, ,MGON DKAR YID BZHIN NOR BU'I GTOR CHOG DGE LEGS KUN 'BYUNG ZHES BYA BA BZHUGS,,
, ,NA MO GU RU MAH'A K'A L'A YA, MKHYEN BRTZE'I BDAG NYID SPYAN RAS GZIGS DBANG GI ,RNAM SPRUL YID BZHIN NOR BU 'KHOR DANG BCAS, ,MCHOD CING SGRUB PA'I CHOG BSGRIGS MDOR BSDUS TSUL, ,MKHAS MCHOG DAM PA'I DGONGS DON BZHIN DU BRI, DE YANG RDOR DRIL THOD RNGA SOGS DANG, PHYI NANG GI MCHOD GTOR YO BYAD RNAMS PHYAG LEN LTAR TSOGS PAR BYAS LA, RANG NYID YI DAM GANG RUNG NGAM MGON PO 'DI NYID KYI RNAL 'BYOR LA GNAS PAS NANG MCHOD DANG MCHOD RDZAS RNAMS BSANGS SBYANGS PHYIN GYIS BRLABS LA, RTEN BSKYED PA NI, LAS SNGAGS KYIS BSANGS, AOm SVA BH'A WA SHUDDHA: SARBA DHARM'A: SVA BH'A WA SHUDDHONYHAm, CHOS THAMS CAD RANG BZHIN GYIS GRUB PAS STONG PA'I STONG PA NYID DU GYUR, STONG PA'I NGANG LAS, MDUN DU PAm LAS PADMA DANG, RAm LAS NYI MA'I DKYIL 'KHOR GYI STENG DU, GAm LAS NOR BDAG PHO MO LAG LDAN
, ,GYI GDONG CAN DKAR PO, PHYAG G-YAS RIN PO CHES GANG BA'I THOD PA DANG, G-YON LA PHUG BSNAMS PA, DE'I STENG DU H'Um YIG DKAR PO LAS RIN PO CHE DBANG GI RGYAL PO H'Um GIS MTSAN PA, DE LAS 'OD ZER PHYOGS BCUR 'PHROS, 'PHAGS PA RNAMS MCHOD, KHAMS GSUM GYI SKYE RGU MA LUS PA'I DBUL PHONGS KYI SDUG BSNGAL BSAL, SRID PA DANG ZHI BA'I DPAL 'BYOR THAMS CAD BSDUS NAS PHYAG MTSAN SA BON DANG BCAS PA LA THIM, DE YONGS SU GYUR PA LAS, MGON PO YID BZHIN GYI NOR BU SKU MDOG DKAR LA DMAR BA'I MDANGS DANG LDAN PA, KHRO 'DZUM SGEG PA'I NYAMS CAN, ZHAL GCIG PHYAG DRUG GI G-YAS GSUM NA RIM PA BZHIN DGOS 'DOD STZOL PA'I RIN PO CHE DBANG GI RGYAL PO DANG, PHONGS PA'I SDUG BSNGAL GCOD PA'I GRI GUG DANG, MKHA' 'GRO DBANG DU SDUD PA'I CANG TE'U BSNAMS SHING, G-YON PAS RIM PA BZHIN RIN PO CHE DU MAS GANG BA'I THOD BUM DKU G-YON PA LA BRTEN NAS MKHO DGU'I 'BYOR PA SPEL BA, SKYE 'GRO ZIL GYIS GNON PA'I RTZE GSUM DANG, DPAL 'BYOR DBANG DU SDUD PA'I LCAGS KYU 'DZIN PA, SPYAN GSUM DANG LDAN ZHING, SMIN MA DANG SMA RA DMAR SER ME LTAR
'BAR BA, DBU SGRA KHAM SER GYEN DU BRJES SHING, SPYI BOR BLA MA MI BSKYOD RGYAL POS BRGYAN PA, DPRAL BAR SINDHU RAS BYUGS SHING, RIN PO CHE SNA TSOGS LAS GRUB PA'I DBU BRGYAN, SNYAN RGYAN, MGUL RGYAN, PHYAG GDUB ZHABS GDUB LA SOGS PA'I RIN PO CHE'I RGYAN SNA TSOGS KYIS SBRAS SHING, LHA RDZAS KYI NA BZA'I STONG G-YOGS DANG, SMAD G-YOGS LHAB LHUB GSOL BA, RIN PO CHE'I GZAR BU DANG, GSER GYI DRIL BU G-YER KHAS SPA ZHING, ZHABS GNYIS 'GRO 'PHRO LA 'CHOMS PA LTA BU ME DPUNG RAB TU 'BAR BA'I DBUS NA, 'KHOR MKHA' 'GRO DANG, GNOD SBYIN DANG, NOR BDAG MANG POS BSKOR NAS BZHUGS PA'I THUGS KAR DBANG SDUD KYI MKHA' 'GRO SDE LNGA BZHUGS PA, GTZO 'KHOR THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PA, THUGS KA'I H'Um YIG GI 'OD ZER GYIS, SHAR LHO BSIL BA'I TSAL GYI DUR KHROD, SHING TZANDAN RKANG GCIG GI DRUNG NA BZHUGS PA'I MGON PO BAR GCOD KUN SEL GYI THUGS KA NAS, MGON BO YID BZHIN GYI NOR BU LA MKHA' 'GRO DANG GNOD SBYIN DANG, NOR BDAG MANG PO'I TSOGS KYIS BSKOR BA SPYAN DRANGS, ROL MO DBYANGS DANG BCAS PAS, H'Um, RNAM DAG CHOS SKU'I BDAG NYID THUGS RJE CAN, ,RNAL 'BYOR 'PHRIN LAS BSGRUB PHYIR SPYAN 'DREN NA, ,'KHOR BCAS GZUGS SKU'I RNAM PAR GNAS 'DI RU, ,MCHOG THUN DNGOS GRUB STZOL PHYIR GSHEGS SU GSOL, AOm GU RU MAH'A K'A LA AE HYE HI, DZA:H'Um BAm HO: GNYIS SU MED PAR GYUR, PADMA KA MA LA YE STVAm, BDAG SOGS LNGA BDO'I 'GRO BA RNAMS, ,
, ,NYON MONGS DBUL BAS RAB MNAR BA, ,ZHI MDZAD YID BZHIN NOR BU LA, ,GUS BA CHEN POS PHYAG 'TSAL LO,, H'Um, SRID ZHI'I RNAM PAR DKAR BA LAS 'ONGS PA'I, ,MCHOD YON JI SNYED MCHIS DANG YID SPRUL RNAMS, ,BLA MA MGON PO 'KHOR DANG BCAS LA 'BUL, ,BZHES NAS BDAG DANG 'GROL DNGOS GRUB STZOL, AOm GU RU MAH'A K'A LA SA PA RI W'A RA AARGHAm PRA T'ITZTSA H'Um SV'AH'A, DE BZHIN DU MCHOD YON GYI GNAS SU RIM BA BZHIN, ZHABS BSIL, ME TOG ,BDUG SBOS, SNANG GSAL, DRI CHAB, ZHAL ZAS, SIL SNYAN, GZUGS MCHOG ,SGRA SNYAN, DRI MCHOG ,RO MCHOG ,REG BYA RNAMS RIM BZHIN BCUG LA, SNGAGS KYI THOG MTHA' 'DRA BA LA, AARGHAm GYI GNAS SU RIM BZHIN, P'A DYAm, PUshBE, DH'A PAm, A'A LO KE ,GANDHE NEE WI DYA, SHAPTA, R'U PA, SHABTA, GANDHE, RA SA, SPARSHA, ZHES PA RNAMS BCUG LA, RANG RANG GI PHYAG RGYA DANG BCAS PAS DBUL, DE NAS BYIN GYIS BRLABS PA'I NANG MCHOD 'BUL BA NI, LAG PA G-YON BA'I MTHEB SRIN GYIS SMIN MTSAMS GYI THAD NAS GYEN DU GTOR LA, AOm MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD GCIG TU BSDUL PA'I NGO BO DRIN CAN RTZA BA'I BLA MA RIN PO CHE'I ZHAL DU AOm A'A: H'Um, RGYAL BA RDO RJE 'CHANG GI ZHAL DU AOm A'A:HUm, SLOB DPON DHA NA SAm KRI TA'I ZHAL DU AOm A'A:H'Um, GRUB CHEN R'A HU LA'I ZHAL DU AOm A'A:H'Um, MKHAS GRUB KHYUNG PO RNAL 'BYOR GYI ZHAL DU AOm A'A:H'Um, MNYAM MED RIN CHEN BRTZON 'GRUS KYI ZHAL DU AOm A'A:H'Um, DBON STON SKYER SGANG PA CHEN
PO'I ZHAL DU AOm A'A: H'Um, GNYAN STON SPAS PA'I RNAL 'BYOR GYI ZHAL DU AOm A'A: H'Um, CHOS RJE SANGS RGYAS STON PA'I ZHAL DU AOm A'A:H'Um, MKHAS GRUB SHANGS STON CHEN PO'I ZHAL DU AOm A'A: H'Um, MKHAS BTZUN RGYAL MTSAN 'BUM GYI ZHAL DU AOm A'A: H'Um, 'JAG CHEN BYAMS PA DPAL BZANG GI ZHAL DU AOm A'A: H'Um, KUN MKHYEN SHES RAB DPAL BZANG GI ZHAL DU AOm A'A:H'Um, SEMS DPA' CHEN PO TSUL KHRIMS DPAL BZANG GI ZHAL DU AOm A'A: H'Um, 'KHRUL ZHIG RIN CHEN BSHES GNYEN GYI ZHAL DU AOm A'A:H'Um, 'JAM DBYANGS LEGS PA'I BLO GROS KYI ZHAL DU AOm A'A: H'Um, RJE SKYABS MCHOG DPAL BZANG PO'I ZHAL DU AOm A'A:H'Um, RGYAL BA BLO BZANG DON GRUB KYI ZHAL DU AOm A'A: H'Um, MKHAS GRUB SANGS RGYAS YE SHES KYI ZHAL DU AOm A'A: H'Um, THAMS CAD MKHYEN PA BLO BZANG CHOS KYI RGYAL MTSAN GYI ZHAL DU AOm A'A: H'Um, 'KHOR LO'I MGON PO DKON MCHOG RGYAL MTSAN DPAL BZANG PO'I ZHAL DU AOm A'A: H'Um, DE NAS SNYING KHA'I THAD NAS 'THOR ZHING YI DAM GYI SNYING PO'I MTHAR 'BRU GSUM BTAGS PA'AM, YANG NA, YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, ZHES BAS YI DAM LA DBUL, DE NAS RANG YI DAM DU GSAL BA'I LTE BA'I THAD NAS 'THOR ZHING, AOm GU RU MAH'A K'A LA SA BA RI W'AR AOm A'A:H'Um, ZHES MGON PO 'KHOR BCAS LA DBUL, DE NAS BUS MO'I THAD NAS 'THOR ZHING, GNAS GSUM GYI MKHA' 'GRO RNAMS KYI ZHAL DU AOm A'A:H'Um, GZHI BDAG GNYUG MAR GNAS PA DANG RIGS DRUG LHAR GSAL BA RNAMS KYI ZHAL DU AOm A'A: H'Um, ZHES DBUL ZHING RANG GI LCE LA BDUD RTZI BZHAG LA MYANG, DE NAS BSHAGS BA BYA BA NI, RANG GI THUGS KA'I H'Um
, ,LAS 'OD ZER 'PHROS, SKU GSUNG THUGS RDE RJE'I LHA TSOGS MDUN GYI NAM MKHAR SBYAN DRANGS, DE RNAMS LAS RANG RANG GI MDOG CAN GYI YI GE BRGYA PA DKAR DMANG MTHING GSUM BYUNG, RANG DANG MGON PO'I GNAS GSUM DU THIM PAS, RANG GI DAM TSIG NYAMS CHAGS THAMS CAD DANG MGON PO YID BZHIN NOR BU'I SKU GSUNG THUGS LA GRIB KYIS PHOG PA THAMS CAD SANGS KYIS DAG PAR BSAMS LA, YIG BRGYA NYER GCIG BZLA ZHING GDUNG SHUGS DRAG POS, H'Um, RDO RJE 'CHANG DANG DHA NA SAm KRI TA, ,GRUB CHEN R'A HU KHYUNG PO RNAL 'BYOR SOGS, ,DNGOS DANG BRGYUD PA'I BLA MA MCHOG RNAMS DANG, ,YID BZHIN NOR BU'I LHA CHOGS DGONGS SU GSOL, ,GSANG CHEN THEG PA'I SGOR ZHUGS BDE LEGS KUN, ,'BYUNG GNAS BLA MA SKU BZHI'I BDAG NYID LA, ,THA MAL SNANG ZHEN LOG RTOG BGYIS LA SOGS, ,DAM SDOM 'GAL NYAMS THAMS CAD MTHOL LO BSHAGS, ,MYUR MDZAD YID BZHIN NOR BU 'KHOR BCAS KYIS, ,BDAG CAG YENGS MED DUS KUN BSKYANGS PA LA, ,DAM RDZAS MCHOD GTOR DMAN DANG CHAG PA DANG, ,GTANG RAG DUS SU MA BSGRUBS MTHOL LO BSHAGS, ,KHYAD PAR BLA MA MGON PO 'KHOR BCAS KYI, ,SKU GSUNG THUGS DANG YON TAN 'PHRIN LAS LA, ,SKYON RTOG DAM TSIG 'GAL BA CI MCHIS PA, ,SGO GSUM MI PHYED DRAG POS SO SOR BSHAGS, ,SEMS NYID RANG BZHIN GDOD NAS 'OD GSAL YANG, ,GLO BUR NYON MONGS BTZAN POS RAB BSGRIBS PA, ,THUGS RJE CHE LDAN SPYAN SNGAR 'GYOD SEMS KYIS, ,BSHAGS PA SGRIB GNYIS BAG CHAGS DAG GYUR CIG ,DE NAS BSKANG RDZAS BYIN GYIS RLOB PA NI, LAS SNGAGS KYIS BSANGS, AOm SVA
BH'A WA SHUDDHA:SARBA DHARM'A: SVA BH'A WA SHUDDHONYHAm, STONG PA NYID DU GYUR, STONG PA'I NGANG LAS, BSKANG RDZAS RNAMS KYI RANG RANG GI MING YIG DANG PO THIG LAS BRGYAN BZHU BA LAS BYUNG BA'I BLA MA YI DAM MGON PO YID BZHIN NOR BU 'KHOR DANG BCAS PA MNYES PAR BYED PA'I DAM RDZAS SPYAN GZIGS MCHOD PA'I BYE BRAG BSAM GYIS MI KHYAB PA ZHIG ,BLA MA YI DAM MGON PO YID BZHIN NOR BU 'KHOR DANG BCAS PA'I SPYAN LAM DU 'BYUNG ZHING RGYAS BAR GYUR CIG ,AOm SARBA BID P'UR P'UR, SU RA SU RA, A'A WARTA YA A'A WARTA YA HO, BADZRA SPHA RAn KHAm, ZHES LAN GSUM BRJOD, AOm AARGHAm, NAS, SBARSHA A'A:H'Um, ZHES BA'I BAR GYIS CHU GNYIS, NYER SPYOD, ROL MO, 'DOD YON DANG BCAS PA BYIN GYIS BRLABS LA THUGS DAM BSKANG BA NI, H'Um, BDE CHEN CHOS DBYINGS LHA LAM YANGS BA LAS, ,ZAG MED MCHOD SPRIN 'DOD DGU'I CHAR PHAB PAS DUS GSUM RGYAL BA'I BSTAN SRUNGS KUN GYI GTZO, ,YID BZHIN NOR BU 'KHOR BCAS DGYES GYUR CIG ,RAKTA'I AARGHAm DMAR SER LBU 'PHRENG 'KHRIGS, ,DON SNYING DBANG PO LNGA YI ME TOG SPUNGS, ,GU GUL SHA CHEN GSUR DUD SPRIN 'KHRIGS PAS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, , MUN PA'I MDANGS 'PHROG ZHUN CHEN MAR ME DANG, ,KHRAG ZHAG GA PUR MKHRIS PA'I DRI CHAB 'KHRIGS, ,BAM CHEN ZHAL ZAS RNGAM BRJID ROL MO'I SGRAS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,
, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,DAR BZANG NA BZA' RIN CHEN RGYAN PHRENG DANG, ,d'A KI'I RDZAS MCHOG SINDHU, RA'I BYUG PA, ,RMAD BYUNG DGYES BSKYED MYOS BYED BTUNG BA 'DIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,GLING BZHI YUD BGROD RTA MCHOG SGA SRAB BRGYAN, ,'BRONG G-YAG ZHOL CHEN RVA 'GYING NGAR 'PHYO SGROGS, ,RVA BZHI 'KHYIL BA'I LUG NAG SPYI DKAR GYIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG BA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,DRAG PO'I SGRA SGROGS DGRA BO'I SNYING 'BYIN BYA, ,KHYI NAG SNYING DKAR GTUM ZHING DGRA LA MCHONG, ,DAR ZAB COD PAN DU MAS SPRAS RNAMS KYIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THAGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,MA RMOS LO TOG 'DOD DGU'I RIN CHEN GTER, ,PHYI DANG NANG DANG GSANG BA'I RTEN MCHOG DANG, ,RI RAB GLING
BZHI NYI ZLAS BRGYAN BA 'DIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,GZHAN YANG SRID ZHI'I RNAM DKAR LAS 'ONGS BA'I, ,DNGOS BSHAMS YID SPRUL KUN BZANG MCHOD PA'I SPRIN, ,SMAN SPAGS MCHOD YON DAG BYED ZHABS BSIL CHUS, ,MYUR MDZAD YID BZHIN NOR BU'I THUGS DAM BSKANG MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONG GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,THANG DANG CHU SKYES GE SAR PHANG PUNG LDEM,, NAM MKHA'I GLANG POR 'GRAN PA'I DRI ZHIM SPOS, ,MA RIG MUN PA 'JOMS PA'I SGRON ME 'DIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, , BDAG SOGS MI MTHUN RKYEN RNAMS BZLOG BA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,YONGS 'DU'I NGAD 'THUL MTSO CHEN RLABS 'PHRENG G-YO, ,LHA MI'I BZA' BCA' RO BRGYA'I BCUD LDAN PA, ,SNYAN 'GYUR ROL MO'I BYE BRAG MTHA' YAS PAS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR
, ,BZHIN PHOB, ,GZUGS MDZES 'GYING BAG LDAN PA'I GAR BSGYUR ZHING, ,A'A DARSHA 'DZIN PI WANG GLING BU BRDUNG, ,DRI ZHIM STONG GSUM 'GENGS PA'I SNOD 'DZIN PAS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,RO BRGYA'I DBAL MNGA' ZAG MED ZHAL ZAS DANG, , REG BYA'I BDE STER ZA 'OG LHA BA LHUB TSOGS, ,'DZIN PA'I LHA MO 'CHI MED LAM GANG PAS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, , BDAG SOGS MI MTHUN RKYEN RNAMS BZLOG PA DANG, ,MTHUN RKYAN DNGOS GRUB MTHA' DAG CHAR BZHIN PHOB, ,DGRA LAS RNAM RGYAL GLING BZHIR DBANG BSGYUR BA'I, ,'KHOR LO RIN CHEN SMAG 'JOMS YID BZHIN NOR, ,REG BYA'I BDE STER GZUGS MDZES GNAM BSKOS MAS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,PHUN TSOGS 'BYOR PA'I DPUNG LDAN KHYIM BDAG MCHOG ,MKHA' LA RAB 'GRO GNYIS 'THUNG RIN PO CHE, ,YID 'ONG CANG SHES RGYAN GYIS MDZES BA 'DIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS
KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,PHAS RGOL DBUNG 'JOMS DMAG DPON RIN CHEN TE, ,MI DBANG RIN CHEN BDUN DANG DE LAS GZHAN, ,BKRA SHIS RTAGS BRGYAD DAG GI MCHOD BA 'DIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,TING 'DZIN SNGAGS DANG PHYAG RGYAS BYIN BRLABS PA'I, ,DKAR DMAR DAM RDZAS RGYAN GYI GTOR MA'I TSOGS, ,DAR GYI COD PAN DU MAS SPRAS PA 'DIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG BA DANG, ,MTHUN RKYEN DNGOS GRUB MTHA' DAG CHAR BZHIN PHOB, ,RGYAL BA'I RO 'DZIN ZHI KHRO'I SKUR BSTAN KYANG, ,RTZA BRGYUD BLA MA SKU BZHI'I BDAG NYID DU, ,YID CHES GSOL 'DEBS BLA MED RTEN MCHOG 'DIS, ,MYUR MDZAD YID BZHIN NOR BU'I THUGS DAM BSKANG, ,MKHA' 'GRO NOR BDAG TSOGS KYI THUGS DAM BSKANG, ,'KHOR BCAS THUGS DAM DBYINGS SU SKONGS GYUR NAS, ,BDAG SOGS MI MTHUN RKYEN RNAMS BZLOG PA DANG, ,MTHUN RKYEN DNGOS GRUB MTHA' DAG CHAR BZHIN PHOB, DE NAS BZLAS PA BYA BA NI, MGON PO'I THUGS KA'I DBANG SDUD KYI MKHA' 'GRO MA'I THUGS KAR NYI GDAN LA GNAS BA'I
, ,CHOS NYID KYI THIG LE RGYA SRAN TZAM GYI STENG DU H'Um DKAR LA 'TSER BA'I MTHA' SKOR DU, AOm GU RU MAH'A K'A LA HA RI nI SIDDHI DZA:ZHES PA'I SNGAGS MAR ME'I 'PHRENG BA LTA BUS BSKOR BA LAS 'OD ZER 'PHROS, SEMS CAN THAMS CAD KYI DBUL PHONGS KYI SDUG BSNGAL BSAL, YID BZHIN NOR BU'I NOR BU'I GO 'PHANG LA BKOD, GNAS GSUM GYI DPA' BO MKHA' 'GRO, KHAMS GSUM GYI SKYE DGU, 'JIG RTEN DANG 'JIG RTEN LAS 'DAS PA'I 'DOD DGU'I LONGS SPYOD DPAL 'BYOR PHUN SUM TSOGS PA THAMS CAD DBANG DU BSDUS PAR BSAMS LA, SNYING PO DE NYID CI MANG BZLA'O, ,DE NAS GTONG MA BYIN GYIS BRLABS NAS 'BUL BA NI, MGON PO 'KHOR DANG BCAS PA'I LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR, AOm GU RU MA H'A K'A LA SA PA RI W'A RA AI DAm BA LIm TA KHA KHA KH'A HI KH'A HI, ZHES PA GSUM MA: BDUN GYIS 'BUL, AARGHAm SOGS KYI MCHOD PA DANG NANG MCHOD 'BUL, BSTOD PA NI, H'Um, DUS GSUM PHYOGS BCU'I RGYAL BA MA LUS BA'I, ,SKU GSUNG THUGS DANG YON TAN 'PHRIN LAS RNAMS, , GCIG GYUR RGYAL SRAS TSUL BZUNG SNYING RJE'I LHA'I, ,RNAM SPRUL YID BZHIN NOR BU LA PHYAG 'TSAL, ,SNA TSOGS PAD NYI NOR GCIG PHYAG DRUG DBUL PHONGS SEL KHYOD BSTOD, ,PHYAG G-YAS BZHIN, ,KHRA 'DZUM CUNG ZAD SGEG PA'I NYAMS LDAN SKU, ,ZHAL GCIG PHYAG DRUG DBUL PHONGS SEL KHYOD BSTOD, ,PHYAG G-YAS RIN CHEN 'BAR BAS DNGOS GRUB STZOL, ,BAR PA GRI GUG NYON MONGS DBUL BA GCOD, ,MTHA' MA CANG TE'U DBYAR SKYES RNGA LTAR SGROGS, ,MKHA' 'GRO KUN GYI GTZO BO KHYOD LA BSTOD, ,PHYAG G-YON THOD BUM
DKUR BRTEN 'DOD DGU STZOL, ,BAR PA RTZE GSUM 'BAR BAS DUG GSUM 'JOMS, ,MTHA' MA LCAGS KYUS 'KHOR BAR GTAN 'KHYAMS BA'I, ,NYAM THAG 'GRO BA 'DREN MDZAD KHYOD LA BSTOD, ,SKU LA DAR ZAB NA BZA' LHAB LHUB GLUBS, ,RIN THANG BRAL BA'I RIN CHEN RGYUN MANG 'KHROL, ,BZOD PAR DKA' BA GZI BRJID PHUNG PO'I SKU, ,KHYOD NYID DRAN PA DBUL PHONGS SEL LA BSTOD, ,DANG BA'I RDZING BUR ZLA GZUGS SNANG BA LTAR, ,DAD PA'I YID MTSONG KHYOR SKU'I RI BONG 'DZIN, ,SNANG STONG SGYU MA LTA BUR LEGS BSGOMS NAS, ,RTZE GCIG GDUNG SHUGS DRAG POS BDAG BSTOD DO, ,DE LTAR BSTOD PAS MDO SNGAGS BSHAD SGRUB KYI, ,RNAM DKAR BYA BA TSE DPAL LONGS SPYONG 'KHOR, ,SNYAN GRAGS 'PHEL RGYAS KHAMS GSUM DBANG BSDU SOGS, ,CHOS MTHUN BZHAD PA 'GRUB PA'I GROGS MDZOD CIG ,MGON KHYOD 'PHRIN LAS NYI MA'I 'OD ZER GYIS, ,BAR GCOD BDUD SDE'I MUN PA KUN BCOM NAS, ,DON GNYIS LHUN GRUB 'GRO KUN SGROL BA DANG, ,CI 'DOD STZOL LA KHYOD DANG MTSUNGS PAR SHOG, CES BSTOD, MNGA' GSOL NI, H'Um, RDO RJE 'CHANG DBANG RTZA BRGYUD BLA MA DANG, ,RGYUD SDE BZHI 'BREL YI DAM DKYIL 'KHOR LHA, ,SANGS RGYAS CHOS DANG 'PHAGS TSOGS DGE 'DUN TE, ,SKYABS GNAS KUN 'DUS NGO BOR MNGA' GSOL LO, ,ZHING 'DIR THUB BSTAN SNYING PO BSRUNG SPEL DANG, ,RNAL 'BYOR DAM LDAN DGON GNAS BCAS PA RNAMS, ,GNAS SKABS MTHAR THUG 'PHRIN LAS RNAM PA BZHIS, ,SKYONG MDZAD BSRUNG MA CHEN POR MNGA' GSOL LO, ,MKHA' 'GRO NOR BDAG TSOGS LA DBANG BSGYUR BA, ,KHYOD NYID YID LA DRAN PA TZAM GYIS KYANG, ,SRID ZHI'I
, ,GDUNG SEL MKHO DGU'I 'BYOR PA KUN, ,STZOL MDZAD NOR BDAG CHEN PONG MNGA' GSOL LO, ,DE NAS YIG BRGYA BZLAS NAS LHAG CHAD KHA BSKANG, BZOD GSOL SMON LAM BYA ZHING, RTEN YOD NA BRTAN BZHUGS DANG, MED NA RANG GNAS SU GSHEGS NAS, SHIS PA BRJOD BA NI, H'Um, DRAN PAS SRID ZHI'I RGUD PA KUN SEL ZHING, ,TSUL BZHIN BSTEN NA 'DI PHYI'I LEGS TSOGS KUN, ,STZOL MDZAD YON TAN 'BYUNG BA'I SGO GCIG PU, ,RTZA BRGYUD BLA MA RNAMS KYI BKRA SHIS SHOG ,GRANGS MED GDUL BYA' KHAMS DANG LEGS BSTUN PA'I, ,CHOS DBYINGS NGANG LAS RNAM BKRA GZUGS KYI SKU, ,CIR YANG STON PA GSANG CHEN RGYUD SDE BZHI'I, ,YID DAM LHA TSOGS RNAMS KYI BKRA SHIS SHOG ,RDO RJE 'CHANG DBANG RGYAL DANG RGYAL SRAS KYI, ,SPYAN SNGAR THUGS BSKYED DAM BCAS JI BZHIN DU, ,THUB BSTAN BSRUNG DANG RNAL 'BYOR DGE 'DUN SDE, ,SKYONG MDZAD YID BZHIN NOR BU'I BKRA SHIS SHOG ,GZHAN YANG GNAS GSUM YUL LA NYER SPYOD CING, ,KHAMS GSUM SNANG SRID MA LUS ZIL GNON PA'I, ,MKHA' 'GRO GNOD SBYIN NOR GYI BDAG PO STE, ,BKA' NYAN 'KHOR TSOGS RGYA MTSO'I BKRA SHIS SHOG ,'BAD DANG RTZOL BA MI DGOS BA'I, ZHES SOGS BRJOD, AE MA PHYAG NA PADMA 'CHANG, ,THUGS RJE'I ZLOS GAR LAS BYUNG ZHING, ,BSTAN DANG BSTAN 'DZIN SKYONG BA'I MGON, ,YID BZHIN NOR BU 'KHOR DANG BCAS, ,MNYES BYED MCHOD BSTOD BSKANG BSHAGS SOGS, ,DON GNYER LDAN PAS BSKUL NGO DANG, ,'GRO LA PHAN PA'I LHAG BSAM GYIS, ,BDAG GIS LEGS BAR BSGRUBS PA 'DIS, ,MTSON BA'I DGE TSOGS DUNG LTAR DKAR, ,
JI SNYED BSAGS PAS TSE RABS SU, ,NOR BDAG KUN GYIS 'PHRIN LAS BZHIS, ,SKYONG ZHING BYANG CHUB MYUR BGROD SHOG ,CES MGON DKAR YID BZHIN NOR BU LA MCHOD GTOR 'BUL TSUL 'DI NI, SKU 'BUM KHRI BA AE:TE NI DGA' LDAN DA LA'I NO MON HAN GYI GSUNG GIS YANG YANG BSKUL BA LA BRTEN NAS CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA 'GRO KUN BYANG CHUB THOB PA'I RGYUR GYUR CIG, SARBA MANG+GALAm,, ,,