, ,BLA MA'I RNAL 'BYOR GYI 'GREL PA DANG BKA' DRIN GSOL 'DEBS BZHUGS,,
, ,SVA STI, 'DIR BLA MA'I RNAL 'BYOR BSGOM PAR 'DOD PAS JI LTAR BYA BA'I RIM PA LA SBYOR DNGOS MJUG GSUM LAS, DANG PO NI, YID DANG MTHUN PA'I GNAS KHANG BYI DOR LEGS PAR BYAS, DKON MCHOG GI RTEN GYI DRUNG DU MCHOD PA RNAMS BKOD PAS MDZES PAR BSHAMS, RANG NYID STAN BDE BA LA LUS RNAM SNANG GI CHOS BDUN LDAN NAM SBYOD LAM GANG BDER 'KHOD NAS, THOG MAR 'DI LTAR BSAM PAR BYA STE, RJE BDAG NYID CHEN BOS, DAL BA'I RTEN 'DI YID BZHIN NOR LAS LHAG ,'DI 'DRA RNYED PA DA RES TZAM ZHIG YIN, ZHES GSUNGS PA LTAR, RANG CAG RNAMS KYIS RNYED PAR DKA' BA'I DAL 'BYOR GYI MI LUS THOB, MJAL BAR DKA' BA'I SANGS RGYAS KYI BSTAN PA RIN PO CHE DANG MJAL SKABS 'DIR DAM PA'I CHOS LA CHIG SGRIL BYAS NAS 'BAD DGOS TE, SPYOD 'JUG LAS, DAL 'BYOR 'DI NI SHIN TU RNYED PAR
, ,DKA', ,SKYES BUS DON GRUB THOB PAR GYUR PA LA, ,GAL TE 'DI LA PHAN PA MA BSGRUBS NA, ,PHYIS 'DI YANG DAG 'BYOR PA GAL 'GYUR, ZHES GSUNGS PAS, TSE 'DI'I BDE BA LA MA CHAGS PAR TSE PHYI MA PHAN CHAD KYI DON RNAM PAR DAG PA SGRUB DGOS, DE LTA MA YIN PAR TSE 'DI DON MED DU BTANG NA RANG GI RANG BSLUS PA DANG, RMONGS TSABS DE LAS CHE BA MED DE, ZHI BA LHAS, 'DI 'DRA'I DAL BA RNYED GYUR NAS, ,BDAG GIS DGE GOMS MA BYAS NA, ,'DI LAS BSLUS PA GZHAN MED DE, ,'DI LAS RMONGS PA'ANG GZHAN MED DO, ZHES DANG, MGON PO KLA SGRUB KYIS, GANG ZHIG GSER SNOD RIN CHEN SPRAS PA YIS, ,NGAN SKYUGS 'PHYAG PAR BYED PA DE BAS NI, ,GANG ZHIG MI RU SKYES NAS SDIG PA DAG ,BGYID PA DE NI CHES RAB BLUN PA LAGS, ZHES GSUNGS PA'I PHYIR, SKYE BA GTAN GYI 'DUN MA SGRUB DGOS SHING; ;DE YANG DA LTA BLA MA DGE BA'I BSHES GNYEN MTSAN NYID DANG LDAN PA RNAMS KYIS DGYES BZHIN DU RJES SU BZUNGS, KUN BYANG GI PHAN YON DANG NYES DMIGS RIG ,CHOS SGRUB PA'I PHYI NANG GI MTHUN
RKYEN THAMS CAD TSANG ZHING RANG DBANG RANG LA YOD PA'I DUS 'DIR MA 'BAD PAR DING BYA SANG BYA'I NGANG DU SONG NA, BSHES 'PHRIN LAS, TSE 'DI GNOD MANG RLUNG GIS BTAB PA YI, ,CHU YI CHU BUR PAS KYANG MI RTAG NA, ,DBUGS 'BYUNG DBUGS RDU BAS GNYID KYIS LOG PA LAS, ,SANG KHOM GANG LAGS DE NI NGO MTSAR CHE, ZHES GSUNGS PA LTAR NGES PAR 'CHI, NAM 'CHI LA NGES PA MED, SHI NAS KYANG GANG DU SKYE'I NGES PA MED CING, NGAN SONG DU SKYES NA TSA GRANG, BKRES SKOM, BKOL SPYOD, GCIG LA GCIG ZA'I SDUG BSNGAL BZOD PAR DKA' PA YOD, GAL TE BDE 'GROR SKYES KYANG, BZHI BRGYA PA LAS, MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS BSKYED 'GYUR, ZHES GSUNGS PA LTAR BDE BA'I SKABS MED, MDOR NA BSHES 'PHRIN LAS, 'KHOR BA DE 'DRA LAGS PAS LHA MI DANG, ,DMYAL BA YI DVAGS DUD 'GRO RNAMS DAG TU, ,SKYE BA BZANG PO MA LAGS SKYE BA NI, ,GNOD BA DU MA'I GNOD GYUR LAGS MKHYEN MDZOD, CES SOGS GSUNGS BA LTAR 'GRO BA MTHA' DAG SDUG BSNGAL GYI RANG BZHIN CAN, RANG NYID SDUG BSNGAL GYIS JI LTAR GDUNGS PA BZHIN, 'KHOR BA'I SEMS CAN THAMS CAD KYANG SDUG BSNGAL GYIS GDUNGS LA, SEMS CAN THAMS CAD SKYE SHI 'PHOS PAS NGO MA SHES PA TZAM MA GTOGS THOG MED NAS YANG YANG DRIN GYIS BSKYANGS PA'I DRIN CAN GYI MA SHA STAG YIN PAS, RANG GZHAN SEMS CAN THAMS CAD 'KHOR BA SPYI DANG BYE BRAG NGAN SONG GSUM GYI SDUG BSNGAL GYIS 'JIGS SHING, DE LAS SKYOB PA'I NUS PA BLA MA DKON MCHOG GSUM LA YOD PAR YID
, ,CHES NAS RE SA GZHAN NA MED BA'I BLO BLTOS DRAG BO BCAS TE, SANGS RGYAS BCOM LDAN 'DAS RNAMS LA SKYABS STON BA BO, CHOS 'GOG LAM GYI YON TAN RNAMS LA SKYABS DNGOS, DGE 'DUN 'PHAGS PA'I GANG ZAG RNAMS LA SKYABS SGRUB PA'I ZLA GROGS BCOL BA'I SGO NAS SKYABS SU 'GRO ZHING, SEMS BSKYED PA DANG, TSAD MED BZHI BSGOM PA LA, SKYABS YUL GSAL 'DEBS PA DANG, BDUD RTZI 'BEBS SBYANG SOGS SO SO'I DMIGS RIM RNAMS GZHAN LAS SHES PAR BYAS TE RGYUD DANG 'DRES NGES PA SNGON DU BTANG, KHYAD PAR BDAG GIS MA SEMS CAN THAMS CAD KYI DON DU MYUR BA MYUR BAR ZHES PA'I MYUR BA DANG PO PHAR PHYIN THEG PA LAS MYUR BA DANG, MYUR BA GNYIS PA RGYUD SDE 'OG MA GSUM LAS MYUR BAR SNYIGS DUS KYI TSE THUNG 'DI NYID LA LAM ZAB MO BLA MA LHA'I RNAL 'BYOR GYI SGO NAS KUN MKHYEN SANGS RGYAS BCOM LDAN 'DAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU BLA MA'I RNAL 'BYOR SGOM PA'I NYAMS LEN LA 'JUG PAR BYA'O SNYAM DU BSAMS PA'I SGO NAS GSUM MAM BDUN NAM NYER GCIG LA SOGS PA BYA'O, ,DE NAS, SVA BHA WA DANG SH'UN+YA T'A'I SNGAGS BRJOD CING RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD STONG PA NYID DU GYUR, CES BRJOD CING RTAG CHAD LA SOGS PA'I MTHA' BZHI DANG BRAL BA'I TING NGE 'DZIN LA RTZE GCIG TU MNYAM PAR BZHAG GO ,DE'I NGANG NAS RANG NYID SKAD CIG GIS GSANG BDE 'JIGS GSUM SOGS YI DAM GANG RUNG YAB YUM GYI SKUR BZHENGS PA'I GNAS GSUM DU YI GE
GSUM BKOD NAS DE LA GSAL SNANG 'DON, RANG YI DAM DU GSAL BA'I GNAS GSUM GYI YI GE GSUM LAS 'OD 'PHROS SNOD BCUD THAMS CAD LA 'PHOG PAS MA DAG BA SBYANGS, SNOD THAMS CAD GZHAL YAS KHANG DANG BCUD THAMS CAD LHA DANG LHA MO'I RANG BZHIN DU BSAM ZHING, DE NAS MCHOD RDZAS RNAMS RANG LHA GANG DU BSKYED PA'I SGRUB THABS LTAR RAM BSDU NA 'BRU GSUM LAN GSUM BRJOD NAS BYIN GYIS BRLAB PO, ,GNYIS PA DNGOS GZHI NI, RANG GI SMIN MTSAMS KYI THAD KYI MDUN GYI NAM MKHAR MTHOD MA' JI LTAR 'TSAM PA'I SENG GE CHEN PO PHYOGS RER GNYIS GNYIS TE BRGYAD KYIS BTEG PA'I RIN PO CHE LAS GRUB PA'I KHRI PHUN SUM TSOGS PA RGYA CHE BA DE'I STENG DU SRID PA'I SKYON GYIS MA GOS PA MTSON BYED PADMA GE SAR ZE'U 'BRU DANG BCAS PA, DE'I STENG DU SHES RAB MTSON BYED NYI MA'I DKYIL 'KHOR ,DE'I STENG DU THABS MTSON BYED ZLA BA'I DKYIL 'KHOR NYA GANG BA'I STENG DU, RIGS LNGAS BSDUS PA'I SANGS RGYAS THAMS CAD LA KHYAB PAR RIGS BDAG MDZAD PAS NA KHYAB BDAG ,BDE STONG DBYER MED KYI YE SHES MTHAR THUG NI, NGES DON GYI RDO RJE YIN LA, DE THUGS RGYUD LA 'CHANG BA DANG DE NYID MTSON PAR BYED BA'I RDO RJE PHYAG MTSAN DU 'DZIN CING 'CHANG PAS NA RDO RJE 'CHANG, DE DANG DBYER MED PA'I RTZA BA'I BLA MA SKYON KUN ZAD YON TAN KUN LDAN DBANG BSKUR RGYUD BSHAD MAN NGAG GNANG BA'I BKA' DRIN GSUM DANG LDAN CING, SO THAR BYANG SEMS GSANG SNGAGS KYI SDOM PA GSUM DANG LDAN LA'I RDO RJE 'DZIN PA CHEN PO SKU MDOG DKAR LA SER BA'I MDANGS DANG LDAN PA, ZHAL 'DZUM DGYES PA'I NYAMS DANG LDAN CING LTA BAS CHO GI MI SHES PA, ZHAL GCIG
, ,PHYAG GNYIS KYI PHYAG G-YAS CHOS STON NAM CHOS 'CHAD KYI PHYAG RGYA MDZAD PA, G-YON PA MNYAM GZHAG GI STENG NA BDUD RTZIS GANG BA'I DRANG SRONG SNOD MCHOG STE LHUNG BZED BDUD RTZIS GANG BA BSNAMS PA, GUR KUM BZANG PO'I MDANGS DANG LDAN PA'I BLA GOS MTHANG GOS SNAM SBYAR TE CHOS GOS GSUM SKU LA GSOL ZHING, GSER BTZO MA'I MDOG LTAR 'CHER BA'I PAn ZHVAS DBU LA MDZES PAR BRGYAN PA'I BLA MA SPRUL SKU'I RNAM PA CAN ZHABS RDO RJE'I SKYIL KRUNG GIS BZHUGS PAR BSAM, 'DIR DAM PA SNGA MA RNAMS KYI GSUNG LAS, RKYANG BSKYED DANG, KHROM TSOGS DANG, MTHO RTZEGS KYI LUGS GSUM 'BYUNG YANG, 'KHOR RNAMS BLOS KHROM TSOGS SU GSAL BTAB NA LEGS BAS GTZO BO'I MTHA' SKOR DU NANG NAS RIM PA BZHIN CHOS 'BREL DNGOS SU THOB PA'I BLA MA DANG, BLA MA'I BLA MA SOGS RGYUD SDE CHEN PO BZHI DANG 'BREL BA'I BRGYUD BA'I BLA MA BSAM GYIS MI KHYAB PA DANG, DE DAG GI MTHA' SKOR DU GSANG BA 'DUS PA SOGS RGYUD SDE BZHI'I LHA TSOGS RNAMS DANG, SANGS RGYAS BYANG SEMS, NYAN RANG DBA' BO MKHA' 'GRO BSTAN SRUNGS YE SHES PA'I TSOGS DPAG TU MED PAS BSKOR NAS BZHUGS PA, DE DAG RANG RANG GI MDUN NA CHOS KHRI PHUN SUM TSOGS PA'I STENG DU RANG RANG GIS GSUNGS PA'I LUNG GI CHOS RNAMS PO TI'I RNAM PAR YOD PAR BSAMS LA, GTZO 'KHOR THAMS CAD KYI SPYI BO MGRIN PA THUGS KA STE GNAS GSUM DU AOm A'A:H'Um YI GE DKAR DMAR MTHING GSUM GYIS MTSAN PA, DAM TSIG PA SO SO'I THUGS KA'I H'Um YIG LAS 'PHROS PA'I 'OD ZER LCAGS KYU'I RNAM PA CAN GYIS YE SHES PA GTZO 'KHOR
SO SO'I THUGS KAR BTAB PAS THUGS RGYUD BSKUL, RANG BZHIN CHOS SKU'I GNAS NAS DBYAR GNAM DVANGS PA LA SBRIN GLO BUR DU BYUNG BA LTAR RANG 'DRA'I YE SHES PA RNAMS CHOS SKU'I NGANG LAS GZUGS SKU'I RNAM PAR KHRA PHUNG STE SPYAN DRANGS PA RNAMS DAM TSIG PA SO SO DANG DBYER MED DU 'DRES NAS DGYES SHING BRTAN PAR GYUR PAR BSAMS LA, YAN LAG BDUN PA 'BUL BA NI, MGON PO KLU SGRUB KYI RIM LNGAR, MCHOD PA THAMS CAD YONGS SPANGS NAS, ,BLA MA MCHOD PA YANG DAG BRTZAM, ,DE MNYES BAS NI KUN MKHYEN GYI, ,YE SHES MCHOG NI THOB PAR 'GYUR, ZHES SANGS RGYAS BYANG SEMS GZHAN THAMS CAD MCHOD PA LAS BLA MA MCHOD PA PHAN YON CHE BA YIN, SANGS RGYAS BYANG SEMS GZHAN THAMS CAD MCHOD PA LAS BLA MA MCHOD PA PHAN YON CHE STE, SANGS RGYAS DANG BYANG CHUB SEMS DPA' GZHAN RNAMS LA MCHOD PA PHUL NA RANG GI NGOS NAS PHUL BA'I PHAN YON 'THOB KYANG DE DAG GIS BZHES PA'I NGES PA MED, BLA MA LA PHUL NA DUS GSUM GYI SANGS RGYAS THAMS CAD DANG BYANG CHUB SEMS DPA' THAMS CAD BLA MA'I SKU LA BZHUGS NAS MCHOD PA BZHES PAR GSUNGS PA LA NGES SHES DRANGS NAS YAN LAG BDUN PA 'BUL BA LA DANG POR PHYAG 'TSAL BA'I YAN LAG NI, RIGS KUN BDAG PO KHYAB BDAG RDO RJE 'CHANG, ,SNYIGS DUS DUR SMRIG GAR GYIS RNAM ROL CING, BDE LEGS 'DOD DGU MA LUS STZOL MDZAD BA'I, ,RJE BTZUN BLA MA'I ZHABS LA GUS PHYAG 'TSAL, ZHES SHO LO KA GCIG GIS STON CING, DE YANG SGO GSUM DANG PA DRAG PO'I SGO NAS RANG GI LUS 'DI GRANGS MED PAR SPRUL NAS PHYAG BRGYA STONG SOGS 'TSAL BA
, ,LUS KYI PHYAG DANG, LUS DPAG MED DE DAG LA MGO BO DPAG MED, MGO BO DPAG MED DE DAG LA LCE DPAG MED SPRUL NAS NGAG DBYANGS SNYAN PO'I SGO NAS BRJOD PA NGAG GI PHYAG DANG, DE DAG GI DON DRAN NAS DAD GUS DRAG PO BYED PA YID KYI PHYAG YIN; MCHOD PA 'BUL BA'I YAN LAG NI, MCHOD PA RNAMS BDE STONG GI RNAM ROL TU MOS NAS, DNGOS SU BSHAMS PA DANG YID KYIS SPRUL BA'I CHU BZHI NYER SPYOD ROL MO, 'DOD YON LNGA, RGYAL SRID RIN CHEN BDUN LA SOGS BA PHYI'I MCHOD PA DANG, NANG GI MCHOD PA SHA LNGA BDUD RTZI LNGA SBYANGS RTOGS SPAR BA LA SOGS PA KUN TU BZANG PO'I MCHOD PA'I SPRIN GYI PHUNG PO CHEN BO SA DANG BAR SNANG NAM MKHA'I KHYON THAMS CAD BKANG TE 'BUL, BSHAGS PA'I YAN LAG NI, BDAG GIS TSE RABS 'KHOR PA THOG MA MED PA'I DUS NAS DA LTA'I BAR DU MI DGE BA RNAM SMIN YID MI 'ONG 'BYIN PA'I SDIG BA'I LAS BGYIS PA DANG, (GZHAN BGYID DU STZAL BA DANG) BGYIS PA LA YI RANG BAL SOGS PA'I SGO NAS BSAGS PA'I SDIG LTUNG CI MCHIS PA THAMS CAD RJE BTZUN BLA MA THUGS RJE CHEN PO DANG LDAN PA RNAMS KYI SPYAN SNGAR KHONG DU DUG SHOR BA LTA BU'I 'GYOD SEMS DRAG PO DANG BCAS TE NONGS PA'I LAS MA LUS PA SO SOR BSHAGS SHING, SLAN CHAD SROG LA BABS KYANG MI BGYID DO SNYAM PA'I SDOM SEMS DRAG PO BYA DGOS SO, ,YI RANG GI YAN LAG NI, RANG GZHAN SKYE 'PHAGS THAMS CAD KYIS DUS GSUM DU BSAGS PA'I RNAM DKAR GYI DGE TSOGS CI MCHIS PA DE DAG THAMS CAD LA BDAG CAG RNAMS KHA TZAM TSIG TZAM MA YIN PAR BSAM PA DAG PA
RJES SU YI RANG BA STE MNGON BAR DGA' BA'O; ,CHOS 'KHOR SKOR BAR BSKUL BA NI, DPAL LDAN BLA MA KHYED RNAMS KYI THUGS LA RMAD DU BYUNG BA'I YON TAN JI LTA JI SNYED KYI CHOS THAMS CAD MKHYEN PA'I YE SHES DANG, RIGS MED PA'I GDUL BYA MTHA' DAG LA MA BU GCIG PA LA SNYING BRTZE BA LTAR THUGS BRTZE BA CHEN POS 'GRO BA SO SO'I BSAM PA DANG BSTUN NAS ZAB PA DANG RGYA CHE BA'I CHOS KYI 'KHOR LO BLA NA MED PA RGYUN CHAD MED PAR BSKOR BAR GSOL BA DANG, BRTAN BZHUGS NI, BLA MA ZUNG 'JUG RDO RJE 'CHANG CHEN PO THA MAL DUR SMRIG 'CHANG BA'I DGE SLONG GI GZUGS SU BYON PA'I BLA MA KHYED 'KHOR BA JI SRID MA STONGS KYI BAR DU MYA NGAN LAS MI 'DA' BAR ZHABS KYI PADMO RTAG PAR BZHUGS SU GSOL ZHES GDUNG SHUGS DRAG PO DANG BCAS PA'I SGO NAS GSOL BA 'DEBS PA'O, ,BSNGO BA'I YAN LAG NI, DE LTAR BSAG SBYANG GI GNAD BSDUS PA GONG DU BSHAD PA'I YAN LAG DRUG PO 'DIS MTSON PA'I SGO NAS BLA MA LHA TSOGS 'KHOR DANG BCAS PA LA PHYAG MCHOD SOGS BSAG SBYANG TSUL BZHIN DU BSKRUN PA'I RNAM PAR DKAR BA'I DGE TSOGS CI MCHIS PA THAMS CAD BKA' DRIN GSUM LDAN BLA MA KHYED 'KHOR BCAS KYIS SKYE BA 'DI NAS TSE RABS THAMS CAD DU SKAD CIG KYANG 'BRAL BA MED PAR DGYES BZHIN DU RJES SU 'DZIN PA DANG, MAR GYUR SEMS CAN THAM CAD BLA NA MED PA'I BYANG CHUB CHEN POR 'GOD PA'I PHYIR DU BDAG GI ZUNG 'JUG RDO RJE 'CHANG CHEN PO'I GO 'PHANG DE NYID MYUR DU THOB BA'I RGYUR BSNGO'O ZHES PA YIN, SKABS 'DIR GSOL BA 'DEBS PA NI, LAG NA RDO RJE DBANG BSKUR BA'I RGYUD LAS, SLOB DPON GYI NI YON
, ,TAN GZUNG, ,SKYON NI NAM YANG GZUNG MI BYA, ,YON TAN BZUNGS NA DNGOS GRUB 'THOB, ,SKYON RNAMS BZUNGS NA DNGOS MI 'GRUB, CES GSUNGS PA LTAR, BLA MA BSTEN PA'I PHAN YON MA BSTEN PA'I NYES DMIGS RNAMS MDO RGYUD DAM PA'I GSUNGS BGROS BZHIN SHES PAR BYAS LA, BLA MA'I SKYON RTOG GI BLO YE MA SHOR BAR BYA'O SNYAM PA'I DAM BCA' BRTAN POS DRAN SHES YANG YANG BSTEN NAS, BLA MA DE NYID MTSAN THOS PAS NGAN 'GRO'I 'JIGS PA 'PHROG CING, DRAN PA TZAM GYIS 'KHOR BA'I SDUG BSNGAL SEL BA, GSOL BA BTAB NA DNGOS GRUB THAMS CAD BDE BLAG TU STZOL BAR MDZAD BA'I SKYABS SLU MED DKON MCHOG 'DUS PA'I BDAG NYID DU BSAMS LA RE SA GZHAN MED PA'I BLO BLTOS BCAS TE, DUS GSUM RNAM 'DREN KUN GYI NGO BO NYID, CES PA NAS, GSOL BA 'DEBS, ZHES PA'I BAR GSOL 'DEBS GANG MANG BYAS LA, DA LTAR GSOL BA MANG DU BTAB PA'I MTHAR NYER BSDU'I DMIGS PA NI, BLA MA'I THUGS KA NAS 'OD ZER 'PHROS 'KHOR RNAMS LA 'PHOG PAS MTHA' NAS RIM GYIS GCIG LA GCIG THIMS KYI TSUL DU MTHAR RTZA BA'I BLA MA LA THIMS, GDAN SENG KHRI PADMA YANG NYI ZLA LA THIMS NAS RTZA BA'I BLA MA RANG GI SPYI BOR DGYES BZHIN DU BYON PA 'OD DU MER TE ZHU NAS DBU MA'I NANG BRGYUD, RANG GI SNYING KHA'I RTZA 'DAB BRGYAD YONGS SU GYUR PA LAS PADMA 'DAB BRGYAD, DH'U T'I'I NANG GI PHA MA LAS THOB PA'I THIG LE DKAR DMAR GA'U KHA SBYAR GYI TSUL DU YOD PA DE NYID NYI ZLA'I GDAN DU GYUR PA'I STENG DU BDAG NYID KYI SHIN TU PHRA BA'I RLUNG SEMS KYI NGO BO DBYER MED
DU GNAS PA H'Um YIG TU GSAL BA LA THIM PAS RANG GI SEMS DANG DBYER MED GCIG TU 'DRES NAS BLA MA RDO RJE 'CHANG GI NGO BOR GYUR PAR MOS SHING BLA MA ZUNG 'UG DANG PO'I MGON PO DE NGA'O SNYAM DU DE LA NGA RGYAL 'DZIN PA 'DI BLA MA'I 'BYOR GYI SNYING PO MTHAR THUG PA YIN NO, ,DE NAS SPYOD LAM THAMS CAD DU GANG SNANG BDE STONG GI RANG BZHIN DU BLTA BA SOGS THUN MTSAMS KYI NYAMS LEN LA 'JUG PAR BYA'O, ,GSUM PA MJUG TU JI LTAR BYA BA NI, SMON LAM DRI MA MED PAS RGYAS 'DE BAS PA YIN PAS, BDAG GIS BLA MA'I RNAL 'BYOR BSGOMS PAS MTSON DUS GSUM DU BSAGS PA'I DGE BA'I RTZA BA RNAMS KYI MTHU LA BRTEN NAS BZANG PO SBYOD PA SOGS NAS 'BYUNG BA'I 'PHRAL PHUGS KYI SMON LAM KHYAD PAR CAN 'DI DANG 'DI RNAMS BDAG GIS MYUR DU 'GRUB PAR SHOG CIG SNYAM PA'I SGO NAS BZANG PO SPYOD PA DANG, SMON LAM BDUN CU PA DANG, THOG MTHA' MA SOGS TSIG DON DRAN BZHIN PA'I SGO NAS BYA ZHING, BSDU NA, SKYE BA KUN TU YANG DAG BLA MA DANG, ZHES SOGS BSNGO BA SMON LAM BKRA SHIS KYIS MTHA' BRGYAN PA LONG SKABS DANG BSTUN NAS LEGS PAR BYA'O, ZHES PA 'DI NI BOD CHOS RGYAL GYI GDUNG RGYUD DRI MA MED PA GU GE RGYAL SRAS BLO BZANG PADMAS 'DI LTA BU'I BLA MA'I RNAL 'BYOR ZHIG DGOS ZHES BSKUL BAR SLAR YANG 'GREL PA 'DI BZHIN DGOS GSUNG BA LA BRTEN NAS SH'AKYA'I BTZUN PA BLO BZANG YE SHES KYIS CHOS GRVA CHEN PO BKRA SHIS LHUN PO'I GZIMS KHANG RGYAL MTSAN MTHON PO'I GZIMS CHUNG BKA' GDAMS PHO BRANG DU SBYAR BA'O,, MANG+GA LAm,, ` NA MO GU RU, RIGS BRGYA'I DKYIL 'KHO
, ,KUN LA MNGA' BRNYES SHING, ,SKU GSUM YE SHES LNGA LDAN BDE BA CHE, ,KHYAB BDAG 'KHOR LO'I MGON PO RDO RJE 'CHANG, DUR SMRIG GAR GYIS RNAM ROL DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,'DAS PA'I RGYAL BA SRAS BCAS THAMS CAD KYIS, ,SPANGS PA'I RTZOD DUS MGON MED 'GRO RNAMS LA, ,DENG NAS JI SRID BYANG CHUB SNYING PO'I BAR, ,KHYOD MIN SKYABS GZHAN MA MCHIS DRIN CAN RJE, , THUGS RJES GZIGS SHIG BDAG DANG MRGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,BYANG PHYOGS RMONGS PA'I MUN KHROD 'THIBS PO 'DIR, ,'OD SNANG BRAL BA'I SKAL DMAN BDAG CAG LA, ,BSLU MED NAM MKHA'I NOR BU LTAR GSAL ZHING, ,MA RIG MUN PA SEL BA'I DRIN CAN RJE, ,THUGS RJES GZIGS SHIG BDAG DANG MRGAN RNAMS, ,SRID ZHI'I 'JIG SA SGROL MCHOG THUN DNGOS GRUB STZOL, ,PHAN BA DE'I 'BYUNG GNAS RGYAL BA'I BSTAN PA NYID, ,SNYIGS DUS MING TZAM LHAG MAR GYUR PA'I DUS, ,BSLAB GSUM LUNG RTOGS RGYAL BA'I DAM CHOS KUN, ,RGYAS MDZAD THUB DBANG GNYIS PA DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,KHYOD ZHAL MTHONG THOS DRAN DANG REG PA'I MOD, ,MI 'DOD SDUG BSNGAL MNGA' CHAR DRAG PO YANG, ,DGOS 'DOD KUN 'BYUNG RIN CHEN CHAR CHEN DU, ,BSGYUR MDZAD BKA' DRIN MNYAM MED DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I
'JIGS SGROL MCHOG THUN DNGOS GRUB STZOL, ,BDAG CAG YUN RING 'KHOR BAR GTAN 'KHYAMS NAS, ,SDUG BSNGAL RGYA MTSO GTING MTHA' MNGON DKA' BAR, ,BYING BA'I NYAMS THAG MGON MED 'GRO BA RNAMS, ,DRUNGS NAS 'BYIN MDZAD GSUM LDAN DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,THOG MED DUS NAS THA MANG LTA'I BAR, ,DUG GSUM NAD KYIS GZIR BA'I SKYE DGU LA, ,'TSO MDZAD SMAN PA'I RGYAL PO GNYIS PA LTAR; ;NYIN MTSAN BRTZE BAS SKYONG BA'I DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,BDAG NYID BLANG DOR GNAS LA RMONGS GYUR CING, ,MI SHES MUN PA 'THUG POS RAB BSGRIBS PA, ,SEL BA'I YE SHES SGRON ME KUN GSAL BAS, ,'BRAL MED BRTZE BAS SKYONGS SHIG DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,SANGS RGYAS BYANG SEMS KUN GYIS YAL BOR ZHING, ,NYAMS NGA'I THANG LA LONG BA GCIG PU RU, ,'KHYAMS TSE THAR LAM STON PA'I BSHES GNYEN MCHOG ,BSLU MED SKYABS KYI DAM PA DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,RGYAL BA KUN GYI MKHYEN BRTZE GCIG BSDUS PA, ,BRGYAD KHRI BZHI STONG DAM CHOS 'BYUNG BA'I GZHI, ,'PHAGS CHOGS DGE 'DUN MKHAN PO'I SKUR STON PA, ,DKON MCHOG GSUM GYI BDAG NYID DRIN
, ,CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,DMYAL BA YI DVAGS DUD 'GRO SNGON GYI LHA, ,GNAS NGAN 'JIGS RUNG SDUG BSNGAL KUN GYI SGO, ,LEGS PAR 'GEGS SHING MNGON MTHO'I LAM STON PAR, ,'BRAL MED BRTZE BAS GZIGS SHIG DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,ZAB RGYAS CHOS TSUL KUN LA DBANG BSGYUR BA'I, ,ZHAL GYI BUM BZANG LAS 'ONGS BDUD RTZI'I RGYUN, ,'THUNGS KYANG SANGS RGYAS DNGOS SU MA MTHONG BA'I, ,LOG LTA CAN LA GZIGS SHIG DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,RNYED DKA'I DAL 'BYOR RTEN MCHOG THO BA GYUR KYANG, ,DON MED TSE 'DI'I BYA BAS DUS 'DA' ZHING, ,DON CHEN YAL BAR 'DOR BA'I SNYING MED LA, ,'DI PHYI'I SKYABS GNAS MDZED CIG DRIN CAN RJE, ,THUGS RJES GZIGS SHIG BDAG DANG MA RGAN RNAMS, ,SRID ZHI'I 'JIGS SGROL MCHOG THUN DNGOS GRUB STZOL, ,RGAN GZHON BAR MA'I GO RIMS NGES MED PAR, ,'CHI BA MNGON SUM MTHONG BA'I TSUL BSAMS NAS, ,SNYOMS LAS 'DU 'JI'I BYA BAS MI G-YENG BAR, ,BRTZON PAS SGRUB PA BYED PAR BYIN GYIS RLOBS, ,DGE SBYOR BYA BLO BYAS KYANG LE LO DANG, ,BAG MED RNAM G-YENG DAG 'KHYAL RO NYAL MKHAN, ,'DI PHYI GNYIS MED BYA BAS MI 'DA' BAR, ,RTAG TU DON LDAN BYED PAR BYIN GYIS SLOBS, ,
THABS MKHAS THUGS RJE'I LCAGS KYUS NYER BZUNGS NAS, ,'BRAL MED BRTZE PAS NYIN MTSAN KUN SKYONG ZHING, ,MTHO RIS THAR BA'I LAM STON GSUM LDAN RJES, ,SKU GSUM GZHAL MED KHANG DU DRANG DU GSOL, ZHES RANG GANG MOS KYI BLA MA'I BKA' DRIN DRAN ZHING GDUNG SHUGS DRAG PO'I SGO NAS RTZE GCIG TU GSOL BA 'DEBS TSUL 'DI NI GU GE BDAG MO TSE RING BU KHRID KYIS NAN CHER BSKUL BA'I DOR SH'AKYA'I DGE SLONG BLO BZANG YE SHES KYIS BKA' GDAMS PHO BRANG DU SMRAS PA'O,, SARBA MANG+GA LAm,, ,,