#, ,DPAL LDAN CHOS RJES GRUB MTHA' CHEN MO'I MCHAN 'GREL GYI SKABS SU MDZAD PA'I RTZA BA'I TSIG 'GREL ZUR DU BKOL BA BZHUGS SO, ,
, ,RJE BTZUN BLA MA 'JAM DPAL DBYANGS LA PHYAG 'TSAL LO, ,TSE RABS KUN TU RJES SU GZUNG DU GSOL, ,DGE LDAN LUGS BZANG S'A LA'I SMAN LJONGS DBUS, ,LEGS BSHAD DRI BSUD PHYOGS BCUR 'GYED PA'I DPAL, ,GRUB MTHA' RTZA 'GREL TZANDAN GO SHIRshA, ,STOBS BCU MNGA' PA'I MJAD 'PHRIN GZO BOS BSGRUB, ,SKYES SBYANGS BLO GROS LAG PA'I SHUGS CHUNG YANG, ,PHA MES GZHUNG BZANG GNAM RU STOBS TSAN DANG, ,ZUR MCHAN NYAG PHREN SBYAR NAS PHYI NAD GI ,GZHUNG LUGS DKA' GNAD GO CHA 'BIG PAR BYA; ;ZHES MCHAN 'GREL GYI DBUR GSUNGS PAS THOG DRANGS TE, MTSAMS MTSAMS NA MDZAD PA'I RTZA BA'I TSIG 'GREL PHYOGS GCIG TU BRI PA LA, GDUL BYA MCHOG DMAN BAR MA MTHA' DAG GI KHAMS DANG BSAM PA BAG LA NYAL DANG MTHUN PAR SKU GSUNG THUGS KYI GSANG BA GSUM GYI MDZAD PA MTHA' YAS PA DANG BRTAN PA SNOD DANG G-YO BA BCUD SNA TSOGS
, ,PA'I GAR GYI RNAM PAR RAB TU BSGYUR BA MTHA' YAS PAS ZAB PA DANG RGYA CHE BA'I CHOS KYI SGO MANG DU PHYE ZHING, KHYAD PAR RTEN 'BYUNG ZAB MO'I GTAM GYIS KUN MKHYEN DU BGROD PA'I LAM GSAL RAB TU STON PAR MDZAD PA'I SH'AKYA SENG GE GTANG RABS BDUN LA SOGS PA'I BLA MA BRGYUD PA DANG BCAS PA LA PHYAG 'TSAL LO,, BRJOD BYA'I DNGOS PO DE'I YON TAN DANG BYA BA NAMS LHAN CIG TU BRJOD PA'I RGYAN GYI SGO NAS 'JAM DBYANGS GNYIS LA BSTOD PA NI, 'GRAN ZLA DANG BRAL BA'I MKHYEN RAB KYI RAL GRI STONG PA NYID KYI NAM MKHAR GDENGS PA DANG LHAN CIG STE GCIG CHAR GDUL BYA'I MI SHES DGRA STE MA RIG PA SEL PAR MDZAD PA DANG, 'GRO BA RNAMS LA THUGS RJE'I SPYAN GYIS GZIGS PA DANG LHAN CIG 'DZUM ZHING BZHAD PA'I MCHU SGROS KYIS LEGS PAR BSHAD PA'I CHOS KYI DGA' STON STZOL ZHING, CHOS MDZOD DE CHOS KYI GLEGS BAM BSNAMS PA DANG LHAN CIG RNAL 'BYOR DRAN PA STE
RANG NYID LHAG PA'I LHAR BSTEN PA'I GDUL BYA LA GLEGS BAM GANG DE'I TSIG DON MI BRJED PAR 'DZIN CING GZHAN LA THOGS MED DU 'CHAD NUS PA'I GZUNGS DANG SPOBS PA STZOL BAR MDZAD PA'I 'JAM DBYANGS DKAR SER GNYIS LA KYE ZHES 'BOD NAS KHYOD KYIS BDAG GI RGYUD LA BLO DANG NGAG GI DNGOS GRUB MCHOG LHAN CIG TU RNAM BKRA STE GSAL BAR MDZOD CES PA STE, SNYAN NGAG ME LONG LAS, YON TAN LAS RNAMS LHAN CIG GI ,DNGOS PO BRJOD PA LHAN CIG BRJOD,, CES PA LTAR RO, ,DBYANGS CAN MA LA BSTOD PA NI, 'O MA'I MTSO LAS 'NGOS PA STE YAR THON PA'I SHEL DKAR BO'I LHUN POS DBANG SNGON TE AINDRA N'I LA'I ZUR PHUNG NGOMS PA STE BCINGS PA NI SRID MIN GYI DPE YIN KYANG SNYAN NGAG 'DI NI DPE'I RGYAN MA YIN TE, DPE DON THA DAD PA'I TSUL GYIS CHOS MTHUN SBYAR BA MA YIN PA'I PHYIR, ZLA BA'I DKYIL 'KHOR RGYAS PA'I ZHAL RAS LA DKYUS RANG ZUR GYIS LTA BA'I 'DREN BYED DE SPYAN GYI AUTPAL SNGON PO'I MNGA' 'PHANGS PA NI RNAM 'GYUR GYI DPE YIN KYANG DPE'I RGYAN MIN PA NI SNGAR LTAR YIN TE, SNYAN NGAG ME LONG LAS, LUS PHRA KHYOD KYI BZHIN RAS NI, ,ZLA BA'I DKYIL 'KHOR LAS BTON BZHIN, ,PADMA'I NAD NAS PHYUNG BA BZHIN, ,ZHES PA 'DI NI RNAM 'GYUR DPE, , ZHES PA LTAR DPE DON SO SOR PHYE BA 'DI LA MED PA'I PHYIR, SEMS KYI RMONGS PA'I SBUBS GROL NAS RNAM PAR DPYOD PA'I BLO GROS CHES CHER RNAM PAR BKRA BA'I PADMA 'BUM PHRAG DAG CES PA NI GZUGS CAN GYI RGYAN YIN ZHING, DE DAG KHYOD KYI THUGS RJES RJES SU CHAGS PA'I MCHU DANG LHAN CIG BZHAD PAR MDZOD CIG TSANGS SRAS MA, ZHES PA NI LHAN CIG BRJOD PA'I RGYAN DU YANG GYUR LA, DE DAG NI TSIG SBYOR GCIG LA RGYAN THA DAD PA MANG PO BSRES PA'I RAB SPEL GYI RGYAN
, ,YIN NO, ,DER MA ZAD SPYAN ZUR GYIS LTA BA'I RNAM 'GYUR GSAL BAR BRJOD KYANG GZHAN GYI YID RANG DBANG MED PAR 'PHROG PA'I BYED LAS SPAS NAS RNAM PA GZHAN DU RTOG CING SNANG BAR BYED PA'I RAB BRTAGS KYI GAB TSIG TU YANG 'GYUR RO, ,GANGS CAN GYI YUL 'DI NA MDO SNGAGS ZUNG 'BREL DANG, ZAB RGYAS ZUNG 'BREL NYAMS SU LEN TSUL MED PAR DE DAG NYIN MTSAN LTAR RES MOS KYIS SPYOD PA'I TSE, MDO SNGAGS ZUNG 'BREL DANG THABS SHES ZUNG 'BREL DANG BSHAD SGRUB ZUNG 'BREL DANG THOS BSAM SGOM SOGS DUS GCIG TU SPYOD PA'I SGO NA THUB BSTAN MA LUS PA STAN GCIG TU NYAMS SU LEN PA'I RNAM SANG DE LHA'I 'OD 'CHAR NUB RES MOS MI BYED PA LTA BU'I SROL BZANG 'BYIN PA PO BLO BZANG RGYAL BA SNGA MA TZONG KHA BA CHEN PO SRAS DANG BCAS PA DANG, RGYAL BA PHYI MA SRAS DANG BCAS PA LA SOGS PA THUB DBANG ZHAL SKYIN RNAMS LA MI GUS PA'I 'DI DBYOD LDAN SU ZHIG YOD CES PA'O,, RIGS LAM PHYIN CI MA LOG PA'I GRU CHEN BRTAN BAR ZHUGS NAS RANG GZHAN GYI GZHUNG LUGS RGYA MTSO'I PHA ROL TU LEGS PAR PHYIN PA'I BSHES GNYEN MKHAS PA DED DPON BZANG POR BSTEN NAS THOS BSAM SGOM LA NGAL BA BRGYA PHRAG DU MA BYAS PA'I SGO NAS PHYI NANG GI GRUB MTHA' RGYA MTSO'I PHA, ROL TU SON TE SNGON CHAD GRUB MTHA' MKHAN PO SUS KYANG GSAL BAR THON PA MED PA'I LEGS BSHAD RIN PO CHE BDAG GIS RNYED PA 'DI NYID BLO GSAL DBYOD LDAN RNAMS DGA' BZHIN SPRO BZHIN DU KUN MKHYEN LAM GSAL RIN CHEN SGRON ME 'DI BLO LA ZUNG SHIG CES PA'O,, PHYI NANG GI KHYAD PAR BSHAD PA'I TSIG RKANG LNGA'I DON BSHAD DU YOD DE, BSTAN PA SEMS CAN LA GNOD 'TSE SPONG MI SPONG DANG, STON PA SKYON KUN ZAD YON TAN KUN RDZOGS YIN MIN DAN LTA BA BDAG MED DANG BDAG TU 'DZIN P'I
KHYAD PAR GYIS PHYI NANG DU 'JOG LUGS YOD LA, GZHAN YANG, BKAR BRTAGS PHYAG RGYA BZHIR LTA BA DANG, SRID RTZE SOGS SRID PA MTHA' DAG RTZA BA NAS 'BYIN PA'I BSGOM PA DANG DOD PA BSOD NYAMS DANG DAL ZHING DUB PA'I MTHA' GNYIS SPANGS PA'I SPYAD PA DANG, BDAG MED PAR SO SOR RTOG PA'I SHES RAB KYI BRAL 'BRAS BRTAG 'GOG SLAR MI LDOG PA'I 'BRAS BU BZHIS NANG BA SANGS RGYAS PA'I BSTAN PA RNAM DAG DANG, STON PA SKYON KUN ZANG DU GRUB CING, LTA BSGOM SPYOD 'BRAS SNGAR BSHAD PA'I BZLOG ZLA BA ZHIS GZHAN GYI BSTAN PA RNAM PAR MA DAG PA DANG STON PA SKYON BCAS SU GRUB PA'I PHYIR, PHYI NANG GI KHYAD PAR SKYABS 'GROS 'BYED PA MIN ZER BA DANG PHYI NANG GI STON PA GCIG TU 'DOD PA DAG 'KHRUL BAR SHES PAR BYA'O, ,ZHES PA'O,, LUS MDOR BSTAN PA'I TSIGS BCAD GNYIS KYI DON NI, RTAG GCIG RANG DBANG CAN GYI BDAG LTA'I ZHEN YUL 'THAD PAR SGRUB BA DANG DE 'GOG PA'I SGO NAS PHYI NANG GI GRUB MTHA' SMRA BA GNYIS YOD PA'I DANG PO PHYI ROL PA LA MNGON SUM GYI YUL TZAM KHAS LEN PA DANG LKOG GYUR YANG 'DOD PA'I KHYAD PAR GYIS CHANG SMRA NGANG RTAG SMRA GNYIS BYUNG NGO, ,NANG BA'I GRUB MTHA' SMRA BA LA BDEN GRUB KYI DNGOS PO 'DOD PA DANG DE 'GOG PA'I SGO NAS DNGOS SMRA BA DANG NGO BO NYID MED PAR SMRA BA GNYIS YOD PA'I DANG PO DNGOS SMRA BA LA PHYI DON BDEN GRUB TU YOD PAR 'DOD PA DANG PHYI DON MED CING NANG GI SEMS BDEN GRUB TU ZHEN PA'I KHYAD PAR GYIS DON SMRA DANG SEMS TZAM PA GNYIS SU YOD DO, ,NANG BA'I GRUB MTHA' SMRA BA THAMS CAD KYIS STON PA SANGS RGYAS DANG SOGS SGRAS BSDUS PA BYAMS PA 'JAM DBYANGS SOGS DANG MCHOG ZUNG GTAD RABS BDUN LA SOGS PA CHOS KYI SPYAN LDAN GYI TSAD MA'I SKYES BU PHAL CHER RANG SDER 'DREN PA STE RANG RANG GI GRUB MTHA' SMRA BA YIN PAR 'DOD CING, KLU SGRUB THOGS MED SOGS LA DAD CING GUS PA'I DON SMRA PHYI
, ,RABS PA YANG MANG PO YOD DO, ,GRUB MTHA' SMRA BA DE DAG RANG RANG GI LUGS RTAG CHAD KYI MTHA' GNYIS DANG BRAL BA'I DBU MA'I LUGS SU 'DOD PA DANG, 'OG MA 'OG MA'I THUN MONG MA YIN PA'I SGRO BTAGS RNAMS GRUB MTHA' GONG MA GONG MAS RIM BZHIN 'GOG PA DANG, GRUB MTHA' 'OG MA 'OG MA'I LTA BA SHES PA'ANG GONG MA GONG MA'I LTA BA GO BA'I STEGS STE THABS SU 'GYUR MOD KYANG, RANG GZHAN GYI GRUB MTHA' SMRA BA GZHAN RNAMS RTAG CHAD PHRA RAGS GANG YANG RUNG BA'I MTHAR LTUNG BA SHA STAG YIN LA, MTHA' THAMS CAD DANG BRAL BA NI SLOB DPON KLU SGRUB ZHABS KYI LUGS YIN NO,, ZHES PA'O,, GRUB MTHA' SPYI'I SKABS SO,, ,, CHO LO DPAG MED CES SOGS TSIG BCAD PHYED DANG GSUM GYI TSIG DON BSHAD DU YOD DE, KHYAD PAR 'PHAGS BSTOD KYI 'GREL BAR BSHAD PA LTAR BSKAL BA DANG POR 'DZAM BU GLING GI MI'I TSE TSAD LO TSAD MED PA THUB PA'I DUS SU BRAM ZE SER SKYA ZHES BYA BA ZHIG BYUNG BA DES BSTI GNAS SU 'DUG NAS DKA' THUB KYI KHYAD PAR LAS THAR BA 'BA' ZHIG PA THOB STE, GZHAN DAG LA LAM LEGS PAR BSTAN PA'I PHYIR DE NYID NYER LNGA GTZO BOR BSTAN PA'I GRANGS CAN GYI GZHUNG BRTZAMS PA LA, DER BSHAD PA'I BDAG GI RNAM DBYE STE KHYAD PAR CUNG ZAD CUNG ZAD MI 'DRA BAR SGRO BTAGS PA MANG PO BYUNG BA LA BRTAN NAS MU STEGS PA'I LUGS MANG PO GYES PAR BSHAD PA DANG, 'GA' ZHIG RTOG GE 'BAR BA'I DGONGS PAR BSAM NAS MU STEGS PA THAMS CAD GRANGS CAN GYI GZHUNG LA BRTEN PA MIN PAR GDOD NAS TE DANG PO NAS RANG RANG GI BRTEN GZHI STON PA DANG GZHUNG SOGS THA DAD DE SO SOR BYUNG BAR BSHAD PA DANG, GCER BU PA'I GZHUNG LA LA LTAR NA MU STEGS PA KUN GYI RTZA BA'I STON PA DRANG SRONG
MCHOD 'OS YIN TE, MCHOD 'OS KYIS RANG GI 'KHOR 'DUS SHING TSOGS PA NA GRANGS CAN LA SOGS PA'I MU STEGS PA RNAMS LA RANG GI BLOS BTAGS PA'I GRUB MTHA' THAMS CAD SO SOR BYIN ZIN PA'I RJES SU DER TSANGS PA PHYIN PA NA; MCHOD 'OS KYIS SMRAS PA, TSANGS PA CHEN PO BDE BAR BYON TAM, SHIN TU 'PHYI BAR 'ONGS SO, ,BSTAN BCOS THAMS CAD BYIN ZIN PAS, KHYOD KYIS RIG BYED 'DI LONG SHIG CES SBYIN PAR RTOG GE 'BAR BAR BSHAD PA LTAR 'DOD PA DANG, DANG POR RIG BYED NAS BSHAD PA'I DAG PA'I MCHOD SBYIN DAR RGYAS SU YOD PA LA GSUM LDAN GYI DUS SU SNA TSOGS BZANG ZHES BYA BA'I MCHOD SBYIN LA DRANG SRONG RNAMS PHYUG GSOD MCHOD SBYIN RUNG MI RUNG ZHES RTZOD NAS SHA ZA BAR 'DOD PA RNAMS KYIS MA DAG PA'I MCHOD SBYIN BYAS NAS RIG BYED KYANG 'DON PA GZHAN DU BSGYUR BAR RTOG GE 'BAR BAR BSHAD PA LTAR MCHOD SBYIN GNYIS RIM BZHIN BYUNG ZHING, 'JUG BA RTZA 'GREL DU BSHAD PA LTAR MU STEGS PA GZHAN LAS GRANGS CAN GYI LUGS SNGAR BYUNG BAR KHAS LEN PAR BYA ZHING, RNAM GRANGS NI RANG SDE PA LAS GZHAN YI SDE YIN PAS GZHAN SDE BA DANG DE'I LUGS LAS PHYI ROL TU GYUR BAS NA PHYI ROL PA DANG THAR BA DAG MTHO RIS KYI LAM STON PAR BYED PA'I BSTAN BCOS LA MU STEGS ZHES BYA LA, DE BYED PAS NA MU STEGS BYED CES KHYAD PAR 'PHAGS BSTOD KYI 'GREL BAR BSHAD PA LTAR MU STEGS BYED SOGS DANG, DBYE BA NI SHES RAB SGRON ME'I 'GREL BSHAD DANG, RTZA SHE'I t'IKA CHEN DANG STONG THUN CHEN MO SOGS SU GRANGS CAN LAS GYES PA'I MU STEGS PA NYER LNGA YOD PAR BSHAD KYANG, 'DIR GZHUNG CHEN MO RNAMS SU 'DOD TSUL GSAL BAR BSHAD PA'I MU STEGS PA'I LUGS MI 'DRA BA KHYIM STE BCU GNYIS YOD PAS DE DAG 'CHAD DO, ,KHA CIG
, ,RGYAD PHAN PA, GRANGS CAN PA, KHYAB 'JUG PA, DBANG PHYUG PA, GCER BU PA LNGAR MU STEGS PA THAMS CAD 'DUS PAR 'DOD PA 'KHRUL BA YIN TE, RANG SDE BA LA 'DOD TSUL MI MTHUN PA MANG PO YOD KYANG GRUB MTHA' BZHIR BSDUS PA DANG MI MTSUNGS PAR GZHAN SDE BA LA GRANGS MANG PO YOD PA MA BKAG PA'I PHYIR TE, CHAD SMRA RGYAD PHAN BA GCIG DANG, RTAG SMRA GRANGS SER DANG, TSANGS SOGS BZHI DANG, KHYAB DPYOD GNYIS DANG, DBANG PHYUG BYE RIG GSUM DANG, GCER BU PA STE BCU GCIG YOD PAR GRAGS SHING GRUB PA'I PHYIR, ZHES PA'O,, PHUR BU 'JIG RTEN ZHES SOGS KYI TSIG NGON BSHAD DU YOD DE, RES GZA' BDUN GYI NANG GI PHUR BU 'AM LHA'I BLA MA DANG RGYAD PHAN GYI GZHUNG 'BUM RTZOM PA PO'I DRANG SRONG 'JIG RTEN MIG DANG DE'I SLOB MA DRANG SRONG 'JUG STOBS CAN NI RGYANG PHAN PA'I STON PA YIN LA, TSU ROL TE TSE 'DI LA GANG MDZES PA TZAM GYIS CHOG PAR SMRA BAS TSU ROL MDZES PA DANG, SHI BA'I TSE BDAG RGYUN CHAD PAR SMRA BAS CHAD PAR SMRA BA DANG, SKYE BA SNGA PHYI DANG LAS RGYU 'BRAS SOGS CI RIGS MED PAR SMRA BAS MED PAR SMRA BA DANG, LHA PHUR BU STON PAR 'DZIN PAS PHUR BU PA DANG, YANG DAG PA'I LTA BA LAS GUD DU SONG BAS RGYAD PHAN PA DANG, SOGS SGRAS LHA'I BLA MA PA DANG 'JUG STOBS CAN PA DANG NGO BO NYID SMRA BA DANG RANG BZHIN SMRA BA SOGS RNAM GRANGS SO, ,RANG BZHIN RGYUR SMRA BA NI GRANGS CAN PA'I MING YIN PAS 'DIR SBYAR BA NI 'KHRUL BAR SHES PAR GYIS, RGYU 'BRAS DANG LHA SOGS DANG SKYE BA SNGA PHYI MED PAR 'DOD PA DANG, LTA NGAN RE GNYIS KYI NANG TSAN CHANG SMRA BDUN GYI SKABS SU BSHAD PA LTAR LHA SOGS 'DOD PA DANG, LUNG GZHIR YA MTSAN CAN
DGU BCU RTZA DRUG GI SKABS SU 'GRO BA RIGS DRUG DANG LHA LHAR SKYE BA SOGS KYI SKYE BA SNGA PHYI 'DOD PA YOD PAR BSHAD PA DANG, 'JUG BA RTZA 'GREL SOGS SU SEMS 'BYUNG BZHI LAS SKYE BAR 'DOD TSUL DANG, SHES RAB SGRON ME DANG DE'I 'GREL BSHAD SOGS SU BUM PA LA SOGS PA'I YO BYAD RNAMS RKYEN LAS SKYE BAR 'DOD TSUL BSHAD PA'I PHYIR NA RGYANG PHAN PA LA SKYE BA SNGA PHYI DANG RGYU 'BRAS GTAN MED PA DANG MI DANG DUD 'GRO DANG MI GSAL BA'I 'GRO BA GSUM TZAM 'DOD PAS KHYAB ZER BA 'KHRUL BAR RIG PAR BYA'O, ,LUNG GZHI'I 'GREL BAR BSHAD PA LTAR SER SNA CAN KHA CIG 'BYOR BA DANG, SBYIN PA GTONG BA KHA CIG DBUL BAR MTHONG NAS SBYIN PA LA SOGS PA MED DO ZHES PA LTA BU RTOG GE LA BRTEN PA DANG, TSE SNGA MAR SROG GCOD PA KHA CIG TSE RING BA DANG, SROG MI GCOD PA KHA CIG TSE THUNG DUR SKYE BA MNGON SHES KYIS MTHONG NAS DGE BA MED DO, ,MI DGE BA MED DO ZHES PA LTA BU SNYOMS 'JUG LA BRTEN PA DANG, DRANG SRONG 'JIG RTEN MIG GIS RANG GI BU MO LA BGROD PAR 'DOD NAS 'JIG RTEN PHA ROL MED PAR BSHAD PA LTA BU 'DOD PAS GDUNG BA DANG, PHUR BUS BSHAD PA LTA BU PHAN PAR RLOMS BA CI RIGS KYI DBANG GIS BYED PA PO MA MTHONG BAS RGYU 'BRAS MED, SNGA MA NAS 'DIR 'ONGS PA DANG 'DI NAS PHYI MAR 'GRO BA MA MTHONG BAS SKYE BA SNGA PHYI MED, SER SNA CAN 'BYOR BA LTA BU 'BRAS BU RGYU'I RJES SU 'GRO BA MED PAS RGYU 'BRAS MED, LUS SEMS DBANG PO'I SPYOD YUL DU GYUR BA TZAM BDAG YIN PAS SHI BA'I TSE SHES PA'I BDAG NYID KYIS CHAD CING ZAD LA, GZUGS KYI BDAG NYID KYIS ZHIG CING CHUD ZOS PAR 'GYUR BA'I PHYIR SKYE BA SNGA PHYI MED, LHA'I SEMS DANG GMI'I SEMS GNYIS LUS THA DAD LA
, ,BRTEN PA'I PHYIR RGYUD GCIG MA YIN ZHING, CHANG LAS MYOS MTHU DANG ME SHEL LAS ME SKYE BA LTAR SEMS MED 'BYUNG BZHI LAS SEMS SKYE BA YIN LA, MTHAR 'CHI BA'I TSE NAD GI 'BYUNG BA BZHI NI PHYI'I 'BYUNG BZHI'I BAG LA ZHA BAR 'GYUR, MIG SOGS DBANG PO RNAMS NAM MKHA'I BAG LA ZHA BAR 'GYUR BAS LUS SEMS ZAD PA DE NYID MYANG 'DAS YIN PAS NA, MYANG 'DAS DNGOS POR MED PA DANG, DBANG BO'I MNGON SUM MI BSLU BAR MTHOD BAS NA MDON SUM TSAD MA YIN LA, RJES DBANG TSAD MA MA YIN TE, LHA SBYIN GYI BU LAS SNGO BSANGS DPOG PA LTAR 'KHRUL BA'I PHYIR RO, ,ZHES 'DOD DO, ,DE NYID 'GOG PA NI, SEMS YIN PA'I PHYIR NA SKYES MA THAG PA'I SEMS LA SEMS SNGA MA SNGON DU SONG BAR GRUB BA DANG, ZAS KYI DON DU G-YO BA DANG, TSE RABS DRAN PA DANG SPYOD PA THA DAD PA SOGS KYIS KYANG SKYE BA SNGA MA YOD PAR GRUB PA'I PHYIR, BLO DANG BRTZE BA GOMS PAS GSAL SNANG RAB KYI MTHAR PHYIN 'BYUNG RUNG SGRUB PA'I RTAGS SBYOR DANG, 'BRAS BU SKYE MA SKYE RGYU RKYEN YOD MED KYI RJES SU 'GRO LDOG MA 'KHRUL BAR SGRUB PA'I RTAGS SPYOR GNYIS KYIS RIM BZHIN KUN MKHYEN DANG RGYU 'BRAS GRUB CING, SKYE BA SNGA PHYI DANG KUN MKHYEN DANG RGYU 'BRAS SOGS MED PA DE RGYAD PHAN PA'I MNGON SUM GYI SPYOD YUL MA YIN LA, RJES DPAG TSAD MA YIN PA RGYAD PHAN PA RANG NYID KYIS BKAG PA'I RGYU MTSAN GYIS KYANG DE DAG MED PAR 'DOD PA 'KHRUL BAR GRUB CES PA'O,, RGYANG PHAN PA'I GRUB MTHA' TSAD BSAL GYI SKABS SO,, ,,SDAR BSHAD PA'I DRANG SRONG SER SKYA DANG, DRANG SROD MCHOD 'OS DANG, LHA CHEN
DBANG PHYUG DANG, STON PA CHU KLUNG RNAMS GRANGS CAN PA'I STON PA YIN LA, SLOB DPON BYANG CHUB BZANG POS BSHAD PA LTAR DNGOS PO 'BYUNG BA'I RGYU GRANGS NGES PAR SMRA BAS SAM, RTOG GE 'BAR BA LTAR DE NYID NYER LNGA'I GRANGS KYI 'JUG PA'AM, GRANGS YONGS SU SHES PAS GROL BAR 'DOD PAS GRANGS CAN DANG, SKYE LDAN THAMS CAD RANG GI RANG BZHIN LAS SKYE BAR SMRA BAS RANG BZHIN RGYUR SMRA BA DANG, DRANG SRONG SER SKYA'I RJES SU 'BRANG BAS SER SKYA BA DANG, SOGS SGRAS GTZO BO MI GSAL BA RGYUR 'DOD PAS GTZO BO PA SOGS RNAM GRANGS SO, ,DBYE NGO NI SER SKYA TZAM GYI RJES SU 'BRANG ZHING DBANG PHYUG LHAR MI 'DZIN PAS NA SKYE LDAN THAMS CAD RGYU'I DUS NA YOD PA RKYEN GYIS MNGON PAR GSAL BAR 'DOD PA'I GRANGS CAN LHA MED PA DANG, DBANG PHYUG STON PAR 'DZIN PA'I GRANGS CAN LHAR BCAS RGYU 'BRAS MTHA' NGAG RANG BZHIN GCIG YIN KYANG RNAM 'GYUR THA DAD DU 'GRO BA NI DBANG PHYUG GI BYIN RLABS LA LTOS PAR 'DOD PA GNYIS TE, PHYI MA NI STON PA CHU KLUNG RJES 'BRANG DANG BCAS PA'I LUGS YIN NO, ,MNGON SUM TSAD MA NI RNA BA LA SOGS PA'I DBANG PO LNGA RNAMS YID KYIS BYIN GYIS BRLABS NAS SGRA LA SOGS PA'I YUL 'DZIN PA LA 'JUG BZHIN PA LA 'DOD CING, YID KYIS BYIN GYIS BRLABS PA'I DON NI, YID DANG DBANG PO LHAN CIG PHYI ROL GYI YUL LA 'JUG PA'AM, DBANG PO'I 'JUG PA YID KYIS RIG PAR BYED PA LA 'DOD DO, ,DBANG PO'I 'JUG PA LA RKYEN BCAS RKYAN MED KYI 'DOD TSUL GNYIS LAS DANG BO RKYEN BCAS NI LCAGS BSREGS PA NA ME LCAGS RDZAS GCIG MIN KYANG RDZAS GCIG PA LTAR 'BYUNG BA BZHIN DU, SKYES BUS PHYI ROL GYI YUL MYONG BA NA BLO'I ME LONG LA PHYI NAS YUL GYI GZUGS BRNYAN DANG NANG NAS SKYES BU'I GZUGS
, ,BSNYAN SHAR BAS YUL DANG SKYES BU GNYIS 'DRES PA MIN KYANG 'DRES PA LTA BUR SNANG BA DANG, RKYEN MED NI, SKYES BU NI SGRON ME'I 'OD LTA BUR YUL GSAL BAR BYED PA YIN GYI YUL DANG 'DRES PA LTA BUR SNANG BA, MA YIN PAR 'DOD PA'O,, TSAD MA'I MDO'I 'GREL BSHAD LTAR NAD BANG PO'I 'JUG PA DANG SKYES BU GNYIS 'DRES PA LTA BUR SNAD MI SNANG LA BYED CING, SGRON ME'I 'OD KYIS MTSON PA'I DON YANG DBANG PO'I 'JUG PA LA BYED PAR SNANG DO; ;RANG DON RJES DPAG NI, 'BREL BA BDUN GYI 'BREL GZHI'I DNGOS PO GCIG MTHOD PA LA BRTEN NAS GCIG SHOS DPOG PA'I BLO LA BYED LA, 'BREL BA BDUN NI, BRAN DANG RGYAL PO'AM GTZO BO DANG SKYES BU LTA BU NOR DANG NOR BDAG GI 'BREL BA DANG, 'O MA DANG ZHO'AM GTZO BO DANG BLO LTA BU RANG BZHIN DANG RNAM 'GYUR GYI 'BREL BA DANG, SHING RTA DANG DE'I YAN LAG GAM DE TZAM LNGA DANG YON TAN GSUM LTA BU 'BRAS BU DANG RGYU'I NGO BO'I 'BREL BA DANG, RDZA MKHAN DANG BUM PA'AM SKYES BU DANG GTZO BO LTA BU RGYU MTSAN DANG RGYU MTSAN CAN GYI 'BREL BA DANG, YAL GA DANG SHING NGAM DE TZAM LNGA DANG 'BYUNG BA BZHI LTA BU YAN LAG DANG YAN LAG CAN GYI 'BREL BA DANG, DUR BA DANG DUR MA'AM RDUL DANG SNYING STOBS LTA BU LHAN CIG SPYOD PA'I DNGOS PO'I 'BREL BA DANG, SBRUL DANG SRE MONG DAM SHAS CHE CHUNG DU GYUR BA'I YON TAN GSUM LTA BU GNOD BYA GNOD BYED KYI 'BREL BA STE BDUN NO, ,DPE GNYIS GNYIS KYI DANG PO RNAMS 'JIG RTEN DANG, GNYIS PA RNAMS BSTAN BCOS LA GRAGS PA'I DPER BSHAD DO, ,GZHAN DON RJES DPAG LA SGRUB DAG YAN LAG LNGA LDAN LTA BU RANG PHYOGS BSGRUB PA GTZO BOR
GYUR BA RNAM PAR LDAN PA DANG 'GAL BA BRJOD PA'I THAL 'GYUR LTA BU GZHAN PHYOGS BKAG PA GTZO BOR GYUR BA BSAL TE 'ONGS PA GNYIS YOD LA, DBANG PHYUG NAG PO'I RGYUD DANG GZHUNG LUGS SUM CU BA DANG MTSAN NYID LNGA BCU PA SOGS LUD TSAD MAR 'DOD DO, ,RDUL MUN SNYING STOBS KYI YON TAN MED PA DANG 'GRO BA THAMS CAD LA KHYAB PAS NA BYA BA MED PA DANG DGE MI DGE'I BYED PA PO MA YIN PA DANG, MI 'GYUR BAS RTAG PA'I DNGOS PO DANG 'DUS BSAGS MIN PAS SHES RIG DANG, BDE SDUG LA SPYOD PAS ZA BA PO STE KHYAD PAR DU MA DANG LDAN PA'I GANG ZAG GI BDAG YOD ZER, DE LA 'CHING BA LAS MA GROL BAR DU SPYI'I GLOR GNAS PA DANG, DE LAS GROL TSE SPYI'I GLOR MI GNAS PA'I BDAG GNYIS YOD LA, MING GI RNAM GRANGS NI, SHES PA DANG RIG PA DANG SKYES BU DANG BDAG DANG, SOGS SGRAS ZHING SHES PA DANG SEMS PA CAN SOGS SO, ,GTZO BO SOGS NYER BZHI 'DUS BSAGS YIN PAS BEM PO YIN LA, RTZA BA'I RANG BZHIN NI DGE MI DGE SOGS KYI BYED PA PO DANG MI 'JIG PAS RTAG PA DANG CHA SHAS MED PAS GCIG BU DANG, SKYES BU'I LONGS SPYOD BYA YIN PAS YUL DANG RNAM 'GYUR THAMS CAD LA KHYAB PA DANG RTAG TU MI GSAL PA DANG, RDUL MUN SNYING STOBS KYI YON TAN GSUM CHA MNYAM PA'I SHES BYAR 'DOD DO, ,MING GI RNAM GRANGS NI, CHOS RNAMS KYI GNAS LUGS DANG DON DAM PA DANG RANG BZHIN RNAMS GTZO BO'I RNAM GRANGS SU RNAM NGES DAR t'I KA LAS BSHAD DO, ,'ON KYANG SKYES BU YANG DON DAM PA YIN PAR BSHAD PA DANG, CHEN PO SOGS BDUN RANG BZHIN YIN PAS RNAM GRANGS YIN KYANG DON GCIG MIN NO, ,RTZA BA'I RANG BZHIN LAS CHEN PO BLO SKYE ZHING, BLO DE NI SHEL GYI ME LONG NGOS GNYIS PA DANG 'DRA ZHING, DE LA PHYI NAS YUL DANG
, ,NANG NAS SKYES BU'I GZUGS BRNYAN PHRAD PA'AM 'DRES PA NI SKYES BUS YUL 'JAL BA'AM RTOGS TSUL YIN PAR 'DOD DO, ,YON TAN GSUM GYI MING GI RNAM GRANGS NI, SNYING STOBS RDUL MUN GSUM DANG; CHAGS SDANG RMONGS GSUM DANG, BDE SDUG GTI MUG GSUM SOGS SO, ,BLO LA SANGS RGYAS GSUM SKYE ZHING, DANG PO RNAM PAR 'GYUR BA CAN GYI NGA RGYAL LAS DRI RO GZUGS REG SGRA'I DE TZAM LNGA SKYE ZHING, DE LNGAS RIM BZHIN SA CHU ME RLUNG NAM MKHA' STE 'BYUNG BA LNGA SKYED LA, GNYIS PA SNYING STOBS CAN GYI NGA RGYAL LAS DAG DANG LAG PA DANG RKANG PA DANG RKUB DANG 'DOMS KYI DBANG PO STE LAS KYI DBANG PO LNGA DANG, MIG DANG RNA BA DANG SNA DANG LCE DANG PAGS PA'AM LUS KYI DBANG PO STE BLO'I DBANG PO LNGA DANG, GNYIS KA'I BDAG NYID CAN GYI YID KYI DBANG PO STE DBANG PO BCU GCIG SKYE ZHING, GSUM PA MUN PA CAN GYI NGA RGYAL NI SNGA MA DE GNYIS KA'I 'JUG BYED YIN PAR 'JUG PA'I t'IKA CHEN DANG RNAM NGES DAR t'IKA GNYIS KAR BSHAD DO, ,SPYAN RAS GZIGS BRTUL ZHUGS KYI GZHUNG SNGAR DRANGS PA LTAR MUN PA SHAS CHE BA'I NGA RGYAL LAS DE TZAM LNGA SKYE BA DANG, RDUL LAS GYUR BA'I G-YO BA SHAS CHE BA'I NGA RGYAL NI DE'I 'JUG BYED YIN PAR BSHAD PA NI 'JUG PA'I t'IKA CHEN DANG 'GAL MI 'GAL DPYAD PAR BYA'O, ,GTZO BO NI RANG BZHIN KHO NA DANG, CHEN PO SOGS BDUN NI RANG BZHIN RNAM 'GYUR GNYIS KA DANG, DBANG PO BCU GCIG DANG 'BYUNG BA LNGA STE BCU DRUG NI RNAM 'GYUR KHO NA DANG, SKYES BU NI RANG BZHIN DANG RNAM 'GYUR GANG YANG MA YIN PA STE MU BZHI BSHAD PA'I PHYIR NA KHA CIG SHES BYA NYER LNGA GTZO BO DANG
BDAG SHES RIG GI SKYES BU GNYIS SU BSDUD PAR BSHAD PA NI SHIN TU 'KHRUL BAR SHES PAR GYIS, MI GSAL BA'I SHES BYA YIN PAS NA SBYI GTZO BO DANG SHES RIG GI BDAG GNYIS BDEN GRUB KYI DNGOS PO DANG, GSAL BAS NA GZHAN NYER GSUM BRDZUN PA STE KUN RDZO BA PA'I DNGOS POR 'DOD DO, ,SKYE BA'I TSUL NI RGYU'I DUS NA YOD PA RKYEN GYIS MNGON PAR GSAL BAR 'GYUR BA DANG, 'JIG PA'I TSUL NI 'BRAS BU RNAMS RANG RANG GI RANG BZHIN LA THIM PA'AM DE'I DANG DU ZHI BAR GYUR BA LA BYED DO, ,GRANGS CAN LHAR BCAS KYI LUGS NI, SNOD BCUD SNA TSOGS 'DI GTZO BO TZAM LAS 'BYUNG BA MIN TE, GTZO BO LA SEMS MED PA'I PHYIR, KHYAB STE, SEMS MED NA BYIN GYIS BRLOB PA POR MI RUNG BA'I PHYIR, KHYAB PA YOD DE, BYIN GYIS BRLOB PA PO MED PAR 'BRAS BU RTZOM PAR BYED PA MTHONG BA'I PHYIR, SKYES BU NI BYIN GYIS BRLOB PA POR MI RUNG STE, DE'I TSE MI SHES PA'I PHYIR TE DE'I TSE BLO MA SKYES PA'I PHYIR DANG, BLOS NGES PA MED PAR SKYES BUS DON RTOGS PA MED PA'I PHYIR RO, ,NGES NA LHA CHEN DBANG PHYUG DANG GTZO BO GNYIS PHAN TSUN LTOS NAS 'BRAS BU SNA TSOGS SKYED PAR BYED DO, ,RTZA BA'I RANG BZHIN GYI NGO BOR GNAS PA'I YON TAN GSUM GYI NANG NAS RDUL SHAS CHER 'PHEL BA'I TSE DBANG PHYUG GIS SKYE DGU 'BYIN PA'I RGYU DANG, SNYING STOBS SHAS CHER 'PHEL BA'I TSE GNAS PA'I RGYU DANG, MUN BA SHAS CHER 'PHEL BA'I TSE 'JIG PA'I RGYU BYED CING, SNOD BCUD MTHA' DAG SKYED PA'I RGYU DBANG PHYUG DANG GTZO BO GNYIS DUS RTOG TU YOD NA'ANG RDUL MUN SNYING STOBS GSUM SHAS CHE CHUNG DU 'GYUR BA'I RIM PA YOD PA'I PHYIR 'BRAS BU SKYE GNAS,
, ,'JIG GSUM RIM GYIS BYED PA NI 'THAD PA YIN NO, ,ZHES ZER, SKYES BUS YUL LA LONGS SPYOD PAR 'DOD PAN GTZO BOS RNAM 'GYUR SNA TSOGS SPRUL NAS STOBS PAR BYAS PA LAS GANG GI TSE CHAGS PA CHUNG BA NYID KYIS SKYES BUS YUL LA NYES DMIGS SU BLTAS PAS CHAGS PA DANG BRAL BAR GYUR BA NA RIM GYIS BSAM GZUGS KYI TING NGE 'DZIN BSGOM ZHING, BSAM GTAN LA BRTEN NAS LHA'I MIG THOB STE, MIG NGES GTZO BO LA BLTAS PA NA GTZO BO DE GZHAN GYI BUD MED LTAR NGO TSA BAR GYUR BAS, BDAG LA MI 'GRO ZHING 'BRAL BAR 'GYUR LA, DE'I TSE RNAM 'GYUR THAMS CAD SKYE BA'I RIM PA LAS BZLOG PA'I SGO NAS GTZO BO LA THIM NAS MI GSAL BAR GYUR BA'I TSE BDAG 'BA' ZHIG LUS PA NA THAR PA THOB PAR 'DOD DO, ,LAM SOGS ZHES PA'I SOGS SGRAS DE NYID NYER LNGA SPYI DANG KHYAD PAR DU GTZO BDAG GCIG GCIG GIS STONG PAR BSGOM PA'I LAM SOGS BSDUD PA YIN ZHING, BDAG 'BA' ZHIG LUS PA'I THAR BA DANG RANG BZHIN BDAG NAS GROL BA'I THAR BA GNYIS SNGAR BSHAD PA LTAR DANG, DE'I PHYI MA NI RTZA BA'I RANG BZHIN NYID BDAG LAS THAR BA'I DON YIN PAS, BDAG GNAS ZHES GAS 'PHUL 'BYUNG BA YI GE MA DAG GO, SNGAR BSHAD PA'I MTSAN NYID LNGA BCU DANG 'CHING BA DANG THAR BA GSUM GSUM DANG, SOGS SGRAS DE NYID NYER LNGA SHES NA GNAS GANG DU CHA LUGS GANG GIS GNAS KYANG THAR BAR 'DOD PA SOGS KYI KHYAD PAR RNAMS BSDUD DO, ,DE DAG DGAG TSUL NI, RGYU'I DUS NA YOD KYANG SLAR SKYE NA SKYE BA DON MED DANG THUG MED DU THAL BAR 'GYUR BA DANG,
SKYED BYED RTAG PA DANG DE MA NYAMS PAR YOD BZHIN DU 'BRAS BU NYER GSUM LDOG PA 'GAL 'DU DANG, BLO NI BEM PO YIN PA'I PHYIR BDE SDUG MI MYONG BAR 'GYUR BA DANG, GTZO BO DANG BDAG NI KUN LA KHYAB PA'I PHYIR NA CHA SHAS MED PA 'GAL BA DANG, SKYES BU NI RTAG PA YIN PA'I PHYIR NA SHES PA MA YIN PAR 'GYUR ZHING, SKYES BU RTAG PA YIN PA LA 'CHING BA DANG GROL BA CI ZHIG YOD DE MI SRID PAR 'GYUR RO, ,ZHES PA'O, ,GRANGS CAN DANG SER SKYA BA'I GRUB MTHA' TSAD BSAL GYI SKABS SO,, ,,LHA TSANGS PA DANG SOGS SGRAS SKYE DGU'I BDAG PO SOGS TSANGS PA PA'I STON PA YIN LA, TSANGS PA PA DANG BRAM ZE DANG RIG BYED PA SOGS RNAM GRANGS DANG, 'JIG RTEN CHAGS PA'I TSE TSANGS PA DE LHA CHEN DBANG PHYUG GIS SPRUL PA'I BAD MA'I SGO NGA BRDOL PA LAS SKYES SHING, DE'I MING NI BSKAL BA GZHAN LA SKAL LDAN ZHES BYA LA, BSKAL BA 'DI'I DUS BDUN LA RIM BZHIN RANG BYUNG DANG TSANGS PA DANG SKYE DGU'I BDAG PO DANG PADMA'I SKYE GNAS DANG GDONG BZHI BA DANG MES PO DANG GSER GYI SNYING PO CAN ZHES BYA BA DANG, SKYE DGU'I BDAG PO BYUNG NAS 'JIG RTEN GYI MA BRGYAD PA SKYED CING, ZHAL BZHI LAS RIG BYED BZHI BYUNG ZHING, KHA LAS BRAM ZE DANG, DBUNG BA LAS RGYAL RIGS DANG, BRLA DAG LAS RJE'U RIGS DANG, RKANG MTHIL DAG LAS DMANGS RIGS TE LUS KYI CHA BZHI LAS MI RIGS BZHI SKYES SHING, DE BZHIN DU SNOD BCUD SPRUL BAS 'JIG RTEN BYED PA POR GYUR RO, ,RIG BYED NI SUS KYANG MA BYAS PAS RANG BYUNG DANG, DER BSHAD PA'I AA SHVA ME DHVA STE RTA'I MCHOD SBYIN NI TSANGS PA SGRUB PA'I THABS MCHOG TU 'DOD DO,, 'DI DAG NI TSANGS PA PA SPYI'I 'DOD TSUL LO, ,DE LA NANG SHES KYIS PHYE NA BRDA SPROD PA SOGS GSUM
, ,LAS; BRNGA SPROD PA NI, TSANGS PA RTAG ZHI PA STON PA YIN LA, 'DI'I RTZA BAR SOGS SGRA MED PAS NA 'GREL BAR SOGS SMRAS DBANG PO SOGS STON PA ZHES PA YI GE NOR RO, ,BRDA SPROD PA DANG, SGRA BYED PA DANG SGRA'I TSANGS PA SMRA BA SOGS MING GI RNAM GRANGS SO, ,SNOD BCUD SNA TSOGS SKYE BA'I GZHI BYED BA'I SGRA'I TSANGS PA SMRA ZHING, 'DI NI AA AU MA GSUM 'DUS PA'I AOm YIG DANG, GZHUNG LA LAR A'Om RING PO'ANG BYUNG BA, DNGOS PO KUN GYI RANG BZHIN DANG, CHA SHAS MED PA DANG RTAG PA DANG YUL LA DNGOS DBANG GIS BDEN PAR 'JUG PA ZHIG GO ,PHYI NANG GI DNGOS PO THAMS CAD SGRA'I TSANGS PA GCIG PU'I RANG BZHIN YIN KYANG MA RIG PA'I RAB RIB KYIS BLO'I MIG BSLAD PA RNAMS LA SNGO SER DKAR DMAR SOGS GZUNG 'DZIN SNA TSOGS SU SNANG NGO, ,ME LA PHYUG BSREG PA SOGS PHYI DANG, BUD MED KYI BHA GA'I THAB TU KHAMS 'DZAG PA'I NANG GI SBYIN BSREG GNYIS LAM DU BYED CING, KHAMS 'DZAG PA'I DUS KYI RNAM RTOG RAGS PA LOG PA'I BDE STONG THAR BAR 'DOD DO, ,TSAD MA RIG BYED KHO NAR 'DOD PA DANG MNGON RJES TSAD MAR 'DOD PA GNYIS YOD DO, ,RIG BYED MTHAR SMRA NI, TSANGS PA SOGS STON PA YIN LA; RIG BYED BZHI'I MTHAR SON PAR SMRA BAS RIG BYED MTHAR SMRA DANG, BRAM ZE RNAMS KYI NANG NAS KHO BO MCHOG CES SMRA BAS BRAM ZE MCHOG SMRA DANG, RIG BYED NAS BSHAD PA'I SKYES BU GCIG BU SNOD BCUD SNA TSOGS KYI RGYUR SMRA BAS SKYES BU RGYUR SMRA BA SOGS RNAM GRANGS SO, ,RI RAB LTAR BSTAN PAR MI NUS SHING SNOD BCUD THAMS CAD LA KHYAB PA DANG SKRA RTZE 'BUM GYI CHA TZAM DU PHRA BA DANG SHES PA'I NGO BO DANG, MI 'JIG PA'I RTAG PA DANG, 'JIG PA'AM THIM PAR MI 'GYUR BA'I
NUS PA CAN YIN PAS SKYES BU DANG, KHA DOG SNA TSOGS CAN YIN PAS NYI MA'I MDOG CAN DANG, MUN PA STE KHAMS GSUM LAS 'DAS PA'I BDAG KHO NAS SNOD BCUD SKYE GNAS 'JIG GSUM DANG 'GRO BA 'CHING GROL DANG BDE SDUG DANG MTHO DMAN SNA TSOGS BYED CING, GANG GI TSE RNAL 'BYOR BAS BDAG DE SGOM NAS LHA'I MIG GIS BDAG DE GSER GYI MDOG CAN DU MTHONG BA'I TSE RNA 'BYOR BA DE BDAG DE NYID DU THIM PAR 'GYUR LA DE NYID 'GROL BA YIN NO, ,GSANG BA PA NI, TSANGS PA LA SOGS PA NI STON PA YIN LA, RIG BYED GSANG BA PA DANG GNYIS MED LTA BA PA DANG, RNAM SHES KYI TSANGS PA SMRA BA SOGS RNAM GRANGS SO, ,BDUD RTZI THIG PA LA SOGS PA'I RIG BYED NI LUNG TSAD MA DANG, RNAM SHES KYI TSANGS PA ZHES BYA BA SHES PA DANG RIG PA DANG RTAG PA'I BDAG CHA SHAS MED PA DANG, DE LAS NGO BO THA DAD PA'I SHES BYA MED PAS NGO BO GNYIS MED DANG, BDEN GRUB KYI DNGOS PO ZHIG TU 'DOD DO, ,RTZA BAR NGO BO NYID MED CES PA YI GE NOR RAM SNYAM YANG DBYAD DGOS SO, ,DE DAG DGAG PA NI, MI THAMS CAD TSANGS PA LAS SKYES PA'I PHYIR RIGS BZHI MED PAR 'GYUR BA DANG, MI PHO MO THAMS CAD PHA GCIG LAS SKYES PA'I MING SRING YIN PAS NA DE DAG 'KHRIG PA SPYOD TSE MING SRING KUN SBYAD PAR 'GYUR LA, DE LTA NA KLA KLO'I TSES LA 'JUG PAS BRAM ZE'I CHOS LUGS THAMS CAD 'BYUNG BA DANG, PHYUGS GSOD PA SOGS 'TSE BA CHOS YIN NA DMYAL BAR SKYE BA'I RGYU GANG YIN TE MED PAR 'GYUR BA DANG, SOGS SGRAS SGRA'I TSANGS PA DANG SKYES BU NYI MDOG DANG RNAM SHES KYI TSANGS PA SOGS 'GOG TSUL BSDUNG PA YIN NO, ,TSANGS SOGS BZHI'I GRUB MTHA' TSAD BSAL GYI SKABS SO,, ,,NOR LHA STE KHYAB 'JUG DANG BLA MA ZLA BA DANG GZHON NU MA
, ,LEN SOGS KHYAB 'JUG PA'I STON PA DANG, KHYAB 'JUG PA DANG ZLA BA DANG GLU'I CHOS SMRA BA SOGS KHYAB 'JUG PA'I RNAM GRANGS DANG, RTOG PA LA PHAN PA'I YAL GA DANG MTSAN MO LNGA PA SOGS LUNG TSAD MA'O, ,LHA KHYAB 'JUG NI BUD MED MANG PO STE KHRI DRUG STONG GIS BSKOR ZHING RGYA MTSO'I NAD DU SGOR LDAN GYI GRONG KHYER NA GNAS PAR 'DOD DO, ,NYI MA DANG SOGS SGRAS ZLA BA DANG RLUNG 'OD ZER DANG LDAN PA DANG RIG BYED SNYAN TSIG DANG LHA DBANG BRGYA BYIN SOGS SNOD BCUD KYI MCHOG GANG YIN PA THAMS CAD KHYAB 'JUG NGA YIN NO ZHES SMRAS PA DANG, NGA BRAM ZE'I LUS KYIS SBYIN SREG BYED PA PO DANG ZA BA PO YANG YIN NO; ;ZHES ZER RO, ,NYI SOGS MCHOG NGA ZHES 'DON DGOS PAS MCHOG DE ZHES PA DPE MA DAG GO ,KHYAB 'JUG PA'I NGO BO LA GNYIS LAS, ZHI BA LHA RDZAS KYI NGO BO YOD MED SOGS MTHA' BZHI DANG BRAL BA BSGOM NA THAR BA THOB PAR 'DOD DO, ,MA ZHI BA SA STENG GI NGO BO LA NYA DANG RUS SPAL DANG PHAG RGOD DANG MI'I SENG GE DANG MI'I THUNG DANG SHING RTA BCU PA'I BU DGA' BYED DANG DZA M'A NGA AAGNI'I BU DGA' BYED DANG NAG PO'I MING CAN DANG SANGS RGYAS SH'AKYA THUB PA DANG RIGS LDAN KA RKI RTZE ZHES BYA BAR SPRUL PA'I 'JUG PA BCUS RIM PA BZHIN DU, RIG BYED BZHI RGYA MTSOR NUB PA BTON PA DANG, 'JIG RTEN RGYA MTSOR BYING PA BTEG PA DANG, TSANGS PA'I 'JIG RTEN MAN CHAD MNAN PA DANG, LHA MIN GYI RGYAL PO 'GRO SKYONG GSER CAN BSAD PA DANG, LHA MIN GYI RGYAL PO STOBS LDAN LA GOMS PA GNYIS KYI SA SLONG ZHES BSLUS PA DANG, SRIN PO LANG KA MGRIN BCU BSAD PA DANG, RGYAL
PO SRID SGRUB BSAD NAS RGYAL RIGS BCAD PA DANG, CHU BO BZHI PHYOGS KUN TU DRANGS PA SOGS SEMS CAN GYI DON BYAS PA DANG, SRIN PO MANG PO BSAD PA'I SDIG PA SBYANGS PA DANG, SEMS CAN MANG PO BRTUL BAR BYED PAR 'DOD DO, ,'JIG RTEN RTZOM PA'I BYED PA PO RDUL PHRAN RTAG PA CHA MED YOD PA DANG, BDAG RTAG PA YOD PA DANG, DES BYAS PA'I DGE MI DGE'I LAS YOD PA DANG, DUS RTAG DNGOS YOD PA DANG, SA LA SOGS PA'I RANG BZHIN NAM RDZAS YOD PA DANG, SNYING STOBS LA SOGS PA'I RDZAS KYI YON TAN YOD PA DANG, DNGOS PO THAMS CAD RTZA BAR THIM PA'I SGO NAS NYAMS PA'AM ZHIG PA'I STONG PA NYID YOD PA DANG, BYED PA PO DGE BA DANG MI DGE BAS BYAS PA'I 'BRAS BU BDE SDUG STER BA'I RGYU YOD PAR 'DOD DO, ,'PHO BA SOGS YAN LAG DRUG LDAN GYI RLUNG GI RNAL 'BYOR DANG, AOm YIG TSAD GSUM LDAN BSGOM NA KHYAB 'JUG GIS GROL BA'I DNGOS GRUB STER BAR 'DOD CING; 'KHOR BA NYAMS PA'AM STONGS PA'I THAR PA YOD PAR 'DOD PAS NA, 'KHOR BA RE ZHIG PA'I MTHA' CAN DU 'DOD DO, ,RGYAL DPOG PA NI DBYOD PA PA'I STON PA YIN LA, SPYOD PA BA DANG RGYAL DPOG PA NI RNAM GRANGS SO, , BDAG NI GRANGS CAN LTAR BLO LAS DON GZHAN MA YIN PAR BLO'I NGO BO DANG, DBANG PHYUG PA LTAR BEM PO MA YIN PAR SHES RIG GI RANG BZHIN DANG, SANGS RGYAS PA LTAR MI RTAG PA MA YIN PAR RTAG B'I NGO BO DANG, RGYANG PHAN LTAR LUS SEMS DBYER MED MA YIN PAR LUS LAS YAN GAR BA'I RDZAS YOD DANG, RIG PA CAN PA LTAR MTHA' GCIG TU RJES SU 'GRO BA MA YIN PAR BDE SOGS MYONG BA'I NGO BO NI LDOG PA YOD LA, SEMS PA CAN GYI NGO BO NI DUS THAMS CAD DU MI LDOG PAR
, ,RJES SU 'GRO BAR 'DOD DO, ,DRI MA SHES RIG GI SKYES BU'I RANG BZHIN LA ZHUGS PAS SKYON ZAD PA'I KUN MKHYEN MED LA, MTHO RIS KYI TSANGS PA LTA BU NGAN SONG LAS GROL BAS THAR BAR 'DOD NA YANG SLAR MI LDOG PA'I THAR BA MI 'DOD DO, ,RTOG GE 'BAR BA SNGAR DRANGS PA LTAR BYAS PA'I SHUGS BZHI BCU RTZA BRGYAD NI BRAM ZER 'GYUR BA'I RGYU YIN ZHING, RVA BZHI NI RIG BYED BZHI, RKANG PA GSUM NI THO RANGS LA SOGS PA'I DUS GSUM MAM SBYIN BSREG GI ME LA SOGS PA GSUM, MGO BO GNYIS NI MCHOD SBYIN BYED PA PO DANG DE'I CHUNG MA'AM YI GE AOm DANG DBYANGS KYI SDE BA SBYOR GNYIS, LAG PA BDUN NI SDEB SBYOR BDUN, GSUM NAS BCINGS PA NI SNYING KHA DANG MGRIN PA DANG MGO BO NAS DANG, KHYU MCHOG NI YI GE AOm DANG, NGA RO NI NANG DU SGRA BYED PA'I DON TE, DE LTA BU RIG BYED KYI KHYAD PAR MANG PO DANG, GZHAN YANG, SHES BRJOD DANG BSTOD PA DANG CHO GA GSUM MAM, ZAS BDUN NI BSREG RDZAS BDUN, LCE BDUN NI SDEB SBYOR BDUN, DRANG SRONG BDUN, KHYIM BDUN, NYIN ZHAG BDUN DU LAN BDUN MCHOD PA DANG, SKYE GNAS BDUN DU MAR GYIS TSIM PAR BYED PA STE BDUN TSAN BDUN GYIS MCHOD SBYIN BYED PAR 'DOD DO, ,MNGON SUM DANG RJES DPAG DANG DPE NYER 'JAL DANG SGRA BYUNG DANG DON GYIS GO BA DANG DNGOS MED KYI TSAD MA STE SNGAR BSHAD PA LTAR GYI TSAD MA DRUG DANG, KHA CIG STE THUB PA TZ'A RA KA BAS RIt PA DANG SRID PA CAN DANG MA DMIGS PA DANG GRAGS PA DANG SNYAM SEMS PA'I TSAD MA SOGS 'DOD DO, ,DE DAG DGAG PA NI, KHYAB 'JUG NI SNOD BCUD KUN LA KHYAB PA'I PHYIR NA DE BROS PA 'GAL ZHING 'JUG PA BCU RDZUN PAR GRUB PA DANG,
SPANGS RTOGS MTHAR THUG PAR 'GRO BA YOD PA'I RTAGS KYIS RIM BZHIN NYES PA ZAD PA DANG KUN MKHYEN YOD PAR GRUB CES PA'O, ,KHYAB 'JUG PA DANG DPYOD PA BA'I GRUB MTHA' TSAD BSAL GYI SKABS SO,, ,,ZHI BA THOB PAS NA ZHI BA STE DBANG PHYUG DANG LHA CHEN GYI BTZUN MO BSRUNG BA'I DRANG SRONG RKANG MIG LA SOGS PA NI DBANG PHYUG PA'I STON PA DANG, DBANG PHYUG PA DANG GDOD NAS SRID PA 'BYIN PAS YE SRID DE LHA CHEN GYI RJES SU 'BRANG BA'I PHYIR YE SRID PA DANG ZHIB PA SOGS DBANG PHYUG PA'I RNAM GRANGS YIN NO, ,DE LA DBYE NA GRANGS CAN LHAR BCAS DANG GSAL BYED PA DANG RNA BA MA PHUG PA GSUM YOD LA, DBANG PHYUG SGRAB BSGRAGS KYI RGYUD DANG RME BRTZEGS KYI RGYUD LA SOGS PA NI LUNG TSAD MA'O; ;LHA CHEN DBANG PHYUG NI PHRA BA DANG YANG BA DANG BDAG POR GYUR BA DANG, DBANG DU GYUR BA DANG GAR YANG PHYIN PA DANG MCHOD PAR BYA BA DANG 'DOD DGUR LDAN PA DANG DGA' MGUR GNAS PA ZHES BYA BA'I YON TAN BRGYAD DANG LDAN ZHING, GANGS RI CHEN PO TI SE LA GNAS PAR BSHAD DO, ,STE'U BZHIN SDOD CING LAS LA 'JUG PA'I PHYIR DANG, BUM SOGS BZHIN DBYIBS KHYAD PAR BA DANG LDAN PA'I PHYIR DANG, DGRA STA BZHIN DON BYED NUS PA'I PHYIR DANG, SDIG CAN TSE RING BA DANG, DGE BA CAN TSE THUNG BA SOGS DANG, SER SNA CAN PHYUG PA DANG, GTONG SEMS CAN DBUL BA SOGS 'CHOL BAR MTHONG BA'I PHYIR NA DGE MI DGE'I LAS LAS GZHAN PA'I SNOD BCUD KYI 'JIG RTEN SKYE 'JIG BYED PA PO YOD PAR GRUB CING, DE YANG DBANG PHYUG YIN PAR GRUB PO, ,SNOD BCUD BYED PA PO DANG, BDAG RTAG PA DANG LAS DANG DUS DANG RANG BZHIN DANG YON TAN DANG ZHIG PA'I STONG PA SOGS NGAR KHYAB 'JUG PA'I SKABS SU BSHAD PA RNAMS DANG, RNAM PAR SHES PA
, ,YUL RNAMS LA 'JUG PAR BYED PA'I LAM MIG LA SOGS PA DRUG DANG, NAM MKHA' RLUNG CHE CHU SA'I KHAMS LNGA STE KHAMS KYI DE NYID DANG, DBYANGS GSAL GYI BDAG NYID CAN GYI SNGAGS KYI DE NYID DANG, DGA' BA SPYAD PA'I SGYU RTZAL DRUG CU RTZA BZHI STE 'DOD PA'I DE NYID DANG, BDAG RTAG PA STE BDAG GA DE NYID DANG, THAMS CAD LA KHYAB PA'I DBANG PHYUG ZHI BA'I DE NYID DE DE NYID LNGA DANG, ZHI BA DBANG PHYUG DE NI BCUD KYI 'GRO BA THAMS CAD KYI LUS NGAG SEMS GSUM LA GNAS PAS SKYE BA'I TSE LAM DRUG SOGS SBYOR BA STE 'DU BA'I RGYU DANG, 'CHI BA'I DUS SU GTANG BA STE 'BRAL BA'I RGYU BYED PA DANG, LUS LA GNAS PA'I KHYIM BCU GNYIS TE NANG GI 'PHO CHEN BCU GNYIS LA MDUD PA'I SGRAS BSTAN PA DANG, SAD PA DANG GNYID 'THUG DANG RMI LAM DANG 'KHRIG DUS KYI YE SHES TE SHES PA BZHI LAS, BZHI PA 'KHRIG PA'I BDE BA GRUB PA'I YE SHES THAR BA'I GO 'PHANG YIN PAR SMRA BA DANG, KHYAB 'JUG PA'I SKABS SU BSHAD PA LTAR GYI RLUNG GI RNAL 'BYOR DANG DRAG PO STE DBANG PHYUG GI LING GA'I RTZE NAS DBANG BSKUR BAR BYED PA DANG, BUD MED NUS LDAN DANG SBYAR NAS KHAMS 'DZAG PA'I BDE PA SOGS THAR BA THOB BYED KYI LAM DU 'DOD DE, ,SPYIR DBANG PHYUG PA LA BYE RIG GNYIS DANG GRANGS CAN DANG TSANGS PA BA DANG KHYAB 'JUG PA SOGS MANG PO YOD KYANG DUS 'KHOR NAS BSHAD PA'I DBANG PHYUG PA NI BYED PA PO DANG BDAG SOGS BDUN 'DOD PA DANG, YONGS GRAGS KYI BYE RIG GNYIS KYIS TSIG DON DRUG DANG YON TAN NYER BZHI SOGS 'DOD PA'I THA SNYAD 'GAL BA DANG DON KYANG MI MTHUN PAS, DE 'DRA BA'I DBANG PHYUG PA DE YONGS GRAGS KYI BYE BRAG PA
DANG RIG PA CAN SOGS MA YIN NO, ,BYE BRAG PA'I STON PA NI DRANG SRONG 'UG PA DANG DRANG SRTONG GZEG CAN DANG, RIG P CAN PA'I STON PA NI DRANG SRONG RKANG MIG SOGS DANG, RNAM GRANGS NI GZEG ZAN PA DANG RKANG MIG PA DANG 'UG PA BA DANG 'UG PHRUG PA DANG LUNG TZAM PA SOGS CI RIGS SBYOR RO, ,DBYE BA NI GZEG ZAN GYIS BYAS PA'I BYE BRAG GSAL BA'I MDO'I RJES SU 'BRANG BA'I BYE BRAG PA DANG, RKANG MIG GIS BYAS PA'I RIG PA'I LTA BA ZHES BYA BA'I BSTAN BCOS KYI RJES SU 'BRANG BA'I RIG PA CAN GNYIS DANG LUNG TZAM PA DANG GSUM ZHES BSHAD PA'ANG YOD DO, ,TSIG GI DON DRUG PO DE MNGON RJES NYER 'JAL SGRA BYUNG TSAD MA BZHI PO CI RIGS KYIS 'JAL BAR 'DOD PA LAS, MNGON SUM TSAD MA NI, BDAG DANG DBANG PO DANG YID DANG DON PHRAD PA DE YIN LA, DBYE NA DRUG YOD CING, PHRAD PA DE'I NGO BO NI DBANG DON SOGS LAS DON GZHAN PA'I BEM POR 'DOD PA NI BYE BRAG PA'I LUGS DANG, DBANG PO DANG DON PHRAD PA LAS SKYES PA'I SHES PA KHYAD PAR TE THA SNYAD DU BYA BA MA YIN PA 'DZIN RTOG STE MA 'KHRUL BA'I ZHEN RIG MNGON SUM TSAD MAR 'DOD PA NI RIG PA CAN PA'I LUG SO, ,RIG PA CAN PA'I LUGS LA, RTAGS CHOS DANG RTAGS CHOS KYI 'BREL BA RANG MTSAN PA 'DZIN PA'I MNGON SUM DE SNGON DU SONG BA CAN GYI RJES DPAG LA RGYU LAS 'BRAS BU DPOG PA SNGA MA CAN DANG, 'BRAS BU LAS RGYU DPOG PA LHAG LDAN DANG, CHOS GCIG MTHONG BA LAS GZHON SHIN TU LKOG GYUR DPOG PA SPYIR MTHONG BA CAN TE RANG DON RJES BDAG GSUM DANG, BYE BRAG PA'I LUGS LA, 'DI NI BA LANG KHO NA'O,, 'DI NI RTA KHO NA'O SNYAM PA NI MNGON SUM YIN LA, MNGON SUM GYIS MTHONG BA'I DON LAS BLTA BAR BYA BA'I DON GZHAN RJES SU RTOGS PA'I BLO NI RJES DPAG YIN NO, ,DE LA RGYU LAS
, ,'BRAS BU DPOG PA DANG, 'BREL BA BZUNG BA LAS 'BREL BA CAN DPOG PA DANG, DON GCIG LA 'DU BA LAS 'DU BA CAN DPOG PA DANG, 'GAL ZLAS 'GAL ZLA GZHAN DPOG PA STE RANG DON RJES DPAG BZHIR BSHAD DO, ,'ON KYANG 'DIR GSUM GSUM ZHES GSUNGS PA NI BAR BA GNYIS GCIG TU BSDUD DAM SNYAM MO, ,RGYUS 'BRAS BU DPOG PA'I LHAG LDAN GYI GTAN TSIGS DE RTAGS YANG DAG TU 'DOD PA DANG, SOGS SGRAS BSDUD PA RTOG GE'I TSIG DON BCU DRUG DANG, YAN LAG LNGA LDAN GYI SGRUB NGAG LTA BU GZHAN DON RJES DPAG TU 'DOD LA, NYER 'JAL GYI TSAD MA NI BA LANG DANG 'DRA BAS BA MIN YIN PAR SGRUB PA LTA BU'O, ,SGRA BYUNG TSAD MA LA SHES PA DANG LUNG GNYIS LAS, LUNG NI ZHI BA STE DBANG PHYUG GIS BYAS PA'I RGYUD DE ZHI BA'I MDZES SBYAR SOGS DANG, DRANG SRONG 'UG PAS BYAS PA'I BYE BRAG GSAL BA'I MDO MING GZHAN 'JIG RTEN MIG MDOR GRAGS PA DANG, RKANG MIG GIS BYAS PA'I RIG PA'I LTA BA ZHES BYA BA'I BSTAN BCOS SOGS SO, ,RDZAS DANG YON TAN DANG LAS DANG SPYI DANG BYE BRAG DANG 'DU BA STE TSIG GI DON DRUG PO BDEN GRUB KYI DNGOS PO'AM GZHI YIN LA, DE'I DANG PO RDZAS LA SA CHU ME RLUNG STE 'BYUNG BZHI DANG YID DANG NAM MKHA' DANG PHYOGS DANG BDAG DANG DUS TE RDZAS DGU LAS, SA CHU ME RLUNG YID DE LNGA NI YONGS SU CHAD PA'I PHYIR MA KHYAB PA'I RDZAS DANG, BDAG PHYOGS MKHA' DUS BZHI NI YONGS SU MA CHAN PA'I PHYIR KHYAB PA'I RDZAS SO, ,GZUGS DRI RO REG STE YON TAN BZHI LDAN DANG, GZUGS RO REG STE YON TAN GSUM LDAN DANG, GZUGS REG STE YON TAN GNYIS LDAN DANG, REG BYA TZAM STE YON TAN GCIG LDAN GYI RDZAS NI RIM BZHIN SA DANG
CHU DANG ME DANG RLUNG STE 'BYUNG BA BZHI'O, ,TSIG DON GZHAN NI RTAG PA DANG YON TAN LA RTAG MI RTAG GI CHA GNYIS DANG LAS NI MI RTAG PA KHO NAR BSHAD KYANG RDZAS LA RTAG MI RTAG GI CHA GNYIS YOD PAR TSAD CHEN DKA' 'GREL DANG RNAM 'GREL t'IKA CHEN SOGS LAS BSHAD DO, ,'BRAS BU BDE SDUG ZA BA PO DANG RGYU MI DGE BYED PA PO DANG 'DUS MA BYAS DANG MI 'JIG PA'I RTAG PA DANG SHES PA MIN PA'I BEM PO DANG THAMS CAD LA KHYAB PA DANG BYA BA MED PA'I BDAG RDZAS YOD 'DOD LA, BDAG KUN LA KHYAB PA DANG RDUL PHRA RAB KYI TSAD TZAM DU 'DOD PA NI RIM BZHIN BYE BRAG PA DANG RIG PA CAN PA'I LUGS SU KHA CIG 'DOD LA, RANG LUGS NI BYE BRAG PAS BDAG KUN LA KHYAB PAR 'DOD PA DANG RIG PA CAN PAS SPYIR BDAG NI KUN LA KHYAB KYANG, YID TZAM DANG 'PHROD 'DU 'BREL BA'I BDAG NI RDUL PHRA RAB KYI BONGS TSANG TZAM DU 'DOD PA'I KHYAD PAR YOD DO, ,RTZA BA'I DPE LA BYA BYED ZHES PA YIG NOR YIN PAS BYA MED ZHES 'DON PAR GYIS, YID KYI RDZAS NI RTAG PA'I DNGOS PO DANG RTOG BCAS DANG YUL CAN DANG BLO YIN PAR BSHAD KYANG SNGAR BSHAD PA LTAR DBYAD GZHI YOD DAM SNYAM STE, YID NI RDZAS DANG BLO NI YON TAN YIN PAR BSHAD PA'I PHYIR DANG, YID NI BEM PO DANG BLO SHES PA YIN PAR BSHAD PA'I PHYIR RO, ,RDZAS NI BYA BA DANG LDAN PA DANG YON TAN DANG LDAN PA DANG 'DU BA'I RGYUR GYUR PA STE KHYAD PAR GSUM LDAN YIN LA, RDZAS LA BRTEN PA DANG YON TAN GZHAN DANG MI LDAN PA DANG 'DU 'BRAL GYI RGYU MI BYED PA DANG RTAGS LA LTOS PA MED PA STE KHYAD PAR BZHI LDAN GYI DON NI YON TAN YIN ZHING, DE LA DBYEN NYER BZHI YOD PAR KA SHIS BSHAD LA, NYER LNGAR BSHAD PA YANG YOD DO, ,GZUGS SOGS LNGA DANG LCI GSHER DRO SNUM BZHI, ,GRANGS TSAD SOR DBYE LDAN GZHAN GZHAN MIN BDUN, ,BLO DANG BDE SDUG
, ,'DOD SDANG 'DUS BYAS 'BAD, ,CHOS DANG CHOS MIN DGU STE NYER LNGAR BZUNG, ,LAS NI 'DEGS PA DANG 'JOG PA DANG BSKUM PA DANG BRKYANGS PA DANG 'GRO BA STE LNGA'O,, DE BZHIN DU CHA DANG CHA CAN DANG YON TAN DANG YON TAN CAN DANG, BYA BYED DANG, MTSAN MTSON SOGS THAMS CAD PHAN TSUN DON GZHAN PA'I RDZAS YOD DU 'DOD DO, ,RDZAS DANG YON TAN DANG LAS GSUM LA RJES SU 'GRO ZHING GSUM PO DE DAG LAS DON GZHAN PA'I SHES BYA NI SPYI YIN LA, SPYI BYE BRAG 'DU BA GSUM NI MA SKYES PA DANG KHYAB PA DANG RTAG PA DANG CHA MED DANG BYA BA MED PA DANG RDZAS LA BRTEN PA DANG YON TAN LA BRTEN PA DANG LAS LA BRTEN PA STE KHYAD PAR BRGYAD LDAN DU BSHAD KYANG, DE GSUM GANG RUNG LA KHYAD PAR BRGYAD TSANG BAS MA KHYAB STE, YON TAN LA BRTEN PA'I NYE TSE BA'I SPYI DANG DE'I BYE BRAG LTA BU DE RDZAS LA BRTEN PA MA YIN PA'I PHYIR, RANG GI RTEN DE GZHAN LAS KHYAD ZHUGS PA STE MI 'DRA BA'I KHYAD PAR YOD PAR 'DZIN PA'I SHES PA'I GZUNG YUL NI BYE BRAG DANG, RTEN LA BRTEN PA YOD PAR 'DZIN PA'I SHES PA'I GZUNG YUL DU GYUR BA'I DON NI 'DU BA STE, DE LA RTEN DANG BRTEN PA GO SA THA DAD PA'I LDAN 'BREL DANG GO SA THA MI DANG BA'I 'DU 'BREL GNYIS YOD PAR RNAM NGES DAR t'IKA TU BSHAD KYANG, t'IKA CHEN DANG MTHUN MI MTHUN LA DBYANG GZHI YOD PAR SNGAR BSHAD ZIN, SNONG BCUD KYI 'JIG RTEN DANG POR CHAGS PA'I CHO, NAM MKHAR 'BYUNG BZHI'I RDUL PHRA RAB RTAG CING CHA SHAS MED PA RNAMS SO SOR GNAS PA DE NYID, DBANG PHYUG GIS 'JIG RTEN SPRUL PAR 'DOD PA DANG SEMS CAN GYI CHOS DANG CHOS MIN GYI LAS KYI DBANG GIS DANG POR RLUNG RDUL PHRA RAB GNYIS 'BYAR BA SOGS KYI
RIM PAS CHAGS TSUL SNGAR BZHIN DANG, KHRUS DANG SOGS SGRAS DBANG BSKUR DANG BSNYUNG GNAS DANG BLA MA'I KHYIM DU GNAS NAS TSANGS PAR SPYOD PA SOGS CHOS SU 'DOD DO, ,'KHOR BAR 'KHOR BA NI JI SRID DU BLO LA SOGS PA'I YON TAN DGU PO DE BDAG DANG 'DU 'BREL YOD PA DE SRID DU YIN LA, THAR BA NI BRJOD DU MED PAR BSHAD CING, LAM SGOM STOBS KYIS BLO LA SOGS PA'I YON TAN DGU BDAG DANG 'DU BA'I 'BREL BA BCAD CING BRAL TE BDAG YAN GAR BAR GNAS PA DE'I TSE THAR PA THOB PA YIN NO ZHES 'DOD DO, ,DE NYID RTOGS PA NI THAR BA'I RGYU YIN PAS KHA CIG DE THAR BAR 'DOD PA NI 'KHRUL BAR SHES PAR BYA'O, ,DE DGAG PA NI, DBANG PHYUG RANG LA DAD PA'I GANG ZAG LA DGA' BA STER BA DANG, RANG LA MA DAD PA RNAMS LA SDUG PA STER BA'I RGYU YIN PAR KHYOD KYIS KHAS BLANGS PA'I PHYIR NA DE SNOD BCUD THAMS CAD BYED PA PO MA YIN PAR 'GYUR TE, ,DBANG PHYUG LA MA GUS PA'I SANGS RGYAS PA RNAMS LA BDE SKYID BYUNG BA DANG, DBANG PHYUG LA GUS PA RNAMS LA SDUG BSNGAL BYUNG BA MTHONG LA, DE DAG BYED PA PO DBANG PHYUG MA YIN PA'I PHYIR, DBANG PHYUG DE MI DGE BA'I LAS THAMS CAD KYI BYED PA PO YIN NA SDIGS SHIN TU STOBS LDAN SPYOD PA'I PHYIR DE MA THAG TU DMYAL BAR 'TSED PAR 'GYUR RO, ,DBANG PHYUG GIS SNOD BCUD BSKYED PA NI SNOD BCUD BSKYED PAR 'DOD PA'I BLO LA LTOS PA YIN NA DBANG PHYUG 'DOD PA DE'I GZHAN DBANG DU SONG BA'I PHYIR RANG DBANG DU SNOD BCUD BSKYED PA'I NUS PA MED PAR 'GYUR LA, 'DOD PA LA LTOS PA MIN NA DBANG PHYUG GI 'DOD PA LAS 'BYUNG BAR KHAS BLANG SPA DANG 'GAL LO, ,DBANG PHYUG BRTEN G-YO KUN LA KHYAB PA YIN NA CHA SHAS MED PAR KHAS BLANGS PA 'GAL ZHING, DBANG PHYUG RTAG PA YIN PA'I PHYIR SNOD BCUD MTHA' DAG
, ,RTAG TU SKYE BA'AM GTAN NAS MI SKYE BAR 'GYUR RO, ,ZHES PA'O,, DBANG PHYUG BYE RIG GSUM GYI GRUB MTHA' TSAD BSAL GYI SKABS SO,, ,,DRANG SRONG RGYAL BA DAM PA DANG, KHYU MCHOG DANG LDONG RIS DANG, SNOD KYI SDE DANG, 'PHEL BYED LA SOGS PA GCER BU PA'I STON PA NYI SHU RTZA LNGA YOD PAR SLOB DPON SHES RAB GO CHAS BSHAD DO, ,MING GI RNAM GRANGS NI, RANG GI SKRA NYIN RE BZHIN DU ZAD BAD PHYIS PAS THAR BAR 'DOD PAS ZAD BYED PA DANG, SNGAR BSHAD PA LTAR DRANG SRONG MCHOD 'OS STON PAR 'DZIN PAS MCHOD 'OS PA DANG, GOS MED PAS GCER BU PA DANG, NAM MKHA'I GOS CAN DANG, BZA' BCA' SOGS GSOG 'JOG MI BYED PAR LDOM BU BYED PAS KUN TU RGYU DANG, 'TSO BA NI SROG YIN LA SROG DE BDAG TU SMRA BAS SAM, LUS 'TSO BA TZAM LAS LHAG PA'I YO BYAD BDAG GIR MI 'DZIN PAS 'TSO BA PA DANG, GCER BU LA NGO MI TSA BAS 'DZEM MED PA DANG THAL BA PA SOGS SO, ,SROG STE BDAG NI RANG RANG GI LUS DANG BONGS TSAD MNYAM PA, RDZAS RTAG PA YIN LA RNAM GRANGS MI RTAG PA YIN ZHING, BDAG DANG SROG DANG 'TSO BA DANG SKYES BU DANG GANG ZAG DANG 'GRO BA SOGS MING GI RNAM GRANGS SU 'DOD DO, ,MNGON SUM GYI TSAD MA LA SPYI 'JAL BA'I RTOG BRAL DANG GSAL BA 'JAL BA'I RTOG BCAS GNYIS YOD PAR 'DIR BSHAD KYANG KHUNGS 'TSOL DGOS SAM SNYAM PA DANG, GAL TE DE LTAR SBYONG NA YANG SPYI 'JAL BA'I RTOG BCAS DANG GSAL BA 'JAL BA'I RTOG BRAL ZHES BSHAD NA 'GRIG GAM SNYAM PAS DPYAD PAR BYA'O, ,RJES SU 'GRO LDOG GI KHYAB PA YOD MI DGOS SHING, PHYOGS CHOS KYANG GZHAN DU MI 'THAD PA ZHES BYA BA'I MING CAN GYI TSUL
GCIG PAR 'DUS PAS TSUL GSUM YIN PA RTAGS YANG DAG GI MTSAN NYID DU MI 'THAD LA, RJES DPAG TSAD MA NI TSUL GCIG LA BRTEN PA YIN ZHING, RGYAS BYED SKAR MA'I BSTAN BCOS LA SOGS PA LUNG TSANG MAR 'DOD DO, ,DUS 'KHOR GYI SKOR NAS BSHAD PA'I TSIG GI DON DGU NI, SROG CAN GANG ZAG DANG, SROG CAN MA YIN PA NI GANG ZAG MA YIN PA DANG, ZAG PA LAS DANG, 'OG NAS 'CHAD PA'I SDOM PA LNGA DANG, MI DGE BA SPANGS PA DANG, NYES PAR SMRA BA GSUM BRGYA DRUG CU RTZA GSUM PO DAG GIS BRTAGS PA'I LTA NGAN RNAMS NI BCINGS PA DANG, 'OG NAS 'CHAD PA LTA BU'I THAR BA DANG, 'DI NAS 'JIG RTEN PHA ROL TU 'GRO BA DANG, 'JIG RTEN SNGA MA NAS 'DIR 'ONG BA STE DGUS SHES BYA THAMS CAD 'DUS PAR 'DOD PA NI SHAM BHA LA'I GCER BU PA'I LUGS YIN PAR GRUB MTHA' CHEN MOR BSHAD DO, ,RTOG GE 'BAR BA DANG TSAD CHEN RTZA 'GREL LAS BSHAD PA'I TSIG GI DON DGU NI, SROG STE SNGAR BSHAD PA'I BDAG DANG, ZAG PA NI DGE MI DGE'I LAS RNAMS TE, 'DIS ZAG PAR BYED PA'I PHYIR RO, ,DE YANG LAS DGE MI DGE GANG GIS KYANG 'KHOR BAR BYED PAS DE'I PHYIR DE GNYIS KA'ANG ZAG PA'O, ,SDOM PA NI ZAG PA 'GOG PA NYID DE, LAS GSAR BA GANG YANG MI SOG PA'O, ,NGES PAR RGA BA NI, SDOM PA DE NYID DANG, ZAS MI ZA BA DANG, SKOM MI BTUNG BA DANG, BSAM GTAN DANG, SBYOR BA DANG, LUS GDUD BA DANG, SKRA 'BAL BA LA SOGS PA DKA' THUB DANG BCAS PAS SNGON NYE BAR BSAGS PA'I LAS RGAS PAR BYED PA STE ZAD PA'I RGYU YIN PA'I PHYIR, 'CHING BA NI NGES PAR SMRA BA SUM BRGYA DANG DRUG BCU RTZA GSUM PA DOG GIS BTAGS PA'I LOG PAR LTA BA'O, ,LAS NI NAM PA
, ,BZHI STE, PHYIS MYONG BAR 'GYUR BA DANG, MING DANG, RUS DANG, TSE ZHES BYA BA DAG GO ,SDIG PA NI, CHOS MA YIN PA DAG GO ,BSOD NAMS NI CHOS SO, ,THAR BA NI, DKA' THUB LA SOGS PAS SNGAR BYAS KYI LAS THAMS CAD ZAD PAR BYAS SHING, LAS GSAR BA MA BSAGS PAS 'JIG RTEN THAMS CAD KYI STENG NA 'DUG PA'I GNAS 'JIG RTEN 'DUS PA ZHES BYA BA, ZHO 'AM KU MUD LTAR DKAR BA, SROG YOD PAS DNGOS PO YIN CING, 'KHOR BA LAS GROL BAS DNGOS PO MED PA'ANG YIN PA, GDUGS DKAR PO GYEN LA BSLANGS, PA LTA BU GCIG YOD PA DER 'GRO BA STE DGUS SHES BYA THAMS CAD 'DUS PAR 'DOD PA NI 'PHAGS YUL GYI GCER BU PA'I LUGS SU 'DIR BSHAD DO, ,TSIG GI DON KUN KYANG RDZAS NI RTAG PA DANG RNAM GRANGS NI MI RTAG PA YIN NO, ,'DAS PA DANG DA LTAR BA DANG MA 'ONGS PA'I DUS TE RDZAS YOD GSUM DANG, SROG DANG GANG ZAG DANG DUS DANG NAM MKHA' DANG BSOD NAMS DANG SDIG PA STE RDZAS DRUG CES DUS 'KHOR 'GREL CHEN DRI MED 'OD DU BSHAD DO, ,SA DANG CHU DANG ME DANG RLUNG DANG NAGS KYI BDAG PO STE LJON SHING DANG NAS 'BRAS LA SOGS PA'I 'BRU RNAMS TE DUS 'KHOR GYI SKOR NAS BSHAD PA'I SROG CAN GYI SDE DRUG GAM, SA CHU ME RLUNG LJON SHING LNGA DANG, SRIN BU DANG GROG MA DANG BUNG BA DANG MI ZHES BYA BA BZHI STE RTOG GE 'BAR BA SOGS LAS BSHAD PA'I SROG CAN GYI SDE DGU'O, ,DE DAG LAS SA LA SOGS PA LNGA NI DBANG PO GCIG PA STE, REG PA'I DBANG PO DANG LDAN PA'I PHYIR RO, ,SRIN BU DANG, DUNG DANG, NYA PHYIS DANG, SRIN BU PAD PA LA SOGS PA NI DBANG BO GNYIS PA STE, REG PA DANG, RO'I DBANG BO DANG LDAN
PA'I PHYIR RO, ,GROG MA DANG SRIN GYI ME LA SOGS PA NI DBANG PO GSUM PA STE, REG PA DANG, RO DANG, SNA'I DBANG PO DANG LDAN PA'I PHYIR RO, ,BUNG BA DANG, SBRANG BU DANG, SBRANG BU MCHU RINGS LA SOGS PA NI DBANG PO BZHI PA STE, REG PA DANG, RO DANG, SNA DANG, MIG GI DBANG PO DANG LDAN PA'I PHYIR RO, ,MI DANG RKANG BZHI PA DANG BYA LA SOGS PA NI DBANG PO LNGA PA STE, REG PA DANG, RO DANG, SNA DANG, MIG DANG, RNA BA'I DBANG PO DANG LDAN PA'I PHYIR RO, ZHES ZER RO, ,SDOM PA NI LNGA STE, GCER BU LA SOGS PA BYED PA SPYOD LAM GYI SDOM PA DANG, MI SMRA BA'I YID DAM 'CHA' BA SOGS SKAD KYI SNGOM PA DANG, GZHAN LA SLONGS MO SPYOD PA 'BA' ZHIG GIS 'TSO BA YONGS SU TSOL BA'I SNGON PA DANG, BSOD SNYOMS BSLANGS PA CHUD ZOS SU MI 'DOR BA'I SDOM PA DANG, SBRANG G-YAB DANG RIL PA LA SOGS PA 'DZIN PA NYE BAR RAB TU GNAS PA'I SDOM PA'O, ,KHA CIG KHAS BLANGS PA MI 'DOR BA ZER LA, RTZA MI'I 'GYUR DANG 'GYUR MANGS SU BSLANGS PA MI 'DOR BA'I DOD LA LEN PA SNGOM PA ZHES 'BYUNG STE, DE LTAR NA 'TSO TZAM LAS LHAG PA LEN PA SNGOM PA'O, ,NYE BAR RAB TU GNAS PA'I DOD LA 'GYUR MANGS SU 'DOMS STONG PAR 'JOG PA'I SNGOM PA'O ZHES 'BYUNG BA LTAR NA 'DOMS DKRIS KYANG SPANGS PA'I GCER BU'I DON TO, ,BRTUL ZHUGS LNGA NI, DANG PO GZHAN LA 'TSE BA MED PA DANG, GNYIS BRDZUN SPANGS PAS BDEN PAR SMRA BA DANG, GSUM PA RKU BA SOGS SPANGS PAS BYA NI PA LEN PA DANG, BZHI PA MI TSANGS SPYOD SPANGS PAS TSANGS PAR SPYOD PA DANG, LNGA PA GSO TZAM YANG MI 'DZIN PAS YONGS SU GZUNG BA THAMS CAD YONGS SU GTONG BA'O, ,YE SHES LNGA NI, SKYES THOB KYI BLO GROS KYI YE SHES DANG, THOS PA LAS BYUNG BA'I YE SHAS DANG,
, ,MTSAMS DANG BCAS PA LA, KHA CIG 'CHI BA'I DUS KYI MTSAMS ZHES 'CHAD LA, GZHAN DAG THUN BZHI'I MTSAMS KYI YE SHES SAM, YANG NA 'GYUR MANGS SU MTHA' ZHES 'BYUNG BA LTAR THAR PA'I GNAS SKABS KYI YE SHES SO ZHES 'CHAD DO, ,YID KYI RTOG DPYOD KYIS SHES BYA YONGS SU TSOL BA'I YE SHES DANG, MO DANG RTZIS LA SOGS PA'I YE SHES SO, ,SPYOD PA'I DBYE BA NI BCU GSUM STE, BRTUL ZHUGS KYI DBYE BA SNGAR BSHAD PA LNGA DANG, SNGOM PA'I DBYE BA SNGAR BSHAD PA LNGA DANG, LUS KYI GSANG BA ME LNGA BSTEN PA DANG GAm GAR 'JUG PA SOGS DANG, NGAG GIS GSANG SNGAGS BZLA BA SOGS DANG, SEMS KYIS GSANG BA RANG GI LUGS KYI THAR BA'I LAM SGOM PA'O, ,'DI DAG THAR BA THOB BYED KYI LAM DU 'DOD DO, ,THAR BA NI GONG DU BSHAD PA'I 'JIG RTEN 'DUS PA ZHES BYA BA'I GZUGS YIN LA, 'GRO BA LNGA NI, DMYAL BA DANG DUD 'GRO DANG MI DANG LHA DANG THAR PA'I 'GRO BA'O, , LUS LNGA ZHES PA NI, MI LA SOGS PA KHAMS KYI KHA ZAS CAN GYI LUS DANG, LHA RNAMS KYI 'OD KYI LUS DANG, SROG GI RANG BZHIN CAN NAGS KYI BDAG PO LA SOGS PA DRUG PO RNAMS KYI LUS DANG, RDZUS SKYES NI YONGS SU GRAGS PA'I RDZUS SKYES NYID DE DE DAG GI LUS DANG, MTHA'I GNAS SKABS THAR BA THOB PA'I LUS SO, ,'GRO BA 'DI DAG KYANG DBANG PO GCIG LDAN SOGS SNGAR BSHAD PA'I SROG CAN GYI SDER 'DUS SO, ,'CHING BA NI LTA NGAN SUM BRGYA DRUG CU RTZA GSUM DANG, LAS NI TSE DANG SOGS SGRAS RUS DANG MING DANG PHYIS MYONG 'GYUR TE BZHI'O, ,GRUB 'GREL LAS TSE SOGS ZHES PAS LAS LHAG MA LUS SOGS 'DON PA'O ZHES PA DPE MA DAG STE, RUS SOGS 'DON PA'O ZHES BSHAD
DGOS PA'I PHYIR, GCER BU PA LTAR NA SKAR MA'I BSTAN BCOS MA BRTZAM PA DANG, DBYOD PA BA LTAR NA MCHOD SBYIN SRID SRUNG SOGS RIG BYED KYI BSTAN BCOS MA BRTZAM PA DANG, GCER DPYOD GNYIS KAS THUN MONG DU LUNG MA BSTAN P'I DNGOS PO BCU BZHI LUNG MA BSTAN PA DANG, 'KHOR BA'I THOG MA MI MNGON PAR GSUNGS PA SOGS KYIS KUN MKHYEN MED PA DANG, DGUN DUS SU NYAL BA STE GNYID LOG PA DANG, DBYAR DUS SU SMYO BA SOGS KYIS LJON SHING DANG SOGS SGRAS SA CHU ME RLUNG SOGS SEMS LDAN DU SGRUB PO, ,'PHAGS YUL DU BYUNG BA'I MU STEGS PA'I GRUB MTHA' NYER LNGA SOGS DANG, BOD DU BYUNG BA'I BON GYI GRUB MTHA' LA SOGS PA LTAR SNANG MANG PO YOD KYANG, DE DAG SHES PA'I GNANG DE DGOS PA CHUNG BAS NA RTZA BA 'DIR MI SPRO STE MA BSHAD DO, ,DE DGAG PA NI, RDZAS DANG RNAM GRANGS NI PHAN TSUN NGO BO GCIG YIN PA'AM NGO BO GCIG TU MED ZHES DBYAD NA RDZAS DANG RNAM GRANGS KYI KHYAD PAR 'JIG 'GRO BA DANG, THAR BA RDUL PHRA RAB BSAGS PA'I GZUGS YIN PA'I PHYIR LAS ZAD KYANG GROL BA'I DON MED PA DANG, BDAG NI LUS BZHIN DU CHE CHUNG DU 'GYUR NA MI RTAG PAR 'GYUR PAS RTAG PAR KHAS LEN PA NYAMS PA DANG, TSUL GCIG PA'I RTAGS SBYOR LA SGRUB BYA RTOGS PA'I RJES DPAG BSKYED PA'I NUS PA MED PAS TSUL GCIG PA'I RTAGS YANG DAG KHAS LEN PA 'GAL BA STE MI 'THAD DO,, ZHES PA'O,, GCER BU PA'I GRUB MTHA' TSAD BSAL GYI SKABS SO,, ,,'DIR SMRAS PA, BU RAM SHING PA'I GSUNG GI 'OD ZER GYIS, ,MCHOG DMAN SKYE 'GRO'I ZHAG LDAN YONGS KHYAB TSE, ,RMONGS PA'I KHOL BO T'I RTHA KA YI GZHUNG, ,MUN PA'I KHUNG BUR YIB LAS GZHAN DU CI, ,MU STEGS GZHUNG LUGS BONG BU'I 'O MA NI, ,
, ,YID GZHUNGS MKHAS PA'I RIGS PAS BSRUB PA'I TSE, ,DON MED NOR 'KHRUL BSHAD DRI BRO BA LAS, ,DON LDAN MAR GYI NYID KHUS RING DU DBEN, ,RANG GI DON DU GZHAN LA 'TSO BA DANG, ,GZHAN GYI DON DU RANG SROG 'DOR DGOS PA'I, ,PHYI NANG STON PA'I KHYAD PAR 'DI MTHONG NA, ,MCHOG DMAN 'BYED CHOS GZHAN GYIS CI ZHIG BYA,, ZHES RTZA BA'I TSIG 'GREL LAS LE'U DANG PO BDUN GYI SKABS BYAS ZIN TO,, ,, BLA MA THUB PA'I DBANG PO 'PHAGS PA'I 'KHOR TSOGS DANG BCAS PA LA PHYAG 'TSAL LO, ,DA NI RANG SDE BYE SMRA MDO SEMS DBU MA BZHES SOGS KYI TSIG DON 'CHAD DE, SANGS RGYAS PA RANG GI SDE BA LA BYE SMRA DANG MDO SDE PA DANG SEMS TZAM PA DANG DBU MA PA BZHIR GRANGS NGES PA YIN TE, SH'AKYA THUB PA'I BSTAN PA LA GRUB MTHA' LNGA PA DANG, THEG PA BZHI PA MED PAR MDO RGYUD DU MA DANG MKHAS GRUB DU MAS GSUNGS PAS SO,, DBYE BA NI BSHAD MA THAG PA'I 'DI BZHI DANG BSDU BA NI BYE MDO GNYIS THEG DMAN DANG DBU SEMS GNYIS THEG CHEN GRUB MTHA' SMRA BAR BSDUS PA STE DBYE BSDU'I TSUL GNYIS BSHAD PA LTAR YIN GYI, BOD KHA CIG BYE MDO GNYIS NYAN THOS DANG SEMS TZAM PA RANG RGYAL DANG DBU MA PA THEG CHEN PA STE THEG PA GSUM DU BSDUS PA DANG, GRUB MTHA' KUN SHES MKHAN POS, MDO SDE PA BYE SMRA'I NANG DU BSDUS NAS GRUB MTHA' GSUM DU 'DOD PA DANG, KHA CIG GNAS MA BU BYE SMRA LAS GZHAN DU BYAS TE GRUB MTHA' LDAR DBYE BA RNAMS 'KHRUL BAR SHES PAR BYA'O,, NYAN THOS SDEB GNYIS KAS THEG CHEN GYI SDE SNOD NAS BSHAD PA'I KUN GZHI NYON YID DANG BDEN MED DANG GZUNG 'DZIN GNYIS SU MED PA'I
CHOS KYI BDAG MED DANG, BYANG SEMS SA BCU DANG THEG CHEN NAS BSHAD PA'I CHOS LONGS SPRUL PA'I SKU GSUM BA DANG DE DAG GI YON TAN MANG PO DANG, SOGS SGRAS DE NYID NAS BSHAD PA'I GZUNGS DANG TING NGE 'DZIN GYI SGO MTHA' YAS PA SOGS MI 'DOD PA DANG, THEG CHEN GYI MDO RNAMS SNGON DUS KYI NYAN THOS SDE BAS BKAR MI 'DOD LA NYAN THOS SDE PHYI RABS PA RNAMS KYIS BKAR 'DOD PAR GRAGS PA LTAR YIN NO, ,GZHUNG BYE BRAG BSHAD MTSO GTZO BOR RJES SU 'BRANG NAS GRUB MTHA' SMRA BA'I PHYIR DANG, DUS GSUM RDZAS KYI BYE BRAG YIN PAR SMRA BA'AM, MU STEGS BYE BRAG PA LTAR RDZAS GRUB KYI CHOS MANG DU SMRA BAS NA BYE BRAG TU SMRA BAR BTAGS PA DE LA SDE BA BCOS BRGYAD GYES TSUL NI, RTZA BA'I SDE BA BZHI LAS BCO BRGYAD GYES TSUL DANG GNYIS LAS BCO BRGYAD GYES TSUL GNYIS DANG, SOGS SGRAS RTZA BA'I SDE BA GCIG DANG GSUM LAS GYES TSUL YOD PAR BSHAD DO, ,RTZA BA'I SDE BA BZHI LAS BCO BRGYAD GYES TSUL LA'ANG DUL LHA DANG LO DRI MKHAN PO'I LUGS GNYIS LAS, DUL LHA'I BSHAD TSUL NI, GZHI THAMS CAD YOD PAR SMRA BA DANG, PHAL CHEN PA DANG, GNAS BRTAN PA DANG, MANG POS BKUR BA STE RTZA BA'I SDE BA BZHI LA RIM PA BZHIN DU SDE BA BDUN DANG LNGA DANG GSUM DANG GSUM DU GYES PAR SDE BA THA DAD PA BSDUS PA LAS GSUNGS SHING, YANG NA RTZA BA'I SDE BA GNYIS LAS GYES TSUL LA'ANG BSHAD TSUL GNYIS LAS DANG PO NI DGE 'DUN PHAL CHEN PA LA BRGYAD DANG GNAS BRTAN PA LA BCUR GYES PA NI SDOMS LOGS SU GSAL BA LTAR YIN NO, ,STAG LOS SDE BA BCO BRGYAD PO DE KUN BYE BRAG SMRA BA'I SDE BAR KHAS BLANGS PA DANG, SA STON PA DANG DPE STON PA SOGS MDO SDE BAR KHAS BLANGS NAS
, ,SDE BA BCO BRGYAD DU NYAN THOS SDE BA GNYIS KA 'DUS PAR 'DOD PA NI 'GAL BA DANG, MDO SDE BA BYE SMRA'I NANG DU BSDUS TSUL NI, MDO SDE BAR GYUR BA'I DGE TSUL DGE SLONG RNAMS RTZA BA'I SDE BA BZHI PO GANG RUNG GI DGE TSUL DGE SLONG DU 'DUS PA TZAM LA BYED NA BSDU BYA HA CANG RGYA CHUNG BA'I SKYON 'BYUNG STE, DBU MA BA DANG SEMS TZAM PAR GYUR BA'I DGE TSUL DGE SLONG RNAMS KYANG RTZA BA'I SDE BA BZHI PO GANG RUNG GI DGE TSUL DGE SLONG DU BSDUS PA'I PHYIR DANG, DER MA ZAD THEG CHEN GYI SDE SNOD KYANG SDE BA BCO BRGYAD KYI GZHUNG DU 'DUS PAR LEGS LDAN 'BYED DANG SPYAN RAS GZIGS RTUL ZHUGS KYIS BSHAD PA'I PHYIR YANG BSDU BYA RGYA CHUNG BA'I SKYON 'BYUNG NGO, ,RTOG GE 'BAR BAR RTZA BA'I SDE BA GNYIS LAS BCO BRGYAD DU GYES TSUL DANG PO'I SKABS SU BSHAD PA'I GNAS BRTAN PA BCU'I NANG TSAN GYI MANG POS BKUR BA LA SOGS SDE PA LNGAS RDZAS BTAGS DANG RTAG MI RTAG DANG PHUNG PO LAS NGO BO GCIG DANG THA DAD SOGS GANG DU YANG BRJOD DU MED PA'I BDAG YOD PAR SMRA NA YANG, MI 'JIG PA'I RTAG PA DANG CHA SHAS MED PA'I GCIG BU DANG GZHAN LA MI LTOS PA'I RANG DBANG CAN TE KHYAD CHOS GSUM LDAN GYI BDAG MED PAR 'DOD CING, THUB PA'I LUNG RTOGS KYI BSTAN PA GCES BAR 'DZIN PA NI RANG SDE'I GRUB MTHA' SMRA BA KUN DANG MTSUNGS PAS GZHAN SDE BA GTAN MIN LA NAM MKHA' SOGS 'DUS MA BYAS RNAMS RDZAS DANG DNGOS POR 'DOD PA'I RANG SDE BA YIN PAS BYE SMRA LAS GRUB MTHA' GZHAN PA YANG MA YIN NO, ,GZHI YUL GYI RNAM BZHAG NI, KUN RDZOB DANG DON DAM BDEN PA GNYIS DANG, GZUGS DANG, TSOR BA DANG, 'DU SHES DANG, 'DU BYED DANG,
RNAM SHES KYI PHUNG PO STE LNGA DANG, MIG DANG, RNA BA DANG, SNA DANG, LCE DANG, LUS DANG, YID KYI SKYE MCHED DANG, GZUGS DANG, SGRA DANG, DRI DANG, RO DANG, REG BYA DANG, CHOS KYI SKYE MCHED DE BCU GNYIS DANG, MIG NAS YID KYI BAR RTEN DANG, GZUGS NAS CHOS KYI BAR YUL DANG, MIG GI RNAM PAR SHES PA NAS YID KYI RNAM PAR SHES PA'I KHAMS KYI BAR BRTEN PA STE BCO BRGYAD DANG, DMYAL BA DANG, YI DVAGS DANG, DUD 'GRO DANG, MI DANG, LHA STE 'GRO BA LNGA DANG, KHAMS DANG, REG PA DANG, SEMS PA DANG, SEMS KYI ZAS TE BZHI DANG, DMIGS MTSUNGS GANG RUNG GI SGO NAS ZAG PA RGYAS SU RUNG MI RUNG GIS ZAG BCAS ZAG MED GNYIS DANG, 'DUS BYAS GZUGS SOGS PHUNG PO LNGA DANG, 'DUS MA BYAS NAM MKHA' DANG SO SOR BRTAG DGOG DANG SO SOR BRTAG MIN GYI DGOG PA STE GSUM DANG, KHAMS RE GNYIS KYI NANG GI DRUG TSAN DANG PO'I NAM MKHA'I KHAMS NI SNANG MUN GANG RUNG GI BDAG NYID DU GYUR BA'I GZUGS KYI SKYE MCHED DANG, RDZAS RDUL PHRA RAB NI CHA BCAS MIN ZHING PHAN TSUN REG PA MIN PAR 'DOD DO,, YUL CAN MNGON SUM DANG RJES DPAG TSAD MA DANG, LAM NI TSOGS SBYOR MTHONG SGOM MI SLOB LAM LNGA DANG, SBYIN PA DANG, TSUL 'KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHAR PHYIN TE DRUG DANG, 'BRAS BU'I RNAM BZHAG NI, 'PHAGS PA BRGYAD PA DANG, CHAGS BRAL SNGON SONG GI ZHUGS PA DBANG PO RDUL RNO GNYIS DANG, DE'I 'BRAS GNAS GNYIS DANG, LHA DANG MI'I RIGS NAS RIGS SKYE GNYIS DANG, TSE GCIG BAR CHAD GCIG PA DANG, PHYIR MI 'ONG BAR 'DA' BA DANG, SKYES TZAM NYID NAS 'DA' BA DANG, 'DU BYED DANG BCAS TE 'DA' BA DANG, 'DU BYED MED PAR 'DA' BA DANG, 'PHAR BA
, ,GSUM DANG, SRID RTZE'I MTHAR THUG 'GRO DANG, GZUGS MED NYER 'GRO DANG, MTHONG CHOS ZHI DANG, LUS MNGON BYED DANG, BSE RU LTA BU STE DGE 'DUN NYI SHU DANG, RGYUN ZHUGS ZHUGS 'BRAS GNYIS DANG, PHYIR 'ONG ZHUGS 'BRAS GNYIS DANG, PHYIR MI 'OD ZHUGS 'BRAS GNYIS DANG, DGRA BCOM ZHUGS 'BRAS GNYIS TE BRGYAD DANG, DGA' LDAN GYI GNAS NA ZHUGS PA LA SOGS PA'I MDZAD PA BCU GNYIS LA KHYIM PA DANG RAB BYUNG GI MDZAD PA DANG, SO SKYE DANG 'PHAGS PA'I MDZAD PA DANG, BYANG SEMS DANG SANGS RGYAS KYI MDZAD PA'I CHA GNYIS GNYIS PHYE BA RNAMS RDZOGS PA NA SANGS RGYAS KYI SKU DNGOS KYI MDZAD PA RNAMS TSAR PHYIN PA YIN LA, NYAN THOS DANG RANG RGYAL DANG SANGS RGYAS KYIS SDUG BSNGAL GYI PHUNG PO'I LHAG MA MED PA'I MYANG 'DAS MNGON DU MDZAD PA GSUM KAR BE MA RIG RGYUN CHAD DE ZHI BA'I DBYINGS 'BA' ZHIG LUS PAR 'DOD PA NI 'BRAS BU'I RNAM BZHAG YIN NO,, DNGOS SU BCOM PA'AM GZHIG PA STE BLOS CHA SHAS SO SOR BSAL BA NA RANG 'DZIN PA'I BLO 'DOR BA DANG MI 'DOR BA'I CHOS NI RIM BZHIN KUN RDZOB DANG DON DAM BDEN PA'I DON YIN LA, MNGON PA SDE BDUN BKA' MA YIN NA MNGON PA'I SDE SNOD MED PAR 'GYUR BA LAS, DGE SLONG SDE SNOD GSUM PA ZHES GSUNGS PA'I PHYIR SDE BDUN BKA' YIN PA DANG, LUNG DANG BSTAN BCOS RNAMS MING TSIG YI GE GSUM TSOGS PA'I SGRA SPYI YIN PAS NA LDAN MIN 'DU BYED YIN ZHING, MNGON SUM GYI TSAD MA LA DBANG MNGON YID MNGON RNAL 'BYOR MNGON SUM GSUM YOD PA YIN NA'ANG RANG RIG MNGON SUM MED PA DANG, MTSUNGS LDAN DANG LHAN CIG 'BYUNG BA'I RGYU 'BRAS SOGS
DUS MNYAM PA'I RGYU 'BRAS MTSAN NYID PA DU MA YOD CING, RNAM PAR RIG BYED MA YIN PA'I GZUGS NI GZUGS MTSAN NYID PA YIN LA, DBANG SHES RNAMS 'DRA RNAM MED PAR YUL LA DNGOS SU RIG PA YIN NO, ,SNANG BA GZUGS KYI GZHI DANG; GTZO BO SEMS KYI GZHI DANG, 'KHOR SEMS BYUNG GI GZHI DANG, GNAS SKABS LDAN PA MA YIN PA'I 'DU BYED KYI GZHI DANG, 'DUS MA BYAS KYI GZHI STE LNGA KA DNGOS PO DANG RDZAS SU GRUB PA YIN ZHING, SANGS RGYAS KYI GZUGS PHUNG DE SANGS RGYAS MA YIN PA DANG, GANG LA SKYABS SU 'GRO BA'I YUL DU GYUR BA'I SANGS RGYAS NI MI SLOB PA'I CHOS KHO NAR 'DOD DO, ,SDE BA SO SO'I THUN MONG MA YIN PA'I 'DOD TSUL NI SLOB DPON LEGS LDAN 'BYED KYI GZHUNG DBU MA SNYING PO RTZA 'GREL DANG SOGS SGRAS SHER SGRON 'GREL BSHAD DANG GZHUNG LUGS KYI BYE BRAG BKOD PA'I 'KHOR LO DANG SDE BA THA DAD PA BSDUS PA RNAMS LTOS SHIG DANG SHES PAR 'GYUR RO ZHES PA'O,, BYE BRAG TU SMRA BA'I SKABS SO,, ,, DA NI MDO SDE TSAD MAR SMRA BAS MDO SDE BA ZHES SOGS KYI TSIG DON 'CHAD DE, GTZO BOR MDO SDE TSAD MAR BYAS NA GRUB MTHA' SMRA BA'I NYAN THOS SDE BA YIN PAS NA MDO SDE BA ZHES THA SNYAD 'DOGS PA DE LA, DBYE NGO NI MDZOD RTZA 'GREL SOGS SU BSHAD PA'I LUNG GI RJES 'BRANG DANG MDO DANG SDE BDUN SOGS SU BSHAD PA'I RIGS PA'I RJES 'BRANG GNYIS DANG, GZUNG 'DZIN GRANGS MNYAM GCIG CAR BA DANG, RIM 'BYUNG BA DANG, SNA TSOGS GNYIS MED PA STE RNAM PA 'DOD TSUL GYI SGO NAS GSUM YOD DO, ,GZHI'I 'DOD TSUL NI, DON DAM PA DANG KUN RDZOB KYI BDEN PA GNYIS NI RIM BZHIN DON DAM PAR DON BYED NUS PA DANG DE LTAR MI NUS PA'I CHOS SO,, PHUNG PO LNGA DANG BRTHO BRGYAD DANG SKYE MCHED BCU
, ,GNYIS KYI 'DOD TSUL PHAL CHER BYE SMRA DANG MTHUN KYANG, PHUNG PO BTAGS YOD DU 'DOD PAS GZUGS DANG GZUGS PHUNG YIN KHYAB MNYAM MA YIN PA DANG, MIG DANG MIG KHAMS GNYIS LA MU BZHI YANG 'DOD DAM SNYAM MO, ,'DUS BYAS PHUNG PO LNGA DANG 'DUS MA BYAS GSUM MAM BZHI'I THA SNYAD KYANG YOD MOD KYI, DE DAG TU GRANGS NGES PA MA YIN TE, SGRA SPYI DON SPYI DANG GZHI MTHUN DANG, GCIG DANG THA DAD DANG 'DAS PA DANG MA 'ONGS PA SOGS 'DUS MA BYAS MANG PO YOD PAS SO, ,ZHES PA NI GZHI'I RNAM BZHAG GO, LUS DANG TSOR BA DANG SEMS DANG CHOS DRAN PA NYER BZHAG BZHI DANG, KUN NYON SKYES PA SPONG BA DANG, MA SKYES PA MI SKYED PA DANG, RNAM BYANG SKYES PA 'PHEL BAR BYED PA DANG, MA SKYES PA SKYED PAR BYED PA'I YANG DAG BAR SPONG BA BZHI DANG, 'DUN PA DANG BRTZON 'GRUS DANG SEMS DANG DBYOD PA'I RDZU 'PHRUL GYI RKANG PA BZHI DANG, DAD PA DANG RTZON 'GRUS DANG DRAN PA DANG TING NGE 'DZIN DANG SHES RAB KYI DBANG PO LNGA DANG, DAD PA NAS SHES RAB KYI STOBS LNGA DANG, DRAN PA DANG CHOS RAB TU RNAM 'BYED DANG BRTZON 'GRUS DANG DGA' BA DANG SHIN SBYANGS DANG TING NGE 'DZIN DANG BTANG SNYOMS YANG DAG BYANG CHUB KYI YAN LAG BDUN DANG, YANG DAG PA'I LTA BA DANG RTOG PA DANG NGAG DANG LAS MTHA' DANG 'TSO BA DANG RTZOL BA DANG DRAN PA DANG TING NGE 'DZIN YANG DAG 'PHAGS LAM YAN LAG BRGYAD DE BYANG PHYOGS SO BDUN DANG, GZUGS CAN GZUGS LA BLTA BA DANG GZUGS MED GZUGS LA BLTA BA DANG GZUGS SDUG PA DANG NAM MKHA' MTHA' YAS DANG RNAM SHES MTHA' YAS DANG CI YANG MED DANG SRID RTZE DANG 'GOG PA'I RNAM THAR TE BRGYAD DANG
BSNAM GTAN DANG PO'I SNYOMS 'JUG NAS 'GOG PA'I SNYOMS 'JUG GI BAR MTHAR GNAS SNYOMS 'JUG DGU DANG, RTOGS RIGS MI 'DRA BA MED KYANG BRTZE BA SNYING RJE CHEN PO SOGS DANG SA DANG PHAR PHYIN SOGS KYIS THEG CHEN MCHOG TU BYED PA NA LAM GYI RNAM BZHAG STE, PHAL CHER MDZOD DANG MTHUN NO,, NYAN RANG GNYIS LA ZHUGS GNAS BRGYAD DANG NYAN THOS LA DGE 'DUN NYI SHU DANG RANG RGYAL LA TSOGS NA SPYOD PA DANG BSE RU LTA BU GNYIS DANG RDZOGS PA'I SANGS RGYAS KYANG MDZOD LTAR 'DOD PA NI 'BRAS BU'I RNAM BZHAG YIN NO, ,RGYU RKYEN TSOGS SHING 'DUS BYAS PA'I DNGOS PO RNAMS SKAD CIG MA DANG, MNGON PA SDE BDUN BKA' MA YIN PAR BYAS SHING, MNGON PA'I SDE SNOD DU GYUR BA'I BKA' NI MDO SDE DANG 'DUL BA'I SDE SNOD KYI NANG DU GNAS PA'I CHOS RNAMS KYI RANG DANG SBYI'I MTSAN NYID THOR BUR 'CHAD PA'I MDO RNAMS YIN LA, BKA' BSTAN LA SOGS PA'I LUNG NI TSIG GI RANG BZHIN YIN PAS GZUGS SU 'DUS SO,, PHRA RAB RDUL LA PHYOGS CHA YOD PAR 'DOD PA DANG MED PAR 'DOD PA GNYIS DANG, RNAM RIG MIN PA'I GZUGS RDZAS SU MED CING MIG DBANG GZUGS CAN TSANG MA MIN PA DANG, 'DUS MA BYAS KYI CHOS RNAMS DNGOS POR MED CING LDAN MIN 'DU BYED BEM PO STE RDZAS SU MED PA'I BTAGS YOD DANG, DBANG PO'I SHES PA NI YUL GYI 'DRA RNAM DANG LDAN ZHING, DE LA LUGS GSUM STE, KHRA BO LA LTAS PA'I TSE SNGO SER DKAR DMAR SOGS GZUNG BA'I RNAM PA DANG GRANGS MNYAM PA'I MIG GI RNAM SHES RIGS MTHUN DU MA GCIG CAR SKYE BAR 'DOD PA DANG, DE'I TSE DE DANG GRANGS MNYAM PA'I RNAM SHES RIGS MTHUN DU MA RIM GYIS SKYE BAR 'DOD PA DANG, DE'I TSE KHRA BO'I STENG GI KHA DOG SNA TSOGS PA RNAM SHES GCIG LA
, ,'CHAR BA MI 'GAL BAS NA KHRA BO'I RNAM CAN GYI RNAM SHES GCIG BU SKYE BAR 'DOD PA DANG GSUM MO, ,DE DAG LAS DANG PO LA LUNG RIGS KYI RJES 'BRANG GNYIS KA YOD LA, BAR BA NI LUNG GI RJES 'BRANG GI MDO SDE BA KHO NA'I LUGS SU BSHAD DE, SGRUB BYED GSAL BAR MA BSHAD PAS NA BRTAG DGOS SO,, RGYU 'BRAS MTSAN NYID PA LA DUS MI MNYAM PA ZHIG DGOS LA, DGRA BCOM PA YIN NA SBANGS RTOGS LAS MI MNYAM PAS KHYAB CING, BSAM GTAN DANG PO GSUM GYI YAN LAG GI BDE PA NI LUS SHES SU GYUR BA'I TSOR BA YIN PAS NA SGOM STOBS KYIS BSKYED PA'I LUS SHES NI BSAM GTAN GYI YAN LAG TU RUNG NGO, , MNGON SUM LA DBANG MNGON YID MNGON RNAL 'BYOR MNGON SUM RANG RIG MNGON SUM BZHI DANG, SEMS CAN GYI MNGON SUM GYI SNANG YUL LA MI RTAG PA YIN DGOS PA'I PHYIR, BDAG MED RTOGS PA'I RNAL 'BYOR MNGON SUM GYIS BDAG GIS DBEN PA'I 'DU BYED DNGOS SU DANG BDAG MED SHUGS LA RTOGS SO,, BYANG 'PHAGS LA MNYAM BZHAG PA YIN DGOS PA NI MDZOD LUGS DANG MTHUN KYANG, SANGS RGYAS KYI CHOS SKU DANG GZUGS PHUNG GNYIS KA SANGS RGYAS SU 'DOD PA NI MI 'DRA BA'I KHYAD PAR YIN NO,, ZHES PA'O,, MDO SDE BA'I SKABS SO,, ,,'KHOR LO DANG PO'I DON BZHIN DON SMRA DANG, ZHES SOGS KYI TSIG DON NI, 'DIR BSTAN 'KHOR LO DANG PO'I DON BZHIN DU DON SMRA SDE GNYIS DANG, RIM PA LTAR 'DIR BSTAN 'KHOR LO BAR BA DANG THA MA'I BSHAD LUGS BZHIN DU DBU MA BA DANG SEMS TZAM PA'I LUGS GNYIS BZHAG PA'I PHYIR NA GRUB MTHA'
BZHI KA YANG THUB PA'I GSUNG RAB KYI DGONGS PA YIN ZHING GSUNG RAB KYI DGONGS PA LA MCHOG DMAN GYI KHYAD PAR YANG YOD PAR MKHAS PA RNAMS BZHED DO, THEG CHEN LA THEG DMAN DANG MI 'DRA BA'I KHYAD PAR MANG PO YOD PA RNAMS MKHAS PA RNAMS KYIS THEG CHEN GYI MDO DANG SNGAGS KYI LUGS GNYIS SU BSDUS TE BSHAD PA YIN TE, MDO SNGAGS RE RE'ANG DBU MA BA DANG SEMS TZAM PA'I LUGS SU BKRAL BA GNYIS GNYIS YOD PA'I PHYIR RO,, RGYAL BAS LUNG BSTAN PA'I SHING RTA CHEN PO GNYIS KYIS RGYAL TSAB BYAMS MGON DANG RJE BTZUN 'JAM DBYANGS GNYIS KYI BKA' DRIN GYIS MDO SDE DGONGS 'GREL DANG BLO GROS MI ZAD PA'I MDO BZHIN DU SEMS TZAM PA DANG DBU MA PA'I SHANG RTA'I SROL GSAR DU PHYE BA DANG, BOD SNGA RABS PA RNAMS LA KLU SGRUB THOGS MED DBYIG GNYEN PHYOGS GLANG STE SHING RTA SROL 'BYED BZHIR GRAGS PA MI 'THAD PA DANG, RANG LUGS LA KLU SGRUB THOGS MED RJE BTZUN BYAMS PA STE SHING RTA SROL 'BYED GSUM RUNG BAR MKHAS PA RNAMS BZHED DO, ,DBU SEMS GNYIS KYIS PHAL CHER RGYA CHE BA'I LAM LA 'DOD PA MTHUN ZHING ZAB MO STONG PA NYID LA 'DOD PA MTHUN PA MIN NO, ,KHAMS GSUM PO THAMS CAD RNAM RIG NYID DANG SEMS TZAM DU SMRA BAS NA RNAM RIG PA DANG SEMS TZAM PA ZHES BYA'O, ,DBYE BA NI SA SDE SOGS LUNG GI RJES 'BRANG DANG MDO DANG SDE BDUN NAS BSHAD PA'I RIGS PA'I RJES 'BRANG GNYIS DANG, DBANG SHES KYI GZUNG RNAM BDEN PAR YOD PAR 'DOD PA'I RNAM BDEN PA DANG, DE RDZUN PAR 'DOD PA'I RNAM RDZUN PA GNYIS SO,, 'DIR BSTAN 'KHOR LO GSUM LAS LEGS PHYE'I CHOS 'KHOR NI SGRA JI BZHIN PA'I NGES DON DANG GZHAN GNYIS NI SGRA JI
, ,BZHIN MA YIN PA'I DRANG PA'I DON NO, ,DRANG DON DANG NGES DON GANG GIS BYED SNYAM NA, RTON PA BZHI DANG RIGS PA BZHIS TSIG DON GNYIS DANG, DGONGS PA CAN BZHI DANG LDEM DGONGS BZHIS GSUNG RAB LA DRANG NGES 'BYED DO,, 'DIR BSTAN 'KHOR LO DANG PO NI SGRA JI BZHIN PA MA YIN PA'I DRANG DON YIN TE, KUN BTAGS RANG GI MTSAN NYID KYIS MA GRUB PAR STON PA DANG GZUNG 'DZIN RDZAS GZHAN DU MA GRUB PAR STON PA'I LUNG DANG, KUN BTAGS RANG GI MTSAN NYID KYIS MA GRUB PAR SGRUB PA DANG, PHYI ROL GYI DON MED PAR SGRUB PA'I RIGS PAS GNOD PA'I PHYIR DANG, KUN BTAGS THA SNYAD DU YOD PA DANG, PHYI DON SNANG BYED KYI BAG CHAGS LA BRTEN NAS PHYI ROL DON SNANG GI RNAM SHES 'BYUNG BA LA DGONGS PA'I PHYIR DANG, RE ZHIG CHOS KYI BDAG MED STON MI RUNG BA'I 'DUL BYA RNAMS GANG ZAG GI BDAG MED RTOGS PA LA BZHUGS PA'I CHED DU YIN PA'I PHYIR RO, ,'DIR BSTAN 'KHOR LO BAR BA THEG CHEN GYI ZAB LAM RGYAS PAR STON PA'I MDO DE SGRA JI BZHIN PA MIN TE, CHOS THAMS CAD NGO BO NYID MED PAR GSUNGS PA NI MTSAN NYID GSUM GYI NGO BO NYID MED PA LA DGONGS PA'I PHYIR DANG, NGO BO NYID MED PAR GSUNGS PA SGRA JI BZHIN PAR MI RUNG BA'I PHYIR DANG, SGRA JI BZHIN PAR GZUNG NA MTSAN NYID GSUM KA LA SKUR 'DEBS SU 'GYUR BA'I PHYIR RO, ,MTSAN NYID GSUM JI LTAR NGO BO NYID MED PA DE LTAR MA SKYES PA SOGS KYI PHYIR MA SKYES PA SOGS SU GSUNGS SHING, SKYE BA MED PA'I CHOS LA BZOD PA THOB PAR GSUNGS PA NI, 'KHOR BA LA
THOG MA'I SKYE BA MED PA DANG, SKYES ZIN SLAR YANG DE NYID DU SKYE BA MED PA DANG, CHOS SNGON MED PA GZHAN SKYE BA MED PA DANG, KUN BTAGS LA RANG MTSAN GYIS SKYE BA MED PA DANG, GZHAN DBANG LA RANG DBANG PA'I SKYE BA MED PA DANG, YONGS GRUB LA GZHAN 'GYUR GYI SKYE BA MED PA DANG, ZAD SHES THOB PA LA KUN NYON SKYE BA MED PA DANG, CHOS SKU LA KHYAD PAR DU 'GRO BA'I SKYE BA MED PA STE DGONGS GZHI BRGYAD KYIS SO, ,SOGS SGRAS MTHAR THUG THEG PA GCIG DANG, YOD MIN MED MIN SOGS SU GSUNGS PA'I DGONGS GZHI BSDUS PAR BSHAD DO, ,GZUNG 'DZIN RDZAS GZHAN DU MED PA DANG RGYU 'BRAS DANG MTSAN MTSON SOGS KYI BYA BYED KYI CHA BDEN PAR MED PA LA DGONGS NAS CHOS THAMS CAD BDEN PAR MED PA DER BSHAD CES SLOB DBON CHOS GRAGS KYANG GSUNGS SO, ,DER RANG MTSAN ZHES PA DPE DAG MA DAG DPYAD DGOS TE, 'GREL BAR DE LA BSHAD PA MA BYAS PA'I PHYIR DANG, GZUNG 'DZIN GNYIS SU SNANG BA LTAR MED PA LA DGONGS PAR BSHAD PA'I PHYIR RO, ,GAL TE DPE DAG PA YIN NA, GZUNG 'DZIN RANG MTSAN ZHES YAR SBYOR RAM, RANG MTSAN RGYU 'BRAS ZHES MAR SBYOR BA GANG YIN DANG, DON BSHAD LUGS KYANG GANG YIN DPYAD DGOS SO, ,SNGA MA LUNG GI RJES 'BRANG SEMS TZAM PAS KHAMS TE RIGS NI NUS PA SO SOR NGES SHING BDEN PAR GRUB PA'I PHYIR THEG PA GSUM GYI RIGS SO SOR NGES PA DANG RIGS CHAD PA'I GANG ZAG GSUNG RAB LA THOS SOGS KYIS ZHUGS KYANG SKYO SHING SOGS DANG NGES 'BYUNG GI BSAM PA GTAN NAS MI SKYE BAR 'DOD DO, ,PHYI MA RIGS PA'I RJES 'BRANG SEMS TZAM PAS SGRIB PA MI RTAG PA YIN PA DANG,
, ,DE GZHOM BYED KYI THABS YOD PA DANG, THABS DE SHES MKHAN YOD PA DANG, DE STON MKHAN YOD PA DANG, DE LA DON GNYER SKYE BA SRID PA'I PHYIR RIGS CHAD PA MED PAR MA ZAD MTHAR THUG THEG PA GCIG TU'ANG 'GRUB PA YIN NO, ,KUN BTAGS BDEN GRUB TU 'DZIN PA SGRO 'DOGS DANG MTSAN NYID GZHAN GNYIS PO BDEN MED DU 'DZIN PA SKUR 'DEBS DANG DE GNYIS LAS BZLOG PA CHOS RNAMS SGRA RTOG GI GZHIR RANG MTSAN GYIS MA GRUB PAR RTOGS PA'I LAM NI DBU MA'I LAM YIN NO, ,DNGOS PO KUN BDEN PAR GRUB NA BYED PA PO GANG ZAG KUN RDZOB TU YOD CES BSHAD PA'I DON CI YIN ZHE NA, KUN RDZOB DANG DON DAM PA STE BDEN PA GNYIS SU YOD PAR 'JOG TSUL GNYIS YOD PA LAS, 'JOG TSUL DANG PO NI DBU MA PA DANG SEMS TZAM PAS DON DAM PAR YOD MED RTZOD PA'I DON DAM DANG KUN RDZOB TU YOD PA YIN LA, 'JOG TSUL GNYIS PA NI, KUN NAS NYON MONGS PA SLONG DU RUNG BA DANG MING DANG BRDA'I THA SNYAD KYIS BTAGS PA'I NGO BO NYID DANG THA SNYAD 'DOGS PA'I MTSAN MA'I GZHIR GYUR BA YIN MIN GYIS KUN RDZOB DANG DON DAM BAR YOD PAR GSUNGS PA TZAM YIN NO, ,RDZAS YOD BTAGS YOD LA YANG GNYIS SOGS KYI DBYE BA YOD PA'I PHYIR, TSIG SKAM DRANGS NAS DNGOS PO RDZUN PAR GRUB PAR 'KHRUL LO, ,SGRA RTOG GIS GNAS TSUL MA YIN PAR SGRO BTAGS PA'I CHA NI KUN BTAGS YIN LA, DBYE NA MTSAN NYID YONGS SU CHAD PA'I KUN BTAGS DANG RNAM GRANGS PA'I KUN BTAGS GNYIS SO, ,DE GNYIS LA MED PA DANG MA SKYES
PA'I KUN RDZOB RIM BZHIN 'JOG GO, GNYIS SNANG 'KHRUL BA'I GZHI'AM GNYIS SNANG 'KHRUL BA'I NGO BO NI GZHAN DBANG YIN LA, DBYEN DAG PA'I GZHAN DBANG DANG MA DAG PA'I GZHAN DBANG GNYIS SO, DE GNYIS LA RIM BZHIN RNAM PAR MI RTOG PA'I YE SHES DANG NYON MONGS RNAMS 'JOG GO, BDAG GNYIS SU KUN BTAGS BA LTAR GRUB PAS STONG PA'I DE BZHIN NYID NI YONGS GRUB DANG, DE LA DBYE NA, BDAG MED GNYIS DANG, DE RE RE LA'ANG STONG NYID NYI SHU SOGS YOD DO, ,SGRAS BRJOD KYIS DBYE NA, STONG NYID DON DON DAM DANG, MYANG 'DAS THOB PA DON DAM DANG, LAM BDEN SGRUB PA DON DAM DANG GSUM YOD DO, SNOD BCUD KYI 'JIG RTEN GYI KHAMS CHAGS PA DANG 'JIG PA DANG GNAS PA SOGS MDON PA 'OG MA DANG CHA 'DRA YANG, 'DOD PA SO DRUG DANG GNAS RIGS BCO BRGYAD KYI GZUGS KHAMS DANG, RI'I DBYIBS LA SOGS PA 'DRA BA MIN ZHING, NGES PA'I LAS 'DAG PA SOGS DANG, PHUNG PO LNGA LA SOGS PA'I DBYE TSUL DANG DGE BA LA SOGS PA'I DBYE BA MI 'DRA BA YANG SNGAR BSHAD PA LTAR MANG PO YOD DO, ,SHES BYAR KUN RDZOB DANG DON DAM BDEN PA GNYIS SU NGO BO GCIG LA LDOG PA THA DAD PAS DBYE BA LAS, KUN NYON SKYE RUNG GI DMIGS PA'I CHA NAS BZHAG PA'I THA SNYAD PA'I CHOS DE, KUN RDZOB BDEN PA'I NGO BO DANG, RNAM GRANGS NI, THA SNYAD BDEN PA DANG GZHI'I CHOS SOGS SO, ,SGRAS BRJOD KYIS DBYE NA, KUN BTAGS BTAGS PA'I KUN RDZOB DANG, GZHAN DBANG SHES PA'I KUN RDZOB DANG, YONGS GRUB BRJOD PA'I KUN RDZOB STE GSUM MO, ,RNAM DAG LAM GYI DMIGS PA MTHAR THUG DE, DON DAM BDEN PA'I NGO BO DANG, RNAM GRANGS NI, CHOS NYID DANG DE NYID SOGS DANG, DBYE BA NI SNGAR BSHAD ZIN TO, ,RANG GI
, ,ZHAL BYA MNGON GYUR DANG LKOG GYUR GYI DBANG GIS TSAD MAR MNGON SUM DANG RJES DPAG GNYIS SU DBYE BA DANG, MNGON SUM LA RIGS PA'I RJES 'BRANG LTAR NA DBANG MNGON YID MNGON RANG RIG MNGON SUM RNAL 'BYOR MNGON SUM BZHI DANG, LUNG GI RJES 'BRANG LTAR NA DBANG MNGON YID MNGON 'JIG RTEN PA'I MNGON SUM DAG PA'I MNGON SUM BZHI DANG, DBANG MNGON SA 'OG MA PA'I RGYUD KYIS BSDUS PA NI GZUNG 'DZIN RDZAS GZHAN DU SNANG BAS 'KHRUL BAR 'DOD DO, ,MING BRDA MA SBYAR BA'I SNGA ROL TU LTO LDIR BAL DE BUM PA'O SNYAM PA'I BLO SKYE BA MED PA'I PHYIR CHOS DE'I BDAG NYID DU 'GAL BA'I RIGS PA DANG, CHOS DE'I MING MANG BA'I PHYIR DON GCIG BDAG MANG POR 'GAL PA'I RIGS PA DANG, MING GCIG DON GCIG BUR 'JUG PA MA NGES PA'I PHYIR BDAG 'DRES PAR 'GAL PA'I RIGS PAS CHOS RNAMS MING BRDA'I GZHIR RANG GI MTSAN NYID KYIS MA GRUB PAR SGRUB PO, ,MING TSOL BA DANG, DON TSOL BA DANG, NGO BO NYID DU 'DOGS PA TSOL BA DANG, KHYAD PAR DU 'DOGS PA TSOL BA BZHIS BTZAL BA BZHIN MED PA'I PHYIR MING BRDA'I GZHI DER RANG GI MTSAN NYID KYIS GRUB PA DE MED DO, ,LHAN CIG DMIGS PA NGES PA'I PHYIR SNGON PO DANG SNGON 'DZIN DE RDZAS GZHAN MIN NO, ,RDUL PHRA RAB GCIG LA PHYOGS BZHI STENG 'OG NAS PHRA RDUL DRUG GIS BSKOR BA'I TSE DBUS RDUL GYI SHAR NGOS NUB PHYOGS LA MI BLTA NA CHA SHAS SU 'GYUR ZHING, BLTAS NA SHAR RDUL GYI GO SAR NUB RDUL YANG YOD PAR 'GYUR BAS RDUL JI TZAM BSAGS KYANG RAGS PAR MI 'GYUR RO, ,RDUL PHRA RAB YIN KYANG BYE SMRA'I 'DOD PA LTAR CHA MED MIN PA CI ZHIG 'GAL, MKHAS PA MANG
POS BKAG PA'I PHYIR DBU SEMS KYIS CHA MED KYI RDUL DE 'DOD ZER BA NI 'KHRUL LO, ,PHYI DON YOD NA MNYAM BZHAG YE SHES KYI NGOR YOD DGOS PA LA MED PA'I PHYIR DANG, RLAN SHES PHOR GANG LTA BU'I DNGOS PO GCIG LA LAS CAN GYI LHA MI YI DVAGS LTA BU'I YID DE RNAM SHES KYIS MTHONG TSUL MI 'DRA BA MANG PO YOD PA'I PHYIR DANG, SKYES BU GCIG GI BYANG GZUGS DE DGRA GNYEN LA YID DU 'ONG MI 'ONG DU MAR SNANG BA DANG, SBYOR BA STE RNAL 'BYOR BA LA MOS PA LTAR SA CHUR SNANG BA LA SOGS PA DANG, RMI LAM LA SOGS PA DANG MTSUNGS PA'I PHYIR PHYI DON MED CING, GZUGS SOGS SEMS KYI BDAG NYID TZAM DU BDEN PAR YOD DO, ,GZUGS SOGS DON RNAMS RTOG PA'I ZHEN GZHIR RANG MTSAN GYIS MED PAS RTOG MED DBANG SHES LA SGRA RTOG GI GZHIR RANG MTSAN GYIS GRUB PA DER SNANG BA 'KHRUL BAR GRUB PAS NA GZUGS SOGS DBANG SHES DE DANG RDZAS GZHAN YIN PA KHEGS SO, ,CHOS KYI BDAG 'DZIN NI SPANG BYA THAMS CAD KYI RTEN TE GZHI RTZA MTHAR THUG YIN PA'I PHYIR CHOS KYI BDAG 'DZIN 'DI BSAL NA NYON SGRIB SHES SGRIB KYIS BSDUS PA'I KUN RTOG BRGYA STE MANG PO DANG SOGS SGRAS BSDUS PA DE DAG GI SA BON BAG CHAGS DANG BCAS PA THAMS CAD LDOG PAR 'GYUR RO, 'JUG PA'I SHES PAR RAGS PAR SNANG BA DE RNAM BDEN RDZUN GNYIS KYIS RTZOD PA'I GZHI YIN ZHING, RTZOD TSUL NI SNANG BA LTAR DU BDEN MI BDEN NAM YOD MED DAM, SNANG BDE LA RMONGS PA STE MA RIG PAS MA BSLAD PA DANG BSLAD PA LA MI MTHUN PAS RNAM BDEN RDZUN GNYIS RTZOD PA YIN GYI, DBU SEMS GNYIS KYIS YIN MIN RTZOD PA'I SKABS KYI BDEN RDZUN DANG SBYIR YOD MED DANG DNGOS PO YIN MIN SOGS LA RTZOD PA MIN NO, ,RNAM BDEN PA LA DBYE NA GSUM STE, SGONG PHYED
, ,TSAL PA DANG, GZUNG 'DZIN GRANGS MNYAM PA DANG, SNA TSOGS GNYIS MED PA'O, ,DE GSUM RIM BZHIN SHES PA'I GZUNG BA DANG 'DZIN PA RDZAS THA DANG DU 'DOD PA BRAM ZE BDE BYED DGA' BA DANG, GZUNG BA'I GRANGS JI SNYED PA DE SNYED KYI RNAM CAN GYI SEMS DU MA GCIG CAR SKYE BAR 'DOD PA SH'AKYA BLO DANG, YUL SNA TSOGS SNANG BA'I RNAM PAR SHES PA'I GZUNG RNAM GCIG BU SKYE BAR 'DOD PA CHOS GRAGS ZHABS LTA BU YIN NO, ,RNAM RDZUN PA LA GNYIS TE, RGYAL BA LA GNYIS SNANG GI DRI MA YOD PA DANG MED PAR 'DOD PAS DRI BCAS DRI MED DU GRAGS KYANG, RANG LUGS LA SEMS KYI NGO BO LA DRI MAS BSLAD PA DANG MA BSLAD PAR 'DOD PAS DRI BCAS DRI MED GNYIS YOD DO, ,KHA CIG RNAM RDZUN PA'I LUGS LA PHYI DON YUL DU BYAS PA'I TSAD 'BRAS YOD DO LO, ,DE MI 'THAD DE, PHYI ROL GYI DON DU GRUB NA SEMS TZAM ZHES PA'I DON CI ZHIG STE MED PAR 'GYUR RO, ,PHYI ROL DON 'DZIN GYI RTOG PA'I NGOR PHYI DON YOD PA LA BYED ZER NA, RNAM BDEN PA'I LUGS LA YANG DE LTAR 'DOD PA MTSUNGS PAS DE RNAM DZUN PA KHO NAR SBYAR BA 'KHRUL LO, ,CHOS KUN SEMS YIN ZER BA MI 'THAD PA'I RTZINGS GTAM YIN TE, SKYON DANG YON TAN DANG 'KHOR BA DANG MYANG 'DAS RNAMS GCIG TU 'GYUR BA'I SKYON SOGS MANG PO YOD PA'I PHYIR RO, ,'O NA SEMS TZAM ZHES PA'I DON CI YIN ZHE NA, RMI LAM NA MIR SNANG BA DE SEMS YIN PAR MI SMRA BAS SEMS DE MIN ZHING SEMS LAS RDZAS GZHAN PA MIN PA BZHIN DU, SEMS LA SNANG ZHING GRAGS PA'I CHOS RNAMS SEMS DE MIN ZHING SEMS LAS RDZAS GZHAN PA MEN PA DE YIN NO, ,KUN GZHI RNAM SHES NI NGO BO MA BSGRIB LA LUNG DU MA BSTAN PA'I SEMS RTOGS PAR
DKA' BAS PHRA BA DANG LKOG TU GYUR BA, DGE MI DGE SNA TSOGS KYI BAG CHAGS BSGO GZHI YIN PAS SA BON THAMS CAD PA'O, ,NYON YID NI KUN GZHI DER DMIGS PA'I DAR SEMS KHYAD PAR CAN NO, ,RNAM SHES TSOGS BRGYAD NI SLOB DPON THOGS MED SKU MCHED RJES 'BRANG DANG BCAS PAS 'DOD DO, KUN GZHI MA BSHAD PA RNAMS 'DZIN TSUL MI 'DRA BA'I RTOG PA GNYIS GCIG CAR MNGON DU GYUR BA MIN PA SOGS LUNG RIGS DU MA YONG BA'I PHYIR RNAM SHES TSOGS BRGYAD 'DOD PA MIN NO, ,DE NI TSAD MA SDE BDUN RJES 'BRANG GI LUGS SO, ,TING NGE 'DZIN SGOM PA'I THABS YID LA BYED TSUL DANG DMIGS PAR MKHAS PA ZHIG DGOS PA'I PHYIR YID BYED DNGOS GZHI MTSAN NYID SO RIG NAS SBYOR MTHA'I 'BRAS BU'I YID BYED KYI BAR BDUN DANG, YID LA BYED PA GZHAN BZHI BCU NI, TSIG DON GNYIS DANG, LUS SOGS BZHI DANG, MOS PA DANG DE KHO NA NYID GNYIS DANG, SLOB SOGS GSUM DANG, YONGS SU SHES PA SOGS GSUM DANG, RNAM RTOG DANG BCAS PA'I GZUGS BRNYAN SOGS BZHI YID LA BYED PA LA SOGS PA'O, ,DMIGS PA GANG ZHE NA, MTSAN MA'O, ,DE LA DBYE NA, DMIGS PA DANG, GZHI DANG, YONGS SU SPANG BAR BYA BA DANG, SO SOR BRTEN PAR BYA BA'I MTSAN MA BZHI DANG, GZHAN YANG MTSAN MA SUM CU RTZA GNYIS YOD DE, RANG GI SEMS KYI MTSAN MA NAS MNGON PAR BSGRUB PA'I MTSAN MA'I BAR SO GNYIS SA'I DNGOS GZHIR BSHAD DO, ,YID LA BYED PA DE DAG BSDUS NA MOS PA YID LA BYED PA DANG DE KHO NA NYID YID LA BYED PA GNYIS SAM, SEMS NANG KHO NAR 'JOG PA LA SOGS PA'I SEMS GNAS DGU 'ANG BSHAD PA DER BSDUS SO, ,GZHAN YANG NYES PA LNGA SPONG BA DANG 'DU BYED BRGYAD DANG LDAN TSUL DANG, SOGS
, ,SGRAS ZHI GNAS KYI DMIGS PA BZHI LA MKHAS PA DANG, YID BYED DE DAG LAM LNGA GANG LA SBYOR BA SOGS SHES PAR BYANG GOS PAR BSTAN TO, ,YON TAN SDE TSAN BCU GNYIS DANG, YON TAN GYI GRANGS GONG DU 'PHEL BA DANG, MTHU PHUL DU BYUNG BA GONG DU 'PHEL BA DANG, PHAR PHYIN LHAG TSUL DANG, RNAM SMIN GYI SKYE BA GONG DU 'PHEL BA'I KHYAD PAR STE BZHI SOGS KYIS SA BCU DANG PHAR PHYIN BCU'I KHYAD PAR SHES PAR BYA'O, , DBANG PO LNGA PO THAMS CAD LA SO SOR YON TAN BRGYA PHRAG BCU GNYIS 'BYUNG BA DANG, MIG SOGS DBANG PO LNGA GNAS GYUR PAS DON LNGA PO THAMS CAD LA 'JUG PA SOGS DANG, YID GNAS GYUR BAS RNAM PAR MI RTOG PA'I YE SHES RNAM PAR DAG PA DANG, DON DANG BCAS PA'I 'DZIN PA GNAS GYUR PAS ZHING RNAM PAR DAG PA DANG, RNAM RTOG GNAS GYUR BAS YE SHES DANG 'PHRIN LAS DUS THAMS CAD DU THOGS PA MED PA DANG, RTEN GNAS GYUR PAS MI GNAS PA'I MYANG 'DAS DANG, 'KHRIG PA GNAS GYUR BAS BDE BAR GNAS PA SOGS DANG, NAM MKHA'I 'DU SHES GNAS GYUR BAS NAM MKHA'I MDZOD DU 'GYUR BA SOGS LA 'BYOR BA DAM PA 'THOB PAR 'GYUR BA STE GNAS GYUR BDUN GYIS 'BYOR BA BDUN 'THOB PA DANG, NGO BO NYID SKU DANG YE SHES CHOS SKU DANG LONGS SKU DANG SBRUL SKU STE BZHI DANG, CHOS LONGS GNYIS DANG SBRUL SKU GSUM STE SKU LNGA SOGS DANG, MDZAD PA BCU GNYIS DANG, MDO SDE RGYAN LAS BSHAD PA'I 'PHRIN LAS BCU DANG, MNGON MTHO NGES LEGS LA 'GOD PA'I 'PHRIN LAS GNYIS DANG, MNGON RTOGS RGYAN LAS BSHAD PA'I 'PHRIN LAS NYER BDUN DANG, GZUNG RGYAL GYI MDO NAS BSHAD P'I
'PHRIN LAS SO GNYIS DANG, GZHAN YANG, 'DIR MA BSHAD PA'I GZHI LAM 'BRAS GSUM GYI KHYAD PAR DBUS MTHA' RNAM 'BYED DANG CHOS DANG CHOS NYID RNAM 'BYED GNYIS DANG MDO SDE RGYAN DANG DGONGS 'GREL DANG THEG BSDUS RTZA 'GREL LA SOGS PA LAS BSHAD PA RNAMS SHES PAR BYA'O, ,ZHES PA'O, ,RNAM RIG PA'I SKABS SO,, ,,DA NI MTHA' BRAL DBUS SMRA NGO BO NYID MED PAS, ZHES SOGS KYI GZHUNG GI TSIG DON BSHAD PAR BYA STE, CHOS RNAMS DON DAM PAR YONG PA'I RTAG MTHA' DANG, THA SNYAD DU MED PA'I CHAD MTHA' DANG BRAL BA'I DBUS 'THAD PAR SMRA BA DANG, BDEN GRUB KYI NGO BO NYID MED PAR SMRA BAS DBU MA PA DANG NGO BO NYID MED PAR SMRA BA ZHES BYA BA'I DBYE BA NI THAL 'GYUR BA DANG RANG RGYUD PA GNYIS SU YOD PA DANG, DE GNYIS LAS GZHAN PA'I DBU MA PAR KHAS 'CHE BA DAG NI MING DBU MA PAR BTAGS PA TZAM YIN GYI DON LA DBU MA PAR MI RUNG NGO,, THA SNYAD DU YANG YOD PA MIN PA'I MED MTHA' DANG BDEN GRUB KYI DNGOS POR YOD PA'I RTAG MTHA' BKAG NAS RTEN 'BYUNG GI CHOS BDEN GRUB RNAM PAR BCAD TZAM GYI MED DGAG DBU MA YIN PAR 'DOD PA MTSUNGS PAS THAL RANG GNYIS KA DBU MA PA YIN KYANG, RANG NGOS NAS GRUB PA DANG PHYI ROL DON DU MA GRUB PA LTA BU RTAG CHANG PHRA MO'I MTHA' KUN DANG BRAL BA DE NI THAL 'GYUR BA'I LUGS YIN NO,, THEG CHEN GYI BSTAN PA SHER PHYIN GYI MDO'I DGONGS PA 'GREL MKHAN BYUNG BA'I RIM PA NI, STON PA THUB PA'I DBANG PO MYA NGAN LAS 'DAS PA'I RJES SU LO BZHI BRGYA'I DUS NA DPAL MGON 'PHAGS PA KLU SGRUB KYIS KLU'I YUL NAS THEG CHEN GYI MDO YUM 'BUM PA LA SOGS PA SBYAN DRANGS NAS YUM GYI MDO'I DGONGS PA MTHA' GNYIS SPANGS PA'I DBU MAR BKRAL
, ,BA'I SHING RTA'I SROL PHYE BA'O,, LO DGU BRGYA LON PAR YUM GYI MDO'I DGONGS PA SEMS TZAM DU BKRAL BA'I SHING RTA'I SROL PHYE BA NI 'PHAGS PA THOGS MED KYIS BYAS SO, ,RTZA BA SHES RAB KYI DGONGS PA SLOB DPON SANGS RGYAS BSKYANGS KYIS THAL 'GYUR BA'I LUGS SU BKRAL, DE LA SLOB DPON BHA BYA KA RA STE LEGS LDAN 'BYED KYIS SKYON BZUNG NAS DGAG PA MDZAD DE RTZA SHE'I DGONGS PA DBU MA RANG RGYUD PA'I LUGS SU BKRAL BA'I SHING RTA'I SROL PHYE'O, ,SLOB DPON ZLA BA GRAGS PAS LEGS LDAN GYI LUGS DE LEGS PAR BKAG NAS RTZA SHE'I DGONGS PA RANG RGYUD PA MAN CHAD DANG THUN MONG MIN PAR BSGRUB, RDO'I RJES SU SLOB DPON ZHI BA 'TSOS RANG RGYUD GNYIS PA STE RNAL 'BYOR SPYOD PA'I DBU MA RANG RGYUD PA'I LUGS GSAL BAR BYAS SO, ,KHA CIG RIGS SHES KYIS DBYAD BZOD DU MA GRUB PA LA 'KHRUL NAS CHOS THAMS CAD CI YANG MED ZER BA DANG, KHA CIG SNYING PO RTAG BRTAN STON PA'I MDO'I TSIG ZIN LA BRTEN NAS KUN RDZOB PA'I CHOS GZHAN GYIS STONG PA'I BDE GSHEGS SNYING PO ZHES BYA BA'I RTAG PA'I BDAG SMRA BA DANG, KHA CIG THA SNYAD DU YOD PAS YOD PA'I GO MI CHOD PAS NA BDEN PA GNYIS YOD PAR MI 'DOD ZER BA DANG, KHA CIG RANG RGYUD KYI DAM BCA' MED PAR GSUNGS PA LA 'KHRUL NAS THAL 'GYUR BA LA RANG LUGS MED ZER BA DANG, KHA CIG 'JIG RTEN PA'I BLO LHAN SKYES DE KHO NA NYID LA TSAD MA MIN PAR GSUNGS PA LA 'KHRUL NAS THAL 'GYUR BA'I LUGS LA TSAD MA MED PAS NA TSAD MAS GRUB PA MED ZER BA LA SOGS PA RTAG CHAD KYI MTHAR LHUNG BA RNAMS DBU MA PAR
RLOM KYANG DBU MA PA MIN NO, ,KHYAD PAR DU ZLA BA GRAGS PA'I LUGS BZUNG BAR RLOM KYANG, KUN MKHYEN TZONG KHA PA CHEN PO LA KUN TU DGRAR 'DZIN PA'I STAG LO KHYOD RANG LA 'GAL BA DANG 'KHRUL BA MANG PO YOD DO, ,DE DAG GANG ZHE NA, SANGS RGYAS BCOM LDAN 'DAS THAMS CAD MKHYEN PA YIN YANG JI SNYED DE KUN RDZOB BDEN PA MI MKHYEN PAR 'DOD PA 'GAL LO, ,SANGS RGYAS KYIS NA SEMS MED ZER BA NI ZAD BYED PA DANG DPYOD PA PAS KUN MKHYEN MED PAR 'DOD PA'I LUGS NGAN PA DBU MA PA'I LUGS SU 'KHRUL LO, ,DON DAM BDEN PA BRTEN NAS 'BYUNG BA DANG TSUGS THUB TU GRUB PAR 'DOD PA CHES CHER 'GAL LO, ,DGE MI DGE'I LAS DE DAG GI 'BRAS BU BDE SDUG 'DOD PA DANG RNAM SMIN TE YI DVAGS KYI RNAG KHRAG DANG LHA'I BDUD RTZI LA LONGS SPYOD PA'I DBANG MNGON TSAD MA GTAN MED DU 'DOD PA 'GAL LO, ,'JUG PA LAS, GANG PHYIR MYU GU SA BON LAS GZHAN MIN, ,DE PHYIR MYUG TSES BON ZHIG PA MED, ,CES SOGS LA 'KHRUL NAS MA BRTAGS PA'I BLO LHAN SKYES KYI NGOR 'BRAS BU'I DUS SU RGYU MA ZHIG PAR GNAS PAS NA, BSKAL CHEN DU MAR MA ZHIG PA'I LAS KYIS 'BRAS BU BSKYED PAR 'DOD NA RGYU 'BRAS DUS MNYAM DU 'GYUR BAS 'KHRUL LO; ;BSAGS NAS BSKAL PA'I BAR DU MI 'JIG PA'I LAS KHAS BLANGS PA DANG DE DBU MA BA'I LUGS SU 'DOD PA 'GAL LO, ,KUN RDZOB BDEN PA NI 'JIG RTEN GYI NGOR YID KYI THAL 'GYUR BA LA MED PAS NA, RANG LUGS LA ZAB RGYAS MI 'DOD PA DANG DE BDEN PA GNYIS RNAM PAR GZHAG PA LA MKHAS PA'I DBU MA PA'I LUGS SU 'DOD PA 'GAL LO, ,MA BRTAGS MA DBYAD PA'I NGOR SHES BYA TZAM BDEN GNYIS KYI DBYE GZHIR 'DOD PA DANG BRTAGS SHING DBYAD PA'I RIGS
, ,SHES KYI NGOR RNYED PA'I DON DBYE BAR BKOD PA 'GAL LO, ,BDEN GRUB KYIS STONG PAR RTOGS PA MIN YANG BDAG 'DZIN SUN 'BYIN PA'I THAR LAM RIGS SHES KYIS LEGS PAR DBYAD NGO'I SPROS BRAL ZHES BYA BA GCIG 'DOD PA DANG ZHI SGO GNYIS SU MED PAR THAL 'GYUR PA'I GZHUNG NAS BYUNG BA LTAR 'DOD PA 'GAL LO, ,CI YANG MA BSGOM PA STE CI YANG YID LA MI BYED PA DANG DE STONG NYID BSGOM PA YIN PAR 'DOD PA 'GAL LO,, SA MYUG DE RDZAS GZHAN YIN PA TZAM GYIS GZHAN SKYE KHAS LEN PA DANG BDAG THA SNYAD DU YOD PAR 'DOD PA TZAM GYIS BDAG SKYE MI 'DOD PA NI 'GAL LO, ,BSKAL PA GRANGS MED MANG POR RIGS GNAS KUN LA BSLAB KYANG 'BRAS BU SANGS RGYAS PA'I DUS NA JI SNYED PA GCIG KYANG MI SHES PA NI LAM BGROD LUGS KYI RIM PA LA RMONGS PA'I 'KHRUL BA YIN NO, ,LHAG MED MYANG 'DAS THOB PA'I SANGS RGYAS RANG SNANG LA GZUGS RIG GTAN NAS MED PA DANG SKU BZHI 'DOD PA 'GAL LO, ,'DI DAG RIGS PA'I 'PHUL YIN NAM SNYAM STE, PHYOGS SNGA SMRA BAS, DE DAG SANGS RGYAS RANG SNANG LA MED MNYAM DANG, GZHAN NGOR YONG MNYAM DU 'DOD PA'I PHYIR, MNGON SUm DANG RJES DPAG GNYIS 'DOD PA DANG TSAD MA MI 'DOD PA 'GAL LO, ,SGRUB BYED KYI RIGS PA YOD PA DANG TSAD MAS GRUB PA'I DNGOS PO MED PAR 'DOD PA 'GAL LO, ,'DI DAG KYANG RIGS PA'I 'PHUL YIN GYI DNGOS 'GAL MIN TE, PHYOGS SNGA SMRA BAS, DE DAG MA BRTAGS 'KHRUL BA'I NGOR YOD MNYAM DANG THAL 'GYUR BA'I RANG LUGS LA MED MNYAM DU 'DOD PA'I PHYIR, PHAR PHYIN THEG PA NAS BSHAD PA'I SANGS RGYAS KYI CHOS MA 'DRES PA BCO BRGYAD
DANG STOBS BCU SOGS THOB PA DANG 'KHOR BA SHIN TU PHRA BA'I RTZA BA RNAM RTOG GI BZHON PAR GYUR BA'I LAS RLUNG NYI KHRI CHIG STONG DRUG BRGYA MA SPANGS PA'I RDZOGS PA'I SANGS RGYAS 'DOD PA 'GAL LO, ,KHYOD KYIS 'JIG LTA KUN BTAGS DANG LHAN SKYES KYI 'DZIN STANGS MI MTHUN PAR 'DOD PA BKAG PAS NA, DA RTAG GCIG RANG DBANG CAN DU 'DZIN PA'I 'JIG LTA DANG NGA BDEN PAR GRUB PAR 'DZIN PA'I 'JIG LTA GNYIS 'DZIN STANGS MTHUN PAR 'DOD DGOS LA; DE LTAR NA SEMS TZAM PA MAN CHAD KYI RANG SDES 'JIG LTA'I ZHEN YUL SGRUB PA DANG 'GOG PA GNYIS KA YIN PAR THAL BAS 'GAL BA DANG, BDAG MED PHRA BA DANG RAGS PA RTOGS PA'I LTA BA GNYIS 'DZIN STANGS KYI YUL GCIG TU 'GYUR BAS NA 'GAL BA 'DU BAR 'GYUR RO, ,KUN GZHI RNAM SHES YOD PA DANG PHYI DON YOD PAR 'DOD PA 'GAL LO, ,DON DAM BDEN PA RIGS SHES KYIS GRUB PA'I DON YIN PA DANG 'PHAGS PA'I MNYAM GZHAG YE SHES KYI 'DZIN STANGS KYI YUL MED PAR 'DOD PA 'GAL LO, ,MNGON PA NAS BSHAD PA'I BDAG MED MNGON SUM DU RTOGS PA'I BLO RNAL 'BYOR MNGON SUM MIN PA DANG DE NAS BSHAD PA'I BDAG MED MNGON GYUR DU RTOGS PAR 'DOD PA 'GAL LO, ,'KHOR BA RAGS PA'I RTZA BA NYON MONGS CAN GYI MA RIG PA DANG 'KHOR BA PHRA PA'I RTZA BA MA RIG BAG CHAGS KYIS DANG, 'KHOR BA SHIN TU PHRA BA'I RTZA BA LAS RLUNG DANG KHAMS 'PHO BA'I CHAGS PA ZHES 'KHOR BA'I RTZA BA GSUM 'DOD PA DANG, ZHI SGO GCIG PAR 'DO PA 'GAL LO, ,TSAD MA'I MDO DANG SDE BDUN NANG RIGS PA'I BSTAN BCOS YIN PA BKAG PAS NA, DE DAG MU STEGS PA'I BSTAN BCOS SU 'DOD DGOS LA, DE LTA NA MU STEGS PA'I LUGS DE 'GOG PA'I BSTAN BCOS
, ,GANG YIN PA, MU STEGS PA DE'I LUGS KYI BSTAN BCOS YIN PAR 'DOD PA 'GAL LO, ,KUN RDZOB BDEN PA 'THAD PA DANG BRAL BA YIN YANG BDEN BZHI DANG ZHUGS GNAS SOGS RUNG BA DANG RIGS PAR 'DOD PA 'GAL LO, ,GZHI KUN MED PA STE GZHI MED RTZA BRAL DU 'DOD PA DANG MI RTAG PA SOGS KYI KHYAD GZHI DANG KUN BRTAGS SOGS KYI GDAGS GZHI KHAS BLANGS PA 'GAL LO, ,PHAR PHYIN THEG P'I RDZOGS PA'I SANGS RGYAS YIN PA DANG DE NYID SNGAGS BLA MED KYI TSOGS LAM NAS SLAR 'JUG PAR 'DOD PA 'GAL LO, ,PHAR PHYIN THEG PA NAS BSHAD PA'I SHES SGRIB KUN ZAD PA'I GANG ZAG GI RGYUD LA KHAMS 'PHO 'GYUR GYI BAG CHAGS YOD PAR 'DOD PA 'GAL LO, ,BRJOD BRAL DANG BLO LAS 'DAS PA DANG BLO'I YUL MA YIN PA SOGS KYI KHA BYANG DANG HVA SHANG GI YIG CHA DANG MTHUN PA'I SGOM YIG NGAN PA RNAMS KHYOD LA BRUL BA'I RGYU YIN NO, ,RANG RGYUD KYI RTAGS SAM RANG DBANG BA'I RTAGS DON GCIG YIN PA'I PHYIR NA, RANG MTSAN SNANG BA LA LTOS TE GNOD MED KYI TSAD MAS RTAGS KYI TSUL GSUM DANG SHES 'DOD DANG DPA'I CHOS CAN RNAMS RGOL PHYIR RGOL GNYIS KA LA MTHUN SNANG DU DON GYI SDOD LUGS NAS RANG DBANG DU SNGAR BSGRUBS PA'I DBANG GIS BSGRUB BYA RTOGS DGOS PAR 'DOD CING, DE LTAR SGRUB PAR BYED PA'I RTAGS SBYOR 'GOD PA 'THAD PAR KHAS BLANGS PA'I DBU MA PA NI DBU MA RANG RGYUD PA'I DON NO, ,DE LA DBYE NA MDO SDE SPYOD PA'I DBU MA RANG RGYUD PA DANG RNAL 'BYOR SPYOD PA'I DBU MA RANG RGYUD PA GNYIS LAS, SDA MAS PHYI ROL GYI DON 'THAD PAR SGRUB CING, PHYI MAS PHYI ROL
GYI DON 'GOG PAR BYED DO, ,MDO SNGE SPYOD PA'I DBU MA RANG RGYUD PAS, RANG MTSAN GYIS GRUB PA'I MTSAN NYID GSUM YOD PAR BZHED KYANG, BDEN PAR GRUB PA'I KUN BRTAGS MTSAN NYID NGO BO NYID MED PA DANG GZHAN DBANG DON DAM PAR SKYE BA NGO BO NYID MED PA DANG YONGS GRUB DON DAM PA YANG YIN LA CHOS RNAMS KYI CHOS BDAG GI NGO BO NYID MED PA TZAM GYIS RAB TU PHYE BA YANG YIN PAS DON DAM PA NGO BO NYID MED PA STE, DE 'DRA BA'I NGO BO NYID MED PA GSUM LA DGONGS NAS SHER PHYIN GYI MDOR GZUGS NAS RNAM MKHYEN GYI BAR GYI CHOS DE DANG DE RNAMS NGO BO NYID MED PAR GSUNGS SO, ,STONG GZHI'I DNGOS PO DANG BDEN PAR GRUB PAR KUN BRTAGS PA'I TSA DANG BDEN GRUB NGES STONG PA RNAMS CHOS CAN, RIM PA BZHIN DU GZHAN DBANG DANG KUN BTAGS DANG YONGS GRUB TU 'JOG STE, RIM BA BZHIN DU RGYU RKYEN GZHAN GYI DBANG GIS SKYE BA YIN GYI, DON DAM PAR RAM RANG DBANG DU SKYE BA MIN PA'I PHYIR DANG, GNAS TSUL MA YIN PAR SGRO BTAGS PA'I CHA YIN PA'I PHYIR DANG, GNAS LUGS MTHAR THUG YIN PA'I PHYIR RO, ,NYAN THOS KYI 'DUL MNGON MDO SNGE GSUM NYE BA 'KHOR 'OD SRUNGS KUN DGA' BO GSUM GYIS BSDUS KYANG, THEG CHEN GYI DE GSUM BYAMS PA 'JAM DBYANGS PHYAG RDOR GYIS BSDUS PAS NA, THEG PA CHE CHUNG GI BKA' BSDUD PA PO NYAN THOS SU MI GCIG STE, SEMS CAN GYI SPYOD PA BRGYAD KHRI BZHI STONG DANG DE RNAMS DANG MTHUN PAR GSUNGS PA'I CHOS PHUNG BRGYAD KHRI BZHI STONG GI DON TSANG BAR NYAN THOS RNAMS KYIS MI RTOGS PA'I PHYIR RO,, THEG CHEN GYI SDE SNOD LOGS SU GSUNGS PA LA DON NAM DGOS PA YOD PA'I PHYIR NA THEG DMAN GYI MDOR CHOS KYI BDAG MED DNGOS SU
, ,BSTAN PA MIN NO, ,THAG KHRA 'KHYIL BA SBRUL DU 'DZIN PA'I 'JIGS SGRAG NI DE SBRUL MIN GYI SHING GI LCUG MA PHRA MO YIN NO ZHES 'DZIN PA'I BLOS BSAL NUS PA BZHIN DU, GANG ZAG GI BDAG MED MNGON SUM DU RTOGS NAS BSGOM PAS NYON MONGS CAN GYI RMONGS PA SA BON DANG BCAS PA 'JOMS NUS PAS NA, NYON MONGS SA BON DANG BCAS PA SPANGS TE 'KHOR BA LAS SGROL BA LA NGES PAR CHOS RNAMS KYI GNAS LUGS MTHAR THUG CHOS KYI BDAG MED RTOGS DGOS PA MIN NO, ,PHYI ROL SNANG BA YOD MIN TE, ZHES DON DAM PAR PHYI ROL GYI DON MED PAR GSUNGS PA DANG, LUS DANG LONGS SPYOD GNAS 'DRA BAR, ,SEMS NI SNA TSOGS SNANG BAS NA; ;ZHES SEMS GCIG BU GNAS DANG LUS SOGS SU GYUR BAR GSUNGS PA NI, SEMS NI YUL DE DAG GI RNAM PA GRIB MA LTA BUS KHA BSGYUR BAR SKYE BA'O, ,SEMS TZAM DU NI NGIS BSHAD DO,, ZHES DANG, KHAMS GSUM PO 'DI NI SEMS TZAM MO, ,ZHES PA'I SEMS TZAM GYI SGRAS SEMS LAS GZHAN PA'I LAS GSOG PA'I BYED PA PO DANG RNAM SMIN MYONG BA'I ZA BA PO 'GOG PA YIN PA'I PHYIR NA PHYI ROL GYI GZUNG BA MED PA MDO'I DON MIN NO,, DBANG SHES YUL GYI RNAM PA DANG LDAN ZHING GZUGS SGRA SOGS GZUNG BA DANG MIG DANG RNA BA'I RNAM SHES SOGS 'DZIN PA NI RGYU 'BRAS YIN PAS NA RIM CAN DU GRUB PA YIN NO,, RDZAS RIGS MI MTHUN PA GZHI THA DAD PA 'DUS PA LA DMAG DANG NAGS TSAL LA SOGS PAR GDAGS PA RNAMS 'DUL PA DANG BTAGS YOD YIN LA, RDUL RE RE BA DANG RIGS MTHUN PA'I RDUL DU MA GZHI GCIG LA BRTEN PA'I BSAGS PA'ANG RDZAS YOD YIN ZHING,
BSAGS PA DE'I RNGUL PHRA RAB RE RE BA'ANG DBANG SHES KYI DMIGS RKYEN DU RUNG NGO, ,ZLA BA GCIG LA BRTEN PA STE SNANG GZHIR BYAS NAS ZLA GNYIS SNANG BA'I SHES PA LA SOGS PA YANG PHYI ROL GYI DON MED NA MI SKYE ZHING, DNGOS SU KHAMS BCO BRGYAD KYI SUM CHA GNYIS DANG DON GYIS SHES BYA THAMS CAD LA SKUR BA 'DEBS PAR 'GYUR RO, ,YUL GZHAN SNANG BA MED PA'I PHYIR NA YUL CAN SHES PA NYAMS SU MYONG BA'I RANG RIG SHES PA MIN NO, ,CHOS RNAMS BDEN PAR GRUB NA RIGS SHES KYI NGOR YOD DGOS TE, RIGS SHES KYIS CHOS RNAMS BDEN PAR GRUB MA GRUB DBYAD PA GANG ZHIG ,DE RNAMS BDEN PAR GRUB PA'I PHYIR, RTAGS PHYI MA KHAS, RIGS SHES KYI NGO DER YOD NA BDEN PAR GRUB MI DGOS TE, CHOS NYID DER YONG KYANG BDEN GRUB MA YIN PA BZHIN NO,, RIGS SHES KYI RNYED DON YOD KYANG RIGS SHES DES DBYAD BZOD DU GRUB NA BDEN PAR GRUB PAR BZOD DE 'GYUR DGOS TE, RIGS SHES KYIS BDEN PAR GRUB BAM SNYAM DU DE LA DBYAD PA'I PHYIR, RIGS SHES KYIS DBYAD BZOD DU GRUB PA NI BDEN PAR GRUB TSAD DANG SKABS 'DIR DGAG BYA CHOS BDAG TU GRUB TSAD YIN NO,, RTAGS DANG BSGRUB BYA'I CHOS GNYIS LDAN GYI MTHUN DPE SGRUB PAR SLA BA'I PHYIR DBU MA SNYING PO RTZA 'GREL LAS PHAL CHER DGAG RTAGS 'GAL ZLA DMIGS PA'I RTAGS SBYOR 'GOD PAR MDZAD DE, DBER BRJOD NA, DBANG PO'I GZUGS CAN BA YIN PA'I PHYIR MIG DBANG NI DON DAM PAR GZUGS LA MI BLTA STE, DBER NA RNA DBANG BZHIN ZHES SOGS DGOD PA YIN NO,, SHES BYA DBYE GZHIR BYAS NAS DE LA KUN RDZOB KYI BDEN PA DANG DON DAM PA'I BDEN PA GNYIS SU PHYE'O,, DON DAM PA'I BDEN PA ZHES PA'I TSIG ZUR GYI DAM PA NI 'PHAGS PA'I MNYAM GZHAG ZAG MED KYI BLO DANG, DON NI
, ,ZAG MED KYI BLO NGES RNYED PA'I DON YIN LA, DE NI SNANG TSUL DANG GNAS TSUL MTHUN PAS MI BSLU BA'I PHYIR BDEN PA STE, DE NI DON DAM PA'I BDEN PA YIN NO, ,KUN RDZOB KYI BDEN PA ZHES PA'I TSIG ZUR GYI KUN RDZOB NI, DE KHO NA NYID LA SGRIB PA'I PHYIR KUN RDZOB STE BDEN 'DZIN GYI MA RIG PA'O,, GZUGS SOGS KYI CHOS THA SNYAD PA RNAMS BLO KUN RDZOB PA DE'I DOR BDEN PAS NA DON DAM LAS GZHAN KUN RDZOB KYI BDEN PA ZHES RANG GSAL BAR SNANG BA'I BLO LA SNANG BA LTAR DU DON BYED NUS PAS MTSON PA'I 'JIG RTEN NA YANG DAG PAR GRAGS PA'I CHOS DANG, DE LTAR SNANG BA LTAR DU DON BYED MI NUS PAS MTSON PA'I 'JIG RTEN NA PHYIN CI LOG TU GRAGS PA'I CHOS KYI CHA NAS BZHAG PA'I DON NI, THA SNYAD PA'I DBANG DU BYAS PA'I BDEN RDZUN GYI KHYAD PAR YOD PA'I PHYIR KUN RDZOB KYI BDEN PA LA YANG DAG DANG LOG PA'I RDZOB KYI DBYE BA YOD DE, DANG PO'I MTSAN GZHI NI GZUGS SGRA LA SOGS PA'I DNGOS PO RNAMS DANG, GNYIS PA'I MTSAN GZHI NI GZUGS BRNYAN LA SOGS PA RNAMS YIN NO, ,TSAD MA LA MNGON SUM DANG RJES DPAG GNYIS DANG, MNGON SUM LA DBANG YID RNAL 'BYOR MNGON SUM GSUM DANG DE DAG DANG RANG RIG MNGON SUM BZHI 'DOD PA NI, RIM PA BZHIN DU MDO SNGE SPYOD PA DANG RNAL 'BYOR SPYOD PA'I DBU MA RANG RGYUD PA'I KHYAD PAR RO,, THEG CHEN RIGS NGES KYIS SGRIB GNYIS KYI BAG CHAGS ZAD PAR SPANGS PA DANG RDZOGS BYANG THOB PA DUS MNYAM PA NI MDO SDE SPYOD PA'I DBU MA RANG RGYUD PA'I LUGS DANG, DES SGRIB GNYIS ZAD PAR SPANGS PA DANG RDZOGS BYANG THOB PA DUS MNYAM PA NI RNAL 'BYOR SPYOD PA'I DBU MA RANG RGYUD PA'I LUGS SO,,
CHOS LONGS SPRUL BA'I SKU GSUM DANG SKU GSUNG THUGS KYI GSANG BA BSAM GYIS MI KHYAB PA'I YON TAN DANG, SANGS RGYAS KYI CHOS MA 'DRES PA SUM BRGYA LA SOGS PA NI 'BRAS BU'I CHOS YIN NO, ,NYON MONGS DUG GSUM SA BON DANG BCAS PA NI NYON SGRIB DANG SHES SGRIB NI BDEN 'DZIN SKOR DGUS BON DANG BCAS PA RNAMS YIN NO, ,NYAN RANG GI LAM STE RTOGS RIGS MTHUN ZHING MI 'DRA BA'I KHYAD PAR NI TSE GSUM DANG BSKAL CHAN BRGYA LTA BU'I DUS KYI YUN TSAD DANG, SRID PA'I THA MA'I TSE SLOB DPON GZHAN GYI MAN NGAG LA LTOS MI LTOS DANG, MTSAN DPE RJES MTHUN PA MTHOB PA DANG THOB PA'I KHYAD PAR DANG, GZHAN LA SGRA BCAS SGRA MED PAR CHOS STON PA SOGS 'BRAS BU THOB PA'I KHYAD PAR MI 'DRA BA RNAMS KYIS 'BYED DO, ,RANG RGYUD PA GNYIS PAR RNAM BDEN PA DANG MTHUN PA DANG RNAM RDZUN PA DANG MTHUN PA GNYIS YOD PA LAS, DANG PO NI ZHI BA 'TSO YAB SRAS TE SNGO SER LA SOGS PA'I RNAM PA DNGOS POR 'DOD PA'O,, GNYIS LA NI SNGO SER LA SOGS PA'I RNAM PA DNGOS MED DU 'DOD PA'I SLOB DBON SENG GE BZANG PO LA SOGS PA'O, ,RNAM RDZUN PA DANG MTHUN PA LA YANG GNYIS LAS, RNAM RDZUN DRI BCAS DANG MTHUN PA NI SLOB DBON DZE T'A RI DANG, RNAM RDZUN DRI MED DANG MTHUN PA NI SLOB DPON KAMVAL STE LVA BA PA LA SOGS PA YIN NO, ,YUM 'BUM PA LA SOGS PA LTA BU DGAG BYA LA DON DAM BA SOGS KYI KHYAD PAR DNGOS SHUGS GANG RUNG DU SBYAR BA'I 'KHOR LO BAR BA NI NGES DON GYI MDO DANG, SHES RAB SNYING PO LTA BU DGAG BYA LA DON DAM PA LA SOGS PA'I KHYAD PAR DNGOS SHUGS GANG LA YANG MA SPYAR BA'I 'KHOR LO BAR BA NI 'KHOR LO GNYIS PA YIN PAR MTSUNGS KYANG DRANG DON GYI MDO YIN BA NI MDO SDE DGONGS 'GREL
, ,GYI LUGS YIN PAR 'DI BAS 'DOD DO, ,MTSAN NYID GSUM GYI 'JOG TSUL SNGAR BSHAD PA DANG 'DRA YANG PHYI DON MED PAR 'DOD PA NI SNGA MA DANG MI 'DRA BA'I KHYAD PAR YIN NO,, RGYAN SDUG PO BKOD PA DANG MDO SDE DGONGS 'GREL DANG LANG KAR GSHEGS PA'I MDO LA SOGS PA'I SKABS SU BRJOD BYA'I DON STON TSUL RNAM PA GNYIS YOD PA LAS, CHOS THAMS CAD BDEN PAR MED PAR RTOGS NUS PA'I GDUL BYA'I GTZO BO LA CHOS THAMS CAD BDEN GRUB KYI NGO BO NYID MED PAR BSHAD PA'I SKABS DANG, RE ZHIG CHOS THAMS CAD BDEN PAR MED PAR RTOGS MI NUS PAR RIM GYIS BKRI DGOS PA'I GDUL BYA PHAL BA LA PHYI DON MED CING SEMS BDEN GRUB TU STON PA'I SKABS TE TSIG GI CHA GNYIS YOD PA NI, RIM PA BZHIN DU DBU MA PA DANG SEMS TZAM PA'I LUGS SU 'DI BAS 'DOD PA YIN NO, ,'DI NI MDO'I TSIG LA CHA PHYE BA'I BSHAD TSUL YIN LA, TSIG LA CHA MA PHYE BAR MDO GCIG GI BRJOD BYA'I DON LA CHA PHYE BA'I DBANG DU BYED NA, ZHI PA 'TSO YAB SRAS KYIS 'KHOR LO 'BAR BA'I DGONGS PA BKRAL TSUL NI MDO SDE DGONGS 'GREL SOGS KYI DNGOS BSTAN GTZO BO'I DON YIN PA DANG, SEMS TZAM PAS 'KHOR LO BAR BA'I DGONGS PA BKRAL TSUL NI MDO SDE DGONGS 'GREL SOGS KYI DNGOS BSTAN PHAL BA'I DON YIN PAR BSHAD DGOS SO,, RANG MTSAN GYIS GRUB PAR SNANG BA LA TSAD MA GZHAN GYIS GNOD PA MED PA'I BLO'I SNANG BA'I DBANG GIS BZHAG PA MIN PAR YUL RANG GI GNAS LUGS KYI DBANG GIS YOD PA NI BDEN MED KYI DGAG BYA YIN PAR 'DOD PA NI RANG RGYUD PA GNYIS KA MTHUN NO, ,DBU MA RGYAN RANG 'GREL DU LANG GSHEGS
DANG YAB SRAS MJAL BA'I MDO DRANGS PA LAS GCIG DU BRAL GYI RIGS PA GSUNGS PA'I PHYIR NA ZHI BA 'TSO YAB SRAS KYIS PHAL CHER 'BREL ZLA MA DMIGS PA'I RTAGS SBYOR 'GOD PAR MDZAD DO, ,DPER BRJOD NA, BDEN PAR GRUB PA'I GCIG DANG DU MA DANG BRAL BA'I PHYIR GZUGS LA SOGS PA NI BDEN PAR MED DE, DBER NA ME LONG NANG GI BYANG BZHIN GZUGS BRNYAN BZHIN NO, ,BDEN PAR GRUB NA BDEN GRUB KYI GCIG DANG DU MA GNYIS PO DER NGES PAS NA RJES SU 'GRO LDOG GI KHYAB PA GNYIS GRUB PO,, PHYOGS CHOS SGRUB TSUL NI, DE BDEN PAR GRUB PA'I GCIG MIN TE, CHA BCAS YIN PA'I PHYIR, BDEN PAR GRUB PA'I DU MA MIN TE, BDEN PAR GRUB PA'I GCIG MED PA'I PHYIR, GZHAN YANG, RDO RJE ZEGS MA DANG YOD MED SKYE 'GOG; MU BZHI SKYE 'GOG DANG RTEN 'BREL GYI RTAGS RNAMS LUGS 'DI'I BDEN GRUB 'GOG PA'I RIGS PA'I GTZO BO YIN NO,, GANG ZAG GI BDAG MED DANG BDEN PA GNYIS KYI RNAM BZHAG RNAMS LA RANG RGYUD PA GNYIS KA 'DOD PA MTHUN NO,, DANG SHES SGRIB PHRA BA DANG RAGS PA NI RIM PA BZHIN DU BDEN 'DZIN SA BON DANG BCAS PA DANG GZUNG 'DZIN RDZAS GZHAN DU 'DZIN PA'I BLO SA BON DANG BCAS PA LA SOGS PA RNAMS YIN NO,, BDEN BZHI'I RNAM PA BCU DRUG DANG GZUNG 'DZIN GNYIS STONG DANG BDEN PAR MED PA RNAMS RIM PA BZHIN DU NYAN THOS DANG RANG RGYAL DANG THEG CHEN LAM GYI RTOGS RIGS GSUM GYI GZHAL BYA YIN PAS NA THEG PA GSUM GYI RTOGS RIGS MI 'DRA BA'I KHYAD PAR DE YIN NO,, MTHONG LAM SGOM LAM RE RE LA MNYAM GZHAG DANG RJES THOB YE SHES GNYIS GNYIS YOD PA LA SOGS PA'I KHYAD PAR RNAMS LA DBU MA RANG RGYUD PA GNYIS KA
, ,'DOD PA MTHUN PA YIN NO, ,ZHES PA'O,, DBU MA RANG RGYUD PA'I SKABS BYAS ZIN TO,, ,,DA NI RANG RGYUD MI BZHED PHYIR RGOL KHAS BLANGS LA ZHES SOGS KYI RTZA TSIG GI TSIG DON BSHAD PAR BYA STE, RANG RGYUD KYI SPYOR BA MI BZHED PAR GZHAN LA DBU MA'I LTA BA SKYED PA'I DON DU PHYIR RGOL GYI KHAS BLANGS LA 'GAL BA BRJOD PA'I THAL 'GYUR GTZO CHER 'GOD PAR BZHED PA'I PHYIR DBU MA THAL 'GYUR BA ZHES BYA BA DE'I MING GI RNAM GRANGS NI, THAL 'GYUR BA DANG BTAGS DON MA BTZAL BAR RANG RANG GI BLO LA SNANG TZAM GYI SGO NAS CHOS RNAMS THA SNYAD DU YOD PAR 'JOG NUS PAS SNANG TZAM GYI DBU MA PA DANG RTAG CHAD KYI MTHA' PHRA RAGS THAMS CAD LA MI GNAS PAS RAB TU MI GNAS PA'I DBU MA PA RNAMS SO,, 'DI LA RTOG DPYOD SNGAR BYAS ZIN TO,, DBYE BA NI 'PHAGS PA YAB SRAS GZHUNG PHYI MA'I DBU MA PA DANG SANGS RGYAS BSKYANGS ZLA GRAGS ZHI BA LHA LTA BU PHYOGS 'DZIN PA'I DBU MA THAL 'GYUR BA DANG KLU BYANG SH'AKYA BSHES GNYEN LTA BU PHYOGS MI 'DZIN PA'I DBU MA THAL 'GYUR BA STE GSUM YOD DO,, GZHUNG NI SHER PHYIN ZAB MO'I MDO DANG RIGS TSOGS DRUG DANG BZHI BRGYA BA DANG SPYOD 'JUG DANG MDO KUN BTUS BSLAB BTUS GNYIS DANG BYANG CHUB LAM SGRON LA SOGS PA'O, ,KUN RDZOB BDEN PA DANG DON DAM BDEN PA GNYIS DNGES SU BSTAN BYA'I GTZO BOR BYAS NAS STON PA'I MDO GNYIS NI RIM BZHIN DRANG DON DANG NGES DON GYI MDO YIN TE, RIM BZHIN DNGOS BSTAN GYI DON DE LAS CHOS DE'I GNAS X TSUL DNGOS BSTAN GYI DON DER NGES PA YIN PA'I PHYIR RO, ,SGRAS ZIN LTAR KHAS BLANG DU MI RUNG BAS GZHAN DU DRANGS DGOS PA DANG SGRAS ZIN GYI DON TSAD MAS GRUB KYANG DE NYID GNAS LUGS MTHAR THUGS MIN PAS GZHAN DU DRANG TSUL X LUGS GZHAN DU DRANG DGOS PA DANG CHOS DE'I GNAS X
NAS GRUB PA TZAM YIN PA'I PHYIR GZUGS SOGS PHYI NANG GI CHOS KUN TSUGS THUB DANG RANG NGOS NAS GRUB PA RNAMS MIN NO ZHES PA NI, BSGRUB BYA'I CHOS KYI DON YID LA BYED PA DER ZAB PA'I NYAMS LEN DANG GTAN TSIGS KYI DON YID LA BYED PA DER RGYA CHE BA'I NYAMS LEN TSANG ZHING, RIM BZHIN RTAG PA DANG CHAD PA'I MTHA' GNYIS SEL PA'I PHYIR 'DI NI RIGS PA'I RGYAL PO YIN NO,, DE'I PHYIR STAG TSANG BAS DON DAM DANG TSAD GRUB DANG TSUGS THUB DON GCIG TU 'DOD PA NI NAM MKHA' ZA BAR 'DOD PA DANG 'DRA STE, GRUB MTHA' BA SUS KYANG TSAD GRUB DANG TSUGS THUB DON GCIG TU MA BYAS PA'I PHYIR RO,, GDAGS GZHI PHUNG PO LA BTAGS PA TZAM MA GTOGS PA RANG DBANG BA'I BDAG NI MED PA YIN TE, GDAGS GZHI PHUNG PO RNAM GANG ZAG MIN ZHING, GANG ZAG DE GDAGS GZHI PHUNG PO LAS NGO BO GZHAN PA MIN LA, GANG ZAG DE GDAGS GZHI PHUNG PO'I RTEN MIN ZHING, GANG ZAG DE DON DAM PAR GDAGS GZHI PHUNG POR BRTEN PA'ANG MIN LA, GANG ZAG DE DON DAM PAR PHUNG PO DANG MI LDAN PA DANG, GDAGS GZHI PHUNG PO'I DBYIBS GANG ZAG MIN ZHING; GDAGS GZHI PHUNG PO'I TSOGS PA GANG ZAG MIN PA'I PHYIR, DPER NA SHING RTA SNGAR LTAR BTZAL NA RANG DBANG BA'I SHING RTA RNYED RGYU MED PA BZHIN YIN TE, RNAM BDUN GYI DPYAD PA 'DI BUM PA DANG SNAM BU DANG RE LDE DANG DMAG DANG NAGS TSAL LA SOGS PA'I CHOS RNAMS KUN BDEN MED DU GTAN LA 'BEBS PA LA SBYAR BAR 'JUG PA RTZA 'GREL NAS GSUNGS SO,, THAL 'GYUR PA NANG PHAN TSUN ZAB RGYAS KYI DON 'GA' ZHIG LA BRGAL BRTAGS BYED PA'I SKABS 'GAR RGOL BA GNYIS KA LA TSUL GSUM MTHUN SNANG BAR TSAD MAS GRUB PA DANG RTAGS MTHUN SNANG BA TZAM YOD PAR BZHED KYANG, RANG DBANG BA'I TSAD MAS GRUB PAR 'DOD PA MIN PA'I PHYIR RANG, ,RGYUD KYI SBYOR PA MI 'DOD PAS NA, STAG LOS LUGS 'DIR RANG RGYUD THA SNYAD DU YOD PAR 'DOD PA NI 'KHRUL
, ,TSUL 'DI NI STONG THUN CHEN MO'I RJES 'BRANG YIN KYANG RNAM BSHAD DANG LEGS BSHAD SNYING PO'I BSHAD TSUL DANG 'GRIG DKA' BA'I TSUL SNGAR BSHAD ZIN PA LTAR RO,, 'KHOR BA KUN NYON PHYOGS DANG MYANG 'DAS RNAM BYANG PHYOGS KYI GZUGS SOGS KYI CHOS BLO LA SNANG ZHING GRAGS PA STE RNAM PA SHAR BA'I JI LTA BA DANG JI SNYED PAS BSDUS PA KUN, MA BRTAGS MA DBYAD PA'I BLO LHAN SKYES KYIS 'JIG RTEN KYI THA SNYAD DU YOD PAR 'JOG DGOS PA'I PHYIR SGRA DANG RTOG PAS PHAR BTAGS PA TZAM MIN PAR YUL GYI STENG NAS GRUB PA DANG RDZAS YOD DANG RANG MTSAN DANG RANG NGOS NAS GRUB PA DANG BDEN PAR GRUB PA DANG NGO BO NYID KYIS GRUB PA LA SOGS PA RNAMS DGAG BYA'I BDAG YIN PAR DON GCIG YIN NO, , CHOS THAMS CAD RANG NGOS NAS MED PA DANG MING DANG RTOG PAS PHAR BTAGS PA 'DIR 'KHOR 'DAS KYI BYA BYED KUN GRA MA NYAMS SHING ZUR MA CHAG PAR 'JOG SHES PA'I MKHAS PA NI DBU MA PA STE, 'JOG TSUL 'DI LAS RAGS PA RANG NGOS NAS GRUB PA SOGS DANG PHRA BA MING DANG RTOG PAS BTAGS PA TZAM DU YANG MED PA SOGS GANG 'DOD PAR BYAS KYANG RTAG PA DANG CHAD PA'I MTHAR LHUNG NGO, ,GANG ZAG DANG CHOS KYI STENG DU BDAG STE RANG GI NGO BO NYID KYIS GRUB PA GNYIS NI RIM BZHIN GANG ZAG GI BDAG DANG CHOS KYI BDAG GNYIS YIN PAS, DER MED PA GNYIS NI RIM BZHIN GANG ZAG GI BDAG MED DANG CHOS KYI BDAG MED GNYIS YIN PAR BZHED DO, ,DE LA CHOS KYI BDAG NI, RDO RJE YI GZIGS MA DANG LA SOGS PA'I SGRAS BSDUS PA YOD MED SOGS MTHA' BZHI SKYE 'GOG DANG MU BZHI SKYE 'GOG DANG RTEN 'BREL GYI GTAN TSIGS TE BZHIS 'GOG PA DANG, GANG ZAG GI BDAG NI RNAM LNGA DANG RNAM BDUN GYI GTAN TSIGS GNYIS KYIS 'GOG LA, BDAG DE GNYIS
GNYIS YOD DO, ,DGONGS 'GREL NAS BSHAD PA'I 'KHOR LO THOG MA DANG MTHA' MA NI SGRA JI BZHIN PA MIN PA'I DRANG DON GYI MDO DANG DER BSHAD PA'I 'KHOR LO BAR BA NI SGRA JI BZHIN PA'I NGES DON GYI MDO YIN PAS NA, SKABS 'DIR DGONGS 'GREL GYIS DRANG NGES PHYE BA LTAR KHAS BLANG DU MI RUNG NGO, ,LANG GSHEGS DANG DGONGS 'GREL DANG RGYAN STUG PO BKOD PA LA SOGS PA'I GZHUNG TSIG TU GYUR BA'I MDO TSAN PA LNGAS, SEMS MA GTOGS PA'I BYED PA PO GZHAN MED PA DANG GZUGS SOGS RANG BZHIN GYIS MA GRUB PAR RNAM SHES KYI TSANGS PAS BZHAG PA TZAM DANG STONG PA NYID DANG GZHAN DBANG YONGS GRUB GNYIS THA SNYAD DU RNAL 'BYOR SPYOD PA PAS 'DOD PA LTAR GYI MING DANG BRDAS MA BZHAG PA'I YOD PA DANG GNAS SKABS SU RIGS SO SOR NGES PA SOGS LA DGONGS NAS, KHAMS GSUM PO 'DI NI SEMS TZAM MO ZHES GSUNGS PA DANG, PHYI DON MED PAR SEMS TZAM DU GSUNGS PA DANG, DE BZHIN GSHEGS PA'I SNYING PO RTAG BRTAN DANG KUN GZHI RNAM SHES YOD PAR GSUNGS PA GNYIS DANG, GZHAN DBANG YONGS GRUB BDEN GRUB TU STON PA DANG, MTHAR THUG THEG PA GSUM DU STON PA STE MDO TSAN PA LNGA SGRA JI BZHIN PA MA YIN PA'I DRANG DON DU BSGRUB PA YIN NO,, 'ON KYANG RTZA TSIG 'DIR MDO DRUG GRANGS NAS MDO LNGA DRANG DON DU BSGRUB PAR BSHAD PA NI BYED PA PO GZHAN 'GOG PHYIR DU SEMS TZAM DU BSTAN PA DE SGRA JI BZHIN PA YIN PAS DRANG DON 'GREL RGYU'I MDO LNGAR GSUNGS PA YIN NO,, 'O NA BYED PA PO GZHAN MED PA DGONGS GZHIR BSHAD PA MI 'THANG PAR 'GYUR RO ZHE NA, BYED PA PO GZHAN MED PAR SHES CHED DU SEMS TZAM DU GSUNGS ZHES PA YIN GYI BYED PA PO GZHAN MED PA LA DGONGS NAS SEMS TZAM DU GSUNGS ZHES PA MA YIN PAS SKYON MED CES BSHAD DGOS SAM SNYAM MO,, 'ON KYANG SKABS 'DI'I RTZA 'GREL GNYIS KA'I BSHAD
, ,DANG 'DRA BA YIN NO, ,BDAG DANG GZHAN RE RE'I SKYE BA YOD PA MIN PA'I PHYIR GNYIS KA LAS SKYE BA'ANG KHEGS PA YIN NO, ,RGYU MED PAR SKYEN 'BRAS BU 'BYUNG BA'I CHED DU SA BON 'DEBS PA DANG NYO TSONG BYED PA SOGS DON MED PAR 'GYUR CING, 'JIG RTEN GYI MTHONG BA DANG 'GAL BA DANG, DNGOS PO KUN LAS 'BRAS BU KUN SGYE PA'ANG YOD PAR 'GYUR RO,, 'BRAS BU LA MU BZHIR DPYAD NAS GZHAN SKYE DGAG PA NI, GZHAN LAS SKYE NA RGYU DES 'BRAS BU RANG BZHIN GYIS YOD PA DANG, GTAN NAS MED PA DANG, YOD MED GNYIS KA YIN PA DANG, YOD MED GNYIS GANG YANG MIN PA RNAMS LAS GANG SKYED GRANG STE BRTAG GO, DE LA 'BRAS BU RANG BZHIN GYIS YONG PA LA SKYED BYED KYI RKYEN CI ZHIG DGOS, GTAN NAS MED PA LA BSKYED BYA SKYED BYED KYI BYA BYED DANG BRAL LA, GNYIS KA YIN PA SNGAR GYI RIGS PA DES BSAL ZHING, GNYIS KA DANG BRAL BA STE GANG YANG MIN PA LA SKYED BYED KYI RKYEN NGES CI ZHIG BYA STE DGOS PA MED DO,, DNGOS PO RNAMS BDEN PAR RGYU YIS BSKYED PA MIN TE, DON DAM PAR RGYU GCIG GIS 'BRAS BU GCIG BSKYED PA MIN ZHING, DON DAM PAR RGYU DU MAS 'BRAS BU GCIG MI SKYED LA, DON DAM PAR RGYU GCIG GIS 'BRAS BU DU MA SKYED PA MIN ZHING, DON DAM PAR RGYU DU MAS 'BRAS BU DU MA'ANG BSKYED PA MIN PA'I PHYIR RO,, RGYU GCIG GIS 'BRAS BU GCIG SKYED PA YOD PAR BSGRUB PA'I PHYIR DANG, RGYU DU MAS 'BRAS BU GCIG SKYED PA SOGS GZHAN RNAMS KYANG RUNG BA STE YOD PA'I PHYIR RTAGS ZUR BZHI PO 'DIR DON DAM PA SOGS DGAG BYA'I KHYAD PAR MI SBYOR PA NI 'KHRUL BAR SHES PAR BYA'O,, RTEN 'BYUNG MIN PA'I CHOS NI LUGS 'DIR MED LA, RTEN 'BYUNG NI PHRAD NAS GRUB PA DANG LTOS NAS GRUB PA DANG BRTEN
KA'ANG RTEN 'BREL GYI GTAN TSIGS NYID KYIS 'GAG PA YIN NO, ,BDAG DANG GZHAN DANG GNYIS KA DANG RGYU MED LAS SKYE BA MIN PA'I PHYIR MIG SOGS RANG BZHIN GYIS SKYE BA MED DO,, BDAG LAS SKYE NA SKYE BA DON MED PA DANG SKYE BA THUG PA MED PAR 'GYUR BA DANG, GANG NA GANG YOD PA DE NI DE LAS SKYE BA MIN TE, 'KHAR GZHONG LA ZHO YOD PA BZHIN NO ZHES PA DANG, SA MYUG GNYIS RANG BZHIN GCIG YIN NA RGYU SA BON DANG 'BRAS BU MYU GU DUS RTAG TU MTHONG BAR 'GYUR BA DANG, RGYU SA BON SKYE BA ZHIG NAS MED KYANG 'BRAS BU MYU GU SNGON PO SKYES PA MTHONG BA'I PHYIR SA MYUG RANG BZHIN GCIG NA 'JIG RTEN GYI MTHONG BA DANG 'GAL BA DANG, RGYU 'BRAS KYI BYA BYED KUN GCIG TU 'GYUR BA LA SOGS PA'O,, GZHAN LAS SKYES NA ME LCE LAS MUN PA 'THUG PO 'BYUNG BAR THAL BA DANG, RGYU DANG RGYU MIN PA KUN LAS 'BRAS BU YIN MIN KUN MTSUNGS PAR 'BYUNG BAR 'GYUR BA DANG, RANG GI MTSAN NYID KYIS GRUB PA'I GZHAN YIN PA'I PHYIR SA MYUG GNYIS RGYUD GCIG TU MI RUNG BAR 'GYUR TE, DPER NA GRO DANG NAS BZHIN NO ZHES PA DANG, RANG GI MTSAN NYID KYIS GRUB NA DUS NAM YANG LDOG PA MED PAS SA MYUG GNYIS KYANG DUS MNYAM DU YOD PAR 'GYUR DGOS PA LA, DUS MNYAM DU SA MYUG DE GNYIS MED PA'I PHYIR RANG GI MTSAN NYID KYIS GRUB PA'I RGYU GZHAN LAS 'BRAS BU GZHAN SKYE BA CI ZHIG YOD DE MED DO,, ZHES PA'O,, BOD KHA CIG, RGYU 'BRAS LA SNGA PHYI BAS KHYAB CING, GZHAN LA DUS MNYAM DGOS PA'I PHYIR SNGA PHYI BA'I GZHAN 'GOG PA YIN ZER BA DANG, YANG BOD MANG POS LDOG PA GCIG PA'I DPUNG 'PHUL 'DOD PA SOGS 'KHRUL PAR SHES PAR BYA'O,, MTHA' BZHI'I SKYE BA MI 'DOD CING GZHAN SKYE 'JIG RTEN GYI THA SNYAD DU'ANG MED PAR BSHAD PA'I PHYIR STAG TSANG BAS SKABS 'DIR GZHAN SKYE YOD PAR 'DOD PA NI SNYON PA'I ZLOS GAR
, ,LO, ,DBYE GZHI SHES BYA DER DBYE NGO KUN RDZOB DANG DON DAM PA'I BDEN PA GNYIS YOD CING, DE LAS MANG PO DGOS PA MIN LA NYUNG NA MI 'DU BAS BDEN PA GNYIS PO DER GRANGS NGES PA YIN NO, ,BDEN PA GNYIS NGO BO THA DAD YIN NA, GZUGS BDEN MED DE GZUGS KYI GNAS LUGS SU MI RUNG BA SOGS DANG, BDEN PA GNYIS LDOG PA GCIG YIN NA, DON DAM BDEN PA DE SO SO'I SKYE BO KUN GYI MNGON SUM GYI SPYOD YUL DU 'GYUR BA SOGS KYI SKYON YONG PA'I PHYIR, BDEN PA GNYIS NGO BO DBYER MED LA LDOG PA'I SGO NAS THA DAD DU 'BYED PA YIN NO,, BDEN GNYIS KYI MTSAN NYID NI, RIGS SHES DANG THA SNYAD PA'I BLO YUL GANG LA DON DAM DANG THA SNYAD DPYOD PA'I TSAD MAR SONG BA DANG TSAD MA NGES RNYED PA'I DON NI, RIM PA BZHIN DU DON DAM DANG KUN RDZOB BDEN PA'I DON YIN NO,, SGRA BSHAD NI, SHES PAR BYA BA'I DON YIN PA DANG DON GYI MCHOG GAM DAM PA'ANG YIN PA DANG SNANG TSUL DANG GNAS TSUL MTHUN PA'I MI BSLU BA'AM BDEN PA YIN PA'I PHYIR DON DAM BDEN PA DANG, BDEN 'DZIN GYI MA RIG PA NI NAS LUGS MTHONG BA LA SGRIB PA'I PHYIR KUN RDZOB CES BYA LA, BLO KUN RDZOB PA DE'I DOR BDEN PAS NA KUN RDZOB BDEN PA ZHES BYA'O,, DON DAM BDEN PA'I DBYE BA NI, GANG ZAG GI BDAG MED DANG CHOS KYI BDAG MED GNYIS DANG, DNGOS PO STONG PA NYID DANG, DNGOS PO MED PA STONG PA NYID DANG, RANG BZHIN STONG PA NYID DANG, GZHAN GYI DNGOS PO STONG PA NYID DE BZHI DANG, NANG STONG PA NYID DANG, PHYI STONG PA NYID DANG, PHYI NANG GNYIS KA STONG PA NYID LA SOGS PA BCU DRUG DANG, SOGS SGRAS BSDUS PA STONG NYID BCO BRGYAD DANG STONG NYID NYI SHU'O, ,SGRAS BRJOD
KYIS DBYE NA, SO SKYE'I STONG NYID DON SPYI'I TSUL DU RTOGS PA'I BLO DANG 'PHAGS PA'I STONG NYID MNGON SUM DU RTOGS PA'I BLO GNYIS YUL DANG BCAS PA RIM BZHIN RNAM GRANGS PA'I DON DAM DANG GZHAN TE RNAM GRANGS MA YIN PA'I DON DAM YIN NO,, DBU MA THAL 'GYUR PA'I RANG LUGS LA KUN RDZOB BDEN PA LA YANG DAG KUN RDZOB DANG LOG PA'I KUN RDZOB GNYIS KYI DBYE BA YOD PA MIN YANG, 'JIG RTEN PA'I SHES NGOR MI'I BYAD BZHIN DANG BYANG BZHIN GYI GZUGS BRNYAN SOGS LA BDEN ZHES PA DANG MI BDEN ZHES PA'I THA SNYAD THOB TU RUNG BA'I PHYIR RIM BZHIN YANG DAG KUN RDZOB DANG LOG PA'I KUN RDZOB TZAM YIN NO,, THA SNYAD PA'I SHES PA NI RIGS SHES KYI SNGON DU 'GRO BA DANG GROGS SU GYUR BA STE, THA SNYAD PA'I SHES PA NI THABS DANG RIGS SHES NI THABS LAS BYUNG BA YIN PA'I PHYIR RO,, STONG PA NYID BSTAN PA'I DGOS PA NI RTAG CHAD KYI LTA NGAN SOGS BZLOG PA DANG BDEN 'DZIN DANG BDEN MED RTOGS PA'I BLO LA SPANG BLANG BYA BA'I PHYIR YIN PAS NA, STAG LOS GNAS SKABS TE RIM PA GSUM PAR STONG NYID MIN PA'I SPROS BRAL SGOM PAR 'DOD PA 'KHRUL LO, ,STON PA SANGS RGYAS KYIS GDUL BYA BKRI BA'I RIM PA NI, DANG POR LAS GSOGS PA DANG 'BRAS BU MYONG BA'I RDZAS YOD KYI BDAG BSTAN PA SOGS KYI SGO NAS BSOD NAMS MIN PA NGAN 'GRO'I RGYU BZLOG PA DANG, BAR DU MI RTAG SOGS BCU DRUG GI STONG PA DANG BDAG MED BSTAN PA SOGS KYI SGO NAS RTAG GCIG RANG DBANG CAN DANG RDZAS YOD KYI BDAG GNYIS BZLOG STE LAM GYI SNOD RUNG DU BYAS PA DANG, THA MAR SHIN TU PHRA BA'I DE BZHIN NYID RTOGS PA DANG MNGON DU GYUR BA'I SGOM TSUL BSTAN PA LA SOGS PA'I RIM GYIS RTAG
, ,CHAD KYI LTA BA PHRA RAGS KUN DANG CHAGS SOGS NYON MONGS KYI DRI MA BAG CHAGS DANG BCAS PA 'JOMS PAR MDO DANG SNGAGS KYI RGYUD SDE BZHI LAS GSUNGS SHING DE DAG GI DGONGS 'GREL MKHAN PO RNAMS KYIS BZHED PA YIN NO, ,ZAB MO'I DON SGOM PA'I RIM PA LA, LAS DANG PO PAS STONG PA NYID LA MYONG BA 'DON TSUL DANG, ZHI GNAS RJES MTHUN PA LA BRTEN NAS LHAG MTHONG RJES MTHUN PA SGOM TSUL DANG, ZHI GNAS DNGOS LA BRTEN NAS LHAG MTHONG DNGOS SGOM TSUL DANG, STONG PA NYID MNGON SUM DU RTOGS NAS SGOM TSUL DANG, SNGAGS BLA MED KYI BDE CHEN GYIS STONG PA NYID SGOM TSUL TE LNGA YOD PA RNAMS RJE BDAG NYID CHEN PO LA SOGS PA'I MKHAS PA'I DBANG PO RNAMS KYI GSUNG RAB LA ZHIB TU LTOS SHIG, RANG NGOS NAS MA GRUB PA'I STONG PA NYID JI LTAR RTOGS DKA' BA BZHIN DU MING TZAM LA BYA BYED THAMS CAD 'THAD PA'I THA SNYAD KYI 'JOG 'TSAMS SHIN TU DKA' SHING, KUN RDZOB DANG DON DAM BDEN PA GANG LAS NYAMS NA YANG PHUNG BAR 'DRA ZHING MTHAR LHUNG BAR 'DRA BA'I PHYIR KUN RDZOB TU YOD PA DANG DON DAM PAR MED PA 'DI GNYIS LA NYE RANG BYA MI RIGS PAS DE GNYIS KA ZUNG DU 'BREL BAR SHES SHING SGOM PA NI SHIN TU GCES SO,, MTSAN NYID GSUM GYI 'JOG LUGS RANG RGYUD PA'I SKABS SU BSHAD PA DANG MTSUNGS SHING, SPRUL DE THAG PA LA MED PAS KUN BRTAGS DANG SBRUL DNGOS LA KUN BRTAGS PA MA YIN PAR YONGS SU GRUB PA DANG 'DRA BAR, GSHIS SAM RANG BZHIN NI GZHAN DBANG GI RTEN 'BREL BYAS PA CAN LA NI KUN BRTAGS DANG CHOS NYID LA YONGS SU GRUB PA DANG,
YANG GSHIS SAM RANG BZHIN NI BYIS PAR TE SO SKYE'I RTOG MED KYI SHES PA'I YUL NA DE YOD PA KUN BRTAGS DANG RGYAL BA'I JI LTA BA MKHYEN PA'I YE SHES KYI YUL LA STE YUL DU GYUR BA'I DE YONGS SU GRUB PAR BZHED DO, ,RANG GI MTSAN NYID KYIS GRUB PA THA SNYAD DU YANG MI BZHED PA'I PHYIR KHAS BLANGS KYI KHYAD PAR THUN MONG MIN PA BRGYAD LA SOGS PA MANG PO YOD DO,, DE YANG THA SNYAD DPYAD PA'I BLOS RIM BZHIN MI KHEGS PA DAN MI GRUB PA'I PHYIR PHYI ROL GYI DON YOD PA DANG KUN GZHI RNAM SHES MED PAR BZHENG PA DANG, BDEN GRUB KYI DNGOS PO YOD PAR 'DZIN PA'I BLO YOD BZHIN DU THAR BA THOB PA YOD PA MIN PAR GSUNGS PAS BDEN 'DZIN DE NYON SGRIB YIN PA DANG, GANG ZAG GI BDAG MED DANG CHOS KYI BDAG MED NI STONG GZHI'I SGO NAS 'JOG PAS NA PHRA RAGS MTSUNGS PA DANG, SEMS CAN GYI RGYUD KYI MNYAM BZHAG RNAM PAR MI RTOG PA'I YE SHES MA GTOGS PA'I SHES PA LA BDEN 'DZIN GYI BAG CHAGS KYIS MA BSLAD PA MED PA DANG TSAD MAS RTOGS TSUL LA GSAR RTOGS KYI DPYAD PA MI RUNG BA'I PHYIR BYIS SHES TE SO SKYE'I SHES PA KUN 'KHRUL SHES YIN PA DANG BCAS SHES TSAD MAR GRUB PA DANG, KUN RDZOB RNAM CAN GYI YID KYI TSOR BA RNAMS YID MNGON YIN PA DANG MNGON PA GONG 'OG NAS BSHAD PA'I DGRA BCOM PA 'GA' ZHIG BDEN RNAM BCU DRUG MNGON DU GYUR KYANG 'PHAGS PA MIN PA'I PHYIR RTOG PAR GYUR PA'I YID MNGON YOD PA DANG BDEN BZHI'I RNAM PA MI RTAG SOGS BCU DRUG MNGON DU GYUR PA'I SO SO SKYE BO YOD PAR BZHED PA DANG, STONG NYID LA DMIGS PA'I LHAG MTHONG THOB PA DANG SBYOR LAM THOB PA DUS MNYAM YIN PA DAN ZHIG PA DNGOS PO YIN PA'I PHYIR BDEN BA RNAM BCU DRUG MNGON SUM DU RTOGS PA TZAM GYIS
, ,SBYOR LAM TZAM LA'ANG MI SLEB PA DANG DUS GSUM DNGOS POR BZHED PA DANG, SKYE BA'I RKYEN GYIS RGA SHI BA SKYED PA'I PHYIR ZHIG PA DNGOS PO YIN LA, DE'I PHYIR DGE MI DGE'I LAS 'GAGS NAS BSKAL BA MANG PO SONG YANG, THOB PA DANG RGYUN DANG CHUD MI ZA BA MED NA'ANG 'BRAS BU 'BYIN PA 'THAD PA YIN NO,, ZHIG PA DNGOS POR SMRAS PA TZAM NI BTAGS DON LA DPYAD NAS SMRAS PA MIN TE, DPER NA BUM PA DNGOS POR SMRAS PA BZHIN NO, ,DUS YUN RING POR SONG BA'I NGAG RTZUB PO SMRAS PA'I LAS BYAS PA MA ZHIG PAR DA LTA BLO LHAN SKYES LA SNANG BAR 'DOD NA SNGON BYAS PA'I LUS NGAG YID GSUM GYI LAS MTHA' DAG DA LTA MI DRAN PA'I RGYU MTSAN CI ZHIG YOD, BTAGS DON LA MA DPYAD PAR 'JOG NUS PA MIN PA'I PHYIR RANG RGYUD DANG RANG RIG YOD PA MIN PA DANG, YUL YUL CAN PHAN TSUN LTOS TSE MNGON SUM MTSAN NYID PA NI YUL YIN GYI YUL CAN NI MIN PA DANG, 'GOG BDEN CHOS DBYINGS DANG 'PHAGS PA RNAMS KYIS BDEN MED MNGON SUM DU GZIGS PA DANG, LHAG MED KYI TSE PHUNG PO ZAD PAR MI RUNG ZHING, TSOR BA DANG 'DU SHES 'JIG PAR BSHAD PA'I PHYIR LHAG BCAS LHAG MED KYI MYANG 'DAS KYI KHYAD PAR NI RANG NGOS NAS GRUB PAR SNANG BA'I 'KHRUL SNANG ZAD MA ZAD KYI GO RIM BZLOG PAS 'JOG DGOS SO,, NYON MONGS KYI SA BON MA YIN PA'I BAG CHAGS NI SHES SGRIB YIN LA, NYON MONGS CAN MIN PA'I MA RIG PA'ANG YOD PAR BZHED DO, ,NYON MONGS MA ZAD PAR SHES SGRIB SPONG BA'I MGO MI RTZOM ZHING, SNANG BAS YOD MTHA' DANG STONG PAS MED MTHA' SEL TSUL DE RNAMS DANG, SOGS SGRAS BSDUS PA
'GOG SNYOMS KYI KHYAD PAR DANG ZAB MO'I LTA BA SKYED TSUL DANG, BAG CHAGS BSGO GZHI DANG, GANG ZAG GI MTSAN GZHI 'JOG TSUL SOGS THUN MONG MIN PA'I KHYAD PAR MANG PO YOD PA RNAMS 'PHAGS PA YAB SRAS KYI DBU MA'I GZHUNG DANG RJE YAB SRAS KYI LEGS BSHAD RNAMS LA ZHIB TU LTOS SHIG, TSAD MA LA MNGON SUM DANG DNGOS STOBS KYI RJES BDAG DANG DPE NYER 'JAL GYI RJES DBAG DANG LUNG GI TSANG MA STE BZHIR BSHAD KYANG, GZHAL BYA MNGON LKOG GNYIS SU NGES PA'I DBANG GIS MNGON SUM DANG RJES DPAG GNYIS SU NGES PA YIN NO,, RTAGS LA LTOS PA MIN PAR RANG GI 'DZIN STANGS KYI YUL GYI GZHAL BYA MNGON SUM PAR BSLU BA MED PA'I SHES PA NI MNGON SUM GYI TSAD MA'I DON YIN PAR BZHED CING, DBYE NGO NI DBANG MNGON, DANG YID MNGON DANG RNAL 'BYOR MNGON SUM STE GSUM YOD DO,, ,RTAGS MA RGYU MTSAN LA BRTEN NAS LKOG YUL TE RANG GI 'DZIN STANGS KYI YUL GYI GZHAL BYA LKOG GYUR BA LA BSLU BA MED PA'I SHES PA NI RJES SU DPAG PA'I TSAD MA STE, DBYE NA CUNG ZAD LKOG GYUR DANG DPE DANG 'DRA BA'I LKOG GYUR DANG SHIN TU LKOG GYUR TE GSUM 'JAL BA'I DNGOS STOBS KYI RJES DPAG DANG DPES NYER 'JAL GYI RJES DPAG DANG LUNG GI TSAD MA'AM YID CHES KYI RJES DPAG STE GSUM YOD PAR BZHED DE,, RANG GI 'DZIN STANGS KYI YUL LA NGES PA 'DREN NUS SHING 'DZIN STANGS KYI YUL DER TSAD MA GZHAN GYIS GNOD PA DANG BRAL BA NI YUL DE LA MI BSLU BA'I DON YIN PA'I PHYIR YUL DE LA 'KHRUL YANG TSAD MAR SONG BA MI 'GAL TE, MI BSLU BA'I DON NI SKABS STOBS KYIS MANG BO BSHAD DO,, DE'I PHYIR RDZAS KYI SGRA BZHIN DU MI BSLU BA'I SGRA YANG DON GCIG KHO NA LA 'JUG PA MIN NO, ,MNGON MTHO DANG NGES LEGS SGRUB BYED NI RIM BZHIN LAS 'BRAS LA YID CHES PA'I DAD PA DANG BDAG MED RTOGS PA'I SHES RAB GNYIS YIN LA, BDAG MED RTOGS PA'I SHES RAB KYI SNGON
, ,'GRO'I CHOS NI DKAR CHOS THAMS CAD KYI RTZA BAR 'GYUR BA'I DAD PAS CHOS KYI SNOD RUNG DU BYED PA DE YIN NO, ,BDAG MED RTOGS PA'I SHES RAB NI 'KHOR BA LAS GROL BA'I RGYU DANG RNAM PAR MI RTOG PA'I DON SGRUB BYED YIN NO,, DMAN PA DANG 'BRING DANG MCHOG GI SKYES BU'I LAM GYI RIM PA GSUM DU RGYAL BAS GSUNGS PA'I CHOS TSUL KUN 'DUS TE, SANGS RGYAS KYIS DANG POR THUGS BSKYED PA DANG BAR DU TSOGS BSAGS PA DANG MTHAR SANGS RGYAS PA THAMS CAD GDUL BYA RNAMS KYI GNAS SKABS DANG MTHAR THUG GI DON GNYIS SGRUB PA LAS BRTZAM PA SHA STAG YIN PA'I PHYIR RO,, SKYES BU 'BRING LAS NYAN RANG GNYIS DANG, 'BRING GI LAM LAS DE DAG GI LAM DBYE ZHING, SKYES BU CHEN POR THEG CHEN 'DUS PA'I PHYIR THEG PA GSUM KA SKYES BU GSUM GYI LAM DU 'DUS PA YIN LA RGYAL BA 'DI'I BSTAN PA LA THEG PA BZHI PA YOD PA MIN NO,, LUGS 'DIR NYAN RANG GI RTOGS RIGS MTHUN ZHING, RIGS KYI SA DANG, BRGYAD PA'I SA DANG, MTHONG PA'I SA DANG, BSRABS PA'I SA DANG, 'DOD CHAGS DANG BRAL BA'I SA DANG, BYAS PA RTOGS PA'I SA DANG, NYAN THOS KYIS DANG RANG SANGS RGYAS KYIS STE DMAN PA'I SA BRGYAD KYANG BZHED PA DANG, GZHUNG 'GA' ZHIG NAS NYAN THOS KYIS DOR NAS DKAR PO RNAM PAR MTHONG BA'I SA BGRANGS NAS BRGYAD DU BYED PA'ANG YOD DO, ,RTOGS RIGS 'ANG YANG TSE GSUM DANG BSKAL CHEN BRGYA LA SOGS PA'I DUS KYI SGO NAS NYAN RANG GI 'BRAS BU'I KHYAD PAR DBYE'O,, RTZA BA BRTAN PA THEG CHEN SEMS BSKYED LA BRTEN NAS PHA ROL DU PHYIN PA DRUG DANG BSDU BA'I DNGOS PO BZHI'I
YAL GA DANG, RDZOGS SMIN SBYANGS GSUM GYI LO 'DAB 'BRAS SNYING YONGS SU RDZOGS PA'I SKU BZHI'I YONGS 'DU'I DBANG PO BSGRUB PAR BYA DGOS SO, ,DE YANG TSOGS LAM DANG SPYOR LAM GYI KHYAD PAR NI BYANG PHYOGS DANG PO GSUM DANG DBANG STOBS SO SOR SBYOR BA LTA BU YON TAN DANG, RIGS DANG PHYIR MI LDOG PA'I RTAGS SO SOR SBYOR BA DANG, MNGON RTOGS RGYAN NAS BSHAD PA LTAR SGOM TSUL SO SOR YOD PA DANG, THOS BSAM DANG SGOM BYUNG GTZO CHE BA'I NGO BO'I KHYAD PAR RNAMS KYIS 'BYED DO,, SA BCU'I MNYAM BZHAG RNAM PAR MI RTOG PA'I YE SHES KYIS CHOS NYID MNGON SUM DU RTOGS TSUL LA MI 'DRA BA'I KHYAD PAR DBYER MED KYANG 'DUL BYA'I DON NAM PHAR PHYIN SOGS PA SBYONG BA'I SBYOR BA DANG RJES THOB KYI YON TAN SANGS RGYAS BRGYA MTHONG BAR MDZAD PA LA SOGS PA SDE TSAN BCU GNYIS KYI GRANGS GONG NAS GONG DU 'PHEL BA DANG, SA SO'I SKABS KYI DRI MA SBYONG BA DANG LAM BGROD PA'I STOBS GONG NAS GONG DU 'PHEL BA DANG, PHAR PHYIN LHAG PA'I KHYAD PAR DANG, RNAM SMIN GYI SKYE BA GONG NAS GONG DU 'PHEL PA'I KHYAD PAR TE BZHIS SA BCU SO SOR 'JOG GO, SA RE RE LA'ANG RAB TU DGA' BA LA SOGS PA'I DES TSIG DANG; SNGAR BSHAD PA LTAR BSLAB PA GSUM LA SLOB TSUL DANG, ZAG MED KYI PHUNG PO LNGA SBYONG TSUL GYI DBYE BA DANG, YON TAN SDE TSAN BCU GNYIS KYI KHYAD PAR DANG, BRTEN PA PHAR PHYIN LHAG PA'I KHYAD PAR DANG, 'DZAM GLING LA DBANG BA'I 'KHOR BSGYUR DU SKYE BA SOGS RNAM SMIN GYI SKYE BA 'DZIN PA'I KHYAD PAR DANG, PHYIR MI LDOG PA'I RTAGS DANG SA SO SO'I RMI LTAS GNYIS DANG, SA SO SO'I SPANG BYA'I KHYAD PAR DANG, GNYEN PO YONGS SPYOD GI KHYAD
, ,PAR TE BRGYAD KYIS RNAM PAR BSHAD PA STE, RGYAS PAR GSER 'PHRED LAS SHES DGOS SO,, 'BRAS BU SANGS RGYAS SA NA MNYAM BZHAG DANG RJES THOB YE SHES NI RES 'JOG MIN PAR NGO BO GCIG TU SONG ZHING, SEMS KYI RGYU BA RNAM RTOG KUN NYE BAR ZHI BAS NA TING NGE 'DZIN GYI GNAS PA BRTAN PO MTHAR PHYIN CING SRID PA JI SRID PAR MNYAM BZHAG LAS BZHENGS PA YOD PA MIN NA YANG GDUL BYA'I SKAL PA JI LTA BA BZHIN DU CHOS SNA TSOGS STON PA LA SOGS PA'I RJES THOB KYI BYA BA'ANG MDZAD DO RNAM MKHYEN GYIS CHOS DBYINGS GZIGS DOR GNYIS SNANG GI SPROS PA KUN LOG NAS MED KYANG BTAGS DON LA MA BRTAGS MA DPYAD PAR JI SNYED PAS BSDUS PA'I CHOS THAMS CAD PHYAG MTHIL DU SKYU RU RA BZHAG PA BZHIN DU MKHYEN PAR MDZAD DO, ,'BRAS BU CHOS SKU GCIG DANG CHOS GZUGS KYI SKU GNYIS DANG CHOS LONGS SPRUL PA'I SKU GSUM DANG, NGO BO NYID SKU YE SHES CHOS SKU LONGS SKU SPRUL SKU BZHI DANG, NGO BO NYID SKU YE SHES CHOS SKU LONGS SKU DNGOS DANG BTAGS PA DANG SPRUL SKU STE LNGA YOD PAR BZHED CING; THUB PA'I DBANG PO LA RGYA CHE BA'I GZUGS SKU MI MNGA' BAR GZHAN NGOR SKYEL DGOS PA NI 'KHRUL BAR SHES PAR GYIS SHIG ,BLO BUR DANG RANG BZHIN RNAM DAG GI NGO BO NYID SKU DANG, YE SHES CHOS SKU NI SANGS RGYAS KYI SA'I ZAG PA MED PA'I YE SHES SDE TSAN NYER GCIG LA SOGS PA DANG, 'KHOR DANG ZHING DANG SKU DANG CHOS DANG MDZAD PA'I KHYAD PAR LNGA DANG LDAN ZHING 'KHOR BA MA STONGS KYI BAR DU SKU'I SNANG BA MI SDUD PA'I LONGS SPYOD RDZOGS PA'I SKU DANG, BZO BA SPRUL SKU DANG SKYE BA SPRUL SKU DANG MDZAD PA BCU GNYIS STON PA'I BYANG CHUB CHEN PO'I SPRUL SKU STE GSUM MO, ,DE RNAMS KYIS SNYAN CING 'JEBS PA'I GSUNG YAN LAG DRUG CU RTZA BZHI'I TSANGS DBYANGS KYIS NAM MKHA'I KHYON KUN 'GENGS PAR MDZAD DO, ,SKU GSUNG THUGS GSUM GYI GSANG BA BSAM GYIS MI KHYAB
PA'I ROL BAS BRTAN G-YO KUN LA KHYAB PA RNAMS SKAL PA DANG LDAN PA RNAMS KYIS MTHONG BA YIN NO, ,SKAD CIG BSKAL BAR DANG BZLOG PA STE BSKAL BA SKAD CIG TU BYIN GYIS BRLABS PA DANG, BA SPU'I KHUNG BU RE RER BRTAN G-YO THAMS CAD BKOD KYANG NAM MKHA' BZHIN DU DOG PA MIN PA DANG BA SPU'I KHUNG BU CHE BA DANG BRTAN G-YO MTHA' DAG CHUNG DUR SONG BA YANG MIN NO, ,GNAS DANG GNAS MIN MKHYEN PA LA SOGS PA'I STOBS BCU DANG, SANGS RGYAS KYI CHOS GZHAN DANG MA 'DRES PA BCO BRGYAD LA SOGS PA RMAD DU BYUNG BA'I YON TAN RNAMS NI MA LUS RGYAL RNAMS TE RGYAL BA THAMS CAD KYIS BRJOD PA LA ZHUGS KYANG MI RDZOGS PA NI NAM MKHA'I MTHA' JI LTA BA BZHIN YIN NO, ,'GRO BA RNAMS KYI SDUG BSNGAL ZHI BAR MDZAD PA LA SOGS PA GANG LA GANG 'DUL GYI MDZAD PA LHUN GYIS GRUB CING BSAM GYIS MI KHYAB PA'I 'PHRIN LAS 'KHOR BA'I PHYI MTHA'I BAR DU RGYUN MI CHAD PAR RTAG TU STON PAR MDZAD PA YIN NO, ,ZHES PA'O,, DBU MA THAL 'GYUR BA'I SKABS BYAS ZIN TE,, ,, DA NI MDO SNGAGS GNYIS KAS ZHES SOGS KYI TSIG DON BSHAD PAR BYA STE, MDO SNGAGS GNYIS KAS TE MDO NAS BSHAD PA'I THEG PA GSUM DANG SNGAGS KYI RGYUD SDE BZHI KA'I LAM GYIS NYON SGRIB SA BON DANG BCAS PA KUN ZAD PAR SPONG NUS PA YIN MDO KYANG, MDO DANG RGYUD SDE 'OG MAR YUL GYI MCHOG RANG BZHIN GYIS STONG PA BSTAN KYANG YUL CAN GYI MCHOG LHAN SKYES KYI BDE CHEN SBAS PA BZHIN DU, DRI MA'I GTZO BO SHES SGRIB CHUNG DU'I PHRA BA BSTAN KYANG GNYEN PO'I MCHOG SLOB PA MTHA'I DON GYI 'OD GSAL SPAS PA YIN PA'I PHYIR SHES SGRIB CHUNG DU'I PHRA BA NI SNGAGS BLA MED KYI LAM GYIS SPONG BA LAS MDO DANG RGYUD SDE 'OG MA'I LAM TZAM GYIS SPONG MI NUS SO, ,DE'I PHYIR KHA CIG GIS SPANG GNYEN SPAS PA MGO MTSUNGS SU 'DOD PA 'KHRUL PAR SHES DGOS SO, ,PHAR PHYIN THEG PA NAS BSHAD PA'I BYAMS SNYING RJE
, ,BYANG CHUB KYI SEMS PHYIN DRUG BSDU BZHI LA SOGS PA TSANG BAR YONG PA'I STENG DU SNGAGS KYI RGYUD SDE BZHI NAS BSHAD PA'I THABS ZAB MO DAM TSIG DANG SDOM PA'I KHYAD PAR DANG, 'BRAS BU'I GNAS LUS LONGS SPYOD MDZAD PA BZHI KA DANG RNAM PA MTHUN PAR DANG PO NAS SGOM PAS TSOGS MTHA' YAS PA BDE BLAG MYUR DU RDZOGS PA'I KHYAD PAR LHAG PA MANG PO YOD PA'I PHYIR SNGAGS DANG PHAR PHYIN THEG PA'I LAM LA'ANG MYUR 'BUL GYI KHYAD PAR CHE'O,, LUS NGAG YID GSUM RE RE LA RAGS PA DANG PHRA BA DANG SHIN TU PHRA BA GSUM GSUM YOD PA RNAMS SBYANGS PA'I PHYIR NYAN RANG BYANG SEMS KYI THEG PA DANG MDO DANG RGYUD SDE BA ZHI GONG NAS GONG DU KHYAD PAR DU 'PHAGS PA'I RIM PA MANG DU GSUNGS SHING, MDO DANG RGYUD SDE 'OG MAR LUS NGAG YID GSUM GZHAN TE RAGS PA DANG PHRA BA GNYIS BSHAD KYANG GSUM PA STE SHIN TU PHRA BA NI RNAL 'BYOR RGYUD MAN CHAD KYI DGONGS GZHIR RUNG YANG MDO DANG RGYUD SDE 'OG MAR DNGOS SHUGS GANG LA YANG GSUNGS PA MIN NO, ,DE 'DRA BA'I GSANG BA GSUM GYI KHYAD PAR RNAMS NI RNAL 'BYOR BLA NA MED PA'I RGYUD SPYI DANG KHYAD PAR DU RGYUD THAMS CAD KYI RGYAL PO DPAL GSANG BA 'DUS PA'I RTZA BSHAD KYI RGYUD DAG NA GSAL BAR GSUNGS SO,, SKAL BA MCHOG DANG LDAN PA'I GRUB PA'I DBANG PHYUG BYE BAS SPANGS RTOGS KYI RTZE MOR GSHEGS PA'I SHUL, DUS GSUM GYI RGYAL BA THAMS CAD GSHEGS SHING GSHEGS LA GSHEGS PAR 'GYUR PA'I GSANG BA BLA NA MED PA'I LAM NI MNGO SNGAGS KYI LAM MTHA' DAG NANG NAS MCHOG TU GYUB PA YIN NO,, ZHES PA'O,, GSANG CHEN MCHOG TU SGRUB PA'I SKABS BYAS ZIN TO,, ,, 'JAM MGON MKHYEN GZI LAS 'ONGS 'KHRUL MUN BRAL, ZHES SOGS KYI TSIG DON NI, RJE BTZUN 'JAM MGON GYI MKHYEN PA'I GZI 'OD LAS 'ONGS PA LTAR 'KHRUL BA'I MUN PA DANG BRAL ZHING, DBYANGS CAN LHA MOS SMRAS PA BZHIN DU RJOD BYED KYI TSIG RNA BAR
SNYAN CING 'JEBS LA LEGS PAR 'GRIGS PA DANG, THUB PA'I DBANG PO'I GSUNG BZHIN DU THOG MTHA' BAR GSUM DU'ANG DGE BA DANG, 'DZAM GLING RGYAN DRUG SOGS MKHAS GRUB MCHOG RNAMS KYI LUGS KUN 'DUS PA BZHIN DU BRJOD BYA'I DON ZAB CING BRLING PA NI BSTAN BCOS 'DI'I CHE BA'I KHYAD PAR YIN NO,, DENG SANG GANG ZAG 'GA' ZHIG GZHUNG LUGS LA MA BSLAB STE MA SBYANGS PAR SHES RAB KYI MIG LONG BAS SPANGS RTOGS KYI BAS MTHAR BGROD PAR 'DOD PA DANG, LA LA SKYES SBYANGS KYI BLO GROS DMAN PA'I BYI BAS BSTAN BCOS RTZOM PA'I GLANG CHEN GYI KHUR LEN PA DANG PHAL CHER PHYOGS RES LA SBYANGS TZAM GYI RI PHRAN BTEGS PAS RLOM ZHING SNYEMS PA MA GTOGS PA, THUB PA'I DBANG PO'I LUNG RTOGS KYI BSTAN PA'I NOR 'DZIN TE SA GZHI KUN 'DEGS PAR NUS PA'I KU RMA STE RUS SPAL SU ZHIG YOD DE MED DO,, MKHAS PA LAS KYANG CHES CHER MKHAS PA'I 'PHAGS YUL DANG BONG GANGS CAN GYI BSTAN 'DZIN MANG POS KYANG THUGS NGOR ZAB PA DANG RGYA CHE BA'I CHOS RNAMS THAG MKHAN GYI RKANG PA GNYIS DUS GCIG TU SA LA MI 'JOG PA BZHIN DU RES KYIS SPYOD PAS MI BDE ZHING, SNANG BA RTEN 'BYUNG DANG RANG BZHIN GYIS STONG PA ZUNG 'BREL DU SHAR BA'I LAM MA RNYED PAR LUNG RIGS SNA TSOGS KYI MKHAR BAS DON CI YIN SNYAM DU YANG YANG BTZAL BA YIN NO, ,RANG BZHIN GYI SDE BA MKHAS PA MANG PO'I GLU'I DBANG PO BRGYA STONG GIS RNAM PAR ROL BA'I GNAS, PHUGS SU PHAN PA DANG 'PHRAL DU BDE BA'I RIN CHEN SNA TSOGS KYI 'PHYUR BUS GANG ZHING, GZHAN LUGS DGAG PA DANG RANG LUGS SGRUB PA'I RAB RLABS RAB TU 'KHRUG PA'I GRUB MTHA'I RGYA MTSO CHEN POR BGROD PA'I SLAD DU DED DPON MKHAS PA RNAMS 'BA' RTZOL GYI GRU BRDZINGS CI YANG 'DZUG PA YIN NO, ,DUS DANG PHYOGS KYI CHAR PHYE BA'I RIGS PA'I GRU 'DZINGS LA BLO DMAN RNAMS 'KHRUL NAS GTAN MED KYI DANG PO'I RGYUD BRDUNGS PAS THA SNYAD DU YOD PA'I TSUL ZHIG PA 'GA' ZHIG GIS KYANG RANG GZHAN GYI GRUB MTHA'I RGYA MTSO CHEN PO'I PHA MTHAR PHYIN SNYAM DU
, ,SEMS KHENGS SHING SNYEMS PA'I DREGS PA SKYANGS PA DANG RANG NYID PHYI NANG GI LUGS GNYIS KYI 'DOD TSUL PHRA RAGS KUN MTHONG BA'I PHYIR DU GRUB MTHA' RAB 'BYAMS RGYA MTSO'I PHA ROL TU 'JAM DBYANGS BZHAD PA KHO BOS PHYIN PA YIN NO, , BLO BZANG RGYAL BA'I MES BYIN RING LUGS LHA MI SA 'OG GI LAM GSUM 'BAB PA STE CHU BO GANG G'A RNAM PAR DPYOD PA'I LHA CHEN DBANG PHYUG GI RAL BA'I NANG NAS 'ONGS TE RTOG GE STE GRUB MTHA' NGAN PA DE YIS BSHUNG BA DANG BSLANG PA'I SEMS KYI NOR LTA'I BU STE KHYAB 'JUG GI RKANG PA'I DRI MA BKRUS PA'I CHAB KYIS LHAN SKYES KYI MA RIG PA'I DBANG GIS CHOS RNAMS KYI YIN LUGS LA RMONGS SHING 'KHRUL BA'I GANG ZAG RGYAL PO DUG CAN PA'I BU DRUG KHRI'I RGYUD TSOGS DAG PAR GYUR CIG, RIN CHEN RNAM BZHI'I KHUR LCI ZHING ROL BA'I MTSO CHEN GYI SKA RAGS G-YO LA, NYI ZLA'I SGRON ME 'DEGS PA'I LHUN PO JI SRID GNAS PA NGE SRID DU BSTAN BCOS 'DIS KYANG GSAR BSHAD KYI KHUR LCI ZHING GRAGS SNYAN GYI BA DAN G-YO LA LEGS BSHAD KYI SGRON ME'I 'ONG KYIS SA GSUM SNANG BAR BYED PAR SHOG, CHOS KYI DBYINGS GDOD MA NAS RNAM PAR DAG PA'I GSHIS DANG DKON MCHOG GSUM GYI BYIN RLABS MI BSLU BA'I MTHUS 'GRO BA MTHA' YAS PA RNAMS SANGS RGYAS KYI RDZU 'PHRUL BZHIN DU SA BCU LAM LNGA RIM BZHIN MYUR DU BGROD CING, NYA RGYAS TE YAR TSES BCO LNGA'I ZLA BA LTAR SPANGS RTOGS KYI YON TAN KUN YONGS SU RDZOGS NAS NYI MA BRGYA LAS KYANG CHES CHER GSAL BA'I KUN MKHYEN YE SHES MYUR DU THOB PAR SHOG CIG, CES PA'O,, 'DIR SMRAS PA, YANG DAG LTAR SNANG 'DOD TSUL MI 'DRA SNA TSOGS SARBA RLABS GYA GYUR G-YO, , GNAS TSUL GTING ZAB NGAM GNAG 'THUG POS BLO DMAN SNYING LA 'JIGS PA SKYED,, RJOD BYED PHA MTHA' MTHONG BAR DKA' BA'I PHYI NANG GZHUNG LUGS BA TSVA'I MTSOR,, YUN RING DUS NAS GAB PAR GYUR BA GRUB MTHA'I KHYAD BAR YID BZHIN NO,, GZHUNG LUGS TI MI'I
GRONG DU GNAS BCAS SHING, ,ZAG MED LEGS BSHAD NOR LA DBANG 'BYOR BA, ,'JAM DBYANGS DGYES BZHAD LAG 'GRO'I DBANG PO DE, ,MKHYEN RAB BRTZON PA'I STOBS KYIS LEGS PAR RNYED, ,PHYOGS LHUNG TSA BAS GDUNG BA RNAMS LA LEGS BSHAD GANGS KYANG TSAR 'GYUR LA, ,PHRAG DOG LHAG PAS BTAB PA RNAMS LA PHAN 'DOGS ME YANG GRANG BYED MOD, ,MKHYEN RAB GSHOG ZUNG RGYAS PA'I MKHAS MCHOG ZUR GNAS NGANG BA'I RGYAL PO NYID, ,YANG DAG LTAR SNANG 'O CHU 'DRES PA RNAM DPYOD MCHU YIS 'BYED PAR MDZOD, , 'DIR 'BAD LEGS BYAS RAB DKAR KOO MU R'IS, ,'GRO BA KUN GYI MTHAR 'DZIN MUN PA DANG, ,SRID PA'I TSA GDUNG MA LUS BSAL BYAS TE, ,NGES LEGS KUN DA'I DGA' TSAL RGYAS GYUR CIG ,RGYAL BSTAN SNYING PO ZHVA SER 'CHANG BA'I BSTAN, ,YUL PHYOGS GNAS SKABS KUN TU RAB RGYAS SHING, ,DE 'DZIN MKHAS MANG DGE 'DUN SDE DANG BCAS, ,KHRIMS GTZANG THUGS MTHUN BSHAD SGRUB 'PHEL GYUR CIG ,BDAG KYANG MA 'ONGS TSE RABS THAMS CAD DU, ,MTHO RIS YON TAN BDUN GYIS RAB MDZES SHING, ,THEG MCHOG DGE PA'I BSHES KYIS ZIN PA'I MTHUS, ,MA NOR LAM BZANG MYUR DU MTHAR PHYIN SHOG ,GSER GYI RI BO'I BRTZEGS PA RIM PA BDUN GYIS KUN NAS YONGS SU BSKOR, ,BSIL DANG 'JAM DANG DRI MAS DPON PA'I ROL MTSO'I SMAD G-YOG MDZES PAR GSOL, ,RIN CHEN RNAM BZHI'I RDUL BRTZEGS LHUN PO JI SRID GNAS PA DE SRID DU, ,TSIG 'GREL 'DIS KYANG GNAS SHING 'GROL LEGS BSHAD DGA' STON 'GYED GYUR CIG ,CES MCHAN 'GREL GYI MJUG TU SMRA BA'I TSIG 'GA' ZHIG GIS SMAD KYI CHA BRGYAD TE RDZOGS PAR BRIS PA 'DIS KYANG BSTAN 'GRO LA PHAN PA RGYA CHEN PO THOGS PAR GYUR CIG AOm SVA STI, ,THUB DBANG 'KHOR TSOGS BCAS LA GUS PAS 'DUD DO RJES 'DZIN MDZOD, ,
, ,GRUB 'GREL CHEN MO'I GRUR ZHUGS RIN CHEN GLING SONG DED DPON MKHAS, ,GRUB PA'I GCES NOR GRU LA SPUNGS TE BSTAN PA'I GSOS SPYAR PA'I, ,SHAM DU GSAR SLOB DON DU RTZA TSIG BKROL BA'I YAR MTSUS THOR, , BDAG GIS BTUS BLUGS SPAR SNOD GCIG SPYAR KHU RE CHEN MOR BZHAG ,'DI GRUB DGE BSAGS SLOB GRVA PHRUG RTZA TSIG SA BON GYI, ,RO 'BRO'I RKYEN GYIS DE BSKRUN GRUB 'GREL MCHAN 'GREL DBAG BSAM GYI, ,YAL GA MTHOR 'DZEGS 'BRAS DPAL SPYOD LA RNAM DPYOD LUS BRTAS SHOG, BAR YIG 'DRI DANG BAR SHING RKO BA DANG, ,RGYU RKYEN SPYAR SOGS 'DIR BRTZON LUS CAN RNAMS, ,GNAS SKABS MI 'DOD MTHA' DAG ZHI BA DANG, ,MTHAR THUG SKU BZHI'I DPAL LA MYUR SPYOD SHOG, BLA MA DKON MCHOG GSUM GYI BYIN RLABS DANG, ,BSTAN BSRUNG DAM CAN RGYA MTSO'I MTHU STOBS DANG, ,LAS 'BRAS BSLU BA MED PA'I BDEN STOBS KYIS, ,BSAM DON YID BZHIN 'GRUB PA'I BKRA SHIS SHOG, ,, BSTAN PA YUN RING 'BAR GYUR CIG, ,,SHU BHA MA STU SARBA DZA GA T'A MA,, ,,
[BLANK PAGE]
#, ,DPAL LDAN CHOS RJES GRUB MTHA' CHEN MO'I MCHAN 'GREL GYI SKABS SU MDZAD PA'I RTZA BA'I TSIG 'GREL ZUR DU BKOL BA BZHUGS SO, ,
, ,RJE BTZUN BLA MA 'JAM DPAL DBYANGS LA PHYAG 'TSAL LO, ,TSE RABS KUN TU RJES SU GZUNG DU GSOL, ,DGE LDAN LUGS BZANG S'A LA'I SMAN LJONGS DBUS, ,LEGS BSHAD DRI BSUD PHYOGS BCUR 'GYED PA'I DPAL, ,GRUB MTHA' RTZA 'GREL TZANDAN GO SHIRshA, ,STOBS BCU MNGA' PA'I MJAD 'PHRIN GZO BOS BSGRUB, ,SKYES SBYANGS BLO GROS LAG PA'I SHUGS CHUNG YANG, ,PHA MES GZHUNG BZANG GNAM RU STOBS TSAN DANG, ,ZUR MCHAN NYAG PHREN SBYAR NAS PHYI NAD GI ,GZHUNG LUGS DKA' GNAD GO CHA 'BIG PAR BYA; ;ZHES MCHAN 'GREL GYI DBUR GSUNGS PAS THOG DRANGS TE, MTSAMS MTSAMS NA MDZAD PA'I RTZA BA'I TSIG 'GREL PHYOGS GCIG TU BRI PA LA, GDUL BYA MCHOG DMAN BAR MA MTHA' DAG GI KHAMS DANG BSAM PA BAG LA NYAL DANG MTHUN PAR SKU GSUNG THUGS KYI GSANG BA GSUM GYI MDZAD PA MTHA' YAS PA DANG BRTAN PA SNOD DANG G-YO BA BCUD SNA TSOGS
, ,PA'I GAR GYI RNAM PAR RAB TU BSGYUR BA MTHA' YAS PAS ZAB PA DANG RGYA CHE BA'I CHOS KYI SGO MANG DU PHYE ZHING, KHYAD PAR RTEN 'BYUNG ZAB MO'I GTAM GYIS KUN MKHYEN DU BGROD PA'I LAM GSAL RAB TU STON PAR MDZAD PA'I SH'AKYA SENG GE GTANG RABS BDUN LA SOGS PA'I BLA MA BRGYUD PA DANG BCAS PA LA PHYAG 'TSAL LO,, BRJOD BYA'I DNGOS PO DE'I YON TAN DANG BYA BA NAMS LHAN CIG TU BRJOD PA'I RGYAN GYI SGO NAS 'JAM DBYANGS GNYIS LA BSTOD PA NI, 'GRAN ZLA DANG BRAL BA'I MKHYEN RAB KYI RAL GRI STONG PA NYID KYI NAM MKHAR GDENGS PA DANG LHAN CIG STE GCIG CHAR GDUL BYA'I MI SHES DGRA STE MA RIG PA SEL PAR MDZAD PA DANG, 'GRO BA RNAMS LA THUGS RJE'I SPYAN GYIS GZIGS PA DANG LHAN CIG 'DZUM ZHING BZHAD PA'I MCHU SGROS KYIS LEGS PAR BSHAD PA'I CHOS KYI DGA' STON STZOL ZHING, CHOS MDZOD DE CHOS KYI GLEGS BAM BSNAMS PA DANG LHAN CIG RNAL 'BYOR DRAN PA STE
RANG NYID LHAG PA'I LHAR BSTEN PA'I GDUL BYA LA GLEGS BAM GANG DE'I TSIG DON MI BRJED PAR 'DZIN CING GZHAN LA THOGS MED DU 'CHAD NUS PA'I GZUNGS DANG SPOBS PA STZOL BAR MDZAD PA'I 'JAM DBYANGS DKAR SER GNYIS LA KYE ZHES 'BOD NAS KHYOD KYIS BDAG GI RGYUD LA BLO DANG NGAG GI DNGOS GRUB MCHOG LHAN CIG TU RNAM BKRA STE GSAL BAR MDZOD CES PA STE, SNYAN NGAG ME LONG LAS, YON TAN LAS RNAMS LHAN CIG GI ,DNGOS PO BRJOD PA LHAN CIG BRJOD,, CES PA LTAR RO, ,DBYANGS CAN MA LA BSTOD PA NI, 'O MA'I MTSO LAS 'NGOS PA STE YAR THON PA'I SHEL DKAR BO'I LHUN POS DBANG SNGON TE AINDRA N'I LA'I ZUR PHUNG NGOMS PA STE BCINGS PA NI SRID MIN GYI DPE YIN KYANG SNYAN NGAG 'DI NI DPE'I RGYAN MA YIN TE, DPE DON THA DAD PA'I TSUL GYIS CHOS MTHUN SBYAR BA MA YIN PA'I PHYIR, ZLA BA'I DKYIL 'KHOR RGYAS PA'I ZHAL RAS LA DKYUS RANG ZUR GYIS LTA BA'I 'DREN BYED DE SPYAN GYI AUTPAL SNGON PO'I MNGA' 'PHANGS PA NI RNAM 'GYUR GYI DPE YIN KYANG DPE'I RGYAN MIN PA NI SNGAR LTAR YIN TE, SNYAN NGAG ME LONG LAS, LUS PHRA KHYOD KYI BZHIN RAS NI, ,ZLA BA'I DKYIL 'KHOR LAS BTON BZHIN, ,PADMA'I NAD NAS PHYUNG BA BZHIN, ,ZHES PA 'DI NI RNAM 'GYUR DPE, , ZHES PA LTAR DPE DON SO SOR PHYE BA 'DI LA MED PA'I PHYIR, SEMS KYI RMONGS PA'I SBUBS GROL NAS RNAM PAR DPYOD PA'I BLO GROS CHES CHER RNAM PAR BKRA BA'I PADMA 'BUM PHRAG DAG CES PA NI GZUGS CAN GYI RGYAN YIN ZHING, DE DAG KHYOD KYI THUGS RJES RJES SU CHAGS PA'I MCHU DANG LHAN CIG BZHAD PAR MDZOD CIG TSANGS SRAS MA, ZHES PA NI LHAN CIG BRJOD PA'I RGYAN DU YANG GYUR LA, DE DAG NI TSIG SBYOR GCIG LA RGYAN THA DAD PA MANG PO BSRES PA'I RAB SPEL GYI RGYAN
, ,YIN NO, ,DER MA ZAD SPYAN ZUR GYIS LTA BA'I RNAM 'GYUR GSAL BAR BRJOD KYANG GZHAN GYI YID RANG DBANG MED PAR 'PHROG PA'I BYED LAS SPAS NAS RNAM PA GZHAN DU RTOG CING SNANG BAR BYED PA'I RAB BRTAGS KYI GAB TSIG TU YANG 'GYUR RO, ,GANGS CAN GYI YUL 'DI NA MDO SNGAGS ZUNG 'BREL DANG, ZAB RGYAS ZUNG 'BREL NYAMS SU LEN TSUL MED PAR DE DAG NYIN MTSAN LTAR RES MOS KYIS SPYOD PA'I TSE, MDO SNGAGS ZUNG 'BREL DANG THABS SHES ZUNG 'BREL DANG BSHAD SGRUB ZUNG 'BREL DANG THOS BSAM SGOM SOGS DUS GCIG TU SPYOD PA'I SGO NA THUB BSTAN MA LUS PA STAN GCIG TU NYAMS SU LEN PA'I RNAM SANG DE LHA'I 'OD 'CHAR NUB RES MOS MI BYED PA LTA BU'I SROL BZANG 'BYIN PA PO BLO BZANG RGYAL BA SNGA MA TZONG KHA BA CHEN PO SRAS DANG BCAS PA DANG, RGYAL BA PHYI MA SRAS DANG BCAS PA LA SOGS PA THUB DBANG ZHAL SKYIN RNAMS LA MI GUS PA'I 'DI DBYOD LDAN SU ZHIG YOD CES PA'O,, RIGS LAM PHYIN CI MA LOG PA'I GRU CHEN BRTAN BAR ZHUGS NAS RANG GZHAN GYI GZHUNG LUGS RGYA MTSO'I PHA ROL TU LEGS PAR PHYIN PA'I BSHES GNYEN MKHAS PA DED DPON BZANG POR BSTEN NAS THOS BSAM SGOM LA NGAL BA BRGYA PHRAG DU MA BYAS PA'I SGO NAS PHYI NANG GI GRUB MTHA' RGYA MTSO'I PHA, ROL TU SON TE SNGON CHAD GRUB MTHA' MKHAN PO SUS KYANG GSAL BAR THON PA MED PA'I LEGS BSHAD RIN PO CHE BDAG GIS RNYED PA 'DI NYID BLO GSAL DBYOD LDAN RNAMS DGA' BZHIN SPRO BZHIN DU KUN MKHYEN LAM GSAL RIN CHEN SGRON ME 'DI BLO LA ZUNG SHIG CES PA'O,, PHYI NANG GI KHYAD PAR BSHAD PA'I TSIG RKANG LNGA'I DON BSHAD DU YOD DE, BSTAN PA SEMS CAN LA GNOD 'TSE SPONG MI SPONG DANG, STON PA SKYON KUN ZAD YON TAN KUN RDZOGS YIN MIN DAN LTA BA BDAG MED DANG BDAG TU 'DZIN P'I
KHYAD PAR GYIS PHYI NANG DU 'JOG LUGS YOD LA, GZHAN YANG, BKAR BRTAGS PHYAG RGYA BZHIR LTA BA DANG, SRID RTZE SOGS SRID PA MTHA' DAG RTZA BA NAS 'BYIN PA'I BSGOM PA DANG DOD PA BSOD NYAMS DANG DAL ZHING DUB PA'I MTHA' GNYIS SPANGS PA'I SPYAD PA DANG, BDAG MED PAR SO SOR RTOG PA'I SHES RAB KYI BRAL 'BRAS BRTAG 'GOG SLAR MI LDOG PA'I 'BRAS BU BZHIS NANG BA SANGS RGYAS PA'I BSTAN PA RNAM DAG DANG, STON PA SKYON KUN ZANG DU GRUB CING, LTA BSGOM SPYOD 'BRAS SNGAR BSHAD PA'I BZLOG ZLA BA ZHIS GZHAN GYI BSTAN PA RNAM PAR MA DAG PA DANG STON PA SKYON BCAS SU GRUB PA'I PHYIR, PHYI NANG GI KHYAD PAR SKYABS 'GROS 'BYED PA MIN ZER BA DANG PHYI NANG GI STON PA GCIG TU 'DOD PA DAG 'KHRUL BAR SHES PAR BYA'O, ,ZHES PA'O,, LUS MDOR BSTAN PA'I TSIGS BCAD GNYIS KYI DON NI, RTAG GCIG RANG DBANG CAN GYI BDAG LTA'I ZHEN YUL 'THAD PAR SGRUB BA DANG DE 'GOG PA'I SGO NAS PHYI NANG GI GRUB MTHA' SMRA BA GNYIS YOD PA'I DANG PO PHYI ROL PA LA MNGON SUM GYI YUL TZAM KHAS LEN PA DANG LKOG GYUR YANG 'DOD PA'I KHYAD PAR GYIS CHANG SMRA NGANG RTAG SMRA GNYIS BYUNG NGO, ,NANG BA'I GRUB MTHA' SMRA BA LA BDEN GRUB KYI DNGOS PO 'DOD PA DANG DE 'GOG PA'I SGO NAS DNGOS SMRA BA DANG NGO BO NYID MED PAR SMRA BA GNYIS YOD PA'I DANG PO DNGOS SMRA BA LA PHYI DON BDEN GRUB TU YOD PAR 'DOD PA DANG PHYI DON MED CING NANG GI SEMS BDEN GRUB TU ZHEN PA'I KHYAD PAR GYIS DON SMRA DANG SEMS TZAM PA GNYIS SU YOD DO, ,NANG BA'I GRUB MTHA' SMRA BA THAMS CAD KYIS STON PA SANGS RGYAS DANG SOGS SGRAS BSDUS PA BYAMS PA 'JAM DBYANGS SOGS DANG MCHOG ZUNG GTAD RABS BDUN LA SOGS PA CHOS KYI SPYAN LDAN GYI TSAD MA'I SKYES BU PHAL CHER RANG SDER 'DREN PA STE RANG RANG GI GRUB MTHA' SMRA BA YIN PAR 'DOD CING, KLU SGRUB THOGS MED SOGS LA DAD CING GUS PA'I DON SMRA PHYI
, ,RABS PA YANG MANG PO YOD DO, ,GRUB MTHA' SMRA BA DE DAG RANG RANG GI LUGS RTAG CHAD KYI MTHA' GNYIS DANG BRAL BA'I DBU MA'I LUGS SU 'DOD PA DANG, 'OG MA 'OG MA'I THUN MONG MA YIN PA'I SGRO BTAGS RNAMS GRUB MTHA' GONG MA GONG MAS RIM BZHIN 'GOG PA DANG, GRUB MTHA' 'OG MA 'OG MA'I LTA BA SHES PA'ANG GONG MA GONG MA'I LTA BA GO BA'I STEGS STE THABS SU 'GYUR MOD KYANG, RANG GZHAN GYI GRUB MTHA' SMRA BA GZHAN RNAMS RTAG CHAD PHRA RAGS GANG YANG RUNG BA'I MTHAR LTUNG BA SHA STAG YIN LA, MTHA' THAMS CAD DANG BRAL BA NI SLOB DPON KLU SGRUB ZHABS KYI LUGS YIN NO,, ZHES PA'O,, GRUB MTHA' SPYI'I SKABS SO,, ,, CHO LO DPAG MED CES SOGS TSIG BCAD PHYED DANG GSUM GYI TSIG DON BSHAD DU YOD DE, KHYAD PAR 'PHAGS BSTOD KYI 'GREL BAR BSHAD PA LTAR BSKAL BA DANG POR 'DZAM BU GLING GI MI'I TSE TSAD LO TSAD MED PA THUB PA'I DUS SU BRAM ZE SER SKYA ZHES BYA BA ZHIG BYUNG BA DES BSTI GNAS SU 'DUG NAS DKA' THUB KYI KHYAD PAR LAS THAR BA 'BA' ZHIG PA THOB STE, GZHAN DAG LA LAM LEGS PAR BSTAN PA'I PHYIR DE NYID NYER LNGA GTZO BOR BSTAN PA'I GRANGS CAN GYI GZHUNG BRTZAMS PA LA, DER BSHAD PA'I BDAG GI RNAM DBYE STE KHYAD PAR CUNG ZAD CUNG ZAD MI 'DRA BAR SGRO BTAGS PA MANG PO BYUNG BA LA BRTAN NAS MU STEGS PA'I LUGS MANG PO GYES PAR BSHAD PA DANG, 'GA' ZHIG RTOG GE 'BAR BA'I DGONGS PAR BSAM NAS MU STEGS PA THAMS CAD GRANGS CAN GYI GZHUNG LA BRTEN PA MIN PAR GDOD NAS TE DANG PO NAS RANG RANG GI BRTEN GZHI STON PA DANG GZHUNG SOGS THA DAD DE SO SOR BYUNG BAR BSHAD PA DANG, GCER BU PA'I GZHUNG LA LA LTAR NA MU STEGS PA KUN GYI RTZA BA'I STON PA DRANG SRONG
MCHOD 'OS YIN TE, MCHOD 'OS KYIS RANG GI 'KHOR 'DUS SHING TSOGS PA NA GRANGS CAN LA SOGS PA'I MU STEGS PA RNAMS LA RANG GI BLOS BTAGS PA'I GRUB MTHA' THAMS CAD SO SOR BYIN ZIN PA'I RJES SU DER TSANGS PA PHYIN PA NA; MCHOD 'OS KYIS SMRAS PA, TSANGS PA CHEN PO BDE BAR BYON TAM, SHIN TU 'PHYI BAR 'ONGS SO, ,BSTAN BCOS THAMS CAD BYIN ZIN PAS, KHYOD KYIS RIG BYED 'DI LONG SHIG CES SBYIN PAR RTOG GE 'BAR BAR BSHAD PA LTAR 'DOD PA DANG, DANG POR RIG BYED NAS BSHAD PA'I DAG PA'I MCHOD SBYIN DAR RGYAS SU YOD PA LA GSUM LDAN GYI DUS SU SNA TSOGS BZANG ZHES BYA BA'I MCHOD SBYIN LA DRANG SRONG RNAMS PHYUG GSOD MCHOD SBYIN RUNG MI RUNG ZHES RTZOD NAS SHA ZA BAR 'DOD PA RNAMS KYIS MA DAG PA'I MCHOD SBYIN BYAS NAS RIG BYED KYANG 'DON PA GZHAN DU BSGYUR BAR RTOG GE 'BAR BAR BSHAD PA LTAR MCHOD SBYIN GNYIS RIM BZHIN BYUNG ZHING, 'JUG BA RTZA 'GREL DU BSHAD PA LTAR MU STEGS PA GZHAN LAS GRANGS CAN GYI LUGS SNGAR BYUNG BAR KHAS LEN PAR BYA ZHING, RNAM GRANGS NI RANG SDE PA LAS GZHAN YI SDE YIN PAS GZHAN SDE BA DANG DE'I LUGS LAS PHYI ROL TU GYUR BAS NA PHYI ROL PA DANG THAR BA DAG MTHO RIS KYI LAM STON PAR BYED PA'I BSTAN BCOS LA MU STEGS ZHES BYA LA, DE BYED PAS NA MU STEGS BYED CES KHYAD PAR 'PHAGS BSTOD KYI 'GREL BAR BSHAD PA LTAR MU STEGS BYED SOGS DANG, DBYE BA NI SHES RAB SGRON ME'I 'GREL BSHAD DANG, RTZA SHE'I t'IKA CHEN DANG STONG THUN CHEN MO SOGS SU GRANGS CAN LAS GYES PA'I MU STEGS PA NYER LNGA YOD PAR BSHAD KYANG, 'DIR GZHUNG CHEN MO RNAMS SU 'DOD TSUL GSAL BAR BSHAD PA'I MU STEGS PA'I LUGS MI 'DRA BA KHYIM STE BCU GNYIS YOD PAS DE DAG 'CHAD DO, ,KHA CIG
, ,RGYAD PHAN PA, GRANGS CAN PA, KHYAB 'JUG PA, DBANG PHYUG PA, GCER BU PA LNGAR MU STEGS PA THAMS CAD 'DUS PAR 'DOD PA 'KHRUL BA YIN TE, RANG SDE BA LA 'DOD TSUL MI MTHUN PA MANG PO YOD KYANG GRUB MTHA' BZHIR BSDUS PA DANG MI MTSUNGS PAR GZHAN SDE BA LA GRANGS MANG PO YOD PA MA BKAG PA'I PHYIR TE, CHAD SMRA RGYAD PHAN BA GCIG DANG, RTAG SMRA GRANGS SER DANG, TSANGS SOGS BZHI DANG, KHYAB DPYOD GNYIS DANG, DBANG PHYUG BYE RIG GSUM DANG, GCER BU PA STE BCU GCIG YOD PAR GRAGS SHING GRUB PA'I PHYIR, ZHES PA'O,, PHUR BU 'JIG RTEN ZHES SOGS KYI TSIG NGON BSHAD DU YOD DE, RES GZA' BDUN GYI NANG GI PHUR BU 'AM LHA'I BLA MA DANG RGYAD PHAN GYI GZHUNG 'BUM RTZOM PA PO'I DRANG SRONG 'JIG RTEN MIG DANG DE'I SLOB MA DRANG SRONG 'JUG STOBS CAN NI RGYANG PHAN PA'I STON PA YIN LA, TSU ROL TE TSE 'DI LA GANG MDZES PA TZAM GYIS CHOG PAR SMRA BAS TSU ROL MDZES PA DANG, SHI BA'I TSE BDAG RGYUN CHAD PAR SMRA BAS CHAD PAR SMRA BA DANG, SKYE BA SNGA PHYI DANG LAS RGYU 'BRAS SOGS CI RIGS MED PAR SMRA BAS MED PAR SMRA BA DANG, LHA PHUR BU STON PAR 'DZIN PAS PHUR BU PA DANG, YANG DAG PA'I LTA BA LAS GUD DU SONG BAS RGYAD PHAN PA DANG, SOGS SGRAS LHA'I BLA MA PA DANG 'JUG STOBS CAN PA DANG NGO BO NYID SMRA BA DANG RANG BZHIN SMRA BA SOGS RNAM GRANGS SO, ,RANG BZHIN RGYUR SMRA BA NI GRANGS CAN PA'I MING YIN PAS 'DIR SBYAR BA NI 'KHRUL BAR SHES PAR GYIS, RGYU 'BRAS DANG LHA SOGS DANG SKYE BA SNGA PHYI MED PAR 'DOD PA DANG, LTA NGAN RE GNYIS KYI NANG TSAN CHANG SMRA BDUN GYI SKABS SU BSHAD PA LTAR LHA SOGS 'DOD PA DANG, LUNG GZHIR YA MTSAN CAN
DGU BCU RTZA DRUG GI SKABS SU 'GRO BA RIGS DRUG DANG LHA LHAR SKYE BA SOGS KYI SKYE BA SNGA PHYI 'DOD PA YOD PAR BSHAD PA DANG, 'JUG BA RTZA 'GREL SOGS SU SEMS 'BYUNG BZHI LAS SKYE BAR 'DOD TSUL DANG, SHES RAB SGRON ME DANG DE'I 'GREL BSHAD SOGS SU BUM PA LA SOGS PA'I YO BYAD RNAMS RKYEN LAS SKYE BAR 'DOD TSUL BSHAD PA'I PHYIR NA RGYANG PHAN PA LA SKYE BA SNGA PHYI DANG RGYU 'BRAS GTAN MED PA DANG MI DANG DUD 'GRO DANG MI GSAL BA'I 'GRO BA GSUM TZAM 'DOD PAS KHYAB ZER BA 'KHRUL BAR RIG PAR BYA'O, ,LUNG GZHI'I 'GREL BAR BSHAD PA LTAR SER SNA CAN KHA CIG 'BYOR BA DANG, SBYIN PA GTONG BA KHA CIG DBUL BAR MTHONG NAS SBYIN PA LA SOGS PA MED DO ZHES PA LTA BU RTOG GE LA BRTEN PA DANG, TSE SNGA MAR SROG GCOD PA KHA CIG TSE RING BA DANG, SROG MI GCOD PA KHA CIG TSE THUNG DUR SKYE BA MNGON SHES KYIS MTHONG NAS DGE BA MED DO, ,MI DGE BA MED DO ZHES PA LTA BU SNYOMS 'JUG LA BRTEN PA DANG, DRANG SRONG 'JIG RTEN MIG GIS RANG GI BU MO LA BGROD PAR 'DOD NAS 'JIG RTEN PHA ROL MED PAR BSHAD PA LTA BU 'DOD PAS GDUNG BA DANG, PHUR BUS BSHAD PA LTA BU PHAN PAR RLOMS BA CI RIGS KYI DBANG GIS BYED PA PO MA MTHONG BAS RGYU 'BRAS MED, SNGA MA NAS 'DIR 'ONGS PA DANG 'DI NAS PHYI MAR 'GRO BA MA MTHONG BAS SKYE BA SNGA PHYI MED, SER SNA CAN 'BYOR BA LTA BU 'BRAS BU RGYU'I RJES SU 'GRO BA MED PAS RGYU 'BRAS MED, LUS SEMS DBANG PO'I SPYOD YUL DU GYUR BA TZAM BDAG YIN PAS SHI BA'I TSE SHES PA'I BDAG NYID KYIS CHAD CING ZAD LA, GZUGS KYI BDAG NYID KYIS ZHIG CING CHUD ZOS PAR 'GYUR BA'I PHYIR SKYE BA SNGA PHYI MED, LHA'I SEMS DANG GMI'I SEMS GNYIS LUS THA DAD LA
, ,BRTEN PA'I PHYIR RGYUD GCIG MA YIN ZHING, CHANG LAS MYOS MTHU DANG ME SHEL LAS ME SKYE BA LTAR SEMS MED 'BYUNG BZHI LAS SEMS SKYE BA YIN LA, MTHAR 'CHI BA'I TSE NAD GI 'BYUNG BA BZHI NI PHYI'I 'BYUNG BZHI'I BAG LA ZHA BAR 'GYUR, MIG SOGS DBANG PO RNAMS NAM MKHA'I BAG LA ZHA BAR 'GYUR BAS LUS SEMS ZAD PA DE NYID MYANG 'DAS YIN PAS NA, MYANG 'DAS DNGOS POR MED PA DANG, DBANG BO'I MNGON SUM MI BSLU BAR MTHOD BAS NA MDON SUM TSAD MA YIN LA, RJES DBANG TSAD MA MA YIN TE, LHA SBYIN GYI BU LAS SNGO BSANGS DPOG PA LTAR 'KHRUL BA'I PHYIR RO, ,ZHES 'DOD DO, ,DE NYID 'GOG PA NI, SEMS YIN PA'I PHYIR NA SKYES MA THAG PA'I SEMS LA SEMS SNGA MA SNGON DU SONG BAR GRUB BA DANG, ZAS KYI DON DU G-YO BA DANG, TSE RABS DRAN PA DANG SPYOD PA THA DAD PA SOGS KYIS KYANG SKYE BA SNGA MA YOD PAR GRUB PA'I PHYIR, BLO DANG BRTZE BA GOMS PAS GSAL SNANG RAB KYI MTHAR PHYIN 'BYUNG RUNG SGRUB PA'I RTAGS SBYOR DANG, 'BRAS BU SKYE MA SKYE RGYU RKYEN YOD MED KYI RJES SU 'GRO LDOG MA 'KHRUL BAR SGRUB PA'I RTAGS SPYOR GNYIS KYIS RIM BZHIN KUN MKHYEN DANG RGYU 'BRAS GRUB CING, SKYE BA SNGA PHYI DANG KUN MKHYEN DANG RGYU 'BRAS SOGS MED PA DE RGYAD PHAN PA'I MNGON SUM GYI SPYOD YUL MA YIN LA, RJES DPAG TSAD MA YIN PA RGYAD PHAN PA RANG NYID KYIS BKAG PA'I RGYU MTSAN GYIS KYANG DE DAG MED PAR 'DOD PA 'KHRUL BAR GRUB CES PA'O,, RGYANG PHAN PA'I GRUB MTHA' TSAD BSAL GYI SKABS SO,, ,,SDAR BSHAD PA'I DRANG SRONG SER SKYA DANG, DRANG SROD MCHOD 'OS DANG, LHA CHEN
DBANG PHYUG DANG, STON PA CHU KLUNG RNAMS GRANGS CAN PA'I STON PA YIN LA, SLOB DPON BYANG CHUB BZANG POS BSHAD PA LTAR DNGOS PO 'BYUNG BA'I RGYU GRANGS NGES PAR SMRA BAS SAM, RTOG GE 'BAR BA LTAR DE NYID NYER LNGA'I GRANGS KYI 'JUG PA'AM, GRANGS YONGS SU SHES PAS GROL BAR 'DOD PAS GRANGS CAN DANG, SKYE LDAN THAMS CAD RANG GI RANG BZHIN LAS SKYE BAR SMRA BAS RANG BZHIN RGYUR SMRA BA DANG, DRANG SRONG SER SKYA'I RJES SU 'BRANG BAS SER SKYA BA DANG, SOGS SGRAS GTZO BO MI GSAL BA RGYUR 'DOD PAS GTZO BO PA SOGS RNAM GRANGS SO, ,DBYE NGO NI SER SKYA TZAM GYI RJES SU 'BRANG ZHING DBANG PHYUG LHAR MI 'DZIN PAS NA SKYE LDAN THAMS CAD RGYU'I DUS NA YOD PA RKYEN GYIS MNGON PAR GSAL BAR 'DOD PA'I GRANGS CAN LHA MED PA DANG, DBANG PHYUG STON PAR 'DZIN PA'I GRANGS CAN LHAR BCAS RGYU 'BRAS MTHA' NGAG RANG BZHIN GCIG YIN KYANG RNAM 'GYUR THA DAD DU 'GRO BA NI DBANG PHYUG GI BYIN RLABS LA LTOS PAR 'DOD PA GNYIS TE, PHYI MA NI STON PA CHU KLUNG RJES 'BRANG DANG BCAS PA'I LUGS YIN NO, ,MNGON SUM TSAD MA NI RNA BA LA SOGS PA'I DBANG PO LNGA RNAMS YID KYIS BYIN GYIS BRLABS NAS SGRA LA SOGS PA'I YUL 'DZIN PA LA 'JUG BZHIN PA LA 'DOD CING, YID KYIS BYIN GYIS BRLABS PA'I DON NI, YID DANG DBANG PO LHAN CIG PHYI ROL GYI YUL LA 'JUG PA'AM, DBANG PO'I 'JUG PA YID KYIS RIG PAR BYED PA LA 'DOD DO, ,DBANG PO'I 'JUG PA LA RKYEN BCAS RKYAN MED KYI 'DOD TSUL GNYIS LAS DANG BO RKYEN BCAS NI LCAGS BSREGS PA NA ME LCAGS RDZAS GCIG MIN KYANG RDZAS GCIG PA LTAR 'BYUNG BA BZHIN DU, SKYES BUS PHYI ROL GYI YUL MYONG BA NA BLO'I ME LONG LA PHYI NAS YUL GYI GZUGS BRNYAN DANG NANG NAS SKYES BU'I GZUGS
, ,BSNYAN SHAR BAS YUL DANG SKYES BU GNYIS 'DRES PA MIN KYANG 'DRES PA LTA BUR SNANG BA DANG, RKYEN MED NI, SKYES BU NI SGRON ME'I 'OD LTA BUR YUL GSAL BAR BYED PA YIN GYI YUL DANG 'DRES PA LTA BUR SNANG BA, MA YIN PAR 'DOD PA'O,, TSAD MA'I MDO'I 'GREL BSHAD LTAR NAD BANG PO'I 'JUG PA DANG SKYES BU GNYIS 'DRES PA LTA BUR SNAD MI SNANG LA BYED CING, SGRON ME'I 'OD KYIS MTSON PA'I DON YANG DBANG PO'I 'JUG PA LA BYED PAR SNANG DO; ;RANG DON RJES DPAG NI, 'BREL BA BDUN GYI 'BREL GZHI'I DNGOS PO GCIG MTHOD PA LA BRTEN NAS GCIG SHOS DPOG PA'I BLO LA BYED LA, 'BREL BA BDUN NI, BRAN DANG RGYAL PO'AM GTZO BO DANG SKYES BU LTA BU NOR DANG NOR BDAG GI 'BREL BA DANG, 'O MA DANG ZHO'AM GTZO BO DANG BLO LTA BU RANG BZHIN DANG RNAM 'GYUR GYI 'BREL BA DANG, SHING RTA DANG DE'I YAN LAG GAM DE TZAM LNGA DANG YON TAN GSUM LTA BU 'BRAS BU DANG RGYU'I NGO BO'I 'BREL BA DANG, RDZA MKHAN DANG BUM PA'AM SKYES BU DANG GTZO BO LTA BU RGYU MTSAN DANG RGYU MTSAN CAN GYI 'BREL BA DANG, YAL GA DANG SHING NGAM DE TZAM LNGA DANG 'BYUNG BA BZHI LTA BU YAN LAG DANG YAN LAG CAN GYI 'BREL BA DANG, DUR BA DANG DUR MA'AM RDUL DANG SNYING STOBS LTA BU LHAN CIG SPYOD PA'I DNGOS PO'I 'BREL BA DANG, SBRUL DANG SRE MONG DAM SHAS CHE CHUNG DU GYUR BA'I YON TAN GSUM LTA BU GNOD BYA GNOD BYED KYI 'BREL BA STE BDUN NO, ,DPE GNYIS GNYIS KYI DANG PO RNAMS 'JIG RTEN DANG, GNYIS PA RNAMS BSTAN BCOS LA GRAGS PA'I DPER BSHAD DO, ,GZHAN DON RJES DPAG LA SGRUB DAG YAN LAG LNGA LDAN LTA BU RANG PHYOGS BSGRUB PA GTZO BOR
GYUR BA RNAM PAR LDAN PA DANG 'GAL BA BRJOD PA'I THAL 'GYUR LTA BU GZHAN PHYOGS BKAG PA GTZO BOR GYUR BA BSAL TE 'ONGS PA GNYIS YOD LA, DBANG PHYUG NAG PO'I RGYUD DANG GZHUNG LUGS SUM CU BA DANG MTSAN NYID LNGA BCU PA SOGS LUD TSAD MAR 'DOD DO, ,RDUL MUN SNYING STOBS KYI YON TAN MED PA DANG 'GRO BA THAMS CAD LA KHYAB PAS NA BYA BA MED PA DANG DGE MI DGE'I BYED PA PO MA YIN PA DANG, MI 'GYUR BAS RTAG PA'I DNGOS PO DANG 'DUS BSAGS MIN PAS SHES RIG DANG, BDE SDUG LA SPYOD PAS ZA BA PO STE KHYAD PAR DU MA DANG LDAN PA'I GANG ZAG GI BDAG YOD ZER, DE LA 'CHING BA LAS MA GROL BAR DU SPYI'I GLOR GNAS PA DANG, DE LAS GROL TSE SPYI'I GLOR MI GNAS PA'I BDAG GNYIS YOD LA, MING GI RNAM GRANGS NI, SHES PA DANG RIG PA DANG SKYES BU DANG BDAG DANG, SOGS SGRAS ZHING SHES PA DANG SEMS PA CAN SOGS SO, ,GTZO BO SOGS NYER BZHI 'DUS BSAGS YIN PAS BEM PO YIN LA, RTZA BA'I RANG BZHIN NI DGE MI DGE SOGS KYI BYED PA PO DANG MI 'JIG PAS RTAG PA DANG CHA SHAS MED PAS GCIG BU DANG, SKYES BU'I LONGS SPYOD BYA YIN PAS YUL DANG RNAM 'GYUR THAMS CAD LA KHYAB PA DANG RTAG TU MI GSAL PA DANG, RDUL MUN SNYING STOBS KYI YON TAN GSUM CHA MNYAM PA'I SHES BYAR 'DOD DO, ,MING GI RNAM GRANGS NI, CHOS RNAMS KYI GNAS LUGS DANG DON DAM PA DANG RANG BZHIN RNAMS GTZO BO'I RNAM GRANGS SU RNAM NGES DAR t'I KA LAS BSHAD DO, ,'ON KYANG SKYES BU YANG DON DAM PA YIN PAR BSHAD PA DANG, CHEN PO SOGS BDUN RANG BZHIN YIN PAS RNAM GRANGS YIN KYANG DON GCIG MIN NO, ,RTZA BA'I RANG BZHIN LAS CHEN PO BLO SKYE ZHING, BLO DE NI SHEL GYI ME LONG NGOS GNYIS PA DANG 'DRA ZHING, DE LA PHYI NAS YUL DANG
, ,NANG NAS SKYES BU'I GZUGS BRNYAN PHRAD PA'AM 'DRES PA NI SKYES BUS YUL 'JAL BA'AM RTOGS TSUL YIN PAR 'DOD DO, ,YON TAN GSUM GYI MING GI RNAM GRANGS NI, SNYING STOBS RDUL MUN GSUM DANG; CHAGS SDANG RMONGS GSUM DANG, BDE SDUG GTI MUG GSUM SOGS SO, ,BLO LA SANGS RGYAS GSUM SKYE ZHING, DANG PO RNAM PAR 'GYUR BA CAN GYI NGA RGYAL LAS DRI RO GZUGS REG SGRA'I DE TZAM LNGA SKYE ZHING, DE LNGAS RIM BZHIN SA CHU ME RLUNG NAM MKHA' STE 'BYUNG BA LNGA SKYED LA, GNYIS PA SNYING STOBS CAN GYI NGA RGYAL LAS DAG DANG LAG PA DANG RKANG PA DANG RKUB DANG 'DOMS KYI DBANG PO STE LAS KYI DBANG PO LNGA DANG, MIG DANG RNA BA DANG SNA DANG LCE DANG PAGS PA'AM LUS KYI DBANG PO STE BLO'I DBANG PO LNGA DANG, GNYIS KA'I BDAG NYID CAN GYI YID KYI DBANG PO STE DBANG PO BCU GCIG SKYE ZHING, GSUM PA MUN PA CAN GYI NGA RGYAL NI SNGA MA DE GNYIS KA'I 'JUG BYED YIN PAR 'JUG PA'I t'IKA CHEN DANG RNAM NGES DAR t'IKA GNYIS KAR BSHAD DO, ,SPYAN RAS GZIGS BRTUL ZHUGS KYI GZHUNG SNGAR DRANGS PA LTAR MUN PA SHAS CHE BA'I NGA RGYAL LAS DE TZAM LNGA SKYE BA DANG, RDUL LAS GYUR BA'I G-YO BA SHAS CHE BA'I NGA RGYAL NI DE'I 'JUG BYED YIN PAR BSHAD PA NI 'JUG PA'I t'IKA CHEN DANG 'GAL MI 'GAL DPYAD PAR BYA'O, ,GTZO BO NI RANG BZHIN KHO NA DANG, CHEN PO SOGS BDUN NI RANG BZHIN RNAM 'GYUR GNYIS KA DANG, DBANG PO BCU GCIG DANG 'BYUNG BA LNGA STE BCU DRUG NI RNAM 'GYUR KHO NA DANG, SKYES BU NI RANG BZHIN DANG RNAM 'GYUR GANG YANG MA YIN PA STE MU BZHI BSHAD PA'I PHYIR NA KHA CIG SHES BYA NYER LNGA GTZO BO DANG
BDAG SHES RIG GI SKYES BU GNYIS SU BSDUD PAR BSHAD PA NI SHIN TU 'KHRUL BAR SHES PAR GYIS, MI GSAL BA'I SHES BYA YIN PAS NA SBYI GTZO BO DANG SHES RIG GI BDAG GNYIS BDEN GRUB KYI DNGOS PO DANG, GSAL BAS NA GZHAN NYER GSUM BRDZUN PA STE KUN RDZO BA PA'I DNGOS POR 'DOD DO, ,SKYE BA'I TSUL NI RGYU'I DUS NA YOD PA RKYEN GYIS MNGON PAR GSAL BAR 'GYUR BA DANG, 'JIG PA'I TSUL NI 'BRAS BU RNAMS RANG RANG GI RANG BZHIN LA THIM PA'AM DE'I DANG DU ZHI BAR GYUR BA LA BYED DO, ,GRANGS CAN LHAR BCAS KYI LUGS NI, SNOD BCUD SNA TSOGS 'DI GTZO BO TZAM LAS 'BYUNG BA MIN TE, GTZO BO LA SEMS MED PA'I PHYIR, KHYAB STE, SEMS MED NA BYIN GYIS BRLOB PA POR MI RUNG BA'I PHYIR, KHYAB PA YOD DE, BYIN GYIS BRLOB PA PO MED PAR 'BRAS BU RTZOM PAR BYED PA MTHONG BA'I PHYIR, SKYES BU NI BYIN GYIS BRLOB PA POR MI RUNG STE, DE'I TSE MI SHES PA'I PHYIR TE DE'I TSE BLO MA SKYES PA'I PHYIR DANG, BLOS NGES PA MED PAR SKYES BUS DON RTOGS PA MED PA'I PHYIR RO, ,NGES NA LHA CHEN DBANG PHYUG DANG GTZO BO GNYIS PHAN TSUN LTOS NAS 'BRAS BU SNA TSOGS SKYED PAR BYED DO, ,RTZA BA'I RANG BZHIN GYI NGO BOR GNAS PA'I YON TAN GSUM GYI NANG NAS RDUL SHAS CHER 'PHEL BA'I TSE DBANG PHYUG GIS SKYE DGU 'BYIN PA'I RGYU DANG, SNYING STOBS SHAS CHER 'PHEL BA'I TSE GNAS PA'I RGYU DANG, MUN BA SHAS CHER 'PHEL BA'I TSE 'JIG PA'I RGYU BYED CING, SNOD BCUD MTHA' DAG SKYED PA'I RGYU DBANG PHYUG DANG GTZO BO GNYIS DUS RTOG TU YOD NA'ANG RDUL MUN SNYING STOBS GSUM SHAS CHE CHUNG DU 'GYUR BA'I RIM PA YOD PA'I PHYIR 'BRAS BU SKYE GNAS,
, ,'JIG GSUM RIM GYIS BYED PA NI 'THAD PA YIN NO, ,ZHES ZER, SKYES BUS YUL LA LONGS SPYOD PAR 'DOD PAN GTZO BOS RNAM 'GYUR SNA TSOGS SPRUL NAS STOBS PAR BYAS PA LAS GANG GI TSE CHAGS PA CHUNG BA NYID KYIS SKYES BUS YUL LA NYES DMIGS SU BLTAS PAS CHAGS PA DANG BRAL BAR GYUR BA NA RIM GYIS BSAM GZUGS KYI TING NGE 'DZIN BSGOM ZHING, BSAM GTAN LA BRTEN NAS LHA'I MIG THOB STE, MIG NGES GTZO BO LA BLTAS PA NA GTZO BO DE GZHAN GYI BUD MED LTAR NGO TSA BAR GYUR BAS, BDAG LA MI 'GRO ZHING 'BRAL BAR 'GYUR LA, DE'I TSE RNAM 'GYUR THAMS CAD SKYE BA'I RIM PA LAS BZLOG PA'I SGO NAS GTZO BO LA THIM NAS MI GSAL BAR GYUR BA'I TSE BDAG 'BA' ZHIG LUS PA NA THAR PA THOB PAR 'DOD DO, ,LAM SOGS ZHES PA'I SOGS SGRAS DE NYID NYER LNGA SPYI DANG KHYAD PAR DU GTZO BDAG GCIG GCIG GIS STONG PAR BSGOM PA'I LAM SOGS BSDUD PA YIN ZHING, BDAG 'BA' ZHIG LUS PA'I THAR BA DANG RANG BZHIN BDAG NAS GROL BA'I THAR BA GNYIS SNGAR BSHAD PA LTAR DANG, DE'I PHYI MA NI RTZA BA'I RANG BZHIN NYID BDAG LAS THAR BA'I DON YIN PAS, BDAG GNAS ZHES GAS 'PHUL 'BYUNG BA YI GE MA DAG GO, SNGAR BSHAD PA'I MTSAN NYID LNGA BCU DANG 'CHING BA DANG THAR BA GSUM GSUM DANG, SOGS SGRAS DE NYID NYER LNGA SHES NA GNAS GANG DU CHA LUGS GANG GIS GNAS KYANG THAR BAR 'DOD PA SOGS KYI KHYAD PAR RNAMS BSDUD DO, ,DE DAG DGAG TSUL NI, RGYU'I DUS NA YOD KYANG SLAR SKYE NA SKYE BA DON MED DANG THUG MED DU THAL BAR 'GYUR BA DANG,
SKYED BYED RTAG PA DANG DE MA NYAMS PAR YOD BZHIN DU 'BRAS BU NYER GSUM LDOG PA 'GAL 'DU DANG, BLO NI BEM PO YIN PA'I PHYIR BDE SDUG MI MYONG BAR 'GYUR BA DANG, GTZO BO DANG BDAG NI KUN LA KHYAB PA'I PHYIR NA CHA SHAS MED PA 'GAL BA DANG, SKYES BU NI RTAG PA YIN PA'I PHYIR NA SHES PA MA YIN PAR 'GYUR ZHING, SKYES BU RTAG PA YIN PA LA 'CHING BA DANG GROL BA CI ZHIG YOD DE MI SRID PAR 'GYUR RO, ,ZHES PA'O, ,GRANGS CAN DANG SER SKYA BA'I GRUB MTHA' TSAD BSAL GYI SKABS SO,, ,,LHA TSANGS PA DANG SOGS SGRAS SKYE DGU'I BDAG PO SOGS TSANGS PA PA'I STON PA YIN LA, TSANGS PA PA DANG BRAM ZE DANG RIG BYED PA SOGS RNAM GRANGS DANG, 'JIG RTEN CHAGS PA'I TSE TSANGS PA DE LHA CHEN DBANG PHYUG GIS SPRUL PA'I BAD MA'I SGO NGA BRDOL PA LAS SKYES SHING, DE'I MING NI BSKAL BA GZHAN LA SKAL LDAN ZHES BYA LA, BSKAL BA 'DI'I DUS BDUN LA RIM BZHIN RANG BYUNG DANG TSANGS PA DANG SKYE DGU'I BDAG PO DANG PADMA'I SKYE GNAS DANG GDONG BZHI BA DANG MES PO DANG GSER GYI SNYING PO CAN ZHES BYA BA DANG, SKYE DGU'I BDAG PO BYUNG NAS 'JIG RTEN GYI MA BRGYAD PA SKYED CING, ZHAL BZHI LAS RIG BYED BZHI BYUNG ZHING, KHA LAS BRAM ZE DANG, DBUNG BA LAS RGYAL RIGS DANG, BRLA DAG LAS RJE'U RIGS DANG, RKANG MTHIL DAG LAS DMANGS RIGS TE LUS KYI CHA BZHI LAS MI RIGS BZHI SKYES SHING, DE BZHIN DU SNOD BCUD SPRUL BAS 'JIG RTEN BYED PA POR GYUR RO, ,RIG BYED NI SUS KYANG MA BYAS PAS RANG BYUNG DANG, DER BSHAD PA'I AA SHVA ME DHVA STE RTA'I MCHOD SBYIN NI TSANGS PA SGRUB PA'I THABS MCHOG TU 'DOD DO,, 'DI DAG NI TSANGS PA PA SPYI'I 'DOD TSUL LO, ,DE LA NANG SHES KYIS PHYE NA BRDA SPROD PA SOGS GSUM
, ,LAS; BRNGA SPROD PA NI, TSANGS PA RTAG ZHI PA STON PA YIN LA, 'DI'I RTZA BAR SOGS SGRA MED PAS NA 'GREL BAR SOGS SMRAS DBANG PO SOGS STON PA ZHES PA YI GE NOR RO, ,BRDA SPROD PA DANG, SGRA BYED PA DANG SGRA'I TSANGS PA SMRA BA SOGS MING GI RNAM GRANGS SO, ,SNOD BCUD SNA TSOGS SKYE BA'I GZHI BYED BA'I SGRA'I TSANGS PA SMRA ZHING, 'DI NI AA AU MA GSUM 'DUS PA'I AOm YIG DANG, GZHUNG LA LAR A'Om RING PO'ANG BYUNG BA, DNGOS PO KUN GYI RANG BZHIN DANG, CHA SHAS MED PA DANG RTAG PA DANG YUL LA DNGOS DBANG GIS BDEN PAR 'JUG PA ZHIG GO ,PHYI NANG GI DNGOS PO THAMS CAD SGRA'I TSANGS PA GCIG PU'I RANG BZHIN YIN KYANG MA RIG PA'I RAB RIB KYIS BLO'I MIG BSLAD PA RNAMS LA SNGO SER DKAR DMAR SOGS GZUNG 'DZIN SNA TSOGS SU SNANG NGO, ,ME LA PHYUG BSREG PA SOGS PHYI DANG, BUD MED KYI BHA GA'I THAB TU KHAMS 'DZAG PA'I NANG GI SBYIN BSREG GNYIS LAM DU BYED CING, KHAMS 'DZAG PA'I DUS KYI RNAM RTOG RAGS PA LOG PA'I BDE STONG THAR BAR 'DOD DO, ,TSAD MA RIG BYED KHO NAR 'DOD PA DANG MNGON RJES TSAD MAR 'DOD PA GNYIS YOD DO, ,RIG BYED MTHAR SMRA NI, TSANGS PA SOGS STON PA YIN LA; RIG BYED BZHI'I MTHAR SON PAR SMRA BAS RIG BYED MTHAR SMRA DANG, BRAM ZE RNAMS KYI NANG NAS KHO BO MCHOG CES SMRA BAS BRAM ZE MCHOG SMRA DANG, RIG BYED NAS BSHAD PA'I SKYES BU GCIG BU SNOD BCUD SNA TSOGS KYI RGYUR SMRA BAS SKYES BU RGYUR SMRA BA SOGS RNAM GRANGS SO, ,RI RAB LTAR BSTAN PAR MI NUS SHING SNOD BCUD THAMS CAD LA KHYAB PA DANG SKRA RTZE 'BUM GYI CHA TZAM DU PHRA BA DANG SHES PA'I NGO BO DANG, MI 'JIG PA'I RTAG PA DANG, 'JIG PA'AM THIM PAR MI 'GYUR BA'I
NUS PA CAN YIN PAS SKYES BU DANG, KHA DOG SNA TSOGS CAN YIN PAS NYI MA'I MDOG CAN DANG, MUN PA STE KHAMS GSUM LAS 'DAS PA'I BDAG KHO NAS SNOD BCUD SKYE GNAS 'JIG GSUM DANG 'GRO BA 'CHING GROL DANG BDE SDUG DANG MTHO DMAN SNA TSOGS BYED CING, GANG GI TSE RNAL 'BYOR BAS BDAG DE SGOM NAS LHA'I MIG GIS BDAG DE GSER GYI MDOG CAN DU MTHONG BA'I TSE RNA 'BYOR BA DE BDAG DE NYID DU THIM PAR 'GYUR LA DE NYID 'GROL BA YIN NO, ,GSANG BA PA NI, TSANGS PA LA SOGS PA NI STON PA YIN LA, RIG BYED GSANG BA PA DANG GNYIS MED LTA BA PA DANG, RNAM SHES KYI TSANGS PA SMRA BA SOGS RNAM GRANGS SO, ,BDUD RTZI THIG PA LA SOGS PA'I RIG BYED NI LUNG TSAD MA DANG, RNAM SHES KYI TSANGS PA ZHES BYA BA SHES PA DANG RIG PA DANG RTAG PA'I BDAG CHA SHAS MED PA DANG, DE LAS NGO BO THA DAD PA'I SHES BYA MED PAS NGO BO GNYIS MED DANG, BDEN GRUB KYI DNGOS PO ZHIG TU 'DOD DO, ,RTZA BAR NGO BO NYID MED CES PA YI GE NOR RAM SNYAM YANG DBYAD DGOS SO, ,DE DAG DGAG PA NI, MI THAMS CAD TSANGS PA LAS SKYES PA'I PHYIR RIGS BZHI MED PAR 'GYUR BA DANG, MI PHO MO THAMS CAD PHA GCIG LAS SKYES PA'I MING SRING YIN PAS NA DE DAG 'KHRIG PA SPYOD TSE MING SRING KUN SBYAD PAR 'GYUR LA, DE LTA NA KLA KLO'I TSES LA 'JUG PAS BRAM ZE'I CHOS LUGS THAMS CAD 'BYUNG BA DANG, PHYUGS GSOD PA SOGS 'TSE BA CHOS YIN NA DMYAL BAR SKYE BA'I RGYU GANG YIN TE MED PAR 'GYUR BA DANG, SOGS SGRAS SGRA'I TSANGS PA DANG SKYES BU NYI MDOG DANG RNAM SHES KYI TSANGS PA SOGS 'GOG TSUL BSDUNG PA YIN NO, ,TSANGS SOGS BZHI'I GRUB MTHA' TSAD BSAL GYI SKABS SO,, ,,NOR LHA STE KHYAB 'JUG DANG BLA MA ZLA BA DANG GZHON NU MA
, ,LEN SOGS KHYAB 'JUG PA'I STON PA DANG, KHYAB 'JUG PA DANG ZLA BA DANG GLU'I CHOS SMRA BA SOGS KHYAB 'JUG PA'I RNAM GRANGS DANG, RTOG PA LA PHAN PA'I YAL GA DANG MTSAN MO LNGA PA SOGS LUNG TSAD MA'O, ,LHA KHYAB 'JUG NI BUD MED MANG PO STE KHRI DRUG STONG GIS BSKOR ZHING RGYA MTSO'I NAD DU SGOR LDAN GYI GRONG KHYER NA GNAS PAR 'DOD DO, ,NYI MA DANG SOGS SGRAS ZLA BA DANG RLUNG 'OD ZER DANG LDAN PA DANG RIG BYED SNYAN TSIG DANG LHA DBANG BRGYA BYIN SOGS SNOD BCUD KYI MCHOG GANG YIN PA THAMS CAD KHYAB 'JUG NGA YIN NO ZHES SMRAS PA DANG, NGA BRAM ZE'I LUS KYIS SBYIN SREG BYED PA PO DANG ZA BA PO YANG YIN NO; ;ZHES ZER RO, ,NYI SOGS MCHOG NGA ZHES 'DON DGOS PAS MCHOG DE ZHES PA DPE MA DAG GO ,KHYAB 'JUG PA'I NGO BO LA GNYIS LAS, ZHI BA LHA RDZAS KYI NGO BO YOD MED SOGS MTHA' BZHI DANG BRAL BA BSGOM NA THAR BA THOB PAR 'DOD DO, ,MA ZHI BA SA STENG GI NGO BO LA NYA DANG RUS SPAL DANG PHAG RGOD DANG MI'I SENG GE DANG MI'I THUNG DANG SHING RTA BCU PA'I BU DGA' BYED DANG DZA M'A NGA AAGNI'I BU DGA' BYED DANG NAG PO'I MING CAN DANG SANGS RGYAS SH'AKYA THUB PA DANG RIGS LDAN KA RKI RTZE ZHES BYA BAR SPRUL PA'I 'JUG PA BCUS RIM PA BZHIN DU, RIG BYED BZHI RGYA MTSOR NUB PA BTON PA DANG, 'JIG RTEN RGYA MTSOR BYING PA BTEG PA DANG, TSANGS PA'I 'JIG RTEN MAN CHAD MNAN PA DANG, LHA MIN GYI RGYAL PO 'GRO SKYONG GSER CAN BSAD PA DANG, LHA MIN GYI RGYAL PO STOBS LDAN LA GOMS PA GNYIS KYI SA SLONG ZHES BSLUS PA DANG, SRIN PO LANG KA MGRIN BCU BSAD PA DANG, RGYAL
PO SRID SGRUB BSAD NAS RGYAL RIGS BCAD PA DANG, CHU BO BZHI PHYOGS KUN TU DRANGS PA SOGS SEMS CAN GYI DON BYAS PA DANG, SRIN PO MANG PO BSAD PA'I SDIG PA SBYANGS PA DANG, SEMS CAN MANG PO BRTUL BAR BYED PAR 'DOD DO, ,'JIG RTEN RTZOM PA'I BYED PA PO RDUL PHRAN RTAG PA CHA MED YOD PA DANG, BDAG RTAG PA YOD PA DANG, DES BYAS PA'I DGE MI DGE'I LAS YOD PA DANG, DUS RTAG DNGOS YOD PA DANG, SA LA SOGS PA'I RANG BZHIN NAM RDZAS YOD PA DANG, SNYING STOBS LA SOGS PA'I RDZAS KYI YON TAN YOD PA DANG, DNGOS PO THAMS CAD RTZA BAR THIM PA'I SGO NAS NYAMS PA'AM ZHIG PA'I STONG PA NYID YOD PA DANG, BYED PA PO DGE BA DANG MI DGE BAS BYAS PA'I 'BRAS BU BDE SDUG STER BA'I RGYU YOD PAR 'DOD DO, ,'PHO BA SOGS YAN LAG DRUG LDAN GYI RLUNG GI RNAL 'BYOR DANG, AOm YIG TSAD GSUM LDAN BSGOM NA KHYAB 'JUG GIS GROL BA'I DNGOS GRUB STER BAR 'DOD CING; 'KHOR BA NYAMS PA'AM STONGS PA'I THAR PA YOD PAR 'DOD PAS NA, 'KHOR BA RE ZHIG PA'I MTHA' CAN DU 'DOD DO, ,RGYAL DPOG PA NI DBYOD PA PA'I STON PA YIN LA, SPYOD PA BA DANG RGYAL DPOG PA NI RNAM GRANGS SO, , BDAG NI GRANGS CAN LTAR BLO LAS DON GZHAN MA YIN PAR BLO'I NGO BO DANG, DBANG PHYUG PA LTAR BEM PO MA YIN PAR SHES RIG GI RANG BZHIN DANG, SANGS RGYAS PA LTAR MI RTAG PA MA YIN PAR RTAG B'I NGO BO DANG, RGYANG PHAN LTAR LUS SEMS DBYER MED MA YIN PAR LUS LAS YAN GAR BA'I RDZAS YOD DANG, RIG PA CAN PA LTAR MTHA' GCIG TU RJES SU 'GRO BA MA YIN PAR BDE SOGS MYONG BA'I NGO BO NI LDOG PA YOD LA, SEMS PA CAN GYI NGO BO NI DUS THAMS CAD DU MI LDOG PAR
, ,RJES SU 'GRO BAR 'DOD DO, ,DRI MA SHES RIG GI SKYES BU'I RANG BZHIN LA ZHUGS PAS SKYON ZAD PA'I KUN MKHYEN MED LA, MTHO RIS KYI TSANGS PA LTA BU NGAN SONG LAS GROL BAS THAR BAR 'DOD NA YANG SLAR MI LDOG PA'I THAR BA MI 'DOD DO, ,RTOG GE 'BAR BA SNGAR DRANGS PA LTAR BYAS PA'I SHUGS BZHI BCU RTZA BRGYAD NI BRAM ZER 'GYUR BA'I RGYU YIN ZHING, RVA BZHI NI RIG BYED BZHI, RKANG PA GSUM NI THO RANGS LA SOGS PA'I DUS GSUM MAM SBYIN BSREG GI ME LA SOGS PA GSUM, MGO BO GNYIS NI MCHOD SBYIN BYED PA PO DANG DE'I CHUNG MA'AM YI GE AOm DANG DBYANGS KYI SDE BA SBYOR GNYIS, LAG PA BDUN NI SDEB SBYOR BDUN, GSUM NAS BCINGS PA NI SNYING KHA DANG MGRIN PA DANG MGO BO NAS DANG, KHYU MCHOG NI YI GE AOm DANG, NGA RO NI NANG DU SGRA BYED PA'I DON TE, DE LTA BU RIG BYED KYI KHYAD PAR MANG PO DANG, GZHAN YANG, SHES BRJOD DANG BSTOD PA DANG CHO GA GSUM MAM, ZAS BDUN NI BSREG RDZAS BDUN, LCE BDUN NI SDEB SBYOR BDUN, DRANG SRONG BDUN, KHYIM BDUN, NYIN ZHAG BDUN DU LAN BDUN MCHOD PA DANG, SKYE GNAS BDUN DU MAR GYIS TSIM PAR BYED PA STE BDUN TSAN BDUN GYIS MCHOD SBYIN BYED PAR 'DOD DO, ,MNGON SUM DANG RJES DPAG DANG DPE NYER 'JAL DANG SGRA BYUNG DANG DON GYIS GO BA DANG DNGOS MED KYI TSAD MA STE SNGAR BSHAD PA LTAR GYI TSAD MA DRUG DANG, KHA CIG STE THUB PA TZ'A RA KA BAS RIt PA DANG SRID PA CAN DANG MA DMIGS PA DANG GRAGS PA DANG SNYAM SEMS PA'I TSAD MA SOGS 'DOD DO, ,DE DAG DGAG PA NI, KHYAB 'JUG NI SNOD BCUD KUN LA KHYAB PA'I PHYIR NA DE BROS PA 'GAL ZHING 'JUG PA BCU RDZUN PAR GRUB PA DANG,
SPANGS RTOGS MTHAR THUG PAR 'GRO BA YOD PA'I RTAGS KYIS RIM BZHIN NYES PA ZAD PA DANG KUN MKHYEN YOD PAR GRUB CES PA'O, ,KHYAB 'JUG PA DANG DPYOD PA BA'I GRUB MTHA' TSAD BSAL GYI SKABS SO,, ,,ZHI BA THOB PAS NA ZHI BA STE DBANG PHYUG DANG LHA CHEN GYI BTZUN MO BSRUNG BA'I DRANG SRONG RKANG MIG LA SOGS PA NI DBANG PHYUG PA'I STON PA DANG, DBANG PHYUG PA DANG GDOD NAS SRID PA 'BYIN PAS YE SRID DE LHA CHEN GYI RJES SU 'BRANG BA'I PHYIR YE SRID PA DANG ZHIB PA SOGS DBANG PHYUG PA'I RNAM GRANGS YIN NO, ,DE LA DBYE NA GRANGS CAN LHAR BCAS DANG GSAL BYED PA DANG RNA BA MA PHUG PA GSUM YOD LA, DBANG PHYUG SGRAB BSGRAGS KYI RGYUD DANG RME BRTZEGS KYI RGYUD LA SOGS PA NI LUNG TSAD MA'O; ;LHA CHEN DBANG PHYUG NI PHRA BA DANG YANG BA DANG BDAG POR GYUR BA DANG, DBANG DU GYUR BA DANG GAR YANG PHYIN PA DANG MCHOD PAR BYA BA DANG 'DOD DGUR LDAN PA DANG DGA' MGUR GNAS PA ZHES BYA BA'I YON TAN BRGYAD DANG LDAN ZHING, GANGS RI CHEN PO TI SE LA GNAS PAR BSHAD DO, ,STE'U BZHIN SDOD CING LAS LA 'JUG PA'I PHYIR DANG, BUM SOGS BZHIN DBYIBS KHYAD PAR BA DANG LDAN PA'I PHYIR DANG, DGRA STA BZHIN DON BYED NUS PA'I PHYIR DANG, SDIG CAN TSE RING BA DANG, DGE BA CAN TSE THUNG BA SOGS DANG, SER SNA CAN PHYUG PA DANG, GTONG SEMS CAN DBUL BA SOGS 'CHOL BAR MTHONG BA'I PHYIR NA DGE MI DGE'I LAS LAS GZHAN PA'I SNOD BCUD KYI 'JIG RTEN SKYE 'JIG BYED PA PO YOD PAR GRUB CING, DE YANG DBANG PHYUG YIN PAR GRUB PO, ,SNOD BCUD BYED PA PO DANG, BDAG RTAG PA DANG LAS DANG DUS DANG RANG BZHIN DANG YON TAN DANG ZHIG PA'I STONG PA SOGS NGAR KHYAB 'JUG PA'I SKABS SU BSHAD PA RNAMS DANG, RNAM PAR SHES PA
, ,YUL RNAMS LA 'JUG PAR BYED PA'I LAM MIG LA SOGS PA DRUG DANG, NAM MKHA' RLUNG CHE CHU SA'I KHAMS LNGA STE KHAMS KYI DE NYID DANG, DBYANGS GSAL GYI BDAG NYID CAN GYI SNGAGS KYI DE NYID DANG, DGA' BA SPYAD PA'I SGYU RTZAL DRUG CU RTZA BZHI STE 'DOD PA'I DE NYID DANG, BDAG RTAG PA STE BDAG GA DE NYID DANG, THAMS CAD LA KHYAB PA'I DBANG PHYUG ZHI BA'I DE NYID DE DE NYID LNGA DANG, ZHI BA DBANG PHYUG DE NI BCUD KYI 'GRO BA THAMS CAD KYI LUS NGAG SEMS GSUM LA GNAS PAS SKYE BA'I TSE LAM DRUG SOGS SBYOR BA STE 'DU BA'I RGYU DANG, 'CHI BA'I DUS SU GTANG BA STE 'BRAL BA'I RGYU BYED PA DANG, LUS LA GNAS PA'I KHYIM BCU GNYIS TE NANG GI 'PHO CHEN BCU GNYIS LA MDUD PA'I SGRAS BSTAN PA DANG, SAD PA DANG GNYID 'THUG DANG RMI LAM DANG 'KHRIG DUS KYI YE SHES TE SHES PA BZHI LAS, BZHI PA 'KHRIG PA'I BDE BA GRUB PA'I YE SHES THAR BA'I GO 'PHANG YIN PAR SMRA BA DANG, KHYAB 'JUG PA'I SKABS SU BSHAD PA LTAR GYI RLUNG GI RNAL 'BYOR DANG DRAG PO STE DBANG PHYUG GI LING GA'I RTZE NAS DBANG BSKUR BAR BYED PA DANG, BUD MED NUS LDAN DANG SBYAR NAS KHAMS 'DZAG PA'I BDE PA SOGS THAR BA THOB BYED KYI LAM DU 'DOD DE, ,SPYIR DBANG PHYUG PA LA BYE RIG GNYIS DANG GRANGS CAN DANG TSANGS PA BA DANG KHYAB 'JUG PA SOGS MANG PO YOD KYANG DUS 'KHOR NAS BSHAD PA'I DBANG PHYUG PA NI BYED PA PO DANG BDAG SOGS BDUN 'DOD PA DANG, YONGS GRAGS KYI BYE RIG GNYIS KYIS TSIG DON DRUG DANG YON TAN NYER BZHI SOGS 'DOD PA'I THA SNYAD 'GAL BA DANG DON KYANG MI MTHUN PAS, DE 'DRA BA'I DBANG PHYUG PA DE YONGS GRAGS KYI BYE BRAG PA
DANG RIG PA CAN SOGS MA YIN NO, ,BYE BRAG PA'I STON PA NI DRANG SRONG 'UG PA DANG DRANG SRTONG GZEG CAN DANG, RIG P CAN PA'I STON PA NI DRANG SRONG RKANG MIG SOGS DANG, RNAM GRANGS NI GZEG ZAN PA DANG RKANG MIG PA DANG 'UG PA BA DANG 'UG PHRUG PA DANG LUNG TZAM PA SOGS CI RIGS SBYOR RO, ,DBYE BA NI GZEG ZAN GYIS BYAS PA'I BYE BRAG GSAL BA'I MDO'I RJES SU 'BRANG BA'I BYE BRAG PA DANG, RKANG MIG GIS BYAS PA'I RIG PA'I LTA BA ZHES BYA BA'I BSTAN BCOS KYI RJES SU 'BRANG BA'I RIG PA CAN GNYIS DANG LUNG TZAM PA DANG GSUM ZHES BSHAD PA'ANG YOD DO, ,TSIG GI DON DRUG PO DE MNGON RJES NYER 'JAL SGRA BYUNG TSAD MA BZHI PO CI RIGS KYIS 'JAL BAR 'DOD PA LAS, MNGON SUM TSAD MA NI, BDAG DANG DBANG PO DANG YID DANG DON PHRAD PA DE YIN LA, DBYE NA DRUG YOD CING, PHRAD PA DE'I NGO BO NI DBANG DON SOGS LAS DON GZHAN PA'I BEM POR 'DOD PA NI BYE BRAG PA'I LUGS DANG, DBANG PO DANG DON PHRAD PA LAS SKYES PA'I SHES PA KHYAD PAR TE THA SNYAD DU BYA BA MA YIN PA 'DZIN RTOG STE MA 'KHRUL BA'I ZHEN RIG MNGON SUM TSAD MAR 'DOD PA NI RIG PA CAN PA'I LUG SO, ,RIG PA CAN PA'I LUGS LA, RTAGS CHOS DANG RTAGS CHOS KYI 'BREL BA RANG MTSAN PA 'DZIN PA'I MNGON SUM DE SNGON DU SONG BA CAN GYI RJES DPAG LA RGYU LAS 'BRAS BU DPOG PA SNGA MA CAN DANG, 'BRAS BU LAS RGYU DPOG PA LHAG LDAN DANG, CHOS GCIG MTHONG BA LAS GZHON SHIN TU LKOG GYUR DPOG PA SPYIR MTHONG BA CAN TE RANG DON RJES BDAG GSUM DANG, BYE BRAG PA'I LUGS LA, 'DI NI BA LANG KHO NA'O,, 'DI NI RTA KHO NA'O SNYAM PA NI MNGON SUM YIN LA, MNGON SUM GYIS MTHONG BA'I DON LAS BLTA BAR BYA BA'I DON GZHAN RJES SU RTOGS PA'I BLO NI RJES DPAG YIN NO, ,DE LA RGYU LAS
, ,'BRAS BU DPOG PA DANG, 'BREL BA BZUNG BA LAS 'BREL BA CAN DPOG PA DANG, DON GCIG LA 'DU BA LAS 'DU BA CAN DPOG PA DANG, 'GAL ZLAS 'GAL ZLA GZHAN DPOG PA STE RANG DON RJES DPAG BZHIR BSHAD DO, ,'ON KYANG 'DIR GSUM GSUM ZHES GSUNGS PA NI BAR BA GNYIS GCIG TU BSDUD DAM SNYAM MO, ,RGYUS 'BRAS BU DPOG PA'I LHAG LDAN GYI GTAN TSIGS DE RTAGS YANG DAG TU 'DOD PA DANG, SOGS SGRAS BSDUD PA RTOG GE'I TSIG DON BCU DRUG DANG, YAN LAG LNGA LDAN GYI SGRUB NGAG LTA BU GZHAN DON RJES DPAG TU 'DOD LA, NYER 'JAL GYI TSAD MA NI BA LANG DANG 'DRA BAS BA MIN YIN PAR SGRUB PA LTA BU'O, ,SGRA BYUNG TSAD MA LA SHES PA DANG LUNG GNYIS LAS, LUNG NI ZHI BA STE DBANG PHYUG GIS BYAS PA'I RGYUD DE ZHI BA'I MDZES SBYAR SOGS DANG, DRANG SRONG 'UG PAS BYAS PA'I BYE BRAG GSAL BA'I MDO MING GZHAN 'JIG RTEN MIG MDOR GRAGS PA DANG, RKANG MIG GIS BYAS PA'I RIG PA'I LTA BA ZHES BYA BA'I BSTAN BCOS SOGS SO, ,RDZAS DANG YON TAN DANG LAS DANG SPYI DANG BYE BRAG DANG 'DU BA STE TSIG GI DON DRUG PO BDEN GRUB KYI DNGOS PO'AM GZHI YIN LA, DE'I DANG PO RDZAS LA SA CHU ME RLUNG STE 'BYUNG BZHI DANG YID DANG NAM MKHA' DANG PHYOGS DANG BDAG DANG DUS TE RDZAS DGU LAS, SA CHU ME RLUNG YID DE LNGA NI YONGS SU CHAD PA'I PHYIR MA KHYAB PA'I RDZAS DANG, BDAG PHYOGS MKHA' DUS BZHI NI YONGS SU MA CHAN PA'I PHYIR KHYAB PA'I RDZAS SO, ,GZUGS DRI RO REG STE YON TAN BZHI LDAN DANG, GZUGS RO REG STE YON TAN GSUM LDAN DANG, GZUGS REG STE YON TAN GNYIS LDAN DANG, REG BYA TZAM STE YON TAN GCIG LDAN GYI RDZAS NI RIM BZHIN SA DANG
CHU DANG ME DANG RLUNG STE 'BYUNG BA BZHI'O, ,TSIG DON GZHAN NI RTAG PA DANG YON TAN LA RTAG MI RTAG GI CHA GNYIS DANG LAS NI MI RTAG PA KHO NAR BSHAD KYANG RDZAS LA RTAG MI RTAG GI CHA GNYIS YOD PAR TSAD CHEN DKA' 'GREL DANG RNAM 'GREL t'IKA CHEN SOGS LAS BSHAD DO, ,'BRAS BU BDE SDUG ZA BA PO DANG RGYU MI DGE BYED PA PO DANG 'DUS MA BYAS DANG MI 'JIG PA'I RTAG PA DANG SHES PA MIN PA'I BEM PO DANG THAMS CAD LA KHYAB PA DANG BYA BA MED PA'I BDAG RDZAS YOD 'DOD LA, BDAG KUN LA KHYAB PA DANG RDUL PHRA RAB KYI TSAD TZAM DU 'DOD PA NI RIM BZHIN BYE BRAG PA DANG RIG PA CAN PA'I LUGS SU KHA CIG 'DOD LA, RANG LUGS NI BYE BRAG PAS BDAG KUN LA KHYAB PAR 'DOD PA DANG RIG PA CAN PAS SPYIR BDAG NI KUN LA KHYAB KYANG, YID TZAM DANG 'PHROD 'DU 'BREL BA'I BDAG NI RDUL PHRA RAB KYI BONGS TSANG TZAM DU 'DOD PA'I KHYAD PAR YOD DO, ,RTZA BA'I DPE LA BYA BYED ZHES PA YIG NOR YIN PAS BYA MED ZHES 'DON PAR GYIS, YID KYI RDZAS NI RTAG PA'I DNGOS PO DANG RTOG BCAS DANG YUL CAN DANG BLO YIN PAR BSHAD KYANG SNGAR BSHAD PA LTAR DBYAD GZHI YOD DAM SNYAM STE, YID NI RDZAS DANG BLO NI YON TAN YIN PAR BSHAD PA'I PHYIR DANG, YID NI BEM PO DANG BLO SHES PA YIN PAR BSHAD PA'I PHYIR RO, ,RDZAS NI BYA BA DANG LDAN PA DANG YON TAN DANG LDAN PA DANG 'DU BA'I RGYUR GYUR PA STE KHYAD PAR GSUM LDAN YIN LA, RDZAS LA BRTEN PA DANG YON TAN GZHAN DANG MI LDAN PA DANG 'DU 'BRAL GYI RGYU MI BYED PA DANG RTAGS LA LTOS PA MED PA STE KHYAD PAR BZHI LDAN GYI DON NI YON TAN YIN ZHING, DE LA DBYEN NYER BZHI YOD PAR KA SHIS BSHAD LA, NYER LNGAR BSHAD PA YANG YOD DO, ,GZUGS SOGS LNGA DANG LCI GSHER DRO SNUM BZHI, ,GRANGS TSAD SOR DBYE LDAN GZHAN GZHAN MIN BDUN, ,BLO DANG BDE SDUG
, ,'DOD SDANG 'DUS BYAS 'BAD, ,CHOS DANG CHOS MIN DGU STE NYER LNGAR BZUNG, ,LAS NI 'DEGS PA DANG 'JOG PA DANG BSKUM PA DANG BRKYANGS PA DANG 'GRO BA STE LNGA'O,, DE BZHIN DU CHA DANG CHA CAN DANG YON TAN DANG YON TAN CAN DANG, BYA BYED DANG, MTSAN MTSON SOGS THAMS CAD PHAN TSUN DON GZHAN PA'I RDZAS YOD DU 'DOD DO, ,RDZAS DANG YON TAN DANG LAS GSUM LA RJES SU 'GRO ZHING GSUM PO DE DAG LAS DON GZHAN PA'I SHES BYA NI SPYI YIN LA, SPYI BYE BRAG 'DU BA GSUM NI MA SKYES PA DANG KHYAB PA DANG RTAG PA DANG CHA MED DANG BYA BA MED PA DANG RDZAS LA BRTEN PA DANG YON TAN LA BRTEN PA DANG LAS LA BRTEN PA STE KHYAD PAR BRGYAD LDAN DU BSHAD KYANG, DE GSUM GANG RUNG LA KHYAD PAR BRGYAD TSANG BAS MA KHYAB STE, YON TAN LA BRTEN PA'I NYE TSE BA'I SPYI DANG DE'I BYE BRAG LTA BU DE RDZAS LA BRTEN PA MA YIN PA'I PHYIR, RANG GI RTEN DE GZHAN LAS KHYAD ZHUGS PA STE MI 'DRA BA'I KHYAD PAR YOD PAR 'DZIN PA'I SHES PA'I GZUNG YUL NI BYE BRAG DANG, RTEN LA BRTEN PA YOD PAR 'DZIN PA'I SHES PA'I GZUNG YUL DU GYUR BA'I DON NI 'DU BA STE, DE LA RTEN DANG BRTEN PA GO SA THA DAD PA'I LDAN 'BREL DANG GO SA THA MI DANG BA'I 'DU 'BREL GNYIS YOD PAR RNAM NGES DAR t'IKA TU BSHAD KYANG, t'IKA CHEN DANG MTHUN MI MTHUN LA DBYANG GZHI YOD PAR SNGAR BSHAD ZIN, SNONG BCUD KYI 'JIG RTEN DANG POR CHAGS PA'I CHO, NAM MKHAR 'BYUNG BZHI'I RDUL PHRA RAB RTAG CING CHA SHAS MED PA RNAMS SO SOR GNAS PA DE NYID, DBANG PHYUG GIS 'JIG RTEN SPRUL PAR 'DOD PA DANG SEMS CAN GYI CHOS DANG CHOS MIN GYI LAS KYI DBANG GIS DANG POR RLUNG RDUL PHRA RAB GNYIS 'BYAR BA SOGS KYI
RIM PAS CHAGS TSUL SNGAR BZHIN DANG, KHRUS DANG SOGS SGRAS DBANG BSKUR DANG BSNYUNG GNAS DANG BLA MA'I KHYIM DU GNAS NAS TSANGS PAR SPYOD PA SOGS CHOS SU 'DOD DO, ,'KHOR BAR 'KHOR BA NI JI SRID DU BLO LA SOGS PA'I YON TAN DGU PO DE BDAG DANG 'DU 'BREL YOD PA DE SRID DU YIN LA, THAR BA NI BRJOD DU MED PAR BSHAD CING, LAM SGOM STOBS KYIS BLO LA SOGS PA'I YON TAN DGU BDAG DANG 'DU BA'I 'BREL BA BCAD CING BRAL TE BDAG YAN GAR BAR GNAS PA DE'I TSE THAR PA THOB PA YIN NO ZHES 'DOD DO, ,DE NYID RTOGS PA NI THAR BA'I RGYU YIN PAS KHA CIG DE THAR BAR 'DOD PA NI 'KHRUL BAR SHES PAR BYA'O, ,DE DGAG PA NI, DBANG PHYUG RANG LA DAD PA'I GANG ZAG LA DGA' BA STER BA DANG, RANG LA MA DAD PA RNAMS LA SDUG PA STER BA'I RGYU YIN PAR KHYOD KYIS KHAS BLANGS PA'I PHYIR NA DE SNOD BCUD THAMS CAD BYED PA PO MA YIN PAR 'GYUR TE, ,DBANG PHYUG LA MA GUS PA'I SANGS RGYAS PA RNAMS LA BDE SKYID BYUNG BA DANG, DBANG PHYUG LA GUS PA RNAMS LA SDUG BSNGAL BYUNG BA MTHONG LA, DE DAG BYED PA PO DBANG PHYUG MA YIN PA'I PHYIR, DBANG PHYUG DE MI DGE BA'I LAS THAMS CAD KYI BYED PA PO YIN NA SDIGS SHIN TU STOBS LDAN SPYOD PA'I PHYIR DE MA THAG TU DMYAL BAR 'TSED PAR 'GYUR RO, ,DBANG PHYUG GIS SNOD BCUD BSKYED PA NI SNOD BCUD BSKYED PAR 'DOD PA'I BLO LA LTOS PA YIN NA DBANG PHYUG 'DOD PA DE'I GZHAN DBANG DU SONG BA'I PHYIR RANG DBANG DU SNOD BCUD BSKYED PA'I NUS PA MED PAR 'GYUR LA, 'DOD PA LA LTOS PA MIN NA DBANG PHYUG GI 'DOD PA LAS 'BYUNG BAR KHAS BLANG SPA DANG 'GAL LO, ,DBANG PHYUG BRTEN G-YO KUN LA KHYAB PA YIN NA CHA SHAS MED PAR KHAS BLANGS PA 'GAL ZHING, DBANG PHYUG RTAG PA YIN PA'I PHYIR SNOD BCUD MTHA' DAG
, ,RTAG TU SKYE BA'AM GTAN NAS MI SKYE BAR 'GYUR RO, ,ZHES PA'O,, DBANG PHYUG BYE RIG GSUM GYI GRUB MTHA' TSAD BSAL GYI SKABS SO,, ,,DRANG SRONG RGYAL BA DAM PA DANG, KHYU MCHOG DANG LDONG RIS DANG, SNOD KYI SDE DANG, 'PHEL BYED LA SOGS PA GCER BU PA'I STON PA NYI SHU RTZA LNGA YOD PAR SLOB DPON SHES RAB GO CHAS BSHAD DO, ,MING GI RNAM GRANGS NI, RANG GI SKRA NYIN RE BZHIN DU ZAD BAD PHYIS PAS THAR BAR 'DOD PAS ZAD BYED PA DANG, SNGAR BSHAD PA LTAR DRANG SRONG MCHOD 'OS STON PAR 'DZIN PAS MCHOD 'OS PA DANG, GOS MED PAS GCER BU PA DANG, NAM MKHA'I GOS CAN DANG, BZA' BCA' SOGS GSOG 'JOG MI BYED PAR LDOM BU BYED PAS KUN TU RGYU DANG, 'TSO BA NI SROG YIN LA SROG DE BDAG TU SMRA BAS SAM, LUS 'TSO BA TZAM LAS LHAG PA'I YO BYAD BDAG GIR MI 'DZIN PAS 'TSO BA PA DANG, GCER BU LA NGO MI TSA BAS 'DZEM MED PA DANG THAL BA PA SOGS SO, ,SROG STE BDAG NI RANG RANG GI LUS DANG BONGS TSAD MNYAM PA, RDZAS RTAG PA YIN LA RNAM GRANGS MI RTAG PA YIN ZHING, BDAG DANG SROG DANG 'TSO BA DANG SKYES BU DANG GANG ZAG DANG 'GRO BA SOGS MING GI RNAM GRANGS SU 'DOD DO, ,MNGON SUM GYI TSAD MA LA SPYI 'JAL BA'I RTOG BRAL DANG GSAL BA 'JAL BA'I RTOG BCAS GNYIS YOD PAR 'DIR BSHAD KYANG KHUNGS 'TSOL DGOS SAM SNYAM PA DANG, GAL TE DE LTAR SBYONG NA YANG SPYI 'JAL BA'I RTOG BCAS DANG GSAL BA 'JAL BA'I RTOG BRAL ZHES BSHAD NA 'GRIG GAM SNYAM PAS DPYAD PAR BYA'O, ,RJES SU 'GRO LDOG GI KHYAB PA YOD MI DGOS SHING, PHYOGS CHOS KYANG GZHAN DU MI 'THAD PA ZHES BYA BA'I MING CAN GYI TSUL
GCIG PAR 'DUS PAS TSUL GSUM YIN PA RTAGS YANG DAG GI MTSAN NYID DU MI 'THAD LA, RJES DPAG TSAD MA NI TSUL GCIG LA BRTEN PA YIN ZHING, RGYAS BYED SKAR MA'I BSTAN BCOS LA SOGS PA LUNG TSANG MAR 'DOD DO, ,DUS 'KHOR GYI SKOR NAS BSHAD PA'I TSIG GI DON DGU NI, SROG CAN GANG ZAG DANG, SROG CAN MA YIN PA NI GANG ZAG MA YIN PA DANG, ZAG PA LAS DANG, 'OG NAS 'CHAD PA'I SDOM PA LNGA DANG, MI DGE BA SPANGS PA DANG, NYES PAR SMRA BA GSUM BRGYA DRUG CU RTZA GSUM PO DAG GIS BRTAGS PA'I LTA NGAN RNAMS NI BCINGS PA DANG, 'OG NAS 'CHAD PA LTA BU'I THAR BA DANG, 'DI NAS 'JIG RTEN PHA ROL TU 'GRO BA DANG, 'JIG RTEN SNGA MA NAS 'DIR 'ONG BA STE DGUS SHES BYA THAMS CAD 'DUS PAR 'DOD PA NI SHAM BHA LA'I GCER BU PA'I LUGS YIN PAR GRUB MTHA' CHEN MOR BSHAD DO, ,RTOG GE 'BAR BA DANG TSAD CHEN RTZA 'GREL LAS BSHAD PA'I TSIG GI DON DGU NI, SROG STE SNGAR BSHAD PA'I BDAG DANG, ZAG PA NI DGE MI DGE'I LAS RNAMS TE, 'DIS ZAG PAR BYED PA'I PHYIR RO, ,DE YANG LAS DGE MI DGE GANG GIS KYANG 'KHOR BAR BYED PAS DE'I PHYIR DE GNYIS KA'ANG ZAG PA'O, ,SDOM PA NI ZAG PA 'GOG PA NYID DE, LAS GSAR BA GANG YANG MI SOG PA'O, ,NGES PAR RGA BA NI, SDOM PA DE NYID DANG, ZAS MI ZA BA DANG, SKOM MI BTUNG BA DANG, BSAM GTAN DANG, SBYOR BA DANG, LUS GDUD BA DANG, SKRA 'BAL BA LA SOGS PA DKA' THUB DANG BCAS PAS SNGON NYE BAR BSAGS PA'I LAS RGAS PAR BYED PA STE ZAD PA'I RGYU YIN PA'I PHYIR, 'CHING BA NI NGES PAR SMRA BA SUM BRGYA DANG DRUG BCU RTZA GSUM PA DOG GIS BTAGS PA'I LOG PAR LTA BA'O, ,LAS NI NAM PA
, ,BZHI STE, PHYIS MYONG BAR 'GYUR BA DANG, MING DANG, RUS DANG, TSE ZHES BYA BA DAG GO ,SDIG PA NI, CHOS MA YIN PA DAG GO ,BSOD NAMS NI CHOS SO, ,THAR BA NI, DKA' THUB LA SOGS PAS SNGAR BYAS KYI LAS THAMS CAD ZAD PAR BYAS SHING, LAS GSAR BA MA BSAGS PAS 'JIG RTEN THAMS CAD KYI STENG NA 'DUG PA'I GNAS 'JIG RTEN 'DUS PA ZHES BYA BA, ZHO 'AM KU MUD LTAR DKAR BA, SROG YOD PAS DNGOS PO YIN CING, 'KHOR BA LAS GROL BAS DNGOS PO MED PA'ANG YIN PA, GDUGS DKAR PO GYEN LA BSLANGS, PA LTA BU GCIG YOD PA DER 'GRO BA STE DGUS SHES BYA THAMS CAD 'DUS PAR 'DOD PA NI 'PHAGS YUL GYI GCER BU PA'I LUGS SU 'DIR BSHAD DO, ,TSIG GI DON KUN KYANG RDZAS NI RTAG PA DANG RNAM GRANGS NI MI RTAG PA YIN NO, ,'DAS PA DANG DA LTAR BA DANG MA 'ONGS PA'I DUS TE RDZAS YOD GSUM DANG, SROG DANG GANG ZAG DANG DUS DANG NAM MKHA' DANG BSOD NAMS DANG SDIG PA STE RDZAS DRUG CES DUS 'KHOR 'GREL CHEN DRI MED 'OD DU BSHAD DO, ,SA DANG CHU DANG ME DANG RLUNG DANG NAGS KYI BDAG PO STE LJON SHING DANG NAS 'BRAS LA SOGS PA'I 'BRU RNAMS TE DUS 'KHOR GYI SKOR NAS BSHAD PA'I SROG CAN GYI SDE DRUG GAM, SA CHU ME RLUNG LJON SHING LNGA DANG, SRIN BU DANG GROG MA DANG BUNG BA DANG MI ZHES BYA BA BZHI STE RTOG GE 'BAR BA SOGS LAS BSHAD PA'I SROG CAN GYI SDE DGU'O, ,DE DAG LAS SA LA SOGS PA LNGA NI DBANG PO GCIG PA STE, REG PA'I DBANG PO DANG LDAN PA'I PHYIR RO, ,SRIN BU DANG, DUNG DANG, NYA PHYIS DANG, SRIN BU PAD PA LA SOGS PA NI DBANG BO GNYIS PA STE, REG PA DANG, RO'I DBANG BO DANG LDAN
PA'I PHYIR RO, ,GROG MA DANG SRIN GYI ME LA SOGS PA NI DBANG PO GSUM PA STE, REG PA DANG, RO DANG, SNA'I DBANG PO DANG LDAN PA'I PHYIR RO, ,BUNG BA DANG, SBRANG BU DANG, SBRANG BU MCHU RINGS LA SOGS PA NI DBANG PO BZHI PA STE, REG PA DANG, RO DANG, SNA DANG, MIG GI DBANG PO DANG LDAN PA'I PHYIR RO, ,MI DANG RKANG BZHI PA DANG BYA LA SOGS PA NI DBANG PO LNGA PA STE, REG PA DANG, RO DANG, SNA DANG, MIG DANG, RNA BA'I DBANG PO DANG LDAN PA'I PHYIR RO, ZHES ZER RO, ,SDOM PA NI LNGA STE, GCER BU LA SOGS PA BYED PA SPYOD LAM GYI SDOM PA DANG, MI SMRA BA'I YID DAM 'CHA' BA SOGS SKAD KYI SNGOM PA DANG, GZHAN LA SLONGS MO SPYOD PA 'BA' ZHIG GIS 'TSO BA YONGS SU TSOL BA'I SNGON PA DANG, BSOD SNYOMS BSLANGS PA CHUD ZOS SU MI 'DOR BA'I SDOM PA DANG, SBRANG G-YAB DANG RIL PA LA SOGS PA 'DZIN PA NYE BAR RAB TU GNAS PA'I SDOM PA'O, ,KHA CIG KHAS BLANGS PA MI 'DOR BA ZER LA, RTZA MI'I 'GYUR DANG 'GYUR MANGS SU BSLANGS PA MI 'DOR BA'I DOD LA LEN PA SNGOM PA ZHES 'BYUNG STE, DE LTAR NA 'TSO TZAM LAS LHAG PA LEN PA SNGOM PA'O, ,NYE BAR RAB TU GNAS PA'I DOD LA 'GYUR MANGS SU 'DOMS STONG PAR 'JOG PA'I SNGOM PA'O ZHES 'BYUNG BA LTAR NA 'DOMS DKRIS KYANG SPANGS PA'I GCER BU'I DON TO, ,BRTUL ZHUGS LNGA NI, DANG PO GZHAN LA 'TSE BA MED PA DANG, GNYIS BRDZUN SPANGS PAS BDEN PAR SMRA BA DANG, GSUM PA RKU BA SOGS SPANGS PAS BYA NI PA LEN PA DANG, BZHI PA MI TSANGS SPYOD SPANGS PAS TSANGS PAR SPYOD PA DANG, LNGA PA GSO TZAM YANG MI 'DZIN PAS YONGS SU GZUNG BA THAMS CAD YONGS SU GTONG BA'O, ,YE SHES LNGA NI, SKYES THOB KYI BLO GROS KYI YE SHES DANG, THOS PA LAS BYUNG BA'I YE SHAS DANG,
, ,MTSAMS DANG BCAS PA LA, KHA CIG 'CHI BA'I DUS KYI MTSAMS ZHES 'CHAD LA, GZHAN DAG THUN BZHI'I MTSAMS KYI YE SHES SAM, YANG NA 'GYUR MANGS SU MTHA' ZHES 'BYUNG BA LTAR THAR PA'I GNAS SKABS KYI YE SHES SO ZHES 'CHAD DO, ,YID KYI RTOG DPYOD KYIS SHES BYA YONGS SU TSOL BA'I YE SHES DANG, MO DANG RTZIS LA SOGS PA'I YE SHES SO, ,SPYOD PA'I DBYE BA NI BCU GSUM STE, BRTUL ZHUGS KYI DBYE BA SNGAR BSHAD PA LNGA DANG, SNGOM PA'I DBYE BA SNGAR BSHAD PA LNGA DANG, LUS KYI GSANG BA ME LNGA BSTEN PA DANG GAm GAR 'JUG PA SOGS DANG, NGAG GIS GSANG SNGAGS BZLA BA SOGS DANG, SEMS KYIS GSANG BA RANG GI LUGS KYI THAR BA'I LAM SGOM PA'O, ,'DI DAG THAR BA THOB BYED KYI LAM DU 'DOD DO, ,THAR BA NI GONG DU BSHAD PA'I 'JIG RTEN 'DUS PA ZHES BYA BA'I GZUGS YIN LA, 'GRO BA LNGA NI, DMYAL BA DANG DUD 'GRO DANG MI DANG LHA DANG THAR PA'I 'GRO BA'O, , LUS LNGA ZHES PA NI, MI LA SOGS PA KHAMS KYI KHA ZAS CAN GYI LUS DANG, LHA RNAMS KYI 'OD KYI LUS DANG, SROG GI RANG BZHIN CAN NAGS KYI BDAG PO LA SOGS PA DRUG PO RNAMS KYI LUS DANG, RDZUS SKYES NI YONGS SU GRAGS PA'I RDZUS SKYES NYID DE DE DAG GI LUS DANG, MTHA'I GNAS SKABS THAR BA THOB PA'I LUS SO, ,'GRO BA 'DI DAG KYANG DBANG PO GCIG LDAN SOGS SNGAR BSHAD PA'I SROG CAN GYI SDER 'DUS SO, ,'CHING BA NI LTA NGAN SUM BRGYA DRUG CU RTZA GSUM DANG, LAS NI TSE DANG SOGS SGRAS RUS DANG MING DANG PHYIS MYONG 'GYUR TE BZHI'O, ,GRUB 'GREL LAS TSE SOGS ZHES PAS LAS LHAG MA LUS SOGS 'DON PA'O ZHES PA DPE MA DAG STE, RUS SOGS 'DON PA'O ZHES BSHAD
DGOS PA'I PHYIR, GCER BU PA LTAR NA SKAR MA'I BSTAN BCOS MA BRTZAM PA DANG, DBYOD PA BA LTAR NA MCHOD SBYIN SRID SRUNG SOGS RIG BYED KYI BSTAN BCOS MA BRTZAM PA DANG, GCER DPYOD GNYIS KAS THUN MONG DU LUNG MA BSTAN P'I DNGOS PO BCU BZHI LUNG MA BSTAN PA DANG, 'KHOR BA'I THOG MA MI MNGON PAR GSUNGS PA SOGS KYIS KUN MKHYEN MED PA DANG, DGUN DUS SU NYAL BA STE GNYID LOG PA DANG, DBYAR DUS SU SMYO BA SOGS KYIS LJON SHING DANG SOGS SGRAS SA CHU ME RLUNG SOGS SEMS LDAN DU SGRUB PO, ,'PHAGS YUL DU BYUNG BA'I MU STEGS PA'I GRUB MTHA' NYER LNGA SOGS DANG, BOD DU BYUNG BA'I BON GYI GRUB MTHA' LA SOGS PA LTAR SNANG MANG PO YOD KYANG, DE DAG SHES PA'I GNANG DE DGOS PA CHUNG BAS NA RTZA BA 'DIR MI SPRO STE MA BSHAD DO, ,DE DGAG PA NI, RDZAS DANG RNAM GRANGS NI PHAN TSUN NGO BO GCIG YIN PA'AM NGO BO GCIG TU MED ZHES DBYAD NA RDZAS DANG RNAM GRANGS KYI KHYAD PAR 'JIG 'GRO BA DANG, THAR BA RDUL PHRA RAB BSAGS PA'I GZUGS YIN PA'I PHYIR LAS ZAD KYANG GROL BA'I DON MED PA DANG, BDAG NI LUS BZHIN DU CHE CHUNG DU 'GYUR NA MI RTAG PAR 'GYUR PAS RTAG PAR KHAS LEN PA NYAMS PA DANG, TSUL GCIG PA'I RTAGS SBYOR LA SGRUB BYA RTOGS PA'I RJES DPAG BSKYED PA'I NUS PA MED PAS TSUL GCIG PA'I RTAGS YANG DAG KHAS LEN PA 'GAL BA STE MI 'THAD DO,, ZHES PA'O,, GCER BU PA'I GRUB MTHA' TSAD BSAL GYI SKABS SO,, ,,'DIR SMRAS PA, BU RAM SHING PA'I GSUNG GI 'OD ZER GYIS, ,MCHOG DMAN SKYE 'GRO'I ZHAG LDAN YONGS KHYAB TSE, ,RMONGS PA'I KHOL BO T'I RTHA KA YI GZHUNG, ,MUN PA'I KHUNG BUR YIB LAS GZHAN DU CI, ,MU STEGS GZHUNG LUGS BONG BU'I 'O MA NI, ,
, ,YID GZHUNGS MKHAS PA'I RIGS PAS BSRUB PA'I TSE, ,DON MED NOR 'KHRUL BSHAD DRI BRO BA LAS, ,DON LDAN MAR GYI NYID KHUS RING DU DBEN, ,RANG GI DON DU GZHAN LA 'TSO BA DANG, ,GZHAN GYI DON DU RANG SROG 'DOR DGOS PA'I, ,PHYI NANG STON PA'I KHYAD PAR 'DI MTHONG NA, ,MCHOG DMAN 'BYED CHOS GZHAN GYIS CI ZHIG BYA,, ZHES RTZA BA'I TSIG 'GREL LAS LE'U DANG PO BDUN GYI SKABS BYAS ZIN TO,, ,, BLA MA THUB PA'I DBANG PO 'PHAGS PA'I 'KHOR TSOGS DANG BCAS PA LA PHYAG 'TSAL LO, ,DA NI RANG SDE BYE SMRA MDO SEMS DBU MA BZHES SOGS KYI TSIG DON 'CHAD DE, SANGS RGYAS PA RANG GI SDE BA LA BYE SMRA DANG MDO SDE PA DANG SEMS TZAM PA DANG DBU MA PA BZHIR GRANGS NGES PA YIN TE, SH'AKYA THUB PA'I BSTAN PA LA GRUB MTHA' LNGA PA DANG, THEG PA BZHI PA MED PAR MDO RGYUD DU MA DANG MKHAS GRUB DU MAS GSUNGS PAS SO,, DBYE BA NI BSHAD MA THAG PA'I 'DI BZHI DANG BSDU BA NI BYE MDO GNYIS THEG DMAN DANG DBU SEMS GNYIS THEG CHEN GRUB MTHA' SMRA BAR BSDUS PA STE DBYE BSDU'I TSUL GNYIS BSHAD PA LTAR YIN GYI, BOD KHA CIG BYE MDO GNYIS NYAN THOS DANG SEMS TZAM PA RANG RGYAL DANG DBU MA PA THEG CHEN PA STE THEG PA GSUM DU BSDUS PA DANG, GRUB MTHA' KUN SHES MKHAN POS, MDO SDE PA BYE SMRA'I NANG DU BSDUS NAS GRUB MTHA' GSUM DU 'DOD PA DANG, KHA CIG GNAS MA BU BYE SMRA LAS GZHAN DU BYAS TE GRUB MTHA' LDAR DBYE BA RNAMS 'KHRUL BAR SHES PAR BYA'O,, NYAN THOS SDEB GNYIS KAS THEG CHEN GYI SDE SNOD NAS BSHAD PA'I KUN GZHI NYON YID DANG BDEN MED DANG GZUNG 'DZIN GNYIS SU MED PA'I
CHOS KYI BDAG MED DANG, BYANG SEMS SA BCU DANG THEG CHEN NAS BSHAD PA'I CHOS LONGS SPRUL PA'I SKU GSUM BA DANG DE DAG GI YON TAN MANG PO DANG, SOGS SGRAS DE NYID NAS BSHAD PA'I GZUNGS DANG TING NGE 'DZIN GYI SGO MTHA' YAS PA SOGS MI 'DOD PA DANG, THEG CHEN GYI MDO RNAMS SNGON DUS KYI NYAN THOS SDE BAS BKAR MI 'DOD LA NYAN THOS SDE PHYI RABS PA RNAMS KYIS BKAR 'DOD PAR GRAGS PA LTAR YIN NO, ,GZHUNG BYE BRAG BSHAD MTSO GTZO BOR RJES SU 'BRANG NAS GRUB MTHA' SMRA BA'I PHYIR DANG, DUS GSUM RDZAS KYI BYE BRAG YIN PAR SMRA BA'AM, MU STEGS BYE BRAG PA LTAR RDZAS GRUB KYI CHOS MANG DU SMRA BAS NA BYE BRAG TU SMRA BAR BTAGS PA DE LA SDE BA BCOS BRGYAD GYES TSUL NI, RTZA BA'I SDE BA BZHI LAS BCO BRGYAD GYES TSUL DANG GNYIS LAS BCO BRGYAD GYES TSUL GNYIS DANG, SOGS SGRAS RTZA BA'I SDE BA GCIG DANG GSUM LAS GYES TSUL YOD PAR BSHAD DO, ,RTZA BA'I SDE BA BZHI LAS BCO BRGYAD GYES TSUL LA'ANG DUL LHA DANG LO DRI MKHAN PO'I LUGS GNYIS LAS, DUL LHA'I BSHAD TSUL NI, GZHI THAMS CAD YOD PAR SMRA BA DANG, PHAL CHEN PA DANG, GNAS BRTAN PA DANG, MANG POS BKUR BA STE RTZA BA'I SDE BA BZHI LA RIM PA BZHIN DU SDE BA BDUN DANG LNGA DANG GSUM DANG GSUM DU GYES PAR SDE BA THA DAD PA BSDUS PA LAS GSUNGS SHING, YANG NA RTZA BA'I SDE BA GNYIS LAS GYES TSUL LA'ANG BSHAD TSUL GNYIS LAS DANG PO NI DGE 'DUN PHAL CHEN PA LA BRGYAD DANG GNAS BRTAN PA LA BCUR GYES PA NI SDOMS LOGS SU GSAL BA LTAR YIN NO, ,STAG LOS SDE BA BCO BRGYAD PO DE KUN BYE BRAG SMRA BA'I SDE BAR KHAS BLANGS PA DANG, SA STON PA DANG DPE STON PA SOGS MDO SDE BAR KHAS BLANGS NAS
, ,SDE BA BCO BRGYAD DU NYAN THOS SDE BA GNYIS KA 'DUS PAR 'DOD PA NI 'GAL BA DANG, MDO SDE BA BYE SMRA'I NANG DU BSDUS TSUL NI, MDO SDE BAR GYUR BA'I DGE TSUL DGE SLONG RNAMS RTZA BA'I SDE BA BZHI PO GANG RUNG GI DGE TSUL DGE SLONG DU 'DUS PA TZAM LA BYED NA BSDU BYA HA CANG RGYA CHUNG BA'I SKYON 'BYUNG STE, DBU MA BA DANG SEMS TZAM PAR GYUR BA'I DGE TSUL DGE SLONG RNAMS KYANG RTZA BA'I SDE BA BZHI PO GANG RUNG GI DGE TSUL DGE SLONG DU BSDUS PA'I PHYIR DANG, DER MA ZAD THEG CHEN GYI SDE SNOD KYANG SDE BA BCO BRGYAD KYI GZHUNG DU 'DUS PAR LEGS LDAN 'BYED DANG SPYAN RAS GZIGS RTUL ZHUGS KYIS BSHAD PA'I PHYIR YANG BSDU BYA RGYA CHUNG BA'I SKYON 'BYUNG NGO, ,RTOG GE 'BAR BAR RTZA BA'I SDE BA GNYIS LAS BCO BRGYAD DU GYES TSUL DANG PO'I SKABS SU BSHAD PA'I GNAS BRTAN PA BCU'I NANG TSAN GYI MANG POS BKUR BA LA SOGS SDE PA LNGAS RDZAS BTAGS DANG RTAG MI RTAG DANG PHUNG PO LAS NGO BO GCIG DANG THA DAD SOGS GANG DU YANG BRJOD DU MED PA'I BDAG YOD PAR SMRA NA YANG, MI 'JIG PA'I RTAG PA DANG CHA SHAS MED PA'I GCIG BU DANG GZHAN LA MI LTOS PA'I RANG DBANG CAN TE KHYAD CHOS GSUM LDAN GYI BDAG MED PAR 'DOD CING, THUB PA'I LUNG RTOGS KYI BSTAN PA GCES BAR 'DZIN PA NI RANG SDE'I GRUB MTHA' SMRA BA KUN DANG MTSUNGS PAS GZHAN SDE BA GTAN MIN LA NAM MKHA' SOGS 'DUS MA BYAS RNAMS RDZAS DANG DNGOS POR 'DOD PA'I RANG SDE BA YIN PAS BYE SMRA LAS GRUB MTHA' GZHAN PA YANG MA YIN NO, ,GZHI YUL GYI RNAM BZHAG NI, KUN RDZOB DANG DON DAM BDEN PA GNYIS DANG, GZUGS DANG, TSOR BA DANG, 'DU SHES DANG, 'DU BYED DANG,
RNAM SHES KYI PHUNG PO STE LNGA DANG, MIG DANG, RNA BA DANG, SNA DANG, LCE DANG, LUS DANG, YID KYI SKYE MCHED DANG, GZUGS DANG, SGRA DANG, DRI DANG, RO DANG, REG BYA DANG, CHOS KYI SKYE MCHED DE BCU GNYIS DANG, MIG NAS YID KYI BAR RTEN DANG, GZUGS NAS CHOS KYI BAR YUL DANG, MIG GI RNAM PAR SHES PA NAS YID KYI RNAM PAR SHES PA'I KHAMS KYI BAR BRTEN PA STE BCO BRGYAD DANG, DMYAL BA DANG, YI DVAGS DANG, DUD 'GRO DANG, MI DANG, LHA STE 'GRO BA LNGA DANG, KHAMS DANG, REG PA DANG, SEMS PA DANG, SEMS KYI ZAS TE BZHI DANG, DMIGS MTSUNGS GANG RUNG GI SGO NAS ZAG PA RGYAS SU RUNG MI RUNG GIS ZAG BCAS ZAG MED GNYIS DANG, 'DUS BYAS GZUGS SOGS PHUNG PO LNGA DANG, 'DUS MA BYAS NAM MKHA' DANG SO SOR BRTAG DGOG DANG SO SOR BRTAG MIN GYI DGOG PA STE GSUM DANG, KHAMS RE GNYIS KYI NANG GI DRUG TSAN DANG PO'I NAM MKHA'I KHAMS NI SNANG MUN GANG RUNG GI BDAG NYID DU GYUR BA'I GZUGS KYI SKYE MCHED DANG, RDZAS RDUL PHRA RAB NI CHA BCAS MIN ZHING PHAN TSUN REG PA MIN PAR 'DOD DO,, YUL CAN MNGON SUM DANG RJES DPAG TSAD MA DANG, LAM NI TSOGS SBYOR MTHONG SGOM MI SLOB LAM LNGA DANG, SBYIN PA DANG, TSUL 'KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHAR PHYIN TE DRUG DANG, 'BRAS BU'I RNAM BZHAG NI, 'PHAGS PA BRGYAD PA DANG, CHAGS BRAL SNGON SONG GI ZHUGS PA DBANG PO RDUL RNO GNYIS DANG, DE'I 'BRAS GNAS GNYIS DANG, LHA DANG MI'I RIGS NAS RIGS SKYE GNYIS DANG, TSE GCIG BAR CHAD GCIG PA DANG, PHYIR MI 'ONG BAR 'DA' BA DANG, SKYES TZAM NYID NAS 'DA' BA DANG, 'DU BYED DANG BCAS TE 'DA' BA DANG, 'DU BYED MED PAR 'DA' BA DANG, 'PHAR BA
, ,GSUM DANG, SRID RTZE'I MTHAR THUG 'GRO DANG, GZUGS MED NYER 'GRO DANG, MTHONG CHOS ZHI DANG, LUS MNGON BYED DANG, BSE RU LTA BU STE DGE 'DUN NYI SHU DANG, RGYUN ZHUGS ZHUGS 'BRAS GNYIS DANG, PHYIR 'ONG ZHUGS 'BRAS GNYIS DANG, PHYIR MI 'OD ZHUGS 'BRAS GNYIS DANG, DGRA BCOM ZHUGS 'BRAS GNYIS TE BRGYAD DANG, DGA' LDAN GYI GNAS NA ZHUGS PA LA SOGS PA'I MDZAD PA BCU GNYIS LA KHYIM PA DANG RAB BYUNG GI MDZAD PA DANG, SO SKYE DANG 'PHAGS PA'I MDZAD PA DANG, BYANG SEMS DANG SANGS RGYAS KYI MDZAD PA'I CHA GNYIS GNYIS PHYE BA RNAMS RDZOGS PA NA SANGS RGYAS KYI SKU DNGOS KYI MDZAD PA RNAMS TSAR PHYIN PA YIN LA, NYAN THOS DANG RANG RGYAL DANG SANGS RGYAS KYIS SDUG BSNGAL GYI PHUNG PO'I LHAG MA MED PA'I MYANG 'DAS MNGON DU MDZAD PA GSUM KAR BE MA RIG RGYUN CHAD DE ZHI BA'I DBYINGS 'BA' ZHIG LUS PAR 'DOD PA NI 'BRAS BU'I RNAM BZHAG YIN NO,, DNGOS SU BCOM PA'AM GZHIG PA STE BLOS CHA SHAS SO SOR BSAL BA NA RANG 'DZIN PA'I BLO 'DOR BA DANG MI 'DOR BA'I CHOS NI RIM BZHIN KUN RDZOB DANG DON DAM BDEN PA'I DON YIN LA, MNGON PA SDE BDUN BKA' MA YIN NA MNGON PA'I SDE SNOD MED PAR 'GYUR BA LAS, DGE SLONG SDE SNOD GSUM PA ZHES GSUNGS PA'I PHYIR SDE BDUN BKA' YIN PA DANG, LUNG DANG BSTAN BCOS RNAMS MING TSIG YI GE GSUM TSOGS PA'I SGRA SPYI YIN PAS NA LDAN MIN 'DU BYED YIN ZHING, MNGON SUM GYI TSAD MA LA DBANG MNGON YID MNGON RNAL 'BYOR MNGON SUM GSUM YOD PA YIN NA'ANG RANG RIG MNGON SUM MED PA DANG, MTSUNGS LDAN DANG LHAN CIG 'BYUNG BA'I RGYU 'BRAS SOGS
DUS MNYAM PA'I RGYU 'BRAS MTSAN NYID PA DU MA YOD CING, RNAM PAR RIG BYED MA YIN PA'I GZUGS NI GZUGS MTSAN NYID PA YIN LA, DBANG SHES RNAMS 'DRA RNAM MED PAR YUL LA DNGOS SU RIG PA YIN NO, ,SNANG BA GZUGS KYI GZHI DANG; GTZO BO SEMS KYI GZHI DANG, 'KHOR SEMS BYUNG GI GZHI DANG, GNAS SKABS LDAN PA MA YIN PA'I 'DU BYED KYI GZHI DANG, 'DUS MA BYAS KYI GZHI STE LNGA KA DNGOS PO DANG RDZAS SU GRUB PA YIN ZHING, SANGS RGYAS KYI GZUGS PHUNG DE SANGS RGYAS MA YIN PA DANG, GANG LA SKYABS SU 'GRO BA'I YUL DU GYUR BA'I SANGS RGYAS NI MI SLOB PA'I CHOS KHO NAR 'DOD DO, ,SDE BA SO SO'I THUN MONG MA YIN PA'I 'DOD TSUL NI SLOB DPON LEGS LDAN 'BYED KYI GZHUNG DBU MA SNYING PO RTZA 'GREL DANG SOGS SGRAS SHER SGRON 'GREL BSHAD DANG GZHUNG LUGS KYI BYE BRAG BKOD PA'I 'KHOR LO DANG SDE BA THA DAD PA BSDUS PA RNAMS LTOS SHIG DANG SHES PAR 'GYUR RO ZHES PA'O,, BYE BRAG TU SMRA BA'I SKABS SO,, ,, DA NI MDO SDE TSAD MAR SMRA BAS MDO SDE BA ZHES SOGS KYI TSIG DON 'CHAD DE, GTZO BOR MDO SDE TSAD MAR BYAS NA GRUB MTHA' SMRA BA'I NYAN THOS SDE BA YIN PAS NA MDO SDE BA ZHES THA SNYAD 'DOGS PA DE LA, DBYE NGO NI MDZOD RTZA 'GREL SOGS SU BSHAD PA'I LUNG GI RJES 'BRANG DANG MDO DANG SDE BDUN SOGS SU BSHAD PA'I RIGS PA'I RJES 'BRANG GNYIS DANG, GZUNG 'DZIN GRANGS MNYAM GCIG CAR BA DANG, RIM 'BYUNG BA DANG, SNA TSOGS GNYIS MED PA STE RNAM PA 'DOD TSUL GYI SGO NAS GSUM YOD DO, ,GZHI'I 'DOD TSUL NI, DON DAM PA DANG KUN RDZOB KYI BDEN PA GNYIS NI RIM BZHIN DON DAM PAR DON BYED NUS PA DANG DE LTAR MI NUS PA'I CHOS SO,, PHUNG PO LNGA DANG BRTHO BRGYAD DANG SKYE MCHED BCU
, ,GNYIS KYI 'DOD TSUL PHAL CHER BYE SMRA DANG MTHUN KYANG, PHUNG PO BTAGS YOD DU 'DOD PAS GZUGS DANG GZUGS PHUNG YIN KHYAB MNYAM MA YIN PA DANG, MIG DANG MIG KHAMS GNYIS LA MU BZHI YANG 'DOD DAM SNYAM MO, ,'DUS BYAS PHUNG PO LNGA DANG 'DUS MA BYAS GSUM MAM BZHI'I THA SNYAD KYANG YOD MOD KYI, DE DAG TU GRANGS NGES PA MA YIN TE, SGRA SPYI DON SPYI DANG GZHI MTHUN DANG, GCIG DANG THA DAD DANG 'DAS PA DANG MA 'ONGS PA SOGS 'DUS MA BYAS MANG PO YOD PAS SO, ,ZHES PA NI GZHI'I RNAM BZHAG GO, LUS DANG TSOR BA DANG SEMS DANG CHOS DRAN PA NYER BZHAG BZHI DANG, KUN NYON SKYES PA SPONG BA DANG, MA SKYES PA MI SKYED PA DANG, RNAM BYANG SKYES PA 'PHEL BAR BYED PA DANG, MA SKYES PA SKYED PAR BYED PA'I YANG DAG BAR SPONG BA BZHI DANG, 'DUN PA DANG BRTZON 'GRUS DANG SEMS DANG DBYOD PA'I RDZU 'PHRUL GYI RKANG PA BZHI DANG, DAD PA DANG RTZON 'GRUS DANG DRAN PA DANG TING NGE 'DZIN DANG SHES RAB KYI DBANG PO LNGA DANG, DAD PA NAS SHES RAB KYI STOBS LNGA DANG, DRAN PA DANG CHOS RAB TU RNAM 'BYED DANG BRTZON 'GRUS DANG DGA' BA DANG SHIN SBYANGS DANG TING NGE 'DZIN DANG BTANG SNYOMS YANG DAG BYANG CHUB KYI YAN LAG BDUN DANG, YANG DAG PA'I LTA BA DANG RTOG PA DANG NGAG DANG LAS MTHA' DANG 'TSO BA DANG RTZOL BA DANG DRAN PA DANG TING NGE 'DZIN YANG DAG 'PHAGS LAM YAN LAG BRGYAD DE BYANG PHYOGS SO BDUN DANG, GZUGS CAN GZUGS LA BLTA BA DANG GZUGS MED GZUGS LA BLTA BA DANG GZUGS SDUG PA DANG NAM MKHA' MTHA' YAS DANG RNAM SHES MTHA' YAS DANG CI YANG MED DANG SRID RTZE DANG 'GOG PA'I RNAM THAR TE BRGYAD DANG
BSNAM GTAN DANG PO'I SNYOMS 'JUG NAS 'GOG PA'I SNYOMS 'JUG GI BAR MTHAR GNAS SNYOMS 'JUG DGU DANG, RTOGS RIGS MI 'DRA BA MED KYANG BRTZE BA SNYING RJE CHEN PO SOGS DANG SA DANG PHAR PHYIN SOGS KYIS THEG CHEN MCHOG TU BYED PA NA LAM GYI RNAM BZHAG STE, PHAL CHER MDZOD DANG MTHUN NO,, NYAN RANG GNYIS LA ZHUGS GNAS BRGYAD DANG NYAN THOS LA DGE 'DUN NYI SHU DANG RANG RGYAL LA TSOGS NA SPYOD PA DANG BSE RU LTA BU GNYIS DANG RDZOGS PA'I SANGS RGYAS KYANG MDZOD LTAR 'DOD PA NI 'BRAS BU'I RNAM BZHAG YIN NO, ,RGYU RKYEN TSOGS SHING 'DUS BYAS PA'I DNGOS PO RNAMS SKAD CIG MA DANG, MNGON PA SDE BDUN BKA' MA YIN PAR BYAS SHING, MNGON PA'I SDE SNOD DU GYUR BA'I BKA' NI MDO SDE DANG 'DUL BA'I SDE SNOD KYI NANG DU GNAS PA'I CHOS RNAMS KYI RANG DANG SBYI'I MTSAN NYID THOR BUR 'CHAD PA'I MDO RNAMS YIN LA, BKA' BSTAN LA SOGS PA'I LUNG NI TSIG GI RANG BZHIN YIN PAS GZUGS SU 'DUS SO,, PHRA RAB RDUL LA PHYOGS CHA YOD PAR 'DOD PA DANG MED PAR 'DOD PA GNYIS DANG, RNAM RIG MIN PA'I GZUGS RDZAS SU MED CING MIG DBANG GZUGS CAN TSANG MA MIN PA DANG, 'DUS MA BYAS KYI CHOS RNAMS DNGOS POR MED CING LDAN MIN 'DU BYED BEM PO STE RDZAS SU MED PA'I BTAGS YOD DANG, DBANG PO'I SHES PA NI YUL GYI 'DRA RNAM DANG LDAN ZHING, DE LA LUGS GSUM STE, KHRA BO LA LTAS PA'I TSE SNGO SER DKAR DMAR SOGS GZUNG BA'I RNAM PA DANG GRANGS MNYAM PA'I MIG GI RNAM SHES RIGS MTHUN DU MA GCIG CAR SKYE BAR 'DOD PA DANG, DE'I TSE DE DANG GRANGS MNYAM PA'I RNAM SHES RIGS MTHUN DU MA RIM GYIS SKYE BAR 'DOD PA DANG, DE'I TSE KHRA BO'I STENG GI KHA DOG SNA TSOGS PA RNAM SHES GCIG LA
, ,'CHAR BA MI 'GAL BAS NA KHRA BO'I RNAM CAN GYI RNAM SHES GCIG BU SKYE BAR 'DOD PA DANG GSUM MO, ,DE DAG LAS DANG PO LA LUNG RIGS KYI RJES 'BRANG GNYIS KA YOD LA, BAR BA NI LUNG GI RJES 'BRANG GI MDO SDE BA KHO NA'I LUGS SU BSHAD DE, SGRUB BYED GSAL BAR MA BSHAD PAS NA BRTAG DGOS SO,, RGYU 'BRAS MTSAN NYID PA LA DUS MI MNYAM PA ZHIG DGOS LA, DGRA BCOM PA YIN NA SBANGS RTOGS LAS MI MNYAM PAS KHYAB CING, BSAM GTAN DANG PO GSUM GYI YAN LAG GI BDE PA NI LUS SHES SU GYUR BA'I TSOR BA YIN PAS NA SGOM STOBS KYIS BSKYED PA'I LUS SHES NI BSAM GTAN GYI YAN LAG TU RUNG NGO, , MNGON SUM LA DBANG MNGON YID MNGON RNAL 'BYOR MNGON SUM RANG RIG MNGON SUM BZHI DANG, SEMS CAN GYI MNGON SUM GYI SNANG YUL LA MI RTAG PA YIN DGOS PA'I PHYIR, BDAG MED RTOGS PA'I RNAL 'BYOR MNGON SUM GYIS BDAG GIS DBEN PA'I 'DU BYED DNGOS SU DANG BDAG MED SHUGS LA RTOGS SO,, BYANG 'PHAGS LA MNYAM BZHAG PA YIN DGOS PA NI MDZOD LUGS DANG MTHUN KYANG, SANGS RGYAS KYI CHOS SKU DANG GZUGS PHUNG GNYIS KA SANGS RGYAS SU 'DOD PA NI MI 'DRA BA'I KHYAD PAR YIN NO,, ZHES PA'O,, MDO SDE BA'I SKABS SO,, ,,'KHOR LO DANG PO'I DON BZHIN DON SMRA DANG, ZHES SOGS KYI TSIG DON NI, 'DIR BSTAN 'KHOR LO DANG PO'I DON BZHIN DU DON SMRA SDE GNYIS DANG, RIM PA LTAR 'DIR BSTAN 'KHOR LO BAR BA DANG THA MA'I BSHAD LUGS BZHIN DU DBU MA BA DANG SEMS TZAM PA'I LUGS GNYIS BZHAG PA'I PHYIR NA GRUB MTHA'
BZHI KA YANG THUB PA'I GSUNG RAB KYI DGONGS PA YIN ZHING GSUNG RAB KYI DGONGS PA LA MCHOG DMAN GYI KHYAD PAR YANG YOD PAR MKHAS PA RNAMS BZHED DO, THEG CHEN LA THEG DMAN DANG MI 'DRA BA'I KHYAD PAR MANG PO YOD PA RNAMS MKHAS PA RNAMS KYIS THEG CHEN GYI MDO DANG SNGAGS KYI LUGS GNYIS SU BSDUS TE BSHAD PA YIN TE, MDO SNGAGS RE RE'ANG DBU MA BA DANG SEMS TZAM PA'I LUGS SU BKRAL BA GNYIS GNYIS YOD PA'I PHYIR RO,, RGYAL BAS LUNG BSTAN PA'I SHING RTA CHEN PO GNYIS KYIS RGYAL TSAB BYAMS MGON DANG RJE BTZUN 'JAM DBYANGS GNYIS KYI BKA' DRIN GYIS MDO SDE DGONGS 'GREL DANG BLO GROS MI ZAD PA'I MDO BZHIN DU SEMS TZAM PA DANG DBU MA PA'I SHANG RTA'I SROL GSAR DU PHYE BA DANG, BOD SNGA RABS PA RNAMS LA KLU SGRUB THOGS MED DBYIG GNYEN PHYOGS GLANG STE SHING RTA SROL 'BYED BZHIR GRAGS PA MI 'THAD PA DANG, RANG LUGS LA KLU SGRUB THOGS MED RJE BTZUN BYAMS PA STE SHING RTA SROL 'BYED GSUM RUNG BAR MKHAS PA RNAMS BZHED DO, ,DBU SEMS GNYIS KYIS PHAL CHER RGYA CHE BA'I LAM LA 'DOD PA MTHUN ZHING ZAB MO STONG PA NYID LA 'DOD PA MTHUN PA MIN NO, ,KHAMS GSUM PO THAMS CAD RNAM RIG NYID DANG SEMS TZAM DU SMRA BAS NA RNAM RIG PA DANG SEMS TZAM PA ZHES BYA'O, ,DBYE BA NI SA SDE SOGS LUNG GI RJES 'BRANG DANG MDO DANG SDE BDUN NAS BSHAD PA'I RIGS PA'I RJES 'BRANG GNYIS DANG, DBANG SHES KYI GZUNG RNAM BDEN PAR YOD PAR 'DOD PA'I RNAM BDEN PA DANG, DE RDZUN PAR 'DOD PA'I RNAM RDZUN PA GNYIS SO,, 'DIR BSTAN 'KHOR LO GSUM LAS LEGS PHYE'I CHOS 'KHOR NI SGRA JI BZHIN PA'I NGES DON DANG GZHAN GNYIS NI SGRA JI
, ,BZHIN MA YIN PA'I DRANG PA'I DON NO, ,DRANG DON DANG NGES DON GANG GIS BYED SNYAM NA, RTON PA BZHI DANG RIGS PA BZHIS TSIG DON GNYIS DANG, DGONGS PA CAN BZHI DANG LDEM DGONGS BZHIS GSUNG RAB LA DRANG NGES 'BYED DO,, 'DIR BSTAN 'KHOR LO DANG PO NI SGRA JI BZHIN PA MA YIN PA'I DRANG DON YIN TE, KUN BTAGS RANG GI MTSAN NYID KYIS MA GRUB PAR STON PA DANG GZUNG 'DZIN RDZAS GZHAN DU MA GRUB PAR STON PA'I LUNG DANG, KUN BTAGS RANG GI MTSAN NYID KYIS MA GRUB PAR SGRUB PA DANG, PHYI ROL GYI DON MED PAR SGRUB PA'I RIGS PAS GNOD PA'I PHYIR DANG, KUN BTAGS THA SNYAD DU YOD PA DANG, PHYI DON SNANG BYED KYI BAG CHAGS LA BRTEN NAS PHYI ROL DON SNANG GI RNAM SHES 'BYUNG BA LA DGONGS PA'I PHYIR DANG, RE ZHIG CHOS KYI BDAG MED STON MI RUNG BA'I 'DUL BYA RNAMS GANG ZAG GI BDAG MED RTOGS PA LA BZHUGS PA'I CHED DU YIN PA'I PHYIR RO, ,'DIR BSTAN 'KHOR LO BAR BA THEG CHEN GYI ZAB LAM RGYAS PAR STON PA'I MDO DE SGRA JI BZHIN PA MIN TE, CHOS THAMS CAD NGO BO NYID MED PAR GSUNGS PA NI MTSAN NYID GSUM GYI NGO BO NYID MED PA LA DGONGS PA'I PHYIR DANG, NGO BO NYID MED PAR GSUNGS PA SGRA JI BZHIN PAR MI RUNG BA'I PHYIR DANG, SGRA JI BZHIN PAR GZUNG NA MTSAN NYID GSUM KA LA SKUR 'DEBS SU 'GYUR BA'I PHYIR RO, ,MTSAN NYID GSUM JI LTAR NGO BO NYID MED PA DE LTAR MA SKYES PA SOGS KYI PHYIR MA SKYES PA SOGS SU GSUNGS SHING, SKYE BA MED PA'I CHOS LA BZOD PA THOB PAR GSUNGS PA NI, 'KHOR BA LA
THOG MA'I SKYE BA MED PA DANG, SKYES ZIN SLAR YANG DE NYID DU SKYE BA MED PA DANG, CHOS SNGON MED PA GZHAN SKYE BA MED PA DANG, KUN BTAGS LA RANG MTSAN GYIS SKYE BA MED PA DANG, GZHAN DBANG LA RANG DBANG PA'I SKYE BA MED PA DANG, YONGS GRUB LA GZHAN 'GYUR GYI SKYE BA MED PA DANG, ZAD SHES THOB PA LA KUN NYON SKYE BA MED PA DANG, CHOS SKU LA KHYAD PAR DU 'GRO BA'I SKYE BA MED PA STE DGONGS GZHI BRGYAD KYIS SO, ,SOGS SGRAS MTHAR THUG THEG PA GCIG DANG, YOD MIN MED MIN SOGS SU GSUNGS PA'I DGONGS GZHI BSDUS PAR BSHAD DO, ,GZUNG 'DZIN RDZAS GZHAN DU MED PA DANG RGYU 'BRAS DANG MTSAN MTSON SOGS KYI BYA BYED KYI CHA BDEN PAR MED PA LA DGONGS NAS CHOS THAMS CAD BDEN PAR MED PA DER BSHAD CES SLOB DBON CHOS GRAGS KYANG GSUNGS SO, ,DER RANG MTSAN ZHES PA DPE DAG MA DAG DPYAD DGOS TE, 'GREL BAR DE LA BSHAD PA MA BYAS PA'I PHYIR DANG, GZUNG 'DZIN GNYIS SU SNANG BA LTAR MED PA LA DGONGS PAR BSHAD PA'I PHYIR RO, ,GAL TE DPE DAG PA YIN NA, GZUNG 'DZIN RANG MTSAN ZHES YAR SBYOR RAM, RANG MTSAN RGYU 'BRAS ZHES MAR SBYOR BA GANG YIN DANG, DON BSHAD LUGS KYANG GANG YIN DPYAD DGOS SO, ,SNGA MA LUNG GI RJES 'BRANG SEMS TZAM PAS KHAMS TE RIGS NI NUS PA SO SOR NGES SHING BDEN PAR GRUB PA'I PHYIR THEG PA GSUM GYI RIGS SO SOR NGES PA DANG RIGS CHAD PA'I GANG ZAG GSUNG RAB LA THOS SOGS KYIS ZHUGS KYANG SKYO SHING SOGS DANG NGES 'BYUNG GI BSAM PA GTAN NAS MI SKYE BAR 'DOD DO, ,PHYI MA RIGS PA'I RJES 'BRANG SEMS TZAM PAS SGRIB PA MI RTAG PA YIN PA DANG,
, ,DE GZHOM BYED KYI THABS YOD PA DANG, THABS DE SHES MKHAN YOD PA DANG, DE STON MKHAN YOD PA DANG, DE LA DON GNYER SKYE BA SRID PA'I PHYIR RIGS CHAD PA MED PAR MA ZAD MTHAR THUG THEG PA GCIG TU'ANG 'GRUB PA YIN NO, ,KUN BTAGS BDEN GRUB TU 'DZIN PA SGRO 'DOGS DANG MTSAN NYID GZHAN GNYIS PO BDEN MED DU 'DZIN PA SKUR 'DEBS DANG DE GNYIS LAS BZLOG PA CHOS RNAMS SGRA RTOG GI GZHIR RANG MTSAN GYIS MA GRUB PAR RTOGS PA'I LAM NI DBU MA'I LAM YIN NO, ,DNGOS PO KUN BDEN PAR GRUB NA BYED PA PO GANG ZAG KUN RDZOB TU YOD CES BSHAD PA'I DON CI YIN ZHE NA, KUN RDZOB DANG DON DAM PA STE BDEN PA GNYIS SU YOD PAR 'JOG TSUL GNYIS YOD PA LAS, 'JOG TSUL DANG PO NI DBU MA PA DANG SEMS TZAM PAS DON DAM PAR YOD MED RTZOD PA'I DON DAM DANG KUN RDZOB TU YOD PA YIN LA, 'JOG TSUL GNYIS PA NI, KUN NAS NYON MONGS PA SLONG DU RUNG BA DANG MING DANG BRDA'I THA SNYAD KYIS BTAGS PA'I NGO BO NYID DANG THA SNYAD 'DOGS PA'I MTSAN MA'I GZHIR GYUR BA YIN MIN GYIS KUN RDZOB DANG DON DAM BAR YOD PAR GSUNGS PA TZAM YIN NO, ,RDZAS YOD BTAGS YOD LA YANG GNYIS SOGS KYI DBYE BA YOD PA'I PHYIR, TSIG SKAM DRANGS NAS DNGOS PO RDZUN PAR GRUB PAR 'KHRUL LO, ,SGRA RTOG GIS GNAS TSUL MA YIN PAR SGRO BTAGS PA'I CHA NI KUN BTAGS YIN LA, DBYE NA MTSAN NYID YONGS SU CHAD PA'I KUN BTAGS DANG RNAM GRANGS PA'I KUN BTAGS GNYIS SO, ,DE GNYIS LA MED PA DANG MA SKYES
PA'I KUN RDZOB RIM BZHIN 'JOG GO, GNYIS SNANG 'KHRUL BA'I GZHI'AM GNYIS SNANG 'KHRUL BA'I NGO BO NI GZHAN DBANG YIN LA, DBYEN DAG PA'I GZHAN DBANG DANG MA DAG PA'I GZHAN DBANG GNYIS SO, DE GNYIS LA RIM BZHIN RNAM PAR MI RTOG PA'I YE SHES DANG NYON MONGS RNAMS 'JOG GO, BDAG GNYIS SU KUN BTAGS BA LTAR GRUB PAS STONG PA'I DE BZHIN NYID NI YONGS GRUB DANG, DE LA DBYE NA, BDAG MED GNYIS DANG, DE RE RE LA'ANG STONG NYID NYI SHU SOGS YOD DO, ,SGRAS BRJOD KYIS DBYE NA, STONG NYID DON DON DAM DANG, MYANG 'DAS THOB PA DON DAM DANG, LAM BDEN SGRUB PA DON DAM DANG GSUM YOD DO, SNOD BCUD KYI 'JIG RTEN GYI KHAMS CHAGS PA DANG 'JIG PA DANG GNAS PA SOGS MDON PA 'OG MA DANG CHA 'DRA YANG, 'DOD PA SO DRUG DANG GNAS RIGS BCO BRGYAD KYI GZUGS KHAMS DANG, RI'I DBYIBS LA SOGS PA 'DRA BA MIN ZHING, NGES PA'I LAS 'DAG PA SOGS DANG, PHUNG PO LNGA LA SOGS PA'I DBYE TSUL DANG DGE BA LA SOGS PA'I DBYE BA MI 'DRA BA YANG SNGAR BSHAD PA LTAR MANG PO YOD DO, ,SHES BYAR KUN RDZOB DANG DON DAM BDEN PA GNYIS SU NGO BO GCIG LA LDOG PA THA DAD PAS DBYE BA LAS, KUN NYON SKYE RUNG GI DMIGS PA'I CHA NAS BZHAG PA'I THA SNYAD PA'I CHOS DE, KUN RDZOB BDEN PA'I NGO BO DANG, RNAM GRANGS NI, THA SNYAD BDEN PA DANG GZHI'I CHOS SOGS SO, ,SGRAS BRJOD KYIS DBYE NA, KUN BTAGS BTAGS PA'I KUN RDZOB DANG, GZHAN DBANG SHES PA'I KUN RDZOB DANG, YONGS GRUB BRJOD PA'I KUN RDZOB STE GSUM MO, ,RNAM DAG LAM GYI DMIGS PA MTHAR THUG DE, DON DAM BDEN PA'I NGO BO DANG, RNAM GRANGS NI, CHOS NYID DANG DE NYID SOGS DANG, DBYE BA NI SNGAR BSHAD ZIN TO, ,RANG GI
, ,ZHAL BYA MNGON GYUR DANG LKOG GYUR GYI DBANG GIS TSAD MAR MNGON SUM DANG RJES DPAG GNYIS SU DBYE BA DANG, MNGON SUM LA RIGS PA'I RJES 'BRANG LTAR NA DBANG MNGON YID MNGON RANG RIG MNGON SUM RNAL 'BYOR MNGON SUM BZHI DANG, LUNG GI RJES 'BRANG LTAR NA DBANG MNGON YID MNGON 'JIG RTEN PA'I MNGON SUM DAG PA'I MNGON SUM BZHI DANG, DBANG MNGON SA 'OG MA PA'I RGYUD KYIS BSDUS PA NI GZUNG 'DZIN RDZAS GZHAN DU SNANG BAS 'KHRUL BAR 'DOD DO, ,MING BRDA MA SBYAR BA'I SNGA ROL TU LTO LDIR BAL DE BUM PA'O SNYAM PA'I BLO SKYE BA MED PA'I PHYIR CHOS DE'I BDAG NYID DU 'GAL BA'I RIGS PA DANG, CHOS DE'I MING MANG BA'I PHYIR DON GCIG BDAG MANG POR 'GAL PA'I RIGS PA DANG, MING GCIG DON GCIG BUR 'JUG PA MA NGES PA'I PHYIR BDAG 'DRES PAR 'GAL PA'I RIGS PAS CHOS RNAMS MING BRDA'I GZHIR RANG GI MTSAN NYID KYIS MA GRUB PAR SGRUB PO, ,MING TSOL BA DANG, DON TSOL BA DANG, NGO BO NYID DU 'DOGS PA TSOL BA DANG, KHYAD PAR DU 'DOGS PA TSOL BA BZHIS BTZAL BA BZHIN MED PA'I PHYIR MING BRDA'I GZHI DER RANG GI MTSAN NYID KYIS GRUB PA DE MED DO, ,LHAN CIG DMIGS PA NGES PA'I PHYIR SNGON PO DANG SNGON 'DZIN DE RDZAS GZHAN MIN NO, ,RDUL PHRA RAB GCIG LA PHYOGS BZHI STENG 'OG NAS PHRA RDUL DRUG GIS BSKOR BA'I TSE DBUS RDUL GYI SHAR NGOS NUB PHYOGS LA MI BLTA NA CHA SHAS SU 'GYUR ZHING, BLTAS NA SHAR RDUL GYI GO SAR NUB RDUL YANG YOD PAR 'GYUR BAS RDUL JI TZAM BSAGS KYANG RAGS PAR MI 'GYUR RO, ,RDUL PHRA RAB YIN KYANG BYE SMRA'I 'DOD PA LTAR CHA MED MIN PA CI ZHIG 'GAL, MKHAS PA MANG
POS BKAG PA'I PHYIR DBU SEMS KYIS CHA MED KYI RDUL DE 'DOD ZER BA NI 'KHRUL LO, ,PHYI DON YOD NA MNYAM BZHAG YE SHES KYI NGOR YOD DGOS PA LA MED PA'I PHYIR DANG, RLAN SHES PHOR GANG LTA BU'I DNGOS PO GCIG LA LAS CAN GYI LHA MI YI DVAGS LTA BU'I YID DE RNAM SHES KYIS MTHONG TSUL MI 'DRA BA MANG PO YOD PA'I PHYIR DANG, SKYES BU GCIG GI BYANG GZUGS DE DGRA GNYEN LA YID DU 'ONG MI 'ONG DU MAR SNANG BA DANG, SBYOR BA STE RNAL 'BYOR BA LA MOS PA LTAR SA CHUR SNANG BA LA SOGS PA DANG, RMI LAM LA SOGS PA DANG MTSUNGS PA'I PHYIR PHYI DON MED CING, GZUGS SOGS SEMS KYI BDAG NYID TZAM DU BDEN PAR YOD DO, ,GZUGS SOGS DON RNAMS RTOG PA'I ZHEN GZHIR RANG MTSAN GYIS MED PAS RTOG MED DBANG SHES LA SGRA RTOG GI GZHIR RANG MTSAN GYIS GRUB PA DER SNANG BA 'KHRUL BAR GRUB PAS NA GZUGS SOGS DBANG SHES DE DANG RDZAS GZHAN YIN PA KHEGS SO, ,CHOS KYI BDAG 'DZIN NI SPANG BYA THAMS CAD KYI RTEN TE GZHI RTZA MTHAR THUG YIN PA'I PHYIR CHOS KYI BDAG 'DZIN 'DI BSAL NA NYON SGRIB SHES SGRIB KYIS BSDUS PA'I KUN RTOG BRGYA STE MANG PO DANG SOGS SGRAS BSDUS PA DE DAG GI SA BON BAG CHAGS DANG BCAS PA THAMS CAD LDOG PAR 'GYUR RO, 'JUG PA'I SHES PAR RAGS PAR SNANG BA DE RNAM BDEN RDZUN GNYIS KYIS RTZOD PA'I GZHI YIN ZHING, RTZOD TSUL NI SNANG BA LTAR DU BDEN MI BDEN NAM YOD MED DAM, SNANG BDE LA RMONGS PA STE MA RIG PAS MA BSLAD PA DANG BSLAD PA LA MI MTHUN PAS RNAM BDEN RDZUN GNYIS RTZOD PA YIN GYI, DBU SEMS GNYIS KYIS YIN MIN RTZOD PA'I SKABS KYI BDEN RDZUN DANG SBYIR YOD MED DANG DNGOS PO YIN MIN SOGS LA RTZOD PA MIN NO, ,RNAM BDEN PA LA DBYE NA GSUM STE, SGONG PHYED
, ,TSAL PA DANG, GZUNG 'DZIN GRANGS MNYAM PA DANG, SNA TSOGS GNYIS MED PA'O, ,DE GSUM RIM BZHIN SHES PA'I GZUNG BA DANG 'DZIN PA RDZAS THA DANG DU 'DOD PA BRAM ZE BDE BYED DGA' BA DANG, GZUNG BA'I GRANGS JI SNYED PA DE SNYED KYI RNAM CAN GYI SEMS DU MA GCIG CAR SKYE BAR 'DOD PA SH'AKYA BLO DANG, YUL SNA TSOGS SNANG BA'I RNAM PAR SHES PA'I GZUNG RNAM GCIG BU SKYE BAR 'DOD PA CHOS GRAGS ZHABS LTA BU YIN NO, ,RNAM RDZUN PA LA GNYIS TE, RGYAL BA LA GNYIS SNANG GI DRI MA YOD PA DANG MED PAR 'DOD PAS DRI BCAS DRI MED DU GRAGS KYANG, RANG LUGS LA SEMS KYI NGO BO LA DRI MAS BSLAD PA DANG MA BSLAD PAR 'DOD PAS DRI BCAS DRI MED GNYIS YOD DO, ,KHA CIG RNAM RDZUN PA'I LUGS LA PHYI DON YUL DU BYAS PA'I TSAD 'BRAS YOD DO LO, ,DE MI 'THAD DE, PHYI ROL GYI DON DU GRUB NA SEMS TZAM ZHES PA'I DON CI ZHIG STE MED PAR 'GYUR RO, ,PHYI ROL DON 'DZIN GYI RTOG PA'I NGOR PHYI DON YOD PA LA BYED ZER NA, RNAM BDEN PA'I LUGS LA YANG DE LTAR 'DOD PA MTSUNGS PAS DE RNAM DZUN PA KHO NAR SBYAR BA 'KHRUL LO, ,CHOS KUN SEMS YIN ZER BA MI 'THAD PA'I RTZINGS GTAM YIN TE, SKYON DANG YON TAN DANG 'KHOR BA DANG MYANG 'DAS RNAMS GCIG TU 'GYUR BA'I SKYON SOGS MANG PO YOD PA'I PHYIR RO, ,'O NA SEMS TZAM ZHES PA'I DON CI YIN ZHE NA, RMI LAM NA MIR SNANG BA DE SEMS YIN PAR MI SMRA BAS SEMS DE MIN ZHING SEMS LAS RDZAS GZHAN PA MIN PA BZHIN DU, SEMS LA SNANG ZHING GRAGS PA'I CHOS RNAMS SEMS DE MIN ZHING SEMS LAS RDZAS GZHAN PA MEN PA DE YIN NO, ,KUN GZHI RNAM SHES NI NGO BO MA BSGRIB LA LUNG DU MA BSTAN PA'I SEMS RTOGS PAR
DKA' BAS PHRA BA DANG LKOG TU GYUR BA, DGE MI DGE SNA TSOGS KYI BAG CHAGS BSGO GZHI YIN PAS SA BON THAMS CAD PA'O, ,NYON YID NI KUN GZHI DER DMIGS PA'I DAR SEMS KHYAD PAR CAN NO, ,RNAM SHES TSOGS BRGYAD NI SLOB DPON THOGS MED SKU MCHED RJES 'BRANG DANG BCAS PAS 'DOD DO, KUN GZHI MA BSHAD PA RNAMS 'DZIN TSUL MI 'DRA BA'I RTOG PA GNYIS GCIG CAR MNGON DU GYUR BA MIN PA SOGS LUNG RIGS DU MA YONG BA'I PHYIR RNAM SHES TSOGS BRGYAD 'DOD PA MIN NO, ,DE NI TSAD MA SDE BDUN RJES 'BRANG GI LUGS SO, ,TING NGE 'DZIN SGOM PA'I THABS YID LA BYED TSUL DANG DMIGS PAR MKHAS PA ZHIG DGOS PA'I PHYIR YID BYED DNGOS GZHI MTSAN NYID SO RIG NAS SBYOR MTHA'I 'BRAS BU'I YID BYED KYI BAR BDUN DANG, YID LA BYED PA GZHAN BZHI BCU NI, TSIG DON GNYIS DANG, LUS SOGS BZHI DANG, MOS PA DANG DE KHO NA NYID GNYIS DANG, SLOB SOGS GSUM DANG, YONGS SU SHES PA SOGS GSUM DANG, RNAM RTOG DANG BCAS PA'I GZUGS BRNYAN SOGS BZHI YID LA BYED PA LA SOGS PA'O, ,DMIGS PA GANG ZHE NA, MTSAN MA'O, ,DE LA DBYE NA, DMIGS PA DANG, GZHI DANG, YONGS SU SPANG BAR BYA BA DANG, SO SOR BRTEN PAR BYA BA'I MTSAN MA BZHI DANG, GZHAN YANG MTSAN MA SUM CU RTZA GNYIS YOD DE, RANG GI SEMS KYI MTSAN MA NAS MNGON PAR BSGRUB PA'I MTSAN MA'I BAR SO GNYIS SA'I DNGOS GZHIR BSHAD DO, ,YID LA BYED PA DE DAG BSDUS NA MOS PA YID LA BYED PA DANG DE KHO NA NYID YID LA BYED PA GNYIS SAM, SEMS NANG KHO NAR 'JOG PA LA SOGS PA'I SEMS GNAS DGU 'ANG BSHAD PA DER BSDUS SO, ,GZHAN YANG NYES PA LNGA SPONG BA DANG 'DU BYED BRGYAD DANG LDAN TSUL DANG, SOGS
, ,SGRAS ZHI GNAS KYI DMIGS PA BZHI LA MKHAS PA DANG, YID BYED DE DAG LAM LNGA GANG LA SBYOR BA SOGS SHES PAR BYANG GOS PAR BSTAN TO, ,YON TAN SDE TSAN BCU GNYIS DANG, YON TAN GYI GRANGS GONG DU 'PHEL BA DANG, MTHU PHUL DU BYUNG BA GONG DU 'PHEL BA DANG, PHAR PHYIN LHAG TSUL DANG, RNAM SMIN GYI SKYE BA GONG DU 'PHEL BA'I KHYAD PAR STE BZHI SOGS KYIS SA BCU DANG PHAR PHYIN BCU'I KHYAD PAR SHES PAR BYA'O, , DBANG PO LNGA PO THAMS CAD LA SO SOR YON TAN BRGYA PHRAG BCU GNYIS 'BYUNG BA DANG, MIG SOGS DBANG PO LNGA GNAS GYUR PAS DON LNGA PO THAMS CAD LA 'JUG PA SOGS DANG, YID GNAS GYUR BAS RNAM PAR MI RTOG PA'I YE SHES RNAM PAR DAG PA DANG, DON DANG BCAS PA'I 'DZIN PA GNAS GYUR PAS ZHING RNAM PAR DAG PA DANG, RNAM RTOG GNAS GYUR BAS YE SHES DANG 'PHRIN LAS DUS THAMS CAD DU THOGS PA MED PA DANG, RTEN GNAS GYUR PAS MI GNAS PA'I MYANG 'DAS DANG, 'KHRIG PA GNAS GYUR BAS BDE BAR GNAS PA SOGS DANG, NAM MKHA'I 'DU SHES GNAS GYUR BAS NAM MKHA'I MDZOD DU 'GYUR BA SOGS LA 'BYOR BA DAM PA 'THOB PAR 'GYUR BA STE GNAS GYUR BDUN GYIS 'BYOR BA BDUN 'THOB PA DANG, NGO BO NYID SKU DANG YE SHES CHOS SKU DANG LONGS SKU DANG SBRUL SKU STE BZHI DANG, CHOS LONGS GNYIS DANG SBRUL SKU GSUM STE SKU LNGA SOGS DANG, MDZAD PA BCU GNYIS DANG, MDO SDE RGYAN LAS BSHAD PA'I 'PHRIN LAS BCU DANG, MNGON MTHO NGES LEGS LA 'GOD PA'I 'PHRIN LAS GNYIS DANG, MNGON RTOGS RGYAN LAS BSHAD PA'I 'PHRIN LAS NYER BDUN DANG, GZUNG RGYAL GYI MDO NAS BSHAD P'I
'PHRIN LAS SO GNYIS DANG, GZHAN YANG, 'DIR MA BSHAD PA'I GZHI LAM 'BRAS GSUM GYI KHYAD PAR DBUS MTHA' RNAM 'BYED DANG CHOS DANG CHOS NYID RNAM 'BYED GNYIS DANG MDO SDE RGYAN DANG DGONGS 'GREL DANG THEG BSDUS RTZA 'GREL LA SOGS PA LAS BSHAD PA RNAMS SHES PAR BYA'O, ,ZHES PA'O, ,RNAM RIG PA'I SKABS SO,, ,,DA NI MTHA' BRAL DBUS SMRA NGO BO NYID MED PAS, ZHES SOGS KYI GZHUNG GI TSIG DON BSHAD PAR BYA STE, CHOS RNAMS DON DAM PAR YONG PA'I RTAG MTHA' DANG, THA SNYAD DU MED PA'I CHAD MTHA' DANG BRAL BA'I DBUS 'THAD PAR SMRA BA DANG, BDEN GRUB KYI NGO BO NYID MED PAR SMRA BAS DBU MA PA DANG NGO BO NYID MED PAR SMRA BA ZHES BYA BA'I DBYE BA NI THAL 'GYUR BA DANG RANG RGYUD PA GNYIS SU YOD PA DANG, DE GNYIS LAS GZHAN PA'I DBU MA PAR KHAS 'CHE BA DAG NI MING DBU MA PAR BTAGS PA TZAM YIN GYI DON LA DBU MA PAR MI RUNG NGO,, THA SNYAD DU YANG YOD PA MIN PA'I MED MTHA' DANG BDEN GRUB KYI DNGOS POR YOD PA'I RTAG MTHA' BKAG NAS RTEN 'BYUNG GI CHOS BDEN GRUB RNAM PAR BCAD TZAM GYI MED DGAG DBU MA YIN PAR 'DOD PA MTSUNGS PAS THAL RANG GNYIS KA DBU MA PA YIN KYANG, RANG NGOS NAS GRUB PA DANG PHYI ROL DON DU MA GRUB PA LTA BU RTAG CHANG PHRA MO'I MTHA' KUN DANG BRAL BA DE NI THAL 'GYUR BA'I LUGS YIN NO,, THEG CHEN GYI BSTAN PA SHER PHYIN GYI MDO'I DGONGS PA 'GREL MKHAN BYUNG BA'I RIM PA NI, STON PA THUB PA'I DBANG PO MYA NGAN LAS 'DAS PA'I RJES SU LO BZHI BRGYA'I DUS NA DPAL MGON 'PHAGS PA KLU SGRUB KYIS KLU'I YUL NAS THEG CHEN GYI MDO YUM 'BUM PA LA SOGS PA SBYAN DRANGS NAS YUM GYI MDO'I DGONGS PA MTHA' GNYIS SPANGS PA'I DBU MAR BKRAL
, ,BA'I SHING RTA'I SROL PHYE BA'O,, LO DGU BRGYA LON PAR YUM GYI MDO'I DGONGS PA SEMS TZAM DU BKRAL BA'I SHING RTA'I SROL PHYE BA NI 'PHAGS PA THOGS MED KYIS BYAS SO, ,RTZA BA SHES RAB KYI DGONGS PA SLOB DPON SANGS RGYAS BSKYANGS KYIS THAL 'GYUR BA'I LUGS SU BKRAL, DE LA SLOB DPON BHA BYA KA RA STE LEGS LDAN 'BYED KYIS SKYON BZUNG NAS DGAG PA MDZAD DE RTZA SHE'I DGONGS PA DBU MA RANG RGYUD PA'I LUGS SU BKRAL BA'I SHING RTA'I SROL PHYE'O, ,SLOB DPON ZLA BA GRAGS PAS LEGS LDAN GYI LUGS DE LEGS PAR BKAG NAS RTZA SHE'I DGONGS PA RANG RGYUD PA MAN CHAD DANG THUN MONG MIN PAR BSGRUB, RDO'I RJES SU SLOB DPON ZHI BA 'TSOS RANG RGYUD GNYIS PA STE RNAL 'BYOR SPYOD PA'I DBU MA RANG RGYUD PA'I LUGS GSAL BAR BYAS SO, ,KHA CIG RIGS SHES KYIS DBYAD BZOD DU MA GRUB PA LA 'KHRUL NAS CHOS THAMS CAD CI YANG MED ZER BA DANG, KHA CIG SNYING PO RTAG BRTAN STON PA'I MDO'I TSIG ZIN LA BRTEN NAS KUN RDZOB PA'I CHOS GZHAN GYIS STONG PA'I BDE GSHEGS SNYING PO ZHES BYA BA'I RTAG PA'I BDAG SMRA BA DANG, KHA CIG THA SNYAD DU YOD PAS YOD PA'I GO MI CHOD PAS NA BDEN PA GNYIS YOD PAR MI 'DOD ZER BA DANG, KHA CIG RANG RGYUD KYI DAM BCA' MED PAR GSUNGS PA LA 'KHRUL NAS THAL 'GYUR BA LA RANG LUGS MED ZER BA DANG, KHA CIG 'JIG RTEN PA'I BLO LHAN SKYES DE KHO NA NYID LA TSAD MA MIN PAR GSUNGS PA LA 'KHRUL NAS THAL 'GYUR BA'I LUGS LA TSAD MA MED PAS NA TSAD MAS GRUB PA MED ZER BA LA SOGS PA RTAG CHAD KYI MTHAR LHUNG BA RNAMS DBU MA PAR
RLOM KYANG DBU MA PA MIN NO, ,KHYAD PAR DU ZLA BA GRAGS PA'I LUGS BZUNG BAR RLOM KYANG, KUN MKHYEN TZONG KHA PA CHEN PO LA KUN TU DGRAR 'DZIN PA'I STAG LO KHYOD RANG LA 'GAL BA DANG 'KHRUL BA MANG PO YOD DO, ,DE DAG GANG ZHE NA, SANGS RGYAS BCOM LDAN 'DAS THAMS CAD MKHYEN PA YIN YANG JI SNYED DE KUN RDZOB BDEN PA MI MKHYEN PAR 'DOD PA 'GAL LO, ,SANGS RGYAS KYIS NA SEMS MED ZER BA NI ZAD BYED PA DANG DPYOD PA PAS KUN MKHYEN MED PAR 'DOD PA'I LUGS NGAN PA DBU MA PA'I LUGS SU 'KHRUL LO, ,DON DAM BDEN PA BRTEN NAS 'BYUNG BA DANG TSUGS THUB TU GRUB PAR 'DOD PA CHES CHER 'GAL LO, ,DGE MI DGE'I LAS DE DAG GI 'BRAS BU BDE SDUG 'DOD PA DANG RNAM SMIN TE YI DVAGS KYI RNAG KHRAG DANG LHA'I BDUD RTZI LA LONGS SPYOD PA'I DBANG MNGON TSAD MA GTAN MED DU 'DOD PA 'GAL LO, ,'JUG PA LAS, GANG PHYIR MYU GU SA BON LAS GZHAN MIN, ,DE PHYIR MYUG TSES BON ZHIG PA MED, ,CES SOGS LA 'KHRUL NAS MA BRTAGS PA'I BLO LHAN SKYES KYI NGOR 'BRAS BU'I DUS SU RGYU MA ZHIG PAR GNAS PAS NA, BSKAL CHEN DU MAR MA ZHIG PA'I LAS KYIS 'BRAS BU BSKYED PAR 'DOD NA RGYU 'BRAS DUS MNYAM DU 'GYUR BAS 'KHRUL LO; ;BSAGS NAS BSKAL PA'I BAR DU MI 'JIG PA'I LAS KHAS BLANGS PA DANG DE DBU MA BA'I LUGS SU 'DOD PA 'GAL LO, ,KUN RDZOB BDEN PA NI 'JIG RTEN GYI NGOR YID KYI THAL 'GYUR BA LA MED PAS NA, RANG LUGS LA ZAB RGYAS MI 'DOD PA DANG DE BDEN PA GNYIS RNAM PAR GZHAG PA LA MKHAS PA'I DBU MA PA'I LUGS SU 'DOD PA 'GAL LO, ,MA BRTAGS MA DBYAD PA'I NGOR SHES BYA TZAM BDEN GNYIS KYI DBYE GZHIR 'DOD PA DANG BRTAGS SHING DBYAD PA'I RIGS
, ,SHES KYI NGOR RNYED PA'I DON DBYE BAR BKOD PA 'GAL LO, ,BDEN GRUB KYIS STONG PAR RTOGS PA MIN YANG BDAG 'DZIN SUN 'BYIN PA'I THAR LAM RIGS SHES KYIS LEGS PAR DBYAD NGO'I SPROS BRAL ZHES BYA BA GCIG 'DOD PA DANG ZHI SGO GNYIS SU MED PAR THAL 'GYUR PA'I GZHUNG NAS BYUNG BA LTAR 'DOD PA 'GAL LO, ,CI YANG MA BSGOM PA STE CI YANG YID LA MI BYED PA DANG DE STONG NYID BSGOM PA YIN PAR 'DOD PA 'GAL LO,, SA MYUG DE RDZAS GZHAN YIN PA TZAM GYIS GZHAN SKYE KHAS LEN PA DANG BDAG THA SNYAD DU YOD PAR 'DOD PA TZAM GYIS BDAG SKYE MI 'DOD PA NI 'GAL LO, ,BSKAL PA GRANGS MED MANG POR RIGS GNAS KUN LA BSLAB KYANG 'BRAS BU SANGS RGYAS PA'I DUS NA JI SNYED PA GCIG KYANG MI SHES PA NI LAM BGROD LUGS KYI RIM PA LA RMONGS PA'I 'KHRUL BA YIN NO, ,LHAG MED MYANG 'DAS THOB PA'I SANGS RGYAS RANG SNANG LA GZUGS RIG GTAN NAS MED PA DANG SKU BZHI 'DOD PA 'GAL LO, ,'DI DAG RIGS PA'I 'PHUL YIN NAM SNYAM STE, PHYOGS SNGA SMRA BAS, DE DAG SANGS RGYAS RANG SNANG LA MED MNYAM DANG, GZHAN NGOR YONG MNYAM DU 'DOD PA'I PHYIR, MNGON SUm DANG RJES DPAG GNYIS 'DOD PA DANG TSAD MA MI 'DOD PA 'GAL LO, ,SGRUB BYED KYI RIGS PA YOD PA DANG TSAD MAS GRUB PA'I DNGOS PO MED PAR 'DOD PA 'GAL LO, ,'DI DAG KYANG RIGS PA'I 'PHUL YIN GYI DNGOS 'GAL MIN TE, PHYOGS SNGA SMRA BAS, DE DAG MA BRTAGS 'KHRUL BA'I NGOR YOD MNYAM DANG THAL 'GYUR BA'I RANG LUGS LA MED MNYAM DU 'DOD PA'I PHYIR, PHAR PHYIN THEG PA NAS BSHAD PA'I SANGS RGYAS KYI CHOS MA 'DRES PA BCO BRGYAD
DANG STOBS BCU SOGS THOB PA DANG 'KHOR BA SHIN TU PHRA BA'I RTZA BA RNAM RTOG GI BZHON PAR GYUR BA'I LAS RLUNG NYI KHRI CHIG STONG DRUG BRGYA MA SPANGS PA'I RDZOGS PA'I SANGS RGYAS 'DOD PA 'GAL LO, ,KHYOD KYIS 'JIG LTA KUN BTAGS DANG LHAN SKYES KYI 'DZIN STANGS MI MTHUN PAR 'DOD PA BKAG PAS NA, DA RTAG GCIG RANG DBANG CAN DU 'DZIN PA'I 'JIG LTA DANG NGA BDEN PAR GRUB PAR 'DZIN PA'I 'JIG LTA GNYIS 'DZIN STANGS MTHUN PAR 'DOD DGOS LA; DE LTAR NA SEMS TZAM PA MAN CHAD KYI RANG SDES 'JIG LTA'I ZHEN YUL SGRUB PA DANG 'GOG PA GNYIS KA YIN PAR THAL BAS 'GAL BA DANG, BDAG MED PHRA BA DANG RAGS PA RTOGS PA'I LTA BA GNYIS 'DZIN STANGS KYI YUL GCIG TU 'GYUR BAS NA 'GAL BA 'DU BAR 'GYUR RO, ,KUN GZHI RNAM SHES YOD PA DANG PHYI DON YOD PAR 'DOD PA 'GAL LO, ,DON DAM BDEN PA RIGS SHES KYIS GRUB PA'I DON YIN PA DANG 'PHAGS PA'I MNYAM GZHAG YE SHES KYI 'DZIN STANGS KYI YUL MED PAR 'DOD PA 'GAL LO, ,MNGON PA NAS BSHAD PA'I BDAG MED MNGON SUM DU RTOGS PA'I BLO RNAL 'BYOR MNGON SUM MIN PA DANG DE NAS BSHAD PA'I BDAG MED MNGON GYUR DU RTOGS PAR 'DOD PA 'GAL LO, ,'KHOR BA RAGS PA'I RTZA BA NYON MONGS CAN GYI MA RIG PA DANG 'KHOR BA PHRA PA'I RTZA BA MA RIG BAG CHAGS KYIS DANG, 'KHOR BA SHIN TU PHRA BA'I RTZA BA LAS RLUNG DANG KHAMS 'PHO BA'I CHAGS PA ZHES 'KHOR BA'I RTZA BA GSUM 'DOD PA DANG, ZHI SGO GCIG PAR 'DO PA 'GAL LO, ,TSAD MA'I MDO DANG SDE BDUN NANG RIGS PA'I BSTAN BCOS YIN PA BKAG PAS NA, DE DAG MU STEGS PA'I BSTAN BCOS SU 'DOD DGOS LA, DE LTA NA MU STEGS PA'I LUGS DE 'GOG PA'I BSTAN BCOS
, ,GANG YIN PA, MU STEGS PA DE'I LUGS KYI BSTAN BCOS YIN PAR 'DOD PA 'GAL LO, ,KUN RDZOB BDEN PA 'THAD PA DANG BRAL BA YIN YANG BDEN BZHI DANG ZHUGS GNAS SOGS RUNG BA DANG RIGS PAR 'DOD PA 'GAL LO, ,GZHI KUN MED PA STE GZHI MED RTZA BRAL DU 'DOD PA DANG MI RTAG PA SOGS KYI KHYAD GZHI DANG KUN BRTAGS SOGS KYI GDAGS GZHI KHAS BLANGS PA 'GAL LO, ,PHAR PHYIN THEG P'I RDZOGS PA'I SANGS RGYAS YIN PA DANG DE NYID SNGAGS BLA MED KYI TSOGS LAM NAS SLAR 'JUG PAR 'DOD PA 'GAL LO, ,PHAR PHYIN THEG PA NAS BSHAD PA'I SHES SGRIB KUN ZAD PA'I GANG ZAG GI RGYUD LA KHAMS 'PHO 'GYUR GYI BAG CHAGS YOD PAR 'DOD PA 'GAL LO, ,BRJOD BRAL DANG BLO LAS 'DAS PA DANG BLO'I YUL MA YIN PA SOGS KYI KHA BYANG DANG HVA SHANG GI YIG CHA DANG MTHUN PA'I SGOM YIG NGAN PA RNAMS KHYOD LA BRUL BA'I RGYU YIN NO, ,RANG RGYUD KYI RTAGS SAM RANG DBANG BA'I RTAGS DON GCIG YIN PA'I PHYIR NA, RANG MTSAN SNANG BA LA LTOS TE GNOD MED KYI TSAD MAS RTAGS KYI TSUL GSUM DANG SHES 'DOD DANG DPA'I CHOS CAN RNAMS RGOL PHYIR RGOL GNYIS KA LA MTHUN SNANG DU DON GYI SDOD LUGS NAS RANG DBANG DU SNGAR BSGRUBS PA'I DBANG GIS BSGRUB BYA RTOGS DGOS PAR 'DOD CING, DE LTAR SGRUB PAR BYED PA'I RTAGS SBYOR 'GOD PA 'THAD PAR KHAS BLANGS PA'I DBU MA PA NI DBU MA RANG RGYUD PA'I DON NO, ,DE LA DBYE NA MDO SDE SPYOD PA'I DBU MA RANG RGYUD PA DANG RNAL 'BYOR SPYOD PA'I DBU MA RANG RGYUD PA GNYIS LAS, SDA MAS PHYI ROL GYI DON 'THAD PAR SGRUB CING, PHYI MAS PHYI ROL
GYI DON 'GOG PAR BYED DO, ,MDO SNGE SPYOD PA'I DBU MA RANG RGYUD PAS, RANG MTSAN GYIS GRUB PA'I MTSAN NYID GSUM YOD PAR BZHED KYANG, BDEN PAR GRUB PA'I KUN BRTAGS MTSAN NYID NGO BO NYID MED PA DANG GZHAN DBANG DON DAM PAR SKYE BA NGO BO NYID MED PA DANG YONGS GRUB DON DAM PA YANG YIN LA CHOS RNAMS KYI CHOS BDAG GI NGO BO NYID MED PA TZAM GYIS RAB TU PHYE BA YANG YIN PAS DON DAM PA NGO BO NYID MED PA STE, DE 'DRA BA'I NGO BO NYID MED PA GSUM LA DGONGS NAS SHER PHYIN GYI MDOR GZUGS NAS RNAM MKHYEN GYI BAR GYI CHOS DE DANG DE RNAMS NGO BO NYID MED PAR GSUNGS SO, ,STONG GZHI'I DNGOS PO DANG BDEN PAR GRUB PAR KUN BRTAGS PA'I TSA DANG BDEN GRUB NGES STONG PA RNAMS CHOS CAN, RIM PA BZHIN DU GZHAN DBANG DANG KUN BTAGS DANG YONGS GRUB TU 'JOG STE, RIM BA BZHIN DU RGYU RKYEN GZHAN GYI DBANG GIS SKYE BA YIN GYI, DON DAM PAR RAM RANG DBANG DU SKYE BA MIN PA'I PHYIR DANG, GNAS TSUL MA YIN PAR SGRO BTAGS PA'I CHA YIN PA'I PHYIR DANG, GNAS LUGS MTHAR THUG YIN PA'I PHYIR RO, ,NYAN THOS KYI 'DUL MNGON MDO SNGE GSUM NYE BA 'KHOR 'OD SRUNGS KUN DGA' BO GSUM GYIS BSDUS KYANG, THEG CHEN GYI DE GSUM BYAMS PA 'JAM DBYANGS PHYAG RDOR GYIS BSDUS PAS NA, THEG PA CHE CHUNG GI BKA' BSDUD PA PO NYAN THOS SU MI GCIG STE, SEMS CAN GYI SPYOD PA BRGYAD KHRI BZHI STONG DANG DE RNAMS DANG MTHUN PAR GSUNGS PA'I CHOS PHUNG BRGYAD KHRI BZHI STONG GI DON TSANG BAR NYAN THOS RNAMS KYIS MI RTOGS PA'I PHYIR RO,, THEG CHEN GYI SDE SNOD LOGS SU GSUNGS PA LA DON NAM DGOS PA YOD PA'I PHYIR NA THEG DMAN GYI MDOR CHOS KYI BDAG MED DNGOS SU
, ,BSTAN PA MIN NO, ,THAG KHRA 'KHYIL BA SBRUL DU 'DZIN PA'I 'JIGS SGRAG NI DE SBRUL MIN GYI SHING GI LCUG MA PHRA MO YIN NO ZHES 'DZIN PA'I BLOS BSAL NUS PA BZHIN DU, GANG ZAG GI BDAG MED MNGON SUM DU RTOGS NAS BSGOM PAS NYON MONGS CAN GYI RMONGS PA SA BON DANG BCAS PA 'JOMS NUS PAS NA, NYON MONGS SA BON DANG BCAS PA SPANGS TE 'KHOR BA LAS SGROL BA LA NGES PAR CHOS RNAMS KYI GNAS LUGS MTHAR THUG CHOS KYI BDAG MED RTOGS DGOS PA MIN NO, ,PHYI ROL SNANG BA YOD MIN TE, ZHES DON DAM PAR PHYI ROL GYI DON MED PAR GSUNGS PA DANG, LUS DANG LONGS SPYOD GNAS 'DRA BAR, ,SEMS NI SNA TSOGS SNANG BAS NA; ;ZHES SEMS GCIG BU GNAS DANG LUS SOGS SU GYUR BAR GSUNGS PA NI, SEMS NI YUL DE DAG GI RNAM PA GRIB MA LTA BUS KHA BSGYUR BAR SKYE BA'O, ,SEMS TZAM DU NI NGIS BSHAD DO,, ZHES DANG, KHAMS GSUM PO 'DI NI SEMS TZAM MO, ,ZHES PA'I SEMS TZAM GYI SGRAS SEMS LAS GZHAN PA'I LAS GSOG PA'I BYED PA PO DANG RNAM SMIN MYONG BA'I ZA BA PO 'GOG PA YIN PA'I PHYIR NA PHYI ROL GYI GZUNG BA MED PA MDO'I DON MIN NO,, DBANG SHES YUL GYI RNAM PA DANG LDAN ZHING GZUGS SGRA SOGS GZUNG BA DANG MIG DANG RNA BA'I RNAM SHES SOGS 'DZIN PA NI RGYU 'BRAS YIN PAS NA RIM CAN DU GRUB PA YIN NO,, RDZAS RIGS MI MTHUN PA GZHI THA DAD PA 'DUS PA LA DMAG DANG NAGS TSAL LA SOGS PAR GDAGS PA RNAMS 'DUL PA DANG BTAGS YOD YIN LA, RDUL RE RE BA DANG RIGS MTHUN PA'I RDUL DU MA GZHI GCIG LA BRTEN PA'I BSAGS PA'ANG RDZAS YOD YIN ZHING,
BSAGS PA DE'I RNGUL PHRA RAB RE RE BA'ANG DBANG SHES KYI DMIGS RKYEN DU RUNG NGO, ,ZLA BA GCIG LA BRTEN PA STE SNANG GZHIR BYAS NAS ZLA GNYIS SNANG BA'I SHES PA LA SOGS PA YANG PHYI ROL GYI DON MED NA MI SKYE ZHING, DNGOS SU KHAMS BCO BRGYAD KYI SUM CHA GNYIS DANG DON GYIS SHES BYA THAMS CAD LA SKUR BA 'DEBS PAR 'GYUR RO, ,YUL GZHAN SNANG BA MED PA'I PHYIR NA YUL CAN SHES PA NYAMS SU MYONG BA'I RANG RIG SHES PA MIN NO, ,CHOS RNAMS BDEN PAR GRUB NA RIGS SHES KYI NGOR YOD DGOS TE, RIGS SHES KYIS CHOS RNAMS BDEN PAR GRUB MA GRUB DBYAD PA GANG ZHIG ,DE RNAMS BDEN PAR GRUB PA'I PHYIR, RTAGS PHYI MA KHAS, RIGS SHES KYI NGO DER YOD NA BDEN PAR GRUB MI DGOS TE, CHOS NYID DER YONG KYANG BDEN GRUB MA YIN PA BZHIN NO,, RIGS SHES KYI RNYED DON YOD KYANG RIGS SHES DES DBYAD BZOD DU GRUB NA BDEN PAR GRUB PAR BZOD DE 'GYUR DGOS TE, RIGS SHES KYIS BDEN PAR GRUB BAM SNYAM DU DE LA DBYAD PA'I PHYIR, RIGS SHES KYIS DBYAD BZOD DU GRUB PA NI BDEN PAR GRUB TSAD DANG SKABS 'DIR DGAG BYA CHOS BDAG TU GRUB TSAD YIN NO,, RTAGS DANG BSGRUB BYA'I CHOS GNYIS LDAN GYI MTHUN DPE SGRUB PAR SLA BA'I PHYIR DBU MA SNYING PO RTZA 'GREL LAS PHAL CHER DGAG RTAGS 'GAL ZLA DMIGS PA'I RTAGS SBYOR 'GOD PAR MDZAD DE, DBER BRJOD NA, DBANG PO'I GZUGS CAN BA YIN PA'I PHYIR MIG DBANG NI DON DAM PAR GZUGS LA MI BLTA STE, DBER NA RNA DBANG BZHIN ZHES SOGS DGOD PA YIN NO,, SHES BYA DBYE GZHIR BYAS NAS DE LA KUN RDZOB KYI BDEN PA DANG DON DAM PA'I BDEN PA GNYIS SU PHYE'O,, DON DAM PA'I BDEN PA ZHES PA'I TSIG ZUR GYI DAM PA NI 'PHAGS PA'I MNYAM GZHAG ZAG MED KYI BLO DANG, DON NI
, ,ZAG MED KYI BLO NGES RNYED PA'I DON YIN LA, DE NI SNANG TSUL DANG GNAS TSUL MTHUN PAS MI BSLU BA'I PHYIR BDEN PA STE, DE NI DON DAM PA'I BDEN PA YIN NO, ,KUN RDZOB KYI BDEN PA ZHES PA'I TSIG ZUR GYI KUN RDZOB NI, DE KHO NA NYID LA SGRIB PA'I PHYIR KUN RDZOB STE BDEN 'DZIN GYI MA RIG PA'O,, GZUGS SOGS KYI CHOS THA SNYAD PA RNAMS BLO KUN RDZOB PA DE'I DOR BDEN PAS NA DON DAM LAS GZHAN KUN RDZOB KYI BDEN PA ZHES RANG GSAL BAR SNANG BA'I BLO LA SNANG BA LTAR DU DON BYED NUS PAS MTSON PA'I 'JIG RTEN NA YANG DAG PAR GRAGS PA'I CHOS DANG, DE LTAR SNANG BA LTAR DU DON BYED MI NUS PAS MTSON PA'I 'JIG RTEN NA PHYIN CI LOG TU GRAGS PA'I CHOS KYI CHA NAS BZHAG PA'I DON NI, THA SNYAD PA'I DBANG DU BYAS PA'I BDEN RDZUN GYI KHYAD PAR YOD PA'I PHYIR KUN RDZOB KYI BDEN PA LA YANG DAG DANG LOG PA'I RDZOB KYI DBYE BA YOD DE, DANG PO'I MTSAN GZHI NI GZUGS SGRA LA SOGS PA'I DNGOS PO RNAMS DANG, GNYIS PA'I MTSAN GZHI NI GZUGS BRNYAN LA SOGS PA RNAMS YIN NO, ,TSAD MA LA MNGON SUM DANG RJES DPAG GNYIS DANG, MNGON SUM LA DBANG YID RNAL 'BYOR MNGON SUM GSUM DANG DE DAG DANG RANG RIG MNGON SUM BZHI 'DOD PA NI, RIM PA BZHIN DU MDO SNGE SPYOD PA DANG RNAL 'BYOR SPYOD PA'I DBU MA RANG RGYUD PA'I KHYAD PAR RO,, THEG CHEN RIGS NGES KYIS SGRIB GNYIS KYI BAG CHAGS ZAD PAR SPANGS PA DANG RDZOGS BYANG THOB PA DUS MNYAM PA NI MDO SDE SPYOD PA'I DBU MA RANG RGYUD PA'I LUGS DANG, DES SGRIB GNYIS ZAD PAR SPANGS PA DANG RDZOGS BYANG THOB PA DUS MNYAM PA NI RNAL 'BYOR SPYOD PA'I DBU MA RANG RGYUD PA'I LUGS SO,,
CHOS LONGS SPRUL BA'I SKU GSUM DANG SKU GSUNG THUGS KYI GSANG BA BSAM GYIS MI KHYAB PA'I YON TAN DANG, SANGS RGYAS KYI CHOS MA 'DRES PA SUM BRGYA LA SOGS PA NI 'BRAS BU'I CHOS YIN NO, ,NYON MONGS DUG GSUM SA BON DANG BCAS PA NI NYON SGRIB DANG SHES SGRIB NI BDEN 'DZIN SKOR DGUS BON DANG BCAS PA RNAMS YIN NO, ,NYAN RANG GI LAM STE RTOGS RIGS MTHUN ZHING MI 'DRA BA'I KHYAD PAR NI TSE GSUM DANG BSKAL CHAN BRGYA LTA BU'I DUS KYI YUN TSAD DANG, SRID PA'I THA MA'I TSE SLOB DPON GZHAN GYI MAN NGAG LA LTOS MI LTOS DANG, MTSAN DPE RJES MTHUN PA MTHOB PA DANG THOB PA'I KHYAD PAR DANG, GZHAN LA SGRA BCAS SGRA MED PAR CHOS STON PA SOGS 'BRAS BU THOB PA'I KHYAD PAR MI 'DRA BA RNAMS KYIS 'BYED DO, ,RANG RGYUD PA GNYIS PAR RNAM BDEN PA DANG MTHUN PA DANG RNAM RDZUN PA DANG MTHUN PA GNYIS YOD PA LAS, DANG PO NI ZHI BA 'TSO YAB SRAS TE SNGO SER LA SOGS PA'I RNAM PA DNGOS POR 'DOD PA'O,, GNYIS LA NI SNGO SER LA SOGS PA'I RNAM PA DNGOS MED DU 'DOD PA'I SLOB DBON SENG GE BZANG PO LA SOGS PA'O, ,RNAM RDZUN PA DANG MTHUN PA LA YANG GNYIS LAS, RNAM RDZUN DRI BCAS DANG MTHUN PA NI SLOB DBON DZE T'A RI DANG, RNAM RDZUN DRI MED DANG MTHUN PA NI SLOB DPON KAMVAL STE LVA BA PA LA SOGS PA YIN NO, ,YUM 'BUM PA LA SOGS PA LTA BU DGAG BYA LA DON DAM BA SOGS KYI KHYAD PAR DNGOS SHUGS GANG RUNG DU SBYAR BA'I 'KHOR LO BAR BA NI NGES DON GYI MDO DANG, SHES RAB SNYING PO LTA BU DGAG BYA LA DON DAM PA LA SOGS PA'I KHYAD PAR DNGOS SHUGS GANG LA YANG MA SPYAR BA'I 'KHOR LO BAR BA NI 'KHOR LO GNYIS PA YIN PAR MTSUNGS KYANG DRANG DON GYI MDO YIN BA NI MDO SDE DGONGS 'GREL
, ,GYI LUGS YIN PAR 'DI BAS 'DOD DO, ,MTSAN NYID GSUM GYI 'JOG TSUL SNGAR BSHAD PA DANG 'DRA YANG PHYI DON MED PAR 'DOD PA NI SNGA MA DANG MI 'DRA BA'I KHYAD PAR YIN NO,, RGYAN SDUG PO BKOD PA DANG MDO SDE DGONGS 'GREL DANG LANG KAR GSHEGS PA'I MDO LA SOGS PA'I SKABS SU BRJOD BYA'I DON STON TSUL RNAM PA GNYIS YOD PA LAS, CHOS THAMS CAD BDEN PAR MED PAR RTOGS NUS PA'I GDUL BYA'I GTZO BO LA CHOS THAMS CAD BDEN GRUB KYI NGO BO NYID MED PAR BSHAD PA'I SKABS DANG, RE ZHIG CHOS THAMS CAD BDEN PAR MED PAR RTOGS MI NUS PAR RIM GYIS BKRI DGOS PA'I GDUL BYA PHAL BA LA PHYI DON MED CING SEMS BDEN GRUB TU STON PA'I SKABS TE TSIG GI CHA GNYIS YOD PA NI, RIM PA BZHIN DU DBU MA PA DANG SEMS TZAM PA'I LUGS SU 'DI BAS 'DOD PA YIN NO, ,'DI NI MDO'I TSIG LA CHA PHYE BA'I BSHAD TSUL YIN LA, TSIG LA CHA MA PHYE BAR MDO GCIG GI BRJOD BYA'I DON LA CHA PHYE BA'I DBANG DU BYED NA, ZHI PA 'TSO YAB SRAS KYIS 'KHOR LO 'BAR BA'I DGONGS PA BKRAL TSUL NI MDO SDE DGONGS 'GREL SOGS KYI DNGOS BSTAN GTZO BO'I DON YIN PA DANG, SEMS TZAM PAS 'KHOR LO BAR BA'I DGONGS PA BKRAL TSUL NI MDO SDE DGONGS 'GREL SOGS KYI DNGOS BSTAN PHAL BA'I DON YIN PAR BSHAD DGOS SO,, RANG MTSAN GYIS GRUB PAR SNANG BA LA TSAD MA GZHAN GYIS GNOD PA MED PA'I BLO'I SNANG BA'I DBANG GIS BZHAG PA MIN PAR YUL RANG GI GNAS LUGS KYI DBANG GIS YOD PA NI BDEN MED KYI DGAG BYA YIN PAR 'DOD PA NI RANG RGYUD PA GNYIS KA MTHUN NO, ,DBU MA RGYAN RANG 'GREL DU LANG GSHEGS
DANG YAB SRAS MJAL BA'I MDO DRANGS PA LAS GCIG DU BRAL GYI RIGS PA GSUNGS PA'I PHYIR NA ZHI BA 'TSO YAB SRAS KYIS PHAL CHER 'BREL ZLA MA DMIGS PA'I RTAGS SBYOR 'GOD PAR MDZAD DO, ,DPER BRJOD NA, BDEN PAR GRUB PA'I GCIG DANG DU MA DANG BRAL BA'I PHYIR GZUGS LA SOGS PA NI BDEN PAR MED DE, DBER NA ME LONG NANG GI BYANG BZHIN GZUGS BRNYAN BZHIN NO, ,BDEN PAR GRUB NA BDEN GRUB KYI GCIG DANG DU MA GNYIS PO DER NGES PAS NA RJES SU 'GRO LDOG GI KHYAB PA GNYIS GRUB PO,, PHYOGS CHOS SGRUB TSUL NI, DE BDEN PAR GRUB PA'I GCIG MIN TE, CHA BCAS YIN PA'I PHYIR, BDEN PAR GRUB PA'I DU MA MIN TE, BDEN PAR GRUB PA'I GCIG MED PA'I PHYIR, GZHAN YANG, RDO RJE ZEGS MA DANG YOD MED SKYE 'GOG; MU BZHI SKYE 'GOG DANG RTEN 'BREL GYI RTAGS RNAMS LUGS 'DI'I BDEN GRUB 'GOG PA'I RIGS PA'I GTZO BO YIN NO,, GANG ZAG GI BDAG MED DANG BDEN PA GNYIS KYI RNAM BZHAG RNAMS LA RANG RGYUD PA GNYIS KA 'DOD PA MTHUN NO,, DANG SHES SGRIB PHRA BA DANG RAGS PA NI RIM PA BZHIN DU BDEN 'DZIN SA BON DANG BCAS PA DANG GZUNG 'DZIN RDZAS GZHAN DU 'DZIN PA'I BLO SA BON DANG BCAS PA LA SOGS PA RNAMS YIN NO,, BDEN BZHI'I RNAM PA BCU DRUG DANG GZUNG 'DZIN GNYIS STONG DANG BDEN PAR MED PA RNAMS RIM PA BZHIN DU NYAN THOS DANG RANG RGYAL DANG THEG CHEN LAM GYI RTOGS RIGS GSUM GYI GZHAL BYA YIN PAS NA THEG PA GSUM GYI RTOGS RIGS MI 'DRA BA'I KHYAD PAR DE YIN NO,, MTHONG LAM SGOM LAM RE RE LA MNYAM GZHAG DANG RJES THOB YE SHES GNYIS GNYIS YOD PA LA SOGS PA'I KHYAD PAR RNAMS LA DBU MA RANG RGYUD PA GNYIS KA
, ,'DOD PA MTHUN PA YIN NO, ,ZHES PA'O,, DBU MA RANG RGYUD PA'I SKABS BYAS ZIN TO,, ,,DA NI RANG RGYUD MI BZHED PHYIR RGOL KHAS BLANGS LA ZHES SOGS KYI RTZA TSIG GI TSIG DON BSHAD PAR BYA STE, RANG RGYUD KYI SPYOR BA MI BZHED PAR GZHAN LA DBU MA'I LTA BA SKYED PA'I DON DU PHYIR RGOL GYI KHAS BLANGS LA 'GAL BA BRJOD PA'I THAL 'GYUR GTZO CHER 'GOD PAR BZHED PA'I PHYIR DBU MA THAL 'GYUR BA ZHES BYA BA DE'I MING GI RNAM GRANGS NI, THAL 'GYUR BA DANG BTAGS DON MA BTZAL BAR RANG RANG GI BLO LA SNANG TZAM GYI SGO NAS CHOS RNAMS THA SNYAD DU YOD PAR 'JOG NUS PAS SNANG TZAM GYI DBU MA PA DANG RTAG CHAD KYI MTHA' PHRA RAGS THAMS CAD LA MI GNAS PAS RAB TU MI GNAS PA'I DBU MA PA RNAMS SO,, 'DI LA RTOG DPYOD SNGAR BYAS ZIN TO,, DBYE BA NI 'PHAGS PA YAB SRAS GZHUNG PHYI MA'I DBU MA PA DANG SANGS RGYAS BSKYANGS ZLA GRAGS ZHI BA LHA LTA BU PHYOGS 'DZIN PA'I DBU MA THAL 'GYUR BA DANG KLU BYANG SH'AKYA BSHES GNYEN LTA BU PHYOGS MI 'DZIN PA'I DBU MA THAL 'GYUR BA STE GSUM YOD DO,, GZHUNG NI SHER PHYIN ZAB MO'I MDO DANG RIGS TSOGS DRUG DANG BZHI BRGYA BA DANG SPYOD 'JUG DANG MDO KUN BTUS BSLAB BTUS GNYIS DANG BYANG CHUB LAM SGRON LA SOGS PA'O, ,KUN RDZOB BDEN PA DANG DON DAM BDEN PA GNYIS DNGES SU BSTAN BYA'I GTZO BOR BYAS NAS STON PA'I MDO GNYIS NI RIM BZHIN DRANG DON DANG NGES DON GYI MDO YIN TE, RIM BZHIN DNGOS BSTAN GYI DON DE LAS CHOS DE'I GNAS X TSUL DNGOS BSTAN GYI DON DER NGES PA YIN PA'I PHYIR RO, ,SGRAS ZIN LTAR KHAS BLANG DU MI RUNG BAS GZHAN DU DRANGS DGOS PA DANG SGRAS ZIN GYI DON TSAD MAS GRUB KYANG DE NYID GNAS LUGS MTHAR THUGS MIN PAS GZHAN DU DRANG TSUL X LUGS GZHAN DU DRANG DGOS PA DANG CHOS DE'I GNAS X
NAS GRUB PA TZAM YIN PA'I PHYIR GZUGS SOGS PHYI NANG GI CHOS KUN TSUGS THUB DANG RANG NGOS NAS GRUB PA RNAMS MIN NO ZHES PA NI, BSGRUB BYA'I CHOS KYI DON YID LA BYED PA DER ZAB PA'I NYAMS LEN DANG GTAN TSIGS KYI DON YID LA BYED PA DER RGYA CHE BA'I NYAMS LEN TSANG ZHING, RIM BZHIN RTAG PA DANG CHAD PA'I MTHA' GNYIS SEL PA'I PHYIR 'DI NI RIGS PA'I RGYAL PO YIN NO,, DE'I PHYIR STAG TSANG BAS DON DAM DANG TSAD GRUB DANG TSUGS THUB DON GCIG TU 'DOD PA NI NAM MKHA' ZA BAR 'DOD PA DANG 'DRA STE, GRUB MTHA' BA SUS KYANG TSAD GRUB DANG TSUGS THUB DON GCIG TU MA BYAS PA'I PHYIR RO,, GDAGS GZHI PHUNG PO LA BTAGS PA TZAM MA GTOGS PA RANG DBANG BA'I BDAG NI MED PA YIN TE, GDAGS GZHI PHUNG PO RNAM GANG ZAG MIN ZHING, GANG ZAG DE GDAGS GZHI PHUNG PO LAS NGO BO GZHAN PA MIN LA, GANG ZAG DE GDAGS GZHI PHUNG PO'I RTEN MIN ZHING, GANG ZAG DE DON DAM PAR GDAGS GZHI PHUNG POR BRTEN PA'ANG MIN LA, GANG ZAG DE DON DAM PAR PHUNG PO DANG MI LDAN PA DANG, GDAGS GZHI PHUNG PO'I DBYIBS GANG ZAG MIN ZHING; GDAGS GZHI PHUNG PO'I TSOGS PA GANG ZAG MIN PA'I PHYIR, DPER NA SHING RTA SNGAR LTAR BTZAL NA RANG DBANG BA'I SHING RTA RNYED RGYU MED PA BZHIN YIN TE, RNAM BDUN GYI DPYAD PA 'DI BUM PA DANG SNAM BU DANG RE LDE DANG DMAG DANG NAGS TSAL LA SOGS PA'I CHOS RNAMS KUN BDEN MED DU GTAN LA 'BEBS PA LA SBYAR BAR 'JUG PA RTZA 'GREL NAS GSUNGS SO,, THAL 'GYUR PA NANG PHAN TSUN ZAB RGYAS KYI DON 'GA' ZHIG LA BRGAL BRTAGS BYED PA'I SKABS 'GAR RGOL BA GNYIS KA LA TSUL GSUM MTHUN SNANG BAR TSAD MAS GRUB PA DANG RTAGS MTHUN SNANG BA TZAM YOD PAR BZHED KYANG, RANG DBANG BA'I TSAD MAS GRUB PAR 'DOD PA MIN PA'I PHYIR RANG, ,RGYUD KYI SBYOR PA MI 'DOD PAS NA, STAG LOS LUGS 'DIR RANG RGYUD THA SNYAD DU YOD PAR 'DOD PA NI 'KHRUL
, ,TSUL 'DI NI STONG THUN CHEN MO'I RJES 'BRANG YIN KYANG RNAM BSHAD DANG LEGS BSHAD SNYING PO'I BSHAD TSUL DANG 'GRIG DKA' BA'I TSUL SNGAR BSHAD ZIN PA LTAR RO,, 'KHOR BA KUN NYON PHYOGS DANG MYANG 'DAS RNAM BYANG PHYOGS KYI GZUGS SOGS KYI CHOS BLO LA SNANG ZHING GRAGS PA STE RNAM PA SHAR BA'I JI LTA BA DANG JI SNYED PAS BSDUS PA KUN, MA BRTAGS MA DBYAD PA'I BLO LHAN SKYES KYIS 'JIG RTEN KYI THA SNYAD DU YOD PAR 'JOG DGOS PA'I PHYIR SGRA DANG RTOG PAS PHAR BTAGS PA TZAM MIN PAR YUL GYI STENG NAS GRUB PA DANG RDZAS YOD DANG RANG MTSAN DANG RANG NGOS NAS GRUB PA DANG BDEN PAR GRUB PA DANG NGO BO NYID KYIS GRUB PA LA SOGS PA RNAMS DGAG BYA'I BDAG YIN PAR DON GCIG YIN NO, , CHOS THAMS CAD RANG NGOS NAS MED PA DANG MING DANG RTOG PAS PHAR BTAGS PA 'DIR 'KHOR 'DAS KYI BYA BYED KUN GRA MA NYAMS SHING ZUR MA CHAG PAR 'JOG SHES PA'I MKHAS PA NI DBU MA PA STE, 'JOG TSUL 'DI LAS RAGS PA RANG NGOS NAS GRUB PA SOGS DANG PHRA BA MING DANG RTOG PAS BTAGS PA TZAM DU YANG MED PA SOGS GANG 'DOD PAR BYAS KYANG RTAG PA DANG CHAD PA'I MTHAR LHUNG NGO, ,GANG ZAG DANG CHOS KYI STENG DU BDAG STE RANG GI NGO BO NYID KYIS GRUB PA GNYIS NI RIM BZHIN GANG ZAG GI BDAG DANG CHOS KYI BDAG GNYIS YIN PAS, DER MED PA GNYIS NI RIM BZHIN GANG ZAG GI BDAG MED DANG CHOS KYI BDAG MED GNYIS YIN PAR BZHED DO, ,DE LA CHOS KYI BDAG NI, RDO RJE YI GZIGS MA DANG LA SOGS PA'I SGRAS BSDUS PA YOD MED SOGS MTHA' BZHI SKYE 'GOG DANG MU BZHI SKYE 'GOG DANG RTEN 'BREL GYI GTAN TSIGS TE BZHIS 'GOG PA DANG, GANG ZAG GI BDAG NI RNAM LNGA DANG RNAM BDUN GYI GTAN TSIGS GNYIS KYIS 'GOG LA, BDAG DE GNYIS
GNYIS YOD DO, ,DGONGS 'GREL NAS BSHAD PA'I 'KHOR LO THOG MA DANG MTHA' MA NI SGRA JI BZHIN PA MIN PA'I DRANG DON GYI MDO DANG DER BSHAD PA'I 'KHOR LO BAR BA NI SGRA JI BZHIN PA'I NGES DON GYI MDO YIN PAS NA, SKABS 'DIR DGONGS 'GREL GYIS DRANG NGES PHYE BA LTAR KHAS BLANG DU MI RUNG NGO, ,LANG GSHEGS DANG DGONGS 'GREL DANG RGYAN STUG PO BKOD PA LA SOGS PA'I GZHUNG TSIG TU GYUR BA'I MDO TSAN PA LNGAS, SEMS MA GTOGS PA'I BYED PA PO GZHAN MED PA DANG GZUGS SOGS RANG BZHIN GYIS MA GRUB PAR RNAM SHES KYI TSANGS PAS BZHAG PA TZAM DANG STONG PA NYID DANG GZHAN DBANG YONGS GRUB GNYIS THA SNYAD DU RNAL 'BYOR SPYOD PA PAS 'DOD PA LTAR GYI MING DANG BRDAS MA BZHAG PA'I YOD PA DANG GNAS SKABS SU RIGS SO SOR NGES PA SOGS LA DGONGS NAS, KHAMS GSUM PO 'DI NI SEMS TZAM MO ZHES GSUNGS PA DANG, PHYI DON MED PAR SEMS TZAM DU GSUNGS PA DANG, DE BZHIN GSHEGS PA'I SNYING PO RTAG BRTAN DANG KUN GZHI RNAM SHES YOD PAR GSUNGS PA GNYIS DANG, GZHAN DBANG YONGS GRUB BDEN GRUB TU STON PA DANG, MTHAR THUG THEG PA GSUM DU STON PA STE MDO TSAN PA LNGA SGRA JI BZHIN PA MA YIN PA'I DRANG DON DU BSGRUB PA YIN NO,, 'ON KYANG RTZA TSIG 'DIR MDO DRUG GRANGS NAS MDO LNGA DRANG DON DU BSGRUB PAR BSHAD PA NI BYED PA PO GZHAN 'GOG PHYIR DU SEMS TZAM DU BSTAN PA DE SGRA JI BZHIN PA YIN PAS DRANG DON 'GREL RGYU'I MDO LNGAR GSUNGS PA YIN NO,, 'O NA BYED PA PO GZHAN MED PA DGONGS GZHIR BSHAD PA MI 'THANG PAR 'GYUR RO ZHE NA, BYED PA PO GZHAN MED PAR SHES CHED DU SEMS TZAM DU GSUNGS ZHES PA YIN GYI BYED PA PO GZHAN MED PA LA DGONGS NAS SEMS TZAM DU GSUNGS ZHES PA MA YIN PAS SKYON MED CES BSHAD DGOS SAM SNYAM MO,, 'ON KYANG SKABS 'DI'I RTZA 'GREL GNYIS KA'I BSHAD
, ,DANG 'DRA BA YIN NO, ,BDAG DANG GZHAN RE RE'I SKYE BA YOD PA MIN PA'I PHYIR GNYIS KA LAS SKYE BA'ANG KHEGS PA YIN NO, ,RGYU MED PAR SKYEN 'BRAS BU 'BYUNG BA'I CHED DU SA BON 'DEBS PA DANG NYO TSONG BYED PA SOGS DON MED PAR 'GYUR CING, 'JIG RTEN GYI MTHONG BA DANG 'GAL BA DANG, DNGOS PO KUN LAS 'BRAS BU KUN SGYE PA'ANG YOD PAR 'GYUR RO,, 'BRAS BU LA MU BZHIR DPYAD NAS GZHAN SKYE DGAG PA NI, GZHAN LAS SKYE NA RGYU DES 'BRAS BU RANG BZHIN GYIS YOD PA DANG, GTAN NAS MED PA DANG, YOD MED GNYIS KA YIN PA DANG, YOD MED GNYIS GANG YANG MIN PA RNAMS LAS GANG SKYED GRANG STE BRTAG GO, DE LA 'BRAS BU RANG BZHIN GYIS YONG PA LA SKYED BYED KYI RKYEN CI ZHIG DGOS, GTAN NAS MED PA LA BSKYED BYA SKYED BYED KYI BYA BYED DANG BRAL LA, GNYIS KA YIN PA SNGAR GYI RIGS PA DES BSAL ZHING, GNYIS KA DANG BRAL BA STE GANG YANG MIN PA LA SKYED BYED KYI RKYEN NGES CI ZHIG BYA STE DGOS PA MED DO,, DNGOS PO RNAMS BDEN PAR RGYU YIS BSKYED PA MIN TE, DON DAM PAR RGYU GCIG GIS 'BRAS BU GCIG BSKYED PA MIN ZHING, DON DAM PAR RGYU DU MAS 'BRAS BU GCIG MI SKYED LA, DON DAM PAR RGYU GCIG GIS 'BRAS BU DU MA SKYED PA MIN ZHING, DON DAM PAR RGYU DU MAS 'BRAS BU DU MA'ANG BSKYED PA MIN PA'I PHYIR RO,, RGYU GCIG GIS 'BRAS BU GCIG SKYED PA YOD PAR BSGRUB PA'I PHYIR DANG, RGYU DU MAS 'BRAS BU GCIG SKYED PA SOGS GZHAN RNAMS KYANG RUNG BA STE YOD PA'I PHYIR RTAGS ZUR BZHI PO 'DIR DON DAM PA SOGS DGAG BYA'I KHYAD PAR MI SBYOR PA NI 'KHRUL BAR SHES PAR BYA'O,, RTEN 'BYUNG MIN PA'I CHOS NI LUGS 'DIR MED LA, RTEN 'BYUNG NI PHRAD NAS GRUB PA DANG LTOS NAS GRUB PA DANG BRTEN
KA'ANG RTEN 'BREL GYI GTAN TSIGS NYID KYIS 'GAG PA YIN NO, ,BDAG DANG GZHAN DANG GNYIS KA DANG RGYU MED LAS SKYE BA MIN PA'I PHYIR MIG SOGS RANG BZHIN GYIS SKYE BA MED DO,, BDAG LAS SKYE NA SKYE BA DON MED PA DANG SKYE BA THUG PA MED PAR 'GYUR BA DANG, GANG NA GANG YOD PA DE NI DE LAS SKYE BA MIN TE, 'KHAR GZHONG LA ZHO YOD PA BZHIN NO ZHES PA DANG, SA MYUG GNYIS RANG BZHIN GCIG YIN NA RGYU SA BON DANG 'BRAS BU MYU GU DUS RTAG TU MTHONG BAR 'GYUR BA DANG, RGYU SA BON SKYE BA ZHIG NAS MED KYANG 'BRAS BU MYU GU SNGON PO SKYES PA MTHONG BA'I PHYIR SA MYUG RANG BZHIN GCIG NA 'JIG RTEN GYI MTHONG BA DANG 'GAL BA DANG, RGYU 'BRAS KYI BYA BYED KUN GCIG TU 'GYUR BA LA SOGS PA'O,, GZHAN LAS SKYES NA ME LCE LAS MUN PA 'THUG PO 'BYUNG BAR THAL BA DANG, RGYU DANG RGYU MIN PA KUN LAS 'BRAS BU YIN MIN KUN MTSUNGS PAR 'BYUNG BAR 'GYUR BA DANG, RANG GI MTSAN NYID KYIS GRUB PA'I GZHAN YIN PA'I PHYIR SA MYUG GNYIS RGYUD GCIG TU MI RUNG BAR 'GYUR TE, DPER NA GRO DANG NAS BZHIN NO ZHES PA DANG, RANG GI MTSAN NYID KYIS GRUB NA DUS NAM YANG LDOG PA MED PAS SA MYUG GNYIS KYANG DUS MNYAM DU YOD PAR 'GYUR DGOS PA LA, DUS MNYAM DU SA MYUG DE GNYIS MED PA'I PHYIR RANG GI MTSAN NYID KYIS GRUB PA'I RGYU GZHAN LAS 'BRAS BU GZHAN SKYE BA CI ZHIG YOD DE MED DO,, ZHES PA'O,, BOD KHA CIG, RGYU 'BRAS LA SNGA PHYI BAS KHYAB CING, GZHAN LA DUS MNYAM DGOS PA'I PHYIR SNGA PHYI BA'I GZHAN 'GOG PA YIN ZER BA DANG, YANG BOD MANG POS LDOG PA GCIG PA'I DPUNG 'PHUL 'DOD PA SOGS 'KHRUL PAR SHES PAR BYA'O,, MTHA' BZHI'I SKYE BA MI 'DOD CING GZHAN SKYE 'JIG RTEN GYI THA SNYAD DU'ANG MED PAR BSHAD PA'I PHYIR STAG TSANG BAS SKABS 'DIR GZHAN SKYE YOD PAR 'DOD PA NI SNYON PA'I ZLOS GAR
, ,LO, ,DBYE GZHI SHES BYA DER DBYE NGO KUN RDZOB DANG DON DAM PA'I BDEN PA GNYIS YOD CING, DE LAS MANG PO DGOS PA MIN LA NYUNG NA MI 'DU BAS BDEN PA GNYIS PO DER GRANGS NGES PA YIN NO, ,BDEN PA GNYIS NGO BO THA DAD YIN NA, GZUGS BDEN MED DE GZUGS KYI GNAS LUGS SU MI RUNG BA SOGS DANG, BDEN PA GNYIS LDOG PA GCIG YIN NA, DON DAM BDEN PA DE SO SO'I SKYE BO KUN GYI MNGON SUM GYI SPYOD YUL DU 'GYUR BA SOGS KYI SKYON YONG PA'I PHYIR, BDEN PA GNYIS NGO BO DBYER MED LA LDOG PA'I SGO NAS THA DAD DU 'BYED PA YIN NO,, BDEN GNYIS KYI MTSAN NYID NI, RIGS SHES DANG THA SNYAD PA'I BLO YUL GANG LA DON DAM DANG THA SNYAD DPYOD PA'I TSAD MAR SONG BA DANG TSAD MA NGES RNYED PA'I DON NI, RIM PA BZHIN DU DON DAM DANG KUN RDZOB BDEN PA'I DON YIN NO,, SGRA BSHAD NI, SHES PAR BYA BA'I DON YIN PA DANG DON GYI MCHOG GAM DAM PA'ANG YIN PA DANG SNANG TSUL DANG GNAS TSUL MTHUN PA'I MI BSLU BA'AM BDEN PA YIN PA'I PHYIR DON DAM BDEN PA DANG, BDEN 'DZIN GYI MA RIG PA NI NAS LUGS MTHONG BA LA SGRIB PA'I PHYIR KUN RDZOB CES BYA LA, BLO KUN RDZOB PA DE'I DOR BDEN PAS NA KUN RDZOB BDEN PA ZHES BYA'O,, DON DAM BDEN PA'I DBYE BA NI, GANG ZAG GI BDAG MED DANG CHOS KYI BDAG MED GNYIS DANG, DNGOS PO STONG PA NYID DANG, DNGOS PO MED PA STONG PA NYID DANG, RANG BZHIN STONG PA NYID DANG, GZHAN GYI DNGOS PO STONG PA NYID DE BZHI DANG, NANG STONG PA NYID DANG, PHYI STONG PA NYID DANG, PHYI NANG GNYIS KA STONG PA NYID LA SOGS PA BCU DRUG DANG, SOGS SGRAS BSDUS PA STONG NYID BCO BRGYAD DANG STONG NYID NYI SHU'O, ,SGRAS BRJOD
KYIS DBYE NA, SO SKYE'I STONG NYID DON SPYI'I TSUL DU RTOGS PA'I BLO DANG 'PHAGS PA'I STONG NYID MNGON SUM DU RTOGS PA'I BLO GNYIS YUL DANG BCAS PA RIM BZHIN RNAM GRANGS PA'I DON DAM DANG GZHAN TE RNAM GRANGS MA YIN PA'I DON DAM YIN NO,, DBU MA THAL 'GYUR PA'I RANG LUGS LA KUN RDZOB BDEN PA LA YANG DAG KUN RDZOB DANG LOG PA'I KUN RDZOB GNYIS KYI DBYE BA YOD PA MIN YANG, 'JIG RTEN PA'I SHES NGOR MI'I BYAD BZHIN DANG BYANG BZHIN GYI GZUGS BRNYAN SOGS LA BDEN ZHES PA DANG MI BDEN ZHES PA'I THA SNYAD THOB TU RUNG BA'I PHYIR RIM BZHIN YANG DAG KUN RDZOB DANG LOG PA'I KUN RDZOB TZAM YIN NO,, THA SNYAD PA'I SHES PA NI RIGS SHES KYI SNGON DU 'GRO BA DANG GROGS SU GYUR BA STE, THA SNYAD PA'I SHES PA NI THABS DANG RIGS SHES NI THABS LAS BYUNG BA YIN PA'I PHYIR RO,, STONG PA NYID BSTAN PA'I DGOS PA NI RTAG CHAD KYI LTA NGAN SOGS BZLOG PA DANG BDEN 'DZIN DANG BDEN MED RTOGS PA'I BLO LA SPANG BLANG BYA BA'I PHYIR YIN PAS NA, STAG LOS GNAS SKABS TE RIM PA GSUM PAR STONG NYID MIN PA'I SPROS BRAL SGOM PAR 'DOD PA 'KHRUL LO, ,STON PA SANGS RGYAS KYIS GDUL BYA BKRI BA'I RIM PA NI, DANG POR LAS GSOGS PA DANG 'BRAS BU MYONG BA'I RDZAS YOD KYI BDAG BSTAN PA SOGS KYI SGO NAS BSOD NAMS MIN PA NGAN 'GRO'I RGYU BZLOG PA DANG, BAR DU MI RTAG SOGS BCU DRUG GI STONG PA DANG BDAG MED BSTAN PA SOGS KYI SGO NAS RTAG GCIG RANG DBANG CAN DANG RDZAS YOD KYI BDAG GNYIS BZLOG STE LAM GYI SNOD RUNG DU BYAS PA DANG, THA MAR SHIN TU PHRA BA'I DE BZHIN NYID RTOGS PA DANG MNGON DU GYUR BA'I SGOM TSUL BSTAN PA LA SOGS PA'I RIM GYIS RTAG
, ,CHAD KYI LTA BA PHRA RAGS KUN DANG CHAGS SOGS NYON MONGS KYI DRI MA BAG CHAGS DANG BCAS PA 'JOMS PAR MDO DANG SNGAGS KYI RGYUD SDE BZHI LAS GSUNGS SHING DE DAG GI DGONGS 'GREL MKHAN PO RNAMS KYIS BZHED PA YIN NO, ,ZAB MO'I DON SGOM PA'I RIM PA LA, LAS DANG PO PAS STONG PA NYID LA MYONG BA 'DON TSUL DANG, ZHI GNAS RJES MTHUN PA LA BRTEN NAS LHAG MTHONG RJES MTHUN PA SGOM TSUL DANG, ZHI GNAS DNGOS LA BRTEN NAS LHAG MTHONG DNGOS SGOM TSUL DANG, STONG PA NYID MNGON SUM DU RTOGS NAS SGOM TSUL DANG, SNGAGS BLA MED KYI BDE CHEN GYIS STONG PA NYID SGOM TSUL TE LNGA YOD PA RNAMS RJE BDAG NYID CHEN PO LA SOGS PA'I MKHAS PA'I DBANG PO RNAMS KYI GSUNG RAB LA ZHIB TU LTOS SHIG, RANG NGOS NAS MA GRUB PA'I STONG PA NYID JI LTAR RTOGS DKA' BA BZHIN DU MING TZAM LA BYA BYED THAMS CAD 'THAD PA'I THA SNYAD KYI 'JOG 'TSAMS SHIN TU DKA' SHING, KUN RDZOB DANG DON DAM BDEN PA GANG LAS NYAMS NA YANG PHUNG BAR 'DRA ZHING MTHAR LHUNG BAR 'DRA BA'I PHYIR KUN RDZOB TU YOD PA DANG DON DAM PAR MED PA 'DI GNYIS LA NYE RANG BYA MI RIGS PAS DE GNYIS KA ZUNG DU 'BREL BAR SHES SHING SGOM PA NI SHIN TU GCES SO,, MTSAN NYID GSUM GYI 'JOG LUGS RANG RGYUD PA'I SKABS SU BSHAD PA DANG MTSUNGS SHING, SPRUL DE THAG PA LA MED PAS KUN BRTAGS DANG SBRUL DNGOS LA KUN BRTAGS PA MA YIN PAR YONGS SU GRUB PA DANG 'DRA BAR, GSHIS SAM RANG BZHIN NI GZHAN DBANG GI RTEN 'BREL BYAS PA CAN LA NI KUN BRTAGS DANG CHOS NYID LA YONGS SU GRUB PA DANG,
YANG GSHIS SAM RANG BZHIN NI BYIS PAR TE SO SKYE'I RTOG MED KYI SHES PA'I YUL NA DE YOD PA KUN BRTAGS DANG RGYAL BA'I JI LTA BA MKHYEN PA'I YE SHES KYI YUL LA STE YUL DU GYUR BA'I DE YONGS SU GRUB PAR BZHED DO, ,RANG GI MTSAN NYID KYIS GRUB PA THA SNYAD DU YANG MI BZHED PA'I PHYIR KHAS BLANGS KYI KHYAD PAR THUN MONG MIN PA BRGYAD LA SOGS PA MANG PO YOD DO,, DE YANG THA SNYAD DPYAD PA'I BLOS RIM BZHIN MI KHEGS PA DAN MI GRUB PA'I PHYIR PHYI ROL GYI DON YOD PA DANG KUN GZHI RNAM SHES MED PAR BZHENG PA DANG, BDEN GRUB KYI DNGOS PO YOD PAR 'DZIN PA'I BLO YOD BZHIN DU THAR BA THOB PA YOD PA MIN PAR GSUNGS PAS BDEN 'DZIN DE NYON SGRIB YIN PA DANG, GANG ZAG GI BDAG MED DANG CHOS KYI BDAG MED NI STONG GZHI'I SGO NAS 'JOG PAS NA PHRA RAGS MTSUNGS PA DANG, SEMS CAN GYI RGYUD KYI MNYAM BZHAG RNAM PAR MI RTOG PA'I YE SHES MA GTOGS PA'I SHES PA LA BDEN 'DZIN GYI BAG CHAGS KYIS MA BSLAD PA MED PA DANG TSAD MAS RTOGS TSUL LA GSAR RTOGS KYI DPYAD PA MI RUNG BA'I PHYIR BYIS SHES TE SO SKYE'I SHES PA KUN 'KHRUL SHES YIN PA DANG BCAS SHES TSAD MAR GRUB PA DANG, KUN RDZOB RNAM CAN GYI YID KYI TSOR BA RNAMS YID MNGON YIN PA DANG MNGON PA GONG 'OG NAS BSHAD PA'I DGRA BCOM PA 'GA' ZHIG BDEN RNAM BCU DRUG MNGON DU GYUR KYANG 'PHAGS PA MIN PA'I PHYIR RTOG PAR GYUR PA'I YID MNGON YOD PA DANG BDEN BZHI'I RNAM PA MI RTAG SOGS BCU DRUG MNGON DU GYUR PA'I SO SO SKYE BO YOD PAR BZHED PA DANG, STONG NYID LA DMIGS PA'I LHAG MTHONG THOB PA DANG SBYOR LAM THOB PA DUS MNYAM YIN PA DAN ZHIG PA DNGOS PO YIN PA'I PHYIR BDEN BA RNAM BCU DRUG MNGON SUM DU RTOGS PA TZAM GYIS
, ,SBYOR LAM TZAM LA'ANG MI SLEB PA DANG DUS GSUM DNGOS POR BZHED PA DANG, SKYE BA'I RKYEN GYIS RGA SHI BA SKYED PA'I PHYIR ZHIG PA DNGOS PO YIN LA, DE'I PHYIR DGE MI DGE'I LAS 'GAGS NAS BSKAL BA MANG PO SONG YANG, THOB PA DANG RGYUN DANG CHUD MI ZA BA MED NA'ANG 'BRAS BU 'BYIN PA 'THAD PA YIN NO,, ZHIG PA DNGOS POR SMRAS PA TZAM NI BTAGS DON LA DPYAD NAS SMRAS PA MIN TE, DPER NA BUM PA DNGOS POR SMRAS PA BZHIN NO, ,DUS YUN RING POR SONG BA'I NGAG RTZUB PO SMRAS PA'I LAS BYAS PA MA ZHIG PAR DA LTA BLO LHAN SKYES LA SNANG BAR 'DOD NA SNGON BYAS PA'I LUS NGAG YID GSUM GYI LAS MTHA' DAG DA LTA MI DRAN PA'I RGYU MTSAN CI ZHIG YOD, BTAGS DON LA MA DPYAD PAR 'JOG NUS PA MIN PA'I PHYIR RANG RGYUD DANG RANG RIG YOD PA MIN PA DANG, YUL YUL CAN PHAN TSUN LTOS TSE MNGON SUM MTSAN NYID PA NI YUL YIN GYI YUL CAN NI MIN PA DANG, 'GOG BDEN CHOS DBYINGS DANG 'PHAGS PA RNAMS KYIS BDEN MED MNGON SUM DU GZIGS PA DANG, LHAG MED KYI TSE PHUNG PO ZAD PAR MI RUNG ZHING, TSOR BA DANG 'DU SHES 'JIG PAR BSHAD PA'I PHYIR LHAG BCAS LHAG MED KYI MYANG 'DAS KYI KHYAD PAR NI RANG NGOS NAS GRUB PAR SNANG BA'I 'KHRUL SNANG ZAD MA ZAD KYI GO RIM BZLOG PAS 'JOG DGOS SO,, NYON MONGS KYI SA BON MA YIN PA'I BAG CHAGS NI SHES SGRIB YIN LA, NYON MONGS CAN MIN PA'I MA RIG PA'ANG YOD PAR BZHED DO, ,NYON MONGS MA ZAD PAR SHES SGRIB SPONG BA'I MGO MI RTZOM ZHING, SNANG BAS YOD MTHA' DANG STONG PAS MED MTHA' SEL TSUL DE RNAMS DANG, SOGS SGRAS BSDUS PA
'GOG SNYOMS KYI KHYAD PAR DANG ZAB MO'I LTA BA SKYED TSUL DANG, BAG CHAGS BSGO GZHI DANG, GANG ZAG GI MTSAN GZHI 'JOG TSUL SOGS THUN MONG MIN PA'I KHYAD PAR MANG PO YOD PA RNAMS 'PHAGS PA YAB SRAS KYI DBU MA'I GZHUNG DANG RJE YAB SRAS KYI LEGS BSHAD RNAMS LA ZHIB TU LTOS SHIG, TSAD MA LA MNGON SUM DANG DNGOS STOBS KYI RJES BDAG DANG DPE NYER 'JAL GYI RJES DBAG DANG LUNG GI TSANG MA STE BZHIR BSHAD KYANG, GZHAL BYA MNGON LKOG GNYIS SU NGES PA'I DBANG GIS MNGON SUM DANG RJES DPAG GNYIS SU NGES PA YIN NO,, RTAGS LA LTOS PA MIN PAR RANG GI 'DZIN STANGS KYI YUL GYI GZHAL BYA MNGON SUM PAR BSLU BA MED PA'I SHES PA NI MNGON SUM GYI TSAD MA'I DON YIN PAR BZHED CING, DBYE NGO NI DBANG MNGON, DANG YID MNGON DANG RNAL 'BYOR MNGON SUM STE GSUM YOD DO,, ,RTAGS MA RGYU MTSAN LA BRTEN NAS LKOG YUL TE RANG GI 'DZIN STANGS KYI YUL GYI GZHAL BYA LKOG GYUR BA LA BSLU BA MED PA'I SHES PA NI RJES SU DPAG PA'I TSAD MA STE, DBYE NA CUNG ZAD LKOG GYUR DANG DPE DANG 'DRA BA'I LKOG GYUR DANG SHIN TU LKOG GYUR TE GSUM 'JAL BA'I DNGOS STOBS KYI RJES DPAG DANG DPES NYER 'JAL GYI RJES DPAG DANG LUNG GI TSAD MA'AM YID CHES KYI RJES DPAG STE GSUM YOD PAR BZHED DE,, RANG GI 'DZIN STANGS KYI YUL LA NGES PA 'DREN NUS SHING 'DZIN STANGS KYI YUL DER TSAD MA GZHAN GYIS GNOD PA DANG BRAL BA NI YUL DE LA MI BSLU BA'I DON YIN PA'I PHYIR YUL DE LA 'KHRUL YANG TSAD MAR SONG BA MI 'GAL TE, MI BSLU BA'I DON NI SKABS STOBS KYIS MANG BO BSHAD DO,, DE'I PHYIR RDZAS KYI SGRA BZHIN DU MI BSLU BA'I SGRA YANG DON GCIG KHO NA LA 'JUG PA MIN NO, ,MNGON MTHO DANG NGES LEGS SGRUB BYED NI RIM BZHIN LAS 'BRAS LA YID CHES PA'I DAD PA DANG BDAG MED RTOGS PA'I SHES RAB GNYIS YIN LA, BDAG MED RTOGS PA'I SHES RAB KYI SNGON
, ,'GRO'I CHOS NI DKAR CHOS THAMS CAD KYI RTZA BAR 'GYUR BA'I DAD PAS CHOS KYI SNOD RUNG DU BYED PA DE YIN NO, ,BDAG MED RTOGS PA'I SHES RAB NI 'KHOR BA LAS GROL BA'I RGYU DANG RNAM PAR MI RTOG PA'I DON SGRUB BYED YIN NO,, DMAN PA DANG 'BRING DANG MCHOG GI SKYES BU'I LAM GYI RIM PA GSUM DU RGYAL BAS GSUNGS PA'I CHOS TSUL KUN 'DUS TE, SANGS RGYAS KYIS DANG POR THUGS BSKYED PA DANG BAR DU TSOGS BSAGS PA DANG MTHAR SANGS RGYAS PA THAMS CAD GDUL BYA RNAMS KYI GNAS SKABS DANG MTHAR THUG GI DON GNYIS SGRUB PA LAS BRTZAM PA SHA STAG YIN PA'I PHYIR RO,, SKYES BU 'BRING LAS NYAN RANG GNYIS DANG, 'BRING GI LAM LAS DE DAG GI LAM DBYE ZHING, SKYES BU CHEN POR THEG CHEN 'DUS PA'I PHYIR THEG PA GSUM KA SKYES BU GSUM GYI LAM DU 'DUS PA YIN LA RGYAL BA 'DI'I BSTAN PA LA THEG PA BZHI PA YOD PA MIN NO,, LUGS 'DIR NYAN RANG GI RTOGS RIGS MTHUN ZHING, RIGS KYI SA DANG, BRGYAD PA'I SA DANG, MTHONG PA'I SA DANG, BSRABS PA'I SA DANG, 'DOD CHAGS DANG BRAL BA'I SA DANG, BYAS PA RTOGS PA'I SA DANG, NYAN THOS KYIS DANG RANG SANGS RGYAS KYIS STE DMAN PA'I SA BRGYAD KYANG BZHED PA DANG, GZHUNG 'GA' ZHIG NAS NYAN THOS KYIS DOR NAS DKAR PO RNAM PAR MTHONG BA'I SA BGRANGS NAS BRGYAD DU BYED PA'ANG YOD DO, ,RTOGS RIGS 'ANG YANG TSE GSUM DANG BSKAL CHEN BRGYA LA SOGS PA'I DUS KYI SGO NAS NYAN RANG GI 'BRAS BU'I KHYAD PAR DBYE'O,, RTZA BA BRTAN PA THEG CHEN SEMS BSKYED LA BRTEN NAS PHA ROL DU PHYIN PA DRUG DANG BSDU BA'I DNGOS PO BZHI'I
YAL GA DANG, RDZOGS SMIN SBYANGS GSUM GYI LO 'DAB 'BRAS SNYING YONGS SU RDZOGS PA'I SKU BZHI'I YONGS 'DU'I DBANG PO BSGRUB PAR BYA DGOS SO, ,DE YANG TSOGS LAM DANG SPYOR LAM GYI KHYAD PAR NI BYANG PHYOGS DANG PO GSUM DANG DBANG STOBS SO SOR SBYOR BA LTA BU YON TAN DANG, RIGS DANG PHYIR MI LDOG PA'I RTAGS SO SOR SBYOR BA DANG, MNGON RTOGS RGYAN NAS BSHAD PA LTAR SGOM TSUL SO SOR YOD PA DANG, THOS BSAM DANG SGOM BYUNG GTZO CHE BA'I NGO BO'I KHYAD PAR RNAMS KYIS 'BYED DO,, SA BCU'I MNYAM BZHAG RNAM PAR MI RTOG PA'I YE SHES KYIS CHOS NYID MNGON SUM DU RTOGS TSUL LA MI 'DRA BA'I KHYAD PAR DBYER MED KYANG 'DUL BYA'I DON NAM PHAR PHYIN SOGS PA SBYONG BA'I SBYOR BA DANG RJES THOB KYI YON TAN SANGS RGYAS BRGYA MTHONG BAR MDZAD PA LA SOGS PA SDE TSAN BCU GNYIS KYI GRANGS GONG NAS GONG DU 'PHEL BA DANG, SA SO'I SKABS KYI DRI MA SBYONG BA DANG LAM BGROD PA'I STOBS GONG NAS GONG DU 'PHEL BA DANG, PHAR PHYIN LHAG PA'I KHYAD PAR DANG, RNAM SMIN GYI SKYE BA GONG NAS GONG DU 'PHEL PA'I KHYAD PAR TE BZHIS SA BCU SO SOR 'JOG GO, SA RE RE LA'ANG RAB TU DGA' BA LA SOGS PA'I DES TSIG DANG; SNGAR BSHAD PA LTAR BSLAB PA GSUM LA SLOB TSUL DANG, ZAG MED KYI PHUNG PO LNGA SBYONG TSUL GYI DBYE BA DANG, YON TAN SDE TSAN BCU GNYIS KYI KHYAD PAR DANG, BRTEN PA PHAR PHYIN LHAG PA'I KHYAD PAR DANG, 'DZAM GLING LA DBANG BA'I 'KHOR BSGYUR DU SKYE BA SOGS RNAM SMIN GYI SKYE BA 'DZIN PA'I KHYAD PAR DANG, PHYIR MI LDOG PA'I RTAGS DANG SA SO SO'I RMI LTAS GNYIS DANG, SA SO SO'I SPANG BYA'I KHYAD PAR DANG, GNYEN PO YONGS SPYOD GI KHYAD
, ,PAR TE BRGYAD KYIS RNAM PAR BSHAD PA STE, RGYAS PAR GSER 'PHRED LAS SHES DGOS SO,, 'BRAS BU SANGS RGYAS SA NA MNYAM BZHAG DANG RJES THOB YE SHES NI RES 'JOG MIN PAR NGO BO GCIG TU SONG ZHING, SEMS KYI RGYU BA RNAM RTOG KUN NYE BAR ZHI BAS NA TING NGE 'DZIN GYI GNAS PA BRTAN PO MTHAR PHYIN CING SRID PA JI SRID PAR MNYAM BZHAG LAS BZHENGS PA YOD PA MIN NA YANG GDUL BYA'I SKAL PA JI LTA BA BZHIN DU CHOS SNA TSOGS STON PA LA SOGS PA'I RJES THOB KYI BYA BA'ANG MDZAD DO RNAM MKHYEN GYIS CHOS DBYINGS GZIGS DOR GNYIS SNANG GI SPROS PA KUN LOG NAS MED KYANG BTAGS DON LA MA BRTAGS MA DPYAD PAR JI SNYED PAS BSDUS PA'I CHOS THAMS CAD PHYAG MTHIL DU SKYU RU RA BZHAG PA BZHIN DU MKHYEN PAR MDZAD DO, ,'BRAS BU CHOS SKU GCIG DANG CHOS GZUGS KYI SKU GNYIS DANG CHOS LONGS SPRUL PA'I SKU GSUM DANG, NGO BO NYID SKU YE SHES CHOS SKU LONGS SKU SPRUL SKU BZHI DANG, NGO BO NYID SKU YE SHES CHOS SKU LONGS SKU DNGOS DANG BTAGS PA DANG SPRUL SKU STE LNGA YOD PAR BZHED CING; THUB PA'I DBANG PO LA RGYA CHE BA'I GZUGS SKU MI MNGA' BAR GZHAN NGOR SKYEL DGOS PA NI 'KHRUL BAR SHES PAR GYIS SHIG ,BLO BUR DANG RANG BZHIN RNAM DAG GI NGO BO NYID SKU DANG, YE SHES CHOS SKU NI SANGS RGYAS KYI SA'I ZAG PA MED PA'I YE SHES SDE TSAN NYER GCIG LA SOGS PA DANG, 'KHOR DANG ZHING DANG SKU DANG CHOS DANG MDZAD PA'I KHYAD PAR LNGA DANG LDAN ZHING 'KHOR BA MA STONGS KYI BAR DU SKU'I SNANG BA MI SDUD PA'I LONGS SPYOD RDZOGS PA'I SKU DANG, BZO BA SPRUL SKU DANG SKYE BA SPRUL SKU DANG MDZAD PA BCU GNYIS STON PA'I BYANG CHUB CHEN PO'I SPRUL SKU STE GSUM MO, ,DE RNAMS KYIS SNYAN CING 'JEBS PA'I GSUNG YAN LAG DRUG CU RTZA BZHI'I TSANGS DBYANGS KYIS NAM MKHA'I KHYON KUN 'GENGS PAR MDZAD DO, ,SKU GSUNG THUGS GSUM GYI GSANG BA BSAM GYIS MI KHYAB
PA'I ROL BAS BRTAN G-YO KUN LA KHYAB PA RNAMS SKAL PA DANG LDAN PA RNAMS KYIS MTHONG BA YIN NO, ,SKAD CIG BSKAL BAR DANG BZLOG PA STE BSKAL BA SKAD CIG TU BYIN GYIS BRLABS PA DANG, BA SPU'I KHUNG BU RE RER BRTAN G-YO THAMS CAD BKOD KYANG NAM MKHA' BZHIN DU DOG PA MIN PA DANG BA SPU'I KHUNG BU CHE BA DANG BRTAN G-YO MTHA' DAG CHUNG DUR SONG BA YANG MIN NO, ,GNAS DANG GNAS MIN MKHYEN PA LA SOGS PA'I STOBS BCU DANG, SANGS RGYAS KYI CHOS GZHAN DANG MA 'DRES PA BCO BRGYAD LA SOGS PA RMAD DU BYUNG BA'I YON TAN RNAMS NI MA LUS RGYAL RNAMS TE RGYAL BA THAMS CAD KYIS BRJOD PA LA ZHUGS KYANG MI RDZOGS PA NI NAM MKHA'I MTHA' JI LTA BA BZHIN YIN NO, ,'GRO BA RNAMS KYI SDUG BSNGAL ZHI BAR MDZAD PA LA SOGS PA GANG LA GANG 'DUL GYI MDZAD PA LHUN GYIS GRUB CING BSAM GYIS MI KHYAB PA'I 'PHRIN LAS 'KHOR BA'I PHYI MTHA'I BAR DU RGYUN MI CHAD PAR RTAG TU STON PAR MDZAD PA YIN NO, ,ZHES PA'O,, DBU MA THAL 'GYUR BA'I SKABS BYAS ZIN TE,, ,, DA NI MDO SNGAGS GNYIS KAS ZHES SOGS KYI TSIG DON BSHAD PAR BYA STE, MDO SNGAGS GNYIS KAS TE MDO NAS BSHAD PA'I THEG PA GSUM DANG SNGAGS KYI RGYUD SDE BZHI KA'I LAM GYIS NYON SGRIB SA BON DANG BCAS PA KUN ZAD PAR SPONG NUS PA YIN MDO KYANG, MDO DANG RGYUD SDE 'OG MAR YUL GYI MCHOG RANG BZHIN GYIS STONG PA BSTAN KYANG YUL CAN GYI MCHOG LHAN SKYES KYI BDE CHEN SBAS PA BZHIN DU, DRI MA'I GTZO BO SHES SGRIB CHUNG DU'I PHRA BA BSTAN KYANG GNYEN PO'I MCHOG SLOB PA MTHA'I DON GYI 'OD GSAL SPAS PA YIN PA'I PHYIR SHES SGRIB CHUNG DU'I PHRA BA NI SNGAGS BLA MED KYI LAM GYIS SPONG BA LAS MDO DANG RGYUD SDE 'OG MA'I LAM TZAM GYIS SPONG MI NUS SO, ,DE'I PHYIR KHA CIG GIS SPANG GNYEN SPAS PA MGO MTSUNGS SU 'DOD PA 'KHRUL PAR SHES DGOS SO, ,PHAR PHYIN THEG PA NAS BSHAD PA'I BYAMS SNYING RJE
, ,BYANG CHUB KYI SEMS PHYIN DRUG BSDU BZHI LA SOGS PA TSANG BAR YONG PA'I STENG DU SNGAGS KYI RGYUD SDE BZHI NAS BSHAD PA'I THABS ZAB MO DAM TSIG DANG SDOM PA'I KHYAD PAR DANG, 'BRAS BU'I GNAS LUS LONGS SPYOD MDZAD PA BZHI KA DANG RNAM PA MTHUN PAR DANG PO NAS SGOM PAS TSOGS MTHA' YAS PA BDE BLAG MYUR DU RDZOGS PA'I KHYAD PAR LHAG PA MANG PO YOD PA'I PHYIR SNGAGS DANG PHAR PHYIN THEG PA'I LAM LA'ANG MYUR 'BUL GYI KHYAD PAR CHE'O,, LUS NGAG YID GSUM RE RE LA RAGS PA DANG PHRA BA DANG SHIN TU PHRA BA GSUM GSUM YOD PA RNAMS SBYANGS PA'I PHYIR NYAN RANG BYANG SEMS KYI THEG PA DANG MDO DANG RGYUD SDE BA ZHI GONG NAS GONG DU KHYAD PAR DU 'PHAGS PA'I RIM PA MANG DU GSUNGS SHING, MDO DANG RGYUD SDE 'OG MAR LUS NGAG YID GSUM GZHAN TE RAGS PA DANG PHRA BA GNYIS BSHAD KYANG GSUM PA STE SHIN TU PHRA BA NI RNAL 'BYOR RGYUD MAN CHAD KYI DGONGS GZHIR RUNG YANG MDO DANG RGYUD SDE 'OG MAR DNGOS SHUGS GANG LA YANG GSUNGS PA MIN NO, ,DE 'DRA BA'I GSANG BA GSUM GYI KHYAD PAR RNAMS NI RNAL 'BYOR BLA NA MED PA'I RGYUD SPYI DANG KHYAD PAR DU RGYUD THAMS CAD KYI RGYAL PO DPAL GSANG BA 'DUS PA'I RTZA BSHAD KYI RGYUD DAG NA GSAL BAR GSUNGS SO,, SKAL BA MCHOG DANG LDAN PA'I GRUB PA'I DBANG PHYUG BYE BAS SPANGS RTOGS KYI RTZE MOR GSHEGS PA'I SHUL, DUS GSUM GYI RGYAL BA THAMS CAD GSHEGS SHING GSHEGS LA GSHEGS PAR 'GYUR PA'I GSANG BA BLA NA MED PA'I LAM NI MNGO SNGAGS KYI LAM MTHA' DAG NANG NAS MCHOG TU GYUB PA YIN NO,, ZHES PA'O,, GSANG CHEN MCHOG TU SGRUB PA'I SKABS BYAS ZIN TO,, ,, 'JAM MGON MKHYEN GZI LAS 'ONGS 'KHRUL MUN BRAL, ZHES SOGS KYI TSIG DON NI, RJE BTZUN 'JAM MGON GYI MKHYEN PA'I GZI 'OD LAS 'ONGS PA LTAR 'KHRUL BA'I MUN PA DANG BRAL ZHING, DBYANGS CAN LHA MOS SMRAS PA BZHIN DU RJOD BYED KYI TSIG RNA BAR
SNYAN CING 'JEBS LA LEGS PAR 'GRIGS PA DANG, THUB PA'I DBANG PO'I GSUNG BZHIN DU THOG MTHA' BAR GSUM DU'ANG DGE BA DANG, 'DZAM GLING RGYAN DRUG SOGS MKHAS GRUB MCHOG RNAMS KYI LUGS KUN 'DUS PA BZHIN DU BRJOD BYA'I DON ZAB CING BRLING PA NI BSTAN BCOS 'DI'I CHE BA'I KHYAD PAR YIN NO,, DENG SANG GANG ZAG 'GA' ZHIG GZHUNG LUGS LA MA BSLAB STE MA SBYANGS PAR SHES RAB KYI MIG LONG BAS SPANGS RTOGS KYI BAS MTHAR BGROD PAR 'DOD PA DANG, LA LA SKYES SBYANGS KYI BLO GROS DMAN PA'I BYI BAS BSTAN BCOS RTZOM PA'I GLANG CHEN GYI KHUR LEN PA DANG PHAL CHER PHYOGS RES LA SBYANGS TZAM GYI RI PHRAN BTEGS PAS RLOM ZHING SNYEMS PA MA GTOGS PA, THUB PA'I DBANG PO'I LUNG RTOGS KYI BSTAN PA'I NOR 'DZIN TE SA GZHI KUN 'DEGS PAR NUS PA'I KU RMA STE RUS SPAL SU ZHIG YOD DE MED DO,, MKHAS PA LAS KYANG CHES CHER MKHAS PA'I 'PHAGS YUL DANG BONG GANGS CAN GYI BSTAN 'DZIN MANG POS KYANG THUGS NGOR ZAB PA DANG RGYA CHE BA'I CHOS RNAMS THAG MKHAN GYI RKANG PA GNYIS DUS GCIG TU SA LA MI 'JOG PA BZHIN DU RES KYIS SPYOD PAS MI BDE ZHING, SNANG BA RTEN 'BYUNG DANG RANG BZHIN GYIS STONG PA ZUNG 'BREL DU SHAR BA'I LAM MA RNYED PAR LUNG RIGS SNA TSOGS KYI MKHAR BAS DON CI YIN SNYAM DU YANG YANG BTZAL BA YIN NO, ,RANG BZHIN GYI SDE BA MKHAS PA MANG PO'I GLU'I DBANG PO BRGYA STONG GIS RNAM PAR ROL BA'I GNAS, PHUGS SU PHAN PA DANG 'PHRAL DU BDE BA'I RIN CHEN SNA TSOGS KYI 'PHYUR BUS GANG ZHING, GZHAN LUGS DGAG PA DANG RANG LUGS SGRUB PA'I RAB RLABS RAB TU 'KHRUG PA'I GRUB MTHA'I RGYA MTSO CHEN POR BGROD PA'I SLAD DU DED DPON MKHAS PA RNAMS 'BA' RTZOL GYI GRU BRDZINGS CI YANG 'DZUG PA YIN NO, ,DUS DANG PHYOGS KYI CHAR PHYE BA'I RIGS PA'I GRU 'DZINGS LA BLO DMAN RNAMS 'KHRUL NAS GTAN MED KYI DANG PO'I RGYUD BRDUNGS PAS THA SNYAD DU YOD PA'I TSUL ZHIG PA 'GA' ZHIG GIS KYANG RANG GZHAN GYI GRUB MTHA'I RGYA MTSO CHEN PO'I PHA MTHAR PHYIN SNYAM DU
, ,SEMS KHENGS SHING SNYEMS PA'I DREGS PA SKYANGS PA DANG RANG NYID PHYI NANG GI LUGS GNYIS KYI 'DOD TSUL PHRA RAGS KUN MTHONG BA'I PHYIR DU GRUB MTHA' RAB 'BYAMS RGYA MTSO'I PHA ROL TU 'JAM DBYANGS BZHAD PA KHO BOS PHYIN PA YIN NO, , BLO BZANG RGYAL BA'I MES BYIN RING LUGS LHA MI SA 'OG GI LAM GSUM 'BAB PA STE CHU BO GANG G'A RNAM PAR DPYOD PA'I LHA CHEN DBANG PHYUG GI RAL BA'I NANG NAS 'ONGS TE RTOG GE STE GRUB MTHA' NGAN PA DE YIS BSHUNG BA DANG BSLANG PA'I SEMS KYI NOR LTA'I BU STE KHYAB 'JUG GI RKANG PA'I DRI MA BKRUS PA'I CHAB KYIS LHAN SKYES KYI MA RIG PA'I DBANG GIS CHOS RNAMS KYI YIN LUGS LA RMONGS SHING 'KHRUL BA'I GANG ZAG RGYAL PO DUG CAN PA'I BU DRUG KHRI'I RGYUD TSOGS DAG PAR GYUR CIG, RIN CHEN RNAM BZHI'I KHUR LCI ZHING ROL BA'I MTSO CHEN GYI SKA RAGS G-YO LA, NYI ZLA'I SGRON ME 'DEGS PA'I LHUN PO JI SRID GNAS PA NGE SRID DU BSTAN BCOS 'DIS KYANG GSAR BSHAD KYI KHUR LCI ZHING GRAGS SNYAN GYI BA DAN G-YO LA LEGS BSHAD KYI SGRON ME'I 'ONG KYIS SA GSUM SNANG BAR BYED PAR SHOG, CHOS KYI DBYINGS GDOD MA NAS RNAM PAR DAG PA'I GSHIS DANG DKON MCHOG GSUM GYI BYIN RLABS MI BSLU BA'I MTHUS 'GRO BA MTHA' YAS PA RNAMS SANGS RGYAS KYI RDZU 'PHRUL BZHIN DU SA BCU LAM LNGA RIM BZHIN MYUR DU BGROD CING, NYA RGYAS TE YAR TSES BCO LNGA'I ZLA BA LTAR SPANGS RTOGS KYI YON TAN KUN YONGS SU RDZOGS NAS NYI MA BRGYA LAS KYANG CHES CHER GSAL BA'I KUN MKHYEN YE SHES MYUR DU THOB PAR SHOG CIG, CES PA'O,, 'DIR SMRAS PA, YANG DAG LTAR SNANG 'DOD TSUL MI 'DRA SNA TSOGS SARBA RLABS GYA GYUR G-YO, , GNAS TSUL GTING ZAB NGAM GNAG 'THUG POS BLO DMAN SNYING LA 'JIGS PA SKYED,, RJOD BYED PHA MTHA' MTHONG BAR DKA' BA'I PHYI NANG GZHUNG LUGS BA TSVA'I MTSOR,, YUN RING DUS NAS GAB PAR GYUR BA GRUB MTHA'I KHYAD BAR YID BZHIN NO,, GZHUNG LUGS TI MI'I
GRONG DU GNAS BCAS SHING, ,ZAG MED LEGS BSHAD NOR LA DBANG 'BYOR BA, ,'JAM DBYANGS DGYES BZHAD LAG 'GRO'I DBANG PO DE, ,MKHYEN RAB BRTZON PA'I STOBS KYIS LEGS PAR RNYED, ,PHYOGS LHUNG TSA BAS GDUNG BA RNAMS LA LEGS BSHAD GANGS KYANG TSAR 'GYUR LA, ,PHRAG DOG LHAG PAS BTAB PA RNAMS LA PHAN 'DOGS ME YANG GRANG BYED MOD, ,MKHYEN RAB GSHOG ZUNG RGYAS PA'I MKHAS MCHOG ZUR GNAS NGANG BA'I RGYAL PO NYID, ,YANG DAG LTAR SNANG 'O CHU 'DRES PA RNAM DPYOD MCHU YIS 'BYED PAR MDZOD, , 'DIR 'BAD LEGS BYAS RAB DKAR KOO MU R'IS, ,'GRO BA KUN GYI MTHAR 'DZIN MUN PA DANG, ,SRID PA'I TSA GDUNG MA LUS BSAL BYAS TE, ,NGES LEGS KUN DA'I DGA' TSAL RGYAS GYUR CIG ,RGYAL BSTAN SNYING PO ZHVA SER 'CHANG BA'I BSTAN, ,YUL PHYOGS GNAS SKABS KUN TU RAB RGYAS SHING, ,DE 'DZIN MKHAS MANG DGE 'DUN SDE DANG BCAS, ,KHRIMS GTZANG THUGS MTHUN BSHAD SGRUB 'PHEL GYUR CIG ,BDAG KYANG MA 'ONGS TSE RABS THAMS CAD DU, ,MTHO RIS YON TAN BDUN GYIS RAB MDZES SHING, ,THEG MCHOG DGE PA'I BSHES KYIS ZIN PA'I MTHUS, ,MA NOR LAM BZANG MYUR DU MTHAR PHYIN SHOG ,GSER GYI RI BO'I BRTZEGS PA RIM PA BDUN GYIS KUN NAS YONGS SU BSKOR, ,BSIL DANG 'JAM DANG DRI MAS DPON PA'I ROL MTSO'I SMAD G-YOG MDZES PAR GSOL, ,RIN CHEN RNAM BZHI'I RDUL BRTZEGS LHUN PO JI SRID GNAS PA DE SRID DU, ,TSIG 'GREL 'DIS KYANG GNAS SHING 'GROL LEGS BSHAD DGA' STON 'GYED GYUR CIG ,CES MCHAN 'GREL GYI MJUG TU SMRA BA'I TSIG 'GA' ZHIG GIS SMAD KYI CHA BRGYAD TE RDZOGS PAR BRIS PA 'DIS KYANG BSTAN 'GRO LA PHAN PA RGYA CHEN PO THOGS PAR GYUR CIG AOm SVA STI, ,THUB DBANG 'KHOR TSOGS BCAS LA GUS PAS 'DUD DO RJES 'DZIN MDZOD, ,
, ,GRUB 'GREL CHEN MO'I GRUR ZHUGS RIN CHEN GLING SONG DED DPON MKHAS, ,GRUB PA'I GCES NOR GRU LA SPUNGS TE BSTAN PA'I GSOS SPYAR PA'I, ,SHAM DU GSAR SLOB DON DU RTZA TSIG BKROL BA'I YAR MTSUS THOR, , BDAG GIS BTUS BLUGS SPAR SNOD GCIG SPYAR KHU RE CHEN MOR BZHAG ,'DI GRUB DGE BSAGS SLOB GRVA PHRUG RTZA TSIG SA BON GYI, ,RO 'BRO'I RKYEN GYIS DE BSKRUN GRUB 'GREL MCHAN 'GREL DBAG BSAM GYI, ,YAL GA MTHOR 'DZEGS 'BRAS DPAL SPYOD LA RNAM DPYOD LUS BRTAS SHOG, BAR YIG 'DRI DANG BAR SHING RKO BA DANG, ,RGYU RKYEN SPYAR SOGS 'DIR BRTZON LUS CAN RNAMS, ,GNAS SKABS MI 'DOD MTHA' DAG ZHI BA DANG, ,MTHAR THUG SKU BZHI'I DPAL LA MYUR SPYOD SHOG, BLA MA DKON MCHOG GSUM GYI BYIN RLABS DANG, ,BSTAN BSRUNG DAM CAN RGYA MTSO'I MTHU STOBS DANG, ,LAS 'BRAS BSLU BA MED PA'I BDEN STOBS KYIS, ,BSAM DON YID BZHIN 'GRUB PA'I BKRA SHIS SHOG, ,, BSTAN PA YUN RING 'BAR GYUR CIG, ,,SHU BHA MA STU SARBA DZA GA T'A MA,, ,,
[BLANK PAGE]