*, ,SU NYID RDO RAMS PA LEGS TSOGS KYI RTZOD YIG GI LAN GSAL BAR BKOD PA SMRA NGAN MUN SEL SGRON ME ZHES BYA BA BZHUGS SO, ,
, ,NA MO GU RU, NGED KYIS SGO BLO'I YIG CHA'I 'GAL 'DOD BRIS PA LA, SU NYID G-YON RU NAS RDO RAMS PA LEGS TSOGS KYIS DGAG PA BYAS 'DUG PA'I LAN RIM BZHIN BRJOD NA, /KA\ ,NGED KYIS BDEN GNYIS KYI DAR t'IKA SOGS GZHUNG MANG POR BDEN GRUB DBANG SHES LA SNANG NA THAL RANG LA DGAG BYA'I KHYAD PAR MED PAR THAL BAR 'GYUR BAR GSUNGS ZHES PA LA, /1\ ,KHYOD KYIS DBANG SHES LA BDEN GRUB SNANG BA THAL 'GYUR PA THUN MONGS MA YIN PA'I DGAG BYA'I KHYAD PAR YIN PAR THAL LO,, ` ,,ZHES SMRAS PA NI, SPRANG BU GSOD 'DOD KYI BSAM PAS PHA'I KLAD PA GZHOM PA DANG 'DRA STE, BDEN GRUB DBANG SHES LA SNANG MI SNANG DE THAL RANG GI KHYAD
, ,PAR YIN PA NI RJE BDAG NYID CHEN PO DANG RGYAL TSAB CHOS RJE GNYIS KA'I BZHED PA YIN GYI, KHO BOS GSAR DU BYAS PA MA YIN PA'I PHYIR, 'JUG PA'I RNAM BSHAD DANG BDEN GNYIS KYI DAR t'IKA SOGS SU LTOS SHIG ,GZHAN YANG, DBANG SHES LA BDEN PAR SNANG MI SNANG DE THAL RANG GI KHYAD PAR YIN TE, DBANG SHES KYI SNANG BA LTAR DU GRUB PA DGAG BYA CHOS BDAG YIN MIN NI THAL RANG GI KHYAD PAR YIN PA'I PHYIR TE, DBANG SHES KYI SNANG BA LTAR DU MA GRUB PA STONG NYID YIN MIN NI THAL RANG GI KHYAD PAR YIN PA'I PHYIR DANG, RGYU MTSAN DES CHOS CAN MTHUN SNANG BA MI 'DOD PA DANG 'DOD PA'I KHYAD PAR 'BYUNG BA'I PHYIR, 'DI DAG LUNG RIGS DU MAS RGYA CHER SPRO BAR NUS MOD KYANG MANG DU
DOGS NAS MDOR BSDUS TZAM SMOS NA, DBANG SHES LA GZUGS SOGS RANG GI MTSAN NYID KYIS GRUB PAR SNANG BA DE MDO SDE BA YAN CHAD KYI NANG BA'I GRUB MTHA' SMRA BA THAMS CAD KYIS 'DOD KYANG, RANG GI MTSAN NYID KYIS GRUB PAR SNANG BA DE BDEN SNANG YIN PAR THAL 'GYUR PAS BZHED KYI GZHAN GYIS MI 'DOD LA, BLO GNOD MED LA SNANG BA'I DBANG GIS BZHAG PA MA YIN PAR YUL RANG NGOS NAS GRUB PAR SNANG BA DE RANG RGYUD PA'I LUGS KYI BDEN SNANG YIN KYANG, DE 'DRA'I SNANG BA DE DBANG SHES LA MED PA'I PHYIR TE, THAL 'GYUR BAS GZHAL NA DE 'DRA'I SNANG BA DE DBANG SHES LA MED PAR MA ZAD BLO LHAN SKYES LA YANG MI 'BYUNG BA'I PHYIR TE, DE BLO KUN BTAGS KYI SNANG BA YIN PA'I PHYIR TE, RANG RGYUD PAS 'DOD PA'I CHOS KYIS BDAG 'DZIN DE BLO KUN BTAGS YIN PA'I PHYIR TE, LEGS BSHAD SNYING PO LAS, RIGS PA DE DAG GI GNAD KYIS RANG RGYUD PAS BSHAD PA'I CHOS KYI BDAG 'DZIN LHAN SKYES SU 'DOD PA YANG KUN BTAGS SU BYA'O, ,ZHES GSUNGS PA'I PHYIR DANG, RJE GUNG THANG BAS KYANG, THAL 'GYUR BA LTAR NA 'DI BA'I BLO GNOD MED MED KYANG, BLO DE 'DRA ZHIG GIS BZHAG TZAM MA YIN PAR GRUB PO SNYAM PA GRUB MTHAS BLO MA BSGYUR BA LA MI 'ONG BAS, 'DI BA'I BDEN 'DZIN LHAN SKYES KYANG RAGS PA DANG KUN BTAGS KHO NAR 'DOD, ZHES GSUNGS PA'I PHYIR, DE LTAR MA YIN NA RANG RGYUD PAS SEMS CAN GYI DBANG SHES YIN NA BDEN SNANG CAN YIN PAS KHYAB PA DANG, SLOB PA'I RGYUD KYI MNYAM BZHAG RNAM PAR MI RTOG PA'I YE SHES MA
, ,GTOGS PA'I SHES PA YIN NA 'KHRUL SHES YIN PAS KHYAB PA DANG, CHOS CAN MTHUN SNANG BA MI SRID PA DANG, KUN RDZOB LA YANG LOG GNYIS SU DBYE BA MED PAR 'DOD PAR 'GYUR BAS RANG RGYUD PA'I GZHUNG KHUNGS THUB DU MA DANG 'GAL BAR 'GYUR MOD KYANG, TSIG GI KHUR SHIN TU CHE BAR 'GYUR DOGS NAS 'DIR MA BRIS SO,, /KHA\ ,KHO BOS RANG BZHIN GYI MYANG 'DAS DE'I 'DAS RGYU'I MYA NGAN LA NYON MONGS BZHAG PA LA, /'A\ , KHYOD KYIS RANG BZHIN GYI MYANG 'DAS KYI MYA NGAN LA NYON MONGS YIG CHA GANG NAS BZHAG YOD, ` ,CES ZER BA NI MTHONG RGYA SHIN TU CHUNG PA'I GTAM YIN TE, LEGS BSHAD SNYING PO LAS, SKYE DGAG DANG BRAL BA NI 'DUS MA BYAS YIN PAS KUN NAS NYON MONGS KYI CHOS SU MI RUNG BA'I PHYIR GZOD MA NAS ZHI BA DANG RANG BZHIN GYI MYA NGAN LAS 'DAS PAR YANG BSTAN TE MYA NGAN NI 'DIR KUN NYON YIN PA'I PHYIR RO, ,ZHES DANG, RANG RE'I YIG CHAR LAS, RANG BZHIN GYIS MYA NGAN LAS 'DAS PA ZHES PA'I MYA NGAN NI NYON MONGS YIN LA, ZHES GSUNGS PA'I PHYIR, MIG LEGS PAR PHYES LA LTOS SHIG, /GA\ ,KHO BOS RANG RE'I YIG CHAR LHAG BCAS DGRA BCOM PA'I RGYUD LA 'KHOR BAR 'CHING BYED YOD PAR GSUNGS KYANG DPYOD DGOS PAR BSHAD PA LA, /'A\ ,KHYOD KYIS DGRA BCOM PA'I RGYUD LA 'PHEN BYED KYI LAS YOD PAR GSUNGS PA DE YIN NA DE 'CHING BYED MA YIN PAR RNAM 'GREL LUNG GIS GRUB SNYAM, DE MA GTOGS
YIG CHA'I GANG NAS YOD PAR BSHAD, DE'I GZUGS PHUNG 'KHOR BAR 'BREL BA YIN KYANG 'BREL BYED MA YIN PAR GSUNGS PA CI YIN, ` ,ZHES ZER BA NI MNGON SUM LA SKUR BA BTAB PA'I TSIG YIN TE, RANG RE'I YIG CHAR, YANG KHA CIG NA RE, LHAG BCAS DGRA BCOM PA'I RGYUD LA 'KHOR BAR 'CHING BYED MED PAR THAL, DES NYON MONGS SPANGS PA'I PHYIR NAM KHYAB STE, 'KHOR BAR 'CHING BYED LA 'PHEN BYED LAS DANG NYON MONGS GNYIS YOD PA'I PHYIR, RTZA BAR 'DOD MI NUS TE, LHAG BCAS LHAG MED KYI NYAN THOS DGRA BCOM PA GNYIS KA'I RGYUD KYI 'PHEN BYED LAS YOD PA'I PHYIR, ZHES GSUNGS PA'I PHYIR, MIG LEGS PAR PHYES TE LTOS LA PHYIN CHAD PAG YOD PAR BYOS SHIG, /NGA\ ,, KHO BOS 'DIR MI GSAL YANG, ZAG ZAD KYI MNGON SHES LA RNAL 'BYOR MNGON SUM YOD PAR KHAS LEN PA LA 'GAL BA MED CING ZHES BRIS PA LA, /4\ ,KHYOD KYIS MNGON SHES KYI RANG LUGS THANG DU MNGON SHES MNGON SUM BZHI LAS YID MNGON YIN PAR GSUNGS PA KHO RANG GIS MI RIGS 'DRA SHIN TU GSAL, SANGS RGYAS KYI SAR YID MNGON DANG RNAL 'BYOR MNGON SUM GYI YIN PA BZHAG GAM DPYAD, ZAG ZAD KYI MNGON SHES RNAL 'BYOR MNGON SUM YIN PA'I PHYIR, ` ,ZHES PA NI PHYOGS SNGA NGOS MA ZIN CING, RANG LUGS BZHAG PA LA'ANG SKYON CHAGS PA'I GTAM YIN TE, 'DIR MI GSAL YANG ZHES PA DE, MNGON SHES LA RNAL 'BYOR MNGON SUM YOD
, ,MED KYI KHYAD PAR GSAL BAR MA BSHAD PA'I DON YIN GYI, MNGON SHES YID MNGON YIN MIN GSAL BAR MA BSHAD CES PA GA LA YIN, KHYOD DON MA GO BA'I DBANG GIS PHYOGS SNGA'I NAM MA LANGS PAR DGAG PA'I NYI MA SHAR ZHES PA'I DPE ZLAR SONG 'DUG GO, YANG KHYOD KYIS ZAG ZAD KYI MNGON SHES RNAL 'BYOR MNGON SUM YIN PA'I PHYIR ZHES PA MI 'THAD DE, RANG GI KHAS BLANG SDAN DNGOS 'GAL DU SONG BA'I PHYIR, MA GRUB NA, ZAG ZAD KYI MNGON SHES CHOS CAN, RNAL 'BYOR MNGON SUM MA YIN PAR THAL, YID MNGON YIN PA'I PHYIR, RTAGS GSAL KHYAB GSUM KHAS, RTAGS MA GRUB NA DE CHOS CAN, YID MNGON YIN PAR THAL, MNGON SHES YIN PA'I PHYIR, KHYAB STE, MNGON SHES YID MNGON YIN PAR YIG CHAR GSUNGS PA NGA RANG GIS MI RIG LA, KHYOD KYIS MKHYEN PA'I PHYIR, RTAGS KHAS, GONG DU MA KHYAB NA, KHYAB PAR THAL, RNAL 'BYOR MNGON SUM DANG YID MNGON GNYIS 'GAL BA YIN PA'I PHYIR, RTAGS KHAS, DER THAL, RNAL 'BYOR MNGON SUM YID KYI MNGON SUM DU BSHAD PA NI YID SHES SU GYUR BA'I MNGON SUM DANG YID MNGON GNYIS KHYAD PAR MA 'BYED PAS NONGS ZHES KHYOD KYIS BSHAD PA'I PHYIR, GZHAN YANG, ZAG ZAD KYI MNGON SHES RNAL 'BYOR MNGON SUM MA YIN PAR THAL, DE LA RNAL 'BYOR MNGON SUM YIN MIN GNYIS YOD PAR CHOS MNGON PA NAS BSHAD PA GANG ZHIG, DE MTHA' GCIG TU RNAL 'BYOR MNGON SUM
YIN PAR BSHAD PA'I TSANG THUB KYI KHUNGS MI SNANG BA'I PHYIR RO,, /CA\ ,KHO BOS RANG RE'I YIG CHAR SEMS CHEN PO DANG RTOGS PA CHEN PO'I MTSAN GZHI RNAM BSHAD SOGS SU BSHAD PA LAS GO BZLOG TE BSHAD PA NI YI GE NOR PAR BSHAD PA LA, /5\ ,KHYOD KYIS SEMS CHEN PO'I MDO LAS CHOS THAMS CAD SKYE BA MED PA DANG 'GAG PA MED PA RTOGS PA NYID DANG, ZHES DANG, THAMS CAD RJES SU YANG RTOGS PA ZHES DANG, CHOS RNAMS RNAM PA THAMS CAD TSUL GCIG TU MA NOR BAR SGRUB PA RTOGS PAR BYA BA DANG, ZHES DANG, RTOGS PA CHEN PO'I MDO LAS, BYANG CHUB KYI SEMS DANG MI MNYAM PA'I DANG MNYAM PA'I SEMS ZHES SOGS DANG, DE'I NYI SNANG LAS, BYANG CHUB PA'I DON GYI SEMS NI BYANG CHUB KYI SEMS ZHES SNGA MA LA RTOGS PA DANG, ,PHYE MA LA BYANG CHUB KYI SEMS KYI SGRA MANG PO 'BYUNG BAS MTHA' GCIG TU YI GE NOR ZER BAR MI RUNG NGO,, ` ,,ZHES PA DE NI SANGS RGYAS LAS NGA MKHAS ZHES RLOM PA'I TSIG STE, RJE YAB SRAS GSUM KAS MDO'I DON PHYIN CI LOG TU BSHAD PA DANG, RANG GIS RANG STOBS KYIS MDO'I DON PHYIN CI MA LOG PAR 'CHAD PAR RLOM PA'I PHYIR TE, GSER 'PHRENG LAS CHED DU BYA BA DANG PO SANGS RGYAS SPYI LA BSHAD, RNAM BSHAD DANG RTOGS DKA'I SNANG BA GNYIS KAR THUGS RJE CHEN PO LA BSHAD, RTOGS PA CHEN PO SHES RAB KYI CHA LA MDZAD PA NI RJE YAB SRAS GSUM KA MTHUN PA GANG ZHIG ,KHYOD KYIS SEMS
, ,CHEN PO DANG RTOGS PA CHEN PO'I MTSAN GZHI SNGAR BSHAD PA LAS GO BZLOG PA NI 'THAD PAR BSHAD PAR PHYIR RO, ,DER MA ZAD KHYOD KYIS RJE 'JAM DBYANGS BZHAD PA'I ZHABS 'DEGS SU BSAM NAS ZHABS 'DREN DU GYUR BA YIN TE, RJE 'JAM DBYANGS BZHAD PA'I RDO RJE LA RJE YAB SRAS GSUM GANG DANG YANG MI MTHUN PA'I BSHAD PA BYAS ZHES SMRAS PA LAS LHAG PA'I SMOD TSUL RANG RE'I DGE LDAN PA'I PHYOGS LA MI SRID PA'I PHYIR RO, ,DE NI 'DUL BA LUNG LAS, BYIS PA'I BSTOD PA GANG YIN DANG, ,MKHAS PAS SMOD PA GANG YIN PA, ,'DIR NI MKHAS SMOD MCHOG YIN GYI, ,BYIS PAS BSTOD PA MA YIN NO, ,ZHES GSUNGS PA LTAR RO, ,GANG CHEN PO DANG PO'I MDO LAS SKYE 'GAG MED PAR RTOGS PA DANG, CHOS RNAMS TSUL GCIG TU RTOGS PA'I LAM GSUNGS PA DES CHEN PO'I DANG PO'I MTSAN GZHI BSTAN PA MA YIN GYI, CHEN PO DANG PO SGRUB BYED KYI RDO RJE LTA BU'I SEMS DANG, RLABS PO CHE'I SEMS DANG, MI BSKUL BA'I SEMS SOGS CHOS DRUG GI DANG PO DANG LNGA PA BSTAN PA YIN NO, ,RTOGS PA CHEN PO'I MDO DES KYANG BYANG CHUB KYI SEMS RTOGS PA CHEN PO'I MTSAN GZHIR MA BSTAN DE, BYANG CHUB KYI SEMS LA SOGS PA LA BDEN ZHEN 'GOG PA'I LAM DE'I MTSAN GZHIR BSTAN PA'I PHYIR, DE LTAR GSER 'PHRENG LAS SHIN TU GSAL PAR GSUNGS 'DUG PAS DER LTOS ZHIG ,BLTAS KYANG GO PAR MA NUS NA PHYIN CHAD MDO'I DON RANG
STOBS KYIS 'CHAD PAR RLOM PA DE DOR CIG /CHA\ ,KHO BOS PHAR PHYIN MTHA' DPYOD DU THEG DMAN 'PHAGS RGYUD KYI STONG NYID RTOGS PA'I MKHYEN PA DANG SNYING RJE CHEN PO RNAMS GZHI SHES SU MA BSHAD GSUNGS TE ZHES BRIS PA LA, /7\ ,KHYOD KYIS PHAR PHYIN SKABS GNYIS PAR DGRA BCOM PA'I RTOGS PA SNGON SONG GI THEG CHEN SBYOR LAM PA'I RGYUD KYI STONG NYID RTOGS PA'I MKHYEN PA DANG LHAG BSAM SOGS MKHYEN GSUM GANG RUNG DU MA BSHAD GSUNGS PA MA GTOGS, THEG DMAN 'PHAGS RGYUD KYI STONG NYID RTOGS PA'I MKHYEN PA GZHI SHES SU MA BSHAD CES GANG NAS YOD, ` ,CES SMRAS PA DE GZHAN 'GOG PA'I ZOL GYIS RANG SLOB GNYER MA BYAS PA LHUG PAR STON PA YIN TE, RANG RE'I YIG CHA'I SKABS GNYIS PAR DE 'DRA'I TSIG MED PA'I PHYIR DANG, SKABS GSUM PA'I MTHA' DPYOD LAS, NYAN RANG 'PHAGS RGYUD KYI STONG NYID MNGON SUM DU RTOGS PA'I YE SHES LTA BU RNAMS GZHI SHES SU MA BSHAD PA'I PHYIR, ZHES GSUNGS PA DE KHYOD KYIS SPED PAR BYED MI CHOG PA'I PHYIR, DE'I SPAR DA LTA SGO MANG SBAR KHANG DU BZHUGS YOD PA'I PHYIR RO,, /JA\ ,KHO BOS YE SHES CHOS SKU CHOS CAN, PHUNG PO LNGA PO GANG RUNG YIN PAR THAL, 'DUS BYAS YIN PA'I PHYIR ZER NA, 'O NA TSOR 'DU GNYIS CHOS CAN, DER THAL, DE'I PHYIR, KHYAB PA 'GRIG ,'DOD NA, LDAN MIN 'DU BYED YIN PAR THAL LO, ,'DOD NA, 'DU BYED KYI PHUNG PO YIN PAR THAL
, ,LO; ;'DOD NA, TSOR 'DU LAS GZHAN BA'I 'DUS BYAS YIN PAR THAL, 'DU BYED YIN PA'I PHYIR, KHYAB STE, 'DU BYED PHUNG PO BZHI LAS GZHAN, ,ZHES GSUNGS PA'I PHYIR, ZHES BRIS PA LA, /9\ KHYOD KYIS SKYON BRJOD PA NI, TSOR 'DU GNYIS CHOS CAN, 'DU BYED KYI PHUNG PO YIN PAR THAL, GZUGS TSOR 'DU SHES RNAM SHES BZHI PO GANG RUNG MA YIN PA'I DNGOS PO YIN PA'I PHYIR, KHYAB STE, 'DU BYED KYI DON YOD PA'I PHYIR, YANG DE CHOS CAN, 'DU BYED KYI PHUNG PO YIN PAR THAL, MTSUNGS LDAN 'DU BYED YIN PA'I PHYIR, DER THAL, TSOR 'DU GNYIS PO GANG RUNG MA YIN PA'I SEMS BYUNG YIN PHYIR, BSDUS GRVA LTOS SHIG, ` ,, ZHES BYUNG STE, 'DI NI BSDUS GRVA GSAR RTZOD KYI PHYIS PA'I ROL RTZOD LTA BU YIN PAS LAN GYI SPROS PA MA BYAS SO,, /NYA\ ,,KHO BOS YID MNGON LA 'DIR BSTAN YID MNGON DANG RANG RIG MNGON SUM DANG RNAL 'BYOR MNGON SUM DANG MNGON SHES SOGS DU MA YOD PA'I PHYIR, ZHES BRIS PA LA, /9\ ,KHYOD KYIS RANG RIG MNGON SUM YID MNGON SU YIG CHA GANG NAS BSHAD, MNGON SHES MNGON SUM BZHI LAS YID KYI MNGON SUM YIN PAR MTHA' DPYOD MNGON SHES KYI THAD DU GSUNGS KYANG, BLO RIG GI YIG CHAR MA GSUNGS PA'I PHYIR, RNAL 'BYOR MNGON SUM YID KYI MNGON SUM DU BSHAD PA NI YID SHES SU GYUR BA'I MNGON SUM DANG
YID MNGON GNYIS KHYAD MA PHYED PAS NONGS, ` ,ZHES SMRAS PA DE MI 'THAD PAR THAL, GRUB ZIN GRUB PA'I SKYON DANG, RANG TSIG SNGA PHYI 'GAL BA'I SKYON DANG, MNGON SUM LA SKUR BA BTAB PA'I SKYON YOD PA'I PHYIR, DANG PO GRUB STE, KHO BOS MNGON SHES YID KYI MNGON SUM DU KHAS BLANGS PA LA, KHYOD KYIS KHO BO PHYOGS SNGAR BYAS NAS MNGON SHES YID MNGON YIN PAR SGRUB PA'I PHYIR, GNYIS PA GRUB STE, KHYOD KYIS SNGAR MNGON SHES YID MNGON DANG ZAG ZAD KYI MNGON SHES RNAL 'BYOR MNGON SUM YIN PAR BSHAD PA DANG, 'DIR RNAL 'BYOR MNGON SUM YID MNGON DU BSHAD PA NI YID SHES SU GYUR PA'I MNGON SUM DANG YID MNGON GNYIS KHYAD MA PHYED PAS NONGS PA YIN PAR BSHAD PA'I PHYIR, GSUM PA GRUB STE, RANG RE'I BLO RIG GI YIG CHAR MNGON SHES YID MNGON DU MA GSUNGS PA MA YIN PA'I PHYIR, GZHAN SEMS SHES PA'I MNGON SHES YID MNGON LA BYAS NAS DE SKAD CIG GNYIS PA YID MNGON GYI BCANG SHES YIN PAR GSUNGS PA'I PHYIR, GZHAN YANG, RANG RIG DANG RNAL 'BYOR MNGON SUM GNYIS YID MNGON MA YIN PAR BSHAD PA MI 'THAD PAR THAL, DE GNYIS YID MNGON YIN PA'I PHYIR TE, YID SHES SU GYUR BA'I MNGON SUM YIN PA'I PHYIR, KHYAB STE, YID SHES SU GYUR BA'I MNGON SUM DANG YID KYI MNGON SUM GNYIS DON GCIG YIN PA'I PHYIR TE, RANG GI THUN MONG MA YIN PA'I BDAG RKYEN YID DBANG LA BRTEN PA'I MNGON
, ,SUM NGANG YID KYI MNGON SUM GNYIS DON GCIG YIN PA'I PHYIR TE, RANG GI THUN MONG MA YIN PA'I BDAG RKYEN DBANG PO'I GZUGS CAN PA LA BRTEN PA'I MNGON SUM DANG DBANG PO'I MNGON SUM GNYIS DON GCIG YIN PA BZHIN YIN PA'I PHYIR, GZHAN YANG MNGON SHES YID MNGON YIN KYANG RNAL 'BYOR MNGON SUM YID MNGON MA YIN PA'I KHYAD PAR PHYE BA DE RIGS PA MI SHES PA'I BLUN GTAM YIN TE, MNGON SHES YID MNGON YIN PAR 'JOG BYED NI, RANG GI THUN MONGS MA YIN PA'I BDAG RKYEN YID DBANG LA BRTEN PA'I MNGON SUM YIN PA'I PHYIR ZHES PA DE YIN LA, DE RNAL 'BYOR MNGON SUM LA JI LTA BA BZHIN TSANG 'DUG PA'I PHYIR, DE LTAR MA YIN NA YID MNGON YIN PAR 'JOG BYED NI NAM MKHA'I ME TOG GI ZE'U 'BRU LTAR 'GYUR PA'I PHYIR RO,, MNGON SUM THAMS CAD RANG RIG DANG GZHAN RIG MNGON SUM GNYIS SAM DBANG MNGON YID MNGON GNYIS SU 'DUS MOD KYANG, RNAM 'GREL NGES SOGS SU MNGON SUM LA BZHIR PHYE BA MI LOG RTOG SEL BA'I DGOS PA LA LTOS PA'I GRANGS NGES YIN TE, BYE SMRAS BRTEN BCAS KYI MIG DBANG KHO NA LTA BA POR 'DOD PA BSAL BA'I PHYIR DBANG MNGON DANG, MDO LAS YID KYI MNGON SUM GSUNGS PA LA RNA BA MA PHUG PAS DGAG PA BYAS PA BSAL BA'I PHYIR, 'DIR BSTAN YID MNGON DANG, BYE SMRA SOGS RANG RIG MI 'DOD PA
BSAL BA'I PHYIR RANG RIG DANG, DPYOD PA PAS RNAL 'BYOR MNGON SUM KHAS MI LEN PA BSAL BA'I PHYIR RNAL 'BYOR MNGON SUM STE BZHIR GRANGS NGES PA YIN PA'I PHYIR, MNGON SUM BZHI'I YA GYAL DU YID MNGON SPYI TZAM MA BZHAG PAR 'DIR BSTAN YID MNGON KHO NA BZHAG PA NI, MDO LAS, GZUGS SHES PA NI RNAM GNYIS TE, ,MIG DANG YID LA BRTEN PA'O, ,ZHES PA'I DNGOS BSTAN GYI YID MNGON LA RNA BA MA PHUG PAS SKYON BRJOD PA BSAL BA'I PHYIR YIN NO, ,YID MNGON SPYI TZAM BZHAG NA DE'I LOG RTOG SEL MI NUS TE, DES SPYIR YID MNGON MI 'DOD PA MIN GYI 'DIR BSTAN YID MNGON MI 'DOD PA YIN PA'I PHYIR RO, ,YID MNGON LA MNGON SHES DANG RNAL 'BYOR MNGON SUM SOGS MANG PO YOD KYANG RNAM 'GREL NGES SOGS SU 'DIR BSTAN YID MNGON KHO NAR BSHAD PA NI DGOS PA'I DBANG GI YIN GYI, YID MNGON LA NGES KHYAB PA NI GZHUNG GI DGONGS PA MIN TE, DPER NA KUN 'BYUNG LA LAS DANG NYON MONGS MANG PO YOD KYANG MDO LAS SRENG PA KHO NAR GSUNGS PA NI DGOS PA'I DBANG GIS YIN GYI, KUN 'BYUNG LA SRED PAS KHYAB PA NI STON PA'I DGONGS PA MIN PA BZHIN NO,, /TA\ ,, KHO BOS SEMS CAN GYI RGYUD LA SNGON PO 'DZIN PA'I RNAL 'BYOR MNGON SUM YOD MED DANG, RNAL 'BYOR MNGON SUM YIN NA, BDEN PA'I RNAM CAN YIN PAS KHYAB MA KHYAB KYANG MI GSAL BAS DPYOD DGOS ZHES PA LA,, /9\ ,,
, ,KHYOD KYIS SEMS CAN GYI RGYUD LA SNGON PO 'DZIN PA'I RNAL 'BYOR MNGON SUM YOD PAR THAL, SNGON PO MI RTAG PA 'DZIN PA'I RNAL 'BYOR MNGON SUM YOD PA GANG ZHIG ,SNGON PO DANG SNGON PO MI RTAG PA GNYIS GRUB PA DE DBYER MED KYI RDZAS GCIG YIN PA'I PHYIR, RNAM 'GREL LAS, BLO GROS CHEN PO MTHONG NYID LAS, ,RNAM PA THAMS CAD NGES PAR BYED, ,ZHES GSUNGS PA'I PHYIR, ` ,ZHES ZER, DE MI 'THAD PAR THAL, RANG RE'I YIG CHA DANG 'GAL BA DANG, LUNG DON LOG PAR GO BA DANG, RIG PA DANG 'GAL BA'I SKYON GSUM BYUNG BA'I PHYIR, DANG PO GRUB STE, SKABS BRGYAD PA'I YIG CHAR RNAL 'BYOR MNGON SUM YIN NA, RANG YUL DE DANG GRUB BDE DBYER MED KYI RDZAS GCIG THAMS CAD MNGON SUM DU RTOGS PAS MA KHYAB PAR BSHAD PA'I PHYIR, DE NYID LAS, RNAM MKHYEN CHOS CAN, KHYOD MI RTAG PAR MNGON SUM DU RTOGS PA'I MNGON SUM YIN NA, KHYOD MNGON SUM DU RTOGS PAS KHYAB PAR THAL, KHYOD DANG KHYOD MI RTAG PA YUL DUS RANG BZHIN GANG LA LTOS TE GRUB DE RDZAS GCIG YIN PA'I PHYIR NA MA KHYAB, ZHES GSUNGS PA'I PHYIR, DES NA BLO RIG GI YIG CHAR RNAL 'BYOR MNGON SUM YIN NA, RANG YUL DE DANG GRUB BDE DBYER MED KYI RDZAS GCIG THAMS CAD MNGON SUM DU NGES PAS KHYAB PAR BSHAD PA NI SLOB GNYER BA GSAR BA RNAMS
KYI RIGS LAM SPEL PHYIR DGOS PA'I DBANG GIS GSUNGS PA YIN PAR SHES PAR BYA'O, ,GNYIS PA GRUB STE, LUNG DE'I BLO GROS CHEN PO ZHES PA RNAL 'BYOR MNGON SUM LA MI BYED KYI, 'PHAGS PA 'AM RIGS PA'I STOBS KYIS DNGOS PO'I GNAS LUGS LA SGRO 'DOGS GCOD NUS PA'I MKHAS PA LA BYED PA'I PHYIR DANG, 'DUS BYAS THAMS CAD MI RTAG PA SOGS SU NGES PA'I BLO GROS CHEN PO'I GANG ZAG GIS DNGOS PO MNGON SUM GYIS MTHONG BA NYID LAS GANG MNGON SUM GYIS MTHONG BA'I DNGOS PO'I RNAM PA THAMS CAD MI RTAG PAR NGES PAR BYED KYI RTAG PAR SGRO 'DOGS PA MED PAS DE LA DE MI RTAG BAR RTAGS KYIS SGRUB MI DGOS ZHES BA LUNG DE'I TSIG DON YIN PAS, t'IKA CHEN RIGS PA'I RGYA MTSO DANG RNAM BSHAD THAR LAM GSAL BYED GNYIS SU LTOS SHIG ,GSUM PA GRUB STE, RNAL 'BYOR MNGON SUM YIN NA, GANG SNANG NGES PAS MA KHYAB PA'I PHYIR TE, GZHAN DU NA BYANG 'PHAGS KYI RGYUD KYI RNAM MKHYEN MI RTAG PAR MNGON SUM DU RTOGS PA'I RNAM 'BYOR MNGON SUM NGES RNAM MKHYEN MNGON SUM DU RTOGS PAR THAL BA DANG, RNAM MKHYEN DE SANGS RGYAS NANG PHAN TSUN KHO NA'I MNGON SUM GYI SPYOD YUL MA YIN PAR THAL BA DANG, THAL 'GYUR BA'I LUGS LA SDUG BDEN MI RTAG PAR RTOGS PA'I RNAL 'BYOR MNGON SUM DE BDEN GRUB RTOGS PAR THAL BA DANG, RNAM MKHYEN DE SNANG TSUL DANG GNAS TSUL MI MTHUN PA'I CHOS
, ,MA YIN PAR THAL BA SOGS SKYON MANG PO BYUNG BA'I PHYIR RO, ,KHYOD RANG GZHUNG CHEN MO MI BLTA BAR MA ZAD RANG GI MTHA' DPYOD YIG CHA TZAM YANG RDZOGS PAR MTHONG BA'I TSOD DU MI 'DUG BAS GZHAN 'GOG PA LA RENGS PAR MA BYED PAR RANG TSOD GZUNG BAR GYIS SHIG, /THA\ ,,KHO BOS GZHUNG 'DIS GRUB MTHAS BLO MA BSGYUR BA'I GANG ZAG GI RGYUD LA MTHONG SPANG DU GYUR BA'I MA RIG PA MED PAR BSHAD PA YIN GYI ZHES PA LA, /10\ ,KHYOD KYIS GRUB MTHAS BLO MA BSKYUR BA'I GANG ZAG GI RGYUD LA MTHONG SPANG NYON MONGS MED PAR THAL, MTHONG SPANG GI MA RIG PA MED PA'I PHYIR, KHYAB STE, MA RIG PA LA NYON MONGS CHEN PO'I SA MANG YOD PA'I PHYIR, 'DOD NA, BYA DANG RI DVAGS SOGS NGAN 'GRO BA'I RGYUD LA YANG MTHONG SPANG NYON MONGS MED PAR THAL LO, ` ,ZHES ZER TE, DE NI SHIN TU MI RIGS PA SMRA BA'I MTHAR THUG YIN TE, GRUB MTHA' BLO MA BSGYUR BA'I GANG ZAG GI RGYUD LA MTHONG SPANG GI MA RIG PA MED PA NI RJE BDAG NYID CHEN PO'I DGONGS BZHED YIN PA'I PHYIR TE, LAM RIM LAS, KUN BTAGS KYI MA RIG PA NI GRUB MTHA' SMRA BA DE DAG KHO NA LA YOD PAS 'KHOR BA'I RTZA BAR MI 'THAD PA'I PHYIR RO,, ZHES GSUNGS PA'I PHYIR, DES NA KHO BO'I NGAG RTZOM LA GZUR GNAS RNAMS KYIS BSTOD RA BYAS PA NA, KHYOD SHAS MI BZOD PA'I PHRAG DOG GI GDON
GYIS SEMS RANG DBANG MED PAR 'KHRUGS NAS MA 'BREL BA DANG MI 'THAD PA'I 'BYUNG RGYAL SNA TSOGS SMRAS PAR GDON MI ZA'O,, /DA\ ,,KHO BOS MI DGE BA YIN NA, NYON SGRIB YIN PA'I KHYAB PAR MNGON PA GONG 'OG GNYIS KAR KHYAD PAR MED PAR BSHAD CES PA LA, /11\ ,KHYOD KYIS MI DGE BA YIN NA, NYON SGRIB YIN PAS KHYAB PA MNGON PA GONG MAS KHAS LEN NA, DGRA BCOM PA'I RGYUD LA MI DGE BA 'JOG PA DANG 'GAL TSAB CHE STE, SEMS RNAL DU MI GNAS PA YIN NAM CHOS RDZE DPAL LDAN SNYING RE RJE, MI DGE BA YIN NA, NYON SGRIB YIN DGOS MI DGOS DPYAD RGYU YOD DO, LAS SGRIB LA MTSAMS MED LAS BZHAG PAS SDE LAS GSUNGS PA'I PHYIR, ` ,ZHES ZER BA NI, PHYOGS LNGA'I NAM MA LANGS PAR 'GAG PA'I NYI MA SHAR BA DE ZUR MA NYAMS SHING GRVA MA CHAG PAR 'ONGS PA YIN TE, KHO BOS MNGON PA GONG MA'I LUGS LA DGRA BCOM PA'I RGYUD LA MI DGE BA YOD PAR SKABS GANG DU YANG MA BSHAD PA'I PHYIR, GAL TE GONG DU SGO MANG GI RTEN 'BREL GYI YIG CHAR DGRA BCOM PA'I RGYUD LA MI DGE BA'I LAS YOD PAR BSHAD PA'I BSHAD TSUL BKOD PA DANG 'GAL ZER NA, DE NI CHES MI 'THAD DE, DE GNYIS LUGS THA DAD CING GZHUNG SO SO'I BSHAD TSUL YIN PAS 'GAL SKYON MI SRID PAR RIGS LAM LA BLO KHA PHYOGS PA'I BYIS PA CHUNG DUS KYANG SHES PAR NUS PA'I PHYIR, DPER NA RANG RGYUD PA'I LUGS
, ,LA DGRA BCOM PA'I RGYUD LA BDEN 'DZIN YOD KYANG, THAL 'GYUR BA'I LUGS LA BDEN 'DZIN LA NYON SGRIB KYIS KHYAB CES KHAS BLANGS PA LA 'GAL SKYON MED PA BZHIN NO, ,KHYOD KYIS 'DI TZAM YANG 'BYED MI THUB PAR GZHAN 'GOG PAR 'DOD PA NI RKANG PAS 'GRO MI THUB PA'I BYIS PA CHUNG DUS RTA MU RGOD BZHON PAR 'DOD PA DANG 'DRA'O, ,MNGON PA GONG MA'I LUGS LA MI DGE BA YIN NA NYON SGRIB YIN PAS KHYAB STE, DE YIN NA, NYON MONGS CAN YIN PAS KHYAB PA'I PHYIR TE, MI DGE BA DANG SGRIB LUNG MA BSTAN GNYIS NYON MONGS CAN DANG, DGE BA DANG MA SGRIB LUNG MA BSTAN GNYIS NYON MONGS CAN MA YIN PAR DAR t'IKA SOGS LAS GSAL BAR GSUNGS PA'I PHYIR RO, ,SKABS BZHI BA'I YIG CHAR SNYOMS 'JUG GI SGRIB PA YIN NA SGRIB PA YIN PAS KHYAB PA DANG, LAS SGRIB YIN NA SGRIB PA MA YIN PAS KHYAB PAR GSUNGS KYANG, DE GNYIS GA SGRAS ZIN LTAR DU KHAS LEN PAR MI RUNG STE, DE LTAR 'CHAD DGOS PA'I KHUNGS MI SRID PA'I PHYIR DANG, SGRAS ZIN LTAR DU KHAS LEN PA LA RIGS PA'I GNOD BYED KYANG YOD PA'I PHYIR DANG, RJES 'JUG GI MKHAS PA RNAMS KYIS KYANG DPYAD GZHIR MDZAD PA LAS SGRA JI BZHIN PAR KHAS BLANGS NAS 'THAD PAR BSGRUB PA MI SNANG BA'I PHYIR, RTAGS GZHAN SLA, GNYIS PA GRUB STE, BYING BA PHRA RAGS GNYIS SGRIB PA MA YIN PAR
LAM RIM CHEN MOR GSUNGS SHING, LAS SGRIB DANG MTSUNGS LDAN GYI MI DGE BA'I SA BA GNYIS YOD PA'I PHYIR, DANG POS LA, GNYIS PA GRUB STE, LAS SGRIB DANG MTSUNGS LDAN GYI MI DGE BA'I SEMS YOD PA'I PHYIR, BYAS PA LA KHO NA RE, DE DANG MTSUNGS LDAN GYI SEMS DE MI DGE BAR GYUR BA'I SEMS YIN KYANG, MI DGE BA'I SEMS MA YIN ZER NA, DE MI 'THAD PAR THAL, MI DGE BAR GYUR BA'I SEMS LA MI DGE BA'I SEMS DANG DGE BAR GYUR BA'I SEMS LA DGE BA'I SEMS ZHES PA YIN GYI, DE LAS GZHAN DU DGE MI DGE'I SEMS ZHES RVA CAN ZHIG MI RNYED PA'I PHYIR TE, MI DGE BAR GYUR PA'I SEMS DANG MI DGE BA'I SEMS GNYIS LA KHYAD PAR YOD PAR TSAD LDAN GYI GZHUNG GANG NAS KYANG MA BSHAD LA, RIGS PAS KYANG MI SGRUB PA'I PHYIR RO, ,DES NA RTZOD TSE YIG CHA'I RJES SU 'BRANG STE SNYOMS 'JUG GI SGRIB PA YIN NA, SGRIB PA YIN PAS KHYAB, LAS SGRIB YIN NA SGRIB PA MA YIN PAS KHYAB ZER MKHAN RE GNYIS YOD KYANG, MTHA' GCIG TU DE KHO NA BDEN GYI GZHAN NI GTI MUG GO SNYAM NAS YI GER BKOD PA NI MA SBYANGS PA'I SNYING KHAMS CAN KHYOD MIN PA MCHOG DMAN SU YANG MED DE, RJE 'JAM DBYANGS BZHAD PA'I YIG CHA LA SBYANGS PA MTHAR PHYIN PA'I MKHAS PA CHEN PO GUNG THANG BA DKON MCHOG BSTAN PA'I SGRON MES KYANG DPYAD
, ,GZHIR MDZAD PA'I PHYIR RO,, /NA\ ,,KHO BOS DGRA BCOM PA'I RGYUD LA SNGOM MIN MED PAR MNGON LA, BAR MA'I MI DGE BA YANG RTZA BA CHAD PAS GTONG DGOS PA'I PHYIR ZHES DGRA BCOM PA'I RGYUD LA GZUGS CAN GYI MI DGE BA MED PA'I SGRUB BYED DU BKOD PA LA, /12\ ,KHYOD KYIS DGRA BCOM PA'I RGYUD LA SNGOM MIN MED LA, SNGOM MIN MI GTONG BAR BSAM GTAN ZAG MED KYI SNGOM PA GANG YANG SKYE BA MED PA'I PHYIR ZHES DANG, BAR MA'I MI DGE BA ZER BA 'BREL MED KYI 'CHAL GTAM MO,, ` ,,ZHES ZER BA'I DANG PO LA DGOS PA CI YANG MED DE, KHO BOS RJES ZLOS BYAS PA TZAM YIN PA'I PHYIR, BAR MA'I MI DGE BA ZER BA 'BREL MED KYI 'CHAL GTAM MO ZHES PA NI PHRAG DOG GI GDON GYIS SEMS 'KHRUGS PA'I BRDOL GTAM YIN TE, CHOS MNGON PA BA RNAMS LA SNGOM PA'I BAR MA DGE BA DANG SNGOM MIN GYI BAR MA MI DGE BA ZHES RLUNG LTAR GRAGS PAR MA ZAD RGYA BOD KYI GZHUNG MANG POR SHIN TU GSAL BAR BSHAD 'DUG PA LA BSNYON 'DINGS PA'I PHYIR RO, ,BAR MA'I MI DGE BA YOD PA'I SHES BYED MTHA' YAS PA YOD PA LAS RE ZHIG MTSON TZAM SMOS NA, 'CHIMS MDZOD LAS, BAR MA'I GTONG TSUL NI BAR MA'I DGE MI DGE RIG BYED MA YIN PA NI RDZA MKHAN GYI 'KHOR LO 'AM MDA'I 'PHEN SHUGS LTAR RAB DU DANG BA DANG NYON MONGS PA'I SHUGS
GANG GIS RIG BYED MA YIN PA DE 'PHANGS PA NA 'PHANGS PA'I SHUGS DE CHAD PAS GTONG BA YOD DE, ZHES SOGS GSUNGS PA'I PHYIR, /PA\ ,KHO BOS THEG CHEN RIGS CAN DBANG PO RNO RTUL GANG YIN KYANG STONG NYID RTOGS PA'I SNGON DU SNYING RJE CHEN PO BSKYED DGOS PAS CHOS PHYI MA GNYIS KYI RTZA BAR GYUR BA'I SNYING RJE CHEN PO YANG DE LA BYED DO,, CES PA LA, /13\ ,KHYOD KYIS SKABS BZHI BA'I MTHA' DPYOD LAS DBANG RNON SNYING RJE'I SNGON DU STOD NYID RTOGS DGOS PAR GSUNGS SHING, DBANG RNON GYIS SEMS CAN SDUG BSNGAL DANG BRAL BAR BDAG GIS BYA'O SNYAM DU DAM BCA' PA LA RGYU MTSAN YANG DAG MTHONG DGOS SAM SNYAM STE THAG GCOD MI SNGA ZHIG, ` ,CES ZER BA NI SHIN TU MI 'THAD DE, DBANG RNON SNYING RJE'I SNGON DU STONG NYID RTOGS DGOS PAR GSUNGS PA THAMS CAD GZHAN DON KHUR DU 'KHYER BA'I SNYING RJE CHEN PO'I DBANG DU BYAS PA'I PHYIR, GDUL BYA DBANG RNON GYIS YUM MKHYEN GSUM GYI YON TAN LA YID CHES PA'I DAD PA BSKYED PA LA SNGON DU STONG NYID RTOGS DGOS PAR 'GREL CHUNG LAS GSUNGS PA DE MI LDOG PA'I DAD PA'I DBANG DU BYAS PA BZHIN YIN PA'I PHYIR, DE LTAR RJE GUNG THANG PA'I DRANG NGES DKA' 'GREL DU GSUNGS PAS DER LTOS SHIG, GZHAN DUN SNYING RJE CHEN PO YIN NA GZHAN DON KHUR DU 'KHYER PA'I SNYING RJE YIN PAS KHYAB PAR THAL BA'I PHYIR RO,, GZHAN YANG, DBANG RNON GYIS
, ,SNYING RJE LHAG BSAM BSKYED PA'I SNGON DU STONG NYID RTOGS DGOS GYI, SNYING RJE CHEN PO'I SNGON DU STONG NYID RTOGS MI DGOS TE, LNGA PA SNYING RJE DE SNYING RJE CHEN PO YIN LA THOG MAR GAL CHE BA'I SNYING RJE YANG YIN PA'I PHYIR TE, LAM RIM CHEN MO LAS, THOG MAR GAL CHE BA NI SNYING RJE CHEN POS YID BSKYOD NA SEMS CAN THAMS CAD 'KHOR BA LAS 'DON PA'I PHYIR NGES PAR DAM 'CHA' BAR 'GYUR LA, SNYING RJE DMAN NA DE LTAR BYED PA MI 'ONG BAS 'GRO BA MA LUS PA SGROL BA'I KHUR 'KHYER PA NI DE LA RAG LAS PA'I PHYIR RO,, ZHES THOG MAR GAL CHE BA'I SNYING RJE NI LHAG BSAM 'DREN BYED KYI SNYING RJE YIN PAR GSUNGS PA'I PHYIR DANG, DBANG RNON GYI RGYUD KYI CHOS PHYI MA GNYIS KYI RTZA BAR GYUR BA'I SNYING RJE YANG DE LA BYED PA'I PHYIR TE, GZHAN DU NA DBANG RNON GYI RGYUD KYI CHOS PHYI MA GNYIS KYI RTZA BAR GYUR BA'I SNYING RJE CHEN PO MI SRID PAR 'GYUR BA'I PHYIR RO, ,KHYOD KYIS DBANG RNON SNYING RJE'I SNGON DU STONG NYID RTOGS DGOS PA'I SGRUB BYED DU LHAG BSAM GYI SNGON DU STONG NYID RTOGS DGOS PA'I SGRUB BYED BKOD PA 'DI AE MA MKHAS PAS BLTAS NA BZHAD GANG KYI GNAS SO,, /PHA\ ,, KHO BOS GANG BRTEN 'BYUNG YIN NA, BDEN MED YIN PAS KHYAB, DPER NA GZUGS BRNYAN BZHIN, GANG ZAG KYANG RTEN 'BYUNG YIN NO,, ZHES PA'I SGRUB NGAG BKOD PA SKABS SU BABS PA'I PHYI RGOL YANG DAG GIS
GZUGS BRNYAN BDEN MED DU RTOGS KYANG CHOS KYI BDAG MED MA RTOGS TE, CHOS KYI BDAG MED GSAR DU RTOGS PA LA GDAGS GZHI PHUNG PO'I STENG GI STONG NYID RTOGS DGOS PA'I PHYIR, ZHES PA LA, /14\ ,KHYOD KYIS GZUGS BRNYAN BDEN MED RTOGS PAN CHOS KYI BDAG MED MA RTOGS NA'O NA GZUGS BRNYAN BDEN MED CHOS CAN, BDAG MED PHRA MO YIN PAR THAL, CHOS KYI BDAG MED PHRA MO YIN PA'I PHYIR, DE RTOGS NA STONG NYID RTOGS PAS KHYAB PAR THAL, 'DOD PA'I PHYIR, MA KHYAB NA, GZUGS BRNYAN BDEN MED RTOGS PA'I DNGOS SMRA PA YOD PAR THAL, DE RTOGS NA STONG NYID RTOGS MI DGOS PA'I PHYIR, ` ,ZHES ZER BA NI SHIN DU MI RIGS TE, PHYOGS SNGA SMRA BA'I 'DOD TSUL NGOS MA ZIN PAR DGAG PA BYAS PA DANG, RANG NYID LUNG RIGS DU MA DANG 'GAL BA'I PHYIR, DANG PO GRUB STE, KHO BOS GZUGS BRNYAN BDEN MED RTOGS PA LA CHOS KYI BDAG MED RTOGS PAS MA KHYAB CES PA LA, KHYOD KYIS GZUGS BRNYAN BDEN MED RTOGS PA LA STONG NYID RTOGS PAS MKHYAB CES PA YIN PAR NOR BA'I PHYIR, GNYIS PA MA GRUB NA, GZUGS BRNYAN BDEN MED RTOGS PA'I GANG ZAG YIN NA, CHOS KYI BDAG MED RTOGS PAS KHYAB PAR THAL, GZUGS BRNYAN BDEN MED DE CHOS KYI BDAG MED PHRA MO YIN PA'I PHYIR, RTAGS KHYAB KHAS, 'DOD NA, STONG NYID RTOGS PA'I GANG ZAG YIN NA, CHOS
, ,KYI BDAG MED RTOGS PAS KHYAB PAR THAL, 'DOD PA'I PHYIR, 'DOD NA, GANG ZAG CHOS CAN, RANG NGOS NAS MA GRUB STE, RTEN 'BYUNG YIN PA'I PHYIR, DPER NA, GZUGS BRNYAN BZHIN, ZHES PA'I SBYOR BA'I PHYIR RGOL YANG DAG CHOS CAN, CHOS KYI BDAG MED RTOGS PAR THAL, STONG NYID RTOGS PA'I GANG ZAG YIN PA'I PHYIR TE, DE 'DRA'I PHYIR RGOL YANG DAG YIN P'I PHYIR, 'DOD NA, DE CHOS CAN, GANG ZAG GI BDAG MED RTOGS PAR THAL CHOS KYI BDAG MED RTOGS PA'I GANG ZAG YIN PA'I PHYIR, 'DOD NA, DE CHOS CAN, GANG ZAG RANG NGOS NAS MA GRUB BRTOGS PAR THAL, GANG ZAG GI BDAG MED RTOGS PA'I PHYIR, 'DOD MI NUS STE, DE 'DRA'I PHYIR RGOL YANG DAG YIN PA'I PHYIR RO, CHOS KYI BDAG MED RTOGS PA'I GANG ZAG YIN NA, GANG ZAG GI BDAG MED RTOGS PAS KHYAB CES THEG CHEN GRUB MTHA' SMRA BA KUN GYIS 'DOD LA, RANG RE'I DBU MA'I YIG CHA'I DGONGS PA YANG YIN PA LTAR, RJE GUNG THANG BAS KYANG RNAM THAR SGO BA GSUM KYI RNAM BZHAG DU GSAL PAR GSUNGS 'DUG PA LA, KHYOD KYIS CHOS KYI BDAG MED PHRA MO YI NA, KHYOD RTOGS PA'I GANG ZAG CHOS KYI BDAG MED RTOGS PAS KHYAB CES PA 'DI NI THAL DANG GANG GIS YANG LUGS MIN LA, 'DI LA DPAG NA KHYOD GRVA MA CHEN MOR BZHUGS KYANG SLOB GNYER MA BYAS PA ZHIG YIN PAR MNGON NO,, /BA\ ,,KHO BOS 'JIG RTEN PA'I SHES PA LA LTOS TE KUN RDZOB LA YANG LOG GNYIS SU DBYE BA YOD LA, 'JIG RTEN PA'I
ZHES PA'I DOR KUN RDZOB LA YANG LOG GNYIS SU DBYE BA MED CES BSHAD PA LA, /15\ ,KHYOD KYIS GZUGS SOGS DON LNGA 'JIG RTEN PA'I SHES PA'I NGOR LOG PA YIN KYANG, 'JIG RTEN PA'I SHES PA LA LTOS TE YANG DAG YIN PAR THAL, KHYOD DE GNYIS LA KHYAD 'BYED PA DE'I PHYIR, RTAGS KHAS, 'DOD NA, GZUGS 'JIG RTEN SHES NGO LA LTOS TE YANG DAG CHOS CAN, THA SNYAD PA'I TSAD MAS 'JOG PAR THAL, THA SNYAD BDEN PA YIN PA'I PHYIR, RTAGS KHAS, 'DOD NA, THA SNYAD PA'I TSAD MA DE YANG DAG 'JOG BYED MA YIN PAR THAL, LOG PAR 'JOG BYED YIN PA'I PHYIR, DER THAL, DE'I DOR LOG PA YIN PA'I PHYIR, KHYOD KYIS DE'I DOR LOG PA DANG DE LA LTOS TE LOG PA GNYIS LA KHYAD 'BYED PA'I PHYIR, RTAGS KHAS, YANG GZUGS SOGS LOG PA YIN PA CHOS CAN, 'JIG RTEN SHES NGO LA LTOS TE YONG PAR THAL, DE'I RNYED DON YIN PA'I PHYIR, 'DOD NA, 'JIG RTEN SHES DO LA LTOS TE GZUGS YANG DAG YIN PA DANG LOG PA YIN PA GNYIS MED PAR THAL, 'DOD PA'I PHYIR, 'DOD NA, 'JIG RTEN SHES NGO LA LTOS TE YUL LNGA YANG DAG YIN PA DANG LOG PA MIN PA GNYIS KA YIN PAR THAL LO SOGS MTHA' YAS SO,, ` ,, ZHES ZER, DE NI MTSAN NYID PA RNAMS LA SBYOR LOG SKYON CAN ZHES GRAGS PA DE GRVA ZUR CUNG ZANG KYANG MA NYAMS PAR 'ONGS PA YIN KYANG, BLO GROS KYI NOR GYIS PHONGS SHING PHRAG DOG GI GDON GYIS BRLAMS PA'I MKHAS PAR RLOM PA
, ,LA TSOGS BAR DBYUNG DU MI RUNG BA'I GTAM GANG YANG MED PAS DE BSDUN LAN CUNG ZAD BRJOD NA, KHYOD KYIS SMRAS BA 'DI NI RDO RJE'I BRAG LA KHU TSUR BSNUN PA DANG 'DRA STE, KHO BO'I KHAS LEN LA CUNG ZAD KYANG MI GNOD PA'I PHYIR, DER THAL, GZUGS SOGS YANG DAG PAR 'JOG BYED KYI THA SNYAD PA'I TSAD MA MED KYANG, GZUGS SOGS 'JIG RTEN PA'I SHES PA LA LTOS TE YANG DAG PAR 'JOG BYED KYI THA SNYAD PA'I TSAD MA YOD LA, GZUGS SOGS LOG PAR 'JOG BYED KYI THA SNYAD PA'I TSAD MA YOD KYANG, GZUGS SOGS 'JIG RTEN PA'I SHES PA LA LTOS TE LOG PAR 'JOG BYED KYI THA SNYAD PA'I TSAD MA MED CES PA'I LAN 'DIS KHYOD KYI RTZOD PA LTAR SNANG DE MA LUS PAR SEL BA'I PHYIR RO,, GZHAN YANG, GZUGS SOGS 'JIG RTEN PA'I SHES PA LA LTOS TE YANG DAG YIN PA DE 'JIG RTEN PA'I SHES PA LA LTOS TE YANG DAG DANG 'JIG RTEN PA'I SHES PA'I POR LOG PA GNYIS KA YIN LA, GZUGS SOGS LOG BA YIN PA DE YANG 'JIG RTEN PA'I SHES PA LA LTOS TE YANG DAG DANG 'JIG RTEN PA'I SHES PA'I DOR LOG PA GNYIS KA YIN ZHES BA LA RIGS PA'I GNOD PA CI YANG MED NA, KHYOD KYI SBYOR LOG SKYON BRJOD KYIS MI GNOD PA LTA CI SMOS, /MA\ ,KHO BOS 'JIG RTEN PA'I SHES PA LA LTOS TE YANG DAG KUN RDZOB YOD PAR BSHAD PA YIN GYI, 'JIG RTEN PA'I SHES DON YANG DAG
KUN RDZOB YOD PAR RJE BDAG NYID CHEN POS MA GSUNGS PA'I PHYIR DANG, DPER NA GRONG KHYER GYI RTZIGS PA LA DBANG PHYUG DANG KHYAB 'JUG GI GZUGS BRIS PA LA, GRONG GI MI GCIG GIS 'KHOR LO THOGS PA NI DBANG PHYUG DANG RTZE GSUM THOGS PA NI KHYAB 'JUG YIN ZER BA LA, MI GZHAN ZHIG GIS 'KHOR LO THOGS PA NI KHYAB 'JUG DANG RTZE GSUM THOGS PA NI DBANG PHYUG YIN ZER NAS RTZOD PA DANG, YANG DE GNYIS KYI NYE 'KHOR NA GNAS PA'I KUN TU RGYU ZHIG LA BDEN RDZUN GANG YANG DRIS PA'I TSE, KUN TU RGYU NGES DANG POS SMRAS PA NI MI BDEN LA GNYIS PAS SMRAS PA NI BDEN ZHES LAN BTAB PA BZHIN YIN PA'I PHYIR TE, LHA GZUGS DE GNYIS LA DRIS LAN BYED PA PO'I BSAM PA LA LTOS TE DBANG PHYUG DANG KHYAB 'JUG YIN MIN GYI KHYAD PAR YOD KYANG, DE DAG GI BSAM DOR DBANG PHYUG DANG KHYAB 'JUG YIN MIN GYI KHYAD PAR YOD CES KHAS LEN MI RUNG BA'I PHYIR TE, DE DAG BRIS PA'I LHA GZUGS LHAR 'KHRUL BA'I GANG ZAG MA YIN PA'I PHYIR, ZHES BRIS PA LA, /16\ ,KHYOD KYIS RTZIGS NGOS LA BRIS PA'I 'KHOR LO THOGS PA'I KHYAB 'JUG GI SKU GZUGS DE YANG LOG GANG YIN, 'JIG RTEN SHES NGOR 'KHOR LO THOGS PA KHYAB 'JUG YIN PA YANG DAG DANG DBANG PHYUG YIN PA LOG PA YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE KHYAB 'JUG YIN PA 'JIG RTEN SHES NGO LA LTOS TE
, ,YANG DAG YIN KYANG DE'I NGOR LOG PA MA YIN PAR THAL, 'DOD PA'I PHYIR, 'DOD NA DNGOS 'GAL, 'KHOR LO THOGS PA KHYAB 'JUG DANG DBANG PHYUG YIN PA GNYIS KA 'JIG RTEN SHES NGOR LOG PA 'DRA BAR THAL LO, ,'DOD NA, 'JIG RTEN SHES NGOR LOG PA DANG DE LA LTOS TE LOG PA GNYIS KHYAD PAR MED PAR THAL, DE GNYIS YIN KHYAB MNYAM YIN PA'I PHYIR, DE'I NGOR LOG PA YIN NA DE LA LTOS TE LOG PA YIN PAS KHYAB PA'I PHYIR, DER THAL, DBANG PHYUG GI BRIS SKU DBANG PHYUG YIN PA DE'I NGOR YANG DAG DANG DE LA LTOS TE YANG DAG GNYIS KA YIN PA'I PHYIR, DES KHYAB 'JUG YIN PA LOG PA 'DRA BA'I PHYIR, ` ,ZHES ZER TE, DE NI RANG GI GRIB MA'I GZUGS LA DGRAR 'KHRUL NAS MTSON BSNUN PA DANG 'DRA STE, PHYOGS SNGA SMRA BA'I 'DOD TSUL KHYOD KYIS BKOD PA DE LTAR KHO BOS SKABS GANG DU YANG MA SHAD PA'I PHYIR DANG; KHYOD RNAM RTOG GIS GSAR DU GZOS NAS DE LA SKYON BRJOD PA YIN PA'I PHYIR, GZHAN YANG, 'KHOR LO THOGS PA'I LHA GZUGS DE GNOD MED KYI DBANG PO DRUG PO GANG RUNG GI YUL YIN PAS NA 'JIG RTEN PA'I SHES PA LA LTOS TE YANG DAG KUN RDZOB YIN LA, 'KHOR LO THOGS PA'I LHA GZUGS DE KHYAB 'JUG GAM DBANG PHYUG YIN PA NI 'JIG RTEN PA'I SHES PA LA LTOS TE YANG DAG KUN RDZOB MA YIN TE, MED PA YIN PA'I PHYIR, 'ON KYANG 'KHOR LO THOGS PA'I LTA GZUGS
DE DRIS LAN BYED PA PO'I BSAM PA LA LHOS TE KHYAB 'JUG YIN PA NI YANG DAG DANG DBANG PHYUG YIN PA NI LOG PA YIN NO,, KHYOD KYIS DE TZAM GYI KHYAD PAR YANG MI SHES PAR KHO BO DANG RTZOD PAR 'DOD PA NI SHING GI RAL GRI THOGS NAS DPUNG TSOGS YAN LAG BZHI LDAN GYI DMAG DANG 'THAB PAR 'DOD PA BZHIN NO, ,KHYAB 'JUG GI SKU GZUGS DE DRIS PA PO'I BSAM PA LA LTOS TE KHYAB 'JUG YIN KYANG DE NYID DRIS PA PO'I BSAM NGOR KHYAB 'JUG MA YIN PA DE, GZUGS SOGS 'JIG RTEN PA'I SHES PA LA LTOS TE YANG DAG YIN KYANG 'JIG RTEN PA'I SHES PA'I NGOR YANG DAG MA YIN PA'I DPER BKOD PA LA, KHYAB 'JUG GI SKU GZUGS DE 'JIG RTEN PA'I SHES PA LA LTOS TE KHYAB 'JUG YIN PA YANG DAG YIN PAR BSHAD SNYAM DU 'KHRUL PA NI, SGRON GSAL LAS, ZLA BLTA 'DOD SOR MO'I RTZE LA BLTA DANG MTSUNGS, ,ZHES GSUNGS PA LTAR MI ZHIG ZLA BA SOR MOS BSTAN PA'I TSO BYIS PA CHUNG DUS SOR MO'I RTZE MOR ZLA BAR BZUNG BA DANG KHYAD PAR CI YANG MED DE, ,DE DANG DE'I DPER BKOD NA DE DANG DE YIN PAS KHYAB ZER NA, 'DUS MA BYAS KYI NAM MKHA' YONGS GRUB YIN PAR THAL BAR 'GYUR TE, DGONGS 'GREL LAS, NAM MKHA' YONGS GRUB KYI DPER DGOD PA'I PHYIR RO, ,GZHAN YANG, 'JIG RTEN PA'I SHES PA LA LTOS TE YANG DAG KUN RDZOB YOD KYANG, 'JIG RTEN PA'I SHES PA'I NGOR YANG DAG KUN RDZOB MED DE, THA SNYAD PA'I SHES PA'I NGOR YANG DAG KUN RDZOB MED P'I
, ,PHYIR TE, THA SNYAD PA'I TSAD MA'I NGOR YANG DAG KUN RDZOB MED PA'I PHYIR, DER THAL, TSAD MA'I NGOR YANG DAG KUN RDZOB MED PA'I PHYIR TE, YANG DAG KUN RDZOB MED PA'I PHYIR, KHYAB STE, YOD NA TSAD MA'I NGOR KHYOD YOD PAS KHYAB PA'I PHYIR, DER THAL, YOD NA TSAD MA'I GZHAL BYA YIN PAS KHYAB PA'I PHYIR RO, ,GZHAN YANG, THA SNYAD PA'I SHES PA LA LTOS TE LOG PA DANG, THA SNYAD PA'I SHES PA'I NGOR LOG PA GNYIS GTAN MI 'DRA BA STE, THA SNYAD PA'I SHES PA LA LTOS TE YUL CAN LOG PA DANG THA SNYAD P'I SHES PA'I DOR YUL CAN LOG PA GNYIS GTAN MI 'DRA BA'I PHYIR, DER THAL, THA SNYAD PA'I SHES PA LA LTOS TE 'KHRUL SHES YIN PA DANG THA SNYAD PA'I SHES PA'I NGOR 'KHRUL SHES YIN PA GNYIS GTAN NAS MI 'DRA BA'I PHYIR, MA GRUB NA, THA SNYAD PA'I SHES PA'I NGOR 'KHRUL SHES YIN NA THA SNYAD PA'I SHES PA LA LTOS TE 'KHRUL SHES YIN PAS KHYAB PAR THAL, RTAGS MA GRUB PA DE'I PHYIR, 'DOD NA, DBANG PO'I SHES PA RNAMS CHOS CAN, DER THAL, DE'I PHYIR, DER THAL, 'KHRUL SHES YIN PA'I PHYIR, 'DOD MI NUS TE, RIGS SHES LA LTOS TE 'KHRUL SHES YIN PA'I PHYIR TE, RIGS SHES LA LTOS TE 'KHRUL SHES YIN PA'I PHYIR TE LAM RIM CHEN MO LAS, DE RNAMS 'KHRUL BAR 'JOG PA'I RGYU MTSAN SNANG BA LTAR GYI RANG GI MTSAN NYID KYIS GRUB PA'I RANG BZHIN YOD MED DPYOD PA'I RIGS PA'I SHES PAS 'GRUB PA YIN GYI THA SNYAD PA'I TSAD MAS GTAN MI 'GRUB PAS THA SNYAD PA'I SHES PA LA LTOS TE 'KHRUL BA MA YIN
NO; ;ZHES GSUNGS PA'I PHYIR, DBANG SHES RNAMS GANG LA LTOS TE 'KHRUL SHES SU 'JOG PA'I SHES PA NI RIGS SHES DANG, GANG GI DOR 'KHRUL SHES SU 'JOG PA'I SHES PA NI THA SNYAD PA'I SHES PA YIN PAR GZHUNG 'DI LAS SHIN TU GSAL BAR THON PA'I PHYIR RO,, 'DI'I RIGS PAS ZLA BA GNYIS SNANG GI DBANG SHES GANG LA LTOS TE LOG SHES SU 'JOG PA'I SHES PA NI ZLA BA GNYIS SNANG GI DBANG SHES KYI SNANG TSUL LTAR DU MA GRUB PAR RTOGS PA'I TSAD MA DANG, GANG GI NGOR LOG SHES SU 'JOG PA'I SHES PA NI ZLA BA GNYIS SNANG GI DBANG SHES SU RTOGS PA'I TSAD MA 'JOG DGOS PAS CHES MI 'DRA BA'I PHYIR, GZHAN YANG, GZUGS SOGS GANG LA LTOS TE YANG DAG PAR 'JOG PA'I SHES PA NI YIN TSUL LA JI LTAR YIN MI DPYOD PA'I THA SNYAD PA'I TSAD MA DANG, GANG GI NGOR YANG DAG PAR 'JOG PA'I SHES PA NI BDEN 'DZIN YIN PAS MI 'DRA STE, 'JIG RTEN PA'AM THA SNYAD PA'I TSAD MA LA LTOS NAS YANG DAG DANG LOG PA'I KUN RDZOB TU 'JOG PAR LAM RIM CHUNG NGUR GSUNGS KYANG, GZUGS SOGS GANG GI NGOR YANG DAG PAR 'JOG PA'I SHES PA NI BDEN 'DZIN YIN PA DE STONG MTHUN GYI DGONGS PA YIN PA LTAR YIG CHAR YANG GSUNGS PA'I PHYIR RO, , SKABS 'DI'I YIG CHAR BSHAD TSUL MI 'DRA BA DU MA BKOD PA YIN PAS RIGS PAS ZHIB TU DPYAD NAS 'THAD PA LEN DGOS KYI, KHYOD DANG 'DRA BAR YIG CHA'I PHYOGS GCIG TZAM LA ZHEN TE DE KHO NA 'THAD KYI GZHAN NI MI 'THAD DO,
, ,CES BZUNG BA NI BLUN PO'I RTAGS SO,, /TZA\ ,,YANG KHYOD KYIS THA SNYAD PA'I TSAD MA LA LTOS TE YANG DAG YOD PAR THAL, 'DOD PA'I PHYIR, 'DOD NA, DE 'DRA'I YANG DAG YOD PA RIGS SHES KYIS RTOGS PAR THAL, 'JIG RTEN PA'I SHES PA'I NGOR YANG DAG KUN RDZOB YOD PAR RJE BDAG NYID CHEN POS MA GSUNGS PA'I PHYIR, RTAGS KHAS, 'JIG RTEN SHES NGO LA LTOS PA'I YANG DAG KUN RDZOB CHOS CAN, 'JIG RTEN PA'I SHES P'I NGOR YOD PAR THAL, THA SNYAD BDEN PA YIN PA'I PHYIR, RTAGS KHAS, 'DOD NA, 'JIG RTEN SHES NGO LA LTOS PA'I YANG DAG KUN RDZOB DE 'JIG RTEN SHES NGOR YOD NA DE'I NGOR YANG DAG YOD RTEN DGOS LA, DE'I NGOR MED NA KUN RDZOB BDEN PA MIN DGOS LA, DE LTAR NA MED DGOS PA'I PHYIR, /19\ ,ZHES ZER TE, 'DI NI GANG YANG MA SLAB CI YANG MI SHES PA'I GTAM YIN TE, 'JIG RTEN PA'I SHES NGOR 'JIG SHES NGO LA LTOS TE YANG DAG KUN RDZOB YOD KYANG, 'JIG RTEN PA'I SHES NGOR YANG DAG KUN RDZOB MED CES PA'I LAN BYA REG GIS MA ZOS PA'I PHYIR, 'O NA KHYOD RANG LA 'JIG RTEN PA'I SHES PA LA LTOS TE YANG DAG KUN RDZOB YOD NA YANG DAG KUN RDZOB YOD PAS KHYAB PAR THAL, DE GNYIS KA 'JIG RTEN PA'I SHES PA'I NGOR YOD NA YOD KHYAB MNYAM DANG, MED NA MED KHYAB MNYAM YIN PA'I PHYIR, RTAGS KHAS, 'DOD NA, RTZA 'JUG GI RNAM BSHAD CHEN MO GNYIS DANG LAM RIM CHUNG DU SOGS
SU YANG DAG KUN RDZOB MED PAR BSHAD PA MI 'THAD PAR THAL LO,, /TSA\ ,,KHO BOS 'JUG PA'I t'IKA CHEN LAS LOG PA'I KUN RDZOB MED PAR GSUNGS PA LTA BUR BKOD PA LA, /18\ ,KHYOD KYIS KUN RDZOB YIN NA, LOG PA'I KUN RDZOB YIN DGOS PAR THAL, YANG DAG KUN RDZOB MED PA'I PHYIR, DER THAL, 'JIG RTEN SHES NGO'I YANG DAG YOD KYANG THAL 'GYUR BA RANG LUGS KYI YANG DAG MED PA'I PHYIR, ` , ZHES ZER TE, DE SHIN TU MI 'THAD DE, DE NI RANG TSIG DNGOS 'GAL DU SONG BA NGO MI SHES PA'I GTAM YIN PA'I PHYIR, MA GRUB NA, GZUGS SOGS DON LNGA CHOS CAN, LOG PA'I KUN RDZOB YIN PAR THAL, KUN RDZOB YIN PA'I PHYIR, KHYAB PA KHAS, 'DOD NA, DE CHOS CAN, 'JIG RTEN PA'I SHES NGO LA LTOS TE LOG PA'I KUN RDZOB YIN PAR THAL, 'JIG RTEN PA'I SHES NGOR LOG PA'I KUN RDZOB YIN PA'I PHYIR, MA KHYAB NA, DNGOS 'GAL, DER THAL, DE GNYIS KHYAD PAR MED PAR KHYOD KYIS KHAS BLANGS PA'I PHYIR, 'DOD NA, KUN RDZOB BDEN PA YIN NA, 'JIG RTEN PA'I SHES PA LA LTOS PA'I LOG PA'I KUN RDZOB YIN PAS KHYAB PAR THAL LO,, \DZA/ ,,KHO BOS DBANG SHES RNAMS THA SNYAD PA'I SHES NGOR 'KHRUL PA YIN KYANG THA SNYAD PA'I SHES PA LA LTOS TE 'KHRUL PA MIN PAR BSHAD PA LA, /19\ ,KHYOD KYIS PHRAL GYI 'KHRUL RGYUS MA BSLAD PA'I DBANG SHES RNAMS THA SNYAD PA'I
, ,TSAD MA'I NGOR 'KHRUL SHES YIN PAR THAL, DE'I NGOR 'KHRUL BA YIN PA'I PHYIR, 'DOD NA, DE 'KHRUL SHES SU RTOGS PA'I THA SNYAD PA'I TSAD MA RANG DGA' BA YOD PAR THAL, DE'I NGOR 'KHRUL SHES YIN PA'I PHYIR, RTAGS KHAS, 'DOD NA, GNOD MED KYI DBANG GI DRUG GI SHES PA CHOS CAN, 'JIG RTEN SHES NGO LA LTOS TE YUL CAN LOG PA YIN PAR THAL, KHYOD 'KHRUL SHES SU RTOGS PA'I 'JIG RTEN PA'I SHES PA RANG DGA' BA YOD PA'I PHYIR, RTAGS KHAS, ` ,ZHES ZER TE, DE NI SHIN TU MI 'THAD PAR THAL, RANG GI TSIG LA'ANG GZHAN LA 'PHANGS PA'I SKYON DE DAG MTSUNGS PAR 'BYUNG BA'I PHYIR, MA GRUB NA, DBANG PO'I SHES PA RNAMS CHOS CAN, THA SNYAD PA'I TSAD MA'I NGOR 'KHRUL SHES YIN PAR THAL, 'KHRUL SHES YIN PA GANG ZHIG ,RIGS SHES KYI NGOR 'KHRUL SHES MED PA'I PHYIR, 'DOD NA, DE CHOS CAN, KHYOD 'KHRUL SHES SU RTOGS PA'I THA SNYAD PA'I TSAD MA RANG DGA' BA YOD PAR THAL, KHYOD THA SNYAD PA'I TSAD MA'I NGOR 'KHRUL SHES YIN PA'I PHYIR, MA KHYAB NA, DNGOS 'GAL LO,, 'DOD NA, DE CHOS CAN, 'JIG RTEN PA'I SHES PA LA LTOS TE YUL CAN LOG PA YIN PAR THAL, KHYOD 'KHRUL SHES SU RTOGS PA'I 'JIG RTEN PA'I SHES PA RANG DGA' BA YOD PA'I PHYIR, RTAGS GSAL KHYAB GSUM KHAS, GZHAN YANG, 'JIG RTEN PA'I SHES PA LA LTOS TE
YANG DAG KUN RDZOB YOD KYANG, 'JIG RTEN PA'I SHES PA'I NGOR MED PA'I KHYAD PAR NI MKHAS RLOM KHYOD LTA BU'I SPYOD YUL TU MA GYUR KYANG, BLO GROS DANG LDAN PA RNAMS LA KHO BOS CUNG ZAD 'CHAD NA, LUGS 'DIR SHES BYA YANG DAG PA DANG, SHES BYA PHYIN CI MA LOG PA DANG, MA 'KHRUL PA'I SHES PA'I RNYED DON DANG, DON DAM BDEN PA DANG, BDEN PA RNAMS DON GCIG YIN LA, YANG DAG PA MA YIN PA'I SHES BYA DANG, SHES BYA PHYIN CI LOG DANG, 'KHRUL BA'I SHES PA'I RNYED DON DANG, KUN RDZOB BDEN PA DANG, RDZUN PA RNAMS DON GCIG YIN PA NI RANG RGYUD 'GOG PA'I SKABS KYI TSIG GSAL GYI DGONGS PA YIN NO,, DES NA YANG DAG PA'I KUN RDZOB MED DE, DON DAM BDEN PAR GYUR BA'I KUN RDZOB MED PA'I PHYIR, 'JIG RTEN PA'I SHES PA'I NGOR YANG DAG KUN RDZOB MED DE, DE'I NGOR DON DAM BDEN PA MED PA'I PHYIR, 'JIG RTEN PA'I SHES PA LA LTOS TE YANG DAG KUN RDZOB YOD DE, 'DI'I YANG DAG NI DBU MA PA LA GRAGS PA'I BDEN PA LA MI BYED KYI, 'JIG RTEN NA GRAGS PA'I BDEN PA LA BYED PA'I PHYIR, DER THAL, 'JIG RTEN NA RTA DANG SGYU MA'I RTA GNYIS RIM BZHIN BDEN PA DANG RDZUN PAR GRAGS PA'I PHYIR, KHYEB STE, SKABS 'DI'I YANG LOG NI 'JIG RTEN PA LA LTOS PA'I BDEN RDZUN LA BYED PA'I PHYIR TE, DE LTAR YIN PAR MKHAS GRUB CHEN PO LCANG SKYA ROL PA'I RDO RJES KYANG BSHAD LA, RANG RE'I YIG CHAR YANG SKABS 'GAR DE LTAR BSHAD PA'I PHYIR DANG, SKABS 'DI'I
, ,YANG LOG GI MTSAN GZHIR RIM BZHIN GZUGS SOGS DANG GZUGS BRNYAN SOGS BZHAG PAS KYANG BLO GROS KYI MIG YOD NA LNGAR LTAR YIN PAR GSAL PAR GO NUS PA'I PHYIR RO, DE LTAR MA YIN PAR BDEN 'DZIN GYI NGOR BDEN PA YIN PAS YANG DAG DANG, 'JIG RTEN PA'I TSAD MA'I DOR RDZUN PA YIN PAS SKABS 'DI'I LOG PAR 'JOG NA NI, GZUGS BRNYAN SOGS SKABS 'DI'I YANG DAG DANG, GZUGS SOGS KYANG SKABS 'DI'I LOG PAR THAL PAR 'GYUR TE, GZUGS BRNYAN SOGS NI BDEN 'DZIN GYI NGOR BDEN PA DANG, GZUGS SOGS NI 'JIG RTEN PA'I TSAD MA'I DOR RDZUN PA YIN PA'I PHYIR, RANG RGYUD PA RNAMS NI SHES BYA YANG DAG PA DANG SHES BYA PHYIN CI MA LOG PA DANG, MA 'KHRUL PA'I SHES PA'I RNYED DON GANG RUNG YIN NA, DON DAM BDEN PA YIN PAS KHYAB PAR MI 'DOD DE, DE'I LUGS LA GZUGS LA SOGS PA'I KUN RDZOB BDEN PA RNAMS KYANG SHES BYA YANG DAG PA YIN PA'I PHYIR TE, DE DAG RANG MTSAN SNANG BA LA LTOS TE MA KHRUL PA'I SHES PA'I RNYED DON YIN PA'I PHYIR, RANG MTSAN SNANG BA LA LTOS TE MA 'KHRUL PA'I SHES PA'I RNYED DON NI SHES BYA YANG DAG PA'I 'JOG BYED YIN PA'I PHYIR, LEGS BSHAD SNYING PO LAS, SHES PA RANG MTSAN SNANG BA LA LTOS TE MA 'KHRUL BA'I RNYED DON NI SHES BYA YANG DAG PA'I 'JOG BYED DU 'GRUB PAS, ZHES GSUNGS PA'I PHYIR, SHES
PA NI RANG GSAL BAR SNANG BA'I BLO LA RANG GI MTSAN NYID KYIS GRUB PAR SNANG BA LTAR DU YOD PAS YUL CAN LA YANG LOG GNYIS MI BYED KYANG, GZUGS SOGS DANG GZUGS BRNYAN SOGS RIM BZHIN RANG GSAL BAR SNANG BA'I BLO LA JI LTAR SNANG BA LTAR GYI RANG GI MTSAN NYID KYIS YOD PA DANG MED PA'I PHYIR YANG DAG PA DANG LOG PA'I KUN RDZOB TU 'DOD DO, ,THAL 'GYUR BAS SHES BYA YANG DAG DANG KUN RDZOB BDEN PA GNYIS 'GAL BAR 'DOD PAS YANG DAG KUN RDZOB MED BZHED LA, CHU DANG SMIG RGYU LTA BU LA 'JIG RTEN NA YANG DAG PA DANG LOG PA DANG, MI BSLU BA DANG BSLU BA'I KHYAD PAR YOD PAR GRAGS PA LTAR, 'JIG RTEN PA'AM THA SNYAD PA'I TSAD MA LA LTOS TE YANG DAG PA DANG LOG PA'I KUN RDZOB GNYIS YOD PAR BZHED DO, ,YANG DAG KUN RDZOB CES PA'I YANG DAG DANG, 'JIG RTEN PA'I SHES PA LA LTOS PA'I YANG DAG CES PA'I YANG DAG NI MING 'DRA YANG DON MI 'DRA STE, YANG DAG SNGA MA NI DBU MA PA LA GRAGS PA'I BDEN PA DANG, YANG DAG PHYI MA NI 'JIG RTEN GRAGS PA'I BDEN PA LA BYED PA'I PHYIR, DPER NA MI LA LA YOD LA LA MED CES PA'I LA LA DON GCIG MIN PA BZHIN NO,, /WA\ ,,KHO BOS RANG RE'I YIG CHAR SHES SGRIB ZHIG PA SHES SGRIB YIN PA DANG, RGYUN MTHA' BA'I RGYUD LA SHES SGRIB ZHIG PA MED PA DANG, 'DAS MA 'ONGS SU 'JOG PA LA GTAN BRLAG MA YIN PA DGOS PAR BSHAD KYANG, ZHES PA LA, /20\ ,KHYOD KYIS SHES SGRIB ZHIG PA CHOS CAN
, ,RGYUN MTHA' BA'I RGYUD LA DGAG ZIN PAR THAL, SHES SGRIB YIN PA'I PHYIR, DE LTAR MIN NA SHES SGRIB KYI ZHIG PA LA SHES SGRIB SKAD CIG GNYIS PA 'JOG PAR THAL, KHYOD KYIS RDZAS RGYUN GCIG 'JOG PA'I PHYIR, 'DOD NA, BAR CHAD MED LAM ZHIG PA LA RNAM GROL LAM 'JOG PAR THAL, 'DOD PA'I PHYIR, 'DOD NA, RNAM GROL LAM CHOS CAN, ZHIG PA YIN PAR THAL, BAR CHED MED LAM GYI ZHIG PA YIN PA'I PHYIR, RTAGS KHAS 'DOD NA, MTHONG LAM BAR CHAD MED LAM CHOS CAN, ZHIG PA YIN PAR THAL, CHOS MCHOG THA MA'I YE SHES KYI ZHIG PA YIN PA'I PHYIR, RTAGS KHAS, 'DOD NA, DNGOS PO YIN NA ZHIG PA YIN PAS KHYAB PAR THAL, 'BRAS BU YIN NA, RGYU'I ZHIG PA MIN DGOS PA'I PHYIR, RTAGS KHAS, ~ ,ZHES ZER, DE NI BSNYON 'DINGS PA'I TSIG YIN TE, KHO BOS SHES SGRIB ZHIG PA LA SHES SGRIB SKAD CIG GNYIS 'JOG PAR SKABS GANG DU YANG MA BSHAD P'I PHYIR, KHYOD KYIS RDZAS RGYUN GCIG 'JOG PA'I PHYIR ZHES ZER BA YANG MNGON SUM LA BSNYON PA'I TSIG YIN TE, KHO BOS SHES SGRIB ZHIG PA LA SHES SGRIB KYI RDZAS RGYUN GCIG 'JOG PAR SKABS GANG DU YANG MA BSHAD PA NI MNGON SUM GYIS 'GRUB PA'I PHYIR, GZHAN YANG, CHOS MCHOG THA MA'I YE SHES KYI ZHIG PA YIN PA'I PHYIR, RTAGS KHAS, ZHES ZER BA DANG, 'BRAS BU YIN NA, RGYU'I ZHIG PA YIN DGOS PA'I PHYIR, RTAGS KHAS, ZHES
ZER BA SOGS NI RIGS LAM LA BLO KHA MA PHYOGS PA'I GTAM YIN TE, KHO BO LA DE 'DRA'I KHAS LEN MED LA, RTAGS KHAS ZHES PA NI RTAGS PHYOGS SNGA MAS KHAS BLANGS PA'I DON YIN PAR KHA DOG DKAR DMAR GYI RTZIS TSUL SLOB BZHIN PA'I BYIS PA CHUNG DUS KYANG SHES PA'I PHYIR, GZHAN YANG, SHES SGRIB ZHIG PA SHES SGRIB MA YIN NA, SHES SGRIB ZHIG PA LA SHES SGRIB SKAD CIG GNYIS PA 'JOG DGOS PAR THAL, KHYOD KYI GZHAN LUGS 'GOG TSUL 'THAD PA'I PHYIR, 'DOD NA, BUM PA ZHIG PA LA BUM PA SKAD CIG GNYIS PAR 'JOG PAR THAL, BUM PA ZHIG PA BUM PA MA YIN PA'I PHYIR, KHYAB PA KHAS, MA GRUB NA, MAR ME SHI BA MAR ME YIN PAR THAL LO, , RANG RE'I YIG CHAR LAS ZHIG PA LAS YIN PA DANG, SHES SGRIB ZHIG PA SHES SGRIB YIN PAR BSHAD KYANG DPYAD GZHI SHIN TU CHE STE, RGYA GZHUNG KHUNGS THUB DANG RJE YAB SRAS KYI GZHUNG DU LAS ZHIG PA LAS 'BRAS BU 'BYUNG BAR GSUNGS PA YOD KYI, LAS ZHIG PA LAS YIN PAR GSUNGS PA MED PAS NA SHES BYED KYI LUNG MED LA SGRUB BYED KYI RIGS PA YANG MA BSHAD PA'I PHYIR RO,, GZHAN YANG, LAS ZHIG PA LAS MA YIN TE, LUS KYI LAS ZHIG PA LUS KYI LAS MA YIN PA'I PHYIR, MA GRUB NA, LUS KYI LAS ZHIG PA CHOS CAN, LUS KYI LAS MA YIN PAR THAL, GZUGS MA YIN PA'I PHYIR, MA GRUB NA, DER THAL, LDAN MIN 'DU
, ,BYED YIN PA'I PHYIR TE, ZHIG PA YIN PA'I PHYIR, KHYAB STE, ZHIG PA LDAN MIN 'DU BYED YIN PA'I PHYIR TE, DE LTAR RTZA SHE'I t'IKA CHEN LAS GSUNGS PA'I PHYIR RO, ,GZHAN YANG, SHES SGRIB ZHIG PA SHES SGRIB MA YIN TE, DE RGYUN MTHA'I PA'I RGYUD LA YOD PA'I PHYIR, DER THAL, SHES SGRIB ZAD PA RGYUN MTHA' PA'I RGYUD LA YOD PA'I PHYIR, KHYAB STE, SHES SGRIB ZAD PA DE SHES SGRIB ZHIG PA YIN PA'I PHYIR, DER THAL, SHES SGRIB ZHIG PA LA SKAD CIG RE RE ZHIG PA DANG RGYUN GYI ZHIG PA GNYIS YOD PA LA DE GNYIS KA DNGOS PO YIN PA'I PHYIR TE, SKAD CIG RE RES ZHIG PA DNGOS PO YIN PAR TSIG GSAL LAS GSUNGS PA'I DON RTZA SHE'I RAB BYED BDUN PA'I t'IKA CHEN TU SHIN TU GSAL BAR GSUNGS SHING, RGYUN GYI ZHIG PA DNGOS PO YIN PAR RIGS PA DRUG BCU PA RTZA 'GREL LAS GSUNGS PA'I DON YANG DER GSAL BAR BKA' STZAL BA'I PHYIR RO, ,GZHAN YANG, SHES SGRIB ZAD PA'AM RGYUN CHAD PA DE SHES SGRIB ZHIG PA YIN TE, DE ZHIG PA YIN PA GANG ZHIG, DE'I ZHIG RGYU'I DNGOS PO LA SHES SGRIB LAS GZHAN 'JOG RGYU MED PA'I PHYIR, DANG PO GRUB STE, MAR DANG SDONG PO ZAD PA DE ZHIG PA YIN PA'I PHYIR TE, MAR DANG SDONG PO ZAD PA MAR ME SHI BA'I RGYUR GSUNGS PA DE ZHIG PA DNGOS POR SGRUB PA'I SHES BYED YIN PA'I PHYIR, GZHAN YANG, RGYUN MTHA' PA'I RGYUD LA SHES SGRIB ZHIG PA YOD PAR THAL, RGYUN MTHA' PA'I RGYUD KYI SHES SGRIB ZHIG PA DE SHES SGRIB KYI RIGS 'DRA
MA 'ONGS PA MI SKYE BA'I RGYU YIN PA'I PHYIR TE, NYON MONGS RGYUN CHAD PA DE NYON MONGS DE'I RIGS 'DRA MA 'ONGS PA MI SKYE BA'I RGYU YIN PA'I PHYIR, RTZA SHE'I t'IKA CHEN LAS, NYON MONGS LA SOGS PA'I RGYU RKYEN RGYUN CHAD PA LAS PHYI MA'I RIGS 'DRA MI SKYES PA NI MYANG 'DAS SU MI BYA STE, DE NI RGYU SNGA MA ZAD BAS BSKYED PA'I MA 'ONGS PAR BSHAD ZIN PA'I PHYIR RO, ,ZHES GSUNGS PA'I PHYIR, GZHAN YANG, RGYUN MTHA' PA'I RGYUD LA SHES SGRIB ZHIG PA YOD PAR THAL, RGYUN MTHA'I BAR CHAD MED LA MTHOB KHA MA'I RGYUD KYI SHES SGRIB DE'I ZHIG PA NI RGYUN MTHA' PA'I RGYUD LA SKYES DGOS PA'I PHYIR, MA GRUB NA, DE'I RGYUD KYI SHES SGRIB CHOS CAN, KHYOD ZHIG PA KHYOD KYI RJES SU SKYES PAR THAL, KHYOD ZHIG PA KHYOD KYI 'BRAS BU YIN PA'I PHYIR, MA GRUB NA, DE CHOS CAN, KHYOD ZHIG PA KHYOD KYI 'BRAS BU YIN PAR THAL, KHYOD 'DUS BYAS YIN PA'I PHYIR, KHYAB PA YIG CHAR KHAS, DES NA RANG RE'I YIG CHAR LAS ZHIG PA LAS YIN PA DANG, SHES SGRIB ZHIG PA SHES SGRIB YIN PA DANG, 'DAS MA 'ONGS SU 'JOG PA LA GTAN ZAD DANG GTAN BRLAG MA YIN PA ZHIG DGOS PAR GSUNGS PA RNAMS NI SNGA MA'I BRGYUN NA MKHAS BLANGS KYI RGYUN LTAR BKOD PA MA GTOGS RANG LUGS SU KHAS LEN DU MI RUNG STE, RTZA 'JUG GI RNAM BSHAD CHEN MO GNYIS DANG 'GAL BA'I PHYIR RO, DES NA RANG RE'I YIG CHAR BSHAD TSUL MI 'DRA BA MANG PO BKOD PA NI BLO GSAR BA RNAMS DPYAD PA 'JUG CHED YIN BAS NA, DE DAG THAMS CAD SGRA JI BZHIN PAR ZHEN PAR MI BYA BAR GZHUNG CHEN MO SPYI DANG KHYAD PAR RJE BDAG NYID CHEN PO'I
, ,LEGS BSHAD RNAMS DANG BSDUN NAS DE DANG DGONGS PA MTHUN PAR BYAS TE KHAS BLANGS NA KUN MKHYEN 'JAM DBYANGS BZHAD PA'I RDO RJES BSHAD TSUL MI 'DRA BA DU MA BKOD PA'I DGOS PA'ANG 'GRUB BAR 'GYUR BAS SHIN TU LEGS SO, ,'DIR SMRAS PA, BSTAN 'DZIN DAM PAS LOG SMRA TSAR GCOD PA, ,BSTAN PA'I DAG THER GONG NA MED PA STE, ,BDAG CAG LTA BU PHAN TSUN 'GRAN 'DOD KYIS, ,RTZOD BYAS RTEN BZANG DON MED GTONG BA'I RGYU, ,'ON KYANG MANG THOS RIGS SMRA GO RshA KHA, ,RTZOD DAG BSER 'US JI TZAM RAB BSKYOD PA, ,DE TZAM LEGS BSHAD DRI BZANG CHER SDANG STE, ,SHES 'DOD TSA GDUNG SEL BA CHOS NYID LAGS, ,'DIR BYUNG RGOL BA GNYIS KYIS GTZOR BYAS PA'I, ,'DIR 'BREL 'GRO KUN TSE RABS THAMS CAD DU, ,CHAGS SDANG PHRAG DOG SOGS DANG MA 'DRIS PA'I, ,CHOS KYI 'BREL GTAM RGYUN DU BYED PAR SHOG, ,,CES RDO RAMS PA LEGS TSOGS KYI RTZOD YIG GI LAN GSAL PAR BKOD PA SMRA NGAN MUN SEL SGRON ME ZHES BYA BA 'DI NI, SNGAR GZHUNG LUGS RAB 'BYAMS SMRA BA'I DGE BA'I SHES GNYEN BLO BZANG DAR RGYAS DPAL BZANG POS RTZOD YIG 'DI LA LAN ZHIG DGOS BSKUL MA MDZAD PA DON YOD PAR BYA BA'I CHED DU MANG DU THOS SHING RIGS PA SMRA BA SBRANG BTZUN NGAG DBANG DPAL LDAN GYIS BRIS PA'O,, ,,BDE CHEN LHUN GRUB GLING DUD BAR DU BSGRUBS PA'O,, ,,
[BLANK PAGE]