#, ^ ,BDE BA CAN DU SKYE BA'I SMON LAM ZHING MCHOG SGO 'BYED KYI 'DON SGRIGS RNAM DAG ZHING DU BGROD PA'I BDE LAM ZHES BYA BA BZHUGS SO,, ^ ,,
, ^ ,NA MO GU RU MANYDZU GHO sh'A YA, BDE LDAN ZHING GI SNYING PO BCOM LDAN 'DAS, ,STOBS BCU'I MNGA' BDAG 'DREN PA 'OD DPAG MED, ,BDAG SOGS 'GRO LA THUGS BRTZES NYER DGONGS TE, ,SRID ZHI'I 'JIGS LAS 'GROL BA'I DGA' STON STZOL; ;SRAS KYI THU BO 'PHAGS MCHOG RNAM GNYIS SOGS, ,GRANGS KYI TSAD DANG YON TAN MTHA' YAS PA'I, ,RGYAL SRAS NYAN THOS 'PHAGS PA'I 'KHOR TSOGS KYANG, ,'GRO KUN RGUD PA'I 'DAM LAS BSGRAL DU GSOL, ,BDE GSHEGS KUN GYIS MGRIN GCIG BSNGAGS PA'I YUL, ,BDE BA CAN ZHES GRAGS PA'I ZHING MCHOG DER, ,SKYE BA'I SMON LAM ZHING MCHOG SGO 'BYED KYI, ,ZUR RGYAN 'DON SGRIGS 'DIR NI BRIS PAR BYA, ,DE YANG ZHING MCHOG SGO 'BYED LAS, RGYAL BA 'OD DBAG MED YANG YANG DRAN PA DANG, DGE RTZA SGO DU MA NAS DPAG TU MED PA GSOG BA DANG, BYANG CHUB TU SEMS BSKYED PA DANG, ,BSAGS PA'I DGE BA RNAMS ZHING DER SKYE BA'I PHYIR DU SMON LAM 'DEBS BA DANG BZHI BYAS NA SKYE BAR GSUNGS BA'I GSUM BA NI, ZHING DON THEG BA CHE CHUNG GNYIS YOD PA'I THEG CHEN GYI RIGS SU SKYE BA 'DZIN BA'I DBANG DU MDZAD LA, LHAG MA GSUM NI THUN MONG GI DBANG DU MDZAD PA'O, ,ZHES DANG, DE LTAR NA BYANG CHUB KYI SEMS KYIS ZIN PAR BYAS LA DGE BA'I RTZA BA SGO DU MA NAS RGYUN DU BSAG CING DE DAG KYANG BDE BA CAN GYI ZHING DU THEG BA CHEN PO'I RIGS CAN KHO NAR SKYE BA GZUNG BA'I PHYIR DU BSAM PA THAG BA NAS SMON LAM GANG BCING RGYAL BA 'OD DPAG MED YANG YANG YID LA BYA BAR GSUNGS BA NI MTSON BTZAM STE, ,ZHING DE'I SNOD
, ,BCUD KYI YON TAN GYI BKOD PA MDO LAS GSUNGS PA RNAMS YANG YANG DRAN PAR BYA ZHING, KHYAD BAR DU SMON LAM 'DEBS PA'I THOG MAR ZHING GI YON TAN RNAMS DRAN NAS RGYAL BA 'OD DPAG MED 'KHOR DANG BCAS BA LA DMIGS PA'I DAD PA BRTAN PO DANG ZHING GI YON TAN KYI BKOD BA PHUL DU BYUNG BA RNAMS LA DMIGS NAS DER SKYE BA'I 'DUN BA DAG PO DANG, SMON PA'I GNAS RNAMS GEGS MED BAR BDE BLAG TU 'GRUB PA'I DBANG BO MDZAD NA CI MA RUNG SNYAM PA'I BSAM PA SHUGS DRAG BAR BYA BA NI GNAD DU CHE'O, ,ZHES GSUNGS BA LTAR NYAMS SU BLANG BAR BYA BA LA, GNAS KHAD YID DU 'ONG BZHIG BYI DOR LEGS PAR BYAS LA, RGYAL BA 'OD DPAG MED KYI SKU BRIS 'BUR RAB GNAS CAN DANG, GZHAN YANG DKON MCHOG GI SKU GSUNG THUGS KYI RTEN BKUR STI CHEN PO DANG BCAS TE LEGS PAR DGRAM PA'I MDUN DU, 'OG NAS 'BYUNG BA LTAR GYI MCHOD RDZAS DNGOS DANG BCOS MA CI 'BYOR BA LTAR G-YO MED CING BKOD PA MDZES PAR BSHAMS, RANG NYID STAN BDE BA LA TSUL DANG MTHUN PA'I SPYOD LAM GYIS 'KHOD CAS NGAN SONG 'KHOR BA'I SDUG BSNGAL DANG DKON MCHOG GSUM GYI YON TAN LA YID CHES KYI DAD PA SHUGS DRAG BES, BDAG DANG 'GRO BA NAM MKHA' DANG MNYAM PA'I SEMS CAN THAMS CAD DUS 'DI NAS BZUNG STE, JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM BA RNAMS LA SKYABS SU MCHI'O, ,SANGS RGYAS BCOM LDAN 'DAS RNAMS LA SKYABS SU MCHI'O, ,DAM BA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,
BCOM LDAN 'DAS MGON PO 'OD DPAG TU MED PA'I LHA TSOGS 'KHOR DANG BCAS PA RNAMS LA SKYABS SU MCHI'O, ,ZHES KHA TZAM TSIG TZAM MA YIN PAR RGYUD DANG 'DRES NGES PA CIG GANG MANG BYA, DE NAS BYAMS SNYING RJE BYANG CHUB KYI SEMS KYI DMIGS RNAM RIM BZHIN LEGS PAR GSAL BAR BYAS TE, BDAG GI MAR GYUR BA'I SEMS CAN 'DI DAG THAMS CAD BDE BA THAMS CAD DANG LDAN PAR BYA, SDUG BSNGAL THAMS CAD DANG BRAL BA DES PAR BDAG GIS BYA'O, ,DE'I PHYIR DU BDAG GIS BLA NA MED PA'I SANGS RGYAS KYI GO 'PHANG CI NAS KYANG MYUR DU THOB PAR BYA'O, ,SNYAM PA'I BYANG CHUB KYI SEMS YID LA DUNGS DUNGS PA LAN MANG DU BSKYED PAR BYA'O, ,SVA BH'A WAS STOD PAR SBYANGS, STOD PA'I DANG LAS PAm LAS BADMA DANG, AA LAS ZLA BA'I DKYIL 'KHOR GYI STED DU RANG GI SEMS NYID YI GE HR'I: DMAR PO RING CHA TSIG DRAG DANG BCAS BA, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RANG NYID SNANG BA MTHA' YAS SKU MDOG DMAR PO SPRUL SKU'I CHA BYAD CAN, SKUL CHOS GOS RNAM GSUM MDZES PAR GSOL PA, PHYAG GNYIS MNYAM GZHAG GI PHYAG RGYA MDZAD PA'I MTHIL NA BDUD RTZIS GANG BA'I LHUNG BZED BSNAMS PA, ZHABS GNYIS RDO RJE'I SKYIL MO KRUNG GIS BZHUGS PA, MTSAN DPE GSAL RDZOGS KYI BDAG NYID CAN DU GYUR, ,DE'I SPYI BOR AOm DKAR PO, MGRIN PAR A'A: DMAR PO, THUGS KAR HR'I: DMAR PO H'Um SDON POS MTSAN PA, THUGS KA'I HR'I: LAS 'OD ZER 'PHROS PAS NUB PHYOGS BDE BA CAN NAS BSGOMS PA DANG 'DRA BA'I YE SHES PA DBANG LHA DANG BCAS PA BADZRA SA M'A DZA: SA SBYAN DRANGS,
, ,DZA: H'Um BAm HO: SA GNYIS SU MED PAR GYUR, DBANG GI LHAS DBANG BSKUR, MI BSKYOD PAS DBU RGYAN PAR BSAM MO, BDAG BSKYED KYI MCHOD PA AA MRi TAS BSANGS, SPA BH'A WAS SBYANGS, STONG PA'I DANG LAS AOm LAS RIN PA CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD RDZAS RNAMS RANG BZHIN STONG PA, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR BAR BSAMS LA, AOm AARGHAm A'A: H'Um, ZHES PA NAS, THAPTA A'A: H'Um GI BAR BRJOD CING BYIN GYIS BRLAB STE, AOm AA MI T'A BHA AARGHAm NAS SHAPTA PRA T'I TZTSA H'Um SV'AH'A'I BAR GYIS MCHOD, RING NAS SMON PA'I RAB 'BYAMS BZHED PA'I DON, ,JI BZHIN YONGS SU RDZOGS PA DAG PA'I ZHING, ,GANG GI MING NI BDE BA CAN ZHES PAR, ,MDON PAR BYANG CHUB KHYOD LA PHYAG 'TSAL LO, ,ZHES PAS BSTOD, THUGS KAR ZLA GDAN GYI DBUS SU HR'I: YIG DMAR PO'I MTHAR SNGAGS 'PHRENG GIS BSKOR BA LA DMIGS TE, AOm AA MRi TA PRA BHE AA MRi TA H'Um, ZHES JI LTAR RIGS PAR BZLA, DGE BA 'DI YIS MYUR DU BDAG ,CES SOGS KYIS DGE BA RDZOGS BYANG DU BSNGO BAR BYA'O, ,DE NAS SNGAR BSHAD PA'I BDE BA CAN DU SKYE BA'I RGYU BZHI LAS, DANG PO ZHING DE'I SNOD BCUD KYI YON TAN DRAN PAR BYAS TE ZHING DER SKYE BA'I 'DUN PA SHUGS DRAG BSKYED PA NI, MI MJED ZHING NAS NUB KYI PHYOGS NYID DU, ,BYE BA KHRAG KHRIG BRGYA STONG SANGS RGYAS KYI, ,ZHING KHAMS RNAMS NI 'DAS PAR GYUR PA NA, ,RMAD BYUNG BDE BA
CAN ZHES BYA BA YOD, ,DE NI SA GZHI RIN CHEN DU MAS SPRAS, ,SHIN TU NYAMS DGA' LAG MTHIL LTA BUR MNYAM, ,RIN CHEN LAS GRUB RI BO MA GTOGS PA, ,NAG PO'I RI RNAMS KUN GYIS DBEN ZHING GTZANG, ,MDZES SHING YID 'ONG RNAM DAG ZHING GI MTHA', ,RIN CEN BDUN GYI CHU SHING LJON PA DANG, ,RIN CEN TA LA'I SHING GI PHRED BA YIS, ,YONGS SU BSKOR BAS SKAR MAS ZLA BA BZHIN, ,DE LTA BU'I SA GZHI DE NI SHING LJON PA RNAM PA DU MAS MDZES PAR BYAS PA STE, SHING LJON PA RE RE LA'ANG RTZA BA DANG, SDONG PO DANG, YAL GA DANG, LO MA DANG, 'DAB MA DANG, ME TOG DANG, 'BRAS BU BDUN BDUN YOD LA, DE YANG KHA CIG GI RTZA BA NI GSER, SDONG PO NI DNGUL, YAL GA NI BEE t'URYA, LO MA NI SHEL, 'DAB MA NI SPUG, ME TOG NI MU TIG DMAR PO, 'BRAS BU NI RDO'I SNYING PO LAS BYAS PA YOD LA, KHA CIG NI RTZA BA LA SOGS PA BDUN KA RIN PO CHE SNA RE RE LAS BYAS PA DANG, DE BZHIN DU RIN PO CHE SNA GNYIS DANG GSUM DANG BZHI DANG LNGA DANG DRUG LAS BYAS PA DANG, RTZA BA LA SOGS PA RE RE YANG RIN PO CHE SNA BDUN KA LAS BYAS PA'ANG YOD DE, DE LTA BU LA SOGS PA'I SHING LJON PA RNAMS LA COD PA NA DANG, RNA RGYAN DANG, DO SHAL DANG, GDU BU DANG, DPUNG RGYAN DANG, SOR GDUB DANG, GSER GYI SKA RAGS DANG, GSER GYI DRA BA DANG; MU TIG GI DRA BA DANG, RIN PO CHE THAMS CAD KYI DRIL BU G-YER KHA'I DRAB LA SOGS PA RGYAN JI LTA BU 'DOD PA DE LTA BU RGYAN RIN PO CHE BRGYA STONG DU MAS SPRAS PA 'PHYANG BAS SANGS RGYAS KYI ZHING DE YONGS SU GANG BA, LNGA DRO'I DUS KYI TSE PHYOGS BZHI
, ,NAS RLUNG LANGS TE, RLUNG DES LHA'I SPOS DRI RAB TU ZHIM PA SNA TSOGS KYIS BGOS SHING KHA DOG DU MA DANG LDAN PA'I RIN PO CHE'I SHING LJON PA DE DAG BSKYOD CING BSKUL BA NA YID DU 'ONG BA'I DRI BSUNG DANG LDAN ZHING, LTA NA SDUG PA'I ME TOG RNAM PA MANG PO RIN PO CHE'I SA GZHI CHEN PO LA BRUL TE, ME TOG DE DAG GIS SANGS RGYAS KYI ZHING DE MI'I BONG TSOD BDUN TZAM DU KHYAB PAR GYUR TO, ,ME TOG DE DAG NI GOS KAN TZA LIN TI KA LTAR 'JAM ZHING REG NA BDE BA'O, , DE LA RKANG BA BZHAG PA NA SOR BZHI TZAM GYIS DMA' BAR 'GYUR ZHING, RKANG PA BTEG PA NA SOR BZHI TZAM GYIS MTHO BAR 'GYUR RO, ,SNGA DRO'I DUS 'DAS MA THAG ME TOG RNYING PA DE DAG MA LUS BA MED PAR GYUR TE, DE'I 'OG TU SANGS RGYAS KYI ZHING DE DPEN PA DANG, NYAMS DGA' BA DANG, DAG PAR 'GYUR ZHING, DE NAS YANG PHYOGS BZHI NAS RLUNG LANGS TE SNGAR BZHIN DU ME TOG GSAR PA DAG 'GREMS PAR BYED DO, ,SDA DRO'I DUS JI LTA BAR NYIN GUNG DANG, PHYI DRO DANG SROD DANG NAM GYI GUNG DANG THO RANGS KYANG DE BZHIN NO, ,GSER DNGUL BEE t'RYA DANG SHEL DANG SBUG ,MU TIG DMAR PO RDO YI SNYING PO STE, ,RIN CHEN BDUN LAS GRUB PA'I LJON PA LA, ,YID LA BSAM DGU'I RGYAN BZANG DPAG MED 'PHYANG, ,SHING GI RTZA BA SDONG BU YAL GA SOGS, ,'JAM ZHING REG NA BDE STER DRI ZHIM LDAN, ,DRI YI BZHON PAS BSKYOD TSE RNAR SNYAN PA'I, ,MNYAN PAS CHOG MI SHES PA'I SGRA RNAMS 'BYUNG, ,GZHAN YANG SA GZHI DE NI SBOS MCHOG GIS YONGS SU BGOS PA'I
CHU KLUNG RNAM PA SNA TSOGS PAS MDZES PAR BYAS PA RNAMS KYI ZABS SU NI DPAG TSAD BCU GNYIS PAR MTSUNGS LA, KHA ZHENG NI DPAG TSAD GCIG DANG BCU DANG NYI SHU DANG SUM CU DANG BZHI BCU DANG LNGA BCU'I BAR DANG BRGYA STONG GI TSAD DAG KYANG YOD DO, ,DE YANG 'BA' STEGS BDE BA, 'DAM RDZAB MED PA, GSER GYI BYE MA BDAL BA, LHA'I ME TOG AUD PA LA DANG, PADMA DANG, KU MU TA DANG, PADMA DKAR PO LA SOGS PA, DRI RAB TU ZHIM PA'I ME TOG GIS KHEBS PA, KHOL KHOL DAG NA BYA NGANG PA DANG, BZHAD DANG, KHRUNG KHRUNG DANG, DUR BA DANG, KAR NA DA DANG, NE TZO DANG, RI SKEGS DANG, KHU BYUG DANG, KUN LA DANG, KA LA BIDKA DANG, RMA BYA LA SOGS PA SGRA YID DU 'OD BA 'BYIN PA'I SPRUL PA'I BYA'I TSOGS DU MAS BSTEN PA, 'GRAM GNYIS NI RIN PO CHE'I SPOS KYI SHING LJON PAS GANG BA'O, ,DAG PA'I SEMS CAN RNAMS KYI NYER 'TSO'I GZHI, ,YID 'DZIN TA MA LA DANG AA KA RU, ,RGYA SPOS TZANDAN SPRUL SNYING GIS BGOS PA'I, ,NYAL 'GRO'I RGYUN RNAMS SGRA SNYAN SGROG CING 'BAB, ,GZHAN YANG SA GZHI THAMS CAD KYANG GSER GYI DRA BAS KHEBS SHING RIN PO CHE SNA BDUN GYI PADMAS GANG BA STE, PADMA KHA CIG NI DPAG TSAD PHYED TZAM YOD KHA CIG NI DPAG TSAD GCIG DANG GNYIS DANG GSUM DANG BZHI DANG LNGA NAS BCU'I BAR GYI TSAD TZAM YOD DE RIN PO CHE'I PADMA THAMS CAD KYANG 'OD ZER BYE BA STONG PHRAG SUM CU RTZA DRUG DRUG 'BYUNG ZHING 'OD ZER GYI RTZE MO THAMS CAD LAS KYANG SANGS RGYAS GYI SKU GSER GYI KHA DOG CAN SKYES BU CHEN PO'I MTSAN SUM CU RTZA GNYIS MNGA' BA BYE BA BRGYA STONG PHRAG SUM CU RTZA DRUG DRUG BYUNG NAS PHYOGS BCU'I 'JIG
, ,RTEN GYI KHAMS GRANGS MED DPAG TU MED PA DAG TU GSHEGS NAS SEMS CAN RNAMS LA CHOS STON TO, ,RAB 'BYAMS SMON LAM STOBS LAS 'ONGS BA YI, ,RIN CEN BADMOS BSKRUN BA'I 'OD ZER RTZER, ,DAM CHOS SBRANG RTZI'I DGA' STON 'BYED BA YI, ,SBRUL SKUS GDUL BYA'I BUNG PA TSIM PAR MDZAD, ,GZHAN YANG SA GZHI DE NI KHANG BZANG RNAMS KYIS MDZES PAR BYAS PA STE, DE YANG RIN BO CHE SNA TSOGS KYI BA GAM BRGYA STONG GIS BRGYAN PA, RIN BO CHE'I KHRI LHA'I RAS BCOS BU SNA TSOGS BTING BA SNGAS KHRA BO BZHAG PA DANG LDAN PA'I GZHAL MED KHANG DU MA DANG, GZHAN YANG SA GZHI DE NI SPOS DANG PHRENG BA DANG BYUG PA DANG PHYE MA DANG GDUGS DANG RGYAL MTSAN DANG BA DAN DANG SIL SNYAN DANG GOS KHA DOG BRGYA STONG DU MA JI LTA BU 'DOD PA DE LHA BU'I SPOS DANG PHRENG BA NAS GOS KYI BAR GYIS YONGS SU KHYAB BO, ,DE BZHIN DU ZHING DE NI SBOS SNA TSOGS DRI RAB TU ZHIM PA'I DANG LNGAN ZHING DUS DUS SU LHA'I SPOS CHU'I SBRIN GYI CHAR DANG, LHA'I ME TOG THAMS CAD DANG LDAN BA DAG DANG, LHA'I RIN PO CHE SNA BDUN DANG, LHA'I TZANDAN GYI PHYE MA DANG, LHA'I GDUGS DANG RGYAL MTSAN DANG, BA DAN GYI CHAR 'BAB PA DANG, ,NAM MKHA' LA LHA'I BLA BRE DANG LHA'I RIN PO CHE'I GDUGS RNGA MA'I BSIL YAB DANG BCAS BA 'DZIN ZHING, LHA'I ROL ME'I SGRA DBYANGS DAG KYANG SGROGS LA, LHA'I BU MO DAG KYANG GAR BYED DO, YID KYI RE BA RDZOGS BYED LONGS SPYOD RDZOGS, ,PHUN TSOGS 'BYOR BAS SA DANG BAR SNANG KUN, ,MI MNYAM MED PAR YONGS SU DGRIGS PA NI, ,GSER GYI GZHI LA CHU
GTER CHEN BO BZHIN, ,GZHAN YANG DE NANG NA SONG GSUM DANG LHA MA YIN GYI RIS MED CING DER SKYES NAS 'GRO BA DE BZHIR SLAR LDOG BA YANG MED, MI KHOM PA LHAG MA RNAMS KYANG MED, MA DES BA DANG LOG PA NYID DU DES PA'I SEMS CAN MED CING, YANG DAG BA NYID DU NGES BA SHA STAG YIN LA, SMON LAM GYI DBANG MA GTOGS BA DUS MA YIN PAR 'CHI BA MED, DER SKYES BA'I SEMS CAN RNAMS NI RIN PO CHE'I PADMA LAS BRJUS TE SKYES PA SHA STAG YIN ZHING, 'GRO BA NI LHA DANG MI GNYIS SU NGES LA DE YANG LHA MI'I THA SNYAD TZAM DU MA GTOGS PA MTSUNGS TE, LONGS SPYOD NI GZHAN 'PHRUL DBANG BYED BA'I LHA RNAMS JI LTA BA BZHIN NO, ,DE DAG THAMS CAD KYANG LUS LA MTSAN SUM CU RTZA GNYIS KYIS BRGYAN PA DANG, SEMS KYIS SKAD CIG THANG CIG LA SANGS RGYAS KYI ZHING BYE BA KHRAG KHRIG BRGYA STONG 'DAS PA'I RDZU 'PHRUL GYI MNGON SHES DANG, BSKAL BA BYE BA KHRAG KHRIG BRGYA STONG RJES SU DRAN BA'I SNGON GYI GNAS RJES SU DRAN PA'I MNGON SHES DANG, 'JIG RTEN GYI KHAMS BYE BA KHRAG KHRIG BRGYA STONG MTHONG PA'I LHA'I MIG GI MNGON SHES DANG, SANGS RGYAS KYI ZHING BYE BA KHRAG KHRIG BRGYA STONG DU GCIG CAR DU CHOS NYAN PA'I LHA'I RNA BA'I MNGON SHES DANG, SANGS RGYAS KYI ZHING BYE BA KHRAG KHRIG BRGYA STONG DU GTOGS PA'I SEMS CAN RNAMS KYI SEMS SHES PA'I PHA ROL GYI SEMS SHES BA'I MNGON SHES TE MNGON PAR SHES BA LNGA TSAD BA THOB PA DANG, SNGA DRO BZHIN DU SANGS RGYAS KYI ZHING GZHAN DAG TU PHYI NA NAS SANGS RGYAS BRGYA PHRAG MANG PO NAS SANGS RGYAS BYE BA KHRAG KHRIG BRGYA STONG PHRAG MANG PO LA SANGS RGYAS KYI MTHUS MCHOD BA'I RDZAS
, ,THAMS CAD KYIS RNYED BKUR BAR NUS BA'O, ,GZHAN YANG SEMS CAN DE RNAMS KHAMS KYI ZAB RAGS PA NI MI ZA MOD, 'ON KYANG KHA ZAS RNAM PA JI LTA BU 'DOD PA DE LTA BU'I KHA ZAS DANG, SNGAR BSHAD PA'I GOS DANG RGYAN GYI BYE BRAG JI LTAR 'DOD PA DE RNAMS BSAMS MA THAG TU RNYED NAS LUS TSIM PA DANG, LUS LA BGOS PA DANG, LUS BRGYAN PAR 'GYUR ZHID CHU KLUNG CHEN PO RNAMS LAS LHA'I GLU DBYANGS YAN LAG BYE BA BRGYA STONG DANG LDAN PA'I SIL SNYAN MKHAN MKHAS PA RNAMS KYIS BYAS PA BAS KYANG LHAG PA'I SGRA SNYAN CING YID DU 'ONG BA MNYAN PAS CHOG MI SHES PA 'BYUNG BA RNAMS KYIS CHOS KYI RNAM GRANGS DPAG TU MED PA SEMS CAN DE DAG LA JI LTAR RIGS PA STON CING SPRUL BA'I BYA'I TSOGS KYIS KYANG SANGS RGYAS KYI ZHING DE THAMS CAD SGRAS GO BAR BYED CING DES BYANG CHUB SEMS DPA' RNAMS SANGS RGYAS RJES SU DRAN PA DANG MI 'BRAL BAR 'GYUR RO, ,SEMS CAN DE DAG SNGAR BSHAD PA LTA BU'I GZHAL MED KHANG JI LTA BU 'DOD PA DE LTA BU'I GZHAL MED KHANG MDUN DU BYUNG STE, DE RNAMS DE'I NANG NA LHA'I BU MO BDUN STONG BDUN STONG GIS BSKOR CING RTZE DGA' ZHING DGA' BAR BYED DO, ,DAG PA'I SEMS CAN LAS BZANG GIS SPRUL BA, ,MTSAN DPE'I RGYAN GYIS LUS NI RAB TU MDZES, , YON TAN DU MAS RGYUD NI LEGS PAR GTAMS, ,GNAS SKABS KUN TU CHOS KYI DGA' BAS 'TSO, ,GLOG BZHIN 'KHYUG PA'I THOGS MED RDZU 'PHRUL GYIS, ,ZHING MANG BGOD NAS RGYAL BA'I SPYAN SNGA RU, ,RAB 'BYAMS TSOGS
GNYIS BSKRUN NAS SLAR YANG NI, ,RANG GI ZHING DU DGA' BA DES ROL BAR MDZAD, ,GZHAN YANG ZHING DE'I RGYAL BA'I 'KHOR NI GNYIS TE, NYAN THOS DANG BYANG CHUB SEMS DPA' 'O, ,DE YANG NYAN THOS KYI 'KHOR 'DUS PA DANG PO LTA BU LA YANG 'DOD NA STONG GSUM GYI SKAR MA THAMS CAD NYIN ZHAG GCIG GIS BRTZI BAR NUS PA, RDZU 'PHRUL DPAG TU MED PA DANG LDAN PA MOO GAL GYI BU LTA BU BYE BA KHRAG KHRIG BRGYA STONG GIS LO BYE BA KHRAG KHRIG BRGYA STONG DU LAS GZHAN MI BYED PAR BRTZIS KYANG CHA SHAS TZAM YANG GRANGS CHOD PAR MI 'GYUR NA, 'DUS PA GNYIS BA DANG GSUM PA LTA CI SMOS TE, DE LTA BU'I NYAN THOS KYI 'KHOR GRANGS MED PA YOD LA, DE THAMS CAD KYANG 'ONG 'OD MA GANG BA SHA STAG GO ,BYANG CHUB SEMS DPA'I 'KHOR NI, GRANGS DPAG TU MED CING YON TAN MTHA' YAS PA MU MED PA DANG LDAN BA SHA STAG STE, DE YANG SEMS CAN THAMS CAD LA MNYAM PA'I SEMS DANG PHAN PA'I SEMS DANG BYAMS PA'I SEMS DANG LDAN PA, SEMS KYI RGYUD SGYU MA'I RANG BZHIN LA BLO RAB TU ZHUGS PA SHES RAB RGYA MTSO CHEN PO DANG MNYAM PA BLO RI RAB DANG MTSUNGS PA, YON TAN DU MA BSAGS PA, YE SHES KYIS MNGON PAR 'PHAGS PAS RI RAB DANG MTSUNGS BA, 'KHRUG PA MED PAS RGYA MTSO CHEN PO DANG 'DRA BA, SEMS CAN THAMS CAD KYI DGE BA DANG MI DGE BA BZOD PAS SA DANG MTSUNGS PA, NYON MONGS PA'I DRI MA 'KHRUNG PAS 'BAB CHU DANG 'DRA BA, CHOS THAMS CAD LA RLOM SEMS SU BYED PA DANG NYON MONGS PA RNAMS BSREG PAR BYED PAS ME'I RGYAL PO DANG MTSUNGS PA, 'JIG RTEN
, ,THAMS CAD LA MI CHAGS PA'I PHYIR RLUNG DANG 'DRA BA, CHOS THAMS CAD NGES PAR BIGS PA DANG CI LA YANG MI DMIGS PA'I PHYIR NAM MKHA' DANG MTSUNGS PA, 'JIG RTEN GYI SKYON THAMS CAD KYIS MGOS PA'I PHYIR PADMA DANG 'DRA BA, CHOS DANG CHOS MA YIN PA MNGON PAR SGROGS PAS DUS KYI RJES SU 'BRANG BA'I 'BRUG CHEN PO DANG MTSUNGS PA, CHOS KYI CHU YI CHAR MNGON PAR 'BEBS PAS SPRIN CHEN PO DANG 'DRA PA, TSOGS CHEN PO ZIL KYI GNON PAS KHYU MCHOG DANG MTSUNGS PA, SEMS MCHOG TU DUL BAS GLANG PO CHE DANG 'DRA BA, SHIN TU DUL BAS RTA CANG SHES BZANG PO DANG 'DRA BA, RTZAL DANG MI 'JIGS PAS SKRAG PA MED PA'I PHYIR RI DVAGS KYI RGYAL PO SENG GE DANG 'DRA PA, SEMS CAN THAMS CAD YONGS SU SKYOB PAS SHING GI RGYAL PO N+YA GRO TA DANG MTSUNGS PA, PHAS KYI RGOL PA THAMS CAD KYIS MI G-YO BAS RI'I RGYAL PO RI RAB DANG 'DRA BA, BYAMS PA TSANG MED PA BSGOMS PAS NAM MKHA' DANG 'DRA BA, DGE BA'I CHOS THAMS CAD KYI DBANG DU BYA BA'I SNGON DU 'GRO BAS TSANGS BA CHEN PO DANG 'DRA BA, GNAS SU GSOG PA MED PAS BYA DANG MTSUNGS PA, PHAS KYI RGOL BA THAMS CAD RNAM PAR 'JOMS PAS BYA'I RGYAL PO NAM MKHA' LDING DANG 'DRA BA, 'JIG RTEN NA 'BYUNG BAR DKA' BA'I PHYIR AU DU MA WAR DANG MTSUNGS PA, CHOS KYI RNGA CHEN PO BRDUNG BA, CHOS KYI DUNG CHEN PO 'DUD PA, CHOS KYI RGYAL MTSAN CHEN PO BSGRENG PA, CHOS KYI BA DAN CHEN PO 'DZIN PA, CHOS KYI SGRON ME CHEN PO RAB TU 'BAR BAR BYED PA, SANGS RGYAS BYE BA KHRAG KHRIG BRGYA STONG PHRAG MANG PO LA DGE BA'I RTZA BA MANG PO BSKYED PA, RGYAL BA RNAMS KYIS BSNGAGS PA, ,SKYON MED PA'I TSUL KHRIMS LHUR LEN PAS SEMS KYI RGYUD BEE d'URYA LTAR RNAM PAR DAG PA, CHOS THAMS CAD LA THOS PA RGYA MTSO LTA BUR
GYUR BA, RGYAL SRAS RE RE YANG DPAG TSAD BYE BA BRGYA STONG GI 'OD DANG LDAN PA, SRAS KYI THU BO GNYIS KYI 'OD KYIS NI 'JIG RTEN GYI KHAMS DE KHOR YUG TU SNANG BAS KHYAB PAR BYED DO, ,DE NI BYANG CHUB SEMS DPA' SEMS DPA' CHEN PO SPYAN RAS GZIGS DBANG PHYUG DANG MTHU CHEN THOB PO, ,YE SHES RGYA MTSO SEMS CAN RGYA MTSO'I PHYIR, ,SNYING STOBS RGYA MTSOS MA ZHUM GO BGOS SHING, ,RGYAL BA RGYA MTSO'I DRUNG DU THUGS BSKYED NAS, ,THOS BA RGYA MTSO TSOL BAS NGOMS PA MED, ,MA LUS CHOS TSOL TSUL LA RAB TU MKHAS, ,'JIG RTEN 'DAS PA'I GTAM GYI SNYING PO RTOGS, ,CHOS KYI GTAM LA NAM YANG 'JIGS PA MED, ,RTAG TU SEMS CAN GROL BAR BYED LA BRTZON, ,DE NI 'DREN PA'I GTZO BO 'OD DPAG MED, ,THUB MCHOG DE YI RIGS SU SKYES GYUR PA, ,RGYAL BA'I GDUNG 'TSOB GRAGS LDAN DPA' BO CHE, ,DAG BA'I ZHING GI RGYAL SRAS RNAMS YIN NO, ,DE LTA BU'I SNOD BCUD KYI YON TAN PHUL DU BYUNG BA DANG LDAN PA'I ZHING GI MCHOG DE'I DBUS NA BYANG CHUB KYI SHING GI DBANG PO CHEN PO 'PHANG DU DPAG TSAD STONG DRUG BRGYA YOD PA, YAL GA DANG LO MA DANG 'DAB MA DBAG TSAD BRGYA BRGYA TSUN CHAD DU 'PHYANG BA, RTZA BA'I SBOMS DANG KHRU NA DBAG TSAD LNGA BRGYA YOD PA, LO MA DANG ME TOG DANG 'BRAS BU RNAMS RGYUN DU 'PHYANG BA, KHA DOG THA DAD PA BRGYA STONG DU MA YOD PA, LO MA DANG ME TOG DANG 'BRAS BU THA DAD PA DU MA DANG LDAN PA, ZLA BA LTAR SNANG BA'I NOR BU RIN PO CHES YONGS SU GSAL PA, BRGYA BYIN GYIS THOGS PA'I NOR BU RIN PO CHES RNAM PAR SBRAS PA, YID BZHIN GYI NOR BU RIN PO CHES GANG BA; RGYA MTSO'I NOR BU RIN PO CHE MCHOG GIS SPRAS PA, GSER GYI SKUD PA DANG SE MO NGOS MDZES PA DANG RIN PO CHE'I CHUN PO DANG DO SHAL TSIG RKYANG DANG, MU TIG SNGON PO DANG MU TIG DMAR PO'I RGYAN PHRENG DANG SENGGE'I KHA NAS 'PHYANG PA'I SKA RAGS KYI
, ,TSOGS YOD PA, RIN PO CHE THAMS CAD KYI DRI BA DANG DRIL BU G-YER KHA'I DRA BAS BLA BRE BRES PA, CHU SRIN DANG BKRA SHIS DANG G-YUNG DRUNG 'KHYIL BA DANG ZLA GAM LTA BUS LEGS PAR BRGYAN PA STE, MDOR NA SEMS CAN GYI BSAM PA'I RNAM PAR RIG PA JI LTA BU BZHIN DU RNAM PAR BRGYAN PA'O, ,BYANG CHUB KYI SHING DE RLUNG GIS BSKYOD PA NA SGRA DBYANGS 'BYUNG BA GANG YIN PA DES 'JIG RTEN GYI KHAMS TSAD MED PA GO BAR BYED DO, ,SHING DE'I SGRA THOS PA DANG MTHONG BA DANG DE'I DRI TSOR BA DANG DE'I 'BRAS BU'I RO MYONG BA DANG DE'I 'OD KYIS REG PA THAMS CAD NI BYANG CHUB MA THOB KYI BAR DU RNA BA DANG MIG DANG SNA DANG LCE DANG LUS LA NAD KYIS BTAB BA MI 'BYUNG NGO, ,SHING DE YID LA SEMS PA DE DAG KYANG BYANG CHUB MA THOB KYI BAR DU SEMS G-YENG BAR MI 'GYUR RO, ,BYANG CHUB KYI SHING GI DBANG PO DE'I DRUNG NA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG TU MED PA RDUL MED CING RNAM PAR DAG PA BZHUGS SHING 'TSO ZHING BA ZHES LA 'KHOR RGYA MTSO LTA BU'I DBUS NA CHOS STON PAR MDZAD DO, ,DE YANG BSKAL PA BRGYA PHRAG NAS BSKAL PA BYE BA KHRAG KHRIG BRGYA STONG PHRAG GI BAR 'DI SNYED CIG THUB BO ZHES SKU TSE'I TSAD RTOGS PAR MI NUS TE DE'I PHYIR RGYAL BA DE NI TSE DPAG MED CES BYA'O, ,DE BZHIN DU PHYOGS BCU RE RER YANG SANGS RGYAS KYI ZHING BYE BA KHRAG KHRIG BRGYA STONG GANG+G'A'I KLUNG GI BYE MA'I GRANGS JI SNYED PA DE'I 'OD KYIS KHYAB PAR GNAS TE DE'I PHYIR RGYAL BA DE NI 'OD DPAG MED
CES BYA STE, 'ON KYANG SMON LAM GYI DBANG GIS 'OD 'DOM GANG BA SOGS SU 'GYUR BA NI MA GTOGS SO, ,'OD DE NI SHEL GONG LTAR DRI MA MED PA, NAM MKHA' LTAR SHIN TU RGYAS PA, LUS LA BDE BA SKYED PA, SEMS DGA' BAR BYED PA, GANG LA REG PA'I SEMS CAN RNAMS MCHOG TU DGA' BAR BYED PA'O, ,DE LTAR 'OD ZER GYI PHUNG PO CHEN PO MTHA' YAS PAS ROL MTSOS GSER GYI RI RNAMS LA 'KHYUD PA BZHIN DU YONGS SU BSKOR BA'I DRANG SRONG CHEN PO 'OD DPAG TU MED PA'I SKU'I GZI BRJID KYIS NYAN THOS DANG BYANG CHUB SEMS DPA'I 'KHOR GYI TSOGS THAMS CAD ZIL GYIS MNAN NAS MNGON PAR 'PHAGS TE LHAM ME LHANG NGE LHAN NER PHYOGS KUN DU GSAL BAR SNANG BA NI RI'I RGYAL PO RI RAB RI THAMS CAD KYI DBUS NA MNGON PAR MTHO BA BZHIN NO, ,THUB PA'I MCHOG CHEN PO DE MTHONG MA THAG TU YID TSIM PAR BYED PA'I SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU BSKAL BA DPAG TU MED PAR BSGRUBS PA'I DGE BA'I RTZA BA DU MA'I RGYU LAS BYUNG BDAG CING GSAL LA MDZES PA THAMS CAD YONGS SU RDZOGS PA RNAMS KYIS SKU'I KHYON THAMS CAD MDZES PAR BYED PA LA 'GRAN PA BZHIN DU GYUR PA, STON GYI DUS KYI MTSAN MO SPRIN DANG BRAL BA'I NAM MKHA'I DKYIL DU CHA SHAS THAMS CAD YONGS SU RDZOGS PA'I ZLA BA'I DKYIL 'KHOR SHAR BA MU TIG GI 'BUM BU LTA BU'I RGYU SKAR BYE BA'I DKYIL NA MDZES PA BZHIN DU RGYUD DANG DBANG PO DANG DGE BA'I RTZA BA SHIN TU RLABS CHE BA YONGS SU SMIN PA'I BYANG CHUB SEMS DPA'I 'KHOR DPAG TU MED PAS
, ,YONGS SU BSKOR BA, RAB TU BRJID PA'I GZUGS DANG LDAN ZHING SHIN TU DAL BA'I 'GROS KYIS MDZES PA'I KHYU MCHOG PA LANG BRGYA STONG GI RJES SU 'BRANG BA DANG BCAS NAS 'GRO BA BZHIN DU SPYAN DANG RDZU 'PHRUL DANG MANG LON PAR SHES PA DU MAS BRTZE BA'I DGRA BCOM PA'I 'KHOR GYI MDUN DU BDAR BA, SHES BYA THAMS CAD LA CHAGS PA DANG THOGS PA MED PA'I MKHYEN PA DANG, 'KHOR BA JI SRID DU JI LTAR 'TSAM PAR CHOS STON PA ZAD MI SHES PA'I SPOBS PA DANG MTHA' YAS PA'I SEMS CAN GYI DON 'BA' ZHIG LHUR MDZAD PA'I THUGS RJE CHEN PO LA BRTEN NAS, DPA' ZHING YANG RTZAL CHE BA'I RI DAGS KYI RGYAL PO SENG GE RI DAGS DU MA'I TSOGS KYI 'KHOR GYI NANG NA BAG TSA BA MED PAR PHYOGS KUN TU SENG GE'I SGRA SGROGS PA LTAR GRANGS MED PA'I 'KHOR GYI DBUS NA PHAS KYI RGOL BA'I 'JIGS PA THAMS CAD DANG BRAL BA ZAB PA DANG RGYA CHE BA'I SENG GE'I SGRA CHEN PO RGYUN MI 'CHAD DU SGROGS PA'O, ,BDE BA CAN GYI ZHING NA 'GRO BA'I SKYABS, ,LJON PA'I DBANG PO'I DUNG NA 'OD DPAG MED, ,RGYA CHEN 'KHOR GYI DBUS NA BRJID PA'I SKU, ,MTHA' YAS BSOD NAMS PHUNG PO KHYOD LA 'DUD, ,'DREN PA KHYOD KYI 'OD KYI TSOGS, ,'JIG RTEN KHAMS SU SHONG GYUR PA, ,KYEE MA RGYAL BA'I ZHING GI NI, ,RGYA KHYON KHONGS DAG SHIN TU YANGS, ,RAB 'BYAMS RGYAL BA KUN GYI YON TAN RNAMS, ,KHYED NYID GCIG PUS BDAG GIR MDZAD PAS NA, ,MI MDZES ZHING GI SEMS CAN 'DI DAG RNAMS, ,SNYIGS MA LNGA YI NYES PAS SPAGS SAM SNYAm, ,
RAB MTHO RI YI DBANG PO STE, ,RAB RGYAS ZLA BA'I BZHIN LDAN ZHING, ,RAB MDZES AU TVAL SNGON PO'I MIG ,RAB TU LDAN NA KHYOD DANG MTSUNGS, ,MKHYEN BRTZE'I YON TAN DU MA'I DPAL 'BAR ZHING, ,'KHOR TSOGS DBUS SU LEGS BSHAD DGA' STON 'GYED, ,SRID MTHA'I BAR DU GZHAN GYI DON BZHUGS PA, ,GNAS SKABS KUN TU KHYOD KYIS 'GRO KUN SKYONGS, ,ZHES YID GZHAN DU MI G-YENG BAR TSIG DON DRAN BZHIN PA'I SGO NAS DAL BUS BRJOD PAR BYA'O, ,DE NAS JI SKAD PA THAD PA'I RGYAL BA 'KHOR DANG BCAS PA LA SMON PA'I GNAS THAMS CAD BDE BLAG TU 'GRUB PA'I DBANG PO MDZAD PAR GSOL BA DANG RGYU TSOGS GNYIS PA DGE RTZA SGO DUM NAS DPAG TU MED PA GSOG PA'I MTSON BYED DU BSAGS SBYANG GI GNAD BSDUS PA'I YAN LAG BDUN PA SOGS BYA BA NI, MCHOD PA BSANGS SBYANGS, STONG PA'I NGANG LAS RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD RDZAS RNAMS NGO BO YE SHES YIN PA LA RNAM PA MCHOD RDZAS SO SO'I RNAM PA CAN, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR NUS PA'I KUN TU BZANG PO'I MCHOD PA'I SPRIN BSAM GYIS MI KHYAB PAS SA DANG BAR SNANG NAM MKHA'I KHYON THAMS CAD YONGS SU GANG BAR GYUR BAR BSAMS LA, NAM MKHA'I MDZOD KYI SNGAGS DANG PHYAG RGYAS BYIN GYIS BRLAB PAR BYA'O, ,DE NAS LAG PA GNYIS THAL MO SBYAR BA'I BAR DU DRI ZHIM PA'I SPOS BZANG PO THOGS LA, SNYAN PA'I GDANGS DANG BCAS SHING, YID RAB TU DANG PA'I
, ,SGO NAS, BLANG DOR GNAS RNAMS MA RIG 'THUG POS BSGRIBS, ,KHONG KHRO'I MTSON GYIS MTHO RIS SROG 'PHROG CING, ,'DOD SRED ZHAGS PAS 'KHOR BA'I BTZON RANG BCINGS, ,LAS KYI CHU BOS SRID PA'I RGYA MTSOR KHYER, ,NA RGA'I SDUG BSNGAL RBA RLABS MANG POS G-YENGS, ,MI BZAD 'CHI BDAG CHU SRIN KHAR CHUD PAS, ,MI 'DOD SDUG BSNGAL KHUR GYIS NON GYUR PA, ,MGON MED BDAG GIS NYAM THAG NGA RO YIS, ,YID LA SMON PA 'GRUB PA'I DBANG PO RU, ,PHONGS PA'I GNYEN GCIG 'DREN PA 'OD DPAG MED, ,SPYAN RAS GZIGS DBANG RGYAL SRAS MTHU CHEN THOB, ,'KHOR DANG BCAS LA GUS PAS GSOL 'DEBS NA, ,DPAG MED BSKAL PAR BDAG CAG RNAMS KYI PHYIR, , THUGS MCHOG SKYED PA'I DAM BCAS MA BSNYEL BAR, ,'DAB BZANG GTZO BO LHA YI LAM LA BZHIN, ,RDZU 'PHRUL STOBS KYIS BRTZE BAS 'DIR GSHEGS SHIG ,CES GSOL BA BTAB PAS, NUB PHYOGS BDE BA CAN NAS RTZA BA'I BLA MA DANG NGO BO DBYER MED PA'I BCOM LDAN 'DAS MGON PO 'OD DPAG MED 'KHOR DANG BCAS PA THOGS PA MED PA'I RDZU 'PHRUL GYIS SKAD CIG MA GCIG LA GNAS 'DIR GSHEGS NAS BZHUGS PAR 'GYUR PA NI, RANG GI MDUN DU RIN PO CHE'I SA GZHI YANGS SHING RGYA CHE BA, SHIN TU NYAMS DGA' ZHING LAG MTHIL LTA BUR MNYAM PA, RIN PO CHE SNA TSOGS LAS GRUB PA'I LJON SHING DANG, TZAN DAN SPRUL GYI SNYING PO LA SOGS PA'I DRIS BGOS PA'I CHU KLUNG SNA TSOGS PAS
MDZES PAR BYAS PA, SA GZHI THAMS CAD KYANG GSER GYI DRA BAS KHEBS SHING RIN PO CHE SNA BDUN GYI PADMAS GANG BA, LHA'I GDUGS DANG, RGYAL MTSAN DANG, BA DAN DANG, BLA BREL SOGS PA 'DOD DGU'I LONGS SPYOD PHUN SUM TSOGS PAS SA DANG PAR SNANG NAM MKHA'I KHYON THAMS CAD MI MNYAM PA MED PAR YONGS SU DKRIGS PA'I DBUS SU, BYANG CHUB KYI SHING GI DBANG PO YON TAN BSAM GYIS MI KHYAB PA DANG LDAN PA'I DRUNG DU RIN PO CHE'I 'KHRI MTHO ZHING YANGS PA'I STENG KHAR SNA TSOGS PADMA DANG ZLA BA'I DKYIL 'KHOR CHA SHAS YONGS SU RDZOGS PA'I STENG DU RGYAL BA 'OD DPAG TU MED PA SBRUL SKU'I CHA BYAD CAN, SKU MDOG BYU RU'I LHUN PO LA NYI MA 'BUM GYI MDANGS KYIS 'KHYUD PA LTA BUR DMAR ZHING GZI BRJID BZOD PAR DKA' BA, 'OD ZER PHYOGS BCUR 'PHROS PAS 'JIG RTEN GYI KHAMS MTHA' YAS PA SNANG BAS KHYAB PAR MDZAD PA, SKU LA CHOS GOS RNAM GSUM MDZES PAR GSOL PA, PHYAG GNYIS MNYAM GZHAG GI PHYAG RGYA MDZAD PA'I MTHIL NA BDUD RTZIS GANG BA'I LHUNG BZED BSNAMS PA, ZHABS GNYIS RDO RJE'I SKYIL MO KRUNG GIS ZHUGS PA, MTHONG MA THAG TU YID TSIM PAR BYED PA'I SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU DAG CING GSAL LA MDZES PA THAMS CAD YONGS SU RDZOGS PA RNAMS KYIS SKU'I KHYON THAMS CAD MDZES PAR BYED PA LA PHAN TSUN 'GRAN PA BZHIN DU GYUR PA, CHA SHAS YONGS SU RDZOGS PA'I ZLA BA'I DKYIL 'KHOR SKAR MA'I TSOGS KYI DBUS NA SHAR BA BZHIN DU, BYANG CHUB SEMS DPA' SEMS DPA' CHEN PO SPYAN
, ,RAS GZIGS DBANG PHYUG DANG MTHU CHEN THO BA LA SOGS PA, RGYUD DANG DBANG PO DANG DGE BA'I RTZA BA SHIN TU RLABS CHE BA YONGS SU SMIN PA'I BYANG CHUB SEMS DPA'I 'KHOR DPAG TU MED PAS YONGS SU BSKOR BA, RAB TU BRJID PA'I GZUGS DANG LDAN ZHING SHIN TU DAL BA'I 'GROS KYIS MDZES PA'I KHYU MCHOG PA LANG BRGYA STONG GI RJES SU 'BRANG BA DANG BCAS NAS 'GRO BA BZHIN DU, ,,SPYAN DANG RDZU 'PHRUL DANG MNGON PAR SHES PA DU MAS BRTZE BA'I DGRA BCOM PA'I 'KHOR DPAG TU MED PA'I MDUN DU BDAR BA, SHES BYA THAMS CAD LA CHAGS PA DANG THOGS PA MED PA'I MKHYEN PA DANG, ,'KHOR BA JI SRID DU JI LTAR 'TSAM PAR CHOS STON PA ZAD MI SHES PA'I SBOBS PA DANG MTHA' YAS PA'I SEMS CAN KYI DON 'BA' ZHIG LHUR MDZAD PA'I THUGS RJE CHEN PO LA BRTEN NAS DPA' ZHING YANG RTZAL CHE BA'I RI DAGS KYI RGYAL PO SENG GE RI DAGS DU MA'I TSOGS KYI 'KHOR GYI NANG NA BAG TSA BA MED PAR PHYOGS KUN TU SER GE'I SGRA SGROGS PA LTAR GRANGS MED PA'I 'KHOR GYI DBUS NA PHAS KYI RGOL BA'I 'JIGS PA THAMS CAD DANG BRAL BA ZAB PA DANG RGYA CHE BA'I SENG GE'I SGRA CHEN PO RGYUN MI 'CHAD DU SGROGS PAR GYUR, ZHES BRJOD CING BSAM MO, ,GANG 'DIR BCOM LDAN 'DAS, ZHES PA NAS, 'KHUS 'DI GSOL BAR BGYI'O, ,ZHES DAM BCA' BRJOD, ,KHRUS KYI KHANG PA SHIN TU DRI ZHIM PA, ,ZHES SOGS KYIS KHRUS KHANG BSKYED, ,JI LTAR BLTAMS BTZAM GYIS NI, ,ZHES SOGS DANG,, AOm SARBA TA TH'A GA TA ZHES SOGS
DANG DE DAG SKU LA ZHES SOGS DANG, AOm H'Um H'Um ZHES SOGS DANG, RGYAL BA'I SKU LA NYON MONGS MI MNGA' YANG, ,ZHES SOGS TSIGS BCAD GSUM DANG, KHYED SKU RANG BZHIN YONGS NGAG PAS, ,ZHES SOGS DANG, DE BZHIN GSHEGS DANG ZHES SOGS DANG, ,DE NAS PHYIN DRUG GAm TSIGS BCAD RGYAS BSDUS GANG RUNG DANG, ,'DI NI KHRUS MCHOG DPAL DANG LDAN, ,ZHES SOGS DANG, AOm SARBA TA THA' GA TA NAS, ,K'A YA BI SHO DHA NA YE SV'A H'A, ZHES KHRUS GSOL DANG SKU PHYIS PHYAG LEN LTAR BYA'O, , STONG GSUM KUN TU DRING DA LDANG BA YI, ,ZHES SOGS KYIS DRIS BYUG, ,SRAB 'JAM YANG BA LHA YI GSO, ,ZHES SOGS DANG, ,SNA TSOGS DBANG PO'I GZHU LTAR RAB BKRA ZHING, ,ZHES SOGS DANG, RGYAL BA MTSAN DPE'I RANG BZHIN RGYAN LDAN PHYIR, ,ZHES SOGS KYIS GOS DANG RGYAN DBUL, BDAG DANG 'GRO LA THUGS PA RTZE'I PHYIR, ,ZHES SOGS KYIS BZHUGS SU GSOL LO, ,SANGS RGYAS THAMS CAD 'DUS PA'I SKU, ,ZHES SOGS DANG, MGON PO THUGS RJE CHE LDAN BA, ,ZHES SOGS TSIGS BCAD GSUM DANG,, LEGS TSOGS RGYA MTSO'I DPAL LAS LEGS 'KHRUNGS SHING, ,BSDU BZHI'I BANG RIM RNAMS KYIS KUN NAS MDZES, SKAL LDAN GSER RI'I DBUS NA RAB BRJID PA, ,'OD DPAG MED PA'I LHUN PO DE LA 'DUD, ,RING NAS SMON PA'I RAB 'BYAMS BZHED PA'I DON, ,JI BZHIN YONGS SU RDZOGS PA NGAG PA'I ZHING, ,GANG GI MING NI BDE BA CAN ZHES PAR, ,MNGON PAR BYANG CHUB KHYOD LA PHYAG 'TSAL LO, ,PHYOGS BCU'I RGYAL
, ,BAS BSTOD PA'I PHRENG BA YIS, ,YANG YANG BSNGAGS PA'I 'GRO BA'I SKYABS KYI MCHOG ,'DOD DGU MA LUS 'BYUNG BA'I GTER CHEN PO, ,'OD DPAG MED PA'I ZHABS LA PHYAG 'TSAL LO, ,THABS LA MKHAS PA'I TSAD MED THUGS RJE CAN, ,GCIG TU BSDUS PA 'PHAGS MCHOG THUGS RJE'I LHA, ,'GRO BA'I GNYEN GCIG RJE BTZUN SPYAN RAS GZIGS, ,,THUGS RJE CHEN PO KHYOD LA PHYAG 'TSAL LO, ,AINTRA N'I LA'I RI BO BZHIN DU 'BAR, ,RIN CHEN LHUN PO LTA BUR RAB TU BRJID, ,'JIG DUS ME YI DPUNG BZHIN 'OD 'PHRO BA, ,MTHU STOBS BDAG PO KHYOD LA PHYAG 'TSAL LO, ,THABS SHES MCHOG DANG GZUNGS SPOBS TING NGE 'DZIN, ,, MNGON SHES RDZU 'PHRUL LA SOGS MTHA' YAS SHING, ,DPAG TSAD BYE BA BRGYA STONG 'OD MNGA' BA'I, ,DPAG YAS BYANG SEMS 'KHOR LA PHYAG 'TSAL LO, ,BYE BA KHRAG KHRIG BRGYA STONG DGRA BCOM PAS, ,LO GRANGS BYE BA KHRAG KHRIG BRGYA STONG DU, ,LAS GZHAN MED PAR BRTZIS KYANG MI CHOD PA'I, ,GRANGS YAS NYAN THOS 'KHOR LA PHYAG 'TSAL LO, ,JI SNYED SU DAG PHYOGS BCU'I 'JIG RTEN NA, ,ZHES PA NAS, ,BDE BAR GSHEGS PA THAMS BDAG GIS BSTOD CES PHYAG BYA, ,DAG CING DRI MED YID 'OD PA'I, ,SNGAGS KYI YON CHAB MCHOG 'DI DAG, ,BDAG GIS DAD PAS 'BUL LAGS KYIS, ,BZHES NAS BDAG LA BKA' DRIN STZOL, ,AOm A'A: HR'm: PRA WA RA SAD GA RAm AARGHAm BRA T'Am
TZTSA H'Um SV'A H'A, ,DE BZHIN DU ZHABS BSIL, ZHAL BSIL, BSANG GTOR DANG, ,P'A DYI, A'ANYTZA MA nAm, PROshshA nAm ZHES SBYAR NAS CHU BZHI PHYAG LEN LTAR DBUL, ,PHUL BYUNG GZUGS MDZES YID 'PHROG RGYAN GYIS SBUD, ,LANG TSO RAB RGYAS GLU DANG GAR LA MKHAS, ,DBANG PO DRUG LA RMAD BYUNG BDE BA STER, ,KUN GYI DGA' BSKYED MCHOD PA'I LHA MO NI, ,MDZES PA'I ME TOG SNA TSOGS SKON BU THOGS, ,RAB 'BYAMS MCHOD PA'I SBRIN GYIS BDAG MCHOD NA, ,'KHOR DANG BCAS P'I BCOM LDAN 'OD DPAG MED, ,DGYES BZHIN BZHES TE MCHOG RNAMS STZAL DU GSOL, ,AOm BADZRA PUshPE PRA T'ITZTSA A'A: H'Um, ,MDZES PA'I ME TOG CES PA'I TSIG RKANG GCIG GI GNAS SU, ,YID 'ONG DRI ZHIM BDUG PAS PHYOGS KUN 'GENGS, , RIN CHEN 'OD 'BAR SGRON MES PHYOGS KUN GSAL, ,BZANG PO'I DRING NGAD LDANG BAS STONG GSUM KHYAB, ,RO BRGYA LDAN PA'I ZHAL ZAS SNA TSOGS THOGS, ,RNAR SNYAN ROL MO'I SBRA YIS PHYOGS KUN KHYAB, ,CES DANG, ,PUshPE'I GNAS SU, , DH'U BE, ,D'I BA, ,GANDHE, ,NEE WI DYE, SHAPTA ZHES SBYAR NAS NYER SPYOD ROL MO DANG BCAS PA DBUL, ,DE BZHIN DU, ,STONG GSUM GZUGS BRNYAN 'PHOS PA'I ME LONG 'DZIN, ,YID DANG RNA DBANG 'PHROG PA'I BI WANG 'DZIN, ,YID 'ONG DRI, BSUNG SBRO BA'I DUNG CHOS 'DZIN, ,RO BRGYA LDAN PA'I BDUNG RTZE'I ZAS SNOD 'DZIN, ,REG NA BDE BA STER BA'I NA BZA' 'DZIN, ,ZHES DANG, R'U BA, SHABTA, ,GHA NDHE, RAS, PARshA ZHES SBYAR NAS 'DOD YON LNGA DBUL, ,'DZAM BU,,
, ,CHU BO'I GSER LAS LEGS BYAS SHING, ,RTZIBS STOD LDAN PA'I DPAG TSAD LNGA BRGYAB, ,NYI MA GNYIS PA LTA BUR MKHAR 'PHAGS TE, ,DPAG TSANG 'BUM LAM NYI MA GCIG GIS GCOD, ,DE'I MTHUS NAM MKHA'I LAM LAS DBUNG TSOGS BZHI, ,GLING BZHI LHA GNAS DANG POR BGROD BYED PA'I, ,'KHOR LO RIN CHEN PHUL BAS 'GRO BA KUN, ,CHOS KYI SRID LA DBANG BSGYUR THOB PAR SHOG, ,AOm BADZRA TZAKRA RATNA PRA T'I TZTSA H'Um SV'A H'A, RIN CHEN, BEEd'U RYA'I ZUR BRGYAD LAS, ,SPROS PA'I 'OD KYIS DPAG TSAD BRGYA YI BAR, ,MTSAN MO'ANG NYIN MO BZHIN DU SNANG BYED CING, ,TSA BAS GDUNGS TSE 'OD KYIS BSIL BA STER, ,DER NAm DUS MIN 'CHI DANG NAD RNAMS SEL, ,YID LA GANG BSAMS PHAL CHER 'BYUNG 'GYUR BA'I, ,NOR BU RIN CHEN PHUL BAS 'GRO KUN GYI, ,CHOS LDAN RE BA YID BZHIN 'GRUB PAR SHOG ,MA nI RATNA, ,YID 'OD LTAN SDUG PA'I BUD MED NI, ,LUS DANG KHA NAS DRI ZHIM RAB TU 'BYUNG, , GANG GIS REG LA BDE BA MCHOG STER ZHING, ,GLING DER BKRES SKOM MYA NGAN SEL BAR BYED, ,BUD MED SKYON LNGA SPANGS SHING YON TAN NI, ,RNAM PA BRGYAD DANG RAB TU LDAN GYUR PA'I, ,BTZUN MO RIN CHEM PHUL BAS 'GRO BA KUN, ,ZAG MED BDE BA CHE LA SBYOD PAR SHOG, ,SHRI RATNA, ,GZHAN LA MI 'TSE CHOS MA YIN PA SPANGS, ,YANG DAG THA SNYAD LAS LA SKYOB MED, ,SA YI BDAG PO'I YID LA BSAMS PA RNAMS, ,MA SMRAS PAR YANG SHES NAS SGRUB PAR BYED,
DBUNG RNAMS 'GRO DANG GNAS DANG LDOG PA YI, ,BYA BA KUN LA RAB TU MKHAS GYUR PA'I, ,BLON PO RIN CHEN PHUL BAS 'GRO BA KUN, ,RGYAL BA'I DGONGS PA JI BZHIN SKOR BAR SHOG ,PA RI nA YA GA RATNA, YAN LAG BDUN LDAN GANGS KYI RI BO 'DRA, RANG BZHIN GLANG PO STONG GI STOBS DANG LDAN, ,NYI MA GCIG GIS 'DZAM GLING LAN GSUM 'KHOR, ,CAD SHES SKUD PA YIS KYANG DKRI BAR NUS, ,GZHAN LA MI GNOD MI 'KHRUG DAL GYIS 'GRO, ,PHA ROL SDE LAS RGYAL BAR BYED PA YI, ,GLANG PO RIN CHEN PHUL BAS 'GRO BA KUN, ,THEG PA MCHOG GI BZHON PAS BGROD PAR SHOG, ,GA DZA RATNA, ,ME TOG KU MU DA BZHIN RAB TU DKAR, ,LHA YI GTZUG RGYAN NOR BU SOGS KYIS BRGYAN, ,MDOG DANG DBYIBS DANG BONGS TSOD PHUN SUM TSOGS, BSGO NA NYIN GCIG 'DZAM GLING LAN GSUM 'KHOR, ,LUS LA NAD MED GZI BRJID CHEN PO CAN, ,YONGS SU NGAL BA MED P'I BZHON PA NI, ,RTA MCHOG RIN CHEN PHUL BAS 'GRO BA KUN, ,RDZU 'PHRUL MCHOG GI SHUGS DANG LDAN PAR SHOG, AA SHVA RATNA, ,RDO RJE RIN CHEN MTHON KHA MA RGAD DANG, ,GSER DANG DNGUL DANG SBUG LA SOGS PA NI, ,ZAD PA MED PAS SA PHYOGS RAB 'GENGS PA, ,DE YI 'BYOR BA SHIN TU BRTAN PA STE, ,G-YO DANG SGYU MED GZHAN LAG GNOD PA MED,, , SKYE BO THAMS CAD RAB TU DGA' 'GYUR BA'I, ,KHYIM BDAG RIN CHEN PHUL BAS 'GRO BA KUN, ,GSUNG RAB RIN CHEN MDZOD KUN 'DZIN PAR SHOG, ,KRI TA BA TI RATNA ZHES SBYAR TE RGYAL SRID SNA BDUN PHUL NAS, ,RGYAL SRID RIN BO CHE
, ,SNA BDUN PHUL BA'I DGE BA'I RTZA BA LA BRTEN NAS SBYIN BA'I BDAG PO RNAMS BLA NA MED PA'I CHOS KYI RGYAL SRID LA MNGA' BSGYUR BA'I CHOS KYI RGYAL PO CHEN POR GYUR CIG ,RIN CHEN GDUGS DANG GSER NYA DANG GTER CHEN BUM PA PADMA BZANG, ,DUNG DKAR G-YAS 'KHYIL DPAL BE'U, ,MCHOG GI RGYAL MTSAN 'KHOR LO SOGS, ,DNGOS GRUB RNAM GNYIS STZOL BA'I PHYIR, ,BLA MA LHAR BCAS BZHES SU GSOL, ,AOm BADZRA AA shtA MAm GA LA PRA T'I TZTSA H'Um SV'A H'A, BKRA SHIS PA'I RTAGS BRGYAD PHUL BA'I DGE BA'I RTZA BA LA BRTEN NAS SBYIN PA'I BDAG PO RNAMS LA PHYOGS DANG DUS DANG GNAS SKABS THAMS CAD DU BKRA SHIS DANG BDE LEGS KYI DGE MTSAN RGYA CHEN PO RGYUN MI 'CHAD DU 'BYUNG BAR GYUR CIG, ,RIN CHEN MDZES PA'I BKRA SHIS BUM PA 'DI, ,ZHES SOGS DANG, ,BADZRA KA LA SHA, ZHES SBYAR BAS GANG BUM DANG, RNGA BO CHE RNAMS PHUL BA'I DGE BA YIS, ,SEMS CAN THAMS CAD TSANGS PA'I DBYANGS DANG LDAN, ,SANGS RGYAS BYANG CHUB DAM PA MCHOG REG SHOG ,CHOS KYI 'KHOR LO DGE BA BSKOR GYUR CIG, ,BSKAL BA BSAM GYIS MI KHYAB BZHUGS PAR SHOG ,'GRO LA PHAN PHYIR CHOS KYANG STON GYUR CIG ,NYON MONGS 'JOMS 'GYUR SDUG BSNGAL SEL BAR SHOG, ,'DOD CHAGS ZHE SDANG GTI MUG ZHI GYUR CIG ,BADZRA MRI TAm GA, ZHES SBYAR BAS RNGA BO CHE PHUL TE, ,RNGA PHUL BA'I DGE BA LA BRTEN NAS SBYIN PA'I BDAG BO RNAMS CHOS KYI
RDA CHEN PO RGYUN MI 'CHAD DU BRDUNG BAR GYUR CIG ,DKAR MDZOS 'KHYIL LEGS DAR GYI COD PAN CAN, ,GDANGS SNYAN SKAD KYI NGA ROS PHYOGS KUN 'GENGS, ,G-YAS 'KHYIL DUNG GIS NAM MKHA' BKANG STE 'BUL, ,'GRO BAS TSANGS DBYANGS MCHOG NI THOB PAR SHOG, ,BADZRA SHAm KHA, ,ZHES SBYAR BAS DUNG PHUL TE, ,DUNG PHUL BA'I DGE BA LA BRTEN NAS SBYIN PA'I BDAG BO RNAMS CHOS KYI DUNG RGYUN MI 'CHAD DU 'BUD BAR GYUR CIG ,DRI MED GSER GYI RTZIBS STONG 'OD 'BAR BA, ,RIN CHEN AINDRA N'I LA'I TOG GIS MDZES, ,SNA TSOGS PHRA BKOD MU TIG CHUN 'PHYANG GIS, ,KHOR YUG BRGYAN PA'I GDUGS KYIS MCHOD PAR BYA, ,BADZRA TZTSA TRAm GA ,ZHES SBYAR BAS GDUGS PHUL TE, GDUGS PHUL BA'I DGE BA'I RTZA BA LA BRTEN NAS SBYIN PA'I BDAG PO RNAMS BLA NA MED PA'I CHOS KYI RGYAL PO CHEN POR GYUR CIG ,DANG ZHING LDEM PA'I RIN CHEN YU BA NI, ,ZLA PHYED RDO RJE RIN CHEN RTZE MO CAN, ,DAR LCE GSUM PA RLUNG GIS BSKYOD BA NA, ,SIL SIL 'KHROL BA'I DRIL CHUNG SGRA SGROGS SHING, ,SUM PHUGS 'KHYOG GI 'GYING DANG RAB TU LDAN ,MDZES PA'I SROG CHAGS MTSAN MA YOD MED KYI ,MI MTHUN PHYOGS LAS RGYAL BA'I RGYAL MTSAN DANG, ,RAB MDZES BA DAN RNAMS KYIS MCHOD PAR BYA, ,BADZRA KE TU BA TAm BA, ,ZHES SBYAR BAS RGYAL MTSAN DANG BA DAN PHUL TE, ,RGYAL MTSAN DANG BA DAN PHUL BA'I DGE BA'I RTZA BA LA BRTEN NAS, SBYIN PA'I BDAG PO RNAMS MI MTHUN PA'I PHYOGS THAMS CAD LAS RGYAL BA'I CHOS KYI RGYA PA
, ,MTSAN DANG SNYAN PA'I BDAN PHYOGS BCUR BSGRENG BAR GYUR CIG ,NAM MKHA'I RGYAN GYUR RIN THANG MED PA'I GOS, ,SNA TSOGS DAR GYI SHAM BU G-YO BA CAN, ,TZAN DAN SPRUL GYI SNYING PO'I DRIS BSGOS PA, ,RAB 'BYAMS BLA RE'I SBRIN GYIS MCHOD PAR BYA, ,AOm BADZRA BI TON PRA T'I TZTSA H'Um SV'A H'A, ZHES BLA RE DBUL BAR BYA'O, ,MCHOD PA 'DI DAG SO SO'I PHYAG RGYA DANG BCAS PA 'BUL NA LEGS BAS, RJE BDAG NYID CHEN POS BLA MED RGYUD KYI DGONGS DON LTAR BDE MCHOG GI MCHOD PHRENG DU GSAL BAR GSUNGS 'DUG BA LAS SHES PAR BYAS NAS LAG LEN DU BYED DGOS SO, ,PHUN TSOGS GZI 'OD PHYOGS BCUR RAB TU 'PHRO, ,BKRA SHIS DPAL GYIS KUN NAS LHAM ME BA, ,RIN CHEN SEL SBRAM GYI DBU RGYAN 'DI, ,'OD DPAG MED PA'I DBU LA PHUL BA YIS, ,BSTAN PA RIN CHEN PHYOGS BCUR DAR BA DANG, ,'JIG RTEN BDE LEGS CHEN POS KHYAB PA DANG, ,LHAR BCAS 'GRO BA'I GTZUG GI RGYAN GYUR BA'I, ,STOBS BCU MNGA' BA'I GO 'PHANG THOB PAR SHOG ,PHUN SUM TSOGS PA'I GZI BRJID KYI 'OD ZER PHYOGS THAMS CAD DU RAB TU 'PHRO ZHING BKRA SHIS PA'I DPAL GYIS KUN NAS LTAM MER GYUR PA RIN PO CHE SA LE SBRAM LAS BSGRUBS PA'I DE BZHIN GSHEGS PA RIGS LNGA'I DBU RGYAN DBANG BO'I DAR DBYANGS DANG BCAS PA RIN PO CHE SNA TSOGS PA'I PHRA BKOD PAS MDZES PAR BYAS PA 'DI BCOM LDAN 'DAS MGON PO 'OD DPAG TU MED PA'I DBUL PHUL BA'I DGE BA'I RTZA BA LA BRTEN NAS MDO SNGAGS KYIS BSDUS PA'I BSTAN PA
RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG ,'JIG RTEN GYI KHAMS THAMS CAD DU 'ANG BKRA SHIS DANG DGE MTSAN RGYA CHEN PO RGYUN MI 'CHAD DU 'BYUNG BAR GYUR CIG ,DE LTAR BSGRUBS PA'I SBYIN PA'I BDAG PO RNAMS KYANG LHA DANG MI DANG LHA MA YIN DANG DRI ZAR BCAS PA'I 'JIG RTEN THAMS CAD KYI GTZUG GI COD PAN GYI STENG NA GANG GI ZHABS GYI PADMO RNAM PAR MDZES PA'I SANGS RGYAS BCOM LDAN 'DAS RNAMS JI 'DRA BA DE BZHIN DU GYUR CIG ,'DIR NI BSOD NAMS ZHING GI DAM BA KHYOD, ,MNYES PAR BGYID SLAD LHAG BSAM DAG PA YIS, ,DGE SBYONG RNAMS LA 'DREN PAS BSNGAGS PA YI, ,CHOS GOS GSUM DANG BSIL BYED DRANG SRONG SNOD, ,RUNG BA TSAD DANG LDAN PA 'DI DAG KYANG, ,ZHEN MED MA CHAGS BLO YIS DBUL BAR BGYI, ,DRI MED MTSAN LA SGRIBS BA MI MNGA' YANG, ,DAD PAS DUR SMRIG RGYAL MTSAN PHUL BA YIS, ,NAM MKHA'I MTHA' DANG MNYAM PA'I 'GRO BA RNAMS,, SANGS RGYAS BRTUL ZHUGS MCHOG LA SBYOD BAR SHOG ,CES DBU RGYAN DANG CHOS GOS RNAM GSUM DANG LHUNG BZED MKHAR BSIL SOGS KYANG ADBUL BAR BYA'O, ,MCHOD BA 'DI DAG GI TSO GCIG BU YIN NA RANG DANG, TSOGS PA LTA BU'I TSE RAB GDONG RKANG LAG LEGS PAR KHRUS SHING, GOS GSAR BA DANG ZHVA SER AGYO NA BA'I GRVA BA GCIG GIS, GONG DU BSHAD PA'I MCHOD RDZAS DNGOS DANG BCOS MA CI RIGS GYEN DU 'DEGS TE PHUL NA BLO DMAN BA RNAMS LA 'CHAR BDE BAS DANG PA SKYE BA LA
, ,KHYAD CHE ZHING, KHYAD PAR DU KHRU GANG LA SOGS PA'I TSAD DANG LDAN PA'I SNA TSOGS PADMA DNGOS DANG BCOS MA GANG YANG RUNG BA ZHIG GYEN DU 'DEGS NAS, JI LTAR SNGON GYI SANGS RGYAS LA, ,'DAM GYI SKYON GYIS MA GOS PA'I, ,PADMA DKAR PO 'BUL BA LTAR, ,DE BZHIN BDAG GIS DNGUL BAR BGYI, ,BDE LDAN ZHING GI MGON PO BCOM LDAN 'DAS 'OD DPAG TU MED PA'I ZHABS ZUNG GSER GYI 'KHOR LO RTZIBS STONG LDAN ZHING 'OD ZER 'PHRO BA'I DRUNG DU, RIN BO CHE SNA TSOGS LAS GRUB PA'I PADMA DKAR PO PHUL BA'I DGE BA'I TZA BA LA BRTEN NAS BDAG SOGS SEMS CAN THAMS CAD 'DI NAS SHI 'PHOS MA THAG TU NUB PHYOGS BDE BA CAN GYI ZHING DU RGYAL BA 'OD DPAG TU MED PA'I SPYAN SNGAR RIN BO CHE SNA TSOGS LAS GRUB BA'I PADMA'I SNYING PO LAS BRDZUS TE SKYE BA LEN BAR GYUR CIG ,CES SNA TSOGS PADMA PHUL NA RTEN 'BREL GYI GNAD KHYAD PAR CAN YOD DO, ,DE NAS, ME TOG DAM BA PHRENG BA DAM BA DANG, ,ZHES BA NAS, RGYAL BA KUN LA PHYAG 'TSAL MCHOD PAR BGYI, , ZHES DANG, MAndAL TSOM BU NYER GSUM LAN GCIG DANG, SA GZHI SBOS BYUG MAS GRANGS BSAGS TE DBUL, STUNG BSHAGS DANG SBYI BSHAGS LAN GSUM DANG, 'DOD CHAGS ZHE SDANG ZHES SOGS KYIS SNGAR BYAS KYI SDIG BA LA 'GYOD SEMS DANG, PHYIN CHAD MI BYED BA'I SDOM SEMS DANG LDAN BAS BSHAGS SNGOM LA 'BAD BAR BYA, DE NAS, PHYOGS BCU'I RGYAL BA ZHES SOGS KYIS YAN LAG LHAG MA RNAMS BYA ZHING, SLAR YANG MAndAL RGYAS BAR DBUL BAR BYA'O, YAN LAG BDUN PA
MAndAL DANG BCAS PA DE DAG LA DANG 'DUN SHUGS DRAG BOS KUN NAS BSLANG STE YID GZHAN DU MA YENGS BAR GUS PA DANG DAD RTAG TU SBYOR PAS BRTZON BAR BYA DGOS TE, LAM RIM LAS, TSIG DE DAG GI DON GO BAR BYAS LA YID GZHAN DU MA YENGS PAR DAL BUS JI SKAD BSTAN BA BZHIN BYAS NA BSOD NAMS KYI PHUNG PO DPAG TU MED PA 'DZIN NO, ,ZHES DANG, SPYOD 'JUG LAS, BZLAS BRJOD DANG NI DKA' THUB SOGS, ,YUN RING DUS SU SBYANG BYAS KYANG, ,SEMS GZHAN G-YENGS BAS BYAS BA NI, ,DE NYID RIG PAS DON MED GSUNGS, ,ZHES DANG, SEMS GSAL GCIG BSKYED 'BRAS BU YANG, ,TSANGS LA SOGS BA YIN PA LTAR, ,LUS NGAG BYAS BA'I 'BRAS BU NI, ,SBYOD PA ZHAN BAS DE LTA MIN, ,ZHES YID GZHAN DU YENGS PA'I DGE SBYOR THAMS CAD 'BRAS BU CHUNG BA DANG, LUS NGAG GNYIS LAS SEMS STOBS CHE BAR GSUNGS BA'I PHYIR RO, ,DES NA SNYING THAG BA NAS BDE BA CAN DU SKYE BAR 'DOD NA, MKHAS PA'I DBANG PO RJE GUNG THANG BAS, NYES SBYOD CHU BO THUR DU RGYUG BZHIN DU, ,BDE 'GRO'I RI RTZER PHYIN 'DOD YI RE MUG ,BDE 'GROR MA ZANG BDE BA CAN 'DOD KYANG, ,DMYAL BA'I GTING JO BYED PA YI RE MUG ,CES GDAMS BA LTAR, RGYU MA BSAGS BAR 'BRAS BU 'BYUNG BAR RE BA DANG, BLANG DOR GO LOG TU SBYAD BAS MI CHOG PAR MI DGE BA'I LAS SNGAR BSAGS RNAMS STOBS BZHIS BDAG NGES SU SBYONG BA DANG, GSAR DU 'JUG BA'I SGO RNAMS 'PHRO CHOD NGES SU SDOM BA DANG, DGE BA'I CHOS SNGAR BYAS RNAMS YI RANGS DANG SMON LAM RLABS BO CHE RGYA CHER SPEL BA DANG, SNGAR MA SKYES PA NAS PHYOGS RES TZAM GYIS CHOG SHES
, ,MI BYA BAR SGO SNA TSOGS NAS DPAG TU MED PA BSKYED DGOS PA YIN LA, ,DE DAG KYANG BYANG CHUB KYI SEMS DNGOS SAM BCOS MA DANG 'KHOR GSUM BDEN PAR MI DMIGS PAR MOS PA TSUN CHAD KYIS ZIN PAR BYAS NAS BYED PA GNAD DU CHE BA YIN TE, ,RJE BDAG NYID CHEN POS, LAM MCHOG BSGRUB LA MTSAN NYID TSANG BA'I RTEN, ,MA RNYED BAR DU SA CHOD MI 'ONG BAS, ,DE YI MA TSANG MED PA'I RGYU LA BSLAB, ,SGO GSUM SDIG LTUNG DRI MAS SPAGS PA 'DIS, ,LHAG PAR LAS SGRIB SBYONG BA , GNAD CHE BAS ,RGYUN DU STOBS BZHI TSANG PAR BSTEN PAR GCES, ,ZHES RNAM SMIN GYI YON TAN BRGYAD LDAN GYI MI LUS TZAM THOB BA LA'ANG RGYU BRGYAD TSANG BAR BSGRUB BA DAD STOBS BZHI TSANG BAR RGYUN DU BSTEN DGOS PAR GSUNGS NA, BDE BA CAN GYI SNOD BCUD KYI YON TAN MTHA' YAS PA LONGS SPYOD PA LA LTA CI SMOS BA'I PHYIR DANG, ,DE NI 'BRAS BU RGYU'I RJES SU 'GRO LDOG MA 'KHRUL BAR GSUNGS PA'I MDO DAD SDE BDUN GYI RIGS PA DANG, NYE TSE BA LA NYE TSE DAD, ,MTHA' DAG PA LA MTHA' DAG PA'I,, 'BRAS BU 'GRUB BAR GSUNGS PA'I PHYIR, ,SHES LDAN SU ZHIG PHYOGS RES TZAM, ,ZHES DANG, BDE BA CAN DU SKYE BA LA DGE RTZA SGO DU MA NAS DPAG TU MED PA GSOG DGOS PAR GSUNGS PA'I ZHING BKOD KYI MDO DANG, CI 'DRA BA YI LAS BYAS PA, ,'BRAS BU DE 'DRA 'THOB PAR 'GYUR, ,ZHES SOGS LUNG DU MAS KYANG SGRUB TU YOD PA'I PHYIR RO, 'ON KYANG DE LTAR RGYU TSOGS MTHA' YAS BA BSGRUB DGOS NA BDAG GIS MI NUS SNYAM DU SEMS ZHUM NAS BRTZON PA 'DOD BA NI MKHAS
PA'I RANG BZHIN CAN MIN GYI, DE LTAR BA DE BA CAN DU SKYE BA LA DGE RTZA SGO DUM NAS DPAG TU MED PA GSOG DGOS PA YIN MOD KYANG, SPYIR NA LAS 'PHEL CHE ZHING, KHYAD PAR DU DGE BA'I LAS STOBS CHE BA DANG, SNGAR DRANGS PA LTAR YID GZHAN DU MI YENGS PAR YAN LAG BDUN PA GDUN DU 'GRO NGES PA ZHIG LAN GCIG BYAS KYANG BSOD NAMS KYI PHUNG PO DPAG TU MED PA 'DZIN PAR GSUNGS PA DANG, PHYOGS BCU'I SEMS CAN GYI MIG PHYUNG BA LA BYAMS PA'I SEMS KYIS MIG SLAR BSKYED BA DANG, SEMS CAN SNGA MA RNAMS BRTZON RA NAS BTON TE 'KHOR BSGYUR RAM TSANGS PA'I BDE BA LA BKOD PA BAS, THEG CHEN LA MOS PA'I BYANG SEMS LA DAD PAS LTA BA DANG DAD BAS LTA 'DOD CING DE'I BA SNGAGS PA BRJOD NA BSOD NAMS CHES GRANGS MED PA BSKYED PAR MDO LAS GSUNGS PAS MTSON PA'I DGE BA'I LAS STOBS LDAN RNAMS LA BSAMS NA, BDAG GIS SA CHEN PO LA BZHUGS PA'I BYANG CHUB SEMS DPA' RNAMS DANG, MTHAR THUG GI ZHING SANGS RGYAS DKON MCHOG RNAMS DANG, DE LAS KYANG PHYOGS BCU'I SANGS RGYAS, THAMS CAD LAS MCHOD SOGS KYI BSOD NAMS LHAG PAR GSUNGS PA'I RTZA BA'I BLA MA RNAMS LA NYIN RE BZHIN DU PHYAG MCHOD GSOL 'DEBS BYAR YOD PAS, BDE BA CAN DU SKYE BA'I RGYU TSOGS NI THANG GCIG TZAM DU YANG RDZOGS PAR GSOG NUS SNYAM DU SEMS ZHUM BA BSAL NAS DUS RGYUN DU SNGAR BSHAD BA'I RGYU BZHI LA 'BAD PAR BYED PA NI GNAD KYI DON PO YIN NO, ,DE NAS RJE BDAG NYID CHEN BOS MDZAD PA'I BSTOD PA ZHING MCHOG SGO 'BYED SOGS GANG SHES KYIS BSTOD CING, YON TAN GZHI GYUR MAS,
, ,MDO SNGAGS KYI LAM YONGS RDZOGS LA SHAR BSGOM BYA'O, ,RGYU GSUM PA BYANG CHUB TU SEMS BSKYED PA LA, GNAS BRGYAN CING RTEN BKRAM PA SOGS DANG DE'I SKABS KYI YAN LAG BDUN BA NI SNGAR BYAS PA DES CHOG CING, PHYAG 'TSAL TE YON DAD MAndAL PHUL BA DANG, GSOL BA GDAB PA NI SLOB DPON MED PA'I CHO GA LA MI DGOS LA, SKYABS 'GRO THUN MONG MA YIN PA BYA BA NI, PUS MO BTZUGS TE THAL MO SBYAR NAS, BDAG MING 'DI ZHES BYA BA DUS 'DI NAS BZUNG NAS JI SRID BYANG CHUB SNYING BO LA MCHIS KYI BAR DU RKANG GNYIS RNAMS KYI MCHOG SANGS RGYAS BCOM LDAN 'DAS RNAMS LA SKYABS SU MCHI'O ,BDAG MING 'DI ZHES BGYI BA DUS 'DI NAS BZUNG NAS BYANG CHUB SNYING PO LA MCHIS KYI BAR DU CHOS RNAMS KYI MCHOG ZHI BA 'DOD CHAGS DANG BRAL BA'I CHOS LA SKYABS SU MCHI'O ,BDAG MING 'DI ZHES BGYI BA DUS 'DI NAS BZUNG NAS JI SRID BYANG CHUB SNYING PO LAM MCHIS KYI BAR DU TSOGS RNAMS KYI MCHOG 'PHAGS PA BYANG CHUB SEMS DPA' PHYIR MI LDOG PA'I DGE 'DUN RNAMS LA SKYABS SU MCHI'O, ,ZHES LAN GSUM BRJOD DO, ,JI SNYED SU DAG PHYOGS BCU'I 'JIG RTEN NA, ,ZHES SOGS DAL BUS BRJOD CING YAN LAG BDUN PA GNAD DU 'GRO NGES PA ZHIG BYA, BYAMS SNYING RJE'I DMIGS RNAM GSAL BTAB STE, SMON SEMS KYI BSLAB BYA LA SLOB MI NUS NA SEMS CAN THAMS CAD KYI DON DU SANGS RGYAS THOB PAR BYA'O SNYAM PA TZAM DANG, DE LA SLOB NUS PA YIN NA SEMS CAN THAMS CAD KYI DON DU SANGS RGYAS THOB PAR BYA'O SNYAM DU SEMS BSKYED BA DE BYANG CHUB MA THOB BAR DU MI GTANG NGO SNYAM PA'I
BSAM PAS SPYOD LAM SNGAR BZHIN BYAS TE, PHYOGS BCU RNAMS LA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, BDAG MING 'DI ZHES BGYI BAS SKYE BA 'DI DANG, SKYE BA GZHAN DANG GZHAN DAG TU SBYIN BA'I RANG BZHIN DANG, TSUL KHRIMS KYI RANG BZHIN DANG, BSGOMS PA'I RANG BZHIN GYI DGE BA'I TZA BA BDAG GIS BGYIS BA DANG, ,BA GYID DU BSTZAL PA DANG, BGYI DPAL RJES SU YI RANG BA'I DGE BA'I RTZA BA DES, JI LTAR SNGON GYI DE BZHIN GSHEGS BA DGRA BCOM BA YANG DAG BAR RDZOGS PA'I SANGS RGYAS RNAMS DANG SA CHEN PO LA RAB TU BZHUGS PA'I BYANG CHUB SEMS DPA' CHEN BO RNAMS KYIS BLA NA MED PA YANG DAG PAR RDZOGS PA'I BYANG CHUB TU THUGS BSKYED BAR MDZAD BA DE BZHIN DU BDAG MING 'DI ZHES BGYI BAS KYANG DUS 'DI NAS BZUNG NAS, JI SRID BYANG CHUB SNYING BO LA MCHIS KYI BAR DU, BLA NA MED PA YANG DAG PAR RDZOGS PA'I BYANG CHUB CHEN POR SEMS BSKYED PAR BGYI'O, ,SEMS CAN MA BSGRAL BA RNAMS BSGRAL BAR BGYI'O, ,MA GROL BA RNAMS GROL BAR BGYI'O, ,DBUGS MA PHYIN BA RNAMS DBUGS DBYUNG BAR BA GYI'O, ,YONGS SU MYA NGAN LAS MA 'DAS PA RNAMS YONGS SU MYA NGAN LAS BZLA BAR BGYI'O, ,ZHES LAN GSUM BRJOD CING SEMS BSKYED BAR BYA'O, ,DE LTAR SEMS BSKYED PA NI PHAN YON TSAD MED PA DANG, GZUGS BRNYAN TZAM LAS MA BYUNG YANG DGE RTZA SGRUB PA THAMS CAD LA 'DIS RGYAS BTAB CING SMON LAM GYIS KHA BSGYUR NA PHAN YON DPAG TU MED BA 'BYUNG BAR RJE BDAG NYID CHEN POS GSUNGS PAS 'DI LA NAN TAN BYED DGOS SHING, ,SKYABS 'GRO'I BSLAB BYA NYI SHU DANG SMON SEMS KYI BSLAB BYA BCU
, ,GNYIS LA SLOB TSUL NI LAM RIM CHEN MO LAS SHES PAR BYA'O, ,RGYU BZHI PA BSAGS PA'I DGE BA RNAMS ZHING DER SKYE BA'I PHYIR DU SMON LAM 'DEBS BA NI, BDAG DANG GZHAN GYI DUS GSUM DANG 'BREL BA'I TSOGS GNYIS KYI RGYA MTSO RNAMS PHYOGS GCIG TU BSNGOMS PA'I MTHUL BRTEN NAS BDAG 'CHI BA'I DUS NYE PAR GNAS BA NA 'DREN PA 'OD DPAG TU MED BA SRAS KYI THU PO GNYIS LA SOGS PA'I 'KHOR GYIS BSKOR BA MNGON SUM DU MTHONG SHING, DE'I TSE RGYAL BA 'KHOR DANG BCAS BA LA DMIGS BA'I RAB TU DANG PA DRAG PO SKYES TE, GNANG GCOD KYI SDUG BSNGAL MED BA DANG, DANG PA YUL DANG BCAS PA MA BRJOD PA'I DRAN BAS SHE 'PHOS MA THAG TU RGYAL PA'I SRAS PO BRGYAD RDZU 'PHRUL GYIS LHAGS NAS BDE BA CAN DU 'GRO BA'I LAM JI LTA BA BZHIN DU BSTAN BA LA BRTEN NAS BDE BA CAN GYI ZHING DU RIN PO CHE'I PADMA LAS THEG PA CHEN PO'I RIGS CAN DBANG PO RNON PO SHA STAG TU SKYE BAR GYUR CIG ,SKYES MA THAG TU GZUNGS DANG TING NGE 'DZIN DANG, DMIGS PA MED PA'I BYANG CHUB KYI SEMS DANG, ZAD MI SHES PA'I SPOBS PA LA SOGS PA YON TAN GYI TSOGS DPAG TU MED PA THOB PA DANG, STON PA BLA NA MED PA 'OD DPAG TU MED PA LA SOGS BA PHYOGS BCU'I RGYAL PA SRAS DANG BCAS PA THAMS CAD MNYES BAR BYAS NAS THEG PA CHEN BO'I BKA' LUNG YANG DAG PAR NOD BAR GYUR CIG ,DE RNAMS KYI DON JI LTA BA BZHIN DU KHONG DU CHUD NAS SKAD CIG RE RE LA SANGS RGYAS KYI ZHING RAB 'BYAMS SU RDZU 'PHRUL GYIS THOGS MED DU BGROD NAS BYANG CHUB SEMS DPA'I SPYOD BRLABS PO CHE THAMS CAD YONGS SU RDZOGS PAR BYED PAR
GYUR CIG ,DAG BA'I ZHING DU SKYES NAS BRTZE BA SHUGS DRAG POS KUN NAS BSLANG BA'I THOGS PA MED PA'I RDZU 'PHRUL GYIS GTZO BOR MA NGAG PA'I ZHING DU PHYIN NAS SEMS CAN THAMS CAD KYI RANG RANG GI SKAL BA JI LTA BA BZHIN DU CHOS BSTAN PA LA BRTEN NAS RGYAL BAS BSNGAGS PA'I LAM RNAM BAR DAG PA LA 'GOD NUS PAR GYUR CIG ,SPYOD PA MTHONG GYUR TE, ,DANG SOGS SNYING RJES BDAG RGYUD GANG BAR MTHA' YAS PA'I 'GRO BA'I DON DU RGYAL BA'I GO 'PHANG BDE BLAG TU THOB PAR GYUR CIG ,NAM ZHIG TSE YI 'DU BYED GTONG BA NA, ,'KHOR TSOGS RGYA MTSOS BSKOR BA'I 'OD DPAG MED, ,MIG GI LAM DU GSAL BAR MTHONG GYUR TE, ,DANG SOGS SNYING RJES BDAG RGYUD GANG BAR SHOG ,BAR NGO'I SNANG BA SHAR BGYUR MA THAG ,RGYAL SRAS BRGYAD KYIS MA NOR LAM BSTAN TE, ,BDE BA CAN DU SKYES NAS SBRUL PA YIS, , MA DAG ZHING GI 'GRO BA 'DREN GYUR CIG ,DE LTA BU'I GO 'PHANG MCHOG MA THOB PA'I SKYE BA THAMS CAD DU'ANG RGYAL BA'I BSTAN PA LUNG DANG RTOGS PA LA THOS PA DANG BSAM PA DANG SNGOM PA RNAM PAR DAG BSGRUB PA'I RTEN SHA STAG THOB PAR GYUR CIG ,RTEN DE YANG MTHO RIS KYI YON TAN BDUN GYI RGYAN DANG MI 'BRAL BAR GYUR CIG ,DE LTA BU'I GNAS SKABS THAMS CAD DU'ANG SNGON GYI GNAS JI LTA BA BZHIN DU DRAN PA'I TSE BRAS DRAN PA THOB PAR GYUR CIG ,SKYE BA THAMS CAD DU SRID PA MTHA' DAG LA SNYING PO MED BAR MTHONG ZHING, THAR BA'I YON TAN GYIS YID PHROGS PA'I BSAM PAS KUN NAS BA SLANG NAS BCOM LDAN 'DAS KYIS LEGS PAR GSUNGS PA'I CHOS 'DUL BA LA RAB TU BYUNG BA BYED PAR GYUR CIG ,RAB TU BYUNG BA'I TSEN YANG NYES LTUNG PHRA MOS KYANG MGOS PAR TSUL KHRIMS KYI PHUNG PO MTHAR PHYIN PAR MDZAD PA'I SGO NAS
, ,BYANG CHUB CHEN PO BRNYES PA DGE SLONG MI 'KHRUGS PA LTA BUR GYUR CIG ,GZHAN YANG SKYE BA THAMS CAD DU KUN NAS NYON MONGS PA DANG, RNAM PAR BYANG BA'I TSUL JI LTA BA BZHIN DU KHONG DU CHUD NAS MTHAR PHYIN PA'I YAN LAG CHOS RNAMS KYI TSIG DANG NGON MA LUS PA MI BRJED BAR 'DZIN PA'I GZUNGS PHUN SUM TSOGS BA THOB BAR GYUR CIG ,RANG NYID KYIS GZUNG BA BZHIN DU GZHAN LA STON PA LA THOGS PA MANG PA'I SBOBS BA RNAM PAR DAG PA THOB PAR GYUR CIG ,GZHAN YANG SKYE BA THAMS CAD DU DPA' BAR 'GRO BA LA SOGS PA'I TING NGE 'DZIN GYI SGO RNAMS DANG, SHA'I MIG LA SOGS BA'I SBYAN RNAMS DANG, RDZU 'PHRUL GYI YUL SHES PA LA SOGS PA'I MNGON PAR SHES PA RNAMS THOB PA DANG MI 'BRAL BAR GYUR CIG ,GZHAN YANG SKYE BA THAMS CAD DU BLANG DER GYI GNAS RNAMS RANG STOBS KYIS 'BYED NUS PA'I SHES RAB RLABS CHE BA THOB PAR GYUR CIG ,KUN NAS NYON MONGS BA DANG RNAM PAR BYANG BA'I CHA SHAS PHRA BA BZHIN DU MA 'DRES PAR 'BYED NUS PA'I SHES RAB GSAL PA THOB BAR GYUR CIG ,MA RTOGS BA DANG LOG PAR RTOGS PAS DANG THE TSOM GYI BSAM PA SKYES MA THAG TU MA LUS BAR 'GOG NUS BA'I SHES RAB MYUR BA THOB PAR GYUR CIG ,GZHAN GYIS TSAD GZUNG MI NUS PA NGA GSUNG RAB KYI TSIG DON LA GTUGS PA MED BAR 'JUG PA'I SHES RAB ZAB BA THOB BAR GYUR CIG ,MDOR NA 'CHAL BA'I SHES RAB KYI SKYON THAMS CAD DANG BRAL BA'I SHES RAB KYIS GSUNG RAB KYI TSIG DON 'BYED PA LA THABS MKHAS BA'I SHES RAB KYI SGO NAS BYANG CHUB SEMS DPA'I,
SPYOD PA THAMS CAD KYI MTHAR SON BA RJE BTZUN 'JAM PA'I DBYANGS LTA BUR GYUR CIG ,DE LTAR SHES RAB CHE BA GSAL BA MYUR BA ZAB PA BDE BLAG TU RNYED NAS SKAL LDAN RJES SU 'DZIN PA DANG LOG SMRA TSAR GCOD BA DANG, MKHAS BA MGU BA SKYED PA'I YAN LAG RGYAL BA'I GSUNG RAB MTHA' DAG LA DMIGS PA'I 'CHAD BA DANG RTZOD PA DANG RTZOM PA LA MKHAS PA'I PHA ROL TU PHYIN PA THOB PAR GYUR CIG ,GZHAN YANG SKYE BA THAMS CAD DU RANG GI DON GTZO BOR 'DZIN BA'I YID LA BYED PA DANG, BYANG CHUB SEMS DPA'I SPYOD PA RLABS PO CHE LA SGYID LUG CING ZHUM PA'I BSAM PA THAMS CAD BKAG NAS, GZHAN GYI DON LHUR LEN CIG SNYING STOBS MCHOG GI PHA ROL TU SON BA LA THABS MKHAS PA'I BYANG CHUB KYI SEMS KYI SGO NAS BYANG CHUB SEMS DPA'I SPYOD PA THAMS CAD KYI MTHAR SON PA RJE ZUN SPYAN RAS GZIGS DBANG PHYUG LTA BUR GYUR CIG ,GZHAN YANG SKYE BA THAMS CAD DU RANG DANG ZHAN GYI DON LA 'JUG PA NA BDUD DANG MU STEGS DANG PHAS KYI RGOL BA THAMS CAD 'JOMS PAR BYED PA LA THABS MKHAS PA'I NUS PA'I SGO NAS BYANG CHUB SEMS DPA'I SPYOD BA THAMS CAD KYI MTHAR SON PA RJE BTZUN GSANG BA'I BDAG PO LTA BUR GYUR CIG ,SKYE BA THAMS CAD DU LE LO SPANGS PA'I BTZON 'GRUS KYIS BYANG CHUB KYI SPYOD BA YONGS SU RDZOGS BAR BYED BA LA DANG PO THUGS BSKYED PA NAS SKAD CIG KYANG G-YEL BA MED PAR RLABS BO CHE'I BRTZON 'GRUS KYI SGO NAS BYANG CHUB CHEN PO BRNYES PA MNYAMS MED SH'AKYA'I RGYAL BO LTA BUR GYUR CIG ,SKYE BA THAMS CAD DU BYANG CHUB SGRUB BA'I BAR CHAD LUS DANG SEMS KYE NAD THAMS CAD 'JOMS BAR BYED PA LA
, ,MTSAN NAS SMOS BTZAM GYIS LUS NGAG YID GSUM KYI ZUG RDU THAMS CAD ZHI BAR BYED NUS PA BDE BAR GSHEGS PA SMAN PA'I RGYAL BO LTA BUR GYUR CIG ,GZHAN YANG SKYE BA THAMS CAD DU JI LTAR 'DOD PA BZHIN TSE MTHAR PHYIN BA LA MTSAN NAS SMOS PA TZAM GYIS DUS MA YIN PA'I 'CHI BA THAMS CAD 'JOMS BAR BYED NUS PA RGYAL BA TSE DBAG TU MED PA LTA BUR GYUR CIG ,TSE'I BAR CHAD 'BYUNG DU NYE BA NA SKYOB PA TSE DPAG TU MED PAS 'PHRIN LAS BZHI GANG GIS 'DUL BA DANG RJES SU MTHUN BA'I SKU'I SNANG BA RAB TU BSTAN PA MTHONG ZHING, MTHONG MA THAG TU TSE'I BAR DU GCOD PA MA LUS PA NYE BAR ZHI BAR GYUR CIG ,GANG GIS 'DUL BA DANG 'TSAM PA'I SKU'I SNANG BA BSTAN PA DE YANG MGON BO TSE DPAG TU MED PA YIN BAR NGO SHES NAS BCOS MA MA YIN PA'I DAD PA BRTAN PO SKYES ZHING DE'I MTHU LA BRTEN NAS SKYE BA THAMS CAD DU RGYAL BA TSE DBAG MED KYIS DGE BA'I BSHES GNYEN DNGOS SU MDZAD PA DANG MI 'BRAL BAR GYUR CIG ,GZHAN YANG SKYE BA THAMS CAD DU 'DZIN RTEN DANG 'JIG RTEN LAS 'DAS BA'I YON TAN THAMS CAD GYI RTZA BA THEG PA CHEN PO'I DGE BA'I BSHES GNYEN MTSAN NYID DANG LDAN PAS MNYES BZHIN DU RJES SU 'DZIN PAR GYUR CIG ,RJES SU BZUNG BA'I TSE NA YANG DGE BA'I SHES GNYEN LA MI PHYED PA'I DAD PA BRTAN PO THOB STE SGO THAMS CAD NAS MNYES PA KHO NA BYED PAR GYUR CIG ,MI MNYES BSKAD CIG TZAM YANG MI SGRUB BAR GYUR CIG ,DGE PA'I BSHES GNYEN GYIS GDAMS PA DANG, RJES SU BSTAN BA THAMS CAD MTSANG BA MED PAR 'DOMS
PAR GYUR CIG ,DE'I DON THAMS CAD JI LTA BA BZHIN DU KHOD DU CHUD NAS SGRUB PAS MTHAR PHYIN PAR BYED NUS PAR GYUR CIG ,MI DGE BA'I BSHES GNYEN DANG SDIG PA'I GROGS PO'I DBANG DU SKAD CIG TZAM YANG MI 'GRO BAR GYUR CIG ,SKYE BA THAMS CAD DU LAS 'BRAS LA YID CHES PA'I DAD PA DANG, NGES 'BYUNG DANG, BYANG CHUB KYI SEMS DANG, LTA BA RNAM PAR DAG PA MTHA' DAG PA KHONG DU CHUD NAS STZOL BA MED PA'I MYONG BA RGYUN MI 'CHAD DU 'JUG BAR GYUR CIG ,SKYE BA THAMS CAD DU LUS DANG NGAG DANG YID KYI SGO NAS DGE BA'I RTZA BA JI SNYED CIG BYAS BA THAMS CAD GZHAN DON DANG BYANG CHUB RNAM PAR DAG PA KHO NA'I RGYUR GYUR CIG ,DE SRID THUB MCHOG GO 'PHANG DAM PA DE, ,BDAG GIS MNGON DUM BYAS DE SRID DU, ,RNAM DAG LAM BZANG SGRUB PA'I RTEN RNYED CING, ,RAB TU 'BYUNG ZHING TSE RABS DRAN PAR SHOG ,GZUNGS SPOBS TING 'DZIN MNGON SHES RDZU 'PHRUL SOGS, ,MTHA' YAS YON TAN DU MA'I MDZOD 'DZIN CING, ,MKHYEN BRTZE NUS PA ZLA DANG BRAL THOB NAS, ,BYANG CHUB SBYONG BA MYUR DU MTHAR PHYIN SHOG ,DUS MIN 'CHI BA'I MTSAN MA MTHONG BA NA, ,DE YI MOD LA TSE DPAG MED MGON SKU, ,GSAL BAR MTHONG NAS 'CHI BDAG DPA' BCOM STE, ,'CHI MED RIG 'DZIN MYUR DU THOB PAR SHOG ,TSE RABS KUN TU TSE DPAG MED PA YIS, ,THEG MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS PA'I LAM BZANG DE NYID LAS, ,SKAD CIG TZAM YANG SNGOG PAR MA GYUR CIG, ,DE LTAR BDE BA CAN GYI ZHING DU SKYE BA 'DZIN PA LAS BRTZAMS PA'I SMON LAM RNAM
, ,PAR DAG PA BTAB BA'I DGE BA'I RTZA BA 'DIS MTSON NAS, ZAG PA DANG BCAS BA DANG ZAG PA MED PA'I DGE BA THAMS CAD PHYOGS GCIG TU BSDOMS PA'I MTHU LA BRTEN NAS BDAG GIS NAM MKHA' JI SRID PA DE SRID DU KHYAB BA'I SEMS CAN THAMS CAD KYI CHED DU KUN MKHYEN CHOS KYI RGYAL PO'I GO 'PHANG MYUR DU THOB PAR GYUR CIG ,BDAG MA 'ONGS PA NA GANG DU MNGON PAR RDZOGS PAR 'TSANG RGYA BA'I SANGS RGYAS KYI ZHING DE YANG BYANG CHUB SEMS DPA' SEMS DPA' CHEN PO 'JAM DPAL GZHON NUR GYUR BA RGYAL BA KUN TU GZIGS BA ZHES PAR 'TSANG RGYA BA'I SANGS RGYAS KYI ZHING PHYI RIN PO CHES BSKOR BA'I MTHO KHYAD SRID PA'I RTZE MO TZAM DU MTHO BA, RIN PO CHE RE RE'I YON TAN BRJOD PA LA YANG LO BYE BA'I PAR DU BRJOD DGOS PA DE LTA BUS ZHING DE YONGS SU GANG BA, SA GZHI NI GANG ZAG DER SKYES PA RNAMS KYIS RIN PO CHE SNA BDUN LA SOGS PA GANG 'DOD KYIS KHA DOG DU MAR DUS CIG CHAR DU MTHONG BA LA SOGS PA'I SNOD KYI YON TAN DANG, STONG GSUM BA CU'I TSAD DANG MNYAMS PA'I BYANG CHUB KYI SHING GI DRUNG NA RGYAL BA KUN TU GZIGS BSKU THA MAL BA DPAG TSANG BA RGYAD KHRI BZHI STONG TZAM YOD BA BZHUGS NAS PHYOGS BCU GRANGS MED PA RNAMS SU SBRUL PA DPAG TU MED PA 'GYED PA'O, ,'KHOD RNAMS NI LUS THA MAL BA DPAG TSAD BZHI KHRI NYIS STONG TZAM PA, ZHING DER TSE'I 'DU BYED MA GTONG BA, YON TAN GYI MTHU BSAM GYIS MI KHYAB PA MNGA' BA'I BYANG CHUB SEMS DPA' RAB TU BYUNG BA SHA STAG STE, NYAN RANG LA SOGS PA SEMS CAN GZHAN MED
CING; DE RNAMS KYIS SANGS RGYAS KUN TU GZIGS YID LA BSAM MA THAG ,DE DAG GI MDUN NYID NA BZHUGS BAR MTHONG NAS CHOS BSTAN MI DGOS PAR THE TSOM GCOD NUS PA LA SOGS BA BCUD KYI YON TAN GYI BKOD PA PHUL DU BYUNG BA'I SGO NAS, DAG BA'I ZHING GZHAN DU MA LAS KHYAD BAR DU 'PHAGS BA'I ZHING DE BAS KYANG CHES SHIN TU THA GRU CHE BA, CHOS SHIN TU YANGS BA, CHOS SHIN TU GYA NOM BA, ZHING DES CHA SHAS TZAM DU YANG BSKRUN BAR MI NUS ZHING DE LTA BU ZHIG TU GYUR CIG ,ZHING DER SKYES BA'I BYANG CHUB SEMS DPA' DE THAMS CAD KYANG SBYAN DAD MNGON PAR SHES BA MTHA' YAS BAS 'JIG RTEN LA GZIGS PA NAM DAG BA'I 'JIG RTEN GYI KHAMS KYI SEMS CAN RNAMS KYI NYON MONGS BA DANG, LAS DANG, DE'I 'BRAS BU SDUG BSNGAL RNAM PA GSUM DANG BCAS PA JI LTA BA BZHIN DU MTHONG BAR GYUR CIG ,MTHONG BA'I MOD LA SEMS CAN DE RNAMS KYI SDUG BSNGAL LA DMIGS PA'I BRTZE BA'I 'GYUR BA DRAG POS YID RANG DBANG MED BAR GZHAN GYI DON LA BSKUL BA, YID DANG SNYING DU GCAGS PA'I BU GCIG PA ME'I KHROD DU LTUNG BA MTHONG PA'I MA BZHIN DU GYUR CIG ,MA DAG BA'I ZHING GI SEMS CAN RNAMS MNOG CHUNG ZHING SHIN TU NYES DMIGS CHE BA'I RNYED BKUR KYIS DBYEN SBYOS NAS, NYON MONGS BA'I DBANG DU 'GRO BAR MTHONG BA NA, MI BZOD PA'I DUG DANG 'DRES PA'I KHA ZAS BZANG BO ZA BA'I SDUG PA'I BU MTHONG BA'I MA BZHIN DU GYUR CIG ,MA DAG BA'I ZHING GI SEMS CAN RNAMS SDIG PA'I LAS SHIN TU LCIB SOGS LHUR BLANGS NAS, NGAN 'GROR LTUNG BAR 'GYUR BA MTHONG BA NA, PHAN PA DANG GNOD PA NGO MI
, ,SHES PA'I BU CHUNG DU DBAG TSAD DU MA'I 'PHANG DANG LDAN PA'I G-YANG KHAR RAB TU 'GRO BA MTHONG BA'I MA BZHIN DU GYUR CIG ,MA DAG BA'I ZHING GI SEMS CAN LAS DANG NYON MONGS PA'I 'CHING BA DAM BOS BCANGS PA MTHONG BA NA, BRTZE BA MED CING GTUM LA SHA 'KHON CHEN PO DANG BCAS SHING, STOBS DANG LDAN BA'I DGRA BOS THAR DKA' BA'I BRTZON RAR LCAGS SGROG GIS BCINGS NAS NYIN RE BZHIN DU GNOD PA DU MAS NYE BAR 'TSE BA'I BU MTHONG BA'I MA BZHIN DU GYUR CIG, MA DAG PA'I ZHING GI SEMS CAN RNAMS THUGS DRAG PO'I NYON MONGS KYI NAD KYIS GZIR NAS 'PHRAL DANG, PHUGS KYI BDE BA RNAMS DANG BRAL BAR MTHONG BA NA, 'CHI NGES PA'I LTAS KYIS ZIN PA'I LHA'I BU GZHON NUS RANG NYID MTHO RIS GYI DGA' TSAL DANG, LHA'I BU MO RNAMS DANG BRAL BAR MTHONG PA BZHIN DU GYUR CIG ,DE LTA BU'I BSAM PA SKYES NAS KYANG DAG PA'I ZHING GI BDE PA'I KHYAD PAR RNAMS LA CUNG ZAD KYANG MI CHAGS PAR DMAN PA'I SEMS CAN RNAMS KYI RANG RANG GI RIGS DANG MTHUN PAR THABS MKHAS PA'I SMON LAM DANG, BRTZE BA'I DBANG GIS SKYE BA 'DZIN PAR 'DOD PAS SHIN TU SKOM BA LA CHU'I GTAM GLENG BA BZHIN DU GYUR CIG ,SEMS CAN DE RNAMS KYI DON DU 'GYUR BAR MTHONG NA NI MNAR MED PA'I DMYAL B'I GNAS SU YANG TSAM TSOM MED PAR 'JUG PA, PADMA'I TSAL GYIS LEGS PAR BRGYAN PA'I SHIN TU DANG BA'I MTSO CHEN POR NGANG PA'I RGYAL PO 'JUG PA BZHIN DU GYUR CIG ,SEMS CAN DE RNAMS SDUG BSNGAL BRGYA PHRAG DU MA'I NANG NAS 'DON PA'I
SBYOR BA LAM ZHUM PA'I SGO NAS 'JUG PA, BU GCES PA G-YUL DU LUS PA'I PHYIR DU PHA DPA' BO G-YUL DU 'JUG BA BZHIN DU GYUR CIG ,SEMS CAN DE RNAMS KYI DON BSGRUBS PA NYID KYIS RANG LA DGA' BA DANG, MCHOG TU DGA' BA RGYA CHEN PO SKYE BA DBUL BSLO GTER RNYED PA LTA BUR GYUR CIG ,SEMS CAN DE RNAMS KYI NYON MONGS PA'I TSA GDUNG BSAL BA'I PHYIR DU SDUG BSNGAL GYI RGYA MTSOR SBRO BZHIN DU 'JUG PA SOS KA'I DUS KYI TSABS GDUNGS PA'I GLANG PO CHE NYI MA'I GUNG LA BAB PA NA CHU'I DBUS SU 'JUG PA BZHIN DU GYUR CIG ,MDOR NA BDAG MA 'ONGS BA NA MNGON PAR RDZOGS PAR SANGS RGYAS PA'I TSE, RGYAL BA DE'I MTSAN CUNG ZAD BRJOD PA DANG, YID LA DRAN PA TZAM GYIS DE DAG GI MDUN DU 'OD ZER GYI PHUNG PO CHEN PO'I YON TAN DU MAS SPRAS PA'I BDE BAR GSHEGS PA'I SKU LHAM ME LHAN NE LHANG NGER BZHUGS PA LA 'KHOR BYANG CHUB SEMS DPA' NYAN THOS DANG, RANG SANGS RGYAS KYI TSUL BZUNG NAS NAM MKHA' LA 'GRO BA DANG, BGRENG PA DANG, 'DUG PA DANG, NYAL BA DANG, BDUD 'DUL BA LA SOGS PA MDZAD PA MTHA' YAS PA STON PA DPAG TU MED PA RNAMS LA LHA DANG, KLU DANG, GNOD SBYIN DANG, SRIN PO DANG, DRI ZA DANG, MI'AM CI DANG, LTO 'PHYE CHEN PO LA SOGS PA RNAMS KYIS MCHOD PA'I KHYAD PAR DPAG TU MED PA THOGS NAS MCHOD PAR BYED PA MNGON SUM DU MTHONG BAR GYUR CIG ,MTHONG BA'I MOD LA DE DAG GI RGYUD KYI SRID PA DANG ZHI BA LA GZHOL BA'I SKYON THAMS CAD DRUNGS PHYUNG NAS BLA NA MED PA YANG DAG PAR RDZOGS PA'I BYANG CHUB 'BA' ZHIG LA SBYOR BAR GYUR CIG ,DAG BA'I ZHING MANG
, ,NANG NA PHUL BYUNG ZHING, ,KUN GZIGS ZHING GI YON TAN JI SNYED PA, ,THAMS CAD BDAG GI ZHING LA 'DUS NAS KYANG, ,DE LAS CHES LHAG ZHING MCHOG 'GRUB PAR SHOG ,SHIN TU BSGRUBS DKA'I ZHING DE SBYONG PHYIR DU,, PHRA RAB RDUL DE'I STENG DU'ANG MA LUS PA'I, ,RDUL GYI GRANGS DANG MNYAM PA'I ZHING YOD LA, ,DE DAG KUN KYANG SRAS BCAS RGYAL BAS GANG, ,DE LTA'I RGYAL BA RE RE'I SBYAN SNGAR YANG, ,CHOS TSUL KUN 'DZIN MTHA' MED MCHOD RDZAS KYIS, ,MCHOD BA'I LAS TSUL MA LUS BSGRUBS PA LA, ,SKAD CIG TZAM YANG SKYOB MED GYUR CIG ,MCHOG TU GYUR BA'I ZHING DE BSGRUBS BA'I PHYIR, ,THOG MA MED NAS SRID BA'I THA MA YI, ,BSKAL PA JI SNYED YOD PA DE SNYED KYI, ,BSKAL BAR 'JUG LA ZHUm BA, MED PAR SHOG ,NAM MKHA' JI SRID KHYAB PA DE SRID KYI, ,LUS CAN KUN GYIS KUN MKHYEN MTHOB PAR, ,DA DUNG RGYAL SRAS SBYOD BA SLOB DGOS KYANG, ,GO 'PHANG MCHOG PHYIR BRTZON PA NYAMS MA GYUR, ,SEMS CAN YAL BAR DOR NAS RANG DON LA, ,RE BA'I BLO NI NAM YANG MI SKYE ZHING, ,GZHAN DON SGRUB BA'I TSUL LAM RMONGS PA'I, ,THABS LA MKHAS PAS GZHAN DON LHUR LEN SHOG ,BDAG GI ZHING GI RGYAN GYUR RGYAL SRAS KUN, ,MA DAG ZHING GI SEMS CAN MTHONG BA NA, , BZOD GLAGS MED PA'I SNYING RJES RAB BSKYOD NAS, ,THABS MKHAS SBYOD BAS 'GRO BA'I MGON BGYID SHOG ,BDAG GI MING TZAM BRJOD DANG DRAN PAS KYANG, ,SDIG BA'I LAS KYI 'BRAS BUS MNAR BA KUN, ,PHUN TSOGS BDE BA'I DPAL RAB
'BYOR GYUR NAS, ,THEG MCHOG BGROD PA'I THEM SKAS 'DZEG GYUR CIG ,RGYAL BA'I SRAS KYI RNAM THAR PHYOGS TZAM ZHIG ,MTSON PAR BYAS PAS RGYAL SRAS SPYOD PA'I BGEGS, ,MA LUS ZHI ZHING MTHUN PA'I TSOGS CHAS KUN, ,YID LA BSAMS PA TZAM GYIS THOB BAR SHOG ,SH'AKYA'I DBANG PO 'DREN PA 'OD DPAG MED, ,MI PHAM 'JAM DBYANGS GSANG BDAG SBYAN RAS GZIGS, ,BDE GSHEGS 'KHOR BCAS RTEN 'BREL MI BSLU BA'I, ,BDEN PA'I SMON LAM 'DI DAG MYUR 'GRUB SHOG ,CES YID GZHAN DU MI YENGS BAR TSIG DON DRAN BZHIN DU 'DUN PA SHUGS DRAG POS BYA'O, ,DE LTAR SNYING NAS DAG PA'I ZHING DU SKYE BAR 'DOD NA, ,RJE GUNG THANG BAS, ,MTHO'I SA THAR BA'I LAM 'CHOL NA, ,LAM STON BSHES GNYEN LA RAG LAS, ,PHYI LDIR NANG STONG GIS CHOG NA, ,GRAGS SKAM BLA CHEN RER 'JUS SHIG ,CES GSUNGS PA LTAR, BLA CHEN GRAGS SKAM CAN GYI DRUNG DU GSER DNGUL GOS CHEN SOGS PHUL NAS BDE BA CAN DU SKYE BA'I THUGS RTAGS ZHUS PA DANG, BLA CHEN DES KYANG BRTAGS LAN DU BDE BA CAN GYI SMON LAM THON GSUNGS PA LTAR, DES KYANG SEMS GZHAN DU YENGS BZHIN PAR LAN KHA SHAS BTON PA LTA BUS CHOG SHES MI BYA BAR, GZHUNG LUGS LA SBYANGS BA'I BSHES GNYEN MKHAS PAS RGYAL BA'I GSUNG RAB NAS BYUNG BA LTAR BSHAD PA'I GDAMS NGAG LAM RIM CHE CHUNG DANG LAM MCHOG SGO 'BYED LTA BU'I RJES SU 'BRANG STE, NYES SPYOD CHUNG DUL YANG MI GNOD SNYAM DU MI SEMS BAR BSHAGS SNGOM LA 'BAD PA DANG, KHYAD PAR DU TSE 'DI GTZO BOR DON DU
, ,GNYER BA'I BLO NI DAG BA'I ZHING DU SKYE BA'I BGEGS KYI GTZO BO 'DAB CHAGS 'PHUR BAR BRTZAMS BA'I GSHOG BA LA RDO BTAGS BA LTA BU YIN BAR MKHAS PA'I DBANG PO RNAMS KYIS GSUNGS 'DUG PAS TSE 'DI'I ZHEN PA RJE CHUNG DUR GTONG BA'I THABS LA GTZO BOR 'BAD DGOS SHING, DGE BA CI TZAM BSAGS KYANG RGYA MTSOR CHU BO BZHIN DU NGOMS PA MED PAR BRE PHUL GYIS GSOG CING, DE YANG YI RANG DANG BSNGO SMON GYIS GONG DU 'PHEL BA'I THABS LA 'BAD PA DANG, KHYAD PAR DU MDO LAS GSUNGS PA'I RGYU BZHI DANG, DE'I NANG NAS KYANG ZHING DU SKYE BA'I BDUN PA DRAG PO NI DER SKYE BA'I BAR 'GYUR RO, ,DE NAS BDE BA CAN DU SKYE BA'I PHYIR DU 'PHO LA BLO DANG BRTZON BA'I RTZAL CI YOD KYIS 'BAD NA 'DOD DON 'GRUB BAR 'GYUR RO, ,DE NAS BDE BA CAN DU SKYE BA'I PHYIR DU 'PHO BA SBYOD BA NI 'DI LTAR BYA STE, DPAL LDAN RTZA BA'I BLA MA 'OD DPAG MED, ,BDAG GI SBYI BOR PADMO'I STENG BZHUGS LA, ,BKA' DRIN CHEN BO'I SGO NAS RJES BZUNG STE, ,SKU GSUNG THUGS KYI DNGOS GRUB STZAL DU GSOL, ,DE LTAR GSOL BA BTAB BAS SKYABS KYI PHUL, ,RTZA PA'I BLA MA 'OD DPAG MED MGON GYI, ,SKU LAS RANG 'DRA'I GNYIS BA ZHIG CHAD NAS, ,RANG GI SBYI BOR DGYES BZHIN BZHUGS PAR GYUR, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BLA MA 'OD DPAG TU MED PA LA PHYAG 'TSAL LO, ,MCHOD DO SKYABS SU MCHI'O, ,ZHES LAN BDUN BRJOD CING, RANG LUS DBUS KYI DRANG BOR RTZA DBU
MA; ;MDA' SMYUG TZAM ZHIG MAR SNA LTE 'OG NAS, ,YANG SNA TSANGS BUG THAL GYIS ZUG PA DER, ,SNYING KA'I THANG DU RANG SEMS H'Um DKAR PO, ,'TSER LA 'PHUR ZHING 'PHAR LA KHAD PA DANG, ,YANG ZHING G-YO BA'I BDAG NYID CAN DU GYUR, , TSE 'DI'I GNYEN 'KHOR GNAS LUS LONGS SPYOD SOGS, ,'CHI TSE PHAN BA MED PA DER MA ZAD, ,LHAN CIG SKYES PA'I SHA DANG RUS PA YANG, ,MAL STAN DRON MOR BZHAG NAS 'GRO DGOS PAS, ,GANG LA'ANG CHAGS SHING ZHEN BAR SBANGS NAS, , BDE BA CAN DU SKYE PHYIR 'BAD BAR BYA, ,BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BA'I DBA' BO STE, ,DAG BA'I ZHING DU 'KHRID PA'I DE DANG PON MCHOG ,MGON PO 'OD DPAG MED LA GSOL BA 'DEBS, ,GNAD GCOD BA, SHIN RJE'I 'JIGS LAS SKYAB TU GSOL, ,'JIGS RUNG BAR DO'I 'PHRANG LAS SGRAL DU GSOL, ,BZOD DKA' NGAN 'GRO'I G-YANG LAS DRANG DU GSOL, ,ZHING MCHOG BDE BA CAN DER 'KHRID DU GSOL, ,SKYOBS SHIG SKYOBS SHIG GNAD GCOD 'JIGS LAS SKYOBS, ,SGROL CIG SGROL CIG PAR DO'I 'PHRANG LAS SGROL, ,DRONGS SHIG DRONGS SHIG NGAN 'GRO'I G-YANG LAS DRONGS, ,RES GZHAN NA MED DO THUGS RJES GZIGS, ,DE LTAR GDUNG SHUGS DRAG POS GSOL BTAB PAS, ,MGON BO 'OD DPAG MED PA'I THUGS KA NAS, ,'OD ZER LCAGS KYU LTA BU MAR 'BYUNG STE, ,RANG SEMS H'Um YIG DKAR 'TSER DE LA BTAB, ,'OG RLUNG DRAG TU 'THEN PA'I GZHU MO LA, ,TIG GI MDA' SBYAR BLA MA'I THUGS KAR 'PHANGS, ,KA ZHES
, ,BRJOD PAS SLAR YANG SNYING KAR 'BAB, ,DE LTAR RIM GYIS 'PHAR ZHING 'BAB PAR GYUR, ,ZHES BRJOD CING BSAMS LA 'PHO BA SBYANGS PAR BYA'O, ,BDAG NI 'CHI BA'I DUS BYED GYUR PA NA, ,ZHES PA NAS, SEMS CAN RNAMS LA PHAN BA MANG BYED SHOG ,SH'AKYA'I DBANG BO 'DREN BA 'OD DPAG MED, ,CES PA NAS, ,BDEN PA'I SMON LAM 'DI DAG MYUR 'GRUB SHOG ,CES 'DUN PA DRAG POS BYA'O, ,RANG GI SPYI BO'I BLA MA 'OD DPAG MED DGYES BZHIN 'OD DU ZHU NAS RANG LA THIM BAS, RANG NYID BCOM LDAN 'DAS TSE DPAG MED SKU MDOG DMAR BO, ZHAL GCIG PHYAG GNYIS MNYAM GZHAG GI STENG NA TSE BUM BSNAMS PA, LONGS SPYOD RDZOGS SKU'I RNAM BA CAN, RDO RJE'I SKYIL KRUNG GIS BZHUGS PAR GSAL BA'I THUGS KAR ZLA GDAN LA, HR'I: YIG DMAR BO'I MTHAR, AA M'A RA nI DANG, TSE GZUNGS KYIS BSKOR BA'I 'OD ZER GYIS, SANGS RGYAS THAMS CAD KYI BYIN RLABS DANG, MDOR NA SRID ZHI'I PHUN TSOGS THAMS CAD TSE'I BDUD RTZI'I RNAM PAR BKUG ,RANG GI LUS LA THIM PAS 'CHI MED TSE'I DNGOS GRUB THOB BAR BSAMS TE, GZUNGS RING DANG, AA MAR nI JI LTAR RIGS PAR BZLA'O, ,DUS MIN 'CHI BA'I MTSAN MA MTHONG BA NA, ,ZHES BA NAS, 'CHI MED RIG 'DZIN MYUR DU THOB PAR SHOG ,CES PA'ANG BYA'O, ,GTOR MA DBUL BAR 'DOD NA, DKAR GTOR GSUM BSHAMS LA, BSANGS SBYANGS, STONG BA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm 'OD DU ZHU BA LAS BYUNG BA'I
LHA'I ZHAL ZAS RO BRGYA DANG LDAN PA'I STENG DU AOm A'A: H'Um GIS MTSAN PA LAS 'OD ZER 'PHROS BAS, PHYOGS BCU'I SANGS RGYAS KYI SKU GSUNG THUGS KYI YON TAN THAMS CAD BKUG NAS 'BRU GSUM LA THIM, DE YANG 'OD DU ZHU NAS GTOR MA LA THIM PAS ZAG PA MED PA'I YE SHES KYI BDUD RTZI'I RGYA MTSO CHEN POR GYUR BAR BSAMS LA, AOm A'A: H'Um, ZHES LAN GSUM BRJOD PAS BYIN GYI BRLABS, GTOR MGRON RNAMS KYI LJAGS 'OD KYI BU GUS GTOR MA'I BCUD DRANGS TE GSOL BAR BSAMS LA, AOm SARBA TA TH'A GA TA AA MRI T'A BHA SA PA RI W'A RA BA LIm PRA H'I TZTSA SV'AH'A, ZHES LAN GSUM DANG, PHUL BYUNG BDUD RTZI'I RGYA MTSO GTOR MA 'DI, ,SNANG BA MTHA' YAS 'KHOR DANG BCAS LA 'BUL, ,DGYES BZHIN BZHES NAS MCHOG DANG THUN MONG GI, DNGOS GRUB MA LUS DA LTA BSTZAL DU GSOL, ,ZHES GTOR MA DANG PO 'OD DPAG MED 'KHOR BCAS LA DBUL, AOm t'A KI N'I SHR'I DHA RMA B'A LA SA BA RAm W'A RAB LEm PRA T'I TZTSA SV'AH'A, ZHES LAN GSUM DANG, PHUL BYUNG BDUD RTZI'I RGYA MTSO GTOR MA 'DI,, MKHA' 'GRO CHOS SKYONG BSRUNG MA'I TSOGS LA 'BUL, ,DGYES BZHIN BZHES NAS ZHI RGYAS DBANG DRAG GI ,'PHRIN LAS MA LUS MYUR DU BSGRUB TU GSOL, ,ZHES GTOR MA GNYIS PA MKHA' 'GRO CHOS SKYONG RNAMS LA DBUL, SAMBHAR LAN GSUM DANG, PHUL BYUNG BDUD RTZI'I RGYA MTSO GTOR MA 'DI, ,YUL LHA GZHI BDAG 'KHOR DANG BCAS LA 'BUL, ,BZHES NAS KO LONG PHRAG DOG MA MDZAD PAR, ,'GAL RKYEN SEL ZHING MTHUN RKYEN BSGRUB PAR MDZOD, ,
, ,ZHES GTOR MA GSUM PA YUL LHA GZHI BDAG RNAMS LA BSNGO ZHING, BDAG GI BSAM PA'I STOBS DANG NI, ,ZHES SOGS BDEN STOBS BRJOD DO, ,GTANG RAG GI MCHOD BA BSANGS SBYANGS, STONG BA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD RDZAS RNAMS KHYAD PAR GSUM DANG LDAN BAR GYUR BAR BSAM ZHING, AOm AARGHAm A'A: H'Um, NAS, SHAPTA A'A: H'Um GIS BYIN GYIS RLABS, AOm SARBA TA TH'A GA TA AA MI T'A BHA SA PA RI W'A RA AARGHAm NAS SHAPTA PRA T'I TZTSA H'Um SV'AH'A'I BAR GYIS MCHOD CING, PHYOGS BCU'I RGYAL BAS BSTOD PA'I PHRENG BA YIS, ,YANG YANG BSNGAGS PA'I 'GRO BA'I SKYABS KYI MCHOG ,'DOD DGU MA LUS 'BYUNG BA'I GTER CHEN PO, ,BLA MA 'OD DPAG MED LA PHYAG 'TSAL LO, ,'PHAGS MCHOG SPYAN RAS GZIGS DANG MTHU CHEN THOB, ,LA SOGS LUNG RTOGS YON TAN MTHA' YAS BAS, ,MNGON BAR MDZES PA'I RGYAL SRAS NYAN THOS KYI, ,'PHAGS PA'I 'KHOR TSOGS RNAMS LA PHYAG 'TSAL LO, ,ZHING KHAMS RAB 'BYAMS DPAG MED RE RE LA, ,ZHING RDUL GRANGS BZHIN BYON DANG BYON 'GYUR BA'I, ,ZHING GI MTHAR THUG RGYAL BA 'KHOR BCAS LA, ,ZHING RDUL MNYAM PA'I LUS KYIS PHYAG 'TSAL LO, ,ZHES BSTOD CING PHYAG BYA'O, ,DE NAS CHOG LHAG CHAD LA SOGS B'I NYES BA ZHI BAR BYA BA'I PHYIR DU YIG BRGYA LAN GSUM BZLAS TE, GANG YANG BDAG BLO'I RMONGS PA YIS, ,ZHES SOGS DANG, MA RNYED YONGS SU
MA SHES DANG, ,ZHES SOGS DANG, BDAG LA DNGOS GRUB MCHOG STZAL LAGS, ,ZHES SOGS DANG, BCOM LDAN 'DAS MGON PO 'OD DPAG TU MED PA'I LHA TSOGS KHYED RNAMS LA MKHYEN PA'I YE SHES, BRTZE BA'I THUGS RJE, MDZAD BA'I 'PHRIN LAS; SKYOBS PA'I NUS MTHU BSAM GYIS MI KHYAB PA MNGA' BA LAGS BAS, PHAN BDE'I 'BYUNG GNAS SANGS RGYAS KYI BSTAN PA DAR ZHING RGYAS LA YUN RING DU GNAS PA DANG, BSTAN 'DZIN GYI SKYES BU RNAMS ZHABS PAD BRTAN CING 'PHRIN LAS RGYAS PA DANG, DGE 'DUN GYI SDE RNAMS THUGS MTHUN ZHING BSHAD SGRUB KYI BYA BA RNAMS GONG DU 'PHEL BA DANG, 'JIG RTEN MTHA' DAG DBAL 'BYOR BDE SKYID KYIS 'TSO ZHING RTAG TU CHOS LA SPYOD PA DANG, BDAG SOGS SEMS CAN THAM CAD SGRIB GNYIS BAG CHAGS DANG BCAS PA BYANG ZHING DAG NAS ZLA NA MED PA'I SANGS RGYAS KYI GO 'PHANG MYUR DU THOB PAR BYIN GYIS BRLAB TU GSOL, ZHES GSOL BA BTAB PAS, MDUN GYI BLA MA 'OD DPAG MED 'KHOR DANG BCAS BA 'OD DU ZHU BA RANG GI SMIN MTSAMS NAS THIM PAS RGYUD BYIN GYIS BRLABS BAR GYUR BAR BSAM ZHING, PHUN SUM TSOGS PA MNGA' PA GSER GYI RI BO 'DRA, ,ZHES SOGS TSIGS BCAD GSUM GYIS SHIS PA BRJOD CING ME TOG GI CHAR DBAB PAR BYA'O, , RGYUN GYI NYAMS LEN GYI TSE BSDUS PA BYA BAR 'DOD NA, SKYABS SEMS SNGON DU BTANG, ,MI MJED ZHING NAS NUB KYI PHYOGS NYID DU, ,ZHES PA NAS, GNAS SKABS KUN TU KHYOD KYIS 'GRO KUN SKYONGS, ,ZHES PA'I BAR GYI TSIG LHUG RNAMS
, ,BZHAG STE, TSIGS BCAD 'BA' ZHIG SGRIGS NAS DON DRAN BZHIN DU BRJOD CING ZHING DER SKYA BA'I 'DUN BA SBYANGS BAR BYA'O, ,BLANG DOR GNAS RNAMS MA RIG 'THUGS BOS BSGRIBS, ,ZHES PA NAS, RDZU 'PHRUL STOBS KYIS BRTZE BAS 'DIR GSHEGS SHIG ,CES DANG, JI SNYED SU DAG CES SOGS KYIS YAN LAG BDUN PA MANTA LA DANG BCAS PA DBUL, BDAG DANG GZHAN GYI DUS GSUM DANG 'BREL BA'I, ZHES PA NAS, SKAD CIG TZAM YANG LDOG PAR MA GYUR CIG ,CES PA'I BAR BYA'O, ,DE LAS KYANG BSDUS PA BYED NA YONGS GRAGS KYI CHOS SBYOD NA BZHUGS PA LTAR DANG, SHIN TU BSDUS PA BYED NA, BLANG DOR GNAS RNAMS ZHES SOGS TSIGS BCAD BZHI DANG, NAM ZHIG TSE YI ZHES SOGS TSIGS BCAD GNYIS DANG, JI SRID THUB MCHOG CES SOGS TSIGS BCAD BZHI TZAM GYIS KYANG CHOG PAR BLA MA GONG MA RNAMS BZHED DO, ,DE LTAR BDE BA CAN GYI SNOD BCUD KYI YON TAN GYI BKOD PA DANG, DE NYID YANG YANG DRAN PAR BYAS PA'I PHAN YON MTHA' YAS PAR GSUNGS PA DANG, RGYU 'DI LTA BU BSGRUBS NA DER SKYE'O ZHES GSUNGS PA RNAMS LA THE TSOM CUNG ZAD KYANG MED PAR YID CHES PA'I DAD PAS DER SKYE BA'I 'DUN PA SBYANGS SHING SMON LAM SHUGS DRAG POS BYA DGOS TE, ZHING BKOD KYI MDO LAS, GANG GI PHRA RAB RDUL PO SNYED 'JIG RTEN KHAMS, ,BSHIG CING BSHAGS TE RDUL DU BYAS GYUR BA, ,DE BAS MANG BA'I 'JIG RTEN KHAMS KYI RNAMS, ,RIN CEN BKANG STE SBYIN PA BYIN
BAS NI, ,GANG GIS DPAG TU MED PA'I 'OD MTSAN DANG, ,BDE BA CAN GYI YON TAN KHYAD 'PHAGS RNAMS, ,THOS NAS DGA' STE THAL MO SBYOR BYED PA, ,BSOD RNAMS 'DI YI CHAR YANG 'GYUR MA YIN, ,DE LTA BAS NA DE BZHIN GSHEGS DE YI, , YON TAN THOS NAS MGU DANG BSKYED LA, ,BDE BA CAN GYI 'JIG RTEN KHAMS MCHOG TU, ,'GRO BAR BYA PHYIR MOS PA DRAG PO BSKYED, ,GANG GIS BDE BA CAN GYI 'JIG RTEN GYI, ,MING THOS PA YI BSOD NAMS DE LA NI, ,ZHING MCHOG THA GRU CHEN PO DE DAG KUN, ,CHA DANG DBER YANG 'GYUR BA MA YIN NO, ,YANG DAG RGYAL BA'I BKA' DANG SHES RAB CAN, ,DE DAG DE BAS BSOD NAMS MANG DU 'GYUR, ,DON DAM THOB PHYIR DANG PO RTZA BA STE, ,DE LTA BAS NA THOS NAS YID GNYIS SOL, ,ZHES DANG, BCOM LDAN 'DAS TSE DPAG MED RANG NYID KYIS KYANG, NGAS NI SNGON GYI SMON LAM 'DI SKAD BTAB, ,SEMS CAN GANG GIS NGA YI MING THOS NA, ,NGA YI ZHING DU RTAG TU 'OD BAR SHOG, ,NGA YI SMON LAM BZANG PO DE RDZOGS PAS, ,'JIG RTEN KHAMS MANG DAG NAS SEMS CAN 'OD, ,DE DAG NGA YI ZHING DU LHAGS NAS NI, ,DE DAG SKYE BA GCIG LAS PHYIR MI LDOG ,CES DANG, ZHING MCHOG SGO 'BYED LAS, THUB PA'I DBANG POS ZHING GI YON TAN GYI BKOD PA GSUNGS PA DANG RGYU 'DI LTA BU BSGRUBS NA DER SKYE'O ZHES GSUNGS PA RNAMS NI RGYAL BA'I YE SHES DBANG DU BYAS TE, THE TSOM CUNG ZAD KYANG MI ZA BAR YID CHES BA SHIN TU GAL CHE STE, THE TSOM ZA BZHIN DU DER SKYE BA'I RGYU BSGRUBS PA RNAMS NI ZHING DER
, ,SKYES KYANG PADMA'I SBUBS NAS THOGS MED DU 'BYUNG MI NUS PAR PADMA'I MNGAL NA LO LNGA BRGYAR SANGS RGYAS MTHONG BA DANG CHOS NYAN PA SOGS BYAR MED PAR GNAS DGOS PA'I NYES DMIGS SHIN TU CHE BAR GSUNGS PA'I PHYIR RO, ,ZHES DANG, BDE BA CAN GYI ZHING 'DI NI THUB PA'I DBANG POS ZHING GI YON TAN GYI BKOD PA RGYAS PAR GSUNGS SHING, ZHING GZHAN DPAG TU MED PA NAS KYANG RANG RANG GI BDE BAR GSHEGS PAS BSNGAGS PA LAN GRANGS DU MAR GSUNGS PA LA BRTEN NAS, BYANG CHUB SEMS DPA' DPAG TU MED PA RNAMS ZHING DER SKYE BAR GSUNGS PA DANG, ZHING 'DIR YANG DE'I DUS DANG MA 'ONGS PA'I GANG ZAG GI DBANG DU MDZAD NAS BDE BA CAN DU 'GRO BA LA MOS PA DRAG PO BSKYED DGOS PAR GSUNGS PA DANG, GZHAN YANG MDO DANG RTOG PA DANG BZUNGS DU MAR PHAN YON GYI SKABS SU BDE BA CAN DU SKYE BAR BKA' STZAL BA'I SGO NAS ZHING DER SKYE BA'I THABS MANG DU GSUNGS SHING, DE RNAMS KYANG DA LTAR GYI GANG ZAG RNAMS KYIS KYANG SGRUB PAR MI NUS PA MI SNANG DANG, GZHAN YANG ZHING KHA CIG NI SNYIGS MA LNGAS SBAGS BASDER SKYES PA RNAM NYAMS PAR SLA ZHING, KHA CIG NI BYANG CHUB SEMS DPA'I 'KHOR SHA STAG GIS GANG BA LA SOGS PA SNOD BCUD KYI 'BYOR BA HA CANG YANG RLABS CHE BAS SKYE BAR DKA' BA DANG, BDE BA CAN DU SKYES PA RNAMS NI YANG DAG PA NYID KYI TSOGS 'BA' ZHIG TU NGES PA'I PHYIR DANG, MDOR NA ZHING GANG LA 'DUN PA SHAS CHE BDE ZHING DER SKYE BA MYUR ZHING 'DI'I GANG
ZAG RNAMS BDE BA CAN LA MOS PA MANG BA'I PHYIR, BDAG CAG RNAMS KYIS SANGS RGYAS KYI ZHING DU SKYE BA 'DZIN PA'I SMON LAM NI GTZO BOR BDE BA CAN GYI ZHING LA DMIGS TE BGYID BAR RIGS SO, ,ZHES GSUNGS PA LTAR RO, ,'DIR SMRAS BA, DAL 'BYOR GRU DANG DAM CHOS LAM RGYAG RNYED, ,BSHES GNYEN MKHAS PA'I DE DBON 'DZOM DUS 'DIR, ,NGAN SONG 'KHOR BA'I MTSO LAS BSGRAL BYAS TE, ,THAR BA'I RIN CHEN GLING DU PHYIN PAR RIGS, ,SNGON DU TSE 'DI'I ZAS NOR LONGS SBYOD DANG; ;DGRA 'DUL GNYEN SKYONG BYA BA BSGRUB TSAR NAS, ,MJUG TU PHYI MA'I DON SGRUB SNYAM PA'I BLO, ,GTAN BDE'I SROG RTZA GCOD PA'I GSHED MA YIN, ,TSE 'DI'I ZAS GOS LA SOGS ZIN PA DANG, ,'DI NAS PHYI MAR 'PHOS PA DUS MNYAM PAS, ,MKHO DGU RDZOGS NAS DAM CHOS BYA SNYAM PA'I, ,MKHAS PA'I KHUR 'DZIN BDAG CAG 'KHRUL MIN NAM, ,'DI SNANG BYA BA KHANG KHYIM BA SHIG 'CHOS SOGS, ,JI TZAM BRTZAMS KYANG ZIN PA'I KHOM PA MED, ,BYED 'PHRO BZHAG STE SDIG PA'I KHUR BKUR NAS, ,PHYI MAR LAG STONG 'GRO RGYU MA YIN NAM, ,SNYIGS DUS TSE THUNG GNYIS KYI THUN CHUNG LA, ,'DOD YON RNAM LNGA'I RMI LAM YUL SBYAD NAS, ,GLO BUR 'CHI BA'I GNYID LOG SAD PA'I TSE, ,DMYAL BA'I GNAS DER YOD NA JI LTAR BYA, ,DKON MCHOG THUGS RJE'I LCAGS KYU CHES BZANG YANG, ,YID CHES DAD PA'I AA LONG MED PA RNAMS, ,NGAN SONG GNAS NAS 'DREN PA'I THABS MED PAS, ,DGE SDIG BLANG DOR RANG GIS BYED DGOS GSUNGS, ,DGE BA
, ,GANG BYED RANG DBANG YOD DUS 'DIR, ,BDE BA'I RGYU LA RGYUN DU MA 'BAD NA, ,TSE SROG BYI'U PHRUG 'CHI BDAG KHYI YI KHAR, ,CHUD TSE SDUG SKAD 'DON LAS THABS GZHAN CI, ,BSAGS PA KUN 'DZAD 'DUS PA MA LUS 'BRAL, ,SKYES PA KUN 'CHI MTHON PO KUN MTHAR LHUNG, ,SRID 'BYOR THAMS CAD RGUD BAS SDUD LAGS NA, ,CI PHYIR SRIN MO'I MDZUM LA DGA' BAR BYA, ,DE PHYIR NGAN SONG 'KHOR BA'I SGO 'PHAR GCOD, ,MTHO RIS THAR BA'I SGO 'BYED NUS PA'I TSE, ,MNOG CHUNG TSE 'DI'I BYA BAS MI 'DA' BAR, ,DAM CHOS TSUL BZHIN SGRUBS SHIG SHES LDAN DAG ,'DIR 'BAD LEGS BYAS GLANG CHEN KHAR 'BAB KYIS, ,'GRO BA NYAM THAG RTZVA SBUR KUN 'DED NAS, , BDE BA CAN GYI CHU SRIN GRONG KHYER DU, ,BDE BLAG MYUR DU GZHOL ZHING 'BAB GYUR CIG ,BDAG KYANG SKYAS CHEN 'DEGS PA'I SNGON ROL TU, ,SDIG LTUNG BUD SHING STOBS BZHI'I MES BSREGS NAS, ,LEGS BYAS DPAG MED GSHOG ZUNG 'DAB BSKYOD PAS, ,ZHING MCHOG BDE BA CAN DU BGROD PAR SHOG ,CES BDE BA CAN DU SKYE BA'I SMON LAM ZHING MCHOG SGO 'BYED KYI 'DON SGRIGS RNAM DAG ZHING DU BGROD PA'I BDE LAM ZHES BYA BA 'DI NI, KHAL KHA KHU RE CHEN MO'I GRVA RIGS BRTZON BA DANG THOS PA'I NOR GYIS PHYUG PA'I DGE SLONG BLO BZANG BKRA SHIS DANG, DAD BRTZON RNAM DPYOD DANG LDAN PA DGE SLONG SBYIN PA LEGS BSHAD GNYIS KYIS DE LTA BU ZHIG DGOS ZHES BSKUL BA'I NGOR,
RJE BTZUN DAM PA BLO BZANG SHES RAB KYI ZHAL SNGA NAS KYI DRUNG DU 'OD DPAG MED KYI RJES SU GNANG BA MNOS SHING, BYA BRAL DGE BSHES NGAG DBANG GRAGS PA BZANG PO'I ZHAL SNGA NAS KYI DRUNG DU ZHING MCHOG SGO 'BYED KYI KLAG LUNG LEGS PAR THOB PA'I, SPONG BA PA'I GZUGS BRNYAN ` SBRANG BTZUN NGAG DBANG DPAL LDAN GYIS, THUN MONG ZHES PA LCAGS PHO KHYI KHOR DAM CHOS 'GYUR MED GLING DU MTSAMS BCAD SKABS SBYAR BA'O, ,DE LA SBYIR RJE BDAG NYID CHEN PO'I GSUNG RAB NI LHAG CHAD NOR GSUM GYI DRI MA RDUL PHRA MO 'BUM PHRAG DU MAR BGOS PA'I CHA TZAM TU YANG MED PAR MA ZAD, ZHING MCHOG SGO 'BYED 'DI NI, MKHAS GRUB DAM BA 'JAM DBYANGS CHOS RJES, BDE BA CAN DU SKYE BA'I SMON LAM DANG, , MI PHAM MGON GYI YANG DAG DON BSTOD PA, ,DON GYI RI BO GO RIM 'JAM DBYANGS KYIS, ,GSAL BAR GSUNGS NAS TSIG SBYOR LEGS SBYOR BA, ,ZHES GSUNGS PA LTAR DON LA GNAS PAS, THOG MA MED PA NAS CHAGS SDANG RMONGS PA'I BRAN DU GYUR BA BDAG LTA BUS LEGS BSHAD DRI MA MED PA DE LA BSNON PA BTAB PA NI MKHAS PA RNAMS THUGS 'KHREL BA'I GNAS SU 'GYUR DOGS CHE ZHING, KHYAD PAR DU MDO RKYANG BA'I LUGS SU GSUNGS 'DUG PAS SNGAGS DANG 'BREL MI CHE YANG, RJE BDAG NYID CHEN POS MDZAD PA'I BDE GSANG 'JIG GSUM GYI CHO GA SOGS LA LHAN THABS BYED MKHAN MANG DU BYUNG ZHING, RJE GUNG THANG PA SOGS KYIS BDE GSHEGS SO LNGA'I CHO GA SNGAGS DANG 'BREL BAR BYAS PA'ANG
, ,YOD PAS DGOS PA'I DBANG GIS MI RUNG BA MED DAM SNYAM PA DANG, GTZO CHER BSKUL BA BO'I 'DOD MOS LTAR BGYIS PA 'DI LA MKHAS PA RNAMS THUGS 'KHREL MA GNANG BAR BZOD BAR MDZOD MDZOD, 'DIS KYANG RANG GZHAN LA PHAN BA RGYA CHEN PO THOGS BAR GYUR CIG, SHU BHA MA STU SSARBA DZA GA T'A MA,
[BLANK PAGE]