, ,DRI LAN YI GE BKOD GRAS 'GA' ZHIG BZHUGS SO, ,
, ,YONGS 'DZIN DKA' CHEN BSOD NAMS GRAGS PA LAGS KYIS BLA MA DAM PA RNAMS LA MCHOD PA 'BUL LUGS LA DOGS SEL ZHUS PA'I ZIN BRIS GNANG BA, ` GDONG LNGA 'BAR BA'I RIN CHEN KHRI STENG CHU SKYES ZHES PA, 'GA' ZHIG SENG GE'I YAN LAG BZHI MGO DANG LNGA LA GDONG LNGA ZER YANG, SNA DANG MKHUR TSOS GNYIS DBRAL BA MA LE LNGA 'BUR DU DOD YOD PAS GDONG LNGA ZER GSUNGS, MTSAN DPE'I RGYAN LDAN 'OD ZER STONG 'BAR ZHES PA'I MTSAN DPE NI, THUGS KA'I RDO RJE 'CHANG KHO NA'I MIN GYI, BLA MA'I MTSAN DPE'ANG YIN GSUNGS, 'OD ZER PHYOGS SKYONG GNOD SBYIN GSANG BA 'JIG RTEN PA RNAMS ZHABS KYI GDAN ZHES PA, GNOD SBYIN DANG GSANG BA PA GCIG TU BYAS PA DANG, GNOD SBYIN GSANG BA PA DRI ZA LA BYAS PA GNYIS KA RJE'I GSUNG LAS 'BYUNG ZHING, 'JIG RTEN PA ZHABS KYI GDAN DU MDZAD PA
, ,GZHAN LA SBYAR BA'ANG YONG ZHING GDAN GYI NYI ZLA GNYIS KYANG YIN GSUNGS, MTHA' SKOR RIM BZHIN DNGOS BRGYUD BLA MA ZHES PA, BLA MA'I THUGS KA NAS 'OD ZER BLA MA'I GRANGS DANG MNYAM PA MDUN GYI NAM MKHA' 'BRAS PA'I SNE MOR PAD ZLA'I GDAN LA DRIN CAN RTZA BA'I BLA MA GNYIS PA ZHIG LA CHOS 'BREL DNGOS THOB KYI BLA MA RNAMS KYIS BSKOR BA, 'OD ZER G-YAS SU 'PHROS PA'I SNE MOR PAD ZLA'I GDAN LA RJE BTZUN BYAMS PA LA RGYA CHEN SPYOD BRGYUD KYI BLA MA RNAMS KYIS BSKOR BA, 'OD ZER G-YON DU 'PHROS PA'I SNA MOR PAD ZLA'I GDAN LA RJE BTZUN 'JAM DBYANGS LA ZAB MO LTA BRGYUD KYI BLA MA RNAMS KYIS BSKOR BA, CUNG ZAD MTHO BA'I SKU RGYAB TU BYIN RLABS KYI BRGYUD PAR LAM RGYAL BA RDO RJE 'CHANG LA RJE BTZUN 'JAM DBYANGS, BLA MA DBU MA PA, RJE RIN PO CHE, RTOGS LDAN 'JAM DPAL RGYA MTSO, BA SO BA, RJE CHOS KYI RDO RJE, RJE BLO BZANG DON GRUB, RJE SANGS RGYAS YE SHES, RJE BTZUN BLO BZANG CHOS KYI RGYAL MTSAN, RDO RJE 'DZIN PA DKON MCHOG RGYAL MTSAN LA SOGS PA RNAMS KYIS BSKOR BA'AM MTHO BRTAGS GANG RIG, DE DAG GI STENG LA GSANG BA DE SOGS KYI BRGYUD PA'I BLA MA RNAMS BZHUGS PAR BSAM, SPYAN
'DREN GYI SKABS, PHUN TSOGS BDE LEGS ZHES SOGS BRJOD PA DANG, NAM MKHA' LAS CHAR SPRIN THOL TE BYUNG BA BZHIN YE SHES PA RNAMS SKU'I DANG LAS GZUGS SKU'I RNAM PAR KHRA RAM ME BYON TE, DZA: ZHES BRJOD PA DANG MNYAM DU DAM TSIG PA SO SO'I SPYI BOR MI THOG TU MI BRTZEGS PA LTA BU NI DGUG PA YIN, H'Um BRJOD PA DANG MNYAM DU DAM TSIG PA SO SO LA THIM PA GZHUG PA YIN, BAm BRJOD PA DANG MNYAM DU BAM YE GNYIS CHU LA CHU BZHIN DBYER MED DU SONG BA NI BCINGS PA YIN, HO:BRJOD PA DANG MNYAM DU YE SHES PA DAM TSIG PA LA MI MNYES PA MED PAR DBANG DU GYUR PA NI MNYES PA'I DON YIN GSUNGS, YAN LAG BDUN PA'I GANG GI THUGS RJES BDE BA ZHES SOGS TSIGS BCAD GSUM GYIS RTZA BA'I BLA MA DANG, DE NAS TSIGS BCAD GCIG GIS BRGYUD PA'I BLA MA SANGS RGYAS BYANG SEMS SOGS LA PHYAG BYA BA, DE YANG LUS DPAG TU MED PAR SPRUL PA'I LUS RE RE LA'ANG MGO DPAG TU MED PA, MGO RE RE LA LCA RE YOD PAS LCE DPAG MED 'BYUNG ZHING, LCE DE THAMS CAD KYIS BLA MA'I YON TAN BRJOD PA DAG GI PHYAG YIN, LA LAR MGO RE RE YA'ANG KHA DPAG MED, KHA RE RE LA'ANG LCE DPAG MED ZER BA 'DUG KYANG RANG RE LA GONG GI DE TZAM GO BDE ZHING DBYANGS KYI YAN LAG NI DE'I RGYU DANG, RGYA MTSO NI MANG PO'I SGRA YIN GSUNG BAS, YAN LAG LA RGYUR GSUNGS PA 'DUL BA NA RANG YOD PA DANG MTHUN SNYAM 'BYUNG, MCHOD PA'I SKABS GZHAN RNAMS GO SLA ZHING, SNANG GSAL GYI SKABS NYI ZLA DANG, NOR BU RIN PO CHE 'OD KYIS NYIN MTSAN NGO MI SHES PA LTA BU 'BYUNG BA YOD PA 'BUL, RIN CHEN BDUN LA BGRANG LUGS MANG PO YOD PA, GSER DNGUL, ZANGS LCAGS, G-YU, BYU RU, MU TIG BDUN NAS, 'KHOR LO RIN PO CHE LA SOGS GSUNGS PA
, ,'DRA BA ZHIG BYUNG, NYE BA'I RIN CHEN BDUN NI, 'KHOR LOS BSGYUR BA'I RGYAL PO LA YOD PA'I NAGS TSAL DRI BSUNG DPAG TSAD MANG POR 'PHRO BA, RAL GRI NI PHYAR BA TZAM GYIS MI MTHUN PA'I PHYOGS 'JOMS PAR NUS PA YOD PA DE YIN GYI, RO LANGS BSGRUB PA'I RAL GRI DE MIN GSUNGS, KHANG BZANG RIN PO CHE DBYAR BSIL DGUN DRO BA, GOS NI YANG ZHING 'JAM LA REG NA BDE BA LHA'I GOS LTA BU, PAGS PA RIN PO CHE NI SPRUL GYI PAGS PA DA LTA'I PHRA STAR 'DI MIN PA GUR LTA BUR YOD PA, LHAM RIN PO CHE NI GYON PA TZAM GYIS SKAD CIG LA'ANG RING POR BGROD THUB PA YIN GSUNGS, MAL CHA RIN PO CHE NI YANG ZHING 'JAM LA BSAM GTAN SEMS NA RNAM PAR GROL BA'I BLO GSAL, 'DOD CHAGS SOGS SEL BAR BYED PA RNAMS YIN GSUNGS, DNGOS BSHAMS YID SPRUL ZHES SOGS LA, BSLAB PA GSUM RIM PA GNYIS SOGS KYI YON TAN RNAMS 'BRAS BU'I GZUGS SU BKOD PA STE, SNYAN NGAG PA'I GZUGS BRGYAN ZER BA DE YIN GSUNGS, ZIN BRIS 'GA' ZHIG TU GZUGS SU MOS ZER BA CUNG ZAD MIN NAM SNYAM, RGYA MTSO'I NGOGS NI RGYA MTSO'I 'GRAM STE DGA' TSAL GYI BRTEN GZHI'O, ,DES NA PHYI NANG GSANG BA DE KHO NA NYID KYI MCHOD PA BZHI LAS, RGYA JA'I BTUNG BA YAN GYIS PHYI MCHOD, LCAGS KYU LNGA DANG SGRON MA LNGA LA SOGS, ZHES PAS NANG MCHOD BSTAN CING, DE YANG SHA LNGA LA LCAGS KYU LNGA ZER BA DNGOS GRUB 'GUGS PAS LCAGS KYU DANG, BDUD RTZI LNGAS DNGOS GRUB GSAL BAR BYED PAS SGRON MA ZHES BRJOD CING, RE RE LA'ANG 'GUGS PA DANG GSAL BA'I BYED LAS GNYIS KA TSANG GSUNGS, YID 'ONG SOGS KYIS GSAR MCHOD BSTAN CING, GONG DU MCHOD RDZAS BYIN RLABS KYI SKABS CHOS
SKYONG SOGS LA GSANG RTEN DNGOS SU YOD CING, SKABS 'DI'I GSANG RDZAS NI PADMA CAN LA SOGS PA PHYAG RGYA RIGS BZHI LA BYED GSUNG BA LTAR YIN CING, 'BUL TSUL YANG SKABS 'GAR RANG GI SNYING KHA NAS RIG MA SPROS NAS 'BUL BA YOD KYANG, 'DIR NI SNGAR MCHOD RDZAS LA BKOD PA'I LHA MO DE DAG BUL BAS, BLA MA'I THUGS KA'I RDO RJE 'CHANG GI YUM RDO RJE DBYINGS KYI DBANG PHYUG MA LA THIM ZHING, YAB YUM SNYOMS PAR ZHUGS PAS THUGS RGYUD LA LHAN SKYES KYI BDE BA CHEN PO KHYAD PAR CAN 'KHRUNGS PAR BSAM PA NI GSANG MCHOD YIN LA, DE YANG SNGAR TSOGS ZHING BSKYED SKABS NYE BA'I SRAS CHEN BRGYAD SOGS KYI 'KHOR RNAMS KYANG NGO BO SANGS RGYAS YIN GSUNG PAS, TSOGS ZHING THAMS CAD KYANG BLA MA RDO RJE 'CHANG DANG THUGS RGYUD GCIG YIN PAS BLA MA RDO RJE 'CHANG GI THUGS RGYUD LA BDE BA 'KHRUNGS PAR BSAM TSE TSOGS ZHING THAMS CAD LA'ANG DE LTAR 'KHRUNGS PA YIN NAM SNYAM, DE LA ZHING SKYES NI DBEN GSUM SGYU LUS CI RIGS, SNGAGS SKYES NI BSKYED RIM LA GNAS PA, LHAN SKYES NI ZUNG 'JUG YIN GSUNGS, DES NA, SGRIB BRAL ZHES SOGS KYIS DE KHO NA NYID KYI MCHOD PA BSTAN CING, NYON MONGS BZHI BRGYA RTZA BZHI ZHES SOGS KYIS AA RU RAL SOGS PA'I SMAN GSER DNGUL SOGS KYI SNOD BKANGS TE 'BUL ZHING BDAG NYID SANGS RGYAS MA THOB KYI BAR BRAN DU 'BUL BA BSTAN GSUNGS, DE LTAR LAN GSUM GSOL BA BTAB PA'I MTHUS, ZHES SOGS KYI SKABS SU, BLA MA'I SPYI BO'I AOm DKAR PO LAS BDUD RTZI DKAR PO'I RGYUN BYUNG BA RANG GI SPYI BOR THIM PAS MGRIN PA YAN GANG, THOG MED NAS BSAGS PA'I LUS KYI SGRIB PA THAMS CAD SBYANGS BUM DBANG THOB, LAM BSKYED RIM BSGOM PA LA DBANG BAR BYAS, 'BRAS BU SPRUL PA'I SKU 'GRUB
, ,PA'I NUS PA'AM, BAG CHAGS SAM, SA BON KHYAD PAR CAN BZHAG ,BLA MA'I MGRIN PA'I A'A:LAS BDUD RTZI DMAR PO'I RGYUN BYUNG, RANG GI MGRIN PA'I A'A:LA THIM, NGAG GI SGRIB PA SBYANGS, GSANG DBANG THOB, LAM SGYU LUS BSGOM PA LA DBANG, 'BRAS BU LONGS SKU 'GRUB PA'I NUS PA BZHAG ,BLA MA'I THUGS KA'I H'Um LAS BDUD RTZI SNGON PO'I RGYUN BYUNG, RANG GI SNYING KHA'I H'Um LA THIM, LTE BA YAN GANG, YID KYI SGRIB PA THAMS CAD DAG ,SHES RAB YE SHES KYI DBANG THOB, 'OD GSAL BA SGOM PA LA DBANG, CHOS SKU 'GRUB PA'I NUS PA BZHANG, ,YANG BLA MA'I SKU'I GNAS GSUM GA LAS BDUD RTZI DKAR DMAR MTHING GSUM CIG CAR BYUNG, RANG GI SPYI BO NAS RKANG MTHIL GYI BAR GANG SGRIB PA BAG CHAGS MA LUS PA SBYANGS, TSIG DBANG THOB, ZUNG 'JUG BSGOM PA LA DBANG, 'BRAS BU ZUNG 'JUG RDO RJE 'CHANG 'GI SKU 'GRUB PA'I NUS PA KHYAD PAR CAN BZHAG PA'I MOS PA BYED GSUNGS, BLA MA GNYIS PA ZHIG, DGYES BZHIN THIM PAS BYIN GYIS BRLABS PAR BSAM, ZHES PAR RTZA BA'I BLA MA LAS BLA MA GNYIS PA ZHIG MAR ME GCIG LAS GNYIS CHANG KYI TSUL DU BYON NAS RANG GI SPYI BO'I DH'UT'I'I NANG NA MAR BRGYUD DE SNYING KHA'I DH'UT'I'I NANG NA THIG LE DKAR DMAR KHA SBYOR GYI TSUL DU YOD PA SKABS 'GAR 'OG GI DMAR CHA PADMA DMAR PO 'DAB MA BRGYAD PA DANG, STENG GI DKAR CHA ZLA BA'I DKYIL 'KHOR DU SONG BAR MDZAD PA'ANG YOD MOD, DA LAM THIG LE DE GNYIS KYI DBUS NA SHIN TU PHRA BA'I RLUNG SEMS BAG LA ZHA BA'I TSUL DU YOD PA DE'I RLUNG GIS SKU'I NYER LEN, PHRA BA'I SEMS KYIS THUGS DANG, RLUNG SEMS DE GNYIS KYI STENG NA NGAG GI SA BON PHRA MO YOD PAS GSUNG GI NYER LEN BYAS TE BLA MA'I SKU GSUNG
THUGS SU BZHANGS PA'I MOS PA DANG, DE YANG BLA MA LA THA MA LA GYI ZHEN PA MED NA BLA MA RANG GI SKUR BZHENGS PA'I MOS PA BYED CING, THA MAL GYI ZHEN PA BYUNG NA RDO RJE 'CHANG GI SKUR BZHENGS PA'I MOS PA BYA STE, RANG GI LUS NGAG YID GSUM DANG BLA MA'I SKU GSUNG THUGS DBYER MED PA LA RTZE GCIG TU MNYAM PAR 'JOG PA NI BLA MA'I RNAL 'BYOR GYI SNYING PO MTHAR THUG PA YIN GSUNGS, DE YANG BZA' BTUNG LA LONGS SPYOD PA'I TSE, AOm A'A:H'Um LAN GSUM MAM, GCIG GIS KYANG BYIN GYIS BRLABS NAS SNYING KHA'I BLA MA LA 'BUL BA'I DMIGS PA BYAS NA, BU LON DU MI 'GYUR BAR MA ZAD RANG GZHAN GNYIS KA'I TSOGS BDE BLAG TU RDZOGS SHING, RMI LAM GYI RNAL 'BYOR SKYONG NA'ANG DE LA DMIGS NA BYIN RLABS KYI SHUGS KYIS ZIN STOBS CHE BA'I GNAD KHYAD PAR CAN YOD CING, DON 'DI 'DRA LA DGONGS NAS RJE DGE 'DUN RGYA MTSOS JA MCHOD DU, YAB GCIG YAB GCIG 'JAM PA'I DBYANGS, ZHES PA'I 'JAM DBYANGS DANG DBYER MED KYI BLA MA RJE BTZUN TZONG KHA PA'I RNAL 'BYOR BSGOM PAR MDZAD PA'I LUGS SU GSUNGS PA YIN GSUNGS, BLA MA MCHOD PA PHAN YON CHE BA'I NGES PA 'DREN LUGS KYI SKABS SU, 'JAM DPAL ZHAL LUNG LAS, 'DI YI DON LDAN 'GA' ZHIG LA, ,NGA NI DE YI LUS GNAS TE, ,SGRUB PO GZHAN LA MCHOD PA LEN, ,DE MNYES DE YI RANG RGYUD KYI, ,LAS KYI SGRIB PA DAG BYED PA'O, ,ZHES 'DREN PAR MDZAD NAS SANGS RGYAS BYANG SEMS GZHAN LA MCHOD KYANG, SLOB MA DAM TSIG DANG SDOM PA LA G-YEL BAS MCHOD PA PHUL BA LONGS SPYOD PAR MDZAD PA'I NGES PA MED CING, BLA MA MCHOD NA NI SANGS RGYAS THAMS CAD BLA MA'I SKU LA BZHUGS NAS SGRUB PA PO DES MCHOD PA PHUL BA LA DNGOS SU LONGS SPYOD PA YIN PA DANG, GZHAN YANG RIM LNGA LAS, 'DI NI RANG BYUNG BCOM LDAN 'DAS,
, ,ZHES SOGS 'DREN PAR MDZAD NAS, SANGS RGYAS GZHAN GYIS RANG LA DNGOS SU GDAMS NGAG 'DOMS PA MED CING BLA MAS GDAMS NGAG THAMS CAD DNGOS SU 'DOMS PAS SANGS RGYAS GZHAN LAS KYANG BKA' DRIN CHE ZHING, BKA' DRIN JI LTAR CHE BTZAL GYIS DE LA MCHOD PA PHAN YON CHE BA YIN GSUNGS TE, DPER NA PAM DRIN CHE BAS BSNYEN BKUR GYI ZHING MCHOG TU GSUNGS PA DANG 'DRA SNYAM PA BYUNG, GTONG LEN GYI SKABS SU SNA BUG G-YON PA NAS RLUNG RDUB PA DANG MNYAM DU SEMS CAN THAMS CAD KYI SDIG SDUG GTAM NGAN NANG DU DRANGS, RANG GI SNYING KHAR BDEN 'DZIN DANG GCES 'DZIN NAG PHUNG NGE YOD PA LA THIM PAS, RANG RGYUD KYI BDAG 'DZIN DANG GCES 'DZIN THAMS CAD THUL GYIS THUL NAS GAR SONG CHA MED DU SONG BAR BSAM, RANG GI BDE DGE THAMS CAD SNA BUG G-YAS NAS 'OD ZER DKAR PO'I RNAM PAR THON, SEMS CAN THAMS CAD KYI SNA BUG G-YON NAS ZHUGS SDIG SDUG BYANG, CHOS BSGRUB PA'I MTHUN RKYEN DANG PA BRTZON 'GRUS SHES RAB SOGS TSANG BAR BSAM, LUS DANG LONGS SPYOD DUS GSUM DGE TSOGS BCAS, ZHES PAR, LAM RIM CHEN MOR BYANG SA'I LUNG DRANGS NAS, DBEN PAR SONG STE YID NANG DU BSDUS NAS BSAM PA DAG CING, SNYING THAG PA NAS DANG BAS SBYIN PAR BYA BA'I CHOS SNA TSOGS PA RGYA CHEN PO DPAG TU MED PA RTOG PAS SPRUL NAS SEMS CAN RNAMS LA BYIN PAR MOS PA BYED PA'O, ,DES TSOGS CHUNG DUS BSOD NAMS DPAG TU MED PA 'PHEL BA DANG, DE YANG BYANG CHUB SEMS DPA' SHES RAB CAN GYI SBYIN PAR BYANGS LAS GSUNGS SO, ,ZHES PA DE 'DREN PAR MDZAD, DE LTAR GSOL BA BTAB PAS BLA MA MCHOG, CES SOGS NYER BSDU'I SKABS MCHOD RDZAS BSKYED PA RNAMS,
'OD DU ZHU NAS DPAG BSAM SHING LA THIM, DPAG BSAM SHING YANG 'ONG DU ZHU NAS SENG KHRI LA THIM PA SOGS MTHA' NAS RIM GYIS KHU NAS RTZA BA'I BLA MA LA THIM, BLA MA YANG RANG GI SPYI BO'I DH'UT'I'I NANG NA MAR BYON, SNYING KHA'I BLA MA DANG DBYER MED DU GYUR PAR BSAMS NAS, DE LA NGA RGYAL DANG GSAL SNANG 'DON PA NI BLA MA'I RNAL 'BYOR GYI SNYING PO YIN GSUNGS, THEG MCHOG 'KHOR LO BZHI NI BSHES SPRINGS LAS, MTHUN PAR GYUR PA'I YUL NA GNAS PA DANG, ZHES SOGS GSUNGS PA LA BSHAD PA MDZAD KYANG, DANG PO GNYIS BRJED DOGS MED PAS MA BRIS SHING, BDAG GI LAS SMON NI BYANG GI RKYANG BU KHA DKAR NI, ZHES SOGS GSUNGS NAS, RGYAB DE KHO RANG BRGYUG 'DOD CAN RANG GI MJUG MA LCAG GI TSUL DU RANG LA BRDEG CING NAR TE BRGYUG, SDOD 'DOD TZA NA KHA PHAR KYOG TSUR KYOG BYAS NAS RANG KHA RANG GIS 'THEN PA'I TSUL GYIS SDOD PA LTAR, RANG GIS RANG NYID CHOS LA BSKUL ZHING, CHOS MIN GYI BYA BA LA 'JUG PAR RTZOM PA NA, RANG GIS RANG LA KHYOD 'DRA BA KHA RE YOD BA ZHES RNGAN BGRANGS NAS CHOS MIN LA 'JUG TU MI STER BA DE 'DRA YIN, SDON BSOD NAMS BGYIS PA NI, SNGON BSOD NAMS BSAGS PAS SPRA BA LA ME MA CHENG BA LTAR, BLA MAS CHOS BSHAD TZAM NA, BZUNG NA TSIG ZIN, BSAMS NA DON GO, BSGOMS NA RGYUD LA SKYE BA'I BSOD NAMS CAN YIN PA DE 'DRA BA GCIG GSUNGS PA 'DRA BA ZHIG BYUNG,, ,,` THO YON DGE SLONG BLO BZANG MCHOG GRUB KYIS, DPAL GSANG BA 'DUS BA DI RAS BRIS LA BRTEN NAS MDUN BSKYED KYI MCHAN MA 'GOD TSUL DANG BSGRUB TSUL JI LTAR GSUNG BA, LHA MTSAN 'GONG TSUL LA RDUL TSON SOGS GZHAL YAS KHAR LHA'I GDAN DANG BCAS PA GRUB NAS, MTSAN MA JI LTAR 'GONG TSUL, RDO RJE 'CHANG CHEN PO'I LAM GYI RIM PA LAS, DE LTA
, ,LHA'I GDAN GYI BAR RNAMS RDZOGS PA DANG BRTEN PA'I DKYIL 'KHOR JI LTAR DGOD PA LA TSUL GSUM STE, RANG RANG GI SA BON GYI YI GE DANG PHYAG MTSAN DANG LUGS MA DANG 'BUR DU GTOD PA'I LHA'I SKU DGOD PA JI LTAR NUS PA DANG MTHUN PAR BYA STE KLU'I BLOS, JI LTAR NUS PA ,DKYIL 'KHOR DU, ,SA BON DGOD BYA YANG NA NI, ,MTSAN MA'AM LHA YI GZUGS NYID DE, ,LUGS MA'AM 'DU BYAS DGOD PAR BYA, ZHES SO, ,DKYIL CHOG GI 'GYUR LA NI, 'BUR DU GTOD DANG LUGS MA NI, ZHES 'BYUNG NGO, ,DE LA SKAL MI LDAN YOD NA MTSAN MA DANG PHYAG RGYA BRI LA DE MED NA LHA'I SKU BRI BAR BYA ZHING BRIS SKU'I MA LUGS SKU'AM BZO BYAS PA'AM 'BUR DU DOD PA'AM LEGS PAR 'DU BYAS PA GZHAG PAR BYA'O, ,PHYAG RGYA BRI BA NI MNGON BRJOD BLA MA LAS GSUNGS TE, MI NUS NA NI BRIS PA YI, ,PHYAG RGYA'AM MTSAN MA DGOD PAR BYA, ,GANG YANG GSUNGS PA, TSON NAM YANG NA PIR RNAMS KYIS, ,BRIS PA RNAMS KYIS RNAM PAR SPRAS, ZHES SO, ,PHYAG RGYA NI LAG PA'I PHYAG RGYA YIN LA, MTSAN MA NI PHYAG MTSAN NO, ,MNGON BRJOD KYI GSUM PA LAS, YI GE'I DKYIL 'KHOR DANG PO STE, ,GNYIS PA MTSAN MA'I DKYIL 'KHOR YIN, ,LAG PA'I PHYAG RGYA GSUM PA STE, ,GZUGS BRNYAN DKOD PA BZHI PA'O, ,ME TOG DGRAM PA LNGA PA STE, ,DRUG PA TSOGS KYI DKYIL 'KHOR RO, ,ZHES GSUNGS SO, ,SNYEM BCU GNYIS PA LAS, GZUGS NA THENG KAR BRIS PA DANG BRKOS PA DANG LUGS MA DANG GSAR MA'I LAS KYIS 'DU BYAS PA'O, ,ZHES GSUNGS PAS BZHI PAS NI RDUL TSON MA DGONG PA'I LUGS LA SOGS DANG RAS RIS KYI DKYIL 'KHOR GNYIS KA BSTAN PAR GZUNG NGO, ,ZHES GSUNGS, DKYIL
'KHOR LA BKOD PA'I MTSAN MA LHAR BSKYED MI BSKYED DKYIL CHOG RNAMS LAS CI RIGS SU 'BYUNG YANG PHYAG MTSAN LTA BU LHA MTSAN BKANG BA RNAMS STONG PAR MA SBYANGS PAR NI BSKYED PAR MI 'THAD LA SBYANGS NAS LHAR BSKYED PA LA MTSAN MA LHAR BSKYED PA LA MTSAN MA LHAR BSKYED BZHES PA'I THA SNYAD BTAGS TE DE NI BRIS PA'I RTEN GYI DKYIL 'KHOR LA YANG 'DRA GSUNGS, BRANG TI RJE BTZUN NAM MKHA' DPAL BZANG POS MDZAD PA'I RDO RJE 'PHRENG BA'I SGRUB DKYIL SBRAGS PA RDOR 'PHRENG MDZES RGYAN ZHES BYA BAR, RAS BRIS KYI DKYIL 'KHOR NI ZHAL PHYAG YONGS RDZOGS 'BRI DGOS TE, DZA YA SE NAS, RDUL TSON 'BRI BAR MA NUS NA, ,DKYIL 'KHOR DANG MNYAM RAS LA NI, ,NGES PAR BCOM LDAN HE RU KA ,PHYAG RGYA'I TSOGS DANG BCAS PA BRI, ZHES DANG, RJE BTZUN RTZE MOS KYANG, RAS BRIS KYI DKYIL 'KHOR NI LHA ZHAL PHYAG GI RNAM PA CAN MED NA YID MI CHES PA'I DBANG BRTUL GYI DBANG DU BYAS PAR GSUNGS PA'I PHYIR RO GSUNGS, PAn CHEN BLO BZANG CHOS KYI RGYAL MTSAN GYIS 'DUS PA MI BSKYOD PA'I DKYIL 'KHOR GYI CHO GA NGAG 'DON GYI RIM PAR BSGRIGS PA GNANG BAR BUM PA 'GOD PA DANG, SGRUB THABS KYI RNAL 'BYOR GANG DANG LDAN PAS DKYIL 'KHOR BSGRUB BA'I TSUL DE NI RAS BRIS KYI CHO GA LA'ANG BYA STE, BSAM GTAN GYI CHO GA LA'ANG CI RIGS PAR SHES PAR BYA'O GSUNGS PA LTAR RDUL TSON DANG RAS BRIS KYI DKYIL 'KHOR PHYOGS MTSUNGS PAR GSAL BAR GSUNGS PA RNAMS LA YID CHES KYI GNAS SO, ,DING SANG RAS BRIS KYI DKYIL 'KHOR LA LHA ZHAL PHYAG GI RNAM PA CAN DKYIL THANG ZHES 'BRI BAR NGAR SO CHE ZHING, RAS BRIS KYI DKYIL 'KHOR LA MTSAN MA DGOD PA'I LUGS RDUL TSON DANG 'DRA BA DA LTA PHYAG LEN LA YANG 'DUG GO, ,, ` DKYIL 'KHOR BA SGRUB LUGS RDO RJE 'CHANG GI LAM GYI RIM PA LAS,
, ,RAS BRIS KYI DKYIL 'KHOR BSGRUB NA YANG BSANGS SBYANGS SNGON DU BTANG NAS SO SO'I MNGON RTOGS BZHIN BYA STE RDUL TSON DANG 'DRA'O, ,DE LTAR YANG 'PHRENG BA LAS, DE NAS RDUL TSON GYI DKYIL 'KHOR RAM RAS BRIS LA SOGS PA'I DKYIL 'KHOR RAM YID KYIS DKYIL 'KHOR MNGON SUM DU BYAS PA DER JI LTAR BRJOD PA'I MCHOD PA LA SOGS PA SNGON DU 'GRO BAS SKU GZUGS LA SOGS PA'I RAB GNAS KYANG SLOB MA RAB TU GNAS PA BZHIN BYA'O, ,ZHES DKYIL 'KHOR BSGRUBS PA'I 'OG TU BSHAD DE DKYIL 'KHOR BSGRUB LUGS THUN MONG BA LA DGONGS NAS DE LTAR GSUNGS SO, ,SNGAR BSHAD PA'I BRIS SKU LA BRTEN PA'I DKYIL CHOG GSUM DU DKYIL 'KHOR BSGRUB PA MA BSHAD PAR MCHOD PA SOGS BYAS NAS DBANG BSKUR BA GSUNGS PA NI GO SLA BA LA DGONGS PAS BSGRUB LUGS 'DRA BAR BYA'O, ,MNGON BRJOD KYI DKYIL 'KHOR BZHI PAS KYANG RAS BRIS KYI DKYIL 'KHOR BSTAN PAS NGAS BRIS LA BRTEN PA'I KHUNGS NI MANG PO YOD DO, ,'DIR BRIS SKU'I LHA BYUNG NAS BSKYED PA'I 'OG TU SLAR BSTIM PA KHA CIG BYED PA NI SHIN TU MI 'THAD DE RAB GNAS KYI BRTAN BZHUGS BYAS PA DANG 'GAL BA'I PHYIR DANG, LHA MA PHYUNG BAR BSKYED PA LA SKYON CUNG ZAD KYANG MED PA'I PHYIR RO, ,DE LTA MA YIN NA RDUL TSON LHAR BSKYED NAS BRIS PA'I GZHAL YAS KHANG DANG LHA BSKYED PA LA YANG TSON RTZI BYIN RLABS KYI LHA PHYUNG NAS BSKYED DGOS PA DANG, RAB GNAS KYI LHA'I SKU GZUGS DANG SLOB MA MI BSKYOD PAR BSKYED NAS CHU DBANG BSKUR BA'I 'OG TU COD PAN GYI DBANG BSKUR BA NA'ANG, MI BSKYOD PA PHYUNG NAS RIN 'BYUNG DU BSKYED DGOS PAR 'GYUR BA SOGS KYI GNOD PA DU MA ZHIG YOD DO, ,TSUL 'DI GZHAN LA'ANG RIG PAR BYA'O, ,ZHES GSAL BAR GSUNGS PA YIN NO,, ` YANG
GSANG BDE 'JIGS GSUM PHYI RAS BRIS LA BRTEN NAS BDAG 'JUG LEN PA'I TSE PHYI ROL GTOR MA DGOS MI DGOS GSUNG PA GSANG BA DE GNYIS LA, RDO RJE 'CHANG GI LAM GYI RIM PA LAS, RDUL TSON GYI DKYIL 'KHOR GSHEGS SU GSOS PA'I RJES LA GTOR MA LA SOGS PA PHUL NAS KHRO BO BCU RANG LA GZHUG ,PHYOGS SKYONG RNAMS GSHEGS SU GSOL BAR BSHAD DE DE DAG LA NYI MA RE RE ZHING MCHOD PA LA SOGS PA BYA BA NI PHUR BU DANG 'DRA BAR MNGON NO, ,'DI NI 'DI 'DRA BA GZHAN LA YANG BYAS NA BAR CHAD BZLOG PA LA KHYAD SHIN TU CHE BAR GSAL LO ZHES DANG, RDO RJE 'PHRENG BA'I CHO GA'I NGAG 'DON GSAL BA'I SGRON ME LAS, GTOR MA'I BSKYED CHOG NI 'PHRENG BAR BSHAD PA KHA SBYOR GYI DGONGS PA YIN PA MAN SNYER YANG BKRAL LA, BSKYED CHOG DE NYID 'PHRENG BA LAS GSANG 'DUS DANG BDE DGYES GSUM LA 'DRA BAR MDZAD CING, DE LTAR PHYI NANG SO SO'AM SPYIR 'BUL BA GANG BYED KYANG GTOR MA'I CHO GA LA SNA TSOGS BZHIG YOD KYANG, KHA SBYOR DANG, GDAN BZHI DANG, RDO RJE MKHA' 'GRO'I DGONGS PA RNAMS 'DRA LA, KHA SBYOR GYI DGONGS PA MAN SNYE LAS GSUNGS PA BZHIN LA, GTOR MA NI RGYUD RNAMS LAS BGEGS NYE BAR ZHI BA DANG DNGOS GRUB BSGRUB PA'I PHYIR DU THOG MA DANG THA MAR GAL CHE BAR GSUNGS PAS BYA DGOS LA, GTOR BA PO'I LHA'I RNAL 'BYOR NI GSANG 'DUS MI BSKYOD PA LA MDON RTOGS SAM YAN LAG BZHI'I TSOGS RIM GYIS SAM, SKAD CIG GIS RDO RJE SEMS DBANG BSKYED PA 'DAM GA CAN DU GSUNGS TE DES GZHAN LA'ANG SHES PAR BYA'O, ,DE LTAR SKABS SO SO'I GTOR MA 'BUL TSUL GSANG BDE KYI RDO RJE SOGS SU GONG DU BSHAD PA'I TSOGS 'BUL TSUL RNAMS PHYAG LEN LTAR SHIS PAR BYAS NAS NANG DU DKYIL
, ,'KHOR PA'I GTOR MA DANG, SGOS KYI CHOS SKONG LA PHUL, PHYIR PHYOGS SKYONG GI GTOR MA PHYOGS GTOR DANG BCAS PHA ROL MO DANG BCAS PAS GTANG BAR BYA'O ZHES GSUNG BA LA, YANG RDUL TSON LA BRTEN SKABS SU SLOB MA LA DBANG BSKUR NA, RDO RJE 'CHANG GI LAM GYI RIM PA LAS, DE NAS SLOB MA RNAMS BZHAG STE PHYI ROL TU PHYOGS KYI MCHOD PA LA SOGS PA BYAS LA NANG DU ZHUGS NAS DKYIL 'KHOR LA PHYAG 'TSAL TE GTZO BO LA MCHOD YON LA SOGS PA PHUL NAS DGE BA BSNGO'O ZHES DANG, YANG DE NYID LAS, RDUL TSON GYI DKYIL 'KHOR DU DBANG BSKUR TSUL DE LTAR YIN NA, DKYIL 'KHOR GZHAN DU DBANG BSKUR TSUL DE DAG DANG 'DRA 'AM MI 'DRA SNYAM NA, NGAG DBANG GRAGS PA DANG AA BHA YA DANG SGRAG CAN 'DZIN DPAL BSHES GNYEN DANG, RTAG PA'I RDO RJE LA SOGS PAS RAS BRIS DANG RDUL TSON GYI DKYIL 'KHOR GNYIS DBANG BSKUR TSUL THUN MONG BAR GSUNGS PAS RAS BRIS LA BRTEN NAS BSKUR BA LA YANG SNGAR BSHAD PA BZHIN BYA'O ZHES GSUNG, DES NA NGAS BRIS KYI DKYIL 'KHOR DANG RDUL TSON GYI DKYIL 'KHOR LA DMIGS SU BKAR NAS GSUNGS PA RNAMS MA GTOGS, RAS BRIS ,BRTEN PA'I SKABS, PHYI ROL GTOR MA DGOS MI DGOS GSAL BAR MA GNANG ZHING, DKYIL 'KHOR GYI LAS LA 'JUG PA'I BYA BA RNAMS PHYOGS MTHUN PAR GSUNGS PAS GO DGOS LA, DES NA GSANG BDE KYE RDOR LA TSIG GSAL DU SMOS PA'I DGOS BA 'GRUB LA GONG DU GSAL BA LTAR, RDUL TSON GYI DKYIL 'KHOR GSHEGS GSOL RJES LA GTOR MA PHUL NAS KHRO BCU RANG LA GZHUG, PHYOGS SKYONG GSHEGS GSOL MCHOD PA SOGS PHUR BU DANG 'DRA ZHING, 'DI NI 'DI 'DRA BA GZHAN LA YANG BYAS NA BAR CHAD BZLOG PA LA KHYAD SHIN TU
CHE'O ZHES GSUNGS PA LTAR, RDUL TSON DANG RAS BRIS KYI DKYIL 'KHOR SOGS LA THUN MONG DU GSAL BAR GSUNGS PAS, PHYI ROL GTOR MA DGOS PA NI NGES SHES RNYED DGOS PA YIN NO, ,DE LTAR MDZAD PA'I LUGS SROL MA NYAMS PA DA LTA'ANG YOD PA 'DUG LAGS, ` 'JIGS BYED LA PHYI ROL PA'I GTOR MA MI RIGS PA MED MOD KYANG, RJE BAL MA TZONG KHA PA CHEN POS BCU GSUM MA GSUM GYI DKYIL CHOG NA GSAL BAR MA GNANG ZHING, DON YOD ZHABS DANG, RVA LO TZ'A BAS KYANG MA BSHAD PA'I LO RGYUS TZAM LAS NGES SHES RNYED PA ZHIG DA LAM MI SNA RTZOL KHYAD CHE BAS 'BUL MA THUB, ` BDE MCHOG LO AI BA'I BUM BSKYED SKABS BUM PA'I LHA LA MCHOD PA 'BUL BA YOD MED GSUNG PA, DKYIL CHOG BDE CHEN ROL MTSOR, H'Um LAN BDUN GYIS BUM PA RNAMS SU DUNG CHOS KYI MCHOD YON SNGON DU PHUL, JI SRID DKYIL 'KHOR CHEN PO'I BYI BA MA RDZOGS KYI BAR DU BGEGS RNAM PAR BZLOG PA'I 'PHRIN LAS MDZOD, DE NAS ME TOG NAS ROL MO'I BAR GYIS MCHOD GSUNGS PA BUM BSKYED KYI LHA LA MCHOD PA DGOS PA GSAL BAR GSUNGS SHING, RDOR 'PHRENG MDZES RGYAN NA YANG 'DI DANG 'DRA BA 'DUG PA NGES PAR DGOS PA YID CHES KYI GNAS SU 'DUG LAGS, ` BCOM LDAN 'DAS TSE DPAG MED LHA DGU'I BUM PA BSGRUB PA'I BZLAS PA'I SKABS KYI DMIGS RIM LA, RANG NYID TSE DPAG MED DU GSAL BA'I THUGS KA'I SNGAGS 'PHRENG LAS SNGAGS 'PHRENG MAR ME GCIG LAS GNYIS CHAD KYI TSUL DU BYUNG BA GZUNGS THAG LA 'KHRIL TE SONG BAS, BUM PA'I LHA'I THUGS RGYUD BSKUL, DE LAS BDUD RTZI'I RGYUN BABS PAS BUM PA GANG BAR BSAM PA BSGOM PA YIN ANAM SNYAM PA BYUNG LAGS,, ` BKRA SHIS LJONGS
, ,SPRUL PA'I SKU BLO BZANG 'PHRIN LAS RGYAL MTSAN GYIS DRI BA MDZAD PA'I LAN, ` 'JIGS BYED BDUD LAS RNAM RGYAL DANG, BCU GSUM MA GNYIS KYI SKABS SU 'JAM DBYANGS DKAR PO DANG 'BREL BA'I ZHI KHRO SBRAGS SGRUB KYI NYAMS LEN BYED PA'I TSE, RGYU RDO RJE 'DZIN PA 'JAM DPAL GZHON NUR GYUR PA 'JAM DBYANGS DKAR POR BYED DGOS SAM MI DGOS DANG BZLAS BA'I SKABS YE SHES SEMS DPA' BSKYED TSUL DANG SNGAGS 'KHOR SOGS 'GOD TSUL, ZHAL GYI SKABS 'JAM DPAL GYI ZHAL SER PO YID TZAM KHROS PA ZHES PA DKAR POR BSGYUR DGOS MIN GSUNG BA RIGS PAS DPYAD NA RIGS 'GRE LTA BUR BSGYUR DGOS PA 'DRA ZHIG SNANG YANG, RJE BTZUN BLA MA TZONG KHA PA CHEN POS RED MDA' BA CHEN POR YUL BA'I ZHI KHRO SPRAGS SGRUB TU DAM TSIG SEMS DPA' 'JIGS BYED KYI THUGS KAR YE SHES SEMS DPA' 'JAM DPAL AA RA PA TZA NA DANG, 'CHAD PA GTZO BOR BYED NA YE SHES SEMS DPA' 'JAM DPAL YE SHES SEMS DPA' BYA TSUL SOGS GSUNGS NAS, RGYU RDO RJE 'DZIN PA DANG ZHAL GYI BSGYUR TSUL MA GSUNGS SHING, 'JAM DBYANGS AA RA PA TZAN NI GTZO BOR RIGS BDAG YIN PAS 'DI SPRUL GZHI YIN NO ZHES GSUNGS PAR DPAGS NA BSGYUR MI DGOS SAM SNYAM LAGS, 'BRAS BU RDO RJE 'DZIN PA BSKYED PA'I SKABS RANG NYID DAM TSIG SEMS DPA'I THUGS KAR ZLA GDAN LA YE SHES SEMS DPA' 'JAM DPAL DKAR PO MNGON RTOGS GANG BDE LTAR BSKYED, DE'I THUGS KAR AA LAS BYUNG BA'I NYI MA'I DKYIL 'KHOR GYI STENG DU TING NGE 'DZIN SEMS DPA' H'Um YIG MTHING KHA ZHES SOGS GZHUNG LTAR DANG, ZHI BZLAS KYI SKABS 'KHOR LOGS LA 'DEBS TSUL ZHI KHRO SBRAGS SGRUB KYI SKABS AA RA PA TZA
NA'I SNGAGS 'KHOR 'GOD TSUL GSUNGS PA LTAR LA SNGAGS DANG SA BON BRJES BAS THUS 'DRA BA LAS 'DI RIGS KYI YIG CHA KHUNGS DAG MA RNYED, YANG 'JAM DBYANGS LUS DKYIL, NANG SGRUB, GSANG SGRUB SOGS KYANG SKABS 'DIR ZHI KHRO SBRAGS SGRUB TU BYED TSUL YOD MIN, YOD TSE JI LTAR BYED DGOS GSUNG PA, LUS DKYIL LA DMIGS BSAL MI SNANG YANG, RED MDA' PA CHEN POR GNANG BA'I ZHI KHRO SBRAGS SGRUB TU RDZOGS RIM GYI RTOGS PA ZAB MO GTZO BOR BYED NA 'JAM DBYANGS NANG SGRUB DANG, BDE CHEN 'BAR BA LA GTZO BOR BYED NA 'JAM DBYANGS GSANG SGRUB LA GTZO BOR BYED DGOS BA SOGS GSUNGS PAS GZHAN LA'ANG SBYAR CHOG PAR MNGON LAGS, JI LTAR BYA TSUL SKABS SO SO'I GZHUNG DANG BLA MA DAM PA'I KHRID RGYUN BSTUN DGOS BAR SNANG BAS SO SOR GSAL 'BUL MA THUB, BCU GSUM MA'I SKABS YUM GYI BZLAS PA BYED TSE DBYANGS CAN MA DANG 'BREL BA'I ZHI KHRO SBRAGS SGRUB BYED TSUL RDOR 'DZIN DKON MCHOG RGYAL MTSAN GYI GSUNG ZIN BRIS SU BKOD PA YIN ZER BA'I GAR 'DUG PA DE LTAR YOD NA SGOM BZLAS BYED TSUL JI LTAR GSUNG PA, MKHAN CHEN DE NYID KYI GSUNG ZIN BRIS YOD PA MA MTHONG YANG DBYANGS CAN MA DANG 'BREL BA'I YUM GYI ZHI KHRO SBRAGS SGRUB BYED TSUL 'ONG BA YANG GZHUNG DANG DAM PA'I KHRID RGYUN BSTUN NAS GNANG DGOS PA DANG, YANG ZHAL GYI SKABS SU RTZA ZHAL MA HE'I ZHAL LA SNYAN RGYAN YOD MED GSUNG PA BSKYED RIM 'GAR RUS PA LAS GRUB PA'I SNYAN RGYAN BSHAD 'DUG CING, 'JAM DBYANGS CHOS SKOR GYI 'JAM DBYANGS DPA' GCIG LUS DKYIL, NANG SGRUB SOGS RGYUD SDE GANG GI KHONGS YIN GSUNG PA 'JAM DBYANGS CHOS SKOR DU DPA' GCIG DANG LUS DKYIL GNYIS LA RJES GNANG SKABS THUN MONG BA'I SDOM GZUNG LAS MA BYUNG ZHING, SBRUL BA'I SKU NGAG
, ,DBANG BSTAN 'DZIN 'PHRIN LAS KYIS LHAN THABS MUN SEL SGRON MED DPA' GCIG LA MCHOD PA BYA SPYOD LTAR BYIN GYIS BRLAB GSUNGS NAS LUS DKYIL DE LA ZHAL 'PHANGS MDZAD 'DUG PAS DE GNYIS BYA RGYUD DU BZUNG BAS CHOG 'DRA ZHING, 'JAM DBYANGS NANG SGRUB LA GZHUNG LAS MCHOD GTOR BLA MED LTAR DANG RJES GNANG SKABS THUN MONG DANG THUN MONG MIN PA'I SDOM GZUNG BSHAD BAS MCHOD GTOR BYIN GYIS BRLABS TSUL LTAR NA BLA MED DU GSAL LAM, 'JIGS BYED DPA' GCIG LA RJES GNANG YOD DAM MED GSUNG BA SPRUL PA'I SKU NGAG DBANG BSTAN 'DZIN 'PHRIN LAS KYI GSUNG 'BUM DU DE'I RJES GNANG BYA TSUL DANG RGYUN YANG DA LHA'I BAR MA NYAMS PAR MNGON LAGS,, ` LCAGS PA DKA' CHEN DBU MDZAD BLO BZANG RNAM RGYAL GYI DRI LAN, ` LAM RIM DMAR KHRID MYUR LAM LA KHRID DGOS GSUNG BA BDAG NYID NA MTHO ZHING GZUGS GZHI GCOD BA DANG LHAG TU MIG DBANG MI GSAL BA BCAS RGYUN BSRINGS NAS BSKYANGS PA'I GZABS BSHAD BYA DKA' ZHING, LUNG DANG SBRAGS BA'I BSHAD PA TZAM BYAS KYANG RI GZAR GYI CHU LTA BU LAS MI 'ONG BAS DGOS PA CHUNG LA, DE LTA BUS DES SHING KHRID GO CHOD NA SNGA SOR 'DUS TSOGS SU SKYES RABS SO BZHI PA DANG, LAM RIM CHEN MO'I LUNG PHUL SKABS DKA' GNAS RNAMS LA BSHAD BA MANG TZAM PHUL BA THUGS LA MNGA' BA AE YOD, DE LTAR NA MYUR LAM DU BKOD PA BZHIN RANG GIS BSGOM PAR NUS NA BDE LAM GCIG BUS KYANG MI CHOG RGYU MED LA, 'O NA KYANG PAn CHEN THAMS CAD MKHYEN PA BLO BZANG CHOS KYI RGYAL MTSAN DE NYID KYI THUGS SRAS 'GAS BDE LAM LA LUNG RIGS KYIS KHA BSGANGS NAS KHRID BAR MDZAD PA'I ZIN BRIS 'GA' ZHIG KYANG 'DUG BA DANG, BDAG GIS MKHAN CHEN RDO RJE 'DZIN PA'I ZHABS
DRUNG DU BYANG CHUB LAM GYI RIM PA'I KHRID ZHUS PAR YANG BDE LAM GYI STENG NAS STZAL BYUNG ZHING MYUR LAM YANG BDE LAM LA LUNG RIGS KYIS KHA BSKANGS PA LAGS PAS BDE LAM RTZA BAR MDZAD, MYUR LAM GYIS ZUR RGYAN MDZAD DE KHRID NAS BSGOM DU BCUG KYANG CHOG, YANG MYUR LAM GYI LUNG PHOG NAS RIM GYIS BSGOM DU BCUG KYANG CHOG CING DE GNYIS DON GCIG TU GNAS 'ONG, DE LTAR BSGOM DU BCUG BA'I TSE GDUL BYA BLO RAB 'BRING DMAN BA'I DBANG GIS 'CHAR TSUL SNA TSOGS 'BYUNG ZHING, DE DAG LA SO SO'I BLO DANG BSTUN NAS KHRID DGOS BAS DE LTA BU NI DA LTA NAS KHRID TSOD MI ZIN CING BLO DMAN 'GA' ZHIG LA GSUNG RAB KYI DON ZAB MO BSHAD KYANG MI GO BAR, 'JIG RTEN GYI DPE SOGS DANG SBYAR NAS 'CHAD DGOS PA'ANG 'BYUNG BAS GANG LA GANG 'TSAM GYI SGO NAS KHRID PAS CHOG, 'ON KYANG 'CHAD PA PO RANG RANG GI BLO STOBS KYIS 'CHAD PA MA GTOGS DED KYI DAG LAS MA THOS PA DAG THOS ZHES SMRAS NA BRDZUN DU 'GYUR ZHING DGOS PA CHUD BAS DGONGS GCAGS 'TSAL, ` YANG BSKYAR DRI BA, LAM RIM MYUR LAM GYI DON RANG NYAMS SU LEN NAM, DON GNYER CAN GZHAN LA 'CHAD PA SOGS LA, DKA' GNAD KYI KHUNGS SOGS GSAL BAR STON PA DANG, DE DAG LA YID CHES KYI NGES PA 'DREN PA'I PHYIR BKA' BSTAN BCOS SOGS NAS LUNG 'DREN BYAS NA GSUNG PA, KHRID SKYONG BA RNAMS LAM GYI GZHUNG BSRANGS, DPE DON LUNG RIGS KYI LAM NAS SKYONG BA YIN MOD KYANG, GDUL BYA DBANG PO RNO BRTUL SKAL BA DANG LDAN MIN SOGS LA GANG LA GANG 'TSAM GYI SGO NAS 'CHAD LUGS SOGS, SNGON GYI BLA MA GONG MA RNAMS KYI LUGS SROL BZANG PA'I NYAMS LEN DANG MTHUN PA'I SKYOD LUGS MDZAD BAS THUS SAM SNYAM,, ` CHE CHEN DBANG GI BLA MA SRAD BA BLO BZANG RDO RJE'I DRI LAN,
, ,` GSANG BA 'DUS PA'I SHAR SGO'I G-YAS G-YON GYI LHA'I KHYAD PAR BLA MA DAM PA PHAL CHER GYIS SHAR SGO'I G-YAS G-YON GYI GDAN LA RIM PA BZHIN ZHES BA SHAR SGO'I G-YON NAS BZUNGS BYAMS PA DANG, GZHUNG DANG DOGS PA'I YUL DU SGO'I G-YAS DANG, GTZO BO'I G-YAS MDUN DU BYAMS PA 'ONG 'DRA BA DE GNYIS GANG 'THAD, SGO GZHAN GSUM LA'ANG JI LTAR 'GAB CES PA, SHAR SGO NAS NANG DU 'JUG PA'I DBANG DU BYAS PA'I G-YAS SU BYAMS PA DANG, GTZO BO'I SKU MDUN GYI G-YON NAS BRTZAMS TE SHAR GYI SNAM PU LA BYAMS PA DANG SA SNYING, DE BZHIN DU LHOR PHYAG RDOR DANG NAM SNYING, NUB TU 'JIG RTEN DBANG PHYUG DAD 'JAM DBYANGS, BYANG DU SGRIB SEL DANG KUN BZANG RNAMS RIM PA BZHIN 'GOD DGOS TE, MDOR BYAS LAS, LHAG MAS KYI LHA 'GOD TSUL STON PA'I SGABS SU, BDAG NYID PHYAG RGYAR LDAN PAN, ZHAL GSUM PHYAG DRUG LTA PHUL, ,AINDRA N'I LA'I 'OD MNYAM PA, ,DKYIL 'KHOR DBUS SU BSGOM PAR BYA, ,RNAM SNANG MDZAD DPAL RIN CHEN DANG, ,'OD DPAG MED DANG LAS KYI RGYAL, ,ZHAL GSUM PHYAG DRUG LTA BUR NI, ,SHAR LA SOGS PA'I PHYOGS SU BSAM, ,GTI MUG 'GA' SOGS LHA MO RNAMS, ,ZHAL GSUM PHYAG DRUG LTA BU LA, ,ME YI PHYOGS NAS BRTZAMS NAS SU, ,RIM PA JE BZHIN NGES BAR DGOD, ,DE BZHIN GZUGS RDO RJE LA SOGS, ,PHYI YI MTSAMS NI RNAM PA BZHIR, ,REG BYA RDO RJE NYID KYANG NI, ,RDO RJE SEMS DPA' DANG LDAN GNAS, ,BYAMS PAS YI SNYING PO DAG ,SHAR GYI SNAM BUR DGOD PAR BYA, ,PHYAG NA RDO RJE MKHA' SNYING PO, ,BRTUL ZHUGS CAN GYIS LHO RU DGOD, ,'JIG RTEN DBANG PHYUG 'JAM PA'I DBYANGS, ,NUB TU YANG NI DGOD BAR BYA, ,SGRIB PA THAMS CAD RNAM SEL DANG, ,
KUN TU BZANG PO BYANG PHYOGS SU'O, ,GSHIN RJE'I GSHED NI SHAR GYI SGOR, ,GZHAN GYIS MI THUB LHO PHYOGS SU'O, ,NUB PHYOGS SU NI RTA MGRIN NO, ,BDUD RTZI 'KHYIL BA BYANG DU'O, ,MI G-YO 'DOD PA'I RGYAL PO DANG, ,DBYUG SNGON DANG NI STOBS PO CHE, ,SHAR LHO'I MTSAMS SOGS NAS BRTZAMS TE, ,RIM PA JI BZHIN BSGOM PAR BYA ,GNOD MDZES RGYAL PO KHRO BO CHE, ,DE YI 'OG TU RNAM PAR BSAM, ,GTZUG TOR 'KHOR LOS BSGYUR RGYAL YANG, ,DE BZHIN STENG DU RNAM PAR BSAM, ZHES DANG, YANG DE NYID LAS, DKYIL 'KHOR RGYAL MCHOG GI SKABS SU, MEEm THLIm SA BON LAS BYUNG BA, ,BYAMS PA SA YI SNYING PO NYID, ,BRTUL ZHUGS CAN GYIS SHAR DU DBYUNG, ZHES RIM CAN DU GSUNGS PA DANG, RJE BDAG NYID CHEN POS KYANG DBANG DON DE NYID GSAL BAR, RIM PA GSUM PA'I SNAM BU LA SHAR DU SDONG BU DANG BCAS PA'I KLU SHING GI ME TOG DKAR PO 'KHOR LOS MTSAN PA DANG 'KHOR LO DKAR BA, LHOR RIN BO CHE SER BO GNYIS, NUB TU PADMA DMAR PO GNYIS, BYANG DU RAL GRI LJANG KHU GNYIS, ZHES SOGS RIM CAN KHO NAR GSUNGS PA YANG SLOB DPON AABHA YshIK DA'I DKYIL CHOG RDO RJE 'PHRENG BAR, RIM PA GSUM PAR SGO'I 'GRAM GYI SNAM BU LA TSANGS BA'I THIG NAS CHA CHUNG BZHI DOR BAR, G-YON DU BYAMS PA'I KLU SHING GI ME TOG 'KHOR LO DANG BCAS BA'O, ,G-YAS SU SA'I SNYING PO'I 'KHOR LO RTZIBS BRGYAD BA DKAR BO'O, ,LHOR DE BZHIN DU PHYAG NA RDO RJE DANG NAM MKHA'I SNYING PO'I RDO RJE DANG RIN PO CHE MARGATA CHA DGU PA'O, ,ZHES SOGS RIM CAN DU GSUNGS PA DANG DGONGS PA MTHUN ZHING DER G-YON DU BYAMS PA'I KLU SHING GI ME TOG 'KHOR LO DANG BCAS PA'O ZHES GSUNGS PA'I G-YON NI GTZO BO'I G-YON GYI DBANG DU MDZAD PAR LHA MTSAN 'GOD
, ,PA'I RIM PAS NGES LA, SNGAGS RAM PA DGE 'DUN BKRA SHIS KYIS KYANG 'PHRENG BA'I DKYIL CHOG TU LHA MTSAN RNAMS AA BHA Y'A KA RA'I GZHUNG LTAR BKOD NAS, MJUG TU YANG NA RJE'I DKYIL CHOG NAS 'BYUNG BA BZHIN 'GOD GSUNGS PA NI, PHYAG MTSAN MI 'DRA BAR GSUNGS PA LA DGONGS KYI 'GOD TSUL GYI RIM PA MA YIN 'DRA LAGS, RNAL 'BYOR DAG RIM DU SHAR SGO'I G-YAS G-YON GYI GDAN LA RIM PA BZHIN BYAMS PA DANG SA SNYING DKAR PO ZHES GSUNGS PA NI SHAR SGO NAS NANG DU 'JUG PA'I SGO'I G-YAS G-YON DANG BYAMS BAS SNYING GNYIS ZHAL NANG GZIGS KYIS SNYING GI G-YAS SU BYAMS PA DANG BYAMS PA'I G-YON PUS SNYING BZHUGS PAR GO DGOS, DE LTA MIN PAR GTZO BO LA LTOS PA'I G-YAS G-YON DU BZUNGS NAS BKOD NA, MAndAL GYI GLING PHRAN 'GOD TSUL LTAR SONG NAS RIM PA JI BZHIN MI 'ONG BAS DES NA MDOR BYAS LAS RIM PA JI BZHIN ZHES NAN GYIS GSUNGS PA DANG, AA BHA YAS G-YON NAS BRTZAMS TE RIM CAN DU 'GOD PAR GSUNGS PA DANG 'GAL 'GRO ZHING DE DAG GI DGONGS PA DANG MTHUN PA DES PAR DGOS LA, DE YANG RJE BTZUN BLA MA COD KHA PA CHEN POS RDO RJE 'CHANG CHEN PO'I LAM GYI RIM PAR BUM PA DGOD PA'I SKABS SU 'DIR G-YAS G-YON NI KHA NANG BLTA'I DBANG DU BYAS PA'O, ,ZHES GSUNGS PA'I CHIG RKANG GCIG PU 'DIS SGRUB THABS BSGOM PA SOGS RNAM PA THAMS CAD DU MTHA' CHOD PAR 'GYUR BAS DOGS PA BYA MI DGOS SO,, ,,
[BLANK PAGE]