A Shortcut for Travelling to Omniscience-- Instructions on the Three Essential Practices

, ,SNYING PO DON GSUM GYI KHRID YIG THAMS CAD MKHYEN PAR BGROD PA'I NYE LAM ZHES BYA BA BZHUGS,,

, ,NA MO GU RU A'ARYA LO KE SHVA R'A YA, DUS GSUM PHYOGS BCU'I RGYAL BA MA LUS PA'I, ,THUGS RJE GCIG BSDUS 'PHAGS MCHOG 'JIG RTEN MGON, ,GANG GIS BYIN BRLABS THUN MONG DANG MCHOG GI ,DNGOS GRUB BRNYES PA MI TRA DZE KIR 'DUD, DE LA 'DIR SKAL BA DANG LDAN PA'I GDUL BYAS DAL 'BYOR GYI RTEN LA SNYING PO LEN PA'I THABS KHYAD PAR CAN SNYING PO DON GSUM DU GRAGS PA 'PHAGS PA SPYAN RAS GZIGS DBANG PHYUG GIS RJES SU BZUNG BA'I RNAL 'BYOR GYI DBANG PHYUG CHEN PO MI TRA DZO KI'I ZHAL GYI GDAMS PA NYID 'CHAD PAR BYED PA LA GSUM, GDAMS PA KHUNGS BTZUN PAR BSTAN PA'I PHYIR MDZAD PA PO'I CHE BA BRJOD PA, CHOS LA GUS PA BSKYED PA' PHYIR GDAMS NGAG GI CHE BA BSTAN PA'I SGO NAS MTSAN DON BSHAD PA, GDAM

, ,PA DNGOS KYIS JI LTAR 'KHRID PA'I TSUL LO, ,DANG PO LA DAM PA 'DI'I NGO MTSAR BA'I RNAM THAR BSAM GYIS MI KHYAB PA YOD PA LAS, DANG PO NI, 'PHAGS YUL RDO RJE GDAN GYI LHO PHYOGS LA DBANG BSGYUR BA'I BRAM ZE DGE BA'I SNYING PO ZHES BYA BA DANG YUM LHA LCAM 'OD ZER ZHES BYA BA'I SRAS SU RNAL 'BYOR GYI DBANG PHYUG 'DI NYID 'KHRUNGS PA'I TSE SKU GZUGS MDZES SHING LTAN SDUG PAS SHIN TU NGO MTSAR BAR GYUR TE, BLA MA THUGS RJE CHEN PO'I GRUB THOB CIG YOD PAR BSTAN PAS MTSAN RTAGS BZANG, NYAN THOS KYI SGOR ZHUGS NA TSE 'DI NYID LA DGRA BCOM PA DANG, RANG SANGS RGYAS KYI SGOR ZHUGS NA MYANG 'DAS, GSANG SNGAGS KYI SGOR ZHUGS NA SANGS RGYAS RNAMS THOB CES LUNG BSTAN PA LTAR SNGAGS KYI SGOR ZHUGS TE RGYUD SDE BZHI LA MKHAS PAR GYUR NAS, SHING KU BA'I PHYED TSAL GYI LHUNG BZED DANG SMYUG MA'I BER KA BZUNGS, ZAS BSOD SNYOMS LA BRTEN TE THUGS RJE CHEN PO BSGRUBS PAS MNAL LAM BZANG BA TZAM YANG MA BYUNG BA LA THUGS MUG NAS, YUL GZHAN DU PHYAG RGYA CHEN PO BSGOM PA LA 'GRO

DGONGS NAS MTSAN MO GSOL BA BTAB PA'I THO RANGS MNAL LAM DU RIGS KYI BU KHYOD 'DOD PA'I CHOS DE NUB PHYOGS AYON NA YOD DER SHOG CES PA'I SGRA BYUNG STE, NANG PAR BYON PAS KHA CHER PAndI TA GCIG DANG MJAL BAS GSER THIG PO GCIG BYIN NAS, LUNG PA 'DI'I PHUN GSANG BA YE SHES KYI BRAG RDZONG BYA BA BRAG DKAR PO LCOG BTZUGS PA 'DRA BA ZHIG YOD, DE NA RNAL 'BYOR MA GCER MO CHU 'THUNG ZHES BYA BA 'BYUNG BA LA DBANG BSGYUR ZHING MNGON SHES MNGA' BA ZHIG YOD PAS GSER PHUL LA LUNG BSTAN ZHUS GSUNG BA LTAR MDZAD PAS GSER MA BZHES PAR, YON DU 'GRO BA'I LAM NOR BU DANG ME TOG 'TSONG BA'I GRONG KHYER CHEN PO ZHIG YOD, DE'I LHO NA SMAD 'TSONG MA'I KHANG PA SGOR MTSAL DANG SINDHU RAS RI MO BRIS PA ZHIG YOD, DE NA SMAD 'TSONG MA DE BA d'A KI ZHES BYA BA MTSAN LDAN YE SHES KYI MKHA' 'GRO MA SKYES PA SU DANG 'GROGS KYANG LAM SNA ZIN PA ZHIG YOD PAS DE LA GSER PHUL LA GSOL BA THOB GSUNG, DER BYON PA'I SGO NANG DU BU MO GZHON NU MA SKRA SER ZHING SHA RGYAS PA DPRAL BAR SHA MTSAN YOD PA GOM PAS LA MI REG CING SKU LA GRIB MA MI YONG BA LTA NA SDUG PA ZHIG BYON PA LA PHYAG BTZAL TE GSER PHUL NAS AYON DU 'GRO BA'I LAM BSTAN DU GSOL ZHES ZHUS PAS, DER 'GRO BA LA THUN MONG GI DNGOS GRUB THOB NAS MCHOG 'DOD PA RNAMS 'GRO BA YIN, KHYOD KYIS PHYI NANG GI BRDA TZAM YANG MI SHES PA LA DER PHYIN NA PHRA MEN MAS TSE'I BAR CHAD BYED, KHYOD DNGOS GRUB 'DOD NA NUB PHYOGS KYI RI BO 'DI'I

, ,PHA ROL NA AYON GYI GLING PHRAN, THUGS RJE CHEN PO'I PHO BRANG, SA PADMA 'DAB BRGYAD DANG GNAM 'KHOR LO RTZIBS BRGYAD, SA GZHI DANG LO MA THAMS CAD BKRA SHIS PA, SA RDO RI BRAG ZAMS CAD RDO RJE BSNOL BA'I TSUL DANG, CHU THAMS CAD DAR PHYAR BA 'DRA ZHING, SHING THAMS CAD YE SHES KYI LHA'I GZUGS SU YOD PA MA BSGOMS KYANG RIG PA 'CHAR BA'I GLING, DPA' BO DPA' MO THAMS CAD RANG BZHIN GYIS 'DU ZHING, MKHA' 'GRO MAS CHOS DNGOS SU 'CHAD PA'I SA DE NA, KHYOD RANG GI YI DAM JO BO SPYAN RAS GZIGS LHA BCU YAB YUM DU BZHUGS YOD PAS DE LA GSOL BA THOB GSUNG PA LTAR DER BYON NAS MAndAL PHUL TE GSOL BA BTAB PAS, NAM MKHA' LAS SGRA 'UR BYUNG STE, KYE GROGS PO KHYOD NGA LAS CI 'DOD PA YIN, ZHES RMI LAM DU BYON PA DANG, JO BO THUGS RJE CHEN PO SGRA'I RNAM PAR BYON PA 'DI RANG YIN DGONGS TE SLAR YANG MAndAL PHUL ZHU BA GNYIS GSOL TE, 'KHOR BA THOG MA MED PA NAS DA LTA'I BAR DU SDUG BSNGAL DPAG TU MED PA MYONG, LUS SEMS THANG CHAD SEMS LA DAL BA SKAD CIG KYANG MA MTHONG BAS, SEMS NGAL BSO BA'I GDAMS NGAG GCIG ZHU, SANGS RGYAS KYI BSTAN PA 'DI NUB LA KHAD PAS DAR BA'I GDAMS NGAG GCIG ZHU, ZHES GSOL BA BTAB PAS MAndAL KHAR JO BO SPYAN RAS GZIGS YAB YUM 'KHOR DPA' BO BZHI DPA' MO BZHI DANG BCAS PA BYON TE, DUB PA DAL BSOR DE KHO NA NYID RNAL DU MTSON PA TSIGS

BCAD NYI SHU RTZA LNGA PA DANG, BSTAN PA DAR BAR PHYI LTAR THUGS RJE CHEN PO ZHAL BCU GCIG PA DANG PHYAG BZHI PA, NANG LTAR YAB YUM BCU'I SGRUB THABS GSANG BA MAN NGAG TSIGS BCAD SO BZHI PA RNAMS GSUNGS SHING, KHYOD KYIS MA 'ONGS PA'I SEMS CAN GYI DON DU RGYUD SDE RIN PO CHE'I DBANG BSKUR GYIS GSUNGS NAS DE DAG KYANG GSUNGS PA LA RANG NYID KYIS CHO GA BRGYA RTZA YANG MDZAD DE, BSKYED RDZOGS DANG DBANG GI MAN NGAG DNGOS SU GSAN PA RNAMS KYANG THUGS LA MNGON DU MDZAD PAS DUS DER GRUB PA BRNYES NAS GSOL BA BTAB NA SHING STAN GYI MAndAL GNYIS YOD PA'I KHAR DNGOS SU BYON NAS CHOS GSUNG, GNYIS PA NI, GANG 'DOD DUS SHING STAN STENG DU 'BYON PA LA DUS GCIG GI TSE RDO RJE RNAL 'BYOR MA DNGOS SU BYON TE DE KHO NA NYID KYI DBANG MAN NGAG RDO RJE SBAS PA'I GSANG LAM ZHES BYA BA GSANG SNGAGS KUN GYI SNYING PO BSDUS PA'I MAN NGAG GNANG ZHING, PHYIS KYANG SHING STAN MDUN DU BZHAG NAS GSOL BA BTAB NA DNGOS SU BYON NAS GANG 'DOD PA'I CHOS GSUNG PA DANG LUNG BSTAN DPAG MED MDZAD, GSUM PA NI, AO TAN TA PU RIR MU STEGS KYI DMAG BYUNG TSE NYAN THOS KYI CHA BYAD MDZAD NAS, RGYAL PO'I DMAG DPUNG GLANG PO CHE'I KHAR YOD PA'I GTZUG TU RDZU 'PHRUL GYIS BYON NAS GDUGS KYI YU BA BCAG PAS DMAG TSOGS SKRAG CING BYER BA NA DGE 'DUN GYIS BSTOD PA'O, ,BZHI PA NI, MU STEGS KYI RGYAL PO GLANG CHEN 'BUM PHRAG BCU DRUG DANG BCAS PA'I DMAG TSOGS KYIS WA RA nA SE BSKOR NAS SANGS RGYAS KYI BSTAN PA 'JIG LA NYE SKABS, YUL

, ,DE'I RGYAL POS NANG PA'I MKHAS GRUB KUN BSDUS TE BSTAN PA BSRUNG BAR GSOL BAS, DE DAG GIS RTZOD CING RDZU 'PHRUL SNA TSOGS BSTAN KYANG MA BZLOG PAS RGYAL PO THUGS NGAL BA LA, BLA MA 'DIS SKU GCER BUR BYUNG BA'I GNAS GSUM DU DRI'I THIG LE MDZAD, SHING STAN MCHAN KHUNG DU BCUG ,ZHABS GNYIS BRKYANGS BSKUMS DANG PHYAG SDIGS MDZUB MDZAD, SPYAN MKHA' LA GZIGS ZHAL NAS HA HA'I GANG RGYANGS BSGRAGS PAS DMAG DPUNG RTA GLANG SOGS RENGS PAR MDZAD, BZOD PAR GSOL BA NA RENGS PA BKROL NAS NANG PA'I BSTAN PA LA BCUG GO ,LNGA PA NI, MU STEGS KYI RGYAL PO GRAGS PA SDE BZHI'I GNAS SU BYON, SHING STAN MDUN DU BZHAG NAS 'DI BSGUL NUS NA GSER SRANG STONG STER ZHING NANG PA THAMS CAD MU STEGS LA 'JUG ,MA THUB NA RGYAL PO 'KHOR BCAS NANG PA LA 'JUG DGOS GSUNGS PAS, RGYAL PO DANG, GYANG STOBS CHEN, RTA GLANG, DMAG SOGS KYIS BSGUL BAS KYANG BSKYOD MA THUB PA PHYAG NA RDO RJE'I RDO RJE BRGYA BYIN SOGS KYIS BSGU LAM NUS PA LTAR GYUR PA LA, RGYAL PO THE TSOM SKYES TE SGYU MA BSHIG PA'I BRAM ZE POS NAS BSHIG BAS KYANG GLAGS MA RNYED BAS GRUB PA THOB PA'I SNYAN GRAGS KYIS SA STENG KHYAB PAR GYUR TO, ,DRUG PA NI, RGYAL PO DE LA KHYOD NGA LA MA DAD PAS SUN 'BYIN MANG PO BYAS PAS, MA GA DHA NA SPRE'U'I NAGS SU SHING KHUR LNGA BRGYA GRU BZHIR RTZIGS GSUNG BA'I STENG DU SKYIL KRUNG MNYAM GZHAG MDZAD NAS BZHUGS TE ME THONGS GSUNG PA LA ZHAG GSUM ME 'BAR TE SKU LCAGS

BSREGS LTAR GYUR, ME CUNG ZAD ZHI NAS BLTAS PAS MA GNOD PAR SPYAN RAS GZIGS YAB YUM GYI SKUR BZHUGS PA KUN GYIS MTHONG NGO, ,BDUN PA NI, DE NAS GANG+G'A'I 'GRAM DU BYON NAS SDIGS MDZUB GTANG PAS GANG+GA GYEN LA LOG KHA RU THAMS CAD 'KHYIL BAR KUN GYIS BZOD GSOL DANG BSTOD PA PHUL LO, ,BRGYAD PA NI, DE NAS RGYAL POS DBANG BSKUR BAR GSOL BA BTAB PAS, TSON RTZI BUM PA SOGS RIN CHEN LNGA LAS GRUB PA DGOS GSUNGS PA LA RGYAL PO MA DAD PAR, DE MA THAG NAM MKHANG SBRIN GSEB TU GSHEGS PAS RGYAL PO 'GYOD NAS BSTOD PA MDZAD DO, ,DGU PA NI, DE NAS RGYAL POS ZHAG BDUN GYI BAR DU GSOL BA BTAB PAS BYON NAS RGYUD SDE BZHI'I DBANG BSKUR, SMIN GROL GYI LAM LA BKOD DO, , BCU PA NI, DE NAS RGYAL POS ZHUS PA LTAR PHYAG RGYA CHEN PO DE KHO NA NYID KYI BRDA TSIGS BCAD NYER LNGA PA GSUNGS PAS LHAS ME TOG GI CHAR DANG, LHA BU RNAMS KYIS BDUD RTZI'I BUM PA BSTEN PA SOGS LTAS MANG PO BSTAN NO, ,BCU GCIG PA NI, RGYAL POS SKU'I DRIN GZOR GRONG KHYER 'BUM PHRAG BCU DRUG 'BANGS BCAS PHUL BAS GTZUG LAG KHANG BRTZIGS TE PHYOGS BCU'I DGE 'DUN DANG, DBUL PHONGS RNAMS LA MCHOD SBYIN DPAG MED MDZAD, GNAS DER AA SHO KA ZHES PA'I KLU GDUG CAN MDZE NAD GTONG BA ZHIG YOD PA YANG BTUL LO, ,BCU GNYIS PA NI, LHO PHYOGS KYI RGYUD KU RU KA BHI RA ZHES BYA BA'I NAGS MTHUG POR GNOD SBYIN MA RUNGS PA GNYIS KYIS MTSAN GUNG MI GCES PA RE ZA BA LA DER BYON TE ZHI BA'I BSAM

, ,GTAN GYIS BTUL NAS KU BHE HA RA ZHES PA GNOD SBYIN BTUL BA'I LHA KHANG BZHENGS SO, ,BCU GSUM PA NI, DE NAS RDO RJE GDAN DANG, N'A LENDRA BI KA MA LA SH'I LANG DU RU KA'I DMAG BYUNG BA LA, DMAG GI MDUN DU SHING STAN BTZUGS, BER KA KLANG LA BSKOR GYIN LTA STANGS MDZAD PAS MUN 'THIBS RDO CHAR BABS DMAG KUN RENGS NAS BSGUL BSKYOD MA THUB PAR BZLOG BAS DMAG GIS BZOD PAR GSOL NAS BSTOD PA PHUL LO, ,BCU BZHI PA NI, BA RAn? SE'I SKYES BU BRGYAD CU RTZA BA ZHIR MI RTAG PA'I GTAM GSUNGS PAS GDUL BAR MA NUS PA LA, MI RTAG PA'I TING NGE 'DZIN LA SNYOMS PAR ZHUGS PAS 'CHI BA DANG, KENG RUS, RUS GONG, 'BUS GZHIG PA'I 'DU SHES RANG DBANG MED PA SKYES TE, PAS MTHAR SONG NAS 'JIG RTEN PA'I SHES PA LAS SEMS RNAM PAR GROL LO, ,BCO LNGA PA NI, YANG YUL DE'I RGYAL PO DZA YA SEN DANG PAndI TA A'A NANDA GNYIS MA DANG NAS SMOD PAS NGAN 'GROR SKYE BA GZIGS TE BSKYAB PA'I PHYIR MNYAM PAR BZHAG NAS THUGS GTAD BTZAM GYIS DE DAG GI RGYUD LA DE KHO NA NYID RNAL DU MTSON PA'I RTOGS PA SKYES SO, ,BCU DRUG PA NI, DE NAS DUS GSUM GYI DON THAMS CAD MNGON DU 'GYUR BA'I TING NGE 'DZIN LA SNYEMS PAR ZHUGS TE, RGYAL PO KHYOD NGA LA THE TSOM ZOS NAS SDIG BSAGS PAS TSE 'DIR DNGOS GRUB MI 'THOB KYANG DA LTA NGA DANG 'PHRAD NAS BYIN GYIS BRLABS PAS BAR DOR MCHOG GI DNGOS GRUB 'THOB CES LUNG BSTAN NO, ,BCU BDUN PA NI, DE NAS RGYAL

POS GZHAN LA SBAS TE CHOS ZHU 'DOD NAS THABS DU MAS SGOR KYANG, SKABS 'GAR THOGS PA MED PAR PHYIR BYON NAS PHA BONG KHAR RTZED MO MDZAD CING BZHUGS PA'I TSE NANG DU PHYIN NAS BLTAS PAS KYANG SGO RGYA MA NYAMS PAR SNGAR BZHIN BZHUGS PA MTHONG BAS YA MTSAN NAS BSTOD DO, ,BCO BRGYAD PA NI, KHA BA DE'I SHAR GYI GTZUG LAG KHANG 'GRO SKYOB CES BYA BAR BYON, LHA SRIN SDE BRGYAD DAM LA BTAGS NAS GSANG SNGAGS DGRA LAS RNAM PAR RGYAL BA'I RGYUD CES BYA BA BKA' STZAL TO, ,BCU DGU PA NI, BAL YUL DU BYON PAS DE'I RGYAL POS ZHABS NAS BTEG CING 'BANGS RNAMS KYIS MCHOD GNAS SU BZUNG BAS 'GRO DON DPAG MED MDZAD, BOD KYI 'GRO BA 'DUL BA DANG JO BO RNAM GNYIS MJAL BAR 'BYON BZHED NAS YI DAM DANG MKHA' 'GROR GSOL BA BTAB PAS PHAN THOGS CHE STE LAM DU BAR CHAD 'ONG BAS BZLOG GIN SONGS GSUNGS, DER PHYI BA'I PAndI TA AA nI LA PA TRA BYA BA DANG MANG YUL BYA BAR PHRAD DE LTA SGOM LA BRTZOD PAS BLA MA RGYAL BA LA KHO NA RE, NANG PA'I LTA BA RTAG MIN CHAD MIN DE NGAS MA GO ,RDZU 'PHRUL 'GRAN ZER NAS MTSO STENG 'DUG STE GUR PHUB 'DI LTAR 'ONG BA GYIS ZER BAR, TING NGE 'DZIN LA BZHUGS TE RLUNG BTANG BAS KHO GUR BCAS SA STENG BSKRAD, YANG MKHA' LA SKYIL KRUNG BCAS TE 'DI SHIG ZER BA YUNG SNGAR LTAR RLUNG GIS PHAB, DE NAS KHO'I MDUN DU SHING STAN BZHAG NAS 'DI BSGUL BSKYOD THUB NA NGAS PHYI PA BYA, MA THU BA NA KHYOD NANG PA GYIS GSUNGS PAS KHOS BSGUL MA THUB, YANG BER KA NAM MKHAR 'PHANGS NAS SNGAR LTAR GSUNGS

, ,PAS KYANG KHOS SA GZHIR PER KA 'BEBS MA THUB NAS MU STEGS PHAM MO, ,NYI SHU PA NI, DE NAS BOD DU BYON TE KHRO PHU LO TZ'A BAS GDAN DRANGS, DER BZHUGS PA'I DUS LHA SAR 'BRING TSO'I DMAG BYUNG STE, BLA MA ZHIG PO BDUD RTZI BYA BAS RIN PO CHE 'BRI KHUNG PA LAS GSER DNGUL MANG PO BSLANGS, KHRO PHU LO TZ'A PA'I SPYAN SNGAR RNAL 'BYOR PA BDUN BLA MA SPYAN 'DREN DU BTANG BAS, BLA MA MNYES NAS 'BYON PAR ZHAL GIS BZHES, LHA SA'I RGYUS 'CHE, KHYED RNAMS KYI KHROD NA LHA SA'I RGYUS YOD PA AE 'DUG GSUNGS PAS YOD ZHUS PAR 'O NA 'KHRUL SNANG GI BYANG CHUB CHEN PO'I DBU'I GTZUG TOR LA BUG PA SRAN MA SHONG BA YOD, BYAMS PA CHOS 'KHOR GYI 'OG NA GYAD STAG GI SDER MO CAN YOD, JO BO SPYAN RAS GZIGS KYI PHYAG THAL MO SBYAR BA DE PHRAL MOR YOD, NUB BYANG MTSAMS KYI SENG GE'I 'GRAM NA SENG GE MI'I THOD PA CAN ZHIG YOD, KLU KHANG NA KLU SBRUL MGO SHEL MIG CAN ZHIG YOD, DE TSO'I RGYU MTSAN KHYED KYES RTOGS SAM BSUNG BAR MA SHES LA GAS ZHUS PAS, NGA SNGON GYI THON MI SAMBHO tA AAR MI THUNG BYA BA DE YIN ZHES GSUNGS SHING GZHAN CAD MI GSUNG BAR LHAN NE BZHUGS PA'I SKABS DER, 'PHAGS YUL NAS AA TZANG BDUN BYA MA TANG MANG GES PA 'BYOR PAS, GANG LOG GI DMAG BYUNG STE AO TANTA PU RI DANG BI KA MA LA SH'I LA'I GTZUG LAG KHANG KUN BSHIG ,DA RDO RJE GDAN LA 'BYUNG NYE BAR YOD ZER NAS BLA MA SPYAN DRANGS, DE NUB KHRO PHU LO TZ'A BAS BZANG LUNG DU TSOGS KYI MCHOD PA BLA NA

MED PA BSHAMS, RTZA BA MI 'GYUR BA'I DKYIL 'KHOR DGU LHAN CIG BSGOMS TE TING NGE 'DZIN GYI DBANG BAR CHAD BZLOG PHYING BSKUR, TSAR GSUM KHUG PA DANG NAM MKHA' SGO 'BYED, BLA MA DANG YI DAM GYI LHA LAS DBANG BZHI RANG GIS BLANG PA SOGS DANG, BSKYED RDZOGS KYANG DU MA GSUNGS PAS KHRO PU LO TZ'A BAS, RIGS BTZUN MKHAS PA'I SPYAN SNGAR BLO SBYANGS NAS, THOS BSAM SGOM PAS RANG RGYUD SMIN MDZAD PA, RGYA BOD GNYIS LA GRAGS PA'I PAndI TA, 'CHI MED RNAL 'BYOR PA LA PHYAG 'TSAL BSTOD, CES BSTOD, DE LTA BU'I RDZU 'PHRUL DANG MNGON SHES THOGS MED MNGA' PA'I GRUB CHEN RE NYID GYI THUGS SRAS RGYA GAR PA DON YOD RDO RJE DANG, BOD PA KHRO PHU LO TZ'A BA BYAMS PA DPAL GNYIS YIN ZHING, GDAMS PA 'DI NYID KHRO PHU LO TZ'A BA BYAMS PA'I DPAL LA MNGA', DE LA BLA CHEN BSOD NAMS DBANG PHYUG, KHRO PHU BA BSOD NAMS SENG GE, TSAD MA'I SKYES BU BSOD NAMS MGON PO GNYIS KA LA THAMS CAD MKHYEN PA BU STON RIN PO CHES GSAN DE LA KHYUNG PO LHAS PA GZHON NU BSOD NAMS KYIS GSAN CING, DE NYID LA KHAMS GSUM 'GRO BA'I MGON PO TZONG KHA PA CHEN POS GSAN, DES MKHAS GRUB THAMS CAD MKHYEN PA LA GNANG, DE NAS BZUNGS MKHAN CHEN THAMS CAD MKHYEN PA NGAG DBANG BLO BZANG RGYA MTSO'I BAR RIM PAR 'ONGS PA YIN, GNYIS PA CHOS LA GUS PA BSKYED PA'I PHYIR GDAMS NGAG GI CHE BA BSTAN PA'I SGO NAS MTSAN DON BSHAD PA NI, RGYAL BAS SEMS CAN THAMS CAD SDUG BSNGAL LAS BSGRAL NAS

, ,THAR PA DANG THAMS CAD MKHYEN PA'I GNAS SU DRANG BA'I PHYIR DANG POR THUGS BSKYED, BAR DU BSKAL PA GRANGS MED GSUM DU TSOGS BSAGS, MTHAR MNGON PAR RJOGS PAR SANGS RGYAS PAS, SKU GSUNG THUGS KYI 'PHRIN LAS THAMS CAD MAR GYUR 'GRO BA MTHA' DAG GI DON LA GCIG TU GZHOL BA YIN, DES NA CHOS KYI PHUNG PO BRGYAD KHRI BZHI STONG GSUNGS PA THAMS CAD KYANG, GDUL BYA RNAMS KYI NYON MONGS PA BRGYAD KHRI BZHI STONG GZHOM ZHING, THEG PA GSUM LA RIM GYIS KHRID NAS MTHAR THUG BLA NA MED PA RDZOGS PA'I SANGS RGYAS KYI SA LA 'GOD PA'I THABS STON PA SHA STAG YIN, DE YANG TSE 'DI DANG, 'CHI KHA DANG, BAR DO GSUM DU NYAMS SU LEN PA'I GDAMS NGAG TU 'DU ZHING, GDAMS PA 'DIS GNAS SKABS 'DI GSUM GYI SNYING PO'I DON THAMS CAD HRIL GYIS DRIL NAS STON PAS NA SNYING PO DON GSUM DU GRAGS PA YIN NO, ,GSUM PA GDAMS PA DNGOS KYIS JI LTAR 'KHRID PA'I TSUL LA GNYIS, GRUB CHEN RANG NYID KYIS GSUNGS PA'I RTZA BA'I TSIG DGOD PA, DE'I DON NYAMS SU LEN TSUL GYI SGO NAS RGYAS PAR BSHAD PA'O, ,DANG PO LA GNYIS, MDOR BSTAN PA DANG, DMIGS PA'I RKANG GRANGS RGYAS PAR BSHAD BA'O, ,DANG PO MDOR BA STAN PA NI, TSE 'DIR RGYUN GYI YI DAM BSGOM, ,'CHI KHAR 'PHO BA'I RNAL 'BYOR BSGOM, ,BAR DOR BSRE BA BSGOM BYA STE, ,RGYUN DU BSGOM PA KUN GYI GNAD, CES GSUNGS PA'I PHYI MA GNYIS 'CHI KHA DANG BAR DO'I GNAS SKABS SU BSGOM PAR GSUNGS

KYANG DA LTA NAS NYAMS 'OG TU CHUNG BAR MA BYAS NA DE DAG GI SKABS SU LAG LEN DU THEBS DKA' STE, 'CHI BA'I TSE GNAD GCOD KYI SDUG BSNGAL DRAG POS GZIR BA'AM SHES PA BYING ZHING 'THIBS PA SOGS DANG, GNYEN NYE DU NOR RDZAS SOGS LA CHAGS PA'I DBANG GIS LAG LEN LA THEBS DKA', BAR DO'I GNAS SKABS SU 'JIGS SKRAG DNGANGS GSUM SOGS DANG BYA SPU RLUNG GIS BSKYOD PA LTAR YUD YUD 'GRO BAS LAG LEN DU THEBS DKA' ZHING DA LTA NAS LEGS PAR GOMS PAR BYAS NAS SEMS LA BRTAN PA THOB PA ZHIG DGOS SO, ,GNYIS PA DMIGS PA'I RKANG GRANGS RGYAS PAR BSHAD PA NI, MI RTAG SDUG BSNGAL DRAN BYAS TE, ZHES SOGS YIN KYANG SO SO'I SKABS SU DRANGS TE 'CHAD PAR 'GYUR BAS 'DIR MA SPROS, GNYIS PA DE'I DON NYAMS SU LEN TSUL GYI SGO NAS RGYAS PAR BSHAD PA LA BZHI, TSE 'DI'I GDAMS NGAG GI SNYING PO RGYUN GYI YI DAM DU BYA BA, 'CHI KHA'I GDAMS NGAG GI SNYING PO 'PHO BA BSGOM PA, BAR DO'I GDAMS NGAG GI SNYING PO BSRE BA BSGOM PA, LTA SGOM SPYOD PA'I GNAD BSTAN PA'O, ,DANG PO LA BZHI, RKYEN BSKUL MAR GDAM BA'I MAN NGAG ,RGYU BYANG CHUB KYI SEMS BSGOM PA'I MAN NGAG ,THABS BLA MA YI DAM LA GSOL BA GDAB PA'I MAN NGAG ,NGO BO RANG SEMS SKYE MED DU BSGOM PA'I MAN NGAG GO, ,DANG PO NI, RTZA TSIG, MI RTAG CES PA DANG, SDUG BSNGAL DRAN BYAS NAS ZHES PAS SKYES BU CHUNG 'BRING GI LAM GYI RIM PA BSTAN PA'I KHONGS SU SKYABS 'GRO'I NYAMS LEN GYI RIM PA'ANG BSTAN LA,

, ,DE LA YANG DAL 'BYOR RNYED DKA' BSAM PA, 'CHI BA MI RTAG PA BSAM PA, 'KHOR BA'I NYES DMIGS BSAM PA, SKYABS SU 'GRO BA DNGOS RNAMS LAS, DAL 'BYOR RNYED DKA' BSAM PA NI, SPYIR MI LUS TZAM THOB PA LA YANG DGE BA SNA GCIG YAN CHAD BSGRUB DGOS, DE BSGRUB PA LA, DGE BA BSGRUB PA'I 'DUN PA'I BLO YOD PA DANG, SGRUB PA'I THABS SHES PA DANG, BSGRUB PAR NUS PA GSUM GANG RUNG GCIG MA TSANG NA YANG DGE BA BSGRUB MI SRID LA, DE MA BSGRUBS PAR MI LUS TZAM YANG MI 'THOB STE, ZHI BA LHAS, BDAG GI SPYOD PA 'DI 'DRAS NI, ,MI YI LUS KYANG THOB MI 'GYUR, ,MI LUS THOB PAR MA GYUR NA, ,SDIG PA 'BA' ZHIG DGE BA MED, CES GSUNGS SHING, DE YANG DPE'I SGO NAS RNYED DKA' BA NI YANG DAG PAR LDAN PA'I LUNG LAS, DPER NA SA CHEN PO 'DI CHU 'BA' ZHIG TU GYUR LA, DE'I NANG DU SHING BU GA GCIG PA ZHIG BOR TE, DE SHAR GYI RLUNG GYIS NUB PHYOGS SU PHUL, NUB KYI RLUNG GIS SHAR DU, BYANG GI RLUNG GIS LHOR, LHO'I RLUNG GIS BYANG PHYOGS SU PHUL LA, DE NA RUS SBAL ZHAR BA TSE LO BRGYA PHRAG DU MTHUB PA, LO BRGYA 'DAS SHING LAN CIG STENG DU 'BYUNG BA DE SHING BU GA GCIG PA DER MGRIN PA CHUD KYANG SRID MI CHUD KYANG SRID, DE BZHIN DU MIR GYUR BA LA YANG RNYED PAR DKA'O ZHES GSUNGS, SLOB DPON RTA DBYANGS KYIS ZAM TOG LTA BU'I GTAM LAS KYANG, RGYA MTSOR GNYA' SHING BU GA RU, ,RUS SPAL MGRIN PA CHUD PA BZHIN, ,YUD TZAM 'DZOM PA

NGO MTSAR CHE, ,MI BRTAN 'DI LA YANG DAG SOMS, ZHES GSUNGS SO, ,DER MA ZAD GRANGS KYI SGO NAS KYANG DPAG NUS TE, DMYAL BA YI DVAGS DUD 'GRO GSUM SNGA MA SNGA MA LAS PHYIM PHYI MA NYUNG, DUD 'GRO LAS MI LUS THOB PA NYUNG STE, DBYAR DUS RANG CAG RNAMS GNAS PA'I SA GCIG TU 'BU SBRANG LA SOGS PA MIG GI YUL DU MNGON SUM LA SNANG BA'I GRANGS TZAM YANG 'DZAM BU GLING PA'I MI LA MED, KHYAD PAR DAL 'BYOR TSANG BA'I RTEN THOB PA LA, TSUL KHRIMS RNAM PAR DAG PAS GZHI BZUNG, SBYIN SOGS KYIS GROGS BYAS, SMON LAM DRI MA MED PAS MTSAMS SBYAR BA SOGS DGOS NA, DE DAG BSGRUB PA SHIN TU NYUNG BAS DAL 'BYOR GYI RTEN RNYED DKA', SANGS RGYAS 'BYUNG BA RNYED PAR DKA' BA BAS KYANG DAL 'BYOR RNYED DKA' BAR GRUB PA STE, 'PHAGS PA SDONG PO BKOD PA LAS, GANG DAG MTHONG ZHING THOS PA DANG, ,BSNYEN BKUR BYAS PA DON YOD PA, ,'JIG RTEN 'DREN PA 'JIG RTEN NA, ,BSKAL PA BYE BAR RNYED PAR DKA', ZHES GSUNGS SO, ,'CHI BA MI RTAG PA BSAM PA NI, DE LTAR LUS RTEN 'DI NYID SHIN TU RNYED SHIN TU RNYED DKA' BAR MA ZAD MTHAR NGES PAR 'CHI, DE YANG DE BZHIN GSHEGS PA RDO RJE'I SKU BRNYES PA RNAMS KYANG GDUL BYA RTAG 'DZIN CAN RNAMS GDUL BA'I PHYIR DU 'JIG RTEN GZHAN DU GSHEGS NA, RANG CAG RNAMS KYI LUS CHU'I LBU BA LTAR NYAM CHUNG BA, CHU SHING LTAR SNYING PO MED PA STE DPER NA, CHU SHING GI SDONG PO LA NANG NA SNYING PO MED PA LTAR LUS KYI NANG NA SRA ZHING BRTAN PA RKYEN GYIS 'JIG PAR DKA' BA'I

, ,SNYING BO CI YANG MED CING MI GTZANG BA DU MA 'DUS PAS BSLU BA'I PHUNG PO LTAR RKYEN GYIS NAM 'JIG NGES PA MED PA, 'CHI RKYEN MANG ZHING GSON RKYEN NYUNG BA 'DI LA MI 'CHI BAR SDOD PA'I SKABS MED DE, JI SKAD DU, CI STE SANGS RGYAS RNAMS KYI SKU, ,MTSAN DANG DPE BYAD KYIS BRGYAN PA'I, ,RDO RJE'I SKU YANG MI RTAG NA, ,CHU SHING SNYING PO 'DRA BA YI, ,LUS CAN GZHAN RNAMS SMOS CI DGOS, ZHES DANG, 'PHAGS PA DRI MA MED PAR GRAGS PAS ZHUS PA'I MDO LAS, GROGS PO DAG LUS 'DI NI DPYANG MI BZOD PA STE DBU BA RDOS PA LTA BU'I, ,LUS 'DI NI RING DU MI GNAS PA STE, CHU'I LBU BA LTA BU'O, ,LUS 'DI NI SNYING PO MED PA STE, CHU SHING GI PHUNG PO LTA BU'O, , ZHES GSUNGS, DE YANG 'DZAM BU GLING BA LAS KYIS PA YIN PAS TSE LA NGES PA MED DE, MDZOD LAS, 'DI NA MA NGES THA MAR NI, ,LO BCU DANG PO DPAG TU MED, CES GSUNGS PA LTAR MNGAL DANG, BTZAS MA THAG DANG, GOG TZAM DANG, RGAN GZHON DAR BAB KYI GNAS SKABS GANG DU 'CHI YI NGES BA MED DE, TSOMS LAS, KHA CIG MNGAL DU 'CHI BAR 'GYUR, ,DE BZHIN KHA CIG BTZAS TZAM NA, ,DE BZHIN KHA CIG GOG TZAM NA, ,DE BZHIN KHA CIG YONGS RGYUG NA, ,LA LA RGAN DANG LA LA GZHON, ,LA LA DAR LA BAB PA'I MI, ,RIM GYIS RAB TU 'GRO 'GYUR TE, ,'BRAS BU SMIN PA LHUNG BA BZHIN, ZHES GSUNGS, DE YANG DE RING SANGS TZAM YANG MI 'CHI BA'I NGES PA MED, SANG

NYIN NGA TZAM GYI DUS BDAG 'JIG RTEN PHA ROL TU 'GRO DGOS PA BYUNG NA, TSE 'DI'I GNYEN NYE DU, GROGS DGA' MDZA', 'KHOR LONGS SPYOD THAMS CAD RMI LAM RMIS PA LTAR GAR SONG CHA MED DU 'GRO, PHYI BZHIN 'ONG BA LAS DKAR NAG GNYIS LAS MED NA, PHYI MAR PHAN PA'I CHOS MI SGRUB PAR GTAN DU SDOD PA'I GRABS GSHOM BYED PA 'DI AA TZAM RANG MGO RANG GIS BSKOR BA'AM, SMYO BA'AM, SEMS MED PAR ZAD KYI, DES NA TSE 'DI'I MDUN MA THAMS CAD BLOS LINGS KYIS BTANG STE GLO BUR DU MGO LA ME SHOR BA GSOD PA'I THABS LA BRTZON PA LTAR, CHOS 'BA' ZHIG BYA SNYAM PA'I BLO THAG DA LTA NYID NAS GCAD DGOS TE, CHOMS LAS, SANG DANG 'JIG RTEN PHYI MA GNYIS, ,SNGON DU GANG SNGA GTOL MED PAS, ,SANG GI TSIGS LA MI 'BAD PAR, ,PHYI MA'I DON LA 'BAD PAR RIGS, ZHES DANG, SLOB SPRINGS LAS, MI YI DNGOS BO SHIN TU RNYED DKA' RNYED GYUR NAS, DON DU BRANG PA GANG YIN DE NYID BRTUN TE SGRUBS, MAR ME'I ME LCE SHUGS DRAG RLUNG GIS BSKYOD BA LTA'I, TSE 'DI SKAD CIG GNAS PA'I GDENGS KYANG YOD MA YIN, ZHES GSUNGS, DE LTAR 'CHI BA BSAMS PA LA PHAN YON CHEN PO YOD DE, TSE 'DI'I LUS LONGS SPYOD DANG, GNYEN BSHES THAMS CAD LA CHAGS PA DANG BRAL NAS DE DAG GI CHED DU MI DGE BA LA MI 'JUG CING, PHYI MA 'BA' ZHIG DON DU GNYER BAR 'GYUR TE, DBUM BZHI BRGYA PA LAS, BDAG NI 'CHI'O SNYAM PA'I SEMS, ,GANG LA NGES BAR YOD GYUR

, ,PA, ,DE NA CHAGS PA YONGS BTANG PHYIR, ,'CHI BDAG LA YANG GA LA 'JIGS, ZHES GSUNGS, DE LTAR 'CHI BA MA BSAMS NA DE DAG LA CHAGS PA'I DBANG GIS SDIG PA 'BA' ZHIG LAS MED DE, SBYOD 'JUG LAS, THAMS CAD POR TE CHA DGOS PAR, ,BDAG GIS DE LTAR MA SHES NAS, ,MDZA' DANG MI MDZA'I DON GYI PHYIR, ,SDIG BA RNAM PA SNA TSOGS BYAS ZHES GSUNGS, DE LTAR NA 'CHI BA BSAMS NAS CHOS BYA DGOS PAR BSTAN PA DANG, BSAMS PA'I PHAN YON, MA BSAMS PA'I NYES DMIGS 'DI DAG DRAN PAR BYAS NAS, 'CHI BA LA CHOS MA GTOGS CIS KYANG MI PHAN PAS, LUS LONGS SPYOD DANG GNYEN BSHES THAMS CAD PAS CHOS GCES PAR BZUNG STE GANG GI NGOR YANG CHOS MI BZHAG PA'I BLO BRTAN PO BSKYED DGOS TE, RGYAL PO LA GDAMS PA'I MDO LAS, NOR NI GTANG GI LUS NI BSRUNG BAR BYA, ,YAN LAG BTANG GI SROG KYANG BSRUNG BAR BYA, ,NOR DANG YAN LAG RNAMS DANG DE BZHIN SROG ,THAMS CAD BTANG GI 'DIR NA CHOS BSRUNG NGO, ,ZHES GSUNGS, ,MI RTAG PA GSHA' MA ZHIG DRAN NA CHU YUR MGOR TSUD PA YIN ZHES DGE BA'I BSHES GNYEN PO TO BA CHEN PO GSUNG ZHING, MI RTAG PA DRAN PA 'DI GDAMS PA'I MTHIL DU 'DUG PAS NAN TAN DU BYA'O, ,'KHOR BA'I NYES DMIGS BSAM PA NI, SHI BA'I RJES SU MAR ME SHI BA DANG, RTZA SBUR MES BSREGS PA BZHIN DU MED DE MI 'GRO BAR KHAMS GSUM GYI 'GRO BA RIGS DRUG GANG RUNG ZHIG TU SKYE BA

LEN DGOS, DE YANG LAS KYI GZHAN DBANG CAN YIN PAS, DGE BA STOBS CHUNG ZHING SDIG PA SHIN TU STOBS CHE BA BSAGS PA'I DBANG GIS PHAL CHER NGAN 'GROR SKYE LA, DER SKYES NA DMYAL BA PA RNAMS LA TSA GRANG DANG DES MTSON PA'I SDUG BSNGAL, YI DVAGS RNAMS LA BKRES SKO MA DANG DES MTSON PA'I SDUG BSNGAL, DUD 'GRO RNAMS LA GLEN CING GTI MUG PA DANG GCIG LA GCIG ZA BA'I SDUG BSNGAL BSAM GYIS MI KHYAB PA YOD, GAL TE BDE 'GRO'I LAM GYI LHA MI THOB KYANG SDUG BSNGAL LAS MA 'DAS TE, SLOB SBRINGS LAS, GANG ZHIG 'KHOR BA'I 'KHOR LO RTAG TU 'GYUR BA YI, ,NANG DU ZHUGS NAS BSTI BA TZAM LA BDER SEMS PA, ,DE NI DBANG MED RIM GYIS BRGYA PHRAG TU, ,'GRO BA MNYAM DANG MI MNYAM KUN TU 'KHYAMS BAR 'GYUR, ZHES GSUNGS, BSTI BA TZAM NI NGAL BSO BTZAM STE, KHUR GYIS DUB BA NGAL BSO BA NA YUD TZAM NGAL BSOL BAS SDUG BSNGAL MED KYANG DE MA THAG 'BYUNG BA LTAR LHA MI'I BDE BA LA GNAS PA NA NGAN SONG GI SDUG BSNGAL YUD TZAM MED KYANG DE MA THAG 'BYUNG BAS DMYAL BA DANG LHA MI LA 'JIGS MNYAM DGOS TE, DBU MA BZHI BRGYA PA LAS, MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS BSKYED 'GYUR, ZHES GSUNGS, DES NA LHA MI'I BDE BA LA CHAGS BA NI 'KHOR BA LAS 'DA' MI SRID PAS DE SPANG BA'I PHYIR 'KHOR BA'I NYES DMIGS BSAM DGOS, DE LA 'KHOR BA SPYI'I NYES BA BSAM BA DANG, 'GRO BA RIGS DRUG SO SOR NGES PA'I SDUG BSNGAS KYI NYES PA BSAM TSUL GNYIS LAS, DANG PO

, ,'KHOR BA SPYI'I NYES PA BSAM TSUL LA DRUG STE, NGES PA MED PA'I NYES PA DANG, NGOMS MI SHES PA'I NYES PA DANG, LUS YANG DANG YANG DU 'DOR BA'I NYES PA DANG, 'DI GNYIS MTHA' THUG PA MED PA'I YANG DANG YANG DU NYING 'TSAMS SBYOR BA'I NYES PA DANG, YANG DANG YANG DU MTHO DMAN DU 'GYUR BA'I NYES PA DANG, GROGS MED PA'I NYES PA'O, ,DE LA NGES PA MED PA'I NYES PA NI, BCOM LDAN 'DAS KYIS BRAM ZE'I RTOGS PA BRJOD PA'I MDO LAS, PHA MA DE BZHIN PHU NU DANG, ,DE BZHIN NYE DU MDZA' BA SHES BU, ,NGES MED BDAG GIR 'DZIN BYED PA, ,DE NI 'JIG RTEN PHYIN CI LOG ,MAR GYUR PA YANG CHUNG MAR 'GYUR, ,CHUNG MAR GYUR PA MNA' MAR 'GYUR, ,MNA' MAR GYUR PA BRAN MOR 'GYUR, ,DGRA YANG KHYIM GYI BDAG MOR 'GYUR, ,PHAR GYUR PA YANG BU MOR 'GYUR, ,BU PHOR GYUR PA DGRA BOR 'GYUR, ,DGRAR GYUR PA NI BRAN 'GYUR TE, ,MNGAG GZHUG LAS MI 'GYUR DE BZHIN, ,RGYAL POR GYUR PA TSAL ZER 'GYUR, ,TSAL ZAR GYUR PA BKREN PA DANG, ,GRONG MI NGAN PA DMAN PA DANG, ,'JIG RTEN RNAMS KYIS SMAD PAR 'GYUR, ,BRAM ZER GYUR PA RGYAL RIGS 'GYUR, ,RGYAL RIGS RJE RIGS NYID DU STE, ,RJE'U RIGS GYUR PA DMANGS RIGS DANG, ,DE BZHIN GDOL PA G-YUNG POR 'GYUR, ,GANG DAG KHYOD KYI BUR SKYES PA, ,STONG GI PHRAG DANG BRGYA PHRAD DANG, ,KHRAG KHRIG PHRAG NI DU MA DAG ,DUS GZHAN NA NI DGRA BOR 'GYUR, ZHES

GSUNGS PA LTAR DGRA GNYEN RIGS LONGS SPYOD SOGS GANG LA YANG NGES PA MED PAS YID BRTAN MI RUNG, NGOMS MI SHES PA'I NYES PA NI, RGYA CHE ROL PA'I MDO LAS, RGYAL PO LHA YI 'DOD PA GANG YIN DANG, ,MI YI 'DONG PA BZANG PO GANG YIN PA'I, ,'DOD PA THAMS CAD MI GCIG GIS THOB KYANG, DE LA CHOG MED DE YANG YANG 'TSOL LO, ,ZHES GSUNGS PA LTAR SPYAD KYANG TSIM PA'I SKABS MED, LUS YANG DANG YANG DU 'DOR BA'I NYES PA NI, BSHES SPRIB MA LAS, RE RES BDAG NYID RUS PA'I PHUNG PO NI, ,LHUN PO MNYAM PA NYID GCIG 'DAS GYUR TE, ZHES GSUNGS, DE YANG SEMS CAN GCIG GI LUS SU SKYE BA BLANGS PA'I RUS PA'I PHUNG PO YANG RI RAB PAS GTOS CHE BA 'DAS, YANG DANG YANG DU NYID 'TSAMS SBYOR BA'I NYES PA YANG, DE NYID LAS, MA YI THUG MTHA' RGYA SHUG TSIG DGU TZAM, ,RI LUNG BGRANGS KYANG SA YIS LANG MI 'GYUR, ZHES GSUNGS, DE'I DON NI MDO LAS, DGE SLONG DAG DPER SKYES BU 'GA' ZHIG GIS SA CHON PO 'DI LAS RGYA SHUG GI TSIG GU TZAM GYI RI LU THOGS TE, 'DI BDAG GI MA'O, ,'DI BDAG GI MA DE'I YANG MA'O, ,ZHES 'DOR BANG BYED NA, DGE SLONG DAG SA CHEN PO 'DI'I 'JIM PA NI CHES SNGAR ZAD PAR 'GYUR GYI, MI RNAMS KYI MI'I BRGYUD PA DE DE LTAR MA YIN NO ZHES NGA SMRA'O, ,ZHES GSUNGS SHING, SLOB DPON RTA DBYANGS KYIS MYA NGAN BSAL BA LAS KYANG, YANG DANG YANG DU DMYAL BA NA, ,ZANGS ZHUN BSKOL BA GANG 'THUNGS PA, ,RGYA

, ,MTSO'I NANG GI CHU LA YANG, ,DE YI TSAD TZAM YOD MA YIN, ,KHYI DANG PHAG TU GYUR PA NA, ,MI GTZANG BA NI GANG ZOS PA, ,RI YI RGYAL PO LHUN PO YI, ,TSAD LAS SHIN TU LHAG PAR 'GYUR, ,MDZA' BSHES RAB, TU BRAL BA YI, ,'KHOR BA'I NANG DU GANG DUS PA, ,MIG GI MCHI MA'I THIGS PA YI, ,SNOD DU RGYA MTSO'ANG RUNG MA YIN, ,PHAN TSUN DAG TU RTZOD PA'I PHYIR, ,MGO BO BCAD PA GANG YIN PA, ,SPUNGS NA DE LTAR MTHO BA NI, ,TSANGS PA'I 'JIG RTEN LAS KYANG THAL, ,SRIN BUR GYUR CING RAB BKRES PAS, ,SA LUD ZOS PA GANG YIN PA, ,'O MA'I RGYA MTSO CHE NANG DU, ,DE YIS BKANGS NA SHIN TU 'GENGS, ZHES GSUNGS, YANG DANG YANG DU MTHO DMAN DU 'GYUR BA'I NYES PA NI, 'DUL BA LUNG LAS, BSAGS PA KUN GYI MTHA' 'DZAD CING, MTHON PO RNAMS KYI MTHA' LTUNG 'GYUR, ,PHRAD BA'I MTHA' NI BRAL BA STE, ,GSON PO'I MTHA' NI 'CHI BA YIN, ZHES GSUNGS PA LTAR 'KHOR BA'I BDE BA THAMS CAD MTHAR SDUG BSNGAL GYIS MJUG SDUD CING, MTHON PO THAMS CAD LA MTHAR DMA' BAR MI 'GYUR BA MED DE, MGON PO KLU SGRUB KYIS, BRGYA BYIN 'JIG RTEN MCHOD 'OS GYUR NAS NI, ,LAS KYI DBANG GIS PHYIR YANG SA STENG LTUNG, ,'KHOR POS BSGYUR BA NYID DU GYUR NAS KYANG, ,'KHOR BA DAG TU YANG BRAN NYID DU 'GYUR, ZHES SOGS GSUNGS PA LTAR YIN, GROGS MED PA'I NYES PA LA GNYIS TE, GROL BA RNAMS NI BDAG GIR BYA BA YIN PAS GROGS BYA BA'I THABS

MED PA DANG, BYIS PA RNAMS NI MIG RGYANG THUNG ZHING BYAS PA MI GZO BAS GROGS BYED PA'I SPRO BA MED PA'O, ,DANG PO NI, 'DUL BA LUNG LAS, BCOM LDAN 'DAS KYIS CHU SRIN NYA'I RIGS SKYE BA DRAN PAR BYIN GYIS BRLABS PAS NGAG GI NYES PAS DUNG 'GROR SKYES PA DANG, DE NAS DMYAL BAR SKYE BA MTHONG NAS NGUS PA LAS, KHYOD NI DUD 'GRO'I SKYE GNAS SKYES, ,MI KHOM ZHUGS PAR GYUR PA LA, ,DA LTAR NGAS KYANG CI BYAR MED, ,DON MED DUS PAS CI LA PHAN, ZHES GSUNGS PA LTAR MI DGE BA MA SPANGS NA SDUG BSNGAL LAS SANGS RGYAS KYIS KYANG BSKYAB PAR MI NUS SHING, DGE BA MA BYAS NA BDE BA SANGS RGYAS KYIS KYANG SBYIN PAR MI NUS NA GZHAN GYIS LTA CI SMOS TE, BSHES SPRINGS LAS KYANG, THAR PA BDAG LA RAG LAS 'DI LA NI, ,GZHAN GYIS GROGS BGYIR CI YANG MA MCHIS KYIS, ,THOS DANG TSUL KHRIMS BSAM GTAN LDAN PA YIS, ,BDEN PA RNAM PA BZHI LA 'BAD PAR MJOD, CES GSUNGS, GNYIS PA BYIS PA RNAMS NI MIG RGYANG THUNG ZHING BYAS PA MI GZO BAS GROGS BYED PA'I SPRO BA MED PA NI, RGYA CHE ROL PA LAS, NA TSOD THOG MAR GZUGS MCHOG 'DZIN PA'I TSE, ,PANGS SHING SDUG 'DOD 'DI NI BYIS PA'I SPYOD, ,RGA DANG SDUG BSNGAL GZI BRJID LUS BCOM NAS, ,RNAM PAR SPONG STE RI DVAGS KLUNG SKAM BZHIN, ,NOR 'BRU DAM PA RDZAS MANG STOBS LDAN TSE, ,PHANGS SHING SDUG 'DOD 'DI NI BYIS PA'I SPYOD, ,NOR NYAMS SDUG BSNGAL BAR NI 'GYUR BA'I TSE,

, ,RNAM PAR SPONG STE MI YI 'BROG STONG BZHIN, ZHES GSUNGS, GAL TE GNYEN GYIS PHONGS PA NA NOR SPYIN PA DANG, NA BA NA G-YOG BYED PA SOGS MNGON SUM SNANG BAS JI LTAR SDUG BSNGAL LAS SKYOB PA'I GROGS MED SNYAM NA DE YANG SNGON GYI DGE BA'I 'BRAS BU YIN, DGE BA'I 'BRAS BU YOD PA LA MA 'DRIS PA'I SKYE BOS KYANG 'DOD RGU SGYUB CING, DGE 'BRAS ZAD PA NA GNYEN YANG DGRAR 'GYUR TE, BUS PHA GSOD PA YANG SNANG NA GZHAN SU ZHIG GROGS YIN, DES NA DGE BA'I 'BRAS BU LUS LONGS SPYOD 'BYOR BA NA BYIS PA'I SKYE BO THAMS CAD DGA' BAR BYED LA, RGUD PA NA SPONG BAR BYED DO, ,GNYIS PA 'GRO BA RIGS DRUG SO SOR NGES PA'I SDUG BSNGAL GYI NYES PA BSAM TSUL LA, THOG MAR DMYAL BA'I SDUG BSNGAL BSAM PA LA BZHI, TSA BA'I DMYAL BA, NYE 'KHOR BA'I DMYAL BA, GRANG BA'I DMYAL BA, NYI TSE BA'I DMYAL BA'O, ,DANG PO LA BRGYAD LAS YANG GSOS NI, LCAGS KYI SA GZHI ME RAB TU 'BAR BA'I STENG DU SEMS CAN RNAMS PHAN TSUN 'DUS NAS LAS LAS GRUB PA'I MTSON CHA MI BZAD PA SNA CHOGS KYIS GCIG LA GCIG BRDE GA CING YAN LAG DANG NYING LAG LA SOGS PA KUN THO BA LA SOGS PAS BRDUNG, RAL GRI LA SOGS PAS GCOD PAR BYED DO, ,DER BRGYAL NAS SA LA 'GYEL BA DANG, NAM MKHA' LAS YANG GSOS BAR GYUR CI GCES PA'I SGRA 'BYUNG NGO, ,SGRA BYUNG BA DANG LANGS NAS SAR BZHIN SDUG BSNGAL DPAG TU MED PA MYONG BAR BYED DO, ,

THIG NAG NI, GSHIN RJE'I SKYES BU 'JIGS SU RUNG BA DAG GIS ZUR BZHI LA SOGS PAR THIG NAG PO DU MA BTAB NAS SHING MKHAN GYIS SHING LA BYA BA JI BZHIN MTSON GYIS GSHEG PA SOGS KYI SDUG BSNGAL DPAG TU MED PA MYONG NGO, ,DE SKANG DU, GANG PHYIR DE NI SHING BZHIN DU, ,THIG NAG BTAB NAS SOG LE DAG ,'BAR BA YIS NI GSHEG BYED DE, ,DE PHYIR THIG NAG YIN PAR BSHAD, CES SO, ,BSDUS 'JOMS NA NI, RI RA LUG LA SOGS PA SROG CHAGS SNA TSOGS KYI DBYIBS 'DRA BDAG GI BAR DU SEMS CAN DE DAG PHAN TSUN BSDUS NAS 'TSIR BA SOGS KYI SDUG BSNGAL DPAG TU MED PA MYONG NGO, ,DE SKAD DU, GANG PHYIR BSDUS NAS DER 'DOR DANG, ,YANG DAG SREG PAR BYED BAS NA, ,DE YI PHYIR NA BSDUS GZHOM STE, , DE LTAR MING NI DON MTHUN GRAGS, ZHES SO, ,DU 'BOD NA NI, SEMS CAN 'JIGS PAS SKRAG PA DAG BROS TE PHYIN PA NA LCAGS KHANG ME 'BAR BA'I NANG DU BCUG NAS SREG BAR BYED CING, DER BSREGS PAS NYAM THAG PA'I NGA ROS 'O DOD 'BONG PAR BYED DO, ,DE SKAD DU, DER NI DRAG PO'I ME DAG GIS, ,RGYUN MI 'CHAD PAR BSREGS PAS NA, ,GANG PHYIR SKANG NI DRAG 'BYIN PA, ,DE PHYIR RE NI NGU 'BOD YIN, ZHES SO, ,NGU 'BOD CHEN PO NA NI, LCAGS KHANG NYIS RIM ME RAB TU 'BAR BA'I NANG DU BSREG CING SNGAR BAS SDUG BSNGAL LHAG PAR CHA'O, ,DE SKAD DU, MES BSREG PA NI DRAG PHYIR DANG, ,DU 'BOD BA YANG CHES PHYIR DANG, ,LCI ZHING CHE BA NYID KYI PHYIR, ,DE NI NGU 'BOD CHEN PO YIN, ZHES SO,

, ,TSA BAN NI, DMYAL BA'I BSRUNG MAS LCAGS KYI SLA NGA ME RAB TU 'BAR BA'I NANG DU BSREG PA DANG, MDUNG ME RAB TU 'BAR BAS LUS RGYAB NAS PHUG STE KLAD PAR THAL BYUNG 'BYIN CING, DE LAS NANG DU ME 'BAR BAS DBANG PO'I SGO DANG BA SPU'I BU GA THAMS CAD NAS ME 'BYUNG NGO, ,YANG SA GZHI ME 'BAR BAR GAN RKYAL DU BZHAG NAS LCAGS KYI THO BA ME RAB TU 'BAR BAS RDUNG BAR BYED DO, ,DE SKAD DU, GANG PHYIR RTAG TU ME'I GDUNG BA, ,DRAG PO SKYE BA DE YI PHYIR, ,'JIG RTEN DAG TU TSA BA'I MING, ,DON DANG MTHUN PAR GRAGS PA YIN, ZHES SO, ,RAB TU TSA BA NA NI, GZHAN TSA BA DANG 'DRA BA LA KHYAD PAR MDUNG RTZE GSUM PA RGYAB NAS BTAB PA SPYI BO DANG PHRAG PA GNYIS SU 'BYIN CING, LCAGS LENG ME 'BAR BAS LUS THAMS CAD DKRI BAR BYED PA DANG, LCAGS KYI ZANGS BO CHE ME 'BAR BA 'KHRIGS PAR 'DUG PA TSA SGO CHU BSKOL BAS BKANG BA'I NANG DU SPYI'U TSUGS SU 'TSED PA DANG, DE NA STENG DANG 'OG DAR THANG KAR 'GRO BAN SHA RUS BYED NAS KENG RUS TZAM LUS SO, ,PHYIR BYUNG BA NA SHA PAGS DANG KHRAG DAG SLAR SKYE BAR 'GYUR RO, ,DE SKAD DU, ME NI RAB TU DRAG PO YIS, ,DER 'KHOD SEMS CAN RAB TSA BYED, ,TSA BA PHUL DU BYUNG BAS TE, ,DE PHYIR RAB TU TSA BAR GSUNGS, ZHES SO, ,MNAR MED PA NI, PHYOGS BZHI DANG STENG 'OG THAMS CAD NAS ME 'BAR BA 'KHRIGS TE, DES SEMS CAN RNAMS KYI PAGS PA DANG SHA RGYUS DANG RUS PA NAS RKANG GI BAR LA

ZHEN NAS NYAM THAG PA'I NGA RO GRAG PA TZAM MA GTOGS ME DANG SEMS CAN DBYE MI NUS SHING, SDUG BSNGAL MED PA'I SKABS CUNG ZAD TZAM YANG MED PAS MNAR MED PA ZHES BYA STE, DE SKAD DU, ME DRAG DER NI LUS CAN GYI, ,RUS PA RNAMS KYANG LHAG PAR 'GYUR, ,DE PHYIR BDE BA'I SKABS MED PAS, ,DES NA MNAR MED YIN PAR BSHAD, CES SO, ,GNYIS PA NYE 'KHOR BA'I DMYAL BA NI, TSA DMYAL BRGYAD KYI SGO BZHIN YOD CING, DE LA SNGAR BSTAN PA'I SDUG BSNGAL DE DAG MYONG NAS SHAR GYI SGO PHYE STE BROS PAN, ME MUR GYI 'OBS PUS MO NUB PA TZAM LA RKANG PA BYINGS TE PAGS PA DANG SHA KHRAG 'JIG PAR 'GYUR LA BTEG PA NA SLAR SKYE'O, ,DE BRGAL NAS PHYIN PA NA RO MYAGS KYI 'DAM ZHES BYA BA PHYI SA'I 'DAM RDZA BA RO RUL PA MNAM PAR MGRIN PA MAN BYINGS TE 'BU MCHU RNON ZHES BYA BA LUS DKAR LA MGO GNAG PAS PAGS BA NAS RKANG LA THUG GI BAR 'BIGS SHING ZA BAR BYED CING, GZHAN YANG SHA SBRANG SOGS KHRI PHRAG DAG GIS ZA BAR BYED DE, SDUG BSNGAL MI BZAD PAS NYEN NAS 'DRE LDOG BYED CING SMRE SNGAGS 'DON TO, ,DE 'DAS NAS THANG YID DU 'ONG BA ZHIG MTHONG STE PHYIN PA NA SPU GRI RNON PO GSHIBS PAS GANG BAR GYUR TE, LUS GTUBS NAS SLAR 'TSO'O, ,DE 'DAS NAS RGYANG RING PON RNAGS TSAL SNGON PO YID DU 'ONG BA MTHONG STE PHYIN PA NA SHING GI LO MA THAMS CAD MTSON CHA SNA TSOGS SU GYUR BA RLUNG GIS BSKYOD NAS LUS LA BABS PAS SHIN TU SDUG SNGAL ZHING YUN RING POR DU 'BOD 'DON BA LAS BSHES GZHAN MED DO, ,DE

, ,'DAS PA NA LCAGS KYI SHAL MA LI'I SDONG PO'I RTZE NA SNGAR CHAGS PA'I BUD MED YID DU 'ONG BA YOD PAS 'BOD PA MTHONG NAS 'DZEGS PA NA LCAGS KYI TSER MA SOR BCU DRUG PA KHA 'THUR DU BLTA BAS LUS 'BIGS SHING, BUNG MED SHIN TU 'JIGS PA MCHE BA RNO BA LUS LA ME 'BAR BAS 'JUS NAS ZA BA DANG, KHVA DANG BYA RGOD LA SOGS BAS MIG 'DRU ZHING KLAD PA ZA BA DANG RGYU LTO 'BYIN PAR BYED DO, ,DE NAS DU ZHING 'THUR DU BABS PAN TSER MA KHA GYEN DU BSTAN PAS LUS 'BIGS SHING SDUG BSNGAL MYONG NGO, ,DE YANG DRAN PA NYE BAR GZHAG PA'I TSIG LE'UR BYAS PA LAS, BYI BO BYED BA SHAL MA LI, ,LCAGS KYI TSER MA RTZE MO 'BAR, ,SOR NI BCU DRUG YOD PA LA, ,NGU ZHING STOBS KYIS 'DZEGS PAR 'GYUR, ,BUD MED SHIN TU 'JIGS 'JIGS LTA'I, ,MCHE RNON LUS ME 'BAR BA YIS, ,GZHAN GYI BUD MED 'PHROG PA LAS, ,'JUS NAS ZA BA KHO NAR 'GYUR, ZHES GSUNGS, DE 'ANGS NAS THAL TSAN GYI CHU BO RABS MED CES BYA BAS DMYAL BA 'OBS BZHIN BSKOR BAR SKYABS 'TSOL BAS PHYIN PHAN DER BYINGS TE SHA THAMS CAD ZHIG NAS RUS BA 'BA' ZHIG LUS SO, ,DE LTAR ME MA MUR GYI 'OBS, RO MYAGS KYI 'DAM, SPU GRI BLTAMS PA'I LAM, RAL GRI LO MA'I NAGS TSAL, SHAL MA LI'I SDONG PO, THAL TSAN GYI CHU BO RABS MED RNAMS KYI NANG NAS SPU GRI BLTAMS PA'I LAM DANG, RAL GRI LO MA'I NAGS TSAL DANG, SHAL MA LI'I SDONG PO GSUM NI MTSON CHA'I 'KHOR LO

ZHES BYA BA GCIG TU BRTZIS PA'I BZHI PO DE DAG TSA DMYAL BRGYAD KYI SHAR SGON GNAS PA LTAR, LHO LA SOGS PA'I SGO NA'ANG GNAS PAS BCU DRUG TU 'GYUR LA, DE LA 'KHOD LHAG MA BCU DRUG CES BYA STE, MDZOD LAS, BRGYAD PO KUN LA LHAG BCU DRUG, CES GSUNGS, GSUM PA GRANG DMYAL LA YANG BRGYAD LAS, CHU BUR CAN GYI SDUG BSNGAL NI, MUN NAG GI NANG DU RLUNG GRANG MO DPE BYAR MED PA LANGS TE, RUS PA'ANG 'JIG PA'I GRANG BAS NYEN NAS CHU BUR 'BYUNG BAS CHU BUR CAN NO, ,CHU BUR RDOL BA NI, DE LAS SROG CHAGS MCHU RAL GRI LTAR RNO BA BYUNG NAS LUS DBAD DE ZHAG DANG CHU SER 'DZAG PAS CHU BUR RDOL BA ZHES BYA, DE NAS GRANG BAS NYEN NAS SKANG KYANG 'DON MA NUS PAR SO THAM THAM BYED BA DANG, KYI HUD ZER BA DANG, AA CHU ZER BA'I SMRE SNGAGS CHEN PO 'DON MI NUS BZHIN RKAN GYI PHUGS NAS 'DON PA'I RIM PA GSUM MO, ,AUTPAL LTAR GAS PA NI, LHAGS PA CHEN PO BTAB PAS LUS KHA DOG SNGON POR GYUR PA KHA BZHIR GAS PAS AUTPAL LTAR GAS PA'O, ,PADMA LTAR GAS PA NI, KHA DOG DMAR POR GYUR PA KHA BRGYAD DU GAS PAS PADMA LTAR GAS PA'O, ,PADMA LTAR CHER GAS PA NI, MDOG DMAR PO DE NYID LAS KHA BCU DRUG GAM DE LAS KYANG MANG BAR GAS PAS PADMA LTAR CHER GAS PA'O, ,DE SKAD DU YANG, BYANG CHUB SEMS DPA'I SKYES RABS LAS, MED PAR LTA BA CHO RABS PHYI MA LA, ,GNAS PA DE NA MUN NAG RLUNG GRANG LDANG, ,DES NI RUS PA'ANG 'JIG PA'I

, ,NAD SLONG NA, ,BDAG LA PHAN 'DOD SU ZHIG DE RU 'JUG ,CES DANG, SLOB SPRINGS LAS KYANG, LHAGS PA DPE MED RUS PA LA YANG THING BA YIS, ,LUS SPREBS 'DAR ZHING SGUR NAS SKUM SKUM BOR 'DUG PA, , CHU BUR BRGYA BYUNG RDOL BA LAS SKYES SROG CHAGS KYIS, ,RAL GRIS DBAD NAS ZHAG DANG CHU SER RKANG BCAS 'DZAG ,DKOS THAG SO THAM SKRA DANG SPU RNAMS G-YENGS GYUR PA, ,MIG DANG RNA BA LKOG MA GNOD PAS KUN GZIR ZHING, ,LUS DANG SEMS KYI BAR NGAG RAB TU KLONG GYUR NAS, ,GRANG BA'I DMYAL BAR GNAS SHING SHIN TU 'O DOD 'BOD, CES GSUNGS, SEMS CAN DMYAL BA PA 'DI DAG GI GNAS DANG TSE TSAD LA SOGS PA NI 'DIR YI GE MANG BAS 'JIGS NAS MA SPROS SO, ,MDOR HRIL GYIS DRIL NA MYONG 'GYUR GYI LAS MA ZAD PAR TSE 'PHO BAR MI 'GYUR TE, 'PHAGS PA KLU SGRUB KYIS, DE LTAR SDUG BSNGAL SHIN TU MI BZAD LO, ,BYE BA PHRAG BRGYAR NYAMS SU MYONG YANG NI, ,JI SRID MI DGE ZAD PAR MA GYUR PA, ,DE SRID SROG DANG 'BRAL BAR MI 'GYUR RO, ZHES GSUNGS, BZHI PA NYI TSE BA'I DMYAL BA NI, MANG PO LHAN CIG TU TSOGS PA MED CING NYUNG BA'I DON GYIS NA NYI TSE BA'O, ,DE YANG RGYAL BA 'OD SRUNGS KYI DGE SLONG 'GA' ZHIG GIS DGE 'DUN GYI RNYED BA CHUD ZANG BTZUG PAS DER SKYES NAS BZA' BTUNG GI DUS BZA' BTUNG MER 'BAR NAS LUS BSREGS PA'I SDUG BSNGAL MYANG BA SOGS GTAM RGYUD MTHA' YAS SO, ,DE LTAR NA RANG RE RNAMS KYIS DE DAG

TU SKYE BA'I RGYU DPAG TU MED BA ZHIG RANG RGYUD LA BSAGS LA MA SBYANGS PA SDUG BSNGAL BSKYED PA'I NUS PA MTHU CAN DU GYUR PA BSAM GYIS MI KHYAB PA YOD, DE DAG DANG BCAS BZHIN DU GLO BUR DU 'CHI DGOS BA BYUNG NA SDUG BSNGAL DE DAG AE BZOD, MI BZOD NA CHOS KYI MTHUN RKYEN SROG 'TSO BA'I LTO GOS TZAM MA GTOGS GZHAN TSE 'DI NANG GI BYA BYED THAMS CAD BTANG STE DE DAG SBYONG THABS KYI RIM BA STOBS BZHI TSANG BA'I BSHAGS BSDAMS SOGS LA NYIN MTSAN DU 'BAD PAR BYA'O, , YI DVAGS KYI SDUG BSNGAL NI, MGON PO KLU SGRUB KYIS, YI DVAGS NA YANG 'DOD PAS PHONGS PA YIS, ,BSKYED PA'I SDUG BSNGAL RGYUN CHAGS MI 'CHOS PA, ,BKRES SKOM GRANG DRO NGAL DANG 'JIGS PA YIS, ,BSKYED PA SHIN TU MI BZAD BSTEN 'TSAL LO, ZHES GSUNGS BLTAR, 'DOD PAS PHONGS PA STE DBUL BA DANG, DES BSKYED PA'I SDUG BSNGAL RGYUN CHAGS PA STE BAR MCHAD PA DANG, MI 'CHOS PA STE LAS MA ZAD KYI BAR DU BCOS SU MED PA RNAMS SDUG BSNGAL SBYIR BSTAN PA'O, ,KHYAD PAR DU BSTAN PA NI, BKRES PA DANG, SKOM PA DANG, GRANG BA DANG, TSA BA DANG, NGAL BA DANG, 'JIGS BA'I SDUG BSNGAL DRUG LAS, BKRES PA DANG SKOM PA'I SDUG BSNGAL NI, KHA CIG LO BRGYA STONG DU MANG BZA' BA MCHIL MA'I THAL BTZAM YANG MI RNYED DCING, BTUNG BA CHU'I SGRA TZAM YANG MI THOS PAS SDUG BSNGAL ZHING NAG LA SHA BSKAMS PA BSREGS PA'I RNAM BA LTA BU DANG, MGRIN PA DANG RKAN LCE MCHU RNAMS BSKAMS SHING,

, ,MIG DANG RKANG LAG SHA KHRAG RGYU MA NANG KHROL RNAMS PHYUNG BA LTA BUR BSKAMS NAS PAGS RUS TZAM LUS TE, SGAL BU RNAMS NANG ROL GYIS STONGS PAS RI'I SUL LTA BU, NANG KHROL NYAMS PAS G-YO BA DANG BRAL BA DANG, KHA CIG KHANG RUL LUNG KHUNG DANG NGAN SKYUGS KYIS DANG, GZHI NGAN NO COG TU GNAS SHING, MCHIL SNABS BSHANG GCI NGAN SKYUGS SOGS ZA BA DANG, LA LA RANG GI BU YANG ZA BAR BYED, KHA CIG KHA KHAB MIG TZAM LA STO BA RI TZAM YOD PAS MI GTZANG BA CUNG ZAD RNYED KYANG KHA'I BU GAR MI CHUNG, NANG GI SGRIB PA CAN NGAG GIS ZAS KYANG KHONG BAR ME 'BAR TE SDUG BSNGAL BSKYED, PHYI'I SGRIB PA CAN RNAMS KYIS BZA' BTUNG RNYED KYANG SKYES BU MTSON CHA THOGS PAS BSRUNG BAR MTHONG STE ZA DBANG MED CING, DE DAG GIS BLTAS PA TZAM GYIS CHU KLUNG YANG BSKAMS PAR 'GYUR RO, ,TSA BA DANG GRANG BA'I SDUG BSNGAL NI, TSA BA'I DUS SU LHAGS PAS KYANG TSA BA'I RGYU BYED CING, GRANG BA'I DUS SU ME DANG NYI MAS KYANG GRANG BA'I RGYU BYAS NAS SDUG BSNGAL BSKYED, NGAL BA'I SDUG BSNGAL NI, BKRES SKOM GYIS GZIR NAS BZA' BTUNG TSOL PHYIR RGYUG PA RNAMS TE, TSE'I MTHA' BSTAN PA'I MDO LAS, GZUGS MI SDUG PA 'GRENG ZHING THOD PA THOGS, ,BKRES DANG SKOM DANG NGAL BAS RAB GZIR GANG, ,CHO NGES 'DEBS SHING KUN TU RGYUG PA DAG ,NYAM THAG SKANG 'BYIN SDUG BSNGAL TSOR BA MYONG, ZHES GSUNGS, 'JIGS PA'I SDUG BSNGAL NI,

PHAN TSUN GCIG LA GCIG GIS GNOD PA DANG, ZAS KYI PHYIR PHYIN PA NA BSRUNG BA RNAMS KYIS RAL GRI DANG, GTUN SHING DANG, BOR BA DANG, DBYUG PAS BRDEG PA SOGS KYI 'JIGS SKRAG 'BYUNG NGO, ,DE LTA BU'I SDUG BSNGAL MI BZOD CING BDAG LEGS SU 'DOD PA RNAMS KYIS CHAGS PA DANG, SER SNA DANG BSNAB SEMS DANG, MA BYIN PAR BLANGS PA SOGS SNGAR BSAGS SBYONG BA DANG PHYI MA SDOM PA LA 'BAD PAR BYA'O, ,DUD 'GRO'I SDUG BSNGAL NI, DUD 'GRO STOBS CHE BA RNAMS KYIS CHUNG BA LTOR ZA BA DANG, CHUNG BA RNAMS KYIS CHE BA'I LUS LA ZUG CING ZA BA DANG, MI RNAMS KYIS DBANG MED PAR GSOD PA DANG, BRDEG PA DANG, 'CHING BA DANG, MI THEG BZHIN DU KHAL CHEN PO 'GEL BA DANG, BKRES SKOM GYIS NYAM THAG PA DANG, DGUN GYI DUS RLUNG DRAG PO DANG BA MO MI BZAD PAS 'JOMS SHING, DBYAR DUS TSA BA BZOD DKA' BAS GDUNG BA DANG, RNGON PA SOGS KYIS GTZES PA'I SDUG BSNGAL MI BZAD PA MTHA' YAS PA MYONG DGOS PAS DE DAG MI BZOD CING MI 'DOD PA RNAMS KYIS, CHOS DANG CHOS SMRA BA LA MA GUS PA DANG, BSTAN PA LA ZHUGS PA NANG PHAN TSUN SKYON BRJOD BYAS PA SOGS SNGAR BSAGS SBYONG ZHING PHYI MA SDOM PA LA 'BAD PAR BYA'O, ,MDOR NA DA LTA ME MDAG PHRA MO PHOG PA'AM TSER MA ZUG PA DANG, SBRANG BUS SO BTAB PA TZAM MAM, NYIN GCIG BZA' BTUNG MA BYUNG BA'I SDUG BSNGAL TZAM YANG MI BZOD NA NGAN SONG GSUM GYI SDUG BSNGAL DE DAG CI LA BZOD SNYAM DU NGA LTA'I NYAMS DANG

, ,SBYAR NAS 'JIGS SHING SKRAG PA'I BLO MA SKYES BAR DU BSAM DGOS TE, SKYE BO GSO THIGS LAS, RAB TU TSA ZHING GRANG BA YI, ,DMYAL BA NYI MA GCIG BZHIN DRAN, ,BKRES SKOM DAG GI SRID PA YI, ,YI DVAGS DAG KYANG DRAN PAR BYA, ,RMONGS PA'I SDUG BSNGAL RAB MANG BA'I, ,BYOL SONG BLTA ZHING DRAN PAR BYA, ,DE'I RGYU RNAM SPANG BDE RGYU SPYAD, ,THOB DKA' 'DZAM GLING MI YI LUS, ,DE THOB DUS SU NGAN SONG RGYU, ,RAB TU BSGRIMS TE GCAD PAR BYA, ZHES GSUNGS SHING, DE DAG LA 'JIGS PA'I BLO SKYES NAS DER SKYE BA'I RGYU SPANG BA LA 'BAD DGOS TE, DE NYID LAS, SROG GCOD PA SOGS LUS KYI NI, ,NYES PA RNAM PAR BSDAM PAR BYA, ,RDZUN SOGS NGAG GI NYES PA DANG, DE BZHIN YID KYI NYES PA YANG, ,MA LUS RAB TU BSDAM PAR BYA, ,DE NI SKYES BU DAM PA'I TSUL, ZHES GSUNGS, GAL TE MIR SKYES KYANG SKYE BA DANG, RGA BA DANG, NA BA DANG, 'CHI BA DANG, MI SDUG PA DANG PHRAD PA DANG, SDUG PA DANG BRAL BA DANG, MED PA BTZAL GYIS MA RNYED PA DANG, YOD PA BSRUNG GIS MA THUB PA SOGS KYI SDUG BSNGAL DPAG TU MED PA YOD, LHA MA YIN LA'ANG LHA'I DPAL 'BYOR LA PHRAG DOG PA'I YID KYI SDUG BSNGAL DANG, LHA DANG 'THAB PA'I SDUG BSNGAL DANG, SHES RAB DANG LDAN YANG BDEN PA MTHONG BA'I SNOD DU MI RUNG BA'I NYES PA YOD DE, MGON PO KLU SGRUB KYIS, LHA MIN DAG NA'ANG RANG BZHIN GYIS LHA YI, ,DPAL LA SDANG PHYIR

YID KYI SDUG BSNGAL CHE, ,DE DAG BLO DANG LDAN NA'ANG 'GRO BA YI, ,SGRIB PAS BDEN PA MTHONG BA MA MCHIS SO, ,ZHES GSUNGS, LHA'I SDUG BSNGAL LA, 'DOD KHAMS KYI LHA NI, 'DOD PA'I BDE BA LA CHAGS PAS SEMS RAB TU G-YENGS TE, SKAD CIG KYANG SEMS MNYAM PAR 'JOG PAR MI NUS PAS, RAB TU ZHI BA'I BDE BAS DBUL BA DE DAG LA BDE BA GA LA YOD, MTHAR 'CHI 'PHO LTUNG BA'I SDUG BSNGAL BZOD DKA' BA 'BYUNG STE, 'CHI KHAR LTAS LNGA 'BYUNG BA NI, MGON PO KLU SGRUB KYIS, LUS KYI KHA DOG MI SDUG 'GYUR BA DANG, ,STAN LA MI DGA' ME TOG 'PHRENG SNYINGS DANG, ,GOS LA DRI MA CHAGS DANG LUS LA NI, ,SNGON CHAD MED PA'I RDUL 'BYUNG ZHES BGYI BA, ,MTHO RIS 'CHI 'PHO SPRON BYED 'CHI LTAS LNGA, ZHES GSUNGS, LTAS DE DAG BYUNG BA NA, LHA'I 'DOD PA YID DU 'ONG BA DANG 'BRAL BA DANG, DMYAL BA LA SOGS PA'I SDUG BSNGAL MI BZAD PA MYONG DGOS PAR MTHONG BAS SDUG BSNGAL TE, KYI HUD DGA' BA'I TSAL, KYI HUD 'DRAS PA'I TSAL, ZHES SOGS LHA'I 'DOD PA RNAMS TSIG TU BRJOD CING SMRES SNGAGS 'DON ZHING 'CHI LA, SHI NAS PHAL CHER NGAN 'GROR LTUNG STE, MGON PO KLU SGRUB KYIS, LHA YI 'JIG RTEN DAG NAS 'PHOS PAS, , GAL TE DGE BA'I LHAG MA 'GAL MED NA, ,DE NAS DBANG MED DUD 'GRO YI DVAGS DANG, ,DMYAL BAR GNAS PA GANG YANG RUNG BAR 'GYUR, ZHES GSUNGS, GZUGS KHAMS DANG GZUGS MED GZUGS MED KHAMS KYI LHA LA RE ZHIG SDUG BSNGAL MNGON

, ,GYUR BA MED KYANG, MDA' NAM MKHA' LA 'PHANGS PA DANG, BYA NAM MKHA' LA 'PHUR BA DAG RNAM ZHIG NGES PAR SA LA LTUNG BA BZHIN DU SHI 'PHOS NAS NGAN SONG DU LTUNG ZHING SDUG BSNGAL BZOD DKA' BA MYONG DGOS, DE LTAR NA MGON PO KLA SGRUB KYIS, 'KHOR BA DE 'DRA LAGS PAS LHA MI DANG, ,DMYAL BA YI DVAGS DUD 'GRO RNAMS SU NI, ,SKYE BA BZANG PO MA LAGS SKYE BA NI, ,GNOD PA DU MA'I SNOD GYUR LEGS MKHYEN MDZOD, CES GSUNGS PA LTAR 'GRO BA RIGS DRUG GANG DU SKYES KYANG SDUG BSNGAL 'BA' ZHIG LAS MA 'DAS, DES NA BDE 'GRO DANG NGAN 'GRO GNYIS KA LAS YID BYUNG STE, 'KHOR BA MTHA' DAG LAS THAR BAR 'DOD PA PHRA MEN MA'I BUM LA ZHEN PA KOG PA'AM, TSAL TSIG PA'I BYA'AM, SRIN MO'I GLING GI TSONG BA'AM, NYES CAN GSOD PAR NGES PA'I BTZON LTA BUR THAR 'DOD KYI BLO SHUGS DRAG BSKYED DE, DE LAS THAR PA'I DON DU MGO'AM GOS LAS ME 'BAD PA GSOD PA BAS LHAG PA'I BRTZON 'GRUS RTZOM DGOS TE, MGON PO KLU SGRUB KYIS, MGO'AM GOS LA GLO BUR ME SHOR NA, ,DE DAG PHYIR BZLOG BGYI BA BTANG NAS KYANG, ,YANG SRID MED PAR BGYI SLAD 'BAD 'TSAL TE, ,DE BA CHES MCHOG DGOS PA GZHAN MA MCHIS, ZHES GSUNGS PA LTAR 'KHOR BA SPYI DANG BYE BRAG GI NYES DMIGS DRAN PA'I SGO NAS DE DAG LA 'JIGS SHING SKRAG PA'I BLO BCOS MA MIN PA MA SKYES KYI BAR DU BSAM PAR BYA'O, ,SKYABS SU 'GRO BA DNGOS NI, RANG NYID 'KHOR BA DANG NGAN 'GRO'I SDUG

BSNGAL GYIS 'JIGS SHING, DE LAS SKYOB PA'I NUS PA DKON MCHOG GSUM LA YOD PAR YID CHES PA'I BLO SHUGS DRAG CING BRTAN PA'I SGO NAS, RANG GI MDUN GYI THAD DRANG GI NAM MKHA'I DBUS SU PADMA'I SDONG PO YANGS SHING RGYA CHE BA RTZE MOR 'DAB MA BZHI KHA SHAG STE BYE BA ZE'U 'BRU DANG BCAS PA'I DBUS SU RIN PO CHE'I KHRI'I STENG DU PADMA DANG ZLA BA'I GDAN LA NGO BO RANG GI DRIN CAN RTZA BA'I BLA MA YIN PA LA RNAM PA SPYAN RAS GZIGS KHA SARB'A nI SKU MDOG DKAR PO ZHAL GCIG PHYAG GNYIS PA G-YAS MCHOG SBYIN DANG G-YOR SKYABS SBYIN GYI PHYAG RGYAS PADMA DKAR PO'I RTZA BA MTHEB SRIN GYIS BZUNG BA'I 'DAB MA SNYAN GYI THAD KAR KHA BYE BA, ZHABS GNYIS MNYAM PA'I STABS KYIS BZHENGS PA, DAR DANG RIN PO CHE'I RGYAN SNA TSOGS PAS BRGYAN PA, ZHI ZHING ZHAL 'DZUM SGEG PA'I NYAMS DANG LDAN PA, DVANGS GSAL 'OD KYI PHUNG PO'I DBUS NA LHAM MER BZHUGS PA, DE'I MDUN GYI 'DAB MA LA 'OG MIN NA BZHUGS PA'I NGES PA LNGA LDAN GYI LONGS SPYOD RDZOGS PA'I SKU DANG, MNYAM MED SH'AKYA'I RGYAL PO LA SOGS PA DUS GSUM GYI SANGS RGYAS SPRUL PA'I SKU RNAMS BZHUGS PA, G-YAS KYI 'DAB MA LA LONGS SPRUL GYI SANGS RGYAS DE DAG GI THUGS RGYUD LA MNGA' BA'I SPANGS RTOGS KYI YON TAN DON DAM PA'I CHOS DKON MCHOG RNAMS RNAM PA KUN RDZOB BRDAR BTAGS PA'I GLEGS BAM GYI RNAM PA CAN GDONG DAR KHRA CHEM ME YOD PA, RGYAB KYI 'DAB MA LA BYAMS 'JAM DBYANGS LA SOGS PA THUN MONG MA YIN PA'I DGE 'DUN DKON MCHOG RNAMS DANG, MCHOG ZUNG 'OD SRUNGS LA SOGS

, ,PA THUN MONG BA'I DGE 'DUN DKON MCHOG RNAMS BZHUGS PA, G-YON GYI 'DAB MA LA SEMS CAN MA RUNGS PA ZHI BAS GDUL DKA' BA RNAMS GANG LA GANG 'TSAM GYIS 'DUL BA'I PHYIR DU SANGS RGYAS BYANG SEMS DE DAG DRAG PO'I SKUR BSTAN PA MGON PO LEGS LDAN LCAM DRAL DAM CAN CHOS KYI RGYAL PO LA SOGS PA CHOS SKYONG BA'I BSRUNG MA'I TSOGS RNAMS DANG, TSOGS ZHING DE DAG GI STENG GI NAM MKHA' LA RTZA BRGYAD KYI DPAL LDAN BLA MA DAM PA RNAMS DGYES PA'I TSUL GYIS BZHUGS PAR GSAL BTAB, SKYABS YUL DE DAG GI MDUN DU SKYABS SU 'GRO BA PO RANG NYID KYI G-YAS SU PHA, G-YON DU MA, MDUN DU GROGS LAN CHAGS, RGYAB TU RIGS DRUG GI SEMS CAN THAMS CAD SA CHEN PO'I DREG BA LTANG SMUG SHIG GE YOD PAR BSAMS LA, BDAG DANG MA SEMS CAN THAMS CAD 'KHOR BA SPYI DANG BYE BRAG NGAN SONG GSUM GYI SDUG BSNGAL LAS GROL BA SKYABS YUL KHYED RANG MKHYEN SNYAM PA'I SGO NAS, THAMS CAD KYIS MGRIN GCIG TU 'UR CHEM CHEM 'DON PAR MOS NAS, BDAG DANG NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNGS TE JI SRID SANGS RGYAS MA THOB KYI BAR DU DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA x, DAM PA'I CHOS RNAMS LA x, 'PHAGS PA'I DGE 'DUN RNAMS LA SKYABS SU MCHI'O, ,ZHES PA'I SKYABS 'GRO BZHI SKOR DANG, YI DAM DKYIL 'KHOR GYI LHA TSOGS RNAMS LA x,

DPAL MGON DAM PA CHOS SKYONG BA'I BSRUNG MA RNAMS LA SKYABS SU MCHI'O, ,ZHES PA'I SKYABS 'GRO DRUG SKOR BYED PA'I LUGS GNYIS YOD KYANG PHYI MA GNYIS SNGA MA'I KHONGS SU 'DU BAS BZHI SKOR BYAS NA 'JUG PA BDE GSUNG, DE LTAR MOS GUS DRAG PO'I SGO NAS BRGYA'AM LNGA BCU NYER GCIG SOGS BRJOD, 'DI DAG GI SKABS SU DMIGS PA NI SKYABS YUL RNAMS KYI SKU LAS 'OD ZER DPAG TU MED PA 'PHROS RANG GZHAN SEMS CAN THAMS CAD LA PHOG PAS RANG GZHAN SEMS THAMS CAD KYI NAD GDON SDIG SGRIB RNAM SMIN RDOS BCAS RNAMS DANG, KHYAD PAR DKON MCHOG GSUM LA BRTEN PA'I SDIG SGRIB PA BAG CHAGS DANG BCAS PA THAMS CAD BYANG ZHING DAG ,RANG GZHAN SEMS CAN THAMS CAD BLA MA DKON MCHOG GSUM GYI SKYABS 'OG TU CHUD BYUNG SNYAM DU BSAM, DE NAS BDAG DANG MA NAM MKHA'I MTHA' DANG MNYAM PA'I SEMS CAN THAMS CAD 'DI NAS BZUNGS TE SANGS RGYAS MA THOB KYI BAR DU BLA MA DANG DKON MCHOG RIN PO CHE RNAM PA GSUM LA PHYAG 'TSAL ZHING SKYABS SU MCHI'O, ,KHYED RNAMS KYIS BDAG SOGS SEMS CAN THAMS CAD KYI RGYUD BYIN GYIS BRLAB TU GSOL, ZHES LAN GSUM GSOL BA BTAB PAS, SKYABS YUL RNAMS KYI SKU LAS 'OD ZER 'PHROS RANG GI MTHA' SKOR GYI SEMS CAN RNAMS LA PHOG PAS SEMS CAN THAMS CAD KYI SGO GSUM GYI SDIG SGRIB BAG CHAGS DANG BCAS PA DANG RNAM SMIN RDOS BCAS RNAMS KYANG SBYANGS TE LUS RDO RJE'I SKU THOGS PA MED PA SPYAN RAS GZIGS KYI SKU DANG, YID BDAG

, ,MED RTOGS PA'I YE SHES CHOS SKUR GYUR NAS BYA KHYU LA 'UR RDO BRGYAB PA LTAR DAG PA'I ZHING DU 'UR DI RI RI GSHEGS PAR BSAM, TSOGS ZHING RNAMS 'OD DU ZHU NAS RANG GI SMIN MTSAMS SAM SPYI GTZUG NAS ZHUGS TE RGYUD BYIN GYIS BRLABS PAR BSAMS LA DAR GCIG MNYAM PAR 'JOG GO, ,GNYIS PA RGYU BYANG CHUB KYI SEMS BSGOM PA'I MAN NGAG NI, RTZA TSIG, SNYING RJE CHEN PO RAB BSKYED DE, ZHES PAS STON TE, RANG DON DU 'KHOR BA 'DOD PA THAR PA 'DOD PA GNYIS KA SPANGS TE, GZHAN DON KHO NAR RDZOGS PA'I BYANG CHUB DON DU GNYER BA SKYES BU MCHOG GI LAM NYID LA SLOB PA YIN NO, ,DE LA THEG PA CHEN PO'I LAM GYI GZHI RTZA NI SNYING RJE CHEN PO YIN TE, CHOS YANG DAG PAR SDUD PA'I MDO LAS, BCOM LDAN 'DAS BYANG CHUB SEMS DPAS CHOS RAB TU MANG PO LA BSLAB PAR MI BGYI'O, ,BCOM LDAN 'DAS BYANG CHUB SEMS DPAS CHOS GCIG RAB TU GZUNG ZHING RAB TU RTOGS PAR BGYIS NA SANGS RGYAS KYI CHOS THAMS CAD DE'I LAG MTHIL DU MCHIS PA LAGS SO, ,CHOS GCIG GANG ZHE NA 'DI LTA STE, SNYING RJE CHEN PO'O, ,BCOM LDAN 'DAS 'DI LTA STE, DPER NA SROG GI DBANG PO MCHIS NA DBANG PO GZHAN RNAMS KYANG 'BYUNG BAR 'GYUR RO, ,BCOM LDAN 'DAS DE BZHIN DU SNYING PO MCHIS NA BYANG CHUB PAR BYED PA'I CHOS GZHAN RNAMS KYANG 'BYUNG BAR 'GYUR RO, ,ZHES GSUNGS, SNYING RJE CAN GYIS BDAG NYID LA BLTA BA BSAL NAS GZHAN LA PHAN PA DON DU GNYER BA'I PHYIR BYANG CHUB TU SEMS SKYED BAR

BYED LA, DES TSOGS GNYIS RDZOGS PAR BYAS NA THAMS CAD MKHYEN PA NYID THOB CING, SANGS RGYAS NAS KYANG 'KHOR BA JI BO'I LAM DANG 'BRAS BU'I RTZA BA NI SNYING RJE CHEN PO KHO NA LAM DANG 'BRAS BU'I RTZA BA NI SNYING RJE CHEN PO KHO NA YIN NO, ,DE LA SNYING RJE NI GTZO BO YIN TE, TSAD MED PA GZHAN RNAMS KYANG DE SKYE BA DANG GNAS PA'I RGYU YIN PAS NGES PAR BSGOM DGOS, TSAD MED PA BZHI'I NGO BO NI MDO SDE RGYAN GYI 'GREL PA LAS, BYAMS PA NI SEMS CAN RNAMS LA BDE BA DANG LDAN PA'I RNAM PA YIN NO, ,SNYING RJE NI SDUG BSNGAL DANG BRAL BA'I RNAM PA YIN NO, ,DGA' BA NI SDUG BSNGAL MED PA'I BDE BA DANG MI 'BRAL BA'I RNAM PA YIN NO, ,BTANG SNYOMS NI TSOR BA DE DAG LA SEMS CAN RNAMS KYI KUN NAS NYON MONGS PA MED PAR BSGRUB PA'I RNAM PA YIN NO, ,ZHES BSHAD CING, BSGOM PA'I GO RIMS KYANG SLOB DPON KA MA LA SH'I LAS DANG POR BTANG SNYOMS BSGOM PAR BSHAD PA NI LAS DANG PO PA LA GNAD CHE BAR RTOGS TE SEMS CAN LA SEMS MI SNYOMS PA LA BYAMS PA DANG SNYING RJE RNAM DAG MI SKYE BA'I PHYIR RO, ,DES NA THOG MAR SEMS CAN THAMS CAD LA SEMS SNYOMS PA BSGRUB DGOS, DE LA BTANG SNYOMS KYI DMIGS PA DANG, RNAM PA DANG, BSGOM PA'I GO RIMS DANG, GOMS PA'I TSAD BZHI LAS, DMIGS PA NI SEMS CAN THAMS CAD DO, ,RNAM PA NI SEMS SNYOMS PA'O, ,BSGOM PA'I GO RIMS NI, DANG POR RANG LA PHAN GNOD GANG YANG MED PA'I BAR MA'I SEMS CAN ZHIG

, ,GSAL BAR DMIGS TE, 'DI'I NGOS NAS BDE BA 'DOD CING SDUG BSNGAL MI 'DOD LA, RANG GI NGOS NAS RES 'GA' NYE BAR BZUNGS NAS PHAN 'DOGS PA DANG, RES 'GA' RING BAR BZUNGS NAS GNOD PA SKYEL BA'I CHA GNYIS MI BYA BAR NYE RING CHAGS SDANG DANG BRAL BA'I SEMS SNYOMS PA ZHIG BYA'O SNYAM DU YANG YANG BSAM, DE LA SEMS SNYOMS PA NA, DE MDUN DU DMIGS BZHIN PA'I NGANG NAS, RANG GI MA LTA BU GANG YID DU 'ONG BA ZHIG LA DMIGS NAS SEMS SNYOMS PA BSGOM; DE LA SEMS MI SNYOMS PA NI CHAGS PA'I DBANG GIS YIN PAR 'DUG ,SNGAR YANG YID DU 'ONG BA LA CHAGS PAS 'KHOR BAR 'KHYAMS PA YIN SNYAM DU CHAGS PA SPANGS NAS BSGOM, DE LA SEMS SNYOMS PA NA, YID DU MI 'ONG NGES SHES PA'I SEMS CAN ZHIG LA DMIGS NAS SEMS SNYOMS PA BSGOM, DE LA SEMS MI SNYOMS PA NI RANG GI BLOS MTHA' GCIG TU MI MTHUN PAR BZUNG BAS ZHE SDANG BA YIN, 'DI LA SEMS MA SNYOMS NA BYANG CHUB KYI SEMS SKYE BA'I GNAS MED SNYAM DU ZHE SDANG BA SPANGS NAS BSGOM, DE LA SEMS SNYOMS PA NA, MA LTA BU'I SEMS CAN CHES YID DU 'ONG BA ZHIG DANG, DGRA LTA BU'I SEMS CAN CHES YID DU MI 'ONG BA ZHIG STE GNYIS GSAL BAR DMIGS NAS, SEMS CAN THAMS CAD BDE BA 'DOD CING SDUG BSNGAL MI 'DOD PAR KHYAD PAR MED LA, MDZA' BSHES BDE BA 'DOD CING SDUG BSNGAL MI 'DOD PA LTAR DGRA YANG BDE BA 'DOD CING SDUG BSNGAL MI 'DOD

LA, DON DAM PAR DGRA DANG GNYEN BSHES GANG YANG GRUB PA MED CING, KUN RDZOB TU SEMS CAN THAMS CAD GNYEN BSHES YIN PAR MTSUNGS TE, THOG MA MED PA CAN GYI 'KHOR BA NA SEMS CAN GANG LAN GRANGS MED PAR BDAG GI GNYEN DU MA GYUR PA GANG YANG MED NA, LA LA LA NI CHAGS LA LA LA NI SDANG BAR 'GYUR, DE LTA BAS NA BDAG GIS SEMS CAN THAMS CAD LA SEMS SNYOMS PA NYID DU BYA'O SNYAM DU YID LA BYA ZHING 'BAD PAS BSGOM MO, ,MDZA' BSHES DANG DGRA LA YANG SEMS SNYOMS PAR 'JUG PA DE'I TSE RIM GYIS SEMS CAN THAMS CAD LA SEMS SNYOMS PA NYID BSGOM, GOMS PA'I TSAD NI DGRA GNYEN BAR MA LA KHYAD PAR MED PAR SEMS SNYOMS PA'O, ,DE LTAR SEMS CAN THAMS CAD LA SEMS SNYOMS NAS BYAMS PA BSGOM STE, DE LA YANG DMIGS PA, RNAM PA, BSGOM PA'I GO RIMS, GOMS PA'I TSAD DANG BZHI LAS, DMIGS PA NI SEMS CAN THAMS CAD DO, ,RNAM PA NI BDE BA DANG PHRAD PAR 'DOD PA CHAGS PA DANG LAN RE BA MED PA STE, RIN CHEN 'PHRENG BA'I 'GREL PA LAS, BYAMS PA NI SEMS CAN RNAMS LA PHAN PA NYE BAR BSGRUB PA'I BSAM PA 'DOD PA'I 'DOD CHAGS DANG, LAN DU PHAN 'DOGS SU RE BA SPANGS PA'O, ,ZHES GSUNGS, BSGOM PA'I GO RIMS KYANG BSLAB BTUS LAS, GANG THOG MAR SNYING DU SDUG PA'I SEMS CAN LA PHAN PA DENG BDE BA NYE BAR BSGRUB PAR BSAM PA GOMS PAR BYED CING, DE DANG MTHUN PA'I BYAMS PA NYE BAR BSGRUB BO, ZHES GSUNGS PAS, THOG MAR

, ,RANG GI TSE 'DI'I MA'I BYAD GZUGS SOGS GSAL BTAB NAS DE LA SEMS GTAD DE 'DI LTAR BSAM STE, BDAG TSE SNGA MA'I NYE 'BREL SOGS THAMS CAD DANG BRAL NAS SRID PA BAR DOR RANG DBANG MED PAR 'KHYAMS SHING, MGON SKYABS DPUNG GNYEN SOGS GANG YANG MED PAR NYAM THAG PA'I SKABS SU MA 'DI DANG PHRAD NAS 'DIS BDAG MNGAL DU BZUNG STE, BDAG GIS BU RNYED SNYAM DGA' SPRO DPAG TU MED PA BYAS, RANG GI LUS KYI BCUD KYIS GSOS, BDAG LA GNOD PA'I BZA' BTUNG SOGS RANG GI SNYING LA 'DOD BZHIN DU SPANGS, RANG GI LUS LA ZUG RDU SOGS CI BYUNG YANG KHRO BA MED PAR BDAG GCES PAR BZUNGS TE BDAG 'TSO BA'I THABS 'BA' ZHIG LA 'BAD, BTZA' BA'I TSE LUS 'GAS BA LTA BU'I SDUG BSNGAL BZOD DKA' BA BYUNG YANG BDAG LA KHRO BA MED PAR BDAG GI PHYIR MA RANG GI SROG KYANG GTONG NUS PA'I BRTZE GDUNG CHE BAR BYAS, SKYES NAS SGREN MO LAG STONG 'BU 'DRA BA, MIG GIS GZUGS MI MTHONG ZHING, KHAS ZAS ZA MI SHES, YAN LAG BSGUL BSKYOD 'GRO 'DUG SOGS CI YANG MI SHES SHING, BSHANG GCI 'DOR BA TZAM YANG MI YONG BA'I SKABS, SOR MO BCU'I RTZE LA BLANGS, ZAS KHAS SNYAD, DRI MA LAG GIS PHYIS, LUS KYI DROD LA BCAR, 'JAM PA'I GOS G-YOGS, NGA'I BU ZHES SKAD CIG KYANG MI BRJED PAR YID LA 'DZIN, MA RANG SHIR NGOGS PA LAS BDAG SHIR DOGS PA'I BSAM PA SHUGS DRAG PA BYAS, RANG LA MED KYANG

GZHAN NAS BTZAL TE KHA ZAS 'PHROD PAS LEGS PAR GSOS, CHER SKYES NAS KYANG RANG GIS SDIG SDUG GTAM NGAN GANG LA'ANG 'JOM PA MED PAR 'BAD PAS BSAGS PA'I ZAS NOR LONGS SPYOD RANG GIS ZA BA DANG GZHAN LA SBYIN ZHING DGE PHYOGS SU GTONG BAR MA NUS PA THAMS CAD BLOS LING GIS BTANG NAS BDAG LA SBYIN, BDAG GIS PHAN PA GANG YANG MI BSGRUB KYANG BU YOD SNYAM PA'I BLO GDENGS 'CHA', DE LTAR DRIN GYIS BSKYANGS TSUL YANG YANG BSGOMS PA NA, DE'I DRIN GZO ZHING YID 'ONG GI BSAM PAS DA LTA LAG PAS 'KHYUD 'DOD PA 'DRA BA MA DE LA GCES 'DZIN GYI BLO SHUGS DRAG PO 'BYUNG, DE NAS PHA LA SOGS PA'I GNYEN GZHAN RNAMS LA BSGOM STE, DE'I TSUL NI, DE DAG GI BYANG BZHIN SOGS KYI RNAM PA GSAL BAR MDUN DU DMIGS NAS, 'DI DAG GIS TSE RABS THOG MA MED PA NAS BDAG GI MA BYAS PA LA GRANGS KYIS MI CHOD, MA NAM BYAS PA'I DUS TSE 'DI'I MAS DRIN GYIS BSKYANGS PA BZHIN DU DRIN GYIS LEGS PAR BSKYANGS SNYAM DU DRIN BGRANG ZHING DE DAG LA GCES 'DZIN GYI BLO TSE 'DI'I MA DANG 'DRA BA MA SKYES BAR DU BSGOM, DE LA GOMS PA BRTAN PO RNYED PA NA BAR MA RNAMS DANG DGRA DANG SEMS CAN THAMS CAD LA DMIGS NAS BSGOM, GOMS PA'I TSAD NI BU GCIG PA YID DU 'ONG BA LA PHAN PA BSGRUB PAR 'DOD PA'I BLO SKYE BA LTAR SEMS CAN LA SNYING THAG PA NAS PHAN BDE BSGRUB PA'I BLO SNYOMS PAR SKYE'O, ,DE NAS SNYING RJE BSGOM PAR BYA STE, DE LA YANG DMIGS PA,

, ,RNAM PA, BSGOM PA'I GO RIMS, GOMS PA'I TSANG BZHI LAS, DMIGS PA NI SEMS CAN SDUG BSNGAL DANG DE'I RGYU LA GNAS PA RNAMS SO, ,RNAM PA NI SDUG BSNGAL RGYU BCAS DANG BRAL BAR 'DOD BA'O, , BSGOM PA'I GO RIMS NI SEMS CAN GYI SDUG BSNGAL MTHA' DAG SNGAR 'KHOR BA'I NYES DMIGS BSGOM PA'I SKABS SU BSTAN PA LTAR BSAMS NAS DE DAG DANG BRAL 'DOD KYI SNYING RJE 'OG NAS 'BYUNG BA LTAR BSGOM, DE LA GOMS PA NA SDUG BSNGAL MDOR BSDUS BSAMS NAS BSGOM PAR BYA STE, DE LA SEMS CAN DMYAL BA PA DAG LA TSA GRANG LA SOGS PA'I SDUG BSNGAL RGYUN MI 'CHAD CING YUN RING LA SHUGS DRAG PA DANG, DUD 'GRO RNAMS KYANG GCIG LA GCIG ZA BA DANG, KHRO BA DANG, GSOD PA DANG, RNAM PAR 'TSE BA LA SOGS PAS SDUG BSNGAL, YI DVAGS RNAMS KYANG BKRES SKOM SOGS SDUG BSNGAL BZOD DKA' BAS GDUNG BA DANG, MI RNAMS KYANG 'DOD PA YONGS SU TSOL BAS PHONGS NAS GCIG LA GCIG GNOD PAR BYED PA DANG, GNYEN SDUG PA DANG BRAL BA DANG, DGRA MI SDUG PA DANG PHRAD PA DANG, NAD DANG, BKRES SKOM DANG, 'CHI BA LA SOGS PA'I SDUG BSNGAL DPAG TU MED PA DANG, LHA LA YANG 'DOD PA'I KHAMS KYI LHA 'DOD PA'I BDE BA SHIN TU CHEN PO SPYAD NAS MTHAR 'CHI BA 'BYUNG BA'I TSE MYA NGAN DRAG POS YID GDUNGS SHING SMRE SNGAGS 'DON BZHIN DU SHI NAS DMYAL BA LA SOGS PAR LTUNG BA'I SDUG BSNGAL DANG, DE BZHIN DU GZUGS DANG GZUGS

MED PA'I KHAMS KYI LHA RNAMS KYANG MTHAR NGAN SONG DU LTUNG BAR 'GYUR BA'I SDUG BSNGAL BSAM GYIS MI KHYAB PA YOD, DE LTAR NA 'KHOR BA MTHA' DAG SDUG BSNGAL GYI ME LCE 'BAR BA'I NANG NA ZHUGS PA YIN PAR BLTAS LA, JI LTAR BZOD DKA' BA'I SDUG BSNGAL DE DAG BDAG NYID MI 'DOD PA LTAR GZHAN THAMS CAD KYANG DE DANG 'DRA'O SNYAM DU BSAM ZHING, THOG MAR MA LA SOGS NYE DU SNYING DU SDUG PA GANG YANG RUNG BA ZHIG LA SNGAR BSHAD PA'I 'KHOR BA'I SDUG BSNGAL DE DAG THAMS CAD MYONG BZHIN DANG MYONG 'GYUR BSAM ZHING DE DAG SHIN TU MI BZOD PAS SDUG BSNGAL RGYU BCAS DANG BRAL 'DOD SNYING THAG PA NAS BSGOM, DE LA GOMS PA NA MDZAD BSHES GZHAN RNAMS DANG BAR MA DANG DGRA LA SOGS PA DANG SEMS CAN THAMS CAD LA GANG SNYING DU SDUG PA DE DANG 'DRA BAR SDUG BSNGAL RGYU BCAS DANG BRAL 'DOD KYI BLO BCOS MIN MA SKYES KYI BAR DRAN SHES NAR MAR BSTE NAS BSGOM PAR BYA'O, ,GOMS PA'I TSAD NI, YID DU 'ONG BA'I BU GCIG PU SDUG BSNGAL BA'I MA BZHIN DU SEMS CAN THAMS CAD SDUG BSNGAL DANG BRAL 'DOD KYI BLO 'BAD MED DU SKYE'O, ,DGA' BA NI BDE BA DANG MI 'BRAL BAR 'DOD PA YIN ZHING BDE BA DANG GTAN DU PHRAD PAR 'DOD PA'I BYAMS PA NYID DU 'DU BAS LOGS SU MA BSTAN NO, ,DES NA SEMS CAN THAMS CAD KYIS BDAG KHO RANG RNAMS LAS KYANG GCES PAR BSKYANGS PA'I MA YIN PAS, DE RNAMS SDUG BSNGAL LAS SGROL BA BDAG LA BAB, DE RNAMS SDUG BSNGAL GYIS MNAR

, ,BA 'DI YAL BAR BOR NAS BDAG NYID GCIG PU GROL BA DON DU GNYER NA DE LAS KHREL BOR BA MED PAS, BDAG GIS MA SEMS CAN THAMS CAD SDUG BSNGAL LAS GROL BA ZHIG CIS KYANG BYA'O SNYAM PA'I BSAM PA BCOS MIN SKYE BAR 'GYUR TE DE NI THEG CHEN GYI LHAG PA'I BSAM PA ZHES BYA'O, ,DE SKYES PA NA SEMS CAN THAMS CAD SDUG BSNGAL MTHA' DAG LAS SGROL BA'I NUS PA RDZOGS PA'I SANGS RGYAS LAS GZHAN LA MED PA DANG, DE'I SKU GSUNG THUGS KYI MDZAD PA SNA RES KYANG SEMS CAN MTHA' YAS PA SMIN GROL LA 'GOD NUS PAR MTHONG ZHING, DE NYID RANG GIS BSGRUB NUS PAR SHES NAS, BDAG GIS MAR GYUR SEMS CAN THAMS CAD 'KHOR BA'I SDUG BSNGAL LAS BSGRAL BA'I PHYIR RDZOGS PA'I SANGS RGYAS CI NAS KYANG THOB PAR BYA SNYAM PA'I BSAM PA SHUGS DRAG SKYE BAR 'GYUR LA, DE LTAR BYAMS SNYING RJE MTSAN NYID TSANG BA SNGON DU SONG BA LA BRTEN NAS SKYES PA'I SEMS DE NYID NI SMON PA SEMS BSKYED KYI MYONG BA MTSAN NYID TSANG BRGYUD LA SKYES PA ZHES BYA ZHING, DE SKYES PA'I GANG ZAG DE LA BYANG CHUB SEMS DPA' ZHES BYA'O, ,BYAMS SNYING RJE MTSAN NYID TSANG BA SNGON DU MA SONG BA'I DE DAG BLO BCOS PA TZAM GYI SGO NAS RGYUD LA BSKYED DE, DES KUN NAS BSLANGS PA'I SEMS CAN THAMS CAD KYI DON DU SANGS RGYAS THOB PAR BYA SNYAM PA TZAM NI, BYANG CHUB TU SEMS BSKYED PA TZAM YIN ZHING PHAN YON CHEN PO 'BYUNG YANG, THEG CHEN SEMS BSKYED KYI MYONG BA RGYUD LA SKYES PA'I BYANG CHUB

SEMS DPAR MI 'GYUR RO, ,SMON SEMS MTSAN NYID TSANG BA RGYUD LA SKYES PA NAS, DE NYID SANGS RGYAS MA THOB KYI BAR DU MI GTONG BAR DAM 'CHA' ZHING KHAS LEN PA'I CHO GA TSUL BZHIN DU BYED PA NI SMON SEMS CHO GAS BLANGS PA YIN, DE NAS DE'I BSLAB BYA MTHA' DAG LA SLOB CING SANGS RGYAS THOB PA'I PHYIR THEG CHEN GYI LAM LA SLOB DGOS, THEG CHEN GYI LAM MTHA' DAG LA SLOB 'DOD KYI BLO LEGS PAR SBYANGS NAS BYANG CHUB SEMS DPA'I SPYOD PA SPYAD DKA' BA JI 'DRA ZHIG LA'ANG SLOB NUS PA'I BSAM PA BRTAN PO SKYES PA NA, THEG CHEN GYI LAM MTHA' DAG LA SLOB PAR KHAS 'CHE BA'I 'JUG SDOM LEN PA'I CHO GA TSUL BZHIN DU BYA STE, DE NYID THEG CHEN GYIS DOM PA THOB PAR 'JOG GI SMON SEMS TSOGS BLANGS PA NI BAR MA DGE BAR 'GYUR GYI THEG CHEN GYI SDOM PAR MI 'GYUR ZHING, SMON SEMS DANG LAM LA SLOB 'DOD KYI BSAM PA SNGAR BSHAD PA LTA BU'I MYONG BA RGYUD LA 'KHOR BA MA SKYES PAR, BLA MA'I TSIG GIS LEGS PAR BSHAD PA NA YID KYI 'GYUR BA DRAG PO THON NAS BYANG CHUB MA THOB GYI BAR DU SMON PA SEMS BSKYED DE MI GTONG ZHING LAM LA SLOB PAR DAM 'CHA' BA'I KHAS LEN LAN GSUM BYAS PAS SDOM PA THOB KYANG BRTAN PAR MI 'GYUR BAS, LAM LA SLOB PA'I TSE RGYU 'BRAS MAN NGAG BDUN GYI RIM PAS MYONG BA SNGA MA SNGA MA SKYES NAS PHYI MA PHYI MA BSKYED DGOS PAS DE LTAR BSLAB PAR BYA'O, ,GSUM PA THABS BLA MA YI DAM LA GSOL BA GDAB PA'I MAN NGAG NI, RTZA TSIG, SPYI BOR BAL MA SNYING KHAR LHA, ZHES PAS STON TE, SPYI BOR BLA MA

, ,BSGOM PA DANG SNYING KHAR YI DAM GYI LHA BSGOM PA GNYIS PHYOGS GCIG TU GSUNGS PA LAS GSAL KA MA BYUNG YANG, PHYAG LEN LA BLA MA'I RNAL 'BYOR BSGOM PA SNGON 'GRO DANG, YI DAM GYI LHA BSGOM ZHING SNYING PO BZLA BA DNGOS GZHIR MDZAD PA'I LUGS GNYIS LAS, DANG PO SNGON 'GRO BLA MA'I RNAL 'BYOR BSGOM TSUL NI, RANG THA MAL DU GNAS PA'I SPYI BOR SHEL DKAR DRI MA MED PA'I BYANG CHUB CHEN PO'I MCHOD RTEN GDAN SENG KHRI PADMA BANG RIM BZHI BUM PA BRE TSES 'KHOR GDUGS CHAR KHEBS TOG DAR DBYANGS DANG BCAS PA MTSAN NYID THAMS CAD YONGS SU RDZOGS PA'I BANG RIM BZHI LA SGO STONG YOD PA, DE YANG ZHIB TU PHYE NA BANG RIM DANG PO'I PHYOGS RER SGO DRUG CU RE BZHI RE STE NYIS BRGYA LNGA BCU RTZA DRUG ,GNYIS PA'I PHYOGS RER DRUG CU RE GSUM RE STE NYIS BRGYA LNGA BCU RTZA GNYIS, GSUM PA'I PHYOGS RER DRUG CU RTZA GNYIS RE STE NYIS BRGYA ZHE BRGYAD, BZHI PA'I PHYOGS RER DRUG CU RE GCIG RE STE NYIS BRGYA ZHE BZHI YOD PA BSDOMS PAS SGO STONG TSANG ZHING, BUM PA'I LTE BA'I DBUS SU PAD ZLA'I STENG DU NGO BO RANG GI BRIN CAN RTZA BA'I BLA MA DE NYID YIN PA LA RNAM PA SPYAN RAS GZIGS KHA SARB'A nI SKU MDOG DKAR PO ZHES PA NAS, DVANGS GSAL 'OD KYI PHUNG PO'I DBUS NA LHAM MER BZHUGS PA, ZHES PA'I BAR SKYABS 'GRO'I TSOGS ZHING GI SKABS LTAR GSAL BTAB, DE NYID KYI STENG GI NAM MKHA' LA BRGYUD PA'I BAL MA RNAMS MTHO BRTZEGS SU BZHUGS PA, SGO STONG LA BSKAL BZANG GI

SANGS RGYAS STONG BZHUGS PA'I SHAR PHYOGS PA RNAMS DE BZHIN GSHEGS PA'I RIGS KYI RANG BZHIN SKU MDOG DKAR PO BYANG CHUB MCHOG GI PHYAG RGYA CAN, LHO PHYOGS PA RNAMS RIN PO CHE'I RIGS KYI RANG BZHIN SKU MDOG SER PO MCHOG SBYIN DANG MNYAM GZHAG GI PHYAG RGYA CAN, NUB PHYOGS PA RNAMS PADMA'I RIGS KYI RANG BZHIN SKU MDOG DMAR PO TING NGE 'DZIN GYI PHYAG RGYA CAN, BYANG PHYOGS PA RNAMS LAS KYI RIGS KYI RANG BZHIN SKU MDOG LJANG KHU SKYABS SBYIN DANG MNYAM GZHAG GI PHYAG RGYA CAN, THAMS CAD KYANG SPRUL SKU'I CHA LUGS CAN ZHABS RDO RJE'I SKYIL KRUNG GIS BZHUGS SHING, GTZO BO DANG ZHAL BLTA PHYOGS MTHUN PAR PHYOGS GCIG TU GZIGS PA, PHYI BLTAS NANG GSAL ZHING NANG BLTAS PHYI GSAL BA SNANG LA RANG BZHIN MED PA GSAL SING DE KHRA HRAM ME BZHUGS PA, RANG GI SNYING KHAR PADMA 'DAB MA STONG DANG LDAN PA KHA BYE ZHING RGYAS PAR GYUR PA'I LTE BAR RJE BTZUN KHA SARP'A nI SPYI BOR BSGOM PA DANG 'DRA BA BSKYED, 'DAB MA STONG LA AA DKAR PO SHEL DKAR DRI MA MED PA LTAR DVANGS SHING 'TSER BA RE GSAL BTAB, DE LTAR GSAL LEGS PAR THABS PA NA, SPYI BO'I BLA MA BSKAL BZANG GI RNAM 'DREN STONG DANG BCAS PA DANG, SNYING KHA'I YI DAM LHA'I SKU LAS 'OD ZER 'PHROS BSGOMS PA DANG 'DRA BA'I YE SHES PA SPYAN DRANGS TE SBSTIMS LA, YAN LAG BDUN PA RGYAS BSDUS SKABS BSTUN PHUL, MAR GYUR SEMS CAN THAMS CAD SNGAR BZHIN GSAL BTAB NAS DE DAG SDUG BSNGAL GYI TSOR BAR DRAG POS MNAR BA

, ,LA MI BZOD PA'I SNYING RJE DRAG PO BSKYED DE 'DI DAG SDUG BSNGAL LAS DA LTA NYID DU BSKYAB TU GSOL SNYAM PA'I SGO NAS THAL MO SNYING KHAR SBYAR TE GDU SHUGS DRAG POS, DPAL LDAN RTZA BA'I BLA MA YI DAM LHA, ,BDAG GI SPYI BO SNYING KHAR BAD ZLA'I STENG, ,DGYES SHING RTAG BZHUGS THUGS BRTZES NYER DGONGS LA, ,MCHOG DANG THUN MONG DNGOS GRUB STZAL DU GSOL, ,'GRO KUN BU GCIG LTAR GZIGS PAD DKAR 'CHANG, ,LTA NGAN MUN 'JOMS MI TRA DZO KYI DANG, ,'JIG RTEN MIG MCHOG BYAMS PA DPAL ZHABS LA, ,GSOL BA 'DEBS SO MCHOG THUN DNGOS GRUB STZOL, ,ZAB MO'I MDZOD 'DZIN BSOD NAMS DBANG PHYUG DANG, ,MKHYEN BRTZE'I MNGA' BDAG PU n+YA SIDHI'I ZHABS, , MKHAS SHING GRUB PA'I DBANG PHYUG YANG RTZE PAR, ,GSOL BA X, MDO SNGAGS BSTAN PA'I MNGA' BDAG BU STON RJE, ,DMIGS MED 'GROR BRTZE GZHON NU BSOD NAMS DANG, ,KHAMS GSUM 'GRO BA'I BLA MA TZONG KHA PAR, ,GSOL BA X, GZHUNG LUGS SGO BRGYA 'BYED MKHAS DGE LEGS DPAL, ,SNYAN BRGYUD ZAB DON GTER MNGA' BA SO RJE, ,MKHAS PA'I MCHOG GYUR LEGS PA CHOS 'BYOR LA, ,GSOL BA X, PAD DKAR 'DZIN PA DGE 'DUN RGYA MTSO'I DPAL, ,MDO SNGAGS DGONGS DON 'BYED MKHAS BSOD NAMS GRAGS, ,THAMS CAD MKHYEN PA PU n+YA S'A GAR RA, ,GSOL BA X, MKHAS MCHOG LHA BTZUN BSOD NAMS DPAL BZANG DANG, ,MDO SNGAGS BSTAN PA'I 'BYUNG

GNAS CHOS BZAD DPAL, ,'KHON RIGS MKHAS DBANG DPAL 'BYOR LHUN GRUB LA, ,GSOL BA X, GSANG SNGAGS ZAB DON KUN GZIGS A'A NANTA, ,RIGS KUN BDAG PO BLO BZANG RGYA MTSO'I SDE, ,BKA' DRIN MTSUNGS MED RTZA BA'I BLA MA LA, ,GSOL BA 'DEBS SO MCHOG THUN DNGOS GRUB STZOL, BLA MA SPYAN RAS GZIGS BSKAL BZANG GI SANGS RGYAS STONG DANG BCAS PA DANG YI DAM THUGS RJE CHEN PO BDAG LA DGONGS SU GSOL, BDAG DANG MA SEMS CAN THAMS CAD KYI RGYUD LA RTOGS PA KHYAD PAR CAN SKYE BAR BYIN GYIS BRLAB TU GSOL, BDAG GI PHA MA RIGS DRUG GI SEMS CAN MGON SKYABS DANG DPUNG GNYEN MED PA, LAS DANG NYON MONGS PA'I CHU SRIN DRAG POS ZIN NAS 'KHOR BSDUG BSNGAL GYI RGYA MTSOR GTAN DU BYING BA 'DI DAG DA LTA NYID DU BSGRAL DU GSOL, MYUR BA NYID DU BSGRAL DU GSOL, ZHES GDUNG SHUGS DRAG POS GSOL BA CI MANG BTAB PAS, SPYI BO'I BLA MA SPYAN RAS GZIGS BSKAL BZANG GI RNAM 'DREN STONG DANG BCAS PA'I THUGS RGYUD BSKUL NAS, DE RNAMS KYI THUGS KA NAS BDUD RTZI DKAR PO'I RGYUN 'O RKYAL MDUNG GIS PHUG PA BZHIN SKYA NAR GYIS BYUNG, SNYING KHA'I YI DAM THUGS RJE CHEN PO AA STONG DANG BCAS PA LA THIM, DE RNAMS LAS NGO BO SNANG STONG GNYIS SU MED PA'I YE SHES YIN PA LA RNAM PA ZAG MED KYI BDUD RTZI'I RGYUN DKAR PO DPAG TU MED PA BYUNG BA JE 'PHEL DU SOGS RANG GI LUS KYI NANG THAMS CAD SKYA MER GYIS GANG BAS RANG RGYUD KYI NYON MONGS BDUG GSUM DANG,

, ,DE'I DBANG GIS BSAGS PA'I LAS SGRIB, DE DAG GI RTZA BAR GYUR PA BDEN 'DZIN GYI MA RIG PA DANG BCAS PA THAMS CAD DUD KHU DANG SOL KHU DANG RANG KHRAG LA SOGS PA'I RNAM PAR BA SPU'I BU GA THAMS CAD DANG KHYAD PAR RKANG MTHIL DANG 'OG SGO GNYIS NAS NAG 'DUR GYIS THON TE DBANG CHEN GSER GYIS GZHI'I 'OG TU SONG BAS LUS SHEL GONG DRI MA MED PA LTAR DAG ,RANG GI LUS NGAG YID GSUM YI DAM THUGS RJE CHEN PO'I SKU GSUNGS THUGS SU GYUR, SLAR YANG ZAG MED KYI BDUD RTZI'I RGYUN SNGAR BZHIN BYUNG BA RANG GI LUS KYI NANG NAS THOGS PA MED PAR THON, DMYAL BA SOGS RIGS DRUG SO SO'I GNAS SU SONG NAS DE DAG LA REG PA TZAM GYIS TSA GRANG, BKRES SKOM, BKOL SPYOD, SKYE RGA NA 'CHI, 'THAB RTZOD, 'CHI 'PHO LTUNG BYED SOGS RIGS DRUG SO SO'I SDUG BSNGAL RGYU BCAS THAMS CAD SBYANGS NAS 'PHAGS PA SPYAN RAS GZIGS KYI GO 'PHANG LA BKOD, SNOD KYI 'JIG RTEN THAMS CAD KYANG ZAG MED KYI BDUD RTZIS GANG BAS DAG PA'I ZHING DU GYUR PAR BSAM ZHING DE LA RTZE GCIG TU MNYAM PAR 'JOG ,DE'I NGANG NAS BDAG GIS SEMS CAN THAMS CAD SDUG BSNGAL RGYU BCAS LAS BSGRAL, BDE BA RGYU BCAS DANG SBRAD SNYAM PA'I DGA' SBRO DPAG MED BSGOM ZHING DGE RTZA BYANG CHUB TU BSNGO, MTHAR RANG GI SNYING KHA'I SBYAN RAS GZIGS AA DANG BCAS PA LAS 'OD ZER 'PHROS, SNOD BCUD THAMS CAD LA PHOG PAS DE RNAMS 'OD DU ZHU STE SNYING KHA'I SPYAN RAS GZIGS AA

DANG BCAS PA LA THIM, SPYI BO'I BLA MA SBYAN RAS GZIGS SANGS RGYAS STONG DANG BCAS PA YANG SNYING KHA'I SPYAN RAS GZIGS AA DANG BCAS PA LA THIM, AA YIG RNAMS KYANG SNYING KHA'I SPYAN RAS GZIGS LA THIM, SPYAN RAS GZIGS DANG SPYI BO'I MCHOD RTEN YANG MI DMIGS PA'I DANG DU NAM MKHA' LA 'JA' YAL BA LTAR SONG BA'I TING NGE 'DZIN LA MNYAM PAR 'JOG ,LUGS 'DI BYIN RLABS 'JUG PA BLA MA'I RNAL 'BYOR DNGOS DANG, RGYUD SDE GZHAN LAS 'GAL RKYEN SDIG SGRIB SBYONG BA RDO RJE SEMS DPA'I BSGOM BZLAS GSUNGS PA'I GNANG KYANG 'DI NYID LA TSANG GSUNG, GNYIS PA DNGOS GZHI YI DAM GYI LHA BSGOM ZHING SNYING PO BZLA BA'I TSUL NI, RANG THA MAL DU GNAS PA'I SPYI BOR SHEL GYI MCHOD RTEN BSGOM PA NAS, SNYING KHAR YI DAM THUGS RJE CHEN PO GSAL 'DEBS PA'I BAR SNGAR BZHIN LA KHYAD PAR THUGS KAR ZLA BA'I DKYIL 'KHOR GYI STENG DU SA BON SNGAGS 'PHRENG DANG BCAS PA GSAL 'DEBS SHING, SKABS 'DIR YI DAM GYI LHA BSGOM PA LA GSAL SNANG 'DON PA GTZO BOR BYED, DE NAS GDUNG SHUGS DRAG POS, BLA MA YI DAM THUGS RJE CAN BDAG DANG RIGS DRUG GI SEMS CAN THAMS CAD KYI RGYUR BYIN GYIS BRLAB TU GSOL, ZHES GSOL BA BTAB PAS, SBYI BO'I BLA MA BSKAL BZANG GI SANGS RGYAS STONG DANG BCAS PA'I THUGS KA NAS 'OD ZER 'PHROS, SNYING KHA'I YI DAM AA STONG DANG BCAS PA LA THIM, DE DAG LAS 'OD ZER DPAG TU MED PA BYUNG BA DMYAL BA LA SOGS RIGS DRUG SO SO'I GNAS SU SONG BAS SNOD

, ,KYI MA DAG PA'I SKYON THAMS CAD SBYANGS NAS DAG PA'I ZHING KHAMS BDE BA CAN LTA BUR BSGYUR, BCUD KYI SEMS CAN RNAMS KYI SDIG SGRIB BAG CHAGS DANG BCAS PA THAMS CAD KYANG BYANG ZHING DAG STE 'PHAGS MCHOG SPYAN RAS GZIGS KYI SKUR GYUR, DE LTAR RANG DANG RIGS DRUG GI SEMS CAN SPYAN RAS GZIGS SU GYUR PA THAMS CAD KYIS SNYING PO 'DUR DIR DIR SA G-YO ZHING 'JIG RTEN GYI KHAMS KUN GANG BA TZAM DU SGROGS PAR MOS NAS CI NUS SU BZLA, MTHAR SNYING KHA'I YI DAM GYI THUGS KA NAS 'OD ZER 'PHROS, SNOD BCUD THAMS CAD LA PHOG PAS DE RNAMS 'OD DU ZHU BA RANG GI LUS LA THIM, SPYI BO'I BLA MA BSKAL BZANG GI SANGS RGYAS MCHOD RTEN DANG BCAS PA YANG SNYING KHA'I YI DAM LA THIM, PAD 'DAB KYI AA STONG YANG YI DAM LA THIM, YI DAM YANG ME LONG LA HA BTAB PA LTAR BSDUS NAS THUGS KA'I SNGAGS 'PHRENG LA THIM, SNGAGS 'PHRENG HR'I:YIG LA, DE'I RA BTAGS KHOG PA LA, KHOG PA GI GU LA, GI GU THIG LE LA, DE N'A DA LA, N'A DA YANG MI DMIGS PAR YAL BA'I STONG PA'I NGANG DU MNYAM PAR 'JOG ,BZHI PA RANG SEMS SKYE MED DU BSGOM PA'I MAN NGAG NI RTZA TSIG ,RANG SEMS SKYE MED BSGOM PAR BYA, ZHES PAS STON TE, DE LA YANG GANG ZAG GI BDAG MED BSGOM TSUL DANG, CHOS KYI BDAG MED BSGOM TSUL GNYIS LAS, DANG PO NI, SNGAR RANG DANG SNOD BCUD THAMS CAD 'OD GSAL DU BSDUS PA'I NGANG

DE LAS NAM MKHA' DVANGS PA LA SBRIN GLO BUR DU BYUNG BA LTAR 'PHAGS PA THUGS RJE CHEN PO'I SKUR THOL GYIS LANGS NAS 'DI LTAR BSAM STE, SEMS CAN THAMS CAD KYI RGYUD LA NGA'O SNYAM PA'I BCOS MIN GYI BLO SHUGS DAM SBRING DE BA ZHIG LHAN SKYES SU 'CHAR LA, DE GANG GI STENG DU TSUL JI LTAR 'CHAR DPYAD PA NA, PHUNG PO LNGA'I STENG DU BZHES PHAR BTAGS PA LA MA LTOS PAR YUL STENG NAS GRUB PA LTAR 'CHAR ZHING, DE LTAR SHAR BA BZHIN BLOS BZUNG BA'I NGA DE PHUNG PO LNGA DANG GCIG TU GRUB NA NGA GCIG YIN PA BZHIN PHUNG PO LNGA YANG GCIG TU 'GYUR LA, PHUNG PO LNGA DANG THA DAD DU GRUB NA, PHUNG PO LNGA YOD PA BZHIN NGA YANG LNGAR 'GYUR ZHING GCIG DANG DU MA GNYIS PHAN TSUN SPANGS TE GNAS PA'I DNGOS 'GAL YIN PAS GNYIS KA YIN PA MI SRID, DE 'DRA'I NGA DE PHUNG PO LNGA TSOGS TZAM GYI STENG DU GRUB NA PHUNG PO LNGA RE RE NAS BSAL BA'I RJES SU NGA DE 'DI'O ZHES NGOS GZUNG RGYU YOD DGOS PA LA, DE LTAR GTAN NAS MED PAS NGA DE GDAGS GZHI PHUNG PO LNGA'I STENG DU PHAR BTAGS NAS BZHAG PA TZAM MA GTOGS RANG NGOS NAS GRUB PA CI YANG MED SNYAM DU BLO THAG BCAD NAS DE'I RGYUN LA RTZE GCIG TU MNYAM PAR 'JOG PA NI MNYAM GZHAG NAM MKHA' LTA BU'I SKYONG TSUL YIN, MNYAM GZHAG DE LAS LANGS PA NA SGYU MA MKHAN GYIS RDE SHING RTA GLANG SOGS SU SPRUL PA'I TSE DER SNANG YANG, RTA GLANG DU MA GRUB PA BZHIN, KUN RDZOB TU BZA' BTUNG SOGS BYA BYED SNA TSOGS BYED PA'I NGA TZAM ZHIG SNANG YANG SNANG BA LTAR BDEN PAR MA GRUB PAS

, ,SNANG LA RANG BZHIN MED PA SNANG STONG TSOGS PA TZAM DU MOS NAS SKYONG BA NI RJES THOB SGYU MA LTA BU'I SKYONG TSUL YIN, GNYIS PA CHOS KYI BDAG MED BSGOM TSUL NI, GSER DNGUL RDZA 'DAM SOGS RIL POR YOD PA'I DUS NA DE LA BUM PA'O SNYAM PA'I BLO MI 'BYUNG ZHING, BYED POS BUM PA'I DBYIBS BCOS NAS CHU SKYOR BA SOGS DON BYED NUS PAR GYUR PA NA, DE LA BUM PA'O SNYAM PA'I BLO 'BYUNG LA, DE YANG CHA SHAS RE RE NAS BSAL BA'I RJES SU 'DI BUM PA'O ZHES NGOS GZUNG RGYU GTAN NAS MED PAS, CHU SKYOR SOGS BYED PA'I BUM PA'I DBYIBS DE LA BUM PA ZHES RTOG PAS PHAR BTAGS NAS BZHAG PA TZAM MA GTOGS KHO RANG GI NGOS NAS BUM PAR MA GRUB STE, BYIS PA BTZAS MA THAG PA ZHIG LA MING KUN DGA' ZHES MA BTAGS PAR DE LA 'DI KUN DGA'O SNYAM PA'I BLO MI 'BYUNG, DE LA MING DE BTAGS PA'I RJES SU DE MTHONG BAN KUN DGA'O SNYAM PA'I BLO 'BYUNG BAS, DE LA MING GIS BTAGS BA TZAM MA GTOGS KHO RANG GI NGOS NAS KUN DGAR MA GRUB BAS MTSON TE, GZUGS NAS RNAM SHES KYI BAR GYI CHOS THAMS CAD RTOG PAS BTAGS NAS BZHAG PA TZAM MA GTOGS RANG NGOS NAS GRUB PA RDUL TZAM YANG MED CING, DE LTAR MED PAR NGES PA'I NGES SHES KYI RGYUN SKYONG BA NI MNYAM GZHAG NAM MKHA' LTA BU'I SKYONG TSUL DANG, RJES THOB KYI GNAS SKABS SU SGYU MA MKHAN GYIS RDE SHING RTA GLANG SOGS SU SPRUL BA'I TSE KHO RANG LA DE DAG TU SNANG YANG ZHEN PA MED PA LTAR KUN RDZOB KYI CHOS THAMS

CAD RANG BZHIN GYIS GRUB PAR SNANG YANG DER MA GRUB PAR NGES PA NI RJES THOB SGYU MA LTA BU'I SKYONG TSUL YIN, GNYIS PA 'CHI KHA'I GDAMS NGAG GI SNYING PO 'PHO BA BSGOM PA NI, RTZA TSIG, RANG LUS MCHOD SBYIN BYAS NAS NI, ,LTOS PA THAMS CAD RAB SPANGS TE, ,'OD KYI SBU GU'I SBYOR BA YIS, ,SEMS NI DGA' LDAN GNAS SU 'PHANGS, ZHES BAS BSTAN CING, DE'I DON NYAMS SU LEN TSUL LA SGYU LUS TSOGS SU DBUL BA, YID KYI 'BREL THAG BCAD BA, THAR PA'I LAM CHEN DBYE BA, RNAM SHES GYEN DU 'PHAR BA DANG BZHI LAS, DANG PO NI, RANG NYID 'KHOR BA THOG MA MED PA NAS 'DIR MA SKYES BYA BA DANG LUS 'DI MA BLANGS BYA BA GCIG KYANG MED, DE DAG TU SKYES NAS KYANG RANG GI LUS 'TSO BA'I PHYIR SDIG SDUG DKA' BA SNA TSOGS SBYAD, DA LEN GYI SKYE BA 'DI LA'ANG LUS 'DI 'TSO THABS KHO NA'I PHYIR SDIG BA SNA TSOGS BYAS, DE'I 'BRAS BU LAS NGAN PA BSAGS PA RNAMS CHU DANG CHU RLABS BZHIN DU 'BRAL MED PHYIR 'KHYER DGOS, LUS 'DI RANG DBANG MED PAR BOR NAS 'JIG RTEN PHA ROL TU 'GRO DGOS NA, 'DI DON MED DU GTONG BA SHIN TU BLUN, DES NA 'DI LA BRTEN NAS TSOGS RGYA CHEN PO BSAGS TE, PHYI MAR BDE BA'I THABS SHIG CES KYANG BYA DGOS SNYAM PA'I SGO NAS THOG MAR TSOGS ZHING GSAL GDAB PA NI, RANG GI MDUN GYI THAD DRANG GI NAM MKHAR SENG GE CHEN PO BRGYAD KYIS BTEG PA'I RIN PO CE'I KHRI MTHO ZHING YANGS PA'I STENG DU, NGO BO RANG GI DRIN CAN RTZA BA'I BLA MA YIN PA LA RNAM PA SBYAN RAS GZIGS KHA SARB'A nI SKU

, ,MDOG DKAR PO, ZHES PA NAS, DVANGS GSAL 'OD KYI PHUNG PO'I DBUS NA LHAM MER BZHUGS PA, ZHES PA'I BAR SNGAR LTAR LA, DE'I STENG PHYOGS KYI NAM MKHA' LA RTZA BRGYUD KYI DPAL LDAN BLA MA DAM PA RNAMS DANG SANGS RGYAS DANG BYANG CHUB SEMS DPA'I TSOGS NAM MKHA'I KHAMS GANG BA, THUGS KA'I THAD KYI CHA LA YI DAM DKYIL 'KHOR GYI LHA TSOGS RNAMS DANG, LTE BA'I THAD KYI NAM MKHAR GNAS GSUM GYI MKHA' 'GRO DPA' BO DPA' MO CHOS SRUNGS DAM CAN RGYA MTSO'I TSOGS DANG BCAS PA BZHUGS PA, KHRI'I 'OG THAD DU RANG LA TSE 'KHOR BA THOG MA MED PA NAS LAN CHAGS BU LON SHA 'KHOR GNYER BA'I GDON BGEGS RNAMS DANG, GZHAN YANG RIGS DRUG GI SEMS CAN THAMS CAD SA'I DREG PA BZHIN SMUG SHIG GI YOD PA GSAL BTAB, RANG GI RNAM PAR SHES PA THUGS RJE CHEN PO'I SKU MTSON GANG PA ZHIG TU GYUR NAS SNYING KHAR YOD PA DE PHAt CES BRJOD PA DANG MNYAM DU SBYI BO NAS RGYANGS KYIS THON TE YI DAM THUGS RJE CHEN PO'I MDUN GYI BAR SNANG LA YE RE 'KHOD PA DES THAL MO SBYAR TE, BLA MA DANG YI DAM THA MI DAD PA LA MOS GUS RTZE GCIG PA'I SGO NAS, BLA MA YI DAM THUGS RJE CAN BDAG GI LUS 'DI LA BRTEN NAS TSOGS RGYA CHEN PO BDE BLAG TU RDZOGS PAR MDZAD DU GSOL, ZHES GSOL BA BTAB PAS RANG GI LUS DE CHE LA BZANG ZHING TSO BA BKRAG MDANGS DANG LDAN PA ZHIG TU GYUR, DE NAS YI DAM THUGS RJE CHEN PO'I ZHAL NAS AOm A'A: H'Um, ZHES LAN GSUM BRJOD LAS

RANG GI MGO SNGA MA SNGA MA CHAD PA'I SHUL DU PHYI MA PHYI MA SKYES PA YANG CHAD DE MI MGO'I SKYED BU RI RAB DANG MNYAM PA GSUM BYUNG BAR BSAM, DE RJES YI DAM GYI THUGS KA NAS MKHA' 'GRO MA DMAR MO GRI THOD 'DZIN BA ZHIG RGYANGS KYIS THON NAS RANG GI MGO PHYI MA SKYES PA'I THOD PA SMIN MTSAMS NAS PHRAL TE SGYED BU GSUM GYI STENG DU BKAL BAS THOD PA PHYI DKAR LA NANG DMAR BA YANGS SHING RGYA CHE BA STONG GSUM 'JIG RTEN GYI KHAMS DANG MNYAM PAR GYUR, MKHA' 'GRO MA DE NYID LAS RANG 'DRA DPAG TU MED PA CHAD PAS RANG GI LUS DE DUM BUR BCAD CING GTUBS NAS THOD PA'I NANG DU BLUG PA SHA KHRAG GI RGYA MTSOR GYUR NAS THOD PA MER GYIS GANG BA LA, YI DAM GYIS AOm A'A:H'Um ZHES GSUNG ZHING BYIN GYIS BRLABS PAS ZAG PA MED PA'I BDUD RTZI KHA DOG DMAR SER DRI RO PHUN SUM TSOGS PA ZHIG TU GYUR PA DE LAS MKHA' 'GRO MA RNAMS KYIS PHYAG GI THOD PAS 'DZAD MED DU LUM GYIS BCUS NAS, THOG MAR YI DAM THUGS RJE CHEN PO LA 'BRU GSUM LAN NYER GCIG SOGS BRJOD CING MCHOD PA LJAGS 'OD ZER GYI SBU GUS DRANGS TE GSOL BAS THUGS RGYUD ZAG MED KYI BDE BAS NMYES SHING RANG GI TSOGS BDE BLAG TU RDZOGS PAR BSAM, DE BZHIN DU RTZA BRGYUD KYI BLA MA, YI DAM DKYIL 'KHOR GYI LHA TSOGS, GNAS GSUM GYI MKHA' 'GRO, ,CHOS SKYONG BSRUNG MA'I TSOGS LA MCHOD PAS KYANG THUGS RGYUD ZAG MED KYI BDE BAS MNYES SHING RANG GI TSOGS BDE BLAG TU RDZOGS PAR BSAM, DE NAS GNOD BYED GDON BGEGS LAN CHAGS SHA 'KHON BA

, ,YON YOD PA RNAMS DANG RIGS DRUG GI SEMS CAN THAMS CAD LA BYIN PAS DE DAG GI RGYUD MA RUNGS PA'I GDUG RTZUB THAMS CAD ZHI ZHING, LAN CHAGS BU LON SHA 'KHON GNYER BA RNAMS DANG RIGS DRUG SO SO'I MA DAG PA THAMS CAD BYANG ZHING DAG NAS SHES RGYUD ZAG MED KYI BDE BAS TSIMS NAS THUGS RJE CHEN PO'I SKUR GYUR TE THAMS CAD DAG PA'I ZHING DU SONG, LAS DANG NYON MONGS PA'I DBANG GIS GRUB PA'I SNOD KYI 'JIG RTEN YANG SBYANGS NAS DAG PA'I ZHING KHAMS SU GYUR, RANG GI LUS 'DI LA BRTEN NAS ZHING MCHOG RNAMS MNYES PAR BYAS, RIGS DRUG GIS BSDUS PA'I SEMS CAN THAMS CAD BDE BA BLA NA MED PA LA BKOD PAS TSOGS RGYA CHEN PO RDZOGS SHING DON RLABS PO CHE GRUB SNYAM DU DGA' BA BSGOM, MTHAR MDUN GYI TSOGS ZHING RNAMS KYANG MTHA' NAS RIM BZHIN YI DAM THUGS RJE CHEN PO LA THIM, THUGS RJE CHEN PO YANG RANG GI RNAM SHES KYI NGO BO THUGS RJE CHEN PO'I SKUR GSAL BA LA THIM, DE YANG MI DMIGS PA'I NGANG DU MNYAM PAR BZHAG ,BDAG GIS SKYE BA 'DI NYID KYI SNGA ROL TU LUS GRANGS MED PA ZHIG BLANGS SU ZIN KYANG RANG DBANG MED PAR BOR NAS, RNAM PAR SHES PA GCIG PU 'DIR 'ONGS PA YIN, DA RES KYI LUS 'DI YANG G-YAR KHANG GOG PO LTAR BOR NAS RNAM PAR SHES PA GCIG BU RANG DBANG MED PAR 'GRO DGOS NA CI'I PHYIR LUS 'DI LA CHAGS PAR BYED SNYAM DU 'BREL THAG BCAD DO, ,GNYIS PA YID KYI 'BREL THAG BCAD PA NI, BDAG GIS TSE 'KHOR BA THOG MA MED

PA NAS GNYEN NYE DU, NOR LONGS SPYOD SOGS LA CHAGS SHING ZHEN NAS MI DGE BA MTHA' YAS PA ZHIG BSAGS, DE LA BRTEN NAS NGAN SONG GSUM DU YANG YANG SKYES TE SDUG BSNGAL DPAG TU MED PA MYONG, 'DIR YANG GNYEN BSHES GROGS DGA' MDZA' 'DI RNAMS TSE SNGA MA'I LAS 'BREL DBANG GIS RTZVA RDUL RLUNG GIS SPUNGS PA LTAR YUNG TZAM ZHIG 'DUS PA YIN, MTHAR YANG DE NYID RANG DBANG MED PAR RLUNG GIS 'KHYER BA BZHIN LAS KYI 'PHRO RDZOGS NAS BDAG GIS 'DI DAG 'DOR, 'DI DAG GIS KYANG BDAG DOR NAS SO SOR GYES 'GRO ,'DI DAG GI CHED DU BSAGS PA'I SDIG PA'I KHUR SHIN TU LCI BA DE BDAG NYID GCIG PUS KHUR TE 'GRO BA LAS SU LA'ANG SKAL BA BGOR MED CING, 'CHI BA'I NANG BAR SUS KYANG PHAN PA MED NA CI'I PHYIR CHAGS PAR BYED SNYAM DU YID KYI 'BREL THAG BCAD, NOR LONGS SPYOD GNAS KHANG LA SOGS PA 'DI DAG KYANG DANG POR MED PA TSOL BA, YOD PA NYAMS KYIS DOGS NAS BSRUNG BA, CHOG MA SHES NAS MCHOG GSUM DAM PA'I DKOR LA 'BAGS PA, GZHAN GYI NOR LA BRNAB SEMS DANG MA BYIN PAR LEN PA SOGS DE DAG GI DON DU SROG BLOS BTANG NAS MI DGE BA SNA TSOGS SHIG BSAGS SHING, DKA' SPYAD DPAG TU MED PAS LUS SEMS SDUG BSNGAL DU BCUG KYANG 'CHI BA'I NANG PAR SPU TZAM 'KHYER DBANG NI MED, LAS NGAN PA'I KHUR SHIN TU LCI BA DE KHYER NAS DE DAG BLOS MI THONGS BZHIN BZHAG STE SGREN MO LAG STONG DU BAR DO'I 'PHRANG LA 'JIGS SKRAG DNGAGS GSUM GYI SDUG BSNGAL

, ,DANG BCAS 'GRO DGOS NA, DA LTA NYID DU DKON MCHOG MCHOD PA LA SOGS PA TSOGS RGYA CHEN PO BSAGS TE 'DI DAG LA SNYING PO ZHIG BLANG BAR BYA'O SNYAM PA'I SGO NAS THAMS CAD DGE PHYOGS SU BTANG NAS DE DON CAN DU SONG SNYAM PA'I DGA' PA BSGOM, BDAG GI TSE SNGA MA RNAMS SU YANG LUS LONGS SPYOD GNYEN 'KHOR SOGS 'DI BAS LHAG PA DU MA BYUNG YOD PAR MCHIS TE THAMS CAD DU:KHA MI BZAD PA'I RGYU 'BA' ZHIG TU SONG BA LAS SNYING PO CI YANG MA LON, DA RES THAMS CAD DGE BA'I PHYOGS SU SONG BAS DA NI CI LA'ANG MI CHAGS SNYAM DU YID KYI 'BREL THAG BCAD, 'DI DAG LA SNYING THAG PA NAS BLO THAG CHOD PA ZHIG MA BYUNG NA BYA NAM MKHA' LA 'PHUR PA'I RKANG PA RDO LA BTAGS PA DANG 'DRA BAS CIS KYANG BLO THAG CHOD PA BYA'O, ,GSUM PA THAR PA'I LAM CHEN DBYE BA NI, DE LTAR TSE 'DI'I GNYEN 'KHOR LUS LONGS SPYOD SOGS LA ZHEN CHAGS GTAN NAS SPANGS TE, DGA' LDAN GYI GNAS NA RJE BTZUN MA PHAM MGON PO 'KHOR BYANG CHUB SEMS DPA'I TSOGS LA THEG PA CHEN PO'I CHOS KYI DGA' STON STZOL BZHIN PA'I YON TAN GYI TSOGS LA MOS GUS DANG, BDAG KYANG DER CIS KYANG 'PHO SNYAM PA'I BSAM PA SHUGS DRAG PO DANG LDAN PAS 'DI LTAR GSAL GDAB STE, DGA' LDAN CHOS KYI PHO BRANG ZHES BYA BA RIN PO CHE'I KHANG BZANG GIS YONGS SU BSKOR BA'I DBUS NA CHOS KYIS MTHO BA'I PHO BRANG RGYAL MTSAN MTHON PO ZHES BYA BA YOD, DE'I MDUN NGOS NA RJE BTZUN BYAMS PA MGON PO CHOS KYI 'KHOR LO

BSKOR BA'I GNAS YID DGA' TSES 'DZIN ZHES BYA BA RIN PO CHE'I RANG BZHIN LAS GRUB PA THA GRU YANGS SHING SHIN TU RGYA CHE BA'I DBUS SU SENG GES BTEG PA'I RIN PO CHE'I KHRI MTHO ZHING YANGS PA'I STENG DU RJE BTZUN MA PHAM MGON PO SKU MDOG GSER BCO MA LTA BU LHUN PO LTAR CHE ZHING BRJID CHAGS PA, NYI 'OD 'BUM GYIS SPUD PA LTA BU'I GZI MDANGS CAN, BZANG PO'I BZHUGS STANGS KYIS RANG CAG 'DZAM BU GLING PA RNAMS LA ZHAL GZIGS PA, BYANG CHUB SEMS DPA'I 'KHOR TSOGS LA SHES RAB KYI PHA ROL TU PHYIN PA LAS BRTZAMS PA'I THEG PA CHEN PO'I CHOS LHANG LHANG GSUNG PA RANG GIS MNGON SUM DU MTHONG ZHING THOS PA LTA BU'I SNANG BA MA SHAR GYI BAR DU BSGOM, DE NAS RANG THA MAL DU GNAS PA'I SNYING KHAR RANG GI SEMS RJE BTZUN KHA SARB'A n'I SKU MTSON GANG TZAM ZHIG TU GSAL BTAB, DE NYID KYIS RGYAL BA MA PAM MGON PO LA DAD MOS DRAG PO DANG LDAN PAS, MGON PO THUGS RJE'I BDAG NYID CAN BDAG 'KHOR BA SBYI DANG BYE BRAG NGAN SONG GSUM GYI 'JIGS PA MI BZAD PA LAS DA LTA NYID DU BSKYABS TE DGA' LDAN GYI GNAS SU DRANG DU GSOL, THEG PA CHEN PO'I CHOS KYI BDUD RTZIS TSIM PAR MDZAD DU GSOL, ZHES GDUNG SHUGS DRAG POS GSOL BA BTAB PAS RJE BTZUN GYI THUGS KA NAS 'OD ZER SER PO SBU GU CAN PHU DUNG BRKYANGS PA LTAR NAR TE BYUNG, RANG GI RTZA DBU MA TSANGS BUG LA ZUG PA RGYA MTHONG KHA PHYE BA LTAR YOD PA LA ZUG NAS PHU DUNG SNA SBRAD PA LTAR YOD PAR, RANG SEMS THUGS RJE CHEN POR GSAL BA DES DBU MA'I NANG NAS 'OD KYI SBU GU'I NANG

, ,LA YAR BLTAS PAS RJE BTZUN BYAMS MGON GYI THUGS KA GSER GYI ME LONG PHYIS PA LA NYI 'OD PHOG PA LTAR SER LHAG GE YOD PA MTHONG BAS MI PHYED PA'I DAD PA DANG, 'OD KYI SBU GU LA RANG GANG NAS 'GRO BA'I LAM GYI 'DU SHES DANG, LAM DE NAS RJE BTZUN GYI THUGS KAR 'PHO SNYAM PA'I 'DU SHES DANG LDAN PA BYA'O, ,BZHI PA RNAM SHES GYEN DU 'PHANG BA NI, MGON PO THUGS RJE'I BDAG NYID CAN BDAG LAM 'DI NYID NAS DA LTA NYID DU DRANG DU GSOL, MYUR BA NYID DU DRANG DU GSOL, 'DUG SA 'DI NYID DU DRANG DU GSOL, ZHES GSOL BA BTAB PAS RJE BTZUN GYI THUGS KA NAS 'OD ZER LCAGS KYU LTA PHU BYUNG BAS RANG SEMS SBYAN RAS GZIGS SU GSAL BA DE BZUNGS NAS, DBU MA'I NANG NAS YAR 'OD KYI SBU GU'I NANG BRGYUD GYEN DU DRANGS NAS RJE BCUN GYI THUGS KAR SLEBS PA DANG, SLAR YANG RIM GYIS PHAB NAS RANG GI SNYING KHAR 'GOD, DE LTA BU'I TSUL GYIS YANG YANG SBYANGS TE, THUN 'JOG 'DOD PA NA, RJE BTZUN GYI THUGS KA NAS 'OD KYI SBU GU PHU DUNG GI RNAM PA CAN DE RBAD KYIS CHAD NAS, GSER LUGS SU BLUG PA LTAR RANG GI TSANGS BU GSER KHYIL LE BKAG PAR BSAM PA NI TSE RING BA'I RTEN 'BREL DU 'GYUR ZHES GSUNG, TSUL DE LTAR YANG YANG SBYANGS PAS 'BYONGS RTAGS SU SBYI BO SKRANGS BA DANG, ZA BA DANG, 'KHRIG PA DANG, CHU SER 'BYUNG BA SOGS 'ONG LA, DE LTAR MA BYUNG BAR DU SBYANG ZHING BYUNG NAS KYANG SBYANGS NA 'PHO TSAD LAS THAL BA'I NYES PA 'BYUNG BAS, RIN PO CHE'I GTOR

THEBS G-Y'A DANG BRAL BA SBYI BOR 'GEBS SHING GROGS KYIS RKANG MTHIL BRDUNG BA SOGS BYA, GAL TE BA CHI LTAS KYIS ZIN NA'ANG THOG MAR 'CHI BLU SOGS KYIS BZLOG CI THUB BYA DGOS LA, DE LTAR MA BYAS PAR DUS MIN DU SBAR BA SOGS BYAS NA RANG GIS RANG BSAD PA DANG 'DRA BA'I NYES DMIGS CHE, 'CHI BLU SOGS KYIS KYANG BZLOG MI THUB PA'I MTSAN MA BRTAN PO SHAR BA NA, SA CHU LA THIM PA TZAM GYI SKABS SU GONG GI DMIGS PA RNAMS GSAL LEGS PAR BTAB STE, TSE 'DI'I LUS LONGS SPYOD GNYEN 'KHOR GANG LA'ANG CHAGS ZHEN MED PAR THAG RBAD KYIS BCAD DE, RJE BTZUN GYI THUGS KAR 'PHO SNYAM PA'I BSAM PA DANG LDAN PAS RANG SEMS THUGS RJE CHEN POR GSAL BA DE NYID 'OD KYI SBU GU'I NANG BRGYUD RJE BTZUN GYI THUGS KAR 'PHO ZHING 'OD KYI SBU GU YANG DE NYID DU BSDU, RANG SEMS THUGS RJE CHEN POR GSAL BA DANG RJE BTZUN GYI THUGS DBYER MED DU GYUR PAR BSAM, SLAR YANG RANG SEMS RJE BTZUN GYI THUGS KA NAS 'THON TE, RJE BTZUN GYIS CHOS STON PA'I MDUN SA DE NYID DU PADMA 'DAB MA STONG LDAN ZHIG GI DBUS SU, LHA'I BU RNAM DPYOD DANG BLO GROS MCHOG TU GYUR PA THEG PA CHEN PO'I CHOS LA 'DOD DGUR LONGS SPYOD PA'I SKAL BA CAN ZHIG TU SKYE BA BLANGS NAS GSUNG GI BDUD RTZI NGOMS MED DU 'THUNG BAR BSAM, GSUM PA BAR DO'I GDAMS NGAG GI SNYING PO BSRE BA BSGOM TSUL NI, RTZA TSIG, 'DI NYID BAR DOR SHES BYAS NAS, ,PHYI NANG GSANG BA BSGYUR BYAS TE, ,STONG NYID SNYING RJE'I RNAL 'BYOR GYIS, ,MKHAS PAS NYID MTSAMS SBYAR BAR BYA, ZHES BAS STON LA DE YANG

, ,CHA TSIG LAS BAR DO SBYONG BA TZAM LAS MA GSUNGS KYANG, PHYAG LEN LA THOG MAR RMI LAM SBYONG BA YIN GSUNG BAS DES NA RMI LAM SBYONG BA DANG, BAR DO SPYONG BA GNYIS, DANG PO NI, NYIN PAR GNYID DU MA SONG BA'I DUS SU SNANG BA'I RI RAB KHANG KHYIM LA SOGS PA SNOD DANG, MI BYA KHYI GCAN GZHAN SOGS BCUD THAMS CAD RMI LAM YIN, BDEN PAR GRUB PA RDUL TZAM YANG MED, RMI LAM LA RMI LAM DU NGO SHES PAR BYA SNYAM DU YANG YANG SBYONG ZHING, GNYID DU 'GRO KHAR GLO G-YAS PA PHAB STE SENG GE'I NYAL STABS KYIS NYAL NAS, RANG NYID THUGS RJE CHEN POR BSGOMS PA'I SBYI BOR BLA MA BSGOMS TE RMI LAM GSAL ZHING BZANG BA ZIN PA DANG ZIN NAS KYANG DGE SBYOR RGYUD LA SKYE BA'I MTHUN RKYEN TSANG ZHING 'GAL RKYEN ZHI BA'I GSOL BA GANG MANG BTAB, MGRIN PAR PADMA DMAR PO 'DAB MA BZHI PA ZHIG GI LTE BA'I DH'U TI'I NANG DU A'AAM AOm DMAR PO ZHIG GSUNG RDO RJE'I BO BOR BSAM, DE LA SHES PA GTAD DE GZHAN DU MI 'GRO BAR BYAS NAS SEMS GZUNG BA'I NGANG NAS GNYID DU 'GRO BAR BYA'O, ,DE LTAR DMIGS PA GZUNG BA DES KYANG MA ZIN NA, SNGAR BZHIN YANG YANG BSKYAR NAS GZUNG, DES KYANG MA ZAN NA ZIN THABS KYI DMIGS PA SBO TSUL SOGS GZHAN LAS SHES PAR BYAS TE RMI LAM ZIN PAR BYA, RMI LAM BYUNG DUS SU'ANG RMI LAM DU NGO SHES PAR BYAS NAS RMI LAM GYI DGE SBYOR BSKYANG BAR BYA'O SNYAM PA'I 'PHEN PA DRAG PO GTONG, RMI LAM GYI SKABS SU MI DANG KHYI SOGS KYIS GTZO BA, MUN NAG 'THIBS PA'I NANG DU 'GRO

BA SOGS BZANG NGAN GYI SNANG BA CI SHAR YANG NGED RMI LAM GYI SNANG BAR 'DUG SNYAM DU NGOS ZIN PAR BYA ZHING, DE LTAR YANG YANG SBYANGS BAS RMI LAM NGOS ZIN PA NA, PHYI NANG GSANG BA BSGYUR BYAS STE, ZHES GSUNGS PA LTAR PHYI BSGYUR BA DANG, NANG BSGYUR BA DANG, GSANG BA BSGYUR PA GSUM LAS, DANG PO NI, DA LTA'I DUS KYI SNANG PA 'DI THAMS CAD RMI LAM GYI SNANG BA YIN PAS, BZANG PO NGAN PAR BSGYUR BA DANG, NGAN PA BZANG POR BSGYUR BA LTA BU GANG 'DOD DU BSGYUR BDE, DES NA MA DAG PA'I SNANG BA 'DI THAMS CAD DAG PA'I SNANG BAR BSGYUR BAR BYA'O SNYAM PAS RI RAB KHANG KHYIM LA SOGS PA PHYI SNOD KYI 'JIG RTEN THA MAL GYI SNANG BAR SHAR BA 'DI THAMS CAD RMI LAM GYI SNANG BA 'KHRUL PA YIN, 'DI LTAR DU GRUB PA MED SNYAM DU BSAMS NAS, DA DAG GI RJES SU MI 'JUG PAR DAG PA'I ZHING KHAMS BDE BA CAN LTA BUR BSGYUR NAS BSGOM, GNYIS PA NANG BSGYUR BA NI, MI DANG DUD 'GRO LA SOGS PA BCUD KYI SEMS CAN YID DU 'ONG MI 'ONG GANG SNANG YANG RMI LAM 'KHRUL PA'I SNANG BA YIN, 'DI LTAR DU GRUB PA MED SNYAM DU BSAMS NAS, BCUD KYI SEMS CAN THAMS CAD YI DAM GYI SKUR BSGYUR NAS BSGOM MO, ,GSUM PA GSANG BA BSGYUR BA NI, DE LTAR DU SNANG BA'I DAG PA'I RTEN BRTEN PA THAMS CAD KYANG RTOG PAS BTAGS PA TZAM MA GTOGS YUL KHO RANG GI NGOS NAS GRUB PA MED SNYAM DU THAG BCAD NAS, CHOS THAMS CAD RANG NGOS NAS GRUB PAS STONG PA'I STONG PA NYID KYI DON LA RTZE GCIG TU GZHAG PAR BYA'O, ,GNYIS PA PAR DO SBYONG BA NI, DANG

, ,POR DA LTA'I SNANG BA 'DI THAMS CAD BAR DO'I SNANG BA YIN, BAR DO LA BAR DOR NGO SHES PAR BYA SNYAM DU YANG YANG SBYONG ZHING, DE NAS PHYI NANG GSANG BA BSGYUR BA SOGS BYA STE, RMI LAM DANG BAR DO ZHES PA'I KHYAD PAR TZAM MA GTOGS SBYONG TSUL GONG DANG KHYAD PAR MED PAS GOMS PA BRTAN PO MA RNYED BAR DU SBYONG, DE LTAR NYAMS 'OG TU LEGS PAR CHUD NAD GZOD BAR DO'I SKABS SU GANG SNANG THAMS CAD BAR DOR NGO SHES NAS DAG PA'I SNOD BCUD DU BSGYUR THUB PA 'BYUNG ZHING BAR DO'I 'JIGS SKRAG YA NGA BA THAMS CAD LAS GROL BAR 'GYUR RO, ,SNGAR 'CHI DUS SU 'PHO BA'I STOBS KYIS 'PHO MA THUB NA 'DIR YANG PHYI NANG GSANG BA BSGYUR BA BYAS TE 'PHO ZHING, DES MA GROL PA'AM, GZHAN DON DANG LAM LHAG MAR SLOB 'DOD KYI BSAM PAS SKYE PA LEN PAR RTZOM PA NA, PHOR SKYEN PHA LA SDANG ZHING MA LA CHAGS PA DANG, MOR SKYEN PHA LA CHAGS SHING MA LA SDANG BA'I BLO SKYE LA, DE LTAR CHAGS SDANG GI DBANG DU SONG NA SKYE GNAS DMAN PAR NYIN 'TSAMS SBYOR BAR 'GYUR BAS DE'I GNYEN POR, STONG NYID SNYING RJE'I RNAL 'BYOR GYIS, ,MKHAS PAS NYID 'TSAMS SBYAR BAR BYA, ZHES GSUNGS PA LTAR, CHAGS PA SKYE BA'I YUL DE YANG SNANG LA RANG BZHIN MED PA BDEN MED SGYU MA LTA BU YIN PA LA CI'I PHYIR CHAGS BAR BYED SNYAM DU BSAM ZHING DE LA CHAGS PA BKAG ,SDANG BA SKYE BA'I YUL DE LA YANG 'DIS TSE RABS MANG POR BDAG GI PHA MA BYAS NAS DRIN GYIS BSKYANGS BA LA 'KHOR THABS MED NA, CI'I PHYIR SDANG BAR BYED SNYAM DU SDANG BA BKAG NAS,

PHA MA GNYIS THUGS RJE CHEN PO YAB YUM DU BSGOMS PA'I MA'I MNGAL DU SKYE BA GZUNG STE DAL 'BYOR GYI RTEN LA BRTEN NAS LAM LHAG MA RNAMS LA BSLABS TE SEMS CAN GYI DON RGYA CHEN PO BYA'O SNYAM PA'I BSAM BA BZANG PO MI 'GYUR BA'I NGANG NAS YAB KYI ZHAL NAS ZHUGS TE SKYE BA LEN PAR BYED PA YIN NO, ,BZHI PA LTA SGOM SPYOD PA'I GNAD BSTAN PA NI, RTZA TSIG, GANG SHAR NGOS 'DZIN LTA BA'I GNAD, ,DE LA MA YENGS SGOM PA'I GNAD, ,DRAN PA RO SNYOMS SPYOD PA'I GNAD, CES PAS STON TE, DE YANG, BDEN MED BSGOM PA'I TSE RANG GI BLO LHAN SKYES LA YUL GANG SNANG THAMS CAD RANG NGOS NAS GRUB PAR SHAR BA DE DGAG BYA YIN LA, DE NGOS ZIN PAR BYAS NAS RANG GI SEMS LA DE LTAR DU SNANG YANG, SNANG BA LTAR RANG NGOS NAS GRUB BCUNG ZAD KYANG MED PAR RTOGS PAR BYAS TE BDEN 'DZIN 'GOG PA NI, LTA BA BSGOM PA LA GAL CHE BA'I GNAD YIN, DE MED NA RTAG CHAD GANG RUNG GI MTHAR LTUNG BAR 'GYUR RO, ,DE LTAR SNANG BA THAMS CAD BDEN MED DU NGES PA DE'I 'DZIN STANGS MA NYAMS BAR RTZE GCIG TU MNYAM PAR 'JOG PA NI SGOM PA'I GNAD YIN, DE'I 'DZIN STANGS NYAMS NA JI TZAM 'BAD DE BSGOMS KYANG STONG NYID BSGOM PAR MI 'GYUR RO, ,RJES KYI SPYOD LAM THAMS CAD KYI GNAS SKABS SU YANG BDEN MED KYI 'DZIN STANGS DE NYID MA NYAMS PA'I NGANG NAS, YUL YID DU 'ONG MI 'ONG SOGS CI SHAR YANG STONG PA NYID DU RO SNYOMS PA'I SGO NAS SNANG STONG TSOGS PA SGYU MA BZHIN DU LTA BA NI SPYOD PA'I GNAD YIN, RJES THOB TU YANG BDEN MED RTOG

, ,PA'I 'DZIN STANGS NYAMS NA LTA BA LA BOGS MI THON ZHING, RJES KYI SPYOD LAM THAMS CAD THEG PA CHEN PO'I THABS SHES KHYAD PAR CAN GYIS ZIN PA'I LAM DU MI 'GYUR RO, ,GRUB THOB CHEN PO'I GDAMS PA'O, ZHES BYA BA, DE LTAR RGYAL BAS CHOS KYI PHUNG PO JI SNYED CIG GSUNGS PA THAMS CAD KYI SNYING PO'I DON GNAD GSUM DU DRIL NAS BSTAN PA 'DI NI, GANG ZAG GANG RUNG ZHIG GIS GYA TSOM DU BSTAN PA MIN GYI, YI DAM LHA'I ZHAL MNGON SUM DU GZIGS SHING GSUNG RAB KYI DON LA MI 'KHRUL PA'I SPOBS BA BRNYES LA GRUB THOB CHEN PO'I GDAMS PA YIN PAS YID CHES PA'I SGO NAS NYAMS SU BLANG BAR BYA'O, ,ZHES GDAMS PA'O, ,SMRAS PA, GANG GI BLO GROS BEE d'UR 'PHANG 'GRO'I RGYUD, , DON GNYER BRTZON PA'I SOR MOS BSNUN PA'I SGRA, ,THAR 'DOD SKAL LDAN SKYE DGU'I THOS 'DZIN DU, ,LHUNG TSE DGA' SPRO'I ZLOS GAR CI YANG 'PHEL, ,RAB 'BYAMS MDO RGYUD GZHUNG LA MI 'JIGS PA'I, ,SPOBS PA MCHOG BRNYES MI TRA DZO KI YIS, ,YI DAM PHYAG NA PADMO'I ZHIL GZIGS TE, ,GDAMS PA 'DI NYID DNGOS SU GSAN PA LAGS, ,PHYAG NA PADMA DUR SMRIG GAR ROL LAS, ,GDAMS PA 'DI YI ZAB KHRID BDAG GIS THOB, ,BLA MA LHA LAS DNGOS SU THOB BO ZHES, ,SMRAS KYANG SHES LDAN SU ZHIG KLAN KA TSOL, ,DRI BRAL RI BONG 'DZIN PA'I ZER 'PHRENG LAS, ,TSA BA'I REG BYA MI SRID DE BZHIN DU, ,THAMS CAD MKHYEN PA BLO BZANG RGYA MTSO'I SDE'I, ,GSUNG LAM DAG 'KHRUL DRI CI PHYIR MCHIS, ,

'ON KYANG BDAG BLO RMONGS PA'I DBANG NYID KYIS, ,MA RTOGS LOG BSHAD BYUNG BA'I NONGS TSOGS KUN, ,BLA MA LHA DANG CHOS SRUNGS MKHAS TSOGS LA, ,BSAM PA THAG PA'I SGO NAS BZOD GSOL BGYI, ,'DI LAS BYUNG BA'I DGE TSOGS CHU SKYES TSAL, ,RGYAS PA'I LANG TSOR SPYOD PA'I BHA MA RAS, ,RGYA MTSO'I GOS CAN KHYON KUN YONGS GANG STE, ,THEG CHEN CHOS KYI GLU DBYANGS LEN GYUR CIG ,GZHAN YANG 'DI YI DGE TSOGS 'OD DKAR GYIS, ,MKHA' MNYAM 'GRO BA'I SGRIB GNYIS MUN BSAL NAS, ,'PHAGS PA PHYAG NA PADMO'I GO 'PHANG MCHOG ,BDE BLAG NYID DU THOB PA'I RGYUR GYUR CIG ,CES SNYING PO DON GSUM GYI KHRID YIG THAMS CAD MKHYEN PAR BGROD PA'I NYE LAM ZHES BYA BA 'DI NI BA SO BA DGE SLONG BLO BZANG TSE DBANG GIS YANG YANG NAN TAN CHEN POS BSKUL BA DANG, GZHAN YANG DON GNYER CAN 'GA' LA PHAN RE'I BSAM PAS KUN NAS BSLANGS TE MKHAN CHEN RGYAL BA'I DBANG PO'I ZHAL GYI BUM BZANG LAS BYUNG BA GZHIR BZHAG DAM PA GONG MA RNAMS KYI LEGS BSHAD KYIS KYANG BRGYAN TE GO BDE BAR SH'AKYA'I BTZUN PA BLO BZANG YE SHES KYIS BKA' GDAMS PHO BRANG DU BGYIS PA DGE LEGS 'PHEL,, ,, ,,