, ,RJE DRUNG SPRUL PA'I SKU DGE 'DUN CHOS RGYAL DBANG PHYUG GI RNAM PAR THAR PA GRUB DBANG DGYES PA'I ROL MTSO ZHES BYA BA BZHUGS SO,,
, ,AOm SVA STI, TSOGS GNYIS RGYA CHEN SA BON LEGS SMIN PAS, ,DON GNYIS 'BRAS BU BZANG PO G-YUR ZA ZHING, ,SKU GSUM 'DOD DGU STZOL BA'I DPAG BSAM LJON, ,LHA MI'I GTZUG RGYA NA SH'AKYA'I TOG LA 'DUD, ,SKAL BZANG 'DREN PA STONG GI GSANG BA'I MDZOD, ,'DZIN CING RGYAL BSTAN BSRUNG BAR THUGS BSKYED BAS, ,SNYIGS DUS BGEGS DPUNG 'JOMS PA'I MTHU STOBS CAN, ,GSANG 'DZIN LAS KYI RDO RJER SNYING NAS 'DUD, ,DUS GSUM SANGS RGYAS KUN GYI MKHYEN BRTZE'I DPYID, ,GCIG TU BSDUS PA BLO BZANG GRAGS PA YI, ,BSTAN PA'I RGYA MTSO SPEL LA ZLA BRAL BA, ,RJE BTZUN PAD DKAR 'DZIN LA SNYING 'DUD, ,RAB DKAR DGE BA'I TSOGS KUN SGRUB PA LA, ,DAD DANG 'DUN PA'I THUGS KYIS
, ,MNGON BRTZON PAS, ,GRUB DBANG CHOS RGYAL SRID LA MNGA' BSGYUR BA'I, ,SBAS PA'I RNAL 'BYOR DBANG PHYUG RGYAL GYUR CIG ,MGON DE'I ZHABS SEN GUS PAS NYER BSTEN PA'I SKAL LDAN GDUL BYA'I RE BA SKONG BA'I PHYIR, ,SNGON RABS SKU TSE 'DI YI MDZAD PA RNAMS, ,NI LTAR RTOGS BZHIN SGRO SKUR SPANGS TE BRI, ,DE LA 'DIR DPAL LDAN BLA MA DGE 'DUN CHOS RGYAL DBANG PHYUG DE NYID KYI CHE BA'I YON TAN BRJOD PA LA, SKU TSE SNGA MA RNAMS SU 'GRO BA'I DON MDZAD TSUL DANG, SKU TSE 'DI NYID LA NGO MTSAR BA'I DAM PA'I MDZAD PA JI LTAR MDZAD TSUL GNYIS YOD CING, 'DI'I RTZA BA'I SPRUL GZHI NI RGYAL BA'I GSUNG RAB KUN GYI MTHAR THUG RGYUD SDE ZAB MO RNAMS SDUD PA PO MTHU STOBS KYI DBANG PHYUG DPAL GSANG BA'I BDAG PO NYID YIN LA, DPAL GSANG BA'I BDAG PO NI, SNGON BSKAL PA 'DZIN PA CHEN PO LA, 'KHOR LOS BSGYUR BA'I RGYAL PO RTZIBS KYI MU KHYUD CES BYA BA BYUNG BA LA, MIG MI 'DZUM DANG RAB TU BRTAN PA'AM, MTHU CHEN THOB SOGS SRAS STONG, MDUN NA
'DON GYI GTZO BO BRAM ZE RGYA MTSO'I RDUL, DE LA SRAS BRGYAD CU BYUNG BA RNAMS KYI THA CHUNG RGYA MTSO'I SNYING PO ZHES BYA BA SANGS RGYAS PA'I MTSAN SANGS RGYAS RIN CHEN SNYING POS, ,RGYAL PO RTZIBS KYI MU KHYUD 'JIG RTEN GYI KHAMS BDE BA CAN DU SANGS RGYAS TSE DPAG MED DU 'TSANG RGYA BAR 'GYUR, TSE DPAG MED KYI RJES SU SRAS DANG PO MIG MI 'DZUM 'TSAD RGYA ZHING DE'I RJES SU SRAS GNYIS PA RAB TU BRTAN PA'AM, MTHU CHEN THOB 'TSANG RGYA BAR LUNG BSTAN PA NI DPAL PHYAG NA RDO RJE YIN LA, DE NYID BDE BA CAN DU SANGS RGYAS PA'I TSE DA LTA'I BDE BA CAN GYI SNOD BCUD KYI YON TAN GSUM 'GYUR LAS LHAG PAR 'GYUR BA MDO 'GA' ZHIG LAS GSUNGS, YANG GSANG BA BSAM GYI MI KHYAB PA'I MDO LAS NI 'DI LTAR GSUNGS TE, SNGON BSKAL PA MDZES PAR SNANG BA LA 'JIG RTEN GYI KHAMS RNAM PAR BRGYAN PAR SANGS RGYAS YON TAN MTHA' YAS RIN CHEN SNA TSOGS BKOD PA'I RGYAL PO ZHES BYA BA BYON PA 'KHOR LOS BSGYUR BA'I RGYAL PO YUL 'KHOR BSRUNG ZHES PA BTZUN MO BDUN 'BUM, ,MNGAL SKYES KYI SRAS STONG DANG BCAS PA BYUNG BA RNAMS KYIS LO BYE BA TSANG MAR BSNYEN BSKUR CING, DE'I TSE BTZUN MO MA SMAD PANG PAR KHYI'U CHOS SEMS DANG, DPE MED MA'I PANG PAR CHOS KYI BLO GROS RDZUS SKYES SU BYUNG BA LA YAB RGYAL PO DE'I BSAM PA LA GZHON NU 'DI DAG NI BYANG CHUB TU ZHUGS PA SHA STAG STE, THOG MAR GANG 'TSANG RGYA BRTAG PAR BYA'I SNYAM DU THAMS CAD KYI MING BYANG BUM PAR BCUG NAS
, ,GSOL BA BTAB STE MING RNAMS PHYUNG BAS THOG MAR KHYI'U RNAM PAR DAG PA'I BLO GROS BSKAL BZANG GI SANGS RGYAS DANG PO 'KHOR BA 'JIG ,GNYIS PA RNAM PAR RGYAL BA'I SDE GSER THUB, GSUM PA DBANG PO ZHI PA 'OD SRUNGS, BZHI PA DON THAMS CAD GRUB PA BDAG CAG GI STON PA SH'AKYA'I RGYAL PO SOGS STONG TSANG BAR LUNG BSTAN, DE'I TSE MNGAL SKYES KYI GZHON NU STONG GIS BRTZUS SKYES KYI KHYI'U GNYIS LA KHYED GNYIS KYIS SMON LAM JI LTAR BTAB 'DRI BA LA KHYI'U CHOS SEMS NA RE, NGA NI KHYED RNAMS KYI LAG NA RDO RJER GYUR TE, NANG NA SPYOD CING DED BZHIN GSHEGS PA'I GSANG BA THAMS CAD LAS PHYI ROL TU MA GYUR PAS PHYI NANG GI CHOS THAMS CAD NYAN MOS RTOGS PAR SMON LAM BTAB ZER TE, DE NI DPAL PHYAG NA RDO RJE YIN ZHING, BSKAL PA RNAM PAR SBYONG BA LA 'JIG RTEN GYI KHAMS KUN NAS YONGS SU GANG BAR SANGS RGYAS RDO RJE RNAM PAR GNON PAR LUNG BSTAN, DES NA DPAL GSANG BA'I BDAG PO PHYAG NA RDO RJE NI, BYAMS PA LA SOGS PA BSKAL BZANG GI SEMS DPA' STONG GIS SPRUL PA BYE BA KHRAG KHRIG BRGYA STONG DU MA SPRUL KYANG DE DAG THAMS CAD KYI RGYAB TU YANG GSAL BA'I BDAG PO RA RE GNAS SHING, DER MA ZAD BCOM LDAN 'DAS KYIS SPRUL PA JI SNYED MDZAD PA'I GRANGS DANG MNYAM PAR SPRUL PA 'GYED PAR MDZAD PAR YANG GSUNGS SO, ,SMRAS PA, SNGON GYI BSKAL BA'I SNGON DU SANGS RGYAS NAS, ,GRANGS MED ZHING DU GDUL BYA GRANGS MED LA, ,THABS TSUL
SNA TSOGS STON PA'I THABS MKHAS CAN, ,GSANG BA'I BDAG PO'I GSANG BA BSAM MI KHYAB, ,DE LTAR SPRUL BSGYUR SNA TSOGS MDZAD PA LAS, STON PA 'DI'I BSTAN PA LA RI RAB LHUN PO'I BYANG PHYOGS LCANG LO CAN GYI PHO BRANG CHEN PO'I YANG THOG TU GNOD SBYIN THAMS CAD KYI SDE DBON GYI TSUL DU BZHUGS BZHIN PA LA GDUL BYA'I DON DU LHO BRAG GRUB CHEN LAS KYI RDO RJE'I SKU SKYE BA BCU DRUG GI GONG DU, RGYA GAR GYI YUL LA DBANG BSGYUR PA'I RGYAL PO SHR'I RATNA BO DHI BYA BA SBYAN RAS GZIGS KYI SPRUL PA CIG GIS RAS CHE BA RGYAS PO 'GRO PA BZANG POR SKU'I SKYE BA BZHES, DE NAS BAL PO'I RGYAL PO DHARMA PA LA ZHES PAR 'KHRUNGS, ,DE NAS KONG PO SHU LA'I NA 'OG TU KLU DZU LANG BYA BA'I RIGS SU 'KHRUNGS, DE NAS YAR LUNGS SU BON PO R'A DZA'I BUR 'KHRUNGS, DE RJES RGYAL PO MES AAG TSOMS KYI SRAS LJANG TSA LHA DBON DU GYUR, DE NAS RGYA GAR NUB PHYOGS SU MU STEGS KYI STON PAR 'KHRUNGS NAS MU STEGS MANG PO NANG PA'I BSTAN PA LA BTZUD, DE'I RJES SU KHA CHER SKYE BA BZHES, ,DE NAS RIM PA BZHIN SUM CU RTZA GSUM DU LHA'I BU DANG, RNAL 'BYOR CHOS KYI SENG GE DANG, NE CO DANG, GLA PA DANG, KHYIM BDAG DANG, RGYAL CHEN RIS BZHI'I LHA DANG, DING MA'I MKHAN PO GRUB PA DANG, SHUD BU BA'I DPON CHEN SENG GE DANG, RNGA YAB GLING GI SRIN PO DANG, LHO BRAG GRUB CHEN LAS KYI RDOR RJE 'KHRUNGS NAS, RJE BTZUN CHOS KYI RGYAL PO TZONG KHA PA CHEN PO DANG MJAL NAS GSUNG CHOS PHAR ZHU TSUR ZHU MDZAD PAS RJE RIN
, ,PO CHES GRUB CHEN 'DI NYID LA CHOS GSAN PA'I TSE, GRUB CHEN RIN PO CHE'I DBU'I STENG DU SH'AKYA'I RGYAL PO, G-YAS SU PHYAG NA RDO RJE, G-YON DUG DUGS DKAR BZHUGS PAR GZIGS, GRUB CHEN GYIS RJE DBU'I STENG DU RJE BTZUN BYAMS PA, SKU DPUNG G-YAS NA 'JAM DKAR, G-YON NA DBYANGS CAN MA GZIGS PA SOGS RNAM PAR THAR PA BSAM GYIS MI KHYAB PA YOD PAR 'DUG CING, DE NAS RIM GYIS 'PHAGS SDE LO TZ'A BA SNGAGS RAM PA DGE 'DUN BKRA SHIS SU GYUR, BLA MA 'DI NYID GANG DU 'KHRUNGS PA'I YUL NI GTZANG PHYOGS KYI SA'I LE LAG PU HA HO GANGS BZANG LA GTAD CING, MDA' LCUG PA YU BA GDONG LA GTAD PA'I BAR GYIS YUL D'I LA MYANG ZHES GRAGS LA, DE LA YANG STOD SMAD GNYIS LAS, KU RE LUNG PA YAN NI MYANG STONG DANG, DE MAN NI MYANG SMAD KYI CHA YIN CING, RJE BLA MA D'I NYID NI MYANG STOD KYI RKAD SMAD NOR BU KHYUNG RTZE BA'I ZHAL NGOR 'KHRUNGS, DE YANG BOD CHOS RGYAL GYI GDUNG RGYAD SMAD KYI LDE GSUM GYI NANG TSAN SKYID LDE LA SRAS DRUG BYUNG BA'I LNGA PA LA BZHAD RTA NAG GI SA YUL RNAMS PHOG ,GCIG LA MYANG GIS YUL RNAMS PHOG PA, DE LA SRAS KHYUNG BCAD, 'BRE BTZAD, LCE BTZAD GSUM BYUNG ZHING, KHYUNG BTZAD NAS BRGYUD PA LA KHYUNG RIN CHEN GRAGS SOGS DANG, 'BRE BTZAD KYI RGYUD LA 'BRE CHEN PO SHES RAB 'BAR DANG, LCE BTZAD KYI RGYUD LA LCE BTZUN SHES RAB 'BYUNG GNAS SOGS 'PHEL BA 'DRA
ZHING, NOR BU KHYUD RTZE BA'ANG KHYUNG BTZAD KYI RIGS YIN MIN BRTAG PAR BYA, GANG LTAR NA'ANG BLA MA 'DI NYID DGONG LO BRGYAD KYI THOG BKRA SHIS LHUN PO SKU CHOS MDZAD PAS 'BRI KLOG TSOGS 'DON SKOR MTHAR PHYIN, THAMS CAD MKHYEN PA DGE 'DUN RGYA MTSO BKRA SHIS LHUN BOR THUGS GNYER GNANG BA DANG DUS MTSUNGS TZAM DU PHYI MTSAN NYID KYI THUGS GNYER MTHAR PHYIN PAS, DGUNG LO NYI SHU'I THOG GNAM RING DANG DPAL 'KHOR CHOS SDER GRA SKOR MDZAD NAS SNAR THANG MKHAN PO RGYAL MCHOG PA LAS SGRA SNYAN SOGS RIG GNAS BCU LA SBYANGS PA MTHAR PHYIN PAR MDZAD, SKABS DE DAG TU GNAS RNYING RGYAL POS PAn CHEN YE SHES RTZE MO'I SKU 'KHOR RNAMS KYI RGYUD DKRUGS PA LA BRTEN NAS, THAMS CAD MKHYEN PA DGE 'DUN RGYA MTSO BKRA SHIS LHUN POR BZHUGS STABS MA BDE BAR DBUS LA PHEBS DGOS SHAR TSE, BLA MA 'DI NYID KYANG DBUS PHYOGS LA THEGS NAS RGYUD STONG DU SNGAGS KYI GRVA SKOR MDZAD PAS SNGAGS RAM PA DGE 'DUN BKRA SHIS SU GRAGS, DE NAS PAn CHEN MCHOG LHA 'OD ZER DANG SDE PA 'PHYONG RGYAS PA GNYIS KYIS BKA' BGROS TE GNYIS KA 'PHYONG RGYAS SOGS SU PHEBS, SLAR RGYAL GYI BYAMS CHEN BZHENG BA'I 'BUL SDUD LA KHAMS PHYOGS SU RDZONG STA GNANG NAS TSA BA SGANG DU GRVA PA GCIG LA KLA'I GNOD PA BYUNG NAS 'DAS BAS, KLU DE LA SBYIN BSREG MDZAD PA'I SKABS KLUS BABS PHUL TE, GRVA PA GCIG PO 'I STONG LA GRVA PA NYIS STONG BRGYAD 'BUL ZHING, DENG RANG GI
, ,SPUN ZLA BU GTENG PAR 'BUL, KHYED KYI SKYE BA PHYI MA RGYA NAG RGYAL PO'I DBU BLAR 'GYUR BA'I DNGOS GRUB 'BUL ZHUS PAS, CHAB MDO'I KHRI LA GDAN DRANGS TE KHAMS LUNG GANG GI 'BUL BA GSER SRANG STONG PHRAG GSUM, ZANGS DOS BRGYAD CU, GSANG BDE 'JIGS GSUM GYI DKYIL 'KHOR YES PHIBS DANG BCAS BYUNG BA RNAMS 'BUL BAR SKU TSAB CHOS MDZAD SOGS BRDZANGS, RJE DRUNG RIN PO CHE RANG CHAB MDO'I RTEN BZHENGS MDZAD PAR BZHUGS PAS, DE BAR RGYAL GYI RTEN BZHENGS PHAL CHER GRUB, RJE THAMS CAD MKHYEN PA YANG SKU YAL NAS, THAMS CAD MKHYEN PA BSOD NAMS RGYA MTSO SKU NA PHRA MO'I DUS, RJE DRUNG RIN PO CHE KHAMS NAS GDAN DRANGS TE THOG MAR RGYAL DU PHEBS, DE NAS THAMS CAD MKHYEN PA BSOD NAMS RGYA MTSO LA MDO RGYUD MAN NGAG DBANG RJES GNANG GI RIGS BSAM GYIS MI KHYAB PA 'BUL BA GNANG BAS DBU BLA RNAMS KYI MCHOG TU 'DZIN PAR MDZAD, DE NAS RJE DRUNG RIN PO CHE DE NYID SKU NA CHER PHEBS TE ZHING RJE KHAR ZHAL CHEMS SU THAMS CAD MKHYEN PA BSOD NAMS RGYA MTSO LA NGED KYI SKYE BA DVAGS PO BLA MDAR YONG BAS DER NYER LEN GNANG BAR ZHU ZHES GSUNG 'PHRIN 'JOG PAR MDZAD PA LTAR, MTHU STOBS NUS PA'I BDAG NYID SPRUL PA'I SKU RJE DRUNG BSTAN PA RGYA MTSO'I GSUNG 'PHRIN LTAR DVAGS PO BLA MDAR SKU 'KHRUNGS NAS DGUNG LO GSUM PA'I DUS RJE BSOD NAMS RGYA MTSOS NGOS 'DZIN GNANG STE, RGYAL GZIMS
KHANG GONG KA BA BZHI BCU'I SA 'BUL BAR GNANG, DGUNG LO LNGA BZHES TSE KHAMS PHYOGS NAS GDAN 'DREN BA BYUNG NAS THEGS, CHAB MDOR LO LNGA BZHUGS, BSNYEN BKUR DANG ZHABS TOG PHUN SUM TSOGS PA BYUNG ZHING, DGUNG LO BCU PA'I THOG DBUS SU PHEBS, GSER THOG GI RGYU ZANGS DOS BRGYA DANG BZHI BCU, JA 'KHOR DRUG LNGA BRGYA RGYAL RANG DU PHUL, PHYI LO SER 'BRAS DGE GSUM LA MANG 'GYED, JA SUM BRGYA, DRE'U MDZO 'DRES PA SUM BRGYA RNAMS PHUL BA'I LHAG MA RNAMS KYIS RGYAL GZIMS KHANG GONG RTZA BA NAS BCOS, SDE PA LHA PA'I DBU BLAR GYUR, YANG LO GSUM NAS KHAMS LA THEGS, BSNYEN BKUR ZHABS TOG PHUN SUM TSOGS PA BYUNG NAS DBUS SU PHEBS, RJE BSOD NAMS RGYA MTSO'I ZHABS PHYIR CHAD DKAR, SNE'U GDONG, RIN SPUNGS SOGS DANG, GZHIS KA GONG DKAR SOGS LA PHEBS, THAMS CAD KYI BLA MAR GYUR, SKYID SHOD DU PHEBS, THAMS CAD MKHYEN PA BSOD NAMS RGYA MTSO LA ZHAL BZHI PA GSAN DUS BRAM GZUGS PHEBS PA KUN GYIS MTHONG, DER DGA' LDAN AA KHU BKRA SHIS DANG MCHOD YON THUGS RTZE GCIG TU 'DRES PA BYUNG ZHING, SE RA BYES SU THUGS GNYER LO LNGA GNANG DUS YAB SRAS GNYIS KAR SOG PO AAR THA'I RGYAL POS GDAN 'DREN PA BYUNG NAS THEGS DGOS SHAR BAR, RJE DRUNG SPRUL SKU RIN PO CHES THAMS CAD MKHYEN PA'I ZHABS PHYIR CHAB MDOR PHEBS NAS YAB SRAS GNYIS KAS LDAN CHOS 'KHOR
, ,GLING DU PHEBS, THAMS CAD MKHYEN PAS RDO LA ZHABS RJES KHYAD PAR CAN 'JOG PA GNANG, RJE DRUNG RIN PO CHES RDO'I KHAR CHAB BTZAGS PAS BUG PA SHAR GYIS BYUNG BAS RJE THAMS CAD MKHYEN PA'I ZHAL NAS,, KHYED LA TSE MJUG LA BU GCIG YONG BA 'DRA GSUNG BA CIG BYUNG, DE NAS RGYAL PO'I SPYAN 'DREN PA BYUNG BAS MKHAR SNGON POR PHEBS, YAB SRAS GNYIS KAS GRUB RTAGS BRJOD PAR MI NUS PA STON PAR MDZAD CING SOG PO'I 'DRE MANG PO LA SREG BYANG GNANG BAS DE'I SNYAN GRAGS KYIS RGYA NAG RGYAL POS YAB SRAS GNYIS KA GDAN 'DREN PA BYUNG NAS SOG POS THAMS CAD MKHYEN PA THEGS MA BCUG CING, THAMS CAD MKHYEN PA'I ZHAL NAS 'DI NGA'I BLA MA'I SKU SKYE YIN PAS NGA RANG LAS ZHAN PA MED CES BSNGAGS PA DANG BCAS TE RJE DRUNG RIN PO CHE DGUNG LO NYI SHU RTZA LNGA PA PHO BRANG CHEN PO PA'I CING DU RDZONG STA GNANG BAS RGYAL POS NYAMS TSAD BLANG BA'I CHED BLANG BA'I CHED ZLA BA PHYED KYI RING ZHABS TOG PHUN SUM TSOGS PA ZHUS NAS CHAB GSENG GNANG SA MED PA BYAS, ZHAG BCO LNGA'I NYIN MDOR PHEBS BCUG PAS CHAB KYIS ZHING GSHONG GCIG KHENGS PAR BYUNG BAS, PHO BRANG DU SPYAN DRANGS, SPOS KYI DUD PA LA BADZRA P'A nI'I YI GE SHAR, PHYAG NA RDO RJE'I LAS KA THAM KA 'JVAS TA HUNG GI YI GE THAGS LAS GRUB PA PHUL NYI MA GSUM PA'I THOG KHRI THOG TU BZHUGS BCUG ,RGYAL PA PO RANG SRAB STAN KHAR BZHUGS, YAB YUM SRAS GSUM LA RIGS GSUM MGON PO'I
RJES GNANG TSE DBANG SOGS GNANG ZHING, SRAS LA SGER DU DRAG PO'I BKA' BSGO GNANG, DE NYIN ZHABS TOG SNOD SDER MA GSER DNGUL LAS GRUB PA, COG TZE MI GCIG PA BRGYA DANG BRGYAD PHUL BA BZHES, BANG MDZOD MANG PO RTZIS SU PHUL BSAM BZHES, MI BZHES PA CI'I PHYIR NA THUGS KHUR LCI GSUNG, DE NAS DBUS SU PHEBS DUS KHAL MA DRE'U SUM BRGYA DANG NYI SHU RTZA LNGA, RNGA MOD BRGYA DANG SUM CU, MDZO NYIS BRGYA BCAS TE DBUS SU PHEBS 'PHRAL DU, SER 'BRAS DGE GSUM LA SMAN TZE, BKRA SHIS RTAGS BRGYAD KHA BTAGS RE, GAN SPOS SPOS CHAG RE, SNGA DUS KYI JA SBAG CHEN PO RE, MANG JA 'BUL BA LAS TSAN SO SOR RNAM GZHAG DNGOS GTZANG LA SPAM MTHO BA MDZAD, DE'I LO PAn CHEN RIN PO CHE SLOB MAR GYUR, PAn CHEN RIN PO CHE DE DUS BYA BTANG LTA BU YIN 'DUG PA LA BLA CHAS CHA TSANG GCIG GNANG NAS SKU TSE'I SMAD LA BLA CHEN TU 'GYUR SKABS DGOS GSUNG BA MNGON MKHYEN GYIS GSUNGS PA YIN 'DUG ,DE NAS DGA' LDAN PHO BRANG DU LO GSUM BZHUGS NAS RGYAL 'OL DVAGS KYI DGON PA KUN LA MANG 'GYED DANG SO SOR GNANG CHA BZANG BA GNANG NAS KUN TSIM PAR MDZAD CING, GTZO CHER THAMS CAD MKHYEN PA YON TAN RGYA MTSO'I GSANG BA'I DBU BLAR GYUR PAS, BKA' SRUNGS BRAN DU 'KHOL BA'I RDO RJE 'DZIN ZHES BSNGAGS PA YIN NO, ,SMRAS PA, MI MKHAS MKHAS PAR RLOM PA MA YIN ZHING, ,MA GRUB GRUB PA'I RDZU BAG DRI MAS DBEN,,
, ,DAM PA'I SPYOD TSUL DAM PAS BSNGAGS 'OS RNAMS, ,DANG BA'I YID MTSOR SHAR ZHING DANG BAS BKOD, ,DE LTAR SKU TSE LNGA MA'I MDZAD PA RNAMS SO SO SKYE BO'I YUL LAS 'DAS PAS RAGS PA RNAMS BRJOD NAS, DA SKU TSE 'DI NYID KYI MDZAD PA NGO MTSAR CHE LONGS TZAM ZHIG BRJOD PAR BYA'O, ,DE LA 'DI NYID GANG DU 'KHRUNGS PA'I YUL NI, SLOB DPON CHEN PO PADMA SAm BHA BA'I LUNG BSTAN LAS, PHYAG NA RDO RJE'I THUGS KYI SPRUL PA GCIG: PADMA 'BYUNG GNAS BDAG GIS BYIN RLABS PA'I: AE DAGS MTSAMS SU DHARMA'I MING CAN 'BYUNG: KHYI PHAG LO PA LTE G-YAS SME DKAR MTSAN: GZA' DANG DREGS PA MA LUS LAS LA BKOL: 'BREL PA THOGS TSAD LCANG LO CAN DU 'GRO: BSLAB BYA LUNG BSTAN ZUR DU GSAL BAR YOD: CES LUNG BSTAN GSAL BAR 'BYUNG BA DANG MTHUN PAR MKHA' 'GRO'I DBANG PHYUG MA GCIG LABS KYI SGRON MA SOGS SKYES CHEN DU MA BYON CING, BYIN GYIS BRLABS PA'I YUL AE PHYOGS LA NYE BA CHOS 'KHOR RGYAL GYI GNAS BSHAD LAS, AO RGYAN SPYAN RAS GZIGS KYI SPRUL PA CIG ,RDO RJE SEMS DPAS BYIN GYIS BRLABS PA'I BU, ,SPRUL SKU x, ,MTHONG THOS DRAN PAS DAD CES GANG ZAG DANG, ,BSTAN PA'I THA MAR BSTAN PA 'DI NAS 'BYUNG, ,KHYAD PAR GSANG SNGAGS BSTAN PA 'PHEL BA'I GNAS, ZHES LUNG BSTAN PA DANG, BKA' GDAMS GLEGS BAM LAS, NGED MKHA' 'GRO 'BUM GYI DGA' BA'I
TSAL, ,NYAMS BAG PHEBS DGA' BA SKYONG BA'I SA, ZHES LUNG BSTAN PA'I CHOS 'KHOR RGYAL GYI GNAS KYI CHAR GTOGS BYI NYUL ZHES PAR, YAB NI BSTAN PA SNGA DAR GYI DUS MKHAN CHEN ZHI BA 'TSOS BOD KYI RJE 'BANGS RNAMS LA RAB TU, BYUNG BA RUNG MI RUNG NYAMS SAD PHYIR RAB TU BYUNG ZHING BSNYEN PAR RDZOGS MA THAG PA MNGON SHES LNGA THOB PAS RGYAL PO KHRI SRONG LDE'U BTZAN GYIS KHYOD BOD KYI RIN PO CHE YIN GSUNGS NAS ZHABS SPYI BOR BLANGS PAS SPA RATNAR GRAGS, SBA YE SHES DBANG PO NI, MKHAN CHEN BODHI SA TVA MYA NGAN LAS 'DAS RJES RING LUGS LA BSKOS SHING RIM GYIS MNGON PAR SHES PA YANG THOB, DE NAS LHO BRAG MKHAR CHUR, SGRUB PA LA BZHUGS PA'I TSE, RGYA NAG NAS HVA SHANG MA H'A YA NA BYA BA BYUNG NAS, LUS NGAG GI DGE BAS 'TSANG MI RGYA, CI YANG YID LA MI PHYED PAS 'TSANG RGYA BAR 'GYUR RO ZHES CIG CAR BA'I LAM BSTAN PAS, BOD 'BANGS PHAL CHER DE'I LUGS LA MOS PAR GYUR TE, SBYIN SOGS KYI SPYOD PHYOGS RNAMS NYAMS PA NA RGYAL PO THUGS MA BDE BAR, SPA YE SHES DBANG PO LA DRIS PAS, YE SHES DBANG PO NA RE, 'DI SNGON MKHAN CHEN BO DHI SA TVA MYA NGAN LAS 'DA' KHAR SANGS RGYAS KYI BSTAN PA GANG NA DAR BAR MU STEGS KYI PHYIR RGOL BA'I 'GRAN ZLA RE YANG 'BYUNG BA LA BOD 'DIR SLOB DPON PADMA 'BYUNG GNAS KYIS BSTAN MA BCU GNYIS LA GNYER DU GTAD PAS MU STEGS MI 'BYUNG MOD, THOG MAR RGYA NAG GI DGE SLONG BYUNG NAS CIG CAR BA'I LAM BSTAN PAS SANGS RGYAS
, ,PA NANG LTA BA MI MTHUN PA NA, DE LA NGA'I SLOB MA KA MA LA SHR'I LA SPYAN DRONGS LA RIGS PAS KUN PHYUNGS SHIG CES PA'I ZHAL CHEMS SU GSUNGS ZHES ZHUS NAS, DE LTAR MDZAD PAS HVA SHANG GIS PHAM BLANGS NAS RGYA YUL DU LOG PAS, BSTAN PA LA PHAN PA RGYA CHER MDZAD PA'I RTZA BA SBA YE SHES DBANG PO YIN LA, DE LTAR NA SNGAR DAR GYI SKABS SBA RATNA DANG, SBA YE SHES DBANG PO GNYIS, PHYI DAR LA MTSUNGS MED G-YAG SDE PAn CHEN, MKHAS GRUB DAM PA SANGS RGYAS YE SHES DANG, PAn CHEN THAMS CAD MKHYEN PA BLO BZANG CHOS KYI RGYAL MTSAN LA SOGS PA SKYES CHEN DAM PA MANG DU BYON PA RNAMS DANG GDUNG CHOS GCIG PA SPA'I RIGS BSOD NAMS RIN CHEN YIN LA, YUM NI AA TZUG CES PA YIN CING, YAB YUM GNYIS KYANG, SBYOR BA'I SNGON DU SNYING RJE DANG, ,MOS PA DER NI BZOD PA DANG, ,DGE LA YANG DAG SPYOD PA NI, ,RIGS KYI RTAGS SU SHES PAR BYA, ZHES GSUNGS PA LTAR, BYAMS PA DANG SNYING RJE RANG BZHIN GYIS CHE ZHING SBYIN PA LA DGA' BA LA SOGS THEG PA CHEN PO'I RIGS KYI YON TAN DANG LDAN LA, THEG PA CHEN PO'I RIGS LA GNAS PA'I YON TAN NI, NGAN SONG DU SKYE BAR DKA' ZHING, SKYES KYANG DE NAS MYUR DU THAR BA DANG, DER GNAS CHE'ANG NGAN SONG BA GZHAN LAS SDUG BSNGAL CHUNG ZHING, SEMS SKYO BA DANG BCAS PAS SEMS CAN SMIN PAR BYED DE, RING MO ZHIG NAS NGAN SONG DU,,
'GRO ZHING MYUR DU THAR PA DANG, ,DER YANG SDUG BSNGAL CHUNG DU MYONG, ,SKYO BCAS SEMS CAN SMIN PAR BYED, CES GSUNGS PA'I PHYIR, DE YANG DAM PA 'DI NYID YUM GYI LHUMS SU 'JUG PA'I TSE, YUM GYI MNAL LAM DU DPUNG PA G-YAS SU RMA BYA DANG, G-YON DU NE TZO ZHIG BABS PAR RMIS PA'I RMA BYA NI BLA MA DE NYID DANG, NE TZO NI LCANG RA NAS KYI YAB KYI SKU SKYE 'BYON PA'I LTAS YIN PA 'DRA, DE'I RJES SU YUM GYI MNAL LAM DU BLON PO RI'I RTZE NAS 'JA' DKAR SHIN TU CHE BA ZHIG GI SNE MOR RGOD CIG 'DUG PA MDUN DU BABS SHING, NAM MKHA' NAS AA CUG 'JA' YOD DO ZER BA'I SGRA SHIN TU CHE BA ZHIG BSGRAGS PA RMIS, DE YANG SKU BLTAMS PA'I LO NI, SLOB DPON PADMA'I LUNG BSTAN LAS, KHYI PHAG GANG RIGS SU GSUNGS PA LAS, KHYI LO ZLA BA BRGYAD PA'I TSES BCO LNGA LA SKU 'KHRUNGS SHING, DE'I TSE ME TOG GI CHAR DANG KHANG STENG DU 'JA' 'OD KYI GUR PHUB PA SOGS SKYE BO KUN GYIS MTHONG BAR SNANG ZHES DVAGS PO GRVA TSANG GI ZHAL SNGA NAS BLO BZANG DON GRUB PA GSUNG, DE NAS SKU'I STA ZUR G-YAS SU SME DKAR DANG, SKU SMAD LA STAG LPAGS KYI MTSAN MA YOD PA NI SKU LA BCAR BA RNAMS KYIS DNGOS SU MTHONG ZHING, DE NI LTE G-YAS SME DKAR MTSAN ZHES PA'I LUNG BSTAN LTAR DPAL PHYAG NA RDO RJE'I SPRUL PAR 'KHRUL MED DU GO BA'O, ,DE NAS GSUNG LA BSAM MKHYEN TSOD NAS SNGON GNAS RJES SU DRAN PA'I STOBS KYIS SKU TSE SNGON MA'I KHANG KHYIM DANG
, ,G-YOG RIGS DUD 'GRO SOGS KYI MING NAS 'BOD PA DANG, DE SKABS 'DREN PA MNYAM MED MA MKHYEN TSOD DU MED RUNG, GSOL JA BZHES PA'I SKABS SU 'DREN PA MNYAM MED MA 'DON PAR MDZAD PA DANG, BSKANG GSO GTOR RGYAG 'TSAMS SOGS KYI RNAM PA MDZAD PA'I TSE, YAB KYI ZHAL NAS NGA'I BU SNGON MA DE YANG ZER RIGS MANG BAS MIS KHRID NAS RANG DBANG MA 'DUS, DBU 'DI YANG ZER LUGS KYIS MIS 'KHRID PA 'DRA ZER NAS DBU LA GDAN G-YOGS PA 'DRA ZER KYANG, SKU NYER GTOGS PA'I BTZUN MA DAM LOG YUG SA 'PHOG 'PHRAL ZHIG GI BANG DU BLANGS PA'I NYAMS GRIB KYI DBANG GIS SNGON GNAS DRAN PA MI GSAL ZHING MKHYEN RAB BUL BA'I RNAM PAR SONG BA BYUNG YANG, SLAR DGUNG LO BCU PA'I THOG TU PHEBS PA'I TSE, BLA MA RGYA MTSO BAS THUGS TSOD BRTAG PA'I PHYIR LHA MO 'OD CHEN 'BAR MA'I THAD SKU ZHIG BSKUR NAS 'DI 'TSONG RGYU YIN AE NYO ZHUS PAR, 'DI NGA'I CHOS SKYONG 'OD CHEN 'BAR MA YIN, 'DI KHYOD KYIS BTZONGS NA KHYOD RANG GI SROG LA BAR CHAD YONG MA 'TSONG GSUNGS NAS NANG MI RNAMS LA THANG KHA 'DI LA MCHOD PA RGYA CHEN PO GSHOMS LO PHUL GSUNG BA NI, SKU NA CHER PHEBS NAS KYANG THUGS DRAN GSOS GSUNG BA NI NGO MTSAR MCHOG TU CHE ZHING SKU SKYE'I NGOS 'DZIN 'DI LAS LHAG PA GZHAN JI LTA BU DGOS, YANG SDE PA LHA RGYA RI BAS PHYAG 'PHRENG GNYIS BSKUR NAS NGOS 'DZIN LAN GCIG KYANG MDZAD CING,
NGOS 'DZIN PHYI MA BLA MA RGYA MTSO BA RANG BYON NAS DRIL BU 'DI AE NYO ZER NAS PHYAG DRIL BSTAN PAS, DRIL BU 'DI NGA'I YIN DBU RDOR BRAL BA MED DE BRAL 'DUG KHYOD KYIS NGA'I LAG PAR RMA BCOS PA YIN LTOS SHIG GSUNGS NAS PHYAG STON PAR MDZAD PAS, BLA MA RGYA MTSO THUGS BDEN PAR YOD ZER NAS SPRUL PA'I SKU 'KHRUL MED YIN PAR YID CHES LEGS PAR SKYES SO, ,SKU TSE DU MAR LHA DANG BLA MA LA, ,GDUNG SHUGS DRAG POS GSOL BA BTAB PA LAS, ,SNGON GNAS RJES DRAN SNANG BA'I 'OD PO CHES, ,GDUL BYA'I THE TSOM MA LUS CIG CER BSAL, ,DE YANG SLOB DPON PADMA'I LUNG BSTAN LAS GSUNGS PA'I YUL AE DVAGS MTSAMS YIN PA DANG, DHARMA'I MING CAN CHOS RGYAL ZHES PA'I CHOS KYI SKAD DOD DGUNG SNYING KHYI PHAG GANG RIGS GSUNG BA'I KHYI LO PA YIN PA DANG, SKU'I LTE BA'I G-YAS SU SME BA DANG, STAG LPAGS KYI MTSAN MA YOD PA STE JI LTAR GSUNGS PA BZHIN 'KHRUL MED DANG, 'OD CHEN 'BAR MA'I THANG SKU PHYAG DRIL SOGS LA NGOS 'DZIN PHUL BA RNAMS KYANG GSAL POR NGOS 'DZIN BYUNG BAS RJE DRUNG DGE 'DUN BSTAN PA RGYA MTSO DE NYID KYI SPRUL SKU 'KHRUL MED YIN PAR NGES SHES GTING NAS 'DRONGS TE RGYAL GYI LAM BRGYUD SKYID SHOD NAS DPAL LDAN 'BRAS SPUNGS SU PHEBS TE GANGS CAN GYI 'GRO BA'I MGON PO RGYAL DBANG THAMS CAD MKHYEN PA CHEN PO NGAG DBANG BLO BZANG RGYA MTSO DPAL BZANG PO'I ZHABS DRUNG DU GTZUG PHUD PHUL, SPRUL PA'I SKU DGE 'DUN
, ,CHOS RGYAL DBANG PHYUG TU MTSAN GSOL, DE YANG MTSAN ZUR GYI DGE 'DUN NI SKU GONG MA NYID KYI MTSAN ZUR DANG MTHUN PAR MDZAD CING, CHOS RGYAL NI DHARMA'I MING CAN 'BYUNG ZHES PA'I DON DANG, DBANG PHYUG NI GRUB PA'I DBANG PHYUG CHEN PO YIN SNYAM DU DGONGS PA YIN NAM BSAM, DE NAS PHEBS NAS 'OL KHA ZHOL DU LO PHYED BZHI TZAM BZHUGS NAS LJAGS KLOG SBYONG BAR MDZAD PAS TSEGS MED PAR MKHYEN CING DE'I ZHAR LA YI GO DBU CAN ZHIG KYANG SBYONG BAR MDZAD PAS LEGS PAR DGONGS PA BYUNG YANG, BSHUR MA ZHIG LA PHYAG SBYONG DANG PHYAG DPE ZHIG 'DZIN PAR MDZAD PAS CUNG ZAD DKA' BA'I TSUL BSTAN PA NI, DENG SANG GI GDUL BYA DBANG PO RTUL PO RNAMS KYI SNANG TSUL DANG BSTUN PAR MDZAD PA TZAM MO, ,DE NAS DGUNG LO BCU BZHI'I THOG PHYAG DPE SMAR BA'I KHYAD KYIS RGYAL DU PHEBS NAS BSKANG GSO SKOR NAS 'GA' ZHIG THUGS 'DZIN MDZAD SKABS CUNG ZAD DKA' BAR BYUNG GSUNG LHA MO'I BSKANG GSO 'DZIN PA GNANG BA'I SKABS SU BUD MED ZHIG GIS BKRA SHIS KHA BTAGS ZHIG PHUL BA MNAL LAM DU RMIS GSUNG BA NI, DPAL LDAN LHA MOS 'PHRIN LAS SGRUB PA'I RTAGS SU MNGON ZHING, YANG NUB GCIG BRAM ZE'I GZUGS BRNYAN 'DRA BA ZHIG GIS GTAM MANG PO SMRA BA'I TSUL BYUNG BA NI, DPAL LDAN MGON PO ZHAL BZHI PA'I RNAM 'GYUR DU GO ,RGYAL DU MCHOD MJAL LA PHEBS SKABS GZIMS KHANG GOR DANG MGON
KHANG DU RNGA DANG 'JIGS BYED DRAG PO'I ZHAL 'BAG ZHVA NAG SOGS KYANG NGOS 'DZIN GSAL BAR MDZAD, RGYAL DU LO GCIG TZAM BZHUGS NAS BYI BA'I LO LNGA MCHOD CHEN MO DANG BSTUN MNGA' RIS GRVA TSANG DU PHEBS SHING, GLANG LO'I DGUN THOG SKU LA SHU BA CUNG ZAD BYUNG SKABS MNAL LAM DU SHAR PHYOGS KYI RI RKED CIG LA PHEBS PAS CHU NANG DU NYA GCIG 'DUG PA DE LA 'DI NI KLU YIN SNYAM DU DGONGS NAS BLA MA NYID PHYAG NA RDO RJE'I RNAM PAR BSKYED NAS KLU YIN DGONGS PA'I NYA DE ZHABS KYIS BSKRAD PA'I NYAMS SNANG BYUNG, DE KHA'I MOD LA SHU THOR RNAMS JE ZHIG LTAR LA MED PAR SONG NAS DE NAS SHU THOR GYI RIGS YE MA BYUNG BAS DPAL PHYAG NA RDO RJE KLU DANG SA BDAG GI GNYEN POR MI'I RNAM PAR SPRUL PA GOR MA CHAG CING, RGYAL DU DBYAR CHOS SKABS MNAL LAM DU, RGYAL BSAN GYI GNOD PA DRAG PO'I MTSAN BLTAS DANG SKU LUS RDUL BA DANG BRED SDANGS KYI NYAMS BYUNG BA LA, LHO BRAG GRUB CHEN LAS KYI RDO RJE MKHYEN SNYAM DU DGONGS PA LA, MNAL ZA ZI ZHIG LA GRUB CHEN LAS KYI RDO RJE SKU MDUN DU LAM GYIS GZIGS, DE NAS YANG MNAL LA SONG BA'I NGAN ZHIG LA NGA AO RGYAN PADMA 'BYUNG GNAS YIN, NGES LHA SRIN SDE BRGYAD, BSTAN M BCU GNYIS SOGS KYANG BTUL NAS DAM LA BZHAG ,DA YANG GNOD BYED 'DI BTUL NAS DAM LA 'JOG SNYAM DU DGONGS NAS SKU LUS KYI CHA LUGS KYANG AO RGYAN GYI CHA LUGS PHYAG G-YAS RDO RJE 'PHYAR BA'I TSUL DANG, G-YON GNOD
, ,BYED LA BSDIGS PA'I SDIGS MDZUB MDZAD NAS NAM MKHA' LA 'PHUR GRABS SU YOD PA'I SKU'I RNAM PA SHAR BA NI, DPAL PHYAG NA RDO RJE DANG AO RGYAN RIN PO CHE GNYIS KA'I SPRUL PA YIN PA'I LTAS SU MNGON, DE NAS DGUN THOG GRVA TSANG ZANGS RI NAS 'BRAS SPUNGS SU GDAN DRANGS SKABS, MNAL LAM DU BUD MED GNYIS KYIS GRU GU DKAR NAG GNYIS RIM GYIS PHYAG TU GTANG NAS 'DI KHYED RANG GI LHA MO BDE CHEN 'BAR MA'I PHYAG MTSAN GYI MTSON GRU YIN ZER BA BYUNG BA NI, SKU TSE SNGON MA RNAMS SU LHA MO 'DI NYID CHOS SKYONG GI GTZO BOR MDZAD NAS BSTEN CING BSGRUBS PA LA NAM YANG G-YEL BA MED PAR MDAD PA'I RTEN 'BREL GYIS LHA MO 'DI DANG, DRANG SRONG CHEN PO R'A HU LA SOGS BRAN DU BKOL NA BSTAN DGRA THAMS CAD RDUL DU RLOG PA'I MTHU STOBS 'BYUNG BA'I RIGS SO, ,YANG MNAL LAM DU MCHOD RTEN SGO GSUM YOD BA'I NANG NA BZHUGS PA BYANG SGOR GZIGS PAS BTZUN PA CIG DANG, SHAR SGOR GZIGS PAS MTSO ZHIG DANG, NUB SGOR GZIGS PAS LUNG PA STONG PA CIG LAS GZHAN GANG YANG MED PA CIG GZIGS GSUNG, DGUNG LO NYER GSUM GYI THOG ZANGS RI RDZONG DU DPE MTSAMS LA BZHUGS SKABS ZHABS CUNG ZAD SNYUN GRABS BYUNG BAR NUB GCIG YE SHES KHYUNG KHRA LA GTOR MA PHUL NAS GSOL BA BTAB PAS, DE NUB RDZONG GI YAS MAS PHAN CHUN KUN LA GNAS PA'I KLU RNAMS RANG RANG GI GNAS
DANG CHA LUGS GSAL BAR GZIGS PA'I MNAL LAM SHAR ZHING, GNOD 'TSE'I RNAM PA NI MA BYUNG, DE RJES RGYUS YOD TSOR KLU RNAMS GNAS PA'I SA GANG DANG GANG NA YOD CES RTZAD GCOD GNANG BAS MNAL LAM DU BYUNG BA DANG KHYAD PAR MED PAR GZIGS PAS SHIN TU NGO MTSAR CHE, DE NAS SA SPRE ZLA BA LNGA PA'I NANG DU DON GYI SLAD DU MTSAN NAS SMOS TE YONGS RDZOGS BSTAN PA'I MNGA' BDAG 'PHAGS PA 'JIG RTEN DBANG PHYUG DUR SMRIG GI GAR GYIS RNAM PAR ROL PA CHEN POS MKHAN SLOB ZUNG 'BREL DANG, PHA BONG KHA PA RJE 'JAM DBYANGS GRAGS PAS GSANG STON DANG, 'BRAS SPUNGS KYI SLOB DPON 'GAS KHA SKONG MDZAD NAS, BSTAN PA'I SGOR ZHUGS LA YONGS SU RDZOGS PA DGE SLONG GI SDOM PA RNAM PAR DAG PA BZHES TE, DUR SMRIG 'DZIN PA RNAMS KYI MCHOG TU GYUR TO, ,SMRAS PA, GTUM DRAG RNGAM BRJID LDAN PA GSANG BA'I BDAG ,DMAR SER RAL PA KHRO BO'I NYAMS BRTUL TE, ,ZHI ZHING NYER ZHI DUR SMRIG GIS KLU BAS NAS, ,GNAS BRTAN 'DUL BA 'DZIN PA'I MCHOG TU GYUR, ,DE LTAR BSNYEN PAR RDZOGS PAR MDZAD NAS, GSANG STE STON PA'I SLOB DPON RIN PO CHE 'JAM DBYANGS GRAGS PA'I SKU ZHABS SU, DPAL RDO RJE 'JIGS BYED LHA BCU GSUM MA'I DBANG BZHI YONGS RDZOGS, DE'I DKYIL CHOG ,DE'I BSKYED RDZOGS SGOM SDE NAM MKHA' RGYAL MTSAN GYIS MDZAD PA'I LUNG GSAN CING, GZHAN YANG MGON PO, CHOS RGYAL, LHA
, ,MO, RNAM SRAS, GUR, ZHAL, PHYAG BZHI PA, LCAM SRING, ZHANG BLON, G-YU SGRON MA, BRAG MO RGYAL SOGS KYI RJES GNANG DANG LUNG GSAN CING, GSAN PA TZAM LA MA BZHAG PAR BSNYEN SGRUB MTHAR PHYIN PAR MDZAD CING, SNAR THANG BRGYA RTZA NAS 'BYUNG BA'I RJES GNANG LUNG DANG BCAS PA, LAM RIM CHE CHUNG, SNGAGS RIM CHEN MO, N'A NGO CHOS DRUG GI 'KHRID YIG ,YIG CHUNG NYER GCIG ,RGYAL SRAS BKA' 'BUM, RJES MDZAD PA'I BLA MA LNGA BCU PA'I t'IKKA, RNAL 'BYOR DAG RIM, 'JIGS BYED KYI MNGON RTOGS ZA MA TOG ,BDE CHEN GSAL BA, BDE CHEN ROL MTSO, BDE MCHOG LUS DKYIL GYI MNGON RTOGS DGONGS PA RAB GSAL, DE'I DKYIL CHOG RIN PO CHE'I BANG MDZAD, 'BRAS SPUNGS CHOS SPYOD RAB GSAL, RGYAL DBANG THAMS CAD MKHYEN PA CHEN PO NGAG DBANG BLO BZANG RGYA MTSO DPAL BZANG POS MDZAD PA'I SMAN BLA'I CHO GA ,'JAM DPAL ZHAL LUNG, GTOR MA'I SKOR CHA TSANG, S'A TZTSA 'DEBS CHOG ,NYAMS LEN DANG 'BREL BA'I DMIGS BRTZE MA'I t'IKKA RNAMS KYI LUNG GSAN, CHOS 'KHOR RGYAL NAS BRTAN BZHUGS 'BUL SKABS RGYAL DBANG THAMS CAD MKHYEN PA CHEN PO'I SKU ZHABS NAS BDE MCHOG DKAR BO, TSE DPAG MED, SGROL DKAR YID BZHIN 'KHOR LO RNAMS KYI RJES GNANG DANG, 'OD DPAG MED LA BRTEN PA'I BLA MA'I RNAL 'BYOR GYI GDAMS PA'I LUNG GSAN CING, DE'I SKABS KYANG RGYAL
DBANG THAMS CAD MKHYEN PA CHEN PO'I SKU ZHABS NAS BLA MA 'DI NYID KYI 'KHRUNGS RABS BRTAN BZHUGS DANG BCAS PA CIG LJAGS RTZOM GNANG, YANG SKABS SHIG RJE ZHAL SNGA NAS BLO BZANG RNAM RGYAL LA DPAL GSANG BA 'DUS PA MI BSKYOD BA'I DBANG CHEN, 'DUS BA'I RGYUD CHO GA DANG BCAS BA'I LUNG, THAMS CAD MKHYEN PA DGE 'DUN RGYA MTSO'I BKA' 'BUM YONGS RDZOGS KYI LUNG, 'JIGS BYED KYI SNGAGS BTU'I RJES GNANG, 'JAM DBYANGS NAG PO, N'A GA RAKshA, DAM PA LUGS KYI 'JAM DBYANGS SENG ZHON, 'JAM DBYANGS CHOS SKOR, PHYAG RDOR GOS SNGON CAN, SENG GDONG MA, KHRO BO SMRE BRTZEGS, RDO RJE RNAM 'JOMS, RDO RJE SEMS DPA', TSE DPAG MED 'JAM LUGS, MA GCIG GRUB RGYAL MA LUGS KYI CHE DBANG, YE SHES KHYUNG KHRA, DMIGS BRTZE MA'I LAS TSOGS, SENG GDONG MA'I LAS TSOGS, MGON PO'I BE'U BUM, MGON PO SNYING ZHUGS, GZHAN YANG DBANG RJES GNANG SOGS GSAN NAS DAM BA'I CHOS KYI GTER MDZOD CHEN POR GYUR, DE NAS BYA LO ZLA BA DRUG BAR 'OL KHA CHU BZANG GI BLA MAR PHEBS TE DE'I GDAN SA LO PHYED DANG DRUG MDZAD, CHU BZANG DU BZHUGS PA'I SKABS SHIG MNAL LAM DU THOG MAR NAM MKHA' LA 'JA' DKAR CIG SHAR, DE RIM GYIS 'JA' TSON SNA LNGAR SONG, DE YANG 'JA' SNA LNGA SGOR MO ZHIG TU SONG BA'I DBUS SU SANGS RGYAS SUM CU SO LNGA'I SKU LAM GYIS SHAR BA MJAL
, ,SANGS RGYAS RE RE LA'ANG 'JA' TSON SNA LNGA PA RE RES BSKOR BA GZIGS SHING, MTHAR DE DAG THAMS CAD 'OD KYI PHUNG BO CHEN PO GCIG TU 'DRES NAS JE CHUNG JE CHUNG LA SONG BA'I NGANG LA RIM GYIS YAL 'GRO BA ZHIG BYUNG GSUNG BA LTAR SANGS RGYAS SUM CU SO LNGA'I SKU THANG YANG BZHED BA MDZAD, YANG SMAN BLA BDE GSHEGS BRGYAD KYI SKU THANG GRVA MTSUNGS BRGYAD DANG, DPAL RDO RJE 'JIGS BYED CHEN PO DANG, BSKANG GSO'I RIM PA DANG MTHUN PA'I CHOS SKYONG YONGS RDZOGS KYI SKU THANG BZHENGS SHING, RNGA DANG 'PHAN SOGS DGON PA DER GZHAG PA CHE BAR GNANG, DE NAS BLA MA 'JOG PA GNANG SKABS MANG 'GYED TSA GRVA SOGS KYIS DGE 'DUN RNAMS MNYES BAR MDZAD, DE NAS GLANG LO ZLA BA DANG POR RI BO GSER GLING GI BLA MAR PHEBS NAS DE'I BLA MA LO BCU GNYIS MDZAD, DER BLA MA MDZAD RIN LO STAR CHAGS SU MNGA' RIS GRVA TSANG BA RNAMS RGYAL DBYANG CHOS CHEN MOR PHEBS DUS ZHAG GNYIS GSUM GYI BAR MANG JA TSA GRVA SOGS ZHABS TOG BSNYEN BKUR PHUN SUM TSOGS PA MDZAD, LAM RIM BRGYUD PA'I BLA MA RNAMS THANG KA DGU LA TSANG BA ZHIG DANG, 'DOD KHAMS DBANG PHYUG DMAG ZOR RGYAL MO'I 'BUR SKU LO BCO LNGA TZAM 'GRO BA'I MI TSAD TZAM MAN NGAG JI LTA BA BZHIN GYIS BZHENGS PA GTZO 'KHOR GSUM PA CIG RDO RJE 'JIGS BYED KYI SGO NAS RAB GNAS RGYAS PAR MDZAD NAS GNYIS KA 'BUL BA MDZAD, DE NAS SA PHO RTA LO ZLA BA
BDUN PAR MKHAS GRUB CHEN PO NOR BZANG RGYA MTSO'I GDAN SA RIN CHEN SGANG DANG, RJE BDAG NYID CHEN PO'I 'KHOR DAG BA RNAM BRGYAD KYI NANG CHEN GNAS BRTAN BZANG SKYONG BA'I DGON BA NYI MA GLING GI GDAN SAR PHEBS, RIN CHEN SGANG DU YONGS KYI DGE BA'I BSHES GNYEN CHEN PO RAB 'BYAMS PA BLO BZANG DBANG PO SOGS DU MA LA DPAL GSANG BA 'DUS PA'I DBANG BZHI RDZOGS PAR GNANG ZHING 'DUS PA'I DKYIL THANG CHE BA ZHIG BZHENGS TE, MKHAS GRUB CHEN PO NOR BZANG RGYA MTSO'I SKU BRNYAN BYIN RLABS CAN BZHUGS PA'I MCHOD KHANG LA ZHIG GSO LEGS PAR MDZAD, DKYIL THANG DE YANG DER 'BUL BAR GNANG, NYI MA GLING GI GDAN SA LO BDUN MDZAD CING, DE NAS BSKAL PA BZANG PO'I SANGS RGYAS STONG GI MKHYEN BRTZE NUS BA GCIG TU BSDUS PA'I NGO BO GANGS CAN 'GRO BA'I MGON PO THAMS CAD MKHYEN PA SKU RIM BAR PHEBS PA'I CHOS 'KHOR RGYAL MI 'GYUR LHUN GYIS GRUB PA'I GDAN SA CHEN POR PHEBS, MGON PO, ZHAL LCAM SRID, DPAL LDAN LHA MO'I BLA MTSO RNAMS MJAL BA GNANG, DE'I PHYI LO DBYAR GNAS SKABS SER PO PHU'I MTSO, LHA THOG STENG GI MTSO RNAMS MJAL NAS RGYAL DU PHEBS PA'I NUB MO NAM MKHA'I KHAMS THAMS CAD GSER GYI MDOG CAN GYI YI GES GANG BA'I MNAL LAM SHAR BA NI, SNGON RJE BDAG NYID CHEN PO LA YUM GYI MDO'I 'DRES RKANG RNAMS GSER GYI MDOG CAN GYI YI GE'I RNAM PAR SHAR BA DANG MTHUN BA'I RTEN 'BREL KHYAD PAR CAN CIG YIN PAR GO
, ,LO GSAR GYI DUS BLA BRANG CHEN MO'I LHUN GRUB YANG RTZER BSKANG GSO'I SKABS MNAL ZA ZI'I RNAM PA YONG LA KHYAD KYI NGANG LA BUD MED RGYAN GYIS BRGYAN PA YA MTSAN CAN CIG BYUNG GSUNG, DE DAG LA 'DI SKAD CES BYA STE, BDE GSHEGS SO LNGA'I YID 'OD SNANG BRNYAN SKU, ,RE RE'ANG DBANG BO'I GZHU YI GUR KHYIM CAN, ,KHYOD THUGS 'ONG GSAL DAG BA'I A'A DARSHAR, ,SGRIB MED GSAL BAR SHAR 'DI AE MA HO, ,DE NAS MKHAS GRUB GTZUG RGYAN NOR BU BZANG, ,MKHA' 'GRO'I BSTI GNAS CHOS 'KHOR RGYAL SOGS KYI, ,MI 'JIGS SENG GE'I CHOS KYI GDAN KHRI LA, ,GRUB DBANG CHOS KYI RGYAL POR DBANG YANG BSKUR, ,DE'I TSE GNAS GSUM DPA' BO MKHA' 'GRO'I GTZO, ,'DOD KHAMS DBANG PHYUG DPAL LDAN RE MA TIS, ,THUB BSTAN MI NUB 'PHEL BAR 'GYUR RO ZHES, ,RAB DGYES DGE LEGS MTSAN MA CI LANG STON, CES BYA'O, ,YANG MDO SNGAGS RAB 'BYAMS PA BLO BZANG DON GRUB LA RGYAL BA'I BKA' 'GYUR RO COG GI LUNG YONGS RDZOGS GSAN GRUB PA'I NUB MO MNAL LAM DU, RJE BTZUN BYAMS BA MGON PO SOGS SANGS RGYAS BYANG SEMS KYI SKU RTEN THUGS RTEN TSAN CHE BA DANG, BKA' 'GYUR SOGS BKA' SDE SNOD MANG PO BZHUGS PA'I MCHOD KHANG GI DKON GNYER BLA MA RANG NYID KYIS MDZAD NAS SGO 'BYED GCOD SOGS GANG LA GANG 'TSAM GNANG ZHING, 'DI THAMS CAD NGA RANG DBANG BA YIN DGONGS PA'I MNAL LAM BYUNG ZHES
GSUNG, BKA' 'GYUR GYI LUNG GSAN BA'I SKABS, PHYAG BRIS GNANG BA, 'GA' ZHIG LA MJAL 'PHRAD GNANG BA, PHYAG MDUD GNANG BA, BSRUNG BA GNANG BA, GZHAN MAR BSLAB STON GNANG BA SOGS MDZAD PA LA, LUNG 'BUL BA BO'I THUGS LA 'DI 'DRA BA'I LUNG JI LTAR 'ONG SNYAM BA LA, SLAR LUNG GRUB RJES SU BO TI 'DI NAS 'DI DANG 'DI CHAD GSUNG BAR BKA' 'GYUR GZHAN ZHIG SPYAN DRANGS TE GZIGS BAR JI LTAR GSUNG BA BZHIN CHAD 'DUG PAS LUNG 'BUL BA PO GTZANG BA RAB 'BYAMS PA BLO BZANG DON GRUB PA'I BSAM PA LA BLA MA 'DI'I THUGS LA BKA' 'GYUR THAMS CAD BZHUGS YOD PAR 'DUG SNYAM NAS DAD PA LHAG PAR SKYES ZHES ZER, BKA' 'GYUR GSAN GRUB RJES KYI MNAL LAM DE LTA BU BYUNG BA YANG, LUNG THOB PA NI BDAG BOR 'GYUR ZHES ZER BA LTAR RTEN 'BREL SHIN TU BZANG ZHING, SLAR GZIMS KHANG DKAR PO'I BLA MA DRUNG BA, BLA MA DRUNG BA BRTZON 'GRUS RGYA MTSO, DGA' TSAL DBU MDZAD BLO BZANG RGYAL MTSAN RNAMS GTZO BOR GYUR BA'I DGE BA'I BSHES GNYEN DU MA LA BKA' 'GYUR TSAR GCIG DANG, RJES SU'ANG GSUM GNYIS TZAM GYI LJAGS LUNG GNANG BA'I SKABS DE DAG TU RI KHROD DU BZHUGS NAS LO MANG POR 'KHRID BSKYANGS BA LAS LHAG PA BYUNG GSUNG BA NI, LAM GYI GANGS DANG, GO RIMS DANG NGO BO LA GO BA LEGS PAR CHAGS SHING NANG DU BSAM BA'I 'PHRIG TSUD PA CIG GIS BLTAS NA SHIN TU YI RANG BA'I GNAS
, ,MCHIS, DE'I RGYU MTSAN YANG SKYE BA SNGA MA RNAMS SU BSAG SBYANG SOGS LAM THUN MONG BAS RGYUD LEGS PAR SBYANGS PA 'GA' RE MA GTOGS PA, LUGS 'DI LAS PHYI ROL TU GYUR PA'I MAN NGAG LA RING DU SBYANGS PAS 'KHRUL SNANG GI NYAMS ZA ZI MANG BO LA RANG MTSAN PAR BZUNGS NAS GRUB THOB TU 'DOD PA RNAMS KYIS SGRUB PA SNYING BOR BYED PAR DAM BCAS KYANG NGAM BCAS PA TZAM DU ZAD DE, LAM GYI SA CHOS CHEN PO MI 'BYUNG BA'I PHYIR, BLA MA 'DI NYID LA BKA' 'GYUR GYI LUNG GSAN PA DANG, GZHAN LA GNANG BA'I SKABS SU THUGS BSKYED DE LTAR BYUNG BA NI, RJE RIN PO CHES SBYAN SNGA RIN CHEN 'PHEL LA BKA' GDAMS ZHES PA'I DON DE CI YIN ZHES GSUNGS PAS, RGYAL BA'I BKA' LAS YI GE GCIG KYANG BZHAG TU MED PAR GDAMS NGAG TU GO BA LA ZER BA YIN ZHUS BAS, DE YIN DE YIN ZHES MNYES PA'I GSUNG BYON PA LTANG BKA' GDAMS KYI DGE BA'I BSHES GNYEN GYI MTSAN DON LEGS PAR TSANG STE, BSHES GNYEN CHEN PO 'BROM GYI ZHAL NAS, NGA SGOM PAS KHA TON MI 'JOMS PA, ,BKA' MDO SDE ZAB MO BLTAS PA'I DRIN, ,NGA KLOG PAS BSAM GTAN MI 'JOMS PA,, RJE BLA MA'I MAN NGAG 'CHUN BA'I DRIN, ,CHOS THAMS CAD GCIG TU RAB BSDUS NAS, ,GNAS STAN THOG GCIG TU SGOM SHES PA, ,KYE DKA' SPYAD CHOS LA SPYAD PA'I DRIN, ZHES DANG, NGA THOS DUS TSE NA BSAM SGOM BOD
NGA BSAM DUS TSE NA THOS SGOM BDO, ,NGA GCIG TU MA LUS BSNGOMS BYAS NAS, ,CHOS LAM DU KHYER NAS 'GRO SHES PA, ,NGA BKA' GDAMS PHYOGS CHAR MA LHUNG BAS, ,DON RGYA 'BAG BZHIN DU 'KHRUL SHES PA, ,LEGS KUN TU RTOGS TE BKA' GDAMS YIN, ZHES GSUNGS PA'I PHYIR, YANG MDO SNGAGS RAB 'BYAMS PA BLO BZANG DON GRUB PA LA, PAn CHEN THAMS CAD MKHYEN PA BLO BZANG CHOS KYI RGYAL MTSAN GYI GSUNG 'BUM BKA' RGYA DANG BCAS PA'I LUNG DANG, PAn CHEN THAMS CAD MKHYEN PA DE NYID KYI LAM RIM DMAR KHRID ZHAL SHES DANG BCAS PA'I 'KHRID ZHUS BA'I NUB MO MNAL LAM DU, ZANGS SHIN TU CHE BA ZHIG CHUS GANG BA'I DKYIL NA YID BZHIN GYI NOR BU YIN ZER BA'I NOR BU ZHIG 'DUG PA LAG TU BLANGS NAS ZLA BA LA BSTAN NA CHU 'BAB ZER BA ZHIG BYUNG GSUNG BA NI RGYAL BA'I GSUNG RAB THAMS CAD KYI BRJOD BYA'I SNYING PO SKYES BU GSUM GYI LAM GYI RIM PA'I RTOGS PA KHYAD PAR CAN THUGS RGYUD LA 'KHRUNGS PA'I DGE MTSAN YIN PAR GO'O, ,DE DAG LA 'DI SKAD CES BYA STE, THUB GSUNG TSANGS PA CHEN PO'I RAL KLUNG LAS, ,LEGS BABS MDO RGYUD GANG+GA'I CHU RLUNG CHE, ,KHYOD THUGS MA DROS RGYA MTSOR 'KHYIL BA LAS, , SLAR YANG SKAL BZANG DAD PA'I GSOS SU GYUR, ,BKA' DANG DGONGS 'GREL TSAD MAR GYUR BA'I MTSO, ,PHUL BYUNG ZHABS DANG 'JAM MGON TZONG KHA PAS, ,LEGS BSRUBS LAM GYI SNYING PO YID BZHIN NO, ,THAR 'DOD
, ,DED DBON KHYOD KYIS BDAG GIR MDZAD, ,RGYA BOD MKHAS GRUB GDAMS PA SBRANG RTZI'I BCUD, ,RAB YANGS MKHYEN SPYOD LJAGS RTZES MYANGS PA LAS, ,THABS SHES RTOGS PA'I RTZAL KUN YONGS RDZOGS TE, ,GRUB DBANG LHA LAM MTHON POR YUD KYIS BZHUD, CES BYA'O, ,YANG SKABS SHIG ,SLE LUNG DU GNAS BRTAN BCU DRUG GI SMAN SKU BZHUGS KHANG DANG BCAS PA, RGYAL DBANG THAMS CAD MKHYEN PA CHEN PO NGAG DBANG BLO BZANG RGYA MTSO'I 'KHRUNGS RABS BLO BZANG RGYAL BA MA LTAR DANG, BDE GSHEGS MCHOD RTEN BRGYAD, SKYES RABS SO BZHI BA'I THANG KA BCU GSUM, GNAS BRTAN BCU DRUG GI SKU BRNYAN THANG KA BCU GCIG LA TSANG BA ZHIG KYANG BZHENG BAR GNANG NGO, ,YANG 'DUL BA LUNG LAS, BSGRUB BYA BAR CHAD DANG MI LDAN PA LA RAB BYUNG BSNYEN RDZOGS KYI MKHAN PO BYAS NAS DE DAG RAB BYUNG BSNYEN RDZOGS BYAS NA, STON PA LA BYA BA BYAS SHING BSTAN PA LA PAN PHAR BSHAD PA LTAR LO LO BZHIN RAB BYUNG BSNYEN RDZOGS KYI MKHAN PO MDZAD CING, DE DAG KYANG CHOS DANG ZANG ZING GNYIS KA'I SGO NAS SKYONG BAR MDZAD PA NI, BLA MA DGE BA'I BSHES GNYEN GYI MTSAN DON DANG MTHUN PAR SNANG, RGYAL LEGS BSHAD GLING DU GRVA PA BDUN CU SKOR LA YUM RGYAS 'BRING BSDUS GSUM GYI LUNG MDZAD SKABS, PAn CHEN THAMS CAD MKHYEN PA BLO BZANG CHOS KYI RGYAL MTSAN GYI GSUNG 'BUM YONGS RDZOGS BKA' RGYA
DANG BCAS PA'I BAR RGYAG BAR DGE SLONG BSAM GTAN BTANG BAR GCAD RONG MTSAMS SU CHUS KHYER BA GZIGS NAS, LUNG MDZAD PA'I MUS LA BSAM GTAN CHUS KHYER GSUNG BA ZHIG ZHAL NAS GSUNGS SHING, SLAR DGE SLONG BSAM GTAN 'KHOR SKABS KHYOD CHUS KHYER MA BYUNG NGAM GSUNGS PAS KHONG NA RE KHYER BYUNG ZER BAS MNGON MKHYEN LA THOGS PA MED PAR 'DUG ,DE'I PHYI LO LEGS BSHAD GLING GI GZIMS CHUNG DU GNAS BRTAN BCU DRUG GI GZIGS SNANG BYUNG BAS, ZHING TU MJAL DGONGS PA LA GSOL DPON BYUNG BAS YAL SONG GSUNG, SLE LUNG DU PHEBS PA'I LAM DU CA YI MCHOD RTEN LA MKHA' 'GRO MANG PO SKOR BA MDZAD PA YANG GZIGS SNANG, RGYAL LEGS BSHAD, GLING GI GZIMS KHANG LA ZHIG GSO LEGS PAR MDZAD NAS RGYAL GYI TSOGS CHEN LA SANGS RGYAS SUM CU RTZA LNGA DANG GNAS BRTAN BCU DRUG GI RJES GNANG, SNAR THANG BRGYA RTZA, MGON PO, CHOS RGYAL, LHA MO, RNAM SRAS, GUR ZHAL, LCAM SRING, SENG GDONG MA, TSE DPAG MED 'JAM LUGS KYI RJES GNANG, THAMS CAD MKHYEN PA DGE 'DUN RGYA MCHOS MDZAD PA'I YI DAM SGRUB SKOR, CHOS SKYONG SGRUB SKOR, RGYAL SRAS DNGUL CHU CHOS RDZONG PA'I BKA' 'BUM, 'BRAS SPUNGS CHOS SPYOD RAB GSAL, BLA MA LNGA BCU BA'I t'IKKA RNAMS KYI LUNG MDZAD CING, RGYAL CHOGS CHEN LA GSANG BA 'DUS PA'I DBANG CHAS KYI RIGS LNGA DAR DBYANGS DANG BCAS PA DRUG CU RE GCIG
, ,DE DANG GRANGS MTSUNGS KYI GOS BZANG BO'I STOD G-YOGS SMAD G-YOGS, THEG CHON GAN DRIL GCIG GIS GTZOS PA'I DRIL BU BZHI BCU ZHE DRUG DRIL GDAN DANG BCAS PA, DE DAG GI SNOD STAG SGAM LCAGS GSHAN MA LEGS PA CHA GCIG SGO LCAGS DANG BCAS PA PHUL, RGYAL GYI KHRI BSHOL SKABS MANG JA TSA GRVA MAR KHA BTAGS SOGS KYI 'GYED RGYAS PAR ZHUS SHING RGYAL TSOGS CHEN GYIS KYANG DAD PA CHEN POS BRTAN BZHUGS PHUL SKABS RTEN 'BREL 'DZOM PAS GRUB CHEN SA RA HA, SHA BA RI PA, PIRWA PA RNAMS NAM MKHA' LA BZHUGS PA'I THUGS SNANG SHAR, YANG RGYAL TSOGS CHEN DU DUNG CHEN CHE LEGS GCIG DANG, LEGS BSHAD GLING DU LHA KHRI MTSAL RTZIM MDUN COG DANG GDUNG RTEN LCAGS RTZE MA GNYIS, SKU 'DRAN BZA' DANG BCAS PA 'GA' ZHIG SBRAD DU SBYAR, 'OL KHA'I RI KHROD DGON LAG RNAMS LA DBANG LUNG MAN NGAG GANG LA GANG 'TSAM GYI 'DOD CHOS KYIS CHIM PAR MDZAD CING, DGON KHAG CHE BA RNAMS LA MANG SKOL DANG, RI KHROD DGON CHUNG RNAMS LA TSA GRVA 'GYAD BCAS YANG YANG ZHUS SHING, LHAG PAR SNGAR BLA MA MDZAD PA'I DGON KHAG SO SOR SBYOR 'JAGS RGYA MA CHUNG TZAM RE MDZAD, YUL SMON GYI AU RGYAN SGRUB PHUG GI 'KHRIS BRAG KA P'A LI BDUD RTZIS GANG BA 'DRA BA'I STENG DU DGUN THOG GNAS 'BREL LA PHEBS NAS MTSAMS G-YOG MED PAR CHIG MTSAMS MDZAD SKABS, MNAL
LAM DU DBANG PHYUG MING LA RAS PA BLA MA NYID KYI SKU MDUN DU BZHUGS NAS SNGAR RJE BTZUN RANG NYID KYIS MAR PA'I DRUNG NAS CHOS ZHUS SKU MTSAMS BCAD NAS MGUR GYI THOG MA BLA MA LA YAN LAG BDUN PA PHUL BA'I MGUR DE BZHES PA'I TSUL BYUNG BA NI PAn CHEN BLO BZANG CHOS KYI RGYAL MTSAN LA RJE BTZUN MING LAS GSANG PA'I MGUR DRUG BSHAD PA DANG SBRAGS NAS GSUNGS PA'I THUGS SNANG BYUNG BA DANG MTSUNGS SAM SNYAM MO, ,DE'I PHYI LO YUL SMON NAS RJA STENG DU PHEBS NAS SKU MTSAMS LA BZHUGS PA'I MNAL LAM DU, DGE SLONG 'GA' ZHIG GIS GSANG BA 'DUS PA'I GLEGS BAM YIN KHUL ZHIG ZHAL PHYE NAS BLA MA DE NYID RANG GI PHYAG TU PHUL BYUNG BA DANG, YANG 'GA' ZHIG GIS DRIL BU GSUNG DANG SKYE 'BRAS LEGS PA CIG DANG, GCIG GIS COD PAN YID DU 'ONG BA ZHIG PHYAG TU PHUL BYUNG BA LA BLA MA NYID KHRI ZHIG LA ZHAL NUB GZIGS DANG, DGE SLONG RNAMS TSOGS KYI GRAL LTAR 'KHOD NAS CHO GA ZHAL 'DON MDZAD PAR SNANG BA ZHIG BYUNG BA NI, RJE BDAG NYID CHEN PO LA THAMS CAD MKHYEN PA BU STON YIN DGONGS PA CIG GIS DPAL GSANG BA 'DUS PA'I GLEGS BAM GNANG BA DANG, BKRA SHIS LHUN PO'I SNGAGS PA GRVA TSANG TSUGS PA'I RTEN 'BREL DU PAn CHEN THAMS CAD MKHYEN PA BLO BZANG CHOS KYI RGYAL MTSAN LA DPAL GSANG BA 'DUS PA'I RGYUD KYI GLEGS BAM PHYAG TU GTAD BA'I MNAL LAM BYUNG BA DANG MTHUN PAR GSANG BA 'DUS PA'I BDAG POR MNGA' GSOL
, ,BA'I DGE MTSAN KHYAD PAR CAN DU GO ZHING, BLA MA 'DI NYID KYIS GSANG BA 'DUS BA'I BSNYEN PA JI LTAR BYED PA LA NYE BAR MKHO BA'I YIG CHA YANG LEGS PA ZHIG MDZAD SNANG NGO, ,YANG GANGS CAN 'GRO BA'I MGON PO DRIN CAN RTZA BA'I BLA MA NGAG DBANG BLO BZANG RGYA MTSO DBAL BZANG BO'I ZHABS DRUNG NAS GRUB CHEN CHAM BU LUGS KYI DMAR KHRID ZHUS SKABS, BLA MA LA THUGS RJE CHEN PO DNGOS KYI DAG SNANG CHEN PO NGANG, GSUNG CHOS RNAMS GSAN PA'I TSE JI LTAR GSUNGS PA LTAR THUGS RGYUD LA LAM LAM 'KHRUNGS NAS NGO 'PHROD CHE BA BYUNG GSUNG BA YANG, BSHES SBRINGS LAS, MTHUN PAR GYUR BA'I YUL NA GNAS PA DANG, ,SKYES BU DAM PA LA NI BRTEN PA DANG, ,BDAG GI LEGS SMON SNGON YANG BSOD NAMS BGYIS, ,'KHOR LO CHEN PO BZHI NI KHYOD LA MNGA', ZHES PA'I 'KHOR LO BZHI'I NANG TSAN BDAG GI LEGS SMON ZHES PA SKYE BA SNGA MA RNAMS SU LAM LA SBYANGS PA'I STOBS KYIS TSE 'DIR BZUNGS NA TSIG ZIN BSAMS NA DON GO ,BSGOMS NA RGYUD LA LAM LAM SKYE ZER BA DE TSANG BAR 'DUG PAS NGO MTSAR SHIN TU CHE, GSUNG KHRID GRUB PA'I MTSAN MO'I MNAL LAM DU, RGYAL DBANG THAMS CAD MKHYEN PA CHEN BO DE NYID KYIS DUNG GSER GSHOG CAN DUNG DANG MANG PO BTAGS BCIG GNANG BYUNG BA NI RGYA BOD HOR GSUM DU SNYAN GRAGS CHEN PO 'BYUNG BA'I LTAS SU MNGON, DE NAS BLA MA DE NYID KYIS RANG LA
DAD LDAN RNAMS KYIS PHUL BA'I YO BYAD RNAMS BKA' 'GYUR RIN BO CHE BZHENG BA SOGS CHOS PHYOGS SU BSGRIL NA KUN LA PHAN CHE BAR DGONGS NAS BKA' 'GYUR RIN PO CHE BZHENG BA GNANG BA'I SKU RGYU'I SKONG MI THE BAR BZHENG SKABS KYI LTO YON JA SOGS GSER THOG TU PHAB NA GSER ZHO STONG DANG BZHI BRGYA TZAM LA NYE BAR SONG, SLANG YANG RGYAL GYI MKHAN BO RGYAN GA PHYOGS SU BYON SKABS MKHAN CHAB LO GSUM TZAM MDZAD CING, RGYAL GYI 'DU KHANG CHEN MOR PHYE PHUR CHE BA GSUM DANG, DGE 'DUN RNAMS LA MANG JA 'GYED DANG BCAS BZHUS, DE MTHUN MNGA' RIS GRA TSANG DU'ANG MANG JA RAS KYI YOL SKOR TSOGS GDAN YANG PHUL, RGYAL GZHIS PA GRVA TSANG KHAG PHYOGS MTHA'I DGE 'DUN LNGA BCU LHAG TZAM LA BSNYEN RDZOGS DANG, BRGYA LHAG TZAM LA DGE TSUL GYI SDOM PA PHOG ,LHA RI, AAR TZA, AAR MGO ,SHU THAG RONG, STAG RTZE BCAS DVAGS PO STOD SMAD SOGS KYI SKYA SENG DUM LA DBANG RJES GNANG RANG RANG GI 'DOD PA DANG BSTUN NAS TSIM PAR MDZAD CING, GRA BA BGA' ZHIG GIS NAN GYIS BSKUL BA LTAR, BLA MA'I RNAL 'BYOR, BKA' DRIN DRAN PA'I GSOL 'DEBS, GSANG BA'I BDAG PO GOS SNGON CAN GYI MNGON RTOGS DGE 'DUN THUGS MTHUN CING 'PHEL RGYAS CHE BA'I 'DOD GSOL RNAMS KYANG GSAR RTZOM MDZAD, DE'I PHYI LO DBYAR GNAS LA PHEBS SKABS DGE 'DUN SUM BRGYA SKOR LA 'JIGS BYED BCU GSUM MA'I DBANG DANG RTOG BDUN
, ,SOGS RGYUD KYI LUNG GNANG, RGYAL TSOGS CHEN LA RGYAL RANG GI CHOS SKYONG SO SO'I BSKANG GSO'I LUNG DANG, GZHAN MA 'GA' ZHIG LA GSANG BDE 'JIGS GSUM GYI CHO GA'I LUNG DANG, N'A RO CHOS DRUG GI 'KHRID, DGE 'DUN SUM CU SKOR LA BSNYEN RDZOGS DANG, LNGA BCU LHAG TZAM LA DGE TSUL GYI SNGOM PA PHOG ,DGE SLONG BSAM GTAN GYIS GSOL BA BTAB PA'I NGOR LAM RIM CHEN MO, PAn CHEN THAMS CAD MKHYEN PAS MDZAD PA'I LAM RIM GYI DMAR KHRID, LHO BRAG GRUB CHEN RIN BO CHE'I PHYI NANG GSANG GSUM GYI RNAM THAR NANG TING NGE 'DZIN GYI RNAM THAR DANG BCAS PA'I LUNG GNANG, SLAR YANG RGYAL 'DU KHANG CHEN MOR PHYE PHUR CHE BA GCIG DANG DGE 'DUN LA MANG JA, RJE BTZUN BYAMS MGON LA BRGYA MCHOD SNYAN DAR DANG BCAS PA, RI MTHIL GYI MCHOD KHANG MGON KHANG RNAMS LA MAR ME SNYAN DAR SPOS SOGS 'BUL BAR MDZAD NAS, SEMS CAN LA BDE SKYID DANG BSTAN PA RGYAS PA'I SMON LAM 'PHRIN BCOL YANG RGYAS PAR GNANG, DE'I PHYI LO THAMS CAD MKHYEN PA DGE 'DUN RGYA MTSO'I SGRUB PHUG BRAG RTZA RU THUGS KYI BAG CHAGS 'JOG GSUNGS NAS, RJE'I SNGAGS RIM CHEN MO, RGYAL DBANG THAMS CAD MKHYEN PA CHEN POS MDZAD PA'I 'JAM DPAL ZHAL LUNG, GTOR MA'I SKOR CHA TSANG, SGOM SDE THAMS CAD MKHYEN PAS MDZAD PA'I 'JIGS BYED BSKYED RDZOGS KYI LUNG GNANG, BLA BRANG
YOM DGON GYI DBU MDZAD GRVA DMANGS DANG BCAS PAR MGON PO PHYAG BZHI BA'I RJES GNANG, THAMS CAD MKHYEN PA DGE 'DUN RGYA MTSOS MDZAD PA'I CHOS SKYONG SGRUB SKOR, LO STAR BZHIN RGYAL GNYER PAR TSE DBANG BRGYA RTZA RTA MGRIN GYI RJES GNANG, SENG GDONG MA'I RJES GNANG MDZAD CING, MNGA' RIS GRVA TSANG GI ZHAL SNGA NAS BLO BZANG BSTAN 'PHEL PAndI TAR GRAGS PA LA SNAR THANG BRGYA RTZA'I NANG GI RJES GNANG, LO STAR GYI 'DOD CHOS ZHU MI SNA TSOGS PAR SO SO'I BLO DANG 'TSAMS PAR SMAN BLA, RJE BTZUN 'JAM DBYANGS, RJE BTZUN SGROL DKAR, YE SHES KHYUD KHRA, MKHA' LDING NAG PO, MGON PO MYUR MDZAD, CHOS RGYAL, LHA MO, RNAM SRAS SOGS, YI DAM, CHOS SKYONG DU MA'I RJES GNANG, BKA' BSGO SOGS DU MA GNANG, SLE LUNG DU DGE 'DUN LNGA BCU LHAG TZAM LA GSANG 'DUS DANG 'JIGS BYED BCU GSUM MA'I DBANG CHEN, GZHAN YANG RJES GNANG DANG LUNG GI RIGS DU MA GNANG ZHING, BYAMS PA'I SKU BRNYAN BZHENG BAR BAL BO BOS NAS BZO THAB GTZUGS TE, BYAMS PA'I LUGS SKU GZHON NU LO BCO LNGA 'GRO BA'I TSAD TZAM KHRI RGYAB YOL DANG BCAS PA BZHENGS NAS, CHOS 'KHOR RGYAL DU PHUL, DE MTHUN DNGUL GDUNG MI TSAD TZAM ZHIG BZHENGS NAS MNGA' RIS GRVA TSANG DU PHUL, TSE DPAG MED KYI STONG SKU THANG KA GSUM LA TSAD PA BZHENGS, 'DOD KHAMS DBANG PHYUG DMAG ZOR RGYAL MO'I SKU BYIS PA LO BRGYAD BA'I LUS TSAD
, ,TZAM GTZO 'KHOR GSUM DANG, BEG TZE LCAM SRING GI SKU BYIS PA LO BRGYAD PA CAM SMAN 'DAM LAS BZHENGS SHING, THAMS CAD MKHYEN PA DGE 'DUN RGYA MTSO'I BKA' 'BUM YONGS RDZOGS DANG, RGYAL DBANG THAMS CAD MKHYEN BA CHEN PO'I BKA' 'BUM NAS PO TI BCU GCIG TZAM GYI PAR 'DEBS PA GNANG ZHING GZHAN YANG GSUNG BAR GYI RIGS MANG DU 'DEBS PAR GNANG, YANG SKABS SHIG LHO BRAG GRUB CHEN GYI RNAM THAR ZHING BKOD, JO BO'I RNAM THAR ZHING BKOD, MKHAS GRUB NOR BZANG RGYA MTSO'I RNAM THAR ZHING BKOD, RGYAL DBANG THAMS CAD MKHYEN PA CHEN PO NGAG DBANG BLO BZANG RGYA MTSO'I RNAM THAR ZHING BKOD RNAMS KYI SKU THANG CHE BA RE RE DANG, GRUB THOB BRGYAD CU'I SKU BRNYAN BRIS THANG BDUN LA TSANG BA RNAMS BZHENG BAR GNANG, GSER ZANGS LAS GRUB PA'I SKU BRNYAN YANG SANGS RGYAS SUM CU SO LNGA, TSE DPAG MED, SGROL DKAR, RGYAL DBANG THAMS CAD MKHYEN PA NGAG DBANG BLO BZANG RGYA MTSO MCHOG GI SKU BRNYAN KHRU GANG MA LONGS TZAM RE DANG, LHO BRAG GRUB CHEN NAM MKHA' RGYAL MTSAN GYI GSER SKU KHRU GANG LHAG TZAM RNAMS BZHENG PAR MDZAD, MDA' RIS GRVA TSANG GI 'DU KHANG GSAR RGYAB NOR BU GLING DU PHEBS, SPYIN SREG DANG RAB GNAS RGYAS PA CIG MDZAD NAS, GRVA TSANG LA MANG 'GYED DANG, GOS CHEN GYI RGYAL MTSAN DANG, PHYE PHUR CHE BA RE, SMAN 'DAM LAS GRUB PA'I BDE GSHEGS
MCHOD RTEN BRGYAD DANG, THUB DBANG GTZO 'KHOR GSUM BCAS 'BUL BA GNANG ZHING, DE NAS SDE PA SNANG PA'I SAR PHEBS NAS SBYIN SREG CIG GNANG, DE NAS RIM GYIS RI KHROD 'BANGS RI RGYUD KYI NANG RTEN DANG MNYAM MED NAM MKHA'I RNAL 'BYOR PA'I THUGS DAM GYI RTEN MGON PO'I SKU BYIN RLABS CAN DE MJAL BAR GNANG, TZA RI BSKOR NAS YAR PHEBS LA MA BANG RIM CHOS SNGER BZHUGS BA'I NUB MO MNAL ZA ZI'I DAD LA DPAL LDAN DMAG ZOR RGYAL MO BUD MED G-YU'I SKRA RBAD MGO NYIL LI BA SKU MDUN DU GSAL BAR GZIGS PA'I THUGS SNANG BYUNG GSUNG, DE LTAR DVAGS PO STOD SMAD KYI SKYA SER RNAMS CHOS KYIS TSIM PAR MDZAD NAS RGYAL BLA BRANG DU PHEBS SHING GNYER PAR TSE RTA ZUNG 'BREL GYI RJES GNANG ZHIG GNANG, SLAR SLE LUNG DU PHEBS NAS LHA BRIS PA MKHAS PA 'GA' ZHIG 'BOD BA MDZAD NAS DE BZHIN GSHEGS BA'I MDZAD PA BRGYA BA'I TSUL THANG KA NYI SHU RTZA LNGAR TSANG BA ZHIG BZHENG BA GNANG ZHING, RNAM SRAS KYI SKU THANG CHE BA LCANG LO CAN GYI ZHING BKOD DANG BCAS PA BZHENGS NAS, DE RNAMS BZHUGS PA'I GTZUG LAG KHANG RTZE ZHOL DANG BCAS PA CIG KYANG BZHENG BAR MDZAD DO, ,DE DAG LA 'DI SKAD CES BYA STE, SNGON GNAS GRUB PA'I DPA' BO RNAL 'BYOR MA, ,RGYAL DANG RGYAL SRAS DGRA BCOM CHEN PO RNAMS, ,KHYOD KYI SKU GSUNG THUGS KYI MDZAD PA LA, ,DGYES NAS MNGON SUM 'DZUM ZHAL BSTAN PA SNYAM, ,RGYAL BA'I SKU GSUNG THUGS
, ,RTEN BZHENG BA DANG, ,ZAB MO'I GDAMS PA GZHAN LA 'DOMS PA DANG, ,JI LTAR GDAMS BZHIN NYID KYIS NYAMS BZHES PA, ,'DI GSUM BLA MKHYED KYI RNAM THAR GTZO, ,DE LTAR 'KHOR LO GSUM GYI ROL PA YIS, ,SHAR PHYOGS 'OL KHA CHOS 'KHOR RGYAL SOGS KYI, ,DGE 'DUN SDE SKYONG BSHAD SGRUB RGYAL BA'I BSTAN, ,'DZIN SKYONG SPEL BA'I RTZA LAG CHEN POR GYUR, CES BYA'O, ,DE NAS NAD DANG GDON DANG RIMS SOGS GANG GIS KYANG BRDZI BAR MI NUS PA'I RDO RJE'I SKU BRNYES KYANG, SKU DE NYID KYI DNGOS KYI GDUL BYA PHAL CHER RDZOGS NAS, SKU TSE PHYI MA'I GDUL BYA LA GTZO BOR PHAN GA DAGS PAR DGONGS TE BSNYUNG GZHI ZHIG BYUNG NAS GZHAN DON LA GSHEGS RGYU'I RGONGS MO CHOS 'KHOR RGYAL NA THAMS CAD MKHYEN PA DGE 'DUN RGYA MCHO'I THUGS DAM RTEN BYIN RLABS SHIN TU CHE BA YOD PA DE'I SKU MDUN DU GTOR 'BUL SHIN TU RGYAS PA CIG GYIS DE LA DGOS PA KHYAD PAR CAN CIG YOD GSUNGS NAS DGUNG LO LNGA BCU NGA GCIG GI THOG ME BYI ZLA BA DANG PO'I TSES BCO LNGA'I THO RANGS KYI CHAR ME TOG GI CHAR, 'JA' 'OD KYI GUR LA SOGS PA NGO MTSAR BA'I LTAS DU MA DANG BCAS TE GZUGS SKU'I ZA MA TOG GI THUGS KA NAS SHIN TU PHRA BA'I RLUNG SEMS LAS BSGRUBS PA'I YE SHES KYI SKU DE NYID SKAD CIG LA THOGS PA MED PAR KHAS GSUM GANG GIS KYANG MA BSDUS PA'I DAG BA MKHA' SPYOD KYI GNAS SAM,
LCANG LO CAN DU DPAL GSANG BA'I BDAG BO'I THUGS KAR RE SHIG THIMS BAR GYUR, DE DAG LA 'DI SKAD CES BYA STE, MI SHIGS RDO RJE LTA BU'I SKU BRNYES KYANG, ,RTAG 'DZIN CAN RNAMS GDUL BA'I THABS MKHAS KYIS, ,SPRUL SKU'I MDZAD PA THAM NYER BSTAN TE, ,MKHA' SBYOD LCANG LO CAN DU GSHEGS PAR GYUR, ,KYE MA GDON GSUM 'JOMS PA'I MTHU STOBS CAN, ,MKHAS GRUB DGE 'DUN CHOS RGYAL DBANG PHYUG DE, ,BLO BUR NYID DU ZHI BA'I DBYINGS SU MNAL, ,DA KO SNYIGS DUS BAR CHAD DU YIS SEL, ,NYAMS THAG 'GRO BA'I SMRE SNGAGS 'DI GSON LA, ,CHOS SKU'I MKHA' LA THUGS RJE'I SPRIN BSDUS TE, ,RTZOL MED 'PHRIN LAS BDUD RTZI'I CHAR RGYUN GYIS, ,SBRUL SKU'I LO TOG MYUR DU SMIN PAR MDZAD, ,DE NAS ZHING KHAMS GZHAN DU GSHEGS RJES DGUNG ZHAG ZHE DGU'I BAR DU, CHINGS PA, DGA' LUNG PA, 'OL KHA, GZIMS KHANG DKAR PO, RDZING PHYI NAS DGE 'DUN BSNYEN RDZOGS PA BZHI BCU ZHE GCIG TZAM GYIS GSANG 'DUS, 'JIGS BYED, SMAN BLA, BLA MA MCHOD PA, SMON LAM GYI RIGS LA SOGS PA'I DGONGS PA RDZOGS THABS RNAMS GDUNG SHUGS DRAG PO'I SGO NAS MDZAD CING, SKU GDUNG ZHUGS 'BUL LA CHOS 'KHOR RGYAL NAS DGA' TSAL DBU MDZAD GDAN 'DREN ZHUS TE ZHUGS 'BUL MDZAD PA'I LTAS KHYAD PAR CAN BYUNG ZHING, GDUNG CHOG PA RNAMS LA ZHABS TOG DANG DNGUL SRANG LNGA RE LA SKOR BA'I YON PHUL, SKU
, ,ZHABS YAS PHYIN LA SPYAD DNGOS 'GANGS CHE BA'I RIGS RNAMS LJAGS BSNGO'I RTEN, SER 'BRAS DGE GSUM GYI DPON SLOB RNAMS LA BRGYAD TSAN DRUG TSAN BZHI TSAN SOGS SO SO'I BAB RIGS DAD MTHUN PA DANG, LHA SA, SER 'BRAS DGE GSUM, BSAM YAS, 'OL KHA SOGS KYI MCHOD KHANG RNAMS SU, MAR ME, SNYAN DAR, BDUG SPOS, CHOS 'KHOR RGYAL, MNGA' RIS GRVA TSANG SOGS LA'ANG MANG 'GYED SBYI 'DUL, BDUN GSUM PAR 'OL KHA'I DGON KHAG RNAMS BSDUS NAS NYIM PHYED GNYIS BAR MANG JA TSA GRVA 'GYAD BCAS, BKRA SHIS LHUN POR NGED LA'ANG DGONGS PA RDZOGS CHED DU BSNGO RTEN, MCHOD KHANG SO SOR SNYAN DAR SPOS, CHOS 'KHOR RGYAL GYI MCHOD KHANG MGON KHANG SOGS LA SNYAN DAR BDUG SPOS, BYAMS MGON GYI GTZOS RTEN GTZO CHE BA RNAMS LA RGYA MCHOD SOGS PHUL ZHING, THUGS DAM GSUNG BRTAG PHEBS PA BZHIN, BZANG SPYOD, SGROL MA SOGS DGE 'DUN BCU GCIG GIS ZLA BA GNYIS LHAG TZAM 'DON PAR MDZAD, LA MO CHOS SKYONG GI LUNG BSTAN LTAR PHYAG RDOR 'KHOR CHEN GYI SKU THANG BZHENGS NAS RAB GA NAS PHYAG MCHOD RGYAS PA DANG, 'DI KHA'I BRTAG PAR BABS PA BZHIN PHYAG RDOR 'KHOR LO CHEN BO' GSER SKU DANG, GZHAN YANG DNGUL GDUNG MI TSAD TZAM ZHIG DANG, SMAN BLA BDE GSHEGS BRGYAD KYI SKU KHRU GANG BAG MED TZAM
RE DANG, RGYAL DBANG MCHOG GI SMAN SKU, BLA MA DE NYID RANG GI SKU GSER ZANGS LAS GRUB BA MI TSAD TZAM ZHIG DANG, SMAN BLA BDE GSHEGS BRGYAD KYI THANG SKU, GRUB CHEN BRGYAD CU'I THANG SKU, RGYUD 'BUM PO TI BCO BRGYAD LA TSANG BA RNAMS BZHENGS SHING, GRVA PA BZHIS BKA' 'GYUR RGYUD 'BUM SGROG PAR MDZAD PA SOGS BLA MA DE NYID RANG LA DAD LDAN RNAMS KYIS PHUL BA SOGS DGONGS PA YONGS SU RDZOGS THABS SPRUL SKU MYUR PHEBS KYI RTEN 'BREL LA DMIGS PA'I DGE PHYOGS LA GANG 'GRO BGYIS YOD PAR 'DUG LAGS SO, ,TSUL 'DIR 'BAD PA'I RNAM DKAR LEGS BYAS MTHUS, ,BLO BZANG RGYAL BSTAN SHING RTA CHEN PO'I LAM, ,MA NOR LAM BZANG RIM GYIS MYUR BGROD DE, ,RNAM 'DREN THAR BA'I LAM DU PHYIN PAR SHOG, ,SHUGS DRAG DAD LDAN SKYE DGU MTHA' DAG GI, ,BSOD NAMS PHUNG PO JI SNYED MCHIS PA DAS, ,ZHING 'DIR SPRUL SKU'I 'BRAS BU LEGS SMIN TE, ,RGYAL BA'I BSTAN PA MI NUB 'DZIN PAR SHOG ,DE LTAR DANG BAS GSOL BTAB LUS CAN RNAMS, ,DAM PA KHYOD KYIS 'BRAL MED RJES BZUNGS TE, ,YANG DAG LAM BZANG MYUR DU LEGS RTOGS NAS, , 'GRO RNAMS PHAN BDE'I LAM LA 'GOD PAR SHOG ,CES RJE DRUNG SPRUL PA'I SKU DGE 'DUN CHOS RGYAL DBANG PHYUG GI RNAM PAR THAR PA GRUB DBANG DGYES PA'I ROL MTSO ZHES BYA BA 'DI NI GTZANG PA DGE SLONG BSAM GTAN DANG,
, ,DGE SLONG TSUL KHRIMS CHOS 'PHEL GNYIS KYIS NAN CHEN POS YANG YANG BSKUL BA LA BRTEN NAS SH'AKYA'I BTZUN PA BLO BZANG YE SHES KYIS 'BRU MANG PO ZHES PA SA PHO STAG GI LO HOR ZLA BCU BA'I TSES GNYIS LA GTZANG STOD KYI CHOS GRVA CHEN PA BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI GZIMS KHANG RGYAL MTSAN MTHON POR GRUB PAR BGYIS PA'O,, MANG+GA LAm,,
[BLANK PAGE]