#, ,'JAM MGON BLA MA BTZONG KHA PA CHEN PO LA PHYAG MCHOD GSOL 'DEBS JI LTAR BYA BA'I CHOG BSGRIGS YID DGA' CHOS 'DZIN DU BGROD PA'I THEM SKAS ZHES BYA BA BZHUGS SO,, ,, @1 [DD1] #, ,NA MO GU RU SU MA TI KA'I RTI YA, BLO GROS BZANG PO'I CHU MTHONG DBYINGS SU ROL, ,LEGS BSHAD CHAR GYIS THUB BSTAN LO TOG SBYANGS, ,GRAGS PA'I DBYAR RNGA PHYOGS MTHAR SGROGS MDZAD PA'I, ,'JAM MGON LHA DBANG CHEN POS DGE LEGS [DD2] STZOL, ,GANG DE'I THUGS RJE BYIN RLABS LA BRTEN NAS, ,DGA' LDAN GNAS SU SKYE BA GZUNG BA'I PHYIR, ,TSOGS GSOG SGRIB SBYONG GSOL 'DEBS SMON LAM RNAMS, ,JI LTAR BYA BA'I LAG LEN 'GOD PAR BYA, ,RNYED DKA' DON CHE'I RTEN BZANG THOB DUS 'DIR, ,LTO RGYAB TZAM GYIS CHOG PAR MI 'DZIN PAR, ,GONG MA'I KHYAD PAR 'TSOL BA'I SEMS YOD NA, ,THABS MCHOG 'DI LA [DD3]
[DD1] #, ,DGA' BZHIN 'JUG PAR RIGS, ,'DIR RANG CAG RNAMS RNYED PAR DKA' ZHING RNYED NA DON CHEN PO DANG LDAN PA'I DAL 'BYOR GYI RTEN BZANG THOB PA'I DUS 'DIR TSE 'DI'I BDE BA SGRUB PA DANG, SDUG BSNGAL SEL BA'I 'JUG LDOG TZAM GYIS CHOG PAR MI 'DZIN PAR 'JIG RTEN PHYI MA PHAN CHAD KYI DON [DD2] SGRUB PA'I BSAM PA ZHIG YOD NA NI, DENG SANG MNYAN NA TSIG MI ZIN, BSAMS NA DON MI GO ,BSGOMS NA RGYUD NA MI SKYE BA'I HA CANG SNYIGS MA'I DUS SU SLEBS PAS; ZHI LHAG SOGS YON TAN KHYAD PAR CAN SKYE BAR DKA' YANG, DGE MI DGE 'BRAS BU DANG BCAS PA'I RNAM DBYE LA MKHAS PAR BYAS NAS 'DOR LEN DANG BSAG SBYANG LA 'BAD PA'I SGO NAS RANG NYID NGAN SONG DU MI SKYE BAR BDE 'GRO'I RTEN BZANG 'THOB PA'I THABS ZHIG MI BYED KA MED LA, DE YANG SNYIGS MA'I DUS SU ZHING GI MTHU [DD3]
LA BRTEN PA MAN NGAG YIN PAR GSUNGS SHING, DE'I NANG NAS KYANG RJE BLA MA NI GDUL BYA THUN MONG PA'I SNANG NGOR DGA' LDAN DU RGYAL TSAB BYAMS PA'I 'KHOR BYANG CHUB SEMS DPA' 'JAM DPAL SNYING PO ZHES BYA BAR SKYE BA BZHES PA DANG, DGE LDAN PA RNAMS BYAMS CHOS SDE LNGA DANG RJE'I GSUNG RAB LA THOS SOGS BYAS PA DANG, DGE LDAN RING LUGS KYI 'BYUNG KHUNGS SU GYUR BA'I DGON PA'I MING LA DGA' LDAN ZHES BTAGS SHING, GRUB MTHA' SPYI LA YANG DGA' LDAN PA ZHES BTAGS PA SOGS RGYU MTSAN DU MA'I SGO NAS RANG CAG RI PO DGE LUGS PA'I GRA RIGS YON BDAG DANG BCAS PA RNAMS NI, RJE BLA MA'I PHYAG MCHOD DANG 'BREL BA'I BSAG SBYANG DANG GSOL 'DEBS SMON LAM LA 'BAD NA 'BREL CHE ZHING DGA' LDAN DU SKYE MYUR PAR MKHAS PA'I DBANG PO RNAMS KYIS GSUNGS SO, ,DES NA 'DI NYID NYAMS SU LEN PAR 'DOD PAS, GNAS KHANG BYI DOR LEGS PAR BYAS LA, DRI BZANG GI CHUS CHAG CHAG GDAB, ME TOG SIL MA GCAL DU BKRAM, DGA' LDAN ZHING BKOD DAM, RJE BLA MA'I SKU BRNYAN BRIS 'BUR CI RIGS DANG, MDO SNGAGS LAM RIM GYI GLEGS BAM DANG, MCHOD RTEN SOGS SKU GSUNG THUGS KYI RTEN BKRAM PA'I MDUN DU, CHU BZHI'AM CHU GNYIS NYER SPYOD, 'DOD YON LNGA, RGYAL SRID SNA BDUN, BKRA SHIS RTAGS RDZAS BRGYAD, RGYAL MTSAN BA DANG GDUGS, LNGA LDI, PHYE MA PHUR MA, BLA RE, 'PHAN SOGS CHOS GOS, LHUNG BZED, MKHAR BSIL, DKAR MDAR GYI BZA' BCA' GTUNG BA SNA TSOGS SOGS MCHOD PA'I YO BYAD DNGOS DANG BCOS MA GANG 'BYOR 'BAD PAS MDZES PAR BSHAMS, RANG NYID SHA CHANG SGOG TZONG THA MA KHA SOGS SPANGS TE PHYI NANG GI KHRUS DANG GTZANG SPRA DANG LDAN PAS, KHYIM PA YIN NA SO THAR GYI BSNYEN GNAS SAM THEG CHEN GSO SBYONG GANG RIGS DANG, RAB TU BYUNG BA RNAMS THEG CHEN GSO SBYONG LA GNAS NA PHUN SUM TSOGS PAR 'GYUR BAS, DE'I TSUL NI, SO THAR GYI BSNYEN GNAS DE RTEN GYI MDUN DU LEN PA'I DMIGS BSAL MED PAS, 'BOG CHOG LA MKHAS PA'I DGE SLONG DAM DGE TSUL SOGS GANG ZAG GZHAN LAS BLANG BAR BYA'O, ,THEG CHEN GSO SBYONG LEN TSUL, SKYA RENGS LAG RIS
, ,MTHONG TZAM GYI DUS SU, BLA MA 'AM RTEN GYI DRUNG DU PHYAG GSUM 'TSAL NAS, DBYED PA BYAS PA, MAndA KHA PHUL TE, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RTA CANG SHES LTA BU, GLANG PO CHEN PO, BYA BA BYAS SHING ,KHUR POR BA, RANG GI DON RJES SU THOB PA, SRID PAR KUN TU SBYOR BA YONGS SU ZAD PA, YANG DAG PA'I BKA', LEGS PAR RNAM PAR GROL BA'I THUGS, LEGS PAR RNAM PAR GROL BA'I SHES RAB CAN DE RNAMS KYIS, SEMS CAN THAMS CAD KYI DON GYI PHYIR DANG, PHAN PAR BYA BA'I PHYIR DANG, GROL PAR BYA BA'I PHYIR DANG, NAD MED PAR BYA BA'I PHYIR DANG, MU GE MED PAR BYA BA'I PHYIR DANG, BYANG CHUB KYI PHYOGS KYI CHOS RNAMS YONGS SU RDZOGS PAR BYA BA'I PHYIR DANG; BLA NA MED PA YANG DAG PAR RDZOGS PA'I BYANG CHUB LHAG PAR RDZOGS PAR BYA BA'I PHYIR GSO SBYONG YANG DAG PAR BLANG BAR MDZAD PA DE BZHIN DU, BDAG MING 'DI ZHES BYA BAS KYANG DUS 'DI NAS BZUNG STE JI SRID SANG NYI MA MA SHAR GYI BAR DU SEMS CAN THAMS CAD KYI DON GYI PHYIR DANG, PHAN PAR BYA BA'I PHYIR DANG, GROL PAR BYA BA'I PHYIR DANG, NAD MED PAR BYA BA'I PHYIR DANG, MU GE MED PAR BYA BA'I PHYIR DANG, BYANG CHUB KYI PHYOGS KYI CHOS RNAMS YONGS SU RDZOGS PAR BYA BA'I PHYIR DANG, BLA NA MED PA YANG DAG PAR RDZOGS PA'I BYANG CHUB NGES PAR RTOGS PAR BYA BA'I PHYIR GSO SBYONG YANG DAG PAR BLANG BAR BGYI'O, ,ZHES LAN GSUM, DENG NAS SROG GCOD MI BYA ZHING, ,GZHAN GYI NOR NI BLANG MI BYA, ,'KHRIG PA'I CHOS KYANG MI SPYAD CING, ,BRDZUN GYI TSIG KYANG MI SMRA'O, ,SKYON NI MANG PO NYER BSTEN PA'I, CHANG NI YONGS SU SPANG BAR BYA, ,KHRI STAN CHEN PO MI BYA ZHING, ,DE BZHIN DUS MA YIN PA'I ZAS, ,DRI DANG 'PHRENG BA DANG NI RGYAN, ,GAR DANG GLU SOGS SPANG BAR BYA, ,JI LTAR DGRA BCOM RTAG TU NI, ,SROG GCOD LA SOGS MI BYED PA, ,DE BZHIN SROG GCOD LA SOGS
SPANG, ,BLA MED BYANG CHUB THOB PAR SHOG ,SDUG BSNGAL MANG 'KHRUG 'JIG RTEN RNAMS, ,SRID PA'I MTSO LAS SGROL BAR SHOG ,CES LAN GCIG DANG, AOm AA MO GHA SHA'I LA, SAm BHA RA SAm BHA RA, BHA RA BHA RA, MAH'A SHUDDHA SA TVA, PADMA BI BHU sh'I TA BU DZA, DHA RA DHA RA, SA MANTA AA WA LO KI TE H'Um PHAt SV'A H'A, ZHES BDUN NAM NYER GCIG BRJOD, KHRIMS KYI TSUL KHRIMS SKYON MED CING, ,ZHES SOGS SMON LAM GDAB BO, ,SKYABS 'GRO NI, PHYOGS BCU DUS GSUM GYI ZHES PA NAS, DGE 'DUN LA SKYABS SU MCHI'O, ,KHAMS GSUM CHOS KYI RGYAL PO BTZONG KHA BA CHEN PO'I LHA TSOGS 'KHOR DANG BCAS PA RNAMS LA SKYABS SU MCHI'O, ,ZHES LAN GSUM SOGS DANG, SEMS CAN THAMS CAD KYI DON DU RDZOGS PA'I SANGS RGYAS THOB PAR BYA, DE'I CHED DU KHAMS GSUM CHOS KYI RGYAL PO BTZONG KHA PA CHEN PO'I LHA TSOGS 'KHOR DANG BCAS BA RNAMS LA PHYAG MCHOD THUGS DAM BSKUL BA LA SOGS PA'I LAM GYI RIM PA LA GNAS PAR BYA'O, ,ZHES LAN GSUM DANG, SEMS CAN THAMS CAD BDE BA DANG BDE BA'I RGYU DANG LDAN PAR BYA, SDUG BSNGAL DANG SDUG BSNGAL GYI RGYU DANG BRAL BAR BYA, SDUG BSNGAL MED PA'I BDE BA DANG MI 'BRAL BAR BYA, BDE SDUG GI RGYU CHAGS SDANG NYE RING GNYIS DANG BRAL BA'I BTANG SNYOMS LA GNAS PAR BYA'O, ,ZHES LAN GSAM GYIS SKYABS 'GRO SEMS BSKYED TSAD MED SGOM BRGYUD DANG 'DRES NGES PA BYA, SA GZHI SOGS BYIN GYIS RLABS PA NI, DKON MCHOG GSUM GYI BDEN PA DANG, SANGS RGYAS DANG BYANG CHUB SEMS DPA' THAMS CAD KYI BYIN GYIS BRLABS DANG, TSOGS GNYIS YONGS SU RDZOGS PA'I MNGA' THANG CHEN PO DANG, CHOS KYI DBYINGS RNAMS PAR DAG CING BSAM GYIS MI KHYAB PA'I STOBS KYIS, KHAMS GSUM CHOS KYI RGYAL PO BTZONG KHA PA CHEN PO'I LHA TSOGS 'KHOR DANG BCAS PA GANG DU SBYAN 'DREN PA'I GNAS 'DI NYID SANGS RGYAS KYI ZHING YONGS SU DAG PA, BCOM LDAN 'DAS 'OD DPAG MED KYI ZHING GI BKOD PA'I YON TAN LTA BU DANG LDAN PAR GYUR TE, SA GZHI RIN PO CHE SNA TSOGS KYI RANG BZHIN LAG MTHIL LTAR MNYAM PA,
, ,THA GRU CHE BA, YANGS PA, REG NA 'JAM ZHING BDE BA DRI MA MED CING 'OD GSAL BA, TZAN DAN SBRUL GYI SNYING PO'I DRI BSUNG NGAD DANG LDAN PA'I LHA'I ME TOG SNA TSOGS KYI GCAL BKRAM PA, MTHA' RIN PO CHE'I PHA GUS BRTZIGS BA, GSER DANG, DNGUL DANG, MU TIG GI PHYE MA GRAM BUR BRDAL BA, AUTPA LA DANG, KU MU DA DANG, PADMA 'GYING ZHING LDEM PAS KHE BAS BAR GYUR CING, CHU BYA SNA TSOGS SKAD SNYAN PAR SGROGS PA, DGA' ZHING 'PHYO LA LDING BAS BRGYAN PA'I YAN LAG BRGYAD DANG LDAN PA'I MTSO DANG RDZING DANG LTENG GA DAG GIS MDZES PAR BYAS PA RIN PO CHE'I DPAG BSAM GYI SHING LJON PA LHA'I NOR BU DANG, MU TIG GI RGYAN 'PHRENG DANG RIN PO CHE DBYANGS BA, ME TOG GI MGO LCOGS DANG 'BRAS BU MDZES PAR CHAGS PAS G-YUR ZA ZHING LDE MA BA, GSER GYI DRIL BU G-YER KHA KHROL BA LAS DAM PA'I CHOS KYI SGRA 'BYUNG BA DANG LDAN PA TSAR DU BSGRENGS PAS LEGS PAR BRGYAN PA'I SA GZHI PHUN SUM TSOGS PA 'BYUNG BAR GYUR CIG ,DE'I DBUS SU GZHAL MED KHANG RIN PO CHE SNA BDUN MCHOG TU 'BAR BA BKOD PA, 'JIG RTEN GYI KHAMS DPAG TU MED PA RGYAS PAR 'GENGS PA'I 'OD ZER CHEN PO RAB TU 'BYUNG BA, GNAS THA DAD PA SHIN TU RNAM PAR PHYE BA MTHA' YAS PA RNAM PAR GNAS PA RGYA YONGS SU MA CHAD PA, KHAMS GSUM LAS YANG DAG PAR 'DAS BA'I SPYOD YUL 'JIG RTEN LAS YANG DAG PAR 'DAS PA DE'I BLA MA'I DGE BA'I RTZA BA LAS BYUNG BA, SHIN TU RNAM PAR DAG CING DBANG BSGYUR BA'I RNAM PAR RIG PA'I MTSAN NYID, DE BZHIN GSHEGS PA'I GNAS BYANG CHUB SEMS DPA'I DGE 'DUN DANG LDAN PA, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, MI DANG MI MA YIN PA MTHA' YAS PA RNAM PAR RGYU BA, CHOS KYI RO'I DGA' BA DANG BDE BA CHEN POS BRTAN PA, SEMS CAN THAMS CAD KYI DON THAMS CAD YANG DAG PAR THOB PAR BYED PAS NYE BAR GNAS PA,
NYON MONGS PA'I GNOD PA'I DRI MA THAMS CAD DANG BRAL BA, BDUD THAMS CAD YONGS SU SPANGS PA THAMS CAD KYI BKOD PA LAS LHAG PA'I DE BZHIN GSHEGS PA'I BKOD PA'I GNAS DRAN PA DANG, BLO GROS DANG RTOGS PA CHEN POS NGES PAR 'BYUNG BA, ZHI GNAS DANG LHAG MTHONG GI BZHON PA YIN PA, RNAM PAR THAR BA'I SGO STONG PA NYID DANG, MTSAN MA MED PA NYID DANG, SMON PA MED PA NAS 'JUG PA, RIN PO CHE'I PADMA'I RGYAL PO YON TAN MTHA' YAS PAS BRGYAN PA'I BKOD PA LA BRTEN PA'I GZHAL MED KHANG CHEN PO 'BYUNG PAR GYUR CIG ;DE'I DBUS SU PADMA'I GDAN RIN PO CHE'I SENG GE'I KHRI STAN LA, KHAMS GSUM CHOS KYI RGYAL PO BTZONG KHA BA CHEN PO DANG, RTZA BRGYUD KYI DPAL LDAN BLA MA DAM PA RNAMS DANG, PHYOGS BCU'I DE BZHIN GSHEGS PA DANG, BYANG CHUB SEMS DPA' DANG, NYAN RANG DANG; 'PHAGS PA DAM PA'I CHOS SKYONG BA THAMS CAD GDAN 'DZOM PA'I BZHUGS GNAS 'PHAGS PA SO SO'I SMON LAM KHYAD PAR CAN DANG MNGA' THANG DANG 'TSAMS PAR GRUB PA MDZES PA SHA STAG 'BYUNG BAR GYUR CIG ,PHYI NANG KUN TU YANG CHO RIGS DANG 'TSAM PAR YANG LHA DANG MI'I YO BYAD DAM PA ZHAL ZAS DANG NA BZA' DANG, RGYAN DANG ROL MO LA SOGS PA PHUL DU PHYIN PA SNA TSOGS PHUNG PO GSUM PA'I MDO DANG, BZANG PO SPYOD PA'I SMON LAM LAS BYUNG BA'I MCHOD PA'I SBRIN RGYA MTSO THAMS CAD KYIS RGYAS PAR GANG ZHING RGYAN KLUBS PA DANG LDAN PAR GYUR CIG ,'PHAGS PA THAMS CAD KYANG GDAN 'DZOM NAS DE BZHIN DU BYIN GYIS BRLABS SHING BZHES TE LONGS SPYOD PAR GYUR CIG ,ZHES LAN GSUM DANG, AOm NA MO BHA GA WA TE BADZRA S'A RA PRA MARDA NE, TA TH'A GA T'A YA AARHA TE, SAMYA KASAm BUDDHA YA, TA DYA TH'A, AOm BADZRE BADZRE MA H'A BADZRE, MA H'A TE DZA BADZRE, MAH'A BIDYA BADZRE, MA H'A BO DHI TZI TTA BADZRE, MAH'A BO DHA MA ntA PA SAm KRA MA nA BADZRE, SARBA KARMA AA WA RA nA BI SHO DHA NA BADZRE SV'A H'A, ZHES LAN GSUM DANG, DKON MCHOG GSUM GYI BDEN PA DANG, SANGS RGYAS DANG BYANG CHUB SEMS
, ,DPA' THAMS CAD KYI BYIN GYIS BRLABS DANG, TSOGS GNYIS YONGS SU RDZOGS PA'I MNGA' THANG CHEN PO DANG, CHOS KYI DBYINGS RNAM PAR DAG CING BSAM GYIS MI KHYAB PA'I STOBS KYIS DE BZHIN DU GYUR CIG ,ZHES LAN GSUM BRJOD, DE NAS MA GHA DHA BZANG MO'I RTOGS BRJOD NAS 'BYUNG BA LTAR TSOGS KYI ZHING MGRON GYI TSUL DU SPYAN 'DREN PA SOGS NI, RANG CAG RNAMS KYI 'DREN PA BLA NA MAD PA KHAMS GSUM CHOS KYI RGYAL PO SHAR BTZONG KHA BA CHEN PO BLO BZANG GRAGS PA'I DPAL ZHES SNYAN PA'I BA DAN SA GSUM NA RNAM PAR G-YO BA DE NYID GDUL BYA DBANG GIS KHA BA CAN 'DIR ZHI BAR GSHEGS PA'I TSUL BSTAN KYANG, 'DZAM BU'I GLING LAS KYI SA BA 'DI NAS STENG DU DPAG TSAD SUM 'BUM NYI KHRI BRGAL BA NA, 'DOD PA'I LHA GNAS BZHI PA DGA' LDAN GYI PHYOGS GCIG NA GRONG LAS DGON PA'I TSUL DU BSKAL PA BZANG PO'I SANGS RGYAS STONG GI THUGS BSKYED SMON LAM LAS GRUB PA, DE DAG GI SKYE BA MNGON PAR SKYE BA'I MDZAD PA BSTAN PA DANG STON PAR 'GYUR BA'I GNAS MCHOG YID DGA' CHOS 'DZIN ZHES BYA BA DAG PA'I ZHING GI SNOD BCUD KYI 'BYOR BA'I DPAL PHUN SUM TSOGS PA MA TSAD PA MED PAS BRGYAN PA'I ZHING 'DIR, GDUL BYA THUN MONG BA'I SNANG NGOR BYANG CHUB SEMS DPA' 'JAM DPAL SNYING PO ZHES GRAGS PA'I MTSAN SNYAN BDUD RTZI'I GZEG MA RNA BAR LHUNG BA TZAM GYIS KYANG SKAL LDAN GDUL BYA'I YID LA ZAG MED KYI DGA' BA'I DPAL STER BA'I SKYES BU DAM PA, RGYAL TSAB MI PHAM MGON PO LA SOGS PA'I SANGS RGYAS BYANG SEMS DPAG TU MED PA DANG LHAN CIG THEG PA CHEN PO'I DGA' BDE'I DPAL LA ROL BAR MDZAD PA DANG, SPRUL BA'I BKOD PA BSAM GYIS MI KHYAB PAS DAG PA DANG MA DAG PA'I 'JIG RTEN GYI KHAMS MTHA' YAS PA'I 'GRO BA'I DON MDZAD CING BZHUGS PA DE, SEMS CAN THAMS CAD LA NYIN MTSAN DUS DRUG TU GZIGS PA'I THUGS RJE CHEN PO DANG SNGON GYI SMON LAM KHYAD PAR CAN LAS GLENGS TE, BDAG CAG MNGA' RIS KYI GDUL BYA
RNAMS PHYAG MTSAN DU BZHES PA'I NANG DU GTOGS TE BKA' DRIN THOB PA'I 'PHRO MCHIS PA TZAM LA BRTEN TE, YUL KHAMS RNAMS SU PHYI NANG GI 'GAL RKYEN ZHI ZHING BDE SKYID PHUN SUM TSOGS PA 'BYUNG BA DANG, THUB BSTAN NYID KHU ZHVA SER GYI RING LUGS DAR BA DANG; BDAG CAG LA SOGS PA 'GRO BA MANG PO DGA' LDAN YID DGA' CHOS 'DZIN DU 'DREN PA'I SLAD DU MGON SKYABS DANG DPUNG GNYEN DU SPYAN 'DREN CING MCHIS NA MCHOD PA'I TSOGS SBYAR BA'I PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN PO MDZAD DE BYIN GYIS BRLABS PAR CI GNANG, ,STON PA THUB PA'I DBANG PO DANG MI PHAM 'JAM DPAL DBYANGS LA SOGS BA'I RTZA BRGYUD KYI DPAL LDAN BLA MA DAM PA RNAMS KYANG BDAG CAG RJES SU GZUNG BA'I THABS MKHAS PA MANG PO DANG, DNGOS BRGYUD CI RIGS PAR CHOS KYI BKA' DRIN THOB PA'I 'PHRO MCHIS BA TZAM LA BRTEN TE, YUL KHAMS RNAMS SU PHYI NANG GI 'GAL RKYEN ZHI ZHING, BDE SKYID PHUN SUM TSOGS PA 'BYUNG BA DANG, THUB BSTAN NYING KHU ZHVA SER GYI RING LUGS DAR BA DANG, BDAG CAG LA SOGS PA 'GRO BA MANG PO DGA' LDAN YID DGA' CHOS 'DZIN DU 'DREN PA'I SLAD DU MGON SKYABS DANG DPUNG GNYEN DU SPYAN 'DREN CING MCHIS NA MCHOD PA'I TSOGS SBYAR BA'I PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN PO MDZAD DE BYIN GYIS BRLAB BAR CI GNANG, ,PHYOGS BCU'I DE BZHIN GSHEGS PAR, BYANG CHUB SEMS DPA' DANG, NYAN RANG DANG, 'PHAGS PA CHOS SKYONG PA THAMS CAD KYANG SNGON GYI THUGS BSKYED SMON LAM KHYAD PAR CAN LAS GLENGS TE, YUL KHAMS RNAMS SU PHYI NANG GI 'GAL RKYEN ZHI ZHING, BDE SKYID PHUN SUM TSOGS PA 'BYUNG BA DANG, THUB BSTAN NYING KHU ZHVA SER GYI RING LUGS DAR BA DANG, BDAG CAG LA SOGS PA 'GRO BA MANG PO DGA' LDAN YID DGA' CHOS 'DZIN DU 'DREN PA'I SLAD DU MGON SKYABS DANG DPUNG GNYEN DU SPYAN 'DREN
, ,CING MCHIS NA MCHOD PA'I TSOGS SBYAR BA'I PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN BO MDZAD DE BYIN GYIS BRLAB PAR CI GNANG, ,ZHES SNYAN GSAN DBAB, SPOS ROL DBYANGS DANG BCAS BAS, DGA' LDAN LHA GNAS YID DGA' CHOS 'DZIN ZHES; ;YONGS SU DAG PA'I GNAS MCHOG DAM PA NAS, ,RJE BTZUN 'JAM DPAL SNYING PO BTZONG KHA PA, ,BDAG SOGS 'GRO RNAMS 'DREN PHYIR GNAS 'DIR GSHEGS, ,RNAM DAG CHOS KYI DBYINGS LAS MA G-YOS KYANG, ,THUGS RJE'I SPYAN GYIS 'GRO LA PHYOGS BCUR GZIGS, ,RGYAL BA KUN GYI 'PHRIN LAS SGRUB MDZAD PA'I, ,DUS GSUM BLA MA 'KHOR BCAS GSHEGS SU GSOL, ,MA LUS SEMS CAN KUN GYI MGON GYUR CING, ,ZHES PA NAS, YONGS DAG 'KHOR DANG BCAS TE GSHEGS SU GSOL, ,ZHES TSOGS ZHING SPYAN DRANGS, LRUS KYI KHANG PA SHIN TU DRI ZHIM PA, ,ZHES SOGS KYIS KHRUS KHANG BSKYED, JI LTAR BLTAMS PA TZAM GYIS NI, ,ZHES SOGS DANG, RGYAL BA'I SKU LA NYON MONGS MI MNGA' YANG, ,ZHES SOGS CHIGS BCAD GSUM DANG, KHYED SKU RANG BZHIN YONGS DAG PAS, ,ZHES SOGS DANG, DE BZHIN GSHEGS DANG DE YI SRAS RNAMS LA, ,ZHES SOGS KYIS SKU KHRUS GSOL, DE DAG SKU LA MTSUNGS PA MED PA'I GOS, ,GTZANG LA DRI RAB BSGOS PAS SKU PHYI'O, ,ZHES SKU DBYI'O, ,STONG GSUM KUN TU DRI DANG LDAN PA YI, ,ZHES PA NAS, BYANG CHUB SEMS KYI RLAN GYIS BRLAN PAR SHOG ;CES DRI BYUGS GOS RGYAN GANG BUM 'BUL BA PHYAG LEN BZHIN BYA, BDAG DANG 'GRO LA THUGS BRTZE'I PHYIR, ,ZHES PA NAS, DE SRID BCOM LDAN BZHUGS SU GSOL, ,ZHES GSOL BA BTAB PAS TSOGS ZHING RNAMS KHRUS KHANG NAS TSUR BYON TE GZHAL MED KHANG GI DBUS SU 'DOD DGU 'BYUNG BA'I DPAG BSAM GYI SHING GI RTZA BAR SENG GE CHEN PO BRGYAD KYIS BTEGS PA'I RIN PO CHE'I KHRI'I STENG DU SNA TSOGS PADMA DANG ZLA BA'I GDAN LA RANG GI DRIN CAN RTZA BA'I BLA MA DANG NGO BO DBYER MA MCHIS PA'I KHAMS GSUM CHOS KYI
RGYAL PO BTZONG KHA BA CHEN PO SKU MDOG DKAR LA DMAR BA'I MDANGS CHAGS PA, ZHAL 'DZUM ZHING DA GYES PA'I NYAMS CAN, PHYAG GNYIS THUGS KAR CHOS 'KHOR GYI PHYAG RGYAS AUTPA LA'I YU PA BZUNG BA'I 'DAB MA SNYAN GYI THAD DU KHA PHYE BA'I STENG NA SHES RAB KYI RAL GRE DANG SHER PHYIN GYI GLEGS BAM GYIS MTSAN PA, SKUL CHOS GOS RNAM GSUM DANG, DBU LA PAn ZHVA GSER GYI MDOG CAN MDZES PAR GSOL BA, ZHABS GNYIS RDO RJE'I DKYIL MO KRUNG GIS BZHUGS PA, DE'I STENG DPAG BSAM GYI SHING GI SKED PAR SENG KHRI 'BRING PO'I STENG DU BAD ZLA'I GDAN LA RJE BTZUN BYAMS MGON BZANG PO'I BZHUGS STANGS MDZAD PA, LHA'I CHA LUGS CAN, SKU MDOG GSER BTZO MA'I MDANGS LTAR RAB TU MDZES PA, DBU'I STENG DU BLA MA THUB PA'I DBANG PO'I NGO BO BYANG CHUB MCHOD RTEN GYIS SPRAS PA, PHYAG GNYIS CHOS 'KHOR GYI PHYAG RGYAS KLU SHING GI YA LA GA PHRA MO BZUNG BA'I ME TOG SNYAN GYI THAD DU KHA PHYE BA'I STENG NA 'KHOR LO DANG SPYI BLUGS KYIS MTSAN PA, DE'I STENG DPAG BSAM GYI SHING GI STONG KYI CHAR SENG KHRI CHUNG DU'I STENG DU BAD ZLA'I GDAN LA RGYAL BA SH'AKYA THUB PA SKU MDOG GSER BTZOM LTA BU, DBU GTZUG TOR DANG LDAN PA, SKU LA CHOS GOS RNAM GSUM MDZES PAR GSOL BA, PHYAG G-YAS SA GNON DANG, G-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, ZHABS GNYIS RDO RJE'I DKYIL MO KRUNG GIS BZHUGS PA, RJE BLA MA'I G-YAS SU RGYAL TSAB DAR MA RIN CHEN DANG, G-YON DU MKHAS GRUB DGE LEGS DPAL BZANG PO, ,MTHA' SKOR DU DNGOS BRGYUD KYI DPAL LDAN BLA MA DAM PA RNAMS DANG, PHYOGS BCU'I SANGS RGYAS DANG, BYANG CHUB SEMS DPA' DANG, NYAN RANG DANG, 'PHAGS PA DAM PA'I CHOS SKYONG BA RNAMS DANG, SGO BZHIR RGYAL PO CHEN PO BZHI DANG BCAS PA RANG RANG GI GDAN LA DGYES BZHIN DU BZHUGS PAR BSAM, DE NAS BSAGS SBYANG GI GNAD BSDUS PA'I YAN LAG BDUN PA BYA BA NI, DMIGS MED BRTZE BA'I GTER CHEN SPYAN RAS GZIGS, ,
, ,DRI MED MKHYEN PA'I DBANG PO 'JAM PA'I DBYANGS, ,GANGS CAN MKHAS PA'I GTZUG RGYAN BTZONG KHA PA, ,BLO BZANG GRAGS PA'I ZHABS LA PHYAG 'TSAL LO, ,BDEN GNYIS GNAS TSUL RIGS PAS LEGS RTOGS SHING, ,THABS SHES ZUNG 'BREL NYAMS SU BLANGS PA'I MTHUS, ,SKU GSUM MNGON DU GYUR BA'I BTZONG KHA PA, ,DPAL LDAN BLA MA'I ZHABS LA PHYAG 'TSAL LO, ,BLO GROS KHANG BZANG BSLAB GSUM NOR GYIS PHYUG ,BZANG PO'I 'PHRIN LAS GDUL BYA'I DPAL DU SHAR, ,GRAGS BA'I 'OD ZER 'DZAM GLING PHYOGS BCUR 'PHRO; ;BLO BZANG GRAGS PA'I ZHABS LA PHYAG 'TSAL LO, ,MKHA' MNYAM 'GRO LA MKHYEN BRTZES RAB DGONGS NAS, ,GRANGS MED GSUM DU TSOGS GNYIS RAB RDZOGS TE, ,STONG GSUM MI MJED ZHING GI DPAL GYUR BA, ,'DREN MCHOG SH'AKYA'I TOG LA PHYAG 'TSAL LO, BDE GSHEGS SNGA MAS BTANG SNYOMS MDZAD PA YI, ,GRANGS MED 'GRO LA BRTZE BAS MA BZOD NAS, ,ZHING 'DIR BYANG CHUB SNYING POR GSHEGS 'GYUR PA, ,MI PHAM CHOS RJE'I ZHABS LA PHYAG 'TSAL LO, ,BYAMS PA THOGS MED DBYIG GNYEN RNAM GROL SDE, ,MCHOG SDE 'DUL BA'I SDE DANG GRAGS PA'I DPAL, ,SENG BZANG KU SA LI GNYIS GSER GLING PA, ,RGYA CHEN SPYOD PA'I BRGYUD LA PHYAG 'TSAL LO, ,'JAM DBYANGS YOD MED PHYOGS 'JIG KLU SGRUB DANG, ,ZLA BA GRAGS PA RIGS PA'I KHU BYUG CHE, ,SANGS RGYAS DGONGS SKYONG 'PHAGS PA YAB SRAS SOGS, ,ZAB MO LTA BA'I BRGYUD LA PHYAG 'TSAL LO, ,BSHAD SGRUB BSTAN PA'I MCHOG MNGA' AA TI SHA, ,BKA' GDAMS BSTAN PA'I MES PO 'BROM STON RJE, ,RNAL 'BYOR RNAM BZHI SKU MCHED GSUM LA SOGS, ,BKA' GDAMS BLA MA RNAMS LA PHYAG 'TSAL LO, ,GANGS CAN SHING RTA SROL 'BYED BTZONG KHA PA, ,DNGOS STOBS RIG PA'I DBANG PHYUG RGYAL TSAB RJE, ,MDO SNGAGS BSTAN PA'I BDAG PO MKHAS GRUB RJE, ,RGYAL BA YAB SRAS GSUM LA PHYAG 'TSAL LO, ,SHES RAB SENG GE 'JAM DBYANGS DGE 'DUN
GRUB; ;CHOS KYI RGYAL MTSAN BLO GROS SPAS PA DANG, ,CHOS KYI RDO RJE SKYABS MCHOG DPAL LA SOGS, ,DGE LDAN MKHAS GRUB RNAMS LA PHYAG 'TSAL LO, ,PAn CHEN BLO BZANG CHOS KYI RGYAL MTSAN DANG, ,KUN GZIGS NGAG DBANG BLO BZANG RGYA MTSO'I SDE, ,BLO BZANG YE SHES BSKAL BZANG RGYA MTSO SOGS, ,RGYAL BA YAB SRAS RNAMS LA PHYAG 'TSAL LO, ,RJE BTZUN BLO BZANG BSTAN PA'I RGYAL MTSAN DANG, ,BSTAN PA'I SGRON ME BSTAN PA'I NYI MA'I ZHABS, ,THUB BSTAN DBANG PHYUG TSUL KHRIMS 'JIGS MED SOGS, ,SKYABS MGON SKU 'PHRENG RNAMS LA PHYAG 'TSAL LO, ,YI GE'I PHYI MO KHA 'DON RIGS LAM DANG, ,BKA' DANG DGONGS 'GREL 'DZUB KHRID BSHAD LUNG DANG, ,BKLAG LUNG NYAMS KHRID MAN NGAG BSLAB KHRIMS SOGS, ,STZOL MDZAD BSHES GNYEN RNAMS LA PHYAG 'TSAL LO, ,SANGS RGYAS RNAM GZIGS GTZUG TOR THAMS CAD SKYOB, ,'KHOR BA 'JIG DANG GSER THUB 'OD SRUNG DANG, ,SH'AKYA THUB PA GO'U TAM LHA YI LHA, ,SANGS RGYAS DPA' BO BDUN LA PHYAG 'TSAL LO, ,MTSAN LEGS RIN CHEN GSER BZANG MYA NGAN MED, ,CHOS GRAGS MNGON MKHYEN SMAN BLA SH'AKYA THUB, ,RGYA CHEN SMON LAM YONGS SU RDZOGS PA YI, ,BDE BAR GSHEGS PA BRGYAD LA PHYAG 'TSAL LO, ,GANG GI MTSAN TZAM BRJOD DANG DRAN PAS KYANG, ,MI BZAD SDIG PA'I DPUNG TSOGS ZHI GYUR PA, , SH'AKA THUB LA SOGS BDE GSHEGS SO LNGA LA, ,RTZE GCIG GUS PAS YID KYIS PHYAG 'TSAL LO, ,MTHUN PA'I DGE TSOGS SMON LAM RMAD BYUNG ZHING, ,SPYAD PA SPYOD TSE NA YANG MCHED GYUR BA, ,BSKAL BZANG GCIG LA MDZAD PA MTHAR PHYIN PA'I, ,RDZOGS PA'I SANGS RGYAS STONG LA PHYAG 'TSAL LO, ,PHYOGS BCU'I 'GROL MKHYEN BRTZES RAB DGONGS NAS, ,PHYOGS BCUR CHOS KYI 'KHOR LO LEGS BSKOR BAS, ,PHYOGS BCU'I 'GRO KUN YONGS SU SKYOB MDZAD PA'I, ,PHYOGS BCU'I SANGS RGYAS RNAMS LA PHYAG
, ,'TSAL LO, ,SMRAS BSAM BRJOD MED SHES RAB PHA ROL PHYIN, ,MA SKYE MI 'GAG NAM MKHA'I NGO BO NYID, ,SO SO RANG RIG YE SHES SPYOD YUL PA, ,DU GSUM RGYAL BA'I YUM LA PHYAG TSAL LO, ,KUN 'BYUNG MUN PA'I SA BON MTHAR MDZAD CING, ,SDUG BSNGAL ZUG RDU'I RTZA BA DRUNG NAS 'BYIN, ,RGYAL YUM SHES RAB PHA ROL PHYIN LA SOGS, ,THEG GSUM DAM PA'I CHOS LA PHYAG 'TSAL LO, ,'JAM DBYANGS PHYAG NA RDO RJE SPYAN RAS GZIGS, ,SA YI SNYING PO SGRIB BA RNAM PAR SEL, ,NAM MKHA'I SNYING PO BYAMS PA KUN TU BZANG, , NYE BA'I SRAS CHEN BRGYAD LA PHYAG 'TSAL LO, ,GANG LA DAD CING GUS PAR BYAS PA RNAMS, ,DGA' LDAN GNAS SU DE LA MJAL GYUR BA'I, ,'JAM DPAL SNYING BO NAM MKHA' DRI MA MED, ,NGO MTSAR SEMS DPA' GNYIS LA PHYAG 'TSAL LO, ,GANG LA SEMS KYI DAM PA RIN CHEN DE, ,SKYES PA DE YI SKU LA PHYAG 'TSAL ZHING, ,GANG LA GNOD PA BYAS KYANG BDER 'BREL BA, ,BDE PA'I 'BYUNG GNAS DE LA SKYABS SU MCHI, ,ZAB MO RTEN 'BREL BCU GNYIS LEGS BSGOMS PAS, ,RANG BYUNG RANG SANGS RGYAS KYI YE SHES NI, ,BRTEN BA MED PA'I TSUL GYIS THUGS CHUD PA'I, ,'PHAGS PA RANG RGYAL RNAMS LA PHYAG 'TSAL LO, ,DGRA BCOM BLO MCHOG DBANG PO KUN 'DUL BA, ,BSTAN PA'I SRID DU LEGS PAR BRTAN BZHUGS NAS, ,BSTAN PA 'DZIN DANG SPEL DANG BSRUNG MDZAD PA'I, ,DGRA BCOM GNAS BRTAN RNAMS LA PHYAG 'TSAL LO, ,SNGON TSE BCOM LDAN 'DAS KYI SPYAN SNGA RU, ,CHOS BZHIN SGRUB PA BYED PA'I GANG ZAG LA, ,BAR CHAD SRUNG ZHING SKYONG BAR ZHAL BZHES PA'I, ,CHOS SKYONG SRUNG MA RNAMS LA PHYAG 'TSAL LO, ,MTHONG DANG THOS DANG DRAN DANG REG RNAMS LA, ,BDE LEGS DPAL STER DAM PA'I SKU GZUGS DANG, ,YIG 'BRU MCHOD RTEN GNAS GZHI LA SOGS BA'I, ,PHYAG 'OS KUN LA GUS PAS PHYAG 'TSAL LO, ,STON PA BLA MED SANGS RGYAS RIN PO CHE, ,SKYOB BA BLA MED DAM CHOS RIN PO CHE, ,'DREN PA
BLA MED DGE 'DUN RIN PO CHE, ,SKYABS GNAS DKON MCHOG GSUM LA PHYAG 'TSAL LO, ,JI SNYED SU DAG PHYOGS BCU'I 'JIG RTEN NA, ,ZHES PA NAS, BDE BAR GSHEGS PA THAMS CAD BDAG GIS BSTOD, ,CES PHYAG 'TSAL, MDO RKYANG BA'I TSO GAR, NYAMS LEN BYIN BRLAB BRGYUD PA DANG, RGYUD SDE BZHI'I YI DAM DANG, GNAS GSUM GYI DPA' BO MKHA' 'GRO LA PHYAG 'TSAL BA'I TSIGS BCAD 'BREL MI CHE BAS, 'DIR MA BKOD CING DON GYIS TSANG BAS CHAD SKYON MED DO, ,YAN LAG BRGYAD LDAN LHA YI GANG+GA SOGS, ,PHYOGS DUS KUN NA MCHOD YON CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,SHIN TU RNAM DAG DRI MED YID 'ONG BA'I, ,PHYOGS DUS KUN NA ZHABS BSIL CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL,, 'DAB STONG RAB RGYAS PADMA DKAR PO SOGS, ,PHYOGS DUS KUN NA ME TOG CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,MA L'A YA YI TZAN DAN DRIL SOGS, ,PHYOGS DUS KUN NA BDUG SPOS CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,MUN PA KUN SEL RTZI BCUD SGRON ME SOGS, ,PHYOGS DUS KUN NA SNANG GSAL CI MCHIS PA, ,'JAM MGON BLA MA 'KHOR DANG BCAS LA 'BUL, , BZHES NAS BDAG LA MCHOG RNAMS STZAL DU GSOL, ,TZAN DAN GUR GUM DRI BSGOS SPOS CHU SOGS, ,PHYOGS DUS KUN NA DRI CHAB CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,DKAR GSUM MNGAR GSUM BDUD RTZI'I ZAS LA SOGS, ,PHYOGS DUS KUN NA ZHAL ZAS CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,YAN LAG DRUG LDAN LHA YI SIL SNYAN SOGS, ,PHYOGS DUS
, ,KUN NA ROL MO CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,GZUGS BRNYAN KUN GSAL RIN CHEN BEEt'U RA SOGS, ,PHYOGS DUS KUN NA GZUGS MCHOG CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,DPAG BSAM LAS BYUNG BRJOD BRAL DBYANGS LA SOGS, ,PHYOGS DUS KUN NA SGRA SNYAN CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,YID 'ONG TZAN DAN DKAR PO'I DRI LA SOGS, ,PHYOGS DUS KUN NA DRI MCHOG CI MCHIS BA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,STONG GSUM SNYING PO TSANGS GNAS BDUD RTZI SOGS, ,PHYOGS DUS KUN NA RO MCHOG CI MCHIS PA, ,'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,SRAB 'JAM PANYTZA LI KA'I GOS LA SOGS, ,PHYOGS DUS KUN NA REG MCHOG CI MCHIS PA; ;'JAM MGON BLA MA 'KHOR DANG BCAS LA 'BUL, ,BZHES NAS BDAG LA MCHOG RNAMS STZAL DU GSOL, ,ZHES CHU GNYIS NYER SPYOD 'DOD YON LNGA DANG, 'DZAM BU CHU BO'I GSER LAS LEGS BYAS SHING, ,RTZI BAS STONG LDAN PA'I DPAG TSAD LNGA BRGYA PA, ,NYI MA GNYIS PA LTA BUR MKHAR 'PHAGS TE, ,DPAG TSAD 'BUM LAM NYI MA GCIG GIS GCOD, ,DE'I MTHUS NAM MKHA'I LAM LAS DPUNG TSOGS BZHI, ,GLING BZHI LHA GNAS DANG POR BGROD BYED PA'I, ,'KHOR LO RIN CHEN PHUL BAS 'GRO BA KUN, ,CHOS KYI SRID LA DBANG BSGYUR THOB PAR SHOG ,RIN CHEN BEEt'U RYA YI ZUR BRGYAD LAS, ,SPROS PA'I 'OD KYIS DPAG TSAD BRGYA YI BAR, ,MTSAN MO'ANG NYI NA MO BZHIN DU SNANG BYED CING, ,TSA BAS GDUNGS TSE 'OD KYIS BSIL BA STER, ,DE NI DUS MIN 'CHI DANG NAD RNAMS SEL, ,YID LA GANG BSAM PHAL CHER 'BYUNG
'GYUR BA'I, ,NOR BU RIN CHEN PHUL BAS 'GRO KUN GYI, ,CHOS LDAN RE BA YID BZHIN GRUB PAR SHOG ,YID 'ONG LTA NA SDUG PA'I BUD MED NI, ,LUS DANG KHA NAS DRI ZHIM RAB TU 'BYUNG, ,GANG GIS REG NA BDE BA'I MCHOG STER SHING, ,GLING DER BKRES SKOM MYA NGAN SEL BAR BYED, , BUD MED SKYON LNGA SPANGS SHING YON TAN NI, ,RNAM BA BRGYAD DANG RAB TU LDAN GYUR BA'I, ,BTZUN MO RIN CHEN PHUL BAS 'GRO BA KUN, ,ZAG MED BDE BA CHE LA SPYOD BAR SHOG ,GZHAN LA MI 'TSE CHOS MA YIN PA SPANGS, ,YANG DAG THA SNYAD LAS LA SKYO BA MED, ,SA YI BDAG PO'I YID LA BSAM PA RNAMS, ,MA SMRAS PAR YANG SHES NAS SGRUB PAR BYED, ,DPUNG RNAMS 'GRO DANG GNAS DANG LDOG PA YI, ,BYA BA KUN LA RAB TU MKHAS GYUR PA'I, ,BLON PO RIN CHEN PHUL BAS 'GRO BA KUN, ,RGYAL BA'I DGONGS PA JI BZHIN SKONG BAR SHOG ,YAN LAG BDUN LDAN GANGS KYI RI BO 'DRA, ,RANG BZHIN GLANG PO STONG GI STOBS DANG LDAN, ,NYI MA GCIG GIS 'DZAM GLING LAN GSUM 'KHOR, ,CANG SHES SKUD PA YIS KYANG DKRI BAR NUS, ,GZHAN LA MI GNOD MI 'KHRUG DAL GYIS 'GRO, ,PHA ROL SDE LAS RGYAL BAR BYED PA YI,, GLANG BO RIN CHEN PHUL BAS 'GRO BA KUN, ,THEG BA MCHOG GI BZHON PAS 'GRO BAR SHOG ,ME TOG KU MU DA BZHIN RAB TU DKAR, ,LHA YI GTZUG RGYAN NOR BU SOGS KYIS BRGYAN, ,MDOG DANG DBYIBS DANG BONG TSOD PHUN SUM TSOGS, ,BSGO NAN YIN GCIG 'DZAM GLING LAN GSUM 'KHOR, ,LUS LA NAD MED GZI BRJID CHEN PO CAN, ,YONGS SU NGAL BA MED PA'I BZHON PA NI, ,RTA MCHOG RIN CHEN PHUL BAS 'GRO BA KUN, ,RDZU 'PHRUL MCHOG GI SHUGS DANG LDAN BAR SHOG ,RDO RJE RIN CHEN MTHON GA MA RGAD DANG, ,GSER DANG DNGUL DANG SPUG LA SOGS PA NI, ,ZAD BA MED BAS SA PHYOGS RAB 'GENGS PA, ,DE YI 'BYOR BA SHIN TU BRTAN BA SDE, ,G-YO DANG SGYU MED GZHAN LA GNOD PA MED, ,SKYE BO THAMS CAD RAB TU DGA' 'GYUR BA'I, ,KHYIM BDAG RIN CHEN PHUL BAS 'GRO BA KUN, ,GSUNG RAB RIN CHEN MDZOD
, ,KUN 'DZIN BAR SHOG ,CES RGYAL SRID SNA BDUN 'BUL, MCHOD CHOG KHUNGS THUB RNAMS SU NYE BA'I RIN CHEN BDUN 'BUL BA'I SROL CHAR MA DAR PAS 'DIR MA BKOD KYANG 'BUL BAR 'DOD NA, BRAG RI'I BLA MAR GRAGS BAS MDZAD PA'I PHYAG MCHOD KYI CHO GA LAS BYUNG BA LTAR BYA'O, ,JI LTAR SNGON GYI SANGS RGYAS LA, , DBAL GYI BE'U G-YUNG DRUNG 'KHYIL, ,DGE BA'I DON DU MNGA' BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,GSER GYI 'KHOR LO MU KHYUD CAN, ,TSANGS PA CHEN POS PHUL BA LTAR, ,DE BZHIN BDAG GIS 'BUL BAR BGYI, , JI LTAR SNGON GYI SANGS RGYAS LA, ,'DAM GYI SKYON GYIS MA GOS PA'I, ,PADMA DKAR BO PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,NYON MONGS BDUD LAS RGYAL BA YI, ,CHOS KYI RGYAL MTSAN PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,GDUGS DKAR GSER GYI YU BA CAN, ,PHUL BA DE BZHIN BDAG 'BUL GYIS, ,CI BDE BAR NI BZHES SU GSOL, ,JI LTAR SNGON GYI SANGS RGYAS LA, ,RE BA THAMS CAD RDZOGS MDZAD BA'I, ,BUM BA BZANG PO PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,SNYAN PA PHYOGS BCUR SGROG PA YI, ,'BUD DUNG G-YAS 'KHYIL PHUL BA LTAR, ,DE BZHIN BDAG GIS 'BUL BAR BGYI; ;JI LTAR SNGON GYI SANGS RGYAS LA, ,NA BZA' GSER GYI NYA RIS CAN, ,PHUL BA DE BZHIN BDAG 'BUL GYIS, ,CI BDE BAR NI BZHES SU GSOL, ,ZHES BKRA SHIS RTAGS BRGYAD DANG, JI LTAR SNGON GYI SANGS RGYAS LA, ,GZUGS KYI LHA MO 'OD 'CHANG MAS; ;ME LONG PHYAG TU PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,GLANG PO CHEN PO NOR SKYONG GIS, ,GHI HANG PHYAG TU PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA,,
ZHING PA'I BU MO LEGS SKYES MAS, ,BA ZHO PHYAG TU PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,RTZA 'TSONG KHYE'U BKRA SHIS KYIS, ,DUR BA PHYAG TU PHRUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,LHA MCHOG TSANGS PA CHEN PO YIS, ,BIL BA PHYAG TU PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,LHA YI DBANG PO BRGYA BYIN GYIS, ,DUNG DKAR G-YAS 'KHYIL PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,SKAL LDAN BRAM ZE DKAR RGYAL GYIS, ,LI KHRI PHYAG TU PHUL BA LTAR, ,DE BZHIN BDAG GIS 'BUL BAR BGYI, ,JI LTAR SNGON GYI SANGS RGYAS LA, ,GSANG BDAG PHYAG NA RDO RJE YIS, ,YUNGS DKAR PHYAG TU PHUL BA LTAR, ,DE BZHIN BDAG GIS 'BUL BAR BGYI, ,ZHES BKRA SHIS RDZAS BRGYAD 'BUL, 'JAM MGON BLA MA 'KHOR DANG BCAS PA LA, ,DGE SBYONG RNAMS LA THUB PAS BSNGAGS PA YI, ,CHOS GOS GSUM DANG GSIL BYED DRANG SRONG SNOD, ,ZHEN MED MA CHAGS BLO YIS 'BUL BAR BGYI, ,DRI MED MTSAN LA SGRIB PA MI MNGA' YANG, ,DAD PAS NGUR SMRIG RGYAL MTSAN PHUL BA YIS, ,NAM MKHA'I MTHA' DANG MNYAM PA'I SEMS CAN RNAMS, ,SANGS RGYAS BRTUL ZHUGS MCHOG LA SPYOD PAR SHOG , 'JAM MGON BLA MA 'KHOR DANG BCAS PA LA, ,GSER GYI MDOG CAN PAn ZHVA DRI MED 'DI, ,PHUL BAS BDAG SOGS 'GROB MA LUS BA, ,MTHA' BRAL LTA BA'I YANG RTZE RNYED PAR SHOG ,NAM MKHA'I RGYAN GYUR RIN THANG MED PA'I GOS, ,SNA TSOGS DAR GYI SHAM BU G-YO BA CAN, ,TZAN DAN SBRUL GYI SNYING PO DRIS BSGOS PA, ,RAB 'BYAMS BLA RE SPRIN GYIS MCHOD PAR BYA, ,ZHAL ZAS RO BRGYA LDAN PA'I YID 'PHROG PA, ,LEGS SBYAR 'DI NI RGYAL BA SRAS BCAS LA, ,DAD PAS PHUL BA'I 'GRO BA 'DI DAG
, ,KUN; ;'BYOR LDAN TING 'DZIN ZAS LA SPYOD PAR SHOG ,BZHI BRGYA RTZA BZHI'I NAD RNAMS RAB 'JOMS PA'I, ,SMAN MCHOG SNA TSOGS PHUL BAS 'GRO KUN GYI, ,NYON MONG NAD KUN MA LUS GSOS GYUR TE, ,ZAG MED BDE BA'I DPAL LA SPYOD GYUR CIG ,CES CHOS GOS RNAM GSUM SOGS 'BUL, MI LDOG DAD PA'I RTZA BA RAB TU BRTAN, ,BAG YOD KHRIMS KYI SDONG PO MNGON PAR MTHO, ,RGYA CHEN THOS BSAM YAL GA RAB TU RGYAS, ,NGES 'BYUNG BSAM PA'I LO MA MDZES PAR CHAGS, ,YANG DAG LTA BA'I 'DAB MA RNAM PAR BKRA, ,BYANG CHUB SEMS KYI ME TOG MNGON BAR BZHAD, ,LAM BZANG 'BRAS BU SMIN PA'I DPAG BSAM LJON, ,'JAM MGON BLA MA 'KHOR BCAS MNYES PHYIR 'BUL, ,ZHES THOB ZIN BA'AM THOB 'GYUR GYI SGRUB PA'I MCHOD BA 'BUL, RIN CHEN SEMS MCHOG BZUNG BAR BYA BA'I PHYIR, ,DE BZHIN GSHEGS PA RNAMS DANG DAM PA'I CHOS, ,DKON MCHOG DRI MA MED DANG SANGS RGYAS SRAS, ,YON TAN RGYA MTSO RNAMS LA LEGS PAR MCHOD, ,THUB DBANG MCHOD GNAS MCHOG LA YID 'ONG BA'I, ,ME TOG MANDHA RA DANG PADMA DANG, ,AUTPAL LA SOGS DRI ZHIM THAMS CAD DANG, , 'PHRENG BA SPEL LEGS YID 'ONG RNAMS KYIS MCHOD, ,SPOS MCHOG YID 'ONG DRI NGAD THUL BA YI, ,BDUG PA'I SPRIN TSOGS RNAMS KYANG DE LA 'BUL, ,ZHAL ZAS BZA' BTUNG SNA TSOGS BCAS PA YI, ,LHA BSHOS RNAMS KYANG DE LA DBUL BAR BGYI, , GSER GYI PADMA TSAR DU DANG RAB YI, ,RIN CHEN SGRON MA RNAMS KYANG DBUL BAR BGYI, ,SA GZHI BDAR BA SPOS KYIS BYUGS PA DER, ,ME TOG YID 'ONG SIL MA BKRAM PAR BGYI, ,GZHAL MED PHO BRANG BSTOD DBYANGS YID 'ONG LDAN, ,MU TIG RIN CHEN RGYAN 'PHYANG MDZES 'BAR BA, ,DPAG YAS NAM MKHA'I RGYAN GYUR DE DAG KYANG, ,THUGS RJE'I RANG BZHIN CAN LA DBUL BAR BGYI, ,RIN CHEN GDUGS MDZES GSER GYI YU BA CAN, ,'KHOR YUG RGYAN GYI RNAM PA YID 'ONG LDAN, ,DBYIBS LEGS BLTA NA
SDUG PA BSGRENG BA YANG, ,RTAG TU THUB DBANG RNAMS LA 'BUL BAR BGYI, ,ME TOG 'BRAS BU JI SNYED PA YOD PA DANG, ,SMAN GYI RNAM PA GANG ZHIG YOD PA DANG, ,'JIG RTEN RIN CHEN JI SNYED YOD PA DANG, ,CHU GTZANG YID DU 'ONG BA CI YOD DANG, ,RIN CHEN RI BO DANG NI DE BZHIN DU,, NAGS TSAL SA PHYOGS DBEN ZHING NYAMS DGA' DANG, ,LJON SHING ME TOG RGYAN 'BRAS SPUD PA DANG, ,SHING GANG 'BRAS BZANG YAL GA DUD PA DANG, ,LHA SOGS 'JIG RTEN NA YANG DRI DANG NI, ,SBOS DANG DPAG BSAM SHING DANG RIN CHEN SHING, ,MA RMOS 'KHRUNGS PA'I LO TOG RNAM PA DANG, ,GZHAN YANG MCHOD PAR 'OS PA'I RGYAN RNAMS NI, ,MTSO DANG RDZING BU PADMA BRGYAN PA DANG, ,DANG PA SHIN TU SKAD SNYAN YID 'ONG LDAN, ,NAM MKHA' RAB 'BYAMS KHAMS KYI MTHA' GTUGS NA, ,YONGS SU BZUNG BA MED BA DE DAG KUN, ,BLO YIS BLANGS NAS THUB BA SKYES KYI MCHOG ,SRAS DANG BCAS PA RNAMS LA LEGS 'BUL NA, ,YON GNAS DAM PA THUGS RJE CHEN RNAMS KYIS, ,BDAG LA BRTZER DGONGS BDAG GI 'DI DAG BZHES, ,BDAG NI BSOD NAMS MI LDAN BKREN CHEN TE, ,MCHOD BA'I NOR GZHAN BDAG LA CANG MA MCHIS, ,DIS NA GZHAN DON DGONGS PA'I MGON GYIS 'DI, ,BDAG GI DON SLAD NYID KYI MTHUS BZHES SHIG ,RGYAL DANG DE SRAS RNAMS LA BDAG GIS NI, ,BDAG GI LUS KUN GTAN DU PHUL BAR BGYI, ,SEMS DPA' MCHOG RNAMS BDAG NI YONGS BZHES SHIG ,GUS PAS KHYED KYI 'BANGS SU MCHI BAR BGYI, ,DE LAS GZHAN YANG MCHOD PA'I TSOGS, ,ZHES PA NAS, NGES PAR KUN TU 'BYUNG GYUR CIG ,ME TOG DAM PA PHRENG BA DAM PA DANG, ,ZHES PA NAS, RGYAL BA KUN LA PHYAG 'TSAL MCHOD PAR BGYI, ,ZHES BA'I BAR DANG, AOm BADZRA BHU ME A'A: H'Um, DBANG CHEN GSER GYIS GZHI, AOm BADZRA RE KHE A'A: H'Um, PHYI LCAGS RI 'KHOR YUG GIS BSKOR BA'I, DBUS SU RI'I RGYAL PO RI RAB, SHAR LUS 'PHAGS, LHO 'DZAM BU GLING, NUB BA GLANG SPYOD, BYANG
, ,SGRA MI SNYAN, LUS DANG LUS 'PHAGS, RNGA YAB DANG RNGA YAB GZHAN, G-YO LDAN DANG LAM MCHOG 'GRO, SGRA MI SNYAN DANG SGRA MI SNYAN GYI SGRA, NANG GI SHAR DU GLANG PO RIN PO CHE, LHOR KHYIM BDAG RIN PO CHE, NUB TU RTA RIN PO CHE, BYANG DU BTZUN MO RIN PO CHE, SHAR LHOR DMAG DBON RIN PO CHE, LHO NUB TU 'KHOR LO RIN PO CHE, NUB BYANG DU NOR BU RIN BO CHE, BYANG SHAR DU GTER CHEN BO'I BUM PA, NANG GI SHAR DU NYI MA, NUB TU ZLA BA, BDAG GZHAN LUS NGAG YID GSUM LONGS SPYOD DUS GSUM DGE TSOGS BCAS, ,RIN CHEN MAndAL BZANG BO KUN BZANG MCHOD SPRIN TSOGS BCAS PA, ,BLO YIS BLANGS NAS BLA MA YI DAM DKON MCHOG GSUM LA 'BUL, ,THUGS RJE'I DBANG GIS BZHES NAS BDAG LA BYIN GYIS BRLABS TU GSOL, ,ZHES MAndAL TSOM BU NYER GSUM MA LAN GCIG DANG, TSOM BU BDUN DANG, SA GZHI SPOS BYUGS MAS GRANGS BSAGS TE NYER GCIG YAN CHAD BYA, DE NAS SDIG PA'I 'BRAS BU 'KHOR BA SPYI DANG KHYAD PAR DUNG NA SONG GSUM GYI SDUG BSNGAL DRAG LA YUN RING BA BSKYED PA'I TSUL BSAM LA SHIN TU 'JIGS PA'I YID KYIS, DKON MCHOG GSUM LA SKYABS 'CHA' BA'I BSAM PAS, GTZO BO RGYAL BA 'GRO BA'I MGON, ,'GRO BA SKYOB PA'I DON BRTZON PA, ,STOBS CHEN 'JIGS PA KUN SEL LA, ,DE RING NYID NAS SKYABS SU MCHI, ,DE YI THUGS SU CHUD PA'I CHOS, ,'KHOR BA'I 'JIGS PA SEL BA DANG, ,BYANG CHUB SEMS DPA'I TSOGS LA YANG, ,DE BZHIN YANG DAG SKYABS SU MCHI, ,BDAG NI 'JIGS PAS RNAM SKRAG PAS, ,KUN TU BZANG LA BDAG NYID 'BUL, ,'JAM PA'I DBYANGS LA'ANG BDAG NYID KYIS, ,BDAG GI LUS 'DI DBUL BAR BGYI, ,THUGS RJES SPYOD PA MA 'KHRUL BA, ,SPYAN RAS GZIGS MGON DE LA YANG, ,NYAM THAG NGA ROS 'O DOD 'BOD, ,SDIG CAN BDAG LA BSKYABS TU GSOL, ,'PHAGS PA NAM MKHA'I SNYING BO DANG, ,SA YI SNYING BO DAG DANG NI, THUGS RJE CHE MGON THAMS CAD LA, ,SKYABS 'TSOL SNYING NAS 'O DOD 'BOD, ,GANG ZHIG MTHONG NAS GSHIN RJE YI, ,PHO NYA LA SOGS SDANG BA
RNAMS, ,SKRAG NAS PHYOGS BZHIR 'BYER BYED PA, ,RDO RJE CAN LA SKYABS SU MCHI, ,SNGON CHAD KHYED KYI BKA' LAS 'DAS, ,DA NI 'JIGS PA CHE MTHONG NAS, ,KHYED LA SKYABS SU MCHI LAGS KYI, ,'JIGS PA MYUR DU BSAL DU GSOL, ,ZHES LAN GSUM BRJOD LA SANGS RGYAS BYANG SEMS RNAMS KYI BRAN DU BDAG NYID PHUL NAS DE DAG GI SKYABS 'OG TU CHUD PAR BYA, SDIG PA'I 'BRAS BU SDUG BSNGAL MYONG BA'I SEMS CAN MTHA' YAS PA RNAMS DRAN PAR BYAS NAS, BDAG GI MAR GYUR BA'I SEMS CAN 'DI DAG THAMS CAD BDE BA THAMS CAD DANG LDAN PAR BYA, SDUG BSNGAL THAMS CAD DANG BRAL BA NGES PAR BDAG GIS BYA'O, ,DE'I PHYIR DU BDAG GIS BLAN MED PA'I SANGS RGYAS KYI GO 'PHANG CI NAS KYANG MYUR DU THOB PAR BYA'O, ,ZHES LAN MANG DU BRJOD LA BYANG CHUB KYI SEMS YID LA DUNGS DUNGS PA MANG DU BSKYED DO, ,DE GNYIS NI RTEN GYI STOBS SO, ,DE NAS RGYAL SRAS BCAS KYI SPYAN SNGAR NYIS PA THAMS CAD BSGRAG CING RANG NYID NYES CAN DU KHAS BLANG BA'I SGO NAS SMOD BA'I RNAM PA CAN GYI RNAM PAR SUN 'BYIN PA'I STOBS BSGOM BA NI, SANGS RGYAS RKANG GNYIS DAM PA DAG ,THUGS BRTZE THUGS RJE LDAN PA'I THUGS, ,GANG DAG PHYOGS BCU'I 'JIG RTEN NA, ,BZHUGS PA BDAG LA DGONGS SU GSOL, ,BDAG GIS SNGON CHAD SDIG PA'I LAS, , SHIN TU MI BZAD GANG BGYIS BA, ,STOBS BCU'I SPYAN SNGAR MCHIS NAS NI, ,DE DAG THAMS CAD BSHAGS PAR BGYI, ,PHA MA DAG TU MI 'DZIN DANG, ,SANGS RGYAS RNAMS SU MI 'DZIN DANG, ,DGE BA DAG TU MI 'DZIN PAS, ,SDIG BA BDAG GIS GANG BGYIS DANG, ,PHYUG PA'I RGYAGS BAS DREGS PA DANG, ,RIGS DANG LONGS SPYOD DREGS PA DANG, ,GZHON BA'I RGYAGS PAS DREGS PA YIS, ,BDAG GIS SDIG PA GANG BGYIS DANG, ,NYES PA DMIGS SU MA MTHONG BAS, ,NYES PAR BGYIS PA'I LAS DANG NI, ,NYES PAR BSAM SHING NYES SMRAS BA'I; ;SDIG LAS BDAG GIS GANG BGYIS DANG, ,BYIS BA'I BLO YIS 'JUG PA DANG, ,MI SHES MUN PA'I SEMS DANG NI, ,SDIG PA'I GROGS PO'I DBANG GYUR DANG, ,NYON MONGS RNAM PAR 'KHRUG SEMS DANG, ,RTZED MO DGA' BA'I DBANG NYID DANG, ,MYA NGAN DANG NI NAD DBANG
, ,DANG; ;NOR GYIS MI CHOG NYES PA YIS, ,BDAG GIS SDIG BA GANG BGYIS DANG, ,'PHAGS MIN SKYE BO 'DRE BA DANG, ,PHRAG DOG SER SNA'I RGYU DANG NI, ,G-YO DANG DBUL BA'I NYES PA YIS, ,BDAG GIS SDIG PA GANG BGYIS DANG, ,PHONGS DANG RGUD PA'I DUS KYI TSE, , 'DOD PA RNAMS KYIS 'JIGS RGYU DANG, ,PHYUG PO MA YIN GYUR BA YIS, ,BDAG GIS SDIG PA GANG BGYIS DANG, ,G-YO BA'I SEMS KYI DBANG NYID DANG, ,'DOD DANG KHRO BA'I DBANG DAG DANG, ,BKRES DANG SKOM PA'I NYEN BA YIS, ,BDAG GIS SDIG BA GANG BGYIS DANG, ,BZA' BDAG DANG BTUNG BA DANG, ,BUD MED RGYU DANG GOS KYI PHYIR, ,NYON MONGS GDUNG BA SNA TSOGS KYIS, ,BDAG GIS SDIG PA GANG BGYIS DANG, ,LUS DANG NGAG DANG YID KYI SDIG ,NYES PAR SPYAD PA RNAM GSUM BSAGS, ,'DI 'DRA'I TSUL GYIS GANG BGYIS PA, ,DE DAG THAMS CAD BDAG 'CHAGS SO, ,SANGS RGYAS RNAMS DANG CHOS RNAMS DANG, ,DE BZHIN NYAN THOS RNAMS LA YANG, ,GUS PA MA LAGS GANG BGYIS PA, ,DE DAG THAMS CAD BDAG 'CHAGS SO, ,GANG YANG RANG SANGS RGYAS RNAMS DANG, ,BYANG CHUB SEMS DPA' RNAMS LA YANG, ,GUS PA MA LAGS BGYIS PA RNAMS, ,DE DAG THAMS CAD BDAG 'CHAGS SO, ,DAM CHOS SMRA BA RNAMS LA YANG, ,GUS PA MA LAGS BGYIS PA DANG, ,CHOS LA'ANG GUS PA MA BGYIS PA, ,DE DAG THAMS CAD 'DAG 'CHAGS SO, ,BDAG GIS RTAG TU MI SHES PAS, ,DAM PA'I CHOS NI SPANGS PA DANG, ,PHA MA RNAMS LA MA GUS GANG, ,DE DAG THAMS CAD BDAG 'CHAGS SO, ,BLUN PA DANG NI BYIS PA DANG, ,'DOD CHAGS ZHE SDANG GTI MUG DANG, ,NGA RGYAL DREGS PAS BSGRIBS BGYIS PA, ,DE DAG THAMS CAD BDAG 'CHAGS SO, ,BDAG GIS PHYOGS BCU'I 'JIG RTEN DU, ,STOBS BCU RNAMS LA MCHOD PAR BGYI, ,BDAG GIS PHYOGS BCU'I SEMS CAN RNAMS, ,SDUG BSNGAL KUN LAS GDON PAR BGYI, ,SEMS CAN BSAM GYIS MI KHYAB KUN, ,SA BCU LA NI 'GOD
PAR BGYI, ,SA BCU LA NI GNAS NAS KYANG, ,THAMS CAD DE BZHIN GSHEGS GYUR CIG ,JI SRID SDUG BSNGAL RGYA MTSO LAS, ,DE KUN THAR BGYID NUS SRID DU, ,SEMS CAN RE RE'I PHYIR YANG NI, ,BSKAL PA BYE BAR SPYAD PAR SHOG ,GSER 'OD DAM PA ZHES BGYI BA, ,LAS RNAMS THAMS CAD BYANG BGYID BA, ,ZAB MO DAG NI STON BA 'DI, ,SEMS CAN DE DAG BSTAN PAR BGYI, ,GANG GIS BSKAL BA STONG RNAMS SU, ,SDIG PA SHIN TU MI BZAD BGYIS, ,LAN GCIG RAB TU BSHAGS PA YIS, ,DE DAG THAMS CAD BYANG BAR 'GYUR, ,GANG GI LAS KYI SGRIB PA RNAMS ,,MYUR DU YANG DAG ZAD 'GYUR PA, ,GSER O'D DAM BA DGE BA YI, ,BSHAGS PA 'DI DAG BSHAGS NAS NI, R,IN CHEN 'BYUNG GNAS MCHOG BCU BO, ,SA BCU LA NI GNAS PAR SHOG ,SANGS RGYAS YON TAN SNANG BAR BGYI, ,SRID PA'I MTSO LAS BSGRAL BAR BGYI; ;SANGS RGYAS RGYA MTSO CHU BO DANG, ,YON TAN RGYA MTSO ZAB MO DE, ,SANGS RGYAS YON TAN BSAM YAS KYIS, ,THAMS CAD MKHYEN DU RDZOGS PAR BGYI, ,TING 'DZIN BRGYA PHRAG STONG RNAMS DANG, ,GZUNGS RNAMS BSAM GYIS MI KHYAB DANG, ,DBANG STOBS BYANG CHUB YAN LAG GIS, ,STOBS BCU'I DAM BAR 'GYUR BAR BGYI, ,DGONGS PA'I THUGS KYIS SANGS RGYAS RNAMS, ,BDAG LA RNAM PAR GZIGS SU GSOL, ,THUGS RJE LDAN BA'I THUGS KYIS NI, ,NONGS PAR RAB TU BZUNG DU GSOL, ,BDAG GIS BSKAL BA BRGYA RNAMS SU, ,SNGON CHAD SDIG BA GANG BGYIS BA, ,DE PHYIR BDAG NI MYA NGAN SEMS, ,PHONGS DANG MYA ZHA 'JIGS PAS GZIR, ,SDIG PA'I LAS LAS 'JIGS BAR BYED, ,YID NI RTAG TU DMAN PAR GYUR, ,GANG DANG GANG DU SPYOD BGYID PA, ,BDAG NI GANG DU 'ANG DGA' MA MCHIS, ,SANGS RGYAS THAMS CAD THUGS RJE LDAN, ,'GRO BA KUN GYI 'JIGS SEL BAS, ,NONGS BAR RAB TU BZUNG DU GSOL, ,'JIGS PA DAG LAS BDAG THAR MDZOD, ,BDAG GI NYON MONGS LAS RNAMS KYI, ,DRI MA DE BZHIN GSHEGS PAS GSOL, ,
, ,SANGS RGYAS RNAMS KYIS BDAG LA NI, ,SNYING RJE'I CHU YIS BKRU BAR GSOL, ,SDIG PA THAMS CAD BSHAGS PAR BGYI, ,SNGON CHAD BDAG GIS GANG BGYIS DANG, ,DA LTAR BDAG GIS SDIG PA GANG, ,DE DAG THAMS CAD BDAG 'CHAGS SO, ,NONGS BAR BGYIS BA'I LAS RNAMS KUN, ,SLAN CHAD MI BGYID SDOM PAR BGYI, ,BDAG GIS NONGS PA BGYIS PA GANG, ,SDIG DE BCAB PAR MI BGYI'O, ,LUS KYI LAS NI RNAM GSUM DANG, ,NGAG GI RNAM PA BZHI DAG DANG, ,YID KYI RNAM PA GSUM PO RNAMS, ,DE DAG THAMS CAD BDAG 'CHAGS SO, ,LUS KYIS BGYIS DANG NGAG GI LAS, ,YID KYIS RNAM PAR BSAMS PA DANG, ,LAS RNAMS BCU PO BGYIS PA DAG ,DE DAG THAMS CAD BDAG 'CHAGS SO, ,MI DGE LAS BCU SPANGS NAS SU, ,DGE BA BCU PO BSTEN BGYIS TE, , SA BCU LA NI BDAG GNAS BGYI, ,STOBS BCU MCHOG TU 'GYUR PAR BGYI, ,BDAG GI SDIG PA'I LAS GANG DAG ,MI 'DOD 'BRAS BU THOB BGYID PA, ,SANGS RGYAS SPYAN SNGAR MCHIS NAS NI, ,DE DAG THAMS CAD BSHAGS PAR BGYI, ,'DZAM BU'I GLING 'DIR GANG DAG DANG, ,'JIG RTEN KHAMS NI GZHAN DAG TU, ,GANG RNAMS DGE BA'I LAS BYED PA, ,DE DAG KUN LA YI RANG NGO, ,LUS DANG NGAG DANG YID KYIS KYANG, ,BDAG GIS BSOD NAMS GANG GRUB PA, ,BDAG NI DGE BA'I RTZA BA DES, ,BYANG CHUB MCHOG LA REG PAR BGYID, ,SRID 'GRO NYAM NGAR BYIS BA'I BLO YIS NI, ,SHIN TU MI BZAD SDIG PA GANG BGYIS PA, ,STOBS BCU MNGA' BA'I SPYAN SNGAR MCHIS NAS NI, ,SDIG BA DE KUN SO SOR BSHAGS PAR BGYI, ,SKYE BA NYAM NGA SRID PA NYAM NGA DANG, ,'JIG RTEN NYAM NGAG YO SEMS NYAM NGA DANG, ,LUS KYI SPYOD PA NYAM NGA SNA TSOGS KYIS, ,BDAG GIS SDIG PA GANG BSAGS DE 'CHAGS SO, ,BYIS PA BLUN BYAS NYON MONGS NYAM NGA DANG, ,SDIG PA'I GROGS DANG PHRAD PA'I NYAM NGA DANG, ,SRID PA'I NYAM NGA 'DOD CHAGS
NYAM NGA BAR, ,ZHE SDANG NYAM NGA GTI MUG NYAM NGA DANG, ,NGAL BA'I NYAM NGA DUS KYI NYAM NGA DANG, ,BSOD NAMS SGRUB PA NYAM NGA DAG GIS KYANG, ,RGYAL BA YANG DAG MNGON SUM MCHIS NAS NI, ,SDIG PA DE KUN SO SOR BSHAGS PAR BGYI, ,ZHES NYES BA RNAMS BSGRAG BA LAN GSUM BYA'O, ,NYES BA LAS SLAR LDOG PA'I STOBS NI, NYES BA RNAMS YID LA BYAS LA 'DI DANG 'DI RNAMS DENG NAS BZUNG STE MI BYA'O SNYAM PA'I SDOM SEMS BSKYED PAR BYA STE, DUS RING PO SPONG THUB PA RNAMS LA DUS DE TZAM DU MI BYA BA'I BSAM PA DANG, DUS THUNG DU LAS MI THUB BA RNAMS LA YANG K'A TYA YA NAS MDZAD PA LTAR NYIN MTSAN RE RER YANG MI BYA'O SNYAM BA'I SNGOM SEMS MANG DU BYA'O, ,GNYEN PO KUN TU SPYOD PA'I STOBS NI, RGYAL SRAS ZHI BA LHAS DNGOS SU GSUNGS PA DRUG DANG, GZHAN YANG SDIG PA DAG PA'I THABS SU DMIGS NAS DGE BA'I BYA BA LA BRTZON PA THAMS CAD GNYEN PO KUN TU SPYOD BA'I STOBS YIN BAR GSUNGS BAS, GZHAN RNAMS THUN MTSAMS SAM THUN LOGS SU BYA ZHES, SKABS 'DIR SDIG BA 'DAG PA'I THABS SU DMIGS LA, SHES RAB SNYING PO DANG, LTUNG BSHAGS TSAR GCIG ,SPYI BSHAGS LAN GSUM, LUS KYI LAS NI RNAM PA GSUM, ,ZHES DANG, THOG MA MED NAS DA LTA'I BAR, ,ZHES DANG, 'DOD CHAGS ZHE SDANG GTI MUG DBANG GIS NI, ,ZHES SOGS TSIGS BCAD GSUM GYIS BSHAGS BA BYA, PHYOGS BCU'I RGYAL BA KUN DANG SANGS RGYAS SRAS, ,ZHES SOGS KYIS RANG GZHAN GYI DGE BA LA RJES SU YI RANG BYA, GANG RNAMS PHYOGS BCU'I 'JIG RTEN SGRON ME DAG ,CES SOGS KYIS BYANG CHUB KYI SHING GI DRUNG DU BDUD RTZI BRNYES NAS RING DU MA LON PA'I RGYAL BA GTZO BOR BYAS PA'I PHYOGS BCU'I SANGS RGYAS THAMS CAD LA CHOS 'KHOR BSKOR BAR BSKUL, MYA NGAN 'DA' STON GANG BZHED DE DAG LA, ,ZHES SOGS KYIS ZHING KHAMS GANG NA SKU DNGOS KYI GDUL BYA'I DON MDZAD ZIN NAS MYA NGAN LAS 'DA' BA'I MDZAD BSTON BAR BZHED PA'I RGYAL BA GTZOR BYAS PHYOGS BCU'I SANGS RGYAS THAMS CAD LA MYA NGAN LAS MI 'DA' BAR GSOL BA BTAB STE, PHYAG 'TSAL BA DANG MCHOD CING BSHAGS PA DANG, ,ZHES SOGS KYI GONG GI YAN LAG DRUG GIS MTSON PA'I DGE RTZA THAMS CAD GZHAN DON DU RDZOGS BYANG THOB PHYIR BSNGO BAR BYA'O, ,DE NAS DMIGS PA GSAL BAR BYAS NAS MAndAL PHUL TE GSOL BA 'DEBS PA NI, ZHING KHAMS 'BUL BAR ZHU, ZHES PA NAS, DBUS SU LHA DANG
, ,MI'I DBAL 'BYOR PHUN SUM TSOGS BA MA TSANG BA MED PA'I ZHING KHAMS RNAM PAR DAG PA 'DI NYID, KHAMS GSUM CHOS KYI RGYAL PO BTZONG KHA BA CHEN PO'I LHA TSOGS 'KHOR DANG BCAS PA RNAMS LA 'BUL BAR BGYI'O, ,THUGS RJES 'GRO BA'I DON DU BZHES SU GSOL, BZHES NAS BDAG SOGS SEMS CAN THAMS CAD KYI RGYUD BYIN GYIS BRLAB PAR MDZAD DU GSOL, ,BDAG GZHAN LUS NGAG YID GSUM NAS BYIN GYIS BRLAB TU GSOL, ,AI DAm GU RU RATNA MAndAL KHAm NI RYA TA Y'A MI, ,KHAMS GSUM CHOS KYI RGYAL PO BTZONG KHA BA CHEN PO'I LHA TSOGS 'KHOR DANG BCAS BA RNAMS KYIS BDAG GI BLO CHOS SU 'GRO BAR BYIN GYIS BRLAB TU GSOL, CHOS LAM DU 'GRO BAR BYIN GYIS BRLAB TU GSOL, LAM LA BAR CHAD MI 'BYUNG BAR BYIN GYIS BRLAB TU GSOL, PHYIN CI LOG GI LO SNA MTHA' DAG 'GAG PAR BYIN GYIS BRLAB TU GSOL, PHYIN CI MA LOG PA'I BLO SNA MTHA' DAG BDE BLAG TU SKYE BAR BYIN GYIS BRLAB TU GSOL, NGES 'BYUNG GI BSAM PA BCOS MA MA YIN PA BDAG GI RGYUD LA MYUR DU SKYE BAR BYIN GYIS BRLAB TU GSOL, BYAMS SNYING RJE BYANG CHUB KYI SEMS KHYAD PAR CAN BDAG GI RGYUD LA MYUR DU SKYE BAR BYIN GYIS BRLAB TU GSOL, BDAG MED PA'I DE KHO NA NYID RTOGS PA'I SHES RAB KHYAD PAR CAN BDAG GI RGYUD LA MYUR DU SKYE BAR BYIN GYIS BRLAB TU GSOL, THUN MONG DANG THUN MONG MA YIN PA'I LAM GYI RIM PA KHYAD PAR CAN BDAG GI RGYUD LA MYUR DU SKYE BAR BYIN GYIS BRLAB TU GSOL, BLA NA MED PA'I SANGS RGYAS KYI GO 'PHANG MYUR DU THOB BAR BYIN GYIS BRLAB TU GSOL, GNAS SKABS SU YANG NAD DANG, GDON BGEGS DANG, MTHU BYAD RBOD GTONG DANG, DUS MA YIN PAR 'CHI BA DANG, PHAN TSUN 'THAB PA DANG, RTZOD PA DANG, 'GYED PA LA SOGS PA'I 'GAL RKYEN BAR CHAD THAMS CAD RAB TU ZHI BAR BYIN GYIS BRLAB TU GSOL, MTHUN RKYEN TSE DANG, BSOD NAMS DANG, DPAL DANG, 'BYOR BA
DANG; LUNG RTOGS KYI YON TAN DANG, BSHAD SGRUB KYI BYA BA RNAMS YAR NGO'I ZLA BA LTAR 'PHEL BAR BYIN GYIS BRLAB TU GSOL, 'KHOR BA THOG MA MED PA NAS BSAGS PA'I SDIG SGRIB THAMS CAD MYUR DU SBYONG BAR BYIN GYIS BRLAB TU GSOL, PHYIN CHAD SDIG SGRIB GSOG PA'I 'PHRO CHOD PAR BYIN GYIS BRLAB TU GSOL, TSE RABS THAMS CAD DU NGAN SONG GSUM LA SOGS PA'I MI KHOM PA'I GNAS SU NAM YANG MI SKYE BAR BYIN GYIS BRLAB TU GSOL, DAM PA'I CHOS SGRUB BA'I RTEN BZANG BRGYUD MAR THOB PAR BYIN GYIS BRLAB TU GSOL, ,MTSAN NYID YONGS SU RDZOGS PA'I DGE BA'I BSHES GNYEN GYIS RJES SU GZUNG BA DANG NAM YANG MI 'BRAL BAR BYIN GYIS BRLAB TU GSOL, KHYAD PAR DU YANG BDAG 'CHI BA'I DUS LA NYE BAR BAB PA NA, 'JAM MGON BLA MA BTZONG KHA BA CHEN PO'I ZHAL MNGON SUM DU MTHONG BA'I SKAL BA DANG LDAN PAR BYIN GYIS BRLAB TU GSOL, DE'I STOBS KYIS LUS SEMS LA SDUG BSNGAL MED PAR DGA' BZHIN DU SHI 'PHOS TE DGA' LDAN YID DGA' CHOS 'DZIN DU SKYE BAR BYIN GYIS BRLAB TU GSOL, DER SKYES MA THAG TU RGYAL TSAB MI PHAM MGON PO DANG, BLO BZANG 'JAM DPAL SNYING POS RJES SU BZUNG BA'I SKAL BA DANG LDAN BAR BYIN GYIS BRLAB TU GSOL, 'JIG RTEN GYI KHAMS SPYI SGOS KUN TU RIMS NAD DANG, 'GO BA'I NAD DANG, DMAG 'KHRUG DANG, 'BYUNG BA BZHI'I GNOD PA DANG, SAD SER BTZA' THAN MU GE'I 'JIGS PA SOGS RGUD PA'I RIGS MTHA' DAG MING TZAM YANG MI 'BYUNG BAR BYIN GYIS BRLAB TU GSOL, CHAR CHU DUS SU 'BAB PA DANG, LO PHYUGS RTAG TU 'PHEL BA DANG, RGYAL BLON 'BANGS DANG BCAS BA THAMS CAD PHAN TSUN MDZA' ZHING YID BCUGS PA DANG, DKON MCHOG GSUM BLA MAR 'DZIN CING DGE BCU'I KHRIMS LA GNAS PA DANG, GRUB MTHA' NGAN BA'I BSRE LHANG DANG MA 'DRES PA'I RGYAL BSTAN DRI MA MED PA PHYOGS DUS KUN TU DAR ZHING RGYAS PA SOGS BKRA SHIS KYI DGE
, ,MTSAN RGYA CHEN PO RGYUN MI CHAD DU 'BYUNG BAR BYIN GYIS BRLAB TU GSOL, ZHES PA LTA BU SKABS DANG SBYAR NAS GSOL BA BTAB PAR BYA, DE NAS RTEN 'BREL BSTOD PA, BSTOD PA TSANGS BA'I COD PAN, BSTOD SPRIN RGYA MTSO, RDO BO CHEN PO'I BSTOD PA RNAMS JI LTAR RIGS PAR SNGON DU BTANG NAS, RTOGS BRJOD MDUN LEGS MA 'DON TE, BKA' DRIN CHE'O RJE BTZUN MKHYEN PA'I GTER, ,ZHES PA RE RE'I MJUG TU, ZHES GSUNGS DE BZHIN BDAG SOGS RJES 'JUG RNAMS, ,DRI MED RNAM THAR 'BYONGS PAR BYIN GYIS RLOBS, ,ZHES BCUG PAR BYA, DE NAS 'JAM DBYANGS CHOS RJES MDZAD PA'I GSANG BA'I RNAM THAR GSOL 'DEBS, 'JAM DBYANGS KHA CHE PAn CHEN PUn+YE SHR'I SA MDZAD PA'I BTZONG KHA BRGYAD CU MA, RJE MKHAS GRUB RIN PO CHES MDZAD PA'I RNAM DAG GANGS RIM, KUN GZIGS LNGA PA CHEN POS MDZAD PA'I BSTOD PA DPYID KYI RGYAL MO'I GLU DBYANGS, MKHAS PA CHEN PO GUNG THANG PAS MDZAD PA'I BSTOD PA DON DANG LDAN PA SOGS TSIG DON PHUN SUM TSOGS PA'I BSTOD PA GSOL 'DEBS GANG SHES DANG, GZHAN YANG, DPAL LDAN SA GSUM 'GRO BA'I MIG GCIG PU, ,ZHES PA NAS, MCHOG GI DNGOS GRUB BRNYES LA GSOL BA 'DEBS, ,ZHES PA'I BAR DANG, MTSEMS 'DIR DMIGS BRTZE MA BRGYA STONG SOGS GANG MANG DANG, AOm A'A: GU RU SU MA TI K'IRTI SIDDHI H'Um H'Um, ZHES BA'I MTSAN SNGAGS MANG DU BZLA'O, ,DENG NAS BRTZAMS TE TSE RABS KUN TU BDAG ,CES SOGS BYA'O, ,CHO GA 'DI'I SPYI'I KHOG MDO LUGS SU BYAS KYANG, MTSAMS 'DIR SNGAGS DANG 'BREL BA'I BSTOD PA DANG MTSAN SNGAGS BZLA BA LA 'GAL BA MED DE, TSAD LDAN RNAMS KYIS MDZAD PA'I RJE'I BSTOD PA RNAMS SU SNGAGS BLA MED THUN MONG MA YIN BA'I CHOS MING TZAM BYUNG YANG DON GSAL BAR MA BSHAD PAS, DBANG MA THOB PA RNAMS KYIS KYANG 'DON RUNG YIN LA, RGYAL SRAS ZHI BA LHAS PHAR PHYIN THEG BA'I BYANG CHUB SEMS DPA'I NYAMS LEN GYI SKABS SU DE BZHIN GSHEGS PA'I YIG BRGYA DANG, 'OD ZER CAN MA'I GZUNGS SOGS BYA RGYUD NAS BSHAD PA'I SNGAGS BZLA BAR GSUNGS PA'I PHYIR RO, ,DE NAS SMRE SNGAGS KYI SGO NAS THUGS RJE BSKUL BA'I GSOL 'DEBS BYA BA NI, RTZA BA'I BLA MA STON PA BCOM LDAN 'DAS, ,RGYAL TSAB 'JAM MGON JO BO CHEN PO DANG, ,NGO BO DBYER MED 'JAM MGON BTZONG KHA BAS, ,BDAG SOGS NYAM THAG 'GRO RNAMS THUGS
RJES SKYOBS, ,BSOD NAMS ZHING MCHOG RTZA BA'I BLA MA LA, ,BRTEN NAS SDIG LTUNG MANG ZHING CHER BSAGS PAS, ,BDE 'BYUNG GNAS KYIS SDUG BSNGAL RGYUR BYAS BA, ,BDAG SOGS SKAL CHAD 'GRO RNAMS THUGS RJES DRENGS, ,RNYED PAR DKA' BA'I DAL 'BYOR RTEN BZANG LA, ,THAR PAR DKA' BA'I NGAN 'GRO'I RGYU BSAGS PAS, ,DON CHEN LUS KYIS DON LOG RGYUR BYAS PA, ,BDAG SOGS GO LOG 'GRO RNAMS THUGS RJES SGROL, ,NYAM CHUNG LUS SROG RTAG PAR 'DZIN PA'I MTHUS, ,YUN RING SDOD GRABS BYAS KYANG 'CHI BDAG GIS, ,GLO BUR 'JOMS TSE MYA NGAN TSAD MED PA, ,MYONG GYUR BDAG SOGS 'GRO RNAMS MYUR DU SKYOBS, ,NGAN 'GRO'I SDUG BSNGAL SHES KYANG MA BSAMS PAR, ,SGO GSUM BAG MED SPYOD PAS DUS 'DAS PAS, ,PHYI MAR 'GRO SA NGAN SONG KHO NAR NGES, ,DE LAS MYUR DU SKYOBS SHIG THUGS RJE CAN, ,KHA NAS DKON MCHOG MKHYEN MKHYEN ZHES BRJOD KYANG, ,GTING NAS YID CHES DAD BA MA SKYES PAS, ,KHA GTING MI MTSUNGS KHO NAS DUS 'DAS PA, ,BDAG SOGS MGON MED 'GRO RNAMS SKYOBS SHIG RJE, ,BDE SDUG RANG RGYU DGE DANG SDIG BA LAS, ,CUNG ZAD 'CHOL MED 'BYUNG BAR THOS NA YANG, ,BLANG DOR LOG PAR SPYOD PAS DUS 'DAS BA, ,BDAG SOGS RMONGS CHEN 'GRO BA'I SKYABS MDZOD CIG ,SRID PAR ZHEN PA LOG PA'I NGES 'BYUNG DANG, ,BYAMS DANG SNYING RJES DRANGS BA'I BYANG CHUB SEMS, ,MTHA' BRAL GNAS LUGS RTOGS PA'I LTA BA RNAMS, ,MYUR DU RGYUD LA SKYE BAR MDZAD DU GSOL, ,DENG NAS BRTZAMS TE BYANG CHUB MA THOB PAR, ,'JAM MGON KHYOD KYIS 'BRAL MED RJES BZUNG NAS, ,LAS NYON KUN DKRIS RGYU BA BCAD BYAS TE, ,SKYE SHI BAR DO'I 'JIGS LAS BSGRAL DU GSOL, ,NGAN SONG MI KHOM GNAS SU SKYE BA'I SGO, ,GTAN DU BKAG STE DAL 'BYOR BCO BRGYAD DANG, ,THEG MCHOG 'KHOR LO BZHI DANG LDAN
, ,PA'I RTEN, ,BRGYUD MAR THOB PAR BYIN GYIS BRLAB TU GSOL, ,TSE 'DIR DAM CHOS SGRUB LA BAR GCOD PA'I, ,NAD YAMS GDON BGEGS DUS MIN 'CHI BA DANG, ,MTHU BYAD RBOD GTONG 'THAB RTZOD 'KHRUG LONG SOGS, ,'GAL RKYEN NYER 'TSE MTHA' DAG BSAL DU GSOL, ,NAM ZHIG 'CHI BA'I DUS SU 'JAM MGON KHYOD, ,ZHAL BZANG STON CING DBUGS DBYUNG LEGS MDZAD DE, ,GNAD GCOD SDUG BSNGAL GTAN NAS MI MYONG BAR, ,'DU SHES BCU GCIG SGOM PAR MDZAD DU GSOL, ,LUS KYI MGRON KHANG GSHIN RJES 'PHROG BYAS NAS, ,SEMS KYI MGRON PO SKYAS CHEN 'DEGS BA'I TSE, ,'JIGS SKRAG 'KHRUL BA'I DBANG DU MA 'GYUR BAR, ,SPRUL BA'I PHO NYAS LAM SNA BSTAN DU GSOL, ,RTEN MED SEMS KYI SKYES BU RANG NYID KYI, ,SNGON BSAGS DGE BA'I RTAL BZHON BCUG NAS; ;MGON KHYOD THUGS RJE'I SRAB KYIS KHA BSGYUR TE, ,DGA' LDAN GNAS SU KHRID PAR MDZAD DU GSOL, ,GNAS DER SKYES MA THAG TU BYAMS MGON DANG, ,'JAM DPAL SNYING PO'I ZHAL BZANG MNGON GYUR TE, ,YAB GCIG RANG GI THUGS KYI BCUD PHYUNG BA'I, , LEGS BSHAD BDUD RTZIS 'TSO BAR MDZAD DU GSOL, ,GRANGS YAS BSKAL BAR BDAG CAG RNAMS KYI PHYIR, ,RDZOGS BYANG 'DOD BA'I DGONGS BZHED MTHAR PHYIN PAS, ,CHED DU BYA BA BDAG SOGS NYAM THAG RNAMS, ,DA LTA SGROL BAR MDZAD PA'I DUS LA BABS, , GZIGS SHIG GZIGS SHIG BDAG CAG DUB TSUL GZIGS, ,DGONGS SHIG DGONGS SHIG SNGON GYI THUGS DAM DGONGS, ,DRONGS SHIG DRONGS SHIG NGAN SONG SRID LAS DRONGS, ,SKYOBS SHIG SKYOBS SHIG SRID ZHI'I 'JIGS LAS SKYOBS, ,BYIS PA CHUD DUS MA LA GDUNG BA BZHIN, ,RE BA'I SEMS KYIS KHYOD LA YANG DANG YANG, ,GSOL BA BTAB KYANG RJES SU MI 'DZIN NA, ,BRTZE BA'I GTER CHEN YIN PAR GANG GIS 'BOG ,'JAM MGON KHYOD KYI MKHYEN BRTZE NUS GSUM LA, ,GUS PA'I SEMS KYIS GSOL BA BTAB NA
YANG; ;'DOD DON 'GRUB PA'I MTSAN RTAGS MA BYUNG NA, ,RJES SU BZUNG BAR RGYU MTSAN GANG LAS SHES, ,GSOL BA BTAB KYANG SDUG BSNGAL SHUGS DRAG GIS, ,MNAR TSUL SNGAR BZHIN SON GNAS 'DUG NA, ,GANG LAS RGYAL BAS 'GRO RNAMS MA DRANGS PA'I, , RGUD PA MED BAR KHYOD KYIS CI PHYIR GSUNGS, ,SKYABS MCHOG KHYOD LA GUS PAS BRTEN NA YANG, ,LEGS TSOGS KHYAD PAR GONG DU MI 'PHEL NA, ,RGYAL BAS 'GRO LA 'BYOR BAR MA MDZAD PA'I, ,PHUN TSOGS MED PAR GSUNGS PA CI LA DGONGS, ,RANG GI SNGON BSAGS LAS NGAN STOBS CHE BAS, ,BDAG CAG MYONG 'GYUR SDUG BSNGAL MI SEL NA, ,SDIG BA MED PAR SDUG BSNGAL MI 'BYUNG BAS, ,KHYOD KYIS 'GRO RNAMS DU: KHA GANG LAS SKYOBS, ,BDAG SNGON DGE BA STOBS LDAN MA BSAGS BAS, ,DA LTA BDAG LA LEGS TSOGS MI STZOL NA, ,'BYOR LDAN GZHAN LAS NOR SLONG MI DGOS BZHIN, ,DGE CHEN YOD NA KHYOD LA GSOL CI DGOS, ,BDAG SOGS SNYIGS DUS NYAM THAG 'GRO BA RNAMS, ,THUGS RJE'I GTER CHEN KHYOD KYIS DOR LAGS NA, ,SNGON TSE DBANG PO'I TOG SOGS RGYAL RNAMS KYIS, ,SNYING STOBS CHE ZHES BSNGAGS PA'I DGOS PA'ANG CI, ,'ON KYANG KHYOD KYI MKHYEN BRTZE'I GTING MTHA' MED, ,'PHRIN LAS RLABS PHRENG DUS LA MI G-YOL NA'ANG, ,KHA MED BU CHUNG GSO THABS MED PA LTAR, ,SKAL CHAD BDAG CAG KHO NA'I SKYON DU ZAD, ,YID 'GYOG 'GRO BA LTA BU'I RDZU 'PHRUL GYIS, ,PHYOGS BCU'I ZHING KHAMS KUN TU BTZAL NA YANG, ,KHYOD LAS LHAG BA'I SKYABS BZANG MA RNYED BAS, ,RE SA GZHAN NA MED DO THUGS RJES BZUNG, ,TSE RABS KUN TU RGYAL BA BTZONG KHA PAS, , THEG MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS PA'I LAM BZANG 'DI NYID LAS, ,SKAD CIG TZAM YANG LDOG PAR MA GYUR CIG ,CES GDUNG SHUGS DRAG POS GSOL BA GDAB, DE NAS LAM RIM BSDUS DON NYAMS MGUR MAR GRAGS PA'AM, BYIN RLABS DBUNG ZHUS
, ,GANG YANG RUNG BA ZHIG DANG SBRAGS NAS LAM YONGS RDZOGS LA SHAR SGOM BYA'O, ,DE NAS BSAGS PA'I DGE BA RNAMS SPEL ZHING MI ZAD PAR BYA BA'I PHYIR BSNGO SMON RNAM PAR DAG PA ZHIG BYA DGOS BAS, THOG MAR GZUNGS MDO NAS BSHAD PA'I PHAN YON RNAMS LA YID CHES PA'I SGO NAS, BYAMS PA DAM BCA' BA'I GZUNGS GANG MANG BZLAS NAS, , BYANG CHUB SEMS DPA'I SMON LAM 'BUM PHRAG GRANGS MED PA BCU BSDUS BA'I SNGOM CHEN PO YIN PAS BYIN RLABS KYI TSAN KHA SHIN TU CHE BA'I PHYIR BZANG SPYOD SMON LAM DANG, DE NAS BYAMS PA'I SMON LAM, DGA' LDAN YID DGA' CHOS 'DZIN DU SKYE BA'I SMON LAM RNAMS SEMS GZHAN DU MI G-YENG BAR TSIG DON DRAN BZHIN BA'I SGO NAS GDON PAR BYA, DE NAS SGOS KYI SMON LAM 'DI LTAR GDAB BAR BYA STE, RANG CAG RNAMS KYI DUS GSUM DANG 'BREL ZHING GZHI GSUM LAS BYUNG BA'I DGE BA'I TSOGS JI SNYED CIG MCHIS PA THAMS CAD DANG, LNGA BRGYA BA RNAMS KYI GTZUG GI NOR BU RJE BTZUN BLA MA BTZONG KHA PA CHEN PO ZHES RNAM PAR DKAR BA'I SNYAN PA'I BA DAN 'JIG RTEN GSUM NA G-YO BA DE NYID KYIS SNGON RGYAL BA DBANG PO'I TOG LA SOGS PA'I SANGS RGYAS DPAG TU MED PA'I SPYAN SNGAR BDAG SOGS SEMS CAN THAMS CAD SMIN GROL GYI LAM BZANG POR 'GOD PA'I DON DU THUGS BSKYED DANG SMON LAM RLABS PO CHE JI LTAR BTAB PA DANG, SKU TSE 'DIR YANG BKA' RTZOM LEGS BSHAD DU MAR SMON LAM RMAD DU BYUNG BA MTHA' YAS PA JI LTAR BTAB CING BYIN GYIS BRLABS PA'I STOBS PHYOGS GCIG TU BSDOMS PA'I 'OD ZER GYI PHUNG PO CHEN BOS RANG CAG RNAMS KYI 'KHOR BA THOG MA MED PA NAS BSAGS BA'I SDIG SGRIB KYI MUN CHEN MA LUS PA SEL BAR GYUR CIG ,DE'I MTHU LA BRTEN NAS BDAG 'CHI BA'I DUS LA NYE BAR BAB PA NA 'JAM MGON BLA MA BTZONG KHA BA CHEN PO SRAS KYI MTHU BO GNYIS DANG BCAS PA GSAL BAR MTHONG STE, DE DAG LA DMIGS PA'I DAD PA SHUGS DRAG RGYUN RIN PO MNGON DU GYUR NAS LUS SEMS LA SDUG BSNGAL PHRA MO TZAM YANG MED BAR SHI 'PHOS MA THAG TU BDAG NYID CHEN BO'I SPRUL BA'I PHO NYAS 'KHRID NAS DGA' LDAN YID DGA' CHOS 'DZIN GYI
GNAS SU RIN PO CHE SNA BDUN LAS GRUB BA'I PADMA'I SBUBS SU RDZUS TE SKYE BA LEN BAR GYUR CIG ,DE MA THAG TU RGYAL TSAB MI PHAM MGON BO'I SKU'I 'OD KYIS PADMA'I 'DAB MA KHA 'BYED PAR MDZAD PA'I NANG NAS THON TE, BCOM LDAN 'DAS BYAMS PA MGON PO DANG, BYANG CHUB SEMS DPA' NAM MKHA' DRI MA MED PA DANG, BLO GROS KYI GTER CHEN 'JAM DPAL SNYING PO GSUM GYI SKU MTSAN DANG DPE BYAD KYIS SPRAS PA 'DZAM BU CHU BO'I GSER GYI ME LONG YANGS SHING RGYA CHE BA'I NGOS LA NYIN BYED 'BUM PHRAG MTHA' YAS PA'I 'OD ZER DUS GCIG TU PHOG PA LTA BU RNAMS MNGON SUM DU MTHONG BAS, SEMS RAB TU DANG BA'I DGA' BA DANG, SKU'I GSANG BA BSAM GYIS MI KHYAB PA LA YID CHES PA'I DAD PA DANG, DE LTA BU'I SKU THOB PAR 'DOD PA'I 'DUN PA RNAMS PHAN TSUN 'GRAN PA BZHIN DU 'PHEL BAR GYUR CIG ,DE DAG LA DMIGS PA'I DAD BA SHUGS DRAG POS KUN NAS BSLANG STE BYAMS MGON 'KHOR DANG BCAS BA'I ZHABS LA MGO BOS PHYAG 'TSAL ZHING, LHA'I ME TOG DANG BA DUG PA DANG SPOS DANG PHRENG BA DANG, GDUGS DANG RGYAL MTSAN DANG BA DAN LA SOGS PA DNGOS SU 'BYOR BA DANG, YID KYIS SPRUL BA'I MCHOD PA'I SBRIN GYIS PHUNG PO BSAM GYIS MI KHYAB PAS MCHOD PAR BYAS TE, GDAMS PA DANG RJES SU BSTAN BA MTHA' YAS PA NOD PAR GYUR CIG ,KHYAD PAR DU YANG DA LTA 'JAM MGON BLA BA TZONG KHA BA CHEN PO'I LEGS BSHAD DRI MA MED PA RNAMS LA DAD PAS THOS SOGS BYAS PA'I RGYU RGYEN BZANG BO'I MTHUS, BDAG NYID CHEN PO 'JAM DPAL SNYING POS LHAG PAR YANG THUGS BRTZE BA'I SGRO NAS MNYES BZHIN DU RJES SU BZUNG STE, SNGAR 'DZAM BU GLING DU DANG BAR MDZAD PA'I LEGS BSHAD RMAD DU BYUNG BA THAMS CAD MA TSANG BA MED PA 'DOMS PAR GYUR CIG ,DE RNAMS KYI DGONGS DON JI LTA BA BZHIN DU RTOGS PAR BYED CING 'BAD RTZOL CHEN PO'I SGO NAS TSUL BZHIN DU NYAMS SU LEN PAS SRED PA MTHA' DAG LA ZHEN PA LOG PA'I NGES BYUNG DANG, BDAG PA
, ,GZHAN GCES PA'I BYANG CHUB KYI SEMS DANG, RTAG CHAD KYI MTHA' GNYIS DANG BRAL BA'I YANG DAG PA'I LTA BA GSUM YAN LAG DANG BCAS PA LA RTZOL MED KYI MYONG BA KHYAD PAR CAN RGYUN CHAGS SU 'BYUNG BAR GYUR CIG ,DE'I STOBS KYIS SRID PA'I PHUN TSOGS LA CHAGS SHING ZHEN PA'I BLO DANG, RANG DON GTZO BOR 'DZIN PA'I YID BYED DANG, RTAGS CHAD KYI MTHAR 'DZIN PA'I LTA BA NGAN PA RNAMS SKAD CIG TZAM YANG MI SKYE BAR RGYUN DU THABS SHES KHYAD PAR CAN ZUNG DU 'BREL BA'I LAM BZANG PO BAR MA CHAD PAR NYAMS SU LEN PA'I SGO NAS SANGS RGYAS KYI GO 'PHANG MYUR DU THOB STE, GANG LA GANG 'TSAM PA'I SPRUL BA'I BKOD PA BSAM GYIS MI KHYAB PAS MKHA' KHYAB KYI SEMS CAN THAMS CAD SRID ZHI'I RGUD PA LAS YONGS SU SGROL BAR GYUR CIG ,GAL TE DNGOS KYI SKYE BA PHYI MAR DGA' LDAN YID DGA' CHOS 'DZIN DU SKYE BAR MA NUS NA'ANG NGAN SONG GSUM LA SOGS PA'I MI KHOM PA'I GNAS SU NAM YANG MI SKYE BAR DAL BA BRGYAD DANG 'BYOR BA BCU TSANG BA'I RTEN BZANG PO BRGYUD MAR THOB PAR GYUR CIG ,DE DAG THAMS CAD KYANG THEG MCHOG 'KHOR LO BZHI DANG, MTHO RIS KYI YON TAN BDUN DANG, RNAM SMIN GYI YON TAN BRGYAD LA SOGS PA LAM BZANG SGRUB PA'I RTEN MTSAN NYID YONGS SU RDZOGS PA SHA STAG TU GYUR CIG ,DE DAG GI GNAS SKABS THAMS CAD DU'ANG TSE RABS SNGA MA RJES SU DRAN PA DANG, RGYAL BA'I BSTAN PA LA RAB TU BYUNG STE TSUL KHRIMS GTZANG MA SRUNG BA DANG, THEG PA CHEN PO'I DGE BA'I BSHES GNYEN MTSAN NYID THAMS CAD DANG LDAN PAS MNYES BZHIN DU RJES SU 'DZIN PA DANG, THUB BSTAN NYID KHU BLO BZANG RGYAL BA'I GSUNG RAB DRI MA MED PA LA THOS BSAM SGOM GSUM RNAM PAR DAG BA SGRUB PA'I SKAL BA MCHOG DANG LDAN PA SHA STAG TU SKYE BAR GYUR CIG ,DE DAG LA BRTEN NAS TSE RABS THAMS CAD DU GZUNGS DANG SPOBS PA DANG, SPYAN DANG MNGON PAR SHES PA DANG,
RNAM PAR MI RTOG PA'I TING NGE 'DZIN DANG, CHOS RAB TU RNAM PAR 'BYED PA'I SHES RAB RNAM PA BZHI DANG, BYAMS SNYING RJE BYANG CHUB KYI SEMS LA SOGS PA'I YON TAN KHYAD PAR CAN RNAMS THOS PA DANG NAM YANG MI 'BRAL BAR GYUR CIG ,DE'I STOBS KYIS RGYAL TSAB MI PHAM MGON PO 'DZAM BU'I GLING DU MCHOG GI SPRUL SKU'I MDZAD PA BSTAN PA'I TSE 'KHOR GYI THOG MAR SKYES NAS GSUNG GI BDUD RTZI LA NGOMS MED DU LONGS SPYOD PAR GYUR CIG ,DE'I TSE RGYAL BA BYAMS PA THUGS RAB TU DGYES TE BSOD NAMS KYI TSOGS RAB 'BYAMS MTHA' YAS BAS MNGON PAR GRUB PA'I 'KHOR LO'I MTSAN GYIS SBRAS PA'I PHYAG G-YAS BA BDAG GI MGO LA BZHAG NAS BLA NA MED PA'I BYANG CHUB MCHOG TU LUNG STON PAR GYUR CIG ,MDOR NA SKYE BA THAMS CAD DU 'JAM MGON BLA MA BTZONG KHA PA CHEN POS NAM YANG 'BRAL BA MED PAR THEG PA CHEN PO'I DGE BA'I BSHES GNYEN DNGOS SU MDZAD DE, RGYAL BAS GSUNGS PA'I CHOS PHUNG BRGYAD KHRI BZHI STONG GI GNAD MA LUS PA BSDUS PA'I GDAMS NGAG KHYAD PAR CAN LHUG PAR BSTZAL BA LA BRTEN NAS SA DANG LAM GYI BGROD PA YID 'GYOG 'GRO BA LTAR MYUR DU MTHAR PHYIN TE, MA RGAN SEMS CAN THAMS CAD KYI SDUG BSNGAL GYI NAD MA LUS PA SEL BA'I SMAN DANG, PHAN BDE MTHA' DAG 'BYUNG BA'I GNAS YID BZHIN GYI NOR BU LTA BUR GYUR CIG ,SKYE BA 'DIR YANG DAM PA'I CHOS SGRUB BA LA BAR DU GCOD PA'I 'GAL RKYEN MI MTHUN PA'I PHYOGS THAMS CAD MING TZAM YANG MI 'BYUNG BAR GYUR CIG ,TSE DANG BSOD NAMS DANG, DPAL DANG 'BYOR BA LA SOGS PA LEGS TSOGS 'PHEL BA DANG RJES SU MTHUN PA'I RGYU RKYEN MTHA' DAG DPAG BSAM GYI SHING GI 'BRAS BU LTAR LHUN GYIS 'GRUB PAR GYUR CIG ,DE LTAR GNAS SKABS DANG MTHAR THUG GI 'DOD DON 'GRUB PA'I RGYUR BSNGO BAR BYA BA'I DGE RTZA THAMS CAD YUL KHYAD PAR CAN LA DMIGS PA'I KHONG KHOR DANG, RGYU DANG 'BRAS BU LA SKUR BA
, ,'DEBS PA'I LOG LTA DANG, DAM PA'I CHOS SPONG BA DANG, BLA MA DANG BYANG SEMS SOGS LA KHYAD DU GSOD CING NGA RGYAL BSKYED PA LA SOGS PA'I SKYON GYIS CUNG ZAD KYANG MI NYAMS PAR, DUS GSUM GYI RGYAL BA DANG RGYAL SRAS CHEN PO RNAMS KYIS DGE BA'I RTZA BA RNAMS GANG DANG GANG GI RGYUR BSNGOS SHING BSNGO BAR 'GYUR BA'I SMON PA'I GNAS DE DANG DE'I RGYU RNAM PAR DAG PA KHO NAR GYUR CIG ,CAS SMON LAM GDAB, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAM PAR SNANG MDZAD 'OD KYI RGYAL PO LA PHYAG 'TSAL LO, ,BYANG CHUB SEMS DPA' SEMS DPA' CHEN PO KUN TU BZANG PO LA PHYAG 'TSAL LO, ,TADYA TH'A, AOm PANYTZI GRI YA AA WA BO DHA NI SV'A H'A, ZHES PA'I SNGAGS 'DI BTON NA RANG GIS SMON LAM BTAB TSAD 'GRUB PAR SMON LAM YONGS SU GRUB PA'I MDO LAS GSUNGS PAS LAN GSUM MAM BDUN SOGS JI LTAR RIGS PAR BZLA, RMAD BYUNG SRAS BCAS RGYAL BA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,BDAG GI LHAG BSAM DAG PA'I MTHU STOBS KYIS, ,RNAM DAG SMON PA'I GNAS KUN 'GRUB PAR SHOG ,RAB 'BYAMS ZHING GI RGYAL BA BYANG SEMS DANG, ,RANG RGYAL NYAN THOS RNAMS KYI BDEN STOBS DANG, ,NAM YANG BSLU BA MED PA'I RTEN 'BREL MTHUS, ,BDAG GI SMON LAM MYUR DU 'GRUB PAR SHOG ,SANGS RGYAS SKU GSUM BRNYES PA'I BYIN RLABS DANG, ,CHOS NYID MI 'GYUR BDEN PA'I BYIN RLABS DANG, ,DGE 'DUN MI PHYED MTHUN PA'I BYIN RLABS KYIS, ,JI LTAR BTAB PA SMON LAM LHUN GRUB SHOG ,CES KYANG BYA'O, ,DE NAS GTOR MA 'BUL BAR 'DOD NA, DKAR GTOR CHA BZHI PHYAG LEN LTAR BSHAMS NAS, KUN GZIGS LNGA PA CHEN POS MDZAD PA'I GTOR MA CHA BZHI'I CHOG LA TSIG SNA CUNG ZAD BRJE BAS CHO GA STE, DE'I TSUL NI 'DI LTAR, DKON MCHOG GSUM GYI BDEN PA DANG, SANGS RGYAS DANG BYANG CHUB SEMS DPA' THAMS CAD KYI BYIN GYIS RLABS DANG, TSOGS GNYIS YONGS SU RDZOGS PA'I
MNGA' THANG CHEN PO DANG, CHOS KYI DBYINGS RNAM PAR DAG CING BSAM GYIS MI KHYAB PA'I STOBS KYIS CHA BZHI'I GTOR MA RNAMS LHA DANG MI'I YO BYAD DAM PA ZHAL ZAS PHUL DU PHYIN PA SNA TSOGS KUN TU BZANG PO'I MCHOD PA'I SPRIN RGYA MTSO THAMS CAD KYI SA RGYAS PAR GANG ZHING RGYAN GLUBS PA DANG LDAN PAR GYUR CIG ,MCHOD SBYIN GYI YUL DU GYUR BA'I MGRON RNAMS KYANG GSHEGS SHING GDAN 'JOM NAS BZHES TE LONGS SPYOD PAR GYUR CIG ,GTOR MA DANG PO, 'DOD YON LNGA LDAN ZAS MCHOG DAM PA 'DI, , KHAMS GSUM CHOS KYI RGYAL PO BTZONG KHA BA'I, ,LHA TSOGS 'KHOR DANG BCAS PA THAMS CAD LA, ,'BUL LO MCHOG THUN DNGOS GRUB STZAL DU GSOL, ,GNYIS PA, 'DOD YON LNGA LDAN ZAS MCHOG DAM PA 'DI, ,BSTAN 'GRO'I PHAN BDE BLA NAS BLAR SPEL BA'I, ,BSRUNG MA DAM CAN RGYA MTSO'I TSOGS RNAMS LA, ,'BUL LO 'PHRIN LAS MTHA' DAG SGRUB BAR MDZOD, ,GSUM PA, 'DOD YON LNGA LDAN ZAS MCHOG DAM PA 'DI, ,GDON BGEGS 'BYUNG PO LAN CHAGS RGYUD LNGA'I 'GRO, ,SNYING RJE'I YUL DU GYUR PA MA LUS PA, ,BSNGOS TSIM SGRIB BYANG SANGS RGYAS MYUR THOB SHOG ,BZHI PA, 'DOD YON LNGA LDAN ZAS MCHOG DAM PA 'DI, ,YUL GZHI GNAS MAL 'TSO BA NYER SBYOR BA'I, ,YUL LHA GZHI BDAG 'KHOR DANG BCAS PA LA, ,'BUL LO CHOS LDAN 'PHRIN LAS THOGS MED SGRUBS, ,BDAG GI BSAM BA'I STOBS DANG NI, ,DE BZHIN GSHEGS PA'I BYIN STOBS DANG, ,CHOS KYI DBYINGS KYI STOBS RNAMS KYIS, ,'PHAGS PA RNAMS LA MCHOD PA DANG, ,SEMS CAN RNAMS LA BYIN PA YI, ,DON RNAMS GANG DAG BSAM PA KUN, DE DAG THAMS CAD CI RIGS PAR, ,THOGS PA MED PAR 'BYUNG GYUR CIG ,BREL DUS GTOR MA 'BUL MA BYAS KYANG CHAD PA'I SKYON DU MI 'GYUR RO, ,GTANG NGAG GI PHYAG MCHOD NI, NGO MTSAR RMAD BYUNG MKHYEN RAB NGANG BA'I MCHUS, ,GZHUNG LUGS BZANG NGAN 'O CHU PHYE MDZAD PA'I, ,MKHYEN PA'I
, ,GTER CHEN 'JAM MGON BTZONG KHA BA'I, ,LHA TSOGS 'KHOR DANG BCAS LA GUS PHYAG 'TSAL, ,JI SNYED SU DAG ZHES PA NAS CHEN POR BSNGO, ,NONGS PA BZOD PAR GSOL BA NI, 'JAM MGON BLA MA BTZONG KHA BA CHEN PO'I LHA TSOGS 'KHOR DANG BCAS PA RNAMS LA PHYAG MCHOD GSOL BTAB BYAS BA'I SKABS 'DIR BDAG CAG DUS NGAN PA'I SEMS CAN SPYOD BA DMAN ZHING MA DAG BAS MA 'TSAL BA DANG BAG MA MCHIS PA'I DBANG GIS LUS NGAG YID GSUM GYI SPYOD PA NYON MONGS PA DANG 'DRES PA DANG MCHOD PA'I DNGOS PO CHUNG ZHING NGAN PA DANG, GTZANG SPRA MA PHYED PA DANG, JI SKAD BSHAD PA'I CHOG BZHIN DU MA LCOGS PA LA SOGS PA 'KHRUL ZHING NONGS PA THAMS CAD RJE BTZUN BTZONG KHA BA CHEN PO LA SOGS PA 'PHAGS PA THUGS RJE CHEN PO DANG LDAN PA RNAMS LA BZOD PAR GSOL ZHING MCHIS NA, THUGS BRTZE BAR DGONGS TE BZOD PAR ZHES SHING 'PHRAL DANG YUN DU BDAG GI SGRIB BAR MI 'GYUR BAR BYIN GYIS BRLAB BAR CI GNANG, MA 'BYOR BA DANG NYAMS PA DANG, ,GANG YANG BDAG RMONGS BLO YIS NI, ,BGYIS BA DANG NI BGYID STZAL GANG, ,DE YANG BZOD PAR MDZAD DU GSOL, ,DUS NGAN SEMS CAN BSOD NAMS DMAN, ,MA RIG NYON MONGS DANG 'DRES PA, ,'PHAGS PA'I THUGS DGONGS MA RDZOGS PA, ,DE YANG BZOD PAR MDZAD DU GSOL, ,SER SNA'I DBANG GYUR MI MKHAS PAS, ,MCHOD PA NGAN ZHING BSHAM NYES PA, ,MGON PO THUGS RJE CHE LDAN PAS, ,DE YANG BZOD PAR MDZAD DU GSOL, X ,LHAG PA DANG NI CHAD PA DANG, ,CHO GA'I YAN LAG NYAMS PA DANG, ,BDAG GI BRJED NGAS CHI MCHIS PA, ,DE YANG BZOD BAR MDZAD DU GSOL, ,DE NAS MGRON GSHEGS GSOL BYED NA, SMAN BLA'I MDO CHOG NAS BYUNG BA LTAR BYA LA, RANG LA BSDU BAR BYED NA, BKA' DRIN MNYAM MED 'JAM MGON BTZONG KHA BA, ,BDAG GI SNYING GAR PADMO'I STENG BZHUGS LA, ,BKA' DRIN CHEN PO'I SGO NAS RJES BZUNG STE, ,SKU GSUNG THUGS KYI DNGOS GRUB STZAL DU GSOL, ,ZHES GSOL BA BTAB PAS, 'KHOR RNAMS GTZO BO LA BSDU, 'JAM MGON BLA MA BTZONG KHA PA CHEN PO RANG GI X BAG MED SPYOD PA MA DAG PAS, ,JI SKAD BSHAD PA'I CHO GA BZHIN,, MA LCOGS 'KHRUL PA CI MCHIS BA, ,DE YANG BZOD PAR MDZAD DU GSOL,
SPYI BO NAS ZHUGS TE SNYING GAR GNAS PAR BSAM MO, ,MDO CHOG GI SKABS SU MGRON GSHEGS GSOL BYA DGOS BA LTA BUR SNA YANG, RJE GUNG THANG BAS MDZAD PA'I BYAMS PA'I MDO CHOG LAS RANG LA BSDU BAR GSUNGS PAS DE YANG MI RUNG BA MED DAM SNYAM MO, ,TSE RABS KUN TU RGYAL BA BTZONG KHA BAS; ;THEG MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS PA'I LAM BZANG DE NYID LAS, ,SKAD CIG TZAM YANG LDOG PAR MA GYUR CIG ,ZHES DANG, GZHAN YANG YUL DUS DANG MTHUN PA'I BSNGO SMON TSIGS BCAD JI LTAR RIGS PAR BYA DGOS SHING, SPRO ZHENG LONG YOD NA, DGE LDAN BSTAN BA RGYAS PA'I SMON LAM DANG, BSTAN PA 'BAR BA'I SMON LAM GNYIS KA'AM GANG RUNG BYAS TE, ,PHUN SUM TSOGS PA MNGA' BA GSER GYI RI BO 'DRA, ,ZHES SOGS SHIS BRJOD KYIS MTHA' BRGYAN PAR BYA'O, , SMRAS PA, BSOD NAMS ZHING SAR PHYAG MCHOD SA BON GDAB, ,GSOL 'DEBS SMON LAM DROD GSHER BZANG POS SKYONGS, ,KHONG KHRO'I SER BA SRUNGS SHIG BLO GROS CAN, ,PHAN BDE'I LO TOG SMIN PAR GOR MA CHAG , 'DIR 'BAD LEGS BYAS GANG+GA'I CHU RGYUN GYIS, ,'GRO KUN SDIG BA'I DRI MA KUN BSAL TE, ,BDAG GZHAN DGE TSOGS KLUNG MANG CHABS GCIG PAR, ,KUN MKHYEN RGYA MTSO CHEN POR 'JUG GYUR CIG ,BDAG KYANG 'DI NAS SKYAS CHEN 'DEGS PA'I TSE, ,SMON LAM SRAB KYIS KHA LO LEGS BSGYUR PA'I, ,RNAM DAG KHRIMS KYI RTA LA BZHON BYAS TE, ,MI PHAM RGYAL BA'I MDUN SAR PHYIN GYUR CIG, ,CES 'JAM MGON BLA MA BTZONG KHA PA CHEN PO LA PHYAG MCHOD GSOL 'DEBS BYA BA'I CHOG BSGRIGS YID DGA' CHOS 'DZIN DU BGROD PA'I THEM SKAS ZHES BYA BA 'DI NI, LUGS GNYIS LA MKHAS SHING, KHYAD PAR DU NANG RIG PA'I SDE SNOD LA KHEGS PAR SBYANGS PA'I MI DBANG CHEN PO THU RE'ING AERTE NI
[DD] *, ,TAS CHEN PES LE DGA' LDAN BSTAN SKYONG TSE RING GIS 'DI LTA BU ZHIG DGOS ZHES BSKUL MA MDZAD CING, DGE DGON BSLAB BYA'I GLING GI BLA MA GZHUNG LUGS MANG DU THOS BA'I DGE BA'I BSHES GNYEN GRAGS PA CHOS 'PHEL GYIS KYANG BSKUL YOD BA'I THOG, RANG NYID MCHOG TU DAD PAS KYANG MTSAMS SBYAR TE, MKHAS SHING [DD] GRUB PA BRNYES PA'I BLA MA DU MA'I ZHABS KYI RDUL SPYI BOS NOD BA, MANG THOS RIGS SMRA'I GZUGS BRNYAN ^ SBRANG BTZUN NGAG DBANG DPAL LDAN GYIS SBYAR BA 'DIS KYANG BSTAN 'GRO LA PHAN THOGS PAR GYUR CIG , SARBA MANG+GA LAm, ,, ,, BKRA SHIS 'BAR GYUR CIG, ,, ,, [DD]
[BLANK PAGE]