(*, ,BLA MA'I RNAL 'BYOR GYI SKOR RNAMS CHABS GCIG TU BSDEBS PA BZHUGS SO, ,) @1 #, ,AOm SVASTI, MDUN GYI NAM MKHAR RIN CHEN SENG+GE'I KHRIR, ,PADMA ZLA NYI DAR ZAB GDAN GYI STENG, ,RJE BTZUN BLO BZANG DPAL LDAN YE SHES ZHABS, ,MTSAN DPE'I DPAL 'BAR GSUM LDAN DGE SLONG TSUL, ,DE YI MTHA' SKOR DNGOS BRGYUD BLA MA DANG, ,KHYAD PAR BDAG LA DAM CHOS BDUD RTZI YI, ,BGO SKAL STZOL BA'I RTZA BA'I BLA MA DANG, ,SKYABS GSUM BSRUNG MA'I TSOGS KYIS BSKOR NAS BZHUGS, ,PHYAG 'TSAL MCHOD 'BUL SDIG LTUNG MA LUS BSHAGS, ,DGE LA YI RANG CHOS 'KHOR BSKOR BAR BSKUL, ,MYA NGAN MI 'DA' BSKAL PA RGYA MTSOR BZHUGS, ,DGE BA RDZOGS PA'I BYANG CHUB CHEN POR BSNGO, ,DENG NAS BZUNG STE BYANG CHUB SNYING PO'I BAR, ,MGON KHYOD MCHOD DANG NAM YANG MI 'BRAL ZHING, ,GSUNG GI BDUD RTZI NGOMS MED RTAG (*, ,SHING RTA'I SROL PHYE LEGS LDAN 'BYED,, *, ,RGYUD DON GSAL MDZAD AA BHY'A ZHABS, ,
, ,BTUNG NAS, ,BKA' BZHIN BSGRUB PA'I MCHOD PAS MNYES BYED SHOG ,DE NAS PHA ROL PHYIN PA DRUG LA SOGS, ,MDO SNGAGS LAM GYI BGROD PA MTHAR PHYIN NAS, ,'GRO BA'I DON DU SKU BZHI'I GO 'PHANG CHE, ,BDE BLAG NYID DU 'GRUB PAR BYIN GYIS RLOBS, ,NAM MKHA' JI SRID BAR DU MA RGAN RNAMS, ,SGROL BA'I DED DPON MCHOG TU BDAG GYUR NAS, ,YID BZHIN NOR DANG BUM PA BZANG LTA BUS, ,'GRO RNAMS RE BA YONGS SU SKONG GYUR CIG (,CES GSOL BA BTAB PAS BLA MA RNAMS 'OD DU ZHU NAS RTZA BA'I BLA MA LA THIM, RTZA BA'I BLA MA YANG DGYES BZHIN DU RANG GI SPYI BOR BZHUGS PAR BSAMS LA,) DPAL LDAN RTZA BA'I BLA MA DAM PA YIS, ,SKU GSUNG THUGS KYI SGO NAS BYIN BRLABS TE, ,MCHOG DANG THUN MONG DNGOS GRUB MA LUS PA, ,DA LTA NYID DU BDAG LA STZAL DU GSOL, (ZHES BRJOD CING? MTSAN SNGAGS BZLAB LA BRTZON PAR BYA'O, ZHES PA 'DI NI MTSO SNGON GANGS DKAR DBANG GI GO GNAS DGE SLONG BLO BZANG DAR RGYAS KYIS BSKUL BA LTAR 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,AOm SVASTI, MDUN GYI NAM MKHAR RIN CHEN SENG+GE'I KHRIR, ,PADMA ZLA NYI BRTZEGS PA'I GDAN STENG DU, ,DRIN CAN RTZA BA'I BLA MA RDO RJE 'CHANG, ,GSUM LDAN (*, ,SGRA BSGYUR CHEN PO 'GOS LO'I ZHABS, , *, ,MTSUNGS MED SA SKYA PAn CHEN ZHABS, ,)
DGE SLONG TSUL GYIS DGYES BZHIN BZHUGS, ,DNGOS SU BSHAMS DANG YID KYIS SPRUL PA LAS, ,BYUNG BA'I PHYI NANG GSANG BA'I MCHOD PA'I SPRIN, ,NAM MKHA'I KHAMS KUN YONGS SU BKANG BYAS NAS, ,DPAL LDAN BLA MA MNYES PHYIR YANG DAG 'BUL, ,GLING BZHI RI RAB RIN CHEN RNAM PA BDUN, ,BDAG GZHAN SGO GSUM LONGS SPYOD MA LUS PA, ,DUS GSUM DGE TSOGS BCAS PA 'BUL LAGS NA, ,DMIGS MED THUGS RJE'I NGANG DU YANG DAG BZHES, ,BLO BZANG RGYAL BA GNYIS PA'I RING LUGS KUN, ,SPEL MDZAD DPAL LDAN YE SHES SNYAN PA'I DBYANGS, ,SRID PA GSUM NA RAB BSGRAGS MGON PO KHYOD, ,BSKAL PA RGYA MTSO'I BAR DU BRTAN PAR BZHUGS, ,MGON KHYOD ZHAL GYI BUM BZANG LAS 'ONGS PA'I, ,DAM CHOS BDUD RTZI'I RO YIS BDAG RGYUD KYI, ,MTHA' BRAL SHES RAB RTOGS PA'I LUS BZANG PO, ,RAB RGYAS YONGS SU TSIMS PA'I DGA' STON STZOL, ,DENG NAS BZUNGS TE TSE RABS THAMS CAD DU, ,MGON KHYOD MCHOD DANG NAM YANG MI 'BRAL ZHING, ,BKA' BZHIN BSGRUB PA'I MCHOD PAS MNYES BYAS TE, ,ZUNG 'JUG RDO RJE 'CHANG DBANG MYUR THOB SHOG ,NAM MKHA' JI SRID BAR DU 'GRO KUN GYI, ,RE BA THAMS CAD YID BZHIN SKONG BA LA, ,DGOS 'DOD 'BYUNG DANG DPAG BSAM SHING BZHIN DU, ,'BAD RTZOL MED PAR LHUN GYIS 'GRUB PAR MDZOD, (CES GSOL BA BTAB PAS BLA MA DGYES BZHIN DU SPYI BOR BZHUGS PAR BSGOM MO, ZHES PA 'DI NI SOG PO SKU SKYE BLO BZANG CHOS GRAGS RGYA MTSOS BSKUL BA LTAR, 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,MDUN GYI NAM MKHAR RIN CHEN SENG+GE'I KHRIR, ,PADMA ZLA NYI 'JIGS BYED DUS MTSAN DANG, ,
, ,LHA CHEN LA SOGS DREGS LDAN STAN GYI STENG, ,RTZA BA'I BLA MA MCHOG DANG DBYER MED PA'I, ,DPAL LDAN GSANG BA 'DUS PA 'KHOR LO SDOM, ,RDO RJE 'JIGS BYED CHEN PO DKYIL 'KHOR LHA, ,DPAG MED 'KHOR TSOGS DANG BCAS BRTAN PAR BZHUGS, ,PHYI NANG GSANG BA LHAN SKYES ROL PA LAS, ,BYUNG BA'I MCHOD SPRIN NAM MKHA' GANG BA DANG, ,BDAG LUS LONGS SPYOD DGE TSOGS BCAS PA RNAMS, ,THUGS RJE CHE LDAN 'KHOR BCAS MNYES PHYIR 'BUL, ,BUM PA GSANG BA SHES RAB YE SHES DANG, ,TSIG DBANG LA SOGS DBANG BZHI'I CHU RGYUN RNAMS, ,BDAG LA NYER STZAL PHAN DANG BDE BA YI, ,DNGOS GRUB BDE BLAG NYID DU 'GRUB PAR MDZED, ,DE LTAR GSOL BTAB BLA MA'I GNAS GSUM LAS, ,DKAR DMAR MTHING GSUM BDUD RTZI'I RGYUN BZANG PO, ,RIM DANG CIG CAR BYUNG NAS BDAG NYID LA, ,THIM PAS SKU BZHI'I SA BON LEGS PAR THEBS, ,ZAB LAM RIM PA GNYIS KYI RNAL 'BYOR LA, ,MI 'GYUR TING 'DZIN BRTAN PO'I GDENGS THOB STE, ,TSE 'DI NYID LA ZUNG 'JUG RDO RJE 'CHANG,, SKU BZHI'I DBANG PHYUG KHYED RNAMS MNGON BYED SHOG, (CES GSOL BA BTAB CING GSANG BDE 'JIGS GSUM GYI SNYING PO GANG YANG RUNG BA BZLA,) DE NAS, DPAL LDAN RTZA BA'I BLA MA RIN PO CHE, (ZHES SOGS KYIS GSOL BA BTAB PAS BDE 'JIGS GNYIS DPAL GSANG BA 'DUS PA LA THIM, DPAL GSANG BA 'DUS PA BDAG NYID KYI SPYI BOR BYON TE SNYING DBUS SU SHIN TU PHRA BA'I RLUNG SEMS DANG DBYER MI PHYED PAR BZHUGS PAR BSGOM MO, ZHES PA 'DI NI AA PA KHA NAR JA SAG RTAG BRTAN PHUN TSOGS PA'I SE'I MI SNA SMAN RAM PA BSTAN PA DAR RGYAS DANG DAR KHAN NANG SO BSKAL BZANG BSTAN DAR BCAS NAS
BSKUL BA LTAR, 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'I YI GE BA NI GSOL DPON GANGS CAN MKHAN PO BLO BZANG MKHAS MCHOG GO,) ` ,,NA MO A'ARYA LO KE SHVAR'A YA, ('DIR BLA MA'I RNAL 'BYOR BSGOM PAR 'DOD PAS SKYABS 'GRO SEMS BSKYED TSAD MED BZHI BSGOM BA SNGON DU BTANG,) MDUN GYI NAM MKHAR PAD DKAR ZLA BA'I STENG, ,RTZA BA'I BLA MA MCHOG DANG DBYER MED PA'I, ,DPAL LDAN THUGS RJE CHEN PO BCU GCIG ZHAL, ,STONG PHRAG PHYAG DANG SPYAN STONG YANG DAG LDAN, ,GNAS GSUM RDO RJE GSUM MTSAN H'Um DANG HR'I:'I,, 'OD KYIS PO TA LA SOGS GNAS MCHOG NAS, ,YE SHES SPYAN DRANGS DBYER MED RO GCIG TU, ,SKYABS GSUM KUN 'DUS NGO BOR BZHUGS BAR GYUR, ,ZHING RDUL MNYAM PA'I LUS SPRUL PHYAG 'TSAL ZHING, ,KUN BZANG MCHOD SPRIN NAM MKHA' GANG BAR 'BUL, ,SNGAR BYAS SDIG TSOGS GNONG ZHING 'GYOD PAS BSHAGS, ,RANG GZHAN DGE TSOGS KUN LA RJES YI RANG, ,BSAM PA JI BZHIN CHOS KYI 'KHOR LO BSKOR, ,GANG+G'A'I RDUL SNYED BSKAL PAR BZHUGS SU GSOL, ,DGE BA RDZOGS PA'I BYANG CHUB CHEN POR BSNGO, ,RANG GZHAN DON GNYIS LHUN GYIS 'GRUB PAR MDZOD, ,THUGS KA'I HR'I:YIG MTHA' SKOR GNAS PA YI, ,SNGAGS 'PHRENG LAS BABS 'OD DANG BDUD RTZI CHES, ,NAD GDON SDIG SGRIB MA LUS KUN BYANG ZHING, ,DNGOS GRUB MA LUS BDE BLAG THOB PAR GYUR; (CES BRJOD CING YIG DRUG DANG THUGS RJE CHEN PO'I GZUNGS SNGAGS GANG MANG BZLA, DE NAS,) DPAL LDAN BLA MA THUGS RJE'I GTER CHEN PO, ,KHYOD KYIS DENG NAS BYANG CHUB SNYING PO'I BAR, ,DGYES BZHIN THUGS RJE'I LCAGS KYUS NYER BZUNGS NAS, ,BDAG GI RGYUD LA LEGS
, ,PAR BYIN GYIS RLOBS, ,NGES PAR 'BYUNG DANG BYANG SEMS YANG DAG LTA, ,PHYIN DRUG BSDUB BZHI DANG KHYAD PAR DU, ,ZHI LHAG ZUNG DU 'BREL BA'I RTOGS PA RNAMS, ,MYUR DU RGYUD LA SKYE BAR BYIN GYIS RLOBS, ,ZAB LAM RDO RJE THEG PA'I RNAL 'BYOR CHE, ,SNOD BCUD ZAB GSAL LHA YI RNAM ROL DU, ,YONGS SU SHAR BAS THA MAL SNANG ZHEN KUN, ,RAB SBYANGS BSAM GTAN MNGON DU 'GYUR BAR SHOG ,ZAG BCAS NYE BAR LEN PA'I PHUNG PO LNGA, ,YE SHES ME CHEN 'OD KYIS DBYINGS SBYANGS PA'I, ,MTSAN DPA'I DPAL 'BAR SKU GNYIS ZUNG 'JUG LHA, ,MGON KHYOD BDE BLAG NYID DU 'GRUB PAR SHOG (,CES DANG GZHAN YANG BSNGO BA SMON LAM JI LTAR RIGS BA BYAS MTHAR BLA MA LHA DGYES BZHIN DU BDAG NYID LA THIM PAS BDAG NYID 'PHAGS PA THUGS RJE CHEN PO'I SKUR GYUR PAR BSGOM MO, ZHES PA 'DI NI SMYUNG GNAS BLA MA BLO BZANG BKRA SHIS KYIS BSKUL BA'I NGOR, 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,AOm SVASTI, MDUN GYI NAM MKHAR RIN CHEN SENG+GE'I KHRIR, ,PADMA ZLA NYI BRTZEGS PA'I GDAN STENG DU, ,RJE BTZUN BLO BZANG DPAL LDAN YE SHES ZHABS, ,GSUM LDAN RDO RJE 'DZIN PA'I DGE SLONG TSUL, ,ZHAL GCIG PHYAG GNYIS CHOS 'CHAD MNYAM GZHAG CAN, ,BLA MA YI DAM SANGS RGYAS BYANG SEMS DANG, ,DPA' BO MKHA' 'GRO CHOS SKYONG BSRUNG MA'I TSOGS, , SKYABS GSUM KUN 'DUS NGO BOR BZHUGS PAR GYUR, ,BDAG LUS GRANGS MED SPRUL NAS PHYAG BGYI ZHING, ,DNGOS BSHAMS YID SPRUL MCHOD PA MA LUS 'BUL, ,SDIG LTUNG KUN BSHAGS DGE LA RJES YI RANG, ,'GRO LA THEG CHEN CHOS KYI
'KHOR LO BSKOR, ,MYA NGAN MI 'DA' BSKAL BRGYAR BZHUGS SU GSOL, ,BDAG GI DGE BA'I RTZA BA 'DI DAG KUN, ,MAR GYUR 'GRO RNAMS SDUG BSNGAL LAS SGROL PHYIR, ,BSOD NAMS YE SHES TSOGS GNYIS YONGS RDZOGS PA'I; ;BYANG CHUB DAM PA THOB PA'I RGYU RU BSNGO, SKABS 'DIR BLA MA'I MTSAN SNGAGS SOGS GSOL 'DEBS KYI RIGS BZLA, DE NAS 'DI LTAR GSOL BA BTAB STE,) DENG NAS BZUNGS TE BYANG CHUB SNYING PO'I BAR, ,MGON KHYOD DGYES PA CHEN POS RJES BZUNGS NAS, ,DAM CHOS BDUD RTZI'I DGA' STON LEGS MYANGS TE, ,SHES NYON SGRIB PA MA LUS BYANG BAR SHOG ,DE NAS SA BCU LAM LNGA'I BGROD PA RNAMS, ,MA LUS MTHAR PHYIN SKU BZHI YE SHES LNGA'I, ,GO 'PHANG DAM PA MNGON DU BYAS NAS KYANG, ,NAM MKHA' JI SRID 'GRO BA'I DON BYED SHOG ,BDE 'BYUNG GNAS MCHOG DPAL LDAN GRUB PA'I SA, ,KEE LA SHA YI GRONG KHYER NYAMS DGA' BAR, ,RIGS LDAN ROL PAS 'GRO KUN RJES 'DZIN TSE, ,'KHOR GYI THOG MAR 'GYUR BAR BYIN GYIS RLOBS, ,DE LTAR GSOL BA BTAB PAS BLA MA LHA, ,DGYES BZHIN RANG GI SPYI BO NAS BYON TE, ,SNYING DBUS 'DAB BRGYAD AA WA DH'U T'I'I NANG, ,RLUNG SEMS DBYER MED NGO BOR BZHUGS PAR GYUR, (CES BRJOD CING SPYOD LAM THAMS CAD DU BLA MA LHA'I RNAL 'BYOR DANG MA BRAL BAR BYA'O, ZHES PA 'DI NI DAD STOBS KYIS MNGON PAR 'PHAGS PA TRE BO BRAG MGO DPON TSE BRTAN NOR BU DANG DBANG RGYAL TSE BRTAN GNYIS KYIS KHA 'DON DU BSKUL BA LTAR, 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,) ,DGE
, ,LEGS 'PHEL,, ` ,,NA MO GU RU MANYDZU GHOsh'A YA, RANG GI MDUN GYI NAM MKHA'I MKHA' DBYINGS DBUS, ,RIN CHEN KHRI DANG CHU SKYES NYI ZLA SOGS, ,KUN BZANG MCHOD SPRIN RGYA MTSO 'KHRIGS PA'I DBUS, ,RGYAL BA KUN DNGOS BLO BZANG GRAGS PA'I DPAL, ,SRID ZHI'I GTZUG RGYAN RGYAL DBANG THAMS CAD MKHYEN, ,SNANG MTHA'I GAR ROL PAn CHEN RDO RJE 'CHANG, ,BYANG CHUB SEMS LA MNGA' 'BYOR CHOS BZANG RJE, ,MTHU STOBS DBANG PHYUG 'JIGS MDZAD DPA' BO'I RGYAL, ,BSTAN BSRUNG PHYAG DRUG MGON PO LAS GSHIN RNAMS, ,RANG RANG 'KHOR TSOGS DANG BCAS DGYES BZHIN BZHUGS, ,ZHING RDUL MNYAM PA'I LUS KYIS LEGS BTUD NAS, ,PHYAG 'TSAL MCHOD 'BUL SDIG LTUNG KUN BSHEGS SHING, ,DGE LA YI RANG CHOS 'KHOR BSKOR BAR BSKUL, ,MYA NGAN MI 'DA' BSKAL PA RGYA MTSO'I BAR, ,LEGS PAR BZHUGS GSOL DGE TSOGS BYANG CHEN BSNGO, ,DENG NAS BZUNG STE BYANG CHUB SNYING PO'I BAR, ,BLA MA YI DAM CHOS BSRUNG KHYED RNAMS KYIS, ,THUGS RJE'I LCAGS KYUS 'BRAL MED RJES BZUNGS NAS, ,DNGOS GRUB RNAM GNYIS BDE BLAG NYID DU STZOL, ,THA MAL SNANG NGOR GZUGS SKU'I ZA MA TOG ,STON MDZAD KHYAB BDAG DPAL LDAN BLA MA RNAMS, ,ZHABS KYI PADMO SRID PA'I MTHA' JI SRID, ,BRTAN PAR BZHUGS NAS CHOS KYI 'KHOR LO BSKOR, ,ZHVA SER COD PAN 'CHANG BA'I RING LUGS CHE, ,MI NUB PHYOGS DUS KUN TU RGYAS PA DANG, ,DE YI MTHU LAS BDAG CAG MA LUS PA'I, ,BSAM DON CHOS
BZHIN 'GRUB PAR BYIN GYIS RLOBS, ,TSE RING NAD MED LONGS SPYOD MNGA' THANG RGYAS, ,DPAL 'BYOR LEGS TSOGS YAR NGO'I ZLA BZHIN 'PHEL, ,MI MTHUN PHYOGS RNAMS MA LUS ZIL MNAN TE, ,THUB BSTAN SNYING PO SPYI BOS MCHOD NUS SHOG ,NGES 'BYUNG BYANG CHUB SEMS DANG YANG DAG LTA, ,ZAB LAM RIM PA GNYIS KYI RTOGS PA RNAMS, ,MNGON DU BYAS NAS RING MIN MGON KHYOD KYI, ,GO 'PHANG BDE BLAG NYID DU THOB BAR SHOG ,DE LTAR GSOL BTAB BLA MA LHA TSOGS RNAMS, ,'OD DU ZHU NAS 'JAM MGON BLA MA YI, ,NGO BOR RAB GYUR RTZA BA'I BLA MA DE, ,RTAG TU BDAG GI SPYI BOR BZHUGS PAR GYUR, (CES BRJOD CING, DE BZHIN DU BSGOM PA LA NAN TAN DU BYA'O, ZHES PA 'DI NI MTSO SNGON GANGS DKAR DBANG GI THU SA LAG CHI YE SHES DAR RGYAS KYIS BSKUL BA LTAR SH'AKYA'I DGE SLONG BLO BZANG DPAL LDAN YE SHES KYIS SBYAR BA'O,,) ` ,,AOm SVASTI, 'DIR BLA MA'I RNAL 'BYOR BSGOM PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG, SVA BH'A WAS STONG PAR SBYANGS, STONG PA'I NGANG LAS MDUN GYI NAM MKHA'I DBYINGS, ,BLA MA MCHOG DANG DBYER MED SKYABS GSUM RJE, ,BYAMS MGON THUGS RJE'I GTER CHEN LONGS SPYOD RDZOGS, ,LI KHRI'I LHUN PO NYIN BYED BYE BA YIS, ,'KHYUD PA JI BZHIN MTSAN DPE'I GZI 'OD 'BAR, ,PHYAG GNYIS CHOS 'CHAD MNYAM GZHAG PHYAG RGYA CAN, ,RE 'GA' PHYAG G-YAS DAR DKAR G-YAB MO YIS, ,'GRO KUN DGA' LDAN GNAS SU BDE BLAG 'DREN, ,PHYAG G-YON RIL BAS MTSAN PA'I KLU SHING 'DZIN, ,RIN CHEN RGYAN DANG DAR GYI NA BZAS KLUBS, ,'OD
, ,ZER BYE BA 'PHRO BZHIN DGYES PAR BZHUGS, ,DE YI GNAS GSUM RDO RJE GSUM YIG GIS, ,MTSAN PA'I THUGS KA'I H'Um YIG 'OD ZER GYIS, ,RANG BZHIN GNAS NAS BSGOM PA DANG 'DRA BA'I, ,YE SHES SPYAN DRANGS DBYER MED RO GCIG GYUR, ,DBANG LHAS DBANG BSKUR RIGS LNGAS DBU LA BRGYAN, ZHES LEGS PAR BSGOMS, DE NAS BZANG SPYOD NAS 'BYUNG BA'I YAN LAG BDUN PA DANG LTUNG BSHAGS MAndAL SOGS LEGS PAR BYAS TE BSOD NAMS KYI TSOGS GSOG ,DE NAS BYAMS MGON GYI THUGS KA NAS BDUD RTZI'I RGYUN BABS BDAG NYID KYI LUS LA THIMS PAS BYIN GYIS BRLABS PAR BSAM LA BYAMS PAS DAM BCAS PA'I GZUNGS DANG, AOm A'A:MEE TRI H'Um, ZHES PA DANG BLA MA'I MTSAN SNGAGS RNAMS GANG MANG BZLA, DE NAS GSOL BA 'DI LTAR BTAB STE, SRID ZHI'I MTHA' LAS 'DAS PA'I RDO RJE 'CHANG, ,THUGS RJE'I GTER GYUR RJE BTZUN BYAMS MGON CHE, ,MGON KHYOD BRTZE BA'I YE SHES LCAGS KYU YIS, , 'GRO 'DI BDE BLAG NYID DU BZUNG DU GSOL, ,NGES 'BYUNG BYANG SEMS YANG DAG LTA BA YI, ,RTOGS PA MA LUS BDAG GI RGYUD SKYES NAS, ,'KHOR BA LAS 'DAS MYA NGAN 'DAS PA YI, ,GO 'PHANG 'GRO KUN DON DU MNGON BYED SHOG ,SEMS NYID GDOD NAS RANG BZHIN 'OD GSAL BA, ,SNA TSOGS DRAN PA'I 'PHRENG BA BRGYUS PA 'DI, ,CHA SHAS BSAL TSE RANG BZHIN STONG PA'I GNAS, ,CHOS NYID NGO BO MNGON DU BYED PAR SHOG ,RIM PA GNYIS KYI RTOGS PA LEGS SKYES TE,,
RLUNG SEMS DBYER MED 'JA' TSON RDO RJE'I SKU, ,TSE 'DIR MNGON DU GYUR NAS MKHA' KHYAB KYI, ,'GRO 'DI SGROL BA'I DED DPON BYED GYUR CIG ,CES GSOL BA BTAB PAS, DGA' LDAN GYI GNAS SU 'GRO BA'I LAM RTAG TU YANGS POR YOD PA SGOMS SHING, DE NYID LA 'GRO BA DANG BYANG CHUB SEMS DPA'I LUS SU GYUR PA DANG BYAMS MGON DANG NAM MKHA' DRI MA MED PA DANG, 'JAM DPAL SNYING PO RNAMS DANG MJAL TE GSUNG GI BDUD RTZI MYONGS SHING RTOGS PA KHYAD PAR CAN SKYES PA SOGS LA BLO YANG DANG YANG DU SBYANG BAR BYA'O, (ZHES PA 'DI NI BKA' BCU BLO BZANG 'BYUNG GNAS KYIS BSKUL BA LTAR 7SH'AKYA'I DGE SLONG BLO BZANG DPAL LDAN YE SHES KYIS SBYAR BA'I YI GE PA NI NYE 'KHOR BA MKHAN PO BLO BZANG MKHAS MCHOG GO ,BDE LEGS SU GYUR CIG ,) ` ,,'DIR BLA MA'I RNAL 'BYOR BSGOM PAR 'DOD PAS, SKYABS SEMS SNGON DU BTANG, MDUN GYI NAM MKHAR RTZA BA'I BLA MA DANG, ,DBYER MED RGYAL BA GNYIS PA TZONG KHA PA, ,GANG GI NGO BO DPAL LDAN GSHIN RJE'I GSHED, ,'JIGS MDZAD RDO RJE ZHAL DGU PHYAG SO BZHI, ,KHAMS GSUM MA LUS SKAD CIG GIS ZA BA'I, ,SKU CHEN YE SHES ME DPUNG 'BAR BA'I DBUS, ,DGYES BZHIN DNGOS GRUB STZOL PA'I TSUL GYIS BZHUGS, ,PHYAG 'TSAL MCHOD 'BUL SDIG LTUNG MA LUS BSHAGS, ,DGE LA YI RANG CHOS 'KHOR BSKOR BAR BSKUL, ,MYA NGAN MI 'DA' BSKAL BRGYAR BZHUGS GSOL 'DEBS, ,DGE BA RDZOGS PA'I BYANG CHUB CHEN POR BSNGO, ,DE LTAR GSOL BTAB BLA MA'I GNAS GSUM LAS, ,BDUD RTZI 'OD ZER DKAR DMAR MTHING
, ,KHA GSUM, ,RIM DANG CIG CAR BYUNG NAS BDAG NYID LA, ,THIM PAS DBANG BZHI THOB CING SKU BZHI 'GRUB, ,RANG GI LUS NGAG YID GSUM SKU GSUNG THUGS, ,RDO RJE GSUM DANG SGYU 'OD ZUNG GSUM GYI, ,GO 'PHANG TSE 'DIR BDE BLAG NYID 'GRUB PA'I, ,BYIN RLABS SA BON BRTAN PO THEBS PAR GYUR, CES BRJOD CING, SKABS 'DIR BLA MA'I MTSAN SNGAGS DANG YI DAM GYI GZUNGS SNGAGS SOGS GANG MANG BZLA, DE NAS MAndAL ZHIG PHUL LA, DENG RAS BZUNG STE BYANG CHUB SNYING PO'I BAR, ,MGON KHYOD MCHOD DANG KHYOD GSUNG NYAN PA DANG, ,BKA' BZHIN BSGRUB PA'I MCHOD PAS MNYES BYAS TE, ,SRAS KYI THU BOR 'GYUR BAR BYIN GYIS RLOBS, ,NGES 'BYUNG BYANG CHUB SEMS DANG YANG DAG LTA,, ZAB LAM RIM PA GNYIS KYI RTOGS PA RNAMS, ,TSE 'DIR MNGON DU GYUR NAS MGON KHYOD KYI, ,GO 'PHANG BDE BLAG NYID DU THOB PAR MDZOD, ,JI SRID KUN GSAL BGROD PA MCHAD PA, ,DE SRID 'GRO BA'I DON CHEN BGYID PA LA, ,KUN BZANG 'JAM PA'I DBYANGS DANG SHA'KYA'I RGYAL, ,JI LTA BU YI MTHU STOBS NYID THOB SHOG ,CES GSOL BA BTAB PAS BLA MA LHA DGYES BZHIN DU RANG GI SPYI BO NAS ZHUGS TE SNYING DBUS SU SHIN TU PHRA BA'I RLUNG SEMS DANG NGO BO DBYER MED DU BZHUGS PAR BSGOM MO, ZHES BYA BA NI BLA MA'I RNAL 'BYOR RO, CES PA 'DI NI THOR KHOD A'A YU shE RGYAL PO'I RIGS LAS DANG STOBS GTONG BA SOGS YON TAN DU MAS MNGON PAR 'PHAGS PA'I PA'I LE DBANG CHAL TSE RING NAS BSKUL MA MDZAD PA LTAR 7SH'AKYA'I DGE SLONG BLO BZANG DPAL
LDAN YE SHES KYIS SBYAR BA'I YI GE PA NI MKHAN PO BLO BZANG MKHAS MCHOG GO ,DGE LEGS 'PHEL,, ` ,,NA MO GU RU, 'DIR 'DI PHYI THAMS CAD KYI 'DOD PA'I DON RNAMS BDE BLAG TU 'GRUB PA'I PHYIR LAM ZAB MO BLA MA LHA'I RNAL 'BYOR NYAMS SU LEN PAR 'DOD PAS YID MTHUN GYI GNAS SU BDE BA'I BSTAN LA 'DUG NAS, MDUN GYI NAM MKHAR BLA MA BCOM LDAN 'DAS RDO RJE 'JIGS BYED LA BLA MA YI DAM SANGS RGYAS BYANG CHUB SEMS DPA'I TSOGS KYIS BSKOR BA BZHUGS PA LA DMIGS NAS DUS DENG NAS BZUNG STE RDZOGS PA'I SANGS RGYAS MA THOB KYI BAR DU SHI GSON SKYID SDUG JI LTAR BYUNG YANG MGON PO KHYED RNAMS LA SKYABS SU MCHI'O SNYAM PA'I 'DUN PA DRAG POS BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,DPAL RDO RJE 'JIGS BYED CHEN PO'I LHA TSOGS 'KHOR DANG BCAS PA RNAMS LA, ,DPAL MGON DAM PA CHOS SKYONG BA'I BSRUNG MA YE SHES KYI SPYAN DANG LDAN PA RNAMS LA SKYABS SU MCHI'O, ZHES PA LAN GSUM, SANGS RGYAS CHOS DANG, SOGS LAN GSUM GYIS SKYABS SU 'GRO ZHING SEMS BSKYED, NAM MKHA'I TSOGS ZHING RNAMS 'OD DU ZHU NAS BLA MA RDO RJE 'JIGS BYED LA THIM, BLA MA LHA RANG LA THIM PAS BYIN GYIS BRLABS PAR BSAM, MAR GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL
, ,BAR GYUR CIG ,SEMS CAN THAMS CAD SDUG BSNGAL MED PA'I BDE BA DANG MI 'BRAL BAR GYUR CIG ,SEMS CAN THAMS CAD NYE RING CHAGS SDANG DANG BRAL BA'I BTANG SNYOMS TSAD MED PA LA SEMS GNAS PAR GYUR CIG ,CES TSAD MED BZHI BSGOM, DE NAS, AOm SVA BH'A WA SHUDDH'A: SARBA DHARM'A: SVA BH'A WA SHUDDHONYHAm, STONG PA NYID DU GYUR, STONG PA'I NGANG LAS RANG GI SPYI BOR SENG GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PAD ZLA NYI MA'I DKYIL 'KHRO GYI GDAN LA NGO BO RANG GI DRIN CAN RTZA BA'I BLA MA YIN PA LA, RNAM BA BCOM LDAN 'DAS DPAL RDO RJE 'JIGS BYED CHEN PO SKU MDOG MTHING NAG ZHAL DGU PHYAG SO BZHI, ZHABS BCU DRUG PA SEMS DPA' GSUM BRTZEGS KYI BDAG NYID CAN ME DPUNG RAB TU 'BAR BA'I KLONG DKYIL NA BZHUGS PA'I SPYI BOR DPAL RDO RJE 'JIGS BYED DKAR PO, MGRIN PAR DMAR BO, THUGS KAR SNGON PO, LTE GAR SER PO, GSANG GNAS SU LJANG KHU RNAMS KYIS MTSAN PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD 'PHROS SGOM PA DANG 'DRA BA'I YE SHES PA LA BLA MA YI DAM SANGS RGYAS BYANG SEMS DPA' BO MKHA' 'GRO'I TSOGS KYIS BSKOR BA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS PHYOGS BCU'I SANGS RGYAS BSKAL BZANG GI RNAM 'DREN STONG RGYUD
SDE BZHI'I LHA TSEGS 'PHAGS PA'I GNAS BRTAN BCU DRUG LA SOGS PA'I NYAN THOS DANG RANG RGYAL CHOS SKYONG BSRUNG MA'I TSOGS DANG BCAS PA SPYAN DRANGS TE THIMS PAS SKYABS GSUM KUN 'DUS KYI BDAG NYID CAN DU GYUR, SLAR YANG THUGS KA'I H'Um GI 'OD ZER GYIS DBANG GI LHA RNAMS SPYAN DRANGS, MNGON PAR DBANG BSKUR DU GSOL ZHES GSOL BA BTAB PAS BUM PA'I CHUS SPYI BO NAS DBANG BSKUR, DBANG GI CHUS LUS THAMS CAD GANG, BDE BA CHEN PO MYONG, DRI MA THAMS CAD DAG CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, GANG GI DRIN GYIS BDE CHEN NYID, ,SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA'I, ,RDO RJE 'JIGS BYED LA PHYAG 'TSAL, ` ,AOm SVA STI, PHYOGS BCU'I ZHING NA BZHUGS PA'I SANGS RGYAS DANG, ,DE SRAS KUN 'DUS RTZA BA'I BLA MA MCHOG ,RJE BTZUN BLO BZANG DPAL LDAN YE SHES ZHABS, ,BDAG LA DGYES BZHIN MDUN GYI NAM MKHAR BZHUGS, ,PHYAG 'TSAL MCHOD 'BUL SDIG LTUNG MA LUS BSHAGS,, DGE LA YI RANG CHOS 'KHOR BSKOR BAR BSKUL, ,MYA NGAN MI 'DA' BSKAL BRGYAR BZHUGS GSOL 'DEBS, ,DGE RNAMS RDZOGS PA'I BYANG CHUB CHEN POR BSNGO, ,DENG NAS BZUNG STE SANGS RGYAS MA THOB BAR, ,MGON KHYOD DGYES BZHIN
, ,'BRAL MED RJES BZUNGS NAS, ,SKU GSUNG THUGS KYI GSANG BA MA LUS PA, ,'DZIN PA'I SRAS KYI THU BOR 'GYUR BAR SHOG ,RJES SU BSTAN PA'I DAM CHOS BDUD RTZI'I BCUD, ,MA LUS TSUL BZHIN NYAMS SU BLANGS PA LAS, ,NYON MONGS BAG CHAGS BCAS PA DRUNG PHYUNGS TE, ,DPAG MED YON TAN RGYA MTSOR MNGA' 'BYOR SHOG ,KHYAD PAR KA L'A PA YI GRONG KHYER CHER, ,SA CHEN DUM BU BCU GNYIS KHYON RNAMS LA, ,BDE GSHEGS LAM BZANG GSAL MDZAD 'KHOR LO CHER, ,GYUR TSE 'KHOR GYI THOG MAR RJES SU ZUNGS, ,DE YI DUS SU DANG PO'I SANGS RGYAS KYI, ,PHYI NANG GZHAN GSUM GNAD RNAMS MA LUS PA, ,MNGON DU BYAS NAS STONG GZUGS PHYAG RGYA CHE, ,DPAL LDAN DUS KYI 'KHOR LO'I GO 'PHANG STZOL, ,DE LTAR GSOL BTAB DGYES BZHIN BLA MA LHA, ,SPYI BO NAS ZHUGS SNYING DBUS MI SHIGS PA'I, ,RLUNG SEMS ZUNG 'JUG RDO RJER BYIN GYIS RLOBS, ,RANG NYID BLA MA LHA YI NGO BOR GYUR, CES BRJOD CING RANG NYID BLA MA LHA GANG YANG RUNG BA'I RNAL 'BYOR LA GNAS BZHIN BA'I NGANG NAS 'DI LTAR GSOL BA GDAB STE, DENG NAS TSE RABS KUN TU THEG MCHOG GI ,LAM BZANG BSGRUB PA'I DGE BA'I BSHES GNYEN DANG, ,MI 'BRAL BKA' BZHIN BSGRUBS BAS MNYES BYAS NAS, ,DAL 'BYOR DON LDAN BYED PAR BYIN GYIS RLOBS, ,SKYES BU GSUM GYI LAM GYI RIM PA RNAMS, ,TSUL BZHIN NGES
NAS DE DON BSGRUB PA LA, ,BRTZON PAR BGYIS BAS BYANG CHUB SEMS MCHOG GNYIS, ,BDE BLAG RGYUD LA SKYE BAR BYIN GYIS RLOBS, ,KHYAD PAR PHYI NANG GZHAN GSUM GNAD ZAB MO, ,RDO RJE'I LUS GNAS YONGS SU RTOGS PA YI, ,DPAL LDAN DUS KYI 'KHOR LO'I BSKYED RIM DANG, ,RDZOGS PA'I RIM PA RGYUD LA SKYE BAR SHOG ,SKYE 'CHI BAR DO SBYONG BA'I GNAD ZAB MO, ,YAN LAG DRUG GI SMIN BYED RAB SGOM ZHING, ,THA MAL SNANG ZHEN DAG BYED RNAL 'BYOR GYIS, ,RIM PA DANG PO'I RTOGS PA MTHAR PHYIN SHOG ,RDO RJE RNAL 'BYOR SBYOR BA YAN LAG DRUG ,BSGOM PAS SROG RTZOL DBU MAR LEGS TSUD DE, ,DKAR DMAR DH'U T'I'I NANG DU LEGS BRTZEGS TE, ,BEM CHOS ZAD CING STONG GZUGS MYUR 'GRUB SHOG , GAL TE TSE 'DIR LAM BZANG MCHOG DE RNAMS, ,MNGON DU MA BYAS 'CHI BA'I DUS GYUR TSE, ,NOR BU'I GRONG KHYER BYANG PHYOGS KA L'A PAR, ,RIG SNGAGS SPYOD PA'I RTEN BZANG THOB PAR SHOG ,DE NAS RIGS LDAN BLA MA'I GSUNG GI TSOGS, LEGS PAR NYAMS SU BLANGS PA'I MCHOG GI LAM, ,DE RNAMS BDE BLAG NYID DU MNGON BYAS NAS, ,RDZOGS PA'I SANGS RGYAS MYUR DU THOB PAR SHOG ,SMRA MKHAS RTA MCHOG RDO RJE'I TING 'DZIN GYIS, ,PHYI DANG GSANG BA'I KLA KLO DRUNGS 'BYIN PA'I, ,'KHOR LO CAN GYI ROL PA NYER SHAR TSE, ,RGYAL BA'I CHOS TSUL ZAB MO 'BYIN PAR SHOG ,GZHAN YANG GNAS SKABS TSE 'DIR NAD MED CING, ,BDE SKYID PHUN TSOGS CHOS DANG 'BYOR PA RGYAS, ,JI LTAR SMON PA'I DON RNAMS 'GRUB
, ,PA SOGS, ,BKRA SHIS RGYA MTSOS PHYOGS KUN KHYAB GYUR CIG ,CES PA 'DI NI YONGS KYI DGE BA'I BSHES GNYEN MDUN NAG ZHABS DRUNG GIS BSKUL BA LTAR 7SH'AKYA'I DGE SLONG BLO BZANG DPAL LDAN YE SHES KYIS ZHE HOR PHO BRANG CHEN PO'I NYE 'DABS BKRA SHIS LHUN PO'I DGON GNAS SU SBYAR PA'O,, ` ,,AOm SVASTI, CHOS KUN GDOD NAS RNAM DAG MKHA' DBYINGS NGOS, ,SENG GE BRGYAD KYIS NYER BTEG RIN CHEN KHRIR, ,RTZA BA'I BLA MA GSUM LDAN RDO RJE 'DZIN, ,RGYAL BA KUN GYI NGO BOR YANG DAG BZHUGS, PHYAG 'TSAL MCHOD 'BUL SDIG LTUNG MA LUS BSHAGS, ,DGE LA YI RANG CHOS 'KHOR BSKOR BAR BSKUL, ,MYA NGAN MI 'DA' BSKAL BRGYAR BZHUGS GSOL 'DEBS, ,DGE RNAMS MAR GYUR DON DU RDZOGS BYANG BSNGO ,DENG NAS BZUNGS TE TSE RABS THAMS CAD DU, ,MGON KHYOD MNYES PA GSUM GYIS MNYES BYAS NAS, ,GSUNG GI GSANG BA LAS BYUNG DAM CHOS KYI, ,BDUD RTZI'I RGYUN BZANG RTAG TU 'THUNG BAR SHOG ,DE YI MTHU LAS LAS DANG NYON MONGS PA'I; ;SGRIB TSOGS BAG CHAGS BCAS PA DRUNG PHYUNGS TE, ,SKU BZHI'I BDAG NYID DPAL LDAN RDO RJE 'CHANG, ,KHYOD KYI GO 'PHANG MNGON DU BYED PAR SHOG ,DE LTAR GSOL BTAB BLA MA'I GNAS GSUM LAS, ,BDUD RTZI DKAR DMAR MTHING GSUM RGYUN BYUNG STE, ,BDAG GI LUS NGAG YIN GSUM LA THIMS PAS, ,DBANG BZHI THOB CING SKU BZHI'I NUS PA BZHAG, SLAR YANG BLA MA LHA MCHOG DGYES BZHIN DU, ,BDAG DANG DBYER MED GYUR PAS SENG KHRI'I STENG, ,RANG
NYID BLA MA LHA MCHOG TU GYUR NAS, ,'GRO RNAMS BDE BLAG SGROL BA'I SKAL LDAN GYUR, CES BRJOD CING, BLA MA'I MTSAN SNGAGS DANG BSTOD PA SOGS GANG MANG 'DON, SPYOD LAM THAMS CAD DU BLA MA LHA'I NGA RGYAL DANG MA BRAL BAR BYA'O; ZHES PA 'DI NI AA PA KHA NAR PA'I SE RTAG BRTAN PHUN TSOGS KYI SHOG NAS AER TE NI DAR KHAN NO YON THEN BSTAN PA RGYAL MTSAN DANG THA'I RJES SU KHA SHR'I GNYIS KYIS BSKUL BA LTAR SHA'KYA'I DGE SLONG BLO BZANG DPAL LDAN YE SHES KYIS MKHAR CHEN DBANG GI SHOG AUL TSUS THU THO KHOS ZHES PA'I LAM THOG SGAR THOG TU SBYAR BA'O,, ,,SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,MANG+GALAm,, ,,