*, ,BYAMS BSTOD TSANGS PA'I COD PAN GYI DGONGS 'GREL LAM MCHOG GSAL BYED CES BYA BA BZHUGS SO,,
, ,NA MO GU RU MANYDZU SHA'I YE, SNYING STOBS THOG MA'I DUS NAS PHUL DU BYUNG, ,DKA' SPYAD RGYAL SRAS GZHAN GYIS 'GRAN MI NUS, , BKA' DRIN SANGS RGYAS KUN LAS RAB LHAG PA'I, ,MNYAM MED SH'AKYA SENG GES DGE LEGS STZOL, ,BYAMS PA'I CHAB KYIS ZHE SDANG ME DPUNG BCIL, ,MKHYEN PA'I ZHUGS KYIS MTSAN 'DZIN BUD SHING BSREGS, ,GSUNG 'PHRIN LCAGS KYUS 'GRO KUN 'DREN MDZAD PA'I, ,RGYAL TSAB DAM PAS BDAG SOGS YANG 'DREN MDZOD, , 'KHRUL BRAL LEGS BSHAD BZANG PO'I GDUNG BYED KYIS, ,THUB BSTAN RI THANG GCIG CHAR GSAL MDZAD PA'I, 'JAM MGON BLO BZANG SNANG BA'I GTER CHEN GYIS, , BDAG BLO'I MUN CHEN SEL BA'I BYIN CHEN STZOL, ,SNGON BYON DAM PAS 'DUL BAR MI NUS PA'I, ,SKAL DMAN BDAG LA THA MAL GZUGS BSTAN NAS, ,RGYAL BA'I
, ,GSUNG GI 'PHRIN LAS SGRUB MDZAD PA'I, ,BSHES GNYEN RNAMS KYIS SLAR YANG BDAG SKYONGS SHIG ,BLO BZANG RGYAL BA'I MGRIN PAR YONGS 'KHYIL BA'I, ,LEGS BSHAD NYAL 'GRO'I GTER GYI CHA SHAS GCIG ,BYAMS BSTOD TSANGS PA'I COD PAN 'DI NYID KYI, ,DGONGS DON GSAL BYED ME LONG DENG 'DIR 'GOD; ;'DIR 'JAM MGON BLA MA TZONG KHA PA CHEN PO'I MDZAD PA'I RJE BTZUN BYAMS MGON GYI BSTOD PA TSANGS PA'I COD PAN 'DI NYID KYI DON 'CHAD PA LA GNYIS, GLENG BSLANG BA DANG DON BSHAD PA'O, ,DANG PO NI, RJE BTZUN TZONG KHA PA CHEN POS RDZING PHYI'I BYAMS PA'I ZHIG GSOS MDZAD NAS, ,LHO BRAG BRA PO DGON PAR BYON, ,GNAS DER ZLA BA BDUN TZAM BZHUGS, DE NAS RGYA GAR SHING GI RI LA 'BYON PAR CHAS PA'I SKABS SU, RJE BTZUN 'JAM PA'I DBYANGS KYIS, RDZING PHYI'I JO BO LA DGE SBYONG GI
RTAGS TSAD MA'I SKYES DANG BCAS PAS BSTOD CING GSOL BA 'DEBS PA'I TSIG TSANGS PA'I COD PAN ZHES BYA BA DON GYI RIM PA 'DI LTAR GYIS LA RTZOM LA PHUL ZHIG DANG, PHYIS 'DUL BA'I BSLAB KHRIMS RNAM PAR DAG PA LA BRTEN NAS BSTAN PA LA PHAN PA RGYA CHEN PO 'BYUNG BA'I RTEN 'BREL YOD DO, ,ZHES GSUNGS PA LA BRTEN NAS DE LTAR MDZAD PAR GSANG BA'I RNAM THAR RIN PO CHE'I SNYEM LAS BSHAD PA LTAR RO, ,GNYIS PA LA GSUM, BSHAD PA LA 'JUG PA; BSHAD PA NYID DGOD PA, BSHAD PA MTHAR PHYIN PA'I TSUL LO, ,DANG PO NI, NA MO SHR'I GU RU, ZHES PA NAS, MI PHAM MGON LA BSTOD, CES GSUNGS TE, DPAL LDAN BLA MA 'JAM PA'I DBYANGS LA PHYAG 'TSAL LO, ,ZHES PA NI GO SLA'O, ,MNYES BSHIN TE SEMS SHIN TU 'JAM ZHING DUL BAR BYAS PA'I BYAMS PA'I CHUS THUGS RGYUD DUS RTAG TU BRLAN PA YIN MOD, DE LTAN YANG NAG PO'I RTZA LAG STE BDUD 'DOD LHAG NYAN DANG BCAS PA SREG PA STE 'JOMS PAR MDZAD PA DANG, SHIN TU BCAD PAR DKA' BA'I SRID PA'I 'CHING BA RANG BZHIN MED PAR RTOGS PA'I SHES RAB KYIS BCAD KYANG, GZHAN DON KHUR DU 'KHYER BA'I SNYING RJE CHEN POS 'KHOR BA'I GNAS SU DAM DU BCINGS SHING, CHAGS SDANG NYE BAR ZHI BA'I BTANG SNYOMS CHEN PO DANG DUS RGYUN TU LDAN YANG, BDAG PAS SEMS CAN GZHAN LA GCES PAR 'DZIN PA'I 'PHAGS MCHOG 'JAM PA'I DBYANGS KYI ZHABS LA
, ,SGO GSUM GUS PAS BTUD NAS, RGYAL BA MI PHAM MGON PO LA BSTOD PAR BGYI'O, ,ZHES MCHOD BRJOD DANG RTZOM PAR DAM BCA' BA MDZAD DO, ,GNYIS PA LA GNYIS, YON TAN BRJOD PA'I SGO NAS BSTOD CING THUGS DGONGS GTANG PAR GSOL BA, 'DOD BYA'I DON SGRUB PA'I GSOL 'DEBS SOGS BYA BA'O, DANG PO NI, GDONG BZHIS MANG PO'I ZHAL NAS RAB TU BSNGAGS, ,ZHES PA NAS, SMRE SNGAGS SGO NAS SMA LA YUD TZAM DGONGS, ZHES GSUNGS TE, GDONG BZHI STE LHA TSANGS BAS MANG PO'I ZHAL NAS RAB TU BSNGAGS SHING, SPYAN STONG LDAN PA STE BRGYA BYIN GYIS DANG BAS DUS RGYUN TU BA LTA LA, DGA'I MA'I BDAG PO STE BDUD DGA' RAB DBANG PHYUG GIS SEMS KHENGS PA'I DREGS PA BTANG NAS BTUNG BA'I YUL DU GYUR BA, RGYAL TSAB MI PHAM MGON PO'I ZHABS LA GUS PA CHEN POS PHYAG BGYI'O, ZHES PA NI TSIGS BCAD DANG PO'I DON NO, , TSANGS PAS THIG LE MCHOG MA LA CHAGS PAS GDONG BZHI SPRUL PA DANG, BRGYA BYIN GYIS SHOL MED MA'I MNGAL DU YIB PA'I RKYEN GYIS MIG STONG 'BYUNG BAR BSHAD TSUL RNAMS MANGS SU DGOS NAS MA BRIS TE, MNGON BRJOD KYI BSTAN BCOS SOGS LAS SHES PAR BYA'O, ,SHIN TU DANG BA'I RGYA MTSOL 'DAB BRGYA PA STE PADMAS MDZES PA BSKYED CING PADMA DE NYID LA YANG NYIN BYED DBANG PO'I 'OD KYIS MDZES PA BSKYED PA DANG, SPRIN SOGS KYIS DAG PA'I NAM
MKHA' LA RGYU SKAR MGON TE ZLA BA'I 'OD KYIS MDZES PA BSKYED CING 'OD DES KYANG KU NGA'I TSAL LA MDZES PA BSKYED PA BZHIN DU, MTSAN DANG DPE BYAD BZANG PO'I PHRENG BAS RGYAL BA BYAMS PA GANG GI SKU LA MDZES PA BSKYED CING SKU DES KYANG MTHONG MA THAG TU MTHONG BO PA'I 'GRO BA DE'I YID 'PHROG PA'I DGA' BA BSKYED PAR MDZAD PA'I BYAMS MGON DAM PA'I ZHABS KYI PADMO SKYE ZHING SKYE BA THAMS CAD DU BDAG GI GTZUG NA MDZES PAR GYUR CIG ,CES PA NI TSIGS BCAD GNYIS PA'I DON NO, BDUD BZHI PHRA DAGS THAMS CAD 'JOMS PAR MDZAD CING, 'KHOR GYI NANG DU RANG GI KUN SPYOD NGAN PA GZHAN GYIS SHES KYIS DOGS PA'I 'JIGS PA KUN DANG BRAL BA DANG, 'JIG RTEN 'GRAN PA GZHAN MED PAS NA MTSUNGS PA MED CING, MI MTHUN PHYOGS THAMS CAD KYIS RDZI BAR MI NUS PAS DPA' BO DANG, SA 'OG SA STENG SA BLA STE SRID PA GSUM GYI SKAL PA DANG LDAN PA'I GDUL BYA RNAMS KYI STON PA MCHOG YIN ZHING, NYAM NGA BA'I GNAS SU LTUNG BA'I 'GRO BA RNAMS LA DUS RTAG TU THUGS RJE CHEN POS GZIGS PA'I RNAM 'DREN DAM PA KHYOD KYIS ZHABS LA PHYAG 'TSAL LO, ,ZHES PA NI TSOGS BCAD GSUM PA'I DON NO, ,GRANGS MTHA' YAS PA'I SHES BYA THAMS CAD LA THOGS MED PAR 'JUG PA'I MKHYEN PA'I SDOBS KYIS MA RUNGS PA'I BDUD KYI SDE THAMS CAD, GNAM LCAGS KYI SER PA STENG DU BABS PA'I ME TOG GZHON NU BZHIN TU PHAM PAR MDZAD
, ,BA'I STOBS BCU'I DPAL GYIS RAB TU BRJID PA KHYOD KYI ZHABS LA PHYAG 'TSAL LO, ,ZHES PA NI TSIGS BCAD BZHI PA'I DON TE, TSIGS BCAD 'DI'I MTHAR GONG GI ZHABS LA PHYAG 'TSAL LO ZHES PA SBYOR DGOS TE; GANG ZHIG GANG DANG 'BREL BA NI, ,RING NA 'DUG KYANG DE DANG DE, ,ZHES GSUNGS PA'I PHYIR, DPER NA DBU MA LA 'JUG PAR, 'GRO BA G-YO BA'I CHU YIN NANG GI ZLA BA LTAR, ,G-YO DANG RANG BZHIN NYID KYIS STONG BAR MTHOD BA YIS,, ZHES PA'I MTHAR GONG GI SNYING RJER GYUR GANG DE LA 'DUD, CES BA SBYAR BA BZHIN TE, 'OG MA RNAMS LA YANG DE BZHIN DU SHES PAR BYA'O, ,STOBS BCU NI, GNAS DANG GNAS MA YIN PA DANG, LAS KYI RNAM SMIN DANG, MOS PA SNA TSOGS DANG, KHAMS SNA TSOGS DANG, DBANG PO'I RIM PA DANG, THAMS CAD DU 'GRO BA'I LAM DANG, KUN NYON RNAM BYANG DANG, SNGON GYI GNAS DANG, 'CHI 'PHO SKYE BA DANG, ZAG PA ZAD PA MKHYEN PA'I STOBS SO, ,PHAS RGOL GLANG PO CHE DREGS PA'I KLAD PA 'GEMS PA STE NGA RGYAL 'JOMS SHING, LEGS PAR BSHAD PA'I SGRA CHEN PO 'KHOR MANG PO'I DBUS SU BSGRAGS PAS, SMRA BA NGAN PA'I WA SKYES MTHAR TE PHAM PAR MDZAD PA'I MI 'JIGS PA BZHI DANG LDAN PA'I MI'I SENG GE KHYOD KYI ZHABS LA PHYAG 'TSAL LO, ,ZHES PA NI TSIGS BCAD LNGA PA'I DON TE, MI 'JIGS PA BZHI NI, RANG NYID RTOGS PA PHUN TSOGS SU DAM BCAS PA DANG, RANG NYID SPANGS PA PHUN TSOGS SU DAM BCAS PA DANG, BAR DU GCOD
PA'I CHOS BSTAN PA DANG, NGES PAR 'BYUNG BA'I LAM BSTAN PA LA MI 'JIGS PA BZHI'O, ,SEMS KHENGS PAS MTHO BA'I 'JIG RTEN GYI MES PO TSANGS PA DANG, NYAG PHRAN STE MDA' LNGA'I BDAG PO DGA' RAB DBANG PHYUG GAM, LHA MIN GYU BU MO NYAG PHRAN GYI BDAG PO STE KHYO 'DOD LTA'I BU MO 'GAG BA DANG, SHES RAB KYIS RLOM PA'I DGE SBYONG DANG BRAM ZE LA SOGS PA GANG GIS KYANG SMRA BAR MI NUS PA'I CHOS KYI 'KHOR LO MCHOG BSKOR BA'I SGO NAS 'GRO BA RNAMS LA BYAMS PA'I MDZAD BSHES MI PHAM MGON PO KHYOD KYI ZHABS LA PHYAG 'TSAL LO, ,ZHES PA NI TSIGS BCAD DRUG PA'I DON NO, ,SKU DANG GSUNG LA 'KHRUL PA'I MING YANG MED PA STE SPRUL NAG PO RKANG PAS RDZI BA LA SOGS PA'I 'KHRUL PA MI MNGA' BA'I LUS KYI LAS DAG PA DANG, LAM STOR NAS CA CO'I SGRA 'BYIN BA LA SOGS PA'I KHRUL BA MI MNGA' BA'I NGAG GI LAS DAG PA DANG, DRAN PA MA NYAMS PA STE BRJED NAS BYA BA SHOR BA DANG DUS LAS YOL BA'I DRAN PA NYAMS PA MI MNGA' BA DANG, RTAG TU MNYAM PAR BZHAG PA STE SNYOMS PAR ZHUGS RUNG MA ZHUGS RUNG DUS THAMS CAD DU THUGS MNYAM PAR MA BZHAG PA MI MNGA' BA DANG, THA DAD 'DZIN PA MA BRTAGS BTANG SNYOMS KYIS DBEN PA STE SRID ZHI LA DON DAM PAR THA DAD DU 'DZIN PA MA BRTAGS BTANG SNYOMS KYIS DBEN PA STE SRID ZHIL DON DAM PAR THA DAD DU 'DZIN PA'I 'DU SHES MI MNGA' BA DANG, SEMS CAN 'DUL BA'I DUS LA SOGS PA SO SOR MA BRTAGS PAR DE'I DON YAL BAR 'DOR BA'I BTANG SNYOMS MI
, ,MNGA' BA BZHI NI YID KYI LAS DAG PA STE, DE LTAR SPYOD PA MA 'DRES PA DRUG DANG LDAN PA'I PHYIR BYAMS MGON KHYOD KYI SPYOD PA YONGS SU DAG PA DANG 'DUN PA DANG NI BRTZON 'GRUS DANG DRAN PA DANG, TING NGE 'DZIN DANG SHES RAB DANG RNAM PAR GROL BA LA NYAMS PA'I GO SKABS MA LUS PA RING DU MDZAD PA STE, DUS THAMS CAD DU SEMS CAN GYI DON MA DAD PA LA RGYUN MI 'CHAD PAR 'DOD PA 'BYUNG BA'I 'DUN PA NYAMS PA MI MNGA' BA DANG, SEMS CAN GYI DON DU ZHING KHAMS MTHA' YAS PAR GSHEGS PA'I BRTZON 'GRUS NYAMS PA MI MNGA' BA DANG, SANGS RGYAS NAS SEMS CAN THAMS CAD KYI SEMS KYI SPYOD PA DANG DE 'DUL BA'I THABS LA SOGS DRAN PA'I LAM DU BZHAG PAS PHYIS DE LA BSAM MI DGOS PA'I DRAN PA NYAMS PA MI MNGA' BA DANG, CHOS THAMS CAD KYI DE BZHIN NYID LA MNYAM PAR 'JOG PA'I TING NGE 'DZIN NYAMS PA MI MNGA' BA DANG, SEMS CAN GYI SEMS KYI SPYOD PA DANG CHOS STON PA MKHYEN PA MI ZAD PA'I SHES RAB NYAMS PA MI MBA BA DANG, 'KHOR BA JI SRID KYI BAR DU SEMS CAN GYI DON MDZAD PA LA MI ZAD PA'I RNAM PAR GROL BA LAS NYAMS PA MI MDA' BA STE RTOGS PA MA 'DRES PA DRUG DANG LDAN PA DE'I PHYIR BYAMS MGON KHYOD KYI RTOGS PA BLA NA MED PA DANG, 'DAS PA DANG MA 'ONGS PA DANG LTAR BYUNG BA'I SHES BYA THAMS CAD BZHED BA TZAM GYIS MKHYEN PA TZAM GYIS MKHYEN PA CHAGS PA MED PA DAN THAMS CAD KHYEN PA THOGS PA MED PA'I MKHYEN PA STE YE SHES MA 'DRES PA GSUM DAG, SKU DANG GSUNG
DANG THUGS KYI 'PHRIN LAS RNAMS YE SHES SNGAR BYUNG GI RGYU LAS BYUNG BAS YE SHES SNGON DU 'GRO ZHING YE SHES DANG LHAN CIG TU RGYU BAS YE SHES KYI RJES SU 'BRANG BA STE 'PHRIN LAS RNAM PAR DAG PA'AM 'PHRIN LAS MA 'DRES PA GSUM STE, SANGS RGYAS KYI CHOS MA 'DRES BA BCO BRGYAD KYI SGO NAS SRID PA'I PHYI MTHA' JI SRID DE 'KHOR BA MA STONGS KYI BAR DU 'GRO PA'I DON MDZAD PA'I KHUR GYIS SKYO DAL MED PAR DGYES BZHIN DU 'JUG PA KHYOD KYI ZHABS LA PHYAG 'TSAL LO, ZHES PA NI SGU DANG ZHES SOGS TSIGS BCAD GSUM GYI DON NO, DE LTAR RGYA CHE BA'I YON TAN GYI PHUNG PO RAB TU RDZOGS PAS NA, SKYON RAGS PA BCOM PAR MA ZAD PHRA MO'I SKYON YANG 'JUG PA'I GO SKABS GTAN NAS BCOM PA KHYOD KYI BRTZE BA CHEN PO'I YUL DU GYUR BA BDAG SMRE SNGAGS KYI SGO NAS SMRA BA 'DI RNAMS LA YUD TZAM ZHIG THUGS DGONGS GTAD PAR ZHU, ZHES PA NI TSIGS BCAD THA 11 MA'I DON NO, ,GNYIS PA LA GNYIS, DAL 'BYOR LA SNYING PO LEN 'DOD SKYE BAR GSOL BA GDAB BA, SNYING PO DNGOS LEN PA'I DON DU GSOL 'DEBS SOGS BYA BA'O, ,SDUG BSNGAL CHU BO CHE LAS SGROL BA'I GRU, ,ZHES PA NAS, BDAG LA KHYOD KYIS THUGS KYIS GZIGS SU 12 GSOL, ZHES GSUNGS TE, SPYONG 'JUG LAS, MI YI GRU LA BRTEN NAS NI, ,SDUG BSNGAL CHU BO CHE LAS SGROL, ,ZHES GSUNGS BA LTAR, 'KHOR BA'I SDUG BSNGAL GYI CHU BO CHEN PO LAS SGROL BA'I GRU LTA BU NI DAL 'GYOR TSAD BA'I RTEN 'DI YIN NA YANG, RTEN 'DI NYID 'KHOR BA LAS SGROL BYED
, ,KYI THABS SU ME 'KHYER BAR, BAG MED PA DANG, LE LO DANG, GNYID DANG, BRE MO'I GTAM DANG, RNYENG PA DANG BKUR BSTI 'DOD PA'I SKYON GYIS SPAGS PAS, TSE 'DI TZAM GYI BDE BSGRUB PA DANG SDUG BSNGAL SEL BA'I THABS 'BA' ZHIG SEMS PA'I SGO NAS, RDO BRDAR BA'I DPE LTAR DON MED PA'I PHYOGS SU BKOL BAS, GNAS SKABS DANG MTHA' THUG GI DON CHEN PO BDE BLAG TU SGRUB PA'I LUS BZANG PO CHUNG GZON PAR BYED PA, NAGS KYI MI BZHIN DU MI'I SHA TSUGS CAN YIN PA LA PHYUGS KYI 'DU SHES CAN BDAG LA, BYAMS MGON KHYOD KYIS 'GRO BA RNAMS YA NYIN MTSAN DUS DRUG TU GZIGS PA'I THUGS RJE CHEN POS GZIGS NAS DAL 'BYOR LA SNYING PO LEN 'DOD BCOS MA MA YIN PA BSKYED PAR MDZAD DU GSOL, ZHES PA'O, ,GNYIS PA LA GSUM, SKYES BU CHUNG DU DANG THUN MONG BA'I LAM SKYE BAR GSOL BA GDAB PA, SKYES BU 'BRING DANG THUN MONG BA'I LAM SKYE BAR GSOL BA GDAB PA, SKYES BU CHEN PO'I LAM SKYE PA'I DON DU GSOL 'DEBS SOGS BYA BA'O, ,DANG PO LA GNYIS, 'CHI BA MI RTAG SOGS BSAM PA'I SGO NAS 'JIG RTEN PHYI MA DON GNYER GYI BLO BSKYED PAR GSOL BA GDAB PA, NGAN 'GRO'I SDUG BSNGAL BSAM PA'I SGO NAS 'JIG RTEN PHYI MAR BDE BA'I THABS BSTEN PAR GSOL BA GDAB PA'O, ,DANG PO LA GSUM, NA RGA 'CHI BA RJES SU DRAN NAS DAL 'BYOR DON LDAN DU BYED PAR GSOL BA GDAB PA, SKYE BA PHYI MAR MTHO RIS THOB PA'I GDENGS MED TSUL BSAM PA'I
SGO NAS DAL 'BYOR DON LDAN DU BYED PAR GSOL BA GDAB PA, MTHO RIS THOB KYANG YID BRTAN DU MI RUNG BA'I TSUL BSAM PA'I SGO NAS DAL 'BYOR DON LDAN DU BYED PAR GSOL BA GDAB PA'O, ,DANG PO NI, RNYED DKA' DON CHE'I DAL 'BYOR THOB PA YANG,, ZHES PA NAS, RAB RMONGS BDAG LA BRTZE BA'I DUS LA BAB, CES GSUNGS TE, SPYOD 'JUG LAS, DE NYID PHYIR NA BCOM LDAN GYIS, ,RGYA MTSO CHER G-YENGS GNYA' SHING GI ,BU KAR RU SPAL MGRIN CHUD LTAR, ,MI NYID SHIN TU THOB DKAR GSUNGS, ,ZHES PA LTAR SHIN TU RNYED PAR DKA' ZHING, SLOB DPON DPA' BOS, GANG ZHIG THOB NA 'KHOR BA YI, ,PHA ROL PHYIN PA'I SA BON BSKRUN, ,BYANG CHUB DPAL GYI SA BON MCHOG, YID BZHIN NOR BU LAS LTAG PA'I; ;YON TAN RGYUN GYI MI RNAMS NI, ,SU ZHIG 'DIR DE 'BRAS MED BYED, ,CES GSUNGS PA LTAR RNYED NA DON SHIN TU CHE BA'I DAL 'BYOR LAN GCIG THOB PA 'DI YANG, MI RTAG PA'I TSOMS LAS GSUNGS PA LTAR NAM 'CHI BA'I NGES PA MED PA STE RGAN GZHON GYI GO RIM MA NGES PAR 'CHI BA DANG, SHRI DZA GA TA MI TRAS, LHA CIG JI LTAR KHYOD 'BYOR KYANG, ,GSHEGS NAS 'JIG RTEN GZHAN BZHUNG TSE, ,MYA NGAN THANG LA DGRAS BCOM LTAR, ,GCIG PU SRAS MED BTZUN MO MIN, ,NA BZA' MA MCHIS BSHES MA MCHIS, ,RGYAL SRID MA MCHIS KHAB MA MCHIS, ,DPAG MED MTHU DPUNG MNGA' LAGS KYANG, ,GZIGS SU MA MCHIS GAS NA MA MCHIS, ,GCIG TZAM NYID CIG PHYI THAG
, ,GIS; ;RJES SU 'BRANG BA'ANG MI MDA'O, ,MDOR NA NYID KYI MTSAN TZAM YANG, ,DE TSE MED NA GZHAN CI SMOS, ZHES GSUNGS PA LTAR 'CHI BA'I DUS KYI TSEN LUS LONGS SPYOD 'KHOR GNYEN BSHES THAMS CAD DOR NAS, RANG NYID GCIG PU 'JIG RTEN PHA ROL TU 'GRO BA SHES BZHIN DU MA DRAN PAR BLOS MI 'CHI BA'I PHYOGS 'DZIN BA'I DBANG GIS, PHYI MA'I DON DU MA 'BAD PAR LO ZLA ZHAG RNAMS DON MED DU 'DA' BAR BYED PA, SBYONG 'JUG NAS GSUNGS PA LTAR NGAN SNGAGS KYIS MGO BA SKOR BA'I MI BZHIN DU RAB TU RMONGS PA BDAG LA THUGS BRTZE BA CHEN PO'I DBANG GIS DAL 'BYOR DEN MED DU 'DA' BA LAS SKYOB PA'I DUS LA BAB PO ZHES PA'O, ,GNYIS PA NI, NGES PAR LEGS PA'I GO 'PHANG SMOS CI DGOS, ,ZHES PA NAS, BDAG LA KHYED KYI BTANG SNYOMS MDZAD LAGS SU SNGA MA, ZHES GSUNGS TE, NGES PAR LEGS PA'I GO 'PHANG THOB PA LTA SMOS CI DGOS, LAM SGRUB PA'I RTEN DU THUB PA'I DBANG POS YONGS SU BSNGAGS PA'I DON LTAR, SLOB SPRINGS LAS, BDE GSHEGS LAM RTEN 'GRO BA 'DREN PAR CHAS GYAR CING, SEMS KYI STOBS CHEN MI YIS RNYED PA GANG YIN PA, LAM DE LHA DANG KLU YIS RNYED MIN LHA MIN DANG, ,MKHA' LDING RIG 'DZIN MI'AM CI DANG LTO 'PHYES MIN, ZHES BSNGAGS PA'I MTHO RIS KYI MI'I LUS TZAM YANG NGES PAR CHEN PO'I SGO NAS RJES SU GZUNG DU GSOL ZHES PA'O, ,GSUM PA BRTZE BA'I GTER CHEN KHYED
KYIS BTANG SNYOMS SU MDZAD LAGS SAM STE THUGS BRTZA BA CHEN PO'I SGO NAS RJES SU GZUNG DU GSOL ZHES PA'O, ,GSUM PA NI, MTHO RIS DPAL DANG LDAN PA'I LUS THOB KYANG, ,ZHES PA NAS, BDAG LA SHES RAB SGRON ME STZAL DU GSOL, ZHES GSUNGS TE, MTHO RIS KYI DPAL DANG LDAN PA'I DAL 'BYOR GYI YUS RTEN THOB KYANG, GSUNG RAB KYI DGONGS DON TSUL BZHIN DU 'BYED PA'I SHES RAB KYIS TSAD LA MA NOR PA'I LAM BZANG PO RNYED PAR MA GYUR NA, BRGYA BYIN 'JIG RTEN MCHOD 'OS GYUR NAS NI, ,LAS KYI DBANG GIS PHYIR YANG SA STENG LTUNG, ,'KHOR LOS SGYUR PA NYID DU GYUR NAS KYANG, ,'KHOR PA DAG TU YANG BRAN NYID DU 'GYUR, ,MTHO RIS BU MO'I NU MA RKED PA LA; ;REG PA'I BDE BA YUN RING MYONG NAS SLAR, ,DMYAL BAR 'THAG GCOD 'BAR BA'I 'KHRUL 'KHOR GYI, ,REG PA SHIN TU MI ZAD BSTEN 'TSAL LO, ,ZHES GSUNGS PA LTAR SLAR YANG 'KHOR BA'I RGYA MTSO'I GTING MA NANG MED SOGS SU LTUNG BAR 'GYUR BA DE'I PHYIR GTI MUG MUN PA'I SMAG CHEN GYIS YUN RING PO'I DUS SU BSGRIBS PA'I DBANG GIS, BLANG DOR GYI GNAS RNAMS JI LTA BA BZHIN 'BYED PA LA RNAM PA KUN NAS 'THOMS SHING RMONGS BAR GYUR BA BDAG LA, BLANG DOR GYI GNAS RNAMS RANG STOBS KYIS 'BYED NUS PA'I SHES RAB SGRON ME STZAL DU GSOL ZHES PA'O, ,GNYIS PA NI, RAB 'BAR LCAGS KYIS GZHIR ME LCES, ZHES PA NAS, NGAN 'GRO'I 'JIGS LAS SKYOB
, ,PA'I DUS LA B'A B'A, CES GSUNGS TE, TSA DMYAL NI, RAB TU 'BAR PA'I LCAGS KYIS KA GZHIR GNAS PA DANG MAR ME'I SNYING PO BZHIN LUS THAMS CAD ME LCE 'BAR BAS SREG PAR BYED CING, LUS LA MTSON CHA SNA TSOGS PA'I CHAR BA 'BAB PA DANG, GSHIN RJE'I SKYES BU KHROS SHING 'JIGS SU RUNG BA'I GSAL SHING LA BSKYON PA STE LCAGS KYIS GSAL SHING RAB TU 'BAR BAS 'PHONGS NAS PHUG STE SPYI BOR 'BYIN PA LA SOGS PA DANG, ZANGS ZHUN LTUNG BA STE ZANGS BSKOL BA KHAR BLU NAS NAS KHA DANG LKOG MA DANG RGYU MA RNAMS TSIG NAS RO SMRAN NAS 'BYUNG BA DANG, PHUR BUS LCE LA 'DEBS BA STE KHA NAS LCE PHYUNG STE LCAGS KYI PHUR BU BRGYAS BRGYANGS NAS GLANG GI KO BA LA BYED PA BZHIN DU THANG BCAD DE GNYER MA DANG KHAM KHUM MED PAR BYED PA LA SOGS PA MTHA' LAS SO, ,GRANG DMYAL NI, GANGS RIS BSKOR BA'I 'KHYAGS PA'I SPUBS SU CHUNG BA DANG, BU YUG 'TSUBS PA'I RLUNG GIS RTAG TU BTAB BSAL LAR LUS LA CHU BUR BRGYA 'BYUNG BA DANG, LA LAR CHU BUR DE RDOL ZHING LUS NI TSAL DU MAR GAS PA'O, ,YI DVAGS NI, GDONG SKRAS KHEBS PA KHA NI SHIN TU BSKAMS SHING LCES LNGAG PA'O, ,'DI LA GSUM LAS ZAS SKOM LA PHYI'I SGRIB PA YOD PA NI, CHU KLUNG MTHONG STE BTUNG BA'I PHYIR BRGYUGS PA NA DER RAL GRI DANG MDUNG LA SOGS PA THOGS PA'I SKYES BUS 'GEGS SHING, CHU YANG RNAG KHRAG NYID DU MTHONG NAS 'THUNG BAR MI
'DOD BA'O, ,ZAS SKOM LA NANG GI SGRIB PA YOD PA NI, KHA NI KHAB KYI MIG TZAM LA WA BAS MGRIN PA 'GAGS PAS, GZHAN GYIS GEGS MA BYAS PAR ZAS SKOM RNYED KYANG SPYOD MI NUS PA'O, ,ZAS SGOM NYID LA SGRIB YOD PA NI, LA LA ZOS SHING 'THUNGS BA RNAMS MER 'BAR NAS 'TSIG PAR BYED CING, LA LA BSHAD GCIS 'TSOL RANG GI SHA BCAD DE ZA BA'O, ,DUD 'GRO NI, MONGS PA'I MUN PA CHEN POS 'THIBS BAS LAM DANG LAM MIN PA 'BYED PA LA BLO'I NUS PA DANG BRAL ZHING, GCIG LA GCIG GSOD BA DANG LHA DANG MI'I GZHAN DBANG DU GYUR BAS BRDEG PA DANG BKOL BA'I SDUG BSNGAL LA SOGS PA 'BAB PO, ,LHA MA YIN NI, LHA RNAMS KYI DPAL 'BYOR LA 'KHRUG PA'I PHRAG DOG GI ME CHEN PO 'BAR BAS YID BDE SKYE BA'I GO SKABS BCOM ZHING, LHA RNAMS DAD 'THAB RTZOD BYAS PA LAS BYUNG BA'I LUS BCAD PA DANG DRAL BA LA SOGS PA'I SDUG BSNGAL DU MA MYONG ZHING, SHES RAB DANG LDAN YANG G-YO DANG SGYUS BSLANG BAS RTEN DE LA BDEN PA MTHONG BA'I SKAL BA MED PA'O, ,DE LTAR DNGOS SU MTHONG BA LTA ZHOG TSIG TZAM THOS NA YANG SNYING LA 'JIGS PA CHEN PO BSKYED CING SKYI G-YA' BA'I DMYAL BA BA DANG, YI DAGS DANG DUNG 'GRO DANG LHA MIN GYI G-YANGS CHEN PO DAG TU LHUNG BAR 'GYUR BA'I, SKYES BU DAM PAS SMANG BA'I MI BZANG PA'I SDIG PA MI DGE BA'I LAS THOG MA MED PA'I DUS NAS DA LTA'I BAR DU BSAGS SHING, MA 'ONGS PA'ANG SOG BAR 'GYUR BA G-YANGS CHEN PO LTUNG BA LA
, ,MNGON DU PHYOGS PA'I NYAM THAG PA BDAG DAN 'GRO'I 'JIGS PA CHEN PO DE LAS SKYOB PA'I DUS LA BAB PO ZHES PA STE, 'DI RANG NA 'GRO'I SDUG BSNGAL SGOM TSUL GTZO BOR BSHAD KYANG, SDUG BSNGAL GYIS 'JIGS NA DKON MCHOG GSUM LA SKYABS SU 'GRO BA DANG, SDUG BSNGAL DE MI DGE BA'I 'BRAS BUR MTHONG NAS SDIG LTUNG LA 'JOM PA DANG, SDUG BSNGAL MI 'DOD PAS NI BDE BA 'DOD LA, DE YANG DGE BA'I 'BRAS BUR MTHONG NAS DGE BA SGRUB PA LA BRTZON PA SOGS RANG GI DANG GIS 'BYUNG BAS CHOS PHYI MA GNYIS KYANG 'DIR LEGS PAR TSANG NGO, ,DE'I PHYIR LA MA RIM LAS SDUG BSNGAL BSGOM PA NI NYAMS LEN GYI NANG DU MA ZHIG 'DUS PA'I SDOM CHEN POR GSUNGS PA DANG, KUN DGA' BO'I TSA BO DPER MDZAD NAS LE LO 'GOG CING LAM SGRUB PA'I BRTZON 'GRUS SKYED PA DANG, YID THAR PA LA SKUL BA LA SOGS PA'I MAN NGAG LA, STON PA ZHAL BZHUGS PA NA YANG SDUG BSNGAL SGOM PA LAS LHAG PA GSUNG RGYU MED PAR GSUNGS SO, ,GNYIS PA LA GSUM, SDUG BDEN GYI NYES DMIGS DRAN TE, DE LAS SKYOB PAR GSOL BA GDAB PA, KUN 'BYUNG GIS BCINGS TSUL BSAM TE DE LAS SKYOB PAR GSOL BA GDAB PA, SDUG KUN 'GOG BYED KYI LAM RGYUD LA SKYES PAR GSOL BA GDAB PA'O, ,DANG PO NI, MI YI GNAS NA'ANG LONGS SPYOD DBANG PHYUG GIS, ,ZHES PA NAS, SRID PA'I CHU PO CHE LAS BSGRAL DU GSOL, ,ZHES GSUNGS
TE; GONG DU SMOS PA'I 'GRO BA DE DAG LA SDUG BSNGAL YOD BAR MA ZAD, MI'I GNAS SU SKYES NA'ANG LONGS SPYOD DANG DBANG PHYUG GIS MNGON PAR MTHO NA DE RNAMS NYAMS PAR 'GYUR GYI DOGS PA'I SDUG BSNGAL DANG, MTHO RING KYI YON TAN BDUN GYI NANG TSAN 'BYOR PAS PHONGS PAR GYUR NA 'DOD PA'I BDE BA 'TSOL BAR GYUR BAS SHA THANG THANG DU 'BAD PA'I SDUG BSNGAL 'BYUNG NGO, ,'DOD PA'I BDE BA THOB PAR 'DOD NAS BDE BA DE THOB PA'I THABS NYO TSOD DANG SO NAM LA SOGS BA DKA' SBYANG DU MAS BSGRUBS PAS, 'GRUS BU BDE BA DE LAS CHES CHER LTAG LUS KYI SDUG BSNGAL DANG SEMS KYI YID MI BDE PA RNAM BA DU MAS KUN NAS MNAR BAR 'GYUR RO, ,'DOD PA'I LHA NI, LUS SHIN TU MDZES PA LA RIN SDO CHE SNA TSOGS BA'I RGYAN GYIS RAB TU BRGYAN NAS, KHANG BZANG RNAMS DANG DGA' BA'I TSAL DU GNAS BCAS SHING YUN RING BOR 'DOD PA'I BDE BA SNA TSOGS LA LONGS SPYOD BA, MTHO RIS KYI YON TAN PHUN SUM TSOGS BA'I LA LA DGYES MGUR 'OL BA'I LTA RNAMS KYANG, LUS KYI KHA DOG MI SDUG 'GYUR BA DANG, STAN LA MI DGA' ME TOG PHRENG RNYINGS DANG, ,GOS LA DRI MA CHAGS DANG LUS LA NI, ,SNGON CHAD MED PA'I RDUL 'BYUNG ZHES BGYI BA,, ZHES PA LTAR, MI 'DOD BZHIN 'CHI BA'I LTAS KYIS ZIN BAR GYUR BA NA, YID 'PHROG SNYING LA GCAGS PAR GYUR BA'I LTA'I MDZES MA DANG, YID DU 'ONG BA'I SKYED MOS TSAL DANG, BDUD RTZI'I KHA ZAS DANG, GOS BZANG PO
, ,DANG, MDZES PA'I RGYAN DANG, LHA'I BU GZHON NU RNAMS DANG MYUR DU BDAG NYID MI 'DOD BZHIN DU 'BRAL BAR MTHONG BA'I TSE NA, GNAS DER SKYES PA'I LUS KYI BDE BA SNGAR MYONG BA LAS CHES CHER LHAG PA'I YID KYI SDUG BSNGAL GYIS BSKYED PA'I MYA NGAN GYI ME LCE 'BAR BAS BSREG PA DANG, SNGON TSE RABS MANG POR LEGS PAR SBYANG BA'I LAS 'BAD PA DU MAS BSGRUBS PA'I 'BRAS BU SBYAD PAS ZAD CING, BAG MED PA'I DBANG GIS NGAN 'GRO'I RGYU MANG PO BSGRUBS PAS SLAR MANG NGAN SONG GI GNAS SU LTUNG BAR 'GYUR RO, ,GONG MA'I LHA NI, 'DOD PA LA 'DUN PA'I RNAM RTOGS DANG GNOD SEMS MED LA, GNYID DANG YID LA GDUNG BA'I 'GYONG PA SPANGS SHING, LUS DANG SEMS LA GNOD PA'I SDUG BSNGAL DANG BRAL BA DANG, TING NGE 'DZIN GYI STOBS KYIS YUN RING POR BAR GNAS PA, GZUGS DANG GZUGS MED PA'I LTA'I GNAS THOB KYANG KHYAB PA 'DU BYED KYI SDUG BSNGAL GYI 'CHING BA LA SMA GROL BAS, SNGON GYI RGYU SNYOMS 'JUG GI TING NGE 'DZIN GYI 'PHEN PA'I NUS PA ZAD PAR GYUR PA NA, PHYIR YANG 'OG TU LHUNG NAS 'GRO BA BZANG NGAN SNA TSOGS SU BRGYUD MAR 'KHOR BAR 'GYUR RO, ,GONG DU BSHAD PA'I TSUL DE LTAR 'KHOR BA'I GTZO BO LHA DANG MI YANG SKYE BA DANG 'CHI BA DANG NA BA DANG RGA BA LA SOGS PA'I SDUG BSNGAL GYI CHU BOS SRID PA'I RGYA MTSOR KHYER BAR 'GYUR BAS NA, SRID PA'I BDE BA LA CHAGS PAR MI RIGS PA YIN MOD, 'ON KYANG SRID PA'I PHUN TSOGS LA ZHEN PA'I SRED
BAS BA'O GROS KYI MIG BSGRIBS BAS, SDUG BSNGAL LA BDE BAR 'DZIN PA'I LOG SHES CAN, GTZANG BDE RTAG BDAG GI PHYIN CI LOG GIS BSGRIBS PA BDAG SRID PA 'KHOR BA'I CHU PO CHEN PO LAS BSGRA LA DU GSOL ZHES PA'O, ,GNYIS PA NI, 'DOD PA'I 'DAM DU BYING BAS THAR BA'I LAM LAS GOL, ZHES PA NAS, LAS KYIS MA NAR BA DAD GA NI KHYED KYI THUGS RJE'I GNAS, ZHES GSUNGS TE, BZHI BRGYA PA LAS, GANG LA 'DIR SKYO YOD MIN PA, ,DE LA ZHI GUS GA LA YOD, ,RANG KHYEM LA BZHIN SRED PA NI, ,'DI NAS 'BYUNG BA'ANG BYA BAR DKA', ZHES GSUNGS PA LTAR, 'DOD PA LA SRED PA'I 'DAM DU BYING BAS THAR BA'I LAM ZHI BA DON GNYER GYI BSAM PA LAS GOL BA DANG, MA REG PA'I MUN PA 'THIBS POR ZHUGS PAS BDEN BZHI'I BLANG DOR MTHONG BA'I SHES RAB KYI MIG DANG BRAL BA DANG, SLOS PA'I GZEB TU TSUNG PA STE BDEN 'DZIN GYI MA RIG PA'I GZHAN DBANG DU SONG PAS 'KHOR BA'I BTZON RANG BCINGS PA DANG, NGAR 'DZIN YOD NA YANG LAS TE, ,DE LAS YANG NI SKYE PA YIN, ZHES GSUNGS PA LTAR, MA RIG PA DE'I DBANG GIS BSAGS PA'I LAS KYIS 'KHOR BAR YANG YANG SKYES NAS SDUG BSNGAL GSUM PO GANG RUNG GIS RGYUN DU MNAR PA BDAG NI, BYAMS MGON KHYED KYI THUGS RJE CHEN POS GZIGS NAS LAS NYON GYI 'CHING BA LAS SGROL BAR 'OS BA'I GNAS YIN NO ZHES PA'O, ,GSUM PA NI, 'JIGS RUNG 'KHOR PA'I G-YANGS BGEGS PA LA,
, ,ZHES PA NAS, TSUL 'DI DGONGS LA SNYING GI MUN PA SEL, ,ZHES GSUNGS TE, SNGAR BSHAD PA LTAR 'JIGS SU RUNG BA'I 'KHOR BA'I G-YANG SA BGEGS PA LA, KUN SLONG NGAN PA'I DRI MA MED PA'I MANG DU THOS PA LA BRTEN PA YI STE, BRTEN NAS BYUNG BA'I TSUL BZHIN DU DPYOD PA'I RNAM DAG RIGS PA'I STOBS KYIS, MTHA' YAS PA'I GSUNG RAB RNAMS KYI DRANG BA DANG DES PA'I TSUL JI LTA BA BZHIN DU 'BYED PA LA GZHAN DRING MI 'JOG PA STE GZHAN LA RIG MA LAS PA'I MKHAS PA'I GO 'PHANG NGES PAR RNYED PA ZHIG DGOS PA YIN MOD, 'ON KYANG GSUNG RAB KYI DRANG NGES 'BYED PA LTA BU RGYAL BA'I DGONGS PA PHRA MO LTA SMOS KYANG CI DGOS, DGE MI DGE'I BLANG DOR LTA BU 'JUG LDOG GI GNAS SHIN TU RIGS PA LA'ANG BDAG GI BLO GROS KYI MIG CHES CHER GSAL PAR MA GYUR LA, DA DUNG YANG RAB TU RMONGS PA MA RIG PA'I DGRA 'DIS BDAG GI SNYING YUN RING DU BSGRIBS NAS, SNGON CHAD GROL BA'I SKABS MED PAR GYUR BA'I TSUL 'DI THUGS BRTZE BA CHEN POS DGONGS LA, SNYING GI MUN PA STE MA RIG PA SPYI DANG KHYAD PAR 'KHOR BA'I RTZA BAR GYUR BA'I BDAG 'DZIN GYI MA RIG PA SEL BAR MDZOD CIG CES PA'O,, ,GSUM PA LA GSUM, SKYES BU CHEN PO'I LAM DU 'JUG PA'I RTEN THEG PA CHEN PO'I DGE BA'I BSHES GNYEN MDZAD PAR GSOL BA GDAB PA, RANG BZHIN GYI DON RLABS PO CHE
SGRUB PA'I RGYUR DMIGS TE DNGOS BSHAMS YID SBRUL GYI MCHOD PA DBUL BA, BSAGS PA'I DGE BA RNAMS SKYES BU CHEN PO'I LAM 'BRAS BU DANG BCES PA'I RGYUR BSNGO BA'I SGO NAS DE DAG LA SMON LAM GYI RNAM PAS SGOM TSUL BSTAN PA'O, ,DANG PO NI, RGYAL BA RGYAL SRAS SBYAN SNGAR RIG GNAS LA, ,ZHES PA NAS, SKYE BA SKYE BAR THEG MCHOG BSHES GNYEN MDZOD, ,CES GSUNGS TE, SNGON GYI RGYAL BA DANG RGYAL BA'I SRAS RNAMS KYI SBYAN SNGAR RIG GNAS LNGA LA MANG DU THOS PA RGYA MTSO STE RGYA CHEN POS SKYE BA DU MAR YANG DANG YANG DU SBYANGS PA'I BAG CHAGS LEGS PAR SANG PA, ,'GRO BA RNAMS LA LAM BZANG PO MTSON PA STE STON PA'I MIG GCIG BU, 'DZAM GLING RGYAN MCHOG GNYIS DANG JO BO YAB SRAS LA SOGS PA SNGON GYI DAM PA RNAMS KYIS 'DUL BAR MA NUS PAR YAL BAR DOR BA DE'I PHYIR, MGON SKYABS DANG BRAL PA'I PHONGS PA BDAG PHYOGS RNAMS BSLAD PA STE LA MA NOR NAS 'KHYAMS PA'I 'GRON PO GAR 'GRO GTOL MED PA BZHIN DU, 'AM DANG LAM MA YIN PA'I DBYE BA MI SHES PAR GANG BYED GTOL MED DU GYUR BAS, THUGS BRTZE BA CHEN PO DANG LDAN PA KHYED KYIS RJES SU GZUNG BA'I DUS LA BAB PO, SNGAR YANG DANG YANG DU GUS PAS CHEN POS BSTEN PA'I SKYABS DAM PA BYAMS PA MGON PO BYAMS PA CHEN POS 'GRO BA RNAMS SGROL BAR MDZAD PA KHYOD DUS BA MYUR BAR BYON NAS, BDAG GI SKYE BA SKYE
, ,BAR THEG PA MCHOG GI DGE BA'I BSHES GNYEN MDZOD CIG CES PA'O, ,GNYIS PA NI, RTAG TU BRTZE BA LUS CAN MTHA' DAG LA, ,ZHES PA NAS, ,ZHEN MED MA CHAGS BLO YIS 'BUL BAR BGYI, ,ZHES GSUNGS TE, DUS RTAG TU BRTZE BA CHEN PO LUS CAN MTHA' DAG LA DUS RGYUN MI CHAD PAR GZIGS PA KHYOD KYI ZHABS DRUNG DU, BYAMS MGON GANG GI YON TAN DRAN PAS DANG BA'I YID NYIN RE BZHIN DU SLEB PAR BGYIS NA YANG, GNAS KYIS BSKAL BA STE YUL THAG RING BAR SONG ZHING, SNGAR 'OL KHA CHOS LUNG DANG DVAGS PO SMAN LUNG RGYA SOGS PHUR BZHUGS TE DBEN PA'I RO MYANG MOD, SLAR YANG BDEN PA'I RO RAB TU MYANG BA'I PHYIR THAG RING PHE'I GNAS RGYA GAR SHING GI RI SOGS SU 'JUG PA STE 'GRO BAR 'DOD PAS, RJI NGA JI NGER RE ZHIG LUS KYIS BGRONG PAR MI NUS SO, RGYU MTSAN DE BAS NA BSOD NAMS GSOG PA'I ZHING GI DAM PA KHYOD THUGS MNYES PAR BGYI BA'I SLAD DU, LHAG PA'I BSAM PA RNAM PAR DAG PA'I SGO NAS RIN CHE NAS LE SBRAN STE GSIR DANG LHA'I RDZAS DAR DANG, DGE SBYONG RNAMS LA NYE BAR MKHO BAR STON PA THUB PA'I DBANG POS BSNGAGS PA MDZAD PA'I RNAM SBYAR BLA GOS MTHANG GOS TE CHOS GOS RNAM GSUM DANG, BSIL BYED DE MKHAR BSIL DANG DRANG SRONG SNOD LHUNG BZED DANG, GZHAN YANG TING NGE 'DZIN DANG SMON LAM GYI STOBS GYIS SBRUL BA'I BKOD PA LEGS PA STE MDZES SHID YID 'PHROG BAR NUS PA'I MCHOD PA NAM MKHA'I KHYON THAMS
CAD YONGS SU BKANG STE, RKANG GNYIS RNAMS KYI GTZO BO STE MCHOG RJID NGA RJI'I BYAMS MGON LA SER SNA'I ZHEN PA MED CING MA CHAGS PA'I BLO YIS DBUL BAR BGYE' ZHES PA'O, GSUM PA LA GSUM, BSAGS PA'I DGE TSOGS 'GRO BA'I MGON SKYABS SU GYUR BAR BSNGO BA'I SGO NAS THIG CHEN SEMS BSKYED KYI DMIGS RNAM SPYOD TSUL BSTAN PA RGYAL SRAS KYI SPYOD PA LA TSUL BZHIN DU SLOB PA'I RGYUR BSNGO BA'I SGO NAS BYONG SEMS KYI LAM SMON LAM GYI RNAM PAS SGOM TSUL BA STAN PA, SANGS RGYAS PA'I TSE 'GRO BA RNAMS DUS MYUR BAR SGROL LAM DU BGOD PA'I RGYUR BSNGO BA'I SGO NAS MTHAR THUG GI YON TAN SMON LAM GYI RNAM PAS SGOM TSUL BSTAN PA'O, , DANG PO NI, DE LAS 'ONGS PA'I RAB DKAR DGE BA'I TSOGS, ,ZHES BA NAS, ,MA LUS 'GRO BA'I SKYABS SU BDAG GYUR CIG, ,CES GSUNGS TE, BSTOD CING GSOL BA BTAB PA DANG MCHOD PA BYAS PA DE LAS 'ONGS PA'I RAB DKAR DGE BA'I TSOGS JI SNYED CIG MCHIS PA GANG YIN PA DE'I MTHUS, ,SRID PAR YUN RING DU 'KHYAMS PA'I TSEN DMYAL BA LA SOGS PA'I SDUG BSNGAL BYE BA STE MTHA' YAS PAS MNAR ZHING, ZHI BDE LA SOGS PA'I BDE BAS 'PHONGS PA'I 'GRO BA MA LUS PA'I MGON SKYABS SU BDAG RGYUR CIG CES PA'O, ,GNYIS PA LA GNYIS, ,SBYIR RGYAL SRAS KYI SBYOD PA LA SLOB PAR SMON LAM GDAB PA, ,BYE BRAG TU SKYE
, ,'PHAGS GYIS LA SLOB PAR SMON LAM GDAB PA'O, ,DANG PO LA GNYIS, BSAM PAS GZHAN DON LA DMIGS KYANG SBYOR BAS THOG MAR RANG 'DUL BAR SMON LAM GDAB PO, NUS PA THOB PA NA BSAM SBYOR GNYIS GAS GZHAN DON GTZO BOR SGRUB PAR SMON LAM GDAB PA'O, DANG PO LA BDUN, SKYE BA THAMS CAD DU RAB BYUNG GI RTEN RNYED NAS THEG CHEN GYI RIGS SANG BAR SMON LAM GDAB PA, RTEN DE LA YON TAN SNA TSOGS SGRUB PAR SMON LAM GDAB PA, DGE BA'I BSHES GNYEN MTSAN NYID DANG LDAN PA LA BRTEN NAS THOS SOGS TSUL BZHIN DU BYED PAR SMON LAM GDAB PA, YONGS SU DAG PA'I 'KHOR PHUN SUM TSOGS PA DANG LDAN PAR SMON LAM GDAB PA, TSOGS PA'I CHOS SPYOD KYI BGEGS SU 'GYUR BA'I SDIG PA'I GROGS PO DANG MI PHRAD PAR SMON LAM GDAB PA, BDUD KYI LAS SU GYUR BA'I BDAG COD NAM YANG MI 'BYUNG BAR SMON LAM GDAB PA BYANG CHUB KYI SBYOD PA'I RJES SU MTHUN PA'I SKYEN TSANG BAR SMON LAM GDAB PA'O, DANG PO NI, 'JIG RTEN 'DREN PA'I GO 'PHANG DAM PA LA, ZHES PA NAS, RNYED NAS THEG MCHOG RIGS NI SAD PAR SHOG, CES GSUNGS TE, 'JIG RTEN GYI 'DREN PA STE BDE BAR GSHEGS PA'I GO 'PHANG DAM PA LA REG PA STE THOB PAR MA GYUR BA'I SKYE BA THAMS CAD DU TSANGS BAR SBYOR BA YONGS SU DAG PA'I RAB BYUNG GI RTEN KHYAD PAR CAN RNYED NAS, THEG
PA MCHOG GI RIGS KYI NUS PA SAD CING RGYAS PAR SHOG CIG CES PA'O, GNYIS PA NI, BZOD LDAN DRANG ZHING GYA GYU MED PA DANG, ZHES PA NAS, RNAM DPYOD SHES RAB PHUL BYUNG THOB PAR SHOG ,CES GSUNGS TE, SKYE BA THAMS CAD DU GNOD BYAD DANG DKA' SBYAD DANG CHOS ZAB MO LA BZOD PA DANG LDAN LA, DRANG ZHING STE SEMS CAN LA LHAG PA'I BSAM PAS GNAS SHING, GYA GYU STE RNYED BSKUR LA CHAGS PA'I DBANG GIS RANG GI NYES PA THABS KYI MI MNGON PAR BYED PA'I G-YO DANG RANG LA YON TAN MED BZHIN DU YOD PA LTAR STON PA'I SGYU GNYIS KA MED PA DANG, MA ZHUM PA STE BYANG SEMS KYI SPYOD PAS RLABS PO CHE GANG LA YANG BDAG GIS MI NUS SNYAM PA'I ZHUM PA GTAN MI SKYE ZHING SPROS DGA' THUGS DRAG POS 'JUG PA'I SNYING STOBS DANG, THEG CHEN GYI LAM 'BRAS SOGS LA DMIGS PA'I SHUGS DRAG PO'I DAD PA DANG, GUS DANG RTAG TU SBYOR BA STE SHUGS DRAG PA DANG RGYUN CHAGS PA'I BRTZON 'GRUS GNYIS DANG; CHOS RNAM PAR DPYOD PA'I SHES RAB PHUL DU BYUNG BA THOB PAR SHOG CIG CES PA'O,, GSUM PA NI, RGYAL BA'I DGONGS PA RNAM DAG RIGS STOBS KYIS, ,ZHES PA NAS, BDE BAR GSHEGS RNAMS MNYES PAR BYED PAR SHOG CES GSUNGS TE, SKYE BA THAMS CAD DU RGYAL BA'I DGONGS PA RNAM PAR DAG PA'I RIGS PA BZHI'I STOBS KYIS JI LTA BA BZHIN DU RNYED NAS, RANG GIS JI LTAR DGONGS PA LTAR THUGS BRTZE BA CHEN POS NYE
, ,BAR DRANGS PA'I THABS LA MKHAS PA'I SBYOD PA BZANG POS, GDUL BYA GZHAN LA STON PA LA MKHAS PA'I MTHAR SON PA'I DGE BA'I BSHES GNYEN LA BSTEN NAS BKA' DANG BSTAN BCOS MANGLA DU THOS PA RGYA MTSO STE RGYA CHEN PO LA YUN RING DU SBYANGS PA'I MTHUS, GSUNG RAB KYI DON LA THE TSOM GYI SGRO 'DGOS KUN BCAD NAS, THOS PA'I DON RNAMS TSUL BZHIN DU BSGRUBS PA STE NYAMS SU BLANGS PAS BDE BAR GSHEGS PA RNAMS THUGS MNYES PAR BYED PAR SHOG CIG CES PA'O ,BZHI PA NI ,THUB PAS BCAS PA'I MTSAMS LAS MI 'DA' ZHING, ,ZHES PA NAS, YONGS SU DAG PA'I 'KHOR DANG LDAN PAR SHOG ,CES GSUNGS TE, SKYE BA THAMS CAD DU THUB PA'I DBANG BOS JI LTAR BCAS PA MDZAD PA'I MTSAMS LAS MI 'DA' ZHING, RGYAL BA'I GDUNG 'TSO BA STE LUNG RTOGS KYI BSTAN PA'I RGYUN MA CHAD PAR 'DZIN PA'I DI GE BA'I BSHES GNYEN LA GUS PA CHE BA DANG ,DANG SOGS DBANG PO LNGA RAB TU RNO BA DANG SGO GSUM GYI BYA BA RNAMS YOG BAR SGRUB BAR BYED PA'I SKYON DANG BRAL BA YONGS SU DAG PA'I 'KHOR PHUN SUM TSOGS PA DANG LDAN PAR SHOG CIG CES PA'O, ,LNGA BA NI; NAG PO'I PHYOGS KYIS YID NI BSKYOD PA YIS, ,ZHES PA NAS, SKAD CIG TZAM YANG PHRAD PAR MA GYUR CIG ,CES GSUNGS TE, SKYE BA THAMS CAD DU NAG PO'I PHYOGS SU GTOGS PA'I BDUD RIGS KYIS YID
BSKYOD BA STE BSKUL BA'I DBANG GIS, DPON SLOB TSOGS PA'I CHOS SBYOD DE 'CHAD NYAN GYI DGA' STON MYONG BA'I GEGS BYED PA BDUD KYI GNYEN DU GYUR BA'I SDIG PA'I GROGS PO RNAMS DANG SKAD CIG TZAM YANG PHRAD PAR MA GYUR CIG CES PA'O; ;DRUG PA NI, THUB DBANG RJES SU GUS PAS SLOB PA'I TSE, ,ZHES PA NAS, BAR DU GCOD PA'I MING YANG MED PAR SHOG ,CES GSUNGS TE, SKYE BA THAMS CAD DU SNGON THUB PA'I DBANG POS BYANG SEMS KYI SBYOD PA LA JI LTAR BSLAB PA DE'I RJES SU GUS PAS SLOB PAR BYED PA'I TSE, BYANG SEMS KYI SBYOD PA RLABS PA CHE RDZOGS PAR BYED PA'I GEGS SU GYUR BA, RANG SKAL BA NGAN PA'I RJES SU 'GRO BA'I BDUD KYI LAS YUM GYI MDO NAS BSHAD PA'I SBYOR BA'I SKYON BZHI BCU RTZA DRUG LTA BU BAR DU GCOD PA'I MID TZAM YANG MED PAR SHOG CIG CES PA'O, ,BDUN PA NI, GANG DANG LDAN NA DAM PA DGA' BYED PA, ,ZHES PA NAS, MA LUS THOGS PA MED PAR 'GRUB PAR SHOG ,CES GSUNGS TE, GANG DANG LDAN NA SKYES BU DAM PA RNAMS THUGS DGA' BAR BYED PA DGE SBYONG GI RGYAN DU 'DREN PA BCOM LDAN 'DAS KYIS BSNGAGS PA MDZAD PA'I DANG LDAN G-YO MED NANG NYUNG DANG, BRTZON 'GRUS SHES RAB 'DOD CHUNG DANG, ,CHOG SHES GSO SLA GANG SLA DANG, ,SBYANG DANG MDZES DANG DRONG RIG DANG, ,SKYES BU DAM CHOS MKHAS RTAGS DANG, ,
, ,BZOD DANG DES DANG GYA NOM YIN, ,ZHES NYAN SA NAS GSUNGS PA'I DGE SBYONG GI RGYAN BCU BDUN LTA BU, BYANG CHUB KYI SPYOD PA'I RJES MTHUN PA'I RKYEN MA LUS PA THOGS PAR MED PAR 'GRUB PAR SHOG CIG CES PA'O; ;GNYIS PA NI, BYANG CHUB SBYOD TSE GDUL BYA'I GNAS KUN KYANG, ,ZHES PA NAS, BDOG BA THAMS CAD DEL GTONG BAR SHOG ,CES GSUNGS TE, BYANG CHUB SEMS DPA'I SBYOD PA RLABS PO CHE LA SLOB PA'I TSE NA, GDUL BAR BYA BA'I GNAS KUN TE THAMS CAD KYANG RNAM PAR DAG PA'I TSUL KHRIMS KYI BSLAB PAS LUS DAG GI NYES SBYOD LEGS PAR BSNGAMS PA'I RAB 'BYUNG LA 'GOD BAR BYED CING, RAB BYUNG DE LA 'OS PA'I YO BYAD RNAM SBYAR BLA GOS MTHAR GOS DANG, GDING BA LHUNG BZED TSU TSAGS RNAMS 'BAD PAR MI DGOS PAR BSAM PA TZAM GYIS MA LUS PAR RNYED NAS STZOL BAR SHOG ,CIG CES PA DANG, DUS DED NAS BRTZAMS TE TSE RABS THAMS CAD DU LUS DANG DAG DANG YID KYIS RTZOM PA STE BYA BA GANG BGYIS PA DE DAG THAMS CAD, MTHA' YAS PA'I 'GRO BA RNAMS LA RES 'GA' TZAM MA YIN PAR GNAS SKABS KUN TU PHAN PA 'GRUB PA'I RGYUR GYUR CIG CES PA DANG, BU SDUG PA SHI BA'I DUS KYI MA JI LTA BA BZHIN DU SRID PA'I SDUG BSNGAL KUN GYIS MNAR BA'I 'GRO BA KUN DUS RTAG TU YID LA GCAGS PA STE BSAM PA'I BRTZE BA CHEN PO'I DBANG GIS, LUS DANG LONGS SBYOD DANG DUS GSUM GYI
DGE BA LA SOGS PA BDOG PA STE YOD PA'I DNGOS PO THAMS CAD DE RNAMS LA GTONG BAR SHOG CIG CES PA'O, ,GNYIS PA LA GNYIS, MOS SBYOD KYI SAL SLOB PA'I TSE YON TAN SNA TSOGS 'THOB PA SMON LAM GDAB PA, 'PHAGS PA'I SA LA SLOB PA'I TSE SHES BYA'I GNAS LA MKHYEN PA THOGS MED DU 'JUG PAR SMON LA MA GDAB PA'O, ,DANG PO NI, MOS SBYOD SA YI DRI MA SBYANG BA NA, ,ZHES PA NAS, GZHAN DRING MI 'JOG SBOBS PA THOB PAR SHOG ,CES GSUNGS TE, DE KHO NA NYID LA MOS BA YID LA BYED PAS SBYOD PA'I SA'I SNYING RNGE'I BSAM PA DANG MTHA' GNYIS SU MED PA'I SHES RAB DANG BYANG CHUB KYI SEMS LA SOGS PA'I LAM GYI MI MTHUN PHYOGS SU GYUR BA'I DRI MA SBYONG BAR BYED PA NA, 'DAS PA DANG MA 'ONGS PA DANG DA LTAR BYUNG BA'I TSU ROL MTHONG BA STE SO SO SKYE BO'I RGYAL SRAS RNAMS KYI NANG NA BDAG NI, GSER GYIS 'DZIN TE RI BONG BDUN GYI DBUS NA RI'I RGYAL PO LHUN PO BZHIN DU, SBYAN DANG PO GNYIS DANG MNGON SHES DANG PO LNGA DANG GZHUNG LUGS MANG DU THOS PA'I SHES RAB DANG, SOGS SGRAS BSDUS PA GSUNG RAB KYI TSIG DON MI BRJED PAR 'DZIN PA'I GZUNGS LA SOGS PA YON TAN KUN GYIS RAB TU MTHOB DANG, MI KHOM BAR SKYE BA DANG BAG MED PAR SPYOD PA DANG LOG PAR ZHUGS PA DANG, SGRIB PA SHAS CHE BA LA SOGS PA BYIB PA'I RGUD PA KUN LAS 'ONGS PAR GYUR TE, GZHAN DRING MI 'JOG PA STE GZHAN LA REG MA LAS PAR RANG STOBS KYIS CHOS RNAMS
, ,KYI TSIG DON THOGS PA MED PAR 'CHAD NUS PA'I SBOBS PA PHUN SUM TSOGS PA THOB PAR SHOG CIG CES PA'O, ,GNYIS PA NI, RGYAL SRAS 'PHAGS PA'I SA LA SLOB PA NA, ZHES PA NAS, RLABS CHEN SPYOD PA'I GTER DU 'GYUR BAR SHOG ,CES GSUNGS TE, RGYAL SRAS TE BYANG SEMS 'PHAGS PA'I SA RAB TU DGA' BA LA SOGS PA LA SLOB PAR BYED NA, SA DE DANG DER GNAS PA'I RGYAL SRAS DBA' PO 'DAS MA 'ONGS DA LTAR GYI DUS GSUM PO THAMS CAD DU YONGS SU GSHEGS PA STE BYON ZIN PA DANG, 'BYON PAR 'GYUR BA DANG, BYON NAS BZHUGS PA RNAMS KYI KHROD NA BDAG NI, BYA LAM STE NAM MKHA' BGROD PA LA 'DAB BZANG DBANG PO STE MKHA' LDING BZHIN DU, RGYAL BA'I SRAS PO GZHAN GYIS TSAD DPAG PAR DKA' BA'I SHIN TU RGYA CHE BA'I SHES BYA'I GNAS RNAMS LA DRI MA MED PA'I MKHYEN PA THOGS PA MED PAR 'JUG PAR BYED CING, RLABS CHEN SBYOD PA STE RGYAL SRAS KYI SPYOD PA RLABS PO CHE'I GTER TE, 'BYUNG GNAS SU 'GYUR BAR SHOG CIG CES PA'O, ,GSUM PA NI, DE LTAR SPYAD PA'I 'BRAS BU GRUB PA NA, ,ZHES PA NAS, SKAD CIG GCIG LA BDAG GIS SGROL BAR SHOG ,CES GSUNGS TE, GONG DU SMOS PA DE LTAR RGYAL SRAS KYI SPYOD PA RLABS PO CHEL SBYANG BA'I 'BRAS DU MTHAR THUG GRUB PA NA, DUS GSUM GYI RGYAL BA RNAMS KYI SKU'I YON TAN DANG, ZHING GYI 'BYON BA DANG, 'KHOR GYI GRANGS DANG, MDZAD PA 'PHRIN LAS DANG, SKU TSE'I
TSAD DANG, SNGON GYI SMON LAM RNAMS GANG YIN PA GCIG TU BSNGOMS PA DE DAG KUN TE THAMS CAD LA MKHAS PA'I SPYOD PAS YONGS SU RDZOGS PAR GYUR NAS, DUS YUN RING PO ZHIG NAS SGROL LAM DU 'GOD PAR YID LA BA RNAGS PA STE BSAM PA'I 'GRO 'DI RNAMS, DAM PA'I CHOS KYI BDUD RTZI'I CHAR CHAR CHEN PO PHAB PAS DUS SKAD CIG MA GCIG LA BDAG GIS SGROL BAR SHOG CIG CES PA'O, ,GSUM PA NI, LHA DANG BCAS PA'I 'JIG RTEN KUN GYI SKYABS GCIG BU, ZHES PA NAS, DGE LEGS SU GYUR CIG ,CES GSUNGS TE, BYAMS BSTOD 'DI LA TSANGS PA'I COD PA NA ZHES PA'I MTSAN ^ RJE BTZUN 'JAM PA'I DBYANGS KYIS STZAL BA YIN PAR SNANG LA, MTSAN DE LTAR STZAL PA'I RGYU MTSAN YOD DE, SNYAN DANG GAS KYI RGYAN BZANG POS TSANGS PA'I SGRA DBYANGS KYANG ZIL GYIS GNON NUS PAS, TSANGS PAS KYANG KHENGS PA DANG BRAL NAS SPYI GTZUG GIS BKUR PAR 'OS PA'I PHYIR RO, ,GZHAN RNAMS GO BAR SLA'O,, 'DIR SMRAS PA, THUGS RJE BSKUL BA'I GSOL 'DEBS TSA ZER GYIS, ,BYAMS MGON BYIN RLABS GANGS CHEN ZHU BA LAS, ,RDZES 'JUG GDUL BYA'I ZHING SAR 'BEBS MDZAD PA'I, , 'JAM MGON BLA MA'I MDZAD 'PHRIN 'DI KO MTSAR, ,BSTZOD 'GREL BRTZAMS PA'I RNAM DKAR DGE BA'I MTHUS, ,'GRO KUN DUS MTHA'I RGUD PAS MA MNAR BAR, ,RDZOGS LDAN DUS BZHIN CHOS LA LONGS SPYOD DE, ,
, ,SPANG RTOGS YON TAN MYUR DU MTHAR PHYIN SHOG ,THUB BSTAN SNYING PO 'JAM MGON BTZONG KHA BA'I, ,CHOS TSUL PHYOGS DUS KUN TU RAB RGYAS TE, ,DE NYID BSHAD SGRUB GNYIS KYIS 'DZIN MDZAD PA'I; ;MKHAS MANG TSOGS KYIS SA STENG KHYAB GYUR CIG ,BDAG KYANG TSE 'DI 'DI YI LUS SEMS LA, ,GNOD PA'I RKYEN KUN KUN NAS ZHI GYUR TE, ,YID LA GANG BSAM BSAM BZHIN 'GRUB PA DANG, ,BSHAD SGRUB DAM CHOS CHOS BZHIN BYED PAR SHOG ,NAM ZHIG LNGA BA'I LAM DU SONG MTHAG ,GNAS MCHOG YID DGA' CHOS 'DZIN DER SKYES TE, ,MI PHAM 'JAM DPAL SNYING PO'I GSER ZHAL MCHOG, MNGON DU GYUR BA'I DGA' STON MYONG GYUR CIG, CES BYAMS BSTOD TSANGS PA'I COD PAN GYI DGONGS 'GREL LAM MCHOG GSAL BYED CES BYA BA DE NI, KHAL KHA KHU RE CHEN MO'I GRVA RIGS BLO LDAN MANG DU THOS PA DKA' BCU PA BLO BZANG 'PHRIN LAS KYIS BYAMS BSTOD 'DI'I DGONGS DON SKYES BU GSUM GYI LAM DANG SBYAR PA'I 'GREL PA 'DI LTA BU ZHIG DGOS ZHES YANG YANG BSKUL BA'I NGOR, RJE BLA MA'I GSUNG RAB LA DAD PA CUNG ZAD RNYED PA'I 7 SBRANG BTZUN NGAG DBANG DPAL LDAN GYIS SBYAR BA 'DIS KYANG 'GRO BA KUN BYAMS MGON 'JAM DPAL SNYING POS DGYES BZHIN RJES SU 'DZIN PA'I RGYUR GYUR CIG, SARBA MABGA LAm,, ,,
[BLANK PAGE]