*, ,ME BYA LO KHYAB BDAG RDO RJE SEMS DPA'I NGO BO 7PAn CHEN CHOS KYI RGYAL POS 7GANGS CAN LHA GCIG PHYAG NA PADMO NGUR SMRIG GAR GYIS RNAM PAR ROL PA RGYAL BA'I DBANG PO THAMS CAD MKHYEN GZIGS CHEN POR BYANG CHUB BDE LAM GYI KHRID LUNG LUNG RIGS KYI MTHA' DPYOD DANG BCAS TE RGYAS PAR STZAL SKABS, GZHUNG GI TSIG ZIN LA MI GSAL BA'I GSUNG BSHAD PHAL MO CHE'I ZIN BRIS BDE LAM YANG GSAL SGRON ME ZHES BYA BA BZHUGS SO,, @1 #, ,RJE BTZUN BLA MA DAM PA DMIGS PA MED PA'I THUGS RJE CHEN PO DANG LDAN PA DE NYID KYI ZHABS LA SGO GSUM GUS PA CHEN POS PHYAG 'TSAL LO, ,TSE RABS THAMS CAD DU RJES SU BZUNG DU GSOL, 'DIR RGYAL BA'I GDUNG 'TSOB KUN GZIGS PAn CHEN CHOS KYI RGYAL POS, BYANG CHUB BDE LAM GYI KHRID LUNG STZAL SKABS GZHUNG GI RTZA TSIG LA MI GSAL BA'I GSUNG BSHAD RAGS BA RNAMS ZIN BRIS SU BKOD PA LA, ` NYIN DANG POR, DPAL SGYU 'PHRUL DRA BA LAS, CHOS KYI RGYAL MTSAN LEGS PAR 'DZUGS, ZHES DRANGS NAS SPYI BSHAD MDZAD PA'I TSE, GANG+G'A'I KLUNG GI BYE MA MANG BA'I DON NI, 'DZAM GLING 'DIR MA ZAD GLING BZHI BYE BA PHRAG BRGYA PO RE RER YANG, GANG+G'A'I KLUNG RE YOD CING, DE RNAMS KYI BYE MA NI BYE BA GZHAN
, ,LAS KYANG ZHIB PA'I RGYU MTSAN GYIS YIN GSUNGS, RGYAL MTSAN ZHES PA NI DPER NA LHA DANG LHA MIN 'THAB PA'I TSE, LHA MIN PHAM ZHING LHA RNAMS RGYAL NA, RGYAL BA'I BRDA RU MTSON 'PHYAR BA DE LA ZER, CHOS KYI RGYAL MTSAN LEGS PAR 'DZUGS ZHES PA'I SKABS KYI RGYAL MTSAN NI, BYANG CHUB KYI SHING DRUNG DU BDUD LAS RGYAL TE CHOS KYI 'KHOR LO BSKOR BA LA ZER, 'DIR GANG LAS RGYAL NA BDUD BZHI LAS RGYAL, GANG RGYAL NA, BDAG CAG GI STON PA LTA BU RGYAL, ZHES GSUNGS, DE MDZAD PA PO NI 'DI'I YANG MDZAD PA PO YIN GSUNGS PA'I SKABS LAS 'PHROS NAS, MNGON PAR RTOGS ZHES PA'I DON LA RANG RGYUD LA MNGON PAR RTOGS TSUL DANG, GZHAN RGYUD LA MNGON PAR RTOGS TSUL GNYIS YOD, DANG PO NI RANG GIS THOS PA'I LUNG DON LA BSAMS NAS, THOS BSAM SGOM GSUM GYI SHES RAB SKYES PA LA BYED, GNYIS PA NI BCOM LDAN 'DAS THUB PA'I DBANG PO SKU MDOG GSER BCOM LTA BU ZHES SOGS THUB PA'I SKU'I RNAM 'GYUR SOGS GZHAN GYIS
GO BA'I THABS LA BYED, SBYOR BA'I CHOS DRUG GI SKABS SNGON 'GRO GNAS KHANG GI PHYOGS BZHIR MTHO BZHI BRTZIGS NAS RGYAL PO CHEN PO BZHIR BSKYED, YE SHES PA 'GUG PA SOGS BYED RGYU BYUNG NA RAB MA BYUNG YANG RGYAL PO CHEN PO BZHIR MOS NAS, 'PHRIN LAS BCOL NA, BGEGS MI 'BYUNG BA'I DGOS PA CHE, RGYU MTSAN SANGS RGYAS KYI BSTAN PA MI'I NANG NAS 'OD SRUNG CHEN PO DANG, LHA'I NANG NAS RGYAL CHEN BZHIR GTAD PA'I RGYU MTSAN GYIS YIN GSUNGS, DE'I SHES BYED DU MDO DRAN PA NYER GZHAG GI KHUNGS GSUNGS, RJE RIN PO CHE NI NYAN THOS 'OD SRUNG CHEN PO'I SKU'I SKYE BA YIN, DE'I RGYU MTSAN RMI LAM DU YANG RJE BTZUN TZONG KHA PAS ZHES SOGS KYIS KYANG 'GRUB, TZONG KHA BRGYAD CUR SNGON TSE BRAM ZE'I KHYE'UR 'KHRUNGS PA'I TSE, ZHES PA NI 'OD SRUNG CHEN PO BRAM ZE'I RIGS YIN PA LA DGONGS PA 'DRA, BRAM ZE'I KHYE'UR GYUR PA'I SKABS SEMS BSKYED PA'I MTSAMS SBYOR BYED MKHAN NI, RGYAL SRAS MOS PA'I BLO GROS YIN, YANG 'OD SRUNG CHEN PO'I SLOB MA DGE SLONG PADMA'I NGAD LDAN DU YANG GYUR, SA DANG PO LA GNAS PA'I BYANG SEMS RNAMS KYI RNAM SMIN GYI SKYE BA NI BRGYA DUS GCIG TU LEN, SMON LAM GYI SKYE BA NI GRANGS MED LEN GSUNGS, DE'I RGYU MTSAN ZHIB PA MI GSUNGS, DKON MCHOG GSUM SPYAN 'DREN PA'I TSE GNAS KHANG BYI DOR BYAS PAS DKON MCHOG GSUM LA MI BRNYAS PA'I RGYU DANG, MA 'ONGS
, ,PAR SANGS RGYAS KYI ZHING KHYAD PAR CAN 'GRUB PA'I RTEN 'BREL 'GRIG ,MCHOD PA'I SKABS 'BEN GUNG RGYAL GYI RNAM THAR GSUNGS, SANGS RGYAS KYI 'OD ZER LA SKU GSUNG THUGS GSUM GYI 'OD ZER GSUM YOD, BDAG LTA BU; BLA MA'I SKUR LAM GYIS STON PA LTA BU NI SKU'I 'OD ZER YIN, SANGS RGYAS KYI GSUNG THAMS CAD NI GSUNG GI 'OD ZER YIN, THUGS KYI BYIN RLABS KYIS GDUL BYA'I MI SHES PA'I MUN PA SEL BA NI THUGS KYI 'OD ZER YIN, MDOR NA 'OD ZER ZHES PA NI SNANG BAR BYED PA'I DON YIN ZHING, DES SEMS CAN GYI MA RIG PA'I MUN PA SEL BAR BYED PA DE KA RANG LA BYA, 'DI'I SKABS SU AO RGYAN PA RIN CHEN DPAL GYIS BYA PHO LA SGOM BTAB PA'I LO RGYUS GSUNGS, BLA NA MED PA'I BYANG CHUB TU SEMS BSKYED CES PA'I SKABS BYAD PAR SEMS BSKYED PA DANG CHUB PAR SEMS BSKYED LUGS GNYIS GSUNGS, SANGS RGYAS BYANG SEMS KYI MTHU BSAM GYIS MI KHYAB PA'I SHES BYED LA, MGON PO KHYOD KYI ZHAL GYI DBUGS TZAM YANG, ZHES SOGS 'DREN PA GNANG NAS, DE'I DPER BRJOD LA PAn CHEN RIN PO CHE BLO BZANG CHOS RGYAN 'BRUG GI YUL DU PHEBS BA'I LAM DU SBAL PA CHEN PO GCIG LA SBAL PA CHUNG NGU MANG POS BSKOR NAS ZA BAR GZIGS, 'DI GA DUS NAS BYUNG DRIS PAS, SNGA MO NAS YOD PAR 'DUG ZER, DER LJAGS CHAB GCIG BTAB NAS PHEBS, SLAR TSUR LAM GZIGS DUS DE THAMS CAD SHE BAR GYUR BA'I RNAM PAR GSUNGS, PHYI ROL PA LA THAR LAM MED PA'I SHES
BYED LA DPANG NAS SKYES DANG, NYE RGYAL GNYIS KYIS MU STEGS KYI STON PA DRUG LA BDUD RTZI BTZAL BAS MA BYUNG BA GSUNGS, ` NYIN GNYIS PAR YANG GNAS KHANG BYI DOR BYED PA LAS 'PHROS NAS, 'PHAGS PA LAM PHRAN GYIS RDUL SPANGS SO DRI MA SPANGS SO ZHES 'DON BZHIN DGE 'DUN GYI MCHIL LHAM PHYIS PA'I MTHUS DRI MA SRAB POR SONG NAS MYUR DU DGRA BCOM THOB PA'I RTOGS BRJOD DANG, MDZES DGA' DGE 'DUN GYI GTZUG LAG KHANG GI PHYAG BDAR BYED BCUG PAS 'DOD CHAGS SRAB PA'I LO RGYUS GSUNGS, MCHIL LHAM ZHES PA NI 'PHAGS YUL TSAD PA CHE BAS RKANG PA'I MTHIL TZAM MA GTOGS GZHAN LA G-YOGS MA MED PA'I LHAM ZHIG YIN GSUNGS, SPYOD LAM GANG BDER GNAS, ZHES PA NI, NYAL BA DANG, 'KHRAS PA SOGS KYIS GNAS NA TING NGE 'DZIN SKYE SLA ZHING, LUS KYI KUN SPYOD CHOS BRGYAD LDAN GYIS GNAS NA TING NGE 'DZIN SKYE DKA' BA'I GANG ZAG GI RIGS 'GA' ZHIG LA DGONGS NAS 'DIR 'PHAGS PA BA LANG BDAG GI LO RGYUS GSUNGS, DE 'DRA'I RIGS CAN LAS GZHAN GYIS TING NGE 'DZIN SGRUB PA SOGS KYI TSE LUS CHOS BRGYAD LDAN DU BYAS NAS DGOS PA CHEN PO YOD PAS NGES PAR BYA, 'DI'I SHES BYED LA SLOB DPON 'PHAGS PA LHA LA RTA DBYANGS KYIS CHOS THOG MAR NYAN PA'I SKABS, LAG PA GNYIS KYIS RKANG PA YA GCIG GI PUS MO BSDAMS NAS CHOS NYAN PA NA, 'PHAGS PA LHAS KHYOD NAD PA YIN NAM ZHES BKA' BKYON PA'I LO RGYUS GSUNGS SHING, DE LA BRTEN NAS RTA DBYANGS KYIS BLA MA
, ,LNGA BCU PA BRTZAMS TSUL ZUR CAM GSUNGS, MDOR NA CHOS NYAN PA'I TSE SPYOD LAM MTHA' GNYIS SU MA LHUNG BA ZHIG DGOS SHING, MTHA' GNYIS NI BLA MA DANG CHOS LA BRNYAS THABS SU 'GYUR BA DANG, BDAG NYID NGAL ZHING DUB PA'I MTHA' GNYIS YIN, DE YANG BYE BRAG SMRA BA'I NAD TSAN SA SGROG RI PA SOGS KYI LUGS LA LAG PA THAL MO SBYAR ZHING RKANG MTHIL DANG TSANG RA TZAM MA GTOGS SA LA MA THUG BAR CHOS NYAN DGOS PAS DE 'DRA BA NGAL ZHING DUB PA'I MTHAR 'GYUR GSUNGS, TSOGS ZHING GI GTZO BO GDAN SENG+GE BRGYAD KYIS BTEG PA DANG, BZHIS BTEG PA'I LUGS GNYIS YOD CING SPYIR SENG GES BTEG PA NI SENG+GE DES RI DVAGS KYI TSOGS GZHAN THAMS CAD ZIL GYIS GNON PA LTAR BLA MA THUB PA'I DBANG POS KYANG BDUD DANG, MU STEGS SOGS ZIL GYIS GNON PA'I MTSON BYED YIN, SENG+GE BZHI BYED PA NI MI 'JIGS PA BZHI MTSON BYED YIN GSUNGS, BRGYAD LA BSHAD PA MA MDZAD, DE'I STENG GI KHRI RIN PO CHES BYED PA NI GDUL BYA'I RE BA SKONG BA'I BRDA YIN, PADMA NI NYES PAS MA GOS PA DANG NYI ZLA NI THABS SHES MTSON PA'I BRDA YIN GSUNGS, TSOGS ZHING RNAMS KYI GNAS LDAR YI GE LNGA 'GOD PA NI SKU GSUNG THUGS YON TAN 'PHRIN LAS LNGA'AM, CHOS DBYINGS YE SHES SOGS YE SHES LNGA MTSON BYED YIN, RANG GI MTHA' SKOR DU SEMS CAN THAMS CAD MI'I RNAM PAR SGOM KYANG CHOG LA, YANG NA SO SO'I RNAM PA MA BSGYUR BAR GROG SBUR SOGS KYI
RNAM PA DE KAR GNAS BZHIN PA'I DANG LA, TSOGS ZHING RNAMS KYI BYIN RLABS BSAM GYIS MI KHYAB PA'I STOBS KYIS SDIG SGRIB DAG PA'I MOS PA BYED GSUNGS, MYUR BA MYUR BAR ZHES PA'I MYUR BA DANG PO NI BSKAL CHEN GRANGS MED GSUM LA BLTOS MI DGOS PA'I DON DANG, MYUR BA GNYIS PA NI SNYIGS DUS KYI TSE THUNG GCIG LA SANGS RGYAS BA'I DON YIN, YANG DBEN SA BKA' BRGYUD RANG GI MTHUN MONG MIN PA'I BZHED SROL LA MYUR BA DANG PO SNYIGS DUS KYI TSE THUNG GCIG DANG, MYUR BA GNYIS PA NI BLA MA'I RNAL 'BYOR LAM GYI SROG SHING DU BYAS NAS SGOM PA'I THABS MKHAS KYI MTHUS MI LO BCU GNYIS TSUN LA RDO RJE 'CHANG GI GO 'PHANG THOB NUS PA'I DON YIN GSUNGS, BLA MA'I RNAL 'BYOR LAM GYI SROG TU BYED LUGS NI; NYAMS LEN GANG BYED KYI GNAS SKABS KUN TU BLA MA BSGOM BZHIN PA'I NGANG NAS BYED PA'I DON YIN, GNAD DE STON TSUL NI TSOGS ZHING GSAL 'DEBS PA'I TSE YANG MDO SNGAGS GNYIS KA NAS 'BYUNG BA'I TSOGS ZHING GSAL 'DEBS PA DANG SDUD PA'I TSE RGYA CHEN SPYOD BRGYUD RNAMS BYAMS PA, ZAB MO LTA BRGYUD RNAMS 'JAM DBYANGS CHOS 'BREL YOD PA'I BLA MA RNAMS RTZA BA'I BLA MA BYIN RLABS NYE BRGYUD RNAMS RDO RJE 'CHANG LA BSDU, MTHAR GZHAN RNAMS GTZO BO LA THIM ZHING; RDO RJE 'CHANG GTZO BO'I SPYI GTZUG TU BYON NAS GTZO BO LA THIM PAS THUB DBANG DANG RDO RJE 'CHANG DBYER MED DU GYUR, SLAR THUB PA'I DBANG PO YANG RANG LA THIM PAS DBYER MED DU BYED CING, DE 'DRA'I THUB DBANG DE RNAM PA THUB PA'I
, ,DBANG PO'I RNA MA PA CAN YIN KYANG, DON LA RANG GI DRIN CAN RTZA BA'I BLA MA DE RANG YIN PAR SGOM DGOS PA'I GNAD KYIS YIN GSUNG BA 'DRA ZHIG GO BYUNG, 'DI SKOR LAS 'PHROS NAS, YE SHES JI SNYED KHYAB GYUR PA, , SKU YIS KYANG NI DA SNYED KHYAB, CES GSUNGS BAS LONGS SKU'I MKHYEN PAS GANG DU KHYAB PAR SKUS KYANG KHYAB SKU DANG MKHYEN PA GNYIS NI NGO BO GCIG YIN, DES NA SPRUL SKU GANG DU BZHUGS PA DE KA RANG LA LONGS SKU YANG BZHUGS ZER DGOS PA 'DRA MO ZHIG KYANG 'DUG CES PA'I DOGS SLONG ZHIG KYANG MDZAD BYUNG, GONG GI SENG KHRI SOGS KYI BRDA MTSON LAS 'PHROS NAS BRDA'I SGO NAS CHOS STON PA'I DPE LA AO RGYAN GYI YUL GYI DPAL PHAG CHANG BA'I RNAM THAR ZUR TZAM ZHIG GSUNGS, GZHAN YANG RGYAL PO MA SKYES DGRA'I 'GYOD PA SEL BA'I MDO LAS 'BYUNG BA, RGYAL POS RJE BTZUN 'JAM DBYANGS 'KHOR DANG BCAS PA GDUGS TSOD LA SPYAN DRANGS SHING GDUGS TSOD GSOL BA'I MTHAR RJE BTZUN 'JAM DBYANGS LA RIN THANG TSAD MED PA'I GOS RIN PO CHE ZHIG 'BUL BAR BRTZAMS PA NA, 'JAM DBYANGS YAL, DE NAS 'OD SRUNG CHEN PO LA 'BUL BAR BRTZAMS PA NA DE YANG YAL, MTHAR GZHAN SU YANG MI DMIGS PA NA RGYAL PO RANG NYID KYIS GYON PAS RANG GI LUS KYANG YAL BA NA, STONG PA NYID KYI DON RTOGS PA'I SNGON BYUNG YANG GSUNGS, PHYAG LA DBYE NA LUS NGAG YID GSUM GYI PHYAG GSUM YOD CING THAL MO SPYI BO MGRIN PA SNYING KHA GSUM
DU SBYAR BAS LUS NGAG YID GSUM GYI PHYAG MTSON, YANG SPYI BOR SBYAR BAS SPYI GTZUG LTAR MI MNGON PA'I GTZUG TOR 'GRUB PA'I NUS BA 'JOG ,MAndAL GYI RGYA RAB GSER DNGUL SOGS RIN PO CHE LAS GRUB PA'I MAndAL 'BUL BAR GSUNGS PA NI, GSER DNGUL SOGS RIN PO CHE YIN PA'I RGYU MTSAN TZAM GYIS MIN, LONGS SPYOD RAB YOD PA ZHIG GIS GSER DNGUL SOGS KYI MAndAL 'BUL DGOS ZHES PA'I DON YIN, MAndAL GYI TSOM BU 'GOD PA'I TSE, SHAR GYI TSOM BU BLA MA SOGS 'BUL YUL GYI PHYOGS SU 'GOD PA NI, DE RNAMS KYI YON TAN DANG BYIN RLABS RANG LA 'JUG PA'I CHED YIN, SHAR GYI TSOM BU RANG NYID KYI PHYOGS SU 'GOD PA NI, RANG GI LUS LONGS SPYOD SOGS BLA MA DANG TSOGS ZHING RNAMS LA 'BUL BA'I CHED YIN GSUNGS, BSHAGS PA BYED PA'I TSE PHYIN CHAD LA SDOM SEMS MED NA GLANG PO CHE'I KHRUS DANG 'DRA TSUL NI GLANG PO CHE TSAD PAS GDUNGS PA'I TSE CHU NANG DU ZHUGS NAS KHRUS BYED, KHRUS ZIN NAS LUS KYI GSHER DE BSKAM PA'I PHYIR BYE MA LA 'DRE LDOG BYED, YANG BYE MA 'GOS PA DE KHRU BA'I PHYIR CHU NANG DU ZHUGS NAS KHRUS BYED, YANG KHRUS BYAS PA'I GSHER DE BSKAM PA'I PHYIR BYE MA LA 'DRE LDOG BYED PA DANG 'DRA GSUNGS, YANG RGYA CHEN SPYOD PA'I LAM DANG DE'I SNYING PO DANG YANG SNYING GSUM YOD, PHYI MA NI SLOB MI SLOB KYI ZUNG 'JUG LTA BU LA BYED, RDUL GCIG STENG NA RDUL SNYED SANGS RGYAS RNAMS ZHES PA'I SKABS SU SANGS RGYAS DANG SA MTHON PO LA GNAS PA'I
, ,BYANG SEMS KYIS RDUL PHRA RAB GCIG GI NANG DU PHYOGS BCU'I RDUL SNYED KYI SANGS RGYAS KYI ZHING KHAMS SHONG BAR MDZAD NUS PA NI, SANGS RGYAS BYANG SEMS DE RNAMS KYIS CHOS RNAMS KYI GNAS LUGS STONG PA NYID MNGON SUM DU RTOGS SHING, RDUL GCIG GI CHOS NYID DANG 'JIG RTEN GYI KHAMS KYI CHOS NYID GNYIS LA RGYA CHE CHUNG MED PA'I STABS KYIS YIN GSUNGS NAS, SHES BYED LA, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,GANG LA STONG NYID MI RUNG BA, ,DE LA THAMS CAD RUNG MI 'GYUR, ZHES 'DREN PAR MDZAD, ` NYIN GSUM PAR THOG MAR, TSUL GNAS THOS DANG BSAM GTAN PAS ZHES SOGS DRANGS NAS, GSUNG RAB KYI TSIG THOS NAS 'DI'I DON NI 'DI'O SNYAM NAS YID DPYOD KYIS GO BA NI THOS BYUNG, RGYU MTSAN YANG DAG LA BRTEN NAS DON DE LA NGES SHES 'DREN NUS PA NI BSAM BYUNG YIN GSUNGS, YANG SANGS RGYAS ZHAL BZHUGS PA'I DUS NYAN THOS 'GA' ZHIG GIS; BDAG GIS SANGS RGYAS KYI CHOS KYI SKU MTHONG YANG GZUGS KYI SKU MA MTHONG BAS BLTAR 'GRO, ZHES PA'I SKABS KYI CHOS SKU NI BDAG MED STONG PA NYID KYI DON BSGOM PA'I STOBS KYIS NYON MONGS ZAD PA'I CHA LA BYED PA YOD DE, DE TZAM MIN, RGYU MTSAN GANG GI PHYIR NA, NYAN THOS SLOB PA 'GA' ZHIG GIS KYANG BDAG GIS SANGS RGYAS KYI CHOS KYI SKU MTHONG ZHES SOGS ZER BAS SO, ,'O NA DE 'DRA'I CHOS SKU DE GANG LA BYED CE NA, SO SOR THAR PA DANG, SO SOR
THAR PA'I MDO GNYIS LA BYED DGOS GSUNGS, DE'I SHES BYED LA SO SOR THAR PA'I MDO LAS, NGA NI MYA NGAN 'DAS GYUR NA, ,'DI NI KHYOD KYI STON PA ZHES, ZHES PA 'DI 'DREN PAR MDZAD, YANG SANGS RGYAS KYIS ZHING 'DIR GDUL BYA RNAMS LA GTZO BOR SGRA'I SGO NAS CHOS STON PA BZHIN DU, SANGS RGYAS KYI ZHING 'GA' ZHIG TU GTZO BOR DRI DANG RO DANG REG BYA'I SGO NAS CHOS STON PA YOD GSUNGS, DRI'I SGO NAS CHOS STON PA YOD PA'I SHES BYED SKABS LI TZA BYI DRI MED GRAGS PA'I RTOGS BRJOD GSUNGS, BSHES GNYEN BSTEN TSUL SKABS 'PHAGS PA THOGS MED KYIS RJE BTZUN BYAMS PA KHYI MOR MTHONG BA'I SKABS LAS 'PHROS TE, 'JAM DPAL RTZA RGYUD LAS, SA BLA'I PHO NYA MO ZHES BRJOD CES PA'I SKABS KYI SA BLA'I PO NYA NI 'PHAGS PA THOGS MED LA DANG POR ZHAL GZIGS PA'I RJE BTZUN DE YIN GSUNGS PA 'DRA ZHIG BYUNG YANG SKABS 'DIR GRONG KHYER SGRA SGROGS KYI GTZUG LAG KHANG GI PHYI ROL DU, LHA'I DBANG PO BRGYA BYIN GYIS ZHABS 'BRING PA BYAS NAS, SANGS RGYAS 'CHAG CING BZHUGS PA'I SKABS DGE SLONG LEGS SKAR NYAL BAR RINGS NAS SGRA SGROGS KYI YUL GYI GNOD SBYIN BONG BU ZHES PAR BRDZUS NAS SANGS RGYAS LA SDIG RI BSKUL BA'I LO RGYUS GSUNGS, YANG SLOB DPON SANGS RGYAS YE SHES KYIS SLOB DPON 'JAM DPAL BSHES GNYEN BSTEN TSUL DANG MI LAS MAR PA BSTEN TSUL RNAMS CHES NGO MTSAR MOD KYANG, N'A ROS TEE LO PA BSTEN TSUL DANG GU RU ZHI BA SBAS PAS BSTEN TSUL RNAMS SNGA MA DE RNAMS LAS
, ,CHES LHAG CING BYUNG NA DE 'DRA ZHIG DGOS ZHES RJE BLO BZANG BZOD PA'I ZHAL SNGA NAS GSUNG GSUNGS, ` NYIN BZHI PA LA THOG MAR, RNAM PA THAMS CAD MKHYEN NYID LAM, ZHES PA NAS, DGOS PA YIN ZHES PA'I BAR DRANGS NAS, SANGS RGYAS RNAMS KYIS THABS RNAM MKHYEN LA BRTEN NAS, GDUL BYA RNAMS KYI KHAMS DANG BSAM PA DANG BAG LA NYAL JI LTA BA BZHIN GZIGS NAS, DE DANG 'TSAMS PA'I CHOS STON ZHES PA'I SKABS KYI KHAMS LA YANG KHAMS DRUG YOD, DE YANG SEMS CAN 'GA' ZHIG GI LUS SA'I KHAMS SHAS CHE BA DANG, 'GA' ZHIG CHU'I KHAMS SHAS CHE BA SOGS YIN, GZUGS MED KYI DGRA BCOM 'GA' ZHIG KYANG SANGS RGYAS KYI MDUN DU CHOS NYAN PA YOD DE, DE'I TSUL YANG DGRA BCOM DE RNAMS KYI SEMS STENG NA SNGON THOG MA MED PA NAS GZUGS CAN DU YANG YANG SKYES DUS KYI DBANG PO LNGA'I BAG CHAGS YOD PA DE, SANGS RGYAS KYI 'OD ZER GYIS REG PA'I MTHUS SAD NAS CHOS NYAN PA YIN, DE LA GZUGS MED KYANG SANGS RGYAS KYI 'OD ZER GYIS REG NUS PA NI BSAM GYIS MI KHYAB PA'I MTHU'I KHYAD PAR YIN GSUNGS, YANG SANGS RGYAS KYI MDUN DU GZUGS KHAMS KYI LHA ZHIG CHOS NYAN DU 'ONGS PA'I TSE, BYE TSAN GYI STENG DU MAR GSAR BZHAG PA BZHIN LUS SA LA BYING BA NA, DE LAN MA MKHA'I 'DU SHES SGOM DU BCU GA PAS LAM BYING BA YANG KHAMS KYI KHYAD PAR GYIS YIN GSUNG BA 'DRA ZHIG KYANG GO BYUNG, GZUGS MED KYI
GANG ZAG TSE MA 'PHOS BZHIN DU CHOS NYAN PA YOD PA DKON MCHOG BRTZEGS PA SOGS LAS KYANG GSUNGS, SKABS 'DI'I BSAM PA NI NGA RGYAL DANG, PHRAG DOG SOGS KYI BSAM PA GANG SHAS CHE BDE LA BYED, BSAM PA DE 'DRA BA'I GANG ZAG GI BSAM PA DANG 'TSAMS PAR CHOS BSTAN NAS, 'DUL TSUL GYI DPER BRJOD LA, LTENG RGYAS 'OD SRUNGS KYIS RANG NYID DGRA BCOM PA YIN SNYAM PA'I MNGON PA'I NGA RGYAL GZHOM PHYIR DU SGYU 'PHRUL RIM PAR BSTAN NAS SLAR DGRA BCOM LA BKOD PA'I BAR GYI GTAM RGYUD RGYAS PAR GSUNGS, GZHAN YANG BRAM ZE PADMA'I SNYING PO DANG, GTZUG PHUD CAN GNYIS KYI GTAM RGYUD KYANG BYUNG, DGE BA'I BSHES GNYEN BSAM PAS BSTEN TSUL GYI SKABS SU BLA MA'I NGOS NAS YON TAN CHE CHUNG SOGS JI LTAR YIN KYANG, SLOB MA'I NGOS NAS YID CHES YON NA RTOGS PA KHYAD PAR CAN SKYE BA'I DPER, SNGON MA BSAD PA'I MTSAMS MED BYAS, PHYIS BSNYEN PAR RDZOGS NAS DGE SLONG GI SDOM PA MA SKYES KYANG, MING DGE SLONG BDE BYED ZER BAS MTHA' 'KHOB TU DGE 'DUN GYI SDE SPEL BA'I PHYIR RANG NYID KYIS MKHAN SLOB BYAS NAS RAB BYUNG BSNYEN RDZOGS BYAS PA RNAMS YID CHES KYI DBANG GIS SDOM PA SKYES PAR MA ZAD DGRA BCOM YANG THOB PA BYUNG BA DANG, BDE BYED RANG NYID BSRO KHANG LA GNAS BZHIN PA'I NGANG NAS TSE 'PHOS NAS DMYAL PAR SKYES KYANG, SNGAR DGE 'DUN GYI SDE SPEL BA'I MTHUS DMYAL BA LAS MYUR DU THAR TE RGYAL CHEN RIGS BZHI PA'I LTAR SKYES NAS, SANGS RGYAS KYIS CHOS BSTAN PAS BDEN PA MTHONG
, ,PA'I GTAM RGYUD RGYAS PAR GSUNGS, SBYOR BAS BSTEN TSUL GYI SKABS, 'BROM RIN PO CHES JO BO SE BTZUN GYI PHYAG PHYI MDZAD PA'I RTOGS BRJOD GSUNGS, GZHAN YANG RANG GI LUS NGAG YID GSUM BLA MA LA 'BUL ZHING, PHUL NAS LUS KYIS BLA MA'I G-YOG BYED, NGAG GIS BLA MA'I YON TAN SOGS BRJOD, YID KYIS BLA MAS GANG GSUNGS NYAMS SU LEN PAR BYED GSUNGS, DBANG PO'I SGO SDOM PA'I SKABS NYON MONGS GANG SHAS CHE ZHING 'BYUNG NYE BA DE'I YUL DANG MA THUG PA BYED DGOS SHING YANG NA NI RAL SKOR MKHAN GYI DPE BZHIN NYON MONGS GANG SKYES BYUNG BA DE THAD KA THAD KAR 'BUR 'JOMS GTONG BA YIN, PHYI MA 'DI GANG ZAG DBANG SNON GYI LUGS YIN, RAL GRI'I 'KHOR LO ZHES PA 'DI 'KHOR LO GCIG LA RAL GRI'I RTZIBS MANG PO YOD PA ZHIG MIN KYANG, SKOR BA PO'I MYUR KHYAD KYI DBANG GIS RTZIBS LNGA PA NAS BRGYA RTZA BRGYAD PA'I BAR GYI THA SNYAD BYED PA YOD GSUNGS, YANG BLA MA BSTEN TSUL SKOR LA, N'A RO'I RNAM THAR ZUR TZAM ZHIG GSUNGS PA'I SKABS, N'A RO PA SRIN BU PAD PAS GANG BA'I CHU NANG DU LHUNG ZHES PA'I SRIN BU PAD PA LA THANG LA GNAS PA DANG CHU LA GNAS PA GNYIS YOD CING CHU LA GNAS PA DES MI SOGS KYI LUS KYI NANG DU ZHUGS NAS KHRAG 'THUNG BAR BYED SHES RGYUN PAR LUS KHAB TZAM LAS KYANG MED KYANG, MI'I LUS LA ZHUGS NAS KHRAG GZHIB STE PHYIR BYUNG BA NA MDZUB MO TZAM DU 'GRO LA DE BOD NA NI MED GSUNGS, YANG DRUG SDE SANGS RGYAS KYI SPRUL
BA YIN TSUL YANG YANG GSUNGS, ` NYIN LNGA PAR, GZHAN 'BYOR LNGA'I NANG GI SANGS RGYAS BYUNG BA DANG ZHES PA NI RANG NYID SKYES PA'I BSKAL PA DER SANGS RGYAS BYUNG BA TZAM MIN GYIS, RANG MIR SKYE BA BLANG BA'I DUS DER SANGS RGYAS ZHAL BZHUGS PA ZHIG LA BYED, BSTAN PA GNAS ZHES PA YANG NYAN PA'I DBANG DU BYAS NAS, DON DAM PA'I BSTAN PA GNAS PA LA BYED CING, DE YANG RGYUN ZHUGS THOB PA SOGS BDEN PA GSAR DU MTHONG BA YOD PA LA BYED, DES NA DAL 'BYOR TSANG NA DAL 'BYOR MTSAN NYID PA TSANG BAS MA KHYAB GSUNGS, 'JIG TSOGS LA BLTA BA'I RI'I RTZE MO MTHO BA NYI SHU BCOM ZHES MTHO BA SMOS PA'I RGYU MTSAN NI, DPER NA RI SHIN TU MTHO BA ZHIG YOD PA DE'I RTZE NAS MAR PHYED TZAM DU BCOM NA RI'I RTZE MO MTHO BA BCOM ZHES PA LTAR, 'JIG LTA DE LA PHRA RAGS GNYIS YOD PA'I RAGS PA RTAG CIG RANG DBANG CAN GYIS BDAG TU 'DZIN PA DE BCOM PA NA, 'JIG LTA DE'I PHYOGS GCIG BCOM PAS MTHO BA BCOM ZHES GSUNGS PA YIN GSUNGS, SNGON NAS MI RTAG PA GOMS MYONG PA'I BAG CHAGS KHYAD PAR CAN YOD PA ZHIG YIN NA, MI RTAG PA'I CHOS CUNG ZAD CIG BSTAN PA NA DE MA THAG MI RTAG PA LA GO BA KHYAD PAR CAN SKYE BA'I DPER, RGYAL PO MYA NGAN MED KYIS DGE 'DUN MANG PO GDUGS TSOD LA SPYAN DRANGS PA NA, BSHUL DU DGE SLONG GLO BUR BA DRUG CU YONGS SHING, DE RNAMS LA YANG BZA' BA DANG BCA' BA MANG PO BSTAB BAN GRAL MGOR 'DUG PA'I DGE SLONG LA, DE'I GRAL GZHUG NA 'DUG PA DES
, ,KHYOD KYIS MA BRTAGS PAR GRAL MGER BSDAD PA MA LEGS, RGYU MTSAN GANG GI PHYIR NA DA LTA RGYAL PO CHOS NYAN PA'I PHYIR 'ONG BAS DE LA KHYED KYI JI LTAR BYED CES SMRAS PAS, GRAL MGO'I DGE SLONG DE JI LTAR BYED SNYAM DU SEMS KHONG DU CHUD CING 'DUG PA NA, KUN DGA' RA BA DER BSTAN PA LA DGA' BA'I SHING GI LHA ZHIG YOD PA DES, DGE SLONG DE LA KHYED 'JIGS MI DGOS DA GZOD RGYAL PO CHOS NYAN DU BYUNG DUS, RGYAL PO CHEN PO SA GZHI RI DANG BCAS PA 'DI YANG 'JIG PAR 'GYUR NA KHYOD KYI RGYAL SRID LTA CI SMOS, DE BAS NA DON 'DI BSAM PAR RIGS SO SMROS SHIG CES SMRAS SO, ,DE NAS RGYAL PO DES DGE SLONG DE LA RAS YUG CHEN RIN THANG CHE BA ZHIG PHUL NAS CHOS NYAN PAR BRTZAMS PA NA, DGE SLONG DES KYANG SNGAR SHING GI LHAS BSLABS PA LTAR SMRAS PA NA RGYAL PO DE MA THAG PHO BRANG DU LOG NAS DE NYID SEMS SHING NGES PA RNYED PA'I LO RGYUS GSUNGS, YANG BYANG CHUB SEMS DPA' ZHIG GIS DPER NA BYE BRAG SMRA BA'I GZHUNG, DON DAM DON BYED NUS PA GANG ZHES SOGS KYI GZHUNG 'DON PA DANG DE'I DON CHED DU BYA BA SEMS CAN GZHAN GYI DON DU SEMS PAR BYED PA NGES PAR YOD CING, DE LTA NA DE 'DRA'I GZHUNG DANG DE'I DON GYI BDEN GNYIS KYI 'JOG TSUL SEMS PA'I BLO SOGS THEG CHEN GYI CHOS YIN NAM MIN ZHES SOGS KYI DPYAD PA ZHIG KYANG GSUNGS, YANG MDZOD BSLAB BTUS DANG LAM RIM CHEN MO RNAMS SU DMYAL BA YANG GSOS KYI SA GZHI LCAGS KYI SA GZHI YIN PAR MA GSUNGS KYANG,
DRAN PA NYER GZHAG TU LCAGS KYI SA GZHIR GSUNGS, YANG DMYAL SRUNGS RNAMS KYANG SEMS CAN DE SNGON GTI MUG SHAS CHE BA'I STOBS KYIS MI DGE BA'I LAS BSAGS PA ZHIG YIN NA PHAG GI GDONG PA CAN DANG, ZHE SDANG GIS YIN NA SBRUL DANG SENG GE DANG STAG SOGS KYI MGO BRNYAN CAN 'BYUNG BAR GSUNGS, YANG SHAR CHEN RIN CHEN RGYAL MTSAN PAS, RGYAL TSAB RIN PO CHER SBYIN BDAG GI NGO 'DZIN GNANG DGOS TSUL ZHUS PA'I TSE DBU ZHVA PHUD NAS DBU DKAR PO YIN PA DE BSTAN NAS NGA'I MGO 'DI LA LTOS DANG DE 'DRA'I LONG 'DUG GAM ZHES GSUNGS PA'I LO RGYUS DANG, YANG 'BROM RIN PO CHES RVA SGRENG GI SHUG GSEB TU SHANGS SNABS KYANG PHYIS LONG MED PAR, 'JIG RTEN MKHYEN PA RNYED DANG MA RNYED DANG, ZHES SOGS KYI TSIGS BCAD 'DON GYIN MI RTAG PA SOGS BSGOMS PA'I LO RGYUS KYANG GSUNGS, ` NYIN DRUG PAR, THOG MAR, BDAG NI SANGS RGYAS PHYOGS MI 'DZIN, ZHES SOGS DRANGS NAS SPYI BSHAD MDZAD RJES, DMYAL BA'I SDUG BSNGAL GYI SKABS DPER NA THIG NAG LTA BUR LUS GAN RKYAL LAM KHA SPUB TU BSNYAL NAS LCAGS KYI SKUD PA ME 'BAR BA THIG BRGYAD SOGS BTAB NAS SOG LE ME 'BAR BAS GSHAG CING LUS DUM BUR BYAS PA NA DUM BU SO SOS KYANG SDUG BSNGAL MYONG ZHING, DER MA ZAD KHRAG DANG CHU SER SA LA THIG PA DE DAG LA BRTEN NAS KYANG SDUG BSNGAL MYONG ZHES GSUNGS, DUD 'GRO'I SDUG BSNGAL GYI SKABS PHYI'I RGYA MTSO CHEN POR NANG NAS PHYIR RIM PA BZHIN LONGS SPYOD KYI MTSO, LONGS SPYOD
, ,LDAN GYI MTSO, LONGS SPYOD CHEN PO'I MTSO ZHES PA RIM PA GSUM YOD, MTSO NANG MA LA STENG NAS 'OG TU DPAG TSAD NYI KHRI, BAR BAR BZHI KHRI THA MAR BRGYAD KHRI YOD, DE RNAMS LA DUD 'GRO'I RIGS MTHA' YAS PA GNAS PA'I GZUGS CHE SHOS CHU SRIN YIN, DE YANG MTSO NANG MA LA CHU SRIN NYA'I RIGS CAN ZHES PA DANG BAR MA LA NYA MID CES PA DANG, PHYI MAR NYA MID MID PA ZHES PA GSUM GNAS, DE GSUM GYI PHYI MA PHYI MAS NANG MA NANG MA RIM BZHIN KHYUR MID GTONG NUS PAR MDO LAS GSUNG GSUNGS, YANG SANGS RGYAS KYI SKU'I YON TAN BSHAD SKABS, KHYOD SKU MTSAN GYIS SPRAS GYUR PA, ZHES SOGS DENG SANGS GZUGS CAN GYI RGYAN DANG DPE RGYAN DU 'CHAD KYANG BSDU BA'I RGYAN GTZO CHE BA 'DRA GSUNGS, DKON MCHOG GSUM LA SKYABS SU 'GRO BA'I TSE, SANGS RGYAS LA THOB BYA DANG, CHOS LA NYAMS LEN DANG, DGE 'DUN LA DE'I GROGS SU DAM BCA', YANG SANGS RGYAS GCIG PU'ANG DE GSUM DU DAM BCAS NAS DKON MCHOG GSUM PO RE RER YANG GSUM KA TSANG BA'I TSUL BSAM GSUNGS, NGAN SONG GI SDUG BSNGAL BSAM NA 'KHOR BA SPRAS GYUR PA, ZHES SOGS DENG SANGS GZUGS CAN GYI RGYAN DANG DGA' BO'I TSA BO GNYIS KYI LO RGYUS GSUNGS, YANG LAS 'BRAS ZAB CING CHUD MI ZA BA'I DPER KHYIM BDAG DPAL SKYES KYI RGYUD KYI THAR PA CHA MTHUN GYI DGE RTZA DE SNGON SANGS RGYAS 'ONG SRUNG GI MCHOD RTEN ZHIG GI MTHA' SKOR DU RTA'I SPANGS YOD PA LA KHYIM BDAG DE SBRANG BUR SKYES DUS SPANGS
KYI DRI LA RIM BZHIN 'KHOR BAS MCHOD RTEN LA CHED DU MA BSAMS KYANG SKOR BA GCIG 'KHOR BA'I MTHU LAS BYUNG BA'I SNGON BYUNG DANG, KUN TU RGYU DAG GIS MOO 'GAL GYI BU CHEN PO BCOM PA DANG, 'PHAGS PA NAG PO CHEN PO DANG LEGS 'ONGS DANG 'PHAGS PA SGUR CHUNG SOGS KYI SNGON BYUNG GSUNGS, YANG 'DOD PA'I NYES DMIGS GSUNG SKABS SPU GRI'I SOR CHAGS PA'I SBRANG RTZI BA LDAG PA DANG 'DRA ZHES PA'I ZHAR LA, SPU GRI NI RGYA MTSO'I NANG NAS 'BYUNG BA'I RDO ZHIG LA 'KHOR LO BYAS NAS, DE 'OG NAS BSKOR BA'I STENG DU LCAGS SHIN TU NGAR BA BZUNG NAS BRDAR NA SHIN TU RNO BAR GYUR PA ZHIG YIN, DE 'DRA'I GRI DES GANG GCOD PAR BYA BA'I SPU LA MA THUG TZAM NAS SPU CHAD 'GRO BA ZHIG YIN GSUNGS, YANG SKABS GCIG LHA'I SBYAN GYIS SRID RTZE NAS MNAR MED BAR GYI GZUGS LING PO DA MTHONG BAR MA ZAD DE'I PHYI NANG THAMS CAD MA 'DRES PAR MTHONG, LHA'I MIG GI MNGON SHES KYIS GZUGS DE RNAMS DANG DE'I STENG GI MYONG BA'I 'GYUR BA RNAMS KYANG MTHOD ZHES PA'I NA YAM GCIG KYANG GSUNGS, ` NYIN BDUN PAR, DPAL LDAN ZLA BA GRAGS PA'I, GANG TSE RANG DBANG 'JUG CING MTHUN GNAS PA, ZHES SOGS DRANGS NAS SPYI BSHAD DANG KUN SLONG BZO SKABS, MDO LAS LEGS PAR RAB TU NYON LA YID LA ZUNG ZHIG, CES PA'I LEGS PAR ZHES PAS KUN SLONG DANG DER MA ZAD LUS NGAG YID GSUM KA'I KUN SPYOD BSTAN, RAB TU ZHES PAS NYAMS SU LEN PA'I CHED DU NYAN DGOS PA BSTAN YID LA BZUNG ZHES PAS BSGOM PAS
, ,NYAMS SU MYONG BAR BYED DGOS TSUL BSTAN ZHES PA'I BSHAD PA'I RNAM GRANGS SHIG KYANG GSUNGS, SANGS RGYAS KYI SKU'I YON TAN BSAM SKABS BYANG SEMS SHUGS 'CHAD GIS GTZUG TOR GYEN DU 'PHAGS PA'I MTHA' RTOGS PA'I PHYIR STENG PHYOGS SU 'JIG RTEN GYI KHAMS GRANGS LAS 'DAS PAR PHYIN KYANG MTHA' MI RNYED PA'I LO RGYUS GSUNGS, GSUNG GI YON TAN BSAM SKABS THOG MAR DGE BA, BAR DU DGE BA MTHA' MAR DGE BA ZHES PA'I THOG MAR DGE BA ZHES PA'I DON, NANG NYAMS LEN LA SBYAR NA NYON MONGS GNON PA'I DON YIN, DE BZHIN DU BAR DU DGE BA'I DON LAM RGYUD LA SKYES PA'I DON YIN MTHA' MAR DGE BA'I DON LAM MTHAR PHYIN PA'I DON YIN GSUNGS, THUGS KYI YON TAN BSAM SKABS LAS 'PHROS NAS, RGYAL BA'I THUGS MNYAM PAR BZHAG BZHIN DU RJES THOB KYI MDZAD PA MDZAD CES PA'I THA SNYAD THOB PA BZHIN DU SKU DANG GSUNG LA YANG MNYAM PAR BZHAG PA'I THA SNYAD KYANG GSUNGS, YANG SANGS RGYAS KYI THUGS GZUGS SKU'I RNAM PAR SHAR BA YOD PA LTAR GSUNG YANG GZUGS SKU'I RNAM PAR SHAR BA YOD PA SOGS GSUNGS, YANG GSUNG GI YON TAN GYI SKABS 'PHAGS PA MOO 'GAL GYI BUS GSUNG GI MTHA' RTOGS PA'I PHYIR SHAR PHYOGS KYI 'JIG RTEN TSAD MED PA 'DAS PA'I PHA ROL TU PHEBS PA'I LO RGYUS GSUNGS, THUGS KYI YON TAN GYI SKABS SRID MO THE TSOM SEL BA ZHES PA TING NGE 'DZIN GCIG LA MNYAM PAR BZHAG PA NA DE'I TING NGE 'DZIN SLONG BA'I PHYIR,
MOO 'GAL GYI BU DANG 'JAM DPAL SOGS KYIS SGYU 'PHRUL BSTAN KYANG SLONG MA NUS SHING, BYANG SEMS SGRIB PA RNAM SEL GYIS SE GOL GTOGS PAS BSLANG BA'I LO RGYUS GSUNGS, DER MA ZAD BRAM ZE SHIN TU BRKAM CHAGS CAN ZHIG LA 'PHAGS PA DRUG SDES THABS SNA TSOGS KYIS GTZUG LAG KHANG RTZIG PA SNA BRGYA YOD PA ZHIG BRTZIGS PA'I SBYIN BDAG BSKUL NAS BRTZIG TU BCUG PA NA, SANGS RGYAS KYIS KHANG PA DE MYUR DU 'JIG PA DANG, ZHIG PA'I TSE SBYIN BDAG BRAM ZE KHA NAS KHRAG TSA BA SKYUG CING 'CHI BA'I GNAS YOD PA GZIGS NAS THABS MKHAS KYIS GTZUG LAG KHANG DER PHEBS NAS RGYAL CHEN BZHI DANG, BRGYA BYIN DANG TSANGS PA RNAMS LA MTSAN MO RIM PAR CHOS STON PAR MDZAD PA'I MTHAR BRAM ZE DE YANG GTONG PHOD LA BKOD PA'I LO RGYUS GSUNGS, LAS 'BRAS SHIN TU ZAB PA'I DPER 'PHAGS SKYIS PO DANG, MA LA GNOD GNYIS KYIS SH'AKYA RNAMS KHA BRTAGS PA'I TSE SANGS RGYAS KYANG DBU SNYUN TSUL BSTAN PA'I LO RGYUS KYANG GSUNGS, SNYAN PA BZANG LDAN GYI SNGON GYI BYUNG BA DANG SPRE'U SBRANG RTZI 'BUL GYI SNGON BYUNG DANG, 'PHAGS PA NAG PO CHEN POR BYA ROG ZHAR MA LTAR BLTA'O ZHES SMRA MKHAN GYI BU MO SOGS KYI SNGON BYUNG GSUNGS, LAS DU MAS LUS GCIG 'PHEN PA'I DPER SHED BU SER SKYA'I SKYE BA 'PHEN PA'I LAS LTA BU GSUNGS, YANG MKHAS PA'I SDIG PA LCI YANG YANG BA'I DPER RGYAL PO GTUM PO RAB SNANG GIS BRAM ZE BRGYAD KHRI DANG PHRA MEN MA LNGA BRGYA DUS GCIG LA BSAD KYANG, 'PHAGS PA KA TY'A YAN LA DAD CING 'GYOD PA'I
, ,STOBS KYIS MYUR DU BDEN PA MTHONG BA'I GTAM RGYUD GSUNGS, ` NYIN BRGYAD PAR, SDUG BDEN GYI NYES DMIGS SKABS, MNGAL GYI GNAS SKABS LNGA'I DANG PO MER MER PO'I SKABS SU YANG SEMS KYI SNANG BA LA DRI NGA ZHING MI BDE BA'I NYAMS 'CHAR RGYU ZHIG YOD, DE BZHIN DU PHYI MA PHYI MA RNAMS KYI SKABS SU YANG RIM GYIS SDUG BSNGAL JE CHER 'GRO GSUNGS, YANG LHA MA YIN RNAMS RANG GI GNAS NAS 'PHAGS TE, SUM CU RTZA GSUM GYI GNAS LA SONG NAS LHA RNAMS KYI DPAL DANG LONGS SPYOD LA RTOG CING, DE NAS PHRAG DOG SKYES NAS SLAR LHA RNAMS DANG 'THAB PA'I TSE SDUG BSNGAL MYONG LUGS RGYA CHER GSUNGS, DE YANG LHA MIN GYI DBANG PO SGRA GCAN SOGS KYIS GLING GSUM SOGS MI YUL DU CHOS SPYOD PA MANG BA'I TSE, LHA RNAMS RGYAL BAR SHES NAS CHOS BYED PA LA BAR GCOD RTZOM PA'I PHYIR SHAR GYI LUS 'PHAGS KYI GLING DANG NUB KYI BA LANG SPYOD KYI GLING GI NAM MKHAR SHIN TU 'JIGS PA'I GZUGS BSTAN NAS SER BA DANG, DBYUG PA LTA BU ZHES PA'I CHAR MA RUNG BA PHAB STE LO THOG BCOM NAS 'TSE BAR BYED, BYANG GI SGRA MI SNYAN DU NI RLUNG MA RUNG BA BTANG NAS MA SMOS PA'I LO THOG DANG, DPAG BSAM GYI SHING RNAMS KYI 'BRAS BUM RUNG BAR BYAS NAS 'TSE BAR BYED GSUNGS, LHA RNAMS GNAS GONG MA GONG MA LONGS SPYOD DANG DPAL PHUN SUM TSOGS KYANG LHA MIN NI DE LAS LDOG PAR GSUNGS, NYON MONGS THAMS CAD KYI STENG NA MA RIG PA RE NGES PAR YOD
GSUNG BA ZHIG KYANG BYUNG, NGAN SONG DANG MTHO RIS KYI NYES DMIGS RNAMS DRAN PA NYER GZHAG GI MDO LA BLTAS NAS SGOM DGOS, DE YANG DRAN PA NYER GZHAG GI MDO SNGAR BOD DU 'GYUR BA MJUG MA TSANG ZHING, CHAG LO TZ'A BA CHOS RJE DPAL GYIS SLAR PAndI TA RIN CHEN 'BYUNG GNAS ZHI PA DANG BCAS 'GYUR CHAD BSAB NAS MJUG RDZOGS PAR GRAGS KYANG, NGAN SONG GSUM NAS 'THAB BRAL GYI BAR GYI BSHAD PA MA GTOGS, DGA' LDAN YAN CHAD KYI BSHAD PA MA BYUNG BAS DA DUNG MJUG MA RDZOGS PA 'DRA GSUNGS, YANG TSUL KHRIMS KYI SGRA BSHAD MDZAD PA'I SKABS SHIG TSUL BZHIN YID LA BYED PA'I KHRIMS YIN PAS NA ZHES PA DANG, TSUL DANG MTHUN PA'I KHRIMS YIN PAS NA TSUL KHRIMS ZHES SGRA BSHAD TSUL GNYIS KYI RNAM GZHAG ZHIG KYANG GSUNGS, ` NYIN DGU PAR, RNAM 'GREL LAS, SRID PA'I SRED LAS RNAMS BRGAL BAS ZHES SOGS DRANGS NAS, SANGS RGYAS SH'AKYA THUB PA SANGS RGYA KHA'I DUS SNGAR BSKAL PA MANG POR BSAGS PA'I 'KHOR BAS BSDUS PA'I LAS KYI CHA MANG DU YOD PA RNAMS SANGS RGYAS PA NA RNAM SMIN 'BYIN PA'I NUS PA PHAL CHER BCOM ZHING, 'GA' ZHIG MA 'ONGS PA'I DGE SLONG RNAMS KYI LONGS SPYOD KYI RGYUR BSNGO BAR MDZAD PA YIN, DE'I RGYU MTSAN YANG SANGS MA RGYAS NA SLAR 'KHOR LOS SGYUR BA'I RGYAL PO DRUG KHRI LNGA STONG BDUN BRGYAR SKYE BA BZHES RGYU YIN PA LA SANGS RGYAS PA'I TSE 'KHOR SGYUR DE SNYED DU SKYES DUS KYI LONGS SPYOD RNAMS MA 'ONGS PA'I DGE 'DUN RNAMS KYI CHED DU
, ,BSNGOS BAS, MI RNAMS SEN MO'I STENG DU ZHING RMO YANG NGA'I NYAN THOS RNAMS BSOD SNYOMS KYIS 'PHONGS PAR MI 'GYUR RO ZHES 'DUL BA LUNG LAS BSHAD GSUNGS, YANG MA 'ONGS PA'I NYAN THOS RNAMS BSOD SNYOMS KYI MI PHONGS PA'I RGYU GCIG NI SNGON SLOB LAM GYI TSE ZHING SBYANGS PA'I MTHU YIN BYAS KYANG CHOG GSUNGS, SNGA MA LTAR NA GZHAN GYIS BSAGS PA'I LAS KYI RNAM SMIN GZHAN GYIS MYONG BAR THAL BA'I SKYON 'ONG DAM SNYAM NA SKYON MED DE, DE NI BSAM GYIS MI KHYAB PA'I GNAS YIN PA'I PHYIR GSUNGS, YANG ME LNGA BSTEN BA NI PHYOGS BZHIR ME CHEN PO RE BTANG NAS DBUS SU RANG BSDAD MES RANG GI LUS LA MA REG TZAM BYAS STENG NAS NYI MAS GDUNG PHYOGS BZHI NAS MES GDUNG BA'I DKA' THUB BSTEN NAS RDE'U LTA BU'I DMIGS RTEN GCIG LA RTZE GCIG TU BSGRIM STE BSGOM PA NI 'DOD CHAGS SPONG BA'I THABS SU BSAM PA YIN KYANG, DES 'DOD PA'I 'DOD CHAGS RE ZHIG MGO GNON TZAM LAS MI NUS GSUNGS, YANG 'DOD PA'I LAS G-YO BA'I DPER PHYI MA LHAR SKYE 'GYUR GYI LAS BSAGS PA ZHIG YI DVAGS KYI DPON MOR SKYES PA'I GTAM RGYUD KYANG GSUNGS, KHAMS GONG GI LAS MI G-YO BA'I LAS YIN PA'I RGYU MTSAN, DE RNAMS TING NGE 'DZIN GYI STOBS KYIS BSAGS PA'I LAS YIN PAS, DE'I RNAM SMIN GZHAN DU BSGYUR DKA' BA'I GNAD KYIS YIN GSUNGS, YANG STONG NYID SGRA SPYI TZAM GYI SGO NAS RTOGS TSUL DANG DON SPYI'I SGO NAS
RTOGS TSUL DANG MNGON SUM DU RTOGS TSUL GSUM YOD PA'I DPE NI, RGYA GAR RDO RJE GDAN GYI GTZUG LAG KHANG DBUS SAM DE LA BOD KYI THOG SO DGU RE LA THOG SO RER BYAS PA'I THOG SO DGU BRTZEGS YOD PAS DE LTAR YOD DO ZHES PA'I SGRA'I RJES SU 'BRANGS NAS BSAM PA NA GO TSUL ZHIG YONG BA DE NI SGRA SPYI TZAM GYI 'CHAR TSUL YIN, DE RJES RDO RJE GDAN GYI BKOD PA RGYUS YOD PA ZHIG GIS DE'I BKOD PA JI LTA BA BZHIN BZOS NAS, 'DI 'DRA'O ZHES BSTAN PA NA GO TSUL ZHIG YONG BA NI DON SPYI'I 'CHAR TSUL YIN DPE DE DANG 'DRA GSUNGS, SKYES BU CHEN PO'I CHOS SKOR SKABS, GSER 'GYUR RTZI YI RNAM PA MCHOG LTA BU ZHES PA'I GSER 'GYUR GYI RTZI NI DNGUL CHU LAS BZOS PA ZHIG YIN CING MING GZHAN TSON CHEN PO YANG ZER; DE NYID RDO'AM LCAGS SOGS SRANG DRUG YOD PA ZHIG LA BSKUS NAS BZHAG NA ZLA BA DRUG NAS GSER DU 'GYUR NUS PA NAS ZHAG GCIG LA 'GYUR NUS PA'I BAR YOD GSUNG BA 'DRA ZHIG GO BYUNG, ` NYIN BCU PAR, 'JIG RTEN DON SGRUB TSUL LA MTHU MED PA'I, ,THEG PA DMAN PA NAM YANG 'DOD MI BYA, ZHES DRANGS NAS, NYAN RANG GIS KYANG SEMS CAN GYI DON BYED PA'I SHES BYED LA MCHOG ZUNG SOGS KYIS GZHAN DON DPAG MED MDZAD PA'I RTOGS BRJOD GSUNGS, 'ON KYANG SANGS RGYAS KYIS GZHAN DON BYED PA DANG MI 'DRA TSUL MTHA' YAS PA YOD KYANG, GTZO BO 'KHOR 'DU THEBS GCIG LTA BUS KYANG KHAMS DANG BSAM PA DANG BAG LA NYAL JI LTA BA BZHIN MI SHES PA'I RGYU MTSAN GYIS YIN
, ,GSUNGS, GZHAN YANG SH'A RI'I BUS RDZU 'PHRUL GYIS DMYAL BA'I GNAS CHU BSIL BAS GANG BAR MDZAD NAS DE RNAMS KYI SDUG BSNGAL ZHI BAR MDZAD MOD KYANG, BYANG CHUB SEMS DPA' SPYAN RAS GZIGS KYIS CHU THIG PA GCIG GIS KYANG DMYAL BA'I SDUG BSNGAL ZHI BAR BYED NUS GSUNGS, YANG SANGS RGYAS KYI BSTAN PA NYAMS PA'I TSE RANG RGYAL DANG, DRANG SRONG MNGON SHES CAN RNAMS KYIS RTZIS DANG SMAN DPYAD SOGS DANG ZHI GNAS DANG LHAG MTHONG SOGS KYI CHOS STON PA YOD, DE YANG SANGS RGYAS ZHAL BZHUGS PA DANG MYA NGAN LAS 'DAS PA DANG BSTAN PA NYAMS PA'I TSE CHOS STON MKHAN RNAMS NI DPER NA, NYIN MO'I TSE NYI MA'I 'OD KYIS SNANG BAR BYED DE NUB NAS ZLA BA DANG DE NUB NAS RGYU SKAR GYI 'OD KYIS SNANG BA DANG 'DRA GSUNGS, YANG MKHA' LDING LA RGYA MTSO CHEN PO NAS KLU'I RGYAN CHA ZAB DANG, KLU DANG RGYAN SBRAGS NAS ZA BA'I RIGS GNYIS YOD, PHYI MA DE LA 'CHI LTAS 'PHOG PA NA MIG GIS JI TZAM BLTAS KYANG KLU MI MTHONG, DE'I TSE KHONG KHRO SKYES NAS RI RAB KYI RTZE NAS RGYA MTSOR LAN BDUN GYI BAR DU ZHUGS KYANG ZAS MA RNYED PA NA, KHONGS PA'I NANG NAS LTOGS PA'I ME 'BAR NAS LUS SREG PAR BYED CING, MTHAR SNYING 'BA' ZHIG LUS PA DE RGYA MTSOR LHUNGS NAS RIN PO CHE THAMS CAD YONGS SU BSDUS PA ZHES BYA BA'I RIN PO CHER 'GYUR GSUNGS, YANG BYANG SEMS DUD 'GROR SKYES KYANG THABS MKHAS KYIS GZHAN DON MI 'DOR BA'I DPER RI BONG GI SKYES RABS
ZUR TZAM GSUNGS, YANG SKABS SHIG THUN MONG DANG THUN MONG MIN PA'I SKABS MA PHYE BAR SPYIR RGYAL PO SPYI BO SKYES LA SANGS RGYAS ZIN DANG, BYANG SEMS KYI CHA GNYIS YOD GSUNG BA 'DRA ZHIG KYANG BYUNG, YANG RGYAL PO DE'I RTOGS BRJOD BOD DU 'GYUR BA'I MDO SDE DAG GI NANG DU DRUG BDUN TZAM BZHUGS KYANG DE DAG GI NANG DU BLON PO CHEN PO BDEN PA'I BLO GROS ZHES PA ZHIG YOD PAR MA GSUNGS SHING, DPAG BSAM 'KHRI SHING DU DE 'DRA YOD PAR GSUNGS PA NI, CHOS RGYAL DGE DBANG GIS RGYA GAR DU BZHUGS PA'I MDO ZHIG LA YOD PAR GZIGS NAS GSUNGS PA 'DRA GSUNGS, ` NYIN BCU GCIG PAR, LONG BAS PHYAG DAR PHUNG PO LAS ZHES DRANGS NAS SPYI BSHAD MDZAD, SANGS RGYAS KYI SGRA BSHAD MDZAD PA'I SKABS SANGS ZHES PA LAS 'PHROS NAS RTZE MO'I SBYOR BA THOB PA'I BYANG SEMS RNAMS KYI RMI LAM DU CHOS THAMS CAD RMI LAM LTA BUR BLTA BA YOD PAR MA ZAD, DE LTAR BLTA BA'I BLO DE LA MNYAM GZHAG DANG RJES THOB GNYIS KYANG YOD GSUNGS, YANG SA DANG POR STONG NYID MNGON SUM DU RTOGS TE DE LA CHU LA CHU BZHAG PA LTAR SONG STE GNYIS SNANG NUB PA YIN KYANG, DE DANG SA GNYIS PA NAS BCU BA'I BAR GYI STONG NYID MNGON SUM DU RTOGS PA'I YE SHES RNAMS LA GNYIS SNANG NUB TSUL MI 'DRA BA RE YOD GSUNGS, ` YANG SPANGS PA KHYAD PAR GSUM LDAN GYI SLAR MI LDOG PAR SPANGS PA'I DON SPANGS BA DE LAS MI NYAMS PA'I DON YIN, PHYI ROL PA 'GA' ZHIG GIS BSAM GTAN GYI DNGOS
, ,GZHI'I TING NGE 'DZIN GYI MTHUS 'DOD NYON RE ZHIG MGO GNON KYANG SLAR MNGON GYUR DU SKYE BA YOD PA DE LAS KHYAD PAR DU GYUR PA'I DON YIN GSUNGS, DAD PA DANG MOS PA DANG RJES SU YI RANG SOGS BYAS NAS BSOD NAMS TSAD MED PA THOB PA'I DPER RGYAL PO GSAL RGYAL GYIS SANGS RGYAS 'KHOR BCAS ZLA BA DRUG TU BSNYEN BKUR BA'I TSE, SLONG MO BA DES BA ZHES PAS DAD PA DANG RJES SU YI RANG BYAS BAS, SANGS RGYAS KYIS NYIN RE BZHIN YON BSNGO BAR MDZAD PA'I TSE RGYAL PO DANG, SLONG MO BDE'I MA GNYIS KA'I MING NAS SMOS TE BSNGO BA MDZAD PA'I GTAM RGYUD GSUNGS, YANG BDAG GZHAN MNYAM BRJE'I SKABS LAS 'PHROS PA'I SDUG BSNGAL DANG LEN GYI SKABS, BYANG SEMS RNAMS KYI MOS PA'I MTHUS GZHAN GYI SDUG BSNGAL DNGOS SU LEN NUS PA'I DPER BLA MA BYAMS PA'I RNAL 'BYOR PA'I RNAM THAR DANG, RJE SMON LAM DPAL BA GTZANG DU BZHUGS PA'I SKABS SHIG YUL DER 'BRUM NAG GI NAD CHEN PO ZHIG BYUNG BA NA RJE RANG NYID SKU 'BRUM THAR MA YIN KYANG SDUG BSNGAL DANG LEN MDZAD PAS SKU LUS THAMS CAD SHU BA LTA BUS KHYAB PAR GYUR PA NA, YUL GYI 'BRUM NAD SHIN TU YANG BAR GYUR NAS MYUR DU CHAD PA'I LO RGYUS GSUNGS, GZHAN YANG BYANG SEMS RNAMS KYIS GZHAN GYI SDUG BSNGAL DANG LEN BYED PA'I TSE GZHAN GYI SDUG BSNGAL RANG GIS BLANGS KYANG RANG LA SDUG BSNGAL MI YONG BA DANG YONG BA GNYIS YOD GSUNGS, BDAG GZHAN BRJE BA'I TSE BDAG GCES 'DZIN GYI BLO DE RANG GI SNYING KHAR
'OD LTA BU'I RNAM PAR BSGOM STE, GZHAN GYI SDUG BSNGAL TSUR SNA BUG G-YON NAS ZHUGS TE 'OD DE NYID NAG THUM GYIS BSAD PA'I MOS PA BYED PA YANG YOD, YANG BDAG GCES 'DZIN GYI BLO LA DGRAR BLTAS NAS CHAGS CHE NYAM NGA THAMS CAD DE'I THOG TU BSGYUR BA'I MOS PA BYED PA YOD, 'DI BLA MA DHARM'A RAKshI TA DANG BOD KYI BLA MA SNGA MA RNAMS KYI PHYAG LEN DU BYUNG YANG MDO RGYUD GZHAN NA MI GSAL GSUNGS, YANG BDAG GCES 'DZIN GYI BLON MA SKYES BYUNG BA'I TSE, BLO DE NYID RANG BZHIN MED PAR GTAN LA PHAB STE ZHI BAR BYED PA NI DBANG RNON GYI LUGS YIN GSUNGS, TSUL KHRIMS NYES SPYOD DRI MA 'KHRUD PA'I CHU ZHES SOGS RKANG PA GSUM GYIS RIM PA BZHIN, SDOM PA'I TSUL KHRIMS DANG SEMS CAN DON BYED DANG DGE BA CHOS SDUD KYI TSUL KHRIMS GSUM BSTAN CES GSUNGS, SEMS CAN DON BYED KYI SHES RAB NI SEMS CAN RNAMS KYI KHAMS DANG BSAM PA DANG BAG LA NYAL RNAMS SHES PA'I SHES RAB CIG LA BYED GSUNGS, ` NYIN BCU GNYIS PAR, RGYA CHE ROL PAR, BSOD NAMS RNAM SMIN BDE STER SDUG BSNGAL THAMS CAD SEL XXX, ZHES SOGS DRANGS NAS SPYI BSHAD SKABS, SANGS RGYAS KYIS BYANG CHUB SHING DRUNG DU RTZVA'I GDAN 'DING BA'I DGOS PA NI, DREGS PA DANG RGYA GAS PA DANG NGA RGYAL BCOM PA'I SGO NAS SANGS RGYA DGOS ZHES MTSON PA'I BRNGA YIN, DE'I TSE SMIN MTSAMS KYI MDZOD SPU LAS 'OD ZER SPROS TE BDUD KYI SDE GNON PAR MDZAD PA NI, BDUD KYI GNAS NA YOD PA'I GANG ZAG
, ,MANG PO BYANG CHUB GSUM CI RIGS LA 'GOD BZHED PA DANG, LHA'I BU'I BDUD BCOM PA'I DGOS PA GNYIS YOD GSUNGS, SMIN MTSAMS NAS 'OD ZER SPROS PA'I DUS BDUD KYI GNAS NA YOD PA'I DOGS PA'I RGYAL MTSAN G-YO BAR MDZAD PA YIN LA, DOGS PA'I RGYAL MTSAN NI CHU SRIN GYI RGYAL MTSAN YIN, DGA' BA'I RGYAL MTSAN NI DAR GYI LHAB LHUB MANG PO YOD PA ZHIG YIN, DE YANG DOGS PA'I RGYAL MTSAN G-YOS NA BZANG BA YIN GSUNGS, YANG SHING DRUNG DER BZHUGS SKABS TSANGS PA DANG BRGYA BYIN SOGS LHA KLU DANG BYANG SEMS GZHAN SANGS RGYAS DANG NYE BAR MI BZHUGS PA NI, GROGS GZHAN SU YANG MED PAR SANGS RGYAS GCIG PUS BDUD KYI SDEM LUS PA 'PHAM PAR BYED NUS ZHES GO BA'I CHED YIN, YANG NYAN RANG DGRA BCOM RNAMS KYIS SER SNA MA LUS PAR SPANGS KYANG SBYIN PA'I PHAR PHYIN GYI MING MI THOB PA NI RANG GI LUS LONGS SPYOD DGE RTZA DANG BCAS PA SEMS CAN THAMS CAD LA SNYING THAG PA NAS MA BSNGOS PA'I STOBS KYIS YIN GSUNGS, SBYIN PA'I 'KHOR GSUM YONGS SU DAG LUGS LA SBYIN BYA'I RDZAS SOGS KHA NA MA THO BA MED PA LA BSHAD PA DANG, 'KHOR GSUM RANG BZHIN MED PAR RTOGS PA GNYIS YOD PA'I PHYI MA GTZO CHE GSUNGS, YANG BYANG SEMS RNAMS KYIS RANG GI LUS LONGS SPYOD DGE RTZA THAMS CAD BLA MA DANG DKON MCHOG GSUM GYI CHED DU BSNGO MOD KYANG, SLAR DE LA LONGS SPYOD PA'I TSE DKON MCHOG LA SER SNA
MED PA DANG, RANG NYID KYIS SPYOD DGOS PA'I DUS DRAN PAR BYAS NAS LONGS SPYOD GSUNGS, ZANG ZING GI SBYIN PA LA NANG DANG PHYI'I SBYIN PA GNYIS YOD PA'I DANG PO'I DPER BRJOD LA RGYAL PO BYAMS PA'I STOBS KYI RTOGS BRJOD GSUNGS, YANG LUS SOGS DNGOS SU STER NUS PA'I DUS LA SLEB KYANG, SMYO BA DANG BDUD KYI RIGS KYI LHA NGAG LA MI SBYIN PAR GSUNGS PA'I DGONGS PA CUNG BRTAG DKA' MOD KYANG RNAM PA GCIG TU NA DE LA PHAN CHER MI THOGS PA LA DGONGS ZER DGOS SAM SNYAM, 'ON KYANG BDAG CAG GI STON PA RGYAL PO ZLA 'OD DU GYUR SKABS LHAS BYIN NGANG RGYUD GCIG PA'I BRAM ZE TSUL NGAN PA ZHIG LA DBU SBYIN PAR MDZAD PAS, DE LA PHAN MA THOGS KYANG RGYAL PO NYID KYI SBYIN PA'I THUGS DGONGS RDZOGS GSUNGS, MI 'JIGS PA'I SBYIN PA'I NANG TSAN CHU'I 'BYUNG BA'I 'JIGS PA LAS SKYOB PA'I DPER, RJE SMON LAM DPAL BA DBUS SU BZHUGS SKABS SHIG SKYE CHU SHIN TU CHE BA ZHIG BYUNG DUS SMON LAM DPAL 'PHAGS PA YIN NA CHU LDOG CIG CES RDO LA BRIS NAS RAGS KYI STENG DU BZHAG PA DE MA THAG CHU'I GNOD PA LAS GROL BA'I RNAM THAR GSUNGS, ` NYIN BCU GSUM PAR, RGYA CHE ROL PAR, SBYIN DANG TSUL KHRIMS BZOD DANG BRTZON 'GRUS DANG ZHES SOGS DRANGS NAS SPYI BSHAD MDZAD, SDUG BSNGAL DANG LEN GYI BZOD PA'I SKABS 'PHAGS PA RNAMS LA LUS KYI SDUG BSNGAL 'BYUNG YANG SEMS MI BDE BA MED PA'I DPER, 'PHAGS PA NYE SDE DANG 'KHON YOD PA'I MI ZHIG SPRUL GDUG MYUR DU DUG GO
, ,KHYAB PAR BYED BA ZHIG TU SKYES NAS 'PHAGS PA LA GTZES BA NA 'PHAGS PA'I LUS BYE MA'I CHANG BU LTAR GYUR TE LUS LA SDUG BSNGAL BYUNG YANG SNGON GYI LAS BDAG GIR MDZAD PAS SEMS LA SDUG BSNGAL MA BYUNG BA'I SNGON BYUNG GSUNGS, BZOD PA DANG BYAMS PA SGOM NA PHYI NANG GI GNOD PAS MI BRDZI BAR MA ZAD, BDEN BA'I BYIN RLABS 'GRUB PA'I DPER DRANG SRONG BZOD PA SMRA BA DANG, RGYAL PO BYAMS PA'I STOBS GNYIS KYI RTOGS BRJOD ZUR TZAM RE GSUNGS, 'DI SKABS DRANG SRONG BZOD PA SMRA BA DING SANG GI SKYES RABS KYI BRIS THANG SOGS RI MO RNAMS SU RAB BYUNG GI CHA LUGS CAN BRIS PA SHA STAG 'DUG KYANG, SANGS RGYAS KYI BSTAN PA MTHUN SNANG DU 'JIG RTEN NA MED PA'I SKABS GCIG TU PHEBS PAR 'DUG BAS KUN TU RGYU'I CHA BYANG CAN NAM DRANG SRONG GI CHA BYANG CAN YIN PA 'DRA GSUNGS, DER MA ZAD SNGON 'BRI KHUNGS PAS SA SKYAR DMAG DRANGS NAS SA PAn GYI CHOS GRVAR SONG BA NA RJE SA PAn GYIS 'KHOR RNAMS LA BZOD PA SGOM DU BCUG PA DANG, RGYAL SRAS THOGS MED KYIS CHOS GRVAR YANG DMAG BYUNG TSE BZOD PA SGOM DU BCUG PA'I MTHUS BZHED DON 'GRUB PA'I LO RGYUS GSUNGS, YANG RGYAL PO SANGS RGYAS PHYOGS DANG ZAB MO'I PHYOGS CES BYA BA GNYIS BYUNG BA'I PHYI MAS 'PHAGS PA THOGS MED KYI SBYIN BDAG MDZAD NAS YUL LNGA LEN DU GTZUG LAG KHANG BRTZIGS NAS 'PHAGS PA CHOS STON PA'I TSE, DMAG BYUNG DUS KYANG BZOD PA BSGOM PAS DMAG LDOG PA'I LO RGYUS DANG, DE LAS
'PHROS NAS T'A RA N'A THA'I RGYA GAR CHOS 'BYUNG DU RGYAL PO DE GNYIS LAS SANGS RGYAS PHYOGS PHYI MA YIN PAR BSHAD KYANG, KHO BO RANG GI BSAM BA LA 'JAM DPAL RTZA RGYUD KYI LUNG BSTAN DANG BSGRIGS NA, SANGS RGYAS PHYOGS KHU BO LTA BU ZHIG YIN PAS SNGA ZHING, ZAB MO'I PHYOGS TSA BO LTA BU YIN BAS PHYI BAR BYED DGOS SAM SNYAM GSUNGS, YANG ZHI GNAS 'GRUB KHA'I TSE RANG GI MDUN NA BZHUGS PA'I SANGS RGYAS KYI SKU GZUGS LTA BU ZHIG DMIGS RTEN DU BYAS YOD NA, PHYI ROL GYI GZUGS DANG RANG GI LUS 'OD LTA BU'I RNAM PAR ZHU NAS, MDUN GYI DMIGS RTEN DE LA THIM PA'I NYAMS SHAR NAS MDUN GYI DMIGS RTEN MA GTOGS GZHAN GANG GI YANG SNANG BA MI 'CHAR, DE BZHIN DU RANG NYID LTAR BSGOM NA YANG DE DANG 'DRA; YANG RANG GI SEMS LA DMIGS NAS ZHI GNAS SGOM KYANG GZUGS SNANG THAMS CAD RANG GI SNYING KHAR THIM BA'I NYAMS 'CHAR, DE'I GNAD KYIS ZHI GNAS GSAR DU 'GRUB BA'I RJES THOB KYI TSE, RANG GI LUS GSAR DU GRUB PA LTA BU'I NYAMS 'CHAR BA YIN GSUNGS, YANG ZHI GNAS 'GRUB KHA'I TSE KLAD PA LCI BEM PA SNYAMS BYED PA 'ONG BA YANG SHA WAGS MTSAMS SU LUS KYI GNAS NGAN LEN BSKYED PA'I RLUNG YOD PA RNAMS RIM GYIS 'DUS NAS SPYI BOR YAL 'GRO BA'I RTAGS YIN, KLAD PA LCI SNYAM PA YONG YANG MI BDE BA MIN TSUL NI, DPER NA SKRA GSAR DU BZHAR BA'I TSE MGO BO 'KHYAGS PA NA LAG PA DRON MO MGO BOR DAL GYIS BKAB PA LTA BU'I NYAMS SHIG YIN GSUNGS, YANG RANG GI SEMS,
, ,LA DMIGS NAS ZHI GNAS BSGRUB PAR GSUNGS PA YANG MTHAR THUG NA DRAN PA RANG LA DMIGS RTEN BYAS PA YIN, 'DI'I GNAD RJE BLO BZANG CHOS KYI RGYAL MTSAN GYIS PHYAG CHEN RTZA 'GREL LAS 'BYUNG GSUNGS, SEMS DMIGS PA LA RTZE GCIG TU BZHAG PA'I SKABS GRIM CHA MED PAR SBRO SANG NGE BA'I NYAMS SHAR BYUNG NA RGOD PA'I MGO TSUGS PA YIN, YANG DE'I TSE GRIM CHA MED PAR LHOD DE BA'I NYAMS BYUNG NA BYING BA'I MGO TSUGS PA YIN PAS DE GNYIS BYUNG MA THAG NAS SHES BZHIN GYIS NGOS ZIN PAR BYED DGOS GSUNGS, YANG DMIGS PA'I GZHI GCIG RANG LA GNAS PAS ZHI GNAS ZHES SGRA BSHAD MDZAD PA ZHIG KYANG BYUNG, YANG GONG GI SPYI BSHAD MDZAD PA'I SKABS DGE SLONG 'DRE SKYES SHI BA'I MCHOD RTEN LA, BCU GNYIS SDES SANGS RGYAS KYI DBU SKRA DANG SEN MO'I MCHOD RTEN DU MING BTAGS NAS, GANG ZAG MANG PO PHYAG BSKOR MCHOD PA SOGS BYED BCUG PA'I SKABS SHIG ,RAB 'BYOR 'KHOR LNGA BRGYA DANG BCAS PA PHYOGS DER PHEBS SKABS BCU GNYIS SDES PHYAG MCHOD BYED PAR BSKUL BAS DGRA BCOM BA RNAMS KYI MNGON SHES KYANG MA BRTAGS PAR MI 'JUG PAS DBU SKRA SOGS KYI MCHOD RTEN DU 'KHRUL NAS PHYAG SOGS MDZAD, SLAR 'PHAGS PA NYE BA 'KHOR GYIS RGYU MTSAN BSHAD BA'I RKYEN GYIS TSE DANG LDAN PA CHU 'THUNG YANG ZER BA DON 'PHAGS PA RAB 'BYOR 'KHOR LNGA BRGYA DANG BCAS BA KHROS NAS MCHOD RTEN BSHIG ,DON DE SANGS RGYAS LA ZHUS
PAS 'PHAGS PA MA GTOGS SO SKYE'I RUS PA SOGS BCUG PA'I MCHOD RTEN MI BYA BAR BCAS PA'I SNGON BYUNG LAS 'PHROS NAS, NYAN THOS DGRA BCOM PA RNAMS KYI KHONG KHRO GTAN NAS SPANGS KYANG KHRO RGYU ZHIG YOD PA 'DRA GSUNGS, ` NYIN BCU BZHI PAR, SPYI BSHAD SKABS DPA' BAR 'GRO BA'I TING NGE 'DZIN LA DBYE NA, DON DAM LA DPA' BAR 'GRO BA'I TING NGE 'DZIN DANG, KUN RDZOB LA DPA' BAR 'GRO BA'I TING NGE 'DZIN GNYIS YOD, THEG CHEN GYI MTHONG LAM BAR CHAD MED LAM LTA BU RNAMS DON DAM LA DPA' BAR 'GRO BA'I TING NGE 'DZIN DANG, RNAM GROL LAM RDO RJE LTA BU'I TING NGE 'DZIN YIN, SGYU MA LTA BU'I TING NGE 'DZIN NI BYANG SEMS RNAMS KYIS CHOS THAMS CAD RANG BZHIN MED PAR SGYU MA LTA BUR BSGOM PA'I MTHUS RDUL GCIG GI NANG DU RDUL THAMS CAD KYI GRANGS DANG MNYAM PA'I 'JIG RTEN GYI KHAMS SHONG BAR BYIN GYIS RLOB NUS PA'I TING NGE 'DZIN LTA BU YIN GSUNG, SGYU MA LTA BU'I TING NGE 'DZIN GYI RDZU 'PHRUL GYI BKOD PA'I DPER BRJOD LA SLOB DPON TZANDRA? GO MIS RANG GI SLOB MA PAndI TA KHA CIG LA ME TOG GI 'DAB MA ZHIG LAG TU GTAD NAS, DE'I KHA 'BYED BCUG PA NA DE'I NANG DU THOG MAR NAGS TSAL GYIS GANG BA'I LUNG PA CHEN PO ZHIG DANG, DE NAS KYANG GTZUG LAG KHANG MANG POS GANG BA'I YUL KHAMS RGYA CHEN PO BSTAN PA LTA BU DANG, GZHAN YANG BKA' GDAMS THIG LE BCU DRUG GI BKOD PA LTA BU YIN GSUNGS, YANG MIG 'KHRUL DANG RDZU 'PHRUL MI 'DRA KUN MKHYEN DOL PO BA DGE 'DUN GYI NANG DU CHOS STON PA DANG, SKU
, ,'BUM CHEN MO'I LAS BKOD BYED MKHAN SOGS NYIN GCIG LA LUS KYI BKOD PA GSUM DUS GCIG TU BSTAN PA'I RDZU 'PHRUL MANG BA'I GRAGS PA YOD KYANG RDZU 'PHRUL RANG YIN PA'I NGES PA MED PA 'DRA, G-YUNG STON RDO RJE DPAL GYIS KUN MKHYEN PAR PHUL BA'I ZHU YIG GCIG GI NANG DU MIG 'KHRUL GYI RDZAS SNGAGS DGOS NA G-YAG SDE PAn CHEN LA BSLAB YOD TSUL GSUNG 'DUG GSUNGS, ZHI GNAS KYI TSOGS KYI SKABS, BYANG SEMS TING NGE 'DZIN GYI RTZAL RDZOGS PA RNAMS GRONG MTHAR GNAS KYANG TING NGE 'DZIN DANG GZHAN DON LAS G-YO BAR MI NUS PAS GANG DU GNAS KYANG RGYAL SRAS KYI DBEN PAR GNAS PAR GSUNGS KYANG, LAS DANG PO PA RNAMS LA 'DOD PA CHE ZHING CHOG MI SHES PA SOGS TING NGE 'DZIN 'GRUB PA'I GEGS YIN PA'I DPER 'PHAGS PA GNAS BRTAN GSER BE'U LA GSER GYI GLANG PO CHE'I BE'U GCIN DANG LCI BA THAMS CAD GSER DU 'GYUR BA ZHIG YOD PA DANG, GNAS BRTAN BHA RA DHVA DZA GSER CAN GYI PHYAG LAS NAM DGOS SU GSER GYI DONG RTZE 'BYUNG BA GNYIS KYI RKYEN GYIS SO MI GSOD PA'I GTAM RGYUD GSUNGS, CHOS THEG PA CHEN PO'I CHOS YIN PAS MI CHOG GANG ZAG THEG PA CHEN PO PA YIN PA ZHIG DGOS PA'I SHES BYED LA, RGYA GAR DU DGYES PA RDO RJE'I RNAL 'BYOR PA ZHIG GIS RGYUN ZHUGS KYI 'BRAS BU THOB PA'I GTAM RGYUD KYANG GSUNGS, SEMS GNAS DANG PO'I SKABS ZHI GNAS KYI GDAMS DAG LA BRTEN NAS SEMS DMIGS PA LA GSAR DU 'JOG CING BZHAG
PA DE'I RGYUN MTHUD MA NUS PA'I DBANG GIS YANG DANG YANG DMIGS PA LA 'JOG PA ZHIG YIN, DE LA BSLAN TE 'JOG PA ZHES PA'I THA SNYAD MI 'ONG STE, RTZE GCIG PA'I RGYUN MTHUD MA THUB PAS GANG LA BSLAN PA'I GZHI MED PA'I PHYIR, BSLAN TE 'JOG PA'I SKABS SEMS GNAS PA'I RGYU MTSAN CUNG ZAD MTHUNG NUS PAS, DA DUNG RGYUN RING DU GTONG BA'I CHED DU BSKYAR NAS 'JOG PAS NA BSLAN TE 'JOG CES PA'I THA SNYAD BTAGS PA YIN GSUNGS, SEMS GNAS BSGRUB PA'I SKABS BYING BA BTZAN THABS SU GCOD PA'I MAN NGAG CES PA NI HA CANG BYING GRAGS NA, LTE BA'I THAD DU RANG SEMS KYI NGO BO 'OD DKAR PO SRAN MA TZAM GCIG BSAMS, DE SHUGS CHEN POS SNYING KHA DANG MGRIN PA DANG SPYI GTZUG GI BAR LI GYAN LA SPAR TE, SPYI BO NAS 'THON NAS NAM MKHA' DANG RANG SEMS MTHA' MED DU 'DRES PAR BSAM PA DANG, YANG RGOD PA BTZAN THABS SU GCOD LUGS NI, SPYI BOR RANG SEMS KYI NGO BO 'OD DKAR PO SHIN TU LCI BA'I RNAM PA CAN CIG BSAM, DE SHUGS CHEN POS MGRIN PA LTE BA 'OG SGO'I BAR DU PHAB CING, 'OG SGO NAS THON NAS 'OG DBANG CHEN GSER GYIS GZHI'I BAR DU SONG BAR BSAM GSUNGS, YANG ZHI GNAS 'GRUB KHA'I TSE LUS KYI TSOR BA BDE BA'I RKYEN GYIS SEMS DMIGS PA LA GNAS MI NUS PA SNYAM BYAD PA NI GNAS NGAN LEN BSKYED PA'I RLUNG RNAMS RIM GYIS DAG PA'I MGO BRTZAMS PA YIN, GNAS NGAN LEN GYI RLUNG RNAMS MTHAR SPYI BOR 'DUS NAS YAL 'GRO BA NI, DANG POR MA'I MNGAL DU LUS CHAGS
, ,PA'I SKABS, 'PHRANG 'GYUR GYI TSE SNGON LA LTE BA DANG SNYING KHA DANG, SPYI BO RNAMS GANG DU YONG BA'I THAD DER SRA BAR 'GYUR BA'I RTEN 'BREL GYI GNAD KYIS YIN GSUNGS PA 'DRA ZHIG GO BYUNG, ` NYIN BCO LNGA PAR, CHOS KYI RGYAL PO TZONG KHA PA CHEN POS, 'JIG RTEN RGUD PA JI SNYED PA XX RTEN CING 'BREL PAR 'BYUNG BA GSUNGS ZHES DRANGS NAS SPYI BSHAD MDZAD SKABS, MGON PO KLU SGRUB DANG 'PHAGS PA THOGS MED GNYIS LA SHING RTA CHEN PO ZHES ZER BA'I RGYU MTSAN NI, DPER NA SHING RTA'I STENG DU NOR DANG RIN PO CHE SOGS BZHAG NAS YUL GZHAN DU DRANGS NA MANG DU 'DREN NUS PA LTAR, DE GNYIS KYIS KYANG RGYAL BA'I GSUNG RAB KYI DGONGS PA PHYOGS RE BA TZAM MIN PAR YONGS SU RDZOGS PAR 'GREL BA'I KHUR BZOD PAS NA SHING RTA CHEN PO ZHES BYA, RNAM PA GCIG TU NA GLANG PO CHE SOGS STOBS DANG LDAN PA'I BZHON PAS SHING RTA DRANGS NAS, SNGAR 'GRO SA MED PA'I GNAS SU YANG BGROD NAS LAM GSAR DU BTOD NUS PA LTAR, DE GNYIS KYIS KYANG SNGAR SUS KYANG MA NUS PA'I RGYAL BA'I GSUNG RAB KYI DON 'GREL PA'I SROL BTOD PAS NA SHING RTA CHEN PO ZHES BYA GSUNGS, 'DI LAS 'PHROS NAS MGON PO KLU SGRUB KYIS KLU YUL DU PHEBS DUS KLU'I GNAS SHIG NA, DE'I DUS KYI MI RNAMS LAS GZUGS NYIS 'GYUR SUM 'GYUR GYIS CHE BA'I DGRA BCOM MANG PO BZHUGS 'DUG PA LA, DE RNAMS KYIS MGON PO KLU SGRUB LA 'DI SKAD DU, NGED RNAMS NI DGRA BCOM PA YIN PAS
KLU RNAMS KYIS MTHONG BA DANG THOS PA DANG REG PA'I DUG SOGS KYIS MI TSUGS PA YIN, KHYOD SO SKYE ZHIG YIN 'DRA BA LA DUG GIS MI TSUGS PA CI YIN GSUNG BA NA, MGON PO KLU SGRUB KYIS, NGA LA RIG SNGAGS KYI RGYAL MO RMA BYA CHEN MO YOD GSUNGS PAS, DGRA BCOM PA DE RNAMS KYIS RIG SNGAGS RMA BYA CHEN MO ZER LUGS KYIS SANGS RGYAS SH'AKYA THUB PA YANG PHEBS TSAR BA AE YIN GSUNG BA BYUNG GSUNGS, YANG KLU'I GNAS GCIG NA SANGS RGYAS SH'AKYA THUB PA'I BSTAN PA'I NYAN THOS DGRA BCOM PA MANG DU BZHUGS 'DUG PA LA, DE RNAMS KYIS SHER PHYIN GYI MDO NAS JI LTAR GSUNGS PA LTAR GYI STONG PA NYID 'DI STONG NYID KYI DON PHYIN CI MA LOG PA DANG 'DI NYID NYAN THOS SOGS KYI BSGOM BYA YIN GSUNG BA DANG, MGON PO KLU SGRUB KYIS DE LTAR YIN KYANG DA LTA SA STENG NA NI LTA BA SNA TSOGS YOD TSUL ZHUS GSUNGS, YANG 'PHAGS PA THOGS MED SA GSUM PA BA YIN PAS, NGES PAR STONG PA NYID MNGON SUM DU RTOGS PA YIN PA LA SA SDE LNGA'I SKABS PHYI ROL DON GYIS STONG BA'I STONG NYID GTAN LA PHAB PA SPYIR GDUL BYA'I DBANG GIS YIN MOD, 'ON KYANG SNGON GYI GNAS BRTAN CHOS SKYONG GIS KYANG SNGAGS KYI RTOGS PA MTHON PO LA MA SLEB BAR DU SNGAGS KYI LAM DE SEMS TZAM PA'I LTA BA DANG SBYAR NAS BSGOM PAR GSUNGS PAS 'DI LA DPYAD RGYU ZHIG LTA 'DUG GSUNGS, ` LHAG MTHONG GI TSOGS KYI SKABS, LHA DANG BLA MA DBYER MED DU BYAS NAS GSOL BA 'DEBS PA, LAS KYI SGRIB PA SBYONG BA, LHAG MTHONG GI
, ,MAN NGAG STON BA'I GZHUNG CHEN MO RNAMS LA BLTA BA STE GSUM GSUNGS PA'I DANG PO NI RANG CAG RNAMS KYIS NI RTEN 'BREL GYI KHYAD KYIS, BLA MA RJE BTZUN 'JAM DBYANGS DANG DBYER MED DU BSGOM DGOS, 'JAM DBYANGS ZHI KHRO LA KHYAD MED STONG NYID BSGOM PA SDIG PA DAG PA'I MCHOG YIN MOD KYANG, STONG NYID DANG POR RTOGS PA RANG LA YANG LAS SGRIB KYIS GEGS BYED BAS YAN LAG BDUN PA SOGS KYIS BSAG SBYANGS BYED, LHAG MTHONG GI MAN NGAG STON PA'I GZHUNG CHEN MO NI, DBU MA RIGS TSOGS DRUG ,'GREL PA BUDDHA P'A LI TA, ZLA BA'I DBU MA 'JUG PA, 'GREL PA TSIG GSAL, RJE RIN PO CHE'I RTZA 'JUG GI RNAM BSHAD GNYIS, LAM RIM CHE CHUNG SOGS YIN, RTZA 'JUG GI RNAM BSHAD GNYIS DANG, LAM RIM RNAMS LA STONG NYID STON PA'I RIGS PA'I TSUL TSIG ZIN LA MI MTHUN PA 'GA' RE 'BYUNG BA NI, GDUL BYA SEMS TZAM PA SOGS KYI DNGOS SMRA BA'I BAG CHAGS MTHUG PA'I RIGS CAN DANG, DANG PO NYID NAS DBU MA PA'I RIGS CAN SOGS KYI KHYAD PAR YIN 'DUG GSUNGS, RJE RIN PO CHES, 'GREL PA BUDDHA P'A LI TA LA BLTAS NA LTA BA'I GO TSUL KHYAD PAR CAN 'BYUNG BAR GSUNGS KYANG, LAS DANG PO PA TSO LA DPE GSAL PO 'GA' ZHIG YOD PA MA GTOGS HA CANG TSIG BRLING ZHING RIGS PA ZAB PAS GO DKA' SE BA ZHIG YIN, 'ON KYANG RTZA SHE'I t'I KA CHEN DU DKA' BA'I GNAD GANG YOD SAR 'GREL PA DE'I LUNG 'DREN RE NGES PAR MDZAD CING
BSHAD PA MDZAD YOD, LUNG 'DREN DE RNAMS KYANG 'GA' ZHIG NI SNGA MA'I 'PHROS DON LTA BU DANG, 'GA' ZHIG THAD KA'I BSHAD PA DE'I RGYAB SKYOR LTA BUR MDZAD YOD GSUNGS, YANG 'PHROS NAS RNAM 'GREL t'IKA CHEN RIGS BA'I RGYA MTSO DANG, THAR LAM GSAL BYED GNYIS SU SEMS TZAM PA'I LTA BA GTAN LA 'BEBS TSUL MI 'DRA BA RE BYUNG ZHING, GNYIS KA YANG RJE RIN PO CHE'I DGONGS PA YIN PAR GSUNGS YOD, RANG RE TSOS BRTAGS NA GCIG LUNG GI RJES 'BRANGS DANG, GCIG RIGS PA'I RJES 'BRANG GI SEMS TZAM PA'I DBANG DU BYAS PA 'DRA MTHAR GTUGS NA NI MA'I 'GAL ZHES GSUNGS, YANG LAM RIM CHEN MO NI GTZO BOR BSHAD RGYUD DANG, CHUNG BA NI SNYAN BRGYUD GTZO CHE BA'I DBANG DU MDZAD, LAM RIM CHEN MOR MI GSAL PA'I ZHI LHAG GI GNANG DU MZHIG LAM RIM CHUNG BAR YOD GSUNGS, GNAD BZHI'I DPYAD PA'I SKABS NGA DE RANG GI GDAGS GZHI'I PHUNG PO LNGA DANG GCIG NA, PHUNG PO LNGA YOD PA LTAR BDAG DE YANG RGYUD MI GCIG PA LNGAR 'GYUR BA'AM, BDAG GCIG YIN PA LTAR PHUNG PO LNGA YANG GCIG TU THAL BA'I SKYON 'BYUNG STE, PHUNG PO LNGA PO DE NANG PHAN TSUN 'GAL BA GANG ZHIG ,DE RNAMS BDAG DANG GCIG YIN PA'I PHYIR GSUNGS, 'DI'I DPER LCAGS KYI THUR MA LNGA DANG GSER GYI THUR MA GCIG YOD NA DE RNAMS GCIG NA NI LCAGS THUR LNGA YOD PA LTAR GSER THUR DE YANG LNGAR 'GYUR BA'AM, YANG GSER THUR GCIG YIN PA LTAR LCAGS THUR LNGA YOD PA DE YANG GCIG TU 'GYUR BA'I SKYON YOD, YANG NGA DE RANG GI GDAG
, ,GZHI'I PHUNG PO LNGA DANG THA DAD NA NI PHUNG PO RNAMS SO SOR BSAL BA'I 'OG TU NGA DE 'DI'O ZHES RNYED RGYU ZHIG YOD DGOS PA LAS, DE 'DRA MED PA'I PHYIR GSUNGS YANG DE RING GI SHES PA DE BDEN PAR GRUB NA, TSUGS THUB TU GRUB DGOS, DE TSUGS THUB YIN NA DE RING GI SHES PA'I NGO BOR TSUGS THUB YIN DGOS, DE YIN NA KHA SANG GI SHES PA LAS MA BYUNG DGOS, BYUNG NA NI DE RING GI SHES PA DE CHOS CAN, KHYOD TSUGS THUB MA YIN TE KHA SANG GI SHES PA LA RTEN CING 'BREL PAR 'BYUNG BA'I PHYIR GSUNGS, ` NYIN BCU DRUG PAR, BSDUS DON GYI SKABS SANGS RGYA BA LA BZHI BA'I SGO GNYIS SU MED PA LTA BU NI, RGYUD SDE BZHI'I NANG NAS RNAL 'BYOR BLA NA MED PA'I RGYUD 'DI NYID YIN, DES NA RDO RJE SLOB DPON MTSAN NYID DANG LDAN PA'I DRUNG DU DBANG BZHI RNAM PAR DAG PA THOB PA ZHIG BYAS, DAM TSIG DANG SDOM PA MIG GI 'BRAS BU BZHIN DU BSRUNGS NAS, THUN MONG BA'I LAM RIM 'DI RNAMS KYANG RNAL 'BYOR BLA NA MED BA'I LAM RIM DANG SBREL NAS, MGO BSHES GNYEN BSTEN TSUL NAS BZUNG, MJUG MI SLOB PA'I ZUNG 'JUG GI BAR STAN THOG GCIG LA NYAMS SU BLANGS NAS, DE THAMS CAD KYI SKABS SU YANG BLA MA'I RNAL 'BYOR LAM GYI SROG SHING DU BYAS PA'I SGO NAS SNYIGS DUS KYI TSE THUNG GCIG RANG LA RDO RJE 'CHANG GI GO 'PHANG MNGON DU BYAS NAS, SEMS CAN THAMS CAD KYI RE BA SKONG BA'I YID BZHIN GYI NOR BU RIN PO CHER 'GYUR BA'I 'DUN PA MDZOD GSUNGS, (7RIGS DANG DKYIL 'KHOR KUN GYI KHYAB BDAG RDO RJE
'CHANG KUN GZIGS 7PAn CHEN CHOS KYI RGYAL POS BDE LAM GYI ZAB KHRID SKU DRIN BSKYANGS SKABS, DNGOS GZHI'I DMIGS SKOR RNAMS TSIG SNA RING THUNG GI KHYAD TZAM MA GTOGS BDE LAM RTZA BA NANG BZHIN STZAL BA'I ZIN BRIS MA DGOS SHING, MTHA' DPYOD KYI GSUNG BSHAD SHIN TU RGYAS PA LUNG RIGS KYIS BRGYAN TE MDZAD PA RNAMS LAS RAGS PA THO RE LONG DE ZHIG RANG BLOR GSAL PA LAS PHAL CHER GSUNG JI BZHIN DANG 'GA' ZHIG CHIG SNA CUNG ZAD BSDUS, DE DAG GI SHES BYED LA SNGON GYI SKYES RABS DANG RTOGS BRJOD DANG GTAM RGYUD SBYAR BA RNAMS LAS NYUNG BA RNAMS GANG GSUNG LTAR DANG, MANG BA RNAMS 'GA' ZHIG PHYOGS TZAM DANG 'GA' ZHIG MING SMOS TZAM BYAS, GZHAN MA 'DI'I SHES BYED LA 'DI LTAR GSUNGS ZER BA LTA BU'I MTSAMS SBYOR GYI TSIG RNAMS MA GTOGS BSAM BZHIN DU RANG BZO BYAS PA NI GTAN NAS MED, MA RTOGS LOG RTOG THE TSOM GYI DRI MA'I SKYON GYIS GOS PA NI LOS YONG, GANG LTAR RANG GI BRJED THO DANG ZHAR LA BLA MA'I GSUNG LA GCES SPRAS BYED PA 'GA' RE LA PHAN BSAMS NAS 7RGYAL DBANG MCHOG GI 7BKA' 'BANGS KYI THA SHAL 'DU GSUM PA MI THUNG SKU SKYE'I MID CAN GYIS ZIN BRIS BYAS PA YIN, LO 'DOD DANG GRAGS 'DOD BYED DGOS MED, SHES RAB YOD NA NI GSUNG RAB KYI TSIG DON MANG PO ZHIG LA RTOG DBYOD 'JUG PA'I THABS SU YOD LA,) SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,MANG+GA LAm,, ,,