The Essence of Eloquence-- An Explanation of the 'Three Principal Paths' which Captures the Crucial Points of All Scripture

, ,LAM GYI GTZO BO RNAM GSUM GYI RNAM BSHAD GSUNG RAB KUN GYI GNAD BSDUS PA LEGS BSHAD SNYING PO ZHES BYA BA BZHUGS SO,,

, ,BLA MA DANG RJE BTZUN 'JAM PA'I DBYANGS DBYER MA MCHIS PA'I ZHABS LA GUS PAS PHYAG 'TSAL LO, ,BRTZE BA CHEN POS RJES SU GZUNG DU GSOL, , GANG SNGON BSKAL PA DU MA'I SNGA ROL NAS, ,RGYAL BA DBANG PO'I TOG TU SANGS RGYAS KYANG, ,GDUL BYA'I DON DU MA DAG ZHING KHAMS 'DIR, ,'TSANG RGYA'I TSUL BSTAN SH'AKYA'I RGYAL POR 'DUD, ,RGYAL DANG RGYAL SRAS MNGON DU GYUR PA'I DBUS, ,STONG NYID ZAB MO'I SGRA DBYANGS SGROGS PA LA, ,MI 'JIGS SPOBS PA MNGA' BA'I MKHYEN PA CAN, ,RJE BTZUN 'JAM BA'I DBYANGS LA SNYING NAS 'DUD, ,BLO BZANG MKHYEN PA'I DKYIL 'KHOR YONGS RDZOGS SHING, ,GRAGS PA'I 'OD DKAR SRID RTZER KHYAB PA CAN, ,SNGON MED

, ,MKHAS PA'I DBANG PHYUG MTSAN MO'I MGON, ,DENG 'DIR SKAL LDAN GDUL BYA'I DPAL DU SHAR, ZHES BSTOD CING BSNGAGS PA SNGON DU BTANG NAS, 'DIR GANG BSHAD PAR BYA BA'I CHOS NI, KHAMS GSUM CHOS KYI RGYAL PO TZONG KHA PA CHEN POS RANG GI SRAS KYI THU BO TSA KHO DBON PO NGAG DBANG GRAGS PA LA THUGS BRTZE BA'I SGO NAS GDAMS PA'I, LAM GYI GTZO BO GSUM GYI GDAMS PA ZHES GRAGS PA DE NYID 'CHAD PA SKABS SU BAB PA YIN LA, 'DI 'CHAD PA LA GNYIS, RTZOM PA PO'I CHE BA BSHAD PA DANG, BRTZAMS PA'I BSTAN BCOS DNGOS BSHAD PA'O, ,DANG PO NI, NGES 'BYUNG BYANG CHUB KYI SEMS YANG DAG PA'I LTA BA STE LAM GYI GTZO BO GSUM ZHES GRAGS PA'I GDAMS PA 'DI NYID BSTAN PA'I BDAG PO SANGS RGYAS BCOM LDAN 'DAS KYI DGONGS PA BZHIN, RJE BTZUN 'JAM PA'I DBYANGS KYIS RJE BDAG NYID CHEN PO LA GSUNGS SHING, RJE RIN PO CHES TSIGS BCAD DU BSDEBS NAS TSA KHO BA LA GNANG BA YIN PAS DNGOS

SU RTZOM PA PO NI RJE RIN PO CHE YIN PAS, DE'I CHE BA'I YON TAN MDOR BSDUS TZAM ZHIG BSHAD NA, RJE 'DI NYID MNYAM MED SH'AKYA'I RGYAL PO BSKAL PA DPAG TU MED PA'I SNGA ROL TU DE BZHIN GSHEGS PA DBANG PO'I TOG TU GYUR PA'I TSE RJE BTZUN 'JAM PA'I DBYANGS KYI SRAS KYI THU BOR GYUR, DE'I TSE RGYAL BA DBANG PO'I TOG GIS BYANG CHUB SEMS DPA' RANG GI LUS SROG LA'ANG MI BLTA BAR DAM PA'I CHOS 'DZIN PAR SMON PA NI, BYANG CHUB SEMS DPA' RNAMS KYI SMON LAM DANG SPYOD PA'I MCHOG GO ZHES BSNGAGS PAS, RJE RIN PO CHE RJE BTZUN 'JAM PA'I DBYANGS KYI SRAS SU GYUR PA DE NYID SNYING STOBS CHEN POS 'KHOR GYI DBUS NAS BZHENGS TE, BDAG GIS DENG NAS BRTZAMS TE MA NGAG PA'I ZHING RNAMS SU ZAB MO DBU MA'I LAM DANG 'BREL BA'I RDO RJE'I THEG PA RGYAS PAR BYA'O ZHES DAM BCAS PAS DE BZHIN GSHEGS PA DE NYID SHIN TU DGYES TE, KHYOD NI BYANG CHUB SEMS DPA' SNYING STOBS CHEN PO ZHES BYA ZHING, MA 'ONGS PA NA BYANG SHAR MTSAMS KYI ZHING KHAMS NGO MTSAR RMAD BYUNG BKOD PA ZHES PAR DE BZHIN GSHEGS PA SENG GE'I NGA RO ZHES BYA BAR 'TSANG RGYA BAR 'GYUR RO ZHES GSUNGS SHING, DE DANG MTHUN PAR, MDO SDE GDAMS NGAG 'BOGS PA'I RGYAL PO LAS KYANG, BCOM LDAN 'DAS KYIS KUN DGA' BO LA BKA' STZAL PA, KUN DGA' BO, DA LTA NGA LA SHEL DKAR GYI, ,PHRENG BA PHUL NAS SEMS BSKYED PA, ,MA 'ONGS DUS KYI SNYIGS

, ,MA LA, ,'BRI DANG LDAN GYIS MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MTSAN CAN 'BYUNG, ,'KHOR NI RNAM BZHI RAB BSDUS NAS, ,STON PA'I MDO BZHIN GSUNG SGROGS PA, , LHA KHANG KA BA SHING LO CAN, ,NGA YI SKU GZUGS RNAM GNYIS LA, ,DBU RGYAN 'BUL ZHING MCHOD PAR BYED, ,NGA LA GSOL BA RAB BTAB NAS, ,BSTAN PA LO STONG PAR DU GNAS, ,'DI NAS 'PHOS NAS BYANG SHAR GYI, ,NGO MTSAR BKOD MDZES 'JIG RTEN DU, ,SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ZHES GSUNGS PA LTAR RJE BLA MA 'DI NYID BRAM ZE'I KHYE'UR GYUR PA'I TSE DGE SLONG GI RNAM PA CAN GYI BYANG CHUB SEMS DPA' MOS PA'I BLO GROS ZHES PA DANG MJAL TE, DES KHRID NAS STON PA LA SHEL DKAR GYI PHRENG BA ZHIG PHUL NAS ZAB MO DBU MA'I LTA BA RGYAS PAR BYED PA'I SMON LAM BTAB PAS, BOD GANGS CAN GYI LJONGS 'DIR KHA CIG STONG PA NYID KYI DON CI MED CANG MED DU GO NAS DKON MCHOG GSUM NGANG LAS 'BRAS LA SOGS PA GTAN MED DU 'JIN, 'GA' ZHIG CHOS GANG YOD TZAM DU BZUNG NA'ANG BDEN 'DZIN DU 'GYUR BAS CHOS THAMS CAD YOD PA'ANG MA YIN MED PA'ANG MA YIN ZER, GZHAN DAG DGE BA'I 'BRAS BU 'DE BA 'DOD PA RANG LA MNGON DU GYUR CING, MI DGE BA'I 'BRAS BU SDUG BSNGAL GYIS MNAR BA MI BZOD PAR MNGON SUM GYIS GRUB BZHIN DU YANG, LAS 'BRAS SOGS GZHAN NGO TZAM MA GTOGS, SLU MED TSAD MAS GRUB PA

CUNG ZAD KYANG MED ZER NAS, DKAR CHOS THAMS CAD KYI RTZA BA LAS 'BRAS LA YID CHES KYI NGES PA DRANGS NAS SDIG SPONG DGE BA BSGRUB PA'I BLANG DOR LA GEGS BYED PA'I DUS 'DIR, NGES DON 'GREL BAR RGYAL BA RANG NYID KYIS LUNG BSTAN PA'I MDO SNGAGS GNYIS KA'I BDAG PO, DPAL MGON 'PHAGS PA KLU SGRUB KYIS BYANG CHUB SEMS 'GREL DU, CHOS RNAMS STONG PA 'DI SHES NAS, ,LAS DANG 'BRAS BU BSTEN PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI RMAD BYUNG, ZHES GSUNGS PA'I DGONGS PA JI LTA BA BZHIN DU, CHOS THAMS CAD BTAGS DON BTZAL NA RNYED RGYU RDUL TZAM YANG MED PA'I STONG SANG 'BA' ZHIG LA, LAS 'BRAS LA SOGS PA'I BYA BYED THAMS CAD BSNYON MED DU 'JOG THUB PA'I DBU MA'I LTA BA CHES CHER GSAL BAR MDZAD PA 'DI BYUNG BA YIN, MDO SDE GDAMS NGAG 'BOGS PA'I RGYAL PO'I DON RNAM DPYOD CAN LA ZHU MI DGOS KYANG, LUNG DON RIGS PAS 'BYED MI NUS PA RNAMS LA CUNG ZAD BSHAD NA, 'BRI DANG LDAN GYI SA MTSAMS SU ZHES SOGS KYI DON, 'BRI KHUNG DANG SKYID SHOD LDAN GYI SA MTSAMS SU DGA' LDAN ZHES PA'I DGON PA 'DEBS PAR MDZAD PA'I BLO BZANG GRAGS PA ZHES PA'I MTSAN CAN ZHIG 'BYUNG BA DES, STON PA'I 'KHOR RNAM BZHI DGE SLONG SOGS BSDUS NAS BOD KYI SNYAN BRGYUD MAN NGAG TU GRAGS PA RNAMS LA KHUNGS MI MDZAD PAR, MDO RGYUD KYI DGONGS PA PAn GRUB TSAD MAR GYUR PA RNAMS KYIS JI LTAR BKRAL BA LTAR RANG NYID KYIS THUGS NYAMS SU BSTAR BA BZHIN DU GDUL

, ,BYA RNAMS LA YANG 'DOMS BAR MDZAD CES PA'I DON DANG, LHA KHANG KA BA SHING LO CAN NI, RAS 'PHRUL SNANG GI GTZUG LAG KHANG DANG, SKU GZUGS RNAM GNYIS NI JO BO SH'AKYA MU NI DANG, JO BO MI BSKYOD RDO RJE GNYIS LA DBU RGYAN PHUL ZHING LHA SA SMON LAM DU GRAGS PA'I CHO 'PHRUL GYI DUS MCHOD RGYA CHEN PO 'DZUGS PAR MDZAD NAS BSTAN PA RGYAS BA'I SMON LAM SHUGS DRAG LA YUN RING BA MDZAD PAS, SANGS RGYAS KYI BSTAN PA NUB TU NYE BA LO STONG GI BAR BSRING BAR MDZAD BAS SKYES CHEN DAM PA GZHAN LAS KYANG KHYAD PAR DU 'PHAGS PA'I BKA' DRIN BLA LHAG TU MDZAD, DE NAS SHAR PHYOGS SAM BYANG SHAR MTSAMS KYI NGO MTSAR RMAD BYUNG BKOD PA'I 'JIG RTEN DU RGYAL BA SENG GE'I NGA RO ZHES PAR 'TSANG RGYA ZHING, RJE BDAG NYID CHEN BO LA DAD PA'I GDUL BYA RNAMS KYANG ZHING KHAMS KHYAD PAR CAN DER SKYE ZHES PA'I DON YIN, DE DANG CHOS MTHUN PAR, CHOS RGYAL SRONG BTZAN SGAM PO'I BKA' CHEMS KA KHO LAM LAS KYANG, DE NAS KHYAD PAR BSNYEN BKUR CHER MDZAD PA, ,DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'CHANG ZHING RNAL 'BYOR CHEN BO NI, ,SNYING PO'I MTHA' RTEN SKYES CHEN DAM PA DES, ,ZHAL YANG BSGYUR ZHING BSNYEN BKUR DAM PA MDZAD, ,DE LA BSNYEN BKUR CHER BYED DE DAG NI, ,'PHAGS PA'I GANG ZAG DGE SBYONG SHA STAG GO, ,ZHES GSUNGS PA'I ZHAL BSGYUR PA NI DBU RGYAN PHUL BA'I DON, SNYING PO'I MTHA' RTEN NI THOG MA'I MTSAN KUN DGA' SNYING PO ZHES PA YIN PA LA DGONGS SHING, DVAGS

PO SGOM TSUL DANG, LHA RJE DGE 'BUM LA SOGS PAS KYANG 'PHRUL SNANG GI GTZUG LAG KHANG LA MCHOD CING BSNYEN BKUR RGYA CHER MANG DMOD, JO BO LA DBU RGYAN PHUL NAS ZHAL BSGYUR BA PO RJE BTZUN BLA MA TZONG KHA BA CHEN PO LAS GZHAN SU YANG MA BYUNG BAS LUNG BSTAN DE NI, RJE BLA MA LAS GZHAN BA'I GANG ZAG LUNG BSTAN DU 'ONG DON CI YANG MED, RJE BDAG NYID CHEN PO LA MA DAD PA 'GA' ZHIG GIS, RJE BLA MA DGE SLONG LEGS KAR GYI SKYE BA DANG, JO BO LA DBU RGYAN PHUL BA LOG PA'I RGYAN PHUL BAR KHAS BLANGS MOD, DE LTAR NA ZHAL YANG BSGYUR ZHING ZHES BA'I MJUG GI, BSNYEN BKUR DAM PA MDZAD CES PA LOG PA'I RGYAN CHA BTAGS PA LA GO DGOS RGYU AE YIN, DE'I YANG MJUG TU NGE LA BSNYEN BKUR CHER BYED DE DAG NI, ,'PHAGS PA'I GANG ZAG DGE SBYONG SHA STAG GO, ZHES PAS, JO BO LA DBU RGYAN PHUL BA LA SOGS BA'I BSNYEN BKUR BYED BA DE DAG 'PHAGS PA'I GANG ZAG TU YANG KHAS LEN DGOS SHIG? ,ZHAL YANG BSGYUR ZHING ZHES PA'I GONG GI SKYES CHEN NAM PA DES ZHES PA DANG, DE'I GONG GI GSANG SNGAGS 'CHANG ZHING RNAL 'BYOR CHEN PO NI ZHES DANG, DE'I YANG GONG DU, DGE SLONG BYANG SEMS SHAR PHYOGS SKU 'KHRUNGS PA ZHES PA RNAMS KYANG, ZHAL YANG BSGYUR ZHID ZHES BA'I CHIG DANG SNGA PHYI 'BREL CHAGS SU BYUNG BAS, DBU RGYAN PHUL NAS ZHAL BSGYUR BA PO DE, 'PHAGS BA'I GANG ZAG DANG, SKYES CHEN DAM BA DANG, GSANG SNGAGS 'CHANG BA'I RNAL 'BYOR CHEN PO DANG, DGE SLONG BYANG CHUB SEMS DPAR DBANG MED DU KHAS LEN DGOS PAS, DE LTAR KHAS BLANGS

, ,NAS ZHAL BSGYUR BA PO LA SKUR PA 'DEBS PA NI, SKUR PA 'DEBS PA PO RANG NYID 'PHAGS PA'I DGE SBYONG LA SKUR PA 'DE BAS PA POR KHAS BLANGS PAR SONG ZHING, DE BZHIN DU SKYES BU DAM PA DANG, GSANG SNGAGS 'CHANG BA'I RNAL 'BYOR CHEN PO DANG, DGE SLONG BYANG CHUB SEMS DPA' RNAMS LA SKUR PA 'DEBS MKHAN GYI SDIG CAN DU DON GYIS KHAS BLANGS PAR SONG BAS ME PAR BUS PAS SMA RA TSUR CHIG PA'I DPE LTAR DE LAS THA CHAD PA CI ZHIG YOD, LOG RTOG CAN DE DAG GI ZHOR 'DEGS SU GZHUNG LUGS RAB 'BYAMS LA SBYANGS PA 'GA' ZHIG GIS KYANG, LHA SA'I JO BO LA GSOL LHUNG PHUL BA'I RTEN 'BREL LAS, RANG RE YO ZAS PHYIR DU THOS BSAM SGOM PA YO SHOR BA 'DI BYUNG GSUNG BA YANG, JO BO LA ZHAL ZAS PHUL NA YANG SKYON BRJOD MDZAD BA'I TSOD DU 'DUG, GZHAN YANG, RJE BTZUN CHOS KYI RGYAL PO TZONG KHA PA CHEN PO DGE SLONG LEGS KAR GYI SKYE BAR KHAS BLANGS PA LA NI, SMAD RA BYAS BAS BSTOD RANG 'GYUR BA DANG, 'DUL BA LUNG DANG 'GAL BA DANG, SLOB DPON PADMA'I LUNG BSTAN GZHAN DANG 'GAL BA LA SOGS BA'I NYES PA DU MA YONG DE, ZANG ZANG NE RING BA'I DRIS LAN RJE ZHVA DMAR BA CHOS KYI GRAGS PAS MDZAD PA LAS, SLAD KYI GTER KHA GONG 'OG LA SOGS PA, ,GTER BTON SO SO'I SROL LUGS DUM ZHIG ,DANG SANG BAR DU BYUNG RNAMS LHAD MED DANG, ,LHAD DANG BCAS PA CI RIGS YOD PAR SNANG, ,LHAG BAR BOD LA BKA' DRIN PHUL BYUNG BA, ,PADMA 'BYUNG GNAS DUS GSUM MKHYEN PA YI, ,LUNG BSTAN YIN NA

'KHRUL BA MI SRID KYANG, ,GTER YIG DNGOS LA YOD PAR MA NGES PA'I, ,SHOG 'KHYAR ZHIG LA MA 'ONGS LUNG BSTAN BA, ,BCOM LDAN 'DAS KYI SPYAN SNGAR LEGS KAR GYIS, ,KHYOD KYIS RAB GNAS BYAS PA'I 'DRA 'BAG LA, ,MA 'ONGS DUS NA 'GRO DON CHER 'BYUNG TSE, BDAG GIS LOG PA'I RGYAN CHA 'DOGS PAR SHOG ,DE SKAD SMON LAM BYAS PAS JO BO LA, ,DBU RGYAN ZHUS PA YIN ZHES ZER BA MTHONG, ,DE LA KHO BO'I MKHAN PO RIN PO CHE, ,YID BZANG RTZE PA'I ZHAL NAS DI 'DRA DES, ,SMAD PAR 'DOD KYANG BSTOD PAR 'GYUR BA DANG, ,LUNG DANG 'GAL BA'I SKYON DANG BCAS PA'I PHYIR, ,KUN SLONG NGAN PA ZHIG GIS BYAS SAM GSUNGS, ,LEGS KAR STON PA'I MDZAD LA LOG RTOG GIS, ,SA YI MTHONGS BYE DMYAL BA CHER SONG YANG, ,'DI DANG LHAS BYIN STON PA DRUG LA SOGS, ,SPRUL PAR GSUNGS PAS DES NA BSTOD RAR 'GYUR, ,GAL TE NGAN PA'I LAS 'BRAS MYONG GSUNGS PAS, ,BSKAL CHEN CHE TSAD MA RDZOGS 'DIR SKYES PA, ,'DUL BA LUNG DANG 'GAL BA KHO NAR ZAD, ,RKANG GDUB MA GTOGS RGYAN GYIS SKU GZUGS LA, ,BRGYAN PAR BYA ZHES BSHAD DANG 'GAL BAR 'GYUR, ,DES NA LUNG BSTAN DE LA YID BRTAN MED, ,DE MTSUNGS LA LAR BZANG POR BSTAN PA LA, ,LA LAR NGAN PAR 'BYUNG BA'ANG 'GAL BAR SNANG, ZHES GSUNGS SHING, SLOB DPON PADMA'I LUNG BSTAN GZHAN DANG 'GAL TSUL NI, PADMA THAD YIG LAS, DGE LDAN ZHES BYA'I DGON GNAS DAM PA RU, ,MKHAS PA'I MCHOG NYID MDO RGYUD GZHUNG LA MKHAS, ,RDO RJE

, ,'CHANG SPRUL GSANG SNGAGS BKA' SGO 'BYED, ,'GRO BA'I DED DPON LAM STON SA MKHAN 'BYON, ,BLO DANG BZANG GI MTSAN CAN SKYES BU 'ONG, ,GSANG MTSAN LAS RAB RDO RJE BDE BA RTZAL, ZHES GSUNGS PA'I LAS RAB RDO RJE ZHES PA NI, RJE'I GSANG MTSAN KA RMA BADZRA RAM LAS KYI RDO RJE YIN PA LA DGONGS PA YIN, GZHAN YANG, PADMA BKA' CHEMS LAS, 'JAM DBYANGS SPRUL PA GDUL BA BSTAN PA'I DPAL, ,MDO SNGAGS BSTAN 'DZIN BLO BZANG GRAGS PA 'BYUNG, ,ZHING 'DIR 'DAS NAS BYAMS PA'I DRUNG DU 'GRO ,ZHES DANG, GNAM LCAGS BRAG NAS RDO RJE GLING PAS BTON BA'I LUNG BSTAN LAS KYANG, MDO SNGAGS BSTAN 'DZIN BLO BZANG GRAGS PA 'BYUNG, ,MI RABS BRGYAD DU GSANG SNGAGS RGYAS PAR STON, ,ZHING 'DIR 'DAS NAS BYAMS PA'I DRUNG DU 'GRO, ,ZHES PA DANG, CHOS RJE MGON RIN PAS, MTSO SNA ZANGS G-YAG BRAG NAS BTON BA'I LUNG BSTAN LAS KYANG, 'JAM DBYANGS SPRUL PA BLO BZANG ZHES, ,BSTAN PA RGYAS BYED NGO MTSAR CAN, ZHES DANG, LTO BRAG MKHAR CHU'I GNAS BSHAD LAS, TZONG KHA'I YUL DU SKU 'KHRUNGS NAS, ,'GRO DON DBUS SU SKYONG BAR BYED, ,MDO SNGAGS GNYIS KYI BSTAN SROG 'DZIN, ZHES DANG GZHAN YANG, SLOB DPON CHEN PO NYID KYI LUNG BSTAN LAS, AYON NGA YI THUGS SPRUL SNYING RJE CAN, ,BEE RO KHYOD KYI 'OD ZER CHA GCIG LAS, ,SKU LUS GCIG LA BKOD PA MI 'DRAS BRGYAN, ,BEE RO TZA? NA'I SKYE BA GCIG, DBUS PHYOGS

DGA' LDAN ZHES BYAR 'BYUNG, ,BYANG SEMS BLO BZANG ZHES BAR GRAGS, ,SANGS RGYAS YE SHES SKYE BA GCIG ,BYANG CHUB SEMS DPA'I 'KHOR DU BCAS, ,'KHOR BLON PHYAG RDOR ZHES PAR GRAGS, ZHES GSUNGS PAS, LO CHEN BEE RO TZA NA SLOB DPON PADMA'I THUGS SPRUL DANG, BEE RO'I SKYE BA GCIG DBUS PHYOGS DGA' LDAN ZHES PAR 'BYUNG BA DANG, DE'I MTSAN BLO BZANG ZHES PA BLO BZANG GRAGS PA LA GO DGOS PAS, MTHAR GTUGS NA RJE RIN PO CHE SLOB DPON PADMA DANG THUGS RGYUD GCIG PAR BSTAN CING, RJE RIN PO CHE SLOB DPON PADMA DANG THUGS RGYUD GCIG PAR BKA' GDAMS GLEGS BAM LAS KYANG BSTAN TE, DKON MCHOG 'BANGS KYI SKYES RABS LAS, BLA MA DRI MA MED PAS RGYAL BU DKON MCHOG 'BANGS LA GSUNGS PA, 'DI NAS SKYE BA GZHAN GYIS MCHOD PAR, ,BOD KHAMS MGON MED YUL DU THUGS RJES SONG, ,BOD NI RGYAL PO DAG LA TSAD MAR 'DZIN, ,MI DBANG MDZOD LA BOD KHAMS BDE BAR SKYONGS, ,AYON YUL DU JI SKAD SMRAS PA BZHIN,, BDAG KYANG GNAS DER LHA 'DRE 'DUL DU 'GRO, ,SPRUL PA GCIG NI BAL PO'I MTHIL DU 'GRO ,SPRUL PA GCIG NI MDO SMAD KHAMS SU 'GRO, ,SPRUL PA GCIG NI RGYA GAR GNAS CHEN 'GRIM, ,DGE SLONG NGA LA BDEN PA YOD MED KYANG, ,MI DBANG KHYED KYI GROGS BYED RTAG TU DGE ,'DI NI 'JIG RTEN DGE BA'I LUNG BSTAN YIN, ZHES BA'I NANG TSAN GYI BDAG KYANG GNAS DER LHA 'DRE 'DUL DU 'GRO ZHES PA, BLA MA DRI MA MED PA SLOB DPON PADMAR SPRUL NAS BOD KYI LHA 'DRE 'DUL DU 'GRO ZHES PA DANG

, ,SPRUL PA GCIG NI MDO SMAD KHAMS SU 'GRO ZHES PA BLA MA DRI MA MED PA'I SPRUL PA GCIG MDO SMAD KHAMS SU 'GRO BA NI RJE TZONG KHA PA DANG, SPRAL PA GCIG RGYA GAR GNAS CHEN 'GRIM PA NI, JO BO RJE DPAL LDAN AA TI SHA YIN PAS, BLA MA DRI MA MED PA DANG, SLOB DPON PADMA, JO BO RJE, RJE RIN PO CHE BLO BZANG GRAGS PA RNAMS THUGS RGYUD GCIG TU GRUB, GZHAN YANG JO BO YAB SRAS KYIS LHA SAR PHEBS SKABS SHIG, SH'AKYA MU NI'I ZHAL NAS, MAR ME MDZAD KYANG GNAS MCHOG 'DIR, ,SGROL MANG BCAS TE SPRUL STONG 'GYED, ,LHAG PAR CHAGS MED BSOD SNYOMS PAS, ,SNYAN PA'I DBYANGS KYIS GSOL BA 'DEBS, ,PHYOGS BZHI'I LAS CAN DBANG DU SDUD, MAR ME MDZAD DANG BYAMS PA YAG, ,KHYED KYI GROGS BZANG SDEL BAR BYED, ,RING POR MI THOGS GNAS MCHOG 'DIR, ,MCHOD TSOGS RGYA MTSO 'DU BAR 'GYUR, ,SPYAN RAS GZIGS DBANG BZANG POR SPRUL, ZHES LUNG BSTAN PA'I MAR ME MDZAD DE, JO BO RJE MDO SMAD TZONG KHAR CHAGS MED BSOD SNYOMS PA RJE TZOR KHA PAR SPRUL NAS, JO BO SH'AKYA MU NI LA MCHOD NAS, SNYAN PA'I DBYANGS KYIS GSOL PA 'DEBS PA DANG, SBYAN RAS GZIGS DBANG BZANG POR SPRUL PA NI, THAMS CAD MKHYEN PA DGE 'DUN GRUB PA DPAL BZANG PO YIN PAR GSUNGS, GZHAN YANG RJE BLA MA 'DI NYID 'JAM DPAL RTZA RGYUD LAS KYANG LUNG BSTAN TE, DE NYID LAS, YI GE DANG PO BA GRAGS PA, SGON BRTZON THAMS CAD GRAGS

PA YANG, ,STON PA'I BSTAN PA GSAL BYED PA, BSTAN PA DE TSES STENG DU, ,RNAM PAR NYAMS SHING GNAS MED LA, ,BSTAN PA'I GZUGS BRNYAN YID DU'ONG, ,BYED PAR 'GYUR PAR THE TSOM MED, ,THAMS CAD BYANG CHUB LUNG BSTAN TE, ,NGA YI BYANG CHUB MCHOG THOB 'GYUR, ,DE NI 'JIG RTEN SBYIN GNAS 'GYUR, ,SRID PA GSUM GYI MTHAR YANG BYED, ,SNGAGS DANG RGYUD LA MNGON BRTZON PAS, ,GRAGS PA 'JIN PA SHES PAR BYA, ,ZHES GSUNGS SHING, YI GE DANG BO BA GRAGS PA NI BLO BZANG ZHES PA'I YIG DANG PO BDE BSTAN, GRAGS PA 'DZIN PAR SHES PAR BYA ZHES BAS MTSAN ZUR PHYI MA BSTAN PA YIN PA'I PHYIR, GZHAN YANG MA GCIG LABS SGRON GYI LUNG BSTAN DU YANG, YUM GYIS DE LTA BU'I RGYAL KHRIMS DANG CHOS KHRIMS 'PHYUGS PA'I DUS SANGS RGYAS KYI BSTAN PA MUN NA GA TU GLOG 'KHYUG PA LTA BU ZHIG 'BYUNG ZHES GSUNGS PA LA, BSOD NAMS RGYAN LA SOGS PA'I BU MO BZHIS, DE LTA BU'I BKA' DRIN CAN DE SU LAGS ZHES SOGS MANG DU ZHUS PA'I LAN DU, BU MO KHYED KYIS DRIS PA'I BYANG SEMS DE, MA 'ONGS BSKAL BZANG SANGS RGYAS BDUN PA YIN, DA LTA BYANG CHUB SEMS DPA' SNYING STOBS MCHOG ,SNYIGS DUS LOG SPYOD BYED DUS BOD DU 'BYUNG, ,GANG GI ZHING DU SANGS RGYAS PAR GRAGS PA, ,KHRIM SA 'CHAL DPAG YAS YANG DAG KHRIMS LA SBYOR, THUB NYID SROL BTOD BSTAN PA'I CHA RTAGS 'DZIN, BSTAN PA GSAL BAR BYED PA'I DGE SLONG MCHOG ,MTHA' YAS RGYUD SDE'I TSOGS LA DBANG BSGYUR ZHING,,

, ,RGYUD SDE RGYA MTSO'I DGONGS PA'I BCUNG PHYUNG STE, ,GDUL BYAR GYUR PA'I SKAL LDAN TSIM PAR MDZAD, CES GSUNGS PA'I DON CUNG ZAD BKRAL NA, RJE BLA MA DE NYID BSKAL BZANG GI SANGS RGYAS STONG GI NANG TSAN BYAMS PA NAS BGRANGS PA'I MA 'ONGS PA'I SANGS RGYAS BDUN PA, 'KHOR BA 'JIG NAS BGRANGS PA'I BCU GCIG BA SANGS RGYAS SPYAN LEGS SU 'TSANG RGYA PA'I TSUL STON PAR 'GYUR ZHING, SANGS RGYAS DES RANG GI SNGA ROL TU BYUNG PA'I SANGS RGYAS BCU'I MDZAD PA THAMS CAD MDZAD PAR MDO BSKAL BZANG LAS GSUNGS, DE LTAR NA BZHI PA SANGS RGYAS SH'AKYA'I RGYAL PO'I BSTAN PA LA BLA MED RDO RJE THEG PA BYUNG BAS, BCU GCIG PA SPYAN LEGS KYI BSTAN PA LA YANG BLA MED RDO RJE THEG PA 'BYUNG BAR RIGS PAS 'GRUB CES YID CHES PA'I BLA MA'I GSUNG LAS DNGOS SU THOS, GRAGS PA'I MTSAN THOGS NI MTSAN ZUR DANG, THUB NYID SOL BTOD BSTAN PA'I CHA RTAGS 'DZIN PA NI, 'DUL BA'I PHYAG LEN SHIN TU NYAMS PA'I DUS SU GNAM RTZE LDENGS SU CHOS RJE RNAM GSUM 'JOM NAS 'DUL PA'I BSLAB KHRIMS GSAR 'DZUGS LTA BU MDZAD CES PA'I DON YIN, DE YANG RGYA GAR GYI PAndI TA SU MA TI K'I RTI ZHES PA YANG, BLOO BZANG GRAGS PA ZHES PA YIN PA DANG, MCHIMS BLO BZANG GRAGS PA ZHES PA DANG, 'DAR STON BLO BZANG GRAGS PA ZHES PA LA SOGS PA'I BLO BZANG GRAGS PA'I MTSAN CAN MANG YANG, SNYIGS DUS LOG SPYOD DAR DUS BOD YUL DU BYON PA DANG, SHAR PHYOGS TZONG KHA'I YUL DU SKU 'KHRUNGS PA NGANG, GSANG

MTSAN GARMA BADZRA RAM LAS KYI RDO RJE ZHES PA YIN PA DANG, 'BRI KHUNG DANG LDAN GYI MTSAMS SU DGA' LDAN ZHES PA'I DGON PA 'DEBS PAR MDZAD PA DANG, JO BO SH'AKYA MU NI LA DBU RGYAN PHUL NAS ZHAL BSGYUR MCHOD PA RGYA CHEN PO MDZAD PA DANG, GNAS GZHI GCIG TU MI BZHUGS PAR CHAGS MED BSOD SNYOMS SPYOD PA'I TSUL YUN RING BOR MDZAD PA DANG, DGE BSNYEN GYI MTSAN KUN DGA' SNYING PO DANG, SKU TSE PHYI MA DGA' LDAN DU BYAMS PA'I SRAS MCHOG 'JAM DPAL SNYING POR 'GYUR BSAGS LUNG BSTAN DE DAG GI DON PHYOGS SGOR MA NAS GANG ZAG GCIG LA TSANG BA NI RJE BTZUN BLA MA SHAR TZONG KHA PA BLO BZANG GRAGS PA LAS GZHAN SU YANG MI 'DUG PAS, LUNG BSTAN RNAMS KYI SNGA PHYI BAR GSUM LA GZU BO'I BLOS LEGS PAR BRTAGS NA GNES SHES LEGS PAR 'DRONGS NAS YID CHES PAR 'GYUR, DES NA LUNG BSTAN BZANG PO GSAL LA MANG BAM MTHONG BA'AM, MTHONG YANG LUNG BSTAN GYI SNGA PHYI KUN LA GZO BOS MI DPYOD PA'AM, DBYAD CING GO YANG KUN SLONG NA PAS SBANG CING GZHAN LA BSGRUR NAS, SLOB DPON PADMA'I LUNG BSTAN LA KHA G-YAR PA'I LUNG BSTAN NGAN PA PHYOGS DANG PHYOGS SU SGROGS PA DANG, RJE RIN PO CHE LA ZHAL GZIGS SHING CHOS STON PA'I RJE BTZUN 'JAM DBYANGS NI BDUD RIGS KYI BAR CHAD YIN NO ZER PA SOGS THABS 'PHRUL SNA TSOGS BAS, RJE BLA MA RJES 'BRANG DANG BCAS PA LA SKUR BA 'DEBS PA NI, RANG DANG RANG GI RJES 'JUG RNAMS DANG, RI BONG CHAL SGROG GI RJES SU 'BRANG BA'I SKYE BO RMONGS PA DU MA ZHIG NGAN SONG DU 'KHRING PA'I RKYEN

, ,BYED PAS, SKYES BU DAM PA LA DAG SNANG MA 'BYONGS KYANG BTANG SNYOMS TZAM GYI SGO NAS RANG GZHAN NGAN SONG GI G-YANG SAR LTUNG BA LAS BSRUNG BAR BYA STE, MDO SDE RGYAN LAS, YID KYI NYIS PA'I RANG BZHIN GSDUG PA STE, MI RIGS PA YI GZUGS LA'ANG MI RIGS NA, THE TSOM ZA BA'I CHOS LA SMOS CI DGOS, DE PHYIR BTANG SNYOMS BZHAG LEGS NYES PA MED, CES GSUNGS PA'I PHYIR, DE YANG RJE 'DI BRAM ZE'I KHYE'U RA 'KHRUNGS NAS STON PA DANG MJAL BA NAS TZONG KHAR 'KHRUNGS PA'I BAR LA SKU'I SKYE BA BCU BDUN SONG BA LAS, RGYA GAR DU PAndI TA CHE BA GSUM DANG CHUNG BA GNYIS, BOD DU SKU SKYE GZHAN GSUM BZHES PA LA GCIG NI PAndI TAR BGRANG RUNG ZHING BSTAN PA LA SHIN TU PHAN CHE BA ZHIG TU 'KHRUNGS GSUNGS PA'I BSTAN PA LA PHAN PA SHIN TU CHE BA NI, RDOG BLO LDAN SHES RAB YIN PAR LHO BRAG PHYAG RDOR BA DANG, DPAL MOR BA BZANG GNYIS KYIS GSUNGS SHING, RTOG LO CHEN PO 'DI, 'JAM DPAL RTZA RGYUD LAS, 'DI NAS BYANG PHYOGS GANGS 'GRAM DU, ,BLO LDAN MANG ZHIG 'BYUNG 'GYUR BA, ,NGA MING BSTAN PA 'DZIN BRTZON PHYIR, ,BLO GROS THOGS PA MED PA 'BYUNG, ZHES LUNG BSTAN PA DE YANG ZHES PHAL TSOR GSUNGS ZHING, MGON PO MNGON 'BYUNG GI RGYUD LAS, SHAR PHYOGS RGYA MTSONG BRTEN NAS NI, ,DE 'DIR 'BROG GI MTHAR THUGS PA, ,BLO LDAN LO HA TRI LAS GZHAN, ,DE'I MING SHES RAB MTHAR GNAS SHING, ,BYANG DU DE BZHIN KHA BA CAN, ZHES LUNG BSTAN PA YIN CING, ,RJE RIN

PO TSE 'DI NYID TSONG DPON GYI BU GZHON NU NOR BZANG GI SKYE BA RIM PAR BA RGYUD PA MAR PA CHOS KYI DBANG PHYUG NAS, KUN MKHYEN MTSO SNA PA DANG, DE'I SKU TSE SNGON MA KHA CHE GRIM STAN DU PAndI TA MA TI BHA DAR SKU'I SKYE BA BZHES PA SOGS YIN TE, KUN MKHYEN CHOS SKYABS BZANG POS, KUN MKHYEN MTSO SNA PA'I RNAM THAR GSOL 'DEBS MDZAD PA LAS, NOR BZANG DPAL BO SHAR PHYOGS TZONG KHA SOGS, ,SPRUL SKUS 'GRO DON MDZAD PA LHAG PAR GSAL, ZHES GSUNGS PA'I PHYIR, RJE BLA MA 'DI NYID DGA' LDAN DU BYANG CHUB SEMS DPA' 'JAM DPAL SNYING POR 'KHRUNGS PA'I RJES SU, 'DZAM BU'I GLING GZHAN ZHIG TU CHOS LDAN GYI RGYAL PO ZHIG TU SKU SKYE B BZHES NAS 'GRO DON RLABS CHE BA MAD, SKU SKYE BA GSUM PA LA 'JAM GLING 'DIR SHAR PHYOGS RI RTZA ZHES BYA BA'I GTZUGS LAG KHANG DU, PAndI TA DZNY'A NA ZHES PAR SKYE BA BZHES PA BZHES SHING 'KHOR NYID STONG 'DU BA RNAMS TSOGS LAM RGYA CHEN PO DANG, SBYOR LAM LA GNAS BSHA STAG 'BYUNG ZHING, DPAL PHYAG NA RDO RJES LHO BRAG GRUB CHEN LA RJE RIN PO CHE PHEBS PA NA, MGON PO BYAMS PA 'BYON GYI NA YOD GSUNGS PAS, DE LA DGONGS NAS GRUB CHEN RIN PO CHES, MA 'ONGS 'GRO BA'I DE DPOM BYAMS MGON GYIS, SNYIGS DUS 'GRO LA THUGS RJES NYER DGONGS NAS, ,GANGS CAN DPAL DU BYON PA'I TSONG KHA BA, ,DPAL LDAN BLA MA'I ZHABS LA GSOL BA 'DEBS, ,ZHES BSTOD PAR YANG MDZAD CING, YANG RJE BTUN 'JAM PA'I DBYANGS KYIS RTOG LDAN 'JAM DPAL RGYA MTSO LA, RJE RIN PO CHE 'DI NYID SANGS RGYAS YE

, ,SHAS DBANG PO ZHES PAR SANGS RGYA PAR GSUNGS, 'ON SNGAR BSKAL BZANG GI SANGS RGYAS STONG GI NANG TSAN BCU GCIG PA SPYAN LEGS DANG, DO MTSAR RMAD BYUNG BKOD PAR RGYAL BA SENG GE'I NGOR RA 'TSANG RGYA BAR BSHAD PA DANG 'GAL LO SNYAM NA, SKYON MED DE SANGS RGYAS RE RE YANG ZHING KHAMS MI 'DRA BA DU MAR 'TSANG RGYA PA'I TSUL STON TE, DPER NA BDAG CAG GI STON PA SH'A KYA'I RGYAL PA NYID SANGS RGYA TSUL LA, SHAR PHYOGS KYI ZHING KHAMS RDUL MED CES BYA BA GNAS DANG LONGS SPYOD SUM CU RTZA GSUM PA BZHIN MOD PA'I ZHING DU, PHAL CHER NYAN THOS KYI THEG PA'I CHOS SPON PA'I RDUL BRAL BLO GROS ZHES BYA BA'I SANGS RGYAS SU SANGS RGYAS PA'I TSUL DANG, LHOR GLING BZHI PA'I 'JIG RTEN RIN CHEN 'BYUNG ZHES PA RIN PO CHE LAS GRUB PA'I ZHID KHAMS SU RANG RGYAL GYI THEG PA'I CHOS STON PA'I DE BZHIN GSHEGS PA RIN CHAN PHUNG PA ZHES PA DANG, NUB PHYOGS KYI GLING BZHI PA'I 'JIG RTEN RIN CHEN SNA TSOGS ZHAS PA GNAS DANG LONGS SPYOD DGA' LDAN PA DANG MTSUNGS PAR LOG PAR LHUNG PA'I SEMS CAN 'GANG YANG MED CING, BYANG CHUB SEMS DPA'I SDE SNOD NYID STON PA'I DE BZHIN GSHEGS PA RIN CHEN 'BYUNG ZHES BYA BA DANG, BYANG PHYOGS KYI GLING PA ZHI PA'I 'JIG RTEN 'JIGS MED CES BYA BAR THEG PA GSUM GA STON PA'I DE BZHIN GSHEGS PA 'JIGS MED SPYIN ZHES PA DANG, SHAR LHOR ME TOG SNA TSOGS PA CAN ZHES PA DANG, LHO NUB NA 'OD ZER RAB TU 'GYED PA DANG, NUB BYANG NA SPOS 'GYED 'OD ZER CAN ZHES PA DANG,

BYANG SHAR NA SNYING RJE YID BYED CES PA'I SANGS RGYAS BZHUGS PA RNAMS KYANG BDAG CAG GI STON PA NYID KYI SANG RGYA TSUL YIN PAR, DPA' BAR 'GRO BA'I TING NGES 'DZIN GYI MNGO LAS GSUNGS SHING, BDAG CAG GI STON PA 'DI NYID BSKAL PA DPAG TU MED PA'I SNGA ROL TU BDE BA CAN LTA BU'I DAG PA'I ZHING KHAMS SU RGYAL BAD BANG PO'I TOG CES PA'I SANGS RGYAS SU SANGS RGYAS PA YIN PAR YAB SRAS MJAL BA'I MNGO LAS GSUNGS TE, MDO DE LAS, 'JAM DPAL GYIS GSOL PA, DE'I TSE DE'I DUS NA DE BZHIN GSHEGS PA DBANG PO'I TOG CES BGYI BAR GYUR PA DE NI, BCOM LDAN 'DAS NYID DE'I TSE DE'I DUS NA DE BZHIN GSHEGS PA DBANG PO'I RTOG CES BGYI BAR GYUR PAR 'TSAL TE, ZHES GSUNGS PA'I PHYIR, DA LAR BDAG CAG GI STON PA SOGS SANGS RGYAS KYI ZHING 'OG MIN DU LONGS SKU'I GO 'PHANG MNGON DU MDZAD NAS, ZHING KHAMS BYE BA PHRAG BRGYAR SPRUL SKUR 'TSANG RGYA PA'I TSUL CIG CAD STON PA LAR, RJE RIN PA CHE SANGS RGYAS PA'I MTSAN GYI RNAM GRANGS DUM BYUNG PA LA MI 'THANG BA CI YANG MED PAR SHES PAR BYA'O, ,MDOR NA RJE BLA MA 'DI NYID SANGS RGYAS THAMS CAD KYI MKHYEN BRTZE NUS PA THAMS CAD GCIG TU BSDUS NAS, RGYA GAR KHA CHE BA LA BOD SOGS YUL DU MAR PAndI TA'I SKU'I SKYU PA BRGYUD MAR BZUNG NAS BSTAN PA DANG, 'GRO BA'I DON DPAG TU MED PA MDZAD PA YIN TE, GSANG BA'I BDAG PO PHYAG NA RDO RJES LHO BRAG GRUB CHEN LAS KYI RDO RJE LA GSUNGS PA'I LUNG BSTAN LAS GSANG 'DZIN LAS KYI RDO RJE LA, SNGON NAS NYE BAR 'BREL BA YI, ,BLO BZANG GRAGS PA 'DI

, ,NYID NI, ,SANGS RGYAS KUN GYI SPRUL PA STE, ,PAn CHEN RKYANG GI LUS BZUNG NAS, ,MDO DANG SNGAGS KYI DON BSHAD CING, ,NGES PA KHO NAR 'TSANG RGYA'O, ,RGYA GAR RGYA NAG BAL PO DANG, ,DBUS GTZANG MDO KHAMS YUL PHYOGS SU, ,SKYE BA BZUNG ZHING 'GRO KUN RNAMS, THAR PA'I LAM LA 'KHRID PAR BYED, ,'JAM PA'I DBYANGS NI LHAG PA'I LHA, ,DBYANGS CAN MA NI LAS RGYA STE, ,NGES PA KHO NAR BYANG CHUB PO, ,PHAGS PA'I SLOB MA 'DU BAR BYED, ,LUS 'DI BOR TSE DGA' LDAN DU, ,BYAMS PA'I DRUNG 'GRO CHOS NYAN 'GYUR, ,'JAM DPAL SNYING PO ZHES BYA BA, ,SEMS CAN KUN LA BRTZE BA STE, ,DE NI SA BCU'I MTHAR PHYIN TO, ,ZHES DANG, BLO BZANG GRAGS PA 'GRAN GYI DO ZLA MED, ,SH'AKYA'I RGYAL PO'I DRUNG DU THUGS MCHOG BSKYED, ,ZHING 'DIR MDO DANG SNGAGS KYI GZHUNG LUGS SPEL, ,'DI NAS 'PHOS TSE DGA' LDAN GNAS SU 'GRO, ,'JAM DPAL SNYING PO BYAMS PA'I SRAS MCHOG DE, , MYUR DU SANGS RGYAS DE BZHIN GSHEGS PAR 'GYUR, ZHES GSUNGS PA'I PHYIR, DE YANG RJE RIN PO CHE'I RNAM THAR GYI GTZO BO CHOS RAB TU RNAM 'BYED KYI SHES RAB KYIS ZAB MO'I CHOS THAMS CAD THUGS SU CHUNG CING, DNGOS STOBS KYI RIGS PA DRI MA MED PAS GZHI LAM 'BRAS GSUM GYI RNAM GZHAG JI LTA BA BZHIN RTOGS NAS GZHAN LA 'DOMS PA 'DI YIN YANG, LEGS BSHAD KHAMS PA'I SLO GROS KYIS, ,GO YI BLUN POS DE LTAR MIN, ZHES DANG, SKYE BO PHAL CHER PHAL

LA CHAGS SHING SHES RAB RTZAL MED PAS NA LEGS BSHAD RNAMS, DON DU MI GNYER KHO NAR MA ZAD PHRAG DOG DRI MA DAG GIS SDANG BAR YANG, ,YONGS GYUR NGES NA BDAG LA 'DI NI GZHAN LA PHAN PA YIN ZHES BSAM PA'ANG MED, CES GSUNGS PA LTAR, PHAL CHER LEGS NYES 'BYED PA'I SHES RAB KYI RTZAL DANG MI LDAN PAS, RJE BLA MA'I LEGS BSHAD LA LEGS BSHAD DU MI GO, 'GA' ZHIG GIS GO YANG KUN SLONG NGAN PA DANG, RANG RANG GI GRUB MTHA'I KHA 'DZIN GYI PHYIR RJE'I GSUNG RAB RNAMS PHYOGS MTHA' DAG NAS 'GOG PAR RTZOM ZHING CHED DU GNYER NAS SPONG, YANG LEGS BSHAD LAS, MKHAS PA MKHAS PA'I NANG NA MDZES, ,BLUN POS MKHAS PA JI LTAR GO, ,ZHES GSUNGS PA LTAR, KUN MKHYEN RONG PO'I SLOB DPON 'JAM DBYANGS KHA CHE BLO GSAL RI KHROD PA NI THOG MAR RJE LA MI DANG PA ZHIG YIN YANG ,PHYIS LHAG PAR YANG DANG NGES TZONG KHA BRGYAD CU MA LA SOGS PA'I BSTOD PA MDZAD, STAG TSANG LO TZ'A BA SHES RAB RIN CHEN YANG THOG MAR BOD SNGA MA'I DBU MA'I LUGS SROL BSKYANG BAR BZHED NAS, RJE'I LAM RIM GYI LHAG MTHONG GI SKABS LA 'GAL BA'I KHUR CHEN BCO BRGYAD LA SOGS PA'I RTZOD YIG MDZAD KYANG, PYYIS SU LHAG PAR DANG NGE, ,KHYOD BLO'I NYI MAS GZHON NU'I DUS NYID NAS, ,MDO DANG RGYAN GYI PAD TSAL RGYAS MTHONG NAS, ,BDAG BLO KHENGS PA'I KU MUD LHAG PAR ZUM, ,ZAB YANGS MKHYEN PA'I GTER LA GSOL PA 'DEBS, ,BYANG PHYOGS 'DI NA CHIG LA BYANG PA'ANG DKON, ,DON LA SGRO 'DOGS CHOD PA DE BAS DKON, ,BSTAN DON

, ,NYAMS SU LEN PA SRID MTHA' TZAM, ,'DI GSUM MTHAR PHYIN KHYOD LA SNYING NAS 'DUD, ,LA LA RIGS BRAL LUNG GI GRUB MTHA' 'JOG ,KHA CIG LUNG MED RIGS PA LTAR SNANG RTZAM, ,LUNG RIGS GNYIS KAS RGYAL BA'I GSUNG RAB KUN, ,LEGS PAR 'BYED PA KHYOD LA GUS PHYAG 'TSAL, ,KHA CIG 'DUL BA GTZOR BYAS GSANG SNGAGS SPONG, ,GZHAN DAG SNGAGS LA MOS BLOS 'DUL BA 'GOG, RGYAL BA'I BSTAN PA MTHA' DAG 'GAL MED DU, ,RDZOGS PAR NYAMS SU LEN MKHAS KHYOD LA 'DUD, ,MTSAN NYID MCHOG BZUNG GSANG SNGAGS ZA CHOS DANG, ,SNGAGS KYIS KHENGS NAS MTSAN NYID KHA BSHAD TZAM, ,MDO SNGAGS MTHA' DAG MA TSANG RDZOGS BYANG DU, ,'GRO THABS MED PAR GZIGS PA KHYOD LA 'DUD, ,LA LA SPYOD PA ZHIB MOS LTA BA 'GOG ,KHA CIG LTA BA MTHON POS SPYOD PA 'DOR, ,LTA SPYOD PHAN TSUN GROGS SU SHAR BA YIS, ,DON 'DI LHAG PAR 'DOMS PA KHYOD LA 'DUD, ,'GA' ZHIG BSHAD PA GTZOR BYAS SGOM LA SMOD, , LA LA SGOM GYI MCHOG 'DZIN LUNG LA SMOD, ,BSHAD SGRUB GNYIS KAS LUNG RTOGS DAM BA'I CHOS, ,'DZIN TSUL GSAL MDZAD KHYOD LA GUS PAS 'DUD, ,MDO SNGAGS MTHA' DAG KHYAD PAR RDO RJE THEG ,RGYUD SDE MTHA' DAG KHYAD PAR BLA MED DON, ,RIM GNYIS MTHA' DAG KHYAD PAR SGYU LUS LA, ,SNGON MED LEGS BSHAD GTER CHEN KHYOD LA 'DUD, ,MDOR NA THUB BSTAN MTHA' DAG MA LUS PA, ,BSHAD SGRUB GNYIS KYIS CHES CHER GSAL MDZAD PA, ,GANGS CAN 'DI NA BSTAN

'DZIN MTHA' DAG GIS, ,RTAG TU BSNGAGS PAR 'OS PA KHYOD LA 'DUD, ,BDAG KYANG DENG NAS TSE RABS THAMS CAD DU, ,BDAG NYID CHEN PO KHYOD BZHIN RGYAL BA'I BSTAN, ,BDAG PAS GZHAN GCES LHAG BSAM PHUL BYUNG GIS, ,BDAG GI SROG LTAR BSRUNG BAR BYIN GYIS RLOBS, ,KHYOD LA GTZOR BYAS HA CANG MCHOG 'DZIN GYIS, ,PHYOGS LHUNG GDON GYIS THUB BSTAN DKRUGS PA YANG, ,DAG SNANG PHYOGS MED THUGS MNGA' KHYOD NYID KYIS, ,MYUR DU BSAL NAS BSTAN 'DZIN MTHUN GYUR CIG, CES BSTOD CING 'GYOD TSANGS KYANG PHUL LO, ,'O NA RJE RIN PO CHE DE NYID MKHYEN PA CHE CHUNG JI LTAR SNYAM NA, DE YANG DGUNG LO BCU BDUN LA DBUS SU PHEBS NAS THOG MAR SNYE THANG BDE BA CAN DU PHAR PHYIN LA GSAN SBYONG MDZAD PA'I TSE, ZHAG BCO BRGYAD TZAM LA 'GREL BA DON GSAL GYI GZHUNG SHIN TU BYANG BAR THUGS LA CHUD PAS THAMS CAD NGO MTSAR DU 'DZIN CING, TSAL DU 'DZIN YANGS PAR GRAGS PA'I GLING MTSUNGS MED PA, MDO SMAD PA 'JAM DPAL BKRA SHIS, SH'AKA GRUB CES PA GSUM DANG, RJE RIN PO CHE RNAMS LJAGS 'DZIN YANGS DOG LA NYAMS SAD PAR MDZAD PAS, RJE RIN PO CHES TSAL DBUS GLING GI TOG LA NYI MA SHAR BA DANG MNYAM DU SNGAR GZIGS MA MYONG BA'I SHOG BU MDA' TSAD YID 'PHRENG DGU MA'I SHOG LDE BZHI SHIN TU BYANG BA DANG, GLING MTSUNGS MED PAS PHYED DANG GSUM THOR BA DANG, GZHAN GNYIS KYIS RE RE LAS MA ZIN, SKYOR MO LUNG DU MKHAN CHEN DKA' BZHI PA BLO GSAL BA LA 'DUL BA GSAN PA'I ZHAR BYUNG DU, 'DUL BA'I RGYA CHER

, ,'GREL GYI SHOG BU BCU BDUN RE NYI MA RE RER 'CHAG MED LJAGS 'DZIN MDZAD PA DANG, YAR LUNG AO DKAR BRAG TU STAN GCIG GI BRTUL ZHUGS MDZAD CING ZHUGS PA'I THUGS DAM GYI RIM PA RNAMS GRUB NAS BZHES PA RAN GYI BAR LA 'GREL CHEN DRI MED 'OD KYI SHOG BU BDUN RE LAM MTHA' MDZAD NAS LJAGS 'DZIN MDZAD PA DANG, MON MKHAR BKRA SHIS GDONG DU DKA' BZHI PA SHER BZANG GIS CHOS THOG GCIG LA PO TI BCU GCIG GSUNGS 'DUG, DUS PHYIS BOD DU PO TI DUS GCIG LA GSUNGS PA DE MANG SHOS SU 'ONG BA 'DRA GSUNG PA LA, DGE BSHES SHA STON LA SOGS PAS 'DI NAS KYANG DE TZAM ZHIG DUS GCIG LA GSUNG BA 'TSAL ZHUS PAS, RTZOL BA BYAS NA DE TZAM ZHIG 'CHAD THUB PA 'DRA GSUNG, 'O NA CES KYANG GSUNG BAR 'TSAL ZHES NAN GYIS GSOL BA BTAB PAS, TSES BCU NAS GNAM GANG GI BAR SKU MTSAMS BCAD NAS GZIGS RTOG MDZAD, GNAM GANG GI NYIN PHYAG DPE THAMS CAD SKU RAGS BCINGS, TSES GCIG NAS GSUNG BAR BZHED PA LA, GSANG PHU SOGS NAS CHOS GSAN RNAMS SGUG DGOS BYUNG BAS NYI MA GNYIS GSUM TZAM GYI BAR DU MAR MID LA SOGS KYI GSUNG RGYUN THOR BU BA 'GA' GSUNGS, TSES LNGA NAS NYI MA GCIG LA RGYA GAR SKAD BCO LNGA'I DGU DUS GCIG LA BTZUGS NAS, NYIN RE BZHIN THO RANGS NAS SROD KYI BAR LA CHOS THUN BCO LNGA RE MA CHAG PAR THUGS BSHAD MDZAD, PO TI CHUNG BA GNYIS RDZOGS NAS DE'I DOD DU SLAR YANG GNYIS BTZUGS NAS, RNAM 'GREL, PHAR PHYIN, MNGON PA

GONG 'OG GNYIS, 'DUL BA MDO RTZA BA, BYAMS CHOS PHYI MA BZHI, DBU MA RIGS TSOGS LNGA, 'JUG PA, BZHI BRGYA PA, SPYOD 'JUG STE BCU BDUN GYI BSHAD PA DKA' CHEN 'GA' ZHIG BOD KYI d'IKKA CHEN MO RE GZHIR BZHAG PA'I THOG TU 'GREL PA'I 'CHAD TSUL DU MA DGAG SGRUB DANG BCAS PAS GTAN LA PHAB CING, GZHUNG GZHAN RNAMS PHAL CHER RANG RANG GI 'GREL PA'I STENG NAS GZHUNG PHRA RAGS MA LUS PA LA BSHAD PA ZHIB PAR MDZAD DE, ZLA BA GSUM LA RDZOGS PAR MDZAD, DE DAG GI SKABS SU'ANG SROD CHOS GROL NAS 'JIGS BYED KYI BDAG 'JUG SOGS THUGS DAM RIM GNYIS KYI RNAL 'BYOR RNAMS 'CHAG MED DU MDZAD PAS KUN YA MTSAN PAR BYED PA LA GO BO RAB 'BYAMS PAS, DRUNG BLO BA 'DI LA DENG SANG GI BTZUN CHUNG SLOB GNYER BA BLO GSAL BA ZHIG GI SHES RAB KYANG MED PAR 'DUG CES SKUR ZHUS BYAS PA NI RANG NYID GZU BOR MI GNAS PA'I NANG MTSANG BSTAN PAR ZAD DE, SNGON GYI 'DUL BA GSAN DUS DE'I ZHAR LA NYI MA RER RGYA CHER 'GREL GYI SHOG BU BCU BDUN TZAM 'CHAG MED LJAGS 'DZIN MDZAD PA SOGS MNGON DU MA GYUR KYANG, PHAR PHYIN LA THUGS SBYONG MDZAD NAS RING POR MA THOGS PAR LEGS BSHAD GSER PHRENG ZHES BYA BA RGYA BOD KYI MKHAS GRUB DU MA'I 'CHANG TSUL DGAG SGRUB DANG BCAS PA TSIG SBYOR PHUN SUM TSOGS PA'I GLEGS BAM CHEN PO 'DI TZAM ZHIG DANG, LAM RIM CHE CHUNG SNGAGS RIM, RIM LNGA GSAL SGRON SOGS TSIG DON GNYIS KA PHUN SUM TSOGS PA'I BSTAN BCOS CHEN PO 'DI RNAMS LA GZU BO'I BLOS LEGS PAR GZIGS SHIG DE KAS

, ,MKHYEN RAB YOD MED MKHYEN PAR 'GYUR RO, ,DES NA DA LTA RGYAL BA'I MDO RGYUD DGONGS 'GREL DANG BCAS PA'I GNAD DON MA LUS PAR THUGS SU CHUD NAS DON DE DAG DRAG LA YUN RING BAR BRTZON PA CHEN POS BSGRUB PAR MDZAD PAS, TSE GCIG NYID LA RDO RJE 'CHANG GI GO 'PHANG THOB PAR BYED PA'I LAM GYI RTOGS PA KHYAD PAR CAN THUGS RGYUD LA 'KHRUNGS SO ZHES SMRAS KYANG NGO MTSAR DU CI YANG MI 'DZIN PAR, PHYI ROL PA DANG THUN MONG BA'I ZHI GNAS TZAM GYI MTHUS MA 'ONGS PA'I 'BYUNG 'GYUR CUNG ZAD SHES PA'I MNGON SHES PHRA MO DANG, RTZA RLUNG LA NUS BA CUNG ZAD THON PA DANG, LHA 'GA'I ZHAL MTHONG BA LA NGO MTSAR MCHOG TU 'DZIN PA MANG BAS DE'I PHYIR CUNG ZAD TZAM BSHAD NA, SPYIR DGE BSHES STON PAS SROL LEGS PAR BTZUGS PA'I BKA' GDAMS BA RNAMS YON TAN KHONG DU SBED PA GTZO BOR MDZAD CING, KHYAD PAR RJE RIN PO CHE THUGS SHIN TU SGAM PAS MNGON MTSAN CAN MI MDZAD KYANG, SE RA NA BZHUGS SKABS, TA'I MING RGYAL PO'I GSER YIG PA RNAMS KYIS GSANG STABS KYIS 'PHAN YUL NAS MTSAN 'GROS BYAS TE SE RAR THAM KA 'BUL RTZIS BYAS PAR DE GONG NAS MKHYEN TE, PHYAG PHYI GCIG GNYIS MA GTOGS THAMS CAD LA GSANG STER KHA BRAG TU PHEBS PAS THAMS CAD MDZAD BDE BA BYUNG BA DANG, GZHAN YANG CHOS RA'I LTAG GI RI GZAR PO NAS PHA BOD CHEN PO RNAMS 'GRIL BAS DGE 'DUN RNAMS SKRAG PA DANG, CHA'I PHYOGS NAS RLUNG CHEN PO GNAM SA 'BREL BA TZAM BYUNG BA GNYIS KA LA SDIGS MDZUB MDZAD PAS LOG PA BYUNG ZHING, LHAG PA'I LHAS ZHAL

GZIGS TSUL NI, GSANG PHUR DBYANGS CAN MA'I ZHAL GZIGS, STOD LUNG DGA' BA GDONG DU RJE BTZUN 'JAM DBYANGS ZHAL GZIGS, CHOS LUNG DGON PAR SANGS RGYAS SO LNGA, SMAN BLA, TSE DPAG MED, BYAMS PA, RGYA SOG PHU RU RJE BTZUN 'JAM DBYANGS LA, SA RA HA LA SOGS PA'I GRUB CHEN, RGYAN DRUG MCHOG GNYIS LA SOGS PA MANG POS BSKOR BA ZHAL GZIGS SHING, DPAL RDO RJE 'JIGS BYED KYIS DNGOS SU DBANG BSKUR, TZA RIR 'KHOR LO BDE MCHOG GIS LUS KYI DKYIL 'KHOR DU DBANG BSKUR ZHING, TZA RI NAS BYON PA'I MO LA'I LA RTZAR RJE BTZUN BYAMS PA RI RGYUD TZAM GYIS DBUGS DBYUNG BAR MDZAD, GNYUNG DU DPAL DUS KYI 'KHOR LO DPA' BO GCIG PAS ZHAL BSTAN NAS BSNGAGS PAR MDZAD CING, DBYANGS CAN MAS MA 'ONGS LUNG BSTAN KYANG MDZAD, RA SGRENG DU BSTAN PA'I BDAG PO NAS LHO BRAG GRUB CHEN GYI BAR GYI LAM RIM BRGYUD PA'I BLA MA RNAMS KYI ZHAL GZIGS, MTHAR JO BOS BYIN GYIS BRLABS NAS BSTAN PA DANG SEMS CAN LA PHAN PA BSGRUB PA'I GROGS MDZAD PAR ZHAL GYIS BZHES, DGA' LDAN DU STON PA BCOM LDAN 'DAS GSER RI LTA BU ZHAL GZIGS SHING DBYER MED GCIG TU GYUR PA DANG, GZHAN YANG SGROL MA, RNAM RGYAL, GDUGS DKAR, 'OD ZER CAN MA, 'JIGS BYED, 'KHOR CHEN, PHYAG DRUG PA, PHYAG BZHI BA, GUR ZHAL, RNAM SRAS, KHYAD PAR DAM CAN CHOS KYI RGYAL POS BRAN G-YOG BZHIN BZHED DON MTHA' DAG BSGRUB PA DANG, RGYA SOG PHU DANG, LHA SA SMON LAM GYI DUS SU,

, ,PHYOGS BCU'I SANGS RGYAS SRAS DANG BCAS PA RNAMS MCHOD PA'I YUL DU BYON NAS NAM MKHA' KHAMS THAMS CAD GUR PHUNG PA BZHIN BZHUGS PAR ZHAL GZIGS PA SOGS BSAM GYIS MI KHYAB PA'I RNAM PAR THAR PA DANG LDAN PA STE, MDZAD PA BO'I CHE BA'I YON TAN BRJOD PA BSHAD ZIN TO, ,GNYIS PA BRTZAMS PA'I BSTAN BCOS DNGOS BSHAD PA LA DRUG, MCHOD PAR BRJOD PA, BRTZAM PAR DAM BCA' BA, MNYAN PAR BSKUL BA, LAM GYI GTZO BO RNAM GSUM NYID BSHAD PA, DE GSUM THOS BSAM GYIS GTAN LA PHEBS NAS NYAMS SU LEN DGOS PAR GDAMS PA, BRTZAMS PA MTHAR PHYIN PA'I TSUL LO, ,DANG PO NI, RJE BTZUN BLA MA RNAMS LA PHYAG 'TSAL LO, ,ZHES PAS STON, DE'I DON NI, RJE BTZUN TZONG KHA CHEN POS 'DI NYID RTZOM PA'I THOG MAR, BLA MA RJE BTZUN 'JAM PA'I DBYANGS GTZO BOR GYUR BA'I BLA MA DBU MA PA, RJE BTZUN RED MDA' PA RNAMS LA PHYAG MDZAD PA LA DGOS PA YOD DE, BSTAN BCOS RTZOM PA'I 'GAL RKYEN BAR CHAD ZHI NAS RTZAM PA MTHAR PHYIN PA DANG, RANG NYID SKYES BU DAM PA'I SPYOD BA DANG MTHUN PAR BSTAN PA'I CHED YIN BA'I PHYIR, DE RNAMS LA RJE BTZUN ZHES BRJOD PA'I RGYU MTSAN YOD DE, DE RNAMS RANG NYID LA DAD PA'I GDUL BYA RNAMS 'KHOR BA SPYI DANG, KHYAD PAR NGAN SONG GI RGYA MTSO LAS SGROL BA'I DED DPON NAM, RJE BO'AM, GTZO BO YIN PAS NA RJE, YANG NA 'GRO BA LHA DANG BCAS PA'I GTZUG GI NOR BUR GYUR PAS NA RJE, SGO GSUM NYES SPYOD MTHA' DAG LAS SDOM PAS NA BTZUN ZHES BRJOD

BA'I PHYIR, SKABS 'DI'I BSTOD PHYAG GI YUL DU GYUR BA'I BLA MA'I GTZO BO DE RJE BTZUN 'JAM PA'I DBYANGS LA BYED PA YIN TE, LAM GYI GTZO BO RNAM GSUM GYI THA SNYAD BYAS PA'I GDAMS PA 'DI RJE RIN PO CHE LA THOG MAR GSUNG BA'I BLA MA NI RJE BTZUN 'JAM PA'I DBYANGS YIN PA'I PHYIR, BLA MA LA BSTOD PHYAG BYAS PAS, BSTAN BCOS RTZOM PA'I 'GAL RKYEN BAR CHAD THAMS CAD ZHI NAS RTZOM PA MTHAR PHYIN BAR 'GYUR BA YANG YIN TE, BAR CHOD RNAMS NI BSOD NAMS MA YIN PA LAS BYUNG BA YIN LA, BLA MA LA BSTOD PHYAG BYAS BAS BSOD NAMS 'PHEL ZHING, BSOD NAMS 'PHEL BAS KYANG BAR CHAD ZHI NAS BSAM PA THAMS CAD 'GRUB PAR 'GYUR BA'I PHYIR TE, MDO LAS, BSOD NAMS LDAN BA'I MI YI BSAM PA RNAMS KYANG 'GRUB, CES GSUNGS PA'I PHYIR, RANG GI BLA MA LA PHYAG MDZAD PAS RANG NYID SKYES BU DAM PA'I SPYOD PA DANG MTHUN PAR YANG 'GYUR TE, SLOB DPON SH'AKYA BLOS, YA RABS DAG NI PHAL CHER BSTAN BCOS RTZOM PA LA SOGS PA'I THOG MAR BDAG NYID 'DOD PA'I LHA LA PHYAG BYED DO, ,ZHES GSUNGS PA'I PHYIR, 'O NA BAR CHAD ZHI BA'I CHED DU BLA MA RNAMS LA RANG GI LUS NGAG YID GSUM GYIS 'DUD PA BYAS PAS CHO GA MOD, PHYAG 'TSAL BA'I TSIG 'DIR DNGOS SU 'GONG CI DOGS SNYAM NA, SKYON MED DE, PHYI RABS KYI GDUL BYA RNAMS LA YON TAN KHYAD PAR CAN RANG RGYUD LA SKYE BAR 'DOD NA, LEGS TSOGS THAMS CAD KYI RTZA BA DGE BA'I BSHES GNYEN MTSAN NYID DANG LDAN PA G-YO MED PAR TSUL BZHIN DU BSTEN DGOS SO ZHES GO BA'I CHED DU YIN PA'I PHYIR, 'DI

, ,DAG GI SKABS SU, SDOM GSUM RANG DBYE LAS, RAB BYUNG MIN LA MKHAN PO MED, ,DBANG MA BSKUR LA BLA MA MED, CES BA DNGOS ZIN DU KHAS BLANGS NAS, KHYOD KYIS SLOB MA DE LA RGYUD SDE DANG MTHUN PAR DBANG MA BSKUR NA, KHYOD SLOB MA DE'I BLA MA MA YIN PAS KHYAB PO ZER NA, DBANG BSKUR MA THOB PA'I 'DUL BA NAS BSHAD PA'I GNAS KYI BLA MA DE CHOS CAN, KHYOD GNAS BA SLOB MA'I BLA MA MA YIN PAR THAL, KHYOD KYIS DE LA RGYUD SDE DANG MTHUN PAR DBANG MA BSKUR BA'I PHYIR TE, RANG NYID KYIS DBANG MA THOB PA'I PHYIR KHYAB STE, RANG GIS DBANG MA THOB PAR GZHAN LA DBANG BSKUR DU MI RUNG BA'I PHYIR, RTZA BAR 'DOD NA DE CHOS CAN, DE'I BLA MA YIN PAR THAL, DE'I GNAS KYI BLA MA YIN PA'I PHYIR, GZHAN YANG, 'DUL BA NAS BSHAD PA'I BLA MA MED PAR THAL, RTZA BA'I DAM BCA' 'THAD PA GANG ZHIG, 'DUL BA NAS DBANG GI RNAM GZHAG MA BSHAD PA'I PHYIR, 'DOD MI NUS TE, K'A RI KA LNGA BCU PA LAS, BLA MA GNAS PA'I SGO GLEGS LA, ,LAG PAS DAL BUS BRDUNG BAR BYA, ,NANG ZHUGS GUS PAS BLA MA LA, ,KHAMS BDE MI BDE LA SOGS 'DRI, ZHES GSUNGS PA'I PHYIR, GZHAN YANG 'DUL BA NAS BLA MA BSHAD PAR THAL, DE NAS BLA MA'I MTSAN NYID BSHAD PA'I PHYIR TE, SUM BRGYA BA LAS, TSUL KHRIMS LDAN ZHING 'DUL BA'I CHO GA SHES, ,NAD PA SNYING BRTZE 'KHOR NI DAG PA DANG, ,CHOS DANG ZANG ZING PHAN 'DOGS LA BRTZON PA, ,DUS SU 'DOMS PA DE DAG BLA MAR

BSNGAGS, ZHES GSUNGS BA'I PHYIR, GAL TE KHO NA RE, 'DUL BA NAS BLA MA'I THA SNYAD TZAM ZHIG BSHAD KYANG, DE NAS BSHAD BA'I BLA MA LA BLA MA'I DON MTSANG NGO ZER NA, DE LA KHA CIG DE YANG MI 'THAD DE, SAm SKRi TA'I SKAD LA BLA MA LA GU RU ZHES PA 'BYUNG ZHING, DE'I DON YON TAN GYIS GANG ZHING BKA' DRIN LCI BA DANG, YANG NA YON TAN GYI 'BYUNG GNAS YIN PA DANG, YANG NA DE'I DON GSANG BA STON PA YIN LA, 'DUL BA NAS BSHAD PA'I MKHAN SLOB GNAS KYI BLA MA RNAMS KYIS, RANG RANG GI MKHAN BU GNAS PA SLOB MA RNAMS LA BSLAB PA GSUM GYI YON TAN STER ZHING, BSLAB PA GSUM GYI YON TAN THOB BA LA BRTEN NAS 'KHOR BA LAS THAR BAR BYED PAS BKA' DRIN SHIN TU CHE BA'I PHYIR ZHES GSUNGS, GZHAN YANG PHAR PHYIN THEG PA NAS BSHAD PA'I BLA MA MED PAR THAL, RTZA BA'I DAM BCA' 'THAD PA'I PHYIR, 'DOD MI NUS TE, YON TAN RIN PO CHE SDUD PA LAS, SLOB MA BZANG PO BLA MAR GUS LDAN DE DAG GIS, ZHES SOGS DANG, MNGON RTOGS RGYAN LAS, BLA MA SKYEL LA SOGS PA DANG, ,YANG DAG BLANGS PA BRTAN PA DANG, ZHES GSUNGS PA'I PHYIR, DE LTAR BYAS PA LA PHYOGS SNGA MA SMRA BA NA RE, SNGAR DRANGS PA'I SDOM GSUM DANG, GZHAN YANG SDOM GSUM LAS, BLA MA LA NI MAS NA YANG, ,DE 'DRA'I BLA MA BLA MA MIN, ,DPON SLOB GNYIS KA GSANG SNGAGS KYI, ,SDOM PA MED PA YIN PHYIR RO, ,DPER NA RAB BYUNG MA BYAS NA, ,MKHAN PO'I THA SNYAD MED PA BZHIN, ,DE DAG DBANG BSKUR MA

, ,THOB NA, BLA MA'I THA SNYAD MI 'BYUNG NGO, ,ZHES GSUNGS PA RNAMS NA GSANG SNGAGS KYI DBANG DU BYAS PA'O, ,ZER NA, 'O NA KHYOD KYIS RDO RJE SLOB MA DE LA DBANG MA BSKUR NA, KHYOD DE'I GSANG SNGAGS KYI BLA MA MA YIN DGOS BAR THAL, DAM BCA' 'THANG BA'I PHYIR, 'DOD NA, RDO RJE SLOB MA GCIG LA RGYUD TZAM BSHAD BA'I BLA MA CHOS CAN, KHYOD RDO RJE SLOB MA DE'I BLA MA MA YIN BAR THAL, KHYOD KYIS DE LA DBANG MA BSKUR BA'I PHYIR, KHYAB BA KHAS, RTAGS DER THAL, DE LA RGYUD TZAM BSHAD PA'I BLA MA YIN PA'I PHYIR, KHYAB STE, RDO RJE SLOB MA GANG GIS BLA MA GCIG LA CHOS 'CHAD NYAN GYI 'DU SHES KYIS RGYUD TSIGS BCAD GCIG YAN CHAD NYAN PA LA'ANG GSANG SNGAGS KYI CHOS 'BREL YOD PA RGYU MTSAN DU BYAS NAS BLA MAR MI 'DZIN NA, KHYE'I SKYE BA BRGYAR SKYES NAS MIR SKYES KYANG SME SHA CAN RIGS NGAN BSHAN PA'I RIGS SU SKYE BA'I PHYIR TE, TSIGS BCAD GCIG TZAM NYAN PA LA'ANG, ,GANG GIS BLA MAR MI 'DZIN PA, ,KHYI YI SKYE BA BRGYAR SKYES NAS, ,SME SHA CAN DU SKYE BAR 'GYUR, ZHES GSUNGS PA'I PHYIR, RTZA BAR 'DOD NA, DE CHOS CAN, DE'I BLA MA YIN PAR THAL, DE'I BKA' DRIN GCIG LDAN GYI BLA MA YIN PA'I PHYIR, KHYAB STE, GSANG SNGAGS KYI BLA MA DE LA BKA' DRIN GCIG LDAN, GNYIS LDAN, GSUM LDAN GSUM DU YOD PA LAS, DBANG BSKUR, RGYUD BSHAD, MAN NGAG GNANG BA GSUM PO GANG RUNG GCIG DANG LDAN PA LA BKA' DRIN GCIG LDAN, GNYIS TZAM DANG LDAN PA

LA GNYIS LDAN, GSUM GA TSANG PA LA BKA' DRIN GSUM LDAN DU 'JOG PA'I PHYIR, DER THAL, DGRA NAG GI RGYUD LAS, DAM TSIG KLOG BA SBYIN PA DANG, ,'CHAD BYED MAN NGAG STON PA DANG, ,DBANG BSKUR BA DANG LAS BYED PA, , DE RNAMS SLOB DPON ZHES BSHAD DO, ,ZHES GSUNGS PA'I PHYIR, GNYIS PA BRTZAM PAR DAM BCA' BA NI, RGYAL BA'I GSUNG RAB KUN GYI SNYING PO'I DON, ,RGYAL SRAS DAM PA RNAMS KYIS BSNGAGS BA'I LAM, ,SKAL LDAN THAR 'DOD RNAMS KYI 'JUG NGO GAS DE, ,JI LTAR NUS BZHIN BDAG GIS BSHAD PAR BYA, ZHES PAS BSTAN, DE'I DON NI, RGYAL BA THUB BA'I DBANG PO'I THEG PA CHE CHUNG GI GSUNG RAB KUN GYI BRJOD BYA MTHA' DAG SDUD BYED KYI SNYING PO'I DON, SKU TSE DU MAR LAM DANG, LAM MA YIN PA RNAM PAR 'BYED PA'I GNAD LA PHRA ZHING 'DZANGS LA ZHIB PA'I BLO GROS KYIS LEGS PAR SBYANGS PA'I RGYAL SRAS DAM PA RNAMS KYIS, CHOS KYI BGO SKAL LA SPYOD PA'I SKAL LDAN THAR 'DOD RNAMS KYI 'JUG NGOGS TE 'JUG SGO DAM PAR BSNGAGS PA'I NGES 'BYUNG, BYANG CHUB KYI SEMS, YANG DAG BA'I LTA BA GSUM PO DE, BLA MA RJE BTZUN 'JAM PA'I DBYANGS KYIS RANG NYID LA GDAMS PA LTAR, TSA? KHO DPON PO NGAG DBANG GRAGS PA KHYOD LA LAN DANG RNAM PAR SMIN PA LA MI RE BAR SHIN TU BRTZE BA'I SEMS KYIS KUN NAS BSLANGS TE, BDAG BLO BZANG GRAGS PAS KYANG RANG GIS JI LTAR NUS BA BZHIN BSHAD PAR BYA STE, TSA KHO DPON PO KHYOD NI LAM GYI GTZO BO RNAM GSUM BSTAN PA'I SNOD RUNG

, ,GI GDUL BYA DBANG RNON MCHOG TU GYUR PA YIN PA'I PHYIR, ZHES PA'O, ,RJE BTZUN GYIS RJE RIN PO CHE LA GDAMS TSUL NI, SPYIR CHOS KYI RNAM GRANGS MANG YANG, THAR PA'I RGYUR 'GRO BA NI GSUM STE, NGES 'BYUNG, BYANG CHUB KYI SEMS, YANG DAG PA'I LTA BA'O, ,DA LTA 'DI GSUM LA MYONG BA THON PA LTA ZHOG ,'DI GSUM GYI GO BA RNAM DAG YOD PA'ANG DKON, DE LA DANG PO GNYIS KYI GO BAS NI THAR PA'I SA BON 'JOG MI NUS LA, PHYI MA STOBS CHE BAS 'JOG NUS, DANG PO GNYIS GO BA TZAM LAM LAS PA'I YID 'GYUR BA'I MYONG BA THON PAS THAR PA'I SA BON 'JOG CES SOGS DU MA ZHIG GSUNGS TE, RJE BTZUN GYIS RJE LA GSUNGS PA DE NYID LA BLTA BAR BYA'O, ,'O NA, NGES 'BYUNG, BYANG CHUB KYI SEMS, YANG DAG PA'I LTA BA GSUM THEG PA CHE CHUNG GI GSUNG RAB KUN GYI BRJOD BYA MTHA' DAG SDUD BYED YIN PA JI LTAR ZHE NA, DE LTAR YIN TE, RGYAL BA'I GSUNG RAB KUN GYI BRJOD BYA MTHA' DAG SKYES BU GSUM GYI LAM GYI RIM PAR 'DU ZHING, SKYES BU GSUM GYI LAM GYI RIM PA YANG, NGES 'BYUNG SOGS GSUM DU 'DU BA'I PHYIR, GSUNG RAB KUN GYI BRJOD BYA MTHA' DAG SKYES BU GSUM GYI LAM GYI RIM PAR 'DU STE, SANGS RGYAS KYIS THOG MAR THUGS BSKYED, BAR DU TSOGS BSAGS, MTHAR MNGON PAR SANGS RGYAS PA'I MDZAD PA BSTAN PA THAMS CAD SEMS CAN KHO NA'I DON BSGRUB PA'I CHED YIN LA, BSGRUB BYA SEMS CAN GYI DON LA YANG, GNAS SKABS MNGON MTHO DANG, MTHAR THUG NGES LEGS GNYIS SU NGES PA LAS, DANG PO

BSGRUB PA LAS BRTZAMS TE GSUNGS PA THAMS CAD SKYES BU CHUNG DU DNGOS SAM, DE DANG THUN MONG BA'I LAM DU NGES, DES LEGS LA YANG THAR PA DANG THAMS CAD MKHYEN PA GNYIS SU NGES PA LAS, DANG PO BSGRUB PA LAS BRTZAMS TE JI SNYED GSUNGS PA THAMS CAD SKYES BU 'BRING DNGOS SAM DE DANG THUN MONG BA'I CHOS SKOR DU 'DU, THAMS CAD MKHYEN PA BSGRUB PA LAS BRTZAMS TE JI SNYED GSUNGS PA THAMS CAD SKYES BU CHEN PO'I LAM RIM DU 'DU BA'I PHYIR, THEG BA CHEN PO LA'ANG RGYU PHAR PHYIN THEG PA DANG, 'BRAS BU RDO RJE THEG PA GNYIS YOD CING, DE GNYIS GANG DU 'JUG KYANG 'JUG SGO NI BYANG CHUB KYI SEMS KHO NAR NGES SHING, BYANG CHUB KYI SEMS RGYUD LA SKYE BA LA SNYING RJE CHEN PO SKYE BA SNGON DU 'GRO DGOS, SEMS CAN THAMS CAD SDUG BSNGAL GYIS MNAR BA LA MI BZOD BA'I SNYING RJE CHEN PO SKYE BA LA, SKYES BU CHUNG 'BRING GI SKABS NAS BSHAD PA'I RANG NYID 'KHOR BA DANG NGAN SONG GI SDUG BSNGAL GYIS 'JIGS NAS, DKON MCHOG GSUM LA SKYABS SU 'GRO BA DE SNGON DU 'GRO DGOS TE, RANG NYID 'KHOR BA DANG NGAN SONG GI SDUG BSNGAL GYIS 'JIGS NAS DE LAS THAR 'DOD KYI BLO SHUGS DRAG MED PAR, SEMS CAN GZHAN SDUG BSNGAL GYIS MNAR BA LA MI BZOD PA'I SNYING RJE SHUGS DRAG SKYE BA'I GNAS MED PA'I PHYIR TE, SA'I SNYING PO 'KHOR LO BCU BA'I MDO LAS, CHU PHRAN 'THUNG BA'I MTHU YANG MED NA, ,RGYA MTSO CHEN PO GA LA RDUB NUS, ,THEG PA GNYIS PO GOMS MI NUS NA, ,THEG PA CHEN PO GA LA SLOB NUS, ZHES DANG, LAM RIM LAS, DE YANG RANG BDE BAS PHONGS SHING SDUG BSNGAL GYI SA MNAR BA'I 'KHOR

, ,BAR 'KHYAMS TSUL BSAMS PA NA BA SPU G-YO 'GUL MED PA ZHIG LA, SEMS CAN GZHAN BDE BAS PHONGS SHING SDUG BSNGAL GYIS MNAR PA LA MI BZOD PA 'ONG SA MED DE, SPYOD 'JUG LAS, SEMS CAN DE DAG RNAMS LA SNGON, ,RANG GI DON DU'ANG 'DI 'DRA'I SEMS, ,RMI LAM DU YANG MA RMIS NA, ,GZHAN GYI DON DU GA LA SKYE, ZHES GSUNGS SO ZHES GSUNGS PA'I PHYIR, SKYES BU GSUM GYI LAM GYI RIM PA YANG, NGES 'BYUNG, BYANG CHUB KYI SEMS, YANG DAG PA'I LTA BA GSUM DU 'DU STE, SKYES BU CHUD 'BRING GNYIS KYI LAM, NGES 'BYUNG DU 'DU, SKYES BU CHEN PO'I LAM RIM, BYANG CHUB KYI SEMS SU 'DU ZHING, YANG DAG PA'I LTA BA NI, THEG PA CHE CHUNG GNYIS KA LA THUN MONG DU DGOS PA'I ZHI SGO GNYIS PA MED PA'I GROL BYED YANG DAG PA YIN PA'I PHYIR, DE YANG LAM GYI GTZO BO GSUM LA RGYAL SRAS DAM PA RNAMS KYIS BSNGAGS TSU LA LA, SDUG BSNGAL LA YID 'BYUNG BA'I GNAS SKABS KYI PHAN YON NI, SPYOD 'JUG LAS, GZHAN YANG SDUG BSNGAL YON TAN NI, ,SKYO BAS DREGS PA SEL BAR BYED, ,'KHOR BA PA LA SNYING RJE SKYE, ,SDIG LA 'JOM ZHING DGE LA DGA', ZHES GSUNGS PA LTAR YIN LA, MTHAR THUG LA LTOS PA'I NGES 'BYUNG GI BSAM PA'I PHAN YON NI, CHO 'PHRUL BSTAN PA'I MNGO LAS, RGYAL SRID MCHIL MA'I THAL BA BZHIN SPANGS NAS, ,DBEN PAR DONG STE DGON PAR GNAS BYED PA, ,NYON MONGS SPANGS TE BDUD NI BCOM NAS SU, ,BYANG CHUB RDUL MED 'DUS MA

BYAS 'TSANG RGYA, ZHES GSUNGS BA DANG, GZHAN LANG NGES 'BYUNG GI BSAM PAS MA ZIN NA, SDOM PA BLANGS PA RNAMS KYANG SO THAR GYI SDOM BA DANG THAR PA'I RGYUR MI 'GYUR BAR, MDO RTZA'I NGES PAR 'BYUNG BA'I TSUL KHRIMS KYI DBANG DU BYAS TE ZHES PA'I SKABS SU GSUNGS SHING, GZHAN YANG, RJE BTZUN 'JAM PA'I DBYANGS KYIS RJE LA DNGOS SU GDAMS PA LAS, 'KHOR BA'I SNANG SHAS DANG, THAR BA'I YON TAN MTHONG BA'I DRAN SHES NAR MAR BSTEN NAS SNANG SHAS LA BLO KHA 'GROR MI STER BAR SRID PA'I MTSANG BCAR ZHING, THAR PA'I PHAN YON LA SEMS 'DZIN PA'I DMIGS RNAM GOMS NAS NGES 'BYUNG LA MYONG BA MA THON PAR, SBYIN PA, TSUL KHRIMS, BZOD PA, BRTZON 'GRUS, BSAM GTAN GYI DGE RTZA RNAMS KYANG THAR PA'I RGYUR GTAN NAS MI 'GRO BAS, THAR 'DOD KYIS GDAMS NGAG ZAB ZER BA GZHAN THAMS CAD BZHAG NAS, NGES 'BYUNG LA RTOG BSGOM BYA DGOS ZHES GSUNGS BA'I PHYIR, BYANG CHUB KYI SEMS LA BSNGAGS TSUL NI, SPYOD 'JUG LAS, SDIG PA STOBS CHEN SHIN TU MI BZAD BA, ,DE NI RDZOGS PA'I BYANG CHUB SEMS MIN PA, ,DGE GZHAN GANG GIS ZIL GYIS GNON PAR 'GYUR, ZHES DANG, BYANG CHUB SEMS SKYES GYUR NA SKAD CIG GIS, ,'KHOR BA'I BTZON RAR BSNGAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS PA'I PHYAG BYAR 'GYUR, ,GSER 'GYUR RTZI YI RNAM PA MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PAR

, ,BSGYUR BAS NA, ,BYANG CHUB SEMS ZHES BYA BA RAB BRTAN ZUNGS, ZHES SOGS GSUNGS BLTAR YIN CING, YANG DAG PA'I LTA BA RTOGS NA PHAN YON RGYA CHEN PO YOD DE, RGYA MTSOS ZHUS BA LAS, GANG GI SA STONG NYID SHES DE BAG YOD YIN, ZHES DANG, BSHES SBRING BAS, RTEN CING 'BREL PAR 'BYUNG 'DI RGYAL BA YI, ,GSUNG GI MDZOD KYI GCES PA ZAB MO STE, ,GANG GIS DE NYID YANG DAG MTHONG BA DES, ,SANGS RGYAS DE NYID RIG PAS RNAM MCHOG MTHONG, ZHES DANG, BZHI BRGYA PA LAS, YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ZHES GSUNGS PA'I PHYIR, 'DI DAG GI SKABS SU KHA CIG, SKYES BU CHUNG DU'I LAM YIN NA, LAM YIN PAS KHYAB ZER BA SRID NA, NGAN SONG GSUM GYI SDUG BSNGAL GYIS 'JIGS NAS PHYI MA LHA MI'I GO 'PHANG TZAM ZHIG DON DU GNYER BA'I BLO CHOS CAN, LAM YIN PAR THAL, SKYES BU CHUNG NGU'I LAM YIN PA'I PHYIR, KHYAB PA KHAS, MA GRUB NA, DE DER THAL, DE LTAR DON DU GNYER BA'I GANG ZAG DE SKYES BU CHUNG DU YIN PA'I PHYIR TE, LAM SGRON LAS, GANG ZHIG THABS NI GANG DAG GIS, ,'KHOR BA'I BDE BTZAM DAG LA, ,RANG NYID DON DU GNYER BYED PA, ,DE NI SKYES BU THA MAR SHES, ZHES GSUNGS PA'I PHYIR, RTZA BAR 'DAD NA, DE CHOS CAN, BYANG CHUB GSUM GANG RUNG DON GNYER GYI BSAM PAS ZIN PAR THAL LO, ,'DOD MI NUS TE, LHA MI'I GO 'PHANG TZAM ZHIG DON DU GNYER BA'I BLO YIN PA'I PHYIR, ,BO NA RE, DE CHOS CAN, LAM YIN PAR

THAL, THEG PA YIN PA'I PHYIR TE, MNGON MTHO'I THEG PA YIN PA'I PHYIR ZER NA MA KHYAB BO, ,KHA CIG SKYE BA PHYI MA LHA MI'I GO 'PHANG DON DU GNYER BA'I GANG ZAG YIN NA, SKYES BU CHUNG DU YIN PAS KHYAB ZER NA, BYANG SEMS CHOGS LA MA PA CHOS CAN, DER THAL, DE'I PHYIR, DER THAL, DES DAL 'BYOR GYI CHOS BCO BRGYAD DANG LDAN PA'I MI'I RTEN DON DU GNYER DGOS PA'I PHYIR TE, DES THAR PA DANG THAMS CAD MKHYEN PA BSGRUB PA'I RTEN DU DE 'DRA'I MI LUS GNAS SKABS SU DON DU GNYER DGOS PA'I PHYIR TE, RIN CHEN 'PHRENG BA LAS, DANG POR MNGON PAR MTHO BA'I CHOS, ,PHYIS NA NGES PAR LEGS 'BYUNG BA, ,GANG PHYIR MNGON PAR MTHO THOB NAS, ,RIM GYIS NGES PAR LAGS PA 'ONGS, ZHES DANG, SBYOD 'JUG LAS, MI YI GRU LA BRTEN NAS NI, ,SDUG BSNGAL CHU BO CHE LAS SGROL, ZHES GSUNGS PA LTAR, CHU DON DU GNYER BAS SNOD DON DU GNYER DGOS SHING, SNOD DON DU GNYER NA SNOD TZAM DON DU GNYER BAS MA KHYAB PA'I PHYIR, BYAS PA LA KHO NAR, BYANG SEMS TSOGS LAM PAS LHA MI'I GO 'PHANG DON DU MI GNYER TE, MNGON MTHO'I BDE BA YIN NA, SRID PA'I PHUN TSOGS KYIS BSDUS PAS KHYAB PA GANG ZHIG, DES SRID PA'I PHUN TSOGS DON DU MI GNYER PA'I PHYIR, ZER NA, MNGON MTHO'I GO 'PHANG YIN NA, SRID PA'I PHUN TSOGS YIN PAS MA KHYAB STE, MDO SDE RGYAN LAS, LONGS SBYOD RANG LUS PHUN SUM TSOGS PA DANG, 'KHOR RTZOM PHUN SUM TSOGS BA MNGON MTHO DANG, ZHES DANG, LAM RIM LAS, LUS DANG LONGS SPYOD

, ,DANG 'KHOR PHUN SUM TSOGS PA'I MNGON MTHO GANG YIN THAMS CAD 'KHOR BAS BSDUS PA MA YIN TE, LUS LONGS SPYOD PHUN SUM TSOGS PA MTHAR PHYIN PA NI, GZUGS KYI SKU DANG DE'I ZHING GI 'BYOR PA DANG 'KHOR RNAMS YIN PA'I PHYIR RO, ,ZHES GSUNGS PA'I PHYIR, YANG KHO NA RE, THAR 'DOD RNAMS KYIS NGES LEGS THAR PA DANG THAMS CAD MKHYEN PA BSGRUB PA'I RTEN DU MNGON MTHO LHA MI'I GO 'PHANG DON DU GNYER MI RIGS TE, THAR PA DANG THAMS CAD MKHYEN PA BSGRUB PA'I RTEN DU MNGON MTHO LHA MI'I GO 'PHANG DON DU GNYER BA'I BSAM PAS KUN NAS BSLANGS PA'I LAS THAMS CAD KUN 'BYUNG BDEN PA GANG ZHIG, THAR 'DOD RNAMS KYIS SDUG KUN GNYIS SPANG BYAR BYED DGOS PA'I PHYIR, ZHE NA, SKYON MED DE, DE LTA BU'I LAS RNAMS KUN 'BYUNG RJES MTHUN BAS BSDUS PA TZAM YIN KYANG, RNAM SMIN GYI PHUNG PO 'PHEN BYED KYI KUN 'BYUNG RANG DGA' BA DNGOS MA YIN PA'I PHYIR, DE LTAR YANG, GTAN LA DBAB PA BSDU BA LAS, 'JIG RTEN PA'I CHOS GANG DAG YANG 'BYUNG BA'I SRED PA SUN 'BYIN ZHING DE LA MI PHYOGS PAR 'JIG RTEN LAS 'DAS PA'I LAM SBYOD PAR BYED PA DE DAG CI'I PHYIR KUN 'BYUNG BA'I BDEN PAS BSDUS PA YIN ZHE NA, DE DAG NI NGO BO NYID KYIS YANG 'BYUNG BA'I SRID PA LA MI PHYOGS PA YIN MOD KYI, YANG 'BYUNG BA'I LUS DANG NGAG DANG YID KYIS LEGS PAR SPYAD PA DANG RJES SU MTHUN PAS, DE'I PHYIR KUN 'BYUNG GI BDEN PAS BSDUS PA YIN PAR RIG PAR BYA'O, ,ZHES DANG, LAM RIM CHEN MO LAS, SRID PA'I PHUN TSOGS THAMS CAD LA NYES DMIGS SU BLTAS

NAS, THAR PA 'DOD BA'I 'DUN PAS KUN NAS BSLANGS TE DGE BA'I LAS DU MA BSGRUB PA DANG, GZHAN YANG BDAG MED PA'I DON LA TSUL BZHIN DU DPYOD PA'I SHES RAB DANG MTSUNGS PAR LDAN PA'I SEMS PA DGE PA'I LAS RNAMS 'KHOR BA'I RGYU KUN 'BYUNG YIN NAM MIN ZHE NA, SBYIR TSOGS LAM PA DANG SBYOR LAM PAS 'PHEN BYED KYI LAS RANG DGA' BA GSOG PA YOD KYANG, BSAM PA DE LTA BUS KUN NAS BSLANGS PA DANG BDAG BDE PA LA DPYOD PA'I SHES RAB DANG MTSUNGS LDAN GYI DGE BA'I LAS RNAMS NI SRID PA PHYI MA LA GNYEN PO'I PHYOGS YIN CING, 'KHOR BA'I RTZA BA BDAG 'DZIN DANG DMIGS RNAM 'GAL BAR 'JUG PAS, 'PHEN BYED KUN 'BYUNG GI BDEN PA RANG DGA' BA DNGOS MA YIN KYANG, YANG SRID PHYI MA BSKYED PA'I KUN 'BYUNG DNGOS DANG RJES SU MTHUN PAS KUN 'BYUNG GIS BSDUS PAR BZHAG GO ,ZHES GSUNGS PA'I PHYIR, ,GSUM PA MNYAN PAR BSKUL BA STON PA LA, GANG DAG SRID PA'I BDE LA MA CHAGS SHING, ,DAL 'BYOR DON YOD BYA PHYIR BRTZON PA YI, ,RGYAL BA DGYES PA'I LAM LA YID RTON PA'I, ,SKAL LDAN DE DAG DANG BA'I YID KYIS NYON, ZHES PAS STON, DE'I DON NI, SHES BYA CHOS CAN, RJE BDAG NYID CHEN POS, RANG GI BYA BRAL LA MA THEGS GONG GI SLOB MA'I MCHOG TSA KHO DBON PO NGAG DPANG GRAGS PA SOGS SKU TSE MANG POR THOS PAS MA SGOM GSUM LA 'BAD PAS, DAM PA'I CHOS KYI BAG CHAGS BZANG PO'I MTHU RAB TU BRTAS PA'I SLOB MA GANG DAG TSE 'DI'I BDE BA TZAM DANG, DER MA ZAD MI'I STOBS 'BYOR DANG LDAN PA'I MCHOG 'KHOR

, ,LOS BSGYUR BA DANG, TSANGS PA DANG BRGYA BYIN LA SOGS PA LHA'I MCHOG RNAMS KYI GO 'PHANG THOB KYANG, SNGON GYI BSOD NAMS DANG TING NGE 'DZIN GYI 'PHEN PA ZAD NAS, SLAR YANG NGAN SONG GSUM DU SKYES NAS SDUG BSNGAL SHUGS DRAG LA RTZUB PA YUN RING POR MYONG DGOS PA DANG, RGYAL MI LTA BUR SKYES KYANG DBUL ZHING PHONGS PA DANG, SHIN TU KHA NYEN PA'I YANG BRAN LTA BUR 'GYUR BA DANG, 'KHOR BA'I BDE BA NYID KYANG LAS DANG NYON MONGS PA'I GZHAN DBANG DU GYUR PA'I 'DU BYED KYI SDUG BSNGAL GYI RANG BZHIN LAS MA 'DAS PAR MTHONG NAS, SRID PA'I BDE BA GANG LA YANG MA CHAGS SHING MA ZHE NA PAR, CHOS BSGRUB PA'I RTEN KHYAD PAR CAN DAL 'BYOR LAN CIG THOB PA 'DI DON YOD PAR BYA BA'I PHYIR, PHYI ROL MU STEGS BYED KYI GRUB MTHA' DANG, KLA KLO DANG GSHEN RAB SOGS PHYI NANG GANG DU'ANG MA GTOGS PA DANG, NANG PAR RLOM YANG THABS SHES PHYOGS RE BA'I LAM GYIS SANGS RGYA BAR 'DOD PA'I LAM LTAR SNANG LA YID MI RTON CING, RGYAL BA DGYES PA'I LAM, NGES 'BYUNG, BYANG CHUB KYI SEMS, YANG DAG PA'I LTA BA LA YID RTON PA STE BLO GTAD BCAS NAS NYIN MTSAN KUN TU BRTZON PA YI, SKAL LDAN GYI GDUL BYA DE DAG YI DANG BAS RTZE GCIG TU NYON CIG CES BSKUL BA'I RGYU MTSAN YOD DE, LAM GYI GTZO BO GSUM NYAMS SU BLANGS NA GSUNG RAB MTHA' DAG GI GNAD THAMS CAD NYAMS SU BLANGS PAR 'GYUR BAS DON SHIN TU CHE BA'I PHYIR, DES NA THAR 'DOD RNAMS KYIS, NGES 'BYUNG, BYANG CHUB KYI SEMS

YANG DAG PA'I LTA BA GSUM TSOGS PA'I LUS YONGS SU RDZOGS PA'I LAM GYI 'GROS LA YID RTON PAR BYA STE, DE LTA BU'I LAM NYAMS SU BLANGS NA RGYAL BA DGYES PAR 'GYUR LA, NYAMS LEN DE DAG LAS PHYI ROL TU GYUR PA'I CI YANG YID LA MI BYED PA DANG, GSAL BYA'I NGAR MED PA'I DVANGS PA TZAM MI TSE RIL POR NYAMS SU BLANGS KYANG RGYAL BA DGYES PAR MI 'GYUR TE, RJE BTZUN SA PAn GYIS, RTAG TU BRTZON PAS TING 'DZIN BSGRUBS KYANG SANGS RGYAS DGYES PA'I LAM LAS GOL, ,SNYIGS DUS SKYE BO CHO GA SHES CAN RNAMS LEGS PAR SOMS LA MKHAS PA BSTEN, ZHES GSUNGS PA'I PHYIR, BZHI PA LAM GYI GTZO BO RNAM GSUM NYID BSHAD PA LA GSUM, NGES 'BYUNG BSHAD PA, BYANG CHUB KYI SEMS BSHAD PA, YANG DAG PA'I LTA BA BSHAD PA'O, ,DANG PO LA GSUM, THAR 'DOD KYIS THOG MAR DES 'BYUNG BTZAL DGOS PA, NGES 'BYUNG BSKYED PA'I THABS, DES 'BYUNG SKYES PA'I TSAD BSHAD PA'O, ,DANG PO NI, RNAM DAG NGES 'BYUNG MED PAR SRID MTSO YI, , BDE 'BRAS DON GNYER ZHI BA'I THABS MED LA, ,SRID LA BRKAM PA YIS KYANG LUS CAN RNAMS, KUN NAS 'CHING PHYIR THOG MAR NGES 'BYUNG BTZAL, ZHES PAS STON, DE'I DON NI, SHES BYA CHOS CAN, THAR 'DOD RNAMS KYIS NYAMS SU BLANG BYA'I CHOS KYI RNAM GRANGS MANG PO YOD PA RNAMS KYI NANG NAS, THOG MAR 'KHOR BA SPYI LAS BRGAL 'DOD KYI NGES 'BYUNG GI BSAM PA RNAM PAR DAG PA 'BAD PA CHEN POS BTZAL BAR BYA STE, NGAN SONG GSUM LAS THAR 'DOD TZAM MA YIN PAR

, ,'KHOR BA SPYI LAS BRGAL 'DOD KYI NGES 'BYUNG RNAM PAR DAG PA MED PAR TE DE 'DRA'I NGES 'BYUNG RANG RGYUD LA MA SKYES NA,, SRID PA 'KHOR PA'I RGYA MTSOS BSDUS PA'I ZAG BCAS KYI BDE 'BRAS DON DU GNYER BAR 'GYUR LA, ZAG BCAS 'KHOR BA'I BDE 'BRAS DON DU GNYER BA DE SRID DU 'KHOR BA'I SDUG BSNGAL ZHI BA STE LDOG PA'I THABS MED CING, DE'I RGYU MTSAN NI SRID PA'I BDE BA LA BRKAM PA STE SRED PAS KYANG LUS CAN RNAMS 'KHOR BAR KUN NAS TE DAM DU 'CHING BAR BYED PA'I PHYIR TE, RNAM 'GREL LAS, MI SHES SRID PA'I RGYU YIN YANG, ,MA BRJOD SRED PA NYID BSHAD PA, ,RGYUN NI 'PHEN PAR BYED PHYIR DANG, ,DE MA THAG PHYIR LAS KYANG MIN, ,DE YOD NA YOD MED PHYIR RO, ,ZHES DANG, SRED PA NI, YOD NA SLAR YANG 'BYUNG PHYIR RO, ,ZHES GSUNGS PA'I PHYIR, 'DI NI RJE BTZUN 'JAM PA'I DBYANGS KYIS, NGES 'BYUNG LA DRAN SHES BSTEN PA'I DMIGS RNAM GOMS PAR MA BYAS NA, DGE BA THAMS CAD SNANG SHAS KYIS DBANG BYAS NAS 'KHOR BA 'BA' ZHIG GI RGYU BYED PA BZHIN NO, ,DES NA SNGAGS LA SOGS PA'I GDAMS NGAG GANG ZAG ZER BA RNAMS BZHAG NAS, THOG MAR NGES 'BYUNG DANG, BYANG SEMS LA MYONG BA THON PA RE BYA DGOS ZHES GDAMS PA'I DGONGS PA'O, ,GZHAN YANG, THAR PA 'DOD PA RNAMS KYIS THOG MAR NGES 'BYUNG BTZAL DGOS TE, 'KHOR BA SPYI'I NYES DMIGS BSAMS NAS DE LAS THAR 'DOD KYI NGES 'BYUNG GI GO BA MTSAN NYID DANG LDAN PA ZHIG SHAR NAS, DE LTA BU'I NGES 'BYUNG GI BSAM PA RNAM PAR DAG PAS KUN

NAS MA BSLANGS NA DGE BSNYEN NAS BSNYEN RDZOGS KYI BAR GYI SNGOM PA GANG BLANGS KYANG NGES 'BYUNG GI TSUL KHRIMS DANG, SO THAR GYI SDOM PAR MI 'GYUR BAS, THAR PA THOB PA'I RGYUR MI 'GYUR PA'I PHYIR TE, DPER NA TSE 'DIR RGYAL PO'I CHAD PAS 'JIGS NAS RAB TU BYUNG BA DANG, PHYI ROL PA SOGS PHYI MA LHA MIR SKYES NAS DE'I BDE BA LA LONGS SPYOD PAR 'DOD NAS MI DGE BCU SPONG GI TSUL KHRIMS BSRUNGS PA RNAMS THAR PA'I RGYUR MI 'GYUR BA BZHIN YIN PA'I PHYIR TE, MDZOD 'GREL LAS, YANG CI PHYI ROL PA RNAMS LA YANG DAG PAR BLANGS PA'I TSUL KHRIMS MED DAM ZHE NA, YONG MOD KYI SO SO THAR PA NI MA YIN NO, ,CI'I PHYIR ZHE NA, DE DAG NI SRID PA LA BRTEN PA'I PHYIR GTAN DU SDIG PA LAS SO SOR THAR PAR BYED PA MA YIN NO, ,ZHES GSUNGS PA'I PHYIR, DE YANG 'DIR SNGON GYI BYUNG BA CUNG ZAD BSHAD NA, GCUNG DGA' BO RANG GI BZANG MO LA LHAG PAR CHAGS PA'I SKABS SU, STON PAS DGA' NGO 'DUL BA'I DUS LA BAB PAR MKHYEN NAS DER BSOD SNYOMS LA PHEBS PAS, DGA' BOS DE RIG NAS PHYIR STON PA'I DRUNG DU 'GRO BAR CHAS PA LA, BZANG MOS GOS NAS BZUNG MTSAN MA BTAB NAS, 'DI BSKAMS NAS GSHEGS NA BDAG KAR PAn LNGA BRGYA DBANG NGO, ,DE BZHIN DU BGYI YI THONG ZHIG, DE NAS DGA' BOS STON PA'I LHUNG BZED BLANGS TE, BZA' BA DANG BCA' BA GTZANG ZHING BSOD PAS BKANGS TE PHUL BA DANG, STON PAS MA ZHES PAR GSHEGS SHING KUN DGA' BO LA MA LEN CIG PA'I BRDA MDZAD DO, ,DE NAS BCOM LDAN 'DAS KYIS LHUNG BZED MA BZHES PAR GTZUG LAG

, ,KHANG DU BYON PAS, DGA' BO'ANG GTZUG LAG KHANG DU PHYIN TO, ,DER STON PAS DGA' BO KHYOD RAB TU MI 'BYUNG NGAM, 'BYUNG NGO, ,KUN DGA' BO, DGA' BO'I SKRA BREGS SHIG, KUN DGA' BOS 'DREG MKHAN GNYER TE 'DREG PAR BRTZAMS PA DANG, DGA' BOS 'DREG MKHAN LA DA RING POR MI THOGS PAR STOBS KYI 'KHOR LOS BSGYUR BA'I RGYAL POR 'GYUR BAS, KHYOD KYIS NGA'I SKRA BREGS NA KHYOD KYI LAG PA MKHRIG MA MAN CHAD BCAD DO ZHES BSDIGS PA DANG, STON PA NYID DER GSHEGS NAS MGOR CHU BLUGS SHING SGRA DANG KHA SPU BREGS PA DANG, DES BSAMS PA, RE SHIG STON PA LA GUS PAR BYA BA'I PHYIR RAB TU BYUNG LA, NAM SROS NAS 'GRO'O SNYAM STE NAM SROS NAS SONG BA DANG, STON PAS G-YANG SA ZHIG SPRUL LO, ,NAM LANGS NAS 'GRO'O SNYAM NAS BZANG MO LA RTOG CING MTSAN MO 'DAS SO, ,STON PAS DE'I SEMS MKHYEN NAS DE LA KHANG SKYONG BSKOS TE STON PA 'KHOR BCAS BSOD SNYOMS LA GSHEGS PA DANG, DGA' BOS PHYAG BDAR DANG SGO GCOD PA BZHAG NAS GSE BA LAM NAS BROS PAS, STON PA YANG GSEB LAM NAS GSHEGS SO, ,DES STON PA THAG RING PO NAS MTHONG BAS SHING YAL GA STUG PO THUR DU 'PHYANG BA ZHIG GI YAL GA'I 'OG TU GAB BO, ,STON PAS SHING DE'I YAL GA RNAMS GYEN DU 'PHAGS PAR BYIN GYIS BRLABS NAS, DGA' BO GAR 'GRO TSUR SHOG, DE SBOBS PA MED CING NGO TSA BA'I YID KYIS STON PA'I PHYI BZHIN SONG NGO, ,DE NAS STON PAS DGA' BO BZANG MO LA CHAGS PA 'DI LA THABS SHIG BYA'O SNYAM DU DGONGS NAS,

DE RI SPOS NGAD LDAN DU KHRID NAS SPRA MO ZHAR MA ZHIG BSTAN TE, BZANG MO DANG 'DI GNYIS GANG GZUGS BZANG, DGA' BOS ZHUS PA, SPRA MO 'DIS BZANG MO'I BRGYA'I CHAR YANG MI MCHI, DE NAS SUM CU RTZA GSUM DU KHRID NAS DGA' BO SUM CU RTZA GSUM PA'I LHA MO RNAMS LTOS SHIG, DES TSAL RNAMS BLTAS NAS PHYOGS GCIG NA LHA'I BU MO MANG PO YOD PA LHA'I BU MED PA ZHIG 'DUG PA LA RGYU MTSAN DRIS PAS, GCUNG DGA' BO STON PA'I SPYAN SNGAR TSANGS PAR SPYOD PA DE SHI NAS 'DIR 'ONG BAS DE LA SDOD DO, ,DE DGA' NAS STON PA'I SPYAN SNGAR SONG BA DANG, BZANG MO DANG LHA'I BU MO DE DAG GZUGS GANG BZANG, LHA'I BU MO DE DAG LA BZANG MOS BRGYA'I CHAR YANG MI MCHI'O, ,TSANGS SPYOD LA GNAS PA'I PHAN YON 'DI DANG GZHAN YANG YOD DE, TSANGS PAR SPYOD CIG LHA'I DPAL NYAMS SU MYONG BAR 'GYUR RO, ,ZHES GSUNGS PAS DGA' BO LHA'I 'JIG RTEN LA DGA' BAS TSANGS PAR SPYOD DO, ,DE NAS STON PA'I BKAS DGE SLONG SUS KYANG DGA' BO DANG LHAN CIG 'DUG PA SPANGS PA DANG, DGA' BOS DE'I RGYU MTSAN KUN DGA' BO LA DRIS PA DANG, KUN DGA' BOS KHYOD LHA'I 'JIG RTEN LA DGA' BAS TSANGS PAR SPYOD, KHO BO CAG MYA NGAN LAS 'DAS PA'I BSAM PAS TSANGS PAR SPYOD DO, ,ZHES SMRAS PA DANG, DE SHIN TU NGO TSA BAR GYUR TO, ,DE NAS STON PAS DE'I SEMS MKHYEN NAS, DE LA DMYAL BA'I SDUG BSNGAL CHU BO RAB MED DANG, SOG LES GSHEG PA DANG, STA RES GCOD LA LA SOGS PA BSTAN PAS, DGA' BOS PHYOGS SHIG NA ZANGS PO CHE SEMS CAN MED PA ZHIG MTHONG NAS RGYU MTSAN DRIS

, ,PAS, GCUNG DGA' BO LHA'I 'JIG RTEN LA DGA' BAS TSANGS PAR SPYOD PA DE SHI NAS 'DIR 'ONG BAS DE LA SDOD DO, ,DE THOS PAS 'JIGS SKRAG CING SPU ZING BYED NAS DA LTA BCUG PAR 'GYUR GYIS 'BROS SO SNYAM NAS, RINGS PAR BROS TE STON PA LA GSOL BAS, STON PAS LHA'I 'JIG RTEN LA SMON NAS TSANGS PAR SPYOD PA LA NYES DMIGS 'DI DANG GZHAN YANG YOD PAS, KHYOD KYIS MYA NGAN LAS 'DAS PA LA DGA' BAR BYA YI LHA'I 'JIG RTEN LA DGA' BAR MI BYA'O, ,ZHES, GSUNGS SO, ,YANG KUN DGA' BO'I TSA BO GNYIS DGE 'DUN KYI LHUNG BZED KYI LHAG ROL GYIS GSOS SHING RAB TU BYUNG NAS KLOG TU GZHUG PAR BRTZAMS PA DANG, DE GNYIS KYIS NYUNG SHAS SHIG BKLAGS NAS MI NYAN PAR BRTZAM PA, MOO GAL GYI BU LA GTAD PAS, MOO GAL GYIS DE GNYIS LA DMYAL BA'I SDUG BSNGAL GCOD 'CHEG BRDEG PA SOGS DANG, PHYOGS SHIG NA LCAGS KYI ZANGS PO CHE GNYIS KHOL BAR SU YANG MI 'DUG PA'I RGYU MTSAN DRIS PAS, KUN DGA' BO'I TSA BO GNYIS RAB TU BYUNG NAS LE LOS DUS 'DA' BA DE GNYIS SHI NAS 'DIR SKYE BAS DE GNYIS KYI DON DU BZHAG GO ZHES SMRAS PAS, DE GNYIS SHIN TU SKRAG STE, SHES NA DER NYID DU 'JUG GO SNYAM NAS MOO GAL GYI BU'I GAN DU PHYIN NAS SNGAR GYI RGYU MTSAN BSHANG CING DE GNYIS KYIS SNGA DRO DMYAL BA DRAN NA BZAN MI ZA, PHYI DRO DRAN NA SKYUG PAS, DE GNYIS LA NYES DMIGS DE DANG GZHAN YANG LE LO LA 'BYUNG BAS BRTZON 'GRUS RTZOMS SHIG, YANG LHA'I GNAS SU KHRID NAS BLTAS BAS PI WANG LA SOGS PA'I SGRA

SGROGS SHING, PHYOGS SHIG NA GZHAL YAS KHANG MAL STAN PA SHAMS PA LHA'I BU MOS GDAB GNYIS 'DUG NAS RGYU MTSAN DRIS BAS, KUN DGA' BO'I TSA BO GNYIS RAB TU BYUNG NAS BRTZON 'GRUS BRTZAMS BA SHI NAS 'DIR SKYE BAS DE GNYIS KYI DON DU BZHAG GO, DE GNYIS RAB TU DGA' STE MOO GAL GYI BU'I GAN DU PHYIN NAS RGYU MTSAN BSHAD PAS, PHAN YON 'DI DANG GZHAN DAG KYANG BRTZON 'GRUS BRTZAMS PAS 'BYUNG BAS BRTZON 'GRUS RTZO NAS SHIG, DE NAS DE GNYIS KYIS GLENG GZHI'I RGYUD DU GTOGS PA BKLAGS PAS, BDE 'GRO DANG NGAN 'GRO NAS BDE 'GROR 'GRO BA NI PHYAG SEN GYI RTZE MOS BZHES PA'I RDUL DANG, DE GNYIS NAS NGAN 'GROR 'GRO BA NI SA CHEN PO'I RDUL DANG 'DRA BAR GSUNGS PA MTHONG NAS, 'PHAGS PA BDAG CAG KYANG MI'I NANG NAS SHI 'PHOS NAS NGAN SO BDU SKYE DGOS SAM, BZHIN BZANG GNYIS, JI SRID NYON MONGS PA MA ZAD KYI BAR DU ZO RGYUN BRGYUD MO'I TSUL DU 'KHOR DGOS SO, ,ZHES GSUNGS PAS, DE GNYIS YID BYUNG NAS SMRAS BA, GANG PHYIR MI GNAS LHA RNAMS MI BZANG STE, ,'TSO BA THUNG BA'I MI RNAMS MI BZANG NGO, ,GANG NA ZHI MED SRID BA MI BZANG STE, ,MYA NGAN 'DAS PA MCHOG CES RGYAL BA GSUNG, 'PHAGS PA, BDAG CAG SLAN CHAR CI NAS KYANG 'KHOR BAR MI 'GYUR BA DE LTA BU'I CHOS BSTAN DU GSOL, MOO GAL GYI BUS DE GNYIS KYI BAG LA NYAL DANG BSAM PA MKHYEN NAS CHOS BSTAN PAS DGRA BCOM PA THOB PAR GYUR TO, ,DES NA SNGON GYI BYUNG BA DE RNAMS DPER BLANGS NAS, PHYI MA LHA MI'I BDE BA 'DOD NAS TSANGS BAR SPYAD PA DANG, THOS BSAM

, ,SGOM GSUS BYAS PA THAR PA MYA NGAN LAS 'DAS PA'I RGYUR MI 'GYUR NA, TSE 'DI'I RNYED BKUR DON DU GNYER BA'I BSAM PAS TSANGS SPYOD BSRUNGS PA, THOS BSAM SGOM GSUM BYAS PA SOGS THAR PA'I RGYUR MI 'GYUR BA SMOS CI 'TSAL, DER MA THAD TSE 'DI'I RNYED BKUR SNYAN GRAGS 'DOD NAS GSANG SNGAGS ZAB MO 'DI KYIL 'KHOR DU DBANG BSKUR BA ZHUS, DKYIL 'KHOR BA SGRUB CING MCHOD PA DANG, BSKYED RDZOGS BSGOM PA SOGS KYANG 'JIG RTEN PHYI MA PHAN CHAD KYI BDE BA'I RGYUR MI 'GYUR TE, GSAD PA SPYI RGYUD LAS, LA GSANG SNGAGS SGRUB DON GNYER, 'DI NA DKYIL 'KHOR 'JUG PAR BYED, ,GZHAN DAG 'JIG RTEN GZHAN DON GNYER, ,DAD PA MANG DU BYED PA YIS, BLO LDAN DKYIL 'KHOR 'JUG BYA YI ,TSE 'DI'I 'BRAS BU 'DOD MI BYA, ,TSE 'DI 'DOD PAR GYUR PA LA, ,'JIG RTEN PHA ROL DON MI 'GYUR, ZHES GSUNGS PA'I PHYIR, ZHAR LA 'ONGS BA'O, ,GZHAN YANG NGES 'BYUNG GI BSAM PA RNAMS DAG DANG, BDAG MED RTOGS PA'I SHES RAB GANG RUNG GIS MA ZIN PA'I BSAM GTAN DANG, GZUGS MED KYI DNGOS GZHI THOB KYANG THAR PA'I LAM DU MI 'GYUR TE, BSNGAGS 'OS BSNGAGS BSTOD LAS, KHYOD KYI CHOS LA MI PHYOGS PA'I, ,SKYE BO GTI MUG GIS LJONGS PA ,SRID RTZE'I BAR DU SONG NAS KYANG, ,SDUG BSNGAL YANG 'BYUNG SRID PA BSGRUB, CES GSUNGS PA'I PHYIR, GZHAN YANG, THAR LAM GYI NGO BO NGOS MA ZIN PAR BSAM GTAN GZUGS MED KYI TING NGE 'DZIN LA THAR LAM DU 'KHRUL NA THAR PA MI THOB PAR MA ZAD NGAN SONG DU SKYE BA'I NYES

PA YOD DE, BSAM GTAN GYI DNGOS GZHI THOB PA LA THAR PA THOB PO SNYAM DU RLOM PAN, SLAR BAR SRID GRUB PAS THAR PA LA YID BRTAN MI RUNG NGO SNYAM NAS LOG LTA SKYES PAS DMYAL BAR SKYES BAR GSUNGS PA DANG, RJE RIN PO CHES, SDUG BDEN BSAMS PA'I SGO NAS 'KHOR BA LA ZHEN LOG RNAL MA MED NA, THAR PA THOB 'DOD TSIG TZAM DU 'GRO BAS CI BYAS KUN 'BYUNG DU 'GRO LA, KUN 'BYUNG BSAMS PA'I SGO NAS 'KHOR BA'I RTZA BA LAS NYON RNAMS LEGS PAR MI SHES NA 'BAN MA MTHONG BA'I MDA' BRDEG PA LTAR LAM GYI GNAD RNAMS 'CHAD CING, SRID PA LAS GROL BA'I LAM MA YIN PA LA YIN PAR BZUNGS NAS NGAL BA 'BRAS BU MED PAR 'GYUR BA'I PHYIR DANG, ZHES SOGS GSUNGS PA'I PHYIR, 'ON NGES 'BYUNG GI BSAM PA RNAM PAR DAG PA MED PAR DGE BSNYEN NAS DGE SLONG GI BAR GYI SDOM PA BLANGS KYANG SO THAR GYI SDOM PAR MI 'GYUR NA, DENG SANG GYI DGE BSNYEN DANG RAB BYUNG PHAL CHE BA LA SO THAR GYI SDOM PA MED PAR 'GYUR RO ZHE NA, 'DI LA 'DUL t'I KA RIN CHEN 'PHRENG BA LAS, DENG SANG GI RAB TU BYUNG BA PHAL CHE BA LA MYANG 'DAS KYI BSAM PA MED PAS DES 'BYUNG GI SDOM PA SKYE BA MED PAR 'DOD PA'ANG MI 'THAD DE, MYANG 'DAS KYI BSAM PA BRTAN PA RGYUN MA CHAGS SU MED KYANG SNGOM PA LEN PA'I TSE, MKHAN SLOB KYIS MYANG 'DAS KYI BSAM PA BRTAN PO DGOS SO ZHES BRDA LEGS PAR SPRAD PA LAS NGES 'BYUNG GI BSAM PA SKYE BA'I PHYIR TE, DPER NA MKHAN SLOB KYIS BRDA LEGS PAR SPRAD PA LAS SDOM PA THOB DUS SHES PA BZHIN NO, ,KHO BO NI RANG GI RGYUD LA DPAGS NAS DING SANG GI RAB BYUNG PHAL CHE BA LA NGES

, ,'BYUNG GI SNGOM BA MED DO ZHES SKUR PA MI 'DEBS SO, ,ZHES GSUNGS SHING, MKHAN CHEN NGAG DBANG GRAGS PA NI, KHA CIG THOG MAR LEN PA'I TSE NGES 'BYUNG MED KYANG PHYIS LAM RIM LTA BU'I THOS BSAM GYIS NGES 'BYUNG SKYES PA NA, SNGAR GYI TSUL KHRIMS NGES 'BYUNG GI BSAM PAS ZIN NAS NGES 'BYUNG GI TSUL KHRIMS SU 'GYUR TE, DPER NA GCUNG DGA' BOS DANG POR STON PA'I BKAS MI 'DOD BZHIN DU SDOM PA BLANGS, DE'I RJES SU STON PAS LHA'I BU MO DAG BSTAN PAS DE THOB PA'I PHYIR LEGS SMON GYI TSUL KHRIMS, DE'I RJES SU DMYAL BA'I SDUG BSNGAL BSTAN BAS SNGAR GYI TSUL KHRIMS KYI RGYUN DE NGES 'BYUNG GI TSUL KHRIMS SU GYUR NAS DGRA BCOM PA'I 'BRAS BU THOB PA BZHIN NO ZHES 'CHAD, KHA CIG DE LA YANG LEN PA'I TSE BCOM LDAN 'DAS KYI BYIN RLABS KYIS NGES 'BYUNG GI BSAM PA SKYES PA YOD DO ZHES 'CHAD KYANG LUGS SNGA MA NYID BZANG PO?, ,ZHES GSUNGS LA, GANG LTAR NA'ANG KHYAB PA 'DU BYED KYI SDUG BSNGAL GYI MTSAN NYID NGOS ZIN NAS, DE MA LUS PAR SPANGS PA'I MYANG 'DAS THOB 'DOD KYI GO BA LEGS PAR SHAR BZHIG DGOS SHING, GO BA DE NI RNAM 'GREL LAS, 'DU BYED SDUG BSNGAL LA DGONGS NAS, ,SDUG BSNGAL BSGOM PAR GSUNGS PA YIN, ZHES SOGS SNGA PHYI RNAMS SU RTZAL DU BTON NAS 'CHAD PAS, THAR 'DOD RNAMS KYIS DE DAG LA THOS BSAM RNAM PAR DAG PA BYED PA GAL SHIN TU CHE'O, ,GNYIS PA NGES 'BYUNG BSKYED PA'I THABS LA GNYIS, TSE 'DI'I SNANG SHAS LDOG PA'I TSUL DANG, PHYI MA'I SNANG SHAS LDOG NAS NGES PAR 'BYUNG BA'I

TSUL LO, ,DANG PO NI, DAL 'BYOR RNYED DKA' TSE LA LONG MED PA, ,YID LA GOMS PAS TSE 'DI'I SNANG SHAS LDOG, CES PAS STON, DON NI, SHES BYA CHOS CAN, TSE 'DI'I SNANG SHAS LDOG PA'I THABS YOD DE, RNYED DKA' ZHING RNYED NA DON CHE BA'I DAL 'BYOR TSANG BA'I LUS RTEN KHYAD PAR CAN 'DI TSE TSAD LO DRUG CU THUB PA'I DBANG DU BYAS NA'ANG, LO DU MA ZHIG NI 'DAS ZIN, TSE LHAG JI TZAM YOD MI SHES SHING, SNGAR 'DAS PA'I ZLA BZHAG DANG NYIN MTSAN RNAMS BYA BA 'DI BYAS MED PAR YUD YUD 'DAS NAS YUN THUNG DU LAS MA BYUNG BA MYONG BAS GRUB PA BZHIN DU, TSE LHAG JI TZAM YOD PA'I MA 'ONGS PA'I LO RNAMS KYANG DGUN DUS KYI GRAB SO LTAR MYUR BA MYUR BAR 'DA' BAS TSE 'DIR YUN RING SDOD PA'I LONG MED LA, 'DI NAS PHYI MAR MYUR DU 'GRO NA TSE 'DIR YUN RING POR SDOD PA'I GRABS MANG PO BYAS PA LA DGOS PA MED PAS, TSE 'DIR DAL ZHING DUB LA PHYI MAR SDUG BSNGAL BA'I RGYU BYED PA'I RNYED BKUR SNYEN GRAGS 'KHOR 'BANGS LONGS SPYOD BA SPRUB PA'I CHED DU SDIG PA MANG PO BSAGS NAS CI BYED SNYAM DU YANG DANG YANG DU YID LA GOMS PAS TSE 'DI'I SNANG SHAS LDOG PAR BYA BA YIN PA'I PHYIR, 'O NA, DAL 'BYOR GYI NGO BO GANG, DE NYID DON CHE ZHING RNYED DKA' BA'I TSUL JI LTA BU ZHEN, DAL 'BYOR GYI NGO BO NI MI KHOM PA BRGYAD LAS LOG PA YIN LA, MI KHOM PA BRGYAD NI BSHES SPRING LAS, LOG PAR LTA BA 'DZIN DANG DUD 'GRO DANG, ,YI DVAGS NYID DANG DMYAL BAR SKYES PA DANG, ,RGYAL BA'I BKA' MED PA DANG MTHA' 'KHOB TU, ,KLA KLOR SKYES DANG GLEN ZHING LKUGS PA NYID, ,TSE RING LHA NYID

, ,GANG YANG RUNG BAR NI, ,SKYE BZHES BGYI MI KHOM SKYON BRGYAD PO, ZHES GSUNGS PA LTAR, NGAN SONG GSUM DANG LHA TSE RING PO STE MI MA YIN PA'I MI KHOM PA BZHI DANG MI'I MI KHOM PA NI, MI YIN YANG RGYAL BA'I BKA' MED SAR SKYES PA, 'KHOR RNAM BZHI MI RGYU BA'I MTHA' 'KHOB TU SKYES PA, YUL DBUS SU SKYES KYANG DBANG PO MA TSANG BA, DBANG PO TSANG YANG MU STEGS SOGS LOG LTA CAN DU SKYES PA BZHI YIN ZHING, 'BYOR PA BCU LA, RANG 'BYOR LNGA NI, MI YIN PA, SA TSIGS SAM CHOS TSIGS GANG RUNG GI SGO NAS YUL DBUS SU SKYES PA, DBANG PO TSANG BA, SDE SNOD GSUM DANG DE'I BRJOD BYA LAS 'BRAS LA DAD CING YID CHES PA DANG LNGA, GZHAN 'BYOR LNGA NI, SANGS RGYAS 'JIG RTEN DU BYON PA, DES CHOS STON PA, CHOS BSTAN PA DE GNAS PA, CHOS BSTAN PA NYAMS SU BLANGS PAS LAM GYI RTOGS PA MNGON DU BYAS PA'I RJES SU 'JUG PA, SBYIN BDAG LA SOGS PAS CHOS GOS SOGS DAD PAS STER BA DANG, CHOS 'CHAD PA POS SNYING BRTZE BAS CHOS STON PA RNAMS TE, DE LTA BU'I NGAL BA BRGYAD DANG, 'BYOR PA BCU TSANG BA'I RTEN KHYAD PAR CAN THOB PA 'DI DON SHIN TU CHE STE, 'DI LA BRTAN NAS MNGON MTHO LHA MI'I GO 'PHANG DANG, NGES LEGS THAR PA DANG THAMS CAD MKHYEN PA'I RGYU SBYIN PA TSUL KHRIMS BZOD PA BRTZON 'GRUS SOGS KYANG BSGRUB NUS SHING, TSA GRANG SOGS DMYAL BA'I SDUG BSNGAL, BKRES SKOM SOGS YI DVAGS KYI SDUG BSNGAL, GLEN LKUGS GCIG LA GCIG ZA SOGS DUD 'GRO'I SDUG BSNGAL

SKYE RGA NA 'CHI, DGRA MI SDUG PA DANG PHRAD PA DANG PHRAD KYIS DOGS PA DANG, GNYEN SDUG PA DANG BRAL BA DANG BRAL GYIS DOGS PA, 'DOD PA BTZAL TE MA RNYED PA, MI 'DOD BA THOG TU BAB PA SOGS MI'I SDUG BSNGAL SHIN TU BZOD PAR DKA' ZHING YUN RING POR MYONG NGES PA'I LAS STOBS LDAN RNAMS KYANG, BLA MA MTSAN NYID DANG LDAN PA ZHIG BSTEN CING, STOBS BZHI'I SGOR ZHUGS NAS 'BAD PAS SBYANGS NA PHAL CHER TSE 'DI NYID LA SPYOD NUS PAS DON SHIN TU CHE, DPER NA TSE 'DIR RANG LA DUG RO'AM TSAD RO'I NAD LTA BU'I NAD BABS SHIN TU LCI BA ZHIG YOD PA, SMAN PA MKHAS SHING SNYING BRTZE BA ZHIG GIS SMAN KHYAD PAR CAN ZHIG BYIN NAS NAD RO DO RTZA BA NAS THON NA DON SHIN TU CHE BAR BYED KYANG, DE LAS KYANG LUS RTEN 'DI LA BRTEN NAS SDIG PA STOBS CHEN DE DAG SBYONG NUS NA DON SHIN TU CHE BA SOGS DAL 'BYOR THOB PA DON CHE TSUL SNA SGOR MA NAS BSAM DGOS, DAL 'BYOR 'DI RNYED DKA' TSUL NI, SPYIR BDE 'GRO TZAM THOB PA LA YANG TSUL KHRIMS LA SOGS PA DGE PA SNA RE DGOS SHING, KHYAD PAR DAL 'BYOR TSANG BA'I RTEN KHYAD PAR CAN THOB PA LA, TSUL KHRIMS RNAM BAR DAG PAS GZHI BZUNG, SBYIN SOGS KYIS GROGS BYAS, SMON LAM DRI MA MED PAS MTSAMS SBYAR BA SOGS DGOS PA LAS, RGYU DE LTA BU BSGRUB PA DKON PAS 'BRAS BU DAL 'BYOR TSANG BA'I RTEN KHYAD PAR CAN THOB PA DKON TE, DPEN NA DPYID KYI DUS SU SA BON MA BTAB PA'AM, BTAB KYANG LUD DANG CHAR CHU DKON NA, STON GYI DUS SU LO THOG GTAN NAS BSDU RGYU MED PA'AM, CUNG ZAD BYUNG YANG NGAN PA'AM NYUNG DU

, ,LAS MI 'BYUNG BA BZHIN YIN PA'I PHYIR TE, RNAM 'GREL LAS, RGYU TSOGS PA LAS 'BRAS SKYE BAR, ,RJES SU DPOG PA GANG YIN PA, ZHES GSUNGS PA'I PHYIR, GRANGS KYI SGO NAS RNYED DKA' BA NI, RIGS DRUG GI NANG NAS NGAN SONG BA STOBS CHE ZHING, MI BRGYA PHRAG MANG PO'I NANG NA GONG DU BSHAD PA'I DAL BA BRGYAD DANG, 'BYOR PA BCU PO THAMS CAD MI GCIG LA TSANG BA SRID MTHA' TZAM YIN, DPE'I SGO NAS RNYED DKA' BA NI, SHEL GYI KHANG PA'I LOGS LA SRAN MA GTOR NA CHAGS PA DANG, KHAB RTZER NYUNG KAR CHAGS PA DKON PA LAS, DUNG 'GRO LTA BU NAS DAL 'BYOR THOB PA DKON PA BZHIN NO, ,TSE LA LONG MED BA NI, RGYA CHER ROL PA LAS, SRID GSUM MI RTAG STON KA'I SPRIN DANG 'DRA, ,'GRO BA'I SKYE 'CHI GAR LA BLTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU LTA BUR MYUR MGYOGS 'GRO, ZHES DANG, SPYOD 'JUG LAS, NYIN MTSAN SDOD PA YONGS MED PAR, ,TSE 'DI RTAG TU GONG 'GYUR ZHING, ,SNON PA'ANG GUD NAS 'ONG MED NA, BDAG LTA 'CHI BAR CIS MI 'GYUR, ZHES DANG, DE RING DE BZHIN SONG SNYAM MED PAR NI, ,SKYE PO NOR GYIS PHUN SUM TSOGS 'DOD PA, ,SNYIM PA CHU YIS BKANG BA 'DZAG PA NI, , MI MNGON 'DRA'O KVA YE BZHIN BZANG DAG, CES GSUNGS PA LTAR ZHAG GCIG SONG GNYIS SONG, ZAN KHAM GCIG ZOS KHAM GNYIS ZOS KYIN, BTUNG BA HUB GCIG HUB GNYIS BHUNG GIN 'CHI BA LA JE NYER SONG NAS MYUR DU 'CHI BAS TSE LA LONG

MED, 'CHI BA'I TSE CHOS MA GTOGS GZHAN GANG GIS KYANG PHAN PA MED PAS CHOS SHIG BYA, DE YANG MYUR DU BYA ZHING NAM 'CHI LA NGES PA MI 'DUG PAS, LUS DANG LONGS SPYOD GNYEN GROGS GANG GI'ANG DBANG DU MI GTONG BAR DA LTA RANG NAS CHOS GTZANG SING DE BA BYA STE, TSOMS LAS, SANG DANG 'JIG RTEN PHYI MA GNYIS, ,SNGON DU GANG SNGA GTOL MED PAS, ,SANG GI CHIS LA MI 'BAD PAR, ,PHYI MA'I DON LA 'BAD PAR BYA, ZHES GSUNGS PA'I PHYIR, GNYIS BA PHYI MA'I SNANG SHAS LDOG NAS NGES PAR 'BYUNG BA'I TSUL STON PHAL, LAS 'BRAS MI SLU 'KHOR BA'I SDUG BSNGAL RNAMS, ,YANG YANG BSAMS NA PHYI MA'I SNANG SHAS LDOG, CES BSUNGS, DE'I DON NI, SHES BYA CHOS CAN, PHYI MA'I SNANG SHAS LDOG PA'I THABS YOD DE, NAS 'BRAS GRO SRAN RNAMS KYI SA BON SO SO LAS, MYU GU DANG 'BRAS BU SO SOR 'BYUNG BLTAR, RGYU DGE BA SPYAD BA LAS 'BRAS BU BDE BA KHO NA 'BYUNG GI SDUG BSNGAL MI 'BYUNG, RGYU MI DGE BA SPYAD PA LAS 'BRAS BU SDUG BSNGAL KHO NA 'BYUNG GI BDE BA MI 'BYUNG BA'I LAS 'BRAS MI SLU BA DANG, 'KHOR BA THOG MA MED PA NAS DA LTA'I BAR BDE SDUG SNA TSOGS MYONG BA DANG, MA 'ONGS PA NA'ANG 'KHOR BA LA NGES PA MED PAS BDE SDUG SNA TSOGS MYONG DGOS PA'I TSUL BLO KHA NANG DU PHYOGS NAS YANG YANG ZHIB TU BSAMS NA PHYI MA'I SNANG SHAS LDOG BAR 'GYUR BA'I PHYIR, SKABS 'DIR LAS 'BRAS BSAM TSUL RGYAS PAR BYED NA, LAS NGES PA, LAS 'PHEL CHE BA, LAS MA BYAS PA NGANG MI 'PHRAD PA DANG, LAS CHUD MI ZA BA STE BZHI'I SGO NAS BSAM PAR BYA ZHING, 'DIR SNGON BYUNG

, ,GI SGO NAS BSAM TSUL NI, 'OD SRUNGS KYI BSTAN PA'I DUS SU, DGE SLONG GNYIS KYI RTZOD PA DGE 'DUN GYIS ZHI PAR BYAS PA LA, DGE SLONG SDE SNOD GSUM PA ZHIG GIS, DGE 'DUN RNAMS KYIS GNAG RDZI'I LTAR ZHI PAR BYAS SO, ,ZHES SKUR PA BTAB PA LA 'KHOR RNAMS KYIS KYANG DE BZHIN NO ZHES SMRAS PAS, SKYE BA LNGA BRGYAR GNAG RDZIR SKYES, SNGON SDE SNOD LA SBYANGS PAS BSTAN PA 'DI LA DGRA BCOM PA THOB, SNGON DGE SLONG SPONG BA PA ZHIG GIS, DGE SLONG KLOG BA BA RNAMS LA, SANGS RGYAS 'OD SRUNGS KYI DGE SLONG 'DI DAG SPAL PA DANG 'DRA'O ZHES SMRAS PAS, SKYE BA LNGA BRGYAR SBAL BAR SKYES, GZHAN YANG NGANG PA LNGA BRGYA NYA LNGA BRGYA RNAMS 'OD SRUNGS KYI DUS DGE SLONG DU GYUR PAS BSLAB PA'I YAN LAG MANG PO NYAMS PAS NGANG PA DANG NYAR SKYES, SNGON SANGS RGYAS GTZUG TOR CAN GYI DUS SU, RGYAL PO ME TOG BRAL GYIS GTZUG LAG KHANG YO BYAD DANG LDAN PA GCIG BYAS TE DGE 'DUN LA PHUL, DER DE'I RGYAL BU SRID SGRUB KYIS RAB BYUNG BYAS GTZUG LAG KHANG DER GNAS NAS PHRAG DOG PAS SU YANG LONGS SPYOD DUM STER BAS, BSKAL PA SUM CU RTZA GCIG TU DMYAL BA SOGS NGAN SONG DU SKYES, PHYIS KLU PADMA'I GDONG ZHES PAR GYUR TE, LUS LA GANG REG MER 'BAR TE SDUG BSNGAL MYONG, 'KHOR BA 'JIG GI DUS SU, CHOS SMRA BA MKHAS PA SPYOD PA DANG LDAN PA 'KHOR MANG BA THAMS CAD KYIS SANGS RGYAS 'DRA BAR BSNYEN BKUR BA ZHIG YOD PA DES RNYED PA THAMS CAD RANG GCIG PUS LONGS SPYOD CING, DGE SLONG DES PA RNAMS LA MI SNYAN PAR

SMRAS BAS NGAN SONG DU SDUG BSNGAL DU MA MYONG, PHYI SA SH'AKYA'I RGYAL PO BYON BA NA KLU LONG BA ZHIG TU GYUR TE CHU TSAN NANG DU 'TSED, SLOB MA RNAMS KYANG SBAL BA DANG SRIN BUR GYUR NAS SLOB DPON DE'I LUS LA ZA BAR BYED PA SOGS NAG PO'I LAS 'BRAS RNAMS BSAMS NAS MI DGE BA PHRA MOS KYANG MGOS PAR BYED SNYAM PA'I ZHE DAM MANG DU BYA ZHING, RGYAL GOS NA'ANG JI MI SNYAM PAR MI 'JOG PAR BSHAGS BSDAM LA 'BAD PAR BYA, DKAR PO'I LAS 'BRAS NI, RGYAL PO GSAL RGYAL SNGON DBUL POR GYUR PA'I TSE RANG SANGS RGYAS SHIG LA ZAN DRON LAN TSA MED PA ZHIG DAD BAS PHUL BAS, SUM CU RTZA GSUM GYI BDAG PO LAN DRUG DANG, MNYAN YOD KYI RGYAL PO LAN DRUG BYAS PA'I LAS KYI LHAG MAS RGYAL PO GSAL RGYAL DU GYUR, SNGON BYIS PA ZHIG GIS SANGS RGYAS LA SA SPAR GANG PHUL BAS 'DZAM BU GLING LA DBANG BSGYUR BA'I CHOS RGYAL MYA NGAN MED DU GYUR, SNGON SANGS RGYAS GSER THUB LA DBUL BO ZHIG GIS GZHAN 'BUL RGYU MED PAS RTZA BTUS NAS BTZONGS BA'I RIN GSER GYI DONG RTZE GNYIS PHUL BAS, SKYE BA THAMS CAD DU LAG MTHIL GNYIS NAS GSER GYI DONG RTZE ZAD PA MED PA BYUNG BA SOGS, DANG POR NAG PO'I LAS 'BRAS BSAM, DE NAS DKAR PO'I LAS 'BRAS BSAMS NAS SPRO BA'I SEMS KYIS DGE BA CHUNG NGU LA'ANG MI BRNYAS PAR BSGRUB PAR BYA'O, ,'KHOR BA'I SDUG BSNGAL BSAM PA NI, TSA DMYAL BA RNAMS LA SA GZHI ME RAB TU 'BAR BA LA PHAN TSUN GCIG GIS GCIG GSOD PA DANG, THIG NAG PO ZUR BZHI DANG BRGYAD LA SOGS PAR BTAB NAS GSHEGS PA SOGS

, ,DANG, RIR LUG GI GDONG BCAN GYI BAR DU 'CHIR BA SOGS DANG, LCAGS KHANG ME 'BAR BA'I NANG DU CHUD NAS BSREG PA DANG, LCAGS KHANG NYIS RIM GYI NANG DU CHUD PA DANG, LCAGS ZANGS ME 'BAR BA'I NANG DU 'TSOD LA DANG, LCAGS KYI GSAL SHING ME 'BAR BRTZE GCIG PA DANG RTZE GSUM PAS 'PHONG NAS SPYI BOR PHUG PA DANG, PHYOGS BZHI NAS RLUNG GI DKYIL 'KHOR GYIS BSKYOD NAS LUS MAR ME BZHIN DU 'BAR BA DANG, NYE 'KHOR BA NI DMYAL BA CHEN PO BRGYAD KYI PHYOGS BZHIR ME MA MUR RO MYAGS KYI 'DAM, RAL GRI LO MA CAN, SHAL MA LI, CHU KLUNG RAB MED SOGS SU SDUG BSNGAL SNA TSOGS MYONG BA DANG, GRANG DMYAL NI, GANGS RI SHIN TU MTHO BA'I STENG NAS BU YUG 'TSUB CING, 'OG GZHI 'KHYAGS ROM CAN GYI NANG DU CHUD NAS LUS LA CHU BUR BYUNG BDE BRDOL BA, AA CHU DANG KYI HUD KYI SMRE SNGAGS 'DON PA, LUS TSAL PA BRGYA STONG DU GAS PA SOGS KYI SDUG BSNGAL SNA TSOGS MYONG DGOS PA SOGS DANG, NYI TSE BA NI, THAG PA, PHYAGS MA, PHRUB LTA BU DANG, YI DVAGS LA BKRES SKOM, GRANG DRO, NGAL DUB, DUD 'GRO CHE BAS CHUNG BA KHYUR MID BYED CING, CHUNG BA MANG PO 'DUS NAS CHE BA ZA BA, BSHAN PA DANG RDON PA SOGS KYIS GSOD PA, RMO BZHO MI THEG BZHIN DU 'GEL BA SOGS KYI SDUG BSNGAL, MI LA'ANG NGAN SONG GA SDUG BSNGAL CHA 'DRA BA YOD CING, GZHAN YANG TSANGS SPYOD MA LAS, MI YI GNAS NA'ANG LONGS SPYOD DBANG PHYUG GIS, ,MNGON PAR MTHO NA NYAMS KYIS DOGS PA DANG, ,MTHO

RIS YON TAN 'BYOR PAS PHONGS PAN, ,'DOD BDE TSOL BAR GYUR BAS SHA THANG NGO, ,BDE BAR 'DOD NAS DE YI THABS BSGRUBS BAS, ,BDE BA THOB PA DE LAS CHES LHAG PA'I, ,LUS KYI SDUG BSNGAL SEMS KYI YID MI BDE, RNAM PA DUMS KUN NAS MNAR BAR 'GYUR, ZHES GSUNGS PA LTAR BSAM PA DANG, LHA'I SDUG BSNGAL NI 'DOD LHA 'OG MA GNYIS LA 'THAB PA'I SDUG BSNGAL, 'CHI LTAS LNGA PHOG NAS GNAS 'OG MAR LTUNG BA DANG, 'KHOR BA SPYI'I SDUG BSNGAL BSAM TSUL MDOR BSDU NA, SDUG BSNGAL DRUG NI NGES MED NGOM MI SHES, ,YANG YANG LUS 'DOR YANG YANG NYID 'TSAMS SBYOR, ,YANG YANG MTHO DMAN DU 'GYUR GROGS MED PA, ,DE YANG 'KHOR BAR YID BRTAN BYA SA MED, ,'KHOR BA'I BDE BA SPYAD PAS DOMS MTHA' MED, , THOG MA MED NAS ZHUGS PA GSUM DU 'DU, ZHES GSUNGS BA LTAR ZHIB TU BSAMS PAS, PHYI MA'I SNANG SHAS LDOG PAR 'GYUR RO, ,GSUM PA NGES 'BYUNG SKYES PA'I TSAD STON PA LA, DE LTAR GOMS PAS 'KHOR BA'I PHUN TSOGS LA, , YID SMON SKAD CIG TZAM YANG MI SKYE ZHING, ,NYIN MTSAN KUN TU THAR PA DON GNYER BLO, ,BYUNG NA DE TSE NGES 'BYUNG SKYES PA LAGS, ZHES GSUNGS, DE'I DON NI, SHES BYA CHOS CAN, THAR LAM GYI NGO BOR GYUR BA'I NGES 'BYUNG GI BSAM PA RNAM PAR DAG PA SKYES PA'I TSAD YOD DE, GONG DU BSHAD PA DE LTAR 'KHOR BA SPYI DANG, SO SO'I SDUG BSNGAL RANG GI RGYUD STENG DU BSKAR NAS TSUL BZHIN DU GOMS PA LAS, 'KHOR BA'I PHUN TSOGS GANG LA'ANG DE LTA BU THOB NA SNYAM PA'I YID LA SMON PA SKAD CI

, ,TZAM YANG MI SKYE ZHING, SNGAR GYI SDUG BSNGAL GRUB BA DANG, MA 'ONGS PA'I SDUG BSNGAL 'GRUB PA'I SNOD DU GYUR BA, LAS NYON GYI DBANG GIS NYID 'TSAMS SBYAR BA'I PHUNG SOGS 'DI DANG, DE DAG GI RGYU LAS DANG NYON MONGS BA'I KUN 'BYUNG GNYIS SPANGS BA'I THAR BA'I BDE BA DON DU GNYER BA'I BLO NYIN MTSAN KUN TU RTZOL MED DU SKYE BA BYUNG NA, DE'I TSE THAR PA CHA MTHUN GYI DGE BA DES 'BYUNG RNAM DAG SKYES PAR 'JOG PA LAGS TE 'JOG PA'I PHYIR, DES NA, SDUG BSNGAL GYI SDUG BSNGAL MNGON GYUR PAS YID 'BYUNG BA NI DUD 'GRO LA'ANG YONG LA, GNYEN NYE DU SOGS DANG BRAL BA DANG, NAD GDON CHOS RKUN DGRA SOGS KYIS GTZES PA DANG, RGYAL PO'I CHAD PAS 'JIGS NAS SKYO ZHING YID 'BYUNG BA NI, 'JIG RTEN PHAL PA LA'ANG YOD CING, ZAG BCAS KYI TSOR BA BDE BA LA YID 'BYUNG BA NI PHYI ROL BA 'GA' ZHIG LA'ANG YOD KYANG, DE DAG GIS SKABS 'DI'I NGES 'BYUNG GI GO MI CHOD PAS, RANG NYID KYIS BSGOM BYA'I DON LA GO BA LEGS PAR CHAGS PA'I CHED DU, RGYAL BA'I GSUNG RAB DGONGS 'GREL DANG BCAS PA LA THOS BSAM RNAM PAR DAG PA BYED PA DANG, 'DI DAG GI GNAD LA LEGS PAR SBYANGS BA'I BSHES GNYEN MTSAN NYID DANG LDAN PA TSUL BZHIN DU BSTEN NAS, SKABS 'DI'I DES 'BYUNG RNAM DAG GI GO BA DMIGS LA LEGS BAR PHYED PAR BYA'O, ,GNYIS BA BYANG CHUB KYI SEMS BSHAD PA LA GNYIS, THEG PA CHEN POR 'JUG 'DOD PA DAG GIS BYANG CHUB KYI SEMS LA SLOB DGOS PAR BSTAN PA DANG, BYANG CHUB KYI SEMS LA SLOB TSUL DNGOS

BSHAD BA'O, ,DANG PO STON PA LA, NGES 'BYUNG DE YANG RNAM DAG SEMS SKYED KYIS, ,ZIN PA MED NA BLA MED BYANG CHUB KYI, ,PHUN TSOGS BDE BA'I RGYU RU MI 'GYUR BAS, ,BLO LDAN RNAMS KYIS BYANG CHUB SEMS MCHOG BSKYED, CES GSUNGS, DON NI, SHES BYA CHOS CAN, RANG DON GTZO BOR DON DU MI GNYER BAR GZHAN DON RGYA CHEN PO BSGRUB BAR BYA'O SNYAM PA'I BLO GROS KYI RTZAL DANG LDAN PA'I SKYES BU MCHOG GI RIGS CAN RNAMS KYIS, RGYU 'BRAS MAN NGAG BDUN MA DANG, BDAG GZHAN MNYAM BRJE'I SGO NAS BYANG CHUB KYI SEMS SBYONG BA'I GDAMS NGAG RNAMS NYAMS LEN GYI MTHIL DU BZUNGS NAS, THEG PA CHEN PO'I LAM GYI GZHUNG SHING LTA BU BYANG CHUB KYI MCHOG TU SEMS BSKYED PAR BYA STE, RGYU MTSAN GANG GI PHYIR NA, SNGAR BSHAD PA'I SKYES BU 'BRING DANG THUN MONG BA'I LAM NGES 'BYUNG DE YANG, RNAM PAR DAG PA'I BYANG CHUB KYI SEMS SKYED KYI RTZIS ZIN PA MED NA, SBYIN PA, TSUL KHRIMS, BZOD PA, BRTZON 'GRUS, BSAM GTAN, SHES RAB SOGS BDEN PA BZHI DANG, RTEN 'BREL YAN LAG BCU GNYIS KYI SGO NAS YUN RING DU NYAM SU BLANGS PA RNAMS KYANG, RANG GZHAN GYI GTAN GYI BDE BA PHUN SUM TSOGS PA, BLA NA MED PA'I RDZOGS PA'I BYANG CHUB KYI RGYUR MI 'GYUR BAS TE RGYU MTSAN DE'I PHYIR TE, BYANG CHUB KYI SEMS NI SANGS RGYAS KYI THUN MONG MA YIN PA'I RGYU SA BON LTA BU YIN PA'I PHYIR TE, DPER NA, NAS KYI SA BON NI NAS KYI MYU GU'I THUN MONG MA YIN PA'I RGYU YIN PAS, DE YOD NA NAS MYUG GI THUN MONG BA'I RGYU CHU LU DA DROD GSHER RNAMS KYANG NAS MYUG GI RGYUR 'GYUR GYI,

, ,NAS KYI SA BON MED NA CHU LUNG SOGS YOD KYANG NAS MYUG BSKYED BAR MI NUS BA BZHIN YIN BA'I PHYIR TE, RIN CHEN PHRENG BA LAS, BDAG NYID DANG NI 'JIG RTEN 'DIS, ,BLA MED BYANG CHUB THONG 'DOD NA, ,DE YI RTZA BA BYANG CHUB SEMS, ,RI DBANG RGYAL BO LTAR BRTAN DANG, ,PHYOGS MTHAS GTUGS BA'I SNYING RJE DANG, ,GNYIS LA MI BRTEN YE SHES LAGS, ZHES BA DANG, RGYUD BLA MA LAS, THEG MCHOG LA MOS SA BON SHES RAB NI, SANGS RGYAS CHOS SKYED MA DANG BSAM GTAN GYI, ,BDE BA'I MNGAL GNAS SNYING RJE'I MA MA CAN, ,GANG YIN DE DAG THUB PA'I RJES SKYES SRAS, ZHES GSUNGS BA'I PHYIR, DE YANG PHA NI BU'I RANG GI RIGS DES BA'I RGYU YIN BAS, PHA BOD LA BU BOD BA KHON SKYE YI, RGYA HOR GYI RIGS CAN MI SKYE, MA NI BU DE'I THUN MONG GI RGYU YIN BAS, BOD BA DANG 'GROGS NA BOD, RGYA HOR DANG 'GROGS NA RGYA HOR GYI RIGS CAN SKYE BA LTAR, BYANG CHUB KYI SEMS NI, RANG RGYUD LA LDAN BA'I GNAG ZAG THEG PA CHEN PO BAR 'JOG BA'I SA BON LTA BU DANG, YANG DAG BA'I LTA BA NI, NYAN THOS KYI BYANG CHUB DON GNYER GYI BSAM BA DANG 'GROGS NA RANG RGYUD LDAN GYI GANG ZAG NYAN THOS KYI BYANG CHUB TU 'KHRID BAR BYED, RANG RGYAL GYI BYANG CHUB DON GNYER GYI BSAM BA DANG 'GROGS NA, RANG RGYUD LDAN GYI GANG ZAG RANG RGYAL GYI BYANG CHUB TU 'KHRID PAR BYED, RDZOGS BA'I BYANG CHUB DON GNYER GYI BSAM PA DANG 'GROGS NA, RANG RGYUD LDAN GYI GANG ZAG SANGS RGYAS KYI SAR 'KHRID PAR BYED PA STE BYANG CHUB GSUM THUN MONG GI RGYU YIN PAS, SHER

PHYIN LA BSTOD PA NA YUM CHEN MO ZHES BA DANG, BYANG CHUB KYI SEMS LA BSTOD PA NA, SDONG BO BKOD PA LAS, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O, ,ZHES GSUNGS PA LA DE LTAR MGO BAR THEG PA CHE CHUNG LTA BAS 'BYED BAR 'DOD BA DANG, YANG KHA CIG CI YANG YID LA MA BYAS BAS SANGS RGYA ZER BA DANG, KHA CIG SEMS KYI NGO BO MTHONG NA SANGS RGYA ZHING, SEMS KYI NGO BO NI GSAL ZHING RIG BA'O ZER BA LA, DANG BO MI 'THAD DE, DE 'THAD NA THEG PA GSUM GYI GANG ZAG RNAMS KYIS RANG RANG GI BYANG CHUB THOB PA LA STONG NYID PHRA MO RTOGS PA'I LTA BA MI DGOS BAR 'GYUR LA, DE LTAN, DPAL MGON KLU SGRUB KYIS, SANGS RGYAS RANG SANGS RGYAS RNAMS DANG, ,NYAN THOS RNAMS KYIS NGES BSTEN PA'I, ,THAR BA'I LAM NI GCIG NYID KHYOD, ,GZHAN DAG MED CES BYA BAR NGES, ZHES GSUNGS BA MI 'THAD PAR 'GYUR RO, ,GNYIS PA YANG MI 'THAD DE, GAL TE 'THAD NA 'DU SHES MED BA'I SNYOMS 'JUG BSGOMS BTZAM GYIS KYANG SANGS RGYA BAR 'GYUR BA'I PHYIR, DES NA SPYOD 'JUG LAS, BSKAL PA DU MAR RAB DGONGS MDZAD BA YI, ,THUB DBANG RNAMS KYIS 'DI NYID PHAN PAR GZIGS, ,'DIS NI TSANG MED SKYE BO'I TSOGS RNAMS KYIS, ,BDE MCHOG BDE BLAG NYID DU THOB BAR BYED, ,SRID BA'I SDUG BSNGAL BRGYA PHRAG GZHOM 'DOD CING, ,SEMS CAN MI BDE BSAL BAR 'DOD PA DANG, ,BDE MANG BRGYA PHRAG SPYOD PAR 'DOD BAS KYANG, ,BYANG CHUB SEMS 'DI RTAG TU BTANG MI BYA, ZHES GSUNGS BA LTAR, RGYAL BA

, ,SRAS DANG BCAS BA RNAMS KYIS SEMS CAN THAMS CAD SDUG BSNGAL LAS BSGRAL, RDZOGS BA'I SANGS RGYAS KYI GO 'PHANG THOB BAR BYED PA'I THABS RGYA MTSO LTA BU'I NANG NAS MYUR DU SANGS RGYA BA'I GDAMS NGAG GANG ZAB GZIGS PAS BYANG CHUB KYI SEMS NYID BSGOM BA MCHOG TU GYUR PAR GZIGS BA YIN TE, JO BO RIN BO CHE'I DGONGS BA LA, BLA MA MANG PHYO LA THEG PA MTHA' DAG GI CHOS MANG DU BSLABS, GSANG SNGAGS KYI DKYIL 'KHOR MANG PO'ANG MNGON DU GYUR, DA NI SEMS RTZE GCIG TU BZHAG LA MYUR DU 'TSANG RGYA BAR BYA'O SNYAM PA'I THUGS DGONGS 'KHRUNGS PAN, RI NAG BO'I KHONG SENG NA BZHUGS PA'I BLA MA R'A HU LA GU BTAS MNGON BAR SHES PAS MKHYEN TE, DER BYON NAS JO BO LA GSUNGS PA, YI DAM GYI LHA MANG PO MTHONG BA DANG, DKYIL 'KHOR GYI LHA TSOGS MANG BO MNGON DU GYUR PA DANG, THUN MONG GI DNGOS GRUB MANG PO THOB BA DANG, TING NGE 'DZIN RI RGYUD TZAM YOD PAS GAR YANG MI PHYIN, BYAMS PA DANG SNYING RJE BYANG CHUB KYI SEMS SBYONGS ZHES GSUNGS SHING, YANG JO BO LAN CIG RDO RJE GDAN GYI 'KHOR SAN PHAR SKOR BA MDZAD PA'I TSE LDER BZO GCIG GIS GCIG LA DRI BA DANG LAN 'DEBS PA'I TSUL DANG, RDO RJE GDAN GYI LHO PHYOGS KYI NAM MKHA' LA MI'I LUS LAS 'DAS PA'I BU MO GCIG GIS GCIG LA 'DRI BA'I TSUL DU, MYUR DU MNGON PAR RDZOGS BAR 'TSANG RGYA BAR 'DOD BAS GANG LA BSLAB PAR BYA ZHES ZER BA LA, CIG SHOS NA RE, BYANG CHUB KYI SEMS LA BSLAB PAR BYA'O ZER BA DANG, YANG JO BO CHEN PO SLOB DPON KLU SGRUB KYIS

MDZAD BA'I RDOR NA BZHUGS TZA NA, BUD MED RGAN GZHON GNYIS 'DUG BA LA, GZHON PA DE LA RGAN BA DES, MYUR DU MNGON BAR RDZOGS BAR 'TSANG RGYA BAR 'DOD PAS BYANG CHUB KYI SEMS LA BSLAB PAR BYA'O ZHES PA DANG, YANG RDO RJE GDAN GYI GANDHO LA LA SKOR BA MDZAD BA'I TSE BYA 'DAB 'OG NA DE BZHIN GSHEGS PA'I SKU GCIG BZHUGS PA'I ZHAL NAS, BHA DANTA MYUR DU MNGON PAR RDZOGS BAR 'TSANG RGYA BAR 'DOD PAS BYAMS SNYING RJE BYANG CHUB KYI SEMS SBYONGS SHIG GSUNG BA DANG, BA SO'I RGYAL BA SH'AKYA THUB PA ZHIG 'DUG PA DE'I ZHAL NAS, DZO KI MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS SBYONGS GSUNG BA DANG, NA GA GER GLING GI RNAL 'BYOR BA ZHIG RGYA GAR DBUS SU BYON BA LA, JO BO'I GROGS PO BONG KHA NA 'DRA BA MAN NGAG ZHU BA LA DGA' BA SGRUB BA LA MI DGA' BZHIG YOD BA DES, MYUR DU MNGON PAR RDZOGS PAR 'TSANG RGYA BAR 'DOD PA DES CIL BSLAB ZHUS PAS, BYANG CHUB KYI SEMS SBYONGS GSUNG, DE LA KHO YI DAM CHES PAS, 'O NA NGED KYIS PRA DBAB KYIS GSUNG NAS, KHYE'U DANG BU MO GTZANG MA LA PRA PHAB PAS, SANGS RGYAS SH'AKYA THUB BA BYON ZEN NAS MYUR DU MNGON BAR RDZOGS PAR SANGS RGYAS BAR 'DOD PAS CI LA BSLOB PAR BYA DRIS ZER NAS DRIS PAS, MYUR DU MNGON PAR RDZOGS PAR SANGS RGYA BAR 'DOD NA BYANG CHUB KYI SEMS SBYONGS GSUNG ZHING, DE BZHIN DU 'JAM DPAL DANG, SPYAN RAS GZIGS DANG, DUS GSUM GYI SANGS RGYAS THAMS CAD KYI PRA PHAB NAS DRIS BAS THAMS CAD MTHUN PAR GSUNGS PAS, GDOD

, ,YID CHES SKAD GSUNG, DGE BSHES SMYUG RUM BA'I ZHAL NAS, BYANG CHUB KYI SEMS 'DI GCIG SKYER BTU BA NA DES TSOGS KHO RANG GIS GSOG, SGRIB BA YANG KHO RANG GIS SBYONG, BAR CHAD KYANG KHO RANG GIS SEL TE GSUNG, 'DI GCIG MED PAR, RTZA DANG RLUNG DANG THIG LE DANG, LHA'I SKU DANG STONG BA NYID LA SOGS BA BSGOMS KYANG 'DOD SAR GOM PA GANG BAS PHYED KYANG MI PHYIN GSUNG, DES NA MYUR DU SANGS RGYAS LA BYANG CHUB KYI SEMS BSGOM BA LAS GDAMS NGAG LHAG PA MED PAS, DE LA NGES BA BSKYED BA'I PHYIR, NYAMS LEN THAMS CAD DE'I PHYIR DU DRIL NAS BYED PA GAL CHE STE, LAM RIM CHEN MO LAS, 'JIG RTEN NA RTZVA BRNGA BA DANG ZOR BA RDOR BA'I DPE BRJOD PA LTAR RIN PO CHE'I SEMS 'DI GNANG DU MA SONG BAR YUN JI TZAM DGE SBYOR LA 'BANG BLO BYAS KYANG ZOR BA SHIN TU RTUL BAS RTZVA BRNGAB DANG 'DRA STE, SA BCAD PA CI YANG MED LA, SEMS 'DI NYID GNAD BU ZHIG SONG NA RE ZHIG LA MI RNGA PAR ZOR BA BRDAR NAS RNON POR BYAS TE DE NAS BRDAS BAS CUNG ZAD TZAM LA'ANG MANG DU BRNGAS ZIN PA DANG 'DRA STE, SKAD CIG RE RE LA'ANG SGRIB PA SBYONG BA DANG TSOGS SDUD BA BDE BLAG TU NUS SHING DGE BA CHUNG BA DANG BAR SKABS SU 'DZAD BA RNAMS KYANG CHE BA DANG MI ZAD BAR BYED PA'I PHYIR ZHES PA DANG, DGE BSHES STON PA LA, DGE BSHES LHAB CHUNG STON PAS YANG DANG YANG DU BYANG CHUB KYI SEMS SBYONGS BYA BDE, BLA MA'I GDAMS NGAG BSGOMS PAS RGYUD LAM SKYES KYANG YANG DANG YANG DU BSGOMS BAS SKYE BYA BA PAGS SAM ZHUS BAS, DGE BSHES STON BA'I ZHAL NAS JO BO STON BA, DE GCIG

PUS KYANG MI'ONG, GTZO BOR BYAMS SNYING RJE BYANG CHUB KYI SEMS LA SBYONG BA'I TSUL BZHIN YID LA BYED PA DE GZHI MAR BYAS ZHAR LA TSOGS GSOG, ZHAR LA SGRIB BA SBYAD, ZHAR LA SDIG BA'I GROGS BO SPANG ZHING, ZHAR LA DGE BA'I BSHES GNYEN BSTEN, ZHAR LA CHOS THAMS CAD STONG BA NYID DU BSGOM ZHING TSUL BZHIN YID LA BYAS NA 'ONG BA YIN ZHES GSUNGS BA'I PHYIR, ,GNYIS BA BYANG CHUB KYI SEMS LA SLOB TSUL DNGOS STON PA LA, SHUGS DRAG CHU BO BZHI YI RGYUN GYIS KHYER, ,BZLOG DKA' KHAS KYI 'CHING BA DAM BOS BSNGAMS, ,BDAG 'DZIN LCAGS KYI DRA BA'I SBUBS SU TSUD, ,MA RIG MUN PA'I SMAG CHEN KUN NAS 'THIBS, ,MU MED SRID PAR SKYE ZHING SKYE BA RU, ,SDUG BSNGAL GSUM GYIS RGYUN CHAD MED PAR MNAR, ,GNAS SKABS 'DI 'DRAR GYUR PA'I MA RNAMS KYI, ,NGANG TSUL BSAMS NAS SEMS MCHOG BSKYED PAR MDZOD, CES GSUNGS, DON NI, SHES BYA CHOS CAN, SKYES BU CHUNG 'BRING GI LAM BSGOMS BAS MYONG BA SNA ZIN THON PA'I GANG ZAG DES BYANG CHUB KYI SEMS LA SLOB TSUL YOD DE, 'KHOR BA THOG MA MED PA NAS YANG YANG DRIN GYIS BSKYANGS BA'I DRIN CAN GYI MA RNAMS, GANG ZAG DANG CHOS KYI BDAG 'DZIN GNYIS KYI LCAGS KYI DRA BA'I SBUBS SU TSUD PA DE NYID SANGS RGYAS STONG GI MTHU DANG RDZU 'PHRUL GYIS KYANG BZLOG PA STE DGROL BAR DKA' BA'I ZAG BCAS KYI BSOD NAMS KYI LAS DANG, BSOD NAMS MA YIN PA'I MI DGE BA'I LAS DANG, MI G-YO BA'I LAS GSUM GYI ZHAGS PA DAM POS G-YO 'GUL TZAM YANG MI NUS PAR BSNGAMS BA RNAMS, SKYE RGA NA 'CHI'I CHU BO BZHI 'AM,

, ,'DOD BA'I CHU GO SRID BA'I CHU BO, ,MA RIG BA'I CHU BO, LTA BA'I CHU BO BZHI'I SHUGS DRAG BO'I RGYUN GYIS KHYER ZHING, BYA BA DANG BYA BA MA YIN BA'I GNAS TSUL MI SHES PA'I MA RIG BA'I MUN BA'I SPAG STE SROD KYI MUN BA 'THUG PO LTA BUS PHYOGS KUN NAS 'THIBS BA, THOG MA DANG THA MA'I MU MTHA' MED BA'I SRID BAR SKYE ZHING SKYE BA RU SDUG BSNGAL GYI SDUG BSNGAL DANG, 'GYUR BA'I SDUG BSNGAL DANG, KHYAB BA 'DU BYED KYI SDUG BSNGAL GSUM GYIS RGYUN CHAD BA MED BAR MNAR BA'I GNAS SKABS 'DI 'DRAR GYUR BA'I DANG TSUL RAB NYAMS LA DPAGS NAS BSAMS BAS, DE DAG SDUG BSNGAL GYIS NYAM THAG PA LA MI BZOD BA'I BRTZE BA CHEN POS KUN NAS BSLANGS TE, DE RNAMS SDUG BSNGAL LAS GROL BA BDAG GIS BYA'O SNYAM BA'I LHAG BSAM GYI KHUR KHYENG BA NA, DA LTA NI BDAG LA DE LTA BU'I NUS BA MED, NUS BDE SU LA YOD NA, YANG DAG BAR RDZOGS BA'I SANGS RGYAS NYAG GCIG LA YOD PAR SHES NAS, SEMS CAN GYI DON DU RDZOGS PA'I SANGS RGYAS KYI GO 'PHANG CI NAS KYANG THOB BAR BYA'O SNYAM DU SMON BA'I SEMS DANG, DE LTAR SMON BA TZAM GYIS KYANG RDZOGS PA'I SANGS RGYAS MI THOB BAS RDZOGS PA'I SANGS RGYAS THOB BA'I RGYUR SBYIN SOGS RGYAL SRAS KYI SPYOD BA LA BSLAB BAR BYA'O SNYAM BA'I 'JUG BA BYANG CHUB KYI MCHOG TU SEMS BSKYED PAR BYA BA YIN PA'I PHYIR, MDZOD CES BA BSKUL BA'I DON NO, ,GSUM BA YANG DAG PA'I LTA BA BSHAD BA LA LNGA, THAR 'DOD RNAMS KYIS YANG DAG PA'I LTA PAR TSOL DGOS PAR GDAMS PA, STONG PA RTEN 'BREL GYI DON DU RTOGS NA RGYAL

BAD BYAS BAR BSTAN PA, SNANG STONG NGO BO SO SOR 'DZIN PA DE SRID DU THUB BA'I DGONGS PA MI RTOGS PAR BSTAN PA, LTA BA'I DPYAD PA RDZOGS BA'I TSAD BSTAN PA, THAL 'GYUR BA'I LTA BA'I KHYAD CHOS BSTAN PA'O, ,DANG PO STON BA LA, GNAS LUGS RTOGS PA'I SHES RAB MI LDAN NA, ,NGES 'BYUNG BYANG CHUB SEMS LA GOMS BYAS KYANG, SRID PA'I RTZAB BCAD BAR MI NUS BAS, ,DE PHYIR RTEN 'BREL RTOGS BA'I THABS LA 'BAD, CES GSUNGS, DE'I DON NI, SHES BYA CHOS CAN, THAR 'DOD RNAMS KYIS STONG BA RTEN 'BREL GYI DON ZAB MO RTOGS BA'I PHYIR DU GSUNG RAB KYI GNAD PHYIN CI MA LOG PAR RTOGS PA'I BSHES GNYEN MTSAN NYID DANG LDAN BA'I MKHAS BA BSAM SBYOR GNYIS KYI SGO NAS TSUL BZHIN DU BSTEN NAS NGES DON GYI GSUNG RAB THAB MO RNAMS NYAN PA DANG, BSAG SBYANG LA YUN RING DU 'BAD BA DANG, BLA MA DANG RJE BTZUN 'JAM BA'I DBYANGS DBYER MED DU BYAS TE GSOL BA SHUGS DRAG TU 'DEBS PA DANG, DBU MA'I GZHUNG LUGS RNAMS LA RTZOD PA LHUR LEN BA TZAM MA YIN PAR NGAG GI RGYUD STENG DU BSKOR NAS THOS BSAM SGOM PA LA BRTZON PA STE THABS DE RNAMS LA 'BAD BAR BYA STE, RGYU MTSAN GANG GI PHYIR NA, GNAS LUGS KYI DON PHYIN CI MA LOG PAR RTOGS BA'I ZAB MO'I SHES RAB DANG MI LDAN NA, SNGAR BGAD BA'I NGES 'BYUNG DANG, BYANG CHUB KYI SEMS YUN RING DU GOMS BAR BYAS PA DANG, BSAM GTAN GZUGS MED KYI TING NGE 'DZIN LA BSKAL BA'I BAR DU GNAS PAR NUS SHING, MNGON SHES DANG RDZU 'PHRUL

, ,MTHA' YAS BA DANG LDAN BAR GYUR KYANG, SRID BA 'KHOR BA'I SDUG BSNGAL GYI RTZA BA MTHAR THUG PA BDAG 'DZIN LHAN SKYES BCAD PA STE SPONG BAR MI NUS BA'I PHYIR TE, MDO LAS, 'JIG RTEN PA DAG TING 'DZIN SGOM BYED KYANG, ,DE NI BDAG TU 'DU SHES 'JIG MI BYED, ,DE NI PHYIR ZHING NYON YONGS RAB 'KHRUG STE, ,LHAG SPYOD KYIS NI TING 'DZIN 'DIR BSGOMS BZHIN, ,GAL TE CHOS LA BDAG MED SO SOR RTOG ,SO SOR DE BRTAGS GANG YIN BSGOM PA NI, , DE NI MYA NGAN 'DAS THOB 'BRAS BU'I RGYU, ,RGYU GZHAN GANG YIN DE NI ZHING MI 'GYUR, ZHES GSUNGS BA'I PHYIR, 'O NA NGES 'BYUNG BYAMS SNYING RJE BYANG CHUB KYI SEMS KYIS 'KHOR BA'I RTZA BA BDAG 'DZIN LHAN SKYES SLAR SKYE MI RUNG GI CHOS CAN DU BYAS NAS SPONG MI NUS PA'I RGYU MTSAN CI YIN ZHE NA, DE'I RGYU MTSAN YOD DE, BDAG 'DZIN SPONG BA NI PHYI ROL GYI YUL TSED MA 'DON PA BZHIN DU SPONG BAR MI NUS KYI, DE'I 'DZIN STANGS KYI ZHEN YUL SUN PHYUNG NAS DE DANG 'DZIN STANGS DNGOS SU 'GAL BA'I LAM GYIS SPONG DGOS BA GANG ZHIG, NGES 'BYUNG SOGS BDAG 'DZIN DANG 'DZIN STANGS DNGOS SU 'GAL BA MA YIN PA'I PHYIR, DANG PO GRUB STE, RNAM 'GREL LAS, 'DOD DANG SDANG SOGS SPONG BA NI, ,DE DAG YUL LA MA MTHONG BAS,, YIN GYI PHYI TSUL DAG GIS MIN, ZHES DANG, 'DI YUL SUN PHYUNG MED PAR NI, ,DE SPONG BAR NI NUS MA YIN, ZHES DANG, BZHI BRGYA PA LAS, YUL LA BDAG MED MTHONG NA NI, ,SRID BA'I SA BON 'GAG PAR 'GYUR, ZHES,

GSUNGS PA'I PHYIR, RTAGS GNYIS BA GRUB STE, RNAM 'GREL LAS, BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ZHES GSUNGS PA'I PHYIR, DON DE LA DGONGS NAS MKHAS GRUB THAMS CAD MKHYEN PAS, GZUGS BRNYAN GSAL BA'I ME LONG DU, 'KHOR BA'I RTZA BA BDAG 'DZIN LHAN SKYES DANG, ,DNGOS SU 'GAL BA'I BDAG MED MI SGOM PAR, ,DUS GSUM YID BYED 'GOG BA LHUR LAN PA, ,DUD 'GRO'I SGRUB THABS SGOM GYI, GZUGS BRNYAN YIN, ZHES GSUNGS PA'I PHYIR, 'ON BDAG 'DZIN LHAN SKYES RTZA BA NAS SPONG BAR BYED PA'I GNYEN PO DE GANG YIN ZHE NA, DE YOD DE, BDAG MED MNGON SUM DU RTOGS PA'I SHES RAB DE DE YIN PA'I PHYIR TE, RNAM 'GREL LAS, DE YI GNYEN PO NI, BDAG MED MTHONG BA 'GAL BA YIN, ZHES GSUNGS PA'I PHYIR, 'ON BDAG MED RTOGS PA'I SHES RAB KYIS BDAG 'DZIN RTZA BA NAS SPONG NUS PA'I RGYU MTSAN GANG ZHE NA, DE'I RGYU MTSAN YOD DE, BDAG MED MNGON SUM DU RTOGS PA'I SHES RAB DANG, BDAG 'DZIN LHAN SKYES GNYIS 'DZIN STANGS DNGOS SU 'GAL BA GANG ZHIG, BDAG MED RTOGS PA'I SHES RAB DE LA RGYAB RTEN GYI RIGS PA YANG DAG YOD, CIG SHOS LA DE MED PA'I PHYIR, BYAS PA LA KHO NA RE, 'O NA BDAG 'DZIN LHAN SKYES KYIS KYANG BDAG MED RTOGS PA'I SHES RAB 'GOG NUS PAR THAL, DE GNYIS 'DZIN STANGS DNGOS SU 'GAL BA'I PHYIR ZHE NA, MA KHYAB STE, BDAG MED RTOGS PA'I SHES RAB YUL GYI GNAS TSUL

, ,LA PHYIN CI MA LOG BAR ZHUGS, CIG SHOS YUL GYI GNAS TSUL LA PHYIN CI LOG TU ZHUGS BA'I PHYIR, KHYAB STE, RNAM 'GREL LAS, 'TSE BA MED DANG YANG DAG DON, ,RANG BZHIN LA NI PHYIN LOG GIS, ,'BAD DU ZIN KYANG MI LDOG STE, ,BLO NI DE PHYOGS 'DZIN PHYIR RO, ,ZHES GSUNGS PA'I PHYIR, 'O NA BDAG MED RTOGS PA'I SHES RAB DE YUL GYI GNAS TSUL LA JI LTAR ZHUGS SHE NA, DE LTAR ZHUGS TE, GANG ZAG GI BDAG MED RTOGS PA'I SHES RAB DE GANG ZAG GI GNAS TSUL LA ZHUGS, CHOS KYI BDAG MED RTOGS PA'I SHES RAB DE YANG PHUNG SOGS CHOS KYI GNAS TSUL LA ZHUGS PA'I PHYIR, DANG PO GRUB STE, GANG ZAG RTOG PAS BTAGS TZAM MA GTOGS DANG PO NYID NAS RANG NGOS NAS MA GRUB BA DE GANG ZAG GI GNAS LUGS MTHAR THUG GANG ZHIG, GANG ZAG GI BDAG MED RTOGS PA'I SHES RAB DES DE LTAR MA GRUB BA DE RANG GI 'DZIN STANGS KYI DNGOS YUL DU BYED PA'I PHYIR, RTAGS GNYIS BA DES MTSON, YANG KHO NA RE, BDAG MED RTOGS PA'I SHES RAB DES CHAGS SDANG GNYIS RTZA BA NAS SPONG MI NUS PAR THAL, DE DE GNYIS DANG 'DZIN STANGS DNGOS SU MI 'GAL BA'I PHYIR TE, DE RANG YUL LA CHAGS PA'I RNAM PA CAN YANG MA YIN, SDANG BA'I RNAM PA CAN YANG MA YIN BA'I PHYIR NA, SNGA MA LA MA KHYAB STE, DES CHAGS SOGS NYON MONGS PA'I RTZA BA BDAG 'DZIN LHAN SKYES DANG 'DZIN STANGS DNGOS SU 'GAL BA'I SGO NAS DE SLAR MI SKYE BA'I CHOS CAN DU BYAS NAS SPANGS PAS, CHAGS SOGS

NYON MONGS BA RTZA BA NAS SPANGS PAR 'GYUR BA'I PHYIR TE, DPER NA LUS DBANG 'GAGS NA DBANG PO GZHAN RNAMS RANG 'GAGS SU 'GYUR BA DANG, SDONG PO RTZA BA NAS BCAD NA YAL GA DANG LO MA RNAMS RANG BSKAMS LA 'GRO BA BZHIN YIN BA'I PHYIR TE, BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA GNAS 'GYUR TE, ,DE PHYIR NYON MONGS THAMS CAD KYANG, ,GTI MUG BCOM PAS BCOM PAR 'GYUR, ,RTEN CING 'GREL PAR 'BYUNG BA NI, ,MTHONG NA GTI MUG 'BYUNG MI 'GYUR, ,DE PHYIR 'BAD PA KUN GYIS 'DIR, ,GTAM 'DI KHO NA BSNYAD PAR BYA, ZHES GSUNGS PA'I PHYIR, YANG KHA CIG NA RE, GANG ZAG GI BDAG 'DZIN LHAN SKYES SPONG BA LA DE DANG 'DZIN STANGS DNGOS SU 'GREL BA'I LAM DES BAR BSGOM MI DGOS PAR THAL, GANG ZAG GI BDAG YOD PA DANG, GANG ZAG GI BDAG MED PA SOGS YUL CI YANG YID LA MA BYAS PAR RTOG MED DU BZHAG PAS 'KHOR BA LAS GROL BAR 'GYUR BA'I PHYIR TE, DPER NA LUNG RIGS KYIS DPYOD PA NI LUS LA DUG MDA' ZUG BA DNGOS SU MI 'DON PAR BSAM BLO BTANG YIN SDOD PA DANG 'DRA, CI YANG YID LA MI BYED PA NI LUS LA TSER MA'AM MDA' ZUG PA DNGOS SU 'DON PA DANG 'DRA BA'I PHYIR DANG, 'DZIN PA DANG RTOG DPYOD BYUNG PHYIN 'KHOR BA'I RGYU LAS MA 'DAS PA'I PHYIR TE, MDO LAS, SBYIN SOGS DRUG LA MNGON PAR ZHEN PA BDUD KYI LAS SO, ,ZHES PA DANG, PHUNG PO GSUM PA LAS, DMIGS PAR LHUNG BAS SBYIN PA BYIN PA DANG TSUL KHRIMS MCHOG 'DZIN GYIS TSUL KHRIMS BSRUNGS PA SOGS LA DE DAG THAMS

, ,CAD SO SOR BSHAGS PAR BGYI'O, ,ZHES BSHAD PA DANG, TSANGS PAS ZHUS PA LAS, DPYOD PA JI SNYED PA DE THAMS CAD NI RTOG PA'O, ,YONGS SU MI RTOG PA NI BYANG CHUB PO, ,ZHES GSUNGS PA'I PHYIR ZER NA MI 'THAD DE, DE DAG 'THAD NA, BRGYAL BA DANG GNYID 'THUG LA GNAS PA YANG LAM BSGOM PAR 'GYUR BA'I PHYIR, DES NA 'KHOR BA'I RTZA BAR GYUR PA'I BDAG 'DZIN LHAN SKYES SPONG BA LA, GCIG DU BRAL LA SOGS PA'I RIGS PA YANG DAG LA BRTEN NAS GANG ZAG GI BDAG BKAG NAS BDAG MED RTOGS PA'I SHES RAB GOMS DGOS TE, DBU MA LA 'JUG PA LAS, NYON MONGS SKYON RNAMS MA LUS 'JIG TSOGS LA, ,LTA LAS BYUNG BA BLO YIS MTHONG GYUR CING, , BDAG NI 'DI YI YUL DU RTOGS BYAS NAS, ,RNAL 'BYOR PA YIS BDAG NI 'GOG PAR BYED, CES DANG, RNAM 'GREL LAS, STONG NYID LTA BAS GROL 'GYUR GYI, ,SGOM PA LHAG MA DE DON YIN, ZHES GSUNGS PA'I PHYIR, YANG KHA CIG, THOS BSAM GYI DUS SU DBU MA'I GZHUNG NAS 'BYUNG BA'I RIGS PA YANG DAG GIS BDAG MED KYI DON GTAN LA 'BEBS KYANG, SGOM PAS NYAMS SU LEN PA'I TSE LUNG RIGS KYIS MI DPYOD PAR SEMS CIR YANG MI RTOG PAR 'JOG PA YIN ZER BA MI 'THAD DE, DE LTAR NA THOS BSAM GYIS GTAN LA PHAB PA DANG, SGOM PA GNYIS 'BREL MED DU 'GYUR BA'I PHYIR TE, PO TO BA'I BE'U BUM LAS, KHA CIG THOS BSAM DUS NA RIGS PAS, ,RANG BZHIN MED PAR GTAN

LA PHAB LA, ,SGOM DUS MI RTOG 'BA' ZHIG BSGOM ZER, ,DE LTA NA NI 'BREL MED STONG NYID, ,LOGS SU BSGOMS PHYIR GNYEN POR MI 'GYUR, ,DE LTA BAS NA SGOM DUS NYID NA'ANG, ,GCIG DANG DU BRAL RTEN 'BREL LA SOGS, ,GANG LA GOMS PAS SO SOR BRTOG CING, ,CUNG ZAD MI RTOG NYID DU'ANG GNAS BYA, ,DE LTAR BSGOMS NA NYON MONGS GNYEN PO, ,LHA GCIG RJES SU 'BRANG BAR 'DOD CING, ,PHA ROL PHYIN LUGS SPYOD PAR 'DOD PAS, ,SHES RAB BSGOM PA'I LUGS NI DE YIN, DE YANG GANG ZAG BDAG MED GOMS PAS, ,DE NAS DE LTAR RJES SU 'JUG BYA, ZHES GSUNGS PA'I PHYIR, YANG KHA CIG, DANG POR GCIG DU BRAL LA SOGS PA'I RIGS PAS DPYAD NAS BDAG MED NGES PA'I CHO STONG NYID DMIGS YUL DU BYAS NAS MI DPYOD PAR, ,RTZE GCIG TU DMIGS NAS BSGOMS PAS BDAG 'DZIN SPONG NUS SO SNYAM NA, DE YANG MI 'THAD DE, SNGAR BSHAD PA'I SGOM TSUL DE STONG NYID LA DMIGS PA'I ZHI GNAS BSGOM TSUL GANG ZHIG ,'KHOR BA'I RTZA BAR GYUR PA'I BDAG 'DZIN DE STONG NYID KYI DON LA SO SOR RTOG PA'I SHES RAB KYIS YANG YANG DPYAD PA'I STOBS KYIS DRANGS PA'I LHAG MTHONG GIS SPONG DGOS PA'I PHYIR, DPER NA MTSAN MO RGYUS MED KYI BRAG PHUG LTA BUR SRIN MO YOD DAM MED SNYAM DU 'JIGS PA NA, ,BRAG PHUG DER SRIN MO MED SNYAM DU BSGOMS PA TZAM GYIS 'JIGS PA DE SEL MI NUS KYI, SGRON ME BTEG NAS DER SRIN MO 'DUG MI 'DUG LEGS PAR RTZAD BCAD PAS, DER DE MED PA'I BLO THAG CHOD PA NA 'JIGS PA DE SEL BA'I PHYIR DANG, LTA BA BSGOM PA'I

, ,TSE STONG NYID RANG RGYUD KYI BLO'I DMIGS YUL TZAM DU BYAS PAS MI CHOG GI, 'DZIN STANGS KYI YUL DU BYAS NAS BSGOM DGOS PA'I PHYIR, YANG KHA CIG, BDAG MED KYI LTA BA RNYED PA'I CHO BDAG MED 'DZIN STANGS KYI YUL DU BYAS NAS MA BRJED TZAM BYAS PAS CHOG GI, RIGS PAS YANG YANG DPYOD MI DGOS SO SNYAM NA, DE YANG MI 'THAD DE, SGOM TSUL 'DI DAG NI, PHA ROL TU PHYIN PA'I LTA BA'I SKYONG TSUL YIN CING, DE'I NANG NAS KYANG SO SKYE LAS DANG PO PAS LTA BA THOG MAR SKYONG BA'I SKABS YIN PAS, GTAN TSIGS SAM RGYU MTSAN YANG DAG LA BRTEN PA'I RIGS SHES RJES DPAG GIS BDAG MED BSGOM PA YIN LA, DE LA BDAG MED PA'I RGYU MTSAN YANG YANG BSAMS PA'I DPYAD PA MA BYAS NA, RIGS SHES DES DRANGS PA'I BDAG MED NGES PA'I NGES SHES SHUGS CAN MI SKYE ZHING, DE MA SKYES NA BDAG MED LA DMIGS PA'I SGOM BYUNG SKYE BA MI SRID, DE MA SKYES NA BDAG MED MNGON DU 'GYUR BA MI SRID PA'I PHYIR, DPER NA MI RTAG PA DANG, LAS 'BRAS DANG 'KHOR BA'I NYES DMIGS, BYAMS SNYING RJE BYANG CHUB KYI SEMS SOGS BSGOM PA'I TSE, BDAG NI 'CHI'O SNYAM PA TZAM GYI 'DZIN STANGS GCIG KHO NA BZUNG BAS MI CHOG PAR, BDAG NGES PAR 'CHI, MYUR DU 'CHI, NAM 'CHI LA NGES PA MED PA'I RGYU MTSAN ZHIB TU BSAMS DGOS PA BZHIN YIN PA'I PHYIR TE, DE LTAR YANG LHAG MTHONG CHEN MO LAS, LUNG DANG RIGS PAS SGO DU MA NAS DPYOD PA NI BDAG MED PA'I DON MA RTOGS PA RTOGS PA'I DON DU

YIN LA, LTA BA YANG RNYED ZIN PAS BSGOM PA'I TSE MI DGOS SO SNYAM NA, DE LTA NA MTHONG LAM DU BDAG MED PA MNGON SUM DU RTOGS PA YIN PAS, DE NAS MTHONG ZIN PA DE BSGOM PA DON MED PAR 'GYUR RO, ,GAL TE DE NI BSGOM DGOS TE SGOM SPANG RNAMS GOMS PAS SPONG GI, MTHONG BA TZAM GYIS MI SPONG NGO SNYAM NA, MTSUNGS TE 'DIR YANG SNGAR THOS BSAM GYIS GTAN LA PHAB PAS NGES ZIN KYANG GTAN LA 'BEBS PA LA GOMS PAR BYED DGOS PA'I PHYIR TE, JI TZAM GTAN LA 'BEBS PA DE GOMS PAR BYAS PA DE TZAM DU NGES PA SHUGS DRAG PA DANG RGYUN RING BA DANG RNAM PA GSAL BA DANG BRTAN PAR 'GYUR PA SOGS SU MTHONG BA'I PHYIR RO, ,DES NA RNAM 'GREL LAS, NGES PA DANG NI SGRO 'DOGS YID, ,GNOD BYA GNOD BYED NGO BO'I PHYIR, ZHES GSUNGS PA LTAR, DE GNYIS GNOD BYA GNOD BYED YIN PAS NGES PA JI LTAR BRTAN PA DANG SHUGS DRAG PA SOGS SU SONG BA DE TZAM DU SGRO 'DOGS LA GNOD PAS 'DIR YANG RANG BZHIN MED PA'I NGES PA JE 'PHEL DU BTANG DGOS LA, DE YANG GNOD BYED DANG SGRUB BYED DU MA'I SGO NAS BSAM DGOS PA'I PHYIR RO, ,DE LTA MA YIN NA MI RTAG PA DANG LAS 'BRAS DANG 'KHOR BA'I NYES DMIGS DANG BYANG CHUB KYI SEMS DANG, BYAMS PA DANG SNYING RJE SOGS LA'ANG DE DAG GI GO BA RNYED NAS MI DPYOD PAR BDAG NI 'CHI'O SNYAM PA TZAM GYI 'DZIN STANGS KHO NA BZUNG NAS BSKYANG DGOS PAR 'GYUR TE, RGYU MTSAN KUN NAS MTSUNGS PA'I PHYIR RO, ,DES NA NGES PA RNAM DAG 'DREN PA LA NI BDAG NI 'CHI'O SNYAM PA DANG, SEMS CAN GYI DON DU SANGS RGYAS THOB PAR BYA'O SNYAM PA DANG, SEMS CAN SNYING RE RJE

, ,SNYAM PA TZAM LA SOGS PA DAM BCA' TZAM RES MI CHOG GI, RGYU MTSAN SGO DU MA NAS BSAM DGOS PA BZHIN DU, RANG BZHIN MED PA'I NGES PA BRTAN PA DANG SHUGS DRAG PA SOGS KYANG DAM BCA' TZAM ZHIG BZUNG BAS MI CHOG GI GNOD BYED DANG SGRUB BYED SGO DU MA NAS BSAM DGOS TE, SKYES BU CHUNG NGU'I SKABS SU YANG DANG YANG DU BSHAD ZIN TO, ,ZHES GSUNGS PA'I PHYIR, DE LTAR LAS DANG PO PAS GANG ZAG GI BDAG MED RTOGS PA'I LTA BA DANG POR SKYONG BA'I TSE GANG ZAG BDEN PAR GRUB PA RNAM PAR BCAD TZAM GYI MED DGAG DE NYID RANG RGYUD KYI BLO'I 'DZIN STANGS KYI YUL DU BYAS NAS BSGOM DGOS PA LA, PAn CHEN SH'AKYA MCHOG LDAN PAS, GZHIS KA SNE'U BA'I DGONGS 'DZIN LA SE RA GUNG RU RGYAL BZANG PA'I DRUNG DU CHOS GSAN LA BYON PAS, GUNG RU'I ZHAL NAS, DGAG BYA BKAG SHUL GYI 'DZIN STANGS SBYOR BA 'DI MKHAS GRUB DGE LEGS PA RANG GI RTZAL BSHAD BYAS PA'I KHA 'DZIN RI BO DGE LDAN PA YONGS KYIS SGROGS PAR SNANG, RJE RIN PO CHE DANG, BLA MA RJE BTZUN RED MDA' PA GNYIS DGAG BYA NGOS 'DZIN PHRA ZHIB DPYOD TSUL BAG TZAM RTZING ZHIB LAS, MNYAM GZHAG 'JOG TSUL 'DRA, LAR RANG MDO SDUD PAR, RTZVA DANG SHING LAS ME 'BYUNG BAS NI DE NYID BSREG, CES SHING DGRA ME, ME DGRA SHING YIN CING, SHING BSREG PA LA ME? DGOS, ME SBOR BA LA SHING DGOS, SHING ZAD MTHAR ME 'CHI, PHAN TSUN MED NA MI 'BYUNG GI, BLTOS CHOS RTEN 'BREL YIN GSUNG BA DNGOS SU THOS ZHES PA DANG, PAn CHEN SH'AKA MCHOG RANG GIS MDZAD PA'I LUGS GNYIS PHYAG RGYA CHEN PO'I BZHED TSUL LA 'KHRUL

BSEL BAR BYED PA BSTAN BCOS ZUNG 'JUG GI GRU PO CHE LAS, BKA' GDAMS LTA BA'I NGOS 'DZIN BDAG LTA DANG, ,'DZIN PA 'GAL PHYIR ZHAN PA'I BLO ZHES ZER, ,MI BSAM MI MIN YID LA MI BYED PA, ,LTA BA'I DNGOS GZHIR MAR ME MDZAD DPAL GSUNG, , KUN RDZOB TSAD MAS GRUB PA BKA' GDAMS KYI, ,BDEN GNYIS 'JOG TSUL BLA MED YIN ZHES ZER, ,KUN RDZOB 'KHRUL PA'I SNANG BA YIN ZHES PA, ,BKA' GDAMS GZHUNG LUGS KUN LAS GSAL DE YIN, ,DPYAD SGOM NGES SHES RGYUN DU STEN BYED PA, ,PO TO BA YI GDAMS NGAG YIN ZHES ZER, ,SOR RTOG YE SHES NYID KYANG STONG NYID KYI, ME LCES BSREG CES AATI SHA YIS GSUNGS, ,PHYI NAS BYIN PA'I GRAGS PA GSAL LDAN PA, SNGON DUS GANG CAN BYON PA'I BSHAD RGYUD DANG, ,SGRUB RGYUD 'DZIN PO DE KUN PHAL CHER GYI, ,RANG RANG LUGS KYI BSHAD PA'I SROL CHEN DANG, ,LTA DANG SGOM PA'I RNAM GZHAG JI SNYED PA, ,LUNG RIGS NYI ZLA'I 'OD PHRENG BGRANG YAS KYIS, ,SNGON GYI LUGS 'DZIN MUN PA'I PHAG TU GZIMS, 'KHRUL SNANG NYI ZLA'I SPABS? PA ZA BYED DE, ,YONGS RDZOGS BSTAN PA'I SA CHEN 'DEGS NUS PA, ,LUNG RIGS 'JUG PA BCU PA'I ROL RTZED MKHAN, ,'GA' ZHIG NGES DON MKHA' LA THOGS MED BRGYU, ZHES RJE BTZUN TZONG KHA PA CHEN PO DANG, MKHAS GRUB DGE LEGS DPAL BZANG LA ZUR ZA BA MANG DU MDZAD CING, KHONG RANG LTA BA BSGOM PA'I TSE CI YANG YID LA MI BYED PAR 'JOG PA 'THAD PA'I PHYOGS MANG PO BTZAL 'DUG KYANG, LTA BA SKYONG BA'I TSE DGAG BYA BKAG PA'I 'DZIN STANGS SBYOR BA MKHAS GRUB RIN PO CHE'I RANG BZO

, ,MA YIN GYI, RJE RIN PO CHE YANG BZHED LA DON LA GNAS PA YANG YIN TE, SPYIR LAM GANG DANG GANG BSGOM YANG RANG RGYUD KYI BLO BSGOM BYA'I LAM DE'I DMIGS RNAM CAN DU BSKYED NAS BSGOM DGOS PA GANG ZHIG, BDEN GRUB RNAM PAR DPYAD TZAM GYI STONG PA DE, BDAG MED RTOGS PA'I LTA BA'I RNAM PA'I YUL YIN PA'I PHYIR, RTAGS DANG PO GRUB STE, DPER NA SNYING RJE BSGOM PA'I TSE RANG GI BLO SEMS CAN LA DMIGS NAS SDUG BSNGAL GYIS MNAR BA LA MI BZOD PA'I RNAM PA CAN DU BSKYED NAS BSGOM PA BZHIN YIN PA'I PHYIR TE, LAM RIM CHEN MO LAS, DE NAS SGOM ZHES PA PHAR PHYIN GYI 'GREL BSHAD TSIG GSAL LAS, SGOM PAR BYED PA ZHES BYA BA NI YID DE'I SKAL BA CAN DU BYED PA'AM DE'I DNGOS POR BYED PA'O ZHES BSHAD PA LTAR GO BAR BYA STE, DPER NA, DANG PA BSGOM SNYING RJE BSGOM ZHES PA NI YID DE DANG DER BSKYED PA LA BYA DGOS PA BZHIN NO, ,ZHES GSUNGS PA'I PHYIR, RTAGS GNYIS PA GRUB STE, BDEN GRUB RNAM PAR BCAD TZAM GYI STONG PA DE, DE 'DRA'I LTA BA'I 'DZIN STANGS KYI YUL YIN PA'I PHYIR TE, DE 'DRA'I LTA BA DANG, BDEN 'DZIN GNYIS 'DZIN STANGS DNGOS 'GAL GANG ZHIG, BDEN GRUB DE BDEN 'DZIN GYI 'DZIN STANGS KYI YUL YIN PA'I PHYIR TE, DE DE'I ZHEN YUL YIN PA'I PHYIR, GZHAN YANG, LTA BA BSGOM TSE DGAG BYA BKAG SHUL GYI 'DZIN STANGS SBYAR NAS BSGOM DGOS PAR THAL, SGOM BYED PA'I TSE BSGOM BYA SGOM BYED YUL YUL CAN DU SBYAR NAS SGOM PAR BYED DGOS PA'I PHYIR TE, BSGOM BYA BLO YUL DU MA SHAR BAR SGOM BYED MI SHES PA'I PHYIR RO, ,KHYAD

PAR LTA BA DANG STONG PA'I 'DZIN STANGS SBYAR NAS BSGOM PA NI, RJE RIN PO CHE'I BZHED PA MKHAS GRUB RIN PO CHES BKRAL BA LTAR YIN TE, LHAG MTHONG CHEN MO LAS, 'DIR GAL CHE BA NI RANG GI MA RIG PAS SGOR BTAGS PA'I 'DZIN STANGS SUN PHYUNG BA'I SGO NAS DE'I LDOG PHYOGS RANG BZHIN GYIS STONGS PA'I STONG PA NYID KYI STENG DU NGES PA SHUGS DRAG BSKYED NAS STONG NYID BSGOM DGOS PA YIN GYI, BDAG 'DZIN DANG MA RIG PA'I 'DZIN STANGS SUN MA PHYUNG BAR STONG NYID ZUR PA ZHIG LA BYAS NAS BSGOMS KYANG BDAG 'DZIN LA CI YANG MI GNOD PAS, 'DRE SHAR SGOR GNOD PA LA GLUD NUB SGOR GTONG BA DANG 'DRA'O ZHES GONG MA RNAMS GSUNG BA MANG BAR SNANG NGO, ,ZHES GSUNGS PA 'DIS BKA' GDAMS GONG MA RNAMS DANG RJE NYID KYI GAL CHE BA'I DGONGS BZHED BSTAN PA'I PHYIR, GZHAN YANG, BDAG MED RTOGS PA'I LTA BA DANG, BDAG 'DZIN GNYIS 'DZIN STANGS DNGOS SU 'GAL BA YIN TE, 'KHOR BA'I RTZA BAR GYUR PA'I MA RIG PA'AM KUN NAS NYON MONGS PHYOGS KYI RTEN 'BREL YAN LAG BCU GNYIS KYI NANG TSAN DU GYUR PA'I MA RIG PA NGOS 'DZIN PA NA, RIG PA MED TZAM DANG, DE LAS GZHAN PA TZAM MA YIN PAR, RIG PA YE SHES KYI 'GAL ZLA MI MTHUN PHYOGS NGOS 'DZIN DGOS PA'I PHYIR TE, DPER NA, MI MDZA' BA DANG BRDZUN NGOS 'DZIN PA NA MDZA' BA MA YIN PA TZAM DANG BDEN PA MA YIN PA TZAM LA MI 'JOG PAR, DE DANG DE'I 'GAL ZLA MI MTHUN PHYOGS LA NGOS 'DZIN DGOS PA BZHIN YIN PA'I PHYIR TE, MDZOD LAS, RIG PA'I MI MTHUN PHYOGS CHOS GZHAN, ,MA RIG MI MDZA' BRDZUN SOGS BZHIN, ZHES DANG,

, ,RNAM 'GREL LAS, RIG BA'I MI MTHUN PHYOGS PHYIR DANG, ,SEMS BYUNG NYID KYIS DMIGS BA'I PHYIR, ,LOG PAR DMIGS NYID MA RIG PAR, ,GSUNGS PHYIR GZHAN NI RIG MA YIN, ZHES GSUNGS PA'I PHYIR, GZHAN YANG, CI YANG YID LAM BYAS BAR 'KHOR BA'I RTZA BAR GYUR BA'I MA RIG PA SPONG MI NUS TE, DE SPONG PA LA, DE KHO NA NYID KYI DON SGRA SPYI TZAM MA YIN PAR, DE'I DON SPYI BLO YUL DU SHAR BAR BYAS NAS YANG DANG YANG DU SGOM PAR BYED DGOS PA'I PHYIR TE, RTZA SHE LAS, MA RIG 'GAGS PAR GYUR NA NI, ,'DU BYED RNAM KUN 'BYUNG MI 'GYUR, ,MA RIG 'GAG PAR 'GYUR BA NI, ,SHES PAS DE NYID BSGOMS PAS SO, ,ZHES GSUNGS PA'I PHYIR, GZHAN YANG, RJE RIN PO CHES, BKA' GDAMS LTA BA'I SKYONG TSUL STONG PA NYID 'DZIN STANGS KYI YUL DU BYAS NAS SKYONG BAR GSUNGS PA DANG, JO BOS DBU MA'I MAN NGAG TU, BYING BA DANG RGOD PA LA SOGS PA'I SKYON DU 'GYUR BA THAMS CAD BSAL TE, BAR SKABS DER SHES PA CIR YANG MI RTOG, CIR YANG MI 'DZIN, DRAN PA DANG YID LA BYED PA THAMS CAD BSAL TE, JI SRID DU MTSAN MA'AM RNAM PAR RTOG PA'I DGRA'AM, CHOM RKUN MA LANGS KYI BAR DU DE LTA BU LA SHES PA GNAS PAR BYA'O, ,ZHES GSUNGS PA DANG MI 'GAL TE, JO BO'I GSUNG DE'I DON NI, GCIG DU BRAL LA SOGS PA'I GTAN TSIGS RNAMS KYIS CHOS RNAMS BTAGS DON BTZAL NAS CI YANG MA RNYED PA'I TSE, BTAGS DON CI YANG MA RNYED PA'I STONG SANG DE NYID MA GTOGS, DGAG BYA BKAG SHUL DU SGRUB PA'I CHOS GANG YANG YID LA MI BYED PA'I DON YIN GYI, STONG

SANG DE NYID KYANG MA MTHONG ZHING YID LA MI BYED PA MA YIN TE, DPER NA, THOGS BCAD KYI REG BYA BKAG TZAM GYI STONG SANG MTHONG BA'I TSE, THOGS BCAS CUNG ZAD TZAM YANG MA MTHONG ZHING STONG SANG DE NYID MTHONG BA LA NAM MKHA' MTHONG BA'I THA SNYAD BYED PA'I PHYIR TE, SDUD PA LAS, GZUGS RNAMS MI MTHONG TSOR BDAG KYANG MI MTHONG ZHING, ,'DU SHES MTHONG BA MED LA SEMS PA MI MTHONG ZHING, ,GANG LA RNAM PAR SHES DANG SEMS YID MTHONG MED PA, ,'DI NI CHOS MTHONG YIN ZHES DE BZHIN GSHEGS PAS BSTAN, ,NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG STE DES 'DI BRTAG PAR BGYI, ,MTHONG BA DPE GZHAN GYIS NI BSNYAD PAR NUS MA YIN, ,DE LTAR CHOS MTHONG BA YANG DE BZHIN GSHEGS PAS BSTAN, ZHES DANG, SUS RTEN CING 'BREL PAR 'BYUNG PA MTHONG BDES CHOS MTHONG NGO, ,ZHES DANG, MA MTHONG BA NI MTHONG BA DAM PA'O, ,ZHES GSUNGS PA'I PHYIR, DE YANG LUNG DE GNYIS KYI TSIG ZUR GYI CHOS MTHONG BA ZHES PA DE KHO NA NYID KYI DON MTHONG BA DANG, LUNG GSUM PA'I MTHONG BA DAM PA'O ZHES PA'I MTHONG BA DAM PA YANG STONG NYID MTHONG BA LA BYED PAS STONG PA NYID LA MNYAM PAR BZHAG PA'I TSE BDEN GRUB RNAM PAR BCANG TZAM GYI MED DGAG STONG SANG DE NYID MTHONG BA DANG, DE YID LA BYED PA ZHES PA'I THA SNYAD BYA'I, YUL CI YANG MA MTHONG ZHING YUL CI YANG YID LA MI BYED BA ZHES PA'I THA SNYAD SBYAR BAR MI BYA'O, ,GZHAN YANG, 'DZIN STANGS 'GAL PHYIR ZHEN PA'I BLO ZHES ZER ZHES SMRA BA RJE RIN

, ,PO CHES SO SO SKYE BO LAS DANG PO PAS THOG MAR LTA BA BSGOM PA'I TSE RTOG SGOM BYED DGOS ZHES GSUNGS PA LA ZUR ZA BAR 'DUG KYANG, DES THOG MAR RTOG PAS STONG NYID BSGOM DGOS TE, DES THOG MA RANG NAS MNGON SUM GYIS STON GNYID BSGOM MI NUS PA'I PHYIR TE, STONG NYID MNGON SUM GYI SPYOD YUL DU BYAS NAS BSGOM PA LA 'PHAGS LAM THOB DGOS PA'I PHYIR, DE'I RJES SU, KUN RDZOB TSANG MAS GRUB PA BKA' GDAMS KYI, ,BDEN GNYIS 'JOG TSUL BLA MED YIN ZHES ZER,, KUN RDZOB 'KHRUL PA'I SNANG BA YIN ZHES PA, ,BKA' GDAMS GZHUNG LUGS KUN LAS GSAL DE YIN, ZHES PA YANG RJE RIN PO CHES KUN RDZOB BDEN PA THA SNYAD PA'I TSAD MA'I DBANG GIS BZHAG CING, DON DAM BDEN PA DON DAM DPYOD BYED KYI TSAD MA'I DBANG GIS BZHAG PA YIN GSUNGS PA DANG, BKA' GDAMS LAM RIM KUN LAS KUN RDZOB 'KHRUL PA'I SNANG BA TZAM YIN PAR GSUNGS PA GNYIS NANG 'GAL GSUNG PA YANG, MKHAS PA SH'AKA MCHOG PA NYID TSAD MAS GRUB NA BDEN GRUB TU 'GYUR BAR BZHED PA NYID KYIS LAN PA YIN TE, KUN RDZOB BDEN PA THA SNYAD PA'I TSAD MAS GRUB PAR THAL, 'JUG PA LAS, DNGOS KUN YANG DAG RDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG DE DE NYID DE, ,MTHONG BRDZUN PA KUN RDZOB BDEN PAR GSUNGS, ZHES GSUNGS PA'I PHYIR, GZHAN YANG, KUN RDZOB BDEN PA CHOS CAN, TSAD MAS GRUB PAR THAL, MNGON SUM GYI TSAD MAS GRUB PA'I PHYIR TE, KUN MKHYEN

YE SHES KYIS GRUB PA GANG ZHIG, DE MNGON SUM GYI TSAD MA YIN PA'I PHYIR, DANG PO GRUB STE, KUN MKHYEN YE SHES KYIS BDEN GNYIS KYIS BSDUS PA'I SHES BYA THAMS CAD DUS CIG CAR DU MNGON SUM GYIS GZIGS PA'I PHYIR TE, KHYOD 'BA' ZHIG GI YE SHES KYIS, ,SHES BYA THAMS CAD KHYAB LAGS KYI, ,KHYOD LAS GZHAN PA THAMS CAD KYI, ,SHES BYA KHO NA LHAG PA LAGS, ZHES GSUNGS PA'I PHYIR, RTAGS GNYIS PA GRUB STE, RNAM KUN MKHYEN NYID YE SHES NI, ,MNGON SUM MTSAN NYID CAN DU 'DOD, CES GSUNGS PA'I PHYIR, GZHAN YANG, 'KHRUL PA'I SNANG BA TZAM YIN NA, TSAD MAS MA GRUB PAS KHYAB ZER BA MI 'THAD DE, YUL MA 'KHRUL PA 'JOG PA LA, 'JOG BYED KYI BLO MA 'KHRUL BA DGOS KYANG, YUL 'KHRUL PA'I SNANG BA 'JOG PA LA, 'JOG BYED 'KHRUL PA'I TSAD MAS CHOG PA'I PHYIR, GZHAN YANG, TSAD GRUB KYI DON SLU MED LA 'JOG CING, SLU MED KYI DON BDEN GRUB LA 'JOG PA MI 'THAD DE, TSAD MA MI SLU BA'I RIG PAR 'JOG PA'I DON NI, TSAD MA RANG GIS JI LTAR GZHAL BA GZHAL BA LTAR GRUB PA'I RIG PA YIN PA LA BYED PA'I PHYIR RO, ,TSANG GRUB YIN NA BDEN GRUB YIN DGOS NA, STONG NYID CHOS CAN, BDEN GRUB YIN PAR THAL, TSAD MAS GRUB PA YIN PA'I PHYIR TE, MTHAR THUG DPYOD PA'I RIG SHES TSAD MAS GRUB PA'I PHYIR, 'DOD NA, STONG NYID BDEN GRUB TU LTA BA'I LTA BA DE LTA BA RNAM DAG YIN PAR THAL LO, ,'DOD MI NUS TE, DE GSOR MI RUNG BA'I LTA BA YIN PA'I PHYIR TE, RTZA SHE LAS, GANG DAG

, ,STONG PA NYID LTA BA, DE DAG BSGRUB TU MED PAR GSUNGS, ZHES GSUNGS PA'I PHYIR, YANG KHO NA RE, KUN RDZOB BDEN PA GZHI MA GRUB BO ZHE NA, DE GZHI GRUB PAR THAL, DE RKYEN LA LTOS NAS GZHI GRUB PA'I PHYIR TE, TSIG GSAL LAS, RKYEN NYID 'DI TZAM GYIS KUN RDZOB GRUB PAR KHAS LEN GYI, PHYOGS BZHI KHAS BLANGS PAS NE MA YIN TE, DNGOS PO RANG BZHIN DANG BCAS PAR THAL BAR 'GYUR BA'I PHYIR DANG, DE YANG RIGS PA MA YIN PA'I PHYIR ZHES SOGS GSUNGS PA'I PHYIR, GZHAN YANG, KUN RDZOB BDEN PA CHOS CAN, GZHI GRUB PAR THAL, THA SNYAD DU GRUB PA'I PHYIR TE, KUN RDZOB TU GRUB PA'I PHYIR, KHYAB STE, DON DAM PAR MED PAS MED GO MI CHOD CING, KUN RDZOB TU YOD PAS YOD GO CHOD PAR RJE BTZUN TZONG KHA PA CHEN PO BZHED PA LTAR, SA SKYA PA RANG GI BSTAN 'DZIN CHEN PO GRAGS PA RGYAL MTSAN YANG BZHED PA'I PHYIR TE, RJE BTZUN GRAGS PA RGYAL MTSAN GYIS, GAL TE DON DAM PAR YOD DO ZHE NA, 'O NA YOD PA'I MTHAR LTUNG BA'I PHYIR DBU MA'I LAM MA YIN NO, ,'O NA KHYOD DON DAM PAR MED PAR 'DOD PA'I PHYIR KHYOD KYANG MED PA'I MTHAR LTUNG BAR 'GYUR RO ZHE NA, KHO BO CAG DON DAM PAR MA GRUB PA'I PHYIR MED PAR MI 'DOD DO, ,'O NA KHYOD GANG DU 'DOD CE NA, KHO BO CAG KUN RDZOB TU JI LTAR GNAS PA DE LTAR 'DOD DE, KUN RDZOB CHAD PA'I MTHA' LAS GROL LA, DON DAM PAR GANG DU YANG MA GRUB PAS MTHA' THAMS CAD LAS GROL BAS DBU MA'I LAM MO ZHES BYA'O, ,ZHES GSUNGS PA'I PHYIR, GZHAN YANG,

YOD NA RANG BZHIN GYIS YOD DGOS PAR THAL, KUN RDZOB TU YOD PAS YOD GO MI CHOD PA'I PHYIR, RTAGS KHAS, 'DOD NA, LAS 'BRAS CHOS CAN, RANG BZHIN GYIS YOD PAR THAL, YOD PA'I PHYIR, KHYAB PA KHAS, MA GRUB NA, LAS 'BRAS MED PAR LTA BA'I LTA BA DE LTA BA RNAM DAG YIN PAR THAL, DE MED PA'I PHYIR, 'DOD MI NUS TE, DE LOG LTA'I MTHAR THUG YIN PA'I PHYIR, GZHAN YANG, YOD NA RANG BZHIN GYIS YOD MI DGOS PAR THAL, 'GREL PA TSIG GSAL LAS, YOD PA TZAM ZHIG TU DMIGS PAS, RANG BZHIN DANG BCAS PAR NGES PAR BYED, DE'I PHYIR YOD PAR DMIGS KYANG RANG BZHIN GYIS SKYE BA MED DO, ,ZHES GSUNGS PA'I PHYIR, GZHAN YANG, YOD PA DANG RANG BZHIN GYIS YOD PA LA KHYAD PAR YOD PAR THAL, MA SKYES PA DANG RANG BZHIN GYIS MA SKYES PA LA KHYAD PAR YOD PA'I PHYIR TE, LANG KAR GSHEGS PA LAS, BLO GROS CHEN PO RANG BZHIN GYIS MA SKYES PA LA DGONGS NAS NGAS CHOS THAMS CAD MA SKYES PA'O ZHES BSTAN TE ZHES DANG, YUM LAS, SH'A RI'I BUS SMRAS PA, CHE DANG LDAN PA RAB 'BYOR YANG CI THOB PA MED CING MNGON PAR RTOGS PA MED DAM, RAB 'BYOR GYIS SMRAS PA, TSE DANG LDAN PA SH'A RI'I BU THOB PA YANG YOD MNGON PAR RTOGS PA YANG YOD MOD KYI GNYIS KYI TSUL GYIS NI MA YIN NO, ,ZHES GSUNGS PA'I PHYIR, GZHAN YANG, DPYAD SGOM NGES SHES RGYUN DU STEN BYED PA, ,PO TO BA YI GDAMS NGAG YIN ZHES ZER, ,SOR RTOG YE SHES NYID KYANG STONG NYID KYI, ,ME LCES BSREG CES AA TI SHA YIS GSUNGS, ZHES

, ,RJE TZONG KHA PAS, LAS DANG PO PAS LTA BA LA MYONG BA 'DON PA'I TSE SO SOR RTOG PA'I SHES RAB KYIS YANG YANG DPYAD NAS NGES SHES RGYUN LDAN DU BSTEN PA PO TO BA'I GDAMS NGAG YIN GSUNGS PA LA, JO BOS SHING GNYIS DRUD PA LAS BYUNG BA'I MES SHING GNYIS BSREG PAR GSUNGS PA DANG 'GAL BA'I SKYON YOD PAR 'DOD PA YANG MI 'THAD DE, GTZUB SHING YANG YANG GTZUBS PA LAS BYUNG BA' MES SHING NYID SREG PAR BYED PA NI LTA BA LA MYONG BA 'DON BA'I TSE, SO SOR RTOG PA'I SHES RAB KYIS YANG YANG DPYOD BA'I DPER RUNG GI, MI DPYOD CING YID LA MI BYED PA'I DPER MI RUNG BA'I PHYIR TE, GTZUB SHING GTZUBS NAS ME DBYUNG BA'I TSE, ME MA BYUNG GI BAR DU YANG YANG DAL MI BSO BAR SHING GNYIS DRUNG NA ME 'BYUNG BA LTAR, LTA BA LA MYONG BA 'DON PA'I TSE GCIG DU BRAL LA SOGS PA'I RIGS PAS YANG YANG DPYAD NAS NGES SHES BSKYED, SKYES NA DE'I BAR DU BLO RIGS MI GCIG PA GZHAN GYIS MA BCAD PAR NGES SHES DE'I RGYUN DRAN SHES KYIS YANG YANG BSKYANG DGOS PA'I PHYIR TE, 'OD SRUNGS KYI LE'U LAS, 'OD SRUNGS 'DI LTA STE, DPER NA SHING GNYIS DRUD PA DE LAS ME 'BYUNG STE, BYUNG NAS SHING GNYIS SREG PAR BYED PA DE BZHIN DU, 'OD SRUNGS YANG DAG PAR SO SOR RTOG PA YOD NA 'PHAGS PA'I SHES RAB KYI DBANG PO SKYE STE, DE SKYES PAS YANG DAG PAR SO SOR RTOG PA DE NYID SREG PAR BYED DO, ,ZHES DANG, PHAR PHYIN BSDUS BA LAS, RGYUN MI 'CHAD PA'I RNAL 'BYOR GYIS, ,BSAM GTAN BSGRUB LA BRTZON PAR BYA, ,YANG DANG YANG ZHING DAL 'TSO NA, ,GTZUBS

PAS ME PHYIN MI 'GYUR TE, ,RNAL 'BYOR TSUL LA'ANG DE BZHIN DU, ,KHYAD PAR MA THOB GTANG MI BYA, ZHES GSUNGS PA'I PHYIR, DE LTA MA YIN PAR CI YANG YID LA MA BYAS PAS 'PHAGS LAM RNAM PAR MI RTOG PA'I YE SHES THOB PAR MI 'GYUR TE, SGOM RIM PAR PA LAS, YID LA BYED PA YONGS SU SPANGS PA TZAM ZHIG SGOM PAR BYED PA DE'I RNAM PAR RTOG PA NAM YANG MI LDOG CING NGO BO NYID NAM YANG RTOGS PAR MI 'GYUR TE, SHES RAB KYI SDANG BA DANG BRAL BA'I PHYIR RO, ,'DI LTAR YANG DAG PAR SO SOR RTOG PA NYID LAS YANG DAG PA JI LTA BA BZHIN SHES PA'I ME BYUNG NA GTZUB SHING GTZUBS PA'I ME BZHIN DU RTOG PA'I SHING BSREG GO, ZHES BCOM LDAN 'DAS KYIS BKA' STZAL TO, ,ZHES GSUNGS PA'I PHYIR, DES NA LTA BA DANG, BYAMS SNYING RJE SOGS BSGOM PA'I CHO THOG MAR SO SOR RTOG BA'I SHES RAB KYIS YANG YANG SPYOD PA GAL CHE BAR DGE BA'I BSHES GNYEN PO TO BA CHEN PO'I BZHED PA YIN TE, BE'U BUM SNGON PO LAS, ZHI GNAS LHAG MTHONG RNAL MSTE 'DIR, ,THAG RING DE YI RJES MTHUN DAG KYANG, ,RAB DKA' DE DAG SA BON GRUNG BO, ,CI THEBS BYA ZHING DE GNYIS LAS KYANG, ,LHAG MTHONG SA BON GAL CHE DE YANG, ,SO SOR RTOG PA 'BA' ZHIG DAG GIS, ,BYAMS SOGS KUN LA DE LTAR BRTAG BYA, ZHES GSUNGS PA'I PHYIR, YANG MANG PO ZHIG SO SOR RTOG PA'I SHES RAB KYIS MI DPYOD PAR RTZE GCIG TU 'JOG PA KHO NA SGOM YIN GYI, YANG YANG DPYAD CING DRAN PAS BZUNG BA'I SGOM GYIS SGOM GYI GO MI CHOD SNYAM DU BYED CING, DE NYID BKA' BRGYUD PA'I BLA MA GONG MA RNAMS KYI

, ,KYANG BZHED DO ZHE NA, DE YANG MI 'THAD DE, RTOG LDAN ZLA SENG GIS GRUB CHEN AU RGYAN PA LA, BZUNG DRAN DES SGOM GYI GO CHOD DAM MI CHOD ZHUS PAS, BZUNG DRAN GYIS SGOM GYI GO LOS CHOD, THEM SKAS 'OG MA NAS RIM GYIS 'DZEGS PAS SKAS LA 'DZEGS PA'I GO CHOD PA DANG 'DRA BA YIN MOD, 'OG MA LA 'DZEGS PAS GONG MA'I GO MI CHOD DE, 'OG MA MA 'DZEGS PAR GONG MAN SLEB PA MED PA DANG 'DRA MOD, DES NA STONG NYID KYI BZUNG DRAN BSKYUR NAS RTZOL MED RANG GSAL GYI DRAN PA LA MCHONGS NA SGOM SKYONG MA SHES PA YIN PAS RANG LA GANG YOD KYI BRTZON 'GRUS BSKYED PA RANG GNAD YIN GSUNG, ZHES GSUNGS PA'I PHYIR, GNYIS PA STONG PA RTEN 'BREL GYI DON DU RTOGS NA RGYAL BA DGYES PAR BSTAN PA STON PA LA, GANG ZHIG 'KHOR 'DAS CHOS RNAMS THAMS CAD KYI, ,RGYU 'BRAS NAM YANG BSLU BA MED MTHONG ZHING, ,DMIGS PA'I GTAD SO GANG YIN KUN ZHIG PA, ,DE NI SANGS RGYAS DGYES PA'I LAM LA ZHUGS, ,ZHES GSUNGS, DE'I DON NI, SHES BYA CHOS CAN, STON PA THUB PA'I DBANG PO NYID KYI, GDUL BYA'I DBANG GIS RTAG GCIG RANG DBANG CAN GYI BDAG GIS STONG PA'I LTA BA DANG, GANG ZAG RANG RKYA THUB PA'I RDZAS YOD KYIS GRUB PAS STONG PA'I LTA BA DANG, GZUNG BA PHYI ROL DON GYIS STONG PA'I LTA BA DANG, CHOS THAMS CAD BDEN PAR MA GRUB CING RANG BZHIN GYIS GRUB PAR LTA BA'I RANG RGYUD PA'I LTA BA DANG, THA SNYAD DU YANG RANG BZHIN GYIS GRUB PA CUNG ZAD KYANG MED PAR LTA BA'I THAL 'GYUR BA'I LTA BA STE, LTA BA'I RNAM GRANGS DU MA GSUNGS

PA RNAMS KYI NANG NAS LTA BA GANG LA ZHUGS NA YANG DAG PAR RDZOGS PA'I SANGS RGYAS DGYES PAR 'GYUR PA'I LAM LA ZHUGS PAR 'GYUR TSUL YOD DE, GDUL BYA GANG ZHIG KUN NAS NYON MONGS PHYOGS KYI BDEN PAS BSDUS PA'I 'KHOR BA DANG, RNAM BYANG PHYOGS KYI BDEN PAS BSDUS PA'I 'JIG RTEN LAS 'DAS PA'I CHOS RNAMS THAMS CAD KYI RNAM PAR GZHAG 'JOG DANG BSKYED BYA SKYED BYED KYI RGYU 'BRAS LA SOGS PA'I BYA BYED THAMS CAD DUS NAM YANG BSLU BA MED PAR MTHONG ZHING, DE LTA NA YANG LAS 'BRAS DE DAG DON DAM DPYOD BYED KYI RIGS PA YANG DAG GIS BTAGS DON BTZAL BA'I TSE BDEN GRUB KYI MTSAN MAR 'DZIN PA'I DMIGS PA'I GTAD SO GANG YIN KUN ZHING PA STE BDEN 'DZIN GYI ZHEN YUL GTAN MED DU RTOGS NA, DE NI RGYAL BA DGYES PA'I LAM RTAG CHAD KYI MTHA' THAMS CAD DANG BRAL BA'I DBU MA THAL 'GYUR BA'I LTA BA LA ZHUGS PAR 'JOG PA YIN PA'I PHYIR TE, DE LTAR YANG RTZA SHES LAS, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,DE NI RGYUR BYAS GDAGS PA STE, ,DE NI DBU MA'I LAM YIN NO, ,ZHES GSUNGS PA'I PHYIR, 'O NA BDE SDUG SOGS BTAGS DON BTZAL NAS CUNG ZAD KYANG MI RNYED NA, MNGON SUM LA BSNYON MED DU SNANG BA MI 'THAD DAM SNYAM NA, SKYON MED DE, MES LAG PA TSIG PA'I TSA ZUG RNAMS BTAGS DON BTZAL NA MI RNYED KYANG, MES LAG PA TSIG PA'I TSA ZUG MI BZOD PA MNGON SUM LA MYONG BAS GRUB PA LTA BU YIN PA'I PHYIR, KHA CIG DMYAL BA'I ME'I SDUG BSNGAL SOGS 'KHRUL SNANG GZHAN NGO TZAM YIN ZHING, GZHAN GYIS BZOD NA

, ,NGAS KYANG BZOD SNYAM PA SRID DE, DMYAL BA'I ME'I SDUG BSNGAL BZOD MI BZOD TSOD BRTAG PA'I PHYIR LAG MTHIL ME LCE LA GTAD NA SHES ZHES BSHES GNYEN GONG MA RNAMS GSUNG ZHING, SDUG BSNGAL MYONG BA PO NI SEMS YIN LA, DA LTA'I SEMS 'DI DANG, SDUG BSNGAL MYONG DUS KYI SEMS GNYIS SNGA PHYI TZAM MA GTOGS KHYAD PAR GZHAN MED PA'I PHYIR, GZHAN YANG, BDEN PAR MED KYANG MNGON SUM LA BSNYON DU MED PA'I DPE YOD DE, BYANG BZHIN ME LONG NANG DU 'PHOS PA MED CING, BYANG BZHIN MED PAR GZUGS BRNYAN MI 'CHAR YANG, BYANG DANG ME LONG TSOGS PA'I RTEN 'BREL LAS, GZUGS BRNYAN BYANG BZHIN DU BDEN PAR MED KYANG BYAD BZHIN GYI GZUGS BRNYAN GSAL BAR SNANG BA BSNYON DU MED PA BZHIN YIN PA'I PHYIR TE, YAB SRAS MJAL BA LAS, ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG BA DE BZHIN DU, ,LJON PA CHOS RNAMS SHES PAR GYIS, ,ZHES DANG, DBU MA LA 'JUG PA LAS, DNGOS PO STONG PA GZUGS BRNYAN LA SOGS PA, ,TSOGS LA BLTOS PA MA GRAGS PA YANG MIN, ,JI LTAR DER NI GZUGS BRNYAN SOGS STONG LAS, ,SHES PA DE YI RNAM PAR SKYE 'GYUR LTAR, ,DE BZHIN DNGOS PO THAMS CAD STONG NA YANG, ,STONG NYID DAG LAS RAB TU SKYE BAR 'GYUR, ZHES GSUNGS PA'I PHYIR, DE YANG BDEN PA MNGON SUM DU GZIGS PA'I 'PHAGS PA'I GANG ZAG RNAMS LA BDE SDUG GI RNAM PA CI SHAR YANG, MI BZOD PA DANG SRID ZHEN GYI RNAM PA GANG

YANG MI 'BYUNG MOD, RANG RE SO SO SKYE BO RNAMS KYIS BDEN PA MNGON SUM DU MA MTHONG BA'I RING LA, SDUG BSNGAL PHRA MO TZAM YANG MI BZOD PA DA LTA MYONG BAS GRUB PA 'DI KA YIN PAS SDIG PA PHRA ZHING PHRA BA NAS SPONG ZHING, DGE BA PHRA ZHING PHRA BA NAS BSGRUB DGOS TE, DPER NA, SNGON RGYAL PO ZHIG LA BLON PO BYED DAN PA ZHIG YOD PA RGYAL BLON GNYIS KHANG STENG NA GNAS PA'I TSE, SGYU MA MKHAN ZHIG GIS SGYU MA SPRUL TE LUNG PA THAMS CAD CHUS GANG NAS MKHAR GYI BAD LA YANG LHUNG LHUNG BYUNG BA LA, MNYAN PA ZHIG GRUR ZHUGS NAS SKYA BA 'DEBS SHING 'ONGS NAS MNYAN PA NA RE SNGON DU BLON PO ZHUGS SHIG ZER NAS BLON POS ZHUGS PAS SGYU MA BSDUS PAS BLON PO G-YANG LA LHUNG NAS SHI ZHING, SGYU MA MA BSDUS GONG DU CHU DANG GRU DANG MNYAN PA SOGS BDEN BDEN LTAR YOD PA LTA BU YIN PA'I PHYIR TE, BE'U BUM SNGON PO LAS, SGYU MA MKHAN POS BLON PO BSLUS BZHIN, ,MTSO DANG DE BRGAL GRU DANG MNYAN PA, ,'KHRUL PA MA BRAL PAR LA BSNYON MED, ,MA 'KHRUL PA LA GANG YANG MA YIN, ZHES GSUNGS PA'I PHYIR DANG, DE DAG DANG MTHUN PAR JO BO YAB SRAS KYIS KYANG GSAL BAR GSUNGS TE, JO BO RIN PO CHES 'DAM GYI BRDZES BCAD DU, RMI LAM YUL GYI BZANG NGAN RNAMS, RMI LAM BLO LA BDEN PAR SNANG, ,RMI LAM BDEN PAS STONG NA YANG, ,'KHRUL SHES CAN DE BDEN PAR 'KHRUL, ,DE BZHIN 'DI YUL MA LUS PA'ANG, ,BDEN PAS STONG YANG DER 'DZIN BLOS, ,BDEN PA NYID DU MNGON PAR 'KHRUL, ZHES DANG, 'BROM RIN PO CHES, CHOS THAMS CAD BRDZUN PA'I SNANG BA YANG, ,GZUGS

, ,MED NA GZUGS BRNYAN GA LAS 'BYUNG, ,DE RGYU SONG BRDZUN YANG 'BRAS 'BYUNG BAS, ,LAS KHYAD DU MI GSOD NYAMS LEN PA'I, ,DA LTA BA BRGYUD PA'I BKA' GDAMS YIN, ZHES GSUNGS PA'I PHYIR, DES NA, CHES THAMS CAD BTAGS DON BTZAL NA CUNG ZAD KYANG MI RNYED PA'I RANG BZHIN STONG PA NYID DU GNAS SHING, DE LTAR DU GNAS PAR GO BA TZAM GYIS MI DGE BA'I 'BRAS BU SDUG BSNGAL DRUG PO MYONG BA 'PHRAL DU SEL MI NUS PAS, JI SRID BDEN PA MNGON SUM DU MA MTHONG GI BAR DU DGE SDIG LA SPANG BLANG BYAD PA THOG MA NYID DU GAL CHE STA, BRI KA MA LA SH'I LA'I GNAS BRTAN ZHIG GIS DGE 'DUN GYI RDZAS CUNG ZAD TZAM ZHIG LA RANG DBANG DU LONGS SPYAD CING, DBANG PO CHE BYAS NAS MCHIL LHAM MA PHUNG BAR DGE 'DUN GYI DRI GTZANG KHANG DU PHYIN PAS, YI DVAGS DBANG SHIN TU CHUNG ZHING RKANG PA PHYIN KHA LOG TU BYAS BA ZHIG TU SKYES PA DANG, BLA MA AA WA DH'U T'I PA'I ZHAL NAS, JI SRID BDAG TU 'DZIN PA MA SPANGS RING LA LAS PHRA ZHING PHRA BA LA'ANG 'JEM DGOS TE, PAndI TA 'DI SKAD BYA BA DANG, RNAL 'BYOR PA 'DI SKAD BYA BA YANG LAS NGAN NA 'DI'I DBANG GIS DMYAL BA 'DI DANG 'DIR SKYES ZHES GSUNGS PA DANG, BA TSAB LO TZ'A BA'I ZHAL NAS, MDOR NA NGED DBU MA PA'I LUGS KYI THA SNYAD TZAM DU MI DGE BA BZHIN PHRA ZHING PHRA BA NAS SPONG, DGE BA PHRA ZHING PHRA BA NAS BSGRUB, DE YANG SNANG LA RANG BZHIN MED PA ME LONG NANG GI GZUGS BRNYAN LTA BU, NAM MKHA'I 'JA' TSON LTA BU NYAMS SU LEN DGOS PA YIN NO, ,ZHES GSUNGS PA'I PHYIR, YANG 'GA' ZHIG NGED LTA BSGOM PA PO DGE SDIG

LA SPANG BLANG MI DGOS ZER BA DANG, 'DOD YON LA SRENG ZHEN CHEN PO SDOMS MED DU LONGS SPYOD PA GNYIS NANG 'GAL BA YIN TE, BSHES GNYAN CHEN PO 'BRAM RIN PO CHES, KYE NYON DANG CHOS BYED BSAM SHES KUN, ,MI SMYON PA LA LA 'DI SKAD ZER,, CHOS THAMS CAD STONG PA'I GNAS LUGS YIN, ,DON DE LA LAS DANG 'BRAS BU MED, ,NGA KHA SGOR GANG BYUNG RTOG MED ZA, ,KHONG RTOG BCAS RNAMS NI PHUNG ZHES ZER, ,MI KHO BO DE LAS BZLOG STE SMRA, ZHES DANG, LTA BA STONG NYID BSGOM ZHES KHAS BLANGS NAS, SPYOD PA DNGOS POR 'DZIN LAS MGROL NA, ,LTA SPYOD 'DZOL TE LOG PA'I LAM DU 'GRO ,RANG GIS RANG BSLUS GZHAN GYIS ZHE YANG KHREL, ZHES GSUNGS PA'I PHYIR, GSUM PA SNANG STONG NGO BO SO SOR 'DZIN PA DE SRID DU THUB PA'I DGONGS PA MI RTOGS PAR BSTAN PA DE STON PA LA, SNANG BA RTEN 'BREL BA SLU BA MED PA DANG, ,STONG PA KHAS LEN BRAL BA'I GO BA GNYIS, ,JI SRID SO SOR SNANG BA DE SRID DU, ,DA DUNG THUB PA'I DGONGS PA RTOGS PA MED, CES GSUNGS, DON NI, SHES BYA CHOS CAN, BDE SDUG LA SOGS PA KUN RDZOB RTEN 'BREL GYI SNANG BA THAMS CAD RGYU MED DANG, MI MTHUN PA'I RGYU LAS MI 'BYUNG BAR, RANG RANG GI RGYU RKYEN DANG 'DOGS BYED KYI RTOG PA LA BRTEN NAS CUNG ZAD KYANG MA 'CHOL BAR 'THAD LDAN DU 'JOG THUB PA'I BSLU BA MED PA LA NGES PA GTANG NAS 'DRONGS PA DANG, DON DAM LA DPYOD PA'I RIGS PA YANG DAG GIS BTAGS DON BTZAL BA'I TSE RNYED RGYU'I RANG BZHIN RDUL TZAM YANG BLO YUL DU BZHAG TU MED CING NGAG TU YANG BDEN GRUB KYI KHAS LEN DANG BRAL BA'I STONG PA NYID KYI DON GO BA

, ,GNYIS, JI SRID SO SOR SNANG BA STE 'PHAL BAR MTHONG BA DE SRID DU, DA DUNG THUB PA'I DGONGS PA JI LTA BA BZHIN RTOGS PA MED DE, RGYU MTSAN GANG GI PHYIR NA NGES DON 'GREL PAR RGYAL BA RANG NYID KYIS LUNG BSTAN PA'I, ,DPAL MGON 'PHAGS PA KLU SGRUB KYIS BKRAL BA'I YANG DAG PAR RDZOGS PA'I SANGS RGYAS KYI BZHED YUL PHUGS MTHAR THUG PA'I DBU MA THAL 'GYUR PA'I LTA BA RNYED PA'I TSAD NI, BTAGS DON BTZAL NA MI RNYED PA'I STONG SANG NGE BA LA, RGYU 'BRAS MTSAN MTSON LA SOGS PA'I RNAM GZHAG THAMS CAD 'GAL MED DU 'JOG THUB PA LA BYED PA'I PHYIR, DE YANG STONG PA KHAS LEN BRAL BA'I GO BA ZHES PA SPYIR YIN MIN DANG YOD MED SOGS KYI KHAS LEN MED PA LA MI ZER GYI, RIGS SHES KYI BTAGS DON BTZAL BA'I TSE KUN RDZOB GANG YANG KHAS LEN DANG BRAL BA LA BYED PA YIN TE, RJE BTZUN RENG MDA' BA'I ZHAL NAS, THAL 'GYUR BA LA KHAS LEN GANG YANG MED ZER BA'I DON GNAS LUGS LA DPYOD PA'I TSE LKUGS PA BZHIN DU CI YANG MI SMRA BAR BSDOD PA YANG MIN GYI, GNAS LUGS NGES PA'I TSE RIGS NGO DER KUN RDZOB GANG YANG KHAS LEN RGYU MED PA LA ZER GSUNGS BA DANG, RJE BTZUN 'JAM PA'I DBYANGS KYIS DPYAD TSE MA RNYED RNYED TSE MA DPYAD, CES GSUNGS PA'I PHYIR, DBU MA'I LTA BA RNYED PA'I TSAD SNGAR BSHAD PA DE LTAR YIN TE, LAM RIM CHUNG BA LAS, DKA' SA NI RANG GI NGO BOS GRUB PA'I RANG BZHIN MA LUS PAR KHEGS PA DANG, RANG BZHIN MED PA'I GANG ZAG LA SOGS PA DE NYID LAS GSOG PA PO DANG, 'BRAS BU MYONG BA PO LA SOGS PAR 'JOG PA LA NGES PA GTING NAS 'DRONGS

TE, DE RNAMS SU 'JOG THUB PA'I GNYIS TSOGS DE SRID MTHA' TZAM DU SONG BAS DBU MA'I LTA BA SHIN TU RNYED DKA' BA YIN NO, ,ZHES DANG, DE KHO NA NYID LA DPYOD PA'I RIGS PAS BTZAL BA NA, SKYE BA DANG 'CHI 'PHO BA'I GANG ZAG LA SOGS PA DPYAD BZOD PA RDUL TZAM YANG MI RNYED KYANG, CHOS RNAMS SGYU MA LTA BU LA DKAR NAG GI 'BRAS BU RNAMS 'BYUNG BAR GSUNGS PA LTA BU'I GO BA CHAGS PA DGOS SO, ,ZHES GSUNGS PA'I PHYIR, KUN RDZOB RTEN 'BREL GYI SNANG BA DANG, DON DAM RANG BZHIN GYIS STONG PA GNYIS NGO BO GCIG YIN TE, MYU GU LTA BU RANG GI DON DAM PA NGO BO THA DAD YIN NA, DE RANG NYID BDEN PAS STONG PA'I STONG NYID DANG NGO BO THA DAD DU 'GYUR BAS, DE BDEN GRUB TU 'GYUR BA'I PHYIR TE, BYANG CHUB SEMS 'GREL LAS, KUN RDZOB STONG PA NYID DU BSHAD, ,STONG NYID KHO NA KUN RDZOB YIN, ,MED NA MI 'BYUNG NGES PA'I PHYIR, ,BYAS DANG MI RTAG DAG BZHIN NO, ,ZHES GSUNGS PA'I PHYIR, DES NA GZUGS PHUNG RANG GI GDAGS GZHI LA BRTEN NAS MING DANG RTOG PAS PHAR BTAGS PA TZAM MA GTOGS GZUGS PHUNG DANG PO NAS RANG GI SDOD LUGS KYI NGOS NAS GRUB PAS STONG PAS NA, SHES RAB SNYING PO LAS, GZUGS STONG PA'O, ,ZHES GSUNGS, GZUGS RUNG DE NYID RANG NGOS NAS GZUGS SU MA GRUB PAS, DE LA GZUGS KYI THA SNYAD SHES PA'I PHYIR DU, MING DANG RTOG PAS DE LA GZUGS ZHES PA'I BRDA SBYAR BAS, THA SNYAD DE'I DBANG GIS DE GZUGS SU 'THAD KYI SGRAR MI 'THAD PAS, GZUGS LAS KYANG STONG PA NYID GZHAN MA YIN, STONG PA NYID LAS KYANG GZUGS

, ,GZHAN MA YIN NO, ,ZHES ZAB MO STONG PA NYID BZHI SBYOR GYIS GSUNGS SO, ,DE YANG BYE BRAG TU SMRA BA NAS RANG RGYUD PA'I BAR GYI GRUB MTHA' SMRA BA RNAMS KYIS, RANG RANG GI GRUB MTHA'I LUGS KYI LTA BAS 'KHOR BA'I RTZA BA SPONG NUS PAR 'DOD KYANG, 'KHOR BA'I RTZA BA MTHAR THUG NGOS MA ZIN PAS 'BEN MA MTHONG BAR MDA' BRDEG PA DANG, RKUN MA NGOS MA ZIN PAR TSAM TSOM DU RKUN KHAG BTZUGS PAS 'DOD PA'I DON MI 'GRUB PA LTAR, 'KHOR BA SLAR SKYE MI RUNG GI CHOS CAN DU BYAS NAS SPONG MI NUS LA, DE YANG BYE BRAG SMRA BA'I NANG TSAN KHA CIG, GANG ZAG RTAG GCIG RANG DBANG CAN DU 'DZIN PA'I BLO DE 'KHOR BA'I RTZA BAR BZUNG NAS DE'I GNYEN POR GANG ZAG RTAG GCIG RANG DBANG CAN GYI BDAG GIS STONG PA RTOGS PA BSGOMS PAS 'KHOR BA LAS GROL BAR 'DOD KYANG DE MI 'THAD DE, DE NI DPER NA RANG GI KHANGS PA'I RTZIG PHUG NA DUG SPRUL GNAS PAS 'JIGS PA LA 'GA' ZHIG GIS 'DI NA GLANG PO CHE MED DO ZHES 'JIGS PA DE BSAL NAS BAG PHAB PA LA SLAR YANG SPRUL GYIS BZUNG NAS GSOD PA LTA BU YIN PA'I PHYIR TE, 'JUG PA LAS, RANG KHYIM RTZIG PHUG SPRUL GNAS MTHONG BZHIN DU, ,'DI NA GLANG CHEN MED CES DOGS BSAL TE, ,SPRUL GYI 'JIGS PA SPOD PAR BYED PA NI, ,KYE MA GZHAN GYI GNAM POR 'GYUR NYID DO, ,ZHES GSUNGS PA'I PHYIR, YANG MDO SDE PA, SEMS TZAM PA, RANG RGYUD PA RNAMS KYIS GANG ZAG RANG RKYA THUB PA'I RDZAS YOD DU 'DZIN PA'I 'JIG LTA 'KHOR BA'I RTZA BAR BZUNG NAS, DE'I GNYEN POR GANG ZAG RANG RKYA THUB PA'I RDZAS YOD KYIS STONG PA'I GANG

ZAG GI BDAG MED RAGS PA MNGON SUM DU RTOGS ZIN GOMS PAR BYAS PAS 'KHOR BA LAS GROL BAR 'DOD KYANG, DE YANG MI 'THAD DE, DE GOMS PAR BYAS PAS MNGON PA GNYIS NAS BSHAD PA'I NYON MONGS MNGON GYUR PA RE ZHIG 'GAG PAR 'GYUR YANG, SLAR YANG GANG ZAG DANG PHUNG PO RANG BZHIN GYIS GRUB PAR 'DZIN PA'I 'JIG LTA LHAN SKYES PHRA MO LA BRTEN NAS NYON MONGS MNGON GYUR DU SKYE BAR 'GYUR BA'I PHYIR TE, SPYOD 'JUG LAS, STONG PA NYID DANG BRAL BA'I SEMS, ,'GAGS PA SLAR YANG SKYE 'GYUR TE, ,'DU SHES MED PA'I SNYOMS 'JUG BZHIN, ,DES NA STONG NYID BSGOM PAR BYA, ZHES GSUNGS PA'I PHYIR DANG, RIN CHEN PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,NGAR 'DZIN YOD NA YANG LAS TE, ,DE LAS YANG NI SKYE BA YIN, ZHES GSUNGS PA'I PHYIR, 'O NA 'KHOR BA'I RTZA BA MTHAR THUG PA DE GANG YIN ZHE NA, YOD DE, PHUNG PO RANG BZHIN GYIS GRUB PAR 'DZIN PA'I BDEN 'DZIN LHAN SKYES DE 'KHOR BA'I RTZA BA YIN PA'I PHYIR TE, STONG NYID BDUN CU PA LAS, RGYU DANG RKYEN LAS SKYES DNGOS RNAMS, ,YANG DAG PAR NI RTOG PA GANG, ,DE NI STON PAS MA RIG GSUNGS, ,DE LAS YAN LAG BCU GNYIS 'BYUNG, ZHES GSUNGS PA'I PHYIR, RGYU MTSAN DE LA BRTEN NAS THEG DMAN DGRA BCOM GYIS CHOS KYI BDAG MED MA RTOGS PA YANG KHEGS PAR SHES PAR 'GYUR RO, ,'O NA GANG ZAG RANG BZHIN GYIS GRUB PAR 'DZIN PA'I 'JIG LTA DANG BDEN 'DZIN GNYIS KA 'KHOR BA'I RTZA BA YIN NA, 'KHOR BA'I RTZA BA MI MTHUN PA GNYIS

, ,YOD PAR 'GYUR RO ZHE NA, SKYON MED DE, PHUNG PO RANG BZHIN GYIS GRUB PAR 'DZIN PA'I BDEN 'DZIN GYIS, GANG ZAG RANG BZHIN GYIS GRUB PAR 'DZIN PA'I 'JIG LTA BSKYED CING, DE GNYIS KA RANG YUL RANG BZHIN GYIS GRUB PAR 'DZIN PA'I 'DZIN STANGS CAN DU MTSUNGS PA'I PHYIR TE, DPER NA MA RIG PA'I RIGS 'DRA SNGA PHYI GNYIS 'KHOR BA'I RTZA BA YIN PA LA 'GAL BA MED PA BZHIN YIN PA'I PHYIR, KHA CIG MNGON PA GNYIS NAS BSHAD PA'I NYON MONGS RNAMS GANG ZAG RANG RKYA THUB PA'I RDZAS YOD DU 'DZIN PA'I 'JIG LTA TZAM GYIS BSKYED PA'I NYON MONGS YIN NO ZER NA, DE MI 'THAD DE, GANG ZAG RANG RKYA THUB PA'I RDZAS YOD DU 'DZIN PA'I 'JIG LTAS DRANGS PA'I NYON MONGS YIN NA, RANG RGYU BDEN 'DZIN PHRA MOS DRANGS PA'I NYON MONGS YIN DGOS PA'I PHYIR RO, ,'O NA GANG ZAG RANG RKYA THUB PA'I RDZAS YOD DU GRUB PAS STONG PA'I STONG NYID GOMS PAR BYAS PAS 'KHOR BA'I RTZA BAR GYUR BA'I BDEN 'DZIN SPONG MI NUS PA'I RGYU MTSAN CI YIN ZHE NA, DE'I RGYU MTSAN YOD DE, DPER NA SGYU MA'I BUD MED LA BUD MED DNGOS SU BZUNG NAS, DE LA MI SDUG PAR BSGOMS PAS BUD MED DNGOS LA DMIGS PA'I 'DOD CHAGS SPONG MI NUS PA BZHIN YIN PA'I PHYIR TE, DE LTAR YANG 'PHAGS PA BSAM GTAN PA'I DPE MA KHYUD KYI MDO LAS, DPER NA MI LA LA ZHIG GIS SGYU MA MKHAN GYI ROL MO BYUNG BA'I TSE, SGYU MA MKHAN GYIS SPRUL PA'I BUD MED MTHONG NAS, DE 'DOD CHAGS KYI SEMS BSKYED DE, 'DOD CHAGS KYIS SEMS DKRIS NAS, 'KHOR GYI NANG NAS 'JIGS SHING BAG TSA STE, STAN

LAS LANGS NAS SONG STE SONG NAS KYANG BUD MED DE NYID LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED NA, RIGS KYI BU DE JI SNYAM DU SEMS, MI DE YANG DAG PAR ZHUGS PA YIN NAM 'ON TE LOG PAR ZHUGS PA YIN, GSOL PA, BCOM LDAN 'DAS GANG BUD MED MA MCHIS PA LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BGYID PA'I MI DE'I MNGON PAR BRTZON PA DE NI LOG PA LAGS SO, ,BCOM LDAN 'DAS KYIS BKA' STZAL BA, RIGS KYI BU 'DI NA DGE SLONG DANG DGE SLONG MA DANG, DGE BSNYEN DANG DGE BSNYEN KHA CIG MA SKYES SHING MA BYUNG BA'I CHOS RNAMS LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED PA GANG YIN PA DE DAG KYANG DE DANG 'DRA BAR BLTA BAR BYA'O, ,NGA NI MI BLUN PO DE DAG LA LAM BSGOM PA YIN NO ZHES MI SMRA STE, DE DAG NI LOG PAR ZHUGS PA ZHES BYA'O, ZHES GSUNGS PA'I PHYIR, 'O NA GANG ZAG RANG RKYA THUB PA'I RDZAS YOD KYI 'DZIN TSUL JI LTA BU ZHE NA, DE YANG YOD DE, GANG ZAG RANG BZHIN GYIS GRUB PAR 'DZIN PA'I STENG DU YANG RANG BZHIN GYIS GRUB PA'I GANG ZAG DE PHUNG PO LA PHAR MI BLTOS PA'I DBANG BSGYUR BA PO'I RJE BO LTA BU DANG, PHUNG PO RNAMS RANG BZHIN GYIS GRUB PA'I GANG ZAG LA BLTOS PA'I DBANG BSGYUR BYAR 'DZIN PA NI, RANG RKYA THUB PA'I 'DZIN TSUL YIN PA'I PHYIR, GANG ZAG RANG RKYA THUB PA'I RDZAS YOD DU 'DZIN PA'I BLO DES GANG ZAG PHUNG PO'I TSOGS PA DANG, YA GYAL DANG, RGYUN GANG LA'ANG BTAGS PA TZAM DU MI 'DZIN TE, GANG

, ,ZAG RANG RKYA THUB PA'I RDZAS YOD DU 'DZIN PA'I 'DZIN STANGS SUN MA PHYUNG BA'I THA MAL BA RNAMS KYI RGYUD LA RANG GI LUS NGAN PA 'DI DANG, LTA'I DBANG PO'I LUS DANG, RANG GI BLO MI GSAL BA 'DI DANG, LHA'I DBANG PO'I BLO LTA BU CHES GSAL BA GNYIS BRJE BA'I DBANG BYUNG NA BRJE BA POR MNGON PAR ZHEN PA MNGON GYUR DU 'DUG PA'I PHYIR TE, RNAM 'GREL LAS, MCHOG GZHAN DON DU GNYER PHYIR DANG, ,SKYE 'JIG BLO CAN NYID KYI PHYIR, ,SKYE BO 'DI YIS DBANG SOGS LAS, ,BDAG NI THA DAD SHES PAR GYUR, CES GSUNGS PA'I PHYIR, 'O NA THAL RANG GNYIS KYI DON DAM DPYOD BYED KYI RTAGS KYI DGAG BYA LA PHRA RAGS KYI KHYAD PAR YOD NA, DE JI LTA BU ZHE NA, THAL 'GYUR BAS CHOS THAMS CAD RTOG PA'I DBANG TZAM GYIS BZHAG PAR 'DOD CING, RTOG PA'I DBANG TZAM GYIS BZHAG PA MA YIN PAR DANG PO NAS RANG NGOS NAS GRUB PA ZHIG YOD NA, BDEN GRUB TU 'GYUR BAR 'DOD, RANG RGYUD PA RNAMS CHOS RNAMS RTOG PA'I DBANG TZAM GYIS 'JOG MI NUS PAS, BLO GNOD MANG LA SNANG BA'I DBANG GIS 'JOG CING, DE YANG BUM PA 'JOG BYED KYI BLO GNOD MED DES 'JAL RGYU'I BUM PA NI, BLO DE LA LTOS MED KYI TSUL GYIS DANG PO RANG NAS GRUB GRUB PA ZHIG LA 'DOD CING, DE LTAR GRUB PA DE BUM PA RANG NGOS NAS GRUB PA'I DON YIN ZHES BZHED, THAL 'GYUR BA NI, BUM PA DE KHO RANG 'JAL BYED KYI TSAD MA LA LTOS MED KYIS DANG PO NAS MA GRUB PAR, BUM PA DANG BUM PA 'JAL BYED KYI TSAD MA GNYIS PHAN TSUN BLTOS NAS GRUB PAR BZHED DE, TSIG GSAL LAS,

TSAD MA DAG YANG NA GZHAL BYA'I DON DAG TU 'GYUR LA, GZHAL BYA'I DON DAG YOD NA TSAD MA'I DON DAG TU 'GYUR GYI, TSAD MA DANG GZHAL BYA GNYIS NGO BO NYID KYIS GRUB PA YOD PA MA YIN NA, ,ZHES GSUNGS PA'I PHYIR, DES NA CHOS THAMS CAD DANG PO NAS MA GRUB PA LA, 'DOGS BYED KYI RTOG PA'I DBANG GIS GLO BUR DU GRUB PA YIN TE, JO BO'I ZHAL NAS, RGYUS MED BYIS PA GLO BUR YIN, ,DON MED SNANG STONG DBYAD YUL MIN, ,SNANG TZAM LTOS LA DRI BA ZHOG ,THA SNYAD DPYAD NA 'JIG PA YIN, ZHES GSUNGS PA'I PHYIR, GZHAN YANG, THAL 'GYUR BA RNAMS GANG ZAG GI PHUNG PO RE RE BA GANG ZAG YIN NAM DE TSOGS PA GANG ZAG YIN NAM, DE LAS DON GZHAN DU GYUR BA'I GANG ZAG YOD SNYAM DU DPYAD PA NA, GANG ZAG RNYED RGYU CUNG ZAD KYANG MED CING, DE LTAR MA RNYED PA DE GANG ZAG BDEN PAR MED PA'I DON YIN GYI, GANG ZAG GTAN NAS MED PA'I DON MA YIN PAR BZHED, DE LTAR BTZAL BSAM RNYED NA MA RNYED PA'I RANG LA RTZE GCIG TU BZHAG CING, 'DZIN STANGS SHUGS CHUNG DU SONG NA BLO'I ZUR ZHIG GIS SNGAR LTAR DPYAD NAS 'DZIN STANGS KYI SHUGS LA GSOS PA NA DPYAD CING DPYAD MTHAR YANG CUNG ZAD MNYAM PAR 'JOG PA YIN GYI, BTAGS DON BTZAL NAS MA RNYED PA NA DA DUNG DE'I STENG DU RANG BZHIN GYIS GRUB PA MED SNYAM PA'I DGAG BYA'I KHYAD PAR BSNAN NAS BSGOM PA MA YIN TE, MKHAS GRUB RIN PO CHES, DES NA GANG ZAG DANG CHOS GANG YIN YANG YUL STENG NA GRUB TSUL JI LTAR 'DUG DON DAM DPYOD PA'I RIGS PA YANG DAG GIS BTZAL BA NA MTHAR GANG DU'ANG MA GRUB PA'AM, YUL

, ,STENG NA RNYED RGYU CUNG ZAD KYANG MED PA'I DES BA LHANG GIS SKYES PA DE KHA'I RGYUN SKYONG BA YIN GYI, DE LTAR BTZAL BAS CUNG ZAD KYANG RNYED RGYU MED PA NGES PA TZAM GYIS MI CHOG PAR, DA DUNG DE'I STENG DU BDEN PAR GRUB PA MED SNYAM DU LAN RE RE ZHING SLAR YANG DGAG BYA'I KHYAD PAR NGES PAR SBYAR NAS SKYONG DGOS SNYAM NA, DON DAM DPYOD BYED KYI RIGS PAS BTZAL BAS MA RNYED PA DE BDEN PAR MED PA'I DON DU MGO BAR, DON DAM DPYOD BYED KYI RIGS PAS BTZAL BA NAM RNYED PA'I TSE DE LTAR BTZAL BAS MI 'DUG GO SNYAM DU 'DZIN PA CHAD LTAR SONG GIS DOGS NA NI, DON DAM DPYOD PA'I RIGS PAS BTZAL BA NA MA RNYED PA DE GTAN MED KYI DON DU 'DZIN PA ZHE PHUGS SU 'TSANGS 'DUG PAS LTA BA'I GO LAS SHIN TU CHE BA LA GNAS PA'O, ,ZHES GSUNGS PA'I PHYIR, RANG RGYUD PA RNAMS KYIS GANG ZAG GI PHUNG PO LNGA RE RE BA GANG ZAG YIN NAM, DE TSOGS PA GANG ZAG YIN NAM, DE LAS DON GZHAN DU GYUR BA'I GANG ZAG YOD SNYAM DU DPYAD PA'I TSE GANG ZAG CI YANG MA RNYED PA, GANG ZAG BDEN PAR MED PA'I DON DU MA GO BAR GANG ZAG GTAN MED KYI DON DU GO NAS DE LTAR BTAGS DON BTZAL BA'I TSE GANG ZAG GI RGYUD KYI YID KYI RNAM PAR SHES PA GANG ZAG GI MTSAN GZHIR 'JOG STE, RTOG GE 'BAR BA LAS, KHO BO CAG THA SNYAD DU RNAM PAR SHES PA LA BDAG GI SGRA DNGOS SU 'DOGS TE, ZHES GSUNGS PA'I PHYIR, 'O NA GANG ZAG BTAGS DON BTZAL BA'I TSE GTAN NAS MED NA, GANG ZAG YOD TSUL JI LTAR YIN ZHE NA, DE BZHAG TU YOD DE, MA BRTAGS MA DPYAD PAR, GANG ZAG MING NGAM THA SNYAD TZAM DU YOD CING, DER YOD PAS YOD GO

CHOD PA'I PHYIR TE, SDUD PA LAS, CHOS DE RNAMS KYANG MING TZAM DU NI YONGS SU BSNGAGS, ZHES DANG, DE NI MING GIS KYANG NI GDAGS SU RUNG BA YIN, ZHES GSUNGS PA'I PHYIR, MING DE YANG BTAGS DON BTZAL NA MI RNYED DE, RIN CHEN PHRENG BA LAS, GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,'BYUNG MED GZUGS LHA GA LA ZHIG ,DE PHYIR MING TZAM NYID KYANG MED, CES GSUNGS PA'I PHYIR, DE LTAR RJE RIN PO CHES, DPAL LDAN ZLA BA TSAD MAR MDZAD NAS, RANG RGYUD PA MAN CHAD KYIS STONG NYID PHRA MO MA RTOGS SHING, DE MAN GYI LTA BA LA BRTEN NAS THAR PA TZAM YANG THOB PAR MI NUS SO, ,ZHES GSUNGS PA LA, CHOS RJE BLO BZANG GRAGS PAS, RGYA GAR GYI PAndI TA CHEN PO RNAMS LA YANG KHYAD GSOD CHEN PO MDZAD SNYAM PA DANG, YANG RJE RIN PO CHES BOD KYI BSAM GTAN PA RNAMS LA, SNYAN BSKUL GYI DRI BA LHAG BSAM RAB DKAR MDZAD PAS KYANG, BOD KYI BSAM GTAN PA RNAMS LA KHYAD GSOD MDZAD SNYAM DU MI BSAM STE, GZHAN DU NA DPAL LDAN ZLA BAS DBU MA LA 'JUG PAR, SLOB DPON KLU SGRUB ZHABS KYI LAM LAS NI, ,PHYI ROL GYUR LA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR BA 'GRUB YOD MIN, ZHES GSUNGS PA YANG RANG RGYUD PA MAN CHAD THAMS CAD LA KHYAD GSOD MDZAD PAR 'GYUR ZHING, RJE BTZUN SA PAn GYIS KYANG, BOD KYI BSAM GTAN PA MANG PO'I CHOS LUGS LA DPYAD PA MANG DU MDZAD PAS, BOD KYI BSAM GTAN PA RNAMS LA KHYAD GSOD MDZAD PAR 'GYUR BA'I PHYIR, BZHI PA LTA BA'I DPYAD PA RDZOGS

, ,BA'I TSAD BSTAN PA STON PA LA, NAM ZHIG RES 'JOG MED PAR CIG CAR DU, ,RTEN 'BREL MI SLUR MTHONG BA TZAM NYID NAS, ,NGES SHES YUL GYI 'DZIN STANGS KUN 'JIG NA, ,DE TSE LTA BA'I DPYAD PA RDZOGS PA LAGS, ZHES GSUNGS, DON NI, SHES BYA CHOS CAN, THAL 'GYUR BA'I THUN MONG MA YIN PA'I LTA BA LA THOS BSAM GYIS DPYAD PA RDZOGS PA'I TSANG YOD DE, DON DAM DPYOD BYED KYI RIGS PA YANG DAG GIS RANG BZHIN GYIS GRUB PA YOD MED LEGS PAR DPYAD PA NA, DUS NAM ZHIG NA RGYU LA BRTEN NAS 'BRAS BU 'BYUNG BA'I BYA BYED NAM YANG BSLU BA MED PA BLO YUL DU 'CHAR BA DANG, RANG BZHIN GYIS GRUB PA RDUL TZAM YANG MED PA'I STONG PA BLO YUL DU 'CHAR BA GNYIS, RES 'JOG MI DGOS PAR DUS CIG CAR DU GTAN TSIGS RTEN 'BREL MI SLU BA'I DON MTHONG BA TZAM GYI BYED PA GNYIS LAS, DGAG BYA RANG BZHIN GYIS GRUB PA NGES PA STE 'DZIN PA'I SHES PA BDEN 'DZIN GYI 'DZIN STANGS KYI YUL RANG BZHIN GYIS GRUB PA KUN 'JIG PA STE GTAN MED PA LA NGES PA GTING NAS 'DRONGS NAS, BLO YUL DU MI BDE BA MED NA LTA BA LA THOS BSAM GYIS DPYAD PA RDZOGS PA LAGS TE DPYAD PA RDZOGS PAR 'JOG PA'I PHYIR TE, DE'I TSE RANG BZHIN GYIS GRUB PA RDUL TZAM YANG MED PA LA RGYU 'BRAS BYA BYED KYI RNAM GZHAG BSNYON MED DU BZHAG CHOG PA'I GNYIS TSOGS DE BYUNG BA'I PHYIR, DE LTAR GNYIS TSOGS 'JOG THUB PA SHIN TU DKON ZHING, BYUNG NA SHIN TU NGO MTSAR TE, BYANG CHUB SEMS 'GREL LAS, CHOS RNAMS STONG PA 'DI SHES NAS, ,LAS DANG 'BRAS BU BSTEN PA GANG, ,NGO MTSAR BAS KYANG 'DI

NGO MTSAR, ,RMAD BYUNG BAS KYANG 'DI RMAD BYUNG, ZHES DANG, JO BOS, RNAM RTOG 'DI YIS CI YANG SHES, ,GZHI MED MTSAN NYID DU MA 'GOD, ,DA NI SNA TSOGS SNANG GYUR KYANG, ,CI YANG MED KYIS CIR MA 'DZIN, ,DES NA BDE SDUG LA SOGS PA, , RNAM RTOG JI TZAM DU 'DUS GYUR KYANG, ,SNANG BA TZAM ZHIG KHO NAR ZAD, ,BDEN PA SRID PA TZAM YANG STOR, ,SANG BA DE NI NYID DU SPYOD, ,CES DANG, MID LAS, MED CING SNANG BA NGO MTSAR CHE, ,ZHES PA DANG, SNANG THANG LAM MCHOG RTZA BAR, DGAG BYA MI SNANG SNANG BA MI 'GEGS, ,DE SKAD BYAS PAS CHA BYAD BZANG ZER, ,DE 'DRA DE NI KUN RDZOB 'DUG LUGS, ,KUN RDZOB CES PA'I MING TZAM GO BA, ,RTOGS PAR 'GYUR GYI MANG PO MI DGOS, ZHES GSUNGS PA'I PHYIR, DE YANG DBU MA'I LTA BA RNYED BA'I GANG ZAG GI BLO YUL DU SNANG BA RTEN 'BREL BSNYON MED DU 'CHAR BA DANG, STONG PA DON DAM GYI 'DUG LUGS GNYIS CIG CAR DU 'CHAR BA MI 'GAL BA YANG, DPER NA SGYU MA MKHAN GYIS RDE SHING RTA GLANG DU SPRUL PA'I TSE, SGYU MA MKHAN RANG NYID KYI MIG SHES LA RDE SHING RTA GLANG DU SNANG BA DANG, DES RDE SHING RTA GLANG GIS STONG PAR NGES PA MI 'GAL BA LTA BU YIN, DES NA GONG DU 'BRU SNON DA LTAR BYAS PA NI, NGES SHES YUL GYI 'DZIN STANGS KUN 'JIG NA ZHES PA'I NGES SHES BDEN 'DZIN DANG, 'DZIN STANGS ZHES PA YANG BDEN 'DZIN DE'I 'DZIN STANGS YIN PAR, BDAG 'DZIN GSHAGS 'DEBS LAS, NGES SHES YUL GYI 'DZIN STANGS KUN 'JIG NA, ,RANG BZHIN GRUB PA'I 'DZIN STANGS YIN PAR GO, ZHES PAS BSTAN PA'I DBANG DU BYAS PA YIN LA, DE YANG

, ,SPYAN SNGA BLO GROS RGYAL MTSAN GYI LTA KHRID LTA NGAN MUN SEL LAS, NGES SHES YUL GYI 'DZIN STANGS KUN 'JIG NA, ZHES PA'I DON 'CHAD PA NA, NGED RANG LA JI LTAR SNANG BA 'DI YOD NA RANG GIS NGES SHES KYI 'DZIN STANGS THAMS CAD DANG, DMIGS PA'I GTAD SO THAMS CAD 'JIG PA JI LTAR 'OD, DES NA 'KHRUL PA 'JIG THABS MED PA'I LUNG RIGS 'DIS GNOD CING 'DI DANG 'GAL BAS SO, ,SO SO SKYE BA'I MIG SHES SOGS KYANG SNANG YUL LA 'KHRUL PA DANG, DE'I GZUGS SOGS THAMS CAD SNANG BA LTAR MA GRUB PA DANG, DE LTAR SHES NA DMIGS GTAD 'JIG PA DANG 'DZIN STANGS THAMS CAD 'JIG PA SOGS KYI DON YANG NGED RANG SO SKYE THAMS CAD LA THUN MONG DU SNANG BZHIN PA BKAG NAS BSGOM PA'I DON YIN LA ZHES GSUNGS PA DANG MTHUN NAM SNYAM, DE LTA NA YANG RNAM 'GREL LAS, NGES PA DANG NI SGRO 'DOGS YID, ,GNOD BYA GNOD BYED NGO BO'I PHYIR, ZHES GSUNGS PA DANG 'GAL BA'I SKYON MED DE, RTOGS PA DANG NGES PA DON GCIG CING RTOGS PA DANG GO BA YANG RGYA SKAD GCIG LA LO TZ'A BA'I 'GYUR GYI KHYAD TZAM YIN PA DANG, BDEN 'DZIN YANG YUL BDEN GRUB GO BA'I SHES BAR BZHAG PA LA 'GAL BA MED PA'I PHYIR, GO RTOGS GNYIS 'GYUR KHYAD SGRA RNAM GRANGS PA YIN TE, SDOM GSUM RAB DBYE LAS, GO BA DANG NI RTOGS PA GNYIS, ,RNAM GRANGS SGRA YIN NGO BO GCIG ,RGYA SKAD GCIG LA LO TZ'A BA'I, ,'GYUR GYI DBYE BA KHO NAR ZAD, ,RTOGS PA GSAL DANG MI GSAL LA, ,GO DANG RTOGS PAR 'DOGS NA THOGS, ZHES GSUNGS PA'I PHYIR, GZHAN

YANG 'DI 'DRA'I RIGS LA TSAD MA DANG BSTUN DGOS PA'I NGES PA YANG MED DE, TSAD MA BA'I YONGS GRAGS LA, LOG SHES YIN NA, KHYOD KYIS NGES PA DANG RTOGS PA MED PAS KHYAB CING, KHYOD TSAD MAR SONG BA'I GZHAL BYA MED PAS KHYAB ZER YANG, THAL GYUR BA'I YUGS LA GNYIS SNANG CAN GYI SHES PA YIN NA, RANG GI SNANG BA LA TSAD MA YIN PAS KHYAB PAR BZHED PA'I PHYIR, LNGA BA THAL 'GYUR BA'I LTA BA'I KHYAD CHOS BSTAN PA STON PA LA, GZHAN YANG SNANG BAS YOD MTHA' SEL BA DANG, STONG PAS MED MTHA' SEL ZHING STONG PA NYID, ,RGYU DANG 'BRAS BUR 'CHAR BA'I TSUL SHES NA, ,MTHAR 'DZIN LTA BAS 'PHROGS PAR MI 'GYUR RO, ,ZHES GSUNGS, DON NI, SHES BYA CHOS CAN, CHOS THAMS CAD RANG BZHIN GYIS GRUB PAS STONG PA LA, RGYU 'BRAS RTEN 'BREL GYI RNAM GZHAG 'JOG PA MI 'GAL BAR MA ZAD, THAL 'GYUR BA'I THUN MONG MA YIN PA'I KHYAD CHOS GZHAN YANG YOD DE, SNANG BAS MED MTHA' SEL ZHING, STONG PAS YOD MTHA' SEL BA NI, RANG RGYUD PA MAN CHAD KYI LUGS YIN GYI THAL 'GYUR BA'I LUGS LA DE LAS LDOG STE SNANG BAS YOD MTHA' DANG, STONG PAS MED MTHA' SEL ZHING, RANG BZHIN GYIS GRUB PA LA SNGAR MED GSAR DU BCOS SU RUNG BA DANG, SNGAR YOD GLO BUR DU MED PAR 'GYUR PA DANG, RGYU RKYEN SOGS GZHAN LA BLTOS PA BZHAG TU MI RUNG BAS, RANG BZHIN GYIS GRUB PAS STONG PA'I RGYU DE NYID RANG NGOS NAS MA GRUB PA'I RGYU MTSAN GYIS, RANG GI RGYU LA BLTOS NAS 'BRAS BU DANG, RANG GI 'BRAS BU LA BLTOS NAS RGYUR 'GYUR TSUL DANG, 'BRAS BU YANG RANG GI

, ,RGYU DANG 'BRAS BU LA BLTOS NAS, 'BRAS BU DANG RGYU GNYIS KAR 'CHAR BA'I TSUL DANG, RES 'GA' YOD CING YANG GLO BUR DU MED PAR 'GYUR BA'I TSUL TSAD MA'I STOBS KYIS LEGS PAR SHES NA, RTAG LTA DANG CHAD PA'I MTHAR 'DZIN PA'I LTA BAS 'PHROGS PAR MI 'GYUR BA STE MTHA' DE GNYIS KYIS THUB PAR MI NUS PA'AM, LHA BDE GNYIS KYI GZHAN DBANG DU MI 'GYUR BA'I PHYIR RO, ,RANG BZHIN GYIS GRUB PA LA RGYU RKYEN GYIS GSAR DU BCOS PA DANG, LTOS SA LTOS CHOS 'JOG PA SOGS KYI BYA BYED GANG YANG BZHAG TU MED DE, RTZA SHE LAS, RANG BZHIN DAG NI BCOS MIN DANG, ,GZHAN LA BLTOS PA MED PA YIN, ZHES DANG, RANG BZHIN GZHAN DU 'GYUR BA NI, ,NAM YANG 'THAD PA MA YIN NO, ,ZHES GSUNGS PA'I PHYIR, DE YANG SNANG BAS YOD MTHA' DANG, STONG BAS MED MTHA' SEL TSUL, DPER NA, MYU GU CHOS CAN, RANG BZHIN GYIS MA GRUB STE, RTEN 'BREL YIN PA'I PHYIR ,ZHES PA'I GTAN TSIGS KYI RTEN 'BREL ZHES PA'I BRTEN PA NI GZHAN LA BRTEN PA YIN ZHING, GZHAN LA BRTEN NAS GRUB NA, RANG NGOS NAS MA GRUB PA'AM, RANG BZHIN GYIS MA GRUB PAR DON GYIS GO BAS RANG BZHIN GYIS GRUB PA'I YOD MTHA' MA RTAG MTHA' SEL TE, GROGS GZHAN LA BLTOS DGOS NA CHIG RKYA MI THUB PAR DON GYIS GO BA BZHIN YIN PA'I PHYIR, YANG SBYOR BA DE'I BSGRUB CHOS LA RANG BZHIN ZHES DMIGS KYIS BKAR BAS, RANG BZHIN GYIS MED PA YIN GYI SPYIR MED PA MA YIN PA DON GYIS GO BAS, SPYIR MED PA'I MED MTHA' SEL TE, SPYIR MED

NA RANG BZHIN GYIS ZHES DMIGS KYIS BKAR BA LA DGOS PA MED PA'I PHYIR TE, MDO LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG GIS STONG NYID SHES DE BAG YOD YIN, ZHES GSUNGS PA'I PHYIR, DES NA RTEN 'BREL GYI RIGS PA 'DIS RTAG CHAD KYI MTHA' GNYIS DUS CIG CAR DU SEL BAS, RIGS PA'I RGYAL PO ZHES GSUNGS PA YIN TE, 'JUG PA LAS, DE PHYIR RTEN 'BYUNG RIGS PA 'DI YIS NI, ,LTANG NA DRA PA MTHA' DAG GCOD PAR BYED, CES GSUNGS PA'I PHYIR, ,RTEN 'BREL GYI GTAN TSIGS KYI GNAD 'DI MA GO BAR, DNGOS SMRA BA RNAMS KYIS SA MYUG GNYIS RANG BZHIN GYIS GRUB STE, SA BON GYIS MYU GU BSKYED PA'I DON BYED NUS PA'I PHYIR ZHES SMRA BA LA, THAL 'GYUR BAS GZHAL NA 'GAL KHYAB YIN, PHYI ROL PA RNAMS KYIS RTEN 'BREL GYI GNAD MA GO BAR, DNGOS PO RNAMS RGYU MED 'ANG, NGO BO NYID KYI RGYU DANG, DBANG PHYUG RTAG BA SOGS LAS SKYE BAR 'DOD DGOS BA BYUNG BA YIN ZHING, RGYU RKYEN LAS BYUNG BA'I RTEN 'BREL NI, RANG RGYUD PA MAN CHAD DANG THUN MONG BA'I RTEN 'BREL DANG, RTOG PAS BTAGS PA TZAM LAS BYUNG BA'AM, GRUB PA NI THAL 'GYUR BA'I THUN MONG MA YIN PA'I RTEN 'BREL GYI DON YIN ZHING, DE LTA BU'I THAL 'GYUR BA'I THUN MONG MA YIN PA'I RTEN 'BREL DE NI SANGS RGYAS KYI DGONGS BZHED THUN MONG MA YIN PA'I KHRAD CHOS BLA NA MED PA YIN TE, RIN CHEN 'PHRENG BA LAS, DE PHYIR SANGS RGYAS RNAMS KYI NI, ,BSTAN PA 'CHI MED YOD MED LAS, ,'DAS PA ZAB MO ZHES BYA BA, ,CHOS KYI KHUD PA YIN SHES GYIS, ZHES

, ,GSUNGS PA'I PHYIR, GZHAN YANG, MYU GU RANG BZHIN GYIS MA GRUB BA'I RGYU MTSAN GYIS, SA BON DANG CHU LUD DROD GSHER SOGS KYI RGYU RKYEN GYI RTEN 'BREL TSOGS NA SKYE YI, RDO BA DANG MGAL DUM SOGS LAS MI SKYE BA NI,, STONG PA RTEN 'BREL GYI DON DU SHAR BA'I GNAD YIN, YANG MYU GU RGYU RKYEN TSOGS PA LAS SKYE BA'I RGYU MTSAN GYIS, RANG NGOS NAS MA SKYES PA'AM, RANG NGOS NAS MA GRUB PA NI, RTEN 'BREL STONG PA'I DON DU SHAR BA YIN, GZHAN YANG, MTHO YOR LA MIR 'KHRUL BA'I TSE, DE LA MIR 'KHRUL BA'I MI DE NI, RTOG PAS MIR BTAGS PA TZAM YIN GYI, MTHO YOR GYI GO SAR MI GTAN NAS MED PA LTAR, GANG ZAG GI PHUNG PO LNGA TSOGS TZAM PA LA MIR BTAGS PA'I TSE, PHUNG PO LA BRTEN NAS BTAGS PA'I MI DE YANG RTOG PAS BTAGS PA TZAM YIN GYI, RANG NGOS NAS GTAN MED PA YIN, DE LTA NA YANG, MTHO YOR LA MIR BTAGS PA'I MI DANG, PHUNG PO LA MIR BTAGS PA'I MI GNYIS THA SNYAD DU YOD MED MI MTSUNGS PA NI, MTHO YOR LA MI'O ZHES 'JIG RTEN PA'I THA SNYAD DON MTHUN LA MA GRAGS SHING, DE LA ME'I THA SNYAD BYAS PA LA 'JIG RTEN PA'I THA SNYAD DON MTHUN GZHAN GYIS GNOD, PHUNG PO LA BRTEN NAS MI ZHES 'JIG RTEN PA'I THA SNYAD DON MTHUN LA GRAGS SHING, DE LA THA SNYAD DON MTHUN GZHAN DANG, DON DAM DPYOD BYED DANG, THA SNYAD DPYOD BYED KYI TSAD MA GANG GIS KYANG MI GNOD PA'I PHYIR TE, DE LTAR YANG SPYOD 'JUG LAS, DBYIBS SU BKOD PA'I KHYAD PAR GYIS, ,MTHO YOR LA NI MI BLO BZHIN, ,JI SRID RKYEN TSOGS DE SRID DU, ,LUS

NI SKYES BU LTAR SNANG BA, ZHES GSUNGS PA'I PHYIR, DES NA THA SNYAD DU YOD PA LA KHYAD CHOS GSUM TSANG DGOS TE, LAM RIM CHEN MO LAS, DE LA THA SNYAD DU YOD PAR 'DOD PA DANG, MED PAR 'DOD PA NI JI 'DRA BA ZHIG GI SGO NAS 'JOG PA YIN SNYAM NA, THA SNYAD PA'I SHES PA LA GRAGS PA YIN PA DANG, JI LTAR GRAGS PA'I DON DE LA THA SNYAD PA'I TSAD MA GZHAN GYIS GNOD PA MED PA DANG, DE KHO NA NYID LA'AM RANG BZHIN YOD MED TSUL BZHIN DU DPYOD PA'I RIGS PAS GNOD PA MI 'BAB PA NI THA SNYAD DU YOD PAR 'DOD LA, DE LAS LDOG PA NI MED PAR 'DOD DO, ,ZHES GSUNGS PA'I PHYIR, SKABS 'DI'I 'JIG RTEN PA'I THA SNYAD DON MTHUN ZHES PA YANG, GRUB MTHAS BLO KHA MA BSGYUR BA'I 'JIG RTEN RANG KHA BA'I DBANG DU MDZAD PA MA YIN GYI, DE KHO NA NYID LA TSUL BZHIN DU DPYOD PA LA MA ZHUGS PA'I MA BRTAGS MA DPYAD PA'I SHES PA LA BYED PAR LAM RIM CHEN MO LAS GSUNGS SO, ,'O NA BDEN 'DZIN THA SNYAD DU MED PAR THAL, DE LA DON DAM DPYOD BYED KYI TSAD MAS GNOD PA'I PHYIR TE, DE LA BDAG MED RTOGS PA'I SHES RAB KYIS GNOD PA'I PHYIR TE, DE GNYIS GNOD BYA GNOD BYED YIN PA'I PHYIR ZHE NA, BDAG MED RTOGS PA'I SHES RAB KYIS BDEN 'DZIN LA GNOD PA YANG, BDEN 'DZIN GYI 'DZIN STANGS KYI YUL LA GNOD PA'I CHA NAS DE LTAR GSUNGS PA YIN GYI, BDEN 'DZIN GYI NGO BO LA GNOD PA'I DON MIN BYAS NA LEGS SAM SNYAM MO, ,LNGA PA DE GSUM THOS BSAM GYIS GTAN LA PHEBS NAS NYAMS SU LEN PAR GDAMS PA STON PA LA, DE LTAR LAM GYI GTZO BO RNAM GSUM GYI, ,GNAD

, ,RNAMS RANG GIS JI BZHIN RTOGS PA'I TSE, ,DBEN PA BSTEN TE BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ZHES GSUNGS, DE NA NI, SHES BYA CHOS CAN, RJE RIN PO CHES, TSA KHO BA NGAG DBANG GRAGS PA LA, NGES 'BYUNG, BYANG CHUB KYI SEMS, YANG DAG PA'I LTA BA STE, LAM GYI GTZO BO RNAM PA GSUM GYI GNAD RNAMS THOS BSAM GYIS GTAN LA PHAB NAS, RANG GIS JI LTA BA BZHIN DU RTOGS PA'I TSE DON NYAMS SU LEN DGOS PAR GDAMS PA'I TSUL YOD DE, 'DU 'DZIS DBEN PA'I SPANG LJONGS SAM, NAGS 'DABS KYI DGON PA YID DANG MTHUN PA BSTEN TE, TSE 'DI'I RNYED BKUR SOGS DON DU GNYER BA'I BSAM PA DANG, PHYI MA LHA MI'I BDE BA DON DU GNYER BA'I SRED PA DANG, BYANG SEMS KYI LAM LA LTOS PA'I SPANG BYA RANG DON YID BYED RNAMS KYIS DBEN PA'I LHAG BSAM RNAM DAG DANG, BYANG CHUB KYI SEMS KYIS KUN NAS BSLANGS PA'I BLOS DRAG LA YUN RING BA'I BRTZON 'GRUS KYI STOBS BSKYED NAS, RTZE GCIG TU NYAMS SU LONG LA SKYE BA GTAN GYI MDUN MA MYUR DU SGRUB SHIG CES GDAMS PA YIN PA'I PHYIR, BU ZHES BA RJE RIN PO CHE TSA KHO BA LA SHIN TU MNYES BA'I DON GYIS NYE BA'I TSIG GIS BOD PAR MDZAD PA YIN TE, RJE RIN PO CHES KHONG LA GDAMS BAR, BDE GSHEGS PA BSTAN LA GCIG TU GUS, ,RNAM DPYOD NUS PA MI DMAN ZHING, ,SKYES BU CHEN PO'I RJES SU SLOB, ,BLO LDAN NGAG DBANG GRAGS PA KHYOD, ,KHO BOS SMRAS PA'I RJES SU ZHUGS SHIG DANG, ,

TSE RABS KUN TU SPYOD DANG SMON LAM KUN, ,MTSUNGS BAR SPYAD DE NAM ZHIG SANGS RGYAS TSE, ,BDUD RTZI'I BGO BSHA' THOG MAR SBYIN PAR BYA, ZHES RJE SANGS RGYAS BA'I 'KHOR GYI THOG MAR 'GYUR BA'I SMON LAM DANG DAM BCA' YANG MDZAD PA'I PHYIR, DRUG PA BRTZAMS PA MTHAR PHYIN PA'I BYA BA STON PA LA, ZHES PA 'DI NI MANG DU THOS PA'I DGE SLONG BLO BZANG GRAGS PA'I DPAL GYIS TSA KHO DPON PO NGAG DBANG GRAGS PA LA GDAMS PA'O, ,ZHES GSUNGS, TSA KHO DPON PO 'DI NYID RJE RIN PO CHES BDE BA CAN DU RTAG TU DU'I RTOGS BRJOD MDZAD PA'I YIG MKHAN YANG YIN ZHING, SKU TSE PHYI MAR KUN MKHYEN LEGS PA DON GRUB TU SKU SKYE BA BZHES NAS ZUNG 'JUG GI GO 'PHANG MNGON DU MDZAD PAR 'GYUR BA SOGS, BSAM GYIS MI KHYAB PA'I RNAM THAR DANG LDAN PA ZHIG YIN PA'I LO RGYUS KHYAD PAR CAN DANG LDAN PA ZHIG LAGS SO, ,'DIR SMRAS PA, THUGS RJE'I DKYIL 'KHOR RAB TU RGYAS SHING SHES BA'I MKHA' LA THOGS MED BRGYU, RNAM DPYOD CHE ZER 'BUM PHRAG 'PHRO BAS LOG LTA'I TSANG TSING KUN BSREG KYANG, ,THAR 'DOD GDUL BYA'I PAD TSAL RGYAS MDZAD 'JAM DBYANGS GANG DE'I BKA' DRIN DANG, ,MKHAS PA GZHAN GYI LEGS BSHAD LA BRTEN YAB RJE DAM PA'I DGONGS DON BSHAD, ,'DIR 'BAD DGE BA SHEL DKAR PHUNG PO LA, ,RGYU SKAR BDAG PO'I 'OD KYIS BYUGS PA LTAR, ,DKAR BA GANG ZHIG BDAG GIS BSAGS PA DES, ,GZHUNG LUGS KUNDA'I TSAL RAB BZHAD PAR SHOG ,YANG YANG DRIN GYIS BSKYANGS PA'I DRIN CAN MA, ,MI BZAD SDUG BSNGAL DRAG POS GTZES PA

, ,LA, ,MA BZOD BDAG GZHAN BRJE BA'I SNYING STOBS KYIS, ,'GRO KUN MI 'DOD BDAG LA LEN PAR SHOG ,DAD LDAN BLO GSAL LA RKANG DRUG GRANGS MED DANG, ,LEGS BSHAD 'DI YI SBRANG RTZI'I BCUD MYANGS PAS, ,THEG CHEN RIGS STOBS BRTAS PA'I GSHOG RLABS KYIS, ,RNAM KUN MKHYEN PA'I MKHA' LA 'PHUR BAR SHOG ,BDAG KYANG SKYE BA 'DI YI 'OG ROL TU, ,'KHOR LO BZHI LDAN RTEN BZANG NGES THOB STE, ,NGES 'BYUNG BYANG SEMS YANG DAG LTA BA LA, ,BRTZON PA DRAG POS MYONG BA THON PAR SHOG ,RTZOD DUS DGU YI BSTAN PA'I THA MAR YANG, ,BKRA SHIS LHUN GYIS GRUB PA'I CHOS GRVA 'DI, ,BAR GCOD RNAM G-YENG BSER BUS MI BSKYOD PAR, ,THUB BSTAN GLING BZHI'I DBUS SU RAB BRJID SHOG, CES LAM GYI GTZO BO RNAM GSUM GYI RNAM BSHAD GSUNG RAB KUN GYI GNAD BSDUS PA LEGS BSHAD SNYING PO ZHES BYA BA 'DI NI, THOS BSAM GLING PA'I SLOB DPON PA LUNG RIGS SMRA BA 'JAM DBYANGS CHOS 'PHEL GYIS NAN TAN CHEN POS BSKUL BA LA BRTEN NAS, CHOS SMRA BA'I BTZUN PA BLA BZANG YE SHES KYIS BGA' GDAMS PHO BRANG DU SBYAR BA'O, ,DGE LEGS 'PHEL,, ,,

[BLANK PAGE]