Part Two of the String of Precious Jewels--A Clear Account of the Life of His Holiness the First Panchen Lama, Lobsang Chukyi Gyeltsen

, ,PAn CHEN BLO BZANG CHOS KYI RGYAL MTSAN GYI RNAM THAR GSAL BAR STON PA NOR BU'I 'PHRENG PA'I SMAD CHA BZHUGS,,

, ,NAM: SARBA STU TE BYA, MI MED ZHING GI 'GRO LA THUGS BRTZE BAS, ,GRANGS MED BSKAL PAR TSOGS GNYIS MTHAR PHYIN PA, ,PHUN TSOGS YON TAN RGYA MTSO'I RLABS 'PHRENG G-YO, ,STOBS BCU MNGA' BA'I ZHABS LA SPYI BOS 'DUD, ,DE YANG SKABS SHIG TU SRAD RGYAD DPON SLOB DANG, SDE PA SRAD PA SOGS SKYE BO 'GA' ZHIG NAD KYIS BTAB NAS SHIN TU LOD PA BYUNG BAR, TSE DBANG SPYAN DMIGS DGOS TSUL ZHUS PA LA, DUS TSOD SKYA RENGS 'CHAR BA'I DUS SU DMIGS PA DER 'DUN PA GTOD GSUNG BA BZHIN DUS SGO BSGRIGS PAR 'PHRAL DU NAD GZHI MED DU DRAG BAS MOS PA YID CHES BLA NA MED PA SKYES SHING DGA' MGU YI RANG BYUNG 'DUG PAR MGRON GNYER SOGS ZHAM RING PA RNAMS KYANG NGES SHES YA MTSAN DU BYED PA BYANG 'DUG CING, LAN CIG GZIMS

, ,CHUNG SKAR KHUNG GI RTZA BA NAS MU TIG SHIN TU SDUS GTZANG BA LHO RAS CHE BA KHA GANG LA 'THUMS TSAD CIG BZHES NAS, MI 'DI RANG GIS SBYIN NI MI 'DUG ,PHAL CHER MI MA YIN DKAR PHYOGS LA DGA' BA ZHIG GIS BSKYAL BA 'DRA GSUNG, GTZANG KHUL GYI DGON SDE RNAMS LA MANG 'GYED DU GNANG ZHING, ZHAM RING PA GSOL DPON BLO BZANG BSTAN 'DZIN GYI RMI LAM DU, RJE BTZUN BYAMS PA MGON PO KHRI RGYAB SHIN TU RGYAS PA'I STENG NA, DBU RGYAN GSOL ZHING CHOS 'KHOR GYI PHYAG RGYA CAN, THUGS KA NAS 'JA' 'OD SNA TSOGS 'PHRO ZHING, DE'I SKU MDUN NA RJE DE NYID KYANG BZHUGS STAN BZANG PO'I STENG DU SKU BER DANG CHOS GOS GSUM LEGS PAR GSOL ZHING, PHYAG THAL MO SBYAR NAS BZHUGS PA LA, 'OD ZER 'PHROS PA PHAL CHER THUGS KAR THIM PA DANG, 'GA' ZHIG DBU'I STENG DU ZUG PA, RJE BTZUN TZONG KHA PA CHEN PO'I SKU BRNYAN ZHIG KYANG DBU'I STENG NA YOD PA, RJE BTZUN GYI THUGS KA'I 'OD ZER BLO BZANG BSTAN 'DZIN RANG DANG ZLA BO GCIG YOD PA'I MGO THOG TU YANG BYANG BA DANG, YANG LEN CIG RJE BTZUN GYI DRUNG DU 'GRO BA LA

RJE NYID KYIS MGRON GNYER MDZAD RGYU YIN GSUNG PA RMIS PA BYUNG 'DUG ,LAN CIG SKU KHAMS MA BDE BA'I TSUL BSTAN SKABS SHIG BLO BZANG BSTAN 'DZIN GYI RMI LAM DU, KHYE'U MDA' GZHU THOGS PA 'GA' ZHIG ,BU MO 'TSOL BAR PHYIN PA'I LAM BAR DU, SANGS RGYAS BCOM LDAN 'DAS DANG MJAL NAS STON PA BU MO GZIGS MA BYUNG NGAM ZHUS PAS, STON PA'I ZHAL NAS BU MO 'CHOL BA LAS KHYED RANG RNAMS BTZAL NA GSUNG BAR, DE RNAMS STON PA'I SPYAN SNGAR CHOS NYAN GYI 'DUG ,NAM PHYED YAN LA CHOS KYI RNAM GRANGS MTHA' YAS PA CIG GSUNGS BYUNG TSUL ZHUS PAR, RJE NYID KYI ZHAL NAS SKYA SER GYI SKYE BO NGO SHES MI SHES SNA TSOGS KYI KHROD DU SLEBS PA'I SNANG BA ZHAG SHAR BYUNG GSUNG BA LA, DE SKABS LUNG PA GANG DU PHEBS SOGS ZHIB CHA ZHUS NA PHYIS GTAN TSIGS DANG BCAS NGES PA YONG RGYU YIN 'DUG KYANG ZHU MA SPOBS PAS SLAR 'GYOD THAL DU GYUR CES GLENG, 'JIG RTEN PA'I THUGS BSKYED NA, SROG CHAGS GROG SDUR TSUN CHAD KYIS DGONGS PA LON PA LAR, BLO BZANG BSTAN 'DZIN GYI YID LA GTZANG CHU'I BYANG BRGYUD DU SLEBS PA'I SNANG BA ZHIG DE SKAD GSUNG MA THAG WAL GYIS BYUNG 'DUG, ,DE SKABS RJE NYID SKU NA SHIN TU SMIN PA'I STOBS KYIS GSOL DPON BLO BZANG BSTAN 'DZIN KYANG BLO DAL DUB TSE BA YOD PAR, NYIN GCIG BYE'U ZHIG ZAN 'TSOL ZHING ZA PAR SKU MDUN DU BYUNG BAR, BLO BZANG BSTAN 'DZIN GYI SEMS LA 'DI 'DRA'I SNGAG LAS BYE'U 'DI YIN NA BSAM PA LA, RJE NYID KYIS SPYAN 'BUR TSUGS SU GZIGS NAS, SDUG GE DUD 'GRO ZER LTO BYA

, ,TSOL BYI TSOL BYED DGOS PA GSUNG BAR, THUGS BDEN SNYAM NGO YANG SHIN TU TSA BA BYUNG 'DUG, ,LCAGS GLANG LO NAS NYI ZLA SOGS 'OD MI GSAL ZHING, RGYU SKAR SA LA LHUNG BA DANG, KHRON PA MTSO MTSE'U BSKAMS PA DANG, SNGAR MED PA'I BYA SOGS 'BAB PA DANG, RI DVAGS NYE 'KHOR DU RGYAG PA DANG, KHRO'I NANG DU MI SHOR BA DANG, RI DU BA DANG, 'BRAG 'BAB PA SOGS DANG, BONG BUS BZHAS DANG, DUD 'GRO LA LTAS NGAN SKYES PA DANG, MI MTHUN PA'I RLUNG SOGS RTAGS MTSAN NGAN PA DANG, RMI LAM NGAN PA MTHA' DAG LA BYUNG ZER CING, DGE LUGS KYI BSTAN PA 'DI JI 'DRA ZHIG YONG RGYU YIN CES GLENG BA YANG BYUNG 'DUG ,DBYAR ZLA THA CHUNG GI TSES BCU YAN LA, BSNYEN RDZOGS RJES GNANG SOGS GDUL BYA RANG RANG GI BLO DANG MTHUN PA'I CHOS KYI BGO SKAL BLA NA MA MCHIS PA BSKOR BAR MDZAD, BCU GCIG NAS BRO 'TSAL BA'I TSUL BSTAN CING SKU MTSAMS KYI BCAD RGYA DAM PAR GNANG BA DANG, GRUB MTHA' RIS MED PA'I SER MO PA THAMS CAD KYIS BRTAN BZHUGS SKU RIM LA BRTZON PAR MDZAD, SNGA GONG RJE DE NYID KYI SKU DRUNG DU GSOL DPON BLO BZANG BSTAN 'DZIN SDOD DUS KYI RMI LAM LA MGON PO PHYAG DRUG PA DANG, ZHAL BRAM GZUGS GNYIS SKU MDOG SHIN TU SNUM PA BKRA SHIS LHUN PO'I GTZUG LAG KHANG DU YONG BA ZHIG YOD 'DUG KYANG, DE DUS 'OG KHANG RDIB 'GRO LA KHAD PA CIG TU PHYAG DRUG PA'I SKU THIGS PAS BRDUNGS PA CIG RMIS PA, RJE NYID LA SKU GRIB KYI RTAGS SU GO NAS SNGAGS GRVA PA RNAMS KYIS KHRUS GSOL MDZAD PA

SKU DVANGS SKYED SHIN TU CHE BA BYUNG ZHING, NYER GCIG GI NUB RMI LAM DU JO BO RJE BAL YUL NA BZHUGS YOD ZER NAS RJE NYID KYI DRUNG DU BANG PHYIN BYUNG BAS, RJE NYID KYI ZHAL NAS JO BO RJE'I YIG LAN DU KHONG BKRA SHIS LHUN PO PA TSO RNAM RTOG MI BYED NANG YANG DGA' LDAN DU MYUR DU YONG GSUNG ZHING, RTEN CHAS LA DRI BZANG GI CHUN PO GNANG BA RMIS PA'I SNGA DRO THANG SKYA BLA MA GSER PHON SHIN TU CHE BA PHUL BAR GSER DE DAG LA RJE BTZUN BYAMS MGON GYI SKU BRNYAN BZANG PO'I 'DUG STABS CAN CIG GAR BUR BZHENGS BKA' PHEBS PAR BLO BZANG BSTAN 'DZIN GYIS ZHAL 'DEBS KYANG PHUL NAS SMON LAM RNAM PAR DAG PA BTAB CING, RMI LAM GYI LO RGYUS ZHUS PAR BAG CHAGS RANG YIN ZER RGYU NI MI 'DUG ,YA MTSAN CHE 'DUG GSUNG BA DANG, DE NAS BKRA SHIS LHUN PO'I SLOB DPON DGE SKOS RNAMS KYIS GDUNG SHUGS DRAG PO'I SGO NAS ZHABS PAD BRTAN DGOS PA'I GSOL BA BTAB, DE NAS BZUNGS SKU KHAMS DVANGS SHING GDUL BYA'I BLO DO DANG BSTUN PA'I CHOS KYI 'KHOR LO RGYUN MAR BSKOR BAR MDZAD THA SKAR ZLA BA'I TSES BCU GSUM LA CHOS 'KHOR GSANG BA'I PHOGS JA TSUL SOGS SNGAR BZHIN THOG ,'DUS TSOGS NYIS STONG LHAG PAR DGE 'DUN RE LA 'BRU BRE TSAD KYI KHAL BCU GCIG RE THOB NGES KYI SPYI 'GYED GNANG, 'DI SKABS DPAL 'KHOR CHOS SDE'I MKHAN PO, KHAL KHA'I DPON YEL TING, AO'I ROD KYI 'GRUL PA BCAS 'BYOR PAS MAndAL DANG 'BUL SKYES GYA NOM PA BSKRUN, DE NAS GTZANG RONG GI GRUB MTHA' RIS MED PA'I DGON KHAG BDUN CU SKOR LA MANG JA, BSNGO RTEN RNAM GZHAG

, ,SPYI 'GYED MU TIG ZHO PHYED BZHI STONG DGON CHE CHUNG GI DBYE BAS GNANG ZHING, ZLA BA DANG PO NAS BCU PA'I LNGA MCHOD KYI BAR GNAS GZHIR BZHUGS SKABS LO LTAR NYIN RE BZHIN, BLA MA, YI DAM, SANGS RGYAS, BYANG SEMS CHOS SRUNGS MANG PO'I SNANG BRNYAN BRGYA RTZA BRGYAD RE BRGAL BA PHYAG BSTAR 'CHAG MED GNANG, SMIN DRUG ZLA BA'I NANG DU SDE PA RIN CHEN RTZE NAS DPON G-YOG RNAMS KYIS MAndAL 'BUL BA BCAS RGYAS PAR PHUL ZHING, DOR MKHAN POS STE DBANG DGOS TSUL ZHUS PA'I BZHED PA BSGRUBS, DGUN CHOS DANG PO'I THOG KHAL KHA'I SKU SKYE DANG, DHARMA K'IRTI, DHARMAK'A YA SOGS BYED PA YON BDAG 'GA' 'BYOR BAS BDOG PAR DNGOS PO DPANGS MTHO BA PHUL, DE MTHUN 'DUS PA RGYA MTSOR BSNYEN BKUR PHUN SUM TSOGS PA PHUL ZHING, KHONG RNAMS LA'ANG DBANG RJES GNAN SOGS JI LTAR 'DOD PA'I RE BA SKONG BAR MDZAD, DE NAS CHOS GRVA 'DIS MTSON PA'I GTZANG KHUL GYI DGON CHE PHRA BRGYA PHRAG LA NYE BAR MANG JA, BSNGO RTEN RNAM GZHAG, SPYI 'GYED MGYOG BGRO NYIS BRGYA BRGYAD CU BRGAL BA CHAB SNYOMS NAS GNANG ZHING, GZHAN YANG BSAM GTAN PA'I SDE BCU PHRAG TZAM LA MANG JA BZANG GOS KYI 'GYED BCAS STZAL, YANG CHOS GRVA 'DIS MTSON PA'I 'CHAD NYAN 'PHEL BA'I CHOS SDE BCU LA MANG JA, BSNGO RTEN, RNAM GZHAG ,SPYI 'GYED GOS YUG NYER GSUM BCAS PHUL, DGUN CHOS GNYIS PA'I SKABS CHOS GRVA 'DI DANG DBEN SA CHOS KYI PHO BRANG DU MANG JA RNAM GZHAG CHE KHAR RTA RAS GTZOS PA'I ZAB PA DANG, 'GYENG GSER

MGUR ZHO BRGYA PHRAG GNYIS DANG BCU PHRAG LNGA DGE 'DUN ZHAL GRANGS DANG BSTAN NAS GNANG, DE SKABS ZHABS 'BRING BA GRVA BU SLOB TSANG MA SKU NA SHIN TU SMIN PAR BLO RAB TU MTSER KYANG, LNGA MCHOD CHEN MO DANG, BRGYANG MCHOD, DUS GTOR RNAMS SHIN TU LEGS PA BYUNG BAS BLO BDE ZHING, MGON KHANG CHEN MO'I DMAG ZOR MO'I ZHAL RAS SHIN TU DMAR LA SNUM PA DPYANG DKA'I GZHIR BYED PA CIG KYANG BYUNG 'DUG ,DGE BYED CES PA CHU PHO STAG GI LO GNAM LO GSAR TSES KYI SNGA CHANG NYI 'ONG DU TSES GTOR 'BUL BA'I TSOGS DBUR PHEBS TE, BLA MA YI DAM, 'DOD KHAMS DBANG PHYUG MA GTZO BOR GYUR PA'I CHOS SKYONG BSRUNG MA RNAMS LA SNGAR BCOL LEGS PA'I GTANG RAG DANG DA 'CHOL LEGS PA'I GSOL 'DEBS SU DNGOS BSHAMS YID SPRUL GYI MCHOD SPRIN DAM RDZAS SPYAN GTZIGS TSOGS KYI 'KHOR LO RGYA CHEN PO'I SGO NAS MNYES PAR GNANG ZHING, TSOGS LHAG GIS MI DANG MI MA YIN PA'I 'GRO BA KUN KYANG TSIMS PAR MDZAD CING, GZHAN YANG LHA BTZUN, DBON CHOS MDZAD, SBYIN BDAG SDE DPON RIGS SOGS SER SKYA'I TSOGS LA MJAL KHA DANG, DGA' STON RGYA CHEN POS YI RANG BAR MDZAD, DE'I SANG NYIN NAS SKU CUNG ZAD BSNYEL TSUL BSTAN NA'ANG MJAL KHA SNGAR LTAR STZAL, 'DI DAG GI SKABS SU SKU'I BKOD PA BSDU GAR NYE BA'I RTAGS SU MI RTAG PA'I LUNG SOGS GSUNG PA NI, SNGA PHYIR 'KHOR BA'I MTHA' DANG MNYAM TZAM DU, ,RGYA CHE RING BA'I NYIN DANG MTSAN GYUR LA, ,DE 'DRA BSAGS PA LOR GYUR DUS RING BA'I, ,BSKAL PA RGYA MTSO'I CHU THIGS GRANGS SNYED KYIS, ,BYANG CHUB MCHOG GI

, ,SEMS GCIG SKYE 'GYUR LA, ,DE 'DRA'I RNAM PAS TSOGS ZHAG RE RE ZHING, ,SGRUB DGOS GYUR KYANG SNYING RJES SKYO BA MED, ,BYANG CHUB DAM PA SGYID LUG MED BA SGRUB, ,'KHOR TSE RANG GI SDUG BSNGAL SEMS BTANG ZHING, , GO CHA BRTAN PA DPAG LAS DE BSKYED NA, ,BRTUL ZHUGS DPA' BO SNYING RJE'I NGANG CAN LA, ,YANG DAG BLANGS PA DANG PO YIN PAR BRJOD, CES GSUNGS PA YANG GO CHA'I BRTZON 'GRUS SO, ,GZHAN YANG 'KHOR BA THOG MED NAS DA LTA YAN CHAD LA ZHAG GCIG TU BYAS PA'I ZHAG SUM CU LA ZLA BA DANG, DE BCU GNYIS LA LOR BYAS PA'I LO 'BUM SONG BA NA BYANG CHUB KYI SEMS GCIG SKYE ZHING, SANGS RGYAS GCIG MTHANG LA, DE 'DRA BA GANG+GA'I KLUNG GI BYE MA'I GRANGS DANG MNYAM PA GCIG GIS SEMS CAN GCIG GI SEMS DANG SPYOD PA SHES LA, DE LTA BU'I TSUL GYIS SEMS CAN THAMS CAD KYI SEMS DANG SPYOD PA SHES PAR BYA DGOS KYANG MI ZHUM PA'I GO CHA LA GO CHA MI ZAD PAR BLO GROS MI ZAD PAS ZHUS PA LAS GSUNGS TE, GONG NA MED PA'I BRTZON 'GRUS SO, ,LHA GCIG JI LTAR KHYOD 'BYOR KYANG, ,GSHEGS NAS 'JIG RTEN GZHAN BZHUD TSE, ,MYA NGAM THANG LA DGRAS BCOM LTAR, ,GCIG BU SRAS MED BTZUN MO MIN, ,NA BZA' MA MCHIS BSHES MA MCHIS, ,RGYAL SRID MA MCHIS KHAB MA MCHIS, ,DPAG MED MTHU DPUNG MNGA' LAGS KYANG, ,GZIGS SU MA MCHIS GSAN MA MCHIS, ,GCIG TZAM NYID CIG PHYI THAG GIS, ,RJES SU 'BRANG BA'ANG MI MNGA'O, ,MDOR NA NYID KYI MTSAN TZAM YANG, ,DE TSE MED NA

GZHAN CI SMOS, ,BSAGS PA KUN GYI MTHA' 'DZAD CING, ,MTHON PO RNAMS KYI MTHA' LTUNG 'GYUR, ,PHRAD PA'I MTHA' NI 'BRAL BA STE, ,GSON PA'I MTHA' NI 'CHI BA YIN, ,GANG YANG SANGS RGYAS RANG SANGS RGYAS, ,SANGS RGYAS RNAMS KYI NYAN THOS KYANG, ,SKU LUS 'DI NI SPONG MDZAD NA, ,SKYE BO BAL RNAMS SMOS CI DGOS, ,GANG DU GNAS NA 'CHI BAS MI TSUGS PA'I, ,SA PHYOGS DE NI YOD PA MA YIN TE, ,PAR SNANG LA MED RGYA MTSO'I NANG NA MED, ,RI BO RNAMS KYI GSEB TU ZHUGS NA'ANG MIN, ,BYUNG DANG 'BYUNG BAR 'GYUR BA JI SNYED PA, ,KUN GYIS LUS 'DI BTANG NAS 'GRO BA DANG, ,DE KUN 'JIG BAR MKHAS PAS RTOGS BGYIS TE, ,CHOS LA GNAS KYI NGES PAR SPYAD PA SPYOD, ,DPER NA PHYAGS BZHI NAS RI CHEN PO SRA BA BRTAN PA SNYING PO DANG LDAN PA MA ZHIG PA MA GAS PA 'PHAN MED PA, SHIN TU MKHREGS PA GCIG TU STUG PO BZHI GNAM LA REG CING SA SLOG STE, RTZ'A DANG SHING DANG SHING GEL BA DANG, YAL GA DANG LO MA THAMS CAD DANG, SEMS CAN SROG CHAGS 'BYUNG PO THAMS CAD PHYE MAR 'THAG CING 'ONG BA LA NI, MGYOGS PAS BROS BA'AM, STOBS KYIS BZLOG BA'AM, NOR GYIS BZLOG PA'AM, RDZAS DANG SNGAGS DANG SMAN RNAMS KYIS BZLOG PAR SLA BA NI MA YIN NO, ,RGYAL PO CHEN PO DE BZHIN DU 'JIGS PA CHEN PO BZHI 'DI DAG 'ONG STE, DE DAG LA MGYOGS PAS 'BROS PA'AM, STOBS KYIS BZLOG BA'AM, NOR GYIS BZLOG PA'AM, RDZAS DANG SNGAGS DANG SMAN GYIS BZLOG PAR SLA BA NI MA YIN NO, ,BZHI GANG ZHE NA, RGA BA

, ,DANG, NA BA DANG, 'CHI BA DANG, CHUNG BA'O, ,RGYAL PO CHEN PO RGA BA NI DAR LA BAB PA 'JOMS SHING 'ONG, NA BA NI NANG MED PA 'JOMS SHING 'ONG, RGUD PA NI PHUN SUM TSOGS PA THAMS CAD 'JOMS SHING 'ONG, 'CHI BA NI SROG 'JOMS SHING 'ONG STE, DE DAG LA NI MGYOGS PAS BROS PA'AM, STOBS KYIS BZLOG PA'AM, NOR GYIS BZLOG BA'AM, RDZAS DANG SNGAGS DANG SMAN RNAMS KYIS ZHI BAR SLA BA MA YIN NO, ,ZHES SOGS GSUNG ZHING, GRVA BU SLOB TSANG MAS ZHABS PAD BRTAN DGOS TSUL GYI GSOL BA NAN CHAGS BTAB PAR, DA RANG LO BRGYA PHRAG BRGAL BAS RGAS SHING GOGS, BLA MA RIN PO CHE ZHABS PAD BRTAN YONG BAS SKYON MED GSUNG, DE SKABS BKRA SHIS LHUN PO'I DRI GTZANG KHANG GIS MTSON RTEN GTZO RNAMS LA GSER CHAB GSOL ZHING BSTAN BA RGYAS PA'I SMON LAM RTEN 'BREL SGRIG PA GNANG, TSES LNGA NAS CHO 'PHRUL GYI MCHOD PA DANG SMON LAM TSUGS PAS 'DUS TSOGS CHE ZHING RNYED BKUR PHUN SUM TSOGS PA DANG, SMON LAM RNAM PAR DAG PA 'PHEL NGOS, KHAL KHA G-YAS RU RGYAL KHANG RTZE SBRUL PA'I SKU SOGS BYANG 'GRUL PA 'BYOR BAS ZANG ZING GI DNGOS PO RGYAS PAR PHUL ZHING 'DU SER MANG 'GYED BLA NA MED PA BSGRUBS, GZHAN YANG PHYOGS MTHA' DAG NAS SKYE BO'I TSOGS DU MA 'DUS PAR MJAL KHA CHU BO'I RGYUN LTAR STZAL, DE NAS RE ZHIG SKU MTSAMS KYI BCAD RGYA DAM PA'I NGOS, CHOS GRVA 'DI NYID KYIS MTSON PA'I GTZANG KHUL GYI 'CHAD NYAN 'PHEL BA'I DGON RI KHROD KYI SDE DANG BCAS PA RNAMS LA MANG JA BSNGO

RTEN, RNAM GZHAG ,PHYAG 'GYED BZANG GOS KHA JI, MTHON THI, TSOGS GCIG SOGS TSOS KHA SNA TSOGS KHA DRUG STONG BDUN BRGYA LA REG BA ZHAL GRANGS DANG BSTUN NAS BSTAR, 'DI KHA'I SNGAGS GRAR YANG ZHAG SHAS BSTI STANG PHUL DU BYUNG BA DANG, SKAM 'GYED 'BRU KHAL BCO LNGA RE THOB PA GNANG, DE NAS SKU'I BKOD PA SDUD DU NYE BA NAS, SNGAR DANG MI 'DRA BA'I SKU BRO 'TSAL BA'I TSUL STON CING, ZHABS BRTAN SKU RIM SOGS SPYI SGER SO SO NAS 'BAD RTZOL DANG LEN BSGRUBS KYANG, BDAG GIR MI GNANG ZHING RANG RANG GI RIM GROR 'GRO GSUNG BA DANG, NGA'I 'DI RGYAS NAD YIN PAS RIM GRO DANG SMAN SOGS KYIS PHAN PA MED GSUNGS BZHAD MO GNANG BA DANG, 'ON KYANG SKU LA BCAR BA RNAMS KYIS GSOL BA BTAB NAS ZHABS BRTAN SKU RIM BSGRUBS SHING, GSOL SMAN 'PHROD BSTEN MDZAD, 'DI DAG GI SKABS SU SA ZLA MGUR ZHO NYIS STONG DRUG BRGYA DANG GYA BRGYAD LAS GRUB PA, THUB DBANG RDO RJE GANG NA CHUNG MA'I SNANG BA RNYAN BZHI, RJE BTZUN BYAMS MGON GYI SKU BRNYAN GNYIS BCAS GAR BU LAS BZHENGS SHING, DNGUL DKAR SRANG STONG DANG PHYED NYIS BRGYA LAS GRUB PA'I RJE BTZUN BLA MA TZONG KHA PA CHEN PO, MKHAS GRUB CHEN PO SANGS RGYAS YE SHES, THUB PA'I DBANG PO, RGYAL BA 'OD DPAG MED, SMAN PA'I RGYAL PO RNAMS KYI SKU BRNYAN RE DANG, RGYAL BA MI 'KHRUGS PA'I SNANG BRNYAN GNYIS BCAS GAR BUR BSGRUBS PA DE DAG GI KHRI 'OD GSER ZANGS LAS GRUB BAR PAD 'DAB, BZANG G-YU, BYU RU SOGS KYI PHRAS MDZES SHING PHUL DU BYUNG BA 'PHRAL DU GRUB, DE DAG GI SKABS SU CHOS GRVA 'DI KHA'I

, ,GRVA RIGS DANG ZHABS 'BRING BA BCAS NAS ZLA BA GCIG LHAG TZAM GYI BAR LA BRTAN BZHUGS KYI MANG JA NAR MA DANG, DE MTSUNGS RGYUD GRVA BA RNAMS KYIS KYANG RGYUD JA NYIN GANG 'CHAG MED BTANG BA'I SKU'I RIM GROR 'GRUS PA MDZAD, ZLA BA GNYIS PA'I NANG DU MKHAN CHEN THAMS CAD MKHYEN GZIGS CHEN POR BSTAN DANG 'GRO BA'I DPAL DU ZHABS BANG BSKAL BRGYAR BRTAN DGOS PA'I GSOL 'DEBS RTEN 'BYUNG GI 'BUL TSAN PHON MI CHUNG TZAM DAR, BSTAN BA RIN PO CHE DAR ZHING RGYAS BA'I CHED DU DBUS PHYOGS KYI DGON SDE RNAMS LA MANG JA, BSNGO RTEN RNAM GZHAG ,'GYED GRVA PA RER GOS KHA RE'I RTZIS KYI KHA THI SOGS BZANG GOS TSOS KHA SNA TSOGS PHON CHE BA DANG, JO ZHAL RNAM GNYIS KYIS GCOS PA'I RTEN 'GANGS CHE BA RNAMS DANG, GDAN SA CHEN PO RI BO DGE LDAN GYI SKU GDUNG RIN PO CHE, RA SGRENG GI JO BO 'JAM PA'I RDO RJE SOGS LA SNYAN DAR RGYAS PA DANG, DRI BZANG GI CHUN PO BCAS RDO RJE RGYAL MTSAN RDZONG STAG GNANG ZHING, RGYAL BA'I BSTAN PA'I RIN PO CHE PHYOGS DUS KUN TU DAR ZHING RGYAS BA'I SMON LAM RLABS PO CHE 'DEBS PA GNANG, DE SKABS JO ZHAL RNAM GNYIS KYI DRUNG DU TING SPUS LEGS BDUN TSAR RE 'BUL BA'I STA GON GRUB NA'ANG DA LAM RE BZHAG NAS SLER 'BUL RGYU BYED GSUNG ZHING 'JOG PA MDZAD, GZHAN YANG RONG SKYID TSAL NAS GSER MDOG CAN GYI BAR GYI CHOS SDE KHAG BCU GSUM LA MANG JA, BSNGO RTEN, RNAM GZHAG ,'GYED 'BRU KHAL BDUN STONG SUM BRGYA LHAG PA GNANG, DE NAS DBYIN CHOS DANG PO'I PHOGS JA TSUL SNGAR RGYUN THOG ,'DI

KHA'I 'DUS TSOGS, SNGAGS GRVA ,RI KHROD BSAM GTAN BA'I SDE DANG BCAS PA RNAMS LA BSTAN PA RIN PO CHE RGYAS PA'I CHED DU MANG JA, RNAM GZHAG ,SPYI 'GYED RIN CHEN GNYIS PA SRANG CHEN NYIS STONG BRGYAD BRGYA LHAG TZAM DANG, DE BSTUN GTZANG KHUL GYI GRUB MTHA' RIS MED PA'I CHOS SDE KHAG PHAL MO CHER MANG JA, BSNGO RTEN RNAM GZHAG ,'GYED JA 'KHOR DRUG BRGYAD CU RNAMS DGE 'DUN ZHAL GRANGS MANG NYUNG GIS BSNYOMS NAS GNANG ZHING, DE SKABS CHOS KYI RGYAL PO 'OD ZER GO CHA'I THUGS DAM RTEN DU GRAGS PA'I MNYAM MED SH'AKYA'I RGYAL PO'I SNANG BRNYAN LA PAR SLOG BYAS PA'I GTZO BO DANG LDEM BYAMS 'JAM DBYANGS BCAS LUGS SU BLUG PA SBUS SHIN TU GTZANG BA LEGS PAR GRUB, DE SKABS NYE 'KHOR BA SOGS TSAD MAS BSTAN BA DANG SEMS CAN LA DGONGS NAS ZHABS BAD BRTAN DGOS PA'I GSOL BA SGO GSUM GYIS GO NAS BTAB PAR, NGA RGAS GOGS PAS SKYON MED CING BSTAN PA'I DPAL DU BLA MA RIN PO CHE ZHABS PAD BRTAN YONG GSUNG BZHUGS BA'I ZHAL BZHES MI GNANG ZHING, GSUNG GLENG LA, RGA BAS RGA BYAS NA TSOD YOL GYUR NA, ,SDONG PO GNAM LCAGS KYIS NI BCOM PA BZHIN, ,RGA BAS 'KHOGS NA 'JIGS BCAS KHANG HRUL 'DRA, ,RGA LAS 'BYUNG BA THUB BA MYUR DU SMROS, ,SA BDAG JI LTAR G-YAR BO'I LUS, ,NAD MED RGUD MED BDER GNAS PA, ,DE NYID TSE NA SNYING PO BLANG, ZHES SOGS MI RTAG PA'I GTAM MANG DU GSUNG ZHING, LUS BRJE RANG PA YIN 'DUG GSUNG PA DANG, ZHAL SNGA NAS ZHIG GI GSUNG LAS, LUS GOG PO 'DI

, ,BSKYUR NAS, THA NA RI DVAGS SU SKYES KYANG SPANG GSHONGS LA 'KHRAB G-YENG PHYAS NA SKYID PA 'DUG GSUNG, KHONG GSUNG PA LTAR GYI LUS 'DI YANG BRJE DGOS PA 'DUG GSUNG ZHING, SNGAR DANG MI 'DRA BA'I SKU DANG GSUNG GI RNAM 'GYUR STON PA MDZAD PA DANG, GTOR MA LAS BDUD RTZI 'DZAG PA DANG, DRONG CHEN PO YONG BA SOGS BYUNG BAR LEGS NYES KYI MTSAN MA ZHUS KYANG DGA' RGYU'I KHUNGS GNANG BAR, BLO BZANG BSTAN 'DZIN SOGS ZHABS 'BRING BA RNAMS KYI DGOS PA LA, JO BO RJES, MAR ME 'CHI KHA'I 'OD BZHIN DU, ,GSAL PO MA DE GZHAN DU 'GRO ,GSUNGS PA LTAR YIN PA 'DRA BSAM PA DANG, SNGA DRO ZHIG THUGS DAM RTEN GRAL LA GZIGS NAS, RJE BTZUN MA PHAM PA'I SNANG BRNYAN BZANG PO'I 'DUG STANGS CAN DE LA SKU MDOG DKAR ZHING 'OD ZER 'PHRO BA ZHIG AE 'DUG GSUNG BAR, BLO BZANG BSTAN 'DZIN GYIS BLTAS NAS BKA' GNANG BZHIN YOD BA 'DRA ZHIG 'DUG ZHUS PAS DE KA 'DUG GSUNGS, SKU BRNYAN DE DA LTA BKRA SHIS LI MA SHAR MA NA BZHUGS, 'DI SKABS SU DE BZHIN GSHEGS PA'I MTSAN MI GCIG PA MANG PO ZHAL 'DON GNANG BA DANG, PHYAG THUGS KAR THAL MO SBYAR NAS NYIN MTSAN GYI CHA THAMS CAD DU TING NGE 'DZIN SOGS LA GNAS PAR MDZAD CING, GZHAN YANG SKU KHAMS MI BDE BA'I TSUL BSTAN NA'ANG PHYAG MCHOD BZHENGS BZHUD BZHUGS PA SOGS SNGAR RGYUN LTAR LA, SKU BONGS CHUNG ZHING BYIS PA LO BRGYAD DGU LON PA'I NA TSOD DANG MNYAM PA, SKU'I GNYER MA RNAMS KYANG ZHIG NAS SKU DVANGS

GSAL 'OD DANG LDAN ZHING, PHYAG ZHABS PADMA'I 'DAB MA LTAR 'JAM PAR GYUR PA DANG, BLO BZANG BSTAN 'DZIN GYI RMI LAM DU NYI MA NUB LA KHAD DANG, RTA 'DI LA BCA' GA GANG DAG MA BYAS NA GRVA PA MANG PO LA 'GYED MI YONG BA 'DUG ZER BA RMIS PAR DGUNG SNYING RTA RU SONG BAS SKU'I BKOD PA SDUD PA'I RTAGS MIN NAM BSAM PA YANG BYUNG 'DUG CING, DE NAS ZLA BA GSUM BA TSES 'PHRAL GYI GZA' TSES BZANG PA DANG BSTUN 'DI KHA'I MGON KHANG CHEN MO'I YI DAM DANG CHOS SKYONG GTZO BO RNAMS LA SNYAN SHAL GSUM RE DANG, 'KHOR RNAMS LA SNYAN DAR RE, MGON PO BAR CHAD KUN SEL LA THOD PA'I CANG TE'U DANG CHOS SKYONG SBYI LA RDO RJE RTZA LNGA PAR DANG TSON SNA LNGA BTAGS PA'I G-YAB DAR BCAS BSKANG GSO BA RNAMS KYIS MCHOD GTOR RGYAS PAR 'BUL BA MDZAD PA JI LTA BA BZHIN RGYUD KHANG GI MGON KHANG DU YANG GNANG, DE MTHUN GZIMS KHANG GI MGON KHANG DU'ANG SNYAN DAR SPYAN GZIGS SOGS ZAB RGYAS DANG, SNAR THANG DU RJE BTZUN MA PHAM MGON PO'I SKU BRNYAN LA GRANG GSER BRJIBS BYUGS DANG, DRI BZANG GI CHUN PO, SNYAN SHAL ZUNG GI NGOS LA, RJE BTZUN BYAMS PA MGON PO LA 'BUL LO, ,DGE BAS 'GRO KUN DGA' LDAN GNAS SU SKYE BAR GYUR CIG ,CES PA'I GSUNG RTZOM BKOD NAS 'BUL BA GNANG, DE MTHUN BKA' 'GYUR RIN PO CHE GSUNG SGROG BGYIS PA'I YON RGYA CHE BA'ANG STZAL, TSES BRGYAD KYI NUB MO DGE SLONG BLO BZANG PHUN TSOGS KYI RMI LAM DU, RDO RJE 'JIGS BYED ZHAL PHYAG YONGS RDZOGS KYI DBU RVA'I STENG DU RJE NYID SPYAN DRANGS, DE'I MTHA' LA

, ,MKHA' 'GRO CHOS SKYOD RNAMS KYIS BSKOR, DE'I MTHA' LA BYA RNAM PA SNA TSOGS KYI KHYAD RU ME TOG RNAMS PA SNA TSOGS THOGS TE NAM MKHA' LA 'JA' 'OD KYI GUR SOGS DANG BCAS BKRA SHIS RDZONG KHA'I THAD NAS BRUL TSAD NGOS LA PHEBS BYUNG BA, SANGS NYI DGA' LDAN RAB RGYAS PA'I RJE ZHAL SNGA NAS BLO BZANG BSTAN 'DZIN PA DANG BCAS TE, STENG DU BYON SKABS NAM MKHA' LA 'JA' 'OD KYI GUR SOGS MDANG RGONGS KYI RMI LAM JI LTA BA BZHIN 'DUG PA DANG, RMI LAM BYUNG TSUL RNAMS ZHUS PAS, DE TSE BA ROG SDO, BZHUGS SNYING MA 'DOD PA'I LHAS BZHIN MIN NAM GSUNG, TSES BCU GNYIS KYI NYIN 'DI KHA'I SLOB DPON RNAM PA, CHOS KHRIMS, SKU SKYE KHAG GTZO BOR GYUR PA'I SBYI SPER SO SO NAS BRTAN BZHUGS PHUL NGOS CHOGS 'DON DU BTZUGS CHOG PA'I ZHABS BRTAN TSIGS BCAD CIG KYANG GNANG DGOS TSUL ZHUS PAR, SNGAR YOD RNAMS KYIS THUS DA MI DGOS, NGA RGAS SHING GOGS LO BRGYA PHRAG YON PAS TSIGS GCIG KYANG MI THON PA 'DUG GSUNG BAR, DA DUNG NAN CHEN GSOL BA PHUR TSUGS SU BTAB PAR, LA BAS RGYU NYUNG BA DGA' GSUNGS NAS 'DI LTAR, THUB DBANG GNYIS PA BLO BZANG GRAGS PA YIN, ,MDO SNGAGS CHOS KYI RGYAL MTSAN 'OD 'BANG BAS, ,MTHA' YAS GDUL BYA'I RMONGS PA KUN SEL ZHING, ,PHAN BDE 'DAB BRGYA'I DGA' TSAL RGYAS GYUR CIG, ,CES PA 'PHRAL LA GNANG NAS BZHAD MO CUNG ZAD MDZAD CING, SKYON MED NGA RGAS SOGS LO BRGYA PHRAG LON PA YIN PAS, BSTAN PA'I DPAL DU BLA MA RIN PO CHE

ZHABS PAD BRTAN YOD GSUNG, GZHAN YANG BDAG SOGS GRVA RIGS DANG BCAS PA LA ZHAL BA ZHES BZANG PO DGOS TSUL ZHUS 'DUG BAR SMON LAM GANG DRAG BYED DO GSUNG BA LAS BZHUGS PA'I ZHAL BZHES MA GNANG BA DANG, BKA' RTZOM TSIGS BCAD KYANG BRTAN BZHUGS KHO NA MIN PA LA THAMS CAD DOGS PA SKYES NA, ZHABS 'BRING BA SOGS NAS DO KHYUR GYIS 'DUS SDER MANG JA SBREL THOG SKAM 'GYED SHIN TU PHON CHE BA PHUL NAS ZHABS BRTAN SKU RIM LA SBYI SGER THAMS CAD NAS 'BAD RTZOL DRAG PO MDZAD 'DUG PA DANG, DE NYI SKU SHIN TU DVANGS TSUL BSTAN CING, GSOL DPON BLO GZANG BSTAN 'DZIN LA BRUL TSANG THOB RGYAL SOGS KYI RIM PA SBYI DANG, KHYAD PAR BRUL TSANG LA SNGA SOR RNAM THOS PA DANG KYU RU GDONG PA ZER PA'I PHYUG PO CHEN PO GNYIS YOD, KYU RU GDONG PA ZER BA DE RKANG STONGS TSAR 'DUG ,SNGA SOR GYI RNAM THOS PA ZER BA DANG, DENG SANG GI BRUL TSANG PA ZER BA DON GCIG PAR 'DUG ,DENG SANG LHAN KHUL NA MI DRAG PAR MED PA 'DRA BSLAB STON GNANG BAR DE KA BZHIN MED TSUL ZHUS, DE NYID GSUNG GLENG SHIN TU 'PHEL BA GNANG BAS DA LAM DGA' MO YOD RGYU YIN PA 'DRA SNYAM PA'I YID LA DGA' BA DPAG MED SKYES 'DUG CING, DE NYID PHAN CHAD LA BZHENGS MA THAG TU BRKYANGS PHYAG GSUM GYIS THOG DRANGS PHYAG MANG DU MDZAD PA YOD 'DUG KYANG, DE KA'I RGONGS MO GSOL DPON BLO BZANG BSTAN 'DZIN GYIS SAM SRIB TZAM LA GSOL JA SNGA MA ZHUS NAS PHYI LA PHYIN, DE NAS GSOL JA RING MA ZHU BAR SROD MA THUM TZAM LA PHYIN SKABS, 'GAG

, ,PA RNAMS BLA MA MCHOD PA SOGS ZHAL 'DON MDZAD KYI YOD 'DUG CING, GZIMS CHUNG YID DGA' CHOS 'DZIN GYI SGO PHYE NAS SGO SKYONG GI MTSAMS SU SLEBS SKABS, RIG PA RTZED BUN ZHING MI MANG PO ZHIG YOD PA'I RNAM BAS GSOL DPON RANG LA PHAR SKYOG TSUR SKYOG GIS BZUR NAS LAM BTANG BA'I RNAM PA BYUNG BA DANG, SKU ZHABS SU PHYIN NAS GSOL JA ZHUS PAR, DA SU 'DUG GSUNG BA LA, THUGS DAM BYED MKHAN TSO MIN PA GZHAN SU YANG MI 'DUG ZHUS 'DUG PAR GZHAN MA SU GANG MI 'DUG GAM GSUNG BA LA, SU YANG MI 'DUG CES PA LAS ZHU MA SPOBS 'DUG CING, RJES SU DGONGS RDZOGS KYI BYA BA RNAMS KYANG HA LAM GRUB RJES, GONG 'KHOR GYI 'JIGS SNANG BYUNG TSUL RNAMS SKU LA BAR GCOD SOGS KYI MTSAN MA MIN NAM GANG YIN LA MO CHOS SKYONG CHEN POR ZHUS 'DUG PAR, SKYES BU DAM PA DE NYID LA BAR GCOD SOGS KYI MTSAN MAS GLAGS CI LA KHA, 'DE DKAR PHYOGS SKYONG BA'I MKHA' 'GRO CHOS SKYONG BSRUNG MA RNAMS KYIS, SNGON LA DAG PA'I ZHING KHAMS GANG DANG GANG DU 'BYON ZHU BA LA YONGS PA YIN, DE LA 'JIGS MI DGOS GSUNGS 'DUG CING, DE KHA'I MTSAN GYI CHA LA RJE BTZUN BYAMS MGON GYIS DAM BCAS PA'I GZUNGS LJAGS BZLAS MDZAD PA DANG TSES BCU GSUM GYI SNGA DRO NAS SKU MA SNYOMS SU SONG BAR, BLA SMAN NAS PHYAG RTZA DANG CHAB SOGS LA 'GYUR LDOG MI 'DUG CES ZER NA'ANG, RJE RANG NYID KYI GSUNG LAS, GNAS 'DI LAS DGA' LDAN LHA YUL SKYID, CES GSUNGS PA LTAR, RJE BTZUN MA PHAM MGON

PO'I ZHABS DRUNG DU 'BYON PAR BZHED PA'I THUGS 'DUN GTAD PA DANG, GDUL BYA RTAG 'DZIN CAN RNAMS CHOS LA BSKUL BA'I PHYIR, DGE BYED CES PA CHU PHO STAG GI LO DRI ZHIM ZLA BA'I TSES BCU GSUM GYI NAM PHYI CHA STOD GZA' PA SANGS DANG RGYU SKAR RTA CHUNG GI STENG DU SKU'I BKOD PA SDUD DU NYE BA NA ZHABS GNYIS SKYIL KRUNG MDZAD DE LJAGS BZLAS SOGS KYI NGANG NAS 'OD GSAL CHOS SKU MNGON DU MDZAD DE, DGONGS PA CHOS KYI DBYINGS SU THIM NAS MYA NGAN LAS 'DAS PA'I TSUL BSTAN TO, ,DE'I TSE ZHABS 'BRING BA RNAMS DANG, SLOB DPON RNAM PA, GRVA RIGS SKYE BO'I TSOGS DANG BCAS PA THAMS CAD DMIGS BUS DOR BA'I LONG BA'I TSOGS BZHIN, DAM PA NYID KYIS DOR NAS MYA NGAN GYI THANG DU MGON SKYABS DANG BRAL TE, SDUG BSNGAL GYI CA CO SGROG PA LAS CI BYA GTOL MED DU GYUR BA BYUNG 'DUG, ,DE GONG NAS BDUD KYI BAR CHAD KYI RNAM PAS DBU MDZAD RNAM GNYIS DANG GRA RIGS DU MA SKU BRO 'TSAL BAS BSGRIGS 'GRIM MI THUB KYANG DE NYIN DGONGS RDZOGS KYI MANG JA TSA RTING MAR TSAD MA PHEBS DGOS PA'I BRDA PHUL NAS DGE 'DUN RE'I PHYAG TU SE HRUG SPAG GNYIS RE PHUL BAR, 'GA' ZHIG SPYAN CHAB RI GZAR GYI 'BAB CHU LTAR GTONG ZHING DNGOS POR DO GAL MED PA'I PHYAG 'GYED KYANG MI BZHES PA LA, MGRON GNYER DKA' CHEN DGE 'DUN TSUL KHRIMS KYIS, DGE 'DUN PA TSO RJE BDAG NYID CHEN POS DGUNG LO BRGYA PHRAG BRGAL BAR CHOS KYI 'KHOR LO RGYUN MAR BSKOR MOD, DENG SANG BLA MA 'DI DANG SKU TSE MNYAM PA BZHUGS MKHAN 'DUG GAM, DA THUGS NGAL MA MDZAD ZER THUGS GSO

, ,'BUL BA'I TSUL BYAS KYANG MGRON GNYER RANG YANG MCHI MA CHAR LTAR 'BAB PA BYUNG 'DUG CING, DE NAS ZHAG 'GA'I BAR LA GANGS RGYUN MI 'CHAD DU 'BAB PA DANG, 'JA' 'OD KYI GUR PHUB CING LHA'I ME TOG GI CHAR BABS BA DANG, SGRA BRJOD DU MI LANG BAS GLING LA BSKOR BA'I TSUL DU BYAS NAS YONG BA DANG, SKABS SKABS SU NAM MKHA' G-YA' DAG PA RGYA MTHING BZANG PO'I MDOG 'DRA BA DANG, RES 'GA' 'JA' 'OD DANG, SPRIN LA GDUGS RGYAL MTSAN PA NGAN SOGS MCHOD PA'I BYE BRAG GI RNAM PA BSAM GYIS MI KHYAB PA YOD PA SOGS PHAL CHER GYIS MTHONG BA DANG, THUGS DAM LA YANG ZHAG SHAS BZHUGS TSUL BSTAN CING, BDUN PHRAG GNYIS KYI BAR LA ZHI BA'I GRONG DU GNAS PA'I BLA MA LHA BA ZHABS DRUNG DANG, DRUNG PA BRTZON 'BRUS RGYAL MTSAN BCAS SRAS KYI THU BO GNYIS KYIS GTZO MDZAD, RGYUD GRVA BA DGE BA'I BSHES GNYEN CHEN PO GCIG LHAG BZHI BCUS, GZIMS CHUNG YID DGA' CHOS 'DZIN DANG, NGO MTSAR BKOD BAR DPAL GSANG BA 'DUS PA MI BSKYOD PA'I DKYIL 'KHOR ZHAL PHE NAS KUN BZANG MCHOD SBRIN RGYA CHEN PO BSGRUBS, DE MTHUN RGYUR KHANG DU YANG DGE 'DUN BRGYA PHRAG GCIG DANG SO LHAG LA ZHABS TOG RAM DU BYUNG GZHUS NAS, MKHAN CHEN THAMS CAD MKHYEN PA CHEN POR THUGS DAM ZAB MO'I GSAL 'DEBS KYI SNYAN 'BUL ZHU RTEN KHA BTAGS MTHING KHRA, GSER MGUR ZHO BRGYA PHRAG ,BZANG GOS YUG BZHI RNAMS PHUL ZHING, 'DUS LDAN RGYA MTSO'I DBUS SU YANG MCHOD PA DANG, BSNYEN

BKUR ZHABS TOG GYA NOM PA SPYI SGER SO SO NAS ZHUS SHING, GSUNG CHOG PA RNAMS KYI YON DU KHA BTAGS MTHING KHRA LNGA, DNGUL SRANG BRGYA PHRAG GNYIS, MDZOD GOS DMAR SER 'DRES PA YUG BCU GSUM, BYANG SMAN RNYING PA YUG BCU BZHI, RGYA THAM KA RAS BCAS YUG BRGYAD RNAMS DANG, GZHAN YANG CHOS GOS SOGS PAN CHAS SNA TSOGS LA RIN GONG 'BRUR PHAB BRE TSANG KYI KHAL CHIG STONG BDUN BRGYA BDUN CU SKOR PHUL 'DUG CING, 'DI DAG GI SKABS SU PHYAG MDZOD, SRAS KYI THU BO GNYIS, ZHAL SNGA NAS SLOB DPON RNAM PA BZHI, ZHABS 'BRING PA BLO BZANG BSTAN 'DZIN SOGS GROS LA DBANG BA THAMS CAD KYIS SKU GDUNG RIL POR BZHUGS PA DANG, ZHUGS LA PHUL BA GANG LEGS KYI GSUNG BGROS MDZAD PAR, SNGA SOR MKHAS GRUB KHYUNG PO RNAL 'BYOR GYIS, NGA'I SBUR 'DI RIL POR BZHAG NA CHOS BRGYUD 'DI CHU BO'I RGYUN LAS RING BA DANG, ZHONG ZHONG 'DI RDO RJE GDAN GNYIS PA LTA BU ZHIG YONG BA YIN TE, KHYED RNAMS KYIS GROS NGAN ZHIG BYED PA 'DRA GSUNG BA BZHIN, KHAMS SOGS NAS 'DUS PA'I SLOB MA RNAMS KYIS SHED KHYER BA'I SKU GDUNG BZHU NAS SO SOS GDUNG SKAL KHYER BAS RTEN 'BREL MA 'GRIG PA DE BZHIN BYUNG 'DUG, DE DANG MI 'DRA BAR RJE BTZUN BLA MA TZONG KHA BA CHEN PO'I SKU GDUNG RIN PO CHE YANG RIL POR RI BO DGE LDAN DU BZHUGS, DA LAM YANG SKU GSUNG RIL POR BZHAG NA SBYI SGOS GANG SAR PHAN BDE BLA NA MA MCHIS PA DANG, KHYAD PAR BKRA SHIS LHUN PO'I BSTAN PA DANG SEMS CAN GYI PHAN BDE RGYAS PA YOD PAS RIL POR BZHAG NA LEGS TSUL

, ,DANG, SNGA SOR RJE DE NYID KYIS GSOL DPON BLO BZANG BSTAN 'DZIN LA RGYAL BA BLO BZANG DON GRUB DPEN DGON ZHOL DU SKU'I BKOD PA BSDUS NAS SKU GDUNG DBEN DGON RTZER RJE SANGS RGYAS YE SHES KYIS GDAN DRANGS PA'I LO RGYUS ZHIB CHA GSUNGS PA DANG, RJE NYID KYANG GZHAN DON LA DGONGS SU NYE BA'I SNGA GONG GI MDZAD PA 'GA' ZHIG LA BRTAGS NA SKU GDUNG RIL POR ZHOG CIG PA'I BRDAR GO NAS TSANG MA SKU GDUNG RIL POR 'JOG PAR ZHAL MTHUN PA DANG, DE MTHUN GRVA RIGS DANG SBYIN BDAG DRAG GZHAN TSANG MAS KYANG SKU GDUNG RIL POR BZHUGS PA LEGS TSAL THAMS CAD THUGS MTHUN THAL GCIG NAS BTON PA LTA BU BYUNG 'DUG CING, DE NAS BLO BZANG BSTAN 'DZIN DANG RDO RJE RGYAL MTSAN GNYIS KYIS CHAD BLANGS TE DBU MDZAD CHOS DBYINGS RGYA MTSOS SKU GDUNG BZHUGS YUL ZA MA TOG GI SHOG KHRAG BRIS PAR GSUM KA LA MYONG BA MED PA'I STABS KYIS ZA MA TOG SHIN TU CHES PA GDUNG KHANG MCHOD SDONG YANG SHIN TU CHE BA YOD PA'I RTEN 'BREL 'GRIG CES GLENG, DE NAS MKHAN CHEN THAMS CAD MKHYEN PA'I ZHABS DRUNG DU, RJE DE NYID KYI DGONGS BZHED LTAR 'GRUB PA'I THUGS DAM GSAL 'DEBS ZHU RTEN DU, DPAL RDO RJE 'JIGS BYED KYI RAG SKU BYIN RLABS CAN, NA BZA' CHA TSAD, PHYAG DRIL, PHYAG d'AR, ZHAL DKAR STEGS BCAS, SBYI BLUGS, RGYU SBUG SBUS GTZANG SHUBS BCAS, SHAL PA DKAR DMAR GSUM, KHA BTAGS MTHIL KHRA BCO LNGA, GSER MGUR ZHO BZHI BRGYA, DNGUL SRANG DGU BRGYA NGA GNYIS, SBU JA KO KHRA GNYIS, NAG PO 'KHOR

DRUG GNYIS, GOS BZANG SGRIGS KYI BAL RE SHAM LDAN BCU GNYIS, GOS PER NANG LDAN GNYIS, RGYA GOS TSOS KHA SNA TSOGS DGU, RTZAR MO BZHI, 'PHAN SBYAR GNYIS, GOS DMAR GYI SHAM THABS, GOS BZANG SGRIGS KHA BTAGS PA'I SMAN SOGS KYI YOL BA BCU, DING PHON LEB CHEN KHYAD 'PHAGS GCIG DANG GZHAN MA GSUM, GOS KHA THA, GAN GOS CHOS GCIG SOGS SBUS GTZANG YUG BRGYA DANG ZHE BDUN, LING BYANG SMAN RNYING SOGS YUG BRGYA DANG ZHE DRAG, ,CHIBS CHEN GYIS GTZOS PA'I RTA NYI SHU THAM PAR GSER SGA GOS GZAR SOGS SGA 'KHOR CHA TSANG, DRE'U SGA GDAN BCAS PA BCU BZHI, KA RPAS ZHE DGU RNAMS 'BUL BA DANG BSTUN, RI BO DGA' LDAN GY DNGUL GDUNG RIN PO CHE, LHA SA'I JO ZHAL, BKRA SHIS LHUN PO, DBEN DGON SOGS LHA MI KUN GYI BSOD NAMS GSOG PA'I MCHOD YUL RNAMS SU MCHOD 'BUL LA, SNYAN DAR KHA BTAGS CHE LEGS LNGA BCU, LING SNA TSOGS YUG BCO LNGA, DRI BZANG DMAR SER KHRES BZHI BRGYA DANG BZHI BCU, MCHOD ME'I RGYUR MAR KHAL SUM STONG NYID BRGYA DA DGU BCAS MCHOD PA BSAM GYIS MI KHYAB PA DANG, GZHAN YANG AE DVAGS, DBUS LHO BYANG, GTZANG RONG, MNGA' RIS SKOR GSUM SOGS GRUB MTHA' RIS MED PA'I DGON GNAS RI KHROD KYI SDE DANG BCAS PA LA MANG JA SBYOR SBREL THOG ,BSNGO RTEN, RNAMS GZHAG, SPYI 'GYED KHA BTAGS MTHING KHRA NYIS BRGYA LNGA BCU, KHA BTAGS CHE BA DGU STONG BDUN BRGYA DGU BCU GO GSUM, CHUNG GRAS NYI KHRI NYIS STONG BZHI BRGYA NGA

, ,GNYIS, GAN DKAR GCIG ,GOS LING GI RNAM SBYAR DANG CHOS GOS BCAS NYER DGU, GOS BER NANG LDAN BCO LNGA, GOS BZANG SGRIGS KYI BLA RE SHAM LDAN BDUN, RTEN KHEBS 'US GTZANG BCU GSUM, RIN CHEN GNYIS PA SRANG CHEN NYI KHRI CHIG STONG BRGYA DANG DRUG ,DNGUL SGA CHA 'GRIG DRUG ,RTA BCO BRGYAD, GOS KHA THI, MTHON THI TSOS GCIG SOGS YUG BRGYA DANG ZHE GNYIS, LING SNA TSOGS YUG BCU DRUG ,BRGYAD KYIS LHAG PA'I BYANG SMAN YUG BCU PHRAG LNGA DANG BZHI BRGYA, TSO'U TSIG YUG BRGYAD, SE HRUG NYIS BGYA'I YOD BA'I GO KHRA ZHE DRUG, ,SGAM SNA TSOGS DGU, ZAM DRIL NYIS BRGYA DANG BCU PHRAG BRGAL BA, SNAM BU DMAR SER BUB DON GNYIS, KHOM BU RAS YUG COG RAS BCAS KHYON LNGA BRGYA DANG BCU BDUN, GZHAN YANG 'BRU 'GYED SONG BA DANG, 'DI KHA'I TSOGS CHEN, SNGAGS KHANG, DBEN DGON BCAS PAR TSAR SONG BA RNAMS BSDOMS BRE TSAD KYI 'BRU KHAL DGU STONG BZHI BRGYAD BRGYAD CU MI 'CHAD PA DANG, MAR MKHAR RGYA'I KHAL NYIS STONG BZHI BRGYA DANG DON BRGYAD, LUG KHOG DRUG BRGYA BCO LNGA SOGS DGONGS PA YONGS SU RDZOGS PA'I PHYIR BSNYEN BA KUR PHUN SUM TSOGS PA BSTAN 'DUG CING, 'DI DAG GI SKABS SNGA PHYIR SKYE BO 'JIG RTEN PA'I TSOGS DGON PAR DON SPYOD DU YONGS BA KUN KYANG SAMS MI 'DE BA'I DBANG GIS LAM SOGS SA GZHI'I MDOG SKYA CHAL LE BAR MTHONG NAS, BLA MA KHONG MA BZHUGS PAS 'JIG RTEN GYI BDE SKYID NYAMS SONG ZER ZHING DU

'BOD BYED BA'ANG MANG PO BYUNG 'DUG ,DE NAS MKHAN CHEN THAMS CAD MKHYEN PA CHEN POS, RJE DE NYID KYI SKU GDUNG LA MCHOD 'BUL DU, SDE PA LHA KHANG NAS DANG CHE GSUM PA, RGYAL PO'I SKU TSAB DHA YAN RGYAL BZANG BCAS CHED MDAGS KYIS RJOD BDA' GNANG BA'I BSLAB STON LA, BYANG SHAMBHA LAR SA CHEN PO DUM BU BCU GNYIS LA DBANG BSGYUR BA'I RIGS LDAN DRAG PO CHE'I SKU'I BKOD PA STON PA'I BAR LA DA DUNG LO MANG PO YOD PAS GRVA RIGS DANG ZHABS 'BRING BA RNAMS THUGS DA LA MDZAD MI DGOS PHEBS PA DANG, SNYAN DAR GCIG GI NGOS LA, 'JAM DPAL RDO RJE RIGS LDAN GRAGS PA'I LHA, ,BLO BZANG KYI KHRI LA DRU SMIG GI, RGYAL MTSAN SGRENG PHYIR MI YI AOL BSTAN PA, ,RDZOGS SANGS RGYAS KUN 'DUS PA'I DGE BA'I BSHES, ZHES SOGS TSIGS BCAD DGU DANG, GCIG GI NGOS LA, TSOGS GNYIS YONGS SU RDZOGS PA'I RNAM 'DUN DANG, ,LUNG DANG MNGON PAR RTOGS PA'I CHOS DKON MCHOG ,TSUL BZHIN SGRUB MJAD SLOB MAR BCAS PA YI, ,THUGS RJE'I RLUNG GI SHING RTAS RAB DRANGS TE, ZHES SOGS TSIGS SU BCAD PA LNGA GNANG ZHING, DGONGS PA'I YONGS SU RDZOGS PA'I MCHOD 'BUL RGYA CHEN PO DANG, TSOGS CHEN DU MANG JA 'GYED PHON CHE BA STZAL ZHING, MANG JA TSA RTING MA SBYOR SBREL LA THOG BKA' RTZOM LE TSAN BTZUGS PAR GSUNG GRVA BZANG ZHING, RUNG KHANG CHEN MO NAS BYUNG DAM GANG NAS BYUNG CHA MED BAR PHYI LTAR DU BA 'DRA BA LA ZHIB TU BRTAGS NA 'JI' MTHING KHA 'DRA BA ZHIG GIS GTZUG LAG KHAR GI NANG

, ,KHYAB PAS DRI ZHIM POS GANG NAS, KUN DGA' DUN GYI BDE BA BLA NA MED BAR 'GYUR TO, ,ZHES GRAG CING, DE MTSUNGS DREGS LDAN GTZO BO TSANGS BDUN THOD CAN GYIS KYANG, HR'I: DANG PO'I MGON PO SANGS RGYAS SNANG MTHA' YAS, ,SNYIGS DUS 'GRO BA'I RE SKOD PADMA 'BYUNG, ,DBYER MED CHOS KYI RGYAL MTSAN 'DZIN PA'I DPAL, ,LHA YI BLA MA THUG RJE CAN DE MKHYEN, ,SKYES RABS SNGON NAS BANG NGAN LAS KYIS 'BREL, ,SKYABS MGON DAM PA'I LAS BZHI'I 'PHRIN LAS PA, ,YID MOS LDAN PA'I LHA BDAG GANG DE LA, ,DA LAM BSTUNG TZAM CHED DU 'DI SKRAD SMRA, ,GLING BZHI'I MA RIG MUN PA SEL MDZAD PA'I, ,ZLA BA'I DKYIL 'KHOR LHA BU'I SKYABS MGON MCHOG ,GDUL BYA'I SNANG NGOR ZHING GZHAN GSHEGS PA DE, ,LHA MI KUN KYANG SKYO BA SKYE BA'I RGYU, ,'ON KYANG BLO BUR RKYEN GYIS MGOS SHING, ,DUS LA BABS PAS BYA THABS MA MCHIS SO, ,'DREN PA MNYAM MED SHA'KYA RGYAL POS KYANG, ,MYA NGAN 'DA' BZHED DGONGS PA GTAD PA NA, ,RDZU 'PHRUL CAN GYI NYAN RANG DGRA BCOM CHOGS, ,BGRANG YAS SKAR TSOGS LTA BUS GSOL MA THEBS, ,SH'AKYA THUB PA ZHI BA'I DBYINGS SU GZIGS, ,DE SOGS BSKAL PA STONG GI SANGS RGYAS KYANG, ,MYA NGAN 'DA' TSUL LHUMS ZHUGS BLTAMS PA RNAMS, ,SNGON BYON DAM PA YONGS KYI MDZAD PA YIN, ,BAR DU SLOB DPON PADMA 'BYUNG GNYIS KYIS, ,MA RUNGS GDUL DKA' LOG 'DREN SRIN PO'I TSOGS, ,'DUL BA'I DUS BABS LHO NUB SRIN

YUL DU, ,GSHEGS TSE BOD KYI RGYAL BLON 'BANGS DANG BCAS, ,GUNG THANG LA RU MGON MED SKYABS DANG BRAL, ,SLOB DPON CHEN PO MKHA' LA 'JA' BZHIN YAL, ,DE MTSUNGS NGES SANG DUS KYI MTHA' 'DIR RU, ,'GRO BA'I BLA MA SKYABS MGON THUGS RJE CAN, ,RE ZHIG DAG PA'I ZHING DU GSHEGS PA NA, ,BOD KYI LHA 'DREN MI GSUM DGE 'DUN SDE, ,MGON MED SKYABS DANG BRAL BA'I DUS 'DI 'DRA, ,KYI MA KYE HUD LAS DBANG BCOS SU MED, ,'ON KYANG BOD YUL RGYAS BSTAN 'DZI BA YI, ,DA DUNG ' PHRA YOD LTAS DANG RTEN 'BREL BZANG, ,DA NI BU SLOB GRA 'KHOR TSAR MAS KYANG, ,MYA NGAN SPONGS LA 'GRO BA'I DON GYI PHYIR, ,MCHOG GSUM LHA DANG BLA MCHOS BDAG LA, ZHES SOGS BKA' LUNG PHEBS PAR BRTEN TSAD MA THUGS BAL BSOS PA BYUNG 'DUG, ,GZHAN YANG 'DI DAG GI SKABS LNGA PHYIR DBUS GTZANG MNGA' RIS SOGS MTHA' DAG NAS GRVA RIGS SBYIN BDAG SOGS SER SKYA DRA GZHAN MTHA' DAG 'DUS PAS DGONGS RDZOGS KYI MCHOD 'BUL RGYA CHE BA DANG, BYANG TSIGS PA DBON DHA LAS HOD THA'I HI, RDO RJE BKRA SHIS, AA KHAS DGE TSUL MA RNAMS GNYIS, HUD THA' JI'I DGE TSUL MA GNYIS, NO MON AE CHEN GYI DGE TSUL MA, NO MON KHANG SOGS KYIS KYANG RANG RANG GI MCHOD PA CI 'BYOR BAS MCHOD CING, RGYA NAG GONG MA'I MI SNA MI RGAN CHOS RJE DANG, AER KHE DKA' BCU RNAMS 'BYOR BAS ZHU YIG 'BUL BA RGYA CHEN PO DANG, MI SNA RNAMS PAS KYANG SGER 'BUL GZABS 'DUG CING, RGYA BOD KYI MKHAS

, ,GRUB YONGS 'DZIN DU MA ZHI BA'I DBYINGS SU GSHEGS PAR, RJES 'JUG BU SLOB RNAMS KYIS DGONGS PA YONGS SU RDZOGS PA'I CHED DU RNAM PAR DKAR BA'I BYA BA PHUL DU BYUNG BA MDZAD RGYUN YOD PA LTAR, PHYAG MDZOD BLO BZANG DGE LEGS KYIS BLA MAR SRI ZHU CHEN PO'I SGO NAS KHUR BLANGS TE, SKU GDUNG RIN PO CHE BZHUGS PA'I MCHOD SDONG BZHUGS KHANG DANG BCAS PA BZHED PA'I BZO RIGS PA SOGS KYI DO DAM DU LHAN DUNG LHA BA PHUN TSOGS RAB BRTAN DANG MGRON GNYER GZHON PA MNGAGS SHING, SPRUL PA'I BZO BO BI SHO K'A RMA GNYIS PA LTA BU CHOS DBYINGS RGYA MTSOS BZO'I BKOD PA MDZAD, SHING BZO MKHAS DBANG GRVA SA NAS CHOS MGON BLO GROS KYIS DBUS, DBU CHUNG GRAM PA RDO RJE SOGS BYINGS SO LNGA DANG, RDO BZO DBU MDZAD NAM MTHONGS BKRA SHIS, LHA BKRAS, DBU CHUNG MDZES DPE RDO RA SOGS BCU GSUM BCAS MKHAS MANG BSDUS NAS, LO DE'I ME TOG ZLA BA'I PHYOGS TSES 'PHROD SBYOR BZANG POR MCHOD KHANG DNGOS GZHI RGYA CHE BA'I DBUS SU MCHOD SDONG RIN PO CHE'I BZHUGS YUL KA BA NYER BZHI'I SA KA RING SA DRUG GIS BTAG BA'I DBANGS SU BZANG THOG DRUG LHAG TZAM YOD PA'I RMANG 'DING BA DANG CHABS GCIG TU PIR THOGS DBANG PO CHOS DBYINGS RGYA MTSO DAM PA'I PHYAG BZHES 'KHRUL MED LA BRTEN NAS, THEM SKAS MCHOD RTEN 'PHANGS SU DA MTHO NA BCU ZHE LNGA YOD PA'I THIG LEGS PAR BTAB PA BZHIN, SHING BZO BA RNAMS KYIS BLOR BCAGS PA'I BZO GRA BTZUGS, TSES BCU GNYIS KYI

NYIN GTZUG LAG GNYIS BA SHES PA'I BLO MIG RAB TU YANGS PA NEE PA LA'I MKHAS PA, 'PHUL GYI DBU MDZAD BKRA SHIS, JI NA DE PO, BRDUNG BA DBU MDZAD JI NA, LA TRAm DE BO, PHRA BA DBU MDZAD LA NA, RNAM RGYAL SOGS GTZO BOR GYUR BA'I MKHAS PA'I RTZER SON PA GCIG LHAG BCU PHRAG LNGAS CHOS GRVA CHEN PO'I NUB KYI KLU SDINGS SU BZO THAB BCAS PA'I BZO GRA BTZUGS PAR DE'I STENG GI NAM MKHA' LA 'JA' 'OD KYI GUR PHUB, ME TOG GI CHAR BABS PA SOGS NGO MTSAR BA'I LTAS DU MA THAMS CAD KYI MTHUN SNANG DU GRUB PA BYUNG ZHES GRAGS, ,DE NAS ZLA BA DRUG PA'I TSES BCO LNGA LA DBYAR CHOS TSUGS SHING DGE 'DUN RNAMS KYIS GSO SBYONG DANG DBYAR GNAS PA'I TSUL SHING BZHES PA MDZAD CING, STON CHOS GNYIS LA'ANG POGS JA TSUL SOGS ZHABS TOG PHUL DU BYUNG BA'I NGOS, STON CHOS GNYIS PAR SLOB DPON RNAM PA, DBU CHOS SOGS LA RNAM GZHAG ,SPYI 'GYED KHA BTAGS CHE BA NYIS STONG DANG BRGYA PHRAG PHYED, CHUNG BA DRUG BRGYA DANG BCU PHRAG BZHI, GOS YUG NGA BRGYAD, BYANG SMAN YUG DRUG CU RE GCIG RNAMS PHUL NAS, GSANG SNGAGS RGYAL BA GRVA TSANG DU JI SRID BSTAN PA RIN PO CHE GNAS KYI BAR ZLA BA BYUNG PO COG GI CHES BCU GSUM SKU MCHOD NYIN DPAL GSANG BA 'DUS PA 'PHAGS LUGS MI BSKYOD PA'I GSUNG CHOG 'CHAG MED GNANG RGYU'I NYIN GANG MCHOD PA CHAR DANG BCAS PA'I MCHOD THES SU DNGOS PO SPOM PHUL LA, KHA BTAGS CHE BA BRGYA PHRAG DNGUL SRANG SUM BRGYA, GOS BER NANG LDAN SBUS LEGS, GOS BZANG SGRIGS

, ,KYI BLA BRI SHAM LDAN, SE HRUG DANG ZING JA 'DRES BA KO KHRA BDUN, DPE YAGS 'KHOR DRUG BZHI, DNGUL SGA CHA TSANG DANG, SGA DMAR DNGUL 'KHYUD MA GSUM, GOS KHA THI, TSOS GCIG SOGS YUG SO DRUG ,BYANG SMAN YUG SO BZHI RNAMS LA 'BRU KHAL GYA GSUM GYIS LHAG PA'I NYI KHRI THOB PA DANG, DE MTSUNGS DPEN SA CHOS KYI PHO BRANG DU YANG DPAL 'KHOR LO BDE MCHOG L'U HI PA'I LUGS KYI SGRUB MCHOD MDZAD RGYU'I THES SU, KHA BTAGS CHE BA GCIG ,DNGUL SRANG BRGYA, JA SA HRUG KO KHRA GNYIS, DPE YAGS 'KHOR DRUG MA DRUG ,SGA DMAR DNGUL SHAN MA CHA 'GRIG ,GOS KHA THI, MTHON THI, TSOS GCIG SOGS YUG BCU, SMAN RNYING YUG LNGA RNAMS LA 'BRU KHAL DRUG STONG BRGYA PHRAG GCIG DANG BRGYAD CU BRGAL BA THOB PA SBYOR 'JAGS PHUL 'DUG CING, GONG GI BZO RIGS PA RNAMS DANG, ZHAL BZO BA DAG RGAN DANG BYA KHRA, TSAGS PA KHYUNG RTZE RIN CHEN SOGS MI DRUG ,LCAGS BZO BA DAR RGYAS SOGS NYI SHU RTZA BDUN LA LAS GRVA SO SOR 'DZUGS DAR, RMAR DANG, KA DANG, LUGS DAR RTZE DAR SOGS SO SO'I SKABS BAB KYI THOB RNAMS LA MDZOD GOS KHRAB SOGS KYIS GTZOS PA'I DNGOS PO'I TSAN GRANGS RGYA CHE BAS MGU BAR BYAS NAS, MCHOD KHANG DNGOS GZHI HA LAM ZLA BA DRUG GI KHONGS SU GRUB BSTUN BAL PO MA GTOGS BZO RIGS BA TSANG MA'I YON THOB 'BRUR PHAB BRE TSAD KYI KHAL CHIG KHRI DGU STONG LNGA BRGYA NYER LNGA THOB PAR KHA BTAGS, DNGUL, MU TIG ,JA GOS DAR, RTA, KHRAB, RAL GRI

GON PA, RAS SOGS DNGOS PO PHON CHE BAS YID TSIMS PAR BYAS 'DUG ,DGUN CHOS GNYIS LA'ANG PHOGS JA TSUL GYI BKUR STI SNGA BZHIN BSGRUBS NAS, CHU YOS ZLA BA DANG PO'I TSES LNGA NAS CHO 'PHRUL SMON LAM TSUGS SHING, 'DUS SDER ZHABS TOG BLA NA MA MCHIS PA'I SMON LAM KYANG YANG DAG PAR 'PHUL BA DANG, NYER GNYIS NAS BZUNGS BRIS PA'I MCHOG GYUR DGE SLONG BLO BZANG LEGS PAS DBUS BRIS BA YON TAN BGROD PA'I GRANGS KYIS SONG MO'I ZLOS GAR GYI KHUR LEGS PAR BLANGS TE MCHOD KHANG NANG GI SHING RTZI LDEBS BRIS DANG, BRIS PA BRGYAD KYIS SGO KHANG LDEBS BRIS SOGS KYI DBU LEGS PAR BTZUGS, LO SNGON MA RJE DE NYID MYA NGAN LAS 'DA' TSUL ZLA BA GSUM PAR BSTAN PA YIN 'DUG KYANG, LO DER ZLA BSHOL YOD PA'I STABS DANG, SNGON RGYA GAR DU YANG DUS CHEN SMYUR BAS BKRA SHIS DGE MTSAN PHUN SUM TSOGS PA BYUNG BA'I RTEN 'BREL DANG BSTUN, 'DIR YANG DUS CHEN MCHOD 'BUL BSUS PA'I DBO ZLA'I TSES BCU GSUM GYI NYIN CHOS GRVA 'DI NYID DU MANG JA SBYOR SBREL THOG DGE 'DUN ZHAL GRANGS NYIS STONG BZHI BRGYA LNGA BCU BRGAL BAR TSAR RTZAM KHAL PHYED RE DANG, MAR NYAG TSAD KYI NYAG LNGA RA, 'KHUR BA LAG SNGOGS GNYIS RE DANG, SLOB DPON SKU SKYE RNAM PA, DBU CHOS SOGS LA RNAM GZHAG GZABS MA, SPYI 'GYED ZING JA KO KHRA LNGA BCU NGA LNGA RNAMS BUL ZHING, DE BSTUN GTZANG RONG MYANG KHUL GYI RI KHROD DANG BCAS PA'I DGON CHE PHRA BRGYA PHRAG BRGAL BAR MANG JA SBYOR SPREL, BSNGO RTEN RNAM GZHAG ,SPYI 'GYED BZANG JA

, ,'KHONG DRUG MA BCU PHRAG BZHI DGE 'DUN ZHAL GRANGS KYI DBYE BAS BSGRUBS, LO 'DI NANG NAS BZUNGS TSES GRVA 'DI NYID, DBEN DGON, RI KHROD KYI SDE BCAS PAR GLING MCHOD KYANG 'BUL BA'I RGYUN TSUGS PA BYUNG 'DUG ,DE NAS DPYID CHOS GNYIS LA'ANG PHOGS BYA TSUL SNGAR RGYUN DANG, BRIS BA RNAMS KYIS MCHOD KHANG DNGOS GZHI'I NANG GI SKYA KHOR YUG TU DAR SHAM GYI GSER GYI DRA PHYED KYIS SPRAS PA, NGOS KYI LDEB SA RNAMS LA MNYAM MED SH'AKYA'I RGYAL PO, RGYAL BA MAR ME MDZAD, RJE BTZUN BYAMS PA MGON PO GSUM GYI SKU BRNYAN CHE BA RES GTZO PO DANG, MTHA' SKOR RNAMS SU BSKAL PA BZANG PO'I SANGS RGYAS STONG DANG, GZHAN YANG DE BZHIN GSHEGS PA'I SKU BRNYAN GSUM GYIS LHAG PA'I BCU PHRAG GNYIS, LDE BAS SHAR NUB KYI SMAD CHA'I NGOS LA JO BO CHEN PO DPAL MAR ME MDZAD YE SHES YAB SRAS, RGYAL BA TZONG KHA PA CHEN PO YAB SRAS, THAMS CAD MKHYEN PA DGE 'DUN GRUB DANG MKHAN CHEN NGAG DANG BLO BZANG RGYA MTSO DPAL BZANG PO RNAMS KYI SKU BRNYAN DANG, RJE DE NYID KYI 'KHRUNGS RABS GSANG BA'I RNAM THAR GYI ZHING BKOD DANG BCAS PA, GZHAN YANG BYANG CHUB SEMS DPA'I SNANG BRNYAN DU MA DANG, RKED RIS KHOR YUG TU BLA MA SANGS RGYAS BYANG SEMS MANG PO'I MTSAN SNGAGS DANG GZUNGS SNGAGS ZAB MO LANYDZA DANG HOR YIG GI GZUGS SU BRIS PA, SGO SKYONG MI G-YO RTA MGRIN RGYAL PO CHEN PO BZHI BCAS DAM PA'I CHA TSAD DANG LDAN PA LEGS PAR BSKRUN PA'I SHING RTZI DANG YI GE

RNAMS LA GSER SHOG LEB CHEN DRUG KHRI BZHI STONG DANG BRGYAD BRGYA BRGYAD CU, SKU GZUGS RNAMS DANG NA BZA'I GSER RIS BCAS PAR GRANG GSER MGUR ZHO BDUN GYIS LHAG PA'I BCU PHRAG NYER GSUM RNAMS KYIS LEGS PAR SPRAS PA ZLA BA BDUN PA'I KHONGS SU MTHAR PHYIN NAS RI MO PA RNAMS KYI YON THOB KHYON BSDOMS BRE TSAD KYI 'BRU KHAL NYI KHRI CHIG STONG NYIS BRGYA SO DRUG THOB PAR, KHA BTAGS CHE BA BDUN, DNGUL SRANG BRGYA NYER DRUG ,GOS TSOS KHA SNA TSOGS YUG DRUG CU RE BDUN, RTA BCU GNYIS, SHAM THABS RDUL ZAN SOGS NYER LNGA, BYANG SMAN YUG DRUG CU RE BZHI, RAL GRI SHUGS BCAS GSUM, ZAM DRIL KHOM BU LHO RAS COG RAS SOGS YUG BRGYA DANG BDUN RNAMS BSTAR BAS YID MGU BAR BYAS NAS, MCHOD KHANG BRTEN PAR BCAS PA HA LAM TSAGS SU TSUD SKABS DER, LAS DBANG BTZAN PO BZLOG TU MED PA'I PHYAG MDZOD BLO BZANG DGE LEGS TSE'I 'PHEN PA RDZOGS NAS DUS KYI CHOS NYID DU GYUR BAR, DGONGS RDZOGS KYI RTEN BRTEN PA BZHENGS 'PHROS SOGS BYA BA LAS KYI 'KHOR LO RGYA CHE BAS ZHABS 'BRING PA TSANG MA BLO KHOL CHE BA BYUNG 'DUG KYANG LE LO SNYOMS LAS SU MA LUS PAR, SLOB DPON RNAM PA ZHABS 'BRING PA SOGS TSANG MAS MGRIN GCIG TU, SNGON BSAGS BZANG PO'I LAS KYI 'PHRO SAD PA DUNG LHA NAS PHUN TSOGS RAB BRTAN LHA BABS ZLA BA'I YAR TSES GSUM PA'I NYIN MDZOD 'DZIN DU MNGA' GSOL NAS RNAM DKAR GYI LUGS BZANG RNAMS RIM PAR BGYI BA NAS, STON CHOS 'PHAR MA'I GSOL PHOGS JA TSUL SNGAR LTAR DANG,

, ,SLOB DPON DBU CHOS SOGS LA RNAM GZHAG DANG, SPYI 'GYED DNGUL SRANG CHIG STONG BRGYA SO GNYIS RNAMS PHUL, SNGA GANG NAS DNGUL MKHAR RGYA'I KHAL DGU LAS BSKRUN PA'I ZA MA TOG ZHABS STEGS PADMA SOGS BZO BKOD MDZES PA'I NANG DU GOS CHEN GYI BZHUGS STAN GCIG DANG NYI ZLA MTSON BYED GNYIS BZHUGS 'DING BCAS PA'I STENG DU SKU GDUNG RIN PO CHE SPYAN 'DREN ZHU SKABS DPAL GSANG BA 'DUS PA MI BSKYOD PAR BSKYED NAS SKU GSUNG THUGS DANG SKYE MCHED BYIN RLABS DBANG BSKUR RGYAS GDAB SOGS RGYUD SDE'I DGONGS PA DANG MTHUN PA'I NGOS, NYID KYI PHYAG 'PHRENG, SKU SBYAR GNYIS, SNYAN DAR SOGS LEGS PAR GSOL BA'I MTHA' SKOR DU, BDUD RTZI, SKYE BDUN, RIN PO CHE'I RIGS MANG PO DANG, GUR KUM NYAG 'DEGS KYI KHAL DGU, TZANDAN DKAR DMAR SOGS DRI BZANG POS BYUR BUR GTAMS NAS GZIMS CHUNG DU BZHUGS PA LA NYIN MTSAN KHOR YAG TU MCHOD PA'I BYE BRAG BSAM GYIS MI KHYAB PAS MCHOD 'DUG CING, DE NAS RTEN DANG BRTEN PAR BCAS PA'I RNAM DKAR SGRUB 'PHRO RNAMS MGRON GNYER GZHON PAS GCIG TU BSGRIL NAS KHUR BLANGS TE MCHOD KHANG GI SGO KHRAS MTSON SHAN SOGS KYI TSIGS LA GSER SBYANGS MGUR ZHO SUM BRGYA NYER DRUG DANG DNGUL SRANG GSUM, RTA BABS KYI STENG DU CHOS KYI 'KHOR LO G-YAS G-YON DU RI DVAGS PHO MO, SPEN BAD KYI LOGS SU RNAM BCU DBANG LDAN AE WA MAndAL GYI RGYUR ZANGS KHAL YON TAN 'PHAGS NOR GYI GRANGS DANG, ZONG MCHOG MGUR ZHO BCU PHRAG LNGA DANG DRUG GIS LHAG PA'I BRGYA

PHRAG BDUN LAS GRUB PA, MCHOD SDONG RIN PO CHE'I SA 'DZIN RDO RJE'I RA BAR MKHAR RGYA'I KHAL RI BO THUB PA'I GRANGS KYI LJON DMAR DANG, SKU RGYUR LHAD MED RIN CHEN MCHOG CAN SRANG CHEN NYI KHRI BDUN STONG DRUG BRGYA ZHE GSUM LAS GRUB PA GANG+GA'I YAB LTAR DVANGS LA MNGON PAR 'PHAGS PA LA SV'A BH'A WARnA MGUR ZHO LNGA LHAG LNGA STONG DRUG BRGYAS BAR BAR DU MTSAMS SPRIN GZHON NU'I MDANGS LTAR KUN NAS 'KHYUD CING, SNGON BYON DAM PA'I CHA TSAD DANG LDAN ZHING BKOD PA NGO MTSAR PHUM SUM TSOGS PA SPRUL PA'I BZO BO BI SHVA KARMAS KYANG 'GRAN GYI DO BRAL BA'I THEM SKAS DANG PO NAS NOR BU'I TOG GI BAR LA, SNA TSOGS SHEL RIGS MANG PO'I RANG MDOG LA 'DRA MTSUNGS KYI BEEd'UR+YA GNYIS, MA RGANG, 'DOD YON KLU'I GRANGS KYI PADMA R'A GA, KHYUNG MIG, ZHUM MIG BZHI, KE KE RU BRGYAD, NAL GNYIS, MAn HO DGU, G-YANG TRI BCU GSUM, MOO KHI KAm SPUS LEGS RDOG STONG PHRAG BRGAL BA, GSER GYI GA'U BEE R'A DZA'I ME TOG GA BKRA BA BKRA SHIS KYI GRANGS, GANG+G'A SKYES KYIS MTHA' RTEN G-YU'I 'DAB MAS SPUD PA'I RNA RGYAN BCU PHRAG GNYIS DANG BRGYAD KYIS BSNAN PA, YAN LAG MCHOD GI GTZUG RGYAN GSER MTHA' G-YU YIS BRGYAN PA BRGYAD, DBRAL BA'I MDONGS LDAN GSER GYI GZHI MAR KHYAD G-YU GCAL DU BKRAM PA BZHIS LHAG PA'I LNGA TSAN GNYIS, G-YU YIS SPRAS PA'I AA DZAR SBA RIL DRUG, ZONG MCHOG G-YU'I RDO RJES RNAM PAR BRGYAN PA BCU PHRAG DRUG DANG DGUS LHAG PA, DRUG DKAR DMAR SOGS BRGYA DANG NYER GSUM GYI PHRA CHOMS TSAR DU DNGAR BA, BYU RU NYIS STONG LNGA BRGYA LA NYE BA, HOR SHEL DANG SPOS SHEL BCU

, ,PHRAG LNGA DANG BRGYAD KYIS LHAG PA'I BRGYA PHRAG GSUM, SHEL RIGS KHA DOG SNA TSOGS BZHI STONG BRGYAD CU LA NYE PA, MCHOD MU MEN GZI SHEL DKAR SOGS BZO BKOD KYIS MDZES PA PHYED BDUN BRGYA BRGAL ZHING RIN CHEN DU MA'I STAR DANG PHRA TSOMS KYIS SPUD PA, GZHAN YANG PHYIS SU GUS LDAN DU MAS RIN PO CHE'I RGYAN SNA TSOGS PHUL BA DANG, KHYAD PAR BSTAN 'DZIN CHOS RGYAL GYI DPON PO TSE RING BKRA SHIS KYIS GUS PAS SPOS SHEL CHE BA SNYIM PA GNYIS SU MI 'PHYUR BA GNYIS KYI THOG RDOG CHE BA BCU GCIG ,GSER BA, MGRIN RGYAN G-YU DANG MU TIG GIS SPRAS SHING, RIN CHEN SNA MANG 'DUS PA'I DRA BA DRA PHYED KYIS BUM SGO RNAM PAR SPA BA DANG, SPEL RKYANG PAS PHUL BA'I GSER MTHA' BZANG G-YU'I 'DAB MAS SPRAS PA'I RNA RGYAN, GSER SPYI, BYU RU DANG BCAS PAS MDZES PAR BYAS PA'I MCHOD SDONG RIN PO CHE'I NANG BZHUGS SU JI LTAR BZHUGS PA RNAMS TSIGS SU BCAD DE SMRAS PA,, ,,` NA MO GU RU MU NI AINDRA YA, RNAM DKAR DGE LEGS KUN LA BLO GROS RGYAS, ,MDO RGYUD GZHUNG LUGS KHYON LA DBANG BSGYUR ZHING, ,LUNG RTOGS YON TAN RGYA MTSOS BSHAD SGRUB BSTAN, ,SPEL MKHAS THUB BSTAN NYIN MOR MDZAD DER 'DUD, THUB PAS SUM CU RTZA GSUM CHES BSTAN NAS, ,SHANG KA SHYA YI 'GRAM DU BDER GSHEGS DUS, ,LHA BABS MCHOD RTEN ZHES GRAGS BYUNG BA BZHIN, ,MTSUNGS PA'I CHOS GZUGS SKAS LDAN NANG BZHUGS BRJOD,

BKA' GDAMS SHING RTA'I SROL 'BYED 'BROM STON RJE'I, ,BSTI GNAS RA SGRENG SPOS SHING SROG SHING DU, GCOD SKABS MA LA YA YI TZANDAN DRIS, ,KHYAB PAS YA MTSAN CHE BA BYUNG ZHES GLENG, ,RTZA BA BUM STAN RTZE MO NYI ZLAR BSNYEGS, ,NGOS BZHIR SROG SHING BRTEN SNGAGS SHIN TU MANG, ,CHOS 'KHOR BCU GSUM NAS GZUNGS RIM BA BZHIN, ,MNYAM MED SH'AKYA'I RGYAL PO'I 'PHEL GDUNG MCHOG ,RGYAL RTZE CAN DU GRAGS PA'I GONG BU DANG, ,CHOS LUNG BYANG BDAG RIN SPUNGS CAN GRAGS PA, ,NYER GNYIS BZHUGS SHING SANGS RGYAS GLANG PO'I GDUNG, ,BKA' GDAMS BSTAN PA'I BDAG PO JO BO RJE'I, ,DBU KLAD RING BSREL BRGYAD DANG GDUNG RIL GCIG , SHANGS PA BKA' RGYUD KHYUNG PO SKYER SGANG ZHABS, ,RIN CHEN BRTZON 'GRUS GRUB CHEN GLING RAS PA'I, ,GDUNG DANG MNYAM MED RJE BTZUN TZONG KHA PA'I, ,TSEMS LAS 'KHRUNGS PA'I G-YAS 'KHYIL DUNG DKAR GZUGS, ,CHOS KYI RGYAL MTSAN MGUL DU RGYUN RING BSTEN, ,'JAM DPAL RGYA MTSO'I ZHABS NGAR DUM BU DANG, ,GSANG 'JIGS LAM RIM BSNYEN RDZOGS BRGYUD PA YI, ,BLA MA'I MTSAN SNGAGS GSANG 'DUS BDE 'JIGS SOGS, ,RGYUD SDE GONG MA'I GZUNGS SNGAGS RANG MANG ZHING, ,KHYAD PAR GTZUG TOR RNAM RGYAL DRI MED DANG, ,GSANG BA RING BSREL RGYAN 'BUM YE DHAR RNAMS, ,MTHING SHOG NGOS LA GSER GYIS BSKRUN PA MANG, ,LO CHEN RIN BZANG BSHES GNYEN SPYAN SNGA BA, ,

, ,PHAG MO GRU PA RJE BTZUN TZONG KHA PA, ,RGYAL TSAB RJE DANG BA SO CHOS RGYAN RJE, ,DGE 'DUN RGYA MTSO YON TAN RGYA MTSO'I DPAL, ,SANGS RGYAS YE SHES RJE BTZUN RANG NYID KYI, ,DBU LO BUBS DANG CHA SHAS 'KHRUL MED BZHUGS, KHAMS GSUM BLA MA BLO BZANG GRAGS PA YI, ,SNANG BRNYAN BYIN CAN BKRA SHIS DO KHA MA, ,SLE'U CHUNG MAR GRAGS PA RNAM PA GNYIS, ,RIGS KUN BDAG PO GSAR 'DUS BDE BA'I MCHOG ,DUS 'KHOR BDE MCHOG LHAN SKYES 'JIGS BYED KYI, ,SKU BRNYAN 'PHAGS YUL LI MA NGO MTSAR CAN, ,D'I PAm KA RA SA PAn BU STON RJE, ,THAMS CAD MKHYEN PA DGE 'DUN RGYA MTSO'I DPAL, ,RNAMS KYI DBU ZHVA RGYUN DU BSTEN PA RE, ,PAn CHEN SH'AKYA SHR'I JO BO RJE, ,BSHES GNYEN PU TO BA DBANG RIN CHEN GRUB, ,BYANG SEMS THOGS MED RGYAL BA TZONG KHA PA, ,THAMS CAD MKHYEN PA DGE 'DUN GRUB SOGS KYI, ,SNAM SBYAR 'KHRUL MED BSOD NAMS RGYA MTSO YIS, ,LI THANG YUL DU SBYAR BA'I RTEN BSDUS DANG, ,RJE BTZUN BLO BZANG CHOS KYI RGYAL MTSAN GYIS, ,BSGRUBS PA'I BDUD RTZI SKYE BDUN RTA PHYE MA, ,MKHAN CHEN LA SOGS RANG LUGS RTEN BSDUS MANG, ,NYA GANG GZA' TSES 'PHROD SBYOR LEGS PA'I NYIN, ,SPYAN 'DREN SNYAN GSAN RGYUD DON MTHUN PAR PHUL,, BKA' GDAMS BSTAN PA'I 'BYUNG GNAS AA TI SHA'I, ,DUS CHEN DMAR PHYOGS ZLA BA'I TSE GSUM LA, ,RIM GRO PA SOGS LA LAS ZA MA TOG ,SPYAN DRANGS MCHOD PA'I BYE BRAG BSAM MI KHYAB, ,SLOB DPON RNAM PA THUGS SRAS

ZHABS DRUNG DANG, ,SKU SKYE CHOS KHRIMS RGYUD GRA 'DUS TSOGS SDES, ,PHYAG TU BYA MO LAB THOGS BSU 'PHRENG BSTAR, ,MCHOD CING SGO GSUM GUS PAS SPYAN DRANGS NAS, ,GZIMS KHANG MCHOD KHANG BAR DU KHRI MTHO BSHAMS, ,BZHUGS GSOL 'DUS TSOGS GTZOR GYUR DGE 'DUN DANG, ,SBYIN BDAG GTZOR GYUR SKYE BO'I TSOGS DU MAR, ,BYIN RLABS BDUD RTZI'I CHAR CHEN RAB TU PHAB, ,DE NYIN BSER BU'I NGANG ZHI MKHA' SNANG DVANGS, ,GSUM RTZEN YUL NAS LEGS BRIS TSOGS RNAMS KYIS, ,MCHOD PA'I ME TOG DU MA CHAR DU BSNYIL, ,MCHOG DMAN KUN KYANG YA MTSAN CHE BAR GLENG, ,DE NAS BUM STAN PADMA'I STENG NYID NAS, ,SLOB DPON ZHABS 'BRING 'GA' YIS ZA MA TOG ,ZUR BZHIR DAR YUG BTAGS BZUNGS THEM SKAS GSUM, ,BTZUGS PA'I DBUS MAR ZAM TOG SPYAN DRANGS, ,MDZOD 'DZIN ZHABS 'BRING 'GA' YIS G-YAS G-YON BTEG ,'BAD RTZOL CHER MED BUM SGOR LEGS PHEBS PAS, ,STENG MAS 'THEN NAM 'OG MAS BTEG GAM SNYAM, ,PHAN TSUN THE TSOM YA MTSAN CHE BAR GRANGS, ,BUM NANG DBUS SU KHRI STENG KHYAD GOS KYI, ,BZHUGS STAN BRTZEGS MANG STENG DU ZAM TOG ,BZHUGS SHING NYID KYI PHUN SUM TSOGS PA'I GOS, ,THABS SHES GOS DAR LHAB LHUB SNA MANG GSOL, ,G-YAS DANG G-YON PHYOGS NYID KYI GSUNG 'BUM GRANGS, ,BDUN LHAG BCU PHRAG GCIG RNAMS BKA' RGYA CAN, ,GZHAN YANG NYID KYI RNAM THAR BRIS GSUNG MANG, ,RTZOM GDAN SAm tA MDUN COG NGOS DAG TU, ,

, ,'DUS PA'I RIGS LNGAR BLA BRGYUD KYIS BSKOR BA'I, ,COD PAn SMAN THANG NAS KYI PHYAG BRIS MA, ,LHA SRAS RJE YI DBU RGYAN NYID KYI'ANG MDZAD, ,MU TIG LJON SHING SE'U'I RTZE PHRAN RE, ,RDOR 'PHRENG DBANG BSKUR GNANG PA'I DBANG DZAS TSANG, ,BKRA SHIS RDZAS BRGYAD SNOD BCAS ZHAL DKAR MIG ,ZHAL DKAR 'BRAS SHEL SPUS LEGS STEGS BCAS DANG, ,GU SHA'I SPYI BLUGS MU TIG LJON SHING GI ,BZED ZHAL BZHES SNOD GSOL THUR KHEBS DANG BCAS, 'GRO MGON 'PHAGS PA RJE BTZUN RANG NYID KYIS, ,GNANG BA'I DVANGS CHUNG DNGUL STEGS BCAS PA GCIG ,'JAM DBYANGS DRUG PA BLO GROS BRTAN PA YI, ,GSOL LHUNG NYID KYI'ANG MDZAD DANG GZHAN YANG YOD, ,RKANG 'THUNG KA LI'I GZUGS KYI BZHES PHOR DANG, ,DKAR RKYEN GSOL SDER RGYA NAG CAN MA BZHI, ,DKYUS RING GNANG BA'I dA DRIL RDO RJE DANG, ,GU GU SHA YI NANG MCHOD KA LI'I GZUGS, ,NYID KYI BGRANG 'PHRENG HOR SHEL THOD PA DANG, ,GZHAN MA LA SOGS RGYAN LDAN 'PHAGS NOR GRANGS, ,MKHAS GRUB RJE DANG NYID KYI PHYAG TIR RE, ,RAB BYUNG BSNYEN RDZOGS SKABS KYI CHU TSAGS DANG, ,NYID KYI PHYAG 'KHAR GNYIS DANG GSIL BYED GCIG ,YI DAM CHOS SRUNGS MKHA' 'GRO'I TSOGS MNYES BYED, ,SBYANGS RTOGS SBAR BA'I AA MRi TA YI SNOD, ,GU GU SHA DANG DNGUL GYI YOL GO MANG, ,PHYAG BSIL SNOD DANG RIN CHEN BDAR RU GCIG ,MCHOD PA'I BYE BRAG DU MA BKOD PAS MDZES, ,RJE BTZUN NYID KYI NA BZA' CHA TSANG LHAG ,BZHUGS 'DIR

STAN DMAR GOS BZANG ZUNG GIS BSGRIL, ,PHYAG DPE GZUNGS 'BUM CHEN MO'I GLEGS BAM BZHES, ,GCOS PA'I GZUNGS SNGAGS PHAN YON CHE BA MANG, ,BSKAL BZANG RNAM 'DREN BZHI PA'I DGONGS DON MCHOG ,'BYED MKHAS THAMS CAD MKHYEN PA BU STON RJES, ,DAG THER BLANG DOR MDZAD PA'I BKA' 'GYUR GYI, ,RGYUD 'BUM GLEGS BAM BCO BRGYAD DPER BLANGS NAS, ,MA 'DRES CHOS GRANGS ZONG MCHOG BU STA KA ,GZHAN YANG NYID KYI SPYAN BSTAR PHYAG DPE'I GRAS, , GSANG BDE DUS KYEE LAG NA RDO RJE DANG, ,NGAN SONG SBYONG RGYUD SOGS DANG YANG RGYUD 'BUM, ,GSER LAS BSKRUN PA'I GLEGS BAM BCU DRUG DANG, ,MGON PO MNGON BYUNG NGAL BSOS PO YI RGYUD, ,BDE MCHOG MNGON RTOGS LO AI PAS MDZAD PA, ,SLOB DPON LANG+KA RGYAL BZANG GIS MDZAD PA'I, ,DPAL LDAN 'KHOR LO SDOM PA'I MNGON RTOGS 'GREL, ,CHOS RJES PAn PHYAG DPER GRAGS PA GCIG ,DRI MED 'OD DANG DGYES RDOR RGYUD 'GREL DANG, ,SPYOD BSDUS SGRON ME ZLA GRAGS 'GREL PA SGRON, ,KLU BYANG GIS MDZAD 'DUS PA'I SGRUB THABS DANG, ,SGRUB THABS RGYA MTSO BU STON RJE YI GSUNG, ,MTHA' DRUG RAB GSAL SAMBHU t'I t'IKKA, ,RDOR 'BYUNG RNAM BSHAD GSANG 'DUS CHOS 'BYUNG DANG, ,BU STON CHOS 'BYUNG RGYUD SDE SPYI'I RNAM BSHAD, ,MNGON DKYIL SBYIN BSREG ZHAL GDAMS CHOS SPYOD MANG, ,RIM LNGA'I KHRID YIG BDE MCHOG TSE SGRUB DANG, ,SPYOD GZHUNG GTUM MO'I KHRID DANG GSHED DMAR DKYIL, ,GRUB CHEN PHYAG RDOR BKA' 'BUM YONGS SU RDZOGS,,

, ,KHAMS GSUM BLA MA TZONG KHA PA YI GSUNG, ,BLA MA LNGA BCU'I BSHAD PA NOR LHA GRANGS, ,SNGAGS RIM GNYIS DANG RNAL 'BYOR DAG RIM BDUN, ,RNAM GZHAG RIM PA GSAL SGRON SGRON GSAL MCHAN, ,MTHA' GCOD MYU GU BDE MCHOG 'DOD PA 'JO, ,CHOS DRUG LHA MO BZHIS ZHUS t'IKKA GSUM, ,'JIGS BYED BYED SGRUB THABS DMAR NAG 'JIGS GSUM DKYIL, ,'JAM RDOR MNGON RTOGS 'JAM DBYANGS CHOS SKOR RNAMS, ,RGYAL TSAB RJES MDZAD DUS 'KHOR SBYOR DRUG KHRID, ,'DUS PA'I RGYUD 'DEBS 'DUL 'DZIN GRAGS RGYAN GSUNG, ,'KHOR CHEN SGRUB THABS KUN RIG MNGON DKYIL BSHAD, ,DE NYID BSDUS BSHAD 'OD ZER DRI MED DKYIL, ,PHYAG 'TSAL NYER GCIG SGRUB THABS MKHAS GRUB RJE'I, RGYUD SDE SPYI RNAM BDE CHEN ROL MCHO DANG, ,PAD DKAR ZHAL LUNG DKYES RDOR MNGON PAR RTOGS, ,RNAL 'BYOR ROL DGA' 'JIGS PA BSKYED 'KHRUL 'KHOR BSHAD, ,SGRON GSAL 'PHAGS 'OD PHYI MAS MDZAD PA GNYIS, ,BYAMS GLING PA YI SNGAGS 'DUL RTZA 'GREL DANG, ,CHOS LDAN RAB 'BYOR GYIS MDZAD BDE BSKYED BSHAD, ,NOR BZANG RGYA MTSO'I DRI MED 'OD 'GREL DANG, ,DGE 'DUN RGYA MTSOS MDZAD PA'I BHEE MNGON RTOGS, ,BLO BZANG BKA' 'BUM SANGS RGYAS YE SHES KYI, ,BKA' 'BUM YONGS RDZOGS GSANG 'DUS MNGON RTOGS RNAMS, ,RJE BTZUN NYID KYI PHYAG DPE'I GRAS YIN CING, ,SNGAGS RIM RIM LNGA GDAN RDZOGS TSAR SO BZHI, ,SGRON GSAL MCHAN MA LHA MO BZHIS ZHUS BSHAD, ,RNAL 'BYOR DAG RIM 'DUS

BA'I SGRUB THABS RE, ,BDE MCHOG MNGON RTOGS RDZOGS RIM RNAM BSHAD DANG, ,DE YI RTZA RGYUD SBAS DON KUN GSAL GNYIS, ,'JIGS BYED SGRUB DKYIL RTZA LTUNG RNAM PAR BSHAD, ,PHYAG NA RDO RJE 'DUS BA'I SGRUB THABS RNAMS, ,BRIS THANG SKOR LA RGYAL BA TZONG KHA PAR, ,GRUB CHEN BRGYAD BSKOR JO BO AA TI SHA ,GNAS BCUS BSKOR DANG JO 'BROM YAB SRAS SKU, ,BYA YUL KHAM LUNG PA YI THUGS DAM RTEN, ,RA SGRENG MCHOD KHANG KHA GNYIS RTEN GRAS GCIG ,BU STON RJE DANG RJE BTZUN TZONG KHA PA'I, ,BRIS THANG SANGS RGYAS YE SHES SPYAN RTEN DANG, ,TZONG KHA PA YI SKU BRNYAN STONG THANG GNYIS, ,SGOM BDE'I SKU THANG NYID KYI ZHABS RJES MA, ,BSOD NAMS RGYA MTSO'I SNANG BRNYAN ZHABS RJES DANG, ,PHYAG NAS BYIN RLABS CHE BAR GRAGS PA GCIG ,BLO BZANG DON GRUB SANGS RGYAS YE SHES RJE'I, ,SKU THANG SMAN THANG NAS KYI PHYAG BRIS RE, ,RJE BTZUN NYID KYI 'KHRUNGS RABS GOS KYI SKU, ,NYID KYI THUGS DAM SPYAN DMIGS GNANG BA'I RTEN, ,RDO RJE 'CHANG DBANG SKU THANG RGYAL BA LNGA'I, ,YAB YUM SA BON 'DUS PA BDE BA'I MCHOG ,DKYIL 'KHOR RAS BRIS MKHA' SPYOD DMAR SNGO DKAR, ,BDE DKAR PHAG MO'I SKU THANG RNAM PA MANG, ,KYEE RDOR CI NA'I YUL GRU'I SI THANG ZUNG, ,DUS 'KHOR GSHED DMAR PHUR PA RTA MGRIN SKU, ,'DUS PA MI BSKYOD 'JAM RDOR DGRA NAG GI ,DKYIL THANG SGRA PA SHES RAB RIN CHEN GYIS, ,PHYAG BRIS GNANG BA'I 'DZIGS BYED DKYIL THANG DANG, ,CHOS 'KHOR SGANG GI NANG RTEN YA GYAR BA, ,BHEE RA WA YI DKYIL

, ,THANG BYIN RLABS CAN, ,BDE MCHOG PHAG MO MKHA' SPYOD GUR RIGS BSDUS, ,KYE RDOR RNAM GNYIS DKYIL 'KHOR NGO MTSAR BA, ,LHO BRAG GRUB CHEN SNANG BRNYAN BYIN RLABS CAN, ,THAMS CAD MKHYEN PA DGE 'DUN GRUB PA YI, ,PHYAG TSA RJE BTZUN BLA MA TZONG KHA PA'I, ,SNANG BRNYAN GCIG DANG GSER ZANGS LAS GRUB NANG, ,'PHEL GDUNG BLO BZANG CHOS RGYAN DBU LO BUBS, ,SMAN 'DAM LAS GRUB DBEN SA YAB SRAS KYI, ,'DRA SKU RE DANG SANGS RGYAS YE SHES SKU, ,DNGUL LAS GRUB PA'I SNANG BRNYAN NGO MTSAR GNYIS, ,D'I BAm K'A R'I RVA BAR MA YIS GTZOS, ,NYID KYIS PHYAG BSTAR GNANG BA'I PAR NYER BRGYAD, ,RGYA BOD MKHAS GRUB MANG PO'I GDUNG RING BSREL, ,GZHAN YANG BYIN RTEN SNA MANG RAB BSRES PA'I, ,BLA MA YID DAM SANGS RGYAS BYANG SEMS DANG, ,CHOS SKYONG BSRUNG MA'I SNANG BRNYAN RJE NYID KYIS, ,PHYAG BSTAR SUM KHRI DGU STONG SUM BRGYA DANG, ,'PHAGS NOR YON TAN GRANGS KYIS RAB TU BRGYAN, ,GRUB THOB SPAR BU'I PHYAG TSA GANG+G'A MA, ,BKA' GDAMS BLA MA DU MA'I PHYAG TSA MANG, ,BKA' GDAMS GDUNG RTEN JO BO'I RING BSREL DANG, ,RAM SDINGS 'BYUNG GNAS RDO RJE'I THUBS BZHUGS RTEN, ,LCAGS RTZE GNYIS SOGS THUGS RTEN RNAM PA 'GA', , N'A RO'I RUS PA'I SKU RGYAN SNYAN RGYAN RVA, ,MNGA' BDAG MEE TRI CHEN PO'I BUS 'KHYUD DANG, ,KHA CHE PAn CHEN SH'AKYA SHR'I YI, ,BZHES LHUNG TSAS DANG 'KHAR GSIL BAR GYI SHING, ,GRUB TSAN DZA WA RI PA'I NYA GDUB RGYAN, ,BLA MA 'PHAGS PA'I BZLAS

'PHRENG RDO RGYUS KYI, ,SPANG KHEBS 'KHRUL PA MED PAR RAB GRAGS PA, ,PAn CHEN BSOD NAMS GRAGS DANG DGE 'DUN GRUB, ,BSOD NAMS RGYA MTSO'I NA BZA' MGUL GA'I THAG ,YON TAN RGYA MTSO'I DPAL GYI SPUR RAS DANG, ,MAR MID THUN MONG BZHES ZHAL MAR PA RJE'I, ,BER DANG SENG GE'I MJING BSNOL MID LA RJE'I, ,DGUNG LO BZHI BCU NAS BZUNGS BRGYAD CU'I BAR, ,BZHES PA'I SGOM THAG RAS GOS RING DU BSTEN, ,PHAG GRU BLA MA DAM PA BU STON ZHABS, ,DKYUS RING GNANG BA'I NA BZA' SNA TSOGS DANG, ,GSANGS KHROD 'GYUR RO 'TSAL GYI MDO PHYOGS KYI, ,GLEGS BAM BCU PHRAG DGU NYID BZHUGS PA NI, ,BUM NANG RGYUD 'BUM GRAS YIN BRJOD BYA MTHUN, ,ZHAL KHEBS DBU DAR NA BZA' KHYAD GOS DANG, , GLEGS SHING GSER SPRAS SE TA HO YI THAG ,BZHUGS KHOM BCAS PA BLA NA MA MCHIS SHING, ,NYID KYIS BZHENGS DANG PHYAG NAS BYIN RLABS CAN, ,BRGYAD STONG RGYA DPE SLOB DPON DBYIG GNYEN GYI, ,THUGS DAM RTEN DANG NYID KYIS LAN MANG POR, ,LJAGS SGROG GNANG BA'I GLEGS BAM KHUNGS BTZUN GCIG, ,BEEd'U RYA SPRIS 'PHAGS PA BRGYAD STONG PA, ,MNGA' RIS GONG MA CHEN PO'I THUGS DAM RTAN, ,GZHAN YANG RJE BTZUN RANG NYID PHYAG DPE'I GRAS, ,MTHING SHOG NGOS LA RI SKYES KHU BA YIS, ,BRIS PA BCU DRUG GIS MTSON SHER PHYOGS KYI, ,GLEGS BAM BCU PHRAG BCU GNYIS BRGAL BA DANG, ,'GRO MGON CHOS RGYAL 'PHAGS PA'I THUGS DAM RTEN, ,BRGYAD STONG GSER GYI PO TI RGYA NAG CAN, ,MANG PA RIN

, ,BZANGS PAn PHAG GRU DANG, ,PAn GRUB GSUM DANG GSAR SDINGS GZHON NU 'OD, ,KUN LDAN RAS PA BU STON THOGS MED DPAL, ,LAS KYI RDO RJE RJE BTZUN TZONG KHA PA, ,'JAM DBYANGS CHOS RJE RNAMS KYI RNAM THAR DANG, ,BYAMS CHOS SDE LNGA TSANG GNYIS KLU SGRUB KYIS, ,MDZAD PA'I DBU MA RTZA SHE BSHES SPRINGS GNYIS, ,STONG NYID BDUN CU RTZOD BZLOG RIN CHEN 'PHRENG, ,MDO KUN LAS BTUS 'PHAGS PA LHAS MDZAD PA'I, ,RNAL 'BYOR SPYOD PA BZHI BRGYA PA CHAR GSUM, ,DPA' BOS MDZAD PA'I 'KHRUNGS RABS SMAN DPYAD DANG, ,MA TI CI TRAS MDZAD PA'I BSNGAGS 'OS STONG, ,DPAL LDAN ZLA BA'I 'GREL PA TSIG GSAL NI, ,RIG PA'I KHU BYUG CHE BA'I PHYAG BRIS MA, ,RGYA DPE KHUNGS BTZUN GCIG DANG GZHAN YANG YOD, , 'JUG PA RANG 'GREL BZHI BRGYA PA YI 'GREL, ,THOGS MED KYIS MDZAD MNGON PA KUN BTUS GSUM, ,BYANG SA ZHI BA LHA YI BSLAB SPYOD DANG, ,SH'KA 'OD 'DUL BA SUM BRGYA PA RTZA 'GREL, ,TZNDRA GO MIS MDZAD PA'I SLOB SPRINGS GNYIS, ,PHYOGS GLANG GIS MDZAD TSAD MA KUN BTUS DANG, ,BRGYAD STONG DON BSDUS CHOS KYI GRAGS PA'I GSUNG, ,RNAM 'GREL RTZA BA RIGS THIGS RNAM NGES GNYIS, ,DE YI 'GREL PA CHOS MCHOG GIS MDZAD PA, ,ZHI 'TSO'I SMAN BLA'I MDO CHOG RNAM PA GSUM, ,SLOB DPON SENG BZANG GIS MDZAD BRGYAD STONG 'GREL, ,KA MA LA SH'I LAS MDZAD SGOM RIM DANG, ,AA TI SHA YI CHOS CHUNG BRGYA RTZA GSUM, ,BKA' GDAMS GLEGS BAM GNYIS DANG SA PAn GYI, ,SDOM GSUM RAB DBYE PHYOGS

BCU'I ZHU 'PHRIN DANG, ,SPANG LO'I BRDA SPROD BU STON LUNG SNYE MA, ,RNAM NGES PHAR PHYIN SPYOD 'JUG t'IKKA DANG, ,'DUL BA'I GLENG 'BUM BYA t'IKA KARMA PA, ,RANG 'BYUNG RDO RJES MDZAD PA'I SKYES RABS BRGYA, ,RGYAL SRAS BKA' 'BUM DPE CHOS RTZA 'GREL DANG, ,MDZAD PA 'KHRUL MED DUS 'KHOR CHOS 'BYUNG DANG, ,PHAR PHYIN RGYAN GYI ME TOG KUN BTUS 'GREL, ,RJE BTZUN BLA MA TZONG KHA PA YI GSUNG, ,LAM RIM CHE CHUNG MANG ZHING GSUNG THOR BU, ,BYANG CHUB GZHUNG LAM GSER 'PHRENG GRANGS NGES 'BYED, ,'JUG PA'I RNAM BSHAD LAM RIM DMIGS SKOR GNYIS, ,ZHING MCHOG SGO 'BYED TSUL KHRIMS LE'U'I BSHAD, ,RGYAL TSAB RJE YI SPYOD 'JUG t'IKKA BZHI, ,RNAM 'GREL DKA' GNAS RNAM NGES THAR LAM GSAL, ,MNGON PA KUN BTUS RGYUD BLA'I t'IKKA DANG, ,'DUL 'DZIN GRAGS PA RGYAL MTSAN GYIS MDZAD PA'I, ,GZHI GSUM TSANG GSUM BSLAB BYA CHEN MO DANG, ,MKHAS GRUB RJE YI SDOM GSUM RNAM GZHAG GNYIS, ,SKAL BZANG MIG 'BYED NGOR LAN GNAM LCAGS 'KHOR, ,DAD PA'I 'JUG NGOGS GSANG BA'I SPYOD TSUL MANG, ,GSUNG 'BUM THOR BU t'IKA CHEN GUNG RU YI, ,DBU MA'I STONG THUN BA SO RJE'I LTA KHRID, ,THAMS CAD MKHYEN PA DGE 'DUN GRUB PA YI, ,'DUL BA'I GLENG 'BUM RANG NYID PHYAG BRIS MA, , GZHAN YANG TSAR LNGA RIN CHEN 'PHRENG BA YOD, ,SPYI DON RIGS RGYAN DBU MA'I NGAG DON BSHAD, ,BDUD DPUNG PHYER 'THAG 'JUG PA'I RNAM BSHAD BZHI, ,STOBS LDAN 'OD ZER PHAR PHYIN t'IKKA DANG, ,DGE 'DUN RGYA MTSO'I GSUNG RTZOM DU MA BZHUGS,

, ,MKHAN CHEN BLO BZANG RGYA MTSO'I GSUNG MANG ZHING, ,NGAG DBANG GRAGS PA'I BKA' 'BUM YONGS RDZOGS YOD, ,'PHAGS PA'I GNAS BRTAN TSEN PO BCU DRUG GI ,SI THANG GRA MTSUNGS MIG BGROD GRANGS DANG LDAN, ,THAMS CAD MKHYEN PA NA RIM PHYAG NAS CAN, ,GZHAN YANG TSAD MA MANG ZHING RI MO BA, ,CHOS DBYINGS RGYA MTSOS BRIS PA YONGS RDZOGS GNYIS, ,RJE BTZUN NYID KYI SPYAN RTEN THUB DBANG GI ,STONG THANG GCIG DANG GZHAN YANG DU MA BZHUGS, ,MDZAD PA BCU GNYIS SKU THANG SI HU MA, ,ZUNG DANG DRUNG GNAS BSOD DPAL PHYAG BRIS MA, ,ZAS GTZANG SRAS KYI STONG SKU BYIN RLABS CAN, ,THUB DBANG GRONG KHYER BRIS SKU MTHONG DON LDAN, ,DAM TSIG GSUM BKOD SMRAN RGYAL MYA GNAN MED, ,RNAM PAR SNANG MDZAD RNAMS KYI BRIS THANG RE, ,SANGS RGYAS SO LNGA'I GOS THANG RAS BRIS BRGYAN, ,TSE DPAG MED MGON LHA DGU SMAN THANG PA'I, ,PHYAG BRIS GRUB PA'I DBANG PHYUG LJAGS BKOD MA, ,GZHAN YANG MANG BZHUGS MI 'KHRUGS SKU THANG BRGYAD, ,SMAN BLA DON GRUB CHOS DBYINGS RGYA MTSO YI, ,RAS BRIS MA PHAB MGON PO'I SKU BRNYAN 'GA', ,RDO RJE GDAN DANG DGA' LDAN BDE CAN GYI, ,ZHING BKOD RE DANG THUGS RJE CHEN PO'I SKU, ,SMAN THANG 'JAM DBYANGS PAS BRIS GZHAN YANG MANG, ,GSANG BDAG KHYUNG KHRA GTZUG TOR RNAM PAR RGYAL, ,RJE BTZUN SGROL MA'I SKU THANG DU MA YOD, ,BKA' GDAMS THIG LE BCU DRUG PHYAG RDOR DANG, ,RNAM 'JOMS GDUGS DKAR DKYIL 'KHOR RE RE BZHUGS, ,RJE NYID RAB BYUNG BSNYEN RDZOGS GNANG BA'I RTEN, ,

THUB DBANG BKRA SHAS LI MA BYIN RLABS CAN, ,KHRO PHU THOG THUB GCIG DANG GZHAN MA GNYIS, ,MCHIMS CHEN NAM MKHA' GRAGS KYI SPUR THAL LAS, ,GRUB PA'I CHU LAN MAR GRAGS THUB SKU GNYIS, ,BLO BZANG GRAGS GRO GRUB PA SHES RAB DANG, , 'PHAGS 'OD SPUR THAL LAS GRUB YIN CAN RE, ,SMRA TI'I PHYAG BSTAN SMAN BLA THUB DBANG MANG, ,THUGS RJE BRTZON 'GRUS GDUNG THAL LAS GRUB PA'I, ,THUB DBANG SKU BRNYAN ME THUB MAR GRAGS PA, ,BYANG SEMS RGYAL BA YE SHES PHYAG BSTAR GSUM SNAR THANG RDZA SKU MA G-YO'I SKU BRNYAN DAG, ,ZLA SENG GDUNG THAL LAS GRUB SPYAN RAS GZIGS, ,GNYAN LO'I PHYAG TSA 'KHRUL MED SGROL LJANG DANG, ,GZHAN YANG LI MA BYIN NA DU MA BZHUGS, ,RGYA NAG RI BO RTZE LNGA'I ZHING BKOD DANG, ,'JAM DBYANGS DAM PAR DER BZHUGS CHOS 'PHAGS KYI, ,TSEMS PAR YIN PAR GRAGS PA DANG BSKRUN RE, ,DE DAG RNAMS KYI BAR MTSAMS MCHOD SPRIN TSUL, ,RTZE LNGA'I RTZA SKUD KUN TU BZANG PO SOGS, ,ME TOG RIGS MANG BZANG SPOS PHON CHE ZHING, ,DAR GOS RIN CHEN SNA TSOGS MTHA' YAS DANG, ,BKA' DANG DGONGS 'GREL NA BZAR KHYOD 'PHAGS GOS, ,DING PHON KYING SI BLA RE RNAM PA MANG, ,GOS DAR MANG ZHING DNGUL GYI MAndAL GNYIS, ,SA LE SBRAM DANG DNGUL DKAR G-YANG TRI'U'I, ,KA LA SHA SOGS YOL GO RANG NAS BKANG, ,GZHAN YANG RIN CHEN LAS GRUB NGO MTSAR SNOD, ,MCHOD RDZAS BSAM MI KHYAB PA TSAR DU DNGAR, ,YE SHES MGON PO'I BE'U BUM YONGS RDZOGS DANG, ,THAMS CAD MKHYEN PA DGE 'DUN RGYA MTSO YIS, ,MDZAD

, ,PA'I LHA MO RNAM SRAS CHOS SKYONG 'GA'I, ,CHOS SKOR SNA MANG RJE BTZUN DE NYID KYIS, ,MDZAD PA'I LHA MO BEG TZE'I LAS TSOGS SOGS, ,CHOS SRUNGS SGRUB THABS LAS TSOGS SHIN TU MANG, ,NOR LHA CHOS SKYONG DPAL MGON BDUN CU'I GZUNGS, ,BGRANG MI LANG ZHING BSNGO BA'I GZUNGS SNGAGS MCHOG ,BKRA SHIS BDE LEGS RIM PA DU MA BZHUGS, ,MGON PO'I SKU THANG NYID KYI PHYAG NAS MA, ,KHA'U'I RTEN RDOR BRIS DANG MGON DKAR GUR, ,BRAM GZUGS SI THANG PHYAG BZHI LHA MO DANG, ,GZA' MCHOG R'AH'U RNAM SRAS RTA BDAG BRGYAD, ,MIG MI BZANG SOGS RAS BRIS BYIN RLABS CAN, ,RJE BTZUN NYID KYIS PHYAG TSA GNANG BA YI, ,MGON PO'I SKU PAR RGYUN 'DEBS PAR GDAN GNYIS, ,GOR MA'I THO BA GSUM DANG RANG NYID KYIS, ,PHYAG BSTAR MGON PO KRIG KRIG ZHABS MTHA' YAS, ,GNOD SBYIN YAB YUM 'KHOR LO RAB RGYAS PA, ,BSKYED CHOG BZLAS MCHOD RGYUD DON MTHUN PAR BSGRUBS, ,KHA CHE PAn CHEN ZHABS CHAGS NANG RAS DANG, , BU STON PHAG GRU SRONG BTZANG SGAM PO YI, ,ZHABS RTEN CHA SHAS RJE BTZUN RANG NYID KYI, ,BZHUGS STAN RNAM PA MANG PO SHING KHRI GSUM, ,KHRI KHABS BZANG GOS KHYAD PAR 'PHAGS PA 'GA', ,RI BO RTZE LNGA'I NOR BU RDO YI SNYING, ,MANYDZU SHR'I'I SGRUB PA'I GNAS KYI RDO, ,'PHAGS BOD RGYA NAG LHO BAL MON LA SOGS, ,GNAS CHEN 'GA' YI SA SNA RDO SNA DANG, ,DUG RIGS MA 'DRES ME TOG RIGS DU MA, ,BYANG CHUB SHING DANG CHU MIG BRGYA BRGYAD CHU, ,RIN CHEN DU MA SMAN SNA MA TSANG MED, ,MA

LA YA SKYES DKAR DMAR AAR SKYA RNAMS, ,SDONG DUM BRGYA PHRAG AAR NAG PHON CHE BA, ,GUR KUM RGYA SPOS DKAR NAG BOD KYI SPOS, ,DMAR SER MI RGYAB MANG POS RAB TU BKANG, ,BSANGS SNA SNA TSOGS MANG ZHING GOS DAR RIGS, ,YUG DZAR MANG POS BAR MTSAMS KUN NAS GTAMS, ,GO KHRAB YA LAD BCAS DANG RAL GRI 'GA', ,BYE SHEL BU RNAM LTANG RTZE SBRANG RTZI DANG, ,YUL GRU MANG PO'I 'BRU SNA SHING 'BRAS 'DZOM, ,ME TOG GA YANG 'DZIN SPE YAGS PHI JA DANG, ,GONG MA'I MCHOD PA DPE YU SPU JA SOGS, ,JA RIGS SNA TSOGS MANG PO RAB TU SPUNGS, ,NAS KHAL NYIS STONG LNGA BRGYA LAN TSVA KHAL, ,BRGYA PHRAG BZHI YI GRANGS KYIS BYUR PHUR GTAMS, ,RING BSRES RNAM BZHIS MTSON PA'I BZHUGS 'OS RIGS, ,HA LAM SMOS SHING PHRA BA BRJOD MI LANG, ,RGYUD DANG SNGON BYON MKHAS PA'I DGONGS ZAB DON, , PHYAG LEN MA NOR GSAL BA'I RJES 'GRO BA, ,BYED PO DGE SLONG BLO BZANG DBANG RGYAL SOGS, ,DU MAS 'KHRUL PA MED PAR YANG DAG BSKRUN, ,LHA DANG BCAS PA'I 'GRO BA MA LUS PA'I, , PHUL BYUNG BSOD NAMS ZHING GI DAM PAR BZHUGS, ,DE LTAR ZLA BA BCU GSUM YAN LA DGONGS PA YONGS SU RDZOGS PA'I GZHAL YAS KHANG BRTEN PAR BCAS PA HA LAM GRUB NAS, BUM SPO'I NANG DU RE ZHIG NEE PA LA'I RGYAL PO 'OD ZER GO CHA ZHES CHOS SRID KYI 'BYOR BA PHUN SUM TSOGS PA'I DBANG PHYUG GI THUGS DAM RTEN MDZAD PAS NA 'OD ZER GO CHAR GRAGS PA'I MNYAM MED THUB PA'I DBANG PO'I SNANG BRNYAN BYIN RLABS KYI GZI 'OD 'BAR BA JO MO KHRO GNYER CAN MA'I RNAM SPRUL LHA CIG KHRI BTZUN GYIS

, ,SPYAN DRANGS BA DE NYID BZHUGS SU GSOL, DE NAS GOS BZO DBU MDZAD DGE BSNYEN SRI THAR SOGS MKHAS BSDUS KYIS, HOR DANG RTA MING GAN MDZOD LAS 'ONGS PA'I KHYAD PAR 'PHAGS PA'I GOS MCHOG DU MA GDAN TSON KHRA, DING PON LEB CHEN, LA THOD TSON TSOGS, MKHA' 'GRO BKRAL BTAGS, KHA THIM THON THI SOGS KYI GNAM RGYAN BRJIBS KHEBS DANG, SGO MCHOR LA'ANG KHA THI LU KHRA'I THOG YOL GYIS MDZES PAR BYAS SHING, LE BRGAN DANG GAN GOS TSOS KHA SNA TSOGS PA GCIG LHAG BCU TSAN BZHI'I SNYAN DANG RLUNG GI RGYAL MTSAN LTA BU DANG, BZANG GOS KHYAD THON TSOS KHA SNA TSOGS PA KHA SUM BRGYA RE GNYIS PAS BSKRUN PA'I 'PHAN BYAD DANG SOGS KYIS RGYAB SHA BYAS PA CHA BCU GCIG, KHA BDUN STONG DRUG BRGYA NYER GNYIS LAS DRAS SU DRUB BA'I PHYE PHUR CHE BA SI BYANG SOGS KYI NANG DU LDAN CHA GNYIS KYI NANG DU KHUG KHRA DRI BZANG POS GTAMS MA'I 'PHYANG 'DOGS SOGS BZO BKOD PHUN SUM TSOGS PA DBANG PO'I GZHU LTAR BKRA BAS BRGYAN CING, BZO BO RNAMS KYANG YON GYIS TSIMS PAR MDZAD, GZHAN YANG SKU MDUN DU MCHOD PA'I BYE BRAG 'JON DMAR KHAL BRGYA DANG GNYIS, ZONG MCHOG ZHE BRGYA PHRAG BDUN DANG BCU PHRAG LNGA LAS BSGRUBS PA'I BKRA SHIS RTAGS BRGYAD, DNGUL SRANG SUM STONG DGU BRGYA GO LNGA LAS BGYIS PA'I MAndAL BZO LEGS PHRA RGYAN CAN GSUM GYIS LHAG PA'I NYI SHU DANG, MCHOD YON GYI SNOD TING BDUN TSAR CHE BA GNYIS, DRI ZHIM 'THUL BA'I GZHONG PA, SNANG GSAL SNOD MCHOG CHE BA GCIG ,

GZHAN YANG KA LA SHA SOGS YOL GO MANG BA YOD CING, MCHOD SKONG BZHI DANG PADMA BZHAD PA'I BUM GZUGS CHA ZER SA KHAL BZHI BCU LAS BSGRUBS PAR GSER SBYANGS BTZOMS BRGYAN PA, RAB DKAR SE RU'I ZUNG, MA nA HU, G-YANG TRI SHEL DPYAD SOGS NYIS BRGYA BRGAL ZHING, RGYA HOR SOGS NAS 'THON PA'I RNGA SBUG SIL GLING BU SOGS MANG BA, THEG CHEN GAN BRIL SOGS PHYOGS MTSAMS KUN TU 'PHYAG ZHING, GZHAN YANG 'PHAGS BOD KHA CHE YA TZE SOGS PHYOGS MTHA' DAG NAS 'DUS PA'I MCHOD PA'I BYE BRAG TSAR DU MNGAR BA, GZHAN YANG BYANG PHYOGS 'GRO PA'I 'DREN PA RJE BTZUN DAM PA BLO BZANG BSTAN PA'I RGYAL MTSAN GYIS PHUL BA'I SA ZLA, DNGUL, MA nA HU, G-YANG HRI SOGS LAS GRUB PA'I YOL GO SNA TSOGS RKANG 'THUNG LO MA DANG 'BRAS BUS BKANG PA'I KHA 'JOG ,ZHUM MIG ,PADMA R'A GA ,MARGAD LA SOGS PA RIN PO CHE RIN THANG DU MA RI BA DANG, KHYAD PAR 'PHAGS PA'I GOS DAR GYI MA SHING SOGS BSAM GYIS MI KHYAB PA'I BSNYEN BKUR NAR MAR BSGRUBS, GONG DU SKU GDUNG ZA MA TOG BUM NANG DU SPYAN DRANGS PA'I NYIN NAS BZUNGS SKU MDUN DU DGE 'DUN BZHIS DPAL GSANG BA 'DUS PA'I RGYUD 'DON DANG CHO GA'I SGO NAS MCHOD PA 'BUL BA'I RGYUN TSUGS SHING, ZLA BA BYUNG NGO COG GI DUS CHEN NYIN MAR ME'I RGYUR MAR KHAL DGU RE BCAS SNA LNGA'I BRGYA MCHOD KYANG 'CHAG MED 'BUL BA'I RGYUN TSUGS, DE NAS NYER BZHI'I NYIN SNGAGS GRVA PA RNAMS KYIS DPAL GSANG BA 'DUS PA'I RNAL 'BYOR LA GNAS PA'I SGO NAS

, ,RAB TU GNAS PA'I STA GON DANG, LNGA MCHOD CHEN MO'I NYIN RAB GNAS DNGOS GZHI YE SHES SEMS DPA'I TSOGS DAM TSIG PA LA BSTIM PA SPYAN DBYE KHA SKONG GI SPYIN BSREG ,CHOS SRUNGS MNYES BYED GTANG RAG BSKAD GSO BCAS RGYAS PAR MDZAD PA DANG DUS MTSUNGS SU, MKHAN CHEN THAMS CAD MKHYEN PA CHEN POR YANG PHYAG NAS SPYAN DMIGS ZHUS 'DUG PAR, DE NYIN PO TAL NAS BKRA SHIS LHUN PO'I BAR LA 'JA' 'OD KYI ZAM TSUGS SHING, NAM MKHA' G-YA' DAG PA LA ME TOG GI CHAR BABS PA SOGS KUN GYI MTHUN SNANG DU GRUB PA DBUS PHYOGS NAS BYON PA'I RGYAL BZANG SBRUL SKU SOGS KYANG GLENG BA DANG, 'DIR YANG DE MTSUNGS KUN GYIS GZIGS PAS BKRA SHIS DGE MTSAN PHUN SUM TSOGS PA BYUNG ZHES BRJOD, SPYAN DBYE'I RDO RJE SLOB DPON MKHAN CHEN RDO RJE 'DZIN PA DKON MCHOG RGYAL MTSAN LA YON ZAB RGYAS DANG, SLOB DPON SKU SKYE KHAG ,THUGS SRAS LHA PA ZHABS DRUNG, DGE SKOS SOGS LA RNAM GZHAG ZAB RGYAS DANG, SNGAGS GRVA PA RNAMS LA'ANG BSTI STANG YANG DAG PA'I SGO NAS YON KHA BTAGS, DNGUL SRANG RE, GOS KHA DE DANG, DE MTHUN RIG GROL GYI YON TAN DANG LDAN PA'I 'DUS PA RGYA MTSOR MANG JA SBYOR SBREL THOG SHIS PA BRJOD PA'I ME TOG GI CHAR 'BEBS PAR MDZAD PA'I YON DU DGE 'DUN NYIS STONG LNGA BRGYA BDUN CU LA DNGUL SRANG RE PHUL, GZHAN YANG GTZANG RONG MYANG SOGS KYI DGON SDE'I RIGS DANG RI KHROD BCAS PAR MANG JA, BSNGO

RTEN RNAM GZHAG ,SPYI 'GYED GSER SGA TSA 'GRIG BCU BZHI, JA 'KHOR DRUG BRGYA PHRAG PHYED KYIS MNYES PAR BYAS, BRIS PA DBU MDZAD CHOS DBYINGS RGYA MTSO DANG, BAL PO LHA BZO BA BCAS PA'I BSGRUBS GLA KHYON BSGRIL NAS KHAL BRGYAD KHRI CHIG STONG DRUG BRGYA GO LNGA RNAMS THOB PAR, KHA BTAGS CHA LEGS GYA BDUN, GAN DKAR SPUS LEGS, GSER MGUR ZHO RA BZHI, DNGUL SRANG CHIG STONG BZHI BRGYA NYER DRUG ,GAN GOS KHA THIG, MTHON THI SOGS YUG GTZANG NYIS BRGYA NGA DRUG ,LING BYANG SMAN RNYING YUG BRGYA PHRAG PHYED GNYIS, GOS SNGON SOGS GON PA SDE KHA MANG ZHING, RGYA ZAM GYIS GTZOS PA'I RAS CHA'I RIGS SOGS BSTAR PAS YID LHAG PAR MGU BAR BYAS, TSIM BYED ZLA BA'I TSES BRGYAD LA MKHAN CHEN THAMS CAD MKHYEN PA'I SKU ZHABS NAS, SDE BA SNE GDONG NAS DANG, LCANG RA NAS RDZONG STA GNANG BA'I DNGUL GDUNG RIN PO CHE'I DBU THOG TU GOS BZANG GI BLA RE, SNYAN SHAL BZANG GOS DMAR SER GYI NGOS LA G-YAS PAR, MTHA' BRAL STONG CHEN SA BON DRI MA MED, ,PHYIN DRUG DROD GSHER GYIS SMIN SKYED BSRINGS PAS, ,CHOS GZUGS MYA NGAN MED PA'I LJON PA CHE, ,SANGS RGYAS KUN GYI 'BYUNG GNAS GCIG PU PA, ,SKYON BRAL YON TAN RDZOGS PAR RGYAL BA KUN, ,MTSUNGS LAS MCHOG DMAN SHES BYAR MI SRID KYANG, ,DENG DUS LNGA BRGYA'I GNYEN DU MGON KHYOD KYIS, ,MI ZAD THUGS RJE CHE 'DI GANG GIS BSKRUN, ,ZHING 'DI'I BKOD PA NYER BSDUS 'OG MIN NA, ,LONGS SPYOD RDZOGS SKU'I NYI MA 'OD PO CHE, ,GANGS CAN 'GRO NGOR

, ,GDUGS GCAG MNGON SUM DU, ,PHUL BYUNG MTSAN DPE'I DKYIL 'KHOR 'CHAR DU GSO BA, ,NGAL BRGYAS 'BAD NA DON LDAN SNYING PO RU, ,SGRUB 'DOD 'KHOR BA MTHA' MED CHU SHING LA, ,THAR PA'I SNYE MA G-YUR DU LEGS ZA BAR, ,MKHA' KHYAB YID CAN MA LUS SPYOD GYUR CIG ,SEMS CAN BSAM PA'I KHYAD PAR DE NYID DANG, ,MTHUN BAR RAB 'JUG CHOS PHUNG RGYA MTSO'I SGO, ,PHYE BA'I SNYING PO BRGYA PHRAG THABS MKHAS KYIS, ,RNAM PA THAMS CAD MKHYEN PA'I SAR BKRI SHOG ,RNAM PAR RAB BKRA DGE MTSAN BLA NA MED, ,SHIS PA BRJOD PA SVA STI'I DBYANGS SNYAN CAN, ,LHUN PO'I SBO LTAR CHES MTHO KHRIMS LDAN SDE, ,THOS DANG BSAM PA'I BA DAN RING RKYONG SHOG , MKHA' KHYAB KUN TU BZANG PO'I MCHOD PA'I SPRIN, ,PHUNG BOR 'KHYIL LAS GCIG TU DKAR BA'I CHAR, ,'JIG RTEN GSUM GYI 'DZIN MA GSHEGS BA'I RGYUN, ,KUN MKHYEN YE SHES RGYA MTSOR 'JUG GYUR CIG ,CES DANG, SNYAN SHAL G-YON PAR, GANG THUGS SBANGS RTOGS DPAL GYI BE'U'I GZUGS, ,RDZOGS PAR 'KHYIL BA'I SNYING PO RGYAL KUN GYI, ,YON TAN PHUNG POR GTAMS PA'I ZA MA TOG ,PHAN BDE'I SA CHEN RAB 'DEGS NYE BA'I DBANG, ,LHA DANG BCAS PA'I SKYE DGU'I BSOD NAMS KYI, ,ZHING DU PHU DUD YONGS SPEL SNYAN GRAGS RNGA, ,SRID RTZER BRDUNG LA NGES PA'I GTAN TSIGS SU, ,'DAB RGYA'I CHAR GYIS DBYIG 'DZIN 'GENGS 'DIR LTOS, ,RNAM 'DREN SRAS BCAS GANG+G'A'I

RDUL SNYED PA, ,NYER BKOD DAG PA'I ZHING DU YID BZHIN GDUNG, ,'DREN PA'I SNGON 'GROR 'JA' TSON GSAR PA'I LAM, ,d'A KI MA TSOGS GOM STABS CIR YANG BSGYUR, ,'ON TE GSANGS CAN DPAL MO'I MNGAL SBRUM PAR, ,DUS SU BDER BTZAS LEGS BYAS LUS PHRA MAS, ,SKAL BAR THOB PA'I BYIN RLABS 'DOD 'JO'I RTEN, ,STEN BYED RIN CHEN MCHOD SDONG 'DI RMAD BYUNG, ,'GRO 'DIS CHED BTAB TSOGS GNYIS SA BON 'BRAS, ,SMIN PA'I SKU GSUM SNYE MA G-YUR ZA BA, ,SANGS RGYAS KUN GYI BZHED PA'I GZHAN PHAN KHUR, ,MGON KHYED PHRAG PAR KHYER BAS MCHOG TU LCI, ,DE PHYIR RNAM 'DREN DU MAS RING SPANGS PA, ,SNYIGS MAR CHER SPYOD GDUL DKA' SEM CAN GYI, ,DON BYED BYANG PHYOGS S'A LA'I SMAN LJONGS SU, ,NGO MTSAR SBRUL SKU'I MDZAD PA YONGS STON GSOL, ,DKAR POR BYAS PA'I LAS KUN CUNG ZAD TZAM, ,CHUD MI DZA' BAR MKHA' MNYAM SKYE DGU RNAMS, ,BLA MED BYANG CHUB SNYING PO GZUGS CAN BZHIN, ,MNGON SUM NYAMS SU MYONG BA'I RGYU RU BSNGO, ZHES PA'I BKA' RTZOM DANG BCAS PA DANG, DNGUL DKAR GYI MAndAL RGYA CHEB, MCHOD PA SNA LNGA PHYOGS RENG BRGYA BRGYAD RE RNAMS ZHAG GNYIS KYI BAR 'BUL BA DANG, 'DUS TSOGS SU MANG JA TSA DRO BCAS MKHAN POR BKUR BZOS KYI BKA' DRIN MCHOG TU CHE BAR GLENG, KHRO MO ZHES PA SHIR 'BRUG ZLA BA DANG PO'I BZANG PO DANG PO NAS SPYI SGYUR DANG LNGA NAS CHO 'PHRUL GYI MCHOD PA TSUGS PAS BSTI STANG SMON LAM PHUN

, ,SUM TSOGS PA DANG, DPYID CHOS GNYIS LA ZHABS TOG YANG DAG ZHUS SHING, DUS MCHOD CHEN MO'I NYIN MANG JA SBYOR SPREL TSAR SOGS DANG, SLOB DPON DBU CHOS LA RNAM GZHAG ,SPYI 'GYED ZING JA KO KHRA LNGA BCU NGA LNGA PHUL ZHING, DE MTSUNGS GTZANG RANG KHUL DGON CHE 'BRING CHUNG GSUM, BYA BRAL GYI SDE DANG BCAS BA LA MANG JA, BSNGO RTEN RNAM GZHAG DANG BCAS PAS MCHOD, NAG ZLA'I NYER BDUN LA RIN CHEN GNYIS PA SRANG BRGYA PHRAG LNGA LAS GRUB PA'I RJE NYID KYI SKU BRNYAN SKU TSAD DANG MNYAM PA'I NANG BZHUGS SU RING BSREL RNAM BZHIS MTSON PA'I SKU GSUNG THUGS RTEN GYI RIGS DU MA DAM PA'I PHYAG BZHES DANG MTHUN PA'I SGO NAS BYUR BUR GTAMS PA BYIN RLABS KYI GZI 'OD 'BAR BA LAN BZA' DANG BCAS 'DUS LDAN RGYA MTSO'I THUGS DAM RTEN DU GTZANG KHANG GI DBUS SU SENG KHRI'I STENG DU BZANG GOS KYI KHA GANG MA BRTZEGS PA'I KHAR BZHUGS SU GSOL BA'I SKU MDUN DU, RJE NYID KYI ZHAL DKAR ZHAL STEGS, SPYI BLUGS DANG, PHYAG MTSAN d'A DRIL SOGS MCHOD RDZAS KYI YO BYAD BZANG PO PHUL BA DANG LHAN CIG TU DGE 'DUN RNAMS KYIS SHIS PA BRJOD PA'I ME TOG GTOR, DGA' BYED ZLA BA'I NANG DU RGYA NAG GONG MA CHEN PO NAS DNGUL GDUNG RIN PO CHER MCHOD 'BUL DU, MI SNA MCHOD RTEN BLA MA DANG, CHOS 'PHEL DGE SLONG SBREL PHO CHAD MNGAGS GNANG BA 'BYOR BAS DE KHA'I LNGA MCHOD NYIN BZANG GOS KHYAD PAR 'PHAGS PA'I SNYAN DAR DU MA DANG, GANG+G'A SKYES SRANG

LNGA LHAG BA'I BRGYA PHRAG PHYED LAS GRUB PA'I MAndAL BZO MDZES BAS MTSON MCHOD PA'I BYE PHRAG ZAB CING RGYA CHE BA STZAL ZHING, MI SNA SO SOS KYANG MAndAL MCHOD PA'I YO BYAD SNA TSOGS PAS MCHOD CING RTEN 'BREL PHUN SUM TSOGS PA MDZAD, DE MTHUN GNAS RNYING ZHABS DRUNG GIS KYANG, MCHOD 'BUL BAR AER KHE TSA KHAR DBON PO 'BYOR BAS MCHOD BA BLA NA MA MCHIS SHING, CHA DKAR DPANG GI KHON? MO GU RU NA RGUN CHI'I DGE RTZA DNGOS PO PHON CHE ZHING MU TIG SHIN TU CHE BA'I 'PHRENG BA BRGYA RTZA BRGYAD PHUL BA BUM LDIR GYI SGO RGYAN DU CHE CHUNG BRJES NAS PHUL SKABS SNGA SOR RJE NYID LAN BZA' SGRON PA SOGS KYI DUS TSUL KHRIMS KYI DRI BZANG PO YONG BA JI LTA BA BZHIN DE SKABS KYANG ZHAM RING PA BLO BZANG BSTAN 'DZIN GYIS TSOR BAS RJE NYID DANG DNGOS SU MJAL BA LTA BU'I SPRO DKA' DANG YID TSIM PA BYUNG 'DUG ,DBYAR GNAS KYI ZHABS TOG KYANG SNGAR BZHIN ZHUS, STON CHOS GNYIS LA'ANG BSTI STANG BLA NA MA MCHIS SHING, GNYIS PA'I THOG SLOB DPON CHOS KHRIMS DBU MDZAD SOGS LA RNAM GZHAG ,DGE 'DUN NYIS STONG LA NYE BAR RIN CHEN GNYIS PA SRANG RE'I PHYAG 'GYED KYIS MNYES PAR BYAS, DGUN CHOS GNYIS LA PHOGS JA TSUL BSGRUBS SHING 'CHAD NYAN KYANG SHIN TU 'PHEL BA'I THOG ,SNGAGS GRVA PA RNAMS KYIS RGYAL BSTAN SPYI'I RIM GRO LA DMIGS CHOS SRUNGS SPYI MNYES BYED SOGS SNGAR RGYUN LTAR BGYIS, SNA TSOGS DBYIG GI LO 'TSO 'PHRUL DUS CHEN GYI MCHOD PA DANG, SMON LAM YANG BLA NA MA MCHIS PA 'PHEL BA BYUNG, SNGA GONG SKU

, ,GDUNG RIN PO CHE'I BUM SGO'I NANG DU CHOS KYI RGYAL PO 'OD ZER GO CHA'I THUGS DAM RTEN BZHUGS PA DE'I TSAB TU, RJE NYID KYI SNANG BRNYAN LHAD BRAL DNGUL DKAR SRANG CHEN BZHI BRGYA DANG DRUG CU RTZA GNYIS, TSA GSER MGUR ZHO BDUN GYIS BSNAN BA'I BCU PHRAG BRGYAD LAS GRUB BA'I NANG BZHUGS LA, GZUNGS CHEN SDE LNGA SOGS DANG, RJE SANGS RGYAS YE SHES KYI DBU NYAL, YANG DAG PHAR RDZOGS PA'I SANGS RGYAS SH'AKYA THUB PA'I YUNGS 'BRU LTA BU'I 'PHEL GDUNG RGYAL RTZE BA CAN, RIN SDUNGS BA, CHOS LUNG BA CAN SOGS LNGA, JO BO RJE'I DBU GLAD RING BSREL DANG GDUNG, MKHAS GRUB KHYUNG PO DANG MNYAM MED RIN CHEN BRTZON 'GRUS KYI GDUNG, DGE BA'I BSHES GNYEN SHVA BO SGANG PA'I ZHABS NGAR GYI DUM PU MRGAD MA, RGYAL BA BLO BZANG DON GRUB DANG RJE DE NYID KYI GSUNG 'BUM, THUGS KAR YE SHES SEMS DPA'I TSUL DU RJE NYID KYI SNANG BRNYAN GSER ZANGS LAS GRUB PA'I NANG BZHUGS SU DBU LO BUBS DANG RING BSREL RNAM BZHIS BKANG PA RANG NYID KYI PHYAG NAS CAN DANG, SKYE BDUN, BDUD RTZI RIL BU SOGS MANG ZHING, RJE DE NYID KYI BYU RU'I BGRANG 'PHRENG RGYAN LDAN, DKYUS RING GNANG BA'I SKU SNYE'I G-YOGS DANG, THUGS DAM RTEN STON PA'I LI SKU, RJE DE NYID KYIS DKYUS RING SBYAN RTEN GNANG BA MKHAS GRUB SANGS RGYAS YE SHES LA DBEN SA BKA' RGYUD PA'I BLA MA DANG YI DAM, RGYAL BA BLO BZANG DON GRUB LA GRUB CHEN CHOS RDO RJE SOGS BLA BRGYUD DU MAS BSKOR BA SMAN THANG PA

SKU MDUN BLO BZANG PA'I PHYAG BRIS, RJE BTZUN SA PAn, DE BZHIN GSHEGS PA'I LHA BABS KYI MDZAD PA, SKYID GRONG 'PHAGS PA'I ZHING BKOD, TSE DPAG MED, JO BO CHEN PO AA TI SHA'I RNAM THAR ZHING BKOD, JO 'BROM YAB SRAS LA ZAB DANG RGYA CHE NYAMS LEN BYIN RLABS BRGYUD PA'I BLA MAS BSKONG BA, BDE 'JIGS, 'OD DPAG MED, YUM CHEN MO, BKA' GDAMS LHA BZHI SOGS DANG, MGON PO PHYAG DRUG BA SOGS CHOS SKYONG BA'I BSRUNG MA'I SNANG BRNYAN SHIN TU MANG BA RNAMS SMAN BLA DON GRUB BA'I PHYAG BRIS MA, MGON PO 'KHOR BZHI BCAS SMAN BLA 'JAM DBYANGS PA'I PHYAG BRIS MA SOGS THUGS DAM RTEN DU DKYUS RING BSTAN PA, GZHAN YANG BYIN RTEN SNA TSOGS SOGS RGYUD DON DANG MTHUN PAS LEGS PAR BKANG STE, KHYAD GOS KYI NA BZA' BRTZEGS MANG DANG, DRANG SRONG SNOD MCHOG 'BRAS BUS BKANG STE PHYAG MTSAN DU PHUL NAS, TSES BCU GSUM GYI NYIN 'DUS PA RGYA MTSOS SHIS PA BRJOD PA'I ME TOG GI CHAR PHAB STE DNGUL GDUNG RIN PO CHE'I BUM SGO'I NANG DU BZHUGS SU GSOL, DE NAS NYER BDUN GYI NYIN GZA' TSES LEGS PA DANG BSTUN GDUNG KHANG GI DBU THOG TU GSER PHEBS BYA 'DAB DANG BCAS 'BUL BAR RIG BYED KYI YANG RTZER SON PA CHOS DBYINGS RGYA MTSOS BKOD PA DANG, SHING BZO DBU MDZAD GRA SA NAS, AON SOGS MKHAS PA NYI SHU DANG, LCAGS BZO DBU MDZAD DAR RGYAS DANG, BRE SRANG SOGS NYER BDUN GYIS BZO BTZUGS NAS ZLA BA DRUG GI KHONGS SU GRUB PAR BZO BO RNAMS 'DZUGS DAR

, ,SOGS KYIS MGU BA'I THOG ,YON THOB BSDOMS BRE CHAD KYI NAS KHAL CHIG KHRI CHIG STONG BRGYA DANG BDUN CU THOB PAR KHA BTAGS CHE LEGS SUM CU LA REG PA, DNGUL SRANG BCU BZHI, MU TIG ZHO BCU DRUG ,GOS YUG SO DRUG ,SMAN RNYING RTA SOGS DNGOS PO SDUS GTZANG BA GYA NOM PAS YID LA 'BAB PA MDZAD, GLU DBYANGS ZLA BA'I DKAR CHA'I RDZOGS PA GNYIS PA'I GZA' SKAR SBYOR BA DANG BSTUN, DBU MDZAD CHOS DBYINGS KYI BKOD PA BLOR BCAGS PA'I, 'PHUL BRDUNG PHRA GSUM GYI BAL PO DBU MDZAD SOGS SNGON MA RNAMS KYI THOG ,ZANGS BRDUNG BA SHEL DKAR BAL SBUBS DBU MDZAD RAB BRTAN DANG RNAM SRAS BCAS MI BCU BDUN GYIS BZO LEGS PAR BTZUGS PAR 'JON DMAR KHAL DON LNGA LHAG PA'I LNGA BRGYA BDUN STONG LAS GRUB PA, DAG PA'I KHAMS KHAL LNGA BCU NGA GNYIS BRGAL BA, SV'A W'ARnA ZHO NGA LNGA LHAG PA'I DRUG BRGYA LNGA STONG CHIG KHRIS RNAM PAR MDZES PA'I BZO BKOD NGO MTSAR RMAD DU BYUNG BA LO GCIG DANG ZHAG NYI SHU'I KHONGS SU GEGS MED GRUB PA DANG BSTUN, DBU MDZAD CHOS DBYINGS RGYA MTSO DANG BZO RIGS PA RNAMS LA BSGRUBS GLA KHYON BRE TSAD KYI NAS KHAL BDUN KHRI DRUG STONG DRUG BRGYA RE LNGA THOB PAR KHA BTAGS CHE LEGS NYI SHU RTZA GCIG ,GSER MGUNG ZHO LNGA BCU NGA GCIG ,DNGUL SRANG BRGYAD BRGYA DANG SUM CU, MU TIG SRANG BDUN BRGAL BA, GOS CHOS KHA SNA TSOGS YUG NYIS BRGYA SO LNGA, BYU RU SROS SHEL, GSER SGA, SGA DMAR DNGUL 'KHYUD CAN,

RTA, MDZO, RAL GRI ,GON PA SNA TSOGS, LING BYANG SMAN RNYING, CHU TZE, RAS CHA SOGS BSTAR BAS YID LHAG PAR TSIMS PAR BGYIS, DUS MCHOD CHEN MO'I NYIN 'DUS SDER MANG JA SBYOR SBRAL CHAR? SOGS SNGAR RGYUN THOG ,SLOB DPON CHOS KHRIMS DBU MDZAD RNAMS LA RNAM GZHAG DANG, DGE 'DUN NYIS STONG SUM BRGYA LHAG PAR SPYI 'GYED JA 'KHOR DRUG LNGA BCU LA REG PA, DE MTHUN DBEN DGON GYIS GTZOS SGRUB SDE RNAMS LA MANG JA JA 'GYED DANG, GTZANG KHUL GYI DGON KHAG RNAMS LA MANG JA BSNGO RTEN RNAM GZHAG DANG BCAS BAS MCHOD, DBYAR GNAS DANG, STON CHOS GNYIS LA ZHABS TOG MI ZHEL BA'I THOG ,STON CHOS GNYIS BAR SLOB DPON CHOS KHRIMS DBU MDZAD RNAMS SO SOR RNAM GZHAG ZAB RGYAS NGOS, SPYI 'GYED BCO LNGA LHAG PA'I DNGUL SRANG BRGYA PHRAG GNYIS, GOS BZANG SGRIGS KYI BLA BRE DANG, RTEN KHEBS BCAS DRUG ,GOS CHEN GYI BAR RTZER MO RGYA GOS SNA TSOGS, DNGUL SGA CHA 'GRIG BDUN, GOS GDAN SNYE 'BOL 'DRES PA DRUG GIS YANG DAG PAR MCHOD NAS, DGUN CHOS GNYIS LA'ANG PHOGS JA TSUL SNGAR RGYUN BZHIN DANG GSUNG CHOS KYANG SHIN TU 'PHEL BA DANG, ME RTA LO CHO 'PHRUL DUS CHEN GYI MCHOD PA DANG SMON LAM YANG SHIN TU 'PHEL ZHING, DPYID CHOS THOG DUS MCHOD CHEN MO'I NYIN DGE 'DUN PHYED SUM STONG LHAG PAR MANG JA, TSAR, RNAM GZHAG ,SPYI 'GYED ZING JA DNGUL GYI YOL GO MTHO BA RE PHUL, DE MTSUNGS GTZANG RONG KHUL GYI DGON KHAG DANG DBEN GNAS KYI SDE BCAS PAR BZANG JA'I MANG JA, BSNGO RTEN, RNAM

, ,GZHAG BCAS BSGRUBS, NAG ZLA'I CHOS THOG LA PHOGS JA TSUL DANG, NYER GCIG LA MCHOD KHANG GI GSER PHIBS STENG 'OG LA SHING TSON GYI DBU MDZAD DGE SLONG DBON PO SOGS BRIS PA BCU GCIG DANG GCIN LUNG GSER BRDUNGS PA BCAS PAS LAS GRVA TSUGS SHING RGYA BOD KYI GSER SHOG PHON CHE BAS BRGYAN PA ZLA BA GNYIS KYI KHONGS SU LEGS PAR GRUB BA'I YON DU KHA BTAGS, DNGUL, GOS YUG ,BAN CHAS SOGS DANG, BYANG SMAN RAS BCAS NAS THOG TU PHAB PAR KHAL NYIS STONG DRUG BRGYAS RAB TU MGU BAR BYAS NAS, DBYAR STON GYI CHOS THOG LA'ANG BSNYEN BKUR PHUN SUM TSOGS PA BSGRUBS NGOS, STON CHOS GNYIS PAR SLOB DPON SOGS LA RNAM GZHAG ZAB RGYAS DANG, 'DUS SDER 'GYENG KHA BTAGS, GOS CHEN GYI BLA RE, BLA GOS SNA TSOGS, ZING JA, RGYA JA, GOS CHEN GYI SNYE 'BOL, KHOM BU, LCAGS KROL, KA RAS SOGS PHON CHE BAS MCHOD PA RMAD DU BYUNG BA BGYIS SHING, DGUN CHOS GNYIS LA'ANG SNGAR LTAR ZHABS TOG ZHUS, ME LUG CHO 'PHRUL GYI MCHOD PA DANG SMON LAM PHUN SUM TSOGS PA DANG, DUS CHEN NYIN MANG JA, TSA RA, BSNGO RTEN RNAM GZHAG ,'GYED ZING JA SBAG NYIS BRGYA DANG BZHI, DE MTHUN RI SUL GYI BSAM GTAN PA'I SDE LA YANG MANG JA SPOS SHEL GYI 'GYED DANG, GTZANG RONG GI DGON SDE RNAMS LA YANG MANG JA BSNGO RTEN RNAM GZHAG PHUL ZHING, MCHOD KHANG GI GSER PHIGS STENG MA'I NANG DU RDO RJE 'PHRENG BA'I DKYIL THANG GRA MTSUNGS SUM CU RTZA GNYIS SOGS BZHUGS PA'I DBU THOG

TU GOS BZANG GI GNAM RGYAN, MA nA HU, G-YANG TRI LA SOGS PA'I MCHOD RDZAS KYI BYE BLAG KYANG PHUL, DGONGS PA YONGS SU RDZOGS PA'I GSUNG RTEN DU RGYAL BA ZAS GTZANG SRAS KYI BKA' LJONGS 'DIR 'GYUR RO COG RNAMS AE PA DPON YIG MKHAS GRA BRGYA PHRAG GCIG DANG NYI MA'I GRANGS KYIS DBYID CHOS GNYIS PA TSUGS PA DANG DUS MTSUNGS SU DBU TSUGS PAR, RAMS SHOG SHIN TU SPUS GTZANG BAR GSER GAR 'DRONGS NGOS, MGYOGS DANG SLA BCOS SU MA SONG BA'I LEGS NGAG GTZOR BTON GYI GLEGS BAM BRGYA RTZA BRGYAD LA GSER BTUL MA MGUR ZHO SUM STONG DGU BRGYA BCU GNYIS, ZHAL KHEBS DBU DAR GAN GOS DMAR SER SNGO LJANG THOG ,KHA THI, MTHON THI RGYU BZANG BA'I STENG RGYAG BCAS LNGA BRTZEGS, NA BZA' KHA THI MTHON THI LING GI RGYAB LDAN, GLEGS SHING MTSAL GYIS BYUGS PAR GANG+G'A SKYES ZHO BDUN CU DON LNGA'I RI MOS SBA BA, GLEGS THAG SE TA HO DANG SBU KHAR GYI BZHUGS KHOM BCAS GRA MTSUNGS SDUS KHYAD DU THON NGES PA ZLA BA BRGYAD PA'I TSES NYI SHU YAN LA YONGS SU RDZOGS PA GRUB PA DANG, MKHAN CHEN ZAMS CAD MKHYEN PAR RAB GNAS SPYAN DMIGS ZHUS PA'I DUS BSGRIGS DANG BSTUN, NYER LNGA'I SNGA CHAR MDZOD 'DZIN ZHAM RING PA RNAMS DANG, SLOB DPON RNAM PA, SKU SKYE CHOS KHRIMS BCAS PAS BDUG SPOS BZANG PO THOGS SHING, SNGAGS GRVA PA RNAMS KYIS GDUGS RGYAL MTSAN PA DAN PHYE PHUR ROL MO SOGS MCHOD PA'I BYE BRAG BSAM GYIS MI KHYAB PA KHYER TE BSU 'PHRENG SNGON DU 'GRO BAS SPYAN DRANGS, DE NYIN SNGAGS GRVA

, ,DBON SLOB RNAMS KYIS DPAL GSANG BA 'DUS PA MI BSKYOD PA'I SGO NAS RAB TU GNAS PA'I STA GON DANG, PHYI NYIN DNGOS GZHI KHA SKONG SBYIN BSREG DANG, CHOS SRUNGS RGYA MTSOR GTANG RAG MCHOD 'PHRIN, 'DUS LDAN RGYA MTSOS MANG JA SBYOR SBREL THOG SHIS PA BRJOD PA'I ME TOG GI CHAR PHAB STE, LHA DANG BCAS PA'I 'GRO BA MA LUS PA'I MCHOD GNAS DAM PAR MNGAL GSOL BAS RDO RJE SLOB DPON LA MCHOD 'PHAR DANG, SLOB DPON CHOS KHRIMS DBU MDZAD SOGS LA RNAM GZHAG ZAB RGYAS, RGYUD PA RNAMS LA ZHABS TOG PHUL DU BYUNG BA'I THOG KHA BTAGS CHE BA, DNGUL SRENG RE, SMAN KHA RE DANG, 'DUS PA RGYA MTSOR YANG RGYA DNGUL SRANG RE PHYAG TU PHUL BAS BKUR STI BLA NA MA MCHIS PA BSGRUBS SHING, AE PA DBON YIG PA RNAMS DANG, ZHUS CHEN LAS BYED PA RNAMS KYI YON DU KHA BTAGS NYIS BRGYA BDUN CU, SA LE SBRAM ZHO SO DRUG LHAG PA'I NYIS BRGYA, RGYA DNGUL SPUS LEGS SRANG CHEN LNGA BRGYA DANG NYER DRUG ,MU TIG ZHO BRGYA PHRAG GCIG DANG BCU PHRAG BRGAL BA, SHAL PA DKAR DMAR BDUN, SPOS SHEL RDOG CHE GSUM, GOS BZANG SGRIGS KYI BLA RE RTEN KHEBS BCAS BCU GCIG ,GSER SGA CHA 'GRIG GNYIS, RTA BCU GCIG ,GOS KHA THI MTHON THI SOGS YUG DRUG CU RTZA DRUG ,KHRAB RMOG RAL GRI, JA, BYANG SMAN, GON PA SNA TSOGS, RGYA ZAM KHOM BU KA RAS SOGS DNGOS PO SPUS GTZANG BA 'BRUR PHAB BRE TSAD KYI KHAL KHRI PHRAG LNGA DANG NYIS BRGYA DANG BCU PHRAG GSUM THOB PA'I BSGRUBS GLAS YID MCHOG

TU MGU BAR BYAS SHING, DE MTHUN GTZANG RONG KHUL GYI DBEN GNAS KYI SDE DANG DGON SDE CHE PHRA TSANG MAR MANG JA, RNAM GZHAG ZAB CING, SPYI 'GYED RIN CHEN MCHOG CAN SRANG SUM BRGYA DANG BCU PHRAG GCIG ,RGYA JA 'KHOR DRUG BCU BDUN, GOS TSOS KHA SNA TSOGS PA YUG BCU PHRAG BDUN LA RAG PA YANG DAG PAR PHUL PA'I SGO NAS MNYES PAR BYAS SO,, SMRAS PA, PHUL BYUNG THUGS RJES GDUL BA'I ZHING GZIGS NAS, ,LJONGS 'DIR DUNG SMRIG GAR SPRUL LUS CAN KUN, ,PHAN BDE'I LAM BKOD SKU GSUM NOR GLING DU, ,'KHRID MKHAS DED DPON CHE DER GUS PAS 'DUD, ,MGON KHYOD 'PHRIN LAS NYI MA 'OD PO CHES, ,THUB BSTAN GLING BZHI'I DBUS SU GSAL MDZAD KYANG, ,GZHAN DON RLUNG GI BGROD PAS PHYI MA'I RIR, ,PHYOGS PA'I RTOGS BRJOD CHU THIGS TZAM ZHIG BRJOD, ,MI MJED ZHING GI MDZES SDUG MA LUS PA, ,GCIG TU BSDUS PA'I RJES 'GRO MCHOD SDONG CHE, ,LHA DANG BCAS PA'I MCHOD GNAS DAM PA RU, ,BGYIS PAS THUB BSTAN MI NUB DAR RGYAS SHOG GANG ZHIG 'DI LA DANG BAS MCHOD PA'I SPRIN, ,NOR 'DZIN NAM MKHA'I KHYON BKOD YONGS 'BUL BA, ,KUN KYANG SDUG BSNGAL RGYA MTSO LAS GROL NAS, ,BDE LDAN ZHING DU THOGS MED 'JUG GYUR CIG ,MCHOG GSUM PHO BRANG BRTEN PAR BCAS BSKRUN PAR, ,LUS NGAG YID GSUM NGAL BAS 'BAD PA DANG, ,MTHUN RKYEN DNGOS KUN SBYOR BA MU MTHA' YAS, ,KUN KYANG RGYAL BA'I GO 'PHANG THOB PHYIR BSNGO, ,DE LTAR BGYIS PA'I LEGS SPYAD DGE BA'I TSEGS, ,GCIG TU 'KHYIL BA'I RDZING BU LAS 'THON PA, ,SKAL

, ,LDAN SHING RTA BZANG PO'I CHU RGYUN GYIS, ,'GRO RNAMS BZOD DKA'I TSA GDUNG RAB BCIL SHOG ,RIM GNYIS MTHAR PHYIN DRANG SRONG CHEN PO'I GDUNG, ,BZHUGS GNAS CHOS SKU'I RTAN MCHOG MCHOD 'OS GNAS, ,JI SRID NYI ZLA'I BGROD PA MA RDZOGS BAR, ,DE SRID RI DBANG LTA BUR G-YO MED SHOG ,'JAM DPAL SNYING PO'I CHOS SRID DE 'DZIN RNAMS, ,YUN RING BRTAN CING PHYOGS BCUR 'PHEL BA DANG, ,MAR GYUR 'GRO RNAMS CHOS 'BYOR LONGS SPYOD RGYAS, , NYIN MTSAN RTAG TU DGE BA'I BKRA SHIS SHOG ,CES RJE BTZUN BLO BZANG CHOS KYI RGYAL MTSAN DPAL BZANG PO'I RNAM THAR GYI 'PHRO KHRIGS SU BSGRIGS PA 'DI YANG, DAD LDAN MANG POS YANG YANG BSKUL BA'I BLO NGO DANG BSTUN NAS, PHYAG MDZOD BLO BZANG DGE LEGS DANG, MJOD 'DZIN PHUN TSOGS RAB BRTAN, GSOL DPON BLO BZANG BSTAN 'DZIN RNAMS KYIS RJE DE NYID KYI GSUNG DANG MDZAD PA THUN MONG BA 'GA' ZHIG ZIN BRIS SU BTAB 'DUG PA DANG, DGONGS PA YONGS SU RDZOGS PA'I CHED DU SKU GSUNG THUGS RTEN BZHENGS MCHOD BGYIS PA, RIS MED KYI TSANGS SBYONG LDAN PA'I DGE 'DUN MANG PO LA RNYED BKUR BSGRUBS PA'I BRJED BYANG BKOD PA RNAMS LA GZHI BYAS, SGRO SKUR GYI BRJOD BYA SPANGS TE, SH'AKYA'I BTZUN PA BLO BZANG YE SHES KYIS KUN LDAN ZHES PA LCAGS PHO BYI BA'I LO STON ZLA THA CHUNG GI LHA BABS DUS CHEN NYIN MJUG GRUB PAR SBYAR BA DGE LEGS 'PHEL,, PA RI PRiTZTSA,, SARBA MANG+GA LA,, ,, ,,

[BLANK PAGE]