, ,'PHAGS MA GDUGS DKAR CAN GYI SGRUB THABS MCHOG THUN DNGOS GRUB CHAR 'BEBS BZHUGS, ,
, ,NA MO GU RU SH'AKYA MU NA YE, 'PHAGS PA DE BZHIN GSHEGS PA THAMS CAD KYI GTZUG TOR NAS BYUNG BA'I GDUGS DKAR MO CAN GZHAN GYIS MI THUB MA SGRUB PAR 'DOD PAS KHRUS DANG GTZANG SBRA LA GNAS PA'I SGO NAS STAN BDE BA LA LUS RNAM SNANG GI CHOS BDUN LDA NA DU BYAS TE, SKYABS 'GRO SEMS BSKYED SPYI LTAR SNGON DU BTANG NAS, SEMS CAN THAMS CAD KYI DON DU MYUR BA MYUR BAR RDZOGS PA'I SANGS RGYAS KYI GO 'PHANG THOB PAR BYA, DI'I PHYIR DU 'PHAGS MA GDUGS DKAR CAN BSGRUB PAR BYA'O SNYAM DU BSAMS LA, RANG NYID 'PHAGS MA GDUGS DKAR MO CAN DU GSAL BA'I SNYING KHAR ZLA BA'I DKYIL 'KHOR GYI STENG DU AOm YIG DKAR POS MTSAN PA, DE LAS 'OD ZER 'PHROS, RANG BZHIN GYI GNAS NAS BLA MA DANG GNYIS SU MED PA'I 'PHAGS MA GDUGS DKAR CAN LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR BADZRA SA M'A DZA: ZHES BAS
, ,SPYAN DRANGS, 'OD ZER RANG GI SNYING KHAR THIM, RGYAL BA KUN GYI MTSAN MCHOG GTZUG TOR NAS, ,LEGS PAR 'KHRUNGS PA'I RMAD BYUNG LHA MO NI, ,GZHAN GYIS MI THUB GTZUG TOR GDUGS DKAR ZHES, , YONGS SU GRAGS PA DE LA PHYAG 'TSAL LO, ,ZHES PAS PHYAG BYA, AOm A'A: H'Um GIS MCHOD PA RNAMS PHUL DU BYUNG BA'I LHA RDZAS SU BYIN GYIS BRLABS LA, AOm SARBA TA TH'A GA TOshn'I shASI TA TAP TRE PA RI W'A RA AARGHAm, NAS, SHAPTA PRA T'ITZTSAm H'Um SV'AH'A, ZHES PA'I BAR GYIS MCHOD, BDAG GIS TSE RABS SNGON NAS DA LTA'I BAR, ,SGO GSUM GYIS BSAGS SDIG LTUNG JI SNYED KUN, ,MI 'CHAB 'PHAGS MA 'KHOR BCAS SPYAN SNGA RU, ,'CHAGS SHING PHYIN CHAD MI BGYID YANG DAG SDOM, ,BSOD NAMS ZHING BZHUGS RGYAL BA SRAS BCAS DANG, ,NYAN THOS RANG RGYAL SO SO SKYE BO YIS, ,BSKRUN PA'I RLABS CHEN DGE TSOGS PHUL BYUNG LA, ,BDAG NI RNAM PA KUN TU RJES YI RANG, ,DUG GSUM GYIS MYOS SRID PA'I MCHOD 'KHYAMS PA'I, ,NYAM THAG YID CAN THAR PA'I LAM BZANG POR, ,BKRI MKHAS RGYAL BA SRAS DANG BCAS RNAMS KYIS, ,ZAB DANG RGYA CHE'I CHOS 'KHOR BSKOR DU GSOL, ,PHA MAR GYUR PA'I 'GRO BA MA LUS
PA, ,SKYON BRAL YON TAN KUN GYI MDZOD 'DZIN PA'I, ,SKU GSUM GO 'PHANG DAM PA MA THOB BAR, ,'TSO ZHING GZHES BAR SNYING NAS BDAG GSOL 'DEBS, ,SNGON BYON RGYAL BA SRAS DANG BCAS RNAMS KYIS, ,RLABS CHEN TSOGS GNYIS JI SNYED SPYAD PA KUN, ,'GRO KUN SANGS RGYAS THOB PA'I RGYUR BSNGOS BZHIN, ,BDAG GI DGE TSOGS KUN KYANG BSNGO BAR BGYI, ZHES SOGS SAM, BSDU NA, RAB 'BYAMS ZHING BZHUGS RGYAL BA SRAS BCAS LA, ,GUS PAS PHYAG 'TSAL MCHOD 'BUL SDIG LTUNG BSHAGS, ,DGE LA YI RANG CHOS 'KHOR BSKONG BAR BSKUL, ,BSKAL BRGYAR BZHUGS GSOL DGE TSOGS BYANG CHEN BSNGO, ZHES DANG, SEMS CAN THAMS CAD SDUG BSNGAL DANG BRAL BAR GYUR CIG ,SEMS CAN THAMS CAD BDE BA DANG MI 'BRAL BAR GYUR CIG ,SEMS CAN THAMS CAD SANGS RGYAS KYI BDE BAS BDE BAR GYUR CIG ,SEMS CAN THAMS CAD SANGS RGYAS KYI MYANG 'DAS BLA NA MED PA'I MYA NGAN LAS 'DA' BAR GYUR CING, ,CES BRJOD CING, TSOGS ZHING RNAMS RANG LA THIM PAS BYIN GYIS BRLABS PAR GYUR PAR BSAM, DE NAS, AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, STONG PA NYID DU GYUR, STONG PA'I NGANG LAS PAm LAS PADMA, AA LAS ZLA BA'I DKYIL 'KHOR NYA GANG BA'I STENG DU, RANG GI SEMS NYID AOm YIG DKAR PO DE LAS 'OD ZER 'PHROS, 'PHAGS PA MCHOD, SEMS CAN GYI DON BYAS, TSUR 'DUS AOm YIG LA THIM PA YONGS SU GYUR PA LAS, BDAG NYID LHA MO GDUGS DKAR CAN SKU MDOG STON KA'I ZLA BA LTAR DKAR BA, ZHAL GCIG PHYAG GNYIS PA, SPYAN GNYIS LAS BYAMS DANG SNYING RJE'I 'OD ZER 'PHRO BA, PHYAG G-YAS SKYABS SBYIN DANG
, ,G-YON GDUGS DKAR PO GSER GYI YU BA DANG TOG GIS MTSAN PA 'DZIN PA, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA'I RGYAN SNA TSOGS PAS BRGYAN PA, LHA RDZAS KYI DAR GYI NA BZAS KLUBS SHING MTSAN DANG DPE BYAD BZANG POS MDZOS PA, ZHABS RDO RJE'I SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A:DMAR PO, THUGS KAR H'Um SNGON PO AOm DKAR NGOS MTSAN PA, DE LAS 'OD ZER 'PHROS, RANG 'DRA'I YE SHES PA AOm BADZRA SA M'A DZA:ZHES PAS SPYAN DRANGS, DZA:H'Um BAm HO: GNYIS SU MED PAR THIM, SLAR YANG AOm LAS 'OD ZER 'PHROS PAS, DBANG GI LHA DE BZHIN GSHEGS PA RIGS LNGA 'KHOR DANG BCAS PA AOm BADZRA SA M'A DZA:SA SPYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, AOm SARBA TA TH'A GA TA AA BHIshE KA TA SA MA YA SHR'I H'Um, ZHES GSUNGS SHING BUM PA'I CHUS SPYI BO NAS DBANG BSKUR, SKU GANG, DRIM DAG ,CHU LHAG MA YAR LUD PA LAS RNAM PAR SNANG MDZAD SPRUL SKU'I RNAM PA CAN GYIS DBU BRGYAN PAR GYUR PAR BSAMS LA, RANG GI SNYING KHAR 'PHAGS MA MTSON GANG PA AOm DANG BCAS PA ZHIG GSAL BTAB NAS RTZE GCIG TU CI NUS MNYAM PAR 'JOG ,DE NYID LA SKYO BAR GYUR NA RANG 'PHAGS MAR GSAL BA'I MDUN DU PAD ZLA'I GDAN LA 'PHAGS MA RANG 'DRA BZHIG SKAD CIG GIS SPYAN DRANGS NAS BZHUGS PA LA, RGYAL BKUN GYI MTSAN MCHOG GTZUG TOR NAS, ZHES SOGS KYI PHYAG BYA, MCHOD RDZAS RNAMS, AA MRi TAS BSANGS, SVA BH'A WAS SBYANGS,
STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I LHA RDZAS LAS GRUB PA'I MCHOD RDZAS RNAMS ZAG PA MED PA'I BDE BA KHYAD PAR CAN BSKYED PAR GYUR PAR BSAMS LA, AOm AA RGHAm, NAS, SHA PTA A'A:H'Um GI BAR GYIS BYIN GYIS BRLABS NAS, DRI MED GTZANG MA LAS BYUNG BA'I, ,LHA RDZAS BZANG PO'I MCHOD YON 'DI, ,BDAG GIS GUS PAS 'BUL LAGS NA, ,BZHES NAS BDAG LA DNGOS GRUB STZOL, ,AOm SARBA TA TH'A GA TO shn'I shA SI TA TA PA TRE SA PA RI W'A RA AA RGHAm PRA T'I TZTSA H'Um SV'A H'A, ZHES DANG, DE BZHIN DU, MCHOD YON GYI GNAS SU, ZHABS BSIL, ME TOG ,BDUG SPOS, SNANG GSAL, DRI CHAB, ZHAL ZAS, ROL MO, ZHES DANG, AARGHAm GYI GNAS SU, P'A DYAm, PUshPE, DH'U PE, A'A LO KE ,GANDHE, NEE BI DYA, SHAPTA SOGS BCUG LA MCHOD, BSDUN SNGAGS RKYANG GIS DBUL, BSTOD PA NI, BDE GSHEGS KUN GYI MTSAN MCHOG GTZUG TOR NAS, ,LEGS PAR SPRUL BA'I LHA MO GDUGS DKAR CAN, ,GANGS RI'I DBANG POR DBANG GZHUS SPUD PA BZHIN, ,PHUN TSOGS MTSAN DPE'I DPAL 'BAR KHYOD LA BSTOD, ,SHEL GYI LJON SHING YAL GA BRKYANGS 'DRA'I PHYAG ,G-YAS PAS 'GRO LA MI 'JIGS SKYABS SBYIN MDZAD, ,G-YON PA NYON MONGS GDUNG SKYOB GDUGS DKAR 'DZIN, ,RIN CHEN DU MA' RGYAN 'CHANG KHYOD LA BSTOD, ,GANG ZHIG DRAN PAS BDUD RIGS BAR GCOD SOGS, ,MI MTHUN RGUD PA THAMS CAD PHYIR BZLOG CING, ,TSUL BZHIN BSTEN NA DNGOS GRUB MCHOG STZOL PA'I, ,LHA MO GDUGS DKAR CAN LA GUS PAS BSTOD, CES BRJOD CING BZLAS PA BYA BA NI, BDAG MDUN GNYIS KA'I THUGS
, ,KAR AOm YIG GI MTHAR SNGAGS 'PHRENG GIS BSKOR BA LA DMIGS NAS ZHAL DANG LTE BAR MGAL ME'I 'KHOR LO LTAR 'KHOR BA LAS ME 'OD RAB TU 'PHROS PAS RANG GZHAN THAMS CAD KYI NAD GDON SDIG SGRIB BAR GCOD MI MTHUN PA'I PHYOGS THAMS CAD BYA SPU MES TSIG PA LTAR GZHOB THUL THUL BSREG PAR BSAMS LA, TA DYA TH'A, AOm AA NA LE AA NA LE, BI shA DE BI shA DE, BEE RE BEE RE, BADZRA DHA RI, BANDHA BANDHA nI, BDZRA P'A nI PHAt, H'Um H'Um PHAt PHAt H'Um DRUm BANDHA PHAt SV'A H'A, ZHES PA 'BUM LA SOGS PA CI NUS SU BZLA BAR BYA'O, ,YIG BRGYAS LHAG CHAD KHA BSKANGS, THUN MTSAMS SU MDUN BSKYED LA DMIGS PA'I MNGO 'DON ZHING, LHA MO'I GTOR MA PHYAG LEN LTAR BSHAMS LA BYIN GYIS BRLABS NAS, 'PHAGS MA DUGS DKAR CAN GYI LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR BAR BSAMS LA, AOm SARBA TA TH'A GA TO shn'I shA SI TA TA PA TRE AI DAm BA LIm TA SV'A H'A, ZHES PA GSUM MA MA BDUN GYIS DBUL, SNGAR LTAR, AA RGHAm SOGS KYIS MCHOD CING BSTOD, LEGS LDAN GYI GTOR MA NANG MCHOD DANG BCAS PA BSANGS, SBYANGS, STONG PA'I NGANG LAS, YAm LAS RLUNG, RAm LAS RLUNG, RAm LAS ME, KAm LAS MI MGO'I SGYED BU GSUM GYI STENG DU, AA LAS THOD PA YANGS SHING RGYA CHE BA'I NANG DU SHA LNGA BDUD RTZI LNGA ZHU BA LAS BDUD RTZI'I RGYA MTSO BDE STONG GI RANG BZHIN DU GYUR PAR BSAMS LA, 'BRU GSUM GYIS BYIN GYIS BRLABS NAS, RANG GI MDUN DU SNA TSOGS PADMA DANG NYI MA'I STENG DU MGON PO LEGS LDAN SKU MDOG MTHING NAG RAB TU KHROS PA'I NYAMS CAN, ZHAL GCIG PHYAG GNYIS PA, G-YAS BENG CHEN 'PHYAR ZHING, G-YON ZHAGS PA BSNAMS
PAS DGRA BGEGS THAMS CAD 'GUGS SHING 'CHING BA, ZHABS G-YAS BSKUMS SHING G-YON BRKYANG BA'I STABS KYIS ME DPUNG 'BAR BA'I DBUS NA BZHUGS PA'I SPYI BOR AOm, MGRIN PAR A'A:THUGS KAR H'Um GIS MTSAN PA, RANG GI THUGS KA NAS 'OD 'PHROS PAS YE SHES PA SPYAN DRANGS, DZA:H'Um BAm HO:GNYIS SU MED PAR GYUR PAR BSAMS LA, BYIN GYIS BRLABS PA'I MCHOD PA, AOm BADZRA AARGHAm SOGS KYIS DBUL, MGON PO LEGS LDAN GYI LJAGS RDO RJE'I SBU GUS GTOR MA'I BCUD THAMS CAD DRANGS TE GSOL BAR GYUR PAR BSAMS LA, AOm MAH'A K'A LA M'A TRI GA nA SA PA RI W'A RA AI DAm BA LIm TA KHA KHA KH'A HI KH'A HI T'Um PHAt SV'A H'A, ZHES PA GSUM GYIS PHUL NAS, CHU GNYIS NYER SPYOD NANG MCHOD DANG BCAS PAS KYANG MCHOD LA, H'Um, SRIN PO'I GZUGS KYIS GDUG PA CAN, , TSAR GCOD BYAD CHUB SEMS DPA' CHE, ,GRONG KHYER GSUM BRTZE GAS 'JIG BYED PA, ,LEGS LDAN 'KHOR DANG BCAS LA BSTOD, CES BSTOD CING 'DOD DON LA GSOL BA GDAB, DGE BA 'DI YIS MYUR DU BDAG ,'PHAGS MA GDUGS DKAR CAN GRUB NAS, ZHES SOS BSNGO SMON BYA ZHING, RTEN YOD NA BRTAN BZHUGS DANG, MED NA GSHEGS SU GSOL LA SHIS BRJOD CI RIGS PA BYA'O, ,ZHES PA 'DI NI YIG MKHAN YE SHES GNYEN GYIS BSKUL BA LTAR CHOS SMRA BA'I DGE SLONG BLO BZANG YE SHES KYIS SLOB DPON TZANDRA GO MI'I GZHUNG DANG BSTUN NAS BGYIS PA DGE LEGS 'PHEL,, ,,