The Source of a Mass of Goodness-- A Ritual of Supplication, Obeisance, and Offering performed byContemplating upon the Story of the Lives of our Teacher, the Lord of the Able Ones

#, ,STON PA THUB PA'I DBANG PO'I 'KHRUNGS RABS RNAM THAR RJES SU DRAN PA'I SGO NAS PHYAG MCHOD GSOL 'DEBS BYED PA'I CHO GA LEGS TSOGS 'BYUNG GNAS ZHES BYA BA BZHUGS SO,, ,, @1 [DD] #, ,NA MO GU RU MU NI AINDRA YA, RGYAL SRAS GZHAN GYIS YAL BAR POR MDZAD PA'I, ,BDAG CAG 'DUL DKA'I 'GRO RNAMS SGROL BA'I SLAD, ,SMON LAM LNGA BRGYA BTAB BA'I 'BRAS SMIN PA'I, ,BCOM LDAN SH'AKYA'I RGYAL POR MGOS PHYAG 'TSAL, ,BYAMS PA 'JAM DBYANGS PHYAG NA PADMO SOGS, ,SA BCU'I DBANG PHYUG RGYAL BA'I SRAS RNAMS DANG,, MCHOG ZUNG 'OD SRUNGS GNAS BRTAN BCU DRUG SOGS, ,DGRA BCOM 'KHOR TSOGS RNAMS LA GUS PHYAG 'TSAL, ,MNYAM MED SH'AKYA'I RGYAL PO'I LHA TSOGS LA, ,PHYAG DANG MCHOD BSTOD GSOL 'DEBS SMON LAM RNAMS, ,JI LTAR BYED PA'I TSOG RGYAS PA ZHIG ,MANG THOS GZHAN GYIS BSKUL PHYIR DENG 'DIR SPEL, ,DE YANG JI SKAD DU, [DD] [DD]

[DD] #, ,BDAG CAG GI STON PA THUGS RJE CAN MNYAM MED SH'AKYA'I SENG GE 'DI NYID KYIS MKHA' KHYAB KYI 'GRO BA MTHA' YAS PA 'KHOR BAR SDUG BSNGAL BRGYA PHRAG DU MAS MNAR BA RNAMS LA MI BZOD PA'I SNYING RJE CHEN PO BSKYED NAS, SANGS RGYAS BGRANG BA LAS 'DAS PA'I SPYAN SNGAR YANG DANG YANG DU BYANG CHUB MCHOG TU THUGS BSKYED CING SMON LAM BTAB PAR MDZAD PA LAS, 'DIR MDO SDE LAS GSAL BAR 'BYUNG ZHING GRAGS CHE BA 'GA' ZHIG MDOR BSDUS TZAM SMOS NA, SNGON DMYAL PA'I SHING RTA 'DREN PAR 'KHRUNGS PA'I TSE, ZLA BO ZHIG NYAMS CHUNG BAS SHING RTA 'DREN MA NUS PA NA, GSHIN RJE AA GLANG GIS MDUNG RTZE GSUM PA BRANG LA BSNUN PAS SMRE SNGAGS 'DON PA LA, BZOD GLAGS [DD] [DD]

MED PA'I SNYING RJE CHEN PO SHUGS DRAG BSKYED NAS, GSHIN RJE LA SEMS CAN 'DI THONGS LA 'DI'I THAG PA'ANG BA'I MGO LA SKON CIG ,NGA GCIG BUS DRANG BAR BYA'O ZHES GSUNGS PA NA, GSHIN RJE DE KHROS NAS MDUNG RTZE GSUM PA BSNUN PAS TSE 'PHOS TE SUM CU RTZA GSUM GYI LHAR SKYES PAR DRIN LAN BSAB PA'I MDO LAS GSUNGS PA DANG, RDZA MKHAN GYI KHYE'U SNANG BYED DU 'KHRUNGS PA'I TSE, DE BZHIN GSHEGS PA SH'AKYA THUB CHEN GYI SPYAN SNGAR THUGS BSKYED PAR MDO SDE BSKAL BZANG LAS GSUNGS PA DANG, RGYAL PO 'OD LDAN DU 'KHRUNGS PA'I TSE, GLANG RDZIS GLANG PO CHE'I LUS DUL GYI SEMS MDUL LO ZHES GSOL BA'I RKYEN GYIS THUGS BSKYED PAR LUNG SMAN GYI GZHI LAS GSUNGS PA DANG, TSONG DPON GYI BU DRI MA MED PA'I DPUNG BA ZHES BYA BAR 'KHRUNGS PA'I TSE, RJE BTZUN 'JAM DBYANGS DGE SLONG GI TSUL BZUNG BA YE SHES RGYAL POS BSKUL NAS, DE BZHIN GSHEGS PA MI THUB ZLA BA'I RGYAL MTSAN GYI SPYAN SNGAR THUGS BSKYED PAR MA SKYES DGRA'I 'GYOD PA BSAL BA'I MDO LAS GSUNGS PA DANG, 'KHOR BSGYUR YUL 'KHOR BSRUNG GI SRAS BZHI PA NGON KUN GRUB PA ZHES BYA BAR GYUR BA'I TSE, DE BZHIN GSHEGS PA RIN CHEN SNA TSOGS BKOD PA'I RGYAL PO'I SPYAN SNGAR THUGS BSKYED PAR GSANG BA BSAM GYIS MI KHYAB PA'I MDO LAS GSUNGS PA SOGS MANG NGO, ,KHYAD PAR DU RANG CAG SNYIGS MA LNGA BDO'I 'GRO BA RMU RGOD RNAMS SGROL PAR THUGS BSKYED CING BDAG GIR BZHES PA NI, SNGON BSKAL PA GRANGS MED PA GANGA'I KLUNG GCIG GI BYE MA SNYED 'DAS PA NA, ZHING 'DIR BSKAL PA CHEN PO 'DZIN PA ZHES BYA BA BYUNG STE, DUS DER 'KHOR LOS BSGYUR BA'I RGYAL PO RTZIBS KYI MU KHYUD KYI MDUN NA

, ,'DON GYI GTZO BO BRAM ZE RGYA MTSO'I RDUL ZHES BYA BAR SKYE BA BZHES PA'I TSE, DES 'KHOR LOS BSGYUR BA'I RGYAL PO RTZIBS KYI MU KHYUD DANG, DE'I SRAS STONG DANG, KHAMS KYI RGYAL PO BRGYAD KHRI BZHI STONG DANG, SROGS CHAGS DUNG PHYUR PHRAG DGU DANG, BYE BA PHRAG GNYIS DANG, GZHAN YANG, LHA DANG, KLU DANG, LHA MA YIN DANG, GNOD SPYIN DANG, SRIN PO DANG, GRUL BUM DANG, DRI ZA DANG, YI DVAGS DANG, SEMS CAN DMYAL BA DANG, DUD 'GRO'I SKYE GNAS SU SKYES PA BGRANG BA LAS 'DAS PA'I BAR DAG KYANG BLA NA MANG PA YANG DAG PAR RDZOGS PA'I BYANG CHUB YANG DAG BAR 'DZIN DU BCU STE, RGYAL PO RTZIBS KYI MU KHYUD LA SOGS PA LA RANG RANG GI SANGS RGYAS KYI ZHING ZUNGS SHIG CES BSKUL PA NA, KHYAB 'JUG RLUNG MA GTOGS PA'I BYANG CHUB SEMS DPA' GZHAN THAMS CAD KYIS ZHING BZANG ZHING RGYA CHE BA DANG, GDUL BYA DAG PA 'BA' ZHIG BZUNG, KHYAD PAR DU BSKAL PA BZANG PO 'DI LA 'TSANG RGYA BAR 'GYUR BA'I BYANG CHUB SEMS DPA' SKAR MA SKYONG LA SOGS PA STONG RTZA BZHI PO THAMS CAD KYIS 'JIG RTEN RGYAS SHING LONGS SPYOD CHE BA DANG, GDUL BYA TSE RING ZHING RGYUD DAG PA SHA STAG BZUNG NAS, JI LTAR ME DPUNG RAB TU 'BAR BA'I NANG DU SU YANG 'JUG PAR MI SPRO BA LTAR RTZOD LDAN TSE LO BRGYA BA'I SEMS CAN RMU RGONG MA RUNGS PA, TSE THUNG BA, LONGS SPYOD CHUNG BA, BSAM PA NGAN PA, 'KHRUG RTZOD CAN DE DAG SUM 'DUL BAR NUS SNYAM DU DGONGS TE YAL BAR BOR BA NA, BRAM ZE RGYA MTSO'I RDUL GYIS BU GCIG PU YID DU'ONG BA ME'I 'BAR BA'I DONG DU LTUNG BA MTHONG BA'I MA BZHIN DU RANG CAG SNYIGS MA LNGA BDO'I 'GRO BA RNAMS LA BZOD GLAGS MED PA'I SNYING RJE CHEN PO SHUGS DRAG 'KHRUNGS TE

DE'I DBANG GIS SHING KENG SHU KA'I 'DAB MA BZHIN DU SNYING 'DAR ZHING YID SHIN TU SKYO LA, LUS THAMS CAD KYANG SHA THANG BAR GYUR NAS, DE BZHIN GSHEGS PA RIN CHEN SNYING PO'I SPYAN SNGAR PHYOGS BCU'I SANGS RGYAS THAMS CAD DPANG DU BZHAG STE MKHYEN PAR GSOL NAS, MI MDZAD ZHING DE'I RTZOD LDAN CHE LO BRGYA PA'I SEMS CAN DE DAG BDAG GI SNYING RJE'I YUL DU GYUR BA LAGS PAS, DE DAG BDAG GIS GDUL BAR BYA'O ZHES DAM BCAS SHING RANG CAG SNYIGS MA LNGA BDO'I 'GRO BA RNAMS KYI DON DU SMON LAM CHEN PO LNGA BRGYA BTAB PA NA, PHYOGS BCU'I ZHING KHAMS MTHA' YAS PA DAG GIS CHER G-YOS SHING SNANG BA CHEN PO BYANG LA ME TOG SNA TSOGS KYI CHAR BABS PA DANG, DE BZHIN GSHEGS PA RIN CHEN SNYING PO DANG PHYOGS BCU'I SANGS RGYAS DANG BYANG CHUB SEMS DPA' THAMS CAD KYIS LEGS SO ZHES BRJOD CING ME TOG GTOR TE, BDAG NYID CHEN PO KHYOD NI BYANG SEMS THAMS CAD KYI NANG NA 'GRAN ZLA MED PA STE, ME TOG THAMS CAD KYI NANG NA MTSUNGS PA MED PA PADMA DKAR PO LTA BU'O ZHES SOGS RGYA CHER BSNGAGS PA MDZAD PAR SNYING RJE PAD DKAR LAS GSUNGS PA LTAR RO, ,DE LTAR THUGS BSKYED NAS TSOGS BSAGS TSUL NI, 'DUL BA LUNG LAS, SANGS RGYAS SH'AKYA THUB PA NAS, ,'DREN PA YUL 'KHOR SKYONG GI BAR, ,BDUN KHRI LNGA STONG TSANG BA YI, ,SANGS RGYAS RNAMS NI NGAS MCHOD DO, ,SANGS RGYAS LEGS MDZAD NAS BZUNG STE, ,DBANG PO RGYAL MTSAN THUB PA'I BAR, ,BDUN KHRI DRUG STONG TSANG BA YI, ,SANGS RGYAS RNAMS NI NGAS MCHOD DO, ,SANGS RGYAS MAR ME MDZAD NAS NI, ,SANGS RGYAS 'OD SRUNG SBAR DAG TU, ,BDUN KHRI BDUN STONG TSANG BA YI, ,SANGS RGYAS RNAMS NI NGAS MCHOD DO, ,ZHES 'BYUNG LA,

, ,MDZOD LAS NI, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,DANG PO SH'AKYA THUB PA YIN, ,ZHES SANGS RGYAS SH'AKYA THUB CHEN NAS SANGS RGYAS RIN CHEN GTZUG TOR CAN GYI BAR LA GRANGS MED DANG PO DANG, DE NAS SANGS RGYAS MAR ME'I MDZAD KYI BAR LA GRANGS MED GNYIS PA DANG, DE NAS SANGS RGYAS RNAM GZIGS 'JIG RTEN DU BYON PA'I BAR LA GRANGS MED GSUM PA'I TSOGS BSAGS PAR GSUNGS SO, ,DE DAG KYANG THEG PA THUN MONG PA'I DBANG DU BYAS PA YIN GYI, THEG CHEN THUN MONG MA YIN PA LTAR NA, ZLA BA SGRON ME'I MDO LAS, SANGS RGYAS DAG NI BYE BA KHRAG KHRIG DANG, ,DE LAS LHAG PA GANGGA'I BYE MA SNYED, ,KUN KYANG BYA RGOD PHUNG PO 'DIR BZHUGS TE,, MI DBANG DE KUN NGA YIS BKUR BSTI BYAS, ,ZHES SOGS RGYA CHER GSUNGS PA LTAR, STON PAS SLOB LAM GYI GNAS SKABS SU SANGS RGYAS GRANGS MED DPAG TU MED PA GANGGA'I KLUNG GI BYE MA SNYED DAG LA MCHOD CING BSNYEN BKUR BYAS TE TSOGS BSAGS PAR 'DOD DGOS GSOL, SA BCU'I YON TAN BSHAD PA SOGS GYIS KYANG SHES SO, ,BYANG CHUB SEMS DPA'I SDE SNOD LAS SNGON THUGS BSKYED TSUL DANG SA LA MA BGROD TSUL GSUNGS PA NI, SNGON RGYAL BU GZHON NU BRTZON 'GRUS SPYOD PA ZHES BYA BAR 'KHRUNGS PA'I TSE, DE BZHIN GSHEGS PA PHANG PO CHEN PO NYAN THOS KYI DGE 'DUN DANG BCAS PA LA LO BYE BA PHRAG DGU BCU RTZA DRUG TU MCHOD CING BSNYEN BKUR BYAS NAS THUGS BSKYED PA DANG, DE NAS BSKAL PA GRANGS MED GCIG 'DAS PA NA TSONG DPON SHES RAB BZANG PO ZHES BYA BAR 'KHRUNGS PA'I TSE, DE BZHIN GSHEGS PA DKON MCHOG YAN LAG NYAN THOS KYI DAG 'DUN DANG BCAS PA LA LO STONG DU MCHOD CING BSNYEN BKUR BYAS

NAS BYANG CHUB TU THUGS BSKYED CING LA MA RNAMS YONGS SU BSGRUB PA DANG, DE NAS BSKAL PA GRANGS MED GCIG 'DAS PA NA BRAM ZE'I KHYE'U GZHON NU SPRIN DU 'KHRUNGS PA'I TSE, DE BZHIN GSHEGS PA MAR ME MDZAD LA RAL BA GSER GYI MDOG CAN BTING ZHING AUTPAL SNYIM PA BKANG STE GTOR BA NA, SANGS RGYAS MAR ME MDZAD KYIS, BRAM ZE'I KHYE'U KHYOD MA 'ONGS PA'I DUS BSKAL PA GRANGS MED PA NA DE BZHIN GSHEGS PA SH'AKYA THUB PA ZHES BYA BAR 'GYUR RO ZHES LUNG BSTAN PAR GSUNGS PA RNAMS RIM PA BZHIN DU, BSKAL CHEN GRANGS MED DANG PO DANG GNYIS PA DANG GSUM PA'I THOG MA YIN PAR SBYOR RAM SNYAM MO, ,DE LTAR THUGS BSKYED NAS RGYAL SRAS KYI SPYOD PA LA SLOB PA'I TSE RANG DON GTZO BOR 'DZIN PA'I YID BYED DANG, SPYOD PA RLABS PO CHE LA SGYID LUG CING ZHUM PA'I BSAM PA SKAD CIG TZAM DU YANG SKYES PA MED PAR SNYING STOBS CHEN PO'I SGO NAS 'DAS PA'I BYANG CHUB SEMS DPA' GZHAN GANG GIS KYANG DA LTAR MA SPYAD PA DANG, MA 'ONGS PA'I BYANG CHUB SEMS DPA' GZHAN GANG GIS KYANG DE LTAR SPYOD PAR MI NUS PA'I BYA DKA' BA RNAMS LA BSLAB PA'I TSUL PHYOGS TZAM MTSON PA NI, SLOB DPON DPA' BOS MDZAD PA'I SKAS RABS SO BZHI DANG, DPAG BSAM KHRI SHING DANG, BOD KYI MKHAS PA KARMA PA RANG BYUNG RDO RJES MDZAD PA'I SKYES RABS RNAMS SU GSAL BAR 'BYUNG BA DE DAG YIN LA, GZHAN RDZOGS PAR NI SUS KYANG BRJOD PAR DKA' STE, DPER NA RGYAL PO ZLA 'OD CES BYA BAR 'KHRUNGS PA'I TSE, SHING GCIG GI DRUNG DU BRAM ZE LE'U TE TZA ZHES BYA BAS DBU SLONG BA LA STZAL BA NA, SNGON SHING 'DI'I DRUNG DU MGO DGRA BRGYA DGU BCU RTZA DGU SPYIN PA BYAS TE,

, ,DA LTA'I MGO SBYIN PA 'DIS STONG TSANG BAR 'GYUR GSUNGS PAR MDZANGS BLUN LAS 'BYUNG BA LTAR RO, ,SHING GCIG PU'I DRUNG DU DBU GCIG PU STZAL PA'ANG DE 'DRAN, YUL GZHAN DANG GZHAN DAG TU RGYAL SRAS KYI SPYOD PA GZHAN DANG GZHAN DAG LA JI LTAR BSLAB PA'I TSUL NI RGYAL BA DANG RGYAL SRAS CHEN PO RNAMS MA GTOGS GZHAN SU ZHIG GIS RDZOGS PAR SHES, DE LTAR SNYING STOBS CHUNG BA RNAMS KYIS RJES SU YI RANG BA TZAM YANG BYA BAR DKA' BA, THOS PA TZAM GYIS KYANG 'JIGS PA BSKYED PAR 'GYUR BA'I DKA' SPYAD DPAG TU MED PA'I SGO NAS RGYAL SRAS KYI SPYOD PA DUS MYUR BAR MTHAR PHYIN PAR MDZAD DE, GZHI DANG SNYING PO ME TOG GIS BRGYAN PA'I 'OG MIN GYI ZHING DU LONGS SPYOD RDZOGS PA'I SKUR SANGS RGYAS NAS, MKHA' KHYAB KYI ZHING KHAMS MTHA' YAS PAR 'DUL BYA GANG 'DUL BYA GANG LA 'DUL GYI SPRUL PA BSAM GYIS MI KHYAB PA'I 'GRO BA'I DON MDZAD PA LAS, SNGON GYI THUGS BSKYED DANG, SMON LAM DUS SU SMIN TE MI MDZED 'JIG RTEN GYI KHAMS 'DIR MCHOG GI SPRUL SKU'I MDZAD PA STON DU NYE BA NA, DGA' LDAN DU LHA'I BU DAM PA TOG DKAR PO ZHES BYA BAR SKYE BA BZHES PA'I TSUL BSTAN TE LHA RNAMS CHOS KYIS CHIM PAR MDZAD, 'DZAM BU GLING DU 'BYON PA'I DUS LA BAB PA NA RJE BTZUN BYAMS PA LA SOGS PA'I LHA MANG POR CHOS SNANG BA'I SGO BRGYA RTZA BRGYAD RGYAS PAR BSTAN, MA PHAM PA'I DBU LA RIN PO CHE'I COD PAN BCINGS TE RGYAL TSAB TU DBANG BSKUR NAS, GZIGS PA RNAM PA LNGA LA GZIGS PA'I SKO NAS LHA'I 'KHOR GRANGS MED PA DANG MCHOD PA'I BYE BRAG BSAM GYIS MI KHYAB PA DANG BCAS DGA' LDAN NAS PHEBS TE, 'DZAM BU GLING DU RGYAL PO ZAS GTZANG GI BTZUN MO CHUNG BA SGYU 'PHRUL

CHEN MO GSO SBYONG LA GNAS PA'I LHUMS SU ZHUGS NAS, GLO G-YAS PAR SPRUL PA'I GZHAL MED KHANG CHEN PO'I NANG GI KHRI STAN BZANG POR NA BZA' DANG BCAS ZLA BA BCUR GNAS SHING, BYANG SEMS GRANGS MED DANG DKAR PHYOGS KYI LHA KLU GNOD SBYIN SOGS GDUL BYA MTHA' YAS PA LA CHOS STON CING SMIN GROL LA BKOD DO, ,DE NAS NGO MTSAR BA'I SNGA LTAS SO GNYIS DANG BCAS LUM BI NI'I TSAL DU SPRIN GYI BSEB NAS NYI MA SHAR BA BZHIN DU YUM GYI RTZIBS LOG G-YAS PA NAS BLTAMS PA'I TSE, LHA KLU MANG POS MCHOD CING, PHYOGS BZHIR GOM PA BDUN BDUN POR TE, 'JIG RTEN 'DI NANG NYID MCHOG GO ZHES SOGS SENG GE'I SGRA DBYANGS SGROG PAR MDZAD DO, ,DE NAS LHA DANG MI'I MCHOD PA TSAD MED PAS MCHOD BZHIN DU SER SKYA'I PHO BRANG DU SPYAN DRANGS, SKU BLTAMS BA'I TSE RGYAL PO ZAS GTZANG GI 'DOD PA'I DON THAMS CAD GRUB PA DANG, GNOD SBYIN SH'AKYA 'PHEN DANG TSANGS PA BRGYA BYIN SOGS LHA RNAMS KYIS PHYAG BYAS PA DANG, SH'AKYA GTUM PO DREGS BA CAN RNAMS SKU'I GZI BRJID MA BZOD PAR BAG 'KHUM PAR GNAS PAS, RIM PA BZHIN DU DON THAMS CAD GRUB PA DANG, LHA'I LHA DANG, SH'AKYA THUB PA ZHES MTSAN GSOL, MTSAN MKHAN RNAMS KYIS PHO BRANG DU BZHUGS NA 'KHOR LOS BSGYUR BA'I RGYAL PO DANG, KHYIM NAS KHYIM MED PAR RAB TU BYUNG NA YANG DAG PAR RDZOGS PA'I SANGS RGYAS SU 'GYUR BAR LUNG BSTAN, DE NAS GZO RIG PA'I SGYU RTZAL GYIS SEMS CAN GYI DON MDZAD PAR BZHED PA NA, YAB ZAS GCANG GIS BSKUL BA LTAR YI GE DANG RTZIS LA SOGS PA LA SLOB PA'I TSUL STON PA'I TSE, YI GE DANG, RTZIS DANG, MDA' 'PHANG BA DANG, MCHOD BA BYED PA DANG, GYAD KYI 'DZIN STANGS LA SOGS PA'I SGYU STZAL RE RE NAS SNGON CHANG

, ,SUS KYANG MA NUS PA DAG BSTAN TE THABS MKHAS KYI 'PHRUL DE DANG DES LHA MI BGRANG BA LAS 'DAS PA SMIN PAR MDZAD DO, ,DE NAS GRAGS 'DZIN MA LA SOGS PA'I BTZUN MO DRUG KHRI KHAB TU BZHES SHING, RGYAL SRID CHOS BZHIN DU SKYONG BA'I THABS MKHAS KYI MDZAD PA DES SROG CHAGS GRANGS MED DPAG TU MED PA SMIN PAR MDZAD DO, ,DE NAS PHYOGS BCU'I SANGS RGYAS DANG DKAR PHYOGS KYI LHA RNAMS DANG, GLU DBYANGS DANG SIL BSNYAN DANG ROL MO'I SGRA LAS BSKUL PA LTAR MYUR DU RAB TU 'BYUNG BA'I DUS LA BAB PAR DGONGS SHING, GRONG KHYER GYI SHAR LA SOGS PA'I SGO BZHAR RIM BZHIN SEMS CAN RGAS SHING 'KHOGS PA DANG, NA BA DANG, SHI PA DANG, SPRUL PA'I DGE SLONG GZIGS PA'I RKYEN GYIS KHYIM PA'I NYES DMIGS DANG RAB TU BYUNG BA'I PHAN YON YANG DAG PAR GZIGS PA'I TSUL BSTAN TE, DGUNG LO NYER DGU BA LA BAB PA NA, RGYAL PO'I PHO BRANG GI CHAB SGO THAMS CAD BSRUNG MA BRGYA PHRAG MANG POS BKAG KYANG, KHANG BZANG GI STENG NAS LNGAS RTZEN GYIS BTZUGS PA'I LHA'I SKAS LA BABS NAS, BSNGAGS LDAN LA CHIBS SHING 'JIG RTEN SKYONG BA BZHIS: SUG PA BZHI NAS BTEG STE, LHA'I 'KHOR MANG PO DANG MCHOD PA'I BYE BRAG BSAM GYIS MI KHYAB PA DANG BCAS MYUR BAR PHEBS NAS SH'AKYA'I YUL DANG, KE'U RTA'I YUL DANG, GYAD YUL RNAMS LAS 'DAS NAS, ME NI YA'I YUL GYI GRONG BRDAL LAS KYANG DPAG TSAD DRUG PHYIN PA YUL SPONG BYED KYI GRONG GI NYE 'DABS CHU KLUNG YID 'OD LDAN GYI 'GRAM DU BYON; MCHOD RTEN RNAM DAG GI DRUNG DU DBU SKRA RANG GIS BCAD, BRGYA BYIN LAS SNGON GYI DRANG SRONG RNAMS KYIS BZHAG PA'I GOS DUR SMRIG BLANGS TE RAB TU BYUNG BAR MDZAD CIG RGYAN DANG BSNGAGS LDAN 'DUN PA LA GNANG STE LDOG TU BCUG,

DE NAS KYANG CHU BO GANG+G'A BRGAL TE MA GA DHAR BYON NAS DKA' THUB KYI SPYOD PA SNGON GYI DRANG SRONG RNAMS LAS GNYIS 'GYUR DU MDZAD PAS DGE SBYONG CHEN PO ZHES MTSAN GSOL LO, ,DE'I TSE SER SKYA DANG LHAS BSTAN NAS G-YOG LNGA BRGYA BTANG PA LAS; KO'U DI N+YA LA SOGS PA'I MI LNGA TZAM BLANGS SHING GZHAN RNAMS PHYIR LDOG TU BCUG ,DE NAS CHU BO NE RANYDZA NA'I 'GRAM DU LO DRUG DKA' BA SPYAD CING TING NGE 'DZIN LA SNYOMS PAR BZHUGS SO, ,THABS MKHAS KYI MDZAD PA DES LHA DANG MI KHRAG KHRIG PHRAG BCU GNYIS DANG, BYE BA PHRAG DRUG CU RTZA BZHI SMIN PAR GSUNGS SO, ,DE NAS DKA' THUB LAS BZHENGS TE ZHAL ZAS RAGS PA GSOL ZHING, CHU BO NEE RANYDZA NAR SKU KHRUS MDZAD, GRONG PA'I BU MO LAGS SKYE SA MA DANG DGA' STOBS MA GNYIS KYIS BA MCHOG STONG GI'O MA LAN BCU DRUG TU NYING KHUR BYAS PA'I 'O THUG PHUL BA GSOL BAS MTSAN DPE DANG 'OD 'BAR BAR GYUR TO, ,DE NAS RDO RJE GDAN BYANG CHUB SNYING POR GSHEGS, RTZVA 'TSONG GI KHYE'U BKRA SHIS LAS RTZA DUR BA BLANGS TE GDAN DU BTING BA'I STENG NGA SKYIL KRUNG BCAS NAS BZHUGS SHING, SMIN MTSAMS NAS 'OD ZER BKYE STE BDUD KYI GNAS THAMS CAD G-YO BAR MDZAD PAS, BDUD SDIG CAN SHES NAS BDUD KYI DMAG DPUNG GRANGS MED PA DANG BCAS BYANG CHUB KYI SHING DRUNG DU LHAG NAS SKU LUS LA MTSON CHA'I CHAR PHAB KYANG BYAMS PA'I TING NGE 'DZIN LA MNYAM PAR BZHAG PA'I MTHUS ME TOG GI CHAR DU GYUR, DE'I TSE BDUD SDIG CAN GYIS, KYEE RGYAL BU GZHON NU BZHENGS LA RGYAL SRID LA SPYOD CIG ,KHYOD BSOD NAMS DE TZAM GYIS THAR PA GA LA THOB CES SMRAS PA NA, BKA' STZAL PA, SDIG CAN KHYOD GTAN PA MED PA'I MCHOD SBYIN GCIG GIS 'DOD KHAMS KYI BDAG POR GYUR NA, NGAS

, ,GTAN BA MED BA'I MCHOD SBYIN GRANGS MED PA BYAS PAS BLA MED BYANG CHUB THOB PAR MI 'GYUR BA DE SRID RE SKAN ZHES GSUNGS PA LA, BDUD NA RE, KHO BOS GTAN PA MED PA'I MCHOD SBYIN GCIG BYAS PA'I DPANG PO NI KHYOD NYID YIN MOD, KHYOD KYIS MCHOD SBYIN GRANGS MED PA BYAS PA'I DPANG PO SU YOD CES ZER, DE LA BYANG CHUB SEMS DPAS PHYAG G-YAS PA SA LA BRDABS NAS, SA 'DI 'GRO BA KUN GYI GNAS YIN TE, ,RGYU DANG MI RGYU SNYOMS SHING NYE 'KHON MED, ,'DI NI BDAG GI DPANG STE BDAG RDZUN MIN, ,'DI LA KHYOD NI BDAG GI DBANG BYOS SHIG ,CES GSUNGS PAS, SA CHEN RNAM PA DRUG TU G-YOS PA'I GSEB NAS SA'I LHA MO BRTAN MA LTE BA YAN PHYUNG STE THAL MO SBYAR NAS, SKYES BU CHEN PO DE DE BZHIN NO, , KHYOD KYIS JI SKAD GSUNGS PA BZHIN TE, 'DI NI BDAG LA MNGON SUM MO, ,'ON KYANG KHYOD NYID LHA DANG BCAS PA'I 'JIG RTEN KUN GYI DPANG DU GYUR PA LAGS SO, ,ZHES SMRAS NAS MI SNANG BAR GYUR TO, ,DE NAS BDUD KYI BU MO MANG POS BZHIN PHYED 'GEBS BA SOGS G-YO SGYU'I CHO 'PHRUL MANG PO STON KYANG, MI SDUG PA'I TING NGE 'DZIN LA SNYOMS PAR BZHUGS NAS DE DAG RGAS SHING 'KHOGS PAR BYIN GYIS BRLABS PAS, BDUD KYI DPUNG TSOGS 'THOR ZHING BDUD MANG PO BYANG CHUB MCHOG TU SEMS BSKYED DO, ,DE NAS MKHA' KHYAB KYI TING NGE 'DZIN LA SNYOMS PAR BZHUGS NAS SA GA ZLA BA'I TSES BCO LNGA'I THO RANGS SKYA RENGS 'CHAR GA'I TSE SANGS RGYAS PA'I TSUL BSTAN PA NA, ,LHA RNAMS KYIS ME TOG PUS NUB TZAM GTOR ZHING, SA CHEN PO RAB TU G-YOS BA DANG ZHING KHAMS THAMS CAD SNANG BAS KHYAB PAR MDZAD DO, ,DE NAS CHOS DKON PAR SHES PA DANG BSKUL BA PO TSOGS RGYA CHER GSOG PA SOGS DGOS PA MANG PO'I CHED DU ZHAG

BDUN PHAG BDUN DU CHOS 'KHOR MA BSKOR BAR THUGS LAS CHUNG NGUR BZHUGS PA'I TSUL MDZAD CING, TSONG DPON GA GON DANG BZANG PO GNYIS KYIS ZHAL ZAS PHUL BA NA, RGYAL CHEN BZHIS RDO'I LHUNG BZED BZHI PHUL PA GCIG TU BYIN GYIS BRLABS PA'I NANG DU BLUGS NAS BZHES TE BKRA SHIS KYI TSIGS BCAD GSUNGS SO, ,DE NAS TSANGS PA GTZUG PHUD CAN LA SOGS PAS YANG YANG NA NA CHER GSOL BA BTAB PAS CHOS 'KHOR BSKOR BAR ZHAL GYIS BZHES TE, B'A RA CH'A SI'I DRANG SRONG SMRA BA RI DVAGS KYI NAGS SU BYON NAS 'KHOR LNGA SDE DANG LHA BRGYAD KHRI LA BZLAS PA GSUM RNAM GANGS BCU GNYIS KYI BDAG NYID CAN GYI BDEN BZHI'I CHOS 'KHOR BSKOR TE DE DAG SMIN CING GROL BAR MDZAD, DE NAS RIM GYIS NYE BA'I LNGA SDE DANG, LTENG RGYAS 'OD SRUNGS DANG, GA YA 'OD SRUNGS DANG, CHU KLUNG 'OD SRUNGS DANG, SH'A RI'I BU DANG, MO'U 'GAL GYI BU CHEN PO LNGA RE RE NAS 'KHOR NYIS BRGYA LNGA BCU DANG BCAS PA LA SOGS PA LHA DANG MI MTHA' YAS PA SMIN CING GROL BAR MDZAD PA'I GRAGS PAS SA'I STENG KHYAB BA NA, RGYAL PO ZAS GTZANG MAS THOS TE YANG DANG YANG DU SER SKYA'I YUL DU GDAN 'DREN ZHUS PA LTAR SER SKYA'I GNAS SU GSHEGS TE, RGYAL PO ZAS GTZANG SKU MCHED BZHI LA SOGS PA SH'AKYA 'BUM PHRAG MANG PO DANG, GZHAN YANG LHA DANG MI BGRAD BA LAS 'DAS PA SMIN GROL LA BKOD DO, ,MNYAN YOD DU CHO 'PHRUL CHEN PO BSTAN TE MU STEGS PA'I STON PA DRUG PHAM PAR MDZAD CING; DE DAG GI 'KHOR KHRI PHRAG DGU LA SOGS PA'I LHA DANG MI GRANGS MED PA SMIN CING GROL BAR MDZAD, DE'I TSE SKYE BO THAMS CAD STON PA NYAN THOS DANG BCAS PA LA HA CANG GUS PAS DGE 'DUN LA BSNYEN BKUR CHES MANG POR

, ,GYUR PA DE CHOS KYI BAR CHAD DU 'GYUR BAR GZIGS NAS DE RGYUN BCAD PA DANG, YAB YUM BDEN PA MTHONG BA LA 'GOD PA NI SANGS RGYAS THAMS CAD KYIS NGES PAR MDZAD DGOS PA'I MDZAD PA BCU'I GCIG YIN BAS, YUM SGYU 'PHRUL CHEN MO LHAR SKYE BA DE BDEN PA MTHONG BA LA 'GOD PA SOGS DGOS PA MANG PO'I CHED DU SUM CU RTZA GSUM DU BYON, SHING YONGS 'DUS SA BRDOL GYI DRUNG AAR MO NI GA'I STENG DU SH'A RI'I BU LA SOGS PA'I DGRA BCOM PA BRGYAD STONG DANG LHAN DU DBYAR GNAS PAR ZHAL GYIS BZHES SHING, YUM GYI SKYE BA LA SOGS PA'I LHA MANG PO SMIN CING GROL BAR MDZAD, DBYAR GNAS RDZOGS TE 'OG MIN GYI BAR DU RIM PA BZHIN PHEBS NAS LHA MTHA' YAS PA'I DON MDZAD, DGE SLONG RNAMS KYIS ZHUS TE MO'U 'GAL GYI BUS 'DZAM BU'I GLING DU 'BYON PAR GSOL BA BTAB PAS, HOR ZLA DGU PA'I TSES NYER GNYIS LA LHA RNAMS KYIS BYAS PA'I THE MA SKAS LA RES 'GA' ZHABS DANG RES 'GA' RDZU 'PHRUL GYIS BYON TE GRONG KHYER GSAL LDAN DU GSHEGS NAS, SKYE BO MTHA' YAS PA'I MIG DANG YID LA KUN DGA'I DPAL STER ZHING THAR PA'I SA BON BSKRUN PAR MDZAD, DE'I TSE MI RNAMS LA BSAM TSUL MI 'DRAB 'BYUNG GZIGS NAS 'KHOR BA'I PHUN TSOGS LA SNYING BO MED CING THAR PA'I LAM SNA ZIN PA ZHIG GAL CHE TSUL GSUNGS TE, GDUL BYA BGRANG BA LAS 'DAS PA LA THEG GSUM THAR PA'I SGO LAM YANGS POR MDZAD, DE NAS BYA RGO DU PHUNG PO'I RIR BYON TE SA CHEN PO RNAM PA DRUG TU G-YO BAR MDZAD PA DANG, ZHING BRGYA 'OD ZER GYIS 'GENGS PA LA SOGS PA'I CHO 'PHRUL BSAM GYIS MI KHYAB PA DANG BCAS BYANG CHUB SEMS DPA'

DANG; NYAN THOS DANG LHA DANG KLU LA SOGS PA'I GDUL BYA BGRANG LAS 'DAS PA LA BKA' BAR BA MTSAN NYID MED PA'I CHOS 'KHOR BSKOR BAR MDZAD LA, YANGS BA CAN DU BKA' THAM LEGS PAR RNAM PAR PHYE BA'I CHOS 'KHOR BSKOR BAR MDZAD CING, GZHAN YANG, YUL GZHAN DANG GZHAN DAG TU GDUL BYA'I KHAMS BSAM PA BAG LA NYAL DANG MTHUN PAR CHOS KYI SGO BSAM GYIS MI KHYAB BA GSUNGS TE LHA DANG MI LA SOGS PA'I GDUL BYA GRANGS MED DPAG TU MED CING GZHAL DU MED PA SMIN GROL LA BKOD PA NI SANGS RGYAS NYAG GCIG MA GTOGS PA GZHAN SU GANG GI YANG SPYOD YUL MIN NO, ,DE LTAR SKU DNGOS KYI GDUL BYA PHAL CHER GYI DON MDZAD ZIN PA NA, SKU DNGOS SU MTHONG BA'I SKAL PA MED PA'I RANG CAG RNAMS LA LHAG PAR THUGS BRTZE BA'I SGO NAS SKU TSE'I LNGA CHA CHOS KYI TSUL RGYAS SHING YUN RING DU GNAS PA'I RGYUR BSNGOS SHING, TSE'I 'DU BYED BTANG BAR MDZAD DE BSTAN PA LO LNGA STONG DU GNAS PAR BYIN GYIS BRLABS, SKU DNGOS KYI GDUL BYA'I THA MA DRI ZA'I RGYAL PO RAB DGA' DANG KUN TU RGYU RAB BZANG GNYIS GDUL BA'I DON DU SROG GI 'DU BYED ZLA BA GSUM DU GNAS PAR BYIN GYIS BRLABS PA'I TSUL BSTAN TO, ,DE NAS GRONG KHYER RTZA CAN DU PHEBS TE DRI ZA'I RGYAL PO RAB DGA' DANG KUN TU RGYU RAB BZANG GNYIS SMIN GROL LA BKOD NAS 'KHOR RNAMS LA BKA' STZAL PA, 'KHOR RNAM BZHIS PHAN BDER 'GYUR BA'I GSUNG RAB YAN LAG BCU GNYIS BKLAG ,STON PA SO THAR LA GYIS, RGAN PAS GZHON PA RNAMS YO BYAD KYIS BSDU, GZHON PAS RGAN PA'I MING NAS 'BOD MI BYA, DAD PA CAN LA STON PA

, ,'KHRUNGS PA, SANGS RGYAS PA, CHOS GSUNGS PA, MYA NGAN LAS 'DAS PA'I PHYOGS BZHI BSTAN BAR BYA'O, ,DGE SLONG DAG DKON MCHOG GSUM DANG BDEN PA BZHI LA THE TSOM YOD NA ZHUS SHIG ,CES GSUNGS NAS SKU'I STOD G-YOGS BSAL TE, DGE SLONG DAG DE BZHIN GSHEGS PA'I SKU BLTA BA NI RNYED PAR DKA' YI DE BZHIN GSHEGS PA'I SKU LA LTOS SHIG ,DGE SLONG DAG RE ZHIG CANG MI SMRA ZHIG DANG, 'DI LTAR 'DUS BYAS THAMS CAD NI 'JIG PA'I CHOS CAN YIN TE, DE LA 'DI NI DE BZHIN GSHEGS PA'I GSUNG GI THA MA YIN NO, ,ZHES GSUNGS NAS MYA NGAN LAS 'DAS PA'I TSUL BSTAN TE, SKU GDUNG CHA BRGYAD DANG, DE DAG LAS YUNGS 'BRU LTA BU'I RING BSREL DPAG TU MED PA 'PHEL TE ZHING KHAMS THAMS CAD KHYAB PAR BYIN GYIS BRLABS, RING BSREL DE DAG LA PHYAG MCHOD BYED PA'I SEMS CAN THAMS CAD BSAM PA JI LTA BA BZHIN DU THEG PA GSUM PO DAG LAS SLAR MI LDOG PAR 'GYUR BA DANG, MI MDZED KYI ZHING DU DAM PA'I CHOS NU BA STE RIN PO CHES PHONGS PAR GYUR PA NA, RING BSREL DE DAG NOR BU BEE t'U RYA RTOG GI BLO GROS ZHES BYA BAR GYUR NAS PHONGS PA SEL BA DANG, NOR BU DE DAG 'OG MIN GYI BAR DU MNGON PAR 'PHAGS TE ME TOG SNA TSOGS KYI CHAR 'BEBS PAR 'GYUR BA DANG, ME TOG GI CHAR DE DAG LAS SNA TSOGS PA'I CHOS KYI SGRA 'BYUNG BA DANG, CHOS KYI SGRA DE DAG 'DOD GZUGS KYI LHA RNAMS KYIS THOS NAS SNGON GYI DGE BA'I RTZA BA RJES SU DRAN BAR 'GYUR BA DANG, LHA DE DAG RANG RANG GI GNAS LA SMON BA MED PAR MI'I YUL DU BABS NAS MI RNAMS DGE BA'I LAS LAM BCU LA SBYOR ZHING 'GOD PAR 'GYUR BA

LA SOGS PA, SKU GDUNG RING BSREL GYIS KYANG 'GRO DON BSAM GYIS MI KHYAB PA MDZAD CING MDZAD PAR 'GYUR RO, ,DE LTAR NA STON PA THUGS RJE CAN 'DI NYID DANG POR THUGS BSKYED PA'I TSE SEMS DANG PO BSKYED PA'I BYANG CHUB SEMS DPA' GZHAN LAS SNYING STOBS KYI SGO NAS LHAG PA DANG, BAR DU TSOGS GSOG PA'I TSE SPYOD PA LA ZHUGS PA'I BYANG CHUB SEMS DPA' GZHAN LAS DKA' SPYAD KYI SGO NAS LHAG PA DANG, THA MAR SANGS RGYAS PA'I TSE RANG CAG RNAMS LA PHYOGS BCU'I SANGS RGYAS GZHAN THAMS CAD LAS BKA' DRIN GYI SGO NAS LHAG PAR GRAGS CHE BA DE NI RJES 'JUG GIS PHYOGS ZHEN BYAS BA MIN PAR MDO RNAMS LAS SHIN TU GSAL BAR BYUNG NGO, ,SA'I SNYING PO 'KHOR LO BCU PA'I MDO LAS, 'JIG RTEN DAG NA BDE ZHING SKYID PA, ,DE KUN DKON MCHOG MCHOD LAS 'BYUNG BAS, ,DE BAS BDE ZHING SKYID PA 'DOD PAS, ,DKON MCHOG MCHOD LA RTAG TU BRTZON BYA, ,ZHES 'DI DANG PHYI MA'I BDE SKYID THAMS CAD DKON MCHOG GSUM LA MCHOD CING BSNYEN BKUR BA LAS 'BYUNG BAR GSUNGS PAS, BDAG LEGS SU 'DOD PA RNAMS KYIS DKON MCHOG GSUM MCHOD PA LA BRTZON PAR BYA DGOS LA, DE'I NANG NAS KYANG SANGS RGYAS DKON MCHOG NI BSOD NAMS KYI ZHING KHYAD PAR DU 'PHAGS PA YIN TE, BSNGAGS 'OS BSNGAGS BSTOD LAS, KHYOD DANG 'DRA BA'I ZHING DAG NI, ,'JIG RTEN GSUM NA MA MCHIS TE, ,KHYOD NI SBYIN GNAS RNAMS GYI MCHOG ,GRAL GTZANG MDZAD PA'I GTZANG MA LAGS, ,ZHES GSUNGS SHING, RANG RGYAL DGRA BCOM PA BYE BA PHRAG BRGYA LA LO MANG POR BSNYEN BKUR BYAS PA BAS, DE BZHIN GSHEGS PA'I SKU GZUGS LA YUD TZAM ZHIG DAD BAS

, ,BLTAS BA BSOD NAMS CHE BAR GSUNGS PA DANG, BRAM ZE ZHIG DE BZHIN GSHEGS PA TSIGS BCAD GCIG GIS BSTOD PAS BSKAL CHEN NYI SHU'I BAR NGAN SONG DU SKYE BA'I SGO KHEGS PAR GSUNGS PA DANG, DE BZHIN GSHEGS PA YID LA BYED PA'I GRANGS JI SNYED PA DE SNYED KYI BSKAL BAR NGAN SONG DU SKYE BA'I RGYUN CHAD PAR GSUNGS PA SOGS MANG PA'I PHYIR, RANG CAG RNAMS KYIS SANGS RGYAS GZHAN MCHOD PA LAS BSTAN PA'I BDAG PO STON PA THUB PA'I DBANG PO MCHOD BA NI BSOD NAMS CHE BA YIN TE, DE LTAR GSUNGS PA'I MDO'I KHUNGS MA MTHONG YANG RIGS PAS SGRUB TU YOD PA'I PHYIR TE, SANGS RGYAS RNAMS BSOD NAMS KYI ZHING MCHOG TU GYUR PA NI YON TAN GYI ZHING GONG NA MED PA YIN PA'I RGYU MTSAN GYIS YIN LA, STON PA THUB PA'I DBANG PO NI YON TAN GYI ZHING MCHOG TU GYUR BAR MA ZAD PHAN 'DOGS PA'I ZHING BLA NA MED PA YIN PA'I PHYIR, DPEN NA DGRA BCOM PA GZHAN BSAD PA LAS PHA DGRA BCOM PA BSAD PA NYES DMIGS CHE BAB ZHIN NO, ,DES NA SH'AKYA'I RJES 'JUG RNAMS KYIS SANGS RGYAS GZHAN THAMS CAD LAS STON PA THUB PA'I DBANG PO NYID PHYAG MCHOD KYI ZHING GI GTZO BOR GZUNG DGOS TE, RANG CAG RNAMS KYI RGYUD LA SKYON SNA GCIG 'GRIB BA DANG YON TAN SNA GCIG SKYE BA YAN CHAD KYI LEGS TSOGS THAMS CAD NI STON PA THUB BA'I DBANG PO'I GSUNG GI 'PHRIN LAS YIN PAS, BYAS PA GZO BA'I BSAM PAS MCHOD CING BSNYEN BKUR BYED NA LHAG PAR PHAN YON CHE BA'I PHYIR TE, RGYA MTSO RI RAB DANG BCAS PA'I KHUR LAS BYAS PA MI GZO BA KHUR CHE BA DANG, BYAS PA GZO BA NI MKHAS BAS BSNGAGS PA'I GNAS SU KLU'I RGYAL PO RNGA SGRA'I TSIGS BCAD LAS

GSUNGS PA'I PHYIR, RGYAL BA SH'AKYA THUB BA'I MTSAN BRJOD PAS BSKAL PA KHRI PHRAG GCIG GI SDIG PA 'DAG PA DANG, MTSAN THOS PAS BLA MED BYANG CHUB LAS PHYIR MI LDOG PA'I SA BON 'JOG PA SOGS PHAN YON RGYA CHE ZHING, GTZUG LAG KHANG GANG DU STON PA'I SKU BRNYAN RTEN GYI GTZO BOR BZHUGS SU GSOL TE RGYUN DU MCHOD CING BSNYEN BKUR BA'I SROL BTZUGS NA, YUL PHYOGS DER SANGS RGYAS KYI BSTAN PA DAR BA DANG DGE 'DUN GYI SNGE 'PHEL BAR GRAGS PA LTAR DON LA GNAS BA YIN TE, DON GYI DBANG 'DI GZIGS NAS 'PHAGS MCHOG SPYAN RAS GZIGS RGYAL BO'I TSUL BZUNG BA CHOS RGYAL SRONG BTZAN SGAM POS, BOD GANGS CAN DU RGYAL BSTAN GYI SROL GTONG PA'I SNGON DU RGYU BAL NAS THABS MKHAS KYIS JO SH'AKA RNAM GNYIS SPYAN DRANGS, LHA SAR GTZUG LAG KHANG BRTZIGS PA'I NANG DU BZHUGS SU GSOL NAS MCHOD PA'I SROL BTZUGS PAR MDZAD PA DANG, KHAMS GSUM 'GRO BA'I BLA MA RJE BDAG NYID CHEN POS KYANG, RGYAL BA RANG NYID KYIS LUNG BSTAN PA LTAR RGYAL BSTAN NYAMS DAMS PA GZHI NAS GSO BAR MDZAD PA'I TSE, SNGON DU LHA LDAN SPRUL PA'I GTZUG LAG KHANG RTEN DANG BRTEN PAR BCAS PA LA ZHIG GSO LEGS PAR MDZAD NAS, JO BO SH'AKYA MU NI'I SPYAN SNGAR HOR ZLA DANG PO'I TSES GTZIG NAS BCO LNGA'I BAR DU CHO 'PHRUL CHEN PO'I DUS KYI MCHOD PA JI SRID RGYAL BSTAN GNAS PA DE SRID DU RGYUN CHAGS SU BYED PA'I SROL BTZUGS PAR MDZAD PA YIN LA, DE LTAR BYAS NA RGYAL BSTAN DAR BA NI STON PA'I DGONGS PA'ANG YIN TE, MDO SDE GDAMS NGAG 'BOGS PA'I RGYAL PO'I BSTAN PA DVANGS SNYIGS 'BYED PA'I LE'U LAS, NGA YI SKU GZUGS RNAM GNYIS LA

, ,DBU RGYAN 'BUL ZHING MCHOD PA BYED, ,STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,NGA LA GSOL BA RAB 'DEBS NA, ,BSTAN PA LO STONG BAR DU GNAS, ,ZHES BSTAN PA LO STONG GI BAR DU 'PHEL SHING GNAS PA NI STON PA'I SKU GZUGS LA MCHOD CING GSOL BA BTAB PA'I MTHU YIN PAR GSUNGS DE LA PA'I PHYIR, LAS NGAN PA'I MTHUS BYI LAS BYA BYI GSOD PA LA MKHAS PA LTAR, LOG PA'I SMON LAM GYI MTHUS BSTAN PA NUB PAR BYED PA'I THABS LA MKHAS PA GLAD DAR MAS, STON PA'I SKU GZUGS MNGON SUM DU BZHUGS SHING DE LA PHYAG MCHOD BYED PA'I RGYAN MA NYAMS PAR YOD NA BSTAN PA NUB PAR MI 'GYUR BAR SHES NAS, JO SH'AKA RNAM GNYIS MUN KHANG DU SPA BA SOGS BSAM NA, YUL GANG DU STON PA'I SKU BRNYAN BZHUGS SHING DE LA PHYAG MCHOD GSOL 'DEBS BYED PA'I SROL DAR RGYAS SU YOD PA'I YUL PHYOGS DER BSTAN PA YUN RING DU 'PHAL ZHING GNAS PAR 'GYUR BA NI GDON MI ZA'O, ,RAB BYUNG KHYIM PA GANG YIN KYANG RANG RANG GI KHANG KHYIM SOGS SU STON PA'I SKU 'DRA RTEN GYI GTZO BOR BZHUGS SU GSOL TE, NYIN RE BZHIN LANGS PHYAG DANG MCHOD PA MA CHAG PAR BYED PA NI 'DAR MI RUNG BA'I BYA BA YIN TE, RDO RJE GDAN GYI MAH'A BO DHI LA DENG SANG MU STEGS PAS PHYAG MCHOD BYED PA DANG, 'JAM DBYANGS GONG MA'I BKA' CHAD KYI SA BON PO'I LHA RTEN BSHIG PA NA, DE'I NANG NA SANGS RGYAS PA'I RTEN GZHAN GANG YANG MED KYANG STON PA'I SKU BRNYAN 'BYUNG BAR GRAGS PA LTAR, STON PA THUGS RJE CAN NYID BON PO DANG MU STEGS PAS KYANG PHYAG MCHOD KYI ZHING DU BZUNG NA, RANG CAG SH'AKYA'I RJES 'JUG YIN PAR KHAS BLANGS

PA DAG GIS DE LTAR MI BYED PA GA LA RIGS, SNGAR LTAR BYAS NA BSOD NAMS TSAD MED PA GSOG CING KHANG KHYIM SOGS SU BKRA SHIS PA 'BYUNG BA DANG, DGRA DANG GDON BGEGS SOGS KYIS THUB DKA' BA DANG, DUS MA YIN PAR 'CHI BAR MI 'GYUR BA LA SOGS PA'I PHAN YON MANG PO 'BYUNG BAR LUNG RIGS KYIS SGRUB TU YOD KYANG MANGS DOGS NAS MA BRIS SO, ,SH'AKYA'I RJES 'JUG RNAMS KYIS BRAL SPANGS KYI THUB PA'I SKU BRNYAN ZHIG 'CHANG BA NI BKA' GDAMS GONG MA RNAMS KYI PHYAG BZHES RMAD DU BYUNG BA YIN ZHING, DENG SANG GI BAR DU DRAG SHOS RNAMS LA PHYAG LEN DE NYID MA NYAMS PAR YOD DO, ,KHYAD PAR DU SH'AKYA THUB PA'I SKU BRNYAN LUS SAM MGUL DU BTAGS NA DGRA DANG GDON BGEGS SOGS KYIS MI TSUGS PA'I BSRUNG BA CHEN POR 'GYUR BAR RJE GUNG THANG PAS GSUNGS PA LTAR DON LA GNAS PA YIN TE, SH'AKYA'I DGE SLONG GI CHOS GOS KYI TSAL BU DAD GUS KYIS 'CHANG BA'I MI ZHIG PHA ROL GYI GNOD PAS MI TSUGS PA'I GTAM BRGYUD YOD NA, SH'AKYA THUB PA'I SKU BRNYAN CHOS GOS GYI TSAL BU LAS BYIN RLABS CHUNG BAR 'GYUR BA MI SRID PA'I PHYIR, PHAN YON DE LTAR 'BYUNG BA NI STON PAS SLOB LAM GYI GNAS SKABS SU SMON LAM DE LTAR BTAB PA'I DBANG GIS YIN TE, BDAG SANGS RGYAS PA'I TSE BDAG GI BSTAN PA LA GOS DUR SMRIG BGOS PAR GYUR BA'AM, GANG DAG SKAD CIG GCIG TZAM BDAG LA STON PA'I 'DU SHES SAM, GUS PA'I SEMS BSKYED PAR GYUR PA'I SEMS CAN DE DAG THAMS CAD THEG PA GSUM PO DAG GIS PHYIR MI LDOG PAR GYUR CIG ,BDAG GI CHOS GOS DUR SMRIG MTHONG MA THAG TU GUS PAS MGUL NA THOGS PAR GYUR PA'I SEMS CAN RNAMS KYANG THEG PA GSUM PO DAG GIS PHYIR MI LDOG PAR GYUR CIG ,SEMS CAN GANG DAG THA NA CHOS

, ,GOS DUR SMRIG SOR BZHI TZAM 'CHANG BAR GYUR BA THAMS CAD KYANG BZA' BA DANG BTUNG BA PHUN SUM TSOGS PAR 'GYUR ZHING BSAM PA YONGS SU RDZOGS PAR GYUR CIG ,SEMS CAN GANG DAG PHAN TSUN ZHE 'GRAS SHING 'KHON GCUG MANG POR GYUR PA DANG, PHAN TSUN 'GYED CING G-YUL NGOR BZHUGS TE G-YUL SPROD PAR GYUR BA RNAMS KYIS KYANG, BDAG GI CHOS GOS DUR SMRIG RJES SU DRAN PAR GYUR NA, SEMS CAN DE DAG SNYING RJE'I SEMS DANG, 'JAM PA'I SEMS DANG, 'KHO NA MED PA'I SEMS DANG; LAS SU RUNG BA'I SEMS SU GYUR CIG ,SEMS CAN GANG DAG G-YUL NGO 'AM, 'GYED BA'AM, 'THAB PA'AM, RTZOD PA'I NANG DU BSRUNG BA DANG, MCHOD PAR BGYI BA DANG, GUS BAR BGYI BA'I SLAD DU DUR SMRIG GI DUM BU 'CHANG BAR GYUR BA'I SEMS CAN DE DAG KYANG RTAG TU RGYAL BAR 'GYUR BA DANG, 'KHRUL BA MA MCHIS BA DANG, RNAM PAR 'TSE BA MA MCHIS PAR GYUR CIG ,G-YUL NGO DANG, 'GYED PA DANG, 'THAB MO DANG, RTZOD PA DE DAG LAS KYANG LEGS PAR YONGS SU THAR BAR GYUR CIG ,GAL TE BDAG GI CHOS GOS DUR SMIG DMAR PO 'PHAGS PA'I YON TAN LNGA PO DE DAG DANG LDAN PAR MA GYUR NA, BDAG GIS PHYOGS BCU'I SANGS RGYAS BCOM LDAN 'DAS RNAMS BSLUS PAR 'GYUR BA NAS, BDAG GIS SANGS RGYAS KYI MDZAD BA MTHA' DAG YONGS SU RDZOGS BAR BGYID PAR RNGO MI THOG PA DANG, BDAG GI CHOS RNAMS BSKYUD PAR 'GYUR BA DANG, BDAG GIS GZHAN MU STEGS CAN RNAMS TSAR GCOD PAR RDO MI THOG PA'I BAR DU GYUR CIG ,CES SMON LAM BTAB PAR SNYING RJE BAD DKAR LAS GSUNGS PA GANG ZHIG ,JI LTAR SMON LAM BTAB BDE BZHIN DU 'GRUB PAR RIN CHEN SNYING POS LUNG BSTAN PAR YANG MDO DE NYID LAS GSUNGS PA'I PHYIR RO, ,DE DAG KYANG MDO'I

CHIG BSDUS NAS BKOD PA YIN PAS RGYAS PAR MDO NYID LAS SHES DGOS LA, BDAG GI CHOS GOS ZHES PA DE SH'AKYA'I DGE SBYONG GI CHOS GOS YIN GYI, STON PA'I NA BZA' YIN PAR GO BAR MI BYA'O, ,CHOG DNGOS LA 'JUG PA LA, THOG MAR GNAS KHANG BYI DOR LEGS PAR BYAS LA, DRI BZANG GI CHUS CHAG CHAG GDAG ME TOG GCAL DU DKRAM, STON PA'I SKU GZUGS GTZO BOR BYAS PA'I SKU GSUNG THUGS KYA RTEN BKUR STI CHEN POS LEGS PAR BKRAM PAR BYA STE, GNAS KHANG BYI DOR BYAS PA LA PHAN YON LNGA 'BYUNG BAR 'DUL BA LUNG LAS GSUNGS SHING, LAM PHRAN DANG DGA' BO'I 'BYUNG BA LTAR SDIG SGRIB 'DAG PA DANG, DAG ZHING DU SKYE BA'I RGYU DANG, MTHAR THUG SANGS RGYAS KYI ZHING 'DAG PA'I RGYUR 'GYUR BAR GSUNGS PAS GAL CHUNG DU MI BSAM LA, RTEN LEGS PAR BKRAM PAS KYANG BSOD NAMS RGYA CHEN GSOG PAR 'GYUR BAS BRTZON DGOS SO, , RTEN DE DAG GI MDUN DU, CHU GNYIS NYER SPYOD, 'DOD YON LNGA, RIN CHEN SNA BDUN, BKRA SHIS RTAGS RDZAS BRGYAD TSAN GNYIS, BA DAN, RGYAL MTSAN, PHYE MA PHUR MA, GA DUGS, LNGA LDI, RGYAN 'PHRENG, 'PHAN SOGS DANG, LHUNG BZED, CHOS GOS RNAM GSUM, RIGS LNGA'I DBU RGYAN, DKAR MNGAR GYI BZA' BCA' GTUNG BA SOGS MCHOD PA'I YO BYAD DNGOS DANG BCOS MA RNAMS G-YO MED BAR 'BAD PAS BTZAL LA BKOD PA MDZES PAR BSHAM, DE DAG KYANG SHAR BA'I GSUNG SGROS LAS THUD KYI SNGO SA DANG LO MA'I SER SA LTA BU NAS MA YIN GYI GANG BZANG BA NAS BYA DGOS GSUNGS PA BZHIN, RANG GIS GANG LONGS SPYOD RGYU DE LAS BZANG BA'AM MA MTHA' DE LAS NGAN PA MA YIN PA ZHIG DGOS TE, NGAN BA DKON MCHOG LA PHUL NAS BZANG PO RANG GI KHONGS SPYOD PA NI PHAN YON LAS NYES DMIGS CHE BAR GSUNGS SO, ,MCHOD PA'I SNOD 'BYOR BSTUN GYIS RIN PO CHE LAS GRUB BA SOGS BYUNG NA BZANG LA, DE MA BYUNG YANG 'OD 'TSER BA'I BAR LEGS PAR PHYIS PA'I BYI DOR DANG GTZANG SBRA THON BA GAL CHE STE, PAn CHEN BLO BZANG YE SHES KYIS TANG LA MDZUB RJES BABS NA'ANG DE MA THAG PHYIS NAS BSANG DUD MDZAD PA'I PHYAG BZHES LTAR BYA, MCHONG CHU YANG YAN LAG BRGYAD

, ,LDAN NA MA, DE MA RNYED NA MA MTHA' DVANGS SHING DRA NGA BA MED PA, 'THUNG NA LTO BA DANG MGRIN PA LA MI GNOD PA ZHIG DGOS LA, MCHOD CHU HA CANG KHA MTHOS PAS RIG PA MI BRTAN BA DANG, PHYIR PO BAS TSUL KHRIMS 'CHAL ZHING 'KHOR MI 'DU BA DANG, KHA HA CANG DAMS PAS LONGS SPYOD KYIS DBUL BA, TANG YA YO CAN DU BSGRIGS PAS DGE SBYOR KHRIGS SU MI 'ONG BA SOGS NYEN CHE BAS DE LTAR MA GYUR BAR MDZES PAR DGOD, 'BUL BA'I TSE MCHOD SPRIN GYI GZUNGS BRJOD BZHIN DU THOG MTHA' GNYIS PHRAL BAR DU SBOM PO STE NAS 'BRU MA'I TSUL DU RGYAL PO CHEN POR GSOL JA 'BUL BA LTAR BSGRIMS TE BYA, MCHOD CHUL NA CI TZAM PHUL YANG SER SNA SOGS KYI SKYON MI 'BYUNG BA DANG, LAS NYON DKOR SGRIB SOGS 'DAG TSAB CHE ZHING, BYAMS SNYING RJE BYANG CHUB KYI SEMS KYIS RGYUD BRLAN PA SOGS RTEN 'BREL GYI SGO KHYAD PAR CAN YOD PAS, BKA' GDAMS GSAR RNYING GI DAM PA GONG MA RNAMS 'DI LA GTZO BOR MDZAD DO, ,MCHOD PA YANG DNGOS PO LAM 'THOGS RANG GI DAD PA LA 'THOGS PA YIN GSUNGS PA LTAR, YO BYAD MED NA CHU DANG MAntA LA DANG BLOS MA BZUNG BA'I MCHOD PA 'BUL BA LA 'BAD DGOS LA, YO BYAD YOD KYANG SER SNAS 'BUL MI NUS PA RNAMS KYANG DE DAG LA BRTZON PAR BYA STE, MCHOD PA CHUNG DU LA BRNYAS NAS MA PHUL NA TSE RANGS PO DE 'DRA ZHIG TU 'GRO LA, CHUNG RIM NAS NAN TAN BSKYED NA JE BZANG DU 'GRO BAS PHU CHUNG BA'I PHYAG LEN LTAR SLOB DGOS PAR LAM RIM LAS GSUNGS PA LTAR RO, ,MAR ME'I RGYU'I MAR YA KHA DOG DRI RO PHUN SUM TSOGS PA BYUNG NA BSOD NAMS CHE ZHING, SDONG BU NI DAM LHOD RAN PAR DRIL TE RING THUNG RKONG BU'I TSAD LA DPAG STE JI LTAR 'TSAM PA ZHIG BYA DGOS KYI, HA CANG PHRA BAS ME MA SHI TZAM GYIS RGYUN RING DANG, HA CANG SBOM PAS MYUR DU 'BAR BA GNYIS KA MI BYED PAR, 'OD GSAL BA'I STANG NAS DAL BAR BYAS NA LEGS PAR BKA' GDAMS KYI BSTAN RIMS LAS GSUNGS, MAR ME PHUL BAS MNGON SHES 'GRUB PA DANG, CHOS KYI MIG RNAM PAR DAG PA SOGS PHAN YON DU MA 'BYUNG BAR GSUNGS SO, ,ZHAL ZAS NI ZAN GTZANG MA GANG LEGS LAS

BZOS PA MAR GSAR BA'I RGYAN GYIS SPRAS PA'I DBYIBS PHUN SUM TSOGS PA PHYAG LEN BZHIN BYA DGOS LA, ZAN LA SMAN LNGA DANG SNYING PO LNGA LA SOGS PA BSRES NA GNAS SKABS SU NANG MUG DBUL BA SOGS SEL ZHING NAD DANG MU GE'I BSKAL PA SOGS SU MI SKYE BA DANG, MTHAR THUG DBANG STOBS KYI YON TAN PHUN SUM TSOGS BA 'THOB PAR GSUNGS SO, ,DE DAG GIS MTSON NAS MCHOD RDZAS GZHAN RNAMS KYANG RGYU GANG BZANG BA, RIN GANG CHE BA, KHA DOG BZANG ZHING DBYIBS LEGS PA, DRI ROL SOGS PA PHUN SUM TSOGS PA PHUL NA BSOD RNAMS RDZOGS TSAB LHAG PAR CHE BAS 'BAD PAR BYA ZHING, MCHOD PA SO SO'I PHAN YON RNAMS NI RJE'I GSUNG 'BUM GYI GRAS SU BZHUGS PA LHA SKU'I PHYAG TSAD GZUGS BRNYAN BLTA BA'I ME LONG LAS SHES PAR BYA'O, ,DE NAS RANG NYID PHYI NANG GI KHRUS DANG GTZANG SBRA DANG LDAN ZHING GOS GSAR PA GYON TE, KHYIM PA YIN NA THEG PA CHE CHUNG GI BSNYEN GNAS GANG MOS DANG, RAB BYUNG RNAMS THEG PA CHEN PO'I GSO SBYONG LA GNAS NA PHUN SUM TSOGS PAR 'GYUR ZHING PHAN YON KYANG SHIN TU CHE STE, GNAS 'JOG GI MDO LAS, GANG+GA LA SOGS PA'I CHU KLUNG CHEN PO LNGA DANG, RGYA MTSO CHEN PO'I CHU RNAMS BUM PA'I GRANGS KYIS 'DEN NUS MI SRID LA, 'ON KYANG DE LTAR NUS PA SRID KYANG, BSNYEN GNAS KYI BSOD NAMS KYI TSAD GZUNG BAR MI NUS SHING, 'DZAM GLING GANG BA'I DGRA BCOM PA LA JI SRID 'TSO'I BAR DU YO BYAD THAMS CAD KYIS BSNYEN BKUR BA'I BSOD NAMS KYIS BSNYEN GNAS LAN GCIG BSRUNGS PA'I BSOD NAMS KYI BRGYA'I CHA DANG, STONG GI CHA SOGS SU NYE BAR MI 'GRO BA DANG, BSNYEN GNAS LAN GCIG BSRUNGS BAS RGYAL CHEN RIS BZHIN SA GZHAN 'PHRUL DBANG BYED KYI BAR 'DOD LHA RIGS DRUG KA'I TSE TSAD DANG MNYAM PA'I YUN DU LHA'I BDE BA MYONG BAR GSUNGS PA DANG, BYAMS PA LUNG BSTAN PA'I MDO LAS, DA LTA BSNYEN GNAS GTZANG MA LAN GCIG BSRUNGS NA, SANGS RGYAS LNGA BA'I BSTAN PA LA 'PHAGS LAM 'THOB PAR GSUNGS PA SOGS MANG NGO, ,DE DAG KYANG DUS BZANG ZHING BSTAN PA NYAMS DAMS PAR MA GYUR BA'I DUS DER BSNYEN GNAS BSRUNGS PA'I PHAN YON YIN LA, DE BAS KYANG DA LTA SNYIGS MA LNGA LHAG PAR BDE BA'I DUS 'DIR BSRUNGS NA

, ,PHAN YON CHES KHYAD PAR DU 'PHAGS TE, DE LTAR TING NGE 'DZIN GYI RGYAL PO'I MDO LAS GSUNGS SHING, THUB BSTAN BYI DOR LAS KYANG, DE YANG BSKAL BA DANG BSTAN PA LA SKYON MA ZHUGS PA'I DUS SU LO DPAG TU MED PA TSANGS PAR SPYAD PA LAS, DA LTA'I DUS SHIN TU SNYIGS MA LNGA LHAG PAR BDO BA 'DI LTA BU'I DUS SU NYIN ZHAG GCIG BSLAB BA'I GZHI GCIG TZAM BSRUNG BA YANG PHAN YON CHE BAR GSUNGS LA, ZHES GSUNGS PA'I PHYIR, THEG DMAN GYI BSNYEN GNAS DE LAS KYANG THEG CHEN GSO SBYONG GI PHAN YON LHAG PAR CHE BA NI KHAB MIG DANG NAM MKHA' LTA BU'I KHYAD PAR YOD PAR LUNG RIGS DU MAS SGRUB TU YOD KYANG MA SPROS SO, ,DE LTAR NA BSNYEN GNAS 'DI PHAN YON TSAD MED LA, TSE 'DI'I BYA BAS RTAG TU G-YENGS PA'I KHYIM PAS KYANG DUS THUNG BAS GTZANG SING NGE BAR BSRUNG NUS PAR SNANG BAS, TSEGS CHUNG DUS DON CHEN PO 'GRUB PA'I THABS KHYAD PAR CAN 'DI LA SKYES BU'I RTZAL CI YOD KYIS 'BAD PAR BYA'O, ,SO THAR GYI BSNYEN GNAS JI LTAR LEN TSUL NI GZHAN LAS SHES PAR BYA ZHING, THEG CHEN GYI BSNYEN GNAS KYI SDOM PA RTEN GYI DRUNG DU LEN TSUL NI, SKYA RENGS THA MA SHAR NAS NYI MA MA SHAR BA'I BAR SKABS SU, STON PA'I SKU BRNYAN GYI MDUN DU PHYAG GSUM 'TSAL NAS, JI SNYED SU DAG PHYOGS BCU'I 'JIG RTEN NA, ,ZHES SOGS KYIS YAN LAG BDUN PA PHUL TE, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RTA CANG SHES LTA BU, GLANG PO CHEN PO, BYA BA BYAS SHING, BYED PA BYAS PA, KHUR BOR BA, RANG GI DON RJES SU THOB PA, SRID BAR KUN TU SBYOR BA YONGS SU ZAD PA, YANG DAG PA'I BKA', LEGS PAR RNAM PAR GROL BA'I THUGS, LEGS PAR RNAM PAR GROL BA'I SHES RAB CAN DE RNAMS KYIS, SEMS CAN THAMS CAD KYI DON GYI PHYIR DANG, PHAN BAR BYA BA'I PHYIR DANG, GROL BAR BYA BA'I PHYIR DANG, NAD MED PAR

BYA BA'I PHYIR DANG, MU GE MED PAR BYA BA'I PHYIR DANG, BYANG CHUB KYI PHYOGS KYI CHOS RNAMS YONGS SU RDZOGS PAR BYA BA'I PHYIR DANG, BLA NA MED PA YANG DAG PAR RDZOGS PA'I BYANG CHUB LHAG PAR RDZOGS PAR BYA BA'I PHYIR GSO SBYONG YANG DAG PAR BLANG BAR MDZAD PA DE BZHIN DU, BDAG MING 'DI ZHES BYA BAS KYANG DUS 'DI NAS BZUNG STE JI SRID SANG NYI MA MA SHAR GYI BAR DU SEMS CAN THAMS CAD KYI DON GYI PHYIR DANG, PHAN PAR BYA BA'I PHYIR DANG, GROL BAR BYA BA'I PHYIR DANG, NAD MED PAR BYA BA'I PHYIR DANG, MU GE MED PAR BYA BA'I PHYIR DANG, BYANG CHUB KYI PHYOGS KYI CHOS RNAMS YONGS SU RDZOGS PAR BYA BA'I PHYIR DANG, BLA NA MED PA YANG DAG PAR RDZOGS PA'I BYANG CHUB NGES PAR RTOGS PAR BYA BA'I PHYIR GSO SBYONG YANG DAG PAR BLANG BAR BGYI'O, ,ZHES LAN GSUM DANG; DENG NAS SROG GCOD MI BYA ZHING, ,GZHAN GYI NOR NI BLANG MI BYA, ,'KHRIG PA'I CHOS KYANG MI SPYAD CING, ,BRDZUN GYI TSIG KYANG MI SMRA'O, ,SKYON NI MANG PO NYER BSTEN PA'I, ,CHANG NI YONGS SU SPANG BAR BYA, ,KHRI STAN CHEN PO MI BYA ZHING, ,DE BZHIN DUS MA YIN PA'I ZAS, ,DRI DANG 'PHRENG BA DANG NI RGYAN, ,GAR DANG GLU SOGS SPANG BAR BYA, ,JI LTAR DGRA BCOM RTAG TU NI, ,SROG GCOD LA SOGS MI BYED PA, ,DE BZHIN SROG GCOD LA SOGS SPANG, ,BLA MED BYANG CHUB THOB PAR SHOG ,SDUG BSNGAL MANG 'KHRUG 'JIG RTEN RNAMS, ,SRID PA'I MCHO LAS SGROL BAR SHOG ,CES LAN GCIG DANG, AOm AA MO GHA SH'I LA, SAm BHA RA SAm BHA RA, BHA RA BHA RA, MAH'A SUDDHA SATVA, PADMA BI BHU sh'I TA BU DZA, DHA RA DHA RA, SAMANTA AA WA LO KI TE H'Um PHAt SV'AH'A, ZHES LAN NYER GCIG BRJOD, , KHRIMS KYI TSUL KHRIMS SKYON MED CING, ,ZHES SOGS SMON LAM GDAB PO, ,SKYABS 'GRO NI, ` PHYOGS BCU DUS GSUM GYI, ZHES PA NAS, DGE 'DUN LA SKYABS SU MCHE'O, ,ZHES LAN MANG DU BRJOD LA, NGAN SONG 'KHOR BA'I SDUG BSNGAL LA SHIN TU 'JIGS PA'I

, ,YID KYIS DGRAS GTZES PA'I KHA NYEN PO STOBS CAN LA SKYABS 'CHA' BA BZHIN DU DKON MCHOG GSUM LA SKYABS 'CHA' BA'I BSAM PA THUGS DRAG POS SKYABS SU 'GRO BAR BYA STE, DE LTAR BYAS NA BSOD NAMS RGYA CHEN PO 'THOB PA DANG, SNGON BSAGS PA'I LAS SGRIB BSRABS SHING 'DZAD PAR 'GYUR BA DANG, NGAN 'GROR MI LTUNG BA DANG, MI DANG MI MA YIN PA'I GNOD PAS MI TSUGS PA DANG, CI BSAM PA'I DON THAMS CAD 'GRUB PAR 'GYUR BA LA SOGS PA'I PHAN YON MANG PO 'BYUNG BAR GSUNGS TE, SKYABS SONG BSOD NAMS GZUGS YOD NA, KHAMS GSUM 'DI YANG SNOD DU CHUNGS, ,ZHES SOGS DANG, PHAG TU SKYE BAR 'GYUR BA'I LAS CAN ZHIG SKYABS 'GRO BYAS PAS LAS DE DAG BAR GYUR BA DANG, GANG DAG SANGS RGYAS SKYABS SONG BA, ,DE DAG NGAN 'GROR 'GRO MI 'GYUR, ,ZHES SOGS DANG, MU STEGS RLUNG ZHAGS GRUB PA LA SOGS PA'I GTAM DANG, CHOS LDAN GYI BYA BA GANG BSGRUB PA'I THOG MAR DKON MCHOG LA MCHOD CING SKYABS SU SONG NAS 'GRUB PAR GSOL BA BTAB NA BDE BLAG TU 'GRUB PAR LAM RIM LAS GSUNGS PA'I PHYIR RO, ,SKYABS 'GRO TSIG TZAM MIN PA YOD NA MTHU PHUL DU BYUNG BA LA BRTEN PA YIN PAS, PHYI DANG NANG GI LA CHAD KYIS MI BRDZA BA DANG, YON TAN GYI KHYAD PAR RNAMS SKYE SLA ZHING NYAMS DKA' BAS GONG NAS GONG DU 'PHEL BAR 'GYUR BAR LAM RIM LAS GSUNGS 'DUG PAS NA, SKYABS 'GRO TSIG TZAM DU MI 'GYUR BA'I THABS LA BLO'I MTHU CI YOD KYIS BRTZON PAR BYA'O, ,DE NAS BYAMS SNYING RJE'I DMIGS RNAM LEGS PAR GSAL BTAB STE, BYANG CHUB MCHOG TU SEMS BSKYED PA NI, BDAG GIS MAR GYUR PA'I SEMS CAN 'DI DAG THAMS CAD BDE BA DANG BDE BA'I RGYU DANG LDAN PAR BYA, SDUG BSNGAL DANG SDUG BSNGAL GYI RGYU DANG BRAL BAR BYA'O, ,DE'I PHYIR DU BDAG GIS BLA NA MED PA'I SANGS RGYAS KYI GO 'PHANG CI NAS KYANG MYUR DU THOB PAR BYA'O, ,SNYAM PA'I BYANG CHUB KYI SEMS YID LA DUNG DUNG BA LAN MANG DU BSKYED DO, ,DE NAS BYIN BRLAB BZHI SGOR NI, DKON MCHOG GSUM GYI BDEN PA DANG, SANGS RGYAS DANG BYANG CHUB SEMS DPA'

THAMS CAD KYI BYIN GYIS BRLABS DANG, TSOGS GNYIS YONGS SU RDZOGS PA'I MNGA' THANG CHEN PO DANG, CHOS KYI DBYINGS RNAM PAR DAG CING BSAM GYIS MI KHYAB PA'I STOBS KYIS, MNYAM MED SH'AKYA'I RGYAL PO'I LHA TSOGS 'KHOR DANG BCAS PA GANG DU SBYAN 'DREN PA'I GNAS 'DI NYID STON PA THUB PA'I DBANG PO'I SNGON GYI SMON LAM KHYAD PAR CAN GYIS BSGRUBS PA'I SANGS RGYAS KYI ZHING YONGS SU DAG PA, BCOM LDAN 'DAS 'OD DPAG MED KYI ZHING GI BKOD PA'I YON TAN LTA BU DANG LDAN PAR GYUR TE, SA GZHI RIN PO CHE SNA TSOGS KYI RANG BZHIN LAG MTHIL LTAR MNYAM PA, THA GRU CHE BA, YANGS PA, RE GA NA 'JAM ZHING BDE BA DRI MA MED CING 'OD GSAL BA, TZAN DAN SBRUL GYI SNYING PO'I DRI BSUNG NGAD DANG LDAN PA'I LHA'I ME TOG SNA TSOGS KYI GCAL BKRAM PA, MTHA' RIN PO CHE'I PA GUS BRTZIGS PA, GSER DANG, DNGUL DANG, MU TIG GI PHYA MA GRAM BUR BRDAL PA, AUTPA LA DANG, KU MU DA DANG, PADMA 'GYING ZHING LDEMS PAS KHEBS PAR GYUR CING, CHU BYA SNA TSOGS SKAD SNYAN PAR SGROGS PA, DGA' ZHING 'PHYO LA LDING BA'I BRGYAN PA'I YAN LAG BRGYAD DANG LDAN PA'I MTSO DANG RDZING DANG LTENG KA DAG GIS MDZES PAR BYAS PA RIN PO CHE'I DPAG BSAM GYI SHING LJON PA LHA'I NOR BU DANG, MU TIG GI RGYAN 'PHRENG DANG RIN PO CHE DBYANGS PA, ME TOG GI MGO LCOGS DANG 'BRAS BU MDZES PAR CHAGS PAS G-YUR ZA ZHING LDEM PA, GSER GYI DRIL BU G-YER 'KHROL BA LAS DAM PA'I CHOS KYI SGRA 'BYUNG BA DANG LDAN PA TSAR DU BSGRENGS BAS LEGS PAR BRGYAN PA'I GZHI PHUN SUM TSOGS PA 'BYUNG BAR GYUR CIG ,DE'I DBUS SU GZHAL MED KHANG RIN PO CHE SNA BDUN MCHOG TU 'BAR BA BKOD PA, 'JIG RTEN GYI KHAMS DPAG TU MED PA RGYAS PAR 'GENGS PA'I 'OD ZER CHEN PO RAB TU 'BYUNG BA, GNAS THA DAD PA SHIN TU RNAM PAR PHYE BA MTHA' YAS PA RNAM PAR GNAS PA RGYA YONGS SU MA

, ,CHAD PA, KHAMS GSUM LAS YANG DAG PAR 'DAS PA'I SPYOD YUL 'JIG RTEN LAS YANG DAG PAR 'DAS PA DE'I BLA MA'I DGE BA'I RTZA BA LAS BYUNG BA, SHIN TU RNAM PAR DAG CING DBANG SGYUR BA'I RNAM PAR RIG PA'I MTSAN NYID, DE BZHIN GSHEGS PA'I GNAS, BYANG CHUB SEMS DPA'I DGE 'DUN DANG LDAN PA, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, MI DANG MI MA YIN PA MTHA' YAS PA RNAM PAR RGYU BA, CHOS KYI RO'I DGA' BA DANG BDE BA CHEN POS BRTAN PA, SEMS CAN THAMS CAD KYI DON THAMS CAD YANG DAG PAR THOB PAR BYED PAS NYE BAR GNAS PA, NYON MONGS PA'I GNOD PA'I DRI MA THAMS CAD DANG BRAL BA BDUD THAMS CAD YONGS SU SPANGS PA THAMS CAD KYI BKOD PA LAS LHAG PA'I DE BZHIN GSHEGS PA'I BKOD PA'I GNAS DRAN PA DANG, BLO GROS DANG RTOGS PA CHEN POS NGES PAR 'BYUNG BA, ZHI GNAS DANG LHAG MTHONG GI BZHON PA YIN PA, RNAM PAR THAR BA'I SGO STONG PA NYID DANG, MTSAN MA MED PA NYID DANG SMON PA MED PA NAS 'JUG PA, RIN PO CHE'I PADMA'I RGYAL PO YON TAN MTHA' YAS PAS BRGYAN PA'I BKOD PA LA BRTEN PA'I GZHAL MED KHANG CHEN PO 'BYUNG BAR GYUR CIG ,DE'I DBUS SU PADMA'I GDAN RIN PO CHE'I SENG GE'I KHRI STAN LA, STON PA MNYAM MED THUB PA'I DBANG PO LA SOGS PA PHYOGS BCU'I DE BZHIN GSHEGS PA DANG, BYANG CHUB SEMS DPA' DANG, 'PHAGS PA NYAN RANG BKA' SDOD DANG BCAS PA THAMS CAD GDAN 'DZOMS PA'I BZHUGS GNAS 'PHAGS PA SO SO'I SMON LAM KHYAD PAR CAN DANG MNGA' THANG DANG 'TSAM PAR GRUB PA MDZES PA SHA STAG 'BYUNG BAR GYUR CIG ,PHYI NANG KUN TU YANG CHO RIGS DANG 'TSAM PAR YANG LHA DANG MI'I YO BYAD DAM PA ZHAL ZAS DANG NA BZA' DANG, RGYAN DANG ROL MO LA SOGS PA PHUL DU PHYIN PA SNA TSOGS PHUNG PO

GSUM PA'I MDO DANG, BZANG PO SPYOD PA'I SMON LAM LAS BYUNG BA'I MCHOD PA'I SBRIN RGYA MTSO THAMS CAD KYIS RGYAS PAR GANG ZHING RGYAN KLUBS PA DANG LDAN PAR GYUR CIG ,'PHAGS PA THAMS CAD KYANG GDAN 'DZOM NAS DE BZHIN DU BYIN GYIS BRLABS SHING BZHES TE LONGS SPYOD PAR GYUR CIG ,CES LAN GSUM DANG, AOm NA MO BHA GA WA TE BADZRA S'A RA PRA MARDA NI, TA TH'A GA T'A YA AA RHA TE, SMYA KmS BUDDH'A YA, TDYA TH'A, AOm BADZRE BADZRE, MH'A TE DZA BADZRE, MAH'A BI DY'A BDZRE, MAH'A BO DHI TZITTA BADZRE, MAH'A BO DHI MAntO PA SAm KA MA nA BADZRE SARBA KARMA AA WAR nA BI SHO DHA NA BADZRE SV'A H'A, ZHES LAN GSUM DANG, DKON MCHOG GSUM GYI BDEN PA DANG, SANGS RGYAS DANG BYANG CHUB SEMS DPA' THAMS CAD KYI BYIN GYIS BRLABS DANG TSOGS GNYIS YONGS SU RDZOGS PA'I MNGA' THANG CHEN PO DANG, CHOS KYI DBYINGS RNAM PAR DAG CING BSAM GYIS MI KHYAB PA'I STOBS KYI DE BZHIN NYID DU GYUR CIG ,ZHES LAN GSUM BYA'O, DE NAS TSOGS ZHING SPYAN 'DREN PA SOGS NI, PHUN SUM TSOGS PA THAMS CAD STZOL BAR MDZAD PA'I BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MNYAM MED SH'AKYA'I RGYAL PO LA SOGS PA PHYOGS BCU'I RGYAL BA SRAS DANG SLOB MA'I TSOGS BSTAN PA SKYONG BA DANG BCAS PA RNAMS BDAG CAG SBYIN PA'I BDAG PO RNAMS LA DGONGS SU GSOL, DA LTAR BDAG CAG GI STON BA SANGS RGYAS BCOM LDAN 'DAS SH'AKYA THUB BA GDUL BYA'I DBANG GIS 'DZAM BU 'I GLING 'DIR MYA NGAN LAS 'DAS PA'I TSUL BSTAN KYANG 'JIGS RTEN GYI KHAMS GZHAN DU DE BZHIN GSHEGS PA'I RNAM PAR ROL BA SNA TSOGS KYIS 'GRO BA'I DON MDZAD CING BZHUGS PA DE, SEMS CAN THAMS CAD LA NYIN MTSAN DUS DRUG TU GZIGS PA'I THUGS RJE CHEN PO DANG, SNGON SKAR MA SKYONG LA SOGS PA BSKAL PA

, ,BZANG PO 'DI LA 'TSANG RGYA BAR 'GYUR BA'I BYANG CHUB SEMS DPA' GZHAN THAMS CAD KYIS SPANGS SHING BOR BA'I RTZOD LDAN TSE LO BRGYA PA'I SEMS CAN RMU RGOD MA RUNGS PA, SRID PA'I DPA' KLONG DANG 'KHOR BA'I 'KHRUL 'KHOR NA SKYOB PA MA MCHIS PA DANG; SKYABS MA MCHIS PA DANG, DPUNG GNYEN MA MCHIS PAR LUS PA, SDUG BSNGAL SNA TSOGS KYI SNOD DU GYUR BA'I SEMS CAN DE RNAMS THUGS BRTZE BA CHEN PO'I SGO NAS BDAG GIR BZHES TE, SMON LAM CHEN PO LNGA BRGYA BTAB PA LA SOGS PA SNGON GYI SMON LAM KHYAD PAR CAN LAS GLENGS TE, BDAG CAG MNGA' RIGS KYI GDUL BYA RNAMS PHYAG MTSAN DU BZHES PA'I NANG DU GTOGS TE BKA'I DRIN THOB PA'I 'PHRO MCHIS PA TZAM LA BRTEN TE, BDAG CAG SNYIGS MA LNGA BDO'I 'GRO BA RNAMS SMIN CING SGROL BAR MDZAD PA'I SLAD DU MGON SKYABS DANG DPUNG GNYEN DU SPYAN 'DREN CING MCHIS NA MCHOD PA'I TSOGS SBYAR BA'I PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN PO MDZAD DE BYIN GYIS BRLAB PAR CI GNANG, , BSKAL PA BZANG PO'I SANGS RGYAS GZHAN DANG BDE GSHEGS MCHOD BDUN LA SOGS BA PHYOGS BCUN DUS GSUM DU BZHUGS PA'I SANGS RGYAS BCOM LDAN 'DAS RNAMS KYANG BDAG CAG SNYIGS MA LNGA BDO'I 'GRO BA RNAMS SMIN CING SGROL BAR MDZAD PA'I SLAD DU MGON SKYABS DANG DPUNG GNYEN DU SPYAN 'DREN CING MCHIS NA MCHOD PA'I TSOGS SBYAR BA'I PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN PO MDZAD DE BYIN GYIS BRLAB PAR CI GNANG, NYE BA'I SRAS CHEN BRGYAD LA SOGS PA'I BYANG CHUB SEMS DPA'I TSOGS THAMS CAD KYANG BDAG CAG SNYIGS MA LNGA BDE'I 'GRO BA RNAMS SMIN CING SGROL BAR MDZAD PA'I SLAD DU MGON SKYABS DANG DPUNG GNYEN DU SPYAN 'DREN CING MCHIS NA MCHOD PA'I TSOGS SBYAR BA'I

PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN PO MDZAD DE BYIN GYIS BRLAB PAR CI GNANG, NYAN THOS CHEN PO MCHOG ZUNG 'OD BSRUNG GNAS BRTAN BCU DRUG LA SOGS PA NYAN RANG 'PHAGS PA'I TSOGS THAMS CAD KYANG BDAG CAG SNYIGS MA LNGA MDO'I 'GRO BAR RNAMS SMIN CING SGROL BAR MDZAD PA'I SLAD DU MGON SKYABS DANG DPUNG GNYEN DU SPYAN 'DREN CING MCHIS NA MCHOD PA'I TSOGS SBYAR BA'I PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN PO MDZAD DE BYIN GYIS BRLAB PAR CI GNANG, SNGON BSTAN PA DANG 'KHOR RNAM BZHI SKYONG BAR ZHAL GYIS BZHES PA'I 'PHAGS PA CHOS SKYONG BA THAMS CAD KYANG BDAG CAG SNYIGS MA LNGA BDO'I 'GRO BA RNAMS SMIN CING SGROL BAR MDZAD PA'I SLAD DU MGON SKYABS DANG DPUNG GNYEN DU SPYAN 'DREN CING MCHIS NA MCHOD PA'I TSOGS SBYAR BA'I PHO BRANG GI DKYIL 'KHOR 'DIR GSHEGS SHING GDAN 'DZOM PA CHEN PO MDZAD DE BYIN GYIS BRLAB PAR CI GNANG, ZHES SPYAN 'DREN PA'I SNYAN GSAN PHUL TE, SPOS ROL DBYANGS DANG BCAS PAS, MA LUS SEMS CAN GUN GYI MGON GYUR CING, ,ZHES PA NAS, YONGS DAG 'KHOR DANG BCAS TE GSHEGS SU GSOL, ,ZHES SPYAN DRANGS, SKU KHRUS GSOL BAR ZHU, GANG 'DIR BCOM LDAN 'DAS DE BZHIN GSHEGS PA, ZHES PA NAS, KHRUS 'DI GSOL BAR BGYI'O, ,RI BO LTAR NI MDZES PA YI; ;YON TAN DAM PA'I RGYAN LDAN BA'I, ,MCHOD GNAS RIN CHEN 'DI DGAL, ,BDAG GIS KHRUS 'DI GSOL BAR BGYI, ,MA RIG 'DZOMS PA'I NYI MA STE, ,SRID PA'I NAD NI SEL BA'I SMAN, ,DAM CHOS RIN CHEN 'DI DAG LA, ,BDAG GIS KHRUS 'DI GSOL BAR BGYI, ,BSKAL PA'I MTHA' YA DNGOS 'DZOMS PA, ,'JIGS BYED ME YI CHA BYAD CAN, ,MGON PO SNYING RJE STOBS LDAN LA, ,BDAG GI KHRUS 'DI GSOL BAR BGYI, ,MCHOG TU TSIM ZHING SKAL BZANG BA, ,DAM PA'I BDUD RTZI MDZES CHA BYAD, ,DPAL LDAN

, ,BLA MA'I SKU GZUGS LA, ,BDAG GIS KHRUS 'DI BDAG GIS KHRUS 'DI GSOL BAR BGYI, ,CHOS KYI SKU YI BDAG NYID CAN, ,MCHOG GI YON TAN GZUGS CAN GYI, ,MCHOD RTEN RIN CHEN 'DI DAG LA, ,BDAG GIS KHRUS 'DI GSOL BAR BGYI, ,GDUL BYA'I SEMS CAN GANG DAG LA, ,RGYAL BA'I SPRUL SKU MANG PO YIS, ,CHA BYAD LHA YI RNAM PA NI SNYING RJE YIS NI NGES GANG BA, ,RTAG TU PHAN DANG BAD MDZAD PA, ,MCHOG TU DUL BA DE DAG LA, ,BDAG GIS KHRUS 'DI GSOL BAR BGYI, ,SANGS RGYAS GZUGS BRNYAN GNAS DANG NI, ,SLOB PA'I DGE 'DUN GNAS KYIS, ,GTZUG LAG KHANG DANG GNAS GZHAN LA, ,BDAG GIS KHRUS 'DI GSOL BAR BGYI, ,ZHES LUS KYI SNYAN GSAN DBUL, KHRUS KYI KHANG PA SHIN TU DRI ZHIM PA, ,ZHES SOGS KYIS KHRUS KHANG BSKYED, JI LTAR BLTAMS PA TZAM GYIS NI, ,ZHES SOGS DANG, RGYAL BA'I SKU GSUNG THUGS LA ZHES SOGS DANG, KHYED SKU RANG BZHIN YONGS DAG PAS, ,ZHES SOGS DANG, DE BZHIN GSHEGS DANG DE YI SRAS RNAMS LA, ,ZHES SOGS DANG, 'DI NI SBYIN PA'I RANG BZHIN CHU, ,ZHES SOGS TSIGS BCAD DRUG DANG, 'DI NI KHRUS MCHOG DPAL DANG LDAN, ,ZHES SOGS KYIS KHRUS GSOL DBUL, TSIGS BCAD 'DI DAG GI BAR BAR DU SNGAGS BRJOD MI DGOS SHING SKU PHYI YANG MI BYED DO, ,SKU MCHOG RNAM DAG LTA BAS MI NGOMS LA, ,NGO MTSAR SKYON BRAL MKHA' DKYIL NYI GSAL 'DRA, ,CHOS KYI SKU LA DRI MA MI MNGA' YANG, ,SRI ZHU BKUR STI RIM GRO'I TSUL TZAM DU,, CHU GTZANG SMAN SPOS 'O MA 'DAG CHAL CHUS, ,'GRO BA'I LUS SEMS SDUG BSNGAL BSNGAL NAD BSAL TE, ,NYES PA'I SKYON BRAL 'GRO BA'I YID 'ONG BA, ,DAM PA'I SKU MCHOG BDAG GIS THOB PAR SHOG ,CES SMON LAM GDAB, DE DAG SKU LA MTSUNGS PA MED PA'I GOS,, GTZANG LA DRI RAB BSGOS BAS SKU PHYI'O, ,ZHES RAS KYIS PHYI'O, ,BDE GSHEGS SKU GSUM DPE DANG MTSAN MNGA' YANG, ,'GRO BA'I DON DU GZUGS SKU CIR YANG GDA', ,RIN CHEN DBYIG LTAR NYES PA'I SKYON BRAL YANG, ,'JIG RTEN SRID ZHU GUS PA'I TSUL TZAM SU

SDIG MED RGYAL BA RNAMS KYIS RAB BSNGAGS PA'I, ,RAS MCHOG 'DI YIS RGYAL BA'I SKU PHYIS PAS, ,NYON MONGS DUG GSUM SGRIB BKUN BYANG NAS, ,SKU GSUM NGANG DU BDAG CAG 'GYUR BAR SHOG ,CES SMON LAM GDAB, STONG GSUM KUN TU DRI DANG LDANG BA YI, , ZHES SOGS TSIGS BCAD GCIG GIS DRI BYUG, SNA TSOGS DBANG PO'I GZHU LTAR RAB BKRA SHING, ,ZHES SOGS CHIGS BCAD GCIG GIS NA BZA' DANG, RGYAL BA MTSAN DPE'I RANG BZHIN RGYAN LDAN PHYIR, ,ZHES SOGS TSIGS BCAD GCIG GIS RGYAN DBUL, BDAG DANG 'GRO LA THUGS BRTZE'I PHYIR; ;ZHES PA NAS, DE SRID BCOM LDAN BZHUGS SU GSOL, ,ZHES GSOL BA BTAB PAS TSOGS ZHING RNAMS KHRUS KHANG NAS YAR BYON TE, GZHAL YAS KHANG GI DBUS SU SENG GE CHEN PO BRGYAD KYIS BTEGS PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PADMA'I GDAN LA, NGO BO RANG GI DRIN CAN RTZA BA'I BLA YIN PA LA, RNAM BRGYAL BA SH'AKYA THUB PA SKU MDOG GSER BTZOM LTA BU DBU GTZUG TOR DANG LDAN PA, ZHAL GCIG PHYAG GNYIS KYI G-YAS SA GNON DANG, G-YON MNYAM GZHAG GI STING NA BDUD RTZIS GANG BA'I LHUNG BZED BSNAMS PA, SKU LA CHOS GOS NGUR SMRIG GI MDOG CAN GSUM MDZES PAR GSOL BA, DBUL RIN PO CHES LE SBRAM LAS BSGRUB PA'I DE BZHIN GSHEGS PA RIGS LNGA'I DBU RGYAN DPA' BO'I DAR DPYANGS DANG BCAS PA RIN PO TSE SNA TSOGS PA'I PHRA BKOD PAS MDZES PAR BYAS PAS BRGYAN PA, MI SPRON DBU RGYAN GYI SKOR 'DI MA BYAS KYANG MCHOG GO ,GANG LTAR YANG DE'I RJES LA, MTSAN DPES BRGYAN PA'I DVANGS GSAL 'OD KYI RANG BZHIN CAN, SKU LAS SKYES PA'I 'OD KYI PHUNG PO'I DKYIL NA ZHABS GNYIS RDO RJE SKYIL KRUNG GIS BZHUGS PA, SENG KHRI'I G-YAS G-YON DU 'PHAGS PA SH'A RI'I PU DANG MO'U GAL GYI BU CHEN PO GNYIS 'GRENG STE STON PA LA BKUR STI BYED PA'I TSUL GYIS GNAS PA, MTHA' BSKOR DU RTZA BRGYUD KYI

, ,DPAL LDAN BLA MA DAM PA RNAMS DANG, PHYOGS BCU'I SANGS RGYAS DANG BYANG CHUB SEMS DPA' 'PHAGS PA NYAN RANG BKA' SDOD DANG BCAS PA DPAG TU MED PA RANG RANG GI GDAN LA BZHUGS PAR BSAM LA, PHYAG 'TSAL BA NI, MKHA' MNYAM 'GRO LA MKHYEN BRTZES RAB DGONGS NAS, ,ZHES PA NAS, 'DREN MCHOG SH'AKYA'I TOG LA PHYAG 'TSAL, ,RAB 'BYAMS RGYAL DANG RGYAL SRAS GZHAN KUN LAS, ,SNYIGS DUS 'GRO LA LHAG PAR THUGS BRTZE BA, ,ZLA MED STON PA SH'AKYA'I RGYAL PO LA, ,SGO GSUM GUS PA CHEN POS PHYAG 'TSAL LO, ,'GRO BA NYAM THAG THUGS RJES MA BZOD NAS, ,'GRO KUN SRID PA'I MTSO LAS NGAS SGROL ZHES, ,THUGS BSKYED MDZAD NAS BGRANG YAS BSKAL PA RU, ,BYA DKA'I SPYOD PA SPYAD LA PHYAG 'TSAL LO, ,MGON KHYOD SNGON TSE BRAM ZER 'KHRUNGS PA'I TSE,, STAG MO PHRU GUR BCAS PA NYAM THAG PA, ,THUGS RJES MA BZOD RANG GI LUS SBYIN TE, ,NYAM THAG GSO BAR MDZAD LA PHYAG 'TSAL LO, ,SNGON TSE SHI BA'I RGYAL POR 'KHRUNGS PA'I TSE, ,LONGS SPYOD THAMS CAD PHANGS MED GTONG MDZAD CING, ,SPYAN GNYIS BRAM ZE LONG BA LA BYIN NAS, ,LONG BA MIG LDAN MDZAD LA PHYAG 'TSAL LO ,, KO SA LA YI RGYAL BOR GYUR PA'I TSE, ,TSE RABS DRAN TE ZAN DRON TZAM BYIN PA'I, ,'BRAS BU RGYA CHEN 'GRUB PA 'DI BLTOS ZHES, ,'GRO LA DAM CHOS BSTAN LA PHYAG 'TSAL LO, ,TSONG DPON SBYIN LA DPA' BAR GYUR BA'I TSE, ,BDUD KYIS MA BZOD ME 'OBS SPRUL BYAS KYANG, ,SNYING STOBS CHEN POS ME YI 'OBS BRGAL TE, ,'PHAGS PA MCHOD PAR MDZAD LA PHYAG 'TSAL LO, ,TSOD DPON ZIL GYIS MI NON DU GYUR TSE, ,LHA YIS NYAMS SAD NOR KUN MI SNANG YANG, ,RTZA SNGON BRDAS TE BTZONGS PA'I RIN GYIS KYANG, ,PHONGS RNAMS GSO BAR MDZAD LA PHYAG 'TSAL LO, ,RI BONG GTZO BOR 'KHRUNGS TSE 'KHOR RNAMS LA, ,CHOS BSTAN BRAM ZE BKRES PA GSO BA'I PHYIR, ,RANG LUS MER MCHONGS

LHA DBANG GIS BLANGS TE, ,KUN LA NGO MTSAR BSTAN LA PHYAG 'TSAL LO, ,BRAM ZER 'KHRUNGS NAS DKA' THUB NA GAS GNAS TSE, ,LHA YI NYIN GSUM DKA' THUB ZAS BLANGS KYANG, ,MA CHAGS PHANGS MED BYIN NAS TING 'DZIN GYI, ,DGA' BDES 'TSO BAR MDZAD LA PHYAG 'TSAL LO, ,RGYAL PO BYAMS PA'I STOBS SU 'KHRUNGS PA'I TSE, ,'GRO KUN BYAMS BRTZES BSKYANGS SHING GNOD SBYIN LNGA, ,LUS KYI SHA KHRAG GIS GSOS SANGS RGYAS TSE, ,BDUD RTZI STER ZHES GSUNGS LA PHYAG 'TSAL LO, ,RGYAL BU THAMS CAD SGROL DU 'KHRUNGS PA'I TSE; ;BU DANG BU MO NOR DANG GLANG CHEN SOGS, ,GCES BA KUN BTANG MI 'JIGS SBYIN PA YIS, ,'GRO KUN BDE BAR MDZAD LA PHYAG 'TSAL LO,, SNGON TSE CHOS LDAN SA SKYONGS DU GYUR TSE, ,GZHAN DBANG MA BTANG BGRANG YAS DUD 'GRO YI, ,SROG SKYABS 'GRO KUN DGE BCU'I KHRIMS LA BKOD, ,SBYIN PA MTHAR PHYIN MDZAD LA PHYAG 'TSAL LO, ,LHA YI DBANG POR 'KHRUNGS TSE LHA MIN DANG, ,G-YUL 'GYED DUS SU BYA YI TSANG GZIGS NAS, ,RANG SROG BLOS BTANG BYA PHRUG SROG SKYABS TE, ,TSUL KHRIMS BSRUNG BAR MDZAD LA PHYAG 'TSAL LO, ,BLA MA ZER 'KHRUNGS TSE RANG GI SLOB DPON GYIS, ,BRAM ZE RGUD TSE RKU BA RUNG NGO ZHES, ,BSKUL YANG MA BYIN LEN PA MI RUNG ZHES, ,TSUL KHRIMS MTHAR PHYIN MDZAD LA PHYAG 'TSAL LO, ,SHI BI'I RGYAL POR 'KHRUNGS TSE BLON PO YIS, ,MYOS BYED CES BYA'I MDZES MA PHUL NA YANG, ,SROG LA THUG KYANG LOG G-YE MA MI BYA ZHES, ,RNAM DAG KHRIMS BSRUNG MDZAD LA PHYAG 'TSAL LO, ,DED DPON CHEN POR GYUR TSE BDEN TSIG GIS, ,DON MTHUN RGYA MTSO'I KLONG LAS MTHAR MDZAD CING, ,RIN CHEN SNA TSOGS 'DOD DGUS TSIMS MDZAD LA, ,LEGS PAR PHA ROL PHYIN LA PHYAG 'TSAL LO, ,NYA YI RGYAL POR GYUR TSE NYA PHRAN RNAMS, ,MTSO SKA MA SNA TSOGS BYA YIS GTZES PA NA, ,BDEN PA'I TSIG GIS CHAR PHAB NYA RNAMS GSOS, ,THABS MKHAS THUGS RJE

, ,CAN LA PHYAG 'TSAL LO, ,SREG BAR 'KHRUNGS TSE NAGS MES MTHA' SKOR YANG, ,BDEN TSIG BRJOD BAS NAGS MA PHYIR LDOG STE, ,GRANGS MED 'GRO BA'I SROG SKYABS BDE LA BKOD, ,BDEN PA'I MTHU CAN KHYOD LA PHYAG 'TSAL LO, ,SNGON TSE LHA DBANG BRGYA BYIN GYUR PA NA, ,MYOS CHUS RGYAL BLON SDE BCAS PHUNG GZIGS NAS, ,THABS MKHAS SPRUL PAS CHOS BSTAN DGE LA BKOD, ,'GRO 'DREN MTSUNGS MED MCHOG LA PHYAG 'TSAL LO, ,MGON KHYOD RGYAL RIGS PHYUG POR 'KHRUNGS PA'I CHE, ,'DOD PA'I NYES DMIGS GZIGS PA'I NGES 'BYUNG GIS, ,BSKUL TE 'KHOR BA'I LONGS SPYOD SKUN SPANGS NAS, ,RNAM DAG RAB 'BYUNG MDZAD LA PHYAG 'TSAL LO, ,GRAGS LDAN BRAM ZE'I RIGS SU 'KHRUNGS PA'I TSE, ,LONGS SPYOD KUN SPANGS DBEN PAR BSAM GTAN MDZAD, ,RKYEN NGAN LAM BSGYUR GNOD 'CHA' SEMS SPANGS TE, ,'KHOR LA CHOS STON MDZAD LA PHYAG 'TSAL LO, ,SNGON TSE RGYAL PO'I TSONG DPON DU GYUR CHE, ,GZHAN GYIS BSGRAGS PA'I YON TAN THOS PA NA, ,DGA' BZHIN TSE 'DI BLOS BTANG RAB TU BYUNG, ,TSUL KHRIMS MTHAR PHYIN MDZAD LA PHYAG 'TSAL LO,, BRAM ZER 'KHRUNGS TSE KHYIM SPANGS RAB BYUNG BA, ,GTZUG PHUD BYANG CHUB CES BYAR GYUR PA NA, ,RGYAL POS BRNYAS KYANG KHRO MED BZOD PA YIS, ,RJES BZUNG DAM CHOS BSTAN LA PHYAG 'TSAL LO, ,NGANG PA'I RGYAL POR 'KHRUNGS TSE RNYIS BZUNG YANG, ,KHRO DANG 'JIGS SPANGS THABS MKHAS SNYING STOBS KYIS, ,RGYAL PO TSANGS BYIN 'KHOR DANG BCAS PA LA, ,CHOS 'KHOR BSKOR BAR MDZAD LA PHYAG 'TSAL LO, ,KUN RGYU BYANG CHUB CES BYAR GYUR BA'I TSE, ,MANG POS BRNYAS KYANG MI KHRO BZOD BSTAN NAS, ,LTA NGAN 'DZIN PA'I RGYAL PO 'KHOR BCAS LA,, YANG DAG GNAS LUGS BSTAN LA PHYAG 'TSAL LO, ,SPRE'UR 'KHRUNGS TSE G-YANG DU LHUNG BA'I MI, ,RGYAB TU KHUR NAS DRANGS KYANG MI NGAN DES, ,DRIN LAN LOG 'JAL BYAS PA'ANG BZANG BYAS TE, ,LHAG PAR PHAN SKYOBS MDZAD LA PHYAG 'TSAL LO, ,SNYING RJES RI DVAGS

SHA RA BHAR 'KHRUNGS TSE, ,RANG LA GNOD BYED RGYAL PO G-YANG LHUNG BA, ,RANG LUS LA BSKYON G-YANG LAS 'DREN PAR MDZAD, ,'GRO BA'I GNYEN GCIG KHYOD LA PHYAG 'TSAL LO, ,SNYING RJE'I DBANG GIS RU RUR 'KHRUNGS PA'I TSE, ,CHUS KHYER NYAM THAG MI ZHIG DE LAS BSGRAL,, LOG SGRUB BZOD CING RGYAL BLON 'KHOR BCAS LA, ,CHOS 'KHOR BSKOR BAR MDZAD LA PHYAG 'TSAL LO, ,SPRE'U'I RGYAL POR GYUR TSE DMAG DPUNG GIS, ,SPRE'U TSOGS NYAM THAG BYAS LA THUGS BRTZE BAS, ,RANG LUS ZAM PAR BYAS TE SPRE'U TSOGS BSGRAL, ,NGO MTSAR SEMS DPA' CHE LA PHYAG 'TSAL LO, ,DRANG SRONG BZOD PA SMRA BAR 'KHRUNGS PA'I TSE, ,RGYAL POS RANG LUS DUM BUR GTUBS BYAS KYANG, ,DE LA MI KHRO SLAR YANG THUGS BRTZE BAS, ,GNOD LAN PHAN PA MDZAD LA PHYAG 'TSAL LO, ,TSANGS PA'I RGYAL POR 'KHRUNGS TSE YAN LAG BYIN, ,LTA BA NGAN PA 'DZIN LA THUGS BRTZE BAS, ,RGYU 'BRAS RTEN 'BREL ZAB MO'I CHOS BSTAN TE, ,RNAM KUN DON LDAN MDZAD LA PHYAG 'TSAL LO, ,DGON PA NYAM NGA'I GLANG CHEN DU GYUR TSE, ,RGYAL POS SPYUGS PA'I SKYE BO BDUN BRGYA TZAM, ,THUGS RJES MA BZOD RANG LUS BOR NAS GSOS, ,BZOD BA MTHAR PHYIN MDZAD LA PHYAG 'TSAL LO, ,RGYAL BU ZLA BAR 'KHRUNGS TSE RKANG KHRA LA, ,CHOS BSTAN DE YIS BRTZON DU BZUNG RNAMS BTANG, ,CHA TSANG LAM BZANG SGRUB CING 'DOMS MDZAD PA, ,BRTZON 'GRUS MTHAR PHYIN KHYOD LA PHYAG 'TSAL LO, ,LCAGS KHYIM GNAS PA'I RGYAL BUR GYUR PA'I TSE, ,SRID LA ZHEN LOG NGAS 'BYUNG GIS BSKUL TE, ,BYANG SEMS TING 'DZIN BSGOM LA BRTZON PAR MDZAD, ,BSAM GTAN MTHAR PHYIN KHYOD LA PHYAG 'TSAL LO, ,SNYING RJE'I DBANG GIS MA HE'I LUS BZUNG TSO, ,SBRE'US GTZES PA BZOD CING LHA RNAMS LA, ,RGYU 'BRAS RTEN 'BREL ZAB MO STON PAR MDZAD, ,SHES RAB MTHAR PHYIN KHYOD LA PHYAG 'TSAL LO, ,'GRO LA BRTZE BAS BYA YI LUS BZUNG TSE, ,SENG GE NYAM THAG GSOS SHING LHA RNAMS LA, ,RGYAL BA

, ,DGYES PA'I LAM BZANG STON MDZAD PA, ,'GRO 'DREN MTSUNGS MED DAM PAR PHYAG 'TSAL LO, ,DE DAG LA SOGS SKYES RAB MTHA' YAS PAR, ,GZHAN DON DKA' SPYAD GLANG CHEN KHRUS BZHIN DU, ,NGOM MED SPYAD PAS MNGON BAR BYANG CHUB PA, ,STON PA THUGS RJE CAN LA PHYAG 'TSAL LO, ,DPAL LDAN STUG PO BKOD BA'I ZHING KHAMS SU, ,LNGA LDAN LONGS SPYOD RDZOGS PA'I SKUR BZHENGS TE, ,PHYOGS BCU'I ZHING KHAMS RAB 'BYAMS MTHA' YAS PAR, ,SPRUL BA'I ZLOS GAR MDZAD LA PHYAG 'TSAL LO, ,CHOS KYI SKU LAS MA G-YOS DGA' LDAN DU, ,DAM PA KUN GYI TOG MDZES RNAM DKAR GYIS, ,LHA BCAS 'GRO LA PHAN BDE MCHOG STZOL BA, ,SA BCU'I DBANG PHYUG TSUL LA PHYAG 'TSAL LO, ,ZHES PA NAS, SKU YI DNGOS KYI GDUL BYA TSIM MDZAD NAS, ,ZHI BA'I DBYINGS GZIMS SKU GDUNG CHA BRGYAD DANG, , DE LAS 'PHROS BA'I BSAM 'PHEL NOR BU YIS, ,STONG GSUM MDZES PAR MDZAD LA PHYAG 'TSAL LO, ,MNYAM MED STON PA MCHOG DES LEGS GSUNGS PA'I, ,LUNG RTOGS DAM PA'I CHOS DANG GSUNG RAB LAS, ,DNGOS SAM BRGYUD NAS SKYES PA'I MKHAS RNAMS LA, , SNYING NAS MI PHYED DAD BAS PHYAG 'TSAL LO, ,BDE LEGS MCHOG STER STON PA'I SKU GZUGS DANG, ,LEGS GSUNGS BKA' DANG DGONGS 'GREL DANG BCAS PA'I, ,GLEGS BAM MCHOD RTEN GNAS GZHI LA SOGS PA, ,PHYAG 'OS KUN LA GUS PAS PHYAG 'TSAL LO; ;STON PA BLA MED SANGS RGYAS RIN PO CHE, ,ZHES PA NAS, SKYABS GNAS DKON MCHOG GSUM LA PHYAG 'TSAL LO, ,JI SNYED SU DAG PHYOGS BCU'I 'JIG RTEN NA, ,ZHES PA NAS, BDE BAR GSHEGS PA THAMS CAD BDAG GIS BSTOD, ,CES PHYAG BYA, MCHOD PA 'BUL BA NI, JI LTAR SNGON GYI SANGS RGYAS LA, ,LHA YI DBANG PO BRGYA BYIN GYIS, ,MCHOD YON PHUL BA JI BZHIN DU, ,BDAG KYANG MCHOD YON DBUL BAR BGYI, ,JI LTAR SNGON GYI SANGS RGYAS LA, ,KLU RGYAL GTZUG NA RIN CHEN GYIS, ,ZHABS BSIL PHUL BA JI BZHIN DU, ,BDAG KYANG

ZHABS BSIL DBUL BAR BGYI, ,JI LTAR SNGON GYI SANGS RGYAS LA, ,SRING MO GANGG'A'I LHA MO YIS, ,ME TOG PHUL BA JI BZHIN DU, ,BDAG KYANG ME TOG DBUL BAR BGYI, ,JI LTAR SNGON GYI SANGS RGYAS LA, ,SPOS 'TSONG KHYE'U BKRA SHIS KYIS, ,BDUG SPOS PHUL BA JI BZHIN DU; ;BDAG KYANG BDUG SPOS DBUL BAR BGYI, ,JI LTAR SNGON GYI SANGS RGYAS LA, ,RGYAL PO GSER GYI LAG PA YIS, ,SNANG GSAL PHUL BA JI BZHIN DU, ,BDAG KYANG SNANG GSAL DBUL BAR BGYI, ,JI LTAR SNGON GYI SANGS RGYAS LA, ,DRI ZA'I RGYAL PO RAB DGA' YIS, , DRI CHAB PHUL BA JI BZHIN DU, ,BDAG KYANG DRI CHAB DBUL BAR BGYI, ,JI LTAR SNGON GYI SANGS RGYAS LA, ,KHYIM BDAG MGON MED ZAS SBYIN GYIS, ,ZHAL ZAS PHUL BA JI BZHIN DU, ,BDAG KYANG ZHAL ZAS DBUL BAR BGYI, ,JI LTAR SNGON GYI SANGS RGYAS LA, ,MGAR BA LHA DGA' KLU DGA' YIS, ,SGRA SNYAN PHUL BA JI BZHIN DU, ,BDAG KYANG SNYAN DBUL BAR BGYI, ,ZHES CHU GNYIS NYER SPYOD ROL MO DANG BCAS BA DBUL, AE MA'O MCHOD PA BLA NA MED, ,RANG BYUNG MCHOD PA CHEN PO STE, ,GZUGS KYI LHA MOS ME LONG 'DZIN, ,GZUGS KYI MCHOD PA SPYAN LA 'BUL, AE MA'O MCHOD PA BLA NA MED, ,RANG BYUNG MCHOD PA CHEN PO STE, ,SGRA YI LHA MOS BI WANG 'DZIN, ,SGRA YI MCHOD BA SNYAN LA 'BUL, ,AE MA'O MCHOD PA BLA NA MED, ,RANG BYUNG MCHOD PA CHEN PO STE, ,DRI YI MCHOD PA SHANGS LA 'BUL, ,AE MA'O MCHOD PA BLA NA MED, ,RANG BYUNG MCHOD PA CHEN PO STE, ,RO YI LHA MOS ZHAL ZAS 'DZIN, ,RO YI MCHOD PA LJAGS LA 'BUL, ,AE MA'O MCHOD BA BLA NA MED, ,RANG BYUNG MCHOD PA CHEN PO STE, ,REG BYA'I LHA MOS NA BZA' 'DZIN, ,REG BYA'I MCHOD PA SKU LA 'BUL, ,ZHES 'DOD YON LNGA 'BUL, PHUN TSOGS GZI 'OD PHYOGS BCUR RAB TU 'PHRO, ,ZHES PA NAS, STOBS BCU MNGA' BA'I GO 'PHANG THOB PAR SHOG, ,CES DBU RGYAN DBUL, DGE SBYONG RNAMS LA 'DREN PAS BSNGAGS PA YI, ,CHOS GOS GSUM DANG GSIL BYED DRANG SRONG SNOD, ,RUNG BA TSAD DANG LDAN PA 'DI DAG KYANG, ,ZHEN MED MA

, ,CHAGS BLO YIS DBUL BAR BGYI, ,DRI MED MTSAN LA SGRIB PA MI MNGA' YANG, ,DAD PAS DUR SMRIG RGYAL MTSAN PHUL BA YIS, ,NAM MKHA'I MTHA' DANG MNYAM PA'I SEMS CAN RNAMS, ,SANGS RGYAS BRTUL ZHUGS MCHOG LA SBYOD BAR SHOG ,CES CHOS GOS SOGS DBUL, PHUL BYUNG GZUGS MDZES YID 'PHROG RGYAN GYIS SPUD, ,LANG TSOR RGYAS GLU DANG GAR LA MKHAS, ,DBANG PO DRUG LA RMAD BYUNG BDE BA STER, ,KUN GYI DGA' SKYED MCHOD PA'I LHA MO NI, ,KHA CIG ME TOG SNA TSOGS SKON BU THOGS, ,GZHAN DAG DRI ZHIM BDUG PAS PHYOGS KUN 'GENGS, ,LA LA SNANG GSAL DRI DANG BDUD RTZI 'DZIN, ,DE 'DRA'I MCHOD BA'I SPRIN GYIS BDAG MCHOD NA, ,'KHOR DANG BCAS BA'I BRTZE LDAN BCOM LDAN 'DAS, ,BDAG GI BSOD NAMS SPEL SLAD BSHAMS PA DANG, ,YID KYIS SPRUL PA'I RAB 'BYAMS MCHOD PA'I TSOGS, ,DGYES BZHIN BZHES TE MCHOG RNAMS STZAL DU GSOL, ,ZHES NYER SPYOD LNGA 'BUL, PI WANG MA DANG GLING BU MA, ,RDZA RNGAM DANG RDZA RNGA CHE, ,BZHAD MO SGEG MO GLU GAR MO, ,ME TOG MA DANG SPOS 'CHAD MA, ,MAR ME MA DANG DRI CHAB MA, ,ME LONG MA DANG RO 'DZIN MA, ,REG BYA MA DANG CHOS LDAN MA, ,NAM MKHA' GANG BA'I TSOGS SPRUL NAS, ,RGYAL BA SRAS DANG BCAS LA 'BUL, ,'GRO BA'I DON DU BZHES SU GSOL, ,ZHES LHA MO BCU DRUG DBUL, LHA RDZAS LAS BYAS LTE BA SHIN TU ZLUM, ,RTZI BAS STONG LDAN ZHING MU KHYUD RAB MNYAM BZANG, ,SDANG BA'I DGRA LAS RNAM PAR RGYAL GYUR BA'I, ,'KHOR LO RIN CHEN NAM MKHA' BKANG STE 'BUL, ,RIN CHEN DO BO LHA RDZAS BEEd'URYA, ,KUN TU DPAG TSAD TZAM DU SNAD BYED CING , ,DRI MED NYIN MO JI BZHIN MTSAN DE BZHIN, ,NOR BU RIN CHEN NAM MKHA' BKANG STE 'BUL, , GZUGS MDZES BLTA NA SDUG CING TSUL BZANG MA, ,WAGS BA'I MDOG LEGS 'JAM ZHING DRI MCHOG LDAN, ,YID 'OD 'DOD DGU'I REG BYA DANG LDAN PA'I, ,BTZUN MO RIN CHEN NAM MKHA' BKANG STE 'BUL, ,GANG YANG RGYAL BA MU TIG MDANGS LDAN PA'I

GSER SOGS MANG PO THUB LA PHUL BA LTAR, ,BZOD LDAN MTSUNGS PA'I KHYIM BDAG NOR LDAN PA'I, ,BLON PO RIN CHEN NAM MKHA' BKANG STA 'BUL, ,YAN LAG THAMS CAD LEGS SKYES SA LA NI, ,RAB GNAS GANGS CHEN RI 'DRA GLANG PO CHE, ,RGYAL PO LA 'OS MKHA' LA RAB 'GRO BA'I, ,GLANG PO RIN CHEN NAM MKHA' BKANG STE 'BUL, ,THO RANGS DUS SU PHYOGS RNAMS MA LUS PA'I, ,SA RNAMS BSKOR TE SLAR YANG LDOG 'GYUR PA, ,RMA BYA'I MGRIN PA'I SPU LTAR YID 'ONG BA'I, ,RTA MCHOG RIN CHEN NAM MKHA' BKANG STE 'BUL, 'GRO DANG LDOG DANG KUN NAS 'ONGS GYUR PA'I, ,BDUD DBUNG MA LUS 'JIGS PAR BYED PA STE, ,DPAL LDAN 'BYOR BA'I DPUNG DANG BCAS PA YI, ,DMAG DPON RIN CHEN NAM MKHA' BKANG STE 'BUL, ,RGYAL SRID RIN PO CHE SNA BDUN PHUL BA'I DGE BA'I RTZA BA LA BRTEN NAS SBYIN PA'I BDAG PO RNAMS BLA NA MED PA'I CHOS KYI RGYAL SRID LA MNGA' BSGYUR BA'I CHOS KYI RGYAL PO CHEN POR GYUR CIG ,CES RIN CHEN SNA BDUN DBUL, JI LTAR SNGON GYI SANGS RGYAS LA, ,DPAL GYI BE'U G-YUNG DRUNG 'KHYIL, ,DGE BA DON DU MNGA' BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,GSER GYI 'KHOR LO MU KHYUD CAN, ,TSANGS PA CHEN POS PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,'DAM GYI SKYON GYI MA GOS PA'I, ,PADMA DKAR PO PHUL BA LTAR, ,DE BZHIN BDAG GIS DBUL BAR BGYI, ,JI LTAR SON GYI SANGS RGYAS LA, ,NYON MONGS BDUD LAS RGYAL BA YI, ,CHOS KYI RGYAL MTSAN PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,GDUGS DKAR GSER GYI YU BA CAN, ,PHUL BDE BZHIN BDAG 'BUL GYIS, ,CI BDE BAR NI BZHES SU GSOL, ,JI LTAR SNGON GYI SANGS RGYAS LA, ,RE BA THAMS CAD RDZOGS MDZAD PA'I, ,BUM BA BZANG PO PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI

, ,SANGS RGYAS LA, ,SNYAN PA PHYOGS BCUR SGROG PA YI, ,'BUD DUNG G-YAS 'KHYIL PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,NA BZA' GSER GYI NYA RIS CAN, ,PHUL BA DE BZHIN BDAG 'BUL GYIS, ,CI BDE BAR NI BZHES SU GSOL, ,BKRA SHIS PA'I RTAGS BRGYAD PHUL BA'I DGE BA'I RTZA BA LA BRTEN NAS SBYIN PA'I BDAG PO RNAMS PHYOGS DANG DUS DANG GNAS SKABS THAMS CAD DU BKRA SHIS DANG BDE LAGS KYI DGE MCHAN RGYA CHEN PO RGYUN MI 'CHAD DU 'BYUNG BAR GYUR CIG ,CES BKRA SHIS RTAGS BRGYAD DPAL, JI LTAR SNGON GYI SANGS RGYAS LA, ,GZUGS KYI LHA MO 'OD 'CHANG MAS, ,ME LONG PHYAG TU PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,GLANG PO CHAN PO NOR SKYONG GIS, , GHA HANG PHYAG TU PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,ZHING PA'I BU MO LAGS SKYES MAS, ,BA ZHO PHYAG TU PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,RTZVA 'TSONG KHYE'U BKRA SHIS KYIS, ,DUR BA PHYAG TU PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,LHA MCHOG CHANGS PA CHEN PO YIS, ,BIL BA PHYAG TU PHUL PA LTAR, ,DE BZHIN BDAG GIS DBAL BAR BGYI, ,JI LTAR SNGON GYI SANGS RGYAS LA, ,LHA YI DBANG PO BRGYA BYIN GYIS, ,DUNG DKAR G-YAS 'KHYIL PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,SKAL LDAN BRAM ZE DKAR RGYAL GYIS, ,LI KHRI PHYAG TU PHUL BA LTAR, ,DE BZHIN BDAG GIS DBUL BAR BGYI, ,JI LTAR SNGON GYI SANGS RGYAS LA, ,GSANG BDAG PHYAG NA RDO RJE YIS, ,YUNGS DKAR PHYAG TU PHUL BA LTAR, ,DE BZHIN BDAG GIS DBUL BAR BGYI, ,BKRA SHIS PA'I RDZAS BRGYAD PHUL BA'I DGE PA'I RTZA BA LA BRTEN NAS 'JIG RTEN GYI KHAMS

THAMS CAD DU BKRA SHIS DANG DGE MTSAN RGYA CHEN PO RGYUN MI 'CHAD DU 'BYUNG BAR GYUR CIG ,CES BKRA SHIS RDZAS BRGYAD DBUL, RIN CHEN MDZES PA'I BKRA SHIS BUM PA 'DI, ,ZHES PA NAS, BYANG CHUB SEMS KYI RLAN GYIS BRLAN PAR SHOG ,CES GANG BUM DBUL, RNGA BO CHE RNAMS PHUL BA'I DGE BA YIS, ,SEMS CAN THAMS CAD TSANGS PA'I DBYANGS LDAN GYUR, ,SANGS RGYAS BYANG CHUB DAM BA MCHOG REG SHOG ,CHOS KYI 'KHOR LO DGE BA BSKOR GYUR CIG ,BSKAL BA BSAM GYIS MI KHYAB BZHUGS PAR SHOG ,'GRO LA PHAN PHYIR CHOS KYANG STON GYUR CIG ,NYON MONGS 'JOMS 'GYUR SDUG BSNGAL SEL BAR SHOG ,'DOD CHAGS ZHE SDANG GTI MUG ZHI GYUR CIG ,RNGA PHUL BA'I DGE BA'I RTZA BA LA BRTEN NAS SBYIN PA'I BDAG PO RNAMS CHOS KYI RNGA CHEN PO RGYUN MI 'CHAD DU BRDUNG BAR GYUR CIG ,CES RNGA DBUL, DKAR MDZES 'KHYIL LEGS DAR GYI COD PAN CAN, ,GANGS SNYAN SKAD KYI NGA ROS PHYOGS KUN 'GENGS, ,G-YAS 'KHYIL DUNG GIS NAM MKHA' BKANG STE 'BUL, ,'GRO BAS TSANGS DBYANGS MCHOG NI THOB PAR SHOG ,DUNG PHUL BA'I DGE BA'I RTZA BA LA BRTEN NAS SBYIN PA'I BDAG BO RNAMS CHOS KYI DUNG RGYUN MI 'CHAD DU 'BUD PAR GYUR CIG ,CES DUNG DBUL, DRI MED GSER GYI RTZIBS STONG 'OD 'BAR BA , ,RIN CHEN AINDRA N'I LA'I TOG GIS MDZES, ,SNA TSOGS PHRA BKOD MU TIG CHUN 'PHYANG GIS; ;KHOR YUG BRGYAN PA'I GDUGS KYI SA MCHOD PAR BYA, ,GDUGS PHUL BA'I DGE BA'I RTZA BA LA BRTEN NAS SBYIN PA'I BDAG BO RNAMS BLA NA MED PA'I CHOS KYI RGYAL PO CHEN POR GYUR CIG ,CES GDUGS DBUL, DRANG ZHING LDEM PA'I RIN CHEN YU BA NI, ,ZLA PHYED RDO RJE RIN CHEN RTZE MO CAN, ,DAR LCE GSUM PA RLUNG GIS BSKYOD PA NA, ,SIL SIL 'KHROL BA'I DRIL CHUNG SGRA SGROGS SHING, ,SUM KHUGS 'KHYOG GI 'GYING DANG RAB TU LDAN, ,MDZES BA'I SROGS CHAGS MTSAN MA YOD MED KYI, ,MI MTHUN PHYOGS LAS

, ,RGYAL BA'I RGYAL CES RGYAL MTSAN DANG BA DAN DBUL MTSAN DANG, ,RAB MDZES PA DAN DAG GIS MCHOD BAR BYA, ,RGYAL MTSAN DANG BA DAN PHUL BA'I DAG BA'I RTZA BA LA BRTEN NAS SBYIN PA'I BDAG PO RNAMS MI MTHUN PA'I PHYOGS THAMS CAD LA RGYAL BA'I CHOS KYI RGYAL MTSAN DANG SNYAN PA'I BA DAN PHYOGS BCUR BSGRENG BAR GYUR CIG ,NAM MKHA'I RGYAN GYUR RIN THANG MED BA'I GOS, ,SNA TSOGS DAR GYI SHAM BU G-YO BA CAN, ,TZAN DAN SBRUL GYI SNYING PO'I DRIS BSGOS PA, ,RAB 'BYAMS BLA RE'I SPIN GYIS MCHOD PAR BYA, ,ZHES BLA RE DBUL, RGYAL BAS BDUD BCOM BYANG CHUB SANGS RGYAS TA, ,RGYAL BA'I SKU LA SPABS SKYAMS MI MDA' YANG, ,BDAG CAG BSAD NAMS ZHING DU 'GYUR SLAD DU, ,BSHOS DANG ZHAL ZAS SBYAR BA 'DI PHUL BAS, ,DUS KUN DGE BA'I LO TOG 'PHEL RGYAS NAS, ,BDE BA CAN DU PADMO LAS SKYES TE, ,TING 'DZIN ZAS DANG CHOS LA SPYOD BAR SHOG ,CES ZHAL ZAS DBUL, ME TOG DAM BA 'PHRANG BA DAM PA DANG, ,ZHES PA NAS, RGYAL BA KUN LA PHYAG 'TSAL MCHOD PAR BGYI, ,ZHES PA DANG, ME TOG PHAL CHER ME TOG BLA RE DANG, ,ME TOG BKOD PA' 'OD ZER RAB BKYE STE, ,ME TOG SNA TSOGS KUN TU BKRAM BYAS NAS, ,BDAG NYID CHEN PA RGYAL BA SRAS BCAS MCHOD, ,BDUG PA PHAL CHER BDUG PA BLA RE DANG, ,BDUG PA BKOD PA'I 'OD ZER RAB BKYE STE, ,BDUG PA SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,PHAL CHER SPOS DANG SPOS KYI BLA RE DANG, ,SPOS KYI BKOD PA'I 'OD ZER RAB BKYE STE, ,SNA TSOGS SPOS RNAMS KUN TU BKRAM BAS NAS, ,BDAG NYID CHEN PO RGYAL BA SRAS BCAS MCHOD, ,'PHRENG BA PHAL CHER 'PHRANG BA BLA RE DANG, ,'PHRENG BA BKOD BA'I 'OD ZER RAB BKYE STE, ,'PHRENG BA SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,PHYE MA PHAL CHER PHYE MA BLA RE DANG, ,PHYE MA BKOD PA'I 'OD ZER RAB BKYE STE, ,PHYE MA SNA BDAG DANG MKHAS MNYAM 'GRO BA MA LUS PA, ,TSOGS KUN TU BKRAM BYAS NAS, ,BDAG NYID CHEN PO

RGYAL BA SRAS BCAS MCHOD, ,NA BZA' PHAL CHER NA BZA' BLA RE DANG, ,NA BZA' BKOD PA'I 'OD ZER RAB BKYE STE, ,NA BZA' SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,PHAL CHER GDUGS DANG GDUGS KYI BLA RE DANG, ,GDUGS KYI BKOD BA'I 'OD ZER RANG BKYE STE, ,SNA TSOGS GDUGS RNAMS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,RIN CHEN PHAL CHER RIN CHEN BLA RE DANG, ,RIN CHEN BKOD PA'I 'OD ZER RAB BKYE STE, ,RIN CHEN SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,PADMA PHAL CHER PADMA BLA RE DANG, ,PADMA BKOD PA'I 'OD ZER RAB BKYE STE, ,PADMA SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,RGYAN 'PHRENG PHAL CHER RGYAN 'PHRENG BLA RE DANG; ;RGYAN 'PHRENG BKOD PA'I 'OD ZER RAB BKYE STE, ,RGYAN 'PHRANG SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,RGYAL MTSAN BKOD 'OD ZER RAB BKYE STE, ,DE DAG RGYAL MTSAN DKAR DMAR SER PO DANG, ,SNGO DANG RGYAL MTSAN BKOD PA SNA TSOGS PA, ,DU MAS RGYAL BA'I ZHING RNAMS 'GENGS PAR BYED, ,NOR BU'I DRA BA SNA TSOGS BKOD PA'I GDUGS, ,DAR GYI LDA LDI BA NGAN RAB DPYANGS SHING, ,DRIL G-YER DRA BA RGYAL BA'I GSUNG SGROGS PA, ,DE BZHIN GSHEGS KYI DBU LA DE DAG 'DZIN, , LAG BA'I MTHIL NAS MCHOD PA BSAM YAS RNAMS, ,RGYAL BA GCIG LA MCHOD PA BYED PA LTAR, ,RGYAL BA MA LUS KUN LA'ANG DE BZHIN 'BUL, ,ZHES MCHOD PA SNA TSOGS DBUL, DE NAS DO MTSANG BA'I MCHOD PA CHEN PO BCO BRGYAD NI, GNAS 'DI'AM NI GZHAN DAG NA, ,LHA SOGS BDAG GIR MA BYAS PA'I, ,ME TOG CHU SKYES THANG SKYES RNAMS, ,THUB PA'I SKYES MCHOG RNAMS LA 'BUL, ,GNAS 'DI'AM NI GZHAN DAG NI, ,GANG YANG SBOS GYI SHING BZANG PO, ,LHA YI SPOS SOGS RMAD BYUNG BA, ,THUB PA'I SKYES MCHOG RNAMS LA 'BUL , ,RIN CHEN DRANG SRONG TING 'DZIN RNAM 'PHRUL DE 'DRA'O , ,

, ,BZANG BO CHER 'BAR DANG, ,SNANG BA'I SHING LAS BYUNG BA DANG, ,NYI MA ZLA BA LA SOGS 'OD, ,PHYOGS RNAMS KUN TU SPROS TE 'BUL, ,GNAS 'DI'AM NI GZHAN DAG NA, ,DRI YI SHING RNAMS BZANG PO'I CHAB, ,PHYOGS RNAMS KUN TU SPRO BYAS NAS, ,THUB PA'I DBANG PHYUG RNAMS LA 'PHUL, ,RIN CHEN RANG BZHIN RGYA MTSO DANG, ,RIN CHEN RI BO LA SOGS MCHOG ,MCHOD BA'I SBRIN NI SPRO BA YIS, ,PHYOGS RNAMS KUN TU DBUL BAR BYA, ,RTZED 'JO BDE BA'I DGA' CHEN PO, ,RGOD DANG SGEG LA SOGS PA'I TSOGS, ,PHYOGS RNAMS KUN TU THAMS CAD NAS, , DGA' BA'I MCHOG NI SPRO BAR BYA, ,GOS DANG RGYAN SOGS 'BYUNG BA YI, ,DE BZHIN DPAG BSAM SHING BZANG PO, ,RDO RJE'I SNGAGS NI BRJOD BYA ZHING, ,SANGS RGYAS KUN LA DBUL BAR BYA, ,BYANG CHUB TU NI SEMS BSKYED NAS, ,SEMS CAN KUN GYI DON GYI PHYIR, ,PHYOGS RNAMS KUN TU SPRO BYAS TE, ,SANGS RGYAS KUN LA DBUL BAR BYA, ,SBYIN BA'I PHA ROL PHYIN MCHOD PAS, ,SEMS CAN THAMS CAD DPAL DANG NI, ,NOR DANG LDAN PA 'GRUB BAR SHOG ,BDE BA MTSANG MED PAR SHOG ,SEMS CAN THAMS CAD BYANG CHUB DANG, ,SNGOM BAR RAB TU GNAS PAR SHOG ,RGYAG SOGS NYES PA CHEN PO RNAMS, ,ZHI GYUR KUN TU SPRO BAR BYA, ,'JIGS DANG 'KHON SOGS SDUG BSNGAL LA, ,SOGS PA'I SDUG BSNGAL ZHI BAR SHOG ,BYAMS DANG LDAN PA'I RNAL 'BYOR GYIS, ,CHOS LA BDAG MED SGRUB BAR SHOG ,'KHOR BA MTHAR THUG BAR DU NI, ,BDAG 'CHANG RGYA BAR MA GYUR CIG ,DE BZHIN SEMS CAN THAMS CAD NI, ,BRTZON 'GRUS DE NYID SGRUB BYED SHOG ,SROG CHAGS KUN GYI 'DOD CHAGS SOGS, ,NYON MONGS CHEN PO ZHI BAR SHOG ,SEMS CAN THAMS CAD G-YENG MED CIG, BSAM GTAN BZHI DANG LDAN PAR SHOG , SANGS RGYAS YE SHES RAB CHE, ,SDUG BSNGAL GCOD BYED BLA NA MED, ,SHES RAB SBYOR BAS DAG BYED PAS, ,SANGS RGYAS SEMS CAN DAG GYUR CIG ,STONG GSUM GYI NI RDUL SNYED DU, ,BDAG NYID KYANG NI RNAM BSAM ZHING, ,MCHOD PA'I SBRIN NI RNAM BSAM NAS, ,SANGS RGYAS

KUN LA DBUL BAR BYA, ,STONG GSUM GYI NI RDUL SNYED DU, ,BDAG NYID KYANG NI RNAM BSAM ZHING, ,LCE NI DE SNYED LDAN DANG BCAS, ,SANGS RGYAS BSNGAGS PA BRJOD PAR BYA, ,DE NAS, MNYAM MED MI G-YO MNYAM MED MCHOG GI CHOS NYID CAN, ,THUGS RJE'I BDAG NYID 'GRO BA'I SDUG BSNGAL SEL BAR MDZAD, ,YON TAN MTHA' YAS DNGOS GRUB THAMS CAD SBYIN MDZAD BA, ,DRI MED ME G-YO MNYAM MED DAM BA'I MCHOG CHOS CAN, ,YON TAN SHIN TU PHRA BA'I CHA LA'ANG TSAD MED DE, ,DPE NI NAM MKHA' DANG YANG BSKRUN DU YOD MA YIN, ,DNGOS GRUB MTHA' YAS MNYAM MED DPE DANG BRAL BA RNAMS, ,SEMS CAN KHAMS LA DNGOS GRUB MCHOG RNAMS NGES PAR STZOL, ,RTAG TU DRI MA MED PA THUGS RJE'I SHUGS LAS BYUNG, ,SMON LAM GRUB PA 'GAG PA MED PA'I CHOS NYID CAN, ,'GRO BA'I DON SGRUB RAB TU BRTZON PA MTHA' YAS PA, , THUGS RJE CHEN PO'I BDAG NYID RTAG TU RNAM BAR SNANG, ,TSAD MED DANG DRAL BA SHIN TU RDZOGS PA YI, ,BDE BAR GSHEGS BA'I GO 'PHANG DAM PA BRNYES GYUR KYANG, ,KHAMS GSUM RNAMS LA DNGOS GRUB MCHOG STZOL MDZAD PA YI, ,THUGS RJE'I SPYOD PA MA G-YO 'GAG PAR YONGS MI 'GYUR, ,AE MA'O SHIN TU BZANG PA'I CHOS NYID MCHOG DANG LDAN, ,MCHOG SBYIN RNAMS KYI NANG NAS GO 'PHANG MCHOG BRNYES PA, ,KHAMS GSUM KUN LA RTAG TU DNGOS GRUB MCHOG STZOL MDZAD, ,MGON 'PO DUS GSUM SGRIB PA MED PAR RAB MKHYEN PAS, , DAM TSIG MCHOG GSUM DNGOS GRUB DAM PA BDAG LA SOL, ,DE NAS RNAL 'BYOR DE NYID KYIS, ,LUS DANG NGAG SEMS LAS BYUNG BA'I, ,MCHOD PA DAG NI BSDUS NAS SU, ,SANGS RGYAS KUN LA DBUL BAR BYA, ,CHOS RNAMS THAMS CAD DNGOS MED CING, ,STONG NYID MTSAN MA KUN DANG BRAL, ,SMON PA MED PA'I TING 'DZIN MCHOG ,SANGS RGYAS KUN LA DBUL BAR BYA, ,DE NAS MCHOD PA NYER LNGA NI, DPAG MED BSOD NAMS STOBS LAS BYUNG BA YI, ,LHA RDZAS LAS GRUB RIN CHEN COD PAN MCHOG ,SNYAN SHAL MDZES BYED RIN CHEN 'KHYIL

, ,BA'I RGYAN, ,MGRIN PA DUNG 'DRA MDZES BYED MGUL GDUB MCHOG ,THUGS MTSAN DPAL BA'U MDZES BYED SE MO DO, ,DPUNG BA MDZES BYED DPUNG RGYAN SRUNG SKUD MCHOG ,PHYAG GNYIS 'KHRIG MAR SPRAS PA'I GDU BU MCHOG ,DRA BAS 'BREL BA'I SOR MO'I GDU BU MCHOG ,RDZU 'PHRUL LDAN PA'I ZHABS LA MDZES BYED RGYAN, ,RGYAL BA SRAS DANG BCAS LA DPUL BAR BGYI, ,THUGS RJES 'GRO BA'I DON DU BZHES SU GSOL, ,DPAG MED BSOD NAMS STOBS LAS BYUNG BA YI, ,RIN CHEN GDUGS MDZES GSER GYI YU BA CAN, ,MI MTHUN BDUD LAS RGYAL BA'I RGYAL MTSAN MCHOG ,SNYAN PA PHYOGS BCUR G-YE BA'I BDAN 'PHAN, ,PHYOGS KUN YID 'PHROG DAR GYI LDA LDIS SPRAS, ,GDUNG SEL RNGA YAB NOR BU'I YU BA CAN, ,RIN CHEN RGYAN 'OD LDAN PA'I BLA RE BRES, ,RGYAL BA SRAS DANG BCAS LA DBUL BAR BGYI, , THUGS RJES 'GRO BA'I DON DU BZHES SU GSOL, ,DPAG MED BSOD NAMS STOBS LAS BYUNG BA YI, ,MI 'JIGS BZHI LDAN SENG GE'I GDAN LA SOGS, ,LHA RDZAS YID 'OD MDZES PA GZIMS CHA'I TSOGS, ,NYON MONGS GRVA ZUR SPANGS PA'I PHO BRANG ZLUM, ,YON TAN RGYAS PA'I GRU BZHI GZHAL YAS KHANG, ,'JIG RTEN LAS 'DAS GRU BZHI NYIS BRTZEGS KHANG, ,RANG BZHIN 'OD GSAL BYANG SEMS ZLA BA'I GDAN, ,RGYAL BA SRAS DANG BCAS LA DBUL BAR BGYI, ,THUGS RJES 'GRO BA'I DON DU BZHES SU GSOL, ,DPAG MED BSOD NAMS STOBS LAS BYUNG BA YI, ,'DOD PA'I 'DAM GYI SA MA GOS PADMO'I MCHOG ,STONG NYID SGRA SBROG PA'I WANG DANG TING SHAG ,THABS LA MKHAS PA ZAG MED PHUNG PO'I DRI, ,NYON MONGS BKRES SEL CHOS KYI ZHAL ZAS MCHOG ,NGO TSA KHREL YOD LDAN PA LHA YI GOS; ;RGYAL BA SRAS DANG BCAS LA DBUL BAR BGYI, ,THUGS RJES 'GRO BA'I DON DU BZHES SU GSOL, ,MCHOD PA NYER GCIG NI, 'JIG RTEN 'DI 'AM PHYOGS BCU'I 'JIG RTEN NA, ,'KHOR LOS BSGYUR BA'I RIG PAS BYIN BRLABS PA'I, LHA RDZAS MCHOD YON

JI SNYED MCHIS PA KUN, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,KHA DOG BZANG ZHING DRI ZHIM REG NA BDE SRAB 'JAM YANG BA'I RAS ZUNG JI SNYED KYANG, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,RIN CHEN BLA RE YID 'ONG RGYAN DANG LDAN, ,CHEN PO'I NYER SPYAD BDE BA SGRUB PA YANG, ,RGYAL BA SRAS DANG BCAS LA DPAL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,LHA RDZAS LAS BYUNG SNA TSOGS MDOG DANG LDAN, ,BA DAN YID 'ONG PHYOGS BCUR G-YO BA YANG, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,RIN CHEN GDUGS MDZES GSER GYI ? BA CAN, ,KHOR YUG RGYAN GYI RNAM PA YID 'ONG LDAN, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,RIN CHEN RGYAL MTSAN NOR BU'I TOG GIS SPRAS, ,BDUD KYI DGRA LAS RGYAL BA'I BA DAN 'PHYAR, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,KHA DOG DBYIBS LEGS DRI ZHIM YID 'ONG BA'I, ,ME TOG SNA TSOGS SKYE BA'I SHING RNAMS KYANG, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,BSIL ZHING DRI ZHI MA REG NA GDUNG BA SEL, ,YID 'PHROG DRI MCHOG JI SNYED YOD PA YANG, ,RGYAL BA SRAS DANG BCAS LA DPUL BAR BGYI, ,'JIG RTEN 'DI'AM PHYOGS BCU'I 'JIG RTEN NA, , GA BUR LA SOGS LEGS PAR SBYAR BA YI, ,LHA RDZAS BDUG PA'I SPOS SIN 'KHRIGS PA YANG, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,LHA RDZAS LAS BYUNG RIN CHEN SGRON ME 'BAR, ,PHYOGS BCU'I MUN PA KUN TU SEL BA YANG, , RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,KHA DOG BZANG ZHING DRI ZHI MA RO BRGYA LDAN, ,SVA STI KA SOGS ZHAL ZAS SNA TSOGS KYANG, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I

, ,'JIG RTEN NA, ,PI WANG LA SOGS ROL MO'I KHYAD PAR BCU, ,RNAR SNYAN YID 'ONG SGRA SNYAN CI MCHIS PA, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,LEGS PAR SBYANGS PA'I GAR MKHAN ROL MO BA RAB MDZES DGA' PA'I RTZED 'JO BYED PA YANG, ,RGYAL BAS SAS DANG BCAS LA DBUL BAR BGYI, ,'JIG RTEN 'DI'AM PHYOGS BCU'I 'JIG RTEN NA, ,LHA RDZAS RIN CHEN LAS GRUB COD PAN DANG, ,GDU BU RNA RGYAN LA SOGS RGYAN MCHOG KUN, ,RGYAL BA SRAS DANG BCAS LA DBUL BAR BGYI, ,'JIG RTEN 'DI'AM PHYOGS BCU'I 'JIG RTEN NA, ,PHYOGS RNAMS KUN TU LEGS PAR DPYANGS PA YIS, ,MDZES PA'I DAR DPYANGS KHYAD 'PHAGS YOD PA YANG, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,DRI ZHIM MA LI KA DANG LEGS SPEL BA'I, ,RIN CHEN ME TOG 'PHRENG BA MDZES PA YANG, ,RGYAL BA SRAS DANG BCAS LA DBUL BAR BGYI, ,'JIG RTEN 'DI'AM PHYOGS BCU'I 'JIG RTEN NA, ,RIN CHEN RDA YAB DRA BA DRA PHYED DANG, ,ZLA PHYED NOR BUS RGYAN SPRAS GZHAL MED KHANG, ,RGYAL BSRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,BDE BA'I GNAS SU MYUR BA'I SHUGS KYIS 'GRO, ,DGRA LAS RGYAL BYED CANG SHES RTA YI KHYU, ,RGYAL BA SRAS DANG BCAS LA DBUL BAR BGYI, ,'JIG RTEN 'DI'AM PHYOGS BCU'I 'JIG RTEN NA, ,SHIN TU STOBS LDAN RIN CHEN DRA BAS SPRAS, ,DGRA 'JOMS BZHON PA'I MCHOG GYUR GLANG CHEN KHYU, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,GNAS CAN RNAMS KYI 'DOD PA'I DON SGRUB PA'I, ,NYER SPYOD 'DOD 'JO'I PA LA SOGS PA'I KHYU, ,RGYAL BA SRAS DANG BCAS LA DBUL BAR BGYI, ,'JIG RTEN 'DI 'AM PHYOGS BCU'I 'JIG RTEN NA, ,RTA BABS YID 'ONG DRIL BU LA SOGS PA'I, ,

RGYAN GYIS SPRAS PA PHYOGS BCUR BKOD PA YANG, ,RGYAL BA SRAS DANG BCAS LA DBUL BAR BGYI, ,DA LAS GZHAN YANG MCHOD PA'I TSOGS, ,ZHES PA NAS, DES PAR KUN TU 'BYUNG GYUR CIG ,ZHING KHAMS 'BUL BAR ZHU, AOm BADZRA PHU MI A'A: H'Um, DBANG CHEN GSAR GYI SA GZHI, ZHES PA NAS, MNYAM MED SH'AKYA'I RGYAL PO'I LHA TSOGS 'KHOR DANG BCAS BA RNAMS LA DBUL BAR BGYI'O, ,THUGS RJES 'GRO BA'I DON DU BZHES SU GSOL, BZHES NAS BDAG SOGS SEMS CAN THAMS CAD LA MCHOG DANG THUN MONG GI DNGOS GRUB MA LUS PA STZAL DU GSOL, THOS BRGYA MTSO'I MCHOD YON KUN NAS 'KHYIL, ,ZHES PA NAS, CHOS KYI RGYAL PO RTAG TU MNYES GYUR CIG ,DENG NAS BYANG CHUB SNYING PO'I BAR, ,ZHES PA NAS, BZHES NAS BYIN GYIS BRLAB TU GSOL; SA GZHI SPOS BYUGS MAS MAntAL PHUL TE, AI DAm GU RU RATNA MAndAL KAm NI RYA TA Y'A MI, ZHES BRJOD CING, MNYAM MED SH'AKYA'I RGYAL PO'I LHA TSOGS 'KHOR DANG BCAS PA KHYEN RNAMS LA MKHYEN BRTZE NUS MTHU DANG BCAS PA'I YON TAN BSAM GYIS MI KHYAB PA MNGA' BA LAGS PAS, BDAG GI BLO CHOS SU 'GRO BAR BYIN GYIS BRLAB TU GSOL, CHOS LAM DU 'GRO BAR BYIN GYIS BRLAB TU GSOL, LAM LA BAR CHAD MI 'BYUNG BAR BYIN GYIS BRLAB TU GSOL, PHYIN CI LOG GI BLO SNA MTHA' DAG 'GAG PAR BYIN GYIS BRLAB TU GSOL, PHYIN CIM LOG PA'I BLO SNA MTHA' DAG BDE BLAG TU SKYE BAR BYIN GYIS BRLAB TU GSOL, RGYAL DANG RGYAL BA GNYIS PA'I BSTAN PA RIN PO CHE DAR ZHING RGYAS LA YUN RING DU GNAS BAR BYIN GYIS BRLAB TU GSOL, BSTAN 'DZIN GYI SKYES BU DAM PA RNAMS KYI SKU TSE 'PHRIN LAS RGYAS PAR BYIN GYIS BRLAB TU GSOL, DGE 'DUN 'DUS PA'I TSOGS KYI BSHAD SGRUB 'PHEL BAR BYIN GYIS BRLAB TU GSOL, BSTAN PA'I SBYIN BDAG RNAMS KYI MNGA' THANG DAR BAR BYIN GYIS

, ,BRLAB TU GSOL, SEMS CAN THAMS CAD LA BDE SKYID 'BYUNG BAR BYIN GYIS BRLAB TU GSOL, 'JIG RTEN GYI KHAMS KUN TU NAD MUG 'KHRUG RTZOD SOGS PHYI NANG GI 'GAL RKYEN THAMS CAD NYE BAR ZHI BAR BYIN GYIS BRLAB TU GSOL, MTHUN RKYEN TSE BSOD DBAL 'BYOR MNGA' THANG SNYAN GRAGS SOGS LEGS TSOGS THAMS CAD GONG NAS GONG DU 'PHEL ZHING RGYAS PAR BYIN GYIS BRLAB TU GSOL, SKYE DGU RNAMS KYI CHOS DANG MTHUN PA'I DON MTHA' DAG YID BZHIN DU 'GRUB BAR BYIN GYIS BRLAB TU GSOL, ZHES GSOL BA GDAB, LTUNG BSHAGS TSAR GCIG DANG SBYI BSHAGS LAN GSUM 'DON, LUS KYI LAS NI RNAM PA GSUM, ,ZHES SOGS TSIGS BCAD GNYIS DANG, 'DOD CHAGS ZHE SDANG GTI MUG DBANG GIS NI, ,ZHES BA NAS, THAMS CAD BDAG GIS BYANG CHUB CHEN POR BSNGO, , ZHES YAN LAG LHAG MA RNAMS BYA, GZHI BDAG LA DKAR GTOR BSNGO, ,DE NAS PAn CHEN SKU GONG MAS MDZAD PA'I SKYES RABS SO BZHI PA'I YANG SNYING MKHAS MCHOG DPA' BO'I MGUL RGYAN DANG, YONGS 'DZIN YE GES RGYAL MTSAN GYIS MDZAD PA'I SKYES RABS SO BZHI DANG 'BREL BA'I BSTOD PA THEG CHEN CHOS KYI SGRA DBYANGS DANG, MDZAD BCU'I BSTOD PA BDUD DPUNG PHYE 'THAG MA DANG, CHO 'PHRUL CHEN PO'I BSTOD PA RGYA CHEN TSOGS GNYIS MA SOGS STON PA'I 'KHRUNGS RABS RNAM THAR DANG 'BREL BA'I BSTOD PA RNAMS YID GZHAN DU MI G-YENGS BAR DON DRAN BZHIN PA'I SGO NAS GUS BAS GDAN PAR BYA STE, DE LTAR BYAS NA SNGON BSAGS PA'I LAS SGRIB MANG PO 'DAG BA DANG, BLA MED BYANG CHUB LAS PHYIR MI LDOG PA'I SA BON KHYAD PAR CAN 'JOG PA DANG, BSKAL CHEN MANG PO'I BAR DU NGAN SONG DU SKYE BA'I SGO KHEGS PA LA SOGS PA'I PHAN YON RGYA CHEN PO 'BYUNG STE, SANGS RGYAS SH'AKYA THUB PA'I MTSAN BRJOD PAS BSKAL BA KHRI'I SDIG BA 'DAG PA DANG, MTSAN THOS PAS BLA MED BYANG CHUB LAS PHYIR MI LDOG PA'I SA BON 'JOG PA DANG SANGS RGYAS LA TSIGS BCAD GCIG GIS BSTOD PAS BSKAL CHEN NYI SHU'I BAR DU NGAN SONG GI SGO KHEGS PAR GSUNGS NA, STON PA'I SKYES RABS RNAM THAR RJES SU DRAN TE GUS PA BSKYED NA LTA SMOS KYANG CI DGOS, DENG SANG LTA BA SNYIGS MAR SONG BA'I DBANG GIS PHAL MO CHES TSONG DANG KHE SPOGS DANG DMAG 'KHRUG CHOM RKUN GYI

GTAM LA DGA' BAR BYED PA LAS, ,DAD PAS KUN NAS BSLANGS TE STON PA'I SKYES RABS RNAM THAR 'DON PA DANG KLOG PA DANG, BLTA BA DANG YANG YANG RJES SU DRAN PA DANG, GZHAN LAS THOS NAS GUS PA BSKYED NA YANG SNGAR BSHAD PA'I PHAN YON RNAMS GDON MI ZA BAR 'THOB PAR 'GYUR BAS NA, RAB BYUNG NGAM KHYIM PA GANG YIN KYANG RUNG TSEGS CHUNG DUS DON CHEN PO 'GRUB PAR 'GYUR BA'I THABS 'DI LA BRTZON PA MI 'DOR BAR BYOS SHIG, ,DON GYI DBANG 'DI GZIGS NAS ^ RJE BDAG NYID CHEN POS BSTAN PA NAM GNAS KYI BAR DU CHO 'PHRUL CHEN PO'I DUS BZANG DANG 'BREL BAR SKYES RABS SO BZHI'I 'CHAD NYAN BYED PA'I SROL BZANG BCAGS PAR MDZAD PA YIN NO, ,GZHAN YANG, BSTOD PA BYIN RLABS NYER 'JUG DANG, RTEN 'BYUNG GSUNGS PA'I SGO NAS BSTOD PA LEGS BSHAD SNYING PO SOGS BYIN RLABS CAN GYI BSTOD PA GANG MOS DANG, RJE BTZUN BYAMS MGON LA 'OD ZER CHEN PO'I DBANG BSKUR BRNYES PA'I SGO NAS BSTOD PA RIN CHEN GSAL BA'I SGRON ME DANG, BSTOD SPRIN RGYA MTSO DANG, JO BO RJE'I BSTOD PA DANG, RJE BDAG NYID CHEN PO'I BSTOD PA LA SOGS PA GANG MOS KYANG BTON NA LEGS, YON TAN GZHIR GYUR MAS LAM YONGS RDZOGS LA SHAR BSGOM BYA'O, ,DE NAS BSAGS PA'I DGE BA RNAMS SPEL ZHING MI ZAD PAR BYA BA'I PHYIR BSNGO SMON RNAM PAR DAG PA ZHIG BYA STE, DE'I TSAL NI, THOG MAR BYANG CHUB SEMS PA'I SMON LAM 'BUM PHRAG GRANGS MED BCU BSDUS PA'I SDOM CHEN PO 'PHAGS PA BZANG PO SBYOD PA'I SMON LAM TSIG DON DRAN BZHIN PA'I SGO NAS GDON PAR BYA, DE NAS DGA' LDAN YID DGA' CHOS 'DZIN DU SKYE BA'I 'DUN PA GTZO BOR BYED PA RNAMS KYIS, ,BYAMS PA'I SMON LAM 'DON TSUL NI, SANGS RGYAS KUN LA PHYAG 'TSAL LO,, ZHES PA NAS, SA BCU PA LA RAB TU GNAS, ,ZHES PA'I MTSAMS SU, MDO NAS BSHAD PA'I PHAN YON RNAMS YID CHES PA'I DAD PAS KUN NAS BSLANGS TE, BYAMS PA DAM BCA' BA'I GZUNGS GANG MANG BZLAS RJES, ,'DI YI DGE BAS BDAG GZHAN 'GRO BA KUN, ,ZHES SOGS TSIGS BCAD GSUM BRJOD, ,RJE GUNG THANG BAS MDZAD PA'I DGA' LDAN YID DGA' CHOS 'DZIN DU SKYE BA'I SMON LAM YID GZHAN DU MI G-YENG BAR 'DUN PA SHUGS DAG POS GDON PAR BYA'O, ,DE NAS SGOS KYI SMON LAM 'DI LTAR BYA STE, DENG RGYAL BA SH'AKYA THUB PA'I LHA TSOGS 'KHOR DANG BCAS PA SPYAN DRANGS PA'I SPYAN SNGAR DE BZHIN GSHEGS PA

, ,SH'AKYA THUB PA'I SNGON GYI 'KHRUNGS RABS DANG RNAM THAR RJES SU DRAN TE GUS PA CHEN POS PHYAG 'TSAL ZHING MCHOD PA PHUL BA DANG, DE DAG GI SPYAN SNGAR SDIG PA BSHAGS PA DANG, DGE BA LA RJES SU YI RANG BA DANG, BSKUL ZHING GSOL BA BTAB PA LA SOGS PA'I BSOD NAMS CI MCHIS PA'I STOBS DANG, DE DAG GI MTHU DPAL DANG BYIN GYIS BRLABS KYI STOBS KYIS, RGYAL DANG RGYAL BA GNYIS PA'I BSTAN PA RIN PO CHE YUN RING DU DAR ZHING RGYAS PAR GYUR CIG ,BSTAN 'DZIN GYI SKYES BU DAM PA RNAMS KYIS KU TSE 'PHRIN LAS GONG NAS GONG DU 'PHEL ZHING RGYAS PAR GYUR CIG ,DGE 'DUN 'DUS PA'I TSOGS KYI BSHAD SGRUB KYI BYA BA RNAMS YAR NGO'I ZLA BA BZHIN DU GONG NAS GON GDU 'PHEL BAR GYUR CIG ,BSTAN PA'I SBYIN BDAG RNAMS KYI TSE BSOD NAMS 'BYOR MNGA' THANG SNYAN GRAGS RNAMS DBYAR GYI CHU GTIR BZHIN DU GONG NAS GONG DU RGYAS PAR GYUR CIG ,DE DAG GI MTHU DANG NUS PA LA BRTEN NAS SEMS CAN THAMS CAD KYANG BDE SKYID PHUN SUM TSOGS PA DANG LDAN ZHING CHOS DANG MTHUN PA'I DON MTHA' DAG DPAG BSAM GYI SHI GAm 'BRAS BU LTAR LHUN GYIS 'GRUB PAR CIG ,'JIG RTEN GYI KHAMS KUN TU NAD DANG MU GE DANG, DGRA DANG GDON BGEGS KYI GNOD PA DANG, 'THAB RTZOD 'KHRUG SLONG SOGS PHYI NANG GI NYER 'TSE MTHA' DAG MING TZAM YANG MI 'BYUNG BAR 'GYUR CIG ,CHAR CHU DUS SU 'BAB PA DANG, LO PHYUGS RTAG TU LEGS PA DANG, RGYAL BLON 'BANGS DANG BCAS PA PHAN TSUN MTHUN BA SOGS BKRA SHIS KYI DGE MTSAN RGYUN CHAD MED PAR 'BYUNG BAR GYUR CIG ,BDAG SOGS SEMS CAN THAMS CAD KYANG MCHOG GSUM BLA MAR 'DZIN PA'I SGO NAS MCHOD CING BSNYEN BKUR BA DANG, DGE BA BCU'I KHRIMS LA GNAS BZHIN PAR SDE SNOD GSUM GYI 'CHAD NYAN DANG, BSLAB PA GSUM GYI NYAMS LEN SOGS RTAG TU RNAM DKAR DGE BA'I BYA BA 'BA' ZHIG GIS DUS 'DA' BAR

BYED PAR GYUR CIG ,DE'I MTHUL BRTEN NAS NGAN SONG GSUM LA SOGS PA'I MI KHOM PA'I GNAS SU NAM YANG MI SKYE BAR LAM BZANG SGRUB PA'I RTEN BZANG PO BRGYUD MAR THOB PAR GYUR CIG, ,KHYAD PAR DU YANG 'DI NAS 'CHI 'PHO BA'I DUS LA NYE BAR BABS PA NA RGYAL TSAB MI PHAM MGON PO SRAS DANG BCAS PA LA DMIGS PA'I DAD PA SHUGS DRAG MNGON DU GYUR TE, LUS SEMS LA SDUG BSNGAL PHRA MO TZAM YAN MED PAR SHI 'PHOS TE DGA' LDAN YID DGA' CHOS 'DZIN DU RIN PO CHE'I PADMA LAS RDZUS TE SKYE BA LEN PAR GYUR CIG ;SKYES MA THAG TU RGYAL BA BYAMS PA MGON PO DANG, BYANG CHUB SEMS DPA' NAM MKHA' DRI MA MED PA DANG, RJE BTZUN 'JAM DPAL SNYING PO LA SOGS PA'I SANGS RGYAS BYANG SEMS MANG PO'I ZHAL MNGON SUM DU MTHONG STE, DE DAG LAS GDAMS PA DANG RJES SU BSTAN PA MTHA' YAS PA NONG BAR GYUR CIG, DE DAG GI DGONGS DON JI LTA BA BZHIN DU KHONG DU CHUD NAS NYAMS SU BLANGS PAS NGES 'BYUNG DANG, BYANG CHUB KYI SEMS DANG, YANG DAG PA'I LTA BA LA SOGS PA'I LAM KHYAD PAR CAN RNAMS RGYUD LA RGYUN CHAGS SU 'BYUNG BAR GYUR CIG, DE'I STOBS KYIS RGYAL TSAB MI PHAM MGON PO 'DZAM BU'I GLING DU MCHOG GI SPRUL SKU'I MDZAD PA BSTAN PA'I TSE 'KHOR GYI THOG MAR SKYES NAS GSUNG GI BDUD RTZI LA NGOMS PA MED PAR LONGS BSKYOD NAS BLA NA MED PA'I BYANG CHUB MCHOG TU LUNG BSTAN PA THOB PAR GYUR CIG, ,DE LTAR BSNGO BAR BYA BA'I DGE RTZA RNAMS KYANG KHONG KHRO LA SOGS PA'I 'GAL RKYEN GYIS CUNG ZAD KYA MI NYAMS PAR DUS GSUM GYI RGYAL BA SRAS DANG BCAS PAS DGE RTZA RNAMS GANG DANG GANG GI RGYUR BSNGOS SHING BSNGO BAR 'GYUR BA'I SMON PA'I GNAS DE DANG DE'I RGYU RNAM PAR DAG PA KHO NAR GYUR CIG ,THUB PA'I DBANG PO'I LHA TSOGS SPYAN DRANGS TE, ,PHYAG MCHOD GSOL 'DEBS BYAS PA'I DGE TSOGS KYIS, ,THUB PA'I RGYAL TSAB BYAMS BA'I ZHABS DRUNG DU, ,THEG MCHOG CHOS KYI DPAL LA SPYOD PAR SHOG ,NAM ZHIG RDO RJE'I GDAN GYI RI BO'I SPOR, ,BYAMS MGON NYIN BYED

, ,DBANG BO SHAR BA'I TSE, ,BDAG GI BLO GROS PADMA KHA PHYE NAS, ,SKAL BZANG BUNG BA'I TSOGS RNAMS TSIM BYED SHOG ,DE TSE RGYAL BA BYAMS PA RAB TU DGYES, ,PHYAG G-YAS BDAG GI MGO LA BZHAG BZHIN DU, ,BLA MED BYANG CHUB MCHOG TU LUNG BSTAN NAS, ,'GRO KUN DON DU SANGS RGYAS MYUR THOB SHOG ,BDE BA CAN DU SKYE BA'I 'DUN PA GTZO BOR BYED PA RNAMS KYIS, BDE BA CAN DU SKYE BA'I SMON LAM ZHING MCHOG SGO 'BYED 'DON PA SOGS SKABS DANG SBYAR RO, ,GTANG RAG GI PHYAG MCHOD BYA BAR 'DOD NA, BSTAN PA'I BDAG PO STON PA BCOM LDAN 'DAS, ,RTZA BRGYUD BLA MA SANGS RGYAS BYANG SEMS DANG, ,'PHAGS PA NYAN RANG CHOS BSRANG TSOGS BCAS LA, ,SGO GSUM GUS PA CHEN POS PHYAG 'TSAL LO, ,JI SNYED SU DAG PHYOGS BCU' ZHES PA NAS CHEN POR BSNGO, ,ZHES YAN LAG BDUN PO BYA, NONGS BA BZOD PAR GSOL NI, MNYAM MED SH'AKYA'I RGYAL PO'I LHA TSOGS 'KHOR DANG BCAS PA RNAMS LA PHYAG MCHOD GSOL 'DEBS BYAS BA'I SKABS 'DIR BDAG CAG DUS NGAN PA'I SEMS CAN SBYOD PA DMAN ZHING MA DAG PAS MA 'TSAL BA DANG BAG MA MCHIS PA'I DBANG GIS LUS NGAG YID GSUM GYI SPYOD PA NYON MONGS PA DANG 'DRES PA DANG ,MCHOD PA'I DNGOS PO CHUD ZHING NGAN PA DANG, GTZANG SPRA MA PHYED PA DANG, JI SKAD BSHAD PA'I CHO GA BZHIN DU MA LCOGS PA LA SOGS PA LA 'KHRUL ZHING NONGS PA THAMS CAD STON PA THUB PA'I DBANG PO LA SOGS PA 'PHAGS PA THUGS RJE CHEN PO DANG LDAN PA RNAMS LA BZOD PAR GSOL ZHING MCHIS NA, THUGS BRTZE BAR DGONGS TE BZOD PAR BZHES SHING 'PHRAL DANG YAN DU BDAG GI SGRIB PAR MI 'GYUR BAR BYIN GYIS BRLAB PAR CI GNANG, DE NAS GSHEGS SU GSOL BA NI, KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,MGON PO THUGS RJE CHEN PO DANG LDAN PA RNAMS KYIS BDAG CAG DANG SEMS CAN THAMS CAD KYI DON MDZAD BA LEGS KYIS SO SO'I ZHING KHAMS SU RDZU 'PHRUL GYI 'KHOR DANG BCAS PA GSHEGS SU GSOL LO, ,DGE LDAN BSTAN BRGYAS PA'I SMON LAM DANG,

BSTAN 'BAR MA 'DON, PHUN SUM TSOGS PA MNGA' BA GSER GYI RI BO 'DRA, ,ZHES SOGS MDO LAS BYUNG BA'I BKRA SHIS TSIGS BCAD JI LTAR RIGS PA BRJOD DE ME TOG SIL MA PHYOGS KUN TU DKRAM PAR BYA'O, ,'DIR SMRAS PA, THUB PA'I DBANG PO'I LHA TSOGS LA, ,PHYAG MCHOD GSOL 'DEBS BYED PA'I TSUL, ,'JAM MGON BLA MA BTZONG KHA PA'I, ,PHYAG BZHES BZHIN DU GSAL BAR BKOD, ,'DIR 'BAD DGE BA'I RLUNG SHUGS KYIS, ,SDIG LTUNG SPRIN G-YOG KUN BSAL TE, ,DUS NGAN 'GRO BA'I SEMS KYI MKHAR, ,LEGS TSOGS 'OD STONG 'BAR GYUR CIG ,RGYAL BSTAN PHYOGS DUS KUN TU RGYAS, ,BSTAN 'DZIN SKYES BU'I ZHABS PAD BRTAN, ,DGE 'DUN BSHAD SGRUB RAB TU 'PHEL, ,SBYIN BDAG MNGA' THANG DAR BAR SHOG ,YANGS PA'I RGYAL KHAMS THAMS CAD DU, ,SNYIGS MA'I RGUD PA KUN ZHI ZHING, ,RDZOGS LDAN DUS BZHIN 'GRO BA KUN, ,BDE SKYID BZANG POS 'TSO BAR SHOG ,BDAG KYANG TSE RABS THAMS CAD DU, ,RTEN BZANG THOB CING BSTAN DANG MJAL, ,BSHES GNYEN DAM PA BSTEN PA DANG, ,LUNG RTOGS DAM CHOS 'DZIN GYUR CIG ,CES STON PA THUB PA'I DBANG PO'I 'KHRUNGS RABS RNAM THAR RJES SU DRAN PA'I SGO NAS PHYAG MCHOD GSOL 'DEBS BYED PA'I CHO GA LEGS TSOGS 'BYUNG GNAS ZHES BYA BA 'DI NI, RIG GNAS SBYI DANG KHYAD PAR DU NANG RIG PA'I SDE SNOD GONG 'OG RNAMS LA LEGS PAR SBYANGS PA'I ^ KHE BEBS THU RE RING AERTE NI TAS CHEN POS LE DGA' LDAN BSTAN SKYONG TSE RING GIS 'DI LTA BA ZHIG ZHES KHA BTAGS RNAM DBANG DANG DNGUL SRANG BCU'I SKYES DANG BCAS BSKUL MA MDZAD CING, DGE DGON BSLAB BYA'I GLING GI TA'I BLA MA GZHUNG BRGYA SMRA BA'I DBANG PO GRAGS PA CHOS 'PHEL GYIS KYANG KHA BTAGS DNGUL GYI SKYES DANG BCAS BSKUL BA DANG, NYE CHANG MANG THOS RNAM DPYOD DANG LDAN PA GE 'DUN NOR BU DANG BLO BZANG CHOS 'BYOR GNYIS KYIS KYANG NAN CHER BSKUL BA'I THOG ,

[DD] *, ,RANG NYID STON PA'I BKA' DRIN RJES SU DRAN PA'I GUS BAS KYANG MTSAMS SBYAR TE, MKHAS SHING GRUB PA BRNYES PA'I BLA MA DU MA'I ZHABS KYI RDUL SPYI BO'I RGYAN DU NOD PA, MANG THOS RIGS SMRA'I GZUGS BRNYAN ^ SPRANG BTZUN NGAG DBANG DPAL LDAN GYIS HAR DAL PES SE'I CHOS RVA DGA' LDAN BSHAD SGRUB BSTAN 'PHEL GLING GI NYI 'DAB RANG GSHAG NYAMS DPA' BAR SBYAR BA 'DIS KYANG BSTAN 'GRO LA PHAN THOGS BAR GYUR CIG , ,,SARBA MANGGA LAm,, DGE'O,, ,, [DD]

[BLANK PAGE]