*, ,SDOM GSUM GYI BSLAB BYA MDO TZAM BSHAD PA BZHUGS SO, , @1 #, ,'GRO KUN 'DREN MDZAD THUB PA'I DBANG PO LA, ,GUS PAS 'DUD NAS SDOM GSUM THUN DRUG TU, ,BSNGO BGRANG BYED PA'I TSIGS BCAD RNAMS KYI DON, ,RANG BLO GOMS PHYIR CUNG ZAD DBYE BAR BYA, ,'DIR SDOM PA GSUM GYI BSLAB BYA MDOR BSDUS TE 'CHAD PA LA, THOG MAR SKYABS 'GRO'I BSLAB BYA BSTAN PA DANG, SDOM GSUM SO SO'I BSLAB BYA BSTAN PA GNYIS, DANG PO LA GNYIS, BSDU BA LAS 'BYUNG BA DANG, MAN NGAG LAS 'BYUNG BA'O, ,DANG PO NI, DGE BA'I BSHES GNYEN BSTEN PA DANG, DAM PA'I CHOS NYAN PA DANG, NYON MONGS PA BZLOG PA'I DMIGS PA YID LA BYED PA DANG,, MYANG 'DAS KYI RJES SU MTHUN PA'I RGYU BSGRUB PA DANG, DBANG PO'I SGO SDOM PA DANG, BSLAB PA'I GZHI CI NUS SU LEN PA DANG, SEMS CAN LA SNYING BRTZE BAR BYAS TE GNOD
, ,'TSE SPONG BA DANG, NYIN RE BZHIN DKON MCHOG MCHOD PA LA BRTZON PA STE BRGYAD DO, ,MAN NGAG LAS 'BYUNG BA LA GNYIS LAS, DANG PO SO SO'I BSLAB BYA NI, 'JIG RTEN PA'I LHA KLU SOGS LA PHUGS KYI SKYABS SU MI 'DZIN PA DANG, BSAM PA DANG SBYOR BAS SEMS CAN LA GNOD 'TSE SPONG BA DANG, SKYABS GSUM LA YID MI CHES SHING SKUR BAR BYED PA RNAMS DANG MTHUN PAR MI BYED BA STE DGAG PA'I BSLAB BYA GSUM DANG, SANGS RGYAS KYI SKU GZUGS CI 'DRA ZHIG LA'ANG MA GUS PA DANG BRNYAS THABS SPANGS NAS SANGS RGYAS DKON MCHOG LTAR BKUR BA'I ZHING DU BZUNG BA DANG; CHOS KYI TSIG BZHI PA YAN CHAD LA YANG MA GUS PA SPANGS TE CHOS DKON MCHOG LTAR GUS PAR BYED PA DANG, DGE 'DUN NA MA RAB BYUNG GI RTAGS TZAM 'DZIN PA DANG DE DAG GI RTAGS LA YANG
MI GSHE ZHING MI BRNYAS PA DANG PHYOGS RIS SU BCAD NAS DGRAR BLTA BA RNAM PA THAMS CAD DU MI BYA BAR DGE 'DUN DKON MCHOG LTAR GUS PAR BYED PA STE BSGRUB PA'I BSLAB BYA GSUM DANG DRUG GO, GNYIS PA THUN MONG BA'I BSLAB BYA NI, DKON MCHOG GSUM GYI KHYAD PAR DANG YON TAN YANG YANG SEMS PA DANG, BKA' DRIN RJES SU DRAN PAS DUS RTAG TU MCHOD PA BCU PO CI RIGS BYA ZHING BZA' BTUNG GI PHUD KYIS KYANG MCHOD PA DANG, SNYING BRTZE BAS 'GRO BA GZHAN YANG TSUL DE LTA BU LA 'GOD PA DANG, BYA BA GANG BYED PA DANG DGOS PA CI YOD PA NA DKON MCHOG GSUM LA MCHOD NAS GSOL PA 'DEBS SHING 'JIG RTEN PA'I THABS GZHAN SPONG BA DANG, PHAN YON BRGYAD TSAN GNYIS DRAN PAR BYAS NAS NYIN MTSAN DUS DRUG TU SKYABS 'GRO BYA BA DANG, BZHAD GAD DAM SROG GI PHYIR YANG DKON MCHOG MI BTANG ZHING GTONG PA'I TSIG MI SMRA BA DANG DRUG STE, SPYIR NA NYI SHU'O,, 'JIGS PA KUN SPANGS GZHAN GROL THABS LA MKHAS, ,NYE RING MI MNGA' KUN GYI SKYABS MDZAD PA, ,MCHOG GSUM KHO NAR YID CES SKYABS 'GRO ZHING,, DE YI BSLAB BYA NYAMS PA MED PAR BYA, ,DGE PA'I BSHES GNYEN BSTEN CING DAM CHOS NYAN, ,TSUL BZHIN YID BYED CHOS DANG MTHUN PAR BSGRUB, ,DBANG PO'I SGO SDOM PA SLAB GZHI CI NUS 'DZIN, ,'GRO LA SNYING BRTZE DKON MCHOG MCHOD LA BRTZON, ,LHA GZHAN MI BSTEN SEMS CAN GNOD 'TSE SPONG, ,MCHOG LA MI GUS GROGS DANG MI 'GROGS SHING, ,DKON MCHOG GSUM GYI GZUGS BRNYAN TZAM LA YANG, ,MCHOG GSUM LTA BUR GUS SHING SBYI BOR 'DZIN, ,KHYAD PAR YON TAN DRAN PAS SKYABS
, ,SU 'GRO, BKA' DRIN DRAN PAS MCHOD PA BCU LA BRTZON, ,SNYING BRTZES 'GRO BA GZHAN YANG SKYABS 'GROR 'GOD, ,BYA DGOS THABS KUN DKON MCHOG NYID LA KHEL, ,PHAN YON SHES NAS DUS DRUG SKYABS SU 'GRO, BZHAD GAD TZAM DANG SROG PHYIR SKYABS MI GTONG, ,BCU PHRAG GNYIS KYI GRANGS LDAN BSLAB BYA LA, ,BRTZON ZHING RTAG TU SKYABS SU 'GRE BAR BYA, ,SNGON CHAD MA GUS PA DANG NYON MONGS MANG, ,MI SHES BAG MED DBANG GIS BSLAB BYA DANG, ,'GAL BA'I NYES PA DKON MCHOG SPYAN SNGAR BSHAGS, ,PHYIN CHAD SROG BZHIN GCES PAR BSRUNG BAR BYA, ,ZHES PA NI, SNGOMS KYI TSIGS BCAD DO,, ` ,GNYIS PA SNGOM GSUM SO SO'I BSLAB BYA BSTAN PA LA GSUM, SO THAR GYI BSLAB BYA DANG, BYANG SDOM GYI BSLAB BYA DANG, SNGAGS SDOM GYI BSLAB BYA'O, ,DANG PO LA, DE'I MI MTHUN PHYOGS KYI LTUNG BA SDE LNGA LAS, DANG PO NI, BCAS LDAN DGE SLONG GIS RANG GI PHO'I DBANG PO GZHAN GYI RMA'I SGO GSUM GANG RUNG DU BCUG PA'I REG PA DANG, GZHAN GYI PHO'I DBANG PO RANG GI RMA'I SGO GSUM GANG RUNG DU BCUG PA'I REG PA GANG YANG RUNG BA ZHIG LUS SHES KYIS NYAMS SU MYONG BAR BYAS PA'I LTUNG BA DNGOS GZHI DE SPYOD PHAM DANG, BCAS LDAN DGE SLONG GIS MI GZHAN GYIS DBANG ZHING BDAG GIR BZUNG BA'I RIN THANG TSANG BA'I RDZAS 'DU SHES MA 'KHRUL BAR KUN SLONG RANG DON DU BDAG GIR BYA BAR 'DOD CING SBYOR BA RANG NGAM BSKOS PAS BLANGS PA'I MTHAR THUG GRUB PA'I LHUNG BA DNGOS GZHI DE RKU PHAM DANG, BCAS LDAN DGE SLONG GIS MI PHA ROL BO GSOD SEMS KYIS KUN NAS
BSLANGS TE RANG NGAM BSKOS PAS GSOD PA'I SBYOR BA BYAS PA DE'I RKYEN GYIS SHI BA LAS GYUR BA'I LTUNG BA DNGOS GZHI DE GSOD PHAM DANG, BCAS LDAN DGE SLONG GIS RANG NYID MI'I CHOS BLA MA'I YON TAN MA THOB BZHIN DU 'DU SHES BSGYUR NAS THOB PAR SMRAS TE DON GO BA LAS GYUR BA'I LTUNG BA DNGOS GZHI DE RDZUN PHAM DANG BZHI'O, ,GNYIS PA NI, BCAS LDAN DGE SLONG GIS DBYUNG 'DOD KYIS KUN NAS BSLANGS TE RANG GI PHO'I DBANG PO LA 'BYIN BYED MTSAN NYID DANG LDAN PAS REG CING BRTZAL BA LA BRTEN NAS KHU BA DANG PO'I GNAS NAS 'PHOS PA'I LTUNG BA DNGOS GZHI DE 'BYIN PA'I LHAG MA DANG, DES CHAGS SEMS KYIS KUN NAS BSLANGS TE BUD MED KYI MTSAN DON BYED NUS PA DANG LDAN PA'I MI LA LUS KYIS REG PA BDAG GIR BYAS PA LAS GYUR BA'I LTUNG BA DNGOS GZHI DE REG PA'I LHAG MA DANG, DES CHAGS SEMS KYIS KUN NAS BSLANGS TE BUD MED KYI MTSAN DON BYED NUS PA DANG LDAN PA'I MI LA 'KHRIG PA'I TSIG GSAL BAR SMRAS TE DON GO BA LAS GYUR BA'I LTUNG BA DNGOS GZHI DE 'KHRIG TSIG SMRA BA'I LHAG MA DANG, DES DE LA CHAGS SEMS KYIS BDAG NYID LA 'KHRIG PAS BSNYEN BKUR BA BSNGAGS TE DON GO BA LAS GYUR BA'I LTUNG BA DNGOS GZHI DE BSNYEN BKUR BSNGAGS PA'I LHAG MA DANG, DES DANG PO NAS MTHUN PA MA THOB BA MA THOB PA LAS NYAMS PA'I SKYES PA DANG BUD MED KYI MTSAN DON DANG LDAN PA'I MI'I 'GRO BA GNYIS 'PHRIN GSUM LTA BU'I SBYOR BAS MTHUN PAR BYAS TE GNYIS KYI GNYIS PHRAD PA LAS GYUR BA'I LTUNG BA DNGOS GZHI DE SMYAN BYED PA'I LHAG MA DANG, DES SA GZHI MA DAG PAR DKON MCHOG
, ,MIN PA'I MNGON GYUR GYI BDAG PO GCIG GI DON DU SA GZHI DANG YO BYANG BTZAL BAS KHANG PA TSAD LHAG BRTZIGS PA LAS GYUR BA'I LTUNG BA DNGOS GZHI DE KHANG BA'I LTAG MA DANG, DES SA GZHI MA DAG PAR MNGON GYUR GYI BDAG PO BZHIR LONGS KYI DON DU SPYOD LAM BZHI SHONG BA'I GNAS BRTZIGS PA LAS GYUR PA'I LTUNG BA DNGOS GZHI DE KHANG CHEN GYI LHAG MA DANG, DES LTA MTSAN MTHUN PA YIN NA SNGOM PA GSO RUNG DANG LTA MTSAN MI MTHUN NA SDOM PA RNAM DAG DANG LDAN PA'I DGE SLONG LA BYED BA PO DANG BYA BA SBYAR NAS PHAM PAS SKUR BA BTAB STE DON GO BA LAS GYUR BA'I LTUNG BA DNGOS GZHI DE GZHI MED KYI LHAG MA DANG, GZHAN RNAMS SNGAR BZHIN LA BYED PA PO DANG BYA BA MA SBYAR BAR PHAM PAS SKUR BA BTAB STE DON GO BA LAS GYUR BA'I LTUNG BA DNGOS GZHI DE BAG TZAM GYI LHAG PA DANG, DES DGE 'DUN CHOS LAS CHOS MIN PA'I PHYOGS SU 'BYED PA LA BZLOG PA LNGAS BZLOG KYANG MI GTONG BA LAS GYUR BA'I LTUNG BA DNGOS GZHI DE DBYEN GYI LHAG MA DANG, DES DGE 'DUN DBYEN GYI GROGS BYED PA LA BZLOG PA LNGAS BZLOG KYANG MI GTONG BA LAS GYUR BA'I LTUNG BA DNGOS GZHI DE RJES SU PHYOGS PA'I LHAG MA DANG, DES KHYIM PA SUN PHYUNG BA NA DGE 'DUN GYIS BSKRAD PA NAN TUR BYAS PA'I TSE RANG SKROD PA'I DGE 'DUN LA 'GRO BA BZHI PO GANG RUNG GIS SKUR BA BTAB PA LA BZLOG PA LNGAS BZLOG KYANG MI GTONG BA LAS GYUR BA'I LTUNG BA DNGOS GZHI DE KHYIM PA SUN 'BYIN PA'I LHAG MA DANG, DES RANG NYID KYI LTUNG BA GLENGS PA NA DGE SLONG MTHA' DAG GIS BDAG GI SO THAR GYI BSLAB PA'I GZHI MTHA' DAG LA GLENG BAR MA BYED CIG CES 'GOG PA LA BZLOG PA LNGAS BZLOG KYANG MI GTONG BA LAS GYUR
BA'I LTUNG BA DNGOS GZHI DE BKA' BLO MI BDE BA'I LHAG MA DANG BCU GSUM MO,, GSUM PA LA SPANG LTUNG DANG LTUNG BYED 'BA' ZHIG PA GNYIS LAS, DANG PO NI, DES RANG NYID DBANG ZHING BDAG GIR BZUNG BA'I GOS DE CHOS GOS GSUM MTSANG BAR KHA BSKANG BA'I GOS LA RE BA DANG BCAS PA YIN NA 'KHOR GSUM KHEBS BA'I TSAD DU LONGS PA DANG DE MIN NA KHOR YUG KHRU GANG YAN CHAD KYI TSAD DANG LDAN BA RANG STOBS SHAN STOBS GANG RUNG GIS ZHAG BCUR 'CHANG BA'I LTUNG BA DNGOS GZHI DE ZHAG BCU 'CHANG SBANG DANG, DGE SLONG MA'I DE LA CHOS GOS LNGA TSANG MA TSANG GI KHYAD PAR SBYOR DGOS SAM SNYAM, RANG GI 'TSO BA'I YO BYANG DU BYIN GYIS RLABS BA'I CHOS GOS GSUM GANG RUNG DANG ZHAG GCIG MTSAMS THANG DA DU 'BRAL BA'I LTUNG BA DNGOS GZHI DE 'BRAL SPANG DANG, MA'I DE LA CHOS GOS LNGA ZHES SBYOR DGOS SAM DPYAD, CHOS GOS GSUM MA TSANG BA'I DGE SLONG KHRU GANG GI TSAD DANG LDAN ZHING 'KHOR GSUM KHEBS PA'I TSAD DU MA LONGS PA'I KHA GSOG GI GOS NYID KHA BSKANG BA'I GSOL RE BA DANG BCAS BAR RANG STOBS SHAN STOBS GANG RUNG GIS ZHAG SUM CUR 'CHANG BA'I LTUNG BA DNGOS GZHI DE ZLA 'JOG GI SBANG LTUNG DANG, MA'I DE LA CHOS GOS LNGA MA TSANG BA SBYOR DGOS SAM SNYAM, DGE SLONG MA NYE DU MA YIN PA LA BYIN GYIS BRLABS PA'I CHOS GOS SAM GDING BA RNYING BA DAG LAS GANG YANG RUNG BA ZHIG 'KHRU 'TSED 'CHAG GSUM GANG RUNG BYED DU BCUG PA'I LTUNG BA DNGOS GZHI DE DGE SLONG BA'I 'KHRUR 'JUG GI SBANG LTUNG DANG, MA'I DE NI GZHUNG DU BLTA BAR BYA'O, ,DGE SLONG MA NYE DU MA YIN PA LA SOGS BSLANG STE THOB PA LAS GYUR BA'I LTUNG BA DNGOS GZHI DE GOS LEN BA'I SBANG LTUNG DANG, MA'I DE NI DGE SLONG LAS LEN PA'O, ,
, ,RANG LA CHOS GOS TSANG BAR YOD BZHIN DU KHYIM PA NYE DU MA YIN PA LAS GOS BSLAD STE THOB PA LAS GYUR BA'I LTUNG BA DNGOS GZHI NI GOS SLONG BA'I DE DANG, CHOS GOS MTSANG BA'I RGYU MTSAN GYIS GOS SLONG BAR RIGS PA'I DGE SLONG GIS KHYIM PA NYE DU MA YIN PA LAS DUS GCIG TU SNAM SBYAR LTA BU CHOS GOS DRAS PA BYED PA'I BSAM PAS RAB BYUNG GI GOS ZUNG CHE TSAD LAS KHRU GANG YAN CHAD KYIS LTAG PA BSLANG STE THOB PA DANG, RDUL GZAN LHA BU GOS MA DRAS PA BYED PA'I BSAM PAS KHYIM PA'I GOS ZUNG CHE TSAD LAS KHRU GANG YAN CHAD KYI LHAG PA BSLANG STE THOB PA DANG, GOS MA DRAS PA BYED PA'I BSAM PAS BSLANG STE PHYI MA BA'I GOS ZUNG CHUNG TSANG THOB NAS 'BRING TSANG DAM CHE TSAD DU KHA BSKANG BA'I GOS SLONG ZHING THOB PA'AM, 'BRING TSAD THOB NAS CHE TSAD DU KHA BSKANG BA'I GOS SLONG ZHING THOB PA DANG, GOS DRAS PA BYED PA'I BSAM PAS BSLANG STE RAB BYUNG GI GOS ZUNG CHE TSANG LAS KHRU GANG YAN CHAD KYI LHAG PA THOB NAS GOS LHAG PA PHYIR MI SBYIN PA DANG, GOS MA DRAS PA BYED PA'I BSAM BAS BSLANG STE KHYIM PA'I GOS ZUNG CHE TSAD LAS KHRU GANG YAN CHAD KYI LHAG PA THOB NAS GOS LHAG PA PHYIR MI SBYIN PA STE LNGA PO GANG RUNG GIS BSDUS PA'I LTUNG BA DNGOS GZHI NI SLONG RIGS PA'I SPANG LTUNG DANG, BSHAD TSUL 'DI NI MTSO t'IKA LTAR YIN LA, BSLAB BYA CHEN MO SOGS LAS 'DI DANG CUNG MI 'DRA BAR BSHAD PA SHES DGOS SO, ,DE NI STOD G-YOGS SMAD G-YOGS BCAS ZHES PAS BSTAN TE, GOS ZUNG THOB DGOS PA'I PHYIR, RANG LA KHYIM PA NYE DU MA YIN PAS GOS SBYIN PAR BSAM PAS SPAGS BDE SHES BZHIN DU DE LAS LHAG PA'I GOS BSLANG STE THOB PA'I LTUNG BA DNGOS GZHI DE SPAGS BA SLONG BA'I SPANG LTUNG DANG,
DE NI RIN THANG ZHES PAS BSTAN TE, SPAGS PA'I GOS LAS RIN THANG LHAG PA'I GOS THOB PA'I PHYIR, RANG LA NYE DU MA YIN PA'I KHYIM PA PHO MOS GOS RE RE SBYIN PAR BSAM PAS SBAGS PA DE SHES BZHIN DU DE LAS LHAG PA'I GOS ZUNG BSLAD STE THOB PA'I LTUNG BA DNGOS GZHI NI SO SO NAS SBAGS BA SLONG BA'I SPANG LTUNG DANG, RANG LA SBYIN BDAG GI PHO NYAS GOS KYI RIN GSER SOGS RUNG BA MIN BA PHUL BA'I TSE SPANGS PA DANG PHO NYAS ZHAL TA BA DRI ZHING DE LA BSGO NAS 'BYUNG BA'I MTHA' RJES SU BRJOD PA SNGAR BYAS PA'I ZHAL TA BA LA BSKUL BSDAD DRUG LAS LHAG PA BYAS TE BLANGS PA'AM, BSKUL BSDAD DRUG BYAS NAS SBYIN BDAG LA SPANGS ZIN PA'I 'OG TU GOS 'BUL BA NA ZHAL TA BAS SBYIN BDAG GI SEMS BSDU BAR KHAS MI LEN PA LAS BLANGS PA'I LTUNG BA DNGOS GZHI DE RIN BSKUR BA'I SBANG LTUNG STE BCU TSAN DANG PO DANG, RANG DBANG PA'I SRIN PA LA GYIS STAN NANG TSANGS CAN NAM GLINGS PA'I STAN BYAS SAM BYED DU BCUG PA'I DE NI SRIN BAL GYI DE DANG, RANG DBANG PA'I LUG GI BAL NAG BO DANG SNGON PO DANG 'DAM KHA DANG KHAM PA GANG RUNG GIS GLINGS PA'I STAN BYAS SAM BYED DU BCUG PA'I DE NI BAL NAG 'BA' ZHIG GI DE DANG, RANG DBANG BA'I LUG GI BAL DKAR PO BZHI CHA GCIG DANG KHOB BAL BZHI CHA GCIG DANG, NAG BO BZHI CHA GNYIS BSRES NAS STAN BYED DU RUNG BA LAS BAL NAG BO SRANG PHYED YAN CHAD KYIS LHAG BAS GLINGS PA'I STAN BYAS SAM BYED DU BCUG PA'I DE NI CHA GNYIS BSRES BA'I DE DANG, STAN SNGA MA BYAS NAS LO DRUG MA LON BAR RANG NGAM BSGOS BAS GLINGS PA'I STAN BYAS BA'I DE NI LO DRUG GI DE DANG, GDING BRNYING BA LAS BDE GSHEGS MTHO GANG GIS MA GLAN BA'I GDING BA GSAR BA BYAS NAS LONGS SPYOD PA'I DE NI MTHO GANG GI
, ,DE DANG, KHYER BAR BYED PA MED NA DPAG TSAD GSUM RGYANGS GRAGS GCIG DANG, YONG NA RGYANGS GRAGS GCIG 'DAS PAR BAL KHUR BA LAS GYUR BA'I DE NI BAL KHUR BA'I DE DANG, LAM ZHES PAS 'DI BSTAN TA, LAM DU 'GRO BA ZHIG DGOS PA'I PHYIR, DGE SLONG MA NYE DU MA YIN PA LA BAL 'KHRU 'CHAD RMEL GSUM GANG RUNG BYED DU BCUG PA'I DE NI BAL RMEL DU 'JUG PA'I DE DANG, RANG GI RIN PO CHE RUNG BA MA BYAS PA LA RANG GIS REG GAM MNGON SUM DU REG TU BCUG PA LAS GYUR BA'I DE NI RIN PO CHEL REG PA'I DE DANG, GSER DNGUL LA SOGS PA'I DNGOS PO KHYIM PA NYE DU MA YIN PA LA BSKYED DU BTANG STE SKYED THOB PA LAS GYUR BA'I DE NI MNGON MCHAN CAN GYI DE DANG, NAS 'BRAS LA SOGS PA'I DNGOS PO KHYIM PA NYE DU MA YIN PA DANG, NYO TSONG BYAS TE KHE THOB PA'I DE NI NYO TSONG GI SPANG STUNG STE BCU TSAN BAR BA DANG, RANG DBANG ZHING BDAG GIR BYAS PA'I LHUNG BZED RANG STOBS SHAN STOBS GANG RUNG GIS ZHAG BCUR 'CHAD PA'I LTUNG BA DNGOS GZHI NI PA'I LHUNG BZED 'CHANG SPANG DANG, RANG LA LHUNG BZED YOD BZHIN DU KHYIM BA NYE DU MA YIN PA LAS LHUNG BZED BSLANGS STE THOB BA'I DE NI LHUNG BZED 'TSOL SPANG DANG, THAG PA KHYIM PA NYE DU MA YIN PA LA RIN MED PAR RANG NGAM BSGOS PAS GOS 'THAG TU BCUG PA'I DE NI 'THAG BCUG GI SPANG LTUNG DANG, RANG LA BSNGOS BA'I GOS SBYIN BDAG GIS 'THAG TU 'JUG CING DKYUS CHER BSKYED BA'AM 'THAGS BZANG DU BSKYED BA'I RKYEN GYIS SBYIN BDAG GI DOG PA BSNGOS TSAD LAS LHAG BZANG BA DANG THAG PA LA 'THAG PA BSKYED PA'I RNGAN PA MA BYIN PA GANG RUNG LAS GYUR BA'I LTUNG BA DNGOS GZHI NI 'THAG PA
BSKYED PA'I DE DANG, LTA MTSAN MTHUN PA'I DGE SLONG GZHAN GYI GOS SAM LHUNG BZED RGU SEMS MED PAR RANG NGAM MNGON SUM DU BSKOS PAS 'PHROG BA'I DE NI BYIN 'PHROG GI SPANG LTUNG DANG, DBYAR GYI RNYED PA DE DBYAR GYI NANG DU DGE 'DUN GYI SPYI TSOMS SU BDAG GIR BYAS PA DANG, DBYAR GYI RNYED PA DBYAR GYI NANG DU SO SOR BGOS PA DANG, DBYAR GYI RNYED PA SPED BA BOM BSKOS PAR DGAG DBYE'I PHYI DE NYIN MA BGOS PA STE GSUM PO GANG RUNG GIS BSDUS PA'I LTUNG BA DNGOS GZHI DE BRTAD PA LAS BYUNG BA'I DE DANG, DGE SLONG DGON BA BAS 'JIGS PA'I DBANG GIS CHOS GOS GSUM LAS GANG YANG RUNG BA GCIG SPYOD YUL GYI GRONG DU BZHAG PA LAS BAR CHAD KYI DBANG MA GTOGS PA DGON PA PA'I GNAS DANG CHOS GOS BZHAG PA'I GNAS NYE 'KHOR DANG BCAS PA LAS PHYI ROL TU ZHAG DRUG 'DAS BAR 'BRAL BA LAS GYUR BA'I DE NI DGON PA PA'I 'BRAL SPANG DANG, DBYAR KHAS LEN RAN PA'I DUS LAS ZLA BA GCIG GI SNGA ROL TU DBYAR GYI RAS CHEN BSLANG STE THOB PA DANG, DGAG DBYE DUS LAS ZLA PHYED 'DAS BAR DBYAR GYI RAS CHEN 'CHANG BA GANG RUNG GIS BSDUS PA'I DE NI RAS CHEN GYI SPANG LTUNG DANG, SBYIN BDAG GIS DGE SLONG GZHAN LA BSNGOS PA'I GOS SAM LHUNG BZED RANG LA BSGYUR TE THOB PA'I DE NI BSNGOS BSGYUR GYI DE DANG, SMAN BZHI BO GANG RUNG BZA' BA'I CHED DU BYIN LEN BYAS PA MA BSHIG PAR SPYI DUS SAM RANG DUS LAS 'DAS PAR 'CHANG BA'I LTUNG BA DNGOS GZHI NI GSOG 'JOG GI SBANG LTUNG STE BCU TSAN GSUM PA'O,, GNYIS PA LTUNG BYED 'BA' ZHIG NI, BCAS LDAN DGE SLONG GIS PHAM LHAG SPOM PO NYES BYAS KYI RDZUN BZHI LAS GZHAN PA'I BRDZUN NGAG TU SMRAS TE DON GO BA LAS GYUR BA'I LTUNG BA DNGOS GZHI NI SHES BZHIN GYI BRDZUN SMRA BA'I LTUNG BYED DANG, DGE SLONG
, ,GZHAN LA YUL DUS DER SKYON DU GRAGS PA GANG YANG RUNG BA NGAG TU SMRAS TE DON GO BA LAS GYUR BA'I DE NI SKYON NAS SMRA BA'I DE DANG, DGE SLONG GZHAN GNYIS YAN CHAD DBYE BA'I BSAM PAS PHRA MA'I TSIG DAG TU SMRAS TE DON GO PA LAS GYUR BA'I DE NI PHRA MA BYED PA'I DE DANG, DGE SLONG GNYIS YAN CHAD KYI RTZOD PA DGE 'DUN GYIS CHOS BZHIN DU ZHI BAR BYED PA LA NGAG GIS SKYO SNGOGS BYAS TE DON GO BA LAS GYUR BA'I DE NI SKYO SNGOGS BYED PA'I DE DANG, KHRIMS GROGS SKYES PA MED PAR KHYIM PA MO LA CHOS TSIG LNGA'AM DRUG LAS LHAG PAR BSTAN TE DON GO BA LAS GYUR BA'I DE NI KHYIM PA MO LA CHOS STON PA'I DE DANG, NGO BO'AM RNAM GRANGS KYIS BSNYEN PAR MA RDZOGS PA DANG DUS MNYAM MAS 'JUG THOGS SU STON BYED DU GYUR BA'I CHOS TSIG BZHIR LONGS BA'AM YI GE 'DIN BA LAS GYUR BA'I DE NI BSNYEN PAR MA RDZOGS PA DANG LHAN CIG TU 'DON PA'I DE DANG, BSNYEN PAR MA RDZOGS PA BDEN PA MA MTHONG BA LA DGE SLONG GZHAN GYI PHAM LHAG BRJOD CING DON GO BA LAS GYUR BA'I DE NI GNAS NGAN LEN BRJOD PA'I DE DANG, RANG NYID MI'I CHOS BLA MA THOB PA DE BSNYEN PAR MA RDZOGS PA BDEN PA MA MTHONG BA LA BRJOD PA'I DE NI MI'I CHOS BLA MA BDEN SMRA'I DE DANG, CHOS ZHES PAS 'DI BSTAN TE, MI'I CHOS BLA MA THOB PA BRJOD DGOS PA'I PHYIR, DGE 'DUN DBANG BA'I RNYED PA ZAS LAS GZHAN PA DE DGE SLONG GZHAN GYIS GANG ZAG LA YANG DAG PAR BSNGOS PA LA LOG PAR BSNGOS SO ZHES SKUR BA BTAB PA'I DE NI BSHES NGOR BYAS ZHES SKUR BA 'DEBS PA'I DE DANG, 'DUL BA'I SDE SNOD KYI TSIG LA KHYAD DU GSOD PA'I NGAG DGE SLONG GZHAN LA SMRAS PA'I DE NI KHYAD DU GSOD PA'I LTUNG BYED DE BCU TSAN DANG PO DANG, RUNG BA'I CHOS DANG MA 'BREL
BA'I SA BON NAM PHYI ROL GYI SKYE BA DE NYAMS 'DUN GYIS RANG NGAM MNGON SUM DU BSKOS PAS NYAMS PAR BYAS PA'I DE NI SA BON SKYE 'JIG GI DE DANG, DMAN PA'I GRANGS SU BGRANGS PA'I DGE SLONG GIS DGE 'DUN GYI ZHAL TAB TSUL BZHIN DU BYED PA'I DGE SLONG GZHAN LA BDAG DANG 'BREL BA'I DON GYIS MNGON SUM DU 'PHYA BA'AM GZHOGS 'PHYAS BYAS TE DON GO BA LAS GYUR BA'I DE NI 'PHYA BA'I DE DANG, RANG LA DGE SLONG GZHAN GYIS CHOS DANG LDAN PAR BSGO BA'AM DON GANG YANG RUNG BA DRIS PA LA LAN LOG PAR SMRA BA LAS GYUR BA'I DE NI BSGO BA RNAL GZON PA'I DE DANG, DGE 'DUN GYI GNAS MAL DE MA BSDUS PAR PHAN PHUN 'GYUR BA'I NYEN CAN GYI PHYOGS SU BZHAG STE, PHAN PHUN DU GYUR BA'AM MA GYUR YANG 'DOM ZHE DGU 'DAS PA LAS GYUR BA'I DE NI GNAS MAL MA BSDUS PA'I DE DANG, DGE 'DUN DBANG BA'I GNAS SU RTZVA 'AM LO MA RANG NGAM BSKOS PAS GTING BA DE MA BSDUS PAR ZHES SOGS SNGAR LTAR SBYOR BA'I DE NI GDING BA MA BSDUS PA'I DE DANG, PHAN PA'I RKYEN DANG MI LDAN PAR DGE SLONG GZHAN RANG MA BSKOS PAS DGE 'DUN DBANG BA'I GNAS NAS BSKRAD DE NYE 'KHOR 'DAS PA LAS GYUR BA'I DE NI SKROD PA'I DE DANG, DGE 'DUN GYI GNAS SU SNGAR ZHUGS PA'I DGE SLONG LA MTHO MTSAN MA BA'I BSAM PAS LUS NGAG GANG RUNG GIS MTHO MTSAMS PAR BYAS PA'I DE NI PHYIS GNON BYED PA'I DE DANG, LUS KYIS PHYIS GNON BYED PA NI GLENG GZHI'I DBANG GIS MTSON TZAM DU GSUNGS, DGE 'DUN GYI GTZUG LAG KHANG GI STENG GI THOG RTZA BA 'BYUNG BA'I GNAS SKABS DANG BCAS PA LA, MNAN PAR 'OS PA'I RTZA BA PHUR BU LTA BU RNO BA BZHAG PA'I STENG DU 'DUG GAM NYAL BA LAS GYUR BA'I DE NI RTZA BA 'BYUNG BA LA 'DUG PA'I DE DANG, THA MAL BA'I MIG LA SNANG DU RUNG BA'I DUD 'GRO RTZVA CHU
, ,LA SOGS PA'I GZHI DANG BCAS PA KUN SLONG GZHAN GYI CHED DU LONGS SBYOD DA DUD 'GRO SHI BA LAS GYUR BA'I DE NI DUD 'GRO 'DEBS PA'I DE DANG, NYIN ZHAG GCIG LA GTZUG LAG KHANG GI PHA GU RIM PA GSUM LAS LHAG BAR BRTZIGS PA'AM, NYIN ZHAG THA DANG NA YANG 'DZIM PA YOD PA DANG, CHU KHUNG GTONG BA DANG SA BRKOS TE RMANG GI RTZA BA'I BTZUGS PA DANG SGO CHA GONG MA BCUG PA BZHI LAS GANG YANG RUNG BA GCIG MA TSANG BAR RIM PA GSUM LAS LHAG PAR BRTZIGS PA'I DE NI RIM PA LHAG PAR BRTZIGS PA'I LHUNG BYED DE BCU TZAN GNYIS PA DANG, 'DI LA SDOM LAS, RIM BA GNYIS SU RTZIGS PA'O, ,ZHES BSHAD PA NI GNANG BA'I RIM PA DANG DGAG PA'I RIM PA GNYIS BRTZIGS BA'I RGYU MTSAN GYIS DE LTAR GSUNGS ZHES KHA CIG BSHAD DO,, DGE SLONG MA'I STON PAR TSUL BZHIN DU MA BSKOS PAR DGE SLONG MA LA CHOS BSTAN PA LAS GYUR BA'I DE NI MA BSKOS PAR CHOS STON PA'I DE DANG, NYI MA NUB PA'I DUS SU DGE SLONG MA LA CHOS BSTAN PA LAS GYUR BA'I DE NI NYI MA NUB PA'I BAR DU CHOS STON PA'I DE DANG, DGE SLONG GZHAN ZAS CUNG ZAD TZAM GYI PHYIR DU DGE SLONG MA LA CHOS STON PA MA YIN PA LA DE LTAR BSTAN TO ZHES SKUR BA BTAB PA'I DE NI ZAS CUNG ZAD TZAM GYI PHYIR CHOS STON ZHES SKUR BA 'DEBS PA'I DE DANG, NYE DU MA YIN PA'I DGE SLONG MA'I GOS BZO BYAS PA'I DE NI GOS BYED PA'I DE DANG, DGE SLONG MA NYE DU MA YIN PA LA GOS SBYIN PA LAS GYUR BA'I DE NI GOS SBYIN PA'I DE DANG, DGE SLONG MA DANG LHAN CIG MA'I LAM DU RGYANG GRAGS LAS 'DAS PAR PHYIN PA'I DE NI DGE SLONG MA DANG LHAN CIG LAM DU 'GRO BA'I DE DANG, DGE SLONG MA DANG LHAN CIG GRUR ZHUGS TE CHU'I RGYUN PHYOGS SAM BZLOG PHYOGS SU RGYAD GRAGS 'DAS PAR PHYIN PA'I DE NI DGE SLONG MA DANG LHAN CIG GRUR ZHUGS PA'I DE DANG, KHRIMS GROGS MED PAR BUD MED GCIG BU DANG LHAN CIG DBEN
BSKYABS YOD PAR 'DUG PA'I DE NI DBEN BAR 'DUG PA'I DE DANG, KHRIMS GROGS MED PAR DGE SLONG MA GCIG PU DANG LHAN CIG DPEN PA SKYABS YOD PAR 'GRENG BA'I DE NI DBEN PAR 'GRENG BA'I DE DANG, BDAG NYID KYI YANG DAG PA MA YIN PA'I CHOS KYI YON TAN DGE SLONG MAS KHYIM BA LA BRJOD PA'I SGO NAS SBYOR DU BCUG PA'I ZAS ZOS PA'I DE NI DGE SLONG MAS SBYOR DU BA CUG PA'I LTUNG BYED DE BCU TSAN GSUM PA DANG, NYIN MO GCIG LA MGRON DU BOS BA GNYIS BYUNG BA NA SNGA MA ZOS NAS PHYI MA LA GOS SAM GOS KYI RIN GYI RNYED PA MED PAR ZOS BA LAS GYUR BA'I DE NI YANG YANG ZA BA'I DE DANG, MU STEGS CAN GYI 'DUG GNAS SU ZHAG GCIG GNAS TE MU STEGS PA'I SBYIN BDAG KHYIM PA LAS ZAS GNYIS PA BLANG STE ZOS PA LAS GYUR BA'I DE NI 'DUG GNAS SU ZA BA'I DE DANG, TSAD YONGS SU MA SBAGS PA DANG CI BDER MA BYAS PA'I KHYIM PA LAS DUS RUNG GI ZAS MA GADHA'I BRE'U CHUNG GANG PHYED DANG BCU BZHI'AM DRUG PHUL NYI SHU RTZA BDUN LAS LHAG PA BLANGS SHING GNAS GZHAN DU KHYER TE ZOS PA LAS GYUR BA'I DE NI LTUNG BZED DO GSUM LHAG LEN PA'I DE DANG, PHYE ZHES PAS 'DI BSTAN TE, TSOD MA MA GTOGS PA'I BSOD SNYOMS 'DI'I BYED PA POR SHES CHED DU DUS RUNG GI ZAS KYI PHYOGS GCIG GI MING GIS BSTAN PA'I PHYIR, DO'AM GSUM ZHES PA NI LHUNG BZED CHEN PO GANG BA GCIG DANG CHUNG DU GANG BA GCIG STE DO'AM DRUG PHUL PHYED DANG BCU BZHI SHONG BA'I 'BRING BO GANG BA DO DANG, LHUNG BZED CHUNG GANG GSUM LHAG PAR LEN NA DNGOS GZHIR GYUR BAS NA DO'AM GSUM ZHES GSUNGS SO, ,ZAS SBANGS PA RDZOGS PAS DUS RUNG GI BZA' BA DANG BCA' BA GANG RUNG LHAG POR MA BYAS BAR ZOS PA LAS GYUR BA'I DE NI SPANGS BA ZA BA'I DE
, ,DANG; BCA' ZHES GANG SPANGS PA'I DNGOS PA'I PHYOGS GCIG GI MING GIS 'DI BSTAN PA'I RGYU MTSAN NI, SKABS 'DIR LUNG LAS BZA' BA SPANGS PAS BCA' BA SPANGS BAR 'GYUR LA BCA' BA SBANGS PAS BZA' BA SPANGS PAR MI 'GYUR BA'I KHYAD PAR BSHAD BA'I PHYIR BCA' ZHES BTAGS PA YIN NO,, ZAS SPANGS PA'I DGE SLONG GZHAN LA DUS RUNG GI BZA' BCA' GANG RUNG ZHIG NGAG GI RNAM PAR RIG BYED KYIS STOBS TE DON GO BA LAS GYUR BA'I DE NI SPANGS BA STOBS PA'I DE DANG, RANG BZHIN GYI MTSAMS GCIG GI NANG DU DGE 'DUN ZAS ZA BA'I GNAS LAS LOGS SU DGE SLONG BZHIR LONGS 'DUS SHING ZAS ZOS PA LAS GYUR PA'I DE NI 'DUS SHING ZA BA'I DE DANG, RANG GLING GI NYIN BYED YOL NAS SKYA RENGS MA SHAR BA'I BAR SKABS SU DUS RUNG GI BAS ZOS PA LAS KYUNG BA'I DE NI DUS MIN PAR ZA BA'I DE DANG, RANG GI GLING ZHES PA SBYIR BTANG LA RANG GANG DU GNAS PA'I GLING DANG, DMIGS GSAL LHA GNAS LA SKYES PA'I GLING GIS 'JOG PAR MTSO t'IKA LAS BSHAD LA, RIN PHRENG LAS SBYIR BTANG LA'ANG SKYES PA'I GLING GIS 'JOG DGOS PAR BSHAD DE, LUNG DU YANG 'DON PA THA DAD PA GNYIS YOD PAR SNANG NGO, ,RANG DAM CHOG GCIG PAS SMAN BZHI GANG RUNG RANG RANG GI DUS 'DAS KYI BAR GSOG 'JOG BYAS PA DE ZOS PA LAS GYUR BA'I DE NI GSOG 'JOG PA BA'I DE DANG, 'DIR LAG NYAL SOGS PA'I NYES BYAS BRGYAD KYANG SHES DGOS SO, ,RANG DAM CHO GA GCIG PAS BYIN LEN MA BYAS PA'I ZAS ZOS PA LAS GYUR BA'I DE NI BYIN LEN MA BYAS PAR ZA BA'I DE DANG, KHA NAS MED CES MTHAR THUG GI YAN LAG BSTAN PA'I TSIG GIS 'DI BSHAD DO, ,KHYIM PA NYE DU MA YIN PA LAS CHU LA
DUS DER ZAS BSOD PAR GRAGS PA NGAG GI RNAM PAR RIG BYED KYIS BSLANG STE ZOS PA LAS GYUR BA'I DE NI BSOD BSLONG BA'I LHUNG BYED DE BCU TSAN BZHI BA DANG, THA MAL BA'I MIG LA SNANG DU RUNG BA'I DUD 'GRO RTZVA CHU LA SOGS PA'I GZHI DANG BCAS PA KUN SLONG RANG KHO NA'I DON DU LONGS SBYAD DE DUD 'GRO'I SHI BA LAS GYUR BA'I DE NI DUD 'GRO SPYOD PA'I DE DANG, GNAS GZHAN DU KHYIM PA PHO MO NYAL PO BYED PAR ZHUGS PA'AM PHYOGS PA LA MNGON SUM DU BRNAGS PAS 'DUG PA RDZOGS TE TSOR BYA TSOR BYED KYIS TSOR BA LAS GYUR BA'I DE NI NYAL SHOM 'DUG PA'I DE DANG, GNAS GZHAN DU KHYIM PA PHO MO NYAL PO BYED PAR ZHUGS PA'AM PHYOGS PA LA DPEN PAR BRNAGS PAS 'GRENG BA RDZOGS TE TSOR BYA TSOR BYED KYIS TSOR BA LAS GYUR BA'I DE NI NYAL SHOM 'GRENG BA'I DE DANG, PHYI ROL BA'I RAB BYUNG NYE DU MA YIN PA LA DGOS PA KHYAD PAR CAN MED PAR NGAG GI RNAM PAR RIG BYED KYIS ZAS BYIN ZHING DES BLANGS PA LAS GYUR BA'I DE CIG GCER BU BA LA ZAS SBYIN PA'I DE DANG, DMAG MTSAN NYID PA DNGOS SU 'THAB PA'AM DER PHYOGS PA LA RGYAL PO SOGS KYIS POS BA MED PAR RANG GNAS PA'I NYE 'KHOR LAS 'DAS TE BLTAS PA LAS GYUR BA'I DE NI DMAG LA LTAS PA'I DE DANG, DMAG MTSAN NYID PA'I NANG DU GNAS TE DGOS PA KHYAD PAR CAN MED PAR ZHAG GCIG 'DAS PA LAS GYUR BA'I DE NI DMAG NANG GNAS PA'I DE DANG, ZHAG GNYIS ZHES PA NI GLENG GZHI'I DBANG GIS MTSON TZAM YIN PAR BSHAD DO, ,DMAG GI DPUNG GI YAN LAG LA REG PA DANG BSHAMS PA BKRUGS PA DANG RGYAL PO SOGS KYIS BOS TSON 'PHAGS SHING NYE 'KHOR LAS 'DAS TE DMAG LA LTA BA GANG RUNG LAS GYUR BA'I DE NI DPUNG GI YAN LAG NYAMS SU MYONG BA'I DE DANG, DGE SLONG
, ,GZHAN LA GSOD SEMS LAS GZHAN PA'I RNYOG PA CAN ZHE SDANG GI SEMS KYIS BRDEGS PA LAS GYUR BA'I DE NI BRDEG PA'I DE DANG, GZHAN RNAMS SNGAR BZHIN LAS BRDEG PAR GZAS PA LAS GYUR BA'I DE NI GZAS PA'I DE DANG, MTHOL YUL MTSAN NYID PA YOD PA'I GNAS SU DGE SLONG GZHAN GYI PHAM LHAG GANG RUNG BCABS TE ZHAG 'DAS PA LAS GYUR BA'I DE NI GNAS NGAN LEN 'CHAB PA'I LTUNG BYED DE BCU TSAN LDAN BA DANG, DGE SLONG GZHAN LA SBYIN BDAG KHYIM PAS DUS RUNG GI ZAS 'BUL BA NGAG GI RNAM PAR RIG BYED KYIS GCOD DU BCUG STE SBYIN BDAG GIS DON GO BA LAS GYUR BA'I DE NI ZAN GCOD DU BCUG PA'I DE DANG, BDE ZHES PAS 'DI BSTAN TE, 'DI'I GLING GZHIR DGA' BO DANG NYE DGAS, DGE SLONG CHOS ZHES BYA BA'I ZAN BCAD PA'I RJES SU, NYE DAGS CHOS LA KHO BOS KHYOD DANG LHAN CIG SMRA BA'AM 'DUG PA BDE BA MIN GYI, KHO BO GCIG PU KHO NA SKRA'AM 'DUG NA BDE YIS KHYOD SONG ZHIG CES SMRAS PAR GSUNGS PAS, BDE ZHES BTAGS PA YIN NAM SNYAM MO, ,RGYAS PAR GLING 'BUM CHEN MO BKRAS LHUN DBANG MA'I SHOG PU NYIS BRGYA ZHE GCIG PA LAS SHES PAR BYA'O,, BUD SHING MTSAN NYID PA BSREGS PA'I ME LONGS SU RDZOGS PA LA DUS DRAN MA BYAS PAR REG GAM REG DU BCUG PA LAS GYUR BA'I DE NI ME LA REG PA'I DE DANG, DGE 'DUN MTSAN NYID DANG LDAN PAS DGE SLONG GI CHED DU LAS BYAS SHING CHAGS PA LA RANG NYID SNGAR 'DUN PA PHUL BA PHYIR BSGYUR BA'I TSIG SMRAS TE DON GO BA LAS GYUR BA'I DE NI 'DUN PA PHYIR BSGYUR BA'I DE DANG, NGO BO'AM RNAM GRANGS KYIS BSNYEN PAR MA RDZOGS PA DANG LHAN CIG GNAS GCIG TU YUL RTEN GNYIS GNYAL BA'I SPYOD LAM GYIS
GNYID LOG CING MTSAN MO GSUM PA 'DAS PA LAS GYUR BA'I DE NI NUB LHAG NYAL BA'I DE DANG, PHAM SOGS BAR DU GCOD PA'I CHOS 'GA' ZHIG RTEN KYANG BAR DU GCOD PAR MI 'GYUR BAR LTA BA'I SDIG LTA SKYES PA LAS DGE 'DUN GYIS BZLOG PA LNGAS BZLOG KYANG MI GTONG BA LAS GYUR BA'I DE NI SDIG LTA MI GTONG BA'I DE DANG, CHOS ZHES PAS 'DI BSTAN TE, BAR DU GCOD PA'I CHOS LA PHYIN CI LOG TU BA LTA BA LAS KYUR BAS DE LTAR BSHAD DO,, DGE SLONG GNAS NAS PHYUNG BA DANG LHAN CIG CHOS DANG ZANG ZING LONGS SPYOD PA'AM ZHAG GCIG GNAS GCIG, TU NYAL NAS MTSAN MTHA' 'DAS PA GANG RUNG LAS GYUR BA'I DE NI SPANGS PA RJES PHYOGS KYI DE DANG, SMRA ZHES SBYOR BA'I PHYOGS GCIG GIS 'DI BSTAN TO, ,DGE TSUL BSNYIL BA DANG LHAN CIG CHOS DANG ZHES SOGS SNGAR LTAR GYI DE NI BSNYIL BA BSDUD PA'I DE DANG, RUNG BA'I TSON GSUM GANG RUNG GIS KHAM BSGYUR BA'I RANG GI GOS DKAR PO LONGS SPYOD PA LAS GYUR BA'I DE NI KHA MA BSGYUR BA'I GOS GYON PA'I DE DANG, RIN PO CHE RANG GI MA YIN PA DANG RIN PO CHER SMOS PA MTSON CHA DANG ROL MO'I CHA BYAD LA REG GAM REG TU BCUG PA LAS GYUR BA'I DE NI LONGS PA GZHIR GTOGS PA'I DE DANG, TSA BA'I DUS KYI ZLA BA PHYED DANG GSUM DANG ZLA PHYED KYI DUS MA YIN PAR 'JIG RTEN NA GRAGS PA'I CHUS KHRUS BYAS TE LUS PHYED YAN CHAD KHYAB PA LAS GYUR BA'I DE NI KHRUS BYED PA'I LTUNG BYED DE BCU TSAN DRUG PA DANG, THA MAL PA'I MIG LA SNANG DU RUNG BA'I DUD 'GRO DE TZ'A CHU LA SOGS PA'I GZHI MA'I ZHAR LE MA YIN PAR GSOD SEMS KYIS RANG NGAM BSKOS PAS BSAD DE PHA ROL PO SHI BA LAS GYUR BA'I DE NI DUD 'GRO GSONG BA'I DE DANG, DGE SLONG GZHAN LA RNAM DAG GI DGE SLONG MA
, ,YIN PA'I DON GO BAR BYED BA'I TSIG GIS 'GYOD PA BSKYED PA LAS GYUR BA'I DE NI 'GYOD PA BSKYED PA'I DE DANG, RANG GI LUS DNGOS MA NYAMS PAS DGE SLONG GZHAN GYI LUS DNGOS MA NYAMS PA LA SKYI G-YA' BAR BYA BA'I SEMS KYIS REG PA LAS GYUR BA'I DE NI GAG TSIL BYED PA'I DE DANG, 'JIG RTEN NA GRAGS PA'I CHU LUS PHYED NUB PA'I TSAD DU LONGS PA LA BRTZE'AM BRTZER 'JUG PA LAS GYUR BA'I DE NI CHU LA BRTZE BA'I DE DANG, BUD MED DANG GNAS GCIG TU GNYIS KA NYAL BA'I SPYOD LAM GYIS MCHEN MO 'DAS PA LAS GYUR BA'I DE NI BUD MED DANG LHAN CIG NYAL BA'I DE DANG, DGE SLONG GZHAN LA 'JIGS PA'I RGYU YID DU MI 'ONG BA NYE BAR BSGRUB PA'I CHOG RANG DAM BSKOS PAS SMRAS TE DON GO BA LAS GYUR BA'I DE NI DNGANGS BYED PA'I DE DANG, CHOS 'DI BA'I DGE SBYONG GZHAN GYIS DBANG PA'I 'TSO BA'I YO BYAD SBED DAM SBED DU BCUG PA LAS BYUNG BA'I DE NI SBED BA'I DE DANG, RANG GIS DGE SLONG GZHAN LA PHYIR BLANG BA MED PAR BYIN PA'I GOS DES GNANG PA'I GDENGS MED PAR LONGS SPYOD PA LAS GYUR BA'I DE NI GDENGS MED DU SPYOD PA'I DE DANG, 'DI LHUNG BZED KYIS BSKYED MI BSKYED KYI BSHAD PA GNYIS YOD DO, DGE SLONG GZHAN LA DGE 'DUN LHAG MAS SKUR BA BTAB PA LAS GYUR BA'I DE NI GZHI MED KYI DE DANG, SKYES PA MED PAR BUD MED DANG LHAN CIG LAM DU 'GRO ZHING RGYANG GRAGS 'DAS PA LAS GYUR BA'I DE NI BUD MED DANG LHAN CIG LAM DU 'GRO BA'I LTUNG BYED DE BCU TSAN BDUN PA DANG, CHOM RKUN PA'AM SHOG MA BRDAL BA'I TSONG PA DANG LHAN CIG LAM DU 'GRO ZHING RGYANG GRAGS 'DAS PA LAS GYUR BA'I DE NI RKUN MA DANG LHAN RIG LAM DU 'GRO BA'I DE DANG, RANG NYID MKHAN PO BYAS NAS SGRUB BYA LO NYI SHU MA LON
BA BSNYEN PAR RDZOGS PAR BYAS PA LAS GYUR BA'I DE NI NYI SHU MA LON PA BSNYEN PAR RDZOGS PAR BYED PA'I DE DANG, 'JIG RTEN NA GRAGS PA'I SA 'THAS PAR GNAS PA SOR BZHI YAN CHAD RGO 'AM RKOR BCUG PA LAS GYUR BA'I DE NI SA RKO PA'I DE DANG, RANG MGRON DU 'BOD PA'I KHYIM PA LAS DUS NGES PAR BYAS PA'I TSIGS RNAM PAR BZHAG PA YOD NA DE LAS LHAG PA'I ZAS ZOS PA DANG TSIGS RNAM PAR BZHAG PA MED NA ZLA BA BZHI LAS LHAG PAR ZAS ZOS PA LAS GYUR BA'I DE NI MGRON GNYER RING 'DUG GI DE DANG, RANG LA 'DUL PA'I DON SHES PA'I DGE SLONG GIS 'DUL BAR GTOGS PA'I BSLAB PA GANG YANG RUNG BA GCIG LA BSLAB PAR BYA'O ZHES BSGO BA LA SHES BZHIN DU SDE SNOD 'DZIN PA LA DRI BA'I BAR DU MI MKHAS PA KHYOD KYI TSIG GIS MI SLOB PO ZHES PA LTA BU'I TSIG SMRAS TE DON GO BA LAS GYUR BA'I DE NI BSLAB PA LA NYE BAR 'JOG PA SPONG BA'I DE DANG, RANG LAS RTZOD PA GZHAN PHYOGS KYI DGE SLONG DE DGE SLONG GZHAN DANG RTZOD PA'I GROS BYED PA LA RTZOD PA SPAR PA'I CHED DU RNA GTOD CING DON GO BA LAS GYUR BA'I DE NI NYAN RNA BYED PA'I DE DANG, DGE 'DUN GYI CHOS LDAN GYI LAS LA 'DUS NAS DGE SLONG LA MA SMRAS PAR GSOL BA MA ZIN PA'I SKABS SU THOS PA'I NYE 'KHOR LAS 'DAS PAR PHYIN PA LAS GYUR BA'I DE NI LAS KYI GNAS NAS MI SMRA BAR 'GRO BA'I DE DANG, SANGS RGYAS DNGOS SAM DGE SLONG GI DGE 'DUN NAM DGE 'DUN GYI GNAS BRTAN NAM DGE 'DUN GYI THA SNYAD PA GANG YANG RUNG BAS BSGO BA'I DON CHOS DANG LDAN PA LA BSHAD SBYANG MED PAR 'GAL BAR BYAS PA LAS GYUR BA'I DE NI MA GUS PA'I TSUL GYI DE DANG, DGE 'DUN GYI THA SNYAD PA ZHES PA DGE 'DUN GYIS BSGOS PA'I LAS BYED BCU GNYIS SOGS LA BSHAD DO, ,CHANG MTSAN NYID DANG
, ,LDAN PA MGUL DU MID PA LAS GYUR BA'I DE NI CHANG 'THUNG BA'I DE DANG, RANG GLING GI NYI MA PHYED YOL NAS SKYA RENGS MA SHAR BA'I BAR DER DGE SLONG SOGS SMRA YUL MTSAN NYID PA YOD PA LA MA SMRAS PAR KHYIM PA'I GNAS SU PHYIN PA LAS GYUR BA'I DE NI DUS MIN PAR GRONG DU 'GRO BA'I LHUNG BYED DE BCU TSUN BRGYAD PA DANG, SNGA DRO'I DUS SU RANG GI TSIG GIS DGE 'DUN PA SA LA SPYAN 'DREN PA'I TSE SBYIN BDAG LA KHO BO MA 'ONGS PA'I DBANG GIS DGE 'DUN GYI GDUGS TSOD BRIM BA YOL BAR MA BYED CIG CES MA BSGO BAR KHYIM GSUM PHAN CHAD DU RGYU BA DANG RANG GLING GI NYI MA PHYED YOL NAS SKYA RENGS MA SHAR BA'I BAR DER KHYIM BZHI BA PHAN CHAD DU RGYU BA GANG RUNG LAS GYUR BA'I DE NI GRONG DU RGYU BA'I DE DANG, ZAS BCAS ZHES PA NI SNGA DRO GRONG DU RGYU BA'I DE LA ZAS LA SPYAN 'DREN BA ZHIG DGOS PAS PHYOGS GCIG GIS 'DI BSTAN TO, ,NUB PHYOGS KYI 'OD DMAR PO 'DAS NAS SKYA RENGS THA MAM SHAR BA'I BAR DER BTZUN MO'I 'KHOR RAM RGYAL PO'I PHO BRANG GI GNAS SU PHYIN PA'AM DER GNAS PA GANG RUNG LAS GYUR BA'I DE NI RGYAL PO'I PHO BRANG DU NUB MO 'GRO BA'I DE DANG, SKYA RENGS ZHES PAS 'DI BSTAN TE, SKYA RENGS THA MA MA SHAR BA YAN LAG YIN PA'I PHYIR RO, ,GSO SBYONG LA SO THAR GYI MDO 'DON PA'I TSE BDAG NYID GSO SBYONG LAN GNYIS NYAMS SU MYONG ZHING YID RMONGS PA MIN PAS 'DI LA CHOS DE YOD PAR BDAG GIS GZOD SHES SO ZHES RANG GI BSLAB PA'I GZHI'I DNGOS PO KHYAD DU GSOD PA'I TSIG SMRAS TE DON GO BA LAS GYUR BA'I DE NI BSLAB PA NI KHYAD GSOD PA'I DE DANG, DAG DOD CES KHYAD GSOD GYI TSIG GI PHYOGS GCIG GIS 'DI BSTAN TO, ,RANG DBANG BA'I RDZAS MTSAN NYID DANG LDAN PA LA RANG DON DU KHA BA RAL BYED DAM BYED DU BCUG PA LAS GYUR BA'I DE NI KHAB RAL CHOS PA'I DE DANG, DGE 'DUN DBANG BA'I
SHING GI KHRI'AM KHRI'U'I RKANG PA KHRU GANG LAS LHAG PA BYED DAM BYED DU BCUG PA LAS GYUR BA'I DE NI KHRI RKANG 'CHOS PA'I DE DANG, DGE 'DUN GYI GNAS MAL RANG DAM BSKOS PAS SHING BAL GYIS GOS PAR BYAS PA LAS GYUR BA'I DE NI SHING BAL GYIS GOS PAR BYAS PA'I DE DANG, RANG DON DU GDING BA TSAD LAS LHAG PA BYED DAM BYED DU BCUG PA LAS GYUR BA'I DE NI GDING BA LAS GYUR BA'I DE DANG, RANG DON DU G-YAN PA DGAB PA ZHES SOGS SNGAR LTAR GYI DE NI G-YAN PA DGAB PA LAS GYUR BA'I DE DANG, RANG DON DU DBYAR GYI RAS CHEN ZHES SOGS SNGAR LTAR GYI DE NI RAS CHEN LAS GYUR BA'I DE DANG, RANG LA LUS TSAD DE LTA BU MED PAR BDE GSHEGS CHOS GOS DANG TSAD MNYAM PA'AM LHAG PA'I CHOS GOS GSUM GANG RUNG BYED DAM BYED DU BCUG PA LAS GYUR BA'I DE NI BDE GSHEGS CHOS GOS KYI TSAD LAS GYUR BA'I LTUNG BYED DE BCU TSAN DGU PA'O,, ` ,, BZHI BA SOR BSHAGS NI, RANG NYID GRONG NGAM GRONG GI NYE 'KHOR RAM LAM PO CHE GANG RUNG NA 'DUG PAS DGE SLONG MA GNAS DE GSUM GANG RUNG NA 'DUG PA LAS DUS RUNG GI ZAS BLANGS TE ZOS PA LAS GYUR BA'I DE NI DGE SLONG MA LAS ZAS LEN PA'I SOR BSHAGS DANG, DGE SLONG GSUM YAN CHAD KHYIM PAS MGRON DU BOS BA NA DGE SLONG MAS BSKOG MA PHYIN CI LOG TU BYED PA MA BZLOG PAR ZOS PA LAS GYUR PA'I DE NI MA BZLOG PAR ZA BA'I DE DANG, KHYIM GYI BSLAB SNGOM BYIN PA'I KHYIM PA LAS DAG GI RNAM PAR RIG BYED KYIS ZAS BLANGS TE ZOS PA LAS GYUR BA'I DE NI BSLAB PA DRAL TE KHYIM DU 'JUG PA'I DE DANG, NAGS NYUL BSGOS PA'I DGE SLONG GIS NAGS MA NYUL BAR 'JIGS PA DANG BCAS PA'I DGON PAR KHYIM PA LAS ZAS BLANGS TE ZOS BA LAS GYUR BA'I DE NI NAGS BRTAG PA LAS GYUR BA'I SOR BSHAGS TE BZHI'O,, ` ,,LNGA PA NYES BYAS
, ,KYI SDE NI, SHAM THABS DANG MTHANG GOS MA MTHA'I KHA MNYAM PA'I ZLUM POR MA BGOS PA DANG, HA CANG BRTZENGS PA BUS GONG DU THAL BA DANG, HA CANG 'JOL BA LONG BU LA REG PA DANG, GRA ZUR DAG GLANG PO CHE'I SNA LTAR NAR ZHING 'PHYANG BA DANG, LTE BA'I GONG DU TA LA'I LO MA LTAR LTEBS PA DANG, GLO NAS PHYI ROL GYI RIM PA'I GRA 'BRU'I THUM BU LTAR 'DUG PA DANG, LTE BA'I 'OG TU SHAM THABS KYI NANG DANG 'BREL BA'I RIM PA SBRUL MGO'I GDENGS GA LTAR PHYIR BYUNG BA DANG, BLA GOS SNAM SBYAR ZLUM POR MA BGOS PA DANG, HA CANG BRTZENGS PA DANG, HA CANG 'JOL BA STE GOS BGO BA'I SDE TSAN BCU'O,, DRAN SHES KYIS MA BSNGAMS PAR KHYIM GZHAN DU 'GRO BA DANG, DE BZHIN DU GOS LEGS PAR MA BGOS PAR DANG, CA CO'I SGRA MA SKYUD BAR DANG, MIG G-YENG BAR DANG, MIG GNYA' SHING GANG TZAM STE 'DOM GANG TZAM DU MI BLTA BAR DANG, RAS SOGS KYIS MGO BO G-YOG PAR DANG, SHAM THABS BRDZES TE 'DOMS SNANG BAR DANG, CHOS GOS PHRAG PA G-YAS G-YON GNYIS KAR GZAR ZHING DANG, LAG PA GNYIS GNYA' GONG DU BSNOL BAR DANG, LHAG PAR BSNOL BAR DANG, SPRE'U LTAR MCHONG ZHING DANG, SGYID PA BRKYANG BSKUM BYED CING DANG, TZOG BUS DANG, RTING PA BTEG STE BRANG ZAS DANG, LAG PA GNYIS DKUR RTEN ZHING DANG, LUS BSGYUR ZHING DANG, LAG PA SKYOG CING DANG, MGO BSGYUR ZHING DANG, GZHAN DANG PHRAG PA GNYIS SBRAD CING DANG, GZHAN DANG LAG PA SPREL TE 'GRO BA STE KHYIM DU 'GRO BA'I SDE TSAN NYI SHU'O,, KHYIM GZHAN DU MA BSGOS PAR STAN LA 'DUG PA DANG, SROG CHAGS SOGS MA BRTAGS PAR 'DUG PA DANG, LUS THAMS CAD KYI LCID KYIS PHA BA STE 'DUG PA DANG, RKANG PA BSNOL TE DANG, BRLA BSNOL TE DANG, LONG BU'I STENG DU
LONG BU BZHAG STE DANG, RKANG BA GNYIS NANG DU DGUG STE DANG, RKANG PA GNYIS PHYIR BGRANG DE DANG, 'DOMS SNANG BAR 'DUG PA STE STAN LA 'DUG PA'I SDE TSAN DGU'O, ,LAG PA LA 'GRAM PA BRTEN TE 'DUG PA DANG, GANG LA 'DUG PA'I STAN THABS RGYAB KYIS KHYER ZHING BSKUR BA GNYIS NI SDOMS BSDUS MA YIN NO, ,DRAN SHES BRTEN TE ZAS LEGS PAR MA BLANGS PA DANG, SNOD KYI MU DANG KHA DA CHAD GANG STE BLANGS PA DANG, ZAS DANG TSOD MA MNYAM PAR DANG, GRAL MTHAR CHAGS SU MIN PAR DANG, LHUNG BZED LA MI BLTA BAR DANG, ZAS MNGON SUM DU MA 'ONGS BAR LHUNG BZED BZED PAR DANG, YANG THOB 'DOD KYIS 'BRAS CHAN DANG TSOD MA PHAN TSUN DGAB PAR DANG, ZAS KYI STENG DU LHUNG BZED BZUNG STE BLANGS PA STE ZAS BLANGS PA'I SDE TSAN BRGYAD DO, ,DRAN SHES BRTEN TE ZAS LEGS PAR MA ZOS PA DANG, KHAM HA CANG CHUNG PAR ZOS PA DANG, KHAM HA CANG CHE BAR DANG, 'JIG RTEN DANG MTHUN PA'I KHAM RAN PA MIN PAR DANG, KHA'I SGOR KHAM MA GZAS BAR KHA GDANGS PA DANG, KHA'I NANG ZAS KYIS GANG STE SMRA ZHING DANG, TZUG TZUG ZER ZHING DANG, CAG CAG ZER ZHING DANG, HU HU ZER ZHING DANG, PHU PHU ZER ZHING DANG, LCI PHYIR PHYUNG STE DANG, 'BRU RE RE NAS THA DAD DU BYAS SHING DANG, SBYIN BDAG GI ZAS LA 'PHYA SMOD BYED CING DANG, MA KHUR BA PHAN TSUN SPO BZHIN DANG, LCES RKAN GTOG CING DANG, SOS KHAM GYI 'PHROR BCAD CING DANG, LAG BA LCES BLDAG PA DANG, LHUNG BZED SOR MOS 'BYOG BA DANG, LAG PA LA ZAS CHAGS BA SBRUG BA DANG, LHUNG BZED KYI NANG DU ZAS BLUG STE BSKYAM PA DANG, ZAS MCHOD RTEN GYI DBYIBS DANG 'DRA BAR BYAS NAS GZHOM PA DANG, DRUNG NA 'DUG PA'I DGE SLONG GI LHUNG BZED LA 'PHYAS GDAGS PA'I PHYIR BLTA BA DANG, LAG PA ZAS
, ,DANG 'BAGS PAS CHU SNOD BZUNG BA DANG, DRUNG NA 'DUG PA'I DGE SLONG LA ZAS DANG 'BAGS PA'I CHUS GTOR BA DANG, KHYIM PA 'DUG PA LAM DRIS PAR ZAS DANG 'BAGS PA'I CHU KHYIM DU DBO BA STE ZAS BZA' BA'I SDE TSAN NYER LNGA'O, ,'PHYA BA SOGS BZHI NI MTSO t'IKA SOGS LAS LHUNG BZED SPYAD PA'I SDE TSAN DANG, RIN PHRENG SOGS LAS ZAS BZA' BA'I SDE TSAN DU BYAS SO, ,LHUNG BZED KYI NANG DU ZAS KYI LHAG MA BLUGS TE DOR BA DANG, LO MAS G-YOGS PA SOGS KYI 'OG GZHI MED PA'I SAR LHUNG BZED BZHAG PA DANG, GANG KHA DANG, G-YANG SA DANG, DKAN GZAR PO LA LHUNG BA ZED BZHAG PA DANG, 'GRENG STE LHUNG BZED BKRU BA DANG, GANG KHA DANG, G-YANG SA DANG, DKAN GZAR PO LA LHUNG BZED BKRU BA DANG, LHUNG BZED KYIS 'BAB CHU DRAG PO'I RGYUN LAS BZLOG STE CHU BCU BA STE LHUNG BZED SPYAD PA'I SDE TSAN BCU'O, ,LHUNG BZED KYI CHU SLONG BA LA LHUNG BZED LAN GSUM BKRUS TE GTZUG LAG GI TSIGS BCAD BZLAS PA'I CHU SBYIN PA DANG, LAM GYI BZHI MDOR LHUNG BZED MI BZHAG MI BKRU BA'I BSLAB BYA GNYIS NI SNGOM BSDUS MIN NO; ,NYAN PA PO 'DUG PA LA 'GRENG STE CHOS BSHAD PA DANG, NYAL BA LA 'DUG STE DANG, STAN MTHON PO'AM BZANG PO LA 'DUG PA LA DMA' BA'AM NGAN PA LA 'DUG STE DANG, MDUN DU 'GRO BA LA PHYI NAS 'GRO ZHING DANG, LAM NAS 'GRO BA LA LAM 'GRAM NAS 'GRO ZHING DANG, MGO G-YOGS BA DANG, RJES PA DANG, GZAR BA DANG, GNYA' GONG DU BSNOL PA DANG, LTAG PAR BSNOL BA LA BSHAD PA DANG, SKRA GTZUG TOR LTAR BCINGS PA'I MGO DO KER CAN DANG, ZHVA GYON PA DANG, COD PAn CAN DANG, PHRENG BA
CAN DANG, DKRIS PA THOD BCINGS PA LA BSHAD PA DANG, GLANG PO CHE DANG, RTA ZHON PA DANG, KHYOGS DANG, SHING RTA LA SOGS PA'I BZHON PA'I STENG NA 'DUG PA DANG, MCHI LA LHA MGYON BA LA BSHAD PA DANG, LAG NA MKHAR BA DANG, GDUGS DANG, MTSON CHA DANG, RAL GRI DANG, DGRA CHA MDA' GZHU THOGS PA DANG, GO CHA GYON PA LA BSHAD PA STE CHOS BSTAN PA'I SDE TSAN NYER DRUG GO ,'GRENG STE BSHANG GCI BYED PA DANG, CHU'I NAD DU BSHANG GCI BYED PA DANG, RTZVA SNGON PO YOD PA'I PHYOGS SU BSHANG GCI BYED PA DANG, GSHANG GCI DANG MCHIL MA DANG SNABS DANG SKYUGS PA DANG, RLUGS PA RNAMS CHU DANG RTZVA SNGON PO YOD PA'I PHYOGS SU 'DOR BA STE BSGRUB PA'I SDE TSAN BZHI'O, ,BSGRUB BA'I SDE TSAN NI RTEN MIN PA DANG, CHOS BSTAN PA'I SDE TSAN NI, YUL MIN PA'I DBANG DU BYAS SO, ,GNOD PA BYUNG BA MA GTOGS PAR SHING LA MI GANG TZAM LAS MTHO BAR 'DZEG PA STE RGYU BA DGAG PA'I SDE TSAN GCIG GO ,'DI NI NYES BYAS BRGYA DANG BCU GNYIS SU MA GTOGS SO, ,GZHAN YANG, GNYIS BRGYA LNGA BCU RTZA GSUM GYI SDOMS KYIS DNGOS SU MA BSDUS PA'I LHUNG BA LUNG GZHI DANG RNAM 'BYED DANG PHRAN TSEGS DANG GZHUNG BLA MA NAS BSHAD PA RNAMS LUNG DE DAG DANG MDO RTZA 'GREL DANG BSLAB BYA CHEN MO SOGS LAS SHES BAR BYA STE 'BAD PAS BSRUNG BAR BYA ZHING, GAL TE LTUNG BA DE DAG GIS GOS NA'ANG CHOS BZHIN DU PHYIR BCOS PA'I SGO NAS RANG GIS KHAS BLANGS PA'I TSUL KHRIMS RNAM PAR DAG PAR BYA BA NI NYAMS LEN GYI MTHIL DU SHES PAR BYAS TE BKA' GDAMS GSAR RNYING GI RNAM THAR GTZANG MA'I RJES SU BSLAB PAR BYA'O,, ` ,,STON PA THUGS RJE CAN
, ,NYID KYIS, LEGS TSOGS KUN GYI GZHIR BSNGAGS PA'I, ,BSNYEN RDZOGS SNGOM PA'I MI MTHUN PHYOGS, ,SNGOM GYIS BSDUS PA SDE TSAN LNGA, ,MI TSANGS SPYOD DANG RKU BA DANG, ,MI'AM MIR CHAGS GSOD PA DANG, ,MI'I CHOS BLA MA'I RDZUN SMRA STE; ;PHAM PA BZHI RU RGYAL BAS GSUNGS, ,KHU BA 'DZIN DANG 'KHRIG TSIG BSNYEN BKUR SMYAN, ,KHANG PA KHANG CHEN DANG NI GZHI MED DANG, ,BAG TZAM DGE 'DUN DBYE NA DANG DE'I RJES PHYOGS, ,KHYIM SUN 'BYIN DANG BKA' BLO MI BDE BA'O, ,'CHAD PA 'BRAL BA 'JOG PA DANG, ,'KHRUR 'JUG PA DANG LEN PA DANG, ,SLONG DANG STOD G-YOGS SMAD G-YOGS BCAD, ,RIN THANG SO SOR BSKUR BA'O, ,SRIN BAL 'BA' ZHIG CHA GNYIS DANG, ,DRUG DANG MTHO GANG LAM DANG NI, ,'KHRU BA DANG NI GSER DNGUL LEN, ,MNGON TSAN CAN DANG NYO TSONG NGO, ,LHUNG BZED GNYIS DANG THA GA GNYIS, ,BYIN 'PHROG STON ZLA THA CHUNG DANG, ,DGON BA PA DANG RAS CHEN DANG, ,BSNGOS PA DANG NI GSOG 'JOG GO ,RDZUN SKYONG DGE SLONG PHRA MA DANG, ,SKYO SNGOGS BYED DANG STON PA DANG, ,'DON DANG GNAS NGAN LEN DANG CHOS, , BSHES NGOR BYED DANG KHYAD DU GSOD, ,SA BON 'PHYA BA BSGO BA DANG, ,KHRI DANG GDING DANG SKROD PA DANG, ,PHYIS GNON BYUNG BA 'DEBS PA DANG, ,RIM PA GNYIS SU BRTZIGS PA'O, ,MA BSKOS NYI MA NUB PA DANG, ,ZAS DANG CHOS GOS GNYIS DAG DANG, ,DON MTHUN GRU DANG DBEN PA GNYIS, ,DGE SLONG MA YIS SBYOR BCUG PA'O, ,YANG YANG ZA DANG 'DUG GNAS GCIG ,PHYE DANG BCA' DANG STOBS PA DANG, ,'DUS DANG DUS MIN GSOG 'JOG DANG, ,KHA NAS MID DANG BSOD PA NYID, ,SROG CHAGS BCAS DANG NYAL SAR
'DUG ,'GRENG DANG GCER BU DMAG DANG NI, ,ZHAG GNYIS BSHAMS DKRUGS 'GRO BA DANG, ,BRDEG DANG GZAS DANG GNAS NGAN LEN, ,BDE DANG ME DANG 'DUN PA DANG, ,BSNYEN BAR MA RDZOGS CHOS DANG SMRA, ,DGE TSUL KHA DOG BSGYUR BA DANG, ,RIN PO CHE DANG TSO BA'I DUS, DUD 'GRO 'GYOD PA SOR MO DANG, RTZE DANG LHAN CIG SDANGS BYED DANG, ,SBED DANG GDENG MED GZHI MED DANG, ,SKYES PA MED PAR LAM 'GRO BA'O, ,RKU DANG NYI SHU MA LON DANG, ,RKO DANG MGRON DANG BSLAB PA DANG, ,NYAN DANG MI SGRA 'GRO BA DANG, ,MA GUS CHANG 'THUNG DUS MIN PA'O, ,ZAS BCAS SKYA RENGS DAG DOD DANG, ,KHAB RAL DANG NI KHRI RKANG DANG, ,GDAL DANG GDING DANG G-YAN PA DANG, ,RAS CHEN BDE GSHEGS CHOS GOS SO, ,GRONG DANG KHYIM GZHAN NYID DANG NI, ,BSLAB PA RNAMS DANG DGON PA NI, ,SANGS RGYAS PHAN BAR MDZAD PA YIS, ,SO SOR BSHAGS BAR BYA BAR GSUNGS, ,SHAM THABS LA NI RNAM BDUN DANG, ,STOD G-YOGS LA YANG RNAM GSUM DANG, ,SHIN TU BSNGAMS LA SOGS PA LNGA, ,MGO G-YOGS PA SOGS RNAM PA LNGA, ,MCHOD LA SOGS PA RNAM PA LNGA; ;LUS LA SOGS PA RNAM PA LNGA, ,'DUG PAR BYA BA DGU DAG DANG, ,BYIN LEN BYA BA RNAM BRGYAD DO, ,ZAS LA LEGS PAR BYA BA DRUG ,TZUG TZUG LA SOGS RNAM PA LNGA, ,'BRU NAS THA DAD BYED PA LNGA, ,LAG PA LDAG PA LA SOGS LNGA, ,'PHYA BA LA SOGS RNAM PA BZHI, ,LHUNG BZED LA YANG RNAM PA BCU, ,'GRENG PAR BYED LA SOGS PA LNGA, ,MGO G-YOGS LA SOGS RNAM PA LNGA, ,DO KER CAN LA SOGS PA LNGA, ,GLANG CHEN LA SOGS ZHON PA LNGA, ,LAG NA DBYUG PA LA SOGS DRUG ,NA BA RNAM PA
, ,BZHI RNAMS SO, ,GZHAN YANG GZHIS BSDUS LTUNG BA SOGS, ,THAMS CAD LEGS PAR SHES BYAS NAS, ,SNGAR BYAS 'GYONG SEMS DRAG POS BSHAGS, ,PHYIN CHAD MI BYED SDOM SEMS BYA, ,ZHES PA NI SDOMS KYI TSIGS BCAD DO,, ` ,GNYIS PA BYANG SDOM GYI BSLAB BYA BSHAD PA LA, ,DE'I MI MTHUN PHYOGS GNYIS LAS, DANG PO PHAM PA'I SDE TSAN NI, BYANG SEMS KYI SDOM LDAN GYIS RANG DON DU RNYED BKUR GANG RUNG LA LHAG PAR CHAGS PA'I SGO NAS BDAG LA BSTOD PA DANG GZHAN YON TAN CAN 'GRO BA RNAMS KYIS BKUR BA'I GNAS LA SMOD PA'I TSIG GANG RUNG RANG DANG RIGS MTHUN PA'I 'GRO BA SMRA SHES SHING DON GO BA ZHIG LA SMRAS TE PHA ROL POS DON GO PA LAS GYUR BA'I KUN DKRIS CHEN PO TSANG BA'I DNGOS GZHI'I LTUNG BA DE, BDAG BSTOD GZHAN SMOD GANG RUNG GI RTZA LTUNG DANG, CHOS NOR GANG RUNG GIS 'PHONGS SHING DE SEL BA YANG BYANG SEMS RANG LAS GZHAN DA LTA MED PA'I SLONG PA POS DE GNYIS GANG RUNG DON DU GNYER TE RANG GI DRUNG DU LEGS PAR 'ONGS PA LA RANG LA YOD BZHIN DU SER SNAS ZIL GYIS NON NAS CHOS NOR GANG RUNG MI STER BAR THAG BCAD PA LAS GYUR BA'I KUN DKRIS CHEN PO TSANG BA'I DNGOS GZHI'I LTUNG BA DE, SER SNAS CHOS NOR GANG RUNG MI STER BA'I RTZA LTUNG DANG, RANG DANG RIGS MTHUN PA'I 'GRO BA DON GO BZHIG LA KHROS NAS TSIG RTZUB SMRA ZHING DE TZAM GYIS KYANG KHRO BA MI GTONG BAR 'PHEL BAR BYED CING DES ZIL GYIS NON PA'I DBANG GIS RDEG PA DANG GO RAR 'JUG PA SOGS KYIS RNAM PAR 'TSE BA DANG LCAG GIS BZHU BA DANG 'CHING BA SOGS KYIS 'THO
'TSAM BAR BYED PA LAS GYUR PA DANG, SNGAR RANG LA GNOD PA BYAS PA DA LTA BSAM PA THAG PA NAS SHAD SBYANG BYED 'DOD PAS DUS DANG MTHUN PA DANG CHOS DANG MTHUN PAR BZOD GSOL GYI BRDA SPROD PA LA SNGAR GYI GNOD PA LA KHROS PA'I BSAM BA BDO BA ZHEL BZUNG BA'I 'KHON 'DZIN GYI DBANG GIS NGAG MI NYAN ZHING BZOD PA KHAS MI LEN LA BSAM PAS KHRO BA MI GTONG BA LAS GYUR BA GANG RUNG GIS BSDUS PA'I KUN DKRIS CHEN PO TSANG BA'I DNGOS GZHI'I LTUNG BA DE, GZHAN GYI SHAD SBYANG MI LEN PA DANG KHROS NAS GZHAN LA 'CHOG PA GANG RUNG GI RTZA LTUNG DANG, ZAB RGYAS GNYIS TSOGS STON PA'I BYANG SEMS KYI SDE SNOD LA DON DANG LDAN PA MA YIN, CHOS DANG LDAN PA MA YIN ZHES SOGS KYIS SKUR BA 'DEBS PA DANG, NAG PO BSTAN PA DANG RJES SU MTHUN PA'I BSTAN BCOS LTAR SNANG LA RANG NYID DGA' BZHIN DU GZHAN LA STON ZHING DE'I LTA BA LA GZHAN 'JUD PA GANG RUNG LAS GYUR BA'I KUN DKRIS CHEN PO TSANG BA'I DNGOS GZHI'I LTUNG BA DE, THEG PA CHEN PO SBONG BA DANG DAM CHOS LTAR SNANG STON PA GANG RUNG GI RTZA LTUNG DANG BZHI'O, ,DE DAG BSAM PA'I NGOS NGAS BZHIR BSDUS KYANG SBYOR BA'I NGOS NAS BRGYAD DU BSHAD DO, ,KUN RDZOB BAM DON DAM PA'I DKON MCHOG GSUM GANG RUNG DBANG BA'I RDZAS KUN SLONG RANG DON DU'AM NYON MONGS CAN GYIS SBYOR BA RKU 'AM RKUR BCUG PA'I SGO NAS THOB BLO SKYES PA LAS GYUR BA'I KUN DKRIS CHEN PO TSANG BA'I DNGOS GZHI'I LTUNG BA DE, DKON MCHOG GI DKOR MA BYIN PAR LEN PA'I RTZA LTUNG DANG, DE BZHIN DU GZHAN RNAMS 'DRA BA LA, NYAN RANG THEG CHEN GYI NGES PAR 'BYUNG BA GANG RUNG RDZOGS PAR BSHAD PA'I MDO SDE LA SANGS RGYAS KYIS GSUNGS PA MA YIN NO ZHES SKUR BA 'DEBS PA
, ,LAS BYUNG BA'I DE DAM CHOS SPONG BA DANG, SANGS RGYAS KYI RJES SU RAB TU BYUNG BA BYAS PA'I GANG ZAG GI GOS DUR SMRIG 'PHROG PA DANG RAB BYUNG LAS PHAB STE KHYIM NA GNAS PA BYED DU 'JUG PA GANG RUNG BYAS PA RI DE RAB 'BYUNG LA 'TSE BA DANG, DE'I RDEG PA SOGS NI BYANG SA'I PHAM PA LNGA PAS BSDUS PAR GSUNGS SO, ,MTSAMS MED LNGA PO GANG RUNG BYED PA LAS GYUR BA'I DE MTSAMS MED BYED PA'I DE DANG, 'DI LA YANG DBYEN MA GTOGS PA BZHI NI BYANG SA'I PHAM PA LNGA BAS BSDUS PAR GSUNGS SO, ,RTZA LTUNG 'DI GNYIS LA YUL RTEN GNYIS KA 'GRO BA RIGS MTHUN PA DGOS MI DGOS DPYAD DGOS SO, ,DKAR NAG GI LAS 'BRAS DANG SKYE BA SNGA PHYI MED DO ZHES SKUR BA 'DEBS PA'I DE LOG LTA 'DZIN PA'I DE DANG, BSAM PA NYON MONGS CAN GYIS GRONG DANG GRONG KHYER DANG LJONGS DANG YUL 'KHOR GANG RUNG BSHIG PA'I DE GNAS 'JIG PA'I DE DANG, STONG NYID BSTAN NA SKRAG PAR 'GYUR BA DANG RDZOGS BYANG DU SEMS BSKYED PA DANG LDAN PA'I GANG ZAG LA SNOD MA BRTAGS PAR SPROS PA THAMS CAD DANG BRAL BA'I STONG NYID BSTAN PA LAS DES SKRAG NAS RDZOGS BYANG GI SEMS LAS PHYIR LOG STE THEG DMAN GYI BYANG CHUB TU SEMS BSKYED PA LAS GYUR BA'I DE SNOD MIN LA ZAB MO BSHAD PA'I DE DANG, RDZOGS BYANG DU SEMS PA SKYED NAS THEG CHEN LA ZHUGS PA'I GANG ZAG GZHAN LA KHYOD KYIS PHYIN DRUG LA SBYAD PAR MI NUS TSANG RGYA BAR MI NUS KYI NYAN RANG GI THEG PAR SEMS BSKYED DANG 'KHOR BA LAS THAR BAR 'GYUR RO ZHES RDZOGS BYANG LAS BZLOG STE THEG DMAN LA SEMS BSKYED PAR BYED PA LAS BYUNG BA'I DE THEG CHEN LAS BZLOG PA'I DE DANG, SO SOR THAR BA DANG 'DUL BA'I TSUL
KHRIMS LA TSUL BZHIN DU SLOB PA'I GANG ZAG LA 'DUL BA'I TSUL KHRIMS DAG PAS CI ZHIG BYA RDZOGS BYAD DU SEMS BSKYED NAS THEG CHEN LHOGS SHIG DANG NYON MONGS PA'I RKYEN GYIS BYUNG BA'I SGO GSUM GYI NYES SPYOD THAMS CAD DAG PAR 'GYUR RO ZHES SO THAR GYI BSLAB SDOM 'DOR DU BCUG PA'I DE SO THAR SPOD PA'I DE DANG, THEG PA DMAN PA LA JI TZAM BSLABS KYANG NYON MONGS PA MA LUS PAR SPOD MI NUS ZHES BSAM PA THAG PA NAS SKUR BA 'DEBS PA'I DE THEG DMAN GYI RTOGS PA'I CHOS SPONG BA'I DE DANG, RANG NYID RNYED BKUR GANG RUNG LA CHAGS SHING GZHAN GYI RNYED BKUR LA PHRAG DOG GI DBANG GIS RANG LA MED PA'I YON TAN DANG GZHAN LA MED PA'I SKYON GANG RUNG BRJOD PA'I RDZUN TSIG SMAD SA LA 'DUN PA'I GANG ZAG MA SMAD PA'I GANG ZAG GANG RUNG LA SMRAS TE DON GO BA LAS GYUR BA'I DE BDAG BSTOD GZHAN SMOD KYI DE DANG, SKABS 'DI'I BYANG CHUB GZHUNG LAM LAS, SLOB DPON ZHIB LHAS BYANG PAR BSHAD PA'I PHAM PA RNAMS DRANGS PA'I SKABS SU PHAM PA DANG PO MA DRANGS PA NI 'DIR BSTAN PA'I PHAM PA DANG DON GCIG PAR BZHED PAS NA BYANG SAR GSUNGS PA'I DON 'DIR BSHAD PA LTAR BYA DGOS, BYANG PA'I SGRAS ZIN LTAR BYED NA 'DIR DE MA 'DUS PAS BYAD SA'I DE DRANG DGOS SAM SNYAM MO, ,ZHES GSUNGS SO, ,DON GO BA'I GANG ZAG LA STOD PA NYID KYI CHOS BSTAN NAS 'DI NI KHO BOS MNGON SUM DU BYAS NAS KHYOD LA SNYING BRTZE BAS BSTAN GYI KHYOD KYIS KYANG 'DI MNGON SUM DU 'GYUR BA DE LTAR SGOMS SHIG DANG KHO BO DANG 'DRA BAR 'GYUR RO ZHES RANG LA DE LTA BU'I RTOGS PA MED BZHIN DU PHRAG DOG MA GTOGS PA'I NYON MONGS PA CAN GYI BSAM PAS RDZUN SMRAS TE PHA ROL POS
, ,DON GO BA LAS GYUR BA'I DE MI CHOS BLA MA RDZUN SMRA'I DE DANG, DGE SBYONG LA NOR GYI CHAD PAS BCAD PA NA DES SNGAR BSHAD PA LTA BU'I DKON MCHOG GSUM GANG RUNG GI DKON RAM DGE SLONG GSUM MAN CHAD KYI GANG ZAG GI DKOR GANG YANG RUNG BA ZHIG BRKUS PA'AM RKUR BCUG NAS BYIN PA'I RDZAS DE LEN PA LAS GYUR PA'I DE DKON MCHOG GI DKOR LEN PA'I DE DANG, CHOS SPYOD PA'I DGE SLONG RNAMS LA 'TSE BA'I BSAM PAS ZHI LHAG DANG MTHUN PA'I YID BYED 'DOR BA DANG NYON MONGS PA MANG DU 'GYUR BA'I KHRIMS BCAS PA DANG, SPONG BA PA LA SDANG BA'I BSAM PAS SPONG BA LA BRTZON PA'I DGE SLONG 'PHAGS PA MIN ZHING BZHIR MA LONGS PA'I RDZAS MA BYIN PAR BLANGS NAS KHA TON PA LA SBYIN PA GANG RUNG LAS GYUR BA'I DE KHRIMS NGAN 'CHA' BA SOGS KYI DE DANG, BDAG GIS SEMS CAN MTHA' YAS PA'I DON DU BLA MED BYANG CHUB BSGRUB PAR MI NUS SNYAM NAS SMON SEMS 'DOR BA'I RTZA LTUNG STE BCUD GU LAS, DANG PO BZHI NI BYANGS DANG, DE NAS BCU BZHI NI NAM MKHA'I SNYING PO'I MDO DANG, THA MA NI THABS LA MKHAS PA'I MDO LAS GSUNGS SO, ,DE LTAR BCU DGU YOD KYANG BYANG SAR BSHAD PA'I DANG PO DANG NAM SNYING GI MDOR BSHAD PA'I BCU GCIG PA NI DON GCIG TU BZHED PAS RTZA LTUNG BCO BRGYAD DU GRAGS SO, ,DE DAG LAS SMON SEMS 'DOR BA DANG LOG LTA SKYES PA'I DE GNYIS NI BYUNG BA TZAM GYIS RTZA LTUNG DU 'GYUR BAS KUN DKRIS CHEN PO TSANG MI DGOS SHING, GZHAN RNAMS KUN DKRIS CHEN PO TSANG NA RTZA LTUNG DANG, KUN DKRIS CHUNG 'BRING GIS BYAS PA NI ZAG PA CHUNG 'BRING GI LTUNG BA STE, PHAM PA'I SDE TSAN DU GTOGS PA'I
NYES BYAS SU BSHAD DO, ,KUN DKRIS GSUM GYI KHYAD PAR NI, KUN SLONG BYUNG BA NAS DNGOS GZHI RDZOGS PA'I DE MA THAG YAN CHAD DU NYES SPYOD DE LA RANG RGYU MTSAN DU BYAS TE 'DZEM PA'I DO TSA SHES PA DANG GZHAN RGYU MTSAN DU BYAS TE 'DZEM PA'I KHREL YOD GANG RUNG CHUNG DU TZAM YANG MI SKYED PA DANG, SLAR YANG SBYOD 'DOD MA LOG PA DANG, NYES SPYOD DE LA DGA' BA'I MGU BA DANG NYES SPYOD DE SGRUB PA'I SBYOR BA LA DGA' BA'I DGA' BA GNYIS LAS YID MA LOG PA DANG, NYES SPYOD DE LA PHAN YON DU LTA ZHING NYES DMIGS SU MI LTA BA STE CHOS BZHI TSANG NA KUN DKRIS CHEN PO DANG, NYES DMIGS SU LTA BA 'DUG NA GZHAN THAMS CAD TSANG YANG KUN DKRIS CHUNG DU DANG, NYES DMIGS SU LTA BA MI 'DUG NA GZHAN THAMS CAD MED KYANG KUN DKRIS 'BRING DU GSUNGS SO, ,GNYIS PA NYES BYAS KYI SDE NI; SANGS RGYAS DNGOS SAM DE'I GZUGS BRNYAN DANG, THEG PA CHEN PO'I LUNG RTOGS KYI CHOS DANG, SA THOB PA'I BYANG SEMS GANG RUNG LA SGO GSUM KA'I MCHOD PA MA BYAS PAR NYIN ZHAG 'DAS PA DANG, 'DOD PA CHE BA DANG CHOG MI SHES PA DANG RNYED BKUR LA CHAGS PA GSUM MAM BZHI GANG RUNG BYUNG BA DANG DU LEN CING 'GOG PAR MI BYED PA DANG, BYANG SEMS RANG LAS SDOM PA'I SGO NAS CHES RGAN ZHING YID CHES BAR BYA BA'I YON TAN DANG LDAN PA'I SGO NAS BKUR STI BYA BAR 'OS PA RANG DANG CHOS MTHUN PA MTHONG BA NA LANGS SHING STAN MI STOB PA DANG, PHA ROL POS DGA' BAR BYA BA'I PHYIR RANG LA GSONG BOR SMRA ZHING NAD 'DRI BA LA SOGS PA'I TSIG KUN TU SMRA LA YANG DAG PAR DGA' BAR BYED CING SNGA MA LAS DON GZHAN PA'I BYE BRAG 'DRI BA LA RJES SU MTHUN PA'I LAN MI BRJOD PA DANG, GZHAN
, ,DAG RAB BYUNG GI GANG ZAG GI KHYEM MAM DGE 'DUN GYI GTZUG LAG KHANG NGAM KHYIM PA'I KHYIM DU ZAS SKOM DANG GOS LA SOGS PA'I YO BYAD LA MGRON DU BOS PA BDAG GIR MI BYED CING MI 'GRO BA DANG, SBYIN BDAG GZHAN GANG YANG RUNG BA LAS GSER DNGUL MU TIG BEEd'URYA LA SOGS PA NOR GYI RNAM GRANGS SNA TSOGS PA RNAMS 'THOB CING NAN GYIS SBYIN PA'I DUS KYIS BSTABS PA LAS MI LEN ZHING SBONG BA DANG, GZHAN CHOS 'DOD PA RNAMS LA CHOS MI SBYIN PA STE DGE BA'I CHOS SDUD KYI SBYIN PA'I MI MTHUN PHYOGS KYI NYES BYAS BDUN NO, ,SEMS CAN MA RUNGS PA DANG TSUL KHRIMS 'CHAL BA RNAMS DE GNYIS YIN PA RGYU MTSAN DU BYAS NAS YAL BAR DOR RAM KHYAD DU GSOD PA DANG, CHANG MI 'THUNG BA DANG DUS MIN PA'I KHA ZAS SPONG BA SOGS GZHAN GYI SEMS SRUNG BA'I DBANG DU BYAS PA'I SO THAR GYI BCAS RKYANG RNAMS LA BYANG SEMS RAB BYUNG GIS NYAN THOS DANG MTSUNGS PAR MI SLOB PA DANG, GOS 'CHANG 'JOG SOGS DON DANG BYA BA NYUNG BA'I DBANG DU BYAS PA'I SO THAR GYI BCAS RKYANG RNAMS LA NYAN THOS DANG MTSUNGS PAR SLOB PA DANG, SNYING BRTZER BCAS NA MI DGE MED, ,CES PAS BYANG SDOM BZUNG NAS DE'I BSLAB PA LA TSUL BZHIN DU SLOB PA BDAG PAS GZHAN GCES PA'I BYANG CHUB KYI SEMS DANG LDAN PA ZHIG GIS SO THAR LA RANG BZHIN GYIS KHA NA MTHO BA'I BCAS PAR BSTAN PA SROG GCOD BA SOGS LUS NGAG GI BDUN LTA BU GZHAN DON DU THABS LA MKHAS PAS SBYAD NA NYES PA MED LA BSOD NAMS KYANG MANG DU 'PHEL BAR BSTAN TE, DE LA RTEN NI BSKAL BA DU MAR LAM LA GOMS PA THABS LA MKHAS PA DANG SNYING RJE CHEN PO DANG LDAN PA'I BYANG
SEMS SA MA THOB PA BDAG GZHAN BRJE PHOD BA ZHIG DGOS SHING, DE YANG SO THAR GYI SDOM PA DANG MI LDAN PA'AM DE DANG LHAN YANG BYA BA DE LA 'JUG TSE BSLAB BA DBUL DGOS PA DANG, NYON MONGS SOGS YE MI 'DRA BA DGOS PA SOGS KHYAD PAR MANG PO TSANG DGOS PA RNAMS ZHIB TU BYANG CHUB GZHUNG LAM LAS SHES PAR BYA ZHING, DE LAS 'DAS NA NYES BYAS SU 'GYUR MI 'GYUR YANG DBYAD DGOS SO, ,TSUL 'CHOS LA SOGS PA'I LOG 'TSO LNGA PO GANG RUNG BYUNG BA RNAMS DANG DU LEN ZHING GNYEN POS SEL BAR MI BYED PA DANG, RGOD PAS YONGS SU ZIN PA MA ZHI ZHING DE LA DGA' BA DANG RTA BGOD DU GOD PA DANG RTZE ZHING CA CO 'DON LA G-YENG BA DANG GZHAN LA YANG RGOD DU GZHUGS PAR 'DOD PA DANG, BYANG SEMS KYIS NI MYANG 'DAS LA DGA' BAR MI BYA ZHING RGYAB KYIS PHYOGS PAR BYA'O, ,NYON MONGS DANG NYE NYEN LA YANG 'JIGS PAR MI BYA'O, ,DE DAG LAS SEMS KYANG SHIN TU DBEN PAR MI BYA'O ZHES DE LTAR LTA ZHING DE SKAD SMRA BA DANG, RANG GI TSIG MI BTZAN PA'AM MI BTZUN PAR GYUR BA'I BRINGS DANG MI SNYAN PA DANG GTAM NGAN 'BYUNG BA'I GZHI BDEN PA'AM MI BDEN PA MI SRUNG ZHING MI SEL BA DANG, PHA ROL MI DGA' BA'I GNOD PA'I THABS DANG LUS NGAG GI SPYOD PA MI SDUG PA'I CHAD PAS 'DUL BA'I THABS DRAG PO GANG GIS SEMS CAN GYI DON 'GYUR BA MTHONG BZHIN DU GZHAN MI DGA' BA BSRUNG BA TZAM GYI PHYIR THABS DE MI BYED PA STE TSUL KHRIMS KYI MI MTHUN PHYOGS KYI NYES BYAS BRGYAD DAM DGU'O, ,GSHE BA NI KHROS NAS SBYO BA'I TSIG DANG, KHRO BA LA PHYIR KHRO BA NI KHROR GZHUG PA'I BSAM PA CAN GYI NGAG MI SDUG PA DANG, RDEG PA LA PHYIR RDEG PA NI SDUG BSNGAL SKYED PA'I BSAM PAS BSNUN PA DANG, MTSANG 'DRU BA LA PHYIR MTSANG 'DRU BA NI GCIG
, ,LA GCIG NYES PA GLENG PA STE DGE SBYONG GI CHOS BZHI DANG BRAL BA DANG, RANG GIS GZHAN LA NYES PAR BYAS PA'AM MA BYAS KYANG GZHAN GYIS BYAS PAR DOGS PA GNYIS GANG RUNG LA TSUL DANG MTHUN PAR SHANG SBYANG MI BYED PA DANG, RTZOD PA GANG LA GZHAN LA NYES PA BYUNG BA DAG CHOS BZHIN DU MTHUN PAR SHAD SBYANG BYED KYANG DANG DU MI LEN PA DANG, GZHAN LA KHRO BA'I BSAM PA DANG POR BYUNG ZHING RGYUN MI GTONG BAS 'DZIN LA NYES PAR MI LTA ZHING GNYEN PO MI BSTEN PAS BYUNG BA DANG DU LEN PA STE BZOD PA'I MI MTHUN PHYOGS KYI NYES BYAS BZHI'O, , KHRUS LA SOGS PA'I RIM GRO DANG STAN 'DINGS PA DANG LAS SU MI BSKO BA SOGS KYI RNYED BKUR LA ZHEN TE RDZAS 'BUL DU RE BA LA SOGS PA'I ZANG ZING DANG BCAS PA'I SEMS KYIS 'KHOR SDUD PA DANG, SNYOM LAS DANG LE LO SKYES TE GNYID KYI BDE BA DANG MAL DU NYAL BA'I BDE BA DANG BLOS 'BEBS PA STE SNYEM PA'I BDE BA DUS MIN PA NYIN MO DANG TSOD MA ZIN PA NAM GYI GUNG THUN MA GTOGS PA CHA STOD SMAD LA BDAG GIR BYED CING SEL BAR MI BYED PA DANG, RGYAL BLON CHOM RKUN BUD MED DANG 'DOD PA LA SOGS PA'I 'DU 'DZI'I GTAM GYIS DUS SOL BAR BYED PA STE BRTZON 'GRUS KYI MI MTHUN PHYOGS KYI NYES BYAS GSUM MO, ,SEMS MNYAM PAR 'JOG PAR 'DOD LA SEMS GNAS PA LAS BRTZAMS PA'I GDAMS DAG GZHAN LA NOD DU MI 'GRO BA DANG, BSAM GTAN LA GEGS BYED PA'I SGRIB PA LNGA PO GANG RUNG BYUNG BA DANG DU LEN ZHING SEL BAR MI BYED PA DANG, BSAM GTAN RGYUD LA SKYES PA'I TSE DE'I RO MYONG BA STE DGA' BDE LA SRED CING RO MYONG BA LA YON TAN DU LTA BA STE BSAM GTAN GYI MI MTHUN PHYOGS KYI NYES BYAS GSUM MO, ,BYANG SEMS KYIS NYAN THOS
KYI THEG PA DANG LDAN PA'I CHOS NYAN PAR MI BYED TSIG DANG DON BSRUNG BAR MI BYA NAN TAN DU BSLAB PAR MI BYA STE DE DAG BYAS PA LA DGOS PA MED DO ZHES RANG DE LTAR LTA ZHING GZHAN LA DE SGAD SMRA BA DANG, BYANG SEMS KYI SDE SNOD LA BRTZON PAR BYAR YOD BZHIN DU DE THAMS CAD KYI THAMS CAD DU YAL BAR BOR NAS NYAN THOS KYI SDE SNOD LA BRTZON PAR BYED PA DANG, SANGS RGYAS KYI GSUNG RAB LA BRTZON PAR BYAR YOD NA DE MA BYAS PAR MU STEGS KYI BSTAN BCOS PHYI ROL GYI BSTAN BCOS LA BRTZON PAR BYA BA MIN PA LA RANG GI GZHUNG LA BRTZON PAR MA BYAS PAR DE LA BRTZON PAR BYED PA DANG, SNGAR BSHAD PA LTA BU'I TSUL DANG MI 'GAL BAR MU STEGS KYI BSTAN BCOS PHYI ROL GYI BSTAN BCOS LA MKHAS PAR BYED KYANG MI 'DOD BZHIN DU DGOS PA'I DBANG GIS 'JUG PA MIN PAR DANG POR MNGON PAR DGA' BA'I TSUL GYIS BYED CING BAR DU DES DGA' BAR 'DZIN LA THA MAR RANGS PAR BYED PA DANG, BYANG SEMS KYI SDE SNOD LAS ZAB PA DE KHO NA'I DON NAM RGYA CHE BA SANGS RGYAS BYANG SEMS KYIS RMAD DU BYUNG BA'I MTHU CHEN PO LAS BRTZAMS TE ZLA BA MCHOG TU ZAB BA BSTAN PA DAG THOS NAS DE LA YID MA CHES SHING MA MOS NAS BRJOD BYA DMAN PA'AM YE SHES KYI RTEN MIN PAS DON DANG LDAN PA MA YIN RJOD BYED DMAN PA'AM BSOD NAMS KYI RTEN MIN PAS CHOS DANG LDAN PA MA YIN, BYED PA BO DMAN PAS DE BZHIN GSHEGS PAS GSUNGS PA MA YIN, DE NYID KYI PHYIR SEMS CAN LA PHAN PA DER 'GYUR BA MA YIN NO ZHES THAMS CAD DAM RE RES SMRA BA DANG, NGA RGYAL DANG KHONG KHRO BA'I SEMS KYIS GZHAN DAG LA BDAG BSTOD CING GZHAN SMOD PA DANG, GZHAN LA CHOS SGROGS SHING 'CHAD
, ,PA DANG CHOS KYI 'BIL GTAM GTAN LA 'BEBS PA NA MI 'GRO BA DANG, CHOS SMRA BA'I GANG ZAG LA BSAM BZHIN DU KHYAD DU GSOD PA STE SNYING NAS DGE BA'I BSHES GNYEN DANG STON PA'I 'DU SHES MI SKYED PA DANG LUS KYIS BKUR STI MI BYED LA SMA 'BEBS PAS 'PHYA ZHING TSIG RTZUB BO SMRA BAS BSTING BAR BYED PA DANG, TSIG 'BRU LEGS PA LA CHED CHER BYED PAS DE LA RTON GYI DON LA CHED CHED MI BYED PAS DE LA MI RTON PA STE SHES RAB KYI MI MTHUN PHYOGS KYI NYES BYAS BRGYAD DO, ,BYA BA GTAN LA 'BEBS PA DANG, LAM DU 'GRO ZHING 'ONG BA DANG, YANG DAG PA'I THA SNYAD DANG, LAS KYI MTHA' LA SBYOR BA DANG, LONGS SPYOD BSRUNG BA DANG, BYE BA BSDUMS PA DANG, NYI MA NGES PA'I DGA' STON DANG, DUS NGES PA MED PA'I BSOD NAMS BYED PA STE BRGYAD PO GANG RUNG LA GROGS SU MI 'GRO BA DANG, NAD KYIS THEBS PA DANG 'PHRAD PA NA DE LA NAD G-YOG LA SOGS PA'I RIM GRO DANG BSNYEN BKUR MI BYED PA DANG, BYANG SAR SDUG BSNGAL BA'I THOGS BYED PA'I SKABS SU BSHAD PA LTAR GZHAN GYI SDUG BSNGAL SEL BAR MI BYED PA DANG, TSE 'DI DANG PHYI MA'I DON LA TSUL BZHIN MA YIN PAR ZHUGS PA'I SEMS CAN MTHONG BA NA SKYON MED PA'I RIGS BA DANG JI LTAR 'TSAM PA'I TSUL BZHIN MI STON PA DANG, SEMS CAN PHAN 'DOGS PA RNAMS LA PHAN LAN BYED MI 'DOD PAS BYAS PA MIG ZO ZHING PHAN BTAGS PA MI DRAN PA'AM MI SEMS PAS BYAS PA MI TSOR TE DE BAS CHE BA'AM MI NUS NA MNYAM PA'AM THA NA CHUNG DU'I MTHUN PA'I PHAN LAN MI BYED PA DANG, GZHAN NYE DU DANG LONGS SPYOD DANG BRAL BA LAS GYUR BA'I MYA NGAN
BYUNG BA MI SEL BA DANG, ZAS SKOM SOGS 'DOD PA RIGS PA DANG LDAN PA'I SLONG PA POS SLONG BA LA YO BYAD DE DAG MA BYIN PA DANG, 'KHOR BSDUS PA LA GDAMS NGAG MI 'DOMS SHING RJES SU MI STON PA DANG PHONGS PA DE DAG GI PHYIR DU BRAM ZE DANG KHYIM BDAG DAD PA RNAMS LAS GOS ZAS DANG MAL CHA DANG STAN DANG NA BA'I GSOS SMAN DANG DE LAS GZHAN PA'I YO BYAD RNAMS CHOS BZHIN DU MI 'TSOL BA DANG, BYANG SAR SEMS MTHUN PA 'DOD PA'I DON BYED PA'I SKABS SU BSHAD PA LTAR GZHAN GYI SEMS DANG MTHUN PAR MI BYED PA DANG, BYANG SAR YANG DAG PAR ZHUGS PA'I DON BYED PA'I SKABS SU BSHAD PA LTAR GZHAN DAG GI YANG DAG BA'I YON TAN DAD PA LA SOGS PA'I BSNGAGS PA MI BRJOD PA DANG LEGS PAR SMRAS PA LA LEGS SO MI STER BA DANG, SEMS CAN SMAD BAB PA DANG TSAD PAS BCAD PA DANG BSKRAD PAR RIGS PA RNAMS SMA MI 'BEBS SAM 'BEBS KYANG CHAD PAS MI GCOD PA DANG GCOD KYANG MI SKROD PA DANG, RDZU 'PHRUL DANG MTHU SNA TSOGS DANG LDAN NA SKRAG PAR BYA RIGS PA SKRAG PA DANG, 'DUN PAR BYA RIGS PA RNAMS 'DUN PAR BYA BA DANG BSTAN PA LA GNAS KYANG SNGOM PA DANG MI LDAN NA DAD PAS BYIN PA MI 'JU BAS DAD PAS BYIN PA SPONG DU GZHUG PA'I PHYIR RDZU 'PHRUL GYIS SKRAG BA DANG 'DUN PAR MI BYED PA STE SEMS CAN GYI DON BYED PA'I MI MTHUN PHYOGS KYI NYES BYAS BCU GNYIS SO, ,DE LTAR NYES BYAS ZHE LNGA'AM ZHE DRUG LAS NYES BYAS GNYIS PA LTA BU NYON MONGS CAN KHO NA YANG YOD LA, NYES BYAS DANG PO LTA BU SNYOM LAS DANG LE LOS BYAS KYANG NYON MONGS CAN DU 'GYUR BA YANG YOD DO, ,
, ,DE LTA BU LAS GZHAN DMIGS BSAL MED PA'I SKABS SU KUN NAS MNAR SEMS DANG KHONG KHRO SOGS LCI BA LAS NYON MONGS CAN DANG SNYOM LAS DANG LE LO SOGS CUNG ZAD YANG BA LAS DMAN PA LA DGAG SMRAS NYON MONGS CAN MA YIN PAR GSUNGS PA RNAMS ZHIB TU BYANG CHUB GZHUNG LAM LAS SHES DGOS SO, ,GZHAN YANG, GZHAN LA CHOS DANG ZANG ZING GIS SKYONG BAR 'OS PA RNAMS MA BSKYANG BA DANG, GZHAN GYIS RANG LA GNOD PA LA 'KHON DU 'DZIN ZHING, RANG PHYOGS GZHAN PHYOGS RIS SU BCAD NAS CHAGS SDANG BYED PA DANG, BSHES GNYEN DAM PA MA BSTEN PA DANG, BYANG CHUB SEMS DPA' SDE SNOD LA THOS BSAM MA BYAS PA DANG, ZAS GOS LA SOGS PA LA LONGS SPYOD PA'I CHO GZHAN DON GYI BSAM PAS MA SPYAD PA DANG, SBYIN SOGS PHAR PHYIN DRUG LA SPYOD PA'I TSE SEMS BSKYED KYIS ZIN PAR MA BYAS PA DANG, MKHAN SLOB LA SOGS PA BRDZUN GYIS BSLU BA SOGS SEMS BSKYED PA NYAMS PAR BYED PA NAG PO'I CHOS BZHI MA SPANG BA DANG, SEMS CAN THAMS CAD LA BRDZUN SMRA BA SPONG BA SOGS SEMS BSKYED MI NYAMS PAR BYED PA DKAR PO CHOS BZHI MA BSTEN PA DANG, SEMS BSKYED KYI PHAN YON THUN DRUG TU DRAN PA SOGS TSE 'DIR SEMS BSKYED 'PHEL BAR BYED PA'I CHOS BZHI LA MI SLOB PA LA SOGS PA RNAMS KYI MDOR BSDUS BA'I NGO BO TZAM NI SDOMS TSIG LAS SHES PAR BYA ZHING, RGYAS ZHING ZHIB TU SHES PAR 'DOD NA LAM RIM CHE CHUNG GNYIS SU LTA BAR BYA'O, ,DE LTAR SHES PAR BYA STE 'BAD PAS BSRUNG BAR BYA ZHING, GAL TE LTUNG BAS GOS NA'ANG CHOS BZHIN DU PHYIR
BCOS LA BRTZON BAR BYA DGOS TE, MDO SNGAGS GANG GI DBANG DU BYAS KYANG SMON 'JUG GI BYANG CHUB KYI SEMS GNYIS LEGS PAR BZUNG NAS JI LTAR KHAS BLANGS BA BZHIN DU RGYAL SRAS KYI SPYOD PA LA SLOB PA 'DI MED PAR SANGS RGYAS PA'I THABS GZHAN YOD PA MA YIN PAR RJE BDAG NYID CHEN POS YANG DANG YANG DU LUNG RIGS RNAM DAG GI SGO NAS SHIN TU GSAL BAR BKA' STZAL BAS NA SNGAGS DANG PHAR PHYIN THEG PA'I BYANG CHUB SEMS DPA' KUN GYI BGROD BA GCIG PA'I LAM MCHOG TU SHES PAR BYA LA RGYAL BA DGYES PA'I LAM BZANG POR LDOG TU MED PAR ZHUGS PA'I RGYAL SRAS DAM PA RNAMS KYI RNAM THAR BZANG PO'I RJES SU SKYES BU'I RTZAL CI YOD KYIS BSLAB PAR BYA'O,, ` ,,BLA MA RGYAL BA SRAS BCAS KYI, ,SPYAN SNGAR KHAS BLANGS DAM BCAS PA'I, ,RGYAL SRAS SNGOM PA'I MI MTHUN PHYOGS, ,RTZA BA'I LTUNG BA BCO BRGYAD NI, ,RNYED DANG BKUR STI CHAGS PA YIS, ,BDAG STOD GZHAN LA SMOD PA DANG, ,SDUG BSNGAL MGON MED GYUR BA LA, ,SER SNAS CHOS NOR MI STER DANG, ,GZHAN GYIS BSHAGS KYANG MI NYAN BAR, ,KHROS NAS GZHAN LA 'TSOG PA DANG, ,THEG PA CHEN PO SPONG BYED CING, , DAM CHOS LTAR SNANG STON PA'O, ,DKON MCHOG GSUM GYI DKOR 'PHROG DANG, ,DAM PA'I CHOS NI SPONG BYED PA, ,TSUL KHRIMS 'CHAL BA'I DGE SLONG LA'ANG, ,DUR SMRIG 'PHROG DANG BRDEG PA DANG, ,BTZON RAR 'JUG PAR BYED PA DANG, ,RAB TU BYUNG LAS PHAB PA DANG, , MTSAMS MED LNGA BO BYED PA DANG, ,LOG PAR LTA BA 'DZIN PA DANG, ,GRONG LA SOGS PA 'JIG PA DANG, ,BLO SBYANG MA BYAS SEMS CAN LA, ,STONG PA NYID NI BRJOD PA DANG, ,SANGS RGYAS NYID LA ZHUGS PA DANG ,RDZOGS PA'I BYANG CHUB BZLOG PA DANG, ,SO SOR THAR BA YONGS SPANGS
, ,TE; ;THEG PA CHE LA SBYOR BA DANG, ,SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, ,PHA ROL DAG KYANG 'DZIN 'JUG DANG, ,RANG GI YON TAN BRJOD PA DANG, ,RNYED PA DANG NI BKUR STI DANG, ,TSIGS BCAD RGYU YI GZHAN SMOD DANG, ,BDAG NI ZAB MO BZOD PA'O ZHES, ,LOG PA NYID NI SMRA BA DANG, ,DGE SBYONG CHAD PAS GCOD 'JUG DANG, ,DKON MCHOG GSUM GYI SBYIN BYED DANG, ,SBYIN PA LEN PAR BYED PA DANG, ,ZHI GNAS 'DOR BAR BYED PA DANG, ,YANG DAG 'JOG GI LONGS SPYOD RNAMS, , KHA TON BYED LA SBYIN PA DANG, ,BYANG CHUB SEMS GNYIS SPANGS BA SOGS, ,RTZA LTUNG KUN DANG NYES BYAS KYANG, ,DKON MCHOG GSUM LA GSUM MI MCHOD, ,'DOD PA'I SEMS KYI RJES SU 'JUG ,RGAN PA RNAMS LA GUS MI BYED, ,DRIS PA LA NI LAN MI 'DEBS, ,MGRON POS BDAG GIR MI BYED DANG, ,GSER LA SOGS PA LEN MI BYED, ,CHOS 'DOD BA LA SBYIN MI BYED, ,TSUL KHRIMS 'CHAL RNAMS YAL BAR 'DOR, ,PHA ROL DAD PHYIR SLOB MI BYED, ,SEMS CAN DON LA BYA BA CHUD, ,SNYING BRTZER BCAS PAR MA BYAS DANG, , 'TSO BA LOG PA DANG DU LEN, ,'PHYAR NAS RAB TU RGOD LA SOGS, ,'KHOR BAR GCIG PU BZOD PAR SEMS, ,GRAGS PA MA YIN MI SPONG DANG, ,NYON MONGS BCAS KYANG 'CHOS MI BYED, ,GSHE LA LAN DU GSHE LA SOGS, ,KHROS PA RNAMS NI YAL BAR DOR,, PHA ROL BSHAD KYIS CHAGS PA SPONG, ,KHRO BA'I SEMS KYI RJES SU 'JUG ,RNYED BKUR 'DOD PHYIR 'KHOR RNAMS SDUD, ,LE LO LA SOGS SEL MI BYED, ,CHAGS PAS PRE MO'I GTAM LA RTEN, ,TING NGE 'DZIN GYI DON MI 'TSOL, ,BSAM GTAN SGRIB PA SPONG MI
BYED; ;BSAM GTAN ROL YON TAN LTA, ,NYAN THOS THEG PA SPONG BAR BYED, ,RANG TSUL YOD BZHIN DE LA BRTZON, ,BRTZON MIN PHYI ROL BSTAN BCOS BRTZON, ,BRTZON BAR BYAS KYANG DE LA DGA', ,THEG PA CHEN PO SPONG BAR BYED, ,BDAG LA BSTOD CING GZHAN LA SMOD, , CHOS KYI DON DU 'GRO MI BYED, ,DE LA SMOD DANG YI GE RTEN, ,DGOS PA'I GROGS SU 'GRO MI BYED, ,NAD PA'I RIM GRO BYA BA SPONG, ,SDUG BSNGAL SEL BAR MI BYED DANG, ,BAG MED RNAMS LA RIGS MI STON, ,BYAS LA LAN DU PHAN MI 'DOGS, ,GZHAN GYI MYA NGAN SEL MI BYED, ,NOR 'DOD PA LA SBYIN MI BYED, ,'KHOR RNAMS KYI NI DON MI BYED, ,GZHAN GYI BLO DANG MTHUN MI 'JUG ,YON TAN BSNGAGS PA SMRA MI BYED, ,RKYEN DU 'TSAM PAR TSAR MI GCOD, ,RDZU 'PHRUL SDIGS SOGS MA BYAS DANG, ,GZHAN LA CHOS DANG ZANG ZING GIS, ,SKYONG BAR 'OS PA MA BSKYANG DANG, , GZHAN GYIS GNOD PA KHO NA 'DZIN ZHING, ,RIS SU BCAD NAS CHAGS SDANG BYED, ,DAM PA MA BSTEN THOS BSAM DOR, ,ZAS GOS SOGS LA SPYOD PA'I TSE, ,GZHAN DON BSAM PAS MA ZIN DANG, ,SBYIN SOGS CHOS LA SPYOD PA'I TSE, ,SEMS BSKYED KYIS NI MA ZIN DANG, ,MKHAN SLOB LA SOGS BRDZUN GYIS BSLUS, ,GZHAN DAG DGE BAR 'DOD DU GZHUG ,BYANG CHUB SEMS DBANG MI SNYAN BRJOD, ,SEMS CAN GZHAN LA G-YO SGYU BYAS, ,GZHAN LA BRDZUN SMRA MI SPONG DANG, ,DE LA G-YO SGYU MA BKAG DANG, ,BYANG SEMS BSNGAGS PA MA BRJOD DANG, ,'DUL BYA THEG CHEN 'DZIN MI 'JUG ,SMON SEMS THUN DRUG MA BSKYED DANG, ,PHAN YON THUN DRUG MA DRAN DANG, ,SEMS CAN BLO YIS SPANGS PA DANG, ,TSOGS GNYIS GSOG LA MI BRTZON SOGS, ,SEMS BSKYED 'PHEL PHYIR MA BSLAB DANG, ,GZHAN DON BRTZON PAR MA BYAS SOGS,
, ,'GRO KUN MGRON DU GNYER PA LAS, ,BSLUS PA'I NYES LTUNG MTHA' YAS PA, ,SNGON BYAS MTHA' DAG MTHOL ZHING BSHAGS, ,DA NI SROG DANG BSNGOS TE BSRUNG, ,ZHES PA NI SNGOMS KYI TSIGS BCAD DO, ,GSUM PA SNGAGS SNGOM GYI BSLAB BYA BSHAD PA LA; DE'I MI MTHUN PHYOGS GNYIS LAS, DANG PO RTZA LTUNG NI, SNGAGS KYI SNGOM LDAN GYIS RDO RJE THEG PA'I BKA' DRIN MNOS PA STE RGYUD SDE BZHI GANG RUNG GI DBANG BSKUR BA DANG RGYUD BSHAD PA DANG LAS KYI MAN NGAG GNANG BA'I SLOB DPON GSUM GANG RUNG LA YON TAN CHE CHUNG GANG YIN KYANG RUNG SNGAGS KYI CHOS KYI 'BREL BA RGYU MTSAN DU BYAS NAS SGO GSUM GUS PAS BSNYEN BKUR BA'I ZHING GONG MAR 'DZIN PA'I SGO NAS BLA MAR 'DZIN PA'I KHUR DED NI 'DIS CI ZHIG BYA SNYAM DU BOR BA'I KUN DKRIS CHEN PO TSANG BA'I DNGOS GZHI'I LTUNG BA DE SLOB DPON BRNYAS PA'I RTZA LTUNG DANG, ,RANG MI DGE BA LA ZHUGS PA'I SGO NAS RANG GI RDO RJE SLOB DPON GYI THUGS 'KHRUG PAR BYAS NA RTZA LTUNG DANG POR 'GYUR BAR DUS 'KHOR NAS GSUNGS TE, DE LA BLA MA DAM PAR SHES PA DANG DE MI DGYES PAR SHES PA DANG NYON MONGS PAS BSLAD PA'I LUS NGAG GI LAS DANG GZHAN GYI DON MA YIN PA DANG RANG GI DON LTUR BLANG BA'I BSAM PA DANG SLAR SBYANG BSAM MED PA DRUG TSANG NA RTZA LTUNG DU D'A RI KA BAS 'CHAD DO, ,BLA MA LNGA BCU PA NAS BSHAD PA LTAR GYI BLA MA'I BSTEN TSUL RNAMS TSUL BZHIN DU MA BYAS PA'I NYES PA MANG PO NI GO SLANGS MA BRIS TE, ,SNGOMS TSIGS LAS SHES PAR BYA'O, ,SANGS RGYAS KYIS GSUNGS PA'I SNGOMS GSUM GANG RUNG GI BCAS PA LAS KHYAD DU GSOD 'DOD KYI KUN SLONG GIS SHES BZHIN DU 'GAL BAR BYAS PA DE BDE GSHEGS
BKA' 'DAS KYI DE DANG, BLA MAS RANG LA CHED DU GTAD PA'I CHOS KYI BSGO BA BCAG NAS NYES SPYOD LA 'JUG NA RTZA LTUNG GNYIS PAR DUS 'KHOR NAS GSUNGS TE, DE LA'ANG SNGAR BSHAD PA'I KHYAD PAR DRUG TSAD DGOS PAR D'A RIKA PAS BSHAD DO, ,BLA MA GCIG LAS RGYUD BZHI PO GANG RUNG GI DBANG BSKUR THOB PA'I RDO RJE SPUN SNGAGS KYI SNGOM LDAN LA DER 'DU SHES TE ZHE SDANG GIS KUN NAS BSLANGS NAS DE'I SKYON BRJOD PA DE THUN PHA ROL BOS THOS NAS DON GO BA'I DE RDO RJE SPUN LA KHROS NAS SKYON BRJOD PA'I DE DANG, DE LA DBANG DUS GCIG DANG DKYIL 'KHOR GCIG TU THOB MI DGOS PAR BSHAD DO, ,DUS 'KHOR NAS BSHAD BA'I RTZA LTUNG GSUM PA'ANG 'DI DANG 'DRA BAR GSUNGS KYANG, t'A RIKA PAS SNGAR GYI CHOS DRUG GI STENG DU RDO RJE SPUN YIN PA STE CHOS BDUN LDAN DANG ZHE SDANG GIS SPUN GYI BKA' BSGO BA BCAG PA LA 'CHAD DE, DE'I LTAR NA DANG PO GNYIS GROGS DAM PAR SHES PA DANG, DE'I BKA' BSGO BA BCAG PA ZHES PAS BRJE'O, ,ZHES DNGOS GRUB KYI SNYE MAR GSUNGS SO, ,SEMS CAN GANG YANG RUNG BA GCIG LA DMIGS NAS 'DI BDE BA THAMS CAD DANG BRAL NA SNYAM PA'I SEMS BSKYED NAS BYAMS PA BTANG BA NI SEMS CAN LA BYAMS PA SPONG BA'I DE DANG, DUS 'KHOR NAS BSHAD PA'I RTZA LTUNG BZHI BA'ANG 'DI DANG 'DRA STE, D'A RIKA PAS NYIN ZHAG GCIG TSUN CHAD DU BYAMS PA SLAR MA SKYED PA LA BSHAD DO, ,'DIR SNGOMS TSIG LAS, SEMS CAN LA NI KHROS PA DANG, ,ZHES BYUNG BA NI DPYAD DGOS SO, ,BDAG GIS SEMS CAN MTHA' YAS PA'I DON DU BYANG CHUB BSGRUB PAR MI NUS SNYAM NAS SMON SEMS SPONG BA NI BYANG CHUB KYI SEMS DOR BA'I DE DANG, DUS 'KHOR NAS DE KHO NA NYID MED PAR DBANG PO GNYIS SBYOR GYI BDE BAS SANGS RGYAS PAR 'DOD PA'I BSAM
, ,PAS KUN NAS BSLANG STE SA BON KHU BA NYAMS PAR BYAS PA NI RTZA LTUNG LNGA PAR GSUNGS TE, t'A RIKA PAS MI 'GYUR BA'I BDE BA'I RANG BZHIN SHES PA DANG 'GYUR BA'I BDE BA TZAM DANG DU BLANG BA'I BSAM PA DANG DE LA LEGS PAR 'DZIN PA DANG GSANG DBANG SOGS KYI CHED MA YIN PA STE BZHI DANG LDAN NA RTZA LTUNG DU 'CHAD DO, ,RANG GI 'GRUB MTHA' GSANG SNGAGS DANG GZHAN GYI GRUB MTHA' PHAR PHYIN GYI THEG PA'I CHOS TE THEG PA GSUM GYI BKA' GANG YANG RUNG BA LA DMIGS NAS 'DI NI SANGS RGYAS KYIS GSUNGS PA MIN NO ZHES BSAM PA THAG PA NAS SKUR BA 'DEBS PA NI CHOS SPONG BA'I DE DANG, SNGAGS DANG PHAR PHYIN GYI THEG PA'I DE KHO NA NYID GNYIS LA MCHOG DMAN DU BZUNG NAS SMOD PA NI RTZA LTUNG DRUG PAR DUS 'KHOR NAS BSHAD DO, ,DBANG BSKUR NAS SMIN PAR MA BYAS PA GSANG BA BSGRAGS PA LAM DAD PA SKYE BA'I SEMS CAN LA DER 'DU SHES TE GZHAN 'DUL BA'I DGOS PA CHEN PO DANG MI LDAN PAR THUN MONG MA YIN PA'I GSANG BA BSGRAGS PA DE YUL GYIS DON GO BA LAS GYUR BA'I DE GSANG BA SGROG PA'I DE DANG, DUS 'KHOR NAS BSHAD PA'I RTZA LTUNG BDUN BA YANG 'DI DANG 'DRA 'AM SNYAM MO, ,RANG GI PHUNG PO LA RGUD PAR BYA BA'I BSAM PAS GDUNG BA'I THABS GANG YANG RUNG BA'I SGO NAS GDUNG BAR BYAS PAS SDUG BSNGAL BAR GYUR BA DANG, GTZANG MI GTZANG LA SOGS PA'I RGYU MTSAN GYIS PHUNG PO LNGA DE BZHIN GSHEGS BA LNGAR BSGOM DU MI RUNG ZHES DE GNYIS SO SOR 'BYED PA'I BRNYAS PA BYAS PA GANG RUNG NI PHUNG PO BRNYAS PA'I DE DANG, DUS 'KHOR GYI BRGYAD PA YANG 'DI'I DANG PO DANG 'DRA BAR BSHAD DO, ,STONG NYID ZAB MO LA YID MCHES NAS SPOD BA NI STONG PA NYID SPONG
BA'I DE DANG, RTZA LTUNG DGU PA YANG SBYIR CHOS KYI BDAG MED TZAM SUN PHYUNG BA LA BYA'I DBU SEMS PHAN TSUN DU GRUB MTHA' LA SUN 'BYIN MDZAD PA RNAMS LA MI BYA'O ZHES DNGOS GRUB SNYE MAR GSUNGS SO, ,DUS 'KHOR GYI DGU PA YANG 'DI DANG 'DRA'O, ,DKON MCHOG GSUM DANG BLA MA SMOD PA DANG BSTAN PA 'JIG PA SOGS KYI SEMS CAN MNGON SPYOD BYA BA'I YUL GDUG PA CAN RNAMS LA MDZA' BOR BYAS NAS LUS NGAG GIS BYAMS PAR BYED PA NI GDUG PA CAN LA BYAMS PAR BYED PA'I DE DANG, DE 'DRA BA DE LA MNGON SPYOD BYED PA'I TSE NA'ANG SNYING RJE CHEN PO SKYED DGOS PAR GSUNGS PAS SEMS KYIS BYAMS PAR BYED PA LA LTUNG BAR BCAS PA MIN NO ZHES DNGOS GRUB SNYE MAR GSUNGS SO, ,DUS 'KHOR NAS SGYU YI BYAMS BA BSTEN PA LA RTZA LTUNG BCU BAR GSUNGS TE, DE'I DON NI ZHE LA GDUG PA 'DZIN ZHING KHA LA BYAMS PA BYED PA STE KHA ZHE MI MTHUN PA'I BYAMS PA BSTEN PA LA BSHAD DO, ,D'A RIKA PAS RNYED PA DANG TSIGS BCAD LTUR LEN PA'I TSUL GYIS DAM TSIG LA SOGS PA BSRUNG BA LTAR BYAS NAS LKOG TU MI DGE BA BYED PA LA BSHAD DO, ,CHOS KYI BDAG MED PA'I LTA BA YOD BZHIN DU MA BSKYANGS PAR ZHAG GCIG 'DAS BA'I DE NI STONG NYID KYI LTA BA MA BSKYANGS PA'I DE DANG, DUS 'KHOR GYI LUGS LA, MI 'GYUR BA'I BDE BA 'JIG RTEN KYI DPER BYA BA DANG BRAL BA BYIN PA LA THEG TSOM DANG YID GNYIS KYI DBANG GIS DANG DU MI LEN ZHING RTOG PAR BYED NA RTZA LTUNG BCU GCIG PAR D'A RI KA PAS BSHAD DO, ,'DIR SDOMS TSIG LAS, BDE BA CHEN PO'I GDAMS NGAG DANG, ,STONG NYID TSOL BAR MA BYAS DANG, ,ZHES BYUNG BA NI, DNGOS GRUB SNYE MA LAS, SNGAGS KYI SNGOM LDAN SBYANGS NA STONG NYID GO NUS PA'I SHES RAB DAD LDAN PA YIN NA
, ,CHOS KYI BDAG MED KYI LTA BA MA BTZAL NA RTZA LTUNG MI 'BYUNG YANG NYES PA CIG 'BYUNG BAR GSAL LA, ZHES GSUNGS PAS RTZA LTUNG MIN PAR SEMS SO, ,THEG CHEN GYI SNOD RUNG GI SEMS CAN THEG PA MCHOG GI GDAMS PA 'GA' ZHIG LA DAD PA LA DE'I 'DUN BZLOG 'DOD KYI BSAM PAS SEMS SUN 'BYIN PA'I THABS BYAS NAS 'DUN PA LOG PA LAS GYUR BA'I DE NI DAD LDAN SUN 'BYIN PA'I DE DANG, DUS 'KHOR NAS DAG PA'I SEMS CAN RNAL 'BYOR PA LA DE'I MDUN DU SKYON BRJOD NAS SEMS SUN PHYUNG BA NI RTZA LTUNG BCU GNYIS PAR BSHAD DO, ,TSOGS 'KHOR RAM DPA' BO'I STON MO'AM DPA' MO'I STON MO'I CHO GA TSUL BZHIN DU BYED PA'I TSE DAM RDZAS BZA' BTUNG SHA LNGA LA SOGS PA BSTABS PA'I TSE MI GTZANG BA'I BSAM BA'AM THE TSOM ZOS NAS DANG DU MI LEN DANG, RGYUD NAS BSHAD PA LTAR GYI RIG MA STEN PA'I NUS PA THOB PA DANG DGAG BYA GZHAN MED PAR TSOGS 'KHOR GYI SKABS SU RIG MAS 'DOD PA BSTABS PA DANG DU MA BLANGS PA GANG RUNG LAS GYUR BA'I DE NI BLA MED THUN MONG MIN PA'I DBANG DU BYAS PA'I DAM RDZAS TSUL BZHIN MA BSTEN PA'I DE DANG, DUS 'KHOR GYI BCU GSUM PA YANG 'DI DANG 'DRA'O, ,YID KYI RNAL 'BYOR SGOM PA YOD NA DE TZAM GYIS RDOR DRIL SOGS KYI DGOS PA 'GRUB PAS RDOR DRIL PHYAG RGYA'I DAM TSIG SOGS BSTEN MI DGOS ZHES SLAD NAS DE DAG MI BSTEN PAR DOR BA NI, RNAL 'BYOR GYI RGYUD DANG THUN MONG BA'I DAM RDZAS TSUL BZHIN MA BSTEN PA'I DE DANG, BUD MED TSAD NYID PA GANG YANG RUNG BA GCIG LA SKYON GDAGS 'DOD KYI KUN SLONG GIS BUD MED KYI RTEN SBYIL SMOD TSIG TU 'GRO BA'I SKYON BRJOD PA DE YUL BUD MED KYIS
DON GO BA LAS GYUR BA'I DE NI, BLA MED THUN MONG MIN BA'I BUD MED SMOD PA'I DE DANG, DUS 'KHOR GYI RTZA LTUNG BCU BZHI PA YANG 'DI DANG 'DRA'O, ,RDO RJE PHAG MO LA SOGS PA 'JIG RTEN LAS 'DAS PA'I LHA BUD MED KYI GZUGS 'DZIN PA LA SKYON GDAGS 'DOD KYI KUN SLONG GIS SKYON GANG YANG RUNG BA BRJOD PA NI RGYUD SDE GONG MA GNYIS KA'I THUN MONG GI RTZA LTUNG BCU BZHI PA'O, ,GNYIS PA SPOM PO'I LTUNG BA NI MTHA' YAS PA CIG YOD KYANG SBOM PO'I SDE TSAN DU GTOGS PA'I KHA NA MA THO BA'I SGO CHE BA RNAMS BSDUS NAS STON PA NI; RIG MA DBANG GIS SMIN PAR BYAS NAS DAM TSIG DANG SDOM PA LA BKOD PA SOGS KYIS YONGS SU MA SBYANGS BAR RANG GI MTHU TZAM GYIS STEN PA'AM, SMIN YANG NA BA DANG BRTUL BZHUGS LA GNAS PA LA SOGS PA'I DBANG GIS BSTEN PA BDAG GIR MI BYED BZHIN DU NAN GYIS SPYOD PA'AM, YAN LAG LA SOGS PA'I SGO NAS 'PHYA ZHING DE'I SEMS ZHUM PAR 'GYUR BA'I BZHAD GANG BYED NA SPOM PO DANG PO DANG, LHA'I NGA RGYAL MED PA DANG BYIN GYIS MA BRLABS PA DANG MA DAD PA'I MDUN DANG KHYAD PAR GYI DUS MA YIN PA SOGS RIG MA STEN TSUL RGYUD NAS GSUNGS PA LTAR MA BYAS PAR LONGS SPYOD SBYIN PA NI GNYIS PA DANG, DBANG MA THOB PA'AM THOB KYANG M,A DAD PAS BRIS SKU DANG, GLEGS BAM DANG RGYAN DRUG SOGS GSANG BA'I RDZAS SAM PHYAG RGYA 'CHING BSTON GSUM PA DANG, TSOGS 'KHOR RAM DPA' BO DANG DPA' MO'I STON MO'I DUS SU PHAN TSUN RTZOD PA BYED NA BZHI PA DANG, DANG LDAN SNOD RUNG GI GANG ZAG GIS CHOS 'DRI BA NA SHES BZHIN DU CHOS GZHAN STON PA NI LNGA PA DANG, GSANG SNGAGS LA SUN 'BYIN BYED PA'I NYAN THOS KYI THEG PA PA'I NANG DU
, ,ZHAG DRUG GNANG PA LAS LHAG ZHAG BDUN GNAS PAR BYED PA NI DRUG PA DANG, LHA'I SGRUB THABS TZAM ZHIG LA BRTEN NAS RNAL 'BYOR MI SHES PAR RNAL 'BYOR BAR MNGON PA'I NGA RGYAL BYED PA NI BDUN PA DANG, SBOM PO 'DI DA LTA 'BYUNG NYE BAR SNANG NGO ZHES RJE BDAG NYID CHEN POS GSUNGS SO, ,DBANG GIS MA SMIN PA'I SNGAGS LA MI DAD PA LA DBANG BSKUR BA'AM SMIN YANG SNGAGS LA MI DAD PAR PHYI'I CHOS LA MOS PA LA SNGAGS KYI GSANG BA STON PA NI SBOM PO BRGYAD PA'O, ,DAM TSIG DAG DANG MI LDAN PA'I,, RIG MA STEN PAR DGA' BA DANG, ,ZHES SOGS KYIS BSHAD PA'I SBOM PO RNAMS LAS SNGAR BSHAD PA'I SBOM PO BRGYAD DU MA 'DUS PA'I SBOM PO GSUM NI, DAM TSIG SNGAR THOB KYANG NYAMS NAS DE DANG MI LDAN PA LA DBANG DANG 'BREL BA GSUM DGOS PA KHYAD PAR CAN MED PAR STON PA DANG, GRANGS DANG DUS DANG MTSAN MA GANG RUNG GI BSNYEN PA DANG SBYIN SREG DANG LHA'I RNAL 'BYOR SOGS DAG PAR MA BYAS PAR GZHAN LA DBANG BSKUR BA SOGS LA 'JUG PA DANG, SDOM PA 'OG MA GNYIS KYI BCAS PA LAS DGOS PA MED PAR 'DA' BA STE SBOM PO GSUM MO, ,GZHAN RNAMS NI SNGAR GYI SBOM PO BRGYAD DU BSDUS PAR RJE BDAG NYID CHEN POS GSUNGS PAS DENG SANG GI PHYIR BCOS KYI CHO GA 'GA' ZHIG LAS, GANG ZHIG PHYAG RGYA MI MKHAS LA, , LUS KYI PHYAG RGYA STON PA DANG, ,ZHES PA'I RKANG PA GNYIS BYUNG BA NI LHAG PA YIN TE, DE NI SNGAR GYI SBOM PO GSUM PAR BSDUS PA'I PHYIR RO, ,GZHAN YANG, RTZA BA DANG YAN LAG GI DAM TSIG RNAMS LA BSNGO BA GRANG THUN DRUG TU MA BYAS
BA DANG, RIGS LNGA SO SO'I DAM TSIG BCU DGU LAS 'DA' BA'I LTUNG BA RNAMS NI SDOM TSIG LTAR DANG, YAN LAG GI DAM TSIG LA GSUM LAS SLONG BA'I DAM TSIG LAS 'DAS PA NI, BSLAB PA'I GZHI LNGA MA BSRUNG BA DANG, SGO GSUM GYI BYA BA MA YIN BA STE NYES SPYOD THAMS CAD MA SPANG BA DANG, BSTEN PA'I DAM TSIG LAS 'DAS PA NI, BSHES GNYEN DAM PA MA BSTEN PA DANG, RNAL 'BYOR BA RNAMS LA BSNYEN BKUR MA BYAS PA DANG, DGE BA'I LAS LAM BCU LA MI BRTZON PA DANG, SPONG BA'I DAM TSIG GZHAN LAS 'DAS PA NI, THEG DMAN GYI LAM DES RANG BGROD PAR 'DOD PA SOGS THEG CHEN LAS LDOG PA'I RGYU BZHI MA SPANG BA DANG, 'DAS MA 'DAS KYI LHA DANG LHA MIN DANG GSANG BA GNOD SBYIN RNAMS LA BRNYAS BA DANG, PHYAG RGYA STE LHA'I GZUGS BRIS PA SOGS DANG, LHA'I BZHON PA'I GZUGS SU BYAS PA DANG BLA MA'I BZHON PA DANG, LHA'I PHYAG MTSAN GYI RAL GRI SOGS MTSON CHA DANG, LHA'I PHYAG MTSAN 'KHOR LO RDO RJE SOGS MTSAN MA RNAMS LA 'GOM PA'AM ZOS PA DANG, DMAN MA STE MCHOG RDZAS RNYING BA DANG LHA'I GRIB MA SOGS RKANG BAS BRJID BA DANG STENG DU 'DUG PA DANG STENG DU YO BYAD GZHAN GZHAG PA SOGS DANG, GZHAN YANG, DUS 'KHOR NAS BSHAD PA'I RIGS SO SO'I DAM TSIG NI, RDO RJE'I RIGS LA RDO RJE DRIL BU PHYAG RGYA BLA MA BZUNG BA BZHI DANG, RIN PO CHE'I RIGS LA, RIN CHEN LCAGS ZANGS BA LANG RTA, ,GLANG CHEN BU MO NOR 'DZIN DANG, ,'DOD PA'I CHUNG MA RANG GI SHA ,SBYIN BA RNAM PA BCU RU 'DOD, ,CES PA LTAR SBYIN PA BCU SBYIN PA DANG, 'KHOR LO'I RIGS LA SHA LNGA DANG
, ,BDUD RTZI LNGA DANG LUS DANG DBANG PO'I TSOGS BSRUNG BA DANG, PADMA'I RIGS LA 'DZAG PA MED PA'I TSANGS SBYOD KYI SDOM PA SKYONG BA DANG, RAL GRI'I RIGS LA DKON MCHOG SOGS MCHOD PA STE, DE DAG LAS GZHAN DANG MI 'DRA BA 'GA' ZHIG DANG, GZHAN LA MED PA RGYAL BA BSKYED MDZAD RDO RJE RTZE GCIG PA'I RIGS LA STONG PA DANG SNYING RJE'I BDAG NYID CAN GYI PHYAG CHEN GYI DNGOS GRUB BSKYED PAR GSUNGS PA LAS 'DAS PA RNAMS DANG, SROG GCOD DANG, MA BYIN LEN DANG, LOG G-YEM DANG, RDZUN SMRA DANG, CHANG 'THUNG BA STE SDIG PA LNGA DANG, RGYAN DANG SHO DANG MIG MANG BYED PA DANG, RNAM GSUM MA DAG PA'I SHA ZOS PA DANG, DAG 'TSAL GANG DRAN SMRA BA DANG, PHA MA'I MTSUN 'THOR BYED PA DANG, PHYUG GSOD DMAR MCHOD BYED PA STE NYE BA'I SDIG PA LNGA DANG, BA LANG DANG, BYIS PA DANG, BUD MED DANG, SKYES PA GSOD PA DANG, SKU GSUNG THUGS RTEN BSHIGS PA STE GSOD PA LNGA DANG, DAM CHOS DANG SANGS RGYAS LA MA DAD PA DANG, GROGS LA 'KHON PA DANG, RJE BO LA 'KHON PA DANG, DGE 'DUN LA 'KHON PA DANG, RANG LA YID RTON PA RNAMS BSLU BA STE 'KHU BA LNGA DANG, GZUGS DANG, SGRA DANG, DRI DANG, RO DANG, REG BYA LA CHAGS PA NI 'DOD PA LNGA STE BRTUL BZHUGS NYI SHU RTZA LNGA MA BSRUNG BA RNAMS DANG; BDE MCHOG RTZA RGYUD NAS BSHAD PA'I DAM TSIG BRGYAD NI, ZHING KHYAD PAR CAN NA GNAS PA'I RNAL 'BYOR PHO MO MTHONG BA NA G-YON DU BZHAG NAS 'GRO BA DANG, BUD MED DAG MTHONG BA NA DNGOS SAM YID KYIS G-YON BSKOR LAN GSUM BYA ZHING
SBYI BOS PHYAG BYAS NAS, KHYOD MA BDAG NI BU YIN DE, ,JI SRID BYANG CHUB 'BYUNG BAR DU, ,BYANG CHUB YAN LAG NU MA LAS, ,BYUNG BA'I RANG GI 'O MAS SKYONGS, ,ZHES LAN GSUM GSOL BA GDAB PA DANG, GZHAN YANG, RKANG PA G-YON PA SNGON DU 'DOR, ,LAG BA G-YON PA YONGS SU SGYUR, ,G-YON GYI SPYOD PAS RAB MCHOD CING, ,G-YON PAS 'KHYUD PA RTZAM DANG NI, ,G-YON PA YIS NI MCHOD CING ZA, ,ZHES SOGS KYI G-YON PA'I KUN SBYOD DANG, BDE MCHOG GI RGYUD DU DBANG BSKUR BA'I SGRUB PA PO DANG SLOB DPON LA BRNYAS SMOD MI BYA BAR CI NUS PAS MCHOD PA NI DAM TSIG DANG PO DANG, 'DOD PA LA CHAGS SHING RMONGS PAS RIG MA GZHAN DANG KUN TU SBYOR BA SPONG BA NI DAM TSIG GNYIS PA DANG, DE KHO NA NYID KYI DON RTOGS PA SKYONG BA DANG MA BRAL BAR BYED PA NI DAM TSIG GSUM PA DANG, PHO NYA'I LAM LAS GZHAN DU BKRA MI NUS PA NI DAM TSIG BZHI PA DANG, DE LTA BU'I SGO NAS LAS DANG YE SHES KYI PHYAG RGYAL 'DOD PA SBYOD PA NI DAM TSIG LNGA PA DANG, RDO RJE DANG PADMA 'DUS PA'I DUS SU JI SRID DU LHAN SKYES KYI BDE BA 'DREN PA'I NUS PA MA RDZOGS PA DE SRID DU 'DOD PA'I DBANG PHYUG MA DANG 'BRAL BAR MI BYA BA NI DAM TSIG DRUG PA DANG, SBYI BO NAS BYANG SEMS 'DZAG PA'I DUS SU GSANG GNAS KYI RTZE NAS PHYI ROL TU MI 'BRAL BAR BYED PA NI DAM TSIG BDUN PA DANG, YUM GYI PAD MA NAS BYANG SEMS LCES BLANGS TE 'THUNG BA'I TSE BA TZOG PA'I 'DU SHES MI BYA BA NI DAM TSIG BRGYAD PA'O, ,DE'I G-YON PA'I DAM TSIG MA GTOGS PA GZHAN RNAMS PHA RGYUD DANG THUN MONG PAR SPES DON KUN GSAL DU GSUNGS SHING, SNGAR BSHAD PA'I DAM TSIG GI NANG DU BYUNG MA BYUNG GNYIS YOD
, ,PA SHES DGOS LA, DE DAG LAS 'DAS PA'I LTUNG BA RNAMS KYANG PHAM PA DANG SBOM PO'I SNGER GTOGS SO, ,GZHAN YANG, LEGS GRUB KYI RIG SNGAGS KYI 'DUL BA RIM PAR PHYE BA LAS, DE NAS GZHAN YANG GANG ZHIG LA, ,GNAS NA ZLOS PA PO RNAMS KYIS, ,DNGOS GRUB MYUR DU THOB 'GYUR BA'I, ,GSANG SNGAGS ZLOS PA'I 'DUL BA BSHAD, ,SGRUB PAS GSANG SNGAGS THAMS CAD DANG, ,LHA RNAMS DAG NI THAMS CAD DANG, ,ZLOS PA BDAG NYID CHEN PO LA, ,MKHAS PAS ZHE SDANG MI BYA'O, ,MKHAS PAS GSANG SNGAGS CHOG DANG, ,GSANG SNGAGS RANG BZOR MI BYA ZHING, ,RANG BZHIN NGAN PA'I MI DAG LA, ,BRNYAS PAR YANG NI MI BYA'O, ,BLA MA DKYIL 'KHOR STON PA NI, ,SPYOD PA DRAN PAR GYUR NA YANG, ,DAG GAM YANG NA YID KYIS SU, ,NAM YANG SMAD PAR MI BYA'O, ,MKHAS PAS RIG SNGAGS DAG LA NI, ,KHROS NAS GNAN DANG BCING BA DANG, ,BCAD PA DANG NI TSAR GCOD DANG, ,DRAG SBYOD DE DANG DE MI BYA, ,GZHAN GYIS RJES SU MA GNANG BAR, ,GSANG SNGAGS GZUNG BAR MI BYA STE, ,BSNYEN BSKUR MA BYAS BA LA YANG, ,CHOG SHES PAS SNGAGS MI SBYIN, ,RGYUD SHES MKHAS PAS GSANG SNGAGS DANG, ,PHYAG RGYA CHO GA ZHIB MO DANG, ,RGYUD DANG DKYIL 'KHOR BSHAD PA DANG, ,DKYIL 'KHOR MA ZHUGS LA MI SBYIN, ,MTSON CHA 'DRA BA THAMS CAD DANG, ,DE BZHIN SEMS CAN 'DRA BA DANG, ,PHYAG RGYA SNA TSOGS THAMS CAD DAG ,BZA' BAR MI BYA 'GOM MI BYA, ,SGRUB PA PO NI BLO LDAN GYIS, ,SMAN RNAMS SMOD PAR MI BYA STE, ,MI GTZANG BAS KYANG REG MI BYA, ,RKANG PAS KYANG NI MI 'GOD DO, ,THEG PA CHEN
PO PA DAG DANG, ,SHES RAB CAN GYIS BRTZAD MI BYA, ,BYANG CHUB SEMS DPA' MTHU CHEN DAG ,THOS NAS SUN KYANG MI DBYUNG NGO, ,SNGAGS KYIS SGRUB BA PO DAG DANG, ,LHAN CIG NAM YANG 'GRAN MI BYA, ,NYES PA CHUNG DU DAG LA NI, ,KHROS NAS DRAG SHUL SPYAN MI BYA, , ZLOS PA CHO GA LA GNAS PAS, ,GLU GAR RTZE MO MA BYA STE, ,MDZES PAR BYA PHYIR PHRENG BA DANG, ,KHA DOG 'CHANG BAR MI BYA'O, ,'GONG BA DANG NI MCHOD PA DANG, ,RGYUG PA DANG NI TSAB PHRAL DANG, ,LUS LAS BYUNG BA'I GNAS NGAN LEN, ,THAMS CAD YONGS SU SPANG BAR BYA, ,BDEN PA'I CHOS LA GNAS PA YIS, ,LOG PA GTUM DANG 'GYUR DANG RTZUB, ,DBYEN GYI TSIG KYANG SPANG BA DANG, ,DON MED GTAM MANG MI BYA'O, ,MU STEGS CAN DANG GNAS PA DANG, ,RTZOD PA DAG KYANG MI BYA ZHING, ,GDOL BA LA SOGS RIGS NGAN DANG; ,GSANG SNGAGS ZLOS PA SMRA MI BYA, ,BLO CAN BZLAS BRJOD BYED PA NA, ,SNGAGS G-YOG GCIG BU MA GTOGS PAR, ,GZHAN DANG LHAN CIG DGOS MED PAR, ,'GA' DANG YANG NI SMRA MI BYA, ,'BRU MAR DAG GIS LUS MI BSKU, ,TIL YANG BZA' BAR MI BYA'O, ,LA PHUG SGOG PA TSVA DAG DANG, ,BCA' SGYUR RNAM PA THA DAD DANG, ,CUNG PENG DANG NI SRAN RIL DANG, ,TIL GYI CUNG BDE LA DU DANG, ,DE BZHIN MA SHA'I SRAN CHAD DAG ,DNGOS GRUB 'DOD PAS RNAM PAR SBANG, ,LOG 'DREN DAG GI ZAS KUN DANG, GTOR MA'I KHA ZAS THAMS CAD DANG, ,KRO SA RA DANG 'O THUG KYANG, ,GSANG SNGAGS ZLOS PAS RNAM PAR SPANG, ,SHING RTA LA SOGS BZHON PA DANG, ,PADMA LA SOGS BRDZI MI BYA, ,KHA ZAS LHAG MA BOR BA LA, ,RKANG PAS KYANG NI REG MI BYA, ,SGEG PA'I
, ,CHO GA THAMS CAD DANG, ,LHAM DANG GDUGS DAG 'CHAD BA DANG, ,LUS KYI BYI BYAD THAMS CAD DAG ,GSANG SNGAGS ZLOS PAS RNAM PAR SPANG, ,RKANG PAS RKANG PA NYED PA DANG, ,LAG PAS LAG PA MNYE MI BYA, ,BSHANG GCI DAG NI CHUR MI DOR, ,DE DANG NYE BAR DOR MI BYA, ,SNYIM PA KHO NAR MI BZA' STE, ,'KHAR BA'I SNOD DU'ANG BZA' MI BYA, ,LO MA'I RGYAB TU'ANG MI BZA' ZHING, ,MKHAS PAS CHAGS PA'I ZAS MI BZA', ,KHRI RNAMS DANG NI KHRI'U DAG LA, ,SGRUB PA BLO LDAN MI GTZANG LA, ,GZHAN DAD NYAL BAR MI BYA STE, ,GAN RKYAL KHA SGRUB TU YANG MIN, ,YANG DANG YANG DU MI BZA' STE, ,HA CANG CHUNG DANG CHER MI BZA', ,MI BZA' BAR YANG MI BYA LA, ,GANG DAG DOGS PA'ANG MI BZA'O, ,NGO MTSAR RNAMS LA DGA' MI BYA; ;LTAD MO KUN LA MI BLTA ZHING, ,BUD MED YUL LA 'JOL NYAG LA, ,ZHEN PA'I SEMS KYIS CHAGS MI BYA, ,SNGAGS ZLOS CHOG LA GNAS PAS, ,LUS DANG NGAG DANG YID KYIS KYANG, ,ZAS DANG DE BZHIN SBYOD PA LA, ,MA BSNGAMS PAR NI YONG MI BYA, ,SNGAGS ZLOS KHYIM PA MKHAS PA YIS, ,KHA DOG BSGYUR BA'I GOS MI BGO, ,DE BZHIN RNYING DANG DRI MA CAN, ,GOS GCIG PAR NI YOD MI BYA, ,BDAG LA SMRAD PAR MI BYA ZHING, ,RANG LA MI DGA' MI BYA STE, ,SKYO BAR YANG NI MA GYUR DANG, ,NANG KYIS 'GOD PAR MI BYA'O, ,BKA' LAN STZAL PA MA GTOGS PAR, ,BDAG GIS GSANG SNGAGS GTANG MI BYA, ,GTI MUG BLOS NI MI SMAD CING, ,SGRIM PA LHOD PAR MI BYA'O, ,YID NI GZHAN DU MA GYUR DANG, ,BSAM
PA MANG PO MA YIN DANG, ,MI GTZANG CHAGS PA'I SEMS MED PAR, ,ZLOS PA POS NI GSANG SNGAGS GDON, ,GDON GYI LAS RNAMS MI BYA ZHING, ,SRUNG DANG SLAR ZLOG MI BYA'O, ,RANG GI SNGAGS SAM GZHAN GYIS KYANG, ,ZLOS BA DUG GI LAS MI BYA, ,SGRUB BA LA DGOS MA GTOGS PAR, ,GSANG SNGAGS GZHAN DU SBYANG MI BYA, ,'GRAN PA DANG NI SAD PHYIR YANG, ,BDAG GIS GSANG SNGAGS MI SBYAR RO, ,BLO LDAN GYIS NI DUS GSUM BZLAS, ,DUS GSUM DU NI KHRUS BYAS TE, ,ZHES DANG, SGRUB PA BOS NI TSES BRGYAD DAM, ,BCU BZHI DANG NI BCO LNGA DANG, ,CHO 'PHRUL GYI NI ZLA PHYED LA, ,KHYAD PAR DU NI MCHOD PA BYA, ,BZLAS RJOD SBYIN SREG MCHOD PA DANG, ,DE BZHIN SDOM PA GZUNG BA DANG, ,KHYAD PAR DU YANG BSOD NAMS LA, ,GUS SHING MNGON PAR BRTZON PAR BYA, , ZHES DANG, 'DI BYA 'DI NI MI BYA'O ZHES, ,RIG SNGAGS 'DUL LAS SMOS PA DANG, ,BSLAB PA'I SDOM PA NYID LA YANG, ,BLOS PAS RTAG TU RNAM PAR BSAM, ,RANG GI BDE LA CHAGS PA DAG ,NYIN MTSAN DU NI SPANG BAR BYA, ,'DI DAG BYAS NAS 'DI BYA'O ZHES, ,MI G-YEL BAR NI GYUR BAR BYA, ,NYIN PAR BAG MED BYAS PA DAG ,MCHEN MO SO SOR BSHAGS PAR BYA, ,NUB MO BYAS PA'ANG NANG BAR BSHAGS, ,LEGS PAR BYAS LA MNGON DGAR BYA, ,BZLAS BRJOD SBYIN SREG GTZANG SPRA BYA, ,RIG SNGAGS MCHOG DANG RANG SDOM DANG, ,RIG SNGAGS 'DUL BA DAG LA YANG, ,SGRUB PA BOS NI NAN TAN GNAS, ,ZHES SOGS KYI DAM TSIG RNAMS KYANG SNGAR BSHAD PA'I RTZA BA DANG YAN LAG GI DAM TSIG GI NANG DU GTOGS MA GTOGS GNYIS YOD CING, RGYUD SDE BZHI GA'I THUN MONG BA'I DAM TSIG YIN PAR BSHAD LA, DE DAG LAS 'DAS PA'I
, ,LTUNG BA RNAMS KYANG SNGAR BSHAD PA'I SDE TSAN GNYIS PO GANG RUNG DU BSDUS TSUL SHES DGOS SO, ,DBANG THOB NAS DAM TSIG DANG SDOM PA MA BSRUNG BAR YAL BAR BZHAG NAS CHOS GZHAN LA 'BAD PA SKAD BYAS KYANG NGAN 'GROR 'GRO BAS DNGOS GRUB LTA ZHOG BDE 'GRO YANG RNYED PAR DKA' LA, DBANG RDZOGS PAR THOB NAS RTZA BA DANG YAN LAG GNYIS BAS MA GOS PA'AM GOS KYANG PHYIR BCOS TSUL BZHIN DU BYAS NAS DAM TSIG DANG SDOM PA DAG PAR BSRUNG NA TSE 'DIR LAM SGOM PA'I RTZOL BA MA BYAS KYANG SKYE BA BCU DRUG TSUN CHAD DU MCHOG 'GRUB PAR RGYUD DANG GRUB CHEN GYI GZHUNG LAS MTHUN PAR GSUNGS PA RNAMS PA RJE BDAG NYID CHEN POS KYANG SGRA SOR BZHAG TU BKRAL BAS NA, DAM TSIG LAS 'DAS MA 'DAS DANG LTUNG BAR 'GYUR MI 'BYUNG GYI MTSAMS RNAMS LEGS PAR SHES PA DANG, BSRUNGS PA'I PHAN YON DANG MA BSRUNGS PA'I NYES DMIGS KYI RGYU 'BRAS LA YID CHES PA'I DANG GUS BSKYED PA DANG, RANG RGYUD KYI NYON MONGS GANG SHAS CHE BA LA GNYEN PO BSTEN LA MTHU CHUNG DU GTANG BA DANG, BAG YOD DANG DRAN PA DANG SHES BZHIN RGYUN LDAN DU BSTEN PA'I SGO NAS DAM SDOM MIG 'BRAS LTAR BSRUNG BA'I RIGS 'DZIN GONG MA RNAMS KYI RNAM THAR RMAD DU 'BYUNG BA'I RJES SU CI NUS KYIS SLOB NA RING BOR MI THOGS PAR RANG GZHAN GYI DON RGYA CHEN PO 'GRUB PAR 'GYUR RO,, ` ,,DKYIL 'KHOR LHA TSOGS SPYAN SNGA RU, ,KHAS BLANG DAM TSIG SDOM PA ZHES, ,DNGOS GRUB KUN GYI GZHIR GYUR BA, ,DE DANG 'GAL BYAS LTUNG BA NI, ,DPAL LDAN BLA MA DAM PA LA, ,NYIN RE BZHIN DU DUS DRUG DU, ,MAndAL ME TOG BCAS PHUL NAS, ,PHYAG NI 'TSAL BAR MA BYAS DANG, ,DPON SLOB 'BREL BA MA RTAGS PAR, ,CHOS LA NYAN BSHAD BYAS PA DANG, ,BLA MA LA BRNYAS SMAD PA
DANG; ;BLA MA'I THUGS NI DKRUGS PA DANG, ,YID 'ONG YON NI MA PHUL DANG, ,RTAG DU DAM TSIG MA BSRUNG DANG, ,RTAG TU BDE GSHEGS MA MCHOD DANG, ,RTAG TU BLA MA MCHOD DANG, ,BLA MA DANG NI RDO RJE'I 'DZIN, ,THA DAD PAR NI BSAM PA DANG,, BLA MA'I GRIB MA LHA MA DANG STAN, ,BZHIN PA SOGS LA 'GOMS PA DANG, ,BKA' BSGO GUS PAS MA NYAN DANG, ,MI NUS BSHAD SBYANGS 'OS PA LA, ,BSHAD SBYANG DAG NI MA BYAS DANG, ,BLA MA'I RDZAS LA SROG BZHIN DANG, ,'KHOR LO GNYEN BZHIN MA BSAM DANG, ,DRUNG DU MAL STAN LA 'DUG DANG, ,BSGO BA MA THOB SNGON 'GRO DANG, BLA MA LAS SNGAR STAN GYI STENG, ,RKANG PA 'JOG DANG GRU RGYANGS BYED, ,BLA MA BZHENGS TSE NYAL DANG 'DUG ,BZHUGS PA DAG NA NYAL BA DANG, ,BLA MA'I DRUNG DU MTSAL MA SOGS, ,DOR DANG RKANG PA RKYONG PA DANG, ,'CHAG DANG KHA STOBS 'GYED PA DANG, ,YAN LAG MA NYE DANG GAR DAG DANG, , GLU DANG ROL MO BYAS PA DANG, ,THE MO'I GTAM RNAMS SMRAS PA DANG, ,LNGA 'DUG GUS PAR MA BYAS DANG, ,BLA MA'I DRUNG DU LUS GCU DANG, ,KA BA SOGS LA BRTEN PA DANG, ,SOR MO'I TSOGS NI 'THEN PA DANG, ,DRIL PHYI SKU MNYE LA SOGS LA, ,THOG MAR PHYAG NI MA BYAS DANG, , ZHAL SNGAR LDAN PA MA SBYAR BAR, ,BLA MA'I MTSAN NAS SMOS PA DANG, ,GZHAN DAG GUS PAR BYA BA'I PHYIR, ,KHYAD PAR CAN GYI TSIG MA BRJOD, ,RGOD DANG LUD PA LA SOGS PA, ,LAG PAS KHA NI MA MAG BA DANG, ,BYA BA ZIN NAS 'JAM PA YI, ,TSIG GI BRDA NI MA SBYAR DANG, ,MDUN DU DUL BAS MI 'DUG DANG, ,GOS SOGS TSUL NI MA BSDAMS DANG, ,GSANG SNGAGS DAM CHOS NYAN PA'I TSE, ,PUS BTZUGS THAL MO SBYAR BYAS NAS, ,GSOL BA LAN GSUM MA BTAB DANG, ,NGA RGYAL SGEG CHOS KUN SPANGS NAS, ,DUL ZHING BAG YOD MA BSTEN DANG, ,BLA MAS
, ,GNANG BA MA THOB PAR, ,BLA MA GNAS PA'I SA PHYOGS DER, ,RAB GNAS DKYIL 'KHOR SBYIN SBYIN SREG DANG, ,SLOB MA SDUD DANG 'CHAD PA DANG, ,BLA MA'I SLOB MA SLOB MAR BYAS, ,SPYAN 'BYED SOGS LAS CI THOB PA, ,DE KUN BLA MAR MA PHUL DANG, ,DE YIS BSTABS PA BLANGS NAS NI, ,GZHAN LA CI BA DER MA BYAS DANG, ,SLOB DPON LA NI GANG PHUL DANG, ,BLA MAS KYANG NI GANG STZAL BA, ,DE LA BTUD DE LAG GNYIS KYIS, ,PHUL DANG LEN PA MA BYAS DANG, ,BLA MA'I DRUNG DU GZHAN DAG GIS, ,PHYAG SOGS BYED PA MA BZLOG DANG,, RANG GI KUN SPYOD LA BRTZON PAS, ,SPUN GYI RANG SPYOD LAS 'DAS PA, ,DGA' BAS PHAN TSUN MA BZLOG DANG, ,BDE GSHEGS BLA MA'I BKA' 'DAS DANG, ,SPUN LA KHROS NAS SKYON SMRAS DANG, ,SBUN GYI CHOS LDAN NGAG BCAG DANG, ,SEMS CAN RNAMS LA BYAMS PA SPANGS, , SEMS CAN LA NI KHROB PA DANG, ,BYANG CHUB SEMS GNYIS SPANGS PA DANG, ,RANG GZHAN GRUB MTHA' LA SMAD DANG, ,MA SMIN PA LA GSANG BA BSGRAGS, ,PHUNG PO LA BRNYAS SMAD PA DANG, ,STONG PA NYID NI SPANGS PA DANG, ,GDUG PA CAN LA BYAMS PAR BYAS, ,SGYU YIS BYAMS PA BSTEN PA DANG, ,RGYUN PAR STONG NYID MA BSGOM DANG, ,BDE BA CHEN PO'I GDAMS NGAG DANG, ,STONG NYID TSOL BAR MA BYAS DANG, ,DAD LDAN SUN PAR BYAS PA DANG, ,RNAL 'BYOR PA YI SKYON SMRAS DANG, ,DAM RDZAS TSUL BZHIN MA BSTEN DANG, ,BUD MED LA NI SMOD PA SOGS, ,RTZA LTUNG BCU BZHI BSDUS PA DANG, ,SHES RAB STOBS KYIS LEN PA DANG, ,DE YI BDUD RTZI STOBS KYIS LEN, ,SNOD MIN LA NI MIGS DANG, ,TSOGS KYI NANG DU RTZOD PA DANG, ,DAD LDAN LA GZHAN CHOS STON DANG, ,NYAN THOS NANG DU ZHAG BDUN GNAS, ,RDZUN
GYIS RNAL 'BYOR NGA RGYAL BYED, ,DAD PA MED LA CHOS STON DANG, ,SBYOR BA LEGS PAR MA BYAS PAR, ,SKAL MIN GSANG BA STON PA DANG, ,BSNYEN SOGS DKAR PAR MA BYAS PAR, ,DKYIL 'KHOR LAS LA 'JUG PA DANG, ,SDOM PA GNYIS KYI BCAS PA LAS, ,DGOS PA MED PAR 'DAS PA DANG, ,RTZA LTUNG SBOM PO'I LTUNG BA LA, ,SDOM SEMS DUS DRUG MA BTANG DANG, ,TSUL KHRIMS GSUM DANG 'GAL BA DANG, ,SKYABS 'GRO DUS DRUG MA GRUB DANG, ,RDO RJE DRIL BU PHYAG RGYA YI, ,DAM TSIG BSTEN PAR MA BYAS DANG, ,SLOB DPON DUS DRUG MA MCHOD DANG, ,ZANG ZING MI 'JIGS CHOS DANG BYAMS, ,SBYIN PA DUS DRUG MA BYIN DANG, ,PHYI DANG GSANG BA THEG PA GSUM, ,DAM CHOS 'DZIN 'DOD MA BSKYED DANG, ,SDOM PA DANG NI CHOD PA LA, ,DUS DRUG BRTZON PAR MA BYAS DANG, ,SEMS CAN 'DUL PHYIR MA GTOGS PAR, ,BYA BA MA YIN MA SPANGS DANG; ;RNAL 'BYOR BA RNAMS MCHOD DANG, ,DGE BCU SGRUB LA MI BRTZON DANG, ,THEG PA DMAN LA 'DOD BYAS DANG, ,SEMS CAN DON LA RGYAB PHYOGS DANG, ,'KHOR BA DAG KYANG SPANG BA DANG, ,RTAG TU MYA NGAN 'DAS CHAGS DANG, ,LHA DANG LHA MIN GSANG BA DANG, ,DE DAG RNAMS LA BRNYAS PA DANG, , PHYAG RGYA BZHON PA TSON CHA DANG, ,MTSAN MA 'GOMS DANG ZOS PA DANG, ,DE BZHIN DMAN MA LHA YI GRIB, ,RKANG PA DAG GIS BRDZIS PA SOGS, ,SBOM PO'I GZHI LAS GYUR BA DANG, ,RIGS LNGA SO SO'I DAM TSIG LAS, ,'DAS PAR GYUR BA LA SOGS DANG, ,MDOR NA RDO RJE THEG PA YI, ,'DUL BA DANG 'GAL NYES PA KUN; ;KHONG BAR SONG BA'I DUG BZHIN DU, ,'GYOD PA DRAG PO BSHAGS PAR BGYIS, ,BLA MA YI DAM DKON MCHOG GSUM, ,THUGS RJE BYIN RLABS CHU SBYIN GYIS, ,BDAG GI SGO GSUM NYES LTUNG KUN, ,BYANG ZHING DAG PAR BYIN GYIS RLOBS, ,ZHES PA NI SDOMS KYI TSIGS BCAD DO, ,
, ,'DIR 'BAD LEGS BYAS MA MO'I 'PHEL RJI'I MTHUS, ,SDOM GSUM RNAM DAG DUS KYI BYED PA PO, ,BDAG GZHAN SEMS KYI MKHA' LA LEGS SHAR TE, ,SRID ZHI'I RGUD MUN MA LUS MTHAR BYED SHOG ,CES SDOM PA GSUM GYI BSLAB BYA MDO TZAM BSHAD PA 'DI NI, RANG BLO GOMS PHYIR DANG RANG DANG SKAL BA MNYAM ZHING GZHUNG CHEN MOR THOS BSAM BYED MI NUS PA RNAMS LA PHAN PA'I RNAM DKAR GYI BSAM PAS NYE BAR BSKUL TE, SPONG BA'I GZUGS BRNYAN SPRANG BTZUN NGAG DBANG DPAL LDAN GYIS, 'DUL BA'I MDO RTZA 'GREL RNAMS DANG, BYANG CHUB SEMS DPA'I TSUL KHRIMS KYI RNAM BSHAD BYANG CHUB GZHUNG LAM DANG BLA MA LNGA BCU BA'I RNAM BSHAD DANG GSANG SNGAGS KYI TSUL KHRIMS KYI RNAM BSHAD DNGOS GRUB KYI SNYEM SOGS LAS LEGS PAR BTUS TE, ,MDO SDE PHAL MO CHEN SA 'PHAGS PA 'JAM DPAL GYI SPRUL PA'I GNAS SU GSAL BAR LUNG BSTAN PA'I RI BO DVANGS BSIL GYI DBEN GNAS 'JAM DBYANGS CHOS 'KHOR GLING DU SBYAR BA 'DIS KYANG 'GRO BA KUN TSUL KHRIMS RNAM PAR DAG PA'I GRU GZINGS BRTAN POS SRID ZHI'I RGUD MTSO LAS BSGRAL TE ZUNG 'JUG NOR BU'I GLING DU PHYIN PA'I RGYUR GYUR CIG,, ,,
[BLANK PAGE]