, ,TSE SGRUB 'CHI MED BDUD RTZI'I CHU RGYUN ZHES BYA BA BZHUGS, ,
, ,NA MO GU RU MANYDZU GHOsh'A YA, PHUN TSOGS GZI BYIN DPAL 'BAR NYI 'OD KYIS, ,PHOG PA'I SMAG RUM JI BZHIN GANG GI SKU, ,YID MTSOR LHUNG MOD 'CHI BDAG MTHAR MDZAD PA'I, ,BLA MA TSE DPAG MED MGON GTZUG TU MCHOD, ,SPANGS RTOGS YON TAN MTHAR SON SANGS RGYAS DANG, ,DE'I GSUNG TSUL BZHIN BSGRUB PA THEG GSUM GYI, ,DGE 'DUN DANG BCAS SKYABS MCHOG RNAM GSUM LA, ,GUS PAS PHYAG 'TSAL TSE SGRUB GDAMS PA BRI, DE LA 'DIR RANG GZHAN GYI DON DU 'CHI MED TSE'I RIG 'DZIN BSGRUB PAR 'DOD PAS 'DI LTAR, ` BLA MA SANGS RGYAS CHOS DANG TSOGS MCHOG LA, ,BYANG CHUB MA THOB BAR DU BDAG SKYABS MCHI, ,MAR GYUR 'GRO BA KUN GYI DON
, ,BSGRUB PHYIR, ,BDAG GIS BYANG CHUB MCHOG TU SEMS BSKYED DO, ,ZHES SKYABS SEMS MDOR BSDUS SNGON DU BTANG NAS, BDAG DANG SNANG BA THAMS CAD RANG BZHIN GYIS, , GRUB PAS STONG PA'I STONG PA NYID DU GYUR, ,STONG PA'I NGANG LAS RMA BYAS BTEG PA'I KHRI, ,DE STENG 'DAB STONG PADMA ZLA DKYIL DBUS, ,HR'I: DMAR DE LAS 'OD 'PHROS DON GNYIS BYAS, ,TSUR 'DUS HR'I: YIG LA THIM YONGS GYUR LAS, ,RANG NYID BCOM LDAN MGON PO TSE DPAG MED, ,SKU MDOG BYU RU'I LHUN PO LTAR DMAR ZHING, ,ZHI ZHING 'DZUM LDAN ZHAL GCIG PHYAG GNYIS KYI, , MNYAM GZHAG STENG NA 'CHI MED BDUD RTZI YIS, ,GANG BA'I BUM BZANG DGOS 'DOD KUN 'BYUNG BA'I, ,DPAG BSAM SHING GI KHA RGYAN CAN BSNAMS PA'I, ,RLA BA'I THOR TSUGS RIN CHEN DBU RGYAN DANG, ,SNYAN RGYAN MGUL RGYAN PHYAG ZHABS GDU BUS MDZES, ,MU TSIG SE MO DO DANG DO SHAL SOGS, ,RIN THANG BRAL BA'I RNAM MANG RGYAN GYIS BRGYAN, ,MTSAN DEBS SPRAS PA'I
LONGS SPYOD RDZOGS SKU LA, ,NA BZAS MDZES SHING SNANG YANG BDEN MED SKU, ,DVANGS GSAL 'OD KYI PHUNG PO'I DBUS NYID NA, ,ZHABS GNYIS RDO RJES KYI KRUNG GIS BZHUGS PA'I, ,RANG GI BDEN CHEN 'KHOR LOR PAD ZLA'I STENG, ,BLA MA TSE DPAG MED MGON SKU MDOG DMAR, ,ZHAL GCIG PHYAG GNYIS 'CHI MED BDUD RTZI YIS, ,GANG BA'I LHUNG BZED BSNAMS SHING MNYAM PAR BZHENGS, ,RAL PA'I THOR TSUL GIS LAN BU ZHABS RTING SLEB, , RIN CHEN DBU RGYAN LA SOGS DU MAS SPRAS, ,DO SHAL RIN CHEN GZAR BU RTING PAR 'BYANG, ,MTSAN DPE'I DPAL 'BAR 'JA' LTAR SNANG BAR GYUR, ,RANG DANG SPYI BO'I TSE DPAG MED MGON GYI, ,SPYI BOR AOm DKAR MGRIN PAR A'A: DMAR PO, ,THUGS KAR H'Um SNGON HR'I: DMAR GYIS MTSAN LAS, ,'OD 'PHROS BDE BA CAN SOGS GNAS MCHOG NAS, ,BLA MA SANGS RGYAS BYANG CHUB SEMS DPA'I TSOGS, ,SPYAN DRANGS DAM TSIG PA ZUNG SPYI BOR BYON, , DZA: H'Um BAm HO: DBYER MED RO GCIG GYUR, ,SLAR YANG THUGS KA'I H'Um HR'I:'I 'OD ZER GYIS, ,RANG BZHIN GNAS NAS RIGS LNGA 'KHOR DANG BCAS, ,SPYAN DRANGS DBANG BSKUR LUS GANG BDE BA MYONG, ,DRI MA KUN DAG CHU LHAG YONGS GYUR LAS, ,BLA MA 'OD DPAG MED KYIS DBU LA BRGYAN, DE NAS YAN LAG BDUN PA 'BUL BA NI, 'JIG RTEN 'DREN PA'I ZHES SOGS DANG, GRUB PA'I RGYAL MO GSANG SNGAGS SDONG PO DANG, ,RDO RJE GRAGS
, ,PA DBANG PHYUG MI LA RJE ,DNGOS GRUB 'BYUNG GNAS RTZA BRGYUD BLA MA LA, ,PHYAG 'TSAL 'CHI MED TSE YI DNGOS GRUB STZOL, ,YID 'ONG DNGOS 'BYOR YID SPRUL MCHOD TSOGS 'BUL, ,SDIG LTUNG KUN BSHAGS DGE LA RJES YI RANG, ,'GRO LA THEG CHEN CHOS 'KHOR BSKOR BA'I PHYIR, ,RTAG PAR BZHUGS GSOL DGE RTZA BYANG CHEN BSNGO, ,DE NAS, NYI GZHON 'CHAR KA MA LA SOGS KYIS BSTOD LA, DE LTAR GSOL BA BTAB PAS SPYI BO YI, ,BLA MA TSE DPAG MED MGON BDAG NYID LA, ,DGYES SHING THIM NAS DBYER MED GCIG GYUR PA'I, ,THUGS KAR ZLA STENG HR'I: SA MTSAN GI GU'I NANG, ,ZLA STENG DPAL LDAN BLA MA DGE SLONG TSUL, ,'KHOD PA'I HR'I: YIG MTHA' SKOR SNGAGS 'PHRENG GIS, ,BSKOR BA'I SNGAGS 'PHRENG SA BON BCAS PA LAS, ,'OD 'PHROS 'BYUNG BA LNGA YI NUS PA DANG, ,BLA MA YI DAM MCHOG GSUM LA SOGS PA'I, ,SKU GSUNG THUGS DANG YON TAN 'PHRIN LAS KYI, ,BYIN RLABS RIGS DRUG SEMS CAN MA LUS PA'I, ,TSE DANG BSOD NAMS GZUNGS SNGAGS NUS MTHU SOGS, ,'CHI MED BDUD RTZI 'OD ZER RNAM PAR BKUG ,RJE BTZUN BLA MA'I BDE CHEN 'KHOR LO NAS, ,ZHUGS PAS SKU GSUNG THUGS KYI SDIG SGRIB DANG, ,SKU TSE'I BAR GCOD THAMS CAD NYER ZHI ZHING, ,'CHI MED RDO RJE'I SKU MCHOG THOB PAR GYUR, DE LTAR SPRO BSDU'I DMIGS PA YANG YANG
GSAL 'DEBS PA DANG BCAS PAS TSE GZUNGS CI MANG BZLA ZHING, MJUG TU, DGE BA 'DI YIS MYUR DU BDAG ,TSE DPAG MED MGON 'GRUB GYUR NAS, ZHES SOGS DANG, LHAGS PA DANG NI CHAD PA DANG, ZHES SOGS BZOD GSOL DANG, SRAS BCAS RGYAL BA KUN GYI BYIN RLABS DANG, ,BDAG GIS RTZE GCIG BSGRUBS SHING GSOL BTAB MTHUS, ,RJE BTZUN BLA MA MI GZHIG RDO RJE'I KHRIR, ,CHO MTHA' YAS PA'I MGON BZHIN RTAG BRTAN SHOG ,RDO RJE'I SKU LA SKYE 'CHI MI MNGA' YANG, ZHES SOGS LONG SKABS DANG BSTUN NAS BYED CING, 'JAM DPAL DPA' BOS JI LTAR MKHYEN PA LTAR, ZHES SOGS DANG, GZHAN YANG 'DI LTAR BSKRUN PA'I DGE TSOGS MTHUS, ,BDAG SOGS BDE LDAN PADMOR RDZUS SKYES TE, ,MGON PO 'KHOR BCAS ZHAL BZANG MTHONG BA DANG, ,THEG MCHOG CHOS LA SPYOD PA'I SKAL LDAN SHOG ,DUS MIN 'CHI BA'I MTSAN MA MTHONG BA NA, ZHES SOGS DANG, TSE DPAG MED MGON KHYED SKU CI 'DRA DANG, ZHES SOGS BSNGO SMON SKABS SBYAR SHIS BRJOD DANG BCAS BYA ZHING, GANG ZAG GZHAN GYI DON DU BYED NA'ANG DMIGS PA BSGYUR BAS CHOG GO ,TSUL 'DI NYIN RE BZHIN NYAMS SU BLANGS NA GNAS SKABS TSE'I BAR GCOD SEL ZHING TSE'I DNGOS GRUB THOB PA DANG, MTHAR THUG BDE BA CAN DU SKYE BA SOGS PHAN YON MTHA' YAS SO, ,ZHES PA
, ,'DI NI DGE SKOS CHEN MO RAB 'BYAMS PA BLO BZANG 'PHRIN LAS KYIS 'DI LTA BU 'DUS SDE'I ZHAL 'DON DU BTZUGS CHOG PA ZHIG DGOS ZHES YANG YANG NAN TAN CHEN POS BSKUL BA LA BRTEN NAS SH'AKYA'I BTZUN PA BLO BZANG YE SHES KYIS SMRAS PA'O,, ,,MANG+GA LAm,, ,,
[BLANK PAGE]