, ,THUGS RJE CHEN PO RGYAL BA RGYA MTSO LHA DGU'I ZHI RGYAS KYI SBYIN SREG GI CHO GA BZHUGS,,
, ,NA MO LO KE SHVA R'A YA, TSAD MED THABS MKHAS THUGS RJE'I LCAGS KYU YIS, ,BDAG 'DZIN RMONGS PA'I BUD SHING RAB BKUG NAS, ,YIN LUGS LEGS 'BYED SHES RAB ME THAB TU, ,BSREG MKHAS DPAL LDAN BLA MA'I ZHABS LA 'DUD, ,DE LA 'DIR RNAL 'BYOR GYI DBANG PHYUG MI TRA DZO KIS 'PHAGS PA THUGS RJE CHEN PO LAS GSUNG GI GNANG BA THOB NAS DKYIL 'KHOR GYI CHOG BRGYA RTZA BRGYAD MDZAD PA'I NANG TSAN, THUGS RJE CHEN PO RGYAL BA RGYA MTSO LHA DGU'I DKYIL 'KHOR DU DBANG BSKUR BA LEGS PAR THOB CING, DAM TSIG DANG SDOM PA BSRUNG BA LA BRTZON PA, BSNYEN PA SNGON DU SONG BA'I RNAL 'BYOR PAS, RANG GZHAN GYI DON DU 'DI'I ZHI RGYAS KYI SBYIN SREG JI LTAR BYA BA'I TSUL LA SPYI DON DANG, BYE BRAG CHO GA'I DAG 'DON SOGS BSHAD PA GNYIS
, ,LAS, DANG PO NI, SAMPU tA LAS, PHYOGS KYI CHA NI BSHAD PAR BYA, ,SHAR GYI PHYOGS SU ZHI BA YIN, CES DANG, BYANG DU RGYAS PA'I THAB KHUNG NYID, CES GSUNGS SHING, YANG NA 'OD KYI SNYE MA LAS, DKYIL 'KHOR KHANG PA LA SOGS PA'I SHAR LA SOGS PA'I PHYOGS BZHIR RIM PA BZHIN ZHI BA'I DBANG, RGYAS PA'I DANG, DBANG DANG, DE'I DGUG PA'I DANG, MNGON SPYOD DANG DRAG PO'I DGUG PA'I THAB BYA BAR GSUNGS PA LTAR BYA'O, ,DUS NI, DGRA NAG LAS, TSES GCIG LA NI ZHI BA BYA, ,ZLA BA NYA LA RGYAS PA STE, ZHES DANG, LEGS GRUB LAS, BYE BRAG TU NA SROD LA STE, ,DE NI ZHI BA'I LAS KYI DUS, ZHES DANG, RGYAS PA DAG GI LAS RNAMS LA, ,BYE BRAG TU NI SNGA DRO SHIS, ZHES GSUNGS PA LTAR ZHI BA CHOS GCIG GI SROD DANG, RGYAS PA BCO LNGA'I SNGA DRO SHIS PA YIN, GNYIS PA BYE BRAG CHO GA'I NGAG 'DON SOGS BSHAD PA LA GSUM, ZHI BA'I LAS KYI SNGON 'GRO BCA' GZHI DANG, DNGOS GZHI CHO GA'I NGAG 'DON BSHAD PA, RGYAS PA'I KHYAD PAR BSHAD PA'O, ,DANG PO NI, NYI MA BZANG PO
LA RANG GI LHA'I RNAL 'BYOR DANG LDAN PAS GTOR MA DBUL BA SNGON DU 'GRO BAS SA SBYANG BZUNG RGYAS PA'AM, MA GRUB NA, RANG NYID SKAD CIG GIS THUGS RJE CHEN PO SKU MDOG DKAR PO ZHAL GCIG PHYAG GNYIS PA YUM DANG BCAS PA'I SKUR BZHENGS PAR GYUR PAR BSAMS LA, RDO RJE DANG BCAS PA'I LAG PA G-YAS PA'I SOR MOS SA LA REG STE, AOm A'A:H'Um DANG, AOm HA NA HA NA BADZRA KRODHA H'Um PHAt, RDO RJE KHRO BOS BGEGS RNAMS BCOM, SA LA SOGS PA'I SNA TSOGS PA'I CHOS THAMS CAD STONG PA NYID DU RO GCIG PAR GYUR, CES BRJOD CING BSGOM, DE NAS SA GZHI RANG BZHIN GYIS DKAR BA'AM, DKAR POS BYUGS PA LA, BRIS THAB BYED NA, DE NAS THOG MAR DBUS BTZAL NAS, ,RDO RJE KHU TSUR GYIS THIG SKUD, ,BZUNGS NAS TSANGS DANG ZUR THIG GDAB, ,DE GNYIS 'DZOM PA'I DBUS NAS NI, ,THIG SKUD SOR BZHIS BSKOR BA LA, ,PADMA'I LTE BA DE STENG DU, ,SOR DRUG BSNAN NAS BSKOR BA NI, ,'DAB MA'I GNAS TE DE STENG DU, ,SOR GNYIS BSNUN NAS BSKOR BA'I THIG ,ZABS KYI NANG TSAD DE STENG DU, ,SOR BZHI BSNAN NAS ZLUM PAR BSKOR, ,PHYI THIG DE STENG SOR MO BZHI, ,BSNAN NAS BSKOR BA MU RAN THIG ,DE YI PHYI ROL SOR GNYIS KYIS, ,GZHAL BA'I MTSAMS NAS ZUR THIG BZHI'I, ,THAD KAR GRU BZHI'I THIG GDAB BO, ,BRTZIGS PA'AM BRKOS PA'I BYED NA RGYAR KHRU GANG DANG DBANGS KHRU PHYED, THABS KYI STENG DU MU RAN TE MCHU SOR BZHI, DE'I MTSAMS NAS STENG DU SONG BZHI DANG RGYAR
, ,SOR BZHI PA'I KHA KHYER BAGS KYIS NANG DU GZHOL BA, PHYI ROL TU SOR GNYIS DOR BA'I STEGS BU GRU BZHI PA, BRIS PA'AM BRTZIGS PA DANG BRKOS PA'I THAB GANG YIN KYANG KHA KHYER LA 'KHOR LO'I 'PHRENG BA'AM RDO RJE'I 'PHRENG BAS BSKOR BA, STEGS BU GRU BZHI PA'I ZUR BZHIR ZLA PHYED RDO RJE RTZE GSUM PAS MTSAN PA, THAB KYI DBUS SU PADMA'I LTE BAR RDO RJE DKAR PO RTZE LNGA PA SRID DU SOR BRGYAD DANG DPANGS SOR GCIG PA, 'DIR 'DAB MA BRGYAD LA YANG RDO RJE SOR DRUG PA RE RE BRIS PAS RUNG STE, GRUB CHEN RANG NYID KYIS MDZAD PA'I SBYIN SREG 'PHRIN LAS 'PHRENG BA LAS, ZHI BA ZLUM PO DKAR PO LA, ,'DAB BRGYAD RDO RJE DGU DAG BRI, ZHES GSUNGS, BRIS THAB YIN NA THAB KYI RGYA TSAD DANG PHYI THIG GI BAR SOR BZHI'I SAR BUD SHING RUNG BA SROG CHAGS MED PAS DPANGS SOR BCU GNYIS ZLUM POR RTZIG ,BRKO NA LTO 'PHYE BRTAGS PA'I MCHAN KHUNG NAS BRKO BAR BYA'O, ,GZHAN YANG THAB KHUNG LA SA DKAR PO DANG PHYI ROL TU BA'I LCI BAS BYUGS, PHYI NANG GNYIS KA LA BDUD RTZI DKAR PO DANG LDAN PA'I DRI DKAR POS BYUGS, ME TOG GSIL MA DGRAM, DE NAS DUNG DANG NYA PHYIS LA SOGS PA'I SNOD GTZANG MAR MCHOD CHAS RNAMS GSHOM PA'I TSUL NI, G-YON PHYOGS SU PAD DKAR 'DAB BRGYAD BRIS PA'I KHAR CHU BZHI, DE'I MDUN DU MANYIDZ'I KHAR BZED ZHAL GSUM DANG BCAS PA, G-YAS PHYOGS SU STAN DKAR PO GTZANG MA'I KHAR NANG NAS RIM PA BZHIN CHU BZHIM GTOGS PA'I 'JIG RTEN LAS 'DAS PA'I MCHOD RDZAS DANG,
'JIG RTEN BA'I MCHOD GTOR, YAM SHING, TIL, DUR BA, 'BRAS MA GRUGS PA, ZHO ZAN, KU SHA ,YUNGS KAR, SO BA, NAS, SRAN MA, GRO DANG BCAS BA, RANG GI MDUN DANG NYE BAR MAR KHU, MDUN DRANG BOR TZOG TZE SOGS STEGS BU'I KHAR DGANG BLUGS, RDOR BRIL, NANG MCHOD, LAS BUM MAM DE NAS BLAGS PA'I BSANG CHU, MED NA NANG MCHOD KYIS KYANG CHOG LA, GZHAN YANG GOS ZUNG, DPAL 'BAR, THAB KYI KHA KHYER LA 'GOD RGYU'I KU SHA SOGS NYER MKHO THAMS CAD TSOGS PAR BYA ZHING RDZAS RNAMS LA BDUD RTZI RIL BU BTAB PA'I NANG MCHOD KYIS BRAN, 'DIR YAM SHING GI RGYU NI, 'PHRIN LAS 'PHRENG BA LAS, ZHI PA SHUG PA DKAR PO YIS, ,ZLUM ZHING 'JAM BRTZIG PA YIN, CES GSUNGS PA LTAR SHUG PA'AM YANG NA 'OM BU SOGS 'O MA CAN GYI SHING GI RTZE MO'I PHYOGS SRID DU SOR BCU GNYIS PA, SBOMS SU MTHE'U CHUNG GI TSAD, LO MA MA RNYING PA RLAN DANG BCAS BA MNYAM POR BCAD PA RTZE MO GNYIS SBRANG RTZI DANG 'O MA DANG MAR DU BSNYUGS PA, BDUD RTZI DANG DRI'I CHUS BRAN PA, DE YANG 'OD SNYE LAS, SNYI LCI PHRA DANG KYOG PO DANG, ,RING THUNG LO MA MED PA DANG, ,SROG CHAGS KYIS ZOS DUL BA DANG, ,SHUN BRAL CHAG DANG BU GCAN, ,RTZE MO GNYIS LDAN SBOM PA SPANG, ,RNYING PA YIS NI 'CHI BAR 'GYUR, ,KYOG POS SKAL BA NGAN PAR 'GYUR, ,RING THUNG RIG PA 'PHRAL DU NYAMS, ,LOM MED BAS NA TSA 'BYUNG, ,SBOM POS PHUN SUM TSOGS PA NYAMS, ,SKAM POS GZHAN YANG MI 'DOD
, ,PAR, ,SHES BYA ZHES GSUNGS PAS SKYON DE DAG DANG BRAL BAR BYA'O, ,GNYIS PA DNGOS GZHI NI, GOS DKAR PO GYON, BSAM PA BYANG CHUB KYI SEMS DANG LDAN PAS STAN BDE BA LA PADMA'I 'DUG STANGS KYIS KHA SHAR DU PHYOGS PAS 'DUG STE, SGRUB MCHOD SOGS DANG 'BREL BA'I SGRUB THABS RGYAS PA BSGOM PA'I RGYUN YOD NA MI DGOS LA, DE LTA MIN NA SGRUB THABS RGYAS PA'AM, BSDU NA SKAD CIG GIS KRONG BSKYED BYAS NAS, RDOR DRIL DANG NANG MCHOD BYIN RLABS SGRUB THABS LTAR BYA ZHING, SMRA BA GZHAN BCAD LA, SBYIN SREG MA TSAR GYI BAR DU LAG PA RDOR DRIL DANG MA BRAL BAR BYAS NAS, LAS BUM MAM, BSANG CHU'AM, MED NA NANG MCHOD KYIS RANG DANG, THAB DANG, MCHOD RDZAS RNAMS LA LAS THAMS CAD PA BRJOD CING BSANG GTOR BYA, DE NAS ME LHA'I MCHOD RDZAS RNAMS BADZRA KRO DHAS BSANGS, SHA'U N+YA T'AS SBYANGS, STONG PA'I NGANG LAS A'A:LAS BYUNG BA'I THOD PA YANGS SHING RGYA CHE BA, ZHES PA NAS, SHAPTA A'A:H'Um, ZHES PA'I BAR CHU BZHI NYER SPYOD ROL MO DANG BCAS PA BYIN GYIS BRLABS, DE NAS LAG PA GNYIS RDO RJE KHU TSUR LAS GUNG MO GNYIS RTZE SPRAD PA'I PHYAG RGYA BCAS PA BSREG RDZAS RNAMS LA BSTAN NAS, AOm SV'AH'A, ZHES PAS RDZAS RNAMS BKRUS PAR BSAM, DE NAS YAM SHING LA, AOm A'A:SV'AH'A, ZHUN MAR LA AOm SHR'I SV'AH'A, 'BRU RNAMS LA AOm DZRIm SV'AH'A, DE DAG LAS GZHAN PA'I RDZAS RNAMS LA AOm KU RU KU RU SV'AH'A, RDZAS RNAMS KYI MTSAN NYID DANG
MI LDAN PA'I NYES SKYON THAMS CAD SBYANGS TE BDUD RTZI LNGA'I NGO BOR GYUR, DE NAS DPAL 'BAR LA AOm A'A:H'Um GSUM BZLAS TE ME SBAR, LAS THAMS CAD PA LAN GSUM BRJOD PAS BSANGS LA THAB KYI NANG DU BCUG NAS, AOm DZVAL DZVA LA H'Um, ZHES BRJOD DE GZI BRJID BSKYED, H'Um ZHES BRJOD CING RLUNG G-YAB KYIS ME SBAR, LAS SNGAGS RE BRJOD BZHIN PAS MAR KHU BLUGS GZAR BDUN BLUGS TE ME GSO, DE NAS KU SHA RNAMS LAG TU BLANGS TE, AOm BADZRA SATVA A'A: LAN GSUM MAM BDUN GYIS BYIN GYIS BRLABS TE, KU SHA 'DI NI GTZANG ZHING DGE ,TSANGS PA'I LHA RNAMS DAG BYED YIN, ,DKON MCHOG GSUM PO MNYES BYED PA, ,SA LAS SKYES PA'I 'DAB MA'I SNYING, ,BDAG GI BGEGS RNAMS THAMS CAD NI, ,ZHI DANG BKRA SHIS MDZAD DU GSOL, ZHES RANG GI MDUN GYI G-YON NGOS NAS BRTZAMS TE, KU SHA SNGO LJANG DRI MA MED PA MA GAS SHING 'DAB MA MA GRUGS PA GNYIS GNYIS RTZE MO GSHIBS NAS, RANG KHA GANG LA BLTAS PA NGOS LA SHAR DU BYAS PA'I LUGS KYIS, RTZE MO SHAR DANG LHO DANG NUB DANG BYANG DU BSTAN LA, SNGA MA SNGA MAS PHYI MA PHYI MA'I RTZA BA NON PAR THAB KYI KHA KHYER LA BGRAM MO, ,THAB KHUNG LA RTZE MO SHAR NGOS SU BSTAN PA'I KU SHA BA LANG GI RNA BA LTA BU HA CANG MI RING BAS G-YOGS, LAG PA THAL MO SBYAR TE, BCOM LDAN 'DAS RDO RJE SEMS DPA' BGEGS THAMS CAD ZHI BA DANG, BKRA SHIS PAR MDZAD DU GSOL, ZHES GSOL BA GDAB BO, ,DE NAS THAB KYI BSKYED CHOG NI, ,
, ,'PHRIN LAS 'PHRENG BA LAS, AE LAS NAM MKHA' YAm LAS RLUNG, ,HAm LAS CHU DANG LAm LAS SA, ,SUm LAS RI RAB BHR'Um LAS DKYIL, ,ZHI RGYAS DBANG DANG MNGON SPYOD KYI, ,PHO BRANG GANG BRIS GSAL BAR BSGOM, ZHES GSUNGS PAS DE'I TSUL NI, THAB BSANGS SBYANGS, STONG PA NYID DU GYUR, STONG PA'I NGANG LAS, AE LAS CHOS 'BYUNG DKAR PO ZUR GSUM PA GDENGS KA CHE BA GYEN DU PHYOGS SHING RTZE MO PHRA BA 'THUR DU ZUG PA, DE'I NANG DU YAm LAS RLUNG GI DKYIL 'KHOR SNGON PO GZHU'I DBYIBS CAN G-YO BA BA DAN GYIS MTSAN PA, DE'I STENG DU BAm LAS BYUNG BA'I CHU'I DKYIL 'KHOR DKAR PO ZLA MA PO BUM PAS MTSAN PA, DE'I STENG DU LAm LAS SA'I DKYIL 'KHOR SER PO GRU BZHI PA RDO RJES MTSAN PA, DE'I STENG DU SUm LAS RI RAB LHUN PO GRU BZHI PA RIN PO CHE SNA BZHI'I RANG BZHIN CAN STENG 'OG GI PHYOGS MTSAMS SU LCOG BRGYAD KYIS NYE BAR MDZES PA, DE'I STENG DU BH'Um DKAR PO ZHU BA LAS BYUNG BA'I YE SHES KYI THAB KHA DOG DKAR ZHING DBYIBS ZLUM PA, MU RAN KHA KHYER DANG BCAS PA'I KHA KHYER LA 'KHOR LO'AM RDO RJE'I 'PHRENG BAS BSKOR BA, GRVA BZHIR ZLA PHYED RDO RJES MTSAN PA, DVANGS SHING THOGS PA MED PAR GYUR, CES BRJOD CING BSGOM DE NAS ME LHA BSKYED PA NI, 'PHRIN LAS 'PHRENG BA LAS, DANG PO ME LHA DRANG SRONG MCHOG ,PADMA NYI MA LA GNAS PA, ,RA SKYES KHA MA PA'I STENG DAG TU, ,ZHAL GCIG PHYAG BZHI AAG TSOM CAN, ,PHYAG GIS MI 'JIGS BGRENG
'PHRENG DANG, ,DBYUG PA SPYI BLUGS 'DZIN PA BSKYED, CES GSUNGS PAS, DE'I TSUL NI, THAB KYI NANG DU RAm LAS SKYES PA'I ME GRU GSUM GYI DBUS SU, SNA TSOGS PADMA DANG NYI MA'I LTE BAR RAm LAS BGRANG 'PHRENG RAm GYIS MTSAN PA, DE YONGS SU GYUR PA LAS, ME LHA SKU MDOG DKAR PO SHIN TU ZHI BA'I NYAMS LDAN AAG CHOM CAN, RA SKYES KHAM PA LA ZHON PA, ZHAL GCIG PHYAG BZHI'I G-YAS GNYIS MI 'JIGS PA'I PHYAG RGYA DANG BGRANG 'PHRENG, G-YON GNYIS DBYUG PA DANG SPYI BLUGS 'DZIN PA, DE'I THUGS KAR ME GRU GSUM PA RAm GYIS MTSAN PA, DE LAS 'OD ZER 'PHROS PA'I SNA LA SPROS PA'I KHRO BO 'DOD RGYAL GYIS, SHAR LHO NAS BSGOMS PA DANG 'DRA BA'I ME LHA YE SHES PA 'KHOR DRANG SRONG GI TSOGS KYIS BSKOR BA SPYAN DRANGS, LAG PA G-YAS MI 'JIGS PA'I PHYAG RGYA'I MTHE BONG G-YOG PA DANG BCAS TE, AOm TSUR SPYON TSUR SPYON 'BYUNG PO CHE, ,LHA YI DRANG SRONG BRAM ZE MCHOG ,BSREG BLUGS ZHAL ZAS BZHES SLAD DU, ,'DIR NI YANG DAG BSNYEN PAR MDZOD, ,AOm t'AKKI H'Um DZA: THAB KYI KHA KHYER GYI ME MTSAMS SU KU SHA'I GDAN LA BZHUGS PAR GYUR, BADZRA KRO DHAS PHYI 'BRANG GI BGEGS BSKRAD, 'OG NAS DA LTA 'BYUNG BA LTAR CHU BZHI DBUL BA'AM MA BYUNG YANG RUNG, DZA:H'Um BAm HO: ZHES PHYAG RGYA DANG BCAS PAS DAM TSIG PA DANG GNYIS SU MED PAR GYUR PAR BSAM, DE NAS, AOm A'A:HR'I:PRA W'A RA SAD K'A RAm PROKsh'A n'Am PRA T'ITZTSA H'Um SV'AH'A, ZHES ZHAL BSIL GYI SNOD NAS KU SHA'I CHUN POS BZED ZHAL DANG POR
, ,BSANG GTOR LAN GSUM DBUL, SNOD DE NYID NAS MDZUB MOS ME TOG BLANGS TE ZHAL BSIL GYI PHYAG RGYAS BZED ZHAL DE NYID DU PROKsh'A n'A GYI GNAS SU A'ANYTZA M'A n'Am SBYAR BAS ZHAL BSIL DBUL, MCHOD YON GYI SNOD NAS, MCHOD YON GYI PHYAG RGYAS BZED ZHAL GNYIS BAR AARGHAm SBYAR BAS MCHOD YON DBUL, ZHABS BSIL GYI SNOD NAS, ZHABS BSIL GYI PHYAG RGYAS, BZED ZHAL GSUM PAR, P'A DYAm SBYAR BAS ZHABS BSIL PHUL, AOm AAGNA YE A'A DI BY'A A'A DI BY'A A'A BE SHE A'A BI SHE MAH'A SHR'I YE HA BYA KA BYA B'A H'A N'A YA BADZRA PUshPE A'A:H'Um, DE BZHIN DU BADZRA DH'U PE, A'A LO KE ,GANDHE, NE BE DYA, SHAPTA RNAMS SBYAR BAS MCHOD, AOm A'A:H'Um BAT GAS LA NANG MCHOD DBUL, DE NAS DRIL STABS DANG BCAS PAS, 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO t'AKKIS DBANG BSKUR BA, ,SHES RAB MCHOG GIS NYON MONGS THAMS CAD BSREG ,'DZIN BYAD ME LHA NYID LA RNAM PAR 'DUD, ,TSANGS PA 'JIG RTEN MGON GYI SRAS, ,ME LHA'I RGYAL PO DRANG SRONG MCHOG ,'BYUNG PO YONGS SU BSKYANG BA'I PHYIR, ,THUGS RJE'I DBANG GIS SKU SPRUL PA, ,RIG SNGAGS GRUB PA'I DRANG SRONG TSUL, ,NYON MONGS BSREG PA'I SHES RAB 'OD, ,BSKAL PA'I ME BZHIN GZI BRJID 'BAR, ,MNGON SHES RDZU 'PHRUL ZHABS DANG LDAN, ,THABS KYIS SPRUL PA'I THEG PA BCIBS, ,RIG SNGAGS GSUNG ZHING BGRANG 'PHRENG 'DZIN, ,BDUD RTZI'I BCUD LDAN GHUndE BSNAMS, ,CHOS KYI BDUD RTZI YONGS
LA BSIL, ,NYES PA'I SKYON BRAL TSANGS PAR SPYOD, ,'JIG RTEN GNAS KYANG MYA NGAN 'DAS, ,ZHI BA BRNYES KYANG THUGS RJE CHE, ,DE BAS BSDOD DE PHYAG KYANG 'TSAL, ZHES BSTOD, AOm BADZRA AA NA LA MAH'A BH'U TA DZVA LA DZVA LA YA SARBA BHASMI KU RU SARBA DUshtANA H'Um PHAt DRi SHYA DZA:H'Um BAm HO:SA MA YA STAm SA MA YA HAm, ZHES LAN GSUM GYIS DAM TSIG BSGRAG GO ,DE NAS ME LHA'I LJAGS LA RAm YIG DANG, DGANG BLUGS KYI KHA LA HR'I: YIG 'OD ZER 'BAR BA DANG BCAS PAS MTSAN PAR GYUR, PAR BSAMS LA, LAG PA G-YON PA KHU TSUR BCANG PA'I STENG NAS MTHE BONG BKAB PA DE BZHIN GSHEGS PA'I KHU TSUR DU BYAS PA'I MDZUB MO BRKYANGS LA GAN RGYAL DU BYAS PAS DGANG GZAR MAR GYIS BKANG PA BZUNGS, G-YAS PA YANG DE BZHIN GSHEGS PA'I KHU TSUR DU BYAS PA KHA 'THUR DU PHUB PAS BLUGS GZAR GYI YU BA NAS BZUNGS, G-YON PA'I MDZUB MO'I THAD KAR G-YAS PA'I KHU TSUR BZHAG NAS DGANG GZAR GYI KHAR BLUGS GZAR GYI MGO BZHAG STE 'DZIN PA BYANG CHUB MCHOG GI PHYAG RGYAS, LAG PA GNYIS PUS MO'I NANG NAS PHYIR MI 'DA' BAR G-YAS SU BSKOR TE, ME LHA'I ZHAL CUNG ZAD GDANGS BAR DGANG BLUGS GSUM MAM BDUN ME LHA'I SNGAGS SAM, DGANG BLUGS KYI SNGAGS SAM, MAR GYI SREG BLUGS KYI SNGAGS LA SBEL TSIG BTAGS PAS DBUL BAR DNGOS GRUB RGYA MTSO LAS GSUNGS PAS 'DIR SNGAGS DANG PO LTAR BRI BA NI, AOm AAGNA YE A'A DI BY'A A'A DI BY'A A'A BI SHE A'A BI SHE MAH'A SHR'I YE HA BYA KA BYA B'A H'AN'A
, ,YA, BDAG CAG DPON SLOB 'KHOR DANG BCAS PA'AM, SBYIN PA'I BDAG PO 'KHOR DANG BCAS PA THAMS CAD KYI DPAL DANG 'BYOR PA, THAR PA DANG THAMS CAD MKHYEN PA'I GO 'PHANG DAM PA SGRUB PA LA PAR DU GCOD PA'I PHYI NANG GI GEGS, PHA ROL GYI BYAD KHA RBOD GTONG SOGS NYER 'TSE MI MTHUN PA'I PHYOGS THAMS CAD DANG, CHO GA LHAG CHAD KYI NYES PA THAMS CAD SH'ANTEm KU RU SV'AH'A, SKABS 'DIR ME LA BGEGS YOD MED DNGOS GRUB RGYA MTSO LAS GSUNGS PA LTAR BRTAGS TE MED NA MI DGOS LA, YOD NA BSANG GTOR BYA ZHING BADZRA KRO DHAS BSRUNGS, AOm BADZRA KRO DHA HA YA GRA'I WA HU LU HU LU BGEGS THAMS CAD SH'ANTIm KU RU H'Um PHAt, CES BRJOD BZHIN BAS MAR KHU DGANG BLUGS BDUN ME LHA LA DBUL, YANG BADZRA KRO DHAS BSANG GTOR BYA ZHING, AOm AAGNA YE, NAS, B'A H'A N'A YA SV'AH'A, ZHES ME LHA'I SNGAGS KYIS BLUGS GZAR BDUN NAM GSUM MAM GCIG DBUL LO, ,DE NAS YAM SHING RNAMS BYANG CHUB KYI SHING GI RANG BZHIN DU GYUR, CES BRJOD CING YAM SHING RKYANG PA'AM, GNYIS GNYIS SBYAR BA'I RTZE MO LHA LA BSTAN NAS, LAG PA G-YAS PA MCHOG SBYIN GYI MTHE BA SRIN GYIS BZUNGS TE, AOm AAGNA YE NAS, B'A H'A N'A YA AOm BO DHI BRiKsh'A YA BDAG CAG ,NAS, CHO GA LHAG CHAD KYI NYES PA THAMS CAD DANG GZI BRJID PHUN SUM TSOGS PA LA BAR DU GCOD PA THAMS CAD SH'ANTIm KU RU SV'AH'A, MAR KHU LA, AOm AGNA YE, NAS, B'A H'A N'A YA, AOm AAGNA YE, BDAG CAG NAS,
LHAG CHAD KYI NYES PA THAMS CAD DANG 'BYOR PA PHUN SUM TSOGS PA LA BAR DU GCOD PA THAMS CAD SH'ANTIm KU RU SV'AH'A, TIL LA, AOm AAGNA YE, NAS, B'A H'A N'A YA, AOm SARBA P'A PAm DA HAN BADZR'A YA, BDAG CAG ,NAS, CHOG LHAG CHAD KYI NYES PA THAMS CAD DANG SDIG PA THAMS CAD SH'ANTIm KU RU SV'AH'A, DURBA GNYIS GNYIS SBYAR BA LA, AOm AAGNA YA, NAS, B'A H'A N'A YA, AOm BADZRA A'A YU:shE, BDAG CAG ,NAS, LHAG CHAD KYI NYES PA THAMS CAD DANG TSE PHUN SUM TSOGS PA LA BAR DU GCOD PA THAMS CAD SH'UNTIm KU RU SV'AH'A, 'BRAS MA GRUGS PA LA, AOm AAGNA YE, NAS, B'A H'A N'A YA, AOm BADZRA PUsht'A YA, BDAG CAG ,NAS, LHAG CHAD KYI NYES PA THAMS CAD DANG BSOD NAMS PHUN SUM TSOGS PA LA BAR DU GCOD PA THAMS CAD SH'ANTIm KU RU SV'AH'A, ZHO ZAN LA, AOm AAGNA YE, NAS, B'A H'A N'A YA, AOm SARBA SAm P'A DE, BDAG CAG ,NAS, LHAG CHAD KYI NYES PA THAMS CAD DANG, BDE BA PHUN SUM TSOGS PA LA BAR DU GCOD PA THAMS CAD SH'ANTIm KU RU SV'AH'A, KU SHA GNYIS GNYIS SBYAR BA LA, AOm AAGNA YE, NAS, B'A H'A N'A YA, AOm AA PRA TI HA TA BADZR'A YA, BDAG CAG DPON SLOB NAS, LHAG CHAD KYI NYES PA THAMS CAD DANG BSRUNG BA PHUN SUM CHOGS PA LA BAR DU GCOD PA THAMS CAD SH'ANTIm KU RU SV'AH'A, YUNGS KAR LA, AOm AAGNA YE NAS, B'A H'A N'A YA, AOm SARBA AARTHA SIDDH'A YA, BDAG CAG ,NAS, CHOG LHAG CHAD KYI NYES PA THAMS CAD DANG, BGEGS THAMS CAD SH'ANTIm KU RU SV'AH'A, SO BA LA, AOm
, ,AAGNA YE, NAS, P'A H'A N'A YA, AOm BADZRA BI DZ'A YA, BDAG CAG NAS, LHAG CHAD KYI NYES PA THAMS CAD DANG, NOR 'BRU PHUN SUM CHOGS PA LA BAR DU GCOD PA THAMS CAD SH'ANTIm KU RU SV'AH'A, NAS LA, AOm AAGNA YE NAS, B'A H'A N'A YA, AOm MAH'A BE G'A YA, BDAG CAG NAS, LHAG CHAD KYI NYES PA THAMS CAD DANG, MYUR BA'I SHUGS PHUN SUM TSOGS PA LA BAR DU GCOD PA THAMS CAD SH'ANTIm KU RU SV'AH'A, SRAN MA LA, AOm AAGNA YE NAS, B'A H'A N'A YA, AOm MAH'A BA L'A YA, BDAG CAG ,NAS, LHAG CHAD KYI NYES PA THAMS CAD DANG STOBS RGYAS PA LA BAR DU GCOD PA THAMS CAD SH'ANTIm KU RU SV'AH'A, DE NAS GRO LA, AOm AAGNA YE, NAS, B'A H'A N'A YA, AOm BADZRA GHA SMA R'I, BDAG CAG ,NAS, LHAG CHAD KYI NYES BA THAMS CAD DANG, NAD THAMS CAD SH'ANTIm KU RU SV'AH'A, GZHAN YANG DKAR GSUM DANG SMAN LNGA 'DIR ME LHA'I SNGAGS DANG, DKYIL 'KHOR BA'I LHA LA DBUL BA'I SKABS SU GTZO 'KHOR RANG RANG GI SNGAGS KYIS DBUL BAS RUNG STE, 'PHRIN LAS 'PHRENG BA LAS, ZHI LA DKAR GSUM SMAN LNGA DBUL, ZHES GSUNGS, DE LTAR BSREG RDZAS RNAMS SNYAN PA'I GDANGS KYIS TSAR BDUN NAM NYER GCIG LA SOGS PA PHUL NAS, SNGAR BSHAD PA'I ZHAL BSIL DANG BSANG GTOR GYI SNGAGS KYIS DE GNYIS DBUL, DE NAS 'JIG RTEN LAS 'DAS PA'I ME LHA MCHOD PA LA, 'PHRIN LAS 'PHRENG BA LAS, DE NAS DRANG SRONG THUGS KA RU, ,YI DAM LHA TSOGS PHYI NANG,
GA ,GANG MOS RGYAL BA'I DKYIL 'KHOR BSKYED, ,RAm LAS MER NI BZHUGS PAR BYA, ZHES GSUNGS PAS, DE'I TSUL NI, ME LHA'I THUGS KAR RAm LAS ME GRU GSUM 'BAR BA'I DBUS SU, BHR'Um LAS 'KHOR LO SER PO RTZIBS BRGYAD PA LTE BA LA BHR'Um GYIS MTSAN PA, DE YONGS SU GYUR PA LAS, GZHAL YAS KHANG GRU BZHI SGO BZHI PA, ZHES PA NAS, SGO BZHIR SNA TSOGS PAD NYI'I GDAN RE RE, ZHES PA'I BAR SGRUB THABS LTAR LA, DKYIL 'KHOR SGRUB MCHOD DANG 'BREL BA'I SKABS YIN NA, SLOB DPON GYIS GZHAL YAS KHANG BSKYED PA'I BAR LA, SLOB MA GCIG GIS DKYIL 'KHOR GYI SHAR SGO NAS PHYAG BTZAL TE, LAG PA G-YON SPOS DANG BCAS PA'I SNOD GTZANG MA 'DZIN PAS SA LA 'KHOD NAS, AOm MA nI PADME H'Um DHU MA GA YE HA RI NI SA RA TZA HR'I: YA SV'AH'A, ZHES GTZO BO LAS GTZO BO GCIG MAR ME GCIG LAS GNYIS CHAD KYI TSUL DU ME TOG GI STENG DU SPYAN DRANGS PAR BSAMS LA LAG PA G-YAS PAS ME TOG GCIG BLANGS TE SNOD KYI KHAR BZHAG ,DE BZHIN DU RDO RJE MKHA' 'GRO MA NAS, LAS KYI RIGS KYI KHRO BO'I BAR GYI LHA RNAMS KYANG MAR ME GCIG LAS GNYIS CHAD KYI TSUL GYIS SPYAN DRANGS PAR MOS NAS, AOm A'A:H'Um H'Um, AOm A'A:TRAm H'Um, AOm A'A:HR'I:H'Um, AOm A'A: AA:H'Um, ZHES SNGAGS RE BRJOD PA DANG MNYAM DU ME TOG RE SNOD KYI KHAR 'JOG CING DPA' MO BZHI SPYAN DRANGS, DE BZHIN DU SNGAGS DE'I RIM PAS DPA' BO BZHI SPYAN DRANGS TE SLOB DPON GYI PHYAG TU PHUL, SLOB DPON GYIS KYANG LHA RNAMS RANG
, ,RANG GI GDAN LA BZHUGS PAR MOS NAS SNGAGS RE BRJOD PA DANG MNYAM DU ME TOG RE ME NANG DU DOR TE, DBUS KYI GDAN LA 'PHAGS PA THUGS RJE CHEN PO RGYAL BA BRGYA MTSO YAB YUM, SHAR DU RDO RJE MKHA' 'GRO MA, LHOR RIN CHEN MKHA' 'GRO MA, NUB TU PADMA MKHA' 'GROM, BYANG DU LAS KYI MKHA' 'GROM, SHAR SGOR RDO RJE RIGS KYI KHRO BO, LHO SGOR RIN CHEN RIGS KYI KHRO BO, NUB SGOR PADMA RIGS KYI KHRO BO, BYANG SGOR LAS KYI RIGS KYI KHRO BO STE, LHA THAMS CAD KYI SKU LAS 'OD ZER DKAR PO 'BAR ZHING 'PHRO BAR GYUR, CES BRJOD CING BSGOM, DKYIL 'KHOR SGRUB MCHOD DANG MA 'BREL NA, GDAN DE RNAMS KYI STENG DU, HR'I:H'Um TRAm HR'I:AA:DANG H'Um TRAm HR'I:AA:RNAMS YONGS SU GYUR PA LAS, LHA DGUR GYUR PA NI, DBUS KYI GDAN LA 'PHAGS PA THUGS RJE CHEN PO RGYAL BA RGYA MTSO SKU MDOG DKAR PO ZHAL GCIG PHYAG GNYIS PA SPYAN GSUM DANG LDAN PA CUNG ZAD KHRO ZHING 'DZUM PA'I NYAMS CAN, DBU SKRA RAL PA'I THOR TSUGS GYEN DU BCING SHING LHAG MA GSIL BUR BABS PAS SKU STOD KHEBS PA, RUS PA LA SOGS PA'I RGYAN DPAG TU MED PAS SPRAS SHING PHYAG GNYIS KYI G-YAS MU TSIG GI 'PHRENG BA DENG G-YON PADMA DKAR PO 'DZIN PAS YUM LA 'KHYUD CING, ZHABS G-YAS CUNG ZAD BRKYANGS PAS BZHUGS PA, DE'I PANG NA YUM GSANG BA YE SHES KYI MKHA' 'GRO MA DMAR MO PHYAG G-YAS GSER GYI dU MA RU 'KHROL ZHING, G-YON THOD PA KHRAG GIS BKANG PA 'DZIN PAS YAB KYI
MGUL PA NAS 'KHYUD CING ZHAL DU STOB PA, SHAR DU RDO RJE MKHA' 'GRO MA, ZHES PA NAS, GSUM GA'ANG G-YON PAS AUDPA LA 'DZIN PA, ZHES PA'I BAR SGRUB THABS LTAR DANG, GTZO 'KHOR THAMS CAD KYI SKU LAS 'OD ZER DKAR PO 'BAR ZHING 'PHRO BAR GYUR, LHA THAMS CAD KYI MIG GNYIS SU AOm, RNA BA GNYIS SU H'Um, SNA GNYIS SU TRAm, KHAR AA: DPRAL BAR HAm, SNYING KHAR H'Um, SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD 'PHROS, YE SHES KYI 'KHOR LO SPYAN DRANGS, LAS THAMS CAD PAS PHYI 'BRANG GI BGEGS BSKRAD, AOm SARBA TA TH'A GA TA A'ARYA LO KE SHVA RA MAndA LAS BA RI WA RA AARGHAm PRA TI TZTSA H'Um SV'AH'A, ZHES MCHOD YON DANG, DE BZHIN DU NYER SPYOD ROL MO DANG BCAS PA'AM, YANG NA 'DOD YON LNGAS MCHOD DE, DZA:H'Um BAm HO: YE SHES PA RNAMS SO SO'I DAM TSIG PA DANG GNYIS SU MED PAR GYUR, SLAR YANG THUGS KA'I SA BON GYI 'OD ZER GYIS DBANG GI LHA RNAMS SPYAN DRANGS, SNGAR LTAR MCHOD, AOm SARBA TA TH'A GA TA AA BHI shANYTZI TU MAm, ZHES GSOL BA BTAB PAS, ZHES PA NAS, BYANG PHYOGS PA GNYIS LA DON GRUB KYIS DBU BRGYAN PAR GYUR, CES PA'I BAR SGRUB THABS LTAR BYA, DE NAS SGRUB MCHOD DANG 'BROL MA 'BREL GNYIS KA LA, CHU BZHI, NYER SPYOD ROL MO, 'DOD YON, NANG MCHOD DANG BCAS PAS MCHOD, SGRUB THABS SU BKOD PA LTAR MI BSKYOD RDO RJE SOGS KYIS BSTOD BA'AM, YANG NA GRUB CHEN RANG NYID KYIS MDZAD PA'I, BYAMS DANG SNYING RJES SEMS CAN
, ,DON LA GZIGS, ,THUGS RJE CHEN POS 'GRO LA RTAG TU DGONGS, ,THABS DANG SHES RAB RIGS BZHI'I 'KHOR GYIS BSGOR, ,SPYAN RAS GZIGS DBANG TSOGS LA PHYAG 'TSAL LO, ZHES PAS BSTOD, LHA RNAMS KYI LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN RAm YIG GIS MTSON PAR GYUR, AOm MA nI PADME H'Um DHU MA GA YE HA RINI SA RA TZA HRI: YA BDAG CAG DPON SLOB 'KHOR DANG BCAS PA'AM, ZHES PA NAS, CHO GA LHAG CHAD KYI NYES PA THAMS CAD SH'ANTI KU RU SV'AH'A, ZHES MAR KHU DGANG BLUGS GSUM MAM BDUN PHUL NAS GSOL BA BTAB PAS 'PHRIN LAS MDZAD PAR ZHAL GYIS BZHES PAR BSAM MO, ,DE NAS YAM SHING LA SOGS PA RNAMS 'BUL PA'I RIM PA ME LHA'I SKABS JI LTA BA BZHIN LA, 'BUL BA'I TSUL NI, GTZO BO YAB YUM LA, AOm MA nI PADME H'Um DHU MA G-YE HA RI NI SA RA TZA HR'I: YA AOm BO DHI BRiKsh'A YA BDAG CAG SOGS DANG, 'KHOR RNAMS LA YANG 'DIR SNGAGS ZUR DU MA BYUNG BAS, SNGAR BSHAD PA LTAR RANG RIGS KYI SA BON DANG 'BRU GSUM SPEL BA'I MTHAR, AOm BO DHI BRiKshA'A YA BDAG CAG SOGS SBYAR TE DBUL BAR BYA'O, ,BSREG RDZAS 'BUL BA'I GRANGS KYANG, SH'ANTI PAS, BSREG BLUGS GCIG GAM GSUM MAM BDUN NAM NYER GCIG GAM, BRGYA STONG LA SOGS PA DBUL BAR GSUNGS PAS GRANGS LA NGES PA MED, DE YANG BSREG RDZAS KYI GTZO BO YAM SHING DANG, MAR KHU 'BUL THEBS RE DANG SNGAGS RE SBYAR BA SBYIN SREG RE'I GRANGS
SU 'DREN GYI, BLUGS GZAR RE LA MANG POR 'DRAN PA'I LHA LA BSLU BA'I BSAM PA NAM YANG MI BYA'O, ,YAM SHING DANG MAR GTZO BO YIN PAS MANG BA DANG, GZHAN RNAMS DE LAS NYUNG BA DANG, SDIG PA ZHI BA SOGS GANG DON DU GNYER BA DE'I RDZAS MANG BA DBUL BA SOGS SHES PAR BYA ZHING, GTZO BO YAB YUM LA 'BUL BA'I TSE, YAM SHING LA SOGS PA RNAMS LA GTZO BO'I SNGAGS LA RDZAS SNGAGS SPEL TSIG DANG BCAS PA BTAGS PA'AM, DE MA GRUB NA GTZO BO'I SNGAGS RKYANG PA LA SPEL TSIG BTAGS LA DBUL, SPEL TSIG RE RE NAS SBYAR MA NUS NA BDUN BDUN GYI MTHAR DANG, DE YANG MA GRUB NA THOG MTHA' GNYIS SU BTAGS LA BRGYA RTZA LA SOGS PA DBUL BAR BYA'O, ,'KHOR RNAMS LA RANG RANG GI SNGAGS LA SPEL TSIG BTAGS PAS GSUM MAM BDUN LA SOGS PA CI 'BYOR PA DBUL LO, ,DE LTAR BSREG RDZAS RNAMS PHUL NAS, LHA RNAMS KYI THUGS KA NAS SPROS PA'I SANGS RGYAS SBYAN MA LA SOGS PA RNAMS KYIS BDUD RTZI DKAR POS GANG BA'I BUM PA DKAR PO BZUNGS NAS, BDAG CAG 'KHOR DANG BCAS PA'AM, SBYIN PA'I BDAG PO 'KHOR DANG BCAS PA ZLA BA'I DKYIL 'KHOR LA GNAS PA LA KHRUS BYAS PAS SDIG SGRIB NAD GDON LA SOGS PA BAR DU GCOD PA THAMS CAD SBYANGS NAS, LUS SHEL GONG LTAR DAG PAR GYUR, CES BRJOD CING BSAMS LA, GTZO BO'I SOGS KYIS MAR DGANG BLUGS GSUM MAM BDUN LA SOGS PA DBUL, AOm A'A:HR'I: PRA W'A RA SAD K'A RAm AARGHAm SOGS KYIS MCHOD
, ,YON BSANG GTOR ZHAL BSIL GSUM DBUL, SRAB 'JAM YANG BA LHA YI GOS, ,DKYIL 'KHOR LHA YI SKU NYID LA, ,MI PHYED DAD PAS BDAG 'BUL NA, ,BDAG KYANG RDO RJE'I SKU THOB SHOG ,AOm BADZRA W'A SA SPYA SV'AH'A, ZHES PAS NA BZA' DANG, AOm BADZRA TAMBU LA SV'AH'A, ZHES PAS SO RTZI DBUL, DE NAS NYER SPYOD 'DOD YON TSIGS BCAD DANG BCAS PAS DBUL, GTZO 'KHOR THAMS CAD LA THUN MONG DU, AOm SARBA TA TH'A GA TA A'ARYA LO KE SHVA RA MAndA LA SA PA RI W'A RA AOm A'A:H'Um GIS NANG MCHOD DBUL, GONG LTAR BSTOD PAS BSTOD DE, PHYAG BYAS NAS, AOm A'A:HR'I: PRA W'A RA SAD K'A RAm AARGHAm PRA T'I TZTSA H'Um SV'AH'A, ZHES MCHOD YON DBUL, DE NAS, LHAG CHAD KYI NYES BZHI BA'I DON DU ME TOG DANG BCAS THAL MO SNYING KHAR SBYAR TE, GANG YANG BDAG BLO RMONGS PA YIS, ,NYES BYAS CUNG ZAD GANG 'GYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN GTZO BOS BZONG MDZAD RIGS, ZHES BZOD PAR GSOL NAS, SMON LAM BTAB PA NI, THAL MO SBYAR TE, NA MO RNAL 'BYOR GYI DBANG PHYUG DPON SLOB 'KHOR DANG BCAS PA RNAMS KYI SDANG BAR BYED PA'I DGRA ,BAR DU GCOD PA'I BGEGS, THAR PA DANG THAMS CAD MKHYEN PA'I BAR DU GCOD PA THAMS CAD BDAG GI DGANG BLUGS KYI MCHOD PA RGYA TSAN PO 'DI LA BRTEN NAS ZHI BA DAM PAR MDZAD DU GSOL, ZHES PA'I SMON LAN
'DI GRUB CHEN RANG NYID KYIS MDZAD PA YIN, DE LTAR SMON LAM BTAB NAS LHAG CHAD KYI NYES PA ZHI BA'I SEMS KYIS, AOm BADZRA STVA A'A:ZHES MANG DU BRJOD NAS RDO RJE SEMS DPA'I YIG BRGYA BZLAS TE, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZAL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,BADZRA MU: SGRUB MCHOD DANG 'BREL NA, LHA RNAMS ME LHA'I THUGS KA NAS GSHEGS TE DKYIL 'KHOR GYI LHA SO SO DANG DBYER MED DU GYUR, SLOB DPON GYIS ME TOG SLOB MA'I LAG TU GTAD, DES KYANG PHYAG PHUL NAS SPOS 'DZIN PA DANG BCAS PAS BLANGS TE, DKYIL 'KHOR GYI SHAR SGOR KHYER NAS, RDUL TSON YIN NA DKYIL 'KHOR GYI DBUS SU ME TOG PHYAR BTZAM DANG, RAS BRIS YIN NA DKYIL 'KHOR LA ME TOG DOR NAS, LHA RNAMS RANG RANG GI DKYIL 'KHOR DU SPYAN DRANGS PAR BSAM, SGRUB MCHOD DANG MA 'BREL NA, YE SHES PA RNAMS RANG BZHIN GYI GNAS SU GSHEGS, DAM TSIG PA RNAMS BDAG NYID LA THIMS PAR GYUR, CES BRJOD, DE NAS 'JIG RTEN PA'I ME LHA LA, AOm AAGNA YE ZHES PA NAS, B'AH'A N'A YA BUKHPAm, ZHES PA NAS, SHAPTA'I BAR GYIS NYER SPYOD ROL MO DANG BCAS PA DANG, AOm A'A:H'Um BTAGS LA NANG MCHOD DBUL, DE NAS ZHAL BSIL SO RTZI GOS GSAR PA RNAMS PHUL, BSREG RDZAS LHAG MA RNAMS KYANG SNGAR BZHIN PHUL TE, DRIL STABS DANG BCAS PAS, 'JIG RTEN DBANG PHYUG TSANGS DBANG MGON GYI SRAS,
, ,ZHES SOGS KYIS BSTOD CING, ZHAL BSIL DANG BSANG GTOR PHUL, ME LHA'I SNGAGS LA, PUshPAm SOGS SBYAR BA'I NYER SBYOD ROL MO DANG BCAS PAS KYANG MCHOD, GTOR MA NANG MCHOD LTAR BYIN GYIS BRLABS TE, AOm AAGNA YE, ZHES PA NAS, B'A H'A N'A YA AA K'A RO MU KHAm SARBA DHA RM'A n'Am AA DYA NU TPANNA TV'A TA AOm A'A:H'Um PHAt SV'A H'A, ZHES PA GSUM GYIS GTOR MA DBUL, ME LHA'I SNGAGS LA PUshPAm SOGS SBYAR BA'I NYER SPYOD ROL MO DANG BCAS PAS MCHOD, DE NAS DRIL STABS DANG BCAS PAS, ME STE BSREG BYA ZA BA'I LHA, ,DRANG SRONG RGYAL PO GDON GYIS BDAG ,SHAR LHO ME LHA'I TSOGS BCAS LA, ,MCHOD CING BSTOD DE PHYAG KYANG 'TSAL, ,MCHOD SBYIN GTOR MA 'DI SNOMS LA, ,RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYAG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN 'GRUB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,DAM TSIG CAN GYIS BDAG LA SRUNGS, ,DNGOS GRUB KUN GYIS STONGS GROGS MDZOD, ,DUS MIN 'CHI DANG NAD RNAMS DANG, ,GDON DANG BGEGS RNAMS MED PAR MDZOD, ,RMI LAM NGAN DANG MTSAN MA NGAN, ,BYA BYED NGAN PA MED PAR MDZOD, ,'JIG RTEN BDE ZHING LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS THAMS CAD 'BYUNG BA DANG, ,YID LA 'DOD PA KUN 'GRUB SHEG ,CES 'PHRIN LAS BCOL, ,AOm A'A:HR'I:PRA W'A RA SAD K'A RAM AARGHAm PRA T'A TZTSI H'Um SV'AH'A,
GANG YANG BDAG BLO RMONGS PA YIS, ZHES PA NAS, DE KUN KHYED KYIS BZOD MDZAD RIGS, ,AOm BADZRA SATVA A'A: RANG GI DON DANG GZHAN GYI DON, ,SGRUB BYED BSREG BYA ZA BA GSHEGS, ,JI BZHIN DUS SU TSUR SPYON CING, ,BDAG GI DNGOS GRUB THAMS CAD SGRUBS, ,AOm A'A:BADZRA MU: ME LHA YE SHES PA RANG GNAS SU GSHEGS, DAM TSIG PA ME 'BAR BA'I RNAM PAR GYUR, DE NAS BSNGO BA SHIS BRJOD SOGS JI LTAR RIGS PA BYA'O, ,ZHI BA'I LAG LEN GYI CHO GA'O,, ` GSUM PA RGYAS PA'I SBYIN BSREG GI KHYAD PAR BSHAD PA NI, SA GZHI SER PO'AM SER POR BYAS PA LA, BRKOS PA'AM BSLANGS PA'I THAB GANG BYED KYANG DBYIBS GRU BZHI PA, RGYAR KHRU DO DANG ZABS SU KHRU GANG, STENG NAS MU RANG SOR BRGYAD, DE NAS RGYA DPANGS SOR BRGYAD PA'I KHA KHYER LA RIN PO CHE'I 'PHRENG BA, THAB KYI RGYA TSAD KYI BCU GNYIS CHA DOR BA'I STEGS BU GRU BZHI PA'I GRVA BZHIR ZLA PHYED RDO RJES MTSAN PA, THAB KYI DBUS SU 'KHOR LO SER PO RTZIBS BRGYAD PA'I LTE BAR RIN PO CHE CHA DGU PA, DPANGS SOR DRUG PA, RTZIBS BRGYAD LA YANG RIN PO CHES MTSAN PA BYAS PAS RUNG STE, 'PHRIN LAS 'PHRENG BA LAS, RGYAS PA SER PO GRU BZHI LA, ,RTZIBS BRGYAD RIN CHEN DGU DAG BRI, ZHES GSUNGS, THAB KHUNG LAS SER PO DANG PHYI ROL TU PA'I LCI BAS BYUG CING, GNYIS KA LA BDUD RTZI SER PO DANG LDAN PA'I DRI SER POS BYUGS LA ME TOG GSIL MA GCAL DU DGRAM, MCHOD RDZAS NI GSER GYI SNOD DU TIL DANG, ZHO DANG, ME TOG SER PO DANG
, ,DRI SER PO'I CHU LA SOGS PA'O, ,BSREG RDZAS KHYAD PAR BA NI, YAM SHING GI RGYU 'O MA CAN GYI SHING GI DBUS KYI CHA LAS BYUNG BA SRID DU KHRU GANG, SBOMS SU TSANG PA'I CHAD, BDUD RTZI DANG BCAS PA'I DRI SER PO'I CHUS DRAN PA, ZHO DANG 'O MA DANG MAR DU BSNYUGS PA MNGAR GSUM GYIS SBAGS PA'O, ,BSREG RDZAS KHYAD PAR BA GZHAN YANG, 'BRAS CHAN ZHO DANG BSRES PA LA MNGAR GSUM GYIS SBAGS PA'I ZAS MCHOG DANG, ZHO DANG SBRANG RTZI DANG TIL NAG DANG ZHO ZAN DANG ZHUN MAR DANG BCAS PA'I 'BRAS DANG, PADMA GE SAR DANG, N'A GA GE SAR DANG 'BRU RNAMS SO, ,ME NI RGYAL PO'AM, RGYAL RIGS KYI KHYIM NAS BYUNG PA'AM, NAGS MES TSIG PA DANG, NOR BU LAS BYUNG BA DANG, DGE 'DUN GYI TSANG MANG LAS BYUNG BA'O, ,KU SHA RNAMS RTZE MO BYANG DU BSTAN LA DGOD, LAG PA GNYIS KHU TSUR BCANG PA'I MTHEB MDZUB RTZE SBYAR BA RIN PO CHE'I PHYAG RGYAS DGANG BLUGS BZUNGS, STAN BDE BA LA KHA BYANG DU PHYOGS TE RKANG PA DRANG POR BRKYANGS PA BZANG PO'I 'DUG STENGS KYIS 'KHOD DE, THAB BSANGS SBYANGS, STONG PA NYID DU GYUR, STONG PA'I NGANG LAS, AE LAS, ZHES PA NAS, DE'I STENG DU BHR'Um SER PO ZHU BA LAS BYUNG BA'I YE SHES KYI THAB KHA DOG SER ZHING DBYIBS GRU BZHI PA, MU RAN KHA KHYED DANG BCAS PA'I KHA KHYER LA RIN PO CHE'I 'PHRENG BAS BSKOR BA, ZHES DANG, ME LHA SER PO DANG, 'JIG RTEN LAS 'DAS PA'I LHA RNAMS KYANG 'OD ZER SER PO 'PHRO BA, SPEL TSIG
NI, BDAG CAG DPON SLOB 'KHOR DANG BCAS PA'AM, SBYIN PA'I BDAG PO 'KHOR DANG BCAS PA THAMS CAD KYI TSE DANG BSDOD NAMS DPAL 'BYOR PHUN SUM TSOGS PA THAMS CAD DANG, BSLAB PA GSUM SOGS LEGS TSOGS BSTAN PA'I BYA BA THAMS CAD PUshtIm KU RU AOm, ZHES DANG, CHO GA LHAG MA PHAL CHER NI SNGAR BRJOD PA JI LTA BA BZHIN LA, 'DAS PA'I LHA MCHOD PA'I MTHAR, LHA RNAMS KYIS THUGS KA NAS SPROS PA'I SANGS RGYAS SPYAN MA LA SOGS PA RNAMS KYIS BDUD RTZI SER PO DANG RIN PO CHE DU MAS GANG BA'I BUM PA ZHES PA NAS, ZLA BA SER PO'I DKYIL 'KHOR LA GNAS PA LA DBANG BSKUR BAS LUS GANG, DBANG THANG DANG SHES RAB LA SOGS PA'I YON TAN THAMS CAD RGYAS TE BUM PA NAS RIN PO CHE'I CHAR BABS PAS BANG MDZOD RNAMS KYANG GANG BAR GYUR, CES BRJOD, GRUB CHEN GYIS MDZAD PA'I SMON LAM DANG NI, NA MO RNAL 'BYOR GYI DBANG PHYUG BDAG CAG DBON G-YOG 'KHOR DANG BCAS PA RNAMS KYI 'KHAR RJE DANG, ZA THANG DBANG THANG LONGS SPYOD BU NOR RIGS RGYUD GOS BZANG LONGS SPYOD THAMS CAD DGANG BLUGS KYI MCHOD PA RGYA CHEN PO 'DI LA BRTEN NAS DAR ZHING RGYAS PAR GYUR CIG ,CES PA'O, ,GZHAN YANG CHO GA SO SO'I GO DON DANG RGYU MTSAN, BGEGS BRTAG THABS, BSREG RDZAS SO SO'I BYED LAS SOGS SBYIN BSREG GI CHO GA DNGOS GRUB RGYA MTSO LAS SHES PAR BYA'O, ZHES THUGS RJE CHEN PO GSANG SGRUB LHA DGU'I ZHI RGYAS KYI SBYIN BSREG JI LTAR BYA BA'I CHO GA 'DI YANG DPON AER TE NI SBO SHOG THUS BSKUL
, ,PA LTAR SH'AKYA'I BTZUN PA BLO BZANG YE SHES KYIS GRUB CHEN NYID KYIS MDZAD PA'I SBYIN SREG GI CHO GA 'PHRIN LAS 'PHRENG BA DANG RJE YAB SRAS RNAMS KYI GSUNG LA BRTAGS NAS BGYIS PA DAG LAGS 'PHEL,, PA RI PRiTZTSA,,
[BLANK PAGE]