHAD PA'I BLA MA DANG, SNGAGS NAS BSHAD PA'I BLA MA DANG GSUM YOD PAS, DANG PO'I DBANG DU BYAS NA, BLA MA DE BSLAB PA LA SKYON TSANG BA LTA BU'I TSUL KHRIMS NYAMS PA ZHIG YIN KYANG, DE LTA BU'I TSUL LA MA DAD PA MI BYED PAR BLA MA'I MDZAD PA 'DI LA DGOS PA ZHIG YOD PA THAG CHOD SNYAM DU BSAM PA DANG, ` ,GNYIS PA'I DBANG DU BYAS NA BLA MA DES MI RIGS PA'I MDZAD PA ZHIG MDZAD KYIN 'DUG KYANG
'DI NI NGO MTSAR BA'I MDZAD PA ZHIG YIN PA THAG CHOD, BDAG KYANG MA 'ONGS PA NA BLA MA SANGS RGYAS 'DI'I NGO BOR SANGS RGYAS NAS, 'DI LTA BU'I MDZAD PA LA SLOB NUS PAR SHOG SNYAM DU SMON PA'I YUL DU BYA DGOS PA'I TSUL LA SOGS PA GSUNGS SO, ` ,GSUM PA SNGAGS KYI SKABS BLA MA'I MDZAD PA GANG MDZAD PA BKA' GANG STZAL BAR TSAM TSOM MED PAR 'JUG PA ZHIG DGOS GSUNGS, MJUG TU JI LTAR BYA BA NI SPYI BO'I BLA MA THUB DBANG DE RANG LA STIM PA'AM, DE LAS RANG 'DRA GNYIS PA CHAD NAS RANG LA BSTIM PA CI RIGS SHIG BYAS NAS GSOL BA 'DEBS PA SNGAGS BZLA BA DGE RTZA RDZOGS BYANG DU BSNGO BA SOGS BYA'O, ,DE RJES THUN MTSAMS KYI BYA BA NI, CHAGS SDANG RMONGS GSUM SKYE BA'I YUL RNAMS LA DBANG PO 'PHROR MI STER BAR DRAN SHES KYIS DBANG PO'I SGO SDOM PA, MI NYAL BAR RNAL 'BYOR LA BRTZON PA, ZAS KYI TSOD RIG PA SOGS NI BDE LAM RANG NYID DU GSAL BA LTAR RO, ` ,DE NAS DAL 'BYOR LA SNYING PO BLANGS BA'I PHYIR BSKUL BA LA; DAL 'BYOR DON CHE BA DANG, RNYED DKA' BAR BSAM PA GNYIS LAS, DANG PO NI RANG CAG RNAMS KYI THOB PA'I LUS RTEN 'DI LA MI LUS RIN PO CHE ZER BA YIN CING, DE YANG MI LUS RIN PO CHE ZER
, ,BA TZAM ZHIG GNAG RDZI RGAN PO TSUN CHAD KYIS SHES MOD, DE RNAMS KYIS 'DI RIN PO CHE YIN PA'I YIN LUGS DE MI SHES, DES NA DAL 'BYOR DON CHE BAR BSAM PA LA, DE LTAR SHES DGOS PAS, DE'I TSUL NI DPER NA KHYI LA SOGS PA'I DUD 'GRO RNAMS LUS RTEN DE DANG DE LTA BU BLANGS PA'I KHYAD PAR LAS SHIN TU RMONGS PA NI RANG GI LUS LA RMA LTA BU BYUNG YANG, DE GSAL PA'I THABS NI MI SHES PAR, RMA DE KHAS HRAL BA LA SOGS PA'I SDUG BSNGAL DANG, SEMS CAN DRED CES PA DES KYANG PHYI ROL PA LA YOD PA'I TSER MA SA 'OG TU MNAN PA NA MI ZUGS PAR MTHONG NAS, RANG GI LAG PAR TSER MA ZUG PA NA, DE YANG DE DANG 'DRA BAR GTING DU MNAN PAS RANG LA SDUG BSNGAL CHER SKYED PAR BYED CING, DER MA ZAD DE RNAMS KYI RTEN LA MNGON SHES DANG TING 'DZIN DANG SDOM PA LA SOGS PA YANG MI SKYE SHING, RANG CAG RNAMS KYI RTEN 'DI LA SDOM PA LA SOGS PA DE DAG SKYE BAR MA ZAD BSKAL PA GRANGS MED GSUM DU TSOGS GSOG PA LA SOGS PA'I DKA' BA BRGYA PHRAG DU MA'I SGO NAS SGRUB DGOS PA'I RDZOGS PA'I SANGS RGYAS KYI GO 'PHANG KYANG SNYIGS DUS KYI TSE THUNG 'DI NYID LA BSGRUB NUS PA NI, LUS RTEN 'DI RIN PO CHE
YIN PA'I YIN LUGS YIN PAS, DES NA LUS RTEN 'DI DON SHIN TU CHE SNYAM DU BSAM, ` RNYED DKA' BAR BSAM PA NI, DON CHE BAR BSAM PA LAS CUNG ZAD SKYE DKA' BAS, 'DI BSAM PA'I TSUL LA YANG, LAS 'BRAS LA YID CHES PA'I SGO NAS BSAM PA DANG, RANG GI NGOS NAS BSAM TSUL GNYIS LAS, DANG PO'I DBANG DU BYAS NA, THOG MA MED PA NAS RANG RGYUD NYON MONGS PA'I DBANG DU SONG BAS LAS SNA TSOGS SHIG BSAGS TSUL DANG, DE YANG LAS 'PHEL CHE BA, BYAS PA CHUD MI ZA BA, LAS MA BYAS PA DANG MI PHRAD PAR 'GYUR BA'I TSUL LA DPAGS NAS BSAM, ` GNYIS PA'I DBANG DU BYAS NA, BDAG 'CHI BA'I TSE TSUL JI LTAR DU 'GYUR, THABS JI LTA BU DANG LDAN PAR 'GYUR, SHI BA'I 'OG TU YUL PHYOGS DANG SA PHYOGS GANG DU SKYE BAR 'GYUR SNYAM DU GDENGS TSAD YOD MED BSAM DE'I TSE 'DI LTA BU ZHIG BYED SNYAM PA'I GDENGS TSAD MED DE, 'KHOR BA DANG NGAN SONG GI GNAS RNAMS SU MI SKYE BA'I GDENGS TSAD KYANG MI 'ONG, DE MED TSE MI LUS THOB PA'I GDENGS TSAD KYANG MI 'ONG BAS, TSUL DE DAG LA DPAGS NAS KYANG RNYED DKA' BAR BSAM MO, ` ,DE LTAR SNYING PO LEN PAR BSKUL NAS SNYING PO JI LTAR LEN PA'I TSUL LA YANG, SKYES BU CHUNG NGU DANG THUN MONG BA'I LAM GYI RIM PA
, ,LA BLO SBYONG BA SOGS GSUM YOD PAS, DANG PO 'CHI BA MI RTAG PA BSAM PA NI, RTZA BA GSUM DANG RGYU MTSAN DGU YOD PA'I NANG NAS, NGES PAR 'CHI BA'I RGYU MTSAN NI, RNAM SHES KYI RGYUN SKAD CIG SKAD CIG GIS 'GAG 'GRO BA 'DI RANG YIN, DE YANG DA RANG SNGA DRO'I RNAM SHES, DA LTA'I DUS SU MI GNAS DA LTA'I RNAM SHES KYANG SANG GI DUS SU MI GNAS PA LTA BU DANG DER MA ZAD; RANG CAG RNAMS THOG MA MED PA NAS MI DANG DUD 'GRO LTA BUR KHA TSON MA CHOD KYANG GANG ZAG TU KHA TSON CHOD PA YIN, DE LTAR CHOD PA'I RGYU MTSAN GYIS GANG ZAG DE LA GNYUG MA'I GANG ZAG CES BYA ZHING DE LTA BU DE RKYEN DANG PHRAD PA LA BRTEN NAS MI DANG DUD 'GRO LA SOGS PA DE DANG DER SKYE BA YANG, NGES PAR 'CHI BA'I RGYU MTSAN DANG, DA RANG SNGA DRO'I RNAM SHES DA LTAR GYI DUS SU 'GAG 'GRO BA LA SNON PA BSNAN NAS RING DU GTONG RGYU MED PA NI, TSE LA SNON PA MED CING 'GRIB BYED PAR MA CHAD DANG BCAS PA DANG, RNAM SHES KYI RGYUN SKAD CIG GIS 'GAG PA LA MI 'GAG PA'I THABS GANG YANG BYA RGYU MED PAS DE YANG PHYI NANG GI RKYEN GANG GIS KYANG BZLOG RGYU MED PA SOGS NGES PAR 'CHI BA'I RGYU MTSAN DU GSUNGS, 'CHI BA MI RTAG PA BSAM TSUL 'DI LTAR BYED PA NI, GZHUNG
LUGS CHEN PO'I SBYANGS PA YOD PA RNAMS LA 'CHAR SHIN TU BDE BA YONG GSUNGS, 'CHI BA MI RTAG PA BSAM PA'I DGOS PA NI MYUR LAM GYI BSHAD LUNG GNANG BA'I SKABS SU 'DI LTAR 'CHI BA MI RTAG PA BSAM PA NI BRTZON 'GRUS KYI LCAGS 'JUG PAR BYA BA'I PHYIR DU YIN TE, DE YANG SKYES BU 'BRING GI SKABS LHA MI RNAMS KYANG SDUG BSNGAL GYI RANG BZHIN DU MTHONG NAS 'JIGS ZING ZING BA SKYO CHAD CHAD PA ZHIG 'ONG, DE LA NGAN SONG GSUM GYI SDUG BSNGAL DRAN PA ZHIG NGES PAR DGOS, DE YANG NGA SHI YONG BSAM PA'I BLO 'DI MED NA MI 'ONG BAS 'CHI BA MI RTAG PA BSAM DGOS PA YIN, DE LA RTZA BA GSUM RGYU MTSAN DGU YOD PA'I TSUL LA BSAM BLO YAG PO ZHIG BTANG NAS DA NGES PAR 'CHI SNYAM DU BSAM DGOS, DE LTAR BSAM PA NA GDENGS TSAD ZHIG YOD NA MA GTOGS 'JIGS ZING NGE BA ZHIG NGES PAR YOD, GAL TE GDENGS TSAD GTAN NAS MED BZHIN DU DA DUNG MI 'JIGS NA GTING NAS RUL BA'I RTAGS YIN PAS, DKON MCHOG LA GSOL BA 'DEBS DGOS, GZHAN YANG THOS BSAM LA SOGS PA MANG PO ZHIG BYAS KYANG, NGA SHI YONG SNYAM PA DANG, NAM 'CHI LA NGES PA MI 'DUG SNYAM PA'I BLO GTING NAS MI SKYE BA NI CHOS BYAS PA GNAD DU MA SONG BA'I RTAGS YIN PAS THOS
, ,BSAM SKABS DANG SGOM RAN PA'I SKABS GNYIS YA BRAL DU MA SONG BA ZHIG DGOS PAS, ` SGOM RAN PA'I TSE SGOM RGYU'I CHOS ZHIG LOGS SU 'TSOL DGOS BYUNG NA CHOS BYA BA'I GNAD MI SHES PA YIN GSUNGS, ` DE NAS 'DUS BYAS MI RTAG PA DANG SKYE BA SNGA PHYI SOGS THOS BSAM GYIS GTAN LA PHAB PA DE, NGES PAR 'CHI BA SOGS BSAM PA'I THAD GA SU 'GRO NGES SHES PA ZHIG MA BYUNG NA CHOS BYED PA'I GNAD MI SHES PA YIN ZHES BYI BAS BYI BA'I RO DRUNG PA'I DPE DANG SBYAR NAS GSUNGS, 'CHI BAR MA ZAD NAM 'CHI NGES PA MED PA'I RGYU MTSAN, 'CHI RKYEN SHIN TU MANG ZHING GSON RKYEN NYUNG BA NI, LUS DANG SEMS GNYIS PO 'DI YANG 'CHI RKYEN YIN NA, GZHAN RNAMS 'CHI RKYEN YIN PA LTA SMOS KYANG CI DGOS, DE YANG LUS 'DI 'CHI RKYEN YIN TE, LUS 'DI YOD PA'I DBANG GIS GON PA RKANG LA THOGS TE G-YANG LA LHUNG NAS 'CHI BA SRID, LUS MED NA G-YANG LA LHUNG NAS 'CHI DON MED, SEMS DE 'CHI RKYEN YIN TE, SEMS 'DI YOD PA'I DBANG GIS 'CHI BA 'BYUNG GI SEMS MED LA 'CHI BA MI 'BYUNG STE, DPER NA SHING DANG RDO LA SOGS PA BZHIN NO, ,YANG MYUR LAM GYI BSHAD LUNG GNANG SKABS SU NAM 'CHI CHA MED PA DANG, CHOS MA GTOGS GZHAN GANG
GIS KYANG MI PHAN PAR BSAM PA'I MAN NGAG NI, 'DI LTAR NAM 'CHI NGES PA MED PA'I RGYU MTSAN 'CHI RKYEN SHIN TU MANG BA NI, GZHAN RNAMS LTA ZHOG GZUGS PO 'DI RANG YANG 'CHI RKYEN YIN TE, G-YANG LA LHUNG NAS MGO CHAG NAS 'CHI BA SRID CING MGO BO MED NA DE CHAG NAS 'CHI DON MED, YANG NAM MKHA' NAS GZA'I DUG BYUNG STE KLAD KHRAG 'DRES NAS 'CHI BA YANG SRID, KLAD PA DANG KHRAG SOd GZA'I DUG DE LEN BYED MED NA, NAM MKHA' STONG PA LA GZA'I DUG RANG YAL DU 'GRO BA ZHIG YIN PAS, DES NA GZUGS PO 'DI 'CHI RKYEN YIN PA DES 'GRUB GSUNGS, 'CHI BA'I TSE CHOS MIN BA GZHAN GANG GIS KYANG MI PHAN PA'I RGYU MTSAN NI 'DI LTAR LONGS SPYOD PHUN SUM TSOGS PA DANG, GTAM KHA DRAG LA SOGS PA 'DI RNAMS LUS SEMS GNYIS THUN MONG PA'I STENG DU YONG BA YIN, CHOS NI KHA DOG DKAR DMAR GYI KHYAB RKANG CIG YIN KYANG, PHYI MAR SEMS KYI STENG DU KHUR NAS 'GRO RGYU YONG, NOR LONGS SPYOD SOGS DE LTAR MIN PAR GSUNGS SO, ,DE NAS NGAN SONG GSUM GYI NANG NAS, DMYAL BA'I SDUG BSNGAL BSAM TSUL NI, DMYAL BA PA RNAMS KYI NANG NAS YANG SOS PA NI, SDUG BSNGAL CHUNG SHOS YIN MOD KYANG, DE'I SDUG BSNGAL GYI KHYAD PAR NI, SA GZHI THAMS CAD ME RAB TU 'BAR BA, ME DE TSA BA'I KHYAD PAR NI, MI RNAMS
, ,KYI ME'I NANG NAS TZAN DAN GYI ME DANG LCAGS GONG DMAR 'BAR BA'I ME RNAMS YIN KYANG, YANG SOS KYI ME LA BLTOS NA DE DAG KYANG REG BYA BSIL ZHING, BDE BA'I RANG BZHIN CAN DU 'GYUR ZHING, DE LTA BU'I SA GZHI ME RAB TU 'BAR BA DER, YANG SOS PA'I SEMS CAN RNAMS LAG TU GANG THOGS TSAD MTSON CHAR 'GYUR NAS PHAN TSUN 'DEBS PAR BYED, MTSON CHA DE DAG GI YU BA LAS KYANG ME 'BAR TE SREGS PAR BYED PA LA SOGS PA'I SDUG BSNGAL DANG, THIG NAG PA RNAMS NI, LCAGS KYI SA GZHI LA GAN RKYAL DU BSGYEL NAS LUS LA THIG NAG PO ZHIG BTAB NAS DANG POR DUM BU GNYIS SU GSHAGS PA NA, GSHAGS PA'I DUM BU GNYIS KA LA SDUG BSNGAL GYI TSOR BA BSAM GYIS MI KHYAB PA DANG, DE NAS THIG BZHI DANG BRGYAD LA SOGS PA BTAB NAS, DUM BU BZHI DANG BRGYAD LA SOGS PAR JI TZAM BTUB PA'I DUM BU RE RE LA SDUG BSNGAL GYI TSOR BA BSAM GYIS MI KHYAB PA 'BYUNG BA LA SOGS PA DMYAL BA'I SDUG BSNGAL DANG, NGAN SONG GZHAN GNYIS KYI SDUG BSNGAL KYANG MTHA' YAS PAR GSUNGS KYANG BDAG GIS DE TZAM LAS MA NGES PAS BRI BAR MA NUS SO, ,'ON KYANG DE DAG SGOM PA PO'I GANG ZAG GIS JI LTAR BSGOM PA'I TSUL SNYING POR DRIL TE
GSUNGS PA NI, YANG SOS LA SOGS PA'I SDUG BSNGAL DE DAG BSAM PA'I TSE, BDAG LA DE DAG TU MI SKYE BA'I GDENGS TSAD NI MI 'DUG, NGAN SONG DE DANG DE LTA BUR SKYES NA CI LTA BUR 'GYUR SNYAM DU KLANG PA TSA SKAM SKAM PA MA BYUNG GI BAR DU SGOMS, DE LTAR BSGOM PA'I TSE DER SKYES RANG MI YONG SNYAM PA'I BLO 'DI BAR CHAD CHE SHOS CIG YIN PAS DE BYUNG NA, 'O NA KHYOD LA DER MI SKYE BA'I GDENGS GANG YOD SNYAM DU BSAM, DE'I TSE NGA SANGS RGYAS KYI BSTAN PA LA RAB TU BYUNG, CHOS NYAN PA LA SOGS PA 'DI LTAR YIN PAS BSAM PA ZHIG BYUNG NA, SANGS RGYAS KYI BSTAN PA LA RAB TU BYUNG NAS DE'I GNAS SKABS SU KHAS BLANGS PA'I BSLAB PA'I BSRUNG SDOM SOGS TSUL BZHIN DU BYAS NA DE LTAR YIN MOD KYANG, DE DAG DANG 'GAL NA NGAN SONG GSUM DU RIM GYIS 'PHEN PAR 'GYUR BAS DE'I TSUL RNAMS BSAM, NGAN SONG GI SDUG BSNGAL 'DI DAG SGOM PA'I SKABS SU, GONG DU BSHAD PA LTAR, KLANG PA TSA SKAM SKAM PA MA BYUNG GI BAR DU SGOM PA DANG, DA LTA RANG NYID LA DE DAG TU MI SKYE BA'I GDENGS TSAD MED TSUL DANG, THOG MA MED PA NAS RANG RGYUD NYON MONGS PA'I DBANG DU SONG BAS, NGAN SONG DE DAG TU SKYE BA'I LAS BSAGS LA MA SBYANGS PA BSAM GYIS MI KHYAB PA YOD
, ,PA'I TSUL BSAM PA NI GNAD DAM PAR GSUNGS SO, ,NGAN SONG GSUM GYI SDUG BSNGAL SGOM PA'I DGOS PA NI, SDUG BSNGAL DE DAG RANG NYID LA BYUNG GIS DOGS NAS MI 'BYUNG BA'I THABS LA 'BAD PA'I CHED DU YIN TE DE YANG DPER NA RANG GI NYE 'KHOR ZHIG NA 'GO BA'I NAD ZHIG YOD PA NA, DE RANG NYID LA BYUNG GIS DOGS NAS RIGS SNGAGS BZLA BA DANG BLA MA LA GSOL BA 'DEBS PA LA SOGS PA LTA BU YIN GSUNGS, SDUG BSNGAL DE DAG RANG LA MI 'BYUNG BA'I THABS DE LA YANG DKON MCHOG LA SKYABS SU 'GRO BA DANG DGE SDIG LA SPANG BLANG BYA BA GNYIS LAS, DANG PO DKON MCHOG GSUM LA SKYABS SU 'GRO BA LA, GSUM PO DE RNAMS LA SDUG BSNGAL DE DAG LAS SKYOB PA'I NUS PA YOD PAR SHES DGOS TE, DPER NA, NAM MKHA' NAS CHAR GYI RLAN BABS PA NA RLAN DE RANG LA MI 'BYUNG BAR BYA BA'I PHYIR DU, BLA 'OG ZHIG TU 'GRO BA'I TSE, BLA 'OG DE LA RLAN DE LAS SKYOB PA'I NUS PA YOD PAR SHES NAS DER 'GRO BA DANG 'DRA GSUNGS, DKON MCHOG GSUM LA SDUG BSNGAL DE DAG LAS SKYOB PA'I NUS PA YOD PAR SHES PA LA YANG GSUM PO DE'I YON TAN SHES DGOS PAS, DE LA SANGS RGYAS DKON MCHOG GI SKU'I YON TAN NI, DE NYID KYI
ZHAL GYI DKYIL 'KHOR MTHONG BA TZAM GYIS KYANG, NGAN SONG GI SGO BRGYA PHRAG DU MA KHEGS PAR 'GYUR BA DANG TING NGE 'DZIN GYI SGO BRGYA PHRAG DU MA SKYE BAR 'GYUR ZHING, DE NYID KYI SKU'I MDZOD SPU NAS KYANG 'OD DKAR PO DANG SER PO DANG RTZONG KHA LA SOGS PA SPROS TE, TSA DMYAL BA RNAMS KYI GNAS SU SONG NAS BSIL BAR BYED, GRANG DMYAL BA RNAMS KYI GNAS SU SONG STE, DE RNAMS DRO BAR BYAS PAS, DMYAL BA'I SEMS CAN DE DAG BDAG CAG TSE 'PHOS PAR MA GYUR RAM SNYAM DU BSAM, DE'I TSE 'OD ZER RE RE'I SNE MOR SANGS RGYAS KYI SKU KHRU GANG PA RE RE SPRUL NAS, DE DAG GIS SEMS CAN DE RNAMS LA BRTZAM PAR BYA ZHING DBYUNG BAR BYA ZHES PA LA SOGS PA'I CHOS BSTAN NAS, BDE 'GRO LA 'GOD PA LA SOGS PA DANG, GSUNG GI YON TAN NI DPER NA YI GE AA ZHES PA CIG GSUNGS KYANG DE YANG 'GRO BA RANG RANG GI SKAD DU GO BA DANG, THEG CHEN PA RNAMS LA NI THEG CHEN GYI CHOS SU GO, THEG DMAN PA RNAMS LA NI THEG DMAN KYI CHOS SU GO BA LA SOGS PA DANG, THUGS KYI YON TAN NI, SHES BYA DZI SNYED PA MKHYEN TSUL NI, DPER NA 'JIG RTEN KHAMS KYI RTZA DANG SHING DANG ME TOG DANG 'BRAS BU DANG LO MA LA SOGS PA THAMS CAD DANG POR MES BSREGS DE LTAR BSREG PA'I THAL BA RNAMS RGYA MTSO CHEN POR SKYUR
, ,NAS YUN RING DU SLEB, DE NAS RGYA MTSOR SKYUR BAS THAL BA DE RNAMS KYI 'BYIM PA DE'I CHA SHAS RNAMS SANGS RGYAS BCOM LDAN 'DAS KYI SO SOR PHYE NA YANG, 'DI NI SHING LTA BU ZHIG GI RTZA BA LAS BYUNG BA'I CHA SHAS SO, ,'DI NI DE'I RTZE MO LAS BYUNG BA'I CHA SHAS SO, ,'DI NI ME TOG GI CHA SHAS SO, ,'DI NI LO MA'I CHA SHAS SO ZHES BYA BA LA SOGS PA SO SOR 'BYED NUS PA'I TSOD TZAM GYIS SHES BYA JI SNYED PA MKHYEN PA'I MKHYEN PA DANG, CHOS NYID MNGON DU GYUR PAS NA JI LTA BA MKHYEN PA LA SOGS PA'I MKHYEN PA'I YON TAN RNAMS THUGS KYI YON TAN DANG, 'PHRIN LAS KYI YON TAN NI, THA NA DPE CHA LA SOGS PA BRI BAR BYED PA'I SNYUG GU LTA BU YANG SANGS RGYAS KYI 'PHRIN LAS YIN, RANG CAG RNAMS KYI GON PA LA TSOS LEN PA YANG SANGS RGYAS KYI 'PHRIN LAS YIN TE, MA 'ONGS PAR SANGS RGYAS KYI BSTAN PA BSDU BA'I SKABS GON PA LA TSOS MI LEN, DE'I RGYU LA BRTEN NAS RGYAL PO LCAGS KYI RME BA CAN ZHES BYA BA NGES RAB BYUNG BA MA MTHONG BAS MYA NGAN GYIS YID GDUNG BA'I TSUL DANG BCAS TE GSUNGS SO, ,GZHAN YANG YON TAN GYI YON TAN DANG, 'PHRIN LAS KYI YON TAN LA SOGS PA MTHA' YAS PAR GSUNG MOD KYI ZHIB PAR BDAG GI BLOR MA CHUD PAS BRI BAR
MA NUS SO, ,MDOR NA BSHAD MA THAG PA DE DAG LA SOGS PA'I SANGS RGYAS DANG CHOS DANG DGE 'DUN GYI YON TAN DRAN PA'I SGO NAS BDAG DUS 'DI NAS BZUNG STE SANGS RGYAS MA THOB KYI BAR DU SHI RUNG GSON RUNG SKYID RUNG SDUG RUNG LEGS NYES CI BYUNG KYANG, DKON MCHOG KHYED SHES SO SNYAM PA'I BLO LINGS KYIS BSKAL NAS 7SKYABS 'GRO BRGYA STONG KHRI 'BUM SOGS BYA BAR GSUNGS SO, ` ,GNYIS PA DGE SDIG LA SPANG BLANG BYA BA'I TSUL NI LAS DGE MI DGE CHUNG NGU RE LAS MA BYAS KYANG 'BRAS BU BDE SDUG CHES SHIN TU CHE BA 'BYUNG BAS 'PHEL CHE BA LA SOGS PA'I TSUL LA NGES PA DRANGS NAS, PHRA MO NAS SPANG BLANG BYA DGOS SO, ,DE YANG SNGON GYI DUS SU SHED BU SER SKYA ZHES BYA BA DES SANGS RGYAS 'OD SRUNG GI DGE SLONG RNAMS LA BONG BU'I MGO CAN KHYOD KYI CI SHES ZHES BYA BA LA SOGS PA MGO BRNYAN MI 'DRA BA BCO BRGYAD SMOS TE SMAD PA DE'I RNAM SMIN GYI 'BRAS BU LA CHU SRIN SER SKYA ZHES BYA BA LUS LA MGO BRNYAN MI 'DRA BA BCO BRGYAD YOD PA ZHIG TU SKYES, RGYU MTHUN KYI 'BRAS BU LA CHU SRIN DE MI RNAMS KYIS MTHONG BA NA THAMS CAD KYIS SMAD PAR BYED PA DANG SKYI G-YA' BAR BYED PA ZHIG BYUNG, BDAG PO 'AM DBANG GI 'BRAS BU NI CHU SRIN DE GNAS PA'I RGYA MTSO DE BA TSVA CAN GYI MTSO YIN PA DE'ANG, DUG CAN GYI CHUS GANG BA ZHIG BYUNG
, ,CHOS RGYAL MYA NGAN MED CES BYA BA DES SKYE BA SNGA MAR BYIS PA ZHIG TU GYUR PA'I TSE, SANGS RGYAS LA BYE MA SPAR GANG PHUL BAS SHAR PHYOGS KYI RGYA MTSO NAS NUB PHYOGS KYI RGYA MTSO LA THUG GI BAR GYI GRONG KHYER RNAMS LA DBANG BSGYUR BA'I RGYAL POR SKYES PA'I LO RGYUS DANG?, GZHAN YANG BUM PA CAN DANG, NAG PO PA LA SOGS PA'I LO RGYUS YANG MANG DU GSUNGS SO, , MDOR BSDU NA SNGON GYI DE RNAMS KYIS LAS DE DANG DE SPYAD PA LA BRTEN NAS 'BRAS BU DE DANG DE LTA BU 'BYUNG BA BZHIN DU BDAG GIS KYANG DE LTAR DU SPYAD NA 'BRAS BU DE LTAR MYONG BA GDON MI ZA'O SNYAM DU LAS 'BRAS LA YID CHES BA'I SGO NAS DGE SDIG PHRA MO NAS SPANG BLANG BYA DGOS PAR GSUNGS, LAS 'BRAS SKOR LA MYUR LAM GYI BSHAD LUNG GNANG SKABS GSUNGS PA NI, DGE BA'I LAS KYI 'BRAS BU 'PHEL CHE BA'I SHES BYED DU CHOS RGYAL MYA NGAN MED KYI LO RGYUS DANG SNYAN PA BZANG LDAN KYI SKAD SNYAN PA'I RGYU MTSAN RNAMS GSUNGS, MI DGE BA'I LAS 'PHEL CHE BA'I SHES BYED DU CHU SRIN SER SKYA DANG, SRIN BU KE TA'I LAS KYI RGYU MTSAN DANG, STON PA'I ZHABS LA SENG LDENG GI TSAL BA ZUG PA'I RGYU MTSAN RNAMS GSUNGS, NGES NA RANG CAG RNAMS SEMS KYI NGOS NAS LAS
'BRAS LA 'DZEM PA RANG GNAD CHE STE, DE YANG SEMS CAN GCIG GI BYED SPYOD NGAN BA ZHIG LA BRTEN NAS GRVA SA RANG DU SONG DRAGS PA MIN PA 'DI BSAD NA SNYAM PA'I BLO LTA BU ZHIG SKYES NA YANG SROG GCOD KYI CHA MTHUN DU 'GYUR BA YIN, DES NA CHA PHRA MO NAS BRTAGS TE DGE SDIG LA SPANG BLANG BYA DGOS PAR GSUNGS SO, ` ,GNYIS PA SKYES BU 'BRING NGANG MTHUN MONG BA'I LAM LA BLO SBYONG BA'I TSUL LA, THAR PA DON GNYER GYI BLO BSKYED PA SOGS GNYIS YOD PAS DANG PO NI, DE YANG GONG DU BSHAD PA LTAR GYI NGAN SONG GSUM LAS 'DAS PA'I BDE 'GRO'I GO 'PHANG ZHIG THOB KYANG SDUG BSNGAL LAS MA 'DAS PAS DE'I TSUL BSAM PA LA, DANG POR MI RU SKYES NA SKYID SDUG JI LTAR YONG MI DE YANG RTAG TU YOD DAM MI YONG SNYAM DU BSAM BLO YAG PO ZHIG GTONG, DE NAS DE'I STENG DU SDUG BSNGAL BRGYAD DANG DRUG LA SOGS PA BSAM PA'I TSUL NI, DANG POR SKYE BA'I SDUG BSNGAL KYI DBANG DU BYAS NA, SKYE BA GNAS NGAN LEN DANG LDAN PA'I SDUG BSNGAL, SKYE BA MI 'DOD BZHIN DU NGES PAR 'DOR DGOS PA'I CHOS CAN LAS MA 'DAS PA LA SOGS PA DU MA YOD PA'I NANG NAS, SKYE BA GNAS NGAN LEN GYI DON NI, DANG PO SKYES PA'I TSE, SHA DANG RUS PA KHRAG DANG TSIL BU DANG BCAS PAR SKYE ZHING SHA LA SOGS PA DE RNAMS LA BRTEN NAS SDUG
, ,BSNGAL 'BYUNG BAS DE RNAMS SDUG BSNGAL LA SOGS PA'I GNAS NGAN PA LEN PAR BYED PA'I GZHI YIN CING, SKYES PA'I TSE NGAN PA DE LEN PAR BYED PA'I GZHI SHA RUS DE RNAMS DANG BCAS PAR SKYES BAS NA SKYE BA GNAS NGAN LEN ZHES BYA, DE YANG SGOM PA'I THOG MAR SKYE BA'I SDUG BSNGAL RNAMS DRAN PAR BYAS TE, BDAG KYANG DE LTA BU'I CHOS CAN LAS MA 'DAS PAS DES NA BDAG GIS SDUG BSNGAL DE NYID SPANGS PA'I ZHI BA MYANG 'DAS KYI GO 'PHANG ZHIG THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL SNYAM PA DANG, RGA BA'I SDUG BSNGAL NI, MGO BO SBRAL BA'I ME TOG LTAR DKAR BA, DPRAL BA BRAS GDAN LTAR SONG BA, RKED PA GZHU LTAR SGUR BA BZA' BTUNG SOGS SNGAR ZA BA'I TSOD TZAM DU ZA BAR MI NUS PA DANG CUNG ZAD ZA THUB KYANG KHOG BAR 'JU MI THUB PA'I SDUG BSNGAL, RKANG PAS KYANG LUS PO MI THEG PAR GYAR GYOR DU 'GRO BA LA SOGS PA'I SDUG BSNGAL DE RNAMS DRAN PAR BYAS TE, BDAG KYANG DE LTA BU'I CHOS CAN LAS MA 'DAS PAS DES NA BDAG GIS SDUG BSNGAL DE NYID SPANGS PA'I ZHI BA MYANG 'DAS KYI ZHES SOGS, DE BZHIN DU NA BA'I SDUG BSNGAL YANG BSAM, 'CHI BA'I SDUG BSNGAL NI, SA CHU LA THIM PA DANG CHU ME LA THIM PA DANG, ME
RLUNG LA THIM PA'I SKABS SOGS SU JI LTAR 'BYUNG PA RNAMS DRAN PAR BYA ZHING, THA NA SROG CHAGS SBRANG BU LTA BU SHI BA'I RO GCIG MTHONG KYANG BDAG KYANG 'DI LTA BU'I CHOS CAN LAS MA 'DAS PAS DES NA BDAG GIS SDUG BSNGAL DE NYID RGYUN BCAD PA'I ZHI BA MYANG 'DAS ZHES SOGS DANG, GZHAN YANG 'DOD PA'I DNGOS BO BTZAL KYANG MI RNYED CING MI 'DOD PA'I DNGOS PO THOG DU BABS PA SOGS 'KHOR BA'I SDUG BSNGAL JI LTAR 'BYUNG BA'I TSUL MTHA' YAS PA GSUNG MOD KYANG ZHIB PAR BLOR MA NGES PAS BRI BAR MA NUS SO, ,DES NA LHA MA YIN GYI SDUG BSNGAL BSAM TSUL NI, SPYIR LHA MA YIN RNAMS LHA'I DPAL 'BYOR LA MI BZOD PA'I PHRAG DOG GI DBANG GIS SDUG BSNGAL BA YIN CING, DE YANG GTZO CHE BAR SHING YONGS 'DUS SA RTOL ZHES PA DE'I RTZA BA LHA MA YIN GYI GNAS NA YOD, RTZE MO SUM CU RTZA GSUM GYI GNAS NA YOD PAS, LHA MA YIN RNAMS SHING DE'I 'BRAS BU LA NGED RNAMS DBANG BA YIN SNYAM PA DANG, LHA RNAMS NI NGED RNAMS DBANG BA YIN SNYAM DU BSAM NAS DE RNAMS 'THAB RTZOD BYED CING, DE LA BRTEN PA'I SDUG BSNGAL NI, DANG PO G-YUL DU 'GRO BAR RTZOM PA NA LHA RNAMS LAS PHAM PAR GYUR KYIS DOGS PA'I SDUG BSNGAL DANG, PHYIN PA'I TSE NA YANG GSHAGS PA DANG GTUB PA DANG BCAD PA LA SOGS PA'I SDUG
, ,BSNGAL BSAM GYIS MI KHYAB PA 'BYUNG BAS DE'I TSUL RNAMS BSAM, DE NAS LHA'I SDUG BSNGAL BSAM PA NI, BDAG SUM CU RTZA GSUM GYI BDAG PO BRGYA BYIN LTA BU ZHIG TU SKYES NA GA 'DRA YONGS, DE LA LONGS SPYOD JI LTAR YOD DE MTHAR 'CHI DGOS MI DGOS SNYAM DU BSAM BLO YAG PO ZHIG BTANG NAS DE LA JI LTAR 'BYUNG TSUL NI GONG DU BSHAD PA LTAR LHA MIN DANG 'THAB RTZOD BYED PA NA DANG POR DE RNAMS KYIS ZHAG BDUN TZAS PA'I SGRA THOS BA TZAM GYIS LHA'I DPAL 'BYOR SHOR GYIS DOd PA DANG, RANG LA NYE BAR 'KHOR BA'I KHOR RNAMS KYANG 'THAB 'OG TU SHOR GYIS DOGS PA'I SDUG BSNGAL BSAM GYIS MI KHYAB PA DANG, 'THAB PA'I TSE NA YANG DE DAG LA BRTEN PA'I SDUG BSNGAL DPAG TU MED PA 'BYUNG BAS DE'I TSUL RNAMS BSAM, 'CHI BA'I TSE NA YANG DE'I SNGAR ROL KYI LHA'I NYIN ZHAG BDUN NAS LUS KYI KHA DOG MI SDUG PAR 'GYUR BA DANG, SNGAR 'DUG PA'I STAN LA MI DGA' BA DANG, LUS KYI RGYAN ME TOG GI PHRENG BA RNYING PA DANG, GOS LA DRI MA CHAGS PA DANG, LUS LA SNGON CHAD MED PA'I RDUL 'BYUNG BA SOd 'CHI LTAS LNGA PHOG PAS DE'I SDUG BSNGAL DANG, LHA'I BU DANG BU MO LA SOGS PA RNAMS KYIS KYANG DRUNG DU MI 'KHOR BAR RGYANG MA NAS BRGYA BYIN KHYOD SDUG BSNGAL BAR MA GYUR CIG ,CES BYA BA LA SOGS PA'I
SHIS PA BRJOD NAS ME TOG 'THOR BAR BYED CING, DE LA BRTEN PA'I SDUG BSNGAL DANG, 'DOD LHA GONG MA RNAMS LA SDUG BSNGAL JI LTAR YOD TSUL NI, DE RNAMS 'OG MA 'OG MA LAS GONG MA GONG MA LONGS SPYOD 'DAB 'GYUR 'DAB 'GYUR GYIS CHE BAS MTHAR 'CHI BA'I TSE LONGS SPYOD DE DAG DANG 'BRAL DGOS PAR SHES NAS SDUG BSNGAL YANG 'OG MA RNAMS LAS CHE BAR 'BYUNG BAR GSUNGS SO, ,KHAMS GONG MA GNYIS LA YANG GNAS PA LA RANG DBANG MA THOB PA'I TING NGE 'DZIN GYI 'PHEN PA ZAD NAS NGAN SONG LA SOGS PA'I GNAS 'OG MA RNAMS SU LTUNG BA'I SDUG BSNGAL BSAM GYIS MI KHYAB PA 'BYUNG ZHING; MDOR NA MTHO SRID PA'I RTZE MO NAS BZUNG STE MNAR MED PA'I BAR GYI 'KHOR BA'I GNAS THAMS CAD SDUG BSNGAL KYI RANG BZHIN LAS MA 'DAS PA ME 'BAR BA'I KLUB LTAR BSAM DGOS PAR GSUNGS SO, ` ,GNYIS PA THAR PAR BGROD PA'I LAM GYI RANG BZHIN GTAN LA 'BEB TSUL NI GONG DU BSHAD PA DE LTAR SRID RTZE NAS MNAR MED PA'I BAR GYI 'KHOR BA'I GNAS THAMS CAD ME 'BAR BA'I KLUB LTA BUR MTHONG ZHING ZHI BA MYANG 'DAS KYI GO 'PHANG THOB PAR BYED PA LA 'KHOR BAR 'KHOR BYED KYI RTZA BA MA RIG PA GCOD DGOS, DE LA DE RIG DGOS RIG PAR BYED PA LA PHUNG PO LNGA PO 'DI'I STENG DU
, ,NGOS 'DZIN DGOS, DE LA YANG DANG POR PHUNG PO LNGA PO 'DI'I GNAS TSUL SHES DGOS PAS GSUNG RAB RNAMS SU ZAG BCAS NYER LEN GYI PHUNG PO LNGA ZHES GSUNGS PA LTAR GYI ZAG BCAS GZUGS KYI PHUNG PO DE GANG, DE ZAG BCAS YIN PA'I YIN LUGS DE GA 'DRA YIN ZHE NA, DNGOS SU ZAG PA DANG BCAS TSUL CIG DANG, DE LAS PHRA BA'I ZAG PA DANG BCAS TSUL GNYIS YOD CING; DNGOS SU BCAS TSUL NI SHA DANG KHRAG DANG KHU BA LA SOGS PA MI GTZANG BA'I RIGS CAN GYI RDZAS SUM CU RTZA DRUG GI RANG BZHIN CAN YIN PA DANG, 'DI MI RTAG PA YIN PA LA RTAG PAR 'DZIN PA DANG, MI GTZANG BA YIN PA LA GTZANG BAR 'DZIN PA SOGS BZHI PO 'DI PHUNG PO 'DI LA BRTEN NAS 'BYUNG BAS NA, LUS PHRA BA'I ZAG PA DANG BCAS PA YIN GSUNGS, PHUNG PO ZHES PA'I PHUNG LUGS NI SHA DANG RUS PA DANG LPAGS PA DANG NANG KHROL RTZA DANG RGYUS PA SOGS GZUGS KYI CHA MANG PO ZHIG 'DUS BAS NA GZUGS KYI PHUNG PO ZHES BYA ZHING, DE YANG DPER NA NAS MANG PO 'DUS PA LA NAS KYI PHUNG PO ZHES BRJOD PA LTA BU YIN GSUNGS, TSOR BA'I PHUNG PO ZHES PA NI, LUS KYI SHA DANG LPAGS PA RUS PA RKANG GI CHA THAMS CAD LA LUS KYI DBANG POS KHYAB NAS YOD PA'I DBANG GIS LPAGS
PA LA SOR MO BTAB PA'AM, RGYUS PAR ZHOGS PA LTA BU GANG BYAS KYANG, DE LTAR BYAS PAR SHES PA DE TSOR BA YIN CING, DE YANG LUS KYI CHA GANG DANG GANG LA RIG PA'I TSOR BA'I CHA MI 'DRA BA MANG PO ZHIG 'DUS NAS YOD PAS NA TSOR BA'I PHUNG PO ZHES BYA, 'DU SHES NI NGA 'KHYAGS BYUNG BAS ME BTANG BAR BYA'O SNYAM PA LTA BU DANG, GOS GYON PAR BYA'O SNYAM PA LTA BU YIN CING, DE LTA BU'I 'DU SHES KYI CHA MANG PO ZHIG YONG PAS NA 'DU SHES KYI PHUNG PO ZHES BYA, 'DU BYED NI, DE'I RDZAS SU ME GTONG BAR BYED PA DANG, GOS GYON PAR BYED PA LTA BU YIN CING, DE 'DRA'I 'DU BYED KYI CHA MANG PO ZHIG YOD PA LA 'DU BYED KYI PHUNG PO ZHES BYA, RNAM SHES SHES BYA BA NI, YUL SHES PA'AM RAB TU SHES PAS NA RNAM SHES ZHES GSUNGS, DE YANG SHES PA KHO RANG GI NGOS NAS LUNG MA BSTAN YIN PA LA ZHES GSUNGS PA LTAR, DGE MI DGE GANG DU YANG LUNG DU MA BSTAN PA YIN LAGS, YUL GANG LA 'JUG PA NA, YUL DER 'CHAR DU YOD PA DE 'DRA ZHIG YIN CING, DE LA YANG MIG GI RNAM SHES DANG, RNA BA'I RNAM SHES LA SOGS PA DU MA YOD PAS RNAM SHES KYI PHUNG PO ZHES GSUNGS, DE YANG SGOM PA'I TSE SPYI BOR LHA SGOM BZHIN PA'I NGANG NAS, 'DI LTAR BSAM STE GONG DU BSHAD PA'I
, ,PHUNG PO LNGA PO DE NGOS 'DZIN PAR BYAS NAS, DA 'DI'I STENG NA 'KHOR BAR 'KHOR BYED KYI RTZA BA MA RIG PA ZER BA ZHIG YONG RGYU YIN 'DUG PAS, DE GA 'DRA ZHIG YIN BSAM, DE LTAR BSAM PA NA, MA RIG PA GANG YIN NGO MI SHES PA KHO RANG YANG MA RIG PA YIN, DE LA YANG MA RIG PA RAGS PA NGOS 'DZIN TSUL CIG DANG, DE LAS CUNG ZAD PHRA BA'I MA RIG PA NGOS 'DZIN TSUL, DE LAS KYANG CHES PRA BA'I MA RIG PA NGOS 'DZIN DANG GSUM DU BYAS NA, DA LTAR DGONGS MO'I DUS TZAM DU BDAG LA BSAM PA JI LTA BU ZHIG 'CHAR, SKAD CHA ZER KHAN YANG GA 'DRA YONG, SANG GI DUS SU BDAG LA BSAM PA JI 'DRA ZHIG 'CHAR, SKAD CHA ZER KHAN YANG GA 'DRA YONG SNYAM DU BSAM PA NA, BSAM PA GANG 'CHAR DANG, ZER KHAN GANG YONG MI SHES PA DE MA RIG PA RAGS PA YIN, BDAG 'DI NAS TSE 'PHOS TE DMYAL BAR SKYE 'AM, MIR SKYE 'AM SNYAM DU BSAM PA NA SKYE NI SKYE GANG DU SKYE MI SHES PA DE, DE LAS CUNG ZAD PHRA BA'I MA RIG PA YIN, BLANG DOR GYI GNAS LA RMONGS PA'I MA RIG PA NI, DE GNYIS LAS CHES PHRA BA'I MA RIG PA PHRA MO YIN CING, DES NA BLANG DOR LA RMONGS PA'I MA RIG PA 'DI LA BRTEN NAS SPYOD PA MA DAG PA DANG, TING NGE 'DZIN MA DAG PA DANG, LTA BA MA DAG PA DANG, 'DOD
CHAGS ZHE SDANG LA SOGS PA RNAMS 'BYUNG ZHING, DE DAG GI DBANG GIS 'KHOR BAR 'KHYAMS NAS SDUG BSNGAL SNA TSOGS MYONG BA 'DI BYUNG 'DUG PAS, DES NA SDUG BSNGAL GYI RTZA BA MA RIG PA DE SUN DBYUNG DGOS, DE LA YANG DE'I ZHEN YUL SUN PHYUNG DGOS PAS, DE'I PHYIR DU SHES RAB KYI BSLAB PA NYAMS SU LEN DGOS, SHES RAB DE NI TING NGE 'DZIN GYI BSLAB PA LA BRTEN NAS 'BYUNG BAS NA, DE'I GZHI RTEN DU TING NGE 'DZIN DANG, TSUL KHRIMS NI SPYIR YON TAN THAMS CAD KYI RTZA BA YIN PA DANG KHYAD PAR TING NGE 'DZIN GYI BSLAB PA'I GZHI RTEN DU 'GYUR BA NI, DE BSRUNG BA'I TSE SEMS RGYA YAN DU MI GTONG BAR DRAN PA BRTAN PA DANG, ZHI GNAS KYI TING NGE 'DZIN KHYAD PAR CAN SGRUB PA'I SKABS SU YANG DRAN PA BRTAN LUGS DE DANG CHA 'DRA BAS NA TING NGE 'DZIN GYI BSLAB PA'I GZHI RTEN DU NGES PAR TSUL KHRIMS KYI BSLAB PA LA SLOB PA GNAD CHE BAR GSUNGS, TSUL KHRIMS ZHES PA'I DON YANG TSUL DANG MTHUN PA'I BYA BA YIN PAS NA TSUL, DPER NA NYI MA DE SNGA DRO SHAR NAS DGONGS MO'I DUS SU SHAR DER SGRId LTA BU BYAS NAS NUB TU SGRIL TE 'GRO BA BZHIN DU, SANGS RGYAS KYI BCAS PA'I BYA BA DE LA KHRIG STE 'JUG PAR BYED PAS NA, KHRIMS ZHES GSUNGS, ` GSUM PA, SKYES BU CHEN PO'I LAM GYI RIM PA
, ,LA BLO SBYONG BA LA, BYANG CHUB TU SEMS BSKYED PA DANG, RGYAL SRAS KYI SPYOD PA LA SLOB TSUL GNYIS LAS, DANG PO NI, DE YANG YANG DAG PAR RDZOGS PA'I SANGS RGYAS KYI GO 'PHANG THOB PAR 'DOD PA RNAMS KYIS BYANG CHUB KYI SEMS LA SLOB DGOS TE, JO BO RJE DPAL LHA CIG D'I PAm KA RA LA YANG, BLA MA AA BA DH'U TI PA'I ZHAL NAS MYUR DU MNGON PAR RDZOGS PAR SANGS RGYA PAR 'DOD NA BYANG CHUB KYI SEMS LA SLOBS SHIG CES GSUNGS, RJE BTZUN MAS KYANG DE LTAR DU GSUNGS PA LA SOGS PA JO BO RJE'I LO RGYUS RNAMS MNGON PAR RDZOGS PAR SANGS RGYA PAR 'DOD NA BYANG CHUB KYI SEMS LA SLOB DGOS PA'I SHES BYED DU GSUNGS NAS DNGOS GZHI BYANG CHUB KYI SEMS LA BLO SBYONG BA LA, DE YANG SNGON DU SEMS CAN THAMS CAD LA SEMS SNYOMS PA ZHIG MA SGRUB NA BYANG CHUB KYI SEMS DE YANG PHYOGS GZHAN DU 'GRO BA ZHIG LAS MI 'ONG BAS, DES NA SNGON DU SEMS CAN THAMS CAD LA SEMS SNYOMS PA ZHIG SGRUB PA YIN GSUNGS, DE SGRUB PA'I TSUL NI, DANG POR RANG LA PHAN GNOD GANG YANG MI BYED PA'I BTANG SNYOMS PA'I SEMS CAN RANG GI NGO SHES TZAM PA MING YANG 'DI SKAD CES GSUNG BA YIN SNYAM PA ZHIG GSAL BTAB
NAS; DES RANG LA PHAN ZHIG BTAGS NA GA 'DRA YONG GNOD CIG SKYAL NA GA 'DRA ZHIG 'ONG SNYAM DU BSAM NAS, PHAN PAR BSAM TSE, CHAGS PA DANG, GNOD PAR BSAM TSE SDANG BA SKYE BA'I CHAGS SDANG BKAG NAS, DE LA SEMS SNYOMS PA SGRUB PA NAS MTHAR SEMS CAN THAMS CAD LA SEMS SNYOMS PA SGRUB PA'I BAR RNAMS 7SKYABS MGON MCHOG RANG NYID NAS MDZAD PA'I GZHAN PHAN BDUD RTZI'I BUM PA NANG LTAR GSUNGS PAS BDAG GI 'DIR MA BRIS SO, ` ,MAR SHES NAS BYANG CHUB KYI SEMS KYI BAR LA BDE LAM NANG BZHIN GYI TSIG RNAMS GSUNG BAR MDZAD NAS, 'DI KHA BYIN RLABS CHE BA YIN GSUNGS TE DMIGS BSAL 'GA' RE MA GTOGS DE LAS GZHAN PA'I MAN NGAG RGYAS PAR MA GSUNGS, DMIGS BSAL NI, MAR SHES SKABS SEMS CAN THAMS CAD BDAG GI SKYE BA SNGA MA'I MA YIN KYANG, SPYIR BDAG GI NI MA MA YIN NO SNYAM NA, 'O NA SKYE BA SNGA MA'I MA DE RNAMS DA LTAR GYI DUS SU 'DAS ZIN PA RGYU MTSAN DU BYAS NAS, DE DAG KHYOD KYI MA MIN NA KHYOD LA SNGON KLOG SLOB PA'I SLOB DPON DE KHYOD KYI SLOB DPON MA YIN PAR THAL, DE DA LTA 'DAS ZIN PA'I PHYIR, 'DOD NA KHYOD KYI KLOG SHES PA DE GANG LA BRTEN NAS BYUNG SNYAM DU BSAM, DE KHYOD KYI SLOB DPON YIN
, ,NA NI; DE DANG KHYOD KYI SKYE BA SNGA MA'I MA MA YIN PA LA YANG KHYAD PAR CI 'DUG SNYAM DU BSAM, GANG LA BRTEN NAS BYUNG SNYAM DU BSAM, BYANG CHUB SEMS KYI SKABS, RANG GI BLO'I PHUGS NAS RANG SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYED SNYAM PA BLOS THAG RBAD KYIS CHOD PA ZHIG DGOS, DE BYUNG NA RGYAL BA'I SRAS KYI SPYOD PA LA SLOB PA'ANG SHUGS KYIS 'ONG BA YIN TE, DPER NA, RGYA NAG NAS 'ONG BA'I MI SLAR RGYA NAG LA LOG 'GRO BAR NGES PA DE, DER 'GRO BA'I SHING RTA DANG GON PA SPOS PA SOd DER 'GRO BA'I BYA BA LA 'JUG PA SHUGS KYIS 'ONG BA DANG 'DRA, DE YANG RANG NYID SKYID PO ZHIG YONG BA SEMS CAN THAMS CAD KYI DON DU BYED DGOS KYI YONG RGYU YIN SNYAM NAS SEMS CAN THAMS CAD KYI DON DU ZER BA SKAD BYAS KYANG, RANG NYID BDE 'DOD KHONG NA GNAS PA YIN PAS, DE NI BYANG CHUB KYI SEMS KYI GOL SA YIN CING, DES NA SEMS CAN THAMS CAD SDUG BSNGAL DANG BRAL BA ZHIG BYUNG NA RANG NYID JI LTAR BYAS KYANG BLA SNYAM PA'I BLO SHUd CHEN PO DGOS GSUNGS, BDAG GZHAN MNYAM BRJE'I SKABS RANG GZHAN GNYIS GANG GCES PAR 'DZIN GYI 'DUG SNYAM DU BSAM NAS, RANG GCES PAR BZUNG GI 'DUG NA, 'O NA KHYOD KYI THOG
MA MED PA ZHIG NAS RANG SKYID PO CIG 'DOD NAS, RANG NYID GCES PAR BZUNG BAS DA KHYOD LA SKYID PO GANG BYUNG 'DUG, SANGS RGYAS BCOM LDAN 'DAS KYI RANG NYID YAL BAR DOR NAS GZHAN GCES PAR BZUNG BA LA BRTEN NAS DA JI 'DRA BYUNG 'DUG SNYAM DU BSAM, DE YANG RANG SKYID PO ZHIG YONG BA LA GZHAN GCES PAR BZUNG DGOS KYI YONG RGYU YIN 'DUG SNYAM NAS GZHAN GCES PAR 'DZIN PA'I BLO SGOM PA SKAD BYAS KYANG, DE NI RANG GCES 'DZIN KHONG NA GNAS PA YIN PAS, BDAG GZHAN MNYAM BRJE SGOM PA'I GNAD MA SHES PA YIN, DE NI DPER NA SKYAR MO'I TSANG LA SBRUL SHOR BA NA SBRUL BSAL BA'I GNAD MA SHES PAR, NE'U LE BTANG PA NA SBRUL BSAL NAS SKYAR MO'I PHRUG GU SKYON MED PAR GNAS DGOS RGYU YIN PA LA, DE GNYIS KE NE'U LES ZOS PA DANG 'DRA BAR GSUNGS SHING; 'DI'I TSE RANG GCES 'DZIN LA DGRAR BLTAS TE 'BUR 'JOM BYED PA 'DI LA NYON MONGS BYANG CHUB KYI YAN LAG TU BSGYUR BA'I DON YANG TSANG BAR GSUNGS SO, ,DE NAS SEMS BSKYED CHOGS BZUNG RJES, ` GNYIS PA RGYAL BA'I SRAS KYI SPYOD PA LA SLOB PA LA RANG RGYUD SMIN BYED PHAR PHYIN DRUG DANG GZHAN RGYUD SMIN BYED BSDU BZHI LA SLOB TSUL GNYIS LAS, DANG BO PHAR PHYIN DRUG GI NANG
, ,NAS SBYIN PA'I PHAR PHYIN NI, SPYIR SBYIN PA LA CHOS KYI SBYIN PA ZANG ZING GI SBYIN PA SOGS DU MA YOD PA'I NANG NAS, RAB TU BYUNG BA RNAMS KYIS NI CHOS KYI SBYIN PA MCHOG YIN; DE LTAR YIN KYANG ZANG ZING YANG YOD BZHIN DU MI GTONG BA NI MI RIGS PAR GSUNG ZHING, ZANG ZING GI NANG NAS KYANG RAL GRI LA SOGS PA SEMS CAN GYI SROG LA GNOD PA SKYEL BA'I CHAS KYI RIGS RNAMS SBYIN MI RUNG ZHING, MDOR BSDU NA RANG NYID KYIS GTONG BAR DKA' BA'I DNGOS PO DE DANG DE LA DMIGS NAS GTONG SEMS SGOM PA SBYIN PA'I NYAMS LEN DANG, RANG GI JI LTAR KHAS BLANGS PA'I TSUL KHRIMS SROG DANG BSNGOS TE BSRUNG BA SDOM PA'I TSUL KHRIMS DANG, SEMS CAN GZHAN BSLAB PA'I GZHI LA 'GOD PA SOGS SEMS CAN DON BYED KYI TSUL KHRIMS LA SOGS PA TSUL KHRIMS RNAM PA GSUM GYI NYAMS LEN DANG, BZOD PA SOGS PHAR PHYIN LHAG MA RNAMS KYI MAN NGAG GZHAN RNAMS RGYA CHER BKA' STZAL PA JI BZHIN MA NGES PAS BRI BAR MA NUS SO, ,'ON KYANG SDUG BSNGAL DANG LEN KYI BZOD PA'I SKABS CUNG ZAD NGES PA NI, DPER NA RANG NYID LA NAD LTA BU ZHIG THEBS PA NA, BDAG LA 'DI LTA BU'I NAD 'BYUNG BA NI SNGON
BSAGS LAS NGAN BSAGS PA'I 'BRAS BU YIN PA THAG CHOD NA 'DIS GO CHOD NAS LAS KYI 'BRAS BU PHYIS MYONG MI DGOS PAR 'DUG PAS, 'DI LTA BU BYUNG BA LA MI 'DOD RGYU MI 'DUG CING, DES NA DA DUNG MA 'ONGS PA NA 'BYUNG 'GYUR GYI SDUG BSNGAL DANG 'GRO BA GZHAN GYI SDUG BSNGAL DAG KYANG BDAG GI 'DI'I STENG DU SMIN NAS 'DI CIG PUS GO CHOD PAR SHOG CIG SNYAM DU DVANGS LEN GYI SPRO BA BSKYED CING, DE LTAR YIN KYANG NAD SOGS KYI THEBS PA NA SMAN DPYAD RIM GRO SOGS MI BYED PAR 'JOG NI MI NYAN GSUNGS, ` GNYIS PA GZHAN RGYUD SMIN PAR BYED PA BSDU BZHI'I NYAMS LEN NI DE YANG MKHO BA SBYIN PA NI DANG POR PHA ROL PO LA JI LTAR MKHO BA'I YO BYAD SOGS PHANG PA MED PAR BTANG NAS 'KHOR DU BSDU BA DANG, SNYAN PAR SMRA BA NI DE LTAR 'KHOR DU BSDUS NAS DA KHYOD 'DI GYIS DANG 'DI BYAS NA YAG PO YONG ZHES SMRAS NAS, DPER NA SKYABS 'GRO'I KHRID LTA BU ZHIG BTANG, DE KHOS DANG DU BLANG BYUNG NA, 'O KHYOD YAG PO BYUNG DA DUNG 'DI YANG GYIS DANG ZHES RIM GYIS GZHAN LA'ANG SLOB TU 'JUG PA LTA BU YIN, GONG SA MCHOG DE NYID KYANG, RGYA DPON LA SOGS PA RNAMS DANG POR GNAD SBYIN GYI TSIM PAR MDZAD, DE NAS RIM GYIS CHOS LA DAD BAR
, ,MDZAD PA SOGS KYANG MKHO BA SBYIN DANG SNYAN PAR SMRA BA'I DGONGS PA YIN GSUNGS, DON MTHUN PA NI, GZHAN LA 'DI LTAR GYIS ZER BA LA, RANG YANG DE BYED PA ZHIG DGOS TE, DPER NA MI CHU LA SKYUR BA LA RANG CHU'I PHYED TZAM BRGAL DGOS ZER BA'I DPE LTA BU DANG, DON SPYOD PA NI, PHA ROL BSTAN PA'I DON NYAMS SU LEN DU 'JUG PA LA GSUNGS, ` PHAR PHYIN MTHA' MA GNYIS LA SLOB TSUL LA GNYIS LAS, DANG PO ZHI GNAS KYI SKABS SU GSUNGS PA'I MAN NGAG NI, ZHI GNAS DANG RJES SU MTHUN PA'I TING NGE 'DZIN SGRUB PA'I TSUL LA YANG ZHI GNAS KYI TSOGS BRTEN PA DANG, ZHI GNAS DNGOS GZHI SGRUB TSUL GNYIS LAS, DANG PO NI, SA BZANG ZHING GROGS BZANG BA'I YID MTHUN GYI DBEN PA'I GNAS SU ZHES SOGS BDE LAM LTAR LA, MAN NGAG GI KHYAD PAR NI, SPYIR ZHI GNAS ZHES PA GZHI DMIGS RTEN LAS SEMS GZHAN DU MI G-YO BAR RTZE GCIG TU GNAS PAR BYED PAS NA ZHI GNAS DANG, TING NGE 'DZIN ZHES PA YANG SPYIR SEMS DE LA RAGS PA DANG DE LAS PHRA BA DANG, DE LAS CHES SHIN TU PHRA BA GSUm DU YOD PAS SEMS DE GTING RING BA'I DON DU BYAS NAS DE LA GTING ZHES PA DANG, DMId RTEN NGES PAR BYED PAS NA DE DANG, DMIGS RTEN DAM SGRING NGE 'DZIN PAS 'DZIN ZHES BRJOD PA YIN
GSUNGS, SA BZANG BA NI, SPYIR NAD SKYED PAR BYED PA'I SA DUG CAN MIN PA DANG, DUG SBRUL DANG STAG GZIG SOGS KYI 'JIGS PA MI 'BYUNG ZHING, TING NGE 'DZIN SKYE BA DANG RJES SU MTHUN PA'I SA DPYAD PHUN SUM TSOGS PA ZHIG DGOS SHING, DE LA BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING 'DI LTA BU NI, SA BZANG BA KHO NA YIN TE, GNAS 'DI NYID SA PADMA 'DAB BRGYAD KYI STENG, GNAM 'KHOR LO RTZI BAS BRGYAD KYI 'OG NA YOD CING, SA PADMA 'DAB BRGYAD KYI DBYIBS CAN DU YOD PA LA NI, TING NGE 'DZIN SKYE BA DANG RJES SU MTHUN PA'I RTEN 'BREL GYI GNAD YOD GSUNGS LUS RNAM SNANG GI CHOS BDUN LDAN ZHES PA'I SKABS, LUS YOM YOM DANG LAG GI MTHE BONG CIG LA CIG BSKOR LA SOGS BYED MKHAN YONG MOD KYANG, DE DAG NI BYA BAR MI RIGS TE, DE LTAR BYAS NA LUS 'KHRUG ,LUS 'KHRUG PA LA BRTEN NAS NANG GI RTZA 'KHRUG ,DE LA BRTEN NAS NANG GI RLUNG 'KHRUG ,DE LA BRTEN NAS SEMS 'KHRUG STE, TING NGE 'DZIN BRTAN PO MI 'BYUNG BAS DES NA LUS CHOS BDUN LDAN DU KHRIG GE 'DUG DGOS PAR GSUNGS SO, ` ,GNYIS PA ZHI GNAS DNGOS GZHI'I SKABS, SPYI BO'I BLA MA LHAS ZHES SOGS BDE LAM LTAR LA, SNA TSOGS PADMA ZLA BA'I GDAN, DE NYID RGYA SRAN GYI PHYED
, ,GSHAGS TZAM DANG, DE'I STENG DU THUB PA'I DBANG PO'I SKU DE YANG SRAN MA'I 'BRU TSAD TZAM 'OD ZER GYI DRA BAS MDZES PA ZHIG GSAL BTAB NAS DE LA RTZE GCIG TU SEMS 'DZIN, DE'I TSE SER BO SGOM 'DOD PA LA DMAR PO 'CHAR, BZHUGS PA'I RNAM PA SGOM 'DOD PA LA BZHENGS PA'I RNAM PA 'CHAR BA SOGS BYUNG NA DE'I RJES SU MI 'BRENG BAR RTZA BA'I DMIGS RTEN LA RTZE GCIG TU GTAD NAS SGOM, DE YANG SER PO SGOM TSE DMAR PO SOGS KYI RNAM PA SHAR BA DE DAG GI TSE, MA BYUNG MA BYUNG BA'I BLO RTZA BA RTZUB BYED MI RIGS TE, DE LTAR BYAS NA SEMS BLO RTZAB RTZUB DE'I RJES SU SHOR NAS ZHI GNAS KYI GOL SAR 'GYUR BAS, DES NA DE LTAR MI BYA BAR DMIGS RTEN LA SEMS BZUNG DGOS SHING RTZE GCIG TU GTAD NAS SGOM, YANG SEMS DMIGS RTEN LA RTZE GCIG TU GNAS PA LA BYING RGOD GNYIS SKYON YIN PAS, SKYON DE GNYIS SHES DGOS PAS LAS DANG PO BAS SEMS DMIGS RTEN LA GNAS BZHIN DU DMIGS RTEN GYI MTHA' NAS MTHO GANG TZAM DANG MTHO DO TZAM GYI TSOD LA NA GA YAm ME BA'I SNANG BA 'CHAR BA NI BYING BA PHRA MO DANG, DE NAS MIG DANG MGO YANG LCI STIG GI BA LA NAG MUN NE BA'I SNANG BA 'CHAR BA NI
BYING BA RAGS BA YIN LA, YANG DMIGS RTEN LA GSAL BYA YOD PA LA BLO'I ZUR DE LA 'DI YANG BYAS NA YONG NGAM SNYAM PA'I BLO SPRO SING NGE BA ZHIG BYUNG NA RGOD PA PHRA MO DANG, DE NAS RIM GYIS MNO BSAM MANG POR SEMS YENGS 'GRO BA NI RGOD PA RAGS PA YIN LA, BYING RGOD GNYIS PO 'DI YANG TSOR BA'I CHA YIN ZHING, DE YANG BYING BA DANG PO 'BYUNG BA'I TSE SEMS DMIGS RTEN LA GNAS PA YIN PA LA BDE LHOD NGE BA LUS CUNG ZAD NGAL BA'I NYAMS 'BYUNG BAS SO, ,DE LTAR BYUNG BA'I TSE 'DU BYED LA BRTEN NA, 'DU MA BYAS PA'I SKYON DU 'GYUR BA YIN GSUNGS, DE BZHIN DU RGOD PA TSOR BA YIN PA'ANG, DANG PO SPRO SING? NGE BA BDE BA'I RNAM PA 'DRA BA ZHIG YOD PA DE LA DGONGS NAS GSUNGS SO, ,DE YANG 'DI DAG GI SKABS SNANG NGO DANG NGES NGO SHES PA 'DI RANG GNAD CHE STE, DE'I TSUL NI, DPER NA, MIG RTZUM NAS, RTAGS YANG DAG GI DON LTA BU ZHIG BSAM PA'I TSE, NAG MUN NE BA'I SNANG BA DE SNANG NGO DANG, RTAGS YANG DAG GI DON NGES PA DE NGES NGO YIN CING, DE BZHIN DU DMIGS RTEN GYI RNAM PAR SNANG BA DE SNANG NGO, DE NYID SEMS KYI NGOS SBRING NGE 'DZIN PA DE NGES NGO MIN CING RGOD PA LA YANG SNANG NGO DANG NGES NGOS 'DZIN TSUL DE DANG 'DRA BAR GSUNGS SO, ` ,DE LTAR BYING RGOD KYI
, ,DBANG DU MI GTONG BAR RGYUN TZAM RGYUN TZAM 'THUD PA LAS SEMS SGRIM NA DMIGS RTEN LA 'KHRIG GE SDOD THUB PA LA MA SGRIMS PA'I TSE GNAS MI THUB PA ZHIG 'ONG, DE NAS KYANG RIM GYI SA RGYUN BSKYANGS PA NA, SPYAN GYI DKAR NAG GI CHA PHRA MO TSUN CHAD KYANG MA 'DRES PAR GSAL POR 'CHAR THUB PA ZHIG 'ONG, DE NAS KYANG RIM GYIS BSKYANGS PA'I MTHAR GZHUNG SHIN TU BYANG BA 'DON PA'I CHE TSIG DANG PO BTON PA TZAM GYIS 'OG MA RNAMS THAL GYIS THON YOD BA BZHIN DU DANG PO SEMS DMIGS RTEN LA GTAD PA NA PHYIS RTZOL BA LA MI LTOS PAR SEMS TING NGE 'DZIN DE'I NGO BOR GYUR TE 'GRO BA ZHIG 'ONG, DE LA 'GA' ZHIG GIS 'DI'I TSE ZHIG NAS MTSAN NYID PA 'GRUB PAR 'JOG PA'I 'KHRUL GZHI CHEN PO YOD CING, RANG LUGS DE LTAR MI 'JOG PA'I ZHI GNAS MTSAN NYID PA 'GRUB PA DE'I TSE NI PHYI ROL GYI SNANG BA THAMS CAD NUB NAS MTHAR RANG GI LUS KYANG MI SNANG BA ZHIG 'ONG, DE'I TSE NI RANG GI SNA'I RTZE MO LA SOGS PA YANG SKYA DOG GI SNANG ZHING, DMId RTEN DANG SEMS GNYIS KYANG SO SOR YOD PA'I SNANG BA 'CHAR LA, DE'I 'OG TU YANG RIM GYIS BSKYANGS PAS SPYI GTZUG NAS BZUNG STE LAS SU MI RUNG BA'I RLUNG G-YOS PA NA KLAD PA LCI BEM ME BAS
SNANG BA 'CHAR, DE NAS KYANG SHA LPAGS MTSAMS KYI RLUNG RNAMS G-YOS PAS, DGA' BDE BSAM GYIS MI KHYAB PA DMIGS RTEN KYANG 'CHOR LA KHAD PA 'CHOR LA KHANG PA ZHIG 'ONG, DE'I TSE DGA' BDE LA GTZO BOR MI BYED PAR, DMIGS RTEN LA GTZO BOR SGRIMS DGOS SHING, DE'I RJES SU PHYI ROL GYI SNANG BA THAMS CAD 'OD DKAR PO'I RNAM PAR 'DUS NAS LHA SKU LA THIM ZHING, PHYI ROL GYI SNANG BA CI YANG MI 'CHAR BAR SEMS DMIGS RTEN DANG DBYER MED DU 'DRES PAR SEMS SHIN TU SBYANGS BA DANG, SEMS LHA SKU DANG DBYER MED DU 'DRES PAS LUS SHIN TU SBYANGS PA DE, LUS SEMS SHIN SBYANGS KYI BDE BAS ZIN PA'I ZHI GNAS MTSAN NYID PA 'GRUB PAR GSUNGS SO, ,SEMS LA DMIGS PA'I ZHI GNAS SGRUB TSUL NI, DANG POR SEMS YUL LA PHRO BA BKAG NAS CI YANG YID LA MI BYED PAR 'JOG CING, 'DI SEMS LA DMIGS PA'I ZHI GNAS SGRUB PA LA 'JUG PA'I THABS YIN PAS, CI YANG YID LA MI BYED PA'I HA ZHANG GI LTA BA BSGOMS PA'I NYES PAR MI 'GYUR ZHING, CI YANG YID LA MI BYED PAR 'JOG PA'I NGANG NAS BLO'I ZUR ZHIG GIS KA BLTA BU'I YUL GYI RNAM PA ZHIG BSAM NAS, DE'I YUL DE'I 'DZIN STANGS JI 'DRA BYED KYI 'DUG SNYAM DU RTZAD BCAD NAS DE'I TSE SEMS KYI
, ,NGO BO RNYED PA YIN PAS, DE LA RTZE GCIG TU DMIGS NAS BSGOM, DE LTAR SGOM PA'I RGYUN BSKYANGS PA NA, PHYI ROL GYI SNANG BA THAMS CAD 'OD DKAR PO'I RNAM PAR 'DUS NAS SNYING GAR THIM ZHING, SEMS STONG SANG 'BA' ZHIG GI SNANG BA 'CHAR BA ZHIG 'ONG, DE'I TSE SEMS LA DMIGS PA'I ZHI GNAS 'GRUB PAR GSUNGS SO, ,'DI DAG GI SKABS SU, SEMS GNAS DGU DANG, STOBS DRUG ,YID BYED BZHI LA SOGS PA'I RNAM GZHAG GTAN LA 'BEBS PAR MDZAD PA RNAMS DPE CHA'I MTHONG THOS YOD PA RNAMS 'DIR BRIS, ` GNYIS PA LHAG MTHONG GI SKABS KYI MAN NGAG NI THOG MAR BLO KHA NANG DU PHYOGS NAS 'DI LTAR BSAM STE, NGA LA NGA DANG BDAG CES ZER BA'I GZHI GCIG YOD PA'I RTZIS BYAS NAS, NGA ZHES PA DANG, BDAG ZER KYIN YOD PA LA, DA DE LTAR ZER BA'I NGA DE GANG NA YOD SNYAM DU, DANG POR DE'I 'CHAR TSUL NGOS ZIN PAR BYAS NAS DE RJES DE PHUNG PO LNGA DANG GCIG DANG THA DANG SOGS KYI GNAD BZHI'I DPYAD PA BYED TSUL MTHA' YAS PA ZHIG LUNG RIGS DRI MA MED PA'I RGYAB BRTEN DANG BCAS GSUNGS KYANG, NYAMS CHUNG BDAG BLO GROS SHIN TU DMAN PAS GTAN NAS MA NGES LA, 'ON KYANG DE DAG GI TSUL MDOR
BSDUS NAS SGOM KHRID KYI TSUL DU GSUNGS PA NI 'DI LTAR BDAG GI LUS SEMS GNYIS PO 'DI'I STENG NA, NGA ZER BA ZHIG YOD PA LA, DA LUS 'DI DE 'DRA'I NGA DE AE YIN SNYAM DU BSAM, YIN SNYAM PA ZHIG BYUNG NA, 'DI NGA'I LUS YIN PAS NGA YIN PA MI 'THAD SNYAM DU BSAM, 'O NA SEMS DE NGA DE AE YIN SNYAM DU BSAM, YIN PA 'DRA BA ZHIG 'DUG NA, 'DI YANG NGA'I SEMS YIN PAS MI 'THAD SNYAM DU BSAm, NGA DE DE LTAR LUS SEMS GNYIS KYI STENG DU BTZAL BAS MA RNYED PA NA, NGA 'O NA NGA DE LUS KYI PHYI NANG GANG NA 'DUG SNYAM DU BSAM, DE LTAR BTZAL BAS NGA DE GANG DU'ANG RNYED PAR GTAN NAS MED SONG NA, RE ZHIG NGA GTAN NAS MED PA DE NYID LA RTZE GCIG TU GZHAG NAS BSGOM, DE LTAR BSGOMS PAS HA ZHANG GI LTA BA SGOMS PAR MI 'GYUR RAM SNYAM NA MI 'GYUR TE HA ZHANG GI LTA BA NI CI YANG YID LA MI BYED PAS STONG HAR RE BA ZHIG BSGOMS PA YIN GYIS, 'DIR NI DANG POR DPYAD PA BYAS PA DANG, DER MA ZAD NGA MED PAR NGES PA'I NGES SHES KYANG YID LA BYAS PAS NA CI YANG YID LA MI BYED PA'I SKYON DU MI 'GYUR ZHING, DES NA HA ZHANG GI LTA BA DANG KHYAD PAR SHIN TU CHE, DES NA RE ZHIG NGA MED PAR NGES PA'I NGES SHES KYI RGYUN SKYONGS MA THUB KYANG GONG GI DE LA RTZE GCIG TU BZHAG ,DE NAS SEMS GNAS DGU'I SGO NAS BSHAD
, ,MA THAG PA'I NGES SHES DE NYID KYI RGYUN BSKYANGS PA LAS, DE'I 'OG TU SNANG NGOR NGA MED PAR NGES PA'I NGES SHES DANG, NGES NGOR NGA BKAG PA'I MED DGAG STONG SENG NGE BA'I SNANG STONG GNYIS TSOGS SU SKYONG BA NI, MNYAM GZHAG NAM MKHA' LTA BU'I SKYONG TSUL YIN CING, MNYAM GZHAG DE NYID KYI RGYUN BSKYANGS PA'I MTHAR, PHYI ROL GYI SNANG BA THAMS CAD RIM BZHIN NUB NAS MTHAR RANG GI LUS KYANG SNGO YAM ME BA'I SNANG BA TZAM LAS MI 'CHAR BA ZHIG 'ONG, DE NAS NGA MED PAR NGES PA'I NGES SHES KYI SNANG BA TZAM MA GTOGS RANG GI LUS SNGO YAM ME BAR SNANG BA'I SNANG BA DE NYID KYANG NUB PAR 'GYUR ZHING, DE NAS NGES SHES DE NYID KYANG MI SNANG ZHING, KUN RDZOB KYI SNANG BA THAMS CAD NUB NAS, STONG NYID 'BA' ZHIG GI SNANG BA 'CHAR BA ZHIG 'ONG, SEMS DANG STONG NYID RO GCIG TU SONG BA'I TSE MTHONG LAM THOB PA YIN ZHES GSUNGS PA LA SOGS PA RGYA CHER GSUNGS SO, ` ,PHUL BYUNG ZHING GI DAM PA SKYABS KYI PHUL, ,GANG DE'I ZHAL LAS 'ONGS PA'I GDAMS PA'I CHA, ,'DI LTAR BRIS LA RNAM DKAR CI MCHIS PA, ,LAM BZANG 'DI NYID RING DU GNAS PHYIR BSNGO, ,NYAMS CHUNG BDAG GI BLO
GROS MTHU DMAN PAS, ,DE'I PHYIR 'DI LTA'I TSUL LA LHAG CHAD SOGS, ,SKYON RNAMS MCHIS TSE MKHAS PAS BZOD MDZAD NAS, ,MI MTHUN PHYOGS RNAMS BRTZE BAS 'CHOS BAR MDZOD, ,SANGS RGYAS DNGOS KYI BLA MA DAM PA YIS, ,ZAB RGYAS GDAMS PA'I CHAR CHEN PHABS PA LAS, ,KHAB MIG CHU THIG TZAM ZHIG BLOR NGES PA, ,RAB DKAR SHOG BU'I NGOS SU BRIS PA DGE, ,, 'DI NI CHOS GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING DU 7 PAn CHEN CHOS KYI RGYAL PO 7RJE BTZUN BLO BZANG DPAL LDAN YE SHES DPAL BZANG POS SDE SNOD 'DZIN PA RNAMS LA BYANG CHUB LAM GYI RIM PA'I BKA' KHRID GNANG SKABS 7RJE BLA MA NYID KYI GSUNG LAS JI LTAR BYUNG BA RNAMS LAS, RANG GI BLO LA RAGS RIM NGES PA PHAL MO CHE PHRAL DU RANG GI BRJED THO DANG, GSUNG RGYUN YUN RING DU GNAS PA'I CHED DU 'DI LTAR ZIN BRIS BYED PA PO NI 7RJE BLA MA NYID KYI BKA' 'BANGS KYI THA SHAL BA ME TRI'I MING CAN NO, ,'DIS KYANG BDAG DANG 'DRA BA 'GA' LA PHAN THOGS PAR GYUR CIG, SVASTI PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,MANG+GA LAm,,