, ,THUGS RJE CHEN PO RGYAL BA RGYA MTSO LHA DGU'I BLA BRGYUD GSOL 'DEBS DANG SHIS BRJOD BZHUGS,, @O1B #, ,NA MO GU RU LO KE SHVA R'A YA, DPAL LDAN RIGS BRGYA'I BDAG PO RDO RJE 'CHANG, ,KHA SBYOR BDE CHEN SKUR BSTAN PAD DKAR 'DZIN, ,BYANG CHUB SEMS LDAN BLO GROS RIN CHEN ZHABS, ,GSOL BA 'DEBS SO DNGOS GRUB MA LUS STZOL, ,RNAL 'BYOR MA YIS RJES BZUNGS TEE LO PA, ,ROL PA'I RDO RJE RGYAL BA RGYA MTSO YIS, ,BYIN BRLABS LUGS 'DI'I SROL 'BYED MI TRA'I ZHABS, ,GSOL BA 'DEBS SO DNGOS GRUB MA LUS STZOL, ,SKAD GNYIS SMRA BA'I DBANG PO BYAMS PA DPAL, ,BSLAB GSUM RNAM DAG BSOD NAMS DBANG PHYUG DANG, ,MKHAN CHEN SENG GE'I MTSAN CAN DGE 'DUN GTZOR, ,GSOL BA 'DEBS SO DNGOS GRUB MA LUS STZOL, ,MKHAS PA'I YANG RTZE RIN CHEN SENG GE DANG, ,SNYIGS DUS THUB BSTAN GSAL MDZAD RIN CHEN GRUB, ,GSANG
, ,SNGAGS 'CHANG BA KHYUNG PO LHAS PA'I ZHABS, ,GSOL BA 'DEBS SO DNGOS GRUB MA LUS STZOL, ,'JAM DPAL DUR SMRIG GAR GYIS RNAM ROL BA, ,KHAMS GSUM 'GRO BA'I 'DREN MCHOG TZONG KHA PA, ,DE SRAS THU PO MKHAS DANG GRUB PA'I RJER, ,GSOL BA 'DEBS SO DNGOS GRUB MA LUS STZOL, ,GDAMS PA'I MCHOG MNGA' CHOS KYI RGYAL MTSAN DANG, ,'CHI MED SKU BRNYES CHOS KYI RDO RJE'I ZHABS, , GZUNG 'DZIN SPROS BRAL BLO BZANG DON GRUB LA, ,GSOL BA 'DEBS SO DNGOS GRUB MA LUS STZOL, ,SPANGS RTOGS MTHAR PHYIN SANGS RGYAS YE SHES ZHABS, ,LUNG RTOGS MNGA' BDAG BLO BZANG CHOS RGYAN RJE,, BSTAN PA'I GNYEN GYUR DAG 'DUN DON GRUB LA, ,GSOL BA 'DEBS SO DNGOS GRUB MA LUS STZOL, ,BLO BZANG RGYAL BA GNYIS PA'I GDAMS PA'I MDZOD, ,LEGS PAR BZUNGS NAS DON GNYIS LHUN GRUB PA,, BKA' DRIN GSUM LDAN RTZA BA'I BLA MA LA, ,GSOL BA 'DEBS SO DNGOS GRUB MA LUS STZOL, ,DE LTAR DNGOS BRGYUD BLA MAR GSOL BTAB PAS, ,BYIN RLABS BDUD RTZIS DRI MA KUN SBYANGS SHING, ,THEG MCHOG
RIM GNYIS LAM LA BKOD GYUR NAS, ,ZUNG 'JUG BDE CHEN GO 'PHANG MYUR THOB SHOG ,CES MI TRA BRGYA RTZA'I DBANG RGYUD GSOL 'DEBS 'DI YANG DPON AER TE NE SBO SHOG THUGS THUGS RJE CHEN PO GSANG SGRUB KYI BLA MA BRGYUD PA'I GSOL 'DEBS SHIG DGOS ZHES BSKUL BA LTAR DGE SLONG CHOS SMRA BA BLO BZANG YE SHES KYIS SMRAS PA'O,, `,BKRA SHIS NI, MU MTHA' BRAL BA'I SHING KHAMS MA LUS PA, ,RAB GANG THUGS RJE CHEN PO'I LHA YI TSOGS, ,'GA' ZHIG CHU SKYES CHAR DANG LA LA DBYANGS, ,KHA CIG BDUD DPUNG 'JOMS PA'I 'PHRIN LAS KYIS, ,KHYED LA RTAG PAR DPAL GNAS MDZAD PA DANG, ,RAB DGA' YID BDE SKYED PAR BYED PA YIS, ,MI SHIS DANG BRAL SHIS PAS KHAMS GSUM KUN, ,'GENGS PA'I SHIS BRJOD SGRA SNYAN SGROG GYUR CIG ,DUS GSUM RGYAL BA KUN GYI THUGS RJE RNAMS, ,GCIG TU BSDUS PA RGYAL BA RGYA MTSO'I DPAL, ,GSANG BA YE SHES MKHA' 'GRO'I GTZO MO DANG, ,KHA SBYOR YAN LAG BDUN LDAN KHYOD PHYAG 'TSAL, ,BLO GROS RIN CHEN GRUB CHEN TEE LO PA, ,ROL PA'I RDO RJE MI TRA DZO KI DANG, ,MEE TRI shR'I BSOD NAMS DBANG PHYUG SOGS, ,DNGOS DANG BRGYUD PAR BCAS PA'I BLA MA'I TSOGS, ,DNGOS GRUB MA YUS STZOL MDZAD KHYED RNAMS KYI,, DRI MED RNAM THAR JI BZHIN SKYONG PA DANG, ,BYIN RLABS ZHUGS NAS RGYAL BA RGYA MTSO YI, ,RIM GNYIS BSTAN PA RGYAS PA'I BKRA SHIS SHOG ,THAR PA CHEN PO'I GZHAL MED KHANG GI DBUS SU SNA TSOGS CHU SKYES DANG NYI ZLA'I DKYIL 'KHOR GYI
, ,STENG DU SKU MDZES SHING BLTA BAS CHOG MI SHES PA SHEL GYI RI BO LA THUN MTSAMS KYI CHU 'DZIN GZHON NU YID DU'ONG PA PADMA R'A GA'I MAD NGAS CAN GYIS 'KHYUD PA BZHIN BZHUGS PA, STON PA PHUN SUM TSOGS PA KHYAB BDAG RDO RJE 'CHANG CHEN PO'I NGO BO 'PHAGS PA THUGS RJE CHEN PO'I SANGS RGYAS DKON MCHOG BCOM LDAN 'DAS RGYAL BA RGYA MTSO'I DKYIL 'KHOR BA'I LHA'I TSOGS NAM MKHA'I KHAMS THAMS CAD GANG BA RNAMS LA DGE LEGS KYI MTSAN MA JI SNYED CIG MCHIS PA'I BKRA SHIS PA'I DAM PA DES SKAL BA DANG LDAN PA'I GANG ZAG KHYED CAG 'DIR 'KHOD PA RNAMS LA DUS RTAG TU PHUN SUM TSOGS PA'I DPAL LA ROL PAR BYED PA'I SHIS PAS LHAG PAR SKYONG BAR GYUR CIG ,GANG 'TSAM THABS KYIS SEMS CAN DON SGRUB PHYIR, ,THABS SHES SPYOR BA'I SKUR BSTAN SPYAN RAS GZIGS, ,RIGS BZHI'I MKHA' 'GRO BDUD 'JOMS SGO SKYONG BZHIS, ,YONGS BSKOR RGYAL BA RGYA MTSO'I DKYIL 'KHOR PAR, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGYUD PA KUN ZAD CING, ,BDE LEGS YANG NGO'I ZLA LTAR 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,STON PA PHUN SUM TSOGS PA RDO RJE 'CHANG GI NGO BO 'PHAGS PA RGYAL BA RGYA MTSOS LEGS PAR GSUNGS PA'I CHOS DKON MCHOG JI SNYED PA'I DGONGS 'GREL DANG BCAS PA RNAMS LA DGE BA'I MTSAN MA JI SNYED CIG MCHIS PA'I BKRA SHIS PA'I DAM PA DES SKAL BA DANG LDAN PA'I GANG ZAG KHYED CAG 'DIR 'KHOD
PA RNAMS LA DUS RTAG TU CHOS KYI 'BYOR BA RGYAS PA'I MI MTHUN PHYOGS THAMS CAD ZAD CING, CHOS 'BYOR PHUN SUM TSOGS BA'I DPAL LA ROL PAR BYED PA'I SHIS PAS LHAG PAR SKYONG BAR GYUR CIG ,RDO RJE 'CHANG DBANG GO 'PHANG SGRUB PA'I THABS, , ZHI SOGS RAB 'BYAMS LAS DANG RIM GNYIS LAM, ,MA NOR LEGS PAR STON PA'I CHOS DKON MCHOG ,RGYAL BRGYA MTSOS LEGS GSUNGS DGONGS 'GREL LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA LTAR 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,DE LTA BU'I CHOS PHUN SUM CHOGS PA NYAN PA'I 'KHOR PHUN SUM TSOGS PA DPA' BO DANG RNAL 'BYOR MA'I TSOGS BRJOD KYIS MI LANG BA SANGS RGYAS KYI ZHING GRANGS MED PA'I RDUL DANG MNYAM PA'I DGE 'DUN DKON MCHOG RNAMS LA DGE LEGS KYI MTSAN MA JI SNYED CIG MCHIS PA'I BKRA SHIS PA'I DAM PA DES, SKAL BA DANG LDAN PA'I GANG ZAG KHYED CAG 'DIR 'KHOD PA RNAMS LA DUS RTAG TU PHUN SUM TSOGS PA'I DPAL LA ROL PAR BYED PA'I SHIS PAS LHAG PAR SKYONG BAR GYUR CIG ,PHYOGS BCU'I ZHING KHAMS RGYA MTSO DPAG MED NA, ,BZHUGS PA'I RNAM DAG DPA' BO DPA' MO'I TSOGS, ,RGYAL BA RGYA MTSO'I LUNG DANG RTOGS PA'I CHOS, ,MTHONG THOS DRAN REG PHYOGS GCIG 'DZIN RNAMS LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGYUD PA KUN ZAD CING, ,BDE LEGS YANG NGO'I ZLA LTAR 'PHEL GYUR NAS, ,
, ,PHUN TSOGS DPAL LA ROL BA'I BKRA SHIS SHOG ,THAR PA CHEN PO'I PHO BRANG GZHAL MED KHANG, ,PHYI NANG KUN GSAL NYI ZLA'I 'OD LTAR SNANG, ,PHUL BYUNG SNA MANG RIN CHEN RGYAN GYIS SPRAS, ,NGO MTSAR SNONG KYI 'BYOR PA PHUN TSOGS LA, ,LEGS TSOGS JI SNYED MCHIS BA'I BKRA SHIS NGES, ,MA DAG SNOD KYI DRI MA KUN DAG NAS, ,BDE CHEN THAR PA'I GRONG KHYER CHEN PO DER, ,NYIN MTSAN RTAG PAR SPYOD PA'I BKRA SHIS SHOG ,CES THUGS RJE CHEN PO RGYAL BA RGYA MTSO LHA DGU'I SHIS BRJOD 'DI NI, DPON AER TE NE SBO SHOG THUS BSKUL BA'I NGOR CHOS SMRA PA BLO BZANG YE SHES KYIS BKA' GDAMS PHO BRANG DU BGYIS PA DGE LEGS 'PHEL,, PA RI PHRiTZTSA,, ,,
[BLANK PAGE]