, ,GSHIN PO RJES 'DZIN GYI CHO GA THAR PA'I LAM STON ZHES BYA BA BZHUGS,,
, ,NA MO GU RU BDZRA BHEE RA W'A YA, GDUG PA MA LUS PHYE MAR 'THAG MDZAD BCOM LDAN 'JAM DPAL GSHIN RJE'I GSHED, ,GANG ZHIG DRAN BAS NYON MONGS DUG LNGA'I G-YUL NGO MA LUS MTHAR MDZAD CING, ,TSUL BZHIN BSTEN NA SKU GSUM YE SHES LNGA YI GO 'PHANG BLA MED PA, ,LEGS PAR STZOL MKHAS BLA MA MCHOG DANG DKYIL 'KHOR LHA YI TSOGS LA 'DUD, ,MI BZAD MTSUN LHA'I MCHE BAR NYER CHUD CING, LAS NGAN LCAGS KYUS NGAN 'GROR 'DREN SRID PA'I, ,NYAM THAG YID CAN THAR PAR BKRI BA'I THABS, ,KUNDA LTAR DKAR LHAG PA'I BSAM PAS BRI, DE LA 'DIR DPAL RDO RJE 'JIGS BYED CHEN PO'I DKYIL 'KHOR DU DBANG BSKUR BA LEGS PAR THOB CING, BSNYEN SOGS KYIS RGYUD YONGS SU DAG PAR BYAS PA'I RNAL 'BYOR PAS, GSHIN PO RJES SU BZUNG BA'I TSUL LA GNYIS, GANG ZAG PHAL PA LA BYA BA'I TSUL DANG, GANG ZAG
, ,KHYAD BAR CAN LA BYA BA'I TSUL LO, ,DANG PO NI, KYE RDOR RTZA RGYUD LAS, SKU GSUNG BYIN BRLABS RIGS LNGA GDAGS, ,RANG GI LHA'AM GZHAN GYI'ANG RUNG, ,SNYING PO SNYING KHAR GDAGS PAR BYA, , KHRUS KYIS DAG BYAS BDUD RTZIS BYUG ,CES GSUNGS PA LTAR, RO DE'I SPYI BOR AOm, MGRIN PAR A'A:SNYING KHAR H'Um, LTE BAR SV'A, GSANG BAR H'A DGOD, GZHAN YANG 'JIG RTEN PHA ROL TU SONG BA DE NYID KYI YI DAM RGYUS YOD NA DE'I SNYING PO SNYING KHAR GDAGS, MED NA DPAL RDO RJE 'JIGS BYED CHEN PO'I RTZI SNGAGS SBYI BO, SNYING PO MGRIN PA, NYE SNYING SNYING KHA, GZHAN YANG SKYE MCHED KYI LHA'I SNGAGS RNAMS MNGON RTOGS NAS 'BYUNG BA LTAR SHOG BU LA BRIS NAS GDAGS, DE NAS DRI BZANG DANG BDUD RTZI LNGAS BYUG CING KHRUS BYA, DE NAS NAG PO BAS MDZAD PA'I GSHIN RJE'I GSHED KYI RO BSREG GI CHO GA LAS, DE NAS TSOGS BSAG NAS BZUNGS TE, ,MNGON BAR RTOGS PA RDZOGS PA DANG, ,BZANG PO'I KHRI LA BZHAG NAS KYANG, ,RGYAN GYIS LEGS PAR SPRAS PA LA, ,GA PUR LA SOGS KHAR BLUG NAS, ,BDUD RTZIR BYIN GYIS BRLABS BYAS TE, ,SNYING KHAR GZUNGS THAG
BTAGS NAS KYANG, ,RTZA BA'I SNGAGS LA DE NYID GSUM, ,SPEL BA'I BZLAS BKHRI TZAM BYA, ZHES GSUNGS PA LTAR SBYOR BA TSOGS BSAG NAS BZUNG MNGON BAR RTOGS PA RDOGS PAR BSGOM DGOS LA, DE YANG DE LA DBANG BSKUR BYED NA, TSOGS BSAG CID NAM RGYAL DANG LAS BUM GNYIS SGRUB PA DANG, BDAG MDUN 'JUG PA GCIG TU SGRUB CING DBANG LEN PA SOGS CHO GA'I GZHUNG LTAR BYA, DA'ANG MI BSKUR NA'ANG KHRUS KYI BUM PA NGES PAR DGOS SO, ,DE NAS RO DE KHRI'I STENG DU BZHAG STE, RGYAN GYIS LEGS PAR BRGYAN, RAB BYUNG YIN NA CHOS GOS, MIN NA GOS DKAR PO GTZANG MA G-YOGS, RO YI KHAR GA PUR LA SOGS PA BLUG ,RO'I SNYING KHAR GZUNGS THAG BTAGS PA NAS RANG GIS BZUNG STE, RANG GI LHA'I SNGAGS LA AOm A'A:H'Um GSUM DANG, TSE LAS 'DAS PA MING 'DI ZHES BYA BA'I SDIG SGRIB THAMS CAD SH'ANTIm KU RU YE SV'A H'A, ZHES PA'I SPEL TSIG BTAGS PA'I BZLAS PA KHRI TZAM BYA, 'DI DAG NI ROL BYA BA'I CHO GA YIN GYI, MING BYANG DANG DRI RTEN SOGS LA BYED MI DGOS SO, ,DA NI RO DANG DRI RTEN MING BYANG SOGS LA THUN MONG DU BYA BA'I TSIG BSTAN PAR BYA STE, DKYIL 'KHOR GYI LHO SGO'I CHAR STEGS BU KHRU GANG GRU BZHI'I STENG DU BA'I SNA LNGA BYUGS, PAD DKAR 'DAB BRGYAD KYI LTE BAR 'KHOR LO DKAR PO RTZIBS BRGYAD BRIS PA'I STENG DU, KHRUS BYAS PA'I RO'AM, DRI RTEN MING BYANG DANG BCAS PA BZHAG STE, LAS BUM GYI CHU DANG, LAS SNGAGS KYIS BSANGS, AOm SH'U NA+YA T'A ZHES SOGS KYIS SBYANGS LA, RTEN SNANG BA MI DMIGS PA STONG PA NYID DU GYUR, STONG PA'I NGANG LAS, TSE LAS 'DAS PA'I MING YIG DANG PO THIG
, ,LES BRGYAN PA'AM, nI YONGS SU GYUR PA LAS, TSE LAS 'DAS PA THA MAL PA'I CHA BYAD CAN PHUNG PO DANG KHAMS DANG SKYE MCHED THAMS CAD GSAL ZHING YONGS SU RDZOGS PA GSON PO'I RNAM PA JI LTA BA, THAL MO SBYAR ZHING ME TOG 'DZIN PAR GYUR, KHA CIG 'DIR RNAM SHES DGUG PA'I CHO GA BYED PA MI 'DOD KYANG, DPAL GSANG BA 'DUS PA'I DUS THA MA'I CHO GA GSHIN PO BDE BAR GSHEGS PA'I GNAS LA 'GOD PA LAS, JI SKAD DU, SNYING KHA'I SA BON LAS NI GRUB PA BZANG, ,'KHOR LOS MTSAN PA'I LCAGS KYU SPRO BAR BYA, ,DE YIS GSHIN PO 'JIG RTEN PHA ROL SONG, ,SEMS NI MDOG DMAR GSAL BA DGUG BYA STE, ,CHOS KYI SGO MO'I GZUNGS SAM YANG NA NI, ,RLUNG MED MAR ME MI G-YO LTA BU'O, ,'ONGS NAS DE YI SHES PA SNYING KHAR NI, ,RO YI SBYI BO NAS NI GZHUG PAR BYA, ,DE NI SHES PA DANG NI YANG DAG LDAN, ,DE RJES LANGS NAS 'DUG PA BLTA BAR BYA, ZHES GSUNGS PA DANG, DE NYID BSDUS RGYUD LAS, GSANG BA'I LCAGS KYU GDAB BYA STE, ,MTHA' MA MNYAM DU BRKYANGS BYAS LA, , SHI BA'I MGO BOR BZHAG NA NI, ,SROG NI SLAR YANG THOB PAR 'GYUR, ZHES GSUNGS BA LTAR, RDO RJE BSDAMS PA NANG DU BCINGS LA, MDZUB MO GNYIS BRKYANG BCUD ZAD BKUG PA LCAGS KYU LTAR BYAS, MTHA'U CHUNG GNYIS KHAB LTAR BRKYANGS PA, DE YI MGO BOR BZHAG NAS, AOm YAM'A NTA KA H'Um DZA: SANGS RGYAS KYI BDEN PA DANG, CHOS KYI BDEN PA DANG, DGE 'DUN GYI BDEN PA DANG, DE BZHIN GSHEGS PA DANG, RDO RJE DANG, RIN PO CHE DANG, PADMA DANG, LAS KYI RIGS SU ZHUGS PA THAMS CAD DANG, SNYING
PO DANG, PHYAG RGYA DANG, GSANG SNGAGS DANG, RIG SNGAGS KYI LHA'I KHYAD PAR DANG, DPAL RDO RJE 'JIGS BYED CHEN PO'I DKYIL 'KHOR GYI LHA TSOGS RNAMS KYI BDEN PA DANG MKHYAD PAR DU DU SHI BA'I RNAM PAR SHES PA 'GUGS PA'I SNYING PO DANG PHYAG RGYA'I BDEN PA DANG, BDEN PA'I BYIN RLABS KYIS TSE LAS 'DAS PA CHE GE MO'I RNAM PAR SHES PA SRID PA BAR DO, KHAMS GSUM 'GRO BA RIGS DRUG SKYE GNAS BZHIS BSDUS PA'I 'JIG RTEN GANG NA GNAS KYANG, SKAD CIG THANG CIG ,YUNG TZAM LA 'DIR MTSIS BAR GYUR CIG ,RANG GI SNYING KHA'I SA BON GYI 'OD ZER LCAGS KYU LTA BU 'PHROS PAS, TSE 'DAS KYI RNAM SHES KHA DOG DMAR ZHING GSAL BA AA THUNG GI GZUGS CAN BKUG PA SPYI GTZUG NAS ZHUGS TE, SNYING KHAR THIM BAR GYUR, DZA:H'Um BAm HO:ZHES BSANG GUG GZHUG BYA, AOm SHO DHA NE SHO DHA NE, SARBA P'A PAm A'A NA YA H'Um, ZHES PAS, TSE LAS 'DAS PA'I SDIG SGRIB THAMS CAD BKUG PAR GYUR PAR BSAM, DE NAS RDO RJE KHU TSUR GNYIS KYI NANG DU MDZUB MO LCAGS SGROG LTAR BCINGS PA LEGS PAR GYEN DU 'PHANG BA LTUNG BA SLONG BA'I PHYAG RGYA BCAS LA, AOm SARBA AA P'A YA A'A KARshA nA BI SHO DHA NA BADZRA SA MA YA H'Um PHAt, CES PAS NGAN 'GRO THAMS CAD DKYIL 'KHOR GYI PHYI ROL TU BKUG BAR GYUR BAR BSAMS LA, DE RNAMS KYIS BCOM LDAN 'DAS BDAG CAG SDUG BSNGAL GYIS GZIR BA 'DI LAS BSKYAB TU GSOL, BDAG CAG SANGS RGYAS DANG CHOS DANG DGE 'DUN DANG KHYOD LA YANG SKYABS SU MCHI'O, ,ZHES SKYABS SU SONG BAR GYUR PAR BSAM, SBYONG RGYUD LAS, RDO RJE BSNGAMS BA LAS GUNG MO GNYIS BSGRINGS, MTHE BONG GNYIS DANG MTHE'U CHUNG GNYIS BSRANGS TE, MNYE ZHING DRAL BA SDIG PA
, ,'JOMS PA'I PHYAG RGYA DANG, AOm BADZRA P'A nI PI SPO tA YA SARBA AA P'A YA BANDHA N'A NI PRA MO KshA YA SARBA AA P'A YA GA TE BHYA:SARBAS TVA NA SARBA TA TH'A GA TA BADZRA SA MA YA TRA tA, CES LAN GSUM DANG, AOm SARBA BID TRA tA dI tA H'Um, ZHES PAS NGAN SONG GSUM GYI SDIG PA THAMS CAD BCOM ZHING DE RNAMS KYIS PHYAG RGYA DE MTHONG BAS SDIG PA THAMS CAD DAG STE, NGAN SONG NAS SHI 'PHOS PA GTZO BO'I ZHABS DRUNG DU SKYES, RTEN RNAMS BA TSVA CAN GYI RGYA MTSOR DOR BAR BSAM MO, ,AOm SARBA BID MARBA AA P'A YA BI SHO DHA NE H'Um PHAt SV'AH'A, BADZRA BANDHA TRA tA, CES BRJOD CING SNYING KHAR RDO RJE BSNGAMS BSGRA DANG BCAS PA LAN GSUM DRAL BAS, TSE LAS 'DAS PA'I SDIG SGRIB BAG CHAGS DANG BCAS PA SBYANGS BAR GYUR PAR BSAM MO, ,DE'I SPYI BOR AOm, MGRIN PAR A'A: SNYING KHAR H'Um, ZHES PAS GNAS GSUM BYIN GYIS BRLAB BO, ,DE NAS RDO RJE KHU TSUR GNYIS BCINGS NAS, MTHE BONG DANG, GUNG MO DANG, MTHE'U CHUNG RNAMS GYEN DU BSGRENGS TE, KHA SBYAR NAS, MDZUB MO DANG MING MED SKYIL KRUNG DU BYAS PA, RDO RJE'I PHYAG RGYA BCAS LA, AOm BADZRA AA DHI TIshthA DZNY'A NA SA MA YE H'Um, ZHES BRJOD CING GNAS NYER GNYIS SU GTUG PAR BYA STE, SNYING KHA LKOG MA KHA PHYOGS SU, ,DPRAL BA MDZOD SPU RNA BA GNYIS, ,MGO BO GTZUG PHUD DPUNG PA GNYIS, ,SNA DANG RKED PA PUS MO BOL, ,LONG BU SNA YI RTZE MO DANG, ,MIG GNYIS DANG NI GSANG BA YI, ZHES PA'I GNAS NYER GNYIS SU GTUG CING BYIN GYIS BRLAB BO, ,DE NAS BGEGS SBYANG BAR BYA STE, DE LA KHA CIG RNAMS NA RE, CHE LAS 'DAS PA'I BAR DO DE BGEGS RNAMS KYIS BZUNGS NAS YOD CING, DE MA PHRAL NA TSE LAS
'DAS BA'I CHA BYAD DU DE'I 'KHOR DU SKYES NAS GZHAN LA GNOD PA YIN NO ZHES ZER BA NI MI 'THAD DE, BAR DO SKYE BA PHYI MA GANG DU SKYE 'GYUR DE'I GZUGS SU YOD KYI, SKYE BA SNGA MA'I GZUGS SU MED PA'I PHYIR DANG, CI STE, YI DVAGS SU SKYE YANG YI DVAGS KYI GZUGS SU YOD KYI, SKYE BA SNGA MA'I GZUGS SU MED PA'I PHYIR RO, ,'ON KYANG DE LTAR SNANG BA NI GDON BGEGS 'GA' ZHIG ,TSE LAS 'DAS PA'I CHA BYANG BZUNG STE, DE'I SNGON GYI RGYU MTSAN SHES PAR BYAS NAS, NYE 'BREL RNAMS KYI RMI LAM DU 'BYUNG BA DANG, GZHAN LA BAB NAS SMRA PA 'BYUNG BA SOGS TSE 'PHOS PA JI LTAR LUNG BSTAN PA'I MDO LAS BSHAD BAS, DE NYID GRUB NA DRAG PO'I SBYIN SREG BYAS LA TSAR BCAD PA DANG, MA GRUB NA GTOR MAS SBYANG BAR BYA STE, GTOR MA GSUM DANG, TING LO CHANG BU DANG BCAS PA BSHAMS LA LAS SNGAGS KYIS BSANGS, SRA BH'A WAS SBYANGS, AOm AA K'A RO MU KHAm, SARBA DHA RM'A n'Am A'A DYA NU TPNNA TV'T, AOm A'A:H'Um GSUM GYIS BYIN GYIS BRLABS LA, GTOR MA DANG BO RTAN LA BSKOR LA, AOm RBA BI GSHAm NA MA:SARBA TA TH'A GA TE BHYO BI SHVA MU KHE BHYA:SARBA TA TKHAm AU BHA TE, SPHAR nA AI MAm GA GA NA KHAm, GRi HnA DAm BA LIm TA YE SV'A H'A, ZHES PA ZHI BAS SBYANG BA DANG, TING LO MAR ME CHANG BU GSUM SBRAGS NAS RTEN LA PHYIR BSKOR BA LAN GSUM DANG, AOm SUm BHA NI SU BHA H'Um, GRi HnA GRi HnA H'Um, GRi Hn'A PA YA GRi HnA PA YA H'Um, A'A NA YA HA, BHA GA W'A NA BADZRA H'Um PHAt, GSUM, TSE LAS BDAS PA CHE GE MO ZHES BYA BA GSON PA'I DUS NA TSE SROG LA BAR DU GCOD CING, GSHIN GYI DUS NA SDIG PA SPYONG BA DANG DBANG BSKUR BA DANG GANG DU SKYES SHING GNAS PA'I LUS SROG DANG MTHOR SI DANG THA RAm PA DANG THAMS CAD MKHYEN PA THOB BA LA
, ,BAR DU GCOD PA'I GDON BGEGS KYI TSOGS THAMS CAD DANG, TSE 'DAS KYI CHA BYAD RE ZUNGS NAS, TSE LAS 'DAS PA'I NYE 'BREL RNAMS DANG 'JIG RTEN PA RNAMS BSLU ZHING GNOD PAR BYED PA'I GNOD SBYIN DANG, SHA ZA DANG 'BYUNG PO LA SOGS PA THAMS CAD GTOR MA 'DIS TSIMS PAR GYIS LA, SEMS CAN LA MA GNOD MA 'TSE BAR, SNGON KHAS BLANGS PA'I DAM TSIG DANG SDOM PA LA GNAS PAR GYIS LA, RANG RANG SO SO'I GNAS SU SONGS SHIG ,CES BRJOD PA NI ZHI DRAG PHYED MAS SBYANG BA'O, , DRAG POS SBYANG BA LA, RANG YI DAM GYI NGA RGYAL LA GNAS PAS, RDO RJE BSDU BA'I PHYAG RGYA BCAS TE, AOm BADZRA MA H'A KRO DHA R'A DZ'A SA BA RI W'A RA BADZRA SA MDZA:H'Um, YE SHES BSKAL PA ME LTAR 'BAR BA'I 'OD, ,MA RIG 'DOD PA'I MUN KHAMS THAMS CAD BSREG, ZHE SDANG GSHIN RJE'I 'JIGS PA THAMS CAD 'JOMS, ,DPA' BO CHEN PO DPA' MTSAN STAG LPAGS CAN, ,LOG 'DREN SRIN PO'I MTHA' GNON DGRA 'DUL BA, ,RIG PA'I RGYAL PO KHRO BO BZHUGS SO 'TSAL, ,LOG 'DREN 'DUL BA'I SLAD DU SPYAN 'DREN NA, ,'GRO BA'I DON DU MCHOD KYIS GSHEGS SU GSOL, ZHES KHRO BO DPAG MED SPYAN DRANGS PAS BYON PAR BSAMS LA, AOm BADZRA MA T'A KRO DHA R'A J'A SA PA RI W'A RA AE HYE HI, PRA WA RA SAD K'A RAm AARGHAm PRA T'I TZTSA SV'A H'A, KA MA LA YE STVAm, ZHES GDAN DBUL, 'BRU GSUM GYIS BYIN GYIS BRLABS PA'I MCHOD PA, AOm BADZRA MA H'A KRO DHA R'A DZ'A SA PA RI W'A RA PHRO WA RA SAD K'A RAm AARGHAm NAS, SHA PTA PRA T'I TZTSA A'A:H'Um GI BAR GYIS MCHOD LA, BSTOD PA NI, H'Um, CHOS NYID STONG PA GNYIS MED DANG NYID LAS, ,'JIG RTEN SPYOD PA'I TSUL YANG MI SPONG ZHING,
THABS LAM KHAS PAS 'JIGS BYED SKUR STON PA, ,KHRO CHEN 'BAR BA'I TSOGS LA PHYAG 'TSAL LO, ,YE SHES ZHI BA'I NGANG LAS MA G-YOS KYANG, ,SKU YI CHA LUGS ZA BYED RDAM STABS CAN, ,GSUNG GI NGA RO 'BRUG STONG LDIR BA'I SGRAS, ,MA LUS DBANG DU SDUD LA PHYAG 'TSAL LO, ,LHAG PA'I YE SHES ROL PA STON MDZAD CING, BSDIGS PA'I MTSON CHA SNA TSOGS PHYAG NA BSNAMS, ,NYON MONGS DUG CHEN RTZAD NAS 'JOMS MDZAD PA, ,SBRUL GDUG RGYAN GYIS BRGYAN LA PHYAG 'TSAL LO, ,BSKAL PA'I ME LTAR 'BAR BA'I KLOD DKYIL NA, ,DPA' BO'I STANG STABS BRKYANG BSKUMS TSUL DU BZHUGS, ,NYI ZLA 'BAR BA'I SPYAN GYI SDANG MIG GIS, ,BGEGS DPUNG SREG PAR MDZAD LA PHYAG 'TSAL LO, ,GTUM CHEN DUS MTHA'I ME LTAR GZI BRJID 'BAR, ,GLOG STONG 'GYU 'DRA'I KHRO GNYER MCHE BA GCIGS, ,RNGAM PA'I NGA RO 'BRUG SGRA STONG BZHIN SGROGS, ,KHRO RGYAL BGEGS TSOGS 'DUL LA PHYAG 'TSAL BSTOD,, H'Um, 'JIGS PA'I H'Um SGRA NGES SGROGS SHING, ,BGEGS RNAMS MA LUS 'JOMS MDZAD PA, ,DNGOS GRUB MA LUS STZOL BA'I LHA, ,BGEGS KYI DGRA LA PHYAG 'TSAL BSTOD, CES BAS BSTOD, H'Um, DKYIL 'KHOR CHEN PO'I SA GZHI LA GNAS PA'I, ,LHA LA SOGS PA'I BGEGS CHOGS KUN NYON CIG ,NGA NI GNAS 'DIR SDIG SBYONG CHOG BYED, ,KHYED RNAMS 'DI NAS GZHAN DU 'GRO BAR GYIS, ,GAL TE NGA YI BKA' LAS 'DA' BYED NA, ,YE SHES CAN GYI RDO RJE 'BAR BA YIS, ,MGO BO TSAL PA BRGYAR NI 'GAS 'GYUR ZHING, ,BGEGS RNAMS BRLAG PAR 'GYUR BA GDON MI ZA, ZHES BGEGS LA BKA' BSGO, NA MO SANGS RGYAS KYI BKA'
, ,BDEN PA ZHES PA NAS, DPAL RDO RJE 'JIGS BYED CHEN PO'I DKYIL 'KHOR GYI LHA TSOGS RNAMS KYI BDEN BAR BZHES BA'I BAR SNGAR LTAR BRJOD LA, BDEN PA'I BYIN RLABS KYIS, TSE LAS 'DAS PA CHE GE MO ZHES BYA BA LA, GSON PA'I DUS NA TSE GNAS PA LA BAR DU GCOD CING, TSE 'PHOS NAS GANG DU GNAS PA'I LUS SROG DANG MTHOR SI DANG THAR PA THOB PA LA BAR DU GCOD PA'I BGEGS KYI TSOGS THAMS CAD DANG, TSE LAS 'DAS PA'I CHA BYAD BZUNGS NAS, TSE LAS 'DAS PA'I NYE 'BREL RNAMS DANG, 'JIG RTEN PA RNAMS BSLU ZHING GNOD PAR BYED PA'I GNOD SBYIN DANG SHA ZA DANG 'BYUNG BO LA SOGS PA DANG, DRI ZA 'CHI KHA MA'I SEMS LA NYE BAR 'JUG PA ZHES BYA BA'I RIGS DANG, DRI ZA KHYAB BYED CES BYA BA'I RIGS DANG, DRI ZA PI TZA NA ZHES BYA BA'I RIGS DANG, GNOD SBYIN SMRA 'DOD KYI RIGS DANG, GNOD SBYIN WA RA HINTA KUN DU RTOGS 'DOD CES BYA BA'I RIGS SU GTOGS PA THAMS CAD MCHOD SBYIN GYI GTOR MA RGYA CHEN PO 'DIS TSIMS PAR GYIS LA, SEMS CAN LA GNOD PA DANG, 'TSE BA'I BSAM PA NGAN PA THAMS CAD SPONGS LA, PHAN PA DANG BYANG CHUB KYI SEMS DANG LDAN PAS RDO RJE 'CHANG GI BKA' BZHIN DAM TSIG DANG SNGOM PA LA GNAS PAR GYIS LA RANG RANG SO SO'I GNAS SU SONGS SHIG ,GAL TE DE LTAR MI BYED NA, YE SHES KYI RDO RJE ME RAB TU 'BAR BA RNAMS KYIS BSREG CING RNAM PAR 'JOMS BAR GDON MI ZA'O, ,ZHES BRJOD CING, RTEN NAM, RO LA GU GUL GYIS BDUG ,YUNGS KAR GYIS BRAB, ROL MO'I SGRA DRAG TU BYA, GTOR MA RTEN LA BSKOR LA PHYIR DOR, HR'I shtI:DANG SUMBHA NI SOGS DRAG SNGAGS BRJOD, DE DAG NI DRAG POS SPYANG
PA'O, ,DE NAS SDIG PA SBYANG PA LA, RDO RJE MKHA' 'GRO'I RGYUD LAS, BSGRUB BYA'I RKANG PA DAG LA NI, ,GZHU YI RNAM 'DRA'I DKYIL 'KHOR TE, ,LTE BAR YE SHES YANG DGA' BAR, ,DE YI SNYING KHAR SBAR BA YIS, ,'OD ZER 'BAR BA KUN TU 'KHRIGS, ,PAm GYUR SDIG PA MI BZAD PA, ,SNA YI SGO NAS PHYUNG NAS NI, ,DE NAS KHRO BO'I GZUGS BSGOMS NAS, ,KUN TU ZOS PAR BSGOM PAR BYA, ZHES GSUNGS PA LTAR, TSE 'DAS KYI RKANG PA GNYIS KYI 'OG TU RLUNG GI DKYIL 'KHOR GZHU'I DBYINGS CAN, LTE BAR GTUM MO'I ME 'BAR BA, SNYING KHAR SDIG PA'I SA BON PAm NAG PO LA LUS NGAG YID GSUM GYI SDIG SGRIB THAMS CAD 'DUS BAR GYUR BAR BSAM, RKANG PA'I 'OG GI RLUNG G-YOS PAS, LTE BA'I GTUM MO'I YE SHES KYI ME 'BAR BA'I 'OD ZER GYIS, SNYING KHA'I PAm DED NAS SNA SGO NAS 'THON, SDIG PA RVA CAN GYI RNAM PAR GYUR NAS, TIL GYI PHUNG PO LA THIM PAR GYUR PAR BSAMS LA, ME LAS SNGAGS KYIS BSANGS, SVA BHA WAS SBYANGS, STONG PA'I DANG LAS H'Um LAS ZHI BA'I THAB KHUNG DKAR PO RGYAR KHRU GANG PA, ZABS SU KHRU PHYED PA ZLUM PO, MCHU KHA KHYER DANG BCAS PA MTSAN NYID THAMS CAD YONGS SU RDZOGS PA, DE'I NANG DU RAm LAS YE SHES KYI ME 'BAR BA'I DBUS SU BAm LAS PADMA, RI LAS NYI MA'I DKYIL 'KHOR GYI STENG DU, H'Um DANG RDO RJE LAS KHRO BO RDO RJE MKHA' 'GRO SKU MDOG SNGON PO ZHAL GCIG PHYAG GNYIS RDO RJE DANG DRIL BU THUGS KAR BSNOL NGE 'DZIN PA, ZHAL RAB TU GDANGS SHING, ZHABS G-YON BRKYANG GI STABS KYIS BZHUGS PA'I SBYI BOR AOm, MGRIN BAR A'A:THUGS KAR H'Um, DE LAS 'OD ZER 'PHROS, BSGOMS PA DANG 'DRA BA'I YE SHES PA DBAR LHA DANG
, ,BCAS PA SBYAN DRANGS, DZA:H'Um BAm HO:GNYIS SU MED PAR GYUR, DBANG GI LHA RNAMS KYIS, AOm BADZRI BHA WA AA BHI shI NYTZA H'Um, ZHES GSUNG ZHING, DBANG BSKUR BAS SKU GANG DRI MA DAG ,CHU LHAG MA YAR LUD PA SPYI BOR 'KHYIL BA LAS MI BSKYOD PAS DBU BRGYAN PAR GYUR, DE NAS TSE LAS 'DAS PA'I SDIG SGRIB THAMS CAD, RDO RJE MKHA' 'GRO'I ZHAL DU PHUL BAR BSAMS LA, MTHEB SRIN GNYIS KYIS TIL BZUNG BA G-YAS G-YON DU BSKOR NAS, SNGAGS BRJOD PA DANG MNYAM DU G-YAS KYIS ME NANG GI KHRO BO'I ZHAL DANG, G-YON GYIS CHUR DOR, AOm BADZRA d'A KI KHA KHA KH'A HI KH'A HI SARBA P'A PAm DA HA NA BHA SMIm KU RU SV'A H'A, CHO LAS 'DAS PA CHE GE MO'I SDIG SGRIB THAMS CAD SH'ANTIm KU RU SV'A H'A, ,AOm BADZRA d'A KI SA PA RI W'A RA AARGHAm NAS, SHAPTA'I BAR GYIS MCHOD, NANG MCHOD KYANG DBUL, MI BSKYOD RDO RJE YE SHES CHE, ,RDO RJE DBYINGS NI MKHAS BA CHE, ,RDO RJE GSUM MCHOG DKYIL 'KHOR GSUM, ,RDO RJE MKHA' 'GROR PHYAG 'TSAL LO, ,DE NAS, AOm BADZRA MU: YE SHES PA RANG BZHIN GYI GNAS SU GSHEGS, DAM TSIG PA ME 'BAR BA'I RNAM PAR GYUR PAR BSAM MO, ,DE NI RDZAS KYI SBYIN SREG GIS SDIG PA SBYANG BA'O, ,DE NAS PHYIR BZLOG GI SDIG SBYONG BYA STE, GTZUG DGU'I GZHUNG LAS, DE NAS PHYIR BZLOG BYA BA NI, ,YUNGS KAR GYIS NI BYA BA YIN, ,YUNGS KAR ME TOG DANG LDAN PAS, , SNGAGS RNAMS ZLOS SHING BRDEG PAR BYA, ,RUS PA'AM GOS SAM MING LA NI, ZHES GSUNGS PAS, SHI BA'I RO'AM, GOS SAM, RUS PA LA BRDEG PAR GSUNGS PA'I SNGAGS, DU RGA TI DANG, LAS KYI SGRIB PA 'JOMS PA'I GZUNGS LAS, JI SKAD DU,
SA'AM, TIL LAM, YUNGS KAR RAM, CHU GANG YANG RUNG BAL BZLAS BRJOD BYAS TE, RUS PA'AM SHI BA'I LUS LA GTOR RAM KHRUS BYAS NAS, DE'I 'OG TU BSREG SA'AM, MCHAD PA'I NANG DU BCUG STE BZHAG LA, RIG SNGAGS KYANG BRIS TE MGO LA BTAGS NA, DES NGAN SONG DU SKYES PA YANG ZHAG BDUN GYIS GDON MI ZA BAR THAR TE, BDE 'GRO MTHO RIS KYI 'JIG RTEN DU SKYE BAR 'GYUR RO, ,ZHES BSHAD PAS, ,KAm KA NI'I GZUNGS DANG, RNAM RGYAL GYI GZUNGS LAS KYANG, SEMS CAN SDIG BYED PA GANG DAG SHI BA'I DUS BYAS PA DE DAG GI DON DU, GZUNGS 'DI YUNGS KAR DAG LA LAN NYI SHU RTZA GCIG YONGS SU BRJOD DE, DE DAG RUS GONG RNAMS KYI STENG DU GTOR NA, DE DAG SEMS CAN DMYAL BA'AM DUD 'GRO'I SKYE GNAS SAM, GSHIN RJE'I 'JIG RTEN NAM, YI DVAGS SAM, DE LAS GZHAN NGAN 'GRO RNAMS SU SKYES PAR GYUR KYANG RUNG STE, DE DAG GZUNGS 'DI'I MTHUS, NGAN 'GRO DE DAG LAS THAR BAR 'GYUR RO, ,DE DAG LAS THAR NAS KYANG LHAR SKYE BAR 'GYUR RO ZHES GSUNGS PAS, GTZUG TOR RNAM RGYAL DANG, AOm NA MA STEE YADDHE SARBA TA TH'A GA TA HRID YA GARBHE DZVA LA DZVA LA, DHARM'A DH'A TU GARBHE, SAm GAR YU:SAm SHODHA YA SARBA P'A BAm SARBA TA TH'A GTA SA MNTOshn'I shA BI MA LE BI SHUDDHE H'Um H'Um H'Um H'Um AAm BAm SAm DZI SV'A H'A, BYE MA LA LAN NYI SHU RTZA GCIG BZLAS BRJOD BYAS TE, DUR KHROD DU GTOR NA GANG GI RUS PA LA PHOG PA DE DAG SEMS CAN DMYAL BA GANG DU SKYIS PA DE DAG DE NAS YONGS SU THAR TE, MTHO RIS SU SKYE BAR 'GYUR RO, ,GANG DAG MTHO RIS SU SKYES PA DE DAG GI LUS LA ME TOG GI CHAR 'BAB PAR 'GYUR RO, ,ZHES GSUNGS PAS, GTZUG TOR DRI MED KYI GZUNGS DANG, DON ZHAGS KYI CHO GA LAS, AOm PADMA
, ,AUshnI shA BI MA LE H'Um PHAt, SEMS CAN GANG LA LA SEMS CAN DMYAL BAR GZHOL BA SHI BA DANG, DGE SLONG GANG LA LA BSLAB PA'I SNGOM PA DANG, TSUL KHRIMS KYI SDOM PA RAL BA DANG, MKHAN PO DANG SLOB DPON LA GUS PA MA BYAS PA SHI BA DE'I DON DU BYE MA GTZANG MA BLANGS LA LAN BDUN BZLAS BRJOD BYAS NAS, DUR KHROD DAM, RO BSREG SA'AM, MCHAD PA DER BYE MA GTOR BAR BYA'O, ,GANG DANG GANG NA SEMS CAN GANG DAG GI RUS PA YOD PAR BYE MA GTOR MA THAG TU DE DANG DER BYE MA BAB PA'I SEMS CAN DMYAL BA'AM, YI DVAGS SAM, SHA ZAR SKYES PA'AM, GNOD SBYIN NAM SRIN PO'I SKYE GNAS SU SKYES NA, DE DE'I MOD LA TSE BRJES NAS THAMS CAD MTHO RIS SU GZHOL BAR 'GYUR ZHING NAM YANG DMYAL BAR GZHOL BAR MI 'GYUR RO, ,ZHES BSHAD PAS, DNGOS SU RO SOGS LA GDAB PAR GSUNGS PA'I SNGAGS DE DAG DANG, 'OG NAS 'CHAD PA'I BRDEG PA'I SNGAGS DANG, GZHAN YANG DKYIL 'KHOR GYI LHA'I SNGAGS DANG, YIG BRGYA SOGS BZLAS PA'I YUNGS KAR DANG BYE MA LA SOGS PAS BRA BA CING, AOm SARBA B'A BAm DA HA NA BADZRA H'Um PHAt, AOm SARBA P'A PAm BI SHO DHA NA BADZRA H'Um PHAt, AOm SARBA KARMA A'A BAR n'A NI BHA SMIm KU RU H'Um PHAt, AOm BHRUm BI N'A SHA YA A'A BA RA n'A NI BADZRA H'Um PHAt, AOm DRUm BI SHO DHA YA A'A BAR n'A NI H'Um PHAt, AOm DZVA LA DZVAL, DHA KA DHA KA ,HA NA HAN, A'A BA RA n'A NI H'Um PHAt, AOm SRUm SA RA SA RA PRA SA RA PRA SA RA A'A BA RA n'A NI H'Um PHAt, AOm HUm HA RA HA RA SARBA A'A BA RA n'A NI H'Um PHAt, AOm H'Um PHAt SARBA A'A BA RA n'A NI SPAt YA H'Um PHAt, AOm BRI TA BRI TA SARBA A'A BA RA n'A NI H'Um PHAt, AOm
TZTSI NDA TZTSI NDA SARBA A'A BA RA n'A NI H'Um PHAt, AOm DA HA DA HA SARBA NA RA KA GA TI HE TUm H'Um PHAt, AOm PA TZA PA TZA SARBA PRE TA KA GA TI HE H'Um H'Um PHAt, AOm MA THA MA THA SARBA TA RYA KA GA TI HE TUm H'Um PHAt, TSE LAS 'DAS PA CHE GE MO ZHES BGYI BA SDIG SGRIB THAMS CAD DANG NGAN SONG GSUM GYI SDUG BSNGAL THAMS CAD LAS GROL TE MYUR DU BCOM LDAN 'DAS 'JAM PA'I RDO RJE'I GO 'PHAR THOB PAR GYUR CIG CES BRJOD CING BRAB BO, ,DE NAS KHRUS KYIS SBYANG BA NI, THOG MAR DKYIL 'KHOR RAS BRIS LA SOGS PAR ME LONG BSTAN LA KHRUS GSOL BA NI, 'DI NI KHRUS MCHOG DPAL DANG LDAN, ZHES SOGS SHLOO KA'I MTHAR AOm SARBA TA TH'A GA TA AA BHI shE KA TA SA MA YA SHI YE H'Um, JI LTAR BLTAMS PA TZAM GYIS ZHES SOGS, AOm SARBA TH'A GTA ZHES SOGS, RGYAL BA'I SKU LA NYON MONGS MI MNGA' YANG, ,TSE 'DAS LUS KYI SGRIB PA SBYANG SLAD DU, ,RGYAL BA'I SKU LA KHRUS CHAB 'DI GSOL BAS, ,TSE 'DAS LUS KYI SGRIB PAD GYUR CIG ,DE BZHIN DU GSUNG THUGS LA YANG 'DON PA SPO, DE BZHIN GSHEGS PA RNAMS DANG DE SRAS LA, ZHES SOGS SNGAGS DANG BCAS TE KHRUS GSOL BA'I CHU BUM PAR BLUG ,DE DAG SKU LA ZHES SOGS, AOm H'Um ZHES SOGS, STONG GSUM KUN TU ZHES SOGS, AOm BADZRA GA NDHE A'A:H'Um, SRAB 'JAM YANG BZHES SOGS, TSE 'DAS RDO RJE'I SKU THOB SHOG ,AOm BADZRA WA SA SE A'A:HUm, DE NAS GTZUG DGU'I GZHUNG LAS, DE RJES CHU YIS BKRU BAR BYA, ,SDIG PA BKRU BA'I SNGAGS KYIS NI, ,SRID GSUM DRI MA BKRU BAR BYA, ZHES GSUNGS PA LTAR BKRU BAR BYA STE, MAR ME MDZAD KYI GZHUNG LAS 'BYUNG BLTAR, 'DI NI SBYIN PA'I RANG BZHIN CHU,
, ,SER SNA'I DRI MA SBYOD MDZAD CING, ,GTONG BA DRI YIS LEGS BSGOS CHU, ,KHRUS LEGS MDZAD KYIS KHRUS BYA'O, ,AOm NA MO BHA GA WA TE SARBA DU RGA TI PA RI SHO DHA NA, R'A DZ'A YA, TA TH'A GA T'A YA, AARHA TE, SA MYAKSA BUDBH'A YA, TADYA TH'A, AOm SHO DHA NE SHO DHA NE SARBA P'A BAm BI SHODHA NA SHUDDHA BI SHUDDHE, SARBA KARMA A'A BAR nA BI SHO DHA NE SV'AH'A, ZHES PA DANG, GTZO (SNGAGS KYI RING SLOB DPON GYIS LAG BA G-YON PAS BUM PA BZUNG G-YAS PAS KU SHAS PHUNG PO DANG GOS LA CHAB 'THOR, MING BYANGS CUNG ZANG 'THER ZHING DRIL BU DKROL,) PO'I SNGAGS LA TSE LAS 'DAS, PA CHE GE MO'I SDIG SGRIB THAMS CAD SH'AMTI KU RU NA MA: ZHES PA'I SPEL TSIG DANG BCAS PA DANG, 'JIG RTEN 'DI NAS PHA ROL TU SONG ZHING TSE LAS 'DAS PA CHE GE MO ZHES BYA BAS TSE 'KHOR BA THOG MA MED PA NAS BSAGS PA'I SDIG SGRIB THAMS CAD DANG, KHYAD PAR DU NYON MONGS PA SER SNA'I DRI MA THAMS CAD BYANG ZHING DAG NAS, SBYIN PA'I PHA ROL TU PHYIN PA YONGS SU RDZOGS TE, MYUR DU MNGON PAR RDZOGS PAR 'TSANG RGYA BAR GYUR CIG CES DANG, DE BZHIN DU SBYIN PA'I GNAS SU TSUL KHRIMS, BZOD PA, BRTZON 'GRUS, BSAM GTAN, SHES RAB RNAMS BCUG ,SER SNA'I GNAS SU, KHRIMS 'CHAL, KHONG KHRO, LE LO, RNAM G-YENG, SHER 'CHAL ZHES PA RNAMS RIM BZHIN BCUG LA, MNGON PAR RDZOGS PAR 'TSANG RGYA BAR GYUR CIG ,CES PA'I BAR 'DON PA BSGYUR LA BRJOD, DE NAS RIN CHEN 'BAR BA LAS, CHU BO DRUG GI KHRUS BYAS PAS, BAG CHAGS RNAM DRUG SBYANGS NAS NI, ,GANG LA NYES PA MI MNGA' ZHING, ,KHRUS LEGS MDZAD LA PHYAG 'TSAL 'DUD, ,DRI CHU DRUG GI KHRUS BYAS PAS, ,DRI MA RNAM
DRUG SBYONG MDZAD PA, ,RGYA CHEN YON TAN DRUG LDAN PA, ,KHRUS LEGS MDZAD LA NYES MI MNGA', ,DRI MA RNAM DRUG DAG PA YIS, ,YON TAN THAMS CAD DANG LDAN PA, ,SANGS RGYAS THAMS CAD MCHOD DON DU, ,DAD PAS BDAG GIS KHRUS BGYI'O, ,ZHES PAR SNGAR LTAR SNGAGS SPEL CHIG DANG BCAS PA BRJOD LA, 'JIG RTEN 'DI NAS ZHES SOGS SNGAR LTAR BRJOD DE, ,KHYAD PAR DU PHA ROL TU PHYIN PA DRUG GI MI MTHUN PHYOGS THAMS CAD BYANG ZHING DAG NAS, PHA ROL TU PHYIN PA DRUG YONGS SU RDZOGS TE, MYUR DU MNGON PAR RDZOGS PAR 'TSANG RGYA BAR GYUR CIG ,DE NAS GTZUG DGU'I BRTAG PA PHYOGS GCIG PA LAS BSHAD PA LTAR, BA'I RNAM LNGA DANG, DRI BZANG DANG, BA'I 'O MA DANG, CHU MCHOG DANG, CHUS BKANG BA'I BUM PAR, MI BSKYOD PA DANG, RNAM SNANG DANG, RIN 'BYUNG DANG, 'OD DPAG MED DANG, DON GRUB RNAMS SKU MDOG DKAR PO, G-YAS MI 'JIGS PA, G-YON MCHOG SBYIN MDZAD PA BSKYED DE, BZLAS PA BYA, ZHU BA LAS BYUNG BA'I CHUR BYAS PAS BKUR, ,DE BZHIN MA GRUB NA, DKYIL 'KHOR BA'I LHA YONGS SU RDZOGS PA BSKYED DE BUM PA STA GON BYAS PA'I CHUS 'GRUS LA, MI 'KHRUGS RGYAL PO SRID DANG GTI MUG RNAM SBYONG BA, ,MGON PO YON TAN THAMS CAD RDZOGS PA'I BKRA SHIS GANG, ,DGE BA MNYAM MED RDZOGS PA'I BKRA SHIS GANG LAGS PA,, BKRA SHIS DES NI DE RING ZHI BYED LEGS GYUR CIG ,BUM CHU 'THOR LUGS PHYIN DRUG DANG 'DRA, AOm KAm KA NI KAm KA NI, RO TZA NI RO TZA NI, TRO tA NI TRO tA NI, TR'A SA NI TR'A SA NI, PRA TI HA NA PRA TI HA NA, SARBA KARMA PA RAm PA R'A nI ME SARBA SATV'A N'Am SV'AH'A, 'JIG RTEN 'DI NAS
, ,PHA ROL TU SONG ZHING TSE LAS 'DAS PA CHE GE MO ZHES BYA BAS CHO 'KHOR BA THOG MA MED PA NAS BSNGAGS PA'I SDIG SGRIB THAMS CAD DANG, KHYAD PAR DU NYON MONGS PA ZHE SDANG GI DRI MA THAMS CAD BYANG ZHING DAG NAS CHOS KYI DBYINGS KYI YE SHES MNGON DU GYUR TE, BCOM LDAN 'DAS MI BSKYOD RDO RJE'I SKUR MNGON PAR RDZOGS PAR 'TSANG BAR GYUR CIG CES DANG, RNAM PAR SNANG MDZAD YE SHES DAM PA MTSO CHEN LDAN, ,ZLA BA NYA 'DRA'I SKU MNGA' SRID PA MTHAR PHYIN PA, ,DGONGS PA MTHA' DAG YONGS SU RDZOGS PA'I BKRA SHIS GANG, ,BKRA SHIS X, ,AOm PU n+YE MAH'A PU n+YE AA PAR MI TA A'A YURPU n+YA DZNY'A NA SAm BHA RA, AU PA TZA YA K'A R'I nI SV'AH'A, 'JIG RTEN 'DI NAS SOGS DANG KHYAD PAR DU NYON MONGS PA GTI MUG GI DRI MA THAMS CAD BYAD ZHING DAG NAS ME LONG LTA BU'I YE SHES MNGON DU GYUR TE, BCOM LDAN 'DAS RNAM PAR SNANG MDZAD KYI SKUR MNGON PAR RDZOGS PAR 'TSANG RGYA BAR GYUR CIG ,SANGS RGYAS YON TAN KUN GYI RGYAN GYIS BRGYAN MDZAD CING, YANG DAG SBYIN MDZAD 'GRO BA'I DON LA MI SLU BA'I, ,RIN CHEN 'BYUNG LDAN ZHES BYA'I BKRA SHIS GANG LAGS PA, ,BKRA SHIS X, ,AOm RADNE RADNE MAH'A RADNE RADNA SAm BHA WE RADNA KI RADNE RADNA M'A LA BI SHUDDHE SHODDHA YA SARBA P'A PAm H'Um TR'At, 'JIG RTEN 'DI NAS X, KHYAD PAR DU NYON MONGS PA NGA RGYAL DANG SER SNA'I DRI MA THAMS CAD BYANG ZHING DAG NAS MNYAM PA NYID KYI YE SHES MNGON DU GYUR TE BCOM LDAN 'DAS RIN CHEN 'BYUNG LDAN GYI SKUR MNGON PAR RDZOGS PAR 'TSANG RGYA BAR GYUR CIG ,BSAM GTAN TING 'DZIN DAM PA PHA ROL PHYIN PA'I GNAS, ,YE SHES PADMA'I STENG BZHUGS DPAG MED CHE LDAN PA, ,TSE GRANGS MED PAR
BYIN GYIS RLOB PA'I BKRA SHIS GANG, ,BKRA SHIS DES X, ,AOm AA MI TE, AA MI TE, AA MI TONGBHA WE, AA MI TA SAm BHA WE, AA MI TA BI KR'ANTE, AA MI TA BI KR'ANTA G'A MI NI SARBA KARMA KLE SHAKshA YAm KA RI SV'AH'A, 'JIG RTEN X, KHYAD PAR DU NYON MONGS PA 'DOD CHAGS KYI DRI MA THAMS CAD BYANG ZHING DAG NAS SO SOR RTOG PA'I YE SHES MNGON DU GYUR TE, BCOM LDAN 'DAS 'OD DPAG MED KYI SKUR MNGON PAR RDZOGS PAR 'CHAR RGYA BAR GYUR CIG ,SEMS CAN DON LA THUGS NI RAB TU DGONGS MDZAD DE, ,'GRO BA MTHA' DAG 'CHING BAS BCINGS LAS GROL MDZAD PA, ,THUB MCHOG DON YOD GRUB PA'I BKRA SHIS GANG LAGS PA, ,BKRA SHIS X, ,AOm AAm MO GHA AA PRA TI HA TA, SARBA KARMA A'A BA RA nA BI N'A SHA NI, HA RA HA RA H'Um PHAt, 'JIG RTEN X, KHYAD PAR DU NYON MONGS PA PHRAG DOG GI DRI MA THAMS CAD BYANG ZHING DAG NAS BYA BA GRUB PA'I YE SHES MNGON DU GYUR TE, BCOM LDAN 'DAS DON YOD GRUB PA'I SKUR MNGON PAR RDZOGS PAR 'TSANG RGYA BAR GYUR CIG ,DE NAS NYON MONGS PA DANG, DE'I DBANG GIS BYUNG BA'I DUG BSAL BA'I PHYIR, DUG DBYUNG RNAMS BYA STE, SANGS RGYAS KUN GYI GZI BRJID DANG, ,RANG RGYAL DAG GI GZI BRJID DANG, ,DGRA BCOM RNAMS KYI MTHU DAG DANG, ,GSANG SNGAGS 'DZIN PA THAMS CAD DANG, ,SH'A RI'I BU YE SHES RAB DANG, ,MO'U GAL BU YI RDZU 'PHRUL DANG, MA 'GAGS PA YI MIG DANG NI, ,'OD SRUNGS SBYANGS PA'I YON TAN DANG, ,KUN DGA' BO YI THOS PA DANG, TSANGS PA YI NI BYAMS PA DANG, ,BRGYA BYIN GYI NI DBANG RNAMS DANG, ,'JIG RTEN SKYONG BA'I YUL RNAMS DANG, ,DBANG PHYUG CHEN PO'I STOBS DAG
, ,DANG, SDE DPON RNAMS KYI MTHU DAG DANG, ,'PHROG MA'I GZI BRJID RDZU 'PHRUL DANG, ,DE DAG RNAMS KYI MTHU DANG GZIS, ,TSE 'DAS DUG NI DUG MED SHOG ,'DOD CHAGS ZHE SNGAR GTI MUG RNAMS, ,DE DAG 'JIG RTEN DUG GSUM STE, ,BCOM LDAN SANGS RGYAS DUG MI MNGA', ,SANGS RGYAS GZI YIS DRUG BCOM MO, ,ZHES DANG, RDO RJE 'JIGS BYED KYI DKYIL 'KHOR BA'I LHA'I SNGAGS DANG, YIG BRGYA RNAMS BRJOD LA, TSE LAS 'DAS PA CHE GE MO ZHES BYA BA'I NYON MONGS PA DUG LNGA DANG DUG GSUM DANG, NGES BSKYED PA'I DUG THAMS CAD SANGS RGYAS KYI GZI YIS BCOM MO MED PAR GYUR CIG ,DE BZHIN DU BCOM LDAN SANGS RGYAS ZHES PA'I GNAS SU, DAM CHOS DKON MCHOG X, DAM CHOS GZI YIS X, ,DGE 'DUN DKON MCHOG X, ,DGE 'DUN GZI YIS X, ,ZHES 'DON PA BSGYUR LA BYA'O, ,SA NI DUG GI MA YIN TE, ,SA NI DUG GI PHA YANG YIN, ,BDEN PA'I BDEN TSIG DE DAG GIS, ,TSE 'DAS DUG NI DUG MED SHOG ,DUG NIS YI NANG DU SONG, ,GANG BA'I NANG DU DUG SONGS SHIG SV'AH'A, ZHES PA DANG, LHA'I SNGAGS YIG BRGYA DANG BCAS PA BRJOD LA, 'JIG RTEN 'DIS NA PHA ROL TU SONG ZHING, ,TSE LAS 'DAS PA CHE GE MO ZHES BYA BA'I NYON MONGS PA GTI MUG GI DRI MA THAMS CAD 'BYUNG BA CHEN PO SA'I NANG DU THIM ZHING, SA'I RANG BZHIN STONG PA NYID YIN PAS, CHO LAS 'DAS PAS KYANG CHOS THAMS CAD STONG PA NYID DU RTOGS NAS, MYUR DU MNGON PAR RDZOGS PAR 'CHANG RGYA BAR GYUR CIG ,DE BZHIN DU, SA'I GNAS SU, CHU ME RLUNG RNAMS BCUG LA, CHU LA, GSHER BA'I NANG DU DUG SONGS
SHIG ,ME LA, 'BAR BA'I NANG DU DUG SOGS SHIG ,RLUNG LA, G-YO BA'I NANG DU DUG SONGS SHIG ,CES PA DANG, NYON MONGS PA GTI MUG GI ZHES PA'I GNAS SU, 'DOD CHAGS ZHE SDANG PHRAG DOG RNAMS RIM BZHIN SBYAR BA'I SNGAGS SPEL TSIG DANG BCAS PA BYA'O, SANGS RGYAS KYIS NI BDUD PHAM MDZAD, ,CHOS MA YIN NI CHOS KYIS SO, ,DGE 'DUN GYIS NI MU STEGS PHAM, ,DBANG POS LHA MIN PHAM PAR 'GYUR, ,LHA MIN RNAMS KYIS ZLA BA PHAM, ,NAM MKHA' LDING GIS RGYA MTSO'O, ,ME YIS SHING RNAMS PHAM PAR 'GYUR, ,CHU YIS ME RNAMS PHAM PAR 'GYUR, ,RLUNG GIS SPRIN RNAMS RAB TU PHAM, ,RDO RJE YIS NI RIN CHEN PHUG, LHA RNAMS BDEN PA RAB TU GNAS, ,SA YANG BDEN PAR GNAS PA LA, ,SANGS RGYAS DANG NI CHOS KYANG BDEN, ,BDEN PA RGYAL 'GYUR RDZUN MA LAGS, ,BDEN PA DANG BDEN PA'I TSIG 'DI DAG GIS, ,CHE GE MO ZHES BYA BA'I NYON MONGS PA DUG GSUM GYI SGRIB PA THAMS CAD BCOM ZHING, DUG DANG DUG LAS BYUNG BA'I SDUG BSNGAL THAMS CAD LAS RGYAL BAR GYUR CIG ,CES BRJOD DO, ,DE NAS, GTZUG DGU'I GZHUNG LAS, SLAR YANG BKRA SHIS TSIGS BCAD KYIS, ,DUS GSUM DU NI KHRUS BYA'O, ,ZHES GSUNGS PA LTAR RO'AM RTEN LA ME TOG GI CHAR PHAB CING, BUM CHUS KYANG GTOR LA, ,STON MCHOG DAM PA LHA MIS MCHOD 'OS PA, ,SANGS RGYAS PHYAG 'TSAL DENG 'DIR BDE LEGS SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD DENG 'DIR BDE LEGS SHOG ,ZHI BA CHAGS BRAL LHA MIS MCHOD 'OS PA, ,CHOS LA PHYAG 'TSAL DENG 'DIR BDE LEGS SHOG ,SEMS CAN GANG DAG 'GRO DANG MI
, ,'GRO BA, ,DE DAG THAMS CAD DENG 'DIR BDE LEGS SHOG , ,TSOGS KYI DAM PA LHA MIS MCHOD 'OS PA, ,DGE 'DUN PHYAG 'TSAL DENG 'DIR BDE LEGS SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD DENG 'DIR BDE LEGS SHOG ,'BYUNG PO GANG DAG 'DIR NI LHAGS GYUR TE, ,SA'AM 'ON TE BAR SNANG 'KHOR KYANG RUNG, ,SKYE DGU KUN LA RTAG TU BYAMS BYED CING, ,NYIN DANG MTSAN DU CHOS LA SPYOD GYUR CIG ,'DIR NI RGYAL BA SRAS BCAS BDEN GANG GIS, , SHIN TU BDEN PA GSUNG ZHING RDZUN MED PA, ,BDEN PA DE YIS DENG 'DIR BDE LEGS SHOG ,DENG KUN 'JIGS PA CHE LAS THAR GYUR CIG SV'AH'A, ,CHE GE MO ZHES BYA BA GAR SKYES GANG DU GNAS KYANG RUNG STE 'JIGS PA THAMS CAD DANG BRAL NAS BKRA SHIS DANG BDE LEGS CHEN POS KHYAB PAR GYUR CIG ,CES BRJOD NAS KHRUS BYA'O, ,DE NAS TSE 'DAS DE DANG NGAN SONG GSUM PO THAMS CAD KYIS PHYAG 'TSAL ZHING, GANG GI DRIN GYIS BDE CHEN NYID, ,CES SOGS DANG, SANGS RGYAS KUN GYI RANG BZHIN SKU, ,SLOB DPON LA YANG PHYAG BYA'O, ,DANG POR ME TOG PHOG PA YI, ,DKYIL 'KHOR LHA TSOGS RNAMS LA 'DUD, ,BCOM LDAN 'DAS BDAG CAG SDUG BSNGAL GYIS GZIR BA 'DI LAS BSKYAB TU GSOL, BDAG CAG RNAMS, ,SANGS RGYAS DANG, CHOS DANG, DGE 'DUN DANG, KHYOD LA YANG SKYABS SU MCHI'O, ,ZHES DE NYID BSDUS PA'I RGYUD LAS 'BYUNG STE BSDUS PA LA DE TZAM GYIS CHOG, ,RGYAS PAR SPRON, ,GTZO BO RGYAL BA 'GRO BA'I MGON, ,'GRO BA SKYOB PA'I DON BRTZON PA, ,STOBS CHEN 'JIGS PA KUN SEL LA,,
DE RING NYID NAS SKYABS SU MCHI, ,DE YI THUGS SU CHUD PA'I CHOS, ,'KHOR BA'I 'JIGS PA SEL BA DANG, ,BYANG CHUB SEMS DPA'I TSOGS LA YANG, ,DE BZHIN YANG DAG SKYABS SU MCHI, ,BDAG NI 'JIGS PAS RNAM SKRAG NAS, ,KUN TU BZANG LA BDAG NYID 'BUL, ,'JAM DPAL DBYANGS LA BDAG NYID KYIS, ,BDAG GI LUS 'DI DBUL BAR BGYI, ,THUGS RJE'I SPYOD PA MA 'KHRUL BA'I, ,SPYAN RAS GZIGS DBANG DE LA YANG, ,NYAM THAG NGA ROS 'O DONG 'BOD, ,SDIG LDAN BDAG LA BSKYAB TU GSOL, ,'PHAGS PA NAM MKHA'I SNYING PO DANG, ,SA YI SNYING PO DAG DANG NI, ,THUGS RJE CHE MGON THAMS CAD LA, ,SKYABS 'TSOL SNYING NAS 'O 'DOD 'BOD, ,GANG ZHIG MTHONG NA GSHIN RJE YI, ,PHO NYAL SOGS SDANG BA RNAMS, ,SKRAG NAS PHYOGS BCUR 'BYER BYED PA'I, ,RDO RJE CAN LA SKYABS SU MCHI, ,SNGON CHAD KHYED KYI BKA' LAS 'DAS, ,DA NI 'JIGS PA CHE MTHONG NAS, ,KHYED LA SKYABS SU MCHI LAGS KYIS, ,'JIGS BA MYUR DU BSAL DU GSOL, ,ZHES PA RNAMS BU LA SOGS PA'I 'BREL BA YOD NA DE DAG RJOD DU GZHUG LA MED NA DNGOS SU RANG GIS BRJOD CING, YID KYIS DE DAG GIS BSAM PA THAG PA'I SGO NAS BRJOD PAR BSAM MO, ,DE NAS DKYIL 'KHOR SGRUB MCHOD DANG MA 'BREL ZHING DBANG MI BSKUR NA, 'OG NAS 'BYUNG BA BZHIN ZAS GTAD PA, LAM SBYANG BSTAN RNAMS BYA LA, ,RO YIN NA, SPED BA'AM BSREG PA SOGS BYA, MING BYANG YIN NA 'OG NAS 'BYUNG BA LTAR BSREG PAR BYA ZHING, DKYIL 'KHOR SGRUB MCHOD DANG 'BREL NA SGRUB MCHOD BDAG 'JUG RNAMS TSAR BA DANG, GONG DU
, ,BSHAD PA LTAR, SBYONG CHOG RNAMS TSANG MAR BYAS LA, DE NAS GSON PO LA DBANG BSKUR BA BZHIN LA, BSKUR LUGS STA GON DANG DNGOS GZHI SPREL NAS BYED CING, DE YANG, SNGAR DBANG MA THOB PA LA BUM DBANG THUN MONG BA TZAM BSKUR ZHING SNGAR DBANG THOB NA DBANG BZHI RDZOGS PAR BSKUR, DBANG BSKUR BA'I PHAN YON NI, SBYONG RGYUD LAS, KYE LHA'I BU RNAMS NGAN SONG DU SKYES ZIN PA GANG YIN PA DE DAG GI MING LA DBANG BSKUR CIG ,GZUGS BRNYAN LA YANG DBANG SKUR CIG ,MCHOD RTEN LA YANG DBANG BSKUR BAR BYOS SHIG ,RANG GI LHA'I SKU LA YANG DBANG BSKUR BAR BYOS SHIG ,CHUNG DU NA DE DANG RIGS MTHUN PA DANG, DE'I MING 'DZIN PA DANG, ,BRAN PA LA YANG DBANG BSKUR CIG DANG, ZHAG BDUN DKYIL 'KHOR DU BCUG CING DBANG BSKUR NA, GDON MI ZA BAR ZHAG BDUN GYIS NGAN SONG GI SGRIB PA LAS RNAM PAR GROL BAR 'PHYUR RO, ,ZHES GSUNGS SO, ,DBANG BSKUR BA'I MJUG TU, ZAS GTAD CIS KYANG BYED DGOS TSE, ,RO'AM RTEN DE NYID, DPAL RDO RJE 'JIGS BYED DU BSKYED, ,ZAS GTAD KYI RDZAS RNAMS LAS SNGAGS KYIS BSANGS, AOm SH'U n+YA X HAm, ZAS GTAD KYI YO BYED RNAMS STONG PA NYID DU GYUR, STONG PA'I NGANG LAS 'DOD PA'I YON TAN LNGA DANG LDAN PA'I ZHAL ZAS RO BRGYAS BSAM GYIS MI KHYAB PA NAM MKHA' MDZOD LTAR LONGS SPYAD PAS ZAD MI SHES PAR GYUR, AOm SARBA BID P'U RA P'U RA, SU RA SU RA, A'A WARTA YA A'A WARTA YA HO, BADZRA SPHA RA nA KHAm ZHES NAM MKHA' MDZOD KYI SNGAGS DANG PHYAG RGYAL NA GSUM GYIS BYIN GYIS BRLABS, PUD KYIS DKYIL 'KHOR BA'I LHA LA MCHOD CING BSTOD NAS, KHA DOG DBYIBS LEGS
YID 'ONG RGYAN 'PHRENG LDAN, ,PHYOGS DUS SU KUN NA GZUGS MCHOG CI MCHIS BA, ,MOS BLOS RTEN GYI LHA LA BDAG 'BUL GYIS, ,BZHES SHING BLA MED GRUB MCHOG SAL DU GSOL, ,AOm SARBA TA TH'A GA TA R'U PA K'A MGU nA BADZRA P'U DZI TE A'A:H'Um, DE BZHIN DU R'U PA'I GNAS SU, SHAPTA, GANDHE, RAS, SBARshA 'JUG, ,PHYOGS DUS KUN NA ZIN DANG MA ZIN DANG, ,YON TAN YID 'ONG SGRA SNYAN CI MCHIS PA, ,MOS BLOS X, ,BZHES SHING X, ,PHYOGS DUS KUN NA TZANDAN SPRUL SNYING DANG, ,AA KA RA LA SOGS DBANG PO CHIM BYED RNAMS, , MOS BLOS X, ,BZHES SHING X, ,PHYOGS DUS KUN NA RO DANG BCUD LDAN PA'I, ,LUS SEMS RTAS BYED RO MCHOG CI MCHIS PA, ,MOS BLOS X, ,BZHES SHING X, ,PHYOGS DUS KUN NA 'JAM MNYEN 'KHRIL CHAGS PA'I, ,REG BYA'I KHYAD PAR LUS SEMS TSIM BYED RNAMS, ,MOS BLOS X, ,BZHES SHING X, ZHES SOGS BRJOD CING 'DOD YON LNGA DBUL, ,LAM SBYANGS BSTAN ZHES PA'I LAM NI, ,TSOGS LAM, SBYOR LAM, MTHONG LAM, SGOM LAM, BLA NA MED PA'I KHYAD PAR LAM, ,BYANG CHUB PAR CHAD MED PA'I LAM DANG DRUG GO, ,SBYANG BA NI SPYIR SDIG PA SPYANG PA DANG, LAM PHYI MA GNYIS KYI SGRIB PA SBYANG BA'O, ,BSTAN PA NI KHYAD PAR GYI LAM GYIS BDE BA CAN DU GNAS SPOR BA MNGON MTHE'I LAM BSTAN PA DANG, BAR CHAD MED PA'I LAM GYIS BYANG CHUB CHEN POR GNAS SPOR BA BYANG CHUB CHEN PO'I LAM BSTAN PA'O, ,DE YANG GSUNG DANG SBYAR NAS BSHAD NA, ,DKON MCHOG RIN CHEN DPAL ZHING NI, ,BDAG MDUN GYI DKYIL 'KHOR DANG, DKON MCHOG RIN CHEN LAS BYUNG BA NI, DE DAG LA MCHOD BSTOD BYAS PA LAS BYUNG BA'O, ,
, ,DKON MCHOG RIN CHEN 'OD ZER GYIS NI, DE DAG GI BYIN GYI RLABS KYIS SO, ,RIN CHEN PHRENG BA RNAM DAG PA NI, DE DAG GI BYIN GYI RLABS KYIS BYIN GYIS BRLABS PAS SGRUB PA PO'I RGYUD YONGS SU DAG PAS GZHAN DON BYED PA'I MTHU DANG LDAN PA'O, ,DE DAG NI GZHAN DON BYED PA'I RGYU RGYEN TSOGS PA TSOGS LAM MO, ,RTEN BSKYED PA NAS PHYAG GI BAR NI GZHAN DON RGYA CHEN PO LA SBYOR BA'I SBYOR LAM MO, ,DKYIL 'KHOR BSTAN NAS RTEN DANG BRTEN PAR BCAS PA'I DKYIL 'KHOR MTHONG BA NI MTHONG LAM MO, MTHONG ZIN YID LA SGOM PAR BYED PA NI BSGOM LAM MO, ,GANG ZAG GI BDAG MED PA BSTAN NAS SGYU MA LTA BU'I GANG ZAG DE 'DUN PA DANG SMON LAM GYIS 'TSAMS SBYAR NAS BDE BA CAN DU GNAS SPOR BA NI KHYAD PAR GYI LAM MO, ,PHUNG KHAMS SKYE MCHED KYI BAG CHAGS MA LUS PA YE SHES KYI MES BSREGS NAS RGYAL BA'I SKU GSUM YE SHES LNGA LDAN DU BSGYUR BA NI BYANG CHUB BAR CHAD MED LAM MO, ,YANG RTEN BSKYED PA DES BDE BA CAN DANG DER 'GRO BA'I LAM JI LTA BAR MTHONG BA NI MTHONG LAM MO, ,BDE BA CAN DU SKYE BA LEN PA'I PHYIR MTHONG BA DE RTZE GCIG TU BSGAM PA NI BSGOM LAM DU GSUNGS TE, LAM 'DI DAG KYANG BTAGS PA BA YIN GSUNG, DE LTAR GO BAR BYAS NAS, LAG LEN NI, KHYAD PAR GYI LAM LA, LAM BSTAN PA NI, TSE LAS 'DAS PA SEMS CUNG ZAD KYANG MA YENGS PA SHIN TU GAL CHE BA'I DMIGS PA 'DI DAG YID LA GYIS SHIG ,MDO LAS, 'DI NAS NUB KYI PHYOGS ROL NA, ,BDE BA CAN GYI ZHING KHAMS YOD, CES GSUNGS PA LTAR, MI MJED 'JIG RTEN GYI KHAMS 'DI LA LTOS PA'I NUB PHYOGS NA DAG PA'I ZHING KHAMS BDE BA
CAN ZHES BYA BA RGYAL BA 'OD DPAG TU MED PA'I THUGS RJE DANG SMON LAM GYI MTHU LAS BYUNG BA, RGYU RIN PO CHE SNA BDUN LAS GRUB PA, THA GRU YANGS SHING RGYA CHE BA, NYON MONGS PA DANG RNAM RTOG GI GRVA ZUR DANG BRAL BA MTSON PA'I DBYIBS ZLUM PO, 'DOD CHAGS DANG BRAL BA MTSON PA'I KHA DOG DMAR PO, ZHING DER NYAN RANG BSAM PA MA DAG PA DANG, BUD MED LUS MA DAG PA MED, ZHING DER SKYES PA THAMS CAD THEG PA CHEN PO'I RIGS CAN SHA STAG YIN, ZHING DER SKYES TZAM NYID NAS SDUG BSNGAL GYI MING TZAM YANG MED CING BDE BA RANG CHAS SU YOD PAS, BDE BA CAN ZHES BTAGS, ZHING KHAMS DE'I DBUS NA RIN PO CHE'I PADMA DANG ZLA BA'I GDAN GYI STENG NA BCOM LDAN 'DAS RGYAL BA 'OD DPAG TU MED PA SKU MDOG DMAR PO ZHAL GCIG PHYAG GNYIS PA DBU GTZUG TOR DANG LDAN PA, PHYAG GNYIS MNYAM GZHAG GI STER NA 'CHI MED KYI BDUD RTZIS GANG BA'I LHUNG BZED BSNAMS PA, ZHABS RDO RJE SKYIL KRUNG GIS BZHUGS PA, SKU LA CHOS GOS DMAR PO GSUM GSOL BA, MTSAN DANG DPE BYAD BZANG PO RNAMS KYIS BRGYAN PA, SKU'I 'OD ZER GYIS ZHING KHAMS DE THAMS CAD LHAM ME LHANG LHAN NER MDZAD PA, ZHAL RANG CAG RNAMS LA PHYOGS PA'I TSUL GYIS BZHUGS PA, MGON PO DE NYID KYI SKU MDUN NA PADMA'I SDONG PO ME TOG STONG DANG LDAN PA'I MDUN PHYOGS KYI ME TOG GCIG STONG BAR YOD PA'I ZA'U 'BRU LAS NYID RANG BRDZUS TE SKYE BAR 'GYUR BA YIN PAS, BDE BA CAN DANG MGON PO 'OD DPAG MED KYI YON TAN GYIS YID DRANGS TE BDE BA CAN DU DA LTA NYID DU 'GRO BAR BYA'O SNYAM PA'I SGO NAS, 'DI'I RJES ZLOS GYIS, DKON MCHOG RIN CHEN DPAL ZHING DU, ,DKON MCHOG RIN
, ,CHEN LAS BYUNG BA, ,DKON MCHOG RIN CHEN 'OD ZER GYIS, ,RIN CHEN PHRENG BA RNAM DAG PA, ,TSOGS KYI LAM DANG SBYOR BA'I LAM, ,MTHONG BA'I LAM DANG SGOM PA'I LAM, ,BLA NA MED PA'I KHYAD PAR LAM, ,BYANG CHUB BAR CHAD MED PA'I LAM, ,RNAM PAR GROL BA'I LAM DAG LA, ,BRTEN NAS SDIG PA KUN SBYANGS NAS, ,'PHAGS PA'I LAM DER BGROD PAR SHOG ,AOm RADNA RADNE, MAH'A RADNE, RADNA SAMBHA WE, RATNA KI RADNE, RADNA M'A LA BI SHUDDHE, SHODHA YA, SARBA P'A PAm H'Um PHAt, CES PAS 'AM BSTAN, DE NAS GTZUG DGU LAS, LAM BSTAN PA SNGON LA MDZAD NAS, DE RJES LAM SBYONG BAR MDZAD PA LTAR, LAM SBYANG BA 'DI'I RJES ZLOS MDZOD, PADMA 'DAM GYIS MA GOS LTAR, ,SRID GSUM DRI MAS MA GOS PA'I, ,SRID PA'I PADMO LAS BYUNG BA'I, ,BDE BA CAN DU SKYE BAR SHOG ,AOm PADME PADME PADMA SAm BHA WE, MAH'A SU KHA BTIG TZTSANTU SV'AH'A, ZHES BRJOD CING ME TOG GTOR RO, ,LAM SBYANGS NAS DPAL GSANG BA 'DUS PA'I DUS THA MA'I CHO GA GSHIN PO BDE BAR GSHEGS PA'I GNAS LA 'GOD PA STONG NYID TING 'DZIN RDO RJES MDZAD PA LAS, DE RJES SNGAGS PAS KU SHA'I RTZE MO LA, ,RDO RJE RTZE GCIG RNAM PAR BSGROMS NAS NI, ,RDO RJE'I SBUBS SUNGS PAR BCUG NAS NI, ,DE NI ME DANG 'DRA BAR BSGOM PAR BYA, ,DE RJES MNYAM GZHAG SEMS KYIS DE YI NI, ,SNYING KHAR BZHAG PAS SHES PA RAB 'BAR BA, ,RDO RJE'I RTZE NAS RLUNG GIS BSKYOD PA YIS, ,'BAR BA RNAMS KYIS KUN TU BSKYOD PAR BYA, ,ME YI 'OD ZER GYIS NI REG PA YI, ,DNGUL CHU BZHIN DU DE NI 'PHAR BAR BSGOM, ,STENG GI SGO NAS RNAM PAR GROL
BA'AM, ,YANG NA RNAM DAG SANGS RGYAS ZHING DU SONG, ZHES GSUNGS PA LTAR, RANG GI LAG PA G-YAS KYIS BZUNG BA'I KU SHI'I RTZE MO, RO'AM RTEN GYI SNYING KHAR BTZUGS PA RIM GYIS GYEN LA BTEG LA, KU SHA'I RTZE MO RDO RJE RTZE GCIG BA'I RNAM PAR GNAS PA'I RDO RJE'I SBUBS SU BCUG PAS, RDO RJE'I RTZE NAS RLUNG GIS BSKYOD PA'I ME 'BAR BA'I 'OD ZER GYIS, RO'AM RTEN GYI SNYING KHA'I RNAM PAR SHES PA, AA THUNG LTA BUL PHOG PAS RNAM PAR SHES PA YE SHES PA DANG DBYER MED DU 'DRES PA DE NYID MO' 'OD ZER GYIS REG PA'I DNGUL CHU BZHIN DU 'PHAR TE SPYI GTZUG NAS THON TE DAG PA'I ZHING BDE BA CAN DU SKAR MNGA' 'PHANGS PA BZHIN DU GSHEGS TE MGON PO 'OD DPAG MED KYI SKU MDUN GYI PADMA'I SDONG PO ME TOG STONG DANG LDAN PA'I MDUN PHYOGS KYI ME TOG GCIG KHA BYE BA'I ZE'U 'BRU LAS BYANG CHUB SEMS DPA' MNGON SHES DANG RDZU 'PHRUL DANG GZUNGS DANG TING NGE 'DZIN DANG ZAD MI SHES PA'I SPOBS PA LA SOGS YON TAN GYI TSOGS DPAG TU MED PAS BRGYAN PA ZHIG TU BRDZUS TE SKYES PAR BSAM, YANG NA DE NYID LAS 'THON NAS SANGS RGYAS PAR BSAM, DE NA GNAS PA'I BYANG SEMS RNYING PA RNAMS KYIS, DE NYID LA, AOm AARGHAm NAS SHABTA PRAT'I TZTSA H'Um SV'AH'A'I BAR GYIS MCHOD, BYANG SEMS DES KYANG MGON PO 'OD DPAG MED KYI ZHAL MTHONG NAS GUS PA CHEN POS, AOm AARGHAm NAS SHAPTA PRA T'ITZTSA H'Um SV'AH'A'I BAR GYIS MCHOD, MGON PO 'OD DPAG MED LAS GDAMS PA DANG RJES SU BSTAN PA THOB PAR GYUR, DE'I CHO LHA RNAMS KYIS BYANG SEMS DE BDE BA CAN DU SKYES SHING SANGS RGYAS LAS GDAMS PA THOB PA SOGS CHOG BYED PA PO BDAG NYID KYI MTHUR SHES NAS BDAG NYID LA MCHOD PAR GYUR, AOm AARGHAm NAS SHAPTA PRA
, ,T'ITZTSA H'Um SV'AH'A, SBYOD RGYUD LAS, SANGS RGYAS 'DRA BA'I STON PA MED, ,CHOS DANG 'DRA BA'I DGE BA MED, ,DGE 'DUN 'DRA BA'I SNONG MED DE, ,SNGAGS DANG 'DRA BA'I 'DREN PA MED, CES CHED DU BRJOD PAR GYUR, BYANG SEMS NGES KYANG RANG NYID BDE BA CAN DU SKYE BA'I RGYU BRTAGS PAS, BDAG GIS CHO GA BYAS PA'I MTHUR SHES NAS SKAD CIG GIS BDAG NYID KYI MDUN DU 'ONGS NAS, SBYONG RGYUD LAS, AE MA'O SANGS RGYAS AE SANGS RGYAS, ,AE MA'O SANGS RGYAS MDZAD PA LEGS, ,GANG PHYIR NGAN SONG BDAG CAG SBYANGS, ,BYANG CHUB SPYOD PA NYID LA BZHAG ,AE MA'O SH'AKYA MGON PO YIS, ,SANGS RGYAS MDZAD PA NGO MTSAR CHE, ,GANG PHYIR NGAN SONG LHUNG BA YI, ,SEMS CAN GLOG BZHIN MYUR DU SGROL, ,DE BZHIN GSHEGS PA'I CHOS NI BSAM MI KHYAB, ,SNGAGS KYI YON TAN SNA TSOGS BSAM MI KHYAB, ,BYANG CHUB BRTEN PA RNAMS KYANG BSAM MI KHYAB, ,TSANGS SPYOD TSUL KHRIMS DRI MED KYE BSAM YAS, ,AE MA SANGS RGYAS RNAMS KYI NI, ,SNGAGS KYI BYIN RLABS YA MTSAN CHE, ,GANG PHYIR MTSAMS MED LHUNG BA YI, ,SEMS CAN LHA GNAS MYUR DU SKYES, ZHES CHED DU BRJOD DE BDAG DANG DKYIL 'KHOR GYI LHA TSOGS LA, AOm AARGHAm NAS SHAPTA PRA T'ITZTSA H'Um SV'AH'AS MCHOD NAS SLAR YANG BDE BA CAN DU SONG BAR GYUR, AOm SARBA BUDDHA KshE TRA GATZTSANTU SV'AH'A, ZHES BRJOD CING ME TOG GTOR, BYANG CHUB BAR CHAD MED LAM NI GNAS SPOR BA LAN MANG BYAS PAS LAN CIG LA GNAS SPOR BAM BYUNG YANG, GCIG LA GNAS 'PHO BA SRID PAS SO GSUNGS SO, ,DE NAS LHA DANG RNAM SHES GSHEGS PA'I PHUNG PO LHAG MA
RO'AM BYANG BU DANG, SDIG SGRIB LHAN CIG TU YE SHES KYI MES BSREG PAR BYA STE, MAR ME LAS SNGAGS KYIS BSANGS, AOm SH'U N+YA T'A X HAm, MAR ME SNANG BA MI DMIGS PA'I STONG PA NYID DU GYUR, STONG PA'I NGANG LAS SANGS RGYAS THAMS CAD KYI THUGS GNYIS SU MED PA'I YE SHES RAm LAS MAR SHAR BA'I YE SHES KYI MES LHA DANG RNAM SHES GSHEGS PA'I PHUNG PO LHAG MA RO LTA BU'AM BYANG BU DANG SDIG SGRIB LHAN CIG TU BSREGS PAR GYUR, NAG PO PAS, GSON CIG DGONGS SHIG RIGS KYI BU, ,GSON CIG TSE 'DAS RIGS KYI BU, ,PHUNG PO LNGA YI BUD SHING LA, ,RGYAL BA RIGS LNGA'I ME SBAR RO, ,'BYUNG BA BZHI YI BUD SHING LA, ,LHA MO BZHI YI ME SBAR RO, ,DBANG PO DRUG GI BUD SHING LA, ,BYANG CHUB SEMS (TSE 'DAS KYI RNAM SHES BDE BA CAN DU SKYES PA'I BYA CHUB SEMS DPA'O,,)DPA'I ME SBAR RO,, YUL RNAM DRUG (NI PHUNG PO LNGA LA BRTEN NAS BSAGS PA'I SDIG SGRIB BAG CHAGS DANG BCAS PA'O,,) GI BUD SHING LA, ,LHA MO DRUG GI ME SBAR RO, ,LUS NGAG YID GSUM BUD SHING LA, ,RGYAL BA'I SKU GSUM ME SBAR RO, ,SKU GSUM YE SHES LNGA LDAN DU, ,'GRO BA'I DON DU 'GYUR BAR SHOG , AOm SKANDHA DH'A TU AA YA TA NAm NI, SVA BH'A WA DZVA LA DZVA LA KU RU KU RU SV'AH'A, ZHES PA DANG, AOm DZVA LA DZVA LA H'Um, ZHES BRJOD CING BSREG GO ,PHUNG KHAMS SKYE MCHED THAMS CAD SNANG LA RANG BZHIN MED PA SGYU MA LTA BU YIN PA LA, YIN PAR MA SHES PAR BDEN GRUB TU ZHEN PAS SEMS CAN RNAMS SDUG BSNGAL DU BCUG PA YIN PAS CHO 'DAS KYI PHUNG KHAMS SKYE MCHED KYI GNYIS SNANG 'KHRUL PA THAMS CAD YE SHES KYI MES BSREGS PAS, GNYIS SNANG 'KHRUL PA'I BAG CHAGS MA LUS PA DAG NAS, TSE 'DAS YONGS SU GYUR PA LAS 'GRO BA'I DON DU SKU GSUM
, ,YE SHES LNGA LDAN GYI RGYAL BA 'OD DPAG MED KYI NGO BOR MNGON PAR RDZOGS PAR SANGS RGYAS BAR GYUR PAR BSAMS LA DE'I BYANG DU CUNG ZAD 'JOG ,MA DROS PAS ZHUS PA'I MDO LAS GANG ZHIG RKYEN LAS SKYES BA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,DE PHYIR RTEN 'BYUNG SHES DE BAG YOD YIN, CES GSUNGS PA LTAR GNAS SPOR BA DANG SPOR BAR BYA BA DANG SPOR BA PO GSUM GYIS MTSON PA'I CHOS THAMS CAD RANG RANG GI GDAGS GZHI'I RKYEN LAS SKYES PA STE RANG RANG GI GDAGS GZHI LA BRTEN NAS BTAGS PA'I RTEN CING 'BRIL PAR 'BYUNG BA TZAM YIN GYI RANG NGOS NAS GRUB PA RDUL TZAM YANG MED PA'I STONG PA NYID DO, ,ZHES BRJOD CING 'KHOR GSUM YONGS DAG GI LTA BAS RGYAS BTAB PA'I NGANG DU CUNG ZAD 'JOG ,YANG NA STONG PA NYID LA GZUGS MED CES PA NAS, MNGON PAR RDZOGS PAR SANGS RGYAS SO ZHES PAS RGYAS BTAB KYANG RUNG NGO, ,DE NAS RO DE MI SREG PAR RE SHIG 'JOG NA, SBYONG RGYUD LAS, RANG GI LHA'AM LHA GZHAN GYI, ,SNYING PO SNYING KHAR BRIS NAS NI, ,LHA 'DRA BAR NI SEMS BSKYED DE, ,KHYIM GYI NANG DU BZHAG PAR BYA; ZHES GSUNGS PA LTAR BYA STE, YI GE 'DOGS PA NAS, LAM SBYANGS BSTAN GYI BAR LEGS PAR BYAS PA'I RO DE, RANG GI KHYIM GYI DBEN PA'I PHYOGS GCIG GAM, DUR KHROD DANG MCHAD PA'I NANG DU, DRI MED 'GREL PAR, DZA YA DE BAS BSHAD PA LTAR, RO'I SNOD GSER DNGUL LAM, SHING LAS BYAS PA'I SGROM MAM, SA LAS BYAS PA'I BANG BU, RAB BYUNG LA MCHOD RTEN GYI DBYIBS LTA BU DKAR PO, DGE BSNYEN LA PADMA DMAR PO KHA SBYOR GYI GZUGS, RGYAL PO LA SNGON PO GTZUG TOR LTA BU, BLON PO LA DMAR SKYA ZA MA TOG LTA BU THA MAL
PA LA PHO LA SER SKYA GDAN KHRI LTA BU, MO LA SNGO SKYA BILPA'I 'BRAS BU LTA BU, BYIS PA LA DMAR SER LHUNG BZED LTA BU 'JAM ZHING DBYIBS LEGS PA BZO BYAS NAS, DE'I NANG DU BZHAG ,SNOD DE'I PHYOGS BZHIR RIN PO CHE SNA BDUN LA SOGS PA'I GZUGS BYA, MTHA' MCHOD RDZAS DANG BZA' BTUNG SNA TSOGS KYIS BSKOR RO, ,DE NYID LHAR BSKYED, MCHOD RDZAS RNAMS BYIN GYIS BRLABS LA, MCHOD BSTOD BYA, RANG GI KHYIM NA YOD NA RGYUN DU MCHOD BSTONG BYA'O, ,'DI DAG NI KHYIM MAM MCHAD PAR BZHAG PA'I SGO NAS SDIG PA SBYANG BA'O, ,GAL TE RO DE BSREG PAR 'DOD NA, ZHI BA LAS THAMS CAD KYI THANG BRI, KUN RIG SBYIN SREG TU, RAS SAM SHOG BUR PADMA 'DAB BRGYAD KYI LTE BAR 'KHOR LOS MTSAN PA ZHUN MAR GYIS BYUGS PA PHUNG PO'I GDAN DU BTING, THAB BRTZIGS LA GTZO BO'I SNGAGS DANG NGAN SONG SBYONG BA'I SNGAGS BTAB PA'I BUD SHING BRTZIGS, PHUNG PO MCHOD RDZAS BUD SHING RNAMS LA SNGAGS THUN GYIS BRA BA, PHUNG PO 'KHYER BA RNAMS PHYOGS SKYONG BCUR MOS, PHUNG PO LA LHA MI RNAMS KYIS MCHOD PA RGYA CHER BYAD PAR BSAMS LA KHYER, SLOB DPON GTZO BO'I NGA RGYAL GYIS BAR CHAD BSRUNG BA'I PHYIR SNGAGS ZLOS SHING, ROL MO GDUGS BA DAN SOGS DANG, BKRA SHIS KYI TSIGS BCAD DBYANGS DANG BCAS TE KHYER LA, THAB KYI DBUS SU SLOB DPON LA MDUN BSTAN TE BZHAG ,STENG NAS GTZO BO'I SNGAGS DANG KUN RIG GI SNGAGS BTAB PA'I NGAR RAM RAS KYIS DAG BA, PHUNG PO'I LHA LA MCHOD BSTONG BYAS, SNGAGS TSIGS BCAD DANG BCAS PAS GSHEGS GSOL BYA, DE NAS BDAG BSKYED BYAS, KHRO BO BCUS PHUR BU BTAB, DE NAS, GSON CIG DGONGS SHIG RIGS KYI BU, ZHES SOGS KYI TSIGS BCAD DANG, SNGAGS KYIS ME SBAR, 'JIG RTEN PA'I
, ,ME LHA'I SREG RDZAS RNAMS PHUL ZIN PA'I RJES SU, ME LHA RDO RJE LAS KYI GTZO, ,TSE 'DAS SEMS CAN SBYANG BA DANG, ,LHA RNAMS TSIM PAR BYA BA'I PHYIR, ,'DI NYID DU NI 'PHRIN LAS MDZOD, CES GSOL BA BTAB PAS, ME LHA'I THUGS KA NAS YE SHES KYI ME BYUNG STE, TSE 'DAS KYI SDIG SGRIB DANG MI MTHUN PHYOGS THAMS CAD BSREGS PAR GYUR PAR BSAM GZHAN SBYIN SREG GI CHO GA THAMS CAD ZHI BA'I SBYIN SREG JI LTA BA BZHIN BYAS LA, SPEL TSIG SBYOR BA'I TSE, TSE LAS 'DAS PA CHE GE MO ZHES BYA BA'I SDIG PA DANG SGRIB BA THAMS CAD SH'ANTIm KYU RU YE SV'AH'A, ZHES BRJOD PAS CHOG LA, RDZAS RNAMS LA SPEL TSIG MI 'DRA BA SBYOR 'DOD NA, DUR BA LTA BU 'BUL BA'I TSE, TSE LAS 'DAS PA CHE GE MO ZHES BYA BA GANG DU SKYES PA'I SKYE GNAS THAMS CAD DU, TSE PHUN SUM TSOGS PA LA BAR DU GCOD PA THAMS CAD DANG, KHYAD PAR DU YANG SDIG PA DANG SGRIB PA THAMS CAD CES 'DON PA BSGYUR BAR BYA'O, ,'DI DAG NI RO BSREG PA'I SGO NAS SDIG PA SBYANG BA'O, ,DE NAS ME MA YAL BAR YUM GYI MDO 'DON, YAL NAS RDO RJE BSDU BA'I SNGAGS RGYA YOG SHUDDHA: SOGS KYIS THAL BA DANG RUS PA BSDU, G-YAS KYI RDO RJES THAB KYI GTZO BO'I MTSAN MA'I BAR DU REG PAS, MTSAN MA THAMS CAD RDO RJE LA BSDUS BAR BSAMS TE BSHIG CING DKYIL CHOG LTAR BSDUS, LAS KYI RJES MI MNGON PAR BYAS, DRI BZANG DANG BCAS PA'I 'O MA'I NANG DU RUS PA DRANGS PA'AM, RUS PAL DE GTOR, DE NAS TSVA TSVA GDAB BA'I SGO NAS SDIG PA SBYANG BA NI, RIN CHEN 'BAR BA LAS, NYI MA DAG NI GSUM PA LA, ,RUS PA'I PHRENG BA BSDU BAR BYA, ZHES GSUNGS PA LTAR, RUS PA RNAMS BSDUS LA GSHIN PO BDE BAR GSHEGS PA'I GNAS LA BZHAG PA LAS, DE NAS MDUN DU RDUL TSON DKAR PO
YIS, ,LTE BAR BCAS SHING MU KHYUD 'OD DANG BCAS, ,'KHOR LO RTZIBS BRGYAD BRIS NAS ME TOG NI, ,DKAR POS MDZES PAR RNAM PAR SPRAS NAS NI, ,DE YI DBUS BZHAG SNOD NI STONG PA YI, ,STENG DU BUG PA DANG BCAS KHAM KYONG BZHAG ,DE RJES DE YI RUS PA KHAM KYONG DER, LHAG MA MED PAR YANG NI BZHAG PAR BYA, ,TING 'DZIN GSUM DANG LDAN PAS 'DIL NI, ,PHYIR BZLOG CHO GA YANG NI BYA BA YIN, CES GSUNGS PA LTAR, MDUN DU RDUL TSON DKAR POS 'KHOR LO RTZIBS BRGYAD MU KHYUD ME RI DANG BCAS PA BRIS LA, ME TOG DKAR PO GCAL DU BKRAM PA'I STENG DU SNOD STONG PA BZHAG ,DE'I STENG DU KHAM KYONG BUG PA YOD PA'I NANG DU, RUS PA RNAMS LHAG MA MED PAR SPUNGS, RUS PA RTEN BSKYED, PHYIR BZLOG GI SDIG PA SBYANG PA, YUNGS KAR DANG BYE MA LA SNGAGS BZLAS PAS, BRAB PA SNGAR LTAR BYA, DER BUM PA LHAG GNAS BYAS PA'I BUM CHU RUS PA'I STENG DU BLUG LA, LHA MO RNAMS KYI SA DBANG BSKUR BAR BSAMS LA KHRUS GSOL BAR BSAM ZHING, RDO RJE 'JIGS BYED KYI SNGAGS DANG YIG BRGYA SOGS BZLAS PA'I RJES SU, TSE 'DAS MING 'DI ZHES BYA BA'I SDIG SGRIB THAMS CAD SH'ANTIm KU RU NA MA: ZHES BRJOD PAS SDIG PA DAG BAR BSAM, DE NAS GTZO BO'I SNGAGS SAM NGAN SONG SBYONG BA'I SNGAGS BZLAS PA'I DRI BZANG GI CHU DANG RUS PA RNAMS BSRES PA LEGS PAR BTAGS LA, 'JIM PA DANG BSRES LA 'JIM PA BYIN RLABS LA SOGS PA LEGS PAR BYAS TE, TSVA TSVA GDAB PAR BYA'O, ,DE LTAR YANG SBYONG RGYUD LAS, RIM GYIS 'BUM NI TSANG TZAM DU, ,MCHOD RTEN LAS NI RAB TU BYA, ,SDIG CAN SDIG NI ZANG BYA'I PHYIR, ,BYE BA NYID NI TSANG BAR BYA, ,DE LTAR BYAS NA NGES PAR NI, ,DMYAL BA LAS NI GROL BAR 'GYUR, ,YI DVAGS BYOL SONG SDUG
, ,BSNGAL LAS, ,GROL TE LHA YI GNAS SU SKYE, ZHES GSUNGS SO, ,DE NI TSVA TSVA GDAB PA'I SGO NAS SDIG PA SBYANG BA'O, ,GNYIS PA GANG ZAG KHYAD PAR CAN LA BYA BA'I TSUL NI, BLA MA'I PUR LA YI GE GDAGS PA, RGYAN GYIS BRGYAN PA KHRI STENG DU 'JOG PA LA SOGS PA SNGAR BZHIN BYAS LA, PUR DE NYID LAS SNGAGS KYIS BSANGS, SVA BH'A WAS SBYANGS, STONG PA'I NGAG LAS, SKU'I CHA SHAS THAMS CAD YONGS SU RDZOGS PA'I DPAL LDAN BLA MA DAM PA'I SKUR GYUR, DE NAS SNGAR BSHAD PA LTAR GYI 'GUGS PA'I PHYAG RGYA DANG SNGAGS KYIS, DPAL LDAN BLA MA DAM PA'I RNAM PAR SHES PA YE SHES PA'I TSUL DU SPYAN DRANGS, DZA:H'Um BAm HO:SA, DGUG GZHUG BYA, 'DIR BDEN STOBS BRJOD PA MI DGOS SO, ,DE NAS PUR RAM RTEN DE NYID, DKYIL 'KHOR GYI GTZO BO'AM, BLA MA RANG GI THUGS DAM GYI LHA GANG YIN DU BSKYED LA, SKU GSUNG THUGS BYIN GYIS BRLAB PA, YE SHES PA DGUG GZHUG ,DBANG BSKUR RGYAS GDAB RNAMS GZHUNG NAS 'BYUNG BA BZHIN BYAS LA, DE RJES DKYIL 'KHOR GYI LHA LA KHRUS GSOL, DE NAS PHAR PHYIN DRUG GI KHRUS GSOL BA'I TSIGS BCAD KYI RJES SU, AOm SARBA TA TH'A GA TA AA BHIshE KA TA SA MA YA SHRI YE H'Um, ZHES KHRUS GSOL BA RE RE'I MTHAR, DE DAG SKU LA MTSUNGS PA MED PA'I GOS, ZHES SOGS KYIS SKU PHYI BA, ,STONG GSUM KUN TU DRI NGAD LDANG BA YI, ZHES SOGS KYIS DRI BYUG PA SOGS RAB GNAS KYI KHRUS GSOL LTAR BYAS TE, MCHOD PA LEGS PAR BSHAMS LA GZHUNG BZHIN BYIN GYIS BRLAB, TSIGS BCAD SNGAGS DANG BCAS PAS RGYAS PAR 'BUL, LHA'I BSTOD PA DANG BLA MA'I BSTOD PAS BSTOD, YAN LAG BDUN PA PHUL LA GSOL BA BTAB, DE NAS SLOB
MA'I BYA BA RNAMS BLA MAS MDZAD, SLOB DPON GYI BYA BA RNAMS DKYIL 'KHOR GYI GTZO BOS MDZAD, RANG GIS DE'I MCHOD G-YOG BYED PAR MOS LA, PUR RAM RTEN LA DBANG BSKUR RDZOGS PAR BYA, DE NAS PUR BZHUGS PAR 'DOD NA MCHOD RTEN BRTZIGS LA, SNGAR BSHAD PA BZHIN BZHUGS SU GSOL, PUR DE NYID SBYONG BAR 'DOD NA, ZHI BA'I SBYIN SREG JI LTA BA BZHIN BYAS LA, PUR ROL MO'I CHA BYAD DU MA DANG MCHOD PA DANG BCAS PAS SNGAR BSHAD PA BZHIN PUR KHANG DU GDAN DRANGS, AOm KHYED KYIS SEMS CAN DON KUN MDZAD, CES PA LA SOGS PAS BLA MA'I LHA YE SHES PA DANG BCAS PA GSHEGS TE; MDUN GYI NAM MKHAR BZHUGS PAR BSAM, DE NAS ME SPOR TSE, CHOS 'BREL MED PA GCIG ME SBAR DU BCUG LA, DPAL LDAN BLA MA DGONGS SU GSOL, ,PHUNG PO LNGA YI BUD SHING LA, ZHES SOGS SNGAR LTAR BRJOD, SKU GSUNG THUGS KYI BAR CHAD THAMS CAD SH'ANTIm KU RU NA MA: ZHES SOGS 'DON PA BSGYUR LA BYA'O, ,'DI SKABS SU, PUR MCHOD YUL DU BYAS NAS BSREG PA YIN PAS, 'JIG RTEN PA'I ME LHA MCHOD TSAR NAS, 'JIG RTEN LAS 'DAS PA'I ME LHA BSKYED PA'I SKABS SU, PUR DANG 'JIG RTEN LAS 'DAS PA'I ME LHA DBYER MED DU BYAS NAS SREG RDZAS RNAMS, MCHOD PA'I TSUL DU 'BUL BA YIN NO, ,DE NAS PUR SBYANGS TSAR NAS PUR LA GSOL BA 'DEBS KYIN ZHAG GNYIS 'JOG PA YIN NA, GDUNG KHANG DE NYID LA MCHOD RTEN BRTZIGS, GDUNG RUS RNAMS LHAR BSKYED LA, SKYE MCHED DANG SKU GSUNG THUGS BYIN GYIS BRLAB PA, YE SHES PA DGUG GZHUG ,DBANG BSKUR RGYAS GDAB RNAMS BYA, SNGAR NAM MKHAR BZHUGS SU GSOL BA'I YE SHES PA RNAMS KYANG BSTIM, MCHOD
, ,BSTONG RGYAS PAR BYA, YAN LAG BDUN PA PHUL LA GSOL BA GDAB, ZHAG RE BZHIN DE BZHIN BYAS LA, RJES SU ROL MO MCHOD PA DANG BCAS PAS SNGAR BZHIN GDUR KHANG ZHAL PHYE LA, DAD PA CAN RNAMS LA SBYIN PA DANG, SKU GZUGS BZHENG PA LA SOGS PA BYA ZHING, 'DI DAG NI RANG GI BLA MA MIN YANG GANG ZAG KHYAD PAR CAN GZHAN LA YANG BYA BA'I CHO GA'O, ,SMRAS PA, MI BZAD DU: KHA'I 'BYUNG GNAS NGAN 'GRO'I LAM, ,BKAG STE THAR BA'I LAM BZANG STON PA'I THABS, ,RANG BZO SPANGS TE MDO RGYUD GZHUNG LUGS DON, ,MKHAS GRUB DU MAS BKRAL BA JI BZHIN BKOD, ,'DI LA NONGS SHING 'KHRUL PA GANG MCHIS PA, ,BLA MA YI DAM MKHA' 'GRO MKHAS TSOGS LA, ,BZOD PAR GSOL BGYI LEGS CHAS 'GRO BA KUN, ,THAR PAR BGROD PA'I THAM SKAS NYID GYUR CIG ,GZHAN YANG DGE 'DIS NGAN 'GRO KUN STONGS NAS, ,MKHA' MNYAM 'GRO KUN DAL 'BYOR RTEN BRGYUD DE, ,SKYON BRAL YON TAN KUN GYI DPAL LDAN PA'I, ,RDZOGS SANGS RGYAS KYI GO 'PHANG MYUR THOB SHOG ,CES GSHIN PO RJES 'DZIN GYI CHO GA THAR PA'I LAM STON ZHES BYA BA 'DI NI DRUNG RAM PA BLO BZANG RGYAL MTSAN GYIS YANG YANG NAN CHER BSKUL BA LA BRTEN NAS CHOS SMRA BA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O, ,SARBA DZA GA TI,, ,,
[BLANK PAGE]