, ,BYANG CHUB LAM GYI RIM PA'I BLA MA BRGYUD PA'I RNAM PAR THAR PA PADMA DKAR PO'I 'PHRENG BA BZHUGS SO, ,
, ,BLA MA DANG LHAG PA'I LHA DBYER MED PA LA DUS THAMS CAD DU GUS PAS SKYABS SU MCHI, ,GANG GI THUGS RJE'I BDUD RTZI'I CHA SHAS TZAM, ,SNYING LA REG PAS GDUNG BA KUN SEL CING, ,GSOL BA BTAB NA DNGOS GRUB KUN STZOL BA'I, ,RTZA RGYUD BLA MA RNAMS LA GUS PAS 'DUD, ,DE LA 'DIR RANG GZHAN DAD PA 'PHEL BA'I GSOS 'DEBS SU, BYANG CHUB LAM GYI RIM PA'I BLA MA RNAMS KYI RNAM PAR THAR PA MDOR BSDU TZAM ZHIG BRJOD PA LA, ,THOG MAR RANG RE RNAMS KYI
, ,'DREN PA BLA NA MED PA SH'AKYA'I RGYAL PO'I RNAM THAR CUNG ZAD BRJOD NA, STON PA 'DI NYID SNGON BSKAL BA DPAG TU MED PA'I SNGAR ROL TU BDE BA CAN LA SOGS PA'I DAG PA'I ZHING KHAMS GZHAN LAS KYANG CHES CHER RNAM PAR DAG PA'I ZHING KHAMS SHIG TU RGYAL BA DBANG PO'I TOG TU MNGON PAR RDZOGS PAR SANGS RGYAS ZIN KYANG, SLAR YANG SEMS CAN GYI DON DU BYANG CHUB TU THUGS BSKYED PA'I TSUL BSTAN NAS BSKAL PA GRANGS MED GSUM GYIS TSOGS RDZOGS NAS DE BZHIN GSHEGS PA 'OD SRUNGS 'JIG RTEN DU BYON PA'I TSE BRAM ZE'I KHYI'U BLA MAR GYUR, DE NAS DGA' LDAN DU DAM PA TOG DKAR DU GYUR PA DE NYID LHA'I (*, ,MA PHAM THUGS SRAS THOGS MED 'PHAGS, *, ,'DZAM GLING RGYAN GCIG KLU SGRUB MGON, ,)
ROL MO'I SGRA LAS DZAM BU'I GLING DU PHEBS PAR BSKUL BA'I SGRA BYUNG BA LA BRTEN NAS, YUM SGYU 'PHRUL MA'I LHUMS SU ZHUGS NAS, MCHU ZLA BA LA SKU BLTAMS, DGUNG LO SO LNGA PA LA MNGON PAR RDZOGS PAR SANGS RGYAS NAS CHOS 'KHOR RIM PA GSUM DU BSKOR, GDUL BYA RTAG 'DZIN CAN RNAMS 'DUL BA'I PHYIR MYA NGAN LAS 'DA' BA'I TSUL BSTAN TO,, ` RGYA CHEN SPYOD RGYUD KYI BLA MA RNAMS KYI RNAM PAR THAR PA NI, RGYAL TSAB DAM PA RJE BTZUN MI PHAM MGON PO NI, 'KHOR LOS BRGYUR BA'I RGYAL PO GSER MDOG CAN TU GYUR PA'I TSE, RDZOGS PA'I SANGS RGYAS GSER BZANG 'OD KYI DRUNG DU BYANG CHUB KYI MCHOG TU THUGS BSKYED CING DE YANG BSKAL BZANG GI SANGS RGYAS GZHAN LAS BSKAL BA BZHI BCU RTZA GNYIS KYIS SNGA BAR BSHAD, YANG BDAG CAG GI STON PA SHA'KYA'I RGYAL PO RGYAL PO RTZIBS KYI MO KHYUD KYI MDUN NA 'DON GYI GTZO BO BRAM ZE RGYA MTSO'I RDUL DU GYUR PA'I SLOB MA BRAM ZE RIG BYED KLOG PA STONG GI BZHI PA KUN GYIS SRUNGS 'OD SRUNGS, LNGA PA DRI MED 'OD, BYAMS PAR LUNG BSTAN, YANG 'KHOR LOS BRGYUR BA'I RGYAL PO YUL 'KHOR SKYONG LA BU STONG BYUNG BA'I BZHI PA SKE RAGS CAN NI, SANGS RGYAS YON TAN MTHA' YAS RIN CHEN SNA TSOGS BKOD PA'I RGYAL POS BSKAL BZANG GI SANGS RGYAS STONG GI LNGA PA BYAMS PAR LUNG BSTAN TO, ,'O NA RGYAL BA BYAMS PA 'DI NYID LA BYAMS
, ,BA CES PA'I MTSAN JI TZAM NAS GSOL CE NA, BSKAL BA GRANGS MED PA'I YANG CHES GRANGS MED PA'I SNGA ROL TU, SANGS RGYAS RIN CHEN GDUGS ZHES PA 'JIG RTEN DU BYON PA'I TSE, RJE BTZUN BYAMS PA 'DI NYID DGE SLONG BLO GROS BRTAN PAR GYUR NAS LO BRGYAD KHRI BZHI STONG GI BAR DU SROG CHAGS BRGYA BRGYA TZAM BSLAB PA'I GZHI LNGA LA MA BKOD KYI BAR ZAS MI ZA LA, RES 'GA' NI NYI MA BDUN BYI BAR DU ZAS BCAD KYANG DES MI SKYO BAR SROG CHAGS BYE BA KHRAG KHRIG 'BUM GRAG SUM CU RTZA DRUG BSLAB PA'I GZHI LA BKOR DO, ,DE NAS SROG CHAGS BYE BA PHRAG GSUM THEG PA CHEN PO DANG, SKAL BA DMAN PA RNAMS KYANG THEG PA 'OG MA GNYIS LA BKOD, DE NAS SROG CHAGS BYE BA KHRAG KHRIG 'BUM PHRAG SUM CU RTZA DRUG BYAMS PA'I TING NGE 'DZIN LA BKOD CING, RANG NYID BYAMS PA'I TING NGE 'DZIN LA MNYAM PAR BZHAG NAS, GRONG DANG GRONG KHYER DANG TSONG DUS DANG YUL 'KHOR LA SOGS PA SEMS CAN GYI SGO'I THEM BA LA ZHABS BZHAG PA TZAM GYIS SEMS CAN BYAMS PA'I TING NGE 'DZIN DANG LDAN PAR BYAS PAS BYANG CHUB SEMS DPA' BYAMS PA ZHES MTSAN CHAGS PAR GYUR TO, , DE NAS RJE BTZUN BYAMS PA DE NYID KYIS SNGON BSKAL BA 'BUM PHRAG LHAG PAR PHA ROL TU PHYIN PA RDZOGS PAR MDZAD NAS BCOM LDAN 'DAS SH'AKYA THUB PA YONGS 'DZIN DU BSTEN PAR MDZAD, DE NAS SRAS KYI THU BOR GYUR
CING, RGYAL BA SH'AKYA THUB PA DBU'I COD PAN DU 'BRAL BA MED PAR MDZAD PA 'KHOR RNAMS KYIS BYANG CHUB CHEN PO'I MCHOD RTEN DU MTHONG NGO, ,STON PA SH'AKYA'I RGYAL PO'I BSTAN BA RDZOGS NAS CHO LTO BCU PA'I DUS, MTSON DANG MU GE DANG NAD KYI BSKAL PA BYUNG BA'I MJUG TU BYAMS PA'I SBRUL PA KHRU GANG PA DUR SMRIG GI NA BZA' CAN CIG BYON PA NA, TSE LO BCU PA PA DE DAG NGO MTSAR DU GYUR TE, RGYAL BA BYAMS PA BYON LAGS SAM, ,CHOS GOS TSON CAN GANG LAS BYUNG, ,SKU GZUGS MDZES PA CI LAS BYUNG, ZHES GSOL BAS, NGAS NI BZOD PA BSGOMS SO, ,KHYED RNAMS KYANG 'THAB RTZOD SPONGS LA BZOD PA SGOMS SHIG GSUNGS PAS RIM GYIS TSE LO NYI SHU PA LA SOGS PAR GYUR, DE NAS TSE LO YAR 'PHEL TE BRGYAD KHRI PA'I TSE BYAMS PA NYID PHEBS SHING SANGS RGYAS NAS CHOS KYI 'KHOR LO BSKOR BAS, 'DUS PA DANG PO LA DGRA BCOM PA DUNG PHYUR PHRAG DGU DANG BYE BA PHRAG DRUG , GNYIS BA LA DUNG PHYUR PHRAG DGU DANG BYE BA PHRAG BZHI, GSUM PA LA DUNG PHYUR PHRAG DGU DANG BYE BA PHRAG GNYIS 'BYUNG BAR GSUNGS, STON PA'I BSTAN PA NUB PA YAR CAD KYIS YA THOG RING MO RDZOGS SHING, DE NAS BYAMS PA PHEBS KYI BAR LA RANG SANGS RGYAS BYE BA PHRAG BDUN DANG BRGYAD KHRI 'BYUNG BAR GSUNGS SO, ,DES NA DGE BA'I BSHES GNYEN PO TO BA CHEN PO'I ZHAL NAS, BYAMS BA MNYES PAR BYA'O ZHES GSUNGS PA LTAR
, ,BYAMS PAS DAM BCAS PA'I GZUNGS RNAMS BYA DANG RI DVAGS LA SOGS PA RNAMS KYIS THOS NA, MA 'ONGS PA NA BYAMS PAS RDZOGS PA'I BYANG CHUB TU LUNG STON PAR GSUNGS, GZHAN YANG BYAMS PA LUNG BSTAN PA'I MDO LAS, SH'AKYA SENG GE'I BSTAN PA LA, ,BSLAB GZHI YAN LAG BLANGS NAS NI, ,JI LTAR GSUNGS BZHIN RAB BSGRUBS NA, ,NGA YI BSTAN LA LHAGS PA YIN, CES GSUNGS PA LTAR 'BAD PAS BSGRUB BAR BYA'O,, ` RGYAL BAS LUNG BSTAN 'PHAGS PA THOGS MED NI, 'JAM DPAL RTZA RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG BYED DANG TSUL CAN DU 'GYUR, ,DE YIS RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YI DE NYID BSDUS DON BYED, ,LO NI BRGYA DANG LNGA BCUR 'TSO, ,ZHES LUNG BSTAN PA LTAR STON PA MYA NGAN LAS 'DAS NAS LO DGU BRGYA TZAM NA, CHOS MNGON BA LA DGRA LAN GSUM BYUNG BAS SHIN TU NYAMS DAMS BA NA, BRAM ZE MA GSAL BA'I TSUL KHRIMS ZHES PA'I BSAM PA LA, BSTAN PA'I RTZA BA MNGON PA 'DI DAR BAR BYED PA GZHAN MI SNANG
ZHING BDAG KYANG BUD MED DU SONG BAS DAR MI NUS KYI BU BSKYED LA DAR BAR BYED DU GZHUG GO SNYAMS TE RGYAL RIGS DANG 'DUS PAS THOGS MED DANG, BRAM ZE DANG 'DUS PAS DBYIG GNYEN BTZAS PA NA, LCE LA GI HANG GI YI GE AA 'BRI BA SOGS BLO RNO BA'I CHO GA BYAS TE CHER SKYES PA'I TSE, BUS PHA'I LAS GANG YIN ZHUS PAS, MA NA RE KHYED DE'I PHYIR MA BSKYED KYI, BLO SBYONG BAR GYIS LA BSTAN PA DAR BAR GYIS SHIG GSUNGS NAS ,GCEN GYIS BYAMS PA BSGRUBS LA BSTAN PA DAR BAR BYA'O SNYAMS TE, RI BYA RKANG GI PHUG TU SGRUB TU BYON TE, LO BCU GNYIS SU BSGRUBS KYANG RTAGS MTSAN MA BYUNG BAS SKYO STE 'THEN NAS PHYIN PA NA, KHYI MO RO SMAD 'BUS GZHIGS PA RO STONG ZUGS SHING ZA BA ZHIG MTHONG NAS SNYING RJE LHAG PAR SKYES TE, BSAL NA 'BU 'CHI, MA BSAL NA KHYI MO 'CHI BAR SNANG BAS RANG GI LUS LAS SHA BCAD DE, DER 'BU BSAL SNYAMS NAS GRONG KHYER AA TZENTA ZHES BYA BA NAS GSER GYI SPU GRI G-YAR TE, RANG GI LUS LAS SHA BCAD LAG PAS BLANGS NA SHI YIS DOGS NAS SPYAN BTZUMS TE, LJAGS KYIS BLANG SNYAMS PA DANG, KHYI MO MED PAR RJE BTZUN 'OD DANG BCAS PA MTHONG NAS, BDAG GIS DE TZAM BSGRUBS KYANG RTAGS TZAM MA BYUNG NA, THUGS RJE RE CHUNG ZHES 'KHANGS PAS, RJE BTZUN GYIS, NGA DANG PO NAS YOD DE KHYOD RANG GI SGRIB BAS MA MTHONG LA, DA LTA SNYING RJE CHEN PO SKYES PAS LAS DAG
, ,NAS MTHONG BA YIN, KHYOD CI 'DOD GSUNG BA LA THEG CHEN DAR BAR ZHU 'TSAL BYAS BAS, PA'I CHOS GOS LA 'JUS SHIG GSUNGS NAS, DGA' LDAN DU BYON TE LHA'I DRO SKAD CIG GAM, MI LO BCU 'AM, LNGA BCU RTZA GSUM DU BZHUGS NAS THEG PA CHEN PO'I CHOS MANG DU GSAN NAS DE DAG GI DON STON PA'I BSTAN BCOS RTZOM PAR ZHUS PAS BYAMS CHOS SDE LNGA BRTZAMS NAS, DZAM BU GLING DU SKYES SU BSNAMS NAS DAR BAR MDZAD CING, SA SDE LNGA, SDOMS RNAM PA GNYIS, YUM GYI MDO'I 'GREL PA DE NYID RNAM NGES, RGYUD BLA 'GREL CHEN SOGS MDZAD CING SA GSUM PA BRNYES, SLOB DPON RANG NYID KYI LTA BA THAL 'GYUR DU GNAS KYANG GDUL BYA MANG PO RJES SU GZUNG BA'I CHED DU SEMS TZAM BA'I SHING RTA'I SROL PHYE NAS DGUNG LO BRGYA LNGA BCU BZHUGS TE THEG CHEN GYI BSTAN PA CHES CHER DAR BAR MDZAD BAS, DZAM BU GLING PA LA BKA' DRIN CHE, SKU MCHED GNYIS KYI YUM BRAM ZE MA GSAL BA'I TSUL KHRIMS ZHES PA, BRGYAD STONG PA NAS GSUNGS PA'I SRING MO GANG+GA'I LHA MO ZHES PA DANG, MKHA' 'GRO YE SHES MTSO RGYAL DANG, MA CIG LABS KYI SGRON MA RNAMS DANG THUGS RGYUD CIG PAR MA CIG GI RNAM THAR LAS GSUNGS SO,, ` 'DZAM GLING MKHAS PA'I GTZUG RGYAN DBYIG GNYEN NI, KHA CHER SLOB DPON 'DUS BZANG GI DRUNG DU PHEBS NAS, BYE BRAG TU BSHAD PA DANG, MNGON PA SDE BDUN LA SOGS
PA MKHAS PAR SBYANGS NAS RGYA GAR DU 'BYON PAR BZHED PA'I TSE SHO GAM BSRUNG BA'I GNOD SBYIN GYIS LHA RTEN YOD PA PHROGS NAS LAN GSUM GYI BAR DU BZLOG KYANG, NOR NI MED, CHOS BLO LA YOD PA DBRAL DU MA BTUB PAS BTANG STE N'A LANDAR BYON PA DANG, GCEN GYIS BSTAN BCOS MANG DU BRTZAMS PA'ANG GSAN PAS, KYE MA THOGS MED NAGS SU LO, ,BCU GNYIS BAR DU TING 'DZIN BSGRUBS, ,TING 'DZIN MA GRUB GLANG CHEN GYI, ,RGYAB KHAL LONGS PA'I BSTAN BCOS BRTZAMS, ZHES THEG CHEN LA BSTING BA GCEN GYIS GSAN NAS, LOG SGRUB DON MIN DU 'GYUR BAR MKHYEN NAS, DE BZLOG PA'I PHYIR SLOB MA GNYIS LAS BCU PA DANG, BLO GROS MI ZAD PAS BSTAN PA 'DZIN DU BCUG NAS, GCUNG CAN SONG NAS SROD THO RANGS THON CIG CES BSGO BA LTAR BSGRUBS, SROD LA THEG CHEN 'DI RGYU BZANG LA 'BRAS BU KHA G-YEL BA 'DRA GSUNG, THO RANGS RGYU 'BRAS GNYIS KA BZANG BAR 'DUG PA LA NGAS SKUR BA BTAB PA LCE 'DIS LAN PAS GCOD GSUNGS NAS, SBU GRI 'TSOL BA'I TSE KHONG GNYIS KYIS LJAGS DGUM MI 'TSAL, DE'I SGRIB PA SBYONG THABS GCEN LA MNGA' BAS, DER GSHEGS ZHES SMRAS PAS BYON TO, ,DE'I TSE CHOS MANG DU GSAN CING 'BREL GTAM MANG DU MDZAD PA'I TSE GCUNG NI SBOBS PA SHIN TU MYUR BAR BYUNG, GCEN CUNG ZAD PHUL BA'I LAN BZANG PO BYUNG BAS, 'DI'I RGYU MTSAN DRIS PAS, KHYOD
, ,NI SKYE BA LNGA BRGYAR PAndI TAR GYUR PAS SKYES THOB KYI SHES RAB CHE BA YIN, NGA LA DE LTA BU MED PAS YI DAM ZHIG LA DRIS SHING LAN 'DEBS PA YIN GSUNGS, DE BDAG LA STON PAR ZHU BYAS PAS, RJE BTZUN LA ZHU YI GSUNGS NAS ZHUS PAS, KHYOD SO SO'I SKYE BO YIN CING, DANG POR THEG CHEN LA SKUR BA BTAB PAS, TSE 'DI LA MTHONG BA'I SKAL BA MED KYI SGRIB PA SBYANG BAR BYA BA'I PHYIR, THEG CHEN GYI MDO 'GREL MANG DU RTZOMS, GTZUG TOR RNAM RGYAL THON PHYI MA LA MJAL GSUNGS NAS, DE NAS GCEN LA LHAG PAR DAD DO, NGA YI PHU BO KLU DANG 'DRA, ZHES SOGS SMRAS NAS, BYAMS PA'I GSUNG YANG BSGRUBS, MDZOD KYI TSIG LE'UR BYAS PA BRTZAMS TE, SKYES DANG BCAS PA 'DUS BZANG LA SBRINGS SO, ,DE'I SLOB MA DAG GIS LO DANG GRAG LA SOGS PA'O SKOL GYI GRUB MTHA' LA ZUR ZA'O ZHES SMRAS KYANG, TSIG GI RGYAN YIN ZER NAS, SHIN TU MNYES NAS MDZOD LA 'GREL PA YANG MDZAD, PHYIS SU MDZOD RANG 'GREL BRTZAMS NAS PHUL BAS, RTZA BA SUN 'BYIN PA'I 'GREL PA 'DI LUNG DANG RIGS PAS TSAR GCAD CING PHAM PAR BYAS LA, KHO NYID KYI LAG PAS BSUB TU GZHUG DGOS GSUNGS TE, YUL DBUS SU 'BYON PAR CHAS BA DANG, DBYIG GNYEN GYIS GSAN NAS, SLOB DPON 'DUS BZANG NI BYE BRAG TU SMRA BA'I GRUB MTHA' LA BYANG BA YIN PAS, ZLOG PAR KYANG DKA', DE PHAM
YANG DGOS BA MED PAS, RANG BYUNG GI MCHOD RTEN BLTAR 'GRO GSUNGS NAS BAL YUL DU BYON PAS, DER HA DU ZHES PA RAB BYUNG GI CHA BYAD 'DZIN PA SDOM KHRIMS LA MI GNAS PA CHANG GI BUM PA THOGS PA GZIGS PAS RNAM RGYAL GYI GZUNGS BZLOG NAS BTON PAS 'DAS TE, MCHOD RTEN BRTZIGS PA DA LTA YANG YOD CES GRAG GO, ` DBU MA'I LAM BRNYES 'PHAGS PA RNAM GROL SDE NI, SANGS RGYAS GNYIS PA SLOB DPON DBYIG GNYEN LA, RANG LAS MKHAS PA'I SLOB MA BZHI BYUNG STE, MNGON PA RANG LAS MKHAS BSLOB DPON BLO GROS BRTAN PA, 'DUL BA RANG LAS MKHAS PA SLOB DPON YON TAN 'OD, TSAD MA RANG LAS MKHAS PA SLOB DPON PHYOGS KYI GLANG PO, PHAR PHYIN RANG LAS MKHAS PA SLOB DPON 'PHAGS PA RNAM GROL SDE BZHI BYUNG BA'I 'PHAGS PA RNAM GROL SDE NI, GTZUG LAG KHANG RGYA CHEN PO DU MA'I BDAG PO 'PHAGS PA KU RU KULLU BA'I SDE PA SLOB DPON SANGS RGYAS 'BANGS KYI DPON PO, SA RAB TU DGA' BA THOB PA, SANGS RGYAS LA CHOS MNGON SUM DU NYAN NUS PA, NYI KHRI LNGA STONG PA'I 'GREL PA NYI KHRI SNANG BA ZHES PA MNGON RTOGS RGYAN GYI 'GREL PA MDZAD PA PO DE YIN, DE'I SLOB MA BLO GROS MCHOG DANG LDAN PAS, BSTAN BCOS KUN LA MKHAS SHING PHYIR MI LDOG PA'I RTAGS THOB BA BTZUN PA RNAM GROL SDE YIN, DE'I SLOB MA SDOM PA GSUM DANG LDAN CING, BLA MA LA GUS PAS GSUNG BZHIN SGRUB BA
, ,MCHOG GI SDE YIN, DE'I SLOB MA DKA' BA DPAG TU MED PA BSGRUBS PA 'KHOR 'DAS GNYIS MED DU RTOGS PA DUL BA'I SDE YIN CING, DE BZHI'I LO RGYUS RGYAS PA MA MTHONG, SKAL BZANG MIG 'BYED DU, SLOB DPON KA MA LA SH'I LA, 'PHAGS SENG GNYIS, SANGS RGYAS YE SHES ZHABS, AA BHA Y'A KA RA LA SOGS PA LTA BA GTAN LA 'BEBS PA'I TSUL ZHI BA 'TSO'I RJES 'BRANG DU GSUNGS PA LA, KHA CIG DE MI 'THAD DE, ZHI 'TSO NI 'PHAGS PA RNAM GROL SDE'I SLOB MA, BTZUN PA GROL SDE, DE'I SLOB MA MCHOG SDE, DE'I SLOB MA DUL SDE, DE'I SLOB MA ZHI BA 'TSO YIN PAR LAM RIM BLA RGYUD LAS GSUNGS PA'I PHYIR GSUNGS,, ` RLABS CHEN SPYOD PA'I GTER GYUR RNAM SNANG MDZAD NI, MKHAN PO BO DHI SATVA'AM, MKHAN CHEN BYANG CHUB SEMS DPA' 'AM, MKHAN CHEN ZHI BA 'TSO YIN CING, ZA HOR RGYAL PO'I SRAS YIN, JO BO DPAL LDAN AA TI SHA YANG ZA HOR RGYAL PO'I SRAS YIN PAS, JO BSTOD LAS, BYANG CHUB SEMS DPA' ZHI 'TSO 'KHRUNGS PA'I RGYUD, CES PA YANG, DE LA DGONGS PA YIN, DES NA MKHAN CHEN ZHIB 'TSO NI, DBU MA RGYAN 'GREL PA DANG BCAS PA MDZAD MKHAN, BOD KYI RGYAL PO KHRI SRONG LDE BTZAN GYI GONG GI BOD KYI RGYAL RABS DGU'I YANG GONG DU RGYA GAR DU BYON, DE NAS BAL YUL DU BYON PA KHRI SRONG LDE BTZAN GYIS BOD DU SBYAN DRANGS NAS CHOS KYI SROL BTOD PA LA, BOD KYI
MI MA YIN RNAMS MA DGA' BAS, 'PHANG THANG CHUS KHYER, DMAR PO RIL THOG PHAB, NAD YAMS MU GE BTANG BAS, SDIG BLON RNAMS KYIS CHOS BYAS PAS LAN ZER NAS, MKHAN CHEN RE ZHIG BAL YUL DU 'BYON DGOS BYUNG, DE YANG SNGON SANGS RGYAS 'OD SRUNGS KYI SKABS, GTZUG LAG KHANG GI RGYAN SRUNGS KYI BYIS PA GSUM GYIS BYE MA'I MCHOD RTEN CIG BZHENGS NAS SMON LAM BTAB BA GCIG GIS PAndI TA BYAS, GCIG GIS MTHA' 'KHOB KYI RGYAL PO BYAS, GCIG GIS SPYAN 'DREN PAR SMON LAM BTAB BA LTAR, RGYAL PO KHRI SRONG LDE BTZAN GYIS, SBA YE SHES DBANG PO MKHAN CHEN BAL YUL NAS SPYAN 'DREN DU BTANG NAS, SLAR YANG BAL YUL NAS SPYAN DRANGS NAS, AO T'ANTA P'U RI'I GTZUG LAG KHANG LA DPE MDZAD NAS BSAM YAS BZHENGS SHING, SAD MI MI BDUN RAB TU BYUNG BAR MDZAD NAS DGUNG LO DGU BRGYA DANG DGU BCU GO DGU BZHUGS PAR GRAGS SO, ` LAM MCHOG SHER PHYIN RGYAS MDZAD SANG BZANG ZHABS NI, RGYAL RIGS LAS RAB TU BYUNG BA, PHYI NANG GI GRUB MTHA' THAMS CAD LA MKHAS PA KHYAD PAR DU YUM GYI DON LA RING DU GOMS PA CIG BYUNG STE, SLOB DPON ZHI BA 'TSO LAS DBU MA'I GZHUNG RNAMS DANG, GDAMS NGAG RNAMS GSAN, MKHAN PO RNAM SNANG MDZAD BZANG PO LA BYAMS PA'I SGRUB THABS ZHUS NAS BSGRUBS PAS, RMI LAM DU DGE SLONG GUR KUM GYI MDOG CAN SPYOD LAM MDZES BA CIG
, ,RMIS TE, SHAR PHYOGS KHA SARP'A nIR SONGS SHIG ,CES LUNG BSTAN TO, ,DER SONG NAS ZHAG GSUM DU SMYUNG GNAS BYAS TE, RMI LAM BRTAGS PAS THO RANGS KYI RMI LAM NA, AO T'ANTA P'U RI PI H'A RA'I GANDHO LA'I STENG GI NAM MKHA' LA SPRIN PHUNG 'THUG PO ZHIG GI GSEB NA, LHA'I LUS STOD SBRIN GYI GSEB NAS BYUNG NAS, MCHOD RDZAS SNA TSOGS KYIS MCHOD PA MTHONG STE, CI BYED DRIS PAS, RJE BTZUN BYAMS PA BRGYAD STONG PA GSUNG PA LA MCHOD PA BYED PA YIN ZER TE, RING DU BLTAS BAS RJE BTZUN ZHAL GSER MDOG CAN SPYI GTZUG MCHOD RTEN GYIS SPRAS PA PHYAG G-YAS CHOS 'CHAD KYI PHYAG RGYA MDZAD PA TZAM ZHIG MTHONG NAS PHYAG DANG MCHOD PA BYAS TE, NYID KYI BSTAN BCOS LA DING SANG 'GREL PA MANG DU MCHIS NA, GANG GI RJES SU 'JUG PAR BGYI ZHES ZHUS PAS, THAMS CAD KYI GZHUNG LEGS PAR RTOGS LA 'THAD PA BSDUS TE, KHYOD KYIS PHYOGS GCIG TU RTZOMS SHIG CES GNANG BA THOB BO, ,SAD DE, MCHOD PA BYAS TE, BSTAN BCOS BRTZAM PA'I SBYIN BDAG BTZAL BA'I PHYIR, SHAR NAS NUB TU BYON PA NA, RGYAL PO SA SKYONG GIS YUM 'CHAD PA LA, SLOB DPON SENG GE BZANG PO MKHAS PAR THOS NAS, GDAN 'DREN DU BTANG BA'I PHO NYA DANG PHRAD NAS GDAN DRANGS TE, 'PHAGS PA'I 'GREL PA DANG MTHUN PA NYI KHRI'I BSDUS DON LE BRGYAD MA DANG, BRGYAD STONG 'GREL CHEN DANG, DON GSAL 'GREL PA
DANG, SDUD 'GREL RTOGS PAR SLA BA DANG, SHER PHYIN BSGOM PA LA SOGS PA MDZAD DO, ,ZHES GRAG GO ,BRGYAD STONG 'GREL CHEN DU DPAL LDAN CHOS SKYONG GIS SBYIN BDAG BYAS NAS, TRI KA TRU KA ZHES PA TSA BA GSUM GYI GTZUG LAG KHANG DU BYAS PAR BSHAD DO, ,DE YANG SLOB DPON SENG GE BZANG PO NI, ZHI BA 'TSO'I SKU TSE'I STOD DANG, KA MA LA SH'I LA DE'I SKU TSE'I SMAD KYI SLOB MA 'DRA'O,, ` RGYAL BA'I MAN NGAG KUN 'DZIN KU S'A LI NI, ZHES PA KU S'A LI CHE BA YIN, DE YANG YIG CHA SNGA MA RNAMS SU KU SU LU ZER BA YOD YANG, RJE BTZUN SA PAn GYIS, KU SU LU MA DAG KU S'A LI ZER BA YIN CING, KU S'A LI BYA BA, DGE BA CAN ZER BA YIN, SBYIR PAndI TA DANG KU S'A LI BYA BA PHYI NANG GNYIS KA LA YOD, PAndI TA BYA BA PHYI NANG GI SHES BYA'I GNAS LA MKHAS PA LA ZER, KU S'A LI BYA BA SPROS PA THAMS CAD BCAD NAS NANG LA MCHOG TU GZHOL BA LA ZER BA YIN GSUNG, YANG YI GE LA LAR KU SA LI ZER BA YONG GIN 'DUG ,KU S'A LI TE BA BDE LA RGYAL BA'I MAN NGAG KUN 'DZIN ZHES BSTOD PA MDZAD PA NA, DA MBU GLING GI GRUB PA BRNYES PA PHAL CHER RAM, THAMS CAD KYI MAN GNAG BLA MA 'DI LA MNGA' BA YIN DE'I TSUL KYANG SANGS RGYAS MYA NGAN LAS 'DA' BA'I TSE BSTAN PA 'OD SRUNGS CHEN PO LA GTAD, DES KUN DGA' PO LA, DE NAS RIM GYIS BRGYUD PA'I MAN NGAG MNGA' BA KU S'A LI CHE BA YIN, 'PHAGS PA BYAMS PA NAS
, ,BRGYUD PA'I MAN NGAG MNGA' BA YANG, BLA MA 'DI YIN, GSANG BA 'DUS PA LA BRTEN NAS BRGYUD PA DANG PHYAG RGYA CHEN PO'I DNGOS GRUB THOB PA'I MAN NGAG SLOB DPON KLU SGRUB NAS BRGYUD PA DANG, SLOB DPON SANGS RGYAS YE SHES ZHABS NAS BRGYUD PA DANG, RGYAL PO AINDRA BO DHI NAS BRGYUD PA DANG, PAndI TA MGRIN PA GSUM PA NAS BRGYUD PA'I MAN NGAG MNGA' BA BLA MA 'DI YIN, DE'I YON TAN MA LUS BA MNGA' BA KU S'A LI CHUNG BA, DE'I YON TAN MA LUS PA MNGA' BA BLA MA GSER GLING PA, DE'I YON TAN MA LUS PA JO BO DPAL LDAN AA TI SHA LA MNGA'O,, ` 'GRO KUN BRTZE BAS RJES 'DZIN DGE BA CAN NI, BLA MA BYAMS PA'I RNAL 'BYOR PA'AM KU S'A LI CHUNG BA YIN GSUNG ZHING, BLA MA 'DI CHOS GSUNG BA'I RTZA RU MI GCIG GIS KHYI LA DBYUG PA BRGYAB PAS, BLA MA AA GSUNGS NAS 'GYEL BA LA, GZHAN RNAMS KYI RTOG PA LA KHYI LA CI YANG MI STO BAR 'DUG PA LA TSUL 'CHOS RE CHE SNYAM PA BYUNG BAS, BLA MAS DE MKHYEN NAS, SKU RGYAB BSTAN PAS KHYI LA BRGYAB PA'I THAD NA KHYU RE SKRANGS 'DUG BAS THAMS CAD YID CHES SO,, ` BYANG CHUB THUGS LA MNGA' BRNYES GSER GLING PA NI, GLING BZHI GLING PHRAN BRGYAD PO GANG YANG MIN PA, 'OG GZHI DZAMBU'I GLING GI 'OG GZHI DANG NYE BAR 'BREL BA, YUL NYER BZHI'I NANG TSAN SU WARnA DV'I PA ZHES PA YIN NAM SNYAM PA RIN PO CHE SNA TSOGS PA YOD PA'I GLING ZHIG YOD PA LA
GSER GLING ZER, GLING DE RES 'GA' PHYI PAS 'DZIN, RES 'GA' NANG PAS 'DZIN PA LA, DE SKABS PHYI PA DAR BA'I SKABS YIN PA LA BLA MA GSER GLING PA 'DI, DE'I RGYAL PO'I SRAS SU 'KHRUNGS NAS, SI NA SI NA ZHES DKON MCHOG GSUM LA SKYABS 'GRO MDZAD PA RGYAL PO'I SRAS SU SONG BAS MU STEGS BA RNAMS KYIS CI YANG ZHU MA NUS, RGYAL BU DE CHER SKYES NAS RI PHUG CIG NAS RGYAL BA SH'AKYA THUB PA'I SKU LUGS MA GCIG RNYED DE BYUNG, DE LA MCHOD PA SNA TSOGS BYAS PAS GLING DE SNGAR LAS BDUN 'GYUR GYIS LO LEGS BA DANG NAD MED BA NYUNG BA LA SOGS PA BKRA SHIS PAR GYUR TO, ,DES GSER GLING PA THAMS CAD SANGS RGYAS KYI BSTAN PA LA DAD NAS RGYAL BU 'DI CHOS 'TSOL DU BTANG BA DRAG ZER BAS RGYAL BU SHIN TU DGES NAS, DZAMBU GLING DU BYON PAS RDO RJE GDAN DU SRIN PO RNAMS MCHOD PA LA 'ONGS PA DAD DUS MTSUNGS PAR GYUR, DE'I TSE GANG ZAG YON TAN CAN THAMS CAD DER 'DU BA YIN PAS BLA MA 'DI DAM PA GZHAN LA MOS PA MA SKYES, MAH'A SHR'I RANGNA LA MOS PA CHER SKYES NAS ZHAG BDUN 'GROGS NAS SLOB DPON DE MED DO SONG, RGYAL BUS PHYOGS KUN TU BTZAL CING DRIS KYANG MA RNYED PAS NGAL NAS GNYID LOG PA'I RMI LAM DU BYIS PA GNYIS GLU LEN PA LA, RANG YUL 'KHOR DANG LONGS SPYOD BOR, ,SMIN PA CIG GIS RTZAD MCHOD, ,RING NAS PHUNG NGAM MYUR DU PHUNG, ,RIGS DAG BZANG STE SHES RAB CHUNG ZER TO, ,DER RGYAL BU GNYID SAD RDO RJE
, ,GDAN DU BYON KYANG CI YANG MED, RANG GI YUL DU 'GRO SNYAMS PA LA, MDUN DU BU MO GNYIS GLU LEN PA LA, GNYEN MDUN MDZA' BSHES MANG PO DANG, ,YUL DANG KHANG KHYIM NOR CHEN DANG, ,ZAS SKOM GYI NI LONGS SPYOD PA, ,MYA NGAN SKYE BAR 'GYUR PA YIN, CES SOGS ZER CING 'DUG PAS, DAL ZER BA YIN SNYAM PA DANG MED DE SONG, DER RGYAL BU DGA' NAS NGES PAR CHOS SKYONG MA ZHIG YIN PA LA, DRIS PA MED DO SNYAMS NAS LO BDUN RGYA GAR DU BZHUGS TE, BLA MA MANG PO LA CHOS NANG RIG MANG PO BSLABS, RDO RJE GDAN DU MCHOD PA BYED CING CHOS SKYONG MA DE DANG 'PHRAD NA SNYAM PA LA RGAN MO ZHIG NA RE, SKAM SAR CHU CHUNG DRANGS PA LTAR, , NYIN DANG MTSAN MO 'DAS PA YIS, ,MI RNAMS TSE NI ZAD PAR BYED, ,RMONGS PA LONG YOD MA ZER CIG ,CES ZER NAS MI SNANG NGO, ,DER RGYAL BUS SLOB DPON MAH'A SHR'I 'BA' ZHIG YID LA BYAS PA DANG, RGYAL BU'I RMI LAM NA SLOB DPON NA RE, RGYAL SRID NI DMAN PA'O, ,DAM PA MA YIN PA'O, ,CHOS KYI RGYAL SRID 'DZIN NUS SAM, ZHES LAN GSUM GSUNGS PA LA, RGYAL BUS KYANG NUS SO ZHES LAN GSUM KHAS BLANGS PA DANG GNYID SAD, SLOB DPON DNGOS SU BZHUGS SHING 'DUG GO ,DER SLOB DPON GYIS BYIN GYIS BRLABS TE CHOS THAMS CAD KYI RANG DANG SPYI'I MTSAN NYID JI LTAR YIN PA BSTAN, SANGS RGYAS KYI BKA'I GDAMS PA RNAMS
GNANG, KHYAD PAR DU BYANG CHUB KYI SEMS LA BRTEN PA'I CHOS MANG DU GSUNGS, RGYAL BUS KYANG SNOD GCIG NAS GCIG TU BYO BA BZHIN DU THUGS SU CHUD, MTSAN YANG GSER GLING PA CHOS KYI GRAGS PA ZHES YONGS SU GRAGS, DE LA BYAMS PA CHE BAS MEE TRI PA YANG ZER, MEE TRI PA GSUM BYUNG BA LA, RGYAL SRAS MEE TRI PA NI RJE BTZUN BYAMS PA, MNGA' BDAG MEE TRI PA NI JO BOS BI KA MA LA NAS BTON PA DE YIN, 'DIR GSER GLING MEE TRI PA BYA BA YIN, DE NAS GSER GLING DU PHEBS NAS, MU STEGS KYI GRUB MTHA' 'DZIN PA THAMS CAD SPANGS TE SANGS RGYAS PA'I BSTAN PA MA LUS PA DAR BAR MDZAD DO,, ` SHING RTA CHEN PO'I SROL 'DZIN MAR ME MDZAD NI, SNGON BCOM LDAN 'DAS SH'AKYA'I RGYAL PO 'JIG RTEN DU BYON PA'I TSE, RGYAL PO'I KHAB TU KHYIM BDAG GI TSUL 'DZIN PA BYANG CHUB SEMS DPAL BZANG SKYONG ZHES GRAGS PA DE YIN TE, DE LA DGONGS NAS, GRO LUNG PAS, RGYAL BA'I MDUN NA RGYAL SRAS BZANG PO SKYONG, ZHES DANG, KHRO BU LOTZTSA BAS, KHYOD SNGON THUB PA'I MDUN NA BZANG PO SKONG, ZHES BSTOD PA YIN, MA 'ONGS PA'I DBANG DU BYAS NA, DGA' LDAN GNAS NA NAM MKHA' DRI MA MED, CES PA, RGYAL BA BYAMS PA'I SRAS KYI THU BOR BZHUGS PA YONGS LA GRAGS SHING, JO BO LA DAD PA RNAMS KYANG DGA' LDAN DU SKYE BA ZHAL GYIS BZHES PAS GSOL BA 'DEBS PA GAL CHE, SKU TSE 'DI'I DBANG DU BYAS NA, ZA HOR RGYAL
, ,BO DGE BA DPAL ZHES PA 'BANGS MI KHYIM 'BUM PHRAG NYI SHU RTZA BDUN YOD PA DE'I SRAS ZLA BA'I SNYING PO YIN, SKU BLTAMS MA THAG PAR RJE BTZUN MA SGROL MA'I ZHAL GZIGS, DGUNG LO BCU BZHI BZHES KYI BAR BZO DANG GSO BA YI GE SOGS BSLABS PAS MKHAS PAR MKHYEN, NYI SHU RTZA GCIG BZHES KYI BAR RTEN DGE BSNYEN KU S'A LI PA MDZAD NAS, SGYU RTZAL DRUG CU RTZA BZHI, PHYI NANG GI TSANG MA KUN LA MKHAS PA'I PHUL DU PHYIN PA'I MKHAS PAR GYUR, KHYAD PAR LO BCO LNGA BZHES PA'I TSE RIGS THIGS TSAR GCIG GSAN NAS, PHYI ROL PA'I RTOG GE MKHAS PAR GRAGS PA CIG DANG BRTZAD PAS, DE PHAM PAR GYUR PAS SNYAN PA'I GRAGS PA PHYOGS KUN LA KHYAB PAR GYUR, YANG JO BO RAB TU MA BYUNG GONG AA WA DH'U T'I'I SPYOD PA MDZAD PA'I SKABS BHANG+GA LAR PHYI NANG GNYIS RTZOD PA CHEN PO BYUNG, NANG PA'I BSTAN PA PHAL CHE BA MU STEGS PA LA SHOR, MU STEGS PA'I RTZOD PA BLOG PA'I PAndI TA MA RNYED PA'I SKABS SU, JO BO BHANG+GA LA'I SPRANG PO'I KHROD NA BZHUGS BA LA, BU MO ZHIG GIS JO BO'I SKU LANG 'OD 'PHRO BA MTHONG BAS GNAS BRTAN GYI SAR PHYIN TE, SPRANG PO LUS LA 'OD 'PHRO BA ZHIG 'DUG NA, RNAL 'BYOR PA CIG YIN TE 'ONG RTZOD PAR ZHUS NA ZER BAS ZHU BA PHUL BAS, MU STEGS BA THAMS CAD TSAR BCAD, SNGAR SHOR BA'I PAndI TA DANG GNAS BRTAN THAMS CAD TSUR THOB, PHYI ROL PA THAMS CAD BSTAN PA LA BTZUD, YANG LAN CIG
LHO PHYOGS NAS MU STEGS PA'I PAndI TA GDUGS BCU GSUM PHUBS PA CIG BYUNG NAS, JO BO LA RANG RE GNYIS RTZED PA BYAS LA SU RGYAL BA'I BSTAN PA LA 'JUG DGOS ZER NAS RTZOD PAS, JO BOS TSEGS MED PAR TSAR BCAD PAS, GDUGS BCU GSUM JO BO LA PHUL, PHYI ROL PA THAMS CAD NANG PA'I BSTAN PA LA BTZUD, YANG SANG PHAD LO DUS SU MU STEGS PA GDUGS BDUN PHUBS PA CIG BANG NAS SNGA MA LTAR TSAR BCAD, DE'I YANG SANG PHOD MU STEGS PA GDUGS LNGA PHUBS PA CIG BYUNG BA YANG CHAR BCAD NAS SANGS RGYAS KYI BSTAN PA LA BCUD, DE'I PHYIR BSTAN ? PA LA, RNAL 'BYOR KYI STOBS KYIS SRUNG PA, DBANG PHYUG GI STOBS KYIS SRUNG BA, RIGS KYI STOBS KYIS SRUNG BA, RIGS PA'I STOBS KYIS SRUNG BA RNAMS LAS, JO BOS NI DE BZHI KA'I SGO NAS SRANG BAR MDZAD DO,, ,JO BO RAB TU MA BYUNG GONG DU BLA MA R'A HU LA GUPTA LA DPAL KYE RDO RJE'I DBANG ZHUS NAS BSGRUBS PAS DPAL HE RU KA'I ZHAL MNGON SUM DU GZIGS, RGYUD SDE BZHI'I GZHUNG DANG GDAMS NGAG KUN LA MKHAS SHING, NUB GCIG RMI LAM DU PAndI TA NGAG GI DBANG PHYUG GRAGS PA LA RGYUD 'BUM PHRAG GCIG BZHI BRGYA LNGA BCU RTZA GCIG GSAN PAS GSANG SNGAGS LA NGA NYID MKHAS SO SNYAMS PA LA MKHA' 'GRO MA RNAMS KYIS THUGS RGYAL BCAG GO ,YANG JO BO RAB TU MA BYUNG GONG LA BLA MA AA WA DH'U T'I PA'I PHYAG PHYIR LO BDUN 'BRANGS NAS, AA WA DH'U T'I'I SPYOD
, ,PA LO BDUN MDZAD, DE'I TSE LHAG PA'I LHA DANG, DKYIL 'KHOR DU MA MNGON SUM DU MTHONG, DA AA WA DH'U T'I'I SPYOD PA 'DI NYID KYIS BDEN PA MNGON SUM DU BYA'O SNYAMS PA'I TSE, DPAL HE RU KAS KHYOD RAB TU BYUNG NA MA 'ONGS PA NA RAB TU BYUNG BA'I GDUL BYA MANG PO'ONG GSUNGS, BLA MA R'A HU LA GUPTA BYON NAS KHYOD AA WA DH'A T'I'I SPYOD PA DES GAR YANG MI PHYIN RAB TU BYUNG BYANG CHUB KYI SEMS SGOMS GSUNG, YANG RMI LAM DU YANG DAG PAR RDZOGS PA'I SANGS RGYAS BYIN NAS RAB TU 'BYUNG BAR BSKUL BAS, PHAL CHEN SDE PA'I GNAS BRTAN 'DUL BA'I 'DZIN PA SH'I LA RAKsHI TA LAS BSNYEN PAR RDZOGS NAS BLA MA DE NYID LA CHOS MANG DU GSAN, BYE BRAG TU BSHAD PA CHEN PO SLOB PA LA GZHAN GYIS LO BCU GNYIS DGOS KYANG NGO? BO MKHYEN RAB DANG BRTZON 'GRUS GNYIS KA CHE BAS LO BDUN BRGYAD LA MKHYEN, BYANG CHUB KYI SEMS KYI GDAMS PA GSAN PA'I PHYIR RGYA MTSO'I STENG LA GRU RDZINGS LA PHEBS, DBANG PHYUG CHEN POS BAR CHAD BRTZAMS PA GSHIN RJE'I GSHED DMAR PO'I BSKYED PA'I RIM PA'I SGO NAS BTUL NAS GSER GLING DU PHEBS, BLA MA GSER GLING BA LA DBU SNGAGS SPREL NAS LO BCU GNYIS KYI BAR DU GSAN, LHAG PA'I LHA'I ZHAL GZIGS PA NI, DPAL KYEE RDO RJE, DAM TSIG GSUM BKOD PA'I RGYAL PO, 'JIG RTEN DBANG PHYUG ,SGROL MA, 'KHOR LO BDE MCHOG ,MI G-YO BA RNAMS KYI ZHAL GZIGS SHING, LHA SA DANG,
BSAM YAS SU ZHABS SAL MA REG PAR BSKOR BA MDZAD, MA GA DHA NAS SLOB MA GCIG GIS GSOL BA BTAB PA'I ROL MO'I SGRA BOD DU GSAN, JO BO RGYA GAR NA BZHUGS PA'I TSE NYIN LAM GSUM TZAM GYI SEMS CAN GYI SKAD DANG BSAM PA THAMS CAD MKHYEN, DGE BSHES STON PAR SGRENG NA BZHUGS PA'I TSE JO BO LA GSOL BA BTAB PAS, JO BO NYID DNGOS SU BYON, DE NAS NYAMS DGA' NAS SNGON BZHIN YANG GSOL BA BTAB PAS, BCOM LDAN 'DAS SH'AKYA THUB PA BYON PAS, BLA MA DANG YI DAM LA KHYAD PAR MI 'DUG GSUNGS, YANG KHRO BU LOTZTSA BA DANG GNYAL BA GTZANG NAG PA GNYIS BGRO GLENG MDZAD PAS, CIG SHOS KYIS JO BO'I LUNG ZHIG DRANGS PAS, LOTZTSA BAS KHAS SNYAD CIG MDZAD PAS MGRIN PA 'GAGS PA, PAn CHEN GYIS JO BO PHYIR MI SDOG PA'I BYANG CHUB SEMS DPA' CHEN PO YIN PA LA KHAS SNYAD BYAS PA DE BSHAGS PA GYIS GSUNGS NAS BSHAGS PAS PHAN, YANG PAn CHEN SH'AKYA SHR'IS THANG PO CHER BSOD SNYOMS LA PHEBS PAS, MI KHROM CHES NAS MA SHONG BAR, GSOL LHUNG JO BOS PHYAG TSA'I KHANG BA BRTZEGS PA'I STZANG DU BZHUG PAS GSOL LHUNG 'GRED NAS BO BA PHYAG TSAL 'PHOG PAS, THUGS DAM BSKYED RDZOGS KYI SPYAN DMIGS MI GSAL ZHING, THUGS MYOG MYOG PO ZHIG BYUNG BAS, RJE BTZUN MA'I ZHAL NAS, D'I PAm KA RA SHR'I DZNY'A NA BSKAL BZANG GI SANGS RGYAS YIN, BSHAGS PA MA BYAS NA 'KHOR RNAMS LA RIMS NAD KYIS
, ,'DEBS GSUNGS NAS BSHAGS PA MDZAD, MDOR NA, YER PAR PHA CHOS GSUNGS PA'I TSE RANG GZHAN GYI 'KHRUNGS RABS MANG PO SANGS RGYAS KYIS GSUNGS PA LTAR MDZAD CING DE GAS SHES PAS DAD PA CHEN POS GSOL BA 'DEBS PAR MDZOD CIG, ` LAM BZANG GSAL MDZAD STON PA RIN PO CHE NI, SNYING RJE PAD DKAR DU, BYANG PHYOGS SU BSTAN PA LA DAD PA LHAR SKYE, RAB BYUNG CHOS BZHIN MI SPYOD PA LOG PAR LTUNG, DER DGE BSNYEN CHOS 'PHEL ZHES PA RDZU 'PHRUL DANG LDAN PA 'BYUNG ZHES PA DANG, SANGS RGYAS PHAL PO CHER BYANG PHYOGS SU DGE BSNYEN CHOS 'PHEL ZHES BYA BA 'BYUNG, ZHES PA DANG, JO BOS BOD LA PHEBS NA BOD LA PHAN THOGS MI THOGS ZHUS PAS, RNAL 'BYOR MA RAL PA SER SHAR RE BA ZHIG GIS BOD LA PHYIN NA PHAN THOGS, KHYAD PAR AU PA SI KA ZHIG LA BRTEN NAS PHAN THOGS ZHES, LUNG BSTAN PA NI 'BROM RGYAL BA'I 'BYUNG GNAS NYID YIN LA, 'DI NYID STOD LUNG GI RGYAB RTZVA SGYE MO'I PHUG RING DU SKU 'KHRUNGS, SKU GZHON NU'I DUS SU MA YAR MA GCIG DANG MA MTHUN PAS, THUGS STOBS CHE BAS 'THON NAS GZHU'I KUN DGA' RA BAR BYON, G-YUNG CHOS MGON LAS KLOG YIG BSLABS, RGYAL GYI ZHANG CHEN PO LAS DGE BSNYEN GYI SDOM PA BZHES, BLA MA SE BTZUN BAL POR PHEBS PA LA MJAL SHIN TU DAD PAR GYUR CING, SLAR BLA MA SE BTZUN KHAMS LA LOG PHEBS BA LA
BDAG NYID KHAMS LA 'KHRID PAR ZHUS KYANG, DA RES KHRID NA BYIS PA BRKUS NAS KHRID ZER DU 'ONG BAS, SANG PHOD TSONG BA DANG 'GROGS LAS SHOG GSUNG, DE NAS RGYAL GYI ZHANG CHEN PO LAS DGE BSNYEN GYI SDOM PA MNOS TE MTSAN RGYAL BA'I 'BYUNG GNAS SU GSOL, DGUNG LO BCU DGU BA LA TSONG BA DANG 'GROGS NAS MDAN MA'I YUL DU BLA MA SE BTZUN GYI SPYAN SNGAR PHEBS NAS, NANG GI ZHABS TOG PHYE 'THAB, ,PHYI ROL TU RTA PHYUGS MANG PO'I RDZI BO MDZAD NUB MO RTA BZANG PO LA CHIBS, 'KHOR GSUM TSER MA 'DRA BA BYAS TE, MEL TSE MDZAD CING, BLA MA SE BTZUN LA, DBU MA RIGS TSOGS, GSANG SNGAGS RNYING MA SOGS GSAN, PAndI TA SGRA'I TSER MA CAN BYA BA SMRi TI DZNY'A NA K'IRTI'AM, DRAN PA YE SHES GRAGS PA LA SAmSKRi TA'I SKAD DANG, RGYA YIG BSLABS PAS LEGS PAR MKHYEN, DER PAndI TA DE LA DA LTA RGYA GAR NA PAndI TA CHE BA JI SKAD BYA BA YOD DRIS PAS, TSA BGRES N'A RO BA DANG, SH'ANTI PA BYA BA YOD, DE GNYIS 'DAS NA, PAndI TA D'I PAm KA RA BYA BA YOD DE CHE BAR 'OD ZER BAS, DE DANG MJAL NA DGA' BA LAGS DGONGS BA BYUNG, DE NAS YAR DBUS LA PHEBS PAS, SOG CHU KHAR 'PHRANG KHA BER CHUNG DANG MJAL BA LA, DE NA YAR PHYAG WA 'KHYUG PA 'DRA BA ZHIG GYIS ZER BAS PHYAG MDZAD, KHONG GIS CHOS GTAM MANG DU DRI PA LA, LAN MDZAD BAS KHAMS NA 'BROM STON ZER BA'I DGE BSNYEN MKHAS PO ZHIG YOD ZER BA MIN LAS CHE ZHES
, ,DRIS PAS YIN KYANG SRID GSUNGS BAS, KHONG RANG GI 'OG GI GRUM TZE DGE BSHES STON PA LA BTING, RTA BZANG PO GCIG MTHUR MDA' DAR YUG LA BYAS NAS PHUL CING BZOD GSOL BYAS, KHONG GI MCHOD GNAS LA BZHUGS PA'I ZHU BA PHUL KYANG, DA RES SDOD MI KHOM, SLAR PHOD MDO'I MKHAR 'DI BSHIG NAS RA SGRENG DU GTZUG LAG KHANG BZHED NA BYED GSUNGS, DE NAS JO BO MNGA' RIS NA PHEBS ZER BA GSAN BAS, KA BA SH'AKYA DBANG PHYUG SOGS LA NGAS PAndI TA SPYAN 'DRONGS NA, KHYED RNAMS BSU BA LA BYON ZHES PA'I ZHAL DON MDZAD NAS, BYANG LAM NAS BRGYUD NAS MNGA' RIS SU PHEBS TE JO BO DANG MJAL MA KHYAD PHA BU 'PHRAD PA BZHIN DU DGYES NAS PHYAG DBU THOG TU BZHAG NAS SAm SKRi TA'I SKAD DU SHIS BRJOD MANG BO MDZAD, SNGON DU BUM PA SGRUB PA GNANG TSAR BAS DBANG BSKUR, 'BROM LA CHED DU DGONGS PA GTAD NAS LAM SGRON TSAR GCIG GSUNGS, DE NAS NAG TSOL GNAS BRTAN RATNA AA KA RAS, JO BO LO GSUM NAS MA BSKYAL NA DAM TSIG NYAMS PA YIN NO ZER BAS, LOTZTSA BAS ZHABS BSKUL DRAG PO ZHUS PAS, BOD RGAN RNAMS KYI PHEBS BSU MA 'BYOR BAR JO BO BAL YUL DU PHEBS KYANG, SA MAN SDE GSUM BYA BA'I 'KHRUG PA LANGS NAS LAM 'GAGS PAS, BOD KYI BSOD NAMS KYIS JO BO RIM GYIS GTZANG DU PHEBS PAS, SA SKYA'I THAD DU 'DIR 'JAM DBYANGS KYI SPRUL PA BDUN RGYUD DU 'BYUNG
GSUNGS, SNAR THANG GI THAD DU 'DIR GNAS BRTAN BCU DRUG GI SPRUL PA 'BYUNG GSUNGS NAS SNAR THANG LUNG BSTAN, DE NAS GAN PA BYANG THANG DU PHEBS PA'I TSE LHA SA'I THAD LA PHYAG MDZUB GTAD DE DE NA CI YOD GSUNG, DE NA LHA SA NA JO BO SH'AKYA MU NE BZHUGS ZHUS PAS DE THANG LHA MANG POS MCHOD PA 'BUL ZHING 'JA' TSON SUM BRTZEGS KYANG 'DUG GSUNG, DE NAS KHUS THANG PO CHER SPYAN DRANGS, SLAR THANG PO CHE NAS YER PA LHA SA SOGS SU PHEBS SNYE THANG DU CHOS MANG DU GSUNGS SHING, DGA' LDAN LA PHEBS PAR NYE BA NA, MKHA' 'GRO MANG POS PHYAG DANG SKOR BA DANG BRGYA SBYIN GYIS LHA'I ME TOG GI CHAR PHABS, JO BO DGA' LDAN DU PHEBS NAS, BSHES GNYEN 'BROM RIN PO CHES SKU GDUNG RNAMS BYANG RA SGRENG DU SPYAN DRANGS NAS KHYUNG MGO CAN LA SOGS PA BZHENGS SHING, BKA' GDAMS BSTAN PA'I CHU MGO TSUGS, LAN CIG JO BOS BYIS PA CHUNG NGU LTAR GZIMS KHANG PHYIS CHUNG NGU MANG POS GANG BAR MDZAD PA, 'BROM STON RIN PO CHES JI MI SNYAM PAR THAMS CAD PHYAGS NAS GTZANG SING BA ZHIG MDZAD PAS, BYA RGOD KYI NYIN LAM BCO BRGYAD TSUN CHAD KYI SEMS CAN THAMS CAD KYI SEMS KYI RNAM PA WAL GYIS MKHYEN PA'I MNGON PAR MKHYEN PA RGYA CHEN PO BRNYES, 'BROM RIN PO CHES JO BO LA SNGAR GYI CHOS RNAMS LAM DU SONG MA SONG JI LTAR LAGS ZHUS PAS, BLA MA SE BTZUN GYI G-YOG BYAS PA LAM DU SONG, GZHAN MA SONG GSUNG, DE NAS
, ,BYANG RA SGRENG DU LO DGU BZHUGS NAS RA SGRENG GRUB THOB TU PHUNG NGE YOD PAR MDZAD NAS MTHAR DGA' LDAN DU NAM MKHA' DRI MA MED PA'I SKU MDUN DU PHEBS SO,, ` RNAL 'BYOR DBANG PHYUG DGON PA PA NI, 'KHRUNGS YUL MDO KHAMS PA GDUNG RUS 'DZENG, MTSAN DBANG PHYUG RGYAL MTSAN, YAB SNGAGS BA CIG GI SRAS SU 'KHRUNGS, YAB GRONGS NAS DPE CHA MANG PO YOD PA GROGS PO ZHIG DANG GROS BYAS NAS, DBEN PA CIG TU LTA RTOG BYED CING, DGE SBYOR MDZAD DGONGS PA YOD PA LA MNGA' RIS STOD DU PAntI TA CHEN PO ZHIG PHEBS PA GSAN PAS, THUGS 'GYUR TE BRGYAGS PHYE BOR NAS, TSONG PA RNAMS LA SLONG GIN BYON, GTZANG GI NYAN 'TSOR JO BO DANG MJAL NAS CHOS ZHUS PAS, NGA'I MCHOD GNAS BYED NA CHOS BSHAD MI BYED NA MI BSHAD GSUNGS PAS, MCHOD GNAS MDZAD PA ZHAL GYIS BZHES, 'KHOR BA 'JUG LDOG NAS 'KHRID PA'I LAM GYI RIM PA DANG, MI G-YO BA'I SGRUB YIG DMIGS PA SKOR GSUM DANG BCAS PA LOTZTSA BAS KYANG BAR MCHOD PAR GNANG, NYES BYAS PHRA MOS KYANG MA GOS PA'I TSUL KHRIMS RNAM PAR DAG CING, BRTZON 'GRUS PHUN SUM TSOGS PA NI, LAN CIG SKYIL KRUNG LAM GYIS MDZAD PAS BRLA SHA LA SBEN MA YOG SHING TZAM ZHIG ZUG PA'ANG MA PHYUNG BAR BSGOMS PAS, DE PHYUNG NAS BSGOMS NA CI MA KHYAB CES DNGOS SU GSUNG ZHING, LKOG TU DE 'DRA ZHIG DGOS GSUNG, LAN
CIG RLUNG BZUNGS TE BA SBU TZAM YANG MI 'GUL BAR DROD TSA LAM ME BYAS NAS ZHAG GSUM GSUM TZAM BZHUGS TE, HA HA GSUNGS NAS KOG GIS BZHANGS TE KHAMS CUNG ZHIG MA BDE NAS DE LTAR BYAS PA YIN GSUNG, MNGON SHES RGYA CHEN PO MNGA' BA NI, SNGON DGE BSHES PHU CHUNG PA DANG GNYIS GRAL GCIG LA BZHUGS ZA'I DUS NA NGAS SANGS RGYAS RJES SU DRAN PA BAG TZAM ZHIG YID LA BYA'O GSUNGS NAS SPYAN ZIM TZAM MDZAD NAS BZHUGS, NGAS DA LTA TING NGE 'DZIN LA MNYAM PAR BZHAG PAS 'OG PHYOGS NA SANGS RGYAS SHIG BYANG CHUB SEMS DPA' DPAG TU MED PAS BSKOR NAS CHOS GSUNG BA NGAS MTHONG ZHING THOS GSUNG PA SOGS MNGON SHES RGYA CHEN PO MNGA' BA'I LO RGYUS MANG ZHING, JO BO'I SLOB MA SGOM GEGS SEL BA LA RTZAL THON PAR GRAGS, PHAR PHYIN KHAMS LUGS BAG RE MKHYEN CING, BSKYED RDZOGS DANG RTZA RLUNG GI GDAMS NGAG LA NI 'DI MI MKHYEN BYA BA MED, JO BO'I SA TRA SNYE THANG NAS RVA SGRENG DU 'DEGS TSE, NYAG MO NA BZHUGS PA THEGS PAR ZHUS PAS, NGA LA YUL MI 'DI TSO PHAN GNOD GANG YANG MI BYED PAS NGA 'DI KHAR SDOD GSUNGS PAS, 'O NA JO BO'I SA TRA NI 'DEGS SO ZHUS PAS, 'O NA NGA CI ZA GSUNGS NAS BZHENGS NAS PHEBS, SA TVA ZHES PA BLA MA 'GA' ZHIG THAB KHA YIN GSUNG, 'GOS LO GZHON NU DPAL NI, JO BO'I SA TRA ZHES PA SDE'AM TSOGS LA ZER BA YIN GSUNGS ZHING, DGON PA PA'I SLOB MA CHE BA NI, SNE'U
, ,ZUR BA, ZHANG KA MA PA, GNYAN SNA MO BA, 'BRE KO TE LUNG BA BZHI LA DGON GYI BU BZHIR GRAGS SHING, DGON PA PA 'DI NYID KUN MKHYEN LEGS BA DON GRUB KYI SKU TSE GONG MA ZHIG YIN PAR, DBEN SA BKA' 'BUM LAS GSUNGS PAS BSAM GYIS MI KHYAB PA'I RNAM THAR RO,, ` DGON PA PA'I SRAS KYI THU BO ZAB MO'I TING NGE 'DZIN BRTAN PA'I SNE'U ZUR BA NI, JO BO MNGA' RIS SU PHEBS PA'I LOR 'PHAN YUL SBRAS SU SKU 'KHRUNGS, BRAG RGYAB TU RAB TU BYUNG, SKYE BAS THOB PA'I TING NGE 'DZIN BRTAN PO YOD PAS, ZAB MO'I TING 'DZIN BRTAN PA'I SNE'U ZUR BA ZHES GSUNG BA'I RGYU MTSAN YANG DE YIN, DE NAS BRAG RGYAB PA'I STON PA SH'AKA TSUL BYA PAS, RA SGRENG DU PHYIN SKABS DGON BA BA LA NGED KYI DE NA SKYES TZAM NYID NAS TING NGE 'DZIN BRTAN PO YOD PA'I BTZUN CHUNG ZHIG YOD CES ZHUS PAS, AA HA HA ZHES DGYES PAR MDZAD PAS, SH'AKA TSUL GYIS SNE'U ZUR BA LA KHYED RANG RA SGRENG GI DGON PA GONG DU PHYIN NA DGON PA BAS RJES SU 'DZIN PAR 'DUG BYAS PAS, SNE'U ZUR BAS RA SGRENG LA PHEBS PAS, DGON PA BA SKU MTSAMS DAM PAS MJAL SA MED ZER NAS GZIMS KHANG LA BSKOR BA MDZAD SBOS RENG BSREGS NAS, TSE 'DI LA SKYES BU DAM PA KHYED DANG MI MJAL BAR 'DUG SKYE BA PHYI MAR MJAL PA'I SMON LAM BGYID GSUNGS NAS, RNAL 'BYOR BA LA CHOS GSAN PAS, DGON PAS THUGS MKHYEN GYIS
DGONGS NAS SHOG GSUNGS NAS PHEBS PAS, THOG MAR KHA 'BAR MA'I GTOR MA DANG, SKYABS 'GRO THUN MONG BA GNANG NAS, MA BSGOMS PA'I CHOS KYIS PHAN MI THOGS PAS ZLA BA PHYED PHYED BSGOMS LA SHOG GSUNGS, DE NAS RIM GYIS GDAMS PA RNAMS TSANG BAR GSUNGS, YI DAM MI G-YO BA GNANG NAS BSNYEN PA MANG DU MDZAD CING, DGON PA PA GSHEGS NAS, PO TO BA'I MCHOD GNAS LO BCU GNYIS MDZAD, LAM GYI RIM PA YANG DGON PA PA'I DE LA GZHI MDZAD CING, PO TO BA'I LEGS LEGS RNAMS BTUS NAS MDZAD, DE NAS SNE'U ZUR GYI DBEN SA GOG BO DER KHANG CHUNG ZHIG BRTZIGS NAS BZHUGS, PO TO BA'I GRVA PA BCU TZAM LA KLU NAD BYUNG BA GSO PAR MDZAD CING, LAN CIG RA SGRENG DU PHEBS SKABS PHA BONG ZHIG LA ZHABS GTAD NAS PHYAGS SGROG BCING PAS SPRUL DKAR PO ZHIG 'THON, DE NA MDZE BO ZHIG 'DUG PA DE KHA RANG GIS NAD GSOS, GLANG THANG DU YAMS NAD CHEN PO BYUNG BAS MI MANG PO SHI ,DE NAS MI MA YIN RNAMS SNE'U ZUR DU 'GRO BAR BRTZAMS PA NA NAM MKHA' LAS, DE NI BYANG CHUB SEMS DPA' KUN TU BZANG PO'I SPRUL PA YIN NO ZHES PA'I SGRA SKAD BYUNG PAS, MI MA YIN RNAM PHYIR LOG STE, DE NAS BYANG CHUB SEMS DPA' KUN TU BZANG PO'I SPRUL PAR YANG GRAGS SO, ,YANG DGE BSHES PADMA BYANG CHUB LA KLU'I GNOD PA BYUNG NAS SBRUL GCIG MGO LA THOD BZHIN DU DKRIS NAS SPRUL MGO DE DPRAL
, ,PA'I STENG, GDENGS KA BZHIN YOD PA MIS MTHONG GI DOGS NAS BKAB STE, RIN PO CHE SNE'U ZUR BA'I SPYAN SNGAR PHYIN PAS, DE NGA DANG KHYOD RANG MIN BAS MI MTHONG SBED MI DGOS, NGA DE'I STENG DU BSGOMS DANG GSUNGS PAS, DE BZHIN BYAS PAS GAR SONG CHA MED PAR SONG, TING NGE 'DZIN JI LTAR BRTAN PA NI, DGE BSHES DE NYID KYI ZHAL NAS, NGAS TING NGE 'DZIN GCIG LA MNYAM PAR BZHAG NA NYIN ZHAG BCU BZHI TZAM THUB PAR 'DUG GSUNGS PA LA, SPYAN SNGA BA'I ZHAL NAS NGED RA SGRENG PA LA TING NGE 'DZIN GYI TSAN KHA ZHANG SGOM KHO NA CHE BA YIN GSUNG ZHING, SNE'U ZUR BA TING NGE 'DZIN BRTAN PA'I SNYAN PA RJE BTZUN MID LAS GSAN PAS NGED GNYIS MTSAN GYI GROGS MCHED KYANG YIN, YANG SNE'U ZUR PA'I ZHAL NAS, NGA YANG RNAL 'BYOR BA 'BRING PO TZAM YIN TE, SDE DPON DANG MI NAG PA'I THEM BA 'GOM MA MYONG NAS LO BZHI BCU SONG GSUNG BA LA, RNAL 'BYOR BA 'BRING BOS MI TSAD BOD DU BYON PA'I BKA' GDAMS PA CIG LA KHONG LAS CHUGS THUB PA MA BYUNG ZHES DPON STON RIN PO CHE GSUNG, ZHING BRJE SKABS ZHAL KO DE PHYANG GIS SONG TZA NA SPYI BO NA YAR LA 'OD 'JAG MA TZAM ZHIG DKAR NAR GYIS SONG BA PHYI NA YOD PA KUN GYIS SBA LCAG TZAM DKAR NAR GYIS SONG BA MTHONG BAS, KHE GAD LOTZTSA BA'I ZHAL NAS RNAL 'BYOR BA CIG GRONGS PA'I LTAS LA DE LAS YA MTSAN PA RGYA GAR DU YANG MA BYUNG GSUNGS NGO,,
` SNE'U ZUR PA'I SLOB MA, 'DUL BA'I SDE SNOD KUN 'DZIN THAG MA PA NI, SHA MI SMON LAM TSUL KHRIMS LAS 'DUL BA MKHAS PAR BSLABS NAS, STOD LUNG THAG MA BZUNGS TE 'DUL BA'I BSHAD PA RGYA CHER MDZAD, THAG MA PA PHYI MA DPAL CHEN RDONG GZHON, SPAL TI JO SRAS LA SOGS PA'I 'DUL 'DZIN MKHAS PA MANG DU THON, DPAL CHEN RDOR GZHON 'DI 'BRI KHUNG BAS DBANG YOD KYIS GDAN DRANGS PAR, GZHU STON YE, RNAL 'BYOR BYANG SENG SPAL TI JO SRAS GSUM GYIS RJES BSNYEGS LA 'BRI KHUNG GZHO LA THUG PAR BYON KYANG MA ZLOG ,RNAL 'BYOR BYANG SENG 'DIS 'PHAN YUL GRO SA BTAB, KA BA DAR SENG 'DIS SNE'U ZUR BA LA LAM GYI RIM PA GSAN NAS THUGS NYAMS SU BZHES SHING GZHAN LA'ANG 'DOMS PAR MDZAD PAS 'DUL 'DZIN DANG BKA' GDAMS 'DRES PAR MDZAD CING, SANGS RGYAS DBON GYIS KYANG THAG MA BA LA GTUGS TE 'DUL BA LA MKHAS PAR MDZAD DO,, ,, ` THAG MA PA'I SLOB MA BRTZON PAS SGRUB PA LHUR LEN NAM SENG ZHABS NI, BTZAN PO KHRI SRONG LDE BTZAN GYI CHOS BLON SHUD BU DPAL GYI SENG GE'I BRGYUD PA BSHES GNYEN CHEN PO NAM MKHA' RGYAL MTSAN GYIS YOL SKU MCHED GSUM LA CHOS GSAN CING LHO BRAG TU BYIN NAS, THIG PHYI DANG NAM STENG GI GTZUG LAG KHANG GNYIS BZHENGS, DE NAS RIM PAR BRGYUD PA MKHAN CHEN NAM SENG PAS, THAG MA BA LA LAM GYI RIM PA GSAN, DON STENG
, ,PA LA SGROL MA, DAM TSIG GSUM BKOD, DZAMBHA LA, TSOGS BDAG RNAMS KYI CHOS SKOR GSAN CING, NAM MKHA' SENG GE'I GCUNG PO'I SRAS MKHAN CHEN NAM MKHA' RGYAL PO DANG, DPON SENG GE SOGS BYUNG,, ` DAM PAS BYIN BRLABS NAM MKHA' RGYAL PO NI, GZHON NU NAS KHU BO NAM MKHA' SENG GE'I DRUNG DU RAB TU BYUNG, DBUS PHYOGS KYI MKHAS PA RNAMS KYI DRUNG DU BYAMS CHOS LA MKHAS PAR SBYANGS SHING, RIN CHEN SGANG PA SANGS RGYAS DPON GYI ZHABS LA GTUGS TE BYANG CHUB LAM GYI RIM PA, BDEN GNYIS KYI 'KHRID GSAN, KHU BO NAM MKHA' SENG GE'I DRUNG DU LAM RIM SOGS GSAN NAS THUGS NYAMS SU BZHES YI GE DRUG PA, DAM TSIG GSUM BKOD, SGROL MA, MI G-YO BA, BDE MCHOG SOGS KYI ZHAL GZIGS SHING GSUNG GI SNANG BA THOB, GSHEGS NAS BDE BA CAN DU 'BYON PAR SGROL MAS LUNG BSTAN PAR GRAGS SO,, ` 'JIG RTEN CHOS BRGYAD SPANGS PA'I SENG GE BZANG PO NI, DGUNG LO BDUN BZHES DUS RDE'U GSOL NAS SGRUB PA KHO NA MDZAD, BCU BRGYAD BZHES DUS KHAB MDZAD NAS SRAS SLOB DPON BSOD NAMS BZANG PO 'KHRUNGS, NYI SHU RTZA BRGYAD LA RAB TU BYUNG, RI ZANGS RDOG TU MKHAN PO ZHANG YE SHES MDZAS KYI DRUNG DU 'DUL BA'I THUGS SBYONG MDZAD, MKHAN CHEN PA'I DRUNG DU LAM GYI RIM PA'I CHOS MANG DU GSAN NAS DE RJES CHE SAR BTON, KHU BO
GSHEGS NAS GDAN SAR PHEBS, THUGS RJE CHEN PO, SGROL MA, PHYAG NA RDO RJE, DPAL LHA MO RNAMS KYI ZHAL GZIGS SHING, GSHEGS NAS LCANG LO CAN DU 'GRO GSUNGS TE GSHEGS,, ` DE'I SLOB MA MKHAN CHEN RGYAL SRAS BZANG PO NI, SA G-YO BA LA SOGS PA'I LTAS DANG BCAS TE SHUD BU BA'I SKU RIGS SU BSKU 'KHRUNGS, DGUNG LO BCU GTIG PA LA RAB TU BYUNG, MKHAN CHEN MTSO SNA BA SOGS BSTEN 'DUL BA, PHAR PHYIN, SPOD 'JUG , BYAMS CHOS DANG BCAS PA LA SLOB GNYER MDZAD, BCO LNGA BZHES CHE 'DUL BA'I BSHAD PA MDZAD, DE NAS BCO BRGYAD LA GDAN SAR BTON TE, MKHAN CHEN SENG GE BZANG PO'I DRUNG DU LAM GYI RIM PA LA SOGS PA BKA' GDAMS KYI CHOS RNAMS GSAN, SKU GSUNG THUGS KYI RTEN MANG DU BZHENGS, LAM RGYA MANG DU BSDAMS SHING SBYIN PA MANG DU MDZAD, PADMA CAN GYI ZHING DU SKYE BA'I LUNG BSTAN YOD CING, MKHAN CHEN NAM MKHA' RGYAL MTSAN LA KHYOD KYI CHOS PHYOGS LA BSLAB BYA MI 'TSAL, SDE 'DI RNAMS 'DZIN PA LA 'DI BZHIN GYIS KYI ZHAL TAR GNANG NAS, KHYI'I ZLA BA'I TSES BCU GNYIS LA ZHI BAR GSHEGS, DE'I TSE ME TOG GI CHAR CHEN PO BABS, LTAS NGO MTSAR BA MANG DU BYUNG NGO,, ` MKHAN CHEN NAM MKHA' RGYAL MTSAN NI, CHOS RGYAL KHRI SRONG LDE BTZAN GYI CHOS BLON SHUD PU DPAL GYI SENG GE'I SKU RGYUD DU 'KHRUNGS, SHUD BU DPAL GYI SENG GE YANG SH'AKYA RI BRAG PA'I RGYUD PA YIN PA
, ,MKHAN CHEN NAM MKHA' RGYAL MTSAN NYID KYI RNAM THAR LAS GSUNGS SHING, SH'AKYA RI BRAG PA NI, MANG POS BKUR BA'I RGYAL PO RNA BA CAN LA, GO'U TA MA DANG BHA RA DHVA DZA GNYIS BYUNG BA, GO'U TA MA GSAL SHING LA BSKYON PA LA KHU BA THIGS PA GNYIS BYUNG BA NYI MA'I DROD KYIS SMIN PA LAS KHYI'U GNYIS BYUNG BA BU RAM SHING GI TSAL DU SONG BA LA, GCIG LA NYI MA'I GNYEN, GCIG LA BU RAM SHING BAR MING BTAGS PA'I NYI MA'I GNYEN LA SRAS MA BYUNG, BU RAM SHING PA LA SRAS BYUNG BA LA, BU RAM SHING BAR GRAGS, DE RNAMS KYI CHE RGYUD LA BU RAM SHING PA BRGYA BYUNG BA'I THA MA BU RAM SHING BA 'PHAGS SKYES PO, DE LA SRAS PO GSUM DANG, SRAS MO GSUM BYUNG BA, MAS DBEN SRING MO DANG 'BREL BA LA SH'AKYA'I RIGS RNAMS BYUNG, DE RNAMS KYI CHE RGYUD RIM BAR DAD BA'I RGYAL RABS LNGA BCU PHAN RGYAL PO SHING RTA BCU PA BYUNG, DE LA SRAS SH'AKYA CHEN PO, SH'AKYA LI TZA BYI, SH'AKYA RI BRAG PA GSUM BYUNG BA'I THA CHUNG SH'AKYA RI BRAG PA'I RGYUD PAR NGES, GRUB CHEN LAS KYI RDO RJE 'DI NYID, SKU TSE SNGON MA SRIN YUL DU NAM MKHA' LHAN RGYAL SRIN POR SKYES PA'I SRAS SU SKU 'KHRUNGS, SKU TSE PHYI MA RGYA GAR DU RGYAL PO 'DOD PA'I SNYING POR 'KHRUNGS NAS SKU TSE DE LA RNAM SMIN GYI LUS 'JA' LUS SU 'GYUR BAR GSUNGS SHING, DE'I RJES LA LCANG LO CAN DU DPA' PO CHEN PO CHOS KYI RDO RJE ZHES PAR 'GYUR, DER MI LO DRUG CU LAS MI BZHUGS
TE, DPAL PHYAG NA RDO RJES BSKUL NAS CHOS KYI RDO RJE'I SLOB MA RNAMS DANG, RGYAL PO 'DOD BA'I SNYING PO DANG, GRUB CHEN LAS KYI RDO RJE NAM MKHA' RGYAL MTSAN LA CHOS KYI 'BREL PA YOD PA BU SLOB RGYUD 'DZIN DANG BCAS PA BDE BA CAN DU SANGS RGYAS 'OD DPAG MED KYI ZHABS DRUNG DU SKYE, DER GRUB CHEN RIN PO CHE'I MTSAN RDO RJE SNYING BO ZHES PAR 'GYUR ZHING, DE NAS RGYAL BA 'OD DPAG MED KYIS BSKUL TE, BYANG SHAR MTSAMS KYI ZHING KHAMS RDO RJE 'OD ZER BKOD BA ZHES BA'I ZHING KHAMS SU BYON NAS DE'I MTSAN LA BYANG CHUB SEMS DPA' LEGS BA'I BLO GROS ZHES PAR 'GYUR LA, DE LA CHOS KYI 'BREL PA DANG MOS PA GTING NAS THOB PA THAMS CAD DER SKYE BAR GSUNGS, GZHAN YANG GRUB CHEN RIN PO CHE'I SNYAN PA DANG YON TAN DANG MTSAN THOS SHING BRJOD PA DANG, RAB TU MOS BA RNAMS RDO RJE SNYING PO CAN DANG, PADMA 'OD ZER CAN GYI ZHING DU SKYE BAR NGES PA YIN ZHES LUNG BSTAN PA YOD GSUNG, DES NA GRUB CHEN NAM MKHA' RGYAL MTSAN LAS KYI RDO RJE DANG, RJE BLO BZANG GRAGS BA'I RJES 'JUG RNAMS KYIS, LHO BRAG GRUB CHEN LA GSOL BA 'DEBS PA GAL SHIN TU CHE STE, GRUB CHEN RIN PO CHE'I ZHAL NAS, 'GRO BA DGA' ZHING SKYID BA'I DUS NA YANG, ,LAS KYI RDO RJE LA GSOL BA THOB, ,SKYID BRGYUN DU 'ONG BA YIN, ,DBANG PO SKYON CHAGS BYUNG NA YANG, ,LAS KYI RDO RJE LA GSOL BA THOB, ,'BRAL DU PHAN PA THOB PAR 'GYUR, ,ME TOG MAR ME MTHONG BA'I TSE, ,LAS KYI RDO RJE LA MCHOD
, ,BAR PHUL, ,NGA YIS BDAG GIR BYED PA YIN, ,MU GE 'KHRUG LONG SDUG BSNGAL BYUNG NA YANG, ,LAS KYI RDO RJE LA GSOL BA THOB, ,SEMS LA BDE BA STER BA YIN, ,BGEGS DANG BAR CHAD BYUNG BA'I DUS, ,LAS KYI RDO RJE LA GSOL BA THOB, ,RKYEN NGAN RANG SAR GROL BAR 'GYUR, ,'CHI LTAS DBUGS RNAMS SDUD PA'I DUS, ,LAS KYI RDO RJE LA GSOL BA THOB, ,BAR DO'I 'PHRANG LA SKYEL MA NGAS BYED, ,NGA'I MING BZUNGS BA TZAM GYIS BYIN RLABS DPAG MED 'ONG BAS, DER YANG NGA'I MING NAS BZUNGS NAS NGA LA GSOL BA 'DEBS BA GAL CHE, LCANG LO CAN DU PHYIN PAS CHOG ,GUS PAR GYIS LA GSOL BA THOB CES GSUNG ZHING, GZHAN YANG, 'DI SKAD GSUNG, NGA YI MING LA GUS PA SU SKYE BAS, ,LHA YUL DAG TU CHOS LA SPYOD PAR 'GYUR, ,RIGS BZANG LONGS SPYOD CHE BA'I DPAL DU 'GYUR, ,NGA LA SU GUS PHYAG NA RDO RJES KYANG, ,RJES SU 'DZIN CING SDUG BSNGAL SEL BAR BYED, CES DANG, BDAG LA MOS PA THOB PA'I GANG ZAG DES MTSAMS MED PA LNGA'I LAS BYAS KYANG, BDAG PADMA 'OD ZER BKOD PA'I ZHING DU SKYES PA'I TSE BDAG GI 'KHOR DU NGES PAR SKYE BA YIN, ZHES SOGS MANG DU GSUNGS PAS MTSAN TZAM THOS PA YANG SKAL BA BZANG NGO, ,SKU TSE SNGA PHYI'I LO RGYUS SONG, GRUB CHEN 'DI'I SKU TSE 'DI'I DBANG DU BYAS NA, YAB SLOB DPON BSOD NAMS BZANG PO DANG, YUM RIN CHEN
RGYAN GYI SRAS SU SKU BLTAMS, DGUNG LO BDUN PA LA KHU BO MKHAN CHEN RGYAL SRAS PA NYID LA DGE BSNYEN GYI SDOM PA BZHES, DGUNG LO BCU PA'I DUS SU KHU BO RGYAL SRAS PA'I DRUNG DU, SNE'U ZUR PA NAS BRGYUD PA'I LAM RIM, BYA YUL BA NAS BRGYUD PA'I LAM RIM SOGS CHOS BKA' MANG DU GSAN, BCO LNGA LA 'DUL BA'I SLOB GNYER MDZAD CING, BCU BDUN LA 'CHAD NYAN MDZAD, BCU DGU LA LHA SA PHYOGS SU BYON NAS, RGYA MA RIN PO CHE BKRA SHIS RGYAL BO'I DRUNG DU BSNYEN PAR RDZOGS SHING LAM RIM SOGS CHOS MANG DU GSAN, DGUNG LO BDUN CU BZHES DUS THO RANGS YI DAM LHA'I LUNG BSTAN LAS, BCOM LDAN 'DAS BYAMS PA'I SPRUL PA CIG GI GSUNG YIG KHYER BA'I MI BZHI 'ONG BAR YOD GSUNGS PAR, SANG DGE BA'I BSHES GNYEN BLO BZANG GRAGS PA'I GSUNG YIG BYUNG, YANG LAN CIG BU MO DKAR MO ZHIG NA RE, BYAMS PAS BYIN GYIS BRLABS PA'I GANG ZAG 'JAM DPAL DBYANGS DANG GNYIS SU MED PA LHA MO DBYANGS CAN MAS RIG PA STER BAR BYED PA CIG DANG, SKYE BA BCO LNGA'I GONG NAS 'BRAL BA CIG 'ONG BAR YOD GSUNGS NAS, DE LA CHOS BKA' LA SRIS MA 'JUG PAR BYIN, PHAR LA'ANG CHOS ZHUS ZER BA BYUNG YANG LAN CIG MGON PO BYAMS PA PHEBS KYIN YOD CES PA'I SKAD LHANG PA CIG BYUNG BAS, DE DUS CHOS RJE DKA' BZHI PA RGYA MO RI 'PHRENG LA PHEBS PA'I TSOD DU 'DUG ,BSU BA LA THEGS PAS RJE BTZUN 'JAM DBYANGS PHEBS
, ,BYUNG BAR GZIGS, RJE RIN PO CHES MKHAN CHEN PA PHYAG NA RDO RJER DNGOS SU GZIGS 'DUG GSUNG, DE'I NUB MO GRUB CHEN RIN PO CHES RJE LA BLA MA'I RNAL 'BYOR CIG GNANG BAS, RJE RIN PO CHE LA PHYAG NA RDO RJE ZHIG THIM SONG GSUNG, DE NAS TSES BCO LNGA'I THO RANGS SHIG BYAMS PA NYID LA BSLAB BTUS ZHUS ZER BA ZHIG BYUNG BAS, GRUB CHEN GYIS RJE LA BSLAB BTUS ZHUS PAS, GRUB CHEN GYI GZIGS SNANG LA RJE RIN PO CHE'I DBU'I STENG NA RJE BTZUN BYAMS PA, SKU DPUNG G-YAS NA 'JAM DKAR, G-YON NA DBYANGS CAN MA BZHUGS SHING, CHOS SKYONG DANG MKHA' 'GRO MANG POS BSKOR, LHA 'DRE MANG POS CHOS NYAN PAR GZIGS, RJE RIN PO CHES GRUB CHEN RIN PO CHE LA, DGON PA PA NAS SNE'U ZUR PA LA BRGYUD PA DANG, SPYAN SNGA BA NAS BYA YUL BA LA BRGYUD PA'I LAM RIM, GSANG BDAG GI CHOS SKOR SOGS MANG DU GSAN CING, DE'I TSE RJE RIN PO CHE'I GZIGS SNANG LA, GRUB CHEN RIN PO CHE'I DBU'I STENG NA RGYAL BA SH'AKYA THUB BA, G-YAS SU PHYAG NA RDO RJE, G-YON DU GDUGS DKAR CAN BZHUGS PA GZIGS, MDOR NA YI DAM PHYAG NA RDO RJE'I LUNG BSTAN LAS, LAS KYI RDO RJE BLA MA'I MCHOG ,BLO BZANG GRAGS BA SLOB MA'I MCHOG ,BDUD RTZI SMAN MCHOG CHOS KYI MCHOG ,BDE BA CHEN PO ZHING KHAMS MCHOG ,CES DANG, DAD PA THOB PA 'BUM TSO GCIG ,NGES PAR GROL BA LNGA BCU STE, ,
RTZOD MED GRUB THOB BRGYAD DU NGES, ,'GRAN GYI DO MED BLO BZANG YIN, CES GSUNGS PAS, RNAM PAR THAR PA BSAM GYIS MI KHYAB PA YOD DO, ,DE YAN GYIS RGYA CHEN SPYOD RGYUD KYI BLA MA RNAMS KYI RNAM PAR THAR PA MDO TZAM SONG,, ` DA ZAB MO LTA RGYUD KYI BLA MA RNAMS KYI RNAM PAR THAR PA MDOR BSDUS TZAM ZHIG BRJOD PA LA, SMRA BA ZLA MED SH'AKYA'I RGYAL PO'I RNAM PAR THAR PA GONG DU CUNG ZAD BRJOD ZIN, RGYAL BA'I MKHYEN RAB GCIG BSDUS 'JAM PA'I DBYANGS KYI RNAM THAR CUNG ZAD BRJOD PA NI, SNGON BSKAL PA GRANGS MED PA BRGYA STONG GANG+G'A'I KLUNG GI BYE MA SNYED PHRAG BDUN 'DAS PA DE'I YANG PHA ROL NA, 'JIG RTEN GYI KHAMS 'BYUNG BA BZANG PO ZHES PAR, DE BZHIN GSHEGS PA 'BRUG SGRA'I DBYANGS KYI RGYAL PO ZHES PA 'JIG RTEN DU BYON PA'I TSE, RJE BTZUN 'JAM DBYANGS 'DI NYID 'KHOR LOS RGYUR PA'I RGYAL PO NAM MKHA' ZHES PAR GYUR PA, BU DANG, CHUNG MA DANG, GNYEN 'DABS DANG, 'KHOR DU BCAS PA LA LAS GZHAN MED CING MI SKYE BA'I SEMS KYIS, DE BZHIN GSHEGS PA 'BRUG SGRA'I DBYANGS KYI RGYAL PO, NYAN THOS DANG, BYANG CHUB SEMS DPA'I 'KHOR DANG BCAS BA, LO BRGYAD KHRI BZHI STONG GI BAR DU MCHOD NAS, DGE BA'I RTZA BA 'DI, BRGYA BYIN NAM TSANGS PA'AM, NYAN RANG LA SOGS PA GANG GI DON DU BSNGO SNYAM PA LA, STENG GI NAM MKHA' LAS LHA MANG POS SGRA BSGRAGS PA, RGYAL PO CHEN PO DE LTAR SEMS MA BSKYED PAR BLA NA MED BA
, ,RDZOGS PA'I BYANG CHUB TU SEMS BSKYED CIG CES BSKUL BA DANG, RGYAL PO NAM MKHA' SROG CHAGS BYE BA KHRAG KHRIG BRGYA STONG PHRAG BRGYAD CUS YONGS SU BSKOR NAS, DE BZHIN GSHEGS PA 'BRUG SGRA'I DBYANGS KYI RGYAL PO'I DRUNG DU DONG STE SNGAR GYI BYUNG TSUL ZHUS PAS, DE BZHIN GSHEGS PAS BKA' STZAL PA, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GIS SMON LAM CI BTAB PA, , DE 'DRA'I 'BRAS BU THOB PAR 'GYUR, CES BSKUL BAS, RGYAL PO NAM MKHA' DE NYID KYIS BRTZON 'GRUS DANG SNYING STOBS CHEN POS, 'DI LTAR SMON LAM BTAB STE, 'KHOR BA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DAG KYANG SPYAD PAR BYA, ZHES PA DANG, BDAG NYID MYUR PA'I TSUL GYIS NI, ,BYANG CHUB THOB PAR MI SPRO ZHING, ,SEMS CAN GCIG GI RGYU YI NI, ,PHYI MA'I MU MTHAR GNAS PAR BGYI, ZHES RDZI BO LTA BU'I BYANG CHUB KYI MCHOG TU THUGS BSKYED CING, DE DANG LHAN CIG TU 'KHOR SROG CHAGS BYE BA PHRAG NYI SHU YANG BYANG CHUB TU SEMS BSKYED, DE THAMS CAD 'JAM DPAL GYIS, SBYIN SOGS PHAR PHYIN DRUG LA BTZUD, DES SMIN PAR BYAS NAS SANGS RGYAS NAS CHOS KYI 'KHOR LO BSKOR TE, SANGS RGYAS GCIG MA GTOGS GZHAN THAMS CAD MYA NGAN LAS 'DAS ZIN, GCIG NI, 'JIG RTEN GYI KHAMS 'DI NAS 'OG TU DPAG TSAD GANG+G'A KLUNG
BZHI KHRI BZHI STONG GI BYE MA SNYED 'DAS PA NA, 'JIG RTEN GYI KHAMS SA'I DBYINGS ZHES BYA BA NA DA LTA YANG BZHUGS TE DE BZHIN GSHEGS PA SA'I LHA ZHES BYA'O, ,GZHAN YANG RJE BTZUN 'JAM DBYANGS 'DI NYID, CHOS SMRA BA CHOS KYI, RGYAL MTSAN DU GYUR BA'I TSE, BDAG CAG GI STON PA SH'AKYA'I RGYAL PO LA SOGS PA'I BSKAL BZANG GI SANGS RGYAS STONG PO THAMS CAD BYANG CHUB KYI MCHOG TU THUGS BSKYED DU BCUG STE DGE BA'I BSHES GNYEN MDZAD PA YIN TE, DBU MA LA 'JUG PA'I RANG 'GREL LAS, YONGS SU 'DZIN PA'I KHYAD PAR LAS NI 'PHAGS PA 'JAM DPAL BYANG CHUB SEMS PAR 'GYUR BA NYID KYIS, DE BZHIN GSHEGS PA SH'AKYA THUB PA DANG, GZHAN YANG DE BZHIN GSHEGS PA THAMS CAD CHES THOG MA KHO NAR BYANG CHUB TU SEMS BSKYED DU BCUG BAR 'DON PA YIN NO, ZHES GSUNGS PA'I PHYIR, GZHAN YANG, RJE BTZUN 'JAM DBYANGS 'DI NYID KYI THABS LA MKHAS PA CHEN POS, BYANG CHUB TU SEMS BSKYED DU BCUG NAS SANGS RGYAS NAS CHOS KYI 'KHOR LO BSKOR BA'I SANGS RGYAS DE DANG, DE'I MTSAN RKYANG PA BRJOD KYANG BSKAL BA LHAG PAR MI ZAD CING, 'JAM DPAL GYIS BYANG CHUB TU BTZUD PA'I SANGS RGYAS RNAMS KYIS, 'JAM DPAL LA DRIN GZO'I TSUL DU GDUGS SOGS BSKUR BAS STONG GSUM KHEBS PAR BYUNG, YANG LAN CIG SPRUL PA'I KHYIM BDAG CIG GIS BCOM LDAN 'DAS LA LHUNG BZED ZHAL ZAS KYIS BKANG STE PHUL BA NA, 'JAM
, ,DPAL GYIS, BCOM LDAN 'DAS LA ZHAL ZAS KYI PHUNG MA STZAL BAR GSOL NA BYAS PA MI GZO BAR 'GYUR RO ZHUS PAS, 'KHOR GZHAN RNAMS 'JAM DPAL 'DIS, BCOM LDAN 'DAS LA GANG DU PHAN BTAGS BSAMS PA NA, STON PA'I LHUNG BZED 'OG TU SONG STE, 'JIG RTEN GYI KHAMS GANG+G'A'I BYE SNYED BDUN CU RTZA GNYIS 'DAS PA'I 'JIG RTEN DU SONG BA NA, MCHOG ZUNG SOGS LA, LHUNG BZED TSOL BAR BKA' STZAL PAS, 'JIG RTEN GYI KHAMS STONG PHRAG BCU GNYIS TSUN DU BTZAL KYANG MA RNYED PA DANG, 'JAM DPAL RANG LA BKA' GNANG BAS, 'JAM DPAL GYIS STAN DE LA 'DUG BZHIN DU LAG PA BRKYANGS NAS LHUNG BZED BLANGS NAS PHUL LO, , 'JAM DPAL GYIS STONG PA LA PHAN BTAGS TSUL DNGOS NI, SNGON DE BZHIN GSHEGS PA MI THUB RGYAL MTSAN 'JIG RTEN DU BYON PA'I TSE, RJE BTZUN 'JAM DPAL DGE SLONG YE SHES RGYAL POR GYUR BAS LHUNG BZED ZAS KYIS BKANG STE BSNAMS PAS, BDAG CAG GI STON PA KHYI'U DRI MED DPUNG BAR GYUR PAS SLONGS PAS ZAS BYIN NAS, DE BZHIN GSHEGS PA MI THUB RGYAL MTSAN GYI DRUNG DU KHRID NAS SKYABS 'GRO DANG, BYANG CHUB KYI SEMS BSKYED DU BCUG BAS PHAN BTAGS PA'O, ,YANG RGYAL PO MA SKYES DGRAS, PHA GZUGS CAN SNYING PO BSAD, STON PA LA GLANG CHEN RBAD, DGE 'DUN PHO MO'I 'TSO BA BCAD, DGRA BCOM MA SER SKYA BZANG MO CHUNG MAR DBANG MED DU
BKUG PA SOGS KYI SDIG PA CHEN PO BYAS PAS 'GYOD DE, STON PA LA SDIG PA DANG 'GYOD PA SEL BAR ZHUS BAS, STON PAS 'JAM DPAL MA GTOGS GZHAN GYIS KHYOD KYI 'GYOD PA DANG THE TSOM SEL BAR MI NUS GSUNGS PAS, RGYAL POS, 'JAM DPAL DANG, 'OD SRUNGS GNYIS RGYAL PO'I KHAB TU GDAN 'DREN PAR MDZAD 'DOD NAS, SH'A RI'I BU LA, 'JAM DPAL LA 'KHOR DU MCHIS, LNGA BRGYA 'O ZER BA LA, RGYAL POS 'JAM DPAL LA SANGS RGYAL PO'I KHAB TU GDUGS TSOD LA GSHEGS PAR CI GNANG ZHUS PAS, ZHAL GYI BZHES NAS, DE'I SROD LA SHAR PHYOGS SU, DE BZHIN GSHEGS PA BSGRAGS PA'I DPAL GYI DRUNG DU BYON TE, BYANG CHUB SEMS DPA' BRGYAD KHRI NYIS STONG KHRID NAS ZHING 'DIR BYON NAS 'KHOR RNAMS LA SROD DANG, GUNG DANG, THO RANGS CHOS BSTAN TE, 'JAM DPAL 'KHOR BRGYAD KHRI NYIS STONG LNGA BRGYA DANG, 'OD SRUNGS 'KHOR LNGA BRGYA DANG BCAS PA, RGYAL PO'I KHAB TU GSHEGS PA NA, RGYAL POS STONG GI BSHOS GRABS LAS MA TSUD PAS, RGYAL POS PA 'KHUMS PA NA, GNOD SBYIN KU BE RAS LUS DNGOS SU BSTAN NAS RGYAL PO 'JAM DPAL NI THABS LA MKHAS PAS, ZAS GCIG GIS KYANG THAMS CAD KHYED PAR BYED PAS MA 'KHUMS SHIG CES DBUGS DBYUNG, DE NAS GDUGS TSOD LA BAB PA NA, 'KHOR 'DI DAG LA LHUNG BZED MI SNANG BAS 'BRAS CHEN GANG DU BLUG ZER BA LA, 'JAM DPAL GYIS NGA'I 'KHOR
, ,'DI DAG NAM ZA BA NA, RANG GI ZHING NAS LHUNG BZED 'DIR 'ONG NGO ZHES GSUNGS MA THAG ,'KHOR DE DAG RNAMS LA RANG RANG GI LAG TU LHUNG BZED BYUNG ZHING, ZOS ZIN NAS LHUNG BZED RNAMS MKHA' LA 'PHAGS TE SONG, RGYAL POS BSHAMS PA'I BZA' BTUNG RNAMS CUNG ZAD KYANG NYUNG DU MA SONG BAS THAMS CAD NGO MTSAR DU GYUR TO, ,DE NAS 'JAM DPAL GYIS, RGYAL PO LA SDIG PA DANG 'GYOD PA'I NGO BO JI LTAR 'DUG LTOS SHIG CES SOGS DON DAM LA SBYAR BA'I CHOS GSUNGS PAS, RGYAL PO'I 'GYOD PA DANG, THE TSOM THAMS CAD BSAL BAS, RGYAL POS 'JAM DPAL LA YON DU RIN PO CHE'I GOS PHUL BAS, 'JAM DPAL MA MTHONG BAS MYA NGAN DU GYUR PA LA, SU 'DUG 'DUG LA PHUL GCIG ZER BAS, 'OD SRUNGS SOGS LA PHUL BAS KYANG SU YANG MA MTHONG ZHING, MTHAR RANG YANG MA MTHONG BAS BDAG TU 'DU SHES PA'I RNAM RTOG DANG BRAL NAS, STONG NYID KYI TING NGE 'DZIN GYI NGANG DU SONG, TING NGE 'DZIN LAS LANGS PA DANG, 'JAM DPAL LA SOGS PA DNGOS SU MTHONG NGO, ,YANG, SNGON MTSAMS MED KYI LAS BYAS PA'I LAS KYI LHAG MA CUNG ZAD YOD PA LA SPYOD PA'I BYANG SEMS LNGA 'DUG PA, DE DAG DMIGS PA DANG BRAL BAR BYA BA'I PHYIR, 'JAM DPAL GYIS PHYAG G-YAS KYI RAL GRI BLANGS PA BRDAR NAS, BCOM LDAN 'DAS GA LA BA DER BRGYUGS PA DANG, BCOM LDAN 'DAS KYIS NGA NI BSAD ZIN GYIS THONGS SHIG
GSUNGS PAS, BDAG TU DMIGS PA BSAD NAS MED PAR GO NAS, DMIGS PA LA SPYOD PA'I BYANG SEMS LNGA PO DES, DMIGS MED KYI SNYING RJE DANG, CHOS THAMS CAD SGYU MA LTA BUR RTOGS TE, 'JAM DPAL 'DI NI MKHAS PA ZHES SOGS KYIS BSTOD NAS NAM MKHAR 'PHAGS TE, CHOS KUN SGYU MA LTA BU STE, ,YONGS SU RTOGS PA KUN NAS SKYE, ,'DI LA GRUB PA MA MCHIS TE, ,CHOS 'DI THAMS CAD STONG PA LAGS, ZHES SMRAS SO, ,YANG 'JAM DPAL GYIS STONG PA NYID LAS BRTZAMS NAS, SEMS NANG NA YANG MED, PHYI ROL NA YANG MED, BAR NA YANG MED PAS, DE LA NI CI YANG GROL RGYU YANG MED, THOB PA YANG MED, MNGON PAR RTOGS PA MED DO GSUNGS PAS, DE THOS PA TZAM GYIS DGE SLONG MANG PO RNAM PAR GROL, DGE SLONG KHA CIG GIS DE'I DON LA MA DAD NAS, CI YANG GROL RGYU YANG MED NA 'O SKOL CHOS BYAS PA LA DON MI 'DUG PAS 'DENG ZER NAS SONG NGO, ,'JAM DPAL GYIS DE RNAMS 'DUL BA'I PHYIR SPRUL PA'I DGE SLONG CIG SPRUL TE BTANG BAS, DE RNAMS DANG LAM DU PHRAD PAS, KHONG RNAMS NA RE, DGE SLONG GAR 'GRO ZER, SPRUL PA'I DGE SLONG NA RE, DA NI 'JAM DPAL GYIS CHOS BSTAN PA LA MA MOS YID MA CHES NAS 'GRO ZER, KHONG RNAMS NA RE, NGED KYANG 'JAM DPAL GYIS CHOS BSTAN PA LA MA MOS YID MA CHES PAR 'GRO BA YIN PAS 'DENG ZER, DER SPRUL PA NA RE, KHYED KYIS 'JAM DPAL GYIS CHOS
, ,JI SKAD BSTAN PA LA MA DANG ZER, GROL RGYU YANG MED, THOB RGYU YANG MED ZER NAS MA DAD ZER, SPRUL PA NA RE, 'O NA KHYED KYI RTOGS RGYU DANG GROL RGYU DE, GRU BZHI 'AM, ZLUM PO'AM, NAR MO LA SOGS PA DBYIBS, DKAR PO LA SOGS PA KHA DOG ,PHYI DANG NANG LA SOGS PAR JI LTAR 'DUG LTOS SHIG GSUNGS PAS, KHONG RNAMS KYIS, BRTAGS DON BTZAL BAS MA RNYED PAS, SPRUL PA NA RE, DE LA BSAMS NAS 'JAM DPAL GYIS GROL RGYU YANG MED, THOB RGYU YANG MED, MNGON PAR RTOGS RGYU YANG MED PAR GSUNGS PA YIN NO BYAS PAS, DGE SLONG DE DAG THAMS CAD SEMS RNAM PAR GROL PAR GYUR TE, SLAR LOG NAS 'JAM DPAL LA BSNYEN BKUR PHUN SUM TSOGS PA BYAS PA SOGS THABS LA MKHAS PA'I MDZAD PA'I SGO NAS SEMS CAN DPAG TU MED PA'I DON MDZAD, YANG LAN CIG 'JAM DPAL GYIS RGYAL PO GSAL RGYAL GYI BTZUN MO'I KHROD DU DBYAR GNAS PA, RGYAL BYED TSAL DU BYON PA LA, DGE SLONG 'OD SRUNGS MA RANGS PAS, 'JAM DPAL LA SKROD PA'I LAS BYA BA'I PHYIR, GAndI BRDUNGS PA NA PHYOGS BCU'I ZHING THAMS CAD 'JAM DPAL GYIS GANG BAR MTHONG BA DANG, BCOM LDAN 'DAS KYIS 'OD SRUNGS LA, KHYOD KYIS 'JAM DPAL GRANGS MED PA 'DI DAG GI NANG NAS GANG SKROD 'DOD GSUNGS PAS, 'OD SRUNGS SKYENGS TE, GAndI BOR BAR 'DOD KYANG 'JOG MA THUB PAR SGRA RGYUN MI 'CHAD PAR BYUNG BAS, 'JAM DPAL LA
BZOD PAR GSOL BA DANG, GAndI BZHAG THUB BO, ,DE BZHIN DU 'PHAGS PA GANG POS, GCER BU PA BDEN PA PO SOGS MU STEGS BYED MANG PO BDEN PA MTHONG BA'I SNOD DU GZIGS PAS, CHOS BSTAN KYANG MI NYAN CING MA THUL BAR LUS PA NA, 'JAM DPAL GYIS SPRUL PA LNGA BRGYA BKYE NAS BTUL BA SOGS KYI GTAM RGYUD YOD DO, ,'O NA 'JAM DPAL 'DI DA LTA BYANG SEMS RANG RGYUD PA YIN NAM, SANGS RGYAS ZIN GANG YIN SNYAM NA, 'DI NYID SNGON DE BZHIN GSHEGS PA KLU RIGS MCHOG TU SANGS RGYAS PA DANG, MDO KHA CIG TU KLU RIGS SGRON MAR SANGS RGYAS PAR GSUNGS, GZHAN YANG, 'JAM DPAL GYIS RAB 'BYOR LA, KHO BO NI YANG DAG PAR RDZOGS PA'I SANGS RGYAS YIN TE BYA BA'I RGYUN BCAD PA NI MA YIN NO, ZHES RGYU MTSAN DANG BCAS PA GSUNGS SHING, 'JAM DPAL ZHING BKOD KYI MDO LAS, 'DI NI DE BZHIN GSHEGS PA'I STOBS BCU YONGS SU RDZOGS SO, ,'DI BYANG CHUB SEMS DPA'I SA BCU YONGS SU RDZOGS SO, ,'DI SANGS RGYAS KYI SA YONGS SU RDZOGS SO, ZHES SOGS MANG DU GSUNGS, DE LTAR SANGS RGYAS ZIN KYANG, SLAR DAG LA RDUL MED PAS SAGS PA ZHES BYA BA'I ZHING DU RGYAL BA KUN TU GZIGS SU 'TSANG RGYA BA'I TSUL STON TO, ,ZHING DE NI LHO PHYOGS SU 'BYUNG ZHING 'JIG RTEN GYI KHAMS MI MJED 'DI NYID KYANG ZHING DE'I KHONGS SU CHUD PAR GSUNGS, ZHING DE'I RGYA KHYON NI GANG+G'A'I KLUNG DU MA'I BYE MA SNYED KYI GRANGS DANG MNYAM PA'I ZHING GI
, ,THA GRU DANG MNYAM ZHING, MTHO KHYAD SRID PA'I RTZE MO DANG MNYAM PA 'OG GZHI RIN PO CHE SNA TSOGS LAS GRUB PA, ZHING DER MI KHOM PA DANG, SDUG BSNGAL MI DGE BA'I SGRA DANG, SKYON DU 'GYUR BA'I SGRA MED CING, SGRA 'BYUNG BA RNAMS KYANG CHOS KYI SGRAR 'BYUNG, SANGS RGYAS KYI ZHING GZHAN GYI SNOD KYI YON TAN KUN 'DI'I SNOD KYI ZHING LA TSANG BA YIN LA, ZHING DE'I DBUS NA, BYANG CHUB KYI SHING STONG GSUM GYI STONG CHEN BCU'I 'JIG RTEN GYI KHYON DANG MNYAM PA, DE'I RTZA BAR SENG GE CHEN PO BRGYAD KYIS BTEG PA'I RIN PO CHE'I KHRI'I STENG NA RGYAL BA KUN TU GZIGS SKU MDOG GSER BCO MA LTA BU RDO RJE'I SKYIL MO KRUNG GIS BZHUGS SHING, PHYAG G-YAS SKYABS SBYIN, G-YON MNYAM GZHAG MDZAD PA SKU'I TSAD DPAG TSAD BRGYAD KHRI BZHI STONG DANG LDAN PA, ZHING DE'I GDUL BYA RNAMS KYIS SKU BLTA BAR 'DOD TSE, KHRI'I STENG NA SKU BZHUGS PA, RANG GI MDUN DU BZHUGS PAR MTHONG PA'I MOD LA, CHOS ZHU MI DGOS PAR CHOS KYI TSIG DON MTHA' DAG KHONG DU TSUD NAS MKHAS PAR 'GYUR BA YIN, ZHING DE NA, NYAN RANG, BUD MED, MNGAL NAS SKYE BA MED CING, ZHE SDANG DANG, THA BA 'CHAB PA MED PAR TSANGS PAR SPYOD PA'I CHA LUGS CAN, NAM MKHA' LA SKYIL MO KRUNG BCAS PA RDZUS TE SKYE BA, SKU DPAG TSAD BZHI KHRI NYIS STONG YOD PA BYANG CHUB SEMS DPA' SHA STAG ,MNGON SHES LNGA DANG LDAN PA, BZA' BTUNG YID LA 'DOD PA'I TSE,
RO MCHOG DANG LDAN PA'I BZA' BTUNG GIS GANG BA'I SNOD LAG PA G-YAS PAR 'BYUNG, DE YANG GZHAN LA PHUD MA PHUL BAR RANG GIS SPYOD PA TSUL MA YIN NO SNYAM NAS RDZU 'PHRUL GYIS PHYOGS BCU'I SANGS RGYAS 'KHOR DANG BCAS PA LA PHUL, PHONGS SHING SDUG BSNGAL BA DANG, YI DVAGS RNAMS TSIM PAR BYAS TE, RANG GI ZHING DU 'ONGS NAS LONGS SPYOD PAR BYED CING, DE BZHIN DU GOS DANG LONGS SPYOD GZHAN LA YANG DE LTAR BYED DO, ,DES NA SANGS RGYAS GZHAN THAMS CAD KYI MTSAN BRJOD PA LAS, 'JAM DPAL GYI MTSAN BRJOD PA PHAN YON CHE ZHING, DE BAS KYANG RGYAL BA KUN TU GZIGS KYI MTSAN BRJOD PA PHAN YON CHE BA YIN TE, ZHING BKOD KYI MDO LAS, RIGS KYI BU DAG SANGS RGYAS BYE BA KHRAG KHRIG PHRAG 'BUM GYI MTSAN BRJOD PA BAS NI, GANG GIS 'JAM DPAL GZHON NUR GYUR PA'I MING BRJOD PA BSOD NAMS CHES MANG DU BSKYED NA, BCOM LDAN 'DAS KUN TU GZIGS KYI MTSAN BRJOD PA LTA CI SMOS, DE CI'I PHYIR ZHE NA, 'JAM DPAL GZHON NUR GYUR PAS BSKAL PA RE RE ZHING, SEMS CAN GYI DON JI SNYAD DU BYAS PA'I SEMS CAN GYI DON DE NI, SANGS RGYAS BYE BA KHRAG KHRIG 'BUM GYIS KYANG MA MDZAD DO, ZHES GSUNGS PA'I PHYIR, 'O NA, 'JIG RTEN GYI KHAMS BDE BA CAN DANG, KUN GZIGS KYI ZHING GNYIS GANG KHYAD PAR 'PHAGS NA, BDE BA CAN GYI YON TAN NI, RGYA MTSO CHEN PO NAS SKA'I RTZE MOS BLANGS PA'I CHU THIGS GCIG TZAM, KUN TU GZIGS KYI ZHING GI
, ,YON TAN NI RGYA MTSO CHEN PO'I CHU'I MANG NYUNG LTA BU YIN NO, ,'O NA, RGYAL BA KUN TU GZIGS BA'I ZHING KHAMS LTA BU GZHAN YOD DAM MED SNYAM NA YOD DE, DE BZHIN GSHEGS PA KUN GZIGS KYI ZHING DANG, DE BZHIN GSHEGS PA KUN NAS 'OD ZER YON TAN RTAG TU MNGA' BA RGYA MTSO'I RGYAL PO'I ZHING SMON LAM LA RAB TU GNAS PA MNGON PAR 'PHAGS PA GNYIS LA YON TAN LHAG CHAD MED, GZHAN YANG RGYAL BA KUN TU GZIGS PA'I ZHING KHAMS LTA BU YOD DE, BYANG CHUB SEMS DPA' 'OD KYI TOG DANG, BYANG CHUB SEMS DPA' YE SHES BLA MA DANG, BYANG CHUB SEMS DPA' DBANG PO ZHI BA DANG, BYANG CHUB SEMS DPA' SMON LAM BLO GROS RNAMS KYI ZHING YANG DE DANG 'DRA BAR GSUNGS PAS, BYANG CHUB SEMS DPA' BRGYAD KHRI BZHI STONG GIS KYANG, 'JAM DPAL GYI ZHING LTAR BSGRUB PA'I SMON LAM BTAB PAS, DE DAG GI NANG NAS BYANG CHUB SEMS DPA' BCU DRUG GIS 'JAM DPAL GYI ZHING LTAR 'GRUB CING, LHAG MA RNAMS KYIS DE LTAR MI 'GRUB KYANG, BDE BA CAN LTAR 'GRUB PAR GSUNGS SO, ,'O NA BDE BA CAN GYI GDUL BYA DANG, RGYAL BA KUN TU GZIGS PA'I GDUL BYA LA MANG NYUNG GI KHYAD PAR JI LTAR YOD NA, KHYAD PAR YOD DE, BDE BA CAN NA NYAN THOS YOD CING, RGYAL BA KUN TU GZIGS PA'I ZHING KHAMS RDUL MED YANG DAG BSAGS NA, 'KHOR BYANG CHUB SEMS DPA' SHA STAG ,BDE BA CAN GYI GDUL BYA, TIL GYI RDZANG BA ZHIG GI TIL
'BRU GCIG LTA BU, RGYAL BA KUN TU GZIGS PA'I ZHING GI GDUL BYA'I GRANGS RDZANG NANG GI TIL BYINGS PO TZAM GYI TSOD YIN PAR GSUNGS, GZHAN YANG RGYAL BA KUN TU GZIGS PA'I ZHING KHAMS SU SKYE BAR SMON LAM BTAB PAS, LONGS SKU DANG SPRUL SKU'I ZHING THAMS CAD DU SKYE BA'I SMON LAM BTAB PAR 'GRO ZHING, 'JAM DPAL DANG, RGYAL BA KUN TU GZIGS LA YI DAM BYAS PAS, MDO SNGAGS KYI LHA TSOGS THAMS CAD LA YI DAM BYAS PAR 'GRO BAR, 'JAM DPAL ZHING BKOD KYI MDO 'GREL BO DONG BA 'JAM DBYANGS RAL GRIS MDZAD PA LAS 'BYUNG, DES NA ZHING DER SKYE BA'I RGYU'I GTZO BO NI, ZHING DE'I YON TAN YID LA YANG YANG SEMS BA, BYANG CHUB TU SEMS BSKYED PA, SPYOD PA PHYIN DRUG GI GSAL BA'I DBYE BA MTHA' DAG LA SLOB BA, 'JAM DPAL DANG, RGYAL BA KUN TU GZIGS KYI MTSAN NAS BRJOD PA SNGAGS BZLA BA, DE GNYIS KYI SKU BZHED BA, DE'I GSUNG RAB 'BRI KLOG SOGS YIN NO, ,MNGON DGA' BDE BA CAN DANG RMAD BYUNG BKOD, ,KUN TU GZIGS PA'I ZHING GI YON TAN RNAMS, ,MA LUS BDAG GI ZHING LA TSANG BA DANG, ,RGAL DKA'I 'GRO BA GANG DE SGROL BAR SHOG , ` ZAB MO'I DON GZIGS 'PHAGS MCHOG KLU SGRUB NI, 'JAM DPAL RTZA BA'I RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD BYUNG, ,BSTAN PA LA NI DAD CING PHAN, CES SOGS DANG, SPRIN CHEN PO'I MDO LAS,
, ,KUN DGA' BO LI TZA BYI GZHON NU SEMS CAN KUN GYIS MTHONG NA DGA' BA ZHES BYA BA NI, NGA MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS, ZHES SOGS DANG, LANG KAR GSHEGS BA LAS, LHO PHYOGS BE DE'I YUL DU NI, ,DGE SLONG DPAL LDAN CHER GRAGS PA, ZHES SOGS LUNG BSTAN CING, SLOB DPON KLU SGRUB LA LUNG BSTAN PA BRGYA TZAM YOD PA, RGYA GAR NA GRAGS SO, ,DE YANG BRAM ZE PHUN SUM TSOGS PA CIG LA BU MED PA NA, RMI LAM DU BRAS ZE BRGYA LA CHOS STON DRANGS NA BU RNYED PA'I LUNG BSTAN BYUNG BAR DE LTAR BYAS BAS, BU GCIG BTZAS TE MTSAN MKHAN LA BSTAN PAS, MTSAN BZANG MOD KYI ZHAG BDUN GYI TSE LAS MED ZER BAR, THABS CI YOD DRIS PAS, BRAM ZE BRGYA LA CHOS STON DRANGS NA ZLA BA BDUN DANG, DGE SLONG BRGYA LA CHOS STON DRANGS NA LO BDUN 'TSO, DE NAS THABS MED ZER BAS, DE LTAR BYAS TE LO BDUN DU NYE BA, NA, BU'I RO MTHONG BA PHA MAS MA BZOD PAS, G-YOG DANG BCAS PA LA BYAM DU BTANG NGO, ,DE NAS RIM GYIS SONG STE KHA SARP'A nI'I ZHAL BLTAS TE, RIM GYIS DPAL N'A LANDRA'I SA RA HA'I SGO DRUNG DU SONG STE, SNYAN DANG GAS KYI RIG BYED DAG SMRENG BA NA, NANG DU KHRID NAS JI LTAR GYUR PA'I RGYU MTSAN BSHAD PAS, RAB TU 'BYUNG NUS NA THABS YOD GSUNGS BAS, PHYIS RAB TU 'BYUNG BAR KHAS BLANGS TE, TSE DPAG MED 'CHI BDAG 'JOMS PA'I DKYIL 'KHOR DU
DBANG BSKUR NAS GZUNGS 'DON DU BCUG ,KHYAD PAR LO BDUN PA'I NUB MO MTSAN THOG THAG BTON PAS, 'CHI BDAG GI CHAD BA LA GROL, LO BRGYAD LON PA NA RAB TU BYUNG NAS, SHES BYA RIG PA'I GNAS RNAMS DANG, THEG PA CHE CHUNG THAMS CAD LA MKHAS PAR SBYANGS SO, ,PHYIS PHA MA DANG MJAL CING BRAM ZE CHEN PO DE NYID LAS DPAL GSANG BA 'DUS PA LA SOGS PA'I GSANG SNGAGS KYI CHOS MANG DU ZHUS PAS, RGYUD DANG SNYAN RGYUD KYI GDAMS PA DANG RJES SU BSTAN PA MA LUS PA GNANG ZHING, DE NYID LA MKHAN PO ZHUS TE BSNYEN PAR RDZOGS PAR MDZAD DE, MTSAN DGE SLONG DPAL LDAN ZHES GRAGS SHING, DE'I TSE DE'I MKHAN POS LO BCU GNYIS MU GE YONG BAS, DGE 'DUN RNAMS KYI ZHAL TAR DGE SLONG DPAL LDAN BSKOS TE SA RA HA DPAL GYI RI LA GSHEGS SO, ,DE NAS SLOB DPON GYI DGONGS PA LA, GSER 'GYUR GYI RTZI BYAS LA, DKON MCHOG DANG, DGE 'DUN GYI ZHABS TOG BYA'O SNYAM DU DGONGS TE, SLOB DPON BHA LI BA LA GSER 'GYUR GYI GDAMS BA ZHUS, GLING BAR NAS GSER 'GYUR GYI RDZAS RNAMS BLANGS TE GSER 'GYUR BYAS BAS MA GRUB, CHANG TSONG MA ZHIG GI SKYA BA GSER DU 'DUG PA MTHONG NAS, DE LA ZHUS PAS GRUB NAS ZANGS RNAMS GSER DU BRGYUR CING, MU GE MA BYUNG BA'I SA NAS 'BRU MANG PO DRANGS TE DGE 'DUN GYI 'TSO BA SBYAR, DE'I TSE YUL PHYOGS KYI MI STOBS MED RNAMS SHI ,STOBS CAN RNAMS GZHAN DU DENGS TE YUN
, ,STONGS PA TZAM DU GYUR, DE LTAR GYUR PA PAndI TA RNAMS KYIS RIG NAS, KHYED KYIS DGE 'DUN LA MA ZHUS PAR GSER 'GYUR BYAS PAS, DGE 'DUN LOG 'TSO LA SBYANG BAS, GNAS NAS PHYUNG LA, GTZUG LAG KHANG DANG MCHOD RTEN BYE BA GYIS ZHES ZER TO, ,DE'I TSE DGE SLONG BDE BYED CES PAS, RIGS PA'I RGYAN CES BYA BA'I GZHUNG 'BUM PHRAG BCU GNYIS PA BYAS NAS THAMS CAD SUN 'BYIN PA BYUNG BAS, DE'I GNYEN BOR CHOS SDE SNOD MANG PO GSUNGS SHING LHA BA LOG PA RNAMS SUN PHYUNG, DE'I TSE BYIS PA GNYIS CHOS NYAN DU 'ONGS PA'I DRI ZHIM POS 'KHOR KUN TU KHYAB PAR GYUR CING, SONG BA DANG DRI MED PAR GYUR BA DANG, DE'I RGYU MTSAN DRIS PAS DE DAG NA RE NGED KLU'I RGYAL PO 'JOG PO'I BU YIN, MI YUL DU 'GRO BA LA TZANDAN GOR SHIRshA'I BSRUNG BA BYAS PA YIN ZER TO, ,TZANDAN DE BLANG DU YOD DAM DRIS PAS, YAB LA DRI YIS ZER NAS DRIS PAS, SLOB DPON KLU'I YUL DU 'BYON NA 'BUL ZER NAS ZHAL GYIS BZHES TE KLU'I YUL DU BYON, KLU'I MKHAR SGON BZHUGS PAS KLU'I RGYAL PO NA RE, DUG GIS MI TSUGS NA NANG DU BYON ZER NAS NANG DU BYON, KLU 'KHOR DANG BCAS PA LA CHOS BSTAN, KLU RNAMS KYIS BZHUGS PAR ZHUS PAS, NGA MCHOD RTEN BYE BA BZHED PA'I 'DAM TSOL BA DANG 'BUM GDAN 'DREN DU 'ONGS KYI BSDANG MI KHOM PHYIS 'ONG SRID GSUNGS TE, 'DAM MANG PO DANG, 'BUM DANG YI GE NYUNG DU GDAN DRANGS TE, 'BUM GYI ZHABS NAS
BAG TZAM MA BSKUR CES GRAG GO, ,DE NAS 'DAM DES MCHOD RTEN LA SOGS BA BYE BA BYAS, KLU RNAMS KYIS GROGS BYAS PAS, DE NAS KLU SGRUB TU MTSAN CHAGS, DE NAS LI KHA RA SHING 'PHEL DU PHEBS, GSER 'GYUR MDZAD DE SBYIN PA RGYA CHEN PO MDZAD NAS, BRAM ZE RGAN RGON GNYIS LA GSER MANG PO GNANG BAS DAD DE, RGAN BOS NYE GNAS BYAS CHOS MNYAN TE SHI NAS SLOB DPON KLU'I BYANG CHUB TU GYUR TO, ,GZHAN YANG LHA KHANG MANG PO BZHENGS SHING, DRIL BU LTA BU'I BRAG GSER DU BSGYUR BAR RTZOM PA'I TSE, SGROL MA'I SPRUL BA RGAN MO'I RNAM PA CAN CIG GIS, DE BAS MCHOG BSGRUBS NA DON CHE BAS, DPAL GYI RI LA SGRUB PA GYIS SHIG GSUNGS TE, DER SGROL MA'I SGRUB THABS KYANG MDZAD DO, ,DE NAS SGRA MI SNYAN DU 'BYON PA'I LAM KHAR BYIS PA CIG DZE TA KA'I LAG BRIS LAS RGYAL POR LUNG BSTAN NAS SGRA MI SNYAN DU PHEBS, DER NA BZA' SHING LA BKAL NAS KHRUS MDZAD PAS, DE GZHAN GYIS KHYER BA LA NGA YI YIN GSUNGS PAS NGA BDAG CAN ZER, DE NAS SGRA MI SNYAN NAS TSUR PHEBS TSE SNGAR GYI RGYAL POR LUNG BSTAN PA'I BYIS PA DE RGYAL POR GYUR PA RGYAL PO BDE SPYOD BZANG PO'I MCHOD GNAS SU LO GSUM BZHUGS NAS DPAL GYI RIL BYON, DE NAS KHYAB 'JUG PHRAG DOG GIS MA BZOD PAR YOD PA LA, THABS GZHAN MA RNYED PAR, RGYAL PO BDE SPYOD KYI BTZUN MO'I MNGAL DU ZHUGS PA PHYIR BTZAS PAS RGYAL BU GZHON NU NUS LDAN DU GRAGS PA LA, MAS GOS SHIG BYIN PAS, BU NA
, ,RE 'DI DA LTA SPOS LA NGA RGYAL SRID SKYONG BA NA BGO BAR BYA'O ZHES ZER BAR, MAS KHYOD KYI PHA SLOB DPON KLU SGRUB DANG TSE MNYAM PA'I BCUD LEN GRUB PAS, SLOB DPON MA GRONGS BAR DU MI MCHI BAS, KHYOD RGYAL SRID SKYONG BA MI YONG ZER BAS, BU MYA NGAN SKYES TE DUS BA DANG, MA NA RE, DU MI DGOS KYIS, SLOB DPON BYANG CHUB SEMS DPA'I SPYOD PA RLABS PHO CHE LA GNAS PAS, DBU BSLANGS NA STER BAR 'GYUR ZHING, DER YAB KYANG 'GUM PAS KHYOD KYIS RGYAL SRID THOB PAR 'GYUR RO ZER, DE NAS RGYAL BUS SLOB DPON GYI DRUNG DU PHYIN NAS DBU BSLANGS PAS STER BAR ZHAL GYIS BZHES PAS, RAL GRIS DBU BCAD KYANG MCHOD PAR, SLOB DPON GYI ZHAL NAS, NGAS SNGON 'JAG MA ZHIG BCAD PA'I ZHAR LA 'BU GCIG GI SKE BCAD PA'I NYES PA YOD PAS RTZA KU SHAS CHOD CIG GSUNGS NAS BCAD PAS CHOD, DE'I TSE KHRAG 'O MAR BYUNG ZHING DBU DE'I ZHAL NAS, NGA NI 'DI NAS BDE BA CAN DU 'GRO, PHYI NAS LUS 'DI LA NI 'JUG PAR GYUR, CES PA'I TSIG BYUNG BAR GRAG ,DE NAS RGYAL BU DES DBU SLAR 'BYAR GYIS DOGS NAS DPAG TSAD TZAM DU DOR BA, SLOB DPON BCUD LEN GRUB PAS SKU LUS DANG DBU RDO RU GYUR CING, MTHAR DANG BA'I 'OD CES BYA BA'I 'JIG RTEN DU, DE BZHIN GSHEGS PA YE SHES 'BYUNG GNAS SU 'TSANG RGYA BAR GSUNGS SO,, ` DPAL LDAN ZLA BA GRAGS PA NI, BRAM ZE PHO MO GNYIS LA BU MED PAR DBANG PHYUG CHEN PO LA GSOL
BA BTAB PAS, BU GCIG BYUNG BA MKHUR TSOS GNYIS LA SHA MTSAN YOD PA, MTSAN MKHAN LA BSTAN PAS, KHYED KYI DON MI 'GRUB STE, ,'DI YI MING NI ZLA GRAGS TE, ,CHOS KUN STONG PAR SMRA BAR 'GYUR ZHES, LUNG BSTAN PAS, PHA MA GNYIS MA DGA' BAS, RANG RE GNYIS, DBANG PHYUG CHEN PO LA GSOL BA BTAB NAS ZHU ZER NAS YANG YANG GSOL BA BTAB PAS, NAM ZHIG NA DBANG PHYUG CHEN PO BYUNG NAS, 'DI NI NGA YI RIGS 'DAS NAS, ,SGRA GCAN 'DZIN NAS BDUN 'DAS PA'I, ,MKHAN PO ZLA BA MGON PO LA, ,RAB BYUNG DGE SLONG CHEN POR 'GYUR, ,N'A LANDA RU RAB BYUNG NAS, ,SANGS RGYAS BSTAN PA 'DZIN PAR 'GYUR, ,ZHES LUNG BSTAN PA LA, PHA MA GNYIS MA DGA' NAS, 'DI SHI NA DGA' STE 'CHIR MI 'DOD, ,GSOD NI MI PHOD, RAB TU BYUNG NAS MED NA DGA' ZER NAS, BU KHRID NAS N'A LANDAR PHYIN NAS MKHAN PO ZLA BA MGON PO LA RAB TU BYUNG ZHING MTSAN NI MA SPOS SO, ,DER THOS BSAM SGOM PA DANG, DGE 'DUN GYI LAS GANG YANG MI BYED PAR ZOS KYIN NYAL SDOD PA CIG BYUNG BAS, DGE 'DUN RNAMS KYIS, ,'DI SNGAR MU STEGS PA YIN PAS, DA DUNG MU STEGS PAR LDOG PAR 'DUG, ,'DI SGYU THABS SU GNAS NAS DA GZOD 'O SKOL LA GNOD NAS 'ONG, 'DI NI LAS NGAN SME SHA CAN, ,MU STEGS NYID KYANG MA DOR BAS, ,DGE 'DUN BYA BA MI BYED DE, ,'DI YIS GNOD SKYEL 'DON BAR RIGS BYAS
, ,BAS, MKHAN POS MA BTON PAR SHIN TU DGYES SO, ,DE NAS MKHAN BOS SDIG GSOG PAR 'DUG PAS, KHYOD KYIS GNYER CIG GYIS, KHYED RANG GI GROGS NYI MA GRAGS GROGS LA BTANG GIS GSUNGS NAS; GNYER MDZAD NAS MA HE DANG BA LANG LA SOGS PA NAGS LA YAN DU BCUG NAS, RI MO'I BA ZHIG BYAS NAS YOD PA LA, DGE 'DUN RNAMS KYIS MA HE LA SOGS PA NAGS LA BRGYAB NAS, DA 'DI CI BYED, NYI MA GRAGS PAS G-YOG BYAS NAS ZHO DANG 'O MA MANG PO KHYER BYUNG BAS NYI MA GRAGS KYIS MA HE SOGS RI LA BRGYAB NAS ZHO DANG 'O MA 'DI TZAM 'ONG BA CI YIN BYAS NAS, CI LTAR BYED BLTAS PAS, RI MO'I BA LAS BZHOS NAS 'ONG BA MTHONG BA GSANGS NAS BSDAD PAS, DE NAS GNYER THON NAS 'BRAS LA SOGS PA MANG PO GTAD PAS, KHYOD KYIS MA HE SOGS RI LA BRGYAB NAS, 'BRAS DANG MAR LA SOGS PA MA ZAD PA CI LAS BYUNG ZER BA LA, NYI MA GRAGS NA RE, DPAL LDAN ZLA BA GRAGS PA YIS, ,RI MO'I BA LAS ZHO BZHOS NAS, ,DGE 'DUN 'TSO BA LEGS PAR BSGRUBS, ,BYAS PAS, MKHAN PO NA RE, SEMS LA DBANG THOB PAS RI MO'I BA LAS ZHO 'JONG NGO MTSAR CHE GSUNG, YANG LAN CIG, TUR shKA'I DMAG BYUNG NAS N'A LANDAR ZLA BA PHYED KYI LAM NA SLEBS ZER NAS, PAndI TA DANG, NUS PA CAN THAMS CAD LA DMAG BZLOG PA'I THABS YOD DAM ZHUS PAS, THABS MA BYUNG
BA'I TSE, N'A LANDA'I CHOS SKYONG GI THUGS KA NAS, BYA ROG CIG BYUNG NAS, ZLA BA GRAGS PA LA ZHUS ZER NAS ZHUS PAS, ZLA BA'I ZHAL NAS THABS YOD KYIS, RDO'I SENG GE GCIG GYIS LA, SANGS RGYAS BA RNAMS KYIS DKON MCHOG GSUM LA GSOL BA THOB, MU STEGS PA RNAMS KYIS KYANG DBANG PHYUG CHEN PO LA GSOL BA THOB CIG GSUNGS NAS, DER RDO'I SENG GE BCOS ZIN PA DANG, DE GAS SHING, DE'I NANG NAS MI GCIG BYUNG NAS, NGAS BYA DGOS ZER LEGS PA CIG BCOS ZIN PA DANG, ZLA BA GRAGS PA PHEBS NAS, N'A LANDA'I BYANG PHYOGS SU DPAG TSAD BCO LNGA BA'I BAR GYI RDO'I SENG GE BZHAG PA CAN DU DMAG RNAMS SLEBS BYUNG BA NA, DMAG RNAMS SLEBS BYUNG NGO BYAS KYANG SENG GE 'GROR MA 'DOD PA LA, DGE 'DUN RNAMS NA RE, 'DIS BSLUS 'O SKOL PHUNG PO ZER BA LA, SLOB DPON ZLA BA GRAGS BA KOG GIS BZHENGS NAS TZANDAN GYI DBYUNG PA 'DOM GANG PA CIG KHYER NAS SENG GE'I MGO LA THENG GSUM BRGYAB PAS, G-YU RAL LAN GSUM SPRUGS NAS DMAG THAMS CAD BSAD NAS SENG GE'I GDONG BA KHRAG TU SONG NAS 'DUG PAS, DE'I DUS SU RGYAL PO STOBS LDAN GZHON NUS, DPAL LDAN ZLA BA GRAGS PA YIS, ,STOBS LDAN RDO YI SENG GE BSKUL, ,TU RUshKA YI DMAG BZLOG KYANG, ,SHI RMAS MED PA NGO MTSAR CHE, ZHES ZER TO, ,DE NAS DGE 'DUN RNAMS NA RE, 'DI ZLA BA GRAGS PA'I NUS PA MIN,
, ,DGE 'DUN RNAMS KYIS RAB GNAS BYA DGOS ZER NAS, RAB GNAS BYAS PAS SENG GE SA'I NANG DU NUB PAS, MKHAN PO NA RE 'DI ZLA BA GRAGS PA SEMS LA DBANG THOB PA'I BYIN RLABS YIN GSUNG, YUNG SLOB DPON NAGS NA SGOM GYIN BZHUGS PA LA NAGS LA ME SHOR BA'I TSE, N'A LANDA PA LA SOGS PA'I YUL MI RNAMS KYIS BLTAR PHYIN PAS, SHING GI LHA MO ZHIG GIS RO STOD BTON NAS, BYAMS MGON SNYING RJE'I BLO CAN NYID, ,ME YIS MI 'TSIG CHUS MI 'KHYER, ,RLUNG GIS 'THOR BAR GA LA NUS, ,ZHES ZER KYANG MI RNAMS KYIS PHYIN PAS, SLOB DPON GYI RTZA'I SPYIL BU'I 'DOM GANG TSUN CHAD MES MA TSIG PAR 'DUG CING, SLOB DPON GYI ZHAL NAS, NGA YI BLA MA KLU SGRUB KYIS, ,SKYE BA MED PA'I MES DNGOS PO'I, ,BUD SHING THAMS CAD BSREGS PA YIN, ,MKHAN PO YIS KYANG BSREGS PA YIN, ,NGAS KYANG SKYE BA MED PA'I MAS, ,DNGOS PO'I BUD SHING BSREGS PA YIN, ,DNGOS PO'I ME YIS GA LA TSUGS ZHES GSUNGS, MNGON PAR SHES PA THOGS MED KYANG MNGA' BA YIN TE, MU STEGS KU MA RI KA NA RE, SLOB DPON LA MNGON SHES YOD PA MI BDEN YOD, BDEN NA BRGYA BYIN DA LTA CI BYED DRIS PAS, SLOB DPON GYI GSUNG NAS BRGYA SBYIN DNGOS NI SUM CU RTZA GSUM NA YOD LA, SPRUL PA CIG DGA' LDAN NA BYAMS PA LA CHOS NYAN GYI YOD GSUNGS PAS, KU MA RI YID MA CHES PA LA, SLOB
DBON GYIS PHYAG YAB MDZAD PAS, BRGYA BYIN DNGOS 'ONGS PA DE KHOS MA MTHONG, YANG PHYAG YAB MDZAD PAS, SPRUL PA 'ONGS PA KHOS MTHONG NAS, KHYOD BRGYA BYIN YIN NAM BYAS PAS DNGOS MIN, DNGOS YIN NA MIG STONG YOD PA LAS, NGA LA RJES LAS MED ZER NAS, BLTAS PAS RJES LAS MI 'DUG PAS KU MA RI YID CHES SO, ,DES NA SLOB DPON 'DI NYID PAndI TA RNAMS KYI MCHOG TU GYUR PA YIN TE, N'A LANDA NA PAndI TA MANG PO YOD KYANG, MU STEGS KYI RGOL BA TSAR GCOD MI NUS NA PHYIR CHOS 'CHAD MI NUS LA, SLOB DPON 'DI NYID PHYIR CHOS 'CHAD PA NA, LHO PHYOGS KYI MKHAS PA CHEN PO TZANDRA GOO MI SLOB DPON GYI DRUNG DU 'ONGS TE, 'DUD PA MA BYAS PAR BSDAD PA LA, SLOB DPON ZLA GRAGS KYI DGONGS PA LA RTZOD DAM BGRO BAR 'DOD PA CIG 'ONGS PA YIN TE, PHYOGS GANG NAS 'ONGS, CHOS CI SHES DRIS PAS, LHO PHYOGS NAS 'ONGS, SGRA PAnI, SHER PHYIN TSUL BRGYA LNGA BCU PA, 'JAM DPAL MTSAN BRJOD SHES ZER, SGRA DANG, MTSAN NYID KYI RTZA BA DANG, SNGAGS KYI RTZA BA SMOS PAS, LUNG RIGS LA MKHAS PAR KHAS BLANGS KYANG, TSIG KHENGS SGYUNG BAR 'DUG PAS, TZANDRA GOO MI MIN NAM DRIS PAS, DE LTAR 'JIG RTEN PA RNAMS 'DOGS SO GSUNGS, 'O NA, PAndI TA CHEN PO THOG BABS SU PHEBS PA MA LEGS, BSU BA BYA DGOS PAS RE SHIG PHYIR GSHEGS SHIG BSU BA BGYI'O BYAS NAS, CHOS MCHAD 'PHRO BCAD DE, GAndI BRDUNGS PAndI TA
, ,RNAMS BSAGS TE, 'DIR MKHAS PA CHEN PO TZANDRA GOO MI BYON GYIS, BSU BA BYA DGOS PAS SHING RTA GNYIS CHOS LA, GCIG LA 'JAM DPAL GYI SKU BZHUGS, GCIG LA TZANDRA GOO MI BZHUGS LA MCHOD PA'I TSOGS KYIS SPYAN DRONGS SHIG CES BSGOS TE, DE LTAR BGYIS PA'I CHE, 'JAM DPAL LA TZANDRAN BSTOD PAS, SKU DE DGYES TE SLOB DPON LA ZHAL PHYIR GZIGS TE, DE LTA YANG N'A LANDAN BYIN RLABS CAN SHING SKU MJING YON TU GRAGS PA BZHUGS, DE NAS TZANDRA GOO MI N'A LANDAR BYON PA LA BSNYEN BKUR CING, ZLA GRAGS DANG GDAN 'DZOM, PHAN TSUN CHOS KYI 'GRO BA MDZAD PAS, ZLA GRAGS KYIS GANG DRIS PA'I LAN THOGS MED DU BTAB, TZANDRAS SPYAN RAS GZIGS LA DRIS SHING LAN THOGS BCAS SU 'DENGS, DE'I TSE ZLA BAS GZIGS PAS, SPYAN RAS GZIGS KYI RDO SKU BZHUGS PA'I KHANG BA NAS BYUNG BAS, LAN CIG DER SONG STE RGYAB NAS NYAN BAS, CHOS 'CHAD CING 'DUG PA DANG, ZHAL LTA DGOS DGONGS TE NANG DU PHYIN PA DANG, SPRUL SKU ZHAL BRTUL TE, DER SLOB DPON GYIS SA THE BTZUGS NAS, KHONG LA ZHAL STON PA LTAR BDAG LA'ANG BSTAN DU GSOL, CES GSOL BA BTAB PAS, MNAL LAM DU BYON TE, KHYOD 'JAM DPAL GYIS BYIN GYIS BRLABS PA'I MKHAS PA CHEN PO YIN PAS, NGAS BYIN GYIS BRLABS MI DGOS, TZANDRA GOO MI LA CUNG ZAD BYIN GYIS BRLABS PA YIN GYIS DE SKAD MA ZER
GSUNG, MNAL SAD TSE, DE LTAR LAGS KYANG ZHAL STON PAR ZHU ZHUS BAS, ZHAL MNGON SUM DU BSTAN TO, ,DE'I TSE BDAG GI SPYI GTZUG TU BZHUGS LA SEMS CAN THAMS CAD KYIS MTHONG BAR MDZOD CIG CES GSOL BAS, SPYAN RAS GZIGS KYIS ZHAL NAS NGAS SEMS CAN THAMS CAD KYI DRUNG DU SONG YANG, DE RNAMS LAS KYI SGRIB PAS MTHONG BAR MI 'GYUR GSUNGS, CIS KYANG BZHUGS SHIG CES GSOL BA BTAB NAS, 'PHAGS PA SPYI BOR KHYER NAS THAMS CAD DU PHEBS NAS BDAG GI SPYI BO NA 'PHAGS PA BZHUGS SO, ,PHYAG MCHOD GYIS BYAS KYANG LA LAS CI YANG MA MTHONG, LA LAS KHYI ROR MTHONG, PHAL CHE BAS CHOS MANG DU BSHAD PAS RLUNG SMYO YIN ZER, CHANG TSONG MA ZHIG GIS ZHABS TZAM MTHONG BAS KYANG THUN MONG GI DNGOS GRUB THOB, SLOB DPON 'DIS RI MO'I BA LAS 'O MA BZHOS PA DANG, RDO'I KA BA LA PHYAG BRGYAB PAS THOGS MED DU SONG ZHING, DA LTA 'JA' LUS RDO RJE'I SKU BRNYES NAS SKAL BA DANG LDAN PA LA, SKU DANG GSUNG GI SNANG BA DNGOS SU STZOL BA YOD DE, BA TSAB LOTZTSA BAS NAGS GSEB LA PHEBS PA'I TSE DNGOS SU PHEBS NAS, KHYOD KLU SGRUB YAB SRAS KYI CHOS LA DAD DAM GSUNGS NAS BYIN GYIS BRLABS PA LTA BU'O, ,BLA MA RDO RJE GDAN PAS KYANG, 'JAM DPAL SKU YI SPRUL BAR 'KHRUNGS, ,KLU SGRUB DGONGS PA THUGS SU CHUD, ,ZLA BA GRAGS PA ZHES BYA BA'I, ,BLA MA DE LA PHYAG 'TSAL LO, ,ZHES STOD PAR MDZAD DO, , ` RIGS PA'I KHU PHYUG
, ,CHE BA NI, SLOB DPON ZLA BA GRAGS PA'I DNGOS SLOB YIN TE, NAG TSO LO TZ'A BAS BI KA MA SH'I LA'I TSOGS SU, PAndI TA KUN GYI GRAL DBU LA BZHUGS PA, SKU BGRES SHING BRJID CHAGS PA 'DI, MGON PO AA TI SHA AE YIN CES DRIS PAS, BOD KYI TSE DANG LDAN PA CI ZER, 'DI DPAL LDAN ZLA BA GRAGS PA LA CHOS DNGOS SU NYAN PA RIGS PA'I KHYU BYUG BYA BA, AA TI SHA'I YANG BLA MA YIN ZER, RIGS PA'I KHYU BYUNG 'DI MGON PO KLU SGRUB KYI YANG DNGOS SLOB YIN TE, MKHAS GRUB RIN PO CHE'I GSANG BA'I RNAM THAR DU YANG RIGS PA'I KHYU BYUG TU SKYE BA BZHES DUS 'PHAGS PA KLU SGRUB BYON NAS LTA BA'I GNANG SHIN TU PHRA BA BSTAN LA, DNGOS 'DZIN GYI 'KHRUL PA RTZA BA NAS DRUNG PHYUNG BAR MDZAD CING KLU SGRUB KYI ZHAL NAS, NGED RGYA GAR GYI GRUB THOB RNAMS 'JAM DBYANGS BSTEN PA YIN, DE'I RGYU MTSAN YANG GSUNG RAB KYI DKA' BA'I GNAD SHIN TU PHRA BA BYUNG NA RJE BTZUN 'JAM DBYANGS LA GSOL BA BTAB NAS ZAB MO'I DON LA DPYOD PA YIN, KHYOD KYANG RJE BTZUN 'JAM DBYANGS BSTEN PAR BYOS SHIG CES GSUNGS SO, ,ZHES SOGS DANG, YANG KLU SGRUB KYI ZHAL NAS BDAG KYANG MA 'ONGS PA'I DUS SU MTHA' 'KHOB TU 'GRO BA'I DON BYED PAR SMON KHYOD KYANG DE'I DUS SU 'KHOR GYI THOG MAR GDUL BYA RNAMS KYI MCHOG TU 'GYUR RO, ZHES GSUNGS SO, ,'DI LA DPAGS NA RJE BLA MA KLU SGRUB KYI SPRUL PAR MNGON NO, ,ZHES GSUNGS, GZHAN YANG GSANG BA'I RNAM THAR DE NYID LAS,
YANG RGYA GAR DU PAndI TA RIGS PA'I KHYU BYUG CHE BAR SKYE BA BZHES SHING, 'GRO BA MANG PO'I DON MDZAD LA, DPAL LDAN ZLA BA GRAGS PAS MTHAR 'DZIN GYI 'CHING BA DRUNG PHYUNG BAR MDZAD DO, ,YANG LAN CIG ZLA BA GRAGS PAS MA 'ONGS PA'I DUS SU RJE BTZUN 'JAM DBYANGS DGE SLONG GI TSUL DU BSAMS BZHIN DU MTHA' 'KHOB TU SKYE BA BZHES BAR 'DUG PAS KHYOD KYANG DER SKYE BA LONG LA DE'I BKA' SGRUB PA DANG BSTAN PA RGYAS PAR GYIS ZHES GSUNGS SO, ZHES PA LA SOGS PA GSUNGS PAS, RIGS PA'I KHYU BYUG CHE BA KLU SGRUB DANG, ZLA BA GRAGS PA GNYIS KA'I DNGOS SLOB YIN NO, ,` RIGS PA'I KHYU BYUG CHUNG BA'AM GNYIS PA 'DI RGYA GAR BA'I LAM RIM GYI BLA RGYUD DU MTSAN GSAL BAR MA BYUNG YANG, RJE RIN PO CHE LA BYANG RA SGRENG DU YANG DAG PAR RDZOGS PA'I SANGS RGYAS NAS LHO BRAG GRUB CHEN GYI BAR GYI LAM RIM BRGYUD PA'I BLA MA RNAMS KYIS ZHAL BSTAN PA'I SKABS SU BYUNG BA YIN GSUNG ZHING, JO BO'I RNAM THAR DU LTA BA BRGYUD PA'I BLA MA'I RIM PA GSUNGS PA NA, N'A G'A RDZUN, ZLA BA GRAGS PA, RIGS PA'I KHYU BYUG ,AA BA DH'U T'I PA ZHES 'BYUNG ZHING, JO BO LA LTA BA RAB TU MI GNAS PA'I DBU MA 'DZIN PA JI LTAR LAGS ZHUS PAS, BLA MA AA BA DH'U T'A PA'I ZHAL NAS, NGAS RAB TU MI GNAS PA'I LTA BA 'DI LA BRTEN NAS BDEN PA MNGON SUM DU MTHONG BA YIN PAS KHYOD KYANG LTA BA 'DI ZUNGS SHIG GSUNGS PAS, NGAS KYANG DPAL LDAN ZLA BA'I LUGS KYI LTA BA 'DI BZUNGS PA
, ,YIN GSUNG ZHING, BLA MA GCIG LA'ANG MTSAN GYI RNAM GRANGS DU MA YONG GIN 'DUG PAS LEGS PAR DPYOD PAR ZHU, JO 'BROM GNYIS KYI RNAM THAR NI, GONG DU SONG, ,RGYAL BA'I GDUNG 'TSO BA BSHES GNYEN PO TO BA NI, 'PHAGS PA'I GNAS BRTAN YAN LAG 'BYUNG GI SPRUL PAR GSUNGS SHING ZHAL GYIS KYANG BZHES, DGE BA'I BSHES GNYEN 'DI NYID, BSHES GNYEN 'BROM RIN PO CHE, RGYAL PO DAD PA BRTAN PAR SKU 'KHRUNGS PA'I TSE, SRAS CHE BA SANGS RGYAS 'DZIN PO TO BA, BHARMA 'DZIN PHU CHUNG PA, DGE 'DUN 'DZIN SPYAN SNGA BAR 'GYUR BAR LUNG BSTAN TE, DAD PA BRTAN PA'I 'KHRUNGS RABS LAS, SRAS SANGS RGYAS 'DZIN NI, 'DI NAS LO NI MI MANG BAR, RIN CHEN GSAL ZHES BYA BA, RGYAL BA'I 'BYUNG GNAS KYI SRAS KYI THU BOR 'GYUR, DHARMA 'DZIN GZHON NU RGYAL MTSAN ZHES BYA BA 'DI DENG SANG GI ZHUS LAN 'DI DAG GI BDAG PO DAM PA CIG TU 'GYUR, DGE 'DUN 'DZIN NI TSUL KHRIMS 'BAR ZHES BYA BA RGYAL BA'I 'BYUNG GNAS KYI GDAMS PA MANG PO NYAMS SU LEN CING SANGS RGYAS KYI BSTAN PA LA PHAN PA'I BSHES GNYEN DAM PA CIG TU 'GYUR RO ZHES GSUNGS PA'I PHYIR, DES NA SKU MCHED GSUM PO DE, RIGS GSUM MGON PO'I SPRUL PA YIN TE, BKA' GDAMS GLEGS BAM GYI LUNG BSTAN GYI LE'U NAS, 'DI NA SPYAN RAS GZIGS DBANG DANG, ,'JAM PA'I DBYANGS DANG GSANG BA'I BDAG ,
GZHAN YANG 'JAM DBYANGS NYID SPRUL PA, ,SPRUL PA'I KHYI'U GZUGS MDZES PO, ,RTZE LNGA'I RI LAS 'DIR LHAGS GDA', ,DANG PO GSUM NI NGA YI SRAS, ,PO TO BA DANG PHU CHUNG BA, ,SPYAN SNGA ZHES BYA SKU MCHED GSUM, ZHES GSUNGS PAS SO, ,DES NA PO TO BA NI, 'PHAN YUL SPRAS KYI BA 'O THANG DU SKU 'KHRUNGS, BRAG RGYAB TU RAB TU BYUNG NAS, BRAG RGYAB KYI GNYER LO GCIG MDZAD CING, DE SKABS DGE 'DUN SPYI LAS LHAG PA ZHO SHAL GCIG LAS GSOL MA MYONG GSUNG, DE NAS SGRUB PA LA THUGS SONG NAS, LAM ZHOR LA RE SGRENG DU PHEBS NAS BSHES GNYEN CHEN PO 'BROM LA, GDAMS PA SKOR CIG ZHUS NAS, KHAMS LA PHEBS NAS MING RUS TSUN CHAD SPOS NAS TSE BLOS BTANG GI SGRUB PA CIG MDZAD DGONGS NAS, RA SGRENG LA PHEBS PAS, BSHES GNYEN BA'I ZHAL NAS NGAS THUGS LA BTAGS KYIS KHAMS LA MA 'GRO GSUNG BA LA, DE LTAR NA KHAMS LA 'GRO DON MED DGONGS NAS, GDAMS PA RNAMS RIM GYIS ZHUS PA LA, KHAMS LA 'GRO BA DA AA CANG CHE STE PUS SNA GDONG THAL NAS PHEBS MA PHOD CING DGE BSHES STON PA'I THUGS KYANG KHENGS PA BYUNG, DE NAS DGE BSHES STON PA SKU 'DA' KHAR PO TO PA'I SKU PANG DU DBU BZHAG PA LA, 'JIGS SAR SKYEL MAS BOR BA 'DRA BA ZHIG 'ONG SNYAM DU DGONGS NAS SPYAN CHAB SHOR, DA SU LA BRTEN ZHUS PAS, BOD PHU THUNG TZAM 'DI NA, KHYOD KYI DGE BSHES MA MTHONG GIS, DGE BSHES MED
, ,SDE LA GYIS GSUNG SKAD, DE NAS DGE BSHES STON PA 'DAS NAS RNAL 'BYOR PA CHEN POS GDAN SA MDZAD, DE 'DAS NAS DGON PA BAS GDAN SA MDZAD, DGON PA BA 'DAS NAS DBYER DE, BO TO BAS SKYO SANGS RGYAS BSLAB BTUS GSUNGS PAS THAMS CAD KYI SHES PA BSGYUR THUB PA CIG BYUNG BAR, ZHANG CHEN POS, KHO'I PHYIR SHA CHE CHE MO BYAS PAS, SKU MCHED GSUM YANG SHA GZUG RANG BZA' BAR TSAD NAS, RA SGRENG NAS PHEBS BAS, RA SGRENG BA LA CHOS KYI MU GE'I THEBS SU SONG, DE TZA NA YON BSHAD DE PHU CHUNG BAS MDZAD PA LA, NYIN GCIG PO TO BA MDZAD BCUG PAS GZHAN GYI SHES BA BSGYUR NUS PA 'DRA BA ZHIG BYUNG BAS, DE NAS PHU CHUNG BAS MDZAD MNYAN, DGE BSHES PO TO BA CHEN PO DES LAM SGRON RTZA BAR MDZAD, BSLAB SPYOD GNYIS, SA RGYAN GNYIS, SKYES TSOMS GNYIS TE BKA' GDAMS GZHUNG DRUG ,RIN CHEN 'PHRENG BA, SLOB SPRINGS, BSHES SPRINGS, SGOM RIM, JO BO'I BDEN GNYIS LA SOGS PA LA BYUNG BSHAD MDZAD PAS, BKA' GDAMS ZER BA'I SGRA BO CHE DE KHONG GI RING NAS GRAGS PA YIN, DES NA 'BROM RIN PO CHES, JO BO LA 'BUL CHEN MDZAD PA'I TSE, JO BO'I ZHAL NAS HU'UM, KHYI'U DKAR PO 'DI LA DE LTA NGAS BOD 'DI NA BKOD PA DRUG CU RTZA LNGA MTHONG GSUNG BA 'DI PHU CHUNG PA, KHYI'U SER BON RE, KHO BO LA BKOD PA DGU BCU MCHIS, PO TO BA, KHYI'U
SNGON PO NA RE, KHO BO LA'ANG BYANG PHYOGS NA BRGYA DANG DRUG CU RTZA LNGA, 'DI NA DRUG GI GDUL BYA LAS MA MCHIS GSUNG PA SPYAN SNGA TSUL KHRIMS 'BAR YIN PAR GO, ,DGE BA'I BSHES GNYEN RIN CHEN GSAL 'DI, ,BSTAN PA SNGA DAR DUS, RGYAL BA MCHOG DBYANGS, SKU TSE PHYI MA LA RJE DUS GSUM MKHYEN PAR GYUR CING, DGE BSHES BRAG DKAR BA NI, PO TO BA 'DI GNAS BRTAN BHA RA DHA DZA BSOD SNYOMS LEN GYI SPRUL PAR MDZAD, PO TO BA MYA NGAN LAS 'DAS PA'I SKABS SU, RAM SDINGS MA PA'I MNAL LAM DU, PO TO BA SENG GE LA CHIBS NAS, NGA 'JIG RTEN 'DI'I BDE BA SPANGS NAS MYA NGAN LAS 'DAS SO, ,KHYOD LA 'PHRANG NAS 'ONGS PA YIN GSUNG PA RMIS PAS, MNAL SAD PA NA THUGS BTON PA SNYAM BYED PA'I SEMS KHRAL BYUNG NAS BLA MA GRONGS SNYAM NAS BZHENGS NAS BSHUMS SHING, ZHAG BDUN NYIN MTSAN NGO MI SHES PA'I THUGS KHRAL MDZAD, NAM GCIG NYI MA RTZE DROS LA SPRIN GYI GSEB NAS BUD MED CIG NA RE, KHYOD DE TZAM GYI SNYING LA 'DOD NA NAM MKHA' LA LTOS DANG ZER NAS, BDEN NAM SNYAMS NAS BLTAS PAS, 'JA' DANG 'OD KYI GSEB NA, BLA MA BZHUGS PA MTHONG, BLA MA'I ZHAL NAS BDAG LA 'CHI RGYU DANG, 'PHO RGYU MED, CHOS KYI SKU ZHES BYA, ZHES GSUNGS NAS, CHOS BSAM GYIS MI KHYAB PA CIG GSUNGS NAS NAM MKHA' LA GSHEGS SO, ZHES RAM SDINGS MA PA'I RNAM THAR LAS 'BYUNG BAS, BLA MA SLOB
, ,MA GNYIS KA SPRUL PA'I GANG ZAG YIN PAR GO'O,, ,` RNAM DPYOD 'GRAN BLA BRAL BA'I SHAR BA PA NI, BYANG RA SGRENG NAS YA TSAD PHYIN PA'I SA ROM PO ZHES PAR, YUM PHYUGS 'TSO BAR BYON PA'I RDO KA CIG TU 'KHRUNGS TSE ZHABS BRKYANGS PA'I RDO LA ZHABS RJES GSAL BAR BYON PA DA LTA'ANG MJAL DU YOD, DE NAS DGUNG LO BCO BRGYAD LA CHOS LA BROS NAS, 'DZIN MKHAN BYUNG GI DOGS NAS, KLUNGS SHOD PHYOR PHU NA SPYAN SNGA SKU MTSAMS DAM PAR YOD PA'I SAR BYON, DE NAS DBYAR STAG LUNG THANG DU PO TO BA'I SPYAN SNGAR BYON, DE GONG GTZANG NA, 'GOS, 'BROG MI, MAR PA RNAMS LAS 'PHEL BA'I GSANG SNGAGS KYI BSHAD SGRUB DAR PO YOD PAR GSANG SNGAGS KYI SLOB GNYER MTHA' DAG PA CIG MDZAD DGONGS PA YOD PA LA, LAM SGRON GYI BSTAN PA LA 'JUG PA'I RIM PA DE GSAN PAS TSE 'DI LA GSANG SNGAGS PA'I RE BA MI 'DUG SNYAMS NAS THUGS THAG CHOD, DE NAS PO TO PA'I GRA PA LO DGU NANG MI LO DGU MDZAD DE, BSTEN PAR GDA', DE YANG BA TSA BA LO TZ'A BA RGYA GAR NAS BOD DU PHEBS NAS KLU SGRUB YAB SRAS KYI THUN MONG BA'I DGONGS PA BZHIN THAL 'GYUR BA'I LUGS DAR BAR BZHAD PA LA, THAMS CAD KYIS MED LTA BA ZER NAS 'PHRIN LAS MA BYUNG BAR, DGE BA'I BSHES GNYEN SHAR BA BAS KHONG GI DE KLU SGRUB YAB SRAS KYI DGONGS PA YIN ZER BAS, KLU SGRUB YAB SRAS KYI DGONGS PA YIN MIN NGAS SHES GSUNGS NAS,
GRVA GZHON GNYIS LA KHYED DBU MA PA'I LUGS KYI SBYOR DNGOS RJES GSUM GZHI LAM 'BRAS BU'I RNAM GZHAG SOGS JI LTAR YIN GSUNG BA'I DRI BA BSKUR BAS, PA TSAB KYIS DE'I LAN PHUL BA, SHAR BA BA GRVA PA NYIS STONG BRGYAD BRGYA TZAM GYI GRAL MGOR BZHUGS NAS BUR STON CIG GSOL BA KHAD LA, GRVA GZHON GNYIS KYIS DRIS LAN PHUL BAS, LEGS PAR GZIGS PAS SPYAN CHAB MANG PO SHOR NAS, SKU MDUN NA BU RAM SGO GANG YOD PA SPRUG GIS SPRUGS NAS, KLU SGRUB YAB SRAS MCHOD, PHA TSAB LOTZTSA BA MCHOD GSUNGS NAS NAM MKHA' LA GTOR, CHOS BYA BA 'DI 'DRA ZHIG GIS, 'KHOR 'DAS KYI RUS SHAN PHYED PA YIN, MA GO BA RNAMS KYIS SDIG MANG PO GSOG PA YIN GSUNGS NAS, BTZUN CHUNG LNGA BCU TZAM PA TSAB KYI SLOB MAR BTANG, ZAS NOR MANG PO BSKUR NAS, DBU MA'I BSTAN PA DAR ZHING RGYAS PAR BYUNG NGO, ,PA TSAB KYIS DBU MA BRGYUR GRUB RIN GYI, SHAR BA PAS GZIGS PAS, 'DI LA 'DI LTAR 'OD THANG GSUNGS PA LA, PA TSAB KYIS RGYA DPE LA GZIGS PAS, DE KHO NA BZHIN 'DUG PA DANG, BKA' 'GYUR RO COG THUGS LA MNGA' BAS, RNAM DPYOD 'GRAN ZLA BRAL BA ZHES GSUNG PA YANG DE 'DRA LA DGONGS PA YIN, DES NA DGE BA'I BSHES GNYEN 'DI NYID BKA' GDAMS GLEGS BAM LAS GSAL BAR LUNG BSTAN PA YIN TE, DAD PA RAB TU BRTAN PA'I 'KHRUNGS RABS LAS, DES NA RGYAL PO DGE BA DPAL,,
, ,KHYOD KYI SRAS KYI SROL 'DZIN PA, ,SHAR PA BZHES YUL LAS GRAGS, ZHES PA DANG, LUNG BSTAN GYI LE'U LAS, YON TAN GRAGS PAS ZAB GZHUNG RNAMS, ,RDZOGS PAR MDZAD NAS DAR YUL MDAR, ,DAG SNANG GANG SHAR DGON PA BZHENGS, ,DE NAS SHAR BA PA ZHES GRAGS, ,ZHANG RJE ROM PO'I MI RIGS GCIG ,GTAN GYI DON GNYER GUS BAS MCHI ZHES DANG, DAG PA'I SNANG BA RAB SHAR BA, ,RGYAL BA RGYAL MTSO LAS 'KHRUNGS SHING, ,MKHAS PA NGA NI LAS CAN RNAMS, ,PHYOGS BZHIR 'GRO ZHING 'DRAN YANG, ,DBUS 'DIR SHAR BA PA ZHES GRAGS, ,'DI NI SHAR GYI MTHA' 'KHOB 'DUL, ,DE NAS NUB PHYOGS MTHA' 'KHOB TU, ,SHAR PA TZI 'DRA RTZVA YUL DANG, ,SHING DANG GRONG PA DAG GIS DBEN, ,SKYA BO RGYA CHEN ZHAG MED CIG, ,SNUM ZHIB SKAL BZANG DU MA SDUD, CES GSUNGS PA LTAR 'DI NYID NGO BO RJE BTZUN 'JAM DBYANGS YIN CING, RGYAL SRAS ZHI BA LHA DANG, RDOG LEGS PA'I SHES RAB KYI SKU SKYE, NUB NI SNAR THANG PHYOGS DANG, 'DI NYID KYIS SNAR THANG GI MKHAN PO SKU TSE GSUM LA MDZAD CING, KARMA PA DUS GSUM MKHYEN PAS KYANG, 'DI'I ZHABS LA YUN RING GTUGS SO,, ` BYANG CHUB THUGS KYI BKA' BABS 'CHAD KHA PA NI, GNYAL LO ROR SKU 'KHRUNGS, ZHABS LA 'KHOR LO'I MTSAN DANG LDAN, GZHON NU LA LO ROR RAS CHUNG BA DANG MJAL BAS, KHONG GI SAR ZLA BA GNYIS TZAM BZHUGS, GDAMS PA MANG DU GSAN NAS TSUR LA 'BYON KHAR, BLA MA'I
ZHAL NAS 'DIR BZHUGS KHYED LA CHOS KYIS PHAN PA CIG 'ONG BAR SNANG GSUNGS PAS, DER 'BYON PA'I RTZIS SU BYAS NAS TSUR LA PHEBS, YUL NAS RTA BZANG PO ZHIG LA KHAL BKAL NAS BYON TZA NA, GRU SHUL PA'I JO BO MANG PO 'DUG PA NA RE, KHYOD GAR 'GRO ZER, NGA BLA MA RAS CHUNG PA CAN DU 'GRO BYAS PAS, RNAL 'BYOR PA CAN TU 'GRO BA GA NA 'ONG, 'DIR RAB TU BYUNG LA SDOD ZER BAS, BSHES GNYEN RTZI BOR BA LAS, RAB TU BYUNG MTSAN YE SHES RDO RJER BTAGS, ,BAN GSAR TZA NA CHOS 'KHOR CHEN PO ZHIG BYUNG BAR LOTZTSA BA YANG GSUM BZHI BYON, RDOG LO LA SOGS PA SDE SNOD 'DZIN PA MANG PO DBU SEMS SOGS KYI GLENG MO MANG PO MDZAD KYI GDA' BAS, DE CHOS SKAD CI SKAD BYA BA YIN DRIS PAS, GRUB MTHA' BYA BA YIN ZER, DES THUGS PHROGS NAS GNYAL KUN TU YANG GRUB MTHA' RTZAD BCAD, DE NAS 'DUL BA 'DZIN PA TSA RONG PA SOGS LA BSNYEN PAR RDZOGS, SHA MI LA 'DUL BA GSAN, BTZAN LO TZ'A BA LA MDO SDE RGYAN GSAN CING, DGE BA'I BSHES GNYEN GLANG RI THANG PA'I SLOB MA NYANG LCAGS ZHING BA LA BLO SBYONG TSIG BRGYAD MA, LUGS SMAD PA LA SNE'U ZUR BA'I LUGS KYI LAM RIM SOGS GSAN, DGE BSHES DOL PA LO LNGA BSTEN NAS BE'U BUM SNGON PO GSAN, DE NAS GLANG RI THANG BA LA NGANG NAS LHA SA PHYOGS SU PHEBS BAS GLANG RI THANG PA 'DAS ZER BAS, SHAR BA BA'I DRUNG DU PHEBS DBYAR DE NYAN SA GSUNG BA NYAN PAS, BYINGS SE BA MYOGS SE BA LAS BLO 'KHUL BA KHO NA MA BYUNG BAS, NYIN CIG GRVA PA
, ,RNAMS STON MO LA SONG NAS DGE BA SHES 'BUM PA LA BSKOR BA MDZAD BA'I DRUNG DU PHYIN NAS, KHONG RANG GI PHYAM TSE BTING TE, DGE BA'I BSHES GNYEN PA 'DIR BZHUGS BAR ZHU DANG, GROS SHIG ZHU RGYU YOD ZHUS BAS, NGAS GROS THAG THAMS CAD CHOS KHRI'I KHA NAS BCAD PA YIN, DER MCHOD PA CI YOD GSUNGS, BDAG GIS MTHONG BA'I DPE ZHIG NA, KHE DANG RGYAL KHA GZHAN LA BYIN, ,GYONG DANG BUB KHA RANG GIS LAN, ,ZER BA ZHIG GDA' BA 'DI ZAB MI ZAB JI LTAR LAGS, GNAS KHANG MA RNYED PA DANG GRAGS KYIS BLO RTZA G-YENGS PA SOGS LA SMAN PAR BYUNG BA LAGS ZHUS PAS, KHYOD KYI SEMS LA SMAN MI SMAN GYI KHA NA CI YOD, SANGS RGYAS MI SGRUB NA PHAR ZHOG ,SGRUB NA CHOS DE LA MA BRTEN BAR 'GRUB MI SRID GSUNG, 'ON BDAG LUNG CHOS PA LAGS PAS, DE LA LUNG ZHIG DRANG BAR ZHU ZHUS PAS, MGON PO KLU SGRUB LA TSAD MAR MI 'DZIN PA SU YOD, DES RIN PO CHE'I 'PHRENG BAR, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES GSUNGS GSUNG, 'O NA BDAG LA GDAMS PA CIG ZHU 'TSAL ZHUS PAS, JO BO RANG RKYEN THUB PAR GYIS SHIG ,NGAS GDAMS PA RNAMS RIM GYIS BYA'O GSUNGS NAS, BLO SBYONG GI 'KHRID TSAR GCIG LA LO DGU'AM BCU GNYIS SU NYAMS KHRID DU BSKYANGS PAS, BYANG CHUB KYI SEMS KYIS THUGS RGYUD GANG NAS, SNGON SBYANGS LAS KYI 'PHRO SAD PAS, ,RANG GI MOS BA MANG BA'I RGYUS, ,SDUG BSNGAL
GTAM NGAN KHYAD BSAD NAS, ,BDAG 'DZIN 'DUL BA'I GDAMS PA ZHUS, ,DA NI SHI YANG MI 'GYOD DO ZHES GSUNGS, DE NAS DGE BA'I BSHES GNYEN SHAR BA PA CUNG ZAD BSNYEL BA LA, SKU RIM DU TRAKSHAD LA GTOR MA PHUL BAS, MGON PO DE NYID MNGON SUM DU BYON NAS, DA RES DGE BA'I BSHES GNYEN LA GSOL BA MI THEBS GSUNG PA LTAR DE NYID DU GSHEGS, DE NAS, BAS MTHA' RNAMS SU THUGS DAM GYI GTZO BO BYANG CHUB KYI SEMS GNYIS PO LA MDZAD CING, SHAR BA PA'I MDZAD PA BZHIN SDE SNOD DANG, GRUB MTHA'I DKA' GNAS DANG, LAM RIM GYI 'KHRID 'DEBS PAR MDZAD CING, RE RE GNYIS GNYIS LA BLO SBYONG LKOG CHOS SU MDZAD, LAN CIG BLO SBYONG GI CHOS 'DI TSOGS SU BSHAD PA'I 'OS MIN TE, SU LA PHAN DANG SU LA MI PHAN MI SHES BAR 'DUG GSUNGS NAS DON BDUN DUS BCAD MDZAD NAS YI GER BTAB PAS, DON BDUN MAR GRAGS, DE'I RJES SU MAL DROR BYON NAS 'CHAD KHA RNYING MA BTAB CING, SE SPYIL BU PA LA 'CHAD KHA GSAR MA 'DEBS PA'I LUNG BSTAN MDZAD, BSHES GNYEN 'DI NYID BKA' GDAMS GLEGS BAM LAS LUNG BSTAN TE, LUNG BSTAN LAS, KHYAD PAR DU THEG PA CHEN PO LA BLO SBYONG BA BOD KYI BYANG CHUB SEMS DPA'I YAB GCIG GIS YUL MAL DRO'I NANG DU BYON TE 'CHAD PA CHEN PO ZHIG GI STENG DU BLO SBYONG SGOM ZHING 'DE BZHIN DU BDAG CAG KYANG MI RTAG PA'I KHANG BUR YOD DE, RANG DBANG NI MED, CES SOGS GSAL BAR GSUNGS SO,, ` LUNG RTOGS
, ,MNGA' BDAG BYANG SEMS SPYIL BU BA NI, GNYAL STOD DAR MA SGANG DU 'KHRUNGS, GDUNG RUS SE, BLA MA SE BTZUN GYI SKU'I SKYE BA YIN CING, SLOB DPON PHYA BA'I DRUNG DU RAB BYUNG DANG BSNYEN RDZOGS ZHUS, MTSAN CHOS KYIS RGYAL MTSAN DU GSOL, 'CHAD KHA PA LA MANG DU BSTEN NAS YON TAN BUM PA GANG BYO'I TSUL DU THUGS SU CHUD, 'CHAD KHA PA CHEN POS LUNG BSTAN PA BZHIN 'CHAD KHA GSAR MA BTAB CING, KLUNGS SHOD DU SBYIL BU'I DGON BA BTAB STE RNAM G-YENG SPANGS NAS, STONG DU MKHAR GONG LA KHA DANG, SMAD DU NYUNG ZHING SMAD DU MTSAMS MTHO BRGYAB NAS LO BDUN DU MTSAMS MI 'DA' BAR MDZAD CING, SPYIL BUR GSHEGS NAS, SKU GDUNG LA DUNG G-YAS 'KHYIL SOGS RTEN NGO MTSAR CAN MANG DU BYON, 'DI NYID KYANG GLEGS BAM RIN PO CHE NAS GSAL BAR LUNG BSTAN TE, GLEGS BAM LAS, RE ZHIG SPYIL BU MDZAD NAS BZHUGS PAS, DGE SLONG DANG DGE TSUL GYI BYANG CHUB SEMS DPA' DU MA 'DUS TE, SENG LDENG NAGS KYI RI BO LA SENG LDENG NAGS KYI SGROL MAS BYIN GYIS BRLABS PA'I SKYES BU DAM PA GCIG DRUNG DU BSTEN PA LA, BYANG CHUB SEMS DPA' BA'I ZHAL NAS, KHYED SNGON BDAG CAG GI BLA MA RGYAL BA'I 'BYUNG GNAS KYI BLA MA SE BTZUN BYA BA ZHIG YOD, DE YIN PAR 'DUG ,DE'I RIGS SU'ANG GDA', DA KHYED RANG KLUNGS SHOD KYI NANG NI SPYIL BU BYA BA'I LUNG PA YOD, DE LHAS BYIN GYIS BRLABS PA'I YUL YIN DER SONG, KHYED LA SH'AKYA'I GDUNG
RIGS 'DZIN PA LHA'I LHA ZHIG NAS LNGA LAS MI NYUNG BAR 'BYUNG, ZHES GNAS DANG BCAS PA GSAL BAR LUNG BSTAN TO,, ` LHA LUNG GI DBANG PHYUG NI, PHO BRANG KHANG DMAR DU SKU 'KHRUNGS, DGUNG LO BRGYAD PA LA, PHA RI BA LA BSNYEN GNAS BZHES DE DUS SNE'U ZUR BA'I MTSAN THOS PA TZAM GYIS DAD PA 'KHRUNGS, DGE BSHES 'CHAD KHA BA'I SKU 'BAG CIG GZIGS PAS, 'DI JI LTAR BYA BA YIN BYAS PAS, 'CHAD KHA PA BYA BA YIN 'DAS ZER, DA LTA SE BZHUGS BYAS BAS DAD DE SO'I SPYAN SNGAR BYON, GRVA PA THAMS CAD KYIS SPYIL BU ZHIG BRTZIGS, SE'I ZHAL NAS DGE SLONG GYIS GSUNGS BAS, GLAN GYIS MKHAN PO, ZHANG GIS LAS SLOB, GNYAGS KYIS GSANG STON DZAD NAS BSNYEN PAR RDZOGS, KHA CHE PAn CHEN LA SOGS PA'I BLA MA MANG DU BSTON, RUG PAR SMAN BLA'I LHA TSOGS RNAMS ZHAL GZIGS, LHA SAR PO BO'I THUGS KA NAS 'OD 'PHROS KHONG GI THUGS KAR THIM PA'I SNANG BA BYUNG, SPYAN RAS GZIGS DPAL MO LUGS DE NAM 'DOD DU GZIGS, DE'I GNAD KYIS LHA KHU DBON ZHAL SPROD 'BRI BA'I DUS SU BCU GCIG ZHAL 'BRI BA'I SROL YANG DAR, BKA' 'GYUR RO 'TSAL GYI LUNG BZHUGS PAS LHA LUNG GI DBANG PHYUG CES GRAGS SHING LHA CHEN PO'ANG ZER, RANG LO BDUN BCU RTZA LNGA LA GSHEGS SO,, ` LHA 'GRO BA'I MGON PO NI, LHA JO 'BAG DANG, LHA 'BRI SGANG BA'I LCAM MO LHA GCIG 'DZAM GLING RGYAN GNYIS KYI SRAS SU 'KHRUNGS, BCU DRUG PA LA KHU BO'I DRUNG DU BYON CHOS
, ,MANG DU GSAN, MTSAN DBANG PHYUG 'OD, BKA' BDAMS GZHUNG BA'I BSHES GNYEN RNAMS GROS MDZAD NAS, PO TO SDE MA LAG DANG BCAS PA PHUL, KONG PO NAS RTA BAR, SBU CHU BYANG LUNG GSUM GYI SDE SUM CU TZAM GYI LDE MIG PHUL DVAGS PO BLA MDA', KAN NA MO SHOD KYIS THOG DRANGS SDE PA MI SDE DANG BCAS BA PHUL, GNYAL DU ZANGS PO CHE BAS GDAN DRANGS TE 'BUM MO CHE'I BA GNAS MDZAD, ZANGS PO CHE SDE MA LAG DANG BCAS PA PHUL NAS GTZUG LAG KHANG GI LDE MIG PHUL, RONG RTZE DKAR DU GDUNG KHANG CHEN MO'I RAB GNAS LA SPYAN DRANGS NAS SDE MA LAG DANG BCAS PA PHUL, DUS PHYIS KYANG ZANGS PO CHE DANG BRA GOR NA SPYIL BU PA'I CHOS RGYUD 'DZIN PA MANG DU BYUNG NGO, ,G-YE NA'ANG BU DAL LA SOGS PA NAS YON BDAG DANG BU SLOB MANG DU BYUNG, SPYIR YI DAM GYI LHA MANG PO'I ZHIL GZIGS KYANG GTZO BO MI G-YO BA DANG DBYER MED PA'I LHA STAG SHAM CAN DU GRAGS, YAR KLUNGS SU GONG PO RI LA SENG GE SGRA'I ZHAL GZIGS PO TO NA KHONG LA CHOS GSUNG BA'I THUB PA'I SKU GCIG KYANG BZHUGS, SPYIL BUR TSUL ZHUGS CIG GI STENG DU GNAS BRTAN BCU DRUG DNGOS SU BYON PAS, 'GRO BA'I MGON PO LA GNAS BRTAN BCU DRUG GIS BSKOR BA'I THANG SKU YANG MANG DU 'PHEL, DBYAR GNAS KYI TSE GNAS BRTAN BCU DRUG GI TSUL SHING RE YANG LEN, MANG JA'I DUS SU GNAS BRTAN GSOL 'DEBS KYANG BYED, LHA SAR JO BOS CHOS GSUNGS SHING RA SGRENG DU BYON PA'I TSE AA TI SHA YANG DNGOS SU BYON,
'DAM DU LHA MO CHE ZHIG LA GDON ZHUGS NAS SUS KYANG MA THON PA LA DER BYON NAS BGEGS SKROD MDZAD PAS LHA'I MCHAN KHUNG GNYIS NAS PHUG RON RE 'PHUR CING, DE GNYIS SPYANG KIR SONG BA KUN GYIS MTHONG BA BYUNG STE, DE NAS RAB GNAS LEGS 'GRO BA'I MGON PO 'PHAGS PA PHYIR THEGS DUS DGE BA'I BSHES GNYEN GZHAN RNAMS PHYIR LOG ,DGE BA'I BSHES GNYEN 'GRO MGON LA KHYED DANG 'BRAL MI PHOD PAR 'DUG LHAN CIG TU GSHEGS GSUNGS NAS SHA PHO SRANG BAR TSUN KHYON, MKHAS BTZUN DANG MI CHEN MANG PO'I DON MDZAD NAS, RANG LO DON BZHI PA SA MO LUG GI LO STON ZLA THA CHUNG GI NYER GCIG LA SPYIL BUR GSHEGS, GDUNG BZHU BAS LHA SKU LA SOGS PA'I RTEN MANG DU BYON PA LAS SPYIL BU'I NANG RTEN GSER SKU'I NANG DU SPYAN BZHUGS, THUGS 'CHAD KHA BAS GDAN DRANGS NAS NGO SGRA'I GDUNG KHANG NA BZHUGS, LJAGS SU GU DOR GDAN DRANGS NAS BYANG CHUB CHEN PO'I NANG NA BZHUGS, DUNG G-YAS 'KHYIL BZHI BYON PA LA GCIG RUG BA'I GSER SKUR BZHUGS, GCIG SPANG SA'I RTEN SKAL LA GDUNG KHANG NA BZHUGS NAS NGO SGRA NA YOD, GCIG DA LTA SPYIL BU'I RTEN LTAD STON PA LA BZHAG GO ,LHA KHU DPON SOGS BKA' GDAMS GLEGS BAM LAS GSAL BAR LUNG BSTAN PA NI, SE SBYIL BU PA LUNG BSTAN PA'I 'PHROS NAS, KHYED LA SH'AKYA'I GDUNG RIGS 'DZIN PA LHA'I LHA ZHIG NAS BZUNGS NAS LNGA LAS MI NYUNG BA'I 'BYUNG, ZHES SOGS GSAL BAR LUNG BSTON TO,, ` RNAM DAG TSUL
, ,KHRIMS NGAD LDANG ZANGS CHEN PA NI, GNYAL SMAD DU 'KHRUNGS, MTSAN SPONG ZHO DAR MA SENG GE ,LHA 'GRO BA'I MGON PO DANG, PAn CHEN SH'AKYA SHR'I GNYIS GNYAL DU PHEBS PA LA LAM RIM SOGS CHOS MANG DU GSAN, DGUNG LO BDUN CU RTZA LNGA'I BAR DU 'GRO DON MDZAD CING, SHA DUG GIS BSNYUNG BA LA, CHOS SKYONG TRAK SHAD KYIS BYA ROG TU SPRUL NAS AA RU RA RLON BA PHUL BA CUNG 'PHYIS NAS SPUR MCHOD RTAN NA BZHUGS PA'I DRUNG NA BZHAG SKAD, 'DI LA SLOB MA'I THU BO BZHI BYUNG BA NI, MTSO SNA BA, RTZE DKAR BA, DAR MA SKANG PA, BYAR KHANG PA STE ZANGS CHEN PO'I BU BZHIR GRAGS SO,, ` 'DUL BA 'BUM SDE'I MNGA' BDAG MTSO SNA BA NI, 'KHRUNGS YUL MTSO SNA, MTSAN SHES RAB BZANG PO, ZANGS CHEN BA LA GTUGS NAS DAM BA'I CHOS 'DUL BA DANG, SPYOD 'JUG SOGS SDE SNOD LA LEGS PAR SBYANGS TE, 'DUL BA'I t'AKKI TSIG DON ZHIB TU 'CHAD PA MCHAN DANG BCAS PA CIG MDZAD PA, MKHA' 'GRO MA RNAM KYIS THUGS RTZOM MDZAD TSAR RIN GYIS AU RGYAN DU SPYAN DRANGS BAS, SLAR YANG THUGS RTZOM MDZAD DGOS BYUNG BA'I LO RGYUS 'DUG CING, ZANGS CHEN PA MTSO PA LA THUGS LA SHIN TU 'DOGS PA LA, CHEN PO BYAR KHANG PHRAG DOG STE, LCAGS KYI MGU TSE ZHIG SA LA RDEB CING 'DI LA GRI GCIG BCOS NAS LHO MON GCIG GNYIS SHIG GSONG DGOS ZHES GLENG BAS, MCHOD SNA BA THUGS PHYUNG, ZANGS PO CHE'I RGYA SGO LA BLO SBYONG TSIG BRGYAD MA'I SMON LAM BRIS TE GLAN, MTSAN
MO BROS NAS PHEBS NAS, BRA GOR SOGS SU 'PHRIN LAS BSKYANGS SO,, ` CHOS MNGON RGYA MTSO'I MTHAR SON MON GRA PA TSUL KHRIMS BKRA SHIS NI, MTSO SNA PAS BRA GOR GDAN SAR BZHUGS ZHES YANG YANG GSUNGS KYANG, BDAG LTA BUS BLA MA'I GDAN SA 'DZIN BA GA LA 'ONG ZHES ZHUS KYANG, MTSO SNA PA SKU MYA NGAN 'DA' KHAR GSUNG GI THA MAR MON GRA PA LA GDAN SA MDZOD CES GSUNGS NAS MYA NGAN LAS 'DAS SO,, ` MKHAN CHEN MON GRA BA'I SLOB MA MKHAN CHEN CHOS SKYABS BZANG PO NI, BYIS PA CHUNG DU'I SKABS SU YAB KYIS RGYAB LA BSNAMS NAS MTSO SNA PA GSUNG CHOS 'CHAD SAR BYON BAS, RLUNG PO GLO BUR DU LANGS NAS MTSO SNA BA'I SKU CHOS, BYIS BA CHUNG NGU DE LA BKAB BAS CHOS GOS KYIS SKYABS BAS, CHOS SKYABS BZANG POR MTSAN BTAGS, 'DI LA RJE BTZUN BLA MA TZONG KHA PA CHEN POS, PO TO BA NAS DOL BA LA BRGYUD PA DANG, BO TO BA NAS SHAR BA BA LA BRGYUD PA'I LAM RIM STE BKA' GDAMS GZHUNG BA'I CHOS SKOR RNAMS LEGS PAR GSAN NO,, ` DGE BSHES STON PA NAS SPYAN SNGA TSUL KHRIMS 'BAR LA BRGYUD PA'I BKA' BDAMS MAN NGAG BA'I BLA MA RNAMS KYI RNAM BAR THAR PA NI, SPYAN SNGA BA NI SKU TSE SNGON MA SUM CU RTZA GSUM DU LHA'I BU NOR BU DRI MA MED PA'I TOG CES BAR SKU SKYE BA BZHES, DE NAS 'DIR NYAN GYI SNANG RA SGANG DU SKU 'KHRUNGS, BYIS PA'I DUS SU YUM GYIS PANG DU KHYER NAS, SLOB DPON GRONG 'DUL BA ZHIG LA PHUNG PO LNGA'I BAR BYED GSAN PAS PHUNG PO 'DI
, ,LNGAR 'BYED TSOD KYIS MTHAR STONG PA NYID DU 'DUG SNYAM STE BDAG MED PA'I LTA BA RANG 'KHRUNGS SU BYUNG, YANG LAN GCIG RA LUG 'TSOR RI ZHIG GI RTZE 'BYON BAS, DA STE LO BRGYA THAM BA NA 'DI NAS MTHONG BA'I MI THAMS CAD 'CHI BA YIN DGONGS MI RTAG BA RANG 'KHRUNGS SU BYUNG, DE NAS STONG LUNGS TSE THOG DGON BAR SLOB GNYER LA 'BYON PA'I ZHOR LA, JO BO SNYE'I NA MO CHER BZHUGS BA DANG MJAL SEMS BSKYED GSUNG BA GSAN, SA SKRi TA'I SKAD DU BKRA SHIS KYI TSIGS BCAD MANG PO MDZAD GSER GLING PA'I BUM BA PADMA'I MCHU CAN GNANG NAS NGA'I CHOS RGYUD 'DZIN BA CIG 'ONG GSUNGS, DE NAS LAN TSA RAB DANG RUG BAR SDE SNOD KYI GSAN SBYONG MANG DU MDZAD CING, RGYA GAR CHOS KYI 'BYUNG KHUNGS YIN PAS, DER 'BYON DGONGS TE SKAD DOD MANG DU BSLABS TE RGYA YIG RANG YANG MI 'DRA BA BDUN TZAM MKHYEN BAS SPYAN SNGA PAndI TA ZER, DE NAS YUM GYIS KHRID NAS RA SGRENG DU PHEBS TE DGE BSHES STON BA DANG MJAL BAS, SPYAN SNGA'I ZHAL NAS, NGA'I MA DE RANG BZHIN GYI RNAL 'BYOR MA ZHIG YIN PAR 'DUS GSUNG, DE NAS LAM RIM GYI 'KHRID GSAN BA LA JI LTAR GSUNG BA BZHIN THUGS RGYUD LA 'KHRUNGS SHING, YONGS RDZOGS RNAL 'BYOR CHEN PO'I ZHAL NAS, DGE BSHES STON BAS THUGS LA 'DOGS PAS GSANG SNGAGS KYI CHOS ZHUS NA 'ONG GSUNGS PAS, GSANG SNGAGS KYI CHOS SKOR RNAMS ZHUS BAS MA LUS BA GNANG ZHING, GSANG SNGAGS LA PHAN YON CHE ZER PA RNAMS LA BSNYEN PA
TSAD THUB MA BSKYAL BA MED CING LAS TSOGS RNAMS LA'ANG NYAMS SU MA BLANGS BA MED, CHOS SKYONG RNAMS KYIS KYANG TSUR 'CHANG BYAS BA YIN, NANG GCIG BCOM LDAN 'DAS GANG GYI DBANG PHYUG GIS SKU KHRUS GSOL BAS MI GTZANG BA THAMS CAD SANGS KYIS DAG ,LAN GCIG RANG NYID MI G-YO BAR GZIGS SHING 'PHRIN LAS BZHI LA MNGA' BRNYES PAS, MNGON SHES RDZU 'PHRUL RJE BTZUN MID LA DANG MTSUNGS PA THOB, DE NAS LO DGON PA 'DEBS PAR MDZAD CING, GTZUG LAG KHANG GI RTZIG PHRENG RE RE LA RAB GNAS LAN RE MDZAD CING, DE LTAR DU SLOB DPON N'A GA BO DHIS KYANG MDZAD BAS BYIN RLABS SHIN TU CHE BA YIN GSUNG, DGE BSHES BYA YUL BA CHEN POS, SPYAN SNGA LA, SLOB DPON N'A GA BO DHI'I ZHAL GZIGS ZER BA BDEN NAM ZHUS PAS, ZHAL MTHONG CHOS THOS, KHYED RANG YANG GSOL BA THOB DANG BYIN GYIS RLOB PA YIN GSUNGS, DE NAS BYA YUL BA LA RI BYA YUL YUL BA PHA GI'I THAD DU GTZUG LAG KHANG BZHENGS GSUNGS NAS LUNG BSTAN CING, DER ZHABS RJES KYANG BYON, DE NAS DGUNG LO DON GCIG LA ZHI BAR GSHEGS SHING, SBUR ZHUGS LA PHUL BAS THUGS NAM MKHA' LA BYON NAS BYA YUL BA CHEN PO'I SKU BANG DU BYON PAS THUGS KYI GTOD SANG RANG YIN SNYAM BA DGONGS PA BYUNG, SLOB MA CHE BA YANG, STOD LUNG BA CHEN PO, BYA YUL BA CHEN PO, SMYUG RUM PA CHEN PO SOGS MANG DU BYON NO,, ` BSHES GNYEN TSUL BZHIN BSTEN MDZAD GZHON NU 'OD NI, STON
, ,LUNG DU 'KHRUNGS, DGE BA'I BSHES GNYEN STOD LUNG PA LO LNGA BSTEN, BSLAB BTUS SPYOD 'JUG SOGS GZHUNG BZANG BA SHES BAR BSLABS, LAN CIG STOD LUNG PAS, SPYAN SNGA PHYOR BA NA BZHUGS PA MJAL BAR PHEBS PA'I PHYAG PHYIR PHEBS PAS, SPYAN SNGA'I ZHAL NAS, STOD LUNG BA LA JO BO STON PA RE SKYID 'KHOR 'DI LTA BU YOD PA ZHES YANG YANG GSUNGS BAS, DGE BA'I BSHES GNYEN BZHED NA 'BUL ZHUS PAS, JO BO STON PAS 'BUL PHOD DAM GSUNGS, MNYES PAR BYUNG SNYAM NAS DAR YUG GCIG KHA TAGS NAS PHUL BAS, SPYAN SNGA MNYES BA'I GSUNG YANG YANG BYON, LAN CIG STOD LUNG BAS SPYAN SNGA BA MJAL DU BYON TZAN, BTZUN CHUNG 'DI JI 'DRA ZHUS PAS, BYA YUL BA SGOR BZHUNG BA DANG, BTZUN CHUNG 'DI'I DBANG DU BGYIS NA, DAD BA NGA BAS CHE, SHES RAB NGA BAS CHE, BRTZON 'GRUS NGA BAS CHE, SNYING RJE NGA BAS CHE, NAM MKHA' LA MDUNG SKOR GSUNG, CHOS GSUNGS TSAD THAMS CAD KYI RTZAR 'JOG ,MI GZHAN GYI BSAMS PA LA, SPYAN SNGA'I ZHABS TOG KHO NA LA 'KHOL BAS CHOS SHES BA CANG 'ONG NGAM ZER BA LA, BYA YUL BA'I ZHAL NAS, NGA'I RNA BA'I LAM DU BYUNG BAS CHOG BA YIN GSUNG, NANG GCIG THAL BA 'BOD DU BYON PAS, SKAS GDANG GSUM BA'I KHAR PHEBS BA'I TSE, BKA' SDE SNOD KYI DON MA LUS BAR THUGS LA LAM GYIS SHAR BYUNG BAS BLA MA'I ZHABS TOG 'DI LA YID CHES BA YIN TE, SKYID SMAD PA'I DGE
BSHES 'DI RNAMS BLA MA'I ZHABS TOG LA MI 'BAD BAR THOS PA KHO NA LA 'BAD PA 'DI NOR BA YIN BYA BA YANG GSUNGS, SPYAN SNGA GSHEGS NAS, PHU CHUNG BA DANG, PO TO BA LA GSER SRANG RE RE BSKYAL, PHU CHUNG DU BYON DUS MI G-YO BA'I ZHAL GZIGS, GZHAN YANG MGON PO GRI GUG ,THUGS RJE CHEN PO'I RIGS DPAG TU MED PA DANG, SANGS RGYAS BYANG SEMS DPAG TU MED PA'I ZHAL GZIGS, LAN CIG SLOB DPON KLU BYANG GI ZHAL GZIGS SHING CHOS GSUNGS, NANG DU BYON NAS MCHOD PA PHUL GSOL BA BTAB PAS MKHA' 'GRO MA MANG PO GAR BYED CING BYUNG BA ZHAL GZIGS, LAN CIG DVAGS PO LHA RJE PHEBS PAR CHOS KYI GSUNG GLENG MANG DU MDZAD, DGE BSHES SHAR BA PA KUN GZHAN SUS KYANG THUGS MI KHENGS PA CIG YIN KYANG BYA YUL BA DE'I THUGS SUS KYANG MI DPOGS BA CIG SNANG GSUNG, GZHAN YANG BYA YUL, KLUNGS SHOD, MAL DRO GSUM DU DUS GCIG LA GRAL DBU MDZAD BA DANG, MDO SMAD DU NGANG TSANG BA'I GTZUG LAG KHANG DANG, DVAGS BO SHA BA GLING BA'I MCHOD RTEN LA PHYAG NAS ZHUS PAS, DUS TSOD CHES GRANGS 'DI TZAM LA MCHOD BA SHOMS GSUNGS NAS, BYA YUL GYI GZIMS CHUNG STENG NAS PHYAG NAS GTOR BAS, KUN GYIS MTHONG BAR GTZUG LAG KHANG DANG MCHOD RTEN STENG DU PHYAG NAS BABS PAS DE NAS SPRUL SKUR GRAGS, DE NAS DGUNG LO RE BZHI LA GSHEGS SHING SBUR SBYANGS PAS, DU BAS GAR KHYAB TU RING BSREL BYUNG BA DANG
, ,DUNG G-YAS 'KHYIL, RNAM RGYAL MCHOD RTEN, SGROL MA RNAMS BYON CING, SLOB MA NYIS STONG LNGA BRGYA 'DUS SO,, ` THEG MCHOG LAM GYIS RGYUD SBYANGS DGYER SGOM ZHABS NI, BRAM ZE DGYER LHA SNANG GI RIGS SU SNON GYI MDAR 'KHRUNGS, MTSAN GZHON NU GRAGS, THOG MAR GLANG RI THANG BA'I PHYAG PHYIR BYON TE, KHONG GI ZHAR CHOS PA CIG LA 'DUL BA GSAN, DE NAS BYA YUL PA'I DRUNG DU BYON PAS, BYA YUL PA'I ZHAL NAS NGA'I SKYE BA SNGA MA'I BLA MA ZHIG YIN BAR 'DUG GSUNGS NAS DGYES DGYES CI YANG MDZAD, DE NAS SNE'U ZUR DU PHEBS PAS THOG MAR DMIGS PA SKOR GSUM DANG, KHA 'BAR MA'I GTOR MA'I LUNG GNANG, TSOGS SU KHYED RNAMS KHO LA MA 'GRAN PAR DGE SBYOR BYED CHUG GSUNGS NAS, SU DANG YANG MI MNYAM PAR MDZAD, GSHIN RJE'I GSHED, MI G-YO BA, SH'AKYA'I RGYAL PO, SMAN BLA, THUGS RJE CHEN PO, SGROL MA SOGS ZHAL GZIGS RDZU 'PHRUL YANG DPAG TU MED BA BRNYES SHING, RGYA MA RIN CHEN SGANG GI GTZUG LAG KHANG GI DGON PA 'DEBS PAR MDZAD CING, 'GRO BA'I DON DPAG TU MED PA MDZAD NAS, DGUNG LO BRGYAD CU RTZA GNYIS LA RIN CHEN SGANG DU MYA NGAN 'DAS PA'I TSUL BSTAN TO,, ` RMAD BYUNG YON RTAN MDZOD 'DZIN SANGS RGYAS DPON STON NI, SNON DU DGYIR SGOM CHEN PO'I DBON POR 'KHRUNGS, ZHABS LA 'KHOR LO, PHYAG LA K'A LI'I RI MO DANG SMIN MTSAMS NA MDZOD SPU G-YAS
'KHYIL YOD PA, 'JAM DPAL RTZA RGYUD DANG MDO NAS LUNG BSTAN BA YOD PAR 'DUG CING, BYANG CHUB SEMS DPA' SKAL LDAN SHING RTA NYID YIN TE, PAn CHEN SH'AKYA SHR'I'I GCUNG PO LA, SING+GHA LA'I DGRA BCOM PAS, KHYOD KYI PHU BO DE BOD LA 'GRO BA 'DUG PAS, ME TOG BZHI BSKUR NAS, GCIG KLU SGRUB KYI SKYE BA ZHIG YOD DE LA SPROD, GCIG RANG NA KU tI BYA BA NA, BYANG CHUB SEMS DPA' SKAL LDAN SHING RTA'I SKYE BA ZHIG YOD PA DE LA SPROD, GCIG DVI BHA GI ZHIG YOD DE LA SPROD, GCIG DES LHA ZHIG BZHENGS PA DE'I THUGS KAR ZHOG GSUNG BA, BYANG CHUB SEMS DPA' SKAL LDAN SHING RTA'I SKYE BA RGYA MA SANGS RGYAS DBON LA GNANG, BYA YUL BA CHEN PO YIN PAR GRAGS PAS YIN LAGS SAM ZHUS PAS, BYA YUL GYI BAG CHAGS CHE, DE'I ZHAD DU GDA' GSUNG, MI G-YO BA, SGROL MA, GSHIN RJE'I GSHED, RTA MGRIN, SLOB DPON KLU'I BYANG CHUB SOGS KYI ZHAL GZIGS SHING, PHYOGS BCU'I SANGS RGYAS THAMS CAD KYIS 'OD ZER CHEN POS DBANG BSKUR CING, SANGS RGYAS DNGOS YIN BA'I RNAM THAR NGO MTSAR BA MANG YANG YI GE MANGS PAS 'JIGS NAS BRIR MA LANG, SANGS RGYAS DBON STON LA, MKHAN CHEN NAM MKHA' RGYAL PO, DE LA MKHAN CHEN SENG GE BZANG PO, DE LA MKHAN CHEN RGYAL SRAS BZANG PO, DE LA LHO BRAG GRUB CHEN NAM MKHA' RGYAL MTSAN, DE LA RJE BDAG NYID CHEN POS, SPYAN SNGA NAS BRGYUD PA'I LAM GYI RIM PA RNAMS LEGS
, ,BAR GSAN TO,, ` RJE BDAG NYID CHEN PO NI, 'KHRUNGS YUL, BLA MA RTOGS LDAN PA'I ZHAL NAS, RJE RIN PO CHE 'KHRUNGS YUL TZONG KHA'I LUNG LAG CIG YIN GSUNG, LHUMS SU 'JUG PA LA NYE BA NA, YAB KYI MNAL LAM DU, RGYA NAG RI BO RTZE LNGA NAS 'ONGS ZER BA'I BTZUN PA ME TOG GI 'PHRENG BA DU MA SBREL BA'I CHOS GOS DANG, SUM CU RTZA GSUM GYI SHING LO YIN ZER BA DAR SER PO 'DRA BA'I SHAM THABS CAN PU TI KHYER BA ZHIG BYUNG NAS, NGA KHYED LA GNAS SHIG G-YOR BA YIN ZER NAS MCHOD KHANG ZHIG YOD PA'I NANG DU SONG BA'I SNANG BA BYUNG, YUM GYI MNAL LAM DU YANG ME TOG GI THANG CHEN PO ZHIG TU BUD MED STONG PHRAG TZAM GRAL BYAS PA'I NANG NA KHONG RANG YANG BSDAD PAR, SHAR NAS KHYE'U DKAR PO DUM BA 'DZIN PA CIG DANG, NUB NAS BU MO DMAR MO RMA BYA'I SGRO MDONGS SDER MA TZAM YOD BA CIG LAG PA G-YAS NA BZUNGS, ME LONG CHEN PO ZHIG G-YON NA BZUNGS NAS BYUNG BAS, DE GNYIS GROS BYAS TE BUD MED THAMS CAD LA 'DIS RUNG NGAM 'DIS RUNG NGAM ZHES KHYE'U BU MO DE LA 'DRI ZHING BU MO DES GZHAN RNAMS RE RE LA SKYON RE BTAGS NAS, YUM LA 'DZUB MO BTZUGS NAS 'DIS RUNG NGAM ZHES 'DRI BA LA, BUD MED NGES 'DZUM BYAS NAS RUNG ZER BAS, 'O NA KHYED KHRUS GYIS ZER NAS, JI LTAR BLTAMS PA LA SOGS PA DBYANGS DANG BCAS PAS KHRUS BYAS PAS, LUS KYI DRI MA DAG NAS BDE SANGS SANGS PA'I SNANG BA
ZHIG BYUNG BA DANG, GNYID SAD NAS LUS YANG BA DANG SEMS BDE BA LA SOGS PA'I DGE MTSAN DU MA BYUNG STE, GANG GI RTAGS YIN NAM SNYAM NAS THE TSOM DU GYUR GSUNG, DUS DE NAS BZUNGS TE KHYIM MTSES DANG YUL MI RNAMS KYI RMI LAM DU'ANG, DGE 'DUN MANG POS JO BO RIN PO CHE DBUS NAS GDAN DRANGS BYUNG BA DANG, NYI ZLA SKAR GSUM DUS GCIG LA SHAR BA DANG, NYIN PAR YANG ME TOG GI CHAR SBOS KYI DRI, NAM MKHA' LA ROL MO'I SGRA DANG, SA G-YO BA LA SOGS PA NGO MTSAR BA'I LTAS, YUL DER MTHUN SNANG DU GRUB BA DU MA BYUNG BA NI MDO DBUS THAMS CAD DU GRAGS PA YIN NO, ,DE NAS BYA LO ZLA BA DANG PO'I TSES BCU'I NUB MO YUM GYI MNAL LAM DU DGE 'DUN LA SOGS PA'I PHO MO BSAM GYIS MI KHYAB BAS RGYAL MTSAN DANG RNGA BO CHE LA SOGS PA ROL MO'I BYE BRAG MTHA' YAS BA BZUNGS TE, SPYAN RAS GZIGS 'BYON PA LA BSU BA BYED ZER KYIN 'DUG PAS PHYOGS KUN TU NGAS BLTAS KYANG MA MTHONG NGO, ,RJES LA BLTAS PAS SPRIN GYI THAD TZAM DU GSER SKU RI BO TZAM PA CIG 'OD ZER NYI MA LTAR PHYOGS THAMS CAD DU 'PHRO BA DANG, CHOS KYI SGRA DBYANGS DANG BCAS PA CIG ,LHA'I BU DANG BU MO YIN ZER BA'I CHA LUGS PHUN SUM TSOGS PA DANG LDAN PA DU MAS BSKOR BA ZHIG MAR MAR BABS BYUNG BAS GSER SKU DE JE CHUNG JE CHUNG LA SONG, SPYI GTZUG GI THANG TZAM DU SLEBS PA'I TSE MTHO GANG TZAM PA SHIN TU MDZES PAR GYUR NAS YUM LA THIM, DE'I 'KHOR RNAMS DANG BSU
, ,MI RNAMS KYANG RANG LA THIM PAR MTHONG BAS RANG LA PHYAG DANG SKOR BA DANG MCHOD PA BKRA SHIS BRJOD BA SOGS RMIS PAS PHYI DE'I NYIN BAR NAS RIG PA GSAL BA SKYED SNANG CHE BA, DE PHYIN MA BRTAGS MA DPYAD BA'I DUS NA'ANG, NGA YI LUS 'DI LA BRNYAS MI RUNG SNYAMS NAS GCES SPRAS DANG GTZANG SBRA LA BRTZON PA SOGS RANG SHUGS KYIS BYUNG 'DUG ,YAB KYI MNAL LAM DU LCANG LO CAN NAS PHYAG NA RDO RJES 'PHANGS SAM SNYAM PA'I GSER GYI RDO RJE 'BAR BA GCIG YUM LA THIM BA RMIS PAS BU STOBS LDAN CIG SKYE BA YIN NAM ZHES GLENG NGO, ,SKU BLTAMS PA'I DUS LA BAB PA'I TSE YUM GYI MNAL LAM DU, DGE 'DUN LA SOGS PA'I KHROM CHEN POS MCHOD PA RNAM LNGA KHYER NAS MCHOD KHANG MJAL ZER, DE GANG NA YOD DRIS BAS SNGAR GYI KHYI'U DKAR PO DES CHU SHEL GYI LDE MIG GCIG BZUNGS NAS 'DI NA YOD ZER CING RANG GI BRANG NA SGO CHUNG SER PO ZHIG 'DUG PA PHYE BA'I NANG NAS SNGAR LUS LA THIM PA'I GSER SKU DE BTON NAS, DRI MAS CUNG ZAD NOGS PA LA, SNGAR GYI BU MO DE BYUNG NAS DE LA BUM CHUS KHRUS BYAS, RMA BYA'I SGROS BYA BAS RGYA GAR GYI SKAD YIN NAM SNYAM PA'I DAR DIR MANG PO DBYANGS SU LEN CING, LHA DE LA MCHOD BA 'BUL GYIN 'DUG BA'I SNANG BA BYUNG BA DANG GNYID SAD NAS THO RANGS KYI CHA SKAR CHEN SHAR BA DANG STABS GCIG BDE BAR 'KHRUNGS, DE NAS DPAL RDO RJE 'JIGS BYED CHEN PO'I GRUB THOB CHOS RJE DON GRUB RIN CHEN BAS SNGA GONG NAS
LUNG BSTAN YOD PA LTAR BDAG GIR MDZAD NAS BSTAN BA'I RTZA BA SO SOR THAR PA, RDO RJE THEG PA'I LAM DU SMIN PAR MDZAD CING BSNYEN SGRUB BDAG 'JUG SOGS LA BRTZON PAR MDZAD, DE NAS MKHAN PO DE NYID KYIS THUGS GNYER LA RDZONG BA MDZAD PA, DBUS GTZANG DU GSAN SBYONG GRVA SKOR, BYA BRAL LA PHEBS NAS, BLA MA DANG LHA TSOGS MANG PO'I ZHAL GZIGS PA DANG, LHA SA SMON LAM CHEN MO 'DZUGS PAR MDZAD PA, DGA' LDAN RNAM PAR RGYAL BA'I DGON PA 'DEBS BA LA SOGS PA'I MDZAD PA RNAMS 'DIR YI GE MNGAS BAS 'DZIGS PAS MKHAS GRUB RIN PO CHES MDZAD PA'I RNAM THAR THUN MONG BA DANG THUN MONG MA YIN PA LAS SHES PAR BYA ZHING, MDOR NA BKA' GDAMS GLEGS BAM LAS NI BKA' GDAMS SU KHAS MI LEN PAR DON BKA' GDAMS SU MDZAD DE, DE DAG NI GZHUNG BA'I RNAM GRANGS YIN GSUNGS PAS, JO BO SPYAN HRIG HRIG MDZAD CING, AA TI AA TI PHA LA PHA LA ZHES SOGS KYANG RJE'I LUNG BSTAN YIN PAR MDZAD CING, DPAL YID BZANG RTZE BA'I ZHAL NAS, DE'I DUS SA CHEN PO 'DI RJE BTZUN TZONG KHA PA'I GDUGS DKAR PO GCIG GIS KHYAB PAR BYAS NAS YOD BA YIN ZHES GSUNG ZHING, LHO BRAG GRUB CHEN LA PHYAG NA RDO RJES KHO BO LAG NA RDO RJES KYANG 'DI'I YON TAN GYI MTHA' RTOGS PAR MI NUS SO, ZHES GSUNGS PAS SHES SO, ,DES NA RJE RIN PO CHE LA SLOB MA NAM MKHA'I SKAR TSOGS TZAM BYUNG BAS DE DANG MTHUN PA'I BRGYUD PA'ANG DE LTAR BYUNG
, ,MOD, 'ON KYANG DBEN SA BKA' RGYUD PA RNAMS KYI LAM RIM GSOL 'DEBS KYI RIM PA LA, DMIGS BRTZE MA'I MJUG TU RJE BTZUN 'JAM PA'I DBYANGS KYI BKA' SGRUB BA ZHES SOGS BLA MA RTOGS LDAN PA, DE RJES DGE LEGS RAB DKAR SOGS MKHAS GRUB RIN CHE PO, DE RJES RAB 'BYAMS CHOS KYI DGONGS DON 'BYED PA LA, ZHES SOGS BA SO RJE DANG, RGYAL BA KUN GYIS GSUNGS PA'I CHOS RNAMS KYI, ZHES SOGS GRUB CHEN CHOS RDO RJE DANG, DPAL LDAN BLA MA BDE CHEN SOGS, RGYAL BA BLO BZANG DON GRUB, SNGON TSE THUGS BSKYED CES SOGS RJE SANGS RGYAS YE SHES KYI BAR RIM PA LTAR KHRID RGYUN YIN NA'ANG, SRAS KYI THU BO GNYIS LA SOGS PA NAS KYANG LUNG GI BRGYUD TSUL YOD CING GAL CHE BAS MDOR BSDUS TZAM BRJOD NA,, ` RGYAL TSAB RIN PO CHE NI, 'KHRUNGS YUL NYANG STOD RI NANG GNAS RNYING GI STONG DPON CIG GI SRAS YIN CING, GNAS RNYING DU RAB TU BYUNG STE GZHON NU NYID NAS RIGS PA'I GNAS LA SBYANGS, STOD 'DUL BA'I MKHAN RGYUD LAS BSNYEN PAR RDZOGS, RJE BTZUN RED MDA' PA CHEN PO'I ZHABS LA GTUGS SHING, RED MDA' BA'I SLOB MA RAB 'BYAMS BKA' LA MKHAS PA'I BSHES GNYEN BDUN GYI NANG NAS RTZOD PA MCHOG TU GYUR BAR GRAGS, RTZES THANG GI GRVA SKOR GRUB NAS, RJE RIN PO CHE DE NYID SNYAN PA CHE BAS GNYAL STOD RA GRONG NA BZHUGS PA'I TSE MJAL DU PHEBS, THOG MAR DRI BA MANG DU MDZAD
PAS, RJE 'DIS RTOGS LDAN LA SKYE BA'I DOGS PA 'DRA BSLANGS BA LA, LAN GYI SPOBS BA MA BYUNG BAS, CHOS KYI GRAGS PA'I RIGS LAM LA BRTEN NAS GSUNG RAB THAMS CAD THAR 'DOD RNAMS LA MED MI RUNG DU NYAMS SU LAN BA'I GDAMS PA'I GNAD LUNG DANG BCAS BA THOGS GCIG GSUNGS BAS, DE MA THAG DBANG RNON CHOS KYI SPYAN LDAN DES THUGS KYIS TSUD NAS RANGS PA'I BDE BA DANG, 'DI NI THAMS CAD MKHYEN BA RGYAL BA'I DAM CHOS MA LUS PA CIG CAR STON BA'I SMON LAM RLABS BO CHE GRUB PA CIG KHO NA'O SNYAM PA'I DAD BA DRAG PO MNAN PAS MI NON PA GNYIS MNYAM DU 'KHRUNGS SHING, ZHABS LA GTUGS PA'I PHYAG MANG DU MDZAD, BDAG BLA MA RJE BTZUN BA LA GNANG BA THOB NAS, RJE NYID ZHABS BRTAN GYI BAR SKU DANG GRIB MA BZHIN DU ZHABS 'BRING DU 'BRANG BAS THUGS RJES GZUNG 'TSAL CES DANG BA'I NGA RO DANG BCAS ZHU BA PHUL BAS, RJE NYID KYIS KYANG ZHAL GYIS BZHES SHING, RJE RIN PO CHE ZHING BRJES NAS RGYAL TSAB TU PHEBS BAS RGYAL TSAB RIN PO CHE ZHES GRAGS LA, RIGS LDAN PADMA DKAR PO'I SPRUL PAR GSUNGS SO,, ` 'DUL 'DZIN GRAGS BA RGYAL MTSAN NI, SNGON BRAM ZE'I KHYI'U GO 'PHANG BYA BAR 'KHRUNGS PA'I TSE, SANGS RGYAS LOG PAR DAD SEL GYI SPRUL BA RANG SANGS RGYAS CIG LA BSOD SNYOMS PHUL NAS SKYE BA THAMS CAD DU RGYAL BA KUN GYI DAM PA'I CHOS MA LUS BA 'DZIN PA'I SMON LAM BTAB, DE NAS SUM CU RTZA GSUM DU LHA'I BU ZHI BA'I TOG TU 'KHRUNGS, DE NAS
, ,'DIR 'KHRUNGS SHING, SLOB DPON YON TAN 'OD DANG, GTZANG PA RGYA RAS DANG THUGS RGYUD GCIG ,STON PA 'JIG RTEN DU PHEBS DUS DGE SLONG 'DUL BA'I TOG CES PAR GYUR TO,, ` BLA MA RTOGS LDAN 'JAM DPAL RGYA MTSO NI, MDO SMAD TZONG KHA'I MTHIL DU 'KHRUNGS, RJE RIN PO CHE TZONG KHA'I LUNG LAG CIG TU 'KHRUNGS PA YIN GSUNG ZHING, GZHON NU NYID NAS DAM PA'I CHOS KYI BAG CHAGS SHIN TU BRTAS PAS, DE SKABS NAS ZLA BA SGRON MA'I MDO THUGS LA BZUNGS NAS RGYUN DU ZHAL 'DON MDZAD, DE NAS BLA MA ZHO LUNG MTSO KHA BA'I DRUNG DU BYON NAS SBYOR DRUG GSAN CING RJE RIN PO CHE BDE BA CAN DU RGYUD BLA MA GSUNG BAR 'DUG ZER BA GSAN PAS, DER PHEBS NAS GSAN PAS LEGS PAR DGONGS PA BYUNG, DE NAS SNGAR GYI KHRID KYI RGYUN SKYONG DGONGS PA LA, RJE RIN PO CHES TSAD MA NYON GSUNGS PAS GSANG PHUR PHEBS NAS TSAD MA LA SBYANGS NAS GRVA SKOR YANG MDZAD, DE NAS BLA MA DAM PA'I SLOB MA YON TAN BZANG PO'I DRUNG DU PHEBS NAS LAM 'BRAS GSAN NAS BSGOMS PAS RLUNG BUM PA CAN JI LTAR GSUNGS PA BZHIN TSAD LA PHEBS, DROD KYANG SKYES PAS GOS GCIG GIS CHOG PA BYUNG, PHYIS NI RJE BTZUN 'JAM PA'I DBYANGS KYI SKU GSUNG THUGS KYI SNANG BA NAM 'DOD DU GZIGS CHOG PA CIG BYUNG ZHING, DA STE SE MO DO 'AM KHA CHE'I YAN LAG GANDHO LA'I SGRUB GNAS SU PHYIN LA TSE DANG SGRUB PA SNYOMS PA LA GTANG DGOS DGONGS PA YOD KYANG
RJE BTZUN 'JAM PA'I DBYANGS KYIS, RJE RIN PO CHE LA NYAN BSHAD LAS BYA BRAL GYIS GSUNG BA BYUNG NAS, BYA BRAL LA PHEBS PA'I THUGS THAG BCAD PAS, BLA MA RTOGS LDAN PA'I DGONGS PA LA, RJE RIN PO CHE BYA BRAL MDZAD NA DE'I PHYAG PHYIR 'BRANG DGOS, DE LAS LHAG PA RANG MI 'ONG SNYAM NAS MJAL DU BYON NAS LO RGYUS ZHUS PAS, RJE'I ZHAL NAS NGED KYANG SGRUB PA BYED LAM 'BRAS KYI CHA LAG LHAG MA RNAMS ZHUS LAS SHOG ,GSUNGS PAS DE LTAR MDZAD NAS BYON, DE NAS 'OL KHA CHOS LUNG DU, RJE DANG BLA MA 'JAM DKAR BA GNYIS MA GTOGS GZHAN THAMS CAD KYIS BCUD LEN BYAS PA LA, GZHAN RNAMS LA RIL BU BRGYAD CU TZAM RE DGOS PAR 'DUG KYANG BLA MA 'DI LA SUM CU TZAM RES CHOG PAR BYUNG, TSUL KHRIMS LA GUS PAS RIL BU'I RTA SING POS BYED PAR 'DUG STE CHUL BYAS GSUNG, RJE'I SKU MDUN DU GSHIBS PA'I BSHES GNYEN CI RIGS LA'ANG SNGA BAN TSO GSUNG GIN BKA' BKYON, KHO TSO SHES RAB CHE STE NGA DAD PA CHE GSUNG, RJE BTZUN 'JAM PA'I DBYANGS LA NAM 'DOD DU MJAL NAS THUGS KYI THE TSOM THAMS CAD BCAD CHOG ,RJE RIN PO CHE LA RJE BTZUN ZHAL GZIGS BA SKU GZI BRJID CHE ZHING GSUNG CHER MI 'BYON PA, BLA MA RTOGS LDAN PA LA ZHAL GZIGS BA DE GSUNG YANG YANG 'BYON PA CIG YOD PAR SNANG, DE NAS DGUNG LO DON GSUM PA LA SPANG SAR GSHEGS TE SKU GDUNG NI RIL BOR SPANGS PA RNAMS KYI DAD PA'I RTEN DU GSER 'BUM NANG NA BZHUGS PA LAS DBU THOD SGANG CHEN NAS RAB BRTAN
, ,LAGS KYIS BDEN DRANGS TE PAn CHEN THAMS CAD MKHYEN PA LA PHUL ZHES GRAG GO, ` RJE BDAG NYID CHEN PO'I NANG THUGS KYI SRAS GCIG MKHAS GRUB DGE LEGS DPAL BZANG NI, LA STONG BYANG GI CHU 'OG CES BA MI DPON CHEN PO'I SRAS SU SKU 'KHRUNGS TE, CHUNG NGU NAS MGON PO PHYAG DRUG PA'I RJES GNANG ZHUS TE, BSNYEN SGRUB GTOR MA YE MA CHAG PAR MDZAD PAS, CHOS SKYONG GI BZHON PA PHAG GI SKAD MCHOD G-YOG PAS TSOR BA BYUNG, GZHON NU'I DUS SU MKHAS GRUB LHA DBANG PA'I SKU'I SKYE BA YIN PAR DRAN PAS MKHAS GRUB PA'I MTSAN CHAGS, MKHAS GRUB LHA DBANG PA'I DGON PA RDO RJE GDAN YANG PHUL, GZHON NU NYID NAS RIN PO CHE 'JAM DPAL RDO RJE SNYING POS RJES SU BZUNGS TE DBANG RGYUD MAN NGAG BSAM GYIS MI KHYAB PA GNANG BAS RTZA BA'I BLA MA BKA' DRIN CHE SHOS YIN GSUNG, DE RJES LAM 'BRAS PA YE SHES DPAL BA RDO RJE GDAN DU MJAL BAS THUN MONG MA YIN PA'I DAD PA SKYES TE MCHI MA 'CHOR, KYEE RDOR GYI DBANG ZHUS NAS RMI LAM BRTAGS PA'I DUS SU BLA MA DE 'OD KOR GYI NANG NA BZHUGS PA'I 'OD KOR LA AAshtA'I SNGAGS GSER GYIS BRIS PA LTA BU MTHONG BA DANG, YE SHES 'BEBS PA'I TSE TING NGE 'DZIN GYI BYE BRAG MANG PO SKYES, LAM 'BRAS BSKYANGS PA'I PHYAG RGYA CHEN PO YI GE MED PA'I SKABS SU BLA MA LA SPYAN GSUM YONG BAR MTHONG, 'DI LA LAM 'BRAS THOB MAN CHAD 'KHRID GANG BSKYANGS PA KUN GYI YON TAN CHA SE RGYUD LA MA SKYES PA MA BYUNG, BLA MA 'DI LA RDO RJE 'CHANG
GI 'DU SHES LAS THA MAL PA'I 'DU SHES SKYE MA MYONG GSUNGS, RJE RED MDA' PA CHEN PO NI, CHOS NYID KYI BDEN PA MNGON SUM DU GZIGS SHING SKU TSE SNGA MA'I YANG BLA MA YIN PA 'DRA GSUNG ZHING, SKU CHUNG NGU'I DUS NAS KLU SGRUB KYI MTSAN THOS TZA NA SPYAN CHAB 'CHOR ZHING, DBU MA'I CHOS TSIG RE TZAM THOS PAS 'DI LTA BU'I CHOS ZAB MO STON PA'I BLA MA ZHIG DANG MJAL NA SNYAM ZHING, BLA MA 'DI DANG MJAL MAN MOS GUS DPAG TU MED PA SKYES, MJAL BA'I DUS KYANG NYI MA GSUM DUS GCIG LA SHAR BA'I RMI LTAS BYUNG GSUNG, BSTAN PA LA BYA BA MDZAD TSUL NI, DGUNG LO BCU DRUG BZHES PA'I TSE, BO DONG BA PHYOGS LAS RNAM RGYAL GYIS RIGS GTER NANG 'GAL GYI PHUNG PO KHO BOS DGAG PAR BGYI'O, ZHES GSUNGS NAS, SA SKYA PA GZHAN RNAMS KYIS LAN MA NUS PA LA, MKHAS GRUB RIN PO CHES 'GAL SPONG MTHAR CHAGS SU MDZAD CING, MTHAR BO DONG PAS BZHAG PA'I GRUB MTHA' RNAMS, MKHAS GRUB RIN PO CHES BKAG PAS, BO DONG PAS, MDO SDE PA'I GRUB MTHA' LA NANG 'GAL BYUNG BA YIN, ZHES PA TZAM LAS GSUNG RGYU MA BYUNG BAS PHAN TSUN THUGS 'PHROGS PAR GYUR PA YIN TE, PHYIS MKHAS GRUB RIN PO CHE LA BUNG BA RNAM PAR RTZE BA'I RGYUD MANG ZHES PA'I BSTOD PA YANG MDZAD, YANG RJE BLA MA 'DIS NGAM RING DBYAR CHOS CIG LA, SA SKYA BA'I MKHAS PA LUNG RIGS SMRA BA'I MCHOG CHOS RJE G-YAG PHRUG PA YANG RTZOD PAS PHAM BAR MDZAD, YANG RONG STON SH'AKYA RGYAL MTSAN GYIS DON LA
, ,MKHAS GRUB RIN PO CHE LA RTZOD PAR MI SPYOD KYANG, PHYI YUL DU RTZOD PA BGYING CES YANG YANG BSGRAGS SHING, LAN CIG BDAG PO RAB BRTAN PAS KUN MKHYEN RONG PO DPAL 'KHOR SDE CHEN DU GDAN DRANGS PA LA, MKHAS GRUB RIN PO CHES KYANG MDANGS CHEN NAS PHEBS THOG MAR GZHIS LEN MDZAD DGONGS NAS RONG PO GDAN DRANGS KYANG DA LTA RTZOD PA MDZAD RGYU YIN DGONGS NAS PHEBS MA NYAN, DE NAS RTZOD PA MDZAD PAR THAG CHOD DE, ZHVA LU DANG, GNAS RNYING GNYIS NAS RTZOD DPANG GI MKHAS PA RE YANG GDAN DRANGS NAS CHOS SDE'I 'DU KHANG DU, RGOL PHYIR RGOL, SBYIN BDAG ,RTZOD DPANG PA GNYIS KYI GDAN YANG BSHAMS GRUB NAS, RONG PO PHYOGS KYI BLA MA GRVA RIGS SBYIN BDAG DANG BCAS PA RNAMS THUGS 'GYUR NAS BLA MA RONG STON CHEN PO NI PHAR PHYIN LA MKHAS MOD KYI, MKHAS GRUB PA NI GZHON NU NYID NAS, RIG GNAS MDO RGYUD MTHA' DAG LA THOGS PA MED CING, GZHON NU'I SKABS SU YANG PAn CHEN PHYOGS LAS RNAM RGYAL DANG, G-YAG PHRUG SANGS RGYAS DPAL BA YANG RTZOD PAS PHAM PAR MDZAD PAS BSHOL BA LEGS SNYAM NAS, MKHAS GRUB PA NGA'I RTZOD ZLAR MI 'OS ZER BA DANG, KHYOD KYI BLA MA RGYAL TSAB PA YANG NGAS PHAM PAR BYAS ZER BA DANG, MTHAR NGA KHYOD DANG MI RTZOD DO ZHES NA MED LA BUD PAS, BZHUGS GDAN RNAMS KYANG SLAR SDUD DGOS PA SOGS SHIN TU NGO TSA BA'I GNAS LA BKOD, MTHU STOBS KYI DBANG DU BYAS NA, DPAL 'KHOR
SDE CHEN NA BZHUGS SKABS LJONGS RGYU LA PHEBS NAS SPANG STENG ZHIG LA BZHUGS PA, GLO BUR DU THOG CIG NAM MKHAR LDINGS PA SHANGS NAS SING SGRA DANG BCAS PAS SDIGS MDZUB KYIS BRAG RI ZHIG GI STENG DU 'PHANGS PAS BRAG RI GSIL BUR SONG; YANG BA SO MGON KHANG DU SMON 'GRO RGYAL PO CHAGS RGYAL MDOS KYIS KHENGS PA LA SHANGS NAS SING SGRA DANG BCAS TE BGEGS SKROD DRAG PO MDZAD PAS MI KHYI THAMS CAD BRGYAL 'GRO BA TZAM BYUNG ZHING, RJE RIN PO CHE DGA' LDAN DU GSHEGS NAS KYANG LAN GSUM MJAL BA SOGS NGO MTSAR BA'I RNAM THAR BSAM GYIS MI KHYAB BA MNGA' 'O,, ` BA SO CHOS KYI RGYAL MTSAN NI, MKHAS GRUB RIN PO CHE'I GCUNG PO YIN ZHING, GSAN PA PHAL CHER MKHAS GRUB RIN PO CHE LAS RDZOGS PAR MDZAD, RJE RIN PO CHE'I YANG ZHABS LA THUG CING, BLA MA RTOGS LDAN PA LAS RJE BTZUN 'JAM DPAL NAS RJE RIN PO CHE LA BRGYUD PA'I SNYAN RGYUD KYI GDAMS NGAG SPRUL PA'I GLEGS BAM DANG BCAS PA BYUNG, NGA TSE 'DI LA RNAL 'BYOR GYI DBANG PHYUG SHA BA RI PA'I RNAM THAR SKYONG BSAMS KYANG, RJE RIN PO CHE'I GDAN SAR GRO DGOS BYUNG GSUNG ZHING, GNAS RNYING PA PAn CHEN KUN DGA' BDE LEGS PA'I ZHAL NAS, NGA GNAS RNYING PA'I RIGS SU SKYES SNYAM PA'I NGA RGYAL NI MED, BA SO RJE'I SOB MA YIN PA'I NGA RGYAL YOD CES GSUNG PA YANG DPYAD GZHI CHE ZHING, SLOB MA 'JA' LUS RDO RJE'I SKU BRNYES PA RDO RJE MCHAD GSUM LA SOGS PA BYUNG NGO,, ` GRUB CHEN CHOS RDO RJE NI, SHAR
, ,PHYOGS TZONG KHA DANG NYE BA'I CHA NAS, KUN DGA' RGYAL PO DANG, DPAL 'DZOM ZHES BYA BA'I BYA BRAL BA PHO MO GNYIS DBUS GTZANG GI GNAS SKOR LA 'ONGS PA'I LHUMS SU ZHUGS TE, RTA NAG RDO RJE GDAN DU PHEBS PA NA SRAS SKU BLTAMS, DGUNG LO BCU GCIG BZHES PA'I TSE DGA' LDAN RNAM PAR RGYAL BAR PHEBS, DE'I TSE PAn CHEN CHOS KYI RGYAL MTSAN LA MKHA' 'GROS LUNG BSTAN PA BZHIN, YAB YUM GNYIS LA BYA DGA' GNANG NAS RAB TU BYUNG, MTSAN CHOS KYI RDO RJER BTAGS, LO LNGA'I BAR DU SRAS KYI THU BOR BZUNGS TE, GSANG BDE 'JIGS GSUM DUS 'KHOR SOGS KYI DBANG LUNG KHRID MAN NGAG DANG BCAS PA PHAL CHER GNANG, KHYAD PAR RGYAL BA TZONG KHA PA CHEN PO'I THUGS BCUD MTHAR THUG PA'I MAN NGAG SNYAN RGYUD ZHAL SHES GLEGS BAM DANG BCAS PA GNANG, DE NAS 'BRAS SPUNGS SU MKHAS PA BDE LEGS STOBS LDAN PA'I SPYAN SNGAR DBU PHAR LA SBYANGS PA MTHAR PHYIN PA MDZAD, GZHAN YANG 'JAM DBYANGS SMON LAM DPAL PA'I DRUNG DU YANG MDO SNGAGS KYI CHOS BKA' RGYA CHER GSAN, DE RJES GTZANG DU PHEBS, 'DUL 'DZIN BLO GROS SBAS PA LA, 'DUS PA'I KHRID LAG RJES, YIG CHUNG THOR BU, LAM RIM GYI KHRID RIM, MGON PO ZHAL DANG, DMAG ZOR MA'I RJES GNANG GSAN, DE NAS BLA MA PAn CHEN GYI BKA' BZHIN DBEN PA'I SA PHYOGS DU MAR RGYU ZHING, KHYAD PAR PADMA
CAN LA SOGS PAR SGRUB PA SNYING POR MDZAD PAS, CHOS KYI RGYAL PO TZONG KHA PA CHEN PO'I ZHAL GZIGS, THUN MONG DANG THUN MONG MIN PA'I SNYAN RGYUD KYI GDAMS PA YONGS SU RDZOGS PA GNANG, DE NAS RING POR MA LON PAR RJE BTZUN PHYAG NA PADMO LA SOGS RGYAL BA MA LUS PA'I RANG GZUGS BLA MA 'DI'I YE SHES KYI ME LONG LA SHAR BAR GYUR, DE NAS SLAR YANG ZAB LAM RIM PA GNYIS KYI RNAL 'BYOR LA BRTZON PAR MDZAD PAS ZUNG 'JUG RDO RJE 'CHANG GI GO 'PHANG BRNYES TE, 'JA' LUS RDO RJE LTA BU'I SKU TSE'I RIG 'DZIN THOB NAS, NAM MKHA' JI SRID GNAS KYI BAR DU 'GRO BA'I DON MDZAD CING BZHUGS SHING, BLA MA 'DI NYID JO BO RJE DPAL LDAN AA TI SHA RIG PA BRTUL ZHUGS KYI SPYOD PA MDZAD DUS KYI BLA MA AA WA DH'U T'I PA DANG 'GRO BA'I MGON PO CHOS RGYAL 'PHAGS PA DANG THUGS RGYUD GCIG PA YIN NO,, ` RGYAL BA BLO BZANG DON GRUB NI, LHA KHUD KYI PHU NUB DBEN SA'I MDAR BSOD NAMS PHYOGS KYI GLANG PO'I RIGS RGYUD LDONG GI RGYUD DU SKU 'KHRUNGS MA THAG ,MAR GYUR SEMS CAN THAMS CAD SNYING RJE RJE AOm MA nI PADME H'Um GSUNGS PAS YUM GYIS LTAS NGAN YIN SNYAM NAS GDAN HRUL DBU LA G-YOGS PAS LJAGS THAN GYI RNAM PA BYUNG BA YANG DE'I RKYEN GYIS YIN, DE NAS MA YAR MA GCIG DANG THUGS MA MTHUN PAS DBEN SA'I SHAR NGOS KYI SA PHUG TU THON NAS BZHUGS PA'I TSE, STON PA THUB PA'I DBANG PO DANG, RJE BTZUN 'JAM DPAL
, ,SNYING PO'I ZHAL GZIGS, LHA RI RTZE PA GRAGS PA DON GRUB PA LAS RAB TU BYUNG, MTSAN BLO BZANG DON GRUB TU GSOL, DGE 'PHEL BA SLOB DPON TSUL RIN PA DANG, RJE THUB BSTAN RNAM RGYAL, CHOS 'KHOR DBUS SDINGS SU RJE SKYABS MCHOG DPAL BZANG PO SOGS LA DBANG LUNG 'KHRID LA SOGS PA MANG DU GSAN, RE ZHIG BKRA SHIS LHUN POR 'JAM DBYANGS BLO BZANG BSHES GNYEN PA'I DRUNG DU BSDUS PA BRTZI BA SOGS LA BYON, NYI MA GCIG LA THOGS PA MED PAR MKHYEN PA'I TSUL BSTAN NAS DE NAS BYA BRAL 'KHRUL ZHING GI RNAM PAS DBEN GNAS SNA TSOGS PAR THUGS SGRUB PA LA RTZE GCIG TU GZHOL BAR MDZAD PAS, RDZU 'PHRUL MNGON SHES LA THOGS PA MED PAR GYUR TE, DGE 'PHEL DU THO RANGS SHIG KHANG PA RGYA SBREL MANG PO'I NANG GCIG NAS GCIG TU THOGS PA MED PAR BYON, LAN CIG BRAG G-YANGS CHEN PO MIS MI THAR BA ZHIG YOD PAR RDZU 'PHRUL GYIS GSHEGS PA, BRANG DBON DON BKRAS BAS MTHONG NAS PHYAG 'TSAL DU BYUNG BAS, KHYED SU DANG NOR GANG MTHONG GSUNGS PAS SNGAR GYI MTHONG TSUL ZHUS PAS, KHYED RANG MIG 'KHRUL PA'AM, JO BO BRAG DKAR BA YIN MOD GSUNG, LAN CIG RGYAL BA G-YUNG GI SGRUB GNAS BRAG RGYA BO RDO RJE'I PHO BRANG DU DPAL GSANG BA 'DUS PA'I MAN NGAG GI GNAD PHRA MO ZHIG NYAMS SU BZHES PAS, RGYA BOD KYI MKHAS GRUB DU MA'I GZHUNG RNAMS DANG,
RGYAL BA'I BKA' RAB 'BYAMS GSUNG NGAG NAS 'DON NUS BA DANG, 'PHAGS YUL GYI 'PHRAL SKAD DANG, LEGS SBYAR GYI SKAD LA SOGS PA SKAD RIGS MI 'DRA BA DU MA MKHYEN PAS, SHANGS LA PHEBS PA'I LAM KHAR DZO KI 'GA' ZHIG DANG 'PHRAL SKAD KYI GSUNG GLENG MDZAD PAS TSOGS PA RNAMS NGO MTSAR DU GYUR, YANG RONG PHYOGS SU PHEBS DUS, SA SKYA PA'I BDAG CHEN RDO RJE GLING PA DANG, BYAMS CHEN PA'I SLOB DPON MANG PO DANG, SKYED TSAL BA'I DGE BSHES 'GA' ZHIG DANG, RTA NAG PA'I LO CHEN ZER BA RNAMS MKHA' RU STENG DU 'TSOGS NAS SGRA'I BSHAD PA YUS YUS BYED CING DGA' LDAN PA RNAMS KYIS SGRA MI SHES ZER BAR, BRGYAD STONG PA SAm SKRi TA'I SKAD DU 'DON PAR MDZAD CING BSHAD PA MDZAD PAS, DE DAG GI SGRA'I YON TAN GYIS GANG DU YANG MA PHYIN, SNGAR DGUNG LO BCU BDUN PA'I TSE 'BRUM NAD KYIS BSNYEL NAS BZHUGS YOD PA LA CHAB SGOR RTEN 'BREL BSTOD PA 'DON PA CIG 'DUG PAS SLONG MO BA ZHIG GO SNYAM NAS GZIGS PAS, DGE SLONG SMA RA DKAR PO'I AAG TSOM CAN, PHYAG DAR KHROD PA'I CHOS GOS GSOL BA SHIN TU DANG BA 'DREN PA CIG 'DUG PAS, NANG DU SPYAN DRANGS CHA RKYEN DANG 'TSAM PA'I BSNYEN BKUR CING GDAMS PA'I GTER DU GYUR PA'I GRUB PA MCHOG TU GZIGS NAS, RJES SU 'DZIN PAR ZHUS PAS, BKRA SHIS RDZONG KHA'I PHU'I MGAR MO CHOS RDZONG DU SHOG GSUNG, SLAR PHEBS PAS, SNYAN
, ,RGYUD KYI GDAMS PA YONGS RDZOGS SPRUL PA'I GLEGS BAM DANG BCAS PA GNANG NAS RGYAL TSAB TU DBANG BSKUR RO, ,'MKHAS GRUB SANGS RGYAS YE SHES NI, SPA YE SHES DBANG PO DANG, G-YAG SDE PAn CHEN GYI SKU RIGS SU LHAN GRU RGYAR SKU 'KHRUNGS SHING, GZHON NU NYID NAS BKRA SHIS LHUN POR THUGS GNYER LA PHEBS NAS, DBU MA LA SPYI SKYUR BZHENGS SHING PHAS RGOL ZIL GYIS MNAN, DE NAS DBU PHAR SOGS LA GSAN PA RGYA CHER MDZAD NAS DPAL 'KHOR CHOS SDER GRVA SKOR GNANG ZHING, DGUNG LO NYER DRUG PA LA BKRA SHIS LHUN PO'I CHOS KHRIMS CHEN MO MDZAD, DE NAS 'JAM DBYANGS DGE 'DUN BLO BZANG PA DANG, RJE GRUB PA'I DBANG PHYUG LA DGONGS PA DANG SKYABS 'JUG ZHUS NAS RGYUD SMAD LA PHEBS NAS DVAGS PO NAM MKHA' GRAGS PA'I SKU ZHABS SU DPAL GSANG BA 'DUS PA'I 'GREL BA LA GSAN SBYONG PHAL CHER GRUB NAS, ZHABS LA GRANG BA'I BSNYEL GZHI CUNG ZAD BYUNG BA LA BRTEN NAS DA NAD 'DI PHAN NA GTZANG PHYOGS LA 'GRO DGONGS CAN MNAL LAM DU BUD MED GZHON NU MA ZHIG BYUNG NAS, DA DON GRUB PAS GTZANG LA LOG ZER BA BYUNG BAS, GTZANG DU LOG PHEBS NAS 'JAM DBYANGS DGE 'DUN BLO BZANG PA MJAL BAS, RJE DGE 'DUN BLO BZANG PA'I ZHAL NAS NGAS DPAL LDAN LHA MO LA, NGA'I RAB 'BYAMS PA KHUG SHOG BYAS PAS, DRUNG BA DBUS SU BZHUGS PA LA CUNG ZAD GNOD PA 'DRA GSUNG, DE
NAS 'JAM DBYANGS DGE 'DUN BLO BZANG PAS, RJE GRUB PA'I DBANG PHYUG GI SKU ZHABS SU, 'JAM DBYANGS DGE 'DUN BLO BZANG PA NYID ZAB MO'I GDAMS PA ZHU BA LA PHEBS CHOG PA'I 'PHRIN PAR MNGAGS PAR MDZAD PAR LTAR PHEBS PAS RJE DGE 'DUN BLO BZANG PA LA GNANG BA NI MA BYUNG, RJE SANGS RGYAS YE SHES RANG NYID SLAR PHEBS CHOG PA'I GNANG BA STZAL BAS, SLAR DBEN DGON DU PHEBS NAS, GDAMS PA RNAMS RIM GYIS THOB, BAR SKABS SHIG RI BO DGE 'PHEL GYI MKHAN POR RJE GRUB PA'I DBANG PHYUG GI BKA' NAN CHE BAS PHEBS, DE NAS RJE GRUB PA'I DBANG PHYUG ZHABS LA TSER MA ZUG PA'I RKYEN LA BRTEN NAS ZHING KHAMS GZHAN DU GSHEGS KHAR PHEBS NAS DGONGS PA YONGS SU RDZOGS PAR MDZAD NAS RGYAL TSAB DAM PAR BZHUGS NAS CHOS 'KHOR RGYA CHER BSKOR BAR MDZAD, BAR SKABS SHIG TU, PA RNAM RDZONG GI SRUNG CHA BA'I KHROD NAS DVAGS PO DANG, ,PA RNAM PA'I PHO YAN 'TSOGS PA'I DMAG GIS, MDA' MTSON GYIS CHAR PHABS KYANG, PHAL CHER SKU LAS YOL ZHING 'GA' ZHIG 'PHOG KYANG RDO RJE'I BRAG LA 'PHOG PA LTAR GNOD PA CUNG ZAD KYANG MA BYUNG, SLAR DRAG PO MNGON SPYOD KYIS TSAR BCAD PAS MTHU STOBS KYI GRAGS PAS KHYAB, RJE 'DI NYID DANG POR RJE GRUB PA'I DBANG PHYUG GI DRUNG DU BZHUGS, THUN MONG BA'I LAM RIM GYI SNYAN RGYUD GSAN, RTZE GCIG TU NYAMS BZHES MDZAD PAS, ZLA BA DRUG BDUN LA BSHES GNYEN BSTEN TSUL
, ,NAS, ZHI LHAG ZUNG 'BREL GYI BAR GYI NYAMS RTOGS KHYAD PAR CAN THUGS LA 'KHRUNGS, KHYAD PAR RJE BLO BZANG DON GRUB PA LA BSNYAN RGYAB ZHUS NAS DPAL RDO RJE 'JIGS BYED KYI RTEN BRTEN PA'I DKYIL 'KHOR YONGS SU RDZOGS PA'I ZHAL GZIGS, PHYIS DBEN DGON RTZER DE'I RIM GNYIS KYI RNAL 'BYOR NYAMS SU BZHES TSE, 'JIGS BYED ZHAL PHYAG YONGS RDZOGS LA YUM RDO RJE RO LANGS MA DMAR MOS 'KHYUD PA YANG GZIGS, DE BZHIN DU DPAL 'DUS PA ZHE SDANG RDO RJE YUM BCAS G-YAS BSKUMS G-YON BRKYANGS BZHENGS PA'I RNAM PAS ZHAL BSTAN, BYIN GYIS BRLABS PA'I NYAMS SHAR GSUNG, DE BZHIN DU MGON PO PHYAG DRUG PA, CHOS RGYAL PHYI NANG GSANG GSUM, DPAL LDAN LHA MO RNAM PA GSUM LA SOGS PAS ZHAL BSTAN, 'PHRIN LAS SGRUB PAR ZHAL GYIS BZHES SO, ,BAR SKABS SHIG TU DAM SEL LA BRTEN, DRANG SRONG GI GNOD PA'I RNAM PA CUNG ZAD BYUNG PA NA, PHYAG RDOR GTUM PO'I BSNYEN SGRUB MDZAD PAS, BCOM LDAN 'DAS RDO RJE GTUM PO SKU DANG GZI BRJID SHIN TU CHE BA ZHIG GI GNAS LNGA LAS, KHYUD RIGS LNGA BYUNG NAS, BDAG NYID CHEN PO'I GNAS LNGAR ZHUGS PAS, NAD DE RTZA BA NAS DAG PA BYUNG GSUNG,, ` PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO NI, LHAN GRU RGYAR SBA YE SHES DBANG PO DANG, ,
G-YAG SDE PAn CHEN GYI SKU RIGS SU BLTAMS, GSUNG SGO MA PHYE GONG DU GZHAN GYIS CHOS SPYOD BTON TSE TSIG DON THAMS CAD THUGS LA RIM PAR SHAR, DE NAS RDO RJE GCOD PA LA LJAGS KLOG SBYANGS PAS THUGS LA SHIN TU BYANG BAR ZIN, MES SBOR GRAGS PA 'TSO BYED KUN DGA' 'OD ZER GYI 'JAM DPAL MTSAN BRJOD ZHAL 'DON MDZAD PA YANG YANG GSAN PAS SHIN TU DAG PAR THUGS SU BYON NAS RJE SANGS RGYAS YE SHES LA RGYUGS PHUL BAS THUGS SHIN TU MNYES NAS BTZUN PA CIG BYED DGOS GSUNGS, DGUNG LO BCU GSUM PA LA DBEN DGON DU PHEBS NAS DGE TSUL BZHES, DE'I TSE SMAN THANG PA DKON MCHOG LHUN GRUB PAS, RJE BTZUN SANGS RGYAS YE SHES LA SNGA GONG NAS DPAL RDO RJE 'JIGS BYED KYI DBANG GI GSOL BA BTAB 'DUG PA LTAR 'JIGS BYED KYI DBANG GSAN, DE NAS RJES GNANG GI RIGS GNANG RIM GYIS LJAGS BSNYEN GNANG SKABS, LHA DE DANG DE'I ZHAL GZIGS, DGUNG LO BCU BZHI'I SKABS DBYANGS CAN MA LA LJAGS BSNYEN GNANG BAS, MNGON RTOGS DANG MTHUN PA'I DBYANGS CAN MA'I THUGS KA NAS DBYANGS CAN MA SNGON MO GCIG BYUNG, RIN PO CHE'I SNOD NAS SHING TOG PHUL BAS, SHING TOG GCIG LAS DBYANGS CAN MA DMAR MO ZHIG 'THON PAS, GTZO MO'I PHYAG GI SHING TOG SNOD DANG BCAS PA, RJE BLA MA'I PHYAG TU PHUL NAS, RO BRGYA'I DPAL LA LONGS SPYAD
, ,PA DANG, PI WANG GI SGRA YANG GSAN, DE NAS LAM RIM CHUNG BA LJAGS 'DZIN MDZAD NAS, LAM RIM CHE BA LA GZIGS PAS THUGS LA SHIN TU 'PHROD PAR BYUNG BAS LJAGS 'DZIN MDZAD NAS RJE SANGS RGYAS YE SHES LA RGYUGS 'BUL BAR MDZAD PAS THUGS SHIN TU DGYES SHING, DE'I TSE BSTAN PA'I BDAG PO THUB PA'I DBANG PO'I ZHAL GZIGS, DE NAS BKRA SHIS LHUN POR THUGS GNYER LA PHEBS PAS, BUD MED PHO CHAS SPRAD PA GCIG GIS DGA' BA'I RNAM 'GYUR MANG DU BSTAN CING, RTZI SHAG 'DZIN PA LA PHEBS PA'I THOG MAR GZIMS SPYIL 'GAG TU RNAL 'BYOR MA ZHIG GIS 'O MA THOD PHOR GANG PHUL, DE NAS SPYI SKYUR ZHAL GYIS BZHES NAS, 'JIGS BYED DANG 'JAM DKAR LA SBRAGS SGRUB MDZAD PAS, YA MA R'A DZA' DKAR PO'I RNAM PAR GZIGS SHING, RVA LO RDO RJE GRAGS LTA BU'I MTHU STOBS LA MNGA' BRNYES PAS ZHA LU'I MA HE'I BKA' BSGO GNANG BA LA 'TSUB CHA MI YONG BA YANG SMOS CI DGOS, DBEN DGON DU BZHUGS SKABS SHIG RGYAL BA TZONG KHA PA CHEN PO'I ZHAL GZIGS, THAMS CAD MKHYEN PA YON TAN RGYA MTSO SPYAN RAS GZIGS PHYAG BZHI PAR GZIGS, RA SGRENG DU JO BO SOGS BKA' GDAMS KYI BLA MA RNAMS ZHAL GZIGS SHING, RGYAL BA BYAMS PA'I SKU RANG BYON DU GRAGS PA 'DI'I RAB GNAS SKABS, DGE SLONG CHOS
GOS RNAM GSUM GSOL BA ZHIG SKU DE LA THIM PAR GZIGS, DBEN BSDUMS MCHOD RTEN GYI RAB GNAS SKABS, DE MO SPRUL SKU LHA DBANG CHOS KYI RGYAL MTSAN GYIS MCHOD RTEN GYI CHAR KHEBS KYI STENG NA, DBUS SU RJE NYID G-YAS SU GRUB CHEN CIG ,G-YON DU DGE SLONG DBU DKAR PO ZHIG BZHUGS PA GZIGS NAS RGYU MTSAN ZHUS PAS, GRUB CHEN DE SA RA HA, DGE SLONG DE GRUB CHEN CHOS RDO RJE YIN ZHES BKA' STZAL, YANG SKABS SHIG RJE BTZUN BYAMS PA'I G-YAS PHYOGS SU RJE SANGS RGYAS YE SHES BZHUGS PA GZIGS SHING, SPANG YUL BDE BA CAN DU SMYUNG GNAS BRGYUD PA'I BLA MA RNAMS GZIGS, MNGA' RIS SU LAS CAN CIG GIS RJE NYID KYI DBU LA GTZUG TOR DANG, LJAGS KYI STENG DU A'A:YIG GSAL BAR MTHONG ZER, GANGS RI CHEN PO TI SE DPAL 'KHOR LA BDE MCHOG GI RTEN DANG BRTEN PAR GZIGS SHING, RJE BTZUN MING LA YANG ZHAL GZIGS PA SOGS BSAM GYIS MI KHYAB PA'O,, ` PAn CHEN BLO BZANG CHOS KYI RGYAL MTSAN DE NYID LA SLOB MA MANG DU PHEBS PA RNAMS KYI NANG NAS, BYANG CHUB LAM GYI RIM PA'I NYAMS KHRID KYI 'PHRIN LAS RGYA CHER SBEL BAR MDZAD PA NI, BLA MA DRUNG PA RGYAL TSAB PA BLO BZANG BRTZON 'GRUS RGYAL MTSAN YIN LA, DE NYID NI, BOD CHOS RGYAL GYI GDUNG RGYUD SKYID LDE NYI MA MGON MNGA' RIS STOD DU PHEBS PAR SRAS GSUM
, ,'KHRUNGS PA GCIG GIS SPU RANGS, GCIG GIS MAR YUL, GCIG GIS GU GE BZUNGS PA LA, LA THAGS NAS MCHED PA 'BYAM SHER BAS ZANGS DKAR BZUNGS, DE NAS BRGYUD PA'I BZANG LA RGYAL PO'I SRAS SU 'KHRUNGS KYANG LA THAGS RGYAL PO 'JAM DBYANGS PAS RGYAL SA PHROGS SKABS, BLA MA 'DI DANG GROGS GZHAN GSUM GYIS BYA BRAL BA'I RNAM PA MDZAD NAS, DBUS GTZANG LA CHOS BROS LA PHEBS PAS, RGYAL PO 'JAM DBYANGS KYIS 'PHRIGS NAS BZHI GI BZUNGS SHING GSOD PAR BSDIGS PA LA, GROGS GSUM SHIN TU SKRAG PA LA, BLA MA 'DI NYID NI DA LAM BSAD NA BAG CHAGS BZANG BAS, DBUS GTZANG DU SKYES NAS CHOS DANG MJAL 'ONG DGONGS THUGS SHIN TU DGYES PA CHEN PO BYUNG GSUNG BA CHOS PHYIR SKU SROG GTONG BAR NUS PA BYANG CHUB SEMS DPA' RTAG TU DU DANG MTSUNGS PAS GANG ZAG RANG DGA' BA GA LA YIN, DE NAS DGUNG LO NYI SHU RTZA BZHI BA LA, DBUS GTZANG LA PHEBS NAS, SE RA BYES GRVA TSANG NA, 'KHON STON DPAL 'BYOR LHUN GRUB BZHUGS PA'I SKU ZHABS SU PHEBS BSDUS PA RTAGS GSAL KHA BYE TZAM NA DA GZHUNG ZUNGS, DE KHAS BYE 'GRO GSUNG ZHING, SKU CHAS BKREN PAS ZO SKYOR LA GRONG KLOG LA YANG YANG GTONG BA GNANG BAS THUGS GNYER LA GNOD PAS, DVAGS PO GRVA TSANG DU PHEBS
NAS PHAR PHYIN SOGS LA BRTZON PA CHEN POS SBYONG BAR MDZAD, SLAR DBU MA LA MKHAS SLOB GNANG BA'I TSE SE RAR PHEBS LO 'GA' ZHIG BZHUGS NAS RGYUD STOD LA PHEBS SHING LO 'GA' ZHIG BZHUGS PA LA, BAR SKABS BLA MA BSKO GZHAG LA KHANG TSAN RNAMS RTZOD PA CHEN PO BYED KYIN 'DUG PAS THUGS SKYO NAS PHA BONG KHAR 'KHON STON DPAL 'BYOR LHUN GRUB PA'I SKU ZHABS SU PHEBS PAR, DE NA HOR BLA MA BSOD NAMS RGYAL MTSAN YANG BZHUGS PA LA, KHONG GIS RI KHROD LEGS PA'I BKA' LUNG LA BRTEN NAS RI KHROD LA PHEBS PA'I THUGS 'DUN 'KHRUNGS PAS, NGA RI KHROD LA BLO KHA PHYOGS PA BLA MA 'DI'I BKA' DRIN YIN GSUNG ZHING GUS PA'I RNAM PA CI YANG MDZAD, DE NAS DGA' LDAN BRAG GSEB KYI RI KHROD DU BZHUGS, DE NAS GTZANG LA PAn CHEN THAMS CAD MKHYEN PA MJAL BAR PHEBS PAS, GTZANG PHYOGS SU SDOD GSUNGS PAS, THOG MAR SRAD LA RDZONG STA GNANG, DE NAS RI KHROD SNA TSOGS PAR BZHUGS, PHAL CHER RTA NAG SVA'I YOL DKAR, GRUB CHEN CHOS RDO RJE 'KHRUNGS SA GO BO TSANG, ZHAL GZIGS SU BZHUGS, RTA NAG TU BZHUGS SKABS NA BZA' SHIN TU DKON PAS, MTSAN MO RTZVA SPUNGS PA'I SBUBS SU BZHUGS PA SOGS DKA' SPYAD MDZAD PA'I GSUNG BGROS MDZAD 'PHRO LA AA DA KHYED RNAMS YID MI CHES GSUNGS NAS 'PHRO GCOD PAR MDZAD, PAn
, ,CHEN THAMS CAD MKHYEN PAS SHANGS MDO RGOD TSANG GI RI KHROD CHOS GZHIS DANG BCAS 'DZUGS PA GNANG TSE BLA MA 'DI NYID DANG, GU GE CHOS RJE SNYING STOBS RGYA MTSO GNYIS KA BZHUGS NAS GSUNG CHOS GSAN RES MDZAD, BAR SKABS SHIG PAn CHEN THAMS CAD MKHYEN PA RGOD TSANG RI KHROD DU GDAN 'DREN ZHUS SKABS, DGE BA'I BSHES GNYEN DOL PAS MDZAD PA'I BE'U BUM SNGON PO'I 'GREL PA LHA 'BRI SGANG PAS MDZAD PA 'BUL MKHAN BYUNG BAR RTEN 'BREL 'GRIG GSUNGS NAS LJAGS LUNG YANG DGYES BZHIN GNANG, DE NAS BLA MA RGYAL TSAB PA DE NYID LA DBUS GTZANG KHAMS GSUM SOGS GNANG NAS KYANG GSUNG CHOS ZHU MKHAN MANG DU 'DU BAS, RGOD TSANG RI KHROD PA RNAMS KYI DGE SBYOR LA GNOD DOGS PAS, LHA LNGA BRAG TU BZHUGS SHING, LAM RIM SOGS KYI 'KHRID ZHU BA BYUNG TSE THUGS BSAM GNANG BA SOGS LA CUNG ZAD KYANG MI LTOS PAR LUNG KHUNGS RNAMS SKABS 'GAR GNANG BA SKABS 'GAR MI GNANG BAR SNA TSOGS PA GANG NAS KYANG THOGS PA MED PAR GNANG ZHING, LHAG MTHONG GI SKABS PHAL CHER DMAR KHRID LTAR GCIG DU BRAL GYI SGO NAS DPYAD PA BYED LUGS DANG, SKABS 'GAR PHYAG CHEN GYI DMIGS PA RNAMS 'BOGS PAR GNANG GIN YOD PAR 'DUG CING, MTSAN MO'I MNAL YANG THA MAL PA MIN PAR TING 'DZIN DANG BSRE BAR MDZAD PA YIN CES 'GA'
ZHIG GSUNG, MTHAR DGUNG LO BRGYAD CU GYA BZHI TZAM LA, HOR ZLA BCU BA'I GNAM GANG LA LHA LNGA BRAG TU ZHING BRJE GONG DU SHANGS CHU LA DAR CHAGS KYANG, ZHING GSHEGS NAS NAM MKHA' G-YA' DAG PA STON NAM G-YA' DAG PA LTA BU BYUNG NAS, SHANGS CHU'I DAR CHAGS PA YANG ZHU BA SOGS NGO MTSAR BA'I LTAS DANG BCAS ZLA BA GCIG GI BAR THUGS DAM LA BZHUGS, THUGS DAM GROL NAS SKU GDUNG ZHUGS LA PHUL BAS THUGS LJAGS SPYAN GSUM BYON PA RGOD TSANG DNGUL GDUNG NANG NA BZHUGS SO,, ` PAn CHEN THAMS CAD MKHYEN PA BLO BZANG CHOS KYI RGYAL MTSAN GYI THUGS SRAS DAM PA MKHAN PO RIN PO CHE RDO RJE 'DZIN PA DKON MCHOG RGYAL MTSAN DPAL BZANG PO NI, SNGA SRID GTZANG BA'I DGUNG BLON GTZANG PA GNYIS PA LTA BU, LHUN GRUB SGANG CHEN NAS KYI SRAS YIN CING, SKU GZHON NU NYID NAS BKRA SHIS LHUN POR THUGS GNYER LA PHEBS SHING, PAn CHEN THAMS CAD MKHYEN PA DE NYID KYIS SPYAN GYI 'BRAS BU LTAR SKYONG BAR MDZAD, MKHYEN DPYOD DANG THUGS BRTZON GNYIS KA SHIN TU CHE BAS, BSDUS TSAD LA THUGS LHAG PAR BYANG BAS, THOS BSAM GLING NAS DPAL TSUL ZER BA'I RNAM 'GREL LA MKHAS PAR GRAGS PA CIG DANG MNYAM DU RNAM 'GREL LA SPYI BSKYUR LA BZHENG BAR GNANG BAS, STON GRAG
, ,KYIS GLING KHYAB PA BYUNG ZHING, DBU PHAR LA GSAN PA MDZAD SKABS DVAGS PO GRVA TSANG GI DGE BSHES SHIN TU CHE BA ZHIG DAM BCA' LA BYUNG BAR BGRO GLENG GNANG BAS, DGE BSHES DES BGRO GLENG GTONG MKHAN GZHAN RNAMS NI DPE CHAN YOD PA DKYUS 'GRO LTAR LAS KHYAD PAR THON PA RANG MI 'DUG ,SGANG CHEN NAS KYI RJE DRUNG DE PAn CHEN RIN PO CHE'I GDAMS PA'I BDUD RTZI YANG YANG MYANGS PAS YIN NAM, DPE CHAR DNGOS SU MED PA'I DOGS PA'I GNAS SHIN TU PHRA PA BSLANGS NAS DPYAD PA ZHIB PO BYED PA 'DUG CES DBUS PHYOGS SU GRAGS PA BYUNG YOD PAR 'DUG ,DE NAS MI CHEN GYI SGROB SGROB TZAM MA YIN PAR NYAMS BZHES LA RTZE GCIG TU GZHOL BAS, DBEN DGON DU SGRUB PA LA BZHUGS, DE SKABS PAn CHEN THAMS CAD MKHYEN PA DE NYID LA N'A RO CHOS DRUG GI 'KHRID ZHUS PAS, PAn CHEN THAMS CAD MKHYEN PA DE NYID BUG SGOR PHEBS NAS SPYAN DMIGS RNAMS 'BOGS PAR MDZAD PA'I SKAL BZANG DE 'DRA THOB CING, 'KHRUL 'KHOR GYI SKOR RNAMS ZHUS NA GNANG RIGS SU 'DUG KYANG, THUGS BAG MTSER BAS ZHU MA NUS PAR, BLA MA GNAS BCU PA DGE 'DUN RGYAL MTSAN LA ZHUS GSUNG, DE NAS PAn CHEN THAMS CAD MKHYEN PAS SNGAGS KHANG GI 'CHAD NYAN LA PHEBS DGOS PA'I BSLAB STON NAN
GYIS PHEBS PAR DGONGS KHROL NAN GYIS ZHUS KYANG MA GNANG BAR DA 'O NA THE TSOM BYUNG BAR, SKU ZHABS SU DOGS GCOD LA NAM 'DOD LA YONGS CHOG PA DGOS ZHUS PAR DE KHA CIS KYANG 'ONG GSUNGS NAS DPAL GSANG BA 'DUS PA'I 'GREL PA CHA LAG DANG BCAS PA LA THUGS DOGS NAM SKYES DUS SKU ZHABS SU PHEBS NAS ZHUS PAS SGRO 'DOGS MA LUS PA CHOD NAS, DPAL MGON 'PHAGS PA KLU SGRUB DANG, RJE BDAG NYID CHEN PO'I DGONGS PA'I GNAD LA MI 'KHRUL PA'I GZER CHEN PO THEBS NAS MDO SNGAGS YONGS SU RDZOGS PA'I DGE BA'I BSHES GNYEN RNAMS LA 'CHAD NYAN 'CHAG MED GNANG BAS THAMS CAD KYIS RDO RJE 'CHANG GI 'DU SHES BYED PA BYUNG BAR, BAR CHAD KYI RNAM PAS SKU MI BDE BA YUN RING DU BYUNG BA MA DRANGS PAS, DGONGS PA NAN GYIS ZHU BAR GNANG NAS, SHANGS MDO RGOD TSANG GI BYA 'DABS, DAM BA DMAR BO'I GZIMS SPYIL GYI GZHOGS SU GZIMS SPYIL GSAR DU GNANG NAS BZHUGS PA LA, SA YUL MTHO BA DANG, CHAB MA 'JUG PAS SKU STONG 'TSANGS PA DANG TSEMS YUN RING POR BSNYEL BA BYUNG BAR, THAMS CAD KYIS GSOL BA BTAB NAS, MKHA' SPYOD GZIMS SPYIL GSAR DU GNANG NAS BZHUGS PAR GNANG BA LAS, BAR SKABS SHIG BKRA SHIS LHUN POR PHEBS PAR GNANG BA LA, BDAG NYID DBANG
, ,LUNG BSNYEN RDZOGS YONGS SU RDZOGS PA, MKHAN CHEN THAMS CAD MKHYEN PA'I SKU ZHABS NAS ZHU BA'I RE BA YOD KYANG, SKU DBYINGS CHE ZHING, SKU GZUGS LJI BA SOGS KYIS YONGS SU RDZOGS PA MA BYUNG DGOS NAS, DBANG LUNG SOGS KYI BSLAB STON ZHUS PAR ZHAL GYIS BZHES TE, GSANG BA 'DUS PA MI BSKYOD PA'I DBANG, BDE MCHOG L'U AI BA, DRIL BU LUS DKYIL, LHA LNGA, 'JIGS BYED BCU GSUM MA, DPA' GCIG ,DAM TSIG GSUM BKOD, TSE DPAG MED LHA DGU, NAM MKHA' SGO 'BYED KYI DBANG, MGON PO'I BKA' CHEN BCU GSUM, CHOS SKYONG YONGS RDZOGS KYI RJES GNANG, SNA TSOGS YUM, TSE DBANG, RTA MGRIN SOGS KYI RJES GNANG, BDE MCHOG LO DRIL, 'JIGS BYED KYI RDZOGS RIM GYI 'KHRID, LAM RIM GYI 'KHRID, N'A RO CHOS DRUG BLO SBYONG GI 'KHRID LUNG SOGS MANG DU BKA' DRIN STZAL CING, BSNYEN PAR RDZOGS PA DGE SLONG GI SNGOM PA YANG BKA' DRIN DU STZAL NAS, MTHAR DGUNG LO DON DRUG LA BKRA SHIS LHUN PO'I BLA BRANG NYID DU ZHING BRJE BA'I TSUL BSTAN, DE YANG HOR ZLA BCU GNYIS PA'I NYI SHU SKOR NAS ZLA BA DANG PO'I TSE DGU YAN LA, RLUNG 'TSUB SHIN TU CHEN YANG, TSES BCU'I PHYI'I MNGON BYANG SKYA RENGS
'CHAR BA DANG MNYAM DU MKHA' SPYOD DAG PA'I GNAS MCHOG TU PHEBS TSE, RLUNG 'TSUB THAMS CAD ZHI ZHING, NAM MKHA' DBYAR GNAM JI LTA BA LA SPRIN GSAR MCHOD RDZAS SNA TSOGS PA'I RNAM PA 'JA' 'OD DANG, SKU TSIGS RNAMS LA YANG NAM MKHAR 'JA' 'OD 'KHRIGS PA SGRO BTAGS TZAM MIN PAR MNGON SUM DU MTHONG BAS DAD PA'I SPU LONG G-YO PAR GYUR, SKU GDUNG NI RIL POR SNGAGS KHANG GI DNGUL GDUNG NANG NA BZHUGS SO,, ,, ` LAM RIM CHEN MO'I LUNG GI BRGYUD PA NI, RJE THAMS CAD MKHYEN PA BLO BZANG GRAGS PA, RGYAL TSAB RJE, 'DUL 'DZIN GRAGS PA RGYAL MTSAN, MKHAS GRUB RJE, RJE SHES RAB SENG GE , 'DUL 'DZIN BLO GROS SPAS PA, PAn CHEN CHOS KYI RGYAL MTSAN, RJE SKYABS MCHOG DPAL BZANG, RJE BTZUN RTZA BA'I BLA MA, YANG NA, RJE THAMS CAD MKHYEN PA, RJE SHES RAB SENG GE , 'DUL 'DZIN MAN 'DRA, ,YANG NA RJE NAS 'DUL 'DZIN GRAGS PA RGYAL MTSAN, RJE SHES RAB SENG GE MAN SNGAR DANG 'DRA, 'DI'I THUN MONG MIN PA'I BRGYUD PA NI, RJE THAMS CAD MKHYEN PA, MKHAS GRUB THAMS CAD MKHYEN PA, PAn CHEN CHOS KYI RGYAL MTSAN, RJE CHOS KYI RDO RJE'O, BRGYUD RIM 'DI NI ZHAL NAS ZHAL DU DANG, SNYAN NAS SNYAN DU BRGYUD PA'I GRAGS CHE BA'I THUN MONG BA'I DBANG DU BYAS PA YIN
, ,LA, THUN MONG MIN PA'I NYE RGYUD KYI DBANG DU BYAS NA, RJE BLA MA STON PA SANGS RGYAS DANG THUGS RGYUD GCIG PA YIN NO ZHES DPEN SA YAB SRAS KYI GSUNG LAS 'BYUNG BAS SHES SO, ZHES PA 'DI NI RI KHROD 'DZIN PA'I DGE SLONG DKA' BCU BLO BZANG BZANG POS NAN TAN CHEN POS BSKUL BA'I NGO MA CHOGS PAR YONGS KYI DGE BA'I BSHES GNYEN BSOD NAMS GRAGS PA'I GSUNG BGROS BZHIN CHOS SMRA BA'I BTZUN PA BLO BZANG YE SHES KYIS SMRAS PA DGE LEGS SU GYUR CIG , MANG+GLAm,, ,,
[BLANK PAGE]
, ,BYANG CHUB LAM GYI RIM PA'I BLA MA BRGYUD PA'I RNAM PAR THAR PA PADMA DKAR PO'I 'PHRENG BA BZHUGS SO, ,
, ,BLA MA DANG LHAG PA'I LHA DBYER MED PA LA DUS THAMS CAD DU GUS PAS SKYABS SU MCHI, ,GANG GI THUGS RJE'I BDUD RTZI'I CHA SHAS TZAM, ,SNYING LA REG PAS GDUNG BA KUN SEL CING, ,GSOL BA BTAB NA DNGOS GRUB KUN STZOL BA'I, ,RTZA RGYUD BLA MA RNAMS LA GUS PAS 'DUD, ,DE LA 'DIR RANG GZHAN DAD PA 'PHEL BA'I GSOS 'DEBS SU, BYANG CHUB LAM GYI RIM PA'I BLA MA RNAMS KYI RNAM PAR THAR PA MDOR BSDU TZAM ZHIG BRJOD PA LA, ,THOG MAR RANG RE RNAMS KYI
, ,'DREN PA BLA NA MED PA SH'AKYA'I RGYAL PO'I RNAM THAR CUNG ZAD BRJOD NA, STON PA 'DI NYID SNGON BSKAL BA DPAG TU MED PA'I SNGAR ROL TU BDE BA CAN LA SOGS PA'I DAG PA'I ZHING KHAMS GZHAN LAS KYANG CHES CHER RNAM PAR DAG PA'I ZHING KHAMS SHIG TU RGYAL BA DBANG PO'I TOG TU MNGON PAR RDZOGS PAR SANGS RGYAS ZIN KYANG, SLAR YANG SEMS CAN GYI DON DU BYANG CHUB TU THUGS BSKYED PA'I TSUL BSTAN NAS BSKAL PA GRANGS MED GSUM GYIS TSOGS RDZOGS NAS DE BZHIN GSHEGS PA 'OD SRUNGS 'JIG RTEN DU BYON PA'I TSE BRAM ZE'I KHYI'U BLA MAR GYUR, DE NAS DGA' LDAN DU DAM PA TOG DKAR DU GYUR PA DE NYID LHA'I (*, ,MA PHAM THUGS SRAS THOGS MED 'PHAGS, *, ,'DZAM GLING RGYAN GCIG KLU SGRUB MGON, ,)
ROL MO'I SGRA LAS DZAM BU'I GLING DU PHEBS PAR BSKUL BA'I SGRA BYUNG BA LA BRTEN NAS, YUM SGYU 'PHRUL MA'I LHUMS SU ZHUGS NAS, MCHU ZLA BA LA SKU BLTAMS, DGUNG LO SO LNGA PA LA MNGON PAR RDZOGS PAR SANGS RGYAS NAS CHOS 'KHOR RIM PA GSUM DU BSKOR, GDUL BYA RTAG 'DZIN CAN RNAMS 'DUL BA'I PHYIR MYA NGAN LAS 'DA' BA'I TSUL BSTAN TO,, ` RGYA CHEN SPYOD RGYUD KYI BLA MA RNAMS KYI RNAM PAR THAR PA NI, RGYAL TSAB DAM PA RJE BTZUN MI PHAM MGON PO NI, 'KHOR LOS BRGYUR BA'I RGYAL PO GSER MDOG CAN TU GYUR PA'I TSE, RDZOGS PA'I SANGS RGYAS GSER BZANG 'OD KYI DRUNG DU BYANG CHUB KYI MCHOG TU THUGS BSKYED CING DE YANG BSKAL BZANG GI SANGS RGYAS GZHAN LAS BSKAL BA BZHI BCU RTZA GNYIS KYIS SNGA BAR BSHAD, YANG BDAG CAG GI STON PA SHA'KYA'I RGYAL PO RGYAL PO RTZIBS KYI MO KHYUD KYI MDUN NA 'DON GYI GTZO BO BRAM ZE RGYA MTSO'I RDUL DU GYUR PA'I SLOB MA BRAM ZE RIG BYED KLOG PA STONG GI BZHI PA KUN GYIS SRUNGS 'OD SRUNGS, LNGA PA DRI MED 'OD, BYAMS PAR LUNG BSTAN, YANG 'KHOR LOS BRGYUR BA'I RGYAL PO YUL 'KHOR SKYONG LA BU STONG BYUNG BA'I BZHI PA SKE RAGS CAN NI, SANGS RGYAS YON TAN MTHA' YAS RIN CHEN SNA TSOGS BKOD PA'I RGYAL POS BSKAL BZANG GI SANGS RGYAS STONG GI LNGA PA BYAMS PAR LUNG BSTAN TO, ,'O NA RGYAL BA BYAMS PA 'DI NYID LA BYAMS
, ,BA CES PA'I MTSAN JI TZAM NAS GSOL CE NA, BSKAL BA GRANGS MED PA'I YANG CHES GRANGS MED PA'I SNGA ROL TU, SANGS RGYAS RIN CHEN GDUGS ZHES PA 'JIG RTEN DU BYON PA'I TSE, RJE BTZUN BYAMS PA 'DI NYID DGE SLONG BLO GROS BRTAN PAR GYUR NAS LO BRGYAD KHRI BZHI STONG GI BAR DU SROG CHAGS BRGYA BRGYA TZAM BSLAB PA'I GZHI LNGA LA MA BKOD KYI BAR ZAS MI ZA LA, RES 'GA' NI NYI MA BDUN BYI BAR DU ZAS BCAD KYANG DES MI SKYO BAR SROG CHAGS BYE BA KHRAG KHRIG 'BUM GRAG SUM CU RTZA DRUG BSLAB PA'I GZHI LA BKOR DO, ,DE NAS SROG CHAGS BYE BA PHRAG GSUM THEG PA CHEN PO DANG, SKAL BA DMAN PA RNAMS KYANG THEG PA 'OG MA GNYIS LA BKOD, DE NAS SROG CHAGS BYE BA KHRAG KHRIG 'BUM PHRAG SUM CU RTZA DRUG BYAMS PA'I TING NGE 'DZIN LA BKOD CING, RANG NYID BYAMS PA'I TING NGE 'DZIN LA MNYAM PAR BZHAG NAS, GRONG DANG GRONG KHYER DANG TSONG DUS DANG YUL 'KHOR LA SOGS PA SEMS CAN GYI SGO'I THEM BA LA ZHABS BZHAG PA TZAM GYIS SEMS CAN BYAMS PA'I TING NGE 'DZIN DANG LDAN PAR BYAS PAS BYANG CHUB SEMS DPA' BYAMS PA ZHES MTSAN CHAGS PAR GYUR TO, , DE NAS RJE BTZUN BYAMS PA DE NYID KYIS SNGON BSKAL BA 'BUM PHRAG LHAG PAR PHA ROL TU PHYIN PA RDZOGS PAR MDZAD NAS BCOM LDAN 'DAS SH'AKYA THUB PA YONGS 'DZIN DU BSTEN PAR MDZAD, DE NAS SRAS KYI THU BOR GYUR
CING, RGYAL BA SH'AKYA THUB PA DBU'I COD PAN DU 'BRAL BA MED PAR MDZAD PA 'KHOR RNAMS KYIS BYANG CHUB CHEN PO'I MCHOD RTEN DU MTHONG NGO, ,STON PA SH'AKYA'I RGYAL PO'I BSTAN BA RDZOGS NAS CHO LTO BCU PA'I DUS, MTSON DANG MU GE DANG NAD KYI BSKAL PA BYUNG BA'I MJUG TU BYAMS PA'I SBRUL PA KHRU GANG PA DUR SMRIG GI NA BZA' CAN CIG BYON PA NA, TSE LO BCU PA PA DE DAG NGO MTSAR DU GYUR TE, RGYAL BA BYAMS PA BYON LAGS SAM, ,CHOS GOS TSON CAN GANG LAS BYUNG, ,SKU GZUGS MDZES PA CI LAS BYUNG, ZHES GSOL BAS, NGAS NI BZOD PA BSGOMS SO, ,KHYED RNAMS KYANG 'THAB RTZOD SPONGS LA BZOD PA SGOMS SHIG GSUNGS PAS RIM GYIS TSE LO NYI SHU PA LA SOGS PAR GYUR, DE NAS TSE LO YAR 'PHEL TE BRGYAD KHRI PA'I TSE BYAMS PA NYID PHEBS SHING SANGS RGYAS NAS CHOS KYI 'KHOR LO BSKOR BAS, 'DUS PA DANG PO LA DGRA BCOM PA DUNG PHYUR PHRAG DGU DANG BYE BA PHRAG DRUG , GNYIS BA LA DUNG PHYUR PHRAG DGU DANG BYE BA PHRAG BZHI, GSUM PA LA DUNG PHYUR PHRAG DGU DANG BYE BA PHRAG GNYIS 'BYUNG BAR GSUNGS, STON PA'I BSTAN PA NUB PA YAR CAD KYIS YA THOG RING MO RDZOGS SHING, DE NAS BYAMS PA PHEBS KYI BAR LA RANG SANGS RGYAS BYE BA PHRAG BDUN DANG BRGYAD KHRI 'BYUNG BAR GSUNGS SO, ,DES NA DGE BA'I BSHES GNYEN PO TO BA CHEN PO'I ZHAL NAS, BYAMS BA MNYES PAR BYA'O ZHES GSUNGS PA LTAR
, ,BYAMS PAS DAM BCAS PA'I GZUNGS RNAMS BYA DANG RI DVAGS LA SOGS PA RNAMS KYIS THOS NA, MA 'ONGS PA NA BYAMS PAS RDZOGS PA'I BYANG CHUB TU LUNG STON PAR GSUNGS, GZHAN YANG BYAMS PA LUNG BSTAN PA'I MDO LAS, SH'AKYA SENG GE'I BSTAN PA LA, ,BSLAB GZHI YAN LAG BLANGS NAS NI, ,JI LTAR GSUNGS BZHIN RAB BSGRUBS NA, ,NGA YI BSTAN LA LHAGS PA YIN, CES GSUNGS PA LTAR 'BAD PAS BSGRUB BAR BYA'O,, ` RGYAL BAS LUNG BSTAN 'PHAGS PA THOGS MED NI, 'JAM DPAL RTZA RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG BYED DANG TSUL CAN DU 'GYUR, ,DE YIS RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YI DE NYID BSDUS DON BYED, ,LO NI BRGYA DANG LNGA BCUR 'TSO, ,ZHES LUNG BSTAN PA LTAR STON PA MYA NGAN LAS 'DAS NAS LO DGU BRGYA TZAM NA, CHOS MNGON BA LA DGRA LAN GSUM BYUNG BAS SHIN TU NYAMS DAMS BA NA, BRAM ZE MA GSAL BA'I TSUL KHRIMS ZHES PA'I BSAM PA LA, BSTAN PA'I RTZA BA MNGON PA 'DI DAR BAR BYED PA GZHAN MI SNANG
ZHING BDAG KYANG BUD MED DU SONG BAS DAR MI NUS KYI BU BSKYED LA DAR BAR BYED DU GZHUG GO SNYAMS TE RGYAL RIGS DANG 'DUS PAS THOGS MED DANG, BRAM ZE DANG 'DUS PAS DBYIG GNYEN BTZAS PA NA, LCE LA GI HANG GI YI GE AA 'BRI BA SOGS BLO RNO BA'I CHO GA BYAS TE CHER SKYES PA'I TSE, BUS PHA'I LAS GANG YIN ZHUS PAS, MA NA RE KHYED DE'I PHYIR MA BSKYED KYI, BLO SBYONG BAR GYIS LA BSTAN PA DAR BAR GYIS SHIG GSUNGS NAS ,GCEN GYIS BYAMS PA BSGRUBS LA BSTAN PA DAR BAR BYA'O SNYAMS TE, RI BYA RKANG GI PHUG TU SGRUB TU BYON TE, LO BCU GNYIS SU BSGRUBS KYANG RTAGS MTSAN MA BYUNG BAS SKYO STE 'THEN NAS PHYIN PA NA, KHYI MO RO SMAD 'BUS GZHIGS PA RO STONG ZUGS SHING ZA BA ZHIG MTHONG NAS SNYING RJE LHAG PAR SKYES TE, BSAL NA 'BU 'CHI, MA BSAL NA KHYI MO 'CHI BAR SNANG BAS RANG GI LUS LAS SHA BCAD DE, DER 'BU BSAL SNYAMS NAS GRONG KHYER AA TZENTA ZHES BYA BA NAS GSER GYI SPU GRI G-YAR TE, RANG GI LUS LAS SHA BCAD LAG PAS BLANGS NA SHI YIS DOGS NAS SPYAN BTZUMS TE, LJAGS KYIS BLANG SNYAMS PA DANG, KHYI MO MED PAR RJE BTZUN 'OD DANG BCAS PA MTHONG NAS, BDAG GIS DE TZAM BSGRUBS KYANG RTAGS TZAM MA BYUNG NA, THUGS RJE RE CHUNG ZHES 'KHANGS PAS, RJE BTZUN GYIS, NGA DANG PO NAS YOD DE KHYOD RANG GI SGRIB BAS MA MTHONG LA, DA LTA SNYING RJE CHEN PO SKYES PAS LAS DAG
, ,NAS MTHONG BA YIN, KHYOD CI 'DOD GSUNG BA LA THEG CHEN DAR BAR ZHU 'TSAL BYAS BAS, PA'I CHOS GOS LA 'JUS SHIG GSUNGS NAS, DGA' LDAN DU BYON TE LHA'I DRO SKAD CIG GAM, MI LO BCU 'AM, LNGA BCU RTZA GSUM DU BZHUGS NAS THEG PA CHEN PO'I CHOS MANG DU GSAN NAS DE DAG GI DON STON PA'I BSTAN BCOS RTZOM PAR ZHUS PAS BYAMS CHOS SDE LNGA BRTZAMS NAS, DZAM BU GLING DU SKYES SU BSNAMS NAS DAR BAR MDZAD CING, SA SDE LNGA, SDOMS RNAM PA GNYIS, YUM GYI MDO'I 'GREL PA DE NYID RNAM NGES, RGYUD BLA 'GREL CHEN SOGS MDZAD CING SA GSUM PA BRNYES, SLOB DPON RANG NYID KYI LTA BA THAL 'GYUR DU GNAS KYANG GDUL BYA MANG PO RJES SU GZUNG BA'I CHED DU SEMS TZAM BA'I SHING RTA'I SROL PHYE NAS DGUNG LO BRGYA LNGA BCU BZHUGS TE THEG CHEN GYI BSTAN PA CHES CHER DAR BAR MDZAD BAS, DZAM BU GLING PA LA BKA' DRIN CHE, SKU MCHED GNYIS KYI YUM BRAM ZE MA GSAL BA'I TSUL KHRIMS ZHES PA, BRGYAD STONG PA NAS GSUNGS PA'I SRING MO GANG+GA'I LHA MO ZHES PA DANG, MKHA' 'GRO YE SHES MTSO RGYAL DANG, MA CIG LABS KYI SGRON MA RNAMS DANG THUGS RGYUD CIG PAR MA CIG GI RNAM THAR LAS GSUNGS SO,, ` 'DZAM GLING MKHAS PA'I GTZUG RGYAN DBYIG GNYEN NI, KHA CHER SLOB DPON 'DUS BZANG GI DRUNG DU PHEBS NAS, BYE BRAG TU BSHAD PA DANG, MNGON PA SDE BDUN LA SOGS
PA MKHAS PAR SBYANGS NAS RGYA GAR DU 'BYON PAR BZHED PA'I TSE SHO GAM BSRUNG BA'I GNOD SBYIN GYIS LHA RTEN YOD PA PHROGS NAS LAN GSUM GYI BAR DU BZLOG KYANG, NOR NI MED, CHOS BLO LA YOD PA DBRAL DU MA BTUB PAS BTANG STE N'A LANDAR BYON PA DANG, GCEN GYIS BSTAN BCOS MANG DU BRTZAMS PA'ANG GSAN PAS, KYE MA THOGS MED NAGS SU LO, ,BCU GNYIS BAR DU TING 'DZIN BSGRUBS, ,TING 'DZIN MA GRUB GLANG CHEN GYI, ,RGYAB KHAL LONGS PA'I BSTAN BCOS BRTZAMS, ZHES THEG CHEN LA BSTING BA GCEN GYIS GSAN NAS, LOG SGRUB DON MIN DU 'GYUR BAR MKHYEN NAS, DE BZLOG PA'I PHYIR SLOB MA GNYIS LAS BCU PA DANG, BLO GROS MI ZAD PAS BSTAN PA 'DZIN DU BCUG NAS, GCUNG CAN SONG NAS SROD THO RANGS THON CIG CES BSGO BA LTAR BSGRUBS, SROD LA THEG CHEN 'DI RGYU BZANG LA 'BRAS BU KHA G-YEL BA 'DRA GSUNG, THO RANGS RGYU 'BRAS GNYIS KA BZANG BAR 'DUG PA LA NGAS SKUR BA BTAB PA LCE 'DIS LAN PAS GCOD GSUNGS NAS, SBU GRI 'TSOL BA'I TSE KHONG GNYIS KYIS LJAGS DGUM MI 'TSAL, DE'I SGRIB PA SBYONG THABS GCEN LA MNGA' BAS, DER GSHEGS ZHES SMRAS PAS BYON TO, ,DE'I TSE CHOS MANG DU GSAN CING 'BREL GTAM MANG DU MDZAD PA'I TSE GCUNG NI SBOBS PA SHIN TU MYUR BAR BYUNG, GCEN CUNG ZAD PHUL BA'I LAN BZANG PO BYUNG BAS, 'DI'I RGYU MTSAN DRIS PAS, KHYOD
, ,NI SKYE BA LNGA BRGYAR PAndI TAR GYUR PAS SKYES THOB KYI SHES RAB CHE BA YIN, NGA LA DE LTA BU MED PAS YI DAM ZHIG LA DRIS SHING LAN 'DEBS PA YIN GSUNGS, DE BDAG LA STON PAR ZHU BYAS PAS, RJE BTZUN LA ZHU YI GSUNGS NAS ZHUS PAS, KHYOD SO SO'I SKYE BO YIN CING, DANG POR THEG CHEN LA SKUR BA BTAB PAS, TSE 'DI LA MTHONG BA'I SKAL BA MED KYI SGRIB PA SBYANG BAR BYA BA'I PHYIR, THEG CHEN GYI MDO 'GREL MANG DU RTZOMS, GTZUG TOR RNAM RGYAL THON PHYI MA LA MJAL GSUNGS NAS, DE NAS GCEN LA LHAG PAR DAD DO, NGA YI PHU BO KLU DANG 'DRA, ZHES SOGS SMRAS NAS, BYAMS PA'I GSUNG YANG BSGRUBS, MDZOD KYI TSIG LE'UR BYAS PA BRTZAMS TE, SKYES DANG BCAS PA 'DUS BZANG LA SBRINGS SO, ,DE'I SLOB MA DAG GIS LO DANG GRAG LA SOGS PA'O SKOL GYI GRUB MTHA' LA ZUR ZA'O ZHES SMRAS KYANG, TSIG GI RGYAN YIN ZER NAS, SHIN TU MNYES NAS MDZOD LA 'GREL PA YANG MDZAD, PHYIS SU MDZOD RANG 'GREL BRTZAMS NAS PHUL BAS, RTZA BA SUN 'BYIN PA'I 'GREL PA 'DI LUNG DANG RIGS PAS TSAR GCAD CING PHAM PAR BYAS LA, KHO NYID KYI LAG PAS BSUB TU GZHUG DGOS GSUNGS TE, YUL DBUS SU 'BYON PAR CHAS BA DANG, DBYIG GNYEN GYIS GSAN NAS, SLOB DPON 'DUS BZANG NI BYE BRAG TU SMRA BA'I GRUB MTHA' LA BYANG BA YIN PAS, ZLOG PAR KYANG DKA', DE PHAM
YANG DGOS BA MED PAS, RANG BYUNG GI MCHOD RTEN BLTAR 'GRO GSUNGS NAS BAL YUL DU BYON PAS, DER HA DU ZHES PA RAB BYUNG GI CHA BYAD 'DZIN PA SDOM KHRIMS LA MI GNAS PA CHANG GI BUM PA THOGS PA GZIGS PAS RNAM RGYAL GYI GZUNGS BZLOG NAS BTON PAS 'DAS TE, MCHOD RTEN BRTZIGS PA DA LTA YANG YOD CES GRAG GO, ` DBU MA'I LAM BRNYES 'PHAGS PA RNAM GROL SDE NI, SANGS RGYAS GNYIS PA SLOB DPON DBYIG GNYEN LA, RANG LAS MKHAS PA'I SLOB MA BZHI BYUNG STE, MNGON PA RANG LAS MKHAS BSLOB DPON BLO GROS BRTAN PA, 'DUL BA RANG LAS MKHAS PA SLOB DPON YON TAN 'OD, TSAD MA RANG LAS MKHAS PA SLOB DPON PHYOGS KYI GLANG PO, PHAR PHYIN RANG LAS MKHAS PA SLOB DPON 'PHAGS PA RNAM GROL SDE BZHI BYUNG BA'I 'PHAGS PA RNAM GROL SDE NI, GTZUG LAG KHANG RGYA CHEN PO DU MA'I BDAG PO 'PHAGS PA KU RU KULLU BA'I SDE PA SLOB DPON SANGS RGYAS 'BANGS KYI DPON PO, SA RAB TU DGA' BA THOB PA, SANGS RGYAS LA CHOS MNGON SUM DU NYAN NUS PA, NYI KHRI LNGA STONG PA'I 'GREL PA NYI KHRI SNANG BA ZHES PA MNGON RTOGS RGYAN GYI 'GREL PA MDZAD PA PO DE YIN, DE'I SLOB MA BLO GROS MCHOG DANG LDAN PAS, BSTAN BCOS KUN LA MKHAS SHING PHYIR MI LDOG PA'I RTAGS THOB BA BTZUN PA RNAM GROL SDE YIN, DE'I SLOB MA SDOM PA GSUM DANG LDAN CING, BLA MA LA GUS PAS GSUNG BZHIN SGRUB BA
, ,MCHOG GI SDE YIN, DE'I SLOB MA DKA' BA DPAG TU MED PA BSGRUBS PA 'KHOR 'DAS GNYIS MED DU RTOGS PA DUL BA'I SDE YIN CING, DE BZHI'I LO RGYUS RGYAS PA MA MTHONG, SKAL BZANG MIG 'BYED DU, SLOB DPON KA MA LA SH'I LA, 'PHAGS SENG GNYIS, SANGS RGYAS YE SHES ZHABS, AA BHA Y'A KA RA LA SOGS PA LTA BA GTAN LA 'BEBS PA'I TSUL ZHI BA 'TSO'I RJES 'BRANG DU GSUNGS PA LA, KHA CIG DE MI 'THAD DE, ZHI 'TSO NI 'PHAGS PA RNAM GROL SDE'I SLOB MA, BTZUN PA GROL SDE, DE'I SLOB MA MCHOG SDE, DE'I SLOB MA DUL SDE, DE'I SLOB MA ZHI BA 'TSO YIN PAR LAM RIM BLA RGYUD LAS GSUNGS PA'I PHYIR GSUNGS,, ` RLABS CHEN SPYOD PA'I GTER GYUR RNAM SNANG MDZAD NI, MKHAN PO BO DHI SATVA'AM, MKHAN CHEN BYANG CHUB SEMS DPA' 'AM, MKHAN CHEN ZHI BA 'TSO YIN CING, ZA HOR RGYAL PO'I SRAS YIN, JO BO DPAL LDAN AA TI SHA YANG ZA HOR RGYAL PO'I SRAS YIN PAS, JO BSTOD LAS, BYANG CHUB SEMS DPA' ZHI 'TSO 'KHRUNGS PA'I RGYUD, CES PA YANG, DE LA DGONGS PA YIN, DES NA MKHAN CHEN ZHIB 'TSO NI, DBU MA RGYAN 'GREL PA DANG BCAS PA MDZAD MKHAN, BOD KYI RGYAL PO KHRI SRONG LDE BTZAN GYI GONG GI BOD KYI RGYAL RABS DGU'I YANG GONG DU RGYA GAR DU BYON, DE NAS BAL YUL DU BYON PA KHRI SRONG LDE BTZAN GYIS BOD DU SBYAN DRANGS NAS CHOS KYI SROL BTOD PA LA, BOD KYI
MI MA YIN RNAMS MA DGA' BAS, 'PHANG THANG CHUS KHYER, DMAR PO RIL THOG PHAB, NAD YAMS MU GE BTANG BAS, SDIG BLON RNAMS KYIS CHOS BYAS PAS LAN ZER NAS, MKHAN CHEN RE ZHIG BAL YUL DU 'BYON DGOS BYUNG, DE YANG SNGON SANGS RGYAS 'OD SRUNGS KYI SKABS, GTZUG LAG KHANG GI RGYAN SRUNGS KYI BYIS PA GSUM GYIS BYE MA'I MCHOD RTEN CIG BZHENGS NAS SMON LAM BTAB BA GCIG GIS PAndI TA BYAS, GCIG GIS MTHA' 'KHOB KYI RGYAL PO BYAS, GCIG GIS SPYAN 'DREN PAR SMON LAM BTAB BA LTAR, RGYAL PO KHRI SRONG LDE BTZAN GYIS, SBA YE SHES DBANG PO MKHAN CHEN BAL YUL NAS SPYAN 'DREN DU BTANG NAS, SLAR YANG BAL YUL NAS SPYAN DRANGS NAS, AO T'ANTA P'U RI'I GTZUG LAG KHANG LA DPE MDZAD NAS BSAM YAS BZHENGS SHING, SAD MI MI BDUN RAB TU BYUNG BAR MDZAD NAS DGUNG LO DGU BRGYA DANG DGU BCU GO DGU BZHUGS PAR GRAGS SO, ` LAM MCHOG SHER PHYIN RGYAS MDZAD SANG BZANG ZHABS NI, RGYAL RIGS LAS RAB TU BYUNG BA, PHYI NANG GI GRUB MTHA' THAMS CAD LA MKHAS PA KHYAD PAR DU YUM GYI DON LA RING DU GOMS PA CIG BYUNG STE, SLOB DPON ZHI BA 'TSO LAS DBU MA'I GZHUNG RNAMS DANG, GDAMS NGAG RNAMS GSAN, MKHAN PO RNAM SNANG MDZAD BZANG PO LA BYAMS PA'I SGRUB THABS ZHUS NAS BSGRUBS PAS, RMI LAM DU DGE SLONG GUR KUM GYI MDOG CAN SPYOD LAM MDZES BA CIG
, ,RMIS TE, SHAR PHYOGS KHA SARP'A nIR SONGS SHIG ,CES LUNG BSTAN TO, ,DER SONG NAS ZHAG GSUM DU SMYUNG GNAS BYAS TE, RMI LAM BRTAGS PAS THO RANGS KYI RMI LAM NA, AO T'ANTA P'U RI PI H'A RA'I GANDHO LA'I STENG GI NAM MKHA' LA SPRIN PHUNG 'THUG PO ZHIG GI GSEB NA, LHA'I LUS STOD SBRIN GYI GSEB NAS BYUNG NAS, MCHOD RDZAS SNA TSOGS KYIS MCHOD PA MTHONG STE, CI BYED DRIS PAS, RJE BTZUN BYAMS PA BRGYAD STONG PA GSUNG PA LA MCHOD PA BYED PA YIN ZER TE, RING DU BLTAS BAS RJE BTZUN ZHAL GSER MDOG CAN SPYI GTZUG MCHOD RTEN GYIS SPRAS PA PHYAG G-YAS CHOS 'CHAD KYI PHYAG RGYA MDZAD PA TZAM ZHIG MTHONG NAS PHYAG DANG MCHOD PA BYAS TE, NYID KYI BSTAN BCOS LA DING SANG 'GREL PA MANG DU MCHIS NA, GANG GI RJES SU 'JUG PAR BGYI ZHES ZHUS PAS, THAMS CAD KYI GZHUNG LEGS PAR RTOGS LA 'THAD PA BSDUS TE, KHYOD KYIS PHYOGS GCIG TU RTZOMS SHIG CES GNANG BA THOB BO, ,SAD DE, MCHOD PA BYAS TE, BSTAN BCOS BRTZAM PA'I SBYIN BDAG BTZAL BA'I PHYIR, SHAR NAS NUB TU BYON PA NA, RGYAL PO SA SKYONG GIS YUM 'CHAD PA LA, SLOB DPON SENG GE BZANG PO MKHAS PAR THOS NAS, GDAN 'DREN DU BTANG BA'I PHO NYA DANG PHRAD NAS GDAN DRANGS TE, 'PHAGS PA'I 'GREL PA DANG MTHUN PA NYI KHRI'I BSDUS DON LE BRGYAD MA DANG, BRGYAD STONG 'GREL CHEN DANG, DON GSAL 'GREL PA
DANG, SDUD 'GREL RTOGS PAR SLA BA DANG, SHER PHYIN BSGOM PA LA SOGS PA MDZAD DO, ,ZHES GRAG GO ,BRGYAD STONG 'GREL CHEN DU DPAL LDAN CHOS SKYONG GIS SBYIN BDAG BYAS NAS, TRI KA TRU KA ZHES PA TSA BA GSUM GYI GTZUG LAG KHANG DU BYAS PAR BSHAD DO, ,DE YANG SLOB DPON SENG GE BZANG PO NI, ZHI BA 'TSO'I SKU TSE'I STOD DANG, KA MA LA SH'I LA DE'I SKU TSE'I SMAD KYI SLOB MA 'DRA'O,, ` RGYAL BA'I MAN NGAG KUN 'DZIN KU S'A LI NI, ZHES PA KU S'A LI CHE BA YIN, DE YANG YIG CHA SNGA MA RNAMS SU KU SU LU ZER BA YOD YANG, RJE BTZUN SA PAn GYIS, KU SU LU MA DAG KU S'A LI ZER BA YIN CING, KU S'A LI BYA BA, DGE BA CAN ZER BA YIN, SBYIR PAndI TA DANG KU S'A LI BYA BA PHYI NANG GNYIS KA LA YOD, PAndI TA BYA BA PHYI NANG GI SHES BYA'I GNAS LA MKHAS PA LA ZER, KU S'A LI BYA BA SPROS PA THAMS CAD BCAD NAS NANG LA MCHOG TU GZHOL BA LA ZER BA YIN GSUNG, YANG YI GE LA LAR KU SA LI ZER BA YONG GIN 'DUG ,KU S'A LI TE BA BDE LA RGYAL BA'I MAN NGAG KUN 'DZIN ZHES BSTOD PA MDZAD PA NA, DA MBU GLING GI GRUB PA BRNYES PA PHAL CHER RAM, THAMS CAD KYI MAN GNAG BLA MA 'DI LA MNGA' BA YIN DE'I TSUL KYANG SANGS RGYAS MYA NGAN LAS 'DA' BA'I TSE BSTAN PA 'OD SRUNGS CHEN PO LA GTAD, DES KUN DGA' PO LA, DE NAS RIM GYIS BRGYUD PA'I MAN NGAG MNGA' BA KU S'A LI CHE BA YIN, 'PHAGS PA BYAMS PA NAS
, ,BRGYUD PA'I MAN NGAG MNGA' BA YANG, BLA MA 'DI YIN, GSANG BA 'DUS PA LA BRTEN NAS BRGYUD PA DANG PHYAG RGYA CHEN PO'I DNGOS GRUB THOB PA'I MAN NGAG SLOB DPON KLU SGRUB NAS BRGYUD PA DANG, SLOB DPON SANGS RGYAS YE SHES ZHABS NAS BRGYUD PA DANG, RGYAL PO AINDRA BO DHI NAS BRGYUD PA DANG, PAndI TA MGRIN PA GSUM PA NAS BRGYUD PA'I MAN NGAG MNGA' BA BLA MA 'DI YIN, DE'I YON TAN MA LUS BA MNGA' BA KU S'A LI CHUNG BA, DE'I YON TAN MA LUS PA MNGA' BA BLA MA GSER GLING PA, DE'I YON TAN MA LUS PA JO BO DPAL LDAN AA TI SHA LA MNGA'O,, ` 'GRO KUN BRTZE BAS RJES 'DZIN DGE BA CAN NI, BLA MA BYAMS PA'I RNAL 'BYOR PA'AM KU S'A LI CHUNG BA YIN GSUNG ZHING, BLA MA 'DI CHOS GSUNG BA'I RTZA RU MI GCIG GIS KHYI LA DBYUG PA BRGYAB PAS, BLA MA AA GSUNGS NAS 'GYEL BA LA, GZHAN RNAMS KYI RTOG PA LA KHYI LA CI YANG MI STO BAR 'DUG PA LA TSUL 'CHOS RE CHE SNYAM PA BYUNG BAS, BLA MAS DE MKHYEN NAS, SKU RGYAB BSTAN PAS KHYI LA BRGYAB PA'I THAD NA KHYU RE SKRANGS 'DUG BAS THAMS CAD YID CHES SO,, ` BYANG CHUB THUGS LA MNGA' BRNYES GSER GLING PA NI, GLING BZHI GLING PHRAN BRGYAD PO GANG YANG MIN PA, 'OG GZHI DZAMBU'I GLING GI 'OG GZHI DANG NYE BAR 'BREL BA, YUL NYER BZHI'I NANG TSAN SU WARnA DV'I PA ZHES PA YIN NAM SNYAM PA RIN PO CHE SNA TSOGS PA YOD PA'I GLING ZHIG YOD PA LA
GSER GLING ZER, GLING DE RES 'GA' PHYI PAS 'DZIN, RES 'GA' NANG PAS 'DZIN PA LA, DE SKABS PHYI PA DAR BA'I SKABS YIN PA LA BLA MA GSER GLING PA 'DI, DE'I RGYAL PO'I SRAS SU 'KHRUNGS NAS, SI NA SI NA ZHES DKON MCHOG GSUM LA SKYABS 'GRO MDZAD PA RGYAL PO'I SRAS SU SONG BAS MU STEGS BA RNAMS KYIS CI YANG ZHU MA NUS, RGYAL BU DE CHER SKYES NAS RI PHUG CIG NAS RGYAL BA SH'AKYA THUB PA'I SKU LUGS MA GCIG RNYED DE BYUNG, DE LA MCHOD PA SNA TSOGS BYAS PAS GLING DE SNGAR LAS BDUN 'GYUR GYIS LO LEGS BA DANG NAD MED BA NYUNG BA LA SOGS PA BKRA SHIS PAR GYUR TO, ,DES GSER GLING PA THAMS CAD SANGS RGYAS KYI BSTAN PA LA DAD NAS RGYAL BU 'DI CHOS 'TSOL DU BTANG BA DRAG ZER BAS RGYAL BU SHIN TU DGES NAS, DZAMBU GLING DU BYON PAS RDO RJE GDAN DU SRIN PO RNAMS MCHOD PA LA 'ONGS PA DAD DUS MTSUNGS PAR GYUR, DE'I TSE GANG ZAG YON TAN CAN THAMS CAD DER 'DU BA YIN PAS BLA MA 'DI DAM PA GZHAN LA MOS PA MA SKYES, MAH'A SHR'I RANGNA LA MOS PA CHER SKYES NAS ZHAG BDUN 'GROGS NAS SLOB DPON DE MED DO SONG, RGYAL BUS PHYOGS KUN TU BTZAL CING DRIS KYANG MA RNYED PAS NGAL NAS GNYID LOG PA'I RMI LAM DU BYIS PA GNYIS GLU LEN PA LA, RANG YUL 'KHOR DANG LONGS SPYOD BOR, ,SMIN PA CIG GIS RTZAD MCHOD, ,RING NAS PHUNG NGAM MYUR DU PHUNG, ,RIGS DAG BZANG STE SHES RAB CHUNG ZER TO, ,DER RGYAL BU GNYID SAD RDO RJE
, ,GDAN DU BYON KYANG CI YANG MED, RANG GI YUL DU 'GRO SNYAMS PA LA, MDUN DU BU MO GNYIS GLU LEN PA LA, GNYEN MDUN MDZA' BSHES MANG PO DANG, ,YUL DANG KHANG KHYIM NOR CHEN DANG, ,ZAS SKOM GYI NI LONGS SPYOD PA, ,MYA NGAN SKYE BAR 'GYUR PA YIN, CES SOGS ZER CING 'DUG PAS, DAL ZER BA YIN SNYAM PA DANG MED DE SONG, DER RGYAL BU DGA' NAS NGES PAR CHOS SKYONG MA ZHIG YIN PA LA, DRIS PA MED DO SNYAMS NAS LO BDUN RGYA GAR DU BZHUGS TE, BLA MA MANG PO LA CHOS NANG RIG MANG PO BSLABS, RDO RJE GDAN DU MCHOD PA BYED CING CHOS SKYONG MA DE DANG 'PHRAD NA SNYAM PA LA RGAN MO ZHIG NA RE, SKAM SAR CHU CHUNG DRANGS PA LTAR, , NYIN DANG MTSAN MO 'DAS PA YIS, ,MI RNAMS TSE NI ZAD PAR BYED, ,RMONGS PA LONG YOD MA ZER CIG ,CES ZER NAS MI SNANG NGO, ,DER RGYAL BUS SLOB DPON MAH'A SHR'I 'BA' ZHIG YID LA BYAS PA DANG, RGYAL BU'I RMI LAM NA SLOB DPON NA RE, RGYAL SRID NI DMAN PA'O, ,DAM PA MA YIN PA'O, ,CHOS KYI RGYAL SRID 'DZIN NUS SAM, ZHES LAN GSUM GSUNGS PA LA, RGYAL BUS KYANG NUS SO ZHES LAN GSUM KHAS BLANGS PA DANG GNYID SAD, SLOB DPON DNGOS SU BZHUGS SHING 'DUG GO ,DER SLOB DPON GYIS BYIN GYIS BRLABS TE CHOS THAMS CAD KYI RANG DANG SPYI'I MTSAN NYID JI LTAR YIN PA BSTAN, SANGS RGYAS KYI BKA'I GDAMS PA RNAMS
GNANG, KHYAD PAR DU BYANG CHUB KYI SEMS LA BRTEN PA'I CHOS MANG DU GSUNGS, RGYAL BUS KYANG SNOD GCIG NAS GCIG TU BYO BA BZHIN DU THUGS SU CHUD, MTSAN YANG GSER GLING PA CHOS KYI GRAGS PA ZHES YONGS SU GRAGS, DE LA BYAMS PA CHE BAS MEE TRI PA YANG ZER, MEE TRI PA GSUM BYUNG BA LA, RGYAL SRAS MEE TRI PA NI RJE BTZUN BYAMS PA, MNGA' BDAG MEE TRI PA NI JO BOS BI KA MA LA NAS BTON PA DE YIN, 'DIR GSER GLING MEE TRI PA BYA BA YIN, DE NAS GSER GLING DU PHEBS NAS, MU STEGS KYI GRUB MTHA' 'DZIN PA THAMS CAD SPANGS TE SANGS RGYAS PA'I BSTAN PA MA LUS PA DAR BAR MDZAD DO,, ` SHING RTA CHEN PO'I SROL 'DZIN MAR ME MDZAD NI, SNGON BCOM LDAN 'DAS SH'AKYA'I RGYAL PO 'JIG RTEN DU BYON PA'I TSE, RGYAL PO'I KHAB TU KHYIM BDAG GI TSUL 'DZIN PA BYANG CHUB SEMS DPAL BZANG SKYONG ZHES GRAGS PA DE YIN TE, DE LA DGONGS NAS, GRO LUNG PAS, RGYAL BA'I MDUN NA RGYAL SRAS BZANG PO SKYONG, ZHES DANG, KHRO BU LOTZTSA BAS, KHYOD SNGON THUB PA'I MDUN NA BZANG PO SKONG, ZHES BSTOD PA YIN, MA 'ONGS PA'I DBANG DU BYAS NA, DGA' LDAN GNAS NA NAM MKHA' DRI MA MED, CES PA, RGYAL BA BYAMS PA'I SRAS KYI THU BOR BZHUGS PA YONGS LA GRAGS SHING, JO BO LA DAD PA RNAMS KYANG DGA' LDAN DU SKYE BA ZHAL GYIS BZHES PAS GSOL BA 'DEBS PA GAL CHE, SKU TSE 'DI'I DBANG DU BYAS NA, ZA HOR RGYAL
, ,BO DGE BA DPAL ZHES PA 'BANGS MI KHYIM 'BUM PHRAG NYI SHU RTZA BDUN YOD PA DE'I SRAS ZLA BA'I SNYING PO YIN, SKU BLTAMS MA THAG PAR RJE BTZUN MA SGROL MA'I ZHAL GZIGS, DGUNG LO BCU BZHI BZHES KYI BAR BZO DANG GSO BA YI GE SOGS BSLABS PAS MKHAS PAR MKHYEN, NYI SHU RTZA GCIG BZHES KYI BAR RTEN DGE BSNYEN KU S'A LI PA MDZAD NAS, SGYU RTZAL DRUG CU RTZA BZHI, PHYI NANG GI TSANG MA KUN LA MKHAS PA'I PHUL DU PHYIN PA'I MKHAS PAR GYUR, KHYAD PAR LO BCO LNGA BZHES PA'I TSE RIGS THIGS TSAR GCIG GSAN NAS, PHYI ROL PA'I RTOG GE MKHAS PAR GRAGS PA CIG DANG BRTZAD PAS, DE PHAM PAR GYUR PAS SNYAN PA'I GRAGS PA PHYOGS KUN LA KHYAB PAR GYUR, YANG JO BO RAB TU MA BYUNG GONG AA WA DH'U T'I'I SPYOD PA MDZAD PA'I SKABS BHANG+GA LAR PHYI NANG GNYIS RTZOD PA CHEN PO BYUNG, NANG PA'I BSTAN PA PHAL CHE BA MU STEGS PA LA SHOR, MU STEGS PA'I RTZOD PA BLOG PA'I PAndI TA MA RNYED PA'I SKABS SU, JO BO BHANG+GA LA'I SPRANG PO'I KHROD NA BZHUGS BA LA, BU MO ZHIG GIS JO BO'I SKU LANG 'OD 'PHRO BA MTHONG BAS GNAS BRTAN GYI SAR PHYIN TE, SPRANG PO LUS LA 'OD 'PHRO BA ZHIG 'DUG NA, RNAL 'BYOR PA CIG YIN TE 'ONG RTZOD PAR ZHUS NA ZER BAS ZHU BA PHUL BAS, MU STEGS BA THAMS CAD TSAR BCAD, SNGAR SHOR BA'I PAndI TA DANG GNAS BRTAN THAMS CAD TSUR THOB, PHYI ROL PA THAMS CAD BSTAN PA LA BTZUD, YANG LAN CIG
LHO PHYOGS NAS MU STEGS PA'I PAndI TA GDUGS BCU GSUM PHUBS PA CIG BYUNG NAS, JO BO LA RANG RE GNYIS RTZED PA BYAS LA SU RGYAL BA'I BSTAN PA LA 'JUG DGOS ZER NAS RTZOD PAS, JO BOS TSEGS MED PAR TSAR BCAD PAS, GDUGS BCU GSUM JO BO LA PHUL, PHYI ROL PA THAMS CAD NANG PA'I BSTAN PA LA BTZUD, YANG SANG PHAD LO DUS SU MU STEGS PA GDUGS BDUN PHUBS PA CIG BANG NAS SNGA MA LTAR TSAR BCAD, DE'I YANG SANG PHOD MU STEGS PA GDUGS LNGA PHUBS PA CIG BYUNG BA YANG CHAR BCAD NAS SANGS RGYAS KYI BSTAN PA LA BCUD, DE'I PHYIR BSTAN ? PA LA, RNAL 'BYOR KYI STOBS KYIS SRUNG PA, DBANG PHYUG GI STOBS KYIS SRUNG BA, RIGS KYI STOBS KYIS SRUNG BA, RIGS PA'I STOBS KYIS SRUNG BA RNAMS LAS, JO BOS NI DE BZHI KA'I SGO NAS SRANG BAR MDZAD DO,, ,JO BO RAB TU MA BYUNG GONG DU BLA MA R'A HU LA GUPTA LA DPAL KYE RDO RJE'I DBANG ZHUS NAS BSGRUBS PAS DPAL HE RU KA'I ZHAL MNGON SUM DU GZIGS, RGYUD SDE BZHI'I GZHUNG DANG GDAMS NGAG KUN LA MKHAS SHING, NUB GCIG RMI LAM DU PAndI TA NGAG GI DBANG PHYUG GRAGS PA LA RGYUD 'BUM PHRAG GCIG BZHI BRGYA LNGA BCU RTZA GCIG GSAN PAS GSANG SNGAGS LA NGA NYID MKHAS SO SNYAMS PA LA MKHA' 'GRO MA RNAMS KYIS THUGS RGYAL BCAG GO ,YANG JO BO RAB TU MA BYUNG GONG LA BLA MA AA WA DH'U T'I PA'I PHYAG PHYIR LO BDUN 'BRANGS NAS, AA WA DH'U T'I'I SPYOD
, ,PA LO BDUN MDZAD, DE'I TSE LHAG PA'I LHA DANG, DKYIL 'KHOR DU MA MNGON SUM DU MTHONG, DA AA WA DH'U T'I'I SPYOD PA 'DI NYID KYIS BDEN PA MNGON SUM DU BYA'O SNYAMS PA'I TSE, DPAL HE RU KAS KHYOD RAB TU BYUNG NA MA 'ONGS PA NA RAB TU BYUNG BA'I GDUL BYA MANG PO'ONG GSUNGS, BLA MA R'A HU LA GUPTA BYON NAS KHYOD AA WA DH'A T'I'I SPYOD PA DES GAR YANG MI PHYIN RAB TU BYUNG BYANG CHUB KYI SEMS SGOMS GSUNG, YANG RMI LAM DU YANG DAG PAR RDZOGS PA'I SANGS RGYAS BYIN NAS RAB TU 'BYUNG BAR BSKUL BAS, PHAL CHEN SDE PA'I GNAS BRTAN 'DUL BA'I 'DZIN PA SH'I LA RAKsHI TA LAS BSNYEN PAR RDZOGS NAS BLA MA DE NYID LA CHOS MANG DU GSAN, BYE BRAG TU BSHAD PA CHEN PO SLOB PA LA GZHAN GYIS LO BCU GNYIS DGOS KYANG NGO? BO MKHYEN RAB DANG BRTZON 'GRUS GNYIS KA CHE BAS LO BDUN BRGYAD LA MKHYEN, BYANG CHUB KYI SEMS KYI GDAMS PA GSAN PA'I PHYIR RGYA MTSO'I STENG LA GRU RDZINGS LA PHEBS, DBANG PHYUG CHEN POS BAR CHAD BRTZAMS PA GSHIN RJE'I GSHED DMAR PO'I BSKYED PA'I RIM PA'I SGO NAS BTUL NAS GSER GLING DU PHEBS, BLA MA GSER GLING BA LA DBU SNGAGS SPREL NAS LO BCU GNYIS KYI BAR DU GSAN, LHAG PA'I LHA'I ZHAL GZIGS PA NI, DPAL KYEE RDO RJE, DAM TSIG GSUM BKOD PA'I RGYAL PO, 'JIG RTEN DBANG PHYUG ,SGROL MA, 'KHOR LO BDE MCHOG ,MI G-YO BA RNAMS KYI ZHAL GZIGS SHING, LHA SA DANG,
BSAM YAS SU ZHABS SAL MA REG PAR BSKOR BA MDZAD, MA GA DHA NAS SLOB MA GCIG GIS GSOL BA BTAB PA'I ROL MO'I SGRA BOD DU GSAN, JO BO RGYA GAR NA BZHUGS PA'I TSE NYIN LAM GSUM TZAM GYI SEMS CAN GYI SKAD DANG BSAM PA THAMS CAD MKHYEN, DGE BSHES STON PAR SGRENG NA BZHUGS PA'I TSE JO BO LA GSOL BA BTAB PAS, JO BO NYID DNGOS SU BYON, DE NAS NYAMS DGA' NAS SNGON BZHIN YANG GSOL BA BTAB PAS, BCOM LDAN 'DAS SH'AKYA THUB PA BYON PAS, BLA MA DANG YI DAM LA KHYAD PAR MI 'DUG GSUNGS, YANG KHRO BU LOTZTSA BA DANG GNYAL BA GTZANG NAG PA GNYIS BGRO GLENG MDZAD PAS, CIG SHOS KYIS JO BO'I LUNG ZHIG DRANGS PAS, LOTZTSA BAS KHAS SNYAD CIG MDZAD PAS MGRIN PA 'GAGS PA, PAn CHEN GYIS JO BO PHYIR MI SDOG PA'I BYANG CHUB SEMS DPA' CHEN PO YIN PA LA KHAS SNYAD BYAS PA DE BSHAGS PA GYIS GSUNGS NAS BSHAGS PAS PHAN, YANG PAn CHEN SH'AKYA SHR'IS THANG PO CHER BSOD SNYOMS LA PHEBS PAS, MI KHROM CHES NAS MA SHONG BAR, GSOL LHUNG JO BOS PHYAG TSA'I KHANG BA BRTZEGS PA'I STZANG DU BZHUG PAS GSOL LHUNG 'GRED NAS BO BA PHYAG TSAL 'PHOG PAS, THUGS DAM BSKYED RDZOGS KYI SPYAN DMIGS MI GSAL ZHING, THUGS MYOG MYOG PO ZHIG BYUNG BAS, RJE BTZUN MA'I ZHAL NAS, D'I PAm KA RA SHR'I DZNY'A NA BSKAL BZANG GI SANGS RGYAS YIN, BSHAGS PA MA BYAS NA 'KHOR RNAMS LA RIMS NAD KYIS
, ,'DEBS GSUNGS NAS BSHAGS PA MDZAD, MDOR NA, YER PAR PHA CHOS GSUNGS PA'I TSE RANG GZHAN GYI 'KHRUNGS RABS MANG PO SANGS RGYAS KYIS GSUNGS PA LTAR MDZAD CING DE GAS SHES PAS DAD PA CHEN POS GSOL BA 'DEBS PAR MDZOD CIG, ` LAM BZANG GSAL MDZAD STON PA RIN PO CHE NI, SNYING RJE PAD DKAR DU, BYANG PHYOGS SU BSTAN PA LA DAD PA LHAR SKYE, RAB BYUNG CHOS BZHIN MI SPYOD PA LOG PAR LTUNG, DER DGE BSNYEN CHOS 'PHEL ZHES PA RDZU 'PHRUL DANG LDAN PA 'BYUNG ZHES PA DANG, SANGS RGYAS PHAL PO CHER BYANG PHYOGS SU DGE BSNYEN CHOS 'PHEL ZHES BYA BA 'BYUNG, ZHES PA DANG, JO BOS BOD LA PHEBS NA BOD LA PHAN THOGS MI THOGS ZHUS PAS, RNAL 'BYOR MA RAL PA SER SHAR RE BA ZHIG GIS BOD LA PHYIN NA PHAN THOGS, KHYAD PAR AU PA SI KA ZHIG LA BRTEN NAS PHAN THOGS ZHES, LUNG BSTAN PA NI 'BROM RGYAL BA'I 'BYUNG GNAS NYID YIN LA, 'DI NYID STOD LUNG GI RGYAB RTZVA SGYE MO'I PHUG RING DU SKU 'KHRUNGS, SKU GZHON NU'I DUS SU MA YAR MA GCIG DANG MA MTHUN PAS, THUGS STOBS CHE BAS 'THON NAS GZHU'I KUN DGA' RA BAR BYON, G-YUNG CHOS MGON LAS KLOG YIG BSLABS, RGYAL GYI ZHANG CHEN PO LAS DGE BSNYEN GYI SDOM PA BZHES, BLA MA SE BTZUN BAL POR PHEBS PA LA MJAL SHIN TU DAD PAR GYUR CING, SLAR BLA MA SE BTZUN KHAMS LA LOG PHEBS BA LA
BDAG NYID KHAMS LA 'KHRID PAR ZHUS KYANG, DA RES KHRID NA BYIS PA BRKUS NAS KHRID ZER DU 'ONG BAS, SANG PHOD TSONG BA DANG 'GROGS LAS SHOG GSUNG, DE NAS RGYAL GYI ZHANG CHEN PO LAS DGE BSNYEN GYI SDOM PA MNOS TE MTSAN RGYAL BA'I 'BYUNG GNAS SU GSOL, DGUNG LO BCU DGU BA LA TSONG BA DANG 'GROGS NAS MDAN MA'I YUL DU BLA MA SE BTZUN GYI SPYAN SNGAR PHEBS NAS, NANG GI ZHABS TOG PHYE 'THAB, ,PHYI ROL TU RTA PHYUGS MANG PO'I RDZI BO MDZAD NUB MO RTA BZANG PO LA CHIBS, 'KHOR GSUM TSER MA 'DRA BA BYAS TE, MEL TSE MDZAD CING, BLA MA SE BTZUN LA, DBU MA RIGS TSOGS, GSANG SNGAGS RNYING MA SOGS GSAN, PAndI TA SGRA'I TSER MA CAN BYA BA SMRi TI DZNY'A NA K'IRTI'AM, DRAN PA YE SHES GRAGS PA LA SAmSKRi TA'I SKAD DANG, RGYA YIG BSLABS PAS LEGS PAR MKHYEN, DER PAndI TA DE LA DA LTA RGYA GAR NA PAndI TA CHE BA JI SKAD BYA BA YOD DRIS PAS, TSA BGRES N'A RO BA DANG, SH'ANTI PA BYA BA YOD, DE GNYIS 'DAS NA, PAndI TA D'I PAm KA RA BYA BA YOD DE CHE BAR 'OD ZER BAS, DE DANG MJAL NA DGA' BA LAGS DGONGS BA BYUNG, DE NAS YAR DBUS LA PHEBS PAS, SOG CHU KHAR 'PHRANG KHA BER CHUNG DANG MJAL BA LA, DE NA YAR PHYAG WA 'KHYUG PA 'DRA BA ZHIG GYIS ZER BAS PHYAG MDZAD, KHONG GIS CHOS GTAM MANG DU DRI PA LA, LAN MDZAD BAS KHAMS NA 'BROM STON ZER BA'I DGE BSNYEN MKHAS PO ZHIG YOD ZER BA MIN LAS CHE ZHES
, ,DRIS PAS YIN KYANG SRID GSUNGS BAS, KHONG RANG GI 'OG GI GRUM TZE DGE BSHES STON PA LA BTING, RTA BZANG PO GCIG MTHUR MDA' DAR YUG LA BYAS NAS PHUL CING BZOD GSOL BYAS, KHONG GI MCHOD GNAS LA BZHUGS PA'I ZHU BA PHUL KYANG, DA RES SDOD MI KHOM, SLAR PHOD MDO'I MKHAR 'DI BSHIG NAS RA SGRENG DU GTZUG LAG KHANG BZHED NA BYED GSUNGS, DE NAS JO BO MNGA' RIS NA PHEBS ZER BA GSAN BAS, KA BA SH'AKYA DBANG PHYUG SOGS LA NGAS PAndI TA SPYAN 'DRONGS NA, KHYED RNAMS BSU BA LA BYON ZHES PA'I ZHAL DON MDZAD NAS, BYANG LAM NAS BRGYUD NAS MNGA' RIS SU PHEBS TE JO BO DANG MJAL MA KHYAD PHA BU 'PHRAD PA BZHIN DU DGYES NAS PHYAG DBU THOG TU BZHAG NAS SAm SKRi TA'I SKAD DU SHIS BRJOD MANG BO MDZAD, SNGON DU BUM PA SGRUB PA GNANG TSAR BAS DBANG BSKUR, 'BROM LA CHED DU DGONGS PA GTAD NAS LAM SGRON TSAR GCIG GSUNGS, DE NAS NAG TSOL GNAS BRTAN RATNA AA KA RAS, JO BO LO GSUM NAS MA BSKYAL NA DAM TSIG NYAMS PA YIN NO ZER BAS, LOTZTSA BAS ZHABS BSKUL DRAG PO ZHUS PAS, BOD RGAN RNAMS KYI PHEBS BSU MA 'BYOR BAR JO BO BAL YUL DU PHEBS KYANG, SA MAN SDE GSUM BYA BA'I 'KHRUG PA LANGS NAS LAM 'GAGS PAS, BOD KYI BSOD NAMS KYIS JO BO RIM GYIS GTZANG DU PHEBS PAS, SA SKYA'I THAD DU 'DIR 'JAM DBYANGS KYI SPRUL PA BDUN RGYUD DU 'BYUNG
GSUNGS, SNAR THANG GI THAD DU 'DIR GNAS BRTAN BCU DRUG GI SPRUL PA 'BYUNG GSUNGS NAS SNAR THANG LUNG BSTAN, DE NAS GAN PA BYANG THANG DU PHEBS PA'I TSE LHA SA'I THAD LA PHYAG MDZUB GTAD DE DE NA CI YOD GSUNG, DE NA LHA SA NA JO BO SH'AKYA MU NE BZHUGS ZHUS PAS DE THANG LHA MANG POS MCHOD PA 'BUL ZHING 'JA' TSON SUM BRTZEGS KYANG 'DUG GSUNG, DE NAS KHUS THANG PO CHER SPYAN DRANGS, SLAR THANG PO CHE NAS YER PA LHA SA SOGS SU PHEBS SNYE THANG DU CHOS MANG DU GSUNGS SHING, DGA' LDAN LA PHEBS PAR NYE BA NA, MKHA' 'GRO MANG POS PHYAG DANG SKOR BA DANG BRGYA SBYIN GYIS LHA'I ME TOG GI CHAR PHABS, JO BO DGA' LDAN DU PHEBS NAS, BSHES GNYEN 'BROM RIN PO CHES SKU GDUNG RNAMS BYANG RA SGRENG DU SPYAN DRANGS NAS KHYUNG MGO CAN LA SOGS PA BZHENGS SHING, BKA' GDAMS BSTAN PA'I CHU MGO TSUGS, LAN CIG JO BOS BYIS PA CHUNG NGU LTAR GZIMS KHANG PHYIS CHUNG NGU MANG POS GANG BAR MDZAD PA, 'BROM STON RIN PO CHES JI MI SNYAM PAR THAMS CAD PHYAGS NAS GTZANG SING BA ZHIG MDZAD PAS, BYA RGOD KYI NYIN LAM BCO BRGYAD TSUN CHAD KYI SEMS CAN THAMS CAD KYI SEMS KYI RNAM PA WAL GYIS MKHYEN PA'I MNGON PAR MKHYEN PA RGYA CHEN PO BRNYES, 'BROM RIN PO CHES JO BO LA SNGAR GYI CHOS RNAMS LAM DU SONG MA SONG JI LTAR LAGS ZHUS PAS, BLA MA SE BTZUN GYI G-YOG BYAS PA LAM DU SONG, GZHAN MA SONG GSUNG, DE NAS
, ,BYANG RA SGRENG DU LO DGU BZHUGS NAS RA SGRENG GRUB THOB TU PHUNG NGE YOD PAR MDZAD NAS MTHAR DGA' LDAN DU NAM MKHA' DRI MA MED PA'I SKU MDUN DU PHEBS SO,, ` RNAL 'BYOR DBANG PHYUG DGON PA PA NI, 'KHRUNGS YUL MDO KHAMS PA GDUNG RUS 'DZENG, MTSAN DBANG PHYUG RGYAL MTSAN, YAB SNGAGS BA CIG GI SRAS SU 'KHRUNGS, YAB GRONGS NAS DPE CHA MANG PO YOD PA GROGS PO ZHIG DANG GROS BYAS NAS, DBEN PA CIG TU LTA RTOG BYED CING, DGE SBYOR MDZAD DGONGS PA YOD PA LA MNGA' RIS STOD DU PAntI TA CHEN PO ZHIG PHEBS PA GSAN PAS, THUGS 'GYUR TE BRGYAGS PHYE BOR NAS, TSONG PA RNAMS LA SLONG GIN BYON, GTZANG GI NYAN 'TSOR JO BO DANG MJAL NAS CHOS ZHUS PAS, NGA'I MCHOD GNAS BYED NA CHOS BSHAD MI BYED NA MI BSHAD GSUNGS PAS, MCHOD GNAS MDZAD PA ZHAL GYIS BZHES, 'KHOR BA 'JUG LDOG NAS 'KHRID PA'I LAM GYI RIM PA DANG, MI G-YO BA'I SGRUB YIG DMIGS PA SKOR GSUM DANG BCAS PA LOTZTSA BAS KYANG BAR MCHOD PAR GNANG, NYES BYAS PHRA MOS KYANG MA GOS PA'I TSUL KHRIMS RNAM PAR DAG CING, BRTZON 'GRUS PHUN SUM TSOGS PA NI, LAN CIG SKYIL KRUNG LAM GYIS MDZAD PAS BRLA SHA LA SBEN MA YOG SHING TZAM ZHIG ZUG PA'ANG MA PHYUNG BAR BSGOMS PAS, DE PHYUNG NAS BSGOMS NA CI MA KHYAB CES DNGOS SU GSUNG ZHING, LKOG TU DE 'DRA ZHIG DGOS GSUNG, LAN
CIG RLUNG BZUNGS TE BA SBU TZAM YANG MI 'GUL BAR DROD TSA LAM ME BYAS NAS ZHAG GSUM GSUM TZAM BZHUGS TE, HA HA GSUNGS NAS KOG GIS BZHANGS TE KHAMS CUNG ZHIG MA BDE NAS DE LTAR BYAS PA YIN GSUNG, MNGON SHES RGYA CHEN PO MNGA' BA NI, SNGON DGE BSHES PHU CHUNG PA DANG GNYIS GRAL GCIG LA BZHUGS ZA'I DUS NA NGAS SANGS RGYAS RJES SU DRAN PA BAG TZAM ZHIG YID LA BYA'O GSUNGS NAS SPYAN ZIM TZAM MDZAD NAS BZHUGS, NGAS DA LTA TING NGE 'DZIN LA MNYAM PAR BZHAG PAS 'OG PHYOGS NA SANGS RGYAS SHIG BYANG CHUB SEMS DPA' DPAG TU MED PAS BSKOR NAS CHOS GSUNG BA NGAS MTHONG ZHING THOS GSUNG PA SOGS MNGON SHES RGYA CHEN PO MNGA' BA'I LO RGYUS MANG ZHING, JO BO'I SLOB MA SGOM GEGS SEL BA LA RTZAL THON PAR GRAGS, PHAR PHYIN KHAMS LUGS BAG RE MKHYEN CING, BSKYED RDZOGS DANG RTZA RLUNG GI GDAMS NGAG LA NI 'DI MI MKHYEN BYA BA MED, JO BO'I SA TRA SNYE THANG NAS RVA SGRENG DU 'DEGS TSE, NYAG MO NA BZHUGS PA THEGS PAR ZHUS PAS, NGA LA YUL MI 'DI TSO PHAN GNOD GANG YANG MI BYED PAS NGA 'DI KHAR SDOD GSUNGS PAS, 'O NA JO BO'I SA TRA NI 'DEGS SO ZHUS PAS, 'O NA NGA CI ZA GSUNGS NAS BZHENGS NAS PHEBS, SA TVA ZHES PA BLA MA 'GA' ZHIG THAB KHA YIN GSUNG, 'GOS LO GZHON NU DPAL NI, JO BO'I SA TRA ZHES PA SDE'AM TSOGS LA ZER BA YIN GSUNGS ZHING, DGON PA PA'I SLOB MA CHE BA NI, SNE'U
, ,ZUR BA, ZHANG KA MA PA, GNYAN SNA MO BA, 'BRE KO TE LUNG BA BZHI LA DGON GYI BU BZHIR GRAGS SHING, DGON PA PA 'DI NYID KUN MKHYEN LEGS BA DON GRUB KYI SKU TSE GONG MA ZHIG YIN PAR, DBEN SA BKA' 'BUM LAS GSUNGS PAS BSAM GYIS MI KHYAB PA'I RNAM THAR RO,, ` DGON PA PA'I SRAS KYI THU BO ZAB MO'I TING NGE 'DZIN BRTAN PA'I SNE'U ZUR BA NI, JO BO MNGA' RIS SU PHEBS PA'I LOR 'PHAN YUL SBRAS SU SKU 'KHRUNGS, BRAG RGYAB TU RAB TU BYUNG, SKYE BAS THOB PA'I TING NGE 'DZIN BRTAN PO YOD PAS, ZAB MO'I TING 'DZIN BRTAN PA'I SNE'U ZUR BA ZHES GSUNG BA'I RGYU MTSAN YANG DE YIN, DE NAS BRAG RGYAB PA'I STON PA SH'AKA TSUL BYA PAS, RA SGRENG DU PHYIN SKABS DGON BA BA LA NGED KYI DE NA SKYES TZAM NYID NAS TING NGE 'DZIN BRTAN PO YOD PA'I BTZUN CHUNG ZHIG YOD CES ZHUS PAS, AA HA HA ZHES DGYES PAR MDZAD PAS, SH'AKA TSUL GYIS SNE'U ZUR BA LA KHYED RANG RA SGRENG GI DGON PA GONG DU PHYIN NA DGON PA BAS RJES SU 'DZIN PAR 'DUG BYAS PAS, SNE'U ZUR BAS RA SGRENG LA PHEBS PAS, DGON PA BA SKU MTSAMS DAM PAS MJAL SA MED ZER NAS GZIMS KHANG LA BSKOR BA MDZAD SBOS RENG BSREGS NAS, TSE 'DI LA SKYES BU DAM PA KHYED DANG MI MJAL BAR 'DUG SKYE BA PHYI MAR MJAL PA'I SMON LAM BGYID GSUNGS NAS, RNAL 'BYOR BA LA CHOS GSAN PAS, DGON PAS THUGS MKHYEN GYIS
DGONGS NAS SHOG GSUNGS NAS PHEBS PAS, THOG MAR KHA 'BAR MA'I GTOR MA DANG, SKYABS 'GRO THUN MONG BA GNANG NAS, MA BSGOMS PA'I CHOS KYIS PHAN MI THOGS PAS ZLA BA PHYED PHYED BSGOMS LA SHOG GSUNGS, DE NAS RIM GYIS GDAMS PA RNAMS TSANG BAR GSUNGS, YI DAM MI G-YO BA GNANG NAS BSNYEN PA MANG DU MDZAD CING, DGON PA PA GSHEGS NAS, PO TO BA'I MCHOD GNAS LO BCU GNYIS MDZAD, LAM GYI RIM PA YANG DGON PA PA'I DE LA GZHI MDZAD CING, PO TO BA'I LEGS LEGS RNAMS BTUS NAS MDZAD, DE NAS SNE'U ZUR GYI DBEN SA GOG BO DER KHANG CHUNG ZHIG BRTZIGS NAS BZHUGS, PO TO BA'I GRVA PA BCU TZAM LA KLU NAD BYUNG BA GSO PAR MDZAD CING, LAN CIG RA SGRENG DU PHEBS SKABS PHA BONG ZHIG LA ZHABS GTAD NAS PHYAGS SGROG BCING PAS SPRUL DKAR PO ZHIG 'THON, DE NA MDZE BO ZHIG 'DUG PA DE KHA RANG GIS NAD GSOS, GLANG THANG DU YAMS NAD CHEN PO BYUNG BAS MI MANG PO SHI ,DE NAS MI MA YIN RNAMS SNE'U ZUR DU 'GRO BAR BRTZAMS PA NA NAM MKHA' LAS, DE NI BYANG CHUB SEMS DPA' KUN TU BZANG PO'I SPRUL PA YIN NO ZHES PA'I SGRA SKAD BYUNG PAS, MI MA YIN RNAM PHYIR LOG STE, DE NAS BYANG CHUB SEMS DPA' KUN TU BZANG PO'I SPRUL PAR YANG GRAGS SO, ,YANG DGE BSHES PADMA BYANG CHUB LA KLU'I GNOD PA BYUNG NAS SBRUL GCIG MGO LA THOD BZHIN DU DKRIS NAS SPRUL MGO DE DPRAL
, ,PA'I STENG, GDENGS KA BZHIN YOD PA MIS MTHONG GI DOGS NAS BKAB STE, RIN PO CHE SNE'U ZUR BA'I SPYAN SNGAR PHYIN PAS, DE NGA DANG KHYOD RANG MIN BAS MI MTHONG SBED MI DGOS, NGA DE'I STENG DU BSGOMS DANG GSUNGS PAS, DE BZHIN BYAS PAS GAR SONG CHA MED PAR SONG, TING NGE 'DZIN JI LTAR BRTAN PA NI, DGE BSHES DE NYID KYI ZHAL NAS, NGAS TING NGE 'DZIN GCIG LA MNYAM PAR BZHAG NA NYIN ZHAG BCU BZHI TZAM THUB PAR 'DUG GSUNGS PA LA, SPYAN SNGA BA'I ZHAL NAS NGED RA SGRENG PA LA TING NGE 'DZIN GYI TSAN KHA ZHANG SGOM KHO NA CHE BA YIN GSUNG ZHING, SNE'U ZUR BA TING NGE 'DZIN BRTAN PA'I SNYAN PA RJE BTZUN MID LAS GSAN PAS NGED GNYIS MTSAN GYI GROGS MCHED KYANG YIN, YANG SNE'U ZUR PA'I ZHAL NAS, NGA YANG RNAL 'BYOR BA 'BRING PO TZAM YIN TE, SDE DPON DANG MI NAG PA'I THEM BA 'GOM MA MYONG NAS LO BZHI BCU SONG GSUNG BA LA, RNAL 'BYOR BA 'BRING BOS MI TSAD BOD DU BYON PA'I BKA' GDAMS PA CIG LA KHONG LAS CHUGS THUB PA MA BYUNG ZHES DPON STON RIN PO CHE GSUNG, ZHING BRJE SKABS ZHAL KO DE PHYANG GIS SONG TZA NA SPYI BO NA YAR LA 'OD 'JAG MA TZAM ZHIG DKAR NAR GYIS SONG BA PHYI NA YOD PA KUN GYIS SBA LCAG TZAM DKAR NAR GYIS SONG BA MTHONG BAS, KHE GAD LOTZTSA BA'I ZHAL NAS RNAL 'BYOR BA CIG GRONGS PA'I LTAS LA DE LAS YA MTSAN PA RGYA GAR DU YANG MA BYUNG GSUNGS NGO,,
` SNE'U ZUR PA'I SLOB MA, 'DUL BA'I SDE SNOD KUN 'DZIN THAG MA PA NI, SHA MI SMON LAM TSUL KHRIMS LAS 'DUL BA MKHAS PAR BSLABS NAS, STOD LUNG THAG MA BZUNGS TE 'DUL BA'I BSHAD PA RGYA CHER MDZAD, THAG MA PA PHYI MA DPAL CHEN RDONG GZHON, SPAL TI JO SRAS LA SOGS PA'I 'DUL 'DZIN MKHAS PA MANG DU THON, DPAL CHEN RDOR GZHON 'DI 'BRI KHUNG BAS DBANG YOD KYIS GDAN DRANGS PAR, GZHU STON YE, RNAL 'BYOR BYANG SENG SPAL TI JO SRAS GSUM GYIS RJES BSNYEGS LA 'BRI KHUNG GZHO LA THUG PAR BYON KYANG MA ZLOG ,RNAL 'BYOR BYANG SENG 'DIS 'PHAN YUL GRO SA BTAB, KA BA DAR SENG 'DIS SNE'U ZUR BA LA LAM GYI RIM PA GSAN NAS THUGS NYAMS SU BZHES SHING GZHAN LA'ANG 'DOMS PAR MDZAD PAS 'DUL 'DZIN DANG BKA' GDAMS 'DRES PAR MDZAD CING, SANGS RGYAS DBON GYIS KYANG THAG MA BA LA GTUGS TE 'DUL BA LA MKHAS PAR MDZAD DO,, ,, ` THAG MA PA'I SLOB MA BRTZON PAS SGRUB PA LHUR LEN NAM SENG ZHABS NI, BTZAN PO KHRI SRONG LDE BTZAN GYI CHOS BLON SHUD BU DPAL GYI SENG GE'I BRGYUD PA BSHES GNYEN CHEN PO NAM MKHA' RGYAL MTSAN GYIS YOL SKU MCHED GSUM LA CHOS GSAN CING LHO BRAG TU BYIN NAS, THIG PHYI DANG NAM STENG GI GTZUG LAG KHANG GNYIS BZHENGS, DE NAS RIM PAR BRGYUD PA MKHAN CHEN NAM SENG PAS, THAG MA BA LA LAM GYI RIM PA GSAN, DON STENG
, ,PA LA SGROL MA, DAM TSIG GSUM BKOD, DZAMBHA LA, TSOGS BDAG RNAMS KYI CHOS SKOR GSAN CING, NAM MKHA' SENG GE'I GCUNG PO'I SRAS MKHAN CHEN NAM MKHA' RGYAL PO DANG, DPON SENG GE SOGS BYUNG,, ` DAM PAS BYIN BRLABS NAM MKHA' RGYAL PO NI, GZHON NU NAS KHU BO NAM MKHA' SENG GE'I DRUNG DU RAB TU BYUNG, DBUS PHYOGS KYI MKHAS PA RNAMS KYI DRUNG DU BYAMS CHOS LA MKHAS PAR SBYANGS SHING, RIN CHEN SGANG PA SANGS RGYAS DPON GYI ZHABS LA GTUGS TE BYANG CHUB LAM GYI RIM PA, BDEN GNYIS KYI 'KHRID GSAN, KHU BO NAM MKHA' SENG GE'I DRUNG DU LAM RIM SOGS GSAN NAS THUGS NYAMS SU BZHES YI GE DRUG PA, DAM TSIG GSUM BKOD, SGROL MA, MI G-YO BA, BDE MCHOG SOGS KYI ZHAL GZIGS SHING GSUNG GI SNANG BA THOB, GSHEGS NAS BDE BA CAN DU 'BYON PAR SGROL MAS LUNG BSTAN PAR GRAGS SO,, ` 'JIG RTEN CHOS BRGYAD SPANGS PA'I SENG GE BZANG PO NI, DGUNG LO BDUN BZHES DUS RDE'U GSOL NAS SGRUB PA KHO NA MDZAD, BCU BRGYAD BZHES DUS KHAB MDZAD NAS SRAS SLOB DPON BSOD NAMS BZANG PO 'KHRUNGS, NYI SHU RTZA BRGYAD LA RAB TU BYUNG, RI ZANGS RDOG TU MKHAN PO ZHANG YE SHES MDZAS KYI DRUNG DU 'DUL BA'I THUGS SBYONG MDZAD, MKHAN CHEN PA'I DRUNG DU LAM GYI RIM PA'I CHOS MANG DU GSAN NAS DE RJES CHE SAR BTON, KHU BO
GSHEGS NAS GDAN SAR PHEBS, THUGS RJE CHEN PO, SGROL MA, PHYAG NA RDO RJE, DPAL LHA MO RNAMS KYI ZHAL GZIGS SHING, GSHEGS NAS LCANG LO CAN DU 'GRO GSUNGS TE GSHEGS,, ` DE'I SLOB MA MKHAN CHEN RGYAL SRAS BZANG PO NI, SA G-YO BA LA SOGS PA'I LTAS DANG BCAS TE SHUD BU BA'I SKU RIGS SU BSKU 'KHRUNGS, DGUNG LO BCU GTIG PA LA RAB TU BYUNG, MKHAN CHEN MTSO SNA BA SOGS BSTEN 'DUL BA, PHAR PHYIN, SPOD 'JUG , BYAMS CHOS DANG BCAS PA LA SLOB GNYER MDZAD, BCO LNGA BZHES CHE 'DUL BA'I BSHAD PA MDZAD, DE NAS BCO BRGYAD LA GDAN SAR BTON TE, MKHAN CHEN SENG GE BZANG PO'I DRUNG DU LAM GYI RIM PA LA SOGS PA BKA' GDAMS KYI CHOS RNAMS GSAN, SKU GSUNG THUGS KYI RTEN MANG DU BZHENGS, LAM RGYA MANG DU BSDAMS SHING SBYIN PA MANG DU MDZAD, PADMA CAN GYI ZHING DU SKYE BA'I LUNG BSTAN YOD CING, MKHAN CHEN NAM MKHA' RGYAL MTSAN LA KHYOD KYI CHOS PHYOGS LA BSLAB BYA MI 'TSAL, SDE 'DI RNAMS 'DZIN PA LA 'DI BZHIN GYIS KYI ZHAL TAR GNANG NAS, KHYI'I ZLA BA'I TSES BCU GNYIS LA ZHI BAR GSHEGS, DE'I TSE ME TOG GI CHAR CHEN PO BABS, LTAS NGO MTSAR BA MANG DU BYUNG NGO,, ` MKHAN CHEN NAM MKHA' RGYAL MTSAN NI, CHOS RGYAL KHRI SRONG LDE BTZAN GYI CHOS BLON SHUD PU DPAL GYI SENG GE'I SKU RGYUD DU 'KHRUNGS, SHUD BU DPAL GYI SENG GE YANG SH'AKYA RI BRAG PA'I RGYUD PA YIN PA
, ,MKHAN CHEN NAM MKHA' RGYAL MTSAN NYID KYI RNAM THAR LAS GSUNGS SHING, SH'AKYA RI BRAG PA NI, MANG POS BKUR BA'I RGYAL PO RNA BA CAN LA, GO'U TA MA DANG BHA RA DHVA DZA GNYIS BYUNG BA, GO'U TA MA GSAL SHING LA BSKYON PA LA KHU BA THIGS PA GNYIS BYUNG BA NYI MA'I DROD KYIS SMIN PA LAS KHYI'U GNYIS BYUNG BA BU RAM SHING GI TSAL DU SONG BA LA, GCIG LA NYI MA'I GNYEN, GCIG LA BU RAM SHING BAR MING BTAGS PA'I NYI MA'I GNYEN LA SRAS MA BYUNG, BU RAM SHING PA LA SRAS BYUNG BA LA, BU RAM SHING BAR GRAGS, DE RNAMS KYI CHE RGYUD LA BU RAM SHING PA BRGYA BYUNG BA'I THA MA BU RAM SHING BA 'PHAGS SKYES PO, DE LA SRAS PO GSUM DANG, SRAS MO GSUM BYUNG BA, MAS DBEN SRING MO DANG 'BREL BA LA SH'AKYA'I RIGS RNAMS BYUNG, DE RNAMS KYI CHE RGYUD RIM BAR DAD BA'I RGYAL RABS LNGA BCU PHAN RGYAL PO SHING RTA BCU PA BYUNG, DE LA SRAS SH'AKYA CHEN PO, SH'AKYA LI TZA BYI, SH'AKYA RI BRAG PA GSUM BYUNG BA'I THA CHUNG SH'AKYA RI BRAG PA'I RGYUD PAR NGES, GRUB CHEN LAS KYI RDO RJE 'DI NYID, SKU TSE SNGON MA SRIN YUL DU NAM MKHA' LHAN RGYAL SRIN POR SKYES PA'I SRAS SU SKU 'KHRUNGS, SKU TSE PHYI MA RGYA GAR DU RGYAL PO 'DOD PA'I SNYING POR 'KHRUNGS NAS SKU TSE DE LA RNAM SMIN GYI LUS 'JA' LUS SU 'GYUR BAR GSUNGS SHING, DE'I RJES LA LCANG LO CAN DU DPA' PO CHEN PO CHOS KYI RDO RJE ZHES PAR 'GYUR, DER MI LO DRUG CU LAS MI BZHUGS
TE, DPAL PHYAG NA RDO RJES BSKUL NAS CHOS KYI RDO RJE'I SLOB MA RNAMS DANG, RGYAL PO 'DOD BA'I SNYING PO DANG, GRUB CHEN LAS KYI RDO RJE NAM MKHA' RGYAL MTSAN LA CHOS KYI 'BREL PA YOD PA BU SLOB RGYUD 'DZIN DANG BCAS PA BDE BA CAN DU SANGS RGYAS 'OD DPAG MED KYI ZHABS DRUNG DU SKYE, DER GRUB CHEN RIN PO CHE'I MTSAN RDO RJE SNYING BO ZHES PAR 'GYUR ZHING, DE NAS RGYAL BA 'OD DPAG MED KYIS BSKUL TE, BYANG SHAR MTSAMS KYI ZHING KHAMS RDO RJE 'OD ZER BKOD BA ZHES BA'I ZHING KHAMS SU BYON NAS DE'I MTSAN LA BYANG CHUB SEMS DPA' LEGS BA'I BLO GROS ZHES PAR 'GYUR LA, DE LA CHOS KYI 'BREL PA DANG MOS PA GTING NAS THOB PA THAMS CAD DER SKYE BAR GSUNGS, GZHAN YANG GRUB CHEN RIN PO CHE'I SNYAN PA DANG YON TAN DANG MTSAN THOS SHING BRJOD PA DANG, RAB TU MOS BA RNAMS RDO RJE SNYING PO CAN DANG, PADMA 'OD ZER CAN GYI ZHING DU SKYE BAR NGES PA YIN ZHES LUNG BSTAN PA YOD GSUNG, DES NA GRUB CHEN NAM MKHA' RGYAL MTSAN LAS KYI RDO RJE DANG, RJE BLO BZANG GRAGS BA'I RJES 'JUG RNAMS KYIS, LHO BRAG GRUB CHEN LA GSOL BA 'DEBS PA GAL SHIN TU CHE STE, GRUB CHEN RIN PO CHE'I ZHAL NAS, 'GRO BA DGA' ZHING SKYID BA'I DUS NA YANG, ,LAS KYI RDO RJE LA GSOL BA THOB, ,SKYID BRGYUN DU 'ONG BA YIN, ,DBANG PO SKYON CHAGS BYUNG NA YANG, ,LAS KYI RDO RJE LA GSOL BA THOB, ,'BRAL DU PHAN PA THOB PAR 'GYUR, ,ME TOG MAR ME MTHONG BA'I TSE, ,LAS KYI RDO RJE LA MCHOD
, ,BAR PHUL, ,NGA YIS BDAG GIR BYED PA YIN, ,MU GE 'KHRUG LONG SDUG BSNGAL BYUNG NA YANG, ,LAS KYI RDO RJE LA GSOL BA THOB, ,SEMS LA BDE BA STER BA YIN, ,BGEGS DANG BAR CHAD BYUNG BA'I DUS, ,LAS KYI RDO RJE LA GSOL BA THOB, ,RKYEN NGAN RANG SAR GROL BAR 'GYUR, ,'CHI LTAS DBUGS RNAMS SDUD PA'I DUS, ,LAS KYI RDO RJE LA GSOL BA THOB, ,BAR DO'I 'PHRANG LA SKYEL MA NGAS BYED, ,NGA'I MING BZUNGS BA TZAM GYIS BYIN RLABS DPAG MED 'ONG BAS, DER YANG NGA'I MING NAS BZUNGS NAS NGA LA GSOL BA 'DEBS BA GAL CHE, LCANG LO CAN DU PHYIN PAS CHOG ,GUS PAR GYIS LA GSOL BA THOB CES GSUNG ZHING, GZHAN YANG, 'DI SKAD GSUNG, NGA YI MING LA GUS PA SU SKYE BAS, ,LHA YUL DAG TU CHOS LA SPYOD PAR 'GYUR, ,RIGS BZANG LONGS SPYOD CHE BA'I DPAL DU 'GYUR, ,NGA LA SU GUS PHYAG NA RDO RJES KYANG, ,RJES SU 'DZIN CING SDUG BSNGAL SEL BAR BYED, CES DANG, BDAG LA MOS PA THOB PA'I GANG ZAG DES MTSAMS MED PA LNGA'I LAS BYAS KYANG, BDAG PADMA 'OD ZER BKOD PA'I ZHING DU SKYES PA'I TSE BDAG GI 'KHOR DU NGES PAR SKYE BA YIN, ZHES SOGS MANG DU GSUNGS PAS MTSAN TZAM THOS PA YANG SKAL BA BZANG NGO, ,SKU TSE SNGA PHYI'I LO RGYUS SONG, GRUB CHEN 'DI'I SKU TSE 'DI'I DBANG DU BYAS NA, YAB SLOB DPON BSOD NAMS BZANG PO DANG, YUM RIN CHEN
RGYAN GYI SRAS SU SKU BLTAMS, DGUNG LO BDUN PA LA KHU BO MKHAN CHEN RGYAL SRAS PA NYID LA DGE BSNYEN GYI SDOM PA BZHES, DGUNG LO BCU PA'I DUS SU KHU BO RGYAL SRAS PA'I DRUNG DU, SNE'U ZUR PA NAS BRGYUD PA'I LAM RIM, BYA YUL BA NAS BRGYUD PA'I LAM RIM SOGS CHOS BKA' MANG DU GSAN, BCO LNGA LA 'DUL BA'I SLOB GNYER MDZAD CING, BCU BDUN LA 'CHAD NYAN MDZAD, BCU DGU LA LHA SA PHYOGS SU BYON NAS, RGYA MA RIN PO CHE BKRA SHIS RGYAL BO'I DRUNG DU BSNYEN PAR RDZOGS SHING LAM RIM SOGS CHOS MANG DU GSAN, DGUNG LO BDUN CU BZHES DUS THO RANGS YI DAM LHA'I LUNG BSTAN LAS, BCOM LDAN 'DAS BYAMS PA'I SPRUL PA CIG GI GSUNG YIG KHYER BA'I MI BZHI 'ONG BAR YOD GSUNGS PAR, SANG DGE BA'I BSHES GNYEN BLO BZANG GRAGS PA'I GSUNG YIG BYUNG, YANG LAN CIG BU MO DKAR MO ZHIG NA RE, BYAMS PAS BYIN GYIS BRLABS PA'I GANG ZAG 'JAM DPAL DBYANGS DANG GNYIS SU MED PA LHA MO DBYANGS CAN MAS RIG PA STER BAR BYED PA CIG DANG, SKYE BA BCO LNGA'I GONG NAS 'BRAL BA CIG 'ONG BAR YOD GSUNGS NAS, DE LA CHOS BKA' LA SRIS MA 'JUG PAR BYIN, PHAR LA'ANG CHOS ZHUS ZER BA BYUNG YANG LAN CIG MGON PO BYAMS PA PHEBS KYIN YOD CES PA'I SKAD LHANG PA CIG BYUNG BAS, DE DUS CHOS RJE DKA' BZHI PA RGYA MO RI 'PHRENG LA PHEBS PA'I TSOD DU 'DUG ,BSU BA LA THEGS PAS RJE BTZUN 'JAM DBYANGS PHEBS
, ,BYUNG BAR GZIGS, RJE RIN PO CHES MKHAN CHEN PA PHYAG NA RDO RJER DNGOS SU GZIGS 'DUG GSUNG, DE'I NUB MO GRUB CHEN RIN PO CHES RJE LA BLA MA'I RNAL 'BYOR CIG GNANG BAS, RJE RIN PO CHE LA PHYAG NA RDO RJE ZHIG THIM SONG GSUNG, DE NAS TSES BCO LNGA'I THO RANGS SHIG BYAMS PA NYID LA BSLAB BTUS ZHUS ZER BA ZHIG BYUNG BAS, GRUB CHEN GYIS RJE LA BSLAB BTUS ZHUS PAS, GRUB CHEN GYI GZIGS SNANG LA RJE RIN PO CHE'I DBU'I STENG NA RJE BTZUN BYAMS PA, SKU DPUNG G-YAS NA 'JAM DKAR, G-YON NA DBYANGS CAN MA BZHUGS SHING, CHOS SKYONG DANG MKHA' 'GRO MANG POS BSKOR, LHA 'DRE MANG POS CHOS NYAN PAR GZIGS, RJE RIN PO CHES GRUB CHEN RIN PO CHE LA, DGON PA PA NAS SNE'U ZUR PA LA BRGYUD PA DANG, SPYAN SNGA BA NAS BYA YUL BA LA BRGYUD PA'I LAM RIM, GSANG BDAG GI CHOS SKOR SOGS MANG DU GSAN CING, DE'I TSE RJE RIN PO CHE'I GZIGS SNANG LA, GRUB CHEN RIN PO CHE'I DBU'I STENG NA RGYAL BA SH'AKYA THUB BA, G-YAS SU PHYAG NA RDO RJE, G-YON DU GDUGS DKAR CAN BZHUGS PA GZIGS, MDOR NA YI DAM PHYAG NA RDO RJE'I LUNG BSTAN LAS, LAS KYI RDO RJE BLA MA'I MCHOG ,BLO BZANG GRAGS BA SLOB MA'I MCHOG ,BDUD RTZI SMAN MCHOG CHOS KYI MCHOG ,BDE BA CHEN PO ZHING KHAMS MCHOG ,CES DANG, DAD PA THOB PA 'BUM TSO GCIG ,NGES PAR GROL BA LNGA BCU STE, ,
RTZOD MED GRUB THOB BRGYAD DU NGES, ,'GRAN GYI DO MED BLO BZANG YIN, CES GSUNGS PAS, RNAM PAR THAR PA BSAM GYIS MI KHYAB PA YOD DO, ,DE YAN GYIS RGYA CHEN SPYOD RGYUD KYI BLA MA RNAMS KYI RNAM PAR THAR PA MDO TZAM SONG,, ` DA ZAB MO LTA RGYUD KYI BLA MA RNAMS KYI RNAM PAR THAR PA MDOR BSDUS TZAM ZHIG BRJOD PA LA, SMRA BA ZLA MED SH'AKYA'I RGYAL PO'I RNAM PAR THAR PA GONG DU CUNG ZAD BRJOD ZIN, RGYAL BA'I MKHYEN RAB GCIG BSDUS 'JAM PA'I DBYANGS KYI RNAM THAR CUNG ZAD BRJOD PA NI, SNGON BSKAL PA GRANGS MED PA BRGYA STONG GANG+G'A'I KLUNG GI BYE MA SNYED PHRAG BDUN 'DAS PA DE'I YANG PHA ROL NA, 'JIG RTEN GYI KHAMS 'BYUNG BA BZANG PO ZHES PAR, DE BZHIN GSHEGS PA 'BRUG SGRA'I DBYANGS KYI RGYAL PO ZHES PA 'JIG RTEN DU BYON PA'I TSE, RJE BTZUN 'JAM DBYANGS 'DI NYID 'KHOR LOS RGYUR PA'I RGYAL PO NAM MKHA' ZHES PAR GYUR PA, BU DANG, CHUNG MA DANG, GNYEN 'DABS DANG, 'KHOR DU BCAS PA LA LAS GZHAN MED CING MI SKYE BA'I SEMS KYIS, DE BZHIN GSHEGS PA 'BRUG SGRA'I DBYANGS KYI RGYAL PO, NYAN THOS DANG, BYANG CHUB SEMS DPA'I 'KHOR DANG BCAS BA, LO BRGYAD KHRI BZHI STONG GI BAR DU MCHOD NAS, DGE BA'I RTZA BA 'DI, BRGYA BYIN NAM TSANGS PA'AM, NYAN RANG LA SOGS PA GANG GI DON DU BSNGO SNYAM PA LA, STENG GI NAM MKHA' LAS LHA MANG POS SGRA BSGRAGS PA, RGYAL PO CHEN PO DE LTAR SEMS MA BSKYED PAR BLA NA MED BA
, ,RDZOGS PA'I BYANG CHUB TU SEMS BSKYED CIG CES BSKUL BA DANG, RGYAL PO NAM MKHA' SROG CHAGS BYE BA KHRAG KHRIG BRGYA STONG PHRAG BRGYAD CUS YONGS SU BSKOR NAS, DE BZHIN GSHEGS PA 'BRUG SGRA'I DBYANGS KYI RGYAL PO'I DRUNG DU DONG STE SNGAR GYI BYUNG TSUL ZHUS PAS, DE BZHIN GSHEGS PAS BKA' STZAL PA, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GIS SMON LAM CI BTAB PA, , DE 'DRA'I 'BRAS BU THOB PAR 'GYUR, CES BSKUL BAS, RGYAL PO NAM MKHA' DE NYID KYIS BRTZON 'GRUS DANG SNYING STOBS CHEN POS, 'DI LTAR SMON LAM BTAB STE, 'KHOR BA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DAG KYANG SPYAD PAR BYA, ZHES PA DANG, BDAG NYID MYUR PA'I TSUL GYIS NI, ,BYANG CHUB THOB PAR MI SPRO ZHING, ,SEMS CAN GCIG GI RGYU YI NI, ,PHYI MA'I MU MTHAR GNAS PAR BGYI, ZHES RDZI BO LTA BU'I BYANG CHUB KYI MCHOG TU THUGS BSKYED CING, DE DANG LHAN CIG TU 'KHOR SROG CHAGS BYE BA PHRAG NYI SHU YANG BYANG CHUB TU SEMS BSKYED, DE THAMS CAD 'JAM DPAL GYIS, SBYIN SOGS PHAR PHYIN DRUG LA BTZUD, DES SMIN PAR BYAS NAS SANGS RGYAS NAS CHOS KYI 'KHOR LO BSKOR TE, SANGS RGYAS GCIG MA GTOGS GZHAN THAMS CAD MYA NGAN LAS 'DAS ZIN, GCIG NI, 'JIG RTEN GYI KHAMS 'DI NAS 'OG TU DPAG TSAD GANG+G'A KLUNG
BZHI KHRI BZHI STONG GI BYE MA SNYED 'DAS PA NA, 'JIG RTEN GYI KHAMS SA'I DBYINGS ZHES BYA BA NA DA LTA YANG BZHUGS TE DE BZHIN GSHEGS PA SA'I LHA ZHES BYA'O, ,GZHAN YANG RJE BTZUN 'JAM DBYANGS 'DI NYID, CHOS SMRA BA CHOS KYI, RGYAL MTSAN DU GYUR BA'I TSE, BDAG CAG GI STON PA SH'AKYA'I RGYAL PO LA SOGS PA'I BSKAL BZANG GI SANGS RGYAS STONG PO THAMS CAD BYANG CHUB KYI MCHOG TU THUGS BSKYED DU BCUG STE DGE BA'I BSHES GNYEN MDZAD PA YIN TE, DBU MA LA 'JUG PA'I RANG 'GREL LAS, YONGS SU 'DZIN PA'I KHYAD PAR LAS NI 'PHAGS PA 'JAM DPAL BYANG CHUB SEMS PAR 'GYUR BA NYID KYIS, DE BZHIN GSHEGS PA SH'AKYA THUB PA DANG, GZHAN YANG DE BZHIN GSHEGS PA THAMS CAD CHES THOG MA KHO NAR BYANG CHUB TU SEMS BSKYED DU BCUG BAR 'DON PA YIN NO, ZHES GSUNGS PA'I PHYIR, GZHAN YANG, RJE BTZUN 'JAM DBYANGS 'DI NYID KYI THABS LA MKHAS PA CHEN POS, BYANG CHUB TU SEMS BSKYED DU BCUG NAS SANGS RGYAS NAS CHOS KYI 'KHOR LO BSKOR BA'I SANGS RGYAS DE DANG, DE'I MTSAN RKYANG PA BRJOD KYANG BSKAL BA LHAG PAR MI ZAD CING, 'JAM DPAL GYIS BYANG CHUB TU BTZUD PA'I SANGS RGYAS RNAMS KYIS, 'JAM DPAL LA DRIN GZO'I TSUL DU GDUGS SOGS BSKUR BAS STONG GSUM KHEBS PAR BYUNG, YANG LAN CIG SPRUL PA'I KHYIM BDAG CIG GIS BCOM LDAN 'DAS LA LHUNG BZED ZHAL ZAS KYIS BKANG STE PHUL BA NA, 'JAM
, ,DPAL GYIS, BCOM LDAN 'DAS LA ZHAL ZAS KYI PHUNG MA STZAL BAR GSOL NA BYAS PA MI GZO BAR 'GYUR RO ZHUS PAS, 'KHOR GZHAN RNAMS 'JAM DPAL 'DIS, BCOM LDAN 'DAS LA GANG DU PHAN BTAGS BSAMS PA NA, STON PA'I LHUNG BZED 'OG TU SONG STE, 'JIG RTEN GYI KHAMS GANG+G'A'I BYE SNYED BDUN CU RTZA GNYIS 'DAS PA'I 'JIG RTEN DU SONG BA NA, MCHOG ZUNG SOGS LA, LHUNG BZED TSOL BAR BKA' STZAL PAS, 'JIG RTEN GYI KHAMS STONG PHRAG BCU GNYIS TSUN DU BTZAL KYANG MA RNYED PA DANG, 'JAM DPAL RANG LA BKA' GNANG BAS, 'JAM DPAL GYIS STAN DE LA 'DUG BZHIN DU LAG PA BRKYANGS NAS LHUNG BZED BLANGS NAS PHUL LO, , 'JAM DPAL GYIS STONG PA LA PHAN BTAGS TSUL DNGOS NI, SNGON DE BZHIN GSHEGS PA MI THUB RGYAL MTSAN 'JIG RTEN DU BYON PA'I TSE, RJE BTZUN 'JAM DPAL DGE SLONG YE SHES RGYAL POR GYUR BAS LHUNG BZED ZAS KYIS BKANG STE BSNAMS PAS, BDAG CAG GI STON PA KHYI'U DRI MED DPUNG BAR GYUR PAS SLONGS PAS ZAS BYIN NAS, DE BZHIN GSHEGS PA MI THUB RGYAL MTSAN GYI DRUNG DU KHRID NAS SKYABS 'GRO DANG, BYANG CHUB KYI SEMS BSKYED DU BCUG BAS PHAN BTAGS PA'O, ,YANG RGYAL PO MA SKYES DGRAS, PHA GZUGS CAN SNYING PO BSAD, STON PA LA GLANG CHEN RBAD, DGE 'DUN PHO MO'I 'TSO BA BCAD, DGRA BCOM MA SER SKYA BZANG MO CHUNG MAR DBANG MED DU
BKUG PA SOGS KYI SDIG PA CHEN PO BYAS PAS 'GYOD DE, STON PA LA SDIG PA DANG 'GYOD PA SEL BAR ZHUS BAS, STON PAS 'JAM DPAL MA GTOGS GZHAN GYIS KHYOD KYI 'GYOD PA DANG THE TSOM SEL BAR MI NUS GSUNGS PAS, RGYAL POS, 'JAM DPAL DANG, 'OD SRUNGS GNYIS RGYAL PO'I KHAB TU GDAN 'DREN PAR MDZAD 'DOD NAS, SH'A RI'I BU LA, 'JAM DPAL LA 'KHOR DU MCHIS, LNGA BRGYA 'O ZER BA LA, RGYAL POS 'JAM DPAL LA SANGS RGYAL PO'I KHAB TU GDUGS TSOD LA GSHEGS PAR CI GNANG ZHUS PAS, ZHAL GYI BZHES NAS, DE'I SROD LA SHAR PHYOGS SU, DE BZHIN GSHEGS PA BSGRAGS PA'I DPAL GYI DRUNG DU BYON TE, BYANG CHUB SEMS DPA' BRGYAD KHRI NYIS STONG KHRID NAS ZHING 'DIR BYON NAS 'KHOR RNAMS LA SROD DANG, GUNG DANG, THO RANGS CHOS BSTAN TE, 'JAM DPAL 'KHOR BRGYAD KHRI NYIS STONG LNGA BRGYA DANG, 'OD SRUNGS 'KHOR LNGA BRGYA DANG BCAS PA, RGYAL PO'I KHAB TU GSHEGS PA NA, RGYAL POS STONG GI BSHOS GRABS LAS MA TSUD PAS, RGYAL POS PA 'KHUMS PA NA, GNOD SBYIN KU BE RAS LUS DNGOS SU BSTAN NAS RGYAL PO 'JAM DPAL NI THABS LA MKHAS PAS, ZAS GCIG GIS KYANG THAMS CAD KHYED PAR BYED PAS MA 'KHUMS SHIG CES DBUGS DBYUNG, DE NAS GDUGS TSOD LA BAB PA NA, 'KHOR 'DI DAG LA LHUNG BZED MI SNANG BAS 'BRAS CHEN GANG DU BLUG ZER BA LA, 'JAM DPAL GYIS NGA'I 'KHOR
, ,'DI DAG NAM ZA BA NA, RANG GI ZHING NAS LHUNG BZED 'DIR 'ONG NGO ZHES GSUNGS MA THAG ,'KHOR DE DAG RNAMS LA RANG RANG GI LAG TU LHUNG BZED BYUNG ZHING, ZOS ZIN NAS LHUNG BZED RNAMS MKHA' LA 'PHAGS TE SONG, RGYAL POS BSHAMS PA'I BZA' BTUNG RNAMS CUNG ZAD KYANG NYUNG DU MA SONG BAS THAMS CAD NGO MTSAR DU GYUR TO, ,DE NAS 'JAM DPAL GYIS, RGYAL PO LA SDIG PA DANG 'GYOD PA'I NGO BO JI LTAR 'DUG LTOS SHIG CES SOGS DON DAM LA SBYAR BA'I CHOS GSUNGS PAS, RGYAL PO'I 'GYOD PA DANG, THE TSOM THAMS CAD BSAL BAS, RGYAL POS 'JAM DPAL LA YON DU RIN PO CHE'I GOS PHUL BAS, 'JAM DPAL MA MTHONG BAS MYA NGAN DU GYUR PA LA, SU 'DUG 'DUG LA PHUL GCIG ZER BAS, 'OD SRUNGS SOGS LA PHUL BAS KYANG SU YANG MA MTHONG ZHING, MTHAR RANG YANG MA MTHONG BAS BDAG TU 'DU SHES PA'I RNAM RTOG DANG BRAL NAS, STONG NYID KYI TING NGE 'DZIN GYI NGANG DU SONG, TING NGE 'DZIN LAS LANGS PA DANG, 'JAM DPAL LA SOGS PA DNGOS SU MTHONG NGO, ,YANG, SNGON MTSAMS MED KYI LAS BYAS PA'I LAS KYI LHAG MA CUNG ZAD YOD PA LA SPYOD PA'I BYANG SEMS LNGA 'DUG PA, DE DAG DMIGS PA DANG BRAL BAR BYA BA'I PHYIR, 'JAM DPAL GYIS PHYAG G-YAS KYI RAL GRI BLANGS PA BRDAR NAS, BCOM LDAN 'DAS GA LA BA DER BRGYUGS PA DANG, BCOM LDAN 'DAS KYIS NGA NI BSAD ZIN GYIS THONGS SHIG
GSUNGS PAS, BDAG TU DMIGS PA BSAD NAS MED PAR GO NAS, DMIGS PA LA SPYOD PA'I BYANG SEMS LNGA PO DES, DMIGS MED KYI SNYING RJE DANG, CHOS THAMS CAD SGYU MA LTA BUR RTOGS TE, 'JAM DPAL 'DI NI MKHAS PA ZHES SOGS KYIS BSTOD NAS NAM MKHAR 'PHAGS TE, CHOS KUN SGYU MA LTA BU STE, ,YONGS SU RTOGS PA KUN NAS SKYE, ,'DI LA GRUB PA MA MCHIS TE, ,CHOS 'DI THAMS CAD STONG PA LAGS, ZHES SMRAS SO, ,YANG 'JAM DPAL GYIS STONG PA NYID LAS BRTZAMS NAS, SEMS NANG NA YANG MED, PHYI ROL NA YANG MED, BAR NA YANG MED PAS, DE LA NI CI YANG GROL RGYU YANG MED, THOB PA YANG MED, MNGON PAR RTOGS PA MED DO GSUNGS PAS, DE THOS PA TZAM GYIS DGE SLONG MANG PO RNAM PAR GROL, DGE SLONG KHA CIG GIS DE'I DON LA MA DAD NAS, CI YANG GROL RGYU YANG MED NA 'O SKOL CHOS BYAS PA LA DON MI 'DUG PAS 'DENG ZER NAS SONG NGO, ,'JAM DPAL GYIS DE RNAMS 'DUL BA'I PHYIR SPRUL PA'I DGE SLONG CIG SPRUL TE BTANG BAS, DE RNAMS DANG LAM DU PHRAD PAS, KHONG RNAMS NA RE, DGE SLONG GAR 'GRO ZER, SPRUL PA'I DGE SLONG NA RE, DA NI 'JAM DPAL GYIS CHOS BSTAN PA LA MA MOS YID MA CHES NAS 'GRO ZER, KHONG RNAMS NA RE, NGED KYANG 'JAM DPAL GYIS CHOS BSTAN PA LA MA MOS YID MA CHES PAR 'GRO BA YIN PAS 'DENG ZER, DER SPRUL PA NA RE, KHYED KYIS 'JAM DPAL GYIS CHOS
, ,JI SKAD BSTAN PA LA MA DANG ZER, GROL RGYU YANG MED, THOB RGYU YANG MED ZER NAS MA DAD ZER, SPRUL PA NA RE, 'O NA KHYED KYI RTOGS RGYU DANG GROL RGYU DE, GRU BZHI 'AM, ZLUM PO'AM, NAR MO LA SOGS PA DBYIBS, DKAR PO LA SOGS PA KHA DOG ,PHYI DANG NANG LA SOGS PAR JI LTAR 'DUG LTOS SHIG GSUNGS PAS, KHONG RNAMS KYIS, BRTAGS DON BTZAL BAS MA RNYED PAS, SPRUL PA NA RE, DE LA BSAMS NAS 'JAM DPAL GYIS GROL RGYU YANG MED, THOB RGYU YANG MED, MNGON PAR RTOGS RGYU YANG MED PAR GSUNGS PA YIN NO BYAS PAS, DGE SLONG DE DAG THAMS CAD SEMS RNAM PAR GROL PAR GYUR TE, SLAR LOG NAS 'JAM DPAL LA BSNYEN BKUR PHUN SUM TSOGS PA BYAS PA SOGS THABS LA MKHAS PA'I MDZAD PA'I SGO NAS SEMS CAN DPAG TU MED PA'I DON MDZAD, YANG LAN CIG 'JAM DPAL GYIS RGYAL PO GSAL RGYAL GYI BTZUN MO'I KHROD DU DBYAR GNAS PA, RGYAL BYED TSAL DU BYON PA LA, DGE SLONG 'OD SRUNGS MA RANGS PAS, 'JAM DPAL LA SKROD PA'I LAS BYA BA'I PHYIR, GAndI BRDUNGS PA NA PHYOGS BCU'I ZHING THAMS CAD 'JAM DPAL GYIS GANG BAR MTHONG BA DANG, BCOM LDAN 'DAS KYIS 'OD SRUNGS LA, KHYOD KYIS 'JAM DPAL GRANGS MED PA 'DI DAG GI NANG NAS GANG SKROD 'DOD GSUNGS PAS, 'OD SRUNGS SKYENGS TE, GAndI BOR BAR 'DOD KYANG 'JOG MA THUB PAR SGRA RGYUN MI 'CHAD PAR BYUNG BAS, 'JAM DPAL LA
BZOD PAR GSOL BA DANG, GAndI BZHAG THUB BO, ,DE BZHIN DU 'PHAGS PA GANG POS, GCER BU PA BDEN PA PO SOGS MU STEGS BYED MANG PO BDEN PA MTHONG BA'I SNOD DU GZIGS PAS, CHOS BSTAN KYANG MI NYAN CING MA THUL BAR LUS PA NA, 'JAM DPAL GYIS SPRUL PA LNGA BRGYA BKYE NAS BTUL BA SOGS KYI GTAM RGYUD YOD DO, ,'O NA 'JAM DPAL 'DI DA LTA BYANG SEMS RANG RGYUD PA YIN NAM, SANGS RGYAS ZIN GANG YIN SNYAM NA, 'DI NYID SNGON DE BZHIN GSHEGS PA KLU RIGS MCHOG TU SANGS RGYAS PA DANG, MDO KHA CIG TU KLU RIGS SGRON MAR SANGS RGYAS PAR GSUNGS, GZHAN YANG, 'JAM DPAL GYIS RAB 'BYOR LA, KHO BO NI YANG DAG PAR RDZOGS PA'I SANGS RGYAS YIN TE BYA BA'I RGYUN BCAD PA NI MA YIN NO, ZHES RGYU MTSAN DANG BCAS PA GSUNGS SHING, 'JAM DPAL ZHING BKOD KYI MDO LAS, 'DI NI DE BZHIN GSHEGS PA'I STOBS BCU YONGS SU RDZOGS SO, ,'DI BYANG CHUB SEMS DPA'I SA BCU YONGS SU RDZOGS SO, ,'DI SANGS RGYAS KYI SA YONGS SU RDZOGS SO, ZHES SOGS MANG DU GSUNGS, DE LTAR SANGS RGYAS ZIN KYANG, SLAR DAG LA RDUL MED PAS SAGS PA ZHES BYA BA'I ZHING DU RGYAL BA KUN TU GZIGS SU 'TSANG RGYA BA'I TSUL STON TO, ,ZHING DE NI LHO PHYOGS SU 'BYUNG ZHING 'JIG RTEN GYI KHAMS MI MJED 'DI NYID KYANG ZHING DE'I KHONGS SU CHUD PAR GSUNGS, ZHING DE'I RGYA KHYON NI GANG+G'A'I KLUNG DU MA'I BYE MA SNYED KYI GRANGS DANG MNYAM PA'I ZHING GI
, ,THA GRU DANG MNYAM ZHING, MTHO KHYAD SRID PA'I RTZE MO DANG MNYAM PA 'OG GZHI RIN PO CHE SNA TSOGS LAS GRUB PA, ZHING DER MI KHOM PA DANG, SDUG BSNGAL MI DGE BA'I SGRA DANG, SKYON DU 'GYUR BA'I SGRA MED CING, SGRA 'BYUNG BA RNAMS KYANG CHOS KYI SGRAR 'BYUNG, SANGS RGYAS KYI ZHING GZHAN GYI SNOD KYI YON TAN KUN 'DI'I SNOD KYI ZHING LA TSANG BA YIN LA, ZHING DE'I DBUS NA, BYANG CHUB KYI SHING STONG GSUM GYI STONG CHEN BCU'I 'JIG RTEN GYI KHYON DANG MNYAM PA, DE'I RTZA BAR SENG GE CHEN PO BRGYAD KYIS BTEG PA'I RIN PO CHE'I KHRI'I STENG NA RGYAL BA KUN TU GZIGS SKU MDOG GSER BCO MA LTA BU RDO RJE'I SKYIL MO KRUNG GIS BZHUGS SHING, PHYAG G-YAS SKYABS SBYIN, G-YON MNYAM GZHAG MDZAD PA SKU'I TSAD DPAG TSAD BRGYAD KHRI BZHI STONG DANG LDAN PA, ZHING DE'I GDUL BYA RNAMS KYIS SKU BLTA BAR 'DOD TSE, KHRI'I STENG NA SKU BZHUGS PA, RANG GI MDUN DU BZHUGS PAR MTHONG PA'I MOD LA, CHOS ZHU MI DGOS PAR CHOS KYI TSIG DON MTHA' DAG KHONG DU TSUD NAS MKHAS PAR 'GYUR BA YIN, ZHING DE NA, NYAN RANG, BUD MED, MNGAL NAS SKYE BA MED CING, ZHE SDANG DANG, THA BA 'CHAB PA MED PAR TSANGS PAR SPYOD PA'I CHA LUGS CAN, NAM MKHA' LA SKYIL MO KRUNG BCAS PA RDZUS TE SKYE BA, SKU DPAG TSAD BZHI KHRI NYIS STONG YOD PA BYANG CHUB SEMS DPA' SHA STAG ,MNGON SHES LNGA DANG LDAN PA, BZA' BTUNG YID LA 'DOD PA'I TSE,
RO MCHOG DANG LDAN PA'I BZA' BTUNG GIS GANG BA'I SNOD LAG PA G-YAS PAR 'BYUNG, DE YANG GZHAN LA PHUD MA PHUL BAR RANG GIS SPYOD PA TSUL MA YIN NO SNYAM NAS RDZU 'PHRUL GYIS PHYOGS BCU'I SANGS RGYAS 'KHOR DANG BCAS PA LA PHUL, PHONGS SHING SDUG BSNGAL BA DANG, YI DVAGS RNAMS TSIM PAR BYAS TE, RANG GI ZHING DU 'ONGS NAS LONGS SPYOD PAR BYED CING, DE BZHIN DU GOS DANG LONGS SPYOD GZHAN LA YANG DE LTAR BYED DO, ,DES NA SANGS RGYAS GZHAN THAMS CAD KYI MTSAN BRJOD PA LAS, 'JAM DPAL GYI MTSAN BRJOD PA PHAN YON CHE ZHING, DE BAS KYANG RGYAL BA KUN TU GZIGS KYI MTSAN BRJOD PA PHAN YON CHE BA YIN TE, ZHING BKOD KYI MDO LAS, RIGS KYI BU DAG SANGS RGYAS BYE BA KHRAG KHRIG PHRAG 'BUM GYI MTSAN BRJOD PA BAS NI, GANG GIS 'JAM DPAL GZHON NUR GYUR PA'I MING BRJOD PA BSOD NAMS CHES MANG DU BSKYED NA, BCOM LDAN 'DAS KUN TU GZIGS KYI MTSAN BRJOD PA LTA CI SMOS, DE CI'I PHYIR ZHE NA, 'JAM DPAL GZHON NUR GYUR PAS BSKAL PA RE RE ZHING, SEMS CAN GYI DON JI SNYAD DU BYAS PA'I SEMS CAN GYI DON DE NI, SANGS RGYAS BYE BA KHRAG KHRIG 'BUM GYIS KYANG MA MDZAD DO, ZHES GSUNGS PA'I PHYIR, 'O NA, 'JIG RTEN GYI KHAMS BDE BA CAN DANG, KUN GZIGS KYI ZHING GNYIS GANG KHYAD PAR 'PHAGS NA, BDE BA CAN GYI YON TAN NI, RGYA MTSO CHEN PO NAS SKA'I RTZE MOS BLANGS PA'I CHU THIGS GCIG TZAM, KUN TU GZIGS KYI ZHING GI
, ,YON TAN NI RGYA MTSO CHEN PO'I CHU'I MANG NYUNG LTA BU YIN NO, ,'O NA, RGYAL BA KUN TU GZIGS BA'I ZHING KHAMS LTA BU GZHAN YOD DAM MED SNYAM NA YOD DE, DE BZHIN GSHEGS PA KUN GZIGS KYI ZHING DANG, DE BZHIN GSHEGS PA KUN NAS 'OD ZER YON TAN RTAG TU MNGA' BA RGYA MTSO'I RGYAL PO'I ZHING SMON LAM LA RAB TU GNAS PA MNGON PAR 'PHAGS PA GNYIS LA YON TAN LHAG CHAD MED, GZHAN YANG RGYAL BA KUN TU GZIGS PA'I ZHING KHAMS LTA BU YOD DE, BYANG CHUB SEMS DPA' 'OD KYI TOG DANG, BYANG CHUB SEMS DPA' YE SHES BLA MA DANG, BYANG CHUB SEMS DPA' DBANG PO ZHI BA DANG, BYANG CHUB SEMS DPA' SMON LAM BLO GROS RNAMS KYI ZHING YANG DE DANG 'DRA BAR GSUNGS PAS, BYANG CHUB SEMS DPA' BRGYAD KHRI BZHI STONG GIS KYANG, 'JAM DPAL GYI ZHING LTAR BSGRUB PA'I SMON LAM BTAB PAS, DE DAG GI NANG NAS BYANG CHUB SEMS DPA' BCU DRUG GIS 'JAM DPAL GYI ZHING LTAR 'GRUB CING, LHAG MA RNAMS KYIS DE LTAR MI 'GRUB KYANG, BDE BA CAN LTAR 'GRUB PAR GSUNGS SO, ,'O NA BDE BA CAN GYI GDUL BYA DANG, RGYAL BA KUN TU GZIGS PA'I GDUL BYA LA MANG NYUNG GI KHYAD PAR JI LTAR YOD NA, KHYAD PAR YOD DE, BDE BA CAN NA NYAN THOS YOD CING, RGYAL BA KUN TU GZIGS PA'I ZHING KHAMS RDUL MED YANG DAG BSAGS NA, 'KHOR BYANG CHUB SEMS DPA' SHA STAG ,BDE BA CAN GYI GDUL BYA, TIL GYI RDZANG BA ZHIG GI TIL
'BRU GCIG LTA BU, RGYAL BA KUN TU GZIGS PA'I ZHING GI GDUL BYA'I GRANGS RDZANG NANG GI TIL BYINGS PO TZAM GYI TSOD YIN PAR GSUNGS, GZHAN YANG RGYAL BA KUN TU GZIGS PA'I ZHING KHAMS SU SKYE BAR SMON LAM BTAB PAS, LONGS SKU DANG SPRUL SKU'I ZHING THAMS CAD DU SKYE BA'I SMON LAM BTAB PAR 'GRO ZHING, 'JAM DPAL DANG, RGYAL BA KUN TU GZIGS LA YI DAM BYAS PAS, MDO SNGAGS KYI LHA TSOGS THAMS CAD LA YI DAM BYAS PAR 'GRO BAR, 'JAM DPAL ZHING BKOD KYI MDO 'GREL BO DONG BA 'JAM DBYANGS RAL GRIS MDZAD PA LAS 'BYUNG, DES NA ZHING DER SKYE BA'I RGYU'I GTZO BO NI, ZHING DE'I YON TAN YID LA YANG YANG SEMS BA, BYANG CHUB TU SEMS BSKYED PA, SPYOD PA PHYIN DRUG GI GSAL BA'I DBYE BA MTHA' DAG LA SLOB BA, 'JAM DPAL DANG, RGYAL BA KUN TU GZIGS KYI MTSAN NAS BRJOD PA SNGAGS BZLA BA, DE GNYIS KYI SKU BZHED BA, DE'I GSUNG RAB 'BRI KLOG SOGS YIN NO, ,MNGON DGA' BDE BA CAN DANG RMAD BYUNG BKOD, ,KUN TU GZIGS PA'I ZHING GI YON TAN RNAMS, ,MA LUS BDAG GI ZHING LA TSANG BA DANG, ,RGAL DKA'I 'GRO BA GANG DE SGROL BAR SHOG , ` ZAB MO'I DON GZIGS 'PHAGS MCHOG KLU SGRUB NI, 'JAM DPAL RTZA BA'I RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD BYUNG, ,BSTAN PA LA NI DAD CING PHAN, CES SOGS DANG, SPRIN CHEN PO'I MDO LAS,
, ,KUN DGA' BO LI TZA BYI GZHON NU SEMS CAN KUN GYIS MTHONG NA DGA' BA ZHES BYA BA NI, NGA MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS, ZHES SOGS DANG, LANG KAR GSHEGS BA LAS, LHO PHYOGS BE DE'I YUL DU NI, ,DGE SLONG DPAL LDAN CHER GRAGS PA, ZHES SOGS LUNG BSTAN CING, SLOB DPON KLU SGRUB LA LUNG BSTAN PA BRGYA TZAM YOD PA, RGYA GAR NA GRAGS SO, ,DE YANG BRAM ZE PHUN SUM TSOGS PA CIG LA BU MED PA NA, RMI LAM DU BRAS ZE BRGYA LA CHOS STON DRANGS NA BU RNYED PA'I LUNG BSTAN BYUNG BAR DE LTAR BYAS BAS, BU GCIG BTZAS TE MTSAN MKHAN LA BSTAN PAS, MTSAN BZANG MOD KYI ZHAG BDUN GYI TSE LAS MED ZER BAR, THABS CI YOD DRIS PAS, BRAM ZE BRGYA LA CHOS STON DRANGS NA ZLA BA BDUN DANG, DGE SLONG BRGYA LA CHOS STON DRANGS NA LO BDUN 'TSO, DE NAS THABS MED ZER BAS, DE LTAR BYAS TE LO BDUN DU NYE BA, NA, BU'I RO MTHONG BA PHA MAS MA BZOD PAS, G-YOG DANG BCAS PA LA BYAM DU BTANG NGO, ,DE NAS RIM GYIS SONG STE KHA SARP'A nI'I ZHAL BLTAS TE, RIM GYIS DPAL N'A LANDRA'I SA RA HA'I SGO DRUNG DU SONG STE, SNYAN DANG GAS KYI RIG BYED DAG SMRENG BA NA, NANG DU KHRID NAS JI LTAR GYUR PA'I RGYU MTSAN BSHAD PAS, RAB TU 'BYUNG NUS NA THABS YOD GSUNGS BAS, PHYIS RAB TU 'BYUNG BAR KHAS BLANGS TE, TSE DPAG MED 'CHI BDAG 'JOMS PA'I DKYIL 'KHOR DU
DBANG BSKUR NAS GZUNGS 'DON DU BCUG ,KHYAD PAR LO BDUN PA'I NUB MO MTSAN THOG THAG BTON PAS, 'CHI BDAG GI CHAD BA LA GROL, LO BRGYAD LON PA NA RAB TU BYUNG NAS, SHES BYA RIG PA'I GNAS RNAMS DANG, THEG PA CHE CHUNG THAMS CAD LA MKHAS PAR SBYANGS SO, ,PHYIS PHA MA DANG MJAL CING BRAM ZE CHEN PO DE NYID LAS DPAL GSANG BA 'DUS PA LA SOGS PA'I GSANG SNGAGS KYI CHOS MANG DU ZHUS PAS, RGYUD DANG SNYAN RGYUD KYI GDAMS PA DANG RJES SU BSTAN PA MA LUS PA GNANG ZHING, DE NYID LA MKHAN PO ZHUS TE BSNYEN PAR RDZOGS PAR MDZAD DE, MTSAN DGE SLONG DPAL LDAN ZHES GRAGS SHING, DE'I TSE DE'I MKHAN POS LO BCU GNYIS MU GE YONG BAS, DGE 'DUN RNAMS KYI ZHAL TAR DGE SLONG DPAL LDAN BSKOS TE SA RA HA DPAL GYI RI LA GSHEGS SO, ,DE NAS SLOB DPON GYI DGONGS PA LA, GSER 'GYUR GYI RTZI BYAS LA, DKON MCHOG DANG, DGE 'DUN GYI ZHABS TOG BYA'O SNYAM DU DGONGS TE, SLOB DPON BHA LI BA LA GSER 'GYUR GYI GDAMS BA ZHUS, GLING BAR NAS GSER 'GYUR GYI RDZAS RNAMS BLANGS TE GSER 'GYUR BYAS BAS MA GRUB, CHANG TSONG MA ZHIG GI SKYA BA GSER DU 'DUG PA MTHONG NAS, DE LA ZHUS PAS GRUB NAS ZANGS RNAMS GSER DU BRGYUR CING, MU GE MA BYUNG BA'I SA NAS 'BRU MANG PO DRANGS TE DGE 'DUN GYI 'TSO BA SBYAR, DE'I TSE YUL PHYOGS KYI MI STOBS MED RNAMS SHI ,STOBS CAN RNAMS GZHAN DU DENGS TE YUN
, ,STONGS PA TZAM DU GYUR, DE LTAR GYUR PA PAndI TA RNAMS KYIS RIG NAS, KHYED KYIS DGE 'DUN LA MA ZHUS PAR GSER 'GYUR BYAS PAS, DGE 'DUN LOG 'TSO LA SBYANG BAS, GNAS NAS PHYUNG LA, GTZUG LAG KHANG DANG MCHOD RTEN BYE BA GYIS ZHES ZER TO, ,DE'I TSE DGE SLONG BDE BYED CES PAS, RIGS PA'I RGYAN CES BYA BA'I GZHUNG 'BUM PHRAG BCU GNYIS PA BYAS NAS THAMS CAD SUN 'BYIN PA BYUNG BAS, DE'I GNYEN BOR CHOS SDE SNOD MANG PO GSUNGS SHING LHA BA LOG PA RNAMS SUN PHYUNG, DE'I TSE BYIS PA GNYIS CHOS NYAN DU 'ONGS PA'I DRI ZHIM POS 'KHOR KUN TU KHYAB PAR GYUR CING, SONG BA DANG DRI MED PAR GYUR BA DANG, DE'I RGYU MTSAN DRIS PAS DE DAG NA RE NGED KLU'I RGYAL PO 'JOG PO'I BU YIN, MI YUL DU 'GRO BA LA TZANDAN GOR SHIRshA'I BSRUNG BA BYAS PA YIN ZER TO, ,TZANDAN DE BLANG DU YOD DAM DRIS PAS, YAB LA DRI YIS ZER NAS DRIS PAS, SLOB DPON KLU'I YUL DU 'BYON NA 'BUL ZER NAS ZHAL GYIS BZHES TE KLU'I YUL DU BYON, KLU'I MKHAR SGON BZHUGS PAS KLU'I RGYAL PO NA RE, DUG GIS MI TSUGS NA NANG DU BYON ZER NAS NANG DU BYON, KLU 'KHOR DANG BCAS PA LA CHOS BSTAN, KLU RNAMS KYIS BZHUGS PAR ZHUS PAS, NGA MCHOD RTEN BYE BA BZHED PA'I 'DAM TSOL BA DANG 'BUM GDAN 'DREN DU 'ONGS KYI BSDANG MI KHOM PHYIS 'ONG SRID GSUNGS TE, 'DAM MANG PO DANG, 'BUM DANG YI GE NYUNG DU GDAN DRANGS TE, 'BUM GYI ZHABS NAS
BAG TZAM MA BSKUR CES GRAG GO, ,DE NAS 'DAM DES MCHOD RTEN LA SOGS BA BYE BA BYAS, KLU RNAMS KYIS GROGS BYAS PAS, DE NAS KLU SGRUB TU MTSAN CHAGS, DE NAS LI KHA RA SHING 'PHEL DU PHEBS, GSER 'GYUR MDZAD DE SBYIN PA RGYA CHEN PO MDZAD NAS, BRAM ZE RGAN RGON GNYIS LA GSER MANG PO GNANG BAS DAD DE, RGAN BOS NYE GNAS BYAS CHOS MNYAN TE SHI NAS SLOB DPON KLU'I BYANG CHUB TU GYUR TO, ,GZHAN YANG LHA KHANG MANG PO BZHENGS SHING, DRIL BU LTA BU'I BRAG GSER DU BSGYUR BAR RTZOM PA'I TSE, SGROL MA'I SPRUL BA RGAN MO'I RNAM PA CAN CIG GIS, DE BAS MCHOG BSGRUBS NA DON CHE BAS, DPAL GYI RI LA SGRUB PA GYIS SHIG GSUNGS TE, DER SGROL MA'I SGRUB THABS KYANG MDZAD DO, ,DE NAS SGRA MI SNYAN DU 'BYON PA'I LAM KHAR BYIS PA CIG DZE TA KA'I LAG BRIS LAS RGYAL POR LUNG BSTAN NAS SGRA MI SNYAN DU PHEBS, DER NA BZA' SHING LA BKAL NAS KHRUS MDZAD PAS, DE GZHAN GYIS KHYER BA LA NGA YI YIN GSUNGS PAS NGA BDAG CAN ZER, DE NAS SGRA MI SNYAN NAS TSUR PHEBS TSE SNGAR GYI RGYAL POR LUNG BSTAN PA'I BYIS PA DE RGYAL POR GYUR PA RGYAL PO BDE SPYOD BZANG PO'I MCHOD GNAS SU LO GSUM BZHUGS NAS DPAL GYI RIL BYON, DE NAS KHYAB 'JUG PHRAG DOG GIS MA BZOD PAR YOD PA LA, THABS GZHAN MA RNYED PAR, RGYAL PO BDE SPYOD KYI BTZUN MO'I MNGAL DU ZHUGS PA PHYIR BTZAS PAS RGYAL BU GZHON NU NUS LDAN DU GRAGS PA LA, MAS GOS SHIG BYIN PAS, BU NA
, ,RE 'DI DA LTA SPOS LA NGA RGYAL SRID SKYONG BA NA BGO BAR BYA'O ZHES ZER BAR, MAS KHYOD KYI PHA SLOB DPON KLU SGRUB DANG TSE MNYAM PA'I BCUD LEN GRUB PAS, SLOB DPON MA GRONGS BAR DU MI MCHI BAS, KHYOD RGYAL SRID SKYONG BA MI YONG ZER BAS, BU MYA NGAN SKYES TE DUS BA DANG, MA NA RE, DU MI DGOS KYIS, SLOB DPON BYANG CHUB SEMS DPA'I SPYOD PA RLABS PHO CHE LA GNAS PAS, DBU BSLANGS NA STER BAR 'GYUR ZHING, DER YAB KYANG 'GUM PAS KHYOD KYIS RGYAL SRID THOB PAR 'GYUR RO ZER, DE NAS RGYAL BUS SLOB DPON GYI DRUNG DU PHYIN NAS DBU BSLANGS PAS STER BAR ZHAL GYIS BZHES PAS, RAL GRIS DBU BCAD KYANG MCHOD PAR, SLOB DPON GYI ZHAL NAS, NGAS SNGON 'JAG MA ZHIG BCAD PA'I ZHAR LA 'BU GCIG GI SKE BCAD PA'I NYES PA YOD PAS RTZA KU SHAS CHOD CIG GSUNGS NAS BCAD PAS CHOD, DE'I TSE KHRAG 'O MAR BYUNG ZHING DBU DE'I ZHAL NAS, NGA NI 'DI NAS BDE BA CAN DU 'GRO, PHYI NAS LUS 'DI LA NI 'JUG PAR GYUR, CES PA'I TSIG BYUNG BAR GRAG ,DE NAS RGYAL BU DES DBU SLAR 'BYAR GYIS DOGS NAS DPAG TSAD TZAM DU DOR BA, SLOB DPON BCUD LEN GRUB PAS SKU LUS DANG DBU RDO RU GYUR CING, MTHAR DANG BA'I 'OD CES BYA BA'I 'JIG RTEN DU, DE BZHIN GSHEGS PA YE SHES 'BYUNG GNAS SU 'TSANG RGYA BAR GSUNGS SO,, ` DPAL LDAN ZLA BA GRAGS PA NI, BRAM ZE PHO MO GNYIS LA BU MED PAR DBANG PHYUG CHEN PO LA GSOL
BA BTAB PAS, BU GCIG BYUNG BA MKHUR TSOS GNYIS LA SHA MTSAN YOD PA, MTSAN MKHAN LA BSTAN PAS, KHYED KYI DON MI 'GRUB STE, ,'DI YI MING NI ZLA GRAGS TE, ,CHOS KUN STONG PAR SMRA BAR 'GYUR ZHES, LUNG BSTAN PAS, PHA MA GNYIS MA DGA' BAS, RANG RE GNYIS, DBANG PHYUG CHEN PO LA GSOL BA BTAB NAS ZHU ZER NAS YANG YANG GSOL BA BTAB PAS, NAM ZHIG NA DBANG PHYUG CHEN PO BYUNG NAS, 'DI NI NGA YI RIGS 'DAS NAS, ,SGRA GCAN 'DZIN NAS BDUN 'DAS PA'I, ,MKHAN PO ZLA BA MGON PO LA, ,RAB BYUNG DGE SLONG CHEN POR 'GYUR, ,N'A LANDA RU RAB BYUNG NAS, ,SANGS RGYAS BSTAN PA 'DZIN PAR 'GYUR, ,ZHES LUNG BSTAN PA LA, PHA MA GNYIS MA DGA' NAS, 'DI SHI NA DGA' STE 'CHIR MI 'DOD, ,GSOD NI MI PHOD, RAB TU BYUNG NAS MED NA DGA' ZER NAS, BU KHRID NAS N'A LANDAR PHYIN NAS MKHAN PO ZLA BA MGON PO LA RAB TU BYUNG ZHING MTSAN NI MA SPOS SO, ,DER THOS BSAM SGOM PA DANG, DGE 'DUN GYI LAS GANG YANG MI BYED PAR ZOS KYIN NYAL SDOD PA CIG BYUNG BAS, DGE 'DUN RNAMS KYIS, ,'DI SNGAR MU STEGS PA YIN PAS, DA DUNG MU STEGS PAR LDOG PAR 'DUG, ,'DI SGYU THABS SU GNAS NAS DA GZOD 'O SKOL LA GNOD NAS 'ONG, 'DI NI LAS NGAN SME SHA CAN, ,MU STEGS NYID KYANG MA DOR BAS, ,DGE 'DUN BYA BA MI BYED DE, ,'DI YIS GNOD SKYEL 'DON BAR RIGS BYAS
, ,BAS, MKHAN POS MA BTON PAR SHIN TU DGYES SO, ,DE NAS MKHAN BOS SDIG GSOG PAR 'DUG PAS, KHYOD KYIS GNYER CIG GYIS, KHYED RANG GI GROGS NYI MA GRAGS GROGS LA BTANG GIS GSUNGS NAS; GNYER MDZAD NAS MA HE DANG BA LANG LA SOGS PA NAGS LA YAN DU BCUG NAS, RI MO'I BA ZHIG BYAS NAS YOD PA LA, DGE 'DUN RNAMS KYIS MA HE LA SOGS PA NAGS LA BRGYAB NAS, DA 'DI CI BYED, NYI MA GRAGS PAS G-YOG BYAS NAS ZHO DANG 'O MA MANG PO KHYER BYUNG BAS NYI MA GRAGS KYIS MA HE SOGS RI LA BRGYAB NAS ZHO DANG 'O MA 'DI TZAM 'ONG BA CI YIN BYAS NAS, CI LTAR BYED BLTAS PAS, RI MO'I BA LAS BZHOS NAS 'ONG BA MTHONG BA GSANGS NAS BSDAD PAS, DE NAS GNYER THON NAS 'BRAS LA SOGS PA MANG PO GTAD PAS, KHYOD KYIS MA HE SOGS RI LA BRGYAB NAS, 'BRAS DANG MAR LA SOGS PA MA ZAD PA CI LAS BYUNG ZER BA LA, NYI MA GRAGS NA RE, DPAL LDAN ZLA BA GRAGS PA YIS, ,RI MO'I BA LAS ZHO BZHOS NAS, ,DGE 'DUN 'TSO BA LEGS PAR BSGRUBS, ,BYAS PAS, MKHAN PO NA RE, SEMS LA DBANG THOB PAS RI MO'I BA LAS ZHO 'JONG NGO MTSAR CHE GSUNG, YANG LAN CIG, TUR shKA'I DMAG BYUNG NAS N'A LANDAR ZLA BA PHYED KYI LAM NA SLEBS ZER NAS, PAndI TA DANG, NUS PA CAN THAMS CAD LA DMAG BZLOG PA'I THABS YOD DAM ZHUS PAS, THABS MA BYUNG
BA'I TSE, N'A LANDA'I CHOS SKYONG GI THUGS KA NAS, BYA ROG CIG BYUNG NAS, ZLA BA GRAGS PA LA ZHUS ZER NAS ZHUS PAS, ZLA BA'I ZHAL NAS THABS YOD KYIS, RDO'I SENG GE GCIG GYIS LA, SANGS RGYAS BA RNAMS KYIS DKON MCHOG GSUM LA GSOL BA THOB, MU STEGS PA RNAMS KYIS KYANG DBANG PHYUG CHEN PO LA GSOL BA THOB CIG GSUNGS NAS, DER RDO'I SENG GE BCOS ZIN PA DANG, DE GAS SHING, DE'I NANG NAS MI GCIG BYUNG NAS, NGAS BYA DGOS ZER LEGS PA CIG BCOS ZIN PA DANG, ZLA BA GRAGS PA PHEBS NAS, N'A LANDA'I BYANG PHYOGS SU DPAG TSAD BCO LNGA BA'I BAR GYI RDO'I SENG GE BZHAG PA CAN DU DMAG RNAMS SLEBS BYUNG BA NA, DMAG RNAMS SLEBS BYUNG NGO BYAS KYANG SENG GE 'GROR MA 'DOD PA LA, DGE 'DUN RNAMS NA RE, 'DIS BSLUS 'O SKOL PHUNG PO ZER BA LA, SLOB DPON ZLA BA GRAGS BA KOG GIS BZHENGS NAS TZANDAN GYI DBYUNG PA 'DOM GANG PA CIG KHYER NAS SENG GE'I MGO LA THENG GSUM BRGYAB PAS, G-YU RAL LAN GSUM SPRUGS NAS DMAG THAMS CAD BSAD NAS SENG GE'I GDONG BA KHRAG TU SONG NAS 'DUG PAS, DE'I DUS SU RGYAL PO STOBS LDAN GZHON NUS, DPAL LDAN ZLA BA GRAGS PA YIS, ,STOBS LDAN RDO YI SENG GE BSKUL, ,TU RUshKA YI DMAG BZLOG KYANG, ,SHI RMAS MED PA NGO MTSAR CHE, ZHES ZER TO, ,DE NAS DGE 'DUN RNAMS NA RE, 'DI ZLA BA GRAGS PA'I NUS PA MIN,
, ,DGE 'DUN RNAMS KYIS RAB GNAS BYA DGOS ZER NAS, RAB GNAS BYAS PAS SENG GE SA'I NANG DU NUB PAS, MKHAN PO NA RE 'DI ZLA BA GRAGS PA SEMS LA DBANG THOB PA'I BYIN RLABS YIN GSUNG, YUNG SLOB DPON NAGS NA SGOM GYIN BZHUGS PA LA NAGS LA ME SHOR BA'I TSE, N'A LANDA PA LA SOGS PA'I YUL MI RNAMS KYIS BLTAR PHYIN PAS, SHING GI LHA MO ZHIG GIS RO STOD BTON NAS, BYAMS MGON SNYING RJE'I BLO CAN NYID, ,ME YIS MI 'TSIG CHUS MI 'KHYER, ,RLUNG GIS 'THOR BAR GA LA NUS, ,ZHES ZER KYANG MI RNAMS KYIS PHYIN PAS, SLOB DPON GYI RTZA'I SPYIL BU'I 'DOM GANG TSUN CHAD MES MA TSIG PAR 'DUG CING, SLOB DPON GYI ZHAL NAS, NGA YI BLA MA KLU SGRUB KYIS, ,SKYE BA MED PA'I MES DNGOS PO'I, ,BUD SHING THAMS CAD BSREGS PA YIN, ,MKHAN PO YIS KYANG BSREGS PA YIN, ,NGAS KYANG SKYE BA MED PA'I MAS, ,DNGOS PO'I BUD SHING BSREGS PA YIN, ,DNGOS PO'I ME YIS GA LA TSUGS ZHES GSUNGS, MNGON PAR SHES PA THOGS MED KYANG MNGA' BA YIN TE, MU STEGS KU MA RI KA NA RE, SLOB DPON LA MNGON SHES YOD PA MI BDEN YOD, BDEN NA BRGYA BYIN DA LTA CI BYED DRIS PAS, SLOB DPON GYI GSUNG NAS BRGYA SBYIN DNGOS NI SUM CU RTZA GSUM NA YOD LA, SPRUL PA CIG DGA' LDAN NA BYAMS PA LA CHOS NYAN GYI YOD GSUNGS PAS, KU MA RI YID MA CHES PA LA, SLOB
DBON GYIS PHYAG YAB MDZAD PAS, BRGYA BYIN DNGOS 'ONGS PA DE KHOS MA MTHONG, YANG PHYAG YAB MDZAD PAS, SPRUL PA 'ONGS PA KHOS MTHONG NAS, KHYOD BRGYA BYIN YIN NAM BYAS PAS DNGOS MIN, DNGOS YIN NA MIG STONG YOD PA LAS, NGA LA RJES LAS MED ZER NAS, BLTAS PAS RJES LAS MI 'DUG PAS KU MA RI YID CHES SO, ,DES NA SLOB DPON 'DI NYID PAndI TA RNAMS KYI MCHOG TU GYUR PA YIN TE, N'A LANDA NA PAndI TA MANG PO YOD KYANG, MU STEGS KYI RGOL BA TSAR GCOD MI NUS NA PHYIR CHOS 'CHAD MI NUS LA, SLOB DPON 'DI NYID PHYIR CHOS 'CHAD PA NA, LHO PHYOGS KYI MKHAS PA CHEN PO TZANDRA GOO MI SLOB DPON GYI DRUNG DU 'ONGS TE, 'DUD PA MA BYAS PAR BSDAD PA LA, SLOB DPON ZLA GRAGS KYI DGONGS PA LA RTZOD DAM BGRO BAR 'DOD PA CIG 'ONGS PA YIN TE, PHYOGS GANG NAS 'ONGS, CHOS CI SHES DRIS PAS, LHO PHYOGS NAS 'ONGS, SGRA PAnI, SHER PHYIN TSUL BRGYA LNGA BCU PA, 'JAM DPAL MTSAN BRJOD SHES ZER, SGRA DANG, MTSAN NYID KYI RTZA BA DANG, SNGAGS KYI RTZA BA SMOS PAS, LUNG RIGS LA MKHAS PAR KHAS BLANGS KYANG, TSIG KHENGS SGYUNG BAR 'DUG PAS, TZANDRA GOO MI MIN NAM DRIS PAS, DE LTAR 'JIG RTEN PA RNAMS 'DOGS SO GSUNGS, 'O NA, PAndI TA CHEN PO THOG BABS SU PHEBS PA MA LEGS, BSU BA BYA DGOS PAS RE SHIG PHYIR GSHEGS SHIG BSU BA BGYI'O BYAS NAS, CHOS MCHAD 'PHRO BCAD DE, GAndI BRDUNGS PAndI TA
, ,RNAMS BSAGS TE, 'DIR MKHAS PA CHEN PO TZANDRA GOO MI BYON GYIS, BSU BA BYA DGOS PAS SHING RTA GNYIS CHOS LA, GCIG LA 'JAM DPAL GYI SKU BZHUGS, GCIG LA TZANDRA GOO MI BZHUGS LA MCHOD PA'I TSOGS KYIS SPYAN DRONGS SHIG CES BSGOS TE, DE LTAR BGYIS PA'I CHE, 'JAM DPAL LA TZANDRAN BSTOD PAS, SKU DE DGYES TE SLOB DPON LA ZHAL PHYIR GZIGS TE, DE LTA YANG N'A LANDAN BYIN RLABS CAN SHING SKU MJING YON TU GRAGS PA BZHUGS, DE NAS TZANDRA GOO MI N'A LANDAR BYON PA LA BSNYEN BKUR CING, ZLA GRAGS DANG GDAN 'DZOM, PHAN TSUN CHOS KYI 'GRO BA MDZAD PAS, ZLA GRAGS KYIS GANG DRIS PA'I LAN THOGS MED DU BTAB, TZANDRAS SPYAN RAS GZIGS LA DRIS SHING LAN THOGS BCAS SU 'DENGS, DE'I TSE ZLA BAS GZIGS PAS, SPYAN RAS GZIGS KYI RDO SKU BZHUGS PA'I KHANG BA NAS BYUNG BAS, LAN CIG DER SONG STE RGYAB NAS NYAN BAS, CHOS 'CHAD CING 'DUG PA DANG, ZHAL LTA DGOS DGONGS TE NANG DU PHYIN PA DANG, SPRUL SKU ZHAL BRTUL TE, DER SLOB DPON GYIS SA THE BTZUGS NAS, KHONG LA ZHAL STON PA LTAR BDAG LA'ANG BSTAN DU GSOL, CES GSOL BA BTAB PAS, MNAL LAM DU BYON TE, KHYOD 'JAM DPAL GYIS BYIN GYIS BRLABS PA'I MKHAS PA CHEN PO YIN PAS, NGAS BYIN GYIS BRLABS MI DGOS, TZANDRA GOO MI LA CUNG ZAD BYIN GYIS BRLABS PA YIN GYIS DE SKAD MA ZER
GSUNG, MNAL SAD TSE, DE LTAR LAGS KYANG ZHAL STON PAR ZHU ZHUS BAS, ZHAL MNGON SUM DU BSTAN TO, ,DE'I TSE BDAG GI SPYI GTZUG TU BZHUGS LA SEMS CAN THAMS CAD KYIS MTHONG BAR MDZOD CIG CES GSOL BAS, SPYAN RAS GZIGS KYIS ZHAL NAS NGAS SEMS CAN THAMS CAD KYI DRUNG DU SONG YANG, DE RNAMS LAS KYI SGRIB PAS MTHONG BAR MI 'GYUR GSUNGS, CIS KYANG BZHUGS SHIG CES GSOL BA BTAB NAS, 'PHAGS PA SPYI BOR KHYER NAS THAMS CAD DU PHEBS NAS BDAG GI SPYI BO NA 'PHAGS PA BZHUGS SO, ,PHYAG MCHOD GYIS BYAS KYANG LA LAS CI YANG MA MTHONG, LA LAS KHYI ROR MTHONG, PHAL CHE BAS CHOS MANG DU BSHAD PAS RLUNG SMYO YIN ZER, CHANG TSONG MA ZHIG GIS ZHABS TZAM MTHONG BAS KYANG THUN MONG GI DNGOS GRUB THOB, SLOB DPON 'DIS RI MO'I BA LAS 'O MA BZHOS PA DANG, RDO'I KA BA LA PHYAG BRGYAB PAS THOGS MED DU SONG ZHING, DA LTA 'JA' LUS RDO RJE'I SKU BRNYES NAS SKAL BA DANG LDAN PA LA, SKU DANG GSUNG GI SNANG BA DNGOS SU STZOL BA YOD DE, BA TSAB LOTZTSA BAS NAGS GSEB LA PHEBS PA'I TSE DNGOS SU PHEBS NAS, KHYOD KLU SGRUB YAB SRAS KYI CHOS LA DAD DAM GSUNGS NAS BYIN GYIS BRLABS PA LTA BU'O, ,BLA MA RDO RJE GDAN PAS KYANG, 'JAM DPAL SKU YI SPRUL BAR 'KHRUNGS, ,KLU SGRUB DGONGS PA THUGS SU CHUD, ,ZLA BA GRAGS PA ZHES BYA BA'I, ,BLA MA DE LA PHYAG 'TSAL LO, ,ZHES STOD PAR MDZAD DO, , ` RIGS PA'I KHU PHYUG
, ,CHE BA NI, SLOB DPON ZLA BA GRAGS PA'I DNGOS SLOB YIN TE, NAG TSO LO TZ'A BAS BI KA MA SH'I LA'I TSOGS SU, PAndI TA KUN GYI GRAL DBU LA BZHUGS PA, SKU BGRES SHING BRJID CHAGS PA 'DI, MGON PO AA TI SHA AE YIN CES DRIS PAS, BOD KYI TSE DANG LDAN PA CI ZER, 'DI DPAL LDAN ZLA BA GRAGS PA LA CHOS DNGOS SU NYAN PA RIGS PA'I KHYU BYUG BYA BA, AA TI SHA'I YANG BLA MA YIN ZER, RIGS PA'I KHYU BYUNG 'DI MGON PO KLU SGRUB KYI YANG DNGOS SLOB YIN TE, MKHAS GRUB RIN PO CHE'I GSANG BA'I RNAM THAR DU YANG RIGS PA'I KHYU BYUG TU SKYE BA BZHES DUS 'PHAGS PA KLU SGRUB BYON NAS LTA BA'I GNANG SHIN TU PHRA BA BSTAN LA, DNGOS 'DZIN GYI 'KHRUL PA RTZA BA NAS DRUNG PHYUNG BAR MDZAD CING KLU SGRUB KYI ZHAL NAS, NGED RGYA GAR GYI GRUB THOB RNAMS 'JAM DBYANGS BSTEN PA YIN, DE'I RGYU MTSAN YANG GSUNG RAB KYI DKA' BA'I GNAD SHIN TU PHRA BA BYUNG NA RJE BTZUN 'JAM DBYANGS LA GSOL BA BTAB NAS ZAB MO'I DON LA DPYOD PA YIN, KHYOD KYANG RJE BTZUN 'JAM DBYANGS BSTEN PAR BYOS SHIG CES GSUNGS SO, ,ZHES SOGS DANG, YANG KLU SGRUB KYI ZHAL NAS BDAG KYANG MA 'ONGS PA'I DUS SU MTHA' 'KHOB TU 'GRO BA'I DON BYED PAR SMON KHYOD KYANG DE'I DUS SU 'KHOR GYI THOG MAR GDUL BYA RNAMS KYI MCHOG TU 'GYUR RO, ZHES GSUNGS SO, ,'DI LA DPAGS NA RJE BLA MA KLU SGRUB KYI SPRUL PAR MNGON NO, ,ZHES GSUNGS, GZHAN YANG GSANG BA'I RNAM THAR DE NYID LAS,
YANG RGYA GAR DU PAndI TA RIGS PA'I KHYU BYUG CHE BAR SKYE BA BZHES SHING, 'GRO BA MANG PO'I DON MDZAD LA, DPAL LDAN ZLA BA GRAGS PAS MTHAR 'DZIN GYI 'CHING BA DRUNG PHYUNG BAR MDZAD DO, ,YANG LAN CIG ZLA BA GRAGS PAS MA 'ONGS PA'I DUS SU RJE BTZUN 'JAM DBYANGS DGE SLONG GI TSUL DU BSAMS BZHIN DU MTHA' 'KHOB TU SKYE BA BZHES BAR 'DUG PAS KHYOD KYANG DER SKYE BA LONG LA DE'I BKA' SGRUB PA DANG BSTAN PA RGYAS PAR GYIS ZHES GSUNGS SO, ZHES PA LA SOGS PA GSUNGS PAS, RIGS PA'I KHYU BYUG CHE BA KLU SGRUB DANG, ZLA BA GRAGS PA GNYIS KA'I DNGOS SLOB YIN NO, ,` RIGS PA'I KHYU BYUG CHUNG BA'AM GNYIS PA 'DI RGYA GAR BA'I LAM RIM GYI BLA RGYUD DU MTSAN GSAL BAR MA BYUNG YANG, RJE RIN PO CHE LA BYANG RA SGRENG DU YANG DAG PAR RDZOGS PA'I SANGS RGYAS NAS LHO BRAG GRUB CHEN GYI BAR GYI LAM RIM BRGYUD PA'I BLA MA RNAMS KYIS ZHAL BSTAN PA'I SKABS SU BYUNG BA YIN GSUNG ZHING, JO BO'I RNAM THAR DU LTA BA BRGYUD PA'I BLA MA'I RIM PA GSUNGS PA NA, N'A G'A RDZUN, ZLA BA GRAGS PA, RIGS PA'I KHYU BYUG ,AA BA DH'U T'I PA ZHES 'BYUNG ZHING, JO BO LA LTA BA RAB TU MI GNAS PA'I DBU MA 'DZIN PA JI LTAR LAGS ZHUS PAS, BLA MA AA BA DH'U T'A PA'I ZHAL NAS, NGAS RAB TU MI GNAS PA'I LTA BA 'DI LA BRTEN NAS BDEN PA MNGON SUM DU MTHONG BA YIN PAS KHYOD KYANG LTA BA 'DI ZUNGS SHIG GSUNGS PAS, NGAS KYANG DPAL LDAN ZLA BA'I LUGS KYI LTA BA 'DI BZUNGS PA
, ,YIN GSUNG ZHING, BLA MA GCIG LA'ANG MTSAN GYI RNAM GRANGS DU MA YONG GIN 'DUG PAS LEGS PAR DPYOD PAR ZHU, JO 'BROM GNYIS KYI RNAM THAR NI, GONG DU SONG, ,RGYAL BA'I GDUNG 'TSO BA BSHES GNYEN PO TO BA NI, 'PHAGS PA'I GNAS BRTAN YAN LAG 'BYUNG GI SPRUL PAR GSUNGS SHING ZHAL GYIS KYANG BZHES, DGE BA'I BSHES GNYEN 'DI NYID, BSHES GNYEN 'BROM RIN PO CHE, RGYAL PO DAD PA BRTAN PAR SKU 'KHRUNGS PA'I TSE, SRAS CHE BA SANGS RGYAS 'DZIN PO TO BA, BHARMA 'DZIN PHU CHUNG PA, DGE 'DUN 'DZIN SPYAN SNGA BAR 'GYUR BAR LUNG BSTAN TE, DAD PA BRTAN PA'I 'KHRUNGS RABS LAS, SRAS SANGS RGYAS 'DZIN NI, 'DI NAS LO NI MI MANG BAR, RIN CHEN GSAL ZHES BYA BA, RGYAL BA'I 'BYUNG GNAS KYI SRAS KYI THU BOR 'GYUR, DHARMA 'DZIN GZHON NU RGYAL MTSAN ZHES BYA BA 'DI DENG SANG GI ZHUS LAN 'DI DAG GI BDAG PO DAM PA CIG TU 'GYUR, DGE 'DUN 'DZIN NI TSUL KHRIMS 'BAR ZHES BYA BA RGYAL BA'I 'BYUNG GNAS KYI GDAMS PA MANG PO NYAMS SU LEN CING SANGS RGYAS KYI BSTAN PA LA PHAN PA'I BSHES GNYEN DAM PA CIG TU 'GYUR RO ZHES GSUNGS PA'I PHYIR, DES NA SKU MCHED GSUM PO DE, RIGS GSUM MGON PO'I SPRUL PA YIN TE, BKA' GDAMS GLEGS BAM GYI LUNG BSTAN GYI LE'U NAS, 'DI NA SPYAN RAS GZIGS DBANG DANG, ,'JAM PA'I DBYANGS DANG GSANG BA'I BDAG ,
GZHAN YANG 'JAM DBYANGS NYID SPRUL PA, ,SPRUL PA'I KHYI'U GZUGS MDZES PO, ,RTZE LNGA'I RI LAS 'DIR LHAGS GDA', ,DANG PO GSUM NI NGA YI SRAS, ,PO TO BA DANG PHU CHUNG BA, ,SPYAN SNGA ZHES BYA SKU MCHED GSUM, ZHES GSUNGS PAS SO, ,DES NA PO TO BA NI, 'PHAN YUL SPRAS KYI BA 'O THANG DU SKU 'KHRUNGS, BRAG RGYAB TU RAB TU BYUNG NAS, BRAG RGYAB KYI GNYER LO GCIG MDZAD CING, DE SKABS DGE 'DUN SPYI LAS LHAG PA ZHO SHAL GCIG LAS GSOL MA MYONG GSUNG, DE NAS SGRUB PA LA THUGS SONG NAS, LAM ZHOR LA RE SGRENG DU PHEBS NAS BSHES GNYEN CHEN PO 'BROM LA, GDAMS PA SKOR CIG ZHUS NAS, KHAMS LA PHEBS NAS MING RUS TSUN CHAD SPOS NAS TSE BLOS BTANG GI SGRUB PA CIG MDZAD DGONGS NAS, RA SGRENG LA PHEBS PAS, BSHES GNYEN BA'I ZHAL NAS NGAS THUGS LA BTAGS KYIS KHAMS LA MA 'GRO GSUNG BA LA, DE LTAR NA KHAMS LA 'GRO DON MED DGONGS NAS, GDAMS PA RNAMS RIM GYIS ZHUS PA LA, KHAMS LA 'GRO BA DA AA CANG CHE STE PUS SNA GDONG THAL NAS PHEBS MA PHOD CING DGE BSHES STON PA'I THUGS KYANG KHENGS PA BYUNG, DE NAS DGE BSHES STON PA SKU 'DA' KHAR PO TO PA'I SKU PANG DU DBU BZHAG PA LA, 'JIGS SAR SKYEL MAS BOR BA 'DRA BA ZHIG 'ONG SNYAM DU DGONGS NAS SPYAN CHAB SHOR, DA SU LA BRTEN ZHUS PAS, BOD PHU THUNG TZAM 'DI NA, KHYOD KYI DGE BSHES MA MTHONG GIS, DGE BSHES MED
, ,SDE LA GYIS GSUNG SKAD, DE NAS DGE BSHES STON PA 'DAS NAS RNAL 'BYOR PA CHEN POS GDAN SA MDZAD, DE 'DAS NAS DGON PA BAS GDAN SA MDZAD, DGON PA BA 'DAS NAS DBYER DE, BO TO BAS SKYO SANGS RGYAS BSLAB BTUS GSUNGS PAS THAMS CAD KYI SHES PA BSGYUR THUB PA CIG BYUNG BAR, ZHANG CHEN POS, KHO'I PHYIR SHA CHE CHE MO BYAS PAS, SKU MCHED GSUM YANG SHA GZUG RANG BZA' BAR TSAD NAS, RA SGRENG NAS PHEBS BAS, RA SGRENG BA LA CHOS KYI MU GE'I THEBS SU SONG, DE TZA NA YON BSHAD DE PHU CHUNG BAS MDZAD PA LA, NYIN GCIG PO TO BA MDZAD BCUG PAS GZHAN GYI SHES BA BSGYUR NUS PA 'DRA BA ZHIG BYUNG BAS, DE NAS PHU CHUNG BAS MDZAD MNYAN, DGE BSHES PO TO BA CHEN PO DES LAM SGRON RTZA BAR MDZAD, BSLAB SPYOD GNYIS, SA RGYAN GNYIS, SKYES TSOMS GNYIS TE BKA' GDAMS GZHUNG DRUG ,RIN CHEN 'PHRENG BA, SLOB SPRINGS, BSHES SPRINGS, SGOM RIM, JO BO'I BDEN GNYIS LA SOGS PA LA BYUNG BSHAD MDZAD PAS, BKA' GDAMS ZER BA'I SGRA BO CHE DE KHONG GI RING NAS GRAGS PA YIN, DES NA 'BROM RIN PO CHES, JO BO LA 'BUL CHEN MDZAD PA'I TSE, JO BO'I ZHAL NAS HU'UM, KHYI'U DKAR PO 'DI LA DE LTA NGAS BOD 'DI NA BKOD PA DRUG CU RTZA LNGA MTHONG GSUNG BA 'DI PHU CHUNG PA, KHYI'U SER BON RE, KHO BO LA BKOD PA DGU BCU MCHIS, PO TO BA, KHYI'U
SNGON PO NA RE, KHO BO LA'ANG BYANG PHYOGS NA BRGYA DANG DRUG CU RTZA LNGA, 'DI NA DRUG GI GDUL BYA LAS MA MCHIS GSUNG PA SPYAN SNGA TSUL KHRIMS 'BAR YIN PAR GO, ,DGE BA'I BSHES GNYEN RIN CHEN GSAL 'DI, ,BSTAN PA SNGA DAR DUS, RGYAL BA MCHOG DBYANGS, SKU TSE PHYI MA LA RJE DUS GSUM MKHYEN PAR GYUR CING, DGE BSHES BRAG DKAR BA NI, PO TO BA 'DI GNAS BRTAN BHA RA DHA DZA BSOD SNYOMS LEN GYI SPRUL PAR MDZAD, PO TO BA MYA NGAN LAS 'DAS PA'I SKABS SU, RAM SDINGS MA PA'I MNAL LAM DU, PO TO BA SENG GE LA CHIBS NAS, NGA 'JIG RTEN 'DI'I BDE BA SPANGS NAS MYA NGAN LAS 'DAS SO, ,KHYOD LA 'PHRANG NAS 'ONGS PA YIN GSUNG PA RMIS PAS, MNAL SAD PA NA THUGS BTON PA SNYAM BYED PA'I SEMS KHRAL BYUNG NAS BLA MA GRONGS SNYAM NAS BZHENGS NAS BSHUMS SHING, ZHAG BDUN NYIN MTSAN NGO MI SHES PA'I THUGS KHRAL MDZAD, NAM GCIG NYI MA RTZE DROS LA SPRIN GYI GSEB NAS BUD MED CIG NA RE, KHYOD DE TZAM GYI SNYING LA 'DOD NA NAM MKHA' LA LTOS DANG ZER NAS, BDEN NAM SNYAMS NAS BLTAS PAS, 'JA' DANG 'OD KYI GSEB NA, BLA MA BZHUGS PA MTHONG, BLA MA'I ZHAL NAS BDAG LA 'CHI RGYU DANG, 'PHO RGYU MED, CHOS KYI SKU ZHES BYA, ZHES GSUNGS NAS, CHOS BSAM GYIS MI KHYAB PA CIG GSUNGS NAS NAM MKHA' LA GSHEGS SO, ZHES RAM SDINGS MA PA'I RNAM THAR LAS 'BYUNG BAS, BLA MA SLOB
, ,MA GNYIS KA SPRUL PA'I GANG ZAG YIN PAR GO'O,, ,` RNAM DPYOD 'GRAN BLA BRAL BA'I SHAR BA PA NI, BYANG RA SGRENG NAS YA TSAD PHYIN PA'I SA ROM PO ZHES PAR, YUM PHYUGS 'TSO BAR BYON PA'I RDO KA CIG TU 'KHRUNGS TSE ZHABS BRKYANGS PA'I RDO LA ZHABS RJES GSAL BAR BYON PA DA LTA'ANG MJAL DU YOD, DE NAS DGUNG LO BCO BRGYAD LA CHOS LA BROS NAS, 'DZIN MKHAN BYUNG GI DOGS NAS, KLUNGS SHOD PHYOR PHU NA SPYAN SNGA SKU MTSAMS DAM PAR YOD PA'I SAR BYON, DE NAS DBYAR STAG LUNG THANG DU PO TO BA'I SPYAN SNGAR BYON, DE GONG GTZANG NA, 'GOS, 'BROG MI, MAR PA RNAMS LAS 'PHEL BA'I GSANG SNGAGS KYI BSHAD SGRUB DAR PO YOD PAR GSANG SNGAGS KYI SLOB GNYER MTHA' DAG PA CIG MDZAD DGONGS PA YOD PA LA, LAM SGRON GYI BSTAN PA LA 'JUG PA'I RIM PA DE GSAN PAS TSE 'DI LA GSANG SNGAGS PA'I RE BA MI 'DUG SNYAMS NAS THUGS THAG CHOD, DE NAS PO TO PA'I GRA PA LO DGU NANG MI LO DGU MDZAD DE, BSTEN PAR GDA', DE YANG BA TSA BA LO TZ'A BA RGYA GAR NAS BOD DU PHEBS NAS KLU SGRUB YAB SRAS KYI THUN MONG BA'I DGONGS PA BZHIN THAL 'GYUR BA'I LUGS DAR BAR BZHAD PA LA, THAMS CAD KYIS MED LTA BA ZER NAS 'PHRIN LAS MA BYUNG BAR, DGE BA'I BSHES GNYEN SHAR BA BAS KHONG GI DE KLU SGRUB YAB SRAS KYI DGONGS PA YIN ZER BAS, KLU SGRUB YAB SRAS KYI DGONGS PA YIN MIN NGAS SHES GSUNGS NAS,
GRVA GZHON GNYIS LA KHYED DBU MA PA'I LUGS KYI SBYOR DNGOS RJES GSUM GZHI LAM 'BRAS BU'I RNAM GZHAG SOGS JI LTAR YIN GSUNG BA'I DRI BA BSKUR BAS, PA TSAB KYIS DE'I LAN PHUL BA, SHAR BA BA GRVA PA NYIS STONG BRGYAD BRGYA TZAM GYI GRAL MGOR BZHUGS NAS BUR STON CIG GSOL BA KHAD LA, GRVA GZHON GNYIS KYIS DRIS LAN PHUL BAS, LEGS PAR GZIGS PAS SPYAN CHAB MANG PO SHOR NAS, SKU MDUN NA BU RAM SGO GANG YOD PA SPRUG GIS SPRUGS NAS, KLU SGRUB YAB SRAS MCHOD, PHA TSAB LOTZTSA BA MCHOD GSUNGS NAS NAM MKHA' LA GTOR, CHOS BYA BA 'DI 'DRA ZHIG GIS, 'KHOR 'DAS KYI RUS SHAN PHYED PA YIN, MA GO BA RNAMS KYIS SDIG MANG PO GSOG PA YIN GSUNGS NAS, BTZUN CHUNG LNGA BCU TZAM PA TSAB KYI SLOB MAR BTANG, ZAS NOR MANG PO BSKUR NAS, DBU MA'I BSTAN PA DAR ZHING RGYAS PAR BYUNG NGO, ,PA TSAB KYIS DBU MA BRGYUR GRUB RIN GYI, SHAR BA PAS GZIGS PAS, 'DI LA 'DI LTAR 'OD THANG GSUNGS PA LA, PA TSAB KYIS RGYA DPE LA GZIGS PAS, DE KHO NA BZHIN 'DUG PA DANG, BKA' 'GYUR RO COG THUGS LA MNGA' BAS, RNAM DPYOD 'GRAN ZLA BRAL BA ZHES GSUNG PA YANG DE 'DRA LA DGONGS PA YIN, DES NA DGE BA'I BSHES GNYEN 'DI NYID BKA' GDAMS GLEGS BAM LAS GSAL BAR LUNG BSTAN PA YIN TE, DAD PA RAB TU BRTAN PA'I 'KHRUNGS RABS LAS, DES NA RGYAL PO DGE BA DPAL,,
, ,KHYOD KYI SRAS KYI SROL 'DZIN PA, ,SHAR PA BZHES YUL LAS GRAGS, ZHES PA DANG, LUNG BSTAN GYI LE'U LAS, YON TAN GRAGS PAS ZAB GZHUNG RNAMS, ,RDZOGS PAR MDZAD NAS DAR YUL MDAR, ,DAG SNANG GANG SHAR DGON PA BZHENGS, ,DE NAS SHAR BA PA ZHES GRAGS, ,ZHANG RJE ROM PO'I MI RIGS GCIG ,GTAN GYI DON GNYER GUS BAS MCHI ZHES DANG, DAG PA'I SNANG BA RAB SHAR BA, ,RGYAL BA RGYAL MTSO LAS 'KHRUNGS SHING, ,MKHAS PA NGA NI LAS CAN RNAMS, ,PHYOGS BZHIR 'GRO ZHING 'DRAN YANG, ,DBUS 'DIR SHAR BA PA ZHES GRAGS, ,'DI NI SHAR GYI MTHA' 'KHOB 'DUL, ,DE NAS NUB PHYOGS MTHA' 'KHOB TU, ,SHAR PA TZI 'DRA RTZVA YUL DANG, ,SHING DANG GRONG PA DAG GIS DBEN, ,SKYA BO RGYA CHEN ZHAG MED CIG, ,SNUM ZHIB SKAL BZANG DU MA SDUD, CES GSUNGS PA LTAR 'DI NYID NGO BO RJE BTZUN 'JAM DBYANGS YIN CING, RGYAL SRAS ZHI BA LHA DANG, RDOG LEGS PA'I SHES RAB KYI SKU SKYE, NUB NI SNAR THANG PHYOGS DANG, 'DI NYID KYIS SNAR THANG GI MKHAN PO SKU TSE GSUM LA MDZAD CING, KARMA PA DUS GSUM MKHYEN PAS KYANG, 'DI'I ZHABS LA YUN RING GTUGS SO,, ` BYANG CHUB THUGS KYI BKA' BABS 'CHAD KHA PA NI, GNYAL LO ROR SKU 'KHRUNGS, ZHABS LA 'KHOR LO'I MTSAN DANG LDAN, GZHON NU LA LO ROR RAS CHUNG BA DANG MJAL BAS, KHONG GI SAR ZLA BA GNYIS TZAM BZHUGS, GDAMS PA MANG DU GSAN NAS TSUR LA 'BYON KHAR, BLA MA'I
ZHAL NAS 'DIR BZHUGS KHYED LA CHOS KYIS PHAN PA CIG 'ONG BAR SNANG GSUNGS PAS, DER 'BYON PA'I RTZIS SU BYAS NAS TSUR LA PHEBS, YUL NAS RTA BZANG PO ZHIG LA KHAL BKAL NAS BYON TZA NA, GRU SHUL PA'I JO BO MANG PO 'DUG PA NA RE, KHYOD GAR 'GRO ZER, NGA BLA MA RAS CHUNG PA CAN DU 'GRO BYAS PAS, RNAL 'BYOR PA CAN TU 'GRO BA GA NA 'ONG, 'DIR RAB TU BYUNG LA SDOD ZER BAS, BSHES GNYEN RTZI BOR BA LAS, RAB TU BYUNG MTSAN YE SHES RDO RJER BTAGS, ,BAN GSAR TZA NA CHOS 'KHOR CHEN PO ZHIG BYUNG BAR LOTZTSA BA YANG GSUM BZHI BYON, RDOG LO LA SOGS PA SDE SNOD 'DZIN PA MANG PO DBU SEMS SOGS KYI GLENG MO MANG PO MDZAD KYI GDA' BAS, DE CHOS SKAD CI SKAD BYA BA YIN DRIS PAS, GRUB MTHA' BYA BA YIN ZER, DES THUGS PHROGS NAS GNYAL KUN TU YANG GRUB MTHA' RTZAD BCAD, DE NAS 'DUL BA 'DZIN PA TSA RONG PA SOGS LA BSNYEN PAR RDZOGS, SHA MI LA 'DUL BA GSAN, BTZAN LO TZ'A BA LA MDO SDE RGYAN GSAN CING, DGE BA'I BSHES GNYEN GLANG RI THANG PA'I SLOB MA NYANG LCAGS ZHING BA LA BLO SBYONG TSIG BRGYAD MA, LUGS SMAD PA LA SNE'U ZUR BA'I LUGS KYI LAM RIM SOGS GSAN, DGE BSHES DOL PA LO LNGA BSTEN NAS BE'U BUM SNGON PO GSAN, DE NAS GLANG RI THANG BA LA NGANG NAS LHA SA PHYOGS SU PHEBS BAS GLANG RI THANG PA 'DAS ZER BAS, SHAR BA BA'I DRUNG DU PHEBS DBYAR DE NYAN SA GSUNG BA NYAN PAS, BYINGS SE BA MYOGS SE BA LAS BLO 'KHUL BA KHO NA MA BYUNG BAS, NYIN CIG GRVA PA
, ,RNAMS STON MO LA SONG NAS DGE BA SHES 'BUM PA LA BSKOR BA MDZAD BA'I DRUNG DU PHYIN NAS, KHONG RANG GI PHYAM TSE BTING TE, DGE BA'I BSHES GNYEN PA 'DIR BZHUGS BAR ZHU DANG, GROS SHIG ZHU RGYU YOD ZHUS BAS, NGAS GROS THAG THAMS CAD CHOS KHRI'I KHA NAS BCAD PA YIN, DER MCHOD PA CI YOD GSUNGS, BDAG GIS MTHONG BA'I DPE ZHIG NA, KHE DANG RGYAL KHA GZHAN LA BYIN, ,GYONG DANG BUB KHA RANG GIS LAN, ,ZER BA ZHIG GDA' BA 'DI ZAB MI ZAB JI LTAR LAGS, GNAS KHANG MA RNYED PA DANG GRAGS KYIS BLO RTZA G-YENGS PA SOGS LA SMAN PAR BYUNG BA LAGS ZHUS PAS, KHYOD KYI SEMS LA SMAN MI SMAN GYI KHA NA CI YOD, SANGS RGYAS MI SGRUB NA PHAR ZHOG ,SGRUB NA CHOS DE LA MA BRTEN BAR 'GRUB MI SRID GSUNG, 'ON BDAG LUNG CHOS PA LAGS PAS, DE LA LUNG ZHIG DRANG BAR ZHU ZHUS PAS, MGON PO KLU SGRUB LA TSAD MAR MI 'DZIN PA SU YOD, DES RIN PO CHE'I 'PHRENG BAR, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES GSUNGS GSUNG, 'O NA BDAG LA GDAMS PA CIG ZHU 'TSAL ZHUS PAS, JO BO RANG RKYEN THUB PAR GYIS SHIG ,NGAS GDAMS PA RNAMS RIM GYIS BYA'O GSUNGS NAS, BLO SBYONG GI 'KHRID TSAR GCIG LA LO DGU'AM BCU GNYIS SU NYAMS KHRID DU BSKYANGS PAS, BYANG CHUB KYI SEMS KYIS THUGS RGYUD GANG NAS, SNGON SBYANGS LAS KYI 'PHRO SAD PAS, ,RANG GI MOS BA MANG BA'I RGYUS, ,SDUG BSNGAL
GTAM NGAN KHYAD BSAD NAS, ,BDAG 'DZIN 'DUL BA'I GDAMS PA ZHUS, ,DA NI SHI YANG MI 'GYOD DO ZHES GSUNGS, DE NAS DGE BA'I BSHES GNYEN SHAR BA PA CUNG ZAD BSNYEL BA LA, SKU RIM DU TRAKSHAD LA GTOR MA PHUL BAS, MGON PO DE NYID MNGON SUM DU BYON NAS, DA RES DGE BA'I BSHES GNYEN LA GSOL BA MI THEBS GSUNG PA LTAR DE NYID DU GSHEGS, DE NAS, BAS MTHA' RNAMS SU THUGS DAM GYI GTZO BO BYANG CHUB KYI SEMS GNYIS PO LA MDZAD CING, SHAR BA PA'I MDZAD PA BZHIN SDE SNOD DANG, GRUB MTHA'I DKA' GNAS DANG, LAM RIM GYI 'KHRID 'DEBS PAR MDZAD CING, RE RE GNYIS GNYIS LA BLO SBYONG LKOG CHOS SU MDZAD, LAN CIG BLO SBYONG GI CHOS 'DI TSOGS SU BSHAD PA'I 'OS MIN TE, SU LA PHAN DANG SU LA MI PHAN MI SHES BAR 'DUG GSUNGS NAS DON BDUN DUS BCAD MDZAD NAS YI GER BTAB PAS, DON BDUN MAR GRAGS, DE'I RJES SU MAL DROR BYON NAS 'CHAD KHA RNYING MA BTAB CING, SE SPYIL BU PA LA 'CHAD KHA GSAR MA 'DEBS PA'I LUNG BSTAN MDZAD, BSHES GNYEN 'DI NYID BKA' GDAMS GLEGS BAM LAS LUNG BSTAN TE, LUNG BSTAN LAS, KHYAD PAR DU THEG PA CHEN PO LA BLO SBYONG BA BOD KYI BYANG CHUB SEMS DPA'I YAB GCIG GIS YUL MAL DRO'I NANG DU BYON TE 'CHAD PA CHEN PO ZHIG GI STENG DU BLO SBYONG SGOM ZHING 'DE BZHIN DU BDAG CAG KYANG MI RTAG PA'I KHANG BUR YOD DE, RANG DBANG NI MED, CES SOGS GSAL BAR GSUNGS SO,, ` LUNG RTOGS
, ,MNGA' BDAG BYANG SEMS SPYIL BU BA NI, GNYAL STOD DAR MA SGANG DU 'KHRUNGS, GDUNG RUS SE, BLA MA SE BTZUN GYI SKU'I SKYE BA YIN CING, SLOB DPON PHYA BA'I DRUNG DU RAB BYUNG DANG BSNYEN RDZOGS ZHUS, MTSAN CHOS KYIS RGYAL MTSAN DU GSOL, 'CHAD KHA PA LA MANG DU BSTEN NAS YON TAN BUM PA GANG BYO'I TSUL DU THUGS SU CHUD, 'CHAD KHA PA CHEN POS LUNG BSTAN PA BZHIN 'CHAD KHA GSAR MA BTAB CING, KLUNGS SHOD DU SBYIL BU'I DGON BA BTAB STE RNAM G-YENG SPANGS NAS, STONG DU MKHAR GONG LA KHA DANG, SMAD DU NYUNG ZHING SMAD DU MTSAMS MTHO BRGYAB NAS LO BDUN DU MTSAMS MI 'DA' BAR MDZAD CING, SPYIL BUR GSHEGS NAS, SKU GDUNG LA DUNG G-YAS 'KHYIL SOGS RTEN NGO MTSAR CAN MANG DU BYON, 'DI NYID KYANG GLEGS BAM RIN PO CHE NAS GSAL BAR LUNG BSTAN TE, GLEGS BAM LAS, RE ZHIG SPYIL BU MDZAD NAS BZHUGS PAS, DGE SLONG DANG DGE TSUL GYI BYANG CHUB SEMS DPA' DU MA 'DUS TE, SENG LDENG NAGS KYI RI BO LA SENG LDENG NAGS KYI SGROL MAS BYIN GYIS BRLABS PA'I SKYES BU DAM PA GCIG DRUNG DU BSTEN PA LA, BYANG CHUB SEMS DPA' BA'I ZHAL NAS, KHYED SNGON BDAG CAG GI BLA MA RGYAL BA'I 'BYUNG GNAS KYI BLA MA SE BTZUN BYA BA ZHIG YOD, DE YIN PAR 'DUG ,DE'I RIGS SU'ANG GDA', DA KHYED RANG KLUNGS SHOD KYI NANG NI SPYIL BU BYA BA'I LUNG PA YOD, DE LHAS BYIN GYIS BRLABS PA'I YUL YIN DER SONG, KHYED LA SH'AKYA'I GDUNG
RIGS 'DZIN PA LHA'I LHA ZHIG NAS LNGA LAS MI NYUNG BAR 'BYUNG, ZHES GNAS DANG BCAS PA GSAL BAR LUNG BSTAN TO,, ` LHA LUNG GI DBANG PHYUG NI, PHO BRANG KHANG DMAR DU SKU 'KHRUNGS, DGUNG LO BRGYAD PA LA, PHA RI BA LA BSNYEN GNAS BZHES DE DUS SNE'U ZUR BA'I MTSAN THOS PA TZAM GYIS DAD PA 'KHRUNGS, DGE BSHES 'CHAD KHA BA'I SKU 'BAG CIG GZIGS PAS, 'DI JI LTAR BYA BA YIN BYAS PAS, 'CHAD KHA PA BYA BA YIN 'DAS ZER, DA LTA SE BZHUGS BYAS BAS DAD DE SO'I SPYAN SNGAR BYON, GRVA PA THAMS CAD KYIS SPYIL BU ZHIG BRTZIGS, SE'I ZHAL NAS DGE SLONG GYIS GSUNGS BAS, GLAN GYIS MKHAN PO, ZHANG GIS LAS SLOB, GNYAGS KYIS GSANG STON DZAD NAS BSNYEN PAR RDZOGS, KHA CHE PAn CHEN LA SOGS PA'I BLA MA MANG DU BSTON, RUG PAR SMAN BLA'I LHA TSOGS RNAMS ZHAL GZIGS, LHA SAR PO BO'I THUGS KA NAS 'OD 'PHROS KHONG GI THUGS KAR THIM PA'I SNANG BA BYUNG, SPYAN RAS GZIGS DPAL MO LUGS DE NAM 'DOD DU GZIGS, DE'I GNAD KYIS LHA KHU DBON ZHAL SPROD 'BRI BA'I DUS SU BCU GCIG ZHAL 'BRI BA'I SROL YANG DAR, BKA' 'GYUR RO 'TSAL GYI LUNG BZHUGS PAS LHA LUNG GI DBANG PHYUG CES GRAGS SHING LHA CHEN PO'ANG ZER, RANG LO BDUN BCU RTZA LNGA LA GSHEGS SO,, ` LHA 'GRO BA'I MGON PO NI, LHA JO 'BAG DANG, LHA 'BRI SGANG BA'I LCAM MO LHA GCIG 'DZAM GLING RGYAN GNYIS KYI SRAS SU 'KHRUNGS, BCU DRUG PA LA KHU BO'I DRUNG DU BYON CHOS
, ,MANG DU GSAN, MTSAN DBANG PHYUG 'OD, BKA' BDAMS GZHUNG BA'I BSHES GNYEN RNAMS GROS MDZAD NAS, PO TO SDE MA LAG DANG BCAS PA PHUL, KONG PO NAS RTA BAR, SBU CHU BYANG LUNG GSUM GYI SDE SUM CU TZAM GYI LDE MIG PHUL DVAGS PO BLA MDA', KAN NA MO SHOD KYIS THOG DRANGS SDE PA MI SDE DANG BCAS BA PHUL, GNYAL DU ZANGS PO CHE BAS GDAN DRANGS TE 'BUM MO CHE'I BA GNAS MDZAD, ZANGS PO CHE SDE MA LAG DANG BCAS PA PHUL NAS GTZUG LAG KHANG GI LDE MIG PHUL, RONG RTZE DKAR DU GDUNG KHANG CHEN MO'I RAB GNAS LA SPYAN DRANGS NAS SDE MA LAG DANG BCAS PA PHUL, DUS PHYIS KYANG ZANGS PO CHE DANG BRA GOR NA SPYIL BU PA'I CHOS RGYUD 'DZIN PA MANG DU BYUNG NGO, ,G-YE NA'ANG BU DAL LA SOGS PA NAS YON BDAG DANG BU SLOB MANG DU BYUNG, SPYIR YI DAM GYI LHA MANG PO'I ZHIL GZIGS KYANG GTZO BO MI G-YO BA DANG DBYER MED PA'I LHA STAG SHAM CAN DU GRAGS, YAR KLUNGS SU GONG PO RI LA SENG GE SGRA'I ZHAL GZIGS PO TO NA KHONG LA CHOS GSUNG BA'I THUB PA'I SKU GCIG KYANG BZHUGS, SPYIL BUR TSUL ZHUGS CIG GI STENG DU GNAS BRTAN BCU DRUG DNGOS SU BYON PAS, 'GRO BA'I MGON PO LA GNAS BRTAN BCU DRUG GIS BSKOR BA'I THANG SKU YANG MANG DU 'PHEL, DBYAR GNAS KYI TSE GNAS BRTAN BCU DRUG GI TSUL SHING RE YANG LEN, MANG JA'I DUS SU GNAS BRTAN GSOL 'DEBS KYANG BYED, LHA SAR JO BOS CHOS GSUNGS SHING RA SGRENG DU BYON PA'I TSE AA TI SHA YANG DNGOS SU BYON,
'DAM DU LHA MO CHE ZHIG LA GDON ZHUGS NAS SUS KYANG MA THON PA LA DER BYON NAS BGEGS SKROD MDZAD PAS LHA'I MCHAN KHUNG GNYIS NAS PHUG RON RE 'PHUR CING, DE GNYIS SPYANG KIR SONG BA KUN GYIS MTHONG BA BYUNG STE, DE NAS RAB GNAS LEGS 'GRO BA'I MGON PO 'PHAGS PA PHYIR THEGS DUS DGE BA'I BSHES GNYEN GZHAN RNAMS PHYIR LOG ,DGE BA'I BSHES GNYEN 'GRO MGON LA KHYED DANG 'BRAL MI PHOD PAR 'DUG LHAN CIG TU GSHEGS GSUNGS NAS SHA PHO SRANG BAR TSUN KHYON, MKHAS BTZUN DANG MI CHEN MANG PO'I DON MDZAD NAS, RANG LO DON BZHI PA SA MO LUG GI LO STON ZLA THA CHUNG GI NYER GCIG LA SPYIL BUR GSHEGS, GDUNG BZHU BAS LHA SKU LA SOGS PA'I RTEN MANG DU BYON PA LAS SPYIL BU'I NANG RTEN GSER SKU'I NANG DU SPYAN BZHUGS, THUGS 'CHAD KHA BAS GDAN DRANGS NAS NGO SGRA'I GDUNG KHANG NA BZHUGS, LJAGS SU GU DOR GDAN DRANGS NAS BYANG CHUB CHEN PO'I NANG NA BZHUGS, DUNG G-YAS 'KHYIL BZHI BYON PA LA GCIG RUG BA'I GSER SKUR BZHUGS, GCIG SPANG SA'I RTEN SKAL LA GDUNG KHANG NA BZHUGS NAS NGO SGRA NA YOD, GCIG DA LTA SPYIL BU'I RTEN LTAD STON PA LA BZHAG GO ,LHA KHU DPON SOGS BKA' GDAMS GLEGS BAM LAS GSAL BAR LUNG BSTAN PA NI, SE SBYIL BU PA LUNG BSTAN PA'I 'PHROS NAS, KHYED LA SH'AKYA'I GDUNG RIGS 'DZIN PA LHA'I LHA ZHIG NAS BZUNGS NAS LNGA LAS MI NYUNG BA'I 'BYUNG, ZHES SOGS GSAL BAR LUNG BSTON TO,, ` RNAM DAG TSUL
, ,KHRIMS NGAD LDANG ZANGS CHEN PA NI, GNYAL SMAD DU 'KHRUNGS, MTSAN SPONG ZHO DAR MA SENG GE ,LHA 'GRO BA'I MGON PO DANG, PAn CHEN SH'AKYA SHR'I GNYIS GNYAL DU PHEBS PA LA LAM RIM SOGS CHOS MANG DU GSAN, DGUNG LO BDUN CU RTZA LNGA'I BAR DU 'GRO DON MDZAD CING, SHA DUG GIS BSNYUNG BA LA, CHOS SKYONG TRAK SHAD KYIS BYA ROG TU SPRUL NAS AA RU RA RLON BA PHUL BA CUNG 'PHYIS NAS SPUR MCHOD RTAN NA BZHUGS PA'I DRUNG NA BZHAG SKAD, 'DI LA SLOB MA'I THU BO BZHI BYUNG BA NI, MTSO SNA BA, RTZE DKAR BA, DAR MA SKANG PA, BYAR KHANG PA STE ZANGS CHEN PO'I BU BZHIR GRAGS SO,, ` 'DUL BA 'BUM SDE'I MNGA' BDAG MTSO SNA BA NI, 'KHRUNGS YUL MTSO SNA, MTSAN SHES RAB BZANG PO, ZANGS CHEN BA LA GTUGS NAS DAM BA'I CHOS 'DUL BA DANG, SPYOD 'JUG SOGS SDE SNOD LA LEGS PAR SBYANGS TE, 'DUL BA'I t'AKKI TSIG DON ZHIB TU 'CHAD PA MCHAN DANG BCAS PA CIG MDZAD PA, MKHA' 'GRO MA RNAM KYIS THUGS RTZOM MDZAD TSAR RIN GYIS AU RGYAN DU SPYAN DRANGS BAS, SLAR YANG THUGS RTZOM MDZAD DGOS BYUNG BA'I LO RGYUS 'DUG CING, ZANGS CHEN PA MTSO PA LA THUGS LA SHIN TU 'DOGS PA LA, CHEN PO BYAR KHANG PHRAG DOG STE, LCAGS KYI MGU TSE ZHIG SA LA RDEB CING 'DI LA GRI GCIG BCOS NAS LHO MON GCIG GNYIS SHIG GSONG DGOS ZHES GLENG BAS, MCHOD SNA BA THUGS PHYUNG, ZANGS PO CHE'I RGYA SGO LA BLO SBYONG TSIG BRGYAD MA'I SMON LAM BRIS TE GLAN, MTSAN
MO BROS NAS PHEBS NAS, BRA GOR SOGS SU 'PHRIN LAS BSKYANGS SO,, ` CHOS MNGON RGYA MTSO'I MTHAR SON MON GRA PA TSUL KHRIMS BKRA SHIS NI, MTSO SNA PAS BRA GOR GDAN SAR BZHUGS ZHES YANG YANG GSUNGS KYANG, BDAG LTA BUS BLA MA'I GDAN SA 'DZIN BA GA LA 'ONG ZHES ZHUS KYANG, MTSO SNA PA SKU MYA NGAN 'DA' KHAR GSUNG GI THA MAR MON GRA PA LA GDAN SA MDZOD CES GSUNGS NAS MYA NGAN LAS 'DAS SO,, ` MKHAN CHEN MON GRA BA'I SLOB MA MKHAN CHEN CHOS SKYABS BZANG PO NI, BYIS PA CHUNG DU'I SKABS SU YAB KYIS RGYAB LA BSNAMS NAS MTSO SNA PA GSUNG CHOS 'CHAD SAR BYON BAS, RLUNG PO GLO BUR DU LANGS NAS MTSO SNA BA'I SKU CHOS, BYIS BA CHUNG NGU DE LA BKAB BAS CHOS GOS KYIS SKYABS BAS, CHOS SKYABS BZANG POR MTSAN BTAGS, 'DI LA RJE BTZUN BLA MA TZONG KHA PA CHEN POS, PO TO BA NAS DOL BA LA BRGYUD PA DANG, BO TO BA NAS SHAR BA BA LA BRGYUD PA'I LAM RIM STE BKA' GDAMS GZHUNG BA'I CHOS SKOR RNAMS LEGS PAR GSAN NO,, ` DGE BSHES STON PA NAS SPYAN SNGA TSUL KHRIMS 'BAR LA BRGYUD PA'I BKA' BDAMS MAN NGAG BA'I BLA MA RNAMS KYI RNAM BAR THAR PA NI, SPYAN SNGA BA NI SKU TSE SNGON MA SUM CU RTZA GSUM DU LHA'I BU NOR BU DRI MA MED PA'I TOG CES BAR SKU SKYE BA BZHES, DE NAS 'DIR NYAN GYI SNANG RA SGANG DU SKU 'KHRUNGS, BYIS PA'I DUS SU YUM GYIS PANG DU KHYER NAS, SLOB DPON GRONG 'DUL BA ZHIG LA PHUNG PO LNGA'I BAR BYED GSAN PAS PHUNG PO 'DI
, ,LNGAR 'BYED TSOD KYIS MTHAR STONG PA NYID DU 'DUG SNYAM STE BDAG MED PA'I LTA BA RANG 'KHRUNGS SU BYUNG, YANG LAN GCIG RA LUG 'TSOR RI ZHIG GI RTZE 'BYON BAS, DA STE LO BRGYA THAM BA NA 'DI NAS MTHONG BA'I MI THAMS CAD 'CHI BA YIN DGONGS MI RTAG BA RANG 'KHRUNGS SU BYUNG, DE NAS STONG LUNGS TSE THOG DGON BAR SLOB GNYER LA 'BYON PA'I ZHOR LA, JO BO SNYE'I NA MO CHER BZHUGS BA DANG MJAL SEMS BSKYED GSUNG BA GSAN, SA SKRi TA'I SKAD DU BKRA SHIS KYI TSIGS BCAD MANG PO MDZAD GSER GLING PA'I BUM BA PADMA'I MCHU CAN GNANG NAS NGA'I CHOS RGYUD 'DZIN BA CIG 'ONG GSUNGS, DE NAS LAN TSA RAB DANG RUG BAR SDE SNOD KYI GSAN SBYONG MANG DU MDZAD CING, RGYA GAR CHOS KYI 'BYUNG KHUNGS YIN PAS, DER 'BYON DGONGS TE SKAD DOD MANG DU BSLABS TE RGYA YIG RANG YANG MI 'DRA BA BDUN TZAM MKHYEN BAS SPYAN SNGA PAndI TA ZER, DE NAS YUM GYIS KHRID NAS RA SGRENG DU PHEBS TE DGE BSHES STON BA DANG MJAL BAS, SPYAN SNGA'I ZHAL NAS, NGA'I MA DE RANG BZHIN GYI RNAL 'BYOR MA ZHIG YIN PAR 'DUS GSUNG, DE NAS LAM RIM GYI 'KHRID GSAN BA LA JI LTAR GSUNG BA BZHIN THUGS RGYUD LA 'KHRUNGS SHING, YONGS RDZOGS RNAL 'BYOR CHEN PO'I ZHAL NAS, DGE BSHES STON BAS THUGS LA 'DOGS PAS GSANG SNGAGS KYI CHOS ZHUS NA 'ONG GSUNGS PAS, GSANG SNGAGS KYI CHOS SKOR RNAMS ZHUS BAS MA LUS BA GNANG ZHING, GSANG SNGAGS LA PHAN YON CHE ZER PA RNAMS LA BSNYEN PA
TSAD THUB MA BSKYAL BA MED CING LAS TSOGS RNAMS LA'ANG NYAMS SU MA BLANGS BA MED, CHOS SKYONG RNAMS KYIS KYANG TSUR 'CHANG BYAS BA YIN, NANG GCIG BCOM LDAN 'DAS GANG GYI DBANG PHYUG GIS SKU KHRUS GSOL BAS MI GTZANG BA THAMS CAD SANGS KYIS DAG ,LAN GCIG RANG NYID MI G-YO BAR GZIGS SHING 'PHRIN LAS BZHI LA MNGA' BRNYES PAS, MNGON SHES RDZU 'PHRUL RJE BTZUN MID LA DANG MTSUNGS PA THOB, DE NAS LO DGON PA 'DEBS PAR MDZAD CING, GTZUG LAG KHANG GI RTZIG PHRENG RE RE LA RAB GNAS LAN RE MDZAD CING, DE LTAR DU SLOB DPON N'A GA BO DHIS KYANG MDZAD BAS BYIN RLABS SHIN TU CHE BA YIN GSUNG, DGE BSHES BYA YUL BA CHEN POS, SPYAN SNGA LA, SLOB DPON N'A GA BO DHI'I ZHAL GZIGS ZER BA BDEN NAM ZHUS PAS, ZHAL MTHONG CHOS THOS, KHYED RANG YANG GSOL BA THOB DANG BYIN GYIS RLOB PA YIN GSUNGS, DE NAS BYA YUL BA LA RI BYA YUL YUL BA PHA GI'I THAD DU GTZUG LAG KHANG BZHENGS GSUNGS NAS LUNG BSTAN CING, DER ZHABS RJES KYANG BYON, DE NAS DGUNG LO DON GCIG LA ZHI BAR GSHEGS SHING, SBUR ZHUGS LA PHUL BAS THUGS NAM MKHA' LA BYON NAS BYA YUL BA CHEN PO'I SKU BANG DU BYON PAS THUGS KYI GTOD SANG RANG YIN SNYAM BA DGONGS PA BYUNG, SLOB MA CHE BA YANG, STOD LUNG BA CHEN PO, BYA YUL BA CHEN PO, SMYUG RUM PA CHEN PO SOGS MANG DU BYON NO,, ` BSHES GNYEN TSUL BZHIN BSTEN MDZAD GZHON NU 'OD NI, STON
, ,LUNG DU 'KHRUNGS, DGE BA'I BSHES GNYEN STOD LUNG PA LO LNGA BSTEN, BSLAB BTUS SPYOD 'JUG SOGS GZHUNG BZANG BA SHES BAR BSLABS, LAN CIG STOD LUNG PAS, SPYAN SNGA PHYOR BA NA BZHUGS PA MJAL BAR PHEBS PA'I PHYAG PHYIR PHEBS PAS, SPYAN SNGA'I ZHAL NAS, STOD LUNG BA LA JO BO STON PA RE SKYID 'KHOR 'DI LTA BU YOD PA ZHES YANG YANG GSUNGS BAS, DGE BA'I BSHES GNYEN BZHED NA 'BUL ZHUS PAS, JO BO STON PAS 'BUL PHOD DAM GSUNGS, MNYES PAR BYUNG SNYAM NAS DAR YUG GCIG KHA TAGS NAS PHUL BAS, SPYAN SNGA MNYES BA'I GSUNG YANG YANG BYON, LAN CIG STOD LUNG BAS SPYAN SNGA BA MJAL DU BYON TZAN, BTZUN CHUNG 'DI JI 'DRA ZHUS PAS, BYA YUL BA SGOR BZHUNG BA DANG, BTZUN CHUNG 'DI'I DBANG DU BGYIS NA, DAD BA NGA BAS CHE, SHES RAB NGA BAS CHE, BRTZON 'GRUS NGA BAS CHE, SNYING RJE NGA BAS CHE, NAM MKHA' LA MDUNG SKOR GSUNG, CHOS GSUNGS TSAD THAMS CAD KYI RTZAR 'JOG ,MI GZHAN GYI BSAMS PA LA, SPYAN SNGA'I ZHABS TOG KHO NA LA 'KHOL BAS CHOS SHES BA CANG 'ONG NGAM ZER BA LA, BYA YUL BA'I ZHAL NAS, NGA'I RNA BA'I LAM DU BYUNG BAS CHOG BA YIN GSUNG, NANG GCIG THAL BA 'BOD DU BYON PAS, SKAS GDANG GSUM BA'I KHAR PHEBS BA'I TSE, BKA' SDE SNOD KYI DON MA LUS BAR THUGS LA LAM GYIS SHAR BYUNG BAS BLA MA'I ZHABS TOG 'DI LA YID CHES BA YIN TE, SKYID SMAD PA'I DGE
BSHES 'DI RNAMS BLA MA'I ZHABS TOG LA MI 'BAD BAR THOS PA KHO NA LA 'BAD PA 'DI NOR BA YIN BYA BA YANG GSUNGS, SPYAN SNGA GSHEGS NAS, PHU CHUNG BA DANG, PO TO BA LA GSER SRANG RE RE BSKYAL, PHU CHUNG DU BYON DUS MI G-YO BA'I ZHAL GZIGS, GZHAN YANG MGON PO GRI GUG ,THUGS RJE CHEN PO'I RIGS DPAG TU MED PA DANG, SANGS RGYAS BYANG SEMS DPAG TU MED PA'I ZHAL GZIGS, LAN CIG SLOB DPON KLU BYANG GI ZHAL GZIGS SHING CHOS GSUNGS, NANG DU BYON NAS MCHOD PA PHUL GSOL BA BTAB PAS MKHA' 'GRO MA MANG PO GAR BYED CING BYUNG BA ZHAL GZIGS, LAN CIG DVAGS PO LHA RJE PHEBS PAR CHOS KYI GSUNG GLENG MANG DU MDZAD, DGE BSHES SHAR BA PA KUN GZHAN SUS KYANG THUGS MI KHENGS PA CIG YIN KYANG BYA YUL BA DE'I THUGS SUS KYANG MI DPOGS BA CIG SNANG GSUNG, GZHAN YANG BYA YUL, KLUNGS SHOD, MAL DRO GSUM DU DUS GCIG LA GRAL DBU MDZAD BA DANG, MDO SMAD DU NGANG TSANG BA'I GTZUG LAG KHANG DANG, DVAGS BO SHA BA GLING BA'I MCHOD RTEN LA PHYAG NAS ZHUS PAS, DUS TSOD CHES GRANGS 'DI TZAM LA MCHOD BA SHOMS GSUNGS NAS, BYA YUL GYI GZIMS CHUNG STENG NAS PHYAG NAS GTOR BAS, KUN GYIS MTHONG BAR GTZUG LAG KHANG DANG MCHOD RTEN STENG DU PHYAG NAS BABS PAS DE NAS SPRUL SKUR GRAGS, DE NAS DGUNG LO RE BZHI LA GSHEGS SHING SBUR SBYANGS PAS, DU BAS GAR KHYAB TU RING BSREL BYUNG BA DANG
, ,DUNG G-YAS 'KHYIL, RNAM RGYAL MCHOD RTEN, SGROL MA RNAMS BYON CING, SLOB MA NYIS STONG LNGA BRGYA 'DUS SO,, ` THEG MCHOG LAM GYIS RGYUD SBYANGS DGYER SGOM ZHABS NI, BRAM ZE DGYER LHA SNANG GI RIGS SU SNON GYI MDAR 'KHRUNGS, MTSAN GZHON NU GRAGS, THOG MAR GLANG RI THANG BA'I PHYAG PHYIR BYON TE, KHONG GI ZHAR CHOS PA CIG LA 'DUL BA GSAN, DE NAS BYA YUL PA'I DRUNG DU BYON PAS, BYA YUL PA'I ZHAL NAS NGA'I SKYE BA SNGA MA'I BLA MA ZHIG YIN BAR 'DUG GSUNGS NAS DGYES DGYES CI YANG MDZAD, DE NAS SNE'U ZUR DU PHEBS PAS THOG MAR DMIGS PA SKOR GSUM DANG, KHA 'BAR MA'I GTOR MA'I LUNG GNANG, TSOGS SU KHYED RNAMS KHO LA MA 'GRAN PAR DGE SBYOR BYED CHUG GSUNGS NAS, SU DANG YANG MI MNYAM PAR MDZAD, GSHIN RJE'I GSHED, MI G-YO BA, SH'AKYA'I RGYAL PO, SMAN BLA, THUGS RJE CHEN PO, SGROL MA SOGS ZHAL GZIGS RDZU 'PHRUL YANG DPAG TU MED BA BRNYES SHING, RGYA MA RIN CHEN SGANG GI GTZUG LAG KHANG GI DGON PA 'DEBS PAR MDZAD CING, 'GRO BA'I DON DPAG TU MED PA MDZAD NAS, DGUNG LO BRGYAD CU RTZA GNYIS LA RIN CHEN SGANG DU MYA NGAN 'DAS PA'I TSUL BSTAN TO,, ` RMAD BYUNG YON RTAN MDZOD 'DZIN SANGS RGYAS DPON STON NI, SNON DU DGYIR SGOM CHEN PO'I DBON POR 'KHRUNGS, ZHABS LA 'KHOR LO, PHYAG LA K'A LI'I RI MO DANG SMIN MTSAMS NA MDZOD SPU G-YAS
'KHYIL YOD PA, 'JAM DPAL RTZA RGYUD DANG MDO NAS LUNG BSTAN BA YOD PAR 'DUG CING, BYANG CHUB SEMS DPA' SKAL LDAN SHING RTA NYID YIN TE, PAn CHEN SH'AKYA SHR'I'I GCUNG PO LA, SING+GHA LA'I DGRA BCOM PAS, KHYOD KYI PHU BO DE BOD LA 'GRO BA 'DUG PAS, ME TOG BZHI BSKUR NAS, GCIG KLU SGRUB KYI SKYE BA ZHIG YOD DE LA SPROD, GCIG RANG NA KU tI BYA BA NA, BYANG CHUB SEMS DPA' SKAL LDAN SHING RTA'I SKYE BA ZHIG YOD PA DE LA SPROD, GCIG DVI BHA GI ZHIG YOD DE LA SPROD, GCIG DES LHA ZHIG BZHENGS PA DE'I THUGS KAR ZHOG GSUNG BA, BYANG CHUB SEMS DPA' SKAL LDAN SHING RTA'I SKYE BA RGYA MA SANGS RGYAS DBON LA GNANG, BYA YUL BA CHEN PO YIN PAR GRAGS PAS YIN LAGS SAM ZHUS PAS, BYA YUL GYI BAG CHAGS CHE, DE'I ZHAD DU GDA' GSUNG, MI G-YO BA, SGROL MA, GSHIN RJE'I GSHED, RTA MGRIN, SLOB DPON KLU'I BYANG CHUB SOGS KYI ZHAL GZIGS SHING, PHYOGS BCU'I SANGS RGYAS THAMS CAD KYIS 'OD ZER CHEN POS DBANG BSKUR CING, SANGS RGYAS DNGOS YIN BA'I RNAM THAR NGO MTSAR BA MANG YANG YI GE MANGS PAS 'JIGS NAS BRIR MA LANG, SANGS RGYAS DBON STON LA, MKHAN CHEN NAM MKHA' RGYAL PO, DE LA MKHAN CHEN SENG GE BZANG PO, DE LA MKHAN CHEN RGYAL SRAS BZANG PO, DE LA LHO BRAG GRUB CHEN NAM MKHA' RGYAL MTSAN, DE LA RJE BDAG NYID CHEN POS, SPYAN SNGA NAS BRGYUD PA'I LAM GYI RIM PA RNAMS LEGS
, ,BAR GSAN TO,, ` RJE BDAG NYID CHEN PO NI, 'KHRUNGS YUL, BLA MA RTOGS LDAN PA'I ZHAL NAS, RJE RIN PO CHE 'KHRUNGS YUL TZONG KHA'I LUNG LAG CIG YIN GSUNG, LHUMS SU 'JUG PA LA NYE BA NA, YAB KYI MNAL LAM DU, RGYA NAG RI BO RTZE LNGA NAS 'ONGS ZER BA'I BTZUN PA ME TOG GI 'PHRENG BA DU MA SBREL BA'I CHOS GOS DANG, SUM CU RTZA GSUM GYI SHING LO YIN ZER BA DAR SER PO 'DRA BA'I SHAM THABS CAN PU TI KHYER BA ZHIG BYUNG NAS, NGA KHYED LA GNAS SHIG G-YOR BA YIN ZER NAS MCHOD KHANG ZHIG YOD PA'I NANG DU SONG BA'I SNANG BA BYUNG, YUM GYI MNAL LAM DU YANG ME TOG GI THANG CHEN PO ZHIG TU BUD MED STONG PHRAG TZAM GRAL BYAS PA'I NANG NA KHONG RANG YANG BSDAD PAR, SHAR NAS KHYE'U DKAR PO DUM BA 'DZIN PA CIG DANG, NUB NAS BU MO DMAR MO RMA BYA'I SGRO MDONGS SDER MA TZAM YOD BA CIG LAG PA G-YAS NA BZUNGS, ME LONG CHEN PO ZHIG G-YON NA BZUNGS NAS BYUNG BAS, DE GNYIS GROS BYAS TE BUD MED THAMS CAD LA 'DIS RUNG NGAM 'DIS RUNG NGAM ZHES KHYE'U BU MO DE LA 'DRI ZHING BU MO DES GZHAN RNAMS RE RE LA SKYON RE BTAGS NAS, YUM LA 'DZUB MO BTZUGS NAS 'DIS RUNG NGAM ZHES 'DRI BA LA, BUD MED NGES 'DZUM BYAS NAS RUNG ZER BAS, 'O NA KHYED KHRUS GYIS ZER NAS, JI LTAR BLTAMS PA LA SOGS PA DBYANGS DANG BCAS PAS KHRUS BYAS PAS, LUS KYI DRI MA DAG NAS BDE SANGS SANGS PA'I SNANG BA
ZHIG BYUNG BA DANG, GNYID SAD NAS LUS YANG BA DANG SEMS BDE BA LA SOGS PA'I DGE MTSAN DU MA BYUNG STE, GANG GI RTAGS YIN NAM SNYAM NAS THE TSOM DU GYUR GSUNG, DUS DE NAS BZUNGS TE KHYIM MTSES DANG YUL MI RNAMS KYI RMI LAM DU'ANG, DGE 'DUN MANG POS JO BO RIN PO CHE DBUS NAS GDAN DRANGS BYUNG BA DANG, NYI ZLA SKAR GSUM DUS GCIG LA SHAR BA DANG, NYIN PAR YANG ME TOG GI CHAR SBOS KYI DRI, NAM MKHA' LA ROL MO'I SGRA DANG, SA G-YO BA LA SOGS PA NGO MTSAR BA'I LTAS, YUL DER MTHUN SNANG DU GRUB BA DU MA BYUNG BA NI MDO DBUS THAMS CAD DU GRAGS PA YIN NO, ,DE NAS BYA LO ZLA BA DANG PO'I TSES BCU'I NUB MO YUM GYI MNAL LAM DU DGE 'DUN LA SOGS PA'I PHO MO BSAM GYIS MI KHYAB BAS RGYAL MTSAN DANG RNGA BO CHE LA SOGS PA ROL MO'I BYE BRAG MTHA' YAS BA BZUNGS TE, SPYAN RAS GZIGS 'BYON PA LA BSU BA BYED ZER KYIN 'DUG PAS PHYOGS KUN TU NGAS BLTAS KYANG MA MTHONG NGO, ,RJES LA BLTAS PAS SPRIN GYI THAD TZAM DU GSER SKU RI BO TZAM PA CIG 'OD ZER NYI MA LTAR PHYOGS THAMS CAD DU 'PHRO BA DANG, CHOS KYI SGRA DBYANGS DANG BCAS PA CIG ,LHA'I BU DANG BU MO YIN ZER BA'I CHA LUGS PHUN SUM TSOGS PA DANG LDAN PA DU MAS BSKOR BA ZHIG MAR MAR BABS BYUNG BAS GSER SKU DE JE CHUNG JE CHUNG LA SONG, SPYI GTZUG GI THANG TZAM DU SLEBS PA'I TSE MTHO GANG TZAM PA SHIN TU MDZES PAR GYUR NAS YUM LA THIM, DE'I 'KHOR RNAMS DANG BSU
, ,MI RNAMS KYANG RANG LA THIM PAR MTHONG BAS RANG LA PHYAG DANG SKOR BA DANG MCHOD PA BKRA SHIS BRJOD BA SOGS RMIS PAS PHYI DE'I NYIN BAR NAS RIG PA GSAL BA SKYED SNANG CHE BA, DE PHYIN MA BRTAGS MA DPYAD BA'I DUS NA'ANG, NGA YI LUS 'DI LA BRNYAS MI RUNG SNYAMS NAS GCES SPRAS DANG GTZANG SBRA LA BRTZON PA SOGS RANG SHUGS KYIS BYUNG 'DUG ,YAB KYI MNAL LAM DU LCANG LO CAN NAS PHYAG NA RDO RJES 'PHANGS SAM SNYAM PA'I GSER GYI RDO RJE 'BAR BA GCIG YUM LA THIM BA RMIS PAS BU STOBS LDAN CIG SKYE BA YIN NAM ZHES GLENG NGO, ,SKU BLTAMS PA'I DUS LA BAB PA'I TSE YUM GYI MNAL LAM DU, DGE 'DUN LA SOGS PA'I KHROM CHEN POS MCHOD PA RNAM LNGA KHYER NAS MCHOD KHANG MJAL ZER, DE GANG NA YOD DRIS BAS SNGAR GYI KHYI'U DKAR PO DES CHU SHEL GYI LDE MIG GCIG BZUNGS NAS 'DI NA YOD ZER CING RANG GI BRANG NA SGO CHUNG SER PO ZHIG 'DUG PA PHYE BA'I NANG NAS SNGAR LUS LA THIM PA'I GSER SKU DE BTON NAS, DRI MAS CUNG ZAD NOGS PA LA, SNGAR GYI BU MO DE BYUNG NAS DE LA BUM CHUS KHRUS BYAS, RMA BYA'I SGROS BYA BAS RGYA GAR GYI SKAD YIN NAM SNYAM PA'I DAR DIR MANG PO DBYANGS SU LEN CING, LHA DE LA MCHOD BA 'BUL GYIN 'DUG BA'I SNANG BA BYUNG BA DANG GNYID SAD NAS THO RANGS KYI CHA SKAR CHEN SHAR BA DANG STABS GCIG BDE BAR 'KHRUNGS, DE NAS DPAL RDO RJE 'JIGS BYED CHEN PO'I GRUB THOB CHOS RJE DON GRUB RIN CHEN BAS SNGA GONG NAS
LUNG BSTAN YOD PA LTAR BDAG GIR MDZAD NAS BSTAN BA'I RTZA BA SO SOR THAR PA, RDO RJE THEG PA'I LAM DU SMIN PAR MDZAD CING BSNYEN SGRUB BDAG 'JUG SOGS LA BRTZON PAR MDZAD, DE NAS MKHAN PO DE NYID KYIS THUGS GNYER LA RDZONG BA MDZAD PA, DBUS GTZANG DU GSAN SBYONG GRVA SKOR, BYA BRAL LA PHEBS NAS, BLA MA DANG LHA TSOGS MANG PO'I ZHAL GZIGS PA DANG, LHA SA SMON LAM CHEN MO 'DZUGS PAR MDZAD PA, DGA' LDAN RNAM PAR RGYAL BA'I DGON PA 'DEBS BA LA SOGS PA'I MDZAD PA RNAMS 'DIR YI GE MNGAS BAS 'DZIGS PAS MKHAS GRUB RIN PO CHES MDZAD PA'I RNAM THAR THUN MONG BA DANG THUN MONG MA YIN PA LAS SHES PAR BYA ZHING, MDOR NA BKA' GDAMS GLEGS BAM LAS NI BKA' GDAMS SU KHAS MI LEN PAR DON BKA' GDAMS SU MDZAD DE, DE DAG NI GZHUNG BA'I RNAM GRANGS YIN GSUNGS PAS, JO BO SPYAN HRIG HRIG MDZAD CING, AA TI AA TI PHA LA PHA LA ZHES SOGS KYANG RJE'I LUNG BSTAN YIN PAR MDZAD CING, DPAL YID BZANG RTZE BA'I ZHAL NAS, DE'I DUS SA CHEN PO 'DI RJE BTZUN TZONG KHA PA'I GDUGS DKAR PO GCIG GIS KHYAB PAR BYAS NAS YOD BA YIN ZHES GSUNG ZHING, LHO BRAG GRUB CHEN LA PHYAG NA RDO RJES KHO BO LAG NA RDO RJES KYANG 'DI'I YON TAN GYI MTHA' RTOGS PAR MI NUS SO, ZHES GSUNGS PAS SHES SO, ,DES NA RJE RIN PO CHE LA SLOB MA NAM MKHA'I SKAR TSOGS TZAM BYUNG BAS DE DANG MTHUN PA'I BRGYUD PA'ANG DE LTAR BYUNG
, ,MOD, 'ON KYANG DBEN SA BKA' RGYUD PA RNAMS KYI LAM RIM GSOL 'DEBS KYI RIM PA LA, DMIGS BRTZE MA'I MJUG TU RJE BTZUN 'JAM PA'I DBYANGS KYI BKA' SGRUB BA ZHES SOGS BLA MA RTOGS LDAN PA, DE RJES DGE LEGS RAB DKAR SOGS MKHAS GRUB RIN CHE PO, DE RJES RAB 'BYAMS CHOS KYI DGONGS DON 'BYED PA LA, ZHES SOGS BA SO RJE DANG, RGYAL BA KUN GYIS GSUNGS PA'I CHOS RNAMS KYI, ZHES SOGS GRUB CHEN CHOS RDO RJE DANG, DPAL LDAN BLA MA BDE CHEN SOGS, RGYAL BA BLO BZANG DON GRUB, SNGON TSE THUGS BSKYED CES SOGS RJE SANGS RGYAS YE SHES KYI BAR RIM PA LTAR KHRID RGYUN YIN NA'ANG, SRAS KYI THU BO GNYIS LA SOGS PA NAS KYANG LUNG GI BRGYUD TSUL YOD CING GAL CHE BAS MDOR BSDUS TZAM BRJOD NA,, ` RGYAL TSAB RIN PO CHE NI, 'KHRUNGS YUL NYANG STOD RI NANG GNAS RNYING GI STONG DPON CIG GI SRAS YIN CING, GNAS RNYING DU RAB TU BYUNG STE GZHON NU NYID NAS RIGS PA'I GNAS LA SBYANGS, STOD 'DUL BA'I MKHAN RGYUD LAS BSNYEN PAR RDZOGS, RJE BTZUN RED MDA' PA CHEN PO'I ZHABS LA GTUGS SHING, RED MDA' BA'I SLOB MA RAB 'BYAMS BKA' LA MKHAS PA'I BSHES GNYEN BDUN GYI NANG NAS RTZOD PA MCHOG TU GYUR BAR GRAGS, RTZES THANG GI GRVA SKOR GRUB NAS, RJE RIN PO CHE DE NYID SNYAN PA CHE BAS GNYAL STOD RA GRONG NA BZHUGS PA'I TSE MJAL DU PHEBS, THOG MAR DRI BA MANG DU MDZAD
PAS, RJE 'DIS RTOGS LDAN LA SKYE BA'I DOGS PA 'DRA BSLANGS BA LA, LAN GYI SPOBS BA MA BYUNG BAS, CHOS KYI GRAGS PA'I RIGS LAM LA BRTEN NAS GSUNG RAB THAMS CAD THAR 'DOD RNAMS LA MED MI RUNG DU NYAMS SU LAN BA'I GDAMS PA'I GNAD LUNG DANG BCAS BA THOGS GCIG GSUNGS BAS, DE MA THAG DBANG RNON CHOS KYI SPYAN LDAN DES THUGS KYIS TSUD NAS RANGS PA'I BDE BA DANG, 'DI NI THAMS CAD MKHYEN BA RGYAL BA'I DAM CHOS MA LUS PA CIG CAR STON BA'I SMON LAM RLABS BO CHE GRUB PA CIG KHO NA'O SNYAM PA'I DAD BA DRAG PO MNAN PAS MI NON PA GNYIS MNYAM DU 'KHRUNGS SHING, ZHABS LA GTUGS PA'I PHYAG MANG DU MDZAD, BDAG BLA MA RJE BTZUN BA LA GNANG BA THOB NAS, RJE NYID ZHABS BRTAN GYI BAR SKU DANG GRIB MA BZHIN DU ZHABS 'BRING DU 'BRANG BAS THUGS RJES GZUNG 'TSAL CES DANG BA'I NGA RO DANG BCAS ZHU BA PHUL BAS, RJE NYID KYIS KYANG ZHAL GYIS BZHES SHING, RJE RIN PO CHE ZHING BRJES NAS RGYAL TSAB TU PHEBS BAS RGYAL TSAB RIN PO CHE ZHES GRAGS LA, RIGS LDAN PADMA DKAR PO'I SPRUL PAR GSUNGS SO,, ` 'DUL 'DZIN GRAGS BA RGYAL MTSAN NI, SNGON BRAM ZE'I KHYI'U GO 'PHANG BYA BAR 'KHRUNGS PA'I TSE, SANGS RGYAS LOG PAR DAD SEL GYI SPRUL BA RANG SANGS RGYAS CIG LA BSOD SNYOMS PHUL NAS SKYE BA THAMS CAD DU RGYAL BA KUN GYI DAM PA'I CHOS MA LUS BA 'DZIN PA'I SMON LAM BTAB, DE NAS SUM CU RTZA GSUM DU LHA'I BU ZHI BA'I TOG TU 'KHRUNGS, DE NAS
, ,'DIR 'KHRUNGS SHING, SLOB DPON YON TAN 'OD DANG, GTZANG PA RGYA RAS DANG THUGS RGYUD GCIG ,STON PA 'JIG RTEN DU PHEBS DUS DGE SLONG 'DUL BA'I TOG CES PAR GYUR TO,, ` BLA MA RTOGS LDAN 'JAM DPAL RGYA MTSO NI, MDO SMAD TZONG KHA'I MTHIL DU 'KHRUNGS, RJE RIN PO CHE TZONG KHA'I LUNG LAG CIG TU 'KHRUNGS PA YIN GSUNG ZHING, GZHON NU NYID NAS DAM PA'I CHOS KYI BAG CHAGS SHIN TU BRTAS PAS, DE SKABS NAS ZLA BA SGRON MA'I MDO THUGS LA BZUNGS NAS RGYUN DU ZHAL 'DON MDZAD, DE NAS BLA MA ZHO LUNG MTSO KHA BA'I DRUNG DU BYON NAS SBYOR DRUG GSAN CING RJE RIN PO CHE BDE BA CAN DU RGYUD BLA MA GSUNG BAR 'DUG ZER BA GSAN PAS, DER PHEBS NAS GSAN PAS LEGS PAR DGONGS PA BYUNG, DE NAS SNGAR GYI KHRID KYI RGYUN SKYONG DGONGS PA LA, RJE RIN PO CHES TSAD MA NYON GSUNGS PAS GSANG PHUR PHEBS NAS TSAD MA LA SBYANGS NAS GRVA SKOR YANG MDZAD, DE NAS BLA MA DAM PA'I SLOB MA YON TAN BZANG PO'I DRUNG DU PHEBS NAS LAM 'BRAS GSAN NAS BSGOMS PAS RLUNG BUM PA CAN JI LTAR GSUNGS PA BZHIN TSAD LA PHEBS, DROD KYANG SKYES PAS GOS GCIG GIS CHOG PA BYUNG, PHYIS NI RJE BTZUN 'JAM PA'I DBYANGS KYI SKU GSUNG THUGS KYI SNANG BA NAM 'DOD DU GZIGS CHOG PA CIG BYUNG ZHING, DA STE SE MO DO 'AM KHA CHE'I YAN LAG GANDHO LA'I SGRUB GNAS SU PHYIN LA TSE DANG SGRUB PA SNYOMS PA LA GTANG DGOS DGONGS PA YOD KYANG
RJE BTZUN 'JAM PA'I DBYANGS KYIS, RJE RIN PO CHE LA NYAN BSHAD LAS BYA BRAL GYIS GSUNG BA BYUNG NAS, BYA BRAL LA PHEBS PA'I THUGS THAG BCAD PAS, BLA MA RTOGS LDAN PA'I DGONGS PA LA, RJE RIN PO CHE BYA BRAL MDZAD NA DE'I PHYAG PHYIR 'BRANG DGOS, DE LAS LHAG PA RANG MI 'ONG SNYAM NAS MJAL DU BYON NAS LO RGYUS ZHUS PAS, RJE'I ZHAL NAS NGED KYANG SGRUB PA BYED LAM 'BRAS KYI CHA LAG LHAG MA RNAMS ZHUS LAS SHOG ,GSUNGS PAS DE LTAR MDZAD NAS BYON, DE NAS 'OL KHA CHOS LUNG DU, RJE DANG BLA MA 'JAM DKAR BA GNYIS MA GTOGS GZHAN THAMS CAD KYIS BCUD LEN BYAS PA LA, GZHAN RNAMS LA RIL BU BRGYAD CU TZAM RE DGOS PAR 'DUG KYANG BLA MA 'DI LA SUM CU TZAM RES CHOG PAR BYUNG, TSUL KHRIMS LA GUS PAS RIL BU'I RTA SING POS BYED PAR 'DUG STE CHUL BYAS GSUNG, RJE'I SKU MDUN DU GSHIBS PA'I BSHES GNYEN CI RIGS LA'ANG SNGA BAN TSO GSUNG GIN BKA' BKYON, KHO TSO SHES RAB CHE STE NGA DAD PA CHE GSUNG, RJE BTZUN 'JAM PA'I DBYANGS LA NAM 'DOD DU MJAL NAS THUGS KYI THE TSOM THAMS CAD BCAD CHOG ,RJE RIN PO CHE LA RJE BTZUN ZHAL GZIGS BA SKU GZI BRJID CHE ZHING GSUNG CHER MI 'BYON PA, BLA MA RTOGS LDAN PA LA ZHAL GZIGS BA DE GSUNG YANG YANG 'BYON PA CIG YOD PAR SNANG, DE NAS DGUNG LO DON GSUM PA LA SPANG SAR GSHEGS TE SKU GDUNG NI RIL BOR SPANGS PA RNAMS KYI DAD PA'I RTEN DU GSER 'BUM NANG NA BZHUGS PA LAS DBU THOD SGANG CHEN NAS RAB BRTAN
, ,LAGS KYIS BDEN DRANGS TE PAn CHEN THAMS CAD MKHYEN PA LA PHUL ZHES GRAG GO, ` RJE BDAG NYID CHEN PO'I NANG THUGS KYI SRAS GCIG MKHAS GRUB DGE LEGS DPAL BZANG NI, LA STONG BYANG GI CHU 'OG CES BA MI DPON CHEN PO'I SRAS SU SKU 'KHRUNGS TE, CHUNG NGU NAS MGON PO PHYAG DRUG PA'I RJES GNANG ZHUS TE, BSNYEN SGRUB GTOR MA YE MA CHAG PAR MDZAD PAS, CHOS SKYONG GI BZHON PA PHAG GI SKAD MCHOD G-YOG PAS TSOR BA BYUNG, GZHON NU'I DUS SU MKHAS GRUB LHA DBANG PA'I SKU'I SKYE BA YIN PAR DRAN PAS MKHAS GRUB PA'I MTSAN CHAGS, MKHAS GRUB LHA DBANG PA'I DGON PA RDO RJE GDAN YANG PHUL, GZHON NU NYID NAS RIN PO CHE 'JAM DPAL RDO RJE SNYING POS RJES SU BZUNGS TE DBANG RGYUD MAN NGAG BSAM GYIS MI KHYAB PA GNANG BAS RTZA BA'I BLA MA BKA' DRIN CHE SHOS YIN GSUNG, DE RJES LAM 'BRAS PA YE SHES DPAL BA RDO RJE GDAN DU MJAL BAS THUN MONG MA YIN PA'I DAD PA SKYES TE MCHI MA 'CHOR, KYEE RDOR GYI DBANG ZHUS NAS RMI LAM BRTAGS PA'I DUS SU BLA MA DE 'OD KOR GYI NANG NA BZHUGS PA'I 'OD KOR LA AAshtA'I SNGAGS GSER GYIS BRIS PA LTA BU MTHONG BA DANG, YE SHES 'BEBS PA'I TSE TING NGE 'DZIN GYI BYE BRAG MANG PO SKYES, LAM 'BRAS BSKYANGS PA'I PHYAG RGYA CHEN PO YI GE MED PA'I SKABS SU BLA MA LA SPYAN GSUM YONG BAR MTHONG, 'DI LA LAM 'BRAS THOB MAN CHAD 'KHRID GANG BSKYANGS PA KUN GYI YON TAN CHA SE RGYUD LA MA SKYES PA MA BYUNG, BLA MA 'DI LA RDO RJE 'CHANG
GI 'DU SHES LAS THA MAL PA'I 'DU SHES SKYE MA MYONG GSUNGS, RJE RED MDA' PA CHEN PO NI, CHOS NYID KYI BDEN PA MNGON SUM DU GZIGS SHING SKU TSE SNGA MA'I YANG BLA MA YIN PA 'DRA GSUNG ZHING, SKU CHUNG NGU'I DUS NAS KLU SGRUB KYI MTSAN THOS TZA NA SPYAN CHAB 'CHOR ZHING, DBU MA'I CHOS TSIG RE TZAM THOS PAS 'DI LTA BU'I CHOS ZAB MO STON PA'I BLA MA ZHIG DANG MJAL NA SNYAM ZHING, BLA MA 'DI DANG MJAL MAN MOS GUS DPAG TU MED PA SKYES, MJAL BA'I DUS KYANG NYI MA GSUM DUS GCIG LA SHAR BA'I RMI LTAS BYUNG GSUNG, BSTAN PA LA BYA BA MDZAD TSUL NI, DGUNG LO BCU DRUG BZHES PA'I TSE, BO DONG BA PHYOGS LAS RNAM RGYAL GYIS RIGS GTER NANG 'GAL GYI PHUNG PO KHO BOS DGAG PAR BGYI'O, ZHES GSUNGS NAS, SA SKYA PA GZHAN RNAMS KYIS LAN MA NUS PA LA, MKHAS GRUB RIN PO CHES 'GAL SPONG MTHAR CHAGS SU MDZAD CING, MTHAR BO DONG PAS BZHAG PA'I GRUB MTHA' RNAMS, MKHAS GRUB RIN PO CHES BKAG PAS, BO DONG PAS, MDO SDE PA'I GRUB MTHA' LA NANG 'GAL BYUNG BA YIN, ZHES PA TZAM LAS GSUNG RGYU MA BYUNG BAS PHAN TSUN THUGS 'PHROGS PAR GYUR PA YIN TE, PHYIS MKHAS GRUB RIN PO CHE LA BUNG BA RNAM PAR RTZE BA'I RGYUD MANG ZHES PA'I BSTOD PA YANG MDZAD, YANG RJE BLA MA 'DIS NGAM RING DBYAR CHOS CIG LA, SA SKYA BA'I MKHAS PA LUNG RIGS SMRA BA'I MCHOG CHOS RJE G-YAG PHRUG PA YANG RTZOD PAS PHAM BAR MDZAD, YANG RONG STON SH'AKYA RGYAL MTSAN GYIS DON LA
, ,MKHAS GRUB RIN PO CHE LA RTZOD PAR MI SPYOD KYANG, PHYI YUL DU RTZOD PA BGYING CES YANG YANG BSGRAGS SHING, LAN CIG BDAG PO RAB BRTAN PAS KUN MKHYEN RONG PO DPAL 'KHOR SDE CHEN DU GDAN DRANGS PA LA, MKHAS GRUB RIN PO CHES KYANG MDANGS CHEN NAS PHEBS THOG MAR GZHIS LEN MDZAD DGONGS NAS RONG PO GDAN DRANGS KYANG DA LTA RTZOD PA MDZAD RGYU YIN DGONGS NAS PHEBS MA NYAN, DE NAS RTZOD PA MDZAD PAR THAG CHOD DE, ZHVA LU DANG, GNAS RNYING GNYIS NAS RTZOD DPANG GI MKHAS PA RE YANG GDAN DRANGS NAS CHOS SDE'I 'DU KHANG DU, RGOL PHYIR RGOL, SBYIN BDAG ,RTZOD DPANG PA GNYIS KYI GDAN YANG BSHAMS GRUB NAS, RONG PO PHYOGS KYI BLA MA GRVA RIGS SBYIN BDAG DANG BCAS PA RNAMS THUGS 'GYUR NAS BLA MA RONG STON CHEN PO NI PHAR PHYIN LA MKHAS MOD KYI, MKHAS GRUB PA NI GZHON NU NYID NAS, RIG GNAS MDO RGYUD MTHA' DAG LA THOGS PA MED CING, GZHON NU'I SKABS SU YANG PAn CHEN PHYOGS LAS RNAM RGYAL DANG, G-YAG PHRUG SANGS RGYAS DPAL BA YANG RTZOD PAS PHAM PAR MDZAD PAS BSHOL BA LEGS SNYAM NAS, MKHAS GRUB PA NGA'I RTZOD ZLAR MI 'OS ZER BA DANG, KHYOD KYI BLA MA RGYAL TSAB PA YANG NGAS PHAM PAR BYAS ZER BA DANG, MTHAR NGA KHYOD DANG MI RTZOD DO ZHES NA MED LA BUD PAS, BZHUGS GDAN RNAMS KYANG SLAR SDUD DGOS PA SOGS SHIN TU NGO TSA BA'I GNAS LA BKOD, MTHU STOBS KYI DBANG DU BYAS NA, DPAL 'KHOR
SDE CHEN NA BZHUGS SKABS LJONGS RGYU LA PHEBS NAS SPANG STENG ZHIG LA BZHUGS PA, GLO BUR DU THOG CIG NAM MKHAR LDINGS PA SHANGS NAS SING SGRA DANG BCAS PAS SDIGS MDZUB KYIS BRAG RI ZHIG GI STENG DU 'PHANGS PAS BRAG RI GSIL BUR SONG; YANG BA SO MGON KHANG DU SMON 'GRO RGYAL PO CHAGS RGYAL MDOS KYIS KHENGS PA LA SHANGS NAS SING SGRA DANG BCAS TE BGEGS SKROD DRAG PO MDZAD PAS MI KHYI THAMS CAD BRGYAL 'GRO BA TZAM BYUNG ZHING, RJE RIN PO CHE DGA' LDAN DU GSHEGS NAS KYANG LAN GSUM MJAL BA SOGS NGO MTSAR BA'I RNAM THAR BSAM GYIS MI KHYAB BA MNGA' 'O,, ` BA SO CHOS KYI RGYAL MTSAN NI, MKHAS GRUB RIN PO CHE'I GCUNG PO YIN ZHING, GSAN PA PHAL CHER MKHAS GRUB RIN PO CHE LAS RDZOGS PAR MDZAD, RJE RIN PO CHE'I YANG ZHABS LA THUG CING, BLA MA RTOGS LDAN PA LAS RJE BTZUN 'JAM DPAL NAS RJE RIN PO CHE LA BRGYUD PA'I SNYAN RGYUD KYI GDAMS NGAG SPRUL PA'I GLEGS BAM DANG BCAS PA BYUNG, NGA TSE 'DI LA RNAL 'BYOR GYI DBANG PHYUG SHA BA RI PA'I RNAM THAR SKYONG BSAMS KYANG, RJE RIN PO CHE'I GDAN SAR GRO DGOS BYUNG GSUNG ZHING, GNAS RNYING PA PAn CHEN KUN DGA' BDE LEGS PA'I ZHAL NAS, NGA GNAS RNYING PA'I RIGS SU SKYES SNYAM PA'I NGA RGYAL NI MED, BA SO RJE'I SOB MA YIN PA'I NGA RGYAL YOD CES GSUNG PA YANG DPYAD GZHI CHE ZHING, SLOB MA 'JA' LUS RDO RJE'I SKU BRNYES PA RDO RJE MCHAD GSUM LA SOGS PA BYUNG NGO,, ` GRUB CHEN CHOS RDO RJE NI, SHAR
, ,PHYOGS TZONG KHA DANG NYE BA'I CHA NAS, KUN DGA' RGYAL PO DANG, DPAL 'DZOM ZHES BYA BA'I BYA BRAL BA PHO MO GNYIS DBUS GTZANG GI GNAS SKOR LA 'ONGS PA'I LHUMS SU ZHUGS TE, RTA NAG RDO RJE GDAN DU PHEBS PA NA SRAS SKU BLTAMS, DGUNG LO BCU GCIG BZHES PA'I TSE DGA' LDAN RNAM PAR RGYAL BAR PHEBS, DE'I TSE PAn CHEN CHOS KYI RGYAL MTSAN LA MKHA' 'GROS LUNG BSTAN PA BZHIN, YAB YUM GNYIS LA BYA DGA' GNANG NAS RAB TU BYUNG, MTSAN CHOS KYI RDO RJER BTAGS, LO LNGA'I BAR DU SRAS KYI THU BOR BZUNGS TE, GSANG BDE 'JIGS GSUM DUS 'KHOR SOGS KYI DBANG LUNG KHRID MAN NGAG DANG BCAS PA PHAL CHER GNANG, KHYAD PAR RGYAL BA TZONG KHA PA CHEN PO'I THUGS BCUD MTHAR THUG PA'I MAN NGAG SNYAN RGYUD ZHAL SHES GLEGS BAM DANG BCAS PA GNANG, DE NAS 'BRAS SPUNGS SU MKHAS PA BDE LEGS STOBS LDAN PA'I SPYAN SNGAR DBU PHAR LA SBYANGS PA MTHAR PHYIN PA MDZAD, GZHAN YANG 'JAM DBYANGS SMON LAM DPAL PA'I DRUNG DU YANG MDO SNGAGS KYI CHOS BKA' RGYA CHER GSAN, DE RJES GTZANG DU PHEBS, 'DUL 'DZIN BLO GROS SBAS PA LA, 'DUS PA'I KHRID LAG RJES, YIG CHUNG THOR BU, LAM RIM GYI KHRID RIM, MGON PO ZHAL DANG, DMAG ZOR MA'I RJES GNANG GSAN, DE NAS BLA MA PAn CHEN GYI BKA' BZHIN DBEN PA'I SA PHYOGS DU MAR RGYU ZHING, KHYAD PAR PADMA
CAN LA SOGS PAR SGRUB PA SNYING POR MDZAD PAS, CHOS KYI RGYAL PO TZONG KHA PA CHEN PO'I ZHAL GZIGS, THUN MONG DANG THUN MONG MIN PA'I SNYAN RGYUD KYI GDAMS PA YONGS SU RDZOGS PA GNANG, DE NAS RING POR MA LON PAR RJE BTZUN PHYAG NA PADMO LA SOGS RGYAL BA MA LUS PA'I RANG GZUGS BLA MA 'DI'I YE SHES KYI ME LONG LA SHAR BAR GYUR, DE NAS SLAR YANG ZAB LAM RIM PA GNYIS KYI RNAL 'BYOR LA BRTZON PAR MDZAD PAS ZUNG 'JUG RDO RJE 'CHANG GI GO 'PHANG BRNYES TE, 'JA' LUS RDO RJE LTA BU'I SKU TSE'I RIG 'DZIN THOB NAS, NAM MKHA' JI SRID GNAS KYI BAR DU 'GRO BA'I DON MDZAD CING BZHUGS SHING, BLA MA 'DI NYID JO BO RJE DPAL LDAN AA TI SHA RIG PA BRTUL ZHUGS KYI SPYOD PA MDZAD DUS KYI BLA MA AA WA DH'U T'I PA DANG 'GRO BA'I MGON PO CHOS RGYAL 'PHAGS PA DANG THUGS RGYUD GCIG PA YIN NO,, ` RGYAL BA BLO BZANG DON GRUB NI, LHA KHUD KYI PHU NUB DBEN SA'I MDAR BSOD NAMS PHYOGS KYI GLANG PO'I RIGS RGYUD LDONG GI RGYUD DU SKU 'KHRUNGS MA THAG ,MAR GYUR SEMS CAN THAMS CAD SNYING RJE RJE AOm MA nI PADME H'Um GSUNGS PAS YUM GYIS LTAS NGAN YIN SNYAM NAS GDAN HRUL DBU LA G-YOGS PAS LJAGS THAN GYI RNAM PA BYUNG BA YANG DE'I RKYEN GYIS YIN, DE NAS MA YAR MA GCIG DANG THUGS MA MTHUN PAS DBEN SA'I SHAR NGOS KYI SA PHUG TU THON NAS BZHUGS PA'I TSE, STON PA THUB PA'I DBANG PO DANG, RJE BTZUN 'JAM DPAL
, ,SNYING PO'I ZHAL GZIGS, LHA RI RTZE PA GRAGS PA DON GRUB PA LAS RAB TU BYUNG, MTSAN BLO BZANG DON GRUB TU GSOL, DGE 'PHEL BA SLOB DPON TSUL RIN PA DANG, RJE THUB BSTAN RNAM RGYAL, CHOS 'KHOR DBUS SDINGS SU RJE SKYABS MCHOG DPAL BZANG PO SOGS LA DBANG LUNG 'KHRID LA SOGS PA MANG DU GSAN, RE ZHIG BKRA SHIS LHUN POR 'JAM DBYANGS BLO BZANG BSHES GNYEN PA'I DRUNG DU BSDUS PA BRTZI BA SOGS LA BYON, NYI MA GCIG LA THOGS PA MED PAR MKHYEN PA'I TSUL BSTAN NAS DE NAS BYA BRAL 'KHRUL ZHING GI RNAM PAS DBEN GNAS SNA TSOGS PAR THUGS SGRUB PA LA RTZE GCIG TU GZHOL BAR MDZAD PAS, RDZU 'PHRUL MNGON SHES LA THOGS PA MED PAR GYUR TE, DGE 'PHEL DU THO RANGS SHIG KHANG PA RGYA SBREL MANG PO'I NANG GCIG NAS GCIG TU THOGS PA MED PAR BYON, LAN CIG BRAG G-YANGS CHEN PO MIS MI THAR BA ZHIG YOD PAR RDZU 'PHRUL GYIS GSHEGS PA, BRANG DBON DON BKRAS BAS MTHONG NAS PHYAG 'TSAL DU BYUNG BAS, KHYED SU DANG NOR GANG MTHONG GSUNGS PAS SNGAR GYI MTHONG TSUL ZHUS PAS, KHYED RANG MIG 'KHRUL PA'AM, JO BO BRAG DKAR BA YIN MOD GSUNG, LAN CIG RGYAL BA G-YUNG GI SGRUB GNAS BRAG RGYA BO RDO RJE'I PHO BRANG DU DPAL GSANG BA 'DUS PA'I MAN NGAG GI GNAD PHRA MO ZHIG NYAMS SU BZHES PAS, RGYA BOD KYI MKHAS GRUB DU MA'I GZHUNG RNAMS DANG,
RGYAL BA'I BKA' RAB 'BYAMS GSUNG NGAG NAS 'DON NUS BA DANG, 'PHAGS YUL GYI 'PHRAL SKAD DANG, LEGS SBYAR GYI SKAD LA SOGS PA SKAD RIGS MI 'DRA BA DU MA MKHYEN PAS, SHANGS LA PHEBS PA'I LAM KHAR DZO KI 'GA' ZHIG DANG 'PHRAL SKAD KYI GSUNG GLENG MDZAD PAS TSOGS PA RNAMS NGO MTSAR DU GYUR, YANG RONG PHYOGS SU PHEBS DUS, SA SKYA PA'I BDAG CHEN RDO RJE GLING PA DANG, BYAMS CHEN PA'I SLOB DPON MANG PO DANG, SKYED TSAL BA'I DGE BSHES 'GA' ZHIG DANG, RTA NAG PA'I LO CHEN ZER BA RNAMS MKHA' RU STENG DU 'TSOGS NAS SGRA'I BSHAD PA YUS YUS BYED CING DGA' LDAN PA RNAMS KYIS SGRA MI SHES ZER BAR, BRGYAD STONG PA SAm SKRi TA'I SKAD DU 'DON PAR MDZAD CING BSHAD PA MDZAD PAS, DE DAG GI SGRA'I YON TAN GYIS GANG DU YANG MA PHYIN, SNGAR DGUNG LO BCU BDUN PA'I TSE 'BRUM NAD KYIS BSNYEL NAS BZHUGS YOD PA LA CHAB SGOR RTEN 'BREL BSTOD PA 'DON PA CIG 'DUG PAS SLONG MO BA ZHIG GO SNYAM NAS GZIGS PAS, DGE SLONG SMA RA DKAR PO'I AAG TSOM CAN, PHYAG DAR KHROD PA'I CHOS GOS GSOL BA SHIN TU DANG BA 'DREN PA CIG 'DUG PAS, NANG DU SPYAN DRANGS CHA RKYEN DANG 'TSAM PA'I BSNYEN BKUR CING GDAMS PA'I GTER DU GYUR PA'I GRUB PA MCHOG TU GZIGS NAS, RJES SU 'DZIN PAR ZHUS PAS, BKRA SHIS RDZONG KHA'I PHU'I MGAR MO CHOS RDZONG DU SHOG GSUNG, SLAR PHEBS PAS, SNYAN
, ,RGYUD KYI GDAMS PA YONGS RDZOGS SPRUL PA'I GLEGS BAM DANG BCAS PA GNANG NAS RGYAL TSAB TU DBANG BSKUR RO, ,'MKHAS GRUB SANGS RGYAS YE SHES NI, SPA YE SHES DBANG PO DANG, G-YAG SDE PAn CHEN GYI SKU RIGS SU LHAN GRU RGYAR SKU 'KHRUNGS SHING, GZHON NU NYID NAS BKRA SHIS LHUN POR THUGS GNYER LA PHEBS NAS, DBU MA LA SPYI SKYUR BZHENGS SHING PHAS RGOL ZIL GYIS MNAN, DE NAS DBU PHAR SOGS LA GSAN PA RGYA CHER MDZAD NAS DPAL 'KHOR CHOS SDER GRVA SKOR GNANG ZHING, DGUNG LO NYER DRUG PA LA BKRA SHIS LHUN PO'I CHOS KHRIMS CHEN MO MDZAD, DE NAS 'JAM DBYANGS DGE 'DUN BLO BZANG PA DANG, RJE GRUB PA'I DBANG PHYUG LA DGONGS PA DANG SKYABS 'JUG ZHUS NAS RGYUD SMAD LA PHEBS NAS DVAGS PO NAM MKHA' GRAGS PA'I SKU ZHABS SU DPAL GSANG BA 'DUS PA'I 'GREL BA LA GSAN SBYONG PHAL CHER GRUB NAS, ZHABS LA GRANG BA'I BSNYEL GZHI CUNG ZAD BYUNG BA LA BRTEN NAS DA NAD 'DI PHAN NA GTZANG PHYOGS LA 'GRO DGONGS CAN MNAL LAM DU BUD MED GZHON NU MA ZHIG BYUNG NAS, DA DON GRUB PAS GTZANG LA LOG ZER BA BYUNG BAS, GTZANG DU LOG PHEBS NAS 'JAM DBYANGS DGE 'DUN BLO BZANG PA MJAL BAS, RJE DGE 'DUN BLO BZANG PA'I ZHAL NAS NGAS DPAL LDAN LHA MO LA, NGA'I RAB 'BYAMS PA KHUG SHOG BYAS PAS, DRUNG BA DBUS SU BZHUGS PA LA CUNG ZAD GNOD PA 'DRA GSUNG, DE
NAS 'JAM DBYANGS DGE 'DUN BLO BZANG PAS, RJE GRUB PA'I DBANG PHYUG GI SKU ZHABS SU, 'JAM DBYANGS DGE 'DUN BLO BZANG PA NYID ZAB MO'I GDAMS PA ZHU BA LA PHEBS CHOG PA'I 'PHRIN PAR MNGAGS PAR MDZAD PAR LTAR PHEBS PAS RJE DGE 'DUN BLO BZANG PA LA GNANG BA NI MA BYUNG, RJE SANGS RGYAS YE SHES RANG NYID SLAR PHEBS CHOG PA'I GNANG BA STZAL BAS, SLAR DBEN DGON DU PHEBS NAS, GDAMS PA RNAMS RIM GYIS THOB, BAR SKABS SHIG RI BO DGE 'PHEL GYI MKHAN POR RJE GRUB PA'I DBANG PHYUG GI BKA' NAN CHE BAS PHEBS, DE NAS RJE GRUB PA'I DBANG PHYUG ZHABS LA TSER MA ZUG PA'I RKYEN LA BRTEN NAS ZHING KHAMS GZHAN DU GSHEGS KHAR PHEBS NAS DGONGS PA YONGS SU RDZOGS PAR MDZAD NAS RGYAL TSAB DAM PAR BZHUGS NAS CHOS 'KHOR RGYA CHER BSKOR BAR MDZAD, BAR SKABS SHIG TU, PA RNAM RDZONG GI SRUNG CHA BA'I KHROD NAS DVAGS PO DANG, ,PA RNAM PA'I PHO YAN 'TSOGS PA'I DMAG GIS, MDA' MTSON GYIS CHAR PHABS KYANG, PHAL CHER SKU LAS YOL ZHING 'GA' ZHIG 'PHOG KYANG RDO RJE'I BRAG LA 'PHOG PA LTAR GNOD PA CUNG ZAD KYANG MA BYUNG, SLAR DRAG PO MNGON SPYOD KYIS TSAR BCAD PAS MTHU STOBS KYI GRAGS PAS KHYAB, RJE 'DI NYID DANG POR RJE GRUB PA'I DBANG PHYUG GI DRUNG DU BZHUGS, THUN MONG BA'I LAM RIM GYI SNYAN RGYUD GSAN, RTZE GCIG TU NYAMS BZHES MDZAD PAS, ZLA BA DRUG BDUN LA BSHES GNYEN BSTEN TSUL
, ,NAS, ZHI LHAG ZUNG 'BREL GYI BAR GYI NYAMS RTOGS KHYAD PAR CAN THUGS LA 'KHRUNGS, KHYAD PAR RJE BLO BZANG DON GRUB PA LA BSNYAN RGYAB ZHUS NAS DPAL RDO RJE 'JIGS BYED KYI RTEN BRTEN PA'I DKYIL 'KHOR YONGS SU RDZOGS PA'I ZHAL GZIGS, PHYIS DBEN DGON RTZER DE'I RIM GNYIS KYI RNAL 'BYOR NYAMS SU BZHES TSE, 'JIGS BYED ZHAL PHYAG YONGS RDZOGS LA YUM RDO RJE RO LANGS MA DMAR MOS 'KHYUD PA YANG GZIGS, DE BZHIN DU DPAL 'DUS PA ZHE SDANG RDO RJE YUM BCAS G-YAS BSKUMS G-YON BRKYANGS BZHENGS PA'I RNAM PAS ZHAL BSTAN, BYIN GYIS BRLABS PA'I NYAMS SHAR GSUNG, DE BZHIN DU MGON PO PHYAG DRUG PA, CHOS RGYAL PHYI NANG GSANG GSUM, DPAL LDAN LHA MO RNAM PA GSUM LA SOGS PAS ZHAL BSTAN, 'PHRIN LAS SGRUB PAR ZHAL GYIS BZHES SO, ,BAR SKABS SHIG TU DAM SEL LA BRTEN, DRANG SRONG GI GNOD PA'I RNAM PA CUNG ZAD BYUNG PA NA, PHYAG RDOR GTUM PO'I BSNYEN SGRUB MDZAD PAS, BCOM LDAN 'DAS RDO RJE GTUM PO SKU DANG GZI BRJID SHIN TU CHE BA ZHIG GI GNAS LNGA LAS, KHYUD RIGS LNGA BYUNG NAS, BDAG NYID CHEN PO'I GNAS LNGAR ZHUGS PAS, NAD DE RTZA BA NAS DAG PA BYUNG GSUNG,, ` PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO NI, LHAN GRU RGYAR SBA YE SHES DBANG PO DANG, ,
G-YAG SDE PAn CHEN GYI SKU RIGS SU BLTAMS, GSUNG SGO MA PHYE GONG DU GZHAN GYIS CHOS SPYOD BTON TSE TSIG DON THAMS CAD THUGS LA RIM PAR SHAR, DE NAS RDO RJE GCOD PA LA LJAGS KLOG SBYANGS PAS THUGS LA SHIN TU BYANG BAR ZIN, MES SBOR GRAGS PA 'TSO BYED KUN DGA' 'OD ZER GYI 'JAM DPAL MTSAN BRJOD ZHAL 'DON MDZAD PA YANG YANG GSAN PAS SHIN TU DAG PAR THUGS SU BYON NAS RJE SANGS RGYAS YE SHES LA RGYUGS PHUL BAS THUGS SHIN TU MNYES NAS BTZUN PA CIG BYED DGOS GSUNGS, DGUNG LO BCU GSUM PA LA DBEN DGON DU PHEBS NAS DGE TSUL BZHES, DE'I TSE SMAN THANG PA DKON MCHOG LHUN GRUB PAS, RJE BTZUN SANGS RGYAS YE SHES LA SNGA GONG NAS DPAL RDO RJE 'JIGS BYED KYI DBANG GI GSOL BA BTAB 'DUG PA LTAR 'JIGS BYED KYI DBANG GSAN, DE NAS RJES GNANG GI RIGS GNANG RIM GYIS LJAGS BSNYEN GNANG SKABS, LHA DE DANG DE'I ZHAL GZIGS, DGUNG LO BCU BZHI'I SKABS DBYANGS CAN MA LA LJAGS BSNYEN GNANG BAS, MNGON RTOGS DANG MTHUN PA'I DBYANGS CAN MA'I THUGS KA NAS DBYANGS CAN MA SNGON MO GCIG BYUNG, RIN PO CHE'I SNOD NAS SHING TOG PHUL BAS, SHING TOG GCIG LAS DBYANGS CAN MA DMAR MO ZHIG 'THON PAS, GTZO MO'I PHYAG GI SHING TOG SNOD DANG BCAS PA, RJE BLA MA'I PHYAG TU PHUL NAS, RO BRGYA'I DPAL LA LONGS SPYAD
, ,PA DANG, PI WANG GI SGRA YANG GSAN, DE NAS LAM RIM CHUNG BA LJAGS 'DZIN MDZAD NAS, LAM RIM CHE BA LA GZIGS PAS THUGS LA SHIN TU 'PHROD PAR BYUNG BAS LJAGS 'DZIN MDZAD NAS RJE SANGS RGYAS YE SHES LA RGYUGS 'BUL BAR MDZAD PAS THUGS SHIN TU DGYES SHING, DE'I TSE BSTAN PA'I BDAG PO THUB PA'I DBANG PO'I ZHAL GZIGS, DE NAS BKRA SHIS LHUN POR THUGS GNYER LA PHEBS PAS, BUD MED PHO CHAS SPRAD PA GCIG GIS DGA' BA'I RNAM 'GYUR MANG DU BSTAN CING, RTZI SHAG 'DZIN PA LA PHEBS PA'I THOG MAR GZIMS SPYIL 'GAG TU RNAL 'BYOR MA ZHIG GIS 'O MA THOD PHOR GANG PHUL, DE NAS SPYI SKYUR ZHAL GYIS BZHES NAS, 'JIGS BYED DANG 'JAM DKAR LA SBRAGS SGRUB MDZAD PAS, YA MA R'A DZA' DKAR PO'I RNAM PAR GZIGS SHING, RVA LO RDO RJE GRAGS LTA BU'I MTHU STOBS LA MNGA' BRNYES PAS ZHA LU'I MA HE'I BKA' BSGO GNANG BA LA 'TSUB CHA MI YONG BA YANG SMOS CI DGOS, DBEN DGON DU BZHUGS SKABS SHIG RGYAL BA TZONG KHA PA CHEN PO'I ZHAL GZIGS, THAMS CAD MKHYEN PA YON TAN RGYA MTSO SPYAN RAS GZIGS PHYAG BZHI PAR GZIGS, RA SGRENG DU JO BO SOGS BKA' GDAMS KYI BLA MA RNAMS ZHAL GZIGS SHING, RGYAL BA BYAMS PA'I SKU RANG BYON DU GRAGS PA 'DI'I RAB GNAS SKABS, DGE SLONG CHOS
GOS RNAM GSUM GSOL BA ZHIG SKU DE LA THIM PAR GZIGS, DBEN BSDUMS MCHOD RTEN GYI RAB GNAS SKABS, DE MO SPRUL SKU LHA DBANG CHOS KYI RGYAL MTSAN GYIS MCHOD RTEN GYI CHAR KHEBS KYI STENG NA, DBUS SU RJE NYID G-YAS SU GRUB CHEN CIG ,G-YON DU DGE SLONG DBU DKAR PO ZHIG BZHUGS PA GZIGS NAS RGYU MTSAN ZHUS PAS, GRUB CHEN DE SA RA HA, DGE SLONG DE GRUB CHEN CHOS RDO RJE YIN ZHES BKA' STZAL, YANG SKABS SHIG RJE BTZUN BYAMS PA'I G-YAS PHYOGS SU RJE SANGS RGYAS YE SHES BZHUGS PA GZIGS SHING, SPANG YUL BDE BA CAN DU SMYUNG GNAS BRGYUD PA'I BLA MA RNAMS GZIGS, MNGA' RIS SU LAS CAN CIG GIS RJE NYID KYI DBU LA GTZUG TOR DANG, LJAGS KYI STENG DU A'A:YIG GSAL BAR MTHONG ZER, GANGS RI CHEN PO TI SE DPAL 'KHOR LA BDE MCHOG GI RTEN DANG BRTEN PAR GZIGS SHING, RJE BTZUN MING LA YANG ZHAL GZIGS PA SOGS BSAM GYIS MI KHYAB PA'O,, ` PAn CHEN BLO BZANG CHOS KYI RGYAL MTSAN DE NYID LA SLOB MA MANG DU PHEBS PA RNAMS KYI NANG NAS, BYANG CHUB LAM GYI RIM PA'I NYAMS KHRID KYI 'PHRIN LAS RGYA CHER SBEL BAR MDZAD PA NI, BLA MA DRUNG PA RGYAL TSAB PA BLO BZANG BRTZON 'GRUS RGYAL MTSAN YIN LA, DE NYID NI, BOD CHOS RGYAL GYI GDUNG RGYUD SKYID LDE NYI MA MGON MNGA' RIS STOD DU PHEBS PAR SRAS GSUM
, ,'KHRUNGS PA GCIG GIS SPU RANGS, GCIG GIS MAR YUL, GCIG GIS GU GE BZUNGS PA LA, LA THAGS NAS MCHED PA 'BYAM SHER BAS ZANGS DKAR BZUNGS, DE NAS BRGYUD PA'I BZANG LA RGYAL PO'I SRAS SU 'KHRUNGS KYANG LA THAGS RGYAL PO 'JAM DBYANGS PAS RGYAL SA PHROGS SKABS, BLA MA 'DI DANG GROGS GZHAN GSUM GYIS BYA BRAL BA'I RNAM PA MDZAD NAS, DBUS GTZANG LA CHOS BROS LA PHEBS PAS, RGYAL PO 'JAM DBYANGS KYIS 'PHRIGS NAS BZHI GI BZUNGS SHING GSOD PAR BSDIGS PA LA, GROGS GSUM SHIN TU SKRAG PA LA, BLA MA 'DI NYID NI DA LAM BSAD NA BAG CHAGS BZANG BAS, DBUS GTZANG DU SKYES NAS CHOS DANG MJAL 'ONG DGONGS THUGS SHIN TU DGYES PA CHEN PO BYUNG GSUNG BA CHOS PHYIR SKU SROG GTONG BAR NUS PA BYANG CHUB SEMS DPA' RTAG TU DU DANG MTSUNGS PAS GANG ZAG RANG DGA' BA GA LA YIN, DE NAS DGUNG LO NYI SHU RTZA BZHI BA LA, DBUS GTZANG LA PHEBS NAS, SE RA BYES GRVA TSANG NA, 'KHON STON DPAL 'BYOR LHUN GRUB BZHUGS PA'I SKU ZHABS SU PHEBS BSDUS PA RTAGS GSAL KHA BYE TZAM NA DA GZHUNG ZUNGS, DE KHAS BYE 'GRO GSUNG ZHING, SKU CHAS BKREN PAS ZO SKYOR LA GRONG KLOG LA YANG YANG GTONG BA GNANG BAS THUGS GNYER LA GNOD PAS, DVAGS PO GRVA TSANG DU PHEBS
NAS PHAR PHYIN SOGS LA BRTZON PA CHEN POS SBYONG BAR MDZAD, SLAR DBU MA LA MKHAS SLOB GNANG BA'I TSE SE RAR PHEBS LO 'GA' ZHIG BZHUGS NAS RGYUD STOD LA PHEBS SHING LO 'GA' ZHIG BZHUGS PA LA, BAR SKABS BLA MA BSKO GZHAG LA KHANG TSAN RNAMS RTZOD PA CHEN PO BYED KYIN 'DUG PAS THUGS SKYO NAS PHA BONG KHAR 'KHON STON DPAL 'BYOR LHUN GRUB PA'I SKU ZHABS SU PHEBS PAR, DE NA HOR BLA MA BSOD NAMS RGYAL MTSAN YANG BZHUGS PA LA, KHONG GIS RI KHROD LEGS PA'I BKA' LUNG LA BRTEN NAS RI KHROD LA PHEBS PA'I THUGS 'DUN 'KHRUNGS PAS, NGA RI KHROD LA BLO KHA PHYOGS PA BLA MA 'DI'I BKA' DRIN YIN GSUNG ZHING GUS PA'I RNAM PA CI YANG MDZAD, DE NAS DGA' LDAN BRAG GSEB KYI RI KHROD DU BZHUGS, DE NAS GTZANG LA PAn CHEN THAMS CAD MKHYEN PA MJAL BAR PHEBS PAS, GTZANG PHYOGS SU SDOD GSUNGS PAS, THOG MAR SRAD LA RDZONG STA GNANG, DE NAS RI KHROD SNA TSOGS PAR BZHUGS, PHAL CHER RTA NAG SVA'I YOL DKAR, GRUB CHEN CHOS RDO RJE 'KHRUNGS SA GO BO TSANG, ZHAL GZIGS SU BZHUGS, RTA NAG TU BZHUGS SKABS NA BZA' SHIN TU DKON PAS, MTSAN MO RTZVA SPUNGS PA'I SBUBS SU BZHUGS PA SOGS DKA' SPYAD MDZAD PA'I GSUNG BGROS MDZAD 'PHRO LA AA DA KHYED RNAMS YID MI CHES GSUNGS NAS 'PHRO GCOD PAR MDZAD, PAn
, ,CHEN THAMS CAD MKHYEN PAS SHANGS MDO RGOD TSANG GI RI KHROD CHOS GZHIS DANG BCAS 'DZUGS PA GNANG TSE BLA MA 'DI NYID DANG, GU GE CHOS RJE SNYING STOBS RGYA MTSO GNYIS KA BZHUGS NAS GSUNG CHOS GSAN RES MDZAD, BAR SKABS SHIG PAn CHEN THAMS CAD MKHYEN PA RGOD TSANG RI KHROD DU GDAN 'DREN ZHUS SKABS, DGE BA'I BSHES GNYEN DOL PAS MDZAD PA'I BE'U BUM SNGON PO'I 'GREL PA LHA 'BRI SGANG PAS MDZAD PA 'BUL MKHAN BYUNG BAR RTEN 'BREL 'GRIG GSUNGS NAS LJAGS LUNG YANG DGYES BZHIN GNANG, DE NAS BLA MA RGYAL TSAB PA DE NYID LA DBUS GTZANG KHAMS GSUM SOGS GNANG NAS KYANG GSUNG CHOS ZHU MKHAN MANG DU 'DU BAS, RGOD TSANG RI KHROD PA RNAMS KYI DGE SBYOR LA GNOD DOGS PAS, LHA LNGA BRAG TU BZHUGS SHING, LAM RIM SOGS KYI 'KHRID ZHU BA BYUNG TSE THUGS BSAM GNANG BA SOGS LA CUNG ZAD KYANG MI LTOS PAR LUNG KHUNGS RNAMS SKABS 'GAR GNANG BA SKABS 'GAR MI GNANG BAR SNA TSOGS PA GANG NAS KYANG THOGS PA MED PAR GNANG ZHING, LHAG MTHONG GI SKABS PHAL CHER DMAR KHRID LTAR GCIG DU BRAL GYI SGO NAS DPYAD PA BYED LUGS DANG, SKABS 'GAR PHYAG CHEN GYI DMIGS PA RNAMS 'BOGS PAR GNANG GIN YOD PAR 'DUG CING, MTSAN MO'I MNAL YANG THA MAL PA MIN PAR TING 'DZIN DANG BSRE BAR MDZAD PA YIN CES 'GA'
ZHIG GSUNG, MTHAR DGUNG LO BRGYAD CU GYA BZHI TZAM LA, HOR ZLA BCU BA'I GNAM GANG LA LHA LNGA BRAG TU ZHING BRJE GONG DU SHANGS CHU LA DAR CHAGS KYANG, ZHING GSHEGS NAS NAM MKHA' G-YA' DAG PA STON NAM G-YA' DAG PA LTA BU BYUNG NAS, SHANGS CHU'I DAR CHAGS PA YANG ZHU BA SOGS NGO MTSAR BA'I LTAS DANG BCAS ZLA BA GCIG GI BAR THUGS DAM LA BZHUGS, THUGS DAM GROL NAS SKU GDUNG ZHUGS LA PHUL BAS THUGS LJAGS SPYAN GSUM BYON PA RGOD TSANG DNGUL GDUNG NANG NA BZHUGS SO,, ` PAn CHEN THAMS CAD MKHYEN PA BLO BZANG CHOS KYI RGYAL MTSAN GYI THUGS SRAS DAM PA MKHAN PO RIN PO CHE RDO RJE 'DZIN PA DKON MCHOG RGYAL MTSAN DPAL BZANG PO NI, SNGA SRID GTZANG BA'I DGUNG BLON GTZANG PA GNYIS PA LTA BU, LHUN GRUB SGANG CHEN NAS KYI SRAS YIN CING, SKU GZHON NU NYID NAS BKRA SHIS LHUN POR THUGS GNYER LA PHEBS SHING, PAn CHEN THAMS CAD MKHYEN PA DE NYID KYIS SPYAN GYI 'BRAS BU LTAR SKYONG BAR MDZAD, MKHYEN DPYOD DANG THUGS BRTZON GNYIS KA SHIN TU CHE BAS, BSDUS TSAD LA THUGS LHAG PAR BYANG BAS, THOS BSAM GLING NAS DPAL TSUL ZER BA'I RNAM 'GREL LA MKHAS PAR GRAGS PA CIG DANG MNYAM DU RNAM 'GREL LA SPYI BSKYUR LA BZHENG BAR GNANG BAS, STON GRAG
, ,KYIS GLING KHYAB PA BYUNG ZHING, DBU PHAR LA GSAN PA MDZAD SKABS DVAGS PO GRVA TSANG GI DGE BSHES SHIN TU CHE BA ZHIG DAM BCA' LA BYUNG BAR BGRO GLENG GNANG BAS, DGE BSHES DES BGRO GLENG GTONG MKHAN GZHAN RNAMS NI DPE CHAN YOD PA DKYUS 'GRO LTAR LAS KHYAD PAR THON PA RANG MI 'DUG ,SGANG CHEN NAS KYI RJE DRUNG DE PAn CHEN RIN PO CHE'I GDAMS PA'I BDUD RTZI YANG YANG MYANGS PAS YIN NAM, DPE CHAR DNGOS SU MED PA'I DOGS PA'I GNAS SHIN TU PHRA PA BSLANGS NAS DPYAD PA ZHIB PO BYED PA 'DUG CES DBUS PHYOGS SU GRAGS PA BYUNG YOD PAR 'DUG ,DE NAS MI CHEN GYI SGROB SGROB TZAM MA YIN PAR NYAMS BZHES LA RTZE GCIG TU GZHOL BAS, DBEN DGON DU SGRUB PA LA BZHUGS, DE SKABS PAn CHEN THAMS CAD MKHYEN PA DE NYID LA N'A RO CHOS DRUG GI 'KHRID ZHUS PAS, PAn CHEN THAMS CAD MKHYEN PA DE NYID BUG SGOR PHEBS NAS SPYAN DMIGS RNAMS 'BOGS PAR MDZAD PA'I SKAL BZANG DE 'DRA THOB CING, 'KHRUL 'KHOR GYI SKOR RNAMS ZHUS NA GNANG RIGS SU 'DUG KYANG, THUGS BAG MTSER BAS ZHU MA NUS PAR, BLA MA GNAS BCU PA DGE 'DUN RGYAL MTSAN LA ZHUS GSUNG, DE NAS PAn CHEN THAMS CAD MKHYEN PAS SNGAGS KHANG GI 'CHAD NYAN LA PHEBS DGOS PA'I BSLAB STON NAN
GYIS PHEBS PAR DGONGS KHROL NAN GYIS ZHUS KYANG MA GNANG BAR DA 'O NA THE TSOM BYUNG BAR, SKU ZHABS SU DOGS GCOD LA NAM 'DOD LA YONGS CHOG PA DGOS ZHUS PAR DE KHA CIS KYANG 'ONG GSUNGS NAS DPAL GSANG BA 'DUS PA'I 'GREL PA CHA LAG DANG BCAS PA LA THUGS DOGS NAM SKYES DUS SKU ZHABS SU PHEBS NAS ZHUS PAS SGRO 'DOGS MA LUS PA CHOD NAS, DPAL MGON 'PHAGS PA KLU SGRUB DANG, RJE BDAG NYID CHEN PO'I DGONGS PA'I GNAD LA MI 'KHRUL PA'I GZER CHEN PO THEBS NAS MDO SNGAGS YONGS SU RDZOGS PA'I DGE BA'I BSHES GNYEN RNAMS LA 'CHAD NYAN 'CHAG MED GNANG BAS THAMS CAD KYIS RDO RJE 'CHANG GI 'DU SHES BYED PA BYUNG BAR, BAR CHAD KYI RNAM PAS SKU MI BDE BA YUN RING DU BYUNG BA MA DRANGS PAS, DGONGS PA NAN GYIS ZHU BAR GNANG NAS, SHANGS MDO RGOD TSANG GI BYA 'DABS, DAM BA DMAR BO'I GZIMS SPYIL GYI GZHOGS SU GZIMS SPYIL GSAR DU GNANG NAS BZHUGS PA LA, SA YUL MTHO BA DANG, CHAB MA 'JUG PAS SKU STONG 'TSANGS PA DANG TSEMS YUN RING POR BSNYEL BA BYUNG BAR, THAMS CAD KYIS GSOL BA BTAB NAS, MKHA' SPYOD GZIMS SPYIL GSAR DU GNANG NAS BZHUGS PAR GNANG BA LAS, BAR SKABS SHIG BKRA SHIS LHUN POR PHEBS PAR GNANG BA LA, BDAG NYID DBANG
, ,LUNG BSNYEN RDZOGS YONGS SU RDZOGS PA, MKHAN CHEN THAMS CAD MKHYEN PA'I SKU ZHABS NAS ZHU BA'I RE BA YOD KYANG, SKU DBYINGS CHE ZHING, SKU GZUGS LJI BA SOGS KYIS YONGS SU RDZOGS PA MA BYUNG DGOS NAS, DBANG LUNG SOGS KYI BSLAB STON ZHUS PAR ZHAL GYIS BZHES TE, GSANG BA 'DUS PA MI BSKYOD PA'I DBANG, BDE MCHOG L'U AI BA, DRIL BU LUS DKYIL, LHA LNGA, 'JIGS BYED BCU GSUM MA, DPA' GCIG ,DAM TSIG GSUM BKOD, TSE DPAG MED LHA DGU, NAM MKHA' SGO 'BYED KYI DBANG, MGON PO'I BKA' CHEN BCU GSUM, CHOS SKYONG YONGS RDZOGS KYI RJES GNANG, SNA TSOGS YUM, TSE DBANG, RTA MGRIN SOGS KYI RJES GNANG, BDE MCHOG LO DRIL, 'JIGS BYED KYI RDZOGS RIM GYI 'KHRID, LAM RIM GYI 'KHRID, N'A RO CHOS DRUG BLO SBYONG GI 'KHRID LUNG SOGS MANG DU BKA' DRIN STZAL CING, BSNYEN PAR RDZOGS PA DGE SLONG GI SNGOM PA YANG BKA' DRIN DU STZAL NAS, MTHAR DGUNG LO DON DRUG LA BKRA SHIS LHUN PO'I BLA BRANG NYID DU ZHING BRJE BA'I TSUL BSTAN, DE YANG HOR ZLA BCU GNYIS PA'I NYI SHU SKOR NAS ZLA BA DANG PO'I TSE DGU YAN LA, RLUNG 'TSUB SHIN TU CHEN YANG, TSES BCU'I PHYI'I MNGON BYANG SKYA RENGS
'CHAR BA DANG MNYAM DU MKHA' SPYOD DAG PA'I GNAS MCHOG TU PHEBS TSE, RLUNG 'TSUB THAMS CAD ZHI ZHING, NAM MKHA' DBYAR GNAM JI LTA BA LA SPRIN GSAR MCHOD RDZAS SNA TSOGS PA'I RNAM PA 'JA' 'OD DANG, SKU TSIGS RNAMS LA YANG NAM MKHAR 'JA' 'OD 'KHRIGS PA SGRO BTAGS TZAM MIN PAR MNGON SUM DU MTHONG BAS DAD PA'I SPU LONG G-YO PAR GYUR, SKU GDUNG NI RIL POR SNGAGS KHANG GI DNGUL GDUNG NANG NA BZHUGS SO,, ,, ` LAM RIM CHEN MO'I LUNG GI BRGYUD PA NI, RJE THAMS CAD MKHYEN PA BLO BZANG GRAGS PA, RGYAL TSAB RJE, 'DUL 'DZIN GRAGS PA RGYAL MTSAN, MKHAS GRUB RJE, RJE SHES RAB SENG GE , 'DUL 'DZIN BLO GROS SPAS PA, PAn CHEN CHOS KYI RGYAL MTSAN, RJE SKYABS MCHOG DPAL BZANG, RJE BTZUN RTZA BA'I BLA MA, YANG NA, RJE THAMS CAD MKHYEN PA, RJE SHES RAB SENG GE , 'DUL 'DZIN MAN 'DRA, ,YANG NA RJE NAS 'DUL 'DZIN GRAGS PA RGYAL MTSAN, RJE SHES RAB SENG GE MAN SNGAR DANG 'DRA, 'DI'I THUN MONG MIN PA'I BRGYUD PA NI, RJE THAMS CAD MKHYEN PA, MKHAS GRUB THAMS CAD MKHYEN PA, PAn CHEN CHOS KYI RGYAL MTSAN, RJE CHOS KYI RDO RJE'O, BRGYUD RIM 'DI NI ZHAL NAS ZHAL DU DANG, SNYAN NAS SNYAN DU BRGYUD PA'I GRAGS CHE BA'I THUN MONG BA'I DBANG DU BYAS PA YIN
, ,LA, THUN MONG MIN PA'I NYE RGYUD KYI DBANG DU BYAS NA, RJE BLA MA STON PA SANGS RGYAS DANG THUGS RGYUD GCIG PA YIN NO ZHES DPEN SA YAB SRAS KYI GSUNG LAS 'BYUNG BAS SHES SO, ZHES PA 'DI NI RI KHROD 'DZIN PA'I DGE SLONG DKA' BCU BLO BZANG BZANG POS NAN TAN CHEN POS BSKUL BA'I NGO MA CHOGS PAR YONGS KYI DGE BA'I BSHES GNYEN BSOD NAMS GRAGS PA'I GSUNG BGROS BZHIN CHOS SMRA BA'I BTZUN PA BLO BZANG YE SHES KYIS SMRAS PA DGE LEGS SU GYUR CIG , MANG+GLAm,, ,,
[BLANK PAGE]